نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) !!
|
عندما يتجرأ رجل سوداني من فئة ( المشاغلاتية ويعاكس امرأة أو فتاة أعجبته في الشارع ففي العادة يطلق عليه ( صعلوق بتاع مشاغلات)
والصعلقة في إبداء الإعجاب بكلمة غزل أو مشاغلة لا تعد سلبية تماماً بحجم صعلقة التحرش بالنساء لفظاً وفعلاً !
وفي الحقيقة وليس إنحيازاً لابن بلدي الرجل السوداني بقدر ماهي شهادة حق فالسوداني مهذباً حتى في صعلقته !
هذه حقيقة وبمقارنة موضوعية لشكل المعاكسات وكلمات الغزل التي يلقيها الرجل السوداني على مسامع الفتاة
في بلدنا وحتى خارجها وبين معاكسات بعض رجال الشعوب الأخرى ( مصر) مثالاً نجد أن الرجل السوداني يتسم بالتهذيب
في اللفظ والفعل ولا يتجرأ على المرأة بما يخدش إنسانيتها ويتسبب في جرحها وإهانتها بشكل بالغ !
مثلاً :
رجل سوداني يشاغل فتاة أعجبته فيستخدم عبارات مثل ( ما شاء الله تبارك الله) و( عيني باردة الله يحفظك)
و( يابت الناس بتكتلي ليك زول بسماحتك دي ) و( الحلاوة دي إلا في العلب) و( الموز ده إلا في السبايط )
و( ويييين يامنقة ) و( تسلم البطن الجابتك) و( سك سك سك وين ياحلوة) ومشاغلات على هكذا شاكلة وهي في مجلمها
ليس فيها مايجرح المرأة لفظاً أو فعلاً بشكل بالغ !!
وبحكم وجودي في القاهرة هذه المدينة التي أحبها من كل قلبي وجدت أن شكل المشاغلات فيها يختلف إختلافاً كبيراً
وللحقيقة تتسم المعاكسات هناك بشئ من قلة الحياء والالفاظ الجنسية المباشرة وبشكل فيه إهانة بالغة لكرامة المرأة !
أنا هنا أتحدث عن سلوك محدد لفئة محددة في مصر ( المشاغلاتية ) وليس كل المصريين !
فالشعب المصري فيهم أهل الحارة وأخوان فاطمة ومن يهبون لنجدة الملهوف
وكم من مرة رأيت بأم عيني من المصريين من يتصدى للشباب المعاكس بالزجر والضرب أحياناً !!
والسؤال هو :
هل فعل ( المشاغلة) وطريقتها يعتمد على ثقافة كل بلد وإسلوب بعض رجالها ( المشاغلاتية) في التعامل مع المرأة ؟؟
يتبع ,,
|
|
  
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: نادية عثمان)
|
فكرة "المشاغلة" فى مجملها فكرة جنسية بحتة ....
وقد تصير مدخلاً مبكراً لعلاقة جنسية قصيرة أو طويلة ... مصحوبة بعاطفة أو شهوانية بحتة ... مصحوبة بصك شرعية أو واقعة خارج مشروعية الدين (أى دين) ...
وقد تفشل فى جذب انتباه واستجابة الطرف الآخر ....
هنا (فى أمريكا) تحتفى النساء بـ "المشاغلة" انطلاقاً من فهم اجتماعى عام ببراءة ووضوح النية الجنسية المصاحبة لمحاولة كسر الحاجز مع الغريب ...
فالذى يشاغل ... يعبر عن إحساس إيجابى وغير عدوانى ... وإن لم يفيد ... فهو لا يضر ...
وهذا الفهم يبتعد جداً عن الغالب فى السودان والذى يتأرجح بين إضمار سوء النية تجاه المرأة فى فكرة جنسية لا تخلو من الإزدراء للمرأة واعتبارها علبة جنس واعتبار استجابتها سقوطاً أخلاقياً ... (يمكن للقارئ أن يستوضح الفكرة بالعودة لـ ياخ ما ممكن أعرس لي واحدة غلطت معاي ... و سوداني يحتضن مضيفة في الطائرة القادمة من باريس وسب افراد الطاقم) .... وبين الخوف من قسوة رفض المرأة السودانية للمشاغلة ...
لذلك يجنح السودانى دون غيره من الشعوب للتهذيب الذى يستر نواياه التى لا تشبه الشعوب الأخرى ... فالمفاهيم الجنسية السودانية يمكن اعتبارها أوضح ملمح لأزمة الهوية السودانية والشرخ الإنفصامى الذى يعانيه السودانيين بين ما هم ... وما يعتقدون أن يكونوا .....
... المهم .....
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: تبارك شيخ الدين جبريل)
|
في ماليزيا نهائي لا يوجد نوعية هذا السلوك
لما زاريا خلصت العالي مشينا السودان
يوم بتحكي لي عن انطباعاتها عن السودان والسودانين
وبفرح شديد قالت انه الناس بتشكر الناس في الشارع وتعمل compliment
قلت ليها كيف؟
قالت يعلقوا على لبسك وعلى شكلك يقولو ما شاء الله
وانت حلوة
وعرفنا انه اي زول شاغلها قالت ليه شكرا مصحوبة بابتسامة واسعة
وانحناءة للراس...
وضحكنا ضحك شديد عليها..
وكلمناها الناس دي بتشاغلك والمفروض تعملي التجاهل التجاهل اتجاهل
حق عمك مصطفى محمود
عشات تثبتي لامة السودان انك مؤدبة وبت ناس..
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: د.نجاة محمود)
|
ندوووش
بت حلتنا كل سنه وانتي بخير سنه سعيدة عليك
وعلى كل احبابك
اكيد المشاغلات او المعاكسات بتختلف تبعا لاختلاف انماط كل مجتمع
ودرجه تقبل الطرف الاخر وردة الفعل هل كانت استحسان ولا استنكار
في السودان عموما زي ما قلتي كبيرو البيقول يا عسل ويا سكر ( على ايامنا )
وما بعرف شنو صله الارتباط بين المعاكسه وتشبيه البنوته بالحلويات
اغرب معاكسه سمعتها قالها شاب لبنوته وهي سمحه شديد البت وتقيله
قال ليها انتي سمحه لامن حامضه
في اليونان الستات همفي الغالب البيعاكسن وبيسموها ( كااماكي ) ولما واحده تتعاكس
ما بتشاكل العاكسها بالعكس تتضحك وبتجي تحكي للدنيا كلها انها اتعاكست
غايتو كل ناس ورؤيتهم
موضوع جميل وهادف يا ندويه
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: 3mk-Tango)
|
Quote: واحد من السمساجين عبتو خالص عاين ليها كدا وقا ليها :
وين يا تتي حمامكم بدي ولا بعض ؟؟
البنت اتخلعت قالت ليو : سجمي انت مسجون من سنه كم ؟
|
والله يا تنقو انت بتجيب ليك كلامات قديمة خلاص..
أذكر انوا انا بسبب المشاغلة الفوق دي اخدت علقة ما حانساها ابداً..
ما كنت تجاوزت التاسعة وطلب مني احد اقاربي الكبار ان اقولها لموظفة
جارتنا وهي قادمة لبيتها من العمل،، وطبعاً اخوك ما عارف الحاصل شنوا
بس قولتها وجاتني ليك طوااالي وسألتني انت قلت شنوا وبكل فرح قلتها تاني
وبعدها عينك ما تشوف الا نور..... وكنت مندهش الزولة دي بتدقني لييه
نادية وكل المشاركين كل سنة وانتم طيبين..
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: 3mk-Tango)
|
المشاغلة يانادية بترتبط بثقافة اهل البلد ففي اليمن مثلا اذكر ان المعاكسات لاتكون بالكلام.... الشاب المشاغلاتي يكون شايل دبوس ـ ايوة الله دبوس ـ يشك بيهو البتعجبو... لذلك نادرا ماتجد النساء يسيرن قريب من الشباب... وحضرت كتير من الخبت والضرب في شارع جمال وسط صنعاء جراء شكة الدبوس.
اما في السعودية فالحكاية منصبة في كيفية ايصال رقم الهاتف وهو مايعرف بالـ"ترقيم" يعني الحكاية كتامي وهنا الخطورة... ويبدا التفنن من كتبة الرقم على اليد ثم التلويح بها او في ورقة واسقاطها الى جانب "الهدف" خاصة داخل الاسواق المغلقة... وهناك الكثير من الطرق لايسمح المجال بذكرها.
في لندن اصلوا مالاقيت انسان بشاغل... مش كده وبس بل مافي زول بعاين للتاني .. حتى جوة القطار حيث مايعرف بجلسة عزيزي المشاهد... اي الكنبات متقابلة لكن القصادك اطلاقا لاينظر ناحية الاخرين... يعني لو في واحدة جميلة تعاين وتقطعوا في مصارينك.
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: كمال ادريس)
|
كمال إدريس
تسلم أخوي كيفك
| Quote: المشاغلة يانادية بترتبط بثقافة اهل البلد ففي اليمن مثلا اذكر ان المعاكسات لاتكون بالكلام.... الشاب المشاغلاتي يكون شايل دبوس ـ ايوة الله دبوس ـ يشك بيهو البتعجبو... لذلك نادرا ماتجد النساء يسيرن قريب من الشباب... وحضرت كتير من الخبت والضرب في شارع جمال وسط صنعاء جراء شكة الدبوس. |
عليك الله دي مشاغلة ولا تعكير دم هسي ؟ ( وش مندهش)
| Quote: اما في السعودية فالحكاية منصبة في كيفية ايصال رقم الهاتف وهو مايعرف بالـ"ترقيم" يعني الحكاية كتامي وهنا الخطورة... ويبدا التفنن من كتبة الرقم على اليد ثم التلويح بها او في ورقة واسقاطها الى جانب "الهدف" خاصة داخل الاسواق المغلقة... وهناك الكثير من الطرق لايسمح المجال بذكرها. |
غايتو أكتر حاجة خوفوني منها في السعودية عي جماعة البنغالة ديل قالوا لي بيخطفوا عديل .. صحي ؟!!
| Quote: في لندن اصلوا مالاقيت انسان بشاغل... مش كده وبس بل مافي زول بعاين للتاني .. حتى جوة القطار حيث مايعرف بجلسة عزيزي المشاهد... اي الكنبات متقابلة لكن القصادك اطلاقا لاينظر ناحية الاخرين... يعني لو في واحدة جميلة تعاين وتقطعوا في مصارينك. |
سلامة مصارينك لكن والله عدم المشاغلة والمعاينة دي شئ راقي وحضاري برضو ,,
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: Isa)
|
Isa
Quote: أنا بس دايرة أأكد على كلامك عن المقارنة بين مصر والسودان؛ وهو ما حكته لي واحدة من أهلي أقامت في القاهرة لعدة شهور، وتقيم بصورة دايمة في أوربا وبتمشي السودان برضو في إجازات منتظمة مع أهلها،، لكن لامن سألتها عن رأيها وانطباعها عن الحياة في مصر كان ردها المباشر وبكل إستياء إنو الناس هناك:
mentally deranged (handicapped(
ودا بسبب طريقة المصريين في (المشاغلة) زي ما قلتي.. طبعا مع إحترامي لرايك الإيجابي عن الناس هناك..
|
بت أهلك كلامها صاح لأنو المصري ( فئة المشاغلاتية) مابيعرف حتى يميز بين بت الناس المحترمة والطالعة للربا والتلاف !!
جد لغتهم سخيفة وتطلع الزول من طوره شديد !!
| |
|
|
|
|
|
|
|
|
 Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: بكري عباس علي)
|
ندوية ..
أزيك
Quote: رجل سوداني يشاغل فتاة أعجبته فيستخدم عبارات مثل ( ما شاء الله تبارك الله) و( عيني باردة الله يحفظك)
و( يابت الناس بتكتلي ليك زول بسماحتك دي ) و( الحلاوة دي إلا في العلب) و( الموز ده إلا في السبايط )
و( ويييين يامنقة ) و( تسلم البطن الجابتك) و( سك سك سك وين ياحلوة) ومشاغلات على هكذا شاكلة وهي في مجلمها
ليس فيها مايجرح المرأة لفظاً أو فعلاً بشكل بالغ |
يا نادية النوع ده من المشاغلة لسة رايج ؟! في ذهني أمثلة كتيرة لمشاغلات ما بريئة ..لكن
خاااايفة ..أقول ؟
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: الحاج حمد الحاج)
|
الحاج حمد
حبابك أخوي
Quote: اتذكرت قصة طريفة عن المشاغلة ذكرت من قبل في المنبر و لكنها عكسية بنت شاغلت راجل:
قالوا واحد قاعد في عربيتو الفارهة جدا جنب سوق سعد قشرة و هو قمة في الوجاهة و تجلس بجانبه زوجته و هي قمة في الجمال و بينهما طفلة جميلة جدا ، جو اتنين من بنات الشفاتيات شافو المنظر و أعجبو و بعد خطوتين واحدة من البنتين وقفت و قالت مخاطبة الرجل: انت شرط و مرتك شرط و بنتك شرط و عربتك شرط!!! و واصلو السير و هن فرحات للتعبير عن مشاعرهن
|
ههههههههههههه
والله ديل بت لذيذة عدددددددديل !
أكيد الرجل وزوجته وبنته إتكيفوا منها والله
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: تبارك شيخ الدين جبريل)
|
الأخ العزيز تبارك شيخ الدين
حبابك ملايين
| Quote: لذلك يجنح السودانى دون غيره من الشعوب للتهذيب الذى يستر نواياه التى لا تشبه الشعوب الأخرى ... فالمفاهيم الجنسية السودانية يمكن اعتبارها أوضح ملمح لأزمة الهوية السودانية والشرخ الإنفصامى الذى يعانيه السودانيين بين ما هم ... وما يعتقدون أن يكونوا ..... |
ماعارفة لكن عندي إحساس إنك ( عصرت) على المشاغلاتي السوداني شوية !!
عاين :
بعض الرجال ماكلمهم لما بيشوفوا امرأة جميلة كأنما رأوا وردة جميلة فترى الواحد منهم يسبح بقدرة الخالق !
أها ده وعند رؤيته لتلك الحسناء للوهلة الأولى وبشكل خاطف كدا معقولة طوالي تفكيرو يمشي للمفاهيم الجنسية ؟
الموضوع ده موش بيكون عاوز ليهو شوية تركيز كدا في الأساس والمشاغلاتي نظرتو عابرة مابلحق يركز ذاتو ولا شنو ؟
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: عبدالله ود البوش)
|
نادية إزيك
يومى 15 و16 ديسمبر حضرت مؤتمر إقليمى عن التحرش الجنسى
فى القاهرة مثلت فيه 16 دولة عربة
نوقشت أوراق متعددة عن التحرش الجنسى وآثارة على المراة
من بعض المداخلات هنا . آراء ذكورية نفسها قد ذكرت فى المؤتمر
وهى أن بعض الرجال يعتقدوا أن المشاغلة ترفع من معنويات
المراة والمعلومة دى دحضت بإستبيانات ومقابلات أكدت أن المشاغلة
تشعر المرأة بالدونية وأن المشاغل شخص مستقوى عليها
كما أنها تعكس عدم الإيمان بحق المراة بأن تعيش فى شارع
تحس فيه بالامان والإطمئنان
كما أن المشاغلة إزعاج وتحرش سمج قد يقود لمشاحنات وحتى عدم رد
البنات إن كن راغبات فى الرد يعكس كبت سببة الاحساس بالاضطهاد
أتضح ان المشاغلة موجودة فى جميع الدول العربية الا ان مصر اكثرها
ممثلة اليمن قالت ردا على ان التحرش سببة البنات بما يرتدين
من ملابس وبالخلاعة ووو قالت فى اليمن النساء يكتسين السواد ولا ترى منهن
اى شىء وعلى الرغم من ذلك تتم معاكستهن بل المعاكسة فى اليمن معظمها
(قرص)
وأكدت ممثلة السعودية أنة على الرغم من العباءة والنقاب
فالمراة السعودية تسمع نفس الالفاظ التى تسمعها المصرية والسورية
والسودانية
المركز المصرى لحقوق المراة قاد حملة ضد التحرش حيث
نشر ملصقات فى المركبات العامة وفى الشوارع بعنوان شيل ايدك عيب
وكان للحملة دور كبير جدا فى التاثير على الراى العام
واثرت تاثير ايجابى على السلوك
كما اتفق بين معظم المشاركات ان كبار السن اكثر المشاغلاتية
وليس الشباب
شارك فى المؤتمر حقوقيين رجال وتم اتفاق على حملات عربية
ضد التحرش اللفظى والجنسى
من اهم ما ذكر قصر القوانين عن حماية النساء من التحرش
كما ان هناك ضعف فى ملكت رجال الامن فى الاثبات
وهناك حالة مصرية مشهورة اذ تمسكت شابة
تحرش بها شاب وهو يقود عربة وهى تسير راجلة فقد لمس شعرها
وطبعا حركة السير مكنتها من القبض عليه ووجدت شهود فحكم القاضى
على الشاب بثلاثة سنة سجن وكانت قضيه راى عام خطيرة جدا
ساعد فيها زى ما قلت ان اشابة تمسكت بحقها والمنظمات الحقوقية دعمتها
| |
|
|
|
|
|
|
|
|
 Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: مريم عزالدين صديق)
|
ندوية سلام ..
وسنة حلوة عليك يا رب ..
هل المقصود من المشاغلات دي المداعبة أم تحرش ..
لأنه كله أصبح محصل بعضه ..
في مصر ومن وجهة نظري يعتبر تحرش مباشر وليس مشاغلة أو مداعبة لأن الكلمات تكون جنسية بحتة وفيها قلة أدب مبالغ فيها لذلك تكون ردة فعل الفتاة كبيرة وممكن تلم الشارع كله بردها على من يعاكسها ..
لذلك يجب أن نناقش التحرش من كل جوانبه بما فيها المداعبة أو الملاطفة وممكن نقول المشاغلة ..
ظهرت في السودان أيضاً ظاهرة مشاغلة البنات حتى البعض منهن ممكن ( تصفّر ) لشاب أمامها ..
من النكات عن المشاغلات أيضاَ يقال أن هنالك 4 بنات ماشات في الشارع ..
واحد أخونا قال ليهن سنة يا البلابل ..
ردت عليه واحدة قالت ليهو البلابل تلاتة ونحن أربعة ..
رد عليها وقال إنتِ العاديك معاهن منو 
ونكتة أخرى ..
واحد أخونا مسطول راكب في الحافلة وفي الكرسي الخلف الباب طوالي ..
جات واحدة سألته ويييييين في إشارة للسؤال عن وجهة الحافلة ..
رد عليها المسطول وقال ليها ..
نحن قاعدين إنتو الماظاهرين
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: معتصم دفع الله)
|
معتصم دفع الله أخوي الغالي
سلامات يازول يانقي
انت هنا ولا رجعت ؟
Quote: لذلك يجب أن نناقش التحرش من كل جوانبه بما فيها المداعبة أو الملاطفة وممكن نقول المشاغلة ..
ظهرت في السودان أيضاً ظاهرة مشاغلة البنات حتى البعض منهن ممكن ( تصفّر ) لشاب أمامها ..
من النكات عن المشاغلات أيضاَ يقال أن هنالك 4 بنات ماشات في الشارع ..
واحد أخونا قال ليهن سنة يا البلابل ..
ردت عليه واحدة قالت ليهو البلابل تلاتة ونحن أربعة ..
رد عليها وقال إنتِ العاديك معاهن منو
ونكتة أخرى ..
واحد أخونا مسطول راكب في الحافلة وفي الكرسي الخلف الباب طوالي ..
جات واحدة سألته ويييييين في إشارة للسؤال عن وجهة الحافلة ..
رد عليها المسطول وقال ليها ..
نحن قاعدين إنتو الماظاهرين |
والله العظيم المسطول بالغ عددددددددديل !
هههههههههههههههه
ياخ دي سطلة بت لذينا عديل !
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: مريم عبد الله)
|
نادية نهارك سعيد
هنالك نوع اخر من المشاغلة ظهر مع ظهور بعض الاغانى
وبمناسبة . العيون.:-
اعمل لى عيونى شنو
اعين ليك مانى براى .. بتعاين معاى صفوف
وعيونن مابتشوف حسنك اخير سيدن يكون مكفوف
واخر :-
عيونك كانو فى عيونى
:::
شوف العين شن بسوى لى جايعن قصدو يشبع
..
حدثت فى الثمانينات
واحد راكب فى الحافلة وركبت جنبو بت سمحة جد ومالاقى اى مدخل للونسة معاها
وفى لحظة فتحت شنطة المدرسة وطلعت قلم رصاص وبدات تكتب .
صاحبنا هنا طوالى راح قال ليها
ممكن استيكة امسح بيها احزانى .... لو سمحتى
فردد عليه... مدخلك بايخ وثقيل
وراجع ليك
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: مريم عبد الله)
|
الأستاذة نادية - سنة جديدة وسعيدة ليك والمعاك
شفتي الدكتور صلاح البشير دا - رجل لطيف وظريف وحريف (تكسير تلج) بعرف كيف يجذب
البورداب لبوستاته البعملها، واصبح البقروها جلهم من أخوات الكنداكة هههههههه
كدي شوفي في واحدة بتغازله في بوست - هل من المعقول أن تتزوج بمرة ثاني ....)
بتقول ليه في رسالتها:
Quote: الدكتور صلاح البشير
كما تقول لك التحية ووافر الإحترام
وبرضو سلام عليك الف وعلى أهل سودانيز اون لاين، والله يا دكتور عجبتني جنس عجب كدى قول لى اتا البتفتش عليها دي دايرا تكون كيف باين عليك بتعرف تدخل قلوب البنات غايتو عثل يا ناث هسه عليك الله يادكتور اتا براك كدى ما عندك مره ولا كايس تدبل انا غايتو جاهزه مرة تانية ولا تالتة ولا عاشره مافارق معاى كان بلقى زول زيك لكن ما اكضب عليك يا دكتور كا بقيت ليك اولى بكتلك كان عرسته فيني عليك الله يادكتور نزل لينا صورتك زي ما كتير من ناس سودنيز اون لاين بعملو عايزين نشوف العثل ده عفصت قلوبنا ياخ واتكسرنا ده حالتو ما شفنا العثل وحياة كا البتعزهم نزلا خلينا نملى عيونا منها يمكن وبث
المخلصه
أ . ح |
أها دا واحد - وأمشوا عديل للرابط حقه بتشوفوا العجب من المشاغلات...
شكرا على هذا الطرح أستاذة نادية
سلمتي
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: حمد إبراهيم محمد)
|
هاجر ياخى مالك دايره تبورينى سوقنا براهو واقف مش اهلكم زمان قالو الراجل عيبو جيبوووالله وحات خوتك ومعزتك دا ماعيبى وزيدى كمان عليهو انى بقدس الحياة الزوجيه واخليهابرنسيسة زمانا وأخلى امها ملكه دا مخسوس لى نسيبتى الدكتوره انتى بس ياهاجر بطلى حساده لكن كان خاته عينك على ممكن اعزرك واقول انك ماحاسده بعدين انازمنى داكلو مامرمى قدامك هسى عشان لقيت البرفكت ماتش بتاعى بقيتو تجغلبو انتى وندويه بعدين ياناديه اناعمرى اربعه وتلاتين جد وحات خوتك لكن زى ماقلت لى هاجر جاااااهز بس انتو بطلو حسادهاانتو لاترحمو لاتخلو رحمة ربناترحم
بعدين يادكتور ماتشبكينى مويه وتلج وبتاع شاور البت يمكن تكون رضيانه
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: هاجر التهامي ياسين)
|
أختنا العزيزة نادية ...
غايتو بوستك ده كان أجمل وأطرف إفتتاح للسنة الجديدة .. والله ضحكت من تعليقات الزملاء و من طافتها و بالذات تعليق عم التنقو .. والله فكيتو قرفتي
وإيضآ تعليق دبيان حول ما حدث لبنتها وتعليقها على أغنية أبوعركي (شفت التوب) لشاعرها الراحل عوض جبريل والذي وصفته بأكبر(مشاغلاتي) .. ولقد تغزل قبله إيضآ التجاني سعيد حينما كتب (من غير ميعاد) وهو طالب في سنة أولى ثانوي بمدرسة المؤتمر بأمدرمان و غناها وردي وشوفي غزل التجاني ده يا ستي
وكلامه العجيب والذي لا يقوله سوى زول مانصيح:
من غير ميعاد واللقيا أجمل في الحقيقة من إنتظار
صحيتي في نفسي الوجود ورجعتى لعيوني النهار (أبو الزفت)
و تعالي شوفي
كل الطيوب الحلوة يا مولاي و الجيد الرقيق
واللفتة والهدب المكحل ولفة التوب الأنيق
خلتني عايش في صراع يعبر رؤاي إحساس عميق
حنانيك التجاني سعيد ولك و للأستاذ وردي أجمل التهاني بالعام الجديد .
ولعل من أشهر المغازلات نسبت للراحل الشاعر و المغني عمر البنا .. وقيل أن أعجبته إحدى حسان أبروف فتابعها من بعيد حتى دخلت منزلهم .. وصار يتردد كل يوم ويقف على البعد لعله يحظى بنظرة من تلك الحسناء ودامت جميع محاولاته للفشل .. وبعد عدة أسابيع من الترقب هداه تفكيره لخطة تمكنه من رؤية محبوبته .. فذهب و نادى على الصبية الذين كانوا يلعبون في الشارع فناداهم و منحهم مبلغ من المال وطلب منهم أن يصيحوا بأعلى أصواتهم ( النار النار قامت)
وبدأ فعلا الصبية يتصايحون وذهب ودالبنا ووقف قبال باب منزل الفتاة .. وماهي ألا لحظات وأن إنفتح الباب و أخرجت الفتاة رأسها لترى خبر النار .. فبدأت تتلفت قائلة (وين النار) فرد عليها ود البنا (النار في قلبي).
شكرآ نادية و كل عام و أنت بخير
| |
|
|
|
|
|
|
|
|
|
Re: صعلقة (المشاغلاتي) السوداني بالمقارنة مع صعلقة (مشاغلاتية ) الشعوب الأخرى !! توجد ( منقة ) (Re: Mutafa Gasim)
|
صباح الخير
عندنا صاحبة من بنات المعهد كان بتمارس اسلوب الصدمة ذي بشاشة
لو الزول شافها تديك انطباع انه الغنماية تاكل عشاها
بعدين ضعيفة وناعمة شديد لكن جن مصرم
عندها مئات القصص جزء لنشر وجزء ما للنشر
مرة راكبين الحافلة جاين المعهد في قصر الشباب
هي وزمبلتها من الجنوب هي بتشبه الارترين شبه شديد
ولكن حلفاوية.. اها في ولدين قصادها في الحافلة بتكلمو بالرطانة
الزميلة الجنوبية الكمساري جاها دفعت ليها وللاخت
وصلو المعهد نزلوا الاخت مشت اتكلمت مع الولدين بالشباك بالرطانة
الاولاد والعهدة على الراوية عيونهم كانت عايزة تقع من الهجمة
والحافلة اتحركت
اهاالاخت الجنوبية سالت الزولة دي
انت بتعرفيهم
دي بكل بساطة قالت ليها ما بعرفهم اولاد قليلين ادب صعاليق
تصوري واحد قاليه البت دي سمحة التاني قاليه لكن صعيفةو معصعصة
يل الاخت الجنوبية قات لهاقلت ليهم شنو انت
قال قالت ليهم بالرطانة
مافي مشكلة في الضعفة لو السماحة في لما اعرس واشرب الموص بسمن................ (سنسرة)................(سنسرة)
اها اختنا الجنوبية آمنت انه زولتنا دي صعلوقة يجب الحذر منها..
| |
|
|
|
|
|
|
| |
Hisham Amin
Ahmed musa
تبارك شيخ الدين جبريل
الصادق صديق سلمان
فاروق أبوحوه
مريم عبد الله
قاسم المهداوى
رغيم عثمان رغيم الحسن
Ahmed Alim
كمال ادريس
Nasr
WAD ELGAALI#4
د.يوسف محمد طاهر
Balla Musa
بكري عباس علي
داليا حافظ
nazar hussien
طارق عبد اللطيف نقد
الحاج حمد الحاج
عبدالله ود البوش
خالد أحمد شطة
baha eassa
جمال السنوسي
صديق الموج
مريم عزالدين صديق
khaleel
معتصم دفع الله
المعتمد
أسامه الكرور
Yasier Elsayed
العوض المسلمي
فيس بوك
تويتر
انستقرام
يوتيوب
بنتيريست