كتب الكاتب الفاتح جبرا المتوفرة بمعرض الدوحة
|
Re: ناس الزقازيق ... أجدع ناس .. (Re: زينب التجاني)
|
والله خلطة يوم الوقفة دى سمحة بشكل زينب و عفاف وابتهاج وخصوصا" مافى اى ( ضهب ) ..... انا براااى
تجو تلقو قشر التسالى فى مصطبة الجاويش
عن اذنكم ماشى اقدم واحدة لاكتوبر والتانية المطبعة والتالتة وين وين وين ,....... تلقو ذى دا
تانى العيد لو بعد بكره انا ما عندى مشكلة
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: مرحب بنساء الزقازيق الاماجد والصفحة ستين |
والله غايتو يازهير نساء دي ماعجبتني واتخيل لي لو حرشت عليك الزميلات ديل بجيب ليك الهواء المهم .. نرحب ترحيب حار بالأخوات زينب التجاني - نجاة حوفي - ابتهاج عفاف طبعا قاعد اكوريك ليها بفوق الحيطة لأنها جارتي هنا في الملز - الرياض ويقيني بأن البوست قد اذداد نضارا وازدهارا وبالطبع هن اضافة حقيقية لهذا البوست
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الليلة وا حلالي القبلي شال 000 الثريات جوا ياعبد الدايم عايزين كورال (انه صوتي انا) والليلةاتذكرت يا ابتهاج اعتصامنا في دار الاتحاد الشهير بالطالبات المفصولات واحتلالنا لدار الاتحاد لانتزاع حقنا 00 والمواقف القوية ومايتخللها من قفشات من زيزي وسامية اسماعيل وقوة القرار 00 والاغاني الحماسية من نابغة الجميلة 0 والكتير 00 وطبعا ما بننسى الحراسات الدورية لناس زهير ودفعة والجميل عجيبة اوكي عجيبة00 فعلا ايام لها دوزنة000
زنوبة دا بعد ما اتخرجتى وكنا فاقدنك يا ابلة
| |
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
Quote: زنوبة دا بعد ما اتخرجتى وكنا فاقدنك يا ابلة |
يا عفاف دة أنا ما نجاة حوفي...و الله الباسورد المشترك خلانا نتجهجه بين زهير و ابتهاج وبيني و نجاة حوفي... من بعد زينب التجاني اتخرجت أنا كنت قايل الكلية دي قفلوها...و أتاري أنتو لسة قاعدين و كمان معتصمين ومحتجين...انتن غايتو يا بناتي البلد خرتوها خرت...زي آخر الحلة وعصرتوها لمن جابت الزيت...
زوبة والله لكن زاكرتك حديد ما شاء الله عليك...متذكره لياقتكم انتي وياسمين ومتذكره كمان الفانوس الأحمر العليهو الاسم من تحت...يخرب مطنك انتي... مشيت حلقت راسي...قصدي كديت راسي...و جيت داخل البيت نجاة قالت لي ياسمين بتسلم عليك قلت ليها أديني تلفونه...ضربت ليها وقلت ليها أنا ليه ما بتضربي لي يا ياسمين تضربي لي صاحبتك بس...أنا زينب بتضرب لي مخصوص و بتسأل مني ولسة بتقول لي يا رشا...ضحكت لما خفت عليها من الأزمة اياها...ضحكت ياسمين دي والله رجعتني لأيام الزقازيق و أيام مكتبها في شارع الجمهورية وبيتهم في كوبر...أيام لها أيقاع...ولون وطعم ورائحة... ياسمين بتسلم عليكم جميعا...و قالت ليك يا زوبه هي عملت العصيدة و ملاح التقلية والكعك و البسكويت...و نزيدك من الشعر بيت...مشت اتحننت وأبراهيم ولده خرب ليها الحنة... أنا طبعا ببين مصدق و ما مصدق يا زوبة...لكن بيني وبينك الزمن أتغير شديد...أنا زمان كنت متخيل آخر اتنين ممكن يسوقو عربية هم نجاة حوفي و ياسمين...حسة كل واحدة متفلقصة و عاملة فيها سيدات مجتمع وراكبة عربيتها...نجاة بقت كمان تتكلم في الموبايل وسايقة بيد واحده... أنا بقول ليها أتذكري اذ لحافك جلد شاة واذ نعلاك من جلد البعير...
المهم أنا في نهار رمضان بتختلط على الأمور...البداية والنهاية تحتاج لاجتهاد للتمييز بينهما....أنا بقول ألف تحية ليك يا زوبة وسلام كبير أوي أوي أوي....
بتتذكري عيد ميلادك الجبنا ليك فيهو المسدسات والبنادق...وقلنا ليك لأن بذرة الحياة ليست الرصاص...ما أشبه الليلة بالبارحة...لقد أعطيتي لهذا البوست ألقا جديدا...و بذرة جديدة للحياة..
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: عليك الله صحي لينا منصور خلينا نشوف حكاية البرنامج الزقازيقي للعيد |
عفاف عليكم الله ما تصحوا صاحبي ده...انتو أعملو البرنامج وكلمو ليهو أماني هي بتصحيهو في وقت المناسبة...كان برنامجكم كارب بنجيكم...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
محمد صديق...نرجع للمسابقة ولا مافي داعي... انت عارف زهير ده صاحبي لكن كان انت مصر أها كمان انت ما الزول البزعلوهو... أمبارح الدخلة بتاعت ابتهاج دي ما عجبتني...و كأني بها مقصودة...و ليست بتلقائية المهم أنا ما خصاني كان مقصودة ولا تلقائية...واجبي يحتم علي الترحيب بيها...حبابك عشرة بل عشريت بل ألف يا ابتهاج...و لا شك أن تداخلك معنا يضفي على البوست لمسة رقيقة و معك أخوات نسيبة...دي بدل بنات الشيخ... وما مهم منو البيقلب الصفحة المهم انها تتقلب... أنا ولله خايف لما جلا وموسى عيسى يرجعو يدخلو البوست ده ما يعرفو يطلعو منو بسرعة... أنا غايتو منتظر لما يرجعو حنشوف سلوكهم كيف...لو قدرو يتماشو معانا كان بها ولو ما قدرو حنضطر نعمل صفحة للبنات وصفحة للعزابة...يعني نقول يا جماعة الصفحة ستين دي للبنات وواحد وستين للعزابة... دي طبعا فيها ظلم للبنات...لأنهم بعد نص ساعة بيكونو قلبوها ووافقين في خشم الباب منتظرين الصفحة اتنين وستين...الله يستر ما يقومو يعتصموا يقول يدوهم صفحتين وصفحة للعزابة...في الحالة دي حنخلي عصام دهب يعمل لينا فرع للعزابة... الواحد ما عارف ده بوست ناس الزقازيق ولا بنك فيصل....
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الف مرحب بسيدات الحوش فبكم يزدان ويزداد القا طبعا يا زهير بعد ما رصصونى الحلاوه والبسكويت لانشغال الجميع بشنو الله اعلم صورتها عشان ناس الخارج يتفضلو بالصوره وهى ليست عزومه مراكبيه انما منبعها القلب فيارب اجمعنا على الخير والمحبة دوما0 اما زقازيق الداخل كدى ما يجو يضوقوها بعد مجهودى الجبار هذا لا عذر لنبطشى او مبطون فمرحبا للجميع ويا ريت جوله العيد تكون جماعيه ادام الله الموده مع حبى
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
فعلاً ليالي العيد تبان من عصاريها ..
و عيد سعيد جداً الجاب لينا ( بتنا ) زينب ..
سعيدون جداً بإطلالتك يا زينب سيما و إنها جاءت بمشاركة عقاق و نجاة و إبتهاج ..
و الجابكم يا ري يجيب كل الزقازيقابيات الرائعات الفاضلات ..
حبابكم عشرة جيدن جيتو قنبو طولا مقامكو زين إن شاء الله ..
و تحيات عبرك لعمر و الوليدات ..
ـ كل عام و كل الزقازيقاب و أصدقائهم و أحبائهم بخير وصحة وعافية ..
و دايماً تامين و لامين ..
و تتباركوا ما تتشاركوا و يديم عليكم الحب كل الحب ..
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
كل عام و أنتم جميعا بألف خير و ان شاء الله دايما تامين ولامين...ربنا يحقق كل الأمنيات الطيبات للجميع... جلال ان شاء الله تتعلى ما تدلى...و ما ترجع السودان الا اجازات...
جبريلا كل عام وأنت بخير...و خصيناك من قلوبنا بالتهنئة واخترناك يا حلو... تعال لينا في البوست عيد معانا...الريس جاب الحلاوة والبسكويت من حسة...الصلاة جامعة والامام جلا...الفطور عند ناس زهير والغداء عند ناس محمد صديق...فك الدبرسة و تعال...
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: جلال ان شاء الله تتعلى ما تدلى...و ما ترجع السودان الا اجازات...
|
وانت بالصحة والسلامة يالرشيد ويخلى ليك وليداتك ويعيده عليكم اعوام عديدة ان شاء الله
وبالصدفة يالرشيد كنت اكلم "عمو" صاحب المقولة المشهورة فما كان منه الا ان قال لي بالله دعوتك الشينة ديك بلاش منها
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
ليه كدة ياحبيب ... على العموم كل عام وانت بألف خير ويخلي ليك وليداتك والقابلة انا وانت معيدين عند اهلنا ادينا طلة هنا كل مرة الدبرسة بتفك وان شاء الله عيدنا بكون حلو .. والله ياطارق كلنا مشتهين عيد السودان ... ياخ انا لي امكن اكتر من "خمس سنين" ماعيدت في السودان
انت ما ضقت كعك معتصم دا ولا شنو ...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
عيد مبارك لكل الناس ..
وخااااصة .. لأجدع ناس ..
وخااااصة جدا ..
لزهرات البوست الجابو ليهو العيد قبل مواعيدو
رزو وفله ونرجس وياسمين وداليا ...
اقصد .. عفاف ونجاة وزينب وابتهاج وكمان خالده
وكل واحده تختار وردتها بمزاجها ..
*********
جبريلا .. عيدك مبارك يا خوى ..
والحال من بعضو ...
كلنا بعيدين من اهلنا ورواكيبنا وتبروقاتنا ..
وكمان شغالين فى العيد كلو ..
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
الى الدافئة قلوبهم.... العذبة كلماتهم.... الرائعة صفاتهم اليكم كلكم فى كل بقاع الارض من مشرقها لمغربهاكل عام وانتم جميعا بالف خير... عيدكم عود وعنبر... مثل روحكم واكثر... ربى يعطيكم صحة ورزق مع كل صرخة الله اكبر... الرائعات الجميلات اخشى ان ادمن الكتابة واصبح كما الذين وصفتهم بالبرايين( منصور .. الرشيد.. محمد عيد... جلا كمان وجبريلا) لازم يا بنات الشيخ ما نديهم فرصة ونحسم موضوع بريهم وتجدعهم براهم طيلة الفترة الماضية وبمناسبةحسمهم دى كدى ابراكم بقصة طولوا بالكم بررررررررررررررررر فى سنة من السنين زينب التجانى التيرم الاول ما عندها مواد ولاننا بنسكن نحن البلابل ( انا وياسمين وزينب) واحدة من الزميلات سكنت معانا على بال زينب ما تجى .. نحن ما متعودين على موضوع دفع الميز القروشها بتصل اول بتصرف على الشقة وتدفع الايجار وكلنا نتصرف حتى هدوم الحفلات ..الزميلة الله يطراها بالخير استغربت ونعتتنا بالفوضى... ودعتنا لاجتماع هام فى الشقة لحسم الامور ... اولها لازم كل واحدة فينا تدفع الشيرنق بتاع السكن والميز( بالذات الميز ده اول مرة نسمع بيه)وكمان نوزع الشغل ونستغنى عن الشغالة ام جمال وما فى داعى للبزخ ... وكل واحدة عليها مرة فى الاسبوع تمشى تجيب الخضار وحاجات البيت... وانا كنت متشبكة لى فى تسريحة ما بعرف اعملها فكل يوم بصحى ياسمين الساعة 8 عشان تعملها لى دى كمان قالت لياسمين موضوع تسريحة نجاة ده لازم يتحسم لانه ما فى داعى انها تصحى معاى الساعة8... وافقنا على مضض ودخلنا الغرفة انا وياسمين اتفقنا انه نلتزم بس المشكلة انه نحن مدلعين ياسمين جدا عشان الازمة العندها وهى بقت مستقلة الموضوع... انا كنت بمشى اجيب حاجات البيت فى يومى ويوم ياسمين اول يوم مشيت سوق الخضار لما جيت الشقة بكينا انا وياسمين لانه الزميلة مصرة على سوق بعيد لرخص الاسعار... انكشف امرنا اننى انا اقوم بالمشاوير البعيدة فى اول الشهر لانه ياسمين دفعت الميز لى وليها بادعاء اننى اديتها قروشى وانا جيت بعدها عملت نفس الشى دفعت لينا الاتنين فاذا بالزميلة تدعونا لاجتماع اخر لحسم الامور والفوضى فى الشقة... واول شى قالت لينا موضوع جيبكم الواحد ده ما ح يخليكم تتعلموا التدبير ولا حتكونوا اقتصاديات رفضنا البرامج الجديد وانتفضنا عليها ورجعنا سكنا برانا ورجعنا ام جمال تعمل كل شى ...كل عام والزميلة الله يطراها بالخير بالف خير... وسامحونى على البرى من عاشر قوما... صار ابرا منهم... زوبة وعفاف انتو ما عندكم شغل فى العيد ولا خلاص خبزتوا واتحننتوا...
دمتم جميعا سالمين وعيد سعيد.... نجاة حوفى
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: وسامحونى على البرى من عاشر قوما... صار ابرا منهم... زوبة وعفاف انتو ما عندكم شغل فى العيد ولا خلاص خبزتوا واتحننتوا... |
يا جماعة والله نجاة حوفي دي أنا أبرا و استبرا من جنس البري حقها ده...
| |
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
جبريلا0000تفاؤلوا خيرا تجدوه فلتبتسم ولنحمد الله على ما نحن فيه0000ان بيننا من لايملك فرحه العيد لان قسوة الايام جردته من كل شىء000الا من الالم والتوجع ان العيد شعور بالحياه 000احساس بالمسئوليه000بذل و عطاء بناء واستجابه0 اننا نبحث عن افراح لم توجد ما دمنا نمضيها نوما بدلا من ان نمسح فيها دمعه او نداوى جرحا او نرد مظلمه انها اعياد لا تهب الا الملل نمر بها كل عام او تمر بنا لاننا لم نعرف بعد معنى الاعياد فى قاموس الحياة الحى جبريلا اسف على مجاراتك فى روح الدبرسه واتمنى ان لا انقلها للاخرين
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
لكم ان تتخيلوا عيد المغاربة يوم الاثنين (فلاتة عديييل) منذ سنتين لم استطع اضرب تليفون للحاجة رحمها الله نفسي ياخ اضرب اقول ليها: بت ابو دية كل سنة وانت طيبة واسمع ردها: وانت طيب ابوي كيفنهم وليداتك
يا الله ياااخ ما عايز ادبرس بيكم في يوم عيدكم لكن جات كدة الله غالب كل عام والجميع بخير نحن بكرة صيام وشغل
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
كــــــــــــــــل عــــــــــــــام وانتــــــــــــــــــم بـــــالف خــــــــير...
انا لا اجيــــــــــــد وضـــع الزهور والمعايدات كما فعل محمد عيد وجلال ومعتصم... الا اني حولها ادور... من كل بستان زهرة ...وباختيار اكبر اخصائي البستنة في هذا البوست...
اهديها لكل زقازيقي وزقزوقة بالداخل او بالخارج... وكل سنة وانتو طيبين ولامين وزايدين وانشاء الله ...داركم عامرة وحوشكم عامر...
مليون سلام ...مليون سلام
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
Quote: لازم يا بنات الشيخ ما نديهم فرصة ونحسم موضوع بريهم وتجدعهم براهم طيلة الفترة الماضية وبمناسبةحسمهم دى كدى ابراكم بقصة طولوا بالكم بررررررررررررررررر |
عشان كدا لا محمد عيد و لا منصور حايمين بي جاي منصور فيك حاجة ناقصة اقترح للأخ دهب....وعشان نبدأ صفحة جديدة و نشوف ناس نجاة....نقوم نأرشف البوست دا و نبدأ سي جديد دي أسالي منها الرشيد يا نجاة
أحبكم و أحب عيدكم
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
على بداية صباح العيد كل سنة وانتو طيبين 00 وانشاء الله دايما تامين ولامين
يا عبد الدايم ما شرحت لي بيجيبو الورود وصواني الكعك مع المداخلات دي من وين؟ ما عارفة انت قريت تربية ولا محاسبة 00
حوفي يا حوفي 00 حنة شنو وخبيز شنو نحن عايزين نرجع نلبس شراباتنا
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
يا شباب الهكر جا يعيد علينا زي ما قال حميدة أحذروا الدخول للبوستات الأخري خاصة تلك التي تكون آخر مداخلتها إسم مكرر ... إلي الآن هذا البوست سليم ... ولكن الحذر من أي ضيف غريب أغلق البوست فوراً إذا ما شاهدت مداخلة غريبة ومكتوب عليها كل سنة وأنت طيب ....
وبرضو
كل سنة وأنتو طيبين
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
صباحاته بيض...كل سنه و انتو طيبين...و أحياكم الله و أبقاكم...و أمد لكم في أيامكم ووسع لكم في رزقكم... طارق جبريل حتى وان كان اليوم صيام عندكم تعال عيد معانا...ترانا يا أبوي قاعدين في بيوتنا ما عندنا شيتا نسويهو...أها جينا نعيد عليكم هنا في البوست وحتلقانا مقيلين بي جاي كان بنات الشيخ ديل أدونا فرصة...الجماعة ديل أيدهم أخدت على الكيبورد حسة نجاة دي قامت من صباح الرحمن عيد ما عيدت علينا زي الناس قامت قالت لي انت مالك ما فتحت البوست الليلة...قلت ليها قولي بسم الله خلينا النعيد على أهلنا في الأول بعدين نفتح البوست... طبعا بنات الشيخ زمان قبل ما يدخلوا البوست ما كانو عارفين السر...مفتكرين القصة برررررر لكن أول ما دخلوا رجعهم البوست لي أيام الشباب...ما شايف عفاف قالت عايزة تلبس الشراب بتاع زمان...أها دي الحالة البدخلك فيها البوست...يرجعك لي وراء عشرين سنة...آسف يا معتصم ما قاصد والله...بيرجعك 25 سنة لي وراء... ما عايز أقول ليكم حأرجع ألبس التي شيرت تاني لأني لحدي حسة بلبسوا وبلبس الجينز كمان و الشعر و الحمد لله ما زال أسود...الدور و الباقي على الجماعة التانين...
جلا...سي جديد يا جبان...كل عام و أنت بخير...
عيدكم مبارك...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
صباحكم عيد ومحبة وربنا يجعل ايامكم كلها اعياد وعساكم من عوادة يا زناتى كل سنة وانت وابتهاج والاولاد طيبين وسالمين ... بالنسبة لمسابقة الصغار وانا منهم الصورة الاولى ده الفاتح بشير - مدنى- زراعة لكن بتاعة الكبار دى انا ما داخلة فيها... يا زناتى مسابقة الكبار قال ليك الرشيد ده ابو عمار بالذى السودانى!!! ودمتم سالمين نجاة حوفى براية ابوظبى
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
كل سنة والجميع بخير ... شكلي انا والنجم والمساء قصدي انا والرشيد ونجاة في بوست الجن دا من صباح العيد ...
نعم يا نجاة الصورة للفاتح علي بشير (زراعة) وهو من الدفع المتأخرة ،، طبعاً في البداية أفتكرت الرشيد عرفتو إستغربت ، إلا لقيت ليك الإمضاء تحت ... عشان كده يا جماعة مداخلات الرشيد ، زهير ومن لف لفهم من الذين يقتسمون الباسويرد مع أحباءهم الرجاء قراءة الإمضاء آخر الرسالة أولاً ثم قراءة الموضوع حتي لا يخيلط الإختصاص وكدا ... طبعاً الفاتح علي بشير دا لولا الثورة التكنولوجية زي ناس الرشيد ديل الله اعلم يسمعوا بيهو ...
والصورة بمناسبة العيد وللعزيز الفاتح علي بشير كل تحياتنا وأشواقنا والعيد مبارك عليه وعلي أسرته ... وهو مقيم في الرياض نواحي ناس عفاف وجلال وبقية أهل الرياض ...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
أأأأيدو مبارك ألينا اليكم وكل سنة تيبين تيبين
أأأأيدو مبارك ألينا اليكم وكل سنة تيبين تيبين
أأأأيدو مبارك ألينا اليكم وكل سنة تيبين تيبين
يا جبريلا ما تدبرس ياخى انا الان فى الشغل راصى ارقام التلفونات قدامى الاهل ثم ناس الزقازيق ثم الجيران والاصحاب ولسه ما سمعت صوت واحد
جايكم بالســـلك كلكم
بسكويت ناس عفاف كان لحق الكباية ما بلحق خشمك .... هشششششششش
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
اكيد سمعتو بى خاتف لونين
لكن ما سمعتو بى كاتل عيدين
كاتل عيدين ده ياهو انا
صليت وفطرت فى الخرطوم ...وهسة
ممدود فى سرير فى رفاعة...
نكاية فى منص وعيد...قلنا ليهم كاتلنا شوق
ليكم...وماهببونا..
الى الامام ...زينب..حوفى ..عفاف...
خلف دور ..ابتهاج
| |
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
كل الحبان كل سنة وانتو طيبين غايتو بس اسمو شربنا الشاي بالخبيز وصلينا الفجر ومن ثم صلينا صلاة العيد وعيدنا على الحاج والحاجة .... وضربنا العصيدة والشعيرية وقلت كدة انجدعت ..... والله قمت اسى دي التغيير الوحيد عن الاعوام السابقة ... الحاجة سوت لينا مطبق
| |
|
|
|
|
|
|
Re: ناس الزقازيق ... أجدع ناس .. (Re: مدثر أبا يزيد)
|
سلامات الاخ جلال كل سنة والاسرة الكريمة بخير وعافية مشكور كتير على الترحيب الحار والحًار ( بالفتحة) انا كنت فاكر زي المنتديات تعمل رد من اي مكان ينزل في الاخر ان شاء الله نكون ضيف خفيف الظل عليكم
| |
|
|
|
|
|
|
Re: ناس الزقازيق ... أجدع ناس .. (Re: مدثر أبا يزيد)
|
صباح العيد السعيد على اجدع ناس
وانشاء الله دايما تامين ولامين ...
...
...
...
يا كومندان .. العتبى ليك حتى ترضى ..
واحنا جاهزين لاى ترضية ..
لكن تخيل انا شغال العيد كلو من العصر لغاية قريب الفجر
يعنى انتو ناس الورديات احسن مننا ..
غايتو نسأل الله السلامة
وتحياتنا عبرك لرفاعة الجميلة واهلها الطيبين
***
الترحاب يمتد بطعم العيد الجميل بالقادم الجديد
مدثر ابا يزيد
وحتما سيكون اضافة ثرة لابداع فرسان هذا البوست
| |
|
|
|
|
|
|
Re: ناس الزقازيق ... أجدع ناس .. (Re: مدثر أبا يزيد)
|
أحبتي زقازيقيو الداخل وزقازيقيو الشتات....كل عام و أنتم بخير نساء الزقازيق الفضليات ....كل سنة و انتن بألف خير بالله يا عفاف نون النسوة دي كيف مش ظابطة؟؟؟ محمد صديق قال ليكم سمعتو بي خاتف لونين أنا أقول ليكم سمعتو عصفورين بي حجر واحد يعني العصفورين هما ...الحضور في كسلا والثاني السماية الحجر قال ليكم العيد
أحبكم يا بطل الظل وكمان أحب ناس كسلا
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
جلا يا كيلون 00 كل سنة وانت وعيالك وامهم بالف خير
حظك يا جلا عيد وسماية وكمان فنجان جبنة في توتيل
عليك الله يا جلا امشي لي خيرات شوية وزور لي سيدي الحسن 00 واقيف لي في كبري القاش تمتع بكل البهاء في كسلا 00 الله على كسلا في سبتمبر000
مرحب مدثر ابا يزيد الجانا يوم العيد 0000 الكعك جابو لينا معتصم ريسنا من امبارح
| |
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
الحبان عيدكم مباركة..
قلت ادخل اطوف بالحيشان اعيد عليهم.... ابداء بحوش محمد صديق.. سلام عليك يا اخونا زول رفاعة بختك والله من عقريب لي سرير...كل سنة وانت بالف خير ... بالله عسكريتكم دي بس فالحين بيها في البنات...المساكين ...والحقارة شنو في ايام العيد ..ناس تقول ليهم الي الامام وناس تقول ليهم الي الخلف دور...والله ابو شنب ماسمع بالحكاية لكن انا بوصلها ليهو عاجلا...
ويا حوش جلال عثمان اقصد يا شقة جلال ..انتو صحي ماعندكم حيشان خليكم مع الاربعة حيطان والعيد المسيخ...( إتصلت بيك عشان اعيد عليك لم اجد رد..شكلك كنت قاعد تجهز في العصيدة انت...
ناس كسلا الوريفة..الشاربة من الطيبة ديمة...والله بختك يا جلا..بس حقنا في السماية رسلوا لينا ذي صينية موسي عيسي.. كمان معها فنجان جبنة... ياعفاف...كل سنة وانت بالف خير...شايفك ( ركزتي ) في البوست عقبال الركز الكبير. اطيب امنياتي ليكم بالعيد..
حوش عيد...سلام عليكم...انت في اي صالة البولنج ولا البيلياردو..ولا الفديو قيم...ولا المسبح...ولا باب الحارة.. سلام عليك يا حبيب كل سنة وانت بالف خير ...وانشاء الله السنة الجاية مركز قدر ثاوث مول في قلب الخرطوم...
الف تحية وسلام لي كل الحلوين بالبوست...
عثمان الجيلي
| |
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
فاتني أن أرحب بالأخ العزيز مدثر المهم خالص التحايا و الف مرحب بالعيد السعيد وعندي ليك صورة سأقوم بإنزالها لمن أرجع الخرطوم عفاف وصيتك على العين و الراس عيد سعيد يا ناس ....عمر مديد يا قوم.... العقيقة فطور يوم الثلاثاء ...معليش يا ناس عيد و رمضان ...الزول سميناهو عمر و زي ما قلت ليكم فتشو لي عمر نملة يا عبد الدائم ...أنا مقروض فيهو.... لغاية السماية ...إذا ما جا ...بعد داك عندي معاهو كلام تاني بس الغايظني يا محمد عيد ....منصور فيهو حاجة ناقصة
أحبكم و أحب المرارة بتاعت السماية
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
أولا مرحبا بمدثر و بنقول ليهو حبابك عشرة...و نورت الحوش...
Quote: التغيير الوحيد عن الاعوام السابقة ... الحاجة سوت لينا مطبق |
جلال والله أكلات الحاجة دي الا الواحد يجيب ليها دكشنري...حسه تمشي تفتني معاها تقول ليك والله صحي صاحبك ده عربي..... زي ما قالت المره الفاتت...
أمبارح مشيت أحلق شعري للعيد ومعاي أمنية و مهند فقلت لي مهند أقعد أحلق شعرك معاي فقال لي بكل بساطة أنا ما عايز أحلق لكن...قلت ليهو لكن شعرك ما حلو أقعد عشان يصلحو ليك شعرك...حلف براس أبوهو ما يحلق...قلت ياربي حسة أعمل معاهو شنو الولد ده العنف ليس من شيمي...فأنا لا أحب استعمال مع العيال و عندي ايمان بأن وجهة نظره يجب أن تقدر...رغم ان في حالة مهند القصة مزاج ليس الا...المهم قلت ليهو أسمع يا مهند تحلق شعرك بمشي بشتري ليك خمسة CDs بتاعت Play station فاذا به صاحبنا ينط يطلع في كرسي الحلاق وبمزاجه كمان ويحلق شعره... الحقيقة الواقعة دي ذكرتني مرة مشينا العيد في الكوة...و أنا قبل كده كلمتكم عن كراهيتي لعيد الكوة بسبب الجلابية اللبنية و نسيت وقتها حلاقة الشعر...كان في حلاق في الكوة اسمه كباكا...الله يرحمه...كنا بمجرد وصولنا الى الكوة و عادة ما نحضر قبل يومين من العيد تاني يوم لازم تمشي تاني يوم تحلق شعرك عند كباكا...كنت بقول ليهم أنا ما عايز أحلق لكن...زي حقة مهند دي...ما في حاجة اسمها براحتك ولا بنجيب سي ديز ولا بنديك هدية ولا حاجة من هذا القبيل..تمشي الحلاق ايدك في كراعك وغصبا عنك تمشي الحلاق...أمشي بلا قلة أدب معاك و امكن ضربة في نص راسك...المهم تمشي لي كباكا تحلق و بعد ما ينتهي ما بتعرف نفسك مقبل لي وين...ما متذكر كويس لكن اتخيل لي دكان كباكا ده ذاتو مرايات ما كان فيهو... أثناء ما كان كباكا بيحلق لي كانت تنزل مني الدمعات دمعة وعندما تصل البيت وتشوف نفسك في المرايا تطلق لنفسك العنان وتجهش في البكاء...و امكن تحرد صلاة العيد ما تمشي و تلبد في البيت لحدي ما يقولو ليك خلاص مسافرين... لذلك أصبحت في تعاملي مع أبنائي كلما يتخذون موقفا معينا ضد أو مع أي شئ...أحلل هذا الموقف جيدا و استرجع موقف مشابه لي في صغري...ثم اتخذ القرار المناسب للتعامل مع مواقفهم..
عليكم الله نحن ما آباء ديموقراطيين..
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
جنابو الجميل ...
عيدك سعيد يا حبيب ..
وفى عز الدوام والعمل انصاص الليالى
وجدتنى اردد دون ان احس ..
انشودة المطر للرائع بدر شاكر السياب ..
وطافت بأخيلتى وجوه جميلة كانت تعشق السياب
وتلعق أشعاره وقصائده بنهم ومتعة ..
وكانت بعدها جلساتنا التفاكرية والتحاورية حول جمال المعانى
وجزالة الأوصاف ..
هؤلاء كانوا ... هويدا عوض الكريم وعبده مضوى وقند اليمن
وعندما وجدت دعوتك ..
فكرت ان نراجع الابداع سويا فى الليلة الحلوه دى ...
...
...
أنشودة المطر
عيناكِ غابتا نخيلٍ ساعةَ السحَرْ ، أو شُرفتان راح ينأى عنهما القمر . عيناك حين تبسمان تورق الكرومْ وترقص الأضواء ... كالأقمار في نهَرْ يرجّه المجذاف وهْناً ساعة السَّحَر كأنما تنبض في غوريهما ، النّجومْ ... وتغرقان في ضبابٍ من أسىً شفيفْ كالبحر سرَّح اليدين فوقه المساء ، دفء الشتاء فيه وارتعاشة الخريف ، والموت ، والميلاد ، والظلام ، والضياء ؛ فتستفيق ملء روحي ، رعشة البكاء ونشوةٌ وحشيَّةٌ تعانق السماء كنشوة الطفل إِذا خاف من القمر ! كأن أقواس السحاب تشرب الغيومْ وقطرةً فقطرةً تذوب في المطر ... وكركر الأطفالُ في عرائش الكروم ، ودغدغت صمت العصافير على الشجر أنشودةُ المطر ... مطر ... مطر ... مطر ... في كلّ قطرة من المطرْ حمراء أو صفراء من أجنَّةِ الزَّهَرْ . وكلّ دمعة من الجياع والعراة وكلّ قطرةٍ تراق من دم العبيدْ فهي ابتسامٌ في انتظار مبسمٍ جديد أو حُلمةٌ تورَّدت على فم الوليدْ في عالم الغد الفتيّ ، واهب الحياة . " ويهطل المطرْ ..
| |
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
السلام عليكم ورحمة الله كل سنة وانتو طيبين و عيد سعيد و ربنا يديكم الصحة والعافية ويطول عمركم ويديكم الفى مرادكم ويرد غربتكم يا ناس بره ويقدركم يا ناس جوة حابراكم البرى الما برى نجاة حوفى اولا التلفزيون السودانى فيهو سهرة عالمية وردى وود اللمين فتحت الاب توب بهنتلفزيون بهنا جانى عمر زى القضا المستعجل قال عايز الكورة اماالولد الصغير احمد التجانى عيز اسبيس تون وما بتغشى محاسن عايزة النت عشان صحباتها فى فيسبوك (حلاتو زهير من اصدقاء محاسن فى الفيسبوك)الجماعة حقرو بى لاقنى مسكينة قلت ليهم هسة بنادى ليكم ناسى نسيبتى قالت ليهم اليومين دى ما بتتهبش لامة ناس الزقازيق والغرابة عندى عباطة كدة بعرفوها ناس نجاة عارفين شلت الاب توب بيد والتلفون بيدوقلت ليهم انافى النت دة لحدى الباح ولويت بوذىعمر وحابراكم يا الرشيد البركة الكلمتنى بياسمين صحبتى بتاعة الكمبونى تتصل بنجاة وما تتصل بى كويس ويا نانى حنة شنو ذى ما قال المثل الما عندها تيلة سوت الحد حيلة عندنا بكى 000لحظة اسمع وعد النوار واجيكم
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
سلامات ياناس
عدت يا [ عيد ] بكل زهور
فى كل قطرة من المطر
حمراء او صفراء من اجنة الزهر
وكل دمعة من الجياع والعراة
وكل فطرة تراق من دم العبيد
فهى ابتسام فى انتظار مبسم جديد
او حلمة توردت على فم الوليد
فى عالم الغد الفتى واهب الحياة
ويهطل المطر
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
محمد صديق حمدالله على السلامة...شايفك الليلة مطر من كل الجهات مطر في رفاعة و مطر في البوست...أوع من الرطوبة... وبعدين الليلة فرصتك القائد العام ملصتوهو في الكلاكلة...مكن مع جو رفاعة الجميل ده تنداح وتبرى فينا لحدي الصباح...وتنكت لينا من بيت الكلاوي قصصك العجيبة...و ول كنت أتمنى أن يمتزج اندياحك و البيئة المحيطة ولو بالتواجد الجغرافي فقط لتخرج لينا مسادير الحاردلو...صحيح رفاعة ليست بنفس المكان الكان قبيل...فهي الآن لا شك مدينة كبيرة...
الليلة زهير ما براهو...و لا يكون لافي البلد بكراع كلب...
| |
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
سلامات يا ناس
رشيد القوم ..سلام
والله الجو جميل..والنفسيات تمام التمام
صدق اولادى الليلة اكلوا صحن فول كامل
ودى اصلآ ماقاعدة تحصل...بس نفتقد وجود
القايد المباشر...
الحاردلو بجيك ليه ان شاء الله بعد الاجازة
هسة ادونى خاتركم امشى انوم
| |
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: الاخ العزيز زهير الزناتي كل عام او انتم بخير ،،، ارجو ان تجد هذه الدعوة طريقها لكل زقازيقي اصيل " يعني كلهم" الاخوة الاعزاء " كل الزقازيقاب - العقد الفريد"
كل سنة و انتم طيبون ،،، اعاد الله هذا العيد علينا جميعا خيرا و بركة و شملنا بقبول الطاعات جميعها ، آمين.
مرفق الدعوة المتواضعة لحفل الزفاف و ذلك يوم الخميس الموافق 24/09/2009 بالنادي القبطي ببورتسودان ، ثغر السودان الباسم. حفل الحناء يوم الاربعاء 23/09/2009 بدار المخلص
|
دي دعوة من العزيز عزام ، ومصر علي دعوة كل الناس في بورتسودان ،، ويا جماعة عزام دا لا يقل في معزته عن شاويش ، صديق الصادق ، صالح ، هاني برعي واللبيب بالإشارة يفهم عشان كده كل من تسمح له ظروفه يجب أن يشارك في هذا الحدث الهام
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
زهير دخلت البوست بتاعك بي هناك وهو بوست فيهو مهنية عالية كعادتك شغل في غاية المهنية...شعرت بأن التداخل معك بي هناك يفسد السرد بتاعك الجميل وأجلتها حتى نهاية السرد...فلقد تبقى أهم فريق في المجموعتين...
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
بلمناسبة فى حفلة بتاعة البلابل كمان الليلة الدعوة خاصة لعبدالدائم وبعد بكرة يا مبارك جادين حفل البلابل النهارى فى القاعة نشوفك يا الرشيد ونجاة و زهير و ابتهاج ما تجهجهونا ما لحدى مانتم المداخلة نلقى نجاة ابتهاج من البداية اكتبو الاسماء يا جلا الولد مبروك وبرضو اليلة اكلنا مطبق وحاعزمك يا الرشيد لما تجى ويا جلا بلنسبة للااسم علينا حق الاسم استلمو من عفاف والزغرودة على والبربور حاوزعو ليك لزقازيقاب الداخل اها قصرنا اوعى كمان يا الرشيد ما تكون عارف البربوريا عفاف اليلة لافة ولا شنو
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
Quote: اوعى كمان يا الرشيد ما تكون عارف البربور |
و الله يا زوبة ما عرفتو يغباني...لو كان سالتيني قبل كم صفحة كدة وكت كانت الريحة طاقة من البوست ده كان قلت ليك عرفتو...
الظاهر عليك يا زوبة حتجهزي المطبق و البربور كمان...
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
يا زهير شيك على اليميل ويا سامى كيف حالك المفروض نسجل من بدرى لكن مافات شى زينب التجانى محمد على ابو رفاد خريجة زراعة الزقازيق 1991 | العنوان امدرمان مدينة النيل | التلفون 0912560606 | email [email protected] تانى فى حاجة ناقصة من مواليد الابيض يعنى من بلد سيد الحوش و كدة ودة بخلينا نتجدع زيادة يازهير رصيدى قطع ماما عزيزة قالت لى مكملاهو مع الزناتى شيل شيلتك
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
Quote: الظاهر عليك يا زوبة حتجهزي المطبق و البربور كمان... |
والله يالرشيد لقيتك ماسح اكلات شعبية عشان كدة طوالي كلمت ليك الحاجة اها الخطاب هنا موجه لنجاة حوفي الحاجة قالت ليك تاخدي اجازة عشان هي جاياك في ابوظبي تجيه ليك الولد "المطرطش" دا وترجعوا ليك "صاغ سليم" وقالت ليك انعل ابو ماكدونالد "كما تنطقها"
----------------------------- الرشيد: الحاجة كانت زعلانة من سهرة ابواللمين وابوالورود لذلك جاءت ردودها بهذه الحدة علي فكرة فنان الحاجة المفضل والذي قام بإحياء حفل زفافها هو "بابكر ود السافل" في زول بعرفوا؟
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
يا ناس كراعى حارة على البوست دة طفشت منصور وطارق ولا شنو اها يا طارق حلويات العيد المغربية شنو امكن تعيد على اصحابنا المغاربة لازم امشى وانا ملمة بكل شى طالما ماعندى مرجع ذيك و يا نانى بمناسبة البلابل تتذكرى الحفلة بناعة منتدى مدنى وانا عيانة اصريتى انى امشى وياسمين كانت بتقول لى انتى عيانة ونجاة ما مشت معاك حفلة راشك المهم اصرينا نمشى فكان شرط بطة انه مانغنى بس لما مشينا كان فى زكى بلغة الاشارة كدة عزف روح معاك عمر الهنا وغنينا مع بعض بانسجام ماعادى وصفقو لينا لحى ما اتسمعت الصفقة فى المطبعة بس كانت المشكلة انة كيف نرجع لبطة ولا يوم الاحتفال بيوم المراة وكان فى خالد الصحافة واللة يا الرشيد اتجدعنا غاب ابشنب ولعب ابضنب
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
يا جماعةف حصلونى واقلبو الصفحة دى مما دخلت البوست دة خليتو على بدايتو و تهايتو ورصيدى قاطع مابعمل مسكول الاستل عشان زهير يحصلنى يا محمد عيد يا اجمل الاعياد والله عندى اخر لحظة بتاعة الجمعة وفيها انشودة المطر امس ريل بتى سالتنى انا عايزة شنو بلجريدة دى فقريت ليها القصيدة بتلذذ ومزاج مع انة اليوم كان مسخن بلمناسبة ريل دى الوحيدة فى زريتى المريخابية و قدر ما حاولنا نغيرها رفضت لدرجة انها اشتكتنا لمعلمتها هى فى سنة تانية غايتو حنحاول معاها تانى 000000000 دايرة اسال عن زول اين ياسر بطة لة تحياتى ليتما كان 00000يا نانى انتى وين لما احكى كتير ممكن اتونس باى ونسة فحارسل ليكم المداخلات قبل ما انزلها ولا احسن اشوفكم بكرة بلنهار لو مامشيت لزهير او اساهر بيكم واقدكم كتر خيرى رفعت ليكم البوست فى اول الصفحة يلا see u 2 morrow
| |
|
|
|
|
|
|
Re: ناس الزقازيق ... أجدع ناس .. (Re: زينب التجاني)
|
كل الشباب ،،، كل سنة وأنتو طيبين بتاعت يوم العيد . يا جلا مبروك الولد ويتربي في عزكم . سماية كسلا ما محسوبة عايزين سماية لناس الزقازيق هنا في الخرطوم . الرشيد ونجاة تعود الأيام ، ومتابعة معاكم . ويا نجاة ماشه تبقي خليفة الرشيد بس زينب من حسع في القمة الله يستر علي ، زوبه سامعه تلفوناتك ، تلفوني ما عندك .؟ راجين جيتك ما تطلع زي تلفونك . يا فافي حليل زمن الشرابات وبطلي جرسه . محمد صديق ، شنو حكاية علي الخلف دور . كان كده الهكر جاييك ، وهكرنا بيكسر اللابتوب . عرفتو .؟ محمد عيد ناس زراعة عيدكم أخضر .
واسمحوا لي أبارك للعزيز دفعه المولود وحاولت أتصل بيهو ما رد . وين يا سامي ما ظاهر ، زهير قالي معيد في قطر ، قطر ما فيها نت .؟
جلال العيد سعيد عليك بوجود الحجاج ودا أجمل عيد . وقبل ما أنسي نرحب بمدثر . عبد الدائم تلفونك طلع إشاعة . طارق ود جبريل ، خلاص العيد بيكون وصلكم ، مرسله ليك بكره الصباح صينية الخبيز والحلاوة مع زهير . كل سنة وإنت طيب . بعدين جرس دي من زمان حافظها ليك . ماشه كويس في إتجاه البري ، لكن ما بحصل المحترفين .
ابتهاج
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
Quote: جلال العيد سعيد عليك بوجود الحجاج ودا أجمل عيد . |
وكل سنة وانتي طيبة يا ابتهاج ويخلي ليك وليداتك وابوهم وابري بالله ... ماعليك فرحانين نحنا بي بريكم انتي وعفاف ونجاة وزينب -------------- خالص الامنيات القلبية الصادقة نسوقها للعريس النفض الكيس عزام احمد البشرى وربنا يتمم على خير وبيت مال وعيال ان شاء الله ------------ عقبال كل الناس الحلوة
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
والله يا ابتهاج البركة الظهرتى اصلى مساهرة براى حاعلن عن مسابقة و الجائزة بحددها سيد البيت وكمان يقدمها 000000000 فى شقة المحلج الفيها فارح وصلاح ولما يتقفل الباب مكتوب عبارة (عندما يختل ميزان الاخذ والعطاء فى الحب يصبح العطاء ذلا والاخذ اغتصابا) من كاتب العبارة؟ اصحاب الشقة و كمال الشادى يمتنعون والف تحية ليك يا شادى
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
يا شباب يا حلوين كل سنة وانتو طيبين والسنة الجاية كدة زي ما عايزين مرحبا باخونا مدثر وحا اكون واضح شديد انا ما اتذكرتك نهائي يبدو انه الزهايمر دخل في العضم بس انا اصغر من محمد صديق والنضيف غايتو
يا زوبا والله قلت مخصوص بكرة اصور فطور المغاربة عشان اجي اخته ليكي بي ضبانته.. لكن كدي نغششك يمكن تمشي للناس ديك قبل ما تشوفي فطورنا: المغاربة فطورهم بسيط شديد يعني ما لبع زينا الاتاي (الشاي الاخضر) دة ضرورة ملحة لا بد من الرغائف وهي تشبه الى حد كبير فطائر المصريين ودي اسألي منها جورج لانه كان بيجيبها من المزلقان هو وناصر كشري كمان لا بد يعملوا غريبة وحاجة كدة اسمها الفقاس شوية قوية لكن طعمها رهيب وطبعا الخبيز المغربي بيختلف عننا شديد والنصيحة لي الله هم فنانين في الحتة دي وطبعا لا بد من الزبدة والعسل الاصلي في الفطور وبيعملوا حاجة كدة اسمها البغرير زي عجينة القطايف بس هم بيدهنوها بالعسل
دة البغرير
ودي الرغايف
الاتاي
خبيز مغربي
دي بقى اسمها البريوات محشية مكسرات ومغتسنها في العسل دي انا بحبها شديد وبقع فيها اعمى عدييييييييييييل
ابتهاج والله ما قصرتي كله كله وخبيزك وصل تب احسن من ابو شنب داك كشكرة ساكت ما قاعد يكشكر اما جورج خوته لستك من زماااااااااان هو والحلبي حاتم جبارة البركة غايتو في بشير الشين
بكرة ان شاء الله بنصور ليكم فطورنا والشفع كمان
| |
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
يا زينب بتذكر العبارة دي كويس ، واعتقد مكتوبة بقلم شيني أخضر وبخط جميل وكمان في عبارة (لو قالوا ليك أوصف جمالك تفتكر تقدر تقول كل الحقيقة) وأعتقد الكاتب في الحالتين فنان الزقازيق الرائع كمال الشادي بخطه الجميل لأنه كان يسكن في هذه الشقة قبل ناس صلاح وفارح
ابتهاج
| |
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
الأعزاء ناس الزقازيق ...
كل العـــام وأنتم كل الخير ..
ونسعد ونرحب بالأعضاء الجدد ...
طارق جبريل ...
ياخي المغاربة بالغو عدييييييل .. العيد الإثنين ده نفهمه كيف ؟؟؟
هو رمضان زاتو صمناهو متاخر يوم ...
انا غايتو سقت المدام والعيال ومشينا دبي .. قلنا نشوف لينا برنامج
مختلف .. وما خلينا المترو .. والمولات الجديدة .. والتلفريك والسياحة البحرية
غايتو دبي ده بقت شئ تاني ... نتفرج ونتحسر على السودان والفرق الشاسع ...
____________________________________________________________________
ربنا يجمع شمل الجميع ويسعد أيامكم ... وتحياتي للكل دون فرز ...
عالم تاني ...
| |
|
|
|
|
|
|
Re: ناس الزقازيق ... أجدع ناس .. (Re: Dr. Ahmed Amin)
|
فعلا يا جماعة ..
السنة دى العيد مختلف تماما ..
والبوست بصراحة هو الطعم الوحيد لنا فى منافينا
وبصراحة مشاركات زينب وابتهاج ونجاة وعفاف غيرت كل شىء
( عبد الدايم ما تعلق ..!)
والأكثر اسعادا ان زهرات البوست تفوح بعبيرها اكثر
فى وردية الليل ..
ومن هســـه الناس الكانو ما بيجونا بالليل يختـونا بى الله واحد
Quote: ريل دى الوحيدة فى زريتى المريخابية و قدر ما حاولنا نغيرها رفضت لدرجة انها اشتكتنا لمعلمتها هى فى سنة تانية غايتو حنحاول معاها تانى |
حبيبة خالها .. ريل العســولة .. بت حمراء بالجد
ومن هســـه يا زوبة حجزناها للدكتور مصطفى محمد عيد
وهو فى سادسه ابتدائى ومريخابى على السكين
ما يجونا ناطين شيوخ العزابة ناس جلال ومحمد عثمان وعفاف
| |
|
|
|
|
|
|
Re: ناس الزقازيق ... أجدع ناس .. (Re: عبد الحميد البرنس)
|
يا جماعة ممكن طلب عاوزين نعمل كورال لاستقبال البرالمة وانا اخترت اغنية خفيفة هى :
انت حكمة ولا ايه .. وانت صاحى ولا نايم .. ولا طرفك من طبعو نعسان
والاداء الفردى لمدثر ابايزيد
ولو ما خلى البوست ده وقام جارى ..... تشوفو براكم .. عشان تأمنوووو
ــــــــــــــ
يا زينب مشكورة طبعا" حضرت سهرة البلابل عشان ما تفوتنى وجارى سجل لي حقلة وردى وود الامين وبالله اذكرونى بكره فى القاعة وتحياتى لمبارك جادين
ــــــــــــــــ
ابتهاج اول يوم العيد الاتصال صعب شديد وكان حالى دعاية سودانى
الشبكة .... الشبكة .... الجرس .... الجرس
| |
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
كل الشباب ،،، كل سنة وأنتو طيبين بتاعت يوم العيد برلومة برلومة برلومة برلومة برارمتنا1983-1991 يعنى قاصدانى عديل اخير اسيب البوست ده واشيل لى مصحف والى اقرب جامع وده كل منك يا زناتى مع خالص الود
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
البرلوم معتصم كل سنة وانت طيب (كده كيف)
عايزين تنسيق لزيارات العيد ومبدئياً قلنا الجمعة
يا عبد الدائم صاحبك البادي متجدع في حفلة البلابل يضحك لغاية آخر ضرس وغائب من البوست .. لمن يجي أعملوا ليه مجلس محاسبة
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
center>
من الشمال الزقازيقى الفنان مكى-تجاره ثم عزيزه الطاهر زوجة الزقازيقى د خالد فضل شقيق فاتن بتجاره ثم محمود ماهر وعبدالعزيززكريا
من اليمين معتصم جعفر ثم عصامى المعهد والخال معاويه الاحمر وزجته ديناالرشيدفى شهرالعسل واحتفالنا بهم واخيرا د سعيدابراهيم يعقوب
| |
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
ازيكم وصباح الخير يا وجوه الخير العيال محتجين على استلامى للنت وحاحرد بعد شوية عند ناس زهير يا طارق كل سنة وانت طيب والعيد عندك بس بوظت اعصابنا انا لاذم ادخل المطبخ المغربى دة حننتظر اسما شو(SHOW)والمسالة بتاعة الدمان دى الرشيد وزهير اتغلبو عليها بادخال بنات الشيخ فى دائرة الادمان المشكلة انا اساهر بلليل والراجل السقد دة يصحى من الدغش ومعاه عيالة والحياة تبداء من حيث انتهيت ويقولولى القال ليك تساهرى منو لا والشغالات معيدات يا عيد البت اديناك ليها اهو زيتنا فى بيتناالصلو عايزين نوطد العلاقات الزقازقية اكتر وذى ما بقولو الدم بحن محمد ولدى ومحمد عثمان الجيلى زملاء فى مدرسة الرياض السنة الفاتت وهم اولاد شطار دخلو الثانوى بمجاميع كبيرة(حيجيبوها من بعيد)فقال لى حمادة يا ماما معانا ولد قال امو وابوه كانو اصحابك قلت ليهو يا ولد ما اصحاب ده ود خلتك نوال وودخالك عثمان ربنا يديم الود بيناتم وكمان ابوه من عندينا (غرابا يا رسول الله)واما بخصوص المسابقة مجدى النعيم اجابة خطاء معليششششش وكمال الشادى هو الاجابة الصحيحة ويا ابتهاج اجابتك مجروحة يعنى مغششنك انا قلت اصحاب الشقة لاوانتى منهم
| |
|
|
|
|
|
|
|