تحياتي اعزائي خالد ومجدي تاني انا بقنطر الصفحة وببيعها للبيدفع اكثر خالد درق دائما حضور لكن والله افتقدناك في الفترة السابقة ود نقد والله نحتاج للنقلة النوعية التي عملتها في البوست ما تبعد خليك قريب ودي واحترامي
Quote: الاخ العزيز مهندس مجدي نقد حوارك مع النفس رائع جدا واعجبتني الفكرة كثيرا فهي ابداع وعلى ما اظن الدكتوره روما طلبت رأي الجميع وشخص مثلك مؤهل لابداء الرأي
العزيز صلاح عثمان تحية طيبة شكراً لذوقك الرفيع و رؤيتك لغيرك بعين الرضا..لطالما أقف عند صدق كلمات اختنا روما و كان لزاماً علينا أن نبدي رأينا بنفس مستوى الصدق..قول ليها شدي حيلك لما يجو العتاوله ناس شكوكو و صلاح عباس ود. قناوي . تحياتي
Quote: ياسلام عليك شنو الحوار السمح ده شوف مني ليك ضوء اخضر رقم العاوزو القصه اعتبرها حقتك عديل انا وين لاقيه لي اخوان يقنبو يقروا ويصلحو لي ويا اخوي يعلي مقامك قول امين عاين يا ود نقد انا باكتب وانتا رقم .
اها دا الانا خايف منه زاتو.. يا اخي روما دي مشروعنا كلوا ما بكفي يرقم ليها..اسي شوف لي حل انت و دكتور عماد او شيلوا الباسوورد بتاعي دا لله و الرسول. تخريمه : في تصور للشكلة بتاعت اخوانا عزام و بدر مع تروتسكي و تدخل الكبير شكوكو.. ما ببدأ اكتبه الا تحلني من روما دي.
07-11-2010, 09:22 AM
الفاضل يسن عثمان
الفاضل يسن عثمان
تاريخ التسجيل: 04-17-2008
مجموع المشاركات: 3279
من سلسلةالبريد الألكتروني التي تصلني .. وذلك لما فيها من حسن عظة وجمال تعبير أرجو أن تنال بعض الرضا زز مع الود .........
سأل عالم تلميذ
سأل عالم تلميذ: منذ متى صحبتني؟ فقال التلميذ: منذ ثلاثة وثلاثين سنة... فقال العالم: فماذا تعلمت مني في هذه الفترة؟ ! قال التلميذ: ثماني مسائل... قال العالم: إنا لله وإنا إليه راجعون ذهب عمري معك ولم تتعلم الا ثماني مسائل؟ ! قال التلميذ: يا أستاذ لم أتعلم غيرها ولا أحب أن أكذب. فقال الأستاذ: هات ما عندك لأسمع ...
قال التلميذ:
الأولى :
أني نظرت إلى الخلق فرأيت كل واحد يحب محبوباً فإذا ذهب إلى القبر فارقه محبوبه فجعلت الحسنات محبوبي فإذا دخلت القبر دخلت معي .
الثانية:
أني نظرت إلي قول الله تعالى: 'وأما من خاف مقام ربه ونهى النفس عن الهوى فإن الجنة هي المأوى ' فأجهدت نفسي في دفع الهوى حتى استقرت على طاعة الله .
الثالثة :
أني نظرت إلى هذا الخلق فرأيت أن كل من معه شيء له قيمة حفظه حتى لا يضيع ثم نظرت إلى قول الله تعالى: 'ما عندكم ينفذ وما عند الله باق' فكلما وقع في يدي شيء ذو قيمة وجهته لله ليحفظه عنده .
الرابعة:
أني نظرت إلى الخلق فرأيت كل واحد يتباهي بماله أو حسبه أو نسبه، ثم نظرت إلي قول الله تعالى: 'إن أكرمكم عند الله أتقاكم' فعملت في التقوى حتي أكون عند الله كريما .
الخامسة:
أني نظرت في الخلق وهم يطعن بعضهم في بعض ويلعن بعضهم بعضا، وأصل هذا كله الحسد، ثم نظرت إلي قول الله عز وجل: ' نحن قسمنا بينهم معيشتهم في الحياة الدنيا ' فتركت الحسد واجتنبت الناس وعلمت أن القسمة من عند الله فتركت الحسد عني .
السادسة :
أني نظرت إلى الخلق يعادي بعضهم بعضا ويبغي بعضهم على بعض ويقاتل بعضهم بعضا ونظرت إلى قول الله تعالى: 'إن الشيطان لكم عدو فاتخذوه عدوا ' فتركت عداوة الخلق وتفرغت لعداوة الشيطان وحده .
السابعة:
أني نظرت إلى الخلق فرأيت كل واحد منهم يكابد نفسه ويذلها في طلب الرزق حتى انه قد يدخل فيما لا يحل له، ونظرت إلى قول الله عز وجل: 'وما من دابة في الأرض إلا على الله رزقها' فعلمت أني واحد من هذه الدواب فاشتغلت بما لله عليّ وتركت ما لي عنده .
الثامنة :
أني نظرت إلى الخلق فرأيت كل مخلوق منهم متوكل على مخلوق مثله, هذا على ماله وهذا على ضيعته وهذا على صحته وهذا على مركزه ونظرت إلى قول الله تعالى 'ومن يتوكل على الله فهو حسبه' فتركت التوكل على الخلق واجتهدت في التوكل على الله .
فقال الأستاذ: بارك الله فيك
...
07-11-2010, 11:49 PM
خالد درق
خالد درق
تاريخ التسجيل: 12-08-2009
مجموع المشاركات: 4351
تمام والله يا دروقبا،وكيف يوسف، بعد خلاص مدرسة الغينرز قربت تفتح، ولازم يوسف يحصل مع اولاد الارسينال. صحبك ود ابوامنة ناوي علي السودان الليلة بعد غيبة امتدت لخمس سنوات يعود للشعبية مع العلم رغم غربته الكثيرة والعديدة، الا ان الاخيرة دي،اطول واحدة. والحاج ود كرودي ونادر عطا مستلمنو من المطار، لانو لو براهو ممكن يمشي الصالحة.
مودتي لشهد ويوسف والدتهم.
07-12-2010, 04:43 PM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
أخي العزيز أسامة سعد وينك يا دفعه جبنا سيرة الشعبية الإبتدائية و أستاذ حسن و الأميرية 2 و الأستاذ عبد الرجمن الكان ملقب بالبردان عشان نجركم للبوست انت و الأخ عادل محمدعثمان لكن عملتو طناش و بمناسبة دفعة انا بتميز اني دفعة الأخ اسمامة سعد و الأخ عادل محمد عثمان بالشعبية الإبتدائية (سادسة) و دفعة الأخوان الحاج حمد و الدكتور عماد و الدكتور منير و صلاح عباس و عز الدين الفحل في بحري الثانوية و ده براه موضوع
07-12-2010, 05:31 PM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
من ذكريات الأمس و أيام الطفولة الممكن نقول عليها "المعذبة " قياسا بما يعيشه ابناءنا اليوم من حياة الرفاهيه و التلبيه السريعه لجميع المتطلبات الضرورية و الغير الضروريه اتذكر و انا صغير تم إعطائي مبلغ شلن (خمسة قروش ) و المطلوب أولا تصليح حذاء " اكرمكم الله " عند النقلتي و طحن ربع قمح في الطاحونه الواقعه في الجزء الشمالي الشرقي من سوق الشعبيه و كان يعمل بها على ما اذكر واحد اسمه عمر و كان شعره كثير و اظنه من أبناء العيلفون و كان الوالد " رحمه الله " يحضر شوال القمح في المنزل حيث يتم تنظيفه و ارسالي به الى الطاحونه نرجع لذلك اليوم و الذي لا ينسى . انا و ضعت الشلن في جيب القميص الأمامي و اتجهت اولاً للطاحونه و وضعت القمح في الصف حتى ينتهي عمر من طحن الذرة اولاً ثم القمح على ان يتم تنظيف الطاحونه بطحن قليل من القمح .و بانتظار ان يحين دوري فكرت اني اذهب للنقلتي و انتهي من اصلاح الحذاء . و انا في طريقي للنقلتي و الذي كان يجلس امام دكان فقيري جاءني ( الكجر ) و و ضع يده في جيب القميص و قال : الواحد هسه يديك بنيه و انا طبعا استخفيت بيه بحكم اني اقدر عليه تماما لكن كان من الدهاء و السرعة إنه سرق الشلن و طار و عند وصولي للنقلتي لم اجد الشلن و في الحقيقة طار قلبي و ليس الشلن و تذكرت الكجر و الحركه العملها و لمحته بستأجر عجلة من دكان العجلاتي "صديق" والذي كان يسكن الدناقلة شمال ولديه ولد اسمه مزمل. المهم انتظرت الكجر عند العجلاتي و عيني يتطاير منها الشرر و بعد ساعة و صل و مستمتع بسواقة العجلة بقروشي واول ما شافني رمى العجلة و هرب و انا وراه لكن لم استطع الإمساك به . و وقفت في حيرة شديدة الدقيق في الطاحونه و الحذاء في يدي و القروش طارت . ماذا اقول لأهلي ؟ سرقت ؟ تلك اكبر مصيبه انك تكون انسان لا يعتمد عليه و لم اجد مخرج من تلك الورطه الا الكذب فكان من الأسهل ان اكذب و اقول ان الشلن ضاع و لا اني اتجرأ و اقول انه تمت سرقتي ومن من ؟ من الكجر الذي يصغرني سنا و حجما ! في النهاية استجمعت كل قواي و اخبرت والدي بان الشلن قد ضاع و جات الوالدة و تناولت توبها الكرب و خرج اخوتي حافين الأقدام للبحث عن الشلن المفقود " أقصد المسرووق " و كان فقدان الشلن يعني الكثير من حيث كبر المبلغ بالنسبه لنا و من حيث عدم تحمل المسؤوليه و ضياع النقود . و ساورت والدتي بعض الشكوك بأني ربما اشتريت اكلتي المفضله دبل كولا بقرشين ونص عيشه بطحنيه بقرشين و لكن نشاف ريقي و حالي لا يدل على شئ من هذا القبيل . و خرجنا نتبع الأثرلم يترك اخواني حجر إلا ورفعوه او تراب الا فتشوه و انا جامد كالحجر على يقين بانهم لن يجدوا شيئا . و الطريف ان الكجر منذ ذلك الحادث كان كلما شاهدني يفر هاربا
07-12-2010, 09:11 PM
خالد درق
خالد درق
تاريخ التسجيل: 12-08-2009
مجموع المشاركات: 4351
سلااااااااااام للجميع ولكل من سأل عني تاني مع زنقة الشغل قبل الاجازة السنوية الاجازة من نهاية هذا الشهر وحتى بعد العيد والمشاورات جارية لتحديد مكان تقضيتها ود حمد الف حمدا لله على السلامة بحاول ارجع ليكم المساء تحياتي للجميع
07-14-2010, 08:56 PM
خالد درق
خالد درق
تاريخ التسجيل: 12-08-2009
مجموع المشاركات: 4351
خالد درق تحياتي والله دي الدخلة على البيت كووووووم من التعب ودرجة الحرارة عندنا في الدوحة 50 درجة مئوية وتزيد في بعض الاوقات قلت اطل عليكم وامسي وغدا ناظره لقريب تحياتي واحترامي
07-14-2010, 10:40 PM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
- يا ا شباب اتاخرنا ياجماعه البنات بيكونوا شتتو وتاني تقعدوا تتحسروا
- ياخي يشتت الطير يا مان ديل ما بكونوا صدقوا تشارطني حسا بيكونوا ضاربات ليك تكيف البوداي والنقه بتكون اربعه سلندر يا حبيب كندشه وفرفشه حسا
نمشي نلقاهم ضربو ليك العضه والبارد ولا بيكونوا جايبات خبر لي تاخيرنا خليها على الله
- يا جماعه امشاكم سريع ما صاح نخليهم براوم اكتر من كدا عشان يرجعوا بدري .يادوب سلام وشويه كلام يضربوا الجرس ويقولو ليك ابوي بيكون جا من الشغل واخوي
رجع من الجامعه
_ دا منو ده يا زول ما تخليك خفيف وتقرض الرغيف ادوها صنه يمكن نخش الجنه الجكس لو شافتك كابي الجرسا بتخش على طمع تاني الا تستعين بي صديق او استعينو بالنت يرحمكم الله
ياالله زكروتوني بي نت في بت عامله لي فيها تفتيحه وفصيحه لقيتها ليك في المنتدى شبكتها ليك موضوع مؤسر قمة الابداع وكل ما تخش تكتب ليها موضوع اخش ليك ليها
محد حماقي وتامر حسني لامن اامنت يازول بقيت بس توم وجيري لسا ما تنزل ليك موضوع العب يخش يعلن ليها كامل تضامنو مع القلم المبدع وستو يازول لقيتها ليك تعلق لي
بشكرا وتسلم على المرور وبقت تزيد ليك في التشكرات اها بي جاي بي جاي زغتا ليك حسب الخطه بس اخش ليك الحضور اشوفها ليك قاعدة اجيك
خاشي اعلق لي كم تعليق قاطي لي اقرب زول واتخارج يا زووول مشيت ليك معاها بخطة اتقل على الجكس قامت رسلت لي طلب صداقه
يا ابوي نكرتو ليك زي الماحاصل شي بس يا مان جاتني ليك رساله في في الخاص قالت لي انت زعلان مني ولا شنو طبعا جليتها ليك وما عبرتها
واخش واعلق لي ناس بيض كدا واتخارج يازول جاني منها ايميل اخوكم خاتي كم وسيلة اتصال اها الزوله دي ما خلت ليها كلام بتاع اعتزار ما رصتو لي وحلفتني
بالغاليين في شنو خليتها ليك زي اسبوع تستوي على نار هادئه بعدين دخلتا ليكم بي اسمي التاني يا منتصر تتزكر صور البروفايل هههههاياااا يا زووول اسم بنوتي غروري ضروري
لقيتوني كيف و مشيت ليك منتدى الاصدقاء وكتبتا ليك ياسعدنا يا هنانا امير الحسن معانا طبعا من النيك نيم عرفتا كيف انا اها كتبتا ليك جوا نهني الوجيه امير الحسن على
سلامت الوصول في دبي دار الحي وكم صورا من النت لي دبي يا زول وكم وردة دخلو الشباب ما قصوا هنوني ليك يا زوول دي دبي.. اها زولتك ديكي دخلت
هنتني ليك وكم دبدوب يا فرد وكدا وردمتني ليك ايملات اعفا لي وسامحني انا افتكرتك ما بترد على قاصد اتاريك مسافر وبرنامج يا وجيه وتشيل وتقول ليك كنت قايلاك
زعلته من رمستي ويا رياال اجتهدت الجكس واستعرضت لي خبراتها باللغه الاماراتيه قال ليك بعدها اخوكم قمتا كتبتا ليها في الخاص اني عندي مشكله مع الحاج
هو عايزني اسك معاهو الشغل وانا لن اعيش في جلباب ابي وانا في دبي مجبور يا اخونا ههههه اتخيلوا الحاج بيتاعنا وعندو شغل بقت اخطر من مسيلمه يا مانات
قامت بقت تتضامن معاي وقلتا ليها عايزوا هديه شنو قالت لي بس سلامتك اخوكم قرط على كدا بقت بين كل ايميل وايميل عشة ايميلات وقالت لي الا تضيفني في
ماسنجرا طبعا عمللتا ليها تقيل وقلتا ليها انا ما عندي وقت لانو الشغل وبقت شابكاني ليك اديني رقمك اديتو ليها ورقمي السوداني وقلته ليها عشان ما تتكلف وكده
ياخي بت عجيبه كل يوم مسج الصباح ناس صبحتا بي خير لاني حبيبتك ويا جماعه انا بكون قايم من النوم زهجان والحاج ما عطني بي
حديس الصباح ويا عاطل يا فاشل اسطوانت كل يوم والبقاقه يجيني منها المسج زي باقول للصباخ صباح امير الحسن عليك ويا ميرو يا اميري
مافي اي توافق بين الموقف الجغرافي الانا فيهو وبين مسجات الا ارن ليها ولما ارن ليها تديني رنه وانا ارن وهي ترن
المهم استمرينا ليك على كدا كل مرا تقول لي نتقابل في النت واخوكم يقول ليها نهي نهي وهي تصر قلتا ليها شوف انا البكون عايز اعرسها دي بس بجي عديل في بيتهم اخظبها
لكن ناس مرقنا ودخلنا دي لاوما عندي جكسويه تتعقد في الكاميرات يازول عملتا ليها المله عمر عديل
- ديشاااك يا ازهري دا كلام وين مالك بقيت ماساوي وعرس كدي فهمنا شنو يا امير الحسن تعرس عليك الله عاين الزول الوهم ده !
- لا يا بريش دي مكنه يا حبيب اخوك اباطو والنجم من اين لي حق العزايم خصوصا البت طلعت ليك شهادة عربيه ناس عصير وحليب وعمو وخالتو وحبوبتو ياخي على
بالايمان لما كانت تقول لي اول ولد نسميهو على خالتو مامتك يا امير يا شباب جادة البت اها زي دي اقول ليها شنو بقيت اتشاوت معاها وازوغ ليك لانو بكون حاجز لي ساعه بس في النت اها عقبال ما
اخلص من الكم منتدى واقول هاي وقاي الساعه ما بيفضل فيها شي اجيك خاشي ليها بي مكنت الحاج معاي والشغل والشخصه من ما ادخل ليك وافك ليك الاوف لاين
تقول جاها زعيم ما بتخلي لي ايكونا ما بتردمني بيها ومرا قالت لي افتح لي الكاميرا يا ابوي على مين ياسيد الحلوين قلتا ليها تاني لو بتقولي كدا ما باريحيك اوعك تفتحي
الكاميرا يازول صدقت وبقت تترجف قالت لي انا ما كنتا قايلاك بتغير على كدا حتى من نفسك يا زول انا قلتا ليها كدا لانو باخش من الانترنت كافي تقوم تشوف الدباييب
ناس كومي وياسر بشكه وديل ما بتحلا منهم تاني والبقاقه مصرة تورني صورتها عشان تجيب جل سريع رسلت لي صورتها يا زوووولشديدة شدة بلاستيك ابوها بلح شام
وامها كيكه انا لله سمحه لامن غلط انا لامن لرسلت لي صورتها قلته ليك اول مرة يا ولد تسوي ليك خير لما ابيت تتكلم معاها بالكاميرا انا قعدته ليك قدام السكرين اتحولق واتسمرته
شاف الصورة مرتضى ود الحلفاويه ما اتشعبط هبيل ياخ الزول دا ماشايف ليهوخير قال لي اديني ايميلك شويه قلتا ليهو شوف يا مان انا بالنسبه ليها
زي الشارد لي من بيت في الرياض وانا ولد فاميلياا جدن ما تلخبط لي قال لي يا زول باظبطك نتك كل الاسبوع الجاي على واي نت شوكك باحلك منو يازول جاتني في جرح
مامون بيتاع النت كان داير مني حق كم واربعين ساعه دفعك ادفعت وبقا يدخل يتكلم معاها بعدين البت بقت تزيد لي المسجات قلتا زولك شغلو نضيف بتعرفو
هو ناس هجم النمر يا زوول البت شابكاني ليك انا عرفتا انك واصل وعرفتا انو عمو قيادي ومجلس اربيعيي يا زول انا قلتا امشي اشوف الزول دا وصل معاها وين ليقتو ليك
دخل عليها بي قصه لاسرة سعيدة ودايس ليها في اليوتوب غرقها ليك بي ماجد المهندس وسامو زين وود الساهر وجاب ليها صور ناس امين عبد القادر في دبي ويعرضها ليها
ومواصل انو الوالد عندو اعمال في دبي والبت شرقت وبقت في المنتدى ما بترد على زول تاني منعت ليك الكلام تحت شعار كل ما سالته عليك لقيتها مخطوبه الليله انا البمشي النت
ا لانو ود الحلفويه مشا شوف ناس الخدمه ديل عملوا ليهو شنو قال لي خش ليها البت مستنيه انا مرق من راسي الموضوع دا خلاص بادوس معاكم نمشي نشو بقاقكم وتجو تعملوا لي
خلفيه للشات عايزكم تجو تعملوا فيها موظفين شركتناوتحترموني بالحيل ويا مدير ولو واحد فيكم جاب لي شاي داير الجكس تسمع احترامكم الامتناهي لي في المايك يوسف مالك ساكت
- يا خي ما عيب عليك يا ازهري ابتعملوا في بنات الناس حسا لو طلعت بتعرفك وهي العامله عليك الفليم دا تمشي وين بعدين ياخ ما عندكم اخوات ممكن ربنا يردو ليك فيهم ياخ
- شوف يا يوسف انتا ما بتعرف البنات ديل عايزين ليهم شغل زي دا حسا جرب تجكس ليك وحدا وقول ليها انتا خريج بس ما شغال او ما عندك حق النت يمين تشتت منك
وتنكرك حطب في زول لاقي ليهو حنيه وما يزود بيها المحلبيه اديها وما ترحم بعدين انتا فاكر انو كل البنات زي اخواتك اشمعنا رندة ما عملت معاك كدايا يوسف سوال
وما تزعل بي صراحه كدا انتو سبتو بعض عارف ليه لانها شافت معتز لجوء راجع بي جوازتاني وابيضاني ومبغبغ باعت حبك مع اول يورو شافتو مارق من جيبو وعرستو
والبيغيز انك كنتا الوزير ياخ انتا ملاك ولا من حسان الحور و انتا عارف انها كزابه وعملت ليك حمد لبد قالت ليك راجعه بيتهم وح تسيب الداخليه شويه
لانو عرس اختها قرب وكسحت وانتا منتظر رجوعها وتنقل ليها في المحاضراتوتعمل ليها في البحوث ولما جات الخرطوم لابسه ليها عبايه وجونتيات وريحتها دخان
و مجدي سغاله قال ليك كدا انتا قمتا اضاربتا معاهو و جات امتحنت وكسحت لما كانت الرحله بتاعت الوادع هي ما جات وكبت ليك مكنت عرس اختي قرب
وانها سابت الداخليه ومسافرة لانو عندها ظروف ومشيت انتا سافرتا ليها عشان تكلمها بي نجاحها ولقيت حامد هايس بيصلي برا بيتوم وقال ليك نحنا جينا مع ناس معتز نخطب
ليهو من البيت دا وجيت ماشي كداري من هناك لي هنا ولقوك ناس عبد الهادي جايين من الجزيرة واقع في الشارع وجابووك رقدتا في المستشفى اسبوع
وبعد دا كلو جاك معتز لجوء وقال ليك مفروض كان يكلمك لانك من شلتها وهي بت خالت الجكس بتاعك يعني نكرتك وبقيت وزير العريس شوف انا حالات
ودرامات زي دي ما بقدر عليها يا زوول بنات حوا دايرين سوق الله واكبر تبيع وما تشتري فما تعمل فيها عمرو خالد وتفتي وتنصح انت اخر
من يتكلم عن البنات لانك شفتا بي عينك ممكن تعمل الواحدة فيهم شنو ياخي دي قرطصتك عديل كدا نكرتك وعرست صاحبك ياخ خلينا ياخ بنات شنو ديل دبايب
- ااااخ معاهو حق حبيبتي عرست صحبي وانا عملته ليهو قيدومه في بيتنا وعزمتهم ايام شهر عسلهم انا ما اهبل لكن اعمل شنو افضح البت انا عندي اخوات طيب ما لازم ابين اني
زعلان ديل اولاد حلتي لكن تحت تحت بيتونسوا باي شي ح اقولو احسن شي اركب لي وش خشب انا ود اختك يالتايه استنو لي على ال######## ده بارويكم فيهو -----اسمع يازفت انتا انا
غلطان الجاي معاك وقاعد اتكلم حريقه فيك وفي ادبك انا ما عايز ارد عليك لكن شوف يا زول دا حدي معاك تاني ما تلوم الا نفسك وخوا معاك ما داير لا تعرفني ولا اعرفك انا مفرتق امشوا انتو
- يا يوسف يا حبه دا كلام شنو دا انتا ما عارفو هبيل ياخي انتا ماشي معاي انا ما عندك بيهو شريعه كدا اقيف يا يوسف ياخي باتكلم معاك
-- خليهو انا زفت كويس سيبو يمشي اصلو الكلام الصاح ما بخلي الزول مرتاح سيبو يشتت بلا في شكلو قال ما في خوة انا داير بي خوتك شنو عليك الله شوف الوهم
دا يااااخ خلوهو يمشي عامل لينا فيها مقنع الكاشات الزيك ده يمشي يشترك في تهزيب اكاديمي ما تجي تتقعد معانا لانو ده كلامنا وديل نحن شفاته ناس عيب ولا وماصاح ما معانا
- يازول الكلام دا غلط منك ياخي يوسف دا ما بيغلط على واحد مننا ليه عضيت فيهو كدا انتا مالك زول مرض كدتا ما بتعرف تتكلم ولا بتوزن كلامك ياخي عارفو ما بحب سيرت رندة
دي بعدين في انتا شايف محمد مهدي القوال ود عمت معتز لجوء لزم ماري وسلم ياخي ماعندك اي مخ انتا حسا لو مشا غرد بالشمار دا ياخ انتا ما بتعرف الكلام دا
بيجيب ليهو هواء بارد للبت في الاول وبعدين لي يوسف العن ابو دي غباوة وبعدين يوسف دا جميايلو عليك كتيرة اتزكر يوم ما جيت جاري ساكيك
البوليس وجيوبك كلها سجاير مجرتقه منو الشال منك السجاير دي نضف ليك الحته ياخي انتا كنتا تتلب من راس بيت لي راس بيت منو الدساك في بيتوم
يا مرض انتا منو المشا بيتكم وشال كل الشتول بتاعت اخوانك ونضف الشيشه كلنا عملنا مجانين وهو الوحيد الوقف معاك وتاني شي ياخي ليه تزكرو كلنا عارفين
مافي داعي لي حركات الخيران دي وانتا زاتك عارف وكلنا عارفين رندة دي زاتك كنتا ح تموت عليها وجاتك وقالت ليك بطل ترسل لي تاني لاني زولت يوسف انتا قايلنا نايمين
ولا شنو يا زوول هيي فتح عينك وبطل الحركات دي البنات سابوها بطل المطاعنه وما تتشربك اقول ليك شي وعلى الحررررام يا زوول انتا رمه لامن غلط ياخي يوسف دا
مش هو الوحيد الكان بيصر انك تقعد معانا وكلنا كنا شامنك وهو فارضك علينا ياخي القميص الانتا لابسو دا ما حقو يا زوول انتا عفن شديد الله يلعن ابو
شكلك اقول ليك شي تاني ما تصاقرنا كجيتنا يا زوول
- يا جماعه كدي وحدو ربنا حسا الشمس دي حرت يا نمشي للجكس ولا نجلي الموضوع ونشتت لكن الفيك اتعرفت يا ود انعام العفن طول عمرو عفن
- يا نزار ابوك يا ابو الجابك مالك بتجيب سرت امي يا زول انتا قليل ادب ولا شنو انا جبتا سيرت امك حسا باقلبها معاك انتا وهم ولاشنو
- شوف يا زهري يا ######## تقلبها معا منو انت طاير ليك ولا شنو ايوة انت ود انعام دا كمان جاي يتكلم ايي جبتا سيرت الوالدة باشا لانك رجال في بيت بتمشكيم امكم
هو ابوك زاتو بتمشيهو الحجه انعام ولا نسيتو امك بتقبقب ابوك قدام الناس وبتجيب ليهو البوليس والحله كلها شاهدة وبعدين حرقك وين الكلام دا من شويه ما كنتا فارد جناحك
في بنات الخلق بقا ليك حاار وااي وااي انا ما برااي يازول تسكت ولا اقوم اوريك مقامك يا عواليق انتا نحنا كلنا ما عاوزنك في قعدتنا لانها قعدة رجال بتعرف الكلمه دي يا ود انعام
وبعدن كل الناس عارفه انو الوالد ما شغال ورامي حمولو على الوالدة باشا ياخي انتو 4 رجال في البيت اخير ليها تفكمم بي بتنين وليه ماشين بعدين اختك هي الشغاله وشايلاكم
يعني معروف انكم ما شغالين وتترقدوا والنسوان هم البيصرفوا عشان كده عندك عقدة في بنات الناس امشي شوف ليك شغل وسوق معاك الحاج وقبل كل شي وشك ده تقطعوا مننا
وتعتزر لي يوسف وتبطل الجن البتوسي لينا فيهو وارجل شويه يا وهم
- يا جماعه صلوا على النبي كدي اهدو حسا الجاب كل المشاكل دي شنو اقول ليكم انا مشتت انتو شكلكم خرمانين مشاكل يازول انتا عضيت في يوسف ونزار جا عضا فيك يعني بصرا مافي
واحد طالب واحد شي بس نصيحه ليك لما تكون عايز تبقا راجل اترجل في مواضيع رجال مافي نسوان معرسات وبنات في النت
واوعا تفتح خشمك معاي وتتلفظ لاني باكبس ليك ولي جد جدك زاتو اول شي لما تمشي الحله تعتزر لي يوسف وتلم لينا لسانك دا
انتا ظاهر المنتديات لحست ليك مخك مفكر اي زول عندو زي 200يوزار نيم وبيقدر اخش وكت ما عايز يازول عيش الواقع يا حبيب انا ماشي للجكس للامام سر او نجلي الموضوع
دا للخلف دور والما عاجبو محلك سر اها جاوااات يا شباب
07-15-2010, 04:24 AM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
العريس الحاج حمد: ألف حمداً لله على السلامة ومنور حوشك ودارك وبيتك.. الدكتورة روما: طبعا قدر ما حاولت أتذكرك وسألت حكمة مصباح.. بس الغربة خربت الذاكرة.. وبالله طمنوناأكتر على صحة الخالة (والدة الأخ وليد عبداللطيف)..
07-15-2010, 11:51 AM
خالد درق
خالد درق
تاريخ التسجيل: 12-08-2009
مجموع المشاركات: 4351
الاخت دكتورة روما كيفنك يا زوق وحمدالله على سلامة الباسورد وامسكى فيه قوى المرة دى وكيف اخبارك واخبار الاخ محمد ... يوسف وشهد وامهم بسلموا عليك شديد ولكى منا الف مليون ود ..
07-15-2010, 05:45 PM
خالد درق
خالد درق
تاريخ التسجيل: 12-08-2009
مجموع المشاركات: 4351
كدى نعمل استراحة شوية يوم الخميس ده ونرجع لزمن الجميل من اغانى الحقيبة الجميله ونشوف روعة الكلمات وعزوبة المشاعر ونبداء برائعة سيدعبدالعزيز من حور الجنان.. من حور الجنان
من حور الجنان أم أنت إنسان الكمال هل أنت الملاك جيت تورى الناس الجمال
سبحان من نشاك حسنه وفى غاية الكمال يهواك الجنوب وإليك ينقاد الشمال وما أظن يحصوا حسنك لو يحصوا عدد الرمال بى إيه يقدروك يا ملك ملوك عصر الجمال
سلطان بهجتك محروس بجيوش الجلال ويغار من صفا حسنك صفا ماء الزلال فى مراية خدودك أشوف تأكيد سحر الحلال وأشوف فى سما حسنك كل يوم يسطع هلال
صفا ماء الجمال فى مجال جمالك راق وجال زى ماء الحياء فى عيون ربات الحجال ما فعل السلاح تفعل عيناك النجال مكسور الطريف كسر قلوب الرجال
يا خلاصة المعانى الصار معناك موضع مثال فوق المحسنات حايز لطف وكرم خصال آلهة الجمال اعترفوا ليك ما ليك مثال وتتمنى البدور تقبيل يداك بى امتثال
يا طايل الوريد يا أهيف يا اللى خصمه زال فيك منظر يحنن وفيك منظر فارس النزال ليك من الغزالة جبين وقاد وعيون غزال الحور من مناصبها لى قدرك تكتب نزال
يا الغصن الرطيب عاجبنى فيك الإنهدال اللادن قوامك من ملبن وذو اعتدال جوهر حسنك الصافى وسيرك طاهرات عدال آيات بينات ما فيهن للكافر جدال
شاركت الغمام والموج مناظر وارتحال شاركت الظباء فى نفرتن والإكتحال شاركت القلوب فى موضعن وعلى كل حال نفداك بالنفوس وفداء النفوس كان المحال
..................................
اه ريكم شنو ...
مودتى ...
07-16-2010, 06:43 AM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
شكرا دكتوره روما اصلا الشلن في زمننا كان يعني لنا مبلغا كبيرا ممكن تجيب بيهو كورة وتقبض الجو تبقى مدرب وحكم وراس حربه وتخرخر عشان الكوره حقتك
Quote: حبذا لو حدثنا الأخوان صلاح شكوكو وصلاح عثمان وعاطف رميتي عن تلك الشخصية
اخي العزيز عماد عثمان يعتبر عبدالسلام حماد علم من اعلام الشعبيه كافح منذ صغره وتحمل مسؤولية احوانه بعد وفاة والده وكان مثالا للشاب المكافح وقد عرف بوفقته مع الجيران بالشعبيه ومساعدته للجميع ومشهور بتعليقاته الساخره وكان من احرف لاعبي الرابطه ولعب بفريق نجوم الشعبيه وكان يلعب حافي القدمين وكثيرا ما فاز بهداف رابطة الشعبيه
الدكتور عماد الطيب منتظرينك منذ فترة تخلص المشغوليات تجينا تقول لينا جمعة مباركة وتمشي
07-16-2010, 11:03 AM
خالد درق
خالد درق
تاريخ التسجيل: 12-08-2009
مجموع المشاركات: 4351
Quote: الدكتور عماد الطيب منتظرينك منذ فترة تخلص المشغوليات تجينا تقول لينا جمعة مباركة وتمشي
تحياتي اخي صلاح عثمان لو بايدي كنت اتحكرت في البوست على طول لكن نسوى شنو مجبور خادم الفكي على الصلاة والله زنقة شغل حتى يوم 26 / 7 وبعد داك تحلل اكبر واجازة حتى يوم 18 / 9 / 2010 يعني لحدي بعد العيد وبعد يوم 26 / 7 حا تزهجوا مننا وتقولوا الزول كرهنا البوست ما عندو شغلة ولا شنو والايام دي اسمحوا لينا نجيكم طلات ومتاوقات
سيد الحوش ود حمد الف الف الف حمدا لله على السلامة
تحياتي واحترامي
07-16-2010, 03:36 PM
خالد درق
خالد درق
تاريخ التسجيل: 12-08-2009
مجموع المشاركات: 4351
Quote: اخي العزيز عماد عثمان يعتبر عبدالسلام حماد علم من اعلام الشعبيه كافح منذ صغره وتحمل مسؤولية احوانه بعد وفاة والده وكان مثالا للشاب المكافح وقد عرف بوفقته مع الجيران بالشعبيه ومساعدته للجميع ومشهور بتعليقاته الساخره وكان من احرف لاعبي الرابطه ولعب بفريق نجوم الشعبيه وكان يلعب حافي القدمين وكثيرا ما فاز بهداف رابطة الشعبيه
شكرآ أخي العزيز صلاح عثمان للإضافة
وامتاز سلام بسرعته الشديدة وللدلالة
على ذلك يقال بأنه كان بيسبق الكرة ..
07-17-2010, 10:26 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
فيصل أحمد سعد من مواليد مدينة كوستي في العام 1959 م ,, أكمل تعليمه حتى المرحلة الثانوية بمدينة الأبيض ثم نال دبلوم التربية من معهد التأهيل التربوي بمدينة الأبيض ( تخصص لغة إنجليزية – تربية ريفية ) ,, التحق بعد ذلك بمعهد الموسيقى والمسرح حيث نال درجة البكالوريوس في العام 1977 م ( شعبة التمثيل والإخراج ) ,, نال درجة الماجستير في اللغة العربية من معهد الخرطوم الدولي للغة العربية في العام 1994 م ,, وتحصل على درجة الدكتوراه في الدراما من جامعة السودان للعلوم والتكنولوجيا في يونيو 2004 م ,, بدأ حياته العملية مدرسا بالمرحلة المتوسطة بولاية كرد فان ثم معلما بمعهد تدريب معلمي المرحلة المتوسطة بأمد رمان ,, ثم عمل مساعد تدريس بكلية الموسيقى والدراما ويعمل حاليا رئيسا لقسم الدراما بكلية الموسيقى والدراما .
خلال دراسته بمعهد الموسيقى والمسرح انضم لفرقة الأصدقاء المسرحية في العام 1983 م حيث قدم معها أعمال خالدة راسخة في ذاكرتنا ورسمت لنا البسمة في الشفاه العابسة من خلال أعمالهم الدرامية الهادفة التي زينوا بها المسرح السوداني وشاشة التلفزيون وأثير الإذاعة مثل : مسرحيات المدرسة المختلطة وبيان رقم واحد والمهرج وسلسلة حلقات متاعب التلفزيونية ,, وأشتهر فيصل أحمد سعد بأداء شخصية ( كبسور ) والتي كثيراً ما نصادف مثلها في مجتمعنا ونال بها فيصل أحمد سعد رضاء واستحسان المشاهدين لتجسديه الرائع لها ولم يسجن فيصل أحمد سعد نفسه في تلك الشخصية فقدم لنا أدوارا متميزة أخرى مثل سلسلة حلقات ( أبو مروة ) ,, وسلسلة ( حسن إحباط ) التي تعمل على إحباط أي شخص في أي محور .
يشغل الدكتور فيصل احمد سعد حاليا منصب نائب رئيس اتحاد الدراميين السودانيين وعضو لجنة الامتحانات المركزية بجامعة السودان و أستاذ مادة الصوتيات وفن الالقاء بالكلية كما يشرف على عدد من بحوث التخرج داخل الكلية وعلى عدد من طلاب الماجستير من داخل الجامعة ويشرف أيضا على عدد من بحوث التخرج خارج الجامعة.
صدر له كتاب ( مسرحة المناهج المدرسية وأثرها على طلاب مرحلة الأساس),, وكتاب الدراما بين اللغة العربية الفصحى والعامية السودانية (تحت الطبع) ,, يكتب بمجلة اسرتى (عمود ثابت) التي يصدرها اتحاد المرأة وله كتابات في الصحف وبعض المجلات.
- مدرب مذيعين (معهد تدريب المذيعين بقناة الخرطوم- متعاون). - أستاذ ماده الصوتيات في أكاديمية السودان لعلوم الاتصال. - عضو اللجنة المنظمة لمهرجان البقعة المسرحي السنوي. - عضو لجنة التحكيم في منافسات الأندية- وزارة الشئون الاجتماعية -ولاية الخرطوم. - عضو لجنة التحكيم في أسبوع المرأة- جامعة الأحفاد. - عضو لجنة الفنون (درامية- تشكيلية – موسيقية ) بكرسي اليونسكو للمرأة. - عضو برنامج مكتب الإرشاد والتوعية بجامعة السودان للعلوم والتكنولوجيا للتوعية بمخاطر الايدز. - عضو جماعة ارم فاك الطوعية. - مشاركات في العديد من المنتديات والملتقيات. - مهرجان القاهرة التجريبي لعدد من الدوريات. - الخرطوم عاصمة الثقافة العربية 2005م/طرابلس. - قافلة ثقافيه فنيه(تشاد). - عضو منظمة اللمس الطوعية. - معد ومقدم برامج تلفزيونيه. - حائز على وسام الجمهورية في العلم والأدب والفنون مع فرقة الأصدقاء المسرحية.
تزوج في العام 1998 م ,, التحايا نبعثها للدكتور فيصل أحمد سعد من هنا وأمنياتنا له بموفور الصحة والعافية ودوام من العطاء المستمر والتميز المتواصل في سماوات مسيرته الفنية ويجدر ذكره هنا بأن الدكتور فيصل أحمد سعد يسكن مربع 8/ 9 بالشعبية جنوب.
المصدر : جامعة السودان للعلوم والتكنولوجيا . صحيفة الصحافة السودانية .
07-17-2010, 10:30 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
الضحك ثبت طبياً أن له الكثير من الفوائد على صحة الإنسان، وهو فن قديم نشأ منذ نشأة الإنسان الأولى، لكن كيف يصنع الموقف الذي يحمل المفارقة التي تجعلنا نضحك؟، وهل الشعب السوداني بطبعه شعب يجيد الضحك، أم أنه صعب المراس، متجهم، ولا يضحك؟، وما هي مصادر النكتة، وهل ما يقدم الآن من بعض الفرق الفنية يعد فناً كوميدياً؟، كل هذه التساؤلات أجاب عليها في المنتدى الذي نظمه مركز راشد دياب للفنون، والذي حمل عنوان (فن الضحك) الدكتور فيصل أحمد سعد :
( السودان عرف فن الضحك مبكراً، وبعيداً عن الشخصيات التي نشأت في الأحياء أمثال (ود نفاش، وحموري، وغيرهم)، نجد ان الدراميين أمثال أبو المسرح السوداني خالد أبو الروس والذين خرجوا من عباءته أمثال الفاضل سعيد، وود أبو قبورة، ود أب دليب، وغيرهم، هكذا ابتدر د. فيصل سعد حديثه عن علاقة الدراما بالضحك في السودان..
ويواصل د. فيصل: خالد أبو الروس كان حلقة الوصل في فن الضحك السوداني، وذلك بالمنلوجات التي كان يقدمها، ومسرحياته التي كان يؤلفها ويمثلها، في وقت كان التمثيل ليس سهلاً، إذ كان التمثيل حكراً على الرجال فقط، وفي بداية الدراما السودانية لا نستطيع تجاهل التأثير الكبير للدراما المصرية علينا، فأبو الروس شاهد نجيب الريحاني، وعلي كسان وغيرهم، ونقل هذه التجربة إلى السودان، ووجد مناخاً خصباً ليؤسس فيه لهذا الفن.
ويواصل د. فيصل بعد ذلك جاء الفاضل سعيد وود أب قبورة وبدأ انتشار الكوميديا في السودان، وقامت العديد من الفرق التي تقدم هذا الفن، وتطورت الكوميدياً، وحتى الآن نجد أن هناك كماً هائلاً من الكوميديا، في المسرح أو في الاذاعة والتلفزيون.
وعن الشخصية السودانية وتأثرها بالضحك يقول د. فيصل: السودانيون لديهم استعداد فطري للضحك، فأحدثت منلوجات خالد أبو الروس فعل السحر في اضحاك الناس، وهي كانت تدعو للفرح وتشيع جواً من المرح، وكان لديها رسالة عميقة، وليس الضحك من أجل الضحك فقط، لذا نجد أن أنجح ما قدم من مسرحيات على خشبة المسرح، كانت كوميدية، البعض يقول أن ذلك خصماً على تقديم الدراما الجادة، لكن بالعكس هي فن درامي من حقه أن يتطور، وأن يأخذ المساحات المتاحة له.
ويستطرد د. فيصل: الشعب السوداني استعداده للضحك ينبع من بساطة حياته، وطيبته وحبه للسخرية، فليس بالأمر الهين اضحاك الشعب الانجليزي، لان الضحك هناك بحساب شديد جداً، لكن هنا نرى الناس تألف الضحك وتستمد منه قدرتها على الاستمرار في ظل كثير من الأوضاع الصعبة، لذا نجد النجاح الكبير لمسرحيات مثل: (الجن الكلكي، الناس العملوا قروش، الكسكتة، النصف الحلو، عرس أبو الدرداق، المهرج، المدرسة المختلطة).
د. فيصل أحمد سعد تحدث عن أن المواقف الطريفة أغلبها مشاهد في الحياة اليومية يتم اختزالها بواسطة الفنان، ومن ثم يشذبها ويضيف إليها من فنه ليخرجها للناس مرة أخرى، لكنه يتحفظ بشدة تجاه النكات، ويقول:
الفرق التي تقوم بتقديم النكات، والأغنيات المضحكة، لا يمكن أن نسمي ما تقدمه كوميديا، إذ لا يندرج ما يقدمونه تحت فروع الدراما، فهم ليسوا دراميين، ويمكننا أن نطلق على ما يقدمون منوعات أو ما شابه، هو فن يفترض أن تكون له أسسه التي يقوم عليها، لكنه دون أدنى شك لا يمت للكوميديا بصلة، ويواصل: من يقدمو هذه النكات لا يجرؤ على الوقوف على خشبة المسرح لتقديم عمل مسرحي متكامل، ونحن كذلك ربما لا نجيد تقديم هذه اللونية التي يقدمونها.
منقول من صحيفة الرأي العام السودانية .
07-17-2010, 10:34 AM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
Quote: تزوج في العام 1998 م ,, التحايا نبعثها للدكتور فيصل أحمد سعد من هنا وأمنياتنا له بموفور الصحة والعافية ودوام من العطاء المستمر والتميز المتواصل في سماوات مسيرته الفنية ويجدر ذكره هنا بأن الدكتور فيصل أحمد سعد يسكن مربع 8/ 9 بالشعبية جنوب.
عماد احمد ..
عماد عبد الله ..
السلام والتحيـة لكما وانتم تعطرون سماء حوش الشعبية ..
السؤال :
انتو د. فيصــل دا مــش متزوج اختنـا الكبيرة شقيقة ناس ابراهيم عمرابكر ودفعتنــا بدر الدين
الشهير ( بكاكرج ) سيرباك فريق الجهاد ....؟
تحايا للحلويــن اولاد الشعبية ..
تحايا لابراهيم وبدر الدين عمر ابكر ..
ومن قبــل التحايا والدعوات الطيبات لعمنــا عمر ابكر
الرجــل الذى ما زال يصدح بالاذان شجيا منذ طفولتنــا
الرجــل الذى تعلمنــا منــه علم ( حفـر المقابـر )
عليك سلام الله يا عمنا عمـر
وللوالدة الكريمة للاخوان ابراهيم وبدر الدين ..
07-17-2010, 04:44 PM
صلاح عباس فقير
صلاح عباس فقير
تاريخ التسجيل: 08-08-2009
مجموع المشاركات: 5482
سيد ا لحوش وجميع الإخوة الأعزاء السلام عليكم ورحمة الله بعد غيبة اضطرارية دامت ثلاث صفحات أعود! وإلى الآن لم أطلع على حصيلة الثلاث صفحات الماضية! إذن: حأقراها بمهلة كدة وأعود قريباً بإذن الله!
07-18-2010, 03:57 AM
خالد درق
خالد درق
تاريخ التسجيل: 12-08-2009
مجموع المشاركات: 4351
والذين أشاروا لنا في كتاباتهم والذين المحوا سائلين .ز لهم التحية فقد كنا منشغلين لعدة أيام مع زواج أخي الدكتور ( عادل ) واليوم فقط سار مغادرا الى ( ماليزيا) مستعسلا .. وبعدها سيستقر بمستقره (( دبي ))
وبينما نحن في ردهات الفرح كان للحزن فينا موطيء حيث غيب الموت الكابتن (( عوض نصر موسى محمد والشهير بعوض كوكا )) بعد رحلة كابد فيها المعاناة مع المرض .. وفارق دنياواتنا الفانية الى رحاب رب رحيم كريم .. وإنا لله وإنا إليه راجعون
بدءاً: كل آيات التهاني والتبريك مزجاة إلى مقام أخينا المبدع شكوكو، بمناسبة زواج أخينا العزيز ورفيق دربنا الجميل عادل محمد عبدالدائم، وكنا نتمنى أن نكون حضورا في مدارات ذلك الحدث والفرح، ولكن ...
وحمد الله على سلامة سيد الحوش، بعد عودته من ماليزيا، وفي انتظار الصور والإثباتات التي تدل على وقوع هذا الحدث!
ومرحباً بالدكتورة روما وحضورها الجميل المتألق بعد الغياب الطويل! ويكفي أن الأخ عادل محمد عثمان لم يملك عند رؤيتها إلا أن يطل علينا بإطلالته البهية! هذا إضافة إلى العمل الأدبي الجميل الذي قدمته، ولا شك أنها بعد أخذها بملاحظات منير وعابدون، وكذلك بعد إعادة التفكير فيه ومراجعته، أتوقع أن يكون من الأعمال الكبيرة، لأن الدكتورة ما شاء الله عندها القدرة على السرد والحكي، وتصوير الأحداث، وكمان لما تضيف إليها شيئاً من تخصصها في علم النفس، لا شك أن هذا سيترك أثره وبصماته في عملها تلقائياً!
ومرحبا بأخينا العزيز عادل بعد الغياب الطويل، و...!
ومرحبا بالأخ العزيز وهبة بعد الوعكة الصحية التي ألمت به، مرحبا به في مرابع الشعبية الإسفيرية!
وشكراً للأخ العزيز مجدي نقد حواره مع الذات، الذي تجاوز دائرة الكتابة الأدبية، ليشكل تعبيرا أخويا صادقاً إزاء العمل الجميل الذي قدمته روما!
ومرحبا بالأخت الدكتور ستنا من الشعبية، وقد فاتني الترحيب بها في أول ظهورها بعد الغياب!
امنياتنا القلبية له بطول واسم الفرح .. وأن يكون بساط الود أخضرا .. وأن تستحيل أمامه كل المرائي والأمنيات البنفسجية الى الوان متناسقة تزين دروب الحياة ..
وشكرا جميلا نضيرا على التهاني المعطرة بعبق الود والإخاء التي حففتمونا بها صفاءا ونبلا وكرما دمتم لنا منارات في الطريق
سلام..
07-19-2010, 11:33 PM
الفاضل يسن عثمان
الفاضل يسن عثمان
تاريخ التسجيل: 04-17-2008
مجموع المشاركات: 3279
امنياتنا القلبية له بطول واسم الفرح .. وأن يكون بساط الود أخضرا .. وأن تستحيل أمامه كل المرائي والأمنيات البنفسجية الى الوان متناسقة تزين دروب الحياة ..
تباريك وتهاني للدكتور عادل وعروسه، ويجعله بيتا سعيدا عامرا بالفرح، وبهجة الدنيا الاطفال. ونهني كل الاهل والاحباب بزواجه الميمون. ولكم استاذنا شكوكو.
مودتي
07-19-2010, 11:36 PM
Munir
Munir
تاريخ التسجيل: 02-11-2002
مجموع المشاركات: 10496
ألف مبروك لآل شكوكو بمناسبة تأهل الوجيه دكتور عادل محمدعبدالدائم للنهائي ونتمني له حياة زوجية هنيئة وبيت مال وعيال بإذن الملك الوهَّاب .. وكما نهنئ عزيزنا سيدالدار العريس الحاج حمد بسلامة العودة من بلاد الملايو حيث الخضرة والسلام والجمال .. جعل الله شهوركم كلها عسلاً ..
Quote: وشكرا جميلا نضيرا على التهاني المعطرة بعبق الود والإخاء التي حففتمونا بها صفاءا ونبلا وكرما دمتم لنا منارات في الطريق ..
الاخ الاكرم : صلاح شكوكو
تماثل حظنا فى اننا حظينا بنفس القدر من معزتك وغلاوتك خالص الود وعاطر التحايا والف مبروك يا صلاح وربنا يوفقهم ويجمع بينهم بالمودة والرحمه والله الفرحة بفرحك لاحدود لها... التهانى والدعوات الصالحات وملايين التهانى لك وللأسرة والأهل وربنا يجعله زواجاً ميموناً وجعله الله بيت مال وعيال وصلاح وتقوى تهانينا الى جميع الاهل مع خالص تحياتى واشد اشواقى .. كنا نمنى النفس بحضور الفرح أخي صلاح.. لكنها ضريبة المسافات
الأخ صلاح شكوكو مبروك مرة أخرى للدكتور عادل متمنين له حياة زوجية سعيدة و عقبال لأخوانه و قالو ان العرس كان روعة و منتظرين الصور
الوجيه الحاج حمد بعد العوده من شهر العسل حاليا في زيارة روحانية الى المدينه المنورة و أوعد بأنه سيعود في لياقه تمام ليقدم كل ماعنده بعد الزواج و الشعور بالأستقرار
في اتصال هاتفي قبل قليل وصل الى جدة الأخ العزيز وليد عبداللطيف بعد إجازة في السودان و مبسوط هو و أولاده من السودان و خاصة هذه الأيام حيث أوضح بأن الجو اوربي و ان الوالدة بخير و بالنأكيد لدى الأخ وليد الكثير و الكثير من أخبار الشعبيه و نحن في انتظار الأخ وليد ليمدنا بأخبار الشعبيه و ياحبذا لو كان مرفق بصور
مع تحياتي لجميع الأخوان
07-20-2010, 10:04 PM
خالد درق
خالد درق
تاريخ التسجيل: 12-08-2009
مجموع المشاركات: 4351
Quote: في اتصال هاتفي قبل قليل وصل الى جدة الأخ العزيز وليد عبداللطيف بعد إجازة في السودان و مبسوط هو و أولاده من السودان
الاخ ... وليد عبداللطيف الف حمدالله على السلامة والحمدالله انك اطمنبت على صحة الوالدة وان شاء الله ربنا يطول فى عمره يارب وكيف ياوليد اخبار الشعبية واهل الشعبية منتظرنك تمدنا بالجديد يا كابتن ..
تشكر اخ صلاح عثمان ولك التحية..
مودتى ...
07-21-2010, 07:06 AM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9025
الف الف مبروك علي زواج اخي وصديق العمر الدكتور عادل شكوكو واسف جدا لتاخر التهنئة ،، وانت عارف زحمة الشغل عندي ، رغما انني كنت متابع مع عادل قبل سفره الي السودان ، للزواج الميمون ، حتي قلت له يا عادل ح امشي معاك السودان ، لحضور زواجك ، لكن اعتذر لي لزحمة الشغل عندي ، وقال ح يسافر الي ماليزيا ، شهر العسل ، اخر مكلمة مع الدكتور عادل شكوكو ، من دبي ، استمرت لمدة ساعة ونصف تقريبا ، كلها ضحك ، اضحكني حتي ادمعت عيناي ، وكلكم ال شكوكو ، معدن راق من الظرف واللطافة ، معدنكم من ذهب نفيس ،، والف الف مبروك ، للدكتور عادل محمد عبدالدائم ،،،
الف حمدلله علي السلامة وان شاء الله الحاجة الوالدة ، في اتم صحة وعافية ، واولادك ان شاء الله قضوا وقت جميل ، في السودان ، بين الاهل والاحباب ، مع دعاش الخريف ، تحياتي ،،،
عزالدين عباس الفحل ابوظبي
07-21-2010, 07:26 AM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9025
الاخوة الافاضل ناس السعودية ، صلاح عثمان صلاح عباس فقير وليد عبداللطيف الحاج حمد الحاج عماد احمد
حياكم الله
عندي سفرة سريعة جدا ، الي السعودية هذا الاسبوع ، رحلة عمل ، باذن الله ، ولحدي الان ما لاقي حجز في الطيران السعودي ، الي جدة ،، امل ان التقيكم ، في الرحاب الطاهرة ، باذن الله ،،،
*** اخي صلاح عباس فقير ، ح نلتقي باذن الله ، في المدينة المنورة ، ح اتصل بيك بمجرد وصولي ، وامل ان تجهز لي موضوع ( المكتبة اللاكترونية ) الذي تحدثنا ععنه سابقا ، في المدينة المنورة ، جوار المسجد النبوي ، اظنك تذكرت ،،،
عزالدين عباس الفحل ابوظبي
07-21-2010, 11:14 AM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
دكتور : عماد "الكابتن" الأخ : خالد درق كابتن بالإنابة مؤرخنا الكبير : عماد أحمد العريس : الحاج الدكتور : منير الأخ: عادل عثمان "بركة الشفناك طيب" الشفيف : مجدي الوريف : وليد "ولي" نقي البوح : صلاح شكوكو "الحريف في كل شئ"
كل من رصف حروف أنيقة داخل إطار هذه اللوحة الدوحة ،،، جميل التحايا عذراً أعزتي ،،، ما زالت المشاغل تجثو على كاهلي ،،، تأتيني رأئحة الشوق فتشعل في داخلي شمعة لم تنطفئ فأعدو إليكم محملاً بها لعلي أرحل عبر حروفكم على براق يأخذني إلى ديار ملئى بمن أحب.
دعواتكم لنا بالعودة
07-21-2010, 05:25 PM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
الاح الكريم عز الدين الفحل يشرفنا ان نلتقي بك افيدنا بموعد حضورك وستجدنا ان شاء الله بانتظارك بالمطار وستكون هذه فرصة طيبه بمشيئة الله ان تلتقي بك بعد كل هذه السنوات رقم هاتفي:0555674952 مع تحياتي لجميع الاخوان
شنو يا جماعه حتى نخرج من جو المجاملات دي محاولة مني لتذكر مواقف طريفه من الشعبيه
قال ليك مرة دغماس سكران واقف زمبارة يعني طاشم طشمة قويه مسنسن للاخر قبضواعليه اثنين من العساكر قالوا ليه انت سكران؟ قال ليهم انا ماسكران انا من الحفظة واحد من العساكر قال ليه سمع لينا صورة النمل دغماس دور كدااا وقال ليهو ياتا فيهن ؟؟؟ النملة ام ريش ولا العادية
07-21-2010, 10:55 PM
خالد درق
خالد درق
تاريخ التسجيل: 12-08-2009
مجموع المشاركات: 4351
الف مبروك للاخ الدكتور عادل عبد الدائم وهذه صور من حفل حنته ويظهر بها العريس القادم الصادق عثمان شقيق الارباب صلاح وكان حفل جميل وراقي وزينه ال شكوكو بكرمهم الفياض والمعتاد في ليلة بهية صدح بها كروان بحري عماد الصبابي وغني ( اضيع انا وقلبي يزيد عناهو ... فليحيي محبوبي ويبلغ مناهو ) واستمتع الناس بالحفل الزاهي الجميل وبه كان اجمل صدفة يقابلني شخص ويعرف نفسه بانه من اولاد قناوي (التوم ) شقشق الدكتور قناوي بعد ان اجتررنا ذكريات جميله مع الاستاذ المحامي محمد قناوي
من اليمين الزعيم الصادق عثمان مرشح حزب الامه ببحري والكابتن ياسر عمراب
الصادق عثمان العريس القادم بمنطقة الشعبية جنوب وبيت مال وعيال كما يظهر بالصورة (جوبي ) اشهر بتاع في فول بمنطة بحري
من المؤسف لـتأخيري عن الحفل لم نستطيع التغطية الكامله لاخوان العريس عادل شكوكو وايضا نبارك للاخ صلاح شكوكو زواج شقيقة ومن الجميل و بعد غيبة طويلة اشاهد شكوكو بكامل اناقته المعهوده (عيني بارده ) وما شاء الله
قلنا نزحزح البوست شوية للفتور الذي اصابه
--------------- سوف نتابع معكم الجميل والمثير عن اخبار الشعبية
07-22-2010, 09:38 PM
خالد درق
خالد درق
تاريخ التسجيل: 12-08-2009
مجموع المشاركات: 4351
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة