|
|
|
 Re: دعوة لتكوين جمعية التراث لمنطقة الشايقيه (Re: خالد علي محجوب المنسي)
|
الأح أبو الحسين والإخوة الأكارم
من هنا أطلق الدعوة إلى تكوين جمعية بعث وحفظ تراث منطقة الشايقية ويمكن للجمعية أن تكون لها صوالين في مختلف المناطق تجتمع في يوم خميس من كل شهر..للقراءات الشعرية وحكاوي التراث ومن ثم نقوم بتجميعها في كتاب أو سي دي حفظا لها من الضياع..خاصة وأن أجيالنا القادمة تكاد لا تعرف شيئا عن تراث أجدادها..وكضربة بداية...فأن منزلي المتواضع يرحب ويفخر بأن يكون صالون الشايقية بالخبر ويمكن أن تكون هذه المسألة دورية حتي تكون جميع بيوتنا صوالينا لتراثنا الثر..ما رأيكم دام فضلكم؟؟؟؟؟
| |
 
|
|
|
|
|
|
|
 Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: ها ناس مالقيتولكم خبر من البنية ست البيات
يا ابوالحسين والله شوف لك صرفة واتر خبر البنية دي
وكان شوفتها لحدي يوم الجمعة ان شاء الله أنا ياني المركب أحمد وليدي فوق حمارة وأمشي ينشد خبره في الحلال التحت والفوق
خالد محجوب |
والله يا خالد أخوي يبقى لي الحكايي دي طالت تَبْ...
ويبقى لي ياها البِقَت علي القِفْرِي!!!
وبقت عليكم إنتو... لأني يبقى لي كدي البنيي دي في بلاد برة ولة شنو؟؟؟
وكمان كان أترتولي خبرها هني في الخليج ياني المسرِّج قبل الجمعة!!!
عساك بخير يا ست البنيات لا حدَّهِن...
مودتي...
أبو الحســــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
إخوتي الكرام...
صبحكم الله بالخير والرضا...
تكريم شيخ العاشقين... الرائع عبد الله محمد خير...
نقلاً عن الأخ طارق الشيخ... من سودانيز أُوف لاين...
ـــــــــــــــــــــــــــــــــــــــــــــ
بسم الله الرحمن الرحيم
اهلى الحنان و زينييين
نعلكم طيبييين
مفارقات الحياة في عطائها وابتلاء الباري عز وجل لعبده بالمرض ضرب نعمه ومغفره وخير لما فيه العباد كارهون. لك يا شيخ العاشقين استاذ الجيل عبدالله محمد خير ألف تحية وأنت تتعفف في المرض كما في كلماتك ..
هيا يا حلوين ... لهيب اشواقنا ... شاوينا
ويا حلوين ... بسيمات مين ... تداوينا
ويا حلوين ... نقول ... لى مين ... غناوينا
وقصائدنا .... تفتش ... عن عناوينا
وما اجمل .... عناوينا ...
*********
ظللت عزيزنا الغالى تعاني وتكابد الآلآم والسهر بذلك الجسد المرهف الذي سكب عصارة الآهات وعذب الحديث فصار أكثر شفافية فوضع الزمن بصمته على الملامح بعد أن وهن العظم.. ولكن!! ظلت دواخلك في دفئها أكثر شباب.
يا بت عليك ( زاد الشجو ن)
وبوب مارلى والحزن القديم
اتمهلى لا تستهزى بىّ
عمك انا ... وجدك كمان
لكن مصيبتى على العلى ّ
بهوى الجمال
وبهوى السبيب كلما هو طال
وبهوى الصدير كل ما حضن رمان وشال
وبهوى البنات كلما بقن شبه الغزال
وما فيش بلا الهوى بين ايدى
ظلت دواخلك ترسل الشجون بحرفٍ حنون يدخل القلوب بلا إستئذان وفي روضك المحفل بجمال النظم تغدق علينا عصير من سلاف احساس يتقطر شهداً كلما برحت الآم المرض وسكن الداء لأن أصل العله ليست له دواء سوي المسكنات ففشل الكُلي صعب تداويه.
محبي الجمال عشاق الدهشة فى تواتر الشجن على مسبحة شعراء أغاني الطنبور حبا حب وودا ود .. ظل الأستاذ عبدالله محمد خير صابرا صامد لفترة طويلة جدا يواجه مصيره يتنقل بين ردهات المشفي حاملاً آلامه وأوجاعه فصار ملازماً لها شهرياً أو دون ذلك، لغسيل الكُلى. أي جوف هذا الذي يزدرد حرقه ويُخرج أطيب الحديث .. ما أطيبك .. ما أجملك .. ما أنبلك. ولأنه عزيز يحمل قيم معانيه ويترفع في معاليه لا عن تكبر ولكنه صبر وجلد لم يشكو أو يتضجر من مصابه وهو أحوج للوقفه والمساعده. أنه سموه المعهود فلقد كان سبّاقٌ في العطاء ووجب مبادلته ذلك بل هو حق مستحق.
عشاق الجمال نحن اليوم بصدد رد وفاء لأهله الذين ما فتئت أنغامهم تطرب الآذان وتلهب الوجدان رجال زرعوا البهجة والفرحة في قلوب الجميع وهم اليوم أحوج من أي وقت مضي لأن نرد جميل عطاياهم ولو بقليل لأننا نعلم أننا لن نستطيع إبفاء وتر الإحساس حقه ولن نستطيع أن نوفي سنين طوال من الإبداع بأي حال من الأحوال لرجل من ركائز الشعراء المبدعين لكننا نحاول أن نتقاسم معه قليل من آلامه.
عشاق الجمال ندعوكم جميعا لحضور ليله الطمنبور المقامه بارض المعارض ببرى امسيه التلاتاء الموافق 30/1/2007 والتى سوف يتم فيها تكريم شيخ العاشقين الشاعر المبدع /عبدالله محمد خير وذلك برعايه الشركه السودانيه للمناطق والاسواق الحرة وبمبادرة كريمة من السيد المدير العام الدكتور / حسن احمد طه صاحب المبادرات الانسانيه واشراف شخصى الضعيف وبمتابعه لصيقه وحرص شديد على انجاح هذا العمل من الاستاذ الشاعر المبدع /الفاتح ابراهيم بشير وابن اوسلى الشاب الرائع الخلوق عثمان عبد الباسط وبمشاركه نخبه من فنانى الشمال والشعراء المبدعين حاتم حسن الدابى , محمد سفله واخرين .
كرام القوم نحن نثق في وفائكم لأنكم جبلتم علي ذلك فما طريتم لجميل المعني إلاّ لأن له مساحة في دواخلكم المشرقة ونحن اليوم ندعوا النور فيكم ليشاركنا تكريم الأستاذ/ عبدالله محمد خير .. قنديل الفرح .. ساحر الكلمات .. ناثر الدهشة، علّنا نطرق في ذلك باب الجميل طرقا خفيف ونقول له: لأنك بدر التمام صعب علينا مبادلتك الضياء لكننا نشرق من بين حروفك لنرد شئ من الوفاء.
حديثك شوقنا ليك قلنا ما اى حديث نسمعوا
قلنا أصلك ما بتريدنا ويلا قلنا نقوم نرجعوا
انحنا جيناك وقصدنا كان والله شملنا بيك نجمعوا
لو يدور يفارق بينا زول لا نبارى ولا نتبعوا
تعالوا جميعا لنرد الوفاء والحب لشيخ العاشقين الذى طالما اشجأنا بكلماته الرائعه التى يرددها ويتغنى بها اصحاب الذوق الرفيع والعشاق والمتيميين الذين عبر عن عشقهم بكماته الرائعه . اليس هو القائل
اصحى وصحى المشاعر لبيهو نداء قليبك
ابني طريق من أزاهر يصل بينك وبين حبيبك
معاك تصفي الدنيا تحلى يطيبها يا طيبه طيبك
تعيش سطور السماحه وخيال الناس يحييبك
متل بالحب ماابتلاني الله بعدو الريد يصيبك
تباري خطاى تتبعيني ده انا الكليت فوق دريبك
شياطين شعرى سون فى وقبل ما يبقي جوابك لبيبك
اذا جفى مدادى قوافى فلا شك يكون ده عيبك
دريباً كان منى ساقك هو نفس الدرب البجيبك
متل ماعاد لى حبيبي بعود لى ضرعك وجيبك
تعالى تعالى وانثري درر قوافي وشعر صافى يكون حليبك
يعاود روضك نضاروا ويزينو غناء عندليبك
قريب يا دار الحبايب معانا ينقز دليبك
يقلّب فى الدار صيدك عجيب يا داره قلّيبك
حسان الانس والجن بنات الحور اباهيبك
سماح الكون بيك يبدا وسماح وعقب ينتهيبك
عشان كدي يا نور عيوني صباحى مساي الاهيبك
مصيري خلود فى جنانك ما خد حقى انا في لهيبك
دموع عيني الهميله انا كفاى وكفاكن صبيبك
دحين ارتاحى من عذابك خلاص ولى زمن نحيبك
رموش افراحى الجميلة الله لا جاب ايام مغيبك
بحر عطفك فاض غمرنى على زادن مناسيبك
معاجيز وآيات جمالك تخلى الوراء يقتديبك
خدودك كرز معتق يحدثبوا حساء نديبك
وزارات صدرك تخوف قريبن تب مو قريبك
كسي الارداف بي ظلامن بحر واتهادى وضيبك
احبك وقادني لى حبك حياء ادبك وتهذيبك
احبك واعشق دلالك غرورك وحتى تعذيبك
احبك ويفرحنى صدقك بطرب لى اكاذيبك
احبك وغاية مناى اني اكون آخر مجاذيبك
احبك وكيف ما احبك حبى قدرك ونصيبك...
ــــــــــــــــــــــــــــــــــــ
يلة يا بورداب الداخل منتظرين منكم صور المهرجان الرائع...
وتشكرات تشكرات أخي طارق ومزيد من الإبداع...
قواسيب مودتي...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
الجزء الثالث
من قصة حُمد إحمد التمرجي...
الخبر إتفشى في الحلِّي , حمد احمد مسافر .... حمد احمد مسافر ... البطان يلاقوهو في الدرب يقولوا لو ... وا حلالك ... آ حُمّد إحمد ... بغرانين منو ... عليك الله لا تنسى ترسل لنا صورتك ساعة تنصور هناك ... مع الجوّاب ... وترسل لنا معاها هديي ... وا حلالك تمشي تشبع في الباسطة والبستي كولا...نحنا سنيناتنا إنشَرَّمَن ... من كَدْ الدوم وأكل التمر ... بس أوعك من لبس العراقي الأفرنجي والبنطلون ...
قبل السفر بى يوم .. وأمو ماها راضي سفرو دا ... دميعاتا ينقطن , تقش فيهن بى طرف توبها , زي القاع تمسح في الدوكي للعواسه ... قالت لى أبوهو ... أسع الولد ده بى حالتو دي نافعنا هني ,... يرد الموية من الحفير يسقي فينا , ويحش في القش للبهايم , ويترسل لنا هني وهناك , وأخوانو الكبار كلهن سافروا , أسع لا قدر الله , إنتا في العفار الليلك اللا برا ده , انا إن بقيت رقدت في العنقريب , الموية من الزير البيديني ياها منو ...؟ قال لها يا آمني .. عليكي الله كدي أحشي خشمك ده ... الولد ده زولاً خربو بلاكي إنتي ماهو في ... خليهو اليمرق لا برا يتنشل شويي ويبقى زولاً فيهو فايدي بتل أخوانو ...إنتي ماكي دايمالو وأنا ماني دايم لو ...
يوم السفر جاء ... بعد المغيرب كدي .. , جن عماتو وأعمامو وولادن خيلانو وخالاتو بى ولادن وبناتن وأهلو القراب قراب فشان يودعوهو ... الشايلا لها قراصةً ممرة اللت تمر .. والشايلا لها جنى جداد ... والصّارَّة جُرُم وشوية تميرات في خريتي ... أمو عندها ديك مسكتو ضبحتو ليهو... ختو لو الشي ده كلو في كريتينة صغيري وربطوها بى حبل الليل آشميق وقالوا لو أبقى عشرة على الكريتينة دي , القطر ده يبقى يتكسربكن في الدرب قبّال يصل محطة الكاب .. أبوهو قال لو أمش فض الشنطة المجوز اللت الحديد ديك خت لك فيها ورق جرايد بى تحت وخت فيها هدومك ديل لا تكرفسن ...انا سويت لي تلغراف لى عمك فشان يلاقي القطر ... لا تمشي تتلفت في المحطة بتل البومه كمان ما يلم فيك ... ودعوهو الناس والصباح بدري قبل النجمة ركبوا المراكب وعدوا على كريمي ... وحمد إحمد مَجَبِّصْ الطاقيي الحمراء فوق راسو بس الطبق الكافنو فوق الزير ... مرة مرة يعاين لى جلابيتو ويبرم الطاقيي فوق راسو , ويدنقر يعاين للجزمة ... وصلوا المحطة ... لقوا الباخرة جات من دنقلا وبايتي في كريمي والناس مرقوا منها وملوا العربات اللات القطر , ستَّفوهن ستيف ... باللّت الله أبوهو لقى لو بكان قعدو فيهو ... حِجِّي وكواريك نامن دار تجيب لها كَفَتِي بالايدين ... وَصَّي لو راجلاً كبيير كدي قال لو عليك الله خَل بالك من الولد دا , أول مرة يسافر ويركب لو قطر ... دقوا الجرس للقطر ابوهو ودعو .. وأخد لو بكييه كدي وغمت لو مصيريفات في إيدو وقال لو خلك نجيييض وابقى عشرة على رقبتك والجواب ده تسلمو عمك في إيدو ... سمح ...؟ أها ودعتك الله ... حمد إحمد بقى يَجْعُر ... وماسك في إيد أبوهو مو دار يفكها ... والقطر ماشي متحرك ... عِلا نتقها منو وجرى نزل ... القطر فات لو تلاتي محطات كدي , الناس مرقوا زوادتن للفطور ... وريحة الجنى جداد والقراريص الممررة طقت البلد ... الجماعة القاعد جنبهم ديل فرشوا لن جريدة وختوا فطورن .. ساعتو الركب قبيييل كانوا موقفين القَمِيري معاهو ومع أبوهو فشان ضايقن في البكان ... قالوا لو إتفضل ... تعال جاي مد إيدك مع الناس ... جرّا الكريتينة اللتو من تحت الكنبة مرق زوادتو ومرق الديك المحمر ختاهو ليهن في النص ... خلوا الشي الكُتُر كلو , ووقعوا في الديك ... سووا لو سواتن ... يحكوبا في الحُجِي ... بعد ما فطروا , قبّلوا على حُمّدإحمد يلحسوا في أصابعيهم ... قالوا لو : أعفا لنا يا ولدي , نحنا قبيل شلنا الفسالي معاك ساكت ... بعد مسافة , حمد احمد بقى يتململ ويهبش في بطنو ... كتّر في الطحنيي بالمربى .. يغرف فيها غرف الحاجي بى إيدو بلا رغيف... لواكة ما قاع يلوكا ... بس بلع الجدادي .. قال لهن :- القطر دا ما فيهو مستراح ...؟ قالوا لو أمش هنوووك على آخر العربيي بتلقاهو ... الطريقة البتوصلو ماها في ... الناس أكترن فرشوا تحت ورقدوا , شي بطان وشي حريم ... بقى يفشق بى فوقن ويمشي والقطر يلولحو مرة جاي ومرة جاي ...رفع كراعو دار يعدي هبرت لها فوق مرةً متكبتي بى توبها وراقدي ... كوركت فوقو نامن إنهجم ... ووب عليّ , قلمها ... قلمها ضمّه ...يا يابا يعفصك الفعلتو والتركتو . .. إنت الشي بلا تشوف الشي , تشيل الشي وتختو فوق الشي ..؟ عيونك مَليَّسَات ..؟ يسوي لها في المعليش يا حاجة ... معليش يا حاجة ... يا يابا تحج في جَبَل الكُدُنْدِي ... كراعك قدر الدُقشي ... شايل لك جوبيل وحايم بو ... وا نصايبك يا دار النعيم من الوقعت عليكي ... أمشي لى ناس العرس عَرجِي بتل حمارة الحلب ...؟ راجلها ماسكها من إيد وولدها من الإيد التاني ... وحمدإحمد متمحن في اليسويهو ... الشي الجاء عشانو راح ضمّه ضمّه ...
ولكم مودتي... وتحيات الأخ عبد العظيم الطاهر...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: ست البنات)
|
بسم الله الرحمن الرحيم
سلام ياهلنا..
الاخت ست البنات..الحمد لله علي السلامه..
سافر
.......
للشاعر..الفاتح ابراهيم بشير
................................
غناء المبدع... جعفر السقيد
............................
................................................
عليك الله سافرعليك الله شيل الأمانى معاك
وشوف البيبكى عليك أو حتى يترجاك
أنا تعبتا خلاص من جورك انت على
تزعل بدون اسباب ومن تانى ترجع لى
خليك معاى واضح لا يبقى قولك نى
يا انت ابقى معاى يا انتى ماليك بى
رغم الحصل والكان ياما صبرتا عليك
كان العشم جواى تصدق معاى عينيك
لكن غرورك فاض كتل البراءة الفيك
خلاك تقول مجبور أنا بكره برجع ليك
اوعك تظن فى يوم أنا قلبى برض الذل
او يستكين هيمان ويرجاك عند الضل
انت الفتحت الباب وقت للخصام ادخل
وانت الزرعتا الشوك وقلعت شجر الفل
أنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فوق الكرامه وداس
مجبور اقول القول القالوا بوفراس
فى شعروا قالوا كلام مدهش جميل يسبى
لا تملك الحسناء مهما تكون قلبى
أنا برضى زيو كمان أعلنت لى حربى
وعايش قليبى بقول يا اخوانا آيه ذنبى
والله يا المريود خليتنى فيك محتار
مرات بشوفك نور مرات بحسك نار
مرسالى وكتين جاك قابلتو باستهتار
وما تنسي أى حديث دائماً بدايتو شرار
يا قلبى اصبر اصلو الظروف قاصداك
معليش إذا جاء الليل وخيم على دنياك
عذراً إذا الأحلام اكبر من الإدراك
وعفواً اذا حبيت زول ماعرف معناك .
.............................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
ريحة التُراب...
إهداء إلى الجميع... ملطوشة من حوش الغالي ديامي بالبركل...
ريحة التراب
والله ياريحة التراب .. شديتنى للماضى البعيد .. عبر الزمان
فى اللا مكان .. عبر البكون .. جوه اللى كان .. مشوار غريب .. حفيان
وطيت جمر ام لهب .. الروح تهيم .. فوق النجوم … والفانى … .. مطمور فى التراب
والله ياريحة التراب
كيفن يكون درب الوصول … لى ساحة ما شقاها زول
من دونى دونك .. ألف باب .. وكم حجاب .. وكم ستور
مندلى يا ريحة التراب … أصلى مليت العذاب
جيتا خايد فى الضباب … شوق ليالى الغربة .. فى اعماقى داب
الحنين … جوه جوفى … قصة ما شافت كتاب
الصغيرون.. .. بى شقاوة الدنيا يا ..يمه شاب
والله يا ريحة التراب
العطش يبس لهاتى ,,, جيت أهاتى … جارى … لى موية الرهاب
والله ياريحة التراب
جيتا تعبان .. داير ارقد داير انوم
انسى نفسى … والشقى القاسيتو … فى وادى الهموم
داير ألولى النسمة … بى فرحة صغير كره السموم
والله ياريحة التراب
ريحة التراب. والله يا ريحة التراب … لازم ..أوصل مهما كان
أوعى!!.. ما توصينى كنا وكان زمان .. الزمان
يا أصلى ماليه أمان
ونحن فى ساحاته … !!.. زى خيل الرهان
والله يا ريحة التراب … لازم أوصل مهما كان … حتى كان
سدت سواعد الليل .. !!..دروب الكون وما خلت مكان
حتى كان جار القدر …. !!.. شدانى فى قاع الزمان
مو ضلام الليل بشيلو …. !!.. وبمشى لى فجر الأمان
يا سلاسل القدرة … ما برضى الهوان
بمشى فوق المستحيل …. !!..بقدل وبتبختر كمان
لازم أوصل … لى مشاتل ريدى … فى أرض الحُنان
والله يا ريحة التراب
......................................
وإلى أن نتقابل يوم السبت...
فتكم في أمان الله...
كميات مودتي...
أبو الحســــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
| Quote: إنت الشي بلا تشوف الشي , تشيل الشي وتختو فوق الشي ..؟ عيونك مَليَّسَات ..؟ يسوي لها في المعليش يا حاجة ... معليش يا حاجة ... يا يابا تحج في جَبَل الكُدُنْدِي ... كراعك قدر الدُقشي ... شايل لك جوبيل وحايم بو ... وا نصايبك يا دار النعيم من الوقعت عليكي ... أمشي لى ناس العرس عَرجِي بتل حمارة الحلب ...؟ راجلها ماسكها من إيد وولدها من الإيد التاني ... وحمدإحمد متمحن في اليسويهو ... الشي الجاء عشانو راح ضمّه ضمّه ... |
زولك كرب البطينا تب وبقى يفتش للمستراح .... بركة الما سوى ليها في رأسها عند انشتاحتو دي
بالله ما شحتفنا كتير وتنزل لينا الجزء الرابع بعد شهر سرّع شوية مع أننا عارفين المشغوليات لكن رأفة بنا ونحن متابعين لا تتأخر
ولك مودتي وتقديري واحترامي
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
Quote: بسم الله الرحمن الرحيم
عزيزي خالد علي محجوب المسني ..ابؤاحمد..
سلامات الجعلي الاصيل..
نحن طلعنا جيران و احتمال اولاد خالات كمان..
اهلنا من السيال .. المتمه .. شندي فوق
مربع تسعه .. خاصه سوق الشجره ..
الوالد سنجك نمره واحد..
الوالده جعليه ميه الميه..
اتلمو كيف الله اعلم.. |
الحبيب حاتم كيف أمسيت يا عزيز علك طيبة وكيف أنت يا أخوي شوايقة وجعليين ودينكا وفور ونوبة كلنا ولاد تسعة وتسعة وأكرمنا عند الله أتقانا لكن أفرحني الخبر والدم بحن
كدي قول لي انت أهلك منو في مربع تسعة وسوق الشجرة الناس ديل كلهم جيرانا أنا من مربع 8 وأختي الكبيرة متزوجها جعلي من السيال
لك تقديري ومودتي
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
| Quote: زولك كرب البطينا تب وبقى يفتش للمستراح .... بركة الما سوى ليها في رأسها عند انشتاحتو دي |
أبوالحسين سلامات وعلك عافي تب
والله بتخيل في منظر حُمد إحمد بعد ما شبع تب ودفس البطيني شى جداد وشي قراسي ودمعي وشي جنى جداد مسلوق وشي وجرم وتمر ... وبعد غلط علي البطيني بالمربي هي السوتا فيهو ماصّت الفي البطيني وقعد مزرزر عويناتو زي فار القنقر لما اسمعلو حركة ويعصر علي الكنبي جاي وجاي واتمحرك لمن غلب حيلي تب قام سعل من المستراح وينو ؟؟؟ وقام انطط زي كلب الحر فوق رسيين الناس لامن عفص المسيكيني الراقدي دي كسّر لها كريعا الماشي تخجبا في حفلة عتمان في اتبره باقي العريس مغترب من الدمام وجايب محمد جبارة لحفلتو ..ز شن باقيلا بلا تجوط في ... دحين باقي يلك زولك دا لقالو موية وتجمر بيها بعدما قضى ولا أنعرك بصلبو علي خشب المستراح وتما بورق جريدي .. عاد في القطر وين يلقالو تراب ....
لك مودتي وتحياتي
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: الأحباء
خالد
حاتم
ابوالحسين
والعائدة ست البنات
لكم السلام وشكرك على سؤالكم
متابع كتاباتكم ومستمتع بتحليلات الفنان خالد
الحمد لله بعودة ست الدار
الأخ العزيز طارق جبريل
سلام
بكل اسف قلبت الجراب قلب فلم اجد طلبك رغم تواجد اغلب اغاني ود كرم الله
كم تجدني اسف واناشد عبرك من عنده أغنية "فجولي اللشوفا" يبرنا بها جميعاً
أهديكم وهواة التسجيلات القديمة
"اعمل لي عيوني شنو" كلمات الشاعر الأستاذ عبد الله محمد خير وأداء الفنان صديق احمد أمد الله في ايامهما
يا ابو الحسين ساترك التسجيل بلا تحكم حتى تعود يوم السبت |
تسلم يا د. يس... على حضورك الجميل في الحوش...
وعارف مادام طلبت فجولي اللشوفا... حا أبذل قصاى جهدي أوجد ليك الأُغنية دي... رداً لجمايلك وجُرابك الما قصر معانا تَب...
أما موضوع التسجيلات دي فهو أصلاً متروك لك إنت... الجانب الفني في الحوش...
لك وللجميع قواسيب مودتي...
أبو الحســـــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
Quote: الأحباء حاتم وابوالحسين
مسّاكم ربي بالخير أن شاءالله
اجتمعتما شعرأ ونغم وابدعتم في قلي الحبة علي الصاج
ايوه كلام زي دا بوجع لكن وجعو ليهو طعم
الفجر نبحن بوابيرا
وا حلالي أنا علي متل دا
خالد محجوب |
الغالي جداً أبو أحمد...
إنت عارف الأُغنية دي لو الواحد قاعد يحللها ماب يقدر مجموعة...
لكن في ذميمتك شوف المقطع التحت دا عاجبني وصارُّو من الصباح...
Quote: ليك برسل تحياتي
بضمنه موتي وحياتي
أتكرن وأمشي فلاتي
عليك يازهرة الشاطي
|
شوف عليك الله يا خالد يا أخوي... إستخدامو لي أتَكْرِن دي!!! يعني يباري بالضواحي والحلال عشان خاطرها!!!
عليك الله في أكتر من زي دا؟؟؟
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
تعرف الراجل دا والله حتل جوه شديد ونكت التعبير
تعرف أنا بسمي الشعراء السودانيين بالغاوصيين لانهم يغوص بعيد ويطلع ليك بتعبير يدهشك واخليك مشدوه لانو التعبير دا لافي رأسك لكن مو قادر يمرق
تعرف التكرنة هي رحلة الفلاته من نيجريا حتى يصلوا مكة كان الفلاتي أحزم بقجتو ويسوق وليداتو أن بقى عندو وليدات ولو عذابي بقوم برا أها بقوم امشي بكرعي ويغشى حلي حلي أن بقى لقى فيها شغل بقعد أشتغل ويستقر فيها شهر شهرين سنة وسنتين وقد تطول وبعدها بمشي لقدام وما برجع لو جابو ليهو خبر القرية اللي ورى فيها دهب ويصل القرية التانية وبشوف فيها رزق ولا لا وهكذا حتى يجمع حق الحج وبعدها للبحر المالح كداري ويركب من هناك الباخرة لجدة وهذه الرحلة تسمى التكرنة وبها صاروا الناس يطلقوا علي الفلاتي التكروني
لك مودتي
خالد
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
وا أسفاي
وا أسفاي علي حرفن شمخ في الطوّل
وكيف الليله في بطن التراب مسبول
حرام تبلينا يا أيام
حرام تملّينا شوق وهيام
نواصل مع شيخ العرب ود بادي في رثاهو لسماعين ود حسن كانت بداية المقطع بأسم القصيدة الشهيرة لسماعين التي تغنى بها الفنان وردي ( وا أسفاي ) وفي نفس الوقت كان ألاسف من بادي بكاءً ونواح على شيخه الفحل ذلك الحرف الذي طال واستطال وغنى للبنية وللبلد غنى للانفرق قليبها من جناها سماعين الذي غنى للجرف للارض للتراب سماعين الذي غنى لريل بنوعيه متوحش في الوديان والسهول ومستأنس في الحيشان سماعين الذي غنى وطال حرفه للنيل والنخلّه
ينوح ودبادي مما بلته به الأيام في الفقد الذي تناثر من عقد المسبحة العزيزين ثم الشيخ ويشكي حاله وكيف ملته الايام بالاحزان
اتارينا بنشّيل من حرفّك الجواني يا سماعين
ونقعّد في حواشي الحضّره
وأنت تكب علينا غمام
وما عارفين
حرفّك نازفو من شريان
ومن دم القليب الأصلّو مابريان
ولما شربّنا لما طربّنا
إتلفتمّا وما لقيناك يا إنسان
سماعين الذي ظلّ طيلة حيلته يشدو بالشعر العذب ما نضب صوته وما جفّ حبره ومافضت مخلايتو من الكلم كان ينشد لنا ونحن قاعدين في الحضرة وتكب غمامه ونحن ما كنا عارفين انو الراجل يجود علينا وكل حرف كل كلمة كل بيت كل قصيدة وهي تنخر في جوف جسيمو وما بقول لا انهار الجسم من كثرة العطاء ونحن نشرب من رحيقة وفي قبلنّا وما لقنا وين فات وين راح .. مات سماعين وصعدت رويحتو الطاهرة للواحد الديان.
وشفنّا رويحتّك الشفافة
ركبّت هودج الأحزان
محمّل فوق جناح ملكين
دروبو علي مشارف الواحد الديّان
قوايمّو شقايق النخل الوقع حزنان
مضفورّه بسعف يابس
مفرّشه بكباد أماتنا والحبان
مزمّله بحبال صبرّن فقدنا زمان
مضلل بالدموع شرقان
ونحن جالسين مشدوهين مفجوعين وما مصدقين الخبر شفنا روحك الطاهرة ركبّت هودج ونعش الأحزان وكان يحمل النعش ملكين طاهرين وكان الدرب معروف الجسد يدفن والروح تصعد لباريها في السموات العلا .. وكان النعش ذاك الجسم الهزيل يرقد على نعش قوايمو شقايق نخل ومضفور بسف يابس ومفروش باكباد الامهات والحبايب.
عجيب يا هودج الأحزان
مواسم الهجرّه ما حانت
ولا زمن الرحيل قد حان
نسافر ليكَ
وذادنا الشرّبه من بحر الحزن
والآهَ والحِرمان
القدر واليوم وكتين يتم فهو واقع لا محال وحكم السيد نفد ما بنحجب مقدور ورغم الفراق الذي حال بيننا لكن سوف نواصلك وذادنا في سفرنا هذا شربة من الآه والأحزان الذي لبسناهو عليك
وداكَ اليوم وداع الهودّج المتهادي
كان جامع رجالات الحضر والريف
طيور السافل المحزونّه جات بي ليله
تاركه جناها للريح والمطر والزيف
وروح ترهاقا والعباس وروح ابواتنا
ريح الماضي كلها جات
ملوك شايق
وقف شاويش
منكّس لي حرابو
واقف بقفاهو تابعّو
شايل سيف
يوم رحيلك جمع الناس من جم عرب وعجم ناس ريف وناس حضر وناس السافل الشوايقى جو بالليل ومنتظروا لامن تبق شمش الصباح شقتّ الفيافي لواريهم فوق ليلا بهيم وزيف ومطر... وما واعين وما تركو مشهادا علي وطيهم وجنياتن الفجعّة كانت اكبر
وحتى الفاتوا جات رويحاتهم وحضرت وداعك وهودجك يتهادى للواحد القهار.. وعند قبيرك وقف شاويش منكس لي حرابو حدادن عليك
وبعد الليله كل بنيّه
تلبس فوق صديره أكليل
يكون مزروع فيهو قلب الشهيد
وأنتَ شهيدنا يا سماعين
ومن يومنا وجاي كل البنيات كان الواحدي منهن لبست لها اكليل قطع شك بكون مكتوب عليهو الشهيد سماعين ود حسن
يا الله يا الله يا الله
بعدما شلتّه اسماعين
وفات معاهو باقي كلام وباقي حنين
يا الله بعد الفجعّه
نظل شاكرين
نظل واقفين علي بابك
ومعاي طلبين
يكون عبود مع ودتوم
كذا شاهدين
قدام قبر الولي سماعين
نظل واقفين
يوم الليله والباكر
إلى ما شئت يا الله
إلى يوم الفصل والدين
وداك اليوم يكون يومنا
نقالد شيخنا اسماعين
المقطع الاخير كان بمثابة الخاتمة وقد اجاد فيه ود بادي وسكب كل آهاته واحزانه... لذا لا احب ان افسد هذ الجمال هذه اللوحة البديعة رعم انها نياح ورثاء لكن عن جد ابدع فيها العكودابي ونقول له لا اسكت الله فوك وحفظك وصانك ربنا من كل شر ويعطيك الصحة والعافية
خالد محجوب شندي
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: تعرف التكرنة هي رحلة الفلاته من نيجريا حتى يصلوا مكة كان الفلاتي أحزم بقجتو ويسوق وليداتو أن بقى عندو وليدات ولو عذابي بقوم برا أها بقوم امشي بكرعي ويغشى حلي حلي أن بقى لقى فيها شغل بقعد أشتغل ويستقر فيها شهر شهرين سنة وسنتين وقد تطول وبعدها بمشي لقدام وما برجع لو جابو ليهو خبر القرية اللي ورى فيها دهب ويصل القرية التانية وبشوف فيها رزق ولا لا وهكذا حتى يجمع حق الحج وبعدها للبحر المالح كداري ويركب من هناك الباخرة لجدة وهذه الرحلة تسمى التكرنة وبها صاروا الناس يطلقوا علي الفلاتي التكروني
لك مودتي
خالد |
وفيت وكفيت يا خالد أخوي يا مرجع...
وبجيك راجع بي قصيدة تحمل نفس المجال...
مودتي...
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
مسخت عوم البترطن في جروفه
مسخت عوم البترطن في جروفه
اه يا خلايه فجولي اللشوفه
الصدير رجفاته سبب لي خوفه
خام ثمار ال الله قال دانيت قطوفا
الرقيبه قزازة الروم في وقوفا
جرعتني العلاقم بي صنوفه
بروقيها الداره لخبطي لي صفوفا
خلي حسادك عديل تخضع انوفا
ديسه شوف عيني من شكت كتوفا
الا دايما نافره يا ناس ما ولوفا
صممن جاراتا قال لي عطوفه
ملا شوفته لي تشهر لي سيوفا
العلي والبي كلو سبب عزوفا
لو تحلو رموز اصابع اليد حروفا
اه يا خلايا
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)
|
بسم الله الرحمن الرحيم
عزيزي خالد المسني ..
سلامات يا الغالي ابؤاحمد..
نجي لي ناس شندي..من مربع تسعه
جدنا حميده الفكي حمد..
خيلانا.. ناس الخليفه الحسن..ناس بابكر حاج التوم..
وناس عوض حسن و عبدالجليل الاساتزه (ناس وقيع الله) ..
وفي فريق المحطه ناس حسن حسين..
وناس عبدالله البدوي .. والدعيتاب (ناس الدعيته)..
وفي المتمه ناس حمد سراج حمد..
وفي السيال الفكي حميده صاحب القبه..
(حمد وودابارؤ وحميده الفي جواره)..
وانا يا ابواحمد ياخوي اناطولت شديد من شندي
اخر مره كانت من زمن سفريات البراق و الاكسبريس..
ونواصل
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
وفاء
.......
للشاعر.. الحاج محمد سرالختم
...............................
وفاء ليه بتردي المويه
انت حرام عليكي تشيــلي
ماكان حقو تملي الباقة شان
هي عليكي فاضية تقيـلي
انت الزيك ما بخدمو ضمه
الا بس الظـــروف عزيلي
والضيف ان جاء للشايقية
رابع يوم وقعت طويلي
وما برضاكي تمرقي بره
بعض الناس نفســـو رزيلي
راجنــك تمرقي يشوفو
كـيف ايد الله فيكي جميــلي
قالوا المويه من ايديك
دوو يشفي الرويحتو عليلي
لوبلقالي منها شربة
في السنــة مرة تشفي غليلي
عودك حكمة السواهو
زودو فوق ندايدو خصيلي
ضيعو وســوه لي خــوفي
ينعقد اوعي تنسي تميـلي
وحيلك كلو في عينيك
والايد ما خلق لهاحيـلي
ايديك تتعــبه الهبابه
والعين متعيباله قبيــــلي
جاتني امس العشيب لبيه
تشكــي من الزعل تشكيـلي
قالت انت شلتي جمالنا
خليتي لنا حاجه قليــــــلي
ليه يدوكي بي ماعونو
شان زي ماك دايرة تكيلي
وعارفك من زمان يا عيني
اصلك نا بتعوسي عديلي
تكشفي حالي للدايرنو
ما برضيك شئ غير بهديلي
الشئ قبل لساني يقولو
حالا دمعة دمعة تسيلي
لو ما انت شن وراني
عينا ناعسه والا كحيلي.
.....................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
الأحباب
سلام بالله اسمعو الكلام الفوق آسيا دا
الاخ الاستاذ خالد
شوف الزول دا قال عن صدرها شنو
الأحباب الأعزاء دكتور ياسين وابوالحسين
سلام عليكم وكيفن حالكم
غايتو ود الزومة بالغ عديل كده في البيت وأن شاء الله يكون الزول دا قاصد في بالي
الكتاب أنا قارّي حافظو صم
أنا ماني أول زولّن نظم
الشعر بدا أبونا آدم
آسيا فيك أنقطع العشم
وصدرّك المصحف للقسم
الراجل لما شاف صدرها عالي ومفندر ولازي لا بره أول ما خطر لي باله ذاك المصحف الموضوع تربيزة مولانا قاضي القضاء في محكمة كريمي ... وطبعاً المكان بتاع طربيزة القاضي بكون مرتفع من مستوى سطح القاعة وفق دا المصحف قاعد فوق الطربيزة وابقى لي الراجل بس داير يحلف ويخت آدياتو في الصدر دا ويحلف
وقال أخر
وعلى الصدر نوافير جحيم تتفجّر
وحزام في مضيق
كلما قلتُ صغير كان الخصر أصغر
وقال أخر
الصدير أعطافّك فتره
والنهيد باع فينا وأشترى
( الشي شنو شايله لا سقالة بطنون ولا شنو )
وقال أخر
تودّي صديره قدّاما
تخلي سبيبه يدّلا
( اتخيل معاي )
ولكم مودتي واحترامي
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
بسم الله الرحمن الرحيم
سلام ياهلنا..
ابؤالحسين..
دكتورنا الغالي..
ودالمسني..ابؤاحمد..
ست البنات..
ودجبريل..
وجميع الاخوه والاخوات
المداخليين والماريين..
ساعدونا بلشرح المفصل
لبيوت ودالدابي ديل..
مسخت عوم البترطن في جروفه
................................
للشاعر المبدع .. حسن الدابي
................................
مسخت عوم البترطن في جروفه
اه يا خلايه فجولي اللشوفه
الصدير رجفاته سبب لي خوفه
خام ثمار ال الله قال دانيت قطوفا
الرقيبه قزازة الروم في وقوفا
جرعتني العلاقم بي صنوفه
بروقيها الداره لخبطي لي صفوفا
خلي حسادك عديل تخضع انوفا
ديسه شوف عيني من شكت كتوفا
الا دايما نافره يا ناس ما ولوفا
صممن جاراتا قال لي عطوفه
ملا شوفته لي تشهر لي سيوفا
العلي والبي كلو سبب عزوفا
لو تحلو رموز اصابع اليد حروفا
اه اه اه اه اه اه ياخلايا.
......................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: غايتو ود الزومة بالغ عديل كده في البيت وأن شاء الله يكون الزول دا قاصد في بالي
الكتاب أنا قارّي حافظو صم
أنا ماني أول زولّن نظم
الشعر بدا أبونا آدم
آسيا فيك أنقطع العشم
وصدرّك المصحف للقسم
الراجل لما شاف صدرها عالي ومفندر ولازي لا بره أول
ما خطر لي باله ذاك المصحف الموضوع تربيزة مولانا
قاضي القضاء في محكمة كريمي ... وطبعاً المكان بتاع
طربيزة القاضي بكون مرتفع من مستوى سطح القاعة وفق دا
المصحف قاعد فوق الطربيزة وابقى لي الراجل بس داير يحلف
ويخت آدياتو في الصدر دا ويحلف
وقال أخر
وعلى الصدر نوافير جحيم تتفجّر
وحزام في مضيق
كلما قلتُ صغير كان الخصر أصغر
وقال أخر
الصدير أعطافّك فتره
والنهيد باع فينا وأشترى
( الشي شنو شايله لا سقالة بطنون ولا شنو )
وقال أخر
تودّي صديره قدّاما
تخلي سبيبه يدّلا
( اتخيل معاي ) |
الحبيب الأستاذ خالد
سلام
وثديٍ كحق العاج رقصاً حِصَاناً من أكف اللامسينا
اللامس/ين زي ناس ابو الحسين وآخرين
إلا أنه يقال أن البروفيسور المرحوم عبد الله الطيب رغم
إشادته بجمال البيت وكيف يرقص النهد "ويتلولو كالدابي متفلتاً" من
الذين يريدون اللمس "بالكوع" "وعاملين فيها ما شايفين" ، إلا أنه
قال أن النهد الذي يتحرك ليس بنهدٍ جيد أو كما قال "العهدة على الراوي"
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: الصدير رجفاته سبب لي خوفه
خام ثمار ال الله قال دانيت قطوفا
الحبيب الأستاذ حاتم هاشم
لا تجوز الفتوى والأستاذ خالد بي ضهاري البوست "المدينة"
لكن زي بلاغة البيت الفوق دا انا ما سمعت
لك الود
ولازال البحث جار عن هذه الغنية بصوت ود كرم الله |
الأحباب هاشم ودكتور ياسين
سلام عليكم
أتفق معك يا دكتور في عمق بلاغة البيت
تشب في المشي ما بتوهط كراعا في الواطه.... ومتسارعة بلفتان... وتلقى الشي دا يلعب تحت الهديمات بس تقول والله كديسي مربوطه في شوال...
ولكم مودتي
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
ديسّه شوف عيني منو شكت كتوفّا
إلا ديما نافره يا ناس ما ولوفا
شعرك دفة الليل الما تبين لو تريه
وثغرك فجّة البرق اللسحابة أم ديّه
الشعر الغزير الطويل ميزة من الجمال وبنية الدابي الكاتله دي شدة مو طويل شعرها فتر كتوفا وشعرها طبيعي لا باروكة لا سلا خلقة الخالق وعليك أمان الله ما دخلتو مساحيق وصبغة بس كان الكركار دا...
سال من شعرها الذهب وتدلّه وما نسكب
كلما عبثت به نسمة ماج وأطرّب
النفرة واللفتان من طباع الريل وجرت العادة تشبيه الفتاة الجميلة بالريم العيون ... الجيد .. الخصر .. في نفرتها... في لفتانها .... ويطلق عليها أهلنا الصيدة
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: الأح أبو الحسين والإخوة الأكارم
من هنا أطلق الدعوة إلى تكوين جمعية بعث وحفظ تراث منطقة الشايقية ويمكن للجمعية أن تكون لها صوالين في مختلف المناطق تجتمع في يوم خميس من كل شهر..للقراءات الشعرية وحكاوي التراث ومن ثم نقوم بتجميعها في كتاب أو سي دي حفظا لها من الضياع..خاصة وأن أجيالنا القادمة تكاد لا تعرف شيئا عن تراث أجدادها..وكضربة بداية...فأن منزلي المتواضع يرحب ويفخر بأن يكون صالون الشايقية بالخبر ويمكن أن تكون هذه المسألة دورية حتي تكون جميع بيوتنا صوالينا لتراثنا الثر..ما رأيكم دام فضلكم؟؟؟؟؟ |
الأخ الكريم الباشمهندس الزاكي...
نهارك سعيد يا اخوي...
إنت عارف فكرتك دي عين العقل والحقيقة... وأنا بدوري أرحب بيها حد الترحيب ما يصل ليها حد... وما علينا إلا نقول بسم الله ونبدأ... ونجعل المرجع الحوش دا... فالحمد لله كثير من الإخوة هنا ملمين بتراث أهلنا الشايقية وأشعارهم وحكاويهم... وأنا سوف أنزل في الأيام القادمة لو ربنا حيانا سيرة عظماء المنطقة وحا أبداها ليكم بي عمك العوض الحسن الله يرحمه... مروراً بناس ود شبيلي وود الرضي والزاكياب والبادياب وآل ود سورج في الأراك... ونسأل الله يقدرنا على هذا العمل...
ما أريد أن أنوه إليه أخي الزاكي...
إنت عارف ردك دا... أنا شفتو اليوم... الآآآآآآآآن... هسسسسسسسع ناااااااااو يا عملات ناس طارق الأمين عوض (الهيلاهوب) فأرجوك والإخوة الكرام... عندما يردو أن يردو من تحت ما يردو من رد الموجودة في المشاركات... عشان كل الردود تكون تحت بعض...
يعني يا هندسة... بالدارجي كدي... يجب علينا أن نرد بالأيقونة بتاع رد العِنْد الكيمي اليمين التِحِت دي...
ولك وللجميع قواسيب مودتي...
أبو الحســــــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: بروقيها الداره لخبطي لي صفوفا
خلي حسادك عديل تخضع انوفا
|
عليكم الله شوفو حسن الدابي (الله يرحمه) إستخدم بروقيها دي هني كيف... البروَقَة طبعاً درجتها أكبر من اللخبطة ولة شنو؟؟؟ يعني زي مثلاً...
لمن تنزل البت البترقص والعندها إمكانيات بروَقة الدارة... تحصل البروقة... وهي كالآتي...
أول حاجة الكورس يتجنن يفعل أشياء غير إرادية يجي ويروح ويدور وإن بقى كمان بتاع هجيج يندَردَق في الوا طة دي... زي كورس المبدع عوض الجرف...
تاني حاجة البنات الفي الدارة يجفِلِن يمرقن يخلن ليها الدارة...
تالت حاجة... في بعض الناس العاقليييييييييين وقاعدين فوق الكراسي... يعني في دور الحجاج وكدي... يجوك جارين وعمتهم جارِّي بالوا طة وراهم...
رابعاً... الفنان إن بقى قاعد يغنيلو في غنوةً إيقاعها بارد شويي... ينطلق بي::
حلاة حلاة حلاة حلاة حلاة ...
حلاة التلة بي إيدها...
مع النغمات يميل جيدها...
فريع البان داك عويدك...
تعالي الليلي يوم عيدك...
بريدك والله أريدك... وبريد الزول البريدك...
أها دا تفسير بسيط للبروقة ... الله لا تبروقنا في الدنيا والآخرة قولو آمين...
وكمية من الإبداع متدفق في أغاني الشايقية... أرجو من الإخوة الوقوف عندها...
قواسيب مودتي... ودا كلامي أنا... كمان لامِن يجيكم خالد يوريكم الكلام المكشَّن بلا بصل!!!
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: الحبيب الأستاذ خالد
سلام
وثديٍ كحق العاج رقصاً حِصَاناً من أكف اللامسينا
اللامس/ين زي ناس ابو الحسين وآخرين
إلا أنه يقال أن البروفيسور المرحوم عبد الله الطيب رغم
إشادته بجمال البيت وكيف يرقص النهد "ويتلولو كالدابي متفلتاً" من
الذين يريدون اللمس "بالكوع" "وعاملين فيها ما شايفين" ، إلا أنه
قال أن النهد الذي يتحرك ليس بنهدٍ جيد أو كما قال "العهدة على الراوي" |
زي جماعةً كدي في المواصَلات!!!
الله يجازي محنك يا دكتور... والله خليتني أفتفِت من الضحك!!!
إنت عارف أنا تعليقك دا ما شفتو إلا هسسسسسع دا!!!
مودتي...
أبو الحســــــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
Quote: الحبيب الأستاذ خالد
سلام
وثديٍ كحق العاج رقصاً حِصَاناً من أكف اللامسينا
اللامس/ين زي ناس ابو الحسين وآخرين
إلا أنه يقال أن البروفيسور المرحوم عبد الله الطيب رغم
إشادته بجمال البيت وكيف يرقص النهد "ويتلولو كالدابي متفلتاً" من
الذين يريدون اللمس "بالكوع" "وعاملين فيها ما شايفين" ، إلا أنه
قال أن النهد الذي يتحرك ليس بنهدٍ جيد أو كما قال "العهدة على الراوي |
وبعد لِوليو دا ناس ابو الحسين جماعتو بتلوو معاهو وبلكزو بلكزو ألا كان ألقالو حجراً يدخل في
رحم الله البروفيسور عبدالله الطيب عاد وين في نهدا ما بتحرك والله برجف زي قالب الجلي ويرجف معا
تعرف يا دكتور في قرية حنبنا في شندي مشهورات نسائها بكبر الثدي مرة سألت صديق لي ممسوخ بالحيل قلت له يا هاشم ليه نساء القرية دي لاحدهم ثديهم كبير
أجابني دا من سك النعاج وحت العليف بالمحجان
لك مودتي دكتور ياسين
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: yasiko)
|
بسم الله الرحمن الرحيم
سلام ياهلنا..
دكتورنا الغالي سامعيين ومستمتعيين
الظاهر كمبيوتر ابؤالحسين داير دفره
لو في طريقه يادكتور تنذل لينا الرميه
بتاعت ودالبركيل دي .. ومشكور مقدم..
اخترت من دون العيون
........................
أنا أخترت من دون العيون ياغالية عينيك أعشقه
وأخترت شوفتك كل يوم لو حتى شوفتك أسرقه
لكني مالاقي الفرح لا في البعاد ولا في اللقاء
وما من هواك أنا أصلي عاد خلقوني من طين الشقاء
أنا مديت كتير حبل الصبر لمن فقدت أنا أولوا
ومن غير صبر بقدر أساي ياغالية شانك بحملوا
لو سمحت مرة بس داير قليبك أسالوا
حافظ معزته زي زمان وله الحصل كان بدلوا
والله يا نور العيون أصعب سفر سفر الأمل
تلقاك تعاين في الهدف وما داري أنت متين تصل
كل الدروب جربتها وسافرت فيها عشان أصل
وفي كل مره الف وأعود من تاني لنفس المحل
سيبي العواطف ديك وأنسي ريدك وقولي لي
أيه الفرق لو زول زرع أمالوا في أخصب ودي
والثاني روح للبعيد وأختارلوا يا محبوبة صي
حايحصد الأول أكيد والثاني زي حالتي العلي
لو جيتي تسألي عن هواي بالله أسالي عن هواك
تلقي الجواب نفس الجواب .. ماقلبي يادنياي معاك ..
أرجوك أوعي تفكري أنو قلبي يصبح لسواك
لكن لو فقد العشم يمكن أقولوا خلاص كفاك
أنا عارف المواجع لي براي أنا طول سنيني أبكي وأنوح
فقدت أحساس الألم ياروحي من كتر الجروح
ومابلقي عارف فرحتي غير فيك ياأم وجهاً صبوح
كفاية كل القلته ده ، أنا تاني مابقدر ابوح .
........................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
التمر جبِّد قصيدة جميلة لشاعرنا الزومابي الرائع... عمر عثمان...
أهديها للجميع...
التمــر جبـــد
دروب ممـدودة مـن غـيــر حـــد
وعــذابـــــاً يــومـــي يـجـــــــدّد
شـــوقـــًا لــى الــبـلـــد غــــــرّد
ليــلاً طــال ضلاماً شـرَّ واتمــدد
وفكـرًا تاه بالاً مني راح وشـرد
دليب احزاني ينقر ما قدرتَ رقد
وهنــاك فـي بلــدي ألــف سعــد
وكمــان يـاخــي التــمــر جبــَّــد
*******
,,,,,, التمــــــر جــــــــبد ,,,,,
كليـمي حِنيْـني جابتـا نسمـة شاقـِّي الليـل
مشبَّـعــة مــن رزاز النـيــــل
ممردغـة في تراب بلـدي القريـر وأصيـل
محمَّــلا بــي ســلام يــابــا
وبي يا ولدي كيفنك وحاتك ليكـا مشتاقـة
وحكـَتْ قــالتـلي كيـف القيــف
وكيـف اللوبـي والعيـشريـف مبدِّع كيـف
وقـالتـلـي التـمـــر جبـــــــد
*******
وقـالـت لـيْ كمـان وكمـان
كلامـاً زيـن يـدنــدن فـي القـلــب ألحــان
,,,, واســرح بــي خـــلا أم درمــان ,,,
اطير بالشوق وما شفتوني كيف عجلان
وأنـزل فيـكي سـاقـتـنــا
وأعـاين لـي زراعتـنــا
(قــــروش) مـزروعـــة فـــي الحـيــضـــان
ونخلاً عالي يتهوزز يهبهب بالجريد فرحان
وكُـلْ ناس بلدي فرحانة
يـسبِّحــو ليـكـا مــولانه
وحتـى الطيـر دبـاس وحمـام
حسيس قمـرية طـربانة
وزرزور فــوق فـريــع غـــرّد
*******
تربــالاً حضــن طـوريـتــو
فـوقـو إتـْحدّرت طـاقـيـتــو
مرفـوع راسـو في العـالي
يعـايـن لـي الشمـخ عـالي
ســـلَّ جــرابــو يــا دوبــو
ويـامـا أهـلـــو فـرحـوبــو
فــرح القـالـو جـابـلـو ولـــد
*******
وانا المجدوع بعيـد منسـي
أكـورك مـا انـسمع حِـسـي
ابكـي فـي دنيتـي ونحـسـي
واكـفـكــف دمعـي وإنشـهــد
*******
أصلي خـلاص بقيـت متعـوِّد السرحــان
بقيـت رحــال .. فِكــرْ متعــود التجــوال
يسـافــر كلــو يــوم عطـشــان
هسي هناك بشوف الماشي حاج عثمان
عصــايـتـو البيضـة فـوق كتفــو
وعِمَّـتـو لفـِّــة كــم ريقـــان
ود إحْمـد اخوهـو بي جمبو
سمـاحـتـا إلفـــة الاخـــوان
قــاصِّيـن الخــدار مـاشيــن
داك عطشـان وداك رويـان
واسمع شوف حديثن كيف
كــلام وازنـنــِّو بـالميـــزان
تسمع ضُمّه. تسمع رسمي
تسمـع (نـان) وتسمـع دان
وانا اسمع في منادي الهـم
واحس بي دمعـي نازل دم
وتبــدا اعـضـــيا تتــــــــــورد
*******
الليـلـي التمر جبـــــــــــَّد
بكــره يقـولـوا لـيْ فقـَّــشْ
نقــاقــيـر العمــل دقـّــتْ
عـرضْ تــربـالا واتـلبّــَش
يا ريـت كتَّ اكون بينـن
وارجـع تاني زول اغَـبـش
اتـوكـّـلْ واسمِّـــي اللهْ
امِسْــكَ التمـرة وانكربــش
واقْبض (كُعدي) واطْلق (كُعدي)
لامــن إيــدي تتخـربــش
وأبـوي بي تحتي بالـو معايــا
اوعــا مـن الجريـد الهــش
وجــوَّا قليـبـا إتحكـِّــرْ
وأقعد فوق جريدتين وابدا إتحضَّرْ
سمـح واللهِ صِــح ْمنظـــر
معا الشوك الكتير وخطــر
برضـو أخيـر من الغــربة
وشيتـاً قالـو إسمـو سفــر
إلاَّ الحيــلة مــــا بــاليـــــــد
*******
,,,, التمـــر جبـــــد ,,,,
وجبـّـد عــام وروَّح عــام
وكيف الليـلي نـاس بلـدي
شمَّـروا واستعــدُّوا تمــام
,,,, حـريـم ورجــال ,,,,
وحتى الدابـو يا دوب قـام
قامو عموم وسابـو النـوم
النـوم تـانـي يبقـى حـرام
دهْ امــوالــن ... ده آمـالـن
ده ياهـو السُترة لي حـالن
ولي الناقص هو ياهو التام
ياهـو السَّــدَّة لي العوجـات
وياهــو الدُّخـري لـي قِـدَّام
وبلاهـــو الطاقـة مـاب تـنســد
ــــــــــــــــــــــــــــــ
مع كميات مودتي...
أبو الحســـــــــــين...
| |
|
|
|
|
|
|
|
|
|
Re: حكايات ومواقف مع الشاعر وظريف ظرفاء الشايقية إبراهيم الزومه (Re: nile1)
|
Quote: وتانياً مالك يا بتنا دايري تجيبيلنا الهوا بي شلوخ أُختك دي... ماك عارفي اليومين دي
في حرابة شدييييييييييدي علي الشلوخ!!! |
أها دي كمان خيتي ماجـده بعـد ماانشلخت..
هو الهوا دا يفوتكم يمشي وين..والحرابة ماهي فايتي منك بعيـد..بس اقعـد في بوكانك ده
وارجاها..
ولا عاد الا ان كان تدس شايقيتك..باقيلك بتقدر?
كيف حـالك الزاكي اخـوي
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: ,,,, التمـــر جبـــــد ,,,,
وجبـّـد عــام وروَّح عــام
وكيف الليـلي نـاس بلـدي
شمَّـروا واستعــدُّوا تمــام
,,,, حـريـم ورجــال ,,,,
وحتى الدابـو يا دوب قـام
قامو عموم وسابـو النـوم
النـوم تـانـي يبقـى حـرام
دهْ امــوالــن ... ده آمـالـن
ده ياهـو السُترة لي حـالن
ولي الناقص هو ياهو التام
ياهـو السَّــدَّة لي العوجـات
وياهــو الدُّخـري لـي قِـدَّام
وبلاهـــو الطاقـة مـاب تـنســد |
صح لسانك يا عمر عثمان يا صديقي...
عليكم الله شوفو حلاة ها التعبير... وغلاوة التَمُر... وشيلتُو للناس!!!
كميات مودتي... قصيدة تستحق الوقوف عنها كثيراً...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: لو في طريقه يادكتور تنذل لينا الرميه
بتاعت ودالبركيل دي .. ومشكور مقدم.. |
الأستاذ حاتم
لك السلام
كم يؤسفني عدم العثور على طلبك أعلاه
لكن استبدله بأغنية أخرى على أمل أن تنال رضاك
وأخشى أن تجنن أخانا الكريم ود جبريل في بلاد "الأمازيق" بالمغرب
الأستاذ عبد الرحيم البركل
معليش خلاص غلطان أنا
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
سلام - ونعلكون طيبين - والله - ووحات ربى مشتهاكون وميشتهى لمتكون دى !
لكن ان جيتو الاسعلكون :
انتو لليلى ما اديتو خالد ود عمى محجوب دا الجينسييى الشايقيى هو ووليدو ?
والنضم التحت دا لاخيتى منى بت عمى الخليفة خوجلى :
يا يمة يتبنك الخير - وينشد منك جبرين وأهل الله العظام !
شايفاك هينوك جيتى تسعلى مننا وقوتى حبابكون .
وسلميلى عليى خالتى جارة واخياتك وبينيتك .
وسلام يا ابو الحسين - وسلام يا خالد ود عمى محجوب - وسلام ياياسيكو الظرييف وعيدييل - وسلام يا ود عمى جبرين وسلملى عليى حيبيبى المعاك دا وقولو كيف ميشتهاك - واريتك تبقى طيب انت والمعاك .
وسلام لكل من دخل دار الشايقيى دى وقال حبابكون .
ست البنات .
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: ست البنات)
|
| Quote: انتو لليلى ما اديتو خالد ود عمى محجوب دا الجينسييى الشايقيى هو ووليدو |
?
العزيزة الغالية ست البنيات
والله مشتهيك ومشتهي نضمك يا العديلة كيف حالك وعلك طيبي وشديدي وما بتحسي بشي
والله داكي الليلي بعد غيبتك الأولي وتاني قمتي غبتي سعل منك الشفع الديمة في بير ود الحسين شفع ناس ود عنان وقالو لي ست البنات دي شفناه في قطر كريمي وقابضة في حديد الشباك التقول خايفي تطير من القطر .. دحين كنتي وين مسعولة من الخير
بعدين الناس ديل رفضو تب ادوني الجنسية أنا وولدي وقالوا لي ألا تأخد لك شايقية شوفتي جنس النضمي البسووو فوقوا الجنيات ديل
دحين انت جيتي هسع آ المبروكة شوفي لي طريقي في الجنسية دي باقي كلمتك مسموعة بيناتن
ولك الاحترام والتقدير
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
| Quote: عمنا الشاعر إبراهيم الزومه رجل يتمتع بحس الفكاهة وسرعة البديهة لي معه مواقف غاية في الظرافة والغرابة....معليش آجماعه..نسيت إتي في حوش الشايقيي وإتفلقصت بالعربي الفصيح..أها بعدين بجيكم راجع فيشان أحدثكم بي حديث ود الزومه..أرقدوا عافي |
إبن عمي الزاكي...
صباحك زين... وكيف تسرني طلتك الجميلة ومتاوقتك لينا رغم مشغولياتك الكثيرة... وعااااااااارف أيام لِماتَك لي إبراهيم الزومة في جدة سمعت بيها في مرة كدي على الطاير... لكن قالو الحكي سمح من خشم سيدو...
أها ترانا منتظرنك... وراجيييييين...
مودتي... ونسأل الله الصحة والعافية لمبدعنا إبراهيم الزومة...
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتبت أُستاذة/ منى خوجلي...
Quote:
هو الهوا دا يفوتكم يمشي وين..والحرابة ماهي فايتي منك بعيـد..بس اقعـد في بوكانك ده
وارجاها..
ولا عاد الا ان كان تدس شايقيتك..باقيلك بتقدر?
كيف حـالك الزاكي اخـوي |
والله عادي يا بتنا منى شايقيتنا مااااااااب ندسها... ومااااااااب نرضى مضاراتها... عِلِّي في ناساً كدي عنصريين خلااااااااااس... مااااااهُن خالِننا في حالنا شئ!!! الله يهدينا ويهديهم ويشفيهم من الحالة دي يااااااارب...
كميات مودتي...
أبو الحســــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: كلكم بدون فرز
من ابو الحسين والزاكي وكلكم
سلام من واحد منكم
من صلاح غريبة
من اولاد الغرايبة ......
تنقاسي السوق والرويس
والزومة والدهسيرة
وكريمة ومروي
واصهارنا
ناس بغدادي في شبا والبركل
وناس حجار
وناس ود التركي في مروي
الخ ... الخ
أذن انا معاكم وساواصل معاكم
تحياتي ......................
صلاح غريبة - الرياض |
ماشاء الله عليك يا هندسة... سايقها شرق وغرب...
كنت عاوز أقول ليك تكتب زي بصات الزومة... مقاشي الزومة الدهسيرة الكرو مروي شرق كريمة وبالعودة...
لكن لقيتك سايقها بالغرب برضو ماشاء الله...
آلاااااااااااف مراحب بيك يا غريبة وسط ديار أهلك وأحبابك... وأبقى قريب... بعد شوية نشلخك... وحقيقة الإخوة الشايقية الرحلو لغرب السودان كانو خير رسل أهلك وأهل صديقي عبد اللطيف وعمنا الخليفة عبد الوهاب الرضي (اللهم أغفر له وأرحمه) وغيركم... حفظكم الله أين ما حليتو وكنتو...
وقواسيب مودتي...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
| Quote: انتو لليلى ما اديتو خالد ود عمى محجوب دا الجينسييى الشايقيى هو ووليدو ? |
إيه يا ست البنات خالد دا زماااااااااااااان أخد الجنسيي دي...
بس باقيلُو تجي مُنى خوجلي تشلِّخُو... عُراضات لا ورا... ولة أحسن لك مطارق لا تِحِت علي كيفك غايتو... الموس جاااااااهزي ومنى يي دي الكُوركْتلها!!!
كميات مودتي... وحبابك آلااااااف يا زول يا ذوق يا قامة كما نخيل شمالنا الحبيب... وتسلمي يا ست البنيات لا حدَّهِن على إحساسك الطيب...
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: بعدين الناس ديل رفضو تب ادوني الجنسية أنا وولدي وقالوا لي ألا تأخد لك شايقية شوفتي جنس النضمي البسووو فوقوا الجنيات ديل
دحين انت جيتي هسع آ المبروكة شوفي لي طريقي في الجنسية دي باقي كلمتك مسموعة بيناتن
ولك الاحترام والتقدير
خالد محجوب |
أحمد أصلاً أديناهو الجنسية من زماااااااااااااان...
قلنا عشان تحسين النسل المجَر والشايقية نشوفهم يطلعوا شنو؟؟؟
أما إنت جنسيتك جاهزي... بس قلنا ليك عاوز الشلوخ شنو... عُراضات ولة مطارق زي حقات سيدي علي الميرغني (اللهم أرضى عنه)؟؟؟ ومنى خوجلي جاااااااهزي بي خُوستها للشليخ!! أها شن قولك؟؟؟
وست البنات كلمتها ناااااااافذي تَب موش مسموعة وبس...
مودتي...
أبو الحســــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
في لحظّه قبّال الآوان
ودعتّ يا حُلم الشباب
عديتّا يا ليل الفرح
راحّت نجومك للغياب
خليتني ليه ليه!!!
خليتني ليه أنا أنا
خليتني في بحر الهِموم
مجروح أصارع في العباب
غرقان أشابي علي النصاب
بالشوق قليبي شِرب شراب
وأيامي في البلد البعيد
أحسب ثوانيهم حساب
أسعفني بكلمة حنان
تلقّاني فوق أطرافه شاب
دا أنا عمري كلو وهبتو ليك
فجعوني فيك أهلي القراب
نادونّي بطيبة حنان
جابين لي صورتك في جواب
قالوا لي في عش السعد
يلمّع وجيهك بالخجل
والفرحة باقالك حجاب
أنا فكرته في الزمن العجيب
والماضي شفتو رهاب رهاب
وأحترتّه فيك كيفن تجور
تنسى القليب اليِكَ حاب
فجأة أنفجر حزن السنين
في جوفي فات حد النصاب
وأضحك وضاري من الخلوق
ألا الدمع يسبقني صاب
خليتني ليه ليه
خليتني ليه أنا أنا
أنا صُح ما شكيت حالي العليّ
لكن عيوني بقن كتاب
يحكّن عن الزمن المضى
قصّة رحيلي وراء السراب
أنا تهتّه في عقبة هواك
حققتّه ذاتي عليك مصاب
نان قول لي غيمة من الصبر
ترويني بمطر العذاب
أنا لا أرتحتّه من سفري الطويل
لا خاطري من تالاك طاب
كفايّه من نار الفراق
أتقلى فوقا قليبي ذاب
شفته!! شبعتّه اسى وهموم
وأيامي ذاته بقت عقاب
مبروك عليك رغم الحصل
ماعندي ليكَ بلا العتاب
خليني في آيد الظروف
شايل حطام قلبي المُصاب
وأصبر وأقول الريد قِسم
والقسمة صُُح فوق الرُقاب
ووب ووب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: يحي ابن عوف)
|
Quote: التحية لصاحب البوست العزيز ابـــــوالحسين لفتة جميلة
أنا شايقي من شايقية السودان الجديد
الحبيب يا سيكو الحنين شكراً للتسجيل الجميل
والعزيزخالد علي محجوب المنسي شكرا على هذه المساهمة الرائعة
والشكر لكل المشاركين من الاخوة والأخوات
كان من المفترض الحديث يكون عن تاريخ الشايقية وثقافات الشايقية ام ا ن الشايقية ماضيهم المشرق وحاضرهم الأخضر هوالغناء |
العزيز الفاضل / يحى أبن عوف
السلام عليك ورحمة الله
أولاً الشكر اجزله لك
اتقف معك في الرأي الشايقية ليت ماضيهم وحاضرهم ومستقبلهم هو الغناء
وقد كانت في الصفحات السابقة بعض الكتابات عن تاريخ الشايقة لكن أنا شخصياً أعتبره زرة رمل من الصحراء الكبرى عناك جوانب كثيرة لم يتعرض لها الأخوة من الشايقية بعد التاريخ المفصل لقبيلة الشايقية ... ثقافتهم... فنونهم واحوالهم الاجتماعية ... وحياتهم ... جغرافية ارض الشايقية... المدن والقرى ... العادات والتقاليد... الشخصيات البارزة في تلك المنطقة على مر السنين ... النوادر والقصص ... وبقية الجوانب المهمة حتى تعم الفائدة والمعرفة
أنا طبعاً يا عزيزي جعلي من شندي فوق لكن احب فن وأشعار الشايقية لذا كنت احفظ الكثير منها ومن هنا كانت مشاركتي في هذا البوست الجميل ونعود ونقول أن الله ادا العافية كلو بجي ونتمنى أن يجتهدوا الاخوة لترميم البوست حتى يكون بوست توثيقي يشمل كل جميل في ارض الشايقية ابناء عمومتنا
ولكم الشكر والمودة والتقدير
خالد محجوب ..
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: التحية لصاحب البوست العزيز ابـــــوالحسين لفتة جميلة
أنا شايقي من شايقية السودان الجديد
الحبيب يا سيكو الحنين شكراً للتسجيل الجميل
والعزيزخالد علي محجوب المنسي شكرا على هذه المساهمة الرائعة
والشكر لكل المشاركين من الاخوة والأخوات
كان من المفترض الحديث يكون عن تاريخ الشايقية وثقافات الشايقية ام ا ن الشايقية ماضيهم المشرق وحاضرهم الأخضر هوالغناء |
الأخ الكريم يحيى ابن عوف...
أولاً أرحب بيك في ديار أهلك وأحبابك... وأتمنى لك ولكل من يمر من هنا إقامة طيبة يجد فيها ما يتمناه من كلمة طيبة وأُغنية رقيقة وبسمة تُفرح في هذا الزمن الصعب...
إتفق معك واختلف معك في نفس الوقت...
فكون أن البوست هذا لم يعرض شيئاً من تراث الشايقية... فالشعر والغناء والمناحات وأغاني الفراسة هذه كلها جزء من ثقافة وتراث الشايقية عبر الزمان... أما كَون هناك قصور من هذا الجانب فإنشاء الله نعِدَك وأنت تشيل معانا هييييييييلُوب... بمزيد من الجهد في هذا المجال... وأنا عندي مادة كتييييرة سجلتها من أيام الأخ محجوب كرار رحمه الله سأقوم بإنزالها وكذلك مادة توثيقية لمناطق الشايقية من أمري ليييييي الغابة وكذلك رجالات الشايقية وحكمائها وعمدها ومشايخها... كل هذا سيأتي يا أخي فقط نرجو من الإخوة التفاعل معنا...
مع كميات مودتي... وأبقى قريِّب...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: أنا طبعاً يا عزيزي جعلي من شندي فوق لكن احب فن وأشعار الشايقية لذا كنت احفظ الكثير منها ومن هنا كانت مشاركتي في هذا البوست الجميل ونعود ونقول أن الله ادا العافية كلو بجي ونتمنى أن يجتهدوا الاخوة لترميم البوست حتى يكون بوست توثيقي يشمل كل جميل في ارض الشايقية ابناء عمومتنا
ولكم الشكر والمودة والتقدير
خالد محجوب .. |
وأنا أوعدكم بذلك بإذن الله تعالى...
إن ربنا مد في الأيام كل دا بيجي...
كميات مودتي... وأشكر لك غيرتك وإرتباطك الجميل بأهلك يا خالد يا سنجل مية وتلتاشر!!!
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
إخوتي الكرام،،،
ظهور هذه الكلمات... الجَدي... الصيدة... بت اللَّريَل.. بت اللريلية... في أشعار الشايقية القديمة والحديثة... تعني قمة جمال ورشاقة وخِفَّة (الخفة المحمودة ـ في البيت والقيام بالواجبات ما الخِفة التاني ديك)... وسوف أورد عدد من النماذج هنا من الشعر القديم... لمزيد من التحليل والتعليق عليها...
بِتْ اللريلية الفي هويدا
وِلِدتِي آام الحسن جِبتِيلْنا صيدة
عيونا الوقَلَن فوق في العقيدة
تنقُز في تراها شِرِب تميدا
فريدة عصرك إنتي آالست زبيدة
درِب دلين يحبْس الماشي هيدا
السنون لبن المري الخلفولا قيدا
سيف الشيخ مُحُمد يا عويدا
بالشقين منفَّلة يا بريدة
شيخة بت شيخ مو شياخةً جديدة
حاكْمة دارنا مُصوابا وصعيدا
نافعاب الدويم ونوبة العِقيدة
إنتي العِند أبوك نسفَت بديدا
قُبَّال الخلوق تعرِف شديدا...
هيييييييععع...
ـــــــــــــــــــــــــ
مع كميات مودتي...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
سلام ياهلنا..
الخال ودالمسني ... ابؤاحمد
سلامات..
الكلام ده داير ليو شرح ..
مع الشكر مقدما..
Quote: بِتْ اللريلية الفي هويدا
وِلِدتِي آام الحسن جِبتِيلْنا صيدة
عيونا الوقَلَن فوق في العقيدة
تنقُز في تراها شِرِب تميدا
فريدة عصرك إنتي آالست زبيدة
درِب دلين يحبْس الماشي هيدا
السنون لبن المري الخلفولا قيدا
سيف الشيخ مُحُمد يا عويدا
بالشقين منفَّلة يا بريدة
شيخة بت شيخ مو شياخةً جديدة
حاكْمة دارنا مُصوابا وصعيدا
نافعاب الدويم ونوبة العِقيدة
إنتي العِند أبوك نسفَت بديدا
قُبَّال الخلوق تعرِف شديدا...
|
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
صاحب الحوش الكبير أبو الحسين
جيت اليوم أزوركم في حوش الشايقية الحنان
أخي والله سعدت جدا بالعلاقة الوطيدة السريعة التي ربطت بينك وبين أعز وأخلص أصدقائي هاشم خلف الله أخي الذي لم تلده أمي وبالتالي سوف تمتد هذه العلاقة لتشملني فحتما أصدقاء هاشم هم أصدقائي وأصدقائي هم أصدقاء هاشم وهكذا أستبشر بك أخا وصديقا عزيزا وأرى أخي هاشم كله تصميم على قدومك للرياض يوم الخميس القادم وستكون محل ترحيبنا وحفاوتنا ،،
في إنتظارك أخي ,, مع كميات فوق كميات مودتك الفياضة .
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: بِتْ اللريلية الفي هويدا
وِلِدتِي آام الحسن جِبتِيلْنا صيدة
عيونا الوقَلَن فوق في العقيدة
تنقُز في تراها شِرِب تميدا
فريدة عصرك إنتي آالست زبيدة
درِب دلين يحبْس الماشي هيدا
السنون لبن المري الخلفولا قيدا
سيف الشيخ مُحُمد يا عويدا
بالشقين منفَّلة يا بريدة
شيخة بت شيخ مو شياخةً جديدة
حاكْمة دارنا مُصوابا وصعيدا
نافعاب الدويم ونوبة العِقيدة
إنتي العِند أبوك نسفَت بديدا
قُبَّال الخلوق تعرِف شديدا... |
الحبيب حاتم مسّاك الله بالخير
أولاً الشكر الشديد ليك على هذه الثقة... أني بقدر احل ليك عقدة الكلم في الشعر وهذا ليس نابع من علم أو تميز... لكن وهبني الله موهبة فهم الشعر معظمه وليس كله وأنا احيانا تستعصى علي الكلم
وذلك لحبي الشديد للشعر والكلمة الحلوة وزي ما بقولوا أهلنا فلان لمّاح يعني الكلمة بالتقع في أضانو فورا تجي في راسو تفسيرها وانا أحمد الله العلي الحميد حمداً كثير على هذا العطاء ولا فخر
وفي حين كثير اتخيل ان الشاعر يقصد كذا وقد اصيب واخطئ في ذلك
( بت الريلّه الفي هويدا )
( ولدتي آأم الحسن جبتيلنا صيدا )
الريلة والظبي والتيتل والجدي كلها اسماء لذاك الحيوان الجميل وقد جرت العادة في السودان ايضاً أن يطلق عليها أسم الصيدة كونها تصاد وطغى هذا اللفظ على بقية الأسماء مع انه ليس من اسماء ذاك الحيوان الجميل
وجرت العادة أن توصف الفتاة الجميلة الحليوة شبيه الصيد وفي الشعر السودان وردت كثير
قال شاعر
أريل شام شروق
شراكّي ما نشا بك
وشم نفسّك يفوح
مسك العشاري الشابك
وقال آخر
كالظبي في اللفتان
أما الخديد ناعس
زي زهرة في بستان
وقال أخر
عيون الصيد الناعسات عيوّني .....( عيوني اي أمرضوني )
وقال أخر
يا مريسيل تعال بوصيك
في الرمال الصيد بلاقيك
هو بيعزمك ويعتلق فيك
قولو حالف ما بباريك
وما بدليها التهمه فيك
وقال أخر
رقابن وين رقاب الريل
علي الحدب البعيد
شرفن علي هوهيو كلابي
وقال أخر
ضامر قوامّك لآن
وقلبك قسى وجافيت
الصيد يا جني الغزلان
وقال أخر
جدي الريل ابو كزيمه
تعال نتمشى في الغيمه
مغيمة ريد تكون في رهيد
شواطيها الخدر ديمه
والكثير قيل في الصيد سواء كان الصيد في الهويد أو الصيد في البويت
نرجع لابو الحسين وصيدو
الأم ظبية وجابت ريلة
الهويد هو الخلاء
ولدتي آأم الحسن جبتيلنا صيد
( عيونا الوقّلن فوق في العقيدة )
العيون الواقلة وعادة تكون كبيرة ووكبر العين سمة جمال وزي دي كان رمت بتكتل وزي ما قال الشاعر
وما شفنا الغزال
بعيونوبجرح الأسد
سبحانك يا رب .. كم من أسرارّك الباهرة أودعتها في العين. وهي محض شحمة مرهفة
وقال أبن حزام
العين ليست مجرد أداة للبصر بل أنها رائد النفس الصادق ... ودليلها الهادي .. ومرأتها المجلوة
وبها يقف على الحقائق ويميز الصفات ويفهم المحسوسات
فالعين تتكلم وتعرب عن نفس صاحبها بالومضة والغمزة والإيماء
* فالإشارة بمؤخرة العين فهي عن أمر
* غمض العين إعلان قبول الأمر
* إدامة النظر دليل على التوجع والأسف
* وكسر النظر دليل على الفرح
* وقلب العين إلى جهة ثم صرمها بسرعة ...تنبيه
ومنها السهم
ويلاه أن نظرت وأن عرضّت
وقع السهام ونزعهن أليمُ
ومنها القاتل
أن العيون التي في طرفها حور
قتللنا ثم لم يحينا قتلانا
تصرع ذا اللب حتى لا حراك له
وهنّ أضعف خلق الله إنسانا
ومنها مايروي الظامئ
عيونك زي سحابة صيف
تجافي بلاد وتسقي بلاد
ومنها الما بنقدر
كف عيونك عني لغة العيون شغلاني
ومنها المهاب
قتلها عايني تسلم عينك
ألا حقيقة مو ساهل كتاله
ومن العيون الكحلاء ... والعسلية ... والخمرية ... والزرقاء ... والشهلاء ... والخضراء ... ومنها الجامدة الساكنة والمتحركة النشطة ومنها العاتبة اللائمة ومنها القريرة ومنها الحنوة المحبة
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
بِتْ اللريلية الفي هويدا
وِلِدتِي آام الحسن جِبتِيلْنا صيدة
عيونا الوقَلَن فوق في العقيدة
تنقُز في تراها شِرِب تميدا
فريدة عصرك إنتي آالست زبيدة
درِب دلين يحبْس الماشي هيدا
السنون لبن المري الخلفولا قيدا
سيف الشيخ مُحُمد يا عويدا
بالشقين منفَّلة يا بريدة
شيخة بت شيخ مو شياخةً جديدة
حاكْمة دارنا مُصوابا وصعيدا
نافعاب الدويم ونوبة العِقيدة
إنتي العِند أبوك نسفَت بديدا
قُبَّال الخلوق تعرِف شديدا...
أبوالحسن مسّاك ربي بالخير آالمبروك علك عافي
بدور اسعلك من بعض المفردات يعني من معناها :
* دلين
* بديدا
*هيدا
ولك مودتي وتقديري
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: صاحب الحوش الكبير أبو الحسين
جيت اليوم أزوركم في حوش الشايقية الحنان
أخي والله سعدت جدا بالعلاقة الوطيدة السريعة التي ربطت بينك وبين أعز وأخلص أصدقائي هاشم خلف الله أخي الذي لم تلده أمي وبالتالي سوف تمتد هذه العلاقة لتشملني فحتما أصدقاء هاشم هم أصدقائي وأصدقائي هم أصدقاء هاشم وهكذا أستبشر بك أخا وصديقا عزيزا وأرى أخي هاشم كله تصميم على قدومك للرياض يوم الخميس القادم وستكون محل ترحيبنا وحفاوتنا ،،
في إنتظارك أخي ,, مع كميات فوق كميات مودتك الفياضة .
|
أخي الكريم عادل جبارة...
أولاً التراحيب مطر وحنية دقااااااااااق لمقدمك لحوش أهلك وأحبابك الشايقية... ويا هلا بيك شرفت ونورت ديار أهلك وأحبابك...
ثانياً: أنا في قمة السعادة وأتشرف بمعرفتك وصداقتك يا أخي عادل... وربنا يديم المودة والمحنة بين الناس...
ولو ربنا كتب لينا جية للرياض بإذن الله نتقابل ونوثق العلاقة دي بيننا...
وربنا يجمعنا وإياكم والجميع في ساعات الخير يااااااارب...
قواسيب مودتي... وأبقى قريِّب...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: الحبيب حاتم مسّاك الله بالخير
أولاً الشكر الشديد ليك على هذه الثقة... أني بقدر احل ليك عقدة الكلم في الشعر وهذا ليس نابع من علم أو تميز... لكن وهبني الله موهبة فهم الشعر معظمه وليس كله وأنا احيانا تستعصى علي الكلم
وذلك لحبي الشديد للشعر والكلمة الحلوة وزي ما بقولوا أهلنا فلان لمّاح يعني الكلمة بالتقع في أضانو فورا تجي في راسو تفسيرها وانا أحمد الله العلي الحميد حمداً كثير على هذا العطاء ولا فخر
وفي حين كثير اتخيل ان الشاعر يقصد كذا وقد اصيب واخطئ في ذلك
|
لكن إصابتك أخي الكريم أبو أحمد أكثر...
فيا أخي هنيئاً لنا برفقتك وسياحتك معانا بين مطبات رقيق الكلم...
وكميات مودتي لامِن أجيك راجع للغوص في تعليقاتك وتحليلاتك...
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
سلام يا هلنا..
الدوسيب
..........
الدوسيب كدي يا عروسنا
الخضراء جابيق كدي يا عروسنا
سمِحْةَ الذات كدي يا عروسنا
الشروط تامَّات كدي يا عروسنا
سمِحْةَ الزي كدي يا عروسنا
عيش الكُري كدي يا عروسنا
المفوسِب ني كدي يا عروسنا
الحرير للطي كدي يا عروسنا
العظمة زينة الحي كدي يا عروسنا
عيش الباجور كدي يا عروسنا
الما نقدو زرزور كدي يا عروسنا
الغَفَرو حاس دور كدي يا عروسنا
عيش القُرير كدي يا عروسنا
الماب يحومبو الطير كدي يا عروسنا
الجنيه في الجيب كدي يا عروسنا
البِقت فوسيب كدي يا عروسنا
الدُّقة والنُقَّار كدي يا عروسنا
القرمصيص العال كدي يا عروسنا
الرصَّة والشبَّال كدي يا عروسنا
شديرة البار كدي يا عروسنا
تضوي فِنْيار كدي يا عروسنا
تِبْش الرمال كدي يا عروسنا
الدوسيب يا خدرة كَمِّك
يا جلادةَ الشم جِبْتي ابن عمك
الدوسيب نايري وعديلي
عروسنا ام زين مُقْد الجزيري
الدوسيب فاحت جلادها
عروسنا ام زين مسكت وصاتها.
..................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: أريل شام شروق
شراكّي ما نشا بك
وشم نفسّك يفوح
مسك العشاري الشابك
|
يعني يا خالد أخوي ود اللريل دا... يتكرف في النسمة الجايي شرقاويي ولة شنو؟؟؟ وقلت لي الراجل ناصب ليها شركو... إنشاء الله يقبضها عاد... دي حلالي من النوع الجفَّال!!!
هييييييييعععع وشَم نفسك يفوح مسك العشاري الشابك... قاج قَجْ والأجر على الله...
لقطة حلوة وجميلة حد الإبداع...
واصل يا خالد الله يخدر ضراعك يا اخوي...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: ( تنقُز في تراها شِرب تميدا )
الغزلان من طباعها النفرة ويا سلام لما تكون البنية في خلقتّها زي الغزال ومن طبعها النفرة والميسان...صفة تزيد الجمال جمالاً والحلاوة طعم العسل...وفي نفس الوقت الغزالة صعبة المنال فهي كالسماء تبدو لنا قريبة ولكنها بعيدة المنال وكان لقيت منها قولة سلام عليك ( يا ابو الحسين ) يومك داك ما بتنوم ويكون نديمّك نجم الليل ويصبح شغلك رميم وفراشّك قتاد وتفضّل تعد وتعد وتنسى لعدد ... وهي تسوي في نقزيها دا ونحن نتجرع علقم ينحبس في حلوقنا ( لا ادري معنى كلمة تميدا لكن يبدو لي شئ مر المذاق ).
|
الله يجازي محنك يا خالد يا اخوي...
يعجبني تحليلك الزي دا... يدخل جوووووووة الحنايا...
واصل إبداع يا اخوي...
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
وأخشى أن تجنن أخانا الكريم ود جبريل في بلاد "الأمازيق" بالمغرب
الأستاذ عبد الرحيم البركل
معليش خلاص غلطان أنا
سلام د. يس
والله الاغنية خلتني اتخوجج في بلد الامازيغ
يديك العافية
ــــــــــــــــــــــــــــ
يا اخوانا د.حيدر ابراهيم كان قد ذكر لي في ليلة رباطية باردة انه الدكتوراة بتاعتو عملها عن قبيلة الشايقية في المانيا
واخبرني انه سوف ينزلها في كتاب من مركز الدراسات السودانية
بالله لو في واحد فيكم عتر فيها يكلمنا
على ذكر د. حيدر اذكر انه في عام تسعين وانا حديث عهد بالرباط كنت اتسكع مع والدتي في شارع محمد الخامس
فاذا برجل يأتي ليسلم علي بصورة جميلة جدا قام قال لي:
تعرف جابني للسلام عليك شنو... شلوخ امك دي
ربنا يطراهو بالخير
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: طارق جبريل)
|
| Quote: الله يجازي محنك يا خالد يا اخوي |
أبوالحسين اخوي كيف حالك وعلك عافي
تعرف يا ابو الحسين في شندي كان في واحد عافنا الله واياك ماسكّه اندراوة وهو راجل شاعر دوبيت والله يا ابو الحسين عندو شعر جميل خلاص
مرة عجبتو غزالة من بنات أهلنا ... وأهلنا ناس صعبين بالحيل اسمهم ( القرداب ) قام قال فيها الأبيات دي لمن ما قدر يصل لمرادو
شتلوك برتكانه بين بحرين
وكل الشافّك جنّ وقول آمين
حراسّك قرداب ناسن لؤام بالحيل
الطير في السماء اقول لو جيت من وين
أها عاد نحن البنية الزي الغزالة في النفرة والميسان وزي المهرة الجامحة بتسوي فينا كدي والواحد اقعد انعرك تقول مطلوقه فوقو نارية
ماشفتّه زولك قال
عطشان قلت ليهن وبدور اروّى
مافيش كاس قريب.. وقالن بدون كلفّه
تشرب بكفوفنا لما تتكفّى
ولا القال
القديم اللادّن والأريج الفاح
من جسيمه الناعم أسمر التفاح
خلّى عقلي أتخلّى .. وفي حشاي كفاح
جيش هواها أحتلّه قلعة الافصاح
الجمال بوجوج الناس ديل بالحيل واخلّي الواحد أقول كلام الجن ما يقولو ونحن نقرأ ونتوجع معاهم
لك ودي واحترامي
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: عيش الباجور كدي يا عروسنا
الما نقدو زرزور كدي يا عروسنا
الغَفَرو حاس دور كدي يا عروسنا |
هييييعع...
شوفو الحرس دا...
وآخر يقول...
سور في سور سيدي معلِّي سورو...
مُشتاقين ما قادرين نزُورو...!!!
تزور شنو والله كِريعاتك إلا يقطعوهِن ليك...!!
Quote: عيش القُرير كدي يا عروسنا
الماب يحومبو الطير كدي يا عروسنا
|
يعني ناهِيك من ينقُد سااااااكت بس ما يحوم ويزازي جَنبُو!!!
قمة العفة والصون والحفظ...
اللهم أحفظ بنياتنا وبنيات المسلمين جميعاً يااااااااارب...
قيم ومعاني في الأشعار القديمة دي يجب علينا فرد مساحة كبيرة لتأملها والغوص في داخل معانيها...
قواسيب مودتي...
أبو الحســـــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: القديم اللادّن والأريج الفاح
من جسيمه الناعم أسمر التفاح
خلّى عقلي أتخلّى .. وفي حشاي كفاح
جيش هواها أحتلّه قلعة الافصاح |
الحبيب الغالي أبوالحسين البيوت الأربع أعلها خطيرة جداً في وصف الريلة
القدم عادة ما يكون اقسى أو اخشن عضو في جسم المرأة لكن الريلة قدمها... وصفة لادن عادةً مايصف بها الجسم ... لكن تلك الريلة قدمها كان لادن عاد باقي الجسم يكون كيف شوف جنس الوجع دا وفق هذا الرواح تفوح من جسمها الاسمر كالتفاح في لونه ودا الشي البهدلني وجنن عقلي وطلق نارية في أحشاي ولا محال أن جيش هواها سوف يحتل القعلة التي ظلتت ابني في احصانها عمري كله وهي من قوة الحصون كقلاع الفصح قديماً وقطع شك سوف تنهار هذه القلعة من أول سهم يطلق منها بل حصل واندكّت القلعة وأسرّت مافيها ..... عليك الله بنية نصاح
وقال ليها ايضاً
يا أم جمالاً شاذ أعجم الفصاح
ونطّق الأبكم علمو الإفصاح
ولك مني المودة والتقدير
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
Quote: الأخ خالد... والخليفة أبو هاشم...
أبو سامي (د. يس) ليهو كم يوم ما ظهر... عساهو بخير وعافي...
كدي رسل أحمد وليدك اليقفِرْو ماااااااهُو متعود يغيب قدُر دا!!!
عساك والأهل طيبين يا آل ود ياسين...
مودتي...
أبو الحســــــــــين... |
والله سبقتني في الموضوع يا أبوالحسين فعلاً الدكتور دا مفقود ليهو مدة لكن ابقى لي هو وست البنات رقادلهم بختي بقو يغوصوا ويقلعوا
داكي الليلي لم مشيت أنا براي شان أقفرو والله ضهب علا الله لماني في جنى من امدرمان ود حلال بقى معاي لحدي ماركبني الطيارة صديت
كدي المرة دي لحدي بكرة كان قلع بركب احمد وليدي امشي اعقرو واجي
لك مودتي
خالد
| |
|
|
|
|
|
|
| |
خالد علي محجوب المنسي
nile1
أبو الحسين
ست البنات
حاتم هاشم
yasiko
طارق جبريل
Manal Awad Khugali
Muna Khugali
ghariba
يحي ابن عوف
فيس بوك
تويتر
انستقرام
يوتيوب
بنتيريست