|
Re: بمناسبة عيد الأضحي (Re: خالد درق)
|
احترام الاخرين ...
هو أحد القيم الحميدة التي يتميز بها الإنسان، ويعبر عنه تجاه كل شيء حوله أو يتعامل معه بكل تقدير وعناية والتزام. فهو تقدير لقيمة ما أو لشيء ما أو لشخص ما، وإحساس بقيمته وتميزه، أو لنوعية الشخصية، أوالقدرة، أو لمظهر من مظاهر نوعية الشخصية والقدرة. يتجلى الاحترام كنوع من الأخلاق أو القيم، كما هو الحال في المفهوم الشائع "احترام الآخرين" أو مبدأ التعامل بالمثل.
واحترامى للكل ..
| |
|
|
|
|
|
|
Re: بمناسبة عيد الأضحي (Re: وليد عبد اللطيف)
|
Quote: كابتن درقبا .... شايف المهندس مجدي بيمرض فينا كيف ويذكرنا اجمل الايام
|
كابتن وليد .. تحياتى واخبارك واخبار الوالدة ان شاءالله تكون بخير وصحة
والله ياوليد كانت ايام له ايقاع ايام جميله وان شاء الله نتحدث عن ايام الدفورى ومواقف الظريفة
مودتى ..
| |
|
|
|
|
|
|
Re: بمناسبة عيد الأضحي (Re: خالد درق)
|
وليد عبد اللطيف
Quote: يامجدي طبعا الصورة دي في العرضارضة المقابلة لعمك ادم الضو رحمة الله عليه يالله يالله تعرف يامجدي هذا الملعب تعاقبة علية الاجيال الى ان وصلنا له نحن وكان لعب الاندية التي نلعب بها لايمنعنا عن مشاركة ابناء الحي هذا الدفوري الذي اعتبرة اجتماعي قبل كل شي لنا به ذكريات وضحكات ووجدنا به كل الاحترام والتقدير |
أها يا ولي قدرت عرفت زول من اللاعبين؟ أنا غايتو عرفت د.مهدي حسين عبد الرازق و هو لابس رمادي و يظهر اول لاعب في الصورة ، و عرفت الحاج سكر واقف برة الميدان و لابس فانلة حمرا ، أها يا مجدي نقد و خالد درق كلامي دا كيف؟ و هل عرفتو لاعب تاني؟
| |
|
|
|
|
|
|
Re: بمناسبة عيد الأضحي (Re: الحاج حمد الحاج)
|
ياحاج بالارهاب رشيتو الهلالاب وعزالدين صاحبك مشى الجنوب ودخل الغابه .
Quote: أنا غايتو عرفت د.مهدي حسين عبد الرازق و هو لابس رمادي و يظهر اول لاعب في الصورة ، و عرفت الحاج سكر واقف برة الميدان و لابس فانلة حمرا |
ياخي زي ماقال منير سيزر تغيب شهر تلاقي اولاد الحله شنباتهم كبرت وتسأل يقولو ليك دا ود اخت فلان ودا ود اخو فلان وكلهم ربنا يحفظهم ماذكرته ليس دكتور مهدي نسيبك على ما اظن خالد دامبا اما صاحب الفنيله الحمراء فعلا هو الحاج سكر الشايت الكورة محمد جنابو اي المعروف بود الرضيه الواقف حارس مرمى هو ( ابايا ) ود اخت ناس الحاج سكر اما ياحاج دافوري ميدان الصداقة وخرخرة الضب وعز الدين حاجة تضحك
| |
|
|
|
|
|
|
Re: بمناسبة عيد الأضحي (Re: صلاح عثمان)
|
يا حاج حمد سلام ..
Quote: أها يا مجدي نقد و خالد درق كلامي دا كيف؟ و هل عرفتو لاعب تاني؟ |
الظاهر الاول ما دكتور مهدى دا خالد دمبا والبس فنيله حمرا الثانى محمد السنى اخ الحارث على صالح ودالرضية والحاج سكر والباقين طاشى منهم او الصورة ماظهر كويس
مودتى ..
| |
|
|
|
|
|
|
Re: بمناسبة عيد الأضحي (Re: عبدالوهاب علي الحاج)
|
** يُشرف دولة الامارات بمدينة راس الخيمه أخونا وحبينا إبن المزاد والشعبيه أحمد دينق ,, فى فترة نقاهه بعد أن أجرى عمليه عيون بمستوصف مكه لطب العيون بالسودان ويُغرى السلام للجميع** ** وسلام خاص لوليد وعزالدين عبداللطيف وصلاح حمد.. (ودام الود بين الجميع) (ابو محمد فؤاد)
| |
|
|
|
|
|
|
Re: بمناسبة عيد الأضحي (Re: عبدالكريم أحمد الامين)
|
**الارباب صلاح عثمان.. ** مساءك خير.. التحايا لك وللاسره الكريمه وسعادة المُستشار خالد.
## هلا تكرمت بتصغير الصور التى إنزلتها إذ أنها أدت لفتل البوست وبقى شكلو زى الحافله الواقعه فى خور شمبات.. (ودام الود بيننا) (ابو محمد فؤاد)
| |
|
|
|
|
|
|
Re: بمناسبة عيد الأضحي (Re: عبدالكريم أحمد الامين)
|
Quote: أخونا وحبينا إبن المزاد والشعبيه أحمد دينق ,, فى فترة نقاهه بعد أن أجرى عمليه عيون بمستوصف مكه لطب العيون بالسودان ويُغرى السلام للجميع**
|
الشفأء العاجل الي فاكهة المجالس ببحري والشعبية،احمد دينق ونتمني اليه فترة نقاهة تخرجه وتعيده كما ألفنأه ودودا يوزع الابتسام في كل احياء بحري والشعبية.
| |
|
|
|
|
|
|
Re: بمناسبة عيد الأضحي (Re: الفاضل يسن عثمان)
|
Quote: أخونا وحبينا إبن المزاد والشعبيه أحمد دينق ,, فى فترة نقاهه بعد أن أجرى عمليه عيون بمستوصف مكه لطب العيون بالسودان ويُغرى السلام للجميع**
|
سعادة المستشار عبد الكريم .. سلام
اتمنا الاحمد دينق الشفاء العاجل وفترة نقاهه جميله ونتمنا ان نراء ..
مودتى ..
| |
|
|
|
|
|
|
Re: بمناسبة عيد الأضحي (Re: خالد درق)
|
ناس الحلة سلامات
- أول واحد في الصورة خالد دامبا - الشايت الكورة محمد ادم الضو - اللابس فنله برتقالية أقصى اليسار الحاج حامد سكر (كلامكم صاح) و يا وليد دا كان العب واحد في المربع بعدك و لو ما إتكسر كان لعب في القمة. - يا درق اللابس فنله سوداء و شورت رمادي هو السني (محمد علي صالح ) - المدافع الداخل على الكورة و لابس احمر هو محمد الكابوي من حلة الصديق - حارس المرمى مظبوط يا وليد هو ود أخت الحاج و اسمه احمد رمضان - اللابس اخضر جنب الحاج دا اللاعب المخضرم الصادق عمر من حلة الفرسان - الزول الطويل و لابس قميص ازرق دا ما عرفتو يا وليد ؟ دا المعلم كبسور - الباقين ضيوف من بره الشعبية . ___________________ يا الحاج حمد و الله كنتا عاوز أستعين بفنيات اخونا عبد الوهاب في الكمبيوتر عشان يرقم لينا الناس في الصورة لكن الزول دا بقا شرس خلاس من وراء راس الاخوان هباني و دينق .. بفك بي أي حاجة شايله في إيدو..اها الدنيا عيد و ضحية قلته يكون شايل ساطور يفكني بي عشان كدا معليش اقبلوها كدا...هه. تحياتي
| |
|
|
|
|
|
|
Re: بمناسبة عيد الأضحي (Re: مجدي نقد)
|
عبد الكريم (أبو محمد فؤاد)
Quote: ** يُشرف دولة الامارات بمدينة راس الخيمه أخونا وحبينا إبن المزاد والشعبيه أحمد دينق ,, فى فترة نقاهه بعد أن أجرى عمليه عيون بمستوصف مكه لطب العيون بالسودان ويُغرى السلام للجميع** ** وسلام خاص لوليد وعزالدين عبداللطيف وصلاح حمد.. |
الف حمدا لله على سلامة الأخ أحمد دينق ابن المزاد و الشعبية و بحري الأصيل و كما ذكر الأخ الفاضل ياسين هو فاكهةالمجالس و صاحب نكتة حاضرة و أخو اخوان..تمنياتي بالصحة و العافية للأخ أحمد دينق و تحياته للأخوان عزالدين و صلاح حمد سوف تصل و ياريت يا عبد الكريم لو أديتنا تلفون أحمد دينق نقول ليهو حمدا له على السلامة..شكرا أبو محمد فؤاد. (ودام الود بين الجميع)
| |
|
|
|
|
|
|
Re: بمناسبة عيد الأضحي (Re: وليد عبد اللطيف)
|
نعي اليم
غيب الموت صباح اليوم بالشارقة أحد أبناء الحي البرره هو الأخ (( سامي عثمان وراق )) المغترب بمدينة الشارقة بدولة الإمارات العربية المتحدة .
والذي حدثت وفاته صبيحة اليوم .. ومن المتوقع أن يصل الجثمان نهار اليوم على شركة الخطوط العربية .
المرحوم من سكان مربع 6/7 ( حي نجوم الشعبية ) وشقيق الأخ محمد وراق وأخوانه.
للفقيد الرحمة ولآله حسن العزاء وإنا لله وإنا إليه راجعون ولا حول ولا قوة إلا بالله
..
| |
|
|
|
|
|
|
Re: بمناسبة عيد الأضحي (Re: وليد عبد اللطيف)
|
الأخ العزيز وقريبنا ( عزالدين عبد اللطيف ) لك التحية والتقدير نتصل بك عبر كل خطوط الوصل التي عندنا .. وكذلك التي إستجلبناها من خارج دوائر الوطن .. لها ترن وتتغني بالألحان .. لكن بلا إستجابة وكثير من النجابة ..
نحتاجك في أمر التكريم .. وقد حدثت الأخ يوسف المفك بالموضوع لكنني أحبذ ملتقاك حتى يكون التلاقي شفاهة ..
الموضوع يحتاج الى ضوابط دقيقة للسيطرة على أمر الإحتفال ..
كن قريبا منا .. فأمامنا ( نقطة بسط أمن شامل ) نشرع في لإفتتاحها بعدها بهمة الأبطال سنبدأ ..
مع الود
..
| |
|
|
|
|
|
|
Re: بمناسبة عيد الأضحي (Re: صلاح شكوكو)
|
شكوكو
Quote: غيب الموت صباح اليوم بالشارقة أحد أبناء الحي البرره هو الأخ (( سامي عثمان وراق )) المغترب بمدينة الشارقة بدولة الإمارات العربية المتحدة . |
للفقيد الرحمة و المغفرة و لأسرته الصبر الجميل و حسن العزاء. (انا لله و انا اليه راجعون)
| |
|
|
|
|
|
|
Re: بمناسبة عيد الأضحي (Re: الحاج حمد الحاج)
|
وليد عبد اللطيف
Quote: وكان له منتخب في الكتيبة متحديا به حيدر الجقدلي وتارة المفك |
أحمد دينق و حيدر الجقدلي من فاكهة المجالس في الشعبية و المزاد و بحري و دور الرياضة و الحفلات.
| |
|
|
|
|
|
|
Re: بمناسبة عيد الأضحي (Re: الحاج حمد الحاج)
|
Quote: نعي اليم
غيب الموت صباح اليوم بالشارقة أحد أبناء الحي البرره هو الأخ (( سامي عثمان وراق )) المغترب بمدينة الشارقة بدولة الإمارات العربية المتحدة .
|
انا لله وانا اليه راجعون
اللهم اجعل قبرة روضة من رياض الجنة
| |
|
|
|
|
|
|
Re: بمناسبة عيد الأضحي (Re: خالد درق)
|
حيدر الجقدلي له صوت طروب وجميل عجبني حديث شقيقة الاستاذ عادل على صالح عندما وصف دورة نحو الاسرة يا له من رجل شجاع ويستاهل التكريم مع ضمن الشباب الذين وضعوا اللبنات الاولى في شكل الشعبية مع ابائهم . جلست معه كثيرا في منزلهم عندما كنت ازور شقيقة صديقي عابدين خفيف الظل صاحب نكته حاضرة وصاحب مقولة ( وليد قال درجة تالته في القطر مابركبها العب للشعبية درجة تالته ) وغير ذلك زيارته عندما يكون في حفله قريبة في الحلة لزوم تفصيل اخر موضه واخر بنطلون خيطه بيده لي كان لونه بني وطلبت منه كسر وابازين بالجنبة مقلدا للموضه القديمة اما بخصوص الرياضة قدم الكثير للشعبية وللشعلة خاصة .
| |
|
|
|
|
|
|
Re: بمناسبة عيد الأضحي (Re: وليد عبد اللطيف)
|
** التحيه لكل ظرفاء بحرى ومُعطرى ميادينها الرياضيه بالطُرفه والتشجيع المثالى لفرقهم :- ## حيدر على صالح "الجقدلى".. ## ابو اللول .. ## أحمد دينق . ## محجوب فتح الرحمن "الكجر"..
| |
|
|
|
|
|
|
Re: بمناسبة عيد الأضحي (Re: حسن طه محمد)
|
Quote: ؟؟؟ دكتور عماد بجد طال الغياب اظهر ولو مرة فى الاسبوع افتقدنا قلمك يا رائع !!!!!!!!!!1
مودتى .. |
الحبيب الغالي خالد درق والله الشوق بحور لكن الزنقة حاصلة تحياتي وسلامي للجميع سوف اظهر في الايام القادمة
| |
|
|
|
|
|
|
Re: بمناسبة عيد الأضحي (Re: عماد الدين عبدالله)
|
Quote: لكن الزنقة حاصلة تحياتي وسلامي للجميع سوف اظهر في الايام القادمة |
دكتور عماد .. تحياتى
وربنا يفك الزنقه وترجع للبوست بالف سلامة ومنتظرنك فى الايام القادمة يا مبدع
تحياتى الاسرة ..
مودتى ...
| |
|
|
|
|
|
|
Re: بمناسبة عيد الأضحي (Re: معاوية محمد الحسن)
|
ياسلااااااااااااااام صورة صديقى عادل شريف شخصيا فى المنبر التحية للاخ الصديق العزيز عادل ذلك الشاب المهذب المحترم الذى لم اقابل فى حياتي مثله فى الرقة والادب والتهذيب والاحترام عادل شريف صديقى ودفعتى لم نفترق لمدة تسعة اعوام متواصلة ستة اعوام فى مدرسة المزاد الابتدائية وثلاثة فى الاميرية 2 كنا نعود خلالها معا من المدرسة ضاربين الكداري اعرج منهم فى المزاد ويواصل هو وبقية الشلة المشوار للصافية التحية لك ياعادل واحر التعازى فى وفاة نسيبكم تغمده الله بالرحمة والمغفرة الواسعة
| |
|
|
|
|
|
|
Re: بمناسبة عيد الأضحي (Re: معاوية محمد الحسن)
|
إن لله و إن إليه راجعون رحم الله الفقيد سامي رحمة واسعه وادخله فسيح جناته المواساة والتعازي للأخ محمد وراق و للأسرة بالشعبيه
ابو محمد فؤاد تحياتي لك و للأسرة عدلناالصورة بعد ما قومت نفسنا
الأخ عادل محمد عثمان لأول مرة نعرف ان هناك صفحة في الفيس بوك للشعبيه جنوب شكرا أخي العزيز
الأخ وليد قصة البقر البقع في البحر ذكرتني مره كنا جالسين في البحر في حلة حمد مع الأخوان ياسر جنابو و الفاتح مقبول و المرحوم يعقوب الجمري في لحظة تجلي فجأة ظهر ثور هائج و حفر الأرض برجليه الأماميه و جانا مندفع زغنامنه و وقع في البحر من الخلعه كل واحد جرى في جها خلينا الكراسي و العربات وما تقابلنا إلا ثاني يوم
| |
|
|
|
|
|
|
Re: بمناسبة عيد الأضحي (Re: خالد درق)
|
حلة الصديق تنعى درية الخير زوجة الاخ سليمان ووالدة كل من غادة وسلوى ومحمد وشقيقة الاخوان طارق حنفى من ناحية الوالدة والعاقب الخير وعبد الرحيم الخير والمرحوم حيدر الخير بحلة الصديق رحمها الله رحمة واسعة والهم آلها وذويها الصبر والسلوان.
| |
|
|
|
|
|
|
Re: بمناسبة عيد الأضحي (Re: عابدون محمد عابدون)
|
Quote: حلة الصديق تنعى درية الخير زوجة الاخ سليمان ووالدة كل من غادة وسلوى ومحمد وشقيقة الاخوان طارق حنفى من ناحية الوالدة والعاقب الخير وعبد الرحيم الخير والمرحوم حيدر الخير بحلة الصديق رحمها الله رحمة واسعة والهم آلها وذويها الصبر والسلوان. |
اناالله وانا اليه راجعون تعازينا الحارة الاسرة ال حنفى
اللهم ارحم ( درية ) رحمه واسعه وتغمده برحمتك , اللهم أرحمه فوق الأرض وتحت الأرض ويوم العرض عليك , اللهم قه عذابك يوم تبعث عبادك , اللهم أنزل نورا من نورك عليه , اللهم نور له قبره ووسع مدخله وأنس وحشته , اللهم وأرحم غربته وشيبته , اللهم أجعل قبره روضه من رياض الجنه لاحفره من حفر النار, اللهم اغفر له وارحمه , واعف عنه وأكرم نزله .
| |
|
|
|
|
|
|
Re: بمناسبة عيد الأضحي (Re: خالد درق)
|
..
سيصل اليوم الخميس في الرابعة عصرا الطائرة التي تحمل نعش المرحوم سامي عثمان وراق والذي سيوارى الثرى بمقابر حلة حمد مساء اليوم
حيث تسببت بعض الإجراءات في تأخير وصول الجثمان منذ يومين
له الرحمة والمغفرة ولا حول ولا قوة إلا بالله
..
| |
|
|
|
|
|
|
Re: بمناسبة عيد الأضحي (Re: خالد درق)
|
Quote: حلة الصديق تنعى درية الخير زوجة الاخ سليمان ووالدة كل من غادة وسلوى ومحمد وشقيقة الاخوان طارق حنفى من ناحية الوالدة والعاقب الخير وعبد الرحيم الخير والمرحوم حيدر الخير بحلة الصديق رحمها الله رحمة واسعة والهم آلها وذويها الصبر والسلوان. |
لها الرحمة والمغفرة ولا حول ولاقوة إلا بالله
..
| |
|
|
|
|
|
|
Re: بمناسبة عيد الأضحي (Re: خالد درق)
|
أخي الاكبر صلاح شكوكو لك تحياتي وإحترامي وأنت قد آليت على نفسك القيام بواجب تكريم أستاذنا الفاضل مصطفى لا نملك إلا أن نحني الهامات إجلالاً وعرفاناً. ومساهمتي المتواضعة من على البعد ودعواتي لكم بالتوفيق في مسعاكم النبيل ليست إلا جهد المقل. أتابع كلما سمحت الظروف ما تورده عن أخبارمهرجان الوفاء فيزداد إحتراماً وتكبرمعزةً لك في قلبي كانا وما زالا عظيمين. آسف لتأخري عن اللحاق بركب الوفاء لأستاذي مصطفي, والذي هو أهل للوفاء والتكريم, وذلك لظروف خارجة عن إرادتي. لا زلت أواصل العمل في كتاب الشعبية كلما واتتني الظروف. وقد بلغ الكتاب حتى الأن 350 صفحة. وأتوقع أن تصل صفحاته للخمسمئة صفحة. ويبقى السؤال هل سيرى الكتاب النور يوماً؟ تحياتي للأسرة ولأستاذ مصطفى, ولك مني بالغ الود والتقدير.
أخي العزيز خالد درق مساء الخير أحي صمودك وصمود أبناء الشعبية البررة ليبقى بوست الشعبية عالياً وآسف للإنقطاع. لكم جميعاً مني أطيب تحية. توقع مني مكالمة في الأيام القادمة.
| |
|
|
|
|
|
|
Re: بمناسبة عيد الأضحي (Re: أمير قناوي)
|
اخى دكتور امير قناوى .. تحياتى وكل عام وانت والاسرة بالف خير
Quote: لا زلت أواصل العمل في كتاب الشعبية كلما واتتني الظروف. وقد بلغ الكتاب حتى الأن 350 صفحة. وأتوقع أن تصل صفحاته للخمسمئة صفحة. ويبقى السؤال هل سيرى الكتاب النور يوماً؟
|
ياسلام عليك وانت تهتم باهذا العمل الجميل الذى سوف يكون له صدا فى نفوس جميع اهل الشعبية واتمنا ان يرى النور ومستعدبن معك الى اى شى يساعد على صدور هذا الكتاب وبالتوفيق ان شاءالله .
Quote: توقع مني مكالمة في الأيام القادمة. |
منتظر مكالمتك يا دكتور التى سوف تثلج صدرى ..
مودتى ..
| |
|
|
|
|
|
|
Re: بمناسبة عيد الأضحي (Re: خالد درق)
|
...
تم إفتتاح نقطة بسط الأمن الشامل بحي الشعبية جنوب ، بحضور لفف من أبناء وبنات الحي .. حيث تم تشييد النقطة التي كانت مهجورة منذ ( 10 ) سنوات حيث إنبرى نفر كريم من أبناء وبنات الحي لتحمل تكلفة إعادة تأهيل النقطة والتي إفتتحها السيد مدير عام شرطة مدينة بحري وسط أهازيج من الفرح والتبريكات .
والنقطة تقع خلف المستشفى الدولى وجوار مجمع الزهراء .. وكانت النقطة من قبل في الميدان الواقع خلف المستشفى الدولي حيث تم تحويلها الى الموقع الجديد ولم تباشر عملها نسبة لعدم إكتمال البناء فيها وقد أشادت قيادة الشرطة المجتمعية بهذه المبادرة الطيبة من أبناء الحي والتي كللت في ان تقف النقطة في أبهى حللها الزاهية عنوان للطمأنينة في الحي إذ أن الحس الأمني يرتفع بمجرد وجود تواجد أمني مما يجعل المنطقة ترفل بقدر من الطمأنينة والأمن.
التحية والتقدير لكل الذين ساهموا في هذا العمل الكبير
ملحوظة :- سترد الصور الخاصة بالموقع وحفل الإفتتاح حال الحصول عليهامن إعلام الشرطة
..
| |
|
|
|
|
|
|
Re: بمناسبة عيد الأضحي (Re: مجدي كنة)
|
استاذ صلاح شكوكو .. جمعتك مباركة ان شاءالله
Quote: يجعل المنطقة ترفل بقدر من الطمأنينة والأمن.
|
نتمنا من الله ان ينعم جميع اهل الشعبية بالامن والامان وشكرا على مجهود ابناء الشعبية فى بناء نقطة بسط الامن الشامل بالحى . ودامتا الشعبية بخير ..
| |
|
|
|
|
|
|
Re: بمناسبة عيد الأضحي (Re: خالد درق)
|
الاخ / مجدى كنة . سلام وجمعة مباركة
Quote: تحياتي وسلامي للجميع وامنياتي بموفور الصحة والعافية لكل شباب الشعبية
ويدي تصافح الجميع |
ويدى تصافح يدك اخى واظهر وما تنقطع من البوست وجودكم يعطى البوست مزاق خاص ودمتا بالعافية اخى
مودتى ..
| |
|
|
|
|
|
|
Re: بمناسبة عيد الأضحي (Re: خالد درق)
|
فوق
البوست فاتر جدا ياشباب الحاصل شنو ما فى مشاركات ولا مداخلات وفى غياب شديد من الاعضاء ان شاءالله المانع خير
1ـ سيد الحوش منقطع المانع خير ان شاءالله
2ـ كابتن وليد وينك اظهر
3ـ عبدون محمد عبدون كل عام وانت بخير واخبار الشعبية فى العيد
4ـ باشمهندس مجدى شت كم صورة كدة عزاب واختفيت
5ـ منير البرد دساك
6ـ دكتور عماد خلاص اظهر الزنقة ما فكت
7ـ شمس الدين مبروك للقطر تنظيم كاس العالم
8ـ دكتورة ستنا السودان دساك شديد
9ـ عاطف رميثى مختفى يارجل خير
10ـ ود المتعارض كفينك ادينا اخبارك
11ـ دكتور امير قناوى تحياتى ومنتظر تلفونك
12ـ دكتورة روما بجد غيابك مزعج ان شاءالله المانع خير
14ـ عزالدين الفحل سلام يارجل الشغل ماخد خلاص الله يعينك بس طل تكفى
15_ فيصل عبدالله الباسور ما رجع الاخبار شنو
16ـ عماد احمد تحياتى والله متشوقين لستراحة الخميس زى زمان
17ـ مجدى كنة ادينا طل كل وقت
18 بدرالدين اسحاق سلام مدنا بقلمك حتا ينور البوست
19ـ ياسر محمد طال الغياب طال
20ـ عادل ود الدكتور عساك بعافية
21ـ عادل على صالح البوست محتاج للقلمك
22ـ سعادة المستشار حسن طه ترجع من الشعبية بالسلامة ومنتظرين الاخبار عن الحى والاسوق
23ـ صلاح شكوكو مشكور على مجهود فى اشراك الشباب فى خدمة اهل الشعبية
24ـ صلاح عثمان ما طول الغياب خليك غريب
وين وين يا شباب الشعبية دايما فوق
فوق فوق
مودتى ...
| |
|
|
|
|
|
|
Re: بمناسبة عيد الأضحي (Re: خالد درق)
|
صباح الخيرات الاخوة والاخوات بالبوست
في الذاكرة أناس مافتئوا كالنجوم الزواهر ... بما قدموا لنا من ألق وأبداع... من بينهم قيثارة للأمل الشجي... كم كنا نبحث عن قلمهم مع كل ضوء لصباح... نتلمس دوما صوتها الذي ينساب كما النسيم ... فيتمشى في مفاصل نُعّس...
فهل تعود الكتايات والمشاركات !!!!!!!
مودتى ..
| |
|
|
|
|
|
|
Re: بمناسبة عيد الأضحي (Re: خالد درق)
|
Quote: حلة الصديق تنعى درية الخير زوجة الاخ سليمان ووالدة كل من غادة وسلوى ومحمد وشقيقة الاخوان طارق حنفى من ناحية الوالدة والعاقب الخير وعبد الرحيم الخير والمرحوم حيدر الخير بحلة الصديق رحمها الله رحمة واسعة والهم آلها وذويها الصبر والسلوان. |
للفقيدة الرحمة و المغفرة و للأسرة الكريمة الصبر الجميل و حسن العزاء (انا لله و انا اليه راجعون)
| |
|
|
|
|
|
|
Re: بمناسبة عيد الأضحي (Re: الحاج حمد الحاج)
|
ود حمد .... المداخلة دي مكانها هنا
Quote: د.أمير قناوي
Quote: لا زلت أواصل العمل في كتاب الشعبية كلما واتتني الظروف. وقد بلغ الكتاب حتى الأن 350 صفحة. وأتوقع أن تصل صفحاته للخمسمئة صفحة. ويبقى السؤال هل سيرى الكتاب النور يوماً؟
يا دكتور ان شاء الله سوف نبذل كل الجهد لطباعة الكتاب فور الانتهاء مع الشكر و التقدير لمجهوداتك. |
جبناها ليكم من بوست اخر يعني المريخاب ديل في كل الحالات برجفوا مهزومين ترجفوا غالبين ترجفوا زي واقفين تحننوا راكبين تجننوا
| |
|
|
|
|
|
|
Re: بمناسبة عيد الأضحي (Re: خالد درق)
|
صباح الخيرات على الجميع ..
## اعزب الكلامات الصداقة ##
الصداقة لا تغيب مثلما تغيب الشمس الصداقة لا تذوب مثلما يذوب الثلج
ثمار الأرض تجنى كل موسم .. لكن ثمار الصداقة تجنى كل لحظة ..
فمن هو الصديق الحقيقي وهل يوجد صديق في هذا الزمان ؟
** الصديق الحقيقي ** هو الصديق الذي تكون معه, كما تكون وحدك
** الصديق الحقيقي ** هو الذي يقبل عذرك و يسامحك إذا أخطأت و يسد مسدك في غيابك
مع الود لكل الاصدقاء ..
| |
|
|
|
|
|
|
Re: بمناسبة عيد الأضحي (Re: خالد درق)
|
وليد عبد اللطيف
Quote: جبناها ليكم من بوست اخر يعني المريخاب ديل في كل الحالات برجفوا مهزومين ترجفوا غالبين ترجفوا زي واقفين تحننوا راكبين تجننوا |
شكرا وليد عبد اللطيف على التصحيح ، ياخي غالبين نرجف كيف نحن فرحانين من يوم كأس السودان و للقاء القادم.
| |
|
|
|
|
|
|
Re: بمناسبة عيد الأضحي (Re: وليد عبد اللطيف)
|
Quote: حلة الصديق تنعى درية الخير زوجة الاخ سليمان ووالدة كل من غادة وسلوى ومحمد وشقيقة الاخوان طارق حنفى من ناحية الوالدة والعاقب الخير وعبد الرحيم الخير والمرحوم حيدر الخير بحلة الصديق رحمها الله رحمة واسعة والهم آلها وذويها الصبر والسلوان |
إنا لله و إنا إليه راجعون .. لها الرحمة و المغفرة .. عظم الله أجركم ..
| |
|
|
|
|
|
|
Re: بمناسبة عيد الأضحي (Re: مجدي نقد)
|
Quote: تعازينا الحارة الى اسرة معيطيب بالشعبية شمال ( شمال سوق الشعبية ) في وفاة عميد الاسرة المرحوم معطيب
|
إنا لله و إنا إليه راجعون .. له الرحمة و المغفرة .. عظم الله أجركم ..
| |
|
|
|
|
|
|
Re: بمناسبة عيد الأضحي (Re: مجدي نقد)
|
الوليد عبد اللطيف سلامات
Quote: جبناها ليكم من بوست اخر يعني المريخاب ديل في كل الحالات برجفوا مهزومين ترجفوا غالبين ترجفوا زي واقفين تحننوا راكبين تجننوا |
الزعيم دا بكون سببوا التسجيلات ..خاصة المدرب المصري دا ما عاجبوا .. و بصراحة كدا ما عاجبنا كلنا.. لكن انتو حارقكم رجفينا و لا رشتكم الاخيرة . تحياتي
| |
|
|
|
|
|
|
Re: بمناسبة عيد الأضحي (Re: مجدي نقد)
|
الكبير عادل عثمان سلامات و كل عام و أنتم بخير
Quote: صفحة الشعبية جنوب في الفيسبوك
|
الناس ديل عاوزين ينفصلوا ولا شنو ؟ ياخي ما يمشوا خطوة خطوة ..لا إستفتاء و لا يحزنون ؟ غايتو عبرك بنقول للحاج حمد ما يقع وقعة البشير .. تحياتي _____________ لا لتجزئة الشعبية الحبيبة
| |
|
|
|
|
|
|
Re: بمناسبة عيد الأضحي (Re: مجدي نقد)
|
مجدي نقد ياهندسة
Quote: الزعيم دا بكون سببوا التسجيلات ..خاصة المدرب المصري دا ما عاجبوا .. و بصراحة كدا ما عاجبنا كلنا.. لكن انتو حارقكم رجفينا و لا رشتكم الاخيرة . |
الكلام دا توجهوا لناس صاحبك عابدون محمد عابدون شايفو عمل نايم في السودان لكن قصة رشة الهلال دي الناس ديل متعودين ( ون مان شو الهلال رشو ) جماعتك ديل للان في مشاكل بسبب هزيمتهم الاخير كل منك ( ياراجي سبب البلاوي )
Quote: الناس ديل عاوزين ينفصلوا ولا شنو ؟ ياخي ما يمشوا خطوة خطوة ..لا إستفتاء و لا يحزنون ؟ غايتو عبرك بنقول للحاج حمد ما يقع وقعة البشير ..
|
الجنوب في اي مكان لو ملاحظ بتاع مشاكل وانفصالات
| |
|
|
|
|
|
|
Re: بمناسبة عيد الأضحي (Re: مجدي نقد)
|
الدكتور قناوي سلامات و كل عام و أنتم بخير
Quote: لظروف خارجة عن إرادتي. لا زلت أواصل العمل في كتاب الشعبية كلما واتتني الظروف. وقد بلغ الكتاب حتى الأن 350 صفحة. وأتوقع أن تصل صفحاته للخمسمئة صفحة. ويبقى السؤال هل سيرى الكتاب النور يوماً؟
|
حقيقة إشتقنا لك و لكتاباتك التي تزكم أنوفنا بعبق الشعبية .. ننتظر عودتك برواية في شكل قصة تعيد للبوست روحه .. سيرى الكتاب النور بإذن الله إذا أردنا ذلك .. خمسمائة صفحة كثيرة بالرغم من اقتناعي بان التوثيق للشعبية يحتاج لاكثر من ذلك .. يمكن تجزئة الكتاب لعدة أجزاء . كن بخير
| |
|
|
|
|
|
|
Re: بمناسبة عيد الأضحي (Re: مجدي نقد)
|
مجدي نقد
Quote: الزعيم دا بكون سببوا التسجيلات ..خاصة المدرب المصري دا ما عاجبوا .. و بصراحة كدا ما عاجبنا كلنا.. لكن انتو حارقكم رجفينا و لا رشتكم الاخيرة . تحياتي |
يا هندسة المدرب المصري فعلا ما عاجبني ، يوم الماني و يوم مصري و بكرة فرنسي..حكاية جايطة و كورة تعبانة لكن المرضة بس. مرة هيثم طمبل غلب الهلال ، بعد يومين عمر البشير جا شمبات لعزاء آل حضرة واحد من هلالاب شمبلا قال ليهو: يا ريس ياخي شدلد دا ما جننا عمر البشير رد عليهو: جننكم شداد و الله هيثم طمبل..ديل حارقاهم الرشة الاخيرة.
| |
|
|
|
|
|
|
Re: بمناسبة عيد الأضحي (Re: الحاج حمد الحاج)
|
Quote: تعازينا الحارة الى اسرة معيطيب بالشعبية شمال ( شمال سوق الشعبية ) في وفاة عميد الاسرة المرحوم معطيب
|
تعازينا الحارة الاخوان احمد ومجدى وامير معطيب فى وفاة والدهم وانا الله وانا اليه راجعون
اللهم اجعل قبرة روضة من رياضى الحنة اللهم امين امين امين
| |
|
|
|
|
|
|
Re: بمناسبة عيد الأضحي (Re: خالد درق)
|
الأعزاء
وليد عبد اللطيف
صلاح أبو دية
الحاج حمد الحاج
خالد درق
عادل عثمان
فيصل عبد الله
جزاكم الله خيرا على مؤاساتكم في فقدنا الجلل والتي كان لها عظيما الأثر في تخفيف مصابنا نسأل الله العلي القدير أن يرحم الفقيد ويغفر له ويحسن قدومه عليه ويتقبله قبولاً حسناً ويغسله بالماء والثلج والبرد ويثبته بالقول الثابت عند السؤال ويسقه من حوض نبيه الرءؤف الرحيم شربة هنيئة مرية لا يظمأ بعدها أبداً ويجمعه يوم القيامة بوالديه وأهله وأبنائه وينظر إليهم بعين الرحمة ويدخلهم جنة الفردوس برحمته ،ويجمعهم بسيدنا محمد صلى الله عليه وسلم وآله فى الندى الأعلى من الجنة, غير خزايا ولا مفتونين دون عذاب يسبق منه وأن يخلفه فى أهله وأبنائه بخير وأسأل الله أن لا يريكم مكروها في عزيز لديكم ولاحول ولاقوة الا بالله وانا لله وانا اليه راجعون ..
| |
|
|
|
|
|
|
أطيب الود (Re: Emad Ahmed)
|
أخي عماد عثمان أحمد غفر لميتكم وتقبله قبولاً حسناً وأحسن الله عزاءكم وألهمكم الصبر وحسن العزاء. لا أدرى حقيقة من توفى وما هي صلة قرابتك به. أعذرني أخي على هذا التقصير وأسأل الله ألا يريكم مكروه في عزيز بعده.
أخي مجدي نقد لك ودي وإشتياقي وكل عام وأنت بخير طبعا عارف مقصر معاكم كتير ولكنها هموم الدنيا لا تنتهي. أدخل أحياناً ودون إنتظام للبوست، وأتابع بسلبية كتاباتكم وأخباركم. والحمد لله الشباب ما مقصرين، نشاط جميل ووفاء رائع للشعبية وأهلها الطيبين. أشكرك على ما أبديته من رأي عن عدد صفحات الكتاب ، وقد فكرت في عدة حلول في هذا الصدد، منها حذف أحد الأبواب أو إصدار الكتاب في جزئين. ولكني أعتقد إن تجميع الموضوعات هو الأولى في هذه المرحلة. وإن شاء الله نستطيع تحقيق ما نتمنى كما نتمنى. لك ولكل الأخوة والأخوات الأعزاء والعزيزات أطيب الود.
| |
|
|
|
|
|
|
Re: أطيب الود (Re: أمير قناوي)
|
دكتور امير قناوى
Quote: لك ولكل الأخوة والأخوات الأعزاء والعزيزات أطيب الود. |
ولك انت كل الاحترام والتقدير على ما تبزل فى اخراج كتاب الشعبية بالصورة التى ترضى اهل الشعبية ونحنا معك وبالتوفبق لكل من يبزل الجهدمن الاخوة والاخوات ..
مودتى ..
| |
|
|
|
|
|
|
Re: أطيب الود (Re: خالد درق)
|
وليد
Quote: تعازينا الحارة الى اسرة معطيب بالشعبية شمال ( شمال سوق الشعبية ) في وفاة عميد الاسرة المرحوم معطيب |
للفقيد الرحمة و المغفرة و للأسرة الكريمة الصبر الجميل. العزاء لكل آل معيطيب.
| |
|
|
|
|
|
|
Re: أطيب الود (Re: الحاج حمد الحاج)
|
وتخللت زيارة صديقنا الصادق رحلات ترفيهيه ورياضية
الصادق مع الاشبال عثمان صديق ومحمد صلاح ومحمد صديق
الصادق ووليد عبد اللطيف مع الاشبال محمد صلاح ومحمد صديق
تمارين شاقه (صديق عثمان ) بمناسبة الحميه والرجيم يازول خلاص كفاية خلي الباقي للجري وراء المجاملات في السودان
محمد صلاح يؤشر على طريقة النجوم الكبار (رونالدو )
الطفل مصطفى صديق
الطفل مصطفى يلبس العمامه بالطريقة الانصارية
دعوة على شاطي البحر من الباشمهندس احمد عيسي في لقطة مع الارباب صلاح عثمان لكن ياجماعة وين صور العشرون كيلو سمك
للصور بقية تابعونا
-------------------------------- قلنا نغير ليكم مسار البوست شويه
| |
|
|
|
|
|
|
Re: أطيب الود (Re: وليد عبد اللطيف)
|
الحلوين اولاد نقد في مطار جده
شهد وعبد الحليم نقد
عبد الحليم
امجد ربنا يحفظهم يانقد وياهندسة ياجماعة زمان كان كان تدفعوا لجلال المصوراتي قروش لصور المدرسة وكانت ابيض واسود ويجيبكم مغبشين ومغبرين الان صوري ملونه وبعمل ليكم فيها ديكور يعني زول عندي شين مافي على قول دكتورة روما وبعشرة ريال بس رايكم شنو
| |
|
|
|
|
|
|
Re: أطيب الود (Re: وليد عبد اللطيف)
|
ياباشمهندس مجدي نقد
Quote: صفحة الشعبية جنوب في الفيسبوك
الناس ديل عاوزين ينفصلوا ولا شنو ؟ ياخي ما يمشوا خطوة خطوة ..لا إستفتاء و لا يحزنون ؟ غايتو عبرك بنقول للحاج حمد ما يقع وقعة البشير .. تحياتي _____________ لا لتجزئة الشعبية الحبيبة |
الناس دي لو عملت انفصال حقنه ملاريا مابنديها ليهم تاني في مركز صحي الشعبية كما تقول حكومتنا ولو انفصلو على قول ظريف الشعبية حيدر الجقدلي يشتروا الجبنه من وين وعلى قولي انا خليهم تاني يدققوا عيشهم في طواحين سوق بحري هههههههه بالمناسبة يامجدي ناس الشعبية جنوب طبعا عملوا فريق كرة قدم انا زعلت جدا لان قوة الشعبية في وحدتها جنوب وشمال يفترض الناس دي عملها يكون جماعي في كل بغض النظر الناس دي من وين جنوب وللا شمال
| |
|
|
|
|
|
|
Re: أطيب الود (Re: وليد عبد اللطيف)
|
باقي ليكم تاني الصادق برجع السودان ما اظن . طبعا والدتنا الحاجة فاطمه عيسى والدة الاخوان صلاح وصديق الحمد الله بلغت الصحة وشفيت تماما وسوف نلتقط ليكم لها صور على الكورنيش حتى نطمئنكم على صحتها .
| |
|
|
|
|
|
|
Re: أطيب الود (Re: وليد عبد اللطيف)
|
اما الصورة دي مسابقه كان فنان سابق مشهور بالشعبية
من صاحب هذه الصورة ومن الممتع جلست معه واعدت له ذكريات الشعبية الجميلة وافاض بالكثير عنها وطبعا الان ترك الغناء وتطوع ربنا يحفظة ومن هنا تحياتنا له
| |
|
|
|
|
|
|
Re: أطيب الود (Re: خالد درق)
|
كابتن خالد درقبا عشان خاطر كلماتك الحلوه دي هاك هدية
Quote: كده تمام انعشت البوست يديك العافية يا كابتن |
صورة من الارشيف للشبل يوسف خالد درق
صورة اخرى من ارشيف الاطفال الطفله ياسمين الفاضل يسين هدية يافضّولي (عشان اليوم مريت من هنا ) كما تمر كاميرا الشروق ربنا يحفظهم
بالله مايجي صاحبنا المهندس عمر عثمان عشان نهديو صورة العسل شيماء
وحشتتتتتتتتتتتتتتتتتتتتتتتتتتتتتتتتتتتتتتتوني
| |
|
|
|
|
|
|
Re: أطيب الود (Re: وليد عبد اللطيف)
|
عماد احمد:
تعازينا في فقيدكم، ونسأل العلي القدير أن يتقبله القبول الحسن ويلزمكم والاهل الصبر الجميل، ويجعلها أخر الاحزان. لم اسمع بالخبر الحزين،حقيقة مقصريين واعزرنا ياعمدة.
تعازينا لأل معطيب في مصابهم الجلل،ونسأله أن يتغمده بواسع رحمته ويجازيه علي احسانه. ولكل الاسرة الصبر الجميل وحسن العزاء.
مؤاساتنا وتعازينا لأسرة حنفي في مصابهم الجلل،ويجعلها اخر احزانهم. والتعازي لكل الاهل والاصدقاء بالشعبية .
| |
|
|
|
|
|
|
Re: أطيب الود (Re: الفاضل يسن عثمان)
|
كابتن وليد مساء الخيرات
Quote:
.كابتن خالد درقبا عشان خاطر كلماتك الحلوه دي هاك هدية
|
شكرا على الهدية يارائع وهاك انت هذا الكورنجى المتعصب من الحين وبعشق الكورة وله مستقبل ان شاءالله فى المستديرة ..
مشجع من داخل الاستاد ..
مع الملك فيصل العجب ..
مع سعيد السعودى وحمد الشجرة ..
ودى اهداء الى ود حمد وجميع المريخاب فى البوست ..
مودتى ..
| |
|
|
|
|
|
|
Re: أطيب الود (Re: خالد درق)
|
الوليد عبد اللطيف سلامات الناس دي لو عملت انفصال حقنه ملاريا مابنديها ليهم تاني في مركز صحي الشعبية كما تقول حكومتنا ولو انفصلو على قول ظريف الشعبية حيدر الجقدلي يشتروا الجبنه من وين وعلى قولي انا خليهم تاني يدققوا عيشهم في طواحين سوق بحري هههههههه و الله كلام سليم يا وليد .. الناس دي ما عندها مقومات إنفصال .. بعدين إنفصال ليه و نحنا في الشمال لا عندنا سلطة و لا ثروة ؟ غايتو لو طالبوا بالسوق بندي ليهم طوالي . بالمناسبة يامجدي ناس الشعبية جنوب طبعا عملوا فريق كرة قدم انا زعلت جدا لان قوة الشعبية في وحدتها جنوب وشمال يفترض الناس دي عملها يكون جماعي في كل بغض النظر الناس دي من وين جنوب وللا شمال و الله دي بالغوا فيها .. لكن بكون عندهم أسباب نتمنى نعرفه من المطلعين من شباب الشعبية .. بس مهما كانت الاسباب ما مفروض تكون دي النتائج .. بعدين هم بتموا فريقم دا من وين ؟ تحياتي
| |
|
|
|
|
|
|
Re: أطيب الود (Re: مجدي نقد)
|
الحاج الصادق عثمان حجاً مبروراً وسعياً مشكوراً وذنباً مغفوراً و عوداً حميداً نتمنى أن يطيب لك المقام مع اهل جدة من أبناء الشعبية .. كما نتمنى أن تنفحنا بزيارة للداخل إذا سنحت الظروف .. بالله وليد صحبك دا مجنني جن عشان جاب لي الفنان فرفور في العرس .. أتاريك دا أنت الجبتو .. و الله الخيل تجقلب و الشكر لي حماد .. تشكر يا ظريف و لو أنها جاءت متأخرة . تحياتي _____________________ يا وليد و أنا أقول ليه فرفور دا ما غنى كويس في العرس .. تكونوا جبتوا مجان لانكم أصحابوا و ضربتوا القروش ؟ مجرد سؤال ..هه.
| |
|
|
|
|
|
|
Re: أطيب الود (Re: مجدي نقد)
|
خالد درق سلامات
Quote: ودى اهداء الى ود حمد وجميع المريخاب فى البوست ..
|
يا سلام على الصور .. يأخي الشعبية كلهم مريخاب .. حتى شريط حافلات المواصلات أصفر بي أحمر .. ركز على الصغار ما يطلعوا هلالاب لانو الحاج حمد ممكن يحظر ليك صورهم . تحياتي و ربنا يحفظ كل أبناء الشعبية .
| |
|
|
|
|
|
|
Re: أطيب الود (Re: مجدي نقد)
|
بسم الله الرحمن الرحيم
Quote: حلة الصديق تنعى درية الخير زوجة الاخ سليمان ووالدة كل من غادة وسلوى ومحمد وشقيقة الاخوان طارق حنفى من ناحية الوالدة والعاقب الخير وعبد الرحيم الخير والمرحوم حيدر الخير بحلة الصديق رحمها الله رحمة واسعة والهم آلها وذويها الصبر والسلوان. |
خالص التعازى لآل حنفى وآل الخير وزوج وابناء المرحومة (درية الخير) وان شاء الله آخر الأحزن
| |
|
|
|
|
|
|
Re: أطيب الود (Re: اسامة سعد)
|
Quote: ..
سيصل اليوم الخميس في الرابعة عصرا الطائرة التي تحمل نعش المرحوم سامي عثمان وراق والذي سيوارى الثرى بمقابر حلة حمد مساء اليوم
|
نسأل الله الرحمة والمغفرة للمرحوم (سامي عثمان وراق) والعزاء موصول لاهله وجيرانه
| |
|
|
|
|
|
|
Re: أطيب الود (Re: اسامة سعد)
|
Quote: أخي عماد عثمان أحمد غفر لميتكم وتقبله قبولاً حسناً وأحسن الله عزاءكم وألهمكم الصبر وحسن العزاء. لا أدرى حقيقة من توفى وما هي صلة قرابتك به. أعذرني أخي على هذا التقصير وأسأل الله ألا يريكم مكروه في عزيز بعده.
|
الاخ عماد جبر الله كسركم انا لله وانا اليه راجعون
| |
|
|
|
|
|
|
Re: أطيب الود (Re: اسامة سعد)
|
..
Quote: انا لله وانا اليه راجعون تعازينا الحارة الى اسرة معطيب بالشعبية شمال ( شمال سوق الشعبية ) في وفاة عميد الاسرة المرحوم معطيب اللهم تقبله قبول حسنا اللهم اعفو عنه واغفر لله |
تعازيناللاخوان احمد ومجدى وامير معطيب واخواتهم ونسيبهم أحمد عبدالله(ماجد) فى وفاة والدهم
وانالله وانا اليه راجعون
| |
|
|
|
|
|
|
Re: أطيب الود (Re: اسامة سعد)
|
سيد الدار الحاج حمد ياخى كيف حالك واحوالك؟ ان شاء الله بسط
خالد درق وليد صلاح عثمان د. أمير شكوكو الفاضل الفاضل مجدى نقد عابدون و شمش الدين عماد احمد د. عماد
والبقية الباقية من الكواكب
تحياتنا للجميع
.. ..
| |
|
|
|
|
|
|
Re: أطيب الود (Re: اسامة سعد)
|
من صاحب هذه الصورة
يا وليد فنان الشعبية فتحى احمد حمد (شقيق الأخ سعيد الس...ة)
تحياتنا لكل ناس الشعبية حولك وتحية خاصة للأخوة سامى جمعة وصلاح بوارث
| |
|
|
|
|
|
|
Re: أطيب الود (Re: اسامة سعد)
|
Quote: عماد احمد:
تعازينا في فقيدكم، ونسأل العلي القدير أن يتقبله القبول الحسن ويلزمكم والاهل الصبر الجميل، ويجعلها أخر الاحزان. لم اسمع بالخبر الحزين،حقيقة مقصريين واعزرنا ياعمدة.
تعازينا لأل معطيب في مصابهم الجلل،ونسأله أن يتغمده بواسع رحمته ويجازيه علي احسانه. ولكل الاسرة الصبر الجميل وحسن العزاء.
|
| |
|
|
|
|
|
|
Re: أطيب الود (Re: عابدون محمد عابدون)
|
Quote: من صاحب هذه الصورة
|
رجل يحمل الجمال أينما حل الاخ العزيز فتحى حمد تمنياتى له بموفور الصحة والعافية .
سبقنى اسامة سعد ياوليد فى حل المسألة.
تحياتى للجميع وكل سنة وانتم طيبين.
| |
|
|
|
|
|
|
Re: أطيب الود (Re: عابدون محمد عابدون)
|
Quote: يا وليد فنان الشعبية فتحى احمد حمد (شقيق الأخ سعيد الس...ة)
تحياتنا لكل ناس الشعبية حولك وتحية خاصة للأخوة سامى جمعة وصلاح بوارث |
اسامه سعد + عبدون ... سلامات فعلا هو الفنان فتحي احمد خلاص يا اسامه سعد كان عندي جائزة سابقه في بيت ناس عبدون وهي شوال بلح ما استلمتوا وانا جائزتي هنا برضوا شوال بلح وعشان الترحيل وكدا اهو انتو في حله واحدة ممكن عبدون يشيل نص ويديك نص من الشوال الفي بيتهم هه هه هه
| |
|
|
|
|
|
|
Re: أطيب الود (Re: وليد عبد اللطيف)
|
مجدي نقد ياهندسة
Quote: و الله كلام سليم يا وليد .. الناس دي ما عندها مقومات إنفصال .. بعدين إنفصال ليه و نحنا في الشمال لا عندنا سلطة و لا ثروة ؟ غايتو لو طالبوا بالسوق بندي ليهم طوالي |
كيف ما عندنا ثروة وانت شكلك ناس الشوالات المعروش بيها الطبالي والخردة الحديد المجدع في السوق وكمان اهم شيء عندنا اكبر قدر من الزباله بتاعت الحمير وممكن نصدرها كمان للدول المجاورة .
Quote: يا وليد و أنا أقول ليه فرفور دا ما غنى كويس في العرس .. تكونوا جبتوا مجان لانكم أصحابوا و ضربتوا القروش ؟ مجرد سؤال ..هه. |
ياخي انت خطير عرفت كيف الصادق اعترف قدام الناس ديل انت شلت كم واديت فرفور كم .انت زول حاجي يادوب ماتميت ليك 15 يوم
| |
|
|
|
|
|
|
Re: أطيب الود (Re: وليد عبد اللطيف)
|
الأخوة وليد ، عابدون وأسامة تحياتي تصحيح سريع قبل الذهاب للشغل: صاحب الصورة هو الأخ فتحي محمد حمد وليس فتحي أحمد حمد. شوال البلح يشحن لألمانيا !! وإلى لقاء بإذن الله.
| |
|
|
|
|
|
|
Re: أطيب الود (Re: أمير قناوي)
|
يادكتوووووووور قناوي مشتاقون
Quote: الأخوة وليد ، عابدون وأسامة تحياتي تصحيح سريع قبل الذهاب للشغل: صاحب الصورة هو الأخ فتحي محمد حمد وليس فتحي أحمد حمد. شوال البلح يشحن لألمانيا !! وإلى لقاء بإذن الله. |
ياخي هاك الهدية دي اجمل من شوال البلح ذاتو رايك شنو
صورة شقيقك الاستاذ المحامي الخلوق ( محمد قناوي ) في حفل زواج الدكتور عادل شكوكو
| |
|
|
|
|
|
|
Re: أطيب الود (Re: وليد عبد اللطيف)
|
وليد عبد اللطيف
شكرا على الصور الجميلة.بالأمس اتصلت بالأخ عز الدين عبد اللطيف قلت ليهو الحكاية شنو نغلبكم تمشي الجنوب؟ قال لي الحمد لله غلبتونا لأنو لو غلبناكم كنتو ح تشطبوا لاعبنكم التعبانين ديل لكن قلنا احسن نتغلب عشان الدوري الجاي نلقى التبانين ديل و نشيل الممتاز تاني !!
الأخ خالد درق
شكرا على الهدية و الولد طالع لأبوهو لعاب و صفوة..
| |
|
|
|
|
|
|
Re: أطيب الود (Re: وليد عبد اللطيف)
|
قضيت ثلاثة ايام بالشعبية ورجعت الي مكان عملي بعد حضور حفل تخريج الابنة سماح
وعقبال لكل الطلبة من ابناء وبنات الشعبية.
نجي للشعبية :
والله الحال لا تسر صديق ولا عدو
وبصراحة شديدة كل اجازة اشاهدها من سيء الي اسوأ
النظافة معدومة تماما
سوق الشعبية حدث ولا حرج
ماسورة مكسورة في الشارع والمياه ممتدة علي مرمي البصر
من حلة الصديق الي الميدان قرب مدرسة الخشب ( سابقا )مرورا بالسوق وحول مكتب بسط الامن.
ولا ندري اي امن والشعبية وخاصة السوق مليان بجنسيات اخري لا يعرفهم احد من سكان الشعبية
وعلي قول اهل الشعبية انفسهم انهم يشكلون خطرا عليهم وعلي اطفالهم وممتلكاتهم
بالاضافة لسلوكيات مقززة
الغريب في الامر لا حراك من اي جهة سواء رسمية او حتي من أهل الحي !!!
تخريمة علي القول :
حكي لي احدهم:
انه تم تشكيل لجنة للسوق وانه دعي لاجتماع باعتبار انه عضو في هذه اللجنة وانه لم يكن يعلم انه عضو بهذه اللجنة حيث لم يسبق الاتصال به مطلقا في هذا الموضوع سوي فقط بدعوته للاجتماع.
ونواصل
| |
|
|
|
|
|
|
Re: أطيب الود (Re: حسن طه محمد)
|
ود حمد
Quote: وليد عبد اللطيف
شكرا على الصور الجميلة.بالأمس اتصلت بالأخ عز الدين عبد اللطيف قلت ليهو الحكاية شنو نغلبكم تمشي الجنوب؟ قال لي الحمد لله غلبتونا لأنو لو غلبناكم كنتو ح تشطبوا لاعبنكم التعبانين ديل لكن قلنا احسن نتغلب عشان الدوري الجاي نلقى التبانين ديل و نشيل الممتاز تاني !!
|
ههههههههههههههههه ياخي ناس الهلال ديل حيرونا اخر ماتوصلوا له مشوا للشيخ محمد خير ومشوا لستات الودع عن يكشفوا ليهم حالهم المايل بالجد خجلونا ومهزلوا بالرياضة يغلبوكم يكوركوا تغلبوهم يكوركو ا
Quote: قضيت ثلاثة ايام بالشعبية ورجعت الي مكان عملي بعد حضور حفل تخريج الابنة سماح
وعقبال لكل الطلبة من ابناء وبنات الشعبية. |
ود البوب الف مبروك لبتنا سماح والف حمدا على السلامه
| |
|
|
|
|
|
|
Re: أطيب الود (Re: وليد عبد اللطيف)
|
سعادة المستشار حسن طه
Quote: قضيت ثلاثة ايام بالشعبية ورجعت الي مكان عملي بعد حضور حفل تخريج الابنة سماح
وعقبال لكل الطلبة من ابناء وبنات الشعبية |
حمدالله على السلامة ومبرووووك تخرج الابنة سماح ومزيد من النجاح يارب
مودتى ..
| |
|
|
|
|
|
|
Re: أطيب الود (Re: خالد درق)
|
Quote: سيد الدار الحاج حمد ياخى كيف حالك واحوالك؟ ان شاء الله بسط
خالد درق وليد صلاح عثمان د. أمير شكوكو الفاضل الفاضل مجدى نقد عابدون و شمش الدين عماد احمد د. عماد
والبقية الباقية من الكواكب
تحياتنا للجميع
|
الاخ اسامة سعد كل عام وانت والاسرة بالف خير
طلاتك اليوم اسعدتنا كثير وزاد البوست توهج
مودتى ..
| |
|
|
|
|
|
|
|