كتب الكاتب الفاتح جبرا المتوفرة بمعرض الدوحة
|
Re: الف مبروك .......عزة بتى وعلى طاهر الخطوبة (Re: hamid murahid)
|
حامد الحبيب عجبنى وسر بالى وكيف ما يعجبنى وعجبتنى فكرة (نتشاكل فى اختيار اسامى وليداتهم) دى امسك فيها قوى هسى يا حامد اخوى زى وليدات ناس عزة ديل اساميهم بتكون صعبة ومافى طريقة نقاش هى عزة زاتا كان عندها راى فى الاسم(عزة) اولادا حتكون اسماؤهم كيف؟ غايتو الله يدينا العمر ويخليك يارب
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: khalid kamtoor)
|
khalid kamtoor ازيك وكتر خيرك على الجية وبالمناسبة تمشى البيت من دربك دا وتشيل ليك (جردل ترمس ) عفراء اختى كسرت كراعا تكون سحرتها ياولد ؟ البت سمحة عارفاها بتكون غايتو سحرتها ما تنسى تشيل الترمس وال(جدادة الكبيرة الحمراء ) لانه الكسر دا داير حاجات زى دى يلا اقعد عافية وطمنى عليها كتر خيرك
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: سلمى الشيخ سلامة)
|
يا سلام يا سلمي تصوري اني من شدة الفرح بشكر ام العروس ذات نفسها علي الخبر البشارة كأني اقرب منها لعزة البنية الشايلة ارث سوداني مدكن و دقاق لدرجة انه اتنفض من نفوس الناس العايشين في منابعه و هي تنور بيه روحا في عتمة الغربة في البعيد النائي المشاتر المضاد الكامل الاختلاف و النكه و اللون... الف مبروك و ربنا يتم علي خير و يعمق بينهم المودة و الرحمة و السكنه المطمئنة.. و سعة الرزق و بارك لهما و فيهما و البنين و البنات و كل الاماني و الهناء...
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: سمية الحسن طلحة)
|
يا سلام عليك يا سمية يا سامية وراقية تتبارك حياتك وحياة وليداتك وتشوفى جديدهن وتشيلى وليداتن قادر ياكريم تعرفى عزة بتى بتقول جنس كلامى وكلامك دا لصاحباتا يجونى يسالو انتى خالتو سلمى عزة بتقول شنو ؟ نعمنهن ما فاهمات وكتيرا ما احمد الله انها تعرف متل الكلام دا اتمنى ان يتعرف اولادنا وبناتنا على هذا الموروث الذى اخشى اندثاره تانى شكرا ليك ياالعديلة
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: نادر السوداني)
|
بت الشيخ سلامة,,, مليار مبروكـ,,, الخطوبة ,,, للاصدقاء ,,, عزة ,,,وعلى ,,, غايتومن (اسى) فى نص الحفلة ,,, بس ادونا خبر ,, (وكت) يجى الفرح الكبير ,,,
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: Alsa7afa_30)
|
Quote: وورينى شميلة دا بقرب ليك شنو ؟ لانه جدى (لزم) يعنى جد امى عليها الرحمة منتظراك |
انا قريبتى زوجة الامين شميلة المرحومة الحاجة (جلاد) وجلاد لقب ولكن مشهوره بيه واسمها الحقيقى (ستنا) و هى الدة كل من عبدالله الامين شميلة ومحمد الامين شميلة و المرحومة الزلال الامين شميلة , وبيتهم الكبير يقع بالضبط شرق مستشفى مشو ومدرسة الجمهورية فى اتجاه النيل ومحمد الامين شميلة يسكن فى البيت الكبير من ايام والدته المرحومة ومازال , عبدالله الامين شميلة يسكن فى الحلال الجديدة غرب المستشفى فى اتجاه الصحراء , المرحومة الزلال الامين شميلة منزلها فى مشو جنوب فى اتجاه مدرسة مشو الاميرية بنين. اعتذر للريس بكرى لمثل هذه الونسات الخاصة فى ظل غياب الماسنجر. سلمى انشاء الله تكونى عرفتيهم؟
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: خالد حاكم)
|
خالد ياحاكم عارف الونسة دى ذكرتنى ابوى عليه كل الرحمة وهو من علمنى كيف التقط (النسب) واعرف الاهل كان خبيرا بهذه الناحية وبرضو الحركة دى بتذكرنى المناسبات عموما فى السودان ولم يات كلام المولى عز وجل(وجعلناكم شعوبا وقبائل لتعارفوا)من فراغ نرجع لموضوعنا زمان فى الحوش فى العباسية كان يسكن معنا طلابا منهم محمد الامين شميلة،ومكى الامين شميلة كانوا بدرسوا فى المعهد العلمى لكن بعد انتهاء الدراسة سافروا للعمل فى السعودية ولا انسى ايضا على هلال لم التقيهم لكن العام الفائت قابلت مكى الامين فى عزاء الخال عوض عبيشى وازعم انهم ياهن زاتهن لك تحياتى ولهم اينما كانوا
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: سلمى الشيخ سلامة)
|
ياااه , ياله من زمن يا ام عزة, مازلت اذكر طفلة صغيرة جميلة تتشبث بامها دوما وكنا لما نسلم عليها بياعزنا, توارت خجلا وسرعان ما خطفت جزء من توب امها وغطت به وجهها ولكن عندما تحس بالامان كشفت عن وجهها بابتسامة ساحرة غريرة.. اليوم تخبرنا امها بخطبتها فسالت دمعة فرحا وعادت سيرةعزة الاولى..... كل الامانى العذبة للابنة الغالية عزة وخطيبها متمنيا لهمازواجا مبرورا نفرح به كلنا هنا , ومن هسى نحنا حانبدا البروفات لاخراج حفلة كاربة ليك.. بس ماطولو مبرووووووك ياسلومة........
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: سمندلاوى)
|
يا بكور الحبيب عندك ذاكرة حديد لكن البنات زى ما بتقول امى ضيفات وعزة ضيفة لكن انقر ما حارقانى فكرة انها تتزوج وتمشى لكن نسوى شنو؟ على الاقل الواحد بكون مرتاح نفسيا انه عمل المفروض يتعمل وكنت وما زلت ارهن نفسى لهذه العزوزة ولسه المشوار طويل اتمنى ان احمل وليداتها واونسهم واحكى ليهم حيكونوا ناس لذيذين الله يكبرن الكبرنى وسمحن مش بقول المغنى كده لك الحب دائما
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: Deng)
|
دينق؟حته واحدة كده؟ ياخ دا شرف كبير انك تجى وتشاركنا ما لاى سبب لكن لانك طوالى شاغلاك السياسة مرات بقول انه اصلك ما ممكن تجى لحتات زى دى وحات الله سعيدة جدا وفرحانة جدا انك جيتنا وما تنقطع مننا يا حبيب للتواصل المنشود بين ماهو سياسى واجتماعى غايتو لغاية بعد مليون سنه حاكون سعيدة بحضورك وانشالله نتلاقى فى السودان فى فرح عزوز واقول للناس دا صاحبنا العزيز دينق تسلم ومشكور جدا
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: Khalid Kodi)
|
ياسلااااااام خالد كودى؟ ازيك يا حبيب وينك طولنا من تلفوناتك وونستك الناعمة الحمد لله فى شوفتك ولمن يبقى اليوم داك حضورك مهم جدا وتمشى معانا السيرة ماحقت العريس حقت العروس من البيت للبحر ونجيب النخل ونعمل ال(كوشة) من تصميمك ويا خالد حلفتك ما تغيب
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: محمد عثمان)
|
سلامات وعوافي تدلقين علي المساءات رائحة الربيع .. تشرئب كلماتك الساحرات لتزف لناالذكريات اللطيفة .. ومثلما ظللت هنا تنشرين الرياحين والفرح .. جاءك الفرح معبرا عن امتنانه يا سلمى .. الف مليون مبروك "عزة" و"علي" .. واسال الله ان يمنحهم القدرة علي ارساء قواعد حياتهم بالمحبة والمودة اللطيفة .. واساله ان يجعل كل ايامهم سعيدة .. واساله ان يجعل السعادة رفيقتك الابدية يا سلمى .. مبروك للزميلة العزيزة الرقيقة المهذبة والكاتبة "المقلة" "سوميتا".. وللزميل "المقل" علي طاهر "طبعا الاتنين مشتركين في الاقلال" هاها..دا اتفاق مسبق موش كدة يا سلمى ..هاها وتبريكاتي لكل افراد اسرة علي طاهر ولكل افراد اسرة الشيخ سلامة واخصهم صديقي المحامي المهذب "حذيفة",,
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: رقية وراق)
|
رقية يا وراق يا زولة جميلة ومعجونة حنان ياخ مشتاقين وكل ما اتكلم مع عبد الاله زمراوى بتكونى فى كل المحادثة حاضرة وماعندى تلفونك وتانى مشتاقة ليك وتالت وعاشر ياخ ما تنقطعى
وبعد دااقول ليك نجيك فى سمح وليداتك يا سمحة وخلينا على اتصال نبل الشوق كان عندو حد شوقى ليك ما (بن وصف ) محبتى ابدا
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: Nasr)
|
مليون مبروك.. ومافي أجمل من فرح القلوب.. قلوب بناتنا وأولادنا وقلوبنا احنا.. وبالمناسبه دي.. عازماكي بوست شراكه نتكلم فيه عن تجربتنا كأمهات من لحظة الولاده..وربما قبلها بتسعة أشهر..حتي نصل لخطوبتهن او زواجهن.. عازماك مشاعر صادقه لا بتغيرها الأيام لا بتبدلها.. عازماك نتشارك الوصف والحكي عن حب لحظه ما بيقل وفي كل لحظه بيزيد.. قلتي شنو؟ ومعانا يكتب أي زول بناته ولا أولاده كبروا..
مبروك حبيبتي..هديتي ورد يشبهم ويشبه فرحتهم..وأغنيه شايقيه حنينه أرقص فيها شايقي بأحساسي بيها وبيهم واديك فيها شبال سمح..
وهديه أزهري جايباها وراجعه..ماتمشي بعيد..
| |
|
|
|
|
|
|
Re: الف مبروك .......عزة بتى وعلى طاهر الخطوبة (Re: Muna Khugali)
|
الحبيبة الغالية منى (عازماك نتشارك الوصف والحكي عن حب لحظه ما بيقل وفي كل لحظه بيزيد.. قلتي شنو؟) قلت خير والف خير لانه التجربة بتاعة ولادة طفل وتربيته(خاصة لام ) براها دى اجمل فكرة واتصور اننا مرينا بنفس الظروف الام القامت بكل حاجة دون مساعدة من الاب من اول يوم لاخر لحظة وصل ليها او وصلت ليها الطفلة او الطفل وما اكثر الامهات مثلنا فى هذه الحياة وما اعظم ان ينجح طفلك وطفلتى ويشبوا واعين لحياتهم دون مساعدة الاب عنى اشد على يدك فى هذه الفكرة ودور الحبوبة فى هذه الناحية لان عزة على صعيد خاص قامت بتنشئتها امى عليها كل الرحمة ودورى لم يكن مثل دورها وهذه حقيقة مع ذلك كنت اقف منحازة لدور امى وهى التى عرفت كيف تتشرب عزة بحياتنا ولغتنا اليومية احييك مرة اخرى ومستعدة لهذه التجربة
| |
|
|
|
|
|
|
|