|
Re: أطيب الود (Re: خالد درق)
|
مبروووووووووك الصفحة ال 44 من البوست
وان شاء الله تكون بداية عمل جاد فى موضوع مهم جدا السوق السوق السوق
Quote: سوق الشعبية حدث ولا حرج
ماسورة مكسورة في الشارع والمياه ممتدة علي مرمي البصر
من حلة الصديق الي الميدان قرب مدرسة الخشب ( سابقا )مرورا بالسوق وحول مكتب بسط الامن.
ولا ندري اي امن والشعبية وخاصة السوق مليان بجنسيات اخري لا يعرفهم احد من سكان الشعبية
وعلي قول اهل الشعبية انفسهم انهم يشكلون خطرا عليهم وعلي اطفالهم وممتلكاتهم
بالاضافة لسلوكيات مقززة
الغريب في الامر لا حراك من اي جهة سواء رسمية او حتي من أهل الحي !!!
تخريمة علي القول :
حكي لي احدهم:
انه تم تشكيل لجنة للسوق وانه دعي لاجتماع باعتبار انه عضو في هذه اللجنة وانه لم يكن يعلم انه عضو بهذه اللجنة حيث لم يسبق الاتصال به مطلقا في هذا الموضوع سوي فقط بدعوته للاجتماع.
ونواصل |
الهمــــــــــــــة يا شباب ....
| |
|
|
|
|
|
|
Re: أطيب الود (Re: خالد درق)
|
Quote: الأخ خالد درق
شكرا على الهدية و الولد طالع لأبوهو لعاب و صفوة.. |
ود حمد يا صفوة الصفوة .. سلام
يوسف حا يكون خطير وبعدين نوديها ليك المريخ
مودتى ..
| |
|
|
|
|
|
|
Re: أطيب الود (Re: خالد درق)
|
مجدى نقد يا هندسة .. سلام
Quote: يا سلام على الصور .. يأخي الشعبية كلهم مريخاب .. حتى شريط حافلات المواصلات أصفر بي أحمر .. ركز على الصغار ما يطلعوا هلالاب لانو الحاج حمد ممكن يحظر ليك صورهم . تحياتي و ربنا يحفظ كل أبناء الشعبية . |
ياخى المريخ جميل وهو الزعيم وبنشجع الى مالانهاية
مودتى ..
| |
|
|
|
|
|
|
Re: أطيب الود (Re: خالد درق)
|
خالد درق اكيد ابن الوز عوام لازم يوسف يكون حريف زيك
صورة الشبل عثمان صديق من الطرائف قال انا عايز صورة خاصة واختار هذه الجلسة
صورة محمد صلاح غايتو ياخالد اولاد السعودية ديل مشروع لاعبين جيدين جدا لان كل شيء متوفر هنا بس ابواتهم يعملوا لي راتب شهري 10000 الف ريال اضمن ليهم اللعب في قطر وممكن يمثلوها في كاس العالم .. اكيد مابوديهم السودان لكرتنا العشوائية ديك
| |
|
|
|
|
|
|
Re: أطيب الود (Re: خالد درق)
|
Quote: اسامه سعد + عبدون ... سلامات فعلا هو الفنان فتحي احمد خلاص يا اسامه سعد كان عندي جائزة سابقه في بيت ناس عبدون وهي شوال بلح ما استلمتوا وانا جائزتي هنا برضوا شوال بلح وعشان الترحيل وكدا اهو انتو في حله واحدة ممكن عبدون يشيل نص ويديك نص من الشوال الفي بيتهم هه هه هه |
يازول كل زول بى شوالو.. انا شوالى فى بيتى انت واسامة شوفوا شوالكم وين.
ياأمير الزمن المخصص لحل المسألة كان انتهى خلاص .. تحياتى وكل سنة وانت طيب .. ود المتعارض كان معيد معانا فى السودان مالك ماجيت؟
| |
|
|
|
|
|
|
Re: أطيب الود (Re: عابدون محمد عابدون)
|
ياعبدون خلاص قمنا على الخرخره حسه انادي ليك المريخاب شمس وود حمد
Quote: يازول كل زول بى شوالو.. انا شوالى فى بيتى انت واسامة شوفوا شوالكم وين.
ياأمير الزمن المخصص لحل المسألة كان انتهى خلاص .. تحياتى وكل سنة وانت طيب .. ود المتعارض كان معيد معانا فى السودان مالك ماجيت؟ |
انت ناسي انا عندي شوال بلح امانه في بيتكم بالله تحياتي لاولاد حلتكم جميعا وبالزات على الاخوان وليد عمر وعدلي جبارة وبكري
| |
|
|
|
|
|
|
Re: أطيب الود (Re: وليد عبد اللطيف)
|
كابتن وليد سلام
Quote: خالد درق اكيد ابن الوز عوام لازم يوسف يكون حريف زيك
|
اه يوسف بنعلموا ابجديات الكرة وطريقة تمرير البص واستلام الكرة صح بعنى عند حصة تتدريب كل يوم خميس فى النادى السودانى دبى حتا يكون مشروع الاعب وطبعا يا كابتن وليد عند خال اسم احمد حريف جدا اخذ الجواز المانى وبلعب فى الدرجة الثانية حاليا فى المانبا فى مدينة دسلدوف يعنى فى امل يطلع كورنجى ههه ..
مودتى ..
| |
|
|
|
|
|
|
Re: أطيب الود (Re: خالد درق)
|
حال السوق !!!
Quote: الغريب في الامر لا حراك من اي جهة سواء رسمية او حتي من أهل الحي !!!
|
طيب الجنة الشعبية فى الحى ماجهات رسمية ما فايدة الجنة الشعبية واين اهل الحى شى غريب بحصل فى الشعبية يجب ان نجد حل ولا الراى شنو !!!!!
مودتى ..
| |
|
|
|
|
|
|
Re: أطيب الود (Re: عابدون محمد عابدون)
|
الاخ / عابدون .. تحياتى
Quote: وناقش معاى موضوع يخص مسجد الشعبية وقال انو عايز يعمل حملة يشارك فيها ناس الشعبية فى الداخل والخارج لبناء مأذنة للمسجد بتاع الشعبية |
فكرة جميله وياريت تتم
مودتى ..
| |
|
|
|
|
|
|
Re: أطيب الود (Re: خالد درق)
|
عابدون محمد عابدون
Quote: ياوليد انا صادفت عدلى جبارة لانو كان فى اجازة العيد فى السودان وقعدنا مع بعض وناقش معاى موضوع يخص مسجد الشعبية وقال انو عايز يعمل حملة يشارك فيها ناس الشعبية فى الداخل والخارج لبناء مأذنة للمسجد بتاع الشعبية لكن للاسف ما اتقابلنا فى اخر ايام انا مسافر واعتقد انو ود المتعارض عثمان برضو مشارك فى الحملة دى واتوقع انو الاخ عثمان ينزل الموضوع قريبا هنا. |
وصلتني رسالة على بريدي الالكتروني من الأخ عادل محمود الفضلي بخصوص هذا الموضوع:
Quote: الاخ الحاج حمد تحية طيبة وبعد جامع الشعبية (الخنمية) الكل او معظم الناس يوصف عن طريق الجامع وهو ليه اربعين سنة من غير مئذنة (ميضنة)المهم الموضوع تم تفعيله عن طريق لجنة امين صندوقها عدلي واشراف المهندس محمد جار النبي والمهندس عبد المنعم محمد احمد الحاج والميضنة تكلفتها تقريبا(30 مليون جنيه سوداني) ارجو تفعيل الموضوع وتعميمه بمنبركم العامر (عادل الفضلي - ابها - جريدة الرياض) |
| |
|
|
|
|
|
|
Re: أطيب الود (Re: خالد درق)
|
Quote: الاخوة والاخوان بالبوست .. تحياتى
اليوم اكملت سنه فى سودانيز وان لاين
|
كل سنة وانت والاسرة بألف خير واشهد على انها كانت سنة عامرة واستفدنا فيها الكثير من كتاباتك ومساهماتك وانشاء الله ربنا يوفقك فى كل مسارات الحياه.
| |
|
|
|
|
|
|
Re: أطيب الود (Re: عابدون محمد عابدون)
|
عابدون ....سلامات
Quote: يادكتور امير والله انا مع انو الزمن طول اعتقد انو الفنان فتحى اسمه فتحى حمد يعنى اسم الوالد اظنه حمد وليس محمد او احمد والله اعلم غايتو ياوليد كدى حاول اتأكد لينا من المعلومة دى.
|
الاسم فتحي محمد حمد
| |
|
|
|
|
|
|
Re: أطيب الود (Re: وليد عبد اللطيف)
|
Quote: كل سنة وانت والاسرة بألف خير واشهد على انها كانت سنة عامرة واستفدنا فيها الكثير من كتاباتك ومساهماتك وانشاء الله ربنا يوفقك فى كل مسارات الحياه. |
الاخ / عابدون تحياتى وشكرا على كلامك الجميل واشكرك مرة ثانية بانك كنت وراء انضمامى الى المنبر وكنت عبرك ادخل مداخلاتى ولك منى الشكر الجزيل
مودتى ..
| |
|
|
|
|
|
|
Re: أطيب الود (Re: خالد درق)
|
جمعة مباركة لكل الشعباوية
يغيب الجميع عن البوست ويسجل الأخ خالد درق حضورا
زاهيا كعادته دوما فالتحية والتقدير له
يديك العافية أبو يوسف
| |
|
|
|
|
|
|
Re: أطيب الود (Re: Emad Ahmed)
|
الأخوان الأعزاء
صلاح عثمان
مجدي نقد
الفاضل يس عثمان
أمير قناوي
أسامة سعد
عابدون محمد عابدون
شكرا لتعزيتكم واسال الله ان لايريكم مكروها في عزيزا لديكم
| |
|
|
|
|
|
|
Re: أطيب الود (Re: Emad Ahmed)
|
المريخ : وقوف من أقصى اليسار : ابراهومة , عمار مكي , عبد الاله بشرى , أحمد السيد , عثمان زكي , فاروق جبرة , جندي نميري , بكري مكين , ميرغني علي كنيد , الضو قدم الخير , فيصل العجب .
| |
|
|
|
|
|
|
Re: أطيب الود (Re: Emad Ahmed)
|
Quote: جمعة مباركة لكل الشعباوية
يغيب الجميع عن البوست ويسجل الأخ خالد درق حضورا
زاهيا كعادته دوما فالتحية والتقدير له
يديك العافية أبو يوسف |
الاخ / عماد احمد .. جمعتك مباركة
التحية لك انت ودايما تتحف البوست بالتوثيق الرائع لنجوم الشعبية وها انت تتحف البوست بالنجم احمد السيد الذى صال وجال فى الملاعب ةامتع الجمهور فالتحية له ولك انت يا عماد
سوف امدكم باحدث صورة لنجم احمد السيد ...
| |
|
|
|
|
|
|
Re: أطيب الود (Re: خالد درق)
|
صورة حديث لنجم احمد السيد فى اخر زيارة له الى دبى ومعها ابن فايز وشخصى ..
احمد السيد وابن فايز وخالد درق فى امارة الشارقة الامارات العربية المتحدة ..
احمد السيد وابن فايز والفنان ابن الشعبية هشام درماس الشارقة ..
| |
|
|
|
|
|
|
Re: أطيب الود (Re: Emad Ahmed)
|
Quote: مشكور للإضافة الجميلة عزيزي
خالد درق دينمو البوست . |
الاخ / عماد احمد .. تحياتى
انت الاضافة للبوست والمنبر بالتوثيق الجميل ومنتظرين المزيد يارائع
مودتى ..
| |
|
|
|
|
|
|
Re: أطيب الود (Re: خالد درق)
|
مساء الخير على الجميع ..
فوق .. من اجل البوست يكون فى الصفحة الاولى والشعبية دايما رقم 1
مودتى ...
| |
|
|
|
|
|
|
Re: أطيب الود (Re: صلاح شكوكو)
|
كبيرنا واستاذنا في عالم كرة القدم ( شكوكو ) وفي جلسه جميله يوم امس بمنزل الارباب صلاح عثمان فكان من ضمن حواراتنا عن القناص الفنان عز الدين الصباب وما لاحظته من كلام الاخوان الصادق عثمان والاخ صلاح بأنك من قام بتقديم الكابتن عز الدين الصبابي الى عالم النجومية واخرجته من عالم اللعب بمنطقة بحري بقط وهذا الكلام عجبني جدا جدا عندما عرفت هذا الحديث وهذا يدل بأن الشعبية عالم ليس له مثيل وقالو حلو الكلام في خشيم سيدو وياريت لو تكرمت تفاصيل هذه القصة .
| |
|
|
|
|
|
|
Re: أطيب الود (Re: Emad Ahmed)
|
مساء الخير
استاذ صلاح شكوكو .. تحياتى
النجم الخلوق عزالدين الصبابى علم من اعلام الكرة السودانية ورمح ملتهب فى فريق الموردة وهذا الذى كتب عن النجم عزالدين الصبابى يريد ان يتلمع فقط فاله ان يرجع الى تاريخ فريق الموردة وتاريخ الكرة السودانية قبل الكتابة ..
مودتى واحترامى لك والى النجم غزالدين الصبابى ..
| |
|
|
|
|
|
|
Re: أطيب الود (Re: خالد درق)
|
الاخ الفاضل عماد عثمان
Quote: ولي ياراقي مداخلة انيقة زي كورتك
تسلم كتير |
لم نعطي الكابتن احمد السيد حقة والشعبية التي انجبته كاملا واتصلت علية وردد كلمات جميله ومعبرة وقال : الفضل يرجع لكبار اهل الحي وهذا نتاج افرازاتهم الكروية ويشكر كل من ساعم على ذلك ويشكرك اخي عماد شكر خاص و اوضح ان باقي الصور بحوزة صحفي وان شاء الله سوف يتحصل عليها نرجو صديقي عماد التوثيق لباقي نجوم الشعبية وسوف اكون عونا لك فيها .
| |
|
|
|
|
|
|
Re: أطيب الود (Re: خالد درق)
|
الأعزاء
كنت بالامس اتحدث مع احد الاخوة القطريين الافاضل والذي سبق له بناء مسجد بمدينة كسلا
ويعز السودان والسودانيين حيث قضي به اربع سنوات.
حدثته عن مسجد الشعبية شمال وكان في خاطري عدم تاثيثه بالصورة اللائقة خاصة بالنسبة للسجاد.
فابدي استعداده لتزويده بالسجاد المطلوب وسالني عن كيفية تنفيذ ذلك وهل من الممكن ارساله من قطر مثلا .
اليوم تذكرت ان هناك ايضا موضوع المئذنة.
فاذا كان بالامكان تزويدي بكافة المعلومات والمطلوبات والاحتياجات .
| |
|
|
|
|
|
|
Re: أطيب الود (Re: حسن طه محمد)
|
Quote: الأعزاء
كنت بالامس اتحدث مع احد الاخوة القطريين الافاضل والذي سبق له بناء مسجد بمدينة كسلا
ويعز السودان والسودانيين حيث قضي به اربع سنوات.
حدثته عن مسجد الشعبية شمال وكان في خاطري عدم تاثيثه بالصورة اللائقة خاصة بالنسبة للسجاد.
فابدي استعداده لتزويده بالسجاد المطلوب وسالني عن كيفية تنفيذ ذلك وهل من الممكن ارساله من قطر مثلا .
اليوم تذكرت ان هناك ايضا موضوع المئذنة.
فاذا كان بالامكان تزويدي بكافة المعلومات والمطلوبات والاحتياجات . |
جزاك الله خير ياسعادة المستشار ( ود البوب )
| |
|
|
|
|
|
|
Re: أطيب الود (Re: وليد عبد اللطيف)
|
Quote: توفي اليوم بالشعبية شمال / العم على عثمان المدير والد كل من حسن وعثمان المدير . تعازينا الحارة لكامل الاسرة |
للعم علي المدير الرحمة و المغفرة و أحر التعازي للأخوان حسن و علي المدير و الأخوات ، و التعازي موصولة للأسرة الكريمة و الأهل و الجيران بالشعبية . (انا لله و انا اليه راجعون)
| |
|
|
|
|
|
|
Re: أطيب الود (Re: الحاج حمد الحاج)
|
نسأل الله العلي القدير أن يرحم العم علي عثمان المدير
ويغفر له ويحسن قدومه عليه ويتقبله قبولاً حسناً وانا لله
وانا اليه راجعون .
| |
|
|
|
|
|
|
Re: أطيب الود (Re: Emad Ahmed)
|
نسال الله ان يتغمد الفقيد بواسع رحمته وان يسكنه فسيح جناته
وان يلهم اهله وذويه الصبر والسلوان
انا لله وانا اليه راجعون
| |
|
|
|
|
|
|
Re: أطيب الود (Re: حسن طه محمد)
|
Quote: توفي اليوم بالشعبية شمال / العم على عثمان المدير والد كل من حسن وعثمان المدير . تعازينا الحارة لكامل الاسرة
|
انا لله وانا اليه راجعون
تعازينا الحارة الاستاذ حسن المدير والاسرة وربنا يصبركم
| |
|
|
|
|
|
|
Re: أطيب الود (Re: خالد درق)
|
تعازينا ومؤاساتنا للاخوان حسن وعلي واخواتهم،في وفاة الوالد ونسأله ان يتقبله القبول الحسن ويجزيه حسن الجزأء والصبر والسلوان للاهل وحسن العزاء.
| |
|
|
|
|
|
|
Re: أطيب الود (Re: الفاضل يسن عثمان)
|
للعم علي المدير الرحمة و المغفرة و أحر التعازي للأخوان حسن و علي المدير و الأخوات ، و التعازي موصولة للأسرة الكريمة و الأهل و الجيران بالشعبية . (انا لله و انا اليه راجعون)
| |
|
|
|
|
|
|
Re: أطيب الود (Re: أمير قناوي)
|
Quote: بسم الله الرحمن الرحيم
( يَا أَيَّتُهَا النَّفْسُ الْمُطْمَئِنَّةُ (27) ارْجِعِي إِلَى رَبِّكِ رَاضِيَةً مَرْضِيَّةً (28) فَادْخُلِي فِي عِبَادِي (29) وَادْخُلِي جَنَّتِي (30) ، سورة الفجر .
الـحـاجة فــردوس الفـحـل ،، فــي ذمـــة الله ،،،
تنعي اسر الـ الفحل ، والـ سليمان ، بكبوشية والخرطوم بحري ، بقلوب راضية بقضاء الله وقدرة ، الحـاجة فــردوس الـفحـل ،، التي انتقلت الي جوار ربها أمـس لـيلا ، يوم الاربعاء الموافق 8 / 12 / 2010 م ، انا لله وانا اليه راجعون ، ولا حول ولا قوة الا بالله العلي العظيم ،،،
|
| |
|
|
|
|
|
|
Re: أطيب الود (Re: عابدون محمد عابدون)
|
Quote: اضافة الى كلام صديقي عماد عثمان عن الكابتن احمد السيد ( حمادة الدود ) كان من الطبيعي ان يخرج كابتن من رحم الشعبية التي انجبت الكثير من النجوم في عالم كرة القدم ولد حمادة في منزل جده العم محمد صبر رحمة الله عليه وكان منزله كرويا وبه خاله المرحوم فايز محمد صبر الرياضي المطبوع وشقيقة المدافع الصلب فتحي محمد صبر وتربى في احضان هذه الاسرة الرياضية ووجد احضان دافئة خارج المنزل عملت على تطوير موهبته مُنذ ان كان صغيرا وهو يركض خلف الكره مداعبا لها ويراوغ ويروض من اكبر منه سناً ويكتب على جدار مدرسة الشعبية (حمادة الدود ) كانه يريد ان يخبرها من هنا سوف ينطلق نجم . ففتحت واشرقت موهبته وعمل على تنميتها في الحي الذي كان يُعج بالنجوم امثال جوهرة ملاعب الشعبية نزار خواجة وعالمها يوسف المفك ونجومها الكرابيج والثلاثي المرعب موني وشكوكو والصبابي وسيلها الجارف منقستو (منقة ) وساحرها الساحر سلامه عبد الصادق وفنانين هذه الحفله الفنان صلاح عمر وعابدون محمد عبدون اليس في حي مثل هذا لم يخرج منه نجم مثل حمادة الذي نرى به مجموعة اشخاص لاعبي كرة القدم بالشعبية السابقين والقادمين . الشعبية لها صبغتها الخاصة وختمها في أي لاعب يخرج من رحمها . اللهم ارحم اخونا وصديقنا فايز محمد صبر اللهم تقبله قبولا حسنا والشكر كل الشكر صديقنا عماد عثمان وانت تعطر سماء الشعبية باحد نجومها . |
ياوليد بالنسبة لى لأنو طلعت من السودان بدرى خالص مابتذكر الشباب اللى فعلا الشعبية تفتخر بيهم لكن منزل محمد صبر هم تقريبا جيران ناس ود الكورى تقريبا اذا ماكنت غلطان وبتذكر من ترددى على المرحوم كباشى فى ذلك الوقت انو البيت دا كان فيهو اولاد صغار لكن لا اذكر اسماءهم .
| |
|
|
|
|
|
|
Re: أطيب الود (Re: عابدون محمد عابدون)
|
الغالي عابدون محمد عابدون
Quote: ياوليد بالنسبة لى لأنو طلعت من السودان بدرى خالص مابتذكر الشباب اللى فعلا الشعبية تفتخر بيهم لكن منزل محمد صبر هم تقريبا جيران ناس ود الكورى تقريبا اذا ماكنت غلطان وبتذكر من ترددى على المرحوم كباشى فى ذلك الوقت انو البيت دا كان فيهو اولاد صغار لكن لا اذكر اسماءهم . |
فعلا الاولاد هم فايز وفتحي وحماده الدود ولكن امكن تكون شفتنا في البيت دا مع باقي شباب الحله وكلنا افتكرتنا ننتمي الى هذا المنزل المضياف المدهش ياعابدون في الشعبية كثيرون يفتكرون اني شقيق ناس حيدر الجقدلي ومرات يفتكرون اني شقيق ناس كمال وصلاح الزبير زمان ياعبدون مابتعرف تفرق بين من هم اصحاب هذا المنزل ممكن تجد كمية من الشباب في منزل واحد ونفسهم تجدهم في منزل اخر ودي من الاشياء الجميلة التي كان يتميز بها حي الشعبية . بعد الدافوري في الشارع وللان لم اصدق كيف كنا نلعب في شارع او ( زقاق ) عرضه خمسة امتار كيف ماعارف للان انا استغرب من ذلك ورغم صغرة استطاع ان يجمعنا في حضنه نتخاصم ونختلف ونرجع احلى من الاول نزعج الجيران ونرمي الكره في المنازل وينتفضوا بنا ويضربونا ونرجع تاني بعد ساعة الى نفس البرنامج تربينا في الشارع كل الناس اخوانك الكبار واخواتك وكل أب في الحي هو ابوك يا لها من ايام مهما تمتد بنا الاعمار إلا تجد ذكراها محفورة بين الحنايا وحين تذكرها توقد روح الحب والحنين والشوق الى هذا الحي الجميل وعند زيارتي الى السودان تجدني اهيم بين الشوارع واسرح مثل الحبيب الذي يبحث عن حبيبته نزرف الدمع السخين من شدة الحنين لان رغم جمال الذكريات تتخللها ذكريات مؤلمه ناس حلوين فقدناهم من هذا الحي وكانوا بمثابة الاخوان والاخوات والاباء والامهات ربي ارحمهم واغفر لهم ربي تقبلهم قبول حسن ربي اسكنهم فسيح جناتك مع الابرار وخيار الدار . في هذا الحي كونا فريق اسمه ( الاخوه ) ولكل لاعب شقيق في الملعب وشوف الاسماء فتحي وصديق موسى سيف ووليد عبد اللطيف يوسف وكمال كيخا عبده ونصر الدين حسن داؤود التجاني وعبد الرحمن ابوشوارب عامر وابراهيم شيخ طويل فايز وفتحي محمد صبر مجدي خضر الفاتح تيتا الفاتح عيش (شقيق المرحوم كباشي ) ومن الطرائف ياعبدون ( في ملحمة كروية ) بميدان المسجد مع اولاد حلتكم فريق الصديق ( الموردة ) دورة نظمها عاطف منصور ولعبنا النهائي مع اولاد حلتكم وطبعا هم شفوت وشرامه وفي مؤامره كروية تعمدوا اخراج سيف شقيقي من الملعب في موقف مضحك جدا اشتبك نادر جنابو في رقبة ( سيف ) من غير اي مفاهمه لما تضحك أي والله لما تضحك وسيف طبعا زي ماعارف احمق جدا جدا وممكن في كل مباراة ياخد كرت احمر المهم الحكم اخرجهم الاثنين وهم بخروج سيف طبعا ارتاحوا ولكن سيف كان يغلي من الزعل ويصرخ بنا من خارج الملعب ولم نستكين لهم لان فريقنا كان يلعب الكره باصولها وانتهت المباراة بضربات الجزاء ومسك عبد اللطيف مامون ضربة جزاء وهنا اسدل الستار على الملحمه الكروية فرجعنا نجرجر ارجلنا من الخسارة .. . . ياخي اولاد حلتكم مستنكحين
---------------------- ياعبدون صراحة فجعنا لرحيل اخونا الكبير المرحوم كباشي واذكر مدى قوة صداقتك وعلاقتك به . ونذكر طلعاتك الماكوكية في هذا الحي بس شمس الدين ساتي ما يسمعنا .
| |
|
|
|
|
|
|
Re: أطيب الود (Re: وليد عبد اللطيف)
|
Quote: نرجو صديقي عماد التوثيق لباقي نجوم الشعبية وسوف اكون عونا لك فيها . |
كل النجوم الذين ذكرتهم وغيرهم من نجوم الشعبية
سيكونوا حاضرين معنا إن شاء الله .
| |
|
|
|
|
|
|
Re: أطيب الود (Re: Emad Ahmed)
|
جيد جيد ود السيد مانشيت رئيسي في كل الصحف الرياضية
أبان فترة لعب الفنان أحمد السيد للمريخ .
( القصاصة من صحيفة قوون الرياضية )
| |
|
|
|
|
|
|
Re: أطيب الود (Re: Emad Ahmed)
|
عماد عثمان ياصديقي دا اجمل باص من لاعب كرة قدم سابق ونشكر عليه
Quote: جيد جيد ود السيد مانشيت رئيسي في كل الصحف الرياضية
أبان فترة لعب الفنان أحمد السيد للمريخ .
( القصاصة من صحيفة قوون الرياضية ) |
جيد جيد ود السيد .. ود السيد يجيد الالعاب الهوائية كما يجيد التهديف بكلتا رجلية ويمتلك قوة جسمانية جيدة واضف الى ذلك لاعب مهاري ويجيد اللعب بكل خانات الملعب وهذا هو السبب الرئيسي الذي عمل على عدم توظيفة في نادي المريخ في المكان المناسب حتى تكون له حاسية التخصص وهذه من ضمن الاسباب التي عملت على رحيله من المريخ في وقت مبكر وارى انه اتجه الى التدريب ونصحته انه لسه بخيرة في فترة الاجازة القصيرة التي قضيتها بالسودان لانه صغير السن وممكن يعطي ويقدم خدماته الى اي فريق يرغب بضمه . . .
وترقبوا النجم القادم (يوسف درق
| |
|
|
|
|
|
|
Re: أطيب الود (Re: وليد عبد اللطيف)
|
رحم الله اخونا الراحل محمد صديق طيفور ( كباشى ) والذى مازالت ضحكته الرنانة تجلجل فى ثنايا الخاطر.
ياوليد طبعا نادر جنابو اصلو ماعنده حاجة واولاد حلتنا فعلا طلعوا شرامة يعنى دردقوا سيف اخوك اللعاب مع نادر عشان الاتنين يطلعوا الاتنين برة وبى كدة يكونوا كسبانين اصلو نادر وجوده وعدمه واحد فالاحسن يطلع بس مع واحد لعاب وخطير ولا موش كدة؟
| |
|
|
|
|
|
|
Re: أطيب الود (Re: عابدون محمد عابدون)
|
عبدون ... سلامات
Quote: ياوليد طبعا نادر جنابو اصلو ماعنده حاجة واولاد حلتنا فعلا طلعوا شرامة يعنى دردقوا سيف اخوك اللعاب مع نادر عشان الاتنين يطلعوا الاتنين برة وبى كدة يكونوا كسبانين اصلو نادر وجوده وعدمه واحد فالاحسن يطلع بس مع واحد لعاب وخطير ولا موش كدة؟ |
ماقلت ليك اولاد حلتكم مستنكحين يلعبوا على الشيطان ذاتو ... طبعا فعلا نادر كان مستواه عادي ولكن للان كل مانتذكر هذه الحادثة نضحك لان العملية كانت مقصودة وسيف زمان كان من النوع الحريف وشرس في نفس الوقت يعني اذا مالعبت معاه نضيف كان احترمك يضربك بيده ياخي كل يوم شقيقي الزين في مشاكل معاهو في البيت بان يسيب لعب كرة القدم وتم تسجيله في نادي الاملاك وهو في الثانوي العام اتعب ليك رئيس النادي المرحوم (السر التازي ) تعب شديد كل يوم يشتري ليهو كداره جديدة عشان يمشي التمرين يبيع الكدارة تاني يوم ويقول الكرة كلام فارغ ساكت تاني السر يشتري ليهو كدارة جديدة الى ان زهجوا منه وتم شطبه وترك لعب كرة القدم تعرف للان بقنعة عشان حتى يتمرن بس مع ناس الكتيبة يرفض صراحة كان موهوب وكنت معجب جدا بطريقة اداءه وكان مهاب في الرابطة اما في حدود المنزل لنا تحديات كثيرة لايستطيع هزيمتي في الضقل والكنترول يقول خلاص نعمل التحدي في لعب الشطرنج واكيد هو الرابح ... اما صديقة الحميم (فتحي موسى ) اردليس الشعبية سوف نفرد له مساحة هنا
الكابتن سيف اليزل عبد اللطيف
من اليمين سيف ووليد تعرف ياعبدون الحوش المتصورين فيهو دا كنت بعذب ليك سيف فيهو عذاب شديد وكنت بستمتع بحماقته كل مره اقول له قوم تحدي في الضقل وطبعا اخوك بتاع مكاواه اقول ليهو انت باليمين وان بضقل باليسار يازول يزعل اقول ليهو طيب انت واقف وانا قاعد يزعل اكتر وتعال شوف الشبكة تقوم اقول ليهو طيب تحدي جديد انا مستعد ادخل الكرة في فتحت لستك العربية من مسافة بعيدة انت كدى جرب والله ياعبدون ذكرتنا ايام جميله وجميله جدا وكما قلت لك في التلفون ادمعت عيناي عندما تذكرت وفاة المرحوم كباشي واثر وفاته على الاسره واهل الحي ياخي كان راجل مضحك وخفيف الظل وبتاع مشاغلات ومكاوة شاهدناه من ونحن لسه صغار نتفرج على تمارين الكتيبة وايامه مع ناس بشرى اولاد الشلاليه . اللهم ارحمه واغفر له .
| |
|
|
|
|
|
|
Re: أطيب الود (Re: عابدون محمد عابدون)
|
..
قال تعالى في محكم التنزيل :
( وبشر الصابرين الذين إذا أصابتهم مصيبة قالوا إنا لله وإنا إليه راجعون) صدق الله العظيم
الرحمة المغفرة لوالد الأخ الأستاذ ( حسن المدير ) وإخوانه داعين الله العلي القدير أن يتغمد الفقيد بواسع رحمته وأن يلهمهم الصر والسلوان
إنا لله وإنا اليه راجعون
| |
|
|
|
|
|
|
Re: أطيب الود (Re: صلاح شكوكو)
|
Quote: وترقبوا النجم القادم (يوسف درق |
كابتن وليد .. تحياتى
ترقبوا يوسف فى المستطبل الاخضر من سن صغير ان شاءالله وان الحين بدربا على كيف لمس الكرة وتمرير البص المتفن وبجد ترقبوا يوسف ..
تخريمه ...
كابتن يوسف بسلام عليك شديد وبقول ليك برسل لك صور جديدة وهو فى التمرين مغ شريط قيديو
مودتى ..
| |
|
|
|
|
|
|
Re: أطيب الود (Re: خالد درق)
|
Quote: تنعي اسر الـ الفحل ، والـ سليمان ، بكبوشية والخرطوم بحري ، بقلوب راضية بقضاء الله وقدرة ، الحـاجة فــردوس الـفحـل ،، التي انتقلت الي جوار ربها أمـس لـيلا ، يوم الاربعاء الموافق 8 / 12 / 2010 م ،
|
تعازينا لاسرة الفحل،في مصابهم الجلل، ونسأله أن يتغمد فقيدتهم بواسع رحمته، ويرفقها مع الصدقيين وحسن اؤلئك رفيقا. ويحسن الله عزاهم ويجعلها اخر احزانهم.
أن لله وأن اليه راجعون.
| |
|
|
|
|
|
|
Re: أطيب الود (Re: خالد درق)
|
السلام الحار لجميع الشعبياب والتعازي لمن فاتني ان اعزيه والتبريكات والتهاني لمن فاتني ان اهنئه وآسف للغياب وان شاء الله اكون متواصل معكم ولكم حبي واحترامي
| |
|
|
|
|
|
|
Re: أطيب الود (Re: خالد درق)
|
Quote: السلام الحار لجميع الشعبياب والتعازي لمن فاتني ان اعزيه والتبريكات والتهاني لمن فاتني ان اهنئه وآسف للغياب وان شاء الله اكون متواصل معكم ولكم حبي واحترامي |
هلا ومرحبا دكتور عماد اليوم السعيد جابك مشتاقين والله اخبارك واخبار الاسرة الكريمة نورة البوست ..
مودتى ..
| |
|
|
|
|
|
|
Re: أطيب الود (Re: خالد درق)
|
الاخ العزيز خالد درق كوووووم من التحايا والاشواق الاولاد بخير وتمام التمام كيفك انت وكيف الاولاد اتمنى لكم كل ما هو جميل وسار تحياتي وحبي
| |
|
|
|
|
|
|
Re: أطيب الود (Re: عماد الدين عبدالله)
|
Quote: الاخ العزيز خالد درق كوووووم من التحايا والاشواق الاولاد بخير وتمام التمام كيفك انت وكيف الاولاد اتمنى لكم كل ما هو جميل وسار تحياتي وحبي |
دكتور عماد الاولاد بخير ما طول الغياب والله مشتاقين للقلمك وكتاباتك الجميله منتظرنك لتنعش البوست بالجميل ..
مودتى ...
| |
|
|
|
|
|
|
Re: أطيب الود (Re: خالد درق)
|
كلمات عطرة يوم الجمعة ...
أرق القلوب قلب يخشى الله وأجمل الكلام ذكر الله ، وأنقى الحب الحب في الله والله إني أحبكم فى الله ، اللهم فاجمعنى بهم تحت ظل عرشك يوم لاظل إلا ظلك آمين
اللهم إني أحبه فيك فاحببه وأرضى عنه وأعطه حتى ترضى وأدخله جنتك آمين
زودك الله من تقاك ومن النار وقاك و للفضيلة هداك وللجنة دعاك وجعل الفردوس مأواك
أسأل الله الذي جمعنا في دنيا فانيه أن يجمعنا ثانيه في جنة عاليه قطوفها دانيه
اميـــــــــــــــــــــــــــــــــــــــــــــــــــــــــــــــــــــن
مودتى ...
| |
|
|
|
|
|
|
Re: أطيب الود (Re: خالد درق)
|
هذه رسالة لمجتمعنا الحديث
يبدو أننا فقدنا قدرتنا على معرفة الإتجاه السليم
أراد أحد المتفوقين أكاديميا من الشباب أن يتقدم لمنصب إداري في شركة كبرى.
وقد نجح في أول مقابلة شخصية له, حيث قام مدير الشركة الذي يجري المقابلات بالانتهاء من آخر مقابلة واتخاذ آخر قرار.
وجد مدير الشركة من خلال الاطلاع على السيرة الذاتية للشاب أنه متفوق أكاديميا بشكل كامل منذ أن كان في الثانوية العامة وحتى التخرج من الجامعة,
لم يخفق أبدا !
سال المدير هذا الشاب المتفوق: "هل حصلت على أية منحة دراسية أثناء تعليمك؟" أجاب الشاب "أبدا"
فسأله المدير "هل كان أبوك هو الذي يدفع كل رسوم دراستك؟" فأجاب الشاب:
"أبي توفي عندما كنت بالسنة الأولى من عمري,
إنها أمي التي تكفلت بكل مصاريف دراستي".
فسأله المدير:" وأين عملت أمك؟" فأجاب الشاب:
" أمي كانت تغسل الثياب للناس"
حينها طلب منه المدير أن يريه كفيه, فأراه إياهما
فإذا هما كفين ناعمتين ورقيقتين.
فسأله المدير:"هل ساعدت والدتك في غسيل الملابس قط؟" أجاب الشاب:
" أبدا, أمي كانت دائما تريدني أن أذاكر
وأقرأ المزيد من الكتب, بالإضافة إلى أنها تغسل أسرع مني بكثير على أية حال !"
فقال له المدير:" لي عندك طلب صغير.. وهو أن تغسل يدي والدتك حالما تذهب إليها, ثم عد للقائي غدا صباحا"
حينها شعر الشاب أن فرصته لنيل الوظيفة أصبحت وشيكه
وبالفعل عندما ذهب للمنزل طلب من والدته
أن تدعه يغسل يديها وأظهر لها تفاؤله بنيل الوظيفة
الأم شعرت بالسعادة لهذا الخبر, لكنها أحست بالغرابة والمشاعر المختلطه لطلبه, ومع ذلك سلمته يديها.
بدأ الشاب بغسل يدي والدته ببطء , وكانت دموعه تتساقط لمنظرهما.
كانت المرة الأولى التي يلاحظ فيها كم كانت يديها مجعدتين,
كما أنه لاحظ فيهما بعض
الكدمات التي كانت تجعل الأم تنتفض حين يلامسها الماء !
كانت هذه المرة الأولى التي يدرك فيها الشاب
أن هاتين الكفين هما اللتان كانتا تغسلان الثياب كل يوم
ليتمكن هو من دفع رسوم دراسته.
وأن الكدمات في يديها هي الثمن الذي دفعته لتخرجه وتفوقه العلمي ومستقبله.
بعد انتهائه من غسل يدي والدته,
قام الشاب بهدوء بغسل كل ما تبقى من ملابس عنها.
تلك الليلة قضاها الشاب مع أمه في حديث طويل.
وفي الصباح التالي توجه الشاب لمكتب مدير الشركة
والدموع تملأ عينيه, فسأله المدير:
"هل لك أن تخبرني ماذا فعلت وماذا تعلمت البارحه في المنزل؟"
فأجاب الشاب: "لقد غسلت يدي والدتي وقمت أيضا بغسيل كل الثياب المتبقية عنها"
فسأله المدير عن شعوره بصدق وأمانه, فأجاب الشاب:
" أولا: أدركت معنى العرفان بالجميل,
فلولا أمي وتضحيتها لم أكن ما أنا عليه الآن من التفوق.
ثانيا: بالقيام بنفس العمل الذي كانت تقوم به,
أدركت كم هو شاق ومجهد القيام ببعض الأعمال.
ثالثا: أدركت أهمية وقيمة العائلة."
عندها قال المدير:
"هذا ما كنت أبحث عنه في المدير الذي سأمنحه هذه الوظيفه,
أن يكون شخصا يقدر مساعدة الآخرين
والذي لا يجعل المال هدفه الوحيد من عمله... لقد تم توظيفك يا بني"
فيما بعد, قام هذا الشاب بالعمل بجد ونشاط وحظي باحترام جميع مساعديه.
كل الموظفين عملوا بتفان كفريق, وحققت الشركة نجاحا باهرا.
الفائدة :
الطفل الذي تتم حمايته وتدليله وتعويده على الحصول على كل ما يريد,
ينشأ على (عقلية الاستحقاق) ويضع نفسه ورغباته قبل كل شيء.
سينشأ جاهلا بجهد أبويه, وحين ينخرط في قطاع العمل والوظيفة
فإنه يتوقع من الجميع أن يستمع إليه.
وحين يتولى الإدارة فإنه لن يشعر بمعاناة موظفيه
ويعتاد على لوم الآخرين لأي فشل يواجهه.
هذا النوع من الناس والذي قد يكون متفوقا أكاديميا ويحقق نجاحات لا بأس بها,
إلا أنه يفتقد الإحساس بالإنجاز,
بل تراه متذمرا ومليئا بالكراهية ويقاتل من أجل المزيد من النجاحات.
إذا كان هذا النوع من الأولاد نربي, فماذا نقصد؟ هل نحن نحميهم أم ندمرهم؟
من الممكن أن تجعل إبنك يعيش في بيت كبير, يأكل طعاما فاخرا, يشاهد البرامج التلفزيونية من خلال شاشة عرض كبيره.
ولكن عندما تقوم بقص الزرع, رجاء دعه يجرب ذلك أيضا.
عندما ينتهي من الأكل, دعه يغسل طبقه مع إخوته.
ليس لأنك لا تستطيع دفع تكاليف خادمة,
ولكن لأنك تريد أن تحب أولادك بطريقة صحيحة.
لأنك تريدهم أن يدركوا أنهم - بالرغم من ثروة آبائهم –
سيأتي عليهم اليوم الذي تشيب فيه شعورهم
تماما كما حدث لأم ذلك الشاب.
والأهم من ذلك أن يتعلم أبناؤك العرفان بالجميل, ويجربوا صعوبة العمل,
ويدركوا أهمية العمل مع الآخرين حتى يستمتع الجميع بالإنجاز.
من ايميلي
| |
|
|
|
|
|
|
Re: أطيب الود (Re: عماد الدين عبدالله)
|
ياسلام عليك يادكتور عماد دايما ما تتحفنا بالمفيد فى دروب الحياة ,, وفعلا قصة فيها اجمل معنى العرفان بالجميل,
وتشكر على سرد مثل هذه الكتابات ودمتا بالف خير وواصل مشتاقين لمثل هذه الكتابات الرائعه
مودتى ..
| |
|
|
|
|
|
|
Re: أطيب الود (Re: عماد الدين عبدالله)
|
في نظري أن الجمال المتجدد هو جمال الروح والعقل ...أما الملامح فهي تذبل ..
القوة أن تقول ((لا)) في الوقت الذي يصرّ قلبك على أن يعذبك ويقول (( نعــــــــــم ))
نحن هنا ... نجتمع لننتفع ،ونلتقي لنرتقي .... اخلاقك اجعلها تلامس السحاب
مع نسائم الجمعة الندية، إليكم هذة الهدية : ملأ الله قلبكم بالأنوار وحفطكم من الأخطار وأسعدكم مادام الليل والنهار وجعل حياتكم حياة الصالحين الأبرار زان الله جمعتكم بالطاعات ها هي الجمعة أتت وهلت بنورها الوضاء .. تحمل الرحمة الإلهية والمغفرة الربانية .. فاغسلوا ذنوبكم بطاعته وعبادته .. وادعوه يغفر لكم .. ولا تنسونا من دعائكم .. جمعة مباركة
| |
|
|
|
|
|
|
Re: أطيب الود (Re: عماد الدين عبدالله)
|
وليك اخى عماد نفحات من الجمعة المباركة ,,
اهل الشعبية مرحبا بكم إنه خير يوم طلعت فيه الشمس وفيه خلق آدم وأنزل إلى الإرض وفيه تقوم الساعة
فعندما تخلو الزجاجة من العطر فإن الرائحة الطيبة تظل عالقة بها
كما تبقى الذكريات الجميلة عالقة في القلوب
فالحياة ثلاثة
دمعة تمسح
وابتسامة تزول
وذكريات تبقى
ونحن دائما نضع من نحب في ذاكرة القلوب
قد لا يستطيع الإنسان خلق الظروف لكنه يستطيع خرقها
هل هذا لعب بالألفاظ ؟
وهل الدنيا إلا لعبة لغوية لا تنتهي ؟
شرط أن نفهم أن اللغة هي الحياة منطوقة
جمعة خير أولها إشراق وآخرها طمأنينة
مودتى ...
| |
|
|
|
|
|
|
اللهم ارحمه (Re: عماد الدين عبدالله)
|
التعازي للاخ الاستاذ حسن المدير واشقائه وشقيقاته والاهل في وفاة والدهم
تغمده الله بواسع رحمته والهمهم الصبر وحسن العزاء
يا عماد عب=الله شايتين على وين؟
التحية لكم جمبعا رواد هذا المنتدى الجميل
اعذروناعلى طول الغياب
وليد ع لطبف وين تلفوناتك؟ افتقدك كثيرا
تحياتي
| |
|
|
|
|
|
|
Re: اللهم ارحمه (Re: garjah)
|
Quote: التحية لكم جمبعا رواد هذا المنتدى الجميل
اعذروناعلى طول الغياب
|
الاخ / garjah .. تحياتى
نورة اليوست وماطول الغياب
مودتى ..
| |
|
|
|
|
|
|
Re: اللهم ارحمه (Re: خالد درق)
|
Quote: قال تعالى:
"وَلَنَبْلُوَنَّكُمْ بِشَيْءٍ مِّنَ الْخَوفْ وَالْجُوعِ وَنَقْصٍ مِّنَ الأَمَوَالِ وَالأنفُسِ وَالثَّمَرَاتِ وَبَشِّرِ الصَّابِرِين الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ"
صدق الله العظيم
توفي اليوم بالشعبية شمال / العم على عثمان المدير والد كل من حسن وعثمان المدير . تعازينا الحارة لكامل الاسرة
إِنَّا لِلّهِ وَإِنَّـا إِلَيْهِ رَاجِعونَ
|
للعم علي المدير الرحمة و المغفرة و أحر التعازي للأخوان حسن و علي المدير و الأخوات ، و التعازي موصولة للأسرة الكريمة و الأهل و الجيران بالشعبية .
(انا لله و انا اليه راجعون)
| |
|
|
|
|
|
|
Re: اللهم ارحمه (Re: اسامة سعد)
|
Quote: يا عماد عب=الله شايتين على وين؟
التحية لكم جمبعا رواد هذا المنتدى الجميل
اعذروناعلى طول الغياب |
الاخ العزيز احمد قرجة لك كل الود والتحايا انا ذاتي كنت غائب زيك كدا وجيت امس وشايت ضفاري بس ما تطول الغياب كووووم من الاحترامات
| |
|
|
|
|
|
|
Re: اللهم ارحمه (Re: عماد الدين عبدالله)
|
Quote: سلآمات أخونا خالد درق
عماد الراجل الطيب
كابتن وليد
وكل ناس الحوش سلام
و Good night |
الاخ الغالي اسامة سعد
سلام حااااااااااااااار يدفئ ليكم الجو شوية
امورك واحوالك وجوكم شايف جليدكم غطى على
الاخضر واليابس فاقدنك
لك كل الود والاحترام
| |
|
|
|
|
|
|
Re: اللهم ارحمه (Re: عماد الدين عبدالله)
|
اسامه سعد ... سلامات
Quote: سلآمات أخونا خالد درق
عماد الراجل الطيب
كابتن وليد
وكل ناس الحوش سلام
و Good night |
كيف اخبارك ياخي ظهوركم هنا اصبح زي هلال رمضان في السنه مره ربنا يفك كربتكم العمليه لكن انت ماعارف شيء ناس دول الخليج ديل مرتاحين ضاربين المكيفات وقبل ما يدخلوا للعمل بدخلوا بوست الشعبية عشان يشوفوا الجديد لكن صاحبنا الدكتور عماد عبد الله يظهر غير موقعة الجغرافي واصبح يقلدكم ويجينا في السنه مره لكن برضو ما مشكله تعالوا ان شاء الله يوم الجمعه بس . برضو هذا يفرحنا جدا . طبعا ما ممكن نجبر الناس الدخول يومي ولكن لكل واحد ظروفه الخاصة .
| |
|
|
|
|
|
|
Re: اللهم ارحمه (Re: وليد عبد اللطيف)
|
Quote: سلآمات أخونا خالد درق
عماد الراجل الطيب
كابتن وليد
وكل ناس الحوش سلام
و Good night |
الاخ / اسامة سعد .. حبابك ونورة البوست وزاد توهج والله مستاقين شديد وكيف اخبار الاسرة والاهل بالشعبية ..
مودتى ..
| |
|
|
|
|
|
|
Re: اللهم ارحمه (Re: خالد درق)
|
Quote: لكن صاحبنا الدكتور عماد عبد الله يظهر غير موقعة الجغرافي واصبح يقلدكم ويجينا في السنه مره لكن برضو ما مشكله تعالوا ان شاء الله يوم الجمعه بس . برضو هذا يفرحنا جدا . طبعا ما ممكن نجبر الناس الدخول يومي ولكن لكل واحد ظروفه الخاصة . |
الاخ العزيز والحبيب الغالي وليد عبداللطيف لك كل الود انت براك عارف ما بغيبنا عن الشعبية الا الشديد القوى والله ظروف هي التي اجبرتني على هذا الغياب وها انا اعود اليكم لاروي ظمأي واتعطر من شذاكم لكم كل الحب والاحترام
| |
|
|
|
|
|
|
Re: اللهم ارحمه (Re: عماد الدين عبدالله)
|
اولنا
اسامة سعد النور
تحياتي واشواقي يا رجل يا راقي
وتحياتي للاشبال الامريكان
كيف اخبارك يا اسامة والم تحن عودة للوطن بعد ان تقسم وحتى حبة النفط الكانت بترجعنايبدو انهاخلاس راحت
بريدي
ahmednet2@gmail.
| |
|
|
|
|
|
|
Re: اللهم ارحمه (Re: garjah)
|
انظر الى الصورة و ركز على النقاط الثلاث لمدة عشر ثوان ثم انظر الى اى جدار لمدة عشر ثواني ولا تستعجل النتيجه فقط 10 ثوانــي في الصوره و10 ثواني في الجدار ومن حق اذا ما انبهرت .
-- إلهي كيف أنساك ولم تزل ذاكري ؟؟
وكيف ألهو عنك وأنت مراقبي ؟؟؟
| |
|
|
|
|
|
|
Re: اللهم ارحمه (Re: عماد الدين عبدالله)
|
وصلتني هذه الرسالة من أخ عزيز وحبيت تشاركوني فيها
من معجم قاموس الكلمات الشبابية الجديدة في السودان
حتى لا تكونوا (فارات) ويقوم أولادكم يدقسوكم
فى أيام شبابنا الباكر ظهرت فى العامية السودانية بعض الألفاظ التى لم نكن نعرف مصدرها لكننا كمراهقين فى ذلك الزمان الغابر كنا نستخدمها مع بعضنا البعض كلغة شبابية جديدة وهى عبارة عن كلمات متجانسة أذكر منها (السنقة فى الرنقة) و(القزازة فى البزازة) و(عندها الكابلي)و(العملية فى النملية) . وعلى الرغم من أن هذه العبارات عبارات خاوية لا تشير أو ترمز إلى شئ معين إلا أن الوالد عليه رحمة الله قد (قبضنى) ذات يوم أردد إحدى هذه العبارات فكاد أن يصاب (بجلطة دماغية) وبعد ان أرغى وازبد قال لى :
- شوف يا ولد ده بيت محترم لو عاوز تتكلم جنس الكلام ده فتش ليكا بيت تانى .
مناسبة هذه المقدمة هو أن جارتى (س) قد حكت لى وهى شبه منهارة أنها لاحظت أن إبنيها المراهقين يتحدثان بلغة غريبة عليها لم تفهم منها شيئاً ، قلت لها إن الأمر بسيط فما عليك لا التوجه للمكتبة القريبة من المنزل وشراء كتاب (القاموس الرائع فى الزمن الضائع) الذى قام بكتابته (واحد من شباب اليومين ديل) .
قامت جارتنا (س) بالذهاب إلى المكتبة وشراء القاموس وبعد أن قامت بتصفحه أصابها الهلع لما قرأته من مفردات ومصطلحات يستخدمها شباب اليوم.
فى مساء ذات اليوم سمعت ابنها الأكبر يخاطب شقيقة :
- أيه رأيك نقوم ندقس الجلكين ونديهو (مكنة) نقول ليهو معانا واحد زميلنا أبوهو إتلحس عشان يعمل لينا (زيدان أبراهيم) للضحاكات نقوم نظبط بيها (عشة الفلاتية).
ما أن إستمعت جارتنا (س) إلى ما قاله إبنها مخاطباً شقيقه حتى قامت بتصفح (القاموس) بسرعة فى محاولة لفك الرموز لتجد أن الترجمة هى :
- أيه رأيك نقوم ندقس (نغش) الجلكين (الراجل الكبير يقصد والده) ونديهو مكنة (كضبة) نقول ليهو واحد زميلنا أبوه إتلحس (مات) عشان يعمل لينا زيدان أبرهيم (زياده) للضحاكات (القروش) نقوم نظبط بيها عشه الفلاتية (العشاء).
بعد خروج ابنيها عشان يعملو (عشة الفلاتية) بعد ان مشت (المكنة) فى (الجلكين) جلست جارتنا (س) ممسكة بالقاموس وقد ألت على نفسها أن تقوم بحفظه (صم) حتى تستطيع أن تتعرف على ما يقوله ابنيها من كلمات وعبارات وتراكيب بعد أن أضحت هذه اللغة هى لغة التخاطب بينهما فى كثير من الأحوال.
فى اليوم التالى بينما كانت (س) وابنيها يجلسون يتناولون الشاى بالمنزل بعد عودتهما من الجامعة سأل الأخ الأصغر شقيقه :
- عملتا شنو مع (الحنان) القاعد (تحنك) معاهو اليوم كلو فى الكافتيريا ده؟ تعرف اليوم كلو أقعد (أحنك) ليك فيها لكن هى عاملة ليا (عبدالعظيم حركة) بس أنا مرات بعمل ليها (الفاتح النقر) ومرات كده بعمل ليها (عمر إحساس) وكم مرة كده عملت ليا (شرحبيل أحمد) لكن أنا ح أقوم أعمل ليك (جوزيف لاقو) واقوم أمشى أعمل ليك (محمود الخطيب) للبقاقة دى قالو أبوها (مقندل) وماسك كهرباء شديده.
- طيب أفرض قال ليك إنتا لسه وعمل ليك (الجزيرة أبا) ؟
- ما مشكلة بعمل للموضوع (كمال ترباس) طوالى
- طيب وكان ورطك وقال ليك عمل ليكم (إيهاب توفيق) ؟
- خلاس أقول ليهو نعمل (عقد الجلاد) بعد ما نتخرج
- طيب أفرض قال ليك تعمل (عرس الزين) طوااالى
- ما (بدق ليهو جرس) طوااالى
- وكان أصر على (عرس الزين)؟
- بسيطة بعمل ليهو (الفتيحاب)
معانى المفردات :
- الحنان = الحبيبة
- أحنك = أقنع
- عبدالعظيم حركة = عاملة حركات
- الفاتح النقر = بيفتح ليها كناية على عدم الإهتمام
- عمر إحساس = يعمل فيها حساس
- شرحبيل أحمد = الشرا وعدم الحضور للمواعيد
- جوزيف لاقو = مجازفة
- محمود الخطيب = الخطوبة
- مقندل وماسك كهرباء شديده = مرتاح وعندو قروش كتيره
- الجزيرة أبا = رفض
- كمال ترباس= يقفل على الموضوع
- إيهاب توفيق = الموافقة
- عقد الجلاد = عقد القران
- عرس الزين = الزواج
- دق جرس = للرفض بشدة
- الفتيحاب = يفتح ليهو
وسط دهشة ابنيها ما أن إستمعت (س) لذلك الحوار حتى هبت واقفة بعد أن تحزمت بثوبها وهى تصيح :
هووووى يا أولاد إنتو قايلينى (فاره) وما (ناقشة) حاجة .. إنتو ما عارفينى خلاس بقيت (تفتيحة) وشايلا (مفاتيحا) .. هوووى يا أولاد أقيفوا بعيد (وجرو شخيط) وأوعكم تقيفو فى الظلط وتتكلمو غلط ، أبوها شنو (المقندل) وماسك كهرباء .. نحن ذااااتو هينين ولا لينين نحمد الله الغدا ضأن و التحلية برتكان والعشا حمام و التحلية شمّام و تربية بيت و فرش موكيت ولدونا فى الإمتداد و حبّينا فى البلاط .. قال شنو يمشى يعمل عقد الجلاد .. إنتا لسه بصرفوا عليك يا الما عارف أيدك من كرعيك .. يودوكم للقراية تحنكو (الجكساية) .. (وهى تجر فيهم نور طويل)
- سجم و كمان عدم فهم ؟!!
- (فى صوت واحد) : معقوله؟ الحاجة طلعت تفتيحة !
كسرة :
أيها الأباء .. إيتها الأمهات .. عليكم بإقتناء القاموس الرائع فى الزمن الضائع حتى لا تكونوا (فارات) ويقوم الأولاد (يدقسوكم) !
| |
|
|
|
|
|
|
Re: اللهم ارحمه (Re: عماد الدين عبدالله)
|
Quote: أيها الأباء .. إيتها الأمهات .. عليكم بإقتناء القاموس الرائع فى الزمن الضائع حتى لا تكونوا (فارات) ويقوم الأولاد (يدقسوكم) ! |
حلوة يا دكتور عماد ههههههههه والله بجد استمتعتا بهذه الرساله جميل جدا عشان ما نطلع فارات
وندقس الزمن صعب .
تحياتى ..
| |
|
|
|
|
|
|
Re: اللهم ارحمه (Re: خالد درق)
|
اخوتى واخواتى بالبوست واهل الشعبية الحنان ..
عليكم بالتفاؤل فى الحياة فان ,,
التفاؤل من الصفات الرئيسية لأي شخصية ناجحة ،، فالتفاؤل يزرع الأمل ويعمق الثقة بالنفس ويحفز على النشاط والعمل ،، وهذه كلها عناصر لا غنى عنها لتحقيق النجاح ،، ويعتبر التفاؤل تعبيراً صادقا عن الرؤية الإيجابية للحياة ،، فالمتفائل ينظر للحياة بأمل وإيجابية للحاضر والمستقبل وأيضا للماضي حيث الدروس والعبر ،، ورغم كل التحديات والمصاعب التي يواجهها الإنسان في الحياة ،، فإنه لابد وأن ينتصر الأمل على اليأس والتفاؤل على التشاؤم والرجاء على القنوط ،، تماماً كانتصار الشمس على الظلام ،،!!
وان شاء الله كلنا متفايلين يارب ..
مودتى ..
| |
|
|
|
|
|
|
Re: اللهم ارحمه (Re: خالد درق)
|
نضحك شوية ...
محشش سايق إسعاف في الحرب نقل 35 قتيل ... سمع في الراديو سقوط 30 قتيل ! وقف وفتح الباب وقال: الخمسه اللي يستهبلون ينزلون ألحين ! -------------------------------------- محشش إشترى لأمه عصفورين ! واحد يغرد والثاني ساااكت ! سألته أمه : ليش الثاني ساكت ؟! قالها هذا الملحن ! ---------------------------------------------- ٥ محششين قاعدين يصلون واحد عطس قال الحمدلله قال٢/يرحمك الله قال٣/مايجوز تتكلمون قال٤/كل صلاتكم غلط قال٥/الحمدلله أنا ماتكلمت ---------------------------------------------- ولد يسأل أبوه المحشش وشو برج ايفل قال أبوه ماادري قال طيب وشو السيراميك قال أبوه ماادري قال طيب وشو الايميل قال ما ادري قال طيب وشي العولمه قال ماأدري قالت امه لا تزعج ابوك
قال ابوه: لا خلي الولد يستفيد ! --------------------------------------------- سعودي وصعيدي محششين مسكتهم الشرطه سالو الصعيدي وش أسمك؟ قال: أنا سبع الليل، قالو للسعودي وإنت؟ قال: انا ثمان الصبح !! ---------------------------------------------- عندماتغردالبعارين ونسمع نهيق العصافير ونرى الخيول تمتص رحيق الأزهار والخرفان تحلق في السماء نشعروكأننافي حلم...
محشش يكتب خاطره
---------------------------------------------- فيه بطه محششه راحت لراعي بقاله قالت:عندك عنب قال:لا راحت ورجعت مره ثانيه وقالت:عندك عنب قال:ماتفهمين ماعندي ترا إذا رجعتي بربطك عندالمحل راحت وبعدشوي رجعت وقالت:عندك حبل قال:لا قالت:طيب فيه عنب! ---------------------------------------------- محشش تمدحه خطيبته تقوله:إنت بطل شجاع وفارس الفرسان.قال:تدرين إني كنت شهيد في حرب الخليج
مودتى ...
| |
|
|
|
|
|
|
Re: اللهم ارحمه (Re: خالد درق)
|
Quote: حلوة يا دكتور عماد ههههههههه والله بجد استمتعتا بهذه الرساله جميل جدا عشان ما نطلع فارات
وندقس الزمن صعب .
تحياتى .. |
مساء الخيرات اخي خالد درق الظاهر فعلا حا ندقس في الزمن الحالك دا ربك يستر علينا
لك كل الشكر على النكات الجميلة
تحياتي واحترامي
| |
|
|
|
|
|
|
|