|
|
|
 Re: ناس الزقازيق ... أجدع ناس .. (Re: جلال عثمان)
|
اجمل الذكريات دائما (اقدمها )
لذا فان صور معتصم جعفر فعلت بى الأفاعيل
فعندما نشر زهير ايام السوق الخيرى الأخيرة صورة حديثة للزميلة فاتن
اختلط على الأمر شيئا ما
ولكن صور معتصم القديمة اعادت الى الصورة اعتدالها الزمانى والمكانى
خاصة وانها اقترنت بصور اناس من شاكلة عفراء سهل وعائشة كروم
انا شخصيا اول مرة اعرف الأسم الكامل لشعلة الساحة السياسية الزقازيقية -بداية الثمانينات -عفراء
من تعليق معتصم على الصورة
فهاتان الزميلتان اذا ما اضفت اليهم الدكتورة ناهد عوض والدكتور امير خليل
هو وجدان سياسى زقازيقى قديم
واعرف ايضا من صورة اخرى نشرت فى الميل السابق
للأخ الزميل صلاح على صالح
وبجانبه الأخ عادل عبد العظيم نعيم , وهو متابع ومستمتع ايضا من ليبيا
والى جانبه ايضا اخينا وزميلنا دفعة ناس محمد عيد
ابوبكر ابوزيد , وهو من ابناء الصحافة الذين لم يستمروا فى زراعة الزقازيق الا اقل من سنة
ثم انتقل الى دراسة الطب فى احد الدول الأشتركية
آخر عهدى به فى السودان قبل سنوات قليلة
وصلتنى منه تحيات -وهو طبيب نساء وتوليد فى مستشفى الشيخ الفى اركويت الجنب بيت ناس الرشيد
مع احد مراجعاته -بنت عمى
وهو على فكرة اخ شقيق لزميلة زقازيقية زراعية قديمة -الزميلة عواطف ابوزيد
اها بعد ده كلو يا معتصم , تقول كترة الطلة بتعمل ما عارف شنو ؟؟؟
افتح شباك الصور على البحرى ياخ , خلينا نعيد
| |
 
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
الف الف مبروك المولود يا جلا يتربى فى عزك يا اخوى
وحمد الله على سلامة المدام
وربنا يديم عليكم نعمة الصحة والعافية
ــــــــــــــــ
الريس معتصم حقيقة صور ابداع ورايعة
والجميل الريسين من تجارة وخلاطططططين ومن زراعة بالذات
الاخت عشة كروم مقيمة فى جده وهى على تواصل مع د/ حسن
بجيكم برواقة لمداخلاتكم الكتيرة وبالله حبة ... حبة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
ولكيلون (جلا سابقا)
ولبت الشيخ ام الوليد الجديد
اخو البنات لى حدهن
العيد (الذى ) سبق العيد بايام قلائل
زغاريد عفاف , وعرضات المعتصم جعفر , وتمايلاتى انا فرحا
مع (ترتحات ) طارق جبريل
واذا ما اكتملت وكملت الزغاريد والعرضات والتمايلات والترتحات
نغنى
ليت لى ازميل (فدياس) او روحا عبقرية
او ليتنى فى (قمة الأولمب جالس)
وحواليا (العرايس)
احتسى (صفوة باخوس النقية )
لكنت ابدعتك يا ربة حسنى (بيديا)
يا مريا
وهذا يعيدنا يا رشيد القوم الى علاقات الجدل الأسبيستونية)
او الرابط العجيب
بين صلاح احمد ابراهيم
وكيلون
ونفيسى بت عريبى
واسامة ابتر
وحمد الريح
وكعك العيد
ودكان بشارة فى الأمتداد فى الشارع الكبير قصاد العشش وانت نازل (شرقا)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
ناس الزقازيق أجدع ناس
أولاًُ : التهنئة الحارة بقدوم الكسلاوي الجميل كيلون الصغير ....
مبروك يا جلا وحمد الله علي سلامة (بت الشيخ) ركز لي مع القوسين ديل .....
أكيد وبإذن واحد أحد إضافة لشقيقتيه ... وأتمني الا يتنمر عليهن ويعمل فيها الولد ضبان ضكر
حاكم نحن جننا وجن حقارة الوليدات الصغار علي أخواتهم الكبار ... يعني يا جلا ما تدلع الولد ...
والتهنيئة ليك برضو المسألة ماشة للتعادل الجندري ... وفاضل ليك هدف واحد ،،، بس ما تجي المرة
الجاية بت وتبقي في حيص بيص يعني 3/2 أحسن من 4/2 وأسال مجرب ما تسأل طبيب ...
ثانياًُ : شرف البلاد حاج الركز وموسي عيسي ... مرحب بناس الرياض ،،، والبلد منوره ... وقلنا الليلة نديهم راحة ... ونشوف أخبارهم شنو ....
ثالثاً : الود البرلوم عبد السميع ،،، واحد من ضحايا فوز الهلال علي المريخ .... إذا قفز عالياً بعد الهدف الثالث فرحاً ... إلا أن مروحة السقف المريخابية عاجلته بضربة ثلاثية .... مما أدي لتدخل جراحي ومكوث في المستشفي وعملية بستة غرز يعني 2 × 3 وهو الآن طريح الفراش بمنزلهم ... له ألاف الكفارات والتبريكات بفوز الهلال ...
رابعاً : جرسة أمبارح دي حمتنا النوع شكيتكم علي الله يا ناس الزقازيق .... أنتم تبحثون عن زمن ولي لن يعود .... شبابه وأيامه الجميلة .,... هي الحياة هكذا لا تعود إلي الخلف وإن إلتفتت أحياناً ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
تشكرات كتيرة يا ياسر نجيلة
شاكر وراضي يا حبيب يا سامي
شاكرين و مقدرين يا ود جبرين
شكر شديد يا الرشيد
شاكرين ودا زاتو المنال يا جلال
إنتو عارفين نفسي في شنو؟؟؟؟
نفسي ألقاكم يوم السماية متجمعين ...يا طارق جبريل حقك يصلك.... لكن ما عضم!!!
Quote: جلا ... الولد دا انا سميتو .....
المــــــــــــ58ـــــــيل |
مبرووووك عليك انشاء الله يضوي ليك الميل الإنت فيهو دا
أحبكم زي حبي للزول الجديد الجا دا!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
شكراً أختي عفاف و على الزغروووودة الطويلة دي....تخيلي الزول الجديد زاتو سمعها
آلاف التشكرات يا عبد الدائم ...
كدا ممكن نقول نحن زينا و زي ناس الرشيد و نجاة...و ممكن نقدم طلبنا ونقول دايرين بتكم لي و لدنا ...
متجاوزين مسألة العمر ... وفتش لي عمر نملة و قول ليهو طالبنك 4 أبيت دوبيت
شكراً منصور و شكراً على إنتقاءك تلك الكلمات الحانية.....لكن حسيت الولد دا سكران من هس...
أحبكم و احب رمضان و أحب العيد و الزول الجديد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
معليش يا جلا هنيتك قبيل وكنت على عجل لانشغالي وحسة قلت نعمل ليك مسدار برضو على
عجل أنا ببدأ والتكملة على الباقين...
كملنا الصيام بي همة بالتأكيد
وقرينا الكتاب لآخره بالتجويد
يوم جيت يالبخيت هلت بشائر عيد
مبروك يا جلا الليلة جاك وليد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: الود البرلوم عبد السميع ،،، واحد من ضحايا فوز الهلال علي المريخ .... إذا قفز عالياً بعد الهدف الثالث فرحاً ... إلا أن مروحة السقف المريخابية عاجلته بضربة ثلاثية .... مما أدي لتدخل جراحي ومكوث في المستشفي وعملية بستة غرز يعني 2 × 3 وهو الآن طريح الفراش بمنزلهم ... له ألاف الكفارات والتبريكات بفوز الهلال ... |
كفارة للبرلوم عبدالسميع و ان شاء الله أجر و عافية..
زهير الضربة عرفناها ثلاثية...المروحة كانت خماسية ولا سداسية عشان بس نتأكد انها مروحة
مريخابية ما يهودية....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
و رغم إني زعلان من فرحتك يا عبد السميع و يا كل الرشاشات ..
لكني أسفت لما أصابك فألف حمداً لله على السلامة و ألف لأ بأس عليك يا زول يا طيب ..
ـ
تعرف يا عبد السميع دي فرحة الزول الما مصدق صحي .. صحي ..
الله يحفظكم جميعاً من كل شر ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
فى احدى جلسات الاستماع الزقازيقيه الفنان ابوبكر مكى حقوق وبجواره المرحوم مصطفى ابراهيم عمرالامين حقوق ثم الدكتور الفنان
محمدالحسن الباسم ويقف خلفهم ابراهيم محمد الحسن علوم وفى خلفه سامى طه حقوق0
| |
|
|
|
|
|
|
|
|
|
Re: ناس الزقازيق ... أجدع ناس .. (Re: معتصم جعفر)
|
شكراً عزيزي زهير ....و تأكد نحن ما عندنا استعلاء ذكوري ...
بالرغم أن مسألة الجندر دي ما عندنا فيها كلام ..إلا أن أخو البنات وعشى البايتات بقوم بي واجبو...
طبعاً دا كلام مقتبس من كلام الزول الجديد يعني ما كلامي أنا
تشكرات محمد صديق وانشاء الله يربى في عز البوست دا...
يا جماعة لو عايز أخليهو يدرس في الزقازيق من سنة أولى أساس أعمل شنو؟؟؟
أولاً لك خالص الود و الشكر الأخ معتصم ...ونحن آسفين لأنو الزول الشفقان دا جا مستعجل و قطع ليك سيل ذكرياتك و صورك الجميلة دي
ألف شكر يا سيد الحوش عرفتك متابع و مستمتع....لكن حكاية الشحن الجوي دي عندي فيها راي آخر ...و إذا أخوك ما قدر يمشي العمرة ممكن نجيبو ليك في الحج ....تكون ما قصرت و لغاية ما يجيك هاك اتصبر بي الصينية دي!!!
أحبكم و أحب السماية في كسلا يا عفاف
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
جلا الحبيب ...
مبروك عليك الوليد .. وحمدالله على سلامة بت الشيخ
الود ده شكلو كده جاء جارى ايام العيد ..
يعنى داير يقول ليك ..
يابا انا اسمى جاهز .. واسمى .. عيد
***************************
| Quote: شرف البلاد حاج الركز وموسي عيسي ... مرحب بناس الرياض |
انتو يا اخونا حاج الركز ده لســـه شغال فى تكتيكاتو السرية ديك ..؟
هو شنو .. عفاف دى ما يادوب راجعة من السودان ..
انتو استلمتوا البلد ورديات ولا شنو ؟؟
والله يا حاج الركز أخاف القاك فى الاخبار فى كنيسة كتور مع الترابى وسيلفا كير !!!
غايتو ان بقيت قاعد لغاية بعد العيد جيب لينا حقنا فى سماية عيد ولد جلا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: انتو يا اخونا حاج الركز ده لســـه شغال فى تكتيكاتو السرية ديك ..؟
|
يا محمد عيد من قبل يومين كده كنت بتكلم مع حاج الركز في التلفون وكان معاهو
عبدالمحسن في العربية قام قال لي يا الرشيد أنا ماشي السودان بس ما تكلم زول...
عشان أنا عامله مفاجأة فاحترمت رغبتة و ما كلمت زول...
و كنت بكتب في مداخلة كده و قربت أكشف السر الا انني في آخر لحظة اتذكرت وصية
حاج الركز وسحبت الكلام...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
يا شباب حاج الركز ظهر إلا أن موسي عيسي لم يظهر حتي الآن ...
العزيز محمد عثمان جاء لزيارة والدته التي من الله عليها بالشفاء بعد إجراء عملية جراحية
لساقها التي كسرت قبل فترة ... ونقول للحاجة حمد الله علي السلامة ... أجر وعافية ...
والله الواحد بقي بتاع خبارات وشمارات عديل كده .....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
| Quote: والله الواحد بقي بتاع خبارات وشمارات عديل كده ..... |
ألف حمد الله على السلامة لوالدة حاج الركز و ان شاء الله ربنا يواليها بالعافية...
أبو الزوز انت الله يخليك للشمارات و الخبارات بس الله يستر من البوبار....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
والله يا محمد عيد انتظرتك طويلاً وقلت الليلة أشوف حدو
شكراً كثيراً و لا بد ....وشكراً إنو أكون في الصفحة اليمين ما اليسار في البروفايل بتاعك
لكن برضو في حاجة ناقصة....برضو بالنسبة للعزيز منصور في حاجة ناقصة
ألف حمد لله بالسلامة للوالدة العزيزة يا حاج الركز وربنا يجعله أجر و عافية
حاج الركز ظهر و أنا الآن مع موسى عيسى يا زهير
أحبكم و أحب لون موسى عيسى البقا أصفر من الراحات
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
الف سلامة للبرلوم عبدالسميع وماتشوف شر ياخ
سلامتك ومية وارغو كرامتك
وحمد لله على السلامة ياموسى وحاج الركز ان شاء الله لقيتو البلد عافية
والامنيات القلبية الصادقة نسوقها للوالدة والدة محمد عثمان وامنياتنا بالشفاء العاجل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
| Quote: أحبكم و أحب لون موسى عيسى البقا أصفر من الراحات أحبكم و أحب لون موسى عيسى البقا أصفر من الراحات |
موسى عيسى اتبخر ياخوي ولا شوف ليك كمون ولا حاجة
والله حسب كلام حبوبتي الله يرحمها قالت ليك عين ابو الوحيد "ماتخرش المية"
احبكم حب حبوبتي للودع
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
ســعدت قبل لحظات بالتحدث هاتفيا مع الحبيب جلا
وهو فى قمة سعادته بقدوم الفارس الميمون ..
حفظه الله ورعاه وجعله بارا بوالديه
ويا زهير شماراتك ناقصة ليها شوية شطة ..
لانى لقيت مع جلا .. اخونا موسى عيسى باللوك الجديد
واحتمال انت تكون ما عرفتو بس ..
* الف سلامة للبرلوم عبدالسميع وماتشوف شر .. ودى والله ما عين المريخاب
ويا ريت الهلال ما غلب ولا طار حتى عشان انت ما تحصل ليك حاجة .
* والامنيات القلبية الصادقة نسوقها للوالدة والدة محمد عثمان وامنياتنا بالشفاء العاجل
Quote: يا محمد عيد من قبل يومين كده كنت بتكلم مع حاج الركز في التلفون وكان معاهو
عبدالمحسن في العربية قام قال لي يا الرشيد أنا ماشي السودان بس ما تكلم زول...
عشان أنا عامله مفاجأة فاحترمت رغبتة و ما كلمت زول... |
رشيد .. حاج الركز ده انا عارفو كويس زول عمل ســرى وداهية فى
التكتيك .. لكن بس ما عندو ذوق ..
الزول ده نازل فى الخرطوم فى بيت اخوهو فاروق وده بعد بيتنا بى 3 -4 بيوت
يعنى كان أقلوا يضرب لى بس ويقول لى داير اوصل ليك حاجة لى ناس البيت ..
هو حاااااج الركز ولا عجب ..!
البركة غايتو فى موسى عيسى .. برضو ماشى حلتنا لى قرايبو فى
بيت ناس اختنا الزقازيقية الرقيقة نجاة ميرغنى ووعدنى بزيارة منزلنا غدا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
مساكم الله بالخير
الليلة أعذرونا يا ناس الليل وآخره...الليلة التقريشة بدري نسبيا...تراكمات التعب
و السهر تجبرني على ذلك...كان نفسي أقعد أتونس معاكم و أونسكم...لكن الجايات أكتر
من الرايحات...
عدد من غير الزقازيقيين وجدتهم متابعين بانبهار و يبدو أنهم مستمتعين بونستنا الفي
البوست ووجدت أن أول ما يبدأون به يومهم هو ونسة ناس الليل البلقوها الصباح في البوست
هذا جعلني أشعر بالاطراء رغم أننا بنتونس فقط...
لكنني لاحظت رغم انها ونسة لكن صمتكم عنها يعطينا احساس بأنكم تشعرون بالملل تجاهها
و أنها لا تعجبكم...وكان ديدني أن أحضر كل ليلة و أونس نفسي كما قال زهير و لا أطمح
لارضاء الجميع ولكن الى ارضاء الغالبية...
الحقيقة هذا الصمت يجعلنا نقلل كتاباتنا يوما بعد يوم حتى نتوقف ونصبح من المتابعين وربما
من المستمتعين أو غير المستمتعين...
ما تقولو والله الزول ده الليلة ما براهو...في حاجه مدبرسة بيهو و جاي يفكها فينا...لا
والله...الكلام ليهو زمن معشعش جواي و حاربت الاحباط داخلي مستمدا دافعي الى المواصلة من
خلال تشجيع جلال ومحمد عيد و زهير وطارق جبريل و ياسر نجيلة...
فأنا أحب جدا مثلا ما يكتبه هؤلاء و أمني نفسي كل يوم بأن أفتح البوست فأجد كل الناس تكتب
وتمتعنا بكتاباتهم وأعبر عن ذلك...فأحث طارق جبريل على الكتابة وأستمتع كثيرا بما يكتبة
و أتمنى أن يكتب كل يوم داخل هذا البوست وان لا يهرب خارج البوست ليبحث عن الذين يتأوهون
لكتاباته ويسهرون الليل ليتداخلو معه..
معذرة...طولت عليكم..
نفسي أن لا يستمر صمتكم حتى نستمر...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
احم ... احم
نحن هنا يالرشيد ... خليك الا ان يغلبك النوم والنوم سلطان
ما هذه الافكار التي تراودك؟
شوف ياحبيب يقيني التام أن قمة الاستمتاع هي من خلال "الهترشة" في البوست
لذلك لم يدر بخلدي ابدا ان مانتناوله بالكتابة هنا ربما يسبب الملل والضجر لسوانا
وهي "ونسات" كما سميتها نشارك فيها بعضنا البعض الافراح والاحزان والتعب وكل حاجة
فكم من مداخلة اثرت بصاحبها حتى اوردته موارد الاستمتاع
وكم مداخلة حزنا وشاركنا فيها زميل لنا احزانه وهكذا ... يمضي بنا هذا البوست
ودعائنا ان اللهم اجمع شمل كل ناس الزقازيق هنا حتى نسمع منهم ويسمعوا منا
فيا حبيب مافي صمت ولا حاجة ... توقعاتي بأن الناس هذه الايام مشغولة
الدنيا قبايل عيد والشوبنج والذي منه ... الا انا وجلا
انا مداوم لي يوم الوقفة وجلا فرحان ب"عيد"
يلا يالرشيد تعال نتونس ياخ خلي الدبرسة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
سلامات يا ناس
الرشيد الحبيب ..يا طاعم الكلام ومليانو
صدق احساسك ده ما صاح ولا حقيقى..ماتتخيل
الواحد لما يفتح المنبر العام ويلقى ناس
الزقازيق اجدع ناس..ويعاين بى هناك يلقى
مكتوب ...بواسطة الرشيد بابكر...ما تتخيل
الواحد اصابعينو بحصل ليها شنو....عليك الله
وريهو يا جلا ابو عيد...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
جلجل .. صباح الخير
والله يااخوى القالو الرشيد ده فعلا كلام صاح
وانا بالذات من فترة جانى الاحساس ده
وكنت برضو ناوى ازوغ بالراااحة وكل يوم ولا يومين
اعمل لى مداخلة كده لزوم القحة ولا صــمّة الخشم
لكن بصراحة دخول الريس معتصم واثراءه البوست بقوة
اضافة لعفاف والنشاط الزايد ماشاء الله عند زهير
ادونا شوية دفعة معنوية وقلنا لسه البوست بخير
والداير أقولو انو فعلا بوست ناس الزقازيق بقى
جاذب للكثيرين من غير المنتمين له .. انحنا حقوا
نستفيد من الوضع ده ونشاطنا يزيد كمان وكمان
وأهو رمضان الكريم خلص .. ورغم جماله وروحانياته الكثيرة
الا انو بعضنا كان بيتسبب بيهو واختلاف المواعيد وخرمة الصعوط وغيرو
غايتو نشوف بعد العيد انشاء الله الحال ينصلح خصوصا بعد ما يرجع
الريس ميسرة ونشوف مفاجآته المجهزها لينا ..
وهناك نقطة هامة :-
نشاط ومتابعة ومساهمة الناس فى البوست هى التى تعطى مؤشرات ايجابية
لناس الجمعية فى السودان او حتى لينا نحن فى المهاجر والمنافى
عشان الناس تبدأ فى تنفيذ المشاريع الطموحة الكثيرة التى طرحت من قبل .
فبالله كيف الناس تنفذ مشاريع جماعية وحتى الآن مثلا القائمة بتاعت سامى
ما لحقت 30 اسم ؟؟!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
سلامات يا ناس
حتى انت يا الطاعم الاكبر؟؟؟
يا عيد شيل الحاجات دى من راسك
عليك الله دخلا فى الكباية حقة زمان
ديك...وختها فى كيس برة البيت يجى
يشيلا الزول البشيل الحاجات الكعبة
ويا ريتو يرميها فى البحر...امى ربنا
يديها الصحة والعافية والفى مرادا
لما نقول كلام زى دا تقول برى يا ولدى
تفو من خشمك...
ابو عيد..جلا وريهو كيف يتفو من خشمو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
دكتور الصادق كيف حالك
لقيتك محمبك فى بوست بى قادى
والتلاتة حارقاك ولا يهمك ياخى
هو فى ناس بيلعبو كورة؟؟؟الكورة
ما كانت زمن الرشيد بيراقب عبدالرحيم
الصحافة
انت طالبنى مداخلة...انا ما ناسى
الكلام داك كان كلام ليل...يعنى بنتهى
بى ليلو...انت تجى الصباح تنكتو لى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
الليلة انا حاتلايق.....عشان اهزم الاحساس
الما حقيقى ده...مش هسة براى ..[يعنى وحدى]
لكن ما حاسى انو فى حاجة غلط ولا اى حاجة تانية
..العشاء جابوه ...دقيقة بس آكل بسرعة واجى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
اها يالرشيد ومحمد عيد والترتيب طبعاً ماحسب العمر "حسب المداخلات"
يتخيل لي بعد التعليمات الصرفا ليكم الكمندان دي
لو في زول فيكم جاب سيرة الكلام دا تاني
برسلوا ليكم اسامة ابتر بي عربية الدورية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: فأحث طارق جبريل على الكتابة وأستمتع كثيرا بما يكتبة
و أتمنى أن يكتب كل يوم داخل هذا البوست وان لا يهرب خارج البوست ليبحث عن الذين يتأوهون
لكتاباته ويسهرون الليل ليتداخلو معه..
|
حبيبنا الرشيد
ياخي عليك الله تعال اكتب العايز تكتبه
مرات انا شخصيا ما بعلق لانه الاستمتاع بيفوت حده عديييييييييييل
بكون ما قادر اعبر عن الاستمتاع دة
لكن بيكون عجبني حد الدهشة خصوصا لمن تحكي عن الشخوص الزقازيقية ولا العمات
والخالات والحبوبات والجدود... منذ صغري تشحذ افكاري حكاوي الجلاكيم ديل
بحب حكاويهم شديد وطريقة سردهم لي حياتهم..آلامهم افراحهم
ياخي العجايز ديل يمين بالله لو الزول باراهم بيطلع ليه روايات عالمية عديل
يعني حقيقي لو الواحد كان بيملك ملكة السرد دي كان جننتكم جن
لانه الله وهبني في البركل جلاكيم كدة حكايين خلاص
وكل حكاية عندهم تصلح لكي تكون رواية
غايتو على قدر البقدر عليه قاعد اجي اكبه.. يمكن مافي بوست الزقازيق
بس لانه في المنبر دة انا لي اربعة سنوات وعملت علاقات مع افراد من اجمل خلق الله
لا افضلهم عليكم...
حا احكي ليكم حاجة عن التسامح الديني الموجود في تلك القرى عند منحنى النيل
اعتذر لمن قد يفهم الحكاية بشكل مختلف
بس الحكاية حقيقة حدثت مع احدى عماتي وانا كتبت عنها بوست قبل كدة هنا
المهم
عندي ود عمي قام اتزوج الزوجة التانية في السر
وبدأ يكلم في اعمامي كل واحد براهو
لمن وصل لي حتة عمتي دي قام قال لي تمشي معاي
عمتي دي قاعدة تريدك شديد وانا لازم اكلمها
وانت معاي عشان ما تجوط كتير
المهم قمنا مشينا لقيناها تصلي في المغرب في سجادة السعف القديمة ديك
وقدامها سبحتين واحدة فيها 33 وواحدة فيها 1000
المهم بعد سلمت انا متعود اسلم عليها في راسها
سلمنا عليها وهي لسة قاعدة في المصلاية (التبروقة)
وقعدنا جنبها في المصلاية
شافت فيني قالتلي اخوك دة مالو
قام قاليها: عمتي والله انا عرست
- تدفني ياولدي عرست تاني
- ايي والله ياعمتي
- الرسول لي شنو معرس تاني.. البيت وعندك والولاد تحمد الله والعربية وعندك
- يا عمتي دي السنة
- هو اصلو الخارب الدنيا دي منو غير السنة ألتكم دي
ههههههههههههههههههههههههههههههههههه
يعني قالت الكلام دة وهي لسة في مصلايتها
وقامت جرت السبحة الكبيرة وبقت تتلو في اورادها
يعني دي لو حدثت قدام زول مهوووس كان قطع راسها
مع العلم بعد كل صلاة بتستغفر وتسبح وتكبر الف مرة
تعال يا الرشيد وقول كلامك يا زول
وحا تلقانا مستمتعين للطيش
لمن تجي بحكي ليك حكاية المغاربة مع ليلة سبعة وعشرين من رمضان
لانه عندهم فيها طقوس عجيبة ولذيذة في آن
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
| Quote: اوعكم تسربوا الاحاسيس الما حقيقية |
والله العظيم .... دا شعار البوست دا
والشخيت المفروض مافي زول يقطعوا
ينصر دينك ياكمندان ياحريف
Quote: مرات انا شخصيا ما بعلق لانه الاستمتاع بيفوت حده عديييييييييييل
بكون ما قادر اعبر عن الاستمتاع دة |
وحات الخوة عبرت عني تماما
ياخ الزول حزت مابيكون مستمتع مرا بتبكم كلو كلو
Quote: تعال يا الرشيد وقول كلامك يا زول
وحا تلقانا مستمتعين للطيش |
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
Quote: اها يالرشيد ومحمد عيد والترتيب طبعاً ماحسب العمر "حسب المداخلات"
يتخيل لي بعد التعليمات الصرفا ليكم الكمندان دي
لو في زول فيكم جاب سيرة الكلام دا تاني
برسلوا ليكم اسامة ابتر بي عربية الدورية |
حاضر سعادتك .. وحاضر لى جناب الكومندان
وانا ما قبيل قلت ليك فى ناس ومنهم معتصم عدلوا الصورة شوية
الغرض .. انو الناس شوية تتحرك .. وتقرن الاستمتاع والمتابعة بالمشاركة
يعنى عليكم الله حكاوى ود جبرين الطاعمة دى ما بتخلى اى زول
يخلى الوراهو والقدامو ويستمتع ويكتب ؟ ياخى انشاء الله يزغرد ساااى ..!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
سلامات يا ناس
الجاية دى ما الحكاية الوعدنا بيها...
محمود ابوعضل ..اسمو محمود محمد احمد
تجارة..دفعتى وجلا...كان ماسك الميز حقنا
وكان خترى جدآ وناشف فى الميز شديد..اى
زيادات على الحاجات البصرفا ليك طوالى تتخصم
من يومك وتتحمل مسؤليتا...
وعدنا مرة باحضار فطائر مع العشاء لو احسنا السلوك
الميزى...
واحد مننا سحب جنيه من كراس الميز جاب بيه شوية باسطة
وقبل العشاء اكتشف ابو عضل انو فى باسطة وفى جنيه مفقود
جا خاشى علينا تجيبو باسطة من قروش الميز...اذن الفطاير
يوم تانى...
هسة عشان كلام عيد الطاعم ده...الحكاية الزقازيقية بكرة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
تحتج الحاجه أمي كثيرا علينا في مساواتها مع أبي في نصيبها من التحويلات...فهي
تقول لي دائما أنت أبوك بيعمل بيها شنو غير يعبي تلفونو ده رصيد...أنا بعمل وبسوي
فعملت على زيادة حصتها بعد أن عقدت معها اتفاق بأن يظل الأمر بيني وبينها...أرجو أن
لا يقرأ أبي هذه المداخلة فينكشف السر...
و كانت أمي على حق...فتلفون أبي لا ينقطع عنه الرصيد أبدا...و كان اذا مر بوعكة ما
اسأل اخوتي في البيت و أقول ليهم انتو أبوي ده ما عندو رصيد ولا شنو...فنحول له مباشرة
حتى يعمل رصيد فترتفع معنوياتة...أبي كثير الاستخدام للتلفون...يتصل بي ليطلب مني أن أحضر
الى السودان و يحدد الشهر ثم يتصل بمحمد أخي ليحضر في نفس الشهر وكذلك الأمر مع مامون
أخي بالسعودية...يحب أبي أن يرانا جميعنا و بأولادنا حولة...و أذكر أنني عندما كنت قادما
للسودان في هذه الاجازة اتصل بي في تركيا عدة مرات...أها جاي في مواعيدك..مشيت المطار...
ركبت الطيارة..وصلت مطار الخرطوم...حتى و أنا داخل العربية مع أخي الذي اقلني من المطار
اتصل بي ليقول لي حمد الله على السلامة ووصلتو وين...يحب أبي أن يكون الناس حولة...كان
يسألني كل يوم الصباح برنامجك شنو اليوم...و اذا خرجت دون علمه يستقبلني بقوله...
أسمع انت قايله وكالة من غير بواب...يحب أن نتجمع حوله و يحكي لنا حكايات نكون قد
سمعناها مرارا وتكرارا...نتجاوب معها و كأننا نسمعها لأول مرة...و بمجرد أن نركب الطيارة
عائدين الى منافينا...تصيب أبي وعكة لأيام...و هي ليست بوعكة بل دبرسة...
أها أنا يا أخوانا زي أبوي...عندما أدخل البوست أبحث عنكم جميعا...أريد أن أسمع منكم
وتسمعوني...أقعد أحكي ليكم وتحكو لي...أحاول تجنب التكرار قدر المستطاع...و لكني لا
أضمن لكم ذلك بعد الميل 100..أتساءل اين أنتم واحد واحد...أحاول جرجرتكم الى البوست
أوزع الباصات هنا و هناك علها تخرجكم...اقدر مشغولياتكم و مسئولياتكم و ظروفكم كلها
و لما لا أجدكم أقعد أحكي ليكم بغيابكم عسى أن تحضروا فتجدوها فتعودون...و أحيانا أقوم
بالتواصل معكم تلفونيا عندما أفقد الأمل في التواصل معكم أسفيريا...
ولما تطول غيبتكم ويخيم الصمت تصيبني وعكة مثل التي أصابتني اليوم...و انتو عارفين
الجلاكين...ينضمو ينضمو ولما يكضموا كضمتم كعبة...
أشكركم جميعا على كلماتكم الرقيقة...و بقول ليكم جميعا التحويل وصل و الرصيد مليان..
بس أوع تفتكروها وكالة من غير بواب...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
| Quote: ألف شكر يا سيد الحوش عرفتك متابع و مستمتع....لكن حكاية الشحن الجوي دي عندي فيها راي آخر ...و إذا أخوك ما قدر يمشي العمرة ممكن نجيبو ليك في الحج ....تكون ما قصرت و لغاية ما يجيك هاك اتصبر بي الصينية دي!!! |
شكراً يا جلا ياخي يا أبو أخو البنات و عشا البايتات و كتر خيرك كتير على الصينية التي مطقتني أيما تمطيق و أكيد سمايتكم في العيد .. و الله بختكم و إن شاء الله دايما فرحانين ..
| Quote: ممكن نجيبو ليك في الحج .... |
لا يا جلا يا ريت تجيبوه قبل الحج ..
بتاع الحج حاكم نحنا بنجيبو برانا ..
طبعاً قصدي ( الخروف ) ما ( أخوي ) ..
ـ
الرشيد ..
و الله حقيقي مساهر و مستمتع ..
و بالمناسبة إنت و منصور و سعادتو و جلا و النضيف و محمد عيد و زهير و جلال و طارق و سامي و كل الشباب الرائعين وصولاً إلى معتصم و عفاف من جعلتمونا متابعين و مستمتعين و خليتونا نساهر الليل يا جميلين ..
أهة أنا متابه و سادي وردية ليل و مستمتع بقية الشباب ديل مالهم ؟؟
طبعاً خلاص الواحد ما صدق لقى ليهو إجازة بدأت و بعد كدة ـ كان خلووني ـ حأعمل ليكم وجع وش مستمتع جداً ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
Quote: كملنا الصيام بي همة بالتأكيد
وقرينا الكتاب لآخره بالتجويد
يوم جيت يالبخيت هلت بشائر عيد
مبروك يا جلا الليلة جاك وليد
|
ونواصل "الاهزوجة" اللذيذة لعمنا رشيد القوم ...
فرحا بقدوم "جلا" الصغير ...
وتقول ...
اعمامو الكبار فرحو بيهو اكيد
وخالتو الهمام استقبلهو بالزغاريد
زادت بهجتنا بزيادة اولادنا وليد
حامل اسمو وسام لعمو محمد عيد
ديل احفاد الزقازيق لنا ذكري وتخليد
واصل كفاحك يا عصام دهب ...
ظهورك بفرحنا ...
.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ياسر نجيلة)
|
الرشيد وعيد كلامكم واحساسكم صاح
وتحليل محمد صديق صاح ميه ميه
والدليل زمان البوست ده كا بيحتل يصل الصفحة الخامسة وزيادة
ويصيبنا الاحباط ونقعد نفتش للكلام وننزل الصور ونضرب للناس التلفونات
ولكن الان الحمد لله بفضلكم وفضل الاخوان الواحد لو ضربتو مروحة ساكت بقى عندنا
خبرووووو ..... ههههههه دى هسه ما بالدنيا ... وسلامتك يا عب سمييييع
فايزة عمسيب فى احدى التمثيليات كانت زولة خبارة وشمشارة جدا جدا
قامت مرضت ورقدت ليها يومين فى البيت ، جارتها زاروها وسألوها
اها بقيتى كيفن قالت ليهم
آآآآحمد الله ، بس ناقصنى خبر بــــــــــره ..... لوووول
ــــــــــ
ريس مــو صوركم دى كانت قبل عم جودة ما يظهر رغم روعتها
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الدائم سيد أحمد)
|
يا رش يا حبيب يا غالى
والله قربت تدبرس بى , لكنى اتماسكت فى الأخير ولملمت اطرافى
انا عندى كلام فى الحتة دى , عليكم الله ركزوا معاى
من زماااان و من بدايات البوست ده , من زمن ما كنا مجرد قراء خارجيين , اذكر انى رسلت مرة مداخلة لى سيد الحوش
, مجرد مداخلة واحدة , ولكن ده اصلو ما بيعنى باى حال من الأحوال انو مداخلتى الوحيدة ديك , هى (مسطرة المتابعة والمقياس
بتاع التواصل , على باليمين الزول لو ما يوميا اطلع على البوست وفلفله من اوله لى آخره زى الرايحة ليهو حاجة , وفى حالات الأنقطاع القسرى المسببة بى سفر او انشغال او خلافه , فان احساس الغربة يتملكك ويسكنك ويتقمصك
ولمن الناس كانت بتتكلم عن احلام تواصل فى البوست ده , وكانوا يلخصوها بى عدد المداخلات وعدد الصفحات
لم يكن ذلك يلاقى هوى او صدى فى نفسى , انا دائما بعاين لى عدد القارئين والمتابعين القرب يحصل التمانين الف
البوست بتاعنا ده لو اعتبرتوهو جريدة او صحيفة يومية , فان ما يهم فيها هل هو عدد (قرائها ) او عدد (صحافييها وكتابها )
لو جاوبتوا على السؤال ده حا ترتاحوا راحة (زى راحتكم مع قهوة بعد الفطور فى رمضان خاصة لو معاها سيجارة للناس البيدخنوا )
اذن الشغلة بى بساطة يا اخوانا هو ان غرض التواصل يتم تحقيقه يوميا بل كل لحظة وهذا ظاهر من الأحصائيات والارقام, بس فى ناس بتواصلوا كتابة (بمقادير مختلفة تحكمها ظروف خاصة مختلفة ومتغيرة) , وفى ناس بتواصلوا بالمتابعة (بأستمتاع حينا , وبأستمتاع كبييييير احيانا كثيرة اخرى )
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عصام دهب)
|
استنو يا جماعة ما تفوتوني...في مداخلات لازم أخش فيها
أها السلام عليكم ....و صباح الخير
يا جماعة أنا اتورطت أمبارح...أديت موسى عيسى mDSL بتاعي و الصباح لقيت موضوع سهرة فاتني
عليكم الله شوف زي دا ....أنا غايتو من مداخلة الرشيد ومحمد عيد.... برغم أنا حسيت أن الرشيد محبط وكذلك محمد عيد...
لكن قريت ما بين السطور
إن المسألة عبارة عن موضوع مطروح للنقاش بصورة اسفزازية لتقييم كتاباتنا في هذا البوست...زي المواضيع الكتيرة السابقة
وبعدين لاأظن أن أحداً فينا لم يدلي بدلوه في تلك المواضيع التي نوقشت فيما مضى....بما فيهم زول كنار
ولو رجعتو معي للصفحات السكرانة...و الصفحات كيف يمكنك أن تكون ناجح...حتى الكلام عن بعض الإخوة
مثال صلاح علي صالح للناس البتعرفو ...ياسر اللورد...و كسلا ...وناس كسلا...وغيرها كثير
والملاحظ أن لكل منا خطه وقد يشاركه أحد فينا ولكن ليس بالإحترافية المميزة له...فمثلاً حكاوي طارق جبريل...
كتابات منصور...لكزات محمد صديق...حتى الرشيد و أيام صباه واسخلاص الدروس و العبر....
محمد عيد الذي يجرك جراً لتذوق الشعر....و كل الناس الجميلة جلال و ياسر و زهير .....الخ ..قربت أنسى نفسي!!!!
فكل منا لديه بصمته بما فيهم عفاف (من غير استعلاء ذكوري يا زهير) و معتصم ...
فعلينا أن نكتب و نتونس بي وشين ....الوش العام و الوش الخاص...
| Quote: وريهو يا جلا ابو عيد... |
أها وريتو يا جنابو كدا ينفع
| Quote: ابو عيد..جلا وريهو كيف يتفو من خشمو |
صينية السماية الإنتو معزومين فيها بعد ما تنتهو من أكل اللحوم و الذي منه ...
بتجي مرحلة قرقشة العضام وهي بالطبع لذيذة ...بعد المضغ كويس يا محمد عيد....
تقوم تتف الباقي الفضل من خشمك زي كدا تف تف تف.....
جضمتو ليك يا كمندان...صح
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
اواصل كلامى مع موافقة تامة لطرح جلا (الفرحان بولده ده)
الولد مع البتين ديل يا جلا بخليك قافل عديل
يعنى اتخيل نفسك عندك بت دنارى , ومعاها بت هارت
قمت (جريت ليك) ولد دنارى
اها شفت زى القفلة دى
داير ليك يا شايب دنارى (فتش على معتصم )
وللا عشرة دنارى (فى الحالة دى تسمع عشرة الأيام بتاعت عثمان حسين)
ولا كمان تجرنى انا (باعتبارى جوكر بشرطالجوكر مايكون اصلى اوشيطان )
خلينا نقول (آس اسود )
تقوم حضرتك تفتح عديل
لكن الا من (صندوق الجر )
لأنو القاعد بيرمى ليك البايظ ده , يكون زهير
وزهير ده لا بيرمى عشرة ولا وشايب دنارى و ولا عنده جوكر
هسى عليكم الله ده كلام شنو ؟؟
لكن برضو ممكن تجر بت اسود ولا بت شيرية و وتفتح برضو , اها رأيك شنو ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
يا رشيد جيتك راجع تانى
على فكرة انت ما ماشى ابوظبى الليلة ولا شنو
الليلة مش الخميس ؟؟ واظنك بعد ده داخل اجازة العيد عدييييل
انا عكسك الليلة , معنوياتى مرتفعة , وشاعر بى حاجة كده
انت اقول ليك حاجة
البوست ده مش اسسو وبناهو عصام دهب
يعن اتخيل كده لمن كان فى بداياتو , يا دوب معاهو كم نفر
ولو كان فى المرحلة ديك جاهو احساس الاحباط الما مبرر بتاعك ده
كان يعنى نحن نمشى وين ؟؟
عايز اقول بس انو احسن نتعامل مع البوست على انو واحة , ضل يعنى , تدخل تتوهط فيهو
تحكى وتحكى و تقول وتقول
مرات زول يتونس معاك ومرات براك
مرات تكلم نفسك , ومرات تكتب لمن تقول يا ربى انا الهببتوا ده شنو
فى كل لاالحوال اوعك تمسح و وفى رايى كمان ولا تعدل
خلى كلامك يطلع من راسك , لى كيبوردك , للبوست على طول
ليس ضروريا ان يكون منظما , او منمقا , او موزونا , او بقافية واحدة
حا نقبله مهما كان تصنيفه
موضوع جادى , ونسة , مداعبة , زعل , دبرسة , خبر , سياسة , اقتصاد , كورة , ذكريات
فى النهاية ياهو ماعونا , كل زول يجى يدفق فيهو نتاجه , ونحن نشرب الخليط بتلذذ لا مثيل له
انت يا رش اغزرنا (انتاجا ) لظروفك
وهذا من حظنا السعيد
لمن فريق اركويت كان يتزنق , مش كان بيرسل التذاكر لى لاعبه المحترف المتفرغ ويجيبه من الجزيرة
وتيب , يا خى نحن اشترينا منك وقت ما بعد الدوام , وفراغات مابين الدوامات
وعايزنك تأكل غداك ده جوة الغرفة جنب الكمبيوتر بدل ما تمشى المطعم
مخصوووص عشان تكتب لينا
ونلقى عدد المتابعين باستمتاع يتراوح بين العالى و والعالى جدا , واستمتاع نهائى
نحبك وانت مدبرس , زى حب جلا للوليد الجديد
فى حب يا اخوانا اكثر من كده ؟؟؟؟
| |
|
|
|
|
|
|
|
|
 Re: ناس الزقازيق ... أجدع ناس .. (Re: محمد آدم النور)
|
ناس الخير 000 جيتكم تاني شايلة الفرح ببشاير حلوة وزغرودة راااجة
0
00 زميلنا عبد المحسن (دفعة)رزق بمولودة حلووووة قيل دقائق 00 فألف مبروك000
تخريمة:
الليلة يازهير دفعة الشين بقى سمممح بعد العروسة الجديدة00
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
مبروووك كبيرة لى عبد المحسن دفعة
على المولودة الجديدة
عبد المحسن لم اتعرف عليه فى الزقازيق
ولمن قعدنا مع بعض فى لقاء زقازيقى عامر
تفاجا بانى متزوج من زميلة لى ناس محمد حسن البرلوم
فاستغرب لذلك , زاعما بانى كبيييير
فطالبت انا بالحاح
ان نعمل كشف هيئة
عارفين كشف الهيئة
زى الاختبار بتاع (العضام ) البعملوهوناس الفيفا
لمنتخبات الناشيئن لكشف تزوير الأعمار
صاحبنا زاغ طوالى
العضمة ما كبيرة عاد
مبروك يا عبد المحسن وحمد الله على سلامة المدام
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
أها عليكم الله كلام منصور مش صاح
الخبر دا كان حنلقاهو وين
ألف مبروووووووووك عزيزنا عبد المحسن
ونسال الله أن يجعلها من البنات البارات بوالديها
وأن يجعلها زينة دنياهم
و ألف حمد لله بالسلامة
منصور فيك حاجة ناقصة!!!!
أحبكم و أحب أن أكون أول المهنئيين ..دا إذا ما في زول هس يكون سبقني و عمل إضافة رد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد آدم النور)
|
شكر وتقدير لاجدع ناس
اخوتى الاعزاء عظم الله اجركم وجزاكم خير الجزاء
على وقفتكم معنا ودعواتكم الصادقه بالرحمه والمغفره
لاخوانى احمد الامين وابراهيم الامين وتقديمكم واجب العزاء
ممثلين بزهير الذناتى محمد صديق ، جلا ، عابدين
ناصر عابدين ، عمر بسكو ، أسامة أبتر
فقد كان لحضوركم بالغ الاثر فينا والتخفيف عنا
واعزرونى لاننى لم اتمكن من الجلوس معكم والحديث اليكم
وتقبلوا شكر زميلكم الهميم الامين واسرته الكريمه
واسال الله ان لا يريكم مكروه فى عزيز لديكم
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
يعني ياعفاف بالغتي والله
انا مع الراجل في المستشفي لغاية الساعة 11:30 وتأجلت العملية
تجي انتي بعد انا اشتت تاخدي مني البشارة
المهم حمد لله على السلامة يادفعة
والف مبروك المولودة وجعلها الله من بنات الوطن المناضلات "دي قاعد تعجب زهير"
والف حمدلله على سلامة بت الشيخ يادفعة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: الأخ منتصر ....
جبرالله كسركم وربنا يجعلها آخر الاحزان إن شاء الله
تحيتنا للاخ الهميم والاسرة |
الاخ جلال
عظم الله اجركم وجزاك كل خير
الهميم واسرته يتابعون هذا البوست
ولسان حالهم يلهج لكم بالشكر
وتحياتك واصله بكل تاكيد
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منتصر الامين)
|
منتصر ربنا يتقبلهم قبول حسن و يجعل الجنة مثواهم...وسعيدين بإطلالتك في حوشنا و ديارنا
يا ناس هوووووووي لأنو شغال مداخلاتي من V sat بتاع المكتب ....و لأنو موسى عيسى ما قادر يفارق البوست......
قمت تبرعت بي mDSL بتاعي .....عشان يتواصل معاكم خلال العيد
أنا حا أكون في إجازة إجبارية ساغادر إلى كسلا صباح الجمعة على أمل أن ألقاكم بنهاية العيد ولدي....
و لأنو ما بقدر أتواصل معاكم أقول ليكم كل عام و أنتم بخير... و ربنا يتقبل منا و منكم صالح الأعمال و الدعوات...
عارف يا محمد عيد نفس الموقف قبل رمضان ...إتخيلوني سافرت كادقلي ...و النت مافي ...و القطيعة في رمضان و العيد.. ما محببة
منصور فيك حاجة ناقصة
يا جلال نحن عيد دا نديهو لي عيدية وبي مزاج... مش هو جا أمبارح وبعدين قال ليها تعالي وراي ....تب ما عندنا مشكلة
بس خايف يجي زهير و يقول دا استعلاء ذكوري ...ما كان يخليها هي تجي الأول
أحبكم و أحبكم و أحبكم و أحبكم لغاية ما أجيكم
| |
|
|
|
|
|
|
|
|
 Re: ناس الزقازيق ... أجدع ناس .. (Re: جلال عثمان)
|
يا جلال الليلة فرحت جدا بعروسة محسن الجديدة 000والله البيت الفيهو بنات دا
يكون فيهو كمية من السماحة000 دا طبعا لاني ام عزااابة ذي حوشكم قبل سطوع الشمس000
علي وعمر ومؤمن جيفاراتي الحلوين المليانين بطوابع ناس الحديد والنار000بقيت
اخاف وسطهم ان اتحول لاقلية مهمشة 000 مع خططهم التكتيكية وأحيانا بقيادة المعلم000
عشان كدا طوالي تلقوني في حالة انتزاع وتثبيت حقوق 000
جلا رسلي من موية توتيل اتبرك بيها
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عبد الحميد البرنس)
|
البرنس .. البيت بيتك ياخى ..
والجيــّة لازم تكون مكرّبة ومجيــّهة
زهير قال لينا عنك كتير .. ومنتظرنك
* مبروك لاخونا عبد المحسن وانشاء الله تتربى فى عزكم ..
( منصور شايفك اشتهيت الولا ده ؟؟! )
* اخونا منتصر ... عظم الله أجركم وجبر كســركم واكسبكم حسن العزاء
الفقد عظيم .. ولكن يبقى الدعاء للمولى بأن يسبغ عليهما شآبيب رحمته
وان يلزمكم جميع الاسره الصبر الجميل .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
Quote: أكد التجاني أبوسن عضو مجلس ادارة نادي الهلال ، عضو لجنة دعم الفريق افريقياً انهم تلمسوا رغبة الفيفا الكبيرة بفوز الهلال بكأس لقب ابطال افريقيا وذلك لانجاح كأس العالم الذي سيقام هذه المرة بدولة الامارات العربية المتحدة بوصف الهلال الفريق العربي الوحيد الذي ينافس على اللقب القاري.
صحيفة قوون |
زهيـــر ... عليك الله لو ما الدنيا رمضان
ما كان الواحد فتح ليهو بوست وكبس لى اب سن ده فى .... ذاتوا ؟؟!
ضــعف الطالب والمطلوب ..
وكمان قال شنو .. قووون مرشحة لافضل اصدارة افروآسيوية ..!!
وابو الرمض.. اقصد المرض .. احسن صحفى أفرووووو ,.... تمها يا زهير
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا رش يا حبيب يا غالى
والله قربت تدبرس بى , لكنى اتماسكت فى الأخير ولملمت اطرافى
انا عندى كلام فى الحتة دى |
يا منص يا حبيب...شكرا على تلفونك ولو لم تتصل لاتصلت بك...فالونسة معاك في الطريق
بتوصل الواحد بالرحة لأبوظبي...
وصلتني فكرتك و أحترمها جدا وأشكرك عليها ويكفيني ما قلته لك في التلفون...لا لخصوصيته
فالحمد لله أصبح البساط بيني وبين كل ناس البوست (أحمدي)...ولكني أريد أن أنهي هذا الموضوع
عند هذا الحد...و أرجو أن يقرأ الجميع ما بين السطور...كما قال جلا...
بجيكم برواقة...لما أرتاح شوية
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا جلال الليلة فرحت جدا بعروسة محسن الجديدة 000والله البيت الفيهو بنات دا
يكون فيهو كمية من السماحة000 دا طبعا لاني ام عزااابة ذي حوشكم قبل سطوع الشمس000
علي وعمر ومؤمن جيفاراتي الحلوين المليانين بطوابع ناس الحديد والنار000بقيت
اخاف وسطهم ان اتحول لاقلية مهمشة 000 مع خططهم التكتيكية وأحيانا بقيادة المعلم000
عشان كدا طوالي تلقوني في حالة انتزاع وتثبيت حقوق 000 |
ماعليك ياعفاف نرسل ليك مريم ومرام وميار يجكسوا ليك الشباب ديل وينسوهم نفسهم
ويخطلط الحديد والنار بكل هذه العذوبة ، فتعلنين عن قيام حركة تحرر جديدة وتناضلين
من اجل انتزاع حقوقك بعد ان تصبحي مهمشة بالجد.
شوفي لينا حاج الركز دا يجي يتقدم ... البنات ديل ولاد عمهم كتار
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
وتواصلا للفرح الممتد في الميل 58
رزق زميلنا الزقازيقي الرائع محمود محمد آدم (تربية)
بمولود ذكر ... نبارك له ونسأل الله ان يجعله من الصالحين
وحمدلله على سلامة الوالدة والمولود
تلفون محمود 0508925899
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عفاف علي ميرغني)
|
حمداً دائماً لله سبحانه و تعالى و ملايين التباريك لأخوينا / عبد المحسن دفعة و محمود محمد آدم ( تربية ) قدوم المولودة لدفعة و المولود لمحمود و نسأل الله تعالى أن يبارك لهما فيما رزقهما و أن يجعلهما ذخراً ..
ـ
أسعدتني و الله طلتك يا برنس و رغم أنك ـ أو كما قلت ـ زائر بصمت على وزن ( متابع و مستمتع ) لكني و كل أخوانك الزقازيقاب نتشوق لطلتك و نفرح لتواصلك معنا فلا تحرمنا يا جميل ..
سلام لكل الشباب و الشابات الجدعان و الجدعات و خليكم معانا ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: الأخ زهير
سلامات وإن شاء الله تكون والاسرة الكريمة بخير وعافية وكل عام وانتم بخير
اخي اشكرك جزيل الشكر لقد وصلني تصريح الدخول للموقع ونظر لظروف خاصة حيث رزقنا بطفلة في 5 رمضان ومكثت المولودة في الحضانة لفترة يحفظكم الله ويحفظ اسرتكم الكريمة للمشغولية لمن اتمكن من الدخول للبريد. اليوم وجدت رسالة من الاخ بكري
بتاريخ 9/9
نسأل الله ان نكون عند حسن ظنكم ويسعد حضورنا الأخوان والاخوات
ولك تحياتي وتقديري
اخوك مدثر |
دي رسالة من الزقازيقي مدثر ابا يزيد وهو عضو جديد في البوست له آلاف الترحيبات والإحتفالات
وبنقول ليهو حمد الله علي سلامة الوالده والمولودة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
يازهير ... انت قايل نحن نايمين على قفانا ولا شنو
وين الصور بتاعت فطور ناس احمد اسماعيل
بعدين حاج الركز وموسى ديل حا تملحوهم كدا ساكت
يلا سو ليكم حاجة في العيد
------------------
شمشرة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
يا ابو الجل والله لقيتك خطير عديل كده
تصدق كنت ناوي الليلة أنزل الصور بعد ما حليت
مشكلة اصابت كمبيوتر البيت المخزنه فيهو الصور
حصل العطل ، قبل شوية جيت أنزلها ليقيت ليك الصفحة
في المداخلة الكم وتمانين بليل دا نشوفها أنا وإنت
ومحمد صديق ،،، أخوك تفتيحة تبدأ الصفحة الجديدة ننزل
ليكم الصور بتاعت فطور أحمد إسماعيل وفي صور مفاجأة عديل
كده يلا تم الصفحة إنشاء الله أشبوكها فوق فوق فوق
ويجي عبد الدائم بالدلوكة في الصفحة الجديدة يغني
قلبا قلبا قلبا ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الف مبروك لمحسن وتينا الأمورة الجميلة وكمان التهنئة
موصولة ليارا وكريم ... بس يا عفاف حكاية محسن بقي وجيه
دي بالغتي فيها عديل كده .... الله يسامحك ....
ومحسن دا لو متابع البوست دا ما يرسل لينا نعمل ليهو
عضوية عشان الواحد يهاترو بمزاج .........
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الف مبروك المولودة يامدثر وحمدلله على سلامة امها
وربنا يحفظهم ليك يارب - وكل سنة وانت طيب ومبروك الباسويرد
يااخوانا والله كلام عفاف الفوق داك ما تطنشوه
الرياض محتاجة لي لمة زقازيقية كاااااااااااااااااااااربة
يلا يامنصور ....
البوست بقي زراعة ورياض ماشاء الله
| |
|
|
|
|
|
|
| |
طارق جبريل
الرشيد بابكر
جلال عثمان
عفاف علي ميرغني
منصور عبد الرازق
عبد الدائم سيد أحمد
زهير الزناتي
محمد آدم النور
محمد صديق
معتصم جعفر
عصام دهب
محمد عيد
ياسر نجيلة
منتصر الامين
عبد الحميد البرنس
فيس بوك
تويتر
انستقرام
يوتيوب
بنتيريست