دكتورة روما صباح الخيرات .. قصتك الفوق ديك والله روعة .. حوار رهيب .. لقطات وشخوص شعبية مية المية .. ملاحظتي الوحيدة عليها أنها لربما تحتاج لتوزيع وتقسيم حتي يتمكن القارئ من الاستمتاع بفقرات الحوار واحدة واحدة .. يعني أنا رغم متعة الحوار أحسست بأن المَشاهد محتاجة لفواصل .. والفواصل بتكون في شكل تجهيز لمسرح الحوار يقوم به الراوي - الكاتب - لكين المادة في ذاتها دسمة جداً ومليئة بالتشويق والإمتاع - لكنها جاءت في جرعة واحدة كبيرة .. أنا عارف إنو الجرعات الجاية أكبر :).. مَوْسِقي القصة بالفواصل .. ثم حاولي عند كتابتها ما تفطي سطر وتكتبي سطر حتي لا تطول في الصفحة وتتشتت ولربما شتتت ذهن القارئ بالاسكرول أب آند داون ..
الفواصل مهمة كما في المسلسلات والمسرحيات والروايات وحتي في الأغاني .. مثلاًَ أغنية سلوي قلبي شن سوي دي عندما نزل كلماتها صلاح عثمان قريتها في لحظات ، لكين لمن تسمعي الأغنية من الفنان تلقي أنه رغم أن الأبيات قليلة فالأغنية مليئة بالفواصل والتذويق الموسيقي بحيث كل بيت شعر يجيك في شكل حزمة كاملة مكتملة من الشعر والموسيقي واللحن بالإضافة لإبداع البطل - المغني - ده شنو ده؟؟ أنا الظاهر علي شطحت ومرقت بره النص .. أسه الجاب ابراهيم عوض شنو؟؟ العفو يا جماعة الخرف حصل ..
تعرفي يا روما (حقو الواحد هسه يلصق ليكم نص مسروق هنا زي ما عمل تروتسكي مع المخزنجي): داير أقول إنو نحن كشباب (قال شباب قال) ما عندنا معرفة واحتكاك بحوارات البنات والرندوك بتاعهن ولذلك دي فرصة نقرأ في كتاباتك وفي قصتك دي بالذات بعضاً من حوارات النساء والبنات وإهتماماتهن وعباراتهن الطريفة البعيدة عن اسماعنا .. نحن كلامنا معاهن غير إزي الحال سلامات مافي حاجة ، بينما كلامنا مع بعض من عينة وين يافردة وكيف يا حبة و..و ..
عموماً منتظرين أب سهمين ومحنه .. إسم البطل ذاته مبالغة :).. ذكرني حبوبتي الله يرحمها كانت مسمية أخوي ماهر الصغير : 'ضكرين' .. لأنو ماهر ده كان حمش جداً وقلبه حار جنس حرورية !!..
07-05-2010, 10:39 AM
Munir
Munir
تاريخ التسجيل: 02-11-2002
مجموع المشاركات: 10496
Quote: صباح الخير ياعماد .. يازول خليك جوة الحوش ده .. ياخي أنا كلما أمرق الشارع أجي راجع بشكلة .. أخير لي حوش صاحبي الحاج ده .. مالنا ومال القراية أم دق ..
عبدون الصباح ده ما جاء مقلع ياعماد .. وما ادانا الإطلالة الصباحية ..
كووووم تحايا والله يا منير قالوا ابعد عن الشر وغنيلو نحن بعدنا وغنينا في حوش ود حمد بس نمرق نعزي ونشيل الفاتحة ونهنئ ونرجع حوشنا سالمين مرة واحدة هبشونا في محلنا مشينا دورنا الشكلة برة ورجعنا والحمد لله اتصافينا طوالي وبقينا سمنة علي عسل مع ناس الشكلة
عبدون فعلا اليوم غياب تام يكون في بزنيس جديد وما عايز ود ساتي يعرفه اظهر يا عبدون وخليها اطلالة الظهر بدل الصباح تحياتي
07-05-2010, 11:24 AM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: تعرفي يا روما (حقو الواحد هسه يلصق ليكم نص مسروق هنا زي ما عمل تروتسكي مع المخزنجي): داير أقول إنو نحن كشباب (قال شباب قال) ما عندنا معرفة واحتكاك بحوارات البنات والرندوك بتاعهن ولذلك دي فرصة نقرأ في كتاباتك وفي قصتك دي بالذات بعضاً من حوارات النساء والبنات وإهتماماتهن وعباراتهن الطريفة البعيدة عن اسماعنا .. نحن كلامنا معاهن غير إزي الحال سلامات مافي حاجة ، بينما كلامنا مع بعض من عينة وين يافردة وكيف يا حبة و..و .
يا منير مالك عايز تجيب لينا العجاج والرصاص هنا والله ديل يجوا ساكنك لحدي جوة الحوش ويكسروا لينا عناقريبنا ديل والشباب شباب الروح يا منير يا دفعة بطمئن في نفسي والله الكبر دخل وفات فينا الفوات وخاصة بعد امير ولدي بقي يكابس في شباشبي ويا ولد دا شبشبي ما حقك عرفت خلاص موضوعنا انتهي واحسن نمسك في شباب الروح دي ويا منير بعد شاب دخلو الكتاب يادوب عايز تعرف حوارات الجكس انت ما كنت عاملها كلها قراية في قراية وطلعت معاهن بالزي الحال سلامات لكن في ناس كانوا فاتنو فت شديد مع الجكس ونحنا برضو ندمانين شارعنا ( شارع المدارس ) طلعنا منو ساكت نشوف الناس خالطين وماشين وكلام دقاق اها يا روما الكلام الدقاق الكان بتقال بين البنات مع بعضهم شنو تحياتي واحترامي
07-05-2010, 12:04 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: يامنير عليك الله كدى ( فت ) لينا شوية وبعدين ماتخاف الدنيا أمان
يا منير كبيت الزوغة بالرغم من انه عبدون قال الدار امان ولسع منتظرين الفته
Quote: ونحنا برضو ندمانين شارعنا ( شارع المدارس ) طلعنا منو ساكت نشوف الناس خالطين وماشين وكلام دقاق
تعرف يا عمدة لموقع منزلنا قلب شارع المدارس كان الشباب زمان يحبوا يصاحبونا عشان القعده تحت الشجرة والمويه الباردة وقت طلوع البنات من المدرسة لكن لما نشوف ابوي الله يرحمه من بعيد شتت كل واحد في جهه اصلا كان الوقوف مع بت عيب كبير لكن في اجازتي الاخيرة الوضع اختلف تماما كافتريا مكيفه والاولاد والبنات قاعدين كيمان كيمان وببسي بارد لكن لفت نظري انه البنات شينات ما عارف السمحات بيمشوا وين؟ مع تحياتي لكم
07-05-2010, 06:06 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
ياصلاح .. عبدون داير يفكنا عكس الهوا .. قال الدنيا أمان قال .. قول ليهو تلقاها عند الغافل .. زي ما قال ليك عماد يازول الحكومات المحلية تجيك طايرة تساككك جوة الحوش وتقعد تتجاري وراء العناقريب ..
ثم أنا زاتو ما عنديش تلفون .. أفِت شنو؟؟
ياخ نحن زاتو مما عيوننا فتحت كلمونا قالوا الحب حرام .. وكمان لو عاوز تشاكل زول وتزعله وتستفزه تقول ليهو أحبك .. مرة أخونا ابوحراز - زميل المنبر - في إحدي طرائفه قال في المدرسة داير يشتكي من واحد للأستاذ فمشي ليهو صاري وجهه ونافخ جضومه ولاوي بوزو ومدخل يدينه في جيوبه ومميل كتفه وقال: يا أستاذ حمودي قال لي أحبك ..
وزمان زي ما عارفين الاولاد كان جنهم شخبطة في الحيط .. فتقوم تلقي الحيط كلها نبذ مكتوب بالخط العريض من أول الحيطة لآخر الحيطة: أحب فلان!!!
Quote: الاحباب ناس الشعبية الحلوين السلام عليكم الحمد لله بلغت تمام الصحة والعافية والليلة كمان نزلت الظلط وعملت تيست الحمد لله مية مية شكرا لمشاعركم الطيبة وتمنياتكم الصادقة بالشفاء نواصل معاكم ولقدام
وهبة بيننا يا لسعدنا وبختنا الف الف الف حمدا لله على السلامة وما تشوف شر باذن الله بس زي ما قال ليك منير الفترةا الجاية خليك في حوش الشعبية فترة نقاهة لانو بعض البوستات في المنبر العام بترفع الضغط وبتجيب وجع القلب وقلبك يا وهبة نحنا محتاجين ليه شديد تحياتي واحترامي
07-05-2010, 10:09 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: تعرف يا عمدة لموقع منزلنا قلب شارع المدارس كان الشباب زمان يحبوا يصاحبونا عشان القعده تحت الشجرة والمويه الباردة وقت طلوع البنات من المدرسة لكن لما نشوف ابوي الله يرحمه من بعيد شتت كل واحد في جهه اصلا كان الوقوف مع بت عيب كبير لكن في اجازتي الاخيرة الوضع اختلف تماما كافتريا مكيفه والاولاد والبنات قاعدين كيمان كيمان وببسي بارد لكن لفت نظري انه البنات شينات ما عارف السمحات بيمشوا وين؟ مع تحياتي لكم
ربنا يرحم والدنا عثمان رحمة واسعة ويسكنه فسيح جناته يا صلاح فعلا كل البيوت التي تطل على الشارع كانت مقرات للشباب ونحن نقوم بالخدمات من ماء بارد وكراسي وهسع الزمن فعلا بقى غير كل حاجة بقت اتنين اتنين فرح يتكلم بلغتين هاك خلط على عينك يا تاجر والما يشتري يتفرج وبقى بيبسي وعصاير وشاورما وسنة سنة خلاص وصلنا زمان الواحد لو الواحدة عاينت ليه بس اليوم كلو تلقاهو فرحان وبمناسبة الشنا انت عارف عينا ادبغت على الفضائيات والوجوه النيرة عشان كدا لما ترجع السودان تشوف الناس ضعاف وشينين واحسن نمسك في جمال الروح تحياتي واحترامي
07-05-2010, 10:46 PM
Munir
Munir
تاريخ التسجيل: 02-11-2002
مجموع المشاركات: 10496
والله ياجماعة غايتو الحوار بتاع قصة روما مبالغة وصورة تيبيكال الاصل للحوارات في بيوت الشعبية بين الامهات والأولاد وبين الأولاد وأخواتهم .. والحاجات الصغيرة صغيرة الجابتها روما زي الصابونة وجركانات الموية والسكر المشتت في الصينية .. وياحاجة عليك الله أديني رغيفة اشرب بيها الشاي .. ثم الحوار بين أبسهمين وأخته خلوصة مع بساطة خلوصة .. سرد في منتهي الروعة ..
وزي ما قلنا يا عماد دايرين زي حوار خلوصة ده الذي يعكس إهتمامها بصابونة الكبريت لوجهها .. أها شفت صابونة الكبريت لوجهها دي براها مدخل لحوار اجتماعي بلا نهاية ..
Quote: وزي ما قلنا يا عماد دايرين زي حوار خلوصة ده الذي يعكس إهتمامها بالصابونة لكبريت وجهها .. أها شفت كبريت وجهها دي براها مدخل لحوار اجتماعي بلا نهاية ..
هووووووي يا منير ابعد من خلوووصة دي اصلها راجية الكثير
وزي ما قالت النبي ما بيكرم في قومه والله يا منير قصة دكتورة
روما قمة في الروعة والواحد عاش معاها والله كم مرة رجعت
قراتها لانو الحوارات شيقة جدا ومن صميم بيئتنا
اها يا دكتورة روما منير راجي الحوارات الدقاق
وشنو وين الفصل التاني
تحياتي واحترامي
07-05-2010, 11:51 PM
Munir
Munir
تاريخ التسجيل: 02-11-2002
مجموع المشاركات: 10496
يا عماد أنا الظاهر علي بقيت أفط سطر .. الولد إسمه يوسف وأمه إسمها أم سهمين .. عليك الله شوف طرطشتي .. شابككم أب سهمين أب سهمين .. كمان عامل ليكم فيها ناقد أدبي .. والعجب قال قارنت الإسم بإسم أخوي ضكرين .. ياخ دخلت في أضافريني ..
تعرف في عصر السرعة ده الواحد بقي يقرأ بسرعة مليون - زي سوبرمان - مرات تقرأ صفحة وتفط صفحة وتتم الباقي من عندك .. أُمال الواحد كان ممكن يتابع الدنيا دي كيف ؟؟ .. زي البورد ده تقدر تتابعه كيف لو ما عملت قراية سوبرمان دي ..
07-06-2010, 00:23 AM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
- حسا يا ام سهمين خلوصه دي عليك الله ما بتبالغ ليه زعلت وحنبكت كدا ياخي خلوصه دي عامله زي التامبيرا غيازا خلاص اتي يا امي انا
باتزكر زمان لما كان على ود ناس الناير خطيبها جاء من السفر تتزكري يوم الكرامه بتاعتو يوم ما جابو التور
وربطوهو في العمود ونحنا الشفع بقينا نفلق ليك فيه ونكشح التراب عليهو وهاج وجرا العمود معاهو تتزكري
- اجي كيفن ما بتزكر يا ولد هو كان تور نصاح اكان ما اخاف الكزب تور قدر الضربه اجي ما جانا جوة الحوش
هو جنس نطحي السواهو فوقنا وكتها انا كنتا نفسا بي ايمن اخوك يمين انا من شدت ما خفتا يامن نطيت من العنقريب
وفتا ايمن اخوك جريت جنس جري اتقول جاكه مع ناس الديش يامن جا حسين ود ناس النعمه ومرق لي ايمن من تحت العنقريب
ينفض كور على اخوك من يومه ما بيحمل الزعل ما شفتو لامن يزعل كيفن بيتنفض حسا يا ولد الكلام دا
نكشتو لي من وين ناولني الفندق ده يا يوسف
- يا امي جاييك في الكلام على ده كان خاطبها ولما التايه حمت اخلاص ما تمشي تسلم عليهو لما رجع من السفر
تزكري يوم الكرامه دي بالمغرب لامن جابو المداحين في حوش الديوان ومدحو وجا شيخ داود انصار السنه داك
واتشاكل مع خالي منتصر عشان كان قاعد يسكر جنب عامود الجامع هو واولاد ناس اب حمدة واضاربو جنب الباب وجو واقعين ليك
في المداحين و خالي شالع وبقا يرقص ويقول ايوا دا الشغل وبقا يدخل يدينو في كم جلابيتو من جوا ويرقص وحلف الا اجلد الناس بي
سوط العنج صدقي يا امي خالي دا بتاع ربات من زمان جهجه ليك الجماعه زاتو ولما هاجو ليك فيهو قام وطرد الضيوف من بيتنا شفتي انا مشيت بي
حوشنا الورا بتاع الغنم لقيت ليك خلوصه واقفه مع على وتتبكبك وهو قال ليها لو السما انطبقت على الارض بيعرسوا انا وقفتا
ليهم زي شوكة الحوت خلوصه يومها قالت لي لو ما كلمتا زول باديك الليدو بيتاعي هو يا ام سهمين مش كان دايرها ليه ما عرسها ؟
- يا ولد ي هو جاب اهلو وختبوها وجاب اعمامو وخيلانو وجو طلبوها من جدك ا لطاهر واداهم وحدسو اعماما وسدو المال اها خالتك التايه وقفت
ديك احمر قالت خلوصه ما بتسافر ليبيا معاهو وكيفن بتي تتغرب وتفوتنيتمش ليبيا تخدم في اهلو العروب المغتريبن هناك كلهم عزابه يوم كلنا قاعدين
عندو مرت خالو قالت ليها يا اخلاص اتكربي عاد رجالنا هناك بيدورو كل شي حاضر يعني ركبتي كفتريت شايك قبل ما تطلعي صيينة الفطور
اخلاص سكتت لكن خالتك التايه الكلام حرقها واتشكبت مع المرة وهاكا يا منابيز كيف وشن قدرك تقولي كده انا بتي بت تلوب تخدمكم يا عرب
يا جحفين يالما بعرفكم شنو انا بتي من هنا رجلها ما بترفعها مع ولدكم كلكن تقعدن هنا مكشكشات بي الدهب وحنن وتياب وبتي هناك يسوقها ولدكوم
للنيران والشقا بتي هنا ما بتخدم خيلانها ولا اخواناه تجي تخدكم هوي يا واليه امرقي من هنا اها مرت الخال مشت وقلات كل الكلام ده لي ام العريس
جاتك التانيه نيرانها معبعبه كيف تطردن مرت اخوي التاايه قالت ليها اسمعي انا ما بعرف اخوكي ولا بعرف شيخ حلتكم يمين بتي ما بتسافر تخدم رجال اهلكم في
ليبيا بتي هنا في بيتها ولدكم يجي للعرس وما بياخدها شبر من هنا ده كان عجبكم يا يوسف اجارك الله من لسان ام العريس هو جنس رديح هو جنس قودار هو جنس
كلام والتايه خالتك عاد ما بيكوسو عندها الكلام والرد اها ام العريس قالت للتايه شفت اهلنا العفتي بتك تخدمهم الا تجي حابيه على ركبيك يا التايه وانا بارسل لي ولدي وبنصافح البت
وبجيبها في بيتي تخدمني وتخدم اهلنا خدامه بي قسيمتها ونشوفيا اهلي يا كلمتك التايه ا يوسف جنت يومها الساعه الجابت ليك سوط العنج بيتاع جدك وسكت المرة
يمين الا مرقنها رجلينها اها قوم رسلي لي الولد هو اصلا كان نازل للعرس وجا يوم كرامتو ديكي امو حلفت وقالت بتموت على دين النصارى لو ما ولدها ده عقد على واحدة
من بنات اهلو وكيتن فوقك يا التايه ولدي ما بياخد بتك وجات الشكله بيتاعت خالك مرقت امو تزغرت قالت تعالو شوفو البيسكروا جنب حيطت الجامع
حدك نهر التايه لانها حلفت الا تمرق للمرة وجدك زاتو العقد لي على على بت خالتو اها التايه مرقت وسوت ليهم الترابه كالت خشكم بتي يمين يجيها عريس
يهز ويرز انتو ربنا حلا بتي منكم يا عرب يا شبعه بعد جوعه وما سكتت جدك ينهر فوقها وهي ما بتسمع الكلام وعلى يا حليلو يهدي فوقها مافي اي طريقه
اها ام لولد حلفت للتايه قالت ليها لو خلوصه دي عرست ولا جاها زول شنب راجلها قايم في وش مرة كان يا ولدي يوم صعب خلاس
خلوصه دي مرضت مرض الياباك والتاباك بقينا نشربها المويه بالقطنه من شدت ما كانت عيانه خالتك التايه قالت اخير اشوفا ميته ولا اديها لي على دا
ما بتتزكرها كيفن كانت رواينه وغليدة اها اتماصت وبقت يالله لي عدمت الشحم واللحم عين السواد الدخلت على خلوصه
ومن الزمن داك ولي يومي ويومك ما جانا ليها اي خطيب مرة في بيت ناس ست البنات شربا لينا قهوة اربعاء وقاعدين جات
ناديه بت رفاعه ختت لينا الودع والله لامن شهقت وقالت لي خالت التايه بتك دي العمل اتعمل ليها واكلو ليها
في بطنها وجاري في دمها تاني بتك دي لو حصل شنو ما بتعرس حسا يا ولدي كم مرة وديناها لي الشيوخ يقرو عليها والمحايات تشربن
والبخرات الصباح الصباح لكن ولا شي حسه الشيخ الله يرحمو لامن مات ما بيجي هنا وبتبركو خالتك التايه ولامن خلفو ولدو برضو لكن
قالو ليك بيجددوهو كل اربعين يوم مكتوب في مخ ###### وال###### دا قدر ما ينبح انتي يا خلوصه العرسان تجر منك عاد يا ولدي البيضر الناس الله بيضرو
وقال ليك كل ما ال###### يهز ضنبو انتي يا خلوصه صورتك تنهزا من عيون الرجال وكل ما قورادو يمش في اضنيهو انتي يا اخلاص سعدك يجر منك
- يا حجه كدي قولي بسم الله يعني العمل دا عندو اوبشن بيتاع تجديد زاتي ولا شنو يا حجه فكي شنو وخوتت شنو حسا خلوصه دي كان بطلت لسانها الطويل
مع الناس وامها دي حلت عن سماها وخلتها تمشي تعمل ليها نيو لوك وعلى كم لبسه وتفك الكروريات الفي شعرها دي
وتبطل اللتاخه يمكن شوفي باقول ليك يمكن يجيها واحد لكن يا ام سهمين انا ما عارف كل ما اشوف برنامج مع جويل اجمل بتاع الام بي سي
باقول حسا لو خلوصه دي سجلنا ليها وقاموا عملوا ليها ميك اوفار على بالايمان العرسان ساكت على حس مشيت دبي واللبناينه الشديدة دي كانو جنو لووول
وكمان خالتي التايه دي كتبت بيت حي السوق والدكاكين لي خلوصه واتغربل الشمار دا صفوف عرسان تكون اطول من صف التاشيرة قدام اي سفارة خليجيه
لما يطلبو استاذة يا حجه عليك الله فكينا قال عمل قال والله خلوصه دي تعمل عمل للعمل زاتو وبعدين ال######
دا بس بينبح حسا لو سعر اها تقوم خلوصه تعضينا ههههه وما عندو عمر ال###### ده حسه الخطوبه دي ليها زي كم وعشرين سنه
ال###### ده هو ###### اهل الكهف عشان يكون حي حسه بيكون خرف يعني العمل بيخرف ياوالده ده موضوع محتاج شيشه ونقاش
او اقول ليك نجمع ليك ناس عصام ود فاطنه بيبسي مش هو قرا بيطرة يجي ويفيتنا هههههه مبالاغااات كوتارات يا حجه ده عمل ولا اكس فايل
- يا ولد اقعد اتريق كدا لامن الطبوب دي تجي فوق السحر دا ما مزكور في القران اجي اخلاص دي لا اول ولا اخر واحدة
يسوهو ليها سجمم حديسي البصله حرقت قوم من هنا يا ولد
يتبع
07-06-2010, 01:09 AM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
ياعماد وروما .. الظاهر اللقمة الإبداعية في القصة كانت كبيرة وأنا كنت جعان ، فقمت بلعتها كلها بشراهة بدون ما امضغها كويس .. فقاموا السهمين خنقوني ..
يمكن ده كان سبب ملاحظاتي النقدية .. وهو يا روما إنتي بعد ما تنسخي الكتابة في محل الردود وقبل ما تدوسي أضف رد صلحي ترتيب الفقرات وترتيب السطور - عشان السطر الجديد يبدأ في سطر جديد - وعشان ما تتداخل السطور والجمل مع بعضها فيحصل إرباك للقارئ .. زي ربكتي دي .. غايتو إنطبق علي المثل البيقول جاء يتفولح جاب ضقلها يتلولح ..
07-06-2010, 01:07 AM
Munir
Munir
تاريخ التسجيل: 02-11-2002
مجموع المشاركات: 10496
أها ياروما أنا برضو اتلخبطت في صابونة الكبريت .. هل هي صابونة ماركة كبريت - صندوقها مرسوم فيهو كبريتة يعني؟ - واللاّ كيف؟؟ ..
بعدين برضو أنا بعد أعدت القراءة وترتيب الفقرات وجدت أن الراوي هو يوسف ذاته .. وهو ما لم انتبه له من أول قراءة .. إذاَ هو المسئول من فواصل الرواية .. وبذا ينهدم ركن آخر من نقدي الأدبي الأولاني ..
07-06-2010, 01:28 AM
مريم عبد الله
مريم عبد الله
تاريخ التسجيل: 10-09-2009
مجموع المشاركات: 1448
أختي روما سلامات وصباح الخيرات .. غايتو معلومة صابون الكبريت دي بالنسبة لي جديدة لنج واتحدي عماد وعبدون لو بيعرفوها .. قلتي كمان فيها أنواع تانية؟؟.. أها نحن بس بنعرف صابون عدة وصابون حمَّام .. أو صابون غسيل وصابون بودرة ..
حكاية الفواصل ما قصدت بيها إنك تقسميها في مداخلات منفصلة .. بل أقول ليك لو الجزئين النزلتيهم ديل كانوا نزلوا في مداخلة واحدة برضو تمام .. المقصود هو فصل الفقرات وكما لا بدّ من وضع العلامات - نسيت اسمها علامات شنو- زي الشولات، وعلامات الاستفهام، وعلامات التعجب ، والاقواس عندالضرورة، ونقطة سطر جديد و..و..
الشئ التاني هو زي ما قلت ليك فوق.. بعد ما تنسخي النص في نافذة كتابة الردود، قبل ما تضيفي رد، عدّلي ترتيب الفقرات ، عشان الفقرات والسطور والجمل ما تخش في بعض ..
نسيت أعلق علي العنوان .. إسم علي مسمي .. شخوص القصة كلهم روحهم محرقاهم .. خاصة النسوان .. ههه .. لكين الفردة يوسف دمه خفيف .. هه
ياخ أنا آسف ما كان قصدي أخش في مسائل فنية هايفة وابعدكم عن روح القصة التي أعجبتني.. وأعجبت بثراء المواضيع الفيها وتنوعها - شئ خطوبة، شئ سفر لليبيا وشئ صابون كبريت، وشئ سكران ظريف، وشئ انصار سنة ، وشئ تور هايج، وشئ نفاسة ، وشئ شكل نسوان وفرتيق عرس .. شئ عروب وشئ عزابة في ليبيا .. حراق روح عديل كده.. حزمة كاملة من الدراما تنفع مسلسل سوداني رهيب .. حيفوق المسلسلات المصرية .. بحواره السوداني الثري ..
07-06-2010, 08:45 AM
Munir
Munir
تاريخ التسجيل: 02-11-2002
مجموع المشاركات: 10496
.... [B]الأخوة الأكارم أهل الشعبية الكرام تحية عطرة حقيقة تصلني عشرات الرسائل يوميا من أناس كرام وكثير منها فيه فوائد تختلف في درجة فائدتها للآخرين لكنني اليوم .. وقد وصلتني رسالة من أخ كريم ( مصري ) من شباب الأخوان المسلمين .. وهو طبيب يعمل بمصر .. جمع فيها بعضا من الأمراض الشائعة .. ورغم أنني لست من المنادين بتعميم الحالات لكن .. لأنني إرتأيت أن المصريين لديهم مقدرة في الوصف .ز وصف العلل خاصة لأنهم أهل شكوى فقد رأيت أن أشرككم في فحواها .. علها تلامس صمتا .. واليكموها .. وصفا ووصفة :-
(( مع رجاء إستشارة طبيب أو صيدلاني إن لزم الأمر ))
....
عندى كحة جامدة بتقومنى من النوم بالليل Avipect syrup ملعقة بعد الأكل 3 مرات
Xithrone 500 tablets قرص يوميا لمدة 5 أيام
Toplexil syrup ملعقة بعد الأكل 3 مرات
عندى إسهال جامد وبطنى بتوجعنى
Flagyl 500 tsblets قرص كل 6 ساعات
Streptoquin tablets قرص كل 6 ساعات
عندى إمساك جامد
Duphalac syrup ملعقة بعد الأكل 3 مرات
Purgaton tablets 2 قرص صباحا و مساء
Laxeol-P drops 20 نقطة على 2/1 فنجان ماء مساء
عندى مغص جامد بس ما فيش إسهال
Spasmomen tablets قرص قبل الأكل 3 مرات
Spasmopyralgin M tablets قرص بعد الأكل 3 مرات
عندى حموضة جامدة وحرقان فى القلب
Mucogel syrup ملعقة بعد الأكل 3 مرات
Antodine 20 mg tablets قرص قبل الأكل 3 مرات
Rani eff. sachets كيس على 2/1 كوب ماء صباحا ومساء
عندى صداع جامد فى كل راسى
Cataflam 50 mg Tablets 2 قرص بعد الأكل كل 12 ساعة
عندى دمامل وخراريج فى الجلد
Duricef 500 capsules كبسولة كل 12 ساعة
Fucicort cream دهان للجلد 3 مرات
Garamycin cream دهان للجلد 3 مرات
سنانى واجعانى واللثة وارمة
Catafast eff. sachets كيس على 2/1 كوب ماء كل 12 ساعة
Brufen 400 tablets قرص كل 12 ساعة
Oracure gel دهان للثة 3 مرات
لسانى ملتهب واللثة بتحرقنى
Tantum verde gargle مضمضة بدون تخفيف كل 12 ساعة
Jogel دهان للثة واللسان 3 مرات
B.B.C spray بخاخ على اللثة فقط 3 مرات
لسانى عليه بقع بيضاء
Miconaz oral gel دهان للسان 3 مرات
Mycostatin drops قطارة على اللسان كل 6 ساعات
Mundisal gel دهان للسان مساء
عندى حساسية وهرش جامد فى الجسم كله
Zyrtec tablets قرص صباحا ومساء
Calamyl-D lotion دهان للمناطق المصابة 3 مرات يترك 4/1 ساعة ثم يشطف
Elocon cream دهان بعد اللوسيون 3 مرات
ريحة رجلى وحشة قوى
Flucoral capsules كبسولة واحدة أسبوعيا قبل الأكل
Mycotral powder بودرة بين الأصابع 3 مرات بعد الغسل والتجفيف
Dermatin lotion دهان بين الأصابع قبل النوم
أيدى اتحرقت من المياه المغلية
تعمل كمادات مياه مثلجة سريعا ثم يستخدم
Dermazin cream دهان خفيف كل 6 ساعات لمدة يوم
Mebo cream دهان خفيف كل 6 ساعات من اليوم الثانى
عندى حرقان فى البول
Uvamin retard tablets قرص بعد الأكل 3 مرات
Proximol eff. granules قرص بعد الأكل 3 مرات
Rowatinex capsules كبسولة قبل الأكل 3 مرات
ظهرى وعظمى واجعنى وعضلاتى قافشة
Mobitil 15 mg tablets قرص بعد الأكل صباحا ومساء
Voltaren ampoules حقنة عضل يوميا لمدة 3 أيام
Myolgin capsules كبسولة بعد الأكل صباحا ومساء
ركبتى واجعانى وعندى خشونة فى المفاصل
Genuphil tablets قرص بعد الأكل 3 مرات لمدة شهرين
Rapiflam 50 tablets قرص بعد الأكل 3 مرات
Epicotil ampoules حقنة عضل يوم بعد يوم
الدورة الشهرية تاعبانى جدا
Buscopan compositum tablets قرصين بعد الأكل صباحا ومساء
Visceralgine tablets قرص قبل الأكل 3 مرات
Cataflam ampoules حقنة عضل واحدة
عندى زكام وعطس مستمر
Panadol cold & Flu tablets قرص بعد الأكل 3 مرات
C retard 500 capsules قرص كل 12 ساعة
Afrin nasal spray
2 بخة فى كل فتحة أنف 3 مرات
حاسس بهمدان وباتعب بسرعة
Vitazinc capsules
كبسولة بعد الإفطار
Royal vit G capsules كبسولة بعد الغذاء"
خاسس كتير و وزنى قليل جدا
Growth formula powder ملعقة كبيرة على كوب لبن بعد الأكل 3 مرات لمدة شهر
Mosegor tablets قرص قبل الأكل 3 مرات
Vitamax plus capsules كبسولة بعد الغذاء
وزنى زائد جدا وعاوز حاجة تساعد مع الريجيم
Chitocal capsules قرص قبل الأكل صباحا ومساء لمدة شهر
Chromax capsules كبسولة قبل صباحا ومساء لمدة شهر
Bran tablets قرص بعد الأكل 3 مرات
عندى التهاب جامد فى الجيوب الأنفية
Azrolid 500 tablets قرص قبل الأكل يوميل لمدة 5 أيام
Clarinase tablets قرص بعد الأكل صباحا ومساء
Flixonase spray 2 بخة فى كل فتحة أنف صباحا ومساء
البواسير مجننانى ومش عارف أعمل أيه
Proctoglyvenol supp. لبوس شرجى صباحا و مساء
Betnovate C cream Lignocaine 5 % cream يخلط الكريمين وتدهن فتحة الشرج صباحا و مساء
Diolax tablets قرصين قبل النوم
Dettol solution ملعقة كبيرة على لتر ماء دافىء تشطيف بعد كل تبرز
في اتصال هاتفي مع الاخ وليد يطمئن الجميع بتحسن صحة الوالدة
ويقرئ الجميع السلام
أعوذ بكلمات الله التامات من كل شيطان وهامة ومن كل عين لامة اللهم رب الناس أذهب البأس اشفِ أنت الشافي لا شفاء إلا شفاؤك ، شفاء لا يغادر سقما أسأل الله العظيم رب العرش العظيم أن يشفيك سأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك أسأل الله العظيم رب العرش العظيم أن يشفيك
07-07-2010, 10:41 AM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: أختي روما سلامات وصباح الخيرات .. غايتو معلومة صابون الكبريت دي بالنسبة لي جديدة لنج واتحدي عماد وعبدون لو بيعرفوها .. قلتي كمان فيها أنواع تانية؟؟.. أها نحن بس بنعرف صابون عدة وصابون حمَّام .. أو صابون غسيل وصابون بودرة ..
يا منير والله انت كنت مسطح شديد يا زول انا وعبدون تفتيحة
انت اظنك بتعرف صابون فونا بتاع الدعاية الرسول يا عريس
تجيب لي صابون فونا
بعد صابون الكبريت ذو اللون الاصفر في مرهم الكبريت بيستعملوه
البنات في الارجل ( كعب الرجل ) بيقفل الشقوق ويجعل الكعب املس
لكن ريحتو خليها ساكت وهسع طبعا الزمن اتغير والتمسح والكريمات
بقت اشكال والوان وللجنسين وتلقى الولد والبت بتشاكلو في الكريم
دا حقي لا دا حقي انا ويا حليل زمن الجلسرين الفي الفتيل هسع بقوه
كريم جلسرويد وفي علبة مزركشة ومنمقة وهلم جر ,,,,,
تحياتي واحترامي
07-07-2010, 02:40 PM
Emad Ahmed
Emad Ahmed
تاريخ التسجيل: 08-12-2009
مجموع المشاركات: 12705
Quote: وعن بحري القديمة (حلة حمد - حلة خوجلي - الصبابي ) يقول مهدي نسبة لكثرة الطلب عليها يتراوح سعر المتر المربع بين (400-450) جنيه أما في امتدادات بحري مثل الكباشي والوادي الخضر والخوجلاب فيتراوح المتر المربع فيها في حدود 100 جنيه نسبة لقلة الخدمات فيها وأن المتحكمين في أسعارها التجار وليس القاطنين .
سعر الشعبية كم؟ منير -عابدون الوادي الاخضر ماشي كويس
07-07-2010, 10:00 PM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
ياعماد .. عماد الكوتش أنا كنت قايلو عماد كبشور .. ما عمدة التوثيق .. أصلو عماد كبشور ظل مجتهداَ في تدريب الأشبال منذ عهد بعيد .. التحية لكبشور ولكما ولكل العمد وللأخ مدثر ..
حوار مع النفس الأمارة بالسوء النفس : أنت يا مجدي نقد شفتا دكتور منير قال لي دكتورة روما شنو؟ مجدي نقد : اها قال ليها شنو ؟ النفس: يا أخي أنت ما متابع ولا شنو؟ مجدي نقد : متابع كدي قولي ما تحرقي روحي؟ النفس : يا أخي مش قال ليها في موضوع القصة الرهيبة بتاعته مفروض تستخدم أدوات الترقيم و شوية نقط و حركات كدا . مجدي نقد: اها و أنا الدخلني شنو وسط الدكاترة ديل؟ النفس : طيب ما تخليك ظريف و تشيل القصة و تضبط موضوع أدوات الترقيم مساعدة لي أختك روما عشان هي ما فاضيه. مجدي نقد : و الله فكرة..بس. النفس : بس شنو؟ مجدي نقد: بس أنتي ما عارفه ناس سودانيز اون لاين ديل قطيمين خلاس..ما عندهم الرومانسيات دي..اسي يجوا يشيلوا القصة المعدلة و يطلعوا فيها بلاوي الدنيا كلها. النفس : يا أخي ما تخاف هم ما بجو جوا حوش الشعبية. مجدي نقد: يا سلام !! منو القال ليكي!!عزام و بدر الدين ما بجوا بي جاي؟ النفس : بجوا لكين ما بهبشوا ناس الشعبية.. مجدي نقد : اها و الضمني الباقين ما بجوا شنوا ؟ النفس : يا أخي قلنا ليك ما تخاف ! الباقين نصهم بحترموا ناس الشعبية و النص التاني بخاف من العصابة ألقلتهم ديل.. يعني ما بجوا . مجدي نقد : طيب لو كتبتها و جا واحد قوقله اطلع بعدين حرامي و سارق النص مش..لا لا لا..الله يهديك فكي مني..ناسنا ديل الله لا وراك ليهم . النفس : سجمي يا مجدي نقد !! الناس ديل قاطعين قلبك عديل كدا..أركز..ما كنت عامل فيها كاتب كبير !! الحصل شنو؟ النفس تستدرك الحوار قبل أن اتخذ قرار الانسحاب : أقول ليك اكتب قبال عنوان القصة بالخط العريض دي قصة دكتورة روما يا ناس هوووووووووي . مجدي نقد : طيب لو دكتورة روما زعلت و قالت لي مالك و مال القصة شكلي ببقى شين خلاس ..مش ؟ النفس : أنت جنيت يا زول؟ دكتورة روما أرقى من كدا بكثير..بعدين أنت حتعمل حاجة صعبه عليها ؟ ما كل الموضوع انو هي ما فاضيه . مجدي نقد : عارفك ما حتجيبيها البر..اها اسي أسوي شنو ؟ النفس : بسيطة..اعمل نسخ للموضوع و لصق في وورد و بعد داك عدل المطلوب . مجدي نقد : الله يسامحك..أنتي ما عارفه اختنا روما دي براية و مخها شغال..اسي تنزل الكتاب كلو و تجهجه باكاتي . النفس : لا ما حتعمل كدا لانها بت ظريفة..بعدين أنت قول مشغول الايامات دي..الشايفك منو..ما دا سيد الحوش زاتوا لابد.
يتبع..حوار بين الكمبيوتر المستخدم للتعديل و مجدي نقد.
تمت عملية النسخ و اللصق الكمبيوتر : بسسسسسسسسسسم الله الرحمن الرحيم..يا زول انت منو؟ انس و لا جان . مجدي نقد : يعني ما عرفتني ؟ الكمبيوتر : مالك يا زول..الحصل عليك شنو ؟ ما كنتا كويس ؟ مجدي نقد : مالك..القصة ما عجبتك ؟ الكمبيوتر يتململ قائلاً : لا .. بس أنت فاهم لصقتى شنو؟ مجدي نقد متلعثماً : طبعاً ..لكن بتسال ليييييه ؟ الكمبيوتر : لانو القصة مكتوبة بطريقة محتاجة عبقري يفهمه و انتو ناس سودانيز ديل حسب قصصك البتكتبه و البتنسخه هنا لسه ما وصلتوا المرحلة دي!! مجدي نقد : بطل فلسفه و قول كلام علمي يعضد رأيك دا . الكمبيوتر : يا أخي ما تعمل لي فيها هشام ادم ..الكلام واضح..عشان تفهم قصة دكتورة روما مطلوب منك مجموعة علوم تكون حاضرة في ذهنك و تستعمله على الهوا و أنت بتقرأ عشان تفهم . مجدي نقد : يعني افهم من كلامك دا شنو ؟ ما في داعي اعدل و ادخل أدوات الترقيم؟ الكمبيوتر: ترقيم شنو يا زول ؟ أنت من جدك . مجدي نقد : طيب الحل في نظرك شنو ؟ الكمبيوتر : هو منو القال في مشكلة ؟ أنت براك شليق..لكن أقول ليك . مجدي نقد : قول الكمبيوتر : قول لي دكتورة روما اما تكتب بي لغة الزمن المتخلف بتاعكم دا (زي لغتك السجم الفوق دي) او تنتظر السودان يبقى دولة عظمي أو تدي قصصه دي في شكل وصية لي حفيده العشرين بعد المائة عشان ينشره ليها. مجدي نقد : يا أخي دي دكتورة.. صعب نقنعه تكتب بي لغتنا دي ..انته شكلك محتاج (فرمته) . الكمبيوتر : انته بس قول..أحسن من تحتاجوا كلكم (فرمته) .
تحياتي
07-08-2010, 12:30 PM
عابدون محمد عابدون
عابدون محمد عابدون
تاريخ التسجيل: 07-30-2008
مجموع المشاركات: 2607
Quote: ياعماد .. عماد الكوتش أنا كنت قايلو عماد كبشور .. ما عمدة التوثيق .. أصلو عماد كبشور ظل مجتهداَ في تدريب الأشبال منذ عهد بعيد .. التحية لكبشور ولكما ولكل العمد وللأخ مدثر ..
تحياتي منير والله انا قلت اكيد في عمدة في الشعبية شمال ظهر بعد نحنا هجينا واتغربنا وبرع في مجال التدريب فلقب بالكوتش عشان كدا رميت الكورة في ملعب الشباب عشان يجيبوه لينا في النهاية طلع عمدة روحنا وحبنا تحياتي واحترامي
07-08-2010, 12:41 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: يا اخي انا قلت عبدون دا شكلو كدا ود حبيب في النهاية تجي تقول لي صابونة غسيل
قصة الصابون ذكرتنا مرحلة الثانوي العام لما كان اللبس ردا وقميص وفي نهاية اليوم الدراسي تلقى كل الطلبة جنب الماسورة بيمسحوا رجولهم بالصابون من الغبش وده كله من اجل شارع المدارس قصة شارع المدارس دي بقت لينا زي قصة واحد من ناس الطشمة ديل الله هداه وتاب من الشراب .. و اغترب مشي السعودية قعد ستة سنوات قضاها ليك حج وعُمرة واعتكاف في الحرمين المكي والمدني .. المهم بعد الستة سنوات دي جاء السودان اجازة .. قوموا يا ناس شلته القديمة أعزموا الزول دا عشاء كارب في نفس بيت العزابة الزمان كان بطشموا فيه .. طبعا ردموا ليك العرقي والمزة بكميات خرافية .. المهم الراجل بعد أن تمّ الاحتفاء به .. كبو ليه كاس .. صاحبك إتفاجأ بالكاس وقام اعتذر وقال ليهم يا جماعة الله يهديكم ياخ والله انا بطلت المصيبة دي لي ستة سنوات .. المهم ناس ( قروب ابليس ) أصروا عليه وألحّوا إلا يشرب كاس .. وهو المسيكين رفض تماما وقال ليهم يا جماعة انتو جنيتوا قلت ليكم انا تُبت ياخي .. تووبتاااا ما مصدقيني ولّلا شنو ؟! ..
واحد عكليتة من الجماعه حلف طلاق وستين يمين .. وقال ليه : عليّ الطلاق بالتلاته إلا تشرب إن شاء الله تدخل اصبعك بس وتضوقوا .. انت يا زول الجماعة ديل كلهم ما عندهم خاطر عندك ولّلا شنو ؟؟! .. المهم صاحبنا دخل في حِتة ضيقة .. يعني لازم يقوم يعز حليفة صديقة عشان ما يطلق الولية المسكينة .. المهم صاحبك دخل اصبعوا في كاس العرقي ولحسو وقال ( انتي يا بت ال###### لِسّع في حلاتك دي )
07-08-2010, 07:29 PM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
الاخ العزيز مهندس مجدي نقد حوارك مع النفس رائع جدا واعجبتني الفكرة كثيرا فهي ابداع وعلى ما اظن الدكتوره روما طلبت رأي الجميع وشخص مثلك مؤهل لابداء الرأي مع تحياتي لك
07-08-2010, 11:35 PM
خالد درق
خالد درق
تاريخ التسجيل: 12-08-2009
مجموع المشاركات: 4351
لمــــــاذا نخسر أشخاص يحبوننا ونحبهم ولا نحس بهم إلا من بعد فراقهم
صعب أن تــرا من احببت يبتعد شيــئــا فشيــئــاً عنــك .. والأصعــب انك تتألم لذلــك .. وما هو أصعــب الصعــب (( أنك سبب هذا كله ))...؟
عندما تتفوه بحماقات و تحسب انك الأقــوى على فــراقــه ..؟؟ وانه هــو من سيخسرك و ليــس أنت .. !!؟ وانك ستجد ألــفاً غيــره وأفضل منه و .. و....؟
كثيــرا ما تحصــل هذه المواقــف في حيــاتنا ..؟ ولكن هل نحن فعلا نحن قادريــن على فراقهم هل نستطيع تركهم دوون توديعهم هل نستطيع نسيان الماضي وكانه لم يكن !!!؟ هل سنطوي صفحتنا عنهم .. هل نستطيع ؟؟؟
في بادئ الأمــر ربما !!؟ ولكن عندما يرمي بك البحر الى ذلك الشاطئ الموحش الذي لا يوجد به غيــرك !! ؟؟ نعم ليس هناك غيرك .. انت وحدك ولا احد بجانبك !!؟
لقد رميت بكل من حولك كل من كان يجدف معك في تلــك السفيـــنه وكل من يؤمن لك الامان في حيــاتك .....؟ وها انت هنا وقد تعبت يداك من التجديف تتألم وتصرخ .. تصرخ و تصرخ الى ان يختفي صوتك..؟
فهل من مجيب ؟؟؟ لاأعتقد فبينك و بينهم المئات والمئات من الامياال .. الآن وفي هذه اللحظه !؟ ادركت انك ضعيــف بل و########ه وانك متكبر و مستكبر .. فماذا استفدت بعد ذلك . ..؟
لم تجد افضل منه و لم بل ولن تجد مثلهم ..!؟ والأهم من ذلك كله !!!!؟؟؟؟
(( لســت بقدر كــلامــــــــك ))
كم هو مهين ومتعب هذا الشعور .. نصيحة لك : ابتعد عنه ولا تجربه
تقرب لأصحابك واحبابك ولا تتخلى عنهم !!؟ وجدّفوا و تعاونوا ولا تقربوا ذلك الشاطئ وليفتح احدكم قلبــه للأخر ..؟!؟
واعتــذر منهم اذا اخطأت ..!؟
وسامحهم اذا اعتذروا
وذلك لتكسب اجرهم وليرتاح ضميرك ..!!؟ ولتعيش سعيداً راضياً عن نفســك
تحياتى ...
07-08-2010, 11:49 PM
خالد درق
خالد درق
تاريخ التسجيل: 12-08-2009
مجموع المشاركات: 4351
بهذه الأشياء تكون الحياه جميلة 1 - الاستقامة تصبح الحياة جميلة باندماج القلب مع تسبيحات الكون فيشعر الانسان بانه جزء منه ويبتسم له الوجود معلنا انه لا اله الا الله محمد رسول الله فيتخلص من امراض القلوب والهوى فيسمو في درجات المخلصين ..
2 - الاحسان تصبح الحياة جميلة بحب الخير للآخرين فلا يبقى حقد ولا ضغينة في قلبه لاي احد فيعيش سعيدا مسرورا والكل يحبه ومسرورا به فينال بذلك قرب الناس منه ورضا الله ..
3 - الوقت تصبح الحياة جميلة باستغلال فرصة العمر فكل دقيقة تذهب لن تعود الى يوم القيامة وكل نفس معدود وكل خطوة محسوبة فيسرع الى الاعمال الصالحة ويبتعد عن الاعمال السيئة فيقابل ربه وهو راضي عنه وياخذ كتابه باليمين ..
4 - الابتسامة تصبح الحياة جميلة بالبشاشة في وجوه النا س فيقابل اخاه بالابتسامة والفرحة ويظهر السرور معه فلا يقابله بالعبوس والضجر والاكتئاب فانها سبب ابتعاد الاخرين عنه وعدم رغبتهم في قربه فيعيش سعيدا لانه اسعد الاخرين وادخل السرور في قلوبهم ..
5 - المبدأ والمصير تصبح الحياة جميلة يوم ان يتذكر الدنيا والاخرة فالدنيا دار عمل بلا جزاء والاخرة دار جزاء بلا عمل فلا يميل قلبه الى مخالفة امر الله لعلمه بقرب الحساب ويسارع الى الخيرات لعلمه بالجزاء الكبير من عند الله ..
6 - الهمة والارادة
تصبح الحياة جميلة حين نكون اقوياء في اتخاذ القرارات فلا تراجع عنها مهما كانت الاسباب طلما نحن مقتنعين بها الضعيف هو من يتراجع عن قراراته القوية والقوي هو من واصل حتى يحقق الهدف المنشود ..
7 - كما تدين تدان
تصبح الحياة جميلة يوم ان نبتعد عن الاساءة للاخرين فالدنيا لا تبقى على حال فدوام الحال من المحال فيوم ترى يسراً ويوماً ترى عسراًويوم لك ويوم عليك وهكذا سنة الحياة فاحذر ان تسيء الى احد فان كانت عينك تنام فعين الله لا تنام ..
لا اله الا انت سبحانك انى كنت من الظالمين
07-09-2010, 08:13 AM
خالد درق
خالد درق
تاريخ التسجيل: 12-08-2009
مجموع المشاركات: 4351
منير اخوي الحكاية شنو؟ طوالي طلاق شغلك ده شغل شوايقه بس يمكن بت الناس معجبه بالغنى ما بسيده ياخي انت قلت بشاره لاعب المريخ السابق سلم عليكم انتو فرحتوا العريس الضكران ده هو اختار حسين الصادق براه ولا العروس اختارته؟الموضوع هنا بفرق
Quote: اخي صلاح الف مبروك لمنار وعقبال الدكتوراة والعقبال لاخواتها
اختي الدكتوره ستنا اشكرك على التهنئه والمباركه وان شاء الله تجمعناالافراح دائما متمنينا النجاح والتفوق لكل ابناء وبنات الشعبيه
في اثناء كتابة مداخلتي السابقة شعرت بهزة خفيفة اتلفت يميني وشمالي وقلت يابت قومي لفي كده هزة شنو دي اكيد عربية كبيرة مرت بالشارع خصوصا وعندنا اعمال بناء في الشارع،وبعد انتهائي ورجوعي للمنبر العام اذا بي اتفاجأبوجود بوستات عن هذا الموضوع سبحان الله قدر ولطف وكانت خفيفة شديد البعض لم يحس بيها
الملاحظ في بيوت الشعبية التغيير في البناء والكثير عملو بيوتهم طوابق اما لسكن الاولاد مع اسرهم او للاستثمار
والايام دي روائح الابري ما تديك الدرب اكيد اللسان اتمطق عند تزكر هذا المشروب اللذيذ وطبعا رمضان من غير آبري ما ليه طعم ولا الرقاق حاجة جميلة ،الحاجات دي لمن كانت تجيني كنت بكملها قبل حلول رمضان وبعد داك ابقي في الشحدة ولمن اتصل واطالب بارسال كمية اخري اسمع تعليقات من نوع عليك الله آبري شنو ورقاق شنو ما العصائر عندكم اشكال وانواع، لكن زي آبرينا ده ما حصل وعلي قولة الحاجة الله يديها العافية كل سنة لمن تعمل الآبري في لندن مافي (بضم اللام)ما دناقلة دلالة علي حلاوته !!
اه تصبحوا علي خير ودعواتكم لينا بنومة هنيئة الليلة في قلق من الهذة دي ودمتم
07-09-2010, 10:11 PM
خالد درق
خالد درق
تاريخ التسجيل: 12-08-2009
مجموع المشاركات: 4351
أخي العزيز مجدي نقد سلامات يارجل .. ياخي كتر لينا من حوارات النفس دي ياخ .. الحاجات إنتو داسينها ليه ..
ياجماعة أي واحد لو عنده زمن يجي هنا يعتبر نفسه قاعد في ديوانه وينفض أي حاجة ويفت الفتة زاتها .. ناولني واناولك نحرر البوست ده ونفتش الماضي ونتاوق للمستقبل ووو ننسي الحاضر ..
07-10-2010, 09:39 AM
Munir
Munir
تاريخ التسجيل: 02-11-2002
مجموع المشاركات: 10496
ياصلاح كراكة ، لا حولا .. جبت لينا ضكرنة العريس من البوست البعيد داك بي جاي؟؟ .. ياخ فعلاً العريس ضكران .. دايرو يبقي زي راجل عواطف المتحننة يقعد يعاين للعروس لمن الفاس يقع في الراس؟؟ يعني يا صلاح الشاب يقعد يتفرج فيها ويصفق وهي متلصقة جنب الفنان .. الناس تحنس فيها عشان تتقل شوية وتقعد جنب عريسها وهي مصِّرة تقيف جنب الفنان؟؟ الإصرار لزومو شنو؟؟ مفروض أول ما الناس نبهوها إنو الحركة دي ماصاح تتدارك الموقف لو كان عندها تقدير لعريسها .. الإصرار ده يا إما قلة أدب منها أو إنها عروس بومة .. وكل شئ ولا البوامة أو قلة الأدب .. ده لو زول تاني شرس كان مشي جرَّاها من أضانها ورماها لأمها قدام الناس وأدَّاها شلوت ومعاهو تلاتة طلقات !! .. تقول لي شنو؟؟ ..
طبعاً إلي حدً ما ممكن أقول ليك إنو الحسنة بتاعة العروس دي إنها واااضحة ، واحاسيسها كاشفة وما بذلت مجهود أو حاولت مداراتها - يعني تصرفت علي سجيتها ، وإحتمال تكون ساذجة ساي ما شايفة إنو البتعمل فيهو ده جارح لعريسها ويقدح في حيائها .. لكين لو قدمنا حسن النية ممكن تقول عليها قلبها ابيض .. كعبة الموية التحت التبن ..
07-10-2010, 10:12 AM
Munir
Munir
تاريخ التسجيل: 02-11-2002
مجموع المشاركات: 10496
دكتورة ستنا حمدالله بالسلامة .. الهزيزة دي غايتو تنبيهة عشان الواحد يعمل حسابه للآخرة .. وزي ماقال واحد صاحبي كل شئ ممكن تجري منه، لكين الواطة دي ساعة تسكك وتجري وراك ح تجري منها وين؟؟ .. برضو قال: ياخي الزلزال لمن جاء غاشينا المرة الفاتت ما لقي أي حاجة يكسرها وأصيب بخيبة أمل شديدة .. أسه جيته دي تكون جولة استطلاعية لتقييم الموقف ويشوف العمار وصل وين ..
الاخ شمس الدين منتظرين تحكي لينا عن الماضي القريب والقعده في الكراسي قدام الباب بالتأكيد عندك الكثير والكثير من المواقف الطريفه طيب اسمع دي إمام الجامع في الحلة إنتقد جموع المصلين في صلاة الجمعة واستنكر سكوتهم على ( عوضيه ) ست العرقي .. التي قامت بفتح ( طرمبتها ) فى الحى بالقرب من السوق يعني في طرف الحلة! وفى مساء نفس اليوم هاجم احدهم من أهل ( الطشمه ) عوضية ست العرقي .. وقال ليها : ــ شنو ياااا حبّة .. فاتحة ليكي اسبوع وما نسمع بيكي الا من إمام المسجد! مع تحياتي لك اخي شمس الدين
07-10-2010, 04:55 PM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
Quote: الملاحظ في بيوت الشعبية التغيير في البناء والكثير عملو بيوتهم طوابق اما لسكن الاولاد مع اسرهم او للاستثمار
دكتورة ستنا لموقع الشعبية الممتاز حيث تعتبر من احسن المواقع بمدينة الخرطوم وان كان يعيبها المساحات الصغيره ولكنها فرصة جيدة للاستثمار ببناء شقق خاصة للازواج الشابه وطلاب الكليات والجامعات وخاصة في ظل ارتفاع الايجارات وممكن يكون دخل مريح
07-10-2010, 05:16 PM
صلاح عثمان
صلاح عثمان
تاريخ التسجيل: 04-24-2010
مجموع المشاركات: 954
يا شباب سلامات الاخت مريم عبد الله (روما) تواجهها مشكلة في الدخول للمنبر منذ تلاتة ايام. ارجو من الاخ بكري ابوبكر ان يحل المشكلة. وهذه هي المرة التانية او التالتة التي توقف فيها روما عن الكتابة دون ذنب جنته.
07-10-2010, 06:44 PM
خالد درق
خالد درق
تاريخ التسجيل: 12-08-2009
مجموع المشاركات: 4351
ابو صلاح سلامات والله مشتاقين .. صلاح ياخى طمنا على اخونا عمر ابو سقرة انا سامع انو تعبان مع الضغط والسكرى وعمر زى ماعارفه مابيحافظ ومابسمع الكلام .. انشاء الله تكون اموره استقرت .
07-10-2010, 07:00 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
يامنير ياخوى حركم دا حر السرور والحنكشة تلقى هسة الحرارة عندكم تمنتاشر درجة وانتوا مسخنين .. تعال عندنا تكون قاعد تحت المكيف وعرقان ودرجة الحرارة من خمسة وخمسين وانت طالع.
كلمة حنكشة دى يامنير دخلت فى الفوكابلرى كدة بالعرض لكن ماعارف الناس جابوها من وين .. يتخيل لى اول ماظهرت موجات الاغتراب وقميص تحرمنى منك والحركات ديك غايتو زى ( قوم شتت ) بتاعة ابو اللول.
07-10-2010, 07:08 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
يا جماعه تان الباس وورد بقا ليهو 3 يوم ما بيفتح اظنو انا مسجله في المنبر ده وافدة ولا باكون زي المدينو وثيقه سفر اضطراريه المهم اشتغل الباس وورد ولا ما اشتغل ما عندكم اي فكه مني سامعاكا يالقلتا بركه الما بيفتح الباس وورد ههههه
اختي دكتورة ستنا الف حمد الله على السلامه من الزليزيل وما تشوفي شر ويارب تكونوا بخير وربنا يغتي على الجميع بمانسبه الزلال - قمته على الورجقه - مرة هنا في 1999 كانت معاي صحبتي من ناس الاملاك وانا مبسوطه انو في ضيوف معانا وشمرته وعاوزا استعرض اني بقيت اعرف اطبخ واقوم اجيب ليك عدس وهو نضيف لكن الشلاقه والاستعراض الا انضفو قدامها عشان امسح الصورة القديمه اني ما بعرف اسوي شي المهم انا متفنه بي صينيه العدس وانضف فيهو بيقنا نتكلم وهاك يا ونسه وكتها كان عندي شريط لي فرقه اولاد البيت وشغاله غنوة الكنداكه ويا ستو نحنا منفعلات وانا ابشر وشايله صينيه العدس واحكاي ليها فلان بيرقص كده وعلانه ما بعرف بترقص كده ونتضحك قامت الساعه الواطه تتهزا بينا وصوت غريب عاد انا من ان لي ان اعرف انهو الزلال طبعا العدس طار والحاجات كلها المعلقه جاتنا واقعه والتلفزيون جاكي واقع و عندي اشكال سودانيه وحققه وما بعرف طباقه صغار كلها جاتك واقعه والقزاز بيتاع البيبان برضو وانا لي يوم الليله المرقني شنو من البيت ما بعرف المهم من الطابق السادس جرينا ليك بالسلم صوف جري تمام والناس تتدافر وصحبتي وانا في الشارع حفيانات والناس كلها مرقت عندنا جارتنا كانت ولادة جديد واول يوم ترجع بي بتها من المستشفى صدقي نست بتها الرضيعه وجرت بقت الست تبكي بتي انا ما ام صالحه والجماعه مافيهو زول قادر يخش يجيب الشافعه صحبتي قلبها طيب تنقش تنقش سالت الست ياتو طابق ومشت نزلت ليها البت غايتو من يومها لغات ما رحلنا من البيت العدس داك كل ما انضف القا ليك منو شويه وبيقينا في الشارع تاني صحبتي قالت لي ارحكاكي جوة البيت يعني البيحصبل لينا جوة البيت ما ح يحصل لينا برة ومشت قلبها قوي ماشا الله عليها اتوضت وصلت وانا دخلت معاها بس بيني وبينك قلبي يدق وكتها كل الناس باتو برة البيت في الحدائق العامه والتلفونات ما اشتغلت لانو كان زلزال كبير وعمارات كتير اتاثرت تاني مرة كنتا شغاله في جزيرة وكلها جبال ويومها شغاله والدنيا صيف وحر والجزيرة مليانه ناس وسياح وبيجيبوهوم معظهم بيمشوا ياكلو ويشربو بيجيبوهوم عندنا في القسم مترنشين -لا مواخذة - اها انا قاعدة جابو لينا بتنين زي 15 و 17 سنه شربن وهاك يا بكا ونعيع و هلاويس المهم ركبوا ليهم دربات وجابوهوم عندنا للملاحظه والبت الصغيرونه تقوم من السرير تلف حولين نفسها و وتضرب سرير التانيه والتانيه تبكي والبت الصغيرونه الا تسكتها حسب الفي الراس وتقوم تجي تاني تلف حولين نفسها وتقول لينا تعالو انتو لفو معاي نلف وين يا ستو المهم امسكك ترجعيها السرير وتاني تقوم والتانيه تبكي كان يوم ما طلعتهوش شمس المهم البت حالفه ما تقنب وتشيل وتلف حولين روحها والتانيه تبكي بعد شويه الساعه جد جد المكان كلو يتهزا والجزيرة جبال اديني عقلك بقه وديل امانه ما تقدري تقومي جاريه وتسيبهوم المهم البت الصغيرونه تقول لينا شفتو انا ما كزابه الدنيا بتتحرك قربته ابوس ليها يدها يا بت امرقي وبطلي النضمي كويس امرقاكوم ومرقنا من الخلعه الكبيرة راسها جا والصغيرة مرقنا في حوش المستشفى وهي لسه عاوزا تلف حولين نفسها قامت في ست يونانيه قالت ليها هو ناقصنا لف الدينا براها بتلف غايتو جنس يوم كان
ستو شمي لي الحلو مر انا ما عندي معاهو كبير غرض لكن اكلي لي عليك الله رقاق بي لبن انا الرقاق ده عندي معاهو دستور بالزات لو اكليتهو ساكت امي الله يديها العافيه بتعملو لكن قبل رمضان بنكون اكلاناهو وكانت تختو في جرادل فوق راس الدولاب وتغيتيهم لما تجي الليله القبل رمضان وتجي عشان تحضر منو للسحور تلقا ليك الجرادل توحد سيدها الكويس انا غايتو الرقاق ما باباهو كان ناشف ولا كان لين زي الكسرة وتختي عليهو اللبن والسكر خليتنا نتمطفق يا ستو
لكن كنا لما يعوسو الابري الابيض نقعد جنب الصاج كل واحد في يدو كوريه بلاستيك صفيرونه يا امي او خلاتنا الجيران البتكون بتعوس بتدينا في كورياتنا ديك عجي البيفضل من الطرقه وبنسميهو مخ وتختي عليهو سكر ونمرق الشارع وناكلو البيدوهو بيكون سيد الموقف لانو كل مرة هي بتدي واحد ايام ربنا يطراها بالخير ستو علك الله سلم لي على ناس دكتورة امل علي وسحر وعلى هانم حسن وعلى ناس عبير وامل اختها وناس خالده علي وعلى امل حمد وعلى كل ناس الشعبيه البتقابليهم واكيد على ناس بيتكم
روما
07-10-2010, 07:10 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
اخوي دكتور منير ولا يهمك صلح زي ما انت عاوز انا بافرح كده لانكم بتصححوني واها عرفته صابونه الكبريت ولا لسه والحر العندكم عندنا منو الواحد بقا يقول ياربي دي اروبا ولا الخليج عارف اول ما جينا هنا ولوت قريب ما كنا نشوف مكيفات ولا مراوح بس الان سبحان الله حر ما بيروح لا شراب مويه باردة ولا حموم ولا مكيف يا ابو سبحان الله ربنا في العون والناس يجبوا لك الحر زيادة تشفوهوم وبينهم وبين الهدوم ود مفقود تستغرب لانو الناس دي حايمين كيفن كده في الحر الشمس دي ما حارة مباشة على الجلد غتوهو يا ناس وكلو كوم وناس البحر كوم يعني هو حر يشوي الصنقوع وكمان حر البحر وهم سعيدين غايتو كلو ولا الحر هنا لدرجه حزروهم في التلفوزيون مافي زول ما عندو شي مهم في الشارع يمرق بدين الرطوبه بتديك شعور انو درجة الحرارة 90 روما
07-10-2010, 07:13 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
ياسلام عليك شنو الحوار السمح ده شوف مني ليك ضوء اخضر رقم العاوزو القصه اعتبرها حقتك عديل انا وين لاقيه لي اخوان يقنبو يقروا ويصلحو لي ويا اخوي يعلي مقامك قول امين عاين يا ود نقد انا باكتب وانتا رقم . واي واحد منكم يا جماعه عندو اي ملاحظه حبابو انا فرحانه لاني وسط اخواني و ناسي والله فرحته يا اخوي . كويس! اتفقنا انا بانزل القصه زي ما بكتبها وانتو ترقموها لي وما عندك اي مانع ورايتك بيضاء يا سيد الناس
ويامنير تاني ما بفط سطر وما تخاف لو سرقوها بامشي اقوقل وباسرق الكحل من عيونوم انا بت الشعبيه وبجي ادسه جوة الحوش ده وما بخاف لانو كل واحد منكم هنا اخوي شوف كم اخو عندي وبتسدوا عين الشمس قريت كلمه ما بفط سطر طبعا ممكن ناخدها بي معنيني الاول افط سطر اخلي مسافه سطر بين الكلام والمعنى التاني افط سطر بمعنى اكشكش ودي والحمد لله متوفرة يعني اكتر من كده اكون فاطه سطر كيفن هههه روما
07-10-2010, 07:16 PM
عماد الدين عبدالله
عماد الدين عبدالله
تاريخ التسجيل: 09-10-2009
مجموع المشاركات: 3678
Quote: صلاح عثمان : أمبارح كان عندنا تمرين ( حار ) المناسبة حضور الأخ مختار الأمين في إجازة سنوية
عزيزي شكوكو ادفع مليون دولار على قول اخوي منير والعب تمرين حار في ميدان النجوم مع رفاق الصبا والاحباب وتعود الايام الخوالي التي تعتبر احلى مراحل العمر وصلنا خبر تمرين امس عن طريق الاخ حسن المدير انت وبكري كربوج وكابتن مختار مع فريق الكتيبه - وانا لسان حالي بيقول كانت ايام سعيده ربي مناي تعيدها مع تحياتي لكل الاخوان والاحباب والاهل بالشعبيه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة