|
كتب الكاتب الفاتح جبرا المتوفرة بمعرض الدوحة
|
|
 Re: ناس الزقازيق ... أجدع ناس .. (Re: زهير الزناتي)
|
Quote: ياجلال إستنيتك ساعة عشان تخت المداخلة الأخيرة ونبدأ ليكم
الصور في الصفحة الجديدة لكن مافي مفر نختها ليكم صدقة لي
ونبدأ في الصور من الصفحة الجديدة ... |
كل ميل وانت طيب يا ابو الزوز
والله كان نفسي يكون الرشيد صاحب اول مداخلة هنا - عشان يكون حقيقي فتحنا صفحة جديدة
عارف الزول ده لو كترها بقوم اسه امشي ليه ابوظبي كلها ست ساعات بالعربية
| |
 
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: والله كان نفسي يكون الرشيد صاحب اول مداخلة هنا - عشان يكون حقيقي فتحنا صفحة جديدة
عارف الزول ده لو كترها بقوم اسه امشي ليه ابوظبي كلها ست ساعات بالعربية |
جلال الحبيب...الليلة يوم استثنائي و الله يا حبيب...سهر وارهاق رمضان مع سواقة مسافة طويلة
و ضيوف على الفطور حتى التاسعة مساء...بعد داك اتكومت زي الهمر و ما فتحت الا قبل قليل...
الليلة أعذروني و غدا لناظره قريب...
منتظر حكاية طارق جبريل عن العتالة كان جاء طارق جبريل قبل ما أقرش بستمتع معاكم بالليل ده
و كان ما جاء حتكون أكيد جمعة يتيمة و ممتعة...
و زي ما انت قلبت الصفحة الفاتت أنا قلبت الصفحة من أمبارح... ما قاعدين نبيت حاجه لي بكره
و الا كان ظهر علينا الكبر زمان...
زمان كنت في مصر لوحدي قبل أن يلحق بي أخوتي غادة و علي وكنت لما أرجع في الاجازة و الجماعة
ملمومين وبنتونس أقوم أشغل شريط لأم كلثوم لزوم تحلية القعدة وبعد شوية ألقاهم تسللوا واحد تلو
الآخر حتى أجد نفسي جالس لوحدي...ثم بعد أن ذهبوا الى مصر و كانو يأتون في الاجازات ويحضروا
معهم أشرطة لأم كلثوم أصبحنا نتجمع دون أي حالات تسلل...
لم أقصد التسلل...انما هي الظروف التي أجبرتني على ذلك...لأن القعده معاكم وبدون أم كلثوم في
غاية الحلاوة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: والاخ عبدالدائم النظيف ، هو طبعا مرة عمل نكته فيني وقال ابو سنة مكسره ده جرى في الحفله يمكن من الصورة تتذكرنا . .
|
يا جلا دا من إيميل قديم لمدثر أبا يزيد ... وبفتش ليك كلام عبد الدائم عشان تكون الشكلة بالمستندات ....
تعرف مش عشان الرشيد مدبرس وما قاعد يتداخل ،، لكن والله العظيم أكتر مداخلات قاعد أرتاح
ليها في البوست دا بتاعت الرشيد ... وبقراها بعناية وتركيز شديد ،،، عليك سيدي الحسن
يا الرشيد ولو ما جيتنا باقي الليل دا إتونست معانا ... خلينا ياخي ننزل الصور
| |
|
|
|
|
|
|
|
|
 Re: ناس الزقازيق ... أجدع ناس .. (Re: زهير الزناتي)
|
عفاف اهديك هذه الصوره حتى نؤكد للزناتى ان الفرق بين 83و93 فهم خطاء
----------------------------------------------------------------------
يقف خلفى فى الصوره ابنى سلمان ثالثه طب اسنان ووصيتى ليهو باذن الله الزقازيقاب مجانا خاصه ناس الطقوم
ثم بناتى وصديقاتى وحبيباتى العرايس ال3 دعاء على اعتاب الجامعه وعلا ممتحنه للعالى واخر العنقود وعد بالثالث اساس
ماشاالله 000 بس للاسف مواليد الميل 58 ما حيحصلو
مع حبى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات يا ناس
حكاية زقازيقية...
مهم جدآ ...مافى زول يقول لى الكلام ده سنة كم
والعهدة على الراوى...
حفلة التخريج بتاعة زراعة الكانت فى مدرج الكلية
الخضراء...والمتمسحة بالناس الحلوين...كانت آخر
حفلة تخريج فى تلك السنة...الجميع كانوا فى ابهى
منظر..بدلات انيقة...واحذية لامعة ..وفساتين وتسريحات
ومغنون رائعون...جلا ومن لف لفه..كانوا بملابس اكثر من
عادية...والكورال ...ما ابدع الكورال!!!
لم يحس الجميع بانتصاف الليل...ولم يشعروا بخطوات الفجر
المتسلل...وحده جلا الذى شعر بأن الفجر قد حان..عندما احس
فجأة بان اطرافه الخالية من الملابس بدأت تحس بلسعات البرد
ومع دخول اليوم الجديد...كان الحفل قد انتهى....الجميع خارج
المدرج الآن...ولكنهم ليسوا خارج الكلية الجميلة...جماعات وازواج
وازواج...فى ذلك المربع البديع...
وبعد ايام...يتساءل الكثيرون ...ماذا بعد هذا؟؟؟؟؟ويعرفون الاجابة
ليس هنالك الا الامتحانات...والكثيرون هم ناس علوق الشدة...تتسارع
الخطى نحو المكتبات وتصوير المقررات...تكوين مجموعات المذاكرة
بعض اؤلئك يشدون الرحال الى مكتبة دار الكتب العامة..ناحية الشبان
المسلمين...بعد الظهر يشمر عم محمد عن سواعد الجد...العريشة التى
فوق السطوح تشهد الهاربين من جحيم المذاكرة فى بريك طويل...شاى
وقهوة وسحلب...بالداخل يغرق الكثيرون داخل الكتب...هذا الانهماك
يقطعه صرير الباب الخشبى الضخم ...ووقع الاقدام..كوش كوش كوش..
القادم دبيب لايوجد ما يستدعى معرفة من هو...كع كع كع..القادم انثى
تشرئب الاعناق...تتركز النظرات تبعآ لملاحة القادمة...تعود العيون
مرة اخرى وتنكفىء على الكتاب...يهمس لى محمود ابو عضل..لا احب مذاكرة
دار الكتب دى لانها زى شراب الديك...عندها انفجر ضاحكآ..فيرمقنى احد
ناس تربية مجرسو علم نفس النمو...
يتقاطر ساكنو منشية اباظة وكفر الزند وقليل من ناس المساكن على كازينو
النهر....لم اقتنع يومآ بالمذاكرة بكازينو النهر..
يتحرك من المساكن الآن عبد المجيد عيسى..يرافقه محمود حسبن...بجيبيهما
فقط ما يكفى لكوبى شاى وليس قهوة...رغم انهما كانا فى حاجة الى كوبين
من القهوة الثقيلة لطرد نعاس الليلة السابقة حيث اجبرهما فضل المأمون
على سماعه طول الليل وهو يعزف على العود ويغنى...
اختارا طاولة مطلة على الشارع...طفقا فى معالجة الوسائل التعليمية
والمناهج وعلم النفس...شربا كوبى الشاى ...احسا سريعآ بالجوع...يعلمان
تمام العلم ان الشقة تشكو من عدم وجود الجرذان...
تمر من امامهما شاحنة ضخمة ...يتأملها عبد المجيد مليآ..وبعد ان تتجاوزهما
يخاطب محمود ...
تعرف يا محمود لو الشاحنة دى ادونى ليها وهى مليانة دولارات والله العظيم
حأديك منهم 100 دولار!!!!!!!!!!!!!!
============================
وييييييييييييييين عبد المجيد ومحمود؟؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
جلا إماماً للمسلمين ،،، حينما إنتهت الصلاة كان هنالك حوالي أربعة صفوف وقرابةالمائة شخص
خلف جلا ... بالمناسبة العنده قطيعة في جلا يتجدع ساكت الراجل دا لمن يجي راجع من كسلا
يلقي وصلنا الميل سبعين وما حيفتش الماضي الأليم ،،، إلا كان يحرشوه ناس جلال ديل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يا ريس ربنا يحفظ ليك عيالك ونقول ليك ما شاء الله تبارك الله ولا حول ولا قوة الا بالله...
و يحفظك ليهم و يعليهم ويغطيهم من كل شر...
انت يا أبو الزوز جلا ده مشمر ضراعاتو مالو...
أبو الزوز أشكرك على الكلام الطيب...و الله كلام أمبارح فسر خطأ...احساسي بالبوست ده و كأننا
نجلس سويا في بيتكم أو بيت ناس محمد صديق...فما بالك لو جلسنا سويا في بيتكم وكل واحد فينا
يكلم نفسة...بماذا تشعر؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الضحكة اللذيذة دي هدية بمناسبة عودة الرشيد ....
والتانية دي هدية لجلا ،،، ممكن يختها في البروفايل .... وممكن يقدم بيها لشغل
في أي منظمة عالمية ،،، وممكن يتقدم بيها لو فكر في الدبل (اوعي ((بت الشيخ)) تكون
من الناس المتابعة ومستمعة ،،، والله الفتيحاب دي تاني إلا أجي عابرها بهيلكوبتر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سعيد انا ... في غاية السعادة
لعودة الرشيد .... وصور تهدي للنفس ذكرى محببة
وحكاية زقازيقية عشنا فصولها وان لم نحظي بدور البطولة فيها الا اننا لم نكن "كمبارس"
فادوار البطولة ذهب بها الريسون والجلاكين
جاييكم ... بس نهروني (انت ماداير "القشر" دا ولا شنو)
-------------
لكن الله بنات الشيخ "فضرتكتن" غاية في المتعة ولا يمكن الا ان نستمتع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: جاليلو ماتخاف وحياتك نحضر ليك طفم كامل بس عندى سوال
وكت انته كده الرشيد ومنصور حاج كرتوب يعنى؟؟؟؟؟؟؟؟؟؟؟؟؟ |
يا ريس شنو الطقيع النص الليل ده...الأولاد ديل ما يغشوك بي تاريخ التخرج...العبرة
بي تاريخ الميلاد...انت ما قريت كلام منصور قبيل...قال ليك اتحدى الجماعة كل واحد
يقول تاريخ ميلاده...الجماعه زاغو كلهم...أنا الزول القاعد يذكر تواريخ في البوست
ده...و ما قاعد ألبس عمة...
| |
|
|
|
|
|
|
|
|
 Re: ناس الزقازيق ... أجدع ناس .. (Re: محمد صديق)
|
كمندان
لقد استثرت الخيال واوقظت الشجون
ما اروع تلك الحفلات وما اقصر مشوار العودة منها مهما طالت المسافه
ومااجمل المشوار من المسكن الى الكليه000انه انه مشوار كسل مليان غزل
كيف لا وانت تمشيه وسط مجموعة متفردة من الاحبه <والله خايف من عبدالديم>
تمشيه بخطى متثاقله رغم البرد متدثرا بالونسه الدافيه
انه مشوار تشاركك فيه الرشاقه خطاك الثقيله000 احسن اقيف ولا ابيت بره البيت
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
سلامات يا ناس
شكرآ للذين تفاعلوا مع الحكاية
وشكرآ ايضآ للذين تجاوزوها ناس
زهير يعنى ...اصلو حاقد
نحاول بقدر الامكان وفى حدود المقدرات
صياغة حكاية ربما لاتكون الطرفة هى
مقصدها ...نقف على الاطلال ونبحث عن
اشخاص تفرقوا فى هذه الدنيا الفسيحة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
والله يا محمد صديق كنت عايز أعلق بالتحديد في المداخلة دي لأنك لمن نزلت
الحكاية كنت مشغول بالصور ... لكن اها عشان كلامك دا تاني تعليقي دا إلا
تحنسني إنت ومعاك إثنين عدول من ناس البوست ،،، من الرشيد ولا فوق ...
ناس ذو الكفيلين وما دون ما معانا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: وبت الشيخ في الفتيحاب والريف الجنوبي ، والحكومة في أبوظبي وبعض الإمارات العربية ،، والعدو
في أركويت ، الفردوس وأحياء الخرطوم شرق الراقية ............الخ .. |
نحن غايتو لا بنقول الحكومة و لا العدو...نحن بنقول وزير الداخلية...
بعدين وحاة سيدي أحمد كان ما علقت على مداخلة محمد صديق...دي تحنيسة...باقي ليك واحدة
يا يتكرم بيها الريس معتصم جعفر يا ننتظر بيها منصور الصباح...أقصد الظهر...
ينفع اتنين...جلال و معاهو أي زول؟؟؟...هو جلال ذاتو فقدت فيهو الأمل يظهر باقي الليل ده
الهرشة...الظاهر عليها زادو عليها انت ما تمشي تتقشر تنوم...و صاحبك ملتزم بالتعليمات
زي صاحبك التاني!!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا سلام ياناس دا زول من أظرف ناس الزقازيق في السنوات الأخيرة وعنه آلاف الحكاوي
منو يعرفوا لينا ،،، طبعاً المسابقة من ذو الكفيلين وما دون ... |
ياسلام يازهير
محمد عبدالله الرضي م/تجاري الشهير ب "محمدو"
عليك دينك يازهير فكلي تلفون الزول دا
ياخ زمن والله ....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: هو جلال ذاتو فقدت فيهو الأمل يظهر باقي الليل ده
الهرشة...الظاهر عليها زادو عليها انت ما تمشي تتقشر تنوم...و صاحبك ملتزم بالتعليمات
زي صاحبك التاني!!!! |
الرشيد ماتخاف ياخ اخوك حريف والله حاورت ليك الجماعة وانفردت بالكمبيوتر
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
يا الرشيد عشان حليفة سيدي أحمد ماني محتاج تاني لتحانيس وحا أنزل تعليقي
تعرف يا جلال الزول التاني الحايعرفه عصام دهب ، طلع ساكن قريب مننا ، وفاطر
معاهو في اليوم داك البادي ، وحمدو الجميل ، ومعهم صديقي الجميل عماد لوفا ،،، ذهبت
لهذا الإفطار ولم أكن أعرف من الحضور سوي البادي ... وكم كانت سعادتي لا حدود لهاوأنا
أري هؤلاء الناس الجميلين ، رغم غياب الجميل عماد لمرض إبنه شفاه الله ،،، كان الحديث
بطعم حمدو وعمايل حمدو في الزقازيق ،، للأسف الزول الجميل دا سافر تاني يوم لليبيا
حيث يعمل في إحدي المدن الليبية البعيدة محاضراً في جامعتها في علوم الحاسوب ...
والذي درسه بعد تخرجه من الزقازيق ،،، البادي لديه باقي التفاصيل والحكاوي ...
| |
|
|
|
|
|
|
|
|
 Re: ناس الزقازيق ... أجدع ناس .. (Re: جلال عثمان)
|
تحية عطرة لكل الزقازيقيون الرائعون والرائعات (البرايين.... الرشيد...منصور... محمد عيد) تحية خاصة لابو مهند لانه دعانى دعوة رسمية للكتابة ربماخجلا منه لانه طول الليل قاعد على اللابتوب(م اظلمه لانه من اول يوم رسل لى الباسوورد بتاعه) للاسف لفترة طويلة لم استطع المتابعة والاستمتاع نسبة لساعات العمل الطويلة ومسؤليات البيت وم شاء الله عليكم الواحد الا يركب ليهGMC موديل 2010 عشان يقدر يقرا المداخلات اليوميةلا الوم الرشيد بابكر على ادمانها فاجترار الذكريات الجميلةتدخل البهجة والسرور وتنتشلنا من ضغوط الحياة وروتين الشغل وتجعلنا نعيش لحظات فرح عميقةصادقةبصدق وبراءة اجمل ايام حياتنا فى الزقازيق ... التحية ليكم جميعا ومرحبا بوردة البوست فافى ونحن عايزنك تراقبى لينا كل اولاد الشيخ (الشيوخ منهم والشباب)مبروك المولود يا جلا ويادفعة مبروك البنية ويا عبد الدايم ما شاء الله على الامورات ما عارفين نختار اى واحدة لهنودى
اطيب الامانى واحلى التهانى بمناسبة عيد الفطر وجعل الله كل ايامكم اعيادا
دمتم سالمين
نجاة حوفى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
جاء الفجر ومعاهو احلى اغنية هدية من الرشيد 000 اذن جاء العيد 00
نجاة كل سنة وانت وامنيتك الحلوة ومهند وابوه العجوز بخير 00
وتعالي رابطي معاي شوية بجاي 000 اولاد الشيخ ديل متجدعين 00 عايزين
ليهم ابلة00 تحياتي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
Quote: تعرف يا جلال الزول التاني الحايعرفه عصام دهب ، طلع ساكن قريب مننا ، وفاطر
معاهو في اليوم داك البادي ، وحمدو الجميل ، ومعهم صديقي الجميل عماد لوفا ،،، |
معقولة بس يا أبو الزاي ..
وهل يخفى البرلوم المدهش و الزول الرائع ( محمد خير ) أو ( عضم ) ..
شفت ( عضم ) يا عمر نملة ؟؟
الحديث يا زهير عن هذا الولد ـ الأستاذ المحامي / محمد خير ـ عايزلو تكية زي تكيتو دي ..
ياخي دا جاي برلوم بي سنونو عديييل كدة .. الزول دة خترررري ..
زول برلوم صحبانو سمي سناير و خريجين .. شفت ليك جنس محن !!
تحية ليك يا زهير و لمحمدو الزقازيقي الخلوق الجميل .. و للرائعين البادي و لوفا ..
بس أسأل لي لوفا و عضم حيرجعوا متين و لا نلحقهم أحسن ؟؟
شكراً كتير يا دينمو ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
فاتني أن أسلم كتير على نجاة حوفي ـ و شكراً لك يا رشيد ـ و كل سنة و إنتو طيبين و تامين و لامين و دايما مبسوطين .. و ربنا يعيد عليكم العيد و كل الزقازيقاب بكل الخير ..
ـ
و يا عفاف أرى جلال و أموراته على قرب قريب من جيفاراتكم ، و أنتي يا نجاة تعرضون بفارسكم مع النضيف و عسولتيه .. أما أنا و د. حسن أبو علي و زهراتنا .. لنا الله .. لنا الله ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
سلامات يا ناس
قيل لرسول الله صلى الله عليه وسلم؛
اى الناس أفضل؟ قال: كل محموم القلب
صدوق اللسان. قالوا : صدوق اللسان نعرفه
فما محموم القلب؟ قال:هو النقى النقى
لا اثم فيه ولا بغى ولا غل ولا حسد.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
نعــــــي اليـــــــــم
تنعي اسرة الحوش بمزيد من الحزن والاسي
شقيق الاخت / سعاد عبدالرحمن حسين
/ محمد عبد الرحمن حسين
الذي لبي نداء ربه بالقضارف في هذا الشهر الكريم ، وذلك اثر علة قلبيه مفاجاة...
(إنا لله وإنا اليه راجعون )
تعازينا القلبية للاخت / سعاد عبد الرحمن حسين ولاسرتها الكريمة...
لواجب العزاء رقم الاخت سعادعبد الرحمن
00249910738781
عن اسرة الحوش / عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
هذه الصوره مع د0 مجدى الزين تذكرنى بواقعه يخجل الانسان من ذكرها ولكنها تبقى ذكرى بحلوها ومرها000 القصه وما فيها انو الواحد
مجرد ماوصل السودان وسلم على ناس البيت دخل الحمام واخد دش تمام ثم اخذ الخلال يمشط فى القفة الفى راسوا امام حوض ابيض فاذا 000
يا للهول تساقط عدد من الضيوف000 فهمست للوالده بذلك الخبر000 هس ما تكلم زول وامشى اقعد لى فى برندة المطبخ بعيد000واتت وفى
يدها زجاجة جاز هى تصب وانا ادعك الى ان تساقط العدو واحد بعد الاخر يا شماتت ابله طازه فيك وانته عامل ابو النضافه ومن يومه
انا ميت بالقصه حسب وصية الوالده وقتها ولم اربى تفه بعدها ابدا0
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا زناتى نحنا العمر ما ناكرنو لكت ده ما بيمنع انو قدامنا مئات السناير وهاك جزء منهم
د0عاكف عبدالحميدومعه دكتور ابراهيم دكتور مروان مدير مستشفى الدايات امدرمان د عصام صابونى د0عمار تاج د0الوالى عبدالسلام الشفيع
د0عادل عبدالرحمن الامين د احمد شدو د0ميشيل مجلع سيفين الشنقيطى د0ابوبكر الخير الشفيع 000النعمان يوسف 0دفيصل مبارك خوجلى وبدرالدين واحمد السيد تجاره
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
تعازينا القلبية للاخت / سعاد عبد الرحمن حسين ولاسرتها الكريمة...
ونسأل الله للفقيد الرحمة والمغفرة ببركات هذا الشهر الكريم .
**********
الريس معتصم ...
الله يخدر ضراعك ياخ .. والله ذخيرة عظيمة وغنية
وبالفعل تعتبر من أغلى الكنوز التوثيقية فى هذا البوست
بس اســمح لى ناقصة حاجة واحدة على قول جلا ..
يا ريت لو ارفقت تواريخ تلك الصور لمزيد من التوثيق
ولا غضاضة فى ذلك فالمقامات محفوظة .. وفرق السنوات والدفعات
اصبحت معروفة للجميع ..
وبالعكس يا ريت لو استقطبت اى عدد من السناير المذكورين فى
مداخلتك السابقة ... لغاية ما نصل لاول برلوم سودانى فى الزقازيق
عندها سنسمى هذا البوست باسمه ...
****************
فاتنى ان احيى وارحب بمداخلة البرنسيس نجاة حوفى
ومداخلتها افاءت على البوست غيمة ود وامطار من الجمال والبهاء
ويا ليتها ترافق عفاف وتنفحنا من حين لآخر بعبقها المضمخ بالفل والياسمين
وبرضو بررررررررررررررررر ....!
وياها دى زراعة ...
على وزن .. ياهو ده شايينا .. بتاعت جمال حسن سعيد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
مسابقة البوست:
تذكر: فهم السؤال : نصف الاجابة
السؤال:لماذا لم يظهر زهير بالبوست هذا المساء؟؟
ترسل الاجابات منفردة او ثنائية
آخر موعد لاستلام الاجابات قبل موعد السحور
الجائزة المرصودة 100دولار من شاحنة عبد المجيد عيسى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا كومندان و يا أجدع ناس كووولكم ..
و التعازي صادقة أسوقها للأخت الفاضلة / سعاد عبد الرحمن في وفاة شقيقها و أسأل الله تعالى أن يغفر له و يرحمه و يدخله فسيح الجنان و يلهم أسرته و ذويه الصبر الجميل على مرارة فقده .. و ( كل من عليها فان ) ..
ـ
الأسام دي ورديات ليل ساكت ..
سأغادر الان و معي بنت شيخي صوب المكرمة / حليمة ( الحنانة ) التي أشترطت علينا الحضور في الموعد المحدد و هو الثانية صباحاً حتى لا نفقد دورنا و تضيع علينا بهجة لمساتها .. علماً بأن هذا الموعد تم تحديده قبل ثلاثة أيام بواسطة قووية و على الرغم من كون ـ بنت شيخي ـ من زبائنها الدائمين منذ عشرة سنوات و من يوم هنانا داك ..
أدعو لنا بالتوفيق ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
مساكم الله بالخير
يبدو ان الجميع في حالة ترقب للعيد...خاصة ناس الداخل...ففي الداخل الاستعداد للعيد
جزء لا يتجزأ من العيد نفسة...نضافة البيت...عمل الكعك والبسكويت...شراء الملبوسات
للصغار و الكبار على حد سواء...و عادة ما يسهر الناس حتى ساعات الصباح الأولى...ثم
ينومون قليلا ليصحوا للصلاة...
أما نحن فالعيد مثلة مثل باقي أيام السنة...لا جديد فية الا الاجازة...فالعيد فرصة للبعض
لتتوقف طاحونة العمل فيه قليلا لاستجماع الأنفاس ولو لأيام قليلة...
تحاول نجاة حوفي أن تجعله يوما قريبا ليوم العيد في السودان وذلك بعمل الكعك اللذيذ
و فطور العيد بتاع العصيدة و الشعيرية و السكسكانية...فنشعر قليلا بعيد يشبه عيد السودان
نذهب الى صلاة العيد ونحضر لنهنئ نجاة و الأولاد...أتداخل مع بعض سكان المبنى الذي أسكن
فيه...من السودانيين طبعا...و لكنها ليست كلمة ناس الحلة بعد الصلاة في السودان...
جعل الله كل أيامكم أعيادا....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
تداخلتم كلكم أثناء كتابتي للمداخلة الأخيرة...فكتابة مداخلة و أنا في البيت يأخذ
مني وقتا طويلا وذلك للمقاطعات المتكررة لأمنية و مهند والذين ما زالوا ساهرون
و كأنهم عندهم موعد مع حليمة...يكتب سطر تجي أمنية مادة بوزه طالبة نصرتها على مهند
الذي استأثر بالكمبيوتر الآخر و لم يدعها تلعب الGirls games ....فأتدخل لفض النزاع
ثم و قبل أكمل السطر الثالث يأتي مهند بنفس المشكلة...و هكذا...
محمد صديق الزول ده حسة ظهر...هل ما زال السؤال قائما ولا تم تأجيله الى الحلقة القادمة
زهير...منى عباس ليست من ضمن الجماعة الفي الصورة...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلام يا ناس جيتكم بالدرب ....
يا محمد صديق إبتهاج دي من قبيل ما بتتكلم معاك قالت ليك رسل
الـ 100 دولار وبتقول الإجابة الصحيحة عملت رايح مالك ...عموماً
100 دولار عبد المجيد عيسي دي زي أحلام مزن ....
قبيل ماشة معاي الدكان وتتونس قالت لي تعرف يا بابا المكتوب
في التي شيرت بتاعي دا معناه بالعربي أحلام سعيدة ،،، وأمبارح
نمت بيهو أول مرة عشان كده حلمت ... قلت ليها حلمتي بي شنو
قالت لي كنت ببكي ،،، شفت الأحلام السعيدة دي ... زي لوري
عبد المجيد عيسي المليان دولار دا ،،، طيب وقت هو في الهواء
ساكت ما كان ترفع الجائزة لألف دولار
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
تحياتي إبتهاج على هذه الإطلالة و شكراً زهير ، و نتمنى أن يستمر التواصل من كل الزقازيقاب عبر باسويردات أزواجهم و زوجاتهم و كل الأعضاء هنا ..
ـ
كومندان محمد صديق .. كل عام و إنت وخالدة و العيال و الزقازيقاب أجمعين و كل من تحبون بألف خير و صحة و عافية و يعود عليكم باليمن و البركات ..
Quote: عشان نصدق انك ماشى المشوار ده
حنن اصبعك |
أحنن أصبعي شنو يا طومندان !! و الله لو شفت المشوار .. أحنن العدو ذاتوو ..
و مشينا و ـ بكل أسف ـ عدنا كما مشينا ..
قال أيه .. أدونا موعد تاني الساعة تمانية صباحاً ..
ياخي نحنا الشغل ـ البيدونا منو الهلل ـ ما قاعدين نمشي ليهو تمانية ..
لطبعاً غصبا عن أي حاجة نقول حاضر ..
حنة العيد دي غايتو يوم بتجيب ليها كاسوري ..
يا ريتني لو كنت بعرف ( بنقش ) حنة ..
هسع كان مية دولاركم دي عملتها ليكم ألف ..
واللي ما يتحنن .. يحنن..
واقفين تحننو
معيدين تجننو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
ابتهاج كل سنة وانت طيبة 00 ويلا تعالي نكبر كومنا شوية
بالحكى
ماشاء الله يا معتصم عيني باااااردة على صور الاميرات والفارس ولدك 00 ربنا يغطيهم
يا جلال 000 ومنصور لمة الرياض السمحةما تصنوا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
سلامات يا ناس
وصباحات التفاؤل
زهير انت مالك ومال المسابقة وبعدين ابتهاج
وردينا ليها واقتنعت ..يعنى انت عامل فيها
البتدرج العاطلة..
يا دهب ..مشوار يفوت ولا حد يموت ..الجاتك فى
حنة بت شيخك سامحتك...
عفيت منك يا عفاف..ادفرى الحريم ديل خليهن
يمرقن لى بره
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
الف مبروك لمدثر ابايزيد المولودة
ولمحمود المولود ويتربو فى عزكم
البرنس العيد بيجى فى السنة مرتين
يعنى ما ممكن تجينا مرة كل سنتين
يا ريس مو ماشاء الله ... ماشاء الله .... ماشاء الله
ياخى الصورة الامام كلية تجارة وفيها الشمس طالعة تحفة عديل كده
محمد صديق
ابتهاج ثم زهير
جلال
عيد
نجاة وبعدين الرشيد
منص
عفاف
دهب
والجميع كل عام وانتم بالف الف خير وعيد سعيد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
لا جلابية عيد لا شبشب جديد
شعار ناس تربية
لانهم الوحيدين الكانو بعيدو عيد رمضان فى الزقازيق
من الـ 15 مادة بكون فضل ليهم ذى 4 مواد كده بعد العيد
ادينا يا محمد صديق ملامح من ذلك اليوم
ــــــــــــ
يا اخوانا انا فى العيد شغال
برضو ذى ناس تربية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
بسم الله الرحمن الرحيم السلام عليكم يا احلى واجمل واروع ناس وكل سنه وانتو طيبين ومتواصلين ومترابطين اولا بحى سيد البيت الرائع العصام الدهب الاتاح المساحة الجميلة دى لكل الرائعينوكمان مليون تحية للعزيز زهير ونشاء الله يوم شكرك مااجى وسلام ليكم كلكم كلكم بدون فرز من مغرب طارق لحى اخر الدنيا والله انا من زمان متابعة جدا ومستمتعة جدا مع انى دفعة الرشيد فى الباسورد لكن لظروف ما دخات اصلو كان عندنا عرس اخت عمر الصغيرة وانا كنت ام العروسة وبعدها الب توب اتسرق من عربية عمر فى استاد الخرطوم فى اكبر سرقة كمبيوترات وتانى جددوه لى مشكورين ناس بكرى وزهير الاتاحو لى التواصل ويا عبد الدائم حتلاقينى طوالى بس من هسة يا الرشيد معاكم بلليل وفاتتنى حاجات كتيرة لكن حاعيد بعض الافلام وشكرا لكل من رحب بى والمارحب مرحب بيهو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
يظهرانه الجماعة مشغولين بلعيد خلاص اتجدع براى على قوله الرشيد واحنا برالمة سنة كم كدة ماعارفة كنا اتا ونجاة حوفى وياسمين عاملين بلابل كدة كنا وما ذلنا منصهرين فى بعض لدرجة انة مافى خصوصية وفى الفترة ديك كان بداية ود بين ابومهند وام مهند لكن برضو مافى خصوصية الرشيد لو عايز يتونس مع نجاة لازم انا وياسمين معاهم لو داير يجيب هديه ياويلو لو ماجاب لينا ففى اول رمضان لينا هناك اهدى لينا الرشيد 3 فوانيس رمضان طبعا شلناها كل واحدة اسمها مكتوب بس ياسمين ما بفوت عليها شى قالت لى لازم يكون فى فرق متذكر يا الرشيد فرق الفانوس الاحمر من فوانيسنا انا وبطة..............كل رمضان ونتو دايما بخير وعقبال ماتجيب فوانيس لعيال عيالك يا الرشيد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
نحن كدا عيدنا 000 بت محاسن وام محاسن 00 جاتنا بكل المحاسن 000
زنوبة لما لقيتك داخلة طارت عصافيري 000 ونزلت المطبعة
وهاك يا نقاء واندياح 00 بطة ونجاة وعزة وشوش وما ادراك ما شوش 00
ودوليبة 00 وصولات وجولات وعناقيد عنب كمان 000
زنوبة انتي سمممحة
تخريمة لزهير نقية:
منك قراب يا شعبنا
| |
|
|
|
|
|
|
| |
جلال عثمان
زهير الزناتي
الرشيد بابكر
معتصم جعفر
محمد صديق
Dr.Elsadig Abdalla
عبد الدائم سيد أحمد
عفاف علي ميرغني
عصام دهب
محمد عيد
زينب التجاني
فيس بوك
تويتر
انستقرام
يوتيوب
بنتيريست