Post: #1 Title: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-11-2006, 05:38 AM
إخوتي الكرام...
نهاركم سعيد...
بالسلام عليــكم والتقدير والتجِلَّة... ثم الصلاة والسلام على مُنجي هذه المِلَّة... وبعيداً عن العنصرية البغيضة المُمِلَّة... أهديكم هذا البوست...
الغرض: إستراحة ظليلة ننثر فيها بعض تُراث أهلنا الشايقية من فِنون وحِكَم وأشعار...
الدعوة: مفتوحة للجميع للمشاركة...
البداية: قصة قدييييييييييييمة... أهديها لكم كإفتتاحية... وهي عن موضوع العِشْق الجنون عند أهلنا الشايقية...
حكى لي الأُستاذ/ الشاعر (الثوري) محمد محمد أحمد الشايقي (المعروف بكريمة)...
قال لي عندما كان ببورتسودان عضواً في نادي الخريجين وفي أحد الجلسات الأدبية طُرحت مسابقة وجائزة مالية عن أكثر (بيت شعر قيل في الحب الصااااااااادق)... فقال لي،،، معظم الإخوان تكلموا بأبيات عنتر وعبلة وقيس وليلى وجميل بثينة... وما شاكلهم من الشعراء الفطاحلة في الشعر العربي والغزل... فقال لي أنه بعد هؤلاء العمالقة طلع المسرح وقال للجنة التحكيم والجمهور أُريد أن أحكي لكم قصة ومعها مقطع قصيدة....
القصة... زماااااان كان في واحد يحب ليهو واحدة شديد خلااااااااااااس لكن طبعاً زمان كان الحب بالدس فإتفق هو معاها يسافر (تِحِت تِحِت).. يمشي بلاد بحري (الدناقلة والمحس) ويلم القروش ويجي راجع ويدخلوا قفصهم الذهبي السعيد كأحلام كل الشباب... وفعلاً حمل هذا الإتفاق الذي جعله يشتغل ليل نهار وحماس منقطع النظير.... (بدل التَبَّانة الظاهر عليهو يشيل تبانتين بتاعات طين)!!!! لاحدي ما جمع القروش وجاء راجع،،،، في الفترة دي البت تقدم ليها ود عمها وخطبها وتزوجها وحتى لو ما أكذب عليكم كانت حامل!!!! وطبعاً ما ممكن تقول أنا مرتبطة كان حا يقطعو لسانها.. لأن الزمن داك ما كان في حاجة إسمها الإرتباط... إلا الإرتباط بالهوية والبلد...
فعندما رجع المسكين وجدها قد تزوجت بإبن عمها ولم يُظهر أي معارضة خارجية كتم حبه بين ضلوعه ليش لم يزعل،،، لأنه يعرف تماماً إنها ما أدَّتُو شاكوش إنما التقاليد هي التي فعلت به هذه الإفاعيل... فاستغفر ربنا وصبر...
ففي يوم من الأيام صادفها وهي تشتري بعض الأغراض من الدكان القريب لبيتهم فقالت له السلام عليكم،،، فرد عليها السلام... (والسلام سنة الإسلام)... فذهبت هي خجلانة لصديقتها وقالت لها قابلت اليوم حبيبي فلان وقلت له السلام عليكم لو كان عارفني (حامل) ما كان رد عليَّ السلام!!!
فصديقتها أخذت الكلام حااااااااااااااااااار وأخبرته به... فهنا قال هذه الأبيات...
قال ليها....
تريديني وبرِيدِك ومن زماااااااااااان كُتْ فيكي عشمان...
إن وِلِدْتي إنشاء الله تيمان...
إن بِقى لا رابِع بُطان...
إن لِقيتك ماني ندْمان....
فهنا قررت اللجنة إعطائه الجائزة.... أسأل الله أن يعطي شاعرنا الفذ السياسي البارع محمد محمد أحمد الشايقي العافية وأن يجمعنا به في داره العامر بأُمبدة في أسعد اللحظات...
خارج النص: عليكم الله يستاهل الجائزة ولَّة ما يستاهلة؟؟؟ ...........................................................
أملي: أن ينال هذا العمل الرضا والقبول والمشاركة من كل الإخوة الكرام...
وللجميع قواسيب مودتي...
أبو الحســـــــــــين...
Post: #2 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-11-2006, 12:26 PM Parent: #1
هذه قصيدة من الزمن القادم...
الفرح القادم،،، ليل الهجر مهما طال .. واْرْخَى ظلامه القاتِم أكيد بُكرة الصباح حَيَبِين .. مادام الفرح قادم.. ............................................. تعالوا نَغَنِّي يا أحباب .. ننسى الماضي ما أمْكَنْ نسوِّي من الفرح مرفأ .. للحُب والغرام مسكن الآهات بعييييييييد لِبَعيد .. ما تَغَشانا تِتوطَّن ونعيش باقي العُمُر أفراح .. لا أحقاد لا مظالم... ............................................. السر مهما قُتْ تخْفيهو .. لابُدْ يوم يكون واضح والزول ماب يعيبو زمانو .. مهما قِسى وصِبِح جارح التَّزرعو أخوي تجنيهو .. كان بي عيشو كان طارح!!! والبَّاري السراب مخْدوع .. حارم لي نفْسو ظالم... ............................................. فتِّش عن سعادة الرُّوح .. ترضي ضميرك الحاير تلقاها في صفا الحِبَّان .. في جلسة قمر ناير في النيل والجروف والخُضْرة .. في زفَّة عريس ساير في همسة حبيب لحبيبتو .. والمستقبل القادم... ............................................. المُخلص محال بيعادي .. مهما حبيبو جافاهو وأصيل التِبرِ رغم النار .. يزداد لمعو ونقاهو قالوا النية زامْلة سِيده .. خير كان شر هي تبراهو والقلِب السليم بالفطرة .. طيِّب طبعو ومسالم... ............................................. لا تهتم بالأيام مهما .. تجور عليك تقسى دولاب الزمن دوَّار .. بكرة علي النعيم ترسى واجِه قَدَرك المكتوب .. لا تِنْضارى تِنْدَسَّة والزول ماب يفوتة قِسِمتو .. راضِينْبَها والله عالم...
windows-XP في صفحة "أمدر" عن تلك الديار ما يلي وآثرت نقله إليكم هنا فله أجزل الشكر
Quote: الشوايقة إن كنتم لا تعلمون ________________________________________ أولاً ليس القصد من وراء كتابتي في هذا الموضوع إثارة نعرات قبلية أو نوايا انفصالية أو بوادر تمرد نحن أحق الناس به أو ما شابه ذلك فكفانا ما نحن فيه من حروب حمدنا الله أنها انتهت على خير فسلط الله علينا من لا يخافه ولا يرحمنا و أججوا حرباً أخري أتتنا هذه المرة بريح صرصر عاتية تحمل معها غرباء سبق و أخرجناهم بإرادتنا و تغنينا لهم "يا غريب يلة لبلدك" و هاهم يأتوننا مجدداً بإرادة قلة تدعي التهميش و التمييز العرقي و تسلط فئة ظالمة دون غيرها بمقاليد الحكم و السلطة ، و كما تعلمون أن معظم من حكم السودان من أبناء الشمال و نميري وحده 16 عاماً وهاهو البشير يمضي في سنة فاصلة إن تحققت فيها نبوءة قارئة الفنجان و تحرك الواحد ليمين الرقم ستة فعلينا بربط مزيد من الأحجار على بطوننا كدأبنا نحن أهل الشمال و بخاصة منطقة الشايقية. و إن تعرضنا لمسيرة أب عاج و ما أصابنا فيها من خيره و أخص بالذكر هنا مناطق الشايقية دون غيرها فنجد أن أهم ما قام في عهده تجاه هذه المنطقة الفقيرة ماديا أغنى مناطق السودان معنوياً و روحياً هي محطة كهرباء كريمة و التي كان المقصود منها دنقلا و لم تكن مروي هي المقصودة لولا تدخل البرلمان الألماني وقتها و قصة ذلك بدأت حينما زار منطقة مروي الأثرية "الضائعة" سواح ألمان من بينهم عضو في البرلمان الألماني و بنته التي تعلق قلبها بجمال طبيعة المنطقة و أثارها بالطبع في المقام الأول و تأثرت لفقرها و لغرقها في ظلام دامس يسيطر على كل بقعة فيها دونما استثناء فحدثت أباها في الموضوع و عاد الرجل إلي ألمانيا و خاطب البرلمان الألماني في ذلك الأمر فخصصت الحكومة الألمانية مبلغاً ضخماً من المال لتأسيس شبكة كهرباء كريمة و تم إرسال الأعمدة الخشبية العملاقة عبر البحار و الأسلاك و المولدات و كل ما يلزم حتى سيارات إدارة الكهرباء من البكاسي الدبل قبين بيضاء اللون و قام النميري مشكوراً "مأجورا" باتخاذ قرار يحول بمقتضاه ما منح لكريمة إلي دنقلا بحجة أنها أولى و لم ينطق أهل المنطقة و لكن الله لطيف بنا فجاءت الألمانية بنت البرلماني و رأت ما يريد فعله النميري فأثارت الموضوع حتى صدر قرار من البرلمان الألماني بأن هذه الهدية الألمانية إما لكريمة أو يتم سحبها لألمانيا فرضخ النميري لذلك وهو غير راضٍ بكل تأكيد. و تم تشغيل محطة كريمة للكهرباء بمعدل يوم لمروي شرق و يوم لمروي غرب و الفاصل بينهما نهر النيل أو "الساموري" كما نحب أن نسميه و يوم محطة كهرباء كريمة يبدأ في السابعة مساء إلي العاشرة مساء ، و استمر الحال بنا هكذا حتى عام الانتفاضة و الفترة الانتقالية و دخول الأحزاب و استلام عسكر البشير للسلطة و حتى قبل عامين فقط أي بحلول العام 2002 و نحن في ظلمات كهرباء مروي و لكم أن تتخيلوا طيلة هذه السنون كيف لمحطة ضعيفة لا تشغل حياً صغيراً من أحياء مدينة الخرطوم أن يكون حالها فحتى دور الشرق أو الغرب كل يومين أصبح كل أسبوع ثم كل أسبوعين ثم مرات معدودة و غير متفق عليها خلال الشهر إلى أن تناسى أبناء شايق أمرها و لم يكترثوا له كثيراً حتى أتى أمر الله و احترقت المحطة عام 2002 و رب ضارة نافعة فقد كان حريق المحطة سبب في أن يتذكرنا أهل النظام و يتعطفون علينا بوابورات جديدة حلت مشكلة الكهرباء في مروي في العام 2003 فقط. أما بالنسبة للطرق فقد كنا آخر المناطق السودانية التي تنعم و تتنعم بنعمة الأسفلت فطريق شريان الشمال و الذي لم يكتمل حى الآن و حده مدينة الملتقي الجديدة قد كان أول طريق له لون أسود يراه أبناء المنطقة المغلوبون على أمرهم و نحن آخر منطقة في السودان المتقدم تدخلها البصات السياحية المكيفة و العربات الصالون الصغيرة و ذلك في العام 2003 حينما خصصوا لنا بصاً شكله شكل "الكدنداية" ينتمي لشركة الصفصاف من حيث المسمي فقط أما من حيث الشكل فلا يمكن نعته بغير "المدرعة" فهو أول بص سياحي صحراوي خصص لصحراء الشمال إذ أن الأسفلت كما أسلفت لم يكتمل بعد و لم تره شوارع المدينة الغير متمدنة حتى الآن، و كم من أرواح ضاعت بسبب الحوداث السفرية و حتى حوادثنا ما بتشبه حوادث خلق الله فهي من نوعية الحوادث الصحراوية التي قلما تنتج عن تصادم إنما تكون نتاج وقوع أحد المسطحين في أعلى البص أو انقلاب البص نتيجة المجاري الرملية المنزلقة و الكثبان المرتفعة أو الضياع في الصحراء الشمالية القاحلة التي لم ترحم حتي محافظ المنطقة و سيارته الفارهة و كم كنا نكتم أنفاسنا حتى يلوح لنا من الأفق وداي جبل الحوش و من ثم نخلات كورتي الباسقات. أما عن التواصل مابين أهل الضفتين الشرقية و الغربية اللائي لا ينفصلن عن بعضهن بأي حال من الأحوال فوسيلة العبور للناس و الدواب و الآليات المتحركة من سيارات صغيرة و بصات سفرية هي بنطون وحيد لا غير فعليك حينما تصل و أنت على سفر أن تنتظر البنطون إن كان في الضفة الأخرى و أن تنتظر دورك في العبور الذي قد يطول لأكثر من يوم خاصة فترة الأعياد أجاركم الله إن تعطل بنطونا الواحد فتنقطع الصلة تماماً ما بين الشرق و الغرب إلا من "الفلوكة" وهي قوارب صغيرة يخافها أهل المنطقة لكثرة من غرقوا وهم على متنها. أما مطار مروي فلا يسعني أن أتحدث عن شيء غير موجود و الضرب على الميت حرام فمطارنا عبارة عن مساحة صحراوية شاسعة يحيط بها سلك شائك و في منتصفها بناية صغيرة على رأسها علم السودان في شكل مهتريء و ألوان باهتة تعالت الرمال حتى بلغت مستوي النوافذ منه أم مدرجها الذي كان فيما كان رملاً أحمر مخلوطاً بالحصى الخرصانية فيما يشبه بداية فكرة لإنشاء أسفلت فقد دفن مع الرمال و غطته الرمال البيضاء قبل أن تنضج الفكرة و قد كان "قلت كان" يصلح لهبوط طائرات من نوع فوكر أما الآن فهو لا يصلح إلا لمروحية من طراز أباتشي ، و قد صدر قرار سامي مؤخراً بضم أرضه للخطة السكنية لبني شايق فمرحي لنا بقطع سكنية جديدة لديار خاوية على عروشها أغلب من يسكنها نسوتها الفقراء نسبة لهجرة أبنائها و تشتتهم في أصقاع الدنيا المختلفة طلباً للقمة العيش التي ضنت عليهم بها منطقتهم لفقرها و قحلها. قرأتم بالتاريخ أن هناك مصنعاً لتعليب الفواكه بكريمة ؟ نعم كانت هذه واحدة من أساطير الأولين و هي الآن مجرد ذكرى أليمة لكل عامل أفنى عمره في ذلكم المصنع الذي أغلق أبوابه منذ سنين خلت. أما مستشفي كريمة فهو و إن صح التعبير"شفخانة" أكبر أطبائه درجة طبيب عمومي حتى نائب أخصائي ما عندنا ناهيك من طبيب متخصص ، و جزاه الله عنا كل خير دكتور عصام فهو يحاول ما بوسعه تخفيف آلام أهل المنطقة و إزالة البلاء عنهم ، و كم من مريض مات دونما أسباب واضحة نتيجة تقيحات و نزف دماء من الأنف أو الأذن أو الفم إلى أن تم اكتشاف أن ذلك أمراض سرطانية بسبب المواد الكيماوية التي دسها لنا النميري في أرضنا العطشي للماء و النيل أقرب ما يكون إليها فبدلاً من أن تزرع خضرة و زرعا زرعت بنفايات إسرائيلية كيماوية سامة مازالت تقتِّل فينا إلي يومنا هذا وأما طبيب أسنان كريمة فهو مساعد طبي "دون شهادة" اسمه عبد اللطيف الحلبي يمتهنها من منازلهم و يسلمونه الشوايقة أفواههم بكل استسلام للأمر الواقع ، أما في مجال طب العظام و ما أكثر المصابين في أمراض العظام بسبب من سقط من على ظهر حمارتو أو من أعلى النخلة وهو "يقفز" في التمر أو "يحش" في "السبيط" أو من تعقل ظهره من ضرب الطورية على الأرض فليس لنا سواء "بت أب جولة" أمهر بصيرة على أرض بني شايق . و أما عن التعليم فمروي التي غنا لها كابلي و قال "فيك يا مروي شفت كل جديد" أتحداه إن شاف فيها غير كلية واحدة تتبع لجامعة دنقلا و هي كلية ا لآداب و الدراسات الإنسانية. أما عن مصدر رزق أهالي بني شايق فلا شك أن التمر هو المحصول الرئيسي و يكفيني هنا أن أذكر مقولة أهلى الحكيمة التي تلخص سر معاناتهم مع محصولهم الرئيسي حين يقولون لك أن التمر "نص للطير و نص للزبير" أيام الزير رحمه الله و حتى نص الطير أصبحت تزاحمهم فيه السوسة و دودة الجريد التي أصابت معظم نخلات بني شايق و مصدر الدخل الرئيسي لسكان المنطقة هو إما تجارة تأتيهم بقليل متقطع أو إبن يضيع السنوات في غربة طويلة الأمد و لسان حاله يقول "أجيكم ماني زاير أريت رزقاً يغرب سيدو طاير يجيبني الشوق ... أجيكم و الحنين سايقني سيلو ألاقيكم قليبي يبل غليلو ... يخت حزن السنين الهدّ حيلو... سنين من غيركم محسوبات خساير" أما عن الأثار و التي تشتهر بها المنطقة فلا شك أن الحكومة قد استخدمت معها سياسة "نسد دي بي طينة و دي بي عجينة" و ما عادت تسأل و أصبحت المنطقة الأثرية مرتعاً لأصحاب الجلدة البيضاء و الشعر الأشقر و على عينك يا تاجر يجوا و يدقوا خيامهم لصق جبل البركل الشامخ و يستأجرون أبناء المنطقة ليقوموا بعملية الحفر و التنقيب عن الآثار و بتصريح من الحكومة ليملؤوا بها حقائبهم و يدفعوا لأبناء المنطقة ما يسد الرمق لا غير و يهرولون عائدين من حيث أتوا ليبيعوها في الأسواق العالمية و يعودون أدراجهم و لسان حالهم يقول "دي الشمالية المشرقة .. مشتاق لي تمودة و لي مشرقة ياخي وديني أنا للبلد" و تباع أثارنا و تعرض في الخارج على أنها آثار مصرية و قبل عام و في معرض عالمي للآثار في ألمانيا شاركت مصر بآثارها فطردوا من قبل إدارة متحف العرض و قيل لهم هذه أثار سودانية روحوا هاتوا آثاركم" و في العام الماضي تمت سرقة الأسد الذي يجلس قبالة جبل البركل و يشبه أبو الهول في جلسته وهو في الحجم أكبر من الفيل فتمت سرقة رأسه و في وضح النهار و من أحد أبناء ا لمنطقة و هو في حالة سكر أي أن تاريخنا بلا حراسة و لا رقابة ، و ما زال الفرنجة يبحثون عن المدينة الضائعة تحت بيوت البركل و مروي شرق و في كل يوم تكتشف مقبرة جديدة في باطن أرض أحد المنازل المأهولة بالسكان و يضيع ما بداخلها من آثار ذهبية و حجرية و برونزية و كل بيوتنا تحتوي في باطنها على مثل هذه المقبرات المليئة بالكنوز الضائعة. أما المياه فما زلنا حتى الآن نستخدم "الجوز" و "الخرج" خاصة في المنطقة الشرقية نسبة لأنها منطقة جبلية عالية عن مستوي الأرض بعد أن هجر الأهالي الأرض المنبسطة و طلعوا لقمم الجبال بسبب "البحر الطمح حرق القرين و البرتكان و الرش" الذي يغير علينا كل عام ليسلبنا الأرواح و الثمار و البيوت و نشربها مياه عكرة نحبها على ما هي عليه و نقول فيها و مشتاق للمن زمان ديدن غناي شكرة و مشتاق للجزيري و تشقة و هكرة و مشتاق للدميري و مويتة العكرة و مشتاق لطلوع تمرة و نزول بحرة أما عن العمران فمروي لا يوجد بها أي مبنى مكون من طابقين ناهيك عن أكثر سوى مبنى البنك الزراعي بسوق كريمة. إلي كل من يتحدثون عن تهميش الشمال لهم و في قصدهم أبناء شايق هذا هو حالنا و أقسم بالله العظيم لولا ارتباط تاريخي بتلك البقعة و انتماء و ثقافة و جذور لبعناكم إياها ببلاش و لبادلناكم المنطقة بالمنطقة فبادلونا المنطق بمثله. فماذا أنتم قائلون ؟ ملحوظة أخيرة: لكل من يتغول علينا نحن قبيلة بني شايق و يصفنا بصفات ليست فينا و نحن أجمل الناس صفات سألت جدي رحمه الله ذات مرة عمّا يقال عنّا من بعض الحاسدين أخذاً على بعض من يدعون إنتمائهم لنا فقال لي قل لهم "كل البقول ليهم أنا شايقي يسألوه عندو كم "تمرة" و كم "عضم" و الما عندو ما مننا" مقطع أخير : الشوايقة مثل النحل تتلطف به تجد منه العسل ، تتطفل عليه تجد منه اللسع .
مرحب ابوالحسين لعلك طويب ما داير اكثر السلام بس قلت اديكم غشوة ومعاها سبيطى من تراثنا السمح داك ...هاك دا ..مد طرفك واملا جيوبك ووزع للاهل.. عناء يسن عبد العظيم كلمات ابراهيم ابنعوف
كيفن أصـــبر قليـــبى.. وكيفـــــــــن أعمــل حسابى ما دام عشمى فى نظــــــرة .. والعندو النظرة مابى بجرو غنايا أحكى ليكم .. تعالو أسمعـوا يا صحابى حكــــاية الشافعى البريدا .. وريدا شقــــايا وعذابى أحن لها حن القمـــــارى .. تقوقيبـــــا أوتار ربابى واهوى الهوى فى هواها .. وهواها قرايتى وكتابى منو القال ليكـــــم عقلتَّ .. وحاتكــــــــم جنيت دابى بقيت لمان ليها أفارق .. أفارق عقـــــــلى وصوابى أضيق لمتين ليها أرجع .. أخاف مايطول بى غيابى أعاين زين فيها وأشبع وأزيد إعجاب على إعجابى أشرِّق وين ما أغــــــرِّب .. وأشيـــل همى وإكتئابى محل ما أمشى ألاقــــى طيفاً.. مشتت فكرى وحجابى تطير روحى بعيد تغــــــازل.. خدودك زهر الروابى تتعلق بين عيونا .. ورموشـــــــــــا البى فوقا كابى قليبى يفارق ضــــــــلوعى .. يلاهى عليها ويشابى بعيد مابيقــــــــــــدر يقاوم.. بريق البسمة السحابى صديرن لما يتفـــــرَّ .. تبــــــق نار الله فى أعصابى وقديلتن كيتن على .. وا نشاف ريقى وخــــم ترابى حنينى ومرات بتقسى .. تقول فى نفســــــها اتغابى إتغابى العرفة فيهو .. وا زرف دمعــــى ووا خرابى صحيح أصبحت مملوكا .. أســوِّى أورادى وأزنابى متل ما ملكت فؤادى .. أنا ملك شيطــــــــان الكتابى أخاف ما بقــــــدر أعاتب .. أقول تزعــل من عتابى أموت أحسن من هى تزعل .. أو تزرف دمعة كابى عشانا أنا كم ضُقْتَّ مُـــــــرَّة .. عشانا مهمِّل عقابى عرفت الله فى عـــــذابك .. إنتَّ خاف الله فى شبابى
وعد الحبيبه صديق احمد عبدالله محمد خير
عديلـه عليـك مشـاويـرك عديـلـه عديله إن كان قصيره إن كـان طوليـه
لا متين يا نومي فيـك رؤيـاي تصـدق ولا متين يا شوق موالي قليبـي تحـرق تاني جود باللقيـا يـا زمنـي المفـرق وتاني يا اجمل صباح في عمري أشـرق
يا حلاة العُشرة وكتين تبقي صـح صـح ويا حلاة الريده وكتيـن تصفـى تفـرح يا حلاة ليلاً معـاك مـا درنـا يصبـح ويا حلاة صبحاً معاك تكون إنت المصبح في الربيع قالوا الزهـور تنضـر تفتـح يا ربيع في حضنو كـم لفانـي وارتـح صار يباب بستاني من غيـرك مكـردح غير سموم في أم شير وغير أم شير تكتح
يا قمره ... صبي السنسني الحمـره شوفي أبوي أنا الراجاهو كلو صبـاح يا زينوبه أبوكي هو أصلو حالو بـره لو قاري العلم هو ولاهو سيد خبـره ومو زول غربه لكن الظروف جابره مالو إن كان صبر كل الخلوق صابره والصابرات روابح لـو يجـن قمـاح
هو أصلو متين نساكم يُمة شان يطره بيتنفـس هـوا ذكراكـم العـطـره رهيف إحساس حنين قلبـو بالفطـره نديمو بقت دموعو الديمـه منقطـره وأصلو إن ما قعد بينكـم ولا بيرتـاح
جاهو العيد كمان زاد القليب حسـره ساد العبره حلقـو ونفسـو منكسـره هو لا لمّ القروش لا حصل المسـره بلد ما فيها زول مات من عدم كسـره فراقكم ليها يا أحباب ولا كان صـاح
يـا أمارتـي المـا طاعـت الأمـره ندماني وبقـت محتـاره فـي أمـره بعد قسن الـدرادر قصـرن عمـره الشوق فاض وعماها الحنيـن غمـره الشوق للبلـد لـي بهجتـه وسمـره الشوق لي مقيلا ضـم ضـم تمـره الشوق لي حديثا ضـم ضـو قمـره الشـوق للبلـد جابريـتـا وكـكـره كان الشوق يخفف والله يبرى جـراح
تعاتبنا !!! وما قبلان تكاتبنا ما إنتو البيتو الحله يا نوره ورحتلو بعيد بلا شوره تراها الحله من يوم قمتو مهجوره وما رضيانه بعدك إلا مجبوره ومشتاقه عارفه الدنيا لمان تقسى فراقه حليل الحله .. وين أملاكه (وين حوره)؟؟ وين شاديها ؟؟ يا شاديها ما تزوره يا فتنه يا البعد الله منك كان مخافتنا أكان حيين .. وما متنا وكان حن القدر والدنيا لمتنا وتاني الحله زي ما كنا ضمتنا بنحلف ليك بزمتنا سعادتك كل مهمتنا وبلاك قامت قيامتنا. بت البلد كلمات السر عثمان الطيب غناء محمد جبارة
بلا خبر تلقى الخبر مالي البلد قالوا العريس قام بالأحد الحلة جاطت والحريم يتهامسن جاي الولد كوم من بنات للبير ورد يتحدثن جاي الولد يابختها وشوقنا نحن اللينا جمر الشوق وقد ***** لامن خلاص الليل دخل آخر شعاع من الشمس روح نزل ضو القميره جاء من بعيد بهر قدل دافر ظلام الحله قدامو وصل **** ناس البلد النام رقد والماسك السبحي عبد مشغول هو بى خبر العريس القالوا قام بالأحد
الليلة هناك بعيد بقادي في آخر الديار راكوبة ضلها أحر من حر النهار كوم من بروش وجريد تمر عيدان صغار دلوق هدوم موروثه من زمن الكبار تلات عناقريباً صغار كرابه منقطع نزل والنوم من البى فوقها روح داك جفل *** راقد هناك كوم من ضياع مركب مسافرة بلا شراع وأحلام مسافرة بلا وداع دموع ضياع تجاره من غير انقطاع أحرف أنين ما خطتن أيد بيراع
بت البلد عبراتها سدت في الحلق تبكي تنوح تشرب دموعها تنشرق لمن حسيس نقارة جاها من الشرق *** قامت على الحيل صنقرت شالت طريحتها للدميعات كفكفت
أتذكرت فجاة السنين الفاتو جن وأيام زمان اتلملمن أتذكرت كانت تقوم فجراً صباح لمن يقموا أهل الصلاح وأبوها شايل السبحي صاح ياشفعه شدي سريع سوي الملاح شيلي المناجل وأمشي قدامي الجرف أتذكر كانت تسبقو تمشي تنـزل بي تِحِتْ تمسك صبيت التمرة بايده تَحِتْ تقعد تحش اللوبي لي الكاويق تقش تصل البحر والموج يداعبها فوق هدومه ينط يرش وبعدين تشيل القش تفوت واليوم يفوت وتفوت سنين وتمر سنين يكبر عمير بت البلد ويكبر معاه كمان حنين
الليله في يوماً صباحو صباح هنا واحة عبير نغمة غنا ريحة لبينه مقننه مر الجنى وسلم على بت البلد ذي عادتو سلم وأبتعد تابعاه عين بت البلد بت البلد سمعت ضريبات القلب ياالله مالو ده ها القلب بعد الثبات كيفن خرب بت البلد عرفت تحب *** واليوم داك وماجاها نوم مادام خيال ود البلد يمشي يحوم بين الخيال شافت وجيهو الهاش وباش شافت عيونو الفيها فيض أحلامها عاش شافت سحاب الريدة فوق واديها راش الليلة تاهت مع الشوق الما عاد ينكتم والصورة هاد في قليبه صبح وسم تاهت مشت سايقاها دقات الدليب لي دار حبيبها منى القليب لي قعده عصراوية فوق العنقريب لي الونسة والخاطر يطيب لي مسكة في أيد الحبيب *** الوقفة قدم الجنيات القرمصيص وغنا البنات ياالله وين تلقى الثبات والصفقة من تال الولاد تسمعها جاياها من أخر بلاد أتذكرت قول حاج مُحُمد والدها حالف بي يمين ود البلد ما يخدها لو كان ركع قدامها صلى يعبدها *** أتذكرت قول حاج مُحُمد والدها وصف العريس الجاي بقطر الأحد كتَّر محاسنو عددها .... راجل موظف عندو مال يأويك في بيتاً حلال تبقي لو أماً للعيال
أتذكرت لمن أبت قول حاج مُحُمد والدها كيف نهرها وكيف نهزرها حالف بي يمين بيودرها لو ما رضت بالجاي بي قطر الأحد *** قاليها: ما عندك أدب تعبان سنين فوقك تعب بديك لي زولاً كعب تربال عشتو عدم عدم لو قاري لو ماسك قلم لو أخديتو تندمي صح ندم يشقيك يورك الألم أتذكرت كيف الحبيب ود البلد في الغربة سافر وأبتعد بكت لمن الخبر زاع في البلد أنو العريس قام بالأحد *** الحلة جاطت والحريم يتهامسن جاي الولد لكنهن ما عرفن الشوق كيف وقد ما عرفن هي شوقها تب ما عندو حد مو للعريس للحبيب ود البلد دا الراح في زحمة ضياع ما توجد يا حليلك إنت يا بت البلد
سيل الشوق عبدالله محمد خير صديق احمد
اجمل منو في الكون كلو ما شفنا جود يا الله بي لقياهو أنصفنا راضين نحن مهما حبو كلفنا لأنو ملك شعورنا ملك عواطفنا والفناهو لو يرحم يوالفنا نحن نطيعو ما دايرين يخالفنا حاول مره زورنا عشان تشرفنا وبي معنى الجمال الفطري عرفنا لفينا المداين والقرى وطفنا زيك لا بنلاقي ولا بيصادفنا يا سواقنا قدام بيتو وقفنا خليها الزهور تمرق تلاطفنا ما حبينا غيرو وهو عارفنا دايرين لي لماهو الحظ يحالفنا ليك غنينا وتر سلكو عازفنا نظمنا القصائد فيك وألفنا دايم حبي ليك ومستحيل يفنى وسيل الشوق على الحابنو جارفنا تعال بالله أرقص تاني أتحفنا وبي عينيك لو بتحب تكاشفنا ناري أنا من عيونو المنهن خفنا عيونا بالسهام كادت تنشفنا إن نسفت سبيبه معاهو تنسفنا وإن مالت بعد سابتين ترجفنا حياتنا عليها من قبلك تأسفنا ولو ما شفنا حسنك تاني شن شفنا
عينيك ابراهيم ابنعوف غناء النعام ادم
عينيك دنيتن تشقينى وفيهن ألقى السعادة ارتاح مرة تجود على تشفينى ومرة تزيد قليبى جراح فيها تمر تعدى سنينى بى آهاتا والأفراح ويومن فيهو تنعم عينى ويومن كلو أقضى نواح حالفة على دار تفنينى وبرضى أبسم وأقولها صاح ما دام العلي راضينى كيف فى أحكاما أدورلى سماح يعدى شتاها صيفا يجينى بى حراً شديد لفاح ويبقى شرابى دمعة عينى أطمن فى القليب الناح أقول داك السحاب غاشينى شوف يى داك بريقو اللاح أقول يبقى الخريف طارينى يتفرق عصار ورياح وبى دة أنا كلو ما هامينى لا لا ولا شبابى الراح أدواى جراحى كاتمو أنينى عارفو عذابى ليها مباح تبسم لى كتير تغرينى وأحكى البلبل الصداح وترجع بالسهر تورينى ليلن ما لقيتلو صباح لا لا وحاتا وحيات دينى لو فى موتى ليها صلاح ماب أقبل كمان يفنينى بالموت غير سلاحا سلاح أبقى إن مت سديت دينى وأبقى من العذاب مرتاح وبعدين ذكرتك تكفينى وشعرى اليبقى لى مناح
السلام مطبوق الشاعرابراهيم ابنعوف، غناء الفنان عثمان اليمني
فسراع يا نسايم اشواقي ودينلي السلام مطبوق لي اهلنا وجميع حبانا في الحلة التحت والفوق
ديل اهلي الحنان يا نسمة اهديهم سلامي وشوق
طول داير اشوفن مرة الا قديمي ما مطلوق
هبي علي الشمال تلقيهو المال فوق جريدو يتوق
يتراقص مع نغمات قماريهو التسوي القوق
بي طيبة الحنان يلقاك يهش ليكي ويطول لي فوق
باري جديولة اطلعي فوق شوفي دحين شنو المسيوق
وبعدين بي بشيشك لفي قدامك شتيل مكروق
داك بدر يحش في قشو عجلان باقي شايل السوق
وداك مالي الرحل مندلي شايل للخدار ماروق
داك قراع مقرن مويتو فتران دار شوي يروق
عشان يفتل حبيل يربطبو قادوسا نعس مطلوق
ان سالوك عن احوالي البي مايصيد مخلوق
تاهت بي مراكب الغربة لا ريس ولا واسوق
انسلب اللحم من جسمي اصبح تب عضام وعروق
اما قليبي لو شفتيهو بي سيف الغرام مشقوق
لا لاقي البحن في حالي لا زولا علي شفوق
الدرب المسافر بيهو من طولو بتهابو النوق
خمسة سنين قعد في ظلامو ما بان لي صباح وشروق
اساهر الليل مع الباكنو ينجاري الدمع سبلوق
ابكي علي الزمان الفات ما ظن البفوت ملحوق
انبقي عاد دة حالي البي ما اظن للسعادة اضوق
العيد المضى عبدالله محمد خير صديق احمد
طولت شايل الذكرى في عيني للعيد المضي طولت بحسب في نجوم الليل وأقدر في مساحات الفضا وأغصب مشاعرى علي الألم وأروضا واتمني لو لحظاتنا ديك تسمح ظروفنا نعوضا وتجمعني بالحسن الرفض أفكاري كان بيعارضا يمكن قبل نتبادل الحب الشريف يمكن رضا تمضي السنين وتمضي الشهور واتمنى لو كان تمت الأيام وانتهت السنين والكون وقف خلا المسير كان قلبي فتش عن نصير خفف عذابات الضمير ومن قبل ما أصل المصير الفيهو قلبي المحترق فكر كتير اتذكر العيد المضى يوم بيتنا أصبح كلو خير يوم كنا بي نشوة فرح دايرين نطير يوم القمر في بيتنا متواضع قعد فوق السرير وقال ... كل عام وانتم بخير نظراتو كان زي بسمة الطفل الغرير وخصلات شعر تنساب متل موية الغدير وحبات نهودو الطعنن فوق الصدير حاولت بيهن استجير من العيون التايهه والخصر الصغير من الشفاه العطشى والوجه المنير من السعير ومرت ليالي طوال علىّ وطأت غرامك ما بتخف حاولت أصارحك وليك بالبي اعترف فكرت أكتب ليك رسائل بي دموعي الما بتجف مليون حرف داير أخليك عن دلالك تنصرف داير أعبر عن مشاعر عن مشاعرك تختلف ودايرك تصدق إني في محراب غرامك معتكف واجيب قلم واحصر تعابير الألم وكل ابتهالات العشم لكني من أول حرف أجد الأنامل ترتجف وتتذكر العيد المضى أعياد تجي وأعياد تفوت والفرحة تصحب كل عيد تملا البيوت وأنا كل ما استقبلت عيد أحيا وأموت وأطبع ملايين التهاني على الكروت تمضي السنين وتمضي الشهور وأنا قلبي يحيا بلا شعور لكنو قرر يا القلبت ظلامو نور قرر يحارب كل أوضاعو ويثور قرر يكاشفك بي ضمير ما فوقو زور قرر يرسل ليك سطور مكتوبه فوق ورق الزهور مكتوبه بي دمعو الغزير داير الحروف تبقالو نور وتبقالوا .... لى قلب البحبو جواز مرور
سماحتها جد عبد الله محمد خير غناء صديق احمد
سماحتا جد ...سماحتا ضمة فايتي الحد سمحاسنا ذاتا ما بتتعد سماحتا ...في سبيب اسود ممدد فوق قفاها رقد سماحتا لما تتنهد ويتنهد فوق صديرا نهد سماحتا لما تتعقد وشامة خدو تتورد سماحتا لما تتعقد تقول لى بي شوية صد شيل إيديك بعيد يا ود .................. شعر حاتم حسن الدابى غناء جعفر السقيد
مدّر مدّر يا رواسي .. نحن بعاد لحّقنا القيفة انت مدبّج ونحن نقاسى مربوشين والموج والزيفة مركبك الماليها مطارق تمشي، تقيف، تسرح بى كيفه مرة مغارب ومرة مشارق وانت تخاف الريح وحفيفه ساوّها زينة وفوقها بيارق وانت مدبّج توب وقطيفة فيها المات والضاربه الفالق والسالمين فى حالة مخيفة كل الناس ترزح في كفة وانت وناسك فوق الدفة الدايشين والراسهم لفة والشاخصين فى المدى للضفة ساو طبّالك فوقن ألفا ..جوة الموية وريقن جفّ من العطش النص اتوفى وباقى النص الفضّل جيفة .... ضاقوا المر والحال استعصى الشغال واللاحق الحصة الواصال للرحم اتقصّ والهدّاي مو لاقى الفرصة الرسّاي سافر ما وصى خلى مُحمد واحمد وحفصة الاطفال العرفو القصة سدت جوة حلوقهم غُصة من الجوع الدم اتمصّ واصبح كل الحلم رغيفة ..... كل الراكب شاف احلامه دون احساس ماتت قدامه فنّ كتابه وكسر اقلامه لا الوالدين لا جار ما لامه ناس الحلة القعدوا وقاموا اصر والح يمشّى كلامه هزموهو اخوانه البى الجوع نامو وكم خريج ما لاقى وظيفة .......
يا الفكيتها وقلت لها سيرى وعارف انه الدنيا دميرى لا فى ضفاف لا شفنا جزيرى لا فى الحيرى ولا في الطيرى كسرت جناحها وقلت لها طيرى اتملّكت الكانت ميرى يا السوّدت الناصع وجيرى ايد الحق صابونة وليفة ...... قبلك كم متعلم وقاري عكس الريح فكولو الصارى مشدوهين متعشى وحارى ريسها شلته والبحارى كم سنوات علام البارى واقفى وهم شايفنها جارى بقينا هلاك والقيف متضارى لا حُجار لا دوحة وريفة ..... حسك عينك ما تتمادى وتنسى الراكب عنده ارادة الاهوال الشافها وخاضها كان فى مدرسة ولا عيادة شفنا الايد الكان اجوادة يا مبتورة ويا شحادة وياما رقاب كانت سدادة علّمت الله من التعريفة ...... يا ريسنا قدُر مِدّيرك فك الدفة وادّها غيرك احفظ نفسك ترضى ضميرك وقّف اوع تواصل سيرك كان طاوعتنى شن بيضيرك عرض اكتافك وفك البيرك لا هنى شكرا وكتر خيرك وكل انسان في الارض خليفة
وهذه اجمل اغنية وهى من الدرر كلماتا ولحنا ... اداء الفنان الكبير عبد الرحمن الكرو.. تصدقي يا محاسن لمن خبرك جاء وصلني انا جيت ابارك جراحي تنزف لدياركم ساحبة ظني
بي بشيشكن يا عيوني يا دمعوع لا تفضحني طالما الاقدار بتحكم غصب عنك وغصب عني جيت في ليلة زفافك برضاي ورغبة مني انا جيت اضم الشوق واقالد وانظم الاشعار واغني جيت في فرحك اشارك جيت اقول مبروك واهني جيت امد ايدي البترجف لي ايادي ملاني حني انا جيت اعاين واملا شوقي في العيون العذبني انا جيت اودع في خدودك البي صفاهن جرحني كان مناهن اعيش معاهن أه دا لو كان بالتمني قسمة والاقدار ارادن يحرمني ويحرمني التمن املي البنيتو حتىلي شوفتك امني
ادي حالي انا يا ليالي لي بكاي ماك دار تحني كنت في عتمت همومي اللبن ما يرحمني وانتي في عش السعادة أه انا الشوقك كتلني ابكي في زحمة سنيني في الليالي العاكسني الوداع الوداع الوداع يا نور حياتي يا امل خاب فيهو ظني بي بشيشكن يا عيوني يا دمعوع لا تفضحني طالما الاقدار بتحكم غصب عنك وغصب عني
لك التحية المبدع عبد الله محمد خير وانت طريح مستشفي ابن سينا والصابرات روابح حاج
Post: #7 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-12-2006, 06:04 AM Parent: #1
كتب إكس بي:
Quote: أما عن العمران فمروي لا يوجد بها أي مبنى مكون من طابقين ناهيك عن أكثر سوى مبنى البنك الزراعي بسوق كريمة. إلي كل من يتحدثون عن تهميش الشمال لهم و في قصدهم أبناء شايق هذا هو حالنا و أقسم بالله العظيم لولا ارتباط تاريخي بتلك البقعة و انتماء و ثقافة و جذور لبعناكم إياها ببلاش و لبادلناكم المنطقة بالمنطقة فبادلونا المنطق بمثله.
والله كلامك عين العَقُل يا اخوي...
ووفيت وأوفيت يا اخوي...
مودتي...
أبو الحســــــــــــــين...
Post: #8 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فيصل محمد خليل Date: 11-12-2006, 06:22 AM Parent: #7
ابو الحسين
مسكاقنا
انا اكتر واحد مبسوط لفتحك لهذا البوست.
Post: #9 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: Sana Khalid Date: 11-12-2006, 08:27 AM Parent: #1
أبو الحسين..
ألف مرحب بيك..(ما لقيت بوست الترحيب!!)
إن شاء الله الدار ترحب بيك
Post: #10 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-12-2006, 09:08 AM Parent: #1
Quote: عناء يسن عبد العظيم كلمات ابراهيم ابنعوف
كيفن أصـــبر قليـــبى.. وكيفـــــــــن أعمــل حسابى ما دام عشمى فى نظــــــرة .. والعندو النظرة مابى بجرو غنايا أحكى ليكم .. تعالو أسمعـوا يا صحابى حكــــاية الشافعى البريدا .. وريدا شقــــايا وعذابى أحن لها حن القمـــــارى .. تقوقيبـــــا أوتار ربابى واهوى الهوى فى هواها .. وهواها قرايتى وكتابى منو القال ليكـــــم عقلتَّ .. وحاتكــــــــم جنيت دابى بقيت لمان ليها أفارق .. أفارق عقـــــــلى وصوابى أضيق لمتين ليها أرجع .. أخاف مايطول بى غيابى أعاين زين فيها وأشبع وأزيد إعجاب على إعجابى أشرِّق وين ما أغــــــرِّب .. وأشيـــل همى وإكتئابى محل ما أمشى ألاقــــى طيفاً.. مشتت فكرى وحجابى تطير روحى بعيد تغــــــازل.. خدودك زهر الروابى تتعلق بين عيونا .. ورموشـــــــــــا البى فوقا كابى قليبى يفارق ضــــــــلوعى .. يلاهى عليها ويشابى بعيد مابيقــــــــــــدر يقاوم.. بريق البسمة السحابى صديرن لما يتفـــــرَّ .. تبــــــق نار الله فى أعصابى وقديلتن كيتن على .. وا نشاف ريقى وخــــم ترابى حنينى ومرات بتقسى .. تقول فى نفســــــها اتغابى إتغابى العرفة فيهو .. وا زرف دمعــــى ووا خرابى صحيح أصبحت مملوكا .. أســوِّى أورادى وأزنابى متل ما ملكت فؤادى .. أنا ملك شيطــــــــان الكتابى أخاف ما بقــــــدر أعاتب .. أقول تزعــل من عتابى أموت أحسن من هى تزعل .. أو تزرف دمعة كابى عشانا أنا كم ضُقْتَّ مُـــــــرَّة .. عشانا مهمِّل عقابى عرفت الله فى عـــــذابك .. إنتَّ خاف الله فى شبابى
الحِبيِّب الكيــــــك...
الشايقي الأصيل... يا اخوي الجرعات دي خففها علينا بالقطاعي قلوبنا دي الغربة سوتها زي الهبابة يا اخوي... بقينا ماب نقدر نحَمَل قدر دا!!!
Post: #12 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: محمد عثمان Date: 11-12-2006, 09:37 AM Parent: #1
ابو الحسين...
متااابعين معاااك بجيك صادى...
تحياات..
Post: #13 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: محمد عثمان Date: 11-12-2006, 09:42 AM Parent: #1
ابو الحسين..
حاولت انزل عمل شاايقى لكن كل المحااولات باءت بالفشل.. على العموم الارضة جربت الحجر.. بحااول تاانى... شكلها الشغلانو دايرة الصبر و طولة البال.. و الله يدينا الصبر...
Post: #14 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-12-2006, 09:50 AM Parent: #1
Quote: ابو الحسين
مسكاقنا
انا اكتر واحد مبسوط لفتحك لهذا البوست.
الحِبيِّب خالي الفيصل...
نهارك سعيد يا اخوي... وبي مناسبة خالي دي لأن أهل الوالدة منكم...
محســـــــــــــــــــــكو... وشوف سبحان الله عندي خال برضو في الأُوف لاين... وبرضو إسمو الفيصــــــــــل...
ونحن أيضاً مبسوطين بي حكِّيرتك المعانا دي... ويلة تُراث أهل الشمال كلو واحد وبالأخص المفردات النوبية العندنا في الشايقية... ودا موضوع حا نفتحو ونوثق ليهو لو ربنا مد في الأيام...
تنبيه للإخوة الدكتور/ يس والأخ محمد عثمان...
في تسجيلين نازلات عثمان اليمني من د. يس...
وتسجيل صوتي لشاعر ماعارفو منو بيجي داخل مع صوت اليمني...
فأنا أقترح يا رييييييييت لو كان العاوز ينزل أُغنية ينزلها بالتحكم... يعني الواحد العاوزها يفتحها... لأن حا تجي أغاني كتييييييييرة وتسجيلات في البوست دا بإذن الله تعالى...
ولكم جميعاً مودتي قواسيب قواسيب...
أبو الحســــــــــــــين...
Post: #15 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-12-2006, 09:52 AM Parent: #1
Quote: ابو الحسين
مسكاقنا
انا اكتر واحد مبسوط لفتحك لهذا البوست.
الحِبيِّب خالي الفيصل...
نهارك سعيد يا اخوي... وبي مناسبة خالي دي لأن أهل الوالدة منكم...
محســـــــــــــــــــــكو... وشوف سبحان الله عندي خال برضو في الأُوف لاين... وبرضو إسمو الفيصــــــــــل...
ونحن أيضاً مبسوطين بي حكِّيرتك المعانا دي... ويلة تُراث أهل الشمال كلو واحد وبالأخص المفردات النوبية العندنا في الشايقية... ودا موضوع حا نفتحو ونوثق ليهو لو ربنا مد في الأيام...
تنبيه للإخوة الدكتور/ يس والأخ محمد عثمان...
في تسجيلين نازلات عثمان اليمني من د. يس...
وتسجيل صوتي لشاعر ماعارفو منو بيجي داخل مع صوت اليمني...
فأنا أقترح يا رييييييييت لو كان العاوز ينزل أُغنية ينزلها بالتحكم... يعني الواحد العاوزها يفتحها... لأن حا تجي أغاني كتييييييييرة وتسجيلات في البوست دا بإذن الله تعالى...
ولكم جميعاً مودتي قواسيب قواسيب...
أبو الحســــــــــــــين...
Post: #17 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: على محمد على بشير Date: 11-12-2006, 11:30 AM Parent: #15
ابو الحسين
متابعين معاك
ابو زينب جزبيرة ابو رنات
Post: #16 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-12-2006, 11:01 AM Parent: #1
Quote: أبو الحسين..
ألف مرحب بيك..(ما لقيت بوست الترحيب!!)
إن شاء الله الدار ترحب بيك
بتنا سناء...
ألف مرحب بيك في ديار أهلك الشايقية...
شرفتينا ونورتينا... الضبيحة يا ولد...
وترحيبك وصلنا مادام زرتينا في دارك عندنا...
كميات مودتي...
أبو الحســــــــــــــين...
Post: #18 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-12-2006, 12:12 PM Parent: #1
Quote: ابو الحسين كيفنك
انا جاييك من البركل (تحديدا شبا)
بيك صادي بس اصبر لي
الحِبيِّب طارق جبريل...
مساك الله بالخير والرضا يا اخوي...
والتحية والقومة وتعظيم سلام لكل أهلنا في البركل وشِبا...
وعبرك تحياتي لكل أهلنا الطيبين في شبا وأخص بروفيسور عبد الهادي تميم وأولاد اليمني والكرسني وأولاد الجاز وكل عُظماء شِبا الحبيبة... وبالمناسبة عندي نضمي كتييييييير عن شِبا دي...
لأني كُنت من مستقبلي نادي المــــــوردة لمن جاء وزار منطقة شبا بقيادة الأخ الكريم بروفيسور تميم...
لك مودتي قواسيب قواسيب...
وفي إنتظار مساهماتك... ويااااااااارب تحفظك وتحفظ الفي الصورة ديل... قول آمين...
سلام يا لنا مهدي المثل بيقول : "العندو ضهر ما يندقا على بطنو" نقدر نقول انو البوست دا تاني ما في راجل "وشيهو شبر" يقدر يهبشو ما دام نحن مناسبنكم ، بل سنطمع في الوزارة ونطالب بحقنا في الميراث من الآن فصاعد"إن لم يكن التعويضات" لك كل الود والاحترام والله دخولك "هني" يشرفنا تب وكلامي الفوق مزاح وبرضو في شايقي ماخد منكم "ود محجوب جعفر" آ زول ، يا ابو الحسين بعد دا قول الداير تقولو ،" ما همانا ما دام لنا معانا" "لنا معانا بشاشا لا تغشانا" لكم حب مطبوق
Quote: خارج النص: عليكم الله يستاهل الجائزة ولَّة ما يستاهلة؟؟؟
ويستاهل أكبر منها..الشايقي الحنين..
مني
Post: #24 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-13-2006, 01:39 AM Parent: #1
Quote: ابو الحسين..
حاولت انزل عمل شاايقى لكن كل المحااولات باءت بالفشل.. على العموم الارضة جربت الحجر.. بحااول تاانى... شكلها الشغلانو دايرة الصبر و طولة البال.. و الله يدينا الصبر...
الحِبيِّب مُحمد عثمان...
آلااااااااااف مراحب بيك في ديارك ووسط أهلك...
وأها متحكريييييييين وراجينك بس لا تتأخر علينا...
قواسيب مودتي...
أبو الحســــــــــــــــين...
Post: #25 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-13-2006, 02:43 AM Parent: #1
Quote: ابو الحسين
متابعين معاك
ابو زينب جزبيرة ابو رنات
الحِبيب علي ود البشير...
يا هلا بيك وشرفت ديار أهلك الشايقية...
والتحية والسلام لكل أهلنا في تنقاسي الحبيبة إلى قلبي وخصوصاً إني عملت مدرس بمدرسة أُم أيمن الثانوية العليا وعندي ود قدييييييييييم لي تنقاسي منننننننننننن الدبيبة لييييييييييييي أبرنات جنوب...
وعبرك أحيي أُسرة الشاعر ود النضيف بأب رنات وعندي قصة قديمة لشاعرة مجهولة من تنقاسي سأرويها لكم لاحقاً لو ربنا حيانا... ممكن تكونو تعرفوها... لكن في عدد من الجمعيات الأدبية في المدرسة ومع بعض الإخوة في تنقاسي حكيتها كتير لكن ما عِرفوها... ترقبها قريباً...
لك وللجميع مودتي بلا حدود...
أبو الحســــــــــــــــين...
Post: #26 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-13-2006, 04:03 AM Parent: #1
Quote: الاخ ابو الحسين والاخوة العنصريين
قسم بالله المامنكم ندمان ندم
سلام لي سمعريت وتنقاسي وابورنات
حبيبنا الرزوقي...
يا هلا بيك في ديارك ووسط أحبابك...
وسلامي كميات عبرك إلى كل أهلنا بتنقاسي فُتنة والسمعريت والرويس وأبرنات...
وأبقى لا داخُل وورينا مساهماتك معانا...
فهذا البوست لتوثيق تُراث أهلنا الشايقية عموم...
قواسيب مودتي...
أبو الحســــــــــــــين...
Post: #27 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-13-2006, 05:40 AM Parent: #1
Quote: أولاد خالتي شوايقة أبوهم من مروي
التحية للشايقست أينما كانوا والتحية لصاحب البوست أخي الحبيب أبو الحسين و فرصة للترحيب العملي به عبر مداخلتي. محبتي لنا
مرااااااااااحب بي بتنا (لَنَا)...
ونهديك ولأهلك الشايقية بمروي...
يا بختنا بي بتنا لنا...
شرفتنا ونورت دارنا سعادة وهنا...
وإقامة طيبة ليكي إنشاء الله وسط أحبابك في حوش الشايقية الما خمج...
بروفيسور عبد الهادي تميم ولد خالتي رسمي (ست نور أبو دية رحمة الله عليها) وأولاد كرسني أولاد خالتي (زينب أبو دية عليها الرحمة) وانا منتظر حاجاتك عن شبا
Post: #29 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: Salah Musa Date: 11-13-2006, 08:13 AM Parent: #28
الأخ أبو الحسين أنا شايقي من الحجير وكانت عمتي زينب بت عثمان تطلق علينا لقب طير الصعيد البوم حيث ولدنا ونشأنا بعيد عن الجذور ولكن عندي قناعة إنو ناس الحجير ديل تنحدر أصولهم من مدينة لتل روك عاصمة ولاية أركنساس ولتل روك ترجمتها للعربي الحجير وكان يسكنها الهنود الحمر منذ الاف السنين قبل التطهير العرقي الذي حل بالهنود الحمر بعني ممكن تعتبر ألأستاذ عمر إدريس عضو البورد ده من بقايا الهنود الحمر الذين هاجر أسلافهم من 400سنة كدة وإستوطنوا لتل روك السودانية مع إنو عمر إدريس ذاتو طير صعيد بوم
Post: #30 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: Salah Musa Date: 11-13-2006, 08:13 AM Parent: #28
Post: #31 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-13-2006, 09:09 AM Parent: #1
Quote: نقدر نقول انو البوست دا تاني ما في راجل "وشيهو شبر" يقدر يهبشو ما دام نحن مناسبنكم ، بل سنطمع في الوزارة ونطالب بحقنا في الميراث من الآن فصاعد"إن لم يكن التعويضات"
الله يجازي محنك يا دكتور...
دا يعني عشان بتنا لَنَا إيدها واصلي ولَّة عشان شيتاً تاني؟؟؟
كميات مودتي... وشكراً ليك على الإستجابة وأبو مازن يشكرك جداً هديتك في بوست الترحيب وصلتو... بس باقي لي أوصلها لمحمد والزبير...
أبو الحســــــــــــين...
Post: #32 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-13-2006, 09:34 AM Parent: #1
لزوم نداء للكيـــــك... نفرِد دي من دي!!!
Quote: وعد الحبيبه صديق احمد عبدالله محمد خير
عديلـه عليـك مشـاويـرك عديـلـه عديله إن كان قصيره إن كـان طوليـه
لا متين يا نومي فيـك رؤيـاي تصـدق ولا متين يا شوق موالي قليبـي تحـرق تاني جود باللقيـا يـا زمنـي المفـرق وتاني يا اجمل صباح في عمري أشـرق
يا حلاة العُشرة وكتين تبقي صـح صـح ويا حلاة الريده وكتيـن تصفـى تفـرح يا حلاة ليلاً معـاك مـا درنـا يصبـح ويا حلاة صبحاً معاك تكون إنت المصبح في الربيع قالوا الزهـور تنضـر تفتـح يا ربيع في حضنو كـم لفانـي وارتـح صار يباب بستاني من غيـرك مكـردح غير سموم في أم شير وغير أم شير تكتح
الحبيب الفاضل ابـــــوالحسين لفتة جميلة ونغمة وغنوة أخوك من شندي وأنت تفهمها طايرة حنية أهلنا الشايقية ويقال في أرض الجعلين الشايقي خال, بمعنى أن الخال دائمًا حنين على أولاد اخته. نعم الشايقي القارح ولداً حنين في الاحوال العادية... واخو اخوان في الحارة... وأسد إذا حمى الوطيس.... وبحر في الكرم.
كتبت شاعرة من أرض الشايقية خطاب لابنها الذي ألتحق بالديش وكان قد ارسلت الأورطة (( الكتبية )) التي فيها لمصر لمساندة الجيش المصري في حرب 1948, وكان معسكر الأورطة في عين شمس في القاهرة وكانت أيامها خلا. كتبت أم نعيم لأبنها تسأل عن الحال وكيف عايش وفي ختام رسالتها طلبت منو مبلغ مال بسيط يعين في الزمن الصعب.
السلام من عين شمش لحد فلسطين السلام يغريك ات يا الزين السلام للفي الأوضه معاك قاعدين السلام يغري الطرابيش والقلاشين
الله أن خلاني طيره وأحصلو الحين وألقاهو قبل الرسمي جالس في الدرابزين وينسر بالي بيكم يا الحنينين بعد الحال أن شاالله عايدين يابا نتلاقى انت طيب ونحن طيبين يابا نتلاقى انت طيب ونحن طيبين
الليله يا خيريّ بدور اشكرك ألا بخاف من العين ات من عين الخلوق وادعاك جبريل ات بالعافي التختك في المصارين يابا تبقالك هدم وسروال ونعلين وانت يا سيد الجزيري تكاكي وزين وانت يا دق الترك فك العرجين انت ما بتقول لي نعيم صباح امو اشتغل وين ؟ وانت في تلات سنين ما بدوك سبوعين يابا ان شاالله نتلاقى انت طيب ونحن طيبين
الليلة انا دايره احكي العذر وصمد النمرتين وقوللو من قبل الملمات مانا فايقين ومجتمعات عليا تلاته واتنين وختي ربع جنيه وبعضاً تلاتين ( ربع حنيه طراده او تلاتين قرش ) وقالن ما بنقبل عذر تدونا في الحين ان قت المقد ما جابلو مدين العيشريف مبوص وما مرق هين اصلو لا تمراً نجض ولانا سايقين
الليله يا خيري لا تقول الجواب دا جاني من وين الكلام نظم أم نعيم ما دايري تلقين الكاتبو وراق حسن اسطى في الطاحونه تاجر في الدكاكين أنا طليتك بالله تر سل لي جنهين طلبتك بالله ترسل لي جنهين
بعدها سمع الشاعر الكبير اسماعين حسن بجواب أم نعيم ورد لها على لسان ابنها جواب منظموم جميل لكن لم ترضى عنه أم نعيم
الآن نقولك يا ابو الحسين والاخوة الأخوات زوار البوست الجميل, ردالشاعر العملاق سماعين ود حسن رحمة الله تنزل عليه برداً وسلام( طبعاً الرد كتبه على لسان نعيم ابنها يصف فيه حاله في مصر )رجاءً قراتها باللهجة الشايقيي حتى لا تفقد حلاوتها
في درب البنات يا يمه أنا إتشتنته وإتبهدلته وتغربته دابي وأنا إتوكرته في بلدن بناتها بلا المهور الجامحة فوق الريح تشابي
وجوهن يمه كان شفتي القمر لجلج يضاحك في الروابي
عيونن يمه زي بحر المحيط والموج يولول والعرق لافحني فايت وا خرابي
سنيناتن يمه بلا شخب الحليب الصافي يرهج في الكبابي
وريقن يمه زي خمر التمور المن زمان طامرنو في جوف الخوابي
ورقابن يمه وين رقاب الريل ؟؟ علي الحدب البعيد شرفن علي هوهيو كلابي
وعودن يمه متل الخيزران فدعوهو لوجعي وعذابي !! العرجون يصارع في السبيط مندلي........فوق قلب الجريد هتان ينقط في العسل يا ريت شرابي
ولونن يمه زي لون القمح ضروهو وشوف ضراني كيف؟؟ الله بضاريك يا الضرضر صوابي!!
دريباتن .... عقاب التيه ومافي خبير بشق التيه علي بلد الدوابي
مهرن غالي غالي وما بقدر عليهن وحاتك انت ما بقدر عليهن وكمان شوفو المصيبه نفيستي فيهن ومنو البقدر امد ايديهو لكيس المرابي (( المرابي الذي يتعامل بالربا )
دحين يا يمه أنا راجع لدريبك وأنا الغرقان وفي الموجات بشابي أصارع في الهلاك يا يمه قاسي وبعد قربته لقبف الشرق تلفحني شيمي كاسحه مغربابي
وأنا قعدته زي فاقدن مزوزو أجرجر في التراب ودر حجابي
مشاكل الدنيا مما فته منك وإلى هادا الوكت وايضاً كذلك إلى ما بعدو ضددي مبشتنابي أنا لا مالاً لقيتو عشان أجيكي أقدل مع الجنيات تجيكي العافي بس فضل شبابي
وأن كان للقروش أن شاالله طايري أنا معّلم الله ليّ حولين أسم فرطاقه ما دخلت جرابي
والخبر المهم ما قلتو ليك قبل ما أنسى في اخر جوابي دا شيتن أصلو مافكرته فيهو وحاتك ضمه ما كان في حسابي إرادة المولى موخافي عليكم وكان ديسته لابد يوم تجيكم
خبيري مع البنات والليل يهود أهز ضرعاتي وأرفع في حجابي أنا بقيت غنّاي آه غنّاي بلعلع في البنادر ميل ناس ود صليليح طنبرابي
جواب بت ودخير لابنها المتغرب في مصر ,,, طبعا دي بعد ما اسعفنا المبروك ياسين بلنك القصيدة وكانت قد تفلتت من الرأس حيل الراس لما كان بيحفظ
الليله رسلت السلام يغريك يا الزين السلام ليك, للفي الأوضه معاك قاعدين السلام يغري الطرابش والقلاشين السلام من عين شمش لحد فلسطين
أنا ما بوصفك يا صباحي بخاف من العين وأت من عين الحسود وادعاك جبرين وأنت بالعافي التختك في المصارين ياسيدي تبقالك هدم وسروال ونعلين
الليله ات يا سيد الحصص وصمد النمرتين وانت ياسيد الجزيري تكاكي وزين وأنت ياسيد البسوق أرقوق موازين وأنت ماعارف قلبين لي مجنين ومابترسل لي جوابن فيهو سطرين وما بتقول لي نعيم صباح أمو أشتغل وين
أنت ماعارف جواب السلامي يجيني وأطول لي شبرين وأنبسط لي بساطي زايده علي القوانين الله من خلاني طيره وأحصلو الحين وألقى قبل الرسمي جالس في الدرابزين وينسر بالي بيكم يا الحنينين بعد الحال معاك أن شاءالله جالسين يابا نتلاقى أنت طيب ونحن طيبين
الليله دايره احكيلو العذر صمد النمرتين وقولو من قبل الملمات مانا فايقين ومنطبقات عليا تلاتي واتنين وختي ربع جنيه وبعضن تلاتين وقالوا مابنقبل عذر تدونا في الحين
وأن قلته المقد ماجابلو مدين والعيشريف مبوص ومامرق هين اصلو لاتمرن مر ولانا سايقين أنا طلبتك بالله ترسل لي جنهين
الليله لا تقول الجواب دا أنا جاني من وين الكلام نظم أمنعيم مو دايري تلقين الكاتبو وراق حسن اسطى في الطاحونه تاجر في الدكاكين وات في تلاته سنه مابدوك سبوعين؟ شكرك ياخيري راقد بالجرانين ألا الجواب ياخيري أتملا بالصفحتين
Post: #36 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-14-2006, 01:35 AM Parent: #1
Quote: ويستاهل أكبر منها..الشايقي الحنين..
مني
بتنا منى خوجلي...
يا هلا بيكي وسط أهلك وأحبابك...
وحقيقة يا أختي الشاعر محمد محمد أحمد الشايقي...
شاعر حنييييييييين وعندو أشعار كتييييييييرة ومجادعات معاي ومع الأخ الشاعر محمد جيب الله كدكي... سأقوم إنشاء الله بنشرها تباعاً...
الأخ خالد على محجوب المنسي مرحبابك نعم هذه القصيدة تعد من أجمل القصائد وهي تفيض حنية وتؤرخ لوضع اقتصادي أصبح أبعد من الخيال أهديك القصيدة والرد عليها بصوت الفنان محمد كرم الله ، ولكنني سمعت ذات مرة من الأستاذ أيوب محمد الحاج وهو قريب "بتت خير" شاعرة القصيدة ، قد ذكر في حفلة وداع أخي وصديقي الأستاذ جمال محمد نور ، وكيل النيابة سابقاً والذي كان يعمل بديوان الضرائب، في باخرة نيلية في الخرطوم عند سفره للملكة العربية السعودية وهي حفلة مسجلة علي شريط فيديو رأيته في بيت صديقي جمال بالولايات المتحدة ، أن الذي قام بالرد ليس هو اسماعين ود حسن كما يختلط على الناس ، فكلمات القصيدة تشبه كلمات المرحوم اسماعين ، ولكن الشاعر هو أحد شعراء القرير وان لم تخني الذاكرة هو محمد سعيد دفع الله وسأتأكد من الاسم ، عموماً استمتع بالقصيدة وسأعود لك بالخبر اليقين
Post: #38 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: Faisal Taha Date: 11-14-2006, 04:11 AM Parent: #37
أمانة الشايقية ما فنانين - الكلام للأستاذ محمد وردي في لقاء إذاعي أدارة المذيع ذوالنون بشري في منتصف السبيعنات - تعليقا علي سؤال عن إيقاعات الشوايقة المميزة وغناهم الحنين
التحية لك أخي ولأهلنا في ديار الشايقية
Post: #39 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-14-2006, 04:34 AM Parent: #1
Quote: ابو الحسين كيفنك
بروفيسور عبد الهادي تميم ولد خالتي رسمي (ست نور أبو دية رحمة الله عليها) وأولاد كرسني أولاد خالتي (زينب أبو دية عليها الرحمة)
الحِبيِّب طارق...
يعني صديقي وحبيبي عمو قبلايا الفي الرياض قريييييييييييييبك...
Quote: قريب لو في العمر باقي تلقوني بيناتكم وسط خلاي وسط عشاقي اعيش حياتي امان اماناً هسي مولاقي اطل القيف تلوت الليل ومرات ارجع الساقي لا في مرور يقولي اقيف ولا دوريه بتلاقي وبدل هدوم الصووف كفاي سروال وعراقي
مقطع من اغنية للفنان صديق احمد ألشاعر عبد الله محمد خير
Post: #42 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: عبد اللطيف بكري أحمد Date: 11-14-2006, 05:23 AM Parent: #1
قاعدين نعاين من بعيد لبعيد للأسباب التالية: 1- أنحنا شوايقة أي كلام ، بالإنتساب،، شوايقة الأبيض،، 2- بعدنا من الشمال وبقينا ناس غرب عدييل ونضمكم ما بنفهمو ،، يعني لما اتنين شوايقة يقعدو يرطنوا جمبك زي 2 حضارمة ما تفهم منهم إلا (الريال ، الجنيه ، التمر، البلد) 3- خوفا من التهمة الجاهزة (عنصرية)،، لكن الحمد لله البوست ماشي تمام وظريف
كمان طارق جبريل قال
Quote: Quote: بروفيسور عبد الهادي تميم ولد خالتي رسمي (ست نور أبو دية رحمة الله عليها) وأولاد كرسني أولاد خالتي (زينب أبو دية عليها الرحمة)
أهو طلعنا أهل ياطارق : الجماعة ديل ناسنا عديل وناس ابودية من بورسودان لا بحري والحميداب خيلانا كمان ،، وأهلنا نصهم في شبا ونصهم في الفحلاب والدوداب : هكذا سمعت أبن عمي اسحق عمر يقول،،
أحب أغنيات النعام آدم لأنها رسخت منذ صبانا حيث كان جارنا من نوري يصدح كل ذات مساء : الزول الوسيم في طبعه دايما هادي، ماعارفو كان قاصد منو!!،
صديق أحمد : رائع،، كلكم والله رائعين ، وإن شاء الله ناوين توطيد العلاقة مع الجذور في أول أجازة قادمة،،
معليش مشاركة مشاترة (عدم العرفة) لكن من باب الواجب تجاهكم ،، على فكرة (عبد اللطيف بكري اليمني ، سكرتير جمعية أبناء مدينة الأبيض بالرياض ) سلام،،
Post: #43 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-14-2006, 09:12 AM Parent: #1
Quote: الأخ أبو الحسين أنا شايقي من الحجير وكانت عمتي زينب بت عثمان تطلق علينا لقب طير الصعيد البوم حيث ولدنا ونشأنا بعيد عن الجذور ولكن عندي قناعة إنو ناس الحجير ديل تنحدر أصولهم من مدينة لتل روك عاصمة ولاية أركنساس ولتل روك ترجمتها للعربي الحجير وكان يسكنها الهنود الحمر منذ الاف السنين قبل التطهير العرقي الذي حل بالهنود الحمر
قواسيب مودتي... والتحية عبرك لي عمتك زينب بت عثمان... يا ربي هي أُخت صلاح عثمان..؟؟؟
أبو الحســــــــــــــين...
Post: #44 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-14-2006, 11:03 AM Parent: #1
Quote: الحبيب الفاضل ابـــــوالحسين لفتة جميلة ونغمة وغنوة أخوك من شندي وأنت تفهمها طايرة حنية أهلنا الشايقية ويقال في أرض الجعلين الشايقي خال, بمعنى أن الخال دائمًا حنين على أولاد اخته. نعم الشايقي القارح ولداً حنين في الاحوال العادية... واخو اخوان في الحارة... وأسد إذا حمى الوطيس.... وبحر في الكرم.
تسلم يا اخوي خالد على المقدمة الطيبة...
وإنشاء الله يطيب ليك المقام بين أهلك وأحبابك وأبناء عمومتك وطبعاً زي ما قلنا من الأول البوست دا فقط يوثق لتراث أهلنا الشايقية لكن لا يمنع من تناول تراث القبائل الأخرى وخصوصاً عندما نأتي لسرد تاريخ هذه القبيلة سوف نتطرق للإخوة الجعل والبديرية والمناصير وهم أبناء عمومة حفظ الله جميع قبائل السودان...
وحفظك أخي الكريم خالد الجعلي... أما بخصوص القصيدة الأولى وهي للشاعرة بت ود خير... وهي أُخت وزير الخارجية أحمد خير المحامي (رحمه الله) وقالت هذه القصيدة لإبنها محمد الحسين صالح... رحم الله الجميع...
وإنشاء الله سوف أُحاول لو لقيت تسجيل قديم للأخ أيوب محمد الحاج وهي (حبوبته) أنزلها بصوته...
لك كميات مودتي... والأخ يس تراهو ما قصر نزل ليك قصيدة إسماعين حسن الرد... على قصيدة بت ود خير...
وأبقى حاضر معانا الدار دااااااااااارك...
أبو الحســــــــــــــــين...
Post: #45 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-14-2006, 11:47 AM Parent: #1
Quote: سلام لكل تلك الديار يبدا من كريمي نيمة نيمة
وأهديك أخي د. يس والجميع هذه الصورة للذكرى والرجوع لأيام النيسانات... وبص النور البراق وجابر وأحمد أبريدة وصباح الخير...
Quote: أن الذي قام بالرد ليس هو اسماعين ود حسن كما يختلط على الناس ، فكلمات القصيدة تشبه كلمات المرحوم اسماعين ، ولكن الشاعر هو أحد شعراء القرير وان لم تخني الذاكرة هو محمد سعيد دفع الله وسأتأكد من
العزيز الفاضل ابـــوالحسين أولاً لك كل الشكر والتقدير على الحفاوة الشديدة بزوار بوستك العامر الجميل وتعجبني ردودك الوددة المهذبة وفوق هذا تزينها ببعض المعلومات من هنا وهناك أتوقع لهذا البوست الجميل رواج رائع فقط يتطلب منك الهمة في الردود كما اتوقع ان يكون مرجع للكثير عن المعلومات عن ارض الشايقية وفنونهم وتراثهم وثقافتهم
أما عن الرد فهو اكيد للشاعر العملاق سماعين ودحسن وموجودة القصيدة في ديوانه (( ريحة التراب )) وهل يخفى الشاعر محمد سعيد دفع الله وله من خوالد اشعار اهلنا الشايقية وهو شاعر معروف وله باع طويل.
أخي لك الشكر مرة اخرى لاول مرة اعرف اسم شاعرة القصيدة بت ودخير يرحمها الله وأرجو التعقيب على كل ما كتب بما اتحفك المولى عن معلومات حتى تعم الفائدة لك التشكرات مرات ومرات خالد محجوب
أموني بت الشيخ حمد أبوها زول مزواج خلاص ناسب جميع ناس البلد ميلاده كان عرساً كبير هيصة وضبايح مالا حد
يوم السماية إتيتمت حكم القدر في الأم نفد كانت شبيهت أمها في القدله والعود اللمد في مره رف قليبها يوم حبّت قريبها الشيح حمد وأظن كمان حباها هو سوا الضلوع لحبو سد
كاتمين غرامن في القلوب ولع لهيبو وما برد خايفين يصارحوا ومايلقو للدايرنو رد خايفين عيون الناس تشوفهم والخبر يملا البلد والحب هناك عيباً كبير لا بت تبوحبو ولا ولد
في يوم ابوها ضحك كتير وبرم شواربو بلا الأسد نادّاها آمني تعالي جاي وفوق البرش اتربع قعد قالتلو هووي جاياك خلاص قليبها فره ومارقد قالّها حاج الخضر عارفاهو داك قالّتلو آيّ.... ابوسند؟ جاني الصباح طالب يداك داير نسب شيخ البلد وأنا قتلو أهلاً بيك تعال يومين تلاته تكون عقد راجل عظيم عندو القروش عندو الحرير راقد لبد وكمان كريم وأخو رجال ماعونو فديوم ما برد
جرن الدموع من عينا شو سكتت وابت تديهو رد بس قام مرق خلاها فات لو سبه لو كايس غرض عند المغيرب تاني جاها كدي لمحاسن الحاج سرد داير ااثر في قلبه لو كان تقوم تديهو رد
وكتين غلب وإحتار خلاص وولع فوادو جمر وقد فسر سكات البت رضى جاب زولو ولما الناس عقد
المال مخمخم والحرير تحت الرجول مدوهو مد يوم الصفاح والناس تجوط وبالفرحه مقلوبه البلد أمونه تبكي بكى السواد بدل الفرح جاها النكد
وبشيش قامت للمروق (( طلعت من البيت )) منسرقي ماحسابا حد كان الحبيب راقد هناك والصدمي قدّت قلبو قد وقفت قصادو بكت كتير لامن دميع العين جمد قام جاها بشوقو الكتير وقليبو داك تنهده هد قالتلو مابيدي شي ديل ناس ابوي وابوسند تلملمو وسوو الكلام وأنا لا رضيت لا جبتا رد داك عندو مالاً موقليل وأبوي شاف المال سجد أداني للراجل العجوز المن عروقو الدم شرد قايلني بسعد بالقروش ولا المراح الماتورد لكن محال أسعد بلاك كان السما انهده هد بديك قليبي وروحي ديل وهناك بعيش صوره وجسد واتراجعت دارت تصد ((ترجع البيت )) لكن قليبه رجع رفض ومسكت دريبن موغريب كم بيهو صف بنوت ورد قاصده البحر داير تموت لا عيشه لا هم لا نكد واترددت وقفت كتير لامن قليبه خلاص صمد شافت مسار النيل حزين حتى النخيل حزنان خمد وبشيش فكفكت الحرير لا زيني لا ربيط عقد مادام حياته بقت دموع وقليبه من زولا انفرد قالت اخير ارتاح خلاص أرسى وشقاي ألقالو حد وفي لحظه موج النيل علا وفي جوفو غابت للابد في لحظه موج النيل علا وأمونه غابت للابد
Quote: الأخ خالد على محجوب المنسي مرحبابك نعم هذه القصيدة تعد من أجمل القصائد وهي تفيض حنية وتؤرخ لوضع اقتصادي أصبح أبعد من الخيال أهديك القصيدة والرد عليها بصوت الفنان محمد كرم الله ، ولكنني سمعت ذات مرة من الأستاذ أيوب محمد الحاج وهو قريب "بتت خير" شاعرة القصيدة ، قد ذكر في حفلة وداع أخي وصديقي الأستاذ جمال محمد نور ، وكيل النيابة سابقاً والذي كان يعمل بديوان الضرائب، في باخرة نيلية في الخرطوم عند سفره للملكة العربية السعودية وهي حفلة مسجلة علي شريط فيديو رأيته في بيت صديقي جمال بالولايات المتحدة ، أن الذي قام بالرد ليس هو اسماعين ود حسن كما يختلط على الناس ، فكلمات القصيدة تشبه كلمات المرحوم اسماعين ، ولكن الشاعر هو أحد شعراء القرير وان لم تخني الذاكرة هو محمد سعيد دفع الله وسأتأكد من الاسم ، عموماً استمتع بالقصيدة وسأعود لك بالخبر اليقين
الأخ العزيز ياسيكو كيف حالك كلامك حلو بالحيل واشد الحيل تعرف غايتو ما بنعرف نسوي شنو ونقول شنو لاخونا ابــو الحسين الجمعنا وربنا ان شاء الله يجمعنا في ساعة خير تعرف كنت متأكد أني ممكن اتفيد كتير من هذا البوست الجميل لاني مغرم جداً بشعر أهلنا الشايقية وأحفظ منه الكتير وتراني كنت احفظ قصيدة بت ود الخير من زمناً بعيد وقد تفلتت مني بعض ابياتها لكن جودك وكرمك ان انزلت لنا القصيدة وردها بصوت الرائع محمد كرمالله خلاني كتبتها شكرا ليك كتير آالزين أما عن الرد أنا متأكد انه للشاعر العملاق سماعين ود حسن وموجوده في ديوانه ( ريحة التراب ) انا برضو رديت لابو الحسن ممكن ترجع للموضوع في ردي عليه لك الشكر والتقدير وزدنا من ملكاتك يا بطل مما تحفظ أو تسجيلات وبالذات من الكلام الزمان والقصائد التي لها قصص وحكاوي في ارض الشايقية
Post: #50 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-15-2006, 01:46 AM Parent: #1
Quote: جرن الدموع من عينا شو سكتت وابت تديهو رد
الحِبيِّب خالد محجوب...
الله يكرمك وأنت تتحفنا كل يوم بي رائعة جديدة...
لكن تعليقاً على الإقتباس الفوق دا...
مالُو كانت قالت ليهو أنا ما دايرة الراجل العجوز دا... وعايزة فلان؟؟؟
كان حا يحصل شنو باقيلَك؟؟؟
كميات مودتي...
أبو الحســـــــــــــــين..
Post: #51 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-15-2006, 05:41 AM Parent: #1
إخوتي الكرام...
هذه القصيدة كتبها الأخ محمد جيب الله كدي الله يديهو العافية...
وفي مرة من المرات جالس مع العم محمد محمد أحمد الشايقي في بيتو العامر بأُمبدة قمت قلت ليهو القصيدة دي لأنها كانت عاجباني شديد...
فسبحان الله في زيارتي الجاية ليهو لقيتو عمل رد حا أنزلو ليكم لاحقاً بإذن الله تعالى... وكانت بيناتُم مراسلات وكل واحد كان متمني يلاقي رفيقو... لكن لاحدي ما جيت مسافر البلد دي ما قِدِرْت أجمعهم بي بعض...
عموماً الآن أنزل لكم قصيدة الأخ كدكي وهو ممثل فيها دور الوالد ينهزِرْ في ولدو الطال غيابو وقاطع وصالو منهم... وبعد شوية يجي محمد محمد أحمد يمثل دور الأُم المدافعة عن ولدها...
وإلى قصيدة كدكي:::
يا ولد فتِّح عيونك ديل إنت من تالانا ليه قلبك غَفَل؟؟
إنت مقطوع أصلو ما عندك أهل؟؟
من زمانك في هواكَ تراكَا في لبس البِدَل!!
نِحن لا لُمناكا لا اْتْفَتَّشْنا لي زولاً سعَل
عاد هواكا دا حدُّو لا وين؟؟؟ إن باريتو لي حد ماب تصل!!
كُتْ قبيل بتقول أبوي بي مالو أبوي بي عيشو أبوي سايق البصل!!
وكُتَّ مستَقْويني بي قمحي المنورَق في تقاتو بَلا الجبل
وبالتِمير الفي الجراري مليِّسٍنُّو يشيلنا في ساعة الوحل
وفي فَرِقْةَ الدور ويوم السوق نسَرْبِق منُّو إن غِلا وان نَزَلْ
عاد السني دي مي الكعوبيي!!! أصلو شوَّال ما فضل
مي المطر ضَرَّتْنا فيهو أصبحنا وحلانين وحل
نخَمْخِم فيهو مهرود لي غنمنا الفوق نقِلْبو رحل رحل
وبي تِحِتْ تِحْت امُّو في جاعورتو يِندَسَّ الجمل
أصلو زي دا من الله سوَّاني لا شُفْتو ولا حصل
ولي تَلاتْ ادوار تصيدني المَغَسة لا تِحِت ان نَزَل
وبي تِحِت فوق المِرِق مجدوعة مُلْفَحتي اْم عَبَل
وضارِب شُمَّارتي افتِّح في الجداول، ونَفَسِي قايِم لا مُرُوَّة ولا عَضَل
وراسي دايِشْ بالشَمِش وجسمي يي دا اللِّتْوَكَلْ
والضِرِيس الكُتْ بلُوكْبُو علي العليهو يي دا إتخَلْخَلْ نصل!!!
إن سعَل مني من تالاكَا داير انْشَقَّ طَرْرْرْ من الزعل
كم مشيت للبوستة ودَّر يومي ساكِت وانضَقَل
منَّ الجواب ناسيني ماك طاريني انا الماسك المحل
وانا لي منو اشتِل في الشتِل مي ليكا أريتو عنُّو شَتْلاً ما انشَتَلْ!!!
إن فتَّحت عينك وانعدل؟؟
دا يعجِبْني... وحبيل الوُد البينا اتقَطَع يكون يادوووووووبو بالتيلي اتفتل
أما اْن قصَّر حالِفْ ياني جاييك جاييك زول شَكَلْ...
وإلى أن ألقاكم في رد الأُم لي راجلها بخصوص إبنها...
أترككم في رعاية الله وحفظه...
قواسيب مودتي...
أبو الحســـــــــــــين...
Post: #52 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-15-2006, 10:28 AM Parent: #1
Quote: وأرجو التعقيب على كل ما كتب بما اتحفك المولى عن معلومات حتى تعم الفائدة
الحِبيِّب إبن العم خالد...
مساك الله بالخير والرضا...
فتح البوست من أساسه الغرض منه نثر وتوثيق لتراث أهلنا الشايقية... وأكيد الإخوة المشاركين لهم الباع الطويل أكثر مني في هذا الإتجاه وما أنا إلا ساعي خير... وبادرت بفتح هذا النفاج حتى نستريح فيه ويخفف علينا معاناة الغربة والإبتعاد عن الأهل...
وهسع والله يا خالد يا اخوي صورة حش التمر الأنزلها د. يس دي كأني في ساقية ود منصوري ونحش في التمر... صورة معبرة لها الأثر الكبير... وأرجو من كل الإخوة المشاركة بقدر المستطاع... أما أنا فلن أبخل بأي شئ كتبته أو حفظته من الأخ محجوب كرار الباحث في التراث رحمه الله وكان لي لقاءات كثيييييييييرة قبل موته رحمه الله وكتبت منه الكثير الكثير عن أشعار أهلنا في الشمال وخاصة القديمة منها وبالذات شعر عمتكم من كلحية بت نعمي الله يغفر لها ويرحمها وبت نقد وبت ود خير وزوينة وبت كسبة وستي زينب وكثير من شعراء المنطقة وإنشاء الله سوف أنزلها تباعاً...
أما صاحب الباع الطويل في هذا المجال من غير شك فهو الأخ الدكتور يس فهو جال وصال في هذا المجال كثيراً قبل سفره وهو هناك في غربته أيضاً يناتِق يلم من جاي ولي جاي ربنا يديهو العافية ويحفظو ووليداتو والجميع يااااااااااارب...
Quote: أما صاحب الباع الطويل في هذا المجال من غير شك فهو الأخ الدكتور يس فهو جال وصال في هذا المجال كثيراً قبل سفره وهو هناك في غربته أيضاً يناتِق يلم من جاي ولي جاي ربنا يديهو العافية ويحفظو ووليداتو والجميع يااااااااااارب...
ولكم جميعاً مودتي كميات كميات...
أبو الحســــــــــــــين...
الحبيب ود العم ابـــو الحسين حفظك الله من كل بلى ومتعك بالصحة والعافية والباقي كلو هين وبجي.
كلامك زين وجميل بالحيل وفعلا زي ما قالت بت ودخير لما نقرأه نبسطلنا انبساطي زايدي علي القوانين ونحن نعاني مانعاني في غريتنا ردها الله بخير علينا جميعاً أن شاء الله متلمين وجامعين وعامرين في بلدنا نحفر في ارضنا ونأكل منها ومافي أغلى من الأرض ولكن للأسف ماعرف ذلك سواكم انتم الشايقية وكلنا نجهل معنى الأرض هي (( وتد)) إذا اندقا الزول ما بفارق وكان فارق لابد من يعود ومن هذا المنطلق كان هم الشايقي الأول والأخير ملكية الأرض وعمارها تعرف يحضرني ( دعوة يدعو بها في السودان ) وغالباً تدعو بها المرأة ولدها أو بنتها لما إكتر النبيح داير آكل داير آكل تقول ليهو يا شافع أو يا شافعة تأكل الواطه ... تعرف هذه الجملة نسمعها كثيراً ولا نعرف لها معنى. هذه الجملة أو الدعوة (( تآكل الواطه )) جات من اراضي الشايقية وتعني تبيع ارضك وتأكل قروشها.
نورة بت الواطه أختي نورة إخيت كل الغلابه نورة حاحاية الشقاوه نورة هدّياة الضهابه نورة عايز تقرأ قالت فوقه حيطت الدنيا مالت ختت الكراس وشالت منجلاً صالت بو جالت ساعة انجرحت بو شالت كوم رماد في آيده كالت نورة يوم في الدونكه لدغت جا الفقير بالليل حواها يوم ملاها الهم قطائع جا البصير وبالنار كواها نورة ما قدرت تمانع وتقنع الناس المعاها مره شافت في رؤاها طيره تآكل في جناها حيطه تتمطى وتفلع في قفى الزول البناها والخلق بقت بلاها والشمش بلعت ضحاها فسرت للناس رؤاها وقالوا جنت وما براها نورة زادت في شقاها صدت الأيام تخش نورة للآمال ترش عرفت الشقا والشقاوة ألا ما عرفت تغش نورة تحلم ببيوت بديار.. بنور.. ودش بمحبه تشق دروبه وفي قلوب الناس تخش نورة تحلم بوجود مامشت بينو القيود أفضل افضل بكتير بوطن من غير حدود نورة تحلم بعوالم زي رؤا الأطفال حوالم لا محاكم.. لا جرائم لا مظاليم.. لا مظالم نورة تحلم نورة ترجف من أليم الواقع المر للعشيش احلامها تنسف نورة تنزف........ نورة تحلم صاحي تحلم ولما تحلم نورة ترجف
طفرت دمعة رويانة بالحزن والحنين عند قراءة أن قت المقد ما جابلو مدين العيشريف مبوص وما مرق هين أصلو لا تمراً نجض ولانا سايقين فتداعت ذكريات مع حبوبتي المرحومة بت أد الحسن في أرض العز والشموخ القرير وهي تقدل في فستانها (عاشق معشوق) الذي التحم نصفه الأعلي قسراً مع نصفه الأسفل رغم اختلاف الجنس والعرق والدين فأعلاه قطناً من عمر أفندي وأسفله بولستر من شنغهاي ولولا عبقرية بت أد الحسن وتسامحها الانساني لما رأي "عاشق معشوق" حياة بعد ممات، ورغم خرطوميتي النخاعية الا انني أعشق ريحة الجروف وموية الحفير وترانيم القماري وهي تذكر "أحمدوا ربكم" فهم قوم شاكرون حامدون، يقبلوا عليك بأنوفهم يتشمموك ويتبنوك للتأكد من سلامة بدنك قبل مصافحتك، وعندما تحين لحظة فراقك يودعوك قائلين"ودعناك أمين الوداعة الما بخون البضاعة" ...ديل أهلي ..ديل أهلي
في مكالمة تلفونية مع أمي صاحبة الروح الأديبة أخبرتني أن أحدي حبوباتنا في القرير سألوها لماذا فاتورة الكهرباء لا تزيد عن بضعة مئات من الجنيهات وهل عندها مشكلة في التعامل مع الكهرباء فأجابت "والله كهربتكم سمحة سماحة أدخل أوطي اولع النور أشوف كبريتي وين وفانوسي وين واطفيها كيفن عندي مشكلة مع الكهارب" تأملوا وتدبروا وسعيد الدنيا يدي قريرو طله
طفرت دمعة رويانة بالحزن والحنين عند قراءة أن قت المقد ما جابلو مدين العيشريف مبوص وما مرق هين أصلو لا تمراً نجض ولانا سايقين فتداعت ذكريات مع حبوبتي المرحومة بت أد الحسن في أرض العز والشموخ القرير وهي تقدل في فستانها (عاشق معشوق) الذي التحم نصفه الأعلي قسراً مع نصفه الأسفل رغم اختلاف الجنس والعرق والدين فأعلاه قطناً من عمر أفندي وأسفله بولستر من شنغهاي ولولا عبقرية بت أد الحسن وتسامحها الانساني لما رأي "عاشق معشوق" حياة بعد ممات، ورغم خرطوميتي النخاعية الا انني أعشق ريحة الجروف وموية الحفير وترانيم القماري وهي تذكر "أحمدوا ربكم" فهم قوم شاكرون حامدون، يقبلوا عليك بأنوفهم يتشمموك ويتبنوك للتأكد من سلامة بدنك قبل مصافحتك، وعندما تحين لحظة فراقك يودعوك قائلين"ودعناك أمين الوداعة الما بخون البضاعة" ...ديل أهلي ..ديل أهلي
أمين حمد – شايقي من القرير العزيز ابـــو الحسين نستميحك ونطلب الاذن يا راعي البوست تعقيب على الكلام الجميل الذي كتبه أخونا أمين حماد
الحبوب العديل أمين ود حماد صباحاتك بيض لو قريت في الصباح, وكيف قيلته لو صادف نهار و ومساك سعيد لو مررت ببوست ابوالحسين في المساء,,
Quote: فتداعت ذكريات مع حبوبتي المرحومة بت أد الحسن في أرض العز والشموخ القرير وهي تقدل في فستانها (عاشق معشوق)
تغنى الكابلي بأغنية قديمة يقول فيها الموز روى قايم سوى ألخ ....... ويذكر فيها قطعولو خط الأستواء ,,, المعني بها في القصيدة هو ثوب نسائي زمان اسمه خط الاستواء وكان الثوب يقطع من الطاقه ,, والكثير من الناس يفهمها على انه خط الاستواء الخط الجغرافي. عاشق معشوق يا سلام والله أعلاه قطن من عمر افندي واسفله بولستر من شنقهاي تصوير يطبع في الذهن حاجة بديعة.
Quote: يقبلوا عليك بأنوفهم يتشمموك ويتبنوك للتأكد من سلامة بدنك قبل
كانت تكون احلى لو قلت يكرفوك الكرفة فيها حنية وعمق اكتر من الشمه ويحضرني بيت شعر للشاعر الفذ محمد طه القدال
ومن القماش الكرب (( كاربلو عمة كرب مشغوله )) والأنبرك والدبلان والدمورية والمور شغل النقاده, وتوب الزراق وتوب القمر بوبا وفيها قال الشاعر بوبا عليك تقيل القمر بوبا عليك تقيل يعني شدة ما صغيرة في حجمها حتى التوب هدا كان عليها تقيل هيجت الاشجان يا ود حماد والله دي العرفتها انو بوست ابوالحسين فعلا سوف يكون استراحة ونعم الاستراحة دمتم ودامت لكم الافراح وما تحرمونا من الحديث الحلو الذي يخفف من ألم الفأس الفي راسنا دي وهي الغربه
Post: #58 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو Author: عبدالله شمس الدين مصطفى Date: 11-15-2006, 05:17 PM Parent: #1
يا بكرى ألحق, أبو الحسين قاعد يشلّخ فى البورد لى ورا.
عارف, الشايقية قبيلة مليئة بالحب و المعرفة و الجمال, و دون ذكرى لأسماء ما إلآ أن إسماً واحداً لا بد من الوقوف عنده.
قال حين سؤل عن قبيلته "أنا من قبيلة يطارد نصفها, نصفها الآخر".
التحية و التجلة للشهيد الفارع البطولة ... عبد الخالق محجوب . دمت
الاخ / ابو الحسين شكرا للبوست الجميل ده بس اتخيلي لي العنوان كان مفروض يكون فيهو اضافة كلمة توجد اشعار واغنيات انا بي صراحة ترددت كثيرا قبل ان الج اليكم لكن حينما وجدت الاشعار لم اقدر على مفارقتكم ودمتم
Quote: وهي تقدل في فستانها (عاشق معشوق) الذي التحم نصفه الأعلي قسراً مع نصفه الأسفل رغم اختلاف الجنس والعرق والدين فأعلاه قطناً من عمر أفندي وأسفله بولستر من شنغهاي ولولا عبقرية بت أد الحسن وتسامحها الانساني لما رأي "عاشق معشوق" حياة بعد ممات،
التحية لك ولتلك الوالدة تصويرك جميل ، لما لا وانت من القرير!!!!!! لك ودي
Quote: قطعولو خط الأستواء ,,, المعني بها في القصيدة هو ثوب نسائي زمان اسمه خط الاستواء وكان الثوب يقطع من الطاقه ,, والكثير من الناس يفهمها على انه خط الاستواء الخط الجغرافي. عاشق معشوق يا سلام والله أعلاه قطن من عمر افندي واسفله بولستر من شنقهاي تصوير يطبع في الذهن حاجة بديعة.
Quote: يقبلوا عليك بأنوفهم يتشمموك ويتبنوك للتأكد من سلامة بدنك قبل
كانت تكون احلى لو قلت يكرفوك الكرفة فيها حنية وعمق اكتر من الشمه ويحضرني بيت شعر للشاعر الفذ محمد طه القدال أماتي القبيل بحنهن ربني كرفه وقلده كيق شوب اللبن رجني ومن القماش الكرب (( كاربلو عمة كرب مشغوله )) والأنبرك والدبلان والدمورية والمور شغل النقاده, وتوب الزراق وتوب القمر بوبا وفيها قال الشاعر بوبا عليك تقيل القمر بوبا عليك تقيل يعني شدة ما صغيرة في حجمها حتى التوب هدا كان عليها تقيل
الأخ خالد محجوب المنسي سلام كلامك يجنن عديل كدي ، تلك موضات سادت ثم بادت ولكن خلدتها الأغاني الشايقية ، الآن اسمعك كلمات تفيض حنية من أم لا استطيع وصفها ، كلمات خلدت حقبة تاريخية كان أسرع ما فيها القطار الذي غاب بقدرة قادر وأجمل ما في المطبخ "الحلة أم قتاية" والحلم "رأس سكر وكركب وتوب اسمه الحمام طار" ..... إلخ وقد ألبسها المبدع الفنان صديق أحمد (أمده الله بالصحة) لحناً فريداً زان مفرداتها وجمَّل مقاطعها ، ولا يفوتني أن أقف عند الكيفية التي تم بها عزف الطبلة "الدلوكة" في هذه الأغنية فهي تكاد تلفظ بالكلمات واحدة تلو الأخرى "الله قادر" لقد أعجبني ما أوردت من موضات ولكن أستسحمك عذراً للتعليق حول ما ورد أعلاه ، فحسب معرفتي المتواضعة أن " القمر بوبا" وهو نوع من "العكش" "الحلقان" بمفهوم اليوم وهو صغير الحجم إلا انه بدأ ثقيلاً في أذني تلك المعشوقة ، والله أعلم
Post: #64 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-16-2006, 01:50 AM Parent: #1
Quote: قاعدين نعاين من بعيد لبعيد للأسباب التالية: 1- أنحنا شوايقة أي كلام ، بالإنتساب،، شوايقة الأبيض،،
الحِبيب عبد اللطيف ود البكري...
أولاً مراحب بيك في ديار أهلك الشايقية...
وإنت شايقي مأصل وهناك كثير من البيوتات الشايقية أنا أعرفها رحلت وسكنت الأبيض والفاشر ومنهم أُسر كثيرة من الكزارير الأراك والمقل وأشهرهم أُسرة الراحل المقيم (الخليفة) عبد الوهاب الرضي رحمه الله رحمةً واسعة وحفظ الله أبنائه الكرام مننننننننننن الأُبيض لييييي أب روف والمقل...
Quote: 2- بعدنا من الشمال وبقينا ناس غرب عدييل ونضمكم ما بنفهمو ،، يعني لما اتنين شوايقة يقعدو يرطنوا جمبك زي 2 حضارمة ما تفهم منهم إلا (الريال ، الجنيه ، التمر، البلد)
بِعِدتو من البلد حقيقة لكن روحكم فيها وأرجوك والأهل تابعو البوست دا... لأن بعد شوية حا نوثق الكلمات الشايقية المأخوذة من النوبية... ودي هي الكلمات الممكن تقول ماب تفهمها لأن معظم مفردات الشايقية القديمة وبالأخص المختصة بالزراعة مأخوذة من كلمات نوبية... إقامة طيبة ليك معانا هنا...
Quote: خوفا من التهمة الجاهزة (عنصرية)،، لكن الحمد لله البوست ماشي تمام وظريف
وأبشِّرَك يا اخوي كمان وكمان (يا عملات إخواننا السعوديين ـ وشايفك إستشهدت قبل شوية بالحضارمة ـ الظاهر عليك رجل بزنِس مادام مباري الجماعة ديل!!!)...
بإذن الله ريحة عُنصرية هنا ماب تلقاها ولا في واحد يشمها حتى... وأي واحد يجي يمد راسو يحاول يشتت هدف البوست لي عنصريات وقبليات أكيد ما حا يلقى مكان في قلوب رواد البوست وحا يمشي برااااااااااهو بدون ما يُطرد...
وأتمنى لك أخي الكريم إقامة طيبة بيننا وآسف لتأخير الرد عليك... وأنا زي ما قلت من الأول البوست دا للجميع يعني الردود فيهو مفتوحة... والدار دااااااااااااااااار للجميع...
والغرض منه زي ما أنا ذكرت في مقدمة حديثي إستراحة ظليلة ننثر فيها بعض تُراث أهلنا الشايقية من فِنون وحِكَم وأشعار...
Quote: الأخ خالد محجوب المنسي سلام كلامك يجنن عديل كدي ، تلك موضات سادت ثم بادت ولكن خلدتها الأغاني الشايقية ، الآن اسمعك كلمات تفيض حنية من أم لا استطيع وصفها ، كلمات خلدت حقبة تاريخية كان أسرع ما فيها القطار الذي غاب بقدرة قادر وأجمل ما في المطبخ "الحلة أم قتاية" والحلم "رأس سكر وكركب وتوب اسمه الحمام طار" ..... إلخ وقد ألبسها المبدع الفنان صديق أحمد (أمده الله بالصحة) لحناً فريداً زان مفرداتها وجمَّل مقاطعها ، ولا يفوتني أن أقف عند الكيفية التي تم بها عزف الطبلة "الدلوكة" في هذه الأغنية فهي تكاد تلفظ بالكلمات واحدة تلو الأخرى "الله قادر" لقد أعجبني ما أوردت من موضات ولكن أستسحمك عذراً للتعليق حول ما ورد أعلاه ، فحسب معرفتي المتواضعة أن " القمر بوبا" وهو نوع من "العكش" "الحلقان" بمفهوم اليوم وهو صغير الحجم إلا انه بدأ ثقيلاً في أذني تلك المعشوقة ، والله أعلم
الحبيب الفاضل ياسيكو سلام عليك ورحمة من الله وبركاته,, كيف اصبح ولا كيف قيل ولا كيف أمسيت انشاالله عافي درت. والله فعلاً كلاماً سمح بالحيل في تسجيل صديق أحمد وبشد الحيل وبحرك حاجة جوه كامني وشوق كتير للبلد وللأهل ولا نملك إلا أن ندعو لهم الواحد الأحد يحفظهم فرداً فرداً من كل بلاء ونقولهم......
أرقدوا عوافي ونوموا عوافي فوق الفوق لاحر لا سموم لا سوافي
Quote: رأس سكر وكركب
يا سلام (( رأس السكر )) تعرف بماذا كان يكسر هذا الرأس من السكر. بآله لا يخلو منها بيت كان من كان وهي ((البلنجه )
Quote: لقد أعجبني ما أوردت من موضات ولكن أستسحمك عذراً للتعليق حول ما ورد أعلاه ، فحسب معرفتي المتواضعة أن " القمر بوبا" وهو نوع من "العكش" "الحلقان" بمفهوم اليوم وهو صغير الحجم إلا انه بدأ ثقيلاً في أذني تلك المعشوقة ، والله أعلم
نعم بالحيل القمر بوبا أيضاً يا المبروك, كان نوع من الفديات أو الحلق في شكل هلال وأيضاَ كان نوع من السفنجات وهي سفنجة حمراء ولازمة للولد عند ختانه يلبسها بعد الحنة وأيضاً كان توب وهو المعني في القصيدة والله أعلم. الصور التي انزلتها تحكي قصة والله ولا يسعني ألا أن اعقب عليها
* العجو الجاي من المحوس وأن عول مابنقرو السوس
* وشنق ود سعد طاقيتو شان في الحلة ساوو كنتين
* سعيد العيشتو جنب طينو وتمرتو
* فارقنا القرير يا صاحي ماسكين الشطر نتربى ما فتنا البلد بالمرة وحبها معانا شبا
* ولما الشم مودعة غاربه وصت جملة الصقار عيونهم كاربه أبقو ألف بفوت للمتلكم ناهضين ولك المودة والتقدير وما تحرمنا من ابداعك خالد
جــــــــــــواب ست الدار بت أحمد لزوجها الزين ودحامد للشاعر حميد
قالت........ ليك ياالزين ودحامد شوقنا أما بعد..... المبعوت المنك وصلت ورح وفيت الطلب الفوقنا وباقي الدين يا الزين خلصتو وقدر الفاضل يادوب مصروف راشد والتومات والجايات من جاي لاجاي وزي ما قتلك قبال دا شهر اتنين حا نطهر راشد شهر اتنين المدرسة بتقفل الله يبعد العارض تجينا وراشد حالف ما إطهر ألا ابوه وعمتو تحضر وإلا إجيبو الفنانيين شان الشول بت سرنا ترقص قلنا نجيب المداحيين طنطن قال أنا جاي من الحج وات عارف راشد لما يطنطن كل الدنيا الجنبو تطنطن غايتو بشر بس ربك يهون
ما كلمتك ....بالتومات أول امبارح جني يرطنن قالن شفنا الخوّاجات بسم الله مرق حصّل لقيلك جعفر زارد البيت بالخواجات أبقى حداشر وخواجيه ناس البلد الكسرو عليهم فضو يقلبوا في آيدهم عدمانين من اسم حكيم ولا خبيراً للمشروع
علماء اثار!!!!! فضلت هي فيها اثار ماخموها الجونا قبلكم شن خلّولنا بال حجار الله يصرف الخواجات الله يصرف الخواجات
بينات جعفر والمحجوب .. والمحجوب والخواجات قامت شكله العمده طفاها وباقي الناس الجات للفرجه قنبو قيلوا شبعوا لحوم والخواجه يصور ساكـــــــــــــــــت سته خرفن وكيف ماكفن ؟ سته خرفن في فد يوم والمعدوم أشكال وألوان أي خدار في اليوم داك في وكل مركن في دكان
أول كفو الخواّجات بعدو العمدة وصمد الساقي وناس المجلس والمشروع وحتى الشفع والحرّوم (( النساء )) سته خرفن وكيف ماكفن سته خرفن في فد يوم
جات بت صالح والجيران وبت كلتوم تخبز طول اليوم لامن حرقت الدولاب قّنبت المسكينه تداعّي الله يصرف الخوّاجات في ديك الليله جاك ودطه واطات الله دي تب رشاها مافي غنوتن ما غنّاها مافي مدحتن ما سوّاها حمارو صبح لحق امات طه سب الدين والخوّاجات
زولك دا بالجد بحيّر (( يعني جعفر )) عند الجد أدا ينقنق وكت الفارغة يشيل ويبعزق إذكرته كلامك .... أنو في ناس لاعبين بالدين وفي ناس لاعبابه الخوّاجات
الله يصرف الخوّاجات ماخلونا نسأل منك كيف حالك والخرتوم ؟ كيف المصنع والعمال ؟ حالهم لسع نفس الحال ؟ ما رقوك سووك باشكاتب يورينا الله زايت الراتب كيف الناس والحالة عموم والعذايه الكحيانين سيد البيت علو ما ساكيكم لسع تقعوا تقوموا براكم قلبي معاكم قلبي معاكم ربي يخدر لي ضرعاتكم بالي معاكم ياالزين ودحامد بالي هناك .... والشوق الشوق ... خلّى صدير الجوف محروق راجي مطيرت الزين ودحامد
نحن نصاح زي واطاتنا ألا القراص والباعوض والتجار والحاصل البحصل كل صباح
شتلاتك قبضن !!! والحملان كبرن بالحيل والعقلين الروك انزرعن أوعك تشفق من تالانا لا نبقالك مشغوليه نحمد الله مستورين وما ناسين المسئولية
هيّ يا الزين...ابشر ماقتلك بت أم زين جابتلها بت ست أولاد حتين البت والمحجوب بنشد من خبرك شافعو محصب من يومين التومات طيبات ونصاح ألا غبش بالحيل آالزين راشد قرر شهر اتنين كان ماجيت ..أنا ما بطهر الله يبعد العوارض تعال كان فد دور يدوك تعال كان بالخصم انشاالله تعال ما توصى وداعة الله وأوعى من العربات والحيكومه السمها فاير
عفواً علي مزاحمتك الاتكاءة علي الجروف والمقيل علي نبض الحروف مع المرهف خالد المنسي بين الضيوف
لأول مرة أعي كنه تلك اللهفة التي تلقاني بها بت أد الحسن نعم فقد كانت "تكرفني" فالكلمة تجسد ما كنت احسه حين تلقاني، ويقيني ان "الكرفة" شئ كالقلب تفقد مضامينها حين نغوص فيها تشريحاً وتكفينا دلالاتها الشفيفة الحنونة ولك مودتي يا فنان أمين حمد
عفواً علي مزاحمتك الاتكاءة علي الجروف والمقيل علي نبض الحروف مع المرهف خالد المنسي بين الضيوف
لأول مرة أعي كنه تلك اللهفة التي تلقاني بها بت أد الحسن نعم فقد كانت "تكرفني" فالكلمة تجسد ما كنت احسه حين تلقاني، ويقيني ان "الكرفة" شئ كالقلب تفقد مضامينها حين نغوص فيها تشريحاً وتكفينا دلالاتها الشفيفة الحنونة ولك مودتي يا فنان أمين حمد
المرهف العزيز أمين حمد السلام عليك ورحمة الله إتكاءة وبعراقي بلدي وسروال طويل فضفاض يريح الزول من زحمة تسابقنا مع الزمن في الجروف. لسيت وحدك من زاحم ابوالحسين في القيلولة دي لكن ابو الحسن بطيبة الحنان يلقانا يهش لينا ويطول لفوق من كرمه وفرحته بقدوم الضيوف.
Quote: لأول مرة أعي كنه تلك اللهفة التي تلقاني بها بت أد الحسن نعم فقد كانت "تكرفني
ولا تكتفي فأن غابت عند الجيران ورجعت ووجدتك اخدته ليك تكيا, تجي وتتبنك وتسأل مالو راقد علو عافي ؟ يا سلام على طيبة كبارنا وفعلا الماعندو كبير اسوويلو كبير ؟مثل تتمثل فيه كل المعاني
العزيز سيد الدار أبو الحسين العزيز محب الأدب خالد المنسي الزوار والمتداخلون الكرام السلام مطبوق الأخ خالد مجلسك لا يُمل ، و ما أحلى أنسك! والآن أدعوك والجميع لقراءة وسماع متأنيين لما قاله الأستاذ الفنان الشاعر/ الفاتح إبراهيم بشير حول الطنبور
Quote: العزيز سيد الدار أبو الحسين العزيز محب الأدب خالد المنسي الزوار والمتداخلون الكرام السلام مطبوق الأخ خالد مجلسك لا يُمل ، و ما أحلى أنسك! والآن أدعوك والجميع لقراءة وسماع متأنيين لما قاله الأستاذ الفنان الشاعر/ الفاتح إبراهيم بشير حول الطنبور
أهل البيت سلام أن شاالله عافي ابـــوالحسين الحبيب المبروك ياسين كيف قيّل,, تعرف يا المبروك ما بس محب للأدب. دا أنا متكوك تب في الشعر السوداني وبالذات الشعبي منه.وات قدر تضرب على وتري الحساس ووفيت كل مرة تنزل لي كلام يدغدغ في الوجدان ويفرك الأحاسيس فرك. بس لي طلب أن تنزل لينا اللنك عشان نقدر ننسخ, أخوك موكر في بلداً طيره عجم وما موجوده في خارطة العالم.
فعلاً الطنبور آله عجيبة وحنينة وأخونا الفاتح وصفه فأحسن الوصف والعجيب في هذه الآلة تغنى بها كل أهل السودان تغنى بها جون في نمولي وأوهاج في اروما وموسى في نيالا وسيدحمود في القرير وكمان عصام في الوسط.
أكمل لك القصيدة سبحان رب العباد ربي خلا قدح حراز دبكر أصيل عربي ومكسي جلد بقر يلصف تقول دهبي فوقو تلات عصي واقفات بلا شعبي وخمسه سلوك سونان موزوني بالنسبي لو رنت تذوب ترقص جبال تقدي والبركل يمور يتحول العقبي ولو ما كت بخاف والناس تشيل كضبي كنت بقول يرن تنحلا لوكربي وأنداح الوئام بين الخلق يدبي والبوسني الجريح يستأمن الصربي وينشر الفرح من راجا لاوربي
ست الدار بت أحمد كيفك جاني جوابك مفتوح شارع جاني جوابك وأنا بتصور في ناس راشد والتومات في الشتلات والحالة عموم ناس حلتنا التحت الفوق الليهم الله وعيشة السوق
جاني جوابك وأنا بتذكر في المشروع وعاميل جعفر لم بكيت يا ست الدار وحيات الله بكيت يا ست الدار
لما قريت علماء أثار علماء أيه يا بت الناس أنت ايه ماعندك راس ست الدار توهضبي ليه
ست الدار سماعني يا أخيتي مرتي وأمي وأم أولادي أنا بندهلك من شارع الله فوقي هجير وتحتي بقل (( البقل جمر من النار )) سبي معاي السلبو راجلك سبي معاي الحرموني شوية الضل صدى الحال وانقلبو علينا
حتى أحكيلك بالتفصيل حاصل الحاصل يا بت أحمد جانا وفد في المصنع زائر وكان الوفد من الخواجات لفه وفات اليوم التاني جانا مدير المصنع فاير متل حمار العمدة العاير نص المصنع فيهو خسائر قالوا يخفضوا ستين عامل أبقو هوامل أبقو هوامل مابهموش أهمو المصنع تفه قرارو وراح في حالو
مسئولين ونقابيين..... مافي العارض ولا أحتجا العمال منما سمعو سيروا موكب صامد وهادر وإضامنا معاهم سرنا اب عرام دور عربيتو.. العربية الأمريكية... روح خلّى الموكب صاخب إحتجينا مع الأحتجو وأتكلمنا كلام موضوعي قلنا المصنع حق الدولة والعمال أصحاب الحق هي البتقرر والتتولى وهي البتحدد سير المصنع وآيد العامل هي عاد تنتج مو المكنات الاجنبية وزيت العامل هو عاد اطلع ودرن الآيدي العمالية انضف من دقنات الفجره داك الحين المصنع هاج وجات عربات ألات بوليص فضوا العالم بالكرباج شرقت شمش اليوم التاني كنا حداشر ونوباوية متهمننا بالتخريب والتحريض والشيوعية اسبوعين عشناهم جوه (( في الحراسة )) أسبوعين زادننا قوة ست الدار ماتشفقي خالص ست الدار سمعاني كويس كل الهم مابفش الغم بيتنا وراشد والتومات وكل الناس الحالهم شاهد ست الدار الشوق الواحد ليك.. لناس الحلة عموم شوق وسلام الزين ودحامد ردي سريع ردي سريع بالآيد في دورين موعود بشغلة لمت لمت..مالمت أنا جايكم وماندمان
الأعزاء أهديكم من يستحق القومة الأستاذ معلم الأجيال / حميد (محمد الحسن حسن سالم) فيديو التحية لهذا الفنان الذي لم يترك صوته نبرة واحدة من نبرات صوت المغفور له بإذن الله مصطفى سيداحمد عليه الرحمة
العزيز ياسيكو دغدقتنا وختيتنا عصائد، وكل ما احاول اتلملم اتدفق كمان وكمان ..ترفقوا
العزيز خالد حضرت للرياض قالوا حميد كان بيننا في هذا المكان، سافرت من الرياض للطيرو عجمي سمعت انه عاد للرياض،الحظ الضكر لما تعاندك الايام وتقيف بينك وبين القيمة اتحفتنا واوجعتنا أبقوا عشرة أمين حمد
Post: #81 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-18-2006, 02:31 AM Parent: #1
Quote: قصيدة رمزية من عيون شعر الشايقية,,, الغريب القصيدة بسم نورة واشتهرت في السودان باسم نعمة وحلاوتها باسم نورة.
نورة بت الواطه أختي نورة إخيت كل الغلابه نورة حاحاية الشقاوه نورة هدّياة الضهابه نورة عايز تقرأ قالت فوقه حيطت الدنيا مالت ختت الكراس وشالت منجلاً صالت بو جالت ساعة انجرحت بو شالت كوم رماد في آيده كالت نورة يوم في الدونكه لدغت جا الفقير بالليل حواها يوم ملاها الهم قطائع جا البصير وبالنار كواها نورة ما قدرت تمانع وتقنع الناس المعاها مره شافت في رؤاها طيره تآكل في جناها حيطه تتمطى وتفلع في قفى الزول البناها والخلق بقت بلاها والشمش بلعت ضحاها فسرت للناس رؤاها وقالوا جنت وما براها نورة زادت في شقاها صدت الأيام تخش نورة للآمال ترش عرفت الشقا والشقاوة ألا ما عرفت تغش نورة تحلم ببيوت بديار.. بنور.. ودش بمحبه تشق دروبه وفي قلوب الناس تخش نورة تحلم بوجود مامشت بينو القيود أفضل افضل بكتير بوطن من غير حدود نورة تحلم بعوالم زي رؤا الأطفال حوالم لا محاكم.. لا جرائم لا مظاليم.. لا مظالم نورة تحلم نورة ترجف من أليم الواقع المر للعشيش احلامها تنسف نورة تنزف........ نورة تحلم صاحي تحلم ولما تحلم نورة ترجف
الحِبيِّب خالد المنسي...
صباحك زين يا اخوي وكل الإخوة الحِبان...
أهديكم جميعاً قصيدة نورة بصوت المبدع محمد جبارة...
Post: #84 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-18-2006, 04:41 AM Parent: #1
Quote: في مكالمة تلفونية مع أمي صاحبة الروح الأديبة أخبرتني أن أحدي حبوباتنا في القرير سألوها لماذا فاتورة الكهرباء لا تزيد عن بضعة مئات من الجنيهات وهل عندها مشكلة في التعامل مع الكهرباء فأجابت "والله كهربتكم سمحة سماحة أدخل أوطي اولع النور أشوف كبريتي وين وفانوسي وين واطفيها كيفن عندي مشكلة مع الكهارب" تأملوا وتدبروا وسعيد الدنيا يدي قريرو طله
أمين حمد – شايقي من القرير
الأمين ود حمد...
بدون مجاملة إضافة حقيقية للبوست... ونحن من هني ولي قدام ضيوفك تَبْ...
واللللللللللله يدي العافي أمك وحبوباتك (وخاصةً حبوبة بتاعت الكهرباء دي ويبارك الله في أيامها ويرجيها كهربة الصح صح بتاعت الحامداب) وكل أهلنا الطيبين الحلوين في القرير الخضراء ديمة...
قلت لي بس تولع اللمبة تمشي تشوف محل كبيرتتها وفانوسها وين؟؟؟
الله يجازي محنك يا أمين يا اخوي.. قطعت مصاريني بالضحك...
قواسيب مودتي...
أبو الحســـــــــــــــين...
Post: #85 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-18-2006, 11:52 AM Parent: #1
Quote: لكن نتفق رسمي وكمان شعبي الطمبور علاج لكل مرض عصبي
بعد الحاصل والأتحصل ست الدار بت أحمد تكتب زيني الزين اب حالاً زين جاني جوابك يا المبروك وسابني أشوف الدنيا كويس وأعرف غلط الصاح مزبوط سابني أميز وأقدر أفرز فرحانة آبك يا أحزان فرح النار بلوح الزان ومبسوّطابك يا المبسوط ما هزانّي مصيرك..... قدر ما أزونّي اليتين عامل ميتين عامل في فد مرة ميتين أسرة تروح وين ؟ في الأيام النجسه المرة ميتين عامل والله مهازل والله عمائل يا أوغاد وينا نقابة السجم الشووم وين عمال السكه رماد وين الطلبه وين الوين والله مهازل ميتين عامل
عامل ساكن في آخر الدنيا يصل المصنع بآخر بنية (( لكمة )) ينتج كيف شغال بي فونية عامل ينتج عشرين حتة تلحقو منها تلت أتنين الباقي بمشي منصرفات كل الفاضل بدخل وين ؟؟ قولوا الفاضل بمشي لمين ؟؟ برضو خسائر والله عمائل يا مضغوط خفض ميزك حبّتين وتنك الماذدا تلاته خطوط خفض مرتك توب مضغوط من البتمسحبو كباي الشاي والله مهازل ميتين عامل ميتين بيت ميتين أسرو بلا راس خيط ميتين أسرة ملوها جراح مليون أسرة حاتولد صاح ليكم يوم يا ولاد الهرمه
ليش ياالزين بتوصي عليّ أنا بت أحمد ست الدار أم أولادك أم أولاد وهما صغار وأم أولادك وهما كبار ياكّ الزين ودحامد داك كان متوظف ياكا الزين وليه يا الدخري بتوصي عليّ وعارف أم راشد والتومات مرتّن دغري وغلبّاوية آه ياالزين لو كنتا معاكم كنت بقيت النوباوية ما تهتم ياالزين بالحاصل واصل سعيك واصل كانت ما كت الزين ودحامد كان بكون واحد غيرك
Quote: الأعزاء أهديكم من يستحق القومة الأستاذ معلم الأجيال / حميد (محمد الحسن حسن سالم) فيديو التحية لهذا الفنان الذي لم يترك صوته نبرة واحدة من نبرات صوت المغفور له بإذن الله مصطفى سيداحمد عليه الرحمة
ياسين المبروك تسلم يا يابا عزلك وزوقك يمين مضبوط مو لقيط ليل وخبط طرف, تسلم يا الزين وكتر من العيار دا انشاء الله نرقد سلطه.
Quote: أهو طلعنا أهل ياطارق : الجماعة ديل ناسنا عديل وناس ابودية من بورسودان لا بحري والحميداب خيلانا كمان ،، وأهلنا نصهم في شبا ونصهم في الفحلاب والدوداب : هكذا سمعت أبن عمي اسحق عمر يقول،،
شفت يا سيد الحوشا اها لميتني في واحد قريبي من الابيض يا عبد اللطيف بكري كيفنك تعرف انت لو بحتة كويس بتلقى اللحمة حقتنا بعدين ان بقيت عندك لحمة في الدياب معناها عصام علي احمد دة زاته قريبك وعشان اشرح ليك اكتر انا ابراهيم ابو دية بتاع ثنائي العاصمة رحمة الله عليه دا خالي طوالي...
Quote: العزيز خالد حضرت للرياض قالوا حميد كان بيننا في هذا المكان، سافرت من الرياض للطيرو عجمي سمعت انه عاد للرياض،الحظ الضكر لما تعاندك الايام وتقيف بينك وبين القيمة اتحفتنا واوجعتنا أبقوا عشرة أمين حمد
سلام امين ود حماد الجايات اكتر من الرايحات وبتلم في حميد وتسمو معه بدرر شعره المليح
وزي ما قالوا الشقي في المولد بعضي كلب , وألقي في الفشفاش عضم وما دايرين نقول التالته لانو بكري بقوم ارفدنا
وزمان قالوا يوم تعكس معاك تدفّق الفي دوكه سوو ويوم تفتح عليك تجيب المن جبال ساسو
ابوالحسين سيد الدار والعمره سلام يا أهل النبا والشكره سلام يا أهل الفحل والبكره سلام يا ابو الحسين يا رأس الكرم والضكره جيتك لغرضي يا طيب الأصل والذكرى
غرضي البدورو أنك تدينا الأذن, تعرف مرات العزاز بكتبو كلام والله بطلق في الواحد ملاله جمرها موقد, وما بتفش ألا يعقب. تجسرنا كتير وردينا دون أذن, لكن بنرجع للاصول ونطلب الأذن. وأهلنا الجعلين بقولوا الدلّوكه لما تدق الحمار بتقوم شعرتو وانتو بتقولوا الطمبور لما يدق بحل لوكربي
اشفق في حالنا وأدينا الأذن
Post: #92 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-19-2006, 02:12 AM Parent: #1
Quote: ابوالحسين سيد الدار والعمره سلام يا أهل النبا والشكره سلام يا أهل الفحل والبكره سلام يا ابو الحسين يا رأس الكرم والضكره جيتك لغرضي يا طيب الأصل والذكرى
غرضي البدورو أنك تدينا الأذن, تعرف مرات العزاز بكتبو كلام والله بطلق في الواحد ملاله جمرها موقد, وما بتفش ألا يعقب. تجسرنا كتير وردينا دون أذن, لكن بنرجع للاصول ونطلب الأذن. وأهلنا الجعلين بقولوا الدلّوكه لما تدق الحمار بتقوم شعرتو وانتو بتقولوا الطمبور لما يدق بحل لوكربي
اشفق في حالنا وأدينا الأذن
الحبيِّب خالد...
صباحك زين يا اخوي...
يا اخوي سيد البيت بيستأذن في بيتو؟؟؟ دا كلام شنو دا؟؟؟
والدار دي زي ما قلنا قبيل... ملك لكل الإخوة الباحثين في التراث الشعبي أياً كان نوعه... ولا تحده حدود جغرافية وهسع أنا جاييكم بعد ما أعمل بحث عن قبيلة الشايقية الهنا في المملكة العربية السعودية...
أها كيف دايرين نعمل... عندنا شوايقة هنا في عُقَالاتُم...
الإذن معاك يا اخوي والدار مفتوحة لكل عُشَّاق الجمال...
الأخ خالد سلام وأيضاً قِـيل " مَنْ اُسْتُطْربَ ولم يطرَب فهو حمار" هكذا كان يقولها صديقي وزميلي المرحوم بإذن الله "عبود المحامي" أما التالته الخفت من قولها لأبوالحسين فهناك "من يقع دون تعتر ليهو" وهذا في الدرك الأسفل من الشقاء الأخ أمين حمد سلام إن شاء دائماً تدفق فرحاً وحباً للآخرين
Post: #97 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 11-19-2006, 04:52 AM Parent: #93
الأخ الحبيب أبو الحسين شكراً على هذا البوست شهادتنا في اهلنا قد تكون مشروخة ولكن تحامل غيرنا علينا ظالم.
دعكم من الإستجابة لهذه العنصرية الفجة التي لا يد لنا فيها بل يسعى البعض لنكون ضحاياها ولن نكون ضحايا لها او لغيرها أن شاء الله .
حاولت جهدي لأنزل لكم أغنية الناسينا دون جدوى !!!
Quote: ورقابن يمه وين رقاب الريل ؟؟ علي الحدب البعيد شرفن علي هوهيو كلابي
ساعود لهذا المقطع من شعر الراحل اسماعيل حسن لا حقا
مع تحياتي لكم و لكل أهل السودان .
Post: #94 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: عبد اللطيف بكري أحمد Date: 11-19-2006, 03:57 AM Parent: #1
Quote: كتب طارق جبريل : شفت يا سيد الحوشا اها لميتني في واحد قريبي من الابيض يا عبد اللطيف بكري كيفنك تعرف انت لو بحتة كويس بتلقى اللحمة حقتنا بعدين ان بقيت عندك لحمة في الدياب معناها عصام علي احمد دة زاته قريبك وعشان اشرح ليك اكتر انا ابراهيم ابو دية بتاع ثنائي العاصمة رحمة الله عليه دا خالي طوالي
العزيز طارق عشان ما نقطع للناس ديل حبل أفكارهم ، شوف المسينجر ،، تحياتي ،،
Post: #95 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: ابو عثمان Date: 11-19-2006, 04:08 AM Parent: #1
كان زادي : للفنان المبدع عبدالرحيم ارقي الشاعر علاء الدين ارقي
حـبـى أنــا لـيــك كـان زادى وكـان جوه الحنايا دفين كـتّ بـضـــارى مـن الـنـاس وخايفه عليهو من العين عـلـيــهــــو كــت بصــوم وافطر عليهو بكابد النارين كـــت بـحــســب سنـيـن الغربة لما تعود تجينى متين وكـــت بــــرجــاك فــوق الـنــار لما وكت لقانا يحين نونس فــى بـراءة أطفال وفى الحب نروى ننهل زين وكـلــمــا يــوم يـــزيـــد البـيــنا لـمـا بقينا قاب قوسين اتارى أنا كت فيك مخـــدوعه وكم من زي مخدوعين مــا قــايــلاك حـبــيـــب آلاف وقـلـبـــك قبله للضالين ومــا قــايــلاك بتـنسي حبيب صبر راجيك سته سنين وســاهـــر كـم لــيـــالــى طــوال يـتقلب شمال ويمين كـيــفــن يـهــون عـليك تنساهو زولاً كان عليك حنين وتـشــغــل بــالـك الأشــواق لــمــّن تـزبــــل الياسمين كــت دايــراك بـسـمة عريضة فى وجه الزمان الشين وكــت دايــراك سـاعة الحاجة تبقى ليّ دخرى خزين كــت دايــراك مـقــنــع حـوبــه وكتين المضارى يبين وكــت دايــراك فـارس احـلامى تـشاركنى ونتم الدين وكــت دايــراك أمــل بـســام يــزيــل ألم البعاد والبين كــت دايـــراك شـريـك الروح واخدمك حافية القدمين وكــت بـحــلــم بك انت معاي مجرتق بالعديل والزين جنـبـك فـى يــمــيـنــك قــاعــده نـسمع فى دقر يا عين تـبــشـــر زيــن مــع الأصحــاب وتتشـبـل من الوزين أنا الأبـحــرت راكــبه الموج اكيد مرسايا بين موجتين وداعــاً يـا زمـن ظــالـــــم وبــالأفــــراح عـليّ ضنين وداعــاً يـا قـــلــب قـــاســـي لا بـيــحـــــــن ولا بيلين وداعــاً يـا ســراب خــداع محال ما بيروي عطشانين وداعــاً يـا كــلام معـســول حــدو ومكـمـنـــو الشفتين وداعــاً يـا سحـابـة صيــف شايلى مطر ضليلا رهين تبـشــر بـى خـريف جايـيـنا ياما الناس رجوهو سنين كل زولاً يـفـكــر فـيــهــا مـا مـعـــروفـة تـنــزل وين وألف سلام عليك يا قلبي المـسـالم وديمه طبعو حنين يتـاورو الـشــوق ويلعـب بيـهو تنحر فى حشا السكين تـعــاودو الـذكــري تــنــتـر جوا حالو يحنن المسكين أخــيــراً مــى لـيــك سلام وقبل ما تجف دموع العين وقـبــال مـنــى مــا تـعـــدى وقــبــال الفـراق ما يحين بخيت وسعيد عليك إن شاءالله يـبـقالـك عـمــار وبنين وقـلـبى أنـــا خـلــى فـى أنـاتو بـعـدك ياما راجى أنين ولو كــان يــا قـلــب حـبـيـت بـعـدو بعـد قسمت يمين مـا يـنــتـــمّ لــيــك مــراد لا تضـوق لا حلو ولا زين وتفضل طول حياتك تبكى طول عمرك تعيشو حزين وعـمـرك مــا تجـيـك سـعــادة مـا تـتـهـنــا قـول آمين وتـــانـى الحـب عليك حرمان ووعد الحر أمانه ودين .
_____________________________________________
امين عثمان المقل- كافوتة- الحجير
Post: #96 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-19-2006, 04:12 AM Parent: #1
Quote: يا بكرى ألحق, أبو الحسين قاعد يشلّخ فى البورد لى ورا.
عارف, الشايقية قبيلة مليئة بالحب و المعرفة و الجمال, و دون ذكرى لأسماء ما إلآ أن إسماً واحداً لا بد من الوقوف عنده.
قال حين سؤل عن قبيلته "أنا من قبيلة يطارد نصفها, نصفها الآخر".
التحية و التجلة للشهيد الفارع البطولة ... عبد الخالق محجوب . دمت
الحِبيِب عبد الله شمس الدين...
نشكرك على الإطلالة الجميلة... والحِكِّيرة معانا في الحوش العامر دا...
ونقول ليك عندنا في الشايقية برضو في شلوخ لي تِحِت وسألت منها دايماً ناسها ماهِن كبار في السِن يعني ممكن تقول جيل التلاتينات وكدي... أها قالو (والله أعلم) الشلوخ بدأت من المطارق المعارضات للمطارق اللي تحت بعد زيارة السيد علي الميرغني (اللهم أرضى عنه) للشايقية تيمناً بيهو...
لك قواسيب مودتي... وأتمنى لك إقامة طيبة بين أهلك وأحبابك السناجك...
أبو الحســــــــــــــــــين...
Post: #98 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-19-2006, 06:12 AM Parent: #1
Quote: ابراهيم ابو دية بتاع ثنائي العاصمة رحمة الله عليه دا خالي طوالي...
الحِبيِّب طارق...
وأنا إبراهيم خالك دا ودْ حَجَّتي...
ما تقول حجتو الأولى وأنا كبير في العُمُر زيو...
حجبتو السنة القبل الفاتت القريييييييبة دي...
كميات مودتي... لك ولكل أهلنا في أبو دوم ومروي غرب وشرق...
أبو الحســـــــــــــــين...
Post: #99 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-19-2006, 09:25 AM Parent: #1
Quote: حاولت جهدي لأنزل لكم أغنية الناسينا دون جدوى !!!
Quote: ورقابن يمه وين رقاب الريل ؟؟ علي الحدب البعيد شرفن علي هوهيو كلابي
ساعود لهذا المقطع من شعر الراحل اسماعيل حسن لا حقا
مع تحياتي لكم و لكل أهل السودان .
الحِبيِّب ود الحســــــــين...
آلااااااااااف مراحب بيك بين أهلك وأحبابك...
والدار مشرفة بيك... الأغنية حاولها تاني ولا تيأس...
ومنتظرين عودتك للتحليلات...
أما تحاياك للسودان فهذا البوست إنشاء الله بجانب التوثيق للفن والتراث الشايقي يكون أيضاً وسيلة للتواصل بين الأهل والأحبة...
ابو الحسين ارقد عافية أنا برضي شايقي و من شايقية تنقسي الجزيري يعني مقطع مخاضة من أرقي طالبني قريشاتن كتار شان عارف بخت كباية الشاي و إتحكر في بوستك أضووق طعم الدفيق أشم ريحة الكركتي أسمع صوت الدليب بالساعات الطوال المره قربت تخلي ليًَُ البيت ليك و الي كل المشلخين لي ورا هزة يدا قوي و دي ما عنصرية
Post: #100 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-19-2006, 12:09 PM Parent: #1
Quote: الشوايقة مثل النحل تتلطف به تجد منه العسل ، تتطفل عليه تجد منه اللسع
اللهم إني أعوذبك من مكر الشوايقة وعبط الجعليين آمييييييين
Post: #140 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 11-22-2006, 10:13 AM Parent: #100
شكر لك أخي الحنين أبو الحسين على هذه اللمة الرائعة التي جمعت كوكبة من الحبائب والشكر لكل المشاركين من الاخوة والأخوات وأقولهم بدون فرز أتحفتونا ونسيتونا هموم الدنيا ولا زلنا نتابع بشغف أملاً في المزيد من حكاوي وتراث أهلنا الرائعين عسى ولعل نروي شيئاً من عطشنا.
وعودة إلى قصيدة أسماعيل حسن في رده على بتت خير رحمها الله وخاصة المقطع السابق الإشارة إليه
ورقابن يمه وين رقاب الريل ؟؟ علي الحدب البعيد شرفن علي هوهيو كلابي
كل مرة اسمع المقطع يقفز إلى ذهني المشهد نفسه كأني أشاهده واحس بعمق المعني وجمال الصورة وروعة التصوير الذي لا يجيده إلا امثال اسماعيل حسن وهو في تقديري أفضل ماكتب في الوصف والغزل . وأذكر ونحن نفر من أبناء المنطقة تضممنا روابط مروي بجامعة الخرطوم وجامعة القاهرة الفرع أذكر منهم الأخوة محمد أحمد سيداحمد التوم محمد بادي محمد (طبيبان فيما بعد) والراحل المقيم عبود شخصي (وآخرين)، وبمبادرة من صاحب المبادرات الرائعةالراحل المقيم عبود رحمه الله قررنا ان نصلح بين الفنان الكبير محمد وردي والراحل اسماعيل حسن لننهي قطيعة بينهما استمرت عشر سنوات لمواقف سياسية متقاطعة بين الرجلين وللتاريخ أبدى اسماعيل حسن حماسة للفكرة ولم يرفضها الفنان وردي وكان اللقاء والصلح وتلك قصة أخرى ،المهم وبمبادرة من الراحل عبود أيضاً أقام الفنان وردي على شرف هذا الصلح مأدبة عشاء بمنزله بالكلاكلة يوم الثلاثاء 29/12/1981م حضرها جميعنا وأقام الشاعر اسماعيل حسن مادبة مماثلة بعد اسبوع 5/1/1982م توفى بعدها بيومين حضرنا وغاب وردي وأذكر في تلك الجلسة (وهذا بيت القصيد في هذا السرد) قلت لإسماعيل حسن انو المقطع دة(المذكور فوق) هو أفضل ما كتبت. قال اللــــــــــــــــــــــــه أتخيل الغزالات وهي تنقز ومن فوق تعاين خايفي من الجاييها وبعدين حكي قصة قال تعرف ونحن في النيل الأبيض مجموعة أصحاب قررنا نمرق نصطاد شلنا بنادقنا ركبنا اللاندورفر وطلعنا الخلا وبعدين وقفنا عربيتنا وكمنا في وادي راجين الصيد، والله يا ولاد اعمي جات غزالة تتراقص وتتلفت يمين وشمال ولما قربت مننا واحد من الجماعة المعانا صوب بندقيته عليها، رجيتو بالله ورسول الله يقيف قلتلو الغزالة دي عندها مواعيد لا تحرموها، والله يا ولاد اعمي مافي دقائق إلا وجاء فحل غزلان للغزالة دي واتعانقوا كانو سنة ما شافو بعض والله المشهد ده كأنو قامي الآن وبعدين واحد من اخواننا الله يسامحو ما مهلهم ضربهم بالرصاص ومن اليوم داك انا كرهت رحلات الصيد وكرهت البيضرب الغزال لا يومنا دة.
التوصلية المرفقه طيه: "رمزية المكان وشرعية المطلب: الجابرية تحيي الثورة دايرين بوسطة ومدرسة وسطي، مهداه للأخ يس، وابوالحسين، ود المنسي، وعليهم أيضاً أن يتولوا الرد علي المتداخلين لأنهم أرسخ قدماً وأطول باعاً من في هذا الشأن، أضافة لعدم وجودي الأيام القادمة بالمنبر للأسباب عملية، لهم الشكر.
فارس الرمال شكرا علي الموضوع ولكي نبحر قليلا نطرح السؤال لماذا يكثر الشعر بمختلف الوانه عند الشايقية وخاصة الغزل والشعر الغنائي ؟ اقدم اجابة ولكن ليست كاملة واتمني ان يكملها النقاش وهي ان الشوايقة ليس لديهم تعقيد كبير للحياة وعموم القبائل شمال الشوايقة نسبة لكون القبيلة متماسكة وكل الناس صحاب كل الناس اهل والبيوت مفتوحة علي بعضها لذلك لم يكون هناك تشددا يمنع التغزل ويحرمه ويضع العراقيل حيث ان الشايقي لايضطر الي ان يتخفي او يخفي حبه وولعه ويمكن ان يخفي محبوبته ويشير اليها رمزا وهذا من باب الحياء وليس الخوف . هذه البساطة انعكاس لواقع الحياة البسيط حيث السواقي والجروف والنخل والتمر والدكاي والرمال والقيزان والطنبور حتي موسيقاهم تعتمد علي آلة بسيطة وغناهم لا يحتاج الي كبير جهد وفي تقديري ان للطنبور نغم مؤثر وارجو مراجعة النعام آدم في هذا ومحمد جبارة ولكن يظل الطنبور رغم نغمه الحلو الجميل لا يستطيع ان يلائم كل نظم الشوايقة وهنا استدل بأن المرحوم يس عبد العظيم قدم اغنيات خالدة للشاعر حميد ولكن محدودية الطنبور لم تساعد علي انتشارها وعندما تغني المرحوم مصطفي سيد احمد بنفس الاغنيات صارت ملاحم واكتسبت شعبية عريضة ( نورا وبت العرب النوبية ) كمثال . اضافة الي كل ذلك ان ديار الشايقية ديار تتوسط بين شمال نوبي ذو حضارة راسخة بكل تفاصيلها وجنوب ماضيه البعيد زنجي عريق وحاضره ذو ثقافة عربية توطدت بمر السنين هذا التوسط انعكس علي طبع الشوايقة البسيط الذي يخلو من التعقيد . تعرضت اغنية الشايقية ككل الغناء في الفترة الاخيرة للأزمة فأصبح بين كل فنان وفنان فنان هذه المجموعة الجديدة غير مميزة في الصوت ولا في عكس الاحساس علي الطنبور او الالحان فانك عندما تسمع الدليب تعرف ان الأغنية للنعام وعندما تسمع صفقة الكورس تحس بنفس صديق احمد وعندما ينقرش الطنبور تعرف محمد جبارة ولكن الآن الي ان تنتهي الأغنية لاتعلم من المغني وربما تسأل عنه هذا اذا احتملت حتي نهاية الاغنية ... أمونة الصباح قالتلو النعال والطرقة انهرن ما قالتلو جيب .. شيلن يالحبيب قشهن النقلتي والترزي القريب
كل النجوم عضو مُـميز جداً
يمتاز الشايقي برقة في الاحاسيس والمشاعر وهذه الرقة ادت الى تصوير جميع ما يحدث لهم الي اغاني جميلة فانت حينما تستمع الى اي فنان شايقي مع نقرة الطنبور تحس بانه يخاطب وجدانك ويصف حالتك فالشيايقي يخاطبون الوجدان وقد قال كدكي : في بلدنا بين كل شجرة وشجرة بتلقى شاعر وبين كل كلمة وكلمة بتلقى بيت شعر وقد استمعت الى اغنية محاسن التي يغنيه المبدع عبد الرحيم ارقي وهي تصور حال من تزوجت محبوبته فيقول فيبتدأ قائلا تصدقي يا حاسن لمن خبرك جاء وصلني انا جيت ابارك جراحي تنزف لدياركم ساحبة ظني وهو استعمل كلمة خبرك والمتعارف عليه ان كلمة الخبر تستعمل في البكاء ( جاءنا خبر بكاء ) وهذا دلالة على قمة جزنه وأساه ثم ينحرف ليتحدث عن نفسه قائلا بي بشيشكن يا عيوني يا دمعوع لا تفضحني طالما الاقدار بتحكم غصب عنك وغصب عني جيت في ليلة زفافك برضاي ورغبة مني انا جيت اضم الشوق واقالد وانضم الاشعار واغني جيت في فرحك اشارك جيت اقول مبروك واهني جيت امد ايدي البترجف لي ايادي ملاني حني انا جيت اعاين واملا شوقي في العيون العذبني انا جيت اودع في خدودك البي صفاهن جرحني كان مناهن اعيش معاهن أه دا لو كان بالتمني قسمة والاقدار ارادن يحرمني ويحرمني التمن املي البنيتو حتىلي شوفتك امني
ثم بعد ذلك يصف حالته ويقول: ادي حالي انا يا ليالي لي بكاي ماك دار تحني كنت في عتمت همومي اللبن ما يرحمني وانتي في عش السعادة أه انا الشوقك كتلني ابكي في زحمة سنيني في الليالي العاكسني الوداع الوداع الوداع يا نور حياتي يا امل خاب فيهو ظني بي بشيشكن يا عيوني يا دمعوع لا تفضحني طالما الاقدار بتحكم غصب عنك وغصب عني
كتبت هذا الموضوع منذ فترة طويلة وبدأنا نقاش لم يكتمل حول الشايقية وغناهم ومحنتهم السر عثمان الطيب لمن كتب يازينوبة وغناها المبدع محمد جبارة كتبا لمن جاء الجامعة يعني بس اتحرك من الشمالية للخرطوم بدات الجرسة والرجعني للموضوع بتاع الغنا دا تاني هو موقف حصل لي وانا في المواصلات وكان سائق الحافلة مشغل شريط ارقي الحزن الدفين لمن جات اغنية عافي منك كان في حاجات كبار من اللهجة يتضح ليكم انهم دنقلاويات واحدة وقفت الحافلة وقالت ليها انزل يانورا التاني قالت بدور اصل لي اخر محطة اختها سالتا تسوي شنو في اخر محطة قالت ليها بعد الغنية تنتهي عشان عشان كل ما اسمعا بطرا محمد ولدي حقيقي كانت حاجة مؤثرة والمراة بتتكلم والدموع بتقرط من عيونا ما كان من السواق الا انو قال للركاب يااخوانا انا حا اقيف لمن الاغنية دي تنتهي والماعجبوا ياخد قروشو ويركب حافلة تانية مافي زول نزل ولا في زول علق بالعكس الناس فضلت راكبة والحافلة واقفة لمن الاغنية انتهت وحاجة نورا نزلت من هنا بيجي حبنا لي اغاني الشوايقية لانها مفردة ساهلة بتصل لي اي انسان مهما كانت طبيعتو او تعليمو او عمرو
سخانة عضو مشارك تحية واحترام ... كل النجوم بقولو انو جمال الوصف بجي من العين الفنانة التي تري ما لا يراه الاخرون فمن نظرة واحدة ترتسم التفاصيل في الذهن وهكذا يرسم لوحة كاملة من مجرد نظرة .... اما جمال التشبية بجي من العقل الفنان فهو يعتمد علي الخيال فهو وصف لشئ عادي بطريقة غير عادية ... وهاتان الصفتان اجتمعت في شعراء الشايقية الوصف والتشبية معا ... ولما كانت طبيعة البيئة العايشين فيها الشوايقة كان الوصف والتشبية كلو من وحي الطبيعة لذا كان الجمال من الخضرة والرقة والعزوبة من النيل تعلموا من الصحراء الصبر ومن النيل العزوبة والقوة ومن النخيل العطاء ومن الطير رقة المشاعر والشجن وهكذا كانوا ... شعراء الحب والعزوبة والحنان ...... واقول ليك اختي كل النجوم شوفي الشاعر العملاق الحميد في وصف انثي رائعة دخلت البيت تعبانه وسلمت علي اهل البيت .. قال :- جات داخلة ذي مرقة غضب من جوف حليم رمت السلام .... ذي شنطة من كتف المسافر بي تعب دي السّرة بت عوض الكريم .... مرة ولا دستة رجال في اروع من كدا ؟؟ وعلي فكرة شعراء اغنية الطنبور الشايقية غزو المركز وبرز منهم الكثيرين وغني لهم العملاق الخالد مصطفي صحيح انو كتبوا باللهجة الوسطية للسودانيين الا ان الطبيعة غلبت عليهم فكان شعرهم الغنائي يغلب علية الوصف والتشبية باجمل صورة وبنفس الروح الشايقية ..... التحية للشوايقة ولشعرائهم الذين الهمونا ودغدغوا مشاعرنا واحاسيسنا باجمل الكلمات وارق المعاني لهم كل الحب... ولك احترامي ورررمضان كررريم
سلام يا شباب أدعوكم لاستراحة مع المبدع محمد النصري والتمعن في تلك "الصبرية وجمالها" أنا عارف انو الفيديو ح يخت أختنا "الملكي" كداد / واطة لكن لابد منه أخطروني إذا كانت هنالك خسارات
يا اخوي سيد البيت بيستأذن في بيتو؟؟؟ دا كلام شنو دا؟؟؟
والدار دي زي ما قلنا قبيل... ملك لكل الإخوة الباحثين في التراث الشعبي أياً كان نوعه... ولا تحده حدود جغرافية وهسع أنا جاييكم بعد ما أعمل بحث عن قبيلة الشايقية الهنا في المملكة العربية السعودية...
أها كيف دايرين نعمل... عندنا شوايقة هنا في عُقَالاتُم...
الإذن معاك يا اخوي والدار مفتوحة لكل عُشَّاق الجمال...
قواسيب مودتي...
كيف أمسيت ابـــو الحسين دي المحريه فيك والكرم فيك طبعه وجارك ما بهم أن كان مسوي السبعه (( السبعه الموبقات ))
الأخ خالد سلام وأيضاً قِـيل " مَنْ اُسْتُطْربَ ولم يطرَب فهو حمار" هكذا كان يقولها صديقي وزميلي المرحوم بإذن الله "عبود المحامي" أما التالته الخفت من قولها لأبوالحسين فهناك "من يقع دون تعتر ليهو" وهذا في الدرك الأسفل من الشقاء الأخ أمين حمد سلام إن شاء دائماً تدفق فرحاً وحباً للآخرين
سلام سيد محكر الديوان اي والله الكلمة تطرب والنغمة تطرب وفي كلمات تهزك هز من فوق لتحت
البزيد لي تاني جروحي تاني يفتقه كل ماشوف لي عروسه قاعده مجرتقه
اها شوف جنس الحديث دا ما بخلي الزول في حالة الا شعور .
والله يا ياسين من يوم عقبت لي اول يوم عرفتك زولي بالله يا ياسين مغروض شديد في غنية هون لي الزمن سمعتها مرة واحدة بس واعجبتني شديد لكن نسيت وكنت ناوي اشتري كاسيت عند اخر زيارة لي لارض الحبان
أغنية ماشفتو عوض يا ساري الليل درويش من يادوبو صغير عشر سنين الزول زول الله من الصلاح الرفعت عنهم الاقلام ارسل اللنك لو مسجلة عندك ولو تعذر اكيد في واحد من زوار البوست حافظها نطلب منه ان ينزلها
بجيك من سكـــة القلب العشق ذاتك سنين بجيك من صفحة الماضي الكان قاسي وضنين خايف يكون زيف المدن غير أصالتك والحنين جايك من ليل العـذاب ارجيني بالصبح المبين
فُتيني للليل الطــويل يرميني في حضن الآلم سبتيني بين شبح الظنون وأحزان بتنبع من وهم ارجيني فوق أرض الصبر جايك من زمناً سجم لا فيهو للأفــراح طريق ولا فيهو للأيام طعم
باكر بجيك بي لعنة الريد المـــــلك قلبي الجريح بي حال بيغني عن السؤال ما بوصفو الخاطر الفصيح خايف يقصر بي العمــــر تحملني من الدنيا ريح لو كان مُقدر إني اروح سوي لي في روحك ضريح
سافرتي مـــا خليتي خيط ابراه للمرسى الجديد سافرتي مـــا خليتي لي غير ذكرة الزمن البعيد علمتي روحي الإنشراح علمتي قلبي يحــب شديد فجاءة اختفيتي من الدروب وأخفيتي كل زمني السعيد
لكني لي أحســـاس يسوق خطواتي لأجمل عيون باكر بتلقي خطاي معــاك تتمشى ما بين الغصون ما تقولي لي وصلت كيف مــن دل قلبك يا حنون أنا قلبي أصبح ليك مكان يا الناسية إني انا ليك كون
باكر بنكشف الضباب القـــاك في فرح الشباب تقشي في دمع الفـــراق وتزيلي في أثر العذاب بكرة المسافـات تجتمع وتلم قلوب يوم عيدها آب ويعود شباب الفي هواك يا حلوة بي أحزانو شاب
لا يسعني تعليق على الكلام البنقط عسل. والصورة المعبرة. ألا بأبيات للشاعر الجميل عميق النظره محمد الحسن حسن سالم (( حميــــــد ))
بت الخير إجيكي الخير وصل جوابك الكاتباهو للولد الحتالي وكان الظن ترسلي لي من البركاوي داك الطعمو حالي وتكتحي فيهو هين هينين من نبق سدراتنا في بدل التسالي وكان بالجملة شخالب دوم هنا ني ومسيخ وغالي (( يعني في البندر ))
شيخ العاشقين / عبدالله محمد خير أداء المبدع الرائع / صديق احمد
خلهن سوا لا تفرقن يالله توماتى انا بعشقن دوره دوره انا بنتاوقن لحظة مابقدر أفارقن ليه عيونى الشوق حارقن والدموع دايرى تغرقن والدن قال ما يمرقن خايف النظرات تلحقن وخايف العين ما تعوقن كان زمان لى شتلو يسقن ومره فى اللوبى يورقن ديمه بالقعده ينقنقن ويحلفن لو ابي ما يصدقن هن وين تانى بيتلقن وليه يحفظن الخالقن يا عيونى انا لا تزهجن ولى مشاعرى انا لا تزعجن لى خيوط السعد انسجن يمكن التومات يخرجن خطوه ... خطوه ... بيندرجن وفى عذابكن بيتفرجن انا ما بخاف الموت والسجن والله جسمى الصبى يتعجن هن مالن ابن ما يجن ويا الله مالى انا ماشى اجن ما بصح يا الحاج اب شنب ولسه ديل ما بقو للادب فى المعاملة ما تكون صعب انت ما تقسى على العنب وما تعكر موية الدهب شمعتين اوعه من اللهب ونحن يا الزينيين لينا رب متلى كم زول مات بالشجن وقبلى ود الزومه انسجن من ضفاير بتموجن من خدودا بتوهجن من تويمات اتخرجن من عيون اترابن نجن فوق عروش الحيا توجن لى مريضن ما عالجن قلبى نيرانو اتاججن وكل اعصابو اتبنجن مالى قبلاتى اتعوجن امشى وين يا نور الدجن ************** ما كفاى يا التومات اذى وما كفاى انا لعب الخذى هو طيف ! ويلاوز لى ملاوزه ما التويمات انا حاجزه وحاجه غيرن ما عايزه يا الجمالكن بقى معجزه السن النقاد عاجزه انت جيب اوصاف موجزه يا قليبى انا حبزه تبقى حالتنا مجهزه ولحظه تأخير ما جائزه *************** ليه يضايقونا الناس كده والغرام .. سنه .... مؤكده أنا قلبي من اول ما بدا بى غرام التومات شدا والعيون مويته جامده البعاد الطال سهده البكى المكتوم شاهده ليها سته شهور شارده من زمان فارقت الندى ما بتشوف ناس هاديه لا زيارات .... لا معايده لا صدف عن ساعه الغدا انا قلت بالصبر ازوده على البعاد يمكن اعوده تانى ترجع متمرده تعيد اشواقه تجدده روحى دركت ........ منو ينجده؟ بلا التويمات الرايده
محمد الحسن (( حميد )) قامة سامقة جاء من ارض النخيل والجمال ومهيرة بت عبود, يحمل في دواخله أحساس صادق نبيل, رضعه من أرض الخضرة النيل وتاتا به على قيزان رمالها, وشب معه في حله وترحاله بين عطبرة والشمالية حتى تفجر ذاك الأحساس درررررررررررررررر تلب لب القاري لها فياروعة ما كتب ويا جمال ماسيكتب عودنا بالجميل الذي يأتي من بعده الأجمل حفظه الله ورعاه بلبل مغرد يرسل الألحان نديه شجية تخرج من صدره صادقة رمي السهام فلا تخطي أن تصيب السمع نشجى ونفرح بها وشجوها حلو المذاق أن كانت حزينة لك التحية والتقدير شاعر الشمال حميد.
الواســــــــــــــــــــوق
من الواسوق أبت تطلع من الأبروول أبت تطلع من الأقلام بت تطلع من المدفـــــــــع طلـــــع خــــــــــازوق خوازيق البلد زادت فيض النيل نحيض نحن يظل حال البلد واقف لا النيل القديم ياهو ولا يانا نعاين في الجروف تنهد ولا يانا متين آيد الغبش تمتد ولا قدام تنش عين الضلام بالضو تفرهد شتله لا هدام لا فيضان يفوت الحد عقب يا نيل تكون ياكا ونكون أهل البلد بالجد
يا مطر عز الحريق يا مصابيح الطريق يا المراكبية البتجبد من فكة الموج الغريق جينا ليك والشوق دفرنا يا المحطات الحنيني القصرت مشوار سفرنا ياما شايلك بيني حائم لا الليالي المخملية لا العمارات السوامق لا الأسامي الأجنبية تمحى من عيني ملامحك وانت جايه المغربية دايشي داقسي المغربية وشك المكبوت مكندك سمسونايتك زمزمية كون شبر طوريّ منجل سبحي فانوساً مدردح قلتي بيهن لي زمانك يازمان الحاجة عندك يازمان الآها حدك لا تطي الوردة الصبية
Quote: لا يسعني تعليق على الكلام البنقط عسل. والصورة المعبرة. ألا بأبيات للشاعر الجميل عميق النظره محمد الحسن حسن سالم (( حميــــــد ))
بت الخير إجيكي الخير وصل جوابك الكاتباهو للولد الحتالي وكان الظن ترسلي لي من البركاوي داك الطعمو حالي وتكتحي فيهو هين هينين من نبق سدراتنا في بدل التسالي وكان بالجملة شخالب دوم هنا ني ومسيخ وغالي (( يعني في البندر )) (عدل بواسطة خالد علي محجوب المنسي on 19-11-2006, 04:18 م)
تصحيح لللاخ/ خالد علي محجوب هذه الابيات للشاعر محمد بادي وليس الشاعر حميد التحية لهم ولشعراء بلادي ولكم والاخ/ ابوالحسين علي هذا البوست الجميل محمد الحسن
الحبيب ابو الحسين سلام أغنية ودجبارة مشفرة يصعب تسجيلها حسب علمي المحدود لكن حارسل لك لنك الصفحة مع الكود كما اتفقنا
Quote: أغنية ماشفتو عوض يا ساري الليل درويش من يادوبو صغير عشر سنين الزول زول الله من الصلاح الرفعت عنهم الاقلام ارسل اللنك لو مسجلة عندك ولو تعذر اكيد في واحد من زوار البوست حافظها نطلب منه ان ينزلها
اخي خالد بكل اسف هذه الأغنية ليست عندي وبحثت عنها في مواقع أخرى ولم اجد المواقع التي رايتها فيها لكن راجع ماسنجرك لهدية أخرى
Post: #117 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: ابو عثمان Date: 11-20-2006, 03:28 AM Parent: #1
يا سيكو تحياتي
يا زول انا الرقدت واطه بعد ما سمعت وشاهدت اغنية ( كل مابي يزيد المي ) للمبدع محمد جباره خاصة في المقطع الذي يقول
Quote: رب العالمين خلاق والله مقسم الارزاق الله
لقد شغلتنا الدنيا اكثر مما يجب وامتدت غربتنا لما يفوق تصوراتنا وتوقعاتنا.
شكرا" لصاحب هذا البوست الرائع الذي اعادنا الي أيام خلت ولم نكن نعرف قيمتها ولكنها ظلت محفوره بدواخلنا وستظل
تحياتي
Post: #118 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-20-2006, 09:44 AM Parent: #1
Quote: انا من شبا يا زول
وطارق جبريل دا ود عمِتي
راجين حديثك عن شبا ..
تسلمي يا بتنا القلب النابض...
وشرفتي ديار أهلك الشايقية...
أما حديثي عن شِبا والله يا بتنا من يوم الكلام القُلتُو لي طارق أخوي داك... وعندي قصـــــــيدة كُنت ممجِّد فيها شِبا ومَرَحب بيها بي بعثة الموردة الكان زارت شبا بقيادة صديقي وحبيبي البروفيسور عبد الهادي تميم... وأتذكر أيامها كُنت مدرس في مدرسة أُم أيمن الثانوية بتنقاسي وكتبت القصيدة وإستقبلت بها البعثة في شِبا وتاني ما فارقت البعثة إلا لمن بقوا مسافرين...
فقصيدة الخير دي أفتش فيها في أوراقي القديمة من يومي القلت الكلام داك لي طارق ولييييييي هسع ما لاقيها... إلا إحتمال عندي باقي كراسات أحاول أرسل أجيبها من السودان عشان موش كلو مرة متواتِنِّي بيها إنتي وطارق!!!
دايما تراني عاشق ومولع بشعر أهلنا الشايقية, واكتر مايعجبني فيهو بساطة الكلمة وحركتها والله أحس بالحركة في الكلمة في شعرهم . عشقت هذا الشعر منذ نعومة أظافري وحفظت منه الكثير وأنا في مراحل الدراسة الابتدائية ومازلت أهواه وعشقه.
قصيد آسيـــــــــــــــــــــــا
آسيا بابورك في الأراك يا آسيا بابورك في الأراك
العجو الجايّ من المحوس وأن عول ما بينقرو السوس المفلس شن داير يكوس بس يعاين ويشبع مغوص
في آسيا بابورك في الأراك
آسيا فيها طبعاً يا اخي مفهوم وفي الفريق أن دارت تحوم أول حاجة تقيف السموم وينزل الغيث والقش يقوم
لآسيا بابورك في الأراك
آسيا واقفه دغري بلا تدابير وعودا صندل وعرقو أكسير شاهد الله أن وقفت عديل تشوف وشيك في ساقه فليل
دي آسيا بابورك في الأرك
أنا لو ماكت من بخاف الله الحساب وأخشى انتو تقولوا كضاب أنا كت بحلف فوق الكتاب آسيا من نور ماك من تراب
يوم رحيله أنا كت داير أموت وصفر البابور داير يفوت البحر صفا ليها مبسوط وشوف عيني أتشرف الحوت
لآسيا بابورك في الأراك
لزيارة كسلا راحن التاكسي اتبرعن والضرايح ذاته رزن وكان داير يقوم سيدي الحسن
ارجوك لا تمحن قلبى الاستاذ الشاعر / عبد الرحمن الحسينابى اداء المبدع الفنان / صديق احمد
ارجوك لا تمحن قلبى قلبى بالمصير سلم خلاص ودع سنينو معاك لى دنيا السعاده ختم عفوا ياربيع الدنيا لو كان قلبى فالو نعم ما زرع الامانى رجاها وفى الاخر حصادو ندم ياريت الدموع تنفعنى ابكيك بى دموع الدم شن فايدة بكاى ياروحى مادام كله قسم مادام النصيب فرقنا للعش البنيننا هدم ساكت نرضى اقسامنا والمقسومه جقمه سم اريت عمرا بعيشو بلاك تتعاقب سنينو وهم ان طال وان قصر صدقنى غيرك ما بضوقلو طعم الحال النسيتنى انا فيها اكبر من جراح والم انا اتعذبت ضقت المره حن فى حالى يوم ارحم طال ليل السواد يا قاسى فجرك ما طرانى بسم اريت كان لا عرفت هواك لا ساقتنى ليك قدم
شجون العيد كلمات / محمد سعيد دفع الله اداء المرحوم / النعام ادم
مر العيد وفات لا شوق لا تهانى وما قادر اقول انو قسا ونسانى كم ناجيت حروفو الخمسه فيها نظمت اغانى ساهر ديمه ... افكر فيهو ... فر النوم جفانى اعيد لحظات قضيته معاهو انسج فى الامانى كان ياهو الامل يا حياتى ... مالى غيرو تانى ما عارف اذايا البىّ كيف الشوق برانى والعارف لحالى يا روحى قبل الموت بكانى عاد هسع الومك انت .. ولا الوم زمانى واقول ياهو المقدر كان .... والمكتوب لى جانى اسمك ديمه الهج بيهو ما فارق لسانى طيفك ده الملازم لى ما فات يوم ختانى ما بقدر اطيق الفرقة ... ما بحمل ثوانى كيفن هان عليك تنساهو .. كان ريدى وحنانى شوف حتى الطيور حزنانه تبكى توح عشانى وينو حنان قليبك لىّ.... ليه صد وابانى ما غلط على حا شاهو ... ديمه عطوف وحانى مالو الليله بى ايديهو .... كاس الويل سقانى
مليت من الغربه كلمات الاستاذ/ محمد سعيد دفع الله اداء المبدع الفنان / عبد القيوم الشريف
مليت من الغربه آعلى .. يا ولدى يا ايدى اليمين داير الرجوع بس كيف يكون ... وتفكيرى فيهو انا من متين كل ما اقول اصبر شوى باكر تكون الحاله زين القى الظروف ياها الظروف .. بس زايده سؤ بحلف يمين وآخد لى لفته على الزمان ... القاها مرت كم سنين لمتيـــــــــن بتتفك القيــــــــود ... القاسى قلبها ما بيلـــــين ********** جيت فاكر انى اكون سعيد ... بى مال بيجرى على اليدين لكنــو مقسوم يــا لعــــزاز .... رزقا يكون دائمــا ضـــنين والشئ العجيب مما وصل ولليلى فوق اكتافى دين حســرة وهموم متواليات .... والدمعه يوت هالابه عـيــن نيران مولعى فى القلب مسكين فقد لضرا الامين كان عيشو هاديه قبل يجى ... و فى بيتو كان قوتو اليقين والليله فى الاهوال دوام يصرخ ومو لاقى البعين وينــك بعــدتى على ّ ليه ... وانا ليكــى كاتلنــى الحــنيــن يا السمحه سموكى القرير والناس تجيك من وين ووين وانا قـمــت منك شــن اقول .... غير ده المسطر فى الجبين يا درة الوطن العزيز يا النادره يا لماليك وزين عشمى ومناى ارجع واجيك ....... انا غير هواك متل السجين داير اكون بين الاهل محضون وحاضن اعز طين داير حياتى مع الصحاب ..... واللقمه ما بين العوين *********** يا لوبه شمر للضراع والليلى جيت اوصيك دحين كونك تقصر ما اظن وانا عارفو طبعك يا الخزين يات من معلم درسك شاكرك علم وخلقا يزين ما عليك خوف ما دام معاك زولا مسمى الزين وزين انت البتعرف للاصول كاسب رضاء الوالدين من قمت درفونا صغير ما كت يوم نيا عجين دائما مواظب و مجتهد فى الجانبين دنيا ودين ورافع السماوات غير عمد داعيهو ينصر وليك يعين
قضيت حياتي عذب لا حفلة لا شبال لقيت الراح كتير وكتير مرق لا زوجه لا أطفال
تراني وسط مهب الريح مريكب لافحه الشلال بقيت مسحور عيونك ديل إتحجر بقيت تمثال وأفتش في مكانك وين ؟ لقيتك في قليبي هنـــــا
تقول لي أنا.........أنا المأساتي مابتنقال
أنا الجرب مأسي الحب أنا الجرب مأسي الغي تعال شوف كيف حفن كرعيّ وأنا أتبشتنته ياخلا ي فوق درب الفريع الني بقيت لي مع العيون قصة مخلفه فوق جروحي الكي خيالن مادوام ماثل يحلق في خلاهو الصي ولا قادر أقيف وأرجع ولا قادر أداري البي
أشوف غيمك وأنا العطشان وأقول هسع أجيني الري وأفكر في أمور الحب وأدور في الساقية غير معنى
تقول لي أنا........أنا المأساتي مابتنقال
ويا حليلي أنا ويا حليل ايام سعادتي معاك وكت كان الزمن بسام يشاور لي دوام ضحاك يضمنا كان هدوء الليل ولا حس همسة لا كوراك لقيت تب ياقلب زولك وبعد وجعك لقيتو هناك اتاريهو الزمن دولاب قسى ورجعني ألف سنة
تقول لي أنا ...... أنا المأساتي مابتنقال طريته أنا .... طريت السمحة بين أهله وكت تنزل وكت تطلع مع الحوب أجتمع شمله تمد آيديها للمنقه تداعب للجريد جبله وماهماها زولاً فات أقاسي الغربة من أجله دا الخلاني ابتليت بريده أفتل في حبال رمله وكمان خليف الجنون يحصل يفوّت عقلي بالمره بوريكم مآسي غرام عشتها زمني كان قبله
عافى منَّك .. وراضى عنَّك .. سوْ رضايا ومابيخيب الرضَّى والدتو.. يا جنايا إنتَّ من يا دوب صغيِّر من زمان دايماً معايا إنت ديمة أمامى ساير .. ما بخليك بى قفايا ما بتغيب من عينى لحظة لا حصل سبتك ورايا ولامن الله يشيل أمانتو ببقى خاصاك بالرعاية لىِّ يرعاك البيرعى لىَّ بيك يبرد حشايا أصلك إنت هدية منِّو الله بيك أجزل عطايا جيتنى واحد مالو تانى رحمة فى آخر صبايا قبل ما أفقد قدرتى وقبل ما تنهار قوايا جيتنى زى بدراً منّور فجأة طليت فى سمايا وصرت حد عمر المآسى وسد سيول سهرى وشقايا وكنت راس هرم الأمانى واحتياجى ومبتغايا وكان بتتوخد النصايب كنت جبتك بالشراية الا كان إيمانى ثابت وراضى بى قدرى وقضايا وجيت يا دخرى الغلابة.. مَسَّحْ غبار همى وعنايا وصار غرامك لىَّ حرفة ولىْ مداعبتك هواية وياما سويت فيك قصايد وياما حجيتك حجايا وصرت لى أمك فؤادا ومركز التفكير ورايا إنت ياكا عَدِلْ مزاجا وياك تمام الكيف وشايا وهسى لما خلاص كبرت ماش تسيبنى أعيش برايا؟؟ ماش تفارقنى وتهاجر والحزن يصبح جزايا؟؟ كيف يهون لك تحزن أمك شان تحقق ليكا غاية؟؟ لو مناك ترحل تغادر قعدة بى جنبك منايا لو مسافر شان علاجى بلقى فى شوفتك دوايا ولو مسافر شان كسانا أخير نعيش جنبك عرايا لو عشان كرعينا راحل نحن بى بعدك حفايا لو عشان تسقينا زمزم نحن بى حنك روايا لو مسافر شان تعرس خير ابوك مالى التكايا خيرو وافر ابوك يحمدو مراحو مليان بالسعايا وبالقروش الجيب متكن ولسة برضو الجايى جاية برضى منك مابقصر بحفر اديكا المعايا ولو دة كلو كمان شوية بتلقى فى دهبى الكفاية اصلى من سويتو ناذرا يبقى لى ايام قسايا داخرا للزمن البعاند ولى سعادتك يا عشايا إنت من تبيت صغير راسى مابتحتاج وصاية ما حصل خيبت ظنى ولا فشل فيك زين غنايا لا تسيب أمك تسافر يمة محتاجة الحماية ولا تسيبنى وراك ترحل وإنت للمكشوف غتاية دايرة منك تبقى جنبى.. جنبى فى فرحى وبلايا ودايرة كان قحيت أتبنك .. أرفع أقسملك غتايا إنت ساعة تبقى جنبى بتبقى ضلى وتوب دفايا وما بخاف ظلم الليالى إنت ياك عكاز عمايا داير أقضى عميرى جنبك أصلو قارب للنهاية وخايفة كان سافرت ترجع تلقى فاضى البيت بلايا وحينا ما بتنفع قروشك وما بتجيبلك أم سوايا مانى عارفى سبب رحيلك يا وليدى شنو الحكاية الا تبقى براكا شايف فى فراق الوالدة غاية ما بعاتبك لو رحلت وما بلومك وبلقى فى الأمثال عزايا على حجر دايما قليبك وقلبى كلو عليك جنايا
عيون امــــــي يوم فى الغربه ماشى براى وشاقى الحى لقيت وحـــــيده زى امى ترضع فى وليدا صبى ويعصر قوق ضريعا شديد يناتل فوقو يصرخ وي وجيتا قريب لقيتو ضريعا ضريع امى دارى غزييييير أظنه لبي وقفت شويه وأتاملت فيها كتير لقيت فى وشيها اغرب شئ عيون امى وكت ماتغوص جفون الليل تفتش لى وفى حدقاته تلاقانى أحفظ فيه اشعارى ويدندن بى قصيدة لى واشوف فى قمره وش امى واشوف دمعاتا فى شلاخا جاريات لى بقيت كان شفته بادى هلال تجرى الدمعه فى عيني واتذكر دموع امى يقالدونى ويشابن لى وتنقز دمعه من شلاخا ترقد لى فوق خدي مافى احن من أمى أجيها صغير ،، أجيها كبير تفلينى و تقردن لي تحجينى وتوسوس لى تكبر لى ياولدى واشوفك ضاوى متل الضئ تحججنى وتشيل كُبرى وأشوف اولادك يفرحوا بى أحجيهم والوليهم ينومو العافيه فوق إيدي يوم أسمع كلامك داك أحس بالعبره تخنقنى وتحسي جوابى فى عينيى وأقع فى حضُنك الدافئ واسلم ليك فوق راسك و أضمك انتى بى يدي واحقق ليك أمنيتك مهما تقسا تصعب لي واوديك مكه الفين مره لو الالف يبقى شوي وكان كُبرك أساهر الليل واشيلك يما بى يدي وتكبرى لى .. تحضرى عروسى واولادى ويفخروا بيك متل ما كنتى تفخرى بي ولو ما الدنيا قوقا شويه متل املا أكان القمرى يبقى حدي ويعيش الناس ضلام فى ضلام يفتشوا شمعه بس للضئ شمعه يتفنى متل امى عشان بس نورا يفضل حى أكان ما جيتا من بطنك اكان الدنيا حتى الاخره ضاقت بى عشانك انتى يا امى وعشان بأبوك متسمى وابوك العارفه مازول نئ عشانك انتى قلبى كبير وضيه كتير وماخد من شمعتك ضئ بنده الله انتى تعيشى يا امى وكل الباقى خليه على عشانك انتى يا يما وعشان ما انتى نور عينيى تشيخيى وتعيشى بيناتنا واشوفك قيمه ماشه علي قيمه بتقصد المحتاج وفضلة خيرك يبقى هو حي وخيرك يغشا ك الناس من الماشى بالعكاز لا عند البحبا حبيى وأشوفك فى عيون الناس عبيراً صافى جائي نقي احس نسامو فى جوفي تخش بى سهولة فى رئيتي شعرى القلته يما حزين وكلو مآسي مرت بي الا غناك يا أمى زفره ونبضه نبضه وزفره زفره ونبضه فى دمى وبسمه عريضه فى شفتيى
Quote: Quote: الشوايقة مثل النحل تتلطف به تجد منه العسل ، تتطفل عليه تجد منه اللسع
اللهم إني أعوذبك من مكر الشوايقة وعبط الجعليين آمييييييين
اقتبس عبد الرحمن الحلاوي الجملة الأولى أعلاه وكتب تحتها العياذ من المكر والعبط فكان أمره نشازاً ولا أدري مقصده لذلك لا نملك إلا أن نقول "الناس في شنو والحلاويييييييييييييييين في شنو" والعياذ بالله من النشاز
Post: #136 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-22-2006, 01:54 AM Parent: #1
Quote: ابوالحسين سلام وهذه أُغنية القلب الجريح...
انت الزول يستخدم الحاجة بلا يدفع تمنا لماح وشغلك نضيف يلا ورينا تسجيلاتك الخاصة
في داعي لي شيل الحال يا ياسين يا اخوي...
راجع بريدك الخاص...
إنت عارف أهم حاجة الواحد لمَّن يلطُشْ يهَبِر في الجَمَال!!!
Post: #139 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-22-2006, 09:37 AM Parent: #1
Quote: يا جماعة والله مغروض شديد في قصيد للشاعر الكدكي
بقول فيها
زولاً يضرببو المثل من الله خلقوا ماضاق السفر طول عمرو يقعد يداير في البقر ... .... لكن وليد وليد وحيد ضرب المدينة واشتغل دي اربع سنين وفوقن شهر
غاااااااااااااااالي وطلبك رخيص يا الحِبيِّب...
عندي لكن مهكورة في شريطاً قدييييييييييييم... أكتبها من الشريط وأجي أنزلها ليك لو ربنا حيانا...
قواسيب مودتي...
أبو الحســـــــــــــــين...
Post: #141 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-22-2006, 10:27 AM Parent: #1
Quote: شكر لك أخي الحنين أبو الحسين على هذه اللمة الرائعة التي جمعت كوكبة من الحبائب والشكر لكل المشاركين من الاخوة والأخوات وأقولهم بدون فرز أتحفتونا ونسيتونا هموم الدنيا ولا زلنا نتابع بشغف أملاً في المزيد من حكاوي وتراث أهلنا الرائعين عسى ولعل نروي شيئاً من عطشنا.
وعودة إلى قصيدة أسماعيل حسن في رده على بتت خير رحمها الله وخاصة المقطع السابق الإشارة إليه
ورقابن يمه وين رقاب الريل ؟؟ علي الحدب البعيد شرفن علي هوهيو كلابي
كل مرة اسمع المقطع يقفز إلى ذهني المشهد نفسه كأني أشاهده واحس بعمق المعني وجمال الصورة وروعة التصوير الذي لا يجيده إلا امثال اسماعيل حسن وهو في تقديري أفضل ماكتب في الوصف والغزل . وأذكر ونحن نفر من أبناء المنطقة تضممنا روابط مروي بجامعة الخرطوم وجامعة القاهرة الفرع أذكر منهم الأخوة محمد أحمد سيداحمد التوم محمد بادي محمد (طبيبان فيما بعد) والراحل المقيم عبود شخصي (وآخرين)، وبمبادرة من صاحب المبادرات الرائعةالراحل المقيم عبود رحمه الله قررنا ان نصلح بين الفنان الكبير محمد وردي والراحل اسماعيل حسن لننهي قطيعة بينهما استمرت عشر سنوات لمواقف سياسية متقاطعة بين الرجلين وللتاريخ أبدى اسماعيل حسن حماسة للفكرة ولم يرفضها الفنان وردي وكان اللقاء والصلح وتلك قصة أخرى ،المهم وبمبادرة من الراحل عبود أيضاً أقام الفنان وردي على شرف هذا الصلح مأدبة عشاء بمنزله بالكلاكلة يوم الثلاثاء 29/12/1981م حضرها جميعنا وأقام الشاعر اسماعيل حسن مادبة مماثلة بعد اسبوع 5/1/1982م توفى بعدها بيومين حضرنا وغاب وردي وأذكر في تلك الجلسة (وهذا بيت القصيد في هذا السرد) قلت لإسماعيل حسن انو المقطع دة(المذكور فوق) هو أفضل ما كتبت. قال اللــــــــــــــــــــــــه أتخيل الغزالات وهي تنقز ومن فوق تعاين خايفي من الجاييها وبعدين حكي قصة قال تعرف ونحن في النيل الأبيض مجموعة أصحاب قررنا نمرق نصطاد شلنا بنادقنا ركبنا اللاندورفر وطلعنا الخلا وبعدين وقفنا عربيتنا وكمنا في وادي راجين الصيد، والله يا ولاد اعمي جات غزالة تتراقص وتتلفت يمين وشمال ولما قربت مننا واحد من الجماعة المعانا صوب بندقيته عليها، رجيتو بالله ورسول الله يقيف قلتلو الغزالة دي عندها مواعيد لا تحرموها، والله يا ولاد اعمي مافي دقائق إلا وجاء فحل غزلان للغزالة دي واتعانقوا كانو سنة ما شافو بعض والله المشهد ده كأنو قامي الآن وبعدين واحد من اخواننا الله يسامحو ما مهلهم ضربهم بالرصاص ومن اليوم داك انا كرهت رحلات الصيد وكرهت البيضرب الغزال لا يومنا دة.
ونعود
الحِبيِّب الروعة...
موسى ود الحِســـــــين...
يا اخوي إنت دقِّيت فيي وترة حساسة خلاااااااااااااس الله يرضى عليك... وإنت ممن حضروا ذلك الزمن الجميل... شاهد عليهو بالزمان والمكان...
وأنا هسع أفتِّش في ردك دا لقيتو بعد سلَلْ روح...
تاني عليك الله لمن ترد لا ترُد من الإقتباس رد من (الكِيمِيِّي) التِحِت دي ـ وعليك الله كلمة الكِيمِيي دي أشرحها ولة إذا جاء قبل د. يس اليشرحها لأن معانا شوايقة لندن كتاااااااااار ـ عشان ردك يكون ساهل تحت الردود الأخيرة!!!
يا قمره ... صبي السنسني الحمره شوفي أبوي أنا الراجاهو كلو صباح يا زينوبه أبوكي هو أصلو حالو بره لو قاري العلم هو ولاهو سيد خبره ومو زول غربه لكن الظروف جابره مالو إن كان صبر كل الخلوق صابره والصابرات روابح لو يجن قماح
هو أصلو متين نساكم يُمة شان يطره بيتنفس هوا ذكراكم العطره رهيف إحساس حنين قلبو بالفطره نديمو بقت دموعو الديمه منقطره وأصلو إن ما قعد بينكم ولا بيرتاح
جاهو العيد كمان زاد القليب حسره ساد العبره حلقو ونفسو منكسره هو لا لمّ القروش لا حصل المسره بلد ما فيها زول مات من عدم كسره فراقكم ليها يا أحباب ولا كان صاح
يا أمارتي الما طاعت الأمره ندماني وبقت محتاره في أمره بعد قسن الدرادر قصرن عمره الشوق فاض وعماها الحنين غمره الشوق للبلد لي بهجته وسمره الشوق لي مقيلا ضم ضم تمره الشوق لي حديثا ضم ضو قمره الشوق للبلد جابريتا وككره كان الشوق يخفف والله يبرى جراح
نسيتك أنا نسيتك ما لأني إنسان ونساي نسيتك أنا لأني بقيت لما أطراك بساهر وإنت طيفك ماهو لولاي نسيتك أنا عشان ردة فعل ذكراك جواي بقت تنتر مغس مرات ولواي نسيتك أنا ونسيت كل السماحه الفوق دريبا بقيت غناي وخليت لك بلد بي حالو ورحلت بي جاي غلطانه إن بقيت فهمتي إنو رحيلي فوق رأي مهاجر شان أحسن حالي وأرجع ليك شاشاي وحاتك لا لا .. دنياك ما بتوافق تاني دنياي وحاتك لا لا .. لا داير أخادعك ولاني خازاي قسا القلب الببكي الشوق عليك بقي ماهو بكاي وجفاها القمري عصرياتنا ماعاد فيها .. قوقاي صحيح حسدوني فيك زمن عزلتك وقالوا نقاي ما عارفني بكدح وبشقى ساكت وماني لقاي يفيض بحرك يعم وما فيهو من تالاي سقاي نسيتك أنا وبفتش في دليل لي دربي ضواي دحين أطفيها نار الغيره أو زيديها بوباي وأبكي على غرورك بعدي أو كوسيلو رضاي وقول لي معاك سلامه، أو قوليها باباي
Quote: ورقابن يمه وين رقاب الريل ؟؟ علي الحدب البعيد شرفن علي هوهيو كلابي
الصورة فعلاً جميلة ويتذوق جمالها من كان له معرفة في القنيص حين تجري الغزلان وتقف روبة أو مكان مرتفع, وجيدها مرفوع مائل تنصت لصوت كلاب السلوق وهي كلاب الصيد تتبع اثرها
تعرف يا ابو الحسين الشاعر دائماً يرى مايراهو الناس ويحس بما يحس به الناس لكن يكمن الفرق هو اعني الشاعر يعبر عنما يراه ويحسه في كلمات يعجز عنها الشخص العادي لذا عندما نقرأ أو نسمع الشعر يصادف هوانا فتذوقه ونطرب له
الان انظر كيف صور شاعرنا الكبير سماعين ودحسن صورة الابن المغترب وهو بعيد عن الاهل والاحباب والديار
صوره في صورة انسان مزوزو وهي حالة زهزل وشرود عقلي وسرحان وأهلنا بقولو ليك الزول دا مزوزو وكمان بقولو على حالته (( الأندراوة )) ويضرب فيها المثل الجن بداوى لكن كعبه الاندراوة لا علاج لها وفعلاً الانسان المزوزو كما صوره سماعين ود حسن دائما عندما يتحدث مع الناس يشخبط في التراب فهو دوما عندما يتحدث يشغل يده بشئ
وكلنا مرت علينا حالات لاشخاص مثل هذه لكن اسماعيل حسن صورها واخرجها لنا شعراً وهنا يكمن عمق وبعد نظر الشاعر
يوم الناس قالوا لك لا لا وأترجوك ماتفوت الدار ضرب بكلامن عرض الحائط وشلت شنيطتك بأصرار وقلته بسافر يعني بسافر كل الناس بتقوم وتسافر فعلاً وقم مشيت رأيك وأصرفته بدون ماتشاور
جيت البندر بي آمالك ألا لقيت الوضع مغاير خاب الأمل الجيته عشانو وقمته تلوم في الزمن الجائر كنت هناك بالجد متريح فوق واطاتك طالع ونازل تأكل وتشرب بين نخلاتك وتنفق وتصرف من غير فايل
أخر اليوم لبيتك ترجع لافي مدافره لافي مشاكل لا بتقيف في بص شماعه دمك فاير وعرقك سائل لا نشال إنشل ماهيتك لا كمساري معاك متثاقل لا بتأشر للملاكي .... سوقني معاك ياعم أن واصل تحرج نفسك وانت بتعرف انو الطيبه أنصاره قلائل
انو تعوم عكس التيار انت براك البدري أخترته ليه ياقلبي تنوح تتبكى وتندب حظك ليل ونهار لمن قمته وجيت البندر وكنت تظن الحال اتصلح كنت بتحلم بمستقبل فيهو ابواب الخير تتفتح ألا لقيت الواقع أمر وزينا ناس بتشقى وتكدح وناسن عايشي معيشتن راقيه بتلفون بتخسر وتربح وناسن عايشي على الماهيه من يوم خمسة الجيب اتقمح وناسن عايشي عليّ خلق الله أمن تشحد وأمن تلفح
غايتو الحاله معادله صعبه كأنو الناس قاعدين في مسرح عندي سؤال بالجد حيرني ونشف ريقي وراهو نشاف وليل ونهار أنا شاغل تفكيري لمن منو أنا بقيتا اخاف
حال الزول القالوا موظف وراتبو الشهري شويت ألآف لو عديت مصروفو الشهري أكيد تلقاهو أضعاف اضعاف حلو معاي المسألة ديا وساعدوا معاي العم الزين زولاً محمول وعندو أطفال عشان مايأكل أجيب من وين؟؟ يسرق!!! ينهب !! يشحد !! ولا كمان يغرق في الدين
قولوا معاي اسوي شنو ؟؟ عشان مايعيش أجيب من وين ؟؟ عم الزين يعلم بو الباري ديمه عليهو الجوف محروق كان في الماضي ركازة الحله وياهو البربط للمطلوق... حسع وين ياحليلو التائه ودر وأصبح جنو كلام.... يصرف عربي مبالغ فيهو وناس الحي سمو النضام مرات يضحك لمان تشفق ومرات يبكي بكا الأيتام عندو عبارة تملي يقوله أوعك تحسبه بالأرقام تتعب نفسك بتضريبه وآخر شئ تجيك أوهام
بعد الشفتو براك ياقلبي أخير لك ترجع منك وليك خلي وظيفت المكتب طايري لا لا قسم مالايقه عليك عود من تاني وأزرع أرضك دي مابتخدر ألا بدّيك عزة نفسك في واطاتك بين نخلاتك وحنب والديك
تعاتبنا !!! وما قبلان تكاتبنا ما إنتو البيتو الحله يا نوره ورحتلو بعيد بلا شوره تراها الحله من يوم قمتو مهجوره وما رضيانه بعدك إلا مجبوره ومشتاقه عارفه الدنيا لمان تقسى فراقه حليل الحله .. وين أملاكه (وين حوره)؟؟ وين شاديها ؟؟ يا شاديها ما تزوره يا فتنه يا البعد الله منك كان مخافتنا أكان حيين .. وما متنا وكان حن القدر والدنيا لمتنا وتاني الحله زي ما كنا ضمتنا بنحلف ليك بزمتنا سعادتك كل مهمتنا وبلاك قامت قيامتنا.
حاتم هاشم
Post: #168 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 11-25-2006, 05:05 AM Parent: #145
Quote: Quote: ورقابن يمه وين رقاب الريل ؟؟ علي الحدب البعيد شرفن علي هوهيو كلابي
الصورة فعلاً جميلة ويتذوق جمالها من كان له معرفة في القنيص حين تجري الغزلان وتقف روبة أو مكان مرتفع, وجيدها مرفوع مائل تنصت لصوت كلاب السلوق وهي كلاب الصيد تتبع اثرها
الأخ خالد منسي المقطع كما ذكرت جميل والقصيدة كلها رائعةوكذلك قصيدة الراحلة بتت خير رحمها الله وقد سقط منك (في الغالب سهوا)ً مقطعين رائعين تقول فيهما بتت خير رحمها الله وإنت ماك عارف قليباً لي مجينين وماك عارف جواب السلامي يجيني اطول لي شبرين وإنت ما بترسل لي جواباً فيه سطرين تقولي نعيم صباح امو اشتقل وين والقصيدة حسب علمي قديمة ترجع إلى ذلك العهد البعيد عندما يمم العديد من أبناء المنطقة وجوههم شطر أرض الكنانة طلباً للرزق قد تكون كتبت في الخمسينات من القرن الذي مضى ثم جاء رد اسماعيل حسن في بداية السبعينات أبرز هذه القصيدة الرائعة إلى السطح عندما شدا بها الرائع المعتزل للغناء محمد كرم منتصف السبيعنات وأحلى مافي القصيدتين بساطة الكلمات المستخدمة وقد تلاحظون معي أن سر مخاطبة أشعار الشايقية للقلوب هو بساطة الكلمات المستخدمة وعندما أقول الشايقية إنما أعنى قرى وهجر(ريفي مروي سابقا) خذ مثال لهذه استخدام الشاعرالكبير محمد سعيد دفع الله لكلمتي (رهيف)(ما غابيك) في أغنية لا شوفتاً تبل الشوق ولا رداً يطمنً) كان ممكن للشاعر أن يستخدم كلمات كثيرة غيرها مثل ما هماك أوغيرها ولكنها ماكانت لتقع في النفس موقع الكلمة المذكورة وكذلك رهيف ، وتامل كذلك استخدام الشاعر الفذ السر عثمان الطيب لعبارة (إنتي جداولي حس خاويهاشاق محل السواقي وبورها) في الأغنية الرائعة ( وا لومي العتاب جابوه) وبالذات حس خاويهاأي حس خاوي الجدول سماع مثل هذه العبارات يملؤك حنين قد يصل مرحلة البكاء إن كان القلب رهيف . ونعود
Post: #150 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-23-2006, 02:05 AM Parent: #1
Quote: صحيح حسدوني فيك زمن عزلتك وقالوا نقاي
واللللللللله البيت دا إبداع يا حاتم أخوي...
وهسع تلقاها البِنت دي قبل ما يعزلها عاديييييييييييية في وسط البنات... بس من عزلها الدنيا قامت فوقها!!
Post: #151 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-23-2006, 04:16 AM Parent: #1
Quote: ابو الحسين
صباحاتك روعة
تعرف انا ما شايقي لكن بحب الشوايقة موت ومعظم اصدقائي
من الشوايقة ... تصدق انا كنت مغترب وطبعا بكاي جدا من
الغربة ... قام طلع ليك شريط ( كان زادي) شهر شهرين واخوك
دق خروج نهائي للبلد وتراني حتى الان غرقان في تراب البلد
شكراً للأخ فاتح هذا البوست العظيم .......... الناس دي بي تحب الطمبور لدرجة الموت رجال على نساء وكنا نتنسم كل موسم إجازات الجديد البي يجينا من كريمة ومن مروي في ريفي مروي ........ في موسم الصيف غالباً ما نسحب عبدالرحمن البركل، وعبدالرحيم البركل، وغيسى بروي، وعادل السيد وغيرهم، ومرات يجي معاهم رائد الطمبور صديق أحمد.. كان هناك عرس عندنا في جزيرة شيري.. وكان عرس عظيم وكبير، في أواخر السبعينات وصيفها.. جاهو عيسى بروي مخصوص من كريمة وجاهو غيرو من الفنانين.. وأهدى فيه الفنان عازف الكمان على ميرغني إهداءاته للعروسين العريس كان أحمد تيتو اي أحمد السيد سليمان والده كان نائب عميد كلية الفنون الجميلة وزجة أبيه الثانية كانت شقيقة المرحوم علي ميرغني عازف الكمان الشهير في أوكسترا الإذاعة السودانية والتلفزيون كذلك جاءت إهداءات عازف السكسفون الشهير الشايقي( اي المقدم محمد الحسن الشايقي.ز( أوكسترا التلفزيون) وكان دائم الرفقة للعميد أحمد المصطفى.. والشايقي من جزيرة(سوور) جاءت إهداءاته في ذلك العرس الناس دي بي تحب الطنبور وتموت في الطنبور وقامت شكلة كادت أن تأدي الى موت لأسباب عيسى بروي كان حالف مايغني في جزيرة شري.. وجاء من كريمة مخصوص لهذا العرس واحد قال ليهو ليه ماجيت غنيت في عرسي جيت هسه حرم ما تغني قال ليهو ولسه قسمي موجود ولكن أحمد صديقي دخلت واسطة حلت الموضوع بعد جهد جهيد وقامت شكلة بي هناك في فرقة جاية من الخرطوم عايزة تشارك العريس تغني بالعود غناء ناس الصعيد .. ناس حلفوا بالتقطعهم ماعايزين يسمعوا صوت العود حتى لو قلبو دليب وحايكسروا ليهم عودهم ويرموهو في مبخر ويبخروهم بيهو وناس قالوا لما يشوفوا منظر العود بيطرشوا.. يستفرغوا وقالوا جايين يسمعوا طمبور صرف وفعلا رقصوا على الطنبور حتى طرشوا وبتاعين العود جاملوهم بكرة في صبحية كدة ........... قطعنا بمركب من الجزيرة للمجاملة في عرس آخر جنبنا في نفس الليلة بالغرب حلة النعوفاب كان فيه الفنان غيسى حامد وخليفة محمد خير عرس محمد الحسن ود أب قرن من حلة النعوفاب أولاد اب نعوف الشايقي .......... وغنى عيسى بروى الجديد ورجع الى كريمة لحفلة كانت هناك ..... الدليب يوم دنا... السليك يوم رنا بشوف السمحة في الرقيص تتنا ........... شوفو كيف بشتن بالخلق عومو كالوزين حين يشق ........... الضمير كل مايوم يرق قبلي مركب قيس بالشرق ........ نجري للشبال ننسبق شوفو كيف وزعو كالرزق ...... ماني خاتي أكان ليك عشق ......... .......... ............................... واحد فنان مغترب صاحبي قال لى قبل أيام كنتا في السودان وتعاقدنا مع حفلة عشان نغني غناء حديث وقال لى على شقاوتنا الحفلة كانت حقت شوايقة نفاجأ بأنو تاريهو جابونا ساكت تطعيم للحفلة. والحفلة فيها أكثر من 12 طنبور طلع المسرح عرفت فيهم بس جعفر السقيد لأني مغترب ما عرفتهم كلهم لكن الناس هناك يعرفوهم.. والله يا صديق منصوري الناس ديل غنوا جنس غناء ودقوا الأرض دي جنس دق.. ونقزوا جنس نقزي.. والبنات ديل رقصوا جنس رقيص موع بس موعان ونحن فاتحين خشومنا ونتفرج كرهنا غنانا ذاتو ودلوكتنا البت البي ترقص تلقي بي هناك صف الحريم كلهم واقفات ويتجابوا معاها يرقصوا بي رقبتهم كأنهم هم يرقصوا.. تصدق يامنصوري نفسنا راودتنا نشيل عدتنا وعودنا وأجهزتنا وننسحب لكن صبرنا كدة كدة عملنا فاصل تصدق واحدة كضبت طلعت رقصت فيهو مافي؟ ......... طيب هن وكت رقصن إنتو ما مشيتوا أخدتوا ليكم شبال؟ قال: يازول هيي دي فيها كتل عديل ومسدسات..؟ المهم كرهنا غنانا؟
البليلي أم ملحاً نضيف حبي لوبا.. وحبي عيش ريف يا حلاتك في الشلاليف ............ يا لبينة الصيف الحليب المعلقة في الهنربيب المنضفة من السبيب كان لقيتك خاتري بيطيب ......... شرح: عيش الريف... هو الذرة الشامية ............... اللوبيا.. كما هو معروف في السودان ينقسم الي لوبيا طيب.. ولوبيا عفن.. ولوبيا ابيض المنضفة من السبب كناية على أنها محلوبة فرييش من أمها وطازجة.دلالة على أنها حلوبها للتلو وبها بعض السبيب دلالة على أنو لبن ماعز والسبيب للماعز والصوف أو الشعر للضان.. وعادة ما يكون بعض السبيب في الحليب..
الاخوة الكرام سلام ان كان هنالك واحد لا يستطيع مشاهدة الفيديو يمكنه انزال البرنامج دا وهو سهل الانزال وسرع download the following free software For vedio
Quote: يا خالد المنسي وحاتم هاشم اليوم فاقدين طَلَّة د. يس ما الصباحية... إنشاء الله مانعو خير...
الحبيب ابوالحسين الشغلة حاصلة لكن كل يوم بتمم على "اللقدابة" دي في الصباح والمساء واطمئن لمن القي الرجالة وافقين عمدان للبوست
Quote: وقامت شكلة بي هناك في فرقة جاية من الخرطوم عايزة تشارك العريس تغني بالعود غناء ناس الصعيد .. ناس حلفوا بالتقطعهم ماعايزين يسمعوا صوت العود حتى لو قلبو دليب وحايكسروا ليهم عودهم ويرموهو في مبخر ويبخروهم بيهو وناس قالوا لما يشوفوا منظر العود بيطرشوا.. يستفرغوا وقالوا جايين يسمعوا طمبور صرف وفعلا رقصوا على الطنبور حتى طرشوا وبتاعين العود جاملوهم بكرة في صبحية كدة
Quote: نجري للشبال ننسبق شوفو كيف وزعو كالرزق
Quote: والله يا صديق منصوري الناس ديل غنوا جنس غناء ودقوا الأرض دي جنس دق.. ونقزوا جنس نقزي.. والبنات ديل رقصوا جنس رقيص موع بس موعان ونحن فاتحين خشومنا ونتفرج كرهنا غنانا ذاتو ودلوكتنا البت البي ترقص تلقي بي هناك صف الحريم كلهم واقفات ويتجابوا معاها يرقصوا بي رقبتهم كأنهم هم يرقصوا..
لك تحياتي الخ منصوري لا تحرمن من طلاتك
أحكي لي عننا والهوى المبدع /محمد جباره له تحياتي أين ما حل
جعفر السقيد يوم الناس اترجوك وقالو ليك لا انت براك البدري اخترت هدية للأستاذ خالد المنسي بس خايف الرجالة يسمعو الاغنية دي باكر اجي القى البوست فاضي كل الرجالة دقوا خروج نهائي ورجعوا والصامد فيهم معلقلو درب في المستشفى
الحبيب حاتم هشام سلام لك الود انا خايف من طلاتي توديك التوج خاصة انو واضح قلبك رهيف وقاعد تحب ودا ظاهر من نوع القصائد الجايبا بل أكاد أجزم انك مش ماخد شاكوش وبس "بل مضروب بي بديقة" لكن برضو بقول لك الحديث أدناه دا
Quote: بعد الشفتو براك ياقلبي أخير لك ترجع منك وليك خلي وظيفت المكتب طايري لا لا قسم مالايقه عليك عود من تاني وأزرع أرضك دي مابتخدر ألا بدّيك عزة نفسك في واطاتك بين نخلاتك وحنب والديك
Quote: جعفر السقيد يوم الناس اترجوك وقالو ليك لا انت براك البدري اخترت هدية للأستاذ خالد المنسي بس خايف الرجالة يسمعو الاغنية دي باكر اجي القى البوست فاضي كل الرجالة دقوا خروج نهائي ورجعوا والصامد فيهم معلقلو درب في المستشفى
صامدين وما بندق خروج والآمن مازال مستتب لكن الدرب اتعلق يا خوي جنس الكلام دا جلكوز ما بكفي
تعاتبنا !!! وما قبلان تكاتبنا ما إنتو البيتو الحله يا نوره ورحتلو بعيد بلا شوره تراها الحله من يوم قمتو مهجوره وما رضيانه بعدك إلا مجبوره ومشتاقه عارفه الدنيا لمان تقسى فراقه حليل الحله .. وين أملاكه (وين حوره)؟؟ وين شاديها ؟؟ يا شاديها ما تزوره يا فتنه يا البعد الله منك كان مخافتنا أكان حيين .. وما متنا وكان حن القدر والدنيا لمتنا وتاني الحله زي ما كنا ضمتنا بنحلف ليك بزمتنا سعادتك كل مهمتنا وبلاك قامت قيامتنا.
اجمل منو في الكون كلو ما شفنا جود يا الله بي لقياهو أنصفنا راضين نحن مهما حبو كلفنا لأنو ملك شعورنا ملك عواطفنا والفناهو لو يرحم يوالفنا نحن نطيعو ما دايرين يخالفنا حاول مره زورنا عشان تشرفنا وبي معنى الجمال الفطري عرفنا لفينا المداين والقرى وطفنا زيك لا بنلاقي ولا بيصادفنا يا سواقنا قدام بيتو وقفنا خليها الزهور تمرق تلاطفنا ما حبينا غيرو وهو عارفنا دايرين لي لماهو الحظ يحالفنا ليك غنينا وتر سلكو عازفنا نظمنا القصائد فيك وألفنا دايم حبي ليك ومستحيل يفنى وسيل الشوق على الحابنو جارفنا تعال بالله أرقص تاني أتحفنا وبي عينيك لو بتحب تكاشفنا ناري أنا من عيونو المنهن خفنا عيونا بالسهام كادت تنشفنا إن نسفت سبيبه معاهو تنسفنا وإن مالت بعد سابتين ترجفنا حياتنا عليها من قبلك تأسفنا ولو ما شفنا حسنك تاني شن شفنا
ريدكم لي شديد يا يابا ريدي أنا للبريدو شديد إلا أنا ما معاكم ديمه لكن عن حبيبي بعيد خلوني اللسافر أبوي لو كان في إجازة العيد أمشي أزور حبيبي الغالي داير أوفي حق الريد عشان يا يابا من يوم روح ما جاب لي منو بريد وما قال لي وين يا زولي كيف عامل براك وحيد ليشن يابا ما بترضوني ياني وليدكم الويحيد خايف بكره ما تلقوني إلا تتلتولي القيد شان شوق الحبيب مالكني والنار في ضلوعي تقيد داير يابا أمشي وأزورو يمكن شوفتو لي تفيد يابا عليك عطفك لي ما تخلوني أبكي شديد ويابا إن كت بتدري البي ماب تأبى لي أبقى سعيد يابا إن كت قادر أخلي كت خليتو بدري أكيد زولاً حبو عاش في قلبي كيفن عن طريقو أحيد كان يا يابا ما جربت تهواها الحسان الغيد وكان يا يابا ما أشجاك صوت البلبل الغريد وكان يا يابا ما ساهرت وعينيك ضاقن التسهيد ما بتهتم بي أعذاري مهما أقول ومهما أعيد دحين يا يابا ماك مشتاق وحيدك يبقى عندو وليد يحوم في البيت ويلعب فيهو يمرح في براءه سعيد يقول لي يمه يا حبوبه يا حبوبه عندي نشيد يسعدني ويسر بال أمه ليك يا يابا يبقي حفيد هاك يا يابا من أشعاري أبيات أنهكا الترديد كم تاه في دروب الريده قلبي وكم نظم له قصيد.
Post: #166 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-25-2006, 02:27 AM Parent: #1
Quote: وقامت شكلة بي هناك في فرقة جاية من الخرطوم عايزة تشارك العريس تغني بالعود غناء ناس الصعيد .. ناس حلفوا بالتقطعهم ماعايزين يسمعوا صوت العود حتى لو قلبو دليب وحايكسروا ليهم عودهم ويرموهو في مبخر ويبخروهم بيهو وناس قالوا لما يشوفوا منظر العود بيطرشوا.. يستفرغوا وقالوا جايين يسمعوا طمبور صرف وفعلا رقصوا على الطنبور حتى طرشوا وبتاعين العود جاملوهم بكرة في صبحية كدة
أول شئ اخوي المنصوري كدي خلني الأعلق علي إقتباسي دا حتى أرحب بيك في البوست دا...
إنت عارف الجماعة ديل حبهم فاشِر خلااااااااااااااس... قلت لي قالو حا يكسرو العود ويشمموهو ليهم بخور...!!! والله دي ما صبقهم عليها واحد قبل كدي...
أها الأرجع وأرحب بيك إضافة جديدة وحقيقية في بوست أهلك وأحبابك الشايقية... وحبابك ترتع وتضيف وتثري هذه الثقافة الشايقية المنصورية المشتركة... فيا هلا بيك ومرحبا...
شرفت جيت مرحب حباب نور العيون يااااااااااااامرحبا...
قواسيب مودتي...
ولامن أجيك راجع للتعليق على:
الدِلِيب يوم دنَّا يوم دَنَّا... السليك يوم رنَّا يوم رناّ...
شوف سيد الناااااااس في الرقيص يِنْتنَّى... يِنْتَنَّى...
أنا طبعاً كتبتها بلحنها الجميل بصوت الرائع عيسى بروي...
أبقى قريب يا المنصوري وروائعك العطرة...
أبو الحســــــــــــــين...
Post: #167 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-25-2006, 04:20 AM Parent: #1
Quote: الحبيب ابوالحسين الشغلة حاصلة لكن كل يوم بتمم على "اللقدابة" دي في الصباح والمساء واطمئن لمن القي الرجالة وافقين عمدان للبوست
الحِبيِّب إبن العم يس...
الله يديك العافية يا اخوي ويخفِّف شغلاتك ويهون عليك وعلى الجميع الغربة القاسية بالذات إنتو الفي بلد العجم...
حلوة وعجبتني جداً إستخدام اللَّقَدابة دي...
وعندي سؤال للأحباب نظام فزورة يعني...
الفَرِق شنو بين اللَّقَدابة والدَانْقا بالرغم من أن الإتنين تعني (برندة أو صالة)...
ولك إبن عمي وللجميع مودتي كلها بلا حدود...
أبو الحســـــــــــــين...
Post: #169 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-25-2006, 09:55 AM Parent: #1
Quote: : ورقابن يمه وين رقاب الريل ؟؟ علي الحدب البعيد شرفن علي هوهيو كلابي
الصورة فعلاً جميلة ويتذوق جمالها من كان له معرفة في القنيص حين تجري الغزلان وتقف روبة أو مكان مرتفع, وجيدها مرفوع مائل تنصت لصوت كلاب السلوق وهي كلاب الصيد تتبع اثرها
Quote: الأخ خالد منسي المقطع كما ذكرت جميل والقصيدة كلها رائعةوكذلك قصيدة الراحلة بتت خير رحمها الله وقد سقط منك (في الغالب سهوا)ً مقطعين رائعين تقول فيهما بتت خير رحمها الله وإنت ماك عارف قليباً لي مجينين وماك عارف جواب السلامي يجيني اطول لي شبرين وإنت ما بترسل لي جواباً فيه سطرين تقولي نعيم صباح امو اشتقل وين والقصيدة حسب علمي قديمة ترجع إلى ذلك العهد البعيد عندما يمم العديد من أبناء المنطقة وجوههم شطر أرض الكنانة طلباً للرزق قد تكون كتبت في الخمسينات من القرن الذي مضى ثم جاء رد اسماعيل حسن في بداية السبعينات أبرز هذه القصيدة الرائعة إلى السطح عندما شدا بها الرائع المعتزل للغناء محمد كرم منتصف السبيعنات وأحلى مافي القصيدتين بساطة الكلمات المستخدمة وقد تلاحظون معي أن سر مخاطبة أشعار الشايقية للقلوب هو بساطة الكلمات المستخدمة وعندما أقول الشايقية إنما أعنى قرى وهجر(ريفي مروي سابقا) خذ مثال لهذه استخدام الشاعرالكبير محمد سعيد دفع الله لكلمتي (رهيف)(ما غابيك) في أغنية لا شوفتاً تبل الشوق ولا رداً يطمنً) كان ممكن للشاعر أن يستخدم كلمات كثيرة غيرها مثل ما هماك أوغيرها ولكنها ماكانت لتقع في النفس موقع الكلمة المذكورة وكذلك رهيف ، وتامل كذلك استخدام الشاعر الفذ السر عثمان الطيب لعبارة (إنتي جداولي حس خاويهاشاق محل السواقي وبورها) في الأغنية الرائعة ( وا لومي العتاب جابوه) وبالذات حس خاويهاأي حس خاوي الجدول سماع مثل هذه العبارات يملؤك حنين قد يصل مرحلة البكاء إن كان القلب رهيف . ونعود
الحِبيِّب المرهَفْ الفنان الرائع موسى ود الحســـــــين...
نهارك سعيد يا اخوي...
إنت عارف وأنا أفتِّش في ردك دا لي مدة آخر الردود في القائمة إنت... لكن ردك وين... معلق فوووووووووووووووووق زي المشعليب!!! دحين يا اخوي لمن ترد الله يرضى عليك... أضغط في أيقونة الرد التحت الفي الركن التحتاني دي... لا ترد بإقتباس عشان ردك ما يروح فيها فوق...
عشان الواحد المتصفح دايماً بي يجي يتصفح من محل وقف... وماب يتخيل إنو في ردود لا فوق لسع...
عليك الله رجاء خاص... لأن تعليقاتك وردودك في المليان وحاااااااااضرة من ذلك الزمن الجميل...
طولت شايل الذكرى في عيني للعيد المضي طولت بحسب في نجوم الليل وأقدر في مساحات الفضا وأغصب مشاعرى علي الألم وأروضا واتمني لو لحظاتنا ديك تسمح ظروفنا نعوضا وتجمعني بالحسن الرفض أفكاري كان بيعارضا يمكن قبل نتبادل الحب الشريف يمكن رضا تمضي السنين وتمضي الشهور واتمنى لو كان تمت الأيام وانتهت السنين والكون وقف خلا المسير كان قلبي فتش عن نصير خفف عذابات الضمير ومن قبل ما أصل المصير الفيهو قلبي المحترق فكر كتير اتذكر العيد المضى يوم بيتنا أصبح كلو خير يوم كنا بي نشوة فرح دايرين نطير يوم القمر في بيتنا متواضع قعد فوق السرير وقال ... كل عام وانتم بخير نظراتو كان زي بسمة الطفل الغرير وخصلات شعر تنساب متل موية الغدير وحبات نهودو الطعنن فوق الصدير حاولت بيهن استجير من العيون التايهه والخصر الصغير من الشفاه العطشى والوجه المنير من السعير ومرت ليالي طوال علىّ وطأت غرامك ما بتخف حاولت أصارحك وليك بالبي اعترف فكرت أكتب ليك رسائل بي دموعي الما بتجف مليون حرف داير أخليك عن دلالك تنصرف داير أعبر عن مشاعر عن مشاعرك تختلف ودايرك تصدق إني في محراب غرامك معتكف واجيب قلم واحصر تعابير الألم وكل ابتهالات العشم لكني من أول حرف أجد الأنامل ترتجف وتتذكر العيد المضى أعياد تجي وأعياد تفوت والفرحة تصحب كل عيد تملا البيوت وأنا كل ما استقبلت عيد أحيا وأموت وأطبع ملايين التهاني على الكروت تمضي السنين وتمضي الشهور وأنا قلبي يحيا بلا شعور لكنو قرر يا القلبت ظلامو نور قرر يحارب كل أوضاعو ويثور قرر يكاشفك بي ضمير ما فوقو زور قرر يرسل ليك سطور مكتوبه فوق ورق الزهور مكتوبه بي دمعو الغزير داير الحروف تبقالو نور وتبقالوا .... لى قلب البحبو جواز مرور
جافاني المنام وأصبح محال يا سلوى مالو عذابي طال طريت زولي العليهو قليبي مال طريتو اللي منام عيني شال طريت الحسنو آيه من الجمال الوحيد بين جيلو معدوم المثال بوصيك يا رسول قبل الزوال سافر وفي عقاب الليل تعال أمش للفي الصعيد شد الرحال قولو طيفك في خيالي أنا لا يزال أقول ظبية ونشت بين التلال والله أقول حورية من جنة بلال أقول غاده ومكلله بالدلال دي قطعة من سحر الطبيعة الفي الشمال سلوي ليه فكري أنشغل بيك يا غزال وليه طال إشتياقي ودمعي سال متين ألقاك في بيت الحلال وألقي كل شقاي كل عذابي زال حجبت ضياك عننا يا هلال ونسيت بلدنا يا سمح الخصال تطول يا الله أيامنا القلال نعيش ونحقق أحلام الخيال أسرت قليبي يا تبش الرمال أنا لا يلوموني إن بقيت في هواك ضال مع ذكراك دايماً في نزال أنا نومي جافى وعقلي مافي وحالي حال.
..................................
حاتم هاشم
Post: #172 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-25-2006, 11:34 AM Parent: #1
Quote: تطول يا الله أيامنا القلال نعيش ونحقق أحلام الخيال أسرت قليبي يا تبش الرمال أنا لا يلوموني إن بقيت في هواك ضال مع ذكراك دايماً في نزال أنا نومي جافى وعقلي مافي وحالي حال.
اللللللللللللله من كلمة تِبْش الرمال دي...
أصلاً ما يتخيلها إلا أهل الجزايِر (وبالأخص ناس بجبوج) والأرض المِتْرومْلي القريييييب من القيف من تالا البحر... صحيح تِبِشها تدي ربك العجَب...
كميات مودتي... ويسلم ضُراعَك أخي حاتم...
ونسأل الله الصحة والعافية للمبدع القامة عبد الله محمد خير...
أبو الحســـــــــــــين...
Post: #173 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-25-2006, 12:17 PM Parent: #1
Quote: بت البلد كلمات السر عثمان الطيب غناء محمد جبارة
بلا خبر تلقى الخبر مالي البلد قالوا العريس قام بالأحد الحلة جاطت والحريم يتهامسن جاي الولد كوم من بنات للبير ورد يتحدثن جاي الولد يابختها وشوقنا نحن اللينا جمر الشوق وقد ***** لامن خلاص الليل دخل آخر شعاع من الشمس روح نزل ضو القميره جاء من بعيد بهر قدل دافر ظلام الحله قدامو وصل **** ناس البلد النام رقد والماسك السبحي عبد مشغول هو بى خبر العريس القالوا قام بالأحد
الليلة هناك بعيد بقادي في آخر الديار راكوبة ضلها أحر من حر النهار كوم من بروش وجريد تمر عيدان صغار دلوق هدوم موروثه من زمن الكبار تلات عناقريباً صغار كرابه منقطع نزل والنوم من البى فوقها روح داك جفل *** راقد هناك كوم من ضياع مركب مسافرة بلا شراع وأحلام مسافرة بلا وداع دموع ضياع تجاره من غير انقطاع أحرف أنين ما خطتن أيد بيراع
بت البلد عبراتها سدت في الحلق تبكي تنوح تشرب دموعها تنشرق لمن حسيس نقارة جاها من الشرق *** قامت على الحيل صنقرت شالت طريحتها للدميعات كفكفت
أتذكرت فجاة السنين الفاتو جن وأيام زمان اتلملمن أتذكرت كانت تقوم فجراً صباح لمن يقموا أهل الصلاح وأبوها شايل السبحي صاح ياشفعه شدي سريع سوي الملاح شيلي المناجل وأمشي قدامي الجرف أتذكر كانت تسبقو تمشي تنـزل بي تِحِتْ تمسك صبيت التمرة بايده تَحِتْ تقعد تحش اللوبي لي الكاويق تقش تصل البحر والموج يداعبها فوق هدومه ينط يرش وبعدين تشيل القش تفوت واليوم يفوت وتفوت سنين وتمر سنين يكبر عمير بت البلد ويكبر معاه كمان حنين
الليله في يوماً صباحو صباح هنا واحة عبير نغمة غنا ريحة لبينه مقننه مر الجنى وسلم على بت البلد ذي عادتو سلم وأبتعد تابعاه عين بت البلد بت البلد سمعت ضريبات القلب ياالله مالو ده ها القلب بعد الثبات كيفن خرب بت البلد عرفت تحب *** واليوم داك وماجاها نوم مادام خيال ود البلد يمشي يحوم بين الخيال شافت وجيهو الهاش وباش شافت عيونو الفيها فيض أحلامها عاش شافت سحاب الريدة فوق واديها راش الليلة تاهت مع الشوق الما عاد ينكتم والصورة هاد في قليبه صبح وسم تاهت مشت سايقاها دقات الدليب لي دار حبيبها منى القليب لي قعده عصراوية فوق العنقريب لي الونسة والخاطر يطيب لي مسكة في أيد الحبيب *** الوقفة قدم الجنيات القرمصيص وغنا البنات ياالله وين تلقى الثبات والصفقة من تال الولاد تسمعها جاياها من أخر بلاد أتذكرت قول حاج مُحُمد والدها حالف بي يمين ود البلد ما يخدها لو كان ركع قدامها صلى يعبدها *** أتذكرت قول حاج مُحُمد والدها وصف العريس الجاي بقطر الأحد كتَّر محاسنو عددها .... راجل موظف عندو مال يأويك في بيتاً حلال تبقي لو أماً للعيال
أتذكرت لمن أبت قول حاج مُحُمد والدها كيف نهرها وكيف نهزرها حالف بي يمين بيودرها لو ما رضت بالجاي بي قطر الأحد *** قاليها: ما عندك أدب تعبان سنين فوقك تعب بديك لي زولاً كعب تربال عشتو عدم عدم لو قاري لو ماسك قلم لو أخديتو تندمي صح ندم يشقيك يورك الألم أتذكرت كيف الحبيب ود البلد في الغربة سافر وأبتعد بكت لمن الخبر زاع في البلد أنو العريس قام بالأحد *** الحلة جاطت والحريم يتهامسن جاي الولد لكنهن ما عرفن الشوق كيف وقد ما عرفن هي شوقها تب ما عندو حد مو للعريس للحبيب ود البلد دا الراح في زحمة ضياع ما توجد يا حليلك إنت يا بت البلد
وينك إنت يا حِبيِّبنا الكيك...
ويا ريت د. يس ينزل لينا الأُغنية دي بصوت المبدع محمد جبارة...
Quote: الأخ خالد منسي المقطع كما ذكرت جميل والقصيدة كلها رائعةوكذلك قصيدة الراحلة بتت خير رحمها الله وقد سقط منك (في الغالب سهوا)ً مقطعين رائعين تقول فيهما بتت خير رحمها الله وإنت ماك عارف قليباً لي مجينين وماك عارف جواب السلامي يجيني اطول لي شبرين وإنت ما بترسل لي جواباً فيه سطرين تقولي نعيم صباح امو اشتقل وين والقصيدة حسب علمي قديمة ترجع إلى ذلك العهد البعيد عندما يمم العديد من أبناء المنطقة وجوههم شطر أرض الكنانة طلباً للرزق قد تكون كتبت في الخمسينات من القرن الذي مضى ثم جاء رد اسماعيل حسن في بداية السبعينات أبرز هذه القصيدة الرائعة إلى السطح عندما شدا بها الرائع المعتزل للغناء محمد كرم منتصف السبيعنات وأحلى مافي القصيدتين بساطة الكلمات المستخدمة وقد تلاحظون معي أن سر مخاطبة أشعار الشايقية للقلوب هو بساطة الكلمات المستخدمة وعندما أقول الشايقية إنما أعنى قرى وهجر(ريفي مروي سابقا) خذ مثال لهذه استخدام الشاعرالكبير محمد سعيد دفع الله لكلمتي (رهيف)(ما غابيك) في أغنية لا شوفتاً تبل الشوق ولا رداً يطمنً) كان ممكن للشاعر أن يستخدم كلمات كثيرة غيرها مثل ما هماك أوغيرها ولكنها ماكانت لتقع في النفس موقع الكلمة المذكورة وكذلك رهيف ، وتوين امل كذلك استخدام الشاعر الفذ السر عثمان الطيب لعبارة (إنتي جداولي حس خاويهاشاق محل السواقي وبورها) في الأغنية الرائعة ( وا لومي العتاب جابوه) وبالذات حس خاويهاأي حس خاوي الجدول سماع مثل هذه العبارات يملؤك حنين قد يصل مرحلة البكاء إن كان القلب رهيف . ونعود
ابوالحسين سلامات نعم كنت احفظ هذه القصيدة أنا من زمن بعيد تفلتت من الراس يا اخوي الكبر ما دخل مع اني صغير وجاهل. كان المبروك دكتور ياسين نزل القصيدتين بصوت محمد كرم الله وعدلت قصيدة بت ود خير وانزلتها مرة اخرى وفيها كما ذكرت البيتين الحلوين الذكرتهم
نعم يا احوي حلاوة شعر الشايقية في بساطة الكلمة وكمان ببحتو واشوفوا الكلمة ذات التأثير القوي
وصلوها مرحلة الخطر والأمن مامستتب
هنا لو لاحظت كان ممكن يستخدم الشاعر اي كلمة اخرى تدي المعنى لكن بحت بحت حتى جاء هذا التعبير الذي فعله فعل السهام للآذان فوقف الشاعر في اختيار اللفظ واجاد هذا ما يتصف به شعراء الشايقية
مثال اخر قصيدة حميد الواسوق
طبعا القصيدة رمزية
لكن حميد اراد ان يقول أن الثورة التي ينتظرها الناس ما جاءت من العمال ولا من الطلاب والمتعلمين ولا من المزارعين لكن جاءت من الجيش مرة اخرى . غاص حميد فطلع لنا بكلمات بسيطة فكان اختياره لما هو مرتبط لكل ممن تقدم
من الواسوق ابت تطلع من الأبرول أبت تطلع من الأقلام أبت تطلع من المدفع طلع خازوق
سلام أولاً أشكر الأستاذ الأديب موسى الحسين لتحليلاته الفنية الأدبية الضافية وارجو منه أن يرد من "الركن اليماني" حتى نستمتع بما يكتب ولو لا كتابة أبوالحسين وتعليقه لما كنت رأيت هذه الدرر الأستاذ ابوالحسين والأستاذ خالد المنسي سلام قصيدة "بت أدخير " موجودة في الصفحة الأولى بصوت ود كرم ما عارف قد أكون فهمت غلط عموماً أعيد انزالها هنا
.............بسم الله الرحمن الرحيم...............
احدى روائع الشاعر..المبدع..شيخ العاشقين
عبدالله محمدخير............شفاهالله..........
المبطر
زيدي من لحظات الوداد يا المبطر وسيب العناد إنت ليه إخترت البعاد وفي بلدنا أبيت القعاد مالقلوب شوقه عليك زاد وبي وراك أعلنت الحداد مالو سفرك من غير ميعاد بيهو شمتو علينا حساد لامتين ينتم المراد وبكره نسمع بيك جاي صاد كم وكم في الدنيا زهاد بيك ولهانين يا سعاد ما عيوني أزاها السهاد ومن مشيت فارقت الرقاد الله لي صبري من النفاد ويا حليل قلبي الما استفاد قلبي لو في حبك يباد يبقي زي المات في الجهاد داير أوصفو لوشعرى جاد حاكى فرع البان فرعو ماد دقو ليهو الكف يا ولاد خلو يبدع زي ما اعتاد يا جميل ربنا كان أراد يبقى حبنا ليهو امتداد قلت أسافر وأبقي شحاد وأمشي لي بيتن في المزاد عاد أدق الباب والله عاد أسكت امشي أقيف كالجماد.
.....................................
حاتم هاشم
Post: #178 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-26-2006, 02:22 AM Parent: #1
Quote: من الواسوق ابت تطلع من الأبرول أبت تطلع من الأقلام أبت تطلع من المدفع طلع خازوق
الحِبيِّب أُستاذ خالد...
صبحك الله بالخير والرضا يا اخوي...
إنت عارف بساطة الكلمات القُلت بينتقوها أهلنا الشايقية دي... ذكرتني موقع طريف وجميل في نفس الموقف...
مرة جالسين في خلوة السادة الإسحاقاب (اللهم أرضى عنهم) في منطقة فتنة بتنقاسي... وجالس معانا أخونا صاحب الردود اللذييييييييييذة والحلوة والساخرة في نفس الوقت بس موزووووووووونة وماها مشاتري!! الحِبيِّب محمد ود جادين وهو من أعيان منطقة فتنة بتنقاسي...
وهو راقد علي قفاهو كدي فوق برش الصلاة بعد فطور رمضان في الخلوة... إتذكر أُغنية صديق أحمد...
فقام قال ساخراً عليكم الله يا اخواننا شوفو شيطان الشعراء ديل...
هسع نحن من قُمنا حايمين وطالعين ونازلين في الجزيري دي... ومن حفرو البحر نحن نزرع في ملاح الويكي والسبروق دا... والبحر نعديبو شرق وغرب... والجروف سارحين فيها بالعُرُض والطول... الكلام دا غالِبنا نَربِّطو مع بعض؟؟؟
حقيقة يا أخي خالد كلمات الشايقية تمتاز بالبساطة الشديييييييييدة بس معناها عمييييييييق وبالذات زي ما قالت أختنا خالدة بت البدوي... لمن يكون في الحُب وفراق الأحبة...
لك كميات مودتي... وواصل بحث يا خالد ربنا يعينك...
أبو الحســـــــــــــــين...
Post: #179 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 11-26-2006, 05:32 AM Parent: #178
البليلي أم ملحاً نضيف حبي لوبا.. وحبي عيش ريف يا حلاتك في الشلاليف
حلاتها في الشلاليف لآنو ماكان في غيرها وكواري الآبرى البنطاقشن.
تخريمة على بليلة رمضان حكى لي أخونا من تنقاسي احمد عبدالله يقيم في تربة أنو في جماعة بيفطروا فطور رمضان في الشارع كعادة أهلنا الطيبين وبعدين في نعجة متواتاهم بس يقيموا الصلاة تغير على البليلة من صحن لصحن الجماعة يخلصوا الصلاة يلقوا صحن هنا وصحن مقلوب هناك والحكاية تكررت ، يوم حللوا الصيام بس الشيخ قام يلا صلاة المغرب الصلاة ياناس أقيمو الصلاة .. واحد مسخوط أو مطموس قال لو يا شيخ بالله خلينا الصلاة دي النعجة داير تجي تأكلها .
Post: #180 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: عبد المجيد محمود Date: 11-26-2006, 08:11 AM Parent: #179
حسن الدابي
مسخت عوم البترطن في جروفه
اه يا خلايه فجولي اللشوفه
الصدير رجفاته سبب لي خوفه
خام ثمار ال الله قال دانيت قطوفا
الرقيبه قزازة الروم في وقوفا
جرعتني العلاقم بي صنوفه
بروقيها الداره لخبطي لي صفوفا
خلي حسادك عديل تخضع انوفا
ديسه شوف عيني من شكت كتوفا
الا دايما نافره يا ناس ما ولوفا
صممن جاراتا قال لي عطوفه
ملا شوفته لي تشهر لي سيوفا
العلي والبي كلو سبب عزوفا
لو تحلو رموز اصابع اليد حروفا
اه يا خلايا
Post: #181 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-26-2006, 09:32 AM Parent: #1
Quote: سلام أولاً أشكر الأستاذ الأديب موسى الحسين لتحليلاته الفنية الأدبية الضافية وارجو منه أن يرد من "الركن اليماني" حتى نستمتع بما يكتب ولو لا كتابة أبوالحسين وتعليقه لما كنت رأيت هذه الدرر
د. يس أخوي...
نهارك سعيد يا اخوي...
الحمد لله اليوم تستمتع بي ردود الأخ الأديب موسى ود الحسين... الظاهر عليهو رد من الجانب اليماني يا عملات كلامك...
التحية ليك وللأخ ود الحسين... والجميع...
وكميات مودتي...
أبو الحســـــــــــــــين...
Post: #182 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-26-2006, 09:35 AM Parent: #1
Quote: سلام أولاً أشكر الأستاذ الأديب موسى الحسين لتحليلاته الفنية الأدبية الضافية وارجو منه أن يرد من "الركن اليماني" حتى نستمتع بما يكتب ولو لا كتابة أبوالحسين وتعليقه لما كنت رأيت هذه الدرر
د. يس أخوي...
نهارك سعيد يا اخوي...
الحمد لله اليوم تستمتع بي ردود الأخ الأديب موسى ود الحسين... الظاهر عليهو رد من الجانب اليماني يا عملات كلامك...
عاد يا قلبي كيف تعمل ماضيك اللكان أجمل سعادتك فيهو ماش تكمل ودقاتك بتتعطل تقبل والله ما تقبل مجبور ترضي باللحصل تخطيطك تراهو فشل وما دليت دلوك نشل كفاك زمن شربت عسل هاك اتجرع الحنضل ظنيتك كبرت عقل وفوق نيرانو تتململ أخيرلك صلى وإتنفل أوعك تانى تتطفل ماضيك بالأماني حفل أفراح فى لعوب وحفل غاب نجم السعود أفل جديا كان ولوف وجفل في دنياك مافي عدل شقاوتك ما بي تتبدل بي فوقك جا ماشي قدل ديسو اللي كتيفو هدل يميل ويميل ويستعدل وعينيهو الملاني جدل تقبل والله ما تقبل مجبور ترضى باللحصل.
تلب أمسك حبل الصبر خلو قلبك لا يبقي ني أصلو ود أب زيد كل يوم من بلدنا يرحل جدي شن بسويلك عاد أنا القبلك الحرمان مر بي والضنا الهسا عليك زاد من زمان أنا زايد علي كم حبيبا شغل الفؤاد في العيون كان متل الصبي حل بي (توفيق) السواد مافي زول قال كفاره لي أرقى يا تلب ودعت قبلو كم قمره منوره وكم تحف نادرات سافرن وكم فراشه وكم جوهره وكم قلوب متلك بالفراق الأنين والشوق سهره شوف عوض عبدون الحروف خل من باطنه ظاهره يا عوض مدرسة الشعر بي جداره إياك ناظره بي غناك حرف السين بقت فوق بنات جيله مبطره سابك اللى بلد الجليد ودعك ودقّ مغادره يا قلب مالك انجرح ولسه ليه جرحك مابره أما أنا المسكين الطروف غرزت في أظافره وين غناي لي شتل الجروف والجناين وأزاهره أسألوا الدرويش عن صديق عمرو كم جمرات عاصره خلو يحكيلكم عن حياه النجيفى الهو معاصره الككر يا رحمن زمان ضاع مع العشاق شاعره مانفع تغريدو الحزين ما نفع صدق مشاعره جننو (البتوفيق) رحل وهام ورا القام بالباخره خلا دنياهو فرندقس ما عرف أوله وآخره أرقى يا رحمن في السماح مافي بلداً بتجاكره الله مديها سماحه صاح من كروها ولى تكره أصلو ود أب زيد معترف بي جريمتو ومو ناكره كلو جور القال سفروها وقطع ليها تذاكره.
حورية ساكنة كريمة انا ما بجيب اسما جل الاله الخالق فتجلا في رسما صيد الخلا الجفال في النص عديل قسما اتمنى يوم في النوم تجمعني بي قسمة ويصبح صباحي سعيد والدنيا مبتسمة والكون يبشر لي وخلق الله تتلما يوم الزفاف والحنة لي زغرتي يا يما لزهرة في بستان توب العفاف جسما نغماً حنين رنان اسم الله فوق نضما راقد سنين وسنين كيفن اطيق ألما وكيفن اساهر الليل اسهر معا حلما جوا القليب نشاب صايبني بي سهما ارجع اقول يا ناس اصلو العذاب قسمة حورية ساكنة كريمة انا ما بجيب اسما
.........................................
عن الشاعر حليفه عمر
الشاعر خليفة عمر من مواليد جزيرة بوني بالمناصير في عام 1951م بدء مسيرتة الشعرية من الصغر بمناطق الشمال واستمد من روعتها ورونقها الإبداع والجمــــــال والذي ظهر في قصائده وكلماته الرنانة تغني لخليفة عمر الكثير من فناني الشمال وددندن الطمبور بالكثير من روائعه من هؤلاء المبدع المعتزل عبد الرحمن محمد صالح حيث شجي بالكثير من اغانية ومنهم ايضاً طارق العوض وصديق احمد وكثيرون ويعتبر خليفة عمر من الشعراء والملحنين المتميزين وبدأ رحتله الفنية ايضاً بالغناء ولكنه حاليا يكتفي بالشعر والتلحين فقط ، ويعتبر خليفة عمر مدرسة فنية قائمة بذاتها وله ديوان شعر تحت الطبع سيري النور قريباً بأسم نهاية الصيف
* البذيد لي جروحي تاني يفتقه كل ماشوف لي عروسة قاعدة مجرتقه ما بطيب لي قاعد أقوم اتاوقه العطور جنب المراي مروقة ( الله دا كلام دربك ما ينفعو يا دكتور ياسين )
* النفوس الطيبي ما كانت شريرة أنا ولله طاريك يا أمدرق وطاري العشيره الليله أنا من فتح لقيتك أمدرق النضيره من أمي العلمتني أمشي تاتي علي الحصيره
لا شوفتن تبل الشوق ولا رداً يطمن أريتك تبقى طيب انت أنا البي كلو هين
قليبن لي رهيف عافو ما بحمل حنين والله ما يخفيك حالو الفيهو كل البيهو بين
* مالا يا خلاقة اوعة تكون مريضة أنا بريده ياالله شادية حياتي في آيده
أنا مرق خليته في صحة وشديده أنا رجعت لقيته نقص النص عويده يا إلاهي أشفيها وليها الصحة عيده أنا بالعمر بفديها شادية عشان بريده
شادية نارا أذتني وغيرها منو البقيده
أنا يا خلوق جنيت واسباب جني ريده
* خليتنا لي منو شادي خليتنا لي منو يابا ود حاج أنا جيت أزور وجب زيارتك حب للطيور لي تجيبو عريسي في دور يضوي حوشنا يلالي بالنور
يابا ودحاج الفي السلم يابا ألحقني أنا أنظلم ناس ابوي رعوني الغنم وأنهروني خشمي أن نضم أن نضم قالوا بنات زمن وأن سكت الموت والعشم
تعرف يا ابو الحسين مشكلتي أنا ما كنت أدون الأشعار الجميلة عندما اسمعها كنت أعتمد على الحفظ من السمع
هذه قصيدة حفظت اباتها منذ زمن لكن تفلتت ابيات منها اكيد جوابي بلقى عند الدكتور المبروك ياسين أن ينزل ألاغنية أو يزودنا بكلماتها
هيثم أحكيلكم حكايتو قولي صح مافيهو ريبه قصتو المشهوري كانت حاصلي قبل سنين عديدة
تبدأ بمشوار عواطف بين قلوب ملاينة طيبه وريده في عمق المشاعر وكل يوم يزداد لهيبه
نجوى بت خالتو الوحيدة ريده أصبح مبتليبو وفي إشتياق للّقّية دايماً كان يسوقو علي دريبه
كاتم الريد في دواخلو وبرضو كاتمه هي في قليبه ومطوي في الوجدان غرامن زي خلائق ساتره عيبه
وكان في يومها الما تشوفو نهارها كلو تكون كئيبه وتبكي لما الليل يهود ويسمعو الجيران نحيبه
Post: #190 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-27-2006, 01:45 AM Parent: #1
Quote: الشاعر....خليفه عمر
حوريه
حورية ساكنة كريمة انا ما بجيب اسما جل الاله الخالق فتجلا في رسما صيد الخلا الجفال في النص عديل قسما اتمنى يوم في النوم تجمعني بي قسمة ويصبح صباحي سعيد والدنيا مبتسمة والكون يبشر لي وخلق الله تتلما يوم الزفاف والحنة لي زغرتي يا يما لزهرة في بستان توب العفاف جسما نغماً حنين رنان اسم الله فوق نضما راقد سنين وسنين كيفن اطيق ألما وكيفن اساهر الليل اسهر معا حلما جوا القليب نشاب صايبني بي سهما ارجع اقول يا ناس اصلو العذاب قسمة حورية ساكنة كريمة انا ما بجيب اسما
.........................................
عن الشاعر حليفه عمر
الشاعر خليفة عمر من مواليد جزيرة بوني بالمناصير في عام 1951م بدء مسيرتة الشعرية من الصغر بمناطق الشمال واستمد من روعتها ورونقها الإبداع والجمــــــال والذي ظهر في قصائده وكلماته الرنانة تغني لخليفة عمر الكثير من فناني الشمال وددندن الطمبور بالكثير من روائعه من هؤلاء المبدع المعتزل عبد الرحمن محمد صالح حيث شجي بالكثير من اغانية ومنهم ايضاً طارق العوض وصديق احمد وكثيرون ويعتبر خليفة عمر من الشعراء والملحنين المتميزين وبدأ رحتله الفنية ايضاً بالغناء ولكنه حاليا يكتفي بالشعر والتلحين فقط ، ويعتبر خليفة عمر مدرسة فنية قائمة بذاتها وله ديوان شعر تحت الطبع سيري النور قريباً بأسم نهاية الصيف
الحِبيِّب الأُستاذ حاتم هاشم...
صباحك زين يا اخوي...
إنت عارف القصيدة دي أنا لي زمن بفتش فيها وما لاقيها... والأخ خليفة عمر دا شاعر مجيد تغنى له معظم فناني الطنبور وله أشعار جميلة جداً جداً تغنى بها زي ما تفضلت الفنان المبدع عبد الرحمن البركل...
ومبروك صورة سيدي عثمان الظاهرة منورة الديار دي...
لكن عليك الله بيني وبينك...
خليفة عمر... قال حوريّة ساكنة كريمة ولة ساكنِي كريمة؟؟؟
Quote: هذه قصيدة حفظت ابياتها منذ زمن لكن تفلتت ابيات منها اكيد جوابي بلقى عند الدكتور المبروك ياسين أن ينزل ألاغنية أو يزودنا بكلماتها
الحبيب الأستاذ خالد محجوب سلام آ زول والله القصيدة إلا في أساطير الأولين يطرشني تب ما سمعت بيها لا قصيدة لا أغنية حقيقة استمتعت بها وسأبحث عنها عسى ولعل أجدها في احد المنتديات
Post: #192 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-27-2006, 02:25 AM Parent: #1
Quote: تعرف يا ابو الحسين مشكلتي أنا ما كنت أدون الأشعار الجميلة عندما اسمعها كنت أعتمد على الحفظ من السمع
هذه قصيدة حفظت اباتها منذ زمن لكن تفلتت ابيات منها اكيد جوابي بلقى عند الدكتور المبروك ياسين أن ينزل ألاغنية أو يزودنا بكلماتها
هيثم أحكيلكم حكايتو قولي صح مافيهو ريبه قصتو المشهوري كانت حاصلي قبل سنين عديدة
تبدأ بمشوار عواطف بين قلوب ملاينة طيبه وريده في عمق المشاعر وكل يوم يزداد لهيبه
نجوى بت خالتو الوحيدة ريده أصبح مبتليبو وفي إشتياق للّقّية دايماً كان يسوقو علي دريبه
كاتم الريد في دواخلو وبرضو كاتمه هي في قليبه ومطوي في الوجدان غرامن زي خلائق ساتره عيبه
وكان في يومها الما تشوفو نهارها كلو تكون كئيبه وتبكي لما الليل يهود ويسمعو الجيران نحيبه
سلام وصباحات ندية للحِبَّان...
القصيدة بتاعت هيثم دي... تغنى بها الفنان الرائع معاوية المقل...
والبُشَارة يا خالد أخوي... قصيدة كَدَكي (حُمَّد إحمد في العمل ... زولاً يضُرْبُوبُو المثل)... لقيتها وحا أنزلها ليك اليوم بإذن الله تعالى... طلَّتَك المسائية اليوم تلقاها كااااااااااملة...
أبو الحسين البوست بتاعك راقي جدا ويجبر الزول على المشاركة فيه وشكرا ليك على الكلمات الرائعة البي تشبهك في حقنا.. سنواصل معك في هذا التراث الذي نحبه ........
Quote: أحكي لي عننا والهوى المبدع /محمد جباره له تحياتي أين ما حل
وكمان شكرا ياسيكو على الكلمات دي سوف أخبرك كل مرة شوية شوية عن الفنان محمد جبارة ............ محمد جبارة من أعظم فنانين الطمبور بعد النعام آدم ولكن بكل اسف لم يسلط عليه الضوء الإعلامي الكافي من الإعلاميين ..لكسل.. لامبالاه.. بعد عن العاضمة.. ظروف لاأدري لو سألت كل فنانين الطمبور وعلى رأسهم عبدالرحمن اليمني في نادي الطمبور من هو أحسن عازف طمبور لقال ليك هو محمد جبارة لو سألت صديق أحمد من هو أحسن من وظف قدرات الطمبور لقال ليك محمد جبارة وهو فنان زيهم وهم فنانين زيو.. لكن عشق تراث المنطقة خلاهم يقولوا الحقيقة من غير ضرار ..... لم يجد الأضواء الفنية الكافية.. حتي بدأ يشيخ الآن وشوية نبرات صوتية تضمحل عنده.. وهذا مالايرضه الفنانيين.. الفنان مابيحب تقول ليهو صوتك كدة والله كدة ولايحب تقول ليهو عمرك دخل الستينات زي الحسناء ما بتحب تقول ليها كبرت وكدة... لكن محمد جبارة فناننا العظيم لايزال يبدع.. ولكن لا أحد ينكر غبار السنين بالطبع.. لايزال هو في قمة ............. أغنية يايمة كلمات الشاعر الرقيق السر عثمان الطيب.. الذي يربطنا به معارف من جهة نوري وقرابة.. وإحدي شقيقاته جارة لنا كانت في الثورة.. وبعض معارفنا من نوري وأقاربنا زملاء دراسة معه وأصدقاء.. هذه الأغنية دفعت بمحمد جبارة الى جمهور عريض من خارج منطقتنا حتى في كل أصقاع السودان... كما دفعت أغنية الطيف بمحد كرم الله الى بعد وقامة كبيرة .......... بدأ محمد جبارة علما لايطال في فن الطمبور بصورة ظاهرة قبل صديق أحمد بسنوات معدودة وقد تكون متقاربة.. كان مركز محمد جبارة على مدينة عطبرة وكان وجوده فيها ولكثرة الشايقية فيها.. قعد فترة طويلة محمد جبارة في عطبرة.. وله فيها قصة.. بدأت تظهر اإاني وصوت محمد جبارة الى المستمع وتظهرفي الحفلات في أواسط الستينات.. وبدأ يندفع للساحة الغنائية بقوة في 1967 وسنة 1968 وسنة 1969 وسنة 1970 وما تلاها.. أغنياته التي كان يرددها بعضها أغاني النعام آدم وبعضها تراثية وبعضها خاص به ........... الله الليل واللينا الله الليل ياناس الليل واللينا الأمان ياناس .......... بعد ما كت فقير بقرا القراية رجعتا أنا تاني صديت لى غنايا كسر لوحي وكسر حجر الدواية لى فقير الخلوة قوم يلاك معايا ......... شتيلة المشرق الفدع السبيطة بقيت مشغول بها الآيات نسيتها ودحين ياناسي تهتا وما لقيتا ............ وكان يردد يامحمد دا بلودو وين قول لى أمو مني أبوه مين ......... كين رقص وفدع الإيدين سووا عوم فرخ الوزازين ..........جسمو زي البانة في اللين وفي القرير أرضو أعز طين ........... قلبي في الدقات والأنين في الفرق تشهدلو( بق بين) ................. وكان يردد عليكم الله ياعشاق وليا من نار الغرام الديمة حية ......... سمحة الروقه فوقا حلات رقيصة حلات وجناتا دي الدر النفيسة ............ جملا خلقة ذو القدرة العظيمة مؤصلة من جدودا ملوك حزيمة .......... وكان يررد كيفن القليب بيطيب مادام إنت ياكا طبيبو .......... وكان يردد يارب ياكريم تلطف عليا..... إي إي إييي أغنية راقية ظهرت في أول السبعينات كدة ........ وكان يردد ياعذاب العاذب حياتو عذاب حقيقة بقولا ........... وكان يردد أنا ياناس الله لى والليلة عربية الزراعة شالت النعناعة يانبي الشفاعة يتكسر ضراعا وهذه كان يرقص على أنغامها غير بنات الشايقية في عطبرة وغيرها لأن إيقاعها غير إيقاع الدليب ........... وكات يردد مليح اللون شوفتك تفرح المحزون واناري من مليح اللون .... كل هذه المساحة من عمر الفنان الرائع وهو لم يظهر على التلفاز كلها مطوية في اشرطة حفلات ومناسبات وقعدات.. ولكن التاريخ لايضيعها وابناء المنطقة لاينسونها في حق هذا الفنان العظيم.. معذرة لبعض شعراء المنطقة الذين أوردت بعض مقاطع من كلماتهم وقتما تطرقت لبعض مسيرة محمد جبارة الفنية وان شاء الله فرصة قريبة اقدر اسجل النصوص كاملة وهي موجودة باسماء شعرائها معذرة في هذه العجالة
أبو الحسين البوست بتاعك راقي جدا ويجبر الزول على المشاركة فيه وشكرا ليك على الكلمات الرائعة البي تشبهك في حقنا.. سنواصل معك في هذا التراث الذي نحبه ........
Quote: أحكي لي عننا والهوى المبدع /محمد جباره له تحياتي أين ما حل
وكمان شكرا ياسيكو على الكلمات دي سوف أخبرك كل مرة شوية شوية عن الفنان محمد جبارة ............ محمد جبارة من أعظم فنانين الطمبور بعد النعام آدم ولكن بكل اسف لم يسلط عليه الضوء الإعلامي الكافي من الإعلاميين ..لكسل.. لامبالاه.. بعد عن العاضمة.. ظروف لاأدري لو سألت كل فنانين الطمبور وعلى رأسهم عبدالرحمن اليمني في نادي الطمبور من هو أحسن عازف طمبور لقال ليك هو محمد جبارة لو سألت صديق أحمد من هو أحسن من وظف قدرات الطمبور لقال ليك محمد جبارة وهو فنان زيهم وهم فنانين زيو.. لكن عشق تراث المنطقة خلاهم يقولوا الحقيقة من غير ضرار ..... لم يجد الأضواء الفنية الكافية.. حتي بدأ يشيخ الآن وشوية نبرات صوتية تضمحل عنده.. وهذا مالايرضه الفنانيين.. الفنان مابيحب تقول ليهو صوتك كدة والله كدة ولايحب تقول ليهو عمرك دخل الستينات زي الحسناء ما بتحب تقول ليها كبرت وكدة... لكن محمد جبارة فناننا العظيم لايزال يبدع.. ولكن لا أحد ينكر غبار السنين بالطبع.. لايزال هو في قمة ............. أغنية يايمة كلمات الشاعر الرقيق السر عثمان الطيب.. الذي يربطنا به معارف من جهة نوري وقرابة.. وإحدي شقيقاته جارة لنا كانت في الثورة.. وبعض معارفنا من نوري وأقاربنا زملاء دراسة معه وأصدقاء.. هذه الأغنية دفعت بمحمد جبارة الى جمهور عريض من خارج منطقتنا حتى في كل أصقاع السودان... كما دفعت أغنية الطيف بمحد كرم الله الى بعد وقامة كبيرة .......... بدأ محمد جبارة علما لايطال في فن الطمبور بصورة ظاهرة قبل صديق أحمد بسنوات معدودة وقد تكون متقاربة.. كان مركز محمد جبارة على مدينة عطبرة وكان وجوده فيها ولكثرة الشايقية فيها.. قعد فترة طويلة محمد جبارة في عطبرة.. وله فيها قصة.. بدأت تظهر اإاني وصوت محمد جبارة الى المستمع وتظهرفي الحفلات في أواسط الستينات.. وبدأ يندفع للساحة الغنائية بقوة في 1967 وسنة 1968 وسنة 1969 وسنة 1970 وما تلاها.. أغنياته التي كان يرددها بعضها أغاني النعام آدم وبعضها تراثية وبعضها خاص به ........... الله الليل واللينا الله الليل ياناس الليل واللينا الأمان ياناس .......... بعد ما كت فقير بقرا القراية رجعتا أنا تاني صديت لى غنايا كسر لوحي وكسر حجر الدواية لى فقير الخلوة قوم يلاك معايا ......... شتيلة المشرق الفدع السبيطة بقيت مشغول بها الآيات نسيتها ودحين ياناسي تهتا وما لقيتا ............ وكان يردد يامحمد دا بلودو وين قول لى أمو مني أبوه مين ......... كين رقص وفدع الإيدين سووا عوم فرخ الوزازين ..........جسمو زي البانة في اللين وفي القرير أرضو أعز طين ........... قلبي في الدقات والأنين في الفرق تشهدلو( بق بين) ................. وكان يردد عليكم الله ياعشاق وليا من نار الغرام الديمة حية ......... سمحة الروقه فوقا حلات رقيصة حلات وجناتا دي الدر النفيسة ............ جملا خلقة ذو القدرة العظيمة مؤصلة من جدودا ملوك حزيمة .......... وكان يررد كيفن القليب بيطيب مادام إنت ياكا طبيبو .......... وكان يردد يارب ياكريم تلطف عليا..... إي إي إييي أغنية راقية ظهرت في أول السبعينات كدة ........ وكان يردد ياعذاب العاذب حياتو عذاب حقيقة بقولا ........... وكان يردد أنا ياناس الله لى والليلة عربية الزراعة شالت النعناعة يانبي الشفاعة يتكسر ضراعا وهذه كان يرقص على أنغامها غير بنات الشايقية في عطبرة وغيرها لأن إيقاعها غير إيقاع الدليب ........... وكات يردد مليح اللون شوفتك تفرح المحزون واناري من مليح اللون .... كل هذه المساحة من عمر الفنان الرائع وهو لم يظهر على التلفاز كلها مطوية في اشرطة حفلات ومناسبات وقعدات.. ولكن التاريخ لايضيعها وابناء المنطقة لاينسونها في حق هذا الفنان العظيم.. معذرة لبعض شعراء المنطقة الذين أوردت بعض مقاطع من كلماتهم وقتما تطرقت لبعض مسيرة محمد جبارة الفنية وان شاء الله فرصة قريبة اقدر اسجل النصوص كاملة وهي موجودة باسماء شعرائها معذرة في هذه العجالة
Post: #195 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-27-2006, 11:16 AM Parent: #1
Quote: يا جماعة والله مغروض شديد في قصيد للشاعر الكدكي
بقول فيها
زولاً يضرببو المثل من الله خلقوا ماضاق السفر طول عمرو يقعد يداير في البقر ... .... لكن وليد وليد وحيد ضرب المدينة واشتغل دي اربع سنين وفوقن شهر
أخي الحِبيِّب خالد المنسي...
مساك الله بالخير والرضا...
والله يا اخوي تِعِبْت جنس تعب فوق القصيدة دي لامِن لقيتها ليك كاملة... إلا لتَّقْتها من شريطين يعلم الله حتى تميتها بي صورتها النهائية دي...
وأهديها لك ولكل الإخوة الكرام... لتتبع هذه القصة الجميلة الرائعة... الكلمات بسيطة والمعاني عميقة والسرد أجمل...
متعك الله بالصحة والعافية يا محمد ولد جيب الله ود كدكي... وكل مبدعي بلادي...
حُمد إحمد في العمل
حُمَّد إحمد في العمل...
زولاً يضُربُوبُو المثل...
من الله خلقو وقام مع سلُّوكتو ما ضَاق السفر..
طول عُمرو في البرود يزِح ويقعد يدايِر في البقر...
زمن السقط يعمل لهِن كر من فلق وروبة شِدر...
لكن وليدو الكان زمان تعبان عليهو... يقري فيهو وإيديهو ليهو بلا المطر...
مرات يقول لها يبقى راقد موجعو شِي كان وردي ولة وجع ضَهر...
مرات يقول لها يبقى راح باري الهواليق والسهر...
صح غايتو قلبي علي جناي وقلب جنايَ على حجر..
ومن ميسو لف علي كريمي وخش تووووش ركب القطر...
لابسلو مركوباً نصيح وحاقبلو شنطة اللِّت صفيح...
لملم هدومو من الحبل شكَّاها فيها كُسَر كُسَر...
وسداها بي فِقْشةْ جريدةً يابسي عارضها زي كُشَر...
وقاااااال لك كدي إتحكر قعد حكيرة جد...
وجر من حرفو المتمَّر زين كمان قلم فطر...
وقطرو تُوت تُوت كوْ نتر...
وُكَشَح ألمي تب ما خلَّ جر...
وانفك جاري جري الرماد في القضيب يشْكي العجل...
وعود السلك دا يسوي زنْ (الدغفلي) قلبي اتقطع..
(الدغفلي) قلبي اتقطع وكان للعجاج يعمي البصر...
يوميييييين مصنقر في الخشب لامن عِسِم ما نام شَخَر...
بي وين ينوم؟؟ دا قطر كريمي مي ملان لا عينو ديمي...
إن جاء التمر مكمود كمد.. والمنقة وكتين تستوي تلقاهو للوَكَّاي زَرِد...
كُلْ زول معاهو الفين طرد... كترة كُلف قايل شِنو؟؟
أبى ما يشيلْ لَنا ود منو؟؟ عفشاً جبال والدنيي حر جرى حُمد إحمد عرقو ترْ...
وكتين يجي الكمساري مار... تلقاهو بالنطيط فتر...
وتلقى الشَكَل... لكن قبُل يصل الكجم الناس تعود للقرقراب...
وتلقى الأكل سوى والشراب.. بس غايتو كدي كدي في القطر...
حاج حُمد إحمد قى يومييييين خير وشر...
ولمالُو في ولداً بيعرف ولدو في حقو انتستر...
وراهو درسو مع بعض والليلي جيري جُوَرْ بعض..
ويوم التلاتا مع الصباح إتفكُو من قطر المرض...
ووداهو لي بيت ولدو داك البي هناك بلا خبر...
تاريهو فات قُبال يجي بس ثانية مافي علي العمل...
وخلاهو روح دار ينوم فعلاً غمد...
وتلاتة دقت بي هنوك إن كان وقف طولو انسند...
وناس المكاتب لا ورا تبْ مافي واحداً إنكرم...
وكان ولدو عاد من جُمْلتُم للسوق غِشَى وشال الرِزَم...
ودافس ركب باصاً يَئِن لامِن نزل...
يقدل عليك يا الله طقْ للباب دفر...
شايلو أكياساً غلاااااد طوستة وعنب باسطة وعسل...
شيتاً كتير بالحيل يأكِّل كم نفر...
لقى ابوهو قدامُو اتهجم..
قُبال يسالمو وقف سأل!!!
إيهْ! أبوي يابا ما معقول الجابك شِنو؟؟؟
يا ولد تنقطع ريحتك!!!.. باقيلك بلاك إنت منو...
يعني مستغرب أكني بلا خبر جيت... وفَتْحِتَك للباب لقيتني انا جوة في البيت؟؟؟
إنت ما دام يا ابْ ضُراع كم إجازي غبيت...
شِنَّ أسوي تراني قمت معاك طبيت...
بس فشَان ما جيتنا ليك أربع سنين...
قمت جيت مركب (على الله) انا يا الخزين...
عندي قلباً لي عليك كيفن حنين...
وماااااااب تعرفوا بلا تسويلَك بطينين...
قمت ساكت لله سهل لي الطريق...
وجيت مخصوص غير اشوفك ماب افيق...
صح رفيق المولى ماب يعدم رفيق...
وفي القطر لماني ولداً ليك صديق...
جابني بي عربيِّي صاحبك كلو ذُوق...
وفات وقال بيجيك اقيف اسمعني روق...
قال لي قاري معاك كلية الحقوق...
وبيتو منك جبدة ساكن قبلي فوق...
هي جنا!!!... إتقونن شويِّي اوعك من الدين...
هسع الخميتو جبتو دا كلو من وين...
لا تَقَنِّب خدمتك تبقى الدلاقين...
المهم في البنك وفِّرلك ملالين...
تبكي أُمك ذاتها كانت جايي لكين...
بيتنا ماب يِتفات واخَيّانَك صغيرين...
ما سمعتا غناها ليك البي الجرانين...
الشئ نضْماً كلو يهرِد في المصارين...
مرة بيهو تنوني مرة تحصِّنك زين...
تقرأ آية الكُرسي ليكَ معاها يس...
جيت أسوقَك للعرس لاتْ قولِّي ملحوق...
ياخي أُمَّك ديك هناك مقليِّي بالشوق...
لامِتين تقْعُد كدي وراسَك دا مطلوق...
المحل بندَر وكمان عيشْتَك من السوق؟؟؟!!!
كميات مودتي... مع مراعاة الكلمات التي تحتها خط... للتدبر الشديد... فهذه الأبيات عجبتني شديد خلااااااااااس وبجيها بالتحليل في وقت لاحق لو ربنا مد في الأيام...
أبو الحســــــــــــــين...
Post: #196 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-27-2006, 12:24 PM Parent: #1
Quote: راقد قفا وقاطع الخبر من عندو قُلاَّلة آب تصل...
مرات يقول لها يبقى راقد موجعو شِي كان وردي ولة وجع ضَهر...
مرات يقول لها يبقى راح باري الهواليق والسهر...
صح غايتو قلبي علي جناي وقلب جنايَ على حجر..
ومن ميسو لف علي كريمي وخش تووووش ركب القطر...
لابسلو مركوباً نصيح وحاقبلو شنطة اللِّت صفيح...
لملم هدومو من الحبل شكَّاها فيها كُسَر كُسَر...
وسداها بي فِقْشةْ جريدةً يابسي عارضها زي كُشَر...
وقاااااال لك كدي إتحكر قعد حكيرة جد...
وجر من حرفو المتمَّر زين كمان قلم فطر...
وقطرو تُوت تُوت كوْ نتر...
وُكَشَح ألمي تب ما خلَّ جر...
وانفك جاري جري الرماد في القضيب يشْكي العجل...
وعود السلك دا يسوي زنْ (الدغفلي) قلبي اتقطع..
(الدغفلي) قلبي اتقطع وكان للعجاج يعمي البصر...
يوميييييين مصنقر في الخشب لامن عِسِم ما نام شَخَر...
بي وين ينوم؟؟ دا قطر كريمي مي ملان لا عينو ديمي...
إن جاء التمر مكمود كمد.. والمنقة وكتين تستوي تلقاهو للوَكَّاي زَرِد...
كُلْ زول معاهو الفين طرد... كترة كُلف قايل شِنو؟؟
أبى ما يشيلْ لَنا ود منو؟؟ عفشاً جبال والدنيي حر جرى حُمد إحمد عرقو ترْ...
وكتين يجي الكمساري مار... تلقاهو بالنطيط فتر...
وتلقى الشَكَل... لكن قبُل يصل الكجم الناس تعود للقرقراب...
وتلقى الأكل سوى والشراب.. بس غايتو كدي كدي في القطر...
حاج حُمد إحمد قى يومييييين خير وشر...
ولمالُو في ولداً بيعرف ولدو في حقو انتستر...
وراهو درسو مع بعض والليلي جيري جُوَرْ بعض..
ويوم التلاتا مع الصباح إتفكُو من قطر المرض...
ووداهو لي بيت ولدو داك البي هناك بلا خبر...
تاريهو فات قُبال يجي بس ثانية مافي علي العمل...
وخلاهو روح دار ينوم فعلاً غمد...
وتلاتة دقت بي هنوك إن كان وقف طولو انسند...
وناس المكاتب لا ورا تبْ مافي واحداً إنكرم...
وكان ولدو عاد من جُمْلتُم للسوق غِشَى وشال الرِزَم...
ودافس ركب باصاً يَئِن لامِن نزل...
يقدل عليك يا الله طقْ للباب دفر...
شايلو أكياساً غلاااااد طوستة وعنب باسطة وعسل...
شيتاً كتير بالحيل يأكِّل كم نفر...
لقى ابوهو قدامُو اتهجم..
قُبال يسالمو وقف سأل!!!
إيهْ! أبوي يابا ما معقول الجابك شِنو؟؟؟
يا ولد تنقطع ريحتك!!!.. باقيلك بلاك إنت منو...
يعني مستغرب أكني بلا خبر جيت... وفَتْحِتَك للباب لقيتني انا جوة في البيت؟؟؟
إنت ما دام يا ابْ ضُراع كم إجازي غبيت...
شِنَّ أسوي تراني قمت معاك طبيت...
بس فشَان ما جيتنا ليك أربع سنين...
قمت جيت مركب (على الله) انا يا الخزين...
عندي قلباً لي عليك كيفن حنين...
وماااااااب تعرفوا بلا تسويلَك بطينين...
قمت ساكت لله سهل لي الطريق...
وجيت مخصوص غير اشوفك ماب افيق...
صح رفيق المولى ماب يعدم رفيق...
وفي القطر لماني ولداً ليك صديق
ابو الحسين مساك زين يا الزين تكرات مثنى وثلاث ورباع ونزيد فوق الشرع في شكرك خماس وسداس للمليون تسلم يا أخوي حققت العشم وجزاك الله عنا كل خير وكمان جزاك خيل برجع ليك مشغول اليوم شديد لكن كلام الكدكي دا داير لو قعدة لك الود والاحترام والتقدير يا ملك خالد ود محجوب
الشالك حسن سافرتي خليتينا نحنا برانا فارقتي الجزيرة الخضراء ليه يا حلوة ما طارنا يوم اللوري قام من بوني في ساعاتو خشا البنا غنيت وما نفعني غناي يا رب هالزويل بطرانا يا صالح الجبل تلحقني ترجع لديارا فلانا ترجع والقا عاد الرايقة تتونس معا جيرانا تومتي حروفا زي طنبوري كل سلكاية عاملة الحانا من نارك لبس يا حلوة فصل لي قميص وغبانة يا صالح حليلو انا زولي فات بي فوقنا تب ما غشانا بنتلاقا يوم في حفلة لو كان الاله خلانا ما تحمل شمس دي السمحة ديما من القمر تعبانا وديما بهاتي ببكي عليك من اعماقي يا نديانا زي قصبة جرفنا اللينة تتمايل تحاكي البانا شوف يا خليفة كيفن خدرت وديانا يوم حنا الحنين بجلالو بفستانا يقدل جانا لابس توب وباريا فراشة يا وسط الخدار هيمانا الخدرة وجمال النضرة ذادا حبيبنا من احسانا خايض في مياه النيل تشرب والكفوف عطشانا طير يغني فوق اشجارو تتمايلبو كيف اغصانا عين المها جيداً غزالة من نضراتا سر عيانا جرجر توب بارت جمبي جرجر لي قلوبنا كينا من قالولي انت تجن صدق مافي جان غير جانا
أهديكم قصيدة النخلة (فيديو) محمد الحسن حسن سالم (حميد)
Post: #201 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-28-2006, 03:17 AM Parent: #1
Quote: حسن الدابي
مسخت عوم البترطن في جروفه
اه يا خلايه فجولي اللشوفه
الصدير رجفاته سبب لي خوفه
خام ثمار ال الله قال دانيت قطوفا
الرقيبه قزازة الروم في وقوفا
جرعتني العلاقم بي صنوفه
بروقيها الداره لخبطي لي صفوفا
خلي حسادك عديل تخضع انوفا
ديسه شوف عيني من شكت كتوفا
الا دايما نافره يا ناس ما ولوفا
صممن جاراتا قال لي عطوفه
ملا شوفته لي تشهر لي سيوفا
العلي والبي كلو سبب عزوفا
لو تحلو رموز اصابع اليد حروفا
اه يا خلايا
الحِبيب عبد المجيد محمود...
صبحك الله بالخير والرضا...
ويا هلا بيك ونورت ديار أهلك وأحبابك السناجك...
داير أعلِّق بس علي بيت عملت تحته خط في الإقتباس أعلاه...
وهو الدِّيس الكثيف المِنو شكت كتوف البت دي...
يعني دا شنو يعني... أرجو من الأخ الأديب موسى ود الحسين... تناول هذه النقطة بشئ من التفصيل... وتحليله الجميل وباعو في مثل هذه الإمور أطول...
ويا رييييييييييت لو د. يس نزلها لينا بي صوت محمد كرم الله...
غلبناك يا دكتور/ يس إستحملنا غايتو لكن دا لأننا عارفيييييييييين جُرابَك مليااااااااااان ربنا يزيد ويبارك...
كميات مودتي...
أبو الحســــــــــــين...
Post: #202 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-28-2006, 03:19 AM Parent: #1
Quote: حسن الدابي
مسخت عوم البترطن في جروفه
اه يا خلايه فجولي اللشوفه
الصدير رجفاته سبب لي خوفه
خام ثمار ال الله قال دانيت قطوفا
الرقيبه قزازة الروم في وقوفا
جرعتني العلاقم بي صنوفه
بروقيها الداره لخبطي لي صفوفا
خلي حسادك عديل تخضع انوفا
ديسه شوف عيني من شكت كتوفا
الا دايما نافره يا ناس ما ولوفا
صممن جاراتا قال لي عطوفه
ملا شوفته لي تشهر لي سيوفا
العلي والبي كلو سبب عزوفا
لو تحلو رموز اصابع اليد حروفا
اه يا خلايا
الحِبيب عبد المجيد محمود...
صبحك الله بالخير والرضا...
ويا هلا بيك ونورت ديار أهلك وأحبابك السناجك...
داير أعلِّق بس علي بيت عملت تحته خط في الإقتباس أعلاه...
وهو الدِّيس الكثيف المِنو شكت كتوف البت دي...
يعني دا شنو يعني... أرجو من الأخ الأديب موسى ود الحسين... تناول هذه النقطة بشئ من التفصيل... وتحليله الجميل وباعو في مثل هذه الإمور أطول...
ويا رييييييييييت لو د. يس نزلها لينا بي صوت محمد كرم الله...
غلبناك يا دكتور/ يس إستحملنا غايتو لكن دا لأننا عارفيييييييييين جُرابَك مليااااااااااان ربنا يزيد ويبارك...
كميات مودتي...
أبو الحســــــــــــين...
Post: #203 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-28-2006, 03:36 AM Parent: #1
Quote: اخوي ابؤالحسين
الله يديك العافيه
وفتش لينا باقي الشرايط القديمه دي
يمكن تلقي لينا حاجه تاني
الي اللقاء
حاتم هاشم
الحِبيِّب حاتم هاشم...
نهارك سعيد...
ماشاء الله صورة سيدي عُثْمان (اللهم أرضى عنه) منورة الشاشة...
وشئ لله يا ميرغني...
مودتي...
أبو الحســــــــــــــين...
Post: #204 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-28-2006, 03:37 AM Parent: #1
Quote: اخوي ابؤالحسين
الله يديك العافيه
وفتش لينا باقي الشرايط القديمه دي
يمكن تلقي لينا حاجه تاني
الي اللقاء
حاتم هاشم
الحِبيِّب حاتم هاشم...
نهارك سعيد...
ماشاء الله صورة سيدي عُثْمان (اللهم أرضى عنه) منورة الشاشة...
وشئ لله يا ميرغني...
مودتي...
أبو الحســــــــــــــين...
Post: #205 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-28-2006, 05:44 AM Parent: #1
Quote: وديما بهاتي ببكي عليك من اعماقي يا نديانا زي قصبة جرفنا اللينة تتمايل تحاكي البانا شوف يا خليفة كيفن خدرت وديانا يوم حنا الحنين بجلالو بفستانا يقدل جانا لابس توب وباريا فراشة يا وسط الخدار هيمانا
عليك الله يا حاتم أخوي... شوف الحنان دا...
والله يا حاتم الأُغنية دي عندي في شريط عبد الرحمن البركل... وأنا طبعاً من معجبي الفنان عبد الرحمن البركل لمن نزلت إجازتي الصيف المضى لَمْلَمت ما خليتلي شريط ليهو من تسجيلات (الكمالي بكريمة)... فالأُغنية جميلة وتزيد حلاوة بصوت المبدع عبد الرحمن البركل ربنا يمتعه بالصحةوالعافية...
ولك قواسيب مودتي...
أبو الحســـــــــــــــين...
Post: #206 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-28-2006, 06:13 AM Parent: #1
كتب موسى الحسين...
Quote: وتامل كذلك استخدام الشاعر الفذ السر عثمان الطيب لعبارة (إنتي جداولي حس خاويهاشاق محل السواقي وبورها) في الأغنية الرائعة ( وا لومي العتاب جابوه) وبالذات حس خاويهاأي حس خاوي الجدول سماع مثل هذه العبارات يملؤك حنين قد يصل مرحلة البكاء إن كان القلب رهيف . ونعود
أخي الكريم موسى...
نهارك سعيد...
حقيقة الأخ السر إتقطَّع قِطِّيع في إختيار الكلمات دي... صحيح تدق في الوترة الحساسة في صميم الوجدان العايش وسطها... ناهيك عن المتغربين ليهو مدة...
ومنتظرين عودتك في نهاية تعليقك... بس ما تنسى ردودك من الركن اليماني التحت زي ما قال ليك د. يس...
كميات مودتي...
أبو الحســـــــــــين...
Post: #207 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-28-2006, 06:13 AM Parent: #1
كتب موسى الحسين...
Quote: وتامل كذلك استخدام الشاعر الفذ السر عثمان الطيب لعبارة (إنتي جداولي حس خاويهاشاق محل السواقي وبورها) في الأغنية الرائعة ( وا لومي العتاب جابوه) وبالذات حس خاويهاأي حس خاوي الجدول سماع مثل هذه العبارات يملؤك حنين قد يصل مرحلة البكاء إن كان القلب رهيف . ونعود
أخي الكريم موسى...
نهارك سعيد...
حقيقة الأخ السر إتقطَّع قِطِّيع في إختيار الكلمات دي... صحيح تدق في الوترة الحساسة في صميم الوجدان العايش وسطها... ناهيك عن المتغربين ليهو مدة...
ومنتظرين عودتك في نهاية تعليقك... بس ما تنسى ردودك من الركن اليماني التحت زي ما قال ليك د. يس...
سلامات . ما عندي خبر جديد من شيخ العاشقين لكن انشاء الله قريب يجي خبر مفرح بس ادعو ليه الله يشفيه...........
ودي حاجه بسيطه كده لاخواننا المشوكشيين.
......شاكووووش.....
مادام هى ما راعت شعورك ولا ضميرا هى استحى أنساها والبكا مابيفيد قشقش دموعك وأمسحا كلمنى شن وداك قبيل تظهر مشاعرك تفضحا خليت حى السوق رياض يانعة وزهورا مفتحة طولت إيدك لى قطوف زهرة وغميسة مسارحا زى ما هى عاشقة الإغتراب برضو أنت عاشق ملمحا ما كنت يا مظلوم دوام دايماً تشكرا تمدحا وما ترضى لو كان بالغلط بى كلمة انسان يجرحا ما كت فوق كل البنات تسرد محاسنا تشرحا كانت عواطف إنسان ضعيف ساكت جناحى مجنحا انشاء الله منها تتعظ تكون عظات تتوشحا كانت حساباتك غلط فى القسمة والضرب اتمحا اتأنى فى جبر الكسور براحة أجمعا وأطرحا وآخر شى كان تعلرف براك حتى الغرام بقى مصلحة بت حوة يا مظلوم بقت بالمال عقولا ملقحة يا ريت قلوبنا الناس بعد ما تحب تخش المشرحة يبدو المكامن فى القلوب كيف الشرايين تنضحا يتراجع الأخدو اللسان صح والله زى ضل الضحى مغرورة ما دارت سكون بلدن شقاوة ودردحة لا تمشى تنزل بى تحت لا حتى أرضك تنقحا لا بوغة لا موية شراب لا واطة ماها مصلحة لا شلت للمحرات فطور لا شتلة ماها مصفحة كانت قبيل طمعانة فيك فارسن جيوبو متمسحة دايراكا يوم جيت للعرس نار الله فى الناس تقدحا الشيلة بالشنط الكبار مقفولة راقدة مبطحة فى الحلى والناس دار تشوف راجين متين تجى تفتحا وكان بالا فى شهر العسل طول الزمن ما يبرحا ترحل معاك لى بيت كبير موكيت وحيطو مسلحة عربيتك الملك الحلال ..جلد النمر والملفحة بوتوجاز مولع وديب فريزر وأب رموت والمروحة تسرق مناها قبل يتم وكل المشاعر تضبحا ويا جعفر الحياه مدرسة ودايما مقررا فى الصحى ممكن نعينك فى الدروس لو إنت غلبك تشرحا وأعرف بأنو أول درس الزول بياكل المقدحا
.........................................
( وأعرف بأنو أول درس الزول بياكل المقدحا)
معليش يا شباب كن قلبنا ليكم المواجع....
حاتم هاشم
Post: #208 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-28-2006, 11:58 AM Parent: #1
كتب الأخ موسى ود الحسين...
Quote: شكر لك أخي الحنين أبو الحسين على هذه اللمة الرائعة التي جمعت كوكبة من الحبائب والشكر لكل المشاركين من الاخوة والأخوات وأقولهم بدون فرز أتحفتونا ونسيتونا هموم الدنيا ولا زلنا نتابع بشغف أملاً في المزيد من حكاوي وتراث أهلنا الرائعين عسى ولعل نروي شيئاً من عطشنا.
وعودة إلى قصيدة أسماعيل حسن في رده على بتت خير رحمها الله وخاصة المقطع السابق الإشارة إليه
ورقابن يمه وين رقاب الريل ؟؟ علي الحدب البعيد شرفن علي هوهيو كلابي
كل مرة اسمع المقطع يقفز إلى ذهني المشهد نفسه كأني أشاهده واحس بعمق المعني وجمال الصورة وروعة التصوير الذي لا يجيده إلا امثال اسماعيل حسن وهو في تقديري أفضل ماكتب في الوصف والغزل . وأذكر ونحن نفر من أبناء المنطقة تضممنا روابط مروي بجامعة الخرطوم وجامعة القاهرة الفرع أذكر منهم الأخوة محمد أحمد سيداحمد التوم محمد بادي محمد (طبيبان فيما بعد) والراحل المقيم عبود شخصي (وآخرين)، وبمبادرة من صاحب المبادرات الرائعةالراحل المقيم عبود رحمه الله قررنا ان نصلح بين الفنان الكبير محمد وردي والراحل اسماعيل حسن لننهي قطيعة بينهما استمرت عشر سنوات لمواقف سياسية متقاطعة بين الرجلين وللتاريخ أبدى اسماعيل حسن حماسة للفكرة ولم يرفضها الفنان وردي وكان اللقاء والصلح وتلك قصة أخرى ،المهم وبمبادرة من الراحل عبود أيضاً أقام الفنان وردي على شرف هذا الصلح مأدبة عشاء بمنزله بالكلاكلة يوم الثلاثاء 29/12/1981م حضرها جميعنا وأقام الشاعر اسماعيل حسن مادبة مماثلة بعد اسبوع 5/1/1982م توفى بعدها بيومين حضرنا وغاب وردي وأذكر في تلك الجلسة (وهذا بيت القصيد في هذا السرد) قلت لإسماعيل حسن انو المقطع دة(المذكور فوق) هو أفضل ما كتبت. قال اللــــــــــــــــــــــــه أتخيل الغزالات وهي تنقز ومن فوق تعاين خايفي من الجاييها وبعدين حكي قصة قال تعرف ونحن في النيل الأبيض مجموعة أصحاب قررنا نمرق نصطاد شلنا بنادقنا ركبنا اللاندورفر وطلعنا الخلا وبعدين وقفنا عربيتنا وكمنا في وادي راجين الصيد، والله يا ولاد اعمي جات غزالة تتراقص وتتلفت يمين وشمال ولما قربت مننا واحد من الجماعة المعانا صوب بندقيته عليها، رجيتو بالله ورسول الله يقيف قلتلو الغزالة دي عندها مواعيد لا تحرموها، والله يا ولاد اعمي مافي دقائق إلا وجاء فحل غزلان للغزالة دي واتعانقوا كانو سنة ما شافو بعض والله المشهد ده كأنو قامي الآن وبعدين واحد من اخواننا الله يسامحو ما مهلهم ضربهم بالرصاص ومن اليوم داك انا كرهت رحلات الصيد وكرهت البيضرب الغزال لا يومنا دة.
دا ما القلب البجرسو شوق اذا ما اختار سميرو بعاد ولا القلب التبكي حبيبه لو غابت عن الميعاد قلب بالصح دا ما القلب البجرسو شوق قلب من قام صحاري الواحد كان يشقهن بالنوق محكوم بسياج العفه فد يوم ما سرح مطلوق شيال للتقيل مانحا لو ساق العمر ارقوق ندي ورياد كريم واجواد الا من الضعف معتوق دا قلبي نيل وكلو جمال ومابيحقد علي مخلوق ومهما جرحو المحبوب وخلا حشاهو كلو شقوق كتوم من قام يضاحك غيرو صابر والجرح مفتوق عليه اب يضحكوا الشمات وتجري دموعو روق فوق روق حكيم يعرف متين يرتاح وينسي شقاهو يصفي يروق ومتين يعكر يكون فيضان ويبقي علي الزرع خازوق فشكرا ياحبيب الروح عليه روادك المطبوق انا ان حبيت بقدس زولي وان فارق بفوت بي زوق الا بيبكي لما يشوف مابين الخلق في خلوق ماخده طباعا من الغابه شايلي ضميرا ماشي السوق وتاني بيبكي لما يشوف مابين الحقوق في حقوق نزلت من سماها زلال وطارت من تحت لفوق وداعا وما بقول بنساك وداعا القلب مخنوق وداعا وفي الختام دنياك مناي وراي تسوي القوق تمدلك السعاده ايدينا لفردوسا ليك تسوق وسيبني اعيش قسمتي وراك باسم والكبد محروق
يا المشتهنك في غيابك بالنا بيك ضمه انشغل النوم وراك يبقالنا شر فارق عيونا خلاص رحل ضايقين متين ترجع تعود نسأل متين قطرك يصل حارسين شويفعنا البجيب لينا البشاره يجيب امل يجري ويناهت من بعيد شايلو شنطه وبي عجل يفرح يقول خليتو جايي وراي يسالم في الاهل والساعه ديك عاد البلد تنجارا قاصداك يا السمح والناس توسوس لى بعض يي داك وصل والله صح حتى اللى كان محزون وباكي الليلي عاد هش وفرح في يوم رجوعك يا حبيب روحنا تب يبرا الجرح والساقي بعد العنكبوت الفوق حطيبا خلاص بني بعد الكآبه ومسحة الحزن العليها مهيمنه مرقت تلاقيك زى عروس متعطره ومتزينه جدولنا من بعد اليباس الكان موجع تقنتو بعد السنين العاشا فى بعدك بيكتم أنتو بعد العذاب العذاب الفي غيابك كان يزيد لى محنتو بلقاك فرح جاك زي عريس يا دوب جديد بي حنتو والقمري من بعد الألم والحسره والنوح والجراح بعد الدموع السايله دايماً وعمرو ف كفكفيفا راح في يوم رجوعك جفنو من بعد السهر دابو استراح فوق السبيط زوزا ورقص طربان يزغرد للصباح واوتار طنابيرنا الأبت يا حبى فى غيبتك ترن حلفت محال ما تجيب نغم يفرح قلوبنا ويسعدن عادت هى متل ايام زمان تشرح نفوسنا وتبهجن.
Quote: غلبناك يا دكتور/ يس إستحملنا غايتو لكن دا لأننا عارفيييييييييين جُرابَك مليااااااااااان ربنا يزيد ويبارك...
يا أستاذ ابو الحسين سلام الجراب دا نفضتو نفض بمناسبة الجراب دي أهديك صورة جراب الضكر الكارب دا لا سيما و"القفوزة" على الأبواب هل تصدق كل أغاني ود كرم الله عندي إلا هذه الأغنية الجميلة التي طلبتها لذلك أبدلها لك بـ"مشارع الهم كتير أنا واردا"
Post: #219 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-29-2006, 02:12 AM Parent: #1
من الله ما خلقني... ما شُفْت لي ردود أكتر من القراءات إلا البوست دا...
توضيح سريع من أهل الإختصاص... ويلة يا د. يس المحامي وكل قانوني البوست... سجلو ملاحظاتكم في الموضوع... تَوَقَّعاً لرفع دعوى ضد من ضرب البوست بهذا الفايروس الذي جعل ردوده أكتر من مشاركاته ...
مع كميات مودتي...
أبو الحســــــــــــــين...
Post: #220 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-29-2006, 03:25 AM Parent: #1
د. يس كتب في نهاية رده السابق...
Quote: تخريمة: لو تلاحظ حدث شيء غريب في بوستك دا ، لقد انخفض عدد الزوار من ألفين وشوية إلى 54 فقط في حين عدد الردود اكثر من الزوار ميتين وشوية ، معليش الجاتك في عدد الزوار سامحتك ، نرجو أن ينتبه الباشمهندس بكري لهذا الخلل ونأمل ألا يودي إلى خلل أكبر
وكتب أبو الحســـــــــــين...
Quote: الإخوة الكرام...
صبحكم الله بالخير والرضا...
لاحظتو للإقتباس الفوق دا...
بوست الشايقية إنضرب بي فايروس يا اخواننا...
من الله ما خلقني... ما شُفْت لي ردود أكتر من القراءات إلا البوست دا...
توضيح سريع من أهل الإختصاص... ويلة يا د. يس المحامي وكل قانونيِّ البوست... سجلو ملاحظاتكم في الموضوع... تَوَقَّعاً لرفع دعوى ضد من ضرب البوست بهذا الفايروس الذي جعل ردوده أكتر من مشاركاته ...
Post: #221 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-29-2006, 04:48 AM Parent: #1
إخوتي الكرام...
صبحكم الله بالخير والرضا...
أهديكم جميعاً هذه الوصية... لنتناولها كمادة شعرية أولاً وقيم كانت في ذلك الزمان البعيد في مناطق الشايقية...
وهي وصية رجل لبنته وهي على أعتاب الزواج بأن لا تتزوج الأفَنْدي (الموظف) وتتزوج المزارع كما هو ظاهر في سياق هذه الأبيات...
كدي شوفوها معاي... وأرجعولي بالتعليق عليها...
أُوصيك ريلة.... لا تاْخدي المصُوبِن لي كريمي أُخدي القَشَّقَة وقلع الهديمي المنضِّف تمرو قالِبلو اْلمي ديمي والمعلِّق تورو كارِبْلو التميمي....
ولكم ودي وحبي قواسيب قواسيب…
أبو الحســـــين.....
Post: #222 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 11-29-2006, 05:13 AM Parent: #221
Quote: البليلي أم ملحاً نضيف حبي لوبا.. وحبي عيش ريف يا حلاتك في الشلاليف
تخريمة على بليلة رمضان حكى لي أخونا احمد عبدالله من تنقاسي يقيم في تربة أنو عندهم جماعة في تنقاسي بيفطروا فطور رمضان في الشارع كعادة أهلنا الطيبين وبعدين في نعجة متواتاهم بس يقيموا الصلاة تغير على البليلة من صحن لصحن الجماعة يخلصوا الصلاة يلقوا صحن مرمي هنا وصحن مقلوب هناك والحكاية تكررت ، يوم بس حللوا الصيام الشيخ قام يلا الصلاة صلاة المغرب الصلاة ياناس أقيمو الصلاة .. واحد مسخوط أو مطموس قال لو يا شيخ بالله خلينا الصلاة دي النعجة داير تجي تأكلها .
Post: #223 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-29-2006, 05:24 AM Parent: #1
Quote: تخريمة على بليلة رمضان حكى لي أخونا احمد عبدالله من تنقاسي يقيم في تربة أنو عندهم جماعة في تنقاسي بيفطروا فطور رمضان في الشارع كعادة أهلنا الطيبين وبعدين في نعجة متواتاهم بس يقيموا الصلاة تغير على البليلة من صحن لصحن الجماعة يخلصوا الصلاة يلقوا صحن مرمي هنا وصحن مقلوب هناك والحكاية تكررت ، يوم بس حللوا الصيام الشيخ قام يلا الصلاة صلاة المغرب الصلاة ياناس أقيمو الصلاة .. واحد مسخوط أو مطموس قال لو يا شيخ بالله خلينا الصلاة دي النعجة داير تجي تأكلها .
الله يجازي محنك يا موسى يا اخوي...
خليتني أضحك في المكتب وأقرْقِرْ مِتْل الماني طِيبي!!!
إنت عارف ناس تنقاسي ديل فيهُم حاجة كدي مرحة خلاااااااااس في حياتهم... بعد الواحد ما يقول ليك (باقِي) وهاااااااك يا حلاوة وطعم كلام...
كميات مودتي لهم وأنا عاشرتهم ودَرَّست في مدرسة أُم أيمن بتنقاسي السوق... أماااااااااني فيهم خيرة رجال ربنا يغفر لمتوفاهم ويدي الصحة والعافي للحيين فيهم يااااااااااارب...
وعندي موضوع كان كَتَبْتو عن المرحوم الحاج ود الحاج الله يرحمه بفتش دفاتري القديمة وأجي أنزلو وإنشاء الله هو يكون الآن مع أهل الجود والكرم متحككككككر مع صاحب الكرم والتفاني سيدي علي الكرار (كرم الله وجهه)...
وعبرك يا ود الحسين... تعظيم سلام لكل أهلنا في تنقاسي منننننننننن الدبيبة ليييييييييييييي أبْرَنَّات....
كميات مودتي...
أبو الحســـــــــــــــــين...
Post: #224 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-29-2006, 05:25 AM Parent: #1
Quote: تخريمة على بليلة رمضان حكى لي أخونا احمد عبدالله من تنقاسي يقيم في تربة أنو عندهم جماعة في تنقاسي بيفطروا فطور رمضان في الشارع كعادة أهلنا الطيبين وبعدين في نعجة متواتاهم بس يقيموا الصلاة تغير على البليلة من صحن لصحن الجماعة يخلصوا الصلاة يلقوا صحن مرمي هنا وصحن مقلوب هناك والحكاية تكررت ، يوم بس حللوا الصيام الشيخ قام يلا الصلاة صلاة المغرب الصلاة ياناس أقيمو الصلاة .. واحد مسخوط أو مطموس قال لو يا شيخ بالله خلينا الصلاة دي النعجة داير تجي تأكلها .
الله يجازي محنك يا موسى يا اخوي...
خليتني أضحك في المكتب وأقرْقِرْ مِتْل الماني طِيبي!!!
إنت عارف ناس تنقاسي ديل فيهُم حاجة كدي مرحة خلاااااااااس في حياتهم... بعد الواحد ما يقول ليك (باقِي) وهاااااااك يا حلاوة وطعم كلام...
كميات مودتي لهم وأنا عاشرتهم ودَرَّست في مدرسة أُم أيمن بتنقاسي السوق... أماااااااااني فيهم خيرة رجال ربنا يغفر لمتوفاهم ويدي الصحة والعافي للحيين فيهم يااااااااااارب...
وعندي موضوع كان كَتَبْتو عن المرحوم الحاج ود الحاج الله يرحمه بفتش دفاتري القديمة وأجي أنزلو وإنشاء الله هو يكون الآن مع أهل الجود والكرم متحككككككر مع صاحب الكرم والتفاني سيدي علي الكرار (كرم الله وجهه)...
وعبرك يا ود الحسين... تعظيم سلام لكل أهلنا في تنقاسي منننننننننن الدبيبة ليييييييييييييي أبْرَنَّات....
كميات مودتي...
أبو الحســـــــــــــــــين...
Post: #225 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-29-2006, 09:39 AM Parent: #1
شوقي أنا للبلد بي حالها الشوق للترابلة أهلي...
للذكرى أيام زمان... شوف سماحة النيسان الشاحن دا... قواسيب مودتي...
أبو الحســـــــــــــين...
Post: #226 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-29-2006, 09:39 AM Parent: #1
شوقي أنا للبلد بي حالها الشوق للترابلة أهلي...
للذكرى أيام زمان... شوف سماحة النيسان الشاحن دا... قواسيب مودتي...
أبو الحســـــــــــــين...
Post: #227 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-29-2006, 11:42 AM Parent: #1
هذه القصيدة كتبها الأخ محمد جيب الله كدكي كما سبق وذكرت سابقاً....
Quote: يا ولد فتِّح عيونك ديل إنت من تالانا ليه قلبك غَفَل؟؟
إنت مقطوع أصلو ما عندك أهل؟؟
من زمانك في هواكَ تراكَا في لبس البِدَل!!
نِحن لا لُمناكا لا اْتْفَتَّشْنا لي زولاً سعَل
عاد هواكا دا حدُّو لا وين؟؟؟ إن باريتو لي حد ماب تصل!!
كُتْ قبيل بتقول أبوي بي مالو أبوي بي عيشو أبوي سايق البصل!!
وكُتَّ مستَقْويني بي قمحي المنورَق في تقاتو بَلا الجبل
وبالتِمير الفي الجراري مليِّسٍنُّو يشيلنا في ساعة الوحل
وفي فَرِقْةَ الدور ويوم السوق نسَرْبِق منُّو إن غِلا وان نَزَلْ
عاد السني دي مي الكعوبيي!!! أصلو شوَّال ما فضل
مي المطر ضَرَّتْنا فيهو أصبحنا وحلانين وحل
نخَمْخِم فيهو مهرود لي غنمنا الفوق نقِلْبو رحل رحل
وبي تِحِتْ تِحْت امُّو في جاعورتو يِندَسَّ الجمل
أصلو زي دا من الله سوَّاني لا شُفْتو ولا حصل
ولي تَلاتْ ادوار تصيدني المَغَسة لا تِحِت ان نَزَل
وبي تِحِت فوق المِرِق مجدوعة مُلْفَحتي اْم عَبَل
وضارِب شُمَّارتي افتِّح في الجداول، ونَفَسِي قايِم لا مُرُوَّة ولا عَضَل
وراسي دايِشْ بالشَمِش وجسمي يي دا اللِّتْوَكَلْ
والضِرِيس الكُتْ بلُوكْبُو علي العليهو يي دا إتخَلْخَلْ نصل!!!
إن سعَل مني من تالاكَا داير انْشَقَّ طَرْرْرْ من الزعل
كم مشيت للبوستة ودَّر يومي ساكِت وانضَقَل
منَّ الجواب ناسيني ماك طاريني انا الماسك المحل
وانا لي منو اشتِل في الشتِل مي ليكا أريتو عنُّو شَتْلاً ما انشَتَلْ!!!
إن فتَّحت عينك وانعدل؟؟
دا يعجِبْني... وحبيل الوُد البينا اتقَطَع يكون يادوووووووبو بالتيلي اتفتل
أما اْن قصَّر حالِفْ ياني جاييك جاييك زول شَكَلْ...
ورد عليه الشاعر محمد ود حُمد إحمد الشايقي... ممثلاً دور الأُم قائلاً:
يا يابة كُر مالَك عليهو مَزْرْبِقو مَطَرِّي الفشل؟؟
ياهو الوحيد الفي العَقاب راجِنُّنو يستلم المحل
بس انشاء الله يبقى عضِيمو طيِّب مشاكِلنا الكريم يلقالها حل...
أنا نادْهي اهل الضرايح يحفظوهو من الخرابات الهِناك لا يبقى سوَلُّو عمل؟؟
عرَّض لهِن سيدي الحســـن تور الأراك ساكْن الجبل
والروضة بت عبدَرْحمن الجات من الخرتوم وقطرها بالليل وصل...
قالت خيري كان متَعْتع وموووووووو نشيط الحافِضْ الله يادوووووب اشتغل
الأخوة الأفاضل ابوالحسين سيد الحوش ودكتور ياسين المبروك وحاتم وبقية الاخوة زوار البوست لكم السلام والتحية العطرة والله متشكرين شديد يا المبروك ياسين لقصيدة حميد وتحليلها عن طريق الأديب الفنان دكتور ابوشوك كلام حلو وجميل دونتها حتى لا ألدغ من حجر مرتين وبعدين الرأس ما بقى للحفظ أهل. بعدين قصيد النخلة ما أجملها أول مرة اسمعها يا سلام على زوقك.
دونتها وسوف انزلها لاني هناك بعض الكلمات استعصى عليّ سماعها جيد رغم سلامة آذني للغناء والشعر. فأرجو تعديل الكلمات اذا كتبت بعض منها بطريقة غير صحيحة
النخــــــــــــــــــلة
عز الرياح.... النخلة تجّاسر.. تصون عش الطيور البينا..... تفرد للجناح ترقص تميل... ما الساق خطيط والجو براح
وفي الأرض ماااشي عرق بعيـــــــــــــد هو عرق نصاح يبس جريد ينحت سبيط والنخلة تجدع بالجريد النخلة تتعب في اللقيط
لا بتعرف تخاف.... قل المطر سيل الجفاف لا فتوة الريح العنيف طوالي في أجمل وشاح
وكل الرياح فوقا بتمر ومن كل اصناف الرياح النخلة مابتخبر خلاف ريح اللقاح..... والهمبريب ريح الصلاح
ما ليها غير تطرح تمور تملى الشواويل والقفاف إتّم زين.... إتحلّ دين... أطلق ضهر زولاً بسيط واقف على حد الكفاف ومن ركة الرزق المتاح رزقو المعلق في السبيط ينزل كما الطير الخفاف يقدل نشيط... ويخضّرا زي شتل الضفاف كلما النشاف بدأ في السبيط
والنخلة لو عنف الرياح الصاقعّك أهوال الفصول البعد آفات الزبول قدرن علي ساق الهطيط تقع وما بتموت... روحها المدردحة ما بتفوت في صدر معمر بالخلود تلقاها خشت في البيوت
وبكل فراح تبروقه سجاجة طهورة.... طبق من العرجون.. ضنيب هبابة... طاب طبطابه... قفة كسفتيكه... حبل متين..... فتلوهو في ضل الدليب نشلوبو من بير للشراب نسجوبو بنبر وعنقريب
تلقاها خشت في البيوت وبكل فراح جوبيل جريد عرشوبو سقف بيتن جديد أول دخيلتو عريس سعيد مبسوط يقرقر بنشراح
منعم مشاط..... من شوكا كان وشقة مسايرك ياأم سماح أو حتى واقودن تقيدبو الطيبة في نار برتياح ليوم عزيز يطلع خبيز دكاي فصاح يطلع ملاح... يبروبو ناساتن ضيوف أو زولاً وراهو شغلاً بعيد جابرا الظروف يمرق بهيتو وشاي صباح آخر المطاف... آخر المطاف.. والموت بأشرق نسمة الموت بيسرق بسمة من شال الصبا...وتوب الزفاف
النخلة تربايت العباد وجلاله تنحول رماد.. ورماده ينحول سماد.. وسماده يدخل كم بلاد وديانا تخضر والبقاع شوف كيف كفاح النخلة يوت تعبر على مر الحياة تتوقد الموت بجلد من بعدما ملت البلد تمور تمراً معمر بالألوف شايل مخلف برتياح طول المصير والنخلة حوت الصحرا أو جدي الجروف تلقاها مرتاحة الضمير
النخلة تحت الواطه سر النخلة فوق جهرة نصاح والدنيا اوسع ماتكون والحد براح وكل الرياح فوقا بتمر ومن كل اصناف الرياح النخلة ما بتختار خلاف ريح اللقاح والهمبريب ريح الصلاح
يا معوض الليل بالصباح ومعود النار اللهب روض نخلتنا علي الرياح روض نخلتنا علي الرياح وفي لجة البحر الغريق أد الرواويس الصلاح أد الرواويس الصلاح
الأستاذ خالد سلام القصيدة مكتوبة عندي واسف لتعبك وسوف انزلها لك للتنقيح أوالحسين سلام شايف مداخلاتك بقت تنزل مكررة يمكنك سحب بعضها
أهديكم
الفنان عثمان اليمني
اغنية ماني شبه عريسك انا
Post: #232 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-30-2006, 02:12 AM Parent: #1
Quote: يا يابة كُر مالَك عليهو مَزْرْبِقو مَطَرِّي الفشل؟؟
ياهو الوحيد الفي العَقاب راجِنُّنو يستلم المحل
بس انشاء الله يبقى عضِيمو طيِّب مشاكِلنا الكريم يلقالها حل...
أنا نادْهي اهل الضرايح يحفظوهو من الخرابات الهِناك لا يبقى سوَلُّو عمل؟؟
عرَّض لهِن سيدي الحســـن تور الأراك ساكْن الجبل
إخوتي الكرام...
صبحكم الله بالخير والرضا...
لاحظو من الأول إفتتحت كلامها بي شنو...
يا يابَة كُرْ!! كلمة كلها حنية مع الإلتزام بالأدب... يعني تتخيلو لو قالت ليهو مالَك عليهو داير تشيلك حال جناك... دا كلام شنو دا!!! رد زوجها كان حا يكون شنو؟؟؟
لكن الأدب والرقة والذوق كان في مطلع ردها... يا يابَة كُر... مالك عليهو مزَرْبِقُو مطري الفشل...
وشوفو عليكم الله الزَرْبَقة دي إستخدمها كيف؟؟؟ بعد داك بدأت شغل الحن والمحنة... وذكرتو بأنه في عقابه هو الوحيد...
ثم تناولت حالتو يكون كيف وهو بعيد منهم وإستخدمت نزعتها الصوفية في نده أهل الضرائح وتور الأراك وسيدي الحسن...
فالشاعر أجاد حد الجودة ما يصل ليها حد في إختيار ألفاظو بين المحنة والرقة والتطمين والأخيرة دي هي الأهم لأن الأب عاوز من يطمنُّو دي من قراءاتي للقصيدة... يعني حالو ماهُو مايل شديد مع شوية تطمين ممكن يجي الدرب...
بالمناسبة يا د. يس... محمد محمد أحمد الشايقي دا... هو كان سكرتير الحزب الإتحادي الديموقراطي في كريمة ورئيس نادي المريخ لمدة طويلة في كريمة ورئيس نقابة الحوض... إحتمال تعرفو من أيام كريمة...
كميات مودتي...
أبو الحســــــــــــــين...
Post: #233 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-30-2006, 03:41 AM Parent: #1
Quote: ملقَّطَة كُلِّك اسبيرات
متل فضية العدي
مباااااااااااااالغة...
دا الغُبُن ولة بلاش!!!
Post: #234 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 11-30-2006, 05:42 AM Parent: #1
كتب السر عثمان الطيب...
Quote: شقاوتي انا في غيبتي عنك عذابي واوطول سهادي اكون جنبك كل لحظة قريب لو ينتم مرادي
الحِبيِّب حاتم هاشم...
نهارك سعيد...
أها كيف الحل من الكلام الفوق دا مادام الفراق والغربة مفروضات فرِضْ... الله يحل غربة الجميع ويلم الحبان؟؟؟
أترككم في حفظ الله ورعايته لامِن ألقاكم يوم السبت لو ربنا حيانا...
Quote: كدي اسكني اقلعي الباروكة كان ما تشبهي الكودي ولا تعالي بفستان قصير ركبي كان ما احلف عليك سقدي
وكمان شوفو الخيخة يرفع ايدو ويقول فندي !!!!!!!
تخريمة في طريق منحدر
تعرف تذكرت قصة لواحد من أهلنا الشايقية الراجل كبر في العمر وبقى مابندلا لا تحت بس قاعد في البيت أها بنيتو كل يوم تلفح توبا وتقوم مارقه,, أقول ليها ماشي وين آبنية تقولو مندليّ اجيب لي سبروق ..... مرة قال ليها آبنيتي بدل كل يوم ما تتعبي مندليّ مندليّ ما تسوقينا نحن وتربطينا تحت
وقاريه وكاتبه تحمد سيدها ماخده علي البنيات الشرافه كذا البريبه تبرد عيني لا تغشاها لا أحضر نشافه
وكان في الحلة يوم حنة علي الشاشوق مشينا نقدم البنوت علي ضو الرتاين عيونهن هارجه تنبح في الفجر والليل قريب واقف يعاين خدودهن جاهره زي جهر الكهارب الفي المدينه
وكان الليل ومافي الحلة ... من الحفله ألا صداها
كان زغروده كان غنّاي رقيص الشامه بت حمدين وعرضة حامد العولاق وخت الحنه ليات من حضور ضفرين... ونمات العديل والزين وشنق ود سعد طاقيتو شان في الحلة ساوو كنتين وشكلة عامر المسكين وعيط ودمجمر زين عشان الزينة رقصت زين وفي الشعقيبه.. كان بازمالو شباليين
وسكرة وين ؟ وسهرة وين ؟ وبهرة وين ؟ وجهرة وين ؟
أقول آبنيه ليش ماتهمي ليش ماتهمي فوق زولاً مشلهت فوق دريبك لا النفس مجبود ولا لحق الغزاله
وقفت ... وانبهر رماشه جدعت بالبسم رشاشه قالت... والعيون ضحّاكه في ضو الرتين بشاشه آ المهجوم.... أهجمك الله كان داير تسيلي الخلعه
عاد من حيني جاتني الحاله قتلها لا لا وحات النعمه آبنيه البريد في الريده مابخبر فساله
حدرت باسمه قتلها.... عايني تسلم عينك إلا حقيقة مو ساهل كتاله
ندهت ناضره حالفابو الصباح الباش يلون في المشارق وتلين الجايه من تالانا تاله وحات أمي البعزها زي تراب حلتنا أبقى حداك آالمريود وأقول لاهلنا ناس قدام وفي ها الحاله مو شيني القواله وآسأل القمره في شأنك واقولها هيله يا القمره وتاني وهيله يا القمره وتالته وهيله يا القمره دحين ساكن وريشات القليب في الحله مو رشه المقاله وحات الفرحة في ها الليل بشوفك فيكا عز ابواتي وضرعاتك خدر ياالباهي وما دايرا لي غيرك كفاله
وجاتني النهمه قتلها أقيفي آ المريوده عايز ارمي لي مرباعين وتبقى حمالتي عند سيد الحماله
قالت والفجر في خديدها آ الممسوخ حدانا العين بعدما تسدر الضحويه خت الفاس علي كتفك وبوح غادي بوح غادي نم فوق البعجبك ...زين؟
قتلها زين وداك الحين بشوفك يا الرتينه مع الشمش بتلالي مناك للسحاب الكابي فوق حلتنا كان سابل ضلاله بشوفك فوق عوينات الصبيّن العشق لطف ضياهم والنهار وصف خطاهم والصبر زارعينو فوق ضهر البوادر فوق كتافين السقاله بريد ريدك كفاح اهلي وأريد ريدك سماح أهلي أريد مهواك أريد انسانك الجواك وأريدك تاني زي آخر الحتاله وأدوبي لك وأشيلك غنوة للسمحات وأنمك في تراتيلي وكل ما العتمة تنزل سابله انسى عناي واتاوق لقناديلك وأشد حيلي وأدوبي لك وإذا مغنّاي يبرد في الحشا صدرك ويرجع لي تهاليلي بدّوبي لك ولو الشوق عرف بكاك اطري غناي عليك العزة آ المريوده دوّبيلي
Quote: الكتبتوا دا بي بصوت المرحومة بإذن الله ليلى المغربي أدعوك لاستمتاع كامل وان شاء الله انزل ليك الجزء التاني قريب أرقد عافي
المبروك دكتور ياسين عوافي, والله ات زول حربي وتعرفي تداوي جراحي الشريط دا كنت امتلكه ايام الدارسة في جمهورية المجر ولا اعرف درب الان بالله أعمل فينا خير وانت أهل لذلك انزل باللنك حتى نحفظها في الجهاز. وبالذات قصيدة خمسين سنة في ايام السيول والأمطار التي ضربت ارض الجزيرة في السبعينات وأسم القصيدة الجزيرة أم دوح نعم القدال نضمو سمح بالحيل وعندو قصائد جميلة لكن لو انزلنها بتودي التوج بجو يخمونا ويودونا الكر ونحن ناساً عايشين في اوروبا وبنخاف ويا اخوي الخواف ربا عياله نحن عندنا وليدات وخايفين عليهم ارقد عوافي يا اخوي
قطفوا الزهور قطفوا الزهور قبال يحين يجي موسما وخلونى في ارض الضياع ارعي النجوم الفي السما قطفوا الزهور قبل الاوان جات بي شذاها مسلما وطلت حلاتها من الغصون فى وشهم متبسما ماكمترت ايدهم ترابها ولا سقوها من الظماء ماحاحو لي اسراب فراشها الكان .. يجيها ويلثما لكني رضيان بالنصيب مكتوبه لي ومقسما لو يبقي في الاخر جزاي تتخلي حواء عن آدما
قطفوا الزهور قطفوا الزهور قطفوها في عمر الزهور رغم انى لفيت السياج دسيتها داخل سور في سور سلسلت من شمس الشعاع أهديتها نور وسقيتا بدمع العيون فرحه وسرور نبتت علي الاحساس وخالجت الشعور واترعرت جواي من الساق للجزور
خايف عليها من الرياح والزمهرير وياخوفي من لفح السموم نزع الهجير ولو حتى مساها النسيم انا كت بغير أنا لي ما فاحت ولا نضحت عبير دسيتا فى أعماقي في قلبي الكبير واستاصلت ايدهم جزورا الفي الضمير قطفوا الزهور قطفوا الزهور
حقيقة باقي الشريط ما عندي ويا ريت اسمع ما ذكرته انت لكن عندي الجزء الثاني من القصيدة وسانزله لك بخصوص لنك الحفظ ، لي قداميتك ، لما تلقي ليك "ايقونة"زي الختيتا دي ما عليك الا ان تضع الكيرزر عليها وتضغط باليمين ثم تضغط على Prpoerties ستجد اللنك ، تاخدو وتختو في اعلى الصفحة وتضغط عليه يفتح ليك ثم تذهب إلا "فايل" ثم "سيف"
منك لله انا زول مسكين وطول عمري مسالم وقلبي حنين تاتيتو هواك فوق الايدين من قبل صباك من عهد اللين خلاني وطار ربا الجنحين والخان الريد جد خان الدين يا قاف يا واو راء وياشين ويا حبي المات في مهدو دفين قادر انساك وابعد لكن من بعد هواك اقبل وين خليتيني وحيد باكي حذين وانا متا خلاص راجي التابين منك لله انا زول مسكين .
..........................
حاتم هاشم
Post: #243 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-02-2006, 02:33 AM Parent: #1
Quote: وكان في الحلة يوم حنة علي الشاشوق مشينا نقدم البنوت علي ضو الرتاين عيونهن هارجه تنبح في الفجر والليل قريب واقف يعاين خدودهن جاهره زي جهر الكهارب الفي المدينه
الإخوة رواد الحوش...
صباحكم زين...
جيت قلت أسلم وأصبح عليكم وأهديكم للوحة الإقتبستها دي...
عليكم الله شوفو حكاية عيونِنْ هارجة دي!!
إبداع والله... الله يديك العافي يا خالد أخوي... دايماً تتحفنا بالدرر...
كميات مودتي لامِن أجيكم راجع...
أبو الحســــــــــــــين...
Post: #244 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-02-2006, 04:24 AM Parent: #1
Post: #245 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-02-2006, 09:23 AM Parent: #1
Quote: يا شباب كان في واحد بيسال من اشعار الكاروري......
هذه واحده.........
قطفو الزهور
للشاعر...عبدالعظيم عبدالرحمن الكاروري
.................................................
قطفوا الزهور قطفوا الزهور قبال يحين يجي موسما وخلونى في ارض الضياع ارعي النجوم الفي السما قطفوا الزهور قبل الاوان جات بي شذاها مسلما وطلت حلاتها من الغصون فى وشهم متبسما ماكمترت ايدهم ترابها ولا سقوها من الظماء ماحاحو لي اسراب فراشها الكان .. يجيها ويلثما لكني رضيان بالنصيب مكتوبه لي ومقسما لو يبقي في الاخر جزاي تتخلي حواء عن آدما
قطفوا الزهور قطفوا الزهور قطفوها في عمر الزهور رغم انى لفيت السياج دسيتها داخل سور في سور سلسلت من شمس الشعاع أهديتها نور وسقيتا بدمع العيون فرحه وسرور نبتت علي الاحساس وخالجت الشعور واترعرت جواي من الساق للجزور
خايف عليها من الرياح والزمهرير وياخوفي من لفح السموم نزع الهجير ولو حتى مساها النسيم انا كت بغير أنا لي ما فاحت ولا نضحت عبير دسيتا فى أعماقي في قلبي الكبير واستاصلت ايدهم جزورا الفي الضمير قطفوا الزهور قطفوا الزهور
........................................
حاتم هاشم
الأخ الكريم حاتم...
الشاعر الكاروري ... شاعر مجيد وذواق ويختار ألفاظه بعناية متقنة... وأكثر ما يزيد كلماته جمالاً وألقاً هو الفنان الشاب المجيد معتصم إبراهيم... الرجل المهذب صاحب الصوت الجميل الذي وُلِد عملاقاً... التحية له وهو يتغنى لفطاحلة شعراء نوري أبوك يا أُسامة... وردها من الأخ كدكي... أحمد الكرار قطفو الزهور، نوري الجميلة وغيرها من الروائع...
كميات مودتي...
أبو الحســـــــــــــــين...
Post: #246 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-02-2006, 10:58 AM Parent: #1
إخوتي الكرام...
مساكم الله بالخير والرضا... إليكم مع مودتي... ملحمة د. محمد بادي... هـــوى يـا وليـــد نسأل الله أن يمتعه وإياكم بالصحة والعافية...
هوي يا وليد...
هوى يا وليد يا دلوعة يا مرنوعة أعدل إيدك المفدوعة واتلحلح واقيف دغرى وواس صدرك مع صدرى واتشدّع
ليك الحق شان ولدوك فوق اسفنج وحتى أول جديد سوهو ليك بالبنج وهسع هوايتك إنك تلعب البنق بونق وليك الحق عشان فطموك بعد مازدتا فوق سنتين وفى سن عشرة نومك كان على الليدين غطاك بالشاش وفرشك بحرير الصين والبتدورو كلو بتلقى غاب قوسين ابوك مليان وجيبو سمين وقلبو سمين وفاتحلك حساب فى البنك والتأمين
وليك الحق عشان ما خضتا فى وحل المطر والطين ومن الترعة ما سويت شراب الهين وما قيلتا فى ضل دومة بى فرعين وما شاققتا عرق النيل مع الوزين وليك الحق عشان ادمنتا عيشة اللين مشي الاسفلت ما جربتو بالكرعين ركوب اللورى فى شمساً تصر العين وما عانيت وقوف الصف وراء التموين عشان يا انتى ما بتدرى سجل ابواتك البدرى دحين اسمع .. أقيف واسمع سماك الباكى مجدو الزال يا ما كانوا تحتوا رجال ابوخنجر وابوشوتال والصقر البجيك خوجال صوتن كان يمين جلجال ومكسيين كمال وجلال لكن الزمن اسرع سيفن بلحس الفقره وما كان برضو بالحقرة وكانوا بضبحوا الشقره وكانوا بضوقو العادوه نوم الكوع وكانوا بموتوا فى شان حرمة المفزوع
الجعلى اب شرابا حار وقالوا بعدى يومو خنق والشايقى البياكل النار وفوقو نحاسو متخنق ودرفون البجا الصقار وحاقب سيفوا ياكل الشق والغرباوى عينو شرار وكضب القالوا عندو عرق والنيلى البعرفوا كتار على كتل الأسود جرّق والبطحانى والشكرى وغيرهم من أهل فخرى ومنهم أصلى لا بشبع ولا بقنع
هوى يا وليد حصل جربتا كب السارية فى القلعة وخلا العتمور وشفتا بروقه تترقص وتتحرقص تقول مطويه فى قرقور وعاوى الزيفة ينفخ فى جبال النقعة زى الصور والحصحاص يجرفوا السيل يكنسوا على مهاوى الخور وقلب الصاقعة يتطرقش يكب النار دمار وشرور وشفتا الحال عرق مقلوع جبل متروم فرع مكسور جمال غرقانة بى حالا وحد المويه فى الغرغور ود ابن ادم المسكين نجاتو تحت قرون التور والعوتيب يجيك يجرى يشيلك وانتى ما بتدرى وما بيرفع
هوى يا وليد ... حصل سادرتا بالديداب وقدامك مراحك وراكب الخباب ودربك طولوا يملا العين سحاب وغبار ومويتو سراب وهوى كرباجك البكاى يبكى على ضهور الضمر الانجاب وتسرى الليل وما تضوق هجدة لو كان النجم ما غاب وبعد أيام تجيك لفته ويلوحلك فى البوادى سحاب وتكرف من دعاش العينة تملا رئاك عطر وأطياب تلقى الوادى خضر زى تقول ماكان خراب ويباب وبت ام ساق تقييل من ضحاها على المعالى ونسمة الهباب وتفرش ليك حزمة نال تحت سيالة تريانة فروعها قراب وتنفخ كل آهاتك مع المزمار تصوغ الحان ملانة شباب وتنسي الدنيا كل الدنيا ماعندك معاها حساب خلاف برقا يشيل حرقاص أو رعدا تقول رصاص وكت فركع
هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدورو تشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق ضرب الصوت والركزة بيفرق الناس عشان زينوبة ما بتحوق وعاد تتحزم الجنيات وتتنظم تقيف في روق وكل واحد يهز ضرعاتو والحجبات تزح لافوق جفير الخوسة فايت الكوع وسيرو مع العضل مطبوق والطاقية تحت الحاجب المعقود هدية أم زين وما مشرية من السوق ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيهو بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق هناك الحال مغير جد وهيجة الناس تفوت الحد وكان حجازو مد الليد بتسمع كع
هوى يا وليد ... حصل شارفت دغشا بدرى فوق حجرة مخانق النيل فى سنة تساب والشرقي حزم القيف وطفح الكيل وشوفتا الهيبة فوق اسيادا والشخرى البكتل الحيل وشفتا الجارى يحفر فى جروف كوكبنا بس داير يشقو عديل يجيك بي صدرو متحزم ومتلقف صفوف فى صفوف يحاكى الخيل ومويتو الهايجة تبلع جب وتجقم فى مدالق السيل وفوق الرملة مشرور العشارى طويل معشعش بين نوايبو الطير حليلو جزايرو جاها النيل وحالف ما يخلى شبير حزم اطرافا يكسر فيها بالهدام وينحر فيها بالقرقير وبكرة يموصها يشرب طينها يزرع فيها شلالات هدير وهدير وتكسح مركب النواتة عايمى على قرون الموج جناحها كسير رواسيها مالى اصابعوا فى المجداف يقوم لافوق ويجى من تانى فوق الدفة رافع ايدو ينده فى جملة الصلاح واهل الخير هناك الموت يمين شافوهو شوف العين ومافى شفيع ومافى مجير تقول الزول يعرف اجلو ومكان موتو لولا إنو ما كشفو الإله لى غير عاد ما دام رقاب الموج تمد لسناتا فوق للحيف تكب الصير وشن فضل بلا الغرق البدور ناعى وفعلا كانوا يا هو مصير ومشيت المركب الغرقاني بين موجتين طفروا منها النواتا بطن اللجّة قالوا اخير تماسيحاً يقالدوا الموج يصارعوا عتاوة العرق الكتالو مرير ساعة يعومو بالضرعات وساعة فج صدورن ضمة مااتبلت ولو قطير ديل يا وليد ولاد النيل رضو الهيجة من صدروا ومن الطيبة رضعوا كتير الواحد فعايلو كتر ونضمو دقاق نهرتوا يمين تسوى الفاق ومراً أصلاً لا ضاقوه لا بنضاق كفاك يا وليد بلاش فاقة خلاص أنا تهتا فى الاشواق وما برجع وهسع ضمة لا شايفك ولا بسمع.
اداء المبدع..... جعفر السقيد .......................................................
يا قلبي الحزين وين تمشي ليه كل الدروب مقفولة كيفن زول يصل للجامعة يرجع تاني لي سنة أولى ياما كتار حليلهم ضاعوا في زحمة دروب مجهولا يزرعو في النوايا الطيبة كان ثمرة ضياع محصولا الواحد يريد النجمة ما بيقبل يشوفو افولا تلقى وسط ظروفو يشابي عشمان انو بكرة يطولا مسكين كان يخادع نفسو بي سحب الخريف وهطولا متعشم يقول المسرة يوم باكر يدقو طبولا مسكين ياحليلو اتناسى نكبات الزمان وفصولا واتناسى انو نحن غلابا احلامنا العراض مطبولا من زمن القراية شراي ما بشوف غير سيوف مسلولا كل ما اقول وصل لي مرسى القى احزاني شادى خيولا قاسي الزي يقلى الداريو نقاي يعرف المصقولا اول ما يقول ديك لي كل خلق الله بكرة يجولا عايش فد سؤال جواي ليه لحظات فرحنا عجولا وايام الحزن تندب زي السلحافية مهولا اختلطت على ايامي قدامي الهموم مسدولا ممشكلتي العلي ومالبي ما هو مرض دوا وكبسولا اه من دنيتي واقدارا اه من جحيما وهولا شينا الزي بلقى الدايرو منو الدمعة ما مقبولا لكن يا رفاق بالدغري كلمات بي صراحة بقولا انا كان جنيت او ودرت تبقى ظروفي هي المسئولة
تصدقي يا محاسن لمن خبرك جاء وصلني انا جيت ابارك جراحي تنزف لدياركم ساحبة ظني بي بشيشكن يا عيوني يا دمعوع لا تفضحني طالما الأقدار بتحكم غصب عنك وغصب عني جيت في ليلة زفافك برضاي ورغبة مني أنا جيت اضم الشوق واقالد وانضم الأشعار واغني جيت في فرحك اشارك جيت اقول مبروك واهني جيت امد ايدي البترجف لي ايادي ملاني حني انا جيت اعاين واملا شوقي في العيون العذبني انا جيت اودع في خدودك البي صفاهن جرحني كان مناهن اعيش معاهن أه دا لو كان بالتمني قسمة والاقدار ارادن يحرمني ويحرمني التمن املي البنيتو حتىلي شوفتك امني ادي حالي انا يا ليالي لي بكاي ماك دار تحني كنت في عتمت همومي اللبن ما يرحمني وانتي في عش السعادة أه انا الشوقك كتلني ابكي في زحمة سنيني في الليالي العاكسني الوداع الوداع الوداع يا نور حياتي يا امل خاب فيهو ظني بي بشيشكن يا عيوني يا دمعوع لا تفضحني طالما الاقدار بتحكم غصب عنك وغصب عني
Quote: ليك الحق شان ولدوك فوق اسفنج وحتى أول جديد سوهو ليك بالبنج وهسع هوايتك إنك تلعب البنق بونق وليك الحق عشان فطموك بعد مازدتا فوق سنتين وفى سن عشرة نومك كان على الليدين
الأستاذ أبو الحسين شفت ود المصارين البيض دا كيف يبقالي انت والصديق د. بادى لا تخلوان من ذرة طينة حقد طبقي طبعاً انت ولدوك فوق "تبروقة" وطهروك بـ"القصبة" ولعبت بـ"ساقية البعر" وطبعاً ما رضعوك زاتو عشان يفطموك "في زمتك سمعت بالسريلاك قبل تمشي السعودية" وطبعاً نومك ما معروف كان وين
Quote: الجعلى اب شرابا حار وقالوا بعدى يومو خنق والشايقى البياكل النار وفوقو نحاسو متخنق
دي ليك انت والأستاذ خالد
Quote: وتفرش ليك حزمة نال تحت سيالة تريانة فروعها قراب وتنفخ كل آهاتك مع المزمار تصوغ الحان ملانة شباب وتنسي الدنيا كل الدنيا ماعندك معاها حساب خلاف برقا يشيل حرقاص أو رعدا تقول رصاص وكت فركع
يا سلام
Quote: ويتقدم عريس السمحة رافع صوتو كان بسوقوا بيهو النوق والعنجاوى ينزل فوق ضهورن بس تقول منشحطة فيهو بروق يبدا مجرو بالترقوة ويتحدر مع الضلع القصار ملصوق واحمر عين يشم الدم بعد ما يرش بنات عمو ويزيدن شوق وثابت حيطة لا بتهز ولا بتلز وصارى جبينو كلو عروق وقال بعد العقد طلقانة ما يحجزوهو إلا يخلو ضهروا شقوق
آ زول والله الحديث الفوق دا ود بادى زاتو ما يركز لي سوط النقوق/الجمال دا لكن شوف عيني عرب الخلاء عندنا ياكلو السوط دا زي البياكلو في زبادي
هناك
Quote: الموت يمين شافوهو شوف العين ومافى شفيع ومافى مجير تقول الزول يعرف اجلو ومكان موتو لولا إنو ما كشفو الإله لى غير عاد ما دام رقاب الموج تمد لسناتا فوق للحيف تكب الصير وشن فضل بلا الغرق البدور ناعى وفعلا كانوا يا هو مصير
شعرة جلدي بتقوم ساعة أقرا الكلام دا لاني شفتو كم مرات في حياتي وانا صغير معدي لجزيرة بجبوج
تعقيب على قصيدة الشاعر الفحل الطيب محمد ود بادي ود محمد سعيد العكودابي,,
نظم هذا الهجاء وكما قال في حق ولد بندرواي من اللذين أطعموا بملاعق من ذهب. والحصل كانت مشداة بين شاعرنا وذاك الولد في أهمية الريف بالنسبة للحضر وتأثيره عليه. والظاهر الوليد رمى ليهو كلمة في حق الريف هيجت ود بادي وحركت قريحة الشعر فيه. ونتمنى أن يسلط الله على ود بادي كل مرة وكل يوم مثل كذاك الولد حتى يشجي اسماعنا بقصيدة كهذه.قال ود بادي كنت جاي من الريف للجامعة في الخرتوم البندر اسود السنحة أغبش البشرة مثل عود الطنضب اليابس الحرقان وكان هو مثل قصبة الصفاف لين يتقصف بين الأصابع تتدلى سلسلة على جيده. وبرضو ود بادي يقول ليهو هات صدرك مع صدري.
فعلا كانت المقارنة شبه مستحيلة أو معدومة بينه وبين الوليد الذي حرمه حتى من صفة ولد, استخفاف به وليست حقد عليه, الوليد مولود لما كان في الفة فوق اسفنج وابوه فاتح له حساب في البنك والتأمين من وحتى ختانه كان على الطريقة الحديثة بالبنج, وطبعا طبيبنا ختن بالموس والقصبةوسواها ليهو بصير الحلة أو مزينها.
في هذه العملية ( الختان بالقصبة ) كان يدخل لب القصبة في الغلفة ويربط الجزء المراد قطعه بخيط ومهمة لب القصبة حتى يفصل رأس القضيب من الغلفة.وبعدها يقول المزين للصبي أبشر.... وهو يردد ماباشر... ابشر... ماباشر وبعدها يشّدهو باي شئ مثال ( شوف الحدية ديك يلتفت الصبي ليراء الحدية ) وتف يقطع الغلفة بودون بنج وبعدها تخاط. تفاخر الشاعر بصور ولوحات جمالية رائعة تصور حال الناس في الريف وهي صور تخلب العين للعايشها يسمو بها وللذي لم يعشها كان التصوير دقيق وأجمل مافيها كان تنقل الفحل ودبادي من صورة لاخرى.
اللوحة الأولي حياة الطفولة في الريف. الخوض في الوحل والطين, وشراب الموية من الترعة وفي الغالب تكون بدغلوبه وروث البهائم, والمقيل تحت الشدر وتعلم العوم في سن مبكرة حتى يصل الواحد منهم لمرحلة تمكنه من السباق مع الوزين وعكس الموج نعم... نعم هي حياة كل اطفال الريف وقد صورها واجاد.
الصورة الجمالية الثانية هي صورة موسم الخريف في تلك المنطقة,وكت البروق تتراقص الرعد يدوي في الظلام كلعنات الجن, وزاد جمال الوصف حين مثل صوت الزيفة لما تهب علي جبال النقعة ( وهي منطقة قبل بانقا ) (( فووووو )) كأنه صوت نفخ على صور. وبعدها تأتي وصورة الحصى عندما يجرفه السيل علي حافة الوديان ويرقد على حافة الوادي بعد انحسار المياه عنه كالؤلؤ والمرجان, وفي وسط هذا كله صورة انسان المنطقة الفرح ..المفجوع ..المخلوع..من خير ما تجلبه المطر وشر عواقبها عندما تتفرطق صاعقة وتكب النار الدمار .... تلقى عرق مقلوع.. فرع مكسور.. جمال غرقانة بحاله... والانسان نجاته تكون في ابسط الاشياء التي يقدرها له المولى... مثل ان يمسك في قرون تور ولا عودا ماكن جارفو السيل.
في المنطقة بين شندي والخرطوم توجد الكثير من الوديان التي تأتي بالسيل مثل ( وادي العوتيب وهواكبرها والعروس والكربكان وغيرها.. )
اللوحة الثالثة وهي وصف لايام السدور للمراعي.. وهي عادة اهل تلك المنطقة قبل موسم الخريف ونزول المطر في مناطقهم بتكون مراتع المراعي في مناطق الجنوب الشرقي رويت تب بالمطر, لذا بسدروا الخلاء ببهائمهم.
هوي يا وليد حصل سادرته بالديداب إلى ...... خلاف برقا يشيل حرقاص أو رعداً تقول رصاص وكت اتفركع....
واللوحة الأجمل هي تلك التي وصفها عندما تصحو بعد نوم عميق تحت فردة نسيج النقادة بصوت شتماً بعيد مخنوق ويجيك الصوت من بعيد وتقوم لاك مخلوع ولا مفجوع لكن بدافع مجهول يسوقك سوق للدلوكة وتتابع الصوت للحفلة متلفح توبك الجرجار. وصف ودبادي واجاد وابدع في لوحة الحفل والفورة بتحصل بين الناس الحضور لما تشوف صبي تالي ضرعاتو ( ابشروا بالخير ) وتتفجر ذغرودة تطلق في الجلود النار وفي ديك اللحظة بتقوم نوارة السمحة من البنات ترقص وتهج الداره وتودي صديره قدامه وتميل زي البان ينكبو الجنيات في الداره دايرين البطان وكل منهم يحب ان يثبت لها شهامته ورجولته. وطبعا لكل شئ اصول ( والشبال بحقو ) يعني الداير يشيل شبال من البت لازم ياخد حقو معروف و قوانين البطان متعدده ومنها مثلا ان يكون العريس عزيز عليك فتنجلد في زواجه أو ان يكون العريس انجلد في زواجك وانت تقوم تنجلد في زواجه وتوفي دينك ومنها التحدي ( الدق سداد ) وغيرها.
وجمال تصوير الشاعر لأخوان أم شلخ يصطفو في روق عارية اعالي اجسامهم مغطاة اسفلها وكل واحد مرتكز على عصاه المضبب ومقدم كراع ومأخر الثانية كأنه تمثال أصم والطاقية محدره وهي هدية من الحبيبةوما مشرية من السوق .
والعنجاوي الجلد به في البطان يحتاج لخبرة ومعرفة وعلى الذي يجلد لا يهوى به بل يخرته خرت حتى يغرز في الجلد. آخره يبدأ صائب للترقوة وهي عظمة الكتف وينحدر لتحت حتى يصيب طرفه الضلع القصار.. والجنى واقف زي الحيطة لا يحرك رمش لا بدن وبعد ما ياخد حقو يمشي متبختر ويرش بالدم بنيات اعمو ويزغردن ليهو وياخد شبالو ويمرق أو يعاود مرة اخرى.
الصورة الاخير هي صورة الصراع الحلو المر المذاق بين الناس والنيل فيه حياتهم وهو مصدر الخير والأمل وايضاً فيه ممات البعض منهم .....والبحر بياخد عوامو,,,
في هذه اللوحة بدأ شاعرنا في تسأل وصفي جميل وبديع للوليد ,, هل جربت العوم في البحر ايام التساب وفي مخانق النيل ( الشلالات ) وهي أيام يصعب العوم فيها حتى للخبير به. ثم عرج لفعل النيل في تلك الايام بالأرض يحزم ويطفح الكيل ويحفر بجريانه ويهدم الجزاير ومويتو الهايجه تبلع جب... وصورة العشاري وهو اكبر انواع التماسيح منشري في الرملة معشعش بين نوايبو الطير... نعم كان تصوير دقيق وبعين شاعر مرهف يحس وما يمر علينا عابراً كأنه لا يهمنا....والتمساح العشاري ومرق لانو المياه طمرت جزائره موطنه الذي يعيش فيه,, وفي زخم هياجان النيل كانت هناك مركب تصارع في الهلاك كسيرة الجناح يلفحها الموج يمين وشمال ويجاهد النواتي ويصارع في الامساك بالمجداف ويقوم لا فوق ويرجع تاني للدفة يحكم السيطرة لكن في نهاية الامر يروا انه لافائدة مع عتاوة الموج وخيروا النزول للج الموية وفعلا كان... طفروا في قلب الموية وهم طبعا ولاد النيل يعرفهم ويعرفوه وهم تماسيح في العوم ساعة يعومو بالضرعات وساعة يفجو الموية فج ومن ميزات الانسان العوّام ان لا ينبل صدره يعوم كأنه واقف.
وبعد ما تاه شاعرنا مع الاشواق وحال اهله في تلك الديار تذكر الوليد البندري ورجع ليهو وقال بلسان حاله صه يا ود صه يا ود اعذروني في التعقيب لكن ودبادي حملنا نحن كمان في الاشواق وكنت احس كل كلمة وكل تعبير قاله مما دفعني دفع للتعقيب فأعذروني ان اثقلت عليكم لكن حملني الشوق والحنين للبلد وناس البلد
Post: #254 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-03-2006, 02:15 AM Parent: #1
كتب د. يس...
Quote: الأستاذ أبو الحسين شفت ود المصارين البيض دا كيف يبقالي انت والصديق د. بادى لا تخلوان من ذرة طينة حقد طبقي طبعاً انت ولدوك فوق "تبروقة" وطهروك بـ"القصبة" ولعبت بـ"ساقية البعر" وطبعاً ما رضعوك زاتو عشان يفطموك "في زمتك سمعت بالسريلاك قبل تمشي السعودية" وطبعاً نومك ما معروف كان وين
الله يجازي محنك يا د. يس...
إنت عارف أقرأ في القصيدة الرائعة دي... وتحليل الأروع وأضحك براااااااي في المكتب...
شنو يا اخوي الكلام دا... أها أقول ليك أنا في زمني زبادي (كابو) دي ماااااااالي البلد!!!
وحليييييييييييييييل ساقة البعر يا دكتور... تتذكر دُنَّانْ الرعَد البي يقبضو كأنو إمتلك تور أصلي للساقية حقتو... ولة إنت قاصد ساقة الهواء!!! والله إنت قِدَيِّم خلاص... والله يا دكتور كأني بشوفها قدامي هسع...
أيام كانت يا حليلة... كميات مودتي... وواصل إبداع الله لا يخضِّر ضراعك...
الأستاذ خالد سلام أشكرك على هذا التحليل الوافي الضافي الذي حملني بنفس واحد من بدايته لنهايته التي تمنيت عدم حصولها لك الشكر مثنى وثلاث ورباع
الحبيب الأستاذ أبو الحسين سلام قديم ما في شك ودا كلو سويتو إلا الجلد لكن ما لدرجة طاحونة الهوا نتمنى ان نرى المزيد من أشعار بادى وتحليل ابن هواي الأستاذ خالد المنسي
Post: #256 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-03-2006, 04:39 AM Parent: #1
Quote: يا قمره صديق احمد عبدالله محمد خير
يا قمره ... صبي السنسني الحمـره شوفي أبوي أنا الراجاهو كلو صبـاح يا زينوبه أبوكي هو أصلو حالو بـره لو قاري العلم هو ولاهو سيد خبـره ومو زول غربه لكن الظروف جابره مالو إن كان صبر كل الخلوق صابره والصابرات روابح لـو يجـن قمـاح
هو أصلو متين نساكم يُمة شان يطره بيتنفـس هـوا ذكراكـم العـطـره رهيف إحساس حنين قلبـو بالفطـره نديمو بقت دموعو الديمـه منقطـره وأصلو إن ما قعد بينكـم ولا بيرتـاح
جاهو العيد كمان زاد القليب حسـره ساد العبره حلقـو ونفسـو منكسـره هو لا لمّ القروش لا حصل المسـره بلد ما فيها زول مات من عدم كسـره فراقكم ليها يا أحباب ولا كان صـاح
يـا أمارتـي المـا طاعـت الأمـره ندماني وبقـت محتـاره فـي أمـره بعد قسن الـدرادر قصـرن عمـره الشوق فاض وعماها الحنيـن غمـره الشوق للبلـد لـي بهجتـه وسمـره الشوق لي مقيلا ضـم ضـم تمـره الشوق لي حديثا ضـم ضـو قمـره الشـوق للبلـد جابريـتـا وكـكـره كان الشوق يخفف والله يبرى جـراح
Post: #257 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-03-2006, 09:14 AM Parent: #1
Quote: لكن يا رفاق بالدغري كلمات بي صراحة بقولا انا كان جنيت او ودرت تبقى ظروفي هي المسئولة
لكن باقِيلَك بي تحِلُّو يا حاتم يا اخوي...
قال الظروف مسئولة قال!!!
والله ما يعرفوهو ليهو إن سَبَّحْ... طوالي ياهو الملحَِّقِنُّو سعيد ود ماهل!!!
Post: #258 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-03-2006, 10:18 AM Parent: #1
إهداء إلى الحبان الطولو من البلد...
أهديكم بنطون مروي شاااااااااحن...
مع كميات مودتي...
أبو الحســــــــــــــين...
Post: #259 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-03-2006, 10:51 AM Parent: #1
بالرجوع لي صورة البنطون الفوق دي...
الحبيِّب د. يس عليك الله تتذكر أيام الذهاب لي مروي الصباح في البرد... ويكون البنطون بايت بي غادي... والواحد يكون مستعجل يركب الفيلوكة عشان يحصل الحصة الصباحية وعم الصول بي صوطُو القبيييييييل قلت ما جربتو داك واقف برة إلا الواحد يمشي بي وراء يدخل بي حوش الداخلية!! ... كانت أيام حليلها...
دكتور يا سين سلام يا المبروك والله كلو كوم ووجبة الحاج كوم حرف بملاح شرموط وبصلة خدرا وبعدها كوز مويه بارة من الجر بكوز اللييل تليص ترد الروح وتمرق صقع الجليد الدخل في عضامنا دا يا سلام يا سلام
اديك العافية يا دكتور
Post: #263 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-04-2006, 01:37 AM Parent: #1
Quote: دكتور يا سين سلام يا المبروك والله كلو كوم ووجبة الحاج كوم حرف بملاح شرموط وبصلة خدرا وبعدها كوز مويه بارة من الجر بكوز اللييل تليص ترد الروح وتمرق صقع الجليد الدخل في عضامنا دا يا سلام يا سلام
اديك العافية يا دكتور
الله يبارك فيكم يا شباب...
والله قاعدين ترجعونا لي أيام... حلوة وجميلة لكن حليييييييييييلة... إنت عارف يا أُستاذ/ خالد أنا العجبني شنو في الصورة دي... طبعاً كلها... لكن عليك الله الراجل القاعد يلقط ليهو في تميرات في الجردل الأحمر... (ونوع الجردل دا ذااااااااتو هسع ماهو في)....
الله يديك العافية كدي في عضيماتك يا يس يا اخوي...
كميات مودتي...
أبو الحســــــــــــــــين...
Post: #264 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-04-2006, 03:10 AM Parent: #1
Quote: ليك الحق
شان ولدوك فوق اسفنج
وحتى أول جديد سوهو ليك بالبنج
وهسع هوايتك إنك تلعب البنق بونق
وليك الحق عشان فطموك بعد مازدتا فوق سنتين
وفى سن عشرة نومك كان على الليدين
غطاك بالشاش وفرشك بحرير الصين
والبتدورو كلو بتلقى غاب قوسين
ابوك مليان وجيبو سمين وقلبو سمين
وفاتحلك حساب فى البنك والتأمين
الإخوة الكرام...
بالرجوع إلى قصيدة هوي يا وليد... والرجوع إلى تعليق د. يس أخذت الإقتباس أعلاه وعندي سؤال...
أول جديد سووهو ليك بالبنج...
يعني ما بالقصبة يا د. يس؟؟؟!!
والله يجازي محنك يا د. بادي...
كميات مودتي...
أبو الحســـــــــــــين...
Post: #265 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-04-2006, 06:01 AM Parent: #1
كتب أُستاذ/ خالد علي المنسي...
Quote: تعقيب على قصيدة الشاعر الفحل الطيب محمد ود بادي ود محمد سعيد العكودابي,,
نظم هذا الهجاء وكما قال في حق ولد بندرواي من اللذين أطعموا بملاعق من ذهب. والحصل كانت مشداة بين شاعرنا وذاك الولد في أهمية الريف بالنسبة للحضر وتأثيره عليه. والظاهر الوليد رمى ليهو كلمة في حق الريف هيجت ود بادي وحركت قريحة الشعر فيه. ونتمنى أن يسلط الله على ود بادي كل مرة وكل يوم مثل كذاك الولد حتى يشجي اسماعنا بقصيدة كهذه.قال ود بادي كنت جاي من الريف للجامعة في الخرتوم البندر اسود السنحة أغبش البشرة مثل عود الطنضب اليابس الحرقان وكان هو مثل قصبة الصفاف لين يتقصف بين الأصابع تتدلى سلسلة على جيده. وبرضو ود بادي يقول ليهو هات صدرك مع صدري.
فعلا كانت المقارنة شبه مستحيلة أو معدومة بينه وبين الوليد الذي حرمه حتى من صفة ولد, استخفاف به وليست حقد عليه, الوليد مولود لما كان في الفة فوق اسفنج وابوه فاتح له حساب في البنك والتأمين من وحتى ختانه كان على الطريقة الحديثة بالبنج, وطبعا طبيبنا ختن بالموس والقصبةوسواها ليهو بصير الحلة أو مزينها.
في هذه العملية ( الختان بالقصبة ) كان يدخل لب القصبة في الغلفة ويربط الجزء المراد قطعه بخيط ومهمة لب القصبة حتى يفصل رأس القضيب من الغلفة.وبعدها يقول المزين للصبي أبشر.... وهو يردد ماباشر... ابشر... ماباشر وبعدها يشّدهو باي شئ مثال ( شوف الحدية ديك يلتفت الصبي ليراء الحدية ) وتف يقطع الغلفة بودون بنج وبعدها تخاط. تفاخر الشاعر بصور ولوحات جمالية رائعة تصور حال الناس في الريف وهي صور تخلب العين للعايشها يسمو بها وللذي لم يعشها كان التصوير دقيق وأجمل مافيها كان تنقل الفحل ودبادي من صورة لاخرى.
اللوحة الأولي حياة الطفولة في الريف. الخوض في الوحل والطين, وشراب الموية من الترعة وفي الغالب تكون بدغلوبه وروث البهائم, والمقيل تحت الشدر وتعلم العوم في سن مبكرة حتى يصل الواحد منهم لمرحلة تمكنه من السباق مع الوزين وعكس الموج نعم... نعم هي حياة كل اطفال الريف وقد صورها واجاد.
الصورة الجمالية الثانية هي صورة موسم الخريف في تلك المنطقة,وكت البروق تتراقص الرعد يدوي في الظلام كلعنات الجن, وزاد جمال الوصف حين مثل صوت الزيفة لما تهب علي جبال النقعة ( وهي منطقة قبل بانقا ) (( فووووو )) كأنه صوت نفخ على صور. وبعدها تأتي وصورة الحصى عندما يجرفه السيل علي حافة الوديان ويرقد على حافة الوادي بعد انحسار المياه عنه كالؤلؤ والمرجان, وفي وسط هذا كله صورة انسان المنطقة الفرح ..المفجوع ..المخلوع..من خير ما تجلبه المطر وشر عواقبها عندما تتفرطق صاعقة وتكب النار الدمار .... تلقى عرق مقلوع.. فرع مكسور.. جمال غرقانة بحاله... والانسان نجاته تكون في ابسط الاشياء التي يقدرها له المولى... مثل ان يمسك في قرون تور ولا عودا ماكن جارفو السيل.
في المنطقة بين شندي والخرطوم توجد الكثير من الوديان التي تأتي بالسيل مثل ( وادي العوتيب وهواكبرها والعروس والكربكان وغيرها.. )
اللوحة الثالثة وهي وصف لايام السدور للمراعي.. وهي عادة اهل تلك المنطقة قبل موسم الخريف ونزول المطر في مناطقهم بتكون مراتع المراعي في مناطق الجنوب الشرقي رويت تب بالمطر, لذا بسدروا الخلاء ببهائمهم.
هوي يا وليد حصل سادرته بالديداب إلى ...... خلاف برقا يشيل حرقاص أو رعداً تقول رصاص وكت اتفركع....
واللوحة الأجمل هي تلك التي وصفها عندما تصحو بعد نوم عميق تحت فردة نسيج النقادة بصوت شتماً بعيد مخنوق ويجيك الصوت من بعيد وتقوم لاك مخلوع ولا مفجوع لكن بدافع مجهول يسوقك سوق للدلوكة وتتابع الصوت للحفلة متلفح توبك الجرجار. وصف ودبادي واجاد وابدع في لوحة الحفل والفورة بتحصل بين الناس الحضور لما تشوف صبي تالي ضرعاتو ( ابشروا بالخير ) وتتفجر ذغرودة تطلق في الجلود النار وفي ديك اللحظة بتقوم نوارة السمحة من البنات ترقص وتهج الداره وتودي صديره قدامه وتميل زي البان ينكبو الجنيات في الداره دايرين البطان وكل منهم يحب ان يثبت لها شهامته ورجولته. وطبعا لكل شئ اصول ( والشبال بحقو ) يعني الداير يشيل شبال من البت لازم ياخد حقو معروف و قوانين البطان متعدده ومنها مثلا ان يكون العريس عزيز عليك فتنجلد في زواجه أو ان يكون العريس انجلد في زواجك وانت تقوم تنجلد في زواجه وتوفي دينك ومنها التحدي ( الدق سداد ) وغيرها.
وجمال تصوير الشاعر لأخوان أم شلخ يصطفو في روق عارية اعالي اجسامهم مغطاة اسفلها وكل واحد مرتكز على عصاه المضبب ومقدم كراع ومأخر الثانية كأنه تمثال أصم والطاقية محدره وهي هدية من الحبيبةوما مشرية من السوق .
والعنجاوي الجلد به في البطان يحتاج لخبرة ومعرفة وعلى الذي يجلد لا يهوى به بل يخرته خرت حتى يغرز في الجلد. آخره يبدأ صائب للترقوة وهي عظمة الكتف وينحدر لتحت حتى يصيب طرفه الضلع القصار.. والجنى واقف زي الحيطة لا يحرك رمش لا بدن وبعد ما ياخد حقو يمشي متبختر ويرش بالدم بنيات اعمو ويزغردن ليهو وياخد شبالو ويمرق أو يعاود مرة اخرى.
الصورة الاخير هي صورة الصراع الحلو المر المذاق بين الناس والنيل فيه حياتهم وهو مصدر الخير والأمل وايضاً فيه ممات البعض منهم .....والبحر بياخد عوامو,,,
في هذه اللوحة بدأ شاعرنا في تسأل وصفي جميل وبديع للوليد ,, هل جربت العوم في البحر ايام التساب وفي مخانق النيل ( الشلالات ) وهي أيام يصعب العوم فيها حتى للخبير به. ثم عرج لفعل النيل في تلك الايام بالأرض يحزم ويطفح الكيل ويحفر بجريانه ويهدم الجزاير ومويتو الهايجه تبلع جب... وصورة العشاري وهو اكبر انواع التماسيح منشري في الرملة معشعش بين نوايبو الطير... نعم كان تصوير دقيق وبعين شاعر مرهف يحس وما يمر علينا عابراً كأنه لا يهمنا....والتمساح العشاري ومرق لانو المياه طمرت جزائره موطنه الذي يعيش فيه,, وفي زخم هياجان النيل كانت هناك مركب تصارع في الهلاك كسيرة الجناح يلفحها الموج يمين وشمال ويجاهد النواتي ويصارع في الامساك بالمجداف ويقوم لا فوق ويرجع تاني للدفة يحكم السيطرة لكن في نهاية الامر يروا انه لافائدة مع عتاوة الموج وخيروا النزول للج الموية وفعلا كان... طفروا في قلب الموية وهم طبعا ولاد النيل يعرفهم ويعرفوه وهم تماسيح في العوم ساعة يعومو بالضرعات وساعة يفجو الموية فج ومن ميزات الانسان العوّام ان لا ينبل صدره يعوم كأنه واقف.
وبعد ما تاه شاعرنا مع الاشواق وحال اهله في تلك الديار تذكر الوليد البندري ورجع ليهو وقال بلسان حاله صه يا ود صه يا ود اعذروني في التعقيب لكن ودبادي حملنا نحن كمان في الاشواق وكنت احس كل كلمة وكل تعبير قاله مما دفعني دفع للتعقيب فأعذروني ان اثقلت عليكم لكن حملني الشوق والحنين للبلد وناس البلد
إنت عارف يا أُستاذ/ خالد من أمس أنا داير أعلق علي تحليلك الرائع اليَجِم الروح دا... ماعارف الشَدَهْني شنو...
لكن كلامي هو بس... الله يخضِّر ضراعك ويديك العافي... أما أشعار ود بادي ياني منزلها ليك مطر... بس أبقى قريب...
جينا نسلم علي الحبان ونبل الشوق من ناس بعنيب لي ود رغمان
Post: #268 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-04-2006, 09:27 AM Parent: #1
Quote: السنجك ابو الحسين ,
و عموم عيال شايق,
سلام مطبوق ,
من كمين زمن و انا بنتاوق بى جاى و ضمى مانى قادرة اجر لى حرف اها نحمدك يا الله الفكيت ساجور كيبوردينى !
عارف يا ابو الحسين : من اجمل ما سمعت من شعر منطقتنا المغنى اغنية (يا وفا) و هى وصف رقيق لمحبوبة تفيض رقة و اكثر من تأسرنى من كلماتها :
(ايدك تتعبا الهبابة و عيونك متعبانا قبيلى )
اها شوفو جنس الوصيف السمح ده!
مودتى كيمان كيمان كيمان ,
نادية السر
بتنا نادية السر...
مرحبتين حَبابك واليوم السعيد الليلي جابك يا فريع البان...
يا هلا بيك... والحمد لله اليوم القِدِرتي لقيتيلك درِيباً جابك لينا...
كم قبلك أُخوات تاوَقَن ناس منى خوجلي وبت البدوي والقلب النابض وكتيرات جَن وروَّحَن... وتاني عيناً ما شافتِنْ...
بالرجوع إلى قصيدة وفاء أو الوفائيات للأخ الأُستاذ/ الشاعر الحاج محمد سر الختم... فالحاج دا من أميز الشعراء الكتبو في الغزل الممزوج بالهيام الهااااااااااري في القلب... وكتب كثيراً في وفاء وأجاد ويمتاز شعره بالحنية والنزعة الروحية الشديدة في معظم أشعاره والحكمة الموحاة من الحياة الصوفية وأيضاً الخيال الوااااااااسع ويظهر ذلك في نفس قصيدته وفاء ومنها البيت التالية:: حين يقول...
جاتني أمس العشيي (بليبة)... تبكي من الزعلي تشكيلي...
قَالتْلي الجمال سبناهو... مسَّخ بي كلامها هديلي...
لاحظي معاي هنا يعني القمرية لمن جات تشكي أصلاً ما عندها مشكلة في الجمال... يعني بالدارجي كدي يا (وفاء) الجمال دا خليناهو ليكي... كمان جايي تمسخي علينا الهديل وصوتنا الجميل النحن قاعدين نفاخر بيهو وسط خلق الله؟؟؟
فالحاج رجل فنان... وأنا إنشاء الله حا أحاول أنزل القصيدة دي كاملة لأنها فيها ما فيها من الجماليات... ونحاول كان لقيناها بصوت الأخ الفنان طارق العوض ننزلها تكون الناقصي تمت...
كميات مودتي لك أختي نادية... وإقامة طيبة نتمناها لك بين أهلك وأحبابك السناجك... وأبقي قِرَيْبِي...
أبو الحســــــــــــــــين...
Post: #269 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-04-2006, 10:11 AM Parent: #1
د. يس سلام...
الفي الصورة الماسك الطنبور دا... دَحِين ماهُو عبد الله ولد علي ود إحمد ولة واحداً يشبهُ!!؟؟
أبدعت فيها الصور دي والله يا الحِبيِّب...
والصباح الصينية المدنْكَلة (العلَّق عليها أُستاذ/ خالد) دي ما شفتها إلا هسع... حكاية في قمة الروعة...
يلا نسافر فوق الكلمة نشيل الزاد احلام وردية نحكي حكاية الزول القيمة الزول العاش للخاطر الحية عاهد نفسو ببذل الروح علم كيف العزة تكون شال امالو كتاب مفتوح مشروح وتروح من بينو قضية كان مكتوب في اول صفحة وطن مزروع حنيه وقمحة ومدن مصقولة عوالم سمحة وناس بتعرف الناس من لمحة كان مكتوب في الصفحة التانية طفلة تقالد الغيمة الحانية ونخلة بتهدي قطوف الدانية وهاك البلد الغالي هدية اغنية فيها تلاتة مقاطع مقطع شال لون الدوبيت ومقطع شال نفس الجراري ومقطع طالع من قمرية كان مكتوب في الصفحة الرابعة طالب بيقراء وعيونو متابعه خريطة البلد العالي الغالي وموية النيل المنها نابعة وعز موصول للصفحة الرابعة وشوق موصول للصفحة المية يلا نسافر فوق الكلمة نشيل الزاد احلام وردية ونحكي حكاية الزول القيمة الزول العاش للخاطر الحيه
يا سلام يا حاتم الكلام حلو وجميل لكن الموضوع يهز جبل الداير ومرة الكلام بشبه كلام شاعر شاب أبن الشاعر المتمرد ود الدابي كان ما خاب ظني أدينا من العيار دا الواحد لما يكون متكوك بعجبو زي الكلام البألم دا لك الصحة والعافية يا حاتم وتسلم يا اخوي
كان برواز في الخلوة معلّق فوق برواز الجد الأكبر يا برواز الصبر جميل
الحزن المالح عطّر فرح الحلّة في ليلة الدخلّه الحزن المالح قطع الخرزه وقلع الرشمه مبروك الصرخه الأولى علي لسنّات الحضروا المولد جات محتشّمه في جاه الحلّه الشايله الحفّه
لا سيره تدق لا زين لا حق لا عمه تحن لا خالة تحنن ولا إخيه... حتى الزغروده الأغروده مجروحة..وباهته.. وملغيه كل المواعيد ضحكات العيد أحلام الريد الأغنية صبحت مهزومه ومتكيه في جاه الحلّة الشايله الحفّه
عربون الفرحه الفي العينين مافرهد مات يا يوم العيد دمعات أماتنا علي اماتهم في العيدين ماهن رحمات يا يوم العيد في جاه الحلّه الشايله الحفّه
القسمه تفوت أحلى البنوت لا الغائب عاد لا لحقّن خيلهن في اللفه
وبقول غنوات وأقول غنوات في البلد البسيّر جنياتو لقدام وللولد البتل ضرعاتو في العرضّه ويطير في الداره صقريه
ولو السمحة تلت آيد ومدّت جيد يقوم شايلاهو هاشميه وإشيل شبالو ختفّت ريد وريدت روح وحمرة عين وإيديه
ويا الولد البشيل مدقاقو قولة خير علي القمره قابل الجايه متحزم ومتلزم كلام فأسك علي أرضك يبقى عديل يا بيضا ويبقى زفاف تزغرد ليهو قمريه قبّال حول تغيم غيمه قبليه وترش الداره والحدب الصعيد الحلّه يا رحمة نداوة الصفقه في النسمه الصعيديه ويا جهرة نهار الليله لما الليله بدريّه وحس جنياتنا في الحدب الصعيد الحلّه
يا قمحاتنا هولب لب ويا اللوز الفتق في الوادي هولب لب ويا سمحاتنا هولب لب ويا البحر الطمح مدادي هولب لب ويا حجواتنا يا صلواتنا هولب لب
سألتك بالذي ركز الأرض معبد... وسووا الفأس عليها مقام سألتك بحشا الأمات ودمعاتنا شليل وين راح ؟ يكون خير الخريف فاتنا شليل وين فات ؟ وزي برق السماك الجابها دغشيّه وزي زغروده للبطن الكبارّيه مرق... من شامة القمره مهقد بي وداعة الله ومقدّم بالعديل يبراك تعالوا... تعالوا أبشروا آجنيات شليل ما راح شليل ما فات شليل عند المسور مرق بقالو حصاد شليل فوق التقانت قام خدار وبلاد شليل مسدار شليل مشوار شليلنا أرضنا آجنيات شليل قايم نصايص الليل يتمتم ليلو ورديه حرازنا شليل شليلنا دليب شليلنا دليل علي البلدات بعد درب التبلديه شليل ما راح شليل ما فات شليلنا ونحن هماته ومهاجريه مزارع بات علي عشقين ترب بلدو وسماح فوق بت مزارعيه
لو في طريقه ينذلها لينا.. معى خلص شكري واحترامي...
البت تقول اصبر ..................
البت تقول أصبر الأم تقول أصبر وابوها قال نصبر
جاها الغريب وعقد ما قالوا ليهو اصبر
الأستاذ حاتم طلباتك اوامر لك الود
Post: #277 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-05-2006, 02:34 AM Parent: #1
الحبان صباحكم زين...
أهديكم الصورة دي لامِن أجيكم بي رواقة...
عليكم الله شوفو حلاة وَحْلَة العربيي دي!!!
كميات مودتي...
أبو الحســــــــــــين...
Post: #278 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-05-2006, 03:49 AM Parent: #1
Quote: انتنت عرجون تميره وقايمى قوم عز فى قريره شايله ناجحه وماها صيره وليل نهار غنايا طيره رمت الجدلات حريره ومال جسيم ناعم فطيره عينه سيافه الشهيره ساوى قلبى عديل جفيره خدها الزهره النضيره ومازج الصندل عبيره زين التفاح صديره ويا (حسن )وصف ضميره دى الخلوق جات من عِصيره وهايجى زى مويه الدميره نازله للشبال فى سيره وكل زول شايلاه غيره قالوا ما شايفين نظيره والجميع عشمان نِظيره وهى الخطيوه وكت تديره يمين رؤو س الناس تديره ليك قلوب الناس اسيره وغير غناك ما ليها سيره
الأخ الكريم حاتم هاشم...
نهارك سعيد...
إنت عارف يا حاتم يا اخوي بالدرر القاعد تنزلها دي... بقيت كل عصراوية أحرس وأرجى فيك... لأنك دايماً ردودك بتجينا العصير ما عارف سِر العصراوية دي شنو؟؟؟ يااااااااربي مواعد حش القش ولة تمرين الكورة!!!
أسمحولي داير أرجع شويي كدي للقصيدة وشوفو الشاعر دا أبدع في طلبات الجماعة ديل ولخص لينا الطلبات كلها في ما تحته خط فوق... يعني كلللللللللهم بس دايرين ليهم نظرة فقط!!! (والجميع عشمان نظيرة).. دا تعبير شنو دا!!!؟؟؟
الله يديك الصحة والعافية يا أُستاذنا يا محمد سعيد دفع الله ويردك لي وطنك سالم وغانم من بعد ها الغربة الطويلة...
وكميات مودتي ليك أخي حاتم وواصل إبداع الله يخضِّر ضراعك... ورجاء راجع بوست السادة الختمية بي هناك...
أبو الحســــــــــــين...
Post: #279 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-05-2006, 06:13 AM Parent: #1
Quote: مزارع بات علي عشقين (1) تراب بلدو (2) وسماح فوق بت مزارعيه
بدون تعليق!!!
Post: #280 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-05-2006, 09:32 AM Parent: #1
إخوتي الكرام...
نهاركم سعيد...
القصص دي للكاتب الكبير الأديب عبد العظيم الطاهر... من أهلنا ناس نوري... إستأذنته لنشرها هنا في حوش الشايقية في حلقات... وهي قصص باللهجة الشايقية البلدية المية مية يعني لو في واحد من شوايقة لندن زاغت عليهو كلمة كدي ولة كدي... ما عليهو إلا الإستفسار عنها...
تحياتي ومودتي للأخ الكريم عبد العظيم الطاهر... وللجميع مودتي كلها بلا حدود... القصة تحكي عن شايقي بلدي أصيل وبسيط في نفس الوقت إسمه (حُمَّد إحمد)... وماني داير أزيد أكتر من كدي أخليكم تتابعوها معانا...
حُُمًَّد إحمد التمرجي
الجزء الأول
جاء داخل من لا برَّا ... رمى الطوريي اللَّتُو فوق القسِّيبي المختوتَة في الكيميِّي الغادي من الدونْكا ... عامنو فاطر وشربان الشاي لكن حسَّا لو بى جويعة كدي ... راح على الدونكا فتح التُقُل الليل الكسري , خمش لو سنسني وبقى يقرض فيها ... كورك لى مرتو ... يا آمني .. يا آمني .. إنتي حُمَدَ إحمَد وينو ؟ قالت لو راح يسقي الحمارة ويجي ... قال لها الحماره ؟ والعَز القت لو ودّها سوق ود شنّه ما ساقها شي ...؟ قالت لو لا لا ... إنت العّز بايعها لى شنو ...؟ غلَّبتك في القش ... ؟ القش مو ياهو دا الراقد ... وبرسيمك البى تحت لى الليلي ما إتفرض ... قال لها :- عمو مرسل لو جواب مع ناس ود الفكي ... قال يرسلوهو ليهو هناك في أدبره , شان يشوف لو صِرفه , يدخلو المدرسة الصناعية يتعلم لو صنعه , وإنتي عارفاني معلم الله ... قتا اللبيع العز تجيب لو حق التذكرة ومصيريفات يوصلنو هناك ... أصلو القراعه ما نفع فيها , أقول لو أمش اسقي الملاح , ولا البرسيم البى تحت , يروح يبعج لي الموية في الحيطان نامن يشرقن آب يجيب خبرن ... وديناهو يبقى مراسلة في المستشفى عمل لهن فيها تمرجي , الحكيم إن بقى مرق يقص الراقدين في العنابر , ولا يقضالو غرد... يتحكر هو في بكانو , ويصرف في الحبوب للناس ... دار الزين بت النعيم كان ما الله شافها ساكت , مو كان دار يلحقها الصِح ؟ .. غَمَت لها الحبوب في إيدها قال لها تبلعيهن كلهن أسع ده , المسكينة جابت لها جك موية , وإتفرجَخَت وكَمَدَتِن في خشمها , بى صَمّتِن زي ما هِن , بلعتن ضمّه في ساعتن , نامن جات تزح للناس برا , غالبها تمشي بى كرعيها .. ؟ مشيت إتحمد لها السلامي لقيت جضوما بتل المنقايي المخورني ..., تعاين لي دار تنضم تقولي شي ... وغالبها تنضم , والعوض ود أم الحسين , جاتو الوِردِي , مشى لقى الحكيم ماهو فِي ...,حُمَّد إحمد مسكو طبزو حُقني تحت أباطو... إيدو لا يوم الليلي مدلدلا بتل بت اللِّعاب ... علا يزحها بى إيدو التاني ... حد ما يلاقيني في السوق يسمعني كلمةً ماها ياها ... دار يسوي لنا عوجي الجنى ده ... وأسع شواليتو الليل كريمي ده , بلا فايدي ساكت , البيلقاها كلها رايحي في كرشو , وإن فضل شي يديهو ناس البنطون ويجي داخل اهلو مع العمال , بتل الزول النعيم ... لزيتي بو كرشك وتقنتي بو تسعة شهور على الفاضي غايتو0 حُمَّد إحمَد سقى الحماره وجايي بالدرب لاقاهو بابكر ود النصيح , زولاً كدي كلمتو حاااضري ما قاع يتلفت لها شي ...ديمي عليهو مباري المداديح , ولاد حاج الماحي , يحمس لهن في الطارات اللتن , ويولع لهن في البخور , يَعَشَقْ في المديح , ويتهوزز في الداره نامن يقع في الواطا مغبي ويرشوهو بالموية , وهو الصلاة ما قاع يصليها ... أها وقفوا ينضموا , حمد احمد قال لو:- أبوي عندو عَز جاي يبيعها , قال لي ودّها السوق , ما تجي اللبيعها ليك ..؟ والله حِسَّها سمح بالحيل ساعة تَمَعْمِعْ ... بابكر قال لو :- حسها سمح ..؟ نان ما تعلمها المديح ...؟ خلاهو ومشى على أهلن ...جاء داخل ..كرعيهو تشوفن من بعيد تحلف تقول لابس لو شرابات , من مشي الحفى والحال العليهن ... ملص عراقيهو وختاهو في العنقريب ... عليكن أمان الله العراقي واقف بتل الزول من الكدوب الفوقو ...إن جيت دار تطبقو يتفترن في إيديك بتل الكسري اليابسي ..وأصلو كان لى حُمَّد إحمد .. الصابونة الحلوي دي يبقى ليهو ستة شهور ما ختاها في جسماً ليهو ... بس يمشي يغتس في البحر ويجي مارق يا إندعك لو بى آشميقا يا ما إندعك ... ياهو ده حمامو , أبوهو كورك لو قال لو :- عمك مرسل قال يسفروك ليهو في أدبره يدخلك الصناعيي تتعلم لك صنعة ... قال لو :- آ يابا انا دار اسوي لي كارو إشتغل بها قبلي هني ... أبوهو ردا لو :- كارة أشني ..؟ البلد ملاني كوّارو ... والحمير وقعات في غضب الله ... زمان الناس يحشوا بن القش ويقضوبن مشاويرن ... أسع يا كافي البلاء حماراً تلقاهو مقَيّل في مراحو ماهو في .. جاتن آفة بقت لهن في رقبتن وشقاوةً إنتلحتن ... وأسع الكارو دي الدار تلقاها منها , تأكلك إنت ولا ياكلها الحمار ...؟ إنتا براك داير لك قيراطين اللات قمح ... بلا المريق ..في فد شهير ... أمك واقفي في دابك من عند الدونكا ما قاع تمرق ... كرش الحاجي اللتك دي كارتك آب تكفيها ... حضر نفسك للقطر الجايي خل المحقة البتسوي فيها دي ...
للشاعر..علاء الدين ابشر .............................
أحمد معروف بالطيبة حسن أخلاق وعليها إتربه . . تكفي شهادة ناس الحلة إنو خلوق وخجول ومُربّه رغم حداثة سنو لبس تهذيبو أصالة وهيبة أدي الناس الحب أدوهو حسن الظن بيناتن شبأ خشت فجأة أميمة حياتو وصارت بينو وبينا محبة قلبو إختارها عشان معروفة زولة حنينة وراقية وطيبة دسو الريد في السر بيناتُن وخلّو حبيس دفين ومخبأ وكيف تنضارى متل أشواقن وليه زي ريدُن يوم يتخب وبعد أعوام وصلتلو رسالة جواب مليان تقيل ومعبأ قبال ما يفتحو عرف الراسل باينة وظاهرة رسائل وهبة أخوهو الليهو زمن متغرب تسعة سنين قضاهن غربه مرسل ليهو تذاكر وفيزا دايرو يجيهو هناك في طيبه طار في الأول أحمد فرحه كلم كل الناس والصحبه لما إتذكر أميمة حبيبتو فجأة إنتابو شعور بالخيبه لكن قرر إنو يسافر سرعة يعود ويتم الخطبه لأنو الغربه طريقه قصير وفيها يهون تحقيق الرغبه جاتو اميمة حزينة توادعو جاتو تجفف دمعو الكبه جاتو توصي عشان ما يقوى لا ينساها هناك في الغربه جاتو تطمنو إنو ح يفضل ريده الخالد مهما غبه حافظه عهود الريدة البينُن ومهما كان ح يظلو أحبه أهدتلو المصحف شان يرعاهو من العين والهم والكربه لبّسه عهد الريد في جيده عقد ممهور بصورة الكعبه قامو إتوادعو زين إتباكو فات خلاها وحيدة وخبا سافر شال همو وأحزانو بعد أيام في المملكة غبا لاقو الناس يا زول كيف حالك بالأحضان قام سالم وهبه قالو نصاح ناس أمي وأبويا مشتاقين راجنلك أوبة قالو أحمد: سافر يا وهبه غير جوَّك وروِّق حبه أمك ياخي تلاهي عليك لاخالالا ضريح لاقبه السودان مشتاقلك كلو ضفاف ورمال سواقي وتربه وحتى النيل فرحان راجيك تجي وتنهل من مويتو العذبه بعد أيام كان وهبه هناك بين أصحابو وأهلو وأحبه في حضن أمو الطول منو في حيشانو الواسعة الرحبه قالتلو أمو أخوانك كبرو وما فضلنا زول يتربه بس فضلي أشوفو جديدك وكتين لسع حيه وطيبه إختارولو بنيي سميحي تشع حيويه ورونق وهيبه أديبه وراقيه وكلها عفه وبرضو أهل وقراب في الحسبه يوم العرس الحي صباحي فرح مطبوق والناس منطربه شاق الليل صوت كم زغروده وحس طنبور ودليبن ربه إلا في واحده حزينه وباكيه سايله دموعا دوام منسكبه الفي دموعا سؤال بيحير وفي آهاته أسرار محتجبه وقالو الناس دي دموع الفرحه وغيرا شنو الحا يكون السِّبه بعد أيام ساق وهبه عروسو ساقا رجع لي بلد الغربه سايقو حنين لي كل أصحابو ولي أحمد أخوهو أشواق ملتهبه وصل الباب كورك يا أحمد فتح أحمد بي لهفه ورغبه شاف قدامو الما متوقع هم الكون فوق راسو إنصبه شاف السلسل عهد الريده نفس السلسل وصورة الكعبه شاف قدامو أميمه حبيبتو كانت قاسيه وقاضيه الضربه شاف أحلامو تضيع قدامو بعد ما كانت منو قريبه كانت لحظه تفيض بالدهشه شاف الدنيا كأنها تسبح كورك أميمه...أميمه وصنقع صنقع ودنقر.. ودّر وغبى وجن أحمد في نفس اللحظه جن الريـد..ما أظن بتخبأ
وين قايم مسافر ماشى خاليها الديار خربانه وانت عارف رحيلك بعدو تتعوج وراهو قفانا ما بنحمل فراقك لحظة يا القمرة المضوي سمانا كيفن هسع حالنا معاك لامن دار تفوت تنسانا اسأل مرة قلبك قلو لو كان ليك قليب بأمانه يا خي هل يوم فى الخيال طارينا او ساكت خيالوا غشانا الليل لو كان بالدلال خصاك ربك بالنوح خصانا يا خى بس صون العهود البينا تحصد من ثمارا وفانا زولا عالى جد فى قدوا سامي وعندو بينا مكانه يا خى شوقنا المستعر لى لقاهو من قبل السفر هزانا الله من غصنا نادي يتمايل يحاكى البانه ياخى حافاهو الورود بالخضرة نايم للزهور فى حنانه ينده للنسايم هابي منفوح بالعطر رويانه ياخى هيجتا فينا لامن بالوصف اعيانا
Quote: وديناهو يبقى مراسلة في المستشفى عمل لهن فيها تمرجي , الحكيم إن بقى مرق يقص الراقدين في العنابر , ولا يقضالو غرد... يتحكر هو في بكانو , ويصرف في الحبوب للناس ... دار الزين بت النعيم كان ما الله شافها ساكت , مو كان دار يلحقها الصِح ؟ .. غَمَت لها الحبوب في إيدها قال لها تبلعيهن كلهن أسع ده , المسكينة جابت لها جك موية , وإتفرجَخَت وكَمَدَتِن في خشمها , بى صَمّتِن زي ما هِن , بلعتن ضمّه في ساعتن , نامن جات تزح للناس برا , غالبها تمشي بى كرعيها .. ؟ مشيت إتحمد لها السلامي لقيت جضوما بتل المنقايي المخورني ..., تعاين لي دار تنضم تقولي شي ... وغالبها تنضم , والعوض ود أم الحسين , جاتو الوِردِي , مشى لقى الحكيم ماهو فِي ...,حُمَّد إحمد مسكو طبزو حُقني تحت أباطو... إيدو لا يوم الليلي مدلدلا بتل بت اللِّعاب ... علا يزحها بى إيدو التاني ... حد ما يلاقيني في السوق يسمعني كلمةً ماها ياها ... دار يسوي لنا عوجي الجنى ده ... وأسع شواليتو الليل كريمي ده , بلا فايدي ساكت , البيلقاها كلها رايحي في كرشو , وإن فضل شي يديهو ناس البنطون ويجي داخل اهلو مع العمال , بتل الزول النعيم ... لزيتي بو كرشك وتقنتي بو تسعة شهور على الفاضي غايتو0
الحنين ابوالحسين سلامات وعافية درت والله زولك دا اجلح تب مرمي الله ما بترفع
خمســـــين سنة لأرض الجزيرة أم دوح عندما ضربتها لسيول والأمطار محمد طه القدال
خمسين سنة وآيدنا في طول مدّهن لا فترنا من مد اليدين لا صدمه جاتك يا رحم
يا يمه عرسك كان دلاليك الهنا ويا يمه عرسك كان قبل كمين سنه وأمس القريب قت لي جايني الوحم
ربيتي كم ؟ اسبيتي كم ؟ عمرتي في ها الأرض كم ؟
رحطك قطيع يا يمة من مجدت جناك في الأرض في الزمن الزمان الليله يا دوبك بكر
شلخة نصيبك يا أم عرض مكتوب تصيبك في الأرض وما بغنّي ليك شيكر وما دمع برميهو شانك ومترجيك علي معادنا مترجيك
إذما البيت لبخ جالوص ومزبل للخريف عمه وكان جواهو محبوبين وهبابين وخمسة عيال وسحارة وكان في البيت عقاب معزايه للشفع وكان الدنيا يا الضلمه وكان القبله جهاره وكانت غيمه دراره
سبلوقاتنا ما صبّن سباليق جارنا سوّن جووو ويا دميع السحاب نوّح ويا معز اللبن دغّن ويا البقر الطلق بوّح جفل في الزيفة ديك روّح ويا الكللاب يسوّن هووو وقام حتى الجداد كيّك ويا مرق الصنت سيّك وتمسع وردلوب حيطه ويا ابو مروه يا ابو مروه بيت حاجة أم خريف دركان تجيك من الفريق عيطه
وتقرأ أم احمد البسم الله في الأولاد وتقرأ أم أحمد البسم الله في الأولاد
قت لك أمرقي آبنيه هي طينتاً في التراب نيه قت لك أمرقي فرشاً أطير هو شن هباب وشن كراب وتسمع وردولب يا المعزة وقعت ناشفة بين الشعبتين والباب
وقام أحمد يحاوط البيت أسرع يابا شقوق أمسيسي والفاره يا الحوش الصبح ميضه وبدور مركب دحين أبقى البلد خرّف دحين أبقى السرف نعمه أقيدي اللمبه يم أحمد بدور أضهب وكسر الحوش عشان الساس وسيلي علي الحدب مصرف
وكان اب أحمد المهجوم بقرأ الفاتحة في سرو بقرأ الفاتحة في سرو بقول الجات علي مالك مليح كان جات علي مالك تعال آجني وكنكش فوق كتف خيك عاد لا حولة ولا قوة جانا غضب ومويه ركب وداك الحزة كان الحلّة شربت تب
وكان الساس حتل وانماص حتل وانماص
دميع السما ودمع الجهال واحد دمع الجهال في الضلمه كان مالح وكان الحلّه في عينيهم دواره وأصبح بيتنا لتولاتنا كفاره
وشن بتقولي في القبلي المدمع فوق عشاالعشمان خلاف دمع العشم مو نوح وشن بقولي في الصباحي والضهراوي والطوفان وصدرك آمان وحجرك لجناكي ضمان باقية علي المدائن مونة وقدح ضيفان وباقية علي الجناين دوح ومو غيّرك سفينة نوح ولا خابت عليك مسرتنا نتراجك بالدلوكة نترجاك بالسلوكة نترجاك تقوم يا بيتنا بيت الطين شراية يوم لتيبة يوم ولبنايتاً دخدر في مسورنا الجاي ولبنايتاً تخدر في مسورنا الجاي
Post: #287 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-06-2006, 01:45 AM Parent: #1
Quote: دار الزين بت النعيم كان ما الله شافها ساكت , مو كان دار يلحقها الصِح ؟ .. غَمَت لها الحبوب في إيدها قال لها تبلعيهن كلهن أسع ده , المسكينة جابت لها جك موية , وإتفرجَخَت وكَمَدَتِن في خشمها , بى صَمّتِن زي ما هِن , بلعتن ضمّه في ساعتن , نامن جات تزح للناس برا , غالبها تمشي بى كرعيها .. ؟ مشيت إتحمد لها السلامي لقيت جضوما بتل المنقايي المخورني ..., تعاين لي دار تنضم تقولي شي ... وغالبها تنضم
الأخ الكريم خالد...
إنت في شلاقة الراجل دا... ولة في دار الزين دي... كيفِن تصدِّق إنو هو بقى حكِيم (طبيب) يعالج وتصدقو وتبلع الحبوب بي صمَّتِن...
إنت عارف يا خالد يا اخوي أنا القصص دي عندي ليها مدة أخدتها من الأخ عبد العظيم وكلما أقراها أقعُد إتمحن في بساطة أهلنا الطيبين في الريف ديل...
القصص حقيقة دايرة تحليل من النوع التقييييييييل داك... وبجيك راجع لجوانب أخرى من القصة...
كميات مودتي...
أبو الحســــــــــــــين...
Post: #288 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-06-2006, 03:18 AM Parent: #1
كتب الأخ حاتم من قصيدة الشاعر عبد الله التاج...
Quote: زولا عالى جد فى قدوا سامي وعندو بينا مكانه شوقنا المستعر لى لقاهو من قبل السفر هزانا
الحِبيِّب حاتم...
عليك الله شوف جنس الشوق دا...
شوف::: شوقنا المستعر لي لقاهو من قبل السفر هزانا...
دا شوق شنو دا آخوي... هو لسع ما سافر والشوق كاتلو...
الله يديك العافية كدي في عضيماتك يا عبد الله التاج يا مبدع...
وتسلم حاتم هاشم...
كميات مودتي...
أبو الحســــــــــــــين...
Post: #289 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-06-2006, 03:42 AM Parent: #1
كتب أبو عثمان...
Quote: كان زادي : للفنان المبدع عبدالرحيم ارقي الشاعر علاء الدين ارقي
حـبـى أنــا لـيــك كـان زادى وكـان جوه الحنايا دفين كـتّ بـضـــارى مـن الـنـاس وخايفه عليهو من العين عـلـيــهــــو كــت بصــوم وافطر عليهو بكابد النارين كـــت بـحــســب سنـيـن الغربة لما تعود تجينى متين وكـــت بــــرجــاك فــوق الـنــار لما وكت لقانا يحين نونس فــى بـراءة أطفال وفى الحب نروى ننهل زين وكـلــمــا يــوم يـــزيـــد البـيــنا لـمـا بقينا قاب قوسين اتارى أنا كت فيك مخـــدوعه وكم من زي مخدوعين مــا قــايــلاك حـبــيـــب آلاف وقـلـبـــك قبله للضالين ومــا قــايــلاك بتـنسي حبيب صبر راجيك سته سنين وســاهـــر كـم لــيـــالــى طــوال يـتقلب شمال ويمين كـيــفــن يـهــون عـليك تنساهو زولاً كان عليك حنين وتـشــغــل بــالـك الأشــواق لــمــّن تـزبــــل الياسمين كــت دايــراك بـسـمة عريضة فى وجه الزمان الشين وكــت دايــراك سـاعة الحاجة تبقى ليّ دخرى خزين كــت دايــراك مـقــنــع حـوبــه وكتين المضارى يبين وكــت دايــراك فـارس احـلامى تـشاركنى ونتم الدين وكــت دايــراك أمــل بـســام يــزيــل ألم البعاد والبين كــت دايـــراك شـريـك الروح واخدمك حافية القدمين وكــت بـحــلــم بك انت معاي مجرتق بالعديل والزين جنـبـك فـى يــمــيـنــك قــاعــده نـسمع فى دقر يا عين تـبــشـــر زيــن مــع الأصحــاب وتتشـبـل من الوزين أنا الأبـحــرت راكــبه الموج اكيد مرسايا بين موجتين وداعــاً يـا زمـن ظــالـــــم وبــالأفــــراح عـليّ ضنين وداعــاً يـا قـــلــب قـــاســـي لا بـيــحـــــــن ولا بيلين وداعــاً يـا ســراب خــداع محال ما بيروي عطشانين وداعــاً يـا كــلام معـســول حــدو ومكـمـنـــو الشفتين وداعــاً يـا سحـابـة صيــف شايلى مطر ضليلا رهين تبـشــر بـى خـريف جايـيـنا ياما الناس رجوهو سنين كل زولاً يـفـكــر فـيــهــا مـا مـعـــروفـة تـنــزل وين وألف سلام عليك يا قلبي المـسـالم وديمه طبعو حنين يتـاورو الـشــوق ويلعـب بيـهو تنحر فى حشا السكين تـعــاودو الـذكــري تــنــتـر جوا حالو يحنن المسكين أخــيــراً مــى لـيــك سلام وقبل ما تجف دموع العين وقـبــال مـنــى مــا تـعـــدى وقــبــال الفـراق ما يحين بخيت وسعيد عليك إن شاءالله يـبـقالـك عـمــار وبنين وقـلـبى أنـــا خـلــى فـى أنـاتو بـعـدك ياما راجى أنين ولو كــان يــا قـلــب حـبـيـت بـعـدو بعـد قسمت يمين مـا يـنــتـــمّ لــيــك مــراد لا تضـوق لا حلو ولا زين وتفضل طول حياتك تبكى طول عمرك تعيشو حزين وعـمـرك مــا تجـيـك سـعــادة مـا تـتـهـنــا قـول آمين وتـــانـى الحـب عليك حرمان ووعد الحر أمانه ودين .
_____________________________________________
امين عثمان المقل- كافوتة- الحجير
الحِبيِّب أبو عثمان...
نهارك سعيد يا اخوي...
ويييييييييييينك يا راجل فرِد طلة مالها؟؟؟
منتظرين مساهماتك...
كميات مودتي... لك ولكل الأهل والأحباب في المقل والحجير مننننننننننن الحِلِيلي لييييييييييي السعيداب...
أبو الحســـــــــــين...
Post: #290 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 12-06-2006, 06:46 AM Parent: #289
اللوحة الثالثة وهي وصف لايام السدور للمراعي.. وهي عادة اهل تلك المنطقة قبل موسم الخريف ونزول المطر في مناطقهم بتكون مراتع المراعي في مناطق الجنوب الشرقي رويت تب بالمطر, لذا بسدروا الخلاء ببهائمهم.
هوى يا وليد حصل شقيت بطون التيه نص الليل أو سادرت في عتمة وراح منك أبو الضليل واتفرقع مقطع سقط من قصيدة د/ محمدبادي من الذاكرة وقد تكون خربت أرجو من الاخوة المراجعة الأخ الصديق د/ يس ما شاء الله ارشيفك ملآن وكذلك الخليفة ودهاشم بالله شوفو لي أغنية تغنى بها قديماً الفنان القامة محمد جبارة تقول "" عليك ببكي وبنوع يا سيدة مشتاق ديمة طاريك عايك روحي بتروح ياسيدة غرقت في مجاريك.
Post: #291 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-06-2006, 09:25 AM Parent: #1
Quote: هوى يا وليد ... حصل صحاك عز الهجعة صوت شتماً بعيد مخنوق وجاتك شخرة الطنبارى مشتاقاً يسوى القوق ونومك طار واتقسم والرشرش صبح مفروق واتلفحت نص من توبك الجرجار على الدلوكة سايق سوق وتلقى هناك بنات بلدك ولاد بلدك يعلو الصفقة تقدح فى القلوب الشوق ونغم الفال ابشرن يا بنات بالخير والجنيات تطير لا فوق وكم زغرودة تتفجر تفور بالناس بعد ما تروق يعوم الوز صدورو تشابى للمجهول وما بتضوق تميل زينوبة زى البان يمين وشمال تودى الطوق واخوان ام شلخ ينكبو جوه الداره زى صقرا نزل من فوق
الأُستاذ موسى الحسين...
وأنا أهديك اللوحة الفوق دي...
شوف عليك الله يا أُستاذي...
وجاتك شخرة الطنبارى مشتاقاً يسوى القوق
ونومك طار واتقسم والرشرش صبح مفروق
أنظروا إخوتي الكرام لوصف الصحيان جابو كيف عشان القافية...
وأنا طبعاً قرَّطت على المقطع دا وما جبت سيرة الدق والصوط عشان ناس كدي!!! قالو ما جربوهو!!!
الشاعر..قسم السيد عبدالرسول ................................
انا الماساتي ما بتتقال بقيت احسب عميري الفات عذب لا حفلة لا شبال لقيت الفات كتير وكتير مرق لا زوجة لا اطفال تراني فى مهب الريح مريكب لا فحها الشلال بقيت مسحور عيونك ديل اتحجر بقيت تمثال وافتش فى مكانك وين لقيتك فى قليبى هنا .... انا الجرب مآسي الغي تعال شوف كيف حفن كرعي وانا اتبشتنتا يا خلاي فوق درب الفريع الني بقت لى مع العيون قصة مخلفة فوق جروحى الكي خيالن مادوام نافر يحلق فى خلاهو الصي ولا قادر افيق وارجع ولا قادر ادارى البي واشوف غيمك انا العطشان واقول هسع يجيني الري وفكر فى امور الحب وادور في ساقية غير معني ... يا حليلى انا حليل ايام سعادتي معاك وكت كان الزمن بسام يشاور لى دوام ضحاك يضمنا كان هدوء الليل هو لا حس همسة لا كوراك لقيت يا قلب زولك بعد وجعك لقيتو دواك اتاريهو الزمن دولاب قسي ورجعني الف سنه ... طريتا انا طريت السمحة بين اهلها وكت تنزل وكت تطلع مع الحوب يجتمع شمِلها تمد ايديها للمنقة تداعب للجريد قبلها وماهماها زولا فات يقاسي الغربة من اجلها ماخلاني ابتليت بي ريدها افتل فى حبال رمله كمان خايف الجنون يحصل تفوت عقليتي بى قبلها بوريكم مآسي غرامي عشتها وعمرى كان تمنها .
ارادة الله مقدرة قسمة مكتوبة مقدرة فيها نعمل ايه ياتري ما خلاص سايبين القري الزمان كيف جار افتري جانا بأحداثها مدبره هى النفوس باكية محسرة والسفر من غير خاطرها ياهو داك شبح القاطرة فى النفوس باكية محسرة دقة الساعة مؤشرة وحس كبيبية مكسرة والسفر من غير خاطرة تاني لا ونسات فى ضرا لا حسيس نغمة معبرة لا نشوف ليلات مقمره لا حسيس صفقة منقرة .
.....................
حاتم هاشم
Post: #294 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-06-2006, 12:00 PM Parent: #1
اليوم يا الحِبَّان فاقدين فاكهة الدار...
من أمس ما طل علينا دكتور/ يس... إن بقى ما جانا مدنْكِل جرابه بي ود كرم الله ولة النعام زعلاانييييييييييييييين!!!
Quote: إذما البيت لبخ جالوص ومزبل للخريف عمه وكان جواهو محبوبين وهبابين وخمسة عيال وسحارة وكان في البيت عقاب معزايه للشفع وكان الدنيا يا الضلمه وكان القبله جهاره وكانت غيمه دراره
بادر بالسؤال لرفيق الدرب والجار ات يا محمد دا شهر كم فقال له نحن في مارس وداخلين علي ابريل وما بعيد بجي الخريف لكن لي شنو سؤالك ,,, والله يا محمد بدور ازبل البيت لكن ماعندي وبدورك تديني قريشات,, فرد محمد والله ما عندي المبلغ الليزبلك كل البيت لكن بديك مبلغ يكفي تزبل البيت عمة بس يكفيكم شر هدم الأمطار ويستركم وكان وقد حدث. زبالة البيت عمة تعني ان يزبل الإنسان الذي لا يستطيع زبالة البيت كله. أن يزبل فقط رأس البيت وتكون الزبالة نازلة شوية من رأس البيت على الحيطان ولذا شبه هذا النوع من الزبالة انها عمة والجامع وجه الشبة في كل ( مكروبة ومربوطة في الرأس )
هذا البيت البسيط الذي يمثل من مجمل بيوت السودان الغالب الاعظم كان جواهو محبوبين هما اب احمد وام احمد وخمسة عيال كبيرهم أحمد الذي كنيّ به ابيه وسحارة والسحارة هي دولاب يحفظ فيه كل ثمين وقد كانت والتفسير لشباب اليوم اللذين فاتهم زمنها وانشغل أهلهم بتعريفهم بها, وعنزة وحيده وهبابين والهباب هو عنقريب صغير الأرجل ويقرب من الأرض وخفيف بسيط لاحظ معي عزيزي القاري انهم حتى لا يملكون عنقريب عادية وسبعة افراد في البيت وعندهم هبابين فقط. اراد شاعرنا الفذ أن يوحي لانا ويعرفنا عن حالة اهل البيت او النوذج الذي استند عليه في ابيات قصيدته انه بيت عادي بل اكثر من ذلك أنهم فقراء وفقراء وهذا ما طلعوا به من دنياوعلهم يحيو حياة كريمة في الآخرة ونسأل الله لهم ذلك لكل في فقير تعذب وصبر في الدنيا الزايله. في داخل هذا البيت البسيط وفي ليلة مظلمة وكانت القبلة جهاره كناية عن شدة البروق وكانت غيمة درارة داكنة تحمل الخير للناس ولا يتظلموا أن هدمت ودمرت المطر خير وخير مطلق مهما كان.
ود الحسين و البقية التمام سلام يغشاكم مع القموري المقيل فوق نخيلكم وهاكم دي لي ابن كرمكول الطيب وليد صالح في وصف جده
[ ...انه ليس شجرة سنديان شامخة وارفة الفروع في أرض منت عليها الطبيعة بالماء و الخصب, ولكنه كشجيرات السيال في صحاري السودان, سميكة اللحي حادة الاشواك, تقهر الموت لأنها لا تسرف في الحياة.]مؤسم الهجرة للشمال, صفحة 83.
وقال صاحبنا يصف البلد:
[ تتابعت الاعوام, عام يتلو عاما, ينتفخ النيل, كما يمتلئ صدر الرجل بالغيظ, ويسيل الماء بين الضفتين, فيغطي الارض المزروعة حتي يصل الي حافة الصحراء عند اسفل البيوت, تنعق الضفادع بالليل وتهب من الشمال ريح رطبة مغمسة بالندي تحمل رائحة هي مزيج من اريج زهر الطلح ورائحة الخشب المبتل ورائحة الارض الخصبة الظمأي حين ترتـوي بالماء.]عرس الزين, صفحة 32.
التحية لكم أبناء الشايقية وانتم ترسمون لوحات الفرح على صفحات السودان العريض... زادكم الكلمة الحنينة .. وحسيس طنبوركم يهمس في أذن كل محب ... جينا نتاوق ذي كل مرة...لكن لا بد من الرجوع..لكم التحية..
مالى أنا كل ما أقول فى نفسى إتلمينا ألقى أقدارى تضحك لى تقول كضِّاب وكل ما أعمل حساب لظروفى زى الما عملت حساب مالو فراقنا مترقبنا دون خلق الله واقف ديمة عند الباب وأعمل إيه عشان يختانا جاى أو جاى وبينَّا وبينو يبقى حجاب ونشوف الدنيا موكب فرحة لينا تغنى بى ترحاب وتدنى عليِّا آمالن بشوفا سراب ويهل سعدى ونجم سعدى بعد ما منِّى طوَّل غاب وأقيف خاشع وأقول يا الله كل النَّاس يكونوا أحباب بكتب ليك وأطوِّل فى كتاباتى يفيض إحساسى وأملا الدنيا بى كلمات خطاباتى بجمع ليك لغات الدنيا وأكتب ليك بى لغة العجم مرات وبالعربى الشديد وفصيح وبى لغة الملايكة أحيان وبالسريانى والتسبيح وفوق كل ذرة فى ها الكون بكتبا ليكى وارسلا فوق بساط الريح بكتب ليك على الأشجار وفى الأنهار ومحل ما تمشى قدامك تلاقى حروف رسالاتى لأنك إنتى من ذاتى وفى ذاتى يا ذاتى ومهما كتبت ما بقدر أعبر ليك عن الجوايا مهما طاوعت أقلامى كلماتى وليه ما أكتب وإنتى الماضى بى أحزانو بى أفراحو والمستقبل الآتى كتاباتك شوية خلاص ورسالاتك شوية خلاص علىَّ الفى منامى أحلام علىّ الفى صحاى وسواس وأنا الراجيكى تكتبى لىَّ كم دفتر وكم كرَّاس منَّها داير أفصِّل جبة وانْدروشْ وكمان طاقيِّى فوق الراس ومن كلماتا أسوى السبحى والبخرات وكم حجبات أداريبن عيون النَّاس كمان تقروقة وفى محراب هواكى اجلس مع الجُلاّس واخلى الباقى واتغتابو لو بعدك غشانى نُعاس أنا الراجيكى تكتبى لى كتاباتك تكون فى الظلمة لى نبراس أنا العايش فراقك لى بشوفك فى عيون النَّاس وعازرك لو كتبتى قليل رضيان بيهو ما دام بى وفا وإخلاص أريت يومن فرقنى معاك يكون محذوف من التاريخ وتبقى أيامنا ستة ونبقى فيها قراب أريت بلدن تحرمك منى لو ما إنتى تبقى خراب يسكن فى خرابا البوم ويتصايح عليها غراب تولِّع فيها نار الله وتصبح كوم رماد وهباب وتمرقى إنتى والنَّاس المعاكى قراب
Quote: سبلوقاتنا ما صبّن سباليق جارنا سوّن جووو ويا دميع السحاب نوّح ويا معز اللبن دغّن ويا البقر الطلق بوّح جفل في الزيفة ديك روّح ويا الكللاب يسوّن هووو وقام حتى الجداد كيّك ويا مرق الصنت سيّك وتمسع وردلوب حيطه ويا ابو مروه يا ابو مروه بيت حاجة أم خريف دركان تجيك من الفريق عيطه
وتقرأ أم احمد البسم الله في الأولاد وتقرأ أم أحمد البسم الله في الأولاد
ما أروعك يا القدال في الوصف لما يكون بالك رايق تغوص في أعماق بعيدة وتقلع لينا نحن محبي شعرك بمفردات وكلمات اندثرت وغنّاي مات. تأملوا مفردات القدال في المقطع أعلاه تجدوها بسيطة هينة لينة, لكن عندما جمعها ونضمها في عقد بسيط خرجت في شكل عقد من الؤلؤ المنضوم. والله في كل مرة أقرأ فيها هذا المقطع احس أني في ذاك الجو مطر صابي جوووو بروق تشلع رعود تدوي شهفوفة صوتها يسووي فووووووو صوات مكتوم من بهائم صرخة ملهوف يستنجد صوت المصارف ليها هدير والجداد ملوم في ركن القص يغطي بعضه البعض بالجنحات الغنيمات منزويات في ركن الزيبي وكل واحدي دايري تضرب الركن ...مدافسه شديدة أسعد الله ايامك شاعرنا الفذ محمد طه القدال
تعال قص البلد وأرجع تعال أدي الغُبش طلة بقالا الليل غـُتا ومُقـنع سُترتك يا صباح الله ضُراعك ِمدو لي رضع ضروع أُماتة قطن قط مراكب شوفا لا مشرع ولا بان في مداهن شط تعال يا شافي يا كافي شموخاً في زمن منحط من الفي تعال بجي المافي معاك وهطنا وإتوهط تعالنا نحـن من شـفع نفك الحيرة بي حيرة متين ما الليل يصن نسمع وراء الآهات غُلب نوره أبوي قالولنا جيبن دا صباحات الله بخيره تويب أمي الزمن هدا صباحات الله بخيره وصباحات الله لاقيته لا كراسه لا قلمه صباحات الله لاقيته ململم في العيون ألمه صباحات الله لاقيته تجود في الضحى وتضفر صباحات الله لاقيته تليس في شقوق بيته صباحات الله لاقيته أكان لاقيته في مشرع مكان خليتا تتوجع اكان لاقيته في مستشفى فطن إنداي جامع سوق محطة ملمة أكان في بيته أو مصنع محل لاقيته تنذمر مكان خليته تتوجع تكد تكدح تباصر كم رجاء أتقطع أبت تطلع من المدفع طلع خازوق خوازيق البلد زادت طلع نمراً وراهو ضباع وضاع ما ضاع وكان ما كان يفيض النيل نحيض نحن يظل حال البلد واقف تقع محنة طلع خازوق خوازيق البلد زادت سألت عليها مشيت ومشيت مشيت خشيت على حلة لاقيت شعاع ضال من ضو صباح الله لاقيت شعاع أسمر قاعدلو فوق بنبر كابي المُرس يسكر قنبت جنبو معا دار الحديث ما دار حدثني بى حرقة حبيته من جواي .. حبيته حبيته في الحلوة والمُرات شايله القُداحه معاي آدتني وأديته حبيته حبيته في يوم من الأيام هلوس مع الفجاج هلوست دون أحلام من دكة الحجاج ضلوا الشمس ريحين واحد عماك يا أم زين والتانى لفحك وطار باعوني للفرقة باعوني للدولار ملعون أبوك فُرقه ملعون أبوك دولار أنّ الشعاع الضال أنينا أنينا صنّ الشعاع الضال صنينا صنينا ما صن غنى و قال غنالي بحرقة غنالى يا هاجر عقبت يا باكر قاطعني يا هاجر رددت يا هاكر في الضلمة أولادك في الفيها طول اليوم لا زاده لا زادك يا مرمى لا ضل بيت لا أرث أجدادك يلا وجراحاتك طحلب ضلام الليل دهده صباحاتك السولبك خلاك برد الخمور مفتون في أفقر وضع ختاك فاجر وسخ مافون يلا وهياك يلا لاعن صباح الله صبح الغُنا الميمون صن الشعاع الضال غنا الشعاع الضال ما صن غنا وقال يا هاجر التسعى بين الوطن والبال باب الفجر بفتح فتح القلب موال فتح اللبق في الصيف تالا الشتل تربال باب الفجر بفتح يا وضع يا دجال باب الفجر بفتح عند دقة الرجال غنا الشعاع الضال غنينا طولنا سوا شال النغم عتال بايتين عيالو قوى باكرنا سترة حال ياكر رغيف وروى باكرنا بقة فال باكر كتاب ودوا باكرنا للأجيال ينشر نور وهوا لا تلاقي فيهو وبال لاهم بُعاد لاجوى باكرنا يا ضلال لسع بلال ما زال وما دام بلال لسع على الرمضا وهجير يلسع ما دام في أطفال بتتوجع صباحات الله يا بيضا وحيحة نوره لاهسع فجيعة يا نوره يا فُقرا ترف من شدره لى شدره تلف الدنيا كايسالكم صباحاتو ما انتو بقوا من الأرض مطره تعالى وشى الوطن دركان عساكر آخر الزمن واطه تعالى وما على كيفك تعالى وريحي الواطه بلدنا أن جيتي دي الكوكب تعالي من اليسار شمساً تشرق الغربوا المركب تغربي يا غرب يا باني الكلب يا تجار الموت والرعب لو ريح ليلكم طفى الصحوة نسل الصحوة في جوف الشعب ِبقى وضوي نواحى الدرب التالا الفجر الوطن القلب القلب الشايلك وما ختاك وكان ختاك أبداً ما خطاك بس يا نوره الصاح و الصبر لمي معانا قُطنة البدري نغزل منها كفن الليل ننسج منها توب الفجر فجرن تكسو محنتو الفُقرا من التعب البلا صالح يجبد الكُدّح الأُجرا يلا بوليس بلا أجرا شنو الخايفينلو يا فقرا بيوتا جنها المطره دقيقاً ما يفك الريق سمكتن مافي في بحرا شنو الخايفينلو يا فقرا شديراتن بقت حطـبه تمرتن ما تفك طلبه شنو الخايفينلو يا فقرا بهيماتن تسوى الميع مغبش كالترب بصرا شنو الخايفينلو يا فقرا كلبتن لا قلب لا حيل هوت في شبح فوق خيل كان يتداعر آخـر الليل نرت والشبح حدره صدت للصريف فتره كان صوت الرصاص قفره أنَّت والخلق نايمين صنت والخلق نايمين عفنت البلد يومين كلب العمدة جاب خبره شنو الخايفينلو يا فقرا شنو الداخرنو في متره أبو الأربل لأبو الواسوق أبو المحرات وساقية تسوق لأبو بقره يا بقر السواقي السايقى للأمرا شنو الخايفينلو يا فقرا أبو البوليس إذا ما كان أباتم من طرف فقرا يحرسوا القصر للتلفان وللفي الليل زنى ودعره ويقوموا مع النهار وزراء أبو البوليس إذا ما كان أراضيهم يبس شدره يحرسوا طلمبة الجازولين يقيفوا على البنوك غفرا إذا ما الشارع استنفر غبش عزل بستنكر على القيصر خساستو تقول للغيم محل مطرك قراب منك دالفينك يضم صدر الوطن حاني يهز للظلم ساساتو تحن لباكر الأخضر يعم بى خيرو ناسـاتو تنادى الفارس الأسمر تطالب بي قصاصاتو من الفجار من العسكر ابو البوليس إذا فكر يفك فيهم رصاصاتو أيا بوليس أيا نازل من المريخ جباة الدم من التاريخ أيا واقف لهم كالسيخ تقيف لنا لامتين دغري حقارتك تبقى في فقرا فضيحة فجيعة يا بوليس وجايين من فرد شدره جنانا العاق متين تصحي تشوف الحاصل المزري متين تدري بأنو الصوت ده ما مكري معتق للوطن دغري و بأنو الجاري ما منك على صدر الوطن يجري وخطاهو التيربت قدره تلاقى الفـجر والفقرا
............................................
منقول
حاتم هاشم
Post: #302 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-07-2006, 02:02 AM Parent: #1
Quote: Quote: إذما البيت لبخ جالوص ومزبل للخريف عمه وكان جواهو محبوبين وهبابين وخمسة عيال وسحارة وكان في البيت عقاب معزايه للشفع وكان الدنيا يا الضلمه وكان القبله جهاره وكانت غيمه دراره
Quote: بادر بالسؤال لرفيق الدرب والجار ات يا محمد دا شهر كم فقال له نحن في مارس وداخلين علي ابريل وما بعيد بجي الخريف لكن لي شنو سؤالك ,,, والله يا محمد بدور ازبل البيت لكن ماعندي وبدورك تديني قريشات,, فرد محمد والله ما عندي المبلغ الليزبلك كل البيت لكن بديك مبلغ يكفي تزبل البيت عمة بس يكفيكم شر هدم الأمطار ويستركم وكان وقد حدث. زبالة البيت عمة تعني ان يزبل الإنسان الذي لا يستطيع زبالة البيت كله. أن يزبل فقط رأس البيت وتكون الزبالة نازلة شوية من رأس البيت على الحيطان ولذا شبه هذا النوع من الزبالة انها عمة والجامع وجه الشبة في كل ( مكروبة ومربوطة في الرأس )
هذا البيت البسيط الذي يمثل من مجمل بيوت السودان الغالب الاعظم كان جواهو محبوبين هما اب احمد وام احمد وخمسة عيال كبيرهم أحمد الذي كنيّ به ابيه وسحارة والسحارة هي دولاب يحفظ فيه كل ثمين وقد كانت والتفسير لشباب اليوم اللذين فاتهم زمنها وانشغل أهلهم بتعريفهم بها, وعنزة وحيده وهبابين والهباب هو عنقريب صغير الأرجل ويقرب من الأرض وخفيف بسيط لاحظ معي عزيزي القاري انهم حتى لا يملكون عنقريب عادية وسبعة افراد في البيت وعندهم هبابين فقط. اراد شاعرنا الفذ أن يوحي لانا ويعرفنا عن حالة اهل البيت او النوذج الذي استند عليه في ابيات قصيدته انه بيت عادي بل اكثر من ذلك أنهم فقراء وفقراء وهذا ما طلعوا به من دنياوعلهم يحيو حياة كريمة في الآخرة ونسأل الله لهم ذلك لكل في فقير تعذب وصبر في الدنيا الزايله. في داخل هذا البيت البسيط وفي ليلة مظلمة وكانت القبلة جهاره كناية عن شدة البروق وكانت غيمة درارة داكنة تحمل الخير للناس ولا يتظلموا أن هدمت ودمرت المطر خير وخير مطلق مهما كان.
الأخ خالد المنسي...
صباحاتك زين... تسلم يا الحِبيِّب وأنت تُحلل وتدقِّق لدرجة ما تدينا فَرَقَة دَخْلة معاك...
كميات مودتي...
أبو الحســـــــــــــــــين...
Post: #303 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-07-2006, 02:19 AM Parent: #1
إخوتي الكرام...
صبحكم الله بالخير والرضا...
بما أن تُراث أهلنا الختمية وأذكارهم نعتبرها من ضمن تراثياتنا التي نشأنا عليها... فأدعوكم للمتاوقة والمشاركة في البوست أدناه... حتى نوثق لتلك الفترة الجميلة من حياتنا...
من أمس ما طل علينا دكتور/ يس... إن بقى ما جانا مدنْكِل جرابه بي ود كرم الله ولة النعام زعلاانييييييييييييييين!!!
عساه يكون غيابه في خير يااااااااااااااارب...
Quote: عزيزي دكتورنا الغالي انشاء الله خير .. طلتك علينا طولت..انشاء الله المانع خير
الحبان ابوالحسين والأستاذ حاتم هاشم لكم ودي واثمن سؤالكم عني لكم ودي وانا كنت مشغول ولازلت لكن كل يوم بدي "اللقدابة" دي طلة ولو دقايق الأستاذ خالد لا فُضَّ فوك كلامك وشرحك لا استطيع التعليق عليهما ارجو المواصلة
ابوهاشم أدعوك والأستاذ حالد وسيد الحوش للاستماع الجديد للشاعر الفاتح ابراهيم بشير وعبد الرحيم البركل
Post: #305 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-07-2006, 04:05 AM Parent: #1
Quote: ود الحسين و البقية التمام سلام يغشاكم مع القموري المقيل فوق نخيلكم وهاكم دي لي ابن كرمكول الطيب وليد صالح في وصف جده
[ ...انه ليس شجرة سنديان شامخة وارفة الفروع في أرض منت عليها الطبيعة بالماء و الخصب, ولكنه كشجيرات السيال في صحاري السودان, سميكة اللحي حادة الاشواك, تقهر الموت لأنها لا تسرف في الحياة.] مؤسم الهجرة للشمال, صفحة 83.
وقال صاحبنا يصف البلد:
[ تتابعت الاعوام, عام يتلو عاما, ينتفخ النيل, كما يمتلئ صدر الرجل بالغيظ, ويسيل الماء بين الضفتين, فيغطي الارض المزروعة حتي يصل الي حافة الصحراء عند اسفل البيوت, تنعق الضفادع بالليل وتهب من الشمال ريح رطبة مغمسة بالندي تحمل رائحة هي مزيج من اريج زهر الطلح ورائحة الخشب المبتل ورائحة الارض الخصبة الظمأي حين ترتـوي بالماء.] عرس الزين, صفحة 32.
بجايكم صادي
الحِبيِّب عوينات الحُرية... (عوينات) دي لزوم زيادة المحنة...
يا هلا بيك وشرفت ونورت ديار أهلك وأحبابك السناجك من جَم...
تعظيم سلام لك وللمبدع إبن الشمال الطيب ود صالح...
ويا هلا بيك بيناتنا...
وراجييييييينك بس لا تطول الغيبة...
كميات مودتي...
أبو الحســـــــــــــين...
Post: #306 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-07-2006, 05:26 AM Parent: #1
Quote: التحية لكم أبناء الشايقية وانتم ترسمون لوحات الفرح على صفحات السودان العريض... زادكم الكلمة الحنينة .. وحسيس طنبوركم يهمس في أذن كل محب ... جينا نتاوق ذي كل مرة...لكن لا بد من الرجوع..لكم التحية..
الفاتح عبد الله طه/القرير
الحِبيِّب الفاتح...
نهارك سعيد وكل القَرارة على إمتداد الدنيا الوسيعة...
المرة دي قلنا نرحب بيك... لكن عليك الله تاني لا تجينا جُرابك فاضي...
وإنتو يا ناس القرير أهل الفن والإبداع على مر العصور... فتجينا فاضي دي ما مقبولة منك...
قت لك أمرقي آبنيه هي طينتاً في التراب نيه قت لك أمرقي فرشاً أطير هو شن هباب وشن كراب وتسمع وردولب يا المعزة وقعت ناشفة بين الشعبتين والباب
Quote: وقام أحمد يحاوط البيت أسرع يابا شقوق أمسيسي والفاره يا الحوش الصبح ميضه وبدور مركب دحين أبقى البلد خرّف دحين أبقى السرف نعمه أقيدي اللمبه يم أحمد بدور أضهب وكسر الحوش عشان الساس وسيلي علي الحدب مصرف
في هذا المقطع كانت أم احمد تناشد بنتها أن تمرق من جوه الاوضة..قت لك أمرقي آبنيه.. خوفاً أن يقع البيت عليهم وهي اي البنية كانت مشدوهة تلملم في الفرش والعناقريب والهديمات والدلوق.. وكان حال لسان امها يقول الخلا والمطر ولا الموت علي انقاض بيت الطين وطينتو نية... وكانت الطامة الكبرى في تلك اللحظة سقوط الدعامة الاقتصادية وعمود البيت هي العنيزة الوحيدة العليهاالتكل بعد التوكل على المولى الكريم وأملهم وفي غباشة شاي الصباح من لبينتها..هي كان حلبت يعني حا تحلب كم؟؟؟ رطيل ولا رطيل ونص يكفي منو وأخلي منو لكنهم كانو قنوعين بها وساده رمقهم بي قدر البجيبو يا حليها ..... يواصل شاعرنا الفذ القدال في الوصف الدقيق لحالة اسرة اب أحمد في تلك الليلة الماطره المظلمة مرق الجنى أحمد وليد اب أحمد... يقص البيت والمطر نازل وحتى يطمئن ويطمن آل بيته عن موقف بيت الطين ما ينماص ويقع عليهم. وكانت المفاجأة أن رأى المياة خارة من من شقوق أم سيسي وجحور الفيران فصاح بأعلى صوته اسرع يا ابوي ألحقنا المويه داخله علينا من شقوق عدة,, والحوش صبح ميضه وما بنخاض بدورلو مركب وكتين شلع البرق شاف اب أحمد المنظر هذا وبدأ يتساءل ها ناس دحين ابقى البلد خرف مع انو لسع بدري علي وكت الخريف ثم ردد سؤال اخر كان المراد به أن يثبت ايمانه بالله ... دحين ابقى السرف نعمة اي بالحيل السرف نعمة والجاية من الله بنقبلها بصدر رحب ودون تمعط ودا شيتن مكتوب في الازل والمكتوب في الجبين لابد تشوفو العين والزارعه الله في الحجر بتقوم.... فشى مقيصتو في أم احمد بصرخة أقيدي اللمبه يا ام احمد من الضلام كت داير اضهب في حوش بيتي. اقيدها خليني اللشوف لي صرفه للموية دي حتى لو دعا الامر اني اكسر الحوش عشان احافظ علي الحيطان لا تنخرها الموية
رأيت أنّ أنقل هذا الكتاب إلى قراء العربية ، وهو كتاب طبعه مؤلفه مستر نكولز سنة 1913م ، وصار منذ ذلك الوقت مرجعا لكل من يبحث في قبائل الشايقية وتاريخها. وقد جمع المؤلف فيه الروايات الوطنية التي يرويها الشايقية أنفسهم ، وقارن بينها وبين أقوال المؤرخين والرحالة الذين زاروا بلاد الشايقية أو تحدثوا عنها ، وقد تقبل بعض هذه الروايات ، وشك في بعضها . غير أنه مما يعيب الكتاب - في نظرنا - بعض أقوال جمح بها قلمه ، فأساء فيها الحكم أحياناً ، وأخطأته لباقة العبارة أحياناً أخرى . وقد علقنا على هذه الأقوال في مواضعها من هوامش الكتاب . أضف إلى ذلك أنّ الكتاب لم يتعرض لجوانب من تاريخ الشايقية ، كالبحث في أصل الشايقية ، وهذا موضوع شغل الذين كتبوا عن الشايقية بعد زمن تأليف هذا الكتاب . ونرى إتماماً للفائدة أنّ نعرض لأهم الآراء في هذا الصدد . وبين أيدينا أربعة آراء في أصل الشايقية ، نلخصها فيما يلي : 1- يرى ترمنجهام ( الإسلام في السودان ص 88 ) أنهم ربما كانوا أصلاً في البجة . ويعتمد في هذا على ما رواه المقريزي عن ابن سليم أسواني من أنّ الزنافج ، وهم فريق من البجة ، هاجروا في عصور قديمة إلى بلاد النوبة واستقروا هناك . احتفظوا بلغتهم الخاصة فلم تختلط بلغة النوبة . ثم لاحظ ترمنجهام أنّ جميع أسماء قبائل الشايقية تنتهي بالمقطع ( آب ) وهو مقطع لفظي مأخوذ من لغة البجة . وزعم ترمنجهام هذا ، في نظرنا ، لا ينهض به دليل . فإن انتهاء اسم القبيلة بمقطع من لغة البجة ليس دليلاً علي أنّ القبيلة بجاوية الأصل . ولا سيما إذا عرفنا أنّ هذا المقطع يدخل في أسماء كثير من القبائل العربية التي تسكن في أقاليم مختلفة من السودان . 2- ويرى ماكمايكل ( تاريخ العرب في السودان حـ 1 ص 213 وما يلي ) أنه من المحتمل أنّ يكون فريق من هذه القبيلة كان في الأصل من بقايا الجنود المرتزقة من الترك والألبان والبشناق الذين كانوا يؤلفون الحاميات والحرس في بلاد النوبة منذ غزو السلطان سليم العثماني ( 1517م ) وقد استقر عدد منهم في النوبة . وقد استبعد الباحثون اليوم هذا الرأي . فقد رده كراو فورد ( في مملكة الفونج في سنار صـ 44) ، فذكر أنّ هناك اعتراضاً قوياً ضد هذا الرأي ، وهو أنّ سليماً العثماني لم يغز هذه المنطقة ولم يقم عليها حراساً ولا حاميات . وأنّ المناطق التي قامت على حراستها فئات من هؤلاء ، وهي الواقعة بين الشلال الأول والثالث ، لم تنتج سلالة من السكان عندها من الخصائص ما نجده عند الشايقية . ورد الدكتور عوض ( السودان الشمالي ص 185 ) هذا الرأي بقوله : ( مما يؤسف له أنه ليست لدينا دراسة للشايقية بواسطة رجل من علماء الأجناس حتى نستطيع بالدراسة العلمية للمقاييــس ، وعلى الأخص مقاييـس النسبة الرأسية أنّ نحكم على وجه السبة بين الشايقية وأولئك الجنود الذين إذا كانوا حقيقة لهم نسب ألباني أو تركي أو بشناق ، فإنّ هذا كفيل برفع النسـب الرأسية . ومثل هذا الاختلاف يتنافى مع ما نعرفه من صفات الشايقية الجسدية ، كنحول الجسم والوجه وشكل العيون . أما بروز الأنف فمعروف لدى كثير من العرب حتى في السودان نفسه ) . 3- ويرى فرن ( وهو رحالة ألماني زار السودان في خلال سنتي 1840 - 1841م ) أنّ الشايقية ربما كانوا في الأصل طبقة من محاربي المصريين القدماء أو جماعة من سلالة المحاربين الثائرين الذين تحدث عنهم هيرودوت المؤرخ ، فذكر أنهم كانوا جنوداً في جيش فرعون ، ثم ثاروا ورفضوا العودة إلى مصر بعد أنّ هاجروا منها إلى الجنوب . وكان هذا في عهد أبسماتيك . وزعم هيرودوت أنّ عددهم كان مائتين وأربعين ألفاً على وجه التقريب . ويقول بلينيوش المؤرخ ( 70م ) أنهم فروا من وجه أسماتيك وسكنوا في مناطق قريبة من مروي القديمة (1) . ويؤيد فرن هذه النظرية بعدة ملاحظات : (1) موقع بلاد الشايقية قريباً من مروي القديمة التي حموها من غارات برابرة الجنوب . (2) والنزعة العسكرية المتأصلة في نفوس الشايقية . (3) وكونهم غير خاضعين لزعيم واحد ، بل كانوا دائماً يعيشون أحراراً في ظل ملوك صغار . ولعل الأسر الحاكمة فيهم تمثل طبقة السادة المصريين القدماء الذين لم يعترفوا بسلطان أحد سوى ملوك إثيوبيا . فلما زال ملكهم صاروا أمراء مستقلين كما حدث لقواد الإسكندر المقدوني بعد وفاته . (4) وعادة الشايقية في تقصير شعر رأسهم وتلك عادة مصرية تخالف العادة السائدة عند العرب والنوبيين . ويضيف ماكمايكل ملاحظة أخرى تؤيد نظرية فرن وهي ما شاهده الرحالة الفرنسي كايو من أنّ الشايقية في إقليم الجزيرة يقيمون نصباً على صورة إنسان يعيّن حدود الجهات التي غزوها . ويقول ماكمايكل : إنّ هذه العادة بلا شك مقتبسة من الفراعنة الذين كانوا يقيمون تمثالاً على حدود فتوحاتهم ( عوض 148 ، ماكمايكل 1 : 213 وما يليها ) . 5- وترى الروايــة الوطـنية التي يتداولها الشـايقية أنفسـهم أنهم من أصـل عربي . وهــذا الرأي لم يقم ضـده دليل قوى إلى الآن . فقد رأينا في الرأيين الأول والثانـي ضعفاً ظاهراً . أما الرأي الثالث (رأي الرحالة الألماني فرن) فإننا لا ننكر ما فيه من وجاهة ، وهو في الوقت نفسه لا يتنافى مع عروبة هذه القبيلة ، بل يؤيدها . فقد أشار فرن إلى هذه الطبقة من المحاربين الثائرين الذين هاجروا إلى الجنوب من مصر القديمة . والعلماء مختلفون في أصل هذه الطبقة . وقد رجحنا في بحثنا [ ميلاد سوبا ] الذي أشرنا إليه فيما سبق ، أنّ هذه الطبقة كانت من عرب الأراميين الذين كانوا يعملون في مصر جنوداً مرتزقة في عهد بسماتيك الثاني وكانوا قد عهد إليهم في محاربة المناطق الجنوبية (ص 2 - 4 ) . وعلي هذا يكون رأي فرن في الواقع مؤيداً للروايات الوطنية الشايقية ، إذ تكون القبيلة في الأصل ، من هؤلاء العرب الذين هاجروا من مصر الفرعونية بعد أنّ استقروا فيها فترة من الزمن عملوا فيها في جيش فرعون . ولسنا ننكر مع ذلك أنّ مجاورة الشايقية لعناصر إفريقية وحامية في موطنهم الجديد ، ودخول هجرات عربية جديدة بعد الإسلام في السودان واختلاط أصولهم بدماء عربية حديثة جاءت إليهم من الشمال أو الشرق - كل ذلك قد أحدث آثاراً في عاداتهم ولغاتهم على مر العصور ، ولكنهم فيما يظهر لم يسمحوا للسلالات الجنوبية بأن تمتزج بدمائهم ، لذلك احتفظوا بلون بشرتهم الذي يقرب من لون المولدين . الخرطوم في نوفمبر 1956م د. عبد المجيد عابدين
Quote: وكان اب أحمد المهجوم بقرأ الفاتحة في سرو بقرأ الفاتحة في سرو بقول الجات علي مالك مليح كان جات علي مالك تعال آجني وكنكش فوق كتف خيك عاد لا حولة ولا قوة جانا غضب ومويه ركب وداك الحزة كان الحلّة شربت تب
وكان الساس حتل وانماص حتل وانماص
دميع السما ودمع الجهال واحد دمع الجهال في الضلمه كان مالح وكان الحلّه في عينيهم دواره وأصبح بيتنا لتولاتنا كفاره
وشن بتقولي في القبلي المدمع فوق عشاالعشمان خلاف دمع العشم مو نوح وشن بقولي في الصباحي والضهراوي والطوفان وصدرك آمان وحجرك لجناكي ضمان باقية علي المدائن مونة وقدح ضيفان وباقية علي الجناين دوح ومو غيّرك سفينة نوح ولا خابت عليك مسرتنا نتراجك بالدلوكة نترجاك بالسلوكة نترجاك تقوم يا بيتنا بيت الطين شراية يوم لتيبة يوم ولبنايتاً دخدر في مسورنا الجاي ولبنايتاً تخدر في مسورنا الجاي
يواصل شاعرنا الفذ محمد طه القدال في وصف معناة أسرة اب أحمد في ذاك اليوم, والمطر يهطل بغزارة وشي يخوف وينخلع له القلب الدنيا ضلمة والرعد يدوي في الظلام كأنه لعنات جن في الظلام القاهري والبرق يشلع يرنو للدنيا بطرف ساحر والريح قد جنت فجاء نشيدها صخباً كدمدمة المحيط الثائر.
بعد أن رأى اب أحمد الحال والحوش متروس بالموية وليها زبد, بدأ اب أحمد شايل طوريتو يكسر في الحوش حتى تكون مخرج. وبعدما كسر وبدأ الماء يخرج للخارج لكن مازال الحال في حالوا الموية مارقة من الحوش والسماء مقدود يزيد موية الحوش أضعاف تحير اب احمد وجدع الطورية هناك وكرب سروالو واحكم ربط التكة بطريقة غير مقصودة لكن كان ذلك ردة فعل لتلك الحيرة ..ماذا يفعل وما من مخرج غير الرجوع لله وفعلاً كان ... يقرأ الفاتحة في سرو وهذا هو ديدننا عند الشدائد نذكر الله وهو شئ فطري... وكورك لوليدو الصغير.. تعال آجني وكنكش فوق كتف خيك الشايفو امراً صعب لا حولة ولا قوة لنا منه.. جانا غضب والموية كانت ركب وفوق للركب كمان وكان قت الحلة شربت تب واتملت موية وقعت بيوت وانهرست وثبت القليل وحتى القليل تلقى الاوضة واقفة زي السن الوحيدة في خشم العجوز.. واب احمد واقف صنم متحير يرى ساس بيتو ماشي منماص وحاتل لتحت. بعد الوصف الدقيق لوقائع ساعة نزول المطر عاد شاعرنا لمقارنة جميلة رائعة وهي وجه شبه وكان بعمق روح شاعرنا وكان بين دميع السما في ذاك اليوم ودميع الجهال والدموع جارية في كل وكان الفرق ان دموع الجهال كانت مالحة.
ثم عرج ليذكر لنا ويعرفنا بانواع المطر ... القبلي .. والصباحي .. والضهراوي .. والطوفان وتحضرني ابيات لشاعرة من منطقة شندي تمدح فيها الحسن ود ضبعة شقيق عمدة الجوير والتي تسمي بجوير ود ضبعة غرب شندي
قالت فيها: سيد محكر الديوان وثابت يا اب قلب فكامة النيران وين متل الحسن الحسن يا الحسن جابوني ليك حداث يا مطر السواري الهاب هبوب ورشاش يا بحر المحيط الدقه في الحصحاص تلب يا الصقر تور الرخم مني
واهلنا بقولو المطر خير وخير كتير لكن برجعوا واقولوا خوفنا من المطر اب هبوب وهي التي تعرف بالشهفوفة ودي البترمي البيوت وتحدث الدمار ويكفينا ويكفي النا شرها ويرزقهم خيرها.
بعدها بدأ القدال يعدد في محاسن وفضل ارض الجزيزة وهي الأم الحنون صدرها واسع وحجرها حامي لجناها وولدها وفوق ذلك هي الدوحة والدعامة والمونة لغيرها من اراضي السودان ....
والختام وكان ختامه مسك... وهي صورة تفائل اب احمد وإيمانو الغير مزعزع لما قال بإذن تقوم يا بيتي بيت الطين الجالوص شوية شوية كما هو حال قندول زرتنا وتمر بكل المراحل كما هو... شراية .. ولتيبة .. ثم لبينة حتى تكتمل باّذن المولى عز وجل.
Post: #311 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-09-2006, 02:29 AM Parent: #1
Quote: ابوالحسين القصه بتاعت حمداحمدالتمرجي دايره ليها شرح ياخوي..
وسلام
حاتم هاشم
الحِبيِّب الخليفة حاتم...
أكتب الكلمات الما فهمتها من قصة حُمد إحمد التمرجي أو أعمل تحتها خط... عشان نشرحها ليك ... لكن نقوم نترجمها كلها دي عاوزة وقت ولة شنو؟؟؟!!!
كميات مودتي...
أبو الحســـــــــــــين...
Post: #312 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-09-2006, 03:29 AM Parent: #1
Quote: أريت بلدن تحرمك منى لو ما إنتى تبقى خرابيسكن فى خرابا البوم ويتصايح عليها غراب تولِّع فيها نار الله وتصبح كوم رماد وهباب وتمرقى إنتى والنَّاس المعاكى قراب
أُستاذي حاتم...
الشاعر ود أبنعوف من الشعراء المجيدين في الوصف والغزل الجميل الرااااااااايق الما فاحش...
إستوقفني الإقتباس أعلاه الراجل دا عاوز يدعي البلد الأخذت منه محبوبته لكن إتذكر أن محبوبته فيها... فقام تراجع بطريقة حلوة وظريفة...
أريت بلدن تحرمك منى لو ما إنتى تبقى خراب
شوف دخَّل لو ما إنتي كيفن؟؟؟
الله يديك العافية شاعرنا ود أبنعوف ويحفظك...
كميات مودتي...
أبو الحســــــــــــين...
Post: #313 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-09-2006, 05:08 AM Parent: #1
وكم نخلات تهَبهِب فوق جروف الساب...
وبقرة حلوبة تتضرع وليها ضرع...
شوفو عليكم حلاوة الشتلات المصفّحات ديل!!!
Post: #314 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-09-2006, 10:08 AM Parent: #1
كتب الدكتور ياسين...
Quote: أخي وصديقي الأستاذ موسى أشتاق اليك حقيقة ولأيام الصفاء متعك الله بالصحة والعافية في غربتك وجمعنا قريباً جرابي مليان زي ما قال ابو الحسين لكن انت والأستاذ خالد بتجيبو وتطلبو حاجات صعبة المنال "طبعاً دا حال الناس القدام والشدر الكبار فيهو الصمغ" ، ما أحلى زمنكما!!!! حقيقة هذه الأغنية ليست مسجلة عندي لذلك اطلب من الأستاذ أمين عثمان "أبوعثمان" أن يمدنا بها ولحين ذاك الوقت أنا استبدلها ليك بـ"صدفة سعيدة دي الجابتني ليكم" محمد جبارة وأهديها للأستاذ أمين عثمان وتحياتي للإنسان الفنان ودجبارة أين ما وجد بالله اتمعن في "الزغرودة"
دكتورنا الغالي يس...
حمداً لله على سلامة عودتك حقيقة يومين ما تطل علينا كتيرة...
تسلم يا اخوي على الأُغنية الجميلة من محمد جبارة والله سمعتها تلاتة مرات ولسع داير أسمعها وأسمعها... وبالمناسبة دي إتصلت على الأخ حسن عثمان الحسن (المقل) يغريك تحاياه وهو من المتابعين جداً لهذه الدارة الشايقية العاجي... ومن المعجبين جداً بفن ود جبارة... وإستمتع بهذه الأُغنية النادرة القديمة العايشة جوانا من ذلك الزمن الجميل السمح...
لك تحياتي ومودتي... وإنشاء الله جرابك ديمة مليان بالزي دا زي دا يا الحِبيِّب... ومنتظرين تعليقات وتحليلات الأُستاذ موسى المن النوع داك...
سير ياقلبي فوق الفرحة سوقنى بعيد من الاحزان وأيام العمر محدوده خلتني داير اعيش في أمان ماشفت الصباح ياقلبي كيف يصبح حلو وفرحان مع صوت المنادي ينادي بي حب الاله ريان الطير بي نغم رباني يتراقص علي الاغصان ياقلبي أنشرح للدنيا لا ترجع تكوس الكان كم لله من ضاق مره يانفسي وصبر غلبان ياعني السهر والدمعه شن دايراتتجيبن نان الكون ليه رباً خالقو بي باطن القلو علمان ومالنا علي همومو نشيله ما دام نحن ناس ضيفان أنظروا للحياة وشوفها من تالا الوشي النديان وشن داير يبقي غير الذكري رحماك يابني الانسان ان بسمت معاي تراها وان عبست تراني كمان ماشي معاها حسب اطباعه لاحد العمير وصلان عطفي علي يتيمها الباكي ينبع قلبي ليه حنان بدوره حياتو تصبح طيبه زي زرعاً شرب تليان
الأستاذ ابوالحسين سلام يا أخي بالغت دي صورة جميلة وما أجمل اللوبي المنور دا تقول لي زهرة لوتس مما شفت الصورة دي واللوبي اترسمت قدامي صورة النخيل القدام ناس محمد صالح سعيد (تحياتي لصديقي محمد صالح اين ما وجد) وفيما اعتقد الشتلات دي مصفحا عثمان الخضر تحياتي للأستاذ حسن عثمان الحسن وقولو ابشر بالخير الجراب ملان تب من نوع دا القومة لود جبارة
انشاء الله يا دكتور ياسين كل مرة يطلبو منك شئ ما تلقى وتنزل حاجة بمزاجك الشي دا كلام ناس وشغل جن
صدفة سعيدة دي الجابتني ليكم يا الحارقين فؤادي وما عليكم
( دا ما البجيب الحمار راجع للطين ذاتو )
إحساساً غريب نحوك غمرني وساهر بعيوني كتير شغلني والله ياترى ايه يا القبلي مني أمكن دا الغرام لو صحا ظني
( عاد ابقى لك شنو ياهو الوجع بس البفرق الرمش وسهر العين )
والله تمازج الطمبور مع الايقاع عند محمد جبارة ليهو طعماً خاص
Post: #320 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-10-2006, 01:43 AM Parent: #1
كتب أُستاذ/ خالد...
Quote: والله تمازج الطمبور مع الايقاع عند محمد جبارة ليهو طعماً خاص
إخوتي الكرام...
صبحكم الله بالخير والرضا...
كدي خلوني الأرُد علي الأخ خالد دا قبل أجيكم راجع وبالأخص عندي وقفة مع د. يس لكن كلام الحِبيِّب خالد دا وافق هواي تَب...
إنت عارف يا خالد أخوي... محمد جبارة دا... وعثمان اليمني... الله يديهم العافي... من الناس الإيقاعهم مظبوط مع الطنبور... بالذات في الحفلات... يعني إنت عارف يا اخوي الفنان تعرف قيمته الإيقاعية في الحفلة... لأنها مرات كدي مع السرعة والرقيص والطلعات وجرات النفس... الإيقاع قاعد يطِشْ من الواحد... لكن عليك الله شاهد ليك أي حفلة مصورة لود اليمني أو محمد جبارة... تلقى الإيقاع من يطلع لامِن يفارق الطنبور دا ياهو ذااااااااااتو بي فرد جرة... وبالأخص لو كان عثمان طبلة مع محمد جبارة... ولمن يقولها::
الله فوقِك يا زينَبُو... الله فوقك يا زينَبُو...
كميات مودتي... وداااااااااايماً يا خالد تفَرفِر فينا حاجات حلوة الله يديك العافية...
أبو الحســــــــــــــــين...
Post: #321 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-10-2006, 03:55 AM Parent: #1
Quote: الكون ليه رباً خالقو بي باطن القلوب علمان
ومالنا علي همومو نشيله ما دام نحن ناس ضيفان
أنظروا للحياة وشوفوها من تالا الوشي النديان
وشن دارْ يبقي غير الذكري رحماك يابني الانسان
ان بسمت معاي تراها وان عبست تراني كمان
ماشي معاها حسب اطباعها لاحد العمير وصلان
عطفي علي يتيمها الباكي ينبع قلبي ليه حنان
بدورها حياتو تصبح طيبه زي زرعاً شرب تليان
عليكم الله ود العبيد دا خلا حاجة تاني تتقال؟؟؟
صور الحياة كما صورها النبي صلى الله عليه وسلم... لا خير فيها ما عدا العمل الصالح اليوصلك للآخرة... وفي النهاية عرج على كافل اليتيم الذي قال عنه الحبيب صلى الله عليه وسلم... (أنا وكافل اليتيم كهاتين في الجنة وأشار بالسبابة والوسطى...)... قيم قيم قيم ومعاني ودروس دايري مراجعة وتحليل...
تسلم يا الخليفة حاتم على هذه الدُرَر القاعد تتحفنا بيها...
وربنا يخضِّر ضراعك قول آمين...
كميات مودتي...
أبو الحســـــــــــــــين...
Post: #322 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-10-2006, 05:53 AM Parent: #1
كتب د. يس...
Quote: الأستاذ ابوالحسين سلام يا أخي بالغت دي صورة جميلة وما أجمل اللوبي المنور دا تقول لي زهرة لوتس مما شفت الصورة دي واللوبي اترسمت قدامي صورة النخيل القدام ناس محمد صالح سعيد (تحياتي لصديقي محمد صالح اين ما وجد) وفيما اعتقد الشتلات دي مصفحا عثمان الخضر تحياتي للأستاذ حسن عثمان الحسن وقولو ابشر بالخير الجراب ملان تب من نوع دا القومة لود جبارة
الحِبيِّب د. يس...
نهارك سعيد يا اخوي... حقيقة يا اخوي الصورة جميلة وعلى ذكر الرجل الفاضل محمد صالح سعيد... طبعاً هو رجل قدامي ورجل جودية وفاضل بمعنى الكلمة... فكان قبل كدة حلاليهو مشكلة لي واحد في البلد وأنا عملت ليهو قصيدة مجدتو فيها وذكرت فضائلو وجمايلو على الناس في البلد... أقول في آخر مطلع فيها...
تحيا تعيش محمد صالح...
في خيرك ونعيمك سابح...
في شهادة نجدة الملهوف؟؟!! جايب بامتياز ناجح...
ودايماً في فعايل الخير فرسك في الأمام جامح...
ومهما عملو من دورات فريقك للدوري كاسح...
يزيدك الله من فضلو... بين تمرك وشتولك سارح... (ياها دي الشتول الإترسمت ليك في خيالك فوق الدرب قبلي لي طاحونتهم)...
ويديك مهلة الأيام ويحفظ عقلك الراجح...
وتبقى سحابة للوديان بالخيرات ديمة راشح...
وجُودك يلفى كل عشمان زي بحر المسور الطامح....
التحية عبر هذا البوست لكل أهلنا في كلحية الناس الطيبين ناس حمودة وأزهري عبد المطلب وناس ود سليمان والخليفة (رجل الإحسان) محمد خير السيد والسكينجاب عموم...
وربنا يديك الصحة والعافية د. يس ويحفظك والأهل...
كميات مودتي...
أبو الحســـــــــــــين...
Post: #323 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-10-2006, 09:56 AM Parent: #1
طلب الخليفة حاتم هاشم ترجمة الجزء الأول دا كلووووووووو...
Quote: حُُمًَّد إحمد التمرجي
الجزء الأول
جاء داخل من لا برَّا ... رمى الطوريي اللَّتُو فوق القسِّيبي المختوتَة في الكيميِّي الغادي من الدونْكا ... عامنو فاطر وشربان الشاي لكن حسَّا لو بى جويعة كدي ... راح على الدونكا فتح التُقُل الليل الكسري , خمش لو سنسني وبقى يقرض فيها ... كورك لى مرتو ... يا آمني .. يا آمني .. إنتي حُمَدَ إحمَد وينو ؟ قالت لو راح يسقي الحمارة ويجي ... قال لها الحماره ؟ والعَز القت لو ودّها سوق ود شنّه ما ساقها شي ...؟ قالت لو لا لا ... إنت العّز بايعها لى شنو ...؟ غلَّبتك في القش ... ؟ القش مو ياهو دا الراقد ... وبرسيمك البى تحت لى الليلي ما إتفرض ... قال لها :- عمو مرسل لو جواب مع ناس ود الفكي ... قال يرسلوهو ليهو هناك في أدبره , شان يشوف لو صِرفه , يدخلو المدرسة الصناعية يتعلم لو صنعه , وإنتي عارفاني معلم الله ... قتا اللبيع العز تجيب لو حق التذكرة ومصيريفات يوصلنو هناك ... أصلو القراعه ما نفع فيها , أقول لو أمش اسقي الملاح , ولا البرسيم البى تحت , يروح يبعج لي الموية في الحيطان نامن يشرقن آب يجيب خبرن ... وديناهو يبقى مراسلة في المستشفى عمل لهن فيها تمرجي , الحكيم إن بقى مرق يقص الراقدين في العنابر , ولا يقضالو غرد... يتحكر هو في بكانو , ويصرف في الحبوب للناس ... دار الزين بت النعيم كان ما الله شافها ساكت , مو كان دار يلحقها الصِح ؟ .. غَمَت لها الحبوب في إيدها قال لها تبلعيهن كلهن أسع ده , المسكينة جابت لها جك موية , وإتفرجَخَت وكَمَدَتِن في خشمها , بى صَمّتِن زي ما هِن , بلعتن ضمّه في ساعتن , نامن جات تزح للناس برا , غالبها تمشي بى كرعيها .. ؟ مشيت إتحمد لها السلامي لقيت جضوما بتل المنقايي المخورني ..., تعاين لي دار تنضم تقولي شي ... وغالبها تنضم , والعوض ود أم الحسين , جاتو الوِردِي , مشى لقى الحكيم ماهو فِي ...,حُمَّد إحمد مسكو طبزو حُقني تحت أباطو... إيدو لا يوم الليلي مدلدلا بتل بت اللِّعاب ... علا يزحها بى إيدو التاني ... حد ما يلاقيني في السوق يسمعني كلمةً ماها ياها ... دار يسوي لنا عوجي الجنى ده ... وأسع شواليتو الليل كريمي ده , بلا فايدي ساكت , البيلقاها كلها رايحي في كرشو , وإن فضل شي يديهو ناس البنطون ويجي داخل اهلو مع العمال , بتل الزول النعيم ... لزيتي بو كرشك وتقنتي بو تسعة شهور على الفاضي غايتو0 حُمَّد إحمَد سقى الحماره وجايي بالدرب لاقاهو بابكر ود النصيح , زولاً كدي كلمتو حاااضري ما قاع يتلفت لها شي ...ديمي عليهو مباري المداديح , ولاد حاج الماحي , يحمس لهن في الطارات اللتن , ويولع لهن في البخور , يَعَشَقْ في المديح , ويتهوزز في الداره نامن يقع في الواطا مغبي ويرشوهو بالموية , وهو الصلاة ما قاع يصليها!!! ... أها وقفوا ينضموا , حمد احمد قال لو:- أبوي عندو عَز جاي يبيعها , قال لي ودّها السوق , ما تجي اللبيعها ليك ..؟ والله حِسَّها سمح بالحيل ساعة تَمَعْمِعْ ... بابكر قال لو :- حسها سمح ..؟ نان ما تعلمها المديح ...؟ خلاهو ومشى على أهلن ...جاء داخل ..كرعيهو تشوفن من بعيد تحلف تقول لابس لو شرابات , من مشي الحفى والحال العليهن ... ملص عراقيهو وختاهو في العنقريب ... عليكن أمان الله العراقي واقف بتل الزول من الكدوب الفوقو ...إن جيت دار تطبقو يتفترن في إيديك بتل الكسري اليابسي ..وأصلو كان لى حُمَّد إحمد .. الصابونة الحلوي دي يبقى ليهو ستة شهور ما ختاها في جسماً ليهو ... بس يمشي يغتس في البحر ويجي مارق يا إندعك لو بى آشميقا يا ما إندعك ... ياهو ده حمامو , أبوهو كورك لو قال لو :- عمك مرسل قال يسفروك ليهو في أدبره يدخلك الصناعيي تتعلم لك صنعة ... قال لو :- آ يابا انا دار اسوي لي كارو إشتغل بها قبلي هني ... أبوهو ردا لو :- كارة أشني ..؟ البلد ملاني كوّارو ... والحمير وقعات في غضب الله ... زمان الناس يحشوا بن القش ويقضوبن مشاويرن ... أسع يا كافي البلاء حماراً تلقاهو مقَيّل في مراحو ماهو في .. جاتن آفة بقت لهن في رقبتن وشقاوةً إنتلحتن ... وأسع الكارو دي الدار تلقاها منها , تأكلك إنت ولا ياكلها الحمار ...؟ إنتا براك داير لك قيراطين اللات قمح ... بلا المريق ..في فد شهير ... أمك واقفي في دابك من عند الدونكا ما قاع تمرق ... كرش الحاجي اللتك دي كارتك آب تكفيها ... حضر نفسك للقطر الجايي خل المحقة البتسوي فيها دي ...
ألحقني يا د. يس...
الحِبيِّب ود هاشم قال يشرحولُو قصة حمد إحمد التمرجي دي كلها...
نسوي شنو نحن بيناتنا شوايقة لندن...
بعد ماني داير أنزل الجزء التاني إتذكرت حاتم عندو كلمات ماها واقعة ليهو...
أها يا حاتم أخوي... فتح عيونك ديل وخل بالك وأحفظ الكلمات دي عشان حا نجي نذاكرها معاك...
(1) القِسِّيبي:: حاجة زي البرميل كدي كبيييييييييري مصنوعة من الفخار دايماً يحفظوا فيها العيش والتمر وكدي...
(2) الكيميي: الرُكن بتاع الغرفة يقولولو الكيميِّي أو الكيمِي...
(3) السنسني: دي الطرقة بتاعة الكسرة المرة... البي ياكلو بيها ملاح الخُدرة وأُم رقيقة يا ولاد البندر!!!
(4) القِراعة... دي عملية سقي الزراعة في الساقية تحت... ويقولو ليك فلان دا قَرَّاع يعني شغال يسقي في الزراعة تحت...
أها يا دكتور ياسين إنشاء الله أكون وضحت كويس... خالد المنسي شارك معاي بالحاجات البتتذكرها من حبوبتك زينوبة...
كميات مودتي...
أبو الحســـــــــــــــين...
Post: #324 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 12-10-2006, 10:26 AM Parent: #323
مشغول مشغول مشغول جداً .
إتتاوق على عجل ولكن جاييكم جاييكم الله يدينا مهلة ونلقاكم تامين لا مين آمين.
شيخ العاشقيين..عبدالله محمدخير ....................................
ترانى حلفت بى الله وتانى بقول وحات الله وكت السمحة فى هيباته تتجلى تشيل خطوات فى ايقاع حلات ايديها فى التله تودى صديرا قداما تسيبو سبيبا يندلى تخلى الداره فوق نيرانا تتغلى طبيعى غزير لا باروكة لو سله كانو حرير و كاسيه السواد حله كل الشافو بارد الحشى وصلا واصبح فوق سعير اشواقوا يتملى قليبا لى مشغول ديمه يا خله هو اصلو عليل وشوفته زادت العله اقولو خلاص تخليها يقول لى نان هى بتتخلى اقولو كفاك تبل الشوق هو شوق الجن بيتبلا تعال يا بدر عاين بدرنا الهلا وعقلك يكون ثابت مايكون ولى نورو جهرنا نورك يابدر ضلا ما هماه شوقنا ان زاد وان قلا عشان عارف السميحين زيو فى قله كل ما قلنا ينزل ليك يتعلى بتسعد دارنا كان اداها يوم طله ينور بيتنا الجيران والحله
.........................................
حاتم هاشم
Post: #326 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-10-2006, 11:09 AM Parent: #1
Quote: صدفة سعيد دي الجابتني ليكم
انشاء الله يا دكتور ياسين كل مرة يطلبو منك شئ ما تلقى وتنزل حاجة بمزاجك الشي دا كلام ناس وشغل جن
صدفة سعيدة دي الجابتني ليكم يا الحارقين فؤادي وما عليكم
( دا ما البجيب الحمار راجع للطين ذاتو )
إحساساً غريب نحوك غمرني وساهر بعيوني كتير شغلني والله ياترى ايه يا القبلي مني أمكن دا الغرام لو صحا ظني
( عاد ابقى لك شنو ياهو الوجع بس البفرق الرمش وسهر العين )
إنت عارف صاحبي حسن عثمان من أولاد المقل من معجبي محمد جبارة لدرجة العشق الما عادي داك... فأول ما سمعت الأُغنية دي... إتصلت عليهو قلت ليهو أدخل حوش الشايقية شوف د. يس منزل شنو...
إنت عارف قال لي شنو؟؟؟ قال لي أول حاجة حنيت حنيت حنيت لامِن داير أبكي... وفكَّرت في الحجز لأنه كان مأخر إجازتو... شُفت السواها الدكتور في الناس خلاهُم ينطقْشُوا كيفن زي الماهُن طيبي...
وعزانا بس نحن يا أُستاذ/ خالد إنو الجراب ملياااااااااان حلالي... وإنشاء الله ما ينضب معينكم يا الحِبَّان...
Quote: كدي خلوني الأرُد علي الأخ خالد دا قبل أجيكم راجع وبالأخص عندي وقفة مع د. يس لكن كلام الحِبيِّب خالد دا وافق هواي تَب...
إنت عارف يا خالد أخوي... محمد جبارة دا... وعثمان اليمني... الله يديهم العافي... من الناس الإيقاعهم مظبوط مع الطنبور... بالذات في الحفلات... يعني إنت عارف يا اخوي الفنان تعرف قيمته الإيقاعية في الحفلة... لأنها مرات كدي مع السرعة والرقيص والطلعات وجرات النفس... الإيقاع قاعد يطِشْ من الواحد... لكن عليك الله شاهد ليك أي حفلة مصورة لود اليمني أو محمد جبارة... تلقى الإيقاع من يطلع لامِن يفارق الطنبور دا ياهو ذااااااااااتو بي فرد جرة... وبالأخص لو كان عثمان طبلة مع محمد جبارة... ولمن يقولها::
الله فوقِك يا زينَبُو... الله فوقك يا زينَبُو...
كميات مودتي... وداااااااااايماً يا خالد تفَرفِر فينا حاجات حلوة الله يديك العافية...
عوافي سيد الحوش ابوالحسين كيف حالك اي والله صدق يا اخوي لاحظت ذلك في غنى اليمني ومحمد جبارة وهناك آخر لم تذكره اسمه برو ايضا تحس في غنائه بالطمبور متعة لما تجده من توافق وتوأمة بين طمبوره والايقاع وصوته. لك الود والتقدير خالد محجوب
الأخ الفاضل خالد المنسي إليك هذه المقاربة التي تعطي صورة تقابلية لمأسأة أمونة بنت الحاج حمد، قد سبق نشرها في المنبر، وهي مستلة من أوراق قديمة يرجع تاريخها لعام 1987م، لكن أحياناً الحديث يجيب الحديث ولو كان الحديث مكرراً، وياحبذا لو أردف الأخ ياسين ذلك بالصوت والصورة: بت البلد. مع خالص تحيتي ومودتي أبوشوك ************************** الدلالات الرمزية في شعر الشايقية الغنائي: بت البلد نموذجاً
د.أحمد إبراهيم أبوشوك
مجتمع الشايقية كسائر المجتمعات في السودان، يعيش في صراع بين القديم الموروث والجديد المستحدث بفعل حركة العمران البشري المتجددة دوماً، ونلحظ أن جدلية هذا الصراع لها حضور كثيف في أدبيات الطيب صالح وشخصياته الدائرية، كما حدث في رواية عُرس الزين الشهيرة، التي اتخذت من قرية ود حامد موطناً لها، حيث تعاظم الجدل بين الجد المحافظ "محجوب"، والحفيد النازع نحو تجديد الماضي التليد "الطريفي".
ونود في هذه الإطلالة أن نقف على فصول صراع تراجيدي آخر، نسج حيثياته شاعرنا المبدع الأستاذ السر عثمان الطيب في لوحة أدبية رفيعة الخيال ورمزية المعنى، تقوم على ثلاثية خلاقة، أبطالها: "بت البلد" التي تنادى بإقرار حقها المشروع في الحب، والدها "حاج مُحُمد" الذي ينظر إلى إله الحب نظرة احتقارٍ وتوبيخٍ، لأنه يعُدَّه إلهاً ناسخاً فاسخاً لعادات الأهل والعشيرة، و"ودالبلد" الذي يمثل الطرف الغائب في حيثيات الحوار، غياباً حسياً، والحاضر في مخيلة بت البلد حضوراً معنوياً، لا تؤمن بشرعيته أدبيات ذلك المجتمع الريفي الغارق في موروثات الماضي بخيرها وشرها. وفي تناولنا لهذه القصيدة الرمزية سيتركز النقاش حول المحاور التالية:
البيئة التي عاشت فيها بت البلد عاشت بت البلد في بيئة رغدة، وبسيطة من غير تعقيد، هائنة لا يكدر صفوها إلا صفاء قريحة أهلها الطيبين الأخيار... الفرد في ذلك المجتمع عبارة عن خلية حية في ذلك الجسد المترابط، ومشاركته فيه قائمة على عموميات وقيم تواضع عليها الأهلون، يحتفلون ولا يدركون حقيقة مشاعر المحتفي به، ويشاركهم المحتفي به الفرحة أحياناً بمشاعر مصطنعة وقناعات مهزوزة، دون اتخاذ موقف فردي يعكر صفو ذلك الاجتماع البشري، حتى لو كان ذلك الموقف على حساب قيم وأحاسيس ارتضاها لنفسه. وفي هذا الواقع المحكوم بقيم العقل الجمعي أذيع خبر زواج بت البلد من غير إعلان مسبق، علم به العوام دون الخواص، باركه الجميع لأنه عمل خير، يجب أن يتم دون مشورة صاحب الشأن، هكذا يصور لنا الأستاذ السر سرعة انتشار خبر خطبة بت البلد من ذلك العريس الذي اختاره لها والدها حاج مُحُمد في الأبيات التالية:
بلا خبر تلقى الخبر مالي البلد قالوا العريس قام بالأحد الحلة جاطت والحريم يتهامسن جاي الولد كوم من بنات للبير ورد يتحدثن جاي الولد يابختها وشوقنا نحن اللينا جمر الشوق وقد ***** لامن خلاص الليل دخل آخر شعاع من الشمس روح نزل ضو القميره جاء من بعيد بهر قدل دافر ظلام الحله قدامو وصل **** ناس البلد النام رقد والماسك السبحي عبد مشغول هو بى خبر العريس القالوا قام بالأحد
إذن ما هو موقف بت البلد صاحبة الشأن من هذا النبأ الذي لم يطرق سمعها من قريب أو بعيد؟ اغمضت بت البلد جفنيها على أحلام ضياع، منسوجة بخيال تطلعات أوهى من حبل العنكبوت، وذلك الضياع كان يتجسد في طيف "ود البلد" الذي أحبته دون أن تراه أو تعرف عنه شيئاً.
الليلة هناك بعيد بقادي في آخر الديار راكوبة ضلها أحر من حر النهار كوم من بروش وجريد تمر عيدان صغار دلوق هدوم موروثه من زمن الكبار تلات عناقريباً صغار كرابه منقطع نزل والنوم من البى فوقها روح داك جفل *** راقد هناك كوم من ضياع مركب مسافرة بلا شراع وأحلام مسافرة بلا وداع دموع ضياع تجاره من غير انقطاع أحرف أنين ما خطتن أيد بيراع
الحلم الضائع والكنـز المفقود استيقظت بت البلد من قفوة حلم عابرة، وإحساس خفي أبحر بها إلى ضفة النيل اليمنى، حيث يسكن ود البلد ذلك الكنـز المفقود... أبحر بها الخيال إلى ذلك الشاطي المجهول، حيث رسى بها زورق الأحلام... بت البلد عبراتها سدت في الحلق تبكي تنوح تشرب دموعها تنشرق لمن حسيس نقارة جاها من الشرق *** قامت على الحيل صنقرت شالت طريحتها للدميعات كفكفت
فلا عجب أن هذا الحلم هو حلم طفولة باكرة عابثة، لأن بت البلد لازالت في هذه الأثناء ماثلةً أمام لوحة من خيال ماضيها الغرير، حيث يظهر في الأفق والدها حاج مُحُمد، وبجانبه روتين حياة هادئة وهائنة بما كسبت، حيث تبدأ من فجر صباحها البازغ إلى غروب شمسها الساكن عند ضفاف النيل الخالد: كوب من شاي الصباح الممزوج بحليب أغنام راتعات في مُراح مجاور لمنـزل حاج مُحُمد ... مصحوباً بحفنة تمر من ثمار شجيرات نخيلهم الباسقات ... ثم يعدون في العشي بزوامل بطان، ومعهم حِزم (كُليقات) من لوبي الجروف الذي يزرعونه على ضفاف النيل لقوت أنفسهم المتواضعة على البساطة، وقوت أنعامهم ذات الضروع الحالبة ... ويصور لنا الأستاذ السر هذا المشهد بقوله:
أتذكرت فجاة السنين الفاتو جن وأيام زمان اتلملمن أتذكرت كانت تقوم فجراً صباح لمن يقموا أهل الصلاح وأبوها شايل السبحي صاح ياشفعه شدي سريع سوي الملاح شيلي المناجل وأمشي قدامي الجرف أتذكر كانت تسبقو تمشي تنـزل بي تِحِتْ تمسك صبيت التمرة بايده تَحِتْ تقعد تحش اللوبي لي الكاويق تقش تصل البحر والموج يداعبها فوق هدومه ينط يرش وبعدين تشيل القش تفوت واليوم يفوت وتفوت سنين وتمر سنين يكبر عمير بت البلد ويكبر معاه كمان حنين
أريحية الفطرة ورمانسية الخيال تعاقبت حلقات الزمن على بت البلد، وكانت هذه الحلقات تمثل بُعداً مهماً من أبعاد حياتها الباكرة، حيث بدأ ينمو في صدرها الناهد شعور دفين وأحساس صادق بقيمة الحب في الحياة، حباً يربو على هامات الغريزة وماديات الحياة البازخة، لأن غاياته المنشودة تتجلى في عشقها العذري لود البلد، ذلك الفتي الذي بادلها المشاعر، ورأت في جبينه علامات الوفاء، وبين جفنيه سحائب الوجد والصبابة الهاطلة، وقد صور لنا ذلك الواقع الأستاذ السر عثمان الطيب بخياله الخصب في لوحة أدبية فريدة:
الليله في يوماً صباحو صباح هنا واحة عبير نغمة غنا ريحة لبينه مقننه مر الجنى وسلم على بت البلد ذي عادتو سلم وأبتعد تابعاه عين بت البلد بت البلد سمعت ضريبات القلب ياالله مالو ده ها القلب بعد الثبات كيفن خرب بت البلد عرفت تحب *** واليوم داك وماجاها نوم مادام خيال ود البلد يمشي يحوم بين الخيال شافت وجيهو الهاش وباش شافت عيونو الفيها فيض أحلامها عاش شافت سحاب الريدة فوق واديها راش
أحلام مدينة "بت البلد" الفاضلة والمستقبل المجهول تاهت بت البلد مع وجدها المكتوم، وشرعت تبني في عش زوجية حالمة على أطراف مدينة فاضلة شُيد أساسها على رمال رومانسية متحركة في أرض لا تؤمن بقيمة الحب، تصورت أن ود البلد تقدم إليها، وطلب يدها من حاج مُحُمد، ثم هيأت لهما الأيام متكأً عند محفل عُرس، فجلسا سوياً وقت الأصيل والشمس تحن إلى خدرها جهة الغروب ... تبادلا نظرات الوفاق، بعدها تصافحا معلنين زوجهما على عامة أهل البلد. فلا غرو أنها أحلام وردية غُرست في أرض نكدة وواقع مرير، تجسدهما المقاطع التالية:
الليلة تاهت مع الشوق الما عاد ينكتم والصورة هاد في قليبه صبح وسم تاهت مشت سايقاها دقات الدليب لي دار حبيبها منى القليب لي قعده عصراوية فوق العنقريب لي الونسة والخاطر يطيب لي مسكة في أيد الحبيب *** الوقفة قدم الجنيات القرمصيص وغنا البنات ياالله وين تلقى الثبات والصفقة من تال الولاد تسمعها جاياها من أخر بلاد
تراجيديا العواطف وتقاليد الزمن الغادر ثم بعد هذا المشهد الرومانسي ينقلنا الأستاذ السر إلى عرض حيثيات موقف حاج مُحُمد، وهو موقف شخصية معيارية في مجتمع تُلوى بين يديه صوالف الوجد والصبابة، وتُؤاد أحلام العذارى... مجتمع يكفر بقيمة حب، ولا يؤمن بأن للمرأة أحساس وعواطف ورغبات ذاتية تشد إليها نبلها... في ظل هذا الواقع التراجيدي يعقد حاج مُحُمد زواج ابنته خلسة من وراء حجاب مع العريس القادم بقطار الأحد، راجل موظف وعندو مال، وبذك يسدل الستار على مشاعر صادقة، كانت تود بت البلد أن تعيشها مع محبوبها ود البلد. حاولت بت البلد أن ترفض هذا العرض، لكنها قبلته كُرهاً عندما ...:
أتذكرت قول حاج مُحُمد والدها حالف بي يمين ود البلد ما يخدها لو كان ركع قدامها صلى يعبدها *** أتذكرت قول حاج مُحُمد والدها وصف العريس الجاي بقطر الأحد كتَّر محاسنو عددها .... راجل موظف عندو مال يأويك في بيتاً حلال تبقي لو أماً للعيال
بالرغم من أصرار حاج مُحُمد إلا أن بت البلد حاولت أن تقدم رفضها الحاسس بالدونية في ظل إحساس عميق بغلظ قيود الواقع المرير، وكآبة البدائل المطروحة، وعند هذا المنعطف تحطمت الأحلام الوردية التي حلمت بها بت البلد:
أتذكرت لمن أبت قول حاج مُحُمد والدها كيف نهرها وكيف نهزرها حالف بي يمين بيودرها لو ما رضت بالجاي بي قطر الأحد *** قاليها: ما عندك أدب تعبان سنين فوقك تعب بديك لي زولاً كعب تربال عشتو عدم عدم لو قاري لو ماسك قلم لو أخديتو تندمي صح ندم يشقيك يورك الألم
هنا شعرت بت البلد بقساوة الزمن الجائر، وبدأت تعيد ذكرياتها مع ود البلد لكن لا حياة لمن تنادي... آمنت بت البلد بقدرها المحتوم، أن تكون كماً مهملاً من أكوام الضياع في بلاد لا تقدر قيمة الأحاسيس والمشاعر، وألقت لواء التحرر عندما هاجر دو البلد بوجدانه وجسده بغية البحث عن لقمة عيش كريم لتأمين مستقبل المجهول، وواقع حالها يقول:
أتذكرت كيف الحبيب ود البلد في الغربة سافر وأبتعد بكت لمن الخبر زاع في البلد أنو العريس قام بالأحد *** الحلة جاطت والحريم يتهامسن جاي الولد لكنهن ما عرفن الشوق كيف وقد ما عرفن هي شوقها تب ما عندو حد مو للعريس للحبيب ود البلد دا الراح في زحمة ضياع ما توجد يا حليلك إنت يا بت البلد
هكذا استشهدت ريحانة التجديد في بلاد لا تؤمن بقيمة الحب، وبذلك شكلت حلقة من حلقات المقاومة الصامتة، التي حملت لواءها من قبل أمونة بت الشيخ حمد عندما ألقت بجسدها العاذر في جوف النيل الخالد، رافضة الزواج من رجل بلغ من الكبر عتية، اختاره لها والدها الشيخ حمد على حساب مشاعر صادقة تبادلتها مع الحبيب ود البلد. هكذا انتصر حاج مُحُمد الذي كان يمثل واقعاً كلاسيكياً، يعيش على اجترار الماضي دون شرعة ولا منهاج، على ريحانة التجديد (بت البلد) التي حاولت الانفصال عن ذلك الواقع لكن دون جدوى... هكذا بفضل حاج مُحُمد وأعوانه ظلت العواطف بمثابة برعم نامٍ وضع عليه صندوق اجتماعي ذو ثقب واحد، يأتي منه الهواء والضوء، وعلى الريحانه التي بداخله أن تكيف مسار حركتها تجاه ذلك الثقب، الذي يشكل ضمان بقائها على قيد الحياة، لذا ظل مصير العواطف والوجدان معوج القوام لعدم استقامة أصله، وهذا الأثر نجده واضحاً في أشعار الأقدمين من شعراء الشايقية والبديرية أمثال: إسماعيل حسن، وخضر محمود، وإبراهيم ابن عوف، وفي أدبيات المحدثين أمثال: علاء الدين أبوسير، وحاتم حسن الدابي، والأخ الصديق: محمد على الحبيِّب.
Quote: دكتور يا ياسين وانت كلك مفهمومية وتفهمها طايرة
سمعت جنس الحديث الحلو دا
النفوس الطيبه ما كانت شريرة أنا والله طايرك يا أم درق وطاري العشير الليلة انا من فتح لقيتك أم درق النضيرة من امي علمتني امشي تاتي على الحصيرة
فتشها في جرباتك القديمة لما جيت من البلد اكيد تلقاها
Quote: وهناك آخر لم تذكره اسمه برو ايضا تحس في غنائه بالطمبور متعة لما تجده من توافق وتوأمة بين طمبوره والايقاع وصوته.
الأستاذ خالد بفتش ليك طلبك أعلاه واعتقد يحتاج تسجيل واخوك اليومين ديل مزنوق شوية "بس مو زنق مستراح" والآن أهديك أمونة بت الشيخ حمد مصداقاً لقولك أعلاه ويا لحسن التوارد حين أنزل أستاذي الدكتور أبو شوك موضوع بت البلد ، فالعلاقة بين القصيدتين تحتاج زهنية صافية لشخص مثلك ولعل التزامن هذا يجعل أبوشوك يخرج لنا بددر كعهدنا به دائماً
Post: #334 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-11-2006, 03:21 AM Parent: #1
Quote: وكت السمحة فى هيباته تتجلى تشيل خطوات فى ايقاع حلات ايديها فى التله تودى صديرا قداما تسيبو سبيبا يندلى تخلى الداره فوق نيرانا تتغلى
والله إنت يا حاتم قاعد تنْكُتْ لك في جنس بركاوي من قِسيبتك... الله يجعلها دايماً عامرة...
إنت عارف يا الحِبيِّب قبل كدة في حلقة مع ود اليمني... في التليفزيون تكلم عن الغناء زمان وبالذات عن أغاني الدارة... لأنه كان متفرد جداً في هجيج الدارات... فقام قال... أنا أصلاً ماب أغني إلا للبت لمن تقوم ترقص...
يعني شوف... وكت السمحة في هيباتة تتجلى...
أها هني هي يادووووووووووب داخلي الدار وشافها بي قعر عينو...
تشيل خطواتها في إيقاع حلاة إيدينا في التلة...
هني ملاحظة الفنان ليها... يعني إتمكن بي نظرو في خطواتها عشان يظبط عليها الأُغنية...
تودي صديرها قدامها... تسيبو سبيبها يتدلى...
ودا طبعاً رقيص زمان الرقيص بالرقبة والصدير والفديع والتَلَّة (قديم الحمام)... إنتو ما أظن شفتوهو يا حاتم!!!
وبعد ما وزن الأُغنية عليها...
بعد داك هي عاد تتفنن...
تخلي الدارة فوق نيرانها تتقَلَّى...
والله دي صورة يا حاتم أخوي الواحد ما يحس بيها إلا يكون شافها وشاهدها... وأنا دايماً ومعظم الإخوة العاشقين لفن الطنبور... لمن يسمعوا أغاني اليمني يتخيلو الدارة قدامهم... بالذات أشرطته القديمة المسجلة من بيوت الأعراس...
الله يديك العافي يا حاتم...
ويعافي شاعرنا عبد الله محمد خير والمبدع لي يوم الليلي الفنان عثمان اليمني...
وكميات مودتي...
أبو الحســـــــــــــــين...
Post: #335 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-11-2006, 06:02 AM Parent: #1
Quote: معاها انا كيف اسوى شنو الطريقه تعيق فى الناس اله الناس يعيقه اتمناله فى دالة غريقه تحتل فيها ما تفضل شقيقه تطير ريشاته منها بى فريقه وصميم مكناته تلتهمو الحريقه قمرات نومه تسكن ام دريقه وتولد فى عنابرو عشان غريقه
إنت عارف يا حاتم أخوي...
الله إستجاب دعوات شيخنا حسن الدابي دي... هسع لا الجلاء ولا كربكان ولا عطارد ولا الزهرة... يا كافي البلاء كلها وقفت... ربنا يبَّس عليها النيل... لكن ربنا يقوم الخزان دا أملنا تاااااااااني تنتظم حركة البواخر دي والخير يعم البلد من كريمة لا دنقلا...
كميات مودتي... وواصل إبداع الله يديك العافي...
أبو الحســــــــــــــين...
Post: #336 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-11-2006, 09:43 AM Parent: #1
كتب أُستاذ/ خالد المنسي...
Quote: عوافي سيد الحوش ابوالحسين كيف حالك اي والله صدق يا اخوي لاحظت ذلك في غنى اليمني ومحمد جبارة وهناك آخر لم تذكره اسمه برو ايضا تحس في غنائه بالطمبور متعة لما تجده من توافق وتوأمة بين طمبوره والايقاع وصوته. لك الود والتقدير خالد محجوب
إسمه عيسى بروي... وهو من الفنانين المجيدين جداً... ورسخ للأُغنية السريعة المضبوطة في فترة مضت...
إنت عارف يا خالد أخوي... زمان عيسى بروي دا... طبعاً هو من أحدى جزر المناصير وعلى ما إعتقد من (شري)... فعيسى دا إتذكر لمن كان يجيبوهو أول حاجة من الإنطباعات الرسخت في نفوسنا من بدري خلاااااااااس يقولو ليك عيسى دا ماب يشرب (الشي الفلاني داك)... يشرب اللبن... أها وتاني... جزمتو (بدون ما تواخذوني يعني) دايماً بيضاء.. وتاني... العمي كبييييييييري ومجدوعة لا وراء... تاني... لازم تكون قدامو طربيزة لمن يطرب يضع عليها رجله... وإنت عارف يا دكتور/ ياسين... سر الطربيزة دي لي شنو؟؟؟ أولاً عشان تظهر ملامح الجزمة البيضاء وتانياً عشان طنبورو تقيل خلااااااس عيسى دا الطربيزة بيرفع عليها رجلو اليسار البي جنبها إيدو اليسار شايلي الطنبور!!!... أنا قابلتو في حفلة في الخرطوم قريب سفري وواجهتو بالكلام دا... قال لي يا ولدي كلامك دا كلو صاح... بس حكاية الجزمة دي ماها صاح... وفكاها ضحكة...
فعيسى بروي... فنان بمعنى الكلمة... وهو يخيل لي من أدخل الإيقاع السريع لكن ما بالسرعة المفرطة اليومين دي... وكان إيقاعو زي ما قلت يا خالد موزون ووقفة طنبورو مختلفة قريبة لي وقفة الرواويس... وهسع اليومين دي كمان لو شفتو في الفضائية السودانية يمدح (أحمد صادق الميعاد... هووووي بهجة الأسياد)... تدي ربك العجب...
الصحة والعافية للمبدع دوماً عيسى بروي وكل أهلنا المناصير أهل هذا الذوق الفني الرائع والتحية لك أخي الكريم خالد وأبقى قريِّب...
كميات مودتي...
أبو الحســـــــــــــــين...
Post: #337 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-11-2006, 11:15 AM Parent: #1
كتب د. أحمد أبو شوك...
Quote: هكذا استشهدت ريحانة التجديد في بلاد لا تؤمن بقيمة الحب، وبذلك شكلت حلقة من حلقات المقاومة الصامتة، التي حملت لواءها من قبل أمونة بت الشيخ حمد عندما ألقت بجسدها العاذر في جوف النيل الخالد، رافضة الزواج من رجل بلغ من الكبر عتية، اختاره لها والدها الشيخ حمد على حساب مشاعر صادقة تبادلتها مع الحبيب ود البلد. هكذا انتصر حاج مُحُمد الذي كان يمثل واقعاً كلاسيكياً، يعيش على اجترار الماضي دون شرعة ولا منهاج، على ريحانة التجديد (بت البلد) التي حاولت الانفصال عن ذلك الواقع لكن دون جدوى... هكذا بفضل حاج مُحُمد وأعوانه ظلت العواطف بمثابة برعم نامٍ وضع عليه صندوق اجتماعي ذو ثقب واحد، يأتي منه الهواء والضوء، وعلى الريحانه التي بداخله أن تكيف مسار حركتها تجاه ذلك الثقب، الذي يشكل ضمان بقائها على قيد الحياة، لذا ظل مصير العواطف والوجدان معوج القوام لعدم استقامة أصله، وهذا الأثر نجده واضحاً في أشعار الأقدمين من شعراء الشايقية والبديرية أمثال: إسماعيل حسن، وخضر محمود، وإبراهيم ابن عوف، وفي أدبيات المحدثين أمثال: علاء الدين أبوسير، وحاتم حسن الدابي، والأخ الصديق: محمد على الحبيِّب.
* (مستلة من أوراق قديمة: بورتسودان 1987م)
يا الله تسهل للوِريقَات الباقي تجينا منسلِّي...
إنت عارف يا د. أبو شوك... كتاباتك دي ماشاء الله (وعيني باردي)... دايري الواحد يقراها بي نفس واااااااااحد وسداري كمان ويعيدها ويكررها وبعد دا ما يشبع منها...
الله يديك العافي ويخضِّر ضراعك قول آمين... ولا تطول الغيبة شئ...
أبو الحسن سلامات الصورة مالا ما بتشبه بلدنا (ام دي زراعة بعد الانقاذ" شايف لي سور بعيد في اليسار واعتقد زول راكبلو حمار او معاهو "بقجة" بيضاء ، والشيء المزروع ما عرفتو شنو " انتو بقيتو تزرعوا "الهناي داك" يا كافي البلا
الأخ الفاضل دكتور/ أحمد إبراهيم أبوشوك بعد السلام عليكم ورحمة الله لك التحية والتقدير
قرأت ما كتبت مرات ومرات خدر المولي الكريم ضراعك وألهم ذهنك وقريحتك ويسر الأمر لمداد قلمّك حتى توجود لنا بمثل تحليل لقصدية بت البلد وقبلها كانت الجابرية وفقك الله أخي لم تترك لا شاردة ولا واردة ألا واعطيتها حقها وزيادة في الاثنين معاً.
Quote: عاشت بت البلد في بيئة رغدة، وبسيطة من غير تعقيد، هائنة لا يكدر صفوها إلا صفاء قريحة أهلها الطيبين الأخيار... الفرد في ذلك المجتمع عبارة عن خلية حية في ذلك الجسد المترابط، ومشاركته فيه قائمة على عموميات وقيم تواضع عليها الأهلون، يحتفلون ولا يدركون حقيقة مشاعر المحتفي به، ويشاركهم المحتفي به الفرحة أحياناً بمشاعر مصطنعة وقناعات مهزوزة، دون اتخاذ موقف فردي يعكر صفو ذلك الاجتماع البشري، حتى لو كان ذلك الموقف على حساب قيم وأحاسيس ارتضاها لنفسه. وفي هذا الواقع المحكوم بقيم العقل الجمعي أذيع خبر زواج بت البلد من غير إعلان مسبق، علم به العوام دون الخواص، باركه الجميع لأنه عمل خير، يجب أن يتم دون مشورة صاحب الشأن، هكذا يصور لنا الأستاذ السر سرعة انتشار خبر خطبة بت البلد من ذلك العريس الذي اختاره لها والدها حاج مُحُمد في الأبيات التالية:
نعم أخي تصدق من زمن بعيد وأنا مجهد نفسي حتى أصل لهذه الصورة أو بالأصح للتعريف الصحيح لطبيعة مجتمعنا وكانت لافة في رأسي لكن رافضة أن تجتمع ويكتمل عقدها وتخرج كما أخرجتها أنت.
فعلاً هذا هو مجتمعنا في الزمن الماضي القريب لكن نحمد الله, الآن بدأ في التحسن من جهة الموروثات التي لا يرضاها الله ولا شرع ولا بشر لكن للأسف في نفس الوقت بدأت تندثر أشياء جميلة. ( كانت زمان ) وهنا يبرز دورنا نحن لابد من بذل الجهود حتى نحافظ على ما هو جمبل وننبز ماهو مادون ذلك
عاشت بت البلد في بيئة رغدة، وبسيطة من غير تعقيد، هائنة لا يكدر صفوها إلا صفاء قريحة أهلها الطيبين الأخيار... الفرد في ذلك المجتمع عبارة عن خلية حية في ذلك الجسد المترابط،
هذا التعريف كان دقيق جداً جداً
تعرف يا دكتور تحضرني الآن أبيات لشاب في منطقة شندي قالها عندما أجبر للزواج من بت عمه وهو كان بهوى آخرى لكن خضع لرأي الأسرة وتزوج بنت عمه وفقط نال من حقوقه أن قال هذه الأبيات من الشعر:
الحال العلي حال العدو المسكين وحال الكتفوهو وسالين علي السكين وحال الفي البحر حايشنو تمساحين وحال الفي السجن ماقدر لو سنين
نحن جيرانا بالحيطة شايقية وناس أصبحوا أهلنا معاونا واحد وهم من القرير ناس حاج محمد سعيد ودقرافي ومشهور بأسم بلول,, ونحن صغار كان مفتي شندي في ذاك الزمان يسمى ( الواعظ ) رجل فحل أسمو علي الواعظ لا أذكر أسمه بالكامل لكن على ما اعتقد من منطقة القرير لانه كان دائماً في زيارة ناس بلول ود حاج سعيد وهو كان رجل شاعر واذكر ان سمعت منه قصيدة قال لبنته الوحيدة وكانت مسافرة من كريمي للخرتوم وهو مقدمها محطة محطة بالشعر من قامت من كريمي.... لاسف لا أذكر هذه القصيدة رغم انها كانت جميلة أذكر فقط بيت واحد منها
عند ابوحمد آذانو كبّر سؤالي يا الكرام هل منكم من عرف هذا الرجل وهل منكم من يحفظ تلك القصيدة ؟؟؟
أولاً الجزء التاني من حكاية حمد أحمد التمرجي ثانياً قصيدة آخرى من محمد بادي العكودابي
ويا حبذا لو كانت
بالحيل آجني آي والله الجنيات العادت جابت أنت الجيب قايلو قميص أفرنجي وكرتونات كرملي لا لا حاشا وكلا ديل يوم عادوا أتلافو حقوق الجار من جنس كتاب ومجلة الحكمة الولد اتوضئ وصلى... عادة البلد الدخلت جوه قلوبهم مابتتخلى بالحيل آجني اي والله
أجمل الحلوين شايقي فيهو شوية بهارات إذا لم تستطع مشاهدة الفديو فعليك انزال البرنامج التالي ،"سريع ومجان" Download the following easy free software For video
Post: #347 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-12-2006, 01:44 AM Parent: #1
Quote: أبو الحسن سلامات الصورة مالا ما بتشبه بلدنا (ام دي زراعة بعد الانقاذ" شايف لي سور بعيد في اليسار واعتقد زول راكبلو حمار او معاهو "بقجة" بيضاء ، والشيء المزروع ما عرفتو شنو " انتو بقيتو تزرعوا "الهناي داك" يا كافي البلا
الله يجازي محنك يا د. يس... خليتني أضحك متل الماني نصيح...
الشئ دي سرابات كدي دَقِّق النظر شويي... ما كُنتو في بجبوج قاعدين تزرعو السرابات (الطماطم والفاصوليا والبطاطس؟؟؟!!)... ولة إنت طولت من الحكايي دي...
على شان أُغنياتك الجميلة النزلتها تحت دي أهديك التميرات ديل... والصور دي ملطوشة من حوش الشايقية بالبركل دوت كوم...
شوف الجدول دا مَمَرْتِقِنُّوا كيف؟؟؟ الظاهر جديد يادوب يسَقُّوا فيهو!!!
Post: #349 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-12-2006, 03:56 AM Parent: #1
كتب أُستاذ/ خالد محجوب...
Quote: تعرف يا دكتور تحضرني الآن أبيات لشاب في منطقة شندي قالها عندما أجبر للزواج من بت عمه وهو كان بهوى آخرى لكن خضع لرأي الأسرة وتزوج بنت عمه وفقط نال من حقوقه أن قال هذه الأبيات من الشعر:
الحال العلي حال العدو المسكين وحال الكتفوهو وسالين علي السكين وحال الفي البحر حايشنو تمساحين وحال الفي السجن ماقدر لو سنين
خالد محجوب
الحِبيِّب خالد...
صباحك زين...
أبشرك يا خالد أخوي زي الحالات أعلاه دي إختفت خالص من مجتمعاتنا والحمد لله بإيجابياتها وسلبياتها... ودا طبعاً موضوع نقاش طويل... وفيه آراء شتى... البعض يرى أن ذلك هو الأفضل بما فيه من حفظ الأُسرة وترابطها بين أبناء العمومة وغيره... والرأي الآخر يرى الإنفتاح إلى القبائل الأخرى والبيوتات المجاورة للأُسرة فيه ما فيه من الفوائد خاصة في العِزْوَة وهذا نراه واضحاً في أهلنا السوراب... الآن أكبر بيوتات الشايقية وذلك لإنفتاحهم للزواج والإختلاط بغيرهم من غير الشايقية حتى صارو الآن ماشاء الله ربنا يحفظهم أينما كانوا وحلُّوا...
وبجيك راجع بي نماذج للموضوع دا... لو ربنا حيانا...
كميات مودتي...
أبو الحســـــــــــــين...
Post: #350 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: عصام علي أحمد Date: 12-12-2006, 06:22 AM Parent: #1
الحبيب أبو الحسين رائعة الاستاذ محمد جبارة ( كانت لحظة الميلاد ) ابحث عن هذه القصيدة لاعجابى الشديد بها كانت لحظة الميلاد نزيف شمسا مدفق حاد أتحفونا يااخوان بالقصيدة كاملة مع خالص مودتى لكم عصام على احمد ابودية
Post: #351 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-12-2006, 09:47 AM Parent: #1
Quote: ابو الحسين ود عمي كيفنك ان شاء الله تتجازوا والله لمن سمعتة ود البركل اختللي قدلة ورقصة في نص مكتبي لامن المغاربة قايلني جنيت
الله يحفظكم يا الحبان ويطرح البركة فيكم
انا غايتو مبسوطلي بسطة فايتي على القوانين
إبن عمي الحِبيِّب طارق...
الللللللللله يديم فرحتك وطربك يااااااااااارب... ومع د. يس (الله يديهو العافي) تحلو القعدة والجلسة ومعاهو دايماً الطرب والفرح الله يعمر جِرْباتُو بالنوع الزي دا زي دا...
عليك الله أمشي راجع أُغنية محمد جبارة صُدفَة سعيدة دي الجابتني ليكم وتعال أديني رايك...
كميات مودتي... قاعد أجي أتاوق أتاوق أدي أهلي ناس الإمتداد والصحافة سلامي سلامي مع الصباح...
تسلم يا الحِبيِّب وأبقى قريب...
أبو الحســــــــــــــين...
Post: #352 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-12-2006, 10:02 AM Parent: #1
كتب الأُستاذ/ حاتم هاشم...
Quote: بسم الله الرحمن الرحيم
تعال قص البلد وارجع ........................
تعال قص البلد وأرجع تعال أدي الغُبش طلة بقالا الليل غـُتا ومُقـنع سُترتك يا صباح الله ضُراعك ِمدو لي رضع ضروع أُماتة قطن قط مراكب شوفا لا مشرع ولا بان في مداهن شط تعال يا شافي يا كافي شموخاً في زمن منحط من الفي تعال بجي المافي معاك وهطنا وإتوهط تعالنا نحـن من شـفع نفك الحيرة بي حيرة متين ما الليل يصن نسمع وراء الآهات غُلب نوره أبوي قالولنا جيبن دا صباحات الله بخيره تويب أمي الزمن هدا صباحات الله بخيره وصباحات الله لاقيته لا كراسه لا قلمه صباحات الله لاقيته ململم في العيون ألمه صباحات الله لاقيته تجود في الضحى وتضفر صباحات الله لاقيته تليس في شقوق بيته صباحات الله لاقيته أكان لاقيته في مشرع مكان خليتا تتوجع اكان لاقيته في مستشفى فطن إنداي جامع سوق محطة ملمة أكان في بيته أو مصنع محل لاقيته تنذمر مكان خليته تتوجع تكد تكدح تباصر كم رجاء أتقطع أبت تطلع من المدفع طلع خازوق خوازيق البلد زادت طلع نمراً وراهو ضباع وضاع ما ضاع وكان ما كان يفيض النيل نحيض نحن يظل حال البلد واقف تقع محنة طلع خازوق خوازيق البلد زادت سألت عليها مشيت ومشيت مشيت خشيت على حلة لاقيت شعاع ضال من ضو صباح الله لاقيت شعاع أسمر قاعدلو فوق بنبر كابي المُرس يسكر قنبت جنبو معا دار الحديث ما دار حدثني بى حرقة حبيته من جواي .. حبيته حبيته في الحلوة والمُرات شايله القُداحه معاي آدتني وأديته حبيته حبيته في يوم من الأيام هلوس مع الفجاج هلوست دون أحلام من دكة الحجاج ضلوا الشمس ريحين واحد عماك يا أم زين والتانى لفحك وطار باعوني للفرقة باعوني للدولار ملعون أبوك فُرقه ملعون أبوك دولار أنّ الشعاع الضال أنينا أنينا صنّ الشعاع الضال صنينا صنينا ما صن غنى و قال غنالي بحرقة غنالى يا هاجر عقبت يا باكر قاطعني يا هاجر رددت يا هاكر في الضلمة أولادك في الفيها طول اليوم لا زاده لا زادك يا مرمى لا ضل بيت لا أرث أجدادك يلا وجراحاتك طحلب ضلام الليل دهده صباحاتك السولبك خلاك برد الخمور مفتون في أفقر وضع ختاك فاجر وسخ مافون يلا وهياك يلا لاعن صباح الله صبح الغُنا الميمون صن الشعاع الضال غنا الشعاع الضال ما صن غنا وقال يا هاجر التسعى بين الوطن والبال باب الفجر بفتح فتح القلب موال فتح اللبق في الصيف تالا الشتل تربال باب الفجر بفتح يا وضع يا دجال باب الفجر بفتح عند دقة الرجال غنا الشعاع الضال غنينا طولنا سوا شال النغم عتال بايتين عيالو قوى باكرنا سترة حال ياكر رغيف وروى باكرنا بقة فال باكر كتاب ودوا باكرنا للأجيال ينشر نور وهوا لا تلاقي فيهو وبال لاهم بُعاد لاجوى باكرنا يا ضلال لسع بلال ما زال وما دام بلال لسع على الرمضا وهجير يلسع ما دام في أطفال بتتوجع صباحات الله يا بيضا وحيحة نوره لاهسع فجيعة يا نوره يا فُقرا ترف من شدره لى شدره تلف الدنيا كايسالكم صباحاتو ما انتو بقوا من الأرض مطره تعالى وشى الوطن دركان عساكر آخر الزمن واطه تعالى وما على كيفك تعالى وريحي الواطه بلدنا أن جيتي دي الكوكب تعالي من اليسار شمساً تشرق الغربوا المركب تغربي يا غرب يا باني الكلب يا تجار الموت والرعب لو ريح ليلكم طفى الصحوة نسل الصحوة في جوف الشعب ِبقى وضوي نواحى الدرب التالا الفجر الوطن القلب القلب الشايلك وما ختاك وكان ختاك أبداً ما خطاك بس يا نوره الصاح و الصبر لمي معانا قُطنة البدري نغزل منها كفن الليل ننسج منها توب الفجر فجرن تكسو محنتو الفُقرا من التعب البلا صالح يجبد الكُدّح الأُجرا يلا بوليس بلا أجرا شنو الخايفينلو يا فقرا بيوتا جنها المطره دقيقاً ما يفك الريق سمكتن مافي في بحرا شنو الخايفينلو يا فقرا شديراتن بقت حطـبه تمرتن ما تفك طلبه شنو الخايفينلو يا فقرا بهيماتن تسوى الميع مغبش كالترب بصرا شنو الخايفينلو يا فقرا كلبتن لا قلب لا حيل هوت في شبح فوق خيل كان يتداعر آخـر الليل نرت والشبح حدره صدت للصريف فتره كان صوت الرصاص قفره أنَّت والخلق نايمين صنت والخلق نايمين عفنت البلد يومين كلب العمدة جاب خبره شنو الخايفينلو يا فقرا شنو الداخرنو في متره أبو الأربل لأبو الواسوق أبو المحرات وساقية تسوق لأبو بقره يا بقر السواقي السايقى للأمرا شنو الخايفينلو يا فقرا أبو البوليس إذا ما كان أباتم من طرف فقرا يحرسوا القصر للتلفان وللفي الليل زنى ودعره ويقوموا مع النهار وزراء أبو البوليس إذا ما كان أراضيهم يبس شدره يحرسوا طلمبة الجازولين يقيفوا على البنوك غفرا إذا ما الشارع استنفر غبش عزل بستنكر على القيصر خساستو تقول للغيم محل مطرك قراب منك دالفينك يضم صدر الوطن حاني يهز للظلم ساساتو تحن لباكر الأخضر يعم بى خيرو ناسـاتو تنادى الفارس الأسمر تطالب بي قصاصاتو من الفجار من العسكر ابو البوليس إذا فكر يفك فيهم رصاصاتو أيا بوليس أيا نازل من المريخ جباة الدم من التاريخ أيا واقف لهم كالسيخ تقيف لنا لامتين دغري حقارتك تبقى في فقرا فضيحة فجيعة يا بوليس وجايين من فرد شدره جنانا العاق متين تصحي تشوف الحاصل المزري متين تدري بأنو الصوت ده ما مكري معتق للوطن دغري و بأنو الجاري ما منك على صدر الوطن يجري وخطاهو التيربت قدره تلاقى الفـجر والفقرا
ونحن نتساءل ويييييييييينك يا الخليفة ود هاشم... من أمس ما شرفت الدار... عسى غيابك في خير...
أبقى أظهر حتى لو تتاوق بس... وأنا غايتو بقيت أحرسك كل عصراوية تجينا شايل الفرح...
كميات موتي...
أبو الحســــــــــــين...
Post: #353 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-12-2006, 12:09 PM Parent: #1
Quote: الحنين ابوالحسين
كيف قيلته
شنو يا أخوي خليتنا فاتحين خشومنا وراجين
أولاً الجزء التاني من حكاية حمد أحمد التمرجي ثانياً قصيدة آخرى من محمد بادي العكودابي ويا حبذا لو كانت
بالحيل آجني آي والله الجنيات العادت جابت أنت الجيب قايلو قميص أفرنجي وكرتونات كرملي لا لا حاشا وكلا ديل يوم عادوا أتلافو حقوق الجار من جنس كتاب ومجلة الحكمة الولد اتوضئ وصلى... عادة البلد الدخلت جوه قلوبهم مابتتخلى بالحيل آجني اي والله
خالد محجوب
الحِبيِّب خالد محجوب...
مساك الله بالخير والرضا...
زي ما قال ليك د. يس يا خالد أخوي طلباتك أوامر وتُنَفَّذ على طول...
بس أسمح لي يعني الجزء التاني ما حا أنزله هسع إلا خلاص إتأكد إنو الخليفة حاتم هاشم الكلام المشروح وقع ليهو خلاص... ويُجاز بعد الإختبار من د. يس أو شخصكم الكريم...
أما طلبك التاني يا اخوي... فأنا لها وأي طلب من د. محمد ود بادي أنا جاااااااااهز وتحت الطلب... لأن مكتبتي مليااااااااااااني منو...
الأخ عصام سلام لي صديق اسمه عصام على أحمد أبودية وهو شايقي من منطقة الباسا/الغريبة ودرس قانون في جامعة القاهرة وكان عضو لجنة تنفيذية لرابطة مروي في الثمانينات عموماً ان كنت هو فالشكر لبكري الذي لماني فيك وان لم تكن فلك السلام ومرحبابك في هذ الديار
ويا هلا بيك في ديار أهلك وأحبابك السناجك من جَم...
تَشكرات تشكرات على الأُغنية الرائعة... وأبقى قريب وزي دي زي دي...
كميات مودتي...
أبو الحســــــــــــــين...
Post: #359 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 12-13-2006, 09:21 AM Parent: #356
عدت بعد غيبة قصيرة والعود احمد كا يقولون ، وجدت عندكم الكثير المثير ال..... .
(التحية عبر هذا البوست لكل أهلنا في كلحية الناس الطيبين ناس حمودة وأزهري عبد المطلب وناس ود سليمان والخليفة (رجل الإحسان) محمد خير السيد والسكينجاب عموم...)
هيج كوامن شجوني حديث أبو الحسين عن محمد صالح سعيد وأهلنا وأحباءنا في كلحية وانا بحكم دراستي بمدسة المقل المتوسطة(ام قبة) كانو يسمونها "الثانوية العامة" على زمننا منتصف السبيعينات) كما ان والدي الشيخ الحسين الحاج موسى رحمه الله حفظ القراآن بخلوة شيخنا عبدالرحيم ود كرار بالمقل ولذلك أنا منحاز إلى هذه المنطقة ولي ذكريات وصداقات في كل حي من أحيائها الحجير النافعاب كافوته كلحية الكوانجي والمسوداب أهل القبب وفي مرحلة لاحقة تعرفت عن قرب على الشيخ محمد خير السيد مسود بالخرطوم متعه الله بالصحة.
قرأت أيضاً ما استله الأخ الحبيب العمدة الهمام د/احمد أبو شوك من أوراقه القديمة من دراسة وخواطر ممتعة عن قصيدة بت البلد وهي كلمات يستحق عليها درجة علمية رفيعة أكبر من الدكتوارة (درجة عمدة في الادب الرفيع).
قرأت وقرأتم لا شك قرار صاحب الموقع (أرشفة مواضيع الموقع بحلول يوم 20/12/2006م) بما في ذلك هذا البوست. وحيث لا يزال في النفس شئ من حتي لدى الكثيرين ممن شاركوا في هذا البوست الرائع، وكانت تراودني فكرة قد يكون هذا القرار مناسبة طيبة لطرحها على الاخوة خاصة وانكم تلاحظون أن المعلومات التي حواها هذا البوست كثيرة وقيمة جداً ولكنها مبعثرة هنا هناك وتحتاج إلى جهد للملمتها و ترتيبها وتصنيفها بشكل علمي والهدف من ذلك هو لملمة وتوثيق تراث المنطقة على أسس علمية مستفيدين في ذلك من هذه التكنلوجياالهائلة التي إخترقت الحدود والحواجز و سهلت التواصل بين البشر على ما بينهم من أميال وفراسخ وكذلك إمكانيات الأخوة وجراباتهم(حمع جراب) المكتنزة بالدرر، بحيث يمكن الأستفادة منها ببشكل أفضل بل يمكن أن تشكل (إذا جمعت بشكل جيد) معين للباحثين في هذا الثراث وقد تكون حافز لآخرين لجمع تراث المناطق الأخرى في وطننا الكبير، ولذلك أقترح عليكم - والامر مطروح للنقاش أن يفتح صديقنا الهمام أبو الحسين بوستاًبعد التاريخ المذكور باسم علم من اعلام المنطقة يساهم فيه كل من يملك معلومة عن هذا العلم حصراً بحيث نجمع كل معلومة عنه مناقبه ومواهبه شعراً كانت أو نثراً و ما يروى عنه وكل شئ مفيد عنه بل ويمكن الإتصال بكل شخص يمكن ان يكون مفيداً لأغراض التوثيق بحيث تكون المحصلة في نهاية المطاف كتيباً يشمل كل شء متوفر عن هذا العلم وينتقل إلى علم آخر أو بالتزامن . ويمكن لصديقنا الحبيب العمدة د/ أحمد إبراهيم أبو شوك أن يضع لنا خارطة طريق وإطار علمي يمكن أن يحقق الهدف من الفكرة. هذه بإختصار ما قصدت به تطوير فكرة بوست اخونا أبو الحسين والامر مطروح للنقاش . مع تحياتي،،،
أبو الحسين في هذا البوست الرائع .................... أنا ممكن ألخص كلام الناس القالوهو ديل كلو في كلمتين ( الشايقية ما بيتلحقوا في أي حاجة)... يعني أي حاجة يجودوها تجويد نهائي ما بعدوا تجويد.. والذي يادي أي شئ كان بعد أدائهم يخربوا ويرجع به الى قامة أقل.. والمشاهد هو الحكم...والذوق الرفيع هو الحكم.. قال عنهم الشهيد الأستاذ محمود محمد طه( أنا لهجة الشوايقة تسحرني عديل كدة.. )وكان يطلب من تلاميذه الشوايقة التحدث بها دون غيرها...
Post: #358 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-13-2006, 05:52 AM Parent: #1
Quote: الأخ عصام سلام لي صديق اسمه عصام على أحمد أبودية وهو شايقي من منطقة الباسا/الغريبة ودرس قانون في جامعة القاهرة وكان عضو لجنة تنفيذية لرابطة مروي في الثمانينات عموماً ان كنت هو فالشكر لبكري الذي لماني فيك وان لم تكن فلك السلام ومرحبابك في هذ الديار
الفوق دا إستفسار... د. يس محمد يس...
Quote: يانوراى يادرقه وسيف ياحضنا كيف من حر الصيف والشتا ضاراي
أبو الحسين متابع معاك من كل الاعماق أنتمى لتلك الارض الطاهرة
عصام على أحمد أبودية الباسا - الزومة - تنقاسى الرويس
والإقتباس الفوق دا... تعريف الأخ عصام علي أحمد أبو دية...
في أول مشاركة ليهو في الديار دي...
وأنا أبو الحســــــــين... أسأل الله أن يكون عصام دا هو صديقك يا الحِبيِّب د. يس... وأكون ساهمت في جمع صديقين من الزمن الجميل في هذا الفضاء الإسفيري الجميل...
وهلا بيكم د. يس... وأُستاذ/ عصام...
وأمس الأخ خالد المنسي ما ظهر... والخليفة حاتم هاشم ليهو يومين مسجل غياب... عساهم والجميع بخير وعافية...
كميات مودتي...
أبو الحســــــــــــــين...
Post: #360 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-13-2006, 11:52 AM Parent: #1
كتب د. يس...
Quote: تسجيل قديم جدا للأستاذ صديق احمد له التحية في مكان ومده الله بالصحة متين يتحل قيدي
تشكرات د. يس على الأُغنية الجميلة ومتين يا ربي انا... يتحل قيدي ومتين يا يمة تفرحي بي جديد...
الله يديك العافية...
وبالمناسبة دي... في موضوع للأُستاذ/ موسى ود الحسين... وبرضو محشُور بين الرود الفوق... أرجو الإنتباه له ورايك ضروري... لأن الموضوع في غاية الأهمية...
أما أنا ردي للأُستاذ/ موسى... أنا يبقى لي لو البوست حولوهو الإرشيف نعمرو تااااااااااني من الأول... ونطالب الأخ بكري بمكتبة خاصة بالبوست وإنشاء الله يرد لي طلبنا... أنا غايتو اليوم أرسلت ليهو رسالة في الإيميل الخاص بيهو... وطلبت منه بأن لا يأرشف البوست فما عارف ردو بكرة حا يكون شنو...
على العموم أخي موسى آراء الإخوة مع رايك تبين لنا هدى الطريق...
وبجيك راجع يا أُستاذي موسى لشخصيات المقل الذكرتها وبالاخص الخليفة محمد خير السيد (الله يديهو الصحة والعافية ياااااااااارب)...
زي ما قال ليك د. يس يا خالد أخوي طلباتك أوامر وتُنَفَّذ على طول...
بس أسمح لي يعني الجزء التاني ما حا أنزله هسع إلا خلاص إتأكد إنو الخليفة حاتم هاشم الكلام المشروح وقع ليهو خلاص... ويُجاز بعد الإختبار من د. يس أو شخصكم الكريم...
أما طلبك التاني يا اخوي... فأنا لها وأي طلب من د. محمد ود بادي أنا جاااااااااهز وتحت الطلب... لأن مكتبتي مليااااااااااااني منو...
والله ما بنقدر علي جزاك انت والدكتورين ياسين وابوشوك واخونا حاتم ما فتحنا خشمنا بطلب ألا كنتم حاضرين جزاكم الله عنا كل خير وخيل وزوجة للما متزوج منكم ودبل للمتزوج منكم.
Quote: عصام على أحمد أبودية الباسا - الزومة - تنقاسى الرويس
الحبيب الأستاذ أبوالحسين سلام يا أخي دا زول أم بص وكمان بص / بنطون (أول مرة أشوف شي زي دا) صاحبي دا زمان كان حوام ومشاي والأستاذ موسى الحسين يعرفه (طبعاً إذا ما لعب المشيب بذكرياته شايفو ذكر السبعينات في المقل) ولكن صاحبي دا ما بعيد يكون اغترب وجابلو شوية قريشات وعملو بنطون على وزن الشايقي اللغترب وجاء فتحلو نقطة بوليس
Quote: أما أنا ردي للأُستاذ/ موسى... أنا يبقى لي لو البوست حولوهو الإرشيف نعمرو تااااااااااني من الأول
أتفق مع فكرة أستاذي موسى الحسين واذكر أن أجزاء مما طرحه الأستاذ موسى كان قد بدأ في سابق السنين في هذا البورد لكنه لم يتواصل وبعض البوستات موجودة في الأرشيف لذلك يمكننا تطويرها حسب الطرح الجيد من الأستاذ موسى و "تعميرها" حسب وصفك وما أقوى الكوامر المعمرة !!!! لكما ودي ومعك أتساءل عن الحبان خالد وابوهاشم لكن يبدو أن خالد قال عندو نية سفرة واعتقد ابوهاشم مضروب شاكوش في دقنوسو دا ان شاء الله ما يكون سوالو الوردي
ومعك أتساءل عن الحبان خالد وابوهاشم لكن يبدو أن خالد قال عندو نية سفرة واعتقد ابوهاشم مضروب شاكوش في دقنوسو دا ان شاء الله ما يكون سوالو الوردي
المبروك الدكتور ياسين كيف امسيت علك عافي
والله يا اخوي نية السفر في البال وربنا يسهل الأمور والله طولت بالحيل من البلد لي سنة ونصف دعواتكم يسهلها ربنا
الزول ابوهاشم ان شاء الله البكان الفيهو ما جنبو بحر ( الوردي ) هيني بتهرس الجسم والعضام وبتروح كعب الغرق في البحر ونسأل الله السلامة لأخونا ابوهاشم من كل بلاء
Quote: ويمكن لصديقنا الحبيب العمدة د/ أحمد إبراهيم أبو شوك أن يضع لنا خارطة طريق وإطار علمي يمكن أن يحقق الهدف من الفكرة. هذه بإختصار ما قصدت به تطوير فكرة بوست اخونا أبو الحسين والامر مطروح للنقاش .
الأح الفاضل / موسى الحسين سيدأحمد السلام عليك ورحمة الله وبركاته
كلامك جميل واقتراحاتك أجمل وعلمية وهادفة والحمد الله ابناء اراضي الشايقية الأعضاء كثر ويمكنهم أن يحققوا ما ترمي له أخي الفاضل.وأرض الشايقية غنية في كل ,,,جغرافياً, تاريخ, تراث وتقاليد, شعر ونثر,, غناء ,, حكاوي وقصص ,, واظهار نواحي التطور والنقلة في تلك المنطقة.. وكما قلت الأرض غنية وتحتاج لجهد. والبوست هذا ممكن أن يكون في متناول الكل أعضاء وزوار من غير الأعضاء وتعم الفائدة.
أنا طبعاً ما شايقي وغير ملم بكل ما ذكرت مسبقاً لكن أحب أن اعرف الكثير عن كل قبائل السودان,,, واحب الشعر والأدب عموماً في بلدنا الحبيب ويروقني جدأ شعر أهلنا الشايقية وحبيت أن أشارك بما أحفظه في هذا البوست الجميل.
وزي ما قلت ممكن الأستفادة ممن لهم باع في ذلك أمثال الدكتور ابوشوك وغيرهم من ابناء الشايقية في هذا المجال. ولك مني كل الود والتقدير
خالد محجوب
Post: #366 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-14-2006, 01:39 AM Parent: #1
Quote: السنجك الحنين أبوالحسين سلامات وعوافي
والله ما بنقدر علي جزاك انت والدكتورين ياسين وابوشوك واخونا حاتم ما فتحنا خشمنا بطلب ألا كنتم حاضرين جزاكم الله عنا كل خير وخيل وزوجة للما متزوج منكم ودبل للمتزوج منكم.
بالحيل آجني اي والله
الحِبيِّب خالد...
صب%C
Post: #367 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-14-2006, 01:39 AM Parent: #1
Quote: السنجك الحنين أبوالحسين سلامات وعوافي
والله ما بنقدر علي جزاك انت والدكتورين ياسين وابوشوك واخونا حاتم ما فتحنا خشمنا بطلب ألا كنتم حاضرين جزاكم الله عنا كل خير وخيل وزوجة للما متزوج منكم ودبل للمتزوج منكم.
بالحيل آجني اي والله
الحِبيِّب خالد...
صب%C
Post: #368 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-14-2006, 01:39 AM Parent: #1
Quote: السنجك الحنين أبوالحسين سلامات وعوافي
والله ما بنقدر علي جزاك انت والدكتورين ياسين وابوشوك واخونا حاتم ما فتحنا خشمنا بطلب ألا كنتم حاضرين جزاكم الله عنا كل خير وخيل وزوجة للما متزوج منكم ودبل للمتزوج منكم.
بالحيل آجني اي والله
الحِبيِّب خالد...
صبحك الله بالخير والرضا... يا اخوي إن بقينا ما نفذنا ليك طلبك إنت ننفذ طلب منو يا الغالي...
أما دعواتك دي كيف صادفت هواي... لكن أعصر بالتأهيل والزواج لغير المتزوجين والصحة والعافي والسعادة والهناء للمتزوجين يااااااااااارب...
ود حمداحمد والحالة الصعبة والبنوك الأستاذ الشاعر الفاتح ابراهيم بشير
Post: #370 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-14-2006, 02:43 AM Parent: #1
Quote: ود حمد أحمد إنضرب بقى يجري زي القانقرض مرات يفوتك في السلام و مرات يسوي بكا و حرد بس فجأة صاحبك إختفى و همّل عقاباتو و شرد ما راعى أحساس الورا و ما راعى للبت و الولد لي زوجتو الممكن تضيع في زحمة الزمن النكد
الشكية لاب ايداً قوية يا د. يس يا اخوي...
تسويها بي إيدك تغلِّب أجاويدك!!!
مودتي...
أبو الحســــــــــــــين...
Post: #371 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 12-14-2006, 05:40 AM Parent: #370
(
Quote: يا أخي دا زول أم بص وكمان بص / بنطون (أول مرة أشوف شي زي دا) صاحبي دا زمان كان حوام ومشاي والأستاذ موسى الحسين يعرفه (طبعاً إذا ما لعب المشيب بذكرياته شايفو ذكر السبعينات في المقل)
الأخ العزيز جداً د/يس محمد يس
لك التحية والشكر خقيقة في شوق دائم لك ولكل الحبان الذين شاركونا الزمن الجميل، وبهذه المناسبة أين الرجل الصبوح عبدالوهاب الطيب القادري الطريقة الطنبوري الهوى .
صديقناد/ يس صحيح الذاكرة خربت لكن الأخ عصام أبو دية اعرفه جداً فهو غير أنو زميل مهنة وتعاصرنا في الجامعة هو ورانا شوية، إلا أنهم من الغريبة ومن نفس أسرة الفنان الراحل أبو ديه (رحمه الله) الذي شكل والفنان السني الضوي ثنائي العاصمة وهم أقرباء أسرة المرحوم سراج الدين فتح الرحمن بالنافعاب . تحياتي للأخ عصام ولشخصكم .
Post: #372 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-17-2006, 09:46 AM Parent: #1
إخوتي الكرام...
رواد الحوش...
نعود إليكم والعود أحمد... وحمدا ًلله على السلامة...
وأبدأ معكم بهذه القصيدة التراثية...
وهي قصيدة (الدوسيب) وهي من القصائد القديمة جداً وكانت تُغنى عند رقِّيص العروس بعد قطع الرحط.. ففي يوم الزواج وبعد الصفاح (العقد) وعند المساء يذهب العريس ومعه أهله سائرين به إلى بيت العروس لإتمام قطع الرحط الذي لم يكن آنذاك فيه قروش أو حلوى (فكان رحط بي حق وحقيقة) فبعد قطع الرحط تقيف الصفوف لرقِّيص العروس التي تظهر كالقمر بين الكواكب بعد ما جلست على الطلح أكثر من شهر آنذاك وتكون لابسة تنُّور مربوط في وسطها ويبدأ أخوات العريس والعروس وأهلهم في غناء قصيدة الدوسيب....
التي تقول....
الدوسيب .... كدي يا عروسنا
الخضراء جابيق .... كدي يا عروسنا...
سمِحْةَ الذات .... كدي يا عروسنا...
الشروط تامَّات .... كدي يا عروسنا...
سمِحْةَ الزي .... كدي يا عروسنا...
عيش الكُري .... كدي يا عروسنا...
المفوسِب ني .... كدي يا عروسنا...
الحرير للطي .... كدي يا عروسنا...
العظمة زينة الحي .... كدي يا عروسنا...
عيش الباجور .... كدي يا عروسنا...
(الما نقدو زرزور) .... كدي يا عروسنا...
الغَفَرو حاس دور .... كدي يا عروسنا...
عيش القُرير .... كدي يا عروسنا...
الماب يحومبو الطير .... كدي يا عروسنا...
الجنيه في الجيب .... كدي يا عروسنا...
البِقت فوسيب .... كدي يا عروسنا...
الدُّقة والنُقَّار.... كدي يا عروسنا...
القرمصيص العال .... كدي يا عروسنا...
الرصَّة والشبَّال .... كدي يا عروسنا...
شديرة البار .... كدي يا عروسنا...
تضوي فِنْيار .... كدي يا عروسنا...
تِبْش الرمال .... كدي يا عروسنا...
الدوسيب يا خدرة كَمِّك
يا جلادةَ الشم جِبْتي ابن عمك..
الدوسيب نايري وعديلي
عروسنا ام زين مُقْد الجزيري
الدوسيب فاحت جلادها
عروسنا ام زين مسكت وصاتها....
ونترجم بعض الكلمات لشوايقة لندن... ناس الخليفة حاتم وخالد المنسي!!
الدوسيب والفوسيب: القصب الأخضر الغض....
الجابيق: كلمة نوبية تستخدم في قطع صفق القصب الأخضر أي أن هذه البت أصبحت جاهزة للجيبيق (الزواج)
الأخ الحبيب أبو الحسين صاحب الحوش الكبير وزواره الكرام، لكم تحيتي ومودتي، وأرجو شاكراً كريم تفضلكم بأن ترحبوا بأستاذ الفن التشكيلي والتذوق الفني الأخ الصديق الدكتور محمد أبوسبيب، الذي يعمل حالياً بجامعة ابسالا السويد ... والذي يود أن يتواضع معكم على بساط أحمدي مفروش بتراث أهلنا الطيبين، وبمشاركة أدبية قوامها قصيدة أحمد النضيف المشهورة بـ "إنتو تجرو .. وبي وراكم نحن نجري"، ... علها تكون فاتحة خير لإسهاماته القادمة ...
إنتو تجرو وبي وراكم نحن نجرى عرض وتحليل الدكتور محمد أبوسبيب، جامعة ابسالا، السويد
الشكر أجزله للصديق العزيز دكتور أحمد ابراهيم أبوشوك على رسالة دعاني فيها إلى زيارة بوستات ابوالحسين، و ابوشوك ليهو ألف حق فهو يعلم اننا مشدوهين فى جري المعايش خاصة فى بلدٍ زى السويد أجاركم الله وحماكم فيها صقيعاً "يعنبج". في سياق الحديث عن أدب الشايقيه لا بد من التأكيد مجدداً مع أبوشوك على ضرورة مقاربة هذا الأدب باعتباره ارث سوداني صميم عبَّر فيه صانعوه عن هموم وأشواق أهلنا في الهامش الناهض فى أطراف السودان المختلفة. أعتقد ما نعيشه اليوم هو "نهضة هامشية" يعيد فيها انسان الهامش صياغة علاقته بمركز سياسي/ آيديولوجي/ ثقافي فقد كل مقومات بقائه. إعادة الصياغة تعني استرداد تاريخنا الحقيقي والتمعن بعمق في ميراثنا الثقافي والفني، رأسياً فى عمقه المحلى وأفقياً في امتداده الوطني ؛ وهو بداهةً تاريخ وميراث حضارة وادي النيل الأوسط وعلاقاتها العضوية مع ممالك وشياخات دارفور وكردفان والشرق والجنوب. فشايقية اليوم هم نفسهم سكان مملكة المقرة تحدثوا اللغة النوبية المحسية قبل مائتي عام أو تقل، ولا زال كمٌ هائلٌ من لغتهم القديمة جارياً في كلامهم وغناهم (لو واحد من ناس فوق قعد وسط أهلنا الترابله يطلع كيت)، كذلك هم نفسهم سلاله ضمن سلالات شعوب كوش ونبته، وهم حرّاس الضرايح ـ الضرايح الجد جد ـ حيث "جدودنا الجمله راقدين" فى الكرو ونوري (معناها مدينة الرب فى اللغة النوبية القديمة) و البركل، مراقد بعانخي وتهارقا حكام السودان ومصر وفلسطين. أمّا حاضر الشايقيه فهو أيضاً جزء من حاضر سوداني يعاني من غيبوبة سياسية منذ عقدين من الزمان، وعينك سرّك. في هذا الصدد سأتعرض لقصيدة أحمد النضيف ومطلعها: "إنتو تجرو و بى وراكم نحن نجرى..." فهي شاهد حي على هذا التواصل العضوي بين المحلي الخاص والوطني العام، بين الشاعر الشايقي يشرع صوته متحدياً رافضاً فى الجابرية وشاعر شايقي آخر يجوس بمبضع حاد فى مجتمعات العاصمة يشرّح به جثة المركز، محللاً ومفسراً عقد السياسة ومسارها . لي علاقة شخصية بهذه القصيدة تعود لعام 1996 عندما أوحت إليّ أبياتها الأولى بعمل فني تشكيلي أسميته "أغنية الكدّاري" يمكن للقارئ رؤيته فى الموقع الآتي بجانب اسمي والشاعر:
سمعت القصيدة لأول مرة مسجلة كرمية للفنان عثمان اليمني. لم أكن متأكداً من صاحبها، وبحكم وجودي خارج السودان إتصلت بمن أكد لي أن صاحبها هو أحمد النضيف. هذا العمل الشعري هو في رأيي نتاج لذهنية ذات بصيرة تشكيلية عالية عبرت عن نفسها بوسيط أدبي شعري رفيع، لذلك يمكن بالفعل تحويل القصيدة إلى معرض كامل من اللوحات البصرية. كذلك يتمتع صاحبها، والحق يقال، برؤية سياسية ناضجة ومنظور اجتماعي صحيح أعطاه جسارة فائقة على فضح وتعرية واقع المركز وتفسخ الطبقة الحاكمة خاصة عندما يعرج على نماذج حية من حكامنا يتناول فيها مفردات حياتهم، لبسهم، شرابهم ومأكلهم، سلوكهم و"إسلامهم" :
سوّيتو دقونكم ستاير وفيها تدسو السجاره ومره تدسو السجاير
يتنقل بك الشاعر من صورة إلى صورة في تواتر مثير، لا تفرغ من حدث حتى يقودك إلى حدث آخر فى إنتقال سلس. هذا مقابل رسمه البليغ لحيوات محمد أحمد رمز أهلنا الطيبين المكدودين المظلومين يرويها لنا في صور ومواقف سرعان ما تضعك في البرزخ المعروف بين الضحك والبكاء وسرعان ما تجسد لك الحكمة الشائعة : "شر الأمور ما يضحك"، أنظر إلى هذه اللوحة:
حالة المسكين تشفق وفى الشماعة متعلق لما السواق يعشّق ضهرو المسكين يطقطق ياخى ربع الكيلو بيشبّع ؟ بتلق المصران يجقجق ينطط داير يدفق فيهو الشافع مبحلق
وهذه لوحة أخرى:
شعب فاضل ليهو يختف اليشوف كبريته يرجف واليشوف صابونه يهتف ما دا شعب الانتفاضه شوتو بى فوق العرَّاضه ما أظن الشبكه شافه و ما أظن قاس المسافه و شاته بى فوق الكشافه
نقلت هذه القصيدة من شريط لليمني وبعض الكلمات غير واضحة فأرجو المعذرة إذا كانت غير ما قصد الشاعر.
إنتو تجرو و بي وراكم نحن نجرى و للوراكم ما بتفكرو تلقي ناس قاعدين يزكرو و بعد شويّى يقولو سكرو إنتو جارين بى لساتك و نحن جارين بى حداشر إنتو فى الطابق الحداشر و نحن فى الحاره الحداشر إنتو توصلو من تلاته و نحن نقعد لى حداشر و برضو تجرو الفرق بيناتنا شاسع إنتو ماسكين ياتو شارع إنتو حارساكم مدافع و نحن بالليل أى شافع يكورك يمه يابا و يمه شالتنى العصابه و برضو تجرو كل نايب عندو دايره و أى واحد عندو دايره و الحقيقه الدنيا دايره و فى الجنوب الحرب دايره و محمد احمد مرتو دايره و بتو دايره و القيم فى بلدى بايره القاعه بارده وبالمكيف و ناس ورا الباصات تصيّف شعب فاضل ليهو يختف اليشوف كبريته يرجف و اليشوف صابونه يهتف ما دا شعب الانتفاضه شوتو بى فوق العرَّاضه ما أظن الشبكه شافا و ما أظن قاس المسافه و شاته بى فوق الكشافه كل نايب عندو قطعه و قطعه ناصيه و درجه أولى و كلًو كيّال ليهو فوله الحكومه التم حولا تزغرتولا تفرتكوها تكيلو للطرف البناكف و البقيه ترجعوها و البلد ملعون ابوها الرايه فوق القصر شامخه و الرايه برضو كمان جريده البنوك مسكو اقتصادنا و نحن جيبنا على الحديده النمر و مركوبو يرقش و سبحه لالوباً غليده الدقن بالحنه تلمع راكبه مرسيدس جديده و ناس تكابس فى العصيده إنتو تضربو فى الكويتي و محمد احمد و ناس بخيتي ياكلو عيش ماسكه الهريتي و يا عصيدة فيتريتي تاكلو شيّه و كبده نيّه و نحن راجين الضحيه يا لقينا يا عدمنا و مافى صابون لى هدمنا إنتو سكان السرايى و قولو لينا شنو الحكايى جيب لى كوريقه و دوايى و جيب لى قرطاسة محايى أنا أصلى محتاج للكتابي يا حليلك يا ترابي و واخرابك وا خرابي و ناس تكابس فى الروابي و تلق شافع لادغو دابي و ناس ورا الباصات تشابي من الكلاكلا و للصبابي ناس يوردو فى الكبابي و ناس يحنسو فى الترابي و برضو تجرو والله لسًّه القاعه بتصفق حميركم بره بتهنق و طياراتكم تحلق طاحونه بلا عيش تدقق محاكم لسًّه بتحقق و تلق محامى متريق جوّه المحكمه يقرّق بتلق الغنيان بيسرق بى مارسيدس مروق حالة المسكين تشفق و فى الشماعه متعلق لما السواق يعشّق ضهرو المسكين يطقطق ياخى ربع الكيلو بيشبّع ؟ بتلق المصران يجقجق ينطط داير يدفق فيهو الشافع مبحلق و تلق عماره مفروشه ناساً تحشم كروشا الكرشه ديك ما بتحوشه و ناس ماسكاها كاروشه أوضته ماها معروشه و ناس تحلم بالرشوشه عيشته يابسى كركوشه و تلق التـِّفه منكوشه تفتش ديمى فى الكوشه عشان تلقالا قرقوشه تلق عماره معروضه و ناس بى غادي مقروضه و ناساً تاكل قروضه و عشان ما تحفظ عروضه أطفالم ما شافو روضه عشره يسكنو فى اوضه بره ان مرقو الرطوبه جوه إن دخلو البعوضه و ين يا ناس الضماير و خافو الله فى المتاجر سويتو دقونكم ستاير و فيها تدسّو السجاره و مره تدسو السجاير و تشربو أم الكباير إتذكر يوم المقابر يوماً تبلى السراير و راكبه جناح ام جكو و داك ختامه مِسْكـو حزام الفرجيّى تحتو و لبس العراقى تحتو تعالو ورقنا الندكو بنوزعوا قبال نشكو أقعدو معانا النفركو ان شاالله تجونا بى ككو
Dear Wad Yassin Wonderful!!you know, I have so many nice memories about you, as a colleque of my brother, Mawlana Abdel Mouniem Mohamed Kheir( god bless his soule) and I read your comment some where in the baord about him , when a warm tears came down!!because when he died I was some where missing in this hard Europe, and it was so diep to miss a dear person like him, particulrly when you have an special band with some one!! Life is getting harder and harder!! Its a cruel world, dr! many thnkx Haj
Post: #377 Title: الحمد لله على اللمة معاكم... Author: أبو الحسين Date: 12-18-2006, 05:29 PM Parent: #1
إخوتي الكرام رواد حوش الشايقية...
مساكم الله بالخير والرضا...
الحمد لله رب العالمين اليوم إتحلت مشكلتي بتاعت المشاركات...
حمداً لله وشوووووووووووووق شديد ليكم من أمس ما طليت عليكم...
أها بالمناسبة دي أرحب شديد الترحيب بالأخ الدكتور أبو سبيب... وكل من يأتي من د. أبو شوك فهو جميل يا اخواننا والله... وإستمتعت جداً للتحيلي الجانا منو ويااااااااارب يكون بيننا قريباً...
وأهديه وأهديكم أحبتي قصيدة الشاعر حميد بين الموجة والخزان...
قصيدة بين الموجة والخزان للشاعر محمد الحسن حُميد...
بين الموجة والخزان...
هَرَدْتَ لهاتي بالغنوات وقُتْ يبُردْ حَشَاك يا امِّي ومن التّعب البلا صَالِحْ تفيقي تروقي تنجمِّي تسوِّي مكانسِكْ المطرة تضوِّي البيت وتنحَمِّي تمرقي صبوحة للجيران قدح فوق ايد وفي ايد أَلمْي يلاقوك شُفّع الكُتّاب نُضاف وظُراف بلا النّسْمي ويغنولِك يغنّولِك غناوي السّابْ وفي بيّوضة مافي سرابْ جُبال كَجَبي وفيافي الكاب تميد بالخُضرة منقسمي ولا غُبار ولا هو سحاب وتنهجمي من الدّهشة وتحاحيهُن غناكُن نيي غناكنُ نيي غُنا الوهْمي ويهتفوا زي كلاب الحي على الأغراب حوافي الصّي وبيوضة البراسيم فيها مفروضة خدارا يراري شوف عيني على الأبوابْ قماريها وحواريها وطواريها بقت روضة بقت تشرب من الحامدابْ تشربي عافيي من إيديّ تدوِّي اليوية بي حِشْمي تسوّي السّي وتبتسمي تشوفي رهاب بُعُد نجمي وأشوفو قريب قُرُب نَضْمِي أشوف العالم التِّحْتَاني هيلا هوب وقف ناهِضْ ودكّ عمايد الفوقاني جوه الُّجب رَمى العارضْ وفي السّاقو الدّمَار أفراق عريق الحُب نَبَضْ قابِضْ مِتِل قَبْض الحروف في اسمي غناوينا القبيل رَقْرَاقْ علينا تَصُب بَرِدْ قَارِضْ أَلُكْ طيناتا من دمّي وارْمُلا من عصب عشّاق أنُطْ تُلُّبْ وأجيك عارِضْ واجُرْ نمَيِّ أدودي لهاتي بالغنوات عُقُب يبرد حَشاَك يا امِّي تسوِّي السّيْ وتبتسمي تسمِّي الشّعب وتعتّصْمِي بحبل القُدرة تتفرّقْ ظُلُمةً فيها تتحرّقْ صُرُمةً قالوا ليك قِسْمي أدودي لهاتي بالغنوات عُقُبْ يبُردْ حَشَاك يا امِّي تقلبي الكلمة بي الكلمي ضُراعِكْ يرْمِي ما يَدْمِي تقيفي بعيد عن الشُّمات تكوني اقرب لي من إسمي واضُمِّكْ بارتياح يا امِّي أحبِّكْ صَاحْ وصَاحْ حلمي ولاكي سعية للضَبّاحْ ولا شمش الصّباح حِزْمِي ولا كَتْف السِّلاح سوّاحْ ولا نزف الجراح ألمي هيا أنحزْمي هيا أنخلْقي هيا أنعتْقي متين مو دايرة ري تسْقِي ولا في إيد النّزيف تبقَي ولا في إيد الخريف تبقِي ولا الفيضان يبدِّع بِكْ . ولا في القيفة تنهدْمِي ولا إنْ جَاتْ حارّه تنهزْمِي ولا يغشى الغُلُب قلبِكْ ولا تشقِي ولا انتِ تخافي لا تَدْمِي ضُراعِكْ يرْمِي ما يَدْمِي فيا حزن البلد عوك كَرْ ويا سعد الولد ضَرْ ضَرْ مع النّسْمِي و ألِوْ قيمة العَمَل عِمِّي وافتحي ظلمَتِكْ للضّي سِنِّي على النضال إيدي سوِّكي بالهُتَاف فَمِّي شوارعِكْ لَيْ دَويها عَلَيْ إذا ما آخر العلاج الكَيْ مراويدِكْ حُمُر صُمِّي مراويدِكْ حُمُر يا امِّي بليلتي ولا ضبايح طَيْ قليلتي ولا كُتُر سِمِّي وطني ولا مِلي بطني سُكَاتي ولا الكلام النيّ...
ولكم جميعاً مودتي... وبجيكم راجع بكرة لو ربنا حيانا للتحليل والغوص في كلمات الدكتور أبو سبيب ولا يفوتني أن أشكر الدكتور/ يس على الهدايا الرائعة التي أتحفنا بها... وربنا يخدِّر ضراعك يا اخوي... والترحيب عبرك بالأخ الكريم محمد خير... وأبقى أظهر...
أبو الحســـــــــــــين...
Post: #378 Title: Re: الحمد لله على اللمة معاكم... Author: خالد علي محجوب المنسي Date: 12-18-2006, 10:53 PM Parent: #377
Quote: أنا أخو البت اللكعت قرن الخمرة النازة
على وردان الصبوة الراكزة
الجنيات الهازة .. صدورن لازة ورقّ النص زي خيت الشلة
بالحيل آ جني إيه والله
قد يكون مولدها ( أعني القصيدة ) أحساس دفين طفح للسطح في ليالي العاصمة بما فيها من زخم, وهذا الأحساس المدغدغ يبرز عند الشعور بفقد المكان ومافيه والزمان وما حدث فيه, هنا يأتي شيطان الشعر يكلكل يكلكل حتى تتدافع كلمات درر مضمومه, شعراً يحدو بها الركاب في الحل والترحال والمكوث.
كلمات قصيدة الشاعر الفحل ود بادي تنبئ أن ذاك الشعور أنتابه ودغدغ أحشائه وهو في الخرتوم بداعي التعلم في جامعة الخرتوم.
مطلع القصيدة جميل جمال ما بعدو جمال, كان الفخر والأعتزاز بالنفس ... أهلنا في المفاخرة أن يقولك الواحد منهم,,,, أنا أخو البنية ,, أن أخو..... ويسم أخته,, أو أنا أبو فلانة .....
كانت تلك ( الفتاة )التي أعتز وأفتخر بها ود بادي نوارة فريقها.. فادعة تتمايل في الرقيص تلكع جادعه بقرنها اي ديسها المعطن بالخمرة على جيد الصبيه.. بل دقق أكثر وقال على وردان جيد الصبية ترمي قرنها بالشبال,,, وحتى الصبية ماهم لقاط طرف بل صفوة وشجعان ولاد الحلّه.
الجنيات الهازة .. صدورن لازة ورقّ النص زي خيت الشلة
بالحيل آ جني إي والله
عادة أهلنا وناسنا في وصف الجنى الهاش وباش أقولولك دا جنى هازي ولازي أي هاز ومبشر بيده مستقبل ومرحب ولازي اي فارد صدره يوحي لك بمافي دواخله من شجاعة وشهامة وكرم
وبعد كلو عرج على وصف الصبية أنهم صدورهم لازة ومن الوسط ولتحت رقيق زي خيت الشله وهي صفة الشجعان لا هو سميناً برل لأ هو رقيق ملصوق جلدو علي عضمو.
لذا نجد أن بنونة بت المك نمر عندما رثت أخواها عماره ( ومات بمرض الجرب عافانا الله وأياكم )
من اعظم ما قال الشوايقة .......... ست ريدي في ذاتك عبدت الله وزاد إيمان قليباً ليا قبلك تاه ........... مشارع الحب كتير أنا واردا حتى باللآهات رئاتي مقدده .......... وأعظم ما قالوا في الأمثال الكضب من دورين يقوم يغلبوا الصح في فرد يوم .......... وقال حاج الماحي في طلبه من ربه عصاتنا البشربوا الدكاي مع الصديق سديس الراي ( قوافل درجن بي جاي طالبات المدينة مناي) ...........
Quote: بقت روضة بقت تشرب من الحامدابْ تشربي عافيي من إيديّ تدوِّي اليوية بي حِشْمي تسوّي السّي وتبتسمي تشوفي رهاب بُعُد نجمي وأشوفو قريب قُرُب نَضْمِي أشوف العالم التِّحْتَاني هيلا هوب وقف ناهِضْ ودكّ عمايد الفوقاني جوه الُّجب رَمى العارضْ وفي السّاقو الدّمَار أفراق عريق الحُب نَبَضْ قابِضْ مِتِل قَبْض الحروف في اسمي غناوينا القبيل رَقْرَاقْ علينا تَصُب بَرِدْ قَارِضْ أَلُكْ طيناتا من دمّي وارْمُلا من عصب عشّاق أنُطْ تُلُّبْ وأجيك عارِضْ واجُرْ نمَيِّ
وأهديك وزوارك جزء من نص قصيدة حميد الواردة أعلاه بصوته وفنان آخر
Post: #381 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-19-2006, 07:50 AM Parent: #1
Quote: كلمات قصيدة الشاعر الفحل ود بادي تنبئ أن ذاك الشعور أنتابه ودغدغ أحشائه وهو في الخرتوم بداعي التعلم في جامعة الخرتوم.
وإنت يا خالد والله دغدغت مشاعرنا وأحاسيسنا بتعليقاتك الجميلة دي...
واصل الله يخدِّر ضراعك وأول ما تنتهي منها أنزل لك غيرها وبالطلب منك كمان قصرت معاك؟؟...
مودتي...
أبو الحســـــــــــين...
Post: #382 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 12-19-2006, 03:11 PM Parent: #381
وتعمقت تلك الصلة بعد عملي بالمحاماة وذهابي مع زميلي المرحوم أيضاً الأستاذ عبد الهادي أحمد عثمان"عبود سندول" لمحكمة الدبة ، وفيها عرفت أخاكم أمين وبعض أهليكم ، لقد قضيت في بيت الشاعر عبد الله محمد خير أمتع الجلسات أمام داره في صحبة الأستاذ صديق أحمد وعباس مدني يقول لنا الجديد من أشعاره ويحكي أسرار قصائده والمعنيات بها مثل (بلدكم مر بيها صدف وجنب دار البريدو".دار ......" وقف يا جميل) وقصيدة سعاد ومن المعنية بها و و و و ويطول الكلام في هذا ، كما عرفني بنفر كريم من دياركم في الككر والدبة ألا رحم الله عبد المنعم بقدر جلال عمله وحبه للناس
وانا أيضاً من الذين زاروا داركم العامر بالحسيناب في اللكر وقضينا امسية طيبة في حضرة والدكم المغفور له بإذن الله الشيخ محمد محمد خير الذي روى لي أنه تتلمذ على يد شيخنا الراحل أحمد صالح فضل بمورة، وكان وقتها صديقنا الراحل عبدالمنعم يخطو اولى خطواته بالهيئة القضائية وكانت زيارتي تلك في عام1992م تقريباً برفقة المغفور له صديقي الراحل أيضاً عبودالذي لا يعرف إلا الرجال ولا تجده إلا في مواقع الرجال. ولقد تركت هذه الرحلة أثراً طيباً في نفس صديقي الراحل البشوش الضاحك دوماً عبد المنعم رغم أنها تمت في غيابه، فقد عبر لي عن ذلك بعد أيام قليلة من هذه الزيارة حينما سمعت صوتاًأتي من جهة عمارة بنك الشمال ينادي (مولانا موسى مولانا موسى) فإذا به مولانا عبدالمنعم ولكنه إزداد بشاشة وترحاب قابلني بنفس الود المعهود فيه وكان ذلك آخر لقاء بيني وبينه حيث غادرت بعدها السودان وحزنت جداً لخبر وفاة والدكم رحمه الله ثم كانت الفجيعة برحيل مولانا عبدالمنعم عوض الله شبابه الجنة وهو ثاني نجم يهوي من زملاء الدراسة سبقه صديقنا احمد الننقة تم لحق بهما صديقنا عبد الهادي الخلفة ثم رحل عبود وقد سكنناالحزن والأسى بفراقهم رحمهم الله وأسكنهم فسيح جناته.
Quote: وإنت يا خالد والله دغدغت مشاعرنا وأحاسيسنا بتعليقاتك الجميلة دي...
واصل الله يخدِّر ضراعك وأول ما تنتهي منها أنزل لك غيرها وبالطلب منك كمان قصرت معاك؟؟...
مودتي...
أبو الحســـــــــــين...
الحنين السنجك ابوالحسين السلام عليك بعد الغيبة التي طالت لثلاثة أيام لكن نزلت علينا كثلاثة سنوات وكان عزانا أنكم أصبحتم رواد سودانيزونلاين في رويشات القليب المكلوم ....لكم التحية والتقدير والأحترام
أنا يخيّل لي أنا لسان حال الشاعر الفحل ودبادي كان يقول الزمان الأنقصدانا وفي البلاد شتت عددنا تلقانا شرقاً وغرباً... ورغم ذلك الخير عمّ البلد لكن الخوف ما يلقالو زولاً يحرت أرضو... ولا يجود ويرقد أرضو...ولا يرفع التقانت ... ولا يسرّب سرباتو ويزرع ويحصد ويحلب ولا..ولا ... ولا .....
الجنيات فاتوا البلد الفي قرايتو والفي طلب رزقو جوه وبره..
الجنيات الحزمو الجبة
وعرق الشتوي عليهم نايا و صب
قول ما دل .. رجالا حصدوا الحبة
عيشهن هادو انكال واتعبّ
ومنو كتير في الواطا انكبّ
وباقي مصوبر واقف قبة
الحمد آلاف .. الشكر آلاف
الحمد آلاف الشكر آلاف
العيش الرقد أصناف أصناف
الولد الكال.. عزام .. حلاف...ضياف
الرزق الجانا مدلة.. الحلق الجاف اتبلة
بالحيل آ جني إيه والله
الوادي الجانا مترقن
مدّ جناحو الطايل شرقا وغربا
القبلي بروقو على القلعات يضّربن
الدُكّن البِعدن قِربن
فوق صنقور المحلة الطالت كبّن
قول للمحلة بيوتك خربن
قول ما دلة.. الحلق الجاف اتبلّ
بالحيل آ جني إيه والله
الخريف عادة يكون بشارة خير لبدء العمل وأول ماتشيل سحيبات بدر الخريف,, يلقى الناس البحرت وكرباجو يعوي فوق ضهر تيرانو ..جوه.. بره.. أرقد.. قوم.. والتور مجرّق يفهم كل كلمة ويستجيب لها ... وابدع ود بادي في وصف الجنيات واستعداهم لموسم الزراعة .
شنق كل واحد كم قميصو لافوق وابرز عضلاتو ووحزم جبتو في وسطو وشن الجبة هي الوحيدة تراكم عليها عرق الشتاء لكنو عرق رجال
قول مادلاوهي تعني قول ماشاء الله
بعد ما حرتوا وجودوا وقصبوا ورفوا وشتتوا بزورهم ,, جاء وقت الحصاد كان الموسم خير وعيشو كتير كالو وعبو .. وصوبروا .. وتصدقوا .. وآكل الطير .. وآكل الجار الداني والقاصي
ومن هم اللذين زرعوا وحصدوا وكالوا ... جنيات تكسوهم صفات الكرم والجود
( الولد الكال عزّام حلاّف ضيّاف )
رجع من تاني ودبادي يصف حال بشائر الخير في تلك المنطقة
الوادي الجانا مترقن
مدّ جناحو الطايل شرقا وغربا
القبلي بروقو على القلعات يضّربن
الدُكّن البِعدن قِربن
فوق صنقور المحلة الطالت كبّن
قول للمحلة بيوتك خربن
ضرب المطر الخلا الفوق وحملت الوديان السيل العارم بخيرو وشرو جووو كبّ فوق البحر وبعدها بأيام بدت بشائر الخير ببروق قبلية والسحاب الدكّن بعد ماكان جهة الصعيد بدأ يقترب شيئاً فشئ وشويتين وسووى شو مطرن تقيل بالحيل وروى الأرض الضربها المحل وأول ماسقى بدأ بري صنقور الأرض اي رأسها
مرحاتنا شرابهن يوت ماغبّن
شبعانات في الشقل أب شوك ما شبّن
الحُمَّل ولدن وربّن
حلماتن تقلن.. جرّن.. فوق سيقانن كبّن
اللبن العاتم في ضرعاتن جبّن
المغصة إن كان ضرعاتن خربن
القرعة آ وليد .. السعن آ بنية
القربة كمان... كبوها المية
المغصة إن كان ضرعاتن خربن
شوفو النعمة السالت فوق قيزان الرملة
ناس البندر لبن الشاي بالعملة
سمح الخمج الفوق أسيادو
سمح العز المن أجدادو
حال المنطقة في أيام المحل يقل فيها الماء الكلا ولكن بعد نزول هذا الخير كانت البهائم ترد للشرب ( يوت ) اي يومياً وكمان شبعانات, الخير مارقد وقش الخريف ملا الأرض فوق تحت وكان مرعاهن شبيب في الشقل والسلم اب شوك ,, الحمّل ولدن, ضرعاتن جرن وما لاقيات اليحلبهن وبقاء اللبن في الضرع قد يفسده ,, يا سلام ومنظر البهائم جايا راجعة مغيرب من مرعاها متقّل ضرعاتها باللبن وزاد جمال اللوحة رب البيت يصيح ناولني القرعة آوليد انّحلب البهائم أتملت القرعة جيب السعن وفضي القربة من الموية الشكر آلاف والحمد آلاف الخير كتير نحمد ربنا
عليك الله شوف جنس الخير الجانا, نعمة سالت فوق قيزان الرملة الرضيع والبحبا والبتاتي والبمشي للجيران والكبير والمسن شبعو وما زال الخير وفير,, عندها تذّكر اين يوجد هو في الخرتوم الناس تشتري في اللبن بالعملة ,, والله أهلنا عايشين في رغد من العيش ( وسعيد العيشتو جنب طينو وتمرتو )
غرّب حامد وشرّق بلة كانوا بحلبو الضرع الدلّة كانوا بحضرو الخير القدحو معلّا الجنيات ما كفرت بنعمة الله بالحيل آ جني إيه والله
البلد فضت تعد الصبيان فيها فوق ىيدك الواحده, حامد ضرب شرق وبله ضرب غرب ومحمد في الخرتوم بقرأ وعلي ود عتمان بعّد تب وسافر للخليج وود حسنين اللخيدر اب شعرن سبيبي أتوكّر في بلد النصارى والخوجات, والله أن كانوا معانا كانو حضروا الخير الجانا مدّله
يا حليلنا ونحنا النايمين علي حيلنا قضينا نص عمرنا في غربه والله يهون أن لا تطمر أجسادنا تحت الجليد والله أخير لينا ألف مرة قهنوبة وسموم بلدنا يا حليلنا ويا حليلنا
الحبيب الأستاذ خالد سلام نحتاجك لتحليل كل كلمة ترد هنا
Quote: يلقى الناس البحرت وكرباجو يعوي فوق ضهر تيرانو ..جوه.. بره.. أرقد.. قوم.. والتور مجرّق يفهم كل كلمة ويستجيب لها
يا سلام يا سلام
Quote: فوق صنقور المحلة الطالت كبّن
قول للمحلة بيوتك خربن
Quote: وأول ماسقى بدأ بري صنقور الأرض اي رأسها
Quote: وود حسنين اللخيدر اب شعرن سبيبي أتوكّر في بلد النصارى والخوجات
كان الله في عونك وايانا ، كلنا في الهوا شرق
Quote: يا حليلنا ونحنا النايمين علي حيلنا
بالغت عديل يا أخي لك ودي وحبي هل من مزيد
Post: #388 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-20-2006, 07:25 AM Parent: #1
إخوتي الكرام...
صبحكم الله بالخير والرضا...
يا اخواننا والله اليومين دي عندي مشكلة في النِت حقي... إنتو عارفين بقى زي الكُومَر الزمان داك... إلا يقوم بالدَفْرة!!! أها إن بقيت ما طبقت ليهو الدفرة يجيك مِتوَرِن راجع!!!
وهسع الرد دا أزازي فيهو وأضاير فيهو ماعارفو حا يصلكم ولة لأ... عشان كدي أعذروني... ووييييييين يا اخواننا الخليفة حاتم طول مننا أوعة يكون عندو نفس المشكلة... تحياتي لكل الإخوة الإنضموا إلينا...
وبمناسبة إعلان إستقلال السودان من البرلمان أمس التاسع عشر من ديسمبر... أهديكم ملحمة الشاعر إسماعيل حسن بلادي أنا... ويا ريت لو د. يس شافها لينا من جرابو المليان ديمي... بصوت المبدع عثمان اليمني (رمية) ولة تماسيح الحامداب...
بلادي أنا بلاد ناساً في أول شئ...مواريثم كتاب الله
وحصان مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
وكم نخلات تهبهب في جروفا الساق
وبقرة حلوبة تتضرّع وليها ضرع
بلدي أنا
تشيل الناس ، كل الناس وساع بي حيلا وليلا يسع
وتتدفق مياه النيل على الوديان
بياض الفضة في وهج الهجير بيشع
بلدي سهول ، بلدي حقول بلدي الجنة للعاشوها
ولي البرّة بيها سمع
بلدي بلد ناساً تكرم الضيف
وحتى الطير يجيها جعان ومن أطراف تكيها شبع
بلدي بلد الصفقة والطنبور وجاراتن تنق بالليل
وبنوتن تحاكي الخيل
يشابن زي جدي الريل
بلدي أمان ، بلدي حنان وناسا حُنان
يكفكفوا دمعة المفجوع
ويبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع!
ديل أهلي .. واللــــــــــه ديل أهلي
البقيف في الدار في نص الدار
وأقول لي الدنيا. كل الدنيا ديل أهلي
عرب ممزوجة بي دم الزنوج الحارّة
ديل أهلي .. ديل قبيلتي لمّن أدور أفصل للبدور فصلي
ديل فصلي
أقول بعضي
ألاقيهم تسرّبوا في مسارب الروح
بقوا كولي
ألاقي قلبي والإحساس
وسافر في بحار شوقم زمــــان عقلي
أنا محل قبّلت ألقاهم معاي ، معاي زي ضليّ
أنا لو ما جيت من زي ديل كان وا أسافاي ، وا مأساتي وا زّلي
Quote: ويا ريت لو د. يس شافها لينا من جرابو المليان ديمي... بصوت المبدع عثمان اليمني (رمية) ولة تماسيح الحامداب...
بلادي أنا بلاد ناساً في أول شئ...مواريثم كتاب الله
وحصان مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
يعلم الله وهل تصدق يا حبيب اللحظة المرقت فيه هذه الغنية وداير اهديها لصديقي موسى الحسين دون سبب إلا لمعرفتي بذوقه الرفيع ووضعتها في الشاشة ، فتحت البوست فوجدت طلبك هذا التحية لكل السودان بهذه المناسبة العظيمة وأهديها للجميع وبصورة خاصة للأستاذ موسى الحسين استمع لها بالطنبور ومشاركة ميرغني النجار
الأخ الأستاذ أبو الحسين تحية طيبة بداية أود أن أهننئكم على هذا البوست والذي يعتبر إضافة مميزة للمنبر .. وأنا من العاشقين جداً للفن الشايقي بالرغم من أنني محسي أب عن جد من منطقة بدين ولكن ارتباطي بمنطقة كريمة أكبر من دنقلا ... وسبب هذا الارتباط هو أن أحد أعمامنا تزوج من شايقية منذ أكثر من أربعين سنة .. وهذا ساعدني في زيارة أغلبية مدن كريمة وأن احفظ أشعار وأغاني شايقية كثيرة.. وقد رافقت الشاعر الأستاذ إسماعيل حسن ـ رحمة الله ـ في رحلة إلى مدينة الزومة عام 1981 عند ما فاز في انتخابات المجالس في عهد نميري في مدينة كريمة..
وأود المشاركة بقصيدة كتبت بمناسبة فيضانات 1994 بكريمة ولا أدري من شاعرها ولكن كتبها لي الأستاذ الفنان عبد القيوم الشريف قبل عودته النهائة للسودان وقد كان في ضيافتنافي منزلنا في أحد أعياد الفطر بمدينة جدة :
يا خالق الإنسان من هابٍ وطين سميت بسم الله يا حي يا معين يا من خلقت الدنيا بالمال والبنين غفار الذنوب هادي العصاة المذنبين سميت بي نبي خاتم المرسلين شافع الأمم يوم الخلوق ملياني دين أهلاً وسهلاً يا ضيوفنا مشرفين مرحب حبابكم عشرة في البلد الأمين أهلاً وسهلاً من تمود بركاوي مشرق ومن مدين أهلاً وسهلاً من قلوب تنبض صلاة طيبة وحنين بإسم القرار بإسم الغبش بإسم الغلابة الكادحين باسم البحر لمن قرر قايل ودلانا مقصرين عوبس وشيهو نعل قفاه قابلنا بيهو قبيح وشين حالف يعم البلد واليابسة كلها تبقى طين إتكاتفو الشيب والشباب في الحلبة هتفو مكبرين الله أكبر يا شمال الله أكبر يا قرير الله أكبر دار ودين الله أكبر يا مكافح قبلة المتماسكين وقفوا الرجال دقوا الصدور إتحدوا قاموا مشمرين ديل خلطو مويتك بالنهار في الحرة بي عرق الجبين ديل حاوشوك بي قفة بي طورية بي قلباً سمين حرسوك ذي حرست عريس مشرودة فوقو عديل وزين قالولو مقطوع النصيب جاينا زاحف ماشي وين بالله ناسي مشيك ستة وأربعين وناسي العملتها فينا ماني مصدقين بالله ما كافاك هالسويتة في سنتاً عداده تمانيتين شتتنا وفرقتنا وشلت التعبنا زرعنا قبال كم سنين لكن أذتنا مخلفاتك وفوق جسمونا بدت تبين كل البيوت مزحومة بالمتألمين هاك يا وزير الصحة جيناك مشتكين ما شفت حالتنا فوقنا كتفت الإيدين وكانت سندنا جبارة الأحد الأمين نحنا البعوضة دي دمرت قوانا بالعض الطعين تنضم عديل كل اللغات بأنواعة من عربي ورطين أغرب كلام أرويهو ليك أسأل جميع الواقفين عمرك سمعت بعوضة تبتسم غذاها كلوركين نحن الحبوب في ذاتة أبت تنفعنا حبة وحبتين الكورس أصبح يا وزير الصحة يصرفو لينا هين ما ودر الألم البعضعض جوه في الوجدان دفين صبحت حياتنا كئيبة والناس مهلكين الحمى والجلوكوز مع الكينين مركب كل حين نحن لا سكر ندور ولا إغاثة زبيب وتين كل الإغاثة المن وزارة الصحة نطلبة أندرين دايرين نودر لسعة البعوضة المرض اللعين أدونا صحة بيئة تسلم وتستكين بعد دة البحر إن قلتو أحبسو من الفراعنا نردمو طين
ولكم فائق التحية ...
أخوكم عادل عوض بلال
Post: #391 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-20-2006, 10:43 AM Parent: #1
Quote: من اعظم ما قال الشوايقة .......... ست ريدي في ذاتك عبدت الله وزاد إيمان قليباً ليا قبلك تاه ........... مشارع الحب كتير أنا واردا حتى باللآهات رئاتي مقدده .......... وأعظم ما قالوا في الأمثال الكضب من دورين يقوم يغلبوا الصح في فرد يوم .......... وقال حاج الماحي في طلبه من ربه عصاتنا البشربوا الدكاي مع الصديق سديس الراي ( قوافل درجن بي جاي طالبات المدينة مناي) ...........
أُستاذي المنصوري...
نهارك سعيد... وتطلنا مرة وتغيب مرات...
حقيقةً أوافقك أن معظم أشعار الشايقية جيدة لدرجة الإمتياز... والمرحلة المرت بيها القصيدة الشايقية ووضع لبناتها الفحول الزمان ماشي بإتزان شديد إلا أن بعض الشباب إنحرفوا شوية كدي من قالب الكلمة الشايقية نفسها... وديل بجيك راجع لي موضوعهم لي قدام إن بقى الله مد في الأيام لأن كثير من تصدوا لهم منهم المرحوم الباحث محجوب كرار (رحمه الله) ومحمد جيب الله كدكي ومحمد أحمد الشايقي... وكثير من عمالقة الشعر الشايقي والمهتمين بالأُغنية الشايقية...
لكن يا أخي المنصوري... أنا إعتبر من أعظم ما كُتِب في الشعر الشايقي قصيدة للشاعر المادح علي ود حليب... (اللهم أرضى عنه)... وهي قصيدة من أولها لي نهايتها بقافية الجيم... (القافية القليلة جداً في الشعر عموماً) كان جاهلي وكان عباسي وكان شايقي...
يبداها... بي
واشوقي علي طيبة أُم نخيلاً قَجْ...
نعمة الزار حبِيبُو ووافى يوم الحج...
والقصيدة عندي في البيت كاملة إنشاء الله حا أكتبها ومناسبتها وأنزلها ليكم يوم السبت بإذن الله تعالى...
كميات مودتي... لك ولكل الإخوة المقيمين معانا في الحوش دا والزوار الكرام... وأبقى لا تِنْقطِع شئ... وإنشاء الله العناوين الكتبتها دي يقوم د. يس ينزلها لينا أغاني الله يديك ويديهو والجميع العافي...
أبو الحســـــــــــــــين....
Post: #392 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-20-2006, 11:36 AM Parent: #1
Quote: حُُمًَّد إحمد التمرجي
الجزء الأول
جاء داخل من لا برَّا ... رمى الطوريي اللَّتُو فوق القسِّيبي المختوتَة في الكيميِّي الغادي من الدونْكا ... عامنو فاطر وشربان الشاي لكن حسَّا لو بى جويعة كدي ... راح على الدونكا فتح التُقُل الليل الكسري , خمش لو سنسني وبقى يقرض فيها ... كورك لى مرتو ... يا آمني .. يا آمني .. إنتي حُمَدَ إحمَد وينو ؟ قالت لو راح يسقي الحمارة ويجي ... قال لها الحماره ؟ والعَز القت لو ودّها سوق ود شنّه ما ساقها شي ...؟ قالت لو لا لا ... إنت العّز بايعها لى شنو ...؟ غلَّبتك في القش ... ؟ القش مو ياهو دا الراقد ... وبرسيمك البى تحت لى الليلي ما إتفرض ... قال لها :- عمو مرسل لو جواب مع ناس ود الفكي ... قال يرسلوهو ليهو هناك في أدبره , شان يشوف لو صِرفه , يدخلو المدرسة الصناعية يتعلم لو صنعه , وإنتي عارفاني معلم الله ... قتا اللبيع العز تجيب لو حق التذكرة ومصيريفات يوصلنو هناك ... أصلو القراعه ما نفع فيها , أقول لو أمش اسقي الملاح , ولا البرسيم البى تحت , يروح يبعج لي الموية في الحيطان نامن يشرقن آب يجيب خبرن ... وديناهو يبقى مراسلة في المستشفى عمل لهن فيها تمرجي , الحكيم إن بقى مرق يقص الراقدين في العنابر , ولا يقضالو غرد... يتحكر هو في بكانو , ويصرف في الحبوب للناس ... دار الزين بت النعيم كان ما الله شافها ساكت , مو كان دار يلحقها الصِح ؟ .. غَمَت لها الحبوب في إيدها قال لها تبلعيهن كلهن أسع ده , المسكينة جابت لها جك موية , وإتفرجَخَت وكَمَدَتِن في خشمها , بى صَمّتِن زي ما هِن , بلعتن ضمّه في ساعتن , نامن جات تزح للناس برا , غالبها تمشي بى كرعيها .. ؟ مشيت إتحمد لها السلامي لقيت جضوما بتل المنقايي المخورني ..., تعاين لي دار تنضم تقولي شي ... وغالبها تنضم , والعوض ود أم الحسين , جاتو الوِردِي , مشى لقى الحكيم ماهو فِي ...,حُمَّد إحمد مسكو طبزو حُقني تحت أباطو... إيدو لا يوم الليلي مدلدلا بتل بت اللِّعاب ... علا يزحها بى إيدو التاني ... حد ما يلاقيني في السوق يسمعني كلمةً ماها ياها ... دار يسوي لنا عوجي الجنى ده ... وأسع شواليتو الليل كريمي ده , بلا فايدي ساكت , البيلقاها كلها رايحي في كرشو , وإن فضل شي يديهو ناس البنطون ويجي داخل اهلو مع العمال , بتل الزول النعيم ... لزيتي بو كرشك وتقنتي بو تسعة شهور على الفاضي غايتو0 حُمَّد إحمَد سقى الحماره وجايي بالدرب لاقاهو بابكر ود النصيح , زولاً كدي كلمتو حاااضري ما قاع يتلفت لها شي ...ديمي عليهو مباري المداديح , ولاد حاج الماحي , يحمس لهن في الطارات اللتن , ويولع لهن في البخور , يَعَشَقْ في المديح , ويتهوزز في الداره نامن يقع في الواطا مغبي ويرشوهو بالموية , وهو الصلاة ما قاع يصليها ... أها وقفوا ينضموا , حمد احمد قال لو:- أبوي عندو عَز جاي يبيعها , قال لي ودّها السوق , ما تجي اللبيعها ليك ..؟ والله حِسَّها سمح بالحيل ساعة تَمَعْمِعْ ... بابكر قال لو :- حسها سمح ..؟ نان ما تعلمها المديح ...؟ خلاهو ومشى على أهلن ...جاء داخل ..كرعيهو تشوفن من بعيد تحلف تقول لابس لو شرابات , من مشي الحفى والحال العليهن ... ملص عراقيهو وختاهو في العنقريب ... عليكن أمان الله العراقي واقف بتل الزول من الكدوب الفوقو ...إن جيت دار تطبقو يتفترن في إيديك بتل الكسري اليابسي ..وأصلو كان لى حُمَّد إحمد .. الصابونة الحلوي دي يبقى ليهو ستة شهور ما ختاها في جسماً ليهو ... بس يمشي يغتس في البحر ويجي مارق يا إندعك لو بى آشميقا يا ما إندعك ... ياهو ده حمامو , أبوهو كورك لو قال لو :- عمك مرسل قال يسفروك ليهو في أدبره يدخلك الصناعيي تتعلم لك صنعة ... قال لو :- آ يابا انا دار اسوي لي كارو إشتغل بها قبلي هني ... أبوهو ردا لو :- كارة أشني ..؟ البلد ملاني كوّارو ... والحمير وقعات في غضب الله ... زمان الناس يحشوا بن القش ويقضوبن مشاويرن ... أسع يا كافي البلاء حماراً تلقاهو مقَيّل في مراحو ماهو في .. جاتن آفة بقت لهن في رقبتن وشقاوةً إنتلحتن ... وأسع الكارو دي الدار تلقاها منها , تأكلك إنت ولا ياكلها الحمار ...؟ إنتا براك داير لك قيراطين اللات قمح ... بلا المريق ..في فد شهير ... أمك واقفي في دابك من عند الدونكا ما قاع تمرق ... كرش الحاجي اللتك دي كارتك آب تكفيها ... حضر نفسك للقطر الجايي خل المحقة البتسوي فيها دي ...
إخوتي الكرام...
نهاركم سعيد...
بمناسبة الإخوة الإنضموا إلينا حديثاً أهديكم الجزء الثاني من قصة حُمد إحمد التمرجي...
حمد إحمد التمرجي ـ الجزء الثاني
مشى باع العّز في السوق وجاب القريشات لى أبوهو وجاء ... فضَّل للسفر كم يوم كدي ... أبوهو ساقو قطع لو جلابيي اللت دبلان , وعراقيين اللات دَمُوريي بى سراويلن , وأدوهن للترزي , وأخد لو جزمة باتا بيضاء , وطاقيي حمراء ... وحمد احمد مكوزم ماد تلاليشو , مااااااهو راضي بالسفر ده شي ... عمرو ما عدا من كريمي لا غادي ... زمااان قبّال يعرف كريمي والمشي ليها .. كان حِرِد مع أبوهو مرة , مسك التحتانيي بالبحر بى كرعيهو ومرقها في الحامداب , مشى قعد لو مع ناس هناك ... , وبقوا يكوسوا فيهو بى هِنِي ما خلولن بكان , وأمو وأخواتو بى بكياتن , بس قلبنَّها مناحة عديل , وخيلانو وأعمامو بالنَبِيشِي أكلوا لحم أبوهو .. ما خلوا لو صَفِحْةً يرقد عليها , واقع في الشِنّيف والهَرَجِي كل يوم ...نامن قرب يطفش حتى هو ... خسوساً واحداً في خيلانو , مسمنو المَكَاجِر ... إضنيهو مفندرات بتل الطانجة اللت اللحم , نضَّام نَضَمِيّاً , تقول مَحَنِّكِنُّو في الاذاعة اللت أم درمان زي ما قاعد يقول لو هو ... يجي يكوس الوَنَسِي مع الناس و الناس ويشردوا منو ... ماب يخلي لو زولاً ينضم معاهو ضمّه ... إن بقيت نعست وقعدت تنشهق لو آب يفكك ... وإن بقيت نمت عديييل فوق كتفو يهزك يصحيك وينضم معاك ... منجض ناس الحِلِّي نجاض ... ود حُمدين مرة قال لو : ناس الحيكومة ديل مالن آب يشغلوك معاهن ..؟ على التَعَتِّر يوم من الليام ... عوض الله ود أب كرُّوقة ...شدّا حمارو على الحامداب ... ماشي يتَمِّنْ لو شوالات اللات حَرْجَلْ وشَمَار , يجي يبيعن للتجار هني في البلد , يتمكسب فيهن , حايم في السواقي اللت الحامداب ... بلا لقى لك حُمّد إحمد بارك لو في حيضان يحش في القش ... لكدو بالعصا فوق قفاهو براااحه ... حمد أحمد اتلفت قال لو هَي هَي :- حتى أنت جيت في بكان السفر ..؟ قايل نفسو سافر مرقها في بلداً طيرا عجمي وهي المسافة كلها ساعتين بالحمار , بس مافي زولاً قايلو يقبّل على الجيهي ديك ... كراهو من قفا وركبو في الحمار جابو صاد لى أهلو ... اليوم داك أمو ضبحت لها عَنَاق وقسمتها للحيران في الخلوة ... .............................................................
وجاهزين لترجمة أي كلمة صِعِب عليكم فهمها...
ولكم مودتي... وتحايا الكاتب عبد العظيم الطاهر...
أبو الحســـــــــــين...
Post: #393 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 12-20-2006, 03:29 PM Parent: #392
يعلم الله وهل تصدق يا حبيب اللحظة المرقت فيه هذه الغنية وداير اهديها لصديقي موسى الحسين دون سبب إلا لمعرفتي بذوقه الرفيع ووضعتها في الشاشة ، فتحت البوست فوجدت طلبك هذا التحية لكل السودان بهذه المناسبة العظيمة وأهديها للجميع وبصورة خاصة للأستاذ موسى الحسين
Quote:
Quote:
الأخ د/ يس سلامات وشكراً على ذوقكم الرفيع، أغنية بلادي أنا من الأغنيات الرائعة من حيث الكلمات واللحن والأداء (تماسيح الحمداب) ميرغني النجار وعبدالرحمن عجيب وعبدالرحمن أحمد محمد ، وتظل هذه الأغنية محببة إلى النفس وانا دائما أضعها في مرتبة نشيد العطبراوي (أنا سوداني أنا)، شكراً لك د/يس على هذا الإهذائ الرائع ولو عقبت بأغنية أيوة شفتك في الدغيش سايقي المراكب لي بلدنا للرائع ود جبارة تكون كملت الناقصة.
الأخ أبو الحسين رحبوا بالمحس في دياركم.
دخل حوشكم صديقي المريخابي/ عادل عوض بلال بقصيدة حلوة، نقلها من فم الفنان المبدع عبد القيوم الشريف، فقد عرفته محب لدرجة العشق للطنبور وله جراب عامر بأغنيات الطمبور وأشعار الشايقية وأهداف المريخ في الهلالة . ومتابعة ما يكتبه الشباب في هذا البوست المبدع خالد منسي والدكاترة أبو شوك ويس والبقية، رحبوا به وهو رجل يستحق الضبيحة.
Post: #394 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-20-2006, 05:31 PM Parent: #393
Quote: الأخ أبو الحسين رحبوا بالمحس في دياركم.
دخل حوشكم صديقي المريخابي/ عادل عوض بلال بقصيدة حلوة، نقلها من فم الفنان المبدع عبد القيوم الشريف، فقد عرفته محب لدرجة العشق للطنبور وله جراب عامر بأغنيات الطمبور وأشعار الشايقية وأهداف المريخ في الهلالة . ومتابعة ما يكتبه الشباب في هذا البوست المبدع خالد منسي والدكاترة أبو شوك ويس والبقية، رحبوا به وهو رجل يستحق الضبيحة.
أُستاذي ود حاج موسى...
مساك الله بالخير والرضا...
وآلاااااااااااااف مراحب بيك وبي أخوالي المحس... (بالمناسبة يا ود حاج موسى المحس ديل أخوالي ناس جزيرة صاي)...
فيا هلا بالأخ عادل عوض وسط أهله وأحبابه السناجك ونحن الحوش دا يا موسى أخوي فتحِنو لكل الجمال السوداني الأصيل... فيا مراحب بكل أهلنا وأحبابنا من شمالنا لي جنوبنا ومن شرقنا لي غربنا...
وهل يأتي منك يا الحَبيِّب إلا كل جميل؟؟؟ شرفنا الأخ عادل في لَقَدابة الدكتور/ يس ودانْقَة د. أبو شوك وصالون الحِبيِّب خالد ودائرة الخليفة حاتم ود هاشم... يا هلا بيهو تاني وتالت... ومراحب بكل الإخوة والأحباب الزارونا والقاعدين يتاوقو لينا من لا برة... وأنا مفروض أرحب وأشارك اليومين دي كتيييييييير عشان الغياب الكان داك... لكن زي ما قلت لي د. يس اليومين دي النت عندي زي الكومر الحكومي الزمان دا... إلا يقوم بالمنفِلَّة وإن ما عملت حسابك يرجع يتوتْرَن تاني لا ورا... بس ربك يعين ويظبط معانا اليومين الجايات ديل...
Quote: الحبيب الأستاذ خالد سلام نحتاجك لتحليل كل كلمة ترد هنا
Quote: يلقى الناس البحرت وكرباجو يعوي فوق ضهر تيرانو ..جوه.. بره.. أرقد.. قوم.. والتور مجرّق يفهم كل كلمة ويستجيب لها
المبروك سنجك مائة واربعطاشر دكتور ياسين حفظك الله مساك الله بالخير
تلقى الجنى كافي سروالو الطويل لافوق والسروال خيطو النعيم عجوبه وقاطع قماشو من النقادة ناس حزقيال, لكن فتح البرباخ وقرع الموية أكسبة لون حمرة طين البحر, ودفيق البلح خالق بقع عليه أشد حمرة داكنة من لون موية البحر وحكمة الله لما قطع قماشو وفشى كان أبيض زي لبن البقرة الحواء.
وزولنا قابض علي المحرات ويدوبي حيناً ويترنم بأغنية حيناً أخر.الحراته هي يقلب الأرض ويستوجب ذلك أن يغرق في مناطق وأن يقلب الأرض قرب الجداول وهي أصعبها وعادة يستلزم هنا التيران الجرق, والتور المجرق اي مدرب ويفهم هذه الكلمات, عندما يقول له جوه تعني أن يميّل لداخل الأرض فيبعد عن الجدول وعندما يقول له بره يخرج أحد التورين لخارج الأرض حتي يستطيع المزارع ا، يقلب الارض في حافة الجدول , وأرقد حينها تجد قعر ( ضدد كلمة حدب ) ضهرو رافع رأسه حاني كرعي حتى يستطيع المزارع أن يغرس بكل قوته علي المحرات ويغرغ في حفر وقلب الأرض في ذلك المكان وبعدها قد يستوجب ان يكون المحرات غرسه عادي لذا يناديه قوم
يا سلام يا دكتور والله أكتب لك واسمع في نقة المجرين وأنا بكل حواسي هناك بعيد بين أهلي يا سلام هيجت الاشجان
الصبي نصو الأعلى عاري ويكسو أسفل جسمه سروال طويل قاطع قماشو الدبلان من صبحي النقادي وخيطو النعيم عجوبا,, ذاك السروال يوم فشّو كان لونو زي رغوة اللبن لكن الليلي صبغته موية البحر بلون طينها وبه بقع أدكن من مخلفات دفيق البلح, وكافي سروالو لافوق في وسطو ومعقودة فيهو حقّة الصعوط وهو صعوط خمج, جايبو من سلطان الكيف ود الفور ومدنكل سفة قدر الضرب زي دقار اللوري.
عند حراتت الأرض يتحتم ذلك تيران جرّق اي مدربة تدريب خاص لهذا العمل, كذلك قلب الأرض يحتاج في بعض المناطق أن يغرق وفي بعضها لا يعمق وايضاً في بعضها يقلب قرب الجداول وفي اخرى يبتعد لذا كان لزوم تدريب التيران على ذلك.
عندما يحرت ويقلب الأرض قرب الجدول يلزم أن يقول له بره عندها يخرج أحد التورين حتى يدخل في الجدول وهنا تصيب سن المحرات حافة الجدول والعكس عندما يخلص من حراتت حافة الجدول يستوجب أن يقول جوه اي أرجع لداخل الأرض ويستجيب التور النجيب.
وعندما يحب أن يغرق ويغرس السن أعمق في الأرض يردد كلمة أرقد وعندها يقعر التور ضهرو ويتني رجليه لأسفل رافع رأسه حتى يمكن الجنى أن يغرس بكل قوته سن المحرات وعندما يغرق يردد له قوم فيقوم مما كان عليه,
وأجمل مافي ذلك وتراني مضطر أن أقولها وحتى لو يرفدني بكري من البوست دائماً جرت العادة أن يقول المزارع للتور قوم يا خوّل بره يا خوّل
انكسرت جسور الدمعة واندلقت منابع احزانه الله لقلوب مكلومة يوم خبر السواد الجانا ادمنت العيون الدمعة متوالى الجفون مليانه اغرقت الخدود بى سيله طبعت فى الوجوه أشجانه الله من مرارة الفرقة وآه أنا من جحيم احزانه سدت فى الحلوق العبرة لا من بالنويح شرقانه القدر اللعين فاجعنا لفح الفرحة من تالانا خلى صبرنا عاضى الجمرة تأكل فى الهشيم جوانا الحزن الدخل جوانا باقى إلى الأزل فى حشانا لا نوحنا وبكانا يزيلو لا بتغسل دموعو أسانا تقودنا خطانا نحو آجالنا مو معروف محل مرسانا يبرانا الممات وين نمشي شقيش ما نسوقه خطانا الدنيا العبوس ملعونة اوعك من تنوم فى امانه ترميلك ضليل خداعه ضامرى وراء مقيلو خيانة تتفتح زهور فى روضة تجذب للفراش بالوانه من قبل الثمار تتحت قبال ما تجف اغصانه آه انا من نضارة وردة حين طلّ المحل بستانه ما اتمهلت تفوح طيبه تبرز للزمان ألوانه وآه أنا من سكيل الوالدة وكتين ترسى اعز بطانه تفتش فى الخلق كايسالو بيناتن بلا الضهبانة
Post: #402 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-21-2006, 07:28 AM Parent: #1
Quote: UP
الدكتور ياسين...
صباحك زين يا اخوي...
جيداً جيت وعملت فوق دي لأن الصفحة الرابعة فيها مشكلة هسع أنا عندي ردين بعد ردود الأُستاذ موسى ما ظهرت وأيضاً الخليفة حاتم هاشم...
فأنا أرجو من الأخ موسى يراجع الرد حقو لأنو فيهو مشكلة... حتى تستعدل الصفحة الرابعة لأني منزل فيها الجزء الثاني لقصة حمد إحمد التمرجي... وأيضاً أشعار وأغاني جميلة...
فرجائي من الأُستاذ موسى مراجعة رده المَرْتَق باقي الردود...
ولك ولود حاج موسى والجميع مودتي...
أبو الحســـــــــين...
Post: #403 Title: الجزء الثاني من قصة حُمد إحمد التمرجي... Author: أبو الحسين Date: 12-21-2006, 08:49 AM Parent: #1
Quote: حُُمًَّد إحمد التمرجي
الجزء الأول
جاء داخل من لا برَّا ... رمى الطوريي اللَّتُو فوق القسِّيبي المختوتَة في الكيميِّي الغادي من الدونْكا ... عامنو فاطر وشربان الشاي لكن حسَّا لو بى جويعة كدي ... راح على الدونكا فتح التُقُل الليل الكسري , خمش لو سنسني وبقى يقرض فيها ... كورك لى مرتو ... يا آمني .. يا آمني .. إنتي حُمَدَ إحمَد وينو ؟ قالت لو راح يسقي الحمارة ويجي ... قال لها الحماره ؟ والعَز القت لو ودّها سوق ود شنّه ما ساقها شي ...؟ قالت لو لا لا ... إنت العّز بايعها لى شنو ...؟ غلَّبتك في القش ... ؟ القش مو ياهو دا الراقد ... وبرسيمك البى تحت لى الليلي ما إتفرض ... قال لها :- عمو مرسل لو جواب مع ناس ود الفكي ... قال يرسلوهو ليهو هناك في أدبره , شان يشوف لو صِرفه , يدخلو المدرسة الصناعية يتعلم لو صنعه , وإنتي عارفاني معلم الله ... قتا اللبيع العز تجيب لو حق التذكرة ومصيريفات يوصلنو هناك ... أصلو القراعه ما نفع فيها , أقول لو أمش اسقي الملاح , ولا البرسيم البى تحت , يروح يبعج لي الموية في الحيطان نامن يشرقن آب يجيب خبرن ... وديناهو يبقى مراسلة في المستشفى عمل لهن فيها تمرجي , الحكيم إن بقى مرق يقص الراقدين في العنابر , ولا يقضالو غرد... يتحكر هو في بكانو , ويصرف في الحبوب للناس ... دار الزين بت النعيم كان ما الله شافها ساكت , مو كان دار يلحقها الصِح ؟ .. غَمَت لها الحبوب في إيدها قال لها تبلعيهن كلهن أسع ده , المسكينة جابت لها جك موية , وإتفرجَخَت وكَمَدَتِن في خشمها , بى صَمّتِن زي ما هِن , بلعتن ضمّه في ساعتن , نامن جات تزح للناس برا , غالبها تمشي بى كرعيها .. ؟ مشيت إتحمد لها السلامي لقيت جضوما بتل المنقايي المخورني ..., تعاين لي دار تنضم تقولي شي ... وغالبها تنضم , والعوض ود أم الحسين , جاتو الوِردِي , مشى لقى الحكيم ماهو فِي ...,حُمَّد إحمد مسكو طبزو حُقني تحت أباطو... إيدو لا يوم الليلي مدلدلا بتل بت اللِّعاب ... علا يزحها بى إيدو التاني ... حد ما يلاقيني في السوق يسمعني كلمةً ماها ياها ... دار يسوي لنا عوجي الجنى ده ... وأسع شواليتو الليل كريمي ده , بلا فايدي ساكت , البيلقاها كلها رايحي في كرشو , وإن فضل شي يديهو ناس البنطون ويجي داخل اهلو مع العمال , بتل الزول النعيم ... لزيتي بو كرشك وتقنتي بو تسعة شهور على الفاضي غايتو0 حُمَّد إحمَد سقى الحماره وجايي بالدرب لاقاهو بابكر ود النصيح , زولاً كدي كلمتو حاااضري ما قاع يتلفت لها شي ...ديمي عليهو مباري المداديح , ولاد حاج الماحي , يحمس لهن في الطارات اللتن , ويولع لهن في البخور , يَعَشَقْ في المديح , ويتهوزز في الداره نامن يقع في الواطا مغبي ويرشوهو بالموية , وهو الصلاة ما قاع يصليها ... أها وقفوا ينضموا , حمد احمد قال لو:- أبوي عندو عَز جاي يبيعها , قال لي ودّها السوق , ما تجي اللبيعها ليك ..؟ والله حِسَّها سمح بالحيل ساعة تَمَعْمِعْ ... بابكر قال لو :- حسها سمح ..؟ نان ما تعلمها المديح ...؟ خلاهو ومشى على أهلن ...جاء داخل ..كرعيهو تشوفن من بعيد تحلف تقول لابس لو شرابات , من مشي الحفى والحال العليهن ... ملص عراقيهو وختاهو في العنقريب ... عليكن أمان الله العراقي واقف بتل الزول من الكدوب الفوقو ...إن جيت دار تطبقو يتفترن في إيديك بتل الكسري اليابسي ..وأصلو كان لى حُمَّد إحمد .. الصابونة الحلوي دي يبقى ليهو ستة شهور ما ختاها في جسماً ليهو ... بس يمشي يغتس في البحر ويجي مارق يا إندعك لو بى آشميقا يا ما إندعك ... ياهو ده حمامو , أبوهو كورك لو قال لو :- عمك مرسل قال يسفروك ليهو في أدبره يدخلك الصناعيي تتعلم لك صنعة ... قال لو :- آ يابا انا دار اسوي لي كارو إشتغل بها قبلي هني ... أبوهو ردا لو :- كارة أشني ..؟ البلد ملاني كوّارو ... والحمير وقعات في غضب الله ... زمان الناس يحشوا بن القش ويقضوبن مشاويرن ... أسع يا كافي البلاء حماراً تلقاهو مقَيّل في مراحو ماهو في .. جاتن آفة بقت لهن في رقبتن وشقاوةً إنتلحتن ... وأسع الكارو دي الدار تلقاها منها , تأكلك إنت ولا ياكلها الحمار ...؟ إنتا براك داير لك قيراطين اللات قمح ... بلا المريق ..في فد شهير ... أمك واقفي في دابك من عند الدونكا ما قاع تمرق ... كرش الحاجي اللتك دي كارتك آب تكفيها ... حضر نفسك للقطر الجايي خل المحقة البتسوي فيها دي ...
إخوتي الكرام...
نهاركم سعيد...
بمناسبة الإخوة الإنضموا إلينا حديثاً أهديكم الجزء الثاني من قصة حُمد إحمد التمرجي...
حمد إحمد التمرجي ـ الجزء الثاني
مشى باع العّز في السوق وجاب القريشات لى أبوهو وجاء ... فضَّل للسفر كم يوم كدي ... أبوهو ساقو قطع لو جلابيي اللت دبلان , وعراقيين اللات دَمُوريي بى سراويلن , وأدوهن للترزي , وأخد لو جزمة باتا بيضاء , وطاقيي حمراء ... وحمد احمد مكوزم ماد تلاليشو , مااااااهو راضي بالسفر ده شي ... عمرو ما عدا من كريمي لا غادي ... زمااان قبّال يعرف كريمي والمشي ليها .. كان حِرِد مع أبوهو مرة , مسك التحتانيي بالبحر بى كرعيهو ومرقها في الحامداب , مشى قعد لو مع ناس هناك ... , وبقوا يكوسوا فيهو بى هِنِي ما خلولن بكان , وأمو وأخواتو بى بكياتن , بس قلبنَّها مناحة عديل , وخيلانو وأعمامو بالنَبِيشِي أكلوا لحم أبوهو .. ما خلوا لو صَفِحْةً يرقد عليها , واقع في الشِنّيف والهَرَجِي كل يوم ...نامن قرب يطفش حتى هو ... خسوساً واحداً في خيلانو , مسمنو المَكَاجِر ... إضنيهو مفندرات بتل الطانجة اللت اللحم , نضَّام نَضَمِيّاً , تقول مَحَنِّكِنُّو في الاذاعة اللت أم درمان زي ما قاعد يقول لو هو ... يجي يكوس الوَنَسِي مع الناس و الناس ويشردوا منو ... ماب يخلي لو زولاً ينضم معاهو ضمّه ... إن بقيت نعست وقعدت تنشهق لو آب يفكك ... وإن بقيت نمت عديييل فوق كتفو يهزك يصحيك وينضم معاك ... منجض ناس الحِلِّي نجاض ... ود حُمدين مرة قال لو : ناس الحيكومة ديل مالن آب يشغلوك معاهن ..؟ على التَعَتِّر يوم من الليام ... عوض الله ود أب كرُّوقة ...شدّا حمارو على الحامداب ... ماشي يتَمِّنْ لو شوالات اللات حَرْجَلْ وشَمَار , يجي يبيعن للتجار هني في البلد , يتمكسب فيهن , حايم في السواقي اللت الحامداب ... بلا لقى لك حُمّد إحمد بارك لو في حيضان يحش في القش ... لكدو بالعصا فوق قفاهو براااحه ... حمد أحمد اتلفت قال لو هَي هَي :- حتى أنت جيت في بكان السفر ..؟ قايل نفسو سافر مرقها في بلداً طيرا عجمي وهي المسافة كلها ساعتين بالحمار , بس مافي زولاً قايلو يقبّل على الجيهي ديك ... كراهو من قفا وركبو في الحمار جابو صاد لى أهلو ... اليوم داك أمو ضبحت لها عَنَاق وقسمتها للحيران في الخلوة ... .............................................................
وجاهزين لترجمة أي كلمة صِعِب عليكم فهمها...
ولكم مودتي... وتحايا الكاتب عبد العظيم الطاهر...
أبو الحســـــــــــين...
Post: #404 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-21-2006, 10:23 AM Parent: #1
إخوتي الكرام...
المشاركين والضيوف...
ألف مبروك عودة البوست للمنبر الجديد...
وإنشاء الله نتلم في السعادة والهناء... ونواصل مسدارنا الجميل...
ويا هلا بيكم جميعاً... وبالإخوة الإنضموا إلينا...
وأهديكم هذه القصيدة الجميلة للشاعر سيف الدين... ود القرير المغترب..
والله يا ود الحسين زي ما ذكرت نطل غليكم مرة مرة ونغيب.. والله في النية نكتب الكثير عن أشعار الشايقية وفي مكتبتنا الكثير لكن ظروف الزمان تشغلنا كثير وكذلك أنتم تشغلكم وهذا قليل من كثير منكم ولولا ذلك لزاد عدد صفحات هذا البوست أضعافا .........
شايفك مرة ذكرت الفنان المرهف المجود عبدالرحمن البركل... شقيق عبدالرحيم البركل.. بالله إنت تعرفوا ياود الحسين.. هذا فنان رائع وعندو صفات شبيهة بصفات الملائكة كم وددت أن أكتب عنه ولكن المشغولية.. هو صافي الروح طيب القلب متدين.. رقته وروحانيته ومحبته للخير جعلته يترك درب الغناء ويعتزل تقريباً.. أنا أكثر من يعرفه كان يكبرني بخمسة أعوام.. ولكن تكاد تكون روحي وروحه سيان تزاملنا كثيرا.. وهو في النهاية ابن خالتي الحاجة السيدة مد الله في أيامها.. عندما اعتزلت أنا الغناء في عام 1975 تأكد لى بما لايدع مجالا للشك أن عبدالرحمن سوف يعتزل عاجلا أم آجلا.. مع أن الغناء الموزون ضرب من ضروب الفنون المباحة لكن أبت النفس.. أبت نفسي وأبت نفس عبد الرحمن الرجل صاحب الأخلاق الملائكية ........ أما حديثك عن علي ودحليب نعم هو عنده أعظم ماقيل في المديح وحاج الماحي نفسه يغترف بعلي ودحليب ويعتبره أستاذه بالرغم من العطاء الثر لحاج الماحي وقلة أشعار علي ودحليب .. وهنالك محبة لحاج الماحي عارمة لعلي ودحليب.. وتعودنا مايحبه حاج الماحي يورثه لأبنائه ببركة المحبة النبوية محبة المديح الصوت الواحد الأدب في فن المديح موش زي مداحين الصعيد الواحد يضحك اثناء المديح ويتلفت ويجيك متحنن وأيدو تدق في الطارة أولاد حاج الماحي أدب تواضع إستشعار للحضرة النبوية مهابة وكل الحاجات دي كانت مكتوبة في خلوة حاج الماحي وبجوار ضريحه في الكاسنجر البسكر من ولادي وعترتي ما يمدح مديحي والبسجر ويسف ما يمدح مديحي والما متأدب ما يمدح مديحي والبيطلب أجر ويفرض على الناس ما يمدح مديحي البيدوك ليها تمسكا.. وقال أنا خصيمو أمام النبي صلى الله عليه وسلم ............... لما ذكرنا بيت حاج الماحي عصاتنا البشربوا الدكاي مع الصديق سديس الراي عظمة البيت تكمن في القوة والتأكد من القضية والطلب والتأكد من رحمة الواسعة بدون حجر ولاحكر وهو أن يطلب من الله بفضل النبي صلى الله عليه وسلم أن يوازي ناسنا البيسكروا البي يشربوا الدكاي وهو شراب تقيل اشبه بالنبيت واقب الى المريسة وهو مسكر هو أن يطلب من الله أن يوازيهم مع سيدنا ابوبكر الصديق هذا لو كان واحد واعظ غير متصوف لما فهم القضية ولقيد نعمة الله الواسعة ولكن شاعرنا يتمني من نعمة الله التي لاتحدها حدود فهل هذا ممنوع؟ حتى علي ودحليب نفسه ماعندو ناحية زي دي في الثقة بالله ولا النبي صلى الله عليه وسلم ولا أي شاعر غناء أو مديح آخر في السودان؟ هذا هو السبب الذي قلنا فيه هذا البيت واسع المعرفة والعرفان ودقيق
Quote: لما ذكرنا بيت حاج الماحي عصاتنا البشربوا الدكاي مع الصديق سديس الراي عظمة البيت تكمن في القوة والتأكد من القضية والطلب والتأكد من رحمة الواسعة بدون حجر ولاحكر وهو أن يطلب من الله بفضل النبي صلى الله عليه وسلم أن يوازي ناسنا البيسكروا البي يشربوا الدكاي وهو شراب تقيل اشبه بالنبيت واقب الى المريسة وهو مسكر هو أن يطلب من الله أن يوازيهم مع سيدنا ابوبكر الصديق هذا لو كان واحد واعظ غير متصوف لما فهم القضية ولقيد نعمة الله الواسعة ولكن شاعرنا يتمني من نعمة الله التي لاتحدها حدود فهل هذا ممنوع؟
أخي المنصوري سلام دائماً جرابك مليان اكرر مناشدة الأستاذ ابوالحسين نرجو ألا تنقطع من هذا المكان ونثر هذه التوضيحات الدرر أذكر بيت أغنية للأستاذ صديق أحمد أمد الله في عمره وزاده صحة وفناً يقول فيه: "أوب ووووبا نحمد ربنا الما سدَّ باب التوبة" فهل هنالك نعمة أكثر من هذه؟
الحبيب المبروك سنجك ماية واربعطاشر دكتور ياسين كيف أمسيت علك عافية درت رديت لك أمس لكن يظهر هناك مشكلة في الصفحة الرابعة ونرجو أن الأخ ابوالحسين يعالج هذا الخلل مع بكري .
على ما أظن كنت تريد شرح لبعض العبارات التي وردت في لوحة الصبي ويعوي بكرباجو علي التيران الجرّق وغارس محراتو في أرضو الطيبة.
الجنى محدر الطاقية الحميرا شغل أمزين وما مشرية من السوق، عاري كاشف الصدر والظهر منستر بسروال طويل باقي اشترى من صبحي النقادي وخيطو ليهو النعيم عجوبة بي 25 قرش وتكّتو من الفل ملون نسيج اخيتو الصغيرة باقي بتحب شغل المشاغل وبريم العمم. السروال يوم الجابو كان ابضّن زي رغوة اللبن الصافي يرهج في الكباي لكن ضربو الدهر واتهلهل وشرب تب من طين البحر عاس فيه حمرة مشرئبة أقرب للسواد، وبرقيع دفيق التمر زيت البابور ترك فيه بصمات ظاهرة للعيان وكان شفتو كارب الحقة اللت الصعود في الجنب اليمين عند محسنو في كفّت السروال الخلّه كراعن للسروال فوق التانية تحت, ومحدر لو سفة ماكنه زي دقار اللوري وصواتو المفتول من دلقّن قدام ( شوف الحنية دي حتى لا يأذي التيران ) رافعو فوق يعوي علي ضهر تيرانو مو دق انتقام لكن دق ادب وحنية يقع علي ضهورن.
الحراتة بدور لها خبرة عرفة وما كل من يمشي بعرف يحرت ويجود ويرفع الحيضان بالواسوق الحراته وقليب الأرض بدور لو معرفة. في محلاً يغرق وهنا يستوجب أن ينادي أرقد فيقعر التور ضهرو ويكون ضهر التور متني لي تحت في شكل قوس لأسفل وويحني أرجله الخلفية عند المفصل حتى يمكن الجنى أن يغرس سنّة المحرات بكل ما يملك من قوة في الواطه وعندما يخلص يردد قوم فترجع التيران لما كانت عليه أولاً
والحراته جنب الجداول بدور ان يكون ماش علي حافة الجدول لذا ينادي للتيران بره فيطلع أحد التورين لخارج الأرض ويكون ماشي جوه الجدول وحكمة الله دون أن يترك عليه خراب وهدم وعندما يخلص يردد جوه فيرجع التور لما كان عليه.
وزي ما قال الشاعر بسأل العايدين عن أحوال ناس البلد
ماشفته محرات سايقو صبي للتور نهر وما شفته شافعن في حاحايتو قال لطيرو كر
Quote: في محلاً يغرق وهنا يستوجب أن ينادي أرقد فيقعر التور ضهرو ويكون ضهر التور متني لي تحت في شكل قوس لأسفل وويحني أرجله الخلفية عند المفصل حتى يمكن الجنى أن يغرس سنّة المحرات بكل ما يملك من قوة في الواطه وعندما يخلص يردد قوم فترجع التيران لما كانت عليه أولاً
Quote: والحراته جنب الجداول بدور ان يكون ماش علي حافة الجدول لذا ينادي للتيران بره فيطلع أحد التورين لخارج الأرض ويكون ماشي جوه الجدول وحكمة الله دون أن يترك عليه خراب وهدم وعندما يخلص يردد جوه فيرجع التور لما كان عليه.
يا سلام عليك أخي خالد رغم ان الصورة مكتملة في ذهني منذ الصغر إلا أن شرحك واستطرادك يهبشني في النسيج التحتاني لا فُضَّ فوك انا مرات بحس انو زولاً ما عاش في تلك الديار ومارس وشاف ما شرحت الآن لا يستطيع أن يفهم ظلال اللغة وما بين مسامات القول لك ودي
يانسمه مين غيرك يكسر حواجز البين يتحفني بي اخبار مريودي نور العين طولته مستني يكتبلي لو سطرين يحكيلي كيف حالو وان شاء الله هو زين مفروض يكاتبني مهما اكون انا وين حسب اتفاقنا الكان يوم كنا متفارقين رسلته مكتوبين ما جاتني أي ردود ان شاء الله مانعو هو خير لا يبقى صد وجحود يا حليلي انا الممكون وصابر على ناري وكل ما ادس حزني تفضحني اشعاري وكل العلي والبي اسبابو من جاري ويومي الاقصر انا ما بيقبل اعزاري يا نسمه قوليلو الحال وراك مايل والليل بلاك ليلين وديمه الدمع سايل قوليلو يومك داك يومي البقيت راحل ماقلت لي الرد ما تشيلو هم واصل يا نسمه عارفاني مكتول ضناني الشوق للبلد من جم صلحاب كري والسوق عمرابنا والقوزين ليهن سلام مطبوق خاصه المحطه تحت وقز ام شديرة الفوق شوق البلد جواي يا نسمه ازاني عديل خلاني ابكي وانوح كل ما اشوف النيل اطرى الجروف والناس تنزل دموعي تسيل يمارى لي منظر منقه و قرين ونخيل يا نسمه شفتي البي وتابعتي بالتفصيل ارجوكي سافري خلاص واوعك من التاجيل برجاكي فوق نارين حزني وظلام الليل وبصبر لي يوم يومين فيها الله بيه كفيل
بغنيلك عشان بهواك دون الناس والناس لهواي عزال واغنيلك عشان لو مره ماشفتك بخاف تبقي الليالي طوال واساهر فيها واتعزب واجر موال وراء موال واغنيلك عشان يوم شفتك انت صبيه الله كساكي زوق وجمال ومن يوم داك شلتك غنوه احلم بيك يلمني فال واغنيلك سنين وسنين وكان نسيانك انتى محال واسال ديمة مشتاق ليك يمين فى العوده والترحال واغنيلك ولو اتكلمت عن حبك يقولوا علي جابو خيال مثيلك مافي عين شافت ولا يوم بالخواطر جال واغنيلك عشان بهواك
Quote: أولاد حاج الماحي أدب تواضع إستشعار للحضرة النبوية مهابة
الأخ الفاضل / منصوري السلام عليكم ورحمة الله وبركاته ومغفرته اي والله هكذا عودونا أولاد حاج الماحي وكل الذي ترنم بكلمات حاج الماحي بالأدب الجم وتناول المديح مستحضرين شخص الرسول عليه الصلاة والسلام عند المدح حتى الجلسة النظرة مكسورة احترام في حضرة مديحه عليه الصلاة والسلام
تحضرني قصيدة مديح وتعتبر من القصائد الجميلة وشدتني في هذه الأيام بالذات لاني كنت ناوي الحج لكن القدم ليهو رافع وربنا يهون في السنة القادمة
قالوا الحجيج قطع طالب نور البقع قلبي زاد وجع حماني القيد منع
العبدو قام شرع متقاصر وما بدع قلبي زاد وجع حماني القيد منع
قابلنا عسل بقع كباهو في الترع ديوانو الجمع وسقى لأهل السمع مجذوبن تف وقع كالمخشي إنصرع
تاني القصيد رجع فوق بهجات البقع قمر البسوم طلع الضووا ما أنقطع للعرش راح سطع الذاكر ما إضجع حبو القلوب خلع يوم النهار صقع لولاهو نروح ترع
العالي في القدر ذو العفة والفخر لا طويل ولا قصر لا غليد ولا نسر يحقق الصبر حين ينزل الأمر شفيعنا في الحشر ليلة عرقنا يخر التبعك للختر والخالف من حالو كر
دقّو النحاس ورف وجا صاحب الوظف ركب الصديق وقف معلوم بهدم الصف ما بعاين الطرف ما بخلي الدم يجف رقدهم كالعلف والعوق من عندو رف قبض الملوك عنف كدي جرّا الكي خلف
دقّو النحاس ضرب جا صاحب الأدب فاروق الأحتسب القام للدين نصب سل سيفو المو كعب يغرز في العلج جب السيمة تب هجب من عندو قام هرب رسنهم بالسلب للهاشمي العجب
يا فمي قول السي فارسن بجيب الدي ضربو النجيض مو ني سيفو الما بفضل شي الدبرة الفيها بعي نصرو القديم الحي زوج أم كلتوم ورقي
دقّو النحاس ورز وركب المضرغم وهز دخل المدائن جز خلّه الرمام كالبز في الأرض ماهم نز كل المشكر فز ود عمو الليث برز ونصر آب علامة وحز
يا حي يا مجيب ندعوك آلفين جمل للمشتاق والمريد ميّتين للمويه والزاد والفي نفس المريد ميّتين لاحبابنا الجنبي والبعيد وميّتين للفقره البقروا في المسيد
وجملي البدورو ما أظنو اتوجد أبيض في لونو علي الدبلان يزيد أفطس قدومو قلمن مبري جديد ورهاف أنافو لابشوفو بتأكيد سمحات عيونو ختمن دق ود تبيد شارفات آذنينو مكلوفن يا الرشيد وزمامو الفضّه أربع تاواق ويزيد خناقو الشولق غشيم دهب العبيد رسنو حريرن بارد في مسك اليد وأن قلته رقبتو جروقن للهويد ومكوكب زورو الفدعه العند الايد ضامر حشاهو ماهو البدين عريض وأن قلته ذنبو فوق الشبرين مابزيد مرخي عرقوبو شوتال مدقوق جديد سمحات سيقانو كاليد الفي الحديد ومدور خفو في الوطيه مو عريض شارف سنامو قبة سيدي العبيد طبعو المؤدب لا عاصي ولا عنيد كدي جيبو ونوخو يالعرض ويا العبيد وسو فوقو سرجن مكسي ومحشي جديد وأن مجدوّلن كالفصلة الفي العقيد وأفرش لي الفروة يا تويلي يا مرعيد
قام تبه بينا يضرب وينفي الليد وأن جاكا ماشي في عفرة الصعيد يا أخويا أقرالو من كونك ماك جديد وخنّق للطاره طالب الرسول السيد وريس السفينه قال أهلاً مداح السيد بلاش أدخلو أن شاء الله توافو العيد
ودخلنا فيها كدي قلنا يا مجيد في سروه واحده وصلت بقسمت السيد في جده نزولنا مافينا من مريض وحلقّنا شعورنا ورجمنا خصم السيد طال لينا المنار لام شبكن حديد قنالو سلامن يا سيد رسالة ابوزيد قال أهلاً مرحب أنا قلبي ليكا بريد انت وأحبابك الجنبي والبعيد تسكنو قصورن شامخات بلا تحديد يات من كان منكم آلفين حوريه نهيد وعيد الراوي الما ودر القصيد يوم لمّت الوعيد يممنا النبي السيد
أخوتي وأخواتي حتى تحس وبطعم حلاوة هذه الأبيات في مدح الرسول الكريم أرجو منكم قرأتها بالدارجة العامية السودانية لانها تفقد جمالها لو حملتها بالقرائة بالفصحى
Quote: يا سلام عليك أخي خالد رغم ان الصورة مكتملة في ذهني منذ الصغر إلا أن شرحك واستطرادك يهبشني في النسيج التحتاني لا فُضَّ فوك انا مرات بحس انو زولاً ما عاش في تلك الديار ومارس وشاف ما شرحت الآن لا يستطيع أن يفهم ظلال اللغة وما بين مسامات القول لك ودي
الحبيب الدكتور المبروك سنجك ميه واربعطاشر مساك الله بالخير
كنت أعرف وايقن ذلك أنك مدرك وعارف لكل كلمة قتلها, ولكن روحك ومشاعرك أحساسك كما أنا بالضبط أحب دوماً أن يعيش الكل لتلك اللوحات الجميلة الرائعة في بلادنا... كما أحسها وأتنفسها وتخرج مع كل زفرة.. آهــــــــــا .. مني في غربتي في بلاد الخوجات أعيش بينهم بجسدي الذي أعتبره نعشاً بينهم ورحي ترفرف في كل شبر من ارض بلادي الحلوة الزينه أم ناساً زينين وطيبين وحلالين شبك ,اخوان بنات ومع الكادحين القابضين على الرماد.
في عز صقيع الجليد والتجمد أحس برمضاء وقهنوبة شندي سمومها كتاحتها الغبراء يجلد حصاها سيقاننا العارية ونحن أطفال, أنتعل أفخر ما صنعت المصانع الايطالية من الأحذية الجلدية لكن توغذني شوكة سنط في قدمي... ورحي في سواقي القرداب في شندي جنب البحر, استحم في البانيو برغوة المستحضرات الفاخرة وأحسها ماءً نازل من دش يكسو فتحاته خدار الطحالب...أغسل جلدي بالصابون الأفرنجي وليفة من الأسفنج. فتنزل على جسدي الذي أنهكته البرودة وهدّت عظامه ملابس الشتاء الصوفية الثقيلة... كأني اندعك بصابونة فنيك غبشاء صبتها يد عامل أغبش في مصنع عبد الكريم السيد بشندي, اشتاق للقمر في ليالي الضباب وقلّ ما أراه كشوقي لامي بت بادي يحفظها الله, عزاي الوحيد هي زوجتي وابني الخوجات بلونهم أجتهد حتى أثرت فيهم علمتهم العامية السودانية... وعابوا عليا الأخوة ذلك وهم لا يعلمون أني كنت أناي أحب أن استشعر أحس أهلي فيهم وأنا في المجر.
أخي أاسف أني قد أسرفت في ترجمة ما أحس به وهو قليل من كثير لصعوبة ترجمة ما نحس به, لكن أنت يا دكتور يا سنجك ميه وابعطاشر الذي حرك تلك المشاعر... بكلماتك أعلاها
العزيز الزين حاتم ود هاشم سلام الله عليك يا حاتم... العافية يا يابا تبقالك هدم وسروال ونعلين, نسأل عندما تغيب عنا وغيابك مركب الأثر شخصك وروائعك من القصائد الجميلة وهي دوانا تخفف من ما نعاني من آلم الأشواق والشجن الذي أضحى سمانا لك الود والتقدير والاحترام
خالد محجوب
Post: #417 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 12-23-2006, 00:10 AM Parent: #416
والله يا سنجك ميه واربعطاشر صبيت البنزين على اللهب وولعتها يا اخوي دي نكتّها من وين ؟؟ الله يديك العافية.
أول مرة أسمع هذه الاغنية الجميلة الرائعة رغم لهيبها وخلتني أمشي واجيها راجع.. زي تور الساقية وزي سيد الرايحة يفتح في خشم البقرة عله يلقى ما فقد.
والزول عازف الايقاع دا ... والله نقرو فوق الطبلة كأنو بنقّر فوق قلبوبنا وكل نقرة تهبش جوووووه شديد... دا زولاً تب مو هين متمكن ويديه تنزل على الطبل بنقر في ايقاع منتظم يزيد جمال القصيد ويضفي روح الحنين عليه... عينا باردة وقلنا ماشاء الله وربنا يحفظو ويصونه.
أخي خالد تحياتي لك ولاسرتك الكريمة ، نعم الاستثمار أن يعرف ابناؤك تراث أبيهم وعامية لسان ابيهم ربنا يحفظهم لك ، والشيء الذي ياسرني أن شرح شرحك يحتاج المزيد أنا مثلك احتاج لقهنوبة في أمريكا ولكن لنا لقيمات هنا لابد من أكلهن تحت وطأة الحنين والفراق ونشكر الخواجة اللي "ما وقفت قدامنا حاجة إلا يرطن فيها حاجة" "مثلما قال د. بادي" الذي جعل العالم أضيق من خرم الإبرة وجعلنا نلتقي أمثالك الذين لا أجد وصفاً لهم في قاموس لغة مشاعري لك الود وسأحاول أن أنزل لك رمال حلتنا فيديو كليب من الأستاذ خالد محجوب يصور لك كل كلمة وردت في القصيدة ولكن أخشى أن تحزم عفشك "حزم العفش على مسؤولية صاحبه الحنييييين" أنا برررررره
لك الود وشكراً على قصيدة الحجيج قطع التي تؤلمني كلما قدم موسم الحج وهي عندي ولكن بصوت الكابلي
أخي وصديقي الأستاذ عصام على أحمد أكرر شكري للخواجة ولله الذي سخر أبوالحسين الذي جمعنا هنا "قد يجمع الله الشتيتين بعد ان يظنا كل الظن ألا تلاقيا" لقد عادت إلى عيني صورة تلك الأيام الجميلة التي قضيناها في رابطة مروي وليالي الشعر والأدب والغناء وكل شيء جميل لقد مررت بدبي العام قبل المنصرم في طريقي إلى السعودية في موسم الحج ولو كنت أعلم وجودك هناك لكنت أوحلت الطائرة في مطار دبي لك ودي وأعدك بسلك قريباً كل عام وانت والأهل بخير يس محمد يس
احلى مافي الكون عيونك واحلى ما في الكون سروحها يوم تغيب تسلب رويحتي ويوم تعيد لي روحي روحها فيهن اتغرب وأسافر نفسي تقبل بي نزوحها ألقى جنة شوقي فيهن الحنان مشتول في سوحها داير اعيش فيهن وأفارق دنيا كان شاقيني نوحها وأنسى ايامي العصيبة كل آهاتها وجروحها في عيونك كون بحالو فيهو أسرار ما بلوحها كل ما اتمعنت فيها فيها اشواق بابل بروحها وأفضل اتضرع أمامك رافع اليد اللحوحة أملي يرقص فوق سوادن زي بريق ياخد لو لوحة فيها كم شاهدت واحة الرموش ضالاها دوحة وفيها كل الدنيا ترقص بالطرب ناسياها روحة صورة ماأحلاها صورة من جنان الخلد لوحة ياهو دا الخلاني أحلف مافي زي عينيك صبوحة بالفرح أيامي لمن بالفرح كانت شحوحة كيف يقولو اخير تسيبن الله خلقو دي ما نصوحة هن سعادتي وهن شقاي هن أمان روحي الطموعة كان غلطت استغفر الله باقي عقلي اخد لو روحة.
والله يا ست الجمال انا ماني باكي علي ضياع امل فيك ولا حتي نادب حظي ساعه جابني ليك ما خلاص قنع قلبي القبيل ميال عليك يقنتو يا ست الجمال علمتو ما يشتاق يشيل الشوق يجيك ومع اني يا ست الجمال عارف جمالك في الجمال طاغي ورهيب وعارف مشاويرك طوال لو ما ني عاشق كان مشيها علي صعيب وما شفتي قلبي وحالو كيف من وقده الشوق اللهيب وصبرا يطول يبقي زل والنوح كمان من متلي عيب وانا قلبي يا ست الجمال طيراً سماهو افق رحيب رحال وما اتعود شمس تشرق عليهو محل تغيب وين قولك القلتيهو لي انو الزواج قسمة ونصيب داير الرجوع وما بيامنك قلبي الجروحو بدت تطيب انسيهو يا ست الجمال الماضي فات والجاي غيب لوميني اه لوميني اه لو ميني اه لوميني ما انتي الغدرتي وقلبك اختار زول سواي وخطواتك اختارن درب عكس المشنو قبيل معاي ولو مرة اضناني المسير بركز عليك صبري وغناي وبعد الحصل والله يا ست الجمال من شوقي ليك حاضن الصبر ونيران هواك ايام طوال دربك مشيتو بلا امل ولقيت وصول اخرك محال وحملتة الام فرقتك الفوق حدود الاحتمال صديت لسان الحال يقول ياغافل الاحلام ضلال واحترته كيف كنا يا ست الجمال ماشين وقلبك شاغلو غير لو جيتك القاكي السراب وتجيني تلقيني الغدير غلطان انا انا غلطان انا غلطان انا السكنتك اعماقي البعدية ووهبتك الحب الكبير غداره يا ست الجمال مغرورة يا ست الجمال غدارة عزت نفسي اكبر من جمالك بي كتير
ما قلت لي رغم الظروف حأسكنك جوة الحروف وسكنت في حرف البكى لون عيوني ضباب وخوف تاوقت مابين الرموش سدت ملامح الوجعة شوف ورجعت تاني اقول كفاي غير الحرق ما عندي جوف مالقينا بيت.... مالقينا بيت.... مالقينا بيت لو حتى من الطينة طوف لا حتى حتة نسوره ومن حولها ندور نطوف ونلبي لامن ننكفي وفي وشنا نعيد الوقوف مالقينا بيت.... مالقينا بيت.... مالقينا بيت يسترنا من عين القدر ما الدنيا ضاقت بالبشر فتشنا جحر النملة قصينا الاتر لمن دخلنا علي النمل قالينا خشو بلا زعل قرصنا ما قاصد هو شر عبر عن الفرح الغمر وبي قلبو لمن شافنا قال معقولة يتواضع بشر ويسيب في بيوت الدنيا يزهد في ترابها وفي البحر ويخلي كل مفاتنا وآمالها واحلام العمر ويعيش مع النمل البكد في الصخرة شان حبة امل جحرا مضلم مافي نور لا حتى طاقة ولا قمر لاموية لا جدول يكب لما الخريف يتكي المطر مالقينا بيت.... مالقينا بيت.... مالقينا غير جحرا تبيت النملة فيهو وسكنا ما دافعين ايجار لما النمل ما هان عليهو تلقانا واقعين في الأرض ويدوسنا في سكة مشيهو وقال لينا في الصيف اسكنو ولما الشتا يزور الديار نفرح معاكم بي مجيهو مالقينا بيت.... مالقينا بيت.... ما لقينا بيت نتكل عليو كل الهموم مالقينا غير ناسا تنوم شان تصحى تاني عشان تنوم واحلامنا ما بتقدر تقوم كيفن بتتقطر مطر قبال تكون اصلا غيوم مالقينا بيت.... مالقينا بيت.... يا دنيا دست في حشاها مساحتا نكرت ولد انسانا قالت ماخلق آدم زمان من طينتا يا زايلة زالت من قليبا محنتا لا نحنا شاحدين حنها لا حتى دايرين سكنتا باكر على الجنة بنعيش والدنيا تعرف غلطتا
الأستاذ حاتم هاشم مرحباً بعودتك واصل في هذه القصائد الجميلة واعدك سأنزل لك منها ملفات صوتية لكن رمزك في المداخلة السابقة لم افهمه باقي طعنا في السنً لك الود
Post: #425 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-23-2006, 07:23 AM Parent: #1
الحِبان أهل الحوش جميع...
صباحكم هناء وسرور...
إنتو عارفين أنا من يوم الخميس الساعة 12 ظهر نص الدوام الأول النِت دا تاني ما قاعد أشوفو إلا يوم السبت الصباح... وكيييييييييف قاعِد توجِعْني لمَّتكم دي وأنا ماني بينكم... ماهو حسد (بغَر)!!! وهسع ماني عارف أقرأ من وين وأعلق من وين... ولة أفتح جُرابي... ياااااااربي أسوي شنو... كدي هسع الأسلم عليكم وأقول ليكم تحايا وشوق وأضَايِر شغلي بتاع المكتب سريع سريع وأجيكم راجع للخَمَجْ الفوق عديلي...
كميات مودتي...
أبو الحســـــــــــــــين...
Post: #426 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-23-2006, 09:08 AM Parent: #1
إخوتي الكرام...
أهديكم هذه الصورة القيمة التي توضح سير العمل الجاد في كوبري مروي الجديد والذي قارب على الإنتهاء وسوف يكون هذا المشروع مفيد للغاية لأهالي المنطقة وتاني يا د. يس لا نرجى البنطون لامِن نعدي ولا القيام البدري داك قبل الأذان للسفر!! الله أدانا...
آسف... تم سحب الصورة... لأنها عملت رَبْكة في البوست...
كميات مودتي...
أبو الحســــــــــــين...
Post: #427 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-23-2006, 10:56 AM Parent: #1
Quote: أما حديثك عن علي ودحليب نعم هو عنده أعظم ماقيل في المديح وحاج الماحي نفسه يغترف بعلي ودحليب ويعتبره أستاذه بالرغم من العطاء الثر لحاج الماحي وقلة أشعار علي ودحليب .. وهنالك محبة لحاج الماحي عارمة لعلي ودحليب..
الحِبيِِّب المنصوري...
نهارك سعيد يا اخوي... وربنا يفِك مشغولياتك وتَتْحِفنا بالتحليلات الجميلة دي...
إنت عارف يا اخوي محبة أولاد حاج الماحي عموماً لشيخهم علي ود حليب مترجمة وين؟؟؟
لو ملاحظ بداية حلقات المديح لأولاد حاج الماحي على مر التاريخ وحتى جيل ناس عبدالرحمن وحمزة دا... دايماً تبدأ مدايحهم جلوس ويبدوهو بما يُسمى بمربع شيخ علي ود حليب...
واشوقي على بدر الكمال التم...
أبْ عرقاَ خفى الطيب والجلاد في الشم...
وبواشوقي على طيبة اُم نخيلاً قج...
نعمة الزار حبيبو ووافى يوم الحج...
ففي محبة أكتر من كدي يا اخوي... ديل يا عزيزي أدبهم حب المصطفى صلى الله عليه وسلم... فنعمة الأدب ونعمة المؤدِّب ونعمة المُؤدَّب...
وصلى اللهم وبارك عليك يا حبيبي ونور عيني يا رسول الله...
وبلا خبر طق الخبر مالي البلد قالوا العريس قام بالأحد والحلى جاطت والحريم يتهامسن جاي الولد كوم من بنات للبير ورد يتحدثن جايي الولد يا بختها وواشوقنا نحن الفينا جمر الشوق وقد كل الحديث الليلي فوق بت البلد وساعة خلاص الليل دخل وآخر شعاع من الشمس روح نزل ضي القميره جا من بعيد بهر قدل دافر ظلام الحلى قدامو ووصل ناس البلد النام رقد والماسك السبحي وعبد مشغول هو بي خبر العريس القالوا قام يوم الاحد وهناك بعيد بي غادي فى آخر الديار راكوبه ضلها احرّ من حر النهار كوم من بروش وجريد تمر عيدان صغار ودلوق هدوم موروثه من زمن الكبار وتلات عنا قريبا صغار كرابا متقطع نزل والنوم من البي فوقا روح تب جفل راقد هناك كوم من ضياع مركب مسافري بلا شراع احلام مسافري بلا وداع ودموع ضياع تتجارا من غير انقطاع احرف انين ما خطتن ايد بي يراع وليلاً نجومو يودعنو خلاص مسافرات هن سراع بت البلد عبراتا سدت فى الحلق تبكي وتنوح تشرب دموعا وتنشرق لمان حسيس نقاره جاها من الشرق اتوسدت ايدا وبكت قامت على الحيل صنقرت وبكت بكت تانى انتكت شالت طريحتا للدميعات كفكفت فجأة السنين الفاتو جن ايام زمان اتلملمن واتذكرت كانت تقوم فجر الصباح لمان يقوموا اهل الصلاح ابوها شايل السبحي صاح يا شافعي سوي الشاي سريع شدى الملاح شيلى المناجل وامشي قدامي الجرف واتذكرت كانت تسبقو وتمشي تنزل بي تحت تمسك سبيط التمره بي ايدا وتحت تقعد تحش اللوبي للكاويق تقس تصل البحر والموج يداعب فوق هدوما ينط يرش وبعدين تشيل القش تفوت واليوم يفوت وتمر سنين وتفوت سنين يكبر عمير بت البلد يكبر معاهو كمان حنين وبعد تمر كمين سنه في يوم صباحو صباح هنا واحة حنان نغمة غنا ريحة لبيني مقننا مر الجنا سلم على بت البلد زى عادتو سلم وابتعد تابعاهو عين بت البلد بت البلد سمعت ضريبات القلب بعد الثبات كيفن خرب بت البلد .. عرفت تحب والغي سهامو عليها جات شاقي الدرب واليوم داك بت البلد ما جاها نوم كيفن تنوم ؟ ما دام خيال ودالبلد يمشي ويحوم بين الخيال شافت وجيهوالهاش وباشن شافت عيونو الفيها فيض احلاما عاش شافت سحاب الريده فوق واديها راش بت البلد تاهت مع الشوق اللي ماعاد ينكتم والصورة هادي الفي قليبا بتترسم واسمو العلى نوتات خدودا صبح وسم تاهت خلاص بت البلد تاهت مع ربط الحرير والقعده جنبو على السرير لمان يجيها كدي ويسير والرقصه قدام البنات يا ربي وين تلقى الثبات والقرمصيص وغنا البنات والصفقه من تالا الولاد ماب تسمعا وجاياها من آخر البلاد تاهت مشت سايقاها دقات الدليب لى دار حبيبا منى القليب لى قعده عصراويه فوق العنقريب للونسي والخاطر يطيب لى مسكه في إيد الحبيب وسيرة فرح شاقي الدريب وشفع حنان اسماء وحنان عادل كمان وصوت الحبيب لمان يرن وشمعات هواهو ينورن في دار جديدي بتنسكن وفجأة النقاقير جاتا راني من الشرق وبت البلد عبراتا سدت في الحلق واتذكرت كيف حاج محمد والدا حالف يمين ودالبلد ما ياخدا واتذكرت كيف حاج محمد والدا قال ليها ما عندك أدب تعبان سنين فوقك تعب واديكي لى زولا كعب تربال وعيشتو عدم عدم لا قاري لا ماسك قلم يشقيك يزيد ليك الألم ياخدك بتندمي صح ندم واتذكرت كيف حاج محمد والدا وصف القالوا قام يوم الأحد كتر محاسنو وعددا واحد موظف وعندو مال يأويكي في بيت الحلال تبقيلو عاد أم العيال ما فيش مثيلو ابدا محال واتذكرت لمان أبت قول حاج محمد والدا كيف نهرا وحالف يمين بيودرا لو ما رضت بالجايي بي قطر الأحد واتذكرت كيف الحبيب ودالبلد ساب البلد شايل عذابو معاهو زاد ما حن لى دار اهلو عاد وبكت بكت بت البلد لما الخبر ذاع في البلد إنو العريس قام بالاحد والحلى جاطت والحريم يتهامسن جايي الولد كوم من بنات للبير ورد يتحدثن جايي الولد يا بختها وواشواقنا نحن الفينا جمر الشوق وقد لكنهن ما عرفن الشوق كيف وقد ما عرفن غتو هي شوقا تب ما ليهو حد مو للعريس ليهو الحبيب ودالبلد ده الراح وفى زحمة ضياعو هو ما أتوجد.
يا مرسى امان القلب التايه ليهو زمان أرويهو حنان يا ارض النيل اتغرب راح يحلم بالعوده مساء وصباح داير يرتاح ينجم الحيل الديمه يئن لى دار أحبابو قليبو يحن طنبورو يرن ودموعو تسيل بعد الأوطان خلاهو يعيش العمر احزان آهات واشجان وراهو الويل وين امدرمان يتراءي جمال المقرن بان زهرو النديان والنسمه يميل اتوشح توب يترقب كان راجي المحبوب وقليبو يذوب ضاع صبرو وعيل مرت أيام واليوم محسوب في الغربة اعوام والقلب الهام ردد يحليل هداهو الشوق لى صوت القمري الساو القوق لى ساقى تسوق وتنوح بالليل.
.............................................
حاتم هاشم
Post: #430 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-23-2006, 02:39 PM Parent: #1
Quote: سـلام اهلنا السمحين.. كـل سـنه وانتو طـيبين وفنانين.. شكرا ابو الحسين علي الإستمرار بالبوست ..
مني
زي طلتك دي براااااااها يا أُستاذة منى...
دفعة لينا للإستمرارية...
قواسيب مودتي... وأبقي قريبي...
أبو الحســـــــــين...
Post: #431 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-23-2006, 03:53 PM Parent: #1
Quote: أخي المنصوري سلام دائماً جرابك مليان اكرر مناشدة الأستاذ ابوالحسين نرجو ألا تنقطع من هذا المكان ونثر هذه التوضيحات الدرر أذكر بيت أغنية للأستاذ صديق أحمد أمد الله في عمره وزاده صحة وفناً يقول فيه: "أوب ووووبا نحمد ربنا الما سدَّ باب التوبة" فهل هنالك نعمة أكثر من هذه؟
مافي والله يا دكتور يس...
وحقيقة يا اخوي شُعَرانا وفنانينا معظمهم فيهم هذه النزعة الروحية الممزوجة من الصغر... فكل واحد قام وتربى على أهازيج وتراتيل الذكر في الخلاوي وتلاوة القرآن ودندنات الطار فحرياً بنا هذه النزعة الروحية... الجارية في دمانا...
ودعواتي معاك للأخ صديق أحمد بالصحة والعافية ومزيداً من الإبداع...
مودتي...
أبو الحســــــــــــين...
Post: #432 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-23-2006, 04:38 PM Parent: #1
Quote: والحراته جنب الجداول بدور ان يكون ماش علي حافة الجدول لذا ينادي للتيران بره فيطلع أحد التورين لخارج الأرض ويكون ماشي جوه الجدول وحكمة الله دون أن يترك عليه خراب وهدم وعندما يخلص يردد جوه فيرجع التور لما كان عليه.
والله يا أُستاذي خالد...
كأنو قدام عيوني خِدِر علي حمد بي محراتو... ويسوي جُوة ،،، برة،،، شِيلْ!!!
واصل إبداع الله يخدِّر ضُراعك...
مودتي...
أبو الحســـــــــــين...
Post: #433 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-23-2006, 05:05 PM Parent: #1
Quote: ابن عمي ابوالحسين..يسال منك الخير
بس جري الدنيا..والعيد..والدنيا اخر السنه وكده..
وحتي شوايقه لندن بعرفوا الحمام الرقاص..
اخوي خالدودمحجوب...سلامات..تسال منك العافيه..
شرحك للقصيده بيذيدها روعه..
دكتورناالعزيز سلام..
نحن خلاص حا نغير اسمك من
دكتور ياسين الي (ياسين D-J) مع خالص احترامي..
وسلام الي جميع المشاركين والمارين..
يعلم الله منور الشاشة يا الخليفة ود هاشم...
حمداً لله على سلامة عودتك... وربنا يسهل ليك مشاغل الدنيا وتفضى لينا...
مشكور شديد الاخ ابوالحسين علي هذه الواحـــة الظليلة .. وآسفين وصلنا متأخرين ارجو القبول معكم ..
ويا أخ يسين لكين خجيت البوست خج بهذه الفيديوهات الروائع .. والبارح فيلليل لقيت كليب رمال حلتنا دا وقعدت اسمع واعيد لامن الواط ـة اصبحت وقلت امشي سريع اقدمها عربون في بوست ابوالحسين .. بلا جيت فتحت البوست .. بلا لقيتلك الشئ مولع بي هني !!.. لكين غايتو شغل نضيف .. وخاصة خصوصي عازف الايقاع الما فضل لو إلا ينطق الطبل بطيق !! .. كدي اكنكن اتناسوا الفنان والكورس زاتو وركزوا علي الايقاع بس .. واتمتعوا زييين .. بعد داك ادمجوا الشغل كله علي بعض ..
بس قولوا الله يكافي العين ..
Post: #434 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-23-2006, 05:36 PM Parent: #1
Quote: العزيز د يسن الشوق مطر التحية للاخ أبوالحسين الذى جمعنا بعد هذه السنوات الطويلة انا موجود بدبى مع خالص مودتى
الحِبيِِّب عصام...
مساك الله بالخير والرضا...
الشوق مطر ولة بحر؟؟ علي قول قرشي الحجير...
الحمد لله يا اخوي علي لِماتْكم دي... وربنا يجمعكم إنشاء الله قريباً على أرض الوطن الطيبة... وتقوووووووول كدي تكرِّب عمتك المُو خمج وتعدي لي أراك ود سُورج... وتمشي تقابل د. يس الجايي نهائي من بلد الخواجات في زيارتو للبلد... وتقوووووووووولو كدي بعد الغداء تمشو تزورو حي الميرغنية تحت ومنها بي بوكس الدكتور المو خمج... ولة أحسن صالون يا دكتور... تغشوا أُستاذ خالد في الحجير وتشربو معاهو شاي المغرب وبي الفوقانيي علي المقل تتعشوا معاي وتبيتو...وصباحات الله بُيُض تخَفْسوا علي كريمة وأنا معاكم وناخُد لينا فطرة كااااااااااربي في مطعم خيرات كريمة... وإنت يا أُستاذ/ عصام ود. يس تمشو علي محكمتكم وأنا وأُستاذ خالد نمشي علي مدرستنا الثانوية لي حصصنا الصباحية...
هيييييييييييي يااااااااااربي أنا حلمان...
نسأل الله يحقق الأماني ويبلغ المقاصد ويجمعنا وإياكم في ساعة خير ياااااااااااارب...
نواصل العوم عكس التيار ما نحن الكاجرنا وعاكسنا من يومنا وفتنا بلادنا بلد الخير عليك الله شن قولك فينا مكاجرين ولا لا ؟
جيت أوادعك يا قماري ماخلاص شديت رحالي جيت أوصيك لما أرحل تبقي عشرة علي دياري كل يوم أديها طله وقوقي لأمي وصغاري
بلادي الجميلة فيها بهجة وشراقات حواري والعزيز العاش مكافح جرحن آيدي الطواري
طيري للنيل كلمي يسقي بستاني وخداري وكلمي الجرف المخّدر وكلمي الطير الخداري وقول لي للبشتاق ورايّا الرحيل ما بختياري
وقال الشاعر حسين اونسة شقيق المطرب مجذوب اونسة
يا قمري يا راحال ما تسيب جناك للريح أمكن تجيهو رباح وترمي وبلاك ما يعيش
الشاعر يعني بجنى القمري أبناء المغترب عن دياره, لكني اعتبر جنى القمري الوالدين وبالذات في هذا العمر هما في حاجة لنا كحال حاجة الطفل لوالده في صغره.
كل الأعمال يؤجل الله تعالى الحساب فيها ليوم القايمة عدا عقوق الوالدين, ونحن نغفل وننسى والله تالله أخوتي المغربين عن ديارهم ( لا أقول المغتربين لانه ليس منا من ابتعد عن ترابه وأهله بخاطره والمضطر بركب الصعب ) البعيدين عن والديهما. أن بعدنا عنهما هو في ذات نفسه عقوق.. نعم والله هل تغمض عيون أمهاتنا ابوتنا عندما يضع رأسه كل منهما عشية لا وألف لا والله ... يدور هذا الشريط ياربي كيف هو ؟ هل مريض ؟ هل شديد ؟ آكل ما آكل ؟ شريط طويل .. أليس هذا عقوق ؟ أخوتي من كان والديه على قيد الحياة أرجو طلب العفو الرضى منهما أو وصلهم أن استطاع من فترة لآخرى وأن لم يستطع وكلنا نقدر الحال الذي علينا اليوم يطلب العفو مراراً ولا كلف الله نفساً ألا وسعها.
نرجع لشاعرنا الفحل ود بادي في رائعته التي صوّر فيها خواطره عندما هاجت به الأشجان وهو في الخرتوم
ذات في يوم والغيمه تهتّف مطرن نقّع فوق نوار الطلح الفقّع ريحة البرد أن جاتك عطرن فايت خمر الفوق أردافها مجضع
شفنا الوادي بقشقش في دمعات الليل تلب حامد فوق مخلوفة اب زور وأتربع طلق الرسن اي زمه وسووا خبيبن بدّع هوّد في رقاب الصي لاقاهو تلاته زبيدية خالفين سيقانن فوق السكنيت ورقاب ألبل بيناتن مرخيه محجوبات بالخرز الفصلو السوميت وكل واحد درقه وسيف وطبنجيه وباقي جرابن مليان ندنميت الجنيات أتقبلو وضاقو الحاره وضاقو المرّه وكان حجازن صقر الجو حامد كان عارفين ضاقوهو رجالن قبالكم شوفو ارزاقكم اخير من ضي حامد عوج الطندب آوليدات نار القصب أن لهبت مابتعدلو شوفو شلخو تلات مطارق رقّدن حبوب القارح مادلا ولداً ما ختالن زلّه شن قولك في عليك الله بالحيل آجني اي والله
صورة لخاطرة آخرى من خواطر شاعرنا الفحل ود بادي العكودابي .. وهي لوحة تجسم بوادر فصل الخريف وما يتبعها.. بدت بوادر الخريف ويستوجب ذلك السدور للخلا والمنطقة الشريقية للنيل من الرويان لي شمال شندي عادة الناس قبل نزول الخريف في المنطقة بسدرو ببهائهم للخلا وهي مناطق ود حسونة وأم شديدة وما جاورهم... حتى يصلو لمنطقة البطانة وخشم القربة... وعادة تواجه الرعاة الكثير المخاطر لما اتصفت به تلك المنطقة من همبته وقطاع طرق. وقال طه الضرير في الفخر
ولدن يطبق المسره فوق المسره يخلف ساقو فوق ضهر اب قمائر ويسرى حقب قربينو في جرباتو خته اب كسره فرقن شتى من ناس يوم زيدي الكسره
هو حال الجنى حامد وهو كان معروف بين أهل البلد ولدن قارح والقارح هو الفايت ندادتو حجماً وشجاعة وكرم.. مادلا.. ما شاء الله عليه.
شمّ حامد ريح البرم ونوار الطلح وجابن ليهو برد الخريف كرفن وايقن ان الخلا اكيد شرب تب ووقت السدور يعرفوهو نقلا أو فراسه، وهناك الكثيرين في المنطقة من اشتهروا بالفراسة... يقص درب الرايحة ويخبر الفصول السنة عدة وميعادا ويسري بالنجم وما بضهب، يخبر كل شبر من الارض ( يحكي أن طه الضرير كان في يوم من الأيام ومعه صحبه في سوق الدامر باعو واشتروا من ألبل وهم راجعين لأرض البطانه نزلو قريب من خشم القربة وكان صحبه يعرفون أن طه له من الفراسة ومع أنه كان ضرير يعرف المنطقة إذا كرف ترابها وكذلك من نسايمها يعرفها .. دي منطقة وين وهم راجعين خبِئو بعض التراب في الجربات من تراب الدامر لما وصلوا لخشم القربة قالوا له نحن ضهبنا يا طه ومانا خابرين الدرب وين ,, قال لهم ناولوني قبضّة تراب فناولوهو التراب الكان في جرباتّن , فقال لهم هلا هلا التراب تراب الدامر والهبوب نسايم خشم القربة ومن يومها ايقنو انه لا يفوقه في الفراسة حد).
ريحة البرم ونوار الطلح والخريف ممذوجة فاقت روائح الخمرة فوق ارداف السمحة في البنوت, وكان ايضاً فال الخير ببوادر الخريف سيل ذلك الوادي الذي جفف الدموع التي كان سببها المحل الذي ضرب البلد قبل الخريف. حامد وهو في طريقه للخلا قابلوهو زبيدية وهم قطاع طرق لكن ما درو بحامد, وانكتلوا وضاقو الحارة وضاقوا المرّه وما في من حجاز ولا معين غير صقر الجو منتظر وحارس الجيفة نتاج المعركة يأكلها. حامد عوج الطندب عوج الدرب ما بنقدر وهو كان عرفو كانو حفظو نفسهم منه وشافوا رزقهم في زولاً تاني .ً
Quote: وسأحاول أن أنزل لك رمال حلتنا فيديو كليب من الأستاذ خالد محجوب يصور لك كل كلمة وردت في القصيدة ولكن أخشى أن تحزم عفشك "حزم العفش على مسؤولية صاحبه الحنييييين" أنا برررررره
كيف أنت بره ما انت الصبيت الزيت علي النار لاننا مولعي فوقنا نار ضحضاح من بدري وانت وما اكتفيت بعبد الرحيم البركل كمان سويتها فيديو كليب
صورة الدحيش مكربت منتشي بين السرابات وتحضرني أول زيارة لي مع زوجتي الخواجية لشندي ونحن راقدين وهي مبسوطة انها راقده تحت سقف السماء وترى النجيمات والقمر وفجاءة هنق حمار .. صفنت وبعدها سألتني ماهذا قلت لها حمار. قالت وبضحك مالو ؟
لك المودة والتقدير والاحترام دكتور ياسين سنجك ميه واربعطاشر
كأنو قدام عيوني خِدِر علي حمد بي محراتو... ويسوي جُوة ،،، برة،،، شِيلْ!!!
واصل إبداع الله يخدِّر ضُراعك...
الحنين السنجك ابوالحسين السلام عليك ورحمة الله
طبعاً مع كل كلمة من تلك تتبعها سبة عجز لساني من ذكرها خفت ان ينزع بكري مني العضوية لكن إذا لم تعرفها اتصل بدكتور ياسين وهو يقول لك ايه هي ؟؟؟
لك الود والتقدير والاحترام
خالد محجوب
Post: #440 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-24-2006, 07:26 AM Parent: #1
Quote: ابو الحسين وضيوفه سلاااام
اعترف باننى كنت اتلصص فى هذا الحيز الجمالى منذ فترة طويله
أُستاذي كمال...
صباحك زين...
والبركة في تِيوِيقْتَك دي يا اخوي... وأبقى لا تِنْقَطِع!!!
مودتي...
أبو الحســـــــــــين...
Post: #441 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-24-2006, 07:49 AM Parent: #1
إخوتي الكرام...
أسمحولي غصباً عني... في هذا الصباح الجميل... أهديكم قصيدة الشاعر القامة د. عمر عثمان لحظة ندم... وهي لحظات ندم من الغربة وسنين الغُربة (غربة البنادر + غُربة البلد البعيدي)...
علها تخفف عليكم قليلاً من هموم تلكم الغربة المفروضة عليكم وأهديها خصوصاً للأُستاذ خالد المنسي...
سلام اليوم انشغلت بي زينة الدنيا بحمد الله لقد رزقنا الله مولوداً "ولداً" اليوم السبت عند الساعة الخامسة مساء فالشكر لله بعدد مخلوقاته لذلك اود مشاركتكم الفرحة وجعل الله ايامكم أفراحاً ساعود للتعليقات الواردة اعلاه من الأساتذة منير وخالد وابو الحسين بعد أن تفك سكرة فرحي
الأخ العزيز د. يسين .. أولآ حمدالله ألف علي سلامة الأم وآلاف التبريكات والتهانئ بإطلالة السنجك الوليد جعله الله من أبناء المستقبل البررة ويتربي في عزكم ..
ويللا بعد ده اليومين ديل انكرب وادخل علي التكل افرك لك حلة حلتين
Post: #444 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-24-2006, 09:56 AM Parent: #1
Quote: سلام اليوم انشغلت بي زينة الدنيا بحمد الله لقد رزقنا الله مولوداً "ولداً" اليوم السبت عند الساعة الخامسة مساء فالشكر لله بعدد مخلوقاته لذلك اود مشاركتكم الفرحة وجعل الله ايامكم أفراحاً ساعود للتعليقات الواردة اعلاه من الأساتذة منير وخالد وابو الحسين بعد أن تفك سكرة فرحي
الأخ الحِبيِّب د. يس...
ألف ألف آلاااااااااااف مبروك الوليد إنشاء الله يتربى في عزكم يا آخوي... ويحفظو ويجعلو من أبناءالوطن الصالحين...
ونسأله تعالى أن يحفظكم وحرمكم المصون ووليداتكم وأهلكم ياااااااااارب...
وإنشاء الله المباركة ننزلها ليكم بعدين لو ربنا حيانا...
وحمداً لله على السلامة ونسأل الله لكم الصحة والعافية والجميع...
قواسيب مودتي...
أبو الحســـــــــــين...
Post: #445 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-24-2006, 02:30 PM Parent: #1
إخوتي الكرام...
نهاركم سعيد...
إحتفالاً وبهجةً بمناسبة هلال الخليفة (ود شيخنا)... ولد دكتور/ يس... نهديكم لوحين تلاتة من المولد العثماني... وأكييييييييد هسع الضبائح ما تديكم الدَرِب والحيران مجتمعين في حوش جدو الكبير في الزغولة وهااااااااك يا مولد وكرامات... والشباب جايي من حلة جدو التحِت من الميرغنية بقيادة جدو محمد الحسن ود شيخنا وحسن محجوب...
الفصل الثاني
(أما بعــد) فلما كان يوم الجمعة وقع في الخاطر تأليف مولدٍ يتلى في بعض أخبار ولادة الحقيقة الأحمديّة وسطع الوارد بتسميته بالأسرار الربانيّة في مولد من وضع وهو مصحوب بالختان والدرر الوهبيّة المجليّة الحقيّة في بعض أنباء من ظهر وعيناه مكحولتان فرأيت في تلك الليلة النبي صلى الله عليه وسلم رؤية مناميّة ☼ ورؤية حق كما أورد عته ثقات الرواة بطرق حصان ☼ فأمرني أن أصف مولداً وأجعل احدى قافيتيه هاءً بهيّة ☼ والأخرى نوناً كما فعلت لأنها نصف دائرةالأكوان ☼ وبشرني أنه يحضر في قراءته اذا قرئ فسطرت ليتشرف كلما تلى حكاية نوميّة ☼ وأنه يستجاب الدعاء عند ذكر الولادة وعند الفراغ منه فنسأل الله الغفران ☼ فشرعت وأنا الفقير الراجي لأعلى المشاهد القرآنيّة ☼ لأنه هو القصد المؤمل بركة تلاوته على ممر لازمان ☼ فأقول وأنا الحقير الطالب من الله معاني يعلمها خفيّه الغنىّ بالله الشريف الشهير بالميرغنى محمد عثمان ☼ ابن السيد محمد ابي بكر بن السيد عبد الله تلميذ إبن إدريس أحمد ذي الأفعال الأحمديّة ☼ أرسل الله على الجميع مع الأبناء والأخوان سحائب الرحمة والرضوان ☼ هذا ولما أراد الله أن يبرز هذه العوالم العلويّة والسفليّة ☼ قبض قبضة من نوره فكانت هي محمد بن عدنان ☼ وقال أول ما خلق الله نور نبيك يا جابر جواباً لمسئلته المحكيّة ☼ وكنت نبياً وآدم بين الماء والطين عنه لقد بان ☼ وقال صلى الله عليه وسلم لجبريل كم عمرت يا جبريل فقال لا أدري رواية جليّة ☼ غير أن كوكباً يبدو في الحجاب الرابع يا معشر الاخوان بعد كل سبعين سنةٍ مرةً فهذه علامات اجتبائيّة ☼ وقد رأيته اثنين وسبعين ألف مرة بلا نقصان ☼ فقال صلى الله عليه وسلم تعريفاً بمقامه وأسراره المصطفويّة ☼ وعزة ربّي أنا ذلك الكوكب الذي رأيته يا جبريل في حجاب المنان وغير ذلك مما لا تحصره الأقلام في الكتبيّة ☼ ولا يسعه في الحقيقة حفظ الكاتبان ☼
اللهم صلي وسلم على الذات المحمدية وغفر لنا مايكون وما قد كان
Quote: سلام اليوم انشغلت بي زينة الدنيا بحمد الله لقد رزقنا الله مولوداً "ولداً" اليوم السبت عند الساعة الخامسة مساء فالشكر لله بعدد مخلوقاته لذلك اود مشاركتكم الفرحة وجعل الله ايامكم أفراحاً ساعود للتعليقات الواردة اعلاه من الأساتذة منير وخالد وابو الحسين بعد أن تفك سكرة فرحي
يا الله الكريم في الدنيا كل مناي العمر الطويل عشان ألاقي جناي ولي ولاد الولاد البرفعو الذكرى
نعم ود الولد برفع الذكرى ويحفظ أسم العيلة شايل أسم ابو وجنانهو بإذن الله شايل أسم جدو لذ كان أهتمام أهلنا بالمولود الذكر ولكن عمرهم ما فرقو وميزو في حبهم بنت كان أم ولد مبروك وربنا يجعله من البطان الصالحين لدينهم ,اهليهم آمين
كمل فرحتك وأخدلك عرضي علي نغمات اليمني في الشارع القدام بيتكم ولا تسأل في الخوجات وكان واحد سألك قولو أنا جابولي ولد
رجع وتذكرهنّ في نهاية خواطره.. رغم أن الذي دفعة لكتابة هذه الخواطر أكيد هنّ... لكن الحياء جعله أن لا يبدأ به ... رجع وتذكر بنات الحلّه وكيف يقضينّ يومهنّ سوات شاي العصرية وكت الليل يليل ويستر الجبال .. وقديم الوليدات للبنيات وهنّ قاصدات بيت اللعبة أو مجاملة في الحلي الفوق أو التحت ورب لمباركة ختان صبي أو مولود أو غيره من اسباب الزيارات وحياءً ايضاً بدأ المقطع بوصف مراتع البهائم
وينا مراتع الدرت الباسط دايمن ببكي عليهن وين بنوت الحلّه البكّر عصرن بدري يسوون في شاهيهن وبعد الليل مايهوّد ونحن نهوّد عاد أماتن ينادن ليهن
هوي يا آمني يا نفيسة تعالن راجعات شنو حكايتكن ابوكن دا بسأل منكن وين البنات ديل وطبعاً الشي دا وقعو كعب بالحيل علي الجنيات كان ليهم مراد اقعدوا لحدي بشائر الصباح البدري لا عين ترمش لا شهيقة تتاور الواحد فيهم العيون تقول في الجلسات مع بنيات الحلّة الواحد بكحلو ببصل
نمشي علي القيزان أقيس الخطوة مع التاتاي ومشيهن
آي بالحيل مشي البنات والواحد تتقدّل تاله الليد في حركة موسيقية تففت قليب الحجر الصلد.. خطوة خطوة والخطوة هي ذاته شبير. متاقّله اي والله هي لاحقة شنو ملت جرارته وقشّت ورشّت الحوش ومرقت العناقريب وفرشتن إهبهبن ملايتين مع نسايم الليل وربطت المعوز وحلبت شن فضل تاني ما تأخد لها ونيسي.
والله البعد الحاصل مانساني وحاتكن في قمراتنا بشوفو وشيهن
كيف ينسى ومن ماقام هو شافعاً يافع ختّه قليبو عليهن. وكان يوم مرّت السمحة وقاتلو سلام يا محمد عاد يوم داك مو يوم السعد أمشي وأشتريلو ملوة تمر من دكان ود العبيد ويلم الرفاق قرقشو لهوايد الليل وهو يأكل وكاتم الفرحة في قليبو ينوم بيها نومة هنية.
ألا النضم اب غنّه اللهج السكر وين بلقاهو بنات الريّل الدوب ليهن الخوف يا ناس كان أبقى الشوق الحاصل بينا معشعش فيهن
فقد الكتير في البندر، ومن كترّت الشوق للونسي الدقاق ورأفة بهنّ خاف أن يكون متلو هو هن مشتاقات، مو مشكلة أن عشعش فيهو الشوق هو جبلاً وبحمل لكن رحمة بهن خاف عليهن أن بقى شوقهن زي شوقو
مقنع سابل وين بلقاهو
وهي سمة العفاف والستره الواحده فيهن ماتشوف ألا عرقوبها ووجهها،، لذا كان أهلنا زمان الواحد يقولك البت كان بقى عرقوبها مبدور دي بتاً سمحة بالحيل ما يكونن كرعاتها رقاق وعرقوبها مفندر زي غنم السيال، والبت أم عرقوبن مدبور مرت عنقريب والعجب العجاب كان طبقّت البخوة، طبقّة البوخه بعد ما تدخّن المرة الأولى تقوم للمسوح والخمر والعطور وترجع من تاني للحفرة تطبقه.
الطابق البوخّه قام من نداهو مفرهد نام من الدوخّه آيدو عاقباهو الجدّله مملوخة ولمعالق الجوف موسو مشلوخة
طرفاً زابل وين بلقاهو الزبول صفة مزمومة في كل لكن زبول الأعين شئ بديع وبرمي الزول من طولو
وعين بدنقر من واليهن
كناية عن الحشمة والأدب ديمة الواحده كاسرة عينها من وليانا وكانوا أهلنا بقولوا البت دي قهرتها بالله عينها بيضاأن بقت تنضم ورافعه عينها للمقصود بالحديث
الوجنات الشعّن بقّن ود العين النايم زرقّن مو زايغ.. رسيان وميقّن زولن كان خدران ومحقّن من الشوفه عروقو يطقّن
دا وصف البنيات السببن لو اللوعة وهيجن عليه اشجانه في الخرتوم وجنات خدودهن يلصفن بروق القبلي مضّربات من لمعانن عيونهن زابله وهي سمة محبوبة في عيون البت.... ناعسه العيون وود عينهن راسي وميقّن وهو ديدنهن عفه وأدب والمكتول بشوقن كان بقى في غرفة الانعاش درباتو تتطاقش شي دم وشي جلكوز ويتاوقلو بالشباك متين يخرّج الروح، أن بقى قلب عينو وشافن وقفات في الشباك طق طق طق تطقطق عرقو ويفتح من غيبتو
الاخ ابو الحسين وضيوفه الكرام .. العيد مبارك عليكم وان شاء الله تحضروه تامين ولامين .. آمين يارب العالمين ..
Quote: Quote: ويللا بعد ده اليومين ديل انكرب وادخل علي التكل افرك لك حلة حلتين
معنى الكلام دا يا منير أخوي نسعَل مُجَرِّب ولة شنو يعني؟؟؟!! :
شوفها جاتك في رَقَبْتَك!!!D
قلت لي مجرب الشغلة دي ؟؟!! .. أماني مجربها جريب !! .. أولآ بالتبادي الولادي في بلد الترك ديل يتقاسموها الراجل والمرأة !! .. لأنو لا بدةآ تدخل مع المرأة غرفة الولادي وتقعد تحرسها وتشيل وتتوجع معاها لامن الله يحلها بالسلامة .. وكمان يدوك المقص ويقولولك تقطع حبل الصرة !! .. بعد داك ساعة تمشوا البيت تقبل انت علي التكل وتسوي البتقدر عليه .. عشان كدي زولنا تلقاه اليومين ديل متحزم ويضوق في الحلة ســــــاكت ..
مو زي أهلنا ديلك الواحد مرته تموت وتحيا في الولادة وهو تلقاهو يلعب في كوشتينته ..
Post: #459 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-26-2006, 06:59 AM Parent: #1
Quote: شاعر بي بكاك يا يمه قبل الشافوا يشرحو لى
وأديتك دموعي هدية كان يبرد حشاك شوى
لو ما أخاف تشوفى الشفتو كان بديك كمان عينى
ما أروع هذا البيت الذي تحته خط...
يعني شفقةً علي أُمو ما دايرها تشوف المعاناة العاناها هُو...
بل أهداها دُموعه على سبيل العطف والشفقة لكي يَبْرُد حشاها المكلوم...
مافي كلام غير تعظيم سلام...
مودتي... وواصل يا الخليفة حاتم...
أبو الحســــــــــــين...
Post: #460 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-26-2006, 03:32 PM Parent: #1
أُغنية المشتهنك لمحمد كرم الله...
أهديها إلى كل رواد الحوش وخاصة للدكتور/ يس بمناسبة المولود ود شيخنا...
أتلملمنا كم عتالى وكم سواق كمين عامل حالن ضاق كم إيجار والسمسار وجمر العيشة وكيف حراق اتلملمنا مسيحي ومسلم واتخاوينا على الإطلاق لافي سياسة ولا في نفاق لافي مكابسه لافي خناق همنا واحد كان الضل حزبنا واحد هو الارزاق كنا نفتش عن رقراق لوفي زقاق قمنا مشينا محل الموت بالعين ينشاف ويوم بطعيمو المر ينضاق لافي مدارس لا اسواق لا مستشفى ولا كافتيريا ولافي حدائق للعشاق صي في صي الدنيا هجيري وديمه حصاها مولع باق صن الراس من الصناية وحفا اقدامنا جرى الساساق حتى الشجر في الخيران معلم الله من الاوراق كل الدنيا حمير ونياق وكان الحى افراق افراق وما قايلين أقدارنا تحى بيناتنا تسوى فراق وفجأة يزن في القرية قرار إزالة إزالة العشوائي ولا فدارى نحن بكينا ولا هماهو نحن شكينا ولا هماهو واحتجينا ولا هماهو فجأة تكون القرية دمار واتشردنا مع الحجار اتبهدلنا مع الامطار الفى كرقه والفي غار الفي ضل مضاري جناهو والفى بطنو مولع نار اتقسمنا الوجع الواحد واتشردنا على الحجار كلاب وصغار بس ضاقوا ليشن وليش سبقوا المطر والسيل طفلا طبيعتو هبيش جمرا بقالو عويش بيتاً ضرا الكرتون ضلوا السعف والخيش واسوبوا مجري السيل خلونا من غير ريش يا رب هل يمكن حاسب جناى في الطيش أم في العطش والجوع والهملى والطرطيش.
والله يا قبلة غناي احترت كيفن اوصفك لو كان بحور الكون مداد بتجف قبل ما تنصفك حاولت اكتب ليك واقول واوصف ملامحك بالشعر لكن حروفي تذوب عديل قدام عيونك تنصهر يا عايشة في دمي وغناي يا ديدن الروح والفكر خلدت اسمك بي حروف قطرات دماي كانت حبر يا غنوة في وتري الحزين يا ضحكة في الزمن الصعب يا واحة في عز الهجير يا راحة من بعد التعب يا نسمة هبت في الدغيش عزفت علي وتر العصب يا رحمة من رب العباد مكبوبة فوق خلق الله كب سافرت في عينيك سنين زادي المعاي ابيات غنا مكتوبة بي دمي الصبح شلال من الهم والعنا صورت احساسي الدفين بي قافية ليك معنونة بتقول بلا كلفة ورتوش يا انتي يا الموت والفنا احترت في وصفك انا وحارت معاي كل الحروف مرات بشوفك يا مناي ياقوتة في قلبي الولوف مرات بشوفك ضي امل دبج خطاي رغم الظروف مرات بشوفك جارية نيل امواجو عانقت الجروف والله يا قبلة غناي.
مننا يا مزارع ليك إلف تحية مادام كل حياتنا أسبابه في طوريه يا رمز الوجود تخضر فروع مروية يا أمل البلاد عاقدين عليك النية تخدم فى الهجير لا ضل ولا شمسية كل املك تشوف بلدك علاهو ثرية دايرنك دوام تعمل بكل همية أنت تنظر للتراب في وحدتو الوطنية كل همك يكون تصبح مكانتو عليه تسندو بى قواعد فى الزراعه قوية خيراتك دوام معروفة ماها شوية زيد لينا النتاج تصبح بلادنا غنيه لاتضيع ثقتنا الفيك زمان محريه يا دخرينا بيك عيشتنا تبقى رخيه دايرين الفقر يمشى ويروح غير جيه فى الخير والنعيم ترفل صباح وعشيه لا تقول نحن ديل ناسين فضايلك ديه ابدا حاشا كيفن ؟ وهئ ماها شوية.
الأحباب الكرام الشوق من حاطف لـ قاطف مصوبر كيمان والله مشتاقلكم لكن المشغولية الشكر لكل المهنئين وأسأل الله أن يريني افراحكم جمعياً ويمتعكم بالصحة والعافية عموماً أهديكم هذه الكلمات الجميلة ولا أعرف شاعرها من أداء جعفر السقيد هي قصيدة رد لقصيدة تغنى بها السقيد واعتقد أن الأولى من كلمات الأستاذ حاتم الدابي ولكن الغريب ان اللحن هو نفس اللحن أرجو أن تتمعنوا في هذه الكلمات وأداء الكورس أعرف جيداً أنها ستضرب صديقنا خالد المنسي في النسيج الحي لكن انا عارفو جعلي بياكلا وما بترمش عينو لكم ودي
Post: #465 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-27-2006, 07:39 AM Parent: #1
Quote: طرفاً زابل وين بلقاهو الزبول صفة مزمومة في كل لكن زبول الأعين شئ بديع وبرمي الزول من طولو
الله يجازي محنك يا خالد أخوي...
ومااااااااااا أروعك ساعتك التَسْخَى للتحليل والغوص في وجدان الكلمة!!!
واصل الله يرضى عليك... وأول ما تكمل تحليل ليها أطلب القصيدة الجايي وأنا أنزلها ليك...
قلت لي ترمي الزول من طولو... برْدَرَبْ!!!
مودتي...
أبو الحســـــــــــــين...
Post: #466 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-27-2006, 10:28 AM Parent: #1
هذا المقال كتبته في التاريخ الموضح أدناه... عندما شاهدت هذه الحلقة في تليفزيون السودان... في ذلك الوقت... وما أردت أن أشير إليه هنا... مدى المحبة والتقدير بين مبدعينا في ذلك العصر عصر النعام آدم وإسحاق كرم الله وعثمان اليمني وبلاص ومن سار على طريقهم الجميل المرصع بالدُرر الخالدة لي يومنا دا...
حضرت أمس سهرة سودان الجميع والأُستاذة إيناس بتاريخ 21/2/2006م وكانت مستضيفة الفنان المبدع عثمان اليمني والشاعر نور الدين اليمني والباحث في التراث الشايقي عثمان عبد الله التوم... وقد تناولت هذه الحلقة كثير من مراحل الغناء الشايقي بالطمبور خاصةً...
فما أُريد أن أقوله هنا... وقفة وتعظيم سلام لهذا الفنان القامة العثمان اليمني... فهذا الرجل أمس وفي هذه الساعة (الويحيييييدة) تناول معظم ضروب الفنون والإيقاعات الشائعة ليست في مناطق الشمال فقط بل في أُمدرمان (أم الفنون) زي ماب يسموها... وتكلم عن حفلات الأعراس التي كان يقيمها مع زملائه في إتحاد الغناء الشعبي... وكيف أنه عندما لم يجد التجاوب المأمول... في الرقيص.. قال بدأت أحفظ بعض أغاني الحقيبة وأتغنى بها... لكي يجد له مساحة في الدارة الأُمدرمانية والخرطومية!!!
ثم عرج على موضوع مهم جداً.. وهو المنافسة الشريفة التي كانت بين الفنانين في عصره... وقبل ما إستطرد في كلامه... أتوقف هنا لأذكر ما قاله قبل مدة ليست بالطويلة الفنان الرائع صديق أحمد (متعه الله بالصحة والعافية) عندما كان معنا في رحلة هنا في المنطقة الشرقية بالدما... حيث قال... عندما ظهرنا في ذلك الوقت أنا ومحمد جبارة ومحمد كرم الله... كانت الساحة مليئة بالقامات الكبار النعام آدم (الله يرحمه) وود اليمني مستولين إستيلاء كامل على (الصعيد) الخرطوم... وإسحاق كرم الله على منطقة الشمالية مننننننننننن حدود البديرية إلى حدود الشايقية جنوب... كيف الحل كيف الحل؟؟؟ قال محمد جبارة عَصَر علي جيهة عطبرة ووجد جمهور كبير لا بأس به ولليوم قاعدة محمد جبارة العريضة في مناطق عطبرة معروفة... الباقي منو؟؟؟ محمد كرم الله وصديق أحمد... وشوف سبحان الله الإتنين كانوا في كريمة!!! فقال بتوفيق من الله سبحانه وتعالى... ربنا كتبنا القبول في منطقة كان يسيطر عليها بالكامل إسحاق كرم الله... شئ معارف وشئ إصرار مننا على التجديد حتى نلفت إنتباه المستمع... وفعلاً أتى صديق أحمد بلونية تختلف تماماً عن سابقيه وكذلك محمد كرم الله لونيته المميزة فاستطاعوا بعد ذلك تثبيت أقدامهم في خارطة الفن الشايقي...
أرجع لموضوع المنافسة الشريفة بعد أن سُقت لكم هذه الكلمات من الأخ صديق ...
ود اليمني أمس قال... عندما أتيت إلى الخرطوم.. كان النعام آدم مستولي على الساحة تماماً لما يملكه من صوت جميل وكلمات رصينة ومدح الرجل بما هو فيه (وهذه قل ما تجدها من إنسان إلا أن يكون متمكناً وثقة)... أها إنت يا ود اليمني تنافس كييييييييييف (القائل ود اليمني نفسه)؟؟؟ قال على طول فكرت أن إخترع لونية جديدة أتميز بها حتى أُنافس مع هذه القامة الكبيرة المستحوذة على الوجود الشايقي هناك... قال فاخترعت لونية الرميات التي تميز بها حتى لُقِّب بملك الرميات... والرجل حقيقة أجاد فيها وأبدع... فله منا التحية والإجلال...
تعظيم سلام... لاحظت في حلقة أمس أن ود اليمني تناول معظم الألوان الفنية في الغناء الشايقي... أغاني الدارة (تااااااااااتي يا رحاب يلة ... تاااااااااااتي قوماك في أمان الله تااااااااااااتي)... وأغاني السيرة (دار أبوك الليلة عيدها .. وفرحت أمك بي جديدة)... وأغاني الشوق والهيام... (الرسول يا حمامة قومي إترسلي لي .. أمشي لي ست ريدي واحكيها الحصلي)... وأغاني الهجرة والإغتراب بعيداً عن الأهل..( جاء للناس فرحو بيهو انا عيدي جاني نكد... يا ناس العيد... لقاني غريب وحيد عايش علي زول ما مرق عيَّد....)... كما عرج على الشعر الإجتماعي والفكاهي.. (تَسُرْقي ضحى ونهار يا (بُرَّة) مالك؟؟ لا الطير انعدم لا الفار أبالِك!!)... وشعر الحكمة والعقل...
سيرتي انا للخلوق لو يسمعولي حديث...
دايماً نكوس درب المحنة نخلي درب ابليس..
كعب الزول يفوت زولو ويبيعو رخيص...
ويزُك الدنيا والجرى ما لِحِقلها ميس...
الحياة ذكرى رغم الناس تجيها ظروف...
مع إنُّو طوف العيشي عايم في بحر والموج معاكس الطوف...
لكن الأيام مناظر في شريط ملفوف..
ساعة يفرِّحِن وساعةً يجيبِن خوف..
وسمِح.. الزول يعيش واضِح علي المكشوف...
وما ينضارى مادام الله فوق بيشوف...
وغيرها من الأغاني الجميلة التي فرقت علينا كتير .. .وأبدع فيها الرجل بأمانة ورمانا بكل جميل...
فله التحية الغالي عثمان اليمني ولكل رموزنا الفنية عبد الرحمن الكرو وعبد الرحمن عجيب والرائع بلاص وصديق أحمد ومحمد جبارة وكل الشخصيات التي خطت هذا الطريق وأبدعت حتى وجد هذا الطنبور مكانه اللائق من بين الفنون في بلادنا الحبيبة...
الصديق الظريف / ابوالحسين انا من قرية البرصة وحسب التقسيم القبلى القديم نصنف في قريتنا ضمن قبيلة (البديرية ) وحسب علمي ان منطقة البرصة والكرفاب والنافعاب وجلاس ومورى ، تقع ضمن منطقة تماس مابين الشايقية والدناقلة ويقال ان سكانها في اللأصل ( بديرية ) ولكن ضمن السياق العام لتقسيم الجغرافي نصنف كجزء من الشايقية الحقيقة هذه المسالة غير واضحة بالنسبة لى تاريخيا وجغرافيا وبما ان لديك باع طويل اخى ابوالحسين في تاريخ الشايقية ماضيهم وحاضرهم ارجو ان تنورنا : هل نحن بديرية البرصة وماجاورها ، نحسب ضمن ( شايقيتكم) ؟ أم نحن خارج دائرتكم ؟ ولك معزتي -- عمر عبدالسلام بديري مغترب في بلاد المغرب
ابو الحسين ابن عمي والحبان كلهم كل سنة وانتو طيبين وعيدكم مبارك عليكم
عندي عما لي في شبا اسمه الطيب موسى (ود قرنين) الله يرحمه كانت عندو لازمة مشهورة: ود قرنين في علو يا خلايق الله خلو عندي صيدا في الكرو خايف العين لا تحصلو
تعرفي نفسي اشوف الزولة الكان متيم بيها دي
د.يس الف مبروك الوليد ويتربى في عزكم
حبيبنا خالد المنسي لو ما كنت متاكد انك جعلي كنت قلت ليك انت شايقي ميتين في المية وكدي راجع نفسك في حتة جعلي دي
ود عمي عندي اقتراح بسيط انه اي زول يقوم يكتب منطقته بعد كل مداخلة عشان يمكن الواحد يلقالو لحمة هني ولا هناك
طارق جبريل البركل (شبا)
Post: #469 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-27-2006, 03:05 PM Parent: #1
Quote: الصديق الظريف / ابوالحسين انا من قرية البرصة وحسب التقسيم القبلى القديم نصنف في قريتنا ضمن قبيلة (البديرية ) وحسب علمي ان منطقة البرصة والكرفاب والنافعاب وجلاس ومورى ، تقع ضمن منطقة تماس مابين الشايقية والدناقلة ويقال ان سكانها في اللأصل ( بديرية ) ولكن ضمن السياق العام لتقسيم الجغرافي نصنف كجزء من الشايقية الحقيقة هذه المسالة غير واضحة بالنسبة لى تاريخيا وجغرافيا وبما ان لديك باع طويل اخى ابوالحسين في تاريخ الشايقية ماضيهم وحاضرهم ارجو ان تنورنا : هل نحن بديرية البرصة وماجاورها ، نحسب ضمن ( شايقيتكم) ؟ أم نحن خارج دائرتكم ؟ ولك معزتي -- عمر عبدالسلام بديري مغترب في بلاد المغرب
صديقي الغالي عمر عبد السلام...
قريبي وإبن عمي وقريبي في الصحافة والإمتداد...
أولاً مراااااااااااحب بيك في ديار أهلك وأحبابك (حوش الشايقية من جَم وحوش عموم السودانيين والباحثين في التراث والفن والجمال الأصيل)...
ويا أخي الكريم أن مسألة الشايقية دي... هي طبعاً نسب ينتسبون لجدهم شايق بن حميدان... لكن في كتاب عاملاهو الأُستاذة الفاضلة فاطمة أحمد علي (من جزيرة مساوي) إسمو مروي المظهر والجوهر... فكل من يتقيد بتقاليد وعادات أهلنا الشايقية من عادات وتقاليد وأعراف ولهجة فهو شايقي إن كان جده شايق وإن كان لا... لأن مظهرهم كلهم شايقي... فإخوتنا في البرصة وجلاس والنافعاب دي بالذات شايقية صُرُف... لأن جدهم نافع أحد أبناء شايق مباشرةً...
ربنا يحفظكم في بلاد المغرب العربي ويحفظ كل المهاجرين في الأصقاع البعيدة في بلاد ما وراء البحار... ويجمعكم في البلد قريباً سالمين وغانمين ياااااااارب العالمين...
يابــانه مابتصلى الســحاب بالله لاتـتطاولى ايه الجنيتى بلا الخراب ليك كم سنين بتحاولى قبال يرضرضك الزمن مش كان أخيرلك تسألى وتعرفى سر قلبو الصبح من الندم صليان صلى يابانه غشاهو الأمان خدعو المقام المخملــــى ورغم الزمن وراكى وين لكنو قاسى تحصلى ماأصلو قبلك كان بريد نجمايه فى قــلب الســمــا يرجاها من عصرا بعيد فى تقنت الشوق النـمـا يشقى ويشق صدرو الاسف تبقى دنيا مغيمه وكان الفرح يملاهو يوم يلقى القمر غاب وأحتمه ماقصدو بس داير يشوف النجمه واضحه معالمه يابانه كان بالجد قنوع تكفيهو شوفت الملهمه من الظهور حتى الإفول عينيهو ما بينومــــــه كان من بعيد بيسالمه فرحان سعيد بيكالمــــه لكن محال ينتم حـال جه الشوق ملك قلبو وعمه وبدا الودار يومو القال النجمه لازم يوصلـــــــه يابانه لاتستغربى بالله بس شوفى الحــصــــل حضر كليمات الحنان زادو الغنى وشوقو الرحل وأول محاوله للوصول داير مع النسمات يصـل لكنو يركب فى البساط يلقى البساط مـنو اتمصل فكر وقال عند المساء يرجاها فوق راس الجبل وفى حلكة الليل الطويل يابانه لم الليل دخــــــل شاف النجيمه معلقه وشاف روحو فى توب الجهل براحه لملم أنتو فى ليلو واندرج نــــــزل الشى العــجيب رغــم الفـــــــــشــــــــــل لامله يوم لاحتى مـــــات فيهو الأمــــــل وآخر محاولة للوصول كانت رحيلو مع الشعاع إستنى فى الليل القمر ساب الأرض مقدار ضراع وإستنى قارب الهم رسى فى مشرع الشوق المطاع مسك الشعاع وبدا الطلوع بين الغيوم كان خبرو شاع جات غيمه من بلد الندم سايقاها عاصفه من الوداع قطعت خيوطو الماسكه واتهاوا فى لجج الضــيـــــاع وعشان بريد من قلبو جد لقالو فوق اللجه طـــــوف عيدانو من شجر الوفاء وحبالو من غالى الحروف وداهو لى ساحل الندم وراهو فى العشاق صـنوف قاليهو فكر ياقلب قاليهو عيد المـــاضى طـــــــــوف إتواره غاب طوف النجا خلاهو فى إيــد الظــــروف فتح عيونو مع المساء شاف النجم دانى القــطوف بكى وابتسم وعرف صحيح انو البعيش لابد يشوف لو كان صبر يابانه يوم وإتمده فى ضـل اليـقــــان لو كان رجى الأقدار تجى وخلى القياده على الزمان لو كان عرف انو البسير فوق الدرب يوصـل ضمان مكان شقى القلب الودود و يابانه ماكان اللكــــــان وصيتى ليك لمن يقوم غصنك جــديــــد إتــمهــــلى أوعك تكررى محنتك أوعك كمان تستعجـــــــلى بلاتروحى وتتعبى الغـــيث يجيــكى من العـــــلى ولو انتى مــديت الصـبر حتى النجــم تتناولــــى
ومااااااااااا أروعك ساعتك التَسْخَى للتحليل والغوص في وجدان الكلمة!!!
واصل الله يرضى عليك... وأول ما تكمل تحليل ليها أطلب القصيدة الجايي وأنا أنزلها ليك...
قلت لي ترمي الزول من طولو... برْدَرَبْ
أبوالحسين السنجك الحنين السلام والرحمة تعرف الزول لما يقع بردرب تتمرحل الوقعة يموتن القدمين فالساقين فالوسط ثم ينشل الدماغ ويقع بردورب. لكن البنية أم عيونن زابلة ما بتوهط الزول وتتمرحل وقعته بل بتشلو من فوق لحت في ثانية واحدة ويهوي بب يعني ما بقع
ونحرف قول الشاعر شوية ونقول
أنّ العيون التي في طرفها زبلٌ قتلّنا ثم لم يحينا قتلانا تصرع ذا اللب حتي لا حراك به وهنّ أضعف خلق الله إنسانا
Quote: حبيبنا خالد المنسي لو ما كنت متاكد انك جعلي كنت قلت ليك انت شايقي ميتين في المية وكدي راجع نفسك في حتة جعلي دي
الفاضل الحبيب / طارق جبريل السلام عليكَ ورحمة الله بركاته سلامن يا اخوي يصلك في بلاد المغرب ... وكما لا يهوى المغاربة نقول لك ( ربنا يديك العافية ) لكن العافية بالمعنى العادي ( الصحة ) وليس كما تعني لأخوال وليداتك ( النار ).
مش عارف هل بتعرفني كويس أنا خالد علي محجوب محمد ابراهيم من شندي. أولاد عمي لزم واكيد اصحابك عادل وعمر وعماد ( ابوالروس ) وعصام العربي درس معكم في وجدة في المغرب وبكري وابوعبيدة واسامة... وبرضو وليدات عمي أولاد عوض حامد الجمري.... وانا عديت اغلب اجازاتي ايام الدراسة في الامتداد بين شباب مربع اربعة وثمانية ولعبت كرة القدم وسكج بكج مع ناس طيوس وكنوز وفتحي وبدر الدين يعقوب وعبدو ركب وحافظ وعضيم وود الفور وعوض الحوش عبد الغفار وعبد الحليم وعادل حسين وغيرهم من ابناء الامتداد الطيبين شباب بقية المربعات .. وكنت أحرف من ابوالروس وعبد الغفار في كورة القدم.....
اها يا اخوي عشان اثبت ليك اني جعلي شديد
شيخ العرب ود دكين قال لطه البطحاني شان أخلي لي بت عمو ويفسخ خطبتها ويتزوجها هو
أبواتك تلوب كان باعُّن طايل آيدهم للرقاب تحجا وتعدل المايل سيت باعك كراعك ومابتخاف قول قائل أفو ياود حسين فيك الشراد ماخايل أبقى لي نسيب أحجاك وأحقن دمك وقول الدايرو في المال إجيك في طوّعك ومن هادا الغرور يا ولدي أولى رجوعك
طه البطحاني رد ليهو وقال
ياشيخ العرب جربته لحست كوعك كل ماأوقّرك في الشين اراك تتقدم إتعكنن خلاص أنا صبري شفتو أتهدّم أصلو البيناتنا مابتنفك من غير دم الكاينه التكون بوراها مافي ندم
Quote: أرجو أن تتمعنوا في هذه الكلمات وأداء الكورس أعرف جيداً أنها ستضرب صديقنا خالد المنسي في النسيج الحي لكن انا عارفو جعلي بياكلا وما بترمش عينو لكم ودي
الفاضل سنجك ميه واربعطاشر د/ ياسين مساك الله بالخير
يا أخوي والله راديك دا ابا اشتغل لي عشان اسمع الغنية ابقى لي حجارو نخّن كدي أمشي ختّها تحت النقاع كان ترد عافيتها شوية ونقدر نسمع الغنية
Quote: الفاضل سنجك ميه واربعطاشر د/ ياسين مساك الله بالخير
يا أخوي والله راديك دا ابا اشتغل لي عشان اسمع الغنية ابقى لي حجارو نخّن كدي أمشي ختّها تحت النقاع كان ترد عافيتها شوية ونقدر نسمع الغنية
الحبيب الأستاذ خالد سلام الأغنية عديلي تب ما فيها مشكلة بس خلينا نسمع من الجماعة التانين لكن عموماً أهديك حاجة أخرى مزعجة جداً خاصة مع قبول العيد دا خليني اللوجع ليك الجماعة ديل شوية النصري يا واهب بقية عمرك المنفى
Post: #477 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-28-2006, 07:29 AM Parent: #1
كتب أُستاذ طارق...
Quote: ابو الحسين ابن عمي والحبان كلهم كل سنة وانتو طيبين وعيدكم مبارك عليكم
عندي عما لي في شبا اسمه الطيب موسى (ود قرنين) الله يرحمه كانت عندو لازمة مشهورة: ود قرنين في علو يا خلايق الله خلو عندي صيدا في الكرو خايف العين لا تحصلو
تعرفي نفسي اشوف الزولة الكان متيم بيها دي
الله يوريك ليها لكن إنت سايح في المغرب العربي دا تشوفُنْ وين الناس الحِِنينين الزينين ديل؟؟؟ كدي أرجع...
وإنشاء الله كل سنة وإنت طيب وربنا يحقق أمانيكم ويبلغ مقاصدكم ويديكم الصحة والعافية يااااااااااارب...
تعرفي:: هيييييييييي يا طارق إنت مخاطب أبو الحسين... ماها أُم الحسين شئ!!!
Quote: د.يس الف مبروك الوليد ويتربى في عزكم
إنشاء الله تتبارك يا طارق أخوي وربنا يحفظوا في خير أبوه وأمه ياااارب... وإنشاء الله عندنا قراية مولد يوم السماية ما تتأخر...
Quote: حبيبنا خالد المنسي لو ما كنت متاكد انك جعلي كنت قلت ليك انت شايقي ميتين في الميةوكدي راجع نفسك في حتة جعلي دي
ود عمي عندي اقتراح بسيط انه اي زول يقوم يكتب منطقته بعد كل مداخلة عشان يمكن الواحد يلقالو لحمة هني ولا هناك
طارق جبريل البركل (شبا)
إنت ناسي يا طارق إنو خالد المنسي دا جدودو من الحجير ولة شنو؟؟؟ وحبوبتو زينوبة ساكني في أُمبدة ياها القاعدي تعلموا جنس الحديث المقطع مقطع دا!!!
إقتراحك جميل جداً يا أخي الكريم... ويا ريت تكون بيناتنا لقاءات أكتر من المنطقة وبس...
وأبداها ليكم فقرة التعارف دي...
الإسم: جمال الدين أحمد الحســـــــن...
الكُنية: أبو الحســـــــــين...
الإسم الفني: جمال أبريـــــــدة...
الأصل: من المقـــــل
الإقامة الآن: المملكة السعودية ـ الخُبر...
العمر: ودا أهم حاجة في التعريف... يا ستاشَر يا تسعة وعشرين!!!
العزيز خالد المنسي الحبان الذكرتهم ديل كلهم نوارة الامتداد ويا سيدي خلاص اقتنعنا بي جعليتك بس حبك للشايقية وتراثهم فيه الكثير من الابداع
ابن عمي ابو الحسين عيدكم مبارك وربنا يحفظكم يا الحبان انا برضي حا اديك نسبي وحاجاتي بس قبل كدة عندي صديقا لي كان بيدرس معاي في مصر اسمه اسامة علي محي الدين من ناس المقل يمكن تكون تعرفه وكمان واحد تاني الله يرحمه برضو من المقل اسمه ياسر علي الشفيع
نجي للبطاقة الشخصية: الاسم: طارق جبريل موسى ادريس الطيب عمر المنطقة: شبا (البركل) حاليا بشتغل في المغرب في مجلة اسبوعية اسمها (نيشان) مدير الادارة الفنية الاعمار دي خليها مستورة عشان نحس اننا لسا بطان صغيرين
Post: #479 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 12-28-2006, 10:46 AM Parent: #1
Quote: ابن عمي ابو الحسين عيدكم مبارك وربنا يحفظكم يا الحبان انا برضي حا اديك نسبي وحاجاتي بس قبل كدة عندي صديقا لي كان بيدرس معاي في مصر اسمه اسامة علي محي الدين من ناس المقل يمكن تكون تعرفه وكمان واحد تاني الله يرحمه برضو من المقل اسمه ياسر علي الشفيع
الغالي جداً طارق...
كل سنة وانت طيب يا اخوي...
ونسأل الله يديك الصحة والعافية ويحفظك ووليداتك وأهلك ياااااااااارب...
أسامة ولد علي محي الدين... دا أعرفو ومن حلتنا وساكن أُمبدة وهو إبن الخليفة علي محي الدين (اللهم أرضى عنه) وصديقي جداً أعرفه حد المعرفة ما يصل ليها حد... وأخوه متوكل زميلي في الدراسة...
أما ياسر علي الشفيع دا فهو من سكان سنار المدينة وهسع رحلو أُمبدة وهم أهلنا وجيرانناأيضاً في المقل...
لك خالص مودتي يا أصيل يا ود الإصول... وأهديك والجميع بطاقة المعايدة دي وكل سنة وإنتو جميعاً يا الحبان طيبين وبخير وعافية...
وأسأل الله يجعل أيامكم كلها أعياد...
وإستجابة لطلب الأخ خالد هذا إيميلي لمن يريد أن يراسلني في مواضيع تراث الشايقية...
Quote: أسامة ولد علي محي الدين... دا أعرفو ومن حلتنا وساكن أُمبدة وهو إبن الخليفة علي محي الدين (اللهم أرضى عنه) وصديقي جداً أعرفه حد المعرفة ما يصل ليها حد... وأخوه متوكل زميلي في الدراسة...
أما ياسر علي الشفيع دا فهو من سكان سنار المدينة وهسع رحلو أُمبدة وهم أهلنا وجيرانناأيضاً في المقل...
انا ما قلتلك البحيت دة بيجيبلو لحمة هني ووحيدتا هناك رحم الله ياسر الشفيع كان من اطيب خلق الله
محمية القلب النزف دم عمرو من عمق الجراح وشالك رسالة ريد نبيل محمولة فوق سن الرمح لميت حروف اشعارى فيك زينتبن صدرك وشاح دودرت حظى من الظروف سويتو من الخوف سلاح متحدى سطان الزمن شاقق العتامير والبطاح سايقنى حسك فى الخيال فوق التعب قلبى استراح باريت سكة شوقى ليك فارد صبر أيوب جناح خطواتى مابتعرف تخاف احساسى مابيعرف نواح رغم التباريح والظلام لازلت عشمان فى الصباح حتى ان ذئاب محنى القبيل نطن لى فى بطن المراح حنست أقدارى وبكيت عدن دموع عينيى مزاح كوركت ورينى ان صبح تعذيبى فى عُرفك مباح وقفلنى تالا الريح طرش مابيسمعن حتى الصياح مجبور تساوقنى الظروف شيقيش تقبلنى الرياح جامحات خيولك جنى ليل لاقنى عن ساعة الرواح قاعد اذاكر فى الهموم الفيها ماظن لى نجاح ضاريت فى قلب الوضوح شان انتى مدانى الصراح كان أشقى كان اسعد معاى قوتيها ياست السماح لاناسى ذكراك المعاى لابيها لى زول قلبى باح ولو غيرك اتمنيت مُنى يبقه الغلط عند الله صاح يابهجت القلب الخد فى دوبو ضرعاتى الكفاح بدفع شبابى تمن هواك حتى ان لقيتو وراكى راح
نرجع لشاعرنا البديع الفحل ودبادي العكودابي ومن هنا نغريه السلام حتى لا يصنفنا مع ناس العمارات اللذين سلم عليهم فلم يردو التحية وكتب قصيدته المشهورة
يا سكان القصر العالي سلام يا سادات البرج العاجي سلام اها ياناسات البلد الغادي سلام تبقى مصيبة أن كان السنة أنعدمت بين الناس تبقى مصيبة أن كان القرش الأحمر قسم الخلق أجناس اجناس أدوني سلام وأن جيتكم تاني ملام
الكثيرين يتهموه أنه يحقد على الطبقة البرجوازية لا وألف لا ولداً مادله ود بادي موكده ومو زولاً حاقد جنى شرب من النيل ورقد فوق سيالة رامية ضليل وفرك زمبارتو وبربحا وكان بنفخ معها كل آهاته وأول جديد سوهو ليهو بالقصبة. وشرب من ضرعات الفردن جناهن وكرع من لبن ألبل لكن مابرضى الخمج والحال المايل لذا هجى الوليد الدلوعة المرنوعة وكذلك هجى ناس العمارات ولا يقصدهم كلهم بل تلك الشريحة التي قدر الله أن يلتقي بها لانو من سكان العمارات ناس مآصلين ومفصلين وولاد بلد ورجال حارة.
نرجع لقصيدته
كان الدنيا بالصح تتخلى كنا جلسنا معاهن فوق رملات الحلّه ألا كمان بنشوفه مزلّه
بالصح وبالحيل منهنّ من تكسر في الزول ركبه لا يودي لا يجيب بس أقعد أحرس في ركن دكان ود العبيد في الحجر المفندر من تالى شباك الدكان مكان ما بجن البنيات وينادن لود العبيد بدور لي .... وبدورلي .....
الجنى القارح البشوف مشهادوا رغم البيهو من اشواق لهن لكن يعصر قلبو بحجرن ماكن ويقرأ كان بسوويلو في قرايه وألم القرش كان ضرب بلاد أولاد سعود مع ناس ابو الحسين وأقضي يومو خنق. وصح كان جلس معاهن في رملات الحلة والله مزلّه وابقى جناين خملّه.
الجنيات الغابت جابت أنت الجيب قايلو قميص أفرنجي وكرتونات كرمله لا لا وحاتك حاشا وكلا ديل يوم عادوا أتلافو الجاهل بحقوق الله ديل كم لحقو البشهق وداوو العلّه الولد الجايب حقايب سفرو تقال من جنس كتاب ومجلة الحكمة النضم اياهو الحكمة الولد اتوضى وصلى عادة البلد الدخلّت سكنت مابتخلّه نحن كمان طارين الحلّه ودورنا الطلّه نشيله معاهم فرحة وميته وحلات الموت كان في عبدله
قلنا البلد فضت من جنس صبي.... كلهم خلوها مرقوا الكل حزم بقجتو وقام فجر لاحق اللواري يسوح في بلاد الله ... مو مشكلة الرحول عز العرب والمال جابو من بلاد شنقول والرزق مو معروف وين مكتوب وماكشفو الاله لغير
يوم الخميس الفات من البلد قفيّنا وفوق حدب السروج متوسدين آيديّنا أمن جبنا مالاً فرح الراجينا وأما اتخوجلّن فوقنا الصقور ماجينا
الجنيات عادوا البلد من مشارق ومغارب الأرض ودول البترول ... وماشاء الله شنطهم مكربة وماكنة والواحدي تحواك في جواها والجابو ماخمج ولمن رجعو لزمو ذوي الحاجة وقضو آمرهم وبسطوهم زين الجنى مو قايم فوق درب جدو البضبح الشقره وبعشي ضيوف الهجعة وفوق دا كمان لازمين حق الله ومافرطو فيهو الرجوع لمدفن الصرّه ياهو الببقى راجعين بأذن الواحد الأحد نشيله معاهم افراح واتراح بيناتهم والزول بآهلو منو البقى برى وخوفنا المعشعش فينا يدفونا فوق التليجات والقر.
كــــــ عـــــــــــــــــــــــــــــــــام وأنتم بخــــــــــــــــــــــــيـــــــــــــــــــــــــــر ــــــــــــــــــــــــــــــل مبروك عيد الأضحى مبروك عيد الميلاد مبروك السنة الجديدة
Quote: وعزيزي خالد انشاء الله السنه الجايه تعيد مع الاهل في شندي فوق..
الحبيب الفاضل حاتم الفنان المرهف ليست المبدع فقط هو الفنان لكن ذو الآذن الراقية من امثالك من يتذوق الشعر برضو فنان ومن ما انزلته من اشعار في هذا البوست يدل على ذلك
أخي اريد أن أسأل يقول الشاعر ود حسن الدابي
اليومو داك ناس البلد هنوني شايقية وعرب
ماذا يعني بالعرب هنا ؟ ومن هم العرب في بلاد الشايقية ؟؟ هل هم قبائل شمال كرفان ودارفور اللذين ساكنو الشاقية ولا غير ذلك
ماذا يعني بالعرب هنا ؟ ومن هم العرب في بلاد الشايقية ؟؟ هل هم قبائل شمال كرفان ودارفور اللذين ساكنو الشاقية ولا غير ذلك
سلام حبيبنا خالد كل عام وانت بخبر المقصود بالعرب في بلاد الشوايقية الناس الذين لا يكون عندهم أطيان فكل ما كان الواحد عندو طين كتير كان أقرب للبلد (كالعمد والشيوخ) والعكس صحيح ، فالعرب من أكثر خلق الله تمسكاً بالعادات الجيدة والمحافظة وهي أحيانا ينفرط عقدها في أهل البلد ، أرجو إلا يجينا بشاشا ناطي هني يخرب الحوش دا. وغالباً ما يعني الشاعر الهواوير الذين نزحو من بيوضة للجفاف وسكنوا أطراف القرير ، ويكفيك النعام آدم مثالاَ في الكربة بالقرب من منصوركتي وقنتي
Quote: يا دكتور يس الله يديك العافيةذ غايتو قاعد تجهجهنا جنس جهجهة بي حاجاتك البتنزلها دي
تعرف يا طارق اساساً هو الدكتور متكوك ومورم من الغربة لذا بعمل بالقول عليا وعلى أحبابي حتى يهون ما عليه من آلام الغربة عن الاهل والدار ..... يعني بالدارجة غلفاء وشايلة موسها تطهر
الأولاد ماشاء الله عليهم ندعو الله ان يحفظهم لك ويجعلهم زرية صالحة لدينهم ودنياهم
Quote: سلام حبيبنا خالد كل عام وانت بخبر المقصود بالعرب في بلاد الشوايقية الناس الذين لا يكون عندهم أطيان فكل ما كان الواحد عندو طين كتير كان أقرب للبلد (كالعمد والشيوخ) والعكس صحيح ، فالعرب من أكثر خلق الله تمسكاً بالعادات الجيدة والمحافظة وهي أحيانا ينفرط عقدها في أهل البلد ، أرجو إلا يجينا بشاشا ناطي هني يخرب الحوش دا. وغالباً ما يعني الشاعر الهواوير الذين نزحو من بيوضة للجفاف وسكنوا أطراف القرير ، ويكفيك النعام آدم مثالاَ في الكربة بالقرب من منصوركتي وقنتي
الدكتور سنجك ميه واربعطاشر ألفين سلام مرسل لك وكل سنة وانت طيب وتقبل الله منا ومنك والسنة الجاية أن شاءالله توأم بنية ووليد بس كتر من الحلبي مع الزنجبيل وتقلهن السكر
Quote: ويللا بعد ده اليومين ديل انكرب وادخل علي التكل افرك لك حلة حلتين
الحبيب منير الليلة المنير فاجأنا بان ودا الفوح عبير غمر المكان شوفتو نادرة ونحن جيران إلا صدفة ويوم في الزمان وين يا حبيب ، بركة الولدي مرقك من بياتك الأوربي لا بأس ولا ضرر ولا ضرار في اتباع وصاياك أعلاه طالما كنتم السابقين لك ودي وكل سنة وانت طيب
الحبيب خالد
Quote: بس كتر من الحلبي مع الزنجبيل وتقلهن السكر
دا ليا أنا أم لام العيال؟؟؟؟؟؟ آ زول الأرض دي أنا حا أعمرها لوحدي؟؟؟ لك الود
اسفاي يا نجوى اسفاي علي الافراح رحلت بلا ايذان خلتني للاتراح آه تاني آه وآه لو كان يفيد الآح ما كنت خات في البال يوم يتكسر لي جناح والرحلة يا نجوى ترجع بلا ارباح يا حليلك يا نجوى وياحليل عمرنا الراح ياحليل قعادنا زمان جم نيلنا زي سواح راكبنو قارب الريد والريح معانا صلاح فجأة الرعود هدرت هبت علينا رياح عصفت مريكب الريد قلبت ضحكنا نواح لا مني لا منك حكم الارادة أطاح بي ريدنا والاحلام قمح عهودنا قماح يا نجوى بعدك كيف من تاني اعيش مرتاح لي فرحة الشبان في قلبي مافي براح دنياي بعدك وين وين تاني اشوف لي صباح في دنية التايهين بعدك بكون سواح يا نجوى ما ظنيت حزني العلي ينزاح وين يمة وعدك لي أنا يوم كنت في الرحراح بي القرمصيص اقدل في الدارة زادني رواح والليلة بدنو تراي لابس سوادو وشاح بس يمة كان بدري توفيني بالايضاح قبال اقع في ريد نجوى الملانة سماح وقبال تصيبني سهام من لحظها الجراح ياحليلي انا الهيثم اليوم كسحت كساح مت وشبعت في الموت بس فاقد الصياح صح قالو للصابرين انو الصبر مفتاح لكني باب قلبي سورتو بالألواح قدر الرضعتو زمان ياريتو لو كان شاح في جوف سم هاري خلاني اموت ارتاح الشي المعذبني والزاد قليبي جراح الجاهل ما بيفرز الغلطة من الصاح .
Quote: يا مولاي بشكي لَك شقايّ وغلبي وحظي الديمة من رد الأنيس جافل بي طآلت السفره وتحتّ مناسك تلبي هب الريد وعاودك الحنين ياقلبي
مالك نفسي مطعوني وتملي تنيني مالك عيني للغميده أبيتي تليني عطشان كفح المويه مابرويني وكاتلاني الطريفيي البريدا غريمي الناس عيّدت مرقت علي أصحابا وأنا فريت علي الجاهلي السمح ترحابا بسماً يحكي برق البدودي سحابا لفّت قلبي زي لف طرحتا اللافحابا
الحبيب خالد كل سنة أنت والجميع بخير أهديك الكلمات الحلوة أعلاه ( مع بعض التعديلات الطفيفة في المكتوب حسب سمعي الكان مرهف في غابر الزمان) بالطنبور بصوت الأستاذ طارق العوض لكن الأغنية ناقصة لذلك أكملها لك بصوت الفنان الجيلي الشيخ الأستاذ طارق العوض يا مولايا
Post: #500 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-03-2007, 07:27 AM Parent: #1
الحِبان رواد الحوش...
كل عام وأنتم بخير وكل سنة وانتو طيبين وتامين ولامين إنشاء الله يااااااااااارب...
نسأل الله يحقق أمانيكم ويبلغ مقاصدكم ويديكم الصحة والعافية...
أها دي أول طلة... وما أخفي عليكم تَبْ إني كنت قاعد أتاوق في الأيام الفاتت لكم تحيتي ومودتي... وما قصرتو يا ناس بَرَّة (أمريكا وأوروبا) مساهرييييييين وضاربين الحَم في حوشكم العامر دا... نسأل الله يخفف عليكم غربتكم ويرجعكم لي أهلكم سالمين وغانمين...
كميات مودتي...
أبو الحســــــــــــــين...
Post: #501 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: Ahmed Abdallah Date: 01-03-2007, 07:35 AM Parent: #500
Quote: يا مولاي بشكي لَك شقايّ وغلبي وحظي الديمة من رد الأنيس جافل بي طآلت السفره وتحتّ مناسك تلبي هب الريد وعاودك الحنين ياقلبي
Quote: مالك نفسي مطعوني وتملي تنيني مالك عيني للغميده أبيتي تليني عطشان كفح المويه مابرويني وكاتلاني الطريفيي البريدا غريمي الناس عيّدت مرقت علي أصحابا وأنا فريت علي الجاهلي السمح ترحابا بسماً يحكي برق البدودي سحابا لفّت قلبي زي لف طرحتا اللافحابا
الحبيب خالد كل سنة أنت والجميع بخير أهديك الكلمات الحلوة أعلاه ( مع بعض التعديلات الطفيفة في المكتوب حسب سمعي الكان مرهف في غابر الزمان)
الحبيب الدكتور سنجك ميه اربعطاشر صباحاتك بيض لبنن هتف من ضرعات السدرن يومن ورتعن بدري وقبل الدنيا تغيّم......
شنو يادكتور طلعّت الاملاء كلها مرصعة بالقلم الأحمر يعني أعدها ..... ذكرتني ايام الأبتدائية وأستاذ علي حليب الشايقي كسر عضيماتنا في الأملاء ..... ياسيدي ألف شكر على التعديل عودونا المطربين بأكل الحروف وفي بعض الأحيان أجيب ليك كلمي تاني ما بتشبه ماقالوا الشاعر
بس أنا مامعاك في كلمة
عطشان وكفح المويه مابرويني
شرب الماء طفح وعدلت في زمنا هذا وقلبت الطاء كاف لذا أنا كتبتها ورجعتها لأصلها مع اني سمعت المطرب يقول سطح ... كدي ارجع وسأل كبارك الجنى طفح الموية ولا كفح الموية ولك المودة والتقدير والاحترام
الصديق/ ودالحسين كل سنة وانت طيب اشكرك على ترحيبك بشخصى وبأهل قرية الأختلاف والتعايش ( البرصة )ضمن هذا البوست الجميل . واسمح لى بالكتابة عن هذ القرية الفريدة التي يجهلهاالكثيرون . * البرصة ...قرية الإختلاف والتعايش ================================= قد تكون البرصة ، مثل غيرها من قرى الشمال ، تحمل كل خصائص قرى السودان وخاصة في شماله ، ولكن منذ طفولتى ، لفتت انتباهي بعض المظاهر كانت تثير اعجابي ودهشتي ، فالقرية رغم صغرها وقلة سكانها ، تتسم بتعددية مدهشة فهي مقسمة جغرافيا الى عدة اقسام : من شمالها تحدها مايعرف بمنطقة 0 الحدايد 0 اي السكان المنتمون الى 0 ود حداد 0 وهوالجد الأكبر.. وفى وسط القرية تقع منطقة - الشلختية - وهي مقسمة الى فسمين : شلختية - زرق - وشلختية - حمر - واللافت ان بالفعل ان سكان الفئة الأولى يتميزون بسحنة داكنة قليلا : فيما الآخرون يتميزون بسحناتهم الفاتحة اللون ، بالرغم من انهم ابناء عمومة وويقع جنوب الشلختية منطقة البشراب والذين يوجدون على حدود حوش العجيمية ولنا عودة لتفصيل هذا التقسيم الفريد
Post: #504 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-03-2007, 04:18 PM Parent: #1
كتب أُستاذ/ خالد...
Quote: شرب الماء طفح وعدلت في زمنا هذا وقلبت الطاء كاف لذا أنا كتبتها ورجعتها لأصلها مع اني سمعت المطرب يقول سطح ... كدي ارجع وسأل كبارك الجنى طفح الموية ولا كفح الموية
خطيييييييييير والله يا هندسة...
الله يديك العافي وكل سنة وانت طيب يا اخوي... ربنا يحقق أمانيك ويبلغ مقاصدك...
كميات مودتي... عندي مشكلة بس في الكتابة عذراً... وبجيكم صاد إن بقى ربنا مد في الأيام يوم السبت بي عدلي...
البرصة .. تلك القرية التى قال عنها الشاعر اسماعيل حسن .. انها من مصادر الهامه الشعري (2)
******************************************************************************** كتبت في الجزء الأول ، ان قرية البرصة ، تتميز بخصوصية تعددية انتماء اهلها القبلى ، وتقسيمها الجغرافي الفريد بالرغم من صغر مساحة القرية والللافت ، ان الأنسجام التام بين كافة مكونات اهل البرصة ، لا يقتصر على على سكانها الأ صليين بل ان وافدين على القرية استوطنوا في سنوات قريبة ، اصبحوا جزءا لايتجزء من ( لحمة ) القرية فاذكر على سبيل المثال شخصين ، كانا ومازالا يشكلان عنوانا بارزا للإنسجام الوافد ضمن كيان القرية الأول يدعى ( احمد ) ملقب بود آدم ، وهو طفل جيى به صغيرا مع اندلاع حر ب الجنوب الأولى في الخمسينات ، بصحبة احد التجار من اهل القرية .. فنشأ وترعرع الصبي بين اقران اهل القرية ، واطلق عليه لقب احمد ، واكتسب لسانه بطلاقة ) لهجة الشايقية ) وتحسبه احد منهم |، وكان ماهرا في عزف الطنبور، ويشارك اهل البلد افراحهم واتراحهم ، لم نسمع من احد طيلة زيارتنا للقرية يتلفظ بعبارة عنصرية او فيها نبذ واضطهاد له . والشخص الآخر ، وكان يدعى ايضا احمد ومعروف ب( احمد الحلبي ) جاء ايضا صبيا الى قريتنا بصحبة امه فى اوائل الستينات ، وهو من منظقة اهلها رحل فعاش احمد مع اهل القرية وهو وامه ، يساعدهم في فلاحتهم ويجدون له بما يستطيعون فاصبح من امهر الفلاحين ( وقفازي التمر وحشه ) تزوج وعاش في القرية ، ايضا معززا ن لااحد اعتبره دخيلا عليها اضف الى ذلك عائلة ( عائلة على العرب ) وهي عائلة مشهور ة لعرب رحل استقروا في قرية البرصة وعملوا في فى بساتينها وحقولها ، وبنوا لهم بيوتا وتوزجوا من بنات القرية واصبح هناك جيل من الأبناء خليط من العرب الرحل واهل البرصة هذا التمازج الرائع في قرية كان يلفت الإنتباه بالفعل ، حتى ان الشاعر الراحل الشهير اسماعيل حسن ، وهو كان من قرية ( القلعة ) المجاورة للبرصة ، ولكن كانت له صلة قرابة باهل البرضة . واذكر انني التقيت به اكثر من مرة في الخرطوم بحكم قرابته بالمرحومة والدتي وفي جلسة حميمة جمعتني به في داره العامرة بحي السجانة في مطلع الثمانينات تجاذبنا اطراف الحديث عن البرصة ، فقال لى : البرصة ، كانت محل اعجابي منذ طفولتي هذا الإنسجام بين اعراق اهل القرية ، كان من مصادر الهامي للكثير من قصائدي الشعرية ، ومن ضمنها ( القمر بوبا ) فهى بحق تمثل نموذجا رائعا لقرى شمال السودان
Quote: تعرف يا طارق اساساً هو الدكتور متكوك ومورم من الغربة لذا بعمل بالقول عليا وعلى أحبابي حتى يهون ما عليه من آلام الغربة عن الاهل والدار ..... يعني بالدارجة غلفاء وشايلة موسها تطهر
الأولاد ماشاء الله عليهم ندعو الله ان يحفظهم لك ويجعلهم زرية صالحة لدينهم ودنياهم
ولك مودتي وتقديري واحترامي
خالد محجوب
خالد كيفنك وكل سنة وانت طيب وتسلم يا سيدي
والله د.يس قاعد يعمل فينا جنس عمايل الله يديهو الصحة هو ووليداتو
Post: #511 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-04-2007, 07:33 AM Parent: #1
كتب أُستاذ خالد محجوب...
Quote: اي والله الحظ مابدوم يوم ليك ويوم عليك ... وصدق طه البطحاني حين قال
من الفيها مابزح أن كان تزحزح مره وأن حيين نعود.. أن طال زمنا ومره عيش الدنيا أن كان يحلا وأن كان مره الزين مابدوم والزول بموت فد مره
* مره الاولى هو جبل مره * مره الثانية اي فات ومضى * ومره الثالثة هي عكس الحلو * مره الرابعة اي مرة واحد
Post: #512 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: walid taha Date: 01-04-2007, 08:24 AM Parent: #1
Post: #513 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-04-2007, 09:25 AM Parent: #1
Quote: والللافت ، ان الأنسجام التام بين كافة مكونات اهل البرصة ، لا يقتصر على على سكانها الأ صليين بل ان وافدين على القرية استوطنوا في سنوات قريبة ، اصبحوا جزءا لايتجزء من ( لحمة ) القرية
نان عليك الله يا عمر يا اخوي... كرم ناس البرصة عموم والعجيمية خصوص موش يخلو الواحد ينسجم فيهم... يكون منهم عديييييييييل كدي... التحية عبرك لكل الأهل والأحباب في البرصة منننننننننن الكرفاب من تحت لييييييييييي البار جلاس فوق...
وأبقى واصل حكي الحديث فوقهم كيف سمح...
كميات مودتي...
أبو الحســـــــــــــين...
Post: #514 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-04-2007, 09:45 AM Parent: #1
ابقي لا داخوول قوم آود حسين نزل من خالتك القرواني دي وجر لها الهباب داك علي الضل ..مالك بتضلعي من كراعك بس لعل مو طعناك شوكي عند البير ... اجري آجنى لابوالحسين بغادي باقي شال الزريبي بدور يضبح لست البنات وقول لو قالولك أدنا الابري والمنقاش باقي داكي الليلي شفتهم فوق جفير خوستو وات آود حُمد احمد ناغم أم الحسين بت سيد احمد التجي تبصار لها الشوكي دي .
أحمد آولدي قوم أمشي لعمتك دي باقي جاتب لك تميرات وسلم عليها ... قوم آالممسوخ مالك مابدورو ات قايلو قوي زي تمرّنا في شندي لا لا آولدي دا اصلو بلادو وديل أهلو.
ربنا يعطيك العافي والصحي يا ست البنات ولك المودة والتقدير خالد
جيتا وجلد بينو وبين عضاي الشحمة جلدي الليله بينو وبين عضاي المافي ألا تراني شوال الكبس نفيخ جراريب الورم هدّامي في جلدي الورم قوللي ولا صحي الورم عضّاني
سَفرتك مافي النيه وماها الكانت محريّّه خابراك عريف زم العربان ولا قيام الورديّه مالك..... تريان ومندّي كاسي الكتان والهندّي قولك كيكيف ترجا البيشان ولا الغربه بالذندّي برقن عبدلي الوزنّي يا طاش ..... يا جاب المزنّي فرّق يا الضيف فعل الغضبان أم فرفيرات الحزني
وشن القعده يا اب السره في ضل العماره اب كمرتن بره ضقنّا الحنضل اليانكي وبلعنّا المره كملّت كوتت التمباك صعقعنا الجرّه وكت اتقفلّت شقيش قبل بالمره نرمي أمرنا لبلد المعاني الحرّه الشم خوّخت وبردن ليالي الحرّه والبراق برق من منا جاب القرّه شوف عيني الصقير بجناحو كفت الفرّه تلقاها أمخدود الليله مرقّت برّه
مرقّت برّه يا ابوالسره تغلّي مديدة الحلبي التسمن ردفّها السمن المبستر يانكي والويقود ..... بعيرات الدخان في العين يسووي عمايلو وشن فايدة مديدة الحلبي والويقود بشيلو اليانكي
ويا أبوالسره قامت من دخاخين العما تلمّع وشيها كان اليانكي مستنيها في مراية السجم في الليل لقيتا متل فريخ الطير رجافة المزم الحمي جفلّت منو... وقعت عندي صدرها بغلي يا ابوالسره شفته اليانكي في ود عينها شلتّها للبحر ... إمكن أغسل عينها من اليانكي فتنا الحجره بالكتا وغطسنا مسافه مسافه تجي قدر مسالك الريد ما لقينا من يغبانا في البحر الفدر تحتاني ناس عارفاها ناس عارفاك ناس عارفاني ناديت القعوي والبلطي قرقور السمك ودّاني لدابي الخشش نادينا عمال الطمي الصارقيلا والقرموط وود المويه
فتنا عليها كانت نايمه كانت نايمه بين حجرين وضل ساسويه وعمال الطمي الصحونا خابرين الدروب مرقوبنا في مشرع مسارب الضي لقينا الدنيا تترجانا قوقا القمري خوّى صقيرو عوّى حدي
وعمال الطمي الصحوها لمو حصى البحر يات من كان سبع جمرات دابي الخشّه قال أدوها في الجمرات تلات سبعات قلنا أدوها في الجمرات تلات سبعات
وكنا جماعة... دابات الارض والسايمه عوامة البحر والطير وحتى الغيمة قصاصة الأثر فوق راسنا شايفه الدرب ضنيب اليانكي
قال القمري للضليله خليك صاحيا زوق اليانكي لا يودرنا قال الدابي أن يغباها مابيغباني ولما الشّم مودعة غاربه وصّت جملة الصقار عيونهم كاربّه أبقو ألف بفوت للمتلكم ناهضين
وفوق ديناب عريبن غادي قال السحلي لا تغشوهم!!! ديل عربان توابع اليانكي قال الجمع لا نغشاهم ديل عربان توابع اليانكي خلوها العريب الغايبه والسراق طبيقو معا تيجان عروشها الخروع الهش العويش النار تعلب فوق عقال العرش ولا خصّانا بهادي العروش الهربه
ويا ابوالسره... لا عقّال مسكنا دربنا وعمال الطمي الصحونا خابرين الدروب مرقوبنا من وادي الضلمه الكان عقب لمينا في باقي الجمع قاصّين دريب اليانكي سنور الغيب في الكنغو صبرن من جنوب أمريكا ومن كلهاري ضيبن ضاري والتمساح وليد أمزون ونمرن في النمور كمبودي وأم رخم الله مكسيكيه لما لميمنا... والشمش البتوقد فوقنا شدّا شديدنا للتمثال مشيّل روقنا عالم حر يدوّعل فوقنا ليوم سوقنا نبزق فيهو في عينيهو جر واسوقنا
قولن للأخلو ديارو دمك فرهد في نارو غور في الأرض طارو صقرين أولاد الارض ماطاروا
لحمي غطا بن عمي شو صار حالي يا إمي منديل العرض في بيت الدين دمي مايخلي دمي إنا من دير ياسين صرنا في جذر التين عامنسي بعد حب الزيتون بدو يرجع للطيني صابره تحت الداوري صابره تحت الداوري صابره فوق الداوري يا حال الضد لحم الطفلين نابت غصن الحريه جذري مو في شاتيلا ما آال حالي يا ويلا حنّا في الأرض أرض فلسطين ويا إمي هيلا ويا إمي هيلا وهيلا
ويا ابوالسره كج العين تخبر الشينة من الزين ومدّو صباعك السبابي وقول للغافي يا زووول هوووي وأرخي القده للعنافي وشد القمري بالحوبّابي في مسدارنا شلّنا نهارنا ومن ساسو البحر عقدين
يا شمسي طلي طلي زاوري عابيتي ضلي كيّال الكيل ختياري مات ظلي عْم يحرس ظلي عادل عاخيّ ميّلي خيّ مايحمل شيلّي ثاني المرات ناطر رصاصي سيلّي عيني في الفيل ماظله حنّا ندريه مانضلّه يا ويل الويل نرمي الجمرات عد المستشهد كلا عد المستشهد كلا
Quote: كل عام وانتم بخير اهلنا الشايقيه وتحيه خاصة للاخ ابوالحسين والاخ ود المنسي وحاتم...
الحبيب الفاضل/ عماد عويس (( عماد شمّت ))
مساك الله بالخير وكيف أخبارك يا راجل.. أكيد طلبك سوف تجده في جربات دكتور ياسين حفظو الله لنا يمتعنا بحلو الشدو ويقطع احشاءنا بالألم في غربتنا. بالمناسبة يا حوش ود الحسين أخونا عماد عويس دا راجل فنان ومطرب ذو صوت متفرد في زمانه لمع في سماء الخرتوم ايام ناس فيصل الصحافة لكن الغربي بعدتو واتوكر في بلاد الجليد.
لك المودة والتقدير أخي عماد وكل سنة وانت طيب والسنة الجايه بين أهلك في الامتداد
القدم كان ليهو رافع قاسي فرقك يوم اوادع لو فضل في العمر ثانيه تاني لابد ليكي ارجع تاني راجع يا بلادي ان نسيت ماب انسي مرة كيف فى بعدك ضقت مرة كان اخير لى اقعد هناك اعيش ولو بى كسري مرة تبقي حلوى في بلادي عشت يوت فى الغربة امنح ابكى طول الليل وانوح كل ساعه اتمنى ارجع امشي اشد رحلي واروح امشي اروح لى بلادي شان اشوف دار الأحبه اصطفاها القلب وحب فيها اترعرع تربي بين حنان خلانو شب شب عاشقك يا بلادي إن عطش يسقيهو نيلك أكلو من ثمرات نخيلك ياحلاتك ويا حليلك والقمر يلصف في ليلك وين مثيلك يا بلادي يا حبيبه تعالي شوفي شوفي كيف حالى وظروفي شوقي نار توقد في جوفي حار على فراق ولوفي خوفي تنسي يا بلادي خوفي تنسي حنان وليدك فاكري إنو مرق من إيدك راح جفاك واختار سواك وقلبو تب ما عاد يريدك حاشا حاشاى يا بلادي انت لى عيني نورا بهجة الروح كل سرورا جنتي الغنت طيورا زهرتي الفاحت عطورا والفؤاد عابدك عبادي.
القدم كان ليهو رافع قاسي فرقك يوم اوادع لو فضل في العمر ثانيه تاني لابد ليكي ارجع تاني راجع يا بلادي ان نسيت ماب انسي مرة كيف فى بعدك ضقت مرة كان اخير لى اقعد هناك اعيش ولو بى كسري مرة تبقي حلوى في بلادي عشت يوت فى الغربة امنح ابكى طول الليل وانوح كل ساعه اتمنى ارجع امشي اشد رحلي واروح امشي اروح لى بلادي شان اشوف دار الأحبه اصطفاها القلب وحب فيها اترعرع تربي بين حنان خلانو شب شب عاشقك يا بلادي إن عطش يسقيهو نيلك أكلو من ثمرات نخيلك ياحلاتك ويا حليلك والقمر يلصف في ليلك وين مثيلك يا بلادي يا حبيبه تعالي شوفي شوفي كيف حالى وظروفي شوقي نار توقد في جوفي حار على فراق ولوفي خوفي تنسي يا بلادي خوفي تنسي حنان وليدك فاكري إنو مرق من إيدك راح جفاك واختار سواك وقلبو تب ما عاد يريدك حاشا حاشاى يا بلادي انت لى عيني نورا بهجة الروح كل سرورا جنتي الغنت طيورا زهرتي الفاحت عطورا والفؤاد عابدك عبادي.[/QUOTE]
الحبان شمت خالد ابوالحسن ابوهاشم سلام ربنا يقدرنا على طلباتكم أهديكم لها بصوت صديق احمد والنجار وطارق العوض وودجبارة آخرين لكم الود التحية لملك الكلمة والبلاغة السر عثمان الطيب
طبعاً من متابعة البوست عرفنا برنامج الخليفة ابوالحسين.... يوم الخميس من الساعة اربعة بمشي شان يقروا المولد.... ويوم الجمعة عطلة والصلاة..... وبعدها الغداء المو خمج بقراصي 5 بوصة وبدمعتن بصلتها كتيري ومسبّكه والشطوط تقول يا ليل وكاسرين فيها 7 رسين بصل والجرجير والبصل الاخدر مجدع بالجنبات
وبعدها كباية شاي تقيلي توزن الرويس تخلي الحنك يتكل في السدر ويغمض وهو قاعد والونسي اللت الجماعة تجي من بعيد زي دق الدليب لامن يكون في الحلة بالفوق والليل يهوّد.....
Quote: سوف نزرو موقعك للاطلاع دا كلام كبير نحن برانا مفتفته مصارينا وكمان نبوح بالجوانا
الحبيب الأستاذ خالد سلام لك ولآل بيتك الوليد ما شاء الله عليهو ربنا يحفظو وطلع يشبه اخوالو لوناً لكن الجواه جعلي الحقيقة الرابط الموجود ما موقع هو بوست هنا وفيهو رسالة بتخليك راقد "كاكا" ربنا يقدرك عليها لك الود الأخ شمت مرحبابك في ديارك ودعنا نعيد الماضي كلنا سوا
Post: #535 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-06-2007, 07:48 AM Parent: #1
كتب أُستاذ خالد::
Quote: يا حاتم مسّاك الله بالخير
طبعاً من متابعة البوست عرفنا برنامج الخليفة ابوالحسين.... يوم الخميس من الساعة اربعة بمشي شان يقروا المولد.... لك الاحترام والتقدير
خالد محجوب
تسلموا يا الحِبان على السؤال والطمأنة علي...
لكن زي ما قال ليكم ود المنسي... يوم الخميس نص دوام وبعدو إنتشار علي الدمام بيت الأراك بالدمام... أما حكاية المولد دي يا خالد أخوي حلييييييييييييلة وحليل أيام جامع سعد والخليفة علي محي الدين... كانت أيام جميلة ربنا يعيدها يااااااااااارب...
كميات مودتي... وأنا موااااااااصل ومتاااااااابع معاكم وبجيكم هسسسسسسع دا بي جرابي ملان...
تحياتي لكل الشباب الإنضموا إلينا...
أبو الحســـــــــين...
Post: #536 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-06-2007, 09:36 AM Parent: #1
كتب أُستاذ/ أحمد عبد الله...
Quote: (عدل بواسطة Ahmed Abdallah on 03-01-2007, 06:38 ص)
وأنا نفسي... وأموووووووووت وأحيا أعرف أحمد عبد الله كتب شنو وشطبو!!!
كل سنة وانت طيب أخي أحمد عبد الله ويا هلا بيك شرفت ونورت...
وأبقى نشوفك تاني..
كميات مودتي...
أبو الحســــــــــين...
Post: #537 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 01-06-2007, 10:57 AM Parent: #536
Quote: الحقيقة الرابط الموجود ما موقع هو بوست هنا وفيهو رسالة بتخليك راقد "كاكا" ربنا يقدرك عليها لك الود
سنجك ميه واربعطاشر صباحاتك بيض
في الحقيقة أنا دخلت في بوستك دا قبل تلاتة ايام وكنت بفتكر انت كاتب لشخص مغترب معين... رسالة تعنفه فيها لكن لما لقيت طرف السوط واصلني ... جري مرق في سراع ... لكن كدي حدثني الرسالة مكتوبي ولا اغنية كان غنية بمشي الألآم في الغناء والشعر أصبجنا ساديين نستلز بالعذاب فيه
لك مودتي واحترامي خالد محجوب
Post: #538 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-06-2007, 10:58 AM Parent: #1
Quote: walid taha
.
تاريخ التسجيل: 28-01-2004 مجموع المشاركات: 836
الحِبيِّب وليد طه...
مراااااااااحب بيك وسط أهلك وحِبانك...
وكل عام وأنت بخير يا صديقي...
أبو الحســـــــــين...
Post: #539 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-06-2007, 03:04 PM Parent: #1
الحِبيِِّب خالد محجوب...
نهارك سعيد يا اخوي...
بس باقي ما عرفتنا علي الحلاوة دي عشان نقرا ليهو لوح لوحين من المولد... ولة لوح براق...
تعريف سريع...
وناس حسن محمد وخضر فجلي (شباب الحجير) منتظرين عند الباب للدخول...
كميات مودتي...
أبو الحســــــــــــين...
Post: #540 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-06-2007, 04:59 PM Parent: #1
إهداء للجميع قصيدة أُستاذة البركلاوية...
عيد مشروخ... عيــدك شـــايـل فـــرح العـيـــد
إلا العيــــد لـي عيـدنــا مجـافـي
مره علينـا وما طلانا .. لاقـال لينـا حبـاب وعـوافــي
في حمايا وفي ضرايا استريحـــي واستجمي يا قريبة كما إخيتــــي أفتديك بالروح ودمـــــي لا تخافي ولا تهمي أتكلي الوجع البتاورك ختّي حملو على كفوفــي من ضباب الحزن أجبدك ليكي ممدوات كفوفــــي لو وسط لهباً مولقـــــد جوة جوفك وجوة جوفي ما بيزحزح من عزيمتي على انتشالك مرة خوفي والبرٌشّك بي لبيني تلفا درقاتي وسيوفـــي نامي في حضن القوافي وهاك وساداتك حروفـي لو نهار الصيف سمايمو بقّت الحر فوق جبينـــك اتلفحتي التوب طريفــو ضروة بي أطراف يمينك كفّك الأيسر مميـــّل كسكيقة على عيونـــك واتلفتي تكوسي فــيَّ ما بخيّب لك ظنونــــــــك واللّه حتماً تلتقينـــــي فيكي متحاوشك أصونك من شتيلة خديرة شبّت دابا في عز النــــــــداوة ليك بفِر سعفاتا طرحة فوقك الضل والطــــراوة قلبي منقاش لي همومك للضنا وشوك الشقاوة وكلما زاد حنو ليكـــي زاد على العزال قساوة يا قميرات صيف بلدنا نورت قبس الأماســـي راقشي فوق النيل تكشّف للمراكبية المراسي وفي النهارات ساوي حنِّك للمزارعية الشماسي من دموع جرحك تكتبي وصفة للموجوع تآسي ريدي ليك درعاً مدرع في وشي المحن القواسي لو عليك زمن الأفاعي جار وجاك بي سمو ناقع والخلوق فرّاجا قاعدي وضاحكي شمات الفواجع يا الهواك قدري ونصيبي احتميبي من الصواقــع سايم الروح ليك رخيصة صامدة عن حصنك تدافــع.
الحبيب ود الحسين من زمن وانا متابع اهلى وحبانى وكل يوم بتاوق ليكم زى متاوقتك لينا فى بوست الامتداد ومجهود مقدر منك ومن كل الاخوان المتابعين ومزيدا من الابداع والتواصل الكلام كتير واكيد بجيك راجع
دكتورنا الغالي الظاهر مشغول مع المولود حفظه الله..
وسلام الي حميع المداخليين والماريين..
أخوي حاتم كيف حالك وعلك زين والصحي كويسي جزاك الله خير وخيل وزوجك بكراً حتى لو تني
كثير مودتي وأشواقي متابع معك في الأشعار الجميلة التي تجود لنا بها من جرابك
بحبّت ما تخلي شي مركون في الجراب
خالد محجوب
Post: #547 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-07-2007, 06:59 AM Parent: #1
كتب الأُستاذ/ أحمد خضر...
Quote: الحبيب ود الحسين من زمن وانا متابع اهلى وحبانى وكل يوم بتاوق ليكم زى متاوقتك لينا فى بوست الامتداد ومجهود مقدر منك ومن كل الاخوان المتابعين ومزيدا من الابداع والتواصل الكلام كتير واكيد بجيك راجع
احمــد خضــر
الإمتدادي ا لأصيل... أحمد ود خِدِر...
تسلم يا اخوي ومتاوقتك دي زادتنا شبرين لا فوق...
دعواتي ليكم يزيد لمتكم الحلوي ديك ويجمعكم دايماً في الخير... ويحفظكم من متاهات الزمن...
كميات مودتي لك ولكل من بي غادي وأولاد عمي طارق جبريل وإخوته الكرام... وكل أهلنا بالصحافة... وأبقى قريب...
أبو الحســـــــــين...
Post: #548 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-07-2007, 08:24 AM Parent: #1
Quote: لو عليك زمن الأفاعي جار وجاك بي سمو ناقع والخلوق فرّاجا قاعدي وضاحكي شمات الفواجع يا الهواك قدري ونصيبي احتميبي من الصواقــع سايم الروح ليك رخيصة صامدة عن حصنك تدافــع
صحَّ لسانك يا السر يا اخوي...
وكميات مودتي ليك الخليفة حاتم...
أبو الحســــــين...
Post: #549 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-07-2007, 10:31 AM Parent: #1
Quote: والطرد دا فيهو مدينييى وحرجل ومحريب للخواجييى اللت خالد ود عمى محجوب .
يا السافرت قمت رحل ما عارفين سنينك كم لا كلينا لا ملينا لا فارق قليبنا عشم نصبر في قليب الوالدة وإحنا قلوبنا تنزف دم قلب الوالدة ديمة عليك وقلبك زي حجر مُنصم نمني نفوسنا بي لقياك راجنِّك تزيل الهم وتبخل بي رسالة تجينا تفِرح للأهل من جم ما دايرين قروشك يكفينا نبل الشوق ونتسالم أبوك ما إنت عارفو براكَ زارع وللتمر لملم كل مناهو ترجع ليهو وفي بيت الحلال تنجم نحن عشمنا تبقى معانا ونرجع زي زمان نتلم نتخاصم معاك وبرضو نرجع تاني نتبسم رنين تلفون بيطلب بيتنا جيت إتكلم إتبكم من أول عرفت انا صوتك قبال تبدأ تتكلم لو تسأل عن الوالدين ارفع إيدك إترحم وليك آخر وصية بقولها لو ما جيت يكون أرحم
الحبيب الغالي الخليفة الحنين أبو الحسين مسّاك الله بالخير يا أخوي اولاً عرضّك القتولي دا على ما أظن ما نجح تنزيله حاول مرة اخرى خليتنا في ناراً تسووي جووووووو بندور نشوفو عليك الله في سراع.
الشي التاني البدور احدثك بيهو يا خوي أت بقيت منشغل بالحيل وكل مانجي مانلقاك في الحوش ونقوم نمشي علي بت عمنا ست البنات ... والله يا ابوالحسين ضمه حلة لحمتا تجقجق في النار وبراد شاهياها ما بنزل مادلا عليه بنيتا كريمي بالحيل وحد ما أخل الحوش ألقالك الدكتور السنجك مجدوع في عنقريب هباب فوق الضل وخاتي راديهو جنب اضانو ويسمع في ود جبارة ها زول والله بعدين ماتلمونا كان كسرنا ركبة عند ست البنات ولا اقولك جيب لك جرم وفول الليل مررو ومخلاية قنديل وخلهن لينا في الحوش ولا تقفل الاوضي البطبلي نحن بنجي وراك والله القعدي صعبي وات مافي وما نلقى شي نحرك بو ضروسنا ديل أمس جيت والله بس لقيت لي عنقريبن وحيد راقد فيهو الجنى حاتم والحوش خلا وسعلتو مافي زول معاك قال لي انا من ضهراً بدري ومافي زول جا وهسع بدور اشيل البيت باقي ترك أم الوليدات بلا مشهاد وكمان بدور إدلا يجب لو قش للبهايم وسبروق بامي باقي وليدات أخو بجو بكرة من الخرتوم لحبوبتهم اشوفوها وتشوفهم... أنا قت لو أنا ذاتي بمرق معاك أشيل بت عمي ست البنات أمكن ألقا الناس ديل هناك
Quote: وحد ما أخل الحوش ألقالك الدكتور السنجك مجدوع في عنقريب هباب فوق الضل وخاتي راديهو جنب اضانو ويسمع في ود جبارة ها زول والله بعدين ماتلمونا كان كسرنا ركبة عند ست البنات
الأستاذ خالد ربنا يديكم العافية ويكتر من لماتكم مستمتع بمجادعاتك وست البنات
أهديك الحنين وداني بصوت المبدع ودجبارة
Post: #555 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: ست البنات Date: 01-08-2007, 05:05 AM Parent: #1
انت اا خالد أخوى : انا ماوصييتك لابوالحسن اخوى ?? ما قوتلك قوللو :
يا أبو الحسن اخوى : دحين خالد ود عمى محجوب قاللى : ناس الجمارك قالولك الشى الفى المجوز دا بس ما
عيرفولو سيهمتن يعرفوهو بيها !اكنو الشى ان بيقى ما عيرفو هون -يا شيتن كعب ?? والله دا جخ دا ! هون
يايابا قعد حريمون يعرفن ديهنايى ينطرشنبها فوق جيسيمن ولا حيبيبة كرار يسوننها فوق صوفن المتل
الليل عبورى دى - مطيررات نيشن عيللى الشواطين كدى ! مى حيبيبة المى يلشقينها فوق كريعاتن
اليبسننهن من الساساق فوق السوق والرججل ديل - هين قعد يهبطن فوق واطات الله دى ! حسبى
فى عجبى مينهن !
يعنى اكنهون لا عيرفوا الحرجل - ولا المحريب - ولا العطرون - ولا حيبيبة الديفيقات !
يا يابا ان بيقى كدى : امركا - امركت العدو - نان وكت ماب يعرفو الحرجل والعطرون شن طعمون !!
دحين الناس دى فيها فايدى !?
بس نعلهون ما اكلوا
القيرفتينايات شى ??!!
وانا اساعيتى قوت لاخوى خالد فيحال جانى مهجوم وملخوم جاء يقوللى الميجوز الليلك مقبوض فى الجومروك !
فوتلو الوصيى دى ليكا يا ابو الحسن - والرسول ان ما وصللتها للمسعول فى الجومروك :
دحين قول للمسعول فى الجومروك دا ان بيقيت لمستلك فريد تمرايى ايدياتك
عيللى يكنكيشين ! وتلحق الصح وحات ربى !
والا كمان ان خليلتك كلبا بوليسى يشملنا أغراد ست البنات المرسلاهن
ديل فيحال ينججيسن لينا - عيللى تنظكر كلامى دا وتندم حد الندم ما
يقيف !
ست البنات .
Post: #556 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-08-2007, 07:25 AM Parent: #1
Quote: يا أخوي اولاً عرضّك القتولي دا على ما أظن ما نجح تنزيله حاول مرة اخرى خليتنا في ناراً تسووي جووووووو بندور نشوفو عليك الله في سراع.
خالد أخوي صبحك الله بالخير والرضا...
والله يا الحِبيِّب مافي شغَلةً كدي تبعدني من لمتكم دي ومن الحوش وقااااااااعد متحكِّر من الصباح البدري لا عند المغيريب المتأخر... ومتااااابع...
وهسع قلت كدي الأديك اللوح الأولاني دا لاحدي ما أعالج ليك صورة شباب الأراك...
اللوح الأول من المولد العثماني...
بسم الله الرحمن الرحيم
الحمد لله الذي اصطفى لمحبته الذات المحمديّة ☼ من القدم وجعلها واسطة لكل إنسان☼ وأبرزها أولاً في حضرته ألوا حديّة ☼ وفرع عنها سائــر الأكوان ☼ وأمدها بأنواره العظيمة الشعشعانيّة ☼ وأوصل إمدادها لجملة الأعيان ☼ أحمده أن جعلنا من هذه الأمة المرضيّة ☼ وكملنا بانطواء جوف حجاب هذا الدر المصان ☼ ورحمنا بهديه وسنته القوية ☼ وشرفنا بنزول هذا القرآن ☼ وطهر قلوبنا بحب هذه الجوهرة الفرديّة ☼ فصارت قلبنا طاهرة مطهرة من الطغيان ☼ وأفاض على سرائرنا من الود لهذه المعاني العلميّة فنطقنا بالحكمة التي تشرف بها الثقلان ☼ وأهّل عقولنا للتأمل فاقتدينا بتلك الأفعال العليّة ☼ فرقينا على درج العناية لأعلى الجنان ☼ وأشكره على ما خصنا من فضله به من مزيّة ☼ وهي تأخيرنا في أمةٍ هم شهداء الله بحق ونصران ☼ وأيدنا بالعلوم المكنونة المخزونة الإلهية اللدنيّة ☼ وذلك باقتفائنا لاثار نقطة الوجود وسر العلمان ☼ واشهد أن لا اله إلا الله شهادة أتحقق بها وأشهد إفراد الأحديّة ☼ وأعلو بها إلى منزل الموحدين المنزهين الحق عن المكان ☼ وأشهد أن سيدنا محمداً الذي من ميم اسمه امتدت سائر العوالم الخلقيّة ☼ وهو عبد الله ورسوله وحآء رحمته التي رحم بها الملوان ☼ ومن ميمه الأخرى تعينت مياه العوالم الحسية والمعنويّة ☼ وامتلاؤها من أنوار وأسرار وإذعان ☼ ومن دال ذلك الاسم دامت نظامات الممالك الملكيّة ☼ ودامت صولت الدين ببركته ونفعها في العالمان☼ صلى الله عليه وعلى آله واصحابه ما ظهرت أسرار حكميّه ☼ وما برزت علوم وحكم ومعرفة ألزم في البعض الكتمان ☼ اللهم صل وسلم على قبلة تجلياتك الربانيّة ☼ محل نظرك من الوجود عالي الشان ☼ كتاب أسرارك المنطوية الحقيّة العلميّة ☼ مظهر الرحمة من حضرتها مجلى اسمك الرحمن ☼ وعلى آله وصحبه ما استقامت الملة الحنيفيّة ☼ وما ترجم بلسان الشريعة و الحقيقة ترجمان
اللهم صلي وسلم على الذات المحمدية...
واغفر لنا ما يكون وما قد كااااااان...
كميات مودتي... لامن أجيك راجع...
أبو الحســــــــــــين...
Post: #557 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-08-2007, 08:02 AM Parent: #1
Quote: وعازملنا فوقو السيد على !
دحين قول للمسعول فى الجومروك دا ان بيقيت لمستلك فريد تمرايى ايدياتك
عيللى يكنكيشين ! وتلحق الصح وحات ربى !
ست البنات لا حدهن...
صبحك الله بالخير والرضا...
إيديهُو إنشاء الله بالييبِّسِن ليهو... كان فتحلك شنطتك المجوز الفيهِن حويجاتك المرسلاهِن لي ود المنسي...
خواجاتاً ماب يعرفو الينفعُن من اليَضُرهُنْ!!! أيْ تُبْ!!
لكن تاني ساعتِك التخُتيلِك حاجات زي دي زي دي...
عرِّضيلُن سيدي الحسن... وتور الأراك ساكن الجبل...
ماااااااااااب تجيهِن عوجي شي...
كميات مودتي... بعدين أنا أبو الحســـــين... جمال أبريدة من المقـــل ماني من نوري شئ... شايفِك سألتي قبل كدي في مرة دَاكْتَ الزمن!!
أبو الحســـــــــين...
Post: #558 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: ست البنات Date: 01-08-2007, 10:27 AM Parent: #1
قوت ناس الجومروك ان شافوها يبقى يخافو منى ويخلولى غرودى ديل
ماب ينبشوهن لامن يصلننك !
وكتتر خيرك يا عشاى .
ست البنات .
Post: #559 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: عبد اللطيف بكري أحمد Date: 01-08-2007, 10:57 AM Parent: #1
Quote: أبو الحسن اخوى : دحين خالد ود عمى محجوب قاللى : ناس الجمارك قالولك الشى الفى المجوز دا بس ما
عيرفولو سيهمتن يعرفوهو بيها !اكنو الشى ان بيقى ما عيرفو هون -يا شيتن كعب ?? والله دا جخ دا ! هون
يايابا قعد حريمون يعرفن ديهنايى ينطرشنبها فوق جيسيمن ولا حيبيبة كرار يسوننها فوق صوفن المتل
الليل عبورى دى - مطيررات نيشن عيللى الشواطين كدى ! مى حيبيبة المى يلشقينها فوق كريعاتن
اليبسننهن من الساساق فوق السوق والرججل ديل - هين قعد يهبطن فوق واطات الله دى ! حسبى
فى عجبى مينهن !
أبو الحسين وست البنيات لا حدهن ،،
تحيات وأعجاب وسلام وشوق ليكم ولي الديار ،، بمنسابة الكوت الفوق دا :
بعد دا انحنا ولحد ما ناخد كورسات تقوية عايزين ترجمة على الشريط،، المشكلة ما أنا : المشكلة عيالي ،، والله ديل عايزين معسكر صيفي في الدوداب،، الله يستر،، واصلوا عليكم الله ، أخوكم / عبد اللطيف بكري - الجالية بالأبيض،،
Post: #560 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-08-2007, 03:00 PM Parent: #1
إخوتي الكرام...
مساكم الله بالخير والرضا...
بمناسبة الإخوة الإنضموا إلينا حديثاً أهديكم الجزء الثاني من قصة حُمد إحمد التمرجي...
حمد إحمد التمرجي ـ الجزء الثاني
مشى باع العّز في السوق وجاب القريشات لى أبوهو وجاء ... فضَّل للسفر كم يوم كدي ... أبوهو ساقو قطع لو جلابيي اللت دبلان , وعراقيين اللات دَمُوريي بى سراويلن , وأدوهن للترزي , وأخد لو جزمة باتا بيضاء , وطاقيي حمراء ... وحمد احمد مكوزم ماد تلاليشو , مااااااهو راضي بالسفر ده شي ... عمرو ما عدا من كريمي لا غادي ... زمااان قبّال يعرف كريمي والمشي ليها .. كان حِرِد مع أبوهو مرة , مسك التحتانيي بالبحر بى كرعيهو ومرقها في الحامداب , مشى قعد لو مع ناس هناك ... , وبقوا يكوسوا فيهو بى هِنِي ما خلولن بكان , وأمو وأخواتو بى بكياتن , بس قلبنَّها مناحة عديل , وخيلانو وأعمامو بالنَبِيشِي أكلوا لحم أبوهو .. ما خلوا لو صَفِحْةً يرقد عليها , واقع في الشِنّيف والهَرَجِي كل يوم ...نامن قرب يطفش حتى هو ... خسوساً واحداً في خيلانو , مسمنو المَكَاجِر ... إضنيهو مفندرات بتل الطانجة اللت اللحم , نضَّام نَضَمِيّاً , تقول مَحَنِّكِنُّو في الاذاعة اللت أم درمان زي ما قاعد يقول لو هو ... يجي يكوس الوَنَسِي مع الناس و الناس ويشردوا منو ... ماب يخلي لو زولاً ينضم معاهو ضمّه ... إن بقيت نعست وقعدت تنشهق لو آب يفكك ... وإن بقيت نمت عديييل فوق كتفو يهزك يصحيك وينضم معاك ... منجض ناس الحِلِّي نجاض ... ود حُمدين مرة قال لو : ناس الحيكومة ديل مالن آب يشغلوك معاهن ..؟ على التَعَتِّر يوم من الليام ... عوض الله ود أب كرُّوقة ...شدّا حمارو على الحامداب ... ماشي يتَمِّنْ لو شوالات اللات حَرْجَلْ وشَمَار , يجي يبيعن للتجار هني في البلد , يتمكسب فيهن , حايم في السواقي اللت الحامداب ... بلا لقى لك حُمّد إحمد بارك لو في حيضان يحش في القش ... لكدو بالعصا فوق قفاهو براااحه ... حمد أحمد اتلفت قال لو هَي هَي :- حتى أنت جيت في بكان السفر ..؟ قايل نفسو سافر مرقها في بلداً طيرا عجمي وهي المسافة كلها ساعتين بالحمار , بس مافي زولاً قايلو يقبّل على الجيهي ديك ... كراهو من قفا وركبو في الحمار جابو صاد لى أهلو ... اليوم داك أمو ضبحت لها عَنَاق وقسمتها للحيران في الخلوة ... .............................................................
... يجي يكوس الوَنَسِي مع الناس و الناس ويشردوا منو ... ماب يخلي لو زولاً ينضم معاهو ضمّه ... إن بقيت نعست وقعدت تنشهق لو آب يفكك ... وإن بقيت نمت عديييل فوق كتفو يهزك يصحيك وينضم معاك ... منجض ناس الحِلِّي نجاض ... ود حُمدين مرة قال لو : ناس الحيكومة ديل مالن آب يشغلوك معاهن ..؟ --
ست البنات من جم كيف أمسيتي علك عافي بسعل من حويلتك وصحتك .... دحين أنت قاعدي في ياتو بلد... شقّيش بلدك النعم ني قريت في واحد من الجوبات الرسلتيها باليد مع لوري سعد وحُمد عتمان للجنى ياسين وكترتي من الدعاء ربنا يرجع لناسك وبلدك الحلوة
والله الزول النضام دا كان جاك علا يطفشك طفشتن فد واحدي دا زولاً ما بنقدر خشمو بلا البليلي في النار تهجك.... أحمد كل يوم اقول افتحي الكميوتر اللشوف ست البنات لما افتحو ليهو بوستك اقول دا انا هي وينا واقول امكن مرقت وبتجي بعدين بعدها بشوي تاني بعدين جات كدي امكن تكون جات ... افتح تاني يومن اسود القت لو عمتك ست البنات بتسلم عليك ندمني عليها حارسني من يومها زي القاجي لو شرك للطير ومنتظر (( عيني باري وماشاء الله عليهو ))
سلمي لي علي اخيلتك المعاك واخوانك وفي رعاية الله وبقي عشرة علي رويحتك وأختي الاتموبيلات
لك المودة والتقدير والاحترام
خالد محجوب
Post: #563 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-09-2007, 06:56 AM Parent: #1
Post: #567 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-09-2007, 04:00 PM Parent: #1
Quote: أبو الحسين وست البنيات لا حدهن ،،
تحيات وأعجاب وسلام وشوق ليكم ولي الديار ،، بمنسابة الكوت الفوق دا :
بعد دا انحنا ولحد ما ناخد كورسات تقوية عايزين ترجمة على الشريط،، المشكلة ما أنا : المشكلة عيالي ،، والله ديل عايزين معسكر صيفي في الدوداب،، الله يستر،، واصلوا عليكم الله ، أخوكم / عبد اللطيف بكري - الجالية بالأبيض،،
صديقي أُستاذ/ عبد اللطيف...
مساك الله بالخير والرضا يا اخوي وطلتك دي قاعدي تطولنا كم شبر كدي لا فوق... بس لا تقطعها شئ...
موضوع الترجمة دا... نحن متابعيييييييييين أي كليمةً كدي ماها واقعي شئ قاعدين نقعِّدها للناس... عشان كمان الجيل الجديد دا...
كميات مودتي... ولكل الإخوة بجمعية الأبيض بالرياض...
أبو الحســــــــــين...
Post: #568 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-09-2007, 05:02 PM Parent: #1
Quote: يا سلام عليك أخ عصام شوف التبش دا كلو يكون من الأراك جزيرة بجبوج لكن مسعول من الخير الناس ديل كلهن متبلمين مالن
والقاعد داك يا د. يس... دحين ماهُو عبد الله ود السقيد الجالب الماقَات دا؟؟؟
التبليمة دي يا دكتور نسيت إنها من ثقافة الصَبْيَنة تتذكر زمان إذا كان في حفلة في بلداً تاني ماها بلدك... موش أهم حاجة تعملها العمة للتبليمة؟؟!!
حقيقة الأخ عصام رجعنا لي أيام جميلة وخصوصاً حوش ست نور لو سمح لي نقلت منو بعض الصور بي جاي يكون ما قصر...
ابو الحسين نستميحك ونستأذن نحن يانا وليدات عمكم وشايف الكتير من زوار بوستك العامر من وليدات جعل وبدور اروي لهم قصة مرثية عمدة كلي ( أب جديري ) وللأسم معنى
عمدة كلي كان راجلا فحل... كريم وهميم وكان للقبائل دخري وأخو اخوان الفي جيبو مو حقتو وما بتدخل جوفو لقمي كان شبعو ناس كلي .. وكلي هي قرية تقع غرب النيل لمدينة شندي
سبب تسمته بهذا الأسم ( أب جديري )... نسبة لاصابته بالجدري الكاذب الذي يصيب الاطفال في فترة الصغر وترك اثاره على وجهه... أصابه شلل نصفي في كبره
يوم موته كان طامة لأاهل المنطقة من جم وليست فقط كلي وكان يوم وفاته حدث كبير في منطقة شندي بكو الرجال قبل النساء وبكى الطير الكان بطعمو بكتو دروب قرية كلي وفي هجعة الليل جايل فيها شرقاً وغربا وشمالا وجنوبا يفقد داك ويطايب ديل بكو الما عرفو لكن سمعوا بي
كتب فيه الشاعر مرثية طويلة تتعدى المائة بيت شعرا ولكن للأسف لا أحفظها كلها ... تغنى وأشتهر بها الفنان علي ابراهيم وكنيا بها
أب عاجات اللحو
وأب عاجات هو النمر
وبقول فيها
أب عاجات اللحو وكتين ازم وأنتر كان جات الألوف لا بضل ولا بفتر حوت يا الخصم بغادي دربو بضر
أب رسوة أب هرش الضارب الوكّره تمساح دار كلي البمرق مع الهجعه أبو شمه اللزوم كم درّج العاطله وهو الأسد المربعن دونو الرجال قاصره
( أب رسوة أب هرش هو الأسد ... شمه هي أحد بنات عمدة كلي أب جديري .... الأسد المربعن معروف أن اللبوة وبعد الولادة بتخرج ومن واجب الأسد هو رعاية الأشبال الصغار ومحرم على الأسد الخروج من العرين لمدة أربعين يوما واللبوة هي التي تؤمن الغذاء في تلك الفترة لذا نجد الأسد يكون في أوج شراسته وجبروته عندما يخرج من المعتقل لذا جرت العادة تشبيه الصبي القارح القوي بالأسد المربعن )
يا حليل أب جديري الفارس المندور يحرّن في المحاصة وكت الحرابه تدور في اليوم المشوّم تبقى الحجازة صقور وبيهو بيجبر الصف أن بِقت مكسور
( المحاصه هي ساحة الحرب )
بجيب قولّن صحيح في أبويا ماهو شُكر مثبوتات فضايلّو ومافي من ينكر أب زيد الهلالي زايد عليهو قدر عباس تور قريش منو مابِقصّر دايمن فاك ضراعو وبيهو ما بِفشر
رحل يا شما أبوك وقفّا خلا الدور وأنحلا النظام الكان زمان معمور برحيل ناس أبوك قبل العبوس ماتدور أنهدا الجبل وإشتت المعمور يا أبوزينب وراك إتكشّف المستور
دابي القاش حليلو الفي المحاصه بِكر ( بكر من كرّ ضد فرّ ) ومن شوفتو بتضل ناسن دقونن قَر أن شاف الحديث زايد بقالو كَتر بشلّخ في الصفوف آمات طبول وزمر زي حمزه الجسور في يوم أحد وبدر سم الصاقعة أبوي يا للخصم بِضّر
أب قدحّن سبيل مسا وصباح مجرور للضيفان يِباشر ووشو ما مصرور منو البِمسّك مكانك ويفهم المقرور بتراجع في في المواسي وفي خِدمت البور غرارة العبوس ما بتتلفت لزول حكم السيد نفد وما بنحجب مقدور
استحلفك بالريد أوعك تفارقني لا تسيبني في الأحزان أبحر تغرقني ياروحي مشغول بال محتار أنا ومحتار ما بهون فراقك يوم ألم الفراق تاوار يا المستحيل بٌعدك يا الحار فراقك حار قلبي الحنين أصبح موطن هواكا و دار دنيايا غير عينيك ليل مسدل الاستار فيهو ألقى روحي بلاك مسجونة دون أسوار وانت معاي أنغام داؤود بلا مزمار تسكر حنايا الروح من كاس ندى الأزهار استحلفك بالفيك وبالفيّ موقد نار بي صرخة في الأعماق دار تفضح الأسرار بي دم دموع عيني وبي دمعك المدرار يرويك ويرويني ويخنق غنا الأوتار بالإلفة حلفتك بالخوة .. حق الجار أوعك تسيبني تفوت وترميني للأقدار خايف عليك وعلي من جور زمن غدار خايف من الأيام ودولابن الــدوار لا .. لالا .. لا ترحل كوس للقعاد أعذار دابن خطاي وخطاك في الريد بدوا المشوار
الشايقى والجعلى مشولون حفلة وبوش ! والواحد ياكول ويدفع فى الكشف - قام الشايقى دفع وضربلو طلقيتين من البوندوقييى اللتو - الجعلى فكرلو فى شيتا أخير من السووا الشايقى - قام دفع - ورماها قونبولى من جيبو !
للأخ الدكتور/ يس محمد يس وحرمه المصون وكل شباب الأراك بوفاة والدة المرحوم عبود أحمد سندول المحامي...
نسأل الله أن يتغمدها بواسع رحمته ويسكنها وإبنها وكل موتانا وموتى المسلمين جنات الفردوس
إنا لله وإنا إليه راجعون بحزن عميق عمق محبتنا لك دكتور ياسين نقدم لك ولأسرتك الكريمة بعزانا في فقيد الأسرة المحامي عبود سندول ونسأل الله أن يسكنه فسيح جناته مع الصدّقيين والشهداء وأن يجلعة مع واردي الحوض مع الرسول الكريم صلى الله عليه وسلم يوم الظمأ الأكبر
تعرف كان في واحد رباطابي تزوج ليهو واحدة شايقية وسكن معاها في كريمي ... ولدولو وليد والوليد شلخو شايقي... ولمن كبر الوليد مشى زيارة لاهلو في ابوحمد... في واحد من أهلو أتغاظ شديد من شلوخ الوليد وقام سألو ... دحين آ محمد أحمد وليدك دا شايقي ولا رباطابي قام رده لي قالو وليد رباطابي مافيها شك علا رخصتو في كريمي
نحن بنقولك أحمد دا سوداني وجعلي علا مرخص في المجر
عليك أمان الله من أخوالو ماشال ألا اللون الجنى سوداني في كل شي ان قت النخيري والخشيم والشعر والعوينات السود .. في مجري عويناتو سود والطبع طبعا سوداني وكان داير تهوشو شكرو اها شن قولك في مو جعلي
خالد دا باقيللى ماكيللو هينين اللات قونديلا من اللتنا بالسرقى !
اسسع خالد يجى يهرج فى نضمى دا - ويقوللى انتى شديتى فوقى مع ياسيكو ! باقى قببال كدى
تاهمنى بالشديد فوقو مع أبو الحسن الويليد أب خشمن تقيل دا !
ان سعلك منى : قولوا بس ست البنات دى لى دوريينى ما رأيتا !
ست البنات الزينة أم حديثن زين يا البتسوي الزين حتى لو بالدين بعد كدي ضمه ماعندي فيك نضم ولا بقدر ازعل منك يا ستو
لي زمن ما ضحك بالحيل والله الليلي كلامك دا ضحكني بالحيل واكتر شي ضحكني
( أن سعلك مني قول لو ست البنات دي لي دورين ما شفتها !!!!!!!!! )
والله ات سكرة يا ست البنات وكلامك بنقط عسل شووووووووووووووو
اسمعي لي النحدثّك الجنى أحمد والله يوم ولدو كان لي صاحب من وليدات الشايقية معاي في المجر جنايّن لناس سيد احمدالحاردلو السفير وديمه علي جرباتو ملاينات تمر قنديل وبركاوي وأحمد بعد ما آذنتلو في اضني حنكتو بالقنديل شن قولك في جبتو من الجنى دا
نكتة الجعلي ظريفة شديد وكدي اتي هسع زعردي لي والله في بوست ود الحسين دا علا تلقيني مصنقر بلحمي ودمي مو تصويره بس
وكت بديتي علا اقولك الكلام دا في واحد الشايقية حكاها لنا الوالد ايام ايام كانو بخدمو في الديش......
انو عندهم زميلهم شايقي وكانو يعملون في الجنوب وكل الجنود تركوا نسائهم في كسلا مقر العمل الدائم لانو الجنوب كان مناطق عمليات, والشايقي دا أتزوج زانداوية من جوبا كان عندو مشكلة مع عسكري دنقلاوي,, المهم يا ستي صادف أن رجع الدنقلاوي في عطلة لموقع عملهم الرئيسي في كسلا ... وقام حدّث زوجة الشايقي قال ليها راجلك معرّس في الجنوب ... الزوجة مشت للقائد وقالت ليهو ستين يمين ما بقعد ألا أمشي للجنوب واتر الحديث دا ( زواج راجلي ) المهم القائد في نهاية الأمر سمح لها أن تسافر مع الفوج الراجع وكان فيهو الدنقلاوي ... وصلو جوبا في عز الليل ولما وصلو المعسكر الدنقلاوي قال ليها ( هداك بيت راجلك ) ... مشت ودفرت الباب ودخلت الحوش ولقت ليك ( راجله ) نايم تحت الناموسية مع زوجتو الزاندوية ... رفعت الناموسية ولكزتو في كتفو تصحي في ( محمد عتمان .. محمد عتمان ) فتح عينو لقى مرتو ( ست البنات ) واقفي قدامو ما أتلفّت ... رصع الزاندوية في كراعه رصعه شديدة وقال ليها قومي كدي ... تقومي قومة ابوي داك الواحد ماياخد لو غمدي تجن تنعصرن جنبو آ الجنوبيات.
الحنيني الزيني أم خشمن ينقط عسل مساك سعيد باقي لي انت في دي الساعة قاعدي في الكميوتر يعني كلامي دا بصلك حار سنسنتو مريمة هسع في الصاج باقي نحن ناس كسري مانا ناس قراصي زيكم والمره عندنا كان ما بتسوي الشاي الاحمر مزبوط وتعوس الكسري بتبور في بلدنا
كيف حالك ياست البنات والله اليوم السعيد النسمع ضحكك وجعل ربي العليم ايامك كلها ضحك وسرور ويبعد من طريقك كل شر ويوقفك شقيش ماتقبلي ويعدل خطوتك ويفتح ليك ابواب خيرو جووووووو
ماكي رايداني حليفي ألا بقولك أنا ماعاد ازعل من زولاً تب وأنا كت ظاني أتي زعلتي مني لما قت ليك قاعدي تقطعي فيني مع إخيّك ابوالحسين لكن اتي بردتي بطني وقتي ما بتزعلي من زول ضمه
اي بالحيل فوقي هوشة وغضب الجعليين لكن الحبان والاخوان الأصدقاء بشيلهم فوق رويشات القليب
والله وربي بشهد من المجادعة في الحديث معاك كني بعرف من زمن ما التقول يا دوب ليهو ايام وكمان عبر الأثير
لك كل الاحترام والموده يا ست البنات
خالد محجوب
Post: #589 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-11-2007, 07:39 AM Parent: #1
الشُكُر الزي دا ياهو القاعد يخلينا نطلع من طورنا ونجيب المدكَّن مدَكَّن ونفتح القساسيب القديمي ونطلع ليكم كل جميل...
سلمت يا ابن عمي... ووعدك بعدم الإنقطاعي يدينا دفعة للمواصلة...
كميات مودتي...
القساسيب: جمع قِسِّيبي... وهي إناء كبيييييييير كدي في شكل برميل لكن أكبر شويي يخُتُو فيهو العيش والقمح والحِبوب بأنواعها... وأيضاً يختو فيهو ما ندر من التمر (زي القُنديل والتمود) عشان يسربِقُو منو على طول السنة... أها يسربِقُو منو دي خلو ست البنات تجيكم ليها!!!
أبو الحســــــــين...
Post: #590 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-11-2007, 08:21 AM Parent: #1
ستات البنات لا حدَّهِن آل خوجلي... (منى وماجدة)...
شرفتِن والحوش إحْلَو بي طلتكِن...
يا هلا بيكِن وبكل من يطل أو يتاوق لينا وأهديكِن والجميع هذه اللوحة بمناسبة قدومكِن...
كميات مودتي... ولا تِنقَطْعِن...
أبو الحســــــــين...
Post: #591 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-11-2007, 08:39 AM Parent: #1
الشايقى والجعلى مشولون حفلة وبوش ! والواحد ياكول ويدفع فى الكشف - قام الشايقى دفع وضربلو طلقيتين من البوندوقييى اللتو - الجعلى فكرلو فى شيتا أخير من السووا الشايقى - قام دفع - ورماها قونبولى من جيبو !
ست البنات .
معليش يا ست البنات...
مشاركة للترجمة فقط... بطلب من أُستاذي عبد اللطيف الشايقي...
البوش:: يعني باختصار كدي العيزومة الفيها كشف للدفع...
ولو عاوزين كان قاعدين يسوو فيها شنو بجيكم راجع ليهو!!!
مودتي...
أبو الحســـــــــين...
Post: #592 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-11-2007, 09:55 AM Parent: #1
تعرف كان في واحد رباطابي تزوج ليهو واحدة شايقية وسكن معاها في كريمي ... ولدولو وليد والوليد شلخو شايقي... ولمن كبر الوليد مشى زيارة لاهلو في ابوحمد... في واحد من أهلو أتغاظ شديد من شلوخ الوليد وقام سألو ... دحين آ محمد أحمد وليدك دا شايقي ولا رباطابي قام رده لي قالو وليد رباطابي مافيها شك علا رخصتو في كريمي
نحن بنقولك أحمد دا سوداني وجعلي علا مرخص في المجر
اللهم أحفظ أحمد... وأبو أحمد وأم أحمد... وكل آل أحمد... يااااااااارب...
النكتة حلوة يا الحِبيِّب... لكن لا يبقى جماعتك ديل... قامو قالو نعمل ليهو مطارق لا تِحِت صاطو وشي الولد!!!
مودتي...
أبو الحســــــــين...
Post: #593 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-11-2007, 10:37 AM Parent: #1
كتب أُستاذ/ خالد
Quote: ماكي رايداني حليفي ألا بقولك أنا ماعاد ازعل من زولاً تب وأنا كت ظاني أتي زعلتي مني لما قت ليك قاعدي تقطعي فيني مع إخيّك ابوالحسين لكن اتي بردتي بطني وقتي ما بتزعلي من زول ضمه
اي بالحيل فوقي هوشة وغضب الجعليين لكن الحبان والاخوان الأصدقاء بشيلهم فوق رويشات القليب
زي ما نحن شايلنَّك وكل من يطل علينا في قلوبنا... وندفق ليكم مودتنا ومحبتنا حنان... ما أروعك يا إبن عمي... والتحية عبرك لكل أهلنا وأحبابنا أبناء عمومتنا الجعليين...
Quote: والله وربي بشهد من المجادعة في الحديث معاك كني بعرف من زمن ما التقول يا دوب ليهو ايام وكمان عبر الأثير
والحمد لله يا إبن عمي بي كدي أبو الحســـين ينوم مرتاااااااح البوست أدى غرضو بالزايد شويي...
نسأل الله يزيد المودة والإلفة والخوة والمحبة بيننا والجميع يااااااااااارب...
خالص مودتي... لك ولزينة البنيات.. ست البنات...
أبو الحســــــــــين...
Post: #594 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: ست البنات Date: 01-11-2007, 11:27 AM Parent: #1
خالد ود عمى محجوب - نعلك طيوييب -
عاد حديسك دا بالحيل ريححنى وسرا قلبى انا كمان - نان باقيلكون انا عيرفتكون ماها مفررحانى - يسعلنى
Quote: زي ما نحن شايلنَّك وكل من يطل علينا في قلوبنا... وندفق ليكم مودتنا ومحبتنا حنان... ما أروعك يا إبن عمي... والتحية عبرك لكل أهلنا وأحبابنا أبناء عمومتنا الجعليين...
أبو الحسين سلام سيد النبأ والشكره سلام يا عز ولاد شايق أهل الفحل والبِكره سلام يا راس الكرم والضكّره
ياها الكنّا حارينها فيك وزي ما قت... فعلاً بوستّك والله جمعنا بناساً وما كنا نحلم في الحلم لقياهم لك الشكر والتقدير والله بدون فرز كلهم حلوين وزنين وحلالين شبك واخوان بنات وكان ليهن هن والله زينة بلادنا خلاصتها ارقدو عوافي نومو عوافي
سلام اخيتي ست البنيات كيف حالك علك طيبي تسلمي يا الزينة وتسلمي يا العديله وتسلمي ويا قفانا ويا البلزينا قدّامك وتزغردي لينا وتذكيرنا انو أماتنا يوم ولدننا كحلّنا عيونا بشطه وتردّي لنا كلام ابواتنا الرجال مايشوفو راحت كرعيك بذكرك ما قلتي لي الخبر الزين والدسيتي مني المري الفاتت شنو ؟؟؟؟
اها انا راجيك وبدور اعرفو
لك المودة والاحترام
خالد محجوب
Post: #601 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 01-12-2007, 00:09 AM Parent: #600
ها ناس مسعولين من الخير بسعل من دكتور ياسين سنجك ميه واربعطاشر والجنى حاتم
كل يوم نتقاود أنا ست البنات ونجي لحوش ابوالحسين مراتن نلقاهو قاعد في الحوش براهو مطرم من غيابكم ومرات يسوي حرد حتى في الحوش ما يرجانا دحين اظهر الزول والله مشتاق ليكم بالحيل
تاريهو ريدك كان كلو جور ونفاق كذابه ضاحكه على يا ناكره للميثاق وين جدول التحنان الكان بيروينا الضحكة ليك عنوان يا حليل عناوينا بدلتى كل الكان ماتت أمانينا كانت هى فى الأحضان اليوم على الأعناق ضاعت عهود الريده ليه تبقى كذابه حلم العديل والزين اصبح حكم غابة يا زهرة الياسمين ما عدتى خلابه دهبن لقيتو لجين الحق على الصياغ كان الضمير مرتاح من جور بنات حواء قلب الهوى النباح لا حول لا قوة سمكرتو و المفتاح ضيعتو فى هوة لا قلتا لزول ضاع لا يوم فتحتا بلاغ تاريهو جرح مابيبرى بى دكتور كل التسوى الليد يتحملوا المجبور جرحاً صبح تأبيد جوه القليب مهجور تلت علي القيد زعز عنى فى الأعماق التوبه يا قاسين لى تاني ما فى رجوع واشكى العلى لى مين والبوح حرام ممنوع اخفيهو تانى يبين عبرة وسروح ودموع قالوا القلب والعين بحر الهوي اللداغ اسف زمانى الضاع درب الرجوع قاسى وانا تانى ما بنصاع لى لوعة احساسى سر الدواخل زاع وانا زولى لى ناسى قلب المحنة خداع إنشره فى الآفاق .
................................................
حاتم هاشم.
Post: #604 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: ست البنات Date: 01-12-2007, 02:22 AM Parent: #1
حاتم اخوى - مرحببك -
دحين الليلى قطعت قلبى بى حديسك الصعب دا -
واا شيريرى عليك يا يابا دا كلو حاصلبك وانت ساكت الزمن دا كلو !!!
الله ينعل الزول الكعب البيغشغش الناس يقولهون بريدكون وهو كضضاب فيحال يربوطونبيهو ساكت
ويوقف سوقون وحالون .
أمانى الليلى ان وريتنى البينيى القططعت قلبك دا كدى عيللى اشددقا ليكا وأوريها ايا !
نان قلوب الناس ليعب ? والله ياهو !
أقولك كلام : أخيرلك أرمى طوبتا ضوممة ! ولا تسعل فيها بتاتا شوف ان ما جرت وراك
وبيقالا حار - أمانى كيف يوجعا ان سفهتها !
ولا تورييها انك غدبان فيحا خللتك شى !
ملحوضى : انت اا حاتم أنا ما قوتلك لا تشور التصويرى اللت ويليد سيدى فيحال لا يشوفو
الناس من جم ???
يبقى دا السوواها فيك وخلا البينييى تكضبلك وتضحك عليك !
بس زح التصويرى دى من هينى وشوف ان ما انعدلت عليك !
ست البنات الزيني والحنينة كيف حالك وكيف قيلتي وأمسيتي علك طيبي تعرفي كان ما بخاف الكضب والهجمي الياس محمد صالح دا الأسم ما ني قادر اتظكرو ميه في المية لكن ابو عندو صاحبو من زمن الديش وشايقي وصول اشتغل معاهو في القيادي الشرقية زمان وجا بقى صول في المدارس الثانوية راجل أخيدر ووسيم وعندو نضارات وقوامة فارع طويل ماشاء الله دا الوصف الذي اتذكره لصاحب والد أمكن اكون هو
والله شكّرك سمح بالحيل وبشد الحيل قمته الليلي اخدتلي عرضي ... عندي الليلي نكته الشايقي مرتو جننتو جن كل يوم الغدا قراص بسبروق .... اها يوم الضهرية راقد في عنقريبو في ضل الضحا شاف المرة لغحّت توبا واتقنّعت قام سالا ماشي وين آ وليه قالت لو مندليّ لتحت أجيب لي سبروق ... قام قال ليها انتي ما تريّحي نفسك بدل ما كل يوم مندليّ تجيبي سبروق سوقينا نحن واربطينا هناك
من يوم البحر الجانا وتسب وقام يوم دخل الحلة وهدم بيوتنا ترا وهدام صبحنا ضيوف ما خلاّ وراهو صلة أرحام يوم داكا عوض خلاها مرق سفره طويل مع الأيام ثم يسترسل في أوصاف عوض درويشاً صغير عشرة أعوام الزول زول الله من الصلاح الرفعت عنهم الأقلام من غرث الرسل الدارو الآخرة أم خيرن دام التركو نعيم الدنيا الزايل للعبدوها وللحكام ثم يبدا في وصف ملابس عوض وما كان زاده يوم خروجه متجلبب بي تيبان الرحمة غتا وهندام متنعلت بي أرض الله الواسعة خطى الأقدام متزود شايل خير الزاد تقى وإلهام يا ساري الليل ما شفت جناح جبريل غتاهو بقالو مظلة جلوس وقيام يا ساري الليل أين ذهب عوض هل غرق في جوف الليل أم رحل في رحلة تصوف يبقالي نجع متوجه قاصد أرض الشام ما شفتو هناك مع الحجاج لابس الإحرام بين يثرب ومكة وفي بيت الله المكسي رخام يبقالي هناك يكون مندسي مع الخدام يا ساري أبل جهدك نحنا فتشنا في كل محل ما خلينا بكان فتشنا سما أرض ما شفنا منام في التمر الشايل تكا سبيطو مدلول خام في الجرف الأخضر في لوبيهو وفي النجام في جدول جاري تسرسر مويتو نعيماً دام ومع ذلك لم نجده وقد طال الغياب ولن نيأس فالحلة في الانتظار فاينما وجدته بلغه السلام يا ساري الليل أنا داير أوصيك وأديك كلام الروح إين صعدت لي باريها وفي جنات الخلد مقام لو لاقيتو في إي مكان في إي زحام روح كلمو قولو الحلة بكت من شوقا إليك تغريك سلام.
حذارك من تجـــيبلي اعـزار حـذاراك قليبــك ما بــــراه اختار بس باسف علي الايام وماضي العشـــــــره ياغــدار منو الصدق غرامنا اتلاشي قبال يشوفــــــــلو نهار منو الصدق قصور امالنا تصبح في الحقيقه دمـــار تصدقي لسه ما صدقــــــتا تايه والقـــــــليب محـتار لاني معاك قايل نفســــي في مامـــــــن من الاقـــدار لانك ياحقيقـــــــتي المره كنتـــي حجــاي مع السمار لانك في غناي مقطـــــوعه خالده تــــــرددا الاوتـــار لاني انا ان بقيت في الجني غيــــرك ما بدورلي ثمار لاني انا من عرفــــتك تبـــــتا يشهــد كاتــــب الاوزار قبل ما اعـــــــــرف المقســوم فرشتلك الطريق ازهار رسمـتك بي مداد احـاسي لوحه جميلـــــه في الاشعار امـــــــن بغرامك وحـــــدي حاســـب نفسي في الابرار وتب لاخنـــــتا لا ارتديــــتا كيف يصـــــبح جزاي النار انا الما بيني بــــين الدنيـــا من ما قمــــتا مكتــوب تار متعود تقيـــــلتي اشـــــيلا قبلك كم عصـــفني عصــــار قلبي الكان زمان موهــوم وضايع بين سجون واسوار خلاص حلحل قيودو معاك وحضر تابين غرامو وطــار زي ما كـــــت بعز عينيـــــك برضي كمـــان كتوم اسرار الاهــواك مهما يبقـــــي تاني انا ما بكون لي مـــــــــدار قادر احــــــيا راهــب ريده امســت في الخــــيال تزكــار والا بقــــولك يا مغــــرور وراك عجــــــل الذمـــن دوار.
Post: #611 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-13-2007, 07:37 AM Parent: #1
Quote: ها ناس مسعولين من الخير بسعل من دكتور ياسين سنجك ميه واربعطاشر والجنى حاتم كل يوم نتقاود أنا ست البنات ونجي لحوش ابوالحسين مراتن نلقاهو قاعد في الحوش براهو مطرم من غيابكم ومرات يسوي حرد حتى في الحوش ما يرجانا دحين اظهر الزول والله مشتاق ليكم بالحيل
الحِبان خالد وست البنات...
إنتو اليووووووووم داك أنا كلمتكم بي د. يس اليومين دي بي يكون الشاغلو شنو؟؟؟ تاني لزومو شنو الكلام دا؟؟؟!!!
أما أنا حكيتلَكم حكايتي... عندي الخميس والجمعة ديل... تَبْ بفارق الكمبيوتر فراق الطريفي لي جملو... راحة العوينات من مصاقرة الجهاز... لكن يوم السبت أجيكم مشتااااااااااق...
Post: #612 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: عبد اللطيف بكري أحمد Date: 01-13-2007, 08:01 AM Parent: #1
Quote: أخوى عبداللطيف ود عمى بكرى - حبابك - ومن زمان بشوفك تتاوق وتصد بس مابعرفك ليه مابتدخل فى لقدابة ابو الحسن - أكنو نضمنا ماك فاهمو ??? اها ابو الحسن ينبارك ترا عد يشرحلك - انشاء الله فيهم شى ! عيللى جاييى اقولك : انا مانى ساووى اديشنال شى ! دا لينقويستكس شايقى ! وأمانى كييف قاسى ! وحات ربى الكلمى تطلع ميتل اتتكنها مارقى من الميخيخ ! لامن عيونك يدميعن - ميتل القاريشلو تلات بصلات غولات وحارات وما سووا فوقن لوقمة القراصى لححقنياها لاساعيتى ! وفى امان الله - ولا تفوت بيكيينا دا - ومالك ماب تغشا لقدابتى - ? مو بعيدى - هينوكا . ست البنات .
ستهن ،، كيفنك ، وشكرا على أصالة نصري وروعة مؤازرتي بين ظهرانيكم ههنا،،
نضمك دا يا بت الناس ذكرني أول محاضرة لغة فرنسية في الجامعة ، أستاذتنا فرنسية طبعاً ونحن في بداياتنا لإختيار التخصص ،، بكل تأكيد كانت بتتكلم براها ، تسأل وتتجاوب وتزعل وتضحك ونحن مبلمين وقاعدين المهم لما تضحك تلقى الجماعة كلهم (ورررررررر) ، ولما تهرشنا كل واحد يعاين للتاني،، أنتهت اول محاضرة وطلعنا برة : يا أخوانا نتخصص فرنساوي ولا نمشي إنجليزي ولا عربي؟؟
حضرنا محاضرات اللغة العربية من د. سوار الدهب : مفاعيلن فعولن وألفية إبن مالك ومقول القول وإلتقاء الساكنين وأخوك فوك وذو مال !!!!!!! لا حول ولا قوة إلا بالله ، يا أخوانا هوي : أخير الإفرنج ومن يومي داك لساني معووج وبقيت في السعودية لاني لامي في الفرنجة ولاني لامي في (سوار الدهب)،، طلعتي إنتي : بفتح جديد ولغة موغلة التعقيد ،، أمي وابوي ماليهم في الشوايقة غير الشلوخ، بقوا وحاتك غرابة أكتر من مني أركو مناوي ، البركة في جيرانا ناس قوتة من نوري يالا منهم عرفنا الدونكا والكارديق وقيل البزديق،،
أنتو على كل حال أحلى ناس ، والله مازلت أذكر زياراتي لأهلي ومدى الحفاوة التي أقابل بها الطيبة مكملنها ،، الله يسعدكم كمان وكمان ،، وأنا كت بتاوق لكن جايكم بباب أبو الحسين عدييييييييل،، وتحياتي الحارة لكل مرتادي هذه الأناقة،، سلام ،،
Post: #613 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-13-2007, 08:32 AM Parent: #1
كتب أُستاذ/ عبد اللطيف...
Quote: الحمد لله اللحقتنا بالترجمة ، والله كت فاكره حفلة (بوش) فول وموية جبنة قلت واشريري أهلنا بلغ بهم التهميش شأواً بعيدا لدرجة حفلاتن بقت بوش ،،
أُستاذي الغالي عبد اللطيف...
تسلم يا اخوي على حضورك الجميل وأحب أزيدك من الشعر بيتين...
موضوع البُوش دا يا اخوي... فعلاً هو العيزومة عند أهلنا زمان... وأحب أُؤكد حقيقة قبل كدة ناقشتها مع الأُستاذ محجوب كرار رحمه الله... نقلت له قصة حاجة إسمها العِشَّة!!! وطلعنا بالتحليل الآتي...
الكُوكتيل... أول من إستخدمها أهلنا الشايقية... وهو (العِشَّة) نفسها... طبعاً العشة دي تتكون من طرقتين بتاعت فطير أبيض رهاااااااااف... وفيهو كمية من اللَّحم المحمَّر (حلالي)!! ملفوف في الفطاير دي... يوزعوهو للحضور بالإضافة إلى كورية بتاعت شَرَاب (مريسة ـ بقنية ـ شربوت أو عسلية)...
بعد الأكل والشراب يبدأ بعض النساء الشاعرات بترديد بعض الأشعار وهاااااااك يا طرب...
وواحدين يغنو...
ماني سكارة طربانين برانا...
ونحن ماني سكارة فرحانين برانا...
ودي قصة الكوكتيل أها يا عبد اللطيف يا اخوي باقيلك ما شَفُّوهو مننا ناس البندر؟؟؟
صحن الكُوكتيل = العِشَّة!!!
قزازة البيبسي = كورية الشَرَاب!!
كميات مودتي... أبقى قريِّب وبجيكم صاد...
أبو الحســــــــين...
Post: #614 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-13-2007, 09:29 AM Parent: #1
التوبة .. يا بلدى العزيز .. أبقالى إنت (كفيل) وأمـين
خلينى فى حضنك أعيش .. كريـــم ومرفوع الجبيــــن
كميات مودتي...
أبو الحســـــــــين...
Post: #617 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-14-2007, 07:00 AM Parent: #1
كتب أُستاذ/ عبد اللطيف...
Quote: Quote: الحمد لله اللحقتنا بالترجمة ، والله كت فاكره حفلة (بوش) فول وموية جبنة قلت واشريري أهلنا بلغ بهم التهميش شأواً بعيدا لدرجة حفلاتن بقت بوش ،،
كتب جمال أبريــــــدة...
Quote: أُستاذي الغالي عبد اللطيف...
تسلم يا اخوي على حضورك الجميل وأحب أزيدك من الشعر بيتين...
موضوع البُوش دا يا اخوي... فعلاً هو العيزومة عند أهلنا زمان... وأحب أُؤكد حقيقة قبل كدة ناقشتها مع الأُستاذ محجوب كرار رحمه الله... نقلت له قصة حاجة إسمها العِشَّة!!! وطلعنا بالتحليل الآتي...
الكُوكتيل... أول من إستخدمها أهلنا الشايقية... وهو (العِشَّة) نفسها... طبعاً العشة دي تتكون من طرقتين بتاعت فطير أبيض رهاااااااااف... وفيهو كمية من اللَّحم المحمَّر (حلالي)!! ملفوف في الفطاير دي... يوزعوهو للحضور بالإضافة إلى كورية بتاعت شَرَاب (مريسة ـ بقنية ـ شربوت أو عسلية)...
بعد الأكل والشراب يبدأ بعض النساء الشاعرات بترديد بعض الأشعار وهاااااااك يا طرب...
وواحدين يغنو...
ماني سكارة طربانين برانا...
ونحن ماني سكارة فرحانين برانا...
ودي قصة الكوكتيل أها يا عبد اللطيف يا اخوي باقيلك ما شَفُّوهو مننا ناس البندر؟؟؟
صحن الكُوكتيل = العِشَّة!!!
قزازة البيبسي = كورية الشَرَاب!!
كميات مودتي... أبقى قريِّب وبجيكم صاد...
أبو الحســــــــين...
وتاني كتب جمال أبريـــــدة...
الحِبان الزينين...
صبحكم الله بالخير والرضا... مالكُم قاطعين لا حس ولا خَبَر؟؟؟ عساكم جميعاً بخير... د. يس وخالد محجوب والخليفة ود هاشم وست البنات من أمس ما شفتكم تاوَقْتُو!!!
الحبيب الحنين ابوالحسين سلام الله عليك وعلى كل احبابك زوار البوست الجميل والله يا ابوالحسين لي يومين بس جري ماني عارف ست البنات دي مشت وين مشيّلها في حوشا ما لقيتى قيلتا فوق برندتها أنا وليدي أحمد وصليت المغرب في برندتها برضو ما رجعت مشيت بيت اخيتها قالت لي ليها يومين ماشافتها قبل آذان العشا شلتّه ناس ود عكود وسأل وليدهم حسن باقي هو ممرض في البيطري وست البنات باقي عندها عبورها دي متحسسة شوي لكن الجنى قال لي أنو تب ماشافها ... ما خلتي لي بكان ما سعل فيهو منهاحت مستشفى كريمي وصلتو ولقيت الجنى حُمد أحمد التمرجي وقال لي ست البنات من قبل شهر ما جات هنا وآخر مرة طيرتها شكلي مع الدكتور وقالت ليهو والله تاني كان مت عديل كده مابجي اسبتالتك دي والله فكري بالحيل مشغول عليها ما الداهي سوتّلها جبهة متمردة وبدور تكاتل الحيكومة النعم أنها بنيتن ناجحي لكن الناس ديل نزعت من قلوبهم الرحمي بعيقوها ساكت هسع رسل احمد يقص دربها باقي الجنى نجيض في قص الاتر ..جيرانها لحدهم قالوا ماشافوها من قبل يومين
والله الامر دا شاغلني بالحيل
لك تحياتي ومودتي
خالد مححجوب
Post: #620 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-14-2007, 05:22 PM Parent: #1
Quote: ما خلتي لي بكان ما سعل فيهو منهاحت مستشفى كريمي وصلتو ولقيت الجنى حُمد أحمد التمرجي وقال لي ست البنات من قبل شهر ما جات هنا وآخر مرة طيرتها شكلي مع الدكتور وقالت ليهو والله تاني كان مت عديل كده مابجي اسبتالتك دي
تسأل منك العافي يا خالد أخوي...
ضحكتني ووقفتني شديد حكاية حمد إحمد التمرجي في مستشفى كريمة... إنت عارف يا خالد حول وااااااحد بس إلا نشلخك شايقي بي لحمتك حقت حبوبتك المن الحجير!!!
كميات مودتي... وعليك الله لا تنسى أنشد من د. ياسين والخليفة ود هاشم ليهم كم يوم كدي مسجلين غياب عساهم بخير...
Quote: وعليك الله لا تنسى أنشد من د. ياسين والخليفة ود هاشم ليهم كم يوم كدي مسجلين غياب عساهم بخير...
ها ناس تعالو لي اللحدثكم أنا ماني فاقد الجنى الدكتور هيل امريكا دا البقولو ياسين ود الأراك... عليك امان الله قطع تذكرتي ومشيت ليهو في بلاد الخوجات نازل من سلم الداهي الطيارة قرب اقع اكسر كراعي ما اتملص من المركوب وابحت عشان اجيبو دفرتني بنية لابسالا برنيطة وجمطة في بنطلون زي الرجال شكيتها على الله ودا كلو فيدرب كان انشد لي خبر من الجنى ياسين شي.
لقيت لي وليد ازيرق ظنيتو من بطانا السودانيين وقت لو آ جنى بتعرف الجنى ياسين شبكني وس وس وس عليك امان الله ما فهمته منو شي لكن ولدا عديل بالحيل قادني من يدي ووداني لمكتب بي هوناك شغال فوقو وليد من وليدتنا قال لي اهلو في بقعة المهدي أمدرمان ولدا عديل بالحيل جاب لي فطورن زين وقعد ضاحكتو شويّ قت لو ماعندكم بصل باقي نحن ما بناكل السمك من غير شطي وبصل بالليمون ..قام في سراعو جابن لي وبعدما شرب كباية الشاي وطبقّتها بالقهوي الميها خمج سعلتو من الجنى ياسين كان بعرفو شي قال لي والله ما بعرفو لكن نسأل منو المهم جاي جاي فضل معاهو في بيتو خمسة ايام كل يوم يمرق ويصد واقول لي والله ما لقى لو خبر بس وكت قطع العشم لميت هديماتي في الشنطي والجنى وداني لعند خشم باب الطيارة وبعدها رجع وتراني الليلة طبيت معاكم هنا ألا ما لقيت خبر من الدكتور وعلى اول من وصل فتح البوست كان ألقالو خبر سي هو ولا الولية ست البنات دحين يا اخواني البنشد خبر أقول لي والله رويحتي دي دايري تمرق بوراهم مقلية قلي من الشوق ليهم
قلت النجى نتبنكم ونسلم عليك باقي ........ شوفتها منتشرة والله خفت على اهلى
بجيكم صادة كان الله هون
Post: #625 Title: سلام لأهلنا الطيبين Author: عبد المجيد محمود Date: 01-15-2007, 12:31 PM Parent: #624
سلام لكل أهلنا الطيبين وعموم أهل السودان
غناء عبدالرحيم البركل كلمات قسم السيد عبدالرسول
انا الماساتي ما بتتقال بقيت احسب عميري الفات عذب لا حفلة لا شبال لقيت الفات كتير وكتير مرق لا زوجة لا اطفال تراني فى مهب الريح مريكب لا فحها الشلال بقيت مسحور عيونك ديل اتحجر بقيت تمثال وافتش فى مكانك وين لقيتك فى قليبى هنا
انا الجرب مآسي الغي تعال شوف كيف حفن كرعي وانا اتبشتنتا يا خلاي فوق درب الفريع الني بقت لى مع العيون قصة مخلفة فوق جروحى الكي خيالن مادوام نافر يحلق فى خلاهو الصي ولا قادر افيق وارجع ولا قادر ادارى البي واشوف غيمك انا العطشان واقول هسع يجيني الري وفكر فى امور الحب وادور في ساقية غير معني
يا حليلى انا حليل ايام سعادتي معاك وكت كان الزمن بسام يشاور لى دوام ضحاك يضمنا كان هدوء الليل هو لا حس همسة لا كوراك لقيت يا قلب زولك بعد وجعك لقيتو دواك اتاريهو الزمن دولاب قسي ورجعني الف سنه
طريتا انا طريت السمحة بين اهلها وكت تنزل وكت تطلع مع الحوب يجتمع شمِلها تمد ايديها للمنقة تداعب للجريد قبلها وماهماها زولا فات يقاسي الغربة من اجلها ماخلاني ابتليت بي ريدها افتل فى حبال رمله كمان خايف الجنون يحصل تفوت عقليتي بى قبلها بوريكم مآسي غرامي عشتها وعمرى كان تمنه.
وتاني كمان رمية رائعة للبركل
أنا أخترت من دون العيون ياغالية عينيك أعشقه وأخترت شوفتك كل يوم لو حتى شوفتك أسرقه لكني مالاقي الفرح لا في البعاد ولا في اللقاء وما من هواك أنا أصلي عاد خلقوني من طين الشقاء أنا مديت كتير حبل الصبر لمن فقدت أنا أولوا ومن غير صبر بقدر أساي ياغالية شانك بحملوا لو سمحت مرة بس داير قليبك أسالوا حافظ معزته زي زمان وله الحصل كان بدلوا والله يا نور العيون أصعب سفر سفر الأمل تلقاك تعاين في الهدف وما داري أنت متين تصل كل الدروب جربتها وسافرت فيها عشان أصل وفي كل مره الف وأعود من تاني لنفس المحل سيبي العواطف ديك وأنسي ريدك وقولي لي أيه الفرق لو زول زرع أمالوا في أخصب ودي والثاني روح للبعيد وأختارلوا يا محبوبة صي حايحصد الأول أكيد والثاني زي حالتي العلي لو جيتي تسألي عن هواي بالله أسالي عن هواك تلقي الجواب نفس الجواب ماقلبي يادنياي معاك أرجوك أوعي تفكري أنو قلبي يصبح لسواك لكن لو فقد العشم يمكن أقولوا خلاص كفاك أنا عارف المواجع لي براي أنا طول سنيني أبكي وأنوح فقدت أحساس الألم ياروحي من كتر الجروح ومابلقي عارف فرحتي غير فيك ياأم وجهاً صبوح كفاية كل القلته ده، أنا تاني مابقدر ابوح
Post: #626 Title: Re: سلام لأهلنا الطيبين Author: عبد المجيد محمود Date: 01-15-2007, 12:41 PM Parent: #625
المواجع خالد شقورى عبدالرحيم البركل
لما نبكى من المواجع قلنا نرتاح فى بكانا قولى كيف نرتاح ونحن نبكى من شدة هوانا الليلة رحلة الأشواق بعيدة والشواطئ بعيد مكانه حتى فى بر الأمانى السنين هدت قوانا كنا نحلم بمداين فيها نرتاح من شقانا قولى كيف نرتاح ونحن نبكي من شدة هوانا القدر طاوع قلوبنا وخلى بحر الريد حدانا ونحن ماصدقنا قمنا نشرب فوق روانا دى المشاعر فينا فاضت غرقت فرحة صبانا ما النعم مرات بتشقى والله بالريد إبتلانا مرة طلت دارنا غيمة ونحن ياما الريد غشانا شايلة فى الخاطر محنة جات تعيش الريد معانا جات تصب فى الريدة ريدة لو قليل يبرد جوانا كيف يا غيمة نرتاح ونحن غلبنا فى هوانا ما غريبة على البريدو يلقوا فى الريده المهانة ياما كتير أحبه غرقوا فى بحور الذل عشانا فى الحقيقة الريدة مره ضقنا مرها فى غنانا ماهو قيس بكى من هواهو مانحن برضوا الريد أذانا يا زمن لو تصفى نصفى فى البوادى يعم صفانا والعيون تصبح مرافئ فيها نرتاح من عنانا رحلة الهم بينا طالت ملت التسيار خطانا نعمل آيه ما نحن غلبنا فى هوانا
خالد شقوري يا بانه يابانه مابتصلى السـحاب بالله لاتتطاولى ايه الجنيتى بلا الخراب ليك كم سنين بتحاولى قبال يرضرضك الزمن مش كان أخيرلك تسألى وتعرفى سر قلبو الصبح من الندم صليان صلى يابانه غشاهو الأمان خدعو المقام المخملى ورغم الزمن وراكى وين لكنو قاسى تحصلى ماأصلو قبلك كان بريد نجمايه فى قلب السـما يرجاها من عصرا بعيد فى تقنت الشوق النما يشقى ويشق صدرو الاسف تبقى دنيا مغيمه وكان الفرح يملاهو يوم يلقى القمر غاب وأحتمه ماقصدو بس داير يشوف النجمه واضحه معالمه يابانه كان بالجد قنوع تكفيهو شوفت الملهمه من الظهور حتى الإفول عينيهو ما بينومه كان من بعيد بيسالمه فرحان سعيد بيكالمه لكن محال ينتم حـال جه الشوق ملك قلبو وعمه وبدا الودار يومو القال النجمه لازم يوصله يابانه لاتستغربى بالله بس شوفى الحصل حضر كليمات الحنان زادو الغنى وشوقو الرحل وأول محاوله للوصول داير مع النسمات يصـل لكنو يركب فى البساط يلقى البساط مـنو اتمصل فكر وقال عند المساء يرجاها فوق راس الجبل وفى حلكة الليل الطويل يابانه لم الليل دخل شاف النجيمه معلقه وشاف روحو فى توب الجهل براحه لملم أنتو فى ليلو واندرج نزل الشى العجيب رغــم الفشـل لامله يوم لاحتى مات فيهو الأمل وآخر محاولة للوصول كانت رحيلو مع الشعاع إستنى فى الليل القمر ساب الأرض مقدار ضراع وإستنى قارب الهم رسى فى مشرع الشوق المطاع مسك الشعاع وبدا الطلوع بين الغيوم كان خبرو شاع جات غيمه من بلد الندم سايقاها عاصفه من الوداع قطعت خيوطو الماسكه واتهاوا فى لجج الضـياع وعشان بريد من قلبو جد لقالو فوق اللجه طوف عيدانو من شجر الوفاء وحبالو من غالى الحروف وداهو لى ساحل الندم وراهو فى العشاق صـنوف قاليهو فكر ياقلب قاليهو عيد الماضى وظروف إتواره غاب طوف النجا خلاهو فى إيد الظروف فتح عيونو مع المساء شاف النجم دانى القطوف بكى وابتسم وعرف صحيح انو البعيش لابد يشوف لو كان صبر يابانه يوم وإتمده فى ضـل اليقان لو كان رجى الأقدار تجى وخلى القياده على الزمان لو كان عرف انو البسير فوق الدرب يوصـل ضمان مكان شقى القلب الودود و يابانه ماكان اللكان وصيتى ليك لمن يقوم غصنك جديد إتهى أوعك تكررى محنتك أوعك كمان تستعجى لاتروحى وتعى الغيث يجكى من العلى وولوانتى مديت الصبر حتى النجم تتناولى
Post: #627 Title: Re: سلام لأهلنا الطيبين Author: عبد المجيد محمود Date: 01-15-2007, 12:55 PM Parent: #626
عفوا الفاتح ابراهيم بشير
انا قلبى عشان ينساك دايرلو تانى زمن عفوا حبيب قلبى ما انت لى وطن ===== انا قلبى ذنبه شنو عودته انت عليك علمته يبكى ينوح يوم ما يشوف عينيك وكتين ملكته خلاص فريتها لجنحيك خاطبته باستبداد قلت ليه اختار ليك ===== هو الصبار المسكين راجى اليالى تروق لا كل لا مل لا عاتب المعشوق كل القدر قاله ياناس كتلنى الشوق والضقته فى دنياى ما ضاقه قط مخلوق ===== انا يا خلائق اه ضقت العذاب اصناف شلت الليالى سقد تشهد تبارك وقاف جربت صبر ايوب كانت نهايته جفاف والصابنى يالمريود بالعين محال ينشاف ===== لو دار تعرف البى ارجوك مرة تعال اقعد وعاين بس ما تسال اى سؤال انا يا حليلى انا اصبح يمنى شمال جوايا عشرة اشياء خلت حياتى محال حظى التعيس الشوم الغيرة والعزال ليل الضياع والخوف والحيرة والاهمال انك تملى معاى و بيناتنا كم اميال احساسى انى بسيط واحلامى واقفه جبال صبر اً صبرتو عليك ذكرنى سيدنا بلال حتى ان سكت انا تتكلم الاطلال وآخر المطاف بالليل سافرت باستعجال لا طلت بلح الشام ولا ضقت راحة البال ====== برضك تقول لى اصبر اتحمل المكتوب واتعوض الله خلاص انسانى يالمحبوب خلتنى ذى عصفور هبت عليه هبوب فنتله عشه شمال شالت صغاره جنوب
عاشق عاشقه جعفر السقيد
عاشق عاشقة عاشقه سوايا والعاشقاهو عاشق غيرها كلنا فى الهوى اتلاقينا سايقه خطانا حمى الديره نفس اوجاعى حاصله عليها النوح والشكك والغيره فى والصباح يلاقى عنينا تلاقى فد صنقيره تبكى تكب دموعه دماها دمعها مابيطفى سعيره يا ربى فى مصابى تزيدنى لكن فى مصابها تجيرها لوحة من الجمال والروعة ماشافت عيونى نظيرها الليل شال ظلامو انشرا فوق صفحة كتيفها ضفيره العين إن حكت بى نظره ابلغ ما يكون تعبيرها ام وشيا قمرا تلالى شامخة وبى شموخه جديره حبها لو تجيبو القوة الليد بى دروبها بصيره أو دايرى النجم يتلمه يبقى عقد فريد فى صديره كنتا المستحيل اهديتها لو كان حتى لبن الطيره وماكان غيرى سهد عينه أو فد زول شغل تفكيره لكن المشاعر قسمه فى الدنيا الغنيه فقيره ومن ملكوتوا مهما يبقى النفس ابتفوتو مصيره قسمتى اعيش وتابانى لكن برضو ابقى اسيره قسمتها اتمكن بسواها زولا فى خيالو اميره حبيتا وغرق فى هواها من يا دوب لسه صغيره فوق من كل المشاعر الطيبه ليها على حق الجيره مادام غيرى مالى حياتها مالى خيالا مالى ضميره ببعد فى الخيال بلقاها واتنسم برايا عبيره راضى أنا بإرادة المولى روحى الهايمه الله دبيره ما بينسى الرضى ونجاه مكتوب فى الكتاب والسيره ببعد من حياتها اخله إلا مشاعرى فى خديرا لو يمكن تموت فى قلبى زمزم امكن يوم تجف بس بيره
يا خي ما معقول جعفر السقيد
انا العليت هواك براي لمن طال وطال معناي وقادر تاني برضو براي اهد اركانو غادي وجاى يا خي ما معقول تحبي سواي وتنسي وفاي وتغدري بي تهدى بناى تقرري تانى ترجعى لى يا خي ما معقول اكون لليلى مستنيك وراجى الرى حليلو زمن بسوقنى الشوق على لقياك رضى ورضى هسى بقيت يجينى نداك اطانش واقول مالى خريفك كان شلع براقو برفع لى كريم ايدي اقول حولينا ماها علينا تنزل في الهويد والصى رفضتا هواك من طرفك عشان ربطك مرخرخ ونى طويت ذكراك والاحلام ونجضتا الجرح بالكى ودقيت صدرى للأيام مسارب للأمل والضى بعد ماكنتى كل حياتى هسع ما بتمثلى شئ فرصه سعيده كانت بيك عليك بتعرف احزانى واعرف وين مقاس صبرى قوة عزمى وايمانى وحات الله ما محزون على الراويهو شريانى زمان اديتك المعدوم ووسدتك قليب حانى ومنك مالقيت غير طعنه سكنت فى صميم اعضاى وضرت ريدى ليك للريح وشدت للاماني قواى وشقيت بين حروحى دروب ومن غدر الحبيب نجاى وكت اظلم علي الكون وودع في النجم ضواى رغم البي من احزان وكنتا علي الفرح هداى والجرح البينتح جوه يطلع من صميمو غناى ما القمريه رغم النبله وصوت الطلقه والحاحاى مالى غناها عصرياتنا يوم ما خلت القوقاى
Post: #628 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-15-2007, 02:33 PM Parent: #1
Quote: ها ناس تعالو لي اللحدثكم أنا ماني فاقد الجنى الدكتور هيل امريكا دا البقولو ياسين ود الأراك... عليك امان الله قطع تذكرتي ومشيت ليهو في بلاد الخوجات نازل من سلم الداهي الطيارة قرب اقع اكسر كراعي ما اتملص من المركوب وابحت عشان اجيبو دفرتني بنية لابسالا برنيطة وجمطة في بنطلون زي الرجال شكيتها على الله ودا كلو فيدرب كان انشد لي خبر من الجنى ياسين شي.
لقيت لي وليد ازيرق ظنيتو من بطانا السودانيين وقت لو آ جنى بتعرف الجنى ياسين شبكني وس وس وس عليك امان الله ما فهمته منو شي لكن ولدا عديل بالحيل قادني من يدي ووداني لمكتب بي هوناك شغال فوقو وليد من وليدتنا قال لي اهلو في بقعة المهدي أمدرمان ولدا عديل بالحيل جاب لي فطورن زين وقعد ضاحكتو شويّ قت لو ماعندكم بصل باقي نحن ما بناكل السمك من غير شطي وبصل بالليمون ..قام في سراعو جابن لي وبعدما شرب كباية الشاي وطبقّتها بالقهوي الميها خمج سعلتو من الجنى ياسين كان بعرفو شي قال لي والله ما بعرفو لكن نسأل منو المهم جاي جاي فضل معاهو في بيتو خمسة ايام كل يوم يمرق ويصد واقول لي والله ما لقى لو خبر بس وكت قطع العشم لميت هديماتي في الشنطي والجنى وداني لعند خشم باب الطيارة وبعدها رجع وتراني الليلة طبيت معاكم هنا ألا ما لقيت خبر من الدكتور وعلى اول من وصل فتح البوست كان ألقالو خبر سي هو ولا الولية ست البنات دحين يا اخواني البنشد خبر أقول لي والله رويحتي دي دايري تمرق بوراهم مقلية قلي من الشوق ليهم
تحياتي وتقديري
خالد محجوب
إنت يا خالد أخوي... جعلي مرخص في الشايقية نحن ماني عارفين ولة شنو؟؟؟
Post: #630 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-15-2007, 02:58 PM Parent: #1
Quote: يابانه مابتصلى السـحاب بالله لاتتطاولى ايه الجنيتى بلا الخراب ليك كم سنين بتحاولى قبال يرضرضك الزمن مش كان أخيرلك تسألى وتعرفى سر قلبو الصبح من الندم صليان صلى يابانه غشاهو الأمان خدعو المقام المخملى ورغم الزمن وراكى وين لكنو قاسى تحصلى
عبد المجيد أخوي...
الشايقي من الزمن الجميل...
يا هلا بيك في حوش أهلك وأحبابك... شرفت ونورت... وجيتنا بالجمال والروعة...
عليك الله يا عبد المجيد شوف::
قبال يرضرضك الزمن مش كان أخيرلك تسألى
وتعرفى سر قلبو الصبح من الندم صليان صلى
شُفْت ليانْةَ القافية دي وحلاوتها زي السكر كيف؟؟!!!
أحييك أخوي وأحيي عبرك الشاعر المبدع خالد شقوري... حفظكما الله وخَدَّر ضرعاتْكم...
الأحباب دكتور ياسين والاستاذ حاتم هاشم سلام كتير يا أخوانا يغطيكم ويحفظكم في غربتكم لكن آناس لا تطوّلو علينا الغيبة نحنّ برانا قلوبنا الغربة عاملاها وزة ومي قاعدة فوق بكانة كنّا ساعلين وناشدين خبركم والجمع بيكم يجمع بأخيتكم ست البنات والله ما فضل حتى الطير ناشدنو من خبرها الخوف الكبير تكون بتخطط لانقلاب ولا تمرد
Quote: وتراني الليلة طبيت معاكم هنا ألا ما لقيت خبر من الدكتور وعلى اول من وصل فتح البوست كان ألقالو خبر سي هو ولا الولية ست البنات دحين يا اخواني البنشد خبر أقول لي والله رويحتي دي دايري تمرق بوراهم مقلية قلي من الشوق ليهم
Quote: الأحباب دكتور ياسين والاستاذ حاتم هاشم سلام كتير يا أخوانا يغطيكم ويحفظكم في غربتكم لكن آناس لا تطوّلو علينا الغيبة نحنّ برانا قلوبنا الغربة عاملاها وزة ومي قاعدة فوق بكانة كنّا ساعلين وناشدين خبركم
يا سلام عليك يا أخي وأستاذي خالد ينشد منك الخير اينما حللت التحية لك ولاسرتك مدووووووش شوية الأيام دي لكن متابع ابداعاتكم دعوني احي أخانا عبد المجيد على متن هذه اللقدابة التحية لأخوتي ابو الحسين وابوهاشم وشكراً على السؤال
طير المحنة الفنان عبد الرحيم البركل والشاعر الفاتح ابراهيم بشير أهداء للمنسي وابوهاشم وابوالحسين وست الناس في غربتهم وللجميع
Post: #636 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-16-2007, 07:02 AM Parent: #1
Quote: طير المحنة الفنان عبد الرحيم البركل والشاعر الفاتح ابراهيم بشير أهداء للمنسي وابوهاشم وابوالحسين وست الناس في غربتهم
ياسين أخوي...
صباحك هناء وسرور...
سألنا عليك كتير في غيبتك الفاتت... ورسلنا فوقك القَفَر خالد المنسي... تراهو جاب خبرك... لكن أنا قلت ليهم إنت الأيام دي مشغول بي شنو... بس مااااااسمعو كلامي قالو إلا يقفروك...
أها تراكا يا الحِبيِّب جيت وجرابك ملااااااااان... بي طير المحنة... حقيقة الأُغنية جميلة... وزايداها حلاوة... حلاوة الفاتح إبراهيم بشير في المقدمة دي...
كميات مودتي... وأبقى أظهر لا تغيب شئ... مع خالص تحياتي ومودتي... للأُسرة الكريمة...
أبو الحســــــــــين...
Post: #637 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-16-2007, 09:48 AM Parent: #1
Quote: الطير ناشدنو من خبرها الخوف الكبير تكون بتخطط لانقلاب ولا تمرد
لكم زوار الحوش لحدكم احلى التحايا والأشواق
خالد محجوب
فاكهة الحوش إبن عمي خالد...
باقيلَك قلباً حنيِّن وطيب زي ستهِن دي يكون عندها أفكار زي دي!!!
لوووووووووووووووول!!! إن بقت عملتها...
ست البنات يا غالية...
غيابك طال كفاية تعالي...
عليك يا غالية بَحَّ سؤالي...
لك يا ود المنسي وللجميع مودتي...
أبو الحســـــــــــــين...
Post: #638 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-16-2007, 03:49 PM Parent: #1
إخوتي الكرام...
عناية: خالد محجوب ود المنسي...
مساكم الله بالخير والرضا...
أهديكم مرثية الشاعر ود بادي العكودابي للراحل المقيم الإنسان الوطن إسماعين حسن (كامِلة)...
ارمي الدمعة فوق الدمعتين ياعين بعد الليلة حابسها الدموع لي مين نزيف الدنيا من حد البلد غربي ونزيف الدنيا لاحد البلد شرقي وجوم عامة الليالي العامره كل الدنيا خاتة الخمسة فوق اتنين رحيلك وجعة يا سماعين رحيلك نجعة من دار الفرح والزين رحيلك طعنة في لهات الحبى دريفين رحيلك وقفة فوق درب العليك باكين فيها نهاية المشوار وحد الفرحة والامال وحد الفال وحد الزين
ارمي الدمعة فوق الدمعتين ياعين ويعد الليلة حابسها الدموع لي مين بعد نزلت سكاكين القدر مسنونة ديل فوق ديل وشربت من بكرينا المعتق حالتو ياالداسنو من السيل وياالمحزون وحرابنا متكلات قدامو فوق مشنكسات الخيل وياالداخرنو من زمن الحساب شفعنا رابطين الحجر بالتيل وفجاءة يجينا من طرف السماء مريسيل ينعب فوق كلنكاكول غراب هابيل ويبقي رحيل رحيل كل الغيوم الهامعة متواسرات رحيل كل الشهور العامرة بالخيرات رحيل الطينة من طرف الجزر يومات رحيل الخضرة قدام منجل الهدام جفاف وممات رحيل البادية فوق برقا وراء نجيمات رحيلك مو رحيل أفراد رحيل اجيال رحيل بلدا تمام وكمال يا العرشت فوق نخل السواقي الشال واتمددت فوق النيل من الشلال وللشلال وياالهاجرت فوق ريش الرهو رحال تظل مرسوم علي باب الليالي سؤال بعد عشعشت في خاطر الغبش موال واتبللت من الموية بين السعفة والبلال بعد عرقك برق في ترابنا حد ما شال واتمددت غادي وجاي يمين وشمال بعد الحال منو البقدر يجيب غربال يغربل روحك المدسوسة في الاجيال وفي نفس الدغش مبثوثة في الشتلة ونداها السال بعد الحال منو البقدر يطاول حرفك المعقود علي برقا حرير وهلال مسطر فوق رقاب البرد فوق الصخرة والتمثال بعد الحال رحيلك ياالمشرشر في مداخل الدنيا كالاوصال رحيلك هزه في العقدة ومجامع الروح كما الزلزال
ارمي الدمعة فوق الدمعتين ياعين بعد اليلة حابساها الدموع لي مين كتير من شاف ديارو العامرة هاجت فوق درب وداي كتير من عدا فوق درباً بلا يوادع بلا يناشد كبار القوم وياخد راي كتير ياعين كتير الغابوا ماحضروا وكتير الراحوا ما عادوا وكتير البمشوا منو جاي الا الناعي عمرو الناعي ما طاف البلاد من جم وتبكي طويرة الاحزان سنين وسنين مصيرة تساسق المسكينة بين الباسا والباساي ترفرف من سخاي لسخاي وتسال عن صدور مغسولة بالدوباي و تنزل فوق حلقات مجالس الشاي تقول الشيخ وفي الشاشاي تبل الريق من الدمع البيوشل من ارامل الحي وتشرق بالرحيح في الردحه و الووب احي وتمرق من محاري الناس تولول فيها جرس الصي وتصرخ فايقة ياجلابة اقيفوا لي وتسعل ضايقة ما شفتوه زولا لي تضيع فرخاتا في المجهول ويرحل من دريبا الضي آه آه ياطويرة الاحزان آه لو كان تعرفي البي جرحك انتي صاب الريش وجرحا لي مسافر في النسيج الحي دريبي بعيد وحزني فريد ومما رحل البلبل الغريد بسرح في عيون الناس بسـأل ولوسؤالي يفيد كيف الدنيا تصبح دنيا والصيد يبقي ياهوالصيد؟ مين يقدر ينضم عقود منقوشة ترقد في حزوز الجيد ومين يضفر كلام الريد كلو جميل مصيرو يجي ومصيرو يفوت بلاتخليد كتاب الكون يظل مقفول بلا خاتمة بلا تمهيد وحتي النيل مصيرو يكون مجرد موية شاقة البيد منو البيقدر يجيب ليكم خباراتو رقصة موجو في الشاطئ رواويسو , حكاياتو رقاد القمرة جنب النجمة فوق رملا مراياتو ولما تغيب ينوم النيل موشح بعباياتو وزي ما النيل يضيع في الدلتا يتلاشي ويموت مشلول انحنا كمان تفيض امالنا تضيع تنشره في ساحل المجهول وا اسفاي وا اســــــــــفاي وا اسفاي علي حرفاً شمخ في الطول وكيف الليلة في بطن التراب مسبول حرام تبلينا يا ايام حرام تملينا شوق وهيام اتارينا بنشيل من حرفك الجواني يا سماعين ونقعد في حواشي الحضرة وانت تكب علينا غمام وماعارفين حروفك نازفة من شريان من دم القليب الاصلو مابريان لما شربنا لما طربنا واتلفتنا ما لقيناك يا انسان وشفنا روحيتك الشفافة ركبت هودج الاحزان محمل فوق جناج ملكين ودربو علي مشارف الواحد الديان قوايمو شقايق النخل الوقع حزنان مضفور بي سعف يابس مفرش بي كباد اماتنا والحبان مزمل بي حبال صبرا فقدناهو زمان مضلل بالدموع شرقان ........ عجيب ياهودج الاحزان مواسم الهجرة ما حانت ولا زمن الرحيل قد حان نسافر ليك وزادنا الشربه من بحر الحزن والاهه والحرمان وداك اليوم كان وداع الهودج المتهادي كان جامع رجلات الحضر والريف طيور السافل المحزونة جات بي ليله تاركةجناها للريج والمطر والزيف وروح ترهاقه والعباسي وروح أبواتنا وريحة الماضي كلها جات ملوك شايق .. وقف شاويش منكس بي حرابو واقف بي قفاهو تابعو شايل سيف وبعد الليلة كل بنية تلبس فوق صديره اكليل يكون مزروع فيهو قلب الشهيد وانت شهيدنا يا سماعين يا الله .. يا الله .. يا الله بعد ما شلت اسماعين وفات معاهو باقي كلام وباقي حنين يالله بعد الفجعة نظل شاكرين نظل واقفين علي بابك معاي طلبين يكون عبود مع ود توم كذا شاهدين قدام قبر الولي سماعين نظل واقفين يوم الليلة والباكر الي ماشئت يالله الي يوم الفصل والدين وداك اليوم يكون يومنا ونقالد شيخنا سماعين
وداك اليوم يكون يومنا ونقالد شيخنا إسماعين
وداك اليوم يكون يومنا ونقالد شيخنا إسماعين...
رحم الله شيخنا إسماعين وأسكنه الفردوس الأعلى مع النبين والشهداء والصالحين... وحفظك الله يا العكودابي وصح لسانك وخضَّر الله ضُراعك يا الحَبيب...
Quote: طير المحنة الفنان عبد الرحيم البركل والشاعر الفاتح ابراهيم بشير أهداء للمنسي وابوهاشم وابوالحسين وست الناس في غربتهم
الحبيب دكتور ياسين سنجك ميه واربعطاشر سلام عليك ورحمة من الله تنزل عليك تغطيك وتحفظك في بلاد اليانكي والله طير المحنّة ابى أشيل السلام للأهل ... وقعد ينقّد في أوتار الحسيس الني وألب علينا الوجع وجعين ... أنا ابقى لي كان الطير دا يرضى ويشيلنا نحن دا المطلوب ما دام ايمانا ضعف وبقينا نحسب اللقمي في بلاد الخواجات ومن دونها بنموت بالفاق
لك السلام والاحترام وأقعد وجع فينا ولمّهن لينا... طمبورن حنين وكلام يفتت الكلى ما أصلو القليب زحا من بكانو من زمن بعيد
Quote: باقيلَك قلباً حنيِّن وطيب زي ستهِن دي يكون عندها أفكار زي دي!!!
لوووووووووووووووول!!! إن بقت عملتها...
ست البنات يا غالية...
غيابك طال كفاية تعالي...
عليك يا غالية بَحَّ سؤالي...
لك يا ود المنسي وللجميع مودتي...
الحنين الزين السنجك أبوالحسين مسّاك ربي بالخير ويعدل خطوّتك شقيش ما تقبل آ المبروك اي بالحيل الحنينة ست البنيات ما بتسوي كدي لكن آ حوي مانّي لقيلا خبرن تب يا الله الكريم في الدنيا كلّ مناي تسمع ست البنيات كلامك السمح دا فيها وتطل علينا تسعد ايامنا عبر الأثير بكلامها الحلو المزاق قول آمين ست البنات سامعانا ...... والله مشتاقين كتيييييير
أهديكم مرثية الشاعر ود بادي العكودابي للراحل المقيم الإنسان الوطن إسماعين حسن (كامِلة)...
يا سلام يا السنجك لي زمن وبدور على هذه القصيدة تسلّم يا يابا من كل بلا سمعتها مرة واحد في أواخر التمنينات برواية ود بادي في حفل ومن يومي وبدور عليها كدي هسع خلني النقراها واسجلها في دفيتري القديّم
ناس الحوش سلام الصورة دي جاتني هدية من الجنى الظريف طارق حسين من نوري شرق وهو بأذن الله الشهر الجاي ماشي البلد ووعد أنو يجيب لي صورن كتتتار بالحيل ما تخافو بنزلهن جت عليهن ما بدس واحدي
الحبان خالد ابوالحسين ابوهاشم ست الناس والزوار سلام لقد ارسل لي اخونا قيسان Gessan ايميل يقول انه مظهور بود كرم الله وطلب مني ارسال طرد من الأغاني لذلك اسمحوا أن أضعها له هنا حتى يتمكن من سماعها وحفظها For opening and saving: Either: 1/ Ctrl+ click File Save target as
Or 2/ Right click Save target as
ولكن أضع لكم طعم الدروس جاهزة حتى اشعار آخر دون تحكم
Post: #644 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-17-2007, 07:00 AM Parent: #1
Quote: الحبان خالد ابوالحسين ابوهاشم ست الناس والزوار سلام لقد ارسل لي اخونا قيسان Gessan ايميل يقول انه مظهور بود كرم الله وطلب مني ارسال طرد من الأغاني لذلك اسمحوا أن أضعها له هنا حتى يتمكن من سماعها وحفظها
والله لكن قيسان دا طماع خلااااااااس... يعني ماها واحدي ولة إتنين... طرد عديييييييل كدي... يستاهل قيسان وكل معجبي الفن الشايقي الأصيل...
أها يا د. ياسين أنا أصلي ما طلبت منك طلب... لكن من أمس في أُغنية معشعِشة في راسي دا...
تراني حلفت بي الله وتااااااااني بقول وحات الله...
وِكت السمحة في هيباتها تتجلى...
تشيل خطواتها في إيقاع حلات إيدينا في التلة...
تودي صديرة قدامها... تخلي سبيبها يتدلى...
وتخلي الدارة فوق نيرانها تتقلى...
للفنان عثمان اليمني...
إنت عارف الأُغنية دي أنا عندي في شريط كاسيت... وقاااعد أسمعها... لكن داير أكبر قدر من رواد الحوش دا يسمعوها... فيها كلمات (دَارَة) من النوع الجميل... وإيقاع راقص بي طريقة ما تتخيلها...
فعليك الله يا اخوي لو دي في جرابك نزلها لينا...
ولك مودتي... وتشكرات على طرد ود كرم الله وََصَل وقُمنا باللازم...
أرمي الدمّعة فوق الدمّعتين يا عين بعد الليلة حابساها الدموع لي مين نزيف الدنّيا من حد البلد غربي نزيف الدنّيا لحد البلد شرقي وجوم عامة الليالي العامرة وكل الدنيا خاتّه الخمسه في الاتنين
سؤّل الشاعر ابن الروم::: ماهو اصدق ما قلت وما قال الشعراء في الشعر:: أجاب قائلاً الرثاء .. نقوله وقلوبنا مكّلومة فجعه ويكسوها الحزن العميق وابن الروم هو ذاك الشاعر صاحب الرثاء المشهور في ابنه الأوسط ( محمد ) وقال فيه :
توخى حِمام الموت أوسط صبيتي فلله كيف اختار واسطة العقدِ
أولادنا مثل الحوار أيهما فقدناه كان الفاجع البين الفقدِ
لكل مكان لا يحل أحتلاله مكان أخيه من جذوع ولا جلدِ
هل العين بعد السمع تكفي مكانه أم السمع بعد العين يهدي كما تهدِ
يوم رحيل الشاعر الكبير سماعين ود حسن فعلاً كان يوم اسود على كل أهل السودان شمال وجنوب وغربا وشرقا بكاهو القاصي قبل الداني وبكى الغريب قبل الحبيب بكتو الريم والغزلان ترتع في خلاها... وبكتو الجوامع اللنبنت دانقيل لقراية العلم وكلمة التوحيد بكنّو الأبكار في خدورهنّ بكو الرجال ودموع الرجال قلّ ان تراها وكيف لمثلي أن يقف أمام هذيّن القامتيّن الشامختيّن الراثي والمرثي ويقعب الشاعر ود بادي العكودابي الفحل يرثي اباه سماعين ود حسن
أرمي الدمّعة فوق الدمّعتين يا عين بعد الليله حابساها الدمّوع لي مين
على ما يبدو أن الشاعر أصيب في فقد عزيزين وقد يكونا والديه لذّا قال مخاطب العين التي رمت دمعتين من قبل ، أن تطّلق العنان للدموع تزرف اليوم على فراق سماعين ولسان حال الشاعر يقول مافضلي عزيز بعدو في شان ابكي علي وقد كان الساس والراس والسند والعقاب والدخري
نزيف الدنيا من حد البلد غربي نزيف الدنيا لحد البلد شرقي
رحيل الشاعر سماعين كان جلل ومنو مننا ما سمع بكلامو المنضوم درر.. ووكتين بندلق ينزل عسل... ووكتين توعاه يشجيك نغم وطرب
بعد ايه جيت تصالحني بعد ايه بعدما ودّرته قلبي الكنتا فيّّ
ضيعوك وودروك وانت ما بتعرف صليحك من عدوك أستغلوا الطيبة وبي اسم العواطف خدعوك
كل الدنيا خاتّه الخمسة في الاتنين
العمير ... محدود وكل واحد منّا ليه يومه لكن ساعة تلقي الخبر بتحصل الوجّة والفجّعة مما يوجب التصبّر والأحتساب في الله الواحد الأحد الباقي وقد أبدع ود بادي في هذا التشبيه من اثر الصدّمة أن كل الناس ختو الخمسة في الاتنين وهذا يعني أنهم وضعوا اصابع يدهم الخمسة في الاتنين وهما الشفتين وهذا كناية عن التعبير لما لا يستطعون رده وهو ( القدر ) وما وما كان باليد حيلة تلك اللحظة غير القيام بهذا العمل وقد جرت العادة في بلادنا عند الاستغراب والاستنكار وان ترى المرأة وضعت يدها في خدها وقالت عقب ذلك ( أجي يا بنات أمي ) .. وعند الفجعة وعدم الحيلة تكون تلك الحركة وضع الخمسة في الاتنين دون تعقيب قد يؤدي لكفر واعتراض على أمر الله وحاشا أن نعترض في أمر قضاه الله بل نقول اللهم لا نسألك رد القضاء ولكن نسألك اللطف فيه ونوحد ونشهد في تلك اللحظات العظام ومن ثبت قلبه فيها بالايمان فاز لذّا أعجبني تعبير الشاعر ود بادي وهو يصور حال الناس في ذاك اليوم يوم الرحيل بهذا البيت الجميل.
الحبيب السنجك د. ياسين مسّاك الله بالخير ... تسلّم يابا وشاحدين الكريم العطاي كل يوم يرسلو ليكَ طرد مرة محمد كرم الله ومرة ودجبارة ومر اليمني وغيرهم في شان جرابك تب مايخلا وان شاء الله عامر بي دا وبي غيرو من مجاميجعو وكل ما تتمناهو نفسّك الطيبة
Quote: أها يا د. ياسين أنا أصلي ما طلبت منك طلب... لكن من أمس في أُغنية معشعِشة في راسي دا...
تراني حلفت بي الله وتااااااااني بقول وحات الله...
وِكت السمحة في هيباتها تتجلى...
تشيل خطواتها في إيقاع حلات إيدينا في التلة...
تودي صديرة قدامها... تخلي سبيبها يتدلى...
وتخلي الدارة فوق نيرانها تتقلى...
للفنان عثمان اليمني...
الأستاذ الحبيب ابوالحسين لك الود وجدت لك تسجيل بصوت ود كرم الله ان شاء يبل جوفك المحروق كانت لي محادثة ردت روحي واستعادت ايام جميلة مع الحسين العباس واسرته الوقرة له شكري عبرك
Post: #651 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-18-2007, 07:14 AM Parent: #1
Quote: أرمي الدمّعة فوق الدمّعتين يا عين بعد الليله حابساها الدمّوع لي مين
على ما يبدو أن الشاعر أصيب في فقد عزيزين وقد يكونا والديه لذّا قال مخاطب العين التي رمت دمعتين من قبل ، أن تطّلق العنان للدموع تزرف اليوم على فراق سماعين ولسان حال الشاعر يقول مافضلي عزيز بعدو في شان ابكي علي وقد كان الساس والراس والسند والعقاب والدخري
نزيف الدنيا من حد البلد غربي نزيف الدنيا لحد البلد شرقي
الله ينصر دينك يا إبن عمي...
إنت عارف يا أُستاذي... أنا لمن نزلت القصيدة دي... أكتر ما مشتهيهو تعليقك وتحليلاتك ليها... وهسع أنا في قمة الإستمتاع وأنت تماذج إبداعات ود بادي بي إضافاتك الجميلة لروح قصائده...
د. يس... تشكرات تشكرات على الهدية... وإن كان ما تقول لي طماع... تاني زانالي أُغنية في راسي... من النعام آدم... لكن أخليها طلب تاني...
الله يديكم العافي في عضيماتكم وإنشاء الله لمةً دايمي... وتقبل تحيات الحسـين العباس وأولاده... وعازمكم يوم السبت بي غادي في حوش التهنئة عندنا قراية مولد وبرَّاق...
إخوتي الكرام...
معليش أنا أكتب في هذه الرسالة وماني عارفها حا تمشي ولة عندها راي... الليلي من الصباح الإنترنِت عندنا حارن... فيااااااااااارب سترك معاي... ونتقابل يوم السبت لو ربنا حبس العوارض...
كميات مودتي... وأبقوا عشرة علي العقاب لامِن أجيكم...
Quote: الحبيب السنجك د. ياسين مسّاك الله بالخير ... تسلّم يابا وشاحدين الكريم العطاي كل يوم يرسلو ليكَ طرد مرة محمد كرم الله ومرة ودجبارة ومر اليمني وغيرهم في شان جرابك تب مايخلا وان شاء الله عامر بي دا وبي غيرو من مجاميجعو وكل ما تتمناهو نفسّك الطيبة
لك التحية والتقدير
خالد محجوب
Thanks Ustazy Khalid please write more about Dr. Badae words
إرتدت هذا البوست أكثر من مرة في بداياته وبعدها وقفت على أعتابه أكثر منك ومن جميع المتداخلين وفي كل مرة كنت أرتد على عقبي دون أن أدخل أو أشارك وذلك لسببين أولهما خوفي من أن تقع عيناي على ما يسئ إلينا إذ أن بعض الإخوة سامحهم الله إمتهنوا الهجوم علينا والإساءة إلينا فما أن يأتي ذكر الحكومة أو الحرب حتي ينبري أحدهم ويكيل لنا الإساءة والإتهامات والتعميم الجائر...وثاني الأسباب هو أن جميع المتداخلين يأتون بحكاوي وأشعار وأغان من التراث وأنت أدري الناس بفقرنا المدقع فيما يختص بتراث أهلنا الثر من رقيق الشعر ..ألم نصنف بأننا (طير صعيد)؟؟؟؟ ولأننا طير صعيد يشكك البعض في النسبة المئوية من دماء الترابلة في عروقنا...وبما أنني طير صعيد أقر بأنني لن أقدر على مجاراتكم فنيا وتراثيا ولكن سأحكي لك قصة طريفة فيما يختص بكوننا طير صعيد....
كان حضوري للمملكة في المرة الأولي في الثمانينات وتحديدا نزلت بالدمام..ووجدت أحد أبناء البلد يعمل مع مجموعة كبيرة من الشوايقه ويسكنون جميعا في منزل واحد..كان بينهم أكثر من شاعر وكانت لهم ليالي أنس وشعر غاية في الدفء والروعة..سعدت كثيرا بانضمامي إليهم ووجدت في تقربي منهم تأكيدا لإنتمائي للنيل والنخيل والجروف وشيخنا الأمين ود الزاكي وجدي المأذون وناس أنس والسفير وجمال ومحمد ود ستي عيش وعمي أب شنب وعمي العوض ود التومي..ولكن كان بينهم شاعر سليط اللسان صار صديقا لدودا ..كان في كل أمسية خميس يأتي بقصيدة يمجد فيها السناجك ويهجو فيها أولاد البندر..طير الصعيد المنعمين....كنت أبتلع غيظي وأسكت وأحيانا أرد عليه بأنه به جاهلية بغيضة..وأن مايقوله من الحلمنتيش كتبناه ونحن في المرحلة المتوسطة والثانوية ..وفي مرة بلغ بي الغيظ مداه فقلت له ( والله زي شعرك دا أكتبه وأنا واقف في.......لا مؤاخذه)جاءني يوما الأخ حسن محمد خير السيد (وكان وقتها يعمل بمستشفي عبد الله فؤاد...المانع حاليا ) ومعه أخونا الفنان ........ كان ذلك قبل شهر رمضان بيومين أو ثلاثة..كنت وقتها أجهز نفسي للسفر إلى القاهرة لإتمام مراسم زواجي في العيد وكان قد سبقني إليها الوالد والوالده عليهم رحمة الله...بعد تقديم واجب الضيافة..أخذني الأخ حسن وأنتحي بي جانبا وقال لي أن الأخ ........... قادم من دولة قطر حيث إتفق معه إصدقاءه وهم صديقي اللدود وأخ اّخر من نفس المجموعة على الحضور إلى الدمام لإحياء حفلة خلال أيام العيد ومن ثم يسافر معهم إلى الشمالية لإحياء حفلات زواجهما وجاء الأخ........وهو يمني نفسة بحفلة (محضوره) ففوجئ بانهما قد جهزا نفسيهما للسفر في نهاية الأسبوع الأول من رمضان وأنهم لم يرتبوا شيئا للحفلة التي وعدوه بها وتكبد عناء السفر وتكلفته من أجلها....ذهبنا إليهم وجلسنا معهم جانبا للبحث عن مخرج..فقلوا أنه لا مشكلة ..وأنهم بصدد ترتيب حفلات دكاكينية في عدد من منازل العزابة بالدمام والخبر...عندها أنتفض التربال الساكن أعماقي..وقلت لهم ( أسمعوا ياجماعه..كتر خيركم الراجل ود حلتي ويمين ما بتسوقوه يمشي يطمبر ويشحد من بيت لا بيت..وربنا يرحم الرجاله)..المهم لا أطيل عليكم لم يكن أمامي إلا الجري من بداية رمضان من الأماره للمباحث للهيئة ومعي الأخ...... حتي تمكنت من إستخراج التصريح (بدعوى أنه حفل زواجي) في آخر أسبوع من رمضان وكان من البديهي أن يتأخر سفري إلى ما بعد العيد حيث أقمنا الحفل في فندق صغير وجدته عند عودتي الثانية للدمام قد أصبح أثرا بعد عين...الطريف في الأمر أنه خلال المساسقه طوال أيام شهر رمضان وكان الوقت صيفا..أصبت بحساسية في ظهري..وفناننا معروف عنه خفة الدم والنكتة..فكان يغني لي وهو معي في العربة : العروس تحسب تضّرب(بتشديد الضاض وفتحه وكسر الراء)...........والعريس مسكين مجرب(أي مصاب بالجرب) أبيات حلمنتيتشيته طويلة لا أذكرها.
المهم عند عودتي من القاهره وجدت الترابلة أخوان البنات قد وصلوا قبلي..فكتبت حلمنتيشية طويلة وضعتها في مظروف وأرسلتها لهم مع المراسله إلى مكتبهم :
شوايقه شنب وكوم عمه وناس بتجوط وتتلمّ وقولة كع يقيفوا صفوف ويرقدو صوف وتمسع واي وتسمع وي وتسمع.......... ووينك ليا يا يمه ناس في البارده يبقوا أسود وأسياد الكرم والجود ولابسين الشجاعه عقود وساعة الحاره يبقوا قرود وكت الخوف يدخل الجوف يحاكوا الجردل المقدود سناجك قال سناجك قشره بالطاقيي والعراقي والسروال وقولة نحنا بالشوال وكتين نحنا نتنبر نكوس الحن وراهم نجري نتحشّر يقولوا بعيد نحن حديد وراينا سديد وإنتو ورق... ولاد بندر نحنا صحيح ولاد بندر لاكين العرق دساس عراقاب نحن معروفين كبيرنا الزكي خات الساس .............................. .............................. ............................ ........................................ وماتبقى من الحلمنتيشية لا داعي لذكره هنا...سأحدثك بحديثه حين ألتقيك..عقد وقتها مجلس صلح....وياجماعه صلوا على النبي.....ووضعت الحرب الحلمنيشيةأوزراها وتاب الأخ توبة نصوحا من مهاجمة طيور الصعيد..خوفا من أن يكون وراء كل طير صعيد يرتدي الشارلستون..تربالا نصيح وفصيح.
هترشه: إنت عارف الألمان فيهم شوايقه كتار خلاس...صاحب مصنع مرسيدس شايقي...وكان مكضبني عاين للمارسيدس ..مثلا ال 200 اسطباتها مشلخه تلاته عرااااض وسمحات..نشوف الناس الأنتي شايقست حتهاجم الألمان ولا حيبلعوها زي ما بلعوا كتير. وأخيرا....قال المصطفي عليه الصلاة والسلام( دعوها فانها منتنه).... أفخر بانتمائي للسودان كله من نمولي إلى حلفا ومن أقصي غربه حتي سواحل البحر الأحمر...وأحمد الله أن جعلني تربالا..محبا لكل.. لكم كل الود
الرثاء ... يحلو لي أن اسميه باللهجّة السودانية البحتّه ( المناحّة ) أجد فيها المعنى يصبح أعمق عمق الفاجعة والكرب الذي يلم الناس بفقد عزيز كان أمس بينهم . المناحة هي قصيدة يذكر فيها محاسن الميت وكان يحظو بها أعلام البلد أو المنطقة وقديماً كثر هذا الضرب من الشعر وكان في الغالب الأعم ينظم أبياتها النساء. تنظم المناحة عادةً بعد الوفاة ولا تنشد ألا في أول مأتم يعقب موت الذي نظمت فيه، وجرت العادة قديماً بعد دفن الميت أن تقام ( النقارّه ).
وهي عادة فيها الكثير من الأعتراض على أمر الله وقضائه وقدره... فيها وفي شمشن تصر العين يتحزّمن النسوان كل واحدة كاربة توبها في وسطها مكشوفة منهاالجزء الأعلى كاشفة الرأس حافيات الأقدام والدموع نازلة شلال متحدّر بين في مجرى الشلوخ.. تعلق النقارّة في شعب والتي تضرب عليها تكون من المتخصّات في ضربها... في رمضاء تقلي الحبّه تجدن واقفات وتبدأ النقارة ومعها ترتفع النقمات في صورة منتظمة ( حي ووب حي ووب ... ووب حي ووب حي ) حتى تنخار الأجساد وتبح الأصوات عندها تنبري واحدة من أهل الميت الذي نظمت فيه المناحّة ويتم اختيارها على أن تكون جهورة الصوت .. وتبدأ في أنشاد المناحّة وفيها تعدد محاسن وأمجاد ميتها التي نظمت فيه من قبل.. بعدها تعاود النقارة من أول وجديد ( حي ووب حي ووب ... ووب حي ووب حي ) ثم تعاد المناحة مرة اخرى وهكذا إلى مغيب شمش ذاك اليوم. هناك الكثير من المناحات المشهورة في تلك النطقة. مناحّة بنونة بت المك نمر وهي ترثي آخاها عمارة وكان في موته قصة يقال أن عمارة كان في فارس في عصره وخاض ما خاض من معارك مع الجعليين وفي نهاية امره مات بمرض الجرب ومعروف قديماً كيف يعالج الجرب ... كانو يدلكو الجسم بالرماد في القروح الناجة من الجرب والحكّة.
أن وردّن بجيك في أول الواردات مرنن هو نشيط هن قبلّن شاردات اسد بيش المرمش قمزّاتو مطبقات وبرضع في ضرايع العنز الفاردات
ما دايره لك الميته أم رمادّن شح دايراك يوم لَقى بدميّك تتوشح الميت مسولب والعجاج إكتّح أحيّا علي سيفو البسوي التح
القصيدة طويلة كدي نرجع لناحّة ود بادي في سماعين ود حسن
رحيلّك وجعّه يا سماعين رحيلّك نجعّة من دار الفرح والزين رحيلّك طعنّة في لهات الحبّى دريفين رحيلّك وقفة فوق درب العلييك باكين فيها نهاية المشوار وحد الفرحة والآمال وحد الفال وحد الزين
وجعّة ... نجعّة ... طعنّة ... وقفّه ... نهاية مشوار ... حد للفال ...... لو تأملنا كل مفردة من السابقات أعلاه نجد كل واحدة تحمل في طياتّها الكثير من ألألآم
الوجعّة وماها وجيعت البطن لكن دي وجعي من نوع تاني فجعة القلب وحزن كل عصبة أحساس تولد تلك الوجعّة والتي يصحبها الكثير من العبرات وبالعامية السودانية ( أبكي بكى حرقّة لامن أتنخج ) وتلك الوجعي كانت يوم رحيل سماعين.
النجعّة وهي مفارقة الدار وعادة تكون دون رجعّة ولا تطوّل العودة للبلد ... يقال نجع اي فاق ومو معروف يعود ولا لا . والناجع اكيد نجع مجبور وخلا ورا دار أهلو دار الفرح والزين قاصد بلدن يلقى فيها ما دعاهو للنجوع ... ويظل فيها يتاورو الشوق والحنين للأهل والبلد وما بتهدالو وريحة.
طعنّة .. الطعنّة لما نسمعها نحس بالوخذة وشبه ود بادي رحيل سماعين كنو زي الطعنّة التي تلقاها الوليد اليا دوب درفين وشبّ في حب بنية لكن لم يوفق وجا أخو البنيات من السعودية وختفّها وراح
وقفّة .. والوقفّة هي تأمل وتمحيص لما يجري حولنا مع انشداها اي واقفين منشدهين ومن هم .. هم الباكين عليهو وحزنانين عليهو .
كذلك يوم رحيله كانت نهاية المشوار الطويل الذي مشاه سماعين من كان وليدن شافع وهو يتغنى ويطرب وينشد غناهو سارت به الركبان ... غناهو يواسي للحبان ... غناهو ياأنس الناجعين من بلاد الطيبة والأخوان وأجمل ماقال في هذا المقطع أن رحيله كان حد للفال وحد الزين وهنا نجد التورية الجميلة التي استخدمها ود بادي وهو معنى قريب وهو متبادر للزهن هو نهاية للزين والفرح والفال ومعنى بعيد وأن رحيله سوف يكون نهاية ولا تأتي بعدها دواوين شعر اخرى بعد دواوينه السابقة ومنها حد الزين يا سلام يا ود بادي يسلم فوك ونحب فيك ذاك الغوص في عمق الكلمات
Post: #678 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-21-2007, 07:05 AM Parent: #669
فوووووووووووق... لزوم الصفحة السابعة تجي...
Post: #684 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-21-2007, 08:17 AM Parent: #678
Up
Post: #676 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-21-2007, 06:55 AM Parent: #668
Up
Post: #677 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-21-2007, 06:57 AM Parent: #676
إنت عارف يا د. يس أنا أمس إتصلت علي بكري أبو بكر... عشان يعالج الخلل في مداخلة أُستاذنا موسى دي...
ورسلت رسالة بالماسنجر للأُستاذ موسى... عشان يعدل المداخلة...
فأرجو من الإخوة رفع البوست لاحدي ما يعدي الصفحة الثامنة لمن يجي أُستاذ موسى يعالج مداخلتو أو باشمهندس بكري...
مودتي...
Post: #679 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-21-2007, 07:23 AM Parent: #668
Up
Post: #681 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-21-2007, 07:44 AM Parent: #668
Up
Post: #683 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-21-2007, 08:13 AM Parent: #668
الأخ موسى...
شايفك عملت آخر رد...
لكن ما عدلت الصفحة الفيها المشكلة...
وهي ردك بتاع أمس...
أرجو القيام باللازم...
كميات مودتي...
أبو الحســـــــــــين...
Post: #659 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-20-2007, 07:28 AM Parent: #1
Quote: الأخ أبو الحسين
تحياتي
إرتدت هذا البوست أكثر من مرة في بداياته وبعدها وقفت على أعتابه أكثر منك ومن جميع المتداخلين وفي كل مرة كنت أرتد على عقبي دون أن أدخل أو أشارك وذلك لسببين أولهما خوفي من أن تقع عيناي على ما يسئ إلينا إذ أن بعض الإخوة سامحهم الله إمتهنوا الهجوم علينا والإساءة إلينا فما أن يأتي ذكر الحكومة أو الحرب حتي ينبري أحدهم ويكيل لنا الإساءة والإتهامات والتعميم الجائر...
باشمهندس الزاكي... ود شيخنا ود الزاكي... (اللهم أرضى عن آل الزاكي)...
يا اخوي شرفت والله ونورت حوش الشايقية من جَمْ...
كدي الأرد ليك لي أولاً دي وأجيك بعدين لي ثانياً...
نحن يا اخوي في حوشنا دا... لا عندنا قضية بي حيكومات ولا سياسة... السياسة والخنِق والفطِّيس محلها بررررررررررة... نحن هنا بس دعوة للتوثيق لتراثنا السوداني الأصيل... كغيرنا ممن يوثقون لتراث إصولهم... ودعوتنا للجمال والحُب والمودة والصفاء والنقاء...
الدايرنا يا اخوي كدي... اليجينا... لكن الدايِر يصوط ويلخبِت مااااااااعندو مكان بيناتنا هني...
قصيدة شعر... رنة طنبور... قصة جميلة... توثيق لمجد تليد نسأل الله يغفر لمن أسسوه ويدي الصحة والعافي لمن سار على نهجهم...
والحوش حوش الجميع يا اخوي... مننننننننننن حلفا ليييييييييي نمولي... ومنننننننننن بورسودان (دي عشان الزاكياب الهناك) ليييييييي الجنينة...
ولك قواسيب مودتي... وأبقى قريب.. جاييك لي ثانياً...
أبو الحســــــــــــين...
Post: #662 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 01-20-2007, 04:44 PM Parent: #659
Post: #663 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-20-2007, 05:00 PM Parent: #662
الأخ الكريم أُستاذي... موسى ود شيخنا الحسين...
سلام وكل عام وأنت بخير...
يا اخوي مشاركتك دي.. بروَقَت البوست مرة واحدي...
كدي حاول عالجها...
وقبل كم يوم كدي تكلمنا أنا والأخ الحسين العباس في سيرتك كتييييييير... وكان أرسلت ليك تليفوني في الماسنجر أرجوك الإتصال...
أرمي الدمّعة فوق الدمعتين يا عين بعد الليله حابساها الدموع لي مين بعد ما نزلت سكاكين القدر مسنونة ديل فوق ديل وشربت من بكّرينا المعتق وحالتو يا الداسنّو من السيل ويا المخزّون وجرباتّنا متكّلات قدّامو فوقو مشنكّات الخيل ويا الداخرنو من زمن التساب وشفعنّا رابطين الحبل بالتيل
وفجأة يجينا من طرف السماء مرسيل ينعي فوق كلنكاكول غراب هابيل ويبقى رحيل رحيل كل الغيوم الهامعّه متواترات رحيل كل الشهور العامرة بالخيرات رحيل الطينة من طرف الجزر يومات رحيل الخدّرة قدّام منجل الهدّام جفاف وممات رحيل البادية فوق برقن ورا نجيمات
رحيلك مو رحيل أفراد رحيل أجيال رحيل بلدّن تمام وكمال يا العرشتّه فوق نخل السواقي الشال واتمدتّه من الشلال وللشلال ويا الهاجرتّه فوق ريش الرهو رحال
تظل مرسوم علي باب الليالي سؤال بعد عشعشتّه في خاطر الغبش موال اتبلبلته من المويه بين السعفة والبلال بعد عرقّك برق في ترابنا حد ما شال واتمددت غادي وجاي يمين وشمال
ويسترسل الفحل ود بادي في رثاء شيخه سماعين ود حسن وتحس كل كلمة في مرثيته مارقة من قليب موجوع حزين علي فراق استاذه وشيخة وابيه واخيه الأكبر نعم قد كان سماعين لودبادي كساري المولد في علوه ومقامه لذا ما ستغربنا أن يطلع هذا الرثاء الجميل الذي يحمل كل حرف فيه آنة ووجعة ودمعة.
الأبيات الثالثة الأولى في هذا المقطع ترجعنا ونيقن أن ودبادي أصيب قبل مصابه في سماعين في عزيزين وقلنا احتمال أن يكونا والديه ويثبّت ذلك أنه قال ( بعد نزلت سكاكين القدر مسنونة ديل فوق ديل ) اتعاقبت عليه المحن قبل موت شيخه سماعين.
البكري المعتق :: نقف أولاً في كلمة بكري ... والبكر من كل شئ هو أوله بكري الجبنّه وبكري النبيذ ... وكمان معتّق اي محفوظ من زمنن بعيد قد يطل لمئات السنين ( بالمناسبة أنا اسكن في هنقاريا في منطقة مشهور بتعتيق النبيذ مشهورة على كل مستوى اوروبا ويكمن ان اشرح كيف يعتّق بعد عصر العنب بنوعيه الأخضر والأحمر وكل واحد يعصّر لوحده ويعبأ وبعدها يكتب عليه تاريخ التعبئة ويحفظ ومكان الحفظ يكون في نقف في الجبل قد يتفاوت طوله حسب أمكانيات صاحبه اي قد يصل النفق لاكثر من كيلومتر وتوضع البراميل الخشبية أو الزجاج في رفوف .. وقد تجد بعض أنواع النبيذ عمرها اكثر من مئة سنة وكلما كان النبيذ قديم صار غالي ) مو اعتراض علي القدر ونعلم أنا شيخنا ود بادي راجل موحد ومتديّن ودا تب ماعندنا فيهو شك لكن المصاب كان اكبر .. بقول القدر جانا في الشي الداخرنو ومعتّق قديم وغالي علينا ومع اننا كنا عاملين حسابنا عليهو شديد وداسينو ونضارف عليهو وخاتنو في حدقات العيون لكن قدر الله أن وقع وما بتحجب مقدور.
من زمن التساب : سنة التساب هي السنة التي علا فيها منسوب نهر النيل وحتى الان يقارن بها في كل فيضان وكانت سنتن فاض فيها البحر في عام 1946 وحتى يومنا هذا يؤرخ بها ... ها زول الجنى دا مولود من سنة التساب. وسميت بهذا الأسم والله أعلم لانها قمحّت الناس الزارع الراعي وهدّمت بويتات الطين الني وما خلّت شي ومرقو الناس منها بيض.
في داك اليوم نفد عمير سماعين ونعاهو لنا غراب هابيل من قمة كلنكاكول وكان رحيله من دنيانا زي رحيل الغيموم المحملة وكل زول مأمل فيها ما تفوت بليدو لكن سحابها يمشي والعين تابعا.. الرحيل قد يكون بالخاطر لكن رحيل سماعين وتلك السحب ما كان بالخاطر فهي مسيّرة بأمر الجليل الرحمان .. بالله شوف كيف جمع ود بادي بي رحيل سماعين ورحيل تلك السحب وكذلك في الابيات التالية نجد انه شبه رحيله كرحيل الشهور العامرة وهي شهر رمضان وذو الحجة وهي اشهر يتضاعف فيها الأجر والثواب.. ورحيل الطينة من الجزر والبحر ينخر فيها يوماتي ويموص طينها لا من وتدوب في البحر ..كذلك كرحيل الخدرة أمام الجفاف .. رحيل البدو لامن اشوفو لن برق ضارب بعيد ويعرفو وين نازل ويشدو الرحيل شايلين مكان الروى لهم ولبهائمهم. رحيلو كان رحيل كل الاجيال التي وثق لها تلك الفترة من اندادو شعراً وغناء وادب .. ذاك هو سماعين ود حسن القامة الشامخة شموخ القمر فينا والقريب مجرى الدم فينا سماعين البحر سماعين البادية سماعين القرية سماعين الرحيل سماعين الهجرة سماعين المحبة سمعاعين الصحرا سماعين الرملة.. الجرف الساقي.. النخلة .. السدرة .. الجبل .. الحوش .. البيت الكبير... الديوان .. الصفرة.. سماعين النمة الدوبيت الكلمة ... سماعين خلوة التلاوة وسجادة الصلاة سبحة الموحد هذا هو ما اراد قوله لنا ودبادي .
Post: #682 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 01-21-2007, 08:07 AM Parent: #662
Post: #680 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: عمران حسن صالح Date: 01-21-2007, 07:38 AM Parent: #659
أبو الحسين يسعد صباحك آآيابا حاجز لي طوبةً كبيري هنا وبجيك صاد برواااااااقة عمران ود حسن ود صالح الحوشابي
Post: #660 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-20-2007, 10:38 AM Parent: #1
Quote: الرثاء ... يحلو لي أن اسميه باللهجّة السودانية البحتّه ( المناحّة ) أجد فيها المعنى يصبح أعمق عمق الفاجعة والكرب الذي يلم الناس بفقد عزيز كان أمس بينهم . المناحة هي قصيدة يذكر فيها محاسن الميت وكان يحظو بها أعلام البلد أو المنطقة وقديماً كثر هذا الضرب من الشعر وكان في الغالب الأعم ينظم أبياتها النساء. تنظم المناحة عادةً بعد الوفاة ولا تنشد ألا في أول مأتم يعقب موت الذي نظمت فيه، وجرت العادة قديماً بعد دفن الميت أن تقام ( النقارّه ).
وهي عادة فيها الكثير من الأعتراض على أمر الله وقضائه وقدره... فيها وفي شمشن تصر العين يتحزّمن النسوان كل واحدة كاربة توبها في وسطها مكشوفة منهاالجزء الأعلى كاشفة الرأس حافيات الأقدام والدموع نازلة شلال متحدّر بين في مجرى الشلوخ.. تعلق النقارّة في شعب والتي تضرب عليها تكون من المتخصّات في ضربها... في رمضاء تقلي الحبّه تجدن واقفات وتبدأ النقارة ومعها ترتفع النقمات في صورة منتظمة ( حي ووب حي ووب ... ووب حي ووب حي ) حتى تنخار الأجساد وتبح الأصوات عندها تنبري واحدة من أهل الميت الذي نظمت فيه المناحّة ويتم اختيارها على أن تكون جهورة الصوت .. وتبدأ في أنشاد المناحّة وفيها تعدد محاسن وأمجاد ميتها التي نظمت فيه من قبل.. بعدها تعاود النقارة من أول وجديد ( حي ووب حي ووب ... ووب حي ووب حي ) ثم تعاد المناحة مرة اخرى وهكذا إلى مغيب شمش ذاك اليوم. هناك الكثير من المناحات المشهورة في تلك النطقة. مناحّة بنونة بت المك نمر وهي ترثي آخاها عمارة وكان في موته قصة يقال أن عمارة كان في فارس في عصره وخاض ما خاض من معارك مع الجعليين وفي نهاية امره مات بمرض الجرب ومعروف قديماً كيف يعالج الجرب ... كانو يدلكو الجسم بالرماد في القروح الناجة من الجرب والحكّة.
أن وردّن بجيك في أول الواردات مرنن هو نشيط هن قبلّن شاردات اسد بيش المرمش قمزّاتو مطبقات وبرضع في ضرايع العنز الفاردات
ما دايره لك الميته أم رمادّن شح دايراك يوم لَقى بدميّك تتوشح الميت مسولب والعجاج إكتّح أحيّا علي سيفو البسوي التح
القصيدة طويلة كدي نرجع لناحّة ود بادي في سماعين ود حسن
رحيلّك وجعّه يا سماعين رحيلّك نجعّة من دار الفرح والزين رحيلّك طعنّة في لهات الحبّى دريفين رحيلّك وقفة فوق درب العلييك باكين فيها نهاية المشوار وحد الفرحة والآمال وحد الفال وحد الزين
وجعّة ... نجعّة ... طعنّة ... وقفّه ... نهاية مشوار ... حد للفال ...... لو تأملنا كل مفردة من السابقات أعلاه نجد كل واحدة تحمل في طياتّها الكثير من ألألآم
الوجعّة وماها وجيعت البطن لكن دي وجعي من نوع تاني فجعة القلب وحزن كل عصبة أحساس تولد تلك الوجعّة والتي يصحبها الكثير من العبرات وبالعامية السودانية ( أبكي بكى حرقّة لامن أتنخج ) وتلك الوجعي كانت يوم رحيل سماعين.
النجعّة وهي مفارقة الدار وعادة تكون دون رجعّة ولا تطوّل العودة للبلد ... يقال نجع اي فاق ومو معروف يعود ولا لا . والناجع اكيد نجع مجبور وخلا ورا دار أهلو دار الفرح والزين قاصد بلدن يلقى فيها ما دعاهو للنجوع ... ويظل فيها يتاورو الشوق والحنين للأهل والبلد وما بتهدالو وريحة.
طعنّة .. الطعنّة لما نسمعها نحس بالوخذة وشبه ود بادي رحيل سماعين كنو زي الطعنّة التي تلقاها الوليد اليا دوب درفين وشبّ في حب بنية لكن لم يوفق وجا أخو البنيات من السعودية وختفّها وراح
وقفّة .. والوقفّة هي تأمل وتمحيص لما يجري حولنا مع انشداها اي واقفين منشدهين ومن هم .. هم الباكين عليهو وحزنانين عليهو .
كذلك يوم رحيله كانت نهاية المشوار الطويل الذي مشاه سماعين من كان وليدن شافع وهو يتغنى ويطرب وينشد غناهو سارت به الركبان ... غناهو يواسي للحبان ... غناهو ياأنس الناجعين من بلاد الطيبة والأخوان وأجمل ماقال في هذا المقطع أن رحيله كان حد للفال وحد الزين وهنا نجد التورية الجميلة التي استخدمها ود بادي وهو معنى قريب وهو متبادر للزهن هو نهاية للزين والفرح والفال ومعنى بعيد وأن رحيله سوف يكون نهاية ولا تأتي بعدها دواوين شعر اخرى بعد دواوينه السابقة ومنها حد الزين يا سلام يا ود بادي يسلم فوك ونحب فيك ذاك الغوص في عمق الكلمات
ولنا عودة خالد محجوب
قمة الإستمتاع ما يصل ليها حد يا أُستاذي خالد...
وفي انتظار لنا عودة دي...
كميات مودتي...
أبو الحســــــــين...
Post: #661 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-20-2007, 02:47 PM Parent: #1
كتب طارق جبريل...
Quote: الحبان كيفنكم
بالله يا جماعة لو في واحد فيكم عندو اغنية: آه يا خلايا فجولي ألشوفا بتاعة محمد كرم الله ينزلها لينا هنا اكيد د. يس ما بيعدم
الحِبيِّب طارق...
والله عرفت تطلب وعرفت البي يجيبلك الأُغنية...
د. يس... التحايا النواضر لك من إخوتك جمعية الأراك بالدمام...
أمس كنا مجتمعين في منزل عامر الأقرع... بإسكان الدمام عاملين برنامج للعريس محمد حسن أحمد (البشراب) جايي عريس من السودان... إتزوج بت جمال الدين إبراهيم وحفلتو كانت بطارق العوض وعبد الحكم الأراك... وقائد الكُورس الأُستاذ/ عبود علي عبد الرحيم وأحمد الماحي... وكان يوم جميل ورااااااااائع يفتقدكم يا الحِبان... وكل الإخوة هناك بيسلمو عليك كتير السلام هاشم حسن أحمد (البشراب)، أحمد حسن أحمد (الحوشاب)، أنور الشبلي (السالماب)، عادل بابكر (الزغولة)، عاطف بابكر (الزغولة)، بكري عبد اللطيف (الضيقة)، أحمد أبو شوك (الضيقة) أُستاذ/ النور أبو زيد (الضيقة) عامر الأقرع (الحجير) راشد عبد الماجد (الكرفاب) عبد الحفيظ جيني (البار)، مجدي أحمد عثمان (الضيقة)، محمد حسن أحمد (العريس)، عبد الحق السر (أُوسلي)وباشمهندس الزاكي الذي شرفتنا زيارته أمس مع شخصي من الأراك ـ المقل...
أرمي الدمّعة فوق الدمعتين يا عين بعد الليله حابساها الدموع لي مين بعد ما نزلت سكاكين القدر مسنونة ديل فوق ديل وشربت من بكّرينا المعتق وحالتو يا الداسنّو من السيل ويا المخزّون وجرباتّنا متكّلات قدّامو فوقو مشنكّات الخيل ويا الداخرنو من زمن التساب وشفعنّا رابطين الحبل بالتيل
وفجأة يجينا من طرف السماء مرسيل ينعي فوق كلنكاكول غراب هابيل ويبقى رحيل رحيل كل الغيوم الهامعّه متواترات رحيل كل الشهور العامرة بالخيرات رحيل الطينة من طرف الجزر يومات رحيل الخدّرة قدّام منجل الهدّام جفاف وممات رحيل البادية فوق برقن ورا نجيمات
رحيلك مو رحيل أفراد رحيل أجيال رحيل بلدّن تمام وكمال يا العرشتّه فوق نخل السواقي الشال واتمدتّه من الشلال وللشلال ويا الهاجرتّه فوق ريش الرهو رحال
تظل مرسوم علي باب الليالي سؤال بعد عشعشتّه في خاطر الغبش موال اتبلبلته من المويه بين السعفة والبلال بعد عرقّك برق في ترابنا حد ما شال واتمددت غادي وجاي يمين وشمال
ويسترسل الفحل ود بادي في رثاء شيخه سماعين ود حسن في كل كلمة في مرثيته مارقة وطالعة من قليب موجوع حزين مفجوع علي فراق استاذه وشيخة وابيه واخيه الأكبر، نعم قد كان سماعين لودبادي كساري المولد في علوه ومقامه لذا ما استغربنا أن يطلع هذا الرثاء الجميل الذي يحمل كل حرف فيه آنة ووجعة ودمعة.
الأبيات الثالثة الأولى في هذا المقطع ترجّعنا لما قلنا ونيقن أن ودبادي أصيب قبل مصابه في سماعين في عزيزين وقلنا احتمال أن يكونا والديه ويثبّت ذلك أنه قال ( بعد نزلت سكاكين القدر مسنونة ديل فوق ديل ) اتعاقبت عليه المحن قبل موت شيخه سماعين.
البكري المعتق :: نقف أولاً في كلمة بكري ... والبكر من كل شئ هو أوله بكري الجبنّه وبكري النبيذ ... وكمان معتّق اي محفوظ من زمنن بعيد قد يطل لمئات السنين ( بالمناسبة أنا اسكن في هنقاريا في منطقة مشهور بتعتيق النبيذ مشهورة على كل مستوى اوروبا ويكمن ان اشرح كيف يعتّق بعد عصر العنب بنوعيه الأخضر والأحمر وكل واحد يعصّر لوحده ويعبأ وبعدها يكتب عليه تاريخ التعبئة ويحفظ ومكان الحفظ يكون في نقف في الجبل قد يتفاوت طوله حسب أمكانيات صاحبه اي قد يصل النفق لاكثر من كيلومتر وتوضع البراميل الخشبية أو الزجاج في رفوف .. وقد تجد بعض أنواع النبيذ عمرها اكثر من مئة سنة وكلما كان النبيذ قديم صار غالي ) مو اعتراض علي القدر ونعلم أنا شيخنا ود بادي راجل موحد ومتديّن ودا تب ماعندنا فيهو شك لكن المصاب كان اكبر .. بقول القدر جانا في الشي الداخرنو ومعتّق قديم وغالي علينا ومع اننا كنا عاملين حسابنا عليهو شديد وداسينو ونضارف عليهو وخاتنو في حدقات العيون لكن قدر الله أن وقع وما بتحجب مقدور وهكذا سنة الحياة.
من زمن التساب : سنة التساب هي السنة التي علا فيها منسوب نهر النيل وحتى الان يقارن بها في كل فيضان وكانت سنتن فاض فيها البحر في عام 1946 وحتى يومنا هذا يؤرخ بها ... ها زول الجنى دا مولود من سنة التساب. وسميت بهذا الأسم والله أعلم لانها قمحّت الناس الزارع الراعي وهدّمت بويتات الطين الني وما خلّت شي ومرقو الناس منها بيض.
في داك اليوم نفد عمير سماعين ونعاهو لنا غراب هابيل من قمة كلنكاكول وكان رحيله من دنيانا زي رحيل الغيموم المحملة وكل زول مأمل فيها ما تفوت بليدو لكن سحابها يمشي والعين تابعا.. الرحيل قد يكون بالخاطر لكن رحيل سماعين وتلك السحب ما كان بالخاطر فهي مسيّرة بأمر الجليل الرحمان .. بالله شوف كيف جمع ود بادي بي رحيل سماعين ورحيل تلك السحب وكذلك في الابيات التالية نجد انه شبه رحيله كرحيل الشهور العامرة وهي شهر رمضان وذو الحجة وهي اشهر يتضاعف فيها الأجر والثواب.. ورحيل الطينة من الجزر والبحر ينخر فيها يوماتي ويموص طينتها لا من وتدوب في البحر ..كذلك كرحيل الخدرة أمام الجفاف .. رحيل البدو لامن اشوفو لن برق ضارب بعيد ويعرفو وين نازل ويشدو الرحيل شايلين مكان الروى لهم ولبهائمهم. رحيلو كان رحيل كل الاجيال التي وثق لها وتغنى لها في تلك الفترة من اندادو شعراً وغناء وادب .. ذاك هو سماعين ود حسن القامة الشامخة شموخ القمر فينا والقريب مجرى الدم فينا سماعين البحر سماعين البادية سماعين القرية سماعين الرحيل سماعين الهجرة سماعين المحبة سمعاعين الصحرا سماعين الرملة.. الجرف الساقي.. النخلة .. السدرة .. الجبل .. الحوش .. البيت الكبير... الديوان .. الصفرة.. سماعين النمة الدوبيت الكلمة ... سماعين خلوة التلاوة وسجادة الصلاة سبحة الموحد هذا هو ما اراد قوله لنا ودبادي .
الحبان ذوي الفضل سلام عليكم وكيف حالكم أولاً أأسف أن الموضوع نزل مرتين كان هناك عطل في الصفحة لذا كنت أحاول وهذا العطل حصل للمرة الثانية على ما أذكر في الصفحة الرابعة أيضاً
بعدين والله يا ابوالحسين ودكتور ياسين موضوع غياب ست البنات دا مو عادي دحين أعقبو البنية دي شوفها أنا والله فتر من السفر .. داكي الليلة لما مشيت ناشد خبر الدكتور الفتري الدخلّت فوقي لليلة مامرقت عليكم أمان الله أم أحمد كل يوم تمشق لي ضهري بزيت سمسم وقرض والحال في حالو ... ات يا ابوالحسين خفيف اتحرك وفتش البنية دي .. الدكتور ما بخلي مشاهد الوليدات واسافر.
لكم خاص مودتي وتقديري
خالد محجوب
Post: #688 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-21-2007, 02:34 PM Parent: #1
Quote: بعدين والله يا ابوالحسين ودكتور ياسين موضوع غياب ست البنات دا مو عادي دحين أعقبو البنية دي شوفها أنا والله فتر من السفر .. داكي الليلة لما مشيت ناشد خبر الدكتور الفتري الدخلّت فوقي لليلة مامرقت عليكم أمان الله أم أحمد كل يوم تمشق لي ضهري بزيت سمسم وقرض والحال في حالو ... ات يا ابوالحسين خفيف اتحرك وفتش البنية دي .. الدكتور ما بخلي مشاهد الوليدات واسافر.
لكم خاص مودتي وتقديري
خالد محجوب
الحِبيِّب خالد...
تسأل منك العافي يا اخوي...
إنت عارف أها بس من دربي دا... مسرج حماري وخافس علي تنقاسي... ست البنات هيني ولة ليني هي؟؟؟ لكن البت دي يبقى لي بي عليكم كدي من لا بحري... عشان كدي يا اخواننا قلنا ليكم نشطو نظام التعارف في البوست دا... هسع كان عندها تليفون ولة شئ كان ضربنا أترناها وين؟؟؟
عساها بخير وعافية... وإنشاء الله بكرة تعود وتنور اللقدابة...
كميات مودتي... ومستمتع حد الإستمتاع ما يصل ليهو حد من تحليلك لي قصيدة أرمي الدمعة فوق الدمعتين يا عين... واصل الله يخدر ضراعك...
Salam all Really I enjoy every word you write here specially Mr. khalid talk about Dr. Badae I will be back in Arabic Thank you dear Abulhussain and special salam to all(from Alarak and other neighborhood) you mentioned above Salam to Abdelhafeez Jeni
Enjoy this video again in other format Thanks Elkhawad and Tambis for technical assistance
Post: #695 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-22-2007, 04:07 PM Parent: #1
Quote: Enjoy this video again in other format
د. يس... الله يرضى عليك... والله اليوم الأُغنية دي عملت عمايل أسكت ساكت...
كان شفتني قاشر بيها وأهدي فيها لكل العزابة محل ما كانو... وناسي نفسي شُفت الغبا دا...!!!
عليك الله شُفت البارِك في ا للدليب دا... ولة بتاع الطبلة... ولة الكورس... ولة بلاص ذااااااتو منهمك في الأُغنية دي بكل حواسو... ولة الناس البي يجو ياخدو الشبال...
غايتو كرنفال فرح... الله يفرح أيامك يا أبا سامي...
وإنشاء الله بكرة كل الإخوة مدعوين عندي هنا... قراية المولد لإبننا سامي ولد الحِبيِّب د. يس محمد ياسين...
تظل مرسوم علي باب الليالي سؤال بعد عشعشتّه في خاطر الغبش موال واتبللتّه من الموية بين السعفة والبلال بعد عرقّك برق في ترابنا حد ماشال واتمددت غادي وجاي يمين وشمال بعد الحال
منو البقدر أجيب غربال يغربّل روحّك الدسوسة في الأجيال وفي نفس الدغش مبثوثة في الشتلّه ونداها السال بعد الحال
منو البقدر يطاوّل حرفّك المعقود علي برقن حرير وهلال مسطّر فوق رقاب البرد فوق الصخرّه والتمثال بعد الحال
رحيلّك يا المشرشر في مداخل الدنيا كالاجيال رحيلّك هزّه في العقدة ومجامع الروح كما الزلزال
أرمي الدمعّة فوق الدمعتين يا عين بعد الليلة حابساها الدموع لي مين
كتير من شاف ديارو العامرة هاجّت فوق درب وداي كتير من عدّا فوق دربّن بلا يوادع بلا يناشد كبار القوم وياخد الراي كتير يا عين كتير الغابوا ما حضروا كتير الراحو ماعادوا كتير البمشوا منا وجاي ألا الناعي عمرو ماطاف البلد من جم
الرحيل كان ما كان حار بالحيل ولحظات الوادع قليل من يتحملها دا كان الرحيل في داخل الدنيا فما بالنا بالرحيل من دنيا الأنس لدنيا البقاء.... عند رحيل أو موت عزيز كنت دائماً أظل أفكر واستحضر صورته في خيالي وأقول في نفسي سوف لا أراه شاخص امامي البت وهنا ينتابني الحزن والجزع ويدمي فوادي لفارقه. رحيل سماعين كان كسكين أو مدية الجراح في قلب ود بادي قد جدد عليه الأحزان زألبها بعدما أندملت ونحمد الله الذي فطر الإنسان على النسيان وألا يا ترى كيف يكون حالنا بعد ما فقدنا أعزاء علينا.
ما زال ينوح ود بادي علي سماعين ويِكد أن سماعين ود حسن سوف يظل دوماً فينا بشخصه وبي أبداعّه الذي تركه لنا أرث لكل الشعب السوداني...سماعين الساكن في قلب كل سوداني اغبش كادح معفر بالتراب ... سماعين الدخل كل بيت سوداني واتبلبل بالموية مع السعفة بين يدي الوالدة وهي تعوس في كسرة وكمان دخل واتبلبل بموية بلال مشاط السمحة في البنوت .... سماعين العرقو ضرب في واطاطتنا سنظل نذكره كل ما ضرب برقا وشالت مطري... سماعين الأتمدد فينا بشعره وفنه ومهما حدث ومهما كان تظل روح سماعين ود حسن في أعماقنا وفي قلوبنا محفورة... روحهه الطاهرة التي ظلت بيننا تنساب باينه في كل أبداعه ومسدار حياته من الشمال للوسط وغي تجواله شرقاً وغرباً وجنوباً...في حياته بنلقى روحيتو الحلوي الطاهرة النقية في سليم الزوق ... وفي وا اسفاي وفي نفس الدغشاوي وفي المطري وفي السيل وفي ريحة التراب وندى الشتلة وفي الجرف المخدر وفي اللوبي وفي قرن الويكي الليني والشايخة وفي حد الزين وفي القندول ملبّن وفي درر كلامو وفي الفيضان وفي صوت السواقي والوابورات وكت تأن وتنه في نص الليل والقمر طاشر وفي الجدول المسرسر دفاقه مويتو ورايقة في الصخرة سماعين مسطر حرف يظل مكتوب ليوم الحق بإذن الله الواحد الأحد. وكيف نقدر نطّاول يا قمر عالي ومافينا من يترجل لنظم مثل ما نظمت وما فينا مروة نتعدى العقدة التي عقدتها فننا وشعرا وفنن متين منضوم متل عقد اللولي يا سماعين. وزي ما قالوا : العقدة الصعيبة العاقل ما بتعدّاها
ودا حال الدنيا مما خلقنّا وشفنا خلقنا.. كتير فارق وطشة من دارو وساب أولادو والوالدين والجيران وناس الحي ... ما الزمان أنقصدّنا وفي البلاد شتت عددنا.... كتير من هاجر مع القمري والسمبر نص الليل بلا يوادع وبلا يشاور وياخد الراي .. وناس فاتت ومارجعّت وناس تفوت وتعود ولكن عمرنا ما شفنا الناعي حامل الخبر يطوف في كل البلد ناعي لأحد كما نعى سماعين يوم رحيلو
ولنا عودة
خالد محجوب
Post: #696 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-22-2007, 04:53 PM Parent: #1
الحِبان سلام...
عليكم الله شوفو حلاة ها القعدة وربيط الضَكَر دا!!!
يا اخواننا والله غياب ست البنات طال تَبْ...
شوفو لينا الست دي وين راحت؟؟؟
مودتي...
أبو الحســـــــــين...
Post: #698 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-23-2007, 07:14 AM Parent: #1
Quote: ودا حال الدنيا مما خلقنّا وشفنا خلقنا.. كتير فارق وطشة من دارو وساب أولادو والوالدين والجيران وناس الحي ... ما الزمان أنقصدّنا وفي البلاد شتت عددنا.... كتير من هاجر مع القمري والسمبر نص الليل بلا يوادع وبلا يشاور وياخد الراي .. وناس فاتت ومارجعّت وناس تفوت وتعود ولكن عمرنا ما شفنا الناعي حامل الخبر يطوف في كل البلد ناعي لأحد كما نعى سماعين يوم رحيلو
ولنا عودة
أها فَدْ حكِّيرة بي كِوِّيعتها... وفي الإنتظار...
وليك علي... أول ما تخلص تحليل القصيدة دي... قبُل تشيل نفسك تلقى أُختها وراها!!
كميات مودتي... والله يخدِّر ضُراعك يا اخوي...
أبو الحســــــــين...
Post: #699 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-23-2007, 02:38 PM Parent: #1
الحِبان الكرام...
أهديكم الجزء الثاني من قصة حُمَّد أحمد التمرجي... للكاتب الرائع عبد العظيم الطاهر...
الجزء الثاني
مشى باع العّز في السوق وجاب القريشات لى أبوهو وجاء ... فضَّل للسفر كم يوم كدي ... أبوهو ساقو قطع لو جلابيي اللت دبلان , وعراقيين اللات دَمُوريي بى سراويلن , وأدوهن للترزي , وأخد لو جزمة باتا بيضاء , وطاقيي حمراء ... وحمد احمد مكوزم ماد تلاليشو , مااااااهو راضي بالسفر ده شي ... عمرو ما عدا من كريمي لا غادي ... زمااان قبّال يعرف كريمي والمشي ليها .. كان حِرِد مع أبوهو مرة , مسك التحتانيي بالبحر بى كرعيهو ومرقها في الحامداب , مشى قعد لو مع ناس هناك ... , وبقوا يكوسوا فيهو بى هِنِي ما خلولن بكان , وأمو وأخواتو بى بكياتن , بس قلبنَّها مناحة عديل , وخيلانو وأعمامو بالنَبِيشِي أكلوا لحم أبوهو .. ما خلوا لو صَفِحْةً يرقد عليها , واقع في الشِنّيف والهَرَجِي كل يوم ...نامن قرب يطفش حتى هو ... خسوساً واحداً في خيلانو , مسمنو المَكَاجِر ... إضنيهو مفندرات بتل الطانجة اللت اللحم , نضَّام نَضَمِيّاً , تقول مَحَنِّكِنُّو في الاذاعة اللت أم درمان زي ما قاعد يقول لو هو ... يجي يكوس الوَنَسِي مع الناس و الناس ويشردوا منو ... ماب يخلي لو زولاً ينضم معاهو ضمّه ... إن بقيت نعست وقعدت تنشهق لو آب يفكك ... وإن بقيت نمت عديييل فوق كتفو يهزك يصحيك وينضم معاك ... منجض ناس الحِلِّي نجاض ... ود حُمدين مرة قال لو : ناس الحيكومة ديل مالن آب يشغلوك معاهن ..؟
على التَعَتِّر يوم من الليام ... عوض الله ود أب كرُّوقة ...شدّا حمارو على الحامداب ... ماشي يتَمِّنْ لو شوالات اللات حَرْجَلْ وشَمَار , يجي يبيعن للتجار هني في البلد , يتمكسب فيهن , حايم في السواقي اللت الحامداب ... بلا لقى لك حُمّد إحمد بارك لو في حيضان يحش في القش ... لكدو بالعصا فوق قفاهو براااحه ... حمد أحمد اتلفت قال لو هَي هَي :- حتى أنت جيت في بكان السفر ..؟ قايل نفسو سافر مرقها في بلداً طيرا عجمي وهي المسافة كلها ساعتين بالحمار , بس مافي زولاً قايلو يقبّل على الجيهي ديك ... كراهو من قفا وركبو في الحمار جابو صاد لى أهلو ... اليوم داك أمو ضبحت لها عَنَاق وقسمتها للحيران في الخلوة ...
وإلى أن ألقاكم في الجزء الثالث أترككم في رعاية الله وحفظه...
وتبكي طويرة الأحزان سنين وسنين مصيرة تساسق المسكّينة بين الباسا والباساي ترفّرف من سخاي لسخاي وتسأل عن صدور مغسولّه بالدوباي وتنزل فوق حلقات مجالس الشاي وفوق حلقات أبوي الشيخ وفي الشاشاي تبل الريق من الدمع البيوشل من أرامل الحي وتمرق من محاري الناس تولول فيها جرس الصي وتصرخ فايقه يا جلابة أقيفوا لي وتسعل ضايقه ما شفتوهو زولن لي تضيع صرخاتها في المجهول ويرحل من دريبا الضي آه آه يا طويرة الأحزان جرحك أنت صاب الريش وجرحن لي مسافر في النسيج الحي دريبي بعيد وحزني فريد ومما رحل البلبل الغريد
بسرح في عيون الناس وبسأل لو سؤالي يفيد كيف الدنيا تصبح دنيا والصيد يبقى ياهو الصيد ومين يقدّر ينضم عقود منقوشّه ترقد فوق حزوز الجيد ومين يضفر كلام الريد
كلو جميل مصيرو يجي ومصيرو يفوت بلا تخليد كتاب الكون يظل مقفول بلا خاتمة وبلا تمهيد وحتى النيل مصيرو يكون مجرد موية شاقّه البيد
رحل يا شما أبوك وقفا خلا الدور وأنحلا النظام الكان زمان معمور بوجود ناس أبوك قبل العبوس ما تدور أنهدا الجبل وتكشّف المستور
يواصل شاعرنا الفحل في بكاء ورثاء سماعين ود حسن أطلق لخياله العنان ومن شدة حزنو بقى يشوف كل الكون حولو حزين الحجر الجبل المطر الشدر الطير. طويرة الأحزان انفطر قليبها وبقت مشدوها ومي عارفة شن بتسو تساسق جاي وجاي وتنزل في مجالس الشاي وفي حلقات الذكر وهي بتحاول تواسي نفيسها بين الارامل المفجوعات في فقد عزيزن ليهن أعجبني كتير هذا المقطع ( الدمع البيوشل ) اي النازل باستمرار وتتساءل الطويرة المسكينة علها تجد جوب يشفي الروح ... هي حاسة بالفقد لكن ماقادرة تستوعب القدر الوقع بموت سماعين ومازالت بتسعل ما شفتوها يا جلابة هي ما شفتو زولي الكان يغرد يحكاي لي سكت صوتو وما سامعا وينو زولي حي وينو .. ويضيع صراخها وما تلقى جواب يفش حزنا يرد بادي يقولها وقليبو موجوع بآها وحُرقة محزونة يا طويرة الأحزان مو غابني حزنك علي سماعين لكن شن جاب حزنك لي أحزانا وكان حزنك بقالك جرح وصاب الريش نحن حزنا صاب شيتن مهوّل في النسيج الحي . ثم عرج يصف حزنه بعد فراق سماعين وكيف أصبح حالو بعدو .. اصبح هايم مسافر من سخاي لسخاي ويعاين في عيون الخلق كان يلقى جواب وهو عارف الرد أن الدنيا صبحت ما دنياهو البعرفها والصيد اي البنيات الغنى فيهن سماعين ما صبحن هن ودحين بعد سماعين ما فات وخلانا منو البقدر يقول لينا شعرا زي شعرو شعر كما العقيد منضوم وراقد في رقيبة السمحة في البنوت .. المقطع الأخير كان بمثابة حكم أفردها لنا وليد بادي أنو كل جميل فايت وكانو أهلنا لما يموت الجنى القارح أقول لك أصلو من يومو جنى فراق سماعين نقش بدمه شعراً في صفحات الكون وما زال الكتاب فاتح لمن يعقب ويسجل لم يختم النيل يعني الكثير فهو الحياة كلها ... مرتع العشاق .... جالب الخير .... ومعشعش في نفوس الناس وحب أن يقول لنا ود بادي عله يخفف مما عليه من حزن على فراق سماعين.. حتى النيل مصيرو يوم أموت وموت النيل ختاهو لينا أن يجهل من حوله معاناهو الذي عرفوه أجدادنا وآبانا ويصبح مجرد مويه شاقة البيد.
ها ناس مالقيتولكم خبر من البنية ست البيات يا ابوالحسين والله شوف لك صرفة واتر خبر البنية دي وكان شوفتها لحدي يوم الجمعة ان شاء الله أنا ياني المركب أحمد وليدي فوق حمارة وأمشي ينشد خبره في الحلال التحت والفوق
خالد محجوب
Post: #710 Title: Re: دعوة لتكوين جمعية التراث لمنطقة الشايقيه Author: nile1 Date: 01-25-2007, 01:19 PM Parent: #700
الأح أبو الحسين والإخوة الأكارم
من هنا أطلق الدعوة إلى تكوين جمعية بعث وحفظ تراث منطقة الشايقية ويمكن للجمعية أن تكون لها صوالين في مختلف المناطق تجتمع في يوم خميس من كل شهر..للقراءات الشعرية وحكاوي التراث ومن ثم نقوم بتجميعها في كتاب أو سي دي حفظا لها من الضياع..خاصة وأن أجيالنا القادمة تكاد لا تعرف شيئا عن تراث أجدادها..وكضربة بداية...فأن منزلي المتواضع يرحب ويفخر بأن يكون صالون الشايقية بالخبر ويمكن أن تكون هذه المسألة دورية حتي تكون جميع بيوتنا صوالينا لتراثنا الثر..ما رأيكم دام فضلكم؟؟؟؟؟
Post: #702 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-24-2007, 07:03 AM Parent: #1
Quote: ها ناس مالقيتولكم خبر من البنية ست البيات يا ابوالحسين والله شوف لك صرفة واتر خبر البنية دي وكان شوفتها لحدي يوم الجمعة ان شاء الله أنا ياني المركب أحمد وليدي فوق حمارة وأمشي ينشد خبره في الحلال التحت والفوق
خالد محجوب
والله يا خالد أخوي يبقى لي الحكايي دي طالت تَبْ...
ويبقى لي ياها البِقَت علي القِفْرِي!!!
وبقت عليكم إنتو... لأني يبقى لي كدي البنيي دي في بلاد برة ولة شنو؟؟؟
وكمان كان أترتولي خبرها هني في الخليج ياني المسرِّج قبل الجمعة!!!
عساك بخير يا ست البنيات لا حدَّهِن...
مودتي...
أبو الحســــــــــين...
Post: #703 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-24-2007, 07:46 AM Parent: #1
إخوتي الكرام...
صبحكم الله بالخير والرضا...
تكريم شيخ العاشقين... الرائع عبد الله محمد خير...
نقلاً عن الأخ طارق الشيخ... من سودانيز أُوف لاين...
ـــــــــــــــــــــــــــــــــــــــــــــ
بسم الله الرحمن الرحيم اهلى الحنان و زينييين نعلكم طيبييين
مفارقات الحياة في عطائها وابتلاء الباري عز وجل لعبده بالمرض ضرب نعمه ومغفره وخير لما فيه العباد كارهون. لك يا شيخ العاشقين استاذ الجيل عبدالله محمد خير ألف تحية وأنت تتعفف في المرض كما في كلماتك .. هيا يا حلوين ... لهيب اشواقنا ... شاوينا ويا حلوين ... بسيمات مين ... تداوينا ويا حلوين ... نقول ... لى مين ... غناوينا وقصائدنا .... تفتش ... عن عناوينا وما اجمل .... عناوينا ... ********* ظللت عزيزنا الغالى تعاني وتكابد الآلآم والسهر بذلك الجسد المرهف الذي سكب عصارة الآهات وعذب الحديث فصار أكثر شفافية فوضع الزمن بصمته على الملامح بعد أن وهن العظم.. ولكن!! ظلت دواخلك في دفئها أكثر شباب. يا بت عليك ( زاد الشجو ن) وبوب مارلى والحزن القديم اتمهلى لا تستهزى بىّ عمك انا ... وجدك كمان لكن مصيبتى على العلى ّ بهوى الجمال وبهوى السبيب كلما هو طال وبهوى الصدير كل ما حضن رمان وشال وبهوى البنات كلما بقن شبه الغزال وما فيش بلا الهوى بين ايدى
ظلت دواخلك ترسل الشجون بحرفٍ حنون يدخل القلوب بلا إستئذان وفي روضك المحفل بجمال النظم تغدق علينا عصير من سلاف احساس يتقطر شهداً كلما برحت الآم المرض وسكن الداء لأن أصل العله ليست له دواء سوي المسكنات ففشل الكُلي صعب تداويه.
محبي الجمال عشاق الدهشة فى تواتر الشجن على مسبحة شعراء أغاني الطنبور حبا حب وودا ود .. ظل الأستاذ عبدالله محمد خير صابرا صامد لفترة طويلة جدا يواجه مصيره يتنقل بين ردهات المشفي حاملاً آلامه وأوجاعه فصار ملازماً لها شهرياً أو دون ذلك، لغسيل الكُلى. أي جوف هذا الذي يزدرد حرقه ويُخرج أطيب الحديث .. ما أطيبك .. ما أجملك .. ما أنبلك. ولأنه عزيز يحمل قيم معانيه ويترفع في معاليه لا عن تكبر ولكنه صبر وجلد لم يشكو أو يتضجر من مصابه وهو أحوج للوقفه والمساعده. أنه سموه المعهود فلقد كان سبّاقٌ في العطاء ووجب مبادلته ذلك بل هو حق مستحق.
عشاق الجمال نحن اليوم بصدد رد وفاء لأهله الذين ما فتئت أنغامهم تطرب الآذان وتلهب الوجدان رجال زرعوا البهجة والفرحة في قلوب الجميع وهم اليوم أحوج من أي وقت مضي لأن نرد جميل عطاياهم ولو بقليل لأننا نعلم أننا لن نستطيع إبفاء وتر الإحساس حقه ولن نستطيع أن نوفي سنين طوال من الإبداع بأي حال من الأحوال لرجل من ركائز الشعراء المبدعين لكننا نحاول أن نتقاسم معه قليل من آلامه.
عشاق الجمال ندعوكم جميعا لحضور ليله الطمنبور المقامه بارض المعارض ببرى امسيه التلاتاء الموافق 30/1/2007 والتى سوف يتم فيها تكريم شيخ العاشقين الشاعر المبدع /عبدالله محمد خير وذلك برعايه الشركه السودانيه للمناطق والاسواق الحرة وبمبادرة كريمة من السيد المدير العام الدكتور / حسن احمد طه صاحب المبادرات الانسانيه واشراف شخصى الضعيف وبمتابعه لصيقه وحرص شديد على انجاح هذا العمل من الاستاذ الشاعر المبدع /الفاتح ابراهيم بشير وابن اوسلى الشاب الرائع الخلوق عثمان عبد الباسط وبمشاركه نخبه من فنانى الشمال والشعراء المبدعين حاتم حسن الدابى , محمد سفله واخرين .
كرام القوم نحن نثق في وفائكم لأنكم جبلتم علي ذلك فما طريتم لجميل المعني إلاّ لأن له مساحة في دواخلكم المشرقة ونحن اليوم ندعوا النور فيكم ليشاركنا تكريم الأستاذ/ عبدالله محمد خير .. قنديل الفرح .. ساحر الكلمات .. ناثر الدهشة، علّنا نطرق في ذلك باب الجميل طرقا خفيف ونقول له: لأنك بدر التمام صعب علينا مبادلتك الضياء لكننا نشرق من بين حروفك لنرد شئ من الوفاء. حديثك شوقنا ليك قلنا ما اى حديث نسمعوا قلنا أصلك ما بتريدنا ويلا قلنا نقوم نرجعوا انحنا جيناك وقصدنا كان والله شملنا بيك نجمعوا لو يدور يفارق بينا زول لا نبارى ولا نتبعوا
تعالوا جميعا لنرد الوفاء والحب لشيخ العاشقين الذى طالما اشجأنا بكلماته الرائعه التى يرددها ويتغنى بها اصحاب الذوق الرفيع والعشاق والمتيميين الذين عبر عن عشقهم بكماته الرائعه . اليس هو القائل
اصحى وصحى المشاعر لبيهو نداء قليبك
ابني طريق من أزاهر يصل بينك وبين حبيبك
معاك تصفي الدنيا تحلى يطيبها يا طيبه طيبك
تعيش سطور السماحه وخيال الناس يحييبك
متل بالحب ماابتلاني الله بعدو الريد يصيبك
تباري خطاى تتبعيني ده انا الكليت فوق دريبك
شياطين شعرى سون فى وقبل ما يبقي جوابك لبيبك
اذا جفى مدادى قوافى فلا شك يكون ده عيبك
دريباً كان منى ساقك هو نفس الدرب البجيبك
متل ماعاد لى حبيبي بعود لى ضرعك وجيبك
تعالى تعالى وانثري درر قوافي وشعر صافى يكون حليبك
يعاود روضك نضاروا ويزينو غناء عندليبك
قريب يا دار الحبايب معانا ينقز دليبك
يقلّب فى الدار صيدك عجيب يا داره قلّيبك
حسان الانس والجن بنات الحور اباهيبك
سماح الكون بيك يبدا وسماح وعقب ينتهيبك
عشان كدي يا نور عيوني صباحى مساي الاهيبك
مصيري خلود فى جنانك ما خد حقى انا في لهيبك
دموع عيني الهميله انا كفاى وكفاكن صبيبك
دحين ارتاحى من عذابك خلاص ولى زمن نحيبك
رموش افراحى الجميلة الله لا جاب ايام مغيبك
بحر عطفك فاض غمرنى على زادن مناسيبك
معاجيز وآيات جمالك تخلى الوراء يقتديبك
خدودك كرز معتق يحدثبوا حساء نديبك
وزارات صدرك تخوف قريبن تب مو قريبك
كسي الارداف بي ظلامن بحر واتهادى وضيبك
احبك وقادني لى حبك حياء ادبك وتهذيبك
احبك واعشق دلالك غرورك وحتى تعذيبك
احبك ويفرحنى صدقك بطرب لى اكاذيبك
احبك وغاية مناى اني اكون آخر مجاذيبك
احبك وكيف ما احبك حبى قدرك ونصيبك...
ــــــــــــــــــــــــــــــــــــ
يلة يا بورداب الداخل منتظرين منكم صور المهرجان الرائع...
وتشكرات تشكرات أخي طارق ومزيد من الإبداع...
قواسيب مودتي...
أبو الحســـــــــين...
Post: #704 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-24-2007, 02:50 PM Parent: #1
الجزء الثالث من قصة حُمد إحمد التمرجي...
الخبر إتفشى في الحلِّي , حمد احمد مسافر .... حمد احمد مسافر ... البطان يلاقوهو في الدرب يقولوا لو ... وا حلالك ... آ حُمّد إحمد ... بغرانين منو ... عليك الله لا تنسى ترسل لنا صورتك ساعة تنصور هناك ... مع الجوّاب ... وترسل لنا معاها هديي ... وا حلالك تمشي تشبع في الباسطة والبستي كولا...نحنا سنيناتنا إنشَرَّمَن ... من كَدْ الدوم وأكل التمر ... بس أوعك من لبس العراقي الأفرنجي والبنطلون ...
قبل السفر بى يوم .. وأمو ماها راضي سفرو دا ... دميعاتا ينقطن , تقش فيهن بى طرف توبها , زي القاع تمسح في الدوكي للعواسه ... قالت لى أبوهو ... أسع الولد ده بى حالتو دي نافعنا هني ,... يرد الموية من الحفير يسقي فينا , ويحش في القش للبهايم , ويترسل لنا هني وهناك , وأخوانو الكبار كلهن سافروا , أسع لا قدر الله , إنتا في العفار الليلك اللا برا ده , انا إن بقيت رقدت في العنقريب , الموية من الزير البيديني ياها منو ...؟ قال لها يا آمني .. عليكي الله كدي أحشي خشمك ده ... الولد ده زولاً خربو بلاكي إنتي ماهو في ... خليهو اليمرق لا برا يتنشل شويي ويبقى زولاً فيهو فايدي بتل أخوانو ...إنتي ماكي دايمالو وأنا ماني دايم لو ...
يوم السفر جاء ... بعد المغيرب كدي .. , جن عماتو وأعمامو وولادن خيلانو وخالاتو بى ولادن وبناتن وأهلو القراب قراب فشان يودعوهو ... الشايلا لها قراصةً ممرة اللت تمر .. والشايلا لها جنى جداد ... والصّارَّة جُرُم وشوية تميرات في خريتي ... أمو عندها ديك مسكتو ضبحتو ليهو... ختو لو الشي ده كلو في كريتينة صغيري وربطوها بى حبل الليل آشميق وقالوا لو أبقى عشرة على الكريتينة دي , القطر ده يبقى يتكسربكن في الدرب قبّال يصل محطة الكاب .. أبوهو قال لو أمش فض الشنطة المجوز اللت الحديد ديك خت لك فيها ورق جرايد بى تحت وخت فيها هدومك ديل لا تكرفسن ...انا سويت لي تلغراف لى عمك فشان يلاقي القطر ... لا تمشي تتلفت في المحطة بتل البومه كمان ما يلم فيك ... ودعوهو الناس والصباح بدري قبل النجمة ركبوا المراكب وعدوا على كريمي ... وحمد إحمد مَجَبِّصْ الطاقيي الحمراء فوق راسو بس الطبق الكافنو فوق الزير ... مرة مرة يعاين لى جلابيتو ويبرم الطاقيي فوق راسو , ويدنقر يعاين للجزمة ... وصلوا المحطة ... لقوا الباخرة جات من دنقلا وبايتي في كريمي والناس مرقوا منها وملوا العربات اللات القطر , ستَّفوهن ستيف ... باللّت الله أبوهو لقى لو بكان قعدو فيهو ... حِجِّي وكواريك نامن دار تجيب لها كَفَتِي بالايدين ... وَصَّي لو راجلاً كبيير كدي قال لو عليك الله خَل بالك من الولد دا , أول مرة يسافر ويركب لو قطر ... دقوا الجرس للقطر ابوهو ودعو .. وأخد لو بكييه كدي وغمت لو مصيريفات في إيدو وقال لو خلك نجيييض وابقى عشرة على رقبتك والجواب ده تسلمو عمك في إيدو ... سمح ...؟ أها ودعتك الله ... حمد إحمد بقى يَجْعُر ... وماسك في إيد أبوهو مو دار يفكها ... والقطر ماشي متحرك ... عِلا نتقها منو وجرى نزل ... القطر فات لو تلاتي محطات كدي , الناس مرقوا زوادتن للفطور ... وريحة الجنى جداد والقراريص الممررة طقت البلد ... الجماعة القاعد جنبهم ديل فرشوا لن جريدة وختوا فطورن .. ساعتو الركب قبيييل كانوا موقفين القَمِيري معاهو ومع أبوهو فشان ضايقن في البكان ... قالوا لو إتفضل ... تعال جاي مد إيدك مع الناس ... جرّا الكريتينة اللتو من تحت الكنبة مرق زوادتو ومرق الديك المحمر ختاهو ليهن في النص ... خلوا الشي الكُتُر كلو , ووقعوا في الديك ... سووا لو سواتن ... يحكوبا في الحُجِي ... بعد ما فطروا , قبّلوا على حُمّدإحمد يلحسوا في أصابعيهم ... قالوا لو : أعفا لنا يا ولدي , نحنا قبيل شلنا الفسالي معاك ساكت ... بعد مسافة , حمد احمد بقى يتململ ويهبش في بطنو ... كتّر في الطحنيي بالمربى .. يغرف فيها غرف الحاجي بى إيدو بلا رغيف... لواكة ما قاع يلوكا ... بس بلع الجدادي .. قال لهن :- القطر دا ما فيهو مستراح ...؟ قالوا لو أمش هنوووك على آخر العربيي بتلقاهو ... الطريقة البتوصلو ماها في ... الناس أكترن فرشوا تحت ورقدوا , شي بطان وشي حريم ... بقى يفشق بى فوقن ويمشي والقطر يلولحو مرة جاي ومرة جاي ...رفع كراعو دار يعدي هبرت لها فوق مرةً متكبتي بى توبها وراقدي ... كوركت فوقو نامن إنهجم ... ووب عليّ , قلمها ... قلمها ضمّه ...يا يابا يعفصك الفعلتو والتركتو . .. إنت الشي بلا تشوف الشي , تشيل الشي وتختو فوق الشي ..؟ عيونك مَليَّسَات ..؟ يسوي لها في المعليش يا حاجة ... معليش يا حاجة ... يا يابا تحج في جَبَل الكُدُنْدِي ... كراعك قدر الدُقشي ... شايل لك جوبيل وحايم بو ... وا نصايبك يا دار النعيم من الوقعت عليكي ... أمشي لى ناس العرس عَرجِي بتل حمارة الحلب ...؟ راجلها ماسكها من إيد وولدها من الإيد التاني ... وحمدإحمد متمحن في اليسويهو ... الشي الجاء عشانو راح ضمّه ضمّه ...
بسم الله الرحمن الرحيم سلام ياهلنا.. الاخت ست البنات..الحمد لله علي السلامه.. سافر ....... للشاعر..الفاتح ابراهيم بشير ................................
غناء المبدع... جعفر السقيد ............................
................................................
عليك الله سافرعليك الله شيل الأمانى معاك وشوف البيبكى عليك أو حتى يترجاك أنا تعبتا خلاص من جورك انت على تزعل بدون اسباب ومن تانى ترجع لى خليك معاى واضح لا يبقى قولك نى يا انت ابقى معاى يا انتى ماليك بى رغم الحصل والكان ياما صبرتا عليك كان العشم جواى تصدق معاى عينيك لكن غرورك فاض كتل البراءة الفيك خلاك تقول مجبور أنا بكره برجع ليك اوعك تظن فى يوم أنا قلبى برض الذل او يستكين هيمان ويرجاك عند الضل انت الفتحت الباب وقت للخصام ادخل وانت الزرعتا الشوك وقلعت شجر الفل أنا فى النهاية إنسان مرهف رقيق حساس وداير اعيش فى امان واصافى كل الناس لكن إذا جاء الريد فوق الكرامه وداس مجبور اقول القول القالوا بوفراس فى شعروا قالوا كلام مدهش جميل يسبى لا تملك الحسناء مهما تكون قلبى أنا برضى زيو كمان أعلنت لى حربى وعايش قليبى بقول يا اخوانا آيه ذنبى والله يا المريود خليتنى فيك محتار مرات بشوفك نور مرات بحسك نار مرسالى وكتين جاك قابلتو باستهتار وما تنسي أى حديث دائماً بدايتو شرار يا قلبى اصبر اصلو الظروف قاصداك معليش إذا جاء الليل وخيم على دنياك عذراً إذا الأحلام اكبر من الإدراك وعفواً اذا حبيت زول ماعرف معناك .
.............................................
حاتم هاشم.
Post: #707 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-25-2007, 07:46 AM Parent: #1
Quote: سلام ومرحببكون !
ست البنات .
حمداً لله على سلامة عودتك... يا ست البنيات لا حدهن...
ولاااااااااات وردات حُمر دي لزوم المقدم الميمون...
كميات مودتي...
أبو الحســـــــــــــين...
Post: #708 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-25-2007, 10:18 AM Parent: #1
Quote: رغم الحصل والكان ياما صبرتا عليك كان العشم جواى تصدق معاى عينيك لكن غرورك فاض كتل البراءة الفيك خلاك تقول مجبور أنا بكره برجع ليك
حقيقي يا الفاتح يا اخوي...
مرات الغرور بيعمل في البنات والأولاد مع بعض... عماااااايل...
وهو سبب مشاكل معظم العُشاق في بعض الأحيان...
لكن مرات السُونِيق يكون كويس من قرار القول القالو أبو فراس ولة شنو؟؟؟؟
مودتي يا الخليفة حاتم...
أبو الحســــــــين...
Post: #709 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-25-2007, 10:49 AM Parent: #1
ريحة التُراب...
إهداء إلى الجميع... ملطوشة من حوش الغالي ديامي بالبركل...
ريحة التراب
والله ياريحة التراب .. شديتنى للماضى البعيد .. عبر الزمان
فى اللا مكان .. عبر البكون .. جوه اللى كان .. مشوار غريب .. حفيان
وطيت جمر ام لهب .. الروح تهيم .. فوق النجوم … والفانى … .. مطمور فى التراب
والله ياريحة التراب
كيفن يكون درب الوصول … لى ساحة ما شقاها زول
من دونى دونك .. ألف باب .. وكم حجاب .. وكم ستور
مندلى يا ريحة التراب … أصلى مليت العذاب
جيتا خايد فى الضباب … شوق ليالى الغربة .. فى اعماقى داب
Quote: إنت الشي بلا تشوف الشي , تشيل الشي وتختو فوق الشي ..؟ عيونك مَليَّسَات ..؟ يسوي لها في المعليش يا حاجة ... معليش يا حاجة ... يا يابا تحج في جَبَل الكُدُنْدِي ... كراعك قدر الدُقشي ... شايل لك جوبيل وحايم بو ... وا نصايبك يا دار النعيم من الوقعت عليكي ... أمشي لى ناس العرس عَرجِي بتل حمارة الحلب ...؟ راجلها ماسكها من إيد وولدها من الإيد التاني ... وحمدإحمد متمحن في اليسويهو ... الشي الجاء عشانو راح ضمّه ضمّه ...
زولك كرب البطينا تب وبقى يفتش للمستراح .... بركة الما سوى ليها في رأسها عند انشتاحتو دي
بالله ما شحتفنا كتير وتنزل لينا الجزء الرابع بعد شهر سرّع شوية مع أننا عارفين المشغوليات لكن رأفة بنا ونحن متابعين لا تتأخر
ست البنيات الزيني أم حالن زين الما بتسوي الشين كيف أصبحتي بعد الغيبي الطويلي دي
ما خليت لي صورن ما فتشتهن وجاي وجاي لامن لقيت لي صورة ألت زهرة لكن لما عاينتلا كدي لقيتا مضبلني جنب زهرات ابوالحسين السمحات ديل ... وكمان الجنى حاتم رسلك قصيدي ... وقطع شك بجي أخو البنيات الدكتور وينزل لك غنية سمحي بالحيل .... عاد أنا ياني الفضل وما قيمتك ... أفو اماني ما أتلوم راجل أخيانك الشوايقة جيهوك انا أقعد كدي
اها لقيتها أن كان بدوري تعرفي مقدارك عندي تعالي للمجر وفي سوق الله وأكبر سوي لك شًَكّله وزحي وخلي الباقي علي
بسم الله الرحمن الرحيم عزيزي خالد علي محجوب المسني ..ابؤاحمد.. سلامات الجعلي الاصيل.. نحن طلعنا جيران و احتمال اولاد خالات كمان.. اهلنا من السيال .. المتمه .. شندي فوق مربع تسعه .. خاصه سوق الشجره .. الوالد سنجك نمره واحد.. الوالده جعليه ميه الميه.. اتلمو كيف الله اعلم.. يعني الوحد لمن يسمع نكات الشوايقه والجعليين مايعرف اضحك مع ديل ولاديل..
Quote: بسم الله الرحمن الرحيم عزيزي خالد علي محجوب المسني ..ابؤاحمد.. سلامات الجعلي الاصيل.. نحن طلعنا جيران و احتمال اولاد خالات كمان.. اهلنا من السيال .. المتمه .. شندي فوق مربع تسعه .. خاصه سوق الشجره .. الوالد سنجك نمره واحد.. الوالده جعليه ميه الميه.. اتلمو كيف الله اعلم..
الحبيب حاتم كيف أمسيت يا عزيز علك طيبة وكيف أنت يا أخوي شوايقة وجعليين ودينكا وفور ونوبة كلنا ولاد تسعة وتسعة وأكرمنا عند الله أتقانا لكن أفرحني الخبر والدم بحن كدي قول لي انت أهلك منو في مربع تسعة وسوق الشجرة الناس ديل كلهم جيرانا أنا من مربع 8 وأختي الكبيرة متزوجها جعلي من السيال
الأحباء خالد حاتم ابوالحسين والعائدة ست البنات لكم السلام وشكرك على سؤالكم متابع كتاباتكم ومستمتع بتحليلات الفنان خالد الحمد لله بعودة ست الدار الأخ العزيز طارق جبريل سلام بكل اسف قلبت الجراب قلب فلم اجد طلبك رغم تواجد اغلب اغاني ود كرم الله كم تجدني اسف واناشد عبرك من عنده أغنية "فجولي اللشوفا" يبرنا بها جميعاً أهديكم وهواة التسجيلات القديمة "اعمل لي عيوني شنو" كلمات الشاعر الأستاذ عبد الله محمد خير وأداء الفنان صديق احمد أمد الله في ايامهما يا ابو الحسين ساترك التسجيل بلا تحكم حتى تعود يوم السبت
Quote: الأحباء خالد حاتم ابوالحسين والعائدة ست البنات لكم السلام وشكرك على سؤالكم متابع كتاباتكم ومستمتع بتحليلات الفنان خالد الحمد لله بعودة ست الدار الأخ العزيز طارق جبريل سلام
الفاضل سنجك ميه واربعطاشر دكتور ياسين لك السلام والتحية أخي الفاضل
Quote: الأخ العزيز طارق جبريل سلام بكل اسف قلبت الجراب قلب فلم اجد طلبك رغم تواجد اغلب اغاني ود كرم الله كم تجدني اسف واناشد عبرك من عنده أغنية "فجولي اللشوفا" يبرنا بها جميعاً
ما قصرت والله يا د.يس بالله يا جماعة اليلم فيكم في الاغنية دي يلكعها لينا هني
Post: #718 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-27-2007, 07:44 AM Parent: #1
Quote: زولك كرب البطينا تب وبقى يفتش للمستراح .... بركة الما سوى ليها في رأسها عند انشتاحتو دي
Quote: زولك كرب البطينا تب وبقى يفتش للمستراح .... بركة الما سوى ليها في رأسها عند انشتاحتو دي
أبوالحسين سلامات وعلك عافي تب والله بتخيل في منظر حُمد إحمد بعد ما شبع تب ودفس البطيني شى جداد وشي قراسي ودمعي وشي جنى جداد مسلوق وشي وجرم وتمر ... وبعد غلط علي البطيني بالمربي هي السوتا فيهو ماصّت الفي البطيني وقعد مزرزر عويناتو زي فار القنقر لما اسمعلو حركة ويعصر علي الكنبي جاي وجاي واتمحرك لمن غلب حيلي تب قام سعل من المستراح وينو ؟؟؟ وقام انطط زي كلب الحر فوق رسيين الناس لامن عفص المسيكيني الراقدي دي كسّر لها كريعا الماشي تخجبا في حفلة عتمان في اتبره باقي العريس مغترب من الدمام وجايب محمد جبارة لحفلتو ..ز شن باقيلا بلا تجوط في ... دحين باقي يلك زولك دا لقالو موية وتجمر بيها بعدما قضى ولا أنعرك بصلبو علي خشب المستراح وتما بورق جريدي .. عاد في القطر وين يلقالو تراب ....
لك مودتي وتحياتي
خالد محجوب
Post: #720 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-27-2007, 04:53 PM Parent: #1
Quote: الأحباء خالد حاتم ابوالحسين والعائدة ست البنات لكم السلام وشكرك على سؤالكم متابع كتاباتكم ومستمتع بتحليلات الفنان خالد الحمد لله بعودة ست الدار الأخ العزيز طارق جبريل سلام بكل اسف قلبت الجراب قلب فلم اجد طلبك رغم تواجد اغلب اغاني ود كرم الله كم تجدني اسف واناشد عبرك من عنده أغنية "فجولي اللشوفا" يبرنا بها جميعاً أهديكم وهواة التسجيلات القديمة "اعمل لي عيوني شنو" كلمات الشاعر الأستاذ عبد الله محمد خير وأداء الفنان صديق احمد أمد الله في ايامهما يا ابو الحسين ساترك التسجيل بلا تحكم حتى تعود يوم السبت
بسم الله الرحمن الرحيم سلام ياهلنا.. ابؤالحسين سيد البيت..سلامات دكتورنا الغالي..لسه مشغول الظاهر.. لو عندك الغنيه دي.. ومشكور مقدما.. خالد ود محجوب ..سلامات ياقربيي.. ست البنات..مرحب برجوعك.. ودجبريل سلامات.. وسلام الي كل المداخليين والماريين
تعرف الراجل دا والله حتل جوه شديد ونكت التعبير تعرف أنا بسمي الشعراء السودانيين بالغاوصيين لانهم يغوص بعيد ويطلع ليك بتعبير يدهشك واخليك مشدوه لانو التعبير دا لافي رأسك لكن مو قادر يمرق
تعرف التكرنة هي رحلة الفلاته من نيجريا حتى يصلوا مكة كان الفلاتي أحزم بقجتو ويسوق وليداتو أن بقى عندو وليدات ولو عذابي بقوم برا أها بقوم امشي بكرعي ويغشى حلي حلي أن بقى لقى فيها شغل بقعد أشتغل ويستقر فيها شهر شهرين سنة وسنتين وقد تطول وبعدها بمشي لقدام وما برجع لو جابو ليهو خبر القرية اللي ورى فيها دهب ويصل القرية التانية وبشوف فيها رزق ولا لا وهكذا حتى يجمع حق الحج وبعدها للبحر المالح كداري ويركب من هناك الباخرة لجدة وهذه الرحلة تسمى التكرنة وبها صاروا الناس يطلقوا علي الفلاتي التكروني
وا أسفاي وا أسفاي علي حرفن شمخ في الطوّل وكيف الليله في بطن التراب مسبول حرام تبلينا يا أيام حرام تملّينا شوق وهيام
نواصل مع شيخ العرب ود بادي في رثاهو لسماعين ود حسن كانت بداية المقطع بأسم القصيدة الشهيرة لسماعين التي تغنى بها الفنان وردي ( وا أسفاي ) وفي نفس الوقت كان ألاسف من بادي بكاءً ونواح على شيخه الفحل ذلك الحرف الذي طال واستطال وغنى للبنية وللبلد غنى للانفرق قليبها من جناها سماعين الذي غنى للجرف للارض للتراب سماعين الذي غنى لريل بنوعيه متوحش في الوديان والسهول ومستأنس في الحيشان سماعين الذي غنى وطال حرفه للنيل والنخلّه ينوح ودبادي مما بلته به الأيام في الفقد الذي تناثر من عقد المسبحة العزيزين ثم الشيخ ويشكي حاله وكيف ملته الايام بالاحزان
اتارينا بنشّيل من حرفّك الجواني يا سماعين ونقعّد في حواشي الحضّره وأنت تكب علينا غمام وما عارفين حرفّك نازفو من شريان ومن دم القليب الأصلّو مابريان ولما شربّنا لما طربّنا إتلفتمّا وما لقيناك يا إنسان
سماعين الذي ظلّ طيلة حيلته يشدو بالشعر العذب ما نضب صوته وما جفّ حبره ومافضت مخلايتو من الكلم كان ينشد لنا ونحن قاعدين في الحضرة وتكب غمامه ونحن ما كنا عارفين انو الراجل يجود علينا وكل حرف كل كلمة كل بيت كل قصيدة وهي تنخر في جوف جسيمو وما بقول لا انهار الجسم من كثرة العطاء ونحن نشرب من رحيقة وفي قبلنّا وما لقنا وين فات وين راح .. مات سماعين وصعدت رويحتو الطاهرة للواحد الديان.
وشفنّا رويحتّك الشفافة ركبّت هودج الأحزان محمّل فوق جناح ملكين دروبو علي مشارف الواحد الديّان قوايمّو شقايق النخل الوقع حزنان مضفورّه بسعف يابس مفرّشه بكباد أماتنا والحبان مزمّله بحبال صبرّن فقدنا زمان مضلل بالدموع شرقان
ونحن جالسين مشدوهين مفجوعين وما مصدقين الخبر شفنا روحك الطاهرة ركبّت هودج ونعش الأحزان وكان يحمل النعش ملكين طاهرين وكان الدرب معروف الجسد يدفن والروح تصعد لباريها في السموات العلا .. وكان النعش ذاك الجسم الهزيل يرقد على نعش قوايمو شقايق نخل ومضفور بسف يابس ومفروش باكباد الامهات والحبايب.
عجيب يا هودج الأحزان مواسم الهجرّه ما حانت ولا زمن الرحيل قد حان نسافر ليكَ وذادنا الشرّبه من بحر الحزن والآهَ والحِرمان
القدر واليوم وكتين يتم فهو واقع لا محال وحكم السيد نفد ما بنحجب مقدور ورغم الفراق الذي حال بيننا لكن سوف نواصلك وذادنا في سفرنا هذا شربة من الآه والأحزان الذي لبسناهو عليك
وداكَ اليوم وداع الهودّج المتهادي كان جامع رجالات الحضر والريف طيور السافل المحزونّه جات بي ليله تاركه جناها للريح والمطر والزيف وروح ترهاقا والعباس وروح ابواتنا ريح الماضي كلها جات ملوك شايق وقف شاويش منكّس لي حرابو واقف بقفاهو تابعّو شايل سيف
يوم رحيلك جمع الناس من جم عرب وعجم ناس ريف وناس حضر وناس السافل الشوايقى جو بالليل ومنتظروا لامن تبق شمش الصباح شقتّ الفيافي لواريهم فوق ليلا بهيم وزيف ومطر... وما واعين وما تركو مشهادا علي وطيهم وجنياتن الفجعّة كانت اكبر وحتى الفاتوا جات رويحاتهم وحضرت وداعك وهودجك يتهادى للواحد القهار.. وعند قبيرك وقف شاويش منكس لي حرابو حدادن عليك
وبعد الليله كل بنيّه تلبس فوق صديره أكليل يكون مزروع فيهو قلب الشهيد وأنتَ شهيدنا يا سماعين
ومن يومنا وجاي كل البنيات كان الواحدي منهن لبست لها اكليل قطع شك بكون مكتوب عليهو الشهيد سماعين ود حسن يا الله يا الله يا الله
بعدما شلتّه اسماعين وفات معاهو باقي كلام وباقي حنين يا الله بعد الفجعّه نظل شاكرين نظل واقفين علي بابك ومعاي طلبين يكون عبود مع ودتوم كذا شاهدين قدام قبر الولي سماعين نظل واقفين يوم الليله والباكر إلى ما شئت يا الله إلى يوم الفصل والدين وداك اليوم يكون يومنا نقالد شيخنا اسماعين
المقطع الاخير كان بمثابة الخاتمة وقد اجاد فيه ود بادي وسكب كل آهاته واحزانه... لذا لا احب ان افسد هذ الجمال هذه اللوحة البديعة رعم انها نياح ورثاء لكن عن جد ابدع فيها العكودابي ونقول له لا اسكت الله فوك وحفظك وصانك ربنا من كل شر ويعطيك الصحة والعافية
خالد محجوب شندي
Post: #730 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-28-2007, 05:14 PM Parent: #1
Quote: تعرف التكرنة هي رحلة الفلاته من نيجريا حتى يصلوا مكة كان الفلاتي أحزم بقجتو ويسوق وليداتو أن بقى عندو وليدات ولو عذابي بقوم برا أها بقوم امشي بكرعي ويغشى حلي حلي أن بقى لقى فيها شغل بقعد أشتغل ويستقر فيها شهر شهرين سنة وسنتين وقد تطول وبعدها بمشي لقدام وما برجع لو جابو ليهو خبر القرية اللي ورى فيها دهب ويصل القرية التانية وبشوف فيها رزق ولا لا وهكذا حتى يجمع حق الحج وبعدها للبحر المالح كداري ويركب من هناك الباخرة لجدة وهذه الرحلة تسمى التكرنة وبها صاروا الناس يطلقوا علي الفلاتي التكروني
بسم الله الرحمن الرحيم عزيزي خالد المسني .. سلامات يا الغالي ابؤاحمد.. نجي لي ناس شندي..من مربع تسعه جدنا حميده الفكي حمد.. خيلانا.. ناس الخليفه الحسن..ناس بابكر حاج التوم.. وناس عوض حسن و عبدالجليل الاساتزه (ناس وقيع الله) .. وفي فريق المحطه ناس حسن حسين.. وناس عبدالله البدوي .. والدعيتاب (ناس الدعيته).. وفي المتمه ناس حمد سراج حمد.. وفي السيال الفكي حميده صاحب القبه.. (حمد وودابارؤ وحميده الفي جواره).. وانا يا ابواحمد ياخوي اناطولت شديد من شندي اخر مره كانت من زمن سفريات البراق و الاكسبريس..
وفاء ....... للشاعر.. الحاج محمد سرالختم ...............................
وفاء ليه بتردي المويه انت حرام عليكي تشيــلي ماكان حقو تملي الباقة شان هي عليكي فاضية تقيـلي انت الزيك ما بخدمو ضمه الا بس الظـــروف عزيلي والضيف ان جاء للشايقية رابع يوم وقعت طويلي وما برضاكي تمرقي بره بعض الناس نفســـو رزيلي راجنــك تمرقي يشوفو كـيف ايد الله فيكي جميــلي قالوا المويه من ايديك دوو يشفي الرويحتو عليلي لوبلقالي منها شربة في السنــة مرة تشفي غليلي عودك حكمة السواهو زودو فوق ندايدو خصيلي ضيعو وســوه لي خــوفي ينعقد اوعي تنسي تميـلي وحيلك كلو في عينيك والايد ما خلق لهاحيـلي ايديك تتعــبه الهبابه والعين متعيباله قبيــــلي جاتني امس العشيب لبيه تشكــي من الزعل تشكيـلي قالت انت شلتي جمالنا خليتي لنا حاجه قليــــــلي ليه يدوكي بي ماعونو شان زي ماك دايرة تكيلي وعارفك من زمان يا عيني اصلك نا بتعوسي عديلي تكشفي حالي للدايرنو ما برضيك شئ غير بهديلي الشئ قبل لساني يقولو حالا دمعة دمعة تسيلي لو ما انت شن وراني عينا ناعسه والا كحيلي.
.....................................
حاتم هاشم.
Post: #736 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-29-2007, 06:49 AM Parent: #1
Quote: العجو الجايّ من المحوس وأن عول ما بينقرو السوس المفلس شن داير يكوس بس يعاين ويشبع مغوص
آسيا بابورك في الأراك
د. يس... صباحك زين يا اخوي...
ياااااااااربي نان أقول لك شنو؟؟؟
غير الله يديك العافي في عضيماتك يا اخوي... دي من وين لقيتها دي؟؟؟ صوت ود اليمني الحقييييييييييقي...
تسلم يا أبا سامي وما عدمناك وجُرابك المليان إبداعات...
قواسيب مودتي...
أبو الحســــــــــين...
Post: #737 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-29-2007, 02:25 PM Parent: #1
Quote: الأحباب سلام بالله اسمعو الكلام الفوق آسيا دا الاخ الاستاذ خالد شوف الزول دا قال عن صدرها شنو
كُنت داير أقول لنا يا أبو سامي لكن أشيل حالي... لقيت السؤال موجه كُتُر...
أماااااااني ماب يجي يوريك قالو شنو؟؟؟
أها مصنقرين وراجينك يا خالد!!!
الليلي عاد تمسك من وين يا أبو أحمد... لكن يبقى لي أحسن تفرضها من طَرَف!!!
مودتي...
أبو الحســــــــين...
Post: #738 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-29-2007, 04:42 PM Parent: #1
Quote: وحيلك كلو في عينيك والايد ما اتخلقلهاحيـلي ايديك تتعــبها الهبَّابه والعين متعبالة قبيــــلي
ديششششششششششششششااااااااك!!!
نضِم والله يا أُستاذ الحاج محمد سر الختم...
عليك الله يا خالد يا اخوي بعد تنتهي من آسيا عرِّج بي جاي... في جمال بالكووووووووووم مشكَّن في القصيدة دي...
غايتو ود الزومة بالغ عديل كده في البيت وأن شاء الله يكون الزول دا قاصد في بالي
الكتاب أنا قارّي حافظو صم أنا ماني أول زولّن نظم الشعر بدا أبونا آدم آسيا فيك أنقطع العشم وصدرّك المصحف للقسم
الراجل لما شاف صدرها عالي ومفندر ولازي لا بره أول ما خطر لي باله ذاك المصحف الموضوع تربيزة مولانا قاضي القضاء في محكمة كريمي ... وطبعاً المكان بتاع طربيزة القاضي بكون مرتفع من مستوى سطح القاعة وفق دا المصحف قاعد فوق الطربيزة وابقى لي الراجل بس داير يحلف ويخت آدياتو في الصدر دا ويحلف
وقال أخر
وعلى الصدر نوافير جحيم تتفجّر وحزام في مضيق كلما قلتُ صغير كان الخصر أصغر
وقال أخر
الصدير أعطافّك فتره والنهيد باع فينا وأشترى ( الشي شنو شايله لا سقالة بطنون ولا شنو )
وقال أخر تودّي صديره قدّاما تخلي سبيبه يدّلا ( اتخيل معاي )
وصلت تب أهلك ديل بعرفهم كلهم بالذات ناس شندي المديني حميد الفكي حمد في مربع تسعة جنب ناس عطا السيد أحمد وناس الخليفة الحسن وبابكر حاج التوم وناس الدعيتة
بالمناسبة حسن حسين في مربع 1 حلة المحطة أوعة يكون حسن حسين الشغال تاجر بين السودان والسعودية ومتزوج بت حسن سيد عجيب من مربع 8
شبيهة الصيد في البوادي محكم عودك النادي فاطرك برقو عبادي الرزق يا جاهلة جبادي
يا سلام تغزل وابدع مافي ليها شبيه غير الصيد في البوادي والوديان وأن قت القوام محكم بديع الصانعو العلي الكريم وكان نظرت منو البقدر يعاين للبرق العبادي عاد ما بجهر
والقسمة والرزق مجابده آبنية بس كدي أقعدي في القرير وما تنفذي النقلية
الحبيب الأستاذ حاتم هاشم لا تجوز الفتوى والأستاذ خالد بي ضهاري البوست "المدينة" لكن زي بلاغة البيت الفوق دا انا ما سمعت لك الود ولازال البحث جار عن هذه الغنية بصوت ود كرم الله
Quote: غايتو ود الزومة بالغ عديل كده في البيت وأن شاء الله يكون الزول دا قاصد في بالي
الكتاب أنا قارّي حافظو صم أنا ماني أول زولّن نظم الشعر بدا أبونا آدم آسيا فيك أنقطع العشم وصدرّك المصحف للقسم
الراجل لما شاف صدرها عالي ومفندر ولازي لا بره أول ما خطر لي باله ذاك المصحف الموضوع تربيزة مولانا قاضي القضاء في محكمة كريمي ... وطبعاً المكان بتاع طربيزة القاضي بكون مرتفع من مستوى سطح القاعة وفق دا المصحف قاعد فوق الطربيزة وابقى لي الراجل بس داير يحلف ويخت آدياتو في الصدر دا ويحلف
وقال أخر
وعلى الصدر نوافير جحيم تتفجّر وحزام في مضيق كلما قلتُ صغير كان الخصر أصغر
وقال أخر
الصدير أعطافّك فتره والنهيد باع فينا وأشترى ( الشي شنو شايله لا سقالة بطنون ولا شنو )
وقال أخر تودّي صديره قدّاما تخلي سبيبه يدّلا ( اتخيل معاي )
الحبيب الأستاذ خالد سلام وثديٍ كحق العاج رقصاً حِصَاناً من أكف اللامسينا اللامس/ين زي ناس ابو الحسين وآخرين إلا أنه يقال أن البروفيسور المرحوم عبد الله الطيب رغم إشادته بجمال البيت وكيف يرقص النهد "ويتلولو كالدابي متفلتاً" من الذين يريدون اللمس "بالكوع" "وعاملين فيها ما شايفين" ، إلا أنه قال أن النهد الذي يتحرك ليس بنهدٍ جيد أو كما قال "العهدة على الراوي"
Post: #746 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-30-2007, 06:48 AM Parent: #1
Quote: وعلى الصدر نوافير جحيم تتفجّر وحزام في مضيق كلما قلتُ صغير كان الخصر أصغر
نضم والله يا خالد...
لامِن أجمِّع وأجيك...
مودتي...
أبو الحســــــــين...
Post: #747 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-30-2007, 09:10 AM Parent: #1
Quote: الراجل لما شاف صدرها عالي ومفندر ولازي لا بره أول ما خطر لي باله ذاك المصحف الموضوع تربيزة مولانا قاضي القضاء في محكمة كريمي ... وطبعاً المكان بتاع طربيزة القاضي بكون مرتفع من مستوى سطح القاعة وفق دا المصحف قاعد فوق الطربيزة وابقى لي الراجل بس داير يحلف ويخت آدياتو في الصدر دا ويحلف
الحِبيِّب خالد...
وما مُمكن باقِيلك يكون قاصد... طُهْر وقداسة المكان؟؟؟
الحبيب الأستاذ حاتم هاشم لا تجوز الفتوى والأستاذ خالد بي ضهاري البوست "المدينة" لكن زي بلاغة البيت الفوق دا انا ما سمعت لك الود ولازال البحث جار عن هذه الغنية بصوت ود كرم الله
الأحباب هاشم ودكتور ياسين سلام عليكم
أتفق معك يا دكتور في عمق بلاغة البيت تشب في المشي ما بتوهط كراعا في الواطه.... ومتسارعة بلفتان... وتلقى الشي دا يلعب تحت الهديمات بس تقول والله كديسي مربوطه في شوال...
ديسّه شوف عيني منو شكت كتوفّا إلا ديما نافره يا ناس ما ولوفا
شعرك دفة الليل الما تبين لو تريه وثغرك فجّة البرق اللسحابة أم ديّه
الشعر الغزير الطويل ميزة من الجمال وبنية الدابي الكاتله دي شدة مو طويل شعرها فتر كتوفا وشعرها طبيعي لا باروكة لا سلا خلقة الخالق وعليك أمان الله ما دخلتو مساحيق وصبغة بس كان الكركار دا...
سال من شعرها الذهب وتدلّه وما نسكب كلما عبثت به نسمة ماج وأطرّب
النفرة واللفتان من طباع الريل وجرت العادة تشبيه الفتاة الجميلة بالريم العيون ... الجيد .. الخصر .. في نفرتها... في لفتانها .... ويطلق عليها أهلنا الصيدة
Post: #749 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-30-2007, 02:25 PM Parent: #1
Quote: أتفق معك يا دكتور في عمق بلاغة البيت تشب في المشي ما بتوهط كراعا في الواطه.... ومتسارعة بلفتان... وتلقى الشي دا يلعب تحت الهديمات بس تقول والله كديسي مربوطه في شوال...
الله يجازي محنك يا خالد!!!
Post: #751 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-30-2007, 02:56 PM Parent: #1
Quote: الأح أبو الحسين والإخوة الأكارم
من هنا أطلق الدعوة إلى تكوين جمعية بعث وحفظ تراث منطقة الشايقية ويمكن للجمعية أن تكون لها صوالين في مختلف المناطق تجتمع في يوم خميس من كل شهر..للقراءات الشعرية وحكاوي التراث ومن ثم نقوم بتجميعها في كتاب أو سي دي حفظا لها من الضياع..خاصة وأن أجيالنا القادمة تكاد لا تعرف شيئا عن تراث أجدادها..وكضربة بداية...فأن منزلي المتواضع يرحب ويفخر بأن يكون صالون الشايقية بالخبر ويمكن أن تكون هذه المسألة دورية حتي تكون جميع بيوتنا صوالينا لتراثنا الثر..ما رأيكم دام فضلكم؟؟؟؟؟
الأخ الكريم الباشمهندس الزاكي...
نهارك سعيد يا اخوي...
إنت عارف فكرتك دي عين العقل والحقيقة... وأنا بدوري أرحب بيها حد الترحيب ما يصل ليها حد... وما علينا إلا نقول بسم الله ونبدأ... ونجعل المرجع الحوش دا... فالحمد لله كثير من الإخوة هنا ملمين بتراث أهلنا الشايقية وأشعارهم وحكاويهم... وأنا سوف أنزل في الأيام القادمة لو ربنا حيانا سيرة عظماء المنطقة وحا أبداها ليكم بي عمك العوض الحسن الله يرحمه... مروراً بناس ود شبيلي وود الرضي والزاكياب والبادياب وآل ود سورج في الأراك... ونسأل الله يقدرنا على هذا العمل...
ما أريد أن أنوه إليه أخي الزاكي...
إنت عارف ردك دا... أنا شفتو اليوم... الآآآآآآآآن... هسسسسسسسع ناااااااااو يا عملات ناس طارق الأمين عوض (الهيلاهوب) فأرجوك والإخوة الكرام... عندما يردو أن يردو من تحت ما يردو من رد الموجودة في المشاركات... عشان كل الردود تكون تحت بعض...
يعني يا هندسة... بالدارجي كدي... يجب علينا أن نرد بالأيقونة بتاع رد العِنْد الكيمي اليمين التِحِت دي...
ولك وللجميع قواسيب مودتي...
أبو الحســــــــــــين...
Post: #752 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-30-2007, 04:09 PM Parent: #1
Quote: بروقيها الداره لخبطي لي صفوفا
خلي حسادك عديل تخضع انوفا
عليكم الله شوفو حسن الدابي (الله يرحمه) إستخدم بروقيها دي هني كيف... البروَقَة طبعاً درجتها أكبر من اللخبطة ولة شنو؟؟؟ يعني زي مثلاً...
لمن تنزل البت البترقص والعندها إمكانيات بروَقة الدارة... تحصل البروقة... وهي كالآتي...
أول حاجة الكورس يتجنن يفعل أشياء غير إرادية يجي ويروح ويدور وإن بقى كمان بتاع هجيج يندَردَق في الوا طة دي... زي كورس المبدع عوض الجرف...
تاني حاجة البنات الفي الدارة يجفِلِن يمرقن يخلن ليها الدارة...
تالت حاجة... في بعض الناس العاقليييييييييين وقاعدين فوق الكراسي... يعني في دور الحجاج وكدي... يجوك جارين وعمتهم جارِّي بالوا طة وراهم...
رابعاً... الفنان إن بقى قاعد يغنيلو في غنوةً إيقاعها بارد شويي... ينطلق بي::
حلاة حلاة حلاة حلاة حلاة ...
حلاة التلة بي إيدها...
مع النغمات يميل جيدها...
فريع البان داك عويدك...
تعالي الليلي يوم عيدك...
بريدك والله أريدك... وبريد الزول البريدك...
أها دا تفسير بسيط للبروقة ... الله لا تبروقنا في الدنيا والآخرة قولو آمين...
وكمية من الإبداع متدفق في أغاني الشايقية... أرجو من الإخوة الوقوف عندها...
قواسيب مودتي... ودا كلامي أنا... كمان لامِن يجيكم خالد يوريكم الكلام المكشَّن بلا بصل!!!
أبو الحســـــــــين...
Post: #753 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-30-2007, 05:20 PM Parent: #1
دعوة للإنسانية واستمرار الود لا تقفل الأبــــــــــــــــــــــــواب ثنائي العامراب شتل الحياة المخضر لو عانى مرة يباب جاي جاي بيصبر لومن يلاقي شراب لكن يضبلن صَرْ ضَي الشمس لو غاب
Post: #757 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-31-2007, 02:20 PM Parent: #1
Quote: دعوة للإنسانية واستمرار الود لا تقفل الأبــــــــــــــــــــــــواب ثنائي العامراب
الحِبيِّب أبو سامي...
الأُغنية الظاهر عليها فيها مشكلة...
كدي راجعها...
مودتي...
أبو الحســـــــــين...
Post: #758 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 01-31-2007, 05:00 PM Parent: #1
Quote: الحبيب الأستاذ خالد سلام وثديٍ كحق العاج رقصاً حِصَاناً من أكف اللامسينا اللامس/ين زي ناس ابو الحسين وآخرين إلا أنه يقال أن البروفيسور المرحوم عبد الله الطيب رغم إشادته بجمال البيت وكيف يرقص النهد "ويتلولو كالدابي متفلتاً" من الذين يريدون اللمس "بالكوع" "وعاملين فيها ما شايفين" ، إلا أنه قال أن النهد الذي يتحرك ليس بنهدٍ جيد أو كما قال "العهدة على الراوي"
زي جماعةً كدي في المواصَلات!!!
الله يجازي محنك يا دكتور... والله خليتني أفتفِت من الضحك!!!
سلام يا اخوي ابوالحسين الفرجيخة سمحة بالحيل وفرجيخة زولاً كرب لو قراصي حاري بدمعي ولحمها هبر كبار وفاقش لو بصلي ماكنّي زي قلب التور..... لكن خوفي عليهو في فرجيختو دي من ( أم نِويويره ) وانت عاف في فرجيختو دي كان نتشتو بتنتش وين ما يلقى من يديهو حقنة مضاد السم عاد منو البمد آيدو علي المحلي ديك وظنيت حُمد أحمد التمرجي يرفض؟؟؟؟
Quote: الحبيب الأستاذ خالد سلام وثديٍ كحق العاج رقصاً حِصَاناً من أكف اللامسينا اللامس/ين زي ناس ابو الحسين وآخرين إلا أنه يقال أن البروفيسور المرحوم عبد الله الطيب رغم إشادته بجمال البيت وكيف يرقص النهد "ويتلولو كالدابي متفلتاً" من الذين يريدون اللمس "بالكوع" "وعاملين فيها ما شايفين" ، إلا أنه قال أن النهد الذي يتحرك ليس بنهدٍ جيد أو كما قال "العهدة على الراوي
وبعد لِوليو دا ناس ابو الحسين جماعتو بتلوو معاهو وبلكزو بلكزو ألا كان ألقالو حجراً يدخل في رحم الله البروفيسور عبدالله الطيب عاد وين في نهدا ما بتحرك والله برجف زي قالب الجلي ويرجف معا
تعرف يا دكتور في قرية حنبنا في شندي مشهورات نسائها بكبر الثدي مرة سألت صديق لي ممسوخ بالحيل قلت له يا هاشم ليه نساء القرية دي لاحدهم ثديهم كبير
Quote: وانت عاف في فرجيختو دي كان نتشتو بتنتش وين ما يلقى من يديهو حقنة مضاد السم عاد منو البمد آيدو علي المحلي ديك وظنيت حُمد أحمد التمرجي يرفض؟؟؟؟
أوعك تودي البوست دا الخور يا استاذ خالد يا أبا الحسين سلام الأغنية شغالة تش إلا يكون عندك حاجة في الريل بلير بتاعك لانها مختلفة من الفايتات خلينا نسمع من باقي الجماعة لو ما سامعين كدي حرك كوعك يمكن تسمعها!!!!
بسم الله الرحمن الرحيم سلام ياهلنا.. دكتورنا الغالي سامعيين ومستمتعيين الظاهر كمبيوتر ابؤالحسين داير دفره لو في طريقه يادكتور تنذل لينا الرميه بتاعت ودالبركيل دي .. ومشكور مقدم..
اخترت من دون العيون ........................
أنا أخترت من دون العيون ياغالية عينيك أعشقه وأخترت شوفتك كل يوم لو حتى شوفتك أسرقه لكني مالاقي الفرح لا في البعاد ولا في اللقاء وما من هواك أنا أصلي عاد خلقوني من طين الشقاء أنا مديت كتير حبل الصبر لمن فقدت أنا أولوا ومن غير صبر بقدر أساي ياغالية شانك بحملوا لو سمحت مرة بس داير قليبك أسالوا حافظ معزته زي زمان وله الحصل كان بدلوا والله يا نور العيون أصعب سفر سفر الأمل تلقاك تعاين في الهدف وما داري أنت متين تصل كل الدروب جربتها وسافرت فيها عشان أصل وفي كل مره الف وأعود من تاني لنفس المحل سيبي العواطف ديك وأنسي ريدك وقولي لي أيه الفرق لو زول زرع أمالوا في أخصب ودي والثاني روح للبعيد وأختارلوا يا محبوبة صي حايحصد الأول أكيد والثاني زي حالتي العلي لو جيتي تسألي عن هواي بالله أسالي عن هواك تلقي الجواب نفس الجواب .. ماقلبي يادنياي معاك .. أرجوك أوعي تفكري أنو قلبي يصبح لسواك لكن لو فقد العشم يمكن أقولوا خلاص كفاك أنا عارف المواجع لي براي أنا طول سنيني أبكي وأنوح فقدت أحساس الألم ياروحي من كتر الجروح ومابلقي عارف فرحتي غير فيك ياأم وجهاً صبوح كفاية كل القلته ده ، أنا تاني مابقدر ابوح .
Post: #764 Title: حكايات ومواقف مع الشاعر وظريف ظرفاء الشايقية إبراهيم الزومه Author: nile1 Date: 02-01-2007, 08:45 AM Parent: #763
عمنا الشاعر إبراهيم الزومه رجل يتمتع بحس الفكاهة وسرعة البديهة لي معه مواقف غاية في الظرافة والغرابة....معليش آجماعه..نسيت إتي في حوش الشايقيي وإتفلقصت بالعربي الفصيح..أها بعدين بجيكم راجع فيشان أحدثكم بي حديث ود الزومه..أرقدوا عافي
Post: #765 Title: Re: حكايات ومواقف مع الشاعر وظريف ظرفاء الشايقية إبراهيم الزومه Author: Muna Khugali Date: 02-01-2007, 09:06 AM Parent: #764
Quote: وتانياً مالك يا بتنا دايري تجيبيلنا الهوا بي شلوخ أُختك دي... ماك عارفي اليومين دي في حرابة شدييييييييييدي علي الشلوخ!!!
أها دي كمان خيتي ماجـده بعـد ماانشلخت.. هو الهوا دا يفوتكم يمشي وين..والحرابة ماهي فايتي منك بعيـد..بس اقعـد في بوكانك ده وارجاها.. ولا عاد الا ان كان تدس شايقيتك..باقيلك بتقدر?
Quote: لو في طريقه يادكتور تنذل لينا الرميه بتاعت ودالبركيل دي .. ومشكور مقدم..
الأستاذ حاتم لك السلام كم يؤسفني عدم العثور على طلبك أعلاه لكن استبدله بأغنية أخرى على أمل أن تنال رضاك وأخشى أن تجنن أخانا الكريم ود جبريل في بلاد "الأمازيق" بالمغرب الأستاذ عبد الرحيم البركل معليش خلاص غلطان أنا
انتو لليلى ما اديتو خالد ود عمى محجوب دا الجينسييى الشايقيى هو ووليدو ?
والنضم التحت دا لاخيتى منى بت عمى الخليفة خوجلى :
يا يمة يتبنك الخير - وينشد منك جبرين وأهل الله العظام !
شايفاك هينوك جيتى تسعلى مننا وقوتى حبابكون .
وسلميلى عليى خالتى جارة واخياتك وبينيتك .
وسلام يا ابو الحسين - وسلام يا خالد ود عمى محجوب - وسلام ياياسيكو الظرييف وعيدييل - وسلام يا ود عمى جبرين وسلملى عليى حيبيبى المعاك دا وقولو كيف ميشتهاك - واريتك تبقى طيب انت والمعاك .
Quote: انتو لليلى ما اديتو خالد ود عمى محجوب دا الجينسييى الشايقيى هو ووليدو
?
العزيزة الغالية ست البنيات والله مشتهيك ومشتهي نضمك يا العديلة كيف حالك وعلك طيبي وشديدي وما بتحسي بشي والله داكي الليلي بعد غيبتك الأولي وتاني قمتي غبتي سعل منك الشفع الديمة في بير ود الحسين شفع ناس ود عنان وقالو لي ست البنات دي شفناه في قطر كريمي وقابضة في حديد الشباك التقول خايفي تطير من القطر .. دحين كنتي وين مسعولة من الخير
بعدين الناس ديل رفضو تب ادوني الجنسية أنا وولدي وقالوا لي ألا تأخد لك شايقية شوفتي جنس النضمي البسووو فوقوا الجنيات ديل
دحين انت جيتي هسع آ المبروكة شوفي لي طريقي في الجنسية دي باقي كلمتك مسموعة بيناتن
ولك الاحترام والتقدير
خالد محجوب
Post: #771 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-03-2007, 07:35 AM Parent: #1
Quote: عمنا الشاعر إبراهيم الزومه رجل يتمتع بحس الفكاهة وسرعة البديهة لي معه مواقف غاية في الظرافة والغرابة....معليش آجماعه..نسيت إتي في حوش الشايقيي وإتفلقصت بالعربي الفصيح..أها بعدين بجيكم راجع فيشان أحدثكم بي حديث ود الزومه..أرقدوا عافي
إبن عمي الزاكي...
صباحك زين... وكيف تسرني طلتك الجميلة ومتاوقتك لينا رغم مشغولياتك الكثيرة... وعااااااااارف أيام لِماتَك لي إبراهيم الزومة في جدة سمعت بيها في مرة كدي على الطاير... لكن قالو الحكي سمح من خشم سيدو...
أها ترانا منتظرنك... وراجيييييين...
مودتي... ونسأل الله الصحة والعافية لمبدعنا إبراهيم الزومة...
أبو الحســــــــين...
Post: #772 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-03-2007, 09:47 AM Parent: #1
كتبت أُستاذة/ منى خوجلي...
Quote: هو الهوا دا يفوتكم يمشي وين..والحرابة ماهي فايتي منك بعيـد..بس اقعـد في بوكانك ده وارجاها.. ولا عاد الا ان كان تدس شايقيتك..باقيلك بتقدر?
كيف حـالك الزاكي اخـوي
والله عادي يا بتنا منى شايقيتنا مااااااااب ندسها... ومااااااااب نرضى مضاراتها... عِلِّي في ناساً كدي عنصريين خلااااااااااس... مااااااهُن خالِننا في حالنا شئ!!! الله يهدينا ويهديهم ويشفيهم من الحالة دي يااااااارب...
كميات مودتي...
أبو الحســــــــــين...
Post: #773 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-03-2007, 02:27 PM Parent: #1
Quote: كلكم بدون فرز
من ابو الحسين والزاكي وكلكم سلام من واحد منكم
من صلاح غريبة من اولاد الغرايبة ......
تنقاسي السوق والرويس والزومة والدهسيرة وكريمة ومروي
واصهارنا ناس بغدادي في شبا والبركل وناس حجار وناس ود التركي في مروي الخ ... الخ
أذن انا معاكم وساواصل معاكم
تحياتي ......................
صلاح غريبة - الرياض
ماشاء الله عليك يا هندسة... سايقها شرق وغرب...
كنت عاوز أقول ليك تكتب زي بصات الزومة... مقاشي الزومة الدهسيرة الكرو مروي شرق كريمة وبالعودة...
لكن لقيتك سايقها بالغرب برضو ماشاء الله...
آلاااااااااااف مراحب بيك يا غريبة وسط ديار أهلك وأحبابك... وأبقى قريب... بعد شوية نشلخك... وحقيقة الإخوة الشايقية الرحلو لغرب السودان كانو خير رسل أهلك وأهل صديقي عبد اللطيف وعمنا الخليفة عبد الوهاب الرضي (اللهم أغفر له وأرحمه) وغيركم... حفظكم الله أين ما حليتو وكنتو...
وقواسيب مودتي...
أبو الحســـــــــين...
Post: #774 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-03-2007, 04:51 PM Parent: #1
Quote: يا أبا الحسين سلام شكراً على القصيدة الرائعة لهذا الرائع عمر عثمان له تحياتي ان كان معكم وقل له مال قاله حميد "ياريت لو التمر يشيل كل تلاتشهر"
تسلم يا د. ياسين على الأُغنية الروعة والثنائية الجميلة بين خالد شقوري وعبد الرحيم البركل في هذا العمل الجميل...
وسلاماتك توصل للشاعر البارع عمر عثمان... وبلطشلكم كتييييييييير من زي دي زي دي...
كميات مودتي...
أبو الحســــــــين...
Post: #775 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-03-2007, 05:04 PM Parent: #1
Quote: انتو لليلى ما اديتو خالد ود عمى محجوب دا الجينسييى الشايقيى هو ووليدو ?
إيه يا ست البنات خالد دا زماااااااااااااان أخد الجنسيي دي...
بس باقيلُو تجي مُنى خوجلي تشلِّخُو... عُراضات لا ورا... ولة أحسن لك مطارق لا تِحِت علي كيفك غايتو... الموس جاااااااهزي ومنى يي دي الكُوركْتلها!!!
كميات مودتي... وحبابك آلااااااف يا زول يا ذوق يا قامة كما نخيل شمالنا الحبيب... وتسلمي يا ست البنيات لا حدَّهِن على إحساسك الطيب...
أبو الحســــــــين...
Post: #776 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-03-2007, 05:18 PM Parent: #1
Quote: بعدين الناس ديل رفضو تب ادوني الجنسية أنا وولدي وقالوا لي ألا تأخد لك شايقية شوفتي جنس النضمي البسووو فوقوا الجنيات ديل
دحين انت جيتي هسع آ المبروكة شوفي لي طريقي في الجنسية دي باقي كلمتك مسموعة بيناتن
ولك الاحترام والتقدير
خالد محجوب
أحمد أصلاً أديناهو الجنسية من زماااااااااااااان...
قلنا عشان تحسين النسل المجَر والشايقية نشوفهم يطلعوا شنو؟؟؟
أما إنت جنسيتك جاهزي... بس قلنا ليك عاوز الشلوخ شنو... عُراضات ولة مطارق زي حقات سيدي علي الميرغني (اللهم أرضى عنه)؟؟؟ ومنى خوجلي جاااااااهزي بي خُوستها للشليخ!! أها شن قولك؟؟؟
في لحظّه قبّال الآوان ودعتّ يا حُلم الشباب عديتّا يا ليل الفرح راحّت نجومك للغياب
خليتني ليه ليه!!! خليتني ليه أنا أنا خليتني في بحر الهِموم مجروح أصارع في العباب غرقان أشابي علي النصاب بالشوق قليبي شِرب شراب
وأيامي في البلد البعيد أحسب ثوانيهم حساب أسعفني بكلمة حنان تلقّاني فوق أطرافه شاب
دا أنا عمري كلو وهبتو ليك فجعوني فيك أهلي القراب نادونّي بطيبة حنان جابين لي صورتك في جواب قالوا لي في عش السعد يلمّع وجيهك بالخجل والفرحة باقالك حجاب
أنا فكرته في الزمن العجيب والماضي شفتو رهاب رهاب وأحترتّه فيك كيفن تجور تنسى القليب اليِكَ حاب فجأة أنفجر حزن السنين في جوفي فات حد النصاب وأضحك وضاري من الخلوق ألا الدمع يسبقني صاب
خليتني ليه ليه خليتني ليه أنا أنا أنا صُح ما شكيت حالي العليّ لكن عيوني بقن كتاب يحكّن عن الزمن المضى قصّة رحيلي وراء السراب أنا تهتّه في عقبة هواك حققتّه ذاتي عليك مصاب نان قول لي غيمة من الصبر ترويني بمطر العذاب
أنا لا أرتحتّه من سفري الطويل لا خاطري من تالاك طاب كفايّه من نار الفراق أتقلى فوقا قليبي ذاب شفته!! شبعتّه اسى وهموم وأيامي ذاته بقت عقاب
مبروك عليك رغم الحصل ماعندي ليكَ بلا العتاب خليني في آيد الظروف شايل حطام قلبي المُصاب وأصبر وأقول الريد قِسم والقسمة صُُح فوق الرُقاب ووب ووب
التحية لصاحب البوست العزيز ابـــــوالحسين لفتة جميلة أنا شايقي من شايقية السودان الجديد الحبيب يا سيكو الحنين شكراً للتسجيل الجميل والعزيزخالد علي محجوب المنسي شكرا على هذه المساهمة الرائعة والشكر لكل المشاركين من الاخوة والأخوات كان من المفترض الحديث يكون عن تاريخ الشايقية وثقافات الشايقية ام ا ن الشايقية ماضيهم المشرق وحاضرهم الأخضر هوالغناء
Post: #779 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 02-04-2007, 00:21 AM Parent: #778
Quote: التحية لصاحب البوست العزيز ابـــــوالحسين لفتة جميلة أنا شايقي من شايقية السودان الجديد الحبيب يا سيكو الحنين شكراً للتسجيل الجميل والعزيزخالد علي محجوب المنسي شكرا على هذه المساهمة الرائعة والشكر لكل المشاركين من الاخوة والأخوات كان من المفترض الحديث يكون عن تاريخ الشايقية وثقافات الشايقية ام ا ن الشايقية ماضيهم المشرق وحاضرهم الأخضر هوالغناء
العزيز الفاضل / يحى أبن عوف السلام عليك ورحمة الله أولاً الشكر اجزله لك اتقف معك في الرأي الشايقية ليت ماضيهم وحاضرهم ومستقبلهم هو الغناء وقد كانت في الصفحات السابقة بعض الكتابات عن تاريخ الشايقة لكن أنا شخصياً أعتبره زرة رمل من الصحراء الكبرى عناك جوانب كثيرة لم يتعرض لها الأخوة من الشايقية بعد التاريخ المفصل لقبيلة الشايقية ... ثقافتهم... فنونهم واحوالهم الاجتماعية ... وحياتهم ... جغرافية ارض الشايقية... المدن والقرى ... العادات والتقاليد... الشخصيات البارزة في تلك المنطقة على مر السنين ... النوادر والقصص ... وبقية الجوانب المهمة حتى تعم الفائدة والمعرفة
أنا طبعاً يا عزيزي جعلي من شندي فوق لكن احب فن وأشعار الشايقية لذا كنت احفظ الكثير منها ومن هنا كانت مشاركتي في هذا البوست الجميل ونعود ونقول أن الله ادا العافية كلو بجي ونتمنى أن يجتهدوا الاخوة لترميم البوست حتى يكون بوست توثيقي يشمل كل جميل في ارض الشايقية ابناء عمومتنا
ولكم الشكر والمودة والتقدير
خالد محجوب ..
Post: #780 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-04-2007, 07:22 AM Parent: #1
Quote: التحية لصاحب البوست العزيز ابـــــوالحسين لفتة جميلة أنا شايقي من شايقية السودان الجديد الحبيب يا سيكو الحنين شكراً للتسجيل الجميل والعزيزخالد علي محجوب المنسي شكرا على هذه المساهمة الرائعة والشكر لكل المشاركين من الاخوة والأخوات كان من المفترض الحديث يكون عن تاريخ الشايقية وثقافات الشايقية ام ا ن الشايقية ماضيهم المشرق وحاضرهم الأخضر هوالغناء
الأخ الكريم يحيى ابن عوف...
أولاً أرحب بيك في ديار أهلك وأحبابك... وأتمنى لك ولكل من يمر من هنا إقامة طيبة يجد فيها ما يتمناه من كلمة طيبة وأُغنية رقيقة وبسمة تُفرح في هذا الزمن الصعب...
إتفق معك واختلف معك في نفس الوقت...
فكون أن البوست هذا لم يعرض شيئاً من تراث الشايقية... فالشعر والغناء والمناحات وأغاني الفراسة هذه كلها جزء من ثقافة وتراث الشايقية عبر الزمان... أما كَون هناك قصور من هذا الجانب فإنشاء الله نعِدَك وأنت تشيل معانا هييييييييلُوب... بمزيد من الجهد في هذا المجال... وأنا عندي مادة كتييييرة سجلتها من أيام الأخ محجوب كرار رحمه الله سأقوم بإنزالها وكذلك مادة توثيقية لمناطق الشايقية من أمري ليييييي الغابة وكذلك رجالات الشايقية وحكمائها وعمدها ومشايخها... كل هذا سيأتي يا أخي فقط نرجو من الإخوة التفاعل معنا...
مع كميات مودتي... وأبقى قريِّب...
أبو الحســـــــــين...
Post: #781 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-04-2007, 10:07 AM Parent: #1
Quote: أنا طبعاً يا عزيزي جعلي من شندي فوق لكن احب فن وأشعار الشايقية لذا كنت احفظ الكثير منها ومن هنا كانت مشاركتي في هذا البوست الجميل ونعود ونقول أن الله ادا العافية كلو بجي ونتمنى أن يجتهدوا الاخوة لترميم البوست حتى يكون بوست توثيقي يشمل كل جميل في ارض الشايقية ابناء عمومتنا
ولكم الشكر والمودة والتقدير
خالد محجوب ..
وأنا أوعدكم بذلك بإذن الله تعالى...
إن ربنا مد في الأيام كل دا بيجي...
كميات مودتي... وأشكر لك غيرتك وإرتباطك الجميل بأهلك يا خالد يا سنجل مية وتلتاشر!!!
أبو الحســــــــين...
Post: #782 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-04-2007, 02:35 PM Parent: #1
إخوتي الكرام،،،
ظهور هذه الكلمات... الجَدي... الصيدة... بت اللَّريَل.. بت اللريلية... في أشعار الشايقية القديمة والحديثة... تعني قمة جمال ورشاقة وخِفَّة (الخفة المحمودة ـ في البيت والقيام بالواجبات ما الخِفة التاني ديك)... وسوف أورد عدد من النماذج هنا من الشعر القديم... لمزيد من التحليل والتعليق عليها...
صاحب الحوش الكبير أبو الحسين جيت اليوم أزوركم في حوش الشايقية الحنان أخي والله سعدت جدا بالعلاقة الوطيدة السريعة التي ربطت بينك وبين أعز وأخلص أصدقائي هاشم خلف الله أخي الذي لم تلده أمي وبالتالي سوف تمتد هذه العلاقة لتشملني فحتما أصدقاء هاشم هم أصدقائي وأصدقائي هم أصدقاء هاشم وهكذا أستبشر بك أخا وصديقا عزيزا وأرى أخي هاشم كله تصميم على قدومك للرياض يوم الخميس القادم وستكون محل ترحيبنا وحفاوتنا ،، في إنتظارك أخي ,, مع كميات فوق كميات مودتك الفياضة .
Post: #785 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-04-2007, 05:29 PM Parent: #1
Quote: بسم الله الرحمن الرحيم سلام ياهلنا.. الخال ودالمسني ... ابؤاحمد سلامات.. الكلام ده داير ليو شرح ..مع الشكر مقدما..
الحبيب حاتم مسّاك الله بالخير أولاً الشكر الشديد ليك على هذه الثقة... أني بقدر احل ليك عقدة الكلم في الشعر وهذا ليس نابع من علم أو تميز... لكن وهبني الله موهبة فهم الشعر معظمه وليس كله وأنا احيانا تستعصى علي الكلم وذلك لحبي الشديد للشعر والكلمة الحلوة وزي ما بقولوا أهلنا فلان لمّاح يعني الكلمة بالتقع في أضانو فورا تجي في راسو تفسيرها وانا أحمد الله العلي الحميد حمداً كثير على هذا العطاء ولا فخر وفي حين كثير اتخيل ان الشاعر يقصد كذا وقد اصيب واخطئ في ذلك
الريلة والظبي والتيتل والجدي كلها اسماء لذاك الحيوان الجميل وقد جرت العادة في السودان ايضاً أن يطلق عليها أسم الصيدة كونها تصاد وطغى هذا اللفظ على بقية الأسماء مع انه ليس من اسماء ذاك الحيوان الجميل وجرت العادة أن توصف الفتاة الجميلة الحليوة شبيه الصيد وفي الشعر السودان وردت كثير قال شاعر
أريل شام شروق شراكّي ما نشا بك وشم نفسّك يفوح مسك العشاري الشابك
وقال آخر كالظبي في اللفتان أما الخديد ناعس زي زهرة في بستان
وقال أخر عيون الصيد الناعسات عيوّني .....( عيوني اي أمرضوني )
وقال أخر يا مريسيل تعال بوصيك في الرمال الصيد بلاقيك هو بيعزمك ويعتلق فيك قولو حالف ما بباريك وما بدليها التهمه فيك
وقال أخر رقابن وين رقاب الريل علي الحدب البعيد شرفن علي هوهيو كلابي
وقال أخر ضامر قوامّك لآن وقلبك قسى وجافيت الصيد يا جني الغزلان
وقال أخر جدي الريل ابو كزيمه تعال نتمشى في الغيمه مغيمة ريد تكون في رهيد شواطيها الخدر ديمه
والكثير قيل في الصيد سواء كان الصيد في الهويد أو الصيد في البويت نرجع لابو الحسين وصيدو
الأم ظبية وجابت ريلة الهويد هو الخلاء ولدتي آأم الحسن جبتيلنا صيد
( عيونا الوقّلن فوق في العقيدة )
العيون الواقلة وعادة تكون كبيرة ووكبر العين سمة جمال وزي دي كان رمت بتكتل وزي ما قال الشاعر وما شفنا الغزال بعيونوبجرح الأسد
سبحانك يا رب .. كم من أسرارّك الباهرة أودعتها في العين. وهي محض شحمة مرهفة
وقال أبن حزام العين ليست مجرد أداة للبصر بل أنها رائد النفس الصادق ... ودليلها الهادي .. ومرأتها المجلوة وبها يقف على الحقائق ويميز الصفات ويفهم المحسوسات
فالعين تتكلم وتعرب عن نفس صاحبها بالومضة والغمزة والإيماء
* فالإشارة بمؤخرة العين فهي عن أمر * غمض العين إعلان قبول الأمر * إدامة النظر دليل على التوجع والأسف * وكسر النظر دليل على الفرح * وقلب العين إلى جهة ثم صرمها بسرعة ...تنبيه
ومنها السهم ويلاه أن نظرت وأن عرضّت وقع السهام ونزعهن أليمُ
ومنها القاتل أن العيون التي في طرفها حور قتللنا ثم لم يحينا قتلانا تصرع ذا اللب حتى لا حراك له وهنّ أضعف خلق الله إنسانا
ومنها مايروي الظامئ عيونك زي سحابة صيف تجافي بلاد وتسقي بلاد
ومنها الما بنقدر كف عيونك عني لغة العيون شغلاني
ومنها المهاب قتلها عايني تسلم عينك ألا حقيقة مو ساهل كتاله
ومن العيون الكحلاء ... والعسلية ... والخمرية ... والزرقاء ... والشهلاء ... والخضراء ... ومنها الجامدة الساكنة والمتحركة النشطة ومنها العاتبة اللائمة ومنها القريرة ومنها الحنوة المحبة
( تنقُز في تراها شِرب تميدا ) الغزلان من طباعها النفرة ويا سلام لما تكون البنية في خلقتّها زي الغزال ومن طبعها النفرة والميسان...صفة تزيد الجمال جمالاً والحلاوة طعم العسل...وفي نفس الوقت الغزالة صعبة المنال فهي كالسماء تبدو لنا قريبة ولكنها بعيدة المنال وكان لقيت منها قولة سلام عليك ( يا ابو الحسين ) يومك داك ما بتنوم ويكون نديمّك نجم الليل ويصبح شغلك رميم وفراشّك قتاد وتفضّل تعد وتعد وتنسى لعدد ... وهي تسوي في نقزيها دا ونحن نتجرع علقم ينحبس في حلوقنا ( لا ادري معنى كلمة تميدا لكن يبدو لي شئ مر المذاق ).
( فريدة عصّرك إنتي آالست زبيدة ) الجمال سمح في كل شئ وحينما يقترن الجمال بالعز والأصل يزداد الجمال جمالاً وغزالتنا بت أم الحسن كانت ذات حسب ونسب وسليلة بيت كريم رفيع المقام بين الناس وتداني في حسبها ونسبهاملكات جيلهم... فبرزّت بجمالها بين اترابها... لدرجة شبهها بزبيدة زوج هارون الرشيد.
Post: #789 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-05-2007, 07:26 AM Parent: #1
Quote: صاحب الحوش الكبير أبو الحسين جيت اليوم أزوركم في حوش الشايقية الحنان أخي والله سعدت جدا بالعلاقة الوطيدة السريعة التي ربطت بينك وبين أعز وأخلص أصدقائي هاشم خلف الله أخي الذي لم تلده أمي وبالتالي سوف تمتد هذه العلاقة لتشملني فحتما أصدقاء هاشم هم أصدقائي وأصدقائي هم أصدقاء هاشم وهكذا أستبشر بك أخا وصديقا عزيزا وأرى أخي هاشم كله تصميم على قدومك للرياض يوم الخميس القادم وستكون محل ترحيبنا وحفاوتنا ،، في إنتظارك أخي ,, مع كميات فوق كميات مودتك الفياضة .
ثانياً: أنا في قمة السعادة وأتشرف بمعرفتك وصداقتك يا أخي عادل... وربنا يديم المودة والمحنة بين الناس...
ولو ربنا كتب لينا جية للرياض بإذن الله نتقابل ونوثق العلاقة دي بيننا...
وربنا يجمعنا وإياكم والجميع في ساعات الخير يااااااارب...
قواسيب مودتي... وأبقى قريِّب...
أبو الحســـــــــين...
Post: #790 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-05-2007, 11:34 AM Parent: #1
Quote: الحبيب حاتم مسّاك الله بالخير أولاً الشكر الشديد ليك على هذه الثقة... أني بقدر احل ليك عقدة الكلم في الشعر وهذا ليس نابع من علم أو تميز... لكن وهبني الله موهبة فهم الشعر معظمه وليس كله وأنا احيانا تستعصى علي الكلم وذلك لحبي الشديد للشعر والكلمة الحلوة وزي ما بقولوا أهلنا فلان لمّاح يعني الكلمة بالتقع في أضانو فورا تجي في راسو تفسيرها وانا أحمد الله العلي الحميد حمداً كثير على هذا العطاء ولا فخر وفي حين كثير اتخيل ان الشاعر يقصد كذا وقد اصيب واخطئ في ذلك
لكن إصابتك أخي الكريم أبو أحمد أكثر...
فيا أخي هنيئاً لنا برفقتك وسياحتك معانا بين مطبات رقيق الكلم...
وكميات مودتي لامِن أجيك راجع للغوص في تعليقاتك وتحليلاتك...
الدوسيب كدي يا عروسنا الخضراء جابيق كدي يا عروسنا سمِحْةَ الذات كدي يا عروسنا الشروط تامَّات كدي يا عروسنا سمِحْةَ الزي كدي يا عروسنا عيش الكُري كدي يا عروسنا المفوسِب ني كدي يا عروسنا الحرير للطي كدي يا عروسنا العظمة زينة الحي كدي يا عروسنا عيش الباجور كدي يا عروسنا الما نقدو زرزور كدي يا عروسنا الغَفَرو حاس دور كدي يا عروسنا عيش القُرير كدي يا عروسنا الماب يحومبو الطير كدي يا عروسنا الجنيه في الجيب كدي يا عروسنا البِقت فوسيب كدي يا عروسنا الدُّقة والنُقَّار كدي يا عروسنا القرمصيص العال كدي يا عروسنا الرصَّة والشبَّال كدي يا عروسنا شديرة البار كدي يا عروسنا تضوي فِنْيار كدي يا عروسنا تِبْش الرمال كدي يا عروسنا الدوسيب يا خدرة كَمِّك يا جلادةَ الشم جِبْتي ابن عمك الدوسيب نايري وعديلي عروسنا ام زين مُقْد الجزيري الدوسيب فاحت جلادها عروسنا ام زين مسكت وصاتها.
..................................
حاتم هاشم.
Post: #791 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-05-2007, 02:26 PM Parent: #1
Quote: أريل شام شروق شراكّي ما نشا بك وشم نفسّك يفوح مسك العشاري الشابك
يعني يا خالد أخوي ود اللريل دا... يتكرف في النسمة الجايي شرقاويي ولة شنو؟؟؟ وقلت لي الراجل ناصب ليها شركو... إنشاء الله يقبضها عاد... دي حلالي من النوع الجفَّال!!!
Post: #793 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-05-2007, 04:55 PM Parent: #1
Quote: ( تنقُز في تراها شِرب تميدا ) الغزلان من طباعها النفرة ويا سلام لما تكون البنية في خلقتّها زي الغزال ومن طبعها النفرة والميسان...صفة تزيد الجمال جمالاً والحلاوة طعم العسل...وفي نفس الوقت الغزالة صعبة المنال فهي كالسماء تبدو لنا قريبة ولكنها بعيدة المنال وكان لقيت منها قولة سلام عليك ( يا ابو الحسين ) يومك داك ما بتنوم ويكون نديمّك نجم الليل ويصبح شغلك رميم وفراشّك قتاد وتفضّل تعد وتعد وتنسى لعدد ... وهي تسوي في نقزيها دا ونحن نتجرع علقم ينحبس في حلوقنا ( لا ادري معنى كلمة تميدا لكن يبدو لي شئ مر المذاق ).
الله يجازي محنك يا خالد يا اخوي...
يعجبني تحليلك الزي دا... يدخل جوووووووة الحنايا...
وأخشى أن تجنن أخانا الكريم ود جبريل في بلاد "الأمازيق" بالمغرب الأستاذ عبد الرحيم البركل معليش خلاص غلطان أنا
سلام د. يس والله الاغنية خلتني اتخوجج في بلد الامازيغ يديك العافية
ــــــــــــــــــــــــــــ يا اخوانا د.حيدر ابراهيم كان قد ذكر لي في ليلة رباطية باردة انه الدكتوراة بتاعتو عملها عن قبيلة الشايقية في المانيا واخبرني انه سوف ينزلها في كتاب من مركز الدراسات السودانية بالله لو في واحد فيكم عتر فيها يكلمنا
على ذكر د. حيدر اذكر انه في عام تسعين وانا حديث عهد بالرباط كنت اتسكع مع والدتي في شارع محمد الخامس فاذا برجل يأتي ليسلم علي بصورة جميلة جدا قام قال لي: تعرف جابني للسلام عليك شنو... شلوخ امك دي ربنا يطراهو بالخير
Post: #795 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 02-06-2007, 00:07 AM Parent: #794
Quote: الله يجازي محنك يا خالد يا اخوي
أبوالحسين اخوي كيف حالك وعلك عافي تعرف يا ابو الحسين في شندي كان في واحد عافنا الله واياك ماسكّه اندراوة وهو راجل شاعر دوبيت والله يا ابو الحسين عندو شعر جميل خلاص مرة عجبتو غزالة من بنات أهلنا ... وأهلنا ناس صعبين بالحيل اسمهم ( القرداب ) قام قال فيها الأبيات دي لمن ما قدر يصل لمرادو
شتلوك برتكانه بين بحرين وكل الشافّك جنّ وقول آمين حراسّك قرداب ناسن لؤام بالحيل الطير في السماء اقول لو جيت من وين
أها عاد نحن البنية الزي الغزالة في النفرة والميسان وزي المهرة الجامحة بتسوي فينا كدي والواحد اقعد انعرك تقول مطلوقه فوقو نارية
ماشفتّه زولك قال
عطشان قلت ليهن وبدور اروّى مافيش كاس قريب.. وقالن بدون كلفّه تشرب بكفوفنا لما تتكفّى
ولا القال القديم اللادّن والأريج الفاح من جسيمه الناعم أسمر التفاح خلّى عقلي أتخلّى .. وفي حشاي كفاح جيش هواها أحتلّه قلعة الافصاح
الجمال بوجوج الناس ديل بالحيل واخلّي الواحد أقول كلام الجن ما يقولو ونحن نقرأ ونتوجع معاهم
لك ودي واحترامي
خالد محجوب
Post: #796 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-06-2007, 07:01 AM Parent: #1
Quote: عيش الباجور كدي يا عروسنا الما نقدو زرزور كدي يا عروسنا الغَفَرو حاس دور كدي يا عروسنا
هييييعع...
شوفو الحرس دا...
وآخر يقول...
سور في سور سيدي معلِّي سورو...
مُشتاقين ما قادرين نزُورو...!!!
تزور شنو والله كِريعاتك إلا يقطعوهِن ليك...!!
Quote: عيش القُرير كدي يا عروسنا الماب يحومبو الطير كدي يا عروسنا
يعني ناهِيك من ينقُد سااااااكت بس ما يحوم ويزازي جَنبُو!!!
قمة العفة والصون والحفظ...
اللهم أحفظ بنياتنا وبنيات المسلمين جميعاً يااااااااارب...
قيم ومعاني في الأشعار القديمة دي يجب علينا فرد مساحة كبيرة لتأملها والغوص في داخل معانيها...
قواسيب مودتي...
أبو الحســـــــــــين...
Post: #797 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-06-2007, 02:24 PM Parent: #1
Quote: القديم اللادّن والأريج الفاح من جسيمه الناعم أسمر التفاح خلّى عقلي أتخلّى .. وفي حشاي كفاح جيش هواها أحتلّه قلعة الافصاح
عليك الله يا خالد شوف جيش هواها دا كيفِنو!!!
يعني بكَّمُوا ولة الراجل دا يقصد شنو؟؟؟
Post: #798 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-06-2007, 05:18 PM Parent: #1
Quote: الدُّقة والنُقَّار كدي يا عروسنا القرمصيص العال كدي يا عروسنا الرصَّة والشبَّال كدي يا عروسنا شديرة البار كدي يا عروسنا تضوي فِنْيار كدي يا عروسنا
الأخ خالد... والخليفة أبو هاشم...
أبو سامي (د. يس) ليهو كم يوم ما ظهر... عساهو بخير وعافي...
كدي رسل أحمد وليدك اليقفِرْو ماااااااهُو متعود يغيب قدُر دا!!!
Quote: القديم اللادّن والأريج الفاح من جسيمه الناعم أسمر التفاح خلّى عقلي أتخلّى .. وفي حشاي كفاح جيش هواها أحتلّه قلعة الافصاح
الحبيب الغالي أبوالحسين البيوت الأربع أعلها خطيرة جداً في وصف الريلة القدم عادة ما يكون اقسى أو اخشن عضو في جسم المرأة لكن الريلة قدمها... وصفة لادن عادةً مايصف بها الجسم ... لكن تلك الريلة قدمها كان لادن عاد باقي الجسم يكون كيف شوف جنس الوجع دا وفق هذا الرواح تفوح من جسمها الاسمر كالتفاح في لونه ودا الشي البهدلني وجنن عقلي وطلق نارية في أحشاي ولا محال أن جيش هواها سوف يحتل القعلة التي ظلتت ابني في احصانها عمري كله وهي من قوة الحصون كقلاع الفصح قديماً وقطع شك سوف تنهار هذه القلعة من أول سهم يطلق منها بل حصل واندكّت القلعة وأسرّت مافيها ..... عليك الله بنية نصاح
وقال ليها ايضاً يا أم جمالاً شاذ أعجم الفصاح ونطّق الأبكم علمو الإفصاح
أبو سامي (د. يس) ليهو كم يوم ما ظهر... عساهو بخير وعافي...
كدي رسل أحمد وليدك اليقفِرْو ماااااااهُو متعود يغيب قدُر دا!!!
عساك والأهل طيبين يا آل ود ياسين...
مودتي...
أبو الحســــــــــين...
والله سبقتني في الموضوع يا أبوالحسين فعلاً الدكتور دا مفقود ليهو مدة لكن ابقى لي هو وست البنات رقادلهم بختي بقو يغوصوا ويقلعوا
داكي الليلي لم مشيت أنا براي شان أقفرو والله ضهب علا الله لماني في جنى من امدرمان ود حلال بقى معاي لحدي ماركبني الطيارة صديت كدي المرة دي لحدي بكرة كان قلع بركب احمد وليدي امشي اعقرو واجي
الحبيب الغالي أبو الحسين والأخوة والأخوات بدور منكم كلام مفصل يعني ماعدي من وشي في سراع عن :
الحب الشديد بين الشايقي والأرض ( لا أعني ارضه في الشمالية مسقط رأسه فقط بل الارض الزاعية والعقار اين ماوجد الشايقي اكتر شئ بفكر في امتلاكه قبل الزوجة ارض )
تحضرني نكته عندما طبقّت الشرعية في السودان في واحد شايقي جاي لنج نزل يا دوب من قطر كريمي وقدام المحطي ضربتو عربية ( حادث حركة ) وكانو معاهو اخوانو ..المهم وهو واقع في ا أخوانو جروا علي آمحمد ات طيب رفع راسو وعاين ليهم بعد ماشاف العربية الضربتو ولقاها مارسيدس اخر موديل وصاحبها سمين وجيبو سمين ... قال ليهم أنا شديد ونصيح بس الراجل كان ساومكم أعصروا علي الأرض ورقد تاني عمل فيها مغمى عليه....... ( أكيد دا جدن لست البنات )
ها ناس مابيناتنا زعل كان فوقا زعل أنا من هسع متعسف بالحيل فقط ذكرت النكته من باب حب الارض
بسم الله الرحمن الرحيم سلام يا هلنا.. العزيز ابؤالحسين..
Quote: الأخ خالد... والخليفة أبو هاشم...
أبو سامي (د. يس) ليهو كم يوم ما ظهر... عساهو بخير وعافي...
كدي رسل أحمد وليدك اليقفِرْو ماااااااهُو متعود يغيب قدُر دا!!!
عساك والأهل طيبين يا آل ود ياسين...
مودتي...
الظاهر يابؤالحسن ياخوي الدكتور مشغول مع الوليد الجديد ربنا يحفظو ليهو ...
الخال ودالمسني .. ابؤاحمد سلامات ...
Quote: تحضرني نكته عندما طبقّت الشرعية في السودان في واحد شايقي جاي لنج نزل يا دوب من قطر كريمي وقدام المحطي ضربتو عربية ( حادث حركة ) وكانو معاهو اخوانو ..المهم وهو واقع في ا أخوانو جروا علي آمحمد ات طيب رفع راسو وعاين ليهم بعد ماشاف العربية الضربتو ولقاها مارسيدس اخر موديل وصاحبها سمين وجيبو سمين ... قال ليهم أنا شديد ونصيح بس الراجل كان ساومكم أعصروا علي الأرض ورقد تاني عمل فيها مغمى عليه....... ( أكيد دا جدن لست البنات )
وست البنات برضه الظاهر عليها مشغوله...
حاتم هاشم.
Post: #803 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-07-2007, 07:06 AM Parent: #1
Quote: تحضرني نكته عندما طبقّت الشرعية في السودان في واحد شايقي جاي لنج نزل يا دوب من قطر كريمي وقدام المحطي ضربتو عربية ( حادث حركة ) وكانو معاهو اخوانو ..المهم وهو واقع في ا أخوانو جروا علي آمحمد ات طيب رفع راسو وعاين ليهم بعد ماشاف العربية الضربتو ولقاها مارسيدس اخر موديل وصاحبها سمين وجيبو سمين ... قال ليهم أنا شديد ونصيح بس الراجل كان ساومكم أعصروا علي الأرض ورقد تاني عمل فيها مغمى عليه....... ( أكيد دا جدن لست البنات )
الله يجازي محنك يا خالد يا اخوي...
ضحكتني من الصباح...
بالله قُلت لي الراجل بالُو ماهُو في حادثو... في الأرض ساااااااااكت...
أها لامِن أجيك والله لا جاب ليهو زعل يا اخوي... قول سااااااكت!!!
يا أحباب نشكركم على السؤال ومبروك قلب الصفحة للصفحة التاسعة وأهديكم مكتوب وجدته في حوش شايقية في صفحة " أمدر" لكن بكل اسف لم أحفظ اسم الكاتب فله العتبى حتى يرضى
Quote: وثيقة إتهام مرفوعة من أم الحسن بت سعيد ضد بص شمبات
............................... الإسم :.... حماد ودسعيد وطنه الصغير :.. إسمه أمبكول ميلاده ... ما معروف متين لكن كتار ناس أمبكول بيقولوا كان زمن البحر غطى الجروف سنة المدير حاكم صنب ... زار أمبكول والعمدة كان ضابح خروف بالله فى عيد ميلاد أعظم من كدا ؟؟؟؟ أيوة أضحكوا .. الدنيا إيه غير المسرات والضحك وهدية من أحلى البنات قارورة من أرقى العطور وهدية من نفسك براك قارورة من أغلى الخمور تصُب عليها الليل عشان بيك ما يطول ما ياها أخته أم الحسن المن أربع سنين لابسالا توب واحد وحيد ...تمشيبه للبكى والفرح تمشيبه للجار والبعيد والله يوم ما إشتكت زى البنات قالت قِدِم دايرة الجديد بعد الشقا ورحلة عذاب للعاصمة .... حمادنا دابوا لقى المصير إمّن بقى صديق شيرشل ومارلين والجماعة الفى السعير وإمّن صِبح مع الحور الحِسان.. ومغازلات ... ومداعبات وفرِش حرير حماد طلع .. حماد نزل .. حماد عذاباً ضاقوا بيهدَ الجبال مافيش شغل ..آسفين كتير أمشى وتعال .. وأمشى وتعال ويقولوا بكرة كمان ...وبعده تعال ..كأنهم بيمتحنوا فى صبر الرجال لمن خلاص ضاقت عليه الدنيا ... وفضلن فى الجيب 15 قرش وحجاب عشان عين العدا الدنيا غنت وزغردت قبلوهوا فى البوليس نفر فى اللحظة دى كان حماد قدر .... كان طار أمبكول عشان يمشى يدى الخبر حماد سرح والله يا أم الحسن بعد الشقا الشفتيه ياما تسعدى والله لا تسقى البهم ..لا تحشى قش وللدٍلكة والدخان تقومى وتقعدى َسبَح الخيال قدامه شاف أم الحسن مدلكة ومتبخرة وسط البنات فى أحلى توب زى العروسة معطرة فى اللحظة دى لاقاه بص شمبات ....حماد طار على الارض إنطرح والدم بحر سال فى التراب ... والدم كتب والله يا أم الحسن بعد الشقا الشفتيه ياما تسعدى والله لا تسقى البهم ..لا تحشى قش وللدلكة والدخان تقومى وتقعدى والراديو بعد الكافينول ..يعلن عن الجثّة ويقول زول بشنب ...وخدوده أفقى مُفصّدة ... فى الجيب 15 قرش وحجاب عشان عيــن العِدا
Post: #805 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-07-2007, 02:24 PM Parent: #1
الأخ خالد المنسي...
بمناسبة حُب الشايقية للأرض أهديك رائعة السر عثمان الطيب...
تُراب بلدي... وأسأل الله للأخ السر بالصحة والعافية...
تُراب بلدي مَغَستي.. رحل تِلُوت الليل... شقاوتي... رحل تلوت الليل... مسالكي ضُلُمة ماب تنشَق.. سكت روَّح.. نويرةَ الفُرقة.. جوة الجوف تسوي البق. مشيت.. لا زاد أشيلو معاي ولا زولاً... مع اترفَّق ولما خلاص بقيت ماااارق.. نجيم الليل مشى اتفرق بيكت.. وبكيت.. طريف العين متمسح بالدموع رقرق عشان مظلوم... زماني الليلي شتَّت.. للشمل فرَّق بسوي الووب.. نحاس أحزاني جوة قليبي... ينقر.. دق.. يوهدبني.. يلوِّعني.. واخاف من المصير واشفق اوادع الناس.. وافوت مجبور.. يجيني نغيم.. من الطنبور.. اشوفلِي جِنّيْ.. وقف صفَّق ينُط لا فوق... يطير يندَق.. واطير واندَق وادنقِر فوق تراب بلدي... أخُم بي إيدي في رحلي.. أقول يا ليل وافارق الدار... أجر فوق الوداع مسدار... أنوني .. أنوني... شاق الواح.. محال ارتاح.. أدخِّل إيدي في رحلي... تُراباً فيهو تسوَى الكون.. تراب بلدي... أشيل منُّو.. أشم وارتاح.. أشم طيبةَ أهلي.. مِنُّو تفوح.. ترد الروح عيوناتُن تلوح.. وتلوح عراريقُن.. طواقيهُن.. طواريهُن.. سواقيهُن.. أنين الساقي لما تنوح.. حسيس البربَخ المفتوح.. ...........................
Post: #807 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-08-2007, 10:25 AM Parent: #806
Quote: واشيل من زادي واتكرَّف واشوف فيك... يا تراب بلدي الحنين المابي يتوصَّف سماح ناساً حلاة ناساً بلا السُكَّر.. طعم قراصة.. في قدحاً من الدَّبْكَر كواريك شُفَّع المغرب يقَلِّبوا في الجَّمر قنقَر.. ولاد بلدي.. ولاد بلدي... نقاقيرُن.. طنابيرُن... جبابيدُن... سنانيرُن...
تسلم يا أبا سامي... على الهدية الجميلة روعة الرائع دوما عثمان اليمني... نسأل الله له ولشاعرنا السر عثمان الصحة والعافية يااااااارب...
كميات مودتي... ووييييييييييينك يا راجل تغتِس وتجينا مقَلِّع (أوعة بس تكون مهامَك المنزلية زادت شوية؟؟!!) لكن بس قلعتَك قاعد تجينا بي فايدي... الله يخدر ضراعك ويبارك في جُرابك...
الحبيب الأستاذ أبا الحسين لك القومة دعوتك أعلاه هي السبب في الغتسي لانها دائماً "تخدِّر" ايدي وكراعي سوا اياما وليالي يا ريت لو تكون "يخضِّر" ضراعك لانو عندي عيال داير اربيهم أصلو نحنا غناينا مات لك الود
الحبيب الأستاذ أبا الحسين لك القومة دعوتك أعلاه هي السبب في الغتسي لانها دائماً "تخدِّر" ايدي وكراعي سوا اياما وليالي يا ريت لو تكون "يخضِّر" ضراعك لانو عندي عيال داير اربيهم أصلو نحنا غناينا مات لك الود
بسم الله الرحمن الرحيم سلام ياهلنا... دكتورنا الغالي... سلامات...
Quote: ووييييييييييينك يا راجل تغتِس وتجينا مقَلِّع (أوعة بس تكون مهامَك المنزلية زادت شوية؟؟!!) لكن بس قلعتَك قاعد تجينا بي فايدي... الله يخدر ضراعك ويبارك في جُرابك...
لو في وقت يادكتور من ابداعات عبدالرحيم البركل والله يديك العافيه... ومشكور مقدم...
حليلكم يا أهلنا .......................
ياحليلها بلدنا ليها الشوق كتلنا الدموع بالشوق تكب من يوم رحلنا أهو منك يا ظروف عاد كيف زعلنا باقي نحنا نريدة ريدتا من جهلنا وكمان هي قليبها رتاي للمتلنا الفرح انشر و الدار تبقى جنة والدليب ان دق حس طمبورنا رن زغرتن بنوتنا في الدار ان دخلنا يرقصن قدامنا و الشبال يصلنا ماها قاسي السيرة بالعافية ان نزلنا من جميع نتلم كلنا بعدلنا نفرحك يالخاطر ان سرنا و قدلنا بتحت يتهزن الحيطان قبلنا وا طيابة فينا نحن الزين فعلنا وا سماحة فوقنا سمحين زي شتلنا نحن زي قشا مفرهد في سهمنا و زي جزاير بي تحت خيرن شملنا زي تمرنا اللا تحت شايل متنا ويا حلاة القمري فوقن قوقى غنا مافي زولا يزعل ان شلنا و اكلنا يا حليل الما بكوسو درب زعلنا ياحليل الريد حليلكم يا أهلنا يا حليلا بلدنا ليها الشوق كتلنا.
بسم الله الرحمن الرحيم سلام ياهلنا ... الغالي ابؤالحسين سلامات ... وينك ياخوي ... عارفيين يوم السبت بتغييب مننا لكن الليله الجمعه ... انشاء الله المانع خير... الخال ابؤاحمد ودكتورنا الغالي برضو مسجليين غياب ... لكن ياخوانا دائما الحوش محرووس ...
اتعذب واقول تسعدني .......................
اتعذب واقول تسعدني منك يا جميل كل يوم ديمه اتقبل جفاك محنه هجرانك يزيدنى عزيمة امالى البنيتا عليك مالو الليلة أدور تحطيمه كيف غيرك يعيش فى الدنيا دونك كيف يطيب لى نعيمه عارف الفرقة نار فى ضلوعى يرضيك اصالى جحيمه ارحم زيد صدود وحب ياما عليك قلوبنا رحيمه ايه فداك شقايا وهمى عيني الببكن ديمه ساهرى مع النجوم ترعاها تبكى شبابه تنعى قديمة تيكي تقول حلي الماضى محتارة وجفاها نديمه كل ما اقول اكب دمعات القى دموعه جارية هميمه جابتني المقادير ليها فى البيت القصاد النيمه لا بسي الطرحه تقول بيها لون وجمال وطلعة وسيمه مخلوقة من تراب الجنة والطيب خلتوه بجسيمه كان حاكا القمر محياها طول فاق القمر ضليمه في خديها اشاهد روضة فايحة عطورها جابها نسيمه في سهد الكتيف تجروا كل ما تمشي ياها قديمه ان بسمت تشوفوا سنونا برقا يحكى برق الغيمة آه انا من قنابل صديرها روحى اصبح عليمه كريمه من نظرات عيونه الجارحه قلبى خرب خراب لاديمه حبها زاد سحب عقليتى ما اظن تانى تبقي سليمه اشكى لمين واصارح مين والحب عند اهلنا جريمه كت فاكر بحورها اعومها لكن صوبت بي الشيمه لى بحر السلامه يجيبني انا الزرع العنب فى خشيمه.
Post: #812 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: عبدالله شمس الدين مصطفى Date: 02-10-2007, 03:32 AM Parent: #811
أبو الحسين و الأخوة المتداخلين فى البوست ، من أبناء الشوايقة ، والمؤلفة قلوبهم ـــ سلالالالالام و عندى مداخلة صغييييرة
والله شلّختونا و شلّختو المنبر زى قطر كريمى .
دمتم أيها الشوايقة الرآئعين . ( ده كِسّير بلح ، مش تلج على رأى ناذر )........
Post: #813 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-10-2007, 07:32 AM Parent: #1
Quote: الحبيب الأستاذ أبا الحسين لك القومة دعوتك أعلاه هي السبب في الغتسي لانها دائماً "تخدِّر" ايدي وكراعي سوا اياما وليالي يا ريت لو تكون "يخضِّر" ضراعك لانو عندي عيال داير اربيهم أصلو نحنا غناينا مات لك الود
يجازي محنك يا دكتور...
يا اخوي أنا دعوتي ليك مُو للخَدَران... لكن نطقتها زي ماب يقولوها أهلنا... يسلم ضُراعَك من الخَدَران... ويخضِّر ياااااااارب وهو يأتينا بهذه الدُرر النادرة...
والأكاوِيك بجلسة أمس الجمعة...
كانت جلسة غداء بمنزل الأُستاذ/ عَمنا النور أبو زيد الضيقة، بكري عبد اللطيف عثمان الضيقة، وأنور الشبلي السالماب، وهاشم حسن أحمد البُشراب... والحلقة كانت حول العيدروس صلاح حسن صديق جايي من البلد... وقال مباني الكلية والمدرسة الثانوية بالأراك خلااااااااااااس على وشك...
كميات مودتي وللأهل...
أبو الحســـــــــين...
Post: #814 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-10-2007, 11:12 AM Parent: #1
Quote: حليلكم يا أهلنا .......................
ياحليلها بلدنا ليها الشوق كتلنا
حليلكم يا أهلنا...
يا حليلها بلدنا ليها الشوق كتلنا...
يا حليل الريييييييييييد...
كلمات كلها حنية من الشاعر المبدع المجذوب وراق...
أضم صوتي ليك لو د. ياسين بحتها لينا من جُرابو...
بصوت المبدع عبد الرحيم البركل...
كميات مودتي... وتسلم يا أبو هاشم على السؤال الحِنيِّن...
أبو الحســــــــين...
Post: #815 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-10-2007, 03:55 PM Parent: #1
Quote: أبو الحسين و الأخوة المتداخلين فى البوست ، من أبناء الشوايقة ، والمؤلفة قلوبهم ـــ سلالالالالام و عندى مداخلة صغييييرة
والله شلّختونا و شلّختو المنبر زى قطر كريمى . دمتم أيها الشوايقة الرآئعين . ( ده كِسّير بلح ، مش تلج على رأى ناذر )........
الله يحفظك يا أخي عبد الله شمس الدين...
وزيارتك لينا وطلتك في حوش الشايقية... شرف ربنا يحفظك والمرة الجايي تجي متاوق وشايل الفِقْدي معاك... لا تَجِي خَلاَ شئ!!!
كميات مودتي... أما موضوع الشلوخ دي... فإنضم إلى قائمة خالد المنسي... التشليخ الدور واقف عليهو... وإنت وراهو...
الأحباب أبوالحسين وحاتم وناس الحوش من جم اعزروني اليومين الغبتهم ديل كت بجهز لي فوق شديرات شان الناس تجي تقيل فيهم ونتفاكر في الكلام السمح لكن علول من انتهي بجيكم بس أدوني يومين بجيكم تب انتو بتنفاتو آناس والله ان درته اسويها قلبي مابطاوعني
لكن الدكتور دا أعقرو والله هو وست البنات بسوولهن في شيتن كبيرة أموت واعرفها شنو ؟؟؟
Quote: وقال مباني الكلية والمدرسة الثانوية بالأراك خلااااااااااااس على وشك...
الأستاذ ابو الحسين سلام أن شاء الله الونسي ما تنفعك ، شكراً ليك على هذه الأخبار الجميلة لكن بيني بينك الكلية شنو؟ نحن الإبتدائية ما لاقين ليها أساتذة ثانوية شنو كمان ان شاء الله ما تبقى كلية مجانين
Quote: حليلكم يا أهلنا...
يا حليلها بلدنا ليها الشوق كتلنا...
يا حليل الريييييييييييد...
كلمات كلها حنية من الشاعر المبدع المجذوب وراق...
أضم صوتي ليك لو د. ياسين بحتها لينا من جُرابو...
يا أستاذ حاتم سلام الكلمات الحلوات ديل ما ليقتن في الجراب لكن جبتلك واحدات قراب منهن بيفرتننك يختنك مديدي والله يستر على الفي المغرب داك التحية للأخ الأستاذ خالد وان شاء الله طيبي غايب طول ومعاهو ست الناس
Post: #818 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-11-2007, 07:26 AM Parent: #1
Quote: لكن الدكتور دا أعقرو والله هو وست البنات بسوولهن في شيتن كبيرة أموت واعرفها شنو ؟؟؟ لكم كل الود والاحترام
خالد محجوب
الحِبيب أبو أحمد...
أها يا اخوي تراكا عِرِفتُو... أبو سامي غتَس وجاب لينا يا طير المحنة... وهسع مصنقرين وراجين ست البنات لا حدَّهِن... كدي خلي أحمد وليدك اليقفرها باقي طولت من الطلة...
كميات مودتي... ولقَدَابتَك بي غادي ماشاء الله عليها... عااااااااامري حلالي... ولينا فيها طلة إنشاء الله لكن بي جرابنا المليان... ماب نجي إيدنا ورا وإيدنا قدام شئ...
أبو الحســــــــين...
Post: #819 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-11-2007, 11:21 AM Parent: #1
Quote: الأستاذ ابو الحسين سلام أن شاء الله الونسي ما تنفعك ، شكراً ليك على هذه الأخبار الجميلة لكن بيني بينك الكلية شنو؟ نحن الإبتدائية ما لاقين ليها أساتذة ثانوية شنو كمان ان شاء الله ما تبقى كلية مجانين
وتاااااااااني لزوم المكاواة... أمس طنبورنا يدق لا الساعة إتنين بالليل... وداع العريس عبد الحق السر... من أولاد أُوسلي لكن ساكن مع أولاد الأراك... والجلسة كانت بقيادة ....... و....... ولة دي خليتها عشان ما أكاويك زيادي...
الكلية دي يا اخوي خلاااااااااااس جهزت وأيضاً المدرسة المتوسطة حولوها لي ثانوية الأراك ولاد وبنات... والحمد لله تاني نرتاح من مساسقة بناتنا وولادنا على الداخليات...
ضحكتني كليةالجماعة ديك... كُنت داير إستنجد بالشيخ الأُستاذ/ موسى الحسين يرسل لينا بعثة من أولاد ود حاج موسى... لطبهم...
Quote: كميات مودتي... ولقَدَابتَك بي غادي ماشاء الله عليها... عااااااااامري حلالي... ولينا فيها طلة إنشاء الله لكن بي جرابنا المليان... ماب نجي إيدنا ورا وإيدنا قدام شئ...
أبو الحســــــــين...
دي المحرية فيك يا السنجك ماك زول قدامي .... لك تقديري وتحياتي
وبالله طلع أنت هلالابي ماكنت عارف الحقيقة دي
بس شوفتك في بوست القردابي ..تعرف القردابي دا ود عمي لزم
خالد محجوب
Post: #821 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-11-2007, 04:13 PM Parent: #820
Quote: دي المحرية فيك يا السنجك ماك زول قدامي .... لك تقديري وتحياتي
وبالله طلع أنت هلالابي ماكنت عارف الحقيقة دي
بس شوفتك في بوست القردابي ..تعرف القردابي دا ود عمي لزم
خالد محجوب
إبن عمي خالد...
مساك الله بالخير والرضـــا...
التحية لك ولإبن عمك القردابي... ويا اخوي أنا لي الشرف إني أكون هلالابي لكن أنا موردااااااااااااابي علي السكين...
بس إذا كانت المبارأة قومية بكون مع الهلال والمريخ قلب وقالب...
وألف مبروك للهلالاب مجدداً والتحية عبرك لكل آل القردابي وعموم أهلنا الجعليين... مننننننننننننن المتمة لييييييييييييي المجر...
يا محسنين ............. للشاعر...حاتم حسن الدبي ...........................
قومة من النباه ما ضاقلو قوت الفاه غير كلمتين فى اليوم إعتادن الحلقوم من الصباح للنوم يا مـحسنين لله تبدأ الصباح بالآه ومنك زمن تواه وتتمسى يا الله من شدة المأساه ترقد رفقت الشاه حالاً صعب رضاه جواها صوت مخنوق ما بيسمعوا المخلوق وبالاً شتيت ممحوق وأنه أسى وخازوق بحت لسان مريوق ينادى مـعـتـصـمـاه يا محسنين لله حبل المروه الكان ممدود من الجيران وأعـمـــامـه والخلان بالمطرقة وسندان يا حليل رجلنا زمان بس فضلو الأشباه قبال ثلاثة سنين يتمت من الوالدين ومن بعـــــدو بسنتين راح الكفيل وحنين خلا لها دمعة عين وخلا لها خمسة أفواه صبارة قادرة تطيق كل الآلم والضيق وتغلب نشاف الريق والمصلا والابريق وقلبـــاً وفى وصـــــديق لا ضل يوم لا تاه إلا الصغيرونين يتبـــــاكو هم دايرين فى لحظة وحين مـا بيعوفـوا المن وين والحــوجة سيفه سنين يقتل رقاب الجاه سالت دموع أنهار جسر الصمود إنهار عارفى العدم جبار مر ما بيراعى صغار إلا الفقر مـو عار بس للوجوه شواه ضايقى العذاب كم نوع وعارفى السؤال ممنوع شبعانه فوقو الصوع ورويانه نوح ودموع الله يجازى الجوع كم كم حنالو جباه تب يا زمن مـحاق من ضلك الرقـــــاق يا قاسى يا فراق يا اللى الفرح سراق حنضل أساق دقاق مـا بيحملنو شفاه عطش السنين فى الجوف طرد السئم والخوف فرش دواخلى حـروف روينا بالمعــــــــروف ولا قلة المصـــــــروف لا الحـــــوجــة تتوطاه.
بسم الله الرحمن الرحيم سلام يا هلنا... وينكم يا الحبان...
اليكم احدي روائع المبدع ... خالد شقوري ...
الرسالة .............
وقفت بعد حلبت لبينة الشاي تكورك يا الحسن يا ام الحسن وينو الحسن لمن صفت رغوة شخيبات اللبن في حلتا المبني من طبق السكن واقفي في حوش البهايم ولسع تكورك يا الحسن جاها حسا من بعيد مارق من القاطوع ورا قال ليها خير يا الحاجي خير قالتلو خير تعال لي جاي دايراك تعنون لي جواب يا الراسي لي ولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير دا العشى غنمو من الدرب سرقت ندي وشو الهجير سوتلو شايا بي لبن قرض معاهو حرف فطير قالتلو بسم الله قول واكتب وصيتي انا للخدير الزمن يا ولدي ماحقاهو السنين البعيش في الدنيا ما بعيش مرتين العمير فاضلي بس منو اليقين وانت طول في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولدا عندو طين العلاج لا تنسي رسلو لي دحين العوينات آجناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليكا في لوري الخزين .
العزيز الدكتور سنجك ميه واربعطاشر سلام عليك وطولّنا من ابدعاتك ... الليلة جيتنا خالط صعيد وسفل بوركت يادكتور وعامر أن شاء الله عامر وياك مس العابر ... منتظرين زيارتك في بوست ( هونووو شوية ... وصلوا علي النبي ... استراحة محاربين ) زورنا بجرابك العامر
الليلة الصعيد جاب الهبوب علي مقلوبه طرتني في وسطتهن جلسة في راكوبة
يوم الخميس الفات شالو قطر السافل قام رحل فارقنا فات بلا وداع واخاتر أنا متمني من الله الكريم ألقى محبوبي بفستانو قاعد وغافل
لك المودة الاحترام خالد محجوب
Post: #833 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-14-2007, 05:25 PM Parent: #1
إخوتي الكرام...
النجدة يا ناس أنا غِرق رائعة المبدع صديقي وأخي عُمر عثمان...
أهديها للجميع...
النجــدة يا نــاس أنـا غِـــرِق
مشـــوار عـــذاب قضـِّيتـــو فــي بـحــــر الـدمـــوع يومي الركب قارب الهوى وابحرتَ ناويهـو الطلوع دافعنــي شوقـًا في القلـب زاحـم يدافـر في الضلــوع كمّل عليْ صبْر السنيـن..حرّمْ علِى عيني الهجـــوع وبقيت علِي درب السفر وانا خايفو يبقى بلا رجـوع حزّمتَ احلامي ومشيت من كلو حِلـْوي عزلت نوع افـراح.. زغاريد ..امنيات ..ليلات مزيّنة بالشمــوع وان خـفـــت جــــوع.. اشـــواقـــي ذاد ورفيقي طيف اجمل حبيب طبعو العناد مــرات قريــب.... ومــرات بعيــد ومــرات محصّــن بالـدروع وابحـرت في بحــر الدمـوع دنـيــــاي ظـــــــــــلام ودواخلي تنبح بالغرام ,,,,, الكون سكون ,,,,, كل الوجود لحظة منام لاضـو ينـوّر لي الطريق لاايـد تقـود ليّ الزمـام شايــل همومي بـراي وحيــــد مقـداف هواي في ايدي قابضـو عليْ شديـد مشــواري يـا دوبــو ابتـــدا... مشــواري لــسّه علـيْ بعيــــد عارفيــن دحيـن مشــواري ويــن.؟؟؟ ,,,,,, مشــواري لــي قلــب الحبيــب ,,,,,, مشواري لي سبب العـذاب واللوعـة والهـم والنحيب داير اشوف انا منّو وين وهُوْ المِنّي اقرب من قريب احساسـي دايـر يسـأل احساساتـو مالــن ماب تجيـب ,,,,,, مشواري لس علي بعيد ,,,,,, وخيــالـي يــرســم فــي الصـُّــوَر وصـــور النـجــوم معكـوســة فـــوق وش البـحــــر ترقص معـا نغـم الرياح فـوق مسـرح الموج الهــدر تاه فكـري في المجهول سرح خايْفَ المخبيهـو القدر وينـن نهــايـات المسيـــر..انا مانـي شايــف ليْ أتــر شـايفَ الهبـوب انقـلــّعتْ ..انذارا فـوق ورق الشـدر ومركـب هوايـا انهـدّدت فـي موكـب المـوج العنيــد ومشــواري لسّــه علـي بعيـــد فــي ظلمــة الليــــل الرهيـــب فـي لـُجّـــة البـحـــر العـميـــق فــي وحـدة قاتــلة بـلا رفيـــق والدنيــا تـتـقلــّبْ عليْ..كـُلْ لحظـة تـنـفكّ وتضيـــق الخوف معا صوت الريـاح..الهـم معـا طول الطريق وفي زحمة الشـك والظنـون واملاً خمـد مِنّو البريـق مرّت عليْ لحظة خيال وبقيــت احلــم بالمحـال جـايينـي صوتـو من البعيـد موسيـقى هادية بـلا انفعـال همسات تعـربد فـي الفــؤاد نغمـات مموسـقـــة بـالدلال اســـرع تـعــال قــــرّبْ خــلاص..اســـرع تعــال وبالفـرحـة يملاني الامـل والوحـشـة تـتـبدل جمال وفي لحظة ينهد الامل وانا حالي يرجع تانـي حـال وارجــع اقــدّف مـن جديــد اشــواقــي والآهــات تـذيــد مشــواري لسـه علي بعيــد عـارفيـن دحـيـن مشــواري ويــن.؟؟؟ ,,,,, مشــواري لي قلـب الحبيــب ,,,,,
Post: #838 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-15-2007, 08:29 AM Parent: #1
Quote: والله ياأبوالحسين بت الدكتور الجابا دي كان شلخوها شايقية ... فوتو كوبي من دارية جارتنا في شندي
الشئ دا يبقى لي وِلِيد... كدي دَقِّق سمح!!!
Post: #839 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فدوى الشريف Date: 02-15-2007, 10:16 AM Parent: #1
الاخوه الاعزاء في حوش الشايقيه وقائد الاسطول الرائع جدا ابو الحسين ود. ياسين ليكم الف تحيه وحقيق انا بشيد جدا بالوست دا وماادهشني حقا حديث الكاتب الصحفي ضياء الدين البلال الصحفي بصحيفة الراي العام الذي كتب في صحيفة الراي العام الصادره بتاريخ 13/2/2007 عن هذا البوست الرائع بحق وحقيقي
تحدث الكاتب عن بوست حوش الشايقيه ولا اقولكم شي سمح الكلام في خشم سيدو واديكم الموضوع علي طول
الموضوع نزل في الصحيفه كما ورد في الاقتباس التالي
Quote: الشايقية.. والهنود الحمر
تصدر بوست (الشايقية.. ماضيهم المُشرق.. حاضِرهم الأخضر.. ومستقبلهم الواعد) الصفحة الأولى في موقع (سودانيز أون لاين) بمتصفحين بلغ عددهم (6637)، قدموا (819) مداخلة حتى لحظة كتابة هذه المادة، لا تحمل فكرة البوست أي مدلولات عرقية أو عصبية، ولا يمكن إدراجه ضمن الموجة القبلية السائدة الآن، بل يهدف لنقل تراث هذه المجموعة السكانية في السياسة والحب والشعر والمعاناة، سوى بعض إشارات ربما يكون البعض قد ألقاها لجر البوست لخارج سياقه التاريخي الثقافي الإجتماعي.
أطرف ما جاء في البوست مداخلة يدعي مرسلها أن عمته تطلق عليهم لقب (طير الصعيد البوم) لأنهم ولدوا ونشأوا بعيداً عن جذورهم في (الحجير)، ويقول المتداخل إن لديه قناعة أن أهله ترجع أصولهم إلى مدينة (لتل روك عاصمة ولاية أركنساس)، لأن العربية من(لتل روك) تعني الحجيرالتي كان يسكنها الهنود الحمر قبل التطهير العرقي الذي حل بهم، وهذا أغرب نسب للشايقية، يعتبرهم هنوداً حمر هاجر أسلافهم قبل (400) سنة، وإستوطنوا لتل روك السودانية.
وحين تساءل أحد المتداخلين من غير الشايقية في البوست رد عليه صاحبه (بإذن الله ريحة عُنصرية هنا، وما تلقاها ولا في واحد يشمها حتى)، وأية محاولة لتشتيت البوست عن هدفه ـ أو كما قال ـ لي عنصريات وقبليات، فلن يجد مكاناً في قلوب رواد البوست، و(حا يمشي براهو بدون ما يُطرد).
البوست كله دراسة في أدب وشعر الشايقية وغنائهم ويقدم وجبة دسمة عن ثقافة السودان الشمالي، ودرس سياسي إجتماعي ثقافي عن المنطقة يحكي معاناتهم ومعاناة المنطقة و (تهميشها)، على الرغم من ان أبناءها ظلوا يحكمون السودان منذ الإستقلال، ولم يفت البورد ذكر الولاء السياسي للحزب الإتحادي الديمقراطي ولطائفة الختمية، إذ أن صورة السيد محمد عثمان الميرغني تزيّن أكثر من عنوان في البوست، فضلاً عن صور للمنطقة بكل ثرائها الطبيعي.
ثم يعرج البوست لآخر فرعي بعنوان (الجابرية تحيي الثورة، دايرين بوسطي.. ومدرسة وسطي)، والجابرية قرية صغيرة وادعة عند مُنحنى النيل، تعاني قضايا سياسية واجتماعية كتلك التي يعاني من ويلاتها أدروب في تلال البحر الأحمر، وأبكر في صحاري دارفور، ومنقو زمبيري في غابات الأبنوس، وفقيري في أرض الحجر، وهجو في حواشات الجزيرة المروية. إنها قضايا التهميش التي يجسدها عرضحال أهل الجابرية.
ويعلق أحد المتداخلين على إحدى قصائد الشاعر محمد الحسن حميد بقوله إنها تثبت رؤية الراحل جون قرنق، أن مشاكل السودان ليست بسبب القبلية أو الدين، إنما سببها طبقة معينة من (ربائب الإستعمار يتمركزون فى الخرطوم)، لا يريدون التفريط فى مكاسب ورثوها عن الإستعمار، فهمشوا من أجلها كل أقاليم السودان.
وانا من هنا بحيي الرائعين وكل رواد حوش الشايقيه والي الامام
ومن هنا بعلن انضمامي الي هذا الحوش العامر ويا ريت د. ياسين بمناسبة إنضمامي دا... يدينا أي أُغنية للنعام آدم... واكون شاكره كتيييييييير وموفقين باذن الله
Quote: ويا ريت د. ياسين بمناسبة إنضمامي دا... يدينا أي أُغنية للنعام آدم... واكون شاكره كتيييييييير
الأستاذة فدوى الشريف سلام ولك القومة ولابد من رفع القبعة للأستاذ ضياء الدين البلال على هذه الإضاءة العادلة التي جاءت متوازنة لقراءة متابع بعقل راجح في حق مهمشين يُحسدون على اللا شيء ، لا يملكون سوى القرطاس والقلم والخيال وأحياناً لا يجدون قرطاساً وقلماً لتدوين مشاعرهم من شدة فقرهم فيذهب جميل الكلم أدراج الرياح
ما أجمل انضمامك لهذه " اللقدابة" كما يحلو للأخت ست البنات تسميتها ، وأقول لك أبشري بالخير طلباتك أوامر
تخريمة: بعد كتابة الأستاذ البلال ، أخشى أن يكبر رأس "أبو الحسين" ويكون الدخول بالقروش أصلو ما لامالو فلوس من السعودية "ستة سنين دي غربة لا مال انجمع لا حل كُربة" شكراً يس
Post: #851 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فدوى الشريف Date: 02-17-2007, 11:32 AM Parent: #841
الاستاذ د. ياسين حقيق انا الاسعد بوجودي وعاجزه كمان عن شكرك في اكرامك ليا وتقديرك وترحيبك
واخر الكلام بعد السلام انا معاكم علي طووووووووووول
عيال بني شايق ..لكم التحية ..وانتم تتسربون عبر جدار ومسامات هذا البوست ..تنشرون الفرح ..وترسمون الابتسامة الصادقة ...على وجوه زواركم..التحية لك أخي أبو الحسين وأنت تقود الركب الجميل.. التحية لك أخي ...ياسين ..وأنت تعطر سماء البوست ..بنغيمات الطمبور ..وكليمات بني شايق المليئة والدسمة بأجمل المعاني ... التحية لك أخي..حاتم هاشم ..وأنت توثق ..لأشعار أبناء المنطقة ... التحية لأول الصف ...وآخره..وكل الذين سوف يأتون...لكم التحية جميعا..
Quote: بعد كتابة الأستاذ البلال ، أخشى أن يكبر رأس "أبو الحسين" ويكون الدخول بالقروش أصلو ما لامالو فلوس من السعودية "ستة سنين دي غربة لا مال انجمع لا حل كُربة"
الحبيب دكتور ياسين ... مسّاك ربي بالخير تعرف نحمد الله أن هذا الموضوع نزل يوم الخميس الساعة ديك ابوالحسين مرق من المكتب ومابرجع ألا يوم السبت .. اليومين ديل بكون ملخوم في تحضير ومكوة جلابية الصلاة وبِرقّد ( يحنّس ) في واحد من أصاحبو المتزوجين في شان يدعوه لغداء الجمعة دمعة بقراصي ماخمج شيتن مجيه وبفضى لينا يوم السبت .. اول بيان سوف يصدر * منع مداخلات الجعلي خالد محجوب والنص شايقي حاتم هاشم * منع مداخلات اي عضو جديد ألا بدفع مبلغ تحدده الإدارة * السماح للاعضاء القداما انثال ست البنات ودكتور ياسين ودكتور ابوشوك بالمداخلات بدفع مبلغ رمزي شهرياً لحين اصدار بيان اخر تسري هذه النقاط اعلاها صدر تحت توقيعي انا ابوالحسين والحمد الله كنت في كامل وعي
Quote: اول بيان سوف يصدر * منع مداخلات الجعلي خالد محجوب والنص شايقي حاتم هاشم * منع مداخلات اي عضو جديد ألا بدفع مبلغ تحدده الإدارة * السماح للاعضاء القداما انثال ست البنات ودكتور ياسين ودكتور ابوشوك بالمداخلات بدفع مبلغ رمزي شهرياً لحين اصدار بيان اخر تسري هذه النقاط اعلاها صدر تحت توقيعي انا ابوالحسين والحمد الله كنت في كامل وعي
لكم المودة وامكن تكون دي اخر مداخلة
دي ياخال ذي النكته بتاعت امسك في الارض
حاتم هاشم.
Post: #856 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-17-2007, 03:13 PM Parent: #842
Quote: عيال بني شايق ..لكم التحية ..وانتم تتسربون عبر جدار ومسامات هذا البوست ..تنشرون الفرح ..وترسمون الابتسامة الصادقة ...على وجوه زواركم..التحية لك أخي أبو الحسين وأنت تقود الركب الجميل.. التحية لك أخي ...ياسين ..وأنت تعطر سماء البوست ..بنغيمات الطمبور ..وكليمات بني شايق المليئة والدسمة بأجمل المعاني ... التحية لك أخي..حاتم هاشم ..وأنت توثق ..لأشعار أبناء المنطقة ... التحية لأول الصف ...وآخره..وكل الذين سوف يأتون...لكم التحية جميعا.. الفاتح عبد الله طه/القرير
والتحية والتجلة والتقدير لك أخي الفاتح/ القرير...
على طلتك وبسمتك المضيئة التي تحكي عن أصل طيب ومنبع صافي... حيث القُرير الخُضرة والموية والوجه الحسن...
وعبرك التحية لكل أهلنا الطيبين الحلوين في القرير منننننننننن صلحابها مروراً بي عامرابها والقلعة والشاطي والسوق والقوزين لييييييييييي حي صفاها (الكُنيسة سابقاً)...
الأخت فدوى سلام أول التبادي لا بد من تتعدي الخروف دا بعد داك تشاهدي وتسمعي فايل الفيديو دا لا شوفتن تبل الشوق ولا رداً يطمن المرحوم "عليه الرحمة" الفنان النعام آدم
Post: #852 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فدوى الشريف Date: 02-17-2007, 11:45 AM Parent: #845
Quote: أول التبادي لا بد من تتعدي الخروف دا
والله عاد ماقصرت معاي كلو كلو
Quote: وان بقى دا كلو شوية قولي عوك لك الاحترام يس
شويه ؟؟ معقوله دا كتير حتي يكفني جدا ترحيبكم بيا في اللقدابه العماره دي وجودي بينكم هو الهديه ياغالي لك كل التحيه والتجله وربنا يرحم فنان الكبير النعام ادم واشكرك جدا لتبية الطلب لك التحية القيام
Post: #847 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-17-2007, 07:15 AM Parent: #1
Quote: الاخوه الاعزاء في حوش الشايقيه وقائد الاسطول الرائع جدا ابو الحسين ود. ياسين ليكم الف تحيه وحقيق انا بشيد جدا بالوست دا وماادهشني حقا حديث الكاتب الصحفي ضياء الدين البلال الصحفي بصحيفة الراي العام الذي كتب في صحيفة الراي العام الصادره بتاريخ 13/2/2007 عن هذا البوست الرائع بحق وحقيقي
قبل ما أرحب بك بتنا فدوى الشريف... أسمحيلي أُحيي الكاتب الصحفي الرائع ضياء الدين البلال لقراءته المتأنية وغوصه العميق و(جَلْوَلَته)... ـ دي أرجعو لي د. ياسين لترجمتها... وهي جاية من جلوة العيش والقمح في الطبق!!! وإهتمامه الشديد بكل كلمة كُتبت في هذا البوست... الذي إتفق معه تماماً في كل حرف صادق كتبه وأتمنى له من كل قلبي النجاح والتوفيق... وحا أجيهو راجع بعد شوية بالكلام المكشَّن بلا بصل...
وأُرحب بك بتنا فدوى الشريف... في ديار أهلك وأحبابك الدار الجامعة... وأتمنى لك ولأُستاذنا البلال إقامة طيبة هاااااانئة بين إخوتك مستمتعين بأنغام الطنبور الشجية وإيقاعات الدليب الرنانة والكلمات المموسقة الشيقة والحكاوي التراثية المفيدة...
كميات مودتي... وآلاف التشكرات للأخ البلال... ويلة أبقوا قراب...
أبو الحســــــــــــين...
Post: #850 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 02-17-2007, 10:33 AM Parent: #847
الأخوة آل الحوش أبو الحسين د/ يس ، خليفة الخلفاء ود هاشم والأخ ود منسي ، د/أبو شوك وألأخوات ست البنات و فدوى
وكل من ساهم في استمرار البوست (حوش الشايقية) حتى بلغ ما بلغ وأصبح له صدى خارج الأثير إلى الصحافة المقروءة وغداً سنشاهد الأخ أبو الحسين على قناة الجزيرة بقدم رنامجاً عن هجرة الهنود الحمر إلى الحجير من أرض الشايقية وتفرعهم إلى كفافيت (نسبة إلى كافوتة) ونافعاب وحداديد ......ألخ .
(يوم الخميس الفات شالو قطر السافل قام رحل فارقنا فات بلا وداع واخاتر أنا متمني من الله الكريم ألقى محبوبي بفستانو قاعد وغافل( مقتبس من مداخلة للأخ خالد ود منسي)
تخريمة يعجبني استخدام كلمتي ( السافل والصعيد)عند أهلنا الجعليين وهم ينسبون إلى الصعيد كل الجعليين الذين تفرقوا جنوباً الذين إنتشروا على النبلبن الأبيض والأزرق وحسب علمني في ديار الشايقية نستخدم كلمة صعيد فقط دون السافل وكلمة صعيد أيضاً يطلقها أخوانا المصريين على أهل الجنوب من مصر ويستخدمونها اكثر مما نستخدمها، ولكن لا أدري من أين أتت كلمة (سافل) وكنا نسمع في برنامج ربوع السودان أغنيات للفنان الكبير بابكر ود السافل وقتها لم أكن أعلم بأن كلمة سافل تقابل كلمة صعيد وكنت أتعجب حسب تخريجاتي لهذه الكلمة من شتيمة هذا الفنان الكبير إلى عرفت مؤجراً دلالة الكلمة، وسؤالي للأخ ود منسي أين المنطقة العازلة التي يبدأ منها الصعايدة جنوباً السافلين شمالاً . مع حبي لكم جميعاً.
Quote: وأُرحب بك بتنا فدوى الشريف... في ديار أهلك وأحبابك الدار الجامعة... وأتمنى لك ولأُستاذنا البلال إقامة طيبة هاااااانئة بين إخوتك مستمتعين بأنغام الطنبور الشجية وإيقاعات الدليب الرنانة والكلمات المموسقة الشيقة والحكاوي التراثية المفيدة...
الاخ الاستاذ الرائع والرائع جدا ابو الحسين مشكور جدا علي ماقمت به والشكر موصول لكل من ساهم في اثراء هذا البوست بالاراء والمداخلات والموضوعات من اغاني وقصائد وحتي المرور بالحوش سااااااااااكت ( الزوار ) وماشابه ذلك
لك كل التحيه
Post: #848 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-17-2007, 09:09 AM Parent: #1
Quote: الأخ أبو الحسين أنا شايقي من الحجير وكانت عمتي زينب بت عثمان تطلق علينا لقب طير الصعيد البوم حيث ولدنا ونشأنا بعيد عن الجذور ولكن عندي قناعة إنو ناس الحجير ديل تنحدر أصولهم من مدينة لتل روك عاصمة ولاية أركنساس ولتل روك ترجمتها للعربي الحجير وكان يسكنها الهنود الحمر منذ الاف السنين قبل التطهير العرقي الذي حل بالهنود الحمر بعني ممكن تعتبر ألأستاذ عمر إدريس عضو البورد ده من بقايا الهنود الحمر الذين هاجر أسلافهم من 400سنة كدة وإستوطنوا لتل روك السودانية مع إنو عمر إدريس ذاتو طير صعيد بوم
إخوتي الكرام...
رفعت هذه المداخلة...
وعبرها تحية وتعظيم سلام للأخ صلاح موسى... القادم من (الحجير) اللتل روك السودانية... وللأخ ضياء الدين البلال الذي ترجم وعبر عن تلك الكلمات بإسلوبه الجميل الرائع... ولكل أهلنا في الحِجِير والمقل عموم أهلنا في السودان الكبير الحبيب...
كميات مودتي...
أبو الحســـــــــين...
Post: #849 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: محمد فرح Date: 02-17-2007, 10:15 AM Parent: #848
Quote: لا تحمل فكرة البوست أي مدلولات عرقية أو عصبية، ولا يمكن إدراجه ضمن الموجة القبلية السائدة الآن، بل يهدف لنقل تراث هذه المجموعة السكانية في السياسة والحب والشعر والمعاناة، سوى بعض إشارات ربما يكون البعض قد ألقاها لجر البوست لخارج سياقه التاريخي الثقافي الإجتماعي.
أبو الحسين صديقي العزيز
حقيقه هذا ماوجدته داخل هذا البوست العامر لم أزر هذا البوست نهائياً لأنني ظننت أنه يمثل ركوباً في الموجه القبليه ....
لكن وللحق بعد أن قرأت هذا البوست وجدته ثر جداً ويمثل توثيق حقيقي لشمال بلادي عموماً ولهذه المجموعه الجميله من أهلنا الجميلين الذين كانت لمساتهم كبيره جداً في تشكيل لوحة السودان الوطن .
Quote: يعجبني استخدام كلمتي ( السافل والصعيد)عند أهلنا الجعليين وهم ينسبون إلى الصعيد كل الجعليين الذين تفرقوا جنوباً الذين إنتشروا على النبلبن الأبيض والأزرق وحسب علمني في ديار الشايقية نستخدم كلمة صعيد فقط دون السافل وكلمة صعيد أيضاً يطلقها أخوانا المصريين على أهل الجنوب من مصر ويستخدمونها اكثر مما نستخدمها، ولكن لا أدري من أين أتت كلمة (سافل) وكنا نسمع في برنامج ربوع السودان أغنيات للفنان الكبير بابكر ود السافل وقتها لم أكن أعلم بأن كلمة سافل تقابل كلمة صعيد وكنت أتعجب حسب تخريجاتي لهذه الكلمة من شتيمة هذا الفنان الكبير إلى عرفت مؤجراً دلالة الكلمة، وسؤالي للأخ ود منسي أين المنطقة العازلة التي يبدأ منها الصعايدة جنوباً السافلين شمالاً . مع حبي لكم جميعاً
.
الحبيب الفاضل / موسى الحسين سيدأحمد تعرف انت كان مشيت لندن الانجليز يمسكوك وأسألوك انت شايقي وما تقول لي جد الثاني أسمو محمد عثمان ... تعرف ياموسى ناس زمان كانوا أكثر من دقة مافي شي بفوت عليهم ... إعتاد الناس أن يطلقوا كلمة صعيد لكل ماهو جنوب منطقة الخرتوم وكل ماهو شمالها فهو سافل والكلمة أصلاً جاءت من مجرى النيل وطريقة جريانه من الجنوب ( مرتفع ) إلى الشمال (منخفض ) والإنسان ايضاً يأتيه الأحساس وهو متجه جنوباً كأنه صاعد وعندما يكون متجه شمالاً كأنه نازل لاسفل ومن هنا أتت التسمية والله أعلم ....فعلاً الجعلين يستخدمون كلمة صعيد وسافل كثير عزيزي لك كل المودة والاحترام
خالد محجوب
Post: #855 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-17-2007, 02:34 PM Parent: #1
Quote: الأستاذة فدوى الشريف سلام ولك القومة ولابد من رفع القبعة للأستاذ ضياء الدين البلال على هذه الإضاءة العادلة التي جاءت متوازنة لقراءة متابع بعقل راجح في حق مهمشين يُحسدون على اللا شيء ، لا يملكون سوى القرطاس والقلم والخيال وأحياناً لا يجدون قرطاساً وقلماً لتدوين مشاعرهم من شدة فقرهم فيذهب جميل الكلم أدراج الرياح
ما أجمل انضمامك لهذه " اللقدابة" كما يحلو للأخت ست البنات تسميتها ، وأقول لك أبشري بالخير طلباتك أوامر
في الإقتباس الفوق دا يا دكتور/ ياسين... أنا أقول معاك تعظيم سلام...
تشكرات تشكرات للكاتب النزيه المحايد الرائع ضياء الدين البلال... ويا هلا ومرااااااااحب بي بتنا أُستاذة/ فدوى الشريف...
Quote: تخريمة: بعد كتابة الأستاذ البلال ، أخشى أن يكبر رأس "أبو الحسين" ويكون الدخول بالقروش أصلو ما لامالو فلوس من السعودية "ستة سنين دي غربة لا مال انجمع لا حل كُربة" شكراً يس
أما في دا والله ماب أرحمك شئ...
أبو الحسين راسو أصلاً كبير لكن بيكم وبي رفقتكم ولماتكم في الحوش دا... وكل يوم راسي قاعد يغلد لمن أشوف إبداعاتك يا دكتور والإخوة الكرام مزينة الحوش...
أما حكاية القريشات دي... كدي خليها شوية ... يُنظَر ويُفاد!!!
كميات مودتي... وأسأل الله يوفق الجميع في تقديم ما يُرضي الأعضاء والزوار الكرام...
رداً على الجمال الكَتَبْتُو والعبير الفاح منك لا فوق... كيفن ما شُفناك وهل يخفى القمر في سماه...
أبقى قِرَيِّب!!!
قواسيب مودتي...
أبو الحســـــــــــين...
Post: #859 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-17-2007, 04:01 PM Parent: #1
Quote: الحبيب دكتور ياسين ... مسّاك ربي بالخير تعرف نحمد الله أن هذا الموضوع نزل يوم الخميس الساعة ديك ابوالحسين مرق من المكتب ومابرجع ألا يوم السبت .. اليومين ديل بكون ملخوم في تحضير ومكوة جلابية الصلاة وبِرقّد ( يحنّس ) في واحد من أصاحبو المتزوجين في شان يدعوه لغداء الجمعة دمعة بقراصي ماخمج شيتن مجيه وبفضى لينا يوم السبت ..
الله يجازي محنك يا خالد يا اخوي...
الشئ نحنا عزابة السرور يا آيابة قايلنا هينين ولة مقطعين... ولة من النوع الماب يفِك الخمسة ريال عشان ما ترقُد حتِيتِي!!! والله اليوم داك في واحد حكى لينا القصة دي... لامِن داير أموت من الضحك... قال شنو... ما داير أفِك الخمسة ريالات دايرها تكون صمي عشان ما تتوزع تتفرتك!!!
Quote: اول بيان سوف يصدر * منع مداخلات الجعلي خالد محجوب والنص شايقي حاتم هاشم * منع مداخلات اي عضو جديد ألا بدفع مبلغ تحدده الإدارة * السماح للاعضاء القداما انثال ست البنات ودكتور ياسين ودكتور ابوشوك بالمداخلات بدفع مبلغ رمزي شهرياً لحين اصدار بيان اخر تسري هذه النقاط اعلاها صدر تحت توقيعي انا ابوالحسين والحمد الله كنت في كامل وعي
لكم المودة وامكن تكون دي اخر مداخلة خالد محجوب
إنت عارف يا إبن عمي... الأوريكم غُلد الرأس الماب تعرفوهو إنت ود. ياسين... ـ الأعمدة الرئيسية مع إحترامي لكل الإخوة المشاركين ـ إنت ود. ياسين والخليفة أبو هاشم... ونحن بعدكم...
يا اخوي إنت الساس والراس في الحوش دا... هسع عليك الله لو ما مجهوداتك المقدرة البي يحلل لينا التحليل الجميل لقصائد الرائع ود بادي منو؟؟؟... والحوش دا حوش الجميع... الكلمة الجميلة والبسمة الصاااااادقة والنغمة الحلوة... وبَثْ!!!
كميات مودتي... وأسأل الله يديم لمتكم في الخير دوماً ياااااااارب...
والحمد لله أنا الآن في كامل وعيي... ولستُ مهمسِساً!!!
Quote: يا ربي ..ما شافوني والله شنو...سلام .....عيال شايق...
قواسيب مودتي!
الفاتح عبد الله طه/القرير
نحن قريرنا معاك شِـنْ لوما تفضلي حيشان الشايقية (نوري) وسَموما أخي وأستاذي الفاتح سلام هي الشايقية كلها بلا القرير ي شنو! حتى نوري فيها السموم كما ورد في كلام شاعر "شتيلة قريرا" حقيقة نحتاج طلاتك التحليلية الجميلة تحياتي للزملاء الدكتور العوض والأستاذ أحمد
تحياتي أستاذي موسى الحسين منذ مدة أريد الكتابة لك أو الاتصال لكن "الموبايل ليهو ضارب والكيبورد ليهو كاتب" لك ودي
الحبيب الأستاذ ابو الحسين لو لا مثابرتك لما كان هذا ولما كنا التحية للحبيب خالد الذى أثرى البوست بالتحليل والتحية لأبوهاشم للجهد العظيم ولكل المتداخلين وين ست الناس هذه الأيام
وقفت بعد حلبت لبينة الشاي تكورك يا الحسن يا ام الحسن وينو الحسن لمن صفت رغوة شخيبات اللبن في حلتا المبني من طبق السكن واقفي في حوش البهايم ولسع تكورك يا الحسن جاها حسا من بعيد مارق من القاطوع ورا قال ليها خير يا الحاجي خير قالتلو خير تعال لي جاي دايراك تعنون لي جواب يا الراسي لي ولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير دا العشى غنمو من الدرب سرقت ندي وشو الهجير سوتلو شايا بي لبن قرض معاهو حرف فطير قالتلو بسم الله قول واكتب وصيتي انا للخدير الزمن يا ولدي ماحقاهو السنين البعيش في الدنيا ما بعيش مرتين العمير فاضلي بس منو اليقين وانت طول في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولدا عندو طين العلاج لا تنسي رسلو لي دحين العوينات آجناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليكا في لوري الخزين . ..........................................
بسم الله الرحمن الرحيم سلام ياهلنا... اهداء الي كل الاخوه والاخوات والي كل المشاركيين و الماريين...
المبدع...خليفه محمد ... ..................................
أبوك لبى نداء الأجل خلاك فى الأرحام جنين عند المخاض ساعة مجيك طار المنام من أى عين يوم قالو لى أمك ولد وفى الفرحة غرقوا الحاضرين سرحت مع الأحلام سمت قالت عشاى يكبر متين أشوف جديدو أضوق حلوهو الناس يقولوا عديل وزين يزرع حياتى هنا وسرور يملاها بالمال والبنين اتحزمت واتلزمت وسألت إله الكون يعين صدت جميع المغريات ورضت إعانة كل معين صبرت على ظلم الحسن وجازيت بى ظلم الحسين حليلك يا الضميرك مات ودست قيمنا واتوطيت تابع نفسك الأمارة حدك فتو وإتعديت قول لى يا خى لو بالجد وعقلك فيك وماجنيت تسمع كيف كلام مرتك وترضى أمك تفوت البيت زهدت فى نعيم الدنيا شان فاخر الثياب تكسيك ورفضت بى أدب خطابا شان ما يبقو ليك شريك بالهنا والنعيم العشتو حلمك رابك الحد ليك صبحت جنتا واحلاما غيرك مافى ليها طريق راس الشوكى لو مساك يشعل فى قليبا حريق تطويها الهموم والغمة لمن إنت تصحي تفيق لو فد يوم حردت غداك يومين ما تفك الريق بالجد والعزم والنخوة والصبر النجد من ضيق وربت بالحلال والله شاهدين العزول وصديق ناس الحلة والعرفوها والجيران فى أى فريق ما ذكروها غير حمدوها بالمصلاية والإبريق لكن وا ضياع ترباتا حقها ذرة ما أوفيت حليلا ووا خسار بلالا يبقالك سعيد وبخيت كايس للسعادة دروبا دابك بى جدارة شقيت فرشك تانى يبقى جحيم وما بتقدر عليهو تبيت غرقت فى الهموم والآهة ايدك ليها ما مديت ومرضت ما سعيت فى علاجا لا هماك لا اهتميت مهما تصلى ولا تزكى كان عمرت كان حجيت رب العزة كيفن يرضى أمك ليها ما ارضيت كيف ينتم ليك مراد وضاع راس العشم والخيط ولسه فى الغلط متمادى السويتو قايلو بسيط مفضوح تانى ما ضاراك لا ليل لا زمن لا حيط عين الناس محل تمشى استنكارا بيك يحيط وين راح تلقى زى الأم قلب وافى وحنانو وهيط ومافى شبيها غير نخلتنا لما تشيل تسوى سبيط جازت بالرطب راميها ما قالتلوا انت قسيت قاومت أى ريح جاييها عشان الطير عليها يبيت يا شارب كؤوس الغفلة لوصحاك غناى ووعيت حصل والدتك رضيها طوق جيدا بالسوميت والله أحسن جناك الوالدو فيك يسوى ما سويت حق الأم قرض .. صدقنى ضاقتو فى جليدا كريت .
................................................
تحياتي...
حاتم هاشم.
Post: #865 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 02-18-2007, 00:34 AM Parent: #864
Quote: يا ربي ..ما شافوني والله شنو...سلام .....عيال شايق...
قواسيب مودتي!
ود القرير كيف حالك وعلك طيبي فارقنّا القرير يا صاحي مساكين الشطر نتربّا ومافتنّا البلد بالمرّه وحبها معانا شبَّ
والله أنا بالذات شايفك وقريت كلامّك ذكرته وليدات أهلك وخصيتهم بالتحية .. ألا أنا في شان وماني مشلخ لاورا فطيطني في شان كده ماعقبت علي كلامك النعمنو عجبني شديد ... لا تاخد كلامي دا جد آالمبروك وزي ماقوالو أهلنا الما دارك ما لامّك .. ربنا يديك الصحة والعافية ويحقق لك الفي مناك
الأخ العزيز يس أولأ مالك قاطع الخبر مني نعلو المانع خير و إنشاء الله تكون دي صورةالامورة الصعيرة لك مودتي الزول حسن الجا من تحت عشان يكتب الجواب تراني انا حلوة شديد
..................................................... وقفت بعد حلبت لبينة الشاي تكورك يا الحسن يا ام الحسن وينو الحسن لمن صفت رغوة شخيبات اللبن في حلتا المبني من طبق السكن واقفي في حوش البهايم ولسع تكورك يا الحسن جاها حسا من بعيد مارق من القاطوع ورا قال ليها خير يا الحاجي خير قالتلو خير تعال لي جاي دايراك تعنون لي جواب يا الراسي لي ولدي الخدير لا تبقي زي شافع السرير يقول لي زين آيمة زين وزين تبقي بعد شهير وان جاني يكتب فد سطير اقولو يا سجم السجم انا زي قرايتك ما قريت لكن عويناتي بيفرزن الوريقة البيضاء من لون القلم بعد المغيرب بي شوي جاها الحسن تعبان يسير دا العشى غنمو من الدرب سرقت ندي وشو الهجير سوتلو شايا بي لبن قرض معاهو حرف فطير قالتلو بسم الله قول واكتب وصيتي انا للخدير الزمن يا ولدي ماحقاهو السنين البعيش في الدنيا ما بعيش مرتين العمير فاضلي بس منو اليقين وانت طول في البنادر يا الحبيب لا متين تعال اوريك حق ابوك الجم حقيق حاج اللمين ان عرفتو بلا عمار يقولو ولدا عندو طين العلاج لا تنسي رسلو لي دحين العوينات آجناي شوفن ضنين سلامنا ليك مطرز للبنيات والبنين ولو الارض يا ولدي تنشال في الايدين انا كت برسلا ليكا في لوري الخزين . ..........................................
ابو الحسين ارقد عافية أنا برضي شايقي و من شايقية تنقسي الجزيري يعني مقطع مخاضة من أرقي طالبني قريشاتن كتار شان عارف بخت كباية الشاي و إتحكر في بوستك أضووق طعم الدفيق أشم ريحة الكركتي أسمع صوت الدليب بالساعات الطوال المره قربت تخلي ليًَُ البيت ليك و الي كل المشلخين لي ورا هزة يدا قوي و دي ما عنصرية
Post: #870 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-18-2007, 09:03 AM Parent: #1
كتب أُستاذ/ موسى الحسين...
Quote: الأخوة آل الحوش أبو الحسين د/ يس ، خليفة الخلفاء ود هاشم والأخ ود منسي ، د/أبو شوك وألأخوات ست البنات و فدوى
وكل من ساهم في استمرار البوست (حوش الشايقية) حتى بلغ ما بلغ وأصبح له صدى خارج الأثير إلى الصحافة المقروءة وغداً سنشاهد الأخ أبو الحسين على قناة الجزيرة بقدم رنامجاً عن هجرة الهنود الحمر إلى الحجير من أرض الشايقية وتفرعهم إلى كفافيت (نسبة إلى كافوتة) ونافعاب وحداديد ......ألخ .
أُستاذي موسى/
نهارك سعيد يا اخوي...
إنت عارف يا أخي لمتاوقتك المن وقت لآخر دي ومناصرتك ووقفتك بوقتك الغااااالي وأنا عارفو جداً... دفعة قوية لينا للإستمرارية... وأنا عبرك أشكر كل الإخوة الكرام المشاركين والقراء المتاوقين على هذا العمل الجميل...
أما موضوع قناة الجزيرة دا... خليهو... وأكتم عني السر دا... في قناتيييييييين إتصلَن علي أمس... واحدة البي بي سي شخشياً... والتانية السي إن إن... البي بي سي... قلت ليها قابلي أُستاذ/ خالدالمنسي... الناطق الرسمي بإسم الحوش المفوض في أُوروبا... والسي إن إن قلت ليها قابلي سيد الحوش د. ياسين...
أها وأنا منتظر جزيرتك دي ... بس لا يجيني مندوب من جزيرة بجبوج يحاورني عن المواقيت الصيفية والشتوية والمقارنة بين كيدين الجداول زمان وهسع وموية المتر والنيل أيهما الأصلح لسقاية الشتول الجديدة... وكدي!!!
Quote: أما موضوع قناة الجزيرة دا... خليهو... وأكتم عني السر دا... في قناتيييييييين إتصلَن علي أمس... واحدة البي بي سي شخشياً... والتانية السي إن إن... البي بي سي... قلت ليها قابلي أُستاذ/ خالدالمنسي... الناطق الرسمي بإسم الحوش المفوض في أُوروبا... والسي إن إن قلت ليها قابلي سيد الحوش د. ياسين...
السنجك الغالي الحبوب أبو الحسين والله متشكرين كتير يا عز البلد علي الثقة الكبيرة وربنا يوفقنا ونكون في قدر حسن ظنّك فينا ..بس أنا كان خليتني للنضم مع الناس البنضموا حديثنا اكون اخير وناس وس.. وس.. وس ديل خللم دكتور ياسين وبجيه النضمي معاهم .. انا داكي الليله لما مشيت أقفر دكتور ياسين ناس المطار علا جابوا لي وليد من وليدات امدرمان في شان أقلب حديثي معاهم
بعد ماكنتَ أمباشي ولي شريطين أنا بقيت خيّات أرقّع في الدلاقين قاعد المكني سبب الطواعين القميص أبْ رقبي وليهو جيبين سيدو أن اتسركن معاك أديكَ قرشين
Post: #873 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 02-18-2007, 03:18 PM Parent: #871
يا حليلك يا تنقسي إنت أبداً ما بتتنسي أغنية محفورة في الوجدان للشاعر الكبير نور الهدى كنه رحمه الله يجاري فيها كلمات الشاعر الراحل أيضاً اسماعيل حسن في أغنية (يا حليلك يا بلدنا) .
والشاعر نور الهدى كنه شاعر مجود رغم ان حظه من الشهرة أقل بكثير من قامته الفنية ، جمعتني به صدفة سعيدة برفقة صديقي الراحل المقيم عبود المحامي بمنزل الزعيم الكبير محي الدين مكي بالكرد قضينا معاً ليلة من صيف 1992م و لا ألف ليلة قرأ علينا الكثير من أشعاره الرائعة وحكى لنا الكثير من مغامراته الأدبية ويومها عرفت لآول مرة انه شاعر الأغنية ذائعة الصيت (سر غرامك فينا كامن)والتي تغنى بها الفنان محمد كرم الله كواحدة من بين آخر ما تغنى به قبيل إعتزاله الغناء وهي كلمات رائعة يقول في جزء منه سر غرامك فينا كامن شوق العين شال منامها ثقرك الدر المنضد منو حيتنا إبتسامة النسيم غازل ضفايرك بعثرها وغير نظامها والخدود أداها طلة رشن الندى كالغمامة في خطاك لحن المشاعر النفوس هيج غرامها قدلة الريل طبعو نافر شال قلوبنا وزاد هيامها القوام فاتن مكمل مافي في أوصافه قامة والصدير هودج وراحل مافي للعشاق سلامة للوداع أنا ماني قادر علي (إلا) برضو مع السلامة
(أها وأنا منتظر جزيرتك دي ... بس لا يجيني مندوب من جزيرة بجبوج يحاورني عن المواقيت الصيفية والشتوية والمقارنة بين كيدين الجداول زمان وهسع وموية المتر والنيل أيهما الأصلح لسقاية الشتول الجديدة... وكدي!!! ) مقتبس من حديث أبو الحسين الإستاذ/ خالد منسي و د/ يسن بيسدوها تب مع الخواجات اما ناس بجبوج خليهم علي بعرف دواهم، عليك بالجزيرات الثانية.
الأخ الصديق د/ يسن الشوق لكم مطر أو كما يقول أخونا عثمان التوم مرسي ب (الشوالات) وأحسن الله عزاؤكم في المرحوم بابكر الشريفي رحمه الله . استمتعت بإبداعات المبدع سيدأحمد عبدالحميد أطال الله بقاؤه وهو أيضاً لم يجد حظه من الإهتمام الإعلامي على الأقل ومن الشهرة مثله مثل أستاذنا الراحل نور الهدى كنه رحمه الله.
أخونا موسي ود الحسين الوالد نور الهدي موهبة نادرة وعلية الرحمة من المولي عز و جل و كان ثنائي مع إسحق كرم الله و إسحق تزوج بنته أحب جزيرتنا الخضراء تنقسي و غني لها و عنده ديوان شعر وإنشاء الله أوفر المعلومات عنه و أنزلها لك شكري .................................................. يا حليلك يا تنقسي إنت أبداً ما بتتنسي أغنية محفورة في الوجدان للشاعر الكبير نور الهدى كنه رحمه الله يجاري فيها كلمات الشاعر الراحل أيضاً اسماعيل حسن في أغنية (يا حليلك يا بلدنا) .
والشاعر نور الهدى كنه شاعر مجود رغم ان حظه من الشهرة أقل بكثير من قامته الفنية ، جمعتني به صدفة سعيدة برفقة صديقي الراحل المقيم عبود المحامي بمنزل الزعيم الكبير محي الدين مكي بالكرد قضينا معاً ليلة من صيف 1992م و لا ألف ليلة قرأ علينا الكثير من أشعاره الرائعة وحكى لنا الكثير من مغامراته الأدبية ويومها عرفت لآول مرة انه شاعر الأغنية ذائعة الصيت (سر غرامك فينا كامن)والتي تغنى بها الفنان محمد كرم الله كواحدة من بين آخر ما تغنى به قبيل إعتزاله الغناء وهي كلمات رائعة يقول في جزء منه سر غرامك فينا كامن شوق العين شال منامها ثقرك الدر المنضد منو حيتنا إبتسامة النسيم غازل ضفايرك بعثرها وغير نظامها والخدود أداها طلة رشن الندى كالغمامة في خطاك لحن المشاعر النفوس هيج غرامها قدلة الريل طبعو نافر شال قلوبنا وزاد هيامها القوام فاتن مكمل مافي في أوصافه قامة والصدير هودج وراحل مافي للعشاق سلامة للوداع أنا ماني قادر علي (إلا) برضو مع السلامة
Post: #872 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-18-2007, 02:43 PM Parent: #1
Quote: الأخ العزيز يس أولأ مالك قاطع الخبر مني نعلو المانع خير و إنشاء الله تكون دي صورةالامورة الصعيرة لك مودتي
بالرد نيابة عنه أخي ود ياسين... المشغولية زادت... مجئ سامي زود عليهو المشغوليات وخاصةً المنزلية يا حسن يا اخوي!!!
لكن بالغت في حكاية الصورة... الفقراء قاعدين يسوو زي الرفرفة دي!!!
قول إستغفر الله لا يلوولُك حنيكك دا!!!
Quote: الزول حسن الجا من تحت عشان يكتب الجواب تراني انا حلوة شديد
بسم الله الرحمن الرحيم سلام ياهلنا... الغالي ابؤالحسين ياخوي نحن مادايرين لقاء مع السي ان ان او البي بي سي او الجزيره دايرين يكون مع ناس الال بي سي وتكون انت ونانسي عجرم لانو ذي ما انت عارف انها شايقيه.
أخي الفاتح عبد الله طه كيفنك والأهل أهديك هذا النص الذي أورده ابن القرير الأستاذ سليمان ابراهيم سليمان الذي يعاني الغربة في جليد أمريكا ، فجسده بين صخب المدائن وقلبه في الريف "أتاري" ، وقد ربطت هذه الكلمات الرائعات بما أورده أخونا بحاثة الأدب الذواق الأستاذ خالد المنسي من أبيات شعر للأستاذ السر عثمان الطيب ،
Quote: ود القرير كيف حالك وعلك طيبي فارقنّا القرير يا صاحي مساكين الشطر نتربّا ومافتنّا البلد بالمرّه وحبها معانا شبَّ
الذي ساقته الظرف إلى غربة ما كان يحسبها ، حيث كان مدى الغربة عنده الخرطوم عندما كتب "بحر المودة" ولكن بين عشية وضحاها صغر العالم فكانت غربته في ليبيا ثم السعودية فكتب كلاماً عجبا ، واليوم في غربة أوربية جره المرض إليها ، ندعو الله له السلامة والعود الحميد معافى غانماً ، ولا يفوتني أن أهدي كلماته المغناة بصوت الفنانة التي تحس الكلمات الرائعة ذات المغزى والدلالة لكل مغترب وقارىء لهذا البوست وبصورة خاصة الأستاذ الصحفي ضياء الدين البلال ، ودعني أخص الأخوة المشاركين في هذا البوست وعلى رأسهم الأستاذ أبوالحسين والأستاذ خالد والأستاذ أبوهاشم والأخت ست البنات وصديقي الذي يود العيش في "الركابية" الأستاذ موسى الحسين والزوار الكرام وعلى رأسهم الأستاذ حسن الطيب يس وأختنا فدوى الشريف
Quote: (قوز ام شديرة) القرير
خلف الجبال عند مقاشي كل يوم تتوارى شمسنا الدوارة لتعلن نهاية النهار وبداية ليل العاشقين والطنبارة خلفي كثبان الرمال الذهبية اشكال البيوت عند الطرف تعلن بداية الصحراء الجير الابيض يستقبل العيد الكبير والصغير او عريس قادم من (فوق) يزف لحسناء من حلتنا التحت او الفوق ...... زغاريد ام لابنها القادم من بلاد الحجاز امام بص يستعجل ليعبر النهر عند مروى يتحلق الناس مرحبين بالقادم ودموع تجفف بتوب قديم يستر جسدها الشامخ عزة يصير المكان نقطة انصهار شيوخ وشباب اطفال ونساء من كل الاعمار واخرون من فوق(التمساحي) يحيون على عجل والمنجل صاحب النصل الاملس الناعم يعلن عن علاقتة الطويلة بصاحبة يتململ الحمار من اخر تبدو عليه ملامح الجوع الطمع ينتهره صاحبة وهو يسحب (الصريمي) ويحاول ان يقف عند الطرف الاخر ..... غابات النخيل تشكل الافق والشفق الاحمر مثل ستائر القصور ...غير بعيد فوق هذا التل تقوم شجرة لم تغير ملامحها الصارمة ابدا تقوم الدنيا وتقعد حولها وهى هي افراح واتراح تمر وهى غير مكترثة من على هذا التل تحس انك جزء من الارض وامتداد لعوالم بعيدة احس ان المكان ينطوى على اسرار وهذة الشجرة شاهد ولكن شاهد لايبوح ....ترسو قوافل زكرياتى عندها وتضج افراحى منها وكل ما اتعب اخرج بعض الرمال احضرتها معى هنا عند ساحل الاطلنطى اغرس يدى فيها وادعبها حتى تبرد حمتى ويتوقف النزيف اعود بعد ذلك الى الدنيا افتح نوافز المكان تطل تلك البحيرات الصناعية ومساحيق المدن وغابات الاسمنت وسيارات الكورفيت والهمر تستبدل لوحتى القديمة اعيد يدى مره اخرى وتتحول غابات الاسمنت الى نخيل وتصير الكورفيت حماره (فى شهرها الرابع) الم اقل لكم اننى(مورود) و محموم وجراحى عميقة (تساسق) كل يوم بين ام شديرة وشارع الاطلنطى ....
تداعت الكتابة عند هذا البوست رغم اننى ما كتبت زمان لكن (ست البنات لاحدهن) امسكت بيدى (الموجعاني) وصرخت حين طعنتنى شوكة (ود لقاى) من ياسكو وشلوخ وتجاعيد الزمن على وجهها النبيل عند عادل عثمان وكل المدوزنين والمطلوحين فى اركان الارض ياوجعى وياحزنى لبلادى
سليمان ابراهيم سليمان
أخي الفاتح أراك رأيت بأم عينك وستسمع بأذنك المرهفة بالطبيعة ما كتبه أبناؤكم شعراً ونثراً ، أنكم "تكفون الجبار" ، لكم مودتي ، فهل يا ترى نستطيع نسيانك يوماً؟ كلا استمتع بالرحلة لجزيرة الطاهر وصيد الوزين واللعب فوق البحر وشريك وسرقة الجبابيد
الاخ جدو يس الاغنية الجميلة دي ورينا نسجلها كيف عمك حسن باقي لسع في فصل الاستاذ لؤي و انا الغربة هاراني هريي خليني إتفشة شويتين و من قواسيب ود الحسين لك مليون مودة
Post: #878 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-19-2007, 07:01 AM Parent: #1
الحبيب "ابني" حسن الطيب يس لك الاحترام والشكر على تعميدي "جداً"
يمكن أن تحفظ أي فايل صوتي "إذا ظهر لك بالشكل الظاهر الآن" ، ولم يوضع معه كود الحفظ ، باتباع مايلي: بعد التشغيل ، 1/ تضغط الماوس بالجهة اليمنى على "أيقونة" الفايل الظاهر عندك 2/ تضغط على Properties 3/ تعمل copy من "Location" وتتأكد أنك أخذت كل الموجود 4/ تذهب إلى أعلى الصفحة وتضع الماوس في المسطرة ثم تمسح العنوان الموجود فيها وتضغط الماوس باليمين مرة ثانية وتعمل Paste 5/ تعمل Enter 6/ لما يظهر ليك شكل الميديا بلير وتبدا الأغنية او الفايل ، تمشي إلى File "في الميديا بلير نفسه" وتضغط عليه 7/ تدوس على Save as 8/ ok
والآن اعطيك كود الحفظ ، أضغط اليمين ، ثم اختر Save target as ، لكن تأكد من مكانه هل ستكون في Desk top ام في Document
Post: #880 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فدوى الشريف Date: 02-19-2007, 08:30 AM Parent: #1
سجيل حضووووووووور وصباحكم نور
Post: #881 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-19-2007, 11:27 AM Parent: #1
كتب أُستاذ/ موسى الحسين...
Quote: يا حليلك يا تنقسي إنت أبداً ما بتتنسي أغنية محفورة في الوجدان للشاعر الكبير نور الهدى كنه رحمه الله يجاري فيها كلمات الشاعر الراحل أيضاً اسماعيل حسن في أغنية (يا حليلك يا بلدنا) .
والشاعر نور الهدى كنه شاعر مجود رغم ان حظه من الشهرة أقل بكثير من قامته الفنية ، جمعتني به صدفة سعيدة برفقة صديقي الراحل المقيم عبود المحامي بمنزل الزعيم الكبير محي الدين مكي بالكرد قضينا معاً ليلة من صيف 1992م و لا ألف ليلة قرأ علينا الكثير من أشعاره الرائعة وحكى لنا الكثير من مغامراته الأدبية ويومها عرفت لآول مرة انه شاعر الأغنية ذائعة الصيت (سر غرامك فينا كامن)والتي تغنى بها الفنان محمد كرم الله كواحدة من بين آخر ما تغنى به قبيل إعتزاله الغناء وهي كلمات رائعة يقول في جزء منه سر غرامك فينا كامن شوق العين شال منامها ثقرك الدر المنضد منو حيتنا إبتسامة النسيم غازل ضفايرك بعثرها وغير نظامها والخدود أداها طلة رشن الندى كالغمامة في خطاك لحن المشاعر النفوس هيج غرامها قدلة الريل طبعو نافر شال قلوبنا وزاد هيامها القوام فاتن مكمل مافي في أوصافه قامة والصدير هودج وراحل مافي للعشاق سلامة للوداع أنا ماني قادر علي (إلا) برضو مع السلامة
خساااااااارة يا د. ياسين كلام أُستاذنا موسى دا يكون بين الشاشانات لا فوق... مية مرة أنا أديتو حصة طويييييييييلي زي حصتك الفوق د... عشان يرْد من الكِيميي اللا تحت يمين دي... ما عارفو يا ربي دي تكون آثار الغربة!!!
وعبرك أُستاذي موسى... أحيي كل أهلنا في تنقسي الخضار الجزيري وبروس فوق وتحت شرق وغرب... كم هم رائعون أهل تنقسي فلهم التحية أينما حلو وكانوا...
كميات مودتي... وأبقى عشرة علي الوصية!!!
أبو الحســــــــــين...
Post: #882 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-19-2007, 03:35 PM Parent: #1
Quote: أخي الفاتح أراك رأيت بأم عينك وستسمع بأذنك المرهفة بالطبيعة ما كتبه أبناؤكم شعراً ونثراً ، أنكم "تكفون الجبار" ، لكم مودتي ، فهل يا ترى نستطيع نسيانك يوماً؟ كلا استمتع بالرحلة لجزيرة الطاهر وصيد الوزين واللعب فوق البحر وشريك وسرقة الجبابيد
الله يخضِّر ضراعك ويخليلْنا جُرابك.. ديمي بالدرر مليان...
حقيقة والله يا دكتور أيام الجبابيد والجزيري نصصصصصصت نهار ما أحلاها من أيام ليتها تعود... ونحن طبعاً في المقل ما عندنا جزيري زيكم... لكن كانت قصادنا جزيرة مساوي ورملات الكُنيسة... بس السمك كان عاصر علي الغريق علينا... أما هسع لا نحن ولا هُم المجرى بقى رحرااااااااااح... وعشمنا في الله ثم الخزان كبييير...
اسع ياتو فيهم يا خلق الله عاد أوعاد يات مصير لى وللولاد تبدا أمونة رحلة ماكان فى الحساب باراها الزمن شبعها فى العذاب من يوم سافر أحمد قاصد الجنوب باكى أمونة فرقة هزت للقلوب زوجها ابو الولاد الخاتى العيوب مفقود من سنة واعلنوا للحداد وتمر السنه بى فوق السنه تمو اربع سنين مرت محزونة فكرو فى الكفيل وبيناتن جنا ومحل الأبو بقى عم الولاد عقدولو الأهل سولو المتبع من مرت الأخو الفات ما رجع تنداس المشاعر أو قول اقتنع لازم الناس تضحى شان لبنى وعماد ويتم العقد بينات الدموع لا فرحاً كتير لا ضوت شموع عجلات الزمن ما بتقبل رجوع وما بتمشى الحياة زى ما الزول اراد سنتين بالكتير كان جابو الولد والحزن القبيل جواهم برد سمو على الفقيد الراجل الصمد شان حفظ الإسم وتأكيد للوداد وما كان فى الحساب الزمن العنيد ينسج فى الخيوط من زمن بعيد فى يوماً عصيب وما فى البال أكيد من أول جديد اتكال الرماد فى لحظة سكون عماها الديار حس الباب نقر قايله أمونة جار تاريهو الفقيد كان فى الإنتظار مفقود الجنوب يرجع تانى صاد كان صدمة قاسية فوق الإحتمال خلتا بين جحيم واقع ام خيال إختل العقل وكان آخر سؤال ؟ أسع ياتو فيهم يا خلق الله عاد أو يات مصير لىّ وللولاد ؟.
Quote: ربطت هذه الكلمات الرائعات بما أورده أخونا بحاثة الأدب الذواق الأستاذ خالد المنسي من أبيات شعر للأستاذ السر عثمان الطيب ،
Quote: ود القرير كيف حالك وعلك طيبي فارقنّا القرير يا صاحي مساكين الشطر نتربّا ومافتنّا البلد بالمرّه وحبها معانا شبَّ
ساقتنّا الظروف يا صاحي لدار العذاب والغربّه فاقنّا البلد نتباكّى أحكام الزمان صِح صعبه
من شفع صغار في الدنيا يا دوب في المهد نتربّى مافتنا البلد بالمرّه وحبها معانا شبّا
الحبيب دكتور ياسين سنجك ميه واربعطاشر سلام وعلك عافي ات الوليدات كنت حينها يادوب درفين صغير كان في سنة أولى ولا تانية ابتدائية مدرسة معهد التربية شندي ويا حليو المعهد ما قلبو جامعة وبشتنو ... وانا شادي ترتاري وقابض قميصي البلدي في خشمي وقعت كلمات هذه الأغنية في لأذني كان يترنم بها إدريس ابن الثالث سنوات ... إدريس دا من وليدات جيرانا جدو ابو أمو اسمو بشير ابوفاق وابوهو نسيت اسمه لكن افتكر صاحب محلات نوري للتمباك كان ماخاف الكضب .. يوم طهورو ابوهو جاب لي محمد كرم الله لما ناس شندي ديل بربابتو تحت فوق وغرب وخلا واتلمن ليك الشايقيات سون جنس ردحي والله اتذكروو زي تكنو امبارح ... إدريس كان بارك في كوم رمله قدام باب ناس جدو ويغني في تلك الابيات
فارقنا القرير ياصاحي ماسكين الشطُر نتربّى مافتنا البلد بالمرّه وحبها معانا شبا عجيتني الكلمات والعجب الكبير كان ذاك الشعور كيف لشافع متل إدريس انكوى بفراق القرير ترابه ... والله يا دكتور ياسين لو تراهو وهو يغني صوت حنين وتعابير الوشي يكسوها الحنين والفراق... جد تستغرب ... وكان جمعته الموقف فوق بعض تجد هو ما حملني لحفظ تلك الأبيات الجميلة .. التحية من هنا لإدريس ود ناس ابوفاق .. ولا ادري اين هو الان ندعو له الله ان يعطيه الصحة والعافية
ولك مني يا د.ياسين أجمل تحياتي ياجميل ... وجرابك يا ربي مايفضى ضمه خالد محجوب
Post: #886 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-20-2007, 06:53 AM Parent: #1
Quote: الغالي ابؤالحسين ياخوي نحن مادايرين لقاء مع السي ان ان او البي بي سي او الجزيره دايرين يكون مع ناس الال بي سي وتكون انت ونانسي عجرم لانو ذي ما انت عارف انها شايقيه.
تحياتي...
حاتم هاشم.
الله يجازي محنك يا أبو هاشم...
لا تشيل حالنا شئ... الشئ ماها شايقية... لكن قصتي معاها كانت في كريمة بلاد الشايقية!!!
ناس تحب المشاكل بثْ!!!
كميات مودتي... وأبقى قريِّب...
أبو الحســــــــــين...
Post: #887 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-20-2007, 09:54 AM Parent: #1
Quote: فارقنا القرير ياصاحي ماسكين الشطُر نتربّى مافتنا البلد بالمرّه وحبها معانا شبا عجيتني الكلمات والعجب الكبير كان ذاك الشعور كيف لشافع متل إدريس انكوى بفراق القرير ترابه ... والله يا دكتور ياسين لو تراهو وهو يغني صوت حنين وتعابير الوشي يكسوها الحنين والفراق... جد تستغرب ... وكان جمعته الموقف فوق بعض تجد هو ما حملني لحفظ تلك الأبيات الجميلة .. التحية من هنا لإدريس ود ناس ابوفاق .. ولا ادري اين هو الان ندعو له الله ان يعطيه الصحة والعافية
ولك مني يا د.ياسين أجمل تحياتي ياجميل ... وجرابك يا ربي مايفضى ضمه خالد محجوب
الغالي خالد... سنجك المجر الفوقاني...
حقيقة الحنية ظاهرة في وجه صديقك وجارك إدريس... وجارية في دمو والدليل على ذلك ترجمتها في الأُغنية دي... وحفظو ليها من هو شافع...
والعجبني شديد يا إبن عمي... ختمك لي كلامك بي كلمة جرابك ما يفضى ضُمَّة!!! وإستحقيت الشليخ بي جدارة... يلة يا منى خوجلي شوفي شغلك مع ود المنسي...
كميات مودتي...
أبو الحســــــــين...
Post: #888 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-20-2007, 02:55 PM Parent: #1
كاميرا صديقي مامون ود أرقي...
والجمال الآتي من قيزان أرقي النضارة...
مع كميات مودتي...
أبو الحســــــــين...
Post: #889 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فيصل محمد خليل Date: 02-20-2007, 05:03 PM Parent: #888
شعرى الحزين يا يمه يحكى ليــك كيف بعدك أنا وكيفن كمان فى الدنيا رحتا وتهتا فى درب الغناء يانى الجنيت على الزمان أو كان زمانى على جنى شعرى الحزين يا يمه يحكى ليك ساعة جن قوافل القدرة ساقنك معاهن ورحتى لى دار الخلود سألتا عنك يايمه ما خليت دار ..جار.. وبكيت عليك من غير حدود وين أمى يا ناس الفريق ؟؟ نزلت تحت خلتنى ليه ما كان تسوقنى فى ساعة الحليب عند الورود ويسكتونى يايمه بى تعريفه أو حبات تمر ويقولوا لى أمك مشت سوق الشرق وهسع تعود صدقتا أنا ما عارفك يايمه فارقتى الوجود وما عارف إنى وراك اكبر واجرى بدرب البنات قلبى داك ماهو الرهيف تلقى يمه يشابى كل ماواحده جات ولولا العمير عند سيدو كان بدرى سمعتيبوا مات وقصة شقاوتوا وراء البنات يايمه تب مابتتحكى يمرق صباحوا يلمهن يضحك معاهن يتبسط ويرجع وراهن تانى للنوح والبكى عذبنوا جرحنوا من الجروح ما لاقى صفحة عليها يرقد ينتكى ومالاقى صاحب وجعة يبركلوا الفكى ناس المحنه يمه فاتو وخلو ينين يشتكى أهو غايتو حالى حالوا ما حالا بشع لليلى جارى وراء البنات يايمه لا اكتفى لا قنع بس الفضلو تجيهو بالليل فى المنام تهديهو لى كان يقتنع ولا اندهيلو يمه رب العالمين والأولياء والصالحين إن كان يتوب قبل العمير فاضلوا تو ماينقطع اهو غايتو حالى يمه نوحى واساى بكرة القدر كان جاب رواحلوا وجانى شن خليت وراى غير عبرة فى ليلاً طويل ودمعات سكبتها فوق أساى وصبحن بقن شعرى وغناى ماياهو قدرى وجانى عاد براى مالازم اصبر كمان واتحمل اذاى وعشان كده أنا اصلى ما حدثتا زول وما داير زول فى الدنيا يكون متعذب معاى بس داير اقولك شعرى البهديهو ليك امسكى عندك واحفظى وختيهو لمن ولد الغناى يجيك.
الاخ ابو الحسين .. الحمدلله خطتى نجحت ونجح البوست ووصل حتى الان الصفحة التاسعة وهو نجاح غير مسيوق .. عندما رايت عنوان البوست فى اول يوم ..طوالى جا فى بالى انه يمكن واحد يحوله الى بوست عنصرى وفكرت فى تحويله الى بوست فنى وادبى وكانت مشاركتى بمجموعة اغنيات من شمال السودان لتحقيق هدفى فى تحويله الى هذا الاتجاه والحمدلله البوست حتى الان ادبى فنى راقى .. واتمنى ان يسير على هذا النحو والاتجاه . فى ابوظبى توجد جماعة الطنبور بالنادى السودانى كرمت الاخ خالد محجوب لاثرائه لاغنية الطنبور بوشاح وشهادة كمان ضمن فعاليات منتدى النادى الفكرى والتى يقيمها كل يوم اثنين . وكان خالد الصحافة هو فاكهة الاثنين الماضى والاثنين القادم سوف يقدم الاستاذة ليلى ابوالعلا الحائزة على جائزة عالمية فى القصة القصيرة باللغة الانجليزية ..وهاكم الحصل
وكمان هذه المرة سوف اغير الاتجاه الى جانب اخر مهم .. اقرا معى هذا الجانب من مذكراتى الخاصة والتى نشرتها تحت اسم مذكرات اروتى ونشرت فى الصحف والانترنت .. اقراوا وتحولواالى هذا الاتجاه .... الامثال المتداولة فى الشمال عبارة عن حكم وماثورات شعبية تحمل كثيرا من المعانى الجميلة وتعكس روح المجتمع وثقافته العالية وتجاربه فى الحياة ..اضافة للقيم والعادات والتقاليد السمحة المتوارثة ابا عن جد .. وسوف اورد لكم مجموعة من تلك الامثال والتى دونها الاستاذ محجوب كرار الباحث المعروف .. اب وشين العند الله مو زين ...المعنى واضح ويتطابق مع الحديث الشريف حول ذا الوجهين .. اخد بت الصمد تبالك سند .....اى تزوجها لانها من بيت كريم ... اشرب بالفرطوق لامن تلقى الشربوق ... الفرطوق والشربوق اناء القرع يستعمل فى شرب الماء .. الله كان جاد ينفض الفى الرماد ...الله قد ينعم على العبد من الحضيض الى القمة .. ان غلبك فعلو انظر دليلو .....اذا اردت ان تعرف ابحث عن الاسباب .. اهلك ان بقوا كلاب هوى معاهم ...وجهة نظر شعبية الفرد مع الجماعة .. البياكل حقو وحق رفيقو حرم طريقو ...الانسان الطماع .. البنت بلا عنايى ماها سعاى .. التربية مطلوبة .. المحب لى جارو ما بتيبس دارو ...انسان تخلو نفسه من الحسد .. راجل المرتين ارنب بين كلبين ....يشيل شيلته معاهم .. البيصرف مابيقرط يفقر لامن يضرط ...يعمل حسابه تمام .. البصارعك كان ما رماك يتور نفسك ....التزام الحذر والحيطة .. البيطلع من الراس يشيلو الناس... المحافظة على الاسرار.. بوم العرب ياكل نجيض النوبة ... التفاوت فى الفهم .. اليفضل فى العقاب لابد يضوق العذاب ...الذى يتحمل المسؤولية فى البلد .. التسويهو بى قوة يرميك فى هوة ...القوة غير محببة فى كثير من الامور .. الحسادى ترقد وسادى ..حسادته تتبعه الى قبره .. الحيلي قليلي والخشم بليلي ...يتكلم اكثر مما يفعل .. الخاين من وجيهو باين ..الذى يضمر السوء فى نفسه .. الدبرة يقردنا صاحبها .. المصيبة لا يحس بها الا صاحبها .... درب العيشي ما فيهو نبيشي... العمل الشريف .. الدنيا حلاتا مواصلاتا ...صلة الرحم .. عفنة الضيف ان بات وقيل ....الذوق عند الزيارة الغنماية الغريبي تقد الزريبي ...لمن يتزوج بعيدا عن اهله ..تقد الزريبي اى تفرق بين الاهل والاسرة الواحدة .... الفسالى البينى ولا الجوديي الوسخانى ......التظاهر بتقديم الخدمة مع الضرر .. الكضب مابشيل سيده .. ..واخيرا تلك النصيحة .. المرة ام ساقا نحيف وخشما رهيف ان عصرك المطر والزيف فى خشم بابا لا تقيف .. القصة طويلى
للمرة الثانيه وفي العمود نفحات الريف تحت عنوان فارس الرمال المقصود بي فارس الرمال دي اخوكم ابو الحسين تناولت هذا الموضوع صحيفة الوان الصادرة يوم الاربعاء بتاريخ 21/2/2007 الذي يتعلق ببوست الشايقية هذا البوست الرائع الذي استطاع ان يعكس بحق وحقيقي تراث قبيلة الشايقية منذ اقدم الزمان وعكس كذلك قيم وعادات وتقاليد القبيله كما استطاع ان يغير بعض المفاهم او الفهم الخاطئ ان صح تعبيري عن ما يعتقده البعض في القبيله عموما الابداع لااستطيع ان اصفه بكلمات قد لاتفي بحقه وانا كذلك اعجز عن اصف هذا الابداع اللامتناعي من المبدع جمال ابريده او كماعرفناه بـ ابو الحسين ماعلينا الا ان نشكره الشكر الامتناهي ونتمني له مزيييييد من الابداع والي الامام دوما عزيزنا ابو الحسين والعقد الفريد ( د. ياسين والأُستاذ/ خالد المنسي... (الجعلي ـ الشايقي)... والخليفة حاتم هاشم...وكل من ساهم في اثراء هذا العمل الابداعي ولا ننسي ان نشكر كذلك المبدع الصحفي زاهر الكندري الذي اهتم بمثل هذ ه المواضيع واعطاها مساحة للنشر ربنا يديمكم جميعا ومزييييييييد من الابداع والتميز لك كل ودييي فدوى الشريف
أخواني ..أركان هذا البوست ..ود الحسين..ياسين..حاتم هاشم ...فدوى الشريف..وخالد محجوب ..أرجو أن لا يكون منسي! انسدال الكلام الجميل ..من أطراف أقلامكم ..هو الذي أعطى هذا البوست..الثبات.. وسط عواصف البورد العاتية..والتي أحيانا كثيرة ..تهب ..بما لا نشتهي..نحن أصحاب ..بحر المودة ...والمشتهنك...وأجمل الحلوين...والزول الوسيم ..وسوقني معاك يا الحمام.....
التحية لك ..أخونا ود الحسين ..وأنت تتقدم الركب ..تزين أطراف الحديث ..بحلو الكلام ...وتربت بكلمات الرضاء على أكتاف ضيوفك وزوار هذا البوست .. ولم يكن القصد من عتابي ..الأ ..إسقاط ..الحجر في بحور أشعار ..حاتم هاشم وخالد محجوب..ليحرّك دكتور ياسين .." نغيمات النعام آدم ...ونجدّف ..نحو ماضي الذكريات..ويا له من زمن.. أخونا " ياسين " ..قبل شهر ونصف تقريبا ..كنت في معية شقيقي ..عوض ..نقدم واجب العزاء في وفاة والدة ..احمد حسون ..رحمها الله ..وتذكرناك...في أثناء لملمة ..بعض من أطراف ذكريات " مروي الثانوية"..وأين انتهى بكم ..وبنا ..وبهم ..المطاف..لك التحية...
أبناء ..شايق..اغرفوا من بحر... هذا التراث العامر..تجلببوا باثواب أشعار الدابي ..عبد الله محمد خير..محمد سعيد دفع الله..إبراهيم ابن عوف..السر عثمان الطيب وكل شعراء المنطقة ..وتعمعموا ..بالحان النعام وود كرم الله ..عثمان اليمني ..وكل فناني الطنبور.. ولكم التحية جميعا...
Quote: الابداع لااستطيع ان اصفه بكلمات قد لاتفي بحقه وانا كذلك اعجز عن اصف هذا الابداع اللامتناعي من المبدع جمال ابريده او كماعرفناه بـ ابو الحسين ماعلينا الا ان نشكره الشكر الامتناهي ونتمني له مزيييييد من الابداع والي الامام دوما عزيزنا ابو الحسين والعقد الفريد ( د. ياسين والأُستاذ/ خالد المنسي... (الجعلي ـ الشايقي)... والخليفة حاتم هاشم...وكل من ساهم في اثراء هذا العمل الابداعي ولا ننسي ان نشكر كذلك المبدع الصحفي زاهر الكندري الذي اهتم بمثل هذ ه المواضيع واعطاها مساحة للنشر ربنا يديمكم جميعا ومزييييييييد من الابداع والتميز لك كل ودييي فدوى الشريف
الأخت الفاضلة / فدوى الشريف بعد السلام عليك والرحمة والبركة من رب العرش العظيم لك مني كل الشكر على عكس جميل إبداع حبيننا وحبيب الكل تمساح المحبة أبوالحسين ... أخوة واخوات تعرف بهم في بوست أبوالحسين ( الشايقية ماضي وحاضر ومستقبل ... والشايقية ومفرقات الزمن الصعبة وهم مازالو لابسين توب المحبة والحنين وكل جميل ) كنت أحدث نفسي دماً أن من أسباب نجاح هذا البوست النية الصافية السليمة ( لصاحبه ) حبيبنا وحبيب الكل ابوالحسين الذي كان صادق مع نفسه أولاً ومع الأخرين في كل كلمة يكتبها تحس بها ليست كما جرت العادة في اغلب البوستات التي يكسوها دوماً عامل المجاملة .. جمعني هذا البوست بأخوة لم تلدهم أمي أفخر وأعتز بهم ابوالحسين والدكتور سنجك ميه واربعطاشر والجميل حاتم الفحل ود القرير وسيد أحمد الحسين وغيرهم من فاتني ذكرهم ( الكبر دخل ) وست الكل وروح البوست النابض الغائبة ست البنيات وفمها البنقط عسل .. نعم والله وبصدق أمني النفس بلقياهم حقيقة في سوداننا الحبيب العزيز علينا.. والشكر اولاً واخيراً لك ايتها الفاضلة فدوى والشكر عبرك لجمال أب ريده ولكم مني ابناء شايق من جم في كل بقاع الارض اجمل التحايا من قلب محب لكم
Quote: أخواني ..أركان هذا البوست ..ود الحسين..ياسين..حاتم هاشم ...فدوى الشريف..وخالد محجوب ..أرجو أن لا يكون منسي! انسدال الكلام الجميل ..من أطراف أقلامكم ..هو الذي أعطى هذا البوست..الثبات.. وسط عواصف البورد العاتية..والتي أحيانا كثيرة ..تهب ..بما لا نشتهي..نحن أصحاب ..بحر المودة ...والمشتهنك...وأجمل الحلوين...والزول الوسيم ..وسوقني معاك يا الحمام.....
الراقي الكريم الزين ود القرير مسّاك الله بالخير القعد المظموم من درر الحديث الذي سطره مداد يراعك... سوف يكون الأمل الذي يحدو بالجمع في الوصول للصفحة المأئة في هذا البوست الجميل بمرتاديه من قراء وأحباب واعضاء في المبر ( وهذا كله بإذنه الواحد الأحد ). أخي الفاضل لك كل المودة والاحترام والسلام عبرك لاهل القرير
خالد علي محجوب... بالمناسبة المنسي دي من ابتكار بكري صاحب الحوش الجميل للتميز عن أعضاء اخر ولها قصة عندما طلبت العضوية ضمنت في رسالتي له ( أخوك منسي في بقعة من الارض منفية ومنسي وبفتش للكلمة من ود بلد ينجم معه عبر الاسير ولنفحة ريحة دعاش محنة ترد الروح في غربتنا الطالت ) فأطلق علي اسم خالد علي محجوب المنسي حتى دخل ابن عمي لزم ( القردابي ) في شك وكتب لي معلقاً والله لولا المنسي دي كان عندي معاك حديث آخر وعلى العموم هذا سبب الاسم الذي لصق في ولا يعلم به ابي حتى
Post: #918 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-24-2007, 07:39 AM Parent: #917
الإخوة الكرام...
صبحكم الله بالخير والرضا...
فوق لإنتظار تعديل المشاركة العملت بروقة للبوست من الخليفة أبو هاشم...
لكن يا دكتور/ ياسين... الله يديك العافية... كان تشرح أسباب العملية دي وعلاجها... زي شرحك للأُستاذ/ حسن الطيب شرح واااااااااضح وبالخطوات... عشان تاني الواحد ما يقع فيها... شايفها عاملة مشكلة في كثير من البوستات...
كميات مودتي... ونتقابل عندما ينعدل الحال وتروح الفبركة الغير مقصودة دي...
أبو الحســـــــــين...
Post: #923 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-24-2007, 03:47 PM Parent: #901
في إنتظاااااااااااااااارك يا أبو هاشم...
تعدل السرِّيقة المايلي دي...
ورسلت ليك رسالة في الخاص في الإيميل... ودي مشكلة عدم العناوين يا شباب... هسع لو عندنا تليفونو كان إتصلنا عليهو ما راح علينا اليوم لا مشاركة ولا تحليل ولا إضافة...
نسوي شنو لكن... نشيل حالنا... يلة يا أبو هاشم حاتم لا تطول...
ويا إخوتي الكرام... لو ما عاوزين تنزلو عناوينكم في ا لعام... أرجوكم أرسلوها لي في بريدي الخاص... [email protected]
وأكون ليكم شاكر ومقدر... عشان زي الحصلت الليلي دي تاني ما تحصل علينا لا قدام... وإتذكر كان حصلت واحدة مماثلة مع الأُستاذ/ موسى الحسين خطأ فني... ولأني عندي جواله إتصلت عليه في الحال عدلها والحوش مشى لا قدام... لكن اليوم من الصباح لا واحد يشارك ولا واحد يضيف... الرجاء همتكم معانا في حكاية العناوين دي... الله يرضى عليكم...
الاستاذ المنسي تشكراااااااااااااات من دار شايق ليييييييي دار جعل التحية للمبدعيييييييين وانا ماجبت حاجه من عندي فقط هم المبدعون ويعجز اللسان عن التعبير
Post: #902 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-22-2007, 07:37 AM Parent: #1
Quote: للمرة الثانيه وفي العمود نفحات الريف تحت عنوان فارس الرمال المقصود بي فارس الرمال دي اخوكم ابو الحسين تناولت هذا الموضوع صحيفة الوان الصادرة يوم الاربعاء بتاريخ 21/2/2007 الذي يتعلق ببوست الشايقية هذا البوست الرائع الذي استطاع ان يعكس بحق وحقيقي تراث قبيلة الشايقية منذ اقدم الزمان وعكس كذلك قيم وعادات وتقاليد القبيله كما استطاع ان يغير بعض المفاهم او الفهم الخاطئ ان صح تعبيري عن ما يعتقده البعض في القبيله عموما الابداع لااستطيع ان اصفه بكلمات قد لاتفي بحقه وانا كذلك اعجز عن اصف هذا الابداع اللامتناعي من المبدع جمال ابريده او كماعرفناه بـ ابو الحسين ماعلينا الا ان نشكره الشكر الامتناهي ونتمني له مزيييييد من الابداع والي الامام دوما عزيزنا ابو الحسين والعقد الفريد ( د. ياسين والأُستاذ/ خالد المنسي... (الجعلي ـ الشايقي)... والخليفة حاتم هاشم...وكل من ساهم في اثراء هذا العمل الابداعي ولا ننسي ان نشكر كذلك المبدع الصحفي زاهر الكندري الذي اهتم بمثل هذ ه المواضيع واعطاها مساحة للنشر ربنا يديمكم جميعا ومزييييييييد من الابداع والتميز لك كل ودييي فدوى الشريف
بتنا أُستاذة فدوى الشريف...
يا بشارة الخير...
تغيبي وتأتينا بخبر مفرح...
أولاً وعبرك أشكر الأخ الأُستاذ/ زاهر الكندري... الصحفي اللامع الذي تناول عدة مواضيع تهمنا وتراث المنطقة الثري الغني بجمالياته الماثلة والخالدة خلود البركل الراسخ مر الأزمان...
ثانياً الفضل من بعد الله سبحانه وتعالى على نجاح هذا الحوش هو أنتم إخوتي الكرام الدكتور/ ياسين محمد ياسين الأساتذة/ موسى الحسين حاج موسى، خالد المنسي، الخليفة حاتم هاشم، الفاتح القرير، الكيك، فدوى الشريف وست البنات وبقية العقد الفريد المشارك في مواضيع البوست... وكل زوارنا الكرام الذين قرأوا وتاوقوا علينا حتى تعدت قراءاتنا هذا الرقم الكبير... ونعدكم إخوتي الكرام وأنا من ضمنكم على العمل سوياً حتى نُبرز ما تبقى من ثقافة تلك المنطقة وهو دينٌ علينا يجب علينا البحث والتنقيب في حناياه حتى نوضح ما خفي منه لهذه الأجيال القادمة الواعدة بإذن الله تعالى...
لك أخي الكندري كميات مودتي... وللجميع...
ومزيداً من الإبداع...
إخوتي الكرام...
وهنا تنويه يجب ذكره...
وصلي إيميل من الأخ الكريم ضياء الدين البلال... يشكركم جميعاً على الكلمات المضيئة في حقه... ومن باب الأمانة ونزاهته المعهودة... أخبرني بأن مُعد مادة الشايقية والهنود الحمر الذي نشر في صفحته بانوراما سياسية هو الأُستاذ/ أحمد يونس... لذا وجب التنويه عليه... له وللأُستاذ/ أحمد يونس تعظيم سلام...
أبو الحســــــــــين...
Post: #903 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فدوى الشريف Date: 02-22-2007, 08:45 AM Parent: #902
Quote: بتنا أُستاذة فدوى الشريف...
يا بشارة الخير...
تغيبي وتأتينا بخبر مفرح...
أولاً وعبرك أشكر الأخ الأُستاذ/ زاهر الكندري... الصحفي اللامع الذي تناول عدة مواضيع تهمنا وتراث المنطقة الثري الغني بجمالياته الماثلة والخالدة خلود البركل الراسخ مر الأزمان...
ثانياً الفضل من بعد الله سبحانه وتعالى على نجاح هذا الحوش هو أنتم إخوتي الكرام الدكتور/ ياسين محمد ياسين الأساتذة/ موسى الحسين حاج موسى، خالد المنسي، الخليفة حاتم هاشم، الفاتح القرير، الكيك، فدوى الشريف وست البنات وبقية العقد الفريد المشارك في مواضيع البوست... وكل زوارنا الكرام الذين قرأوا وتاوقوا علينا حتى تعدت قراءاتنا هذا الرقم الكبير...
الغالي والرائع جدا ابو الحسين التحيه ليك انت وعبرك التحيه لكل المساهمين والمارين فقط بالبوست الجميل دا وحقيقي عاجزيييييييييييين عن الشكر لكم القيام يامبدعين
يا أبو الحسين سلام ياخي بفتش لى كلمات ( القدم كان ليهو رافع..) للأخ الشاعر السر عثمان الطيب ..كنت زمان حافظا.. بس نسيتا.. ممكن تفتش لى كلماتا.. صديق منصوري
Post: #905 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-22-2007, 09:04 AM Parent: #904
Quote: يا أبو الحسين سلام ياخي بفتش لى كلمات ( القدم كان ليهو رافع..) للأخ الشاعر السر عثمان الطيب ..كنت زمان حافظا.. بس نسيتا.. ممكن تفتش لى كلماتا.. صديق منصوري
الغالي المنصوري...
ويييييييييينك يا راجل... قاطع وصـــالك من مدة...
أها طلبك مجاااااااااااب يا سيدي... بس كمان خليك طماع وأطلها بصوت محمد جبارة وميرغني النجار صديق أحمد وطارق العوض... من د. يس ينزلها ليك...
الشاعر... السر عثمان الطيب
القدم كان ليهو رافع قاسي فرقك يوم اوادع لو فضل في العمر ثانيه تاني لابد ليكي ارجع تاني راجع يا بلادي
ان نسيت ماب انسي مرة كيف فى بعدك ضقت مرة كان اخير لى اقعد هناك اعيش ولو بى كسري مرة تبقي حلوى في بلادي
عشت يوت فى الغربة امنح ابكى طول الليل وانوح كل ساعه اتمنى ارجع امشي اشد رحلي واروح امشي اروح لى بلادي
شان اشوف دار الأحبه اصطفاها القلب وحب فيها اترعرع تربي بين حنان خلانو شب شب عاشقك يا بلادي
إن عطش يسقيهو نيلك أكلو من ثمرات نخيلك ياحلاتك ويا حليلك والقمر يلصف في ليلك وين مثيلك يا بلادي
يا حبيبه تعالي شوفي شوفي كيف حالى وظروفي شوقي نار توقد في جوفي حار على فراق ولوفي خوفي تنسي يا بلادي
خوفي تنسي حنان وليدك فاكري إنو مرق من إيدك راح جفاك واختار سواك وقلبو تب ما عاد يريدك حاشا حاشاى يا بلادي
Post: #906 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-22-2007, 09:19 AM Parent: #1
Quote: أخواني ..أركان هذا البوست ..ود الحسين..ياسين..حاتم هاشم ...فدوى الشريف..وخالد محجوب ..أرجو أن لا يكون منسي! انسدال الكلام الجميل ..من أطراف أقلامكم ..هو الذي أعطى هذا البوست..الثبات.. وسط عواصف البورد العاتية..والتي أحيانا كثيرة ..تهب ..بما لا نشتهي..نحن أصحاب ..بحر المودة ...والمشتهنك...وأجمل الحلوين...والزول الوسيم ..وسوقني معاك يا الحمام.....
التحية لك ..أخونا ود الحسين ..وأنت تتقدم الركب ..تزين أطراف الحديث ..بحلو الكلام ...وتربت بكلمات الرضاء على أكتاف ضيوفك وزوار هذا البوست .. ولم يكن القصد من عتابي ..الأ ..إسقاط ..الحجر في بحور أشعار ..حاتم هاشم وخالد محجوب..ليحرّك دكتور ياسين .." نغيمات النعام آدم ...ونجدّف ..نحو ماضي الذكريات..ويا له من زمن..
أخونا " ياسين " ..قبل شهر ونصف تقريبا ..كنت في معية شقيقي ..عوض ..نقدم واجب العزاء في وفاة والدة ..احمد حسون ..رحمها الله ..وتذكرناك...في أثناء لملمة ..بعض من أطراف ذكريات " مروي الثانوية"..وأين انتهى بكم ..وبنا ..وبهم ..المطاف..لك التحية...
أبناء ..شايق..اغرفوا من بحر... هذا التراث العامر..تجلببوا باثواب أشعار الدابي ..عبد الله محمد خير..محمد سعيد دفع الله..إبراهيم ابن عوف..السر عثمان الطيب وكل شعراء المنطقة ..وتعمعموا ..بالحان النعام وود كرم الله ..عثمان اليمني ..وكل فناني الطنبور..
ولكم التحية جميعا...
الفاتح عبد الله طه/القرير
تسلم يا الفاتح يا جميل... على الكلمات المعبرة... التي هي مع أُخريات في النفس أملنا وزادنا لي باكر...
كميات مودتي... وكم أنا سعيد والحوش منور... بطلتك ومتاوقتك الجميلة...
أبو الحســـــــــين...
Post: #907 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-22-2007, 10:41 AM Parent: #1
Quote: الأخت الفاضلة / فدوى الشريف بعد السلام عليك والرحمة والبركة من رب العرش العظيم لك مني كل الشكر على عكس جميل إبداع حبيننا وحبيب الكل تمساح المحبة أبوالحسين ... أخوة واخوات تعرف بهم في بوست أبوالحسين ( الشايقية ماضي وحاضر ومستقبل ... والشايقية ومفرقات الزمن الصعبة وهم مازالو لابسين توب المحبة والحنين وكل جميل ) كنت أحدث نفسي دماً أن من أسباب نجاح هذا البوست النية الصافية السليمة ( لصاحبه ) حبيبنا وحبيب الكل ابوالحسين الذي كان صادق مع نفسه أولاً ومع الأخرين في كل كلمة يكتبها تحس بها ليست كما جرت العادة في اغلب البوستات التي يكسوها دوماً عامل المجاملة .. جمعني هذا البوست بأخوة لم تلدهم أمي أفخر وأعتز بهم ابوالحسين والدكتور سنجك ميه واربعطاشر والجميل حاتم الفحل ود القرير وسيد أحمد الحسين وغيرهم من فاتني ذكرهم ( الكبر دخل ) وست الكل وروح البوست النابض الغائبة ست البنيات وفمها البنقط عسل .. نعم والله وبصدق أمني النفس بلقياهم حقيقة في سوداننا الحبيب العزيز علينا.. والشكر اولاً واخيراً لك ايتها الفاضلة فدوى والشكر عبرك لجمال أب ريده ولكم مني ابناء شايق من جم في كل بقاع الارض اجمل التحايا من قلب محب لكم
خالد علي محجوب ... جعلي من شندي
تعظيم سلام ليك أخي أبو أحمد يا روح الحوش وجوهرته...
خمسة وردات حمراء أهديها لك وللغالي جداً الخليفة أبو هاشم... وأنتم تجسدون في هذا الحوش الوحدة والإلفة السودانية الأصيلة...
فيا أهلا بكم وأنتم ترسمون أسمى آيات الإخاء والمودة والمحبة الصااااااادقة بين أبناء السودان الوطن الواحد... فالحوش حوش الجميع من حلفا لي نمولي... من طوكر للجنينة... الكُل يعرض تراثه وثقافته...
وأنا وأنتم والجميع إلى حوش تسوده المحبة والمودة والصفاء والنقاء...
أبو الحسين ياسريع النهمة ........... تشكر والله .... حا أسمعك ليها بي صوتي أها رايك شنو؟ بس أديني مهلة شوية ...... كنت مشغول والله يا ابو الحسين عشان كدة طولتا من البوست الراقي جدا دا...
Post: #909 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 02-22-2007, 12:39 PM Parent: #908
مبروك الصفحة العاشرة بعد المية (إن شاء الله) .
يسرني أن أنقل إليكم تحيات الشاعر المفعم بحب الوطن السر عثمان الطيب الذي كلفني بالسلام عليكم فرداً فرداً وهو ولله الحمد قد لبس ثوب العافية ولسان حاله يلهج بحمد لله وشكر الجميع وسوف يعود للديار خلال اسبوعين بحول الله . وياريت صديقنا د/ يس محمد يس من جرابه العامر يهدى الشاعر المسكون بحب البلد الساكن في قلوب الجميع السر عثمان اغنية المشتهنك تعبيراً عن وقوفنا معه وشوقنا إليه.
Quote: مبروك الصفحة العاشرة بعد المية (إن شاء الله) .
محل ما اقبل ألقى أحبابى شايقية ياناس حكايتكن شنو ؟؟؟ والله التراب البمشى عليهو حاج الماحى نحنا بنحبو أبو الحسين شيشك على الورود دى ما توزع بالجملة كدى إمكن تجينا مناسبة ونحتاج ليها سلام وتحايا وإحترام مع مليون وردة وخزام
Post: #921 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: هاشم أحمد خلف الله Date: 02-24-2007, 11:41 AM Parent: #910
الحبيب الغالي ابو الحسين
تحياتي
والله مشتاقين شوق اصلو مامعقول , أخبارك شنو يا عريس ؟؟؟
كميات مودتي , وجيت أتفقد أخبارك ونحن مقصرين معاك يا حلو .
Quote: وياريت صديقنا د/ يس محمد يس من جرابه العامر يهدى الشاعر المسكون بحب البلد الساكن في قلوب الجميع السر عثمان اغنية المشتهنك تعبيراً عن وقوفنا معه وشوقنا إليه.
أستاذي موسى الحسين لك السلام طلباتك أوامر لاسيما أنها جاءت في يوم جميل كهذا نسمع فيه أخبار شفاء أخينا وأستاذنا وشاعرنا السر عثمان الطيب رد الله غربته إلى أهله سالماً التحية لجميع المتداخلين وبصورة خاصة لأختنا الأستاذة فدوى الشريف التي نقلت أخبار صدى البوست في الميديا السودانية والتحية عبرها للأستاذ الصحفي زاهر الكنداري
الحبيب الأستاذ حاتم سلام شكراً لإنزال كلمات الأغنية ولكن لي طلب هو الرجاء تعديل المداخلة أو الاقتباس حتى يستقيم البوست ونتمكن من الرد حسب التسلسل
بسم الله الرحمن الرحيم سلام ياهلنا... احدي روائع الاستاذ...السر عثمان الطيب اتم الله شفاه والبسه ثوب العافيه
شوفي الزمن يا يمه ساقني بعيد خلاص در درني واتغربت واتبهدلت وريني الخلاص ساقني القدر منك بعيد لآذيا كاس جرعني كاس يا يمه يا فيض الحنان الما كمل يا يمه يا بدري البشع دايماً يهل يا يمه يا نور الصباح وكتين يطل وآشري يا زينوبة ولدك في بحور الشوق كتل محروم من الحب والمحنة وراك همل يا يمة يا بحر المودة وكتين يفيض يا يمة يا شعلة أمل زادت وميض يا يمة يا عنقود كلام منظوم قصيد يا يمه يا نغماً حنين بالشوق يرن … وأفكاري فيهو بيرتعن … دمعاتي شانو بينزلن … واتذكر يا يمه في الدغش النسايمو يهبهبن قايمي الصباح متكفلتي شايلي الحليلي علي المراح والساعة ديك يا دوب ديكنا بدأ الصياح والطير صغاروا يغردن … جبتي اللبن بي انشراح واتذكر يا يمه في وكت الهجير صالياك نار الدوكي عستيلنا الفطير رشيتي قلتي أكلوهو خير … واتذكر يا يمه يا بسمة الطفل الغرير وكت الخلوق ترقد تنوم وأسهر براي أرعي النجوم … والشوق يرف جنحيهو بي فوق لي يحوم وأهتف باسمك في الخيال طيفك كمان بي فوقي جال وأتمني لو لحظات يدوم لكني فجأة ألقاهو زال واتذكر يا يمه ساعة الناس يجونا من البلد ناعم ترابه علي جسيماتن رقد ريحة التمر فوق الهدوم ولون الخضار خانس لبد والشوق أوارو بيشتعل كان ظني فيهو يكون خمد واتذكر يا يمة والناس قالوا راجعين البلد رصوا الهديمات عدلوا ركبوا اللواري وقبلوا … خلونى وحيدى بلا انيس كيف إنفرادى إتحملوا شالوا السلام من عندى ليك وإن شاءالله عندك يوصلو يايمه ساعت يوصلوا ويقولو ليك شفناه فى بلد فى بلد الأمان انبسطى يا نبع الحنان وانا حالى يشهدبوا الزمان يايمه رسلى لى عفوك ينجينى من جور الزمان .
عيللى كمان مرات اقول اصبرى يا ست البنات واديها صننة !
ووحات ربى يا خالد اخوى ياكون اخيانى وان بقى فى زولن قالكون غير كدى يبقى حاسد !
وطلتكون تفرحنى - ووكت اغيب منكون بس بقررب اعيا !
عيللى المرة دى مشغوووولة تب !
والأحترام والشوق كتير مالى القلب -
وسلملى عليى وليدك السوغويير
وقولو ست البنات قالتلك جايبالك الدوم والدفيق .
واساعيتى ماشى اردا المى من البير !
ست البنات .
Post: #933 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-25-2007, 07:07 AM Parent: #1
Quote: محل ما اقبل ألقى أحبابى شايقية ياناس حكايتكن شنو ؟؟؟ والله التراب البمشى عليهو حاج الماحى نحنا بنحبو أبو الحسين شيشك على الورود دى ما توزع بالجملة كدى إمكن تجينا مناسبة ونحتاج ليها سلام وتحايا وإحترام مع مليون وردة وخزام
طلتك دي لينا يا بت شيوخ العرب أعظم مناسبة...
ونهديكم ورود ساقية ود منصوري كلللللللها...
مع كميات مودتي... وإقامة طيبة في ديار أهلك وأحبابك...
وعلي ذكر شيخنا حاج الماحي... أهديك هذه المدحة... إله العرش صلي علي نبينا كاتبها شخصي الضعيف (جمال أبريدة)...
إله العرش صلي علي نبينا... أبي الزَّهَراء البتول جد الحسينا...
شرع بسم الله بي ربي المعينا رازق الحوت وفي الرِّحِم الجنينا تبلغنا مقام الصالحينا نكون في الآخرة من الفائزينا
ثنيت بالمصطفى الصادق أمينا شفيع الناس يومت واقفينا جهنم تزفر الغُل والغبينا شفاعتوا الكبرى بيها مُبشرينا
في يوم ميلادو حضروا الشاهدينا وأقسموا ما رأوهُ حلف يمينا سجد لله رب العالمينا وسطع نور لا بلاد الرافدينا
سليل آبائه الأكرمينا بنو هاشم فخار العزة فينا في يوم الحبشة اتوهُم غاصبينا حمتهم جند ربك مصبحينا
في يوم مبعثه فاض الخير علينا فك قيود ظلام الجهل فينا أتتنا الدنيا ترتع بين ايدينا لتنهل من زلال صافي المعينا
سعادة من تسمَّوا مسلمينا وشقاوة من عداهو المشركينا أبو جهل السجم مطرود لعينا تبوأ مقعدوا في النار حزينا
نبياً كان علينا رؤوف حنينا سطع كبالبدر بين الكوكبينا خطَّالنا طريق المحسنينا ومسَّكنا في حبل الله المتينا
نبياً كان أمان للخائفينا وبسمة تطل في وجه العابسينا كسته الهيبة بين الجالسينا تشوفوا قمر يسر الناظرينا
من آياته الواضحة المبينا إجابته سؤال المرجفينا بيت المقدسِ من فلسطينا أتاه بقدرة الله المعينا
نعمة أصحابو همَّ الفايزينا أبوبكر المنزه من ضغينة في يوم الناس أتوهو مكذبينا قالُّوا صدقت قولك حق يمينا
فاورق يا أمير المؤمنينا رعيت الله وقاك حصن حصينا حكمت عدلت نمت قرير عينا شهادة الروم عداك الكافرينا
عثمان سيَّدي يا ذونُّورينا شهيد الأمة غدروا الخاينينا العادوك هم الغاصبينا شقاوتهم مسطرة في الجبينا
نعمة الليث أي الحسن وحسينا فرتاك الصفوف شايل السنينا بدرِ وأحدِ تشهدلوا وحنينا كم شرَّد إسود بشتن عرينا
شقاوتك يا ابن ملجم يا اللعينا قتل خير البرية بعد نبينا وليَّ الله على الناس أجمعينا محبته الوصيِّ فرض علينا
أنصار سادتي أهل المدينة باعوا النفس سامو الروح رهينة تقول أنصار يأتوك مسرعينا جنوداً بالسلاح مدججينا
رضي الله عنهم أجمعينا أسسوا دولة الحق المبينا سجلو أروع الأمثال لينا وسادوا الدنيا لا ورا لي أثينا
حذارى الدنيا ما يغُرك معينا تقول أسكت أخوض كالخايضينا أنظر للملوك في الأولينا صاروا قصص عِبر تُروى علينا
تواضَع ذلها النفس اللعينة وترفع عن نقايِص وكل شينا يكسِّيكا الإله وقار سكينة وتنال الدرجة منَّ الناجحينا
عليك يا الله وجهتنا ومشينا طالبين لي رضاك في كل حينا تسبغ عافيتك لي والدينا ومن الظلمات تحلحل كل سجينا
سلام يا مكة ليك في العالمينا بيت اللهِ كاسيك حُلة زينة صلاةٌ فيكي ما ليها وزينا ومقامٌ فيكْ مُنى للعاشقين
نعمة العباَّ زادو علي المدينة وقف في الروضة صلى علي نبينا رأى الأخيار في حرموا مجاورينا بكى الشوق والهيام فش الغبينا
يقول أبريدة يا رب يا معينا تقوِّم حالتي وتستر علينا تسلكنا طريق الصالحينا نفوز بالجنة خير وقصور وعينا
صلاة الله على الهادي الأمينا كذا التسليم على مر السنينا عدد علم الله رب العالمينا توافي الغالي قنديل المدينة..
ــــــــــــــــــــــــــــــ
وأهديها لكل الذين زارونا وشرفونا بالمتاوقة وللخليفة أبو هاشم...
Quote: سمية الحسن طلحة وعلي ذكر شيخنا حاج الماحي... أهديك هذه المدحة... إله العرش صلي علي نبينا كاتبها شخصي الضعيف (جمال أبريدة)...
هذا الإهداء جعلني أتذكر قول راشد "في قصيدة راشد والتومات للأستاذ حميد" عندما أرادو أن يطهروه وقالوا له "حا نجيب المداحين ، طنطن وقال أنا جاي من الحج؟؟!" "غايتو الأخت سمية ما بتقدر تقول شي في المديح لكن الفيك عرفتا"
Post: #935 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: Ahmed Abushouk Date: 02-25-2007, 09:41 AM Parent: #934
أخي العزيز أبوالحسين لك خالص تحيتي ومودتي، وقواسيب شكري وتقديري كما تقول دوماً. من وقت إلى آخر ننتاوق في حوش الشايقية العامر بوجودكم، لكن كثرة المشغوليات وتعانق رقاب بعضها بعضا يقعدنا عن مجارتك ومجادعة الأخ الصديق الدكتور ياسين وخالد المنسي، وبقية الباقة الخيرة والزوار الكرام، فنرجوا منكم المعذرة والصفح. أخي الفاضل أبوالحسين الطيب خليط من الجعليين والشايقية، وربما يعجب هذا القول الأخ خالد المنسي، لكنه عاش نسيج وحده، لأنه كان قومياً لكل أهل السودان، ومات بعد أن وثق طرفاً مهماً من تراث بلدهم وميلونه المربع، لذا فقد أحبه الناس وكل الناس، وحزنوا لفقده الذي كان فقداً للجميع.
Post: #936 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-25-2007, 11:14 AM Parent: #934
Quote: الحبيب الأستاذ جمال سلام
Quote: سمية الحسن طلحة وعلي ذكر شيخنا حاج الماحي... أهديك هذه المدحة... إله العرش صلي علي نبينا كاتبها شخصي الضعيف (جمال أبريدة)...
هذا الإهداء جعلني أتذكر قول راشد "في قصيدة راشد والتومات للأستاذ حميد" عندما أرادو أن يطهروه وقالوا له "حا نجيب المداحين ، طنطن وقال أنا جاي من الحج؟؟!" "غايتو الأخت سمية ما بتقدر تقول شي في المديح لكن الفيك عرفتا"
الغالي د. ياسين...
الله يجازي محنك خليتني أضحك متل الماني طيبي براي...
يا اخوي أُستاذة/ سمية دي أنا عارفها وعارف هواها شرقي (على وزن الفي الشروق ساكن أي الحبيب صلى الله عليه وسلم) وعندي معاها مداخلات ومداخلات في الحُب النبوي الشريف... عشان كدي تلقاها هسع هي طبقت قصيدتي دي وإن كان ما أقول ليك كِضِب تكون هسع في المخيخ الجوااااااااني إتحفظت...
لكن إنت يا سليل الفُقَراء (الختمية) الفيك إتعرفت... بس خلني لامِن ألاقي شيخنا الخليفة محمد ود ياسين!!!
عليكم الله يا احباب اتلموا وابقوا قراب خلونا النعيش ايامنا الموت يا داخلنا الباب الدنيا العبوس غدارة زى راية الفكى الكضاب تضحك لك تقول جيدلى تتكئ تغرس النشاب الموت يا صحاب بالجمله اصبح ما بدورلو اسباب والعاقل يعيش اياموا ما دام من تراب لتراب هسى ان ماتو مننا عشرة تلقاهم تمنيه شباب والتاسع يكون وسطانى والعاشر يكون يا داب اخدوا الحمكة من تربالنا اتوكل رمى التيراب وعارف ربو من ينساهو والصابر دعاهو مجاب علمنى الزمن يا خلا درسا ما قريتلو كتاب انو الدنيا مهما تبقي كلها فى سؤال وجواب اللقى يارفاق من الله زيو كذلك الإنجاب والحظ ما بتجيبوا القوة والشقى ما بزيلو عذاب والبكا ما بجيب الرايحه لو جرت الدموع صباب والافراح تدور يمشولا والاحزان تجيك فى الباب الدايرة السعادة يكوسها وبينا وبين حزنا حجاب اولا فى رنين الضحكه قمتا فى لقى الاحباب يا اخوانا التفاؤل نعمه ديمه يريح الاعصاب والزول اليكون متشائم العصفور يشوفو غراب زولا فى وضوحو بلا الشمس ود حمداحمد يا رفاق من شب قام درفون صغير سوالو جوه الناس عرش يا هو الركيزه الفى الفريق زول حوبه شقيش ما يمش تلقاهو قدام الرجال حا شاهو كلمتوا ما بتطش من شب قام زولا قنوع ما زك يوم درب القرش وما شالو حق زول بالغلط وما بيرضى سمعتو تنهبش فى ليله كان راقد حزين وسارح فى الزمن الوحش كيفن بعد كان حالو زين والسوق مفرهد ومنتعش مرت عليهو سنين عجاف ضماير الناس تطش بس فجأة سمع الباب يدق يالله خير واطرافو كلها ترتعش فتح البوابة بلا نفس وقدامو كان ود الفتح قال ليهو ادخل قالو لا انا حالى ماداير شرح قال ليهو جيت والعشم سايقنى يا اب رايا سمح وقفت قصاد بيتى الظروف حلفت يمين ما تزح البيت معاهو المدرسه خلنى بى ايدي ازح والنخله هادى قدر تشيل ياخدوهو قبال يصطبح قال ليهو بس نقع البنوك سلفيه والحال ينصلح قلبة وقلبتين ويا رفيق وبعدين نشيل نحن الربح يا امة نقع الفتل ما الدنيا اصلو فرندقس يوم انت طاير فى السماء ويوم تحبو فى جمر الفلس بس قوى قلبك يا رفيق ونضمك يكون عجوة محس من بدو كان درت النجوم تلقاها فى شهقة نفس قبال كمان تصحى الشمس مشى للخزين ود العوض قال ليهو إلا تمشى معاى اولادى ديك اكلو القرض اتماسكوا الاتنين سوا ودحمداحمد داير يطير مرات يجك ومرات يخب ومرات تحسبو زى عزير بس فجاءة فى لمح البصر لقى نفسو قدام المدير نزلهم كل الشروط فيهم شرط قاسى وعسير كان الشرط ايه الضمان ما البنك منهجو برمكى صاحبنا قام رهن الأرض الشاربه من دمو الزكى مداهو معنى الإنتماء والضحكة فى الزمن البكى ذرات ترابه تقولو لا والدنيا غرقت فى البكى وين تانى تلقالك حضن ياويك وكتين تشتكى مين السواي البفهمك يا حمداحمد غير حكى انا يانى امك يا جناي من قمت زي تمر الفكى يومو اليشيل فوقك تعب لابد فوق انا تتكى لابد نرجع لى صاد لو حتى فى آخر العمر ربيت اعمامك وابوك وما احتاجو لاعند القبر يا ابنى لا ترهنى هوى يا ابنى عضى الصبر ودحمداحمد بى حصار خلط البيصلح بالبضر ماهمو ايه باكر يكون ما طالا حقق للغرض شال القريشات وفى جيبو شيك سمو السند مبسوط ويضحك منتشى وصاحبك يفوجج فى البلد اولادو دايرين يابا جيب صاحبنا يدي بلا عدد البت تجيهو المدرسة صاحبنا يدي بلا عدد الحاجة همها توب سمح صاحبنا يدي بلا عدد لامن شهور الجن مضن لقى نفسو مخنوق بالمسد الشيكا باقى وقيتا جا اقصاهو لا يوم الاحد ودحمداحمد انضرب بقى يجري زى القنقرد مرات يفوتك فى السلام مرات يسوى بكى وحرد بس فجأة صاحبك اختفى همل عقابتو وشرد ما راعى احساس الورا وما راعى احساس البت والولد ولى زوجتو الممكن تضيع فى زحمة الزمن النكد.
الله يجازي محنك خليتني أضحك متل الماني طيبي براي...
يا اخوي أُستاذة/ سمية دي أنا عارفها وعارف هواها شرقي (على وزن الفي الشروق ساكن أي الحبيب صلى الله عليه وسلم) وعندي معاها مداخلات ومداخلات في الحُب النبوي الشريف... عشان كدي تلقاها هسع هي طبقت قصيدتي دي وإن كان ما أقول ليك كِضِب تكون هسع في المخيخ الجوااااااااني إتحفظت...
لكن إنت يا سليل الفُقَراء (الختمية) الفيك إتعرفت... بس خلني لامِن ألاقي شيخنا الخليفة محمد ود ياسين!!!
.............................................. و كمان يا ابو الحسن تقولي شنو و تقولي شنو انا وحاتك كت خايف من لوي الحنيك ز ندهت شيخنا كندمر طلعت يده طويلة و لحقني الكلام ده ادفنو قبلو
Post: #938 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-25-2007, 04:54 PM Parent: #1
إخوتي الكرام...
وصلنا من حوش البركل العامر ومن بشارة الخير... أحمد العوض العيدابي... ما يلي::
Quote: قمت للتو بالإتصال بالأستاذ السر عثمان الطيب والحمد لله تماثل للشفاء الكامل وهو الآن يجري تمارين رياضية بعد إجراء العملية الجراحية وهو في صحة جيدة وسوف يصل مطار الخرطوم يوم الجمعة الموافق 9 فبراير
ألف حمداً لله على سلامة الأخ السر... ونسأل الله يوصل بالسلامة ويلقى أهلو وكل أحبابو بخير وعافية... وأجر وعافية يا السرير...
ابو الحسين تحية طيبة شكرا على البوست انا من المعجبين بتراث الشايقية بالرغم من البعد الجغرافي من مناطقهم، دائماً بتاوق من بره لكن قلنا ندخل نسلم عليك ونسعل منك ،الأسبوع الفات مسجل غياب انشاء الله المانع خير.
كسرة: شايفك غيرت الوردة،طبعاً في مداخلات المناسابات مرات الواحد قاعد يستلفهاسامحنا يا اخي
حيدر الماحي ..واحد من بلدنا ..القرير..العامراب ...جمعته دروب لقمة الرزق الحلال ..مع أبو شعراءنا ..حسن محمد بخيت الدابي ..في مشروع القرير الزراعي ... حيدر الماحي ...كسائر أهل البلد ..يرسم خطوط الماهيه ..على خريطة واجبات توفير متطلبات أهل بيته ..والتزامات محيط الواجب الاجتماعي ...الذي تتجاذبه ..أطراف الفرح والكرح.. حيدر الماحي ...لتكتمل عنده شخصية موظف الحكومة ..كان يدخن ...وهذا ..ما جعله يأتي في مسيرة " حسن الدابي " الشعرية.. حيدر وهو في الطريق إلى مكان عمله ..في مشروع القرير الزراعي..يشتري ثلاثة حبات من سجائر البنسون ...يدخنها على امتداد فترة الدوام... وحتى لا يشاركه أحدا ..في( نَفَسْ )السيجارة ..كان يحفظها بين ثنايا شجرة التمر القريبة من مكان العمل... ( الكرنعوف )ليسهل الوصول اليها ...خلسة ...كلما اشتد به ضغط العمل... في مرة من مرات التسلل ..وكالمعتاد ..وبعد وصوله إلى مكان شجرة التمر ...مد يده ..ليتناول واحدة من حبات السجائر ..ليطفئ بها ..لهيب حرارة العمل ..وضغوط الحياة...ولكن..... وجد الفأر قد سبقه لذات المكان...ولم يترك له غير أعقاب السجائر ...مبعثرة ..على امتداد محيط المكان.. وكانت الحسرة...
سمع " حسن الدابي " بالحكاية ..وصاغها شعرا...والقصيدة طويلة .. لم احفظ منها غير ...
ست البنات ناس القرير وود القرير ابوالحسين حاتم هاشم الدكتور ركازة البوست دكتور ابوشوك ود سيداحمد وحتى حُمد احمد التمرجي وليكم زوار البوست الجميل التهنئة بعودة وردة البوست ست البنيات .. وحالي دا يوم لقيت مداخلة ست البنات قت بكرة بلقى ابوالحسين يعرض في البوست بالجد بالجد في جوه حوشو وبوستو وتشكرات يا دكتور ياسين علي الاغنية التي عبرت عن شوقنا كلنا لوردة البوست وعودتها
Post: #942 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 02-26-2007, 00:13 AM Parent: #941
Quote: أخي الفاضل أبوالحسين الطيب خليط من الجعليين والشايقية، وربما يعجب هذا القول الأخ خالد المنسي، لكنه عاش نسيج وحده، لأنه كان قومياً لكل أهل السودان، ومات بعد أن وثق طرفاً مهماً من تراث بلدهم وميلونه المربع، لذا فقد أحبه الناس وكل الناس، وحزنوا لفقده الذي كان فقداً للجميع
الحبيب العزيز /دكتور ابوشوك السلام عليك والله جد عجبني كلامك بالحيل وجاتني هوشي لامن اتنفض لي فوق وقرب اخمش وليدي احمد كان وراي في وجيهو والله عمري كلو وكت بفتكر القامة الطيب محمد الطيب شايقي بديري لك منا يا حبيب كل الاحترام والتقدير سوف ازور البوست الان
Post: #944 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-26-2007, 06:50 AM Parent: #1
الغالين الحلوين رواد الحوش الكرام...
صباحكم زين وهناء وسرور...
جاتني النكتة دي من الصباح البدري من السودان قلت أشرككم البسمة معاي...
قالو في واحد طرشان بعِد عنَّكُم شغال في دكان...
قام جاهو رباطابي قال ليهو أديني سجارة وعلبة أمواس...
قام الطرشان صاحب الدكان جاب ليهو كراس وقلم وقال ليهو... الباقي أديك بيهو شنو؟؟؟
الرباطابي قال ليهو أديني بيهو إملاء!!!
وأهديها لي أحمد وليد أحمد المنسي وجمانة وسامي وليدات د. ياسين ولي وليد حسن الطيب الفي صفحتو دا... ولكل الإخوة البي يتاوقو لينا اليوم وبكرة وبعدو...
Quote: "غايتو الأخت سمية ما بتقدر تقول شي في المديح لكن الفيك عرفتا"
الا أيها الركب اليمانى عرجوا فقد أضحى هوانا يمانيا وأنا أقول :ـ فقد أضحى هوانا شايقيا ومحل مايهب مركبنا تميل معاه ان كان مشرقى ولا مغربى ( وانت يابو الحسين عرفت من أين يؤكل كتفى)
Post: #950 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-26-2007, 03:46 PM Parent: #945
Quote: الا أيها الركب اليمانى عرجوا فقد أضحى هوانا يمانيا وأنا أقول :ـ فقد أضحى هوانا شايقيا ومحل مايهب مركبنا تميل معاه ان كان مشرقى ولا مغربى ( وانت يابو الحسين عرفت من أين يؤكل كتفى)
أها يا دكتور ياسين بعد كلام الأُستاذة سمية دا... بعد دا ماب تنزلها حاج الماحي... تكون إتلومت تَبْ...
كميات مودتي...
أبو الحسين....
Post: #946 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-26-2007, 07:15 AM Parent: #1
Quote: و كمان يا ابو الحسن تقولي شنو و تقولي شنو انا وحاتك كت خايف من لوي الحنيك ز ندهت شيخنا كندمر طلعت يده طويلة و لحقني الكلام ده ادفنو قبلو
الحِبيِّب حسين الطيب...
صباحك زين... إنت في لوْيَة الحِنِيك الهيني دي... أكنَّك شوف طَمْسة الجنا الجابو ختاهو يرفرِف بي عويناتو كيفِن طفَّش علينا البلوم من البوست!!!
Post: #947 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-26-2007, 09:48 AM Parent: #1
Quote: ابو الحسين تحية طيبة شكرا على البوست انا من المعجبين بتراث الشايقية بالرغم من البعد الجغرافي من مناطقهم، دائماً بتاوق من بره لكن قلنا ندخل نسلم عليك ونسعل منك ،الأسبوع الفات مسجل غياب انشاء الله المانع خير.
كسرة: شايفك غيرت الوردة،طبعاً في مداخلات المناسابات مرات الواحد قاعد يستلفهاسامحنا يا اخي كميات مودتي(الحقوق محفوظة)
الغالي الحِنَيِّن الشايقي بالمتاوقة عبد الحميد...
لك قواسيب المودة وشكراً على السؤال... وإنشاء الله إقامة طيبة في حوش أهلك وأحبابك... ويا اخوي ورود أبو الحسين ملكك تَبْ وأهديك ليها بي قلب صافي...
وإقامة طيبة نتمناها لك بيننا وأنت تتمطق في التراث الشايقي الأصيل...
أبو الحســــــــــين...
Post: #948 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-26-2007, 11:18 AM Parent: #1
واتذكرك يايمه في ساعة الهجير صالاكي نار الدوكي عُستيلنا الفطير رشّيتي قلتي أُكلوه .. خير واتذكرك يابسمة الطفل الغرير وكت الخلوق ترقد تنوم واسهر براي أرعى النجوم والشوق يرف جنحيهو بي فوق لي .... يحوم واهتف بإسمك في الخيال طيفك كمان بي فوقي جال واتمنى لو لحظات .. يدوم لكني فجأة القاهو .. زال
واتذكرك يايمه .. والناس قالوا قايمين البلد رصُّو الهديمات .. عدلوا ركبوات اللواري .. وقبَّلوا خلوني وحدي بلا أنيس كيف انفرادي .. اتحملوا ؟ شالوا السلام من عندي ليك وإن شا الله عندِك .. يوصلوا
يايمة ساعة يوصلوا .. ويقولوا ليك .. شفناهُ في بلد الأمان مبسوط ورايق في أمان انسطي يانبع الحنان وأنا حالي يشهدبو الزمان يايمه رسلي لي عفوك .. ينجيني من جوووور الزمان
فبراير 1971 م
منو المابسمع الكلام ده وعيونوا ترقرق ؟ ..
Post: #952 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 02-26-2007, 04:40 PM Parent: #949
يقول أبريدة يا رب يا معينا تقوِّم حالتي وتستر علينا تسلكنا طريق الصالحينا نفوز بالجنة خير وقصور وعينا
تكشفت لنا موهبة أخرى لصديقناأبو الحسين أو المادح أبو الحسين
وحيث أني عاشق للشيخ حاج الماحي وللمديح بصفة عامة ساعود لكم بي رواقة .
يا خلايق لي جاره البرتكان تقليد صفاره فرهدت في عز عماره ما بجيبو حرام خباره حابكة بالمليون تجاره نهار وليل قاعدين حياره سيدا قال ليهم صغاره ما استوت دفيق ثماره مرة ليها مشيت زياره عاكسوني أهل الغفاره قالوا زي شوفتك خساره يا خي سيبنا بلا عواره في الفؤاد موقودة ناره وقلبي مجروح بي حساره زاد شراييني انفجاره إلا وقفت لي الجباره رحت استفسر كباره هدوني قالوا غراق بحاره العقلة فايتي من الحدارة والخدود زاد ازدهاره جبينة يشهد بالنضارة عبيرها منو الناس سكارى تبتسم يغريك هزاره رموش عيونا أخد حذاره شوفو عقليتي وجساره بقت تجيد لحن العذارى لو تعود تسكن دياره بودي للفقرا المزارة ما لقيت لي طريق بصاره دابة روحي قرب وداره.
..............................................
تحياتي... حاتم هاشم
Post: #954 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-27-2007, 06:39 AM Parent: #1
Quote: أبو الحسين .. وأهلنا الشايقية الحنان طوَّلنا منكم قلنا نزوركم الليلة .. وأهدي ليكم رائعة تاج السر عثمان الطيب
شوفي الزمن يايُمه ساقني بعيد خلاص دردني واتغربت واتبهدلت ورِّيني الخلاص ساقني القدر منِّك بعيد .. لأذايا كاس .. جرعني كاس
يايمة يافيض الحنان الماكمل يايمة يابدري البشع دايما يهِل يايمه يانور الباح وكتين يطل واشري يازينوبة ولدك في دروب الشوق كتل محروم من الحب والمحنة وراك همِل
الغالي جداً صديقي العاشـــــق عادل جبارة...
ما أحلاك وأحلى متاوقتك وجايي شايل معاك الحنان دا كلو...
يلة يكون د. ياسين ما قصر كان ترجع الأُغنية دي بصوت الرائع دوماً محمد جبارة...
طال غيابك يا د. ياسين والطلبات نازلي فوقك مطر... وأيضاً الأخ خالد المنسي ليهو مدة ما ظهر... عساك بخير أبو أحمد...
Post: #966 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-28-2007, 10:18 AM Parent: #957
تسلم د. ياسين على هذه الهدية الرائعة...
الواحد جايي داخل... ياخُدْلُو شخلوب وهو في عدَلو...
تشكرات... تشكرات... وما عدمناك يا اخوي...
وهاك دي... من حوش ست نور...
كميات مودتي...
أبو الحســــــــين...
Post: #958 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-27-2007, 10:17 AM Parent: #1
Quote: يقول أبريدة يا رب يا معينا تقوِّم حالتي وتستر علينا تسلكنا طريق الصالحينا نفوز بالجنة خير وقصور وعينا
تكشفت لنا موهبة أخرى لصديقناأبو الحسين أو المادح أبو الحسين
وحيث أني عاشق للشيخ حاج الماحي وللمديح بصفة عامة ساعود لكم بي رواقة .
الغالي جداً أُستاذي/ موسى الحسين ود حاج موسى...
أنا يا اخوي عاااااااااارف هواك... قبلي... وعشان كدي مرررررة مرة بتناولك من ديواني (الدُر المنظوم في مدح النبي المعصوم... تأليف الراجي رحمة ربه القيوم... جمال أبريدة. كوم)...
وبرضو ماب أنساك من لوح لوحين مولد وبراق...
بس صاحبك دا لا يهاجمني يقول قلب الحوش عملو دار الميرغنية بالأراك!!
كميات مودتي... وطلتك تفرح... وأبقى قريب... وألف حمداً لله على سلامة صاحبك السر عثمان... وإنشاء الله يرجع بالسلامة ياااااااارب...
أبو الحســـــــين....
Post: #959 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-27-2007, 02:40 PM Parent: #1
Quote: رحت استفسر كباره هدوني قالوا غراق بحاره
شُوفو جنس الصِدود دا من الكُبار... بدل يقيفوا معاهو شوفو قنَّعُوهو كيف!!!
Quote: العقلة فايتي من الحدارة والخدود زاد ازدهاره
لكن هي بتِتْفَات والكلام الفوق دا؟؟؟
كان يجيد الشعر الوصفي أُستاذنا المرحوم حسن الدابي...
الدنيا كان نص النهار شمس الله فى كبد السماء والتسمه نايمى فى الخدار خايفى الهجير لا يلثمه لا قونى اطفالاً صغار فى حاله يائسه ومألمه وقالوا لى بى كل انكسار الدنيا يا عم مظلمه سألتا مالكم يا ولاد جرت الدموع متلاطمه وجانى الصغير بى شويش وبى إلفه فى قلبى ارتمى قالى بى خاطر حزين الدنيا صبحت ما بتطاق امى وابوى بلا سبب يا عمى اعلنو للفراق واخوانى خلو المدرسه كايسين دروب الإرتزاق وياما كتير ناس زينا بعانو من جمر الطلاق بادرنى بى أحرج شؤال يا عمى هوى غلطان منو احترتا انا وحار بى الدليل كلمنى بس اعمل شنو وقبال اجاوبلو السؤال بادرنى ياعمى هوالغلطان منو غلطان ابوى الما قدر يفهم إحساس الصغار ولا غلطانه امى المن زمن ماليها هم غير الشجار ولا الغلط كان مشترك ياعمى سوء فى الإختيار ولا الزمن اصبح صعب اسلوبوا ما بيعرف حوار ياعمى هوى غلطان منو عيشتنا صبحت نار فى نار خايف يجونا بعد زمن ويقولو امات للإجار احسن لى اموت انا بس طفل قبال ما يتخذوا القرار ما بتعرف الغلطان منو ماالاسره انقسمت خلاص واحدين يأنبو فى ابوى ويبثوا فى أمى الحماس حبوبه ام قلبا رهيف وقفت على خط التماس غابت خلاص المعرفه والعقل امتلكوا النعاس لازال بيحكيلى الطفل قال لى والموقف رهيب الشئ المحيرنى وعجيب وخلانى فى موقف مهيب خلق الله ليه يتخاصموا ماالمولى خلق الكون رحيب والشئ البحير تشوف عدوك تلقاه كان اقرب حبيب اقرب مثال امى وابوى الريده انقلبت نحيب كان شفتا لى صورة العرس والبسمه من جوه القليب تحلف بأنو الكون جميل انشوده من سحر المغيب بالله مالكم يا بشر حيرتو للطب والطبيب الليله شوف بسبب امى وابوى جانا الضياع صنقر قريب واحتجنا كل يوم الصباح الشكله من اجل الحليب خاصمنا كل المجتمع حتى اللعب بنشوفوا عيب كل خوفنا من أخطر سؤال مشكلتو ما يلقى المجيب مالم اهلكم يا ولاد صوتن بلا طير شافلو دبيب فى شان ده نلعب فى الشمس وننضارا فى الركن القريب وقبال يأذنو للعصر نتلمّ فى فد عنقريب ونوم ونحلم بى زمن ما فيهو للأحزان نصيب كان ردى ليهو خلاص كفى قطعتا قلبى انا بالعذاب نوع ديلا قايلين العرس زغرودة عن ساعة الخضاب نوع ديلا قايلين العرس طاقيه يلبسه كل شاب نوع ديلا قايلين العرس زى نزهة فى مدن الضباب لو ختوا بالم للأرض كيفن بتنتظر السحاب يا دوبو كانوا بيعرفوا إنو المولى ما سدالو باب ولا حتى ابليس اللعين وكل ولادو على الخراب .
Quote: طال غيابك يا د. ياسين والطلبات نازلي فوقك مطر... وأيضاً الأخ خالد المنسي ليهو مدة ما ظهر... عساك بخير أبو أحمد...
كميات مودتي...
الحبيب الغالي أبوالحسين والله كل يوم شادي حماري وامرق من صبحاً بدري لي مغيب الشمش افتش واقفر في البنية دي ست البنات تظهر يوم وتغتس بعدها دورين
والله يا ابوالحسين مشغول اليومين ديل عندي ترينق ومكروب فوقو كربة شديدة من تصبح لا تمسي اسوق واعجن ... بعد ماشاب دخلّو الكتاب
لك اخي ولجميع الاخوة كميات مودتي كما يحلو لك يا غالي
خالد محجوب
Post: #961 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-27-2007, 05:18 PM Parent: #1
إخوتي الكرام...
مساكم الله بالخير والرضا...
طلب مني بعض الإخوة كتابة المقال الذي نزل في جريدة ألوان في عدد الأربعاء الماضي... نسبةً لعدم تمكنهم من فتح الصورة...
وها هو المقال كما نزل في صفحة... نفحات الريف
دعوة للحق والخير والجمال
إعداد: زاهر الكندري
إشراف: الإدارة الثقافية
الأربعاء 3 صفر 1428هـ الموافق 21 فبراير 2007م العدد (3782)
فارس الرمــــال
وأنا أتصفح في الشبكة العنكبوتية وفي الموقع المحبب للسودانيين سودانيز أون لاين لفت إنتباهي مقال ضمن دُرر (بوست أبو الحسين) مقال فضل صاحبه عدم ذكر غسمه يقول في مقاله:
شكراً على الموضوع ولكي نبحر قليلاً نطرح السؤال لماذا يكثر الشعر بمختلف ألوانه عند الشايقية وخاصة الغزل والشعر الغنائي؟ أُقدم إجاة ولكن ليست كاملة وأتمنى أن يكملها النقاش وهي أن الشوايقة ليس لديهم تعقيد كبير للحياة وعموم القبائل شمال الشوايقة نسبةً لكون القبيلة متماسكة وكل الناس صحاب كل الناس أهل والبيوت مفتوحة على بعضها لذلك لم يكن هناك تشدداً يمنع التغزل ويحرمه ويضع العراقيل حيث أن الشايقي لا يضطر إلى أن يتخفى أو يخفي حبه وولعه ويمكن أن يخفي محبوبته ويشير إليها رمزاً وهذا من باب الحياء وليس الخوف. هذه البساطة إنعكس لواقع الحياة البسيط حيث السواقي والجروف والنخل والتمر والرمال والقيزان والطنبور حتى موسيقاهم تعتمد آلة بسيطة وغناهم لا يحتاج إلى كبير جهد وفي تقديري أن للطنبور نغم مؤثر وأرجو مراجعة أُغنيات الراحل النعام آدم في هذا ومحمد جبارة ولكن يظل الطنبور رغم نغمه الحلو الجميل لا يستطيع أن يلائم كل نظم الشوايقة وهنا إستدل بأن المرحوم يس عبد العظيم قدم أُغنيات خالدة للشاعر حميد ولكن محدودية الطنبور لم تسهم على إنتشارها وعندما تغنى المرحوم مصطفى سيد أحمد بنفس الأُغنيات صارت ملاحم واكتسبت شعبية عريضة (نورا وبت العرب النوبية) كمثال. إضافةً إلى كل ذلك أن ديار الشايقية ديار تتوسط بين شمال نوبي ذو حضارة راسخة بكل تفاصيلها وجنوب ماضيه البعيد زنجي عريق وحاضره ذو ثقافة عربية توطدت بمر السنين هذا التوسط إنعكس على طبع الشوايقة البسيط الذي يخلو من التعقيد.
تعرضت أغنية الشوايقة ككل الغناء في الفترة الأخيرة للأزمة فأصبح بين كل فنان وفنان فنان، هذه المجموعة الجديدة غير مميزة في الصوت ولا في عكس الإحساس على الطنبور أو الألحان فإنك عندما تسمع الدليب تعرف أن الأُغنية للنعام آدم وعندما تسمع صفقة الكورس تحس بنفس صديق أحمد وعندما ينقرش الطنبور تعرف محمد جبارة ولكن الآن إلى أن تنتهي الأُغنية لا تعلم من وربما تسأل عنه هذا إذا إحتملت حتى نهاية الأُغنية.
أمونة الصباح قالتلُو النعال والطِرقة إنهَرَنْ...
ما قالتلُو جيب.. شيلِن يا الحبيب غَشَّهِن النُقُلتي والترزي القريب... عضو مميز جداً...
* من المحرر: شكراً أبو الحسين ود. يس سيكون التعاون بيننا حتى تعم الفائدة وهذا مجهود مقدر وفقكم الله.
إخوتي الكرام...
وهنا يفتح الأخ الكندري عدة مواضيع للنقاش... نرجو من الإخوة التشمير لها وإعطائها الأولوية في المرحلة الجاية...
مع كميات مودتي... وتشكرات تشكرات أستاذ/ زاهر الكندري... ونحن وإنت والجميع وإلى الأمام دوماً...
تخريمة::
لي يومين يا اخواننا ما شفت أُستاذ/ خالد المنسي عساهو بخير يا الخليفة أبو هاشم... خالد جايب ليك بكرة لو ربنا حيانا... واحدة من بيت الكلاوي للدكتور/ حبيب الكل ود بادي... إستعد وأرجاني...
اصبرى يا ام اسامه استنى ربك بخلايقه كفيله يوم سافر ابوهو اسامه كان قصدو العليك يزيلا زول سافر يحسن وضعوا ليه شايلاها فوقه تقيله الحال العليك عليهو متعود همومو يشيله مادام الزراعه ابتلو لازم يمشى يجنى بديله لازم يمشى يتخطاها مادام ما عرفلها حيله الجرف التوصفى فيهو مسرت وقلتى مافى متيله الأرض ام مساحة ضيقى فى الصب ما بتمسكو بليله التمر الطوال عيدانو ما جيبالوا منو حصيله كيف يقدر يجارى معاهو الصرف الحكايتو طويله فى العيد لو يبكى اسامه ينحب سيل دموعو هطيله اصبر يا اسامه استنى كم من اسره فاقدى دليله كم من ناس تفارق داره تضهب فى صحارى رحيله الحظ التلومى فيهو كم من ناس نفوسها عليله سبحان من خلق للدنيا سيره بى نهارا وليله مختار فى عباده آ والده عاشقك من نشأتى صغيره والزول بيلقى قسمتو ان كان كتير وقليله .
.................................................
تحياتي...
حاتم هاشم.
Post: #969 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 02-28-2007, 04:04 PM Parent: #1
Quote: الاستاذ المنسي تشكراااااااااااااات من دار شايق ليييييييي دار جعل
التحية للمبدعيييييييين وانا ماجبت حاجه من عندي فقط هم المبدعون ويعجز اللسان عن التعبير
أُستاذة/ فدوى الشريف...
حقيقي الأخ خالد المنسي من الدعامات الأساسية لهذا الحوش... وما شفتي تحليلاتو وتعليقاتو لمن أنزل ليهو قصيدة من شاعرنا د. ود بادي... يجري هني وهناك أمااااااااني عندو حلاة تعليقات وتحليلات لي قصائد ود بادي... أكنك شوفي والقُراء الكرام تعليقو علي القصيدة دي...
قال ود بادي عن الوطن...
رضعتك في لبي الامات
وشيلتك زفة في البيشان
وفي اللمات نميتك غني وأنات
هسع وفي صباي الفات
وهزيتك نصايف الليل بوارق والذكر تهليل
وشيلتك فوق عواسي الخيل
مجرتق والرقاب شارفات
واريدك ياعزيز الشأن
وناديبك ونادهك في البلاد
سودان اهاتيبك
وكاتمك في الفؤاد اشجان الاهيبك
وشايلك في الكتف ريشات اباهيبك وناديبك
واهاتيبك واباهيبك والاهيبك موقدة في لاهاليبك
وشيلتك لوح ادون في نورات الفجر
اتهجأ في الاخلاص
وارتل لوح ونسماتا دغيش بتفوح
تتاوق في رواكيب الفريق
تنكب تدلق في النفوس الروح
ومجروح السواقي تنوح
مدد مدد ياشيخ
ياود التويم انا مجروح انا مجروح
وكان الشيخ ينزل في الورد
ياسيوح وياقدوس
وبالاشواق مشيتك في مشاوير
العشق ساساي
وكانت ألفة ما بين الضراع
اخضر والشتل مشتاق
وعتلة الجزيرة ام خير وقناديل المقد
تحمي رقابا وكان زرع العيوش افراق
ويافرح الحصاد
والحبة تمرق من سراديب الشتاء
والجرق المخنوق
يفارق قيدو والخناق
وانحنا نكيل قمحا بلا دهب الخليج
ساعة الوزن دافقنوا في الاطباق
كم عرق الترابلا النداعلي في الهامات
وصبا علي الارض نقناق
ومن شمسا بتقلي الحبة تمرق وتبرد في المقيل رقراق
من الفجراوي والعشاوي
من دمع السواقي السال
غزيز دفاق بيمرق في الحصاد خيرا
ينسي الفات
ويابخت المشيل زملو
فاق وارتاح من الساساي
وباكر من غزيز الدمعة نوقد في المواسم شمعة
ويابهجة ليالي الصيف
هما راق و دما فاح
يفوح الصندل المعقوف
يسقي الوادي عطرا يشرق العشاق
ويصحي الليل يلمع فوق عرسنا هلال
يشلع قرمصيص الفـأل
حرير في ليل الزفاف براق
ــــــــــــــــــــــــــــــ
كميات مودتي... وتعظيم سلام جوز الإبداع إخوتي د. ود بادي وخالد المنسي...
حقيقي الأخ خالد المنسي من الدعامات الأساسية لهذا الحوش... وما شفتي تحليلاتو وتعليقاتو لمن أنزل ليهو قصيدة من شاعرنا د. ود بادي... يجري هني وهناك أمااااااااني عندو حلاة تعليقات وتحليلات لي قصائد ود بادي... أكنك شوفي والقُراء الكرام تعليقو علي القصيدة دي...
ابو الحسين سلام وكميات موداتك اعزبها وللجميع شفتها ابدااااااااااااااااااااااع حقيقي وربنا يزيدك استاذنا المنسي كمان وكمان كل مبدعين بلادي لنا الفخر بكم ودي واحترامي فدوى الشريف
Quote: حقيقي الأخ خالد المنسي من الدعامات الأساسية لهذا الحوش... وما شفتي تحليلاتو وتعليقاتو لمن أنزل ليهو قصيدة من شاعرنا د. ود بادي... يجري هني وهناك أمااااااااني عندو حلاة تعليقات وتحليلات لي قصائد ود بادي... أكنك شوفي والقُراء الكرام تعليقو علي القصيدة دي...
الحبيب الغالي أبوالحسين صباحك لبن الليلي الخميس قطع شك من امس بالليل كويت الجلابية السكروتي سيف كان وقفتها تقيف براها وجاي الليلي الخميس تشوف الحبان في الحوش وتقول كدي تشد الحماري بالسرج القيطان السروجي وتنهر عر عر عر انتي بالوجع اليوجعك لامن تقول سلام يا دار شايق عند الحبان انقرشو في الرباب وينشدو نضمن يهد الحيل في الغربة وتهود لامن نجيم الليل يغيب تتوسد العافي مخدة وسيرة تزرف فوقا الدميعات ..والشريط كاري الاهل والحبان في البلد.... انت الجنى السعودي دا بنبح مالو ( بدي اياك بدي اياك ) قول لو آزول ابدبد كيك شوفو كيف مدغلب بلاكديس إسبتاليت كريمي شبعان فوق لبن المرضى... قول لو والله الليلي ما بقضاء لك غرد خلو ليوم السبت بدور اشوف الحبان وبعدها ماني فاضي
ابوالحسين والحبان سلام كان يوم المنى يوم تلد العناق ولا العبور .. كنا نجهل ايه زيادة المراح وعماره .. كان كل همنا أن نأكل اللبى في الأيام الاولى .. كان يشاركني فيه أخي الاصغر .. وعندما ازعل من المشاركة كانت تأتيني نبرة اللوم والتأنيب من الوالدة حفظها الله هي يا خالد دا مو إخيِك السغير .. كنت أمني النفس متين أمبر أخيّ دا في شان أشرب وأكل اللبى براي يا سلام كانت أيام جميلة
رضِعتك في لبى الأمات
حب الوطن .. حب لا يشبه حب الوالدين والاهل وحب الحبيب والجنى .. هو حب من نوعّن آخر فطر فينا كما حب الوالدين والجنى لكن طعمه يختلف وكلاهما يسكن في أعماقنا يسهرنا .. يحزننا.. يبكينا مرات .. يسرنا.. يفرحنا.. نتغنى به حينا لبن الأم عادة من أول يوم بكون عادي كما هو دوماً... لكن رمز اليه ودبادي باللبى لتعميق المعنى انه ولع حب بالوطن من مولده حين رشف القطرات الاولى من لبين الام الحنيني .. فجرى حب البلد والوطن في وريد جنى من صغره
وشلتك زفة في البيشان وفي اللمات نميتّك غنى وآنات وحين كبر وبدأ امشي تاتي ومازال يحمل حب الوطن بين حناياه ... ماشي به زفة عروس بدرية مكسية بنفيس الدر.. لعريس جايبين لو عضم الحوت ويراي هلال لو زي هلال رمضان فوق جبينو الناير زينة.
وفي اللمات كان يعبر بحبو لوطنو بالغنى والنمة والدوياية
وهسع في صباي الفات هزيتك نصايص الليل بوارد والذكر تهليل وشلتّك فوق عواتي الخيل
حب الوطن معاهو في ايام الرضاعة ... ولامن بقي يتاتي وامشي لبيوت البيشان واللمات .. وحين شبى وبقى صبي .. فكان يترنم بحب الوطن في في اوراده وذكره ويهلل به وبحبه له.. الأبيات الثلاثة الاولى تعكس تدين وورع الشاعر في صباه والبيت الاخير يعكس لنا حبه للفروسية وركوب الخيل ... فما كان يبرح ذاك الحب الكبير قلب الجنى وين ماكان بغني ونم في جهلو وكان بذكر ويردد في اواردو في صباه وفوق ضهور عواتي الخيل
لا اعلم يا ابوالحسين لكن على مايبدو لي وقد اكون مخطي ..الكلمتين هما وارد ... عواتي.. المهم كان بقى ما أصبت عذراً لشاعرنا الكبير ودبادي
Post: #974 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-01-2007, 07:01 AM Parent: #1
Quote: وشلتك زفة في البيشان وفي اللمات نميتّك غنى وآنات وحين كبر وبدأ امشي تاتي ومازال يحمل حب الوطن بين حناياه ... ماشي به زفة عروس بدرية مكسية بنفيس الدر.. لعريس جايبين لو عضم الحوت ويراي هلال لو زي هلال رمضان فوق جبينو الناير زينة.
ما أجمل ود بادي لمن يكتب...
وما أجمل خالد المنسي لمن يغوص بين الحروف...
تعظيم سلام...
مودتي... واصل (فَلْفَلَة) يا غالي...
أبو الحســــــــــين...
Post: #975 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-01-2007, 10:31 AM Parent: #1
إخوتي الكرام،،،
صبحكم الله بالخير والرضا...
اليوم سوف أُقدم لكم قصة (في الحقيقة قضية)... وأهديها لكل قانونيي المنبر والحوش خاصة... الدكتور/ ياسين محمد ياسين/ المحامي... والأُستاذ/ موسى الحسين حاج موسى/ المحامي... وكل المهتمين بالقانون...
إستوقفتني هذه القصة ملياًّ، بطلها الحقيقي رجل من أعيان قرية الجزيرة مساوي كان مغترباً في مصر (عسكري في الجيش المصري)....
عاد إلى أرض الوطن وكله شوق وحنين إلى الساقية والجزيرة والنخيل... فقرر زيارة الجزيرة تِحِت (الجروف) وكان لابساً توباً مصرياً (التوب أب عَبَل) زي ما كان زمان بيسموهو... وكان لا يلبسه إلا أهل الجاه والناس التُقال!!،،، وكان طويلاً جاري بالأرض فنصحه أحد مرافقيه أن يُعلقه على جذع نخلة ريثما ينزل الجروف ويأتي ليلبسه لأن صفق اللوبيا والخضار ستفعل فيه فعائلها من الصبغة الخضراء وأيضاً علائق (الكاويق)....
إستجاب الرجل لنصيحة أخيه وخلع التوب أبو عبل ووضعه على النخلة وأثناء تجواله يمر بين الجروف يستمتع برائحة اللوبيا وإنسياب النيل وشراع مركب أحمد مكة وهي في روحتها ومجيئها للشاطئ الشرقي (المقل)... إذ الثعلب (الصَبَرة) ـ كما يحلو لنا المنطقة ـ أخذت الثوب من على النخلة وأدخلته في جحرها وجلست عليه هي وصغارها.... وتبوَّلوا عليه!!!!
بعد مجئ الرجل من الزراعة نظر إلى ثوبه إذا بطرفه في جحر (الصَبَرة) ممتلئاً ببول صغارها فأخذه وأغسله في حوض البابور الكبير (الفاسقية) وذهب برفقة رأس عيش ريف ( بي عيشه) إلى شاعرتنا هذه إرضاءاً لها لكي لا تهجوه إذا سمعت بهذه الحادثة من بوليسها السري (الذين يأتون إليها بالأخبار) .... فقبلت ألا تهجوه،، فقط أن لا يحول بينها وبين هذه الصَبرة الملعونة لتأديبها!!!!! فسمح لها بذلك... فلبست ثوبها ونزلت إلى الساقي تِحِت حيث جحر الصَبَرة.... ووقفت أمام الجحر وقالت لها مستنكرةً فعلتها الشنيعة مع هذا الرجل صاحب المقام العالي.....
قالت شاعرتنا للصبرة::
صمد الساقي مِنِّك جاني شاكي
ومن وقْتاً طويل أنا في حُجاكي
الليلي قاسْمِي وجازمي بَسْ يثبت ختاكي
أطُلْقُوا عليكي في فَدْ يوم يَقْضاكي
يبشتن حالِك يأتِّم بي جناكي
ويَخلِّي الأُمة تِتْلَم في بكاكي.....
فقالت لها الصَبَرة مدافعة على فعلتها الشنيعة ومبررةً لها....
نِحن من النوبة لا عِند السَّاب مشينا... (النوبة والساب دي أسماء سواقي بمساوي)
أنظر أخي الكريم كيف صاغت هذه الشاعرة هذه القصيدة حيث أوقفت الصَبَرة في قفص الإتهام ووجهت الدعوى ضدها ،،، ودافعت الصَبَرة بكل ما تملك من أساليب الدفاع... وأذكر في إحدى الجلسات في الخرطوم ألقيت هذه القصيدة على الأُستاذ/ سيد العوض الحسن المحامي فأُعجب بها أشد الإعجاب وقال أن فيها من الإسلوب والحكمة كأنها درست لنظام المرافعات والمدافعات بشهادة بكلاريوس!!!!
وأذكر أيضاً أن أحد الحبوبات وهي (أُمي سعيدة بت الحسن) حكت لي قصة طريفة عن هذه القصيدة قالت: كانت هذه الشاعرة من السبابيات اللائي يأتين من مساوي ـ مقابل سوق المقل ـ لتبيع الليمون في السوق... فكانت تأتي بالجوالات من الليمون ويقف أحد هواة الشعر آنذاك وأظنه (العوض ود التومي) يقول للناس تعالوا نشتري ليمون الحاجة دي عشان تقول لينا قصيدة الصَبَرة وقالت لي كلما روتها مرة،، المرة التانية تكون أحسن من المرة الأولى!!!!
اللإخوة الكرام والأخوات الكريمات المتداخلون والقراء الأفاضل سلام مطبوق لكم الود شكر اً يا ابا الحسين على هذه المرافعة رفيعة المضمون الأخ ابوهاشم سلام أثناء البحث عن أغنية / قصيدة الشاعر الفاتح إبراهيم التي اتيت بها مؤخراً ، وقعت ايدي على الأغنية التالية فقلت اصبرك بيها وأهرد بيها جوف الأستاذ ود المنسي (رغم أنها لا تطابق حاله تماماً لأن أم العيال معاهو" وضحكني البيت القائل "في الفاره الدوار قعد" فارتسمت أمامي صورة "أبو الحسين" في السعودية ربنا ينجيهو من "السعودة والرفد" يتلولح في الكرسي البيدور
أبو الحسين أعزرنا علي عدم الطلة و الشديد القوي المنعنا نجي و نشرب من موية الدميرة ونجك لينا شوية تميرات الساعة أتنين صباحا وأصريت لازم أجيكم كدي كلم د. يس يزح وليده ده نحنا نكب في موية السكر للدباس بالكلام الحلو حق أهلنا وشافع يس يهبر القلوبية وما نلقة شئ و أقولك خليهو يدينا فاتحة قوي كده إنشاء الله ينعدل الحال نعود في رعاية المولي خليتكم
Post: #983 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-03-2007, 10:43 AM Parent: #1
Quote: اللهم اعد للشايقية جناينهم . التحية للجميع
صديقنا اللدود أُستاذ/ نوريت...
يا هلا بيك شرفت ونورت ديار أهلك وأحبابك...
أما دعواتك أعلاه... فأنا أقول ليك... جنايننا رااااااااااقدي حلالي مبطحة فوق عديلها... النيل الخالد... وخيرها ناااازل علينا مطر...
اداء الرائع... صديق احمد .............................
من زمن كايس أراضيهم وصف لى درب الريد شان أوصل أراضيهم يا مرسال رسائل الشوق أنا الضهبان ... تعبتا كتير وياما سئلتا وما خليت ناس عابرين وكان زى حالى محتارين يهزوا الراس وما عارفين مراسيهم يا مرسال رسائل الشوق أنا الضهبان وحلتك انتى يا مرسال بحب واحدين وما عارف دريبن وين وبرضو وحاتك انتى مابعرف اساميهم يا مرسال رسائل الشوق انا الضهبان تجينى حروف من المجهول واكتب برضى إلى المجهول رسائل تروي قصة زول يحب الطيف يسافر فى هجير الصيف مشتاق يوم يلاقيهم .
Post: #987 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-04-2007, 06:43 AM Parent: #1
Quote: وضحكني البيت القائل "في الفاره الدوار قعد" فارتسمت أمامي صورة "أبو الحسين" في السعودية ربنا ينجيهو من "السعودة والرفد" يتلولح في الكرسي البيدور
الشكية لاب ايداً قوية يا دكتور...
تُف علي يسارك ماااااااالك علي...
لكن برضو برجع قبلكم لو ربنا سهل ومد في الأيام...
قواسيب مودتي... وشايف صورة ثنائي العامراب لا فوق أها رايك شنو؟؟؟
أبو الحســـــــين...
Post: #988 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-04-2007, 08:30 AM Parent: #1
Quote: كدي كلم د. يس يزح وليده ده نحنا نكب في موية السكر للدباس بالكلام الحلو حق أهلنا وشافع يس يهبر القلوبية وما نلقة شئ
قالولك أنا ما انتقدت الجنا القاعِد يرفرف بي عويناتو بالجنبي دا... لكن نسوي شنو... طلع الفقيرية الكانت منورة الشاشة وجاب لينا دا... عساهو الآن يحضر لينا في شيخنا سامي...
Quote: و أقولك خليهو يدينا فاتحة قوي كده إنشاء الله ينعدل الحال نعود في رعاية المولي خليتكم
في دي أوافقك عليها... يلة يا الخليفة ود ياسين دعواتك...
كميات مودتي... وأبقى لا تغيب قدر دا... وسائلين عبرك عن الغالين الفاتح القرير...
أبو الحســـــــين...
Post: #989 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-04-2007, 10:23 AM Parent: #1
إخوتي الكرام...
نهاركم سعيد...
دعوة للتوثيق لعظماء الشايقية... فكرة الأُستاذ/ عبد الجليل حاج وداعة... منقول من منتديات البركل...
والغرض منه التعريف ببعض الزعامات التي كانت في المنطقة... وأنا داير أبدا ليكم بي عظيم من عُظماء منطقة المقل...
وهو عمنا العوض الحسن (الله يرحمه)... المشهور بالعوض ود التومي...
والعوض ود التومي هو طبعاً والد الأُستاذ/ أحمد العوض الحسن الإعلامي المعروف في دار الإذاعة ـ كما يحلو لمحبيها ـ وفي التليفزيون السوداني في فترة ما قبل يونيو 1989م...
ووالد دكتور/ خليفة العوض أخصائي الكلى ومدير مركز الكلى ومدير مستشفى إبن سيناء وهنا أحييه وأحيي زوجته الإنسانة العظيمة د. نفيسة عبد الماجد وعبرها أحيي كل أهلنا وأحبابنا بمساوي السيد علي... وبجيكم راجع لي د. نفيسة دي لأنها هي في حذ ذاتها عظيييييييمة من عظيمات بلادي لامِن أجيكم راجع ليها التحية لها وللدكتور زوجها خليفة ود عمتي... وصحيح وراء كل عظيم إمرأة ليها ضُل...
وأيضاً والد المرحوم مولانا مبارك العوض القاضي لفترة طويلة بمحكمة كريمة الإنسان الطيب القلب نسأل الله يغفر له ويرحمه ويجعل الجنة مثوى له يااااااااااارب...
ووالد الأُستاذ/ السيد العوض المحامي... المستشار القانوني والمحامي بالخرطوم... ووالد حماد العوض الذي توفي في عمر الشباب نسأل الله يغفر له ويرحمه... ماشاء الله عيني باردي وربنا يحفظكم يا أولاد عمي العوض... ويغتيكم ويديكم الصحة والعافية يااااااارب...
كدي بعد التعريف دا... أجيكم راجع... وإتكلم عن عمنا العوض... وكلامي عنه هنا حا يكون من جانب ذكائه المطلق وأجواديتُو المعهودة... وحلحَلتُو للمشاكل... والمقالِب التي كان يستخدمها بين الحين والآخر لعمل لوحة جمال وفرح ومرح بين الأهل...
رحمك الله رحمةً واسعة يا العوض ود التومي... وجعل الله قبرك روضة من رياض الجنة...
كميات مودتي...
أبو الحســـــــــين...
Post: #990 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 03-04-2007, 12:20 PM Parent: #989
بس التوب أب عكاكيز يوم لقينا
تِحِت شِدَرة عبد الرحيم خال الخزينا
قُلنا رِحيمةً الله جابا لينا..
ولَمْلَمنا الوليدات واتغتينا
وفتحنا فتيلنا بالقِسِّيس رشينا..... (مقتبس من دفاع الصبرة)
دفاع لا يخلو من حجة. الشدرة ليست حرز أمين يحفظ فيه الممتلكات. خاصة وان الصبرة من اهل البلد وتعلم يقيناً أن عمنا عبدالرحيم (رحمه الله) ما سافر مصر ولا عنده زي التوب ده فهو خير ساقه الله إليها والبينة على من إدعي.
وعلى ذكر سوق المقل فإن كثير من الناس في زماننا هذا لا يعلمون أن هذا السوق كان سوق من أكبر وأشهر الأسواق إذا قسناه بمعايير اليوم، فقد كان يؤمه الناس من الأقاصي وتتقاطر نحوه المراكب التي كانت حينذاك وسيلة النقل الفاعلة بألإضافة إلى الإبل، وكان سوق المقل كسوق عكاظ يغرض فيه الشعر ويجتمع فيه الشعراء ويلتقي فيه المشايخ والوجهاء والأعيان ، ظل هذا السوق يؤدي هذا الدور خلال العهد التركي وحتى أواخر فترة المهدية حيث إضمحمل وبدأ يتقلص دوره عندما بدأ الناس والتجار يخافون بأس الجهادية من فلول جيوش القائد عبدالرحمن النجومي المنكسرة إثر معركة توشكي ومنذ ذلك الزمن أصبح دور هذا السوق يقل شيئاً فشيئاً حيث قام على أنقاضه سوق تنقاسي الشهير والذي أصبح فيما بعد أكبر سوق للمواشي ، ثم أتي فيضان 1946م فقضى على سوق المقل وأصبخ أثرلاً بعد عين.
Post: #991 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-04-2007, 04:03 PM Parent: #1
Quote: بس التوب أب عكاكيز يوم لقينا
تِحِت شِدَرة عبد الرحيم خال الخزينا
قُلنا رِحيمةً الله جابا لينا..
ولَمْلَمنا الوليدات واتغتينا
وفتحنا فتيلنا بالقِسِّيس رشينا..... (مقتبس من دفاع الصبرة)
دفاع لا يخلو من حجة. الشدرة ليست حرز أمين يحفظ فيه الممتلكات. خاصة وان الصبرة من اهل البلد وتعلم يقيناً أن عمنا عبدالرحيم (رحمه الله) ما سافر مصر ولا عنده زي التوب ده فهو خير ساقه الله إليها والبينة على من إدعي.
هييييعععع...
شغل المحامين ماشاء الله ظهر تَبْ...
وكمان واقف في صف مقطوعة الطارئ الصَبَرة... الشكية لابيداً قوية!!!
تسلم يا أُستاذنا موسى بن الحسين... وتشكرات على هذا الدفاع عن (بخيتي الصبرة كَوْ كَوْ)!!!
كميات مودتي... ويا ريت تجينا راجع تاني لي سوق المقل... وأنا برضو بحاول أجمِّع وألملِم وأجيك ليهو...
لما نبكى من المواجع قلنا نرتاح فى بكانا قولى كيف نرتاح ونحن نبكى من شدة هوانا الليلة رحلة الأشواق بعيدة والشواطئ بعيد مكانه حتى فى بر الأمانى السنين هدت قوانا كنا نحلم بمداين فيها نرتاح من شقانا قولى كيف نرتاح ونحن نبكي من شدة هوانا القدر طاوع قلوبنا وخلى بحر الريد حدانا ونحن ماصدقنا قمنا نشرب فوق روانا دى المشاعر فينا فاضت غرقت فرحة صبانا ما النعم مرات بتشقى والله بالريد إبتلانا مرة طلت دارنا غيمة ونحن ياما الريد غشانا شايلة فى الخاطر محنة جات تعيش الريد معانا جات تصب فى الريدة ريدة لو قليل يبرد جوانا كيف يا غيمة نرتاح ونحن غلبنا فى هوانا ما غريبة على البريدو يلقوا فى الريده المهانة ياما كتير أحبه غرقوا فى بحور الذل عشانا فى الحقيقة الريدة مره ضقنا مرها فى غنانا ماهو قيس بكى من هواهو مانحن برضوا الريد أذانا يا زمن لو تصفى نصفى فى البوادى يعم صفانا والعيون تصبح مرافئ فيها نرتاح من عنانا رحلة الهم بينا طالت ملت التسيار خطانا نعمل آيه ما نحن غلبنا فى هوانا .
الرائع الجميل أبوالحسين والمبدع ود بادي سلام هذه ابيات يصعب على أمثالنا الغوص فيها استشفاف مقاصدها .. عمق وتصوف الدكتور ودبادي يظهر دوماً في كل أشاعره ... كنت دوماً معجب شديد بشعر ونشاده .. جمعتني به الظروف في رحلة لابناء رابطة جنوب شندي في الجامعات ... كان يوم مر كلمع البرق برهة ... شبعنا من سمح قوله قبل أن يقدم لنا ما طاب من لحوم الخراف كان يوم نعم هو من ايام الله السبع لكن نخر عليه ودبادي بالدواية والبوصة أحرف من ذهب في قلوبنا وفيه ... تسلم يا ودبادي ومتعّك ربي بالصحة والعافية دوماً خُلقت لتنشد
الاخ حاتم لك القومة علي هذة الرواع الخالدةولفحول شعراء اض المحنة والحب لي طلب في نص أغنية طال الزمن و م اسمعها يقولالشاعر فيما معناهو لولا كترت دموعي من ناري كنت حرقت و لولا ناري من دموعي كن غرقت اهدي هذه الابياتلكل العزابة في البورد خاصة وكل الباقين وخصوص الخصوص شيخنا ود يس و ابو الحسين ووخاصة الخاصة الناس القلها محروق
Post: #995 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-05-2007, 07:36 AM Parent: #1
Quote: فى الحقيقة الريدة مره ضقنا مرها فى غنانا ماهو قيس بكى من هواهو مانحن برضوا الريد أذانا
آآآآآآآآآآه من الريد والحُب وسهر الليالي...
فتحت باب عريييييييييض للأخ هاشم خلف الله... هسع يجيكم ناطي بالشباك... باقي اليومين دي همسسة الحُب والريد قايمي عليهو...
مودتي... وتسلم الخليفة أبو هاشم...
أبو الحســـــــين...
Post: #996 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-05-2007, 10:32 AM Parent: #1
الأحباب الكرام...
أهديكم هذه الصورة من جروف (أرقي) الخضراء...
حقيقة صورة رجعتني لا وراء كمين سنة... قلت تشاركوني فيها كمية الجمال المارق من عادم اللَّسْتَر دا...
وتشكراتي للغالي مامون جعفر (ود أرقي) أحد أعمدة موقع البركل دوت كوم...
أبو الحســــــــــين...
Post: #997 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-05-2007, 02:37 PM Parent: #1
طلب حسن الطيب...
Quote: لولا كترت دموعي من ناري كنت حرقت و لولا ناري من دموعي كن غرقت
الأُغنية هي يا مولاي آه من غلبي من النارو حرقت قلبي...
تستمع وتستمتع بها بصوت ثنائي العامراب... وهي مأخوذة من أُغنية دارة من جراب د. ياسين محمد ياسين...
Post: #998 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-05-2007, 04:12 PM Parent: #1
كل شى قسمه واراده
الشاعر حاتم حسن الدابي...
لا (كنين)"1" فى العرف تنفع ولا الدموع فيها استفاده يا(حِبيِّب) "2" كل شى قسمه واراده
فى الحروف يادمعه شفتك تعشق الداكن سوادا
وفى دروب عابره وكنين وجارى حفيان فوق وهادا
عامل الاحزان مطيتك شادو سرجك فوق جيادا
ده المخلى العيشه عندك صوره من عام الرماده
صح مبادى الريده عندك فى الصغر قويت عمادا
شلت نغمات قيس وعنتر فى كنينه الماضى عادا
كم سنين بى فوقنا فاتت وحتى ماعارفين عدادا
لى كنين فى الكير تفتش وانت فتها فى المخاده
لوصحيح كانت تبادلك ريدك الصار ليك عباده
رغم انها سامعه صرخات صوتك الفى جوفا نادا
ياكنين ريك هلكنى واورث العين سهادا
على الاقل كانت تقولك ريدى بالاكتر زياده
سامعه كل القلتو فيها هاديه بعد انتم مرادا
عايشه فى خيره ونعيما وزاهيه فى حلل السعاده
وراهنه تنعم بى دلالا وبى رفيق دربا وبلادا
حليل خيوط احساسا بيك وين كتاياتا وودادا
كل ماجيت فوق ديارا نوخت ابلك قصادا
تبكى اطلال سيدا سافر بالسنين ماطال بعادا
لالقيت الغايبه منك لاالسنين لميت حصادا
ناسى والايام بتاكل فى عمرنا خيوت نجادا
يارفيق الدرب ارجع وخلص الروح من عنادا
ماتلين تكسر جموحك وشدو حيلك فى جهادا
زيدا من جرعات صمودك واليقين اليبقى ذادا
وحزر المثل البقولك موت عشان الحب زيادا
ابدا قبل العمر يكمل حصل انحل والندادا
ابتسم تبسم ورودك وافرش الافراح وسادا
صيده كان اصطادا غيرك مابيحللك اصطيادا
حكمه لو كان الف طائر منو اخير فىالكف جرادا ــــــــــــــــــــــــــــــــ
(1) كِنِين من أسماء محبوبة الشاعر محمد أحمد الحِبيِّب (عابرة)..
(2) حِبيِّب هو الشاعر محمد أحمد الحِبيِّب من أميز الشعراء المعاصرين الذين كتبو في مجال الأُغنية، ويمتاز بقصائده العابرات... وأكثر ما تغنى له الفنان سيف الدين الأراك (الله يرحمه) وقرشي الحجير وعبد القيوم وغيرهم من الفنانين... ويميز شعره الخيال الواسع... ـــــــــــــــــــــــــــــــ
يا مولاي آه من غُلبي من النارو حرقت قلبي حظي الديمة من رد الآنيس جافل بي طالت السفرة واتحفت مناسم تلبي هب الريم وعاودك الحنين ياقلبي مالِك نفسي مظعونة وتملي تنيني مالك عيني للغميض أبيتي تليني عطشان ديمة كفح الموية ما برويني كاتلاني الطريفية البريدا قريني الناس عيدت مرقت على صحابها وأنا فريت على الجاهله السمح ترحابها فاطراً يحكي براق البدودي سحابها لفت قلي زي لف طرحتها اللافحابها ختت أيدها فوق إيدي انجذبت خِدرت حبيت أمشي من كُتر الطرب ما قدرت بقت الحنة بين إيدي وأيديها اندرت لولا الحنة بيني وبينها كنت ودرت شعرك منتظم زي السلاسل فتلو وعينيك ترقِص الحجر ان بقت شافتلو الطاؤوسة قاصدة مشيكي ما عرفتلو وأعصاب الرآك أتكهربت تلفتلو أخدر ليهو ضل فوقو المحاسن انشرن أفلج فاطرو زي برق السواري الكرن يتقسم مقاطع في المشي ويتحرن زي فرخ القطا الأماتو ركن وفرن يتمنى الدهب لو لونه يشبه لونك اشتهت الدرر لو هي تبقى سنونك مجنون ليلى حالتو أجن من مجنونك مادام ليلى كانت في المحاسن دونك عن من أحبه أنا غير خاطري فرقت هائج بي غرام عن حالتي خلي سرقت لولا أدمعي من ناري كنت حرقت ولولا ناري من كترة دموعي غرقت.
Quote: كنت دوماً معجب شديد بشعر ونشاده .. جمعتني به الظروف في رحلة لابناء رابطة جنوب شندي في الجامعات ... كان يوم مر كلمع البرق برهة ... شبعنا من سمح قوله قبل أن يقدم لنا ما طاب من لحوم الخراف كان يوم نعم هو من ايام الله السبع لكن نخر عليه ودبادي بالدواية والبوصة أحرف من ذهب في قلوبنا وفيه
الحبان سلام ناسف للانقطاع يا أبا الحسين كان معايا دكتور عبد المنعم محمد عثمان ودكتور الأمين أحمد عثمان والباشمهندس قاسم محمد على في رحلة من سان ديقو إلى المكسيك ثم إلى شمال كاليفورنيا مروراً بلوس أنجلس وكل مدن ساحل المحيط الهادي وصولاً حتى مدينة سانفرانسسكو وقد صحبنا في الرحلة إلى سانفرانسسكو الأخ الكريم سيف جبريل الذي يعلم خبايا تلك المدينة وقد تكلمنا عن كل ظرفاء الشمال وريفي كريمة وتحديداً جاءت سيرة المرحوم العوض الحسن ، فقال لي الدكتور عبد المنعم أن والدنا "يطراهو الله بالخير" مر ذات يوم امام دار المرحوم العوض الحسن ، ووقتئذ كان حياً ويرقد امام ديوانه ، فناداه والدنا من السيارة قائلاً "سلام يا العوض ، لكن انقلب على صفحتك التانية محلكم دا فيهو الأرضه" أهديكم جميعاً قصيدة الشاعر محمد بادي ، المكتوبة أعلاه ، بالصوت كفارة لغيابي وأعدكم أن أنزل لكم أجمل قصائده بالصوت ، مع النصوص وليستعد الحبيب الأستاذ خالد للتحليل وأبو الحسين لاكمال النصوص الناقصة توثيقاً لدرر هذا الشاعر الفحل
بدءً الشكر مكيُول قباب زي قباب محصولنا يوم حاصده لكما الحبيبين ابوالحسين ودكتور ياسين طلب يا دكتور اللينك للتسجيل لو سمحت
أريدّك يا عزيز الشان وانادي يبك ونادهّك في البلاد سودان أهاتي يبك وكاتمك في الفؤاد اشجان ألاهي يبك وشايلك في الكتف نيشان اباهي يبك وانادي يبك
حب البلد شئ عظيم وزي ما قت قبُل دا... حتى أدريس وليد الخمس سنوات كان يعاني منه عندما انتقل مع جدته لشندي من مدفن صرتّه ومرتع جهله وشاهد نطق لسانه يوم نطق ابوي ابوي ابوي أمي امي ومانفكَ يقول
فارقنّا القرير يا صاحي ماسكين الشطر نتربى ومافتنّا البلد بالمرّه وحبنا معاها شبّا .. نهفوا ونقط في سهيان متعمد شي متل التخدير عندما نكون هناك ( في السودان ) وتولع نيران فراقه تلهلب موقده جمرها حي يوم تنزلق قدمانا خارجه شبرا.. الأرض عزيزة وغالية ولا يضاهي حبها حب فهي مرتع الام والاخت وكيزة الاب والعم والخال وحاوية قبر الجد والحبوبة... في رحمة الخالق... وأسألوا أهلنا ولاد شايق من جم... وودبادي زولاً مشلهت فوق حب البلد والأرض... الجنى مو شايقي... ونصيحة وبنقولها.. واياكم أعني يا ولاد شايق... نعم كلنا بنحب بلدنا لكن انتم حباكم الخالق فطرة منه وحب اكبر لها منّا تصل مقام المعزّة لها وعليها نبقر منكم ولا نحسدكم ونود أن تُفطر قلوبنا كما انتم... فودبادي مانفكَ يباهي ويهاتي ويلاهي بالسودان في غربته وحمله معه في كل مراحل حياته من زمن الراضاع ...والأجمل الذي زاد اللوحة طعم على طعم المنظوم في كل فترة من حياته ذكر القرينة ففي المهد رضع حب السودان من الرشفات الاولى وما زال البين لبى.. ثم حمله وهويتاتي بالعنقريب .. ثم حمل حبه في لوح الخلوة وفي غربته حمله نشيان في صدره .. والسوداني ولا فخر في الغربة ركازة وبشد الحيل لا من شئ لكن من طيب معشره وكرم خصاله ودي الثمار التي غرسها ابويه فيه... ورضعها لبى من ضرع امو وحنك بها تمرة من يد ابيه يوم مولده التحية لك يا فحل وانا عديل كده مولع بشعرك وأحس بصدق كل كلمة تقولها.. بتنخر جوه جوه في بكانن والله مابعرفو ولا ادري كننهه لكن احس النشوة من نضمك وحديثك تسلم يا ودبادي ويمتعك ربي بالصحة والعافية
Post: #1006 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-06-2007, 02:34 PM Parent: #1002
Quote: والأجمل الذي زاد اللوحة طعم على طعم المنظوم في كل فترة من حياته ذكر القرينة ففي المهد رضع حب السودان من الرشفات الاولى وما زال البين لبى.. ثم حمله وهويتاتي بالعنقريب .. ثم حمل حبه في لوح الخلوة وفي غربته حمله نشيان في صدره .. والسوداني ولا فخر في الغربة ركازة وبشد الحيل لا من شئ لكن من طيب معشره وكرم خصاله ودي الثمار التي غرسها ابويه فيه
صحَّ يراعك أُستاذ خالد...
وحقاً ما قُلته إبن عمي... فالسوداني كالمسك يفوح أينما كان وحل ونزل...
صافين ضمائر... شيالين تقيلة... رجال حُوبة وزيادة كمان...
كميات مودتي... تحليلاتك الواحد يقراها بي نفس وااااااااحد سداري.. الله يديك العافية... ويرجعك وود بادي إلى أرض الوطن تامين وسالمين وأهم حاجة غانمين...
الأستاذ خالد سلام أعطيك هذه الطريقة كاملة لحين عودتي لجهازي بالبيت وانزل لك كود الحفظ بشكل مختصر ولكن يمكنك الاستفادة منه في أي لحظة لا تجد فيها كود الحفظ موضوع
يمكن أن تحفظ أي فايل صوتي "إذا ظهر لك بالشكل الظاهر الآن" ، ولم يوضع معه كود الحفظ ، باتباع مايلي: بعد التشغيل ، 1/ تضغط الماوس بالجهة اليمنى على "أيقونة" الفايل الظاهر عندك 2/ تضغط على Properties 3/ تعمل copy من "Location" وتتأكد أنك أخذت كل الموجود 4/ تذهب إلى أعلى الصفحة وتضع الماوس في المسطرة ثم تمسح العنوان الموجود فيها وتضغط الماوس باليمين مرة ثانية وتعمل Paste 5/ تعمل Enter 6/ لما يظهر ليك شكل الميديا بلير وتبدا الأغنية او الفايل ، تمشي إلى File "في الميديا بلير نفسه" وتضغط عليه 7/ تدوس على Save as 8/ ok
Post: #1004 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-06-2007, 07:45 AM Parent: #1
Quote: ابو الحسين كيفنك تعرف يا ابن عمي لو قدرت تجرلنا د. ابراهيم الكرسي ود عمي دا لي هني تكون كسبتلك حاجاتي كتيري خلاص
الغالي إبن عمي طارق جبريل...
صباحك زين يا اخوي...
الدعوة عبرك نرسلها للأخ د. إبراهيم الكرسني... وطبعاً أُسرة الكرسني من الأُسرة المشهورة بالبركل وشبا ومروي شرق... لهم التحية والتجلة أينما كانو...
وإنت مسئول من الخير ويييييييييييين صديقنا وقريبنا عمر عبد السلام عساهو وكل الأهل بخير طول ما طل علينا... عليك الله أفقِدو ما بين جامعة الرباط والدار البيضاء ومساحات أُخَر!!
كميات مودتي... ومراحب تاني وتالت وآلاف بالدكتور الكرسني...
أبو الحســــــين...
Post: #1005 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-06-2007, 08:30 AM Parent: #1
Quote: والعوض ود التومي هو طبعاً والد الأُستاذ/ أحمد العوض الحسن الإعلامي المعروف في دار الإذاعة ـ كما يحلو لمحبيها ـ وفي التليفزيون السوداني في فترة ما قبل يونيو 1989م...
ووالد دكتور/ خليفة العوض أخصائي الكلى ومدير مركز الكلى ومدير مستشفى إبن سيناء وهنا أحييه وأحيي زوجته الإنسانة العظيمة د. نفيسة عبد الماجد وعبرها أحيي كل أهلنا وأحبابنا بمساوي السيد علي... وبجيكم راجع لي د. نفيسة دي لأنها هي في حذ ذاتها عظيييييييمة من عظيمات بلادي لامِن أجيكم راجع ليها التحية لها وللدكتور زوجها خليفة ود عمتي... وصحيح وراء كل عظيم إمرأة ليها ضُل...
وأيضاً والد المرحوم مولانا مبارك العوض القاضي لفترة طويلة بمحكمة كريمة الإنسان الطيب القلب نسأل الله يغفر له ويرحمه ويجعل الجنة مثوى له يااااااااااارب...
ووالد الأُستاذ/ السيد العوض المحامي... المستشار القانوني والمحامي بالخرطوم... ووالد حماد العوض الذي توفي في عمر الشباب نسأل الله يغفر له ويرحمه... ماشاء الله عيني باردي وربنا يحفظكم يا أولاد عمي العوض... ويغتيكم ويديكم الصحة والعافية يااااااارب...
كدي بعد التعريف دا... أجيكم راجع... وإتكلم عن عمنا العوض... وكلامي عنه هنا حا يكون من جانب ذكائه المطلق وأجواديتُو المعهودة... وحلحَلتُو للمشاكل... والمقالِب التي كان يستخدمها بين الحين والآخر لعمل لوحة جمال وفرح ومرح بين الأهل...
رحمك الله رحمةً واسعة يا العوض ود التومي... وجعل الله قبرك روضة من رياض الجنة...
الدكتور/ ياسين التحية لكل ولكل الإخوة أبناء الأراك المقيمين بالولايات المتحدة أبناء عمومتي أولاد ود سندول وكل آل الأراك منننننننن السعيداب لييييييي الضيقة...
وعلى ذكركم لعمنا العوض.. في تلك الأصقاع النائية وأنتم تترحلون عبر فيافي أمريكا الشمالية...
أُواصل معكم مع عظماء المنطقة وأواصل حديثي عن العوض ود التومي الله يرحمه... وأنا سأتكلم هنا عن بعض القصص المتعلقة بذكائه رحمه الله...
في مرة من المرات يحكي لي أُستاذي ود حُمد إحمد الشايقي (الشاعر) عن ذكريات زمان فقام قال لي... وود حمد إحمد دا العوض ود التومي عمو أخو أبوه...
قال لي...
قبل الإتحادي الديموقراطي دا ما يتلم كان حزب السيد علي براهو وحزب أزهري براهو... أها قال لي أنا (يعني ود حمد إحمد) كنت وطني إتحادي وغيري بس نفرين ولة تلاتة في المقل كلها... من ضمنهم العوض ود التومي... لكن كان داسَّها... قلت ليهو ليش كان داسها؟؟... قال لي لأنه كان من الرجال القداميين في البلد... وكونو يخالف طائفة الختمية دي وقعة صعبة خلاااااااااس يقع فيها... عشان كدي قال لي هو كان أفكارو وطني إتحادي لكن قدام الناس ختمي علي السكين...
أها واصَل حديثه قال لي أنا كُنت شغال موظف في ورشة الحوض في بورسودان وبنزل البلد كل سنة إجازة... وفي البلد كنا بنتقابل نحن جماعة أزهري وذكر لي معاهُم كان حسن حماد عطية الله يبارك في أيامو... وواحد من ناس ود سوركتي (نسيتو ـ إن بقى مات الله يرحمو وإن بقى حي الله يديهو العافي ويبارك في أيامو)... بس التلاتة ومعاهم عمي العوض ود التومي...
أها الحصل شنو... دي لامِن أجيكم المرة الجايي إن بقى ربنا حيانا...
وكت الناس قالولك لا لا واترجوك ما تفوت الدار ضرب بكلامن عرض الحائط وشـلت شنيطك بى إصرار قلت بسافر يعنى بسافر كل الناس بـقوم وتسافر فعلاً قمت ومشيت رايك واتصـرفت بدون ما تشاور جيت البندر بى آمالك الا لقت الوضع مغاير خاب الأمل الجيتَّ عشانو وقمت تلوم فى الزمن الجاير
كت هناك بالجـد متريح فوق واطاتك طالع ونازل تاكل وتشرب من نخلاتك وتصرف وتنفـق من غير فايل آخر اليوم لى بيتك ترجـع لافى مدافرة لافى مشاكل لا بتقيف فى بص شماعة دمـك فاير وعرقك سايل لا نشال ينشـل ماهيتك لا كمسارى معاك متثاقل لا بتأشــر للملاكى سوقنى معاك يا عم إن واصل تحرج نفسك وإنتَّ بتعرف إنو الطيبة أنصارا قلايل
إنو تعوم عكس التيار إنتَّ بـراك البدرى اخترت وليه يا قلبى تنوح تتبكا وتـندب حظك ليل ونهار لما قمت وجيت البندر كـت تظـن الحال اتصلَّح كنت بتحلم بى مستقبل فيهو أبـواب الخير تتفتح الا لقيت الواقع أمرَّ وزينا نـاس تعبانة وتكدح ناسن عايشى على الماهيى من يوم خمـسة الجيب يتقمح وناسن عايشى معيشتن راقي بى تلفونا بتخسر وتربح وناسن عايشى على خلق الله يـمّـَن شحدى يمَّن تلفح غايتو الحالة معادلة صعبة كأنو الناس عايشين فى مسرح
عندى سؤال بالجـد حيرنى ونشَّف ريقى وراهو نشاف وليل ونهار شاغل تفكيرى لما بقيت أنا منو أخاف حال الزول القالو موظف وراتبو الشـهرى شوية آلاف لو عديت مصروفو الشهرى أكيد تلقاهو أضعاف أضعاف
حلو معايا المسألة دية وسـاعدوا معايا العم الزين زول محمول وعندو اطفال شان ما ياكلو يجيب من وين يـسـرق ينهب يشحد والله والله كمان يغرق فى الدين عـندو محمد وأحمد وسارة وخمسـة اطفال فوقن تومين لازم يـقـرو ويـاكلو كـويس لازم يلبسو لبسن زين
قولـو معايا يسوى شنو عشان ما يعيش ويجيب من وين عـم الزيـن يعلمبو البارى ديمة عليهـو الجوف محروق كـان فى الماضى ركازة الحلى وياهـو البربط للمطلوق
بعـد الشـفتو براك يا قلبى أخيرلك ترجع منَّك وليك خلى وظيفة المكتب طايرى لا لا قسـم ما لايقى عليك وعـد مـن تانى وأزرع أرضك مابتخـدر الا بايديك عزة نـفـسـك فـى واطاتك جـم نخلاتك وبين والديك.
الأحباب ولاد شايق سلام الشعر والشعراء والحلقة الضائعة... كون يجد الشاعر موضوع ينظم فيه شعراً ليس بالصعب ...ً وكون أن ينظم قصيدة عاش موضوعها ليس بالصعب... وكون الشاعر أعمق منا في التعبير نحن معشر المستمعين والمستمتعين بالشعر أمر مسلم به ...وكون الشاعر يكون عايش قصة صديق أو صديقة وكتب معبر عنها بلسانه حال الصديق والصديقة برضو ليس بالصعب وممكن نتوقعها ... لكن كون الشاعر يعبر عن موضوع يخص إنسانة أو إنسان لا يغرفة فقط عن طريق رسالة تصله البريد أو باليد مع بص الصباح القادم من أرض الشمالية وأمشي يستقبل البص من صباحاً بدي ويلقى الجواب فيه قصة زوجة سافر زوجها للسعودية وغاب وطالت الغيبة ويعبر تحلف يمين هي الكاتبة القصيدة مو هو عاد نسمي شنو صناعة الشعر .. نرجع ونقول الصناعة وبالذات في الشعر تفقده أحد وأهم عناصره وهو الأحساس ومعايشة الحالة ... فصناعة الشعر لو قلنا أبدع فيها الكثير من شعراء بلدي أمثال سماعين ودحسن حينما تغمس شخصية وليد بت ودخير ورد لها مكتوبها الجميل يحكي عن حاله في مصر وما يعنيه ونستطيع أن نضع حاتم حسن الدابي بينهم وهذا ٍمن نظرتي وقد أكون مخطئ وقد أكون اصبت حق الحق يجب أن يقال لقد أبدع حاتم الدابي في القصيدية فتعالوا أحبابي أدعوكم لقراءة هذه الأبيات التي عبر بها الدابي نيابة عن تلك المرأة التي كربت قرقابها أتحزمت ونضرت نفسها لتربية ابنائها في غياب الزوج ولكن صعب عليها عندما تداعت عليها الامور تربية وهم وزوح بعيد والبعيد عن العين بعيد عن القلب
رد الزوج وماني متاكد هل للشاعر حاتم الدابي أو كتبو شاعر اخر لكن ما في عوجة الخبر اليقين بجينا بكرة من المبروكين ابوالحسين ودكتور ياسين عيني باردة عليهم وماشاء الله عليهم ودقرتا عيني
أنا ما كنتً داير الإغتراب لكني مجبور إبتعد حسيت بو في الغمزّه الحراب وفي آنة الصبر النفد
أرجع أقول أنتِ السبب مابترضي بعيشة الوسط دايراها فوق عيشة رغد
أنا ما كنتً داير الإغتراب لكن مجبور إبتعد حسيت بو في الغمزّه الحراب وفي آنة الصبر النفد
قاريهو في عيون الصغار طلباتهم الما ليها حد حسيت بو في عينيك سؤال واحترتّه ما لاقي يلو رد
نظراتك الحادة النبال شيطان بتلهب في الجسد وأنا كنتَ صابر زي بلال كان ردي أحد أحد أحد
الكاتمو في جواي كتير من رحقتّو الجوف إتهرد ماكنتً قاصد أقولو ليك لكن لسان الحال سرد
مابنسى يوم ودعتكُم وبحسرة غادرتّه البلد ختيت علي جرح الفؤاد فرق البنيات والولد
ما احتجتّه أفارق للسغار والوجعّه فرقّه للفي المهد زفر القليب آهات كُتار حسيت بو في جواي إرتعد
كان أنتِ شوقّك بحر كيفن أنا المكتول كمد خليت لك الروح والقليب سافرتّه بباقي الجسد
عارفّك حريصه علي العيال فوقّك بعد الله إعتمد في الحارّه تسوي يلك رجال وللمايلّه والمحتاج سند
إتغشن القالّن وراي هلّن لك نجيمات السعد ما إتغربّن وضاقّن معاي مر عيشة الهم والنكد
لو عني كررتي السؤال أنا بيني وبين الفرحة سد سهيت وغايتو عليا حال يعلم بو الفرد الصمد
عزابي في قاطوع سغير في ضيقو زي ود الاحد في السوق صباحات الله خير حايم أزازي بلا غرد
الزي بيهو الليل يطول ويتقلى فوق جمرو الوقد أتوقعي البي هناك إقول محمود في الغربة إنفقد
البي دا ما بغبا لو زول يحكيّهو طرفي الما غمد سنتين أفتش في كفيل في حالي فد زول مانشد
في التالتي رب العزّه قال حامدينّو حَلال العقد مكتب ولا كان في الخيال في الفاره الدوار قَعْد
عربية والراتب كبير ورابط لي خرزه من الحسد بليت عروق صدري عزّه ورفايه وسعد
لكني يا حظي التعيس تميت لي شهرين إترفد قالوا الوظيفة إتعممت ومحجوزة لاهل البلد
شوفي الضرايب فوقي كم كان جيت أفكر في البلد وزي الكلام دا يزيدني هم ويرفع لي افراز الغدد
قُوليّها لا تهابي الحروف كان في غيابي الشوق برد البي دا كلو من الظروف والله ما لي فيهو يد
اليبقا في نفسو الحرير ياخدنّو في فك الأسد بي ضحكة بأبواب جحيم بي دمعة اتبلابا خد
في شان رضاك أرحل بعيد لغربة لدمعة وسهد وأنا في هشاي البال شريد أفكاري فيكم وفي البلد
سامحيّني لا تبابعي الظنون مازلنّا بيناتنا الوعد والغربة من أجلك تهون وطعم العذاب يصبح شهد
جوابّك الظاهر وداد كاتباهو بدمع الحرد ويجي ردو في نفس المِعاد نتلاقى طيارة الاحد
Post: #1012 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-07-2007, 10:04 AM Parent: #1
Quote: لكن كون الشاعر يعبر عن موضوع يخص إنسانة أو إنسان لا يغرفة فقط عن طريق رسالة تصله البريد أو باليد مع بص الصباح القادم من أرض الشمالية وأمشي يستقبل البص من صباحاً بدي ويلقى الجواب فيه قصة زوجة سافر زوجها للسعودية وغاب وطالت الغيبة ويعبر تحلف يمين هي الكاتبة القصيدة مو هو عاد نسمي شنو صناعة الشعر
أُستاذي خالد المنسي...
سلامات سلامات... وأن تغوص بين الحروف لترينا الخفايا وما اشتبه لنا فيها...
موضوع صناعة الشعر وأحاسيسه... موضوع طويل... ما أراه أنا في هذه الناحية حسب تصوري الشخصي... أن لا يخرج النص عن ما هو مألُوف في المجتمعات... فمثلاً شكوى هذه المرأة العلنية هو خروج عن طوق عادات وتقاليد لا تسمح لها أبداً في يوم من الأيام ذكر زوجها حاف كأن تقول له (حُمد إحمد أو حُمَّد الحسن).. ناهيك عن ذكر إحتياجات المرأة النفسية و....... التي جاءت في سياق هذه القصيدة... وأنا أراها تمَرُّد صريح على عادات كانت مو في معظم نساء السودان ليس الشايقية على الخصوص...
وللأساتذة الكرام هنا الرأي السديد في مثل هذه القضايا أطرح معك أخي خالد هذا الموضوع لمناقشته من كل الجوانب...
لك كميات مودتي... وتعظيم سلام لشاعرنا المبدع حاتم حسن الدابي... وكل مبدعي بلادي...
الزمن مهما كان عنيد شكل أفعالوا وصورا برضو ننسى سواتو ونقول قسمه والله مقدرة كل يوم يرويلنا بى فن قصة مختلفة مغايرة بحكى من أفعالو واحدة بس مثال ما داير احصرا عاش منعم بين والدين ريدتو فيهم متفجرة شبّ بين والد كان عطوف وبى حنان والدة مبطرا أسرة غرتو كل الحنان وليهو سقاية محدرة ولفّ دار دولاب الزمن والقدر يتم ميسرة مات أبوهو الكان حنين وليهو كان الضل والضرا خلى لى أم ورثت الهم والنحيب ودموع ممطره خلى لى شابة اترملت زهرة يا دوب منورة لسه فى ريعان الشباب حلوة أمورة وآسرة فلته من عالمنا الضنين مستحيل تانى يكررا قررت تتحزم تقيف جم وليدا تكونلو الضرا وتنسى إنو فقد أبوهو وتبقي هى الراجل والمره رغم جو الهم والنكد مهدت لو طريقو يقره ورغم إنو زمانا غالى كان بتقعدلو مذاكره كان بتحلم بى وليدا يبقى كان كابتن طائرة والا يصبح باشمهندس والا يتخرج دكتره والوليد اصبح كبير وفاتا يا دابو العاشرة والزمن غير كل شئ الا والدتو ما غيرا زادا فى نظر الكل سماح وفى عيون الناس كبرا مرة يوم الحلى جاطت وقالوا إنو سعيد دايرا كان سعيد راجلاً مهذب يملك الجاه والسيطره قام طلب إيد أم الوليد ونيتو صافية لبن طاهرة دار يكون لها راجل أمين ويبقى والد لى ميسرة حست إنو أماما إمتحان قاسي بين إتنين خيرا ختت الشافع أماما ومغريا الكون بى ورا بين وليدا الفارق كبير وبين قروش وحلى وأسوره رفضت الفكرة وبى أدب رسلتو جواب معذرة ورتو إنها داب وليدا وفى العرس ماها مفكرة يوم سعيد نادى الشويفع رغبو وقال ليهو واغرى جيب لى قلب أمك يا ولد ولينا طلباتك آمره كان طلبت الشي المستحيل يبقى ممكن شان خاطره كم فرح ميسره وإنبسط ولى ديارن فرحان جرى فتحت أمو احضانا راجا شان تضمو يطيب خاطرا وبين ضلوع أمو الحنيني غزّ سكين لى آخره وانتزع قلب أمو عجلان من محل ريدتو موكر وماتت الأم جم وليدا فوق دموم سالت طاهره وشال قلب والدتو بين ايدى وزود السرعة كترا ومن كتر سرعتو قام وقعد وما عرف حاجه ومادرا غير سمع قلب أمو ينضم وفيهو كم أنات عاصره بى كلام أشبه بالبكا ومن حلق ساداهو عبرة يا جناى إن شاءالله طيب بى وقعتك متأثرة كان كلام قلب أمو تيار فى دواخل الوجدان سرى رغم إنو يفيض محنه .. ضاق طعم كلماتو مُره حس إنو فعل جريمه مستحيل تلقى المغفره سل سكين داير يموت وفى وسط ضلعو يوكرا دار يموت كان يرضى الضمير أو يكون للزيو عبره الا تانى قليبا نادا .. رجع السكين لى ورا ولاتكتل أمك مرتين .. يا جنايا كفايا مرة .
الاخوان ابو احسين و الاخ حاتم لكم شكري وتقديري القلدة وصلت و انا من ثغير بقول اه با مولاي من غلبي اصلو يا ةولاد اناس الغربة ذادت العلي و اسكية لغي الله ززلة اله بدينا الصبر وإيكم لدونا من ااكلام الحلو الله يطول عمركم
للشاعر... جادالله عثمان ...........................
كيفن ألم عليك واتهنا مادام الظروف حكمانى والزمن العنيد ماحنّ والدنيا العبوس حارمانى حرب الريد على ما ونىّ واسياف الغرام كاتلانى والقلب الجريح ومعنىَّ جرحك دموا ينزف تانى ماعزرونى فيك اهلنا فيك كل الخلوق لايمانى ما أصلو البحب فى زمنا فى قانونا بصبح جانى قيس لو مرة حبّ وجنا برضي أنا ذيوا روح شقيانى بين الآهة بين الأنه الشقى والعذاب عنوانى كل ما القمرى قوقا وغنا تتهيج على اشجانى طمبورنا وتر غنا احسبوا جوه فى وجدانى راجى الله البيدى الجنة بيك يجمعنى يا المازيانى اكون رابط الحرير والحنة ابشر والخلوق تبعانى تبسم لى الزهور فى الجنة يتبكى السحاب باكانى شاركنى الفرح ما ضنىّ رشى وخدر الوديان .
Quote: يا أبا الحسين و يا ياسيكو و يا هوي يا كلكم العوافي
حرّّم، يا هو دا الغنا نوم العافي يا سر الغنا الجواني و صباحكم، شموس و صاحية فيهو العافي
و أكتبوها لينا يا الحنان يحن عليكم الرب
الأستاذ هاشم الحسن سلام أشهد أن أذنك مرهفة جداً حسب إدراكي المحدود للكلمة والشعر واللحن
ها هي القصيدة
انت يا وافي الصفات يا صافي نوم العافي يا القمر المقتي الحلي .... بي ضَيو وسمرنا قوافي يا لحني البديتو معاكي قبلو الدنيا كانت مــــــــــــافي @@@@@ نوم العافي لامن خيل همومي تعدي و أصحي عوافي تلقي الدنيا لسع تدبي والزمن الجديد الجااااي بي طل الاماني مندي والريح المعاندي الموجة ماب تقدر تصد مجدافي @@@@ نوم العافي يا سر الغنا الجواني يا طعم السماح و الطيبة و النفس الدوام غنياني والأمل الملازم الإلفة لمان تسري في ألحاني والشوق المحدر دربو عازم إنو بكرة يوافي @@@@ نوم العافي يا سر الغنا الجواني يا معني السماح والطيبة و النفس الدوام غنياني .... يلاقي المعنى قبال الغنيوة تلاقي فِجي النسمة وانزلي بي طِريف الساقي و أوع تغيري لما تعرفي حتى القيفة من عشاقي لو ما الليلي بكرة بجيك شايل حملي فوق أكتافي @@@ انت يا وافي الصفات يا صافي نوم العافي يا القمر المقتي الحلي .... بي ضيو وسمرنا قوافي يا لحني البديتو معاكي قبلو الدنيا كانت مافي
Post: #1023 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 03-09-2007, 06:53 AM Parent: #1022
الحبايب سلام مليان حنان... زي حنيتكم أولاد شايق
دُقي يا نقارة دُقي وعَلْي صوتّك ياطنابير غني للنور يابلدنا غني للحنفية في الزير غني قولي أبشرّو بالخير
قطع شك حاتم أو الدكتور يحفظ كلمات هذه الغنيوة السمحة المعبرة
الشايقية اهلنا الطيبين وقع عليهم ظلم من قبل بعض القناصة الذين يسيئون لقبائلنا ومن لا يعشق جمال وطيبة الشايقية عليه ان يتبن جسده ربما يكون قد فارق الحياة . التحية لكم ياحلوين
يا خي شكراً و تقديري الجسيم لجملة ما حصل فوق هنا دا، و بالخسوس ما أجرتمونا فيه يا كرام. أبا الحسين المعطاء في فيض، أيا واصل، و يا شيخي، أيا ياسين (ياسيكو)، يا الغيداق التسابو لا بتلحق و لا بتردم. فضلكم لا يستوفيه رد. ثم يا ود المنسي أخوي و يا حاتم ود هاشم يا ذوي المكارم والبحر (عرمان) و عارم، مكرمتكم ، آآآزوول، فاتت البجو لاحقين و القبيل سبقوا شن أقولكم....! كلكم، إن شاء الله، بي بركة باسبار العوني و الحسن أبر براقاً كوني إنتو إنشاء الله بي نوم العافي.... و الصباح المتعافي إنتو يا
Quote: يا سر الغنا الجوّاني يا طعم السماح و الطيبة و النفس الدوام غنياني يا الأمل الملازم الإلفة لمّان تسري في ألحاني نوم العافي يا القمر المِقتِّي الحِلِّي بي ضَيو و كان سمرنا قوافي يا لحني البديتو معاك قبلو الدنيا كانت مافي نوم العافي إنتا يا وافي الصفات يا صافي
بالله شوف جنس الكلام دا أو دا
Quote: و الريح المعاندة الموجة ماب تقدر تصد مجدافي و الشوق المِحدِّر دربو عازم إنو بكرة يوافي لو ما الليلي بكرة بجيكي شايل حملي فوق أكتافي نوم العافي يا سر الغنا الجوّاني يا وافي الصفات يا صافي
و تقولي منو؟؟؟ لقد قضيت ليلتي أراجع في الصفحة الأولى و الثانية لم أبارح و لم أكتنز.... وماني مفارق الجمال دا، تب. و فكرت: يا أبا الحسين، حقو كان الشغل دا تسميهو الشايقية: جمهورية الحنان، طنابرة السودان و مستقبل الحِبّان ثم قدّرت: يا أبا الحسين، عليك الله ما تشوف البركة دي: خالي (هاشم ود نوريت) بي زاتو، أب شيخاً بن باز و سلفاً لاز...جاكم يعرض بي درقتو و سيف
Quote: ومن لا يعشق جمال وطيبة الشايقية عليه ان يتبن جسده ربما يكون قد فارق الحياة .
شي لله يا سر الختم!!! و تقولي شنو؟؟؟؟ ثم فكرت: لا بد من جزاء المعروف بمعروف علي بالجملة، علا تجيبو (الزول الوسيم..... شغل عمّك العظيم النعام ود آدم... تلاقوها في بوستن طروب لأخيكم (تمبس) و بنص مكتوب من كي بورد أخيكم (عادل عثمان) من بشاير عيد الأضحى الأخير عاد علينا و عليكم باليمن و البركات. و بدوري أهديها بالخصوص لأبي الحسين، و لياسين الياسيكو و للأخت للغالية منى عوض خوجلي و لأستاذنا حيدر قاسم و للخال العزيز هاشم نورين إذ هو سادر في غيه الأخير.... و لجملة من إستمع للنم دا و إستوى إلى نفسه ضمة.
غناء... طارق العوض ....................... يا حبيبى أنا افتقدتك لما طال الشوق علىَّ انت عارف روحى غيرك لا بتموت لا بتبقى حيه يا حـليلى أنا كـنتا قايلك زى زمان مهتمى بيه فى الحـزن تحـزن معاى ويوم أغيب تسأل على باخـتصـار انا كنتا قايلك انت اقرب منى ليه انت اتاريك بى مشـاعـرك مسـتقر فوق الثريا الصـباح الـفى عـيونـك باعنى لى بحر الأسيه سابني بـيـن شـطـآنوا هايم جارى لى عند العشيه لانى قـادر اقـول كـفايه ولانى راضى أكون ضحيه والمصـيبه أنا كـان جـنيت ولا بكيت هيه هيه كل مصـيـبتى هويت عيونك فى زمن ظالم شويه يكره الـحـب والتـصـافـى يعشـق الجفا والرزيه الطيور وكــتيـن تـغنى الزهـور تصبح نديه إلا عاد كـيفن تغنى وعــينها فى عين الحديه افتقدتك وانـت عـارف زي يعشـق بالسجيه مسـتعد ما عندو مانع يهدي ليك الروح هديه ماب يهـادن مابيسـاوم وما ببيع أبد قضيه لو تموت الدنيا فوقـوا يرتـكب مليون جنيه افتقدتك يا منايا يا ســعد روحى الشقيه افتقدتك لما فاضت بى همومى والأمور لاجت عليه افتقدتك يا صـباحى والظلام ضـامى العشـيه افتقدتك يا نصـيرى والعزول عـاصـب عينيه افتقدتك الف مـره لما شـمتو اصحـابى فيه شفت كـيف أنا افتقدتك لحظـة الألم العتيه انتا ماك جايب خبيري ماك مفكر تبقى جيه حتى يوم لاقـيت صـحابك منك اتوقع تحيه إلا وآخيبة رجـاى واحـلال الحسرهبىَّ.
Post: #1029 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... أبشروا Author: خالد علي محجوب المنسي Date: 03-10-2007, 02:42 AM Parent: #1028
Quote: بي بركة باسبار العوني
العزيز / هاشم الحسين سلام وعلك طيبة وعافي يا زول كنك جيتني في عبي .. كدي أقيف باسبار العوني ابتنده بي دا من اين لك كدي عليك الله وقعي الكلام دا أظن نطلع اهل يا يابا .. والعجب ان قت يا تور الجريف اب عنقريباً طار وركا عند باسبار كت طب قبض فوقك عليك الله وقعي لي الحديث دا
اخي الكلمات الصادقة التي علت ما كتبت تفضح ما تحمله نفسك وروحك الطيبة الجميلة من حب وحنان
Quote: و للخال العزيز هاشم نورين إذ هو سادر في غيه الأخير....
بالغت
Quote: علي بالجملة، علا تجيبو (الزول الوسيم..... شغل عمّك العظيم النعام ود آدم... تلاقوها في بوستن طروب لأخيكم (تمبس) و بنص مكتوب من كي بورد أخيكم (عادل عثمان)
أصبر يومين بس خلي الرجالة يستمتعوا بي يا "وافي الصفات دي" وانزلها ليك بصوت النصري دا ذاتو حاجة ما تخلص
الأستاذ طارق جبريل لك العتبى حتى ترضى لازال البحث جارٍ ولكن دعني أصبرك بهذه الكلمات وأهديها عبرك لمولانا الأستاذ/ موسى الحسين الكلمات للأخ الصديق دكتور توفيق الطيب البشير ، ولحن الأستاذ معاوية المقل وتوفيق نفسه ولكن يجيء أداؤها هذه المرة على نسق غير مألوف إلا لأستاذي موسي يؤديها الثنائي المتفرد الأستاذ صديق أحمد والمهندس الأستاذ عبد العظيم منصور وهو رجل يعزف العود عزف "غرائب الإبل" لهم التحية جميعاً ، فإلى بلاغة الكلمات وما يلفها من تراث ودين وزهد "أخي موسى أراك تساسق الآن بين جامعة الخرطوم والقاهرة وأمدرمان والرحلات والمعسكرات الصيفية"
Post: #1034 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-10-2007, 05:26 PM Parent: #1
كتب أُستاذ/ هاشم نوريت...
Quote: الشايقية اهلنا الطيبين وقع عليهم ظلم من قبل بعض القناصة الذين يسيئون لقبائلنا ومن لا يعشق جمال وطيبة الشايقية عليه ان يتبن جسده ربما يكون قد فارق الحياة . التحية لكم ياحلوين
صديقي الجميل هاشم نوريت...
تشكرات يا اخوي على كلماتك الجميلة في حق أهلك الشايقية...
وأكثر ما عجبني لأني دايماً أعشق وأترنم طرباً للكلمات القديمة عجبتني جداً كلمة أَتْبِنْ!!! يا أخي عليك الله شوف حنية الكلمة دي... إنتو عارفين يا الحِبان الفرق بينها وبين ألمس شنو؟؟؟
دي أخليها لي أُستاذي/ خالد المنسي...
كميات مودتي... ويا هلا بيك أخي هاشم في ديار أهلك وأحبابك...
أبو الحســــــــين...
Post: #1035 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فيصل محمد خليل Date: 03-10-2007, 05:32 PM Parent: #1034
الرائع ابو الحسين
بلتاري من حلفا اتى ليحيك
Post: #1036 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-10-2007, 11:23 PM Parent: #1
إخوتي الكرام...
لاحظت موضوع مهم جداً...
وهو مشاركة الإخوة خارج الحوش (سودانيز أُون لاين) إتصل بي عدد من الإخوة الكرام موضحين ومستفسرين عن بعض الأشياء التراثية في مسيرة الحياة الشايقية الممتدة... وأنا سوف أنزل إيميلي الخاص هنا... ودعوة لكل الإخوة من خارج الحوش... مراسلتنا ومواضيعهم سوف تلقى الإهتمام منا...
أرسل لنا رايك موضوع هادف يُرجى نشره ونحن بإذن الله تعالى سنقوم باللازم وربنا يقدرنا وإياكم لتقديم ما هو طيب وجميل...
مرسال الشوق ............. للشاعر... اسماعيل حسن ........................ اداء المبدع... صديق احمد ...........................
من زمن كايس أراضيهم وصف لى درب الريد شان أوصل أراضيهم يا مرسال رسائل الشوق أنا الضهبان ... تعبتا كتير وياما سئلتا وما خليت ناس عابرين وكان زى حالى محتارين يهزوا الراس وما عارفين مراسيهم يا مرسال رسائل الشوق أنا الضهبان... وحلتك انتى يا مرسال بحب واحدين وما عارف دريبن وين وبرضو وحاتك انتى مابعرف اساميهم يا مرسال رسائل الشوق انا الضهبان... تجينى حروف من المجهول واكتب برضى إلى المجهول رسائل تروي قصة زول يحب الطيف يسافر فى هجير الصيف مشتاق يوم يلاقيهم . ............................... تحياتي... حاتم هاشم.
Post: #1038 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 03-11-2007, 08:31 AM Parent: #1037
Quote: وأكثر ما عجبني لأني دايماً أعشق وأترنم طرباً للكلمات القديمة عجبتني جداً كلمة أَتْبِنْ!!! يا أخي عليك الله شوف حنية الكلمة دي... إنتو عارفين يا الحِبان الفرق بينها وبين ألمس شنو؟؟؟
دي أخليها لي أُستاذي/ خالد المنسي...
الحبيب ابوالحسين ماخاب ظنك ... لكن ات يا خوي ماك عارف اخوك جرابو فاضي وجعجاع بس كان تحول الامر في مكانو عند دكتور ابوشوك ولا دكتور ياسين ديل ركازتنا يا يابا
تعرف يا باوالحسين هناك الكثير من الكلمات العربية تقابلها مترافات في العامية السودانية ونحن كسودانيين نجد الحركة والاحساس في الكلمة بالعامية ونحس العمق والتعبير الدقيق فيها أكثر مما نجده في الفصحى
كلمة شمَّ تقابلها كلمة كرفّه وهي تعطيك عمق في المعنى وتشعر بالكرفة فوق خديدك وكت تقراها
ضمّه من يضم اي يعانق وتقابلها كلمة قلدّه.. ايضاً تحس بالصِبعات يتحسسن فوق ضهيرك المنهك من تعب الغربة
وزي ماقال القدال
أماتي القبيل بحنّهن ربني كرفّه وقلده كيف شوق اللبن رجنّي
وكلمة يلمس وقد يكن اللمس لشئ جامد أو بشر يتبن :::: عادة التبنه يكون معها شئ من الحنية والعطف والمودة كما هو الحال في الكرفّه والقلدّه برضو بنترك الامر للاخوة الدكتوريين ابوشوك وياسين
Post: #1039 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-11-2007, 04:19 PM Parent: #1038
Quote: وكلمة يلمس وقد يكن اللمس لشئ جامد أو بشر يتبن :::: عادة التبنه يكون معها شئ من الحنية والعطف والمودة كما هو الحال في الكرفّه والقلدّه برضو بنترك الامر للاخوة الدكتوريين ابوشوك وياسين
الغالي جداً خالد المنسي...
ما أظن في شيتاً تاني يتقال...
وأهديك هذه المرثية العكودابية السورابية... باقي أنا عااااااارف هواك سورابي و(عكودابي) بالتحديد... شاعرها إبراهيم الكامل آل عكود يرثي والده الكامل العكودابي...
هذه القصيدة طويلة من عدة فصول أهديك والإخوة القُراء الكرام الجزء الأول لنرى ما فيها من جماليات ولغة جميلة وصدق مشاعر...
نسأل الله لوالدنا الشيخ الكامل المغفرة والرحمة والقبول وجوار المصطفى صلى الله عليه وسلم في الفردوس الأعلى... والشكر لإبنه أبا ذر الكامل على أمدنا بهذه القصيدة في البركل دوت كوم وقبله في سودانيات...
أبــوي المــات إمــام ـ الجزء الأول
خمسة سنين كتار من دونو يا باذر وخمسة سنين كتار أيامه تنجرجر النسّام صنف والضل يطاردو الحر لا الخمّار يقوم لا الموية تروي الجر
خمسة سنين صبر قادرنّو سلوى وسبحي زاد نقص الجميع حزّ الرباط فوق جرحي حتحتنا الزمان خايف نقوم بي صفحي سنبرتو ويضيع أثر الإمام من نصحي
يا حليل الحنين من ريقو يدّي رفيقو زاهد في الرّطب ساعة قلب دفّيقو يا حليل الركز وكت البصبرو يضيقو يا بخت البروهو وشربوا من إبريقو
دلاّي للكتاب دلاي قرير أم نيلة رفّاع للوقع فيها ونضمتو قليلة رفّاع للقدح تمّ البشاشة بليلة والبركة بتكيل فوق النجيضة قليلة
أبوي خدم الوطن برقا طمر سيتيت وسنتين لام حجاب سنتين مع اب سوميت فات البندر اشتاق لي خلا المسكيت وطاف بي دينو دار خرتيت جبال فرتيت ــــــــــــــــــــــــــــــــ
الاخوه عموم أبناء دار شايق القومه ليكم و العز بيكم إن كان ما كنت من ذي ديل وا مأساتي وا ذلي ديل أهلي ديل أهلي
Quote: يا خي شكراً و تقديري الجسيم لجملة ما حصل فوق هنا دا، و بالخسوس ما أجرتمونا فيه يا كرام. أبا الحسين المعطاء في فيض، أيا واصل، و يا شيخي، أيا ياسين (ياسيكو)، يا الغيداق التسابو لا بتلحق و لا بتردم. فضلكم لا يستوفيه رد. ثم يا ود المنسي أخوي و يا حاتم ود هاشم يا ذوي المكارم والبحر (عرمان) و عارم، مكرمتكم ، آآآزوول، فاتت البجو لاحقين و القبيل سبقوا شن أقولكم....! كلكم، إن شاء الله، بي بركة باسبار العوني و الحسن أبر براقاً كوني إنتو إنشاء الله بي نوم العافي.... و الصباح المتعافي إنتو يا
Quote: يا سر الغنا الجوّاني يا طعم السماح و الطيبة و النفس الدوام غنياني يا الأمل الملازم الإلفة لمّان تسري في ألحاني نوم العافي يا القمر المِقتِّي الحِلِّي بي ضَيو و كان سمرنا قوافي يا لحني البديتو معاك قبلو الدنيا كانت مافي نوم العافي إنتا يا وافي الصفات يا صافي
بالله شوف جنس الكلام دا أو دا Quote: و الريح المعاندة الموجة ماب تقدر تصد مجدافي و الشوق المِحدِّر دربو عازم إنو بكرة يوافي لو ما الليلي بكرة بجيكي شايل حملي فوق أكتافي نوم العافي يا سر الغنا الجوّاني يا وافي الصفات يا صافي
و تقولي منو؟؟؟ لقد قضيت ليلتي أراجع في الصفحة الأولى و الثانية لم أبارح و لم أكتنز.... وماني مفارق الجمال دا، تب. و فكرت: يا أبا الحسين، حقو كان الشغل دا تسميهو الشايقية: جمهورية الحنان، طنابرة السودان و مستقبل الحِبّان ثم قدّرت: يا أبا الحسين، عليك الله ما تشوف البركة دي: خالي (هاشم ود نوريت) بي زاتو، أب شيخاً بن باز و سلفاً لاز...جاكم يعرض بي درقتو و سيف Quote: ومن لا يعشق جمال وطيبة الشايقية عليه ان يتبن جسده ربما يكون قد فارق الحياة .
شي لله يا سر الختم!!! و تقولي شنو؟؟؟؟ ثم فكرت: لا بد من جزاء المعروف بمعروف علي بالجملة، علا تجيبو (الزول الوسيم..... شغل عمّك العظيم النعام ود آدم... تلاقوها في بوستن طروب لأخيكم (تمبس) و بنص مكتوب من كي بورد أخيكم (عادل عثمان) من بشاير عيد الأضحى الأخير عاد علينا و عليكم باليمن و البركات. و بدوري أهديها بالخصوص لأبي الحسين، و لياسين الياسيكو و للأخت للغالية منى عوض خوجلي و لأستاذنا حيدر قاسم و للخال العزيز هاشم نورين إذ هو سادر في غيه الأخير.... و لجملة من إستمع للنم دا و إستوى إلى نفسه ضمة.
بسم الله الرحمن الرحيم سلام ياهلنا... لغرامك لى شريك ..................
ما كنتا قايل فى غرامك لى شريك لكن عرفتا وتانى ما برجع إليك والله كل ما اتذكرك اتذكر إنو معاى شريك زي ما قليبى اشـتهاك تلقاهو ايضا يشتهيك قولى لى ذنبي آيه ما الناس جميع مفتونه بيك طماعه يا ست الجمال كـيفن تطيرى مع جريك ماكل غرام بيظل غرام ماكل بريق سن إبتسام ما كُل خـطوة إلى الأمام أحـيانا بيتعسر مشيك قولى لى كيف قلبك سـمح يخدع قليبى الإنشرح ودرتى زول كايـس فرح عيشتيهوا فى دنيا الترح مسـتنى كـان تبقـيلوا غيمه تظللى من حراً لفح لكن بقيتيلو الهجير فى وادى منو الغيم نزح لو قيس سمع ماكان ندم كان يرثى لى حالى ويحن كان يبكى زين دمعاتوا تهطل فوق عيونا ويغسلن ما بيرضـى كان الغرام يصبح سلع ونتبادلن رغم الحصل قلبى الأمين لا راضى لنفسو الخداع لا راضـى لى غـيروا الأنين واحساسوا بيك يا ست الجمال ما بيرضى غيروا يعيـش حزين انا اصـلى مـن ريدك قنعتا وآخـر وصـيه بقوله ليك ابقى عشرة عـلى البريدك لا تـخـيبى ابداً ظنوا فيك ابقى زى لله وبثينه الغرور لا يعتريك قالوا للريد عـداوه من عداوتو بخاف عليك . ...................................... تحياتي... حاتم هاشم.
ابا الحسين يا باعث الجمال من مظانه، سلام و يا سلام عليك، و الله هكذا كان ينبغي يكون في البدء وفي الختام، أن يطرح الناس للناس حدائقهم الغنَّاء التي رعوها و رعتهم في المكان و الزمان، و التي سقوها و تساقت بهم تواريخ الإنسان . فيتفيئونها كلهم و البسط أحمدية، بلا عدوان و بكل أريحية. يستمتعون بحسنها و يعبقون شذاها يكرفونه، فقد تشجيهم نشوة عابرة أو مقيمة يثرونها و تثريهم، فتتقارب أحاسيس و مشاعر و تتحاور بالتي هي ألين فهوم و تنشأ تفاهمات. لله درك من حافظ للتراث و باعث له بإحسان. و لله در الدكتور ياسين الفيض الوهاب المدرار ، سادن كنز الجمال و خازن النضار من هاتيك المجمّرات. وحقاً، إن الواحد يمر بهذا البوست و يبقى لا يزاول عنه إلا قيدما تتصل مسامعه بالنغمة أو ما تيبحه مرونة النمة، ثم لا يجد بداً من الرجاء، ألا ليت ما يعرف الواحد طرفاً منه عن غنى الفنون و تنوعها و تعددها في شتى جهات السودان و متسع أرجائه و متعدد أنسانه، ألآ ليتها وجدت بعض إحتفاء بها ممن نشأ فيها و تربى بها و وصلته بلا إنقطاع، فيوثقونها كذا فعلكم الميمون و يهدونها للمساكين صدقة لوجه التعارف في الوطن و من باب العفو و التعافي. يا سلام ياخ على الجمال و بساطة الجمال و صدق الجمال يا سلام يا ياسيكو يا جميل العطاء يا وسيم الوعد
Quote: أصبر يومين بس خلي الرجالة يستمتعوا بي يا "وافي الصفات دي" وانزلها ليك بصوت النصري دا ذاتو حاجة ما تخلص
و مالو... فإن غداً لناظره قريب. و المخلاية متروسه ماها هيل ليلة أو ليلتين، بس ننتـــظركـــــ على ــــــ أحر مــــ الجمر ـ ن و زولك ما بيقصّر تب و (الحاجة ما ب تخلص) **** يا خي دا بوست جميل بشكل، يهد في الواحد حتى ليضهب الواحد عن نفسو التحايا لــ: حاتم هاشم غرقان الشعر الغريق و لأستاذنا حسن الطيب يس و للمعنّى بلهفته و بطء الأثير هاشم خلف الله و لكل المستمتعين ههنا. **** أما عزيزنا ود المنسي قصاص أتر الكلام السمح و قناص المعاني الما خمج فيا خي (سلام وعلك طيبة وعافي)
Quote: كدي أقيف باسبار العوني ابتنده بي دا من اين لك كدي
Quote: عليك الله وقعي الكلام دا أظن نطلع اهل يا يابا
فـ كدي خلّني النقولك كدي، أخوك من تالا التاكا حيث (تجلى الذات للذات المكبر، فـــ بدا في المجالي و في التعالي سكن) أو كما شطح أبونا الخليفة بابكر ود المتعارض مرّة أو أكثر!! سوى أنني، مستعيناً بلطيفة من أبي الحسين ظنيتو أوردها فوق راي و ميها حديسن ساي!!! قال أبو الحسين الجوّاد:
Quote: وأهديك هذه المرثية العكودابية السوارابية... باقي أنا عااااااارف هواك سوارابي وعكودابي بالتحديد
و عموماً، فمن هنا و من هناك، تواتر في المتواتر، فيما قبل و حوالي و فيما بعد اليوم الذي إستفزّت الرجال من آل شايق، كلهم، بالهجاء المر، الما بغبوها مهيرة بت الشيخ عبود السوارابية
"الليلة العقيد شوفَّنو متمسكِّن و في قلب التراب شوفَّنو متمحِّن الراي فارقوا لا يشفي لا يٍمْكَن ما تتعجبن ضيم الرجال يَمَكِّن خلوكم براكم الليلة وحدكِن بتمسن تحاربن و لّه بتبكِن"
لكن ناسك يا دوبن بس كانوا بدوبو لي زولم عثمان ود حمد و يجُّروووولو في نمّة يتمثلها كل واحد منهم كأنه هو ود حمد!!
"فارسن يقابل الألف في الخلا إن وافوه الفونج و العرب ناسن عزاز خافوه كل ذلكم في شان رجالن ضافوه"
ما أطاق قائلهم صبراً، فقطع قطعاً أحمر
"نتلاقى بسيوفنا السنان و يتفرجّن معز القنان الباشا بالباشنوف يهد أحمانا لذات العقد نتلاقى بالسيوف نتقلد عند البشم فيها العقد"
فلما إندق المعلوم من عطر منشم بكورتي كان أن مدحتهم و غنتهم المهيرة
"غنيت بالعديلة لي عيال شايق البراشو الضعيف و بلحقو الضايق الليلة استعدوا و ركبو خيل الكر و قدامن عقيدن بالأغر دفر جنياتنا اللسود الليلة تتنبر يا الباشا الغشيم قول لجدادك كر"
أما ما تلى، فمعلوم... غير إنه قد كان من خبر السكان في تلك الأزمان أن ضاقت بهم بلاد و إتسعت لهم بلاد، ولكل أسبابه!!! فتيمن بعضهم من أفخاذ الشايقية العونية و السواراب (فيهم العكوداب) ومن غير من ذكرنا، صعيداً طيباً من أرض (الأبواب) بغرب النيل (الكمر و الميجة و وادي بشارة و غيرها) وفي شرقه (البسابير و حجر العسل و الأزريقاب و غيرها). الشاهد: باسبار العوني دا سموّ عليه البسابير بما قد فرش (تبروقتو) فيها و بعض أولادو فروشو (فرواتهم) و عليه فقد تطامن إليه ناس من عونية البحر و العتامير و كذا من غيرهم أو هكذا تتالت (الطبقات). فأشتهرت بلدتو حتى إنو العنقريب الطار ما ركا في غير دوحتو. و للدوحة أفنان و فروع، منهم العونية الزياييد أولاد أحمد و أمحمّد ود زياد.. أها ناس أحمد ديل ياهم رهطي!! أها وقع ليك كدي و لا كيف؟؟؟ فإن قبض يا زولي فأقبض طب و إن ما قبض كمان، فــ طِبْ بالعافي و أمسك في سر الغنا الجوّاني، أو كمان أسعل ناس (ود بليلو) باقي أبو الحسين عااااااارف هواك سوارابي !!!
و في كل فقد بانت لنا من هذا الجمال قرابة وطيدة ( ومن هنا بالأساس لي بي كدي) و تتأكد كمثل ما تأكدت في الوجدان (شوقك شوى الضمير) التى نسجها أبوك الحاج الماحي ود أمحمّد ود أحمد ود عبد الله من حبال قلبه المعنّى بتلابيب المكان و الزمان...إنجذب، فشتت محبته من طرف...تفشو على الجميع بلا فرز... و تلحقنا بي جاي
"يا مهون العسير أقبل دعايّ يسير نشوف التصاوير في حكمة البصير يا اخواني للباقير لا قوز البسابير مويس والسناهير سيال مع الجوير كرقوس والمغاوير بقروس والكمير" **** فمن هنا نقول: يا زول كنك جيتني في عبي .. .. طب فـ طِــــبْ و لتسلم يا قريبي **** إنعام عبد الحفيظـــ، طابت أيــــامك يا أخية ****** بلاّص http://www.youtube.com/watch?v=kxQpodeRMc4
Quote: علي بالجملة، علا تجيبو (الزول الوسيم..... شغل عمّك العظيم النعام ود آدم... تلاقوها في بوستن طروب لأخيكم (تمبس) و بنص مكتوب من كي بورد أخيكم (عادل عثمان)
Quote: و لله در الدكتور ياسين الفيض الوهاب المدرار ، سادن كنز الجمال و خازن النضار من هاتيك المجمّرات
.
Quote: يا سلام يا ياسيكو يا جميل العطاء يا وسيم الوعد
Quote: و مالو... فإن غداً لناظره قريب. و المخلاية متروسه ماها هيل ليلة أو ليلتين، بس ننتـــظركـــــ على ــــــ أحر مــــ الجمر ـ ن
الأخ الأستاذ هاشم الحسن سلام كلامك سهل ممتنع لابد من قراءته عدة مرات لك ودي وهذا طلبك فلما "الغد ناظره قريب" "فالليل ناظره أقرب" "الدنيا ليل عندي"
Quote: حتى بلاص لحقتو لي من كوجنت الأمية الإلكترونية!!
الأستاذ هاشم الحسن لك الود عندما تأخذ شيء من الـ"يو تيوب" تأخذ (copy) من : Embed التحتانية مش الفوقانية ضع "الكيرزر" وأعمل Copy لا تأخذ من: URL تسلم والجميع
Post: #1050 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-12-2007, 04:33 PM Parent: #1
كتب أُستاذ/ هاشم الحسن...
Quote: الشاهد: باسبار العوني دا سموّ عليه البسابير بما قد فرش (تبروقتو) فيها و بعض أولادو فروشو (فرواتهم) و عليه فقد تطامن إليه ناس من عونية البحر و العتامير و كذا من غيرهم أو هكذا تتالت (الطبقات). فأشتهرت بلدتو حتى إنو العنقريب الطار ما ركا في غير دوحتو. و للدوحة أفنان و فروع، منهم العونية الزياييد أولاد أحمد و أمحمّد ود زياد.. أها ناس أحمد ديل ياهم رهطي!! أها وقع ليك كدي و لا كيف؟؟؟ فإن قبض يا زولي فأقبض طب و إن ما قبض كمان، فــ طِبْ بالعافي و أمسك في سر الغنا الجوّاني، أو كمان أسعل ناس (ود بليلو) باقي أبو الحسين عااااااارف هواك سوارابي !!!
الغالي هاشم الحسن...
إنت عارف زي ما قال د. ياسين الواقف يقيف مشدوه قدام جمال كلماتك ويعاين ويقرأ ويتططططططططَّق...
سرد جميل... سهل ممتنع... كلام موزون يدخل في القلب زي النسمة الصباحية...
واصل يا اخوي الله يخضِّر ضراعك...
مع كميات مودتي... وأنا بجيك راجع...
أبو الحســـــــين...
Post: #1051 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-12-2007, 06:35 PM Parent: #1
Quote: الحبيب ابو الحسين , انت جميل عشان كدي كل شئ بتكتبه بيطلع جميل
ومعجب كتير بالشعر الموجود في هذا البوست المتميز وربنا
يقدرك علي الشيل .
إبن عمي الجميل... أبو أحمد...
يا اخوي طلتك دي بالدنيا وما فيها...
وتشكرات على الكلمات المضيئة في شخصي الضعيف... فما أبو الحسين إلا فرد من كوكبة الإبداع الهنا دي... لك ولهم جميعاً تعظيم سلام...
وأتساءل عبرك عن إخوة الفرح الفاتح القرير... ليهو مدة من الظهور وكذلك أخونا ود المنسي عساهم طيبين وست البنيات لا حدهن...
كميات مودتي... ويا هلا بيكم شباب الصحافة في ديار أهلكم أحبابكم...
بسم الله الرحمن الرحيم سلام ياهلنا... أبقى واصل ............. للشاعر... خالد شقورى .........................
ليناواصل ياحـنين وابقى واصل الدرب قدامك أخضـر والوداد البينا واصل والعيون الفى انتظارك شوقها زي مطر الفواصل ما فى اروع من رسائل تحكي بي تحنان فصولا ما فى أجمل من مقاطع انت بالأشواق تقولا البلد منتظره جـيتك فارده غاباتها وسهولا والكليمات التطمن نحن منتظرين وصولا بين حـكاياتى السعيدة قصةمن أشواق فريدة جايه لا لون لا ملامح زى نجوم طاشه وبعيدة لا هى غـنية ولاها منية ولاهاإحساسات جديدة ماالبحـسـو مع عـيونك حاجة اكبر من قصيدة كلمة منك لو تعـاتب أغلى من كل الغناوى والبتهمسو بين سطورك عندي بى كل الحكاوى الحروف الفى انتظارك رافله فى الزى السماوى عـارفه إنوالغنية غـيرك ياحنين ما بتساوى . ........................................... تحياتي... حاتم هاشم.
Quote: باسبار العوني دا سموّ عليه البسابير بما قد فرش (تبروقتو) فيها و بعض أولادو فروشو (فرواتهم) و عليه فقد تطامن إليه ناس من عونية البحر و العتامير و كذا من غيرهم أو هكذا تتالت (الطبقات). فأشتهرت بلدتو حتى إنو العنقريب الطار ما ركا في غير دوحتو. و للدوحة أفنان و فروع، منهم العونية الزياييد أولاد أحمد و أمحمّد ود زياد.. أها ناس أحمد ديل ياهم رهطي!! أها وقع ليك كدي و لا كيف؟؟؟ فإن قبض يا زولي فأقبض طب و إن ما قبض كمان، فــ طِبْ بالعافي و أمسك في سر الغنا الجوّاني، أو كمان أسعل ناس (ود بليلو) باقي أبو الحسين عااااااارف هواك سوارابي !!!
الحبيب هاشم الحسن سلام يا يابا العونية وليدات أحمد ودزياد وآمحمد ودزياد ( محمدانه التوم واب شامه العمد وعلي محجوب العمدة وناس فضل السيد الجاك ود زياد وزياد الجاك ودزياد وغيرهم من العونية والكلايين والسوراب ديل يا يابا أهل حبوبتي والدة ابواتنا ود فرعنا في الشايقية يا زول قبضته طب انت منا وفينا والعجب العجيب يجمعنا الرهط وكمان شئ آخر كسلا ارض التاكا اقولك وتصدقني انا من مواليد كسلا ( عمل الوالد في القيادة الشرقية )
أها نجي كدي لبسبار العوني والعنقريب الطار.. وكان كما يروى ...عنقريب تور الجريف وهو شيخ عاش حتى مات في الجريف غرب البسابير ودفن بعد موته في البسابير قرب بسبار وأولاده
العمدة ود بليلو ذلك الفحل المعروف من الصعيد للسافل عمدة حجر العسل كريم وهميم وللقبائل من جم دخري وركازة في المحل والتساب.... ماركب مركبة ألا وفا حقها جت علي وما جلس في مكان ولا خلص حق الكل الداين والمديون الفي آيدو مي حقتو لذا فتح الله عليه ابواب الرزق ديمة عامر وما بنابر ويتفشر بكرمو ولكن دا الشئ المعروف عنه.. هو سيد مجكر الديوان وثابت اب قلب .. هو قبلة الغشاي والماشي والدربو طويل وملاذ البهاتي والبتاتي ... ودراج العاطلة والفترانة والموغوذة والمطعونة ... ما بنقول كريم لكن هو الكرم والفال والزين والسمح بالحيل ولا يقل عنه اب شامة ومحمدانة التوم... أؤلئك رجال قد مضو... وين نحن منهم... لا نستطيع ألا محاولة تقفي اثارهم في بعض وان فعلنا فذاك هو الفوز في زمننا هدا لك اخي الفاضل كل الاحترام والتقدير
يا زووول...!! يا الذاكر و ماك محجوب، أيا أب أحمد يا خالد، و الله و بالله و تالله، قسماً عظماً، لقد كتبت مداخلتي السابقة بالأمس ليلاً و اليوم الصباح تصفحت الموقع من حيث لا أستطيع الكتابة و لكنني أقرأ... بارك الله في ولدنا المبروك حاتم... لقيتو رافع لينا البوست دا: هونوو شوية.... وصلو علي النبي .... إستراحة أيها المحاربون و الله ما شفتو من قبل أبداً، دخلت و قرأت وتمتعت، ثم خلعني.. ياخي كأنني كنت أتمثله بالأمس و أنا أكتب لأبي الحسين و د. يس و لك، لكم.
Quote: ابا الحسين يا باعث الجمال من مظانه، سلام و يا سلام عليك، و الله هكذا كان ينبغي يكون في البدء وفي الختام، أن يطرح الناس للناس حدائقهم الغنَّاء التي رعوها و رعتهم في المكان و الزمان، و التي سقوها و تساقت بهم تواريخ الإنسان . فيتفيئونها كلهم و البسط أحمدية، بلا عدوان و بكل أريحية. يستمتعون بحسنها و يعبقون شذاها يكرفونه، فقد تشجيهم نشوة عابرة أو مقيمة يثرونها و تثريهم، فتتقارب أحاسيس و مشاعر و تتحاور بالتي هي ألين فهوم و تنشأ تفاهمات. لله درك من حافظ للتراث و باعث له بإحسان. و لله در الدكتور ياسين الفيض الوهاب المدرار ، سادن كنز الجمال و خازن النضار من هاتيك المجمّرات. وحقاً، إن الواحد يمر بهذا البوست و يبقى لا يزاول عنه إلا قيدما تتصل مسامعه بالنغمة أو ما تيبحه مرونة النمة، ثم لا يجد بداً من الرجاء، ألا ليت ما يعرف الواحد طرفاً منه عن غنى الفنون و تنوعها و تعددها في شتى جهات السودان و متسع أرجائه و متعدد أنسانه، ألآ ليتها وجدت بعض إحتفاء بها ممن نشأ فيها و تربى بها و وصلته بلا إنقطاع، فيوثقونها كذا فعلكم الميمون و يهدونها للمساكين صدقة لوجه التعارف في الوطن و من باب العفو و التعافي. يا سلام ياخ على الجمال و بساطة الجمال و صدق الجمال
يا خي بوركت من فتى و الله و أنت تغدق علينا من التراث و الجمال و السماح و السماحة و الشبابة بالوطن... يا زووول، قامت بي هاشمية!!! و صدقاً يا ود عمّتي ــ( وتقديراً لعمات لي أحببتهن بالحيل يرحمن المولى، و توقيراً لعمتنا الحنينة، والتا العوافي، الجابلنا حاتم صورتا في آخر البوست هنا ، فإنني ألصق مداخلتي بحيث لا أخفي الصورة أو أجهجه تبؤرها)ــ بالرغم من يقيني المسبق بقرابتنا في الجمال المدفوق هنا، و في الحنان المبذول هنا(قواسيب قواسيب) بلا من و لا أذى من أهلنا ديل الرائعيين و الفنانين دَومَن أبَدَن، و عن ثقتي بقربنا في مطلق محبة للحسن و عشق للجمال و السماحات، إلا إنو، ما إكتشفتو في بوستك قبيل و الآن، من قرابات أخر، خلتني أغمغم (دا ما هو زاتو البخلع)
Quote: والعجب العجيب يجمعنا الرهط وكمان شئ آخر كسلا ارض التاكا اقولك وتصدقني انا من مواليد كسلا
و أزيدك كمان، لو تصدق ـ لقد درست سنتي الأبتدائية الأولى في نفس المدرسة بالحامية... و يشهد الله، لقد سمعت من قريب جداً (زياييداً يقرنون، فعلكم الخالق الناطق ـ بين العمدة محمّدانا ود التوم و العمدة ود بليلو و يذكرونهما بالخير و يذكرون محجوباً)ـــ علا يا ود عمتي، إت ماك ود بنادر متلناـــ فمن أين لك بي كدي يا زول؟؟ فأنا ابن بندر كسلا ارضعتني التاكا من رضاب توتيل فما إنفطم، و تربطني وثائق وثيقة بأهلها و كلهم أهلي و تيلادي، و ببوادي الهدندوة و البجاة في القاش و عموم شرق بلادي، و الذين هم أخوالي البهاليل و عمد فخري المغزول من شمم ذراهم و الآباء النحارير.............. لذا تراني فرحاً حتى (بالغت) في فرحتي يا (ياسيكو) من غيّة خالي (هاشم نوريت) الأخيرة في سوح هذا الجمال المبــــاح الحلال... فالخال (دقنو قد حمّست) و (ما أنا إلا من غزية إن غوت غويت و إن ترشد غزية أرشد) و لقد فرحت للخال أن هُدي، و لنفسي، فماني البابا غيّهن و لا غواية الكلام السمـــــــح بالحيــــــــــــــــــــــــــــــل **** أبا الحسين و ياسيكو، و بحق هذا الجمال الذي أبحتمان لنا، أعذراني في هذا ال
Quote: سهل ممتنع
فما في الوسع أبلغ من كدي... لا صبر لدي على إطالات مبينة و ما أسعفت الإيجاز بلاغة... غير إنني قد تشنفت أذني ب(الزول الوسيم) ما لا تحسب و لا بتعد... غاية البسط و الإمتنان. غرقان في بحور حور العيون... والحمد آلاف...
دمتم و دامت الفضائل أخوكم المستمتع بكم تب: هاشم الحسن **** بآخره: إنتو يا أخوّانا جاكم الهدام و لّه شن خبركم؟؟؟ البوست أكان حداشر بقى تسع صفحات!!!
الأستاذ أبو الحسين أنت البوست دا مفصلو من "باطستا" مالو ياخدلو "كَشَّة كَشَّة" كل مرة ، فجأة نقص من 11 صفحة لي 9 لكن مضون الصفحات ياهو ما نقص "عليك بالزكاة"
الأستاذ طارق الأمين سلام لي سؤال صغير ، هل أنت طارق المحامي "زول الديم وفرقة الطرب" "قريب سيد العوض" فإن كنت من تخيلت لك السلام وإن لم يكن ذلك ، في كل الأحول لك الود يس محمد يس
الأستاذ أبوهاشم تشكر على هذه الروائع والآن نتوجها لك باللحن الأستاذة حنان النيل
Post: #1059 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: هاشم الحسن Date: 03-13-2007, 04:45 AM Parent: #1057
Quote: الأستاذ طارق الأمين سلام لي سؤال صغير ، هل أنت طارق المحامي "زول الديم وفرقة الطرب" "قريب سيد العوض" فإن كنت من تخيلت لك السلام وإن لم يكن ذلك ، في كل الأحول لك الود
سلام يا دكتور يس و تحايا. الأستاذ طارق الأمين، ظنيتو كل ذلك الذي ذكرتم، ثم هو المبدع الأعظم في فرقة المبدعين العظام (الهيلاهوب)! فإن صدق ظني يا استاذ طارق، و ظنيتو بصدق، فبالله هل تبلغ صديقنا مأمون العجيمي بهذا الجمال و تخليهو اليجي و يقرالنا الفاتحة و يدينا البركة و يؤمن على دعواتك دي.
Quote: يا ابو الحسين اريت بيتك مبااااارك
باقي صاحبنا زولن مبروك و مبارك
Post: #1060 Title: Re: الشـــــــــــــايقية... كما جابها أبو هاشم فوق... أم الخير Author: هاشم الحسن Date: 03-13-2007, 04:54 AM Parent: #1059
Post: #1069 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-14-2007, 03:28 PM Parent: #1057
Quote: الأستاذ أبو الحسين أنت البوست دا مفصلو من "باطستا" مالو ياخدلو "كَشَّة كَشَّة" كل مرة ، فجأة نقص من 11 صفحة لي 9 لكن مضون الصفحات ياهو ما نقص "عليك بالزكاة"
الله يجازي محنك يا دكتور/ ياسين... ضحكتني وذكرتني أيام كريمة وباسطة الخميلة...
الشئ دا زادو عدد مداخلات الصفحة بدل 100 عملوها 130 عشان كدي المداخلات إنضايَرن كدي لا جُوة...
الأستاذ هاشم الحسن سلام شكراً للايضاح بخصوص طارق الأمين ان بقى ياهو بيجينا أبوالحسين بالخبر اليقين لانو قريبو تحياتي لصديقي الأستاذ سيد العوض المحامي
أبو الحسين سلام شوفلك "عنبلوك" للزريعي دي
Post: #1068 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-14-2007, 11:43 AM Parent: #1061
Quote: الأستاذ هاشم الحسن سلام شكراً للايضاح بخصوص طارق الأمين ان بقى ياهو بيجينا أبوالحسين بالخبر اليقين لانو قريبو تحياتي لصديقي الأستاذ سيد العوض المحامي
د. ياسين... وأُستاذ/ هاشم...
سلامات... وتسأل منكم العافية...
طارق الأمين ـ المحامي دا ياهو ذاااااااااتو طارق ود أختي (طارق الهيلاهوب)... وود أخت الأُستاذ/ السيد العوض المحامي... له وعبره لمولانا سيد سلامات سلامات...
ونقول لي طارق واصل معانا إبداع... وبالأخص القصص الهيلاهوبية ـ الشايقية... فهي تعالج قضايا مهمة جداً...
Post: #1063 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-13-2007, 07:33 AM Parent: #1
اللللللللله يديك العافي ويكرمك يا الخليفة ود هاشم...
عليك الله شوف حلاة ها المحِّينة دي... وحلاوة الشليخات فوق الحبوبة دي... وسبحان الله هسع تلقى أي واحد فينا إتذكر حبوبتو... فهذا الملمح الجميل يا حاتم أخوي هو شبه كل حبوبة... الله يرحمك يا حبوبة الحاجي وحبوبة نفيسة النافعابية ويخليلكم حبوباتكم الحياة ويرحم المات منهن يااااااااارب...
كميات مودتي...
أبو الحســـــــــين...
Post: #1064 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-13-2007, 09:04 AM Parent: #1
Quote: العمدة ود بليلو ذلك الفحل المعروف من الصعيد للسافل عمدة حجر العسل كريم وهميم وللقبائل من جم دخري وركازة في المحل والتساب.... ماركب مركبة ألا وفا حقها جت علي وما جلس في مكان ولا خلص حق الكل الداين والمديون الفي آيدو مي حقتو لذا فتح الله عليه ابواب الرزق ديمة عامر وما بنابر ويتفشر بكرمو ولكن دا الشئ المعروف عنه.. هو سيد مجكر الديوان وثابت اب قلب .. هو قبلة الغشاي والماشي والدربو طويل وملاذ البهاتي والبتاتي ... ودراج العاطلة والفترانة والموغوذة والمطعونة ... ما بنقول كريم لكن هو الكرم والفال والزين والسمح بالحيل ولا يقل عنه اب شامة ومحمدانة التوم... أؤلئك رجال قد مضو... وين نحن منهم... لا نستطيع ألا محاولة تقفي اثارهم في بعض وان فعلنا فذاك هو الفوز في زمننا هدا لك اخي الفاضل كل الاحترام والتقدير
اخوك خالد محجوب
وفي تقفي أثرهم إبن عمي الخير والبركة... والسير نحو الإتجاه الصاح...
ومن تشبه بقومٍ فهو منهم... ناهيك عن من يأتي من صلبهم... والتحية والتجلة والتقدير لكل آل العمدة ود بليلو وأب شامة ومحمدانة التوم... ولهم الرحمة والمغفرة والثناء الحسن والجوار الجميل مع الرتاي باليتاما وعطاي العداما ومنجي الأُمة وماحي الغُمة حبيبنا المصطفى صلى الله عليه وآله وسلم...
ولك عزيزي ناثر هذا الألق الجميل تعظيم سلام...
كميات مودتي...
أبو الحســــــــين...
Post: #1065 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-13-2007, 11:28 AM Parent: #1
Quote: في مرة من المرات يحكي لي أُستاذي ود حُمد إحمد الشايقي (الشاعر) عن ذكريات زمان فقام قال لي... وود حمد إحمد دا العوض ود التومي عمو أخو أبوه...
قال لي...
قبل الإتحادي الديموقراطي دا ما يتلم كان حزب السيد علي براهو وحزب أزهري براهو... أها قال لي أنا (يعني ود حمد إحمد) كنت وطني إتحادي وغيري بس نفرين ولة تلاتة في المقل كلها... من ضمنهم العوض ود التومي... لكن كان داسَّها... قلت ليهو ليش كان داسها؟؟... قال لي لأنه كان من الرجال القداميين في البلد... وكونو يخالف طائفة الختمية دي وقعة صعبة خلاااااااااس يقع فيها... عشان كدي قال لي هو كان أفكارو وطني إتحادي لكن قدام الناس ختمي علي السكين...
أها واصَل حديثه قال لي أنا كُنت شغال موظف في ورشة الحوض في بورسودان وبنزل البلد كل سنة إجازة... وفي البلد كنا بنتقابل نحن جماعة أزهري وذكر لي معاهُم كان حسن حماد عطية الله يبارك في أيامو... وواحد من ناس ود سوركتي (نسيتو ـ إن بقى مات الله يرحمو وإن بقى حي الله يديهو العافي ويبارك في أيامو)... بس التلاتة ومعاهم عمي العوض ود التومي...
أها الحصل شنو... دي لامِن أجيكم المرة الجايي إن بقى ربنا حيانا...
إخوتي الكرام...
أواصل ليكم ما انقطع من سيرة ذكاء عمنا العوض ود التومي الله يرحمه...
أها يحكي لي أُستاذي محمد ود حُمد إحمد... قال لي كُنا كلما ننزل البلد نقيم نشاطاتنا لكن بالخفاء أنا وحسن حماد وود سوركتي بدعم من عمي العوض لكن تحت تحت زي ما قلت ليكم...
وطبعاً للمعلومية... الجماعة الكانو تابعين لأزهري ديل هم ما كانو كتار... وكانو في البلد في الزمن داك بيسموهُم (المُنكِرين)!!! وكان المداح والشعراء يستهزءوا بيهم لخلافهم للسادة أهل البيت... يقول الحسن ود أب كروق الله يرحمو...
يا منكر بخاف جنيت... وتابى السادة أهل البيت... وأخير مِنُّو الكديسي أُم خيت...
وفي بعض الناس المتشددين شديد... بيخرجوهم خارج الدائرة الإسلامية... تخيلو!!!
أها ود حمد إحمد دا قال لي... درجة العداوة ممكن ما يتكلموا معاك ويخاصموك وحتى ما يزوجوك... وحكى لي قصة معاناته لزواجه من (أُم مجدي) بنت عمنا حاج أحمد ود أب شوك (الله يرحمه ـ أمااااااااااني كان راجلاً أجواد وبجيكم لي سيرتو العطرة لي قدام)... وكان من الختمية الجد جد.. وكان مادح للمصطفى صلى الله عليه وسلم مع أبناء أخته أولاد ود أب كروق (اللهم يرحمهم جميعاً)... بالرغم من ذلك قَبِل بزواج ود حُمد إحمد (الأفندي الجايي من بورسودان)!! لي بنتو فقاموا الجماعة دايرين يقاطعوهو... وحكى لي نكتة جميلة خلااااااااس هني... قال لي لمن مشيت أخطب بت حاج أحمد في الأول رفض... لكن عشان عمي العوض كان راجل قدامي طبعاً في البلد... قام حاج أحمد قال للعوض عرس ود أخوك دا من بنتي يجيب لي العداوات في البلد... تخيلو لي درجة شنو كانو المنكرين مكروهين في البلد!!! فالمهم في الآخِر قِبل...
والقصة الطريفة وين... قال لي لمن السادة البادياب (مُدََّاح السادة الختمية وأهل مسجد الختمية في البادياب)... سمعو بالخبر قامو جُوهُو... وُشدو معاهو في الكرام بالرغم من إنه هو خالهم... لكن الحدث كبير خلااااااااس كون يزوج بت الخلفاء لي منكر في ذلك الوقت... وقالو حاج أحمد دا ساااااااااكت... واتكلموا معاهو وشدو عليهو لامِن حرقو روحو...
أها قال لي بلا قام حاج أحمد دا دخل لا جُوة الناس ماهُن عارفِنو داير يسوي شنو؟؟؟ فجأة قالو طلع فوق راس الباب حقو... الفاتح لا تحت داك علي النيمات والناس كانت متجمعة في السهلي (السبخة) التحتهم ديك... طبعاً دا أكبر حدث... كيييييييييف حاج أحمد (البيتعتبر من كبار الختمية في المقل) يزوج بتو للمنكر دا؟؟؟ أها قال لمن طلع فوق الدرايي حقِت الباب كُورك بي أعلى صوتو... يا ناس المقل هوووووووووووي... حاج أحمد ود أب شوك بقى أكبر منكر وفارق السيد علي وتِبِع ازهري!!!... أها دي كانت للسادة البادياب أكبر طامة كونو ود أب شوك يبقى منكر أصعب ليهم مية مرة من زواج المنكر لي بت أخوهم الختمي... أها الحصل شنو... وهل إستمر عمنا حاج أحمد منكر لامِن إتوفى رحمه الله... دي لامِن أجيكم راجع... إن بقى الله حيانا...
بسم الله الرحمن الرحيم سلام ياهلنا... يسوقنى الشوق ............... للشاعر... احمد سليمان طه ............................ اداء المبدع... صديق احمد ...............................
يسوقنى الشوق واجيكم مانى زاير اريت رزقا يغرب سيدو طاير اجيكم والحنين كاسحنى سيلو يلاقيكم قليبى يبل غليلو يزيل حزن السنين الهد حيلو سنين محسوبه من غيركم خساير اضوق طعم الحياة الطولته فاقدو واحس فرح الصغير الضمه والدو كبيرنا على صغيرنا الا قى اقالدو واجى البيت زى عريس جايبنو ساير اشوف الحلى وانعم بى لقاها وازور ود زينب الحارس حماها واقيف وسط الجروف وانشق شذاها مهبهب دابو فيها اللوبى ناير سنين ليمتنا فوق القوز نعيده زمن كان العمير افراح وريده يرن طنبوري للافراح يزيده ويبوح بى حبو لى ست الضفائر. ............................. تحياتي... حاتم هاشم.
Post: #1066 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-13-2007, 04:20 PM Parent: #1
د. ياسين..
زِرِّيعْتَك دي إستوت خلاااااااااااس يا اخوي...
ما أظن ترجى أخفِس علي حلة أعمامي التُكيَّاب لا فوق أجيب لي عَتُود شئ!!
بسم الله الرحمن الرحيم سلام ياهلنا... ارجوك يا نسيم ................. للشاعر... عبدالرحمن الحسينابى ................................... غناء المبدع... الاستاذ صديق احمد .....................................
يا ماشى البلد بوصيك بالحبان صديق وصديقه لا تنسى الحسيناب جمله جيب لى من فلانى وريقه ارجوك يا نسيم فد مره لو بالصدفه تغشى فريقه لا تكتر عتابك ليها مابتقدر حبيبتى رقيقه قول ليها طال عذابو زمن يشابى مافى ليهو طريقه يساهر الليل يعد نجماتو يسال ما عرفلو حقيقه يا حليل البلد يا امونه قيزانا وسبح دفيقا وايامى المعاكى قضيت كيف نور طريقى بريقه يا شتيله جروفنا العامرى ضارب فى المحنه عريقا من عنبك شربنا الريده شبت فى قلوبنا حريقه انا ان كان مو الظروف القاسية كيف فرقة عيونك اطيقا ساعة العيشى تجبر سيدا ينسى عقابو الله يعيقا. ............................. تحياتي... حاتم هاشم.
Post: #1072 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-14-2007, 06:39 PM Parent: #1
Quote: يا ماشى البلد بوصيك بالحبان صديق وصديقه لا تنسى الحسيناب جمله جيب لى من فلانى وريقه
الغالي أبو هاشم...
تحياتي يا اخوي... وعبرك التحية لشاعرنا الحسينابي...
وأسمح لي أحول الرباعية دي لدكتور/ ياسين للتحليل والتعليق...
مع كميات مودتي... وإخوتي الكرام... الرجاء زيارة الرابط أدناه... لنرى ماذا قِيل في حق الخليفة أبو هاشم الرجل النسمة بيننا... له التحية ولخاله ود المنسي التجلة والتقدير... ومن أبي الحسين تعظيم سلام ليكم يا شباب... حاتم هاشم
Quote: علا يا ود عمتي، إت ماك ود بنادر متلناـــ فمن أين لك بي كدي يا زول؟؟ فأنا ابن بندر كسلا ارضعتني التاكا من رضاب توتيل فما إنفطم، و تربطني وثائق وثيقة بأهلها و كلهم أهلي و تيلادي، و ببوادي الهدندوة و البجاة في القاش و عموم شرق بلادي، و الذين هم أخوالي البهاليل و عمد فخري المغزول من شمم ذراهم و الآباء النحارير............
غزيلة يابا الحسن يا الزين غزيلة قول ليها الملاقا متين متين العين تشوف العين
أنا بدأت الدارسة لمدة شهر في مدرسة الحامية بكسلا وبعدها كان الوالد نزل المعاش .. رجعنا لشندي ...بالمناسبة انا اعيش في مدينة شندي لك التحية ابن الخال والسلام تعظيم لشيخنا ابوالحسين الذي جمعنا باهل لنا
Quote: الحبان الأستاذة ود المنسي وهاشم الحسن خباركم دايرين تشخلو البوست "T" أحب شندي "وحي الزهور الفاتح على محطة الكهرباء" عندي صديقي خالد بن المربي الهادي أحمد الشفيع لكما الود واصلو لامن تجيكم الضرائب ابا الحسين حا اجيك للمقاطع تحية للكلس أبي هاشم
العزيز دكتور ياسين سنجك مية واربعطاشر لك التحية يا دكتور وعلك عافي أعذرنا يادكتور ال T برضو تصير شلوخ لا وراء تلاتي زي شلوخ الحاجة الفوق دي بس الحديث مع الحبيب هاشم الحسن هيج علي اشجان في غربتي ... وفتح لي طاقة هب لي منها نسايم من شندي وضواحيها ... الله ايديك العافي يا دكتور جيت جب سديت الطاقي أها تاني يلوتو لينا كان جبنا سيرة البلد
الأستاذ خالد المنسي سلام بعد تفيق من سماع الغنية أعلاه جهز وطرق قلمك لتحليل قصيدة الشاعر الذي كانت صرخاته الأولى يوم ولادته موزونة ومقفاة الدكتور محمد بادي "شيخنا ود الشايقي يا الشيخ البجم" خلف زرازير السجم وحدين أساميهم عرب وحدين أساميهم عجم بدأ بمحمد ....... ............. .............. ثم سمى في الختام عبد مالك الملك ذو الجلال والإكرام
حا انزلها ليك بكرة حتى ذلك الحين لك السلام ولكل المتداخلين والمتصفحين
Post: #1079 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-15-2007, 07:59 AM Parent: #1
Quote: الحبان الأستاذة ود المنسي وهاشم الحسن خباركم دايرين تشخلو البوست "T" أحب شندي "وحي الزهور الفاتح على محطة الكهرباء" عندي صديقي خالد بن المربي الهادي أحمد الشفيع لكما الود واصلو لامن تجيكم الضرائب
عجبني رد أُستاذ/ خالد وماني داير أزيد عليهو أي شئ...
أما الضرائب الحوش دا ضرايبو مدفوعة مقدماً يا اخوي أحكُو تَبْ!ّ!!
كميات مودتي... وكيف عجبتني رائعة صديق أحمد دي يا دكتور الله يديك العافية...
يا هلا بيك وربنا يديمها عليك نعمة البسطة دي قول آمين...
كميات مودتي...
أبو الحســـــــــين...
Post: #1081 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فدوى الشريف Date: 03-15-2007, 09:45 AM Parent: #1
ما أروعك ممزوج بي عرق النضال ما أجملك والطيبه في عينيك جمال ما انبلك وانت الكتبت عن الشمال
جمال أبريده الشهير بابو الحسين تقف الكلمات مترنحه ومستحيه ماذا تكتب عن ابداع رسمته وبصمت به اناملك البديعه عن الشمال وعن الشايقيه ومناطق الشايقيه ونحن نقف بشقف بالغ كل خميس في انتظار صحيفة الخرطوم لنري ونقرأ ماتكتبه وتقدمه انامل الرائع ابو الحسين علي العموم ماعايزه اطول عليكم فقط اليكم ماكتب عن مناطق المقل والأراك والحُلم الذي تحقق ونواصل ....
Post: #1095 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-17-2007, 03:42 PM Parent: #1081
Quote: ما أروعك ممزوج بي عرق النضال ما أجملك والطيبه في عينيك جمال ما انبلك وانت الكتبت عن الشمال
تسلمي بتنا فدوى على هذه الكلمات المضيئة في حق جمال أبريدة... الذي هو ليس إلا ناطق بإسمكم إخوتي وأخواتي الكريمات أعضاء ورواد هذا الحوش...
والتهنئة عبرك أرسلها للأخ د. ياسين محمد ياسين وأقول ليهو خلاااااااااص الأراك نورت من الزغولة للضيقة...
وشبكة الجوال بعد كدي ترسل ليك لاب توب للفُقراء وتحكي ساااااااكت عبر النت... والحمد لله نعمة نرجو دوامها عليهم يااااااارب...
جمال ابريده يستاهل كل جميل وكل خير والي الامام دوما عزيزنا ابو الحسين ودي وتقديري . . . . . . . طلب خاااااص لحاتك هاشم بث ود النصري ( معزور) ويارت تكون من النوع البيتنسخ عشان انسخها عندي واكون شاااااااااكره ابو الحسين خليك واسطه خالص محبتي
Post: #1082 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فدوى الشريف Date: 03-15-2007, 09:51 AM Parent: #1
اليكم المقال كما أوردته صحيفة الخرطوم اليوم الخميس
مناطق المقل والأراك والحُلم الذي تحقق
ما إن دارت عجلات وابورات كريمة في ثمانينات القرن الماضي مُعلِنَةً بداية عصر الكهرباء والنور في محافظة مروي إلا وكان لسان حال أهلنا في مناطق ما بعد قرية (البخيت) المقل، الحجير، الأراك ومنظومة القرى إلى منطقة كوري.. متين نورك يا كريمة يجينا ينوِّر كُبسة ليالينا... كُنت كثيراً ما أسمع جدتي نفيسة النافعابية (رحمة الله عليها) تترنَّم بهذه الأبيات وهي تغسل في زجاجة فانوسها الصغير تمهيداً لتعبئته بالجازولين لمعركةِ ليلٍ حافِل بدخانه الذي ينبعث من جنباته مُحدِثاً أسراباً من الخيوط السوداء على الحائط المطلي بالجير الأبيض... وبحمد الله وتوفيقه تم إكتمال الخط الناقل للكهرباء من مدينة كريمة إلى تلك المناطق وتمت الإنارة بعد أن تضافرت الجهود الشعبية والرسمية إبتداءاً بجهود الإخوة في اللجان الشعبية والمجلس المحلي والولاية بدنقلا وكان الدعم الرئاسي ملموساً حيث كانت هناك عدد من الزيارات الشعبية لنائب رئيس الجمهورية السيد علي عثمان طه وكانت توجيهاتهم ودعمهم المادي والمعنوي محل تقدير وإحترام ودفعة قوية للوصول إلى المُبتَغى... السؤال الذي يجب طرحه هو ماذا بعد وصول التيار الكهربائي لتلك المناطق؟ هذا السؤال يطرح نفسه وإجابته تقع على عاتق مُزارعي المنطقة حيث حبى الله تلك المناطق بأراضي زراعية واسعة يمكن إستغلالها الإستغلال الأمثل لتحقيق شعار حكومة الولاية الشمالية بتوطين القمح والمحاصيل الحيوية بالولاية... ختاماً... يحق لأهالي تلك المناطق أن يفرحوا وهم يستقبلون هذه الشموع غزيرة الضوء ويودِّعُون حِقَباً من الظلام الذي كان مُخيِّماً على تلك المناطق مؤكِّدين العزم بأن لا رجوع إلى الخلف ومستقبلين آفاقاً جديدة من التنمية في شتى المجالات...
جمال أبريـــدة ـ السعودية ـ المنطقة الشرقية
ختاما لايسعني الا أن اتقدم عبركم بالتحيه للرائع جمال ابوريده ( ابو الحسين ) ولمبدعي جريدة الخرطوم وتحية خاصه للأُستاذ/ أحمد علاء الدين مُحرر صفحة بانوراما الشمال... الذي جعل كل همه قضايا الشمال والتنمية فيه... والي الامام دوما ودي وتقديري فدوي
Quote: اليكم المقال كما أوردته صحيفة الخرطوم اليوم الخميس
مناطق المقل والأراك والحُلم الذي تحقق
ما إن دارت عجلات وابورات كريمة في ثمانينات القرن الماضي مُعلِنَةً بداية عصر الكهرباء والنور في محافظة مروي إلا وكان لسان حال أهلنا في مناطق ما بعد قرية (البخيت) المقل، الحجير، الأراك ومنظومة القرى إلى منطقة كوري.. متين نورك يا كريمة يجينا ينوِّر كُبسة ليالينا... كُنت كثيراً ما أسمع جدتي نفيسة النافعابية (رحمة الله عليها) تترنَّم بهذه الأبيات وهي تغسل في زجاجة فانوسها الصغير تمهيداً لتعبئته بالجازولين لمعركةِ ليلٍ حافِل بدخانه الذي ينبعث من جنباته مُحدِثاً أسراباً من الخيوط السوداء على الحائط المطلي بالجير الأبيض... وبحمد الله وتوفيقه تم إكتمال الخط الناقل للكهرباء من مدينة كريمة إلى تلك المناطق وتمت الإنارة بعد أن تضافرت الجهود الشعبية والرسمية إبتداءاً بجهود الإخوة في اللجان الشعبية والمجلس المحلي والولاية بدنقلا وكان الدعم الرئاسي ملموساً حيث كانت هناك عدد من الزيارات الشعبية لنائب رئيس الجمهورية السيد علي عثمان طه وكانت توجيهاتهم ودعمهم المادي والمعنوي محل تقدير وإحترام ودفعة قوية للوصول إلى المُبتَغى... السؤال الذي يجب طرحه هو ماذا بعد وصول التيار الكهربائي لتلك المناطق؟ هذا السؤال يطرح نفسه وإجابته تقع على عاتق مُزارعي المنطقة حيث حبى الله تلك المناطق بأراضي زراعية واسعة يمكن إستغلالها الإستغلال الأمثل لتحقيق شعار حكومة الولاية الشمالية بتوطين القمح والمحاصيل الحيوية بالولاية... ختاماً... يحق لأهالي تلك المناطق أن يفرحوا وهم يستقبلون هذه الشموع غزيرة الضوء ويودِّعُون حِقَباً من الظلام الذي كان مُخيِّماً على تلك المناطق مؤكِّدين العزم بأن لا رجوع إلى الخلف ومستقبلين آفاقاً جديدة من التنمية في شتى المجالات...
جمال أبريـــدة ـ السعودية ـ المنطقة الشرقية
ختاما لايسعني الا أن اتقدم عبركم بالتحيه للرائع جمال ابوريده ( ابو الحسين ) ولمبدعي جريدة الخرطوم وتحية خاصه للأُستاذ/ أحمد علاء الدين مُحرر صفحة بانوراما الشمال... الذي جعل كل همه قضايا الشمال والتنمية فيه... والي الامام دوما ودي وتقديري فدوي
الأخت فدوى الشريف، العزيز جمال ابوريده ( ابو الحسين )
قد دمرت الحكومات المتعاقبة شمال السودان استيقظوا طريق شريان الشمال بدأ عام 1983م بالجهد الشعبي الخالص ومن هوان الغربة تم تأسيس شركة شريان الشمال ليتولى تكملة هذا الطريق وبقدرة قادر تحولت الشركة التي تم تأسيسها على عاتق أبناء الشمال الى مؤسسة وقفية تحت إدارة بعض رموز النظام . مشروع توطين القمح مجرد دعية حكومية للإستهلاك وتم إستجلاب قرض بقيمة 120مليون دولار من بنك التمية الإسلامية (جدة) ولا ندري أين ذهبت هذه الاموال لأن المساحات المزروعة قمحا تقلصت أكثر من النصف منذ مجيئ الإنقاذ وقلة الإنتاجية لشح مدخلات الانتاج وإرتفاع التكلفة وزيادة أسعار الوقود لعشرات ورفع الدعم الحكومي مع سياسة التحرير وفرض الضرائب الباهظة التي جعلت معظم المزارعين يهجرون حقولهم وبيوتهم ويلجأون للإغتراب بحثا عن لقمة العيش خزان (مروي) التكلفة كما ذكرت 1.6 بليون دولار تم توقيع إتفاقية الخط الناقل للكهرباء على اربعة مراحل من مروي لعطبرة 2 من مروي الخرطوم 3 من مروي بورسودان 4 من مروي دنقلا الخزان في الولاية الشمالية ونحن من سيكتوي بالآثار الجانبية لقيام هذا الخزان وإغراق لمزارعنا وبيوتنا وآثارنا حتى الاموات في مقابرهم لم يسلموا من قيام هذا السد والمواطن المسكين لم يستفد شيئ الامدادات الكهربائية ستصل الخرطوم وبورسودان ومواطن الولاية الشمالية لا يستحق حتى الكهرباء المنتجة في ارضه الفلل الفارهة في الاحياء الراقية في ولاية الخرطوهي تستحق نزح مواطن الولاية الشمالية منذ عقود من الزمان وأضطر للهجرة خارج الوطن في أصقاع العالم وبإرادته وجهده وعرقه الخالص أستطاع أن يوفر لنفسه مسكنا يليق بما ضحى به من هوان الغربة أما النازحين الذين لم يغتربوا او اغتربوا ولم يوفقوا فستجدهم في أطراف ولاية الخرطوم الكلاكلات والحاج يوسف وغيرها من الاحياء الطرفية والمآسي والمظالم التي يعيشها مواطن الولاية الشمالية لا تحصى ولا تعد
بسم الله الرحمن الرحيم سلام ياهلنا... يانسمة مين غيرك .................. للشاعر... الفاتح ابراهيم بشير ................................ اداء... ثنائي العامراب ...........................
يانسمه مين غيرك يكسر حواجز البين يتحفني بي اخبار مريودي نور العين طولته مستني يكتبلي لو سطرين يحكيلي كيف حالو وان شاء الله هو زين مفروض يكاتبني مهما اكون انا وين حسب اتفاقنا الكان يوم كنا متفارقين رسلته مكتوبين ما جاتني أي ردود ان شاء الله مانعو هو خير لا يبقى صد وجحود يا حليلي انا الممكون وصابر على ناري وكل ما ادس حزني تفضحني اشعاري وكل العلي والبي اسبابو من جاري ويومي الاقصر انا ما بيقبل اعزاري يا نسمه قوليلو الحال وراك مايل والليل بلاك ليلين وديمه الدمع سايل قوليلو يومك داك يومي البقيت راحل ماقلت لي الرد ماتشيلو هم واصل يا نسمه عارفاني مكتول ضناني الشوق للبلد من جم صلحاب كري والسوق عمرابنا والقوزين ليهن سلام مطبوق خاصه المحطه تحت وقز ام شديرة الفوق شوق البلد جواي يا نسمه ازاني عديل خلاني ابكي وانوح كل ما اشوف النيل اطرى الجروف والناس تنزل دموعي تسيل يمارى لي منظر منقه و قرين ونخيل يا نسمه شفتي البي وتابعتي بالتفصيل ارجوكي سافري خلاص واوعك من التاجيل برجاكي فوق نارين حزني وظلام الليل وبصبر لي يوم يومين فيها الله بيه كفيل. ....................... تحياتي... حاتم هاشم.
Quote: الأستاذ خالد المنسي سلام بعد تفيق من سماع الغنية أعلاه جهز وطرق قلمك لتحليل قصيدة الشاعر الذي كانت صرخاته الأولى يوم ولادته موزونة ومقفاة الدكتور محمد بادي "شيخنا ود الشايقي يا الشيخ البجم" خلف زرازير السجم وحدين أساميهم عرب وحدين أساميهم عجم بدأ بمحمد ....... ............. .............. ثم سمى في الختام عبد مالك الملك ذو الجلال والإكرام
حا انزلها ليك بكرة
سنجك مية واربعطاشر سلام كيفك علك طيبة الشيخ ود الشايقي وأمثاله في السودان كُثر ... صلى الصبح بآيات طوال مر بي بالمال والبنو فتبسم ثم ايات الطلاق فتجهّم ثم ايات الزواج فإذا ما قرأ مثنى وثلاث ورباع وقف الشيخ طويلا كما فعل الضباع وبكى ملئ العيون البقرية وشهيق كالدجاجة البطرية
الذين اكلوا وشبعوا ونام قريري العين هم بطانة السلطان وزمرة الديكتاتورية فاما المهمشين في الوطن وخارج الوطن سيزلزلون الارض تحت اقدام الديكتاتورية ومشايعينهم من الازلام التابعين انهم فى ضلالهم يعمهون انهم يجهلون بان الطامة الكبري عندما تاتي قد لاتبق ولاتذر هي قادمة من كل الفجاج ورياح التغير تهب عاصفة وساخنة ولكنها من كل الجهات ...فاي منقلب ينقلبون
Post: #1090 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 03-17-2007, 00:42 AM Parent: #1089
Quote: واصلو لامن تجيكم الضرائب ابا الحسين حا اجيك للمقاطع تحية للكلس أبي هاشم
بدأً نطلب الاذن يا ابوالحسين والسنجك دكتور ياسين .. والله ضرائب الجواز ما عندنا ...القصدية دي بتفرفر في جواي ليها زمن وكُل ماتدور تتطلع نصدها في حشانا سلام أهل الحوش ضُمّه والزوار الكرام وكل محبي ماضي وحاضر ومستقبل الشاقية المشرف بإذن الواحد الأحد.
رائعة الشاعر الكبير محمد المهدي المجذوب
ليلة المولد
قصدت تناول هذه اللوحة الفنية المتكاملة لمعرفتي المسبقة أنها سوف تقع في خيت الحبيبن أبوالحسين وحاتم الدكتور وكذالك قطع شك الكثير من زوار الحوش الجميل هذا ... وصف محمد المهدي المجذوب ليلة المولد ( رحمه الله واسكنه فسيح جناته ) وصفاً جعل كل حرف فيها يعطي القارئ والمستمع لوحة متفردة رائعة الجمال عن تلك الليلة المباركة مولد سيد المرسلين وخاتم النبين صلى الله عليه وسلم حباً وهيام وأقتداء لرسولنا الكريم أود أن نتشارك في تفنيد هذه الابيات الجميلة والكل مدعو للمشاركة وقطع شك يا دكتور ياسين جرابك مايخلو من القصيدة بصوت المبدع عبدالكريم الكابلي ...
عذراً احبابي سوف اقوم بكتابة القصيدة كاملة... وسوف أنهج أن أجعل القافية حرف بدلاً من التشكيل (( أعني في نهاية كلمة القافية ))
ليلة المولد
صلي يا ربي على المدثرّي وتجاوز عن ذِنوبي وأغفري وأعنّي يا ألاهي بمتابٍ أكَبري فزماني ولعٌ بالمُنكرّي الله الله الله ...الله الله الله
أيكُون الخير في الشر إنطوى والقوى خرجت من ذرةٍ هي حبلى بالعدم أتُراها تقتل الحرب وتنجو بالسَلم ويكون الضُعف كالقوة حقاً وزِمامَ سوف ترعاهُ الأمم وتعود الأرض حباً وإبتسامة
ربي سبحانك مختاراً قديرا أنتَ هيئت القدر ثم أرسلتَ نزيراً للبشر آية منكَ ونورا هو عين الله لولا ضَوءهُ لم نرى العالم في شتى الصور صلي يا ربي على خير البشر الذي أسرجَ في ليل حِراء قمراً أزهر من بدر السماء يقْرأوا الناس على أضوائهِ حِكمة الخلق وأسرار البقاء من إلهٍ قد هدى بالقلمِ علم الإنسان مالم يعلمِ
صلي يا ربي على المدثري وتجاوز عن ذنوبي وأغفريِ وأعني يا ألاهي بمتاب أكبرِ
ليلة المولد يا سر الليالي والجمالي وربيع فتن الأنفس بالسحر الحلالي موطن المسلم في ظِلكِ مشبوب الخيالي طاف بالصاري الذي أثمر عنقود الثناء كالثريا ومضى يُخرجه زياً فزيّا وزها ميدان عبدالمنعمي ذلك المُحسن حياهُ الغمام بجموعٍ تلتقي في موسمِ والخِيام قد تبرجنَّ وأعلنَّ الهيام
وهنا حلقة شيخ يرجحنُّ يضرب النوبه ضرباً فتأنو وترنو ثم ترفض هديراً أو تجنّو من حواليها طبولٍ صارخاتٍ في الغبارِ حولها الحلقة ماجت في مدارِ تحت رايات طوالي كسفين زي سواري في عُبابٍ كالجبالي
وتدانت أنفُس القوم عناقاً وصطفاقا وتساقّو نشوة طابت مذاقا ومكان الأرجل والولها طيورو في الجلابيب تثورو وتدورو وتدورو جلَ جلالو الله الله .. جلَ جلالو الله الله
وعلا فوق صدى الطبلِ الكريري كُل جسم جدول فيه خريري ومشى في حلقة الذكر فتوري لحظة يزهل فيها الجسم والروح تنير وعيون الشيخ أغُمضنا على حُلمٍ به كون كبيرُ
صلى صلى ياربي .. صلى صلى على النبي صلى صلى والمقدم يتقدم يرفع الصوت عليِّا والمقدم قد تقدم يقرع الطبل حنيّا وأستقامت حلقتّهُ وانحنت حين إنحنى والطبل نارٌ تطضرم وتصدى ولد الشيخ وترجم حيث للقطب حضور وتهدم وينادي منشداً شيخاً هو ودتمساح يحمي عرشهُ المضفور من موج الدميره ندبوه للملمات الخطيره
شاعراً أوحى له شيخ الطريقة زاهدٌ قد جعل الزهد دائماً وله من رقُع الجُبة ألوان الحديقة والعصى في غربة الدنيا رفيقة ولهً من سِبحة اللالوب عقدُ ومن الحِيران جندُ ولهُ طاقية ذات قروني نهضت فوق جبين واسع رققهُ ضوء اليقيني
Post: #1097 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-17-2007, 06:21 PM Parent: #1089
الحِبيّب إبن العم... يحيى...
تسلم يا اخوي على مرورك... وحماسك للتعمير والتطوير للمنطقة...
وإنشاء الله بجهود أبنائها ستكون الشمالية فوق... فقط تضافر الجهود سوياً...
كميات مودتي... وتشكرات على مرورك...
أبو الحســــــــين...
Post: #1092 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-17-2007, 08:58 AM Parent: #1
Quote: ليلة المولد
صلي يا ربي على المدثرّي وتجاوز عن ذِنوبي وأغفري وأعنّي يا ألاهي بمتابٍ أكَبري فزماني ولعٌ بالمُنكرّي الله الله الله ...الله الله الله
الغالي جداً خالد المنسي...
حقيقي تعرف من أين تستهوي أبو الحسين والخليفة أبو هاشم...
أبو الحسين هواهو شرقي يا اخوي... ومكتووووووووووول في طيبة الطيبة...
لكن عليك الله شوف عظمة المجذوب دا وتواضعوا... وهذه دائماً شيمة أهل العلم والصلاح والتُقى... تجدهم يجعلون أنفسهم في موضع الضعف والخسارة والبوار...
يقول أحدهم...
من عبداً حقيراً خشمو نقَّاقُو...
أنظر كيف وضع هذا الشاعر نفسه... عبد وحقير وفوق ذلك كله نقناااااااااق ونقااااااااااق...
فشاعرنا المجذوب بدأ بالصلاة والسلام على المدثر المزمل أبو القاسم سيدي أبي الزهراء محمد رسول الله... صلى الله عليه وآله وسلم...
ثم سرد حالته لربه مستنجداً به للمغفرة والرحمة ووصف حال زمانه حتى يعصمه الله تعالى من فتن وشرور الزمن... وتواصلت بعد ذلك دُرره المنثورة في الوصف الجميل لحالة الذكر والذاكرين... وحلقات الطار والنوبة ولا إله إلا الله...
الأحباب الكرام سلام أنقلكم إلى عالم الحلمنتيش ونستمتع بما قاله الدكتور محمد بادى في حق ود الشايقي المزواج هذا (القصيدة كبيرة جداً) الملف كبير جداً لذا تم تقسيمة إلى جزءاين أو نصفين
بعد أن تستمع للجزء/ النصف الأول يجب أن توقفه لتفتح النصف / الجزء الثاني
Quote: اليكم المقال كما أوردته صحيفة الخرطوم اليوم الخميس
مناطق المقل والأراك والحُلم الذي تحقق
ما إن دارت عجلات وابورات كريمة في ثمانينات القرن الماضي مُعلِنَةً بداية عصر الكهرباء والنور في محافظة مروي إلا وكان لسان حال أهلنا في مناطق ما بعد قرية (البخيت) المقل، الحجير، الأراك ومنظومة القرى إلى منطقة كوري.. متين نورك يا كريمة يجينا ينوِّر كُبسة ليالينا... كُنت كثيراً ما أسمع جدتي نفيسة النافعابية (رحمة الله عليها) تترنَّم بهذه الأبيات وهي تغسل في زجاجة فانوسها الصغير تمهيداً لتعبئته بالجازولين لمعركةِ ليلٍ حافِل بدخانه الذي ينبعث من جنباته مُحدِثاً أسراباً من الخيوط السوداء على الحائط المطلي بالجير الأبيض... وبحمد الله وتوفيقه تم إكتمال الخط الناقل للكهرباء من مدينة كريمة إلى تلك المناطق وتمت الإنارة بعد أن تضافرت الجهود الشعبية والرسمية إبتداءاً بجهود الإخوة في اللجان الشعبية والمجلس المحلي والولاية بدنقلا وكان الدعم الرئاسي ملموساً حيث كانت هناك عدد من الزيارات الشعبية لنائب رئيس الجمهورية السيد علي عثمان طه وكانت توجيهاتهم ودعمهم المادي والمعنوي محل تقدير وإحترام ودفعة قوية للوصول إلى المُبتَغى... السؤال الذي يجب طرحه هو ماذا بعد وصول التيار الكهربائي لتلك المناطق؟ هذا السؤال يطرح نفسه وإجابته تقع على عاتق مُزارعي المنطقة حيث حبى الله تلك المناطق بأراضي زراعية واسعة يمكن إستغلالها الإستغلال الأمثل لتحقيق شعار حكومة الولاية الشمالية بتوطين القمح والمحاصيل الحيوية بالولاية... ختاماً... يحق لأهالي تلك المناطق أن يفرحوا وهم يستقبلون هذه الشموع غزيرة الضوء ويودِّعُون حِقَباً من الظلام الذي كان مُخيِّماً على تلك المناطق مؤكِّدين العزم بأن لا رجوع إلى الخلف ومستقبلين آفاقاً جديدة من التنمية في شتى المجالات...
جمال أبريـــدة ـ السعودية ـ المنطقة الشرقية
ختاما لايسعني الا أن اتقدم عبركم بالتحيه للرائع جمال ابوريده ( ابو الحسين ) ولمبدعي جريدة الخرطوم وتحية خاصه للأُستاذ/ أحمد علاء الدين مُحرر صفحة بانوراما الشمال... الذي جعل كل همه قضايا الشمال والتنمية فيه... والي الامام دوما ودي وتقديري
أحبابي وبنو عمومتي أبو الحسين البلد منورة بيكم وما محتاجه لكهرباء الحكومه
ونورين بحرقوا بعض والله الخبر يسعد والتواصل بيكون عبر النت والنقل بيكون علي الهواء مباشرة .
شيل السلام ليهو سافر مع الانسام ارجوكا قول ليهو بالله يا مرسال شيل السلام ليهو سافر مع الانسام ارجوكا قول ليهو قولو العشوق طاريك شوقك مبكيهو يغريك الف سلام اتدلا وديهو إن كان يضوق النوم تنسر لياليهو يرجعلو تانى التوم ينظم قوافيهو فوقك يقولو كلام طول مجافيهو وتر الربابة يرن صاحبو البواسيهو بالله يا مرسال شيل السلام ليهو سافر مع الانسام ارجوكا قول ليهو قولو العشوق طاريك شوقك مبكيهو يغريك الف سلام اندلا وديهو بالله يا مرسال ارجوكا يا مرسال المولى سميهو قول ما شاء خالق الكون خلق الرزان ليهو أدّا السماح مطبوق داير يجازيهو شان بدرى فى المسطور كتب السعد ليهو فسراعك يآمرسال شيل السلام ليهو سافر مع الانسام ارجوكا قول ليهو قولو العشوق طاريك شوقك مبكيهو يغريك الف سلام اتدلا وديهو بالله يا مرسال يا خالق النجمات لججو و بواديهو أكتبلى اشوفو فلان وافرح والاقيهو وابلينى بالسمحات والبيا راضيهو قبل الحسود ما ينوم لوح فرحو اطويهو بالله يامرسال شيل السلام ليهو سافر مع الانسام ارجوكا قول ليهو قولو العشوق طاريك شوقك مبكيهو يغريك الف سلام اندلا وديهو انا يانى زولك داك الديما ساليهو طاريك دوام ذكراك تضحى وتماسيهو كل نائبات الكون سهلو و عواصيهو الصابر الممكون ما غيرت فيهو فسراعك آمرسال شيل السلام ليهو سافر مع الانسام ارجوكا قول ليهو قولو العشوق طاريك شوقك مبكيهو يغريك الف سلام روح قولو وديهو بالله يا مرسال شيل السلام ليهو سافر مع الانسام ارجوكا قول ليهو بالله يا مرسال. .................... تحياتي... حاتم هاشم.
Post: #1098 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 03-18-2007, 01:15 AM Parent: #1096
Quote: الأحباب الكرام سلام أنقلكم إلى عالم الحلمنتيش ونستمتع بما قاله الدكتور محمد بادى في حق ود الشايقي المزواج
دكتور ياسين سلام والله ختيتنا في وضعاً صعب بالحيل وكما قال الفحل القصيدة لا تخلو من لمحات وقال لا اقول خبثة لكنها غميصة واللبيب بالإشارة يفهم .. وبكري لماح يلقطها وهي طايرة
في شان كدا فإذا غوصنا لابد من الاشارة لتلك الغوامص من كلم الفحل وغوصه شن قولك عليك الله مو وضعا صعب زي زرة الكلب في الطاحونة .. وسوا شنو اكل الدقيق
دقه بمقدمكم الميمون قلوب شارفت علي شبابيك الأمل ،،،
عودا حميدأ أبا الحسين
أبوقـ مجدى عبدالرحيم ـى
Post: #1106 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-22-2007, 10:22 AM Parent: #1103
Quote: نورة الديار ونور الشاقيي ماهو نار
بقوليك لو اللمبه قالت بقه يبقي اللمبه داييير الدق
دقه بمقدمكم الميمون قلوب شارفت علي شبابيك الأمل ،،،
عودا حميدأ أبا الحسين
أبوقـ مجدى عبدالرحيم ـى
الغالي أبو قصي...
يعجبني حضورك الجميل والمشرف في كل حيشان الشايقية...
لك كميات مودتي... وأحمد فيك هذه الهمة والنشاط... وللأمام دوماً...
أبو الحســـــــين...
Post: #1104 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-21-2007, 02:24 PM Parent: #1
إخوتي وأحبابي...
أهديكم بعد الغيبة الطويلة دي... قصة أخرى لصديقي اللدون الكاتب عبد العظيم الطاهر... من الله خلقني مكجِّن السفر بالعربيي!!!
من الله خلقني
من الله خلقني مكجِّن السفر بالعربيِّي ومكجِّن يومو ... إن بقيت ساااكت عِطِش تسوِّي النّاس في غلبة نامن يناولك الموية ... وإن بقيت خرمان دار تكرضم لك سفّه تشيل الهم لى مروقها .. وإن بقيت داير تنسيَّير عِلاّ يوقفوا لك العربيِّي وتزح من عيون النّاس لا غادي نامن نفسك ينقطع من المشي ... وده كلللو هيِّن ...النصيبة والهجِيمِي الكبيري إن بقيت دار تمرق لك هبوب وإنت مَشَكَّن وسط الخلق في العربيِّي .. تقعد تودِّي وتجيب .. وتبدأ وترايِي ..ياااربي أسويها ..؟ ولا لع ..؟ ياربي إن بقيت مرقتها بيعرفوني .. ؟ أهـا إن بقيت مرقتها .. إن مسك نخرتك براك كدي يااهن العرفوك .. وإن بقيت بلعت السيف متني وما إنزحزحت من مكانك .. تَشَكِكْ النّاس في بعضُن .. وينبادلوا الإتهامات بى عيونُن ..وإن بقى الزول القاعد جنبك ده , إتلفت وإبتسم لك سـااكت بى حسن نيّه تقول خلاس أنا إنكشَف ..فِشان كدي أنا مكجِّن سفر العربيات ده .. أها ... جات الإجازي اللّتنا ..مشيت بِعت العربيِّي اللّتي القدِيمي وأخدت لِي ويحدتن جدِيدِي ماااهلِي كدي وسميحه .. جيباً سميييح كدي ...المرأة اللّتي قالت لي المرة دي نسافر بى عربيتنا للسودان ...تنفعنا هناك نحوم بها هِنِي وهِنِي بدل كل مرة نجري نكوس في الامجاد والركشات ...انا الفكرة وقعت لِي .. لكين هِي أتاريها فوق فهم ... على حِس العربيِّي الجديدي بقت تشيل وتردم لي في العفش ..وتسوِّي لِي ما دام العربيِّي أصلها ماشي أخير النشيل ده .. وأخير النَّسوِّي ده .. هِي تردُم ..وأنا أستف وأربِّط وأشيل وأعتِّل ..متل المُزَاورِي الفي الميناء ..أصلي ما هزّيت رويسي وقت لها لع ... بس أقول لها سمِح .. سمح .. نامن أكتافي ديل إترخَن لا تِحِت بتل العَرَّاقي المَعَلَّق في الحَبِل ومسكني وجع الفِقَرْ ... من كترت العفش سبت العربيِّي بقى مَتَندَل لا فوق بتل شافع العرب الحالقين لو رويسو بى تِحِت ومخلين باقي الشَّعَر الفوق ... حيلي ضمَّه إنهدَّا وأنا لى الليلي لا سافر ولا إتحركتَ من بكاني ... قُت لها عاد إن ما عجنتي لك دِلكِي وجبدتي لى أكتافي وكرعي ديل ..ياكي الماكي مسافري من هِنِي والعربيَّي أخليها واقفي في بكانها ده ..
إتوكلنا على رب العباد وركبنا الباخرة .. مرقنا بى غادي في سواكن لقينا البلد دي فايري ... جِنِس فَسَخيبة وجِنِس حَر .. تَخَت الكَفَتيره في الشمش وترمي فيها حَب الشاي ... وجِنٍس خلِق ودَفَسيبة اللّت ناس بس يوم القِيامِي .. الراكوبة اللّت القدوم ملاني .. والمظلات البرَّا ملانات .. وواحدين يجوك جارين بى هِنِي وديل يجوك جارين بى هِنِي ..وكل واحد فيهن شايل لو دفتر ويقول لك أدفع لنا كدي , وعليك كدي ..وأمشي الشبَّاك داااك آ بعرفو سَو أشنو ...قُت لهن تعالوا هِنِي .. إنتوا في زول موصيكن عَلَي ..؟ ماسكاكُن علي غبِينِي ..؟ في زول قال لكن أنا زارع لي حيضان اللاّت ريالات في الشرِق بى غادي ..؟ تريِّلُوا فوق صدوركُن .. أزحفوا من قَبَلِي ... قَبَّال يصقعنِي جِن أسع ده أقبِّل صاد بى باخرتي دي محل ما جيت ...دااابنا فتَّاح يا عليم رزاق يا كريم كُرَاعنا لى الليلي ما إتوهطت عديل وإنتوا جايين كابسِنِّي بتل نمل السُكَّر ... القريشات الجيت شايلِن معـاي قلت أقضي بِن إجازتي عليك أمان الله إتماصن بتل الظهرة الفي الطشِت ... كل مرة أمرِقِن أقرُطِ فيهِن .. نامن بقيت أدَّخِل إيدَي في جيوبي بتل البيفتش لو في عَقَاب جُرُم وأمرُقِن فاضات .. كان ما كُت مجكِّن لى شوية دولارات كدي داسَّهِن من الحيكومة اللَّتي كانوا نقروا طاري وشالوا حالي ... يشيل حالُن ... علا بقيت نجييض آ زول ..
ناس الجمارك ... الشنيطات اللاّتنـا بَحَّتُوهِن وشنتلوهِن لينا جنس شنتيلاً, باركين فيهن بى إيديهُن وكرعيهُن بس الجدادي البتبحَت في التَّرى تحت المنقايِّي .. نامن أنا شكَّيت في رقبتي , قُت يا ربي أنا جيت شايل لي معاي مخدرات وأنا ماني عارفها ..؟ من المغصة الصادتني عليهُن قرربت أصنقِر في الواطـا وأقعد أجعُر ... ربطَّنا عفيشنا من أول وجديد ومرقنا رقيباتنا من الميناء .. مرتي قالت لي نمشي نبيت في بورتسودان ونقوم باكر الصباح .. قت لها إنتي مغزلِنِي ...؟
ناس سواكن ما قصروا شي , فرضوا الحوض قبَّال يبقى للحش دايري البعوضة اللَّت بورسودان كمان تدُق النقاقير وتعرض الليلي فوقنا ...؟ أبقي عشرة على الدميمايِّي الجيتي بها دي .. الدَّرِب قدامنا لى اللَّيلي طويل ... أول نقطة اللَّت تفتيش ونحنا مارقين من الميناء العسكري الواقف في الكُشُك وقفنا ... لى الليلي ما اتفكّينا ...قال لي: الأوراق هَقَك وين ... ؟ أدّيتو الورق ..دخل على كُشكُو وجاني مارق ... قال لي : رسوم الطريق تدينا ... رطنت معاهو قت لو ) نَاكَابْ هَرِّيوَا ..؟ ) يعني داير كم ...؟ قال لي : ( يَهَا .. برُوك بِدَاوييت ..؟) يعني إنت بجاوي ... ؟ قت لو .. لع .. ( شايقيبوا ) يعني انا شايقي إستغرب وعاين لي كدي وعاين لى مرتي وولادي .. عويناتو يقولِن ماهو مصدق ..قال لي : ( كرتوم إيبا تِنْدِيَا ..؟) يعني إنت ماشي الخرتوم ..؟ قت لو انا ماشي عطبره ... قال لي : ( تَامُنْ قال هَيمَا ) جيب حِداشر ألف ... قُت لو بركة البقن حداشر , أدَّيتو ياهِن ... كُت قايل رُطانتي بتسوي لها شي ... عِلِّي ما نفعت ...
مشينا بى عقاب يومنا داك ووقفنا في سنكات قلنا نشرب لنا شاي يا جبنة تنعوشنا شويِّي ... والطراوه الصاااقطِي اللَّت سنكات ديك ضربتنا بعَد الفسخيبة اللت سواكن الهرتنا ديك ... كان مو العفش المردوم معانا دا كنا بيّتنا قبلنا ... شفع العرب جوا إتكبسوا فوقنا الشايل لو مساويك والشايل لو فنادِك والشايل لو بسكويت .. واله يا أخوانا يحنِّنُوا الزول ... من شِدَّة ماهُن ضُعَاف ومَسُوَلِلين الواحد فيهن بتل العنقريب البلا بِرِش ... عِضيماتن ظاهراات يا حِليلُن ... جاني راجلاً عِجَيِّيز ضهيرو محني , وقف قَبَلَي وقال لي :- يَهَا ... ( إندَك مَأَجون ) عندك معجون ..؟ معجون الليل أسنان يعني ..عاينت لو كدي لقيت خشمُو جاما .. معلم الله من إسم السنينايِّي الواقفي .. بتل المحفضة اللّت حبوبتي الله يرحمها ..قَدُر ما قت لو تسوي بو شنو ..؟ أبى ما يحدسني ... في الآخر عرفت إنو يمشي يبيعو ويشيل قريشاتو ..غمَتَّ لو شي حِتَّن زَحَّ من قبلي .. واصلنا رحلتنا نامن قلنا سلام يا درديب ... وإن بقيتوا دار تشوفوا الجدب والمحل البى الصِّح ..والنّاس المهمشين بالصح .. والمافي زول جايب خبرُن أها ياهن ديل من دريب وإنت ماشي لا كسلا ... صُوَرُن وهيئتهم تبقى مبارياك وما تمرق من عيونك نامن تقضي إجازتك وتجي صاد ... والله الموية البى نجلبغ فيها دي ماهن لاقينها .. وإن بقوا لقوها ..أها بس القطرة اللَّت العيون .. والطعميَّة الهيني دي .. يبقى لي إن لمُوا فيها الواحد فيهن يشيلها يشمِّها ويجكِّنَها تاني في جرابو متل فتيل الرِّيحِي ..يعني أفقر زول عايش في جوبا ولا ملكال بالنسبة ليهن زي واحداً من أولاد العمارات في الخرتوم ( عشان ما تقولوا لي بااالغت ) أكلُن وشرابن ياهو الجّبنة ... يعني الواحد منهن إن بقى عِرِق سااكت تشم ريحة عَرَقُو دي جبنة جبنة ..باقي لي إن مشي ينسيَّير يمرقو نِسكَافي صُرُف ...قَطِع شَك ... والجبنة الكتيري تصدم الزول من الأكل ... أسعلوني انا ... فشان كدي قللت منها ... بقيت أشربها يوم الجمعة بس وبعد الغَدِي ... (جيتي من الحج الفات دا ... مِي دَقيت الدَّلَجِي وكُت جاي ألحق الصِّح ...) أكَركِع في الجّبنة بالكُبَّايِّي أحَمَتنِي الأكل ضُمَّه0
نزلنا في درديب , العساكر قالوا لنا تبيتوا هِنِي , بالليل ده مافي سفر فشان الرَبَّاطِين بيلمُّوا فيكن يخلوا ريحتكُن طير طير ... أجَّرت لي عنيقريبات في أويضة كدي وإتكَمَدنا فيها انا ومرتي ووليداتي وعِنِيقريباتن بس الإسم عنيقريبات إن جيت دار تمد كرعيك يندَلدلِن من العنقريب في الواطا بتل الراكب لك دِحيشي من شِدَّة ماهِن قِصويرات وسُغَار ... صلينا المغرب والعِشِي ... الوليدات قالوا جعانين داي يتعشوا ... شِلت الهَم وأنا ماني جايب لي زوادة معاي ... قُت لهن يلاَّكُن ..مرقنا لقينا لنا مطيعِم كدي خَات لو طريبيزات برَّا ومَسَوِّي لو كَنَب الليل خَشَب قاطعات إسم الفوطة ولا المَشَمَّع المفرش فوقن ..إن قعدت فوقن بتل القاعد لك فوق ضِريسِي ... وإن جيت داي تقوم تنسرِح لك سَرِيحِي فوق صلبك تخليك تفنجط بتل الحمار الفوق ضهرو دَبَرَه ...علاَّ مشيت جبت المصلاية اللّتي فرشتها فوق الكنبة للوليدات ... ومشيت أطلب لهن العشِي ... أها عندك أشنو ..؟ قال لي عندنا فول وعدس ..قُت لو ما عندكُن لحيمايات مطقطقات كدي ولا جَنى جِداد ..؟ قال لي :- لَهَم ...؟ ( لَحَم ) لهم كان لِقِينا برانا ناكُل ... يعني اللَّحم إن لقوهوا ماهن جاي يبيعوهو شي ... ياكلوهو لى رَقَبتُن ... قت لو طيٍّب ... أدَّنا فول وعدس ... عامِنُّو العدس قاع يسوي لي الحيرقان والفول زااتـو عِلاَّ أشرب لي وراهو أندروس يا عطرون ... وفي النهاية أنا هيِّن الحديث في البطان الكَارَّهُن معاي ديل ... جبتو خَتيتوا قِدَامُن .. عاينوا لو وصَرصَرُوا وِشيَّاتُن ... عِرِفتَهُن ياااهن البايتين القوى ... بى فَدْ نَفَس .. قالوا لي : ده شنو يا أبوي ياخ ... ؟ قت لهن هوي ... هِنِي لا في ماكدونالد ولا في كنتاكي ... ده ياهو كنتاكي اللّيلُن يا تاكلوهو يا تخلوهو ...الكُبار غايتو خَتَّروا شويِّي مع أمّهُن لكين السُّغَار يعاينوا للصَّحَن تقول جِب لهُن فوقو قَعُويِّي ...علا طلبتلُن شاي بى لَبَن قَرَضوا معاهو الرَّغيف.. مشينا للنُّوم ...خليتُن هُن جوَّا وانا مَرَق عنيقريبي برّا جنب العربيِّي فشان أحرس العفش ... غلبني النوم ضُمَّة شايل اللَّيل نامن الواطا أصبحت ... البلد دي صِنِّي قاطعي إسم الحركة .. بلا صوت الجِّندِب والكلاب مرة مرة ياخدن لهن نبيحة آب تسمع شي ... والواطـا من شِدَّة ماهـا ضُلُمَّة كُبُس باقي لِي إن بقيت داي تَتْبِن رأسك عِلاَّ تولع لك بَطَّاريِّي , ليلي داك كلو انا موهدِب ..أرقد على ضهري أسمع حِس نَفَسِي بى وراي اقول بس في واحداً جاي يبعج لى بطني بى سكين ويشيل العفيش اللِّليل دا ... والبلد صِنِّي .. إتكفي على صَفِحتي اليمين يتخَيَّل لي في حِس نِعلين ماشات عَلَي .. أقوم أصنقِر إتلفَّت جاي وجاي وتاني أرقد ... زولاً يَشخُر جنبي ساكت فشان يطَمنِّي ماهو في ... حَسّيت من الصباح عيوني ديل حُمّمممر بتل زول المَرِيسي غالبني أفتِّحِن ... ما فَضل لي علا أرفع جُفُوني بى أصابعَي لا فوق فشان أفَتِّح .. صلاة الصبح صلّيتها يا الله يا الله .. لا أسّع ماني عارف نفسي صليتِن إتنين ولا تلاتي .. ــــــــــــــــــــــــــــ
وتعظيم سلام الأخ عبد العظيم ولك ولكل الإخوة القراء البيمروا من هنا كميات مودتي...
Quote: جمال ابريده يستاهل كل جميل وكل خير والي الامام دوما عزيزنا ابو الحسين ودي وتقديري . . . . . . . طلب خاااااص لحاتك هاشم بث ود النصري ( معزور) ويارت تكون من النوع البيتنسخ عشان انسخها عندي واكون شاااااااااكره ابو الحسين خليك واسطه خالص محبتي
شنو يا ابو الحسين ولا اتوسطت ولا حاجه خش واسطة خير يااخي اختك مغروده في الاغنيه دي خالص محبتي
Post: #1110 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-24-2007, 07:17 AM Parent: #1107
Quote: شنو يا ابو الحسين ولا اتوسطت ولا حاجه خش واسطة خير يااخي اختك مغروده في الاغنيه دي خالص محبتي
بتنا الغالية فدوى الشريف...
الواسطة موجودة... لكن طلبك دا إنتي من الأول كان تطلبيهو من د. ياسين.. أستاذنا/ حاتم هاشم دا أطلبي منه القصائد المكتوبة فقط... باقي عندو مكتبة شعرية ضخمة لشعراء بلادي...
أما المكتبة الصوتية متخصص فيها الدكتور/ ياسين... كدي حولي طلبك دا بدون واسطة لو بكرة ما نزلها ليك قولي أبو الحسين غشاني ...
السادة أعمدة البوست أبو الحسين وياسيكو وخالد محجوب والجميع.. تحياتي وعاطر السلام
أتابع هذا البوست وما زلت في الصفحة الأولى، أرجع إليه عندما يسمح الوقت.. شكرا لكم لهذا الإمتاع والتوثيق لأدب الشايقية الغنائي والشعري وعيون الحكمة التي تظهر فيه.. ليت الإهتمام بالقبيلة دائما يكون هكذا..
ياسر
Post: #1113 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-25-2007, 10:09 AM Parent: #1109
Quote: السادة أعمدة البوست أبو الحسين وياسيكو وخالد محجوب والجميع.. تحياتي وعاطر السلام
أتابع هذا البوست وما زلت في الصفحة الأولى، أرجع إليه عندما يسمح الوقت.. شكرا لكم لهذا الإمتاع والتوثيق لأدب الشايقية الغنائي والشعري وعيون الحكمة التي تظهر فيه.. ليت الإهتمام بالقبيلة دائما يكون هكذا..
ياسر
د. ياسر...
نهارك سعيد يا اخوي...
ويا أخي الكريم دي شهادة منك نعتز بيها جدا ونعدك والإخوة القراء الكرام... بالمواصلة على نفس النهج والمنوال... حتى ننشر تُراث وإرث هذه القبيلة والمنطقة بأكملها على أكبر عدد ممكن من سكان العالم والمهتمين بهذه الدراسات...
لك قواسيب مودتي... وإقامة طيبة ومتاوقة أطيب لحوش الشايقية...
أبو الحســـــــين...
Post: #1111 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فدوى الشريف Date: 03-24-2007, 08:47 AM Parent: #1
Quote: بتنا الغالية فدوى الشريف...
الواسطة موجودة... لكن طلبك دا إنتي من الأول كان تطلبيهو من د. ياسين.. أستاذنا/ حاتم هاشم دا أطلبي منه القصائد المكتوبة فقط... باقي عندو مكتبة شعرية ضخمة لشعراء بلادي...
أما المكتبة الصوتية متخصص فيها الدكتور/ ياسين... كدي حولي طلبك دا بدون واسطة لو بكرة ما نزلها ليك قولي أبو الحسين غشاني ...
كميات مودتي... وأبقي قريبة...
أبو الحســــــــين...
ماقصرت معاي كلو كلو الغالي ابو الحسين وبناءا علي توصيتك انا بوجه الطلب للدكتور ياسين دكتور ياسين طلب خااااااص اغنية معزور وياريت تنزل من النوع البيتنسخ عشان اقدر انسخها وزي ماقلت لابو الحسين مغروده فيها بالحيل واكون شاااااااااااااكره من هنا لي الشايقيه معزتي وتقديري فدوى
Quote: الأستاذة فدوى لك السلام يعلم الله قدر ما فتشت "جرابي" ما لقيت طلبك وكمان ما لقيتو في كل الصفحات ، فلك العتبى حتى ترضي ، لكن الآن اضع لك عدة لنكات فيها روائع المبدع ود النصري
أوسلى .. أبو الحسين .. ومن لف لفهم ... رجاء وطلب بسيط ..!!
وربما تساعد الأستاذة ملكة سبأ في ايراد ما تريدين لك الود والآن اهديك وكل القراء وأعمدة البوست كلمات الأستاذ ايوب محمد الحاج "مقاشي" آملاً التمعن في البلاغة الواردة بالقصيدة والكيفية التي كرر فيها استخدام" حسن التعليل" في اكثر من بيت لتعليل اوضاع هي عادية عند الناس
Post: #1114 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فدوى الشريف Date: 03-25-2007, 11:02 AM Parent: #1112
Quote: وربما تساعد الأستاذة ملكة سبأ في ايراد ما تريدين لك الود والآن اهديك وكل القراء وأعمدة البوست كلمات الأستاذ ايوب محمد الحاج "مقاشي" آملاً التمعن في البلاغة الواردة بالقصيدة والكيفية التي كرر فيها استخدام" حسن التعليل" في اكثر من بيت لتعليل اوضاع هي عادية عند الناس
الدكتور ياسر الشريف سلام متابع كل حرف كتب هناك وان شاء الله تكون استمتع بالشريط يا أخوانا وين الأستاذ موسى الحسين لعلو بخير
· · · أبحث
والله صرحاه دكتور ياسين مالقيت كلام اقدر اشكرك بيهو فقط يعجز لساني امامك حائرا ويذهب في صمت وتنحي عاجزا عن الشكر
Post: #1115 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-25-2007, 04:04 PM Parent: #1
Post: #1117 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-26-2007, 07:25 AM Parent: #1
إخوتي الكرام...
صبحكم الله بالخير والرضا...
في ذكرى شهر مولده ربيع الخير والبركة... أهديكم اللوح السابع من مولد السادة الميرغنية... فيه يجسد يوم المولد في أبهى معانيه...
الفصل السابع :
وأما الذي جرى ليلة مولده صلى الله عليه وسلم من العجائب العجيبية ☼ فأمور دالة على عظيم مكانته من الحق والمكان ☼ كالارتجاج الواقع في إيوان كسرى ذي البناءات القوية ☼ المعروف بأَنُوشَرْوَانْ ☼ فذلك إذا تأمّلْتَه وكنت ذا نظرٍ وبصيرة بصيريّة ☼ ترى فيه أعظمَ البشائر بانهدام دعوة البُطلان ☼ وغيض البحيرة المعروفة بناحية الفرس بطبريّة ☼ فيه من الآيات الساطعة بالحق والبرهان ☼ وأَعجبُ من ذلك كله إذا دققت خمود النار الفارسية ☼ فيا عجبا ممن يسمع مثل هذا ويكذب فليس أقوى منه خُسران ☼ وكان لها على الصحيح ألف عامٍ لم تخمد لعبادتهم أوقدها الجاهلية ☼ وقد خمدت لظهوره صلى الله عليه وسلم تلك النيران ☼ وأصبحت الأصنام منَكّسَةٌ على رءوسها لبُدُوِّ الملة الحنيفية ☼ وبطلان عبادتها وعم ذلك في جميع المشرقان ☼ ثم أخذته الملائكة فطافت به جميعَ الأرضيّة ☼ وعمت بركتُه العظمى على أصناف الوديان ☼ وقيل دارت به في العوالم العُلوية لتنال ما نالته الارضون من الفُخْران ☼ وزُيِّنت السماء ليلة مولده وفَرَحت الخلائق الملكيّة ☼ فكيف لا ومن نوره خلقها الرحمن ☼ وعمت الأرض الزينة من غير شكٍ يا معشر الأمة التخصيصية ☼ ويحق لها إن كنت ذا فهم أن تزان ☼ وهو لما عمّ فيها من خيراتٍ تشرفت بها على جميع العوالم الأخروية ☼ فيالها من مفاخر ولا سيما للموضعان ☼ وذلك حيث ولد ونشأ وبدأه الوحي في الأرض المكية ☼ وحيث دفن فياليتني كنت تلك الأرض التي زادت الفَخْران ☼ ـــــــــــــــــــــــــــــــــ
اللهم صل وسلم على الذات المحمدية واغفر لنا ما يكون وما قد كان
وكل عام وأعضاء الأون لاين وحوش الشايقية وزوارنا الكرام.. وكل الأُمة الإسلامية بألف خير وعافية...
وصلى اللهم وبارك على سيدنا محمد... وعلى آله وصحبه وسلم...
Quote: اللهم صل وسلم على الذات المحمدية واغفر لنا ما يكون وما قد كان
وكل عام وأعضاء الأون لاين وحوش الشايقية وزوارنا الكرام.. وكل الأُمة الإسلامية بألف خير وعافية...
وصلى اللهم وبارك على سيدنا محمد... وعلى آله وصحبه وسلم...
الغالي أبا الحسين قلنا نزور دار الجمال أبناء العمومه
مزيد من التواصل
Post: #1119 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-26-2007, 03:59 PM Parent: #1
الحبان...
والله لازلت أتساءل عن غياب الإخوة الكرام... خالد المنسي وحاتم هاشم...
عساهم بخير وعافية... ما عملوها قبل دا طويلة كدي...
دكتور/ ياسين كدي شوف الحاصل شنو... باقي الناس ديل قراب ليك من كدي...
كميات مودتي... وترجعوا بالسلامة ياااااارب...
أبو الحســـــــين...
Post: #1120 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-27-2007, 06:16 AM Parent: #1
إخوتي الكرام...
صبحكم الله بالخير والرضا...
شعراء الشايقية كتبو وأبدعوا في كل مجال وكل مناسبة...
كتبوا في مدح المصطفى صلى الله عليه وآله وسلم وكتبو للحنين للوطن وكتبوا في الحُب وكتبوا في المناسبات الخاصة كالفراق والرحيل والإبتعاد عن هذه الديار إلى دار الخلود... وها هو شاعرنا أحمد العوض (عيدابي) يكتب رسالة إلى أُمه أهديها لكل الإخوة الكرام بمناسبة عيد الأُم...
( رسالة إلى أمي ) *************************** وصتّك ليّ جات يا يمه.. وأحرف شوقك المنساب ظنك زين وظني الدايرو..شايفو الليلي زي الخاب ******* من ما فته منك يمه ..لا دي اللحظة شوق وعذاب الشقا والضياع في الغربة..خاتراً ليّ تب ما طاب ******* ظلام الليل مخيف في الغربة.. لا طنبور ولا أصحاب لا أخو يستر المكشوفة..لا جاراً بشوش ِمطِياب ****** والشغل إنعدم يا يمه..اللقه شوفتي ليهو رهاب الأمل القبيل كت عايشو..ليقتو بعد وصولي سراب ****** عمرك شفتي مويتاً صابي.. لا براق ولا سحاب ديله دموعنا فطن الغربة..لكين الدمع شن جاب ****** الحزن إنتشر بيناتنا.. الفرح إندسر تب غاب كيف نتهنى عاد يا يمه..كيف نرتاح ونحنا أغراب ****** والزمن العنيد زي عادتو.. للنوح والأنين جلاب شن طعم القروش يا يمه..زول لا إلفه لا أحباب ****** راحت البال عدم يا يمه.. بي الّلقه ما أظن تنجاب الشوق في بلاد الغربة .. زي جمراً مولقد هاب ****** وكيتاً لينا بيها رضينا.. نحنا الليها جينا قراب يا ريت كل يوم يا يمه.. لو منك يجيني جواب ****** ده المقدور وقع يا يمه..ليهو أنا ما عملت حساب واتوكرت كيف الشورة..الحل في دعاك إن صاب ****** صلواتك دغيشاً بدري .. لما يوشوش الهباب بينك وبين رجاك في الله.. أوعك ما تتاقي الباب ****** دعواتك تفج الغمة .. تدحر عني كل صعاب صلواتك تحل الكربة .. لي تيه الخلاص ديداب ****** بلغي للسلام لي أهلنا .. جميع جيرانا شيب وشباب الكدنقاب واللزارقة أخوانا. .وناس ود بادي والعوضاب ****** السكوتاب والعكاشاب جملة..وناس ود شامي والناصراب والتيجاني ليهو سلامي.. هو صِح ود العقاب للغاب ****** وأحمد بابكر لا تنسي .. عند الحارة مو هواب كل أحبابي ليهم شوقي .. للبرضع صغير يا داب ****** تشتكي بلعليّ عيوني.. واشرب من دموعي شراب متين أرجع وأجيكم تاني وأشدو بلحن زي زرياب
كميات مودتي... وتعظيم سلام أُستاذنا/ أحمد العوض (عيدابي)...
وأسأل الله أن يحفظ أمهاتنا ويرحم كل من سبقتنا إلى دارا لخلود...
الحبان كيف حالكم وعلكم طيبة نأسف للغيبة والطلة علي داركم العامرة والله مشغوليات ... وبجي متأخر وفوق دا لما أخل علي النت ما ألقا لي وكت بعد ما امر علي بوست بكر ابوبكر الذي نزله لدكتور بركات الذي اهان نمر اهانة شديدة بالحيل ... نرجو المعذرة يا ابوالحسين
Quote: كل ما أشوف الشايقية وغناء الشايقية
اتذكر الطنبور الحنيييين
تحياتي لك أبو الحسين ين اسعل منك الخير يا الضو ركازة القبيلة
يا ابوالحسين الأخت سلمى صبحي .. دي بنت شندي لحم ودم بنت الاستاذ الدكتور الراحل حسن عباس صبحي يرحمه الله عجبتني بالحيل دخلتها علي أهلنا الشايقية
ابوالحسين حمد الله على سلامة الحنينة ست البنات وبركة الجمعت عافية وماعندها عوجي
خالد محجوب
Post: #1129 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-28-2007, 10:27 AM Parent: #1125
Quote: يا ابوالحسين الأخت سلمى صبحي .. دي بنت شندي لحم ودم بنت الاستاذ الدكتور الراحل حسن عباس صبحي يرحمه الله عجبتني بالحيل دخلتها علي أهلنا الشايقية
حبيبنا ود المنسي... شكراً على التوضيحات بشأن المرحوم الدكتور/ حسن صبحي... نسأل الله يغفر له ويرحمه بقدر ما قدم للعلم والتعليم...
ثانياً.. حمداً على سلامة عودتك... ويا هلا بكل ضيوفنا وأحبابنا اللي يجونا في الحوش... يشرفوا بالحيييييييييل....
Quote: يا ابوالحسين الأخت سلمى صبحي .. دي بنت شندي لحم ودم بنت الاستاذ الدكتور الراحل حسن عباس صبحي يرحمه الله عجبتني بالحيل دخلتها علي أهلنا الشايقية
الأستاذ خالد سلام مرحب بالطلة الأستاذة سلمى لابد من الوقوف لها اجلالاً فهي بنت من علمني اشياء في كلية الآداب وكم حكى واسمعنا أشعار وضحوية وغيرها من الأشعار الجميلة والأدب الراقي(الشم خوخت بردن ليالي الحرة .... إلخ)، لقد كاد والدها ان يكون رسولا له الرحمة ولها كل الاحترام
وهل هنك أعظم من هذا الميراث الذي تركه الوالد رحمه الله....محبة واحترام الناس
هكذا يندمل الجرح وهكذا نحيا بمحبة الناس
شكراً لكم yasiko خالد المنسي أبو الحسين
ولكل من ذكره بخير
شكراً جميعاً لكم....
Post: #1130 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-28-2007, 04:36 PM Parent: #1
قبلة غُناي...
الفاتح إبراهيم بشير...
احترت كيفن اوصفك .. والله يا قبلة غناي لو كان بحور الكون مداد بتجف قبل ما تنصفك
حاولت اكتب ليك واقول * واوصف ملامحك بالشعر لكن حروفي تذوب عديل * قدام عيونك تنصهر يا عايشة في دمي وغناي * يا ديدن الروح والفكر خلدت اسمك بي حروف * قطرات دماي كانت حبر
يا غنوة في وتري الحزين * يا ضحكة في الزمن الصعب يا واحة في عز الهجير * يا راحة من بعد التعب يا نسمة هبت في الدغيش * عزفت علي وتر العصب يا رحمة من رب العباد * مكبوبة فوق خلق الله كب
سافرت في عينيك سنين * زادي المعاي ابيات غنا مكتوبة بي دمي الصبح * شلال من الهم والعنا صورت احساسي الدفين * بي قافية ليك معنونة بتقول بلا كلفة ورتوش * يا انتي يا الموت والفنا
احترت في وصفك انا * وحارت معاي كل الحروف مرات بشوفك يا مناي * ياقوتة في قلبي الولوف مرات بشوفك ضي امل * دبج خطاي رغم الظروف مرات بشوفك جارية نيل * امواجو عانقت الجروف
ـــــــــــــــــــــــــــــــــــ
وما زلت أتساءل عن الخليفة أبو هاشم... ويييييييين ود أختك يا خالد المنسي... ليهو زمن غائب عساهو بخير وعافية...
Quote: وما زلت أتساءل عن الخليفة أبو هاشم... ويييييييين ود أختك يا خالد المنسي... ليهو زمن غائب عساهو بخير وعافية... كميات مودتي... أبو الحســـــــين...
الغالي ابؤالحسين تسال منك البركه والصحه والعافيه عارف جري الدنيا دي كيف ياخوي...
اسعد لحظه واجمل ساعه ......................
أسعد لحظة وأجمل ساعة بين عاشقين لما النظرة تلاقى النظرة ولما العين تقع فى العين يبقى يعيشو عوالم تانى ويبى كلام الريده مباح يصفى زمان اسمارن يحلو تسمى ليالى وتبرا جراح إلا الدنيا ياها الدنيا زى الطير بيوالف الهجرة ويفرد لى بلداتو جناح بعد ما عاش فى أوكارو أيام وشتت هم الفرقة وزاح إلا الدنيا ياها الدنيا زى الليل فار توب الستره الفيهو خلايق الله ترتاح ومهما طال هودبك مره ونجموا يغيب ويطردو صباح تبقي الذكرى ياها الذكرى تحصد زرع المسره الواهى لا محصول لا حتى أرباح وتبقي تعيش فى شواطئ أحزانك وكل أيامك تبقي نواح. ............................ تحياتي... حاتم هاشم.
احترت كيفن اوصفك .. والله يا قبلة غناي لو كان بحور الكون مداد بتجف قبل ما تنصفك
حاولت اكتب ليك واقول * واوصف ملامحك بالشعر لكن حروفي تذوب عديل * قدام عيونك تنصهر يا عايشة في دمي وغناي * يا ديدن الروح والفكر خلدت اسمك بي حروف * قطرات دماي كانت حبر
Post: #1133 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-29-2007, 09:57 AM Parent: #1
الحبيِّب الخليفة أبو هاشم...
حمداً لله على السلامة... ومنور الحوش يا اخوي...
إخوتي الكرام...
هذه دعوة للتعريف بمناطق الشايقية... الفكرة من منتديات البركل وسأقوم بنقل بعض التعريفات هناك إلى هنا لتعم الفائدة... ونعرف تلك المناطق عن قرب... وسأبداها لكم عن منطقتي المقل...
المقل:
تقع في الضفة الشرقية للنيل بين قريتي البخيت والحجير (وبالمناسبة دي قرية الحجير دي إمتداد للمقل وكانت كللللللها واحدة إسمها المقل وشيخها واحد وهو عبد الرحيم ود عبده كاشف ربنا يغفر له ويرحمه)... وتشتهر هذه القرية بكبر مساحتها من حيث الإمتداد على النيل،، وسوقها القديم الذي كان مضرباً للمثل في السابق حيث كان يفوق لكل الأسواق هناك وكانت به المحكمة والإدارة الأهلية (عمودية السورجاب ـ الله يرحمهم ويدي الصحة والعافية من بقي منهم).. ومن مشاهيرها الشاعرة بت نعمي وإبنها الأديب الباحث محجوب كرار رحمها الله والشاعر محمد أحمد الراوي (وإنشاء الله سوف نبحث في موضع قادم أشعارهما) والفنانين محمد جبارة ومعاوية المقل وجعفر المتوكل. ومن المداح فيها أولاد سوركتِّي وأولاد ود ابكروق وحاج أحمد أبو شوك وغيرهم...
أما أهم المناطق في قرية المقـــــــل من ناحية البخيت نجد:
(1) (الحليلي) وأهم سكانها ناس ود محمود ومنهم الأُستاذ المربي خليفة علي محمود وناس ود العِبيد وجزء من ناس ود شبو والسنجك سيد الإسم وأولاد التوم وناس حُمَّد بخيت وناس ود الأرباب وعوض أبشيشة...
(2)(الطَرَفْ)... أو طرف ود شيخنا وأهم سكان الطرف ناس ود شبو وود يِمامة وناس ود شيخنا ود الزاكي وآل إبراهيم شيخنا وآل عبد الرازق وآل حُمَّد دين وآل ودجني وآل ساقة فضل الله ومنهم الأُستاذ المربي وقيع الله الخضر عبد الله ومنها شيخ المقل (محمد صالح ود جنِّي اللهم يرحمه) ومنها أولاد عبد الحي وأبنعوف وأولاد ود بابا ومنهم الأُستاذ المربي عمر عبد الله بابا... وآل سليمان ومنهم الأُستاذ المربي علي سليمان...
(3) حلة العطيَّاب... ومن سكانها آل عطية ومنهم زميلنا في منبر البركل الباشمهندس (حميد) وإشتهر آل العطياب بإمتلاكهم اللواري (منذ عهد بعييييييييد) وهم إلى عهد قريييييييييب كانو وسيلة النقل الوحيييييدة في المنطقة منننننننننننن المقل ليييييييييييي الأراك بجانب إشتهارهم بتجارة التمُر...
وأيضاً آل الرضي... وآل الرضي ديل أُسرة مشهورة ولهم جذور ضاربة في كورتي والأراك وإشتهروا بالتجارة وهم من رجال الإدارة الأهلية بالمنطقة وهذا من علاقة النسب التي تربطهم بالعُمد ناس ود سورج... ومنهم خليفة الختمية بالأُبيض عبد الوهاب الرضي (اللهم أرضى عنه وأرحمه ياااااااارب)... والرضي محمد الرضي الرجل البارز بمنطقة المقل... ومحجوب الرضي من الغيورين على تطوير المنطقة أمد الله في أيامه ومتعه بالصحة والعافية... ولهم فروع في منطقة الأراك وأمدرمان أبو روف...
ونجد آل ود البشير وهؤلاء مشهورون بزراعة النخيل والدراية التامة بهذه المهنة وأيضاً كانوا في السابق من المداح الماهرين في تلك المنطقة...
ونجد آل النقادي ومنهم الإداري الناجح في منطقة المقل الأخ عثمان النقادي أمد الله في أيامه وهو يعتبر من القياديين البارزين والغيورين على تطوير منطقة المقل... ومنها زميلنا في منبر البركل (صلاح النقادي)...
ــــــــــــــــــــــ وإلى أن ألقاكم لإكمال تعريف منطقة المقل...
الأخوة الأفاضل الشكر مقدم للدكتور ياسين جراب ( البوست العامر ) وعامر به.. أعجبتني جداً المقدمة المرتجلة التي ألقاها الفحل ود بادي مستهل بها .. ومقدم تعريف من هو ود الشايقي وماذا دار بينهم فكان مولد قصيدته الحلمنتيشية لذا وودت أن أبدأ بها
قال الفحل
القصيدة من الشعر الحلمنتيشي ... وهو عموماً من شعر المدن المفكفك .. اي لا يقوم على أعمدة قوية .. لكن نجد أن مدرسة الشعر الحلمنتيشي كانت لها أهدافها وطرقها الخاصة في معالجة الأمور الاجتماعية وهي أقرب للمتلقي ... ولكنه أُفسد عندما دخل في السياسة ... كانا ايامها بالجامعة وقمنا بحملة بعنوان تنظيم الأسرة ......
نزلنا على دار شيخنا ود الشايقي وهو رجل علم ومتزوج أربعة نساء، وهي مسألة في هذا الزمن لها توابعها ولها ما بعدها وقليلون هم اللذين يتجرءون عليها ... وقليلون هم اللذين يخوضون بحارها. شيخنا ودالشايقي متزوج بأربعة وعندما عرضنا عليه مسألة تنظيم الأسرة قال : هذه تشكك في التوكل على الله وتشكك في أن الله هو الرازق .. وقالها بالحرف الواحد ( الله ماشقا لو حنكاً ضيعّو ) وقال والله حبيباتكم الشايلنها دي لو نسواني بلعن منها أردب ... بلدن وبلدن اتنين اتنين. فكان تحدي منه ... فدخلنا عليه من باب الهجاء وهو شاعر أيضاً .. وقد رد على هذه القصيدة وكان رده مقزعاً وليس مما يقال في الجلسات العامة ... ولكن ... ايضاً هذه القصيدة لاتخلو من بعض الاشارات .. لا أقول الخبيثة ولكنها إشارات غميصة فأنا أخاطب نسوانه أولاُ وه له 30 طفل وكاد يأتي بالزوجة الخامسة لولا وقفت الشريعة بينه وبين مايشتهي ...
تغمص الفحل ودبادي شخص ودالشايقي ( في مخاطبة نسوان ودالشايقي ) فقال بلسان الزوج المغلوب على حاله ...
إجيك الحول وحول بي زول والزول غول ونحن تعابة نحن غلابة لا نقداً ولا محصول ها ياقشاره مامعقول يافقاسه مامعقول عليك عزينك المبهول تضربي الجملة بالميت قداحت فول وعيشة تقول ضنيب أم سيسي عرضي وطول وجاز اللمبة في غلبه حق الفطرة للطلبة ركوب التكسي بي القلبه حليل المنقا والعنبه ولولا الروح بقت سلبه نمص الصلصه من عِلبه وكانت جانتنا في الرقبه
فكان ود الشايقي يقدم ليقضي وطره ويمتع نفسه وتبقى الندامة لامن تجي ايام الوحم ( أُخ وتًف أُخ وتُف ) اكشر من يومها اشيل هم السماية...عاد شن إسوو اربعة نسوان... قطع شك في كل ستة أشهر عندو وليد ولا بنية.. سأل صديق لي واحد من كبارهم وقال لي يا عم فلان ليه انتو زمان كنتو ولادين وشفعكم كُتار .. قال لي يا ولدي نحن عشنا في زمناً بعد مانرجع من تحت ( اي من الزراعة ) بنعشى ونسوي العشا حق الله وبعد داك لاكهربة ولا تلفزيون أها شن نسو ياهو برنامجنا قد كان حال شيخنا ود الشايقي من باقي حال الناس المستورين لكن الشيخ زاد الطين بله بي كترت البطان ... عاد كيفن 30 طفل كان قلنا بس وجبة غداء ... الغداء (H2o) يعني تشّه ما فهمتو برضو يعني سخينة ... بصل وزيت وموية وبهارات ويفت الرغيف .. قطع شك ودالشايقي كان عايش علي السينات الميتة وهي سخينة وسليقة وسلج وسبروق وما شاف السينات القوية ناس سجك وسمك .. فكان مشهاده والشي الميقنو إيمانو في الله هو الرازق ولذ كان بفكر في الزوجة الخامسة
نواصل بإذن الله
Post: #1142 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-31-2007, 03:16 PM Parent: #1135
Quote: قد كان حال شيخنا ود الشايقي من باقي حال الناس المستورين لكن الشيخ زاد الطين بله بي كترت البطان ... عاد كيفن 30 طفل كان قلنا بس وجبة غداء ... الغداء (H2o) يعني تشّه ما فهمتو برضو يعني سخينة ... بصل وزيت وموية وبهارات ويفت الرغيف .. قطع شك ودالشايقي كان عايش علي السينات الميتة وهي سخينة وسليقة وسلج وسبروق وما شاف السينات القوية ناس سجك وسمك .. فكان مشهاده والشي الميقنو إيمانو في الله هو الرازق ولذ كان بفكر في الزوجة الخامسة
نواصل بإذن الله
يعلم الله إني متكيف الإرتواء... ومتابع ومنتظر وراجي...
Quote: قطع شك ودالشايقي كان عايش علي السينات الميتة وهي سخينة وسليقة وسلج وسبروق وما شاف السينات القوية ناس سجك وسمك .. فكان مشهاده والشي الميقنو إيمانو في الله هو الرازق ولذ كان بفكر في الزوجة الخامسة
يا سلام عليك يا أستاذ خالد عندما رفعت القصيدة كنت اعلم علم اليقين انك ستأتي بما لم يرد بخيالي وتصوري لك الود والعشم في مواصلة التحليل والتعليق
ارحل يا حمام شيل اشواقي وارجوك لا تغيب وصل كل مشاعري وريدي لي دار الحبيب ارحل يا حمام قول ليهو اصبر يا جميل لو مالت على الدنيا عنك ما بميل كيف انسى البلد والخدرة والنيل والنخيل والوجه السحرني جمالو والطرف الكحيل مشتاق لي نجيمة تضوي لي قلبي الطريق وللبسمة التفيض حنية من ثغرو الرقيق تهت انا في ديار الغربة لا زاد لا رفيق وما كان يا زمان ترميني بي ما لا اطيق ما فارقني طيفك لحظة في ليلي البهيم وياما الشوق برجع سيدو لي دارو القديم لا بد الزمان يجمعنا والحال يستقيم وانسى ايام شقاي والقاك وارتع في النعيم. .......................... تحياتي... حاتم هاشم.
Post: #1138 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 03-31-2007, 06:58 AM Parent: #1
إخوتي الكرام رواد حوش الشايقية...
صبحكم الله بالخير والرضا...
أسمحوا لي أحبتي أن أضيف إلى قامات منطقتنا الغالية...
البروفيسور فاروق الطيب البشير، البروفيسور/ عبد الهادي تميم، البروفيسور/ محمد صالح محي الدين، البروفيسور/ محمد عثمان صالح، البروفيسور/ علي أحمد بابكر البروفيسور/ الشيخ محجوب جعفر، البروفيسور/ الزين كرار، البروفيسور/ حسين محمد أحمد، البروفيسور/ أنس عبد الحفيظ، الدكتور/ عوض الجاز، الدكتور/ توفيق الطيب البشير، الدكتور/ عبد المطلب الفحل، الدكتور/ حسن أحمد طه والدكتور/ ياسين محمد ياسين المحامي وآخرين لم يسعني المقام لذكر أسمائهم فهم كُثُر...
أسمحوا لي وشاركوني فرحتي بمقالي الآتي...
فرحة آل بــلال
إنه لمن دواعي سروري وفرحي أن أُهنئ نفسي وعموم أهلي البلالاب من حزيمة الأصل إلى الخرطوم إلى مكة المكرمة إلى الرياض إلى عاصمة الضباب لندن... بنيل إبن عمي معلِّم الأجيال الدكتور/ إبراهيم علي بلال درجة الدكتوراة بإمتياز في (القضية الفلسطينية في الشعر العربي الحديث) من جامعة أُمدرمان الإسلامية...
وما يزيدني فخراً وإعزازاً إخوتي الكرام... هو أن الدكتور/ إبراهيم معلم من الطراز الأول حيث عمل بالتدريس بالمرحلتين المتوسطة والثانوية منذسنة1965م وصال وجال في معظم مناطق السودان إبتداءاً بورتسودان مروراً بـأتْبَرا وحلفا الجديدة والدويم والقطينة وقد أُنتُدب أيضاً في الجماهيرية الليبية لمدة (5) سنوات، فنهل طلاب تلك المناطق من علمه الغزير وتشبعوا على يديه من ضياءات لغتهم العربية الأُم وآدابها... إلى أن تقاعد في العام 1999م.
وما يبهرني إخوتي الكرام وكل من عايش حياة الدكتور/ إبراهيم بلال هو إصابته بالفشل الكلوي في أواخر التسعينات وأُجريت له عملية زراعة للكلى في مدينة المصطفى صلى الله عليه وسلم كُلِّلَت بحمد الله وتوفيقه بالنجاح... وهو في غياهب هذه المرحلة من حياته كان يُعِد في الماجستير في (حياة شُعراء الكتيبة في السودان) فكانت المسافة التي فصلت فرحة شفائه ونيله لدرجة الماجستير قصيرة جداً... فاتحاً الباب على مصراعيه لأبنائه وتلاميذه قائلاً لهم أن الإصرار والعزيمة والأمل هي مفتاح لكل طريق ونبراس لكل معرفة وتسهيل لكل عسير... ثم لم تلِن عزيمته وهو يصارع هذا الداء الغريب شاقاً طريقه رغم الصِّعَاب ملتحقاً بإحدى معاهد الخرطوم لتدريس العربية لغير الناطقين بها مواصلاً لطريقه الذي بدأه في العام 1965 معلماً ومدرساً وهادياً مهدياً...
ثم واصل دراسته العُليا مُستعيناً بالله تعالى وعزيمته التي لا تعرف المستحيل... سائراً على درب الشهادة العُليا وقمة الهرم الأكاديمي (الدكتوراة) إلى أن نالها بحمد الله وتوفيقه وناقشها وأشرف عليها البروفيسور فاروق الطيب البشير...
نقف تحية وإجلال... وفخر وإعزاز... وتعظيم سلام للدكتور/ إبراهيم بلال وهو يقدم لنا نموذجاً رائعاً يُنير لنا طريق العِلم والمعرفة ونبراساً يهدينا إلى الطريق القويم...
تهانينا القلبية لزوجته الفاضلة الأُستاذة/ أُم الخير محمد التي كان لها دوراً فاعلاً في الوقوف بجانبه وفتح باب الأمل على مصراعيه وهو يُعاني آلامه مع الكُلي... وتهانينا لأبنائه الكرام الأُستاذ/ أيمن إبراهيم والأُستاذ/ إيهاب إبراهيم وبناته الفضليات وأخيه الصحفي الأديب الشاعر سيد أحمد علي بلال وكل أبنائه الذين تخرجوا من بين يديه وأهله وأحبابه بالسودان وخارجه... وفي الختام أتمثَّل بقول الإمام الشافعي (رضي الله عنه) الذي يحثنا على العلم والتعلم حيث يقول:
العلم مغرس كـل فخر فافتخـر ** واحذر يفوتك فخـر ذاك المغـرس واعلم بأن العـلم ليس ينالـه ** من هـمـه في مطعــم أو ملبـس إلا أخـو العلم الذي يُعنى بـه ** في حـالتيه عـاريـا أو مـكتـسي فاجعل لنفسك منه حظا وافـرا ** واهجـر لـه طيب الرقــاد وعبّسِ فلعل يوما إن حضرت بمجلس ** كنت أنت الرئيس وفخر ذاك المجلس
فحقاً لك يا دكتور إبراهيم أن تفتخر وأنت ترِث النبي صلى الله عليه وسلم... حيث لا يورِّث الأنبياء درهماً ولا ديناراً إلا العلم... وحقاً لك أن تفرح وتبتهج وقد أصبحت فخراً ورئيساً لمجلسنا الصباحي في منتداك العامر الجميل بصالون الأُستاذ/ سيد أحمد علي بلال...
صادق دعواتي لك أن يصبغ الله عليك نعمة الصحة والعافية ويزيدك من علمه وفضله... وأن يجعل ما تقوم به في ميزان حسناتك... وأن يبوِّأك المقامات العليَّة في الدُّنيا... ويرزقك حسن الختام ويجاورك الفردوس بالمصطفى صلى الله عليه وسلم...
Quote: ثم واصل دراسته العُليا مُستعيناً بالله تعالى وعزيمته التي لا تعرف المستحيل... سائراً على درب الشهادة العُليا وقمة الهرم الأكاديمي (الدكتوراة) إلى أن نالها بحمد الله وتوفيقه وناقشها وأشرف عليها البروفيسور فاروق الطيب البشير...
Congratulations My Salam to Mr. Kamal Bilal
Post: #1140 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 03-31-2007, 02:03 PM Parent: #1139
ألف مبروك وإنه لكفاح يشرف كل السودان لا المنطقة فحسب، وهو بلا شك مصدر فخر لأبنائه ولنا جميعاً، تهانينا القلبية له ولك ولأسرته ولآل بلال ولحزيمة ولنا جميعاً.
الأخ أبو الحسين واضح من السرد ان المحتفى به إبن عم لصديقي الراحل سمير عبدالله بلال الشمعة التي إنطفات مبكراً رحمه الله وهم من اسرة عرفت بالذكاء وحب العلم وعلو الهمة.
بارك الله في استاذنا الجليل الذي رفع رؤسنا ومتعه الله بالصحة .
بسم الله الرحمن الرحيم سلام ياهلنا... الف مبروك للدكتور ابراهيم والعائله الكريمه. تحياتي... حاتم هاشم.
Post: #1148 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-01-2007, 02:14 PM Parent: #1141
Quote: بسم الله الرحمن الرحيم سلام ياهلنا...
الف مبروك للدكتور ابراهيم والعائله الكريمه. تحياتي... حاتم هاشم.
الغالي جداً الخليفة أبو هاشم...
تتبارك أيامك يا اخوي... وتشكرات على جمالك وألقك ومجاملاتك وروحك الطيبة...
لك كميات مودتي... وربنا يحفظك وكل آل هاشم... والجميع...
أبو الحســـــــــين...
Post: #1146 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-01-2007, 07:37 AM Parent: #1140
كتب أُستاذ/ موسى الحسين حاج موسى...
Quote: ألف مبروك وإنه لكفاح يشرف كل السودان لا المنطقة فحسب، وهو بلا شك مصدر فخر لأبنائه ولنا جميعاً، تهانينا القلبية له ولك ولأسرته ولآل بلال ولحزيمة ولنا جميعاً.
تسلم أُستاذي/ موسى آل الحسين على هذه الكلمات المُضيئة في حق الدكتور/ إبراهيم بلال وأُسرة البلالاب عموم...
فلك التحية والتقدير والتجلة ولكل آل شيخنا ود حاج موسى...
Quote: الأخ أبو الحسين واضح من السرد ان المحتفى به إبن عم لصديقي الراحل سمير عبدالله بلال الشمعة التي إنطفات مبكراً رحمه الله وهم من اسرة عرفت بالذكاء وحب العلم وعلو الهمة.
نعم أخي الكريم موسى هو كذلك... ونسأل الله عبرك الرحمة والمغفرة للمرحوم سمير عبد الله بلال ونسأل الله أن يجاوره الفردوس الأعلى بالمصطفى صلى الله عليه وسلم بقدر ما قدم وبذر من بذور الخير والعلم والمعرفة...
Quote: بارك الله في استاذنا الجليل الذي رفع رؤسنا ومتعه الله بالصحة .
آمييييييييييييييين...
ونفعنا الله والجميع بهذه الدعوات الصادقة التي خرجت من قلب صافي ولك مثلها أخي موسى وللجميع...
هل كان المرحوم الفنان سيف الأراك يدري أن أجله قد أصبح قاب قوسين أو أدنى عندما ترنم بهذه الرمية؟ "دنيا صغيري يا عبد الرحمن غرارة" "آخرا كوم تراب وتحتو الجسم بنضارى" رحمه الله رحمة واسعة
Post: #1145 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-01-2007, 06:34 AM Parent: #1
اللللللللله يديك العافية يا اخوي رجعتنا لأيام جميلة خلاااااااس... أيام التمانينات وأيام سيف الدين النواضر في ذلك الحين هو ومنافسه في الإبداع ـ الشريف ـ معاوية المقل...
وبالمناسبة يا د. ياسين أبوي بحكم إنو من أهل الأراك دايماً بيقول لينا أول من عزف الطنبور بعد ما جانا من بحري مع مراكب المحس هو ود قدقود جد سيف الدين الأراك... فما أدري صحة هذه المقولة... أرجو منكم التوضيح إن كان لهذه المقولة توثيق معتبر...
آلاف رحمة ونور تنزل عليك يا سيف الدين حسن قدقود...
وتشكرات للذين عبروا عن أحزانهم شعراً منظوماً في فقدنا الجلل للقامة سيف الدين الأراك... المتفرد جداً في كل شئ... فالرجل كان زاهداً في هذه الدنيا مُحباً للناس... مجاملاً بمعنى الكلمة... صاحب مشاعر رقيقة وكان عازفاً ماهراً قال عنه محمد جبارة سيكون خليفتي في الطنبور... لكن لم تمهله الأيام ليخلف ود جبارة... نسأل الله له الرحمة والمغفرة ولمبدعينا الحياة الطيبة الكريمة ياااااااااااارب...
ولك كميات مودتي د. ياسين... بس عاوزين منك طلب... رابط الحفظ...
تخريمة:: طلب خااااااااص... من الأُستاذ/ خالد المنسي دايرو يعصر أحاسيسو شدييييييييييييد في البيت المقتبس أعلاه للشاعر أسامة معاوية يورينا حا يطلع بي شنو...
Post: #1149 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 04-01-2007, 04:08 PM Parent: #1147
متابع كل حرف كتب هناك وان شاء الله تكون استمتع بالشريط يا أخوانا وين الأستاذ موسى الحسين لعلو بخير مقتبس من مداخلة د يس
الدكتور/يس تسأل عنك العافية، ما شغلني عن المداخلة عليكم إلا مأموريات السفر وضغود العمل ومع ذلك أتاوق عليكم (الحوش) باستمرار ومتابع أول بأول. الشكر لك ولكل من من ساهم في استمرار هذا الحوش، أبو الحسين والأستاذ/ خالد ود منسي والخليفة ود هاشم والأخوات فدوى و ست البنات نفتقدها علها عافي.
Post: #1150 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-01-2007, 04:40 PM Parent: #1
يعلم الله منور الشاشة يا قصي يا ولدي...
أسأل الله يحفظك ويغتيك من عين خلقو يااااااااااااارب...
شوف كمان نجس الفصاحة والفتاوي الماها صاح نحن عافين الله اعظم والرزق بنزل مقسّم للبجاهد والمعسم والله ما شقا لو حنكاً ضيعّو والله ماسوا لو طفلّن ما سقاهو ورضعو ألا أسمعوا يا رفاقّه الرضاعة خشُم بيوت والرباية خشُم بيوت والمعايش ماها توت والمعذب أخير إموت الوليد ان مبرجل شن بسوي زي كليب جربان يهوّي إصبحِ والمصران مهوّي وإمسى والمصران مهوّي لا يبهرج لا يضوّي الولد كان إربى قوّي عملة استرليني سايرّه إبقى صاروخ ارض جوّي
في مطلع القصيدة خاطب ود بادي نسوان ودالشايقي بلسان زوجهنّ ودالشايقي ثم عرج لانتقاد كلام ود الشايقي حين قدموا له الحبيبات ( لمنع الحِمل ) لتنظيم الأسرة وأستفزهم الشيخ الورع المزواج
كلام ود الشايقي شدة ما استفزّه الفحل خلا يبدا المقطع بذاك البيت الجميل شوف كمان جنس الفصاحة والفتاوي والماها صاح
الراجل باقي قال ليهم.... الله ما شقا لو حنكن ضيعّو فقعب ود بادي ماسوا لو طفلن ماسقاهو ورضعو لكن ::: الرضاعة خشُم بيوت والرباية خشُم بيوت والمعايش مها توت والمعذب أخير إموت لكن عليكم الله آ جماعة ما صدق وديادي ربنا قال وفصامه في عامين .. ونسوان ودالشايقي قاعدات أفطمن في شهرين .. عاد كيفن الواحده فيهن بتحمل قومتها من النفاس فينقع لبن الحمل الاول .ز زأنا ماراً على هذه الأبيات خطر لي أن نساء ود الشايقي ما صامن رمضان من ما لمن في تور البقر دا ( والفحل مو عواف ) البلقاها قدامو بنجمه .. ومسيكنات صلاتّن مقطّعه طول عُمرن ...
العايش ماها توت ..قد يمر الكثير على هذا البيت مرور الكرام ... يعني الفحل ودبادي أن المعيشه وتأمين حق العيش ماهو يانصيب ( توتوكورة )
فعلاً الجاهل المبرجل شن بسوي .. فطم في شهرين وسن سته انجدع الأم حملها دخل في الشهر الخامس والبطن تقلت والحركة قلت كان وقع ما بتقوم ترفعو وما بتسكت بتلحقّو دعوة قوم علي حيلك تقوم قومة ابوي داك السمح .. وان عطش تورك لي إخيتو الكبيرة تسقي وكان جاع يدافس مع فريق قومي لا يقهر وحقو رايح بيناتهم لقمة في الخشيم ولقمه في الواطه .. عاد شن فاضل يربى كيف وهو عايش في غاب بين فطاحلة وحقك ضراعك والمسكين مشلهت .ز ياها البرجله مو زي داك وليد الأم العندها شئ اسمو ( قاب ) شغل الخوجات والنظام.. وليدن يقوم ماشاء الله مفرهد ومبهرج ... وحريم ودالشايقي ليهن الله وعيشة حمدالله
Post: #1154 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-02-2007, 07:53 AM Parent: #1151
Quote: المرحوم الفنان سيف الأراك ينعي نفسه Right click Save target as
د. ياسين...
الغبا اليغبى عدوك قول آمين...
الشئ دي نفس الأُغنية الفوق... شوف لينا الأُغنية المقصودة الله يرضى عليك...
Quote: لكن ::: الرضاعة خشُم بيوت والرباية خشُم بيوت والمعايش مها توت والمعذب أخير إموت لكن عليكم الله آ جماعة ما صدق وديادي ربنا قال وفصامه في عامين .. ونسوان ودالشايقي قاعدات أفطمن في شهرين .. عاد كيفن الواحده فيهن بتحمل قومتها من النفاس فينقع لبن الحمل الاول .ز زأنا ماراً على هذه الأبيات خطر لي أن نساء ود الشايقي ما صامن رمضان من ما لمن في تور البقر دا ( والفحل مو عواف ) البلقاها قدامو بنجمه .. ومسيكنات صلاتّن مقطّعه طول عُمرن ...
الأستاذ خالد سلام بالغت ...... حديثك دا خوفي يودي البوست دا الخور تكرم على ايضاح هذه الصورة الغائبة أكاد أجزم أنني استمعت لهذه القصيدة عشرات المرات وفي كل مرة استبين خفايا ولكن لم يخطر لي ما خطر ببالك هذا لك الود
Quote: الأستاذ خالد سلام بالغت ...... حديثك دا خوفي يودي البوست دا الخور تكرم على ايضاح هذه الصورة الغائبة أكاد أجزم أنني استمعت لهذه القصيدة عشرات المرات وفي كل مرة استبين خفايا ولكن لم يخطر لي ما خطر ببالك هذا لك الود
دكتور ياسين مرحبتين حبابك يا أخوي ود بادي ذاتو لامن ألقاها قال أن ودالشايقي رد على القصيدة بكلام من النوع الذي لا يمكن أن يقال في المناسبات العامة .. وأن القصيدة لا تخلو من الإشارات ليست الخبيثة ولكن إشارات غميصة
كان لابد من الغوص مع الفحل وديادي لكشف تلك الإشارات الغميصة .. وكلو في النهاية تأويل حملنا عليه حب تفسير الكلم وقد نكون مخطئين لكن حبينا أن نوضح الصورة كاملة دون أن ندفن رأسنا في الرمل وود الشايقي حاله وحال نسائه وبطانه مدرسة ووعظ للناوين ال.....في السنين المحل وفي القصيدة امور جد لو تعرضنا لها مش يمشي البوست الخور والله بكري اجر لي عُكاز مضبب وإجي لابوالحسين مخصوص وربنا يستر
بسم الله الرحمن الرحيم سلام ياهلنا... الهديل .......... الشاعر...محمد سعيد دفع الله ............................... اداء المبدع ...محمد جبارة ...........................
ابديهو الهديل كدى غنى لى ّ حتى ان كان قليل يبرد علىّ يقيف دمعى البسيل وتجف عينى لا تبكى و تنوحى كفاك انينى تفتقى لى جروحى مع حنينى انا الفارقت روحى قضيت سنينى اريت ان كان مرادى انا بى ايدى اه قمريه ماك شايفاهو حالى حالى البى ّ يغنيك عن سؤالى زولا لى طول شايفو سالى زاد البي ْ بدّلْ يرحم شويه ماراعى النحول الفى عضايا اظن صدقلو قول كذب هوايا خلاص لمالو زول تانى وسوايا وانا البكا والذهول صار لى ْسجيه انا الختيتو فى داخل فؤادى انا الضاريتو من كل الاعادى انا الغذيتو يشرب من ودادى اه ياريتو خفف لى الاذيه اه اواه واه قمريه غنى معاكى قليبى تاه بس لا تضنّى انا القاسيت اذاه اهديكى فنى لا تزيديلى جرحى على العلى. ....................... تحياتي... حاتم هاشم. ّ
Quote: ولك كميات مودتي د. ياسين... بس عاوزين منك طلب... رابط الحفظ...
Quote: د. ياسين...
الغبا اليغبى عدوك قول آمين...
الشئ دي نفس الأُغنية الفوق... شوف لينا الأُغنية المقصودة الله يرضى عليك...
الحبيب الأستاذ ابوالحسين سلام فهمت ، ولازلت افهم ، من كلامك في الاقتباس الأول أعلاه انك تريد رابط أغنية المرحوم سيف الأراك "رحمه الله رحمة واسعة" وهو الرابط الذي قمت بوضعه ، ولكن كلامك الآن يشير إلى أغنية "المقصودة" ، ولا ادري ما هي عموماً أنت تأمر لكن المخ بقى تقيل عليك بالتوضيح مع تحياتي
الحبيب الأستاذ طارق الأمين كيفك واحوالك وكل الأهل شكراً لتوضيحك بنفسك لانو ابوالحسين اب يبردلي وقت نشدت منك حقيقة انني اشتاق إليك وللديم ولتك الأيام الجميلة في رحاب دار أحمد العوض برفقة الصديق العزيز الأستاذ سيد العوض والأستاذ الزبير الفضل وكرام الإخوة أيوب التركي وحسين العباس لك تحياتي وكم انا مشتاق لسماع أعمالك بالطنبور وليتني كنت هناك لاحاول مساعدتك في انزالها لقد قمت بتصغير صورتك لكي تغير تلك الموضوعة في البروفايل لانها ماليه الصفحة يمكنك استخدام الرابط المرفق http://3aza.com/uploader/uploads/dsc09463.JPG مع ودي يس محمد يس
Post: #1167 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-04-2007, 06:35 AM Parent: #1164
كتب د. ياسين...
Quote: الحبيب الأستاذ طارق الأمين كيفك واحوالك وكل الأهل شكراً لتوضيحك بنفسك لانو ابوالحسين اب يبردلي وقت نشدت منك
وداااااااااكْتَ النهار كتب أبو الحسين....
Quote: د. ياسين... وأُستاذ/ هاشم...
سلامات... وتسأل منكم العافية...
طارق الأمين ـ المحامي دا ياهو ذاااااااااتو طارق ود أختي (طارق الهيلاهوب)... وود أخت الأُستاذ/ السيد العوض المحامي... له وعبره لمولانا سيد سلامات سلامات...
ونقول لي طارق واصل معانا إبداع... وبالأخص القصص الهيلاهوبية ـ الشايقية... فهي تعالج قضايا مهمة جداً...
كميات مودتي... وأبقى قريب آ طارق لا تبعد شئ...
أبو الحســــــــين...
كميات مودتي د. ياسين... وربنا يديم اللمَّة الحلوة دي في حضرتكم البهية...
ويا هلا بالجميل طارق الأمين... شرفت ونورت الحوش بي أركانو... بس داير منك طلب... تختِف كراعك الجمعة الجايي علي أُمبدة.. تعمل لقاء زي لقاءاتك الجميلة ديك مع أُستاذي/ ود حُمد إحمد... تجيب لينا منو أي حاجة...
مالكن على ................. شيخ العاشقين ...عبدالله محمد خير ....................................
مالكن على وليه يا نهيدات الجدى سويتا العجب العجيب فى قلبى بهدلتنو لى نوسرتن الجرح القديم الكان مسهد لى عينى ومـن شفتكن ما شفتن الحاصل على ما شفتن القرن القبيل كت قايلو مات تاريهـو حـى تاريهو زى ما كان زمان ينبض شباب وشجون وغى ليه يا نهيدات الجدى يا برتكانات استون فوق عودن اللدن الطرى مضمور محل متبور محل نجضان ونى لين هنا ونديان هناك وسط قوى بس عندو سيد مرات عنيد مرات هدى ليه يا نهيدات الجدى واقفات بلا قببا فقيرن ديمه شالع فوقو ضى ينشاف قريب وينشاف بعيد بتق فى احساس جديد ينتر شديد لا عرفتو ريد لا عرفتو جن دايرلو قيد وقفت حدود معرفتى فوق حلما صبى يرجف يغازل النسمه كان هبهب هوى مالك على آ بنى هوى مالك على وانا عمرى ما اتحدث مع زولا اسمو مـىّ بس قولى شن قارنى فيك لاك عارفى هوىّ لاك عارفىهيى لاك عارفى هىّ وللشىء البعجبك ما بتعرفى تقولى سىّ يا بت عليك زاد الشجون وبوب مارلى والحزن القديم اتمهلى لا تستهزى بىّ عمك انا وجدك كمان لكن مصيبتى على العلى ّ بهوى الجمال وبهوى السبيب كلما هو طال وبهوى الصدير كل ما حضن رمان وشال وبهوى البنات كلما بقن شبه الغزال وما فيش بلا الهوى بين ايدى ّ وانا من زمن بارى السراب سارح معاهو ودىّ ودىّ كل ما اقول بى داك عمار ادنالو القى هويد وصىّ ليه يا نهيدات الجدى يالزى نواطير الترك فى العالى ما طلاها رىّ يا الزيكن ما شفنا زى ّ طماع انا ومابرضى بى شيتن شوىّ وما بيسعد المكتوبلو فى المحفوظ شقىّ .................. تحياتي... حاتم هاشم.
Quote: هل كان المرحوم الفنان سيف الأراك يدري أن أجله قد أصبح قاب قوسين أو أدنى عندما ترنم بهذه الرمية؟ "دنيا صغيري يا عبد الرحمن غرارة" "آخرا كوم تراب وتحتو الجسم بنضارى" رحمه الله رحمة واسعة
الدكتور الحبيب سلام فعلاً يا دكتور وكانوا بقولوا أهلنا زمان ( كان جنى فراق ) ...لما يكون الجنى سمح الكلام سمح الفعل سمح الخصال والطبع خلوق متدين ورع .. قدامي في الحاره متاقل أجرجر عند القسمة ... تابي حفيان عندما يصيح الكبير يشهل وإمهل قومابي يتناول التقيل من الصغير رحمة ومن الكبير توقير واحترام مسند ضهر الراحلين في قفاهم الأعوج وما مشهل... وقد نعى نفراً كُثر أنفسهم قولاً وشعراً قبل مماتهم
يا جميل يا نور الشقائق أملى كأسك وأصبر دقايق مجلسك مفهوم شوفو رايق عدُّ ناقص زول ولا تام
فكان قائل الأبيات أول من أنفرط من العقد المنظوم
لقد حزنت كثير بعد مقدمة حبيبنا الدكتور وبعد سماع الرباعية حزن حُزني الدفين وأزداد القلب أسى ولوعة لأخ ما عرفته ولم أتلتقيه يوماً ... نسأل الله الكريم منزل القرآن الحكيم بكل اسم سمى به نفسه أو أستأثره عنده في علم الغيب او علمه أحداً من خلقه أن يسكن الفقيد سيف الأراك جنانه العُلى ويتغمده برحمته الواسعة
حَنّت روحي للصيد ونقرشت أوتارّه يمشي الليل فوق ريدن نجر مسداره نفساً لي أنا بقت بي غيهن محتاره والنزيل زمان قال النفس آمارّه
رف الجسيم وتحركت أوتار حسه تسوقه منقاد طوعاً دون إرادة لمكان قد تعود لقاء الحبايب فيه...وتزحف السويعات منجرّه وكلما أليل الليل زاد الوله والريد وحرك قلوب الحبايب فيشعر الشاعر ويرجز الراجز وينثر الناثر كلم طيب يدمي القلوب .. دا الليل وناساً هجود ... ونفراً سجود ... وبعضاً شايلنو مع الحبايب والليل عليهم شاهد.
في البيتين الآخرين يكشف نفس الشاعر المرهفة وورعه وايمانه
كانت النفس هي الرسن الذي تقوده أوتار احاسيسه فكان يردعها بتذكر قول الله سبحانه وتعالى في تنزيله الكريم ( أن النفس آمارة وتقود صاحبها )
يتجلى ردع الشاعر لنفسه الآمارة بالسوء ويذكر نفسه ورفيقه عبدالرحمن ان الدنيا قيدها قصير نرحل منها وتنقطع عنا خُباره وكتين يواري جسمنا الثرى
وقالوا كُبارنا الليل بستر الجُبال .. والليل رفيق عاشق بحسب ويعد نجمو .. الليل مسافات ريد تنقضي في سراع في حضور الحبايب ونجر متاكسلة في غيابهم ... والليل حضور وشعور وتأمل .. وقد قيل في الليل الكثير
قال شاعر
أُمبارح أنا وقصبة مدارق السيل في ونسه وضحك لاَمن قسمنّا الليل وكتين النُعاس إتشقلبن بو الخيل لا بِخلت ولا جادّت علي بالحيل
وقال الفحل ودبادي
وبعد الليل مايهوّد ونحن نهوّد عاد أُماتن ينادّن ليهن نمشي علي القيزان نتقادّم أقيس الخطوة مع التاتاي ومشيهن
( أقيس الخطوة مع التاتاي ومشيهن ) في ظاهره بيت بسيط وعادي لكن لو غصنا مع ودبادي في مرامه نجد أن تلك الحالة قد مرت بنا كلنا لكنها تعبر كعبور حياتنا دون أن نكترث لها ... البنايات لامن تكون مقدمهن وماشي معاهن فعلاً مشيهن تقيل وتتكّل وتأني ... فكان الفحل يقيس خطواتهنّ بخطوة الطفل اليا يدوب ببمشي تاتّي يا سلام يا ودبادي لا فض الله فوك عميق عمق الدين فينا.. عميق عمق حب الأرض فينا
Quote: وكانوا بقولوا أهلنا زمان ( كان جنى فراق ) ...لما يكون الجنى سمح الكلام سمح الفعل سمح الخصال والطبع خلوق متدين ورع .. قدامي في الحاره متاقل أجرجر عند القسمة ... تابي حفيان عندما يصيح الكبير يشهل وإمهل قومابي يتناول التقيل من الصغير رحمة ومن الكبير توقير واحترام مسند ضهر الراحلين في قفاهم الأعوج وما مشهل... وقد نعى نفراً كُثر أنفسهم قولاً وشعراً قبل مماتهم
والله كأنك رايته ، فهو زميل دراستي وعُرف بكل ما ذكرت وأكثر ، ولكن ....... لا حول ولا قوة إلا بالله
Quote: لقد حزنت كثير بعد مقدمة حبيبنا الدكتور وبعد سماع الرباعية حزن حُزني الدفين وأزداد القلب أسى ولوعة لأخ ما عرفته ولم أتلتقيه يوماً ... نسأل الله الكريم منزل القرآن الحكيم بكل اسم سمى به نفسه أو أستأثره عنده في علم الغيب او علمه أحداً من خلقه أن يسكن الفقيد سيف الأراك جنانه العُلى ويتغمده برحمته الواسعة
اللهم آمين
Quote: يتجلى ردع الشاعر لنفسه الآمارة بالسوء ويذكر نفسه ورفيقه عبدالرحمن ان الدنيا قيدها قصير نرحل منها وتنقطع عنا خُباره وكتين يواري جسمنا الثرى
Quote: وقالوا كُبارنا الليل بستر الجُبال .. والليل رفيق عاشق بحسب ويعد نجمو .. الليل مسافات ريد تنقضي في سراع في حضور الحبايب ونجر متاكسلة في غيابهم ... والليل حضور وشعور وتأمل .. وقد قيل في الليل الكثير
أحسِن به من كاتم سر!!
يا سلام وسلام عليك يا أستاذي خالد ليت لي نفَس خيل خيالك والمقدرة على التنقل بين مكامن الجمال ونبشها ومشاهدتها تسير على قدم وساق كما تفعل انت لله درك
الأحباب سلام أدعوكم لجلسة صفاء في حضرة الأستاذ الفنان محمد كرم كلمات الأستاذ حسن الدابي "مسخت عوم البترطن في جروفا"
الأستاذ خالد قف... تأمل ..... انْضُمْ الصدير رجفاتو ربت ليا خوفا .... وخام ثمار الـ الله قال دانيات قطوفا
Post: #1173 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-05-2007, 09:29 AM Parent: #1
إخوتي الكرام...
صورة مقلوبة من البلد... من أرقي المحروسة... والأخ مامون جعفر...
ولكم كميات مودتي...
أبو الحســــــــين...
Post: #1174 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 04-05-2007, 12:38 PM Parent: #1173
Quote: أدعوكم لجلسة صفاء في حضرة الأستاذ الفنان محمد كرم كلمات الأستاذ حسن الدابي "مسخت عوم البترطن في جروفا"
د/ يس شكراً على هذا الإبداع الذي يستحق الإستماع إليه بصفاء فعلاً.
وإبداع آخر وجدته في الصفحة السابقة (الصفحة التاسعة) أغنية التراث التي أجاد في أدئها الفنان عبد الرحمن بلاص والحقيقة إنك (نكتها من بيت الكلاوي) وادعو جميع الاخوان بالرجوع إليها والتأمل في في كلمات هذه الأغنية الرائعة جداًوالإستمتاع بأداء الفنان بلاص الذي يعتبر من المهتمين جداً بهذه اللونية من الغناء ويحمد له ذلك فقد ظل يبذل جهوداً مضنية في التنقيب في الأشعار القديمة وبخاصة أشعار السيرة (بفتح السين)التي كانت تنظمها الامهات والعمات والحبوبات في مدح من يستحق المدح من أبنائهن وأحفادهن، وللفنان بلاص باع طويلة وجهد مقدر في هذا الميدان لا يتجاوزه فيه إلا الراحل محجوب كرار رحمه الله. بتكلم بقول فوقو الحقائق كلاماً لو(لا) ملتق ولو(لا) لفائق تأمل الشطرة الاخيرة من هذا البيت وهي رائعة جداً (لو ملتق) وهنا شكرت الشاعرة نفسها ووصفت نفسها بأنها تجديد نظم الشعر والقوافي وكلامها فيه غير ملتق ( ولو لفايق) وهنا شكرت الممدوح بأن ما تقوله فيه حقائق غير ملفقه.
الأخ يس رجاء توثيق مثل هذا التراث من الأهمية بمكان بل هو واجب .
مسخت عوم البترطن في جروفه .............................. للرائع... حسن الدابي .........................
اه يا خلايه فجولي اللشوفه الصدير رجفاته سبب لي خوفه خام ثمار ال الله قال دانيت قطوفا الرقيبه قزازة الروم في وقوفا جرعتني العلاقم بي صنوفه بروقيها الداره لخبطي لي صفوفا خلي حسادك عديل تخضع انوفا ديسه شوف عيني من شكت كتوفا الا دايما نافره يا ناس ما ولوفا صممن جاراتا قال لي عطوفه ملا شوفته لي تشهر لي سيوفا العلي والبي كلو سبب عزوفا لو تحلو رموز اصابع اليد حروفا اه يا خلايا. .............................. تحياتي... حاتم هاشم.
Quote: تأمل الشطرة الاخيرة من هذا البيت وهي رائعة جداً (لو ملتق) وهنا شكرت الشاعرة نفسها ووصفت نفسها بأنها تجديد نظم الشعر والقوافي وكلامها فيه غير ملتق ( ولو لفايق) وهنا شكرت الممدوح بأن ما تقوله فيه حقائق غير ملفقه.
Quote: الأخ يس رجاء توثيق مثل هذا التراث من الأهمية بمكان بل هو واجب .
أستاذي موسى الحسين لك السلام نعم نضم يصعب الخوض في تفسيره ، إنه السهل الممتنع وبإذن الله أنا وإياكم نبذل ما بالإمكان لحفظ هذا التراث التحية لأبي الحسين وللأستاذ بكري أبوبكر
الأستاذ حاتم هاشم شكراً لإتيانك بالنص
Post: #1182 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-07-2007, 03:35 PM Parent: #1177
إنت آآ د. ياسين... مسعول من الخير... صاحبك دا مالُو إتْخُووَجْ!!!
إنت عارف درجة البَرْوَقة أكبر بكتييييييييير من اللخبطة ...
وحقيقي إخوتي الكرام... زمااااااان البنت كان تزيد درجة تعظيمها وتقديرها إجادتها للرقص... عشان كدي قال.. خلي حسادك عديل تخضع إنوفا...
كميات مودتي... وبجيكم راجع...
أبو الحســــــــين...
Post: #1180 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-07-2007, 02:01 PM Parent: #1
كتب د. ياسين محمد ياسين...
Quote: أستاذي موسى الحسين لك السلام نعم نضم يصعب الخوض في تفسيره ، إنه السهل الممتنع وبإذن الله أنا وإياكم نبذل ما بالإمكان لحفظ هذا التراث التحية لأبي الحسين وللأستاذ بكري أبوبكر
الغالين أُستاذ/ موسى ود. ياسين، أُستاذ/ خالد والخليفة أبو هاشم... والقُراء الكِرام...
نعم لمناشدتكم حفظ تراثيات السيرة وأهديكم أحبتي بلاص مرة تانية...
بلاَّل يا بلاَّل يا اب ذوق عشا اْمُّو المنفَّل خالو بين الناس وعمو...
بلال يا بلال أب ذوق عشا امو... المنفل خالو بين الناس وعمو...
جزايرك بي تحت وزينا رزَّم... وعطف فوق القيوف نخلك مردَّم...
تكبر يا عشانا ولينا تسلم... وتصول فوق حقَّك الصح مُو ملمْلَم...
تسافر برة للتعليم تحصل... وتجينا نجحت في ساحاتنا تقدل...
تعود للحوبة للوسخان تغسل... وتزور حلتنا للفتران تنشِّل...
تقدل يا خزينا مع رباعتك... يا مُقنع قفانا وضو جماعتك...
خايلي القدلة فيك مع شداعتك... وتضوي بلا القمر يا خيري ساحتك...
إن بقى في الحرابات يبقى صايل... وان بقى في العلم يفتي ويجادل...
وان بقى في المحاكم ماهُو مايل... وان بقى في التجار ميزانو عادل...
مناي تكبر تزيد يا السمحي ذاتك... واخواتك يقولِن لك وحاتك...
Quote: اه يا خلايه فجولي اللشوفه الصدير رجفاته سبب لي خوفه خام ثمار ال الله قال دانيت قطوفا الرقيبه قزازة الروم في وقوفا جرعتني العلاقم بي صنوفه بروقيها الداره لخبطي لي صفوفا خلي حسادك عديل تخضع انوفا ديسه شوف عيني من شكت كتوفا الا دايما نافره يا ناس ما ولوفا صممن جاراتا قال لي عطوفه ملا شوفته لي تشهر لي سيوفا العلي والبي كلو سبب عزوفا لو تحلو رموز اصابع اليد حروفا اه يا خلايا.
إجتمع الحنين والمحنة .. شن نسو غير مانجن ونقول هوووو ( شعر درر سبحة تبرق في ظلام ليل الخمسة الأوئل من الشهر الهجري لحسن الدابي عليه رحمة الله رحمة واسعة... والصوت الدافي كأنه ينسال عليك غطاءً مُدثر يقي شر برد قارس في ليالي شتاء جاء على غفلة للفنان القامة آمد الله في أيامه محمد كرمالله والطمبور الحنين بطبعه ومآخد من حنين صانعيه خلسة وعلنا فكانت تلك الرروعة والصورة الفاتنة... وتشهد الله أنك ترى تلك الفتاة وهي كمهرة جامحة تبروّق في الدارة تحاكي صِوبْعات الرمالي وهو يشخبط بكلام يفهمو الناس الكُتر ويصعب على جليسه متابعة أصبعه وهو يرسم على الأرض ... لإزاحة الستار عن غيب السماوات الذي لم يكشفه الإله لغير ( كذب المنجمون ولو صدقوا ).. أنا قلنا تلخبط الداره ما بندي المفرده حقها وأن قلنا تسوط الداره بنكون قصرنا في الوصف وان قلنا تجوط الدارة الشليق ممكن يجوط الداره فخطرت لودالدابي مفردة ( بروقيها ) وفكانت وصف لخلط مع مزج ومع جوطه مع إزاحة واحلال ... المهرة الجامحة خامه ثمار فوق صديرها قادر الخالقوا وسمو وصلو علي الحبيب ... والرقيبة زجاجة روم .. جمال .. طويلة.. ومبروم .. محزحزه .. كان ذاك شكل زجاج الروم اي الزجاج الذي كان يأتي لبلادنا معبأ بالباطل ويا للروعة ناس ام أحمد بعد فض السم الفيه يستخدمنه في حفظ العطور البلدية وناس ودالدابي يشبهة به حنناً الشعر أقدامها دثره فكشت من حمله الكتوف .. تودي يمين وتدوي شمال وقلوب خلق الله وراها ومبحلقّه كرعين يشكلّن وتاله اليدين في أطراف بنانهم سواد ليك حالك ويا الخصر الشويه تقول مديّن .. وكانو بناغموها زمان ويقولو ليها ( كفلك عطلك أمشي البنات فاتنّك ) لم يذكر ذلك ودالدابي لكنه قال انها خامه ثمار وتبروق في الدار البروقه تحتاج لخفة ومدام خفيفة يعني غير ممتلئة والصدر الكبير مع اعتدال في الحجم يحتاج لي مساناد فكان الكفل وأذا أجنمع الاثنين في الجسم المعتدل انشق بينهما وادي ابو زمام ( وهو ذاك الخصر الشوية تقول مدين ) هيجت مشاعرنا لصور رائعة يا دكتور يا سين جزاك الله عنا كل خير وما عدمنا من إبداعك تغص وتقلع معاك لوجة جمال فنانة لك الشكر والقدير
Post: #1188 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-08-2007, 08:17 AM Parent: #1184
Quote: لم يذكر ذلك ودالدابي لكنه قال انها خامه ثمار وتبروق في الدار البروقه تحتاج لخفة ومدام خفيفة يعني غير ممتلئة والصدر الكبير مع اعتدال في الحجم يحتاج لي مساناد فكان الكفل وأذا أجنمع الاثنين في الجسم المعتدل انشق بينهما وادي ابو زمام ( وهو ذاك الخصر الشوية تقول مدين ) هيجت مشاعرنا لصور رائعة يا دكتور يا سين جزاك الله عنا كل خير وما عدمنا من إبداعك تغص وتقلع معاك لوجة جمال فنانة لك الشكر والقدير
لووووووووووووووووووووووول!!!
والله ما أروعك إنت يا أُستاذ/ خالد... فقد رسمت لوحة جميلة جداً وحلَّلْت تحليل من حضر الحفلة ومشدوه فاتح فاه... إن بقى ما جدع العمة ولولح إيديهو قدامو وهَبَر علي الدارة!! ...
Quote: أنا قلنا تلخبط الداره ما بندي المفرده حقها وأن قلنا تسوط الداره بنكون قصرنا في الوصف وان قلنا تجوط الدارة الشليق ممكن يجوط الداره فخطرت لودالدابي مفردة (بروقيها ) وفكانت وصف لخلط مع مزج ومع جوطه مع إزاحة واحلال ...
Quote: ( كفلك عطلك أمشي البنات فاتنّك )
Quote: وأذا أجنمع الاثنين في الجسم المعتدل انشق بينهما وادي ابو زمام ( وهو ذاك الخصر الشوية تقول مدين )
تسلم يا أستاذ خالد أنا عارف الحديث دا بيختك "كدَّاد ومديدة" ما أجمل "بروقتك"؟ تاتي بـ"بروقة" لصور الجمال وحدود الخيال عندنا
Quote: صورة مقلوبة من البلد... من أرقي المحروسة... والأخ مامون جعفر...
ابقى لي يا أبو الحسين زولك دا البروقت الداره دي وهدبت بي هو حميرتو وبقن رويساتهم الاتنين مبروقه تبروق لامن ختو قشهم في الواطه والله يلطف علينا نحن ما نقوم ننشنقل لينا فوق كومة جليد تكسر كريعنا كمان
لك التحية ومشتاقين والله خالد
Post: #1190 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-08-2007, 04:30 PM Parent: #1187
Quote: ابقى لي يا أبو الحسين زولك دا البروقت الداره دي وهدبت بي هو حميرتو وبقن رويساتهم الاتنين مبروقه تبروق لامن ختو قشهم في الواطه والله يلطف علينا نحن ما نقوم ننشنقل لينا فوق كومة جليد تكسر كريعنا كمان
لك التحية ومشتاقين والله خالد
الغالي خالد المنسي...
يجازي محنك يا اخوي في الشنقلة دي لي زمن ما سمعتها...
وهاك شوف الشنقلة دي كمان...
قواسيب مودتي...
أبو الحســـــــــين...
Post: #1189 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-08-2007, 09:28 AM Parent: #1
Quote: من الله خلقني ـ الجزء الأول
من الله خلقني مكجِّن السفر بالعربيِّي ومكجِّن يومو ... إن بقيت ساااكت عِطِش تسوِّي النّاس في غلبة نامن يناولك الموية ... وإن بقيت خرمان دار تكرضم لك سفّه تشيل الهم لى مروقها .. وإن بقيت داير تنسيَّير عِلاّ يوقفوا لك العربيِّي وتزح من عيون النّاس لا غادي نامن نفسك ينقطع من المشي ... وده كلللو هيِّن ...النصيبة والهجِيمِي الكبيري إن بقيت دار تمرق لك هبوب وإنت مَشَكَّن وسط الخلق في العربيِّي .. تقعد تودِّي وتجيب .. وتبدأ وترايِي ..ياااربي أسويها ..؟ ولا لع ..؟ ياربي إن بقيت مرقتها بيعرفوني .. ؟ أهـا إن بقيت مرقتها .. إن مسك نخرتك براك كدي يااهن العرفوك .. وإن بقيت بلعت السيف متني وما إنزحزحت من مكانك .. تَشَكِكْ النّاس في بعضُن .. وينبادلوا الإتهامات بى عيونُن ..وإن بقى الزول القاعد جنبك ده , إتلفت وإبتسم لك سـااكت بى حسن نيّه تقول خلاس أنا إنكشَف ..فِشان كدي أنا مكجِّن سفر العربيات ده .. أها ... جات الإجازي اللّتنا ..مشيت بِعت العربيِّي اللّتي القدِيمي وأخدت لِي ويحدتن جدِيدِي ماااهلِي كدي وسميحه .. جيباً سميييح كدي ...المرأة اللّتي قالت لي المرة دي نسافر بى عربيتنا للسودان ...تنفعنا هناك نحوم بها هِنِي وهِنِي بدل كل مرة نجري نكوس في الامجاد والركشات ...انا الفكرة وقعت لِي .. لكين هِي أتاريها فوق فهم ... على حِس العربيِّي الجديدي بقت تشيل وتردم لي في العفش ..وتسوِّي لِي ما دام العربيِّي أصلها ماشي أخير النشيل ده .. وأخير النَّسوِّي ده .. هِي تردُم ..وأنا أستف وأربِّط وأشيل وأعتِّل ..متل المُزَاورِي الفي الميناء ..أصلي ما هزّيت رويسي وقت لها لع ... بس أقول لها سمِح .. سمح .. نامن أكتافي ديل إترخَن لا تِحِت بتل العَرَّاقي المَعَلَّق في الحَبِل ومسكني وجع الفِقَرْ ... من كترت العفش سبت العربيِّي بقى مَتَندَل لا فوق بتل شافع العرب الحالقين لو رويسو بى تِحِت ومخلين باقي الشَّعَر الفوق ... حيلي ضمَّه إنهدَّا وأنا لى الليلي لا سافر ولا إتحركتَ من بكاني ... قُت لها عاد إن ما عجنتي لك دِلكِي وجبدتي لى أكتافي وكرعي ديل ..ياكي الماكي مسافري من هِنِي والعربيَّي أخليها واقفي في بكانها ده ..
إتوكلنا على رب العباد وركبنا الباخرة .. مرقنا بى غادي في سواكن لقينا البلد دي فايري ... جِنِس فَسَخيبة وجِنِس حَر .. تَخَت الكَفَتيره في الشمش وترمي فيها حَب الشاي ... وجِنٍس خلِق ودَفَسيبة اللّت ناس بس يوم القِيامِي .. الراكوبة اللّت القدوم ملاني .. والمظلات البرَّا ملانات .. وواحدين يجوك جارين بى هِنِي وديل يجوك جارين بى هِنِي ..وكل واحد فيهن شايل لو دفتر ويقول لك أدفع لنا كدي , وعليك كدي ..وأمشي الشبَّاك داااك آ بعرفو سَو أشنو ...قُت لهن تعالوا هِنِي .. إنتوا في زول موصيكن عَلَي ..؟ ماسكاكُن علي غبِينِي ..؟ في زول قال لكن أنا زارع لي حيضان اللاّت ريالات في الشرِق بى غادي ..؟ تريِّلُوا فوق صدوركُن .. أزحفوا من قَبَلِي ... قَبَّال يصقعنِي جِن أسع ده أقبِّل صاد بى باخرتي دي محل ما جيت ...دااابنا فتَّاح يا عليم رزاق يا كريم كُرَاعنا لى الليلي ما إتوهطت عديل وإنتوا جايين كابسِنِّي بتل نمل السُكَّر ... القريشات الجيت شايلِن معـاي قلت أقضي بِن إجازتي عليك أمان الله إتماصن بتل الظهرة الفي الطشِت ... كل مرة أمرِقِن أقرُطِ فيهِن .. نامن بقيت أدَّخِل إيدَي في جيوبي بتل البيفتش لو في عَقَاب جُرُم وأمرُقِن فاضات .. كان ما كُت مجكِّن لى شوية دولارات كدي داسَّهِن من الحيكومة اللَّتي كانوا نقروا طاري وشالوا حالي ... يشيل حالُن ... علا بقيت نجييض آ زول ..
ناس الجمارك ... الشنيطات اللاّتنـا بَحَّتُوهِن وشنتلوهِن لينا جنس شنتيلاً, باركين فيهن بى إيديهُن وكرعيهُن بس الجدادي البتبحَت في التَّرى تحت المنقايِّي .. نامن أنا شكَّيت في رقبتي , قُت يا ربي أنا جيت شايل لي معاي مخدرات وأنا ماني عارفها ..؟ من المغصة الصادتني عليهُن قرربت أصنقِر في الواطـا وأقعد أجعُر ... ربطَّنا عفيشنا من أول وجديد ومرقنا رقيباتنا من الميناء .. مرتي قالت لي نمشي نبيت في بورتسودان ونقوم باكر الصباح .. قت لها إنتي مغزلِنِي ...؟
ناس سواكن ما قصروا شي , فرضوا الحوض قبَّال يبقى للحش دايري البعوضة اللَّت بورسودان كمان تدُق النقاقير وتعرض الليلي فوقنا ...؟ أبقي عشرة على الدميمايِّي الجيتي بها دي .. الدَّرِب قدامنا لى اللَّيلي طويل ... أول نقطة اللَّت تفتيش ونحنا مارقين من الميناء العسكري الواقف في الكُشُك وقفنا ... لى الليلي ما اتفكّينا ...قال لي: الأوراق هَقَك وين ... ؟ أدّيتو الورق ..دخل على كُشكُو وجاني مارق ... قال لي : رسوم الطريق تدينا ... رطنت معاهو قت لو ) نَاكَابْ هَرِّيوَا ..؟ ) يعني داير كم ...؟ قال لي : ( يَهَا .. برُوك بِدَاوييت ..؟) يعني إنت بجاوي ... ؟ قت لو .. لع .. ( شايقيبوا ) يعني انا شايقي إستغرب وعاين لي كدي وعاين لى مرتي وولادي .. عويناتو يقولِن ماهو مصدق ..قال لي : ( كرتوم إيبا تِنْدِيَا ..؟) يعني إنت ماشي الخرتوم ..؟ قت لو انا ماشي عطبره ... قال لي : ( تَامُنْ قال هَيمَا ) جيب حِداشر ألف ... قُت لو بركة البقن حداشر , أدَّيتو ياهِن ... كُت قايل رُطانتي بتسوي لها شي ... عِلِّي ما نفعت ...
مشينا بى عقاب يومنا داك ووقفنا في سنكات قلنا نشرب لنا شاي يا جبنة تنعوشنا شويِّي ... والطراوه الصاااقطِي اللَّت سنكات ديك ضربتنا بعَد الفسخيبة اللت سواكن الهرتنا ديك ... كان مو العفش المردوم معانا دا كنا بيّتنا قبلنا ... شفع العرب جوا إتكبسوا فوقنا الشايل لو مساويك والشايل لو فنادِك والشايل لو بسكويت .. واله يا أخوانا يحنِّنُوا الزول ... من شِدَّة ماهُن ضُعَاف ومَسُوَلِلين الواحد فيهن بتل العنقريب البلا بِرِش ... عِضيماتن ظاهراات يا حِليلُن ... جاني راجلاً عِجَيِّيز ضهيرو محني , وقف قَبَلَي وقال لي :- يَهَا ... ( إندَك مَأَجون ) عندك معجون ..؟ معجون الليل أسنان يعني ..عاينت لو كدي لقيت خشمُو جاما .. معلم الله من إسم السنينايِّي الواقفي .. بتل المحفضة اللّت حبوبتي الله يرحمها ..قَدُر ما قت لو تسوي بو شنو ..؟ أبى ما يحدسني ... في الآخر عرفت إنو يمشي يبيعو ويشيل قريشاتو ..غمَتَّ لو شي حِتَّن زَحَّ من قبلي .. واصلنا رحلتنا نامن قلنا سلام يا درديب ... وإن بقيتوا دار تشوفوا الجدب والمحل البى الصِّح ..والنّاس المهمشين بالصح .. والمافي زول جايب خبرُن أها ياهن ديل من دريب وإنت ماشي لا كسلا ... صُوَرُن وهيئتهم تبقى مبارياك وما تمرق من عيونك نامن تقضي إجازتك وتجي صاد ... والله الموية البى نجلبغ فيها دي ماهن لاقينها .. وإن بقوا لقوها ..أها بس القطرة اللَّت العيون .. والطعميَّة الهيني دي .. يبقى لي إن لمُوا فيها الواحد فيهن يشيلها يشمِّها ويجكِّنَها تاني في جرابو متل فتيل الرِّيحِي ..يعني أفقر زول عايش في جوبا ولا ملكال بالنسبة ليهن زي واحداً من أولاد العمارات في الخرتوم ( عشان ما تقولوا لي بااالغت ) أكلُن وشرابن ياهو الجّبنة ... يعني الواحد منهن إن بقى عِرِق سااكت تشم ريحة عَرَقُو دي جبنة جبنة ..باقي لي إن مشي ينسيَّير يمرقو نِسكَافي صُرُف ...قَطِع شَك ... والجبنة الكتيري تصدم الزول من الأكل ... أسعلوني انا ... فشان كدي قللت منها ... بقيت أشربها يوم الجمعة بس وبعد الغَدِي ... (جيتي من الحج الفات دا ... مِي دَقيت الدَّلَجِي وكُت جاي ألحق الصِّح ...) أكَركِع في الجّبنة بالكُبَّايِّي أحَمَتنِي الأكل ضُمَّه0
نزلنا في درديب , العساكر قالوا لنا تبيتوا هِنِي , بالليل ده مافي سفر فشان الرَبَّاطِين بيلمُّوا فيكن يخلوا ريحتكُن طير طير ... أجَّرت لي عنيقريبات في أويضة كدي وإتكَمَدنا فيها انا ومرتي ووليداتي وعِنِيقريباتن بس الإسم عنيقريبات إن جيت دار تمد كرعيك يندَلدلِن من العنقريب في الواطا بتل الراكب لك دِحيشي من شِدَّة ماهِن قِصويرات وسُغَار ... صلينا المغرب والعِشِي ... الوليدات قالوا جعانين داي يتعشوا ... شِلت الهَم وأنا ماني جايب لي زوادة معاي ... قُت لهن يلاَّكُن ..مرقنا لقينا لنا مطيعِم كدي خَات لو طريبيزات برَّا ومَسَوِّي لو كَنَب الليل خَشَب قاطعات إسم الفوطة ولا المَشَمَّع المفرش فوقن ..إن قعدت فوقن بتل القاعد لك فوق ضِريسِي ... وإن جيت داي تقوم تنسرِح لك سَرِيحِي فوق صلبك تخليك تفنجط بتل الحمار الفوق ضهرو دَبَرَه ...علاَّ مشيت جبت المصلاية اللّتي فرشتها فوق الكنبة للوليدات ... ومشيت أطلب لهن العشِي ... أها عندك أشنو ..؟ قال لي عندنا فول وعدس ..قُت لو ما عندكُن لحيمايات مطقطقات كدي ولا جَنى جِداد ..؟ قال لي :- لَهَم ...؟ ( لَحَم ) لهم كان لِقِينا برانا ناكُل ... يعني اللَّحم إن لقوهوا ماهن جاي يبيعوهو شي ... ياكلوهو لى رَقَبتُن ... قت لو طيٍّب ... أدَّنا فول وعدس ... عامِنُّو العدس قاع يسوي لي الحيرقان والفول زااتـو عِلاَّ أشرب لي وراهو أندروس يا عطرون ... وفي النهاية أنا هيِّن الحديث في البطان الكَارَّهُن معاي ديل ... جبتو خَتيتوا قِدَامُن .. عاينوا لو وصَرصَرُوا وِشيَّاتُن ... عِرِفتَهُن ياااهن البايتين القوى ... بى فَدْ نَفَس .. قالوا لي : ده شنو يا أبوي ياخ ... ؟ قت لهن هوي ... هِنِي لا في ماكدونالد ولا في كنتاكي ... ده ياهو كنتاكي اللّيلُن يا تاكلوهو يا تخلوهو ...الكُبار غايتو خَتَّروا شويِّي مع أمّهُن لكين السُّغَار يعاينوا للصَّحَن تقول جِب لهُن فوقو قَعُويِّي ...علا طلبتلُن شاي بى لَبَن قَرَضوا معاهو الرَّغيف.. مشينا للنُّوم ...خليتُن هُن جوَّا وانا مَرَق عنيقريبي برّا جنب العربيِّي فشان أحرس العفش ... غلبني النوم ضُمَّة شايل اللَّيل نامن الواطا أصبحت ... البلد دي صِنِّي قاطعي إسم الحركة .. بلا صوت الجِّندِب والكلاب مرة مرة ياخدن لهن نبيحة آب تسمع شي ... والواطـا من شِدَّة ماهـا ضُلُمَّة كُبُس باقي لِي إن بقيت داي تَتْبِن رأسك عِلاَّ تولع لك بَطَّاريِّي , ليلي داك كلو انا موهدِب ..أرقد على ضهري أسمع حِس نَفَسِي بى وراي اقول بس في واحداً جاي يبعج لى بطني بى سكين ويشيل العفيش اللِّليل دا ... والبلد صِنِّي .. إتكفي على صَفِحتي اليمين يتخَيَّل لي في حِس نِعلين ماشات عَلَي .. أقوم أصنقِر إتلفَّت جاي وجاي وتاني أرقد ... زولاً يَشخُر جنبي ساكت فشان يطَمنِّي ماهو في ... حَسّيت من الصباح عيوني ديل حُمّمممر بتل زول المَرِيسي غالبني أفتِّحِن ... ما فَضل لي علا أرفع جُفُوني بى أصابعَي لا فوق فشان أفَتِّح .. صلاة الصبح صلّيتها يا الله يا الله .. لا أسّع ماني عارف نفسي صليتِن إتنين ولا تلاتي ..
الحِبان الكرام...
أهديكم الجزء الثاني من قصة الكاتب عبد العظيم الطاهر (نوري) من الله خلقني مكجِّن السفر بالعربيي!!
الجزء الثاني ـ من الله خلقني مكجِّن السفر بالعربيي...
..مشيت على العربيِّي دار أدورها وأنا إترنح من شدَّة النعاس .. متل الطرفايِّي الفي وسط البحر ..دخلتنا في العربيِّي شفع العرب جوا مبنقرين مارقين من وين آ بعرفن ..( يَهَا أليك الله تدينا شَرِيت ) .. بالله تدينا شريت حق قرآن ... شريط الليل قرآن ..برضي إتمحنت في الحكايِّي دي ..إشمعنا شريط قرآن ...؟ ياربي البطان ديل طالعين مولانات من أسع ..؟مالن ماهن دايرين شريط الغُنِي ..؟ طلعوا زي الرويجل العجيِّيز السعلني من المعجون داك ... حتى هُن يمشوا يبيعوهو ... دورنا ومرقنا من درديب وركبنا الزّلَط .. وأريتو الزَّلَط هو زلط الحاجي .. من درديب ولا كسلا مافي زلط شي ... الاسم زلط ... كلللووو إتزلَّط عِدِم الحبايِّي .. الحُفَر الفيهو يمُرقِن البترول عديل كدي ..العربيِّي تَغَتِس وتقلع .. بس الكرّوقه المطفحي فوق وشي الموية ...مرات أخلي الزلط أنزل بالواطا ضمّه .. ومرات تلقى الشاحنات ديل مرصرصات قدامك متل الجعارين , إن قلت تِتعدَّاهِن يقابلنَّك واحدات جايات من غادي ..قطر كريمي راسو عديل .. تقيف تحَرِسِن نامن يفوتن , النّاس يصلوا الضهر والعصُر وإنت واقف ...
وصلنا كسلا دي , أنا عيوني محوصات ضمّه , الناس أشوف وِشياتن إتنين إتنين ..قُت للمرأة أنا جِسمِي روطَل .. خلاس .. بلابيطي وَقَّعَن .. كان ما أخدت لِي جَمَّه .. كُرَاعِي ماني قالعها من هِنِي .. وقفنا جنب مطعم كدي الطراوه فيهو صاااقطِي .. قَعَدّت المرأة والبطان وفطرنا فطوراً معلوم بالصِّحْ .. أها قُم مشيت كُست لي مُستراح آ زول إنجمّيت فيهو زييين وجيت مارق .. فرشت لي فرشه في البرندة اللّت المطعم وأخدت لي نويمه خلتني أشيل حيلي شويه ..
واصلنا رحلتنا ... والطريق من كسلا ولا قِدام سمح بالحيل .. والواطا دي ما شاء الله تقول فارشين لهن فوقها قطيفة ... مخدِّرِي وخدارها ده يتراقص , الزول يقول أسع أمشي إندردق فيها متل الافلام الهنديه .. يا أنزل أدُق لِي خيمه هني وأقعد قبَلِي .. وماشين ... جينا بى فوق القضارف لقينا أباريق السماء دي كابِّي ... المطر يجيك نازل لُكَد .. لُكَد .. بالجمله .. شَوووووو ... والرَّعَدِي دي تفرطق تصُم الإضنين ... ولادي كَرَسوا فَد كَرسَه .. ومطيرين عِويناتن .. أول مرة يشوفوا لن مطره ورعدِي زي دي .. في جدة ما عندنا مطر شي ... فَنِّي في الدَهَر تجينا بتل الزول البيمصمص في خشمو وتاني ما نشوفها علا السَّنِي الجايه .. البطان كانوا جاي يِنزَوزَوا من الرَّعَدِي .. علاّ بقيت أقرالُن في ياسن .. بيني بينكن انا زاتي كُت ملاوذ .. بى نضاراتي ومَشَغِّل المَنَشّات وبرضي ماني شايف الدرب سمح .. تقول في زول قاع يغرف بى صفيحة اللّت جوز ويلشغ في قزاز العربيِّي بى قِدَام .. المنشات شغالات في الفاضي ساكت .. الله يكفينا شر التعب البلا عَوَض ... مشينا لا قدام لقيت لي عربيتين منطقشات .. شاحنتين .. والسّواقين الإتنين واقفين تحت في المطر ديك مبلبلين يقُطرُوا .. ويهرجوا مع بعضن ... مِتفَدغين .. واحد مَنَفِّخ شلاضيمو ورافع أصبعو في وَشِي التاني ...والتاني يعضعِض في سنونو ويلز في داك من قبلو ... وأنا قافل القزاز ماني سامِعُن قاع يقولوا في شنو ..؟ الشمار كاتلنا عِلا مافي طريقة نقيف لهن .. تجي عربيِّي تَكفُتنا حتى نحنا إن بقينا وقفنا .. مشيت لا قِدام لقيت شارع الزلط ده بقى خور عديل كدي .. المرأة قالت لِي درب السلامِي للحول قريب .. وَقِّف العربيِّي نامن المطر تقيف .. قُت لها السماء دا بتل القُطُن المنفوش مااا أظنها تقيف أسع ...أخير نتاتي شويِّي شويِّي نقرب المسافة ..أنا إن بقيت قعدتي طالت في السواقه دي بعدين علا تنزلوني من العربيِّي طَب العَصَب .. ربك رب الخير نحنا في زَحِيحنَا داك .. المطر كَرَسَت شويِّي , عامنو السماء متقايطِي ما إتفشت شي .. نزلنا في الفاو .. قلنا نَطَلِّق كرعينا , لقينا لنا واحد في قهوه .. مَفَوِّر لو لبن في حلةً قدر اللَّيلِي وباكِر .. الجَّمُوده اللَّتُو سادِّي بى فوق بييييضاء بس قماش اللّيل بوبلين تبارك الله , قُت للبطان تعالوا .. تعالوا شوفوا النَّعِيم ده .. تشربوا لِي في اللبن البتل السَّفُوفه داك لا فيهو فايدي ولا شي .. ولدي السَّغيِّير قال لي رِيحتُو مالها كدي ...؟ مصرصِر وشيهو .. قُت لو الرِّيحه دي نحنا نخرم لها آ ولدي .. وَزَقنا منو بُطُونَّا نامن إندشّينا وحمدنا الله وواصلنا رحلتنا ..
ــــــــــــــــــــــــــ
تعظيم سلام أُستاذ/ عبد العظيم... وأوعدكم إنشاء الله بالجزء التالت قريباً...
شوف شمال اهلي الافاضل ليل نهار في العزة رافل فيه مطبوع سر الاهي بدري كان تحلمبو بابل حاضنو هو النيل بي محنه وبس عشانو هو جانا مايل وانحنى وغير مسارو ولفة ابو حمد الدلايل كل منابع الطيبه فيه نالبهن اعلى المنازل وبي شعر محفوظ مخلد في دواوين الاوائل دا اليطوف هيبة ربوعو يستفيد لو يبقى ماهل يا يشملو نسمه عابري ماخده ريقه من الخمايل ويا ملك وجدانو منظر يقتل الهم والبهادل والرسول قال في حديثو ومافي اصدق منو قايل الخدار والمويه جمبو بلثم الهم والمشاكل يا سمعلو قصيده صادقي ترسل الاشواق قوافل يا نغم طمبور حنين يستقر جوه الدواخل ويا قمريتا تقوقي فوق تميره صبطه شايل يا قعد بي ايدينو يشرب مويه صافي من الجداول ويا يشوفلو كمان مزارع شايل الطوريه نازل بي نشاط قاصد زراعتو والصعب بيشوفو ساهل ويا كمان متع عيونو بي حسان زي الارايل زوق وطيبه ادب خيالي في عفاف ما منو مايل ويا كمان لاقوهو اهلنا بي كرم من غير مقابل وروهو انو الدنيا لسع فيها خير وانبل خصايل يكرموك لو جيته فوقم يجبروك لو ماكا نازل ده الشمال يالداير تشوفو بالنهار الفيهو حاصل اما في وقت الاماسي ليلو ضمه جميل وحافل نتفق من بدري شله ونطلع القيزان قوافل فيها يجمع شملنا في رباط زي العوائل ونبدا نسأ ل عن بعضنا يا محمد وينو عادل وشوفو يا ناس وين سيد احمد اصلو زولا ديمه ماهل ونمسك الطمبور ننقرش لحن تنهاربو المفاصل ونحن في عزت قعادنا يبدا واحد داير يجادل وبي محنه نقولو ياخي يا فلان خليك عاقل خلنا النسمع معاكا اشتهيت بس اسي كامل ويا فلان قلك قصيده تروي ايا منا القواحل جايه من وجدان وصادقي ليها تهتز الجنادل وفي الختام نطرب نغني وما بنعرف قيل وقايل ده الشمال يالداير تشوفو رغم وصفي انا ماهو كامل ده الكمال لله وحدو لا بينوم لا بتلقى قافل. ..................... تحياتي... حاتم هاشم.
Post: #1192 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فيصل محمد خليل Date: 04-08-2007, 08:46 PM Parent: #1191
واحد جعلي وشايقي قالوا لي بعض الليلة نتباطن الجعلى قال ليهوا انا اول بعدين الشايقي نزل في الجعلى جلد لحدي وصل عشرة بعدين لمن جاء دور الشايقي الجعلي رجع لى ورة ورفع الصوت فوق شديد ومن اول صوت الشايقي قال تسعة
Quote: شوف شمال اهلي الافاضل ليل نهار في العزة رافل فيه مطبوع سر الاهي بدري كان تحلمبو بابل حاضنو هو النيل بي محنه وبس عشانو هو جانا مايل وانحنى وغير مسارو ولفة ابو حمد الدلايل كل منابع الطيبه فيه نالبهن اعلى المنازل وبي شعر محفوظ مخلد في دواوين الاوائل
بسم الله الرحمن الرحيم سلام ياهلنا... زهرة اللاقحوان ......................
تنفح اريج تعبق شذى فتح زهور الاقحوان دوبني من خاطرك غنى وسدني من قلبك حنان نسيني حتى الداير يكون قبل الكان وانا من عيون الليل بجيك نتباهى فوق سرج الزمان نجمة الضيفان تراي كبّن حواويرك لقيت انقر اقيف الدغ امش كل ما محل دقيتلي بيت دنقرت اغرف من هواك بالهم شبعت بالخوف رويت قايل آ بخاف الدردة لكني في الواقع جبان لو في مساحات الشجن جواك اتلاشى المنى فتق بكاك عمق الجراح النازفة من كمين سنة امسح دموع لا تنوح اصبر على الشوق والضنى كان انت بكاك العلي مين تاني بديني الامان في الهجعة بعد الناس تنوم وتبين نجيمات الصباح بحضن ربابتي واغني ليك الحاني من نبض الجراح ياحليلي ابو التيتي وراي سهران يردد في النواع يعقبني كل ما قلت آه وانا في صداهو صداي زاد ما انت غنوة عزي في الليل الطلق درعاتو لي وانت الملاذ الما بيضن وقت الظروف تضحك علي دايرك وقت ناعي اليصيح تصرخ تقول جواي حي وتقلب موازين الحياة الصلى في محرابا جان . ...................... تحياتي... حاتم هاشم.
الرحول عز العرب والعودة محمودة وفضل .. الغربة قلاية جمرها مُوقد .. بتاكل في الحشى وتشيب بالزول قُبال يومو. لا أقول أن الشايقية هم أول من جربوا الغربة والبعد عن الأهل لكنهم أول من وثق لها شعراً ونثرا والشواهد قائمة في ذلك .. حين كانت غربتهم داخل ديار الشمال ... وحين أمتدت لعند بلد الترك كما يحلو لهم أن يسموها وهي الخرتوم زاد المر مرين كتب الكثير في هذا الموضوع من شعراء الشايقية دعوة للتوثيق لذلك أحبابي رواد حوش ابوالحسين الفاضل
حليل أرض الجزائر والمراكب والطنابير الترّن حليل ناس ليلى ساعة الليل إجن ياغالية يا تمرة فؤادي الليلة ماعاد المراكب شرقّن والقمري فوق نخل الفريق فاقد الأهل يبكي ويحن نحمّل رسائلنا وشواقنا لي حبايبنا للأهل وللقاطعين الرسائل الأحلى من عسل النحل
لذات الضفائر الطايشه بين مجلِس عشيرة وبين أهل وبي خجل بلدنا.. حابيبنا.. أهلنا راحو للحلّه لا بكاتبونا لا بفيدونا الحصل
حليل الراحو وخلّو الريح تنوح فوق النخل فوق النخل حليل الفاتو لدار الأهل بدون أهل والجروف الكابه من شاطئ النهر صابه المحلوالنخل متاكّي وين سوق طيرو وجْوجْ في أمل
نلاحظ أن هجرتهم كانت في داخل البلاد بدليل راحو لدار الاهل بدون أهل
الأستاذة موسى الحسين سلام بالإشارة لطلبك الخاص بتوثيق التراث أحيلك إلى الرابط أدناه لأهديك ما تغنى به الأستاذ عبد الرحمن أحمد محمد "عبد الرحمن الكرو" ، وأعتقد أنها من كلمات الأستاذ محمد جيب الله كدكي ، راجياً مقارنتها بعهد التكنلوجيا الذي نعيشه الآن ، راجياً عدم الحكم من القراء على الشاعر بمعايير اليوم وإنما النظر لما قاله الشاعر في ظل معايير الأمس وفي ظل عرف بيئته وتقاليدها
في زيفة الاحتفالات ببطولة الشعب السوداني وانتفاضته في مارس ابريل نحي الشعب السوداني كله ونحي الأستاذ الشاعر / عبد الله محمد خير والأستاذ الفنان/ صديق أخمد عبر عرضنا لهذه الكلمات الروائع نفسي أرجع وألفح الحرية شالا(ه) وألبس التوب المطرز بالعدالة
يا وطن حبك مَتَكـَّن جوه بين المفاصل
Post: #1212 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-14-2007, 04:31 PM Parent: #1209
Quote: يا وطن حبك مَتَكـَّن جوه بين المفاصل
عليك الله يا دكتور شوف كلمة متكَّن دي... ياكلوها من ياتُو طرف...
أماااااااااني إن كان إنبرالها خالد المنسي بي يجيها جيهة!!
كميات مودتي... والصحة والعافية ليك ولي صديقك صديق أحمد...
يا سلام .......... الشاعر...اسماعيل حسن ........................ لو شـفـتو مـيرى يا سـلام لو نهـا زى زيتـونة ناضـجة راقدة فوق غصن السـلام العيـون الشـاربة من الجور توشـوش ليك كلام القوام بس شن نقول ما خـلاص كمل الكلام ميرى زى الريح تولول وميرى زى فرخ الحمام كنا ننضـم ويا حلاوة اللهجة ميرى كان تمتم فى الكلام وبى بشيش حدثت ميرى قلت ميرى ان شــاء الله اموتو انا وبى حنين قالتلى هاو ما زمان فرقنا هـاو والله هاو ادفنونى ان شاءالله حى فى ربـوع الجنة واو يا ســلام. ............................ تحياتي... حاتم هاشم.
Post: #1214 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-15-2007, 07:26 AM Parent: #1
اللــون
السر عثمان الطيب...
يا لون الجرف الشارب خضرة لون الزول السمح الخاتف من لون الليمون مبتلّة شفايفو الزي أم راس السال عسلا ونقّط فوق العرجون يا لون الفرح إنشرّ في جبين جدّي التربال ال "لمّ" المسرة وفرح الشفّع كان مرهون بي لون الجرف الشارب خضرة لون الزول السمح الخاتف من لون الليمون وبرنين أوتار طنبور "أب خبتة" الفجّر صمت ليالي الشاطي إنساب جوّه الأرواح بهدوء وسكون
الله . . الله . . أنا آه يا لون الراية المرفوعة يا لون الخرقة المرقوعة يا لون الطيبة وينبوعا يا لون البت المفدوعة
يا قزح العصُر النجّا الدفّيقة يا نضرة لون الوجه الأغبش نام في لهيب الشمس وحرّيقا الحيا . . فوق وجه الزينة الإتوارت عِن شوفة العاشق إندارت خلف التمرات
الله . . الله . . أنا آه يا العسجد مندفّق عِن غيبت الشٍّمِس النّعساني متمدّد . . فوق الغيمة الفتراني الجات من نبع القدرة الرّبّاني روّت بيّوضة العطشاني تفترّ . . ثغور البرقالبِشلع نورا الأبيض متلو جلاليب ناسنا الغسلوا نفوسُن قصدوا الجامع رفعوا كفوفن حمدوا الرب يوم خدّر نبت الأرض المحلاني
الله . . الله . . أنا آه يا لون الصبح وإشراقو الغيب ابوابو مسوجرة بين طيّاتو وآفاقو
الله . . الله . . أنا آه يا لون محزون . . ممكون مجنون . . مفتون بِهواك يا لون بلدي السودان
الحبايب أبوالحسين... والفنان المرهف دكتور ياسين المتكّن جوه جرابو فن جميل مأصل نحمد ربنا الذي جعل في عاميتنا السودانية الجميل والكثير من مثل تلك الكلمات التي يترتعش البدن عند سمعاها متكّن .. مجكّن ( الجيم بثلاثة حروف وطبعاً انتو يا ابناء بلدي تعرفون كيف نطقها ) ... أقدل فوق عديلك .. أسم قافيب .. وغيرها من الكلمات التي تشرح موسيقاها معناها مع العمق البعيد للمفردة ( متكّن ) شوف كما تكنها وين لا الجلد لا في اللحم لا في الدم تكنها جوه بين المفاصل وكان يا ابوالحسين قمتها مرقتها من بين مفاصل بتعقلّو وأقعد كسيح فوق العنقريب
أقترح أحياء للكم الكبير من مثل هذه الكلمات أن نوثق لها وأن تكون مقرونه بالشرح لمعنى الكلمة حتى تعُم الفائدة
ارجو هذا لأني جد أجهل الكثير من معاني كلمات أهلنا ولاد شايق
ولكم ودي وكميات مودتي كما يحلو للحبيب ابوالحسين
خالد
Post: #1221 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-16-2007, 02:35 PM Parent: #1216
كتب أُستاذ/ خالد...
Quote: أقترح أحياء للكم الكبير من مثل هذه الكلمات أن نوثق لها وأن تكون مقرونه بالشرح لمعنى الكلمة حتى تعُم الفائدة
ارجو هذا لأني جد أجهل الكثير من معاني كلمات أهلنا ولاد شايق
ولكم ودي وكميات مودتي كما يحلو للحبيب ابوالحسين
خالد
تسلم يا خالد يا اخوي على إهتمامك بمفردات كلمات أهلك الشايقية... إنت عارف يا خالد أنا حقيقي مرات كدي قاعد أقول في مفردات كدي عندها مدلولات تعرفها براها... مثلاً زي كلمة متَكَّن... ومجكَّن (بالجيم أُم تلات نقط)... في إختلاف كبير خلاص بينهم... بالرغم من قرب النطق بينهم...
مَتَكَّن: جايي من تِكِّين التيراب في السرابات وأطراف الحيضان... يعني لا جوة لا جوة...
أما مجَكَّن "بالجيم أم تلات نقط": جايي من كلمة يجَكِّن النجيلي في الشوالة... أو من كلمة التَبَني زي مثلاً يقول ليك جكن ليهو كرعيهو ديل... ومرات تعني مدْفوس دفِسْ... (يا ربي دي وِضْحَت ولة نستعين بصديق)!!
أخونا العزيز جدا أبو الحسن ألله يجازيك خير أنا غائب من البلد زمن و اليوم رجعت
بسلم علي ناس البيت و عم يضحكوا
الولد حفيدي يفتح الجهاز و يوريني
Quote: إنت آآ د. ياسين... مسعول من الخير... صاحبك دا مالُو إتْخُووَجْ!!!
لعلو طيبي!!!
البرنيطة دي نساها الخواجة عند العمدة جدي يس قلت ألبسه أوريكم ليها بكرة راجعين للعراقي و الطاقية و الله ليكم إنت و د.يس وحشة و شوق د, يس غير الوليد البيرفرف أنا كمان بسوي ذيوه و صباحات الله بيض
ناس البيت سموني الخواجه ألله يجازي محنك يا أبو الحسن
Post: #1219 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-16-2007, 08:13 AM Parent: #1217
Quote: أنا غائب من البلد زمن و اليوم رجعت
بسلم علي ناس البيت و عم يضحكوا
الولد حفيدي يفتح الجهاز و يوريني
Quote: إنت آآ د. ياسين... مسعول من الخير... صاحبك دا مالُو إتْخُووَجْ!!!
لعلو طيبي!!!
أقْبُض! د. ياسين لاحظ لي كلمة حفيدي دي!!! عشان بعدين ما ينكرها!!!
Quote: و الله ليكم إنت و د.يس وحشة و شوق د, يس غير الوليد البيرفرف أنا كمان بسوي ذيوه و صباحات الله بيض
ناس البيت سموني الخواجه ألله يجازي محنك يا أبو الحسن
والله نحن شوقنا ليك بحر يا عملات أُستاذ/ كمال حسن محمد...
والجابك يا اخوي يجيب لينا الفاتح القرير وهاشم الحسن وطارق الأمين وكل الشباب الطولو غايبين...
لك كميات مودتي... وأبقى قريِّب... المرة دي الجاتك في التِخِوِِّج سامحتك...
Quote: نفسي أرجع وألفح الحرية شالا(ه) وألبس التوب المطرز بالعدالة
الحبان الأساتذة خالد وأبو الحسين سلام بالله في بلاغة اكتر من دي وشوف توزع الحرية والعدالة بين الجنسين ودلالة الشالة(ا) ، زول كمل كل الأساسيات ، وشوف "التظريز في التوب" لزول كمل لبسو باحتصار حاجياته الأساسية كإنسان اكتملت ويتضرع بشالته وتوبه المطرز أين نحن من هذا كله؟؟؟؟؟؟؟؟ هذان البيتان يشكلان المدينة الفاضلة في ابسط لغة وأقل مفردات ، ربما يحتاج شرحهما كتباً قانونية كثيرة لله درك الأستاذ عبد الله محمد خير
الحبايب أولادشايق الاخوان جدي يس و أبوي أبو الحسن انا رسلت البرنيطة في البوسطة
معنونه لي ابو الحسن وأظنها حتكون لايقة عليه إكان أدنا بيها صورة يكون تمام و يا ابو الحسن عمك حسن قفل المدد و قطع الستين لي غادي نسأل الله الصحة و العافية الصحة في هوي الشمال و ريحة الدميري وقراصة القمح في صحن الدبكر و الملاح كداد ولكم الود كله
Post: #1231 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-18-2007, 02:06 PM Parent: #1223
Quote: الحبايب أولادشايق الاخوان جدي يس و أبوي أبو الحسن انا رسلت البرنيطة في البوسطة
معنونه لي ابو الحسن وأظنها حتكون لايقة عليه إكان أدنا بيها صورة يكون تمام و يا ابو الحسن عمك حسن قفل المدد و قطع الستين لي غادي نسأل الله الصحة و العافية الصحة في هوي الشمال و ريحة الدميري وقراصة القمح في صحن الدبكر و الملاح كداد ولكم الود كله
الحِبيّب ود ياسين...
لك من المودة والمحبة أحلاها وأعذبها...
إنت عارف يا غالي... أنا من المعجبين جداً بلبس (الكسكسيقات)... جمع كسكسيقة وللماب يعرفوها... هي زي برنيطة عكم حسن الطيب دي لكن شوية كدي حريفاتها البجنبي ديل زايدات... وكُنت دايماً تلقاني حاقبها كدي أيام الجامعة الصباح عشان ألبسها بالظهر في المشاوير الكدي وكدي...
فلو جاتني حقتك دي حا تكون لي قشرة في إجازتي الجايي ...
كميات مودتي...
أبو الحســــــــــين...
Post: #1226 Title: خالد شقوري... Author: أبو الحسين Date: 04-17-2007, 04:13 PM Parent: #1
صابريه
خالد شـــــقوري...
طفت اطراف الفيافي
شلت صبحي وليلي حافي
مانسيت ارد القوافي
زي طعم صبريه مافي
زي عشم صبريه مافي
زي نغم صبريه مافي
شافعي من عربان بلدنا منها وفيها الوداعه
شتله في قيزان بلدنا قايمي بايده وضراعه
القديم اللافه طرقي زاهي في روعة طباعه
البسيمات في وجيها الباهي من زمن الرضاعه
فاقعي زي شمس العصاري في العمر باقي له ساعه
في القليب الشايله صافي زي صفا صبريه مافي
في الهجير راحت تدقق في النهارالحار تورق
للهدوم بالليل تلتق ....
في الجرف زارعه له حوض راجي قبل الحين يبتق
والبسالمه من بلدنا هي تقولو انشالله عافي
زي كلام صبريه مافي وزي سلام صبريه مافي
في كريقة خاله احمد شايله ليله وايده تنبح
شوكي لاقته في دريبه لما كان بالمعز تسرح
نامت المسكيني تقنت والفوينيس زادو روح
باقي تمتمه في خشيمه تسال الله المسره تنجح
ماله مال المسره الا شان حبيب روحه يفرح
دي البنيه الريده وافي زي غرام صبريه مافي
زي شعور صبريه مافي زي غرام صبريه مافي
رادت الناس السمر رادت الصفا والعكر
رادت الموج الهدر ..........
ردات الحله وبيوته
في عيون صبريه طلت ريدة الخلا للبحر
نافري من قيلة الكرارق وخايفي من قولة السفر
والرحيل السرو خافي في قلب صبريه مافي
في زمن صبريه مافي وفي خيال صبريه مافي
والنهايه المن فصول سيرة البنيه
لما عادت للبيوت الكانو قبل المغربيه
مالقت غير الزوامل شايله احلام الصبيه
شايلي عيدان الكرراق في الصباحات والعشيه
ضاربي بطن الوادي زفه لمت الناس والسعيه
والمطيره الضاربي قبلي لاقت الدمعه العصيه
والرحيل عز البوداي الرحيل وجع البنيه
زي رحيل صبريه مافي ِ
زي سفر صبريه مافي
زي حلم صبريه مافي
ـــــــــــــــــــــــــ
ويا ريت د. ياسين لو نزلها لينا بصوت المبدع محمد النصري...
الأستاذ أبو الحسين ورواد الحوش سلام هذه هي صبرية فايل سماع وفايل فيديو بس وين الأستاذ موسى والأستاذ هاشم والأستاذ خالد وست الناس ست البنات غايبين طولو يا سلام عليك يا أبا قصي ذكرتنا ايام جميلة لك الود
فايل صوتي استماع صبرية
Post: #1229 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-18-2007, 06:15 AM Parent: #1227
Quote: الأستاذ أبو الحسين ورواد الحوش سلام هذه هي صبرية فايل سماع وفايل فيديو بس وين الأستاذ موسى والأستاذ هاشم والأستاذ خالد وست الناس ست البنات غايبين طولو
تسلم يا د. ياسين وإنشاء الله جرابك ديمي بالأفراح مليان قول آمين...
والله الناس السألت منهم ديل يبقى كلهم من ناس بي غادي... لكن صاحبي الهني دا الصيفية دخلت يا ربي يكون ناوي يقطع غَرِب؟؟؟
موية الشعير ................ الشاعر... اسماعيل حسن ...........................
تطروا صاحبى الكان قبيل شانو دقينا المزازيك مامهم كان دقنو شالا ليه راين فى الحلاقة راى عشان ما كان اخو وراى عشان يظهر صغير المهم الفضلت سبحتو كهرمان سبحة امير تلقى طول اليوم يسبح يا حفيظ بيك مستجير وبقرأ يس الف مرة زى حجاب يعمى الكبير ومرة فى الليل جيتو زاير القزاز بالكوم وساقط فى الترابيز بالدست وصاحبى يشرب بالصفير زى الحمار فوق الحفير والعجيب لمان يسكسك بس قرد فوق قوز رمال حامى بى لهب الهجير الحقيقة الجو عجبنى قت سلام سيدى المدير ات دحين البيرة ما قالو حرام قالى يا شافع الحرام ما حرام ديه ما موية شعير يا سلام .......................... تحياتي... حاتم هاشم.
Post: #1234 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-19-2007, 07:21 AM Parent: #1
إخوتي الكرام...
أهديكم "بت الإصول" وهي من آخر ما سطر وأبدع أُستاذنا/ محمد سعيد دفع الله...
وأهديها لكل شيالات التقيلي في غياب أزواجهن...
مشكورة يا بت الإصول يا زهرة ماب تعرف ذبول...
تنفح أريجها قريب بعيد ريَّانة في كل الفصول...
مهما كتبت حروفي فيك واخترت أفضل ما أقول...
ألقاها ما أوفت ثناك ومقامها ما وصل الحجول...
يا المنظرك يبهج يسر كل البشاهدِك في الحقول...
مهما تطول نظراتو ليك فيها ارتياح وما مكان ملول...
سامحيهو كان قطفك مُحِب من شوقو ما راعى الإصول...
وطبع البشر من يوم وُجِد يا زهرة معروف كان عجول...
يا إنتِ يا شمس الفرح في دارنا حاربْتِ الإفول...
فضلك علينا بلا فرِز طبعك عطا الغيث الهطول...
غذِّيتي للمغروس نبت وافتَرَّ باسم في الشتول...
لما استوى وأينع بديع أثمر عناقيد العقول...
حاشاكي ما كليتي تَبْ في غيبتي كم شلتي الحمول...
حاملة الرسالة بلا ملل عارفاني ما دُرت الرحول...
معليش رحلت على أمل كان ظني احققو بس في حول...
وحالت ظروف فرضت علي تتمدد السنوات تطول...
عانيت كتير في غربتي ومن شوقي خاويت الذهول...
عايش هموم من كل لون والبي ما يَبْلابُو زول...
يا رب تسهل لي النزول ولي بلدي أنعم بالوصول...
وارجع وأكون بين العِدُول عيشاً هَنِي وعُمْراً يطول...
كثيرة هى المحن التى مرت وتمر على السودان على مر الزمن والازمان وكانت لمجاعة سنة ستة انعكاساتها على المجتمع حيث توفى الكثير من الناس بالجوع حيث تفشت المجاعة فى جميع انحاء السودان .. وطبيعى ان تفرز تلك البلوة افرازاتها الاجتماعية التى انعكست على الاحياء منهم فى بقية حياتهم .. اعود لكم بعد غيبة ومع اروتى تاثر بتلك المجاعة ونظم ابياتا من الشعر خلدت الحالة البائسة تلك على مدى التاريخ .. تقول الابيات .. للاروتى الجعان والتى يصف فيها حاله فى تلك الايام التى لا اعادها الله علينا وان كان الكثير من اهلنا فى السودان اليوم يعيشون بتلك الحال التى اصبحت من التاريخ للاسف لهم ولكم هذه الابيات على لسان حاله وهو جوعان كما تنطق فى الخليج ..
اروتى جعان
يا ريى تدينى ستة وستين حرف وقفة من سبروق الجرف وتدينى ست بصلات اقرف وقرعة ترمس ...وهينين مريق .. ديل كلهن فى فكة الريق ويا غداى برجاك بالضيق . وبعد داك اهبش فى المعاليق .. طبعا الجيل الجديد يحتاج للشرح
Post: #1236 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 04-19-2007, 02:11 PM Parent: #1235
الحبان جميعاً تحياتي وشوقي
الصديق وقت الضيق الأخ د/ يس استمتعت بأغنية صبرية وقد أبدع فيها الفنان المبدع محمد النصري لحناً وأداء كلماتها رائعة ومؤثرة، وحقاً زي طعم صبرية مافي ، زي حنان صبرية مافي ، زي ريد صبرية مافي . كل شئ من ذلك الزمن الجميل الآن مافي ، عندما تتلفت حولك تجد كل اهل الحنان والمحبة قد غادروا ، كل الأخوان وشركاء الذكريات إما لحقو بهم أو تشتتوا في أصقاع الدنيا وقد ضاقت بهم رغم اتساعها، وجودك هنا او هناك لا فرق للأسف ، هذه ليست دعوة للتشاؤم ولكنه حنين لذكريات جميلة لن تعود. بكيت اليوم كما لم أبك من قبل وانا أتفحص في الشخوص الذين ضماهم شريط أغنية بلاص على الصفحة التاسعة من هذا الحوش عرفت منهم الاخ عبود رحمة الله وصديقنا د/ محمد احمد سيداحمد التوم أطال الله عمره. شكرالك أخي د/ يس لسؤالك عنا والاخوة الأكارم مرتادي الحوش ، وأنا أتابع هذه الحوش اول بأول.
الاخ الكيك هذه الفترة من تاريخ منطقتنا لم تجد حظها من التوثيق رغم ماحدث للناس هناك في تلك الفترة ولعل الذين كتبوا تاريخ السودان إنحازوا لجهة او فكر معين ومن ثم طمسوا الكثير من الحقائق عنها أو لنقدم حسن الظن ونقول اهملوها أوسكتوا عن إيراد حقائق واحداث مهمة تعرض لها أهل هذه المناطق خاصة الفترة التي أعقبت هزيمة معركة توشكي وعودة الجيوش من تلك المعركة. ولعل جمع الأشعار والتراث الذي انتج خلال تلك الفترة قد يلقي الضوء على كثير من الحقائق التي حدثت في ذلك الوقت.
Quote: بكيت اليوم كما لم أبك من قبل وانا أتفحص في الشخوص الذين ضماهم شريط أغنية بلاص على الصفحة التاسعة من هذا الحوش عرفت منهم الاخ عبود رحمة الله وصديقنا د/ محمد احمد سيداحمد التوم أطال الله عمره.
أستاذي موسى الحسين لك السلام مطبوق لقد انتابني الشك عندما رأيت تلك الشخصيات وكنت أبحث عمن يؤكد ظني ، فها أنت تؤكد زعمي وتنكا الجراحات نعم لا فرق بين تلك وهذه دعني ادعوك لزيارة هذا الرابط لنقل سوياً كم أنت "مسيخة" أيها الفانية؟ لك ودي
بسم الله الرحمن الرحيم سلام ياهلنا... هل زاكراني .............. عزالدين شكري .................
ياربي هل زاكراني زي ما في عاشت زكرتك واللا المسافات والظروف والدنيا قدرت نستك والله كل ما يمر صباح تنزف جراحات فرقتك واكتب بدمي الغالي ليك وارسم واللون لوحتك كم مره في اليوم بشتهيك وانا مشتهيك في حضرتك وكم مره بشتاق للقاك وانا شوقي غرق حلتك دايما بهدهد شوقي ليك وامني نفسي برؤيتك لكنو اه شبح الفراق خلاني ما ادور لقيتك اتخيلي الزول بشتهيك ويخاف ويهرب من لقاك بيخاف عليك من شوقو ليك ما شوقو اكتر من هواك ما ريدو ليك ما بتوصف ما روحو دايما مشتهاك ما قلبو غيرك ما عرف وما مستعد يعرف بلاك بي حبو ضاق كل الوجود ماحبو اكتر من دناك اكبر من الذمن الحدود الفرقه الهم والهلاك وبرضك تختي اللوم علي وتقولي ما اهتميتا بيك مع اني خاتك في عيني ومناي اطول رشرش عينيك والله مهما تخلصي ومهما تراعي عهودنا ديك تلقيني اوفي من الوفاء اصدق محب واخلص شريك . ....................... تحياتي... حاتم هاشم.
يا ريى تدينى ستة وستين حرف وقفة من سبروق الجرف وتدينى ست بصلات اقرف وقرعة ترمس ...وهينين مريق .. ديل كلهن فى فكة الريق ويا غداى برجاك بالضيق . وبعد داك اهبش فى المعاليق .. طبعا الجيل الجديد يحتاج للشرح
الأستاذ الكيك سلام هذا كتاب تاريخ كامل للمتأمل سلمت يداك
Post: #1241 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-21-2007, 09:51 AM Parent: #1
Quote: اروتى جعان
يا ريى تدينى ستة وستين حرف وقفة من سبروق الجرف وتدينى ست بصلات اقرف وقرعة ترمس ...وهينين مريق .. ديل كلهن فى فكة الريق ويا غداى برجاك بالضيق . وبعد داك اهبش فى المعاليق .. طبعا الجيل الجديد يحتاج للشرح
الغالي جداً الكيك يا اخوي تغيييييييييييب وتغتس وتجينا بي دُرة...
أها الشرح خليهو علي حسن الطيب...
أما أنا داير لي وقفة صغيييييييييرة عند (قُفَّة من سبروق الجرِف)!!! دي الجوعة ولة بلاش!!! الشئ قبضة وااااااحدي بي تشبعوا!!!
لك كميات مودتي... وبجيك راجع للشرح إن بقى ود الطيب عمل طناش...
أبو الحســــــــين...
Post: #1242 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-21-2007, 04:01 PM Parent: #1
في سكـون الليــل
شاعرنا المبدع عمر عثمان (الزومة)...
فـي سكـون الليـل مـا أحلـى فـي خيـال فـنـان
يبدع ألحان ... يسـرح هيمـان .... ويـذوب تحنـان
في سكون الليل والنـاس راقديـن نايميـن فـي أمـان
يسهـر فنـان بـي دمـع الشـوق يطفـي الأشجـان
يرحل لي الفـوق جـم نجـم الليـل يفضـل سهـران
وبـي خِفـة وذوق يبـرا النجمـات ريقـان ريـقـان
ومن غير مجهـود ينضملـو عقـود أشكـال وألـوان
هاك يا محبـوب مـن سحـر الليـل أجمـل عنـوان
ألبس في جيدك وفي إيدك من زينة الليل وأقـدل نشـوان
في ظلام الليـل ... أسـرار وأسـرار يحكيهـا زمـان
حيطان وستار مـن عيـن النـاس فـي لِقـا الحبـان
همَسات الشـوق .. كلمـات الريـد .. وهيـام وحنـان
والليـل مبسـوط ... وتـرا ًمشـدود إيقاعـو كمـان
ونسيـم الليـل بـي فوقـن مـار شايـلَ الريـحـان
شايل فـي طيبـو نـدى البرسيـم وريحـة الحيضـان
مـا احلـى الليـل وسكـون الليـل فـي لقـا الحبـان
وما أحلى الليـل لـي زول هيمـان ضـاربَ الوديـان
طيـف المحبـوب واقـف قدامـو عـيـان وبـيـان
يتمنى يقول يا ريـت بالصـح .. يـا ريـت لـو كـان
وينشـد مـوَّال بيتيـن دوبـيـت ويـظـل حلـمـان
في سكون الليـل .. مـا احلـى الليـل والدنيـا أمـان
القمر الطالع إسبوعين في أجمل لوحـة رآهـا إنسـان
وسحابة تعاكس تتحدى .. وفجأة تذوب تصبـح دخـان
والرملة البيضة تعَكْسَ النور وتبقى سرير لي زول تعبان
وتجيك نغيمة من الطمبور شايلاها الريح من وين ما كان
والليل بقى مسرح لي الأحداث ماالليل مستودع لي الكتمان
ما أحلى الليل وسكون الليل لي شاعر قلبو ملان أحـزان
Quote: أقترح أحياء للكم الكبير من مثل هذه الكلمات أن نوثق لها وأن تكون مقرونه بالشرح لمعنى الكلمة حتى تعُم الفائدة
ارجو هذا لأني جد أجهل الكثير من معاني كلمات أهلنا ولاد شايق خالد المنسي
Quote: الأخ يس رجاء توثيق مثل هذا التراث من الأهمية بمكان بل هو واجب . (عدل بواسطة موسى الحسين سيد أحمد on 05-04-2007, 12:41 م
لقد طلب الأستاذ موسى الحسين والأستاذ خالد المنسي توثيق تراث وكلمات الشوايقية ، التي قد لا يعرفها الجيل الجديد رغم محاولة بعض الشعراء تضمينها في القصائد وعلى رأسهم الأستاذ محمد الحسن حسن (حميد ، وقد ساعد الأستاذ المرحوم مصطفى سيداحمد في نشرها رغم عدم إدراك المتغنين أو المرددين للأغنية بها للدلالة الحقيقة للمفردات لغياب الصورة الحقيقية من خياله. أسمحوا لي أن أورد لكم شيئاً قيلاً من ذلك القاموس من مداخلة للأستاذ ود العوض وآخر ، سقط اسمه سهواً ، له المعذرة ، من منتدى أمدر ، وجدتها ذات يوم لهم الشكر
السبلوقة الكرّاب النقاع الكبيق الاشميق
الشرقرق
البوغة
الكشّق اللقدابة البندِق
الرقراق الآرنيق
النوريق
الصايح
القرقريبة
البسديق
الكُشر الشرو
الدُقُل
التُكُل
Quote: ود العوض أظنك عاوز تبيع الموية في حارة السقايين اعدل طرفك السبلوقه حاجز يصنع في مجري الجدول للتحكم في اندفاع المياه عندما تسيل من عال إلى واط في الأرض وغالبا ما تكون من حجرين في شكل 7 وفي بعض البلاد الرميلة تستخدم الشوالات وغيرها من باغات بلاستيك والغرض حتى لا تنخر المياه بجريانها حواف الجدول الناقل للمياه في الأرض المنخفضه الكراب هو الجزء الاخير من العنقريب المنسوج بالحبال ويشد به من وقت لآخر عندما تتراخى الحبال بكثرة الاستخدام وتتمدد النقاع هو قطرات الماء المتقطره من الزير عبرمساماته إذ انه مصنوع من الفخار وهي صافيه جدا تستخدم في الشاي وفي بعض المنازل تترك لسقيا الدجاج الكبيق إناء فخاري ذو استخدمات متعددة وهو يشبه الزير الا انه صغير الحجم جدا كل يستخدمه حسب بيئته الموية اللبن العجين المريسه مع الاحترام والتقدير ونقول انه اناء فخاري صغير يستخدم لحفظ السوائل الاشميق هو لحاء التمر النخيل تصنع منه الحبال وبالمناسبة اشميق البركاوي افضل من الجاو لانه طايع وقوي وكلما قدم وطالت النخله صار عديم الفعالية وكلما تغير لونه من الاحمر إلى الداكن الاسود صار حبله عديم الفائده سرعان ما ينقطع وبالمناسبة تعرف تفتل الحبل وتكسره الشرقرق هو اناء يغلى فيه البن ويوضع في مقدمته حاجز من الاشميق لتصفية البن حتى كون خالية من تفالة البن المقلى وكب الجبنه يا بنية في ضل الضحاوية البوغه آزول والله جدع ذكرتا أيام البوقه دي شغل الرجال وهي تجهيز وحفر الارض النقاحه يعني وتوزيع البذور ودفنها وريها بالماء. وبوقة الشتاء دائما قمح صعب بالحيل دحين شقت الدقشاوي شئ وضربك حجر الدغش الكشك هو مبنى صغير يبنى من الصفيح أو أي مادة متوفره في المنطقة وغالبا
ما يستخدم كبقاله صغيره او أي غرض آخر لكن هناك أما الكشق او في بعض المناطق هو العشق هو عود يوضع في سن الحلقة الصغيرة للساقيه حتى لا ترتد القواديس بفعل ثقل الماء المحمول في الالس وذلك عند توقف الساقيه عن الدوران يعني فمرلة يد التكل هو مطبخ الشايقية اللقدابه هي مبنبى يكون زي الصاله يستخدم للمقيل يتجمع فيه الناس في كل بيت يتجاذبون فيه الحديث وغالبا ما تكون بارده ومهيئة لذلك وفي بعض الاحيان تبني من جريد النخيل أو غيره البندق إذا لم اكن مخطئ له معنا آخر في إجزاء من الشايقيه لكن المشهور هو السلاح البندقيه الرقراق هو اشعة السمش المرسلة بين فجوان عرش المبني المصنوع من جريد النخل الارتيق الارتيق هو المنطقة التي تستطع فيها الشمس في الشتاء وتكون محمية بحائط يمنع هبوب الرياح يستخدم للتدفئه وغالبا ما يكون في ظهر البيوت النوريق هو دهس سنابل القمح بعد تنشف وذلك أما بالبقر أو الحمير الله يعزك وتكون مرصوصه بعد ان تربط في صف على عود في التقاء وتكون الحركة دائرية الصايح كفا الله الشر آزول هو شيال الخبر والخبر هنا هو اعلان موت احد ويكون غالبا من الشباب ويركب على دابه دون سرج ما سمعت النعام آدم فاوضني بلا زعل حيث يقول وينقطع شيال الخبر القرقريبه سعفه من سعف الدوم تستخدم لعواسة الكسره وللاسف في الىونة الاخيرة استبدلت بالكشتينه أي بلاستيك ويسبب كثير من الامراض شفنا الله وإياكم البسديق قطعة قماش ينظف بها سطح الصاج من باقيا عواسة الكسره ويكون شكلع اسود من كثرة التنظيف و لا يغير لانه مرتوي بالزيت والدهن الذي يصب على سطح الصاج لتسهيل استخراج الكسره من والقراصه من سطحه الكشر هو عود ينجر له اسنان يستخدم مفتاح للابواب الخشبيه القديمه ولعلمك لا كشر يفتح باب آخر بالرغم من التشابه. إيه رأيك آزول نجحت أم لا وجزاك الله خير نشطت الذاكره بمفردات قديمه للشايقيه
جل من لا ينسى ينساك الموت الدقل في بعض المناطق من الشايقيه تنطق التقل وهو إناء دائري يصنع من عرجون النخيل الناشف ويخاط بى سعف الدوم ويستخدم لحفظ الكسره او القراصه ويكون باحجام مختلفه ويزين في بعضهم بزيق من اللون الازرق وفي الفترة الاخيره صار يوضع للزينه مع الطبق ضمن ادوات الزينه في البيوت الراقيه وبعد الصفره والخبز والرغيف ما اظن تاني تقوم ليه قائمه حليلي منها ما دوامه اما الشرو والله انت ماك هين ابدا الشرو دا هو القفل الذي يقفل به باب الخشب وبه فتحات تنزل فيه قوائم خشب تمنعه من الفتح الا بالمفتاح الخاص به والمصنوع طبقا للفتحات ودا كلام قديم أظن أسع ما تلقاه ولو في المتحف اظك قديم انت آزول او ووروك الكلام دا الكلام دا ما بقوله الا زولا مخضرم عفيت منك.
بس فى نقطة وااااحدة بدور اوضحها وانت سيد العارفين وهى كلمة الدُقُل بضم الدال وضم القاف والمعنى الذى ذكرته صحيح وهذا الذى يشبه الطبق ويستخدم لحفض القراصة والفطير والكسرة يطلق علية ايضا العمارة وهى دائما يلتف حولها طير الجني اثناء العواسة ، اما الدقل الذى قصته انا فهو بما يعرف الآن بالكيلون بتاع الباب فهو الذى يحتوى الشرو ويتم ادخال الكشر فيه لفتح الكبد او الباب ... اذن هو العلبة التى تحوى جميع هذه المعدات وكما قلت هو الكيلون باللغة الحالية واستدل على ذلك من قصيدة قديمة للشاعر الفذ كدكي حين قال فى احدى قصائده الخالدة وكان يصف وصول احد ابناء البلد الى بلده فى وقت متاخر من الليل واخذ يطرق الباب قال - حالتو الكشر فوق الدقل - بمعنى انا هذا الشخص لو ركز انتباهه الى الدقل لما احتاج لقرع الباب فى هذا الوقت المزعج ..... والشكر لك مرة اخرى بحرارة
الله يزيد علم وتقوى وتبقى العالم بأمور الدين والدنيا الدقل فعلا غابت علي لكن تذكرتها بعد شرحك لى كلام ود الدابي الدقل هو العارضه أو الخشبه القويه فوق الباب وتحت تعبة الباب محفوره فيها حفره عشان تضبط حركة الباب بلسان خشبي طالع من الباب ويدخل في الحفره وحتى مرات يكون ليها صوت لما تفتح وتقفل الباب وعادة ما يختو فوقها الكشر فعلا إذا أخطات انا وطلعت ما شايقي نصيح لك الشكر وخليك من الكشر والدقل هاك دي وشوف شاعرنا عبد الله محمد خير ود الدبه قال شنو في الزمن عام 1981م
Post: #1244 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-22-2007, 07:07 AM Parent: #1
Quote: الدقل في بعض المناطق من الشايقيه تنطق التقل وهو إناء دائري يصنع من عرجون النخيل الناشف ويخاط بى سعف الدوم ويستخدم لحفظ الكسره او القراصه ويكون باحجام مختلفه ويزين في بعضهم بزيق من اللون الازرق وفي الفترة الاخيره صار يوضع للزينه مع الطبق ضمن ادوات الزينه في البيوت الراقيه وبعد الصفره والخبز والرغيف ما اظن تاني تقوم ليه قائمه حليلي منها ما دوامه اما الشرو والله انت ماك هين ابدا الشرو دا هو القفل الذي يقفل به باب الخشب وبه فتحات تنزل فيه قوائم خشب تمنعه من الفتح الا بالمفتاح الخاص به والمصنوع طبقا للفتحات ودا كلام قديم أظن أسع ما تلقاه ولو في المتحف اظك قديم انت آزول او ووروك الكلام دا الكلام دا ما بقوله الا زولا مخضرم عفيت منك.
د. ياسين صباحات بجبُوجِية... حلالي الليلي يبقى لي هواك جاي من (أُوسلي) عِدِل...
إنت عارف قريت الإقتباس الفوق دا... ماااااااا وقعْلي شئ... خصوصاً مسألة الدُقُل دي... داير إقتبسو وأرد عليهو... بأن الإناء البتوضع فيه الكسرة والقراصة وغيرها إسمو العُمْرة أو في بعض الناس بيطلقو عليها العُمارة... فالحمد لله لقيت التوضيح في نفس الموضوع تحت...
Quote: بس فى نقطة وااااحدة بدور اوضحها وانت سيد العارفين وهى كلمة الدُقُل بضم الدال وضم القاف والمعنى الذى ذكرته صحيح وهذا الذى يشبه الطبق ويستخدم لحفض القراصة والفطير والكسرة يطلق علية ايضا العمارة وهى دائما يلتف حولها طير الجني اثناء العواسة ، اما الدقل الذى قصته انا فهو بما يعرف الآن بالكيلون بتاع الباب فهو الذى يحتوى الشرو ويتم ادخال الكشر فيه لفتح الكبد او الباب ... اذن هو العلبة التى تحوى جميع هذه المعدات وكما قلت هو الكيلون باللغة الحالية واستدل على ذلك من قصيدة قديمة للشاعر الفذ كدكي حين قال فى احدى قصائده الخالدة وكان يصف وصول احد ابناء البلد الى بلده فى وقت متاخر من الليل واخذ يطرق الباب قال - حالتو الكشر فوق الدقل - بمعنى انا هذا الشخص لو ركز انتباهه الى الدقل لما احتاج لقرع الباب فى هذا الوقت المزعج .....
لكن والله قديِّم خلااااااااااس... شوف كلمة الشرو وحلاوته؟؟؟
Quote: دقل الباب وشرو الباب والكشر كلهن في الباب دا
لمْلم هدومو من الحبل شكاهّا فيها كُسر كُسر وسداها بي فقشة جريدتن يابسي عارضه زي كُشر
باب الحراز موروث قديم .. يحكي عن أجيال مضت محفورة فينا .. اثر قدوم حاج سورين النجار الذي ترك مرتفعات ومنخفات توحي عن تقدمه في السن والادية ماصبحت توزن كويس .. وتلك الحفير التي يتدلا منها الجنيزير والطبلي المصقري.. حسيس المفتاح فيها يسوي صير تك صير تك .. يكب لو حبيبة زيت في المفتاح كان اسركن افتح الطبلي بسم الله يا مفرج .. اثر التراب المنزح تحت الباب في العوضه لا داخُل ترك منخفض ان ماعمل حسباك تعتر فوقو تقع رب وتنطفي اللمبة وتحيرك ويندفق جازها فوق الجلابية القعد تكوي فيها العصير بي عدلّو في شان تشيل بيها بيت البوش .. وريحة العوضي ذاتي يا سلام يعبق منها مجمع خليط روائح .. المنقي والتمر والبرتكان والحلبي والشمار والقريبفروت وريحة قرقاب حاجي سعدي وباقي هديماتها في السحاري .. وفي ركين مرمي المجوز الناوين يرسلو للخرتوم للجنى ابوالحسين باقي طول من الطلة للبلد فوقو الجرم والبركاوي والقنديل والدوم .. مركيب حاج سعيد مرمي في وسط العوضه وحيدة بالعدلي وحيدة مقلوبة .. وفوق وسطها ديك ياالشعبي يزين أعلاها لكمة التوحيد ( الله اكبر ) نحت حاج سورين الله يديك العافية يا دكتور ياسين ولك تحياتنا ومودتنا خالد محجوب
Quote: يكب لو حبيبة زيت في المفتاح كان اسركن افتح الطبلي بسم الله يا مفرج .. اثر التراب المنزح تحت الباب في العوضه لا داخُل ترك منخفض ان ماعمل حسباك تعتر فوقو تقع رب وتنطفي اللمبة وتحيرك
Thank you Usatz Khalid Alaways beyond my imagination May God bless you and your family
Post: #1249 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-23-2007, 06:19 AM Parent: #1
Quote: وريحة العوضي ذاتي يا سلام يعبق منها مجمع خليط روائح .. المنقي والتمر والبرتكان والحلبي والشمار والقريبفروت وريحة قرقاب حاجي سعدي وباقي هديماتها في السحاري
لووووووووووووووووووووول!!!
الكلمي دي لقيتها وين؟؟؟
يشهد الله إنك موسوعة يا خالد يا اخوي ربنا يكملك بي عقلك ويحفظك يااااااارب...
مع كميات مودتي... وبجيك راجع...
أبو الحســــــــــين...
Post: #1250 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-23-2007, 10:58 AM Parent: #1
محمد سعيد دفع الله...
خلاص راجع يا ولادى بعد سنوات مره حنضل قضيته بعيد عن بلادي بدورلى طرف في السعادى وأعيش بينكم لمّا أودع بتات ما أفوت تانى غادي مرقت ومو بى مرادى ظروف العيشى البتجبر تسوق الزول وادي وادي كم عانيت في جهادي وبعيد عن بلدي آرفاقه يشوف كل شي ما اعتيادي أقاسى الشوق وليل سهادي تقول الشوك في عيوني وكمان في فرشي ووسادي حروفي بقت ياها زادى أحاولا كان لي تصبّر تزيل الهم من فؤادي دوام ظمآن قلبي صادي مناهو النيل يروى منّو بيحلم بيهو و ينادى كتيره الناس في عدادي إلا شعورى البحسو مثل مسجون إنفرادي معاهن وبينن قعادى يروح البال مو معايا النهار والليل في شرادى سألت رفعت الأيادي كريم يقبل لي دعايا أعود ويعود طيري شادي
ـــــــــــــــــــــــ
كميات مودتي... وربنا يرد غربتك يا أُستاذنا سالماً غانماً ياااااارب...
أبو الحســـــــــين...
Post: #1251 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-23-2007, 11:00 AM Parent: #1
محمد سعيد دفع الله...
خلاص راجع يا ولادى بعد سنوات مر%E
Post: #1252 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-23-2007, 02:40 PM Parent: #1
،،،،أبوقصي،،،، يمكن ندل للعرس أخوي أبوريده ،، باقيلي قريب مو بعيد تشوفه العين وتحسوا في قلوب العزاري زغاريده جاااايي وجااااااااااااي ده فال زين وبنتمه العديل ياعديلة الله تقدموا وتبره .
،،،،أبوقصي،،،، يمكن ندل للعرس أخوي أبوريده ،، باقيلي قريب مو بعيد تشوفه العين وتحسوا في قلوب العزاري زغاريده جاااايي وجااااااااااااي ده فال زين وبنتمه العديل ياعديلة الله تقدموا وتبره .
،،،،أ[وقصي،،،، يمكن ندل للعرس أخوي أبوريده ،، باقيلي قريب مو بعيد تشوفه العين وتحسوا في قلوب العزاري زغاريده جاااايي وجااااااااااااي ده فال زين وبنتمه العديل ياعديلة الله تقدموا وتبره .
الأستاذ الفنان عبد الرحمن أحمد محمد انت ماك زولن صغير .... لا ولاك زولن بوصو انت مالريد في عيونك ............ تاني كيفن دار تدسو
انت ياقيسنا الروانا ............. من بعد وديانا يبسو
انت يا مرسى الأمان .... الفيهو بعد الهجعة يرسو
انت شيتن في عيوني قاسي...... ما بتقدر تحبسو
شيل عيوني وحات عيونك ...... بالعليك احرسو
قلبي قبلك كان مليس ............... الغرام ماكان بيعرفو
ليه تسعه سنين مقفل ............... بابو مافيش حد لمسو الا يادوب عاد غرامك ............ سوه منو قميص ولبسو دابو هاش للدنيا فتح ...... إلا الناس شالو حسو انت ياك في الصيف ضليلو ...... انت في امشير ياك شمسو انت يا الكلمي الحنيني .... بصبحوحبا الناس ويمسو انت يانيلنا البيجري ............ من صفاهو الناس يغرفو انت يا دخري التعابا .... ويا الخدار الغتا جرفو انت يا الزيف المزرقن ........في الدعاش والناس تكرفو تاني كبف أنسالي زولن ..... ديسو نازل غتا كتفو تاني كيغ انسالي زولن ..... شال منام عيني طرفو لا لا ما بنسالي زولن .... انطبع جوايا حرفو تاني كيف انسالي زولن ...... هد جبل اشعاري وصفو لالا مابنساه زولي ..... وين في زولن بينسى نفسو
Post: #1258 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-24-2007, 06:24 AM Parent: #1
Quote: انت ياك في الصيف ضليلو ...... انت في امشير ياك شمسو
أولاً د. ياسين أشكرك جداً على اللوحة الجميلة الرسمتها لينا الصباح دا مع عبد الرحمن الكرو... وأعتقد أن هواك قَلَب علينا كَدِي
ثانياً أجيك لي حكاية التشبيه الجميل المثل بيهو محبوبتو... شوف ما شدة إحتياجنا نحن في الريف للضُل في الصيف... إبتداءاً من ضُل الضحى البارد حيث تجلس الحريمات ينضِّفِن كان خُدْرة كان شغلانية بيت تاني... (من ضفيري وغيرها)... نهاية بضُل العصر اللي ناس يضيقُو ليهو بي فارق الصبر متين يخُت عشان يطلعوا من الغرف والبرندات لي نسمة بالرغم من أنها في كثير من الأحيان (سمُوم)... فشوف قيمة الضُل عند أهل الريف وإستغلاله الجميل من الشاعر...
أما شمس أُمشير فسبحااااااانك يا ربي تجد التوفيق أيضاً حالف الشاعر فما أحوجنا لها نحن في الريف حيث البرد القارس وكيف كُنا نباري (الدَّفُّويي) وهي المنطقة بجانب الحيطة العالية لكن الشمس مركزة عليها بشدة ويكون الحائط مضاري الناس من الهواء الشمالي الشرقي!!! أمووووووووووت أنا وألقى الحس الزي دا... وأظنه لو ما خانتني الذاكرة هو حِس شاعرنا محمد جيب الله كدكي...
مع كميات مودتي... وإنشاء الله دايماً جرابك مليان يا ياسين يا اخوي...
أبو الحســـــــــين...
Post: #1259 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-25-2007, 10:39 AM Parent: #1
سماح حلفا
إبراهيم بابكر إبراهيم (البركل)
سماح دنياك ممتدة لا ساحل ولاضفـــــة
بلا شاطى بلا ريان بلا مرفـــــأ
وأتوه فى لجة المجهول بلا مقداف بلا دفـــــة
ألقى أقدارى تبحر بى براها تسوقنى تتلفــــا
حقيقة انا ريدتى ذاتها غربية كانت ذاته بالصدفة
ما اتلاقينا قبالا ولا بيناتنا كان عرفــــة
ريده غريبة من نوعها .صحيح محتاجة ليه وقفة
كانت فى البداية كلام وزادت بينا بالالفـــــــة
لما ايدينا اتلاقت بدت ايدى بى رجفــــــــة
لأنو سماح سماحة ريد أحلى بنية من حلفـــــــا
سرحت بعيد مع الخاطر .وبديت اتذكر الزفـــــــة
واتذكر ولاد بلدى يجونا يشرفو الوقفـــــــة
تمامة الريد تمامة الجيب وتبقى بداية بى سلفــة
وبديت اسرح وكمان امرح ونسيت عرس المدن كلفة
ويقولوا ليك انت أبدأ وهى تجهز الغرفـــــــة
تشيل وتشيل ماقادر وفجأ ترجح الكفــــــــة
اشربى من ينابيعك ينبوع ريدى ما جفـــة
ده شيتا ما قدرتى انا وبحرك مابى يتكفــــــــا
سماح خليها دنياى تبقى نهاية لى عرفــــــة
عشان ما نبقى فى السيرة وتفكرى انت فى الخلفــة
سماح خلينى ما قدرك لودايرة الامور تصفــــا
حياتك ما حياة اهلى وطباعك ذاته مختلفــــــة
ـــــــــــــــــــــــــــــــــــــ
والتحية عبر هذا الشاعر الرائع لكل أهلنا الطيبين...
مع كميات مودتي...
أبو الحســــــــــين...
Post: #1260 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-25-2007, 03:07 PM Parent: #1
شوفُو حلاة الوَحْلة دي...
من حوش الأخ العزيز مامون جعفر من البركل دوت كوم...
Quote: انت ماك زولن صغير .... لا ولاك زولن بوصو انت مالريد في عيونك ............ تاني كيفن دار تدسو
انت ياقيسنا الروانا ............. من بعد وديانا يبسو
انت يا مرسى الأمان .... الفيهو بعد الهجعة يرسو
انت شيتن في عيوني قاسي...... ما بتقدر تحبسو
شيل عيوني وحات عيونك ...... بالعليك احرسو
قلبي قبلك كان مليس ............... الغرام ماكان بيعرفو
ليه تسعه سنين مقفل ............... بابو مافيش حد لمسو الا يادوب عاد غرامك ............ سوه منو قميص ولبسو دابو هاش للدنيا فتح ...... إلا الناس شالو حسو انت ياك في الصيف ضليلو ...... انت في امشير ياك شمسو انت يا الكلمي الحنيني .... بصبحوحبا الناس ويمسو انت يانيلنا البيجري ............ من صفاهو الناس يغرفو انت يا دخري التعابا .... ويا الخدار الغتا جرفو انت يا الزيف المزرقن ........في الدعاش والناس تكرفو تاني كبف أنسالي زولن ..... ديسو نازل غتا كتفو تاني كيغ انسالي زولن ..... شال منام عيني طرفو لا لا ما بنسالي زولن .... انطبع جوايا حرفو تاني كيف انسالي زولن ...... هد جبل اشعاري وصفو لالا مابنساه زولي ..... وين في زولن بينسى نفسو
الحبان سلام ومرحبتين المبدع دكتور ياسين بتعرف الذوق والكلام البضرب ويتوكر جوه ويبدأيداعب في الاحاسيس ومكامن الوجع الدام سنين ... حكايتك معانا بقت زي سيد الضربي الوارمي تألمه ويسلذ أن يضغط عليها برفق مع غمضة عين وهو منجدع علي قفا في عنقريب هبابي متوسد ضراعو تحت لبخة ضليلة كريمة رماية ضليل لعند الجيران.
نرجع للكلام الحلو ...
Quote: انت ياك في الصيف ضليلو ...... انت في امشير ياك شمسو
البحر قايم أمواجو تبلع والشمش تشرق من وسط الشرق دغري لا ميلان صاقعي .. تقوم من صباح ودغغشاً بدري تحلف تقول غازين لك كونش في حلقك من العطش والحلق ناشف زي شراب الأمباشي الشاري في الحبل لي يومين .. وحين ترفع شوية لا فوق تضرب في الجبهة بِدور تشقها عديل... وكان ما حدرتَ الطاقية الحمراء شغل مشغل أم سهمين بت علي ولا سويت جريدة الأيام ضروة في الجبهة .. والعجب العجيب تعامدها في وسط السما داك الحين يفور المخ وتتخمر الافكار وتنشل الحركة أها عاد شن بقى بلا الضل وهو الملجأ والمأوى من الهجير والسموم والقهنوبي البتقلي الحبة ... تخيل زولاً في وسط تلك المعمعة شنو بتكون أمنيته بلا ضل ضليل ينتكي فيهو وياخد لو غميدي وعرقو يخر جداول... في عز الصيف الضل غالي الحبيبة غاليةولا تشرى كان وزنوها دهب ...
ولما الشم خَوُخت وبردن ليالي الحرة وعاوي الزيف ينفخ تقول صور... الكشكة علت ايادي السغيرين ومافي ضميد وعلاج غير الجلسرين والفازلين وبي العدم ودكاية من متكون الضحية الفايته وهي شن فضل فيها اها حبيبة في قعر الحلة اها غايتو جاي جاي بكورنو ويمشقوا بي الاديات والكرعات الشلاليف ودي حكايتا حكاية أن بقى وصلا الشقيق والضحك وتضحك وخشيمك معوج ... وحيناً ينفتح شقاُ في الإدية ولا الكراع تحلف تقول إخدود .. ودا ماعندو علاج غير تكمد لك فوقو ودكة وتكويها بي جمرة .. الليل دا حكايتو حكاية.. وفي الاويضة والعناقريب متجاورة والمنقد متوسط الاوضه يطقطق فوقو قنقر ( عيش الريف ) يفكو بي رجفة الحنيك من صقيع البردة بعد العشا كان بقى سليقي ولا تشة ولا فول مصلح حار ملهلب تلوك اللقمة خشمك فاتح والبوخ لاوي من الخشيم زي مدخنة فون ودالزاكي .... ومن تصبح تقوم البطينة ملصوقة علي الضهر من الجوع وطول ليل الشتاء قُبال ماتجر مسواك في الخشيم بتسعل يا يمة أن شاء الله رميتي ليك لقيمات ( زلابية ) اها عاد يوم يقولوا ليك اي بالحيل رميتها .. عاد يوم داك بتجيه المسواك واللسان دا من الدعكي بدور ترمي من محلو ... وبعدها ما حل غير قعدة في الدِفوية وزي ماقال ابوالحسين دوما بكون موقع الدِفوية تحت حيطي حاجزة ريح الشمال ومقابلة لشعاع الشمش البقت زي نور التلاجة ومابتحرق ... عليك الله في أغلى من الدِفوية دي في ايام الشتاء فكانت بغلاة المحبوبة
إستغربت زوجتي من حرة بردنا الجاف في زيارتنا لشندي وقالت لي والله تحمل جسمي درجات حرارة قد تصل ل30 تحت الصفر بس زي برد بلدكم دا ما شفته ينقر في العضام بلا الإبار
Quote: حكايتك معانا بقت زي سيد الضربي الوارمي تألمه ويستلذ أن يضغط عليها برفق مع غمضة عين وهو منجدع علي قفا في عنقريب هبابي متوسد ضراعو تحت لبخة ضليلة كريمة رماية ضليل لعند الجيران.
دا اسمو الوجع اللذيذ
Quote: ومقابلة لشعاع الشمش البقت زي نور التلاجة ومابتحرق ... عليك الله في أغلى من الدِفوية دي في ايام الشتاء فكانت بغلاة المحبوبة
شكراً يا سيد الكلمة
Post: #1264 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-26-2007, 09:13 AM Parent: #1
عاشة بت سيد أحمد الحسن ود هندي...
نقلاً عن أُستاذ/ عثمان الحليبي... من ديوانها بالبركل دوت كوم...
إهداء خااااااااااااص للخليفة أبو هاشم...
ابتديت بالقادر
إبتديت بالقادر ربنا الرحمن
ربنا الناظر الخالق الانيس والجان
الحي القادر الما راهو انسان
يحفظ الشابات ويحفظ الشبان
ويهدي الشايبات ويهدي للشيبان
ينزل التوفيق ويطهر الابدان
يتركوا الفاني ويعبدو الرحمن
نحمد القادر ربنا الرحمن
النجحهم وسواهم نبات احسان
فوقم اية الكرسي والحمد والفرقان
تبوا يا شبان كلم شجعان
شرفوا التاريخ وكرموا البلدان
ووجدوا التوفير للضمي العطشان
وافتحوا الديوان واكرموا الضيفان
نعمة يا تاريخ البينشر الشجعان
ناس عكود الشيخ وهندي في القيزان
كانوا اهل الجود والعجب فرسان
وفي القرير الغالي كانوا اعز مكان
القرير معروف اخير الاطيان
فيك جناين مدني وزهرة البستان
وفيك ولاد سوار ود دغور وخمجان
رمز درقة وسيف في الحرب شجعان
في شمالك اوسلي دوحة الاوطان
ام شتيلا شايل ومروي في الحيضان
فوقة صوت القمري يطرب الغضبان
ولدو فيها مهيرة فارسة الميدان
وولاد عبود بهجة السودان
الفي مداخل كورتي ولعوا النيران
بالدم العباسي سجلوا العنوان
قولي للشايقية الكلهم فرسان
مافيهم الخواف البقولوا جبان
لبسوا توب العز الما فيهو قولة ان كان
فيهم الشاعر الملهم الفنان
وفيهم الاجواد البي الكرم مليان
وفيهم التجاني البيعبد الرحمن
وفيهم السالكين طرق الختم عثمان
السلام بالدين ممزوج من الريحان
يغشى لي نبي الله احمد العدنان
بالسلام الدايم يحفظ السودان ــــــــــــــــــــــــــــــ
صح لسانك أُمنا عاشة بن ود هندي... وكميات مودتي لأساسقِك لا جنا الجنا وللغالي الحليبي...
حُبي الفقدتو بعد وَفا ......................... حُبي الفقدتو بعد وَفا عَكَّر لي جَوِي بعد صِفا وصِبحت سعادتي من المُحال جَمري القديم ما كان كَفى موقِد يَلهلِب وما انطفا جَات تاني هَبَتو ريح منال ريدنا الزمان مالو اختفى مالا المودة بِقَت جَفا ريدًا انت عارفو حُلو وحَلال البِت دي وين كت شايفا أو مَرَّة واحده مَصَادِفا ياصح تقولو سمعنا قال رُوحي المَشَحتَفة عارِفا مالا السِّيرة بِقَت تَخَوِفا شن دار يكون سببا غير الجمال مسكيني فاقِدي عَواطِفا عَشمِاني فيك تَوالفِا راجاك تَجُودلها بالوِصَال قلبي العليل كايس الشِّفا لو شِلتو في حُضنَك دِفَا كان بالسعادة عِميري طال قَدَمِي العليك سَاسَق حِفا هو بَراهو حَالتو يَوَصِفا يَغنِي البيشوفو عن السؤال غالبني حالتي أصنِّفا وِشِّي وقَفَايا بِقَن قَفَا وبقى جِسمي دايما في انتحال. ............................... منقول تحياتي... حاتم هاشم
Post: #1266 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: Osman Musa Date: 04-27-2007, 04:29 AM Parent: #1265
ما سر جمال حياة الناس هناك؟ غابات النخيل الكثيفة التى نبتت على النهر تدرك السر! الناس تغنى . الطيور تغنى. حتى الضفاضع على الضفتين ظلت تغنى وظل كل السودان يرهف السمع. لكل قادم من ديار الشايقية . لهم كل الحب . انا احمل لهم كل الود والأنتماء الكلى والتقدير.
Post: #1268 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: هاشم الحسن Date: 04-27-2007, 06:16 AM Parent: #1
انت يا الزيف المزرقن ........في الدعاش والناس تكرفو
Quote: ولما الشم خَوُخت وبردن ليالي الحرة وعاوي الزيف ينفخ تقول صور
دا زاتـــو ما ياهو الكلام يا أبان كلام!!! تسلمو يا أهل الذوق عالي، و لا فـــــــــــوق...
منطرب بَّكم بلا حد، وأشجيتموني دونما (حدود) ياالأخوان
كيفنكم يا الّخوان؟؟
وكيف أمسيت يا (ود عمتي المذكور ماك المنسي)؟إنشا الله عافي آآزول؟
بوستيكم بايلنو مبروك حد دايرلو وضو عشان تقربوا !!! و من بركتوا، الشايفا فوق نفسي و ما حدسوني بيها! فناني المفضل في أيام الله دي، ياهو (ود النصري)... و أخوكم كابي الجرس و يحمد الله. و الفضل أولا لي الله، و بعدين ليكم يا ود الحسين و يا ياسيكو و لي أخونا(معاوية كرفس) و أختنا (ملكة سبأ) في بوستات أخر. ولي ود النصري، الما متلو أصلي
وما إنقطعنا، وسننقطع، إلا بسببين
ضيق الوقت المتاح و خوف الضرايب في جمهورية (الحنين) و (الحنان)
كلمات... قسم السيد عبدالرسول ................................. انا الماساتي ما بتتقال بقيت احسب عميري الفات عذب لا حفلة لا شبال لقيت الفات كتير وكتير مرق لا زوجة لا اطفال تراني فى مهب الريح مريكب لا فحها الشلال بقيت مسحور عيونك ديل اتحجر بقيت تمثال وافتش فى مكانك وين لقيتك فى قليبى هنا انا الجرب مآسي الغي تعال شوف كيف حفن كرعي وانا اتبشتنتا يا خلاي فوق درب الفريع الني بقت لى مع العيون قصة مخلفة فوق جروحى الكي خيالن مادوام نافر يحلق فى خلاهو الصي ولا قادر افيق وارجع ولا قادر ادارى البي واشوف غيمك انا العطشان واقول هسع يجيني الري وفكر فى امور الحب وادور في ساقية غير معني يا حليلى انا حليل ايام سعادتي معاك وكت كان الزمن بسام يشاور لى دوام ضحاك يضمنا كان هدوء الليل هو لا حس همسة لا كوراك لقيت يا قلب زولك بعد وجعك لقيتو دواك اتاريهو الزمن دولاب قسي ورجعني الف سنه طريتا انا طريت السمحة بين اهلها وكت تنزل وكت تطلع مع الحوب يجتمع شمِلها تمد ايديها للمنقة تداعب للجريد قبلها وماهماها زولا فات يقاسي الغربة من اجلها ماخلاني ابتليت بي ريدها افتل فى حبال رمله كمان خايف الجنون يحصل تفوت عقليتي بى قبلها بوريكم مآسي غرامي عشتها وعمرى كان تمنها . ........................... تحياتي... حاتم هاشم.
Post: #1273 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-28-2007, 01:48 PM Parent: #1269
Quote: راجى الله البيدى الجنة بيك يجمعنى يـا المازيانـى
عليكم الله يا اخواننا شوفو حسن النية وصدقها والتذلل للباري في البيت دا كيف؟؟؟
ويا الحِبَيِّب الله قاعد يدي الجنة ماب يلمك بي محبوبتك وست ريدك؟؟...
عبرك يا شاعرنا المُجيد... أسأل الله يلم كل البي يهاتو بالرباط المقدس... ويسعِد ويهني المتزوجين ياااااااااااارب...
كميات مودتي... وتشكرات يا الخليفة أبو هاشم وأنت دايماً تتحفنا من بيت الكلاوي...
أبو الحســـــــــين...
Post: #1274 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-29-2007, 06:35 AM Parent: #1268
كتب أُستاذ/ هاشم الحسن...
Quote: منطرب بَّكم بلا حد، وأشجيتموني دونما (حدود) ياالأخوان
يا هاشم يا أخوي نحن طلتك دي لينا ذااااااااتة بالدنيا وما فيها...
بس قاعد تطول الغيبة...
يا هلا بيك وأبقى لا داخُل مكانك موهَّط تَبْ في قلوب أهل الدار...
مع كميات مودتي...
أبو الحســــــــين...
Post: #1272 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-28-2007, 08:32 AM Parent: #1
كتب أُستاذ/ عثمان موسى...
Quote: ما سر جمال حياة الناس هناك؟ غابات النخيل الكثيفة التى نبتت على النهر تدرك السر! الناس تغنى . الطيور تغنى. حتى الضفاضع على الضفتين ظلت تغنى وظل كل السودان يرهف السمع. لكل قادم من ديار الشايقية . لهم كل الحب . انا احمل لهم كل الود والأنتماء الكلى والتقدير.
الحِبيِّب عثمان...
تحية صباحية... وألف حمداً لله على سلامة عودتك...
إنت غناء الضفادع الذكرتو في مداخلتك دا... ذكرني قصيدة للشاعر الرائع محمد ود حُمد إحمد الشايقي... في مطلع قصيدته (الشوق للريف)...
بيقول في مطلعها...
ريفنا الحبيب أنا قلبي عليك مِنْدَلِق...
وراجي الكريم خالق الخَلِق...
أجيك راجع وتاني أبداً ما نِتْفَرِق... ................................
في جلسة معاهو قلت ليهو يا حاج محمد... والله أنا من الله ما خلقني ما شفتلي واحد يطرب لي (نقيق القَعُوي) فقام قال لي يا ولدي ماب تجربو إلا تغيب من البلد (ولاحظو يا إخوتي الغياب من البلد كان سكنو في أُمبدة يعني ما قطوع بحر ولة ركوب طيارة!!) وتجي راجع في ديوان عمي العوض ود التومي وتستمتع بجمال صوت القعوي جاييك من (لَوَرْ) ساقية ود منصوري من لا قِبْلِي...
التحية والتجلة وتعظيم سلام لشاعرنا ود حُمد إحمد ونسال الله يمتعو بالصحة والعافية يااااااااااااارب... وإنشاء الله أوعدكم بإنزال القصيدة كاملة...
مع كميات مودتي... وإقامة طيبة يا عثمان يا أخوي...
أبو الحســــــــــين...
Post: #1275 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فيصل محمد خليل Date: 04-29-2007, 07:48 AM Parent: #1272
بسم الله الرحمن الرحيم سلام ياهلنا... رمــــال حــلـتـنـا ............................
رمال حلتنا زولاً كان مأنسك يا حليلو فات رحل من بلدو روح والله روح فاتلو لدار ماها هيلو ماها هيلو ياحليلو الكان بيطلع يطلع ومره ينزل ومره يشرب من سبيلو مره يترنم يحاكي الحسو يرزم فوق نخيلو الليلي باكي دموعه سايلي نازلي مابيسرك حويلو يبكي مطرطش مودر متلفت فاقد دليلو الرمال تبكي وتعاتبو وتشكي منو وتشتكيلو تقولو ليه خلتني فت والسمر فتش بديلو ياسلام لو كان رجعلك يابلادنا الهم يزيلو يسمع القمري البغني وينسى حزنو مع هديلو. ........................ تحياتي... حاتم هاشم.
Post: #1277 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-30-2007, 06:48 AM Parent: #1275
أخي فيصل خليل جزاك الله خير على الطلة والمرور الجميل...
ونسأل الله معك أن ينعم على أهلنا بدارفور بنعمة الأمن والأمان وأن يهدي كل من حمل السلاح إلى وضعه والجلوس إلى دائرة العقل والتفاوض... وحقن دماء المسلمين يااااااااااااارب...
مع كميات مودتي لك صديقي خليل...
أبو الحســـــــــين...
Post: #1278 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 04-30-2007, 04:13 PM Parent: #1
كتب الأُستاذ/ صلاح هاشم السعيد... في منتديات البركل دوت كوم...
الطمبور السوداني
يعد الطمبور بأشكاله المتعددة من أقدم الآلات الموسيقية الوترية الشعبية في العالم ويرجح قسم كبير من الباحثين أنه اقترع أصلا في الشرق الأوسط غير أنه معروف ومنتشر في مناطق شرقي البحر الأبيض المتوسط وأفريقيا ولا تزال بعض أنماطه القديمة مستخدمة في السودان بنفس بدائيتها. ومن المناسب في بداية البحث في أصول هذه الآلة الموسيقية الشعبية العريقة الإشارة إلى أنها تنطق في السودان بالميم والنون ، وفد تنطق بالنون إلا أنها تكتب طمبورا . والطنبور (بالنون) يطلق على نوع الغناء الذي ساد العاصمة السودانية قبيل انبلاج فجر الأغنية السودانية (الحقيبة) ويسمى أفراد الفرقة الغنائية المصاحبة للمغني طنابرة، ويطلق اللفظ نفسه على غناء قبيلة الجوامعة التي يوجد مركزها الرئيسي في مدينة أم روابة عاصمة منطقة شرق كردفان وهو شبيه بغناء أواسط السودان في أوائل القرن الحالي. اما الطمبور فيطلق على الآلة الموسيقية الشعبية المعروفة التي تتخذ عدة أسماء داخل السودان نفسه، ومن بينها الربابة، وهو (الأخير) الاسم الأكثر شيوعا في العالم العربي غير أن الاختلاف في نطق اللفظ لا يعني شيئاً، فـ(الطنابرة) العاصميون يسمون أيضا طنابرة في غرب السودان، ويحدث الإبدال الحرفي هناك أيضا، إذ يقول المطرب ابراهيم موسى في إحدى أشهر أغنياته الفلكلورية (أنطوكي للطنباري) . ولعل الأكثر شيوعا تغليب النطق بالميم . دخلت آلة الطمبور طور المشاركة الحقيقية في أغنية أواسط السودان بطريقة منظمة للمرة الأولى العام 1928 بعدما سجلت اول اسطوانة سودانية بصوت المطرب بشير الرباطابي، وقد أنتجتها شركة بيضافون المصرية في القاهرة . وكان الرباطابي : نسبة إلى قبيلة (الرباطاب ) يغني في مقاهي العاصمة بمصاحبة هذه الآلة التي تستخدمها على نطاق أوسع قبائل الشايقية والمحس والرباطاب والمناصير.
بيد أن اسطوانة بشير الرباطابي لم تطلق حمى الطمبور في الخرطوم ، ولم تكتب لتلك الآلة حياة في الأغنية القومية السودانية بعدما تغلب تيار الغناء (الحقيبي) الحديث ، غير أنها استعادت جانبا من مكانتها في الخمسينيات غداة ابتكار برنامج إذاعي يعنى بفنون ربوع السودان. وقد برع في عزفها المطرب الملحن النعام آدم الذي يعتبر مدرسة قائمة بذاتها في هذا الضرب من الفنون الغنائية. كما أن المطرب محمد جبارة يتميز باسلوب خاص بعزفها . والطمبور هو (السمسية) المستخدمة في جنوب الجزيرة العربية. وهو الربابة في صعيد مصر، ويسمى أيضا الطمبورة. وكانت تسمى (كنر).
أما الطريقة التي دخل بها الطمبور السودان فذاك أمر يثير جدلا كبيرا، فهناك قسم من الباحثين يرى أنه سبح عكس تيار النيل قادما من مصر التي كانت ذات صلة وثيقة بالسودان. ويقول الباحث العراقي الدكتور صبحي الرشيد أن الطمبور أساساً اختراع عراقي كما انتقل إلى روما واليونان ثم إلى مصر ومنها إلى السودان. ويرجح جمعة جابر أنه ربما دخل السودان من أرض الحضارة البابلية عبر آسيا، حيث انتشر في دول الخليج ومنها وجد طريقه إلى أثيوبيا وارتريا فالسودان. غير أن عازف الطمبور والفنان النوبي السوداني المعروف محمد عثمان وردي يعتقد ان الطمبور نشأ في بلاد النوبة وتطور معها ويرفض أن يكون الطمبور وفد إلى الحضارة العريقة من أي مكان في العالم القديم. ولا توجد مصادر تاريخية تنبئ عن تطور الطمبور في بلاد السودان القديم، ويعتقد أن أقدم مصدر أشار إلى الطمبور في السودان هو كتاب الرحالة الأوربي يوهان لودفيج بركهارد الذي صدر في العام 1819م إثر زيارته للسودان العام 1813م . يقول بركهارد : (الآلة الموسيقية الوحيدة التي رأيتها في بلاد النوبة كانت نوعا من الطمبورة المصرية، عليها خمس أوتار، ومكسوة بجلد غزال) ، وأجواء النوبة مفعمة بـ(الميلوديات) . غير أن الرحالة الدنماركي كارستن نيبور ذكر أنه شاهد طمبورا في دنقلا 1776 .
يؤنث أهل اليمن الطمبور، ويشير الدكتور نزار غانم إلى أن الأرجح أن الطمبور إنتقل من بلاد النوبة إلى سواحل البحر الأحمر من خليج السويس شمالا إلى باب المندب وعدن جنوبا. وكثيرا ما يرد ذكر ميناء سواكن في أراجيز رقصة النبوان الخليجية، وهي قولة في النسبة إلى بلاد النوبة بل ويورد الدكتور نزار كلمات إحدى أشهر رقصات الطمبورة اليمنية ومنها : حبيبي دقنة دقنة يا ماله ـ انجليزي يتمنى حرب سواكن. وجلي الإشارة إلى البطل عثمان دقنة.
ومما يستدل به على انتقال الطمبور من بلاد السودان إلى منطقة الخليج أن معظم أغنيات السمسية في تهامة وعموم الجزيرة العربية تقوم على السلم الخماسي. ومن أشهر انماط الغناء في اليمن نمط يقال له نوبية . وأشار سيد محمد عبدالله في كتابة ( من حياة وتراث النوبة منطقة السكوت) إلى أن طمبورا شوهد في منزل مغني نوبي يدعى خليل معروف خليل في جزيرة صاي شمال السودان قبل حوالي مئة عام. ونسب المؤلف إلى المطرب النوبي السوداني المعروف محمد عثمان وردي القول أنه شاهد طمبورا في متحف اللوفر في باريس وضعت عليه عبارة (آلة موسيقية نوبية) .
ولا يختلف اسلوب عزف الطمبور في مختلف مناطق السودان على رغم اختلاف خصائصه في كل منطقة. ويقول الدكتور / مكي سيدأحمد العميد السابق لمعهد الموسيقي والمسرح في إطروحة الدكتوراة التي بحث فيها خصائص اللحن والإيقاع النوبي في منطقة السكوت التي ينتمي إليها أن آله الطمبور تنتج نظاما نغميا يتميز بأنه خماسي بصورة مطلقة كما يتميز بخلوه التام من أنصاف الصوت. شاهد المؤلف طمبوراً العام 1994 لدى الفنان السوداني محمد عثمان وردي اعترته إصلاحات وابتكارات عدة، لجهة المواد التي صنع منها، وتزويده أدوات عصرية حديثة لشد الأوتار ودوزنتها، مع تزويقه بطريقة تزينيه معاصرة. وأوضح صاحبه أنه تلقاه هدية من شاب نوبي مصري مغرم بفن النوبة وأصوات أبنائها. وكان الفنان السوداني أبو عبيدة حسن قد استخدم في مستهل السبعينات طمبوراً مطوراً مماثلا.
ويوجد الطمبور في معظم أنحاء السودان وبأسماء مختلفة، مع اختلافات طفيفة في مواصفات الصنع والتصميم. غير أن تلك الاختلافات واسعة للغاية في مجال الدوزنة. يسمى النوبيون الطمبور الكسر، وتسمية قبائل جبال الانقسنا في جنوب النيل الأزرق جنقر، وتعرفه فبائل البرتا باسم إبنقرنق. وتسمية قبيلة الشلك النيلية في جنوب السودان توم MOHT . وفيما بقيت أوتار الطمبور في شمال السودان خمسة فحسب على مر العصور، توجد أنواع من الطمبور لدى قبائل الشلك والدينكا والزاندي في جنوب السودان يتراوح عدد أوتارها بين السبعة والتسعة. والأرجح أن الطمبور تأثر هناك بالطمبور الشائع في كينيا واثيوبيا واريتريا .
ــــــــــــــــــــــــــــــــ
ومن أبي الحسين للباحث صلاح السعيد كميات مودتي وتشكرات جيداً على هذه الجهود الجبارة التي يبذلها في إحياء هذا التراث العظيم...
بسم الله الرحمن الرحيم سلام ياهلنا... تحياتي... حاتم هاشم.
Post: #1286 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 05-03-2007, 08:53 AM Parent: #1285
جاء في صحيفة الخرطوم اليوم الخميس 3/5/2007م خبر بعنوان تكريم الشاعر السر عثمان ويقول الخبر يشهد نادي الهلال بامدرمان مساء اليوم الخميس إحتفالاً كبيراً لتكريم الشاعر السر عثمان الطيب يشارك فيه كل مبدعي قبيلة الطنبور من شعراء وفنانين نذكر منهم الفاتح ابراهيم بشير حاتم حسن الدابي وآخرين بجانب الفنانين . والجدير بالذكر أن الشاعر السر عثمان الطيب قد تغنى له معظم فناني الطنبور بأغنيات شهيرة نذكر منها (بحر المودة) التي شدا بها الفنان محمد جبارة والتي يقول مطلعها: يايمة رسلي لي عفوك ينجيني من جور الزمان.
و من جانبنا نرجو ان يكون قد تم الإعداد لهذا الحدث المفرح الإعداد الجيد حتي يأتي حفل التكريم بالصورة التي تليق بهامة هذا الرجل الرمز الذي عطر سماءنا وشحن وجداننا باعذب الكلمات وأحلى الألحان وهو بلا شك رجل يستحق التكريم .
سلام ياأهلنا أبو الحسين وزواره الكريم هاكم كلام ود الرضى البشبهكم ده :ـ
نحن بنو الحسين والزهرا حبوبتنا يوم دق النحاس إياه يوم حوبتنا نحن الصالحين شربوا عقاب حوبتنا نحن السم شربناه والدابى فى عببتنا ود الــرضــــى
Post: #1289 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-05-2007, 06:54 AM Parent: #1286
Quote: حتي يأتي حفل التكريم بالصورة التي تليق بهامة هذا الرجل الرمز الذي عطر سماءنا وشحن وجداننا باعذب الكلمات وأحلى الألحان وهو بلا شك رجل يستحق التكريم .
تسلم صديقي أُستاذ/ موسى على إيراد هذا الخبر المُفرح وتشكرات عبرك لكل القائمين بهذا التكريم المستحق لهذه القامة من قامات الشعر والإبداع في بلادي...
ولك وعبرك للسر عثمان الطيب وكل الإخوة الكرام كميات مودتي...
وداير أسألك... وييييييييييين د. ياسين ليهو مدة ما ظهر عساهو وكل الإخوة الطولوا ما تاوقوا علينا بخير وعافية...
ابوالحسين سلام نرجو الأذن آ المبروك ... زارت حوشك البركة بت الشيوخ أهل الراية واللوح
Quote: سلام ياأهلنا أبو الحسين وزواره الكريم هاكم كلام ود الرضى البشبهكم ده :ـ
الريحانة أبوالحسين وصحبّو برحبّو بيكي ألف راس بدين في حقّك ماأظن كفاية عليكي مفروش الحوش ورود زوارو يفخروا بيكي زيارتّك موها ساهلة لابد من توسم ليكي
والتحية لك اخي وحبيبي ابوالحسين والتحية لبت البطانة المرتع والسهل والوادي ...البطانة والدرق والسيف والطبنجية ... البطانة السكين الحمرا من دميم مذبوح للكرم... البطانة الراية والدواية ... البطانة الحزمة والقومة والعرضة والصقرية ... البطانة الفيها كتير وقولنا قليل ما أظن نوفي حقوقة سلام سمية بت الحسن طلحة ومرحب بيك في حوش أهلك ولاد شايق
ولكما التحية والمودة والاحترام
Post: #1292 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-06-2007, 03:00 PM Parent: #1
الغالي جداً إبن عمي أُستاذ/ خالد المنسي...
وبت الخلفاء وشيوخ العرب سمية الحسن...
التحية لكم... وعذراً لو تأخرت اليوم من الدخول لدوحتكم الغناء هذه نسبةً لمشغولية جهجهتني شوية...
كميات مودتي لكم وأهديكم هذا المنظر الجميل... وما زلت عبركم أتساءل عن سيد الحوش د. ياسين كدي يا خالد يا اخوي الليلي عند المغيرب سرِِّج لي أحمد وليدك اليقُفْرُو يشوف بلدو وين؟؟
هسّعيتي البوست ده ينقري كيفن..ضمة باقي حيرتي زي عملات حبوبات ابو الحسين في غنا عيسي بروي ودليبو "الفلللّي"
" هسة ده انجيتي يرقصو كيف؟
وانجيت ده يقروهو كيفن
بوست توثيقي راااائع
Post: #1301 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-08-2007, 06:49 AM Parent: #1294
Quote: هسّعيتي البوست ده ينقري كيفن..ضمة باقي حيرتي زي عملات حبوبات ابو الحسين في غنا عيسي بروي ودليبو "الفلللّي"
" هسة ده انجيتي يرقصو كيف؟
وانجيت ده يقروهو كيفن
صديقي منعم...
البوست دا تقراهو كدي دا...
أمس أسمع في أُغنية للرائع وليد أب دوم... شاعرها محمد جيب الله كدكي... أها في ختام الأُغنية في كلمة (كَدِي)... يعني إشارة إلا الفنان يأشرها بي إيدو حتى تُفهم...
دحين يا منعم يا أخوي هسع البوست دا يقروهو كَدِي!
Quote: بوست توثيقي راااائع
تسلم يا اخوي وفي إنتظار إضافاتك... وطلتك البتسعدنا على الدوام...
مع كميات مودتي...
أبو الحســـــــــين...
Post: #1295 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-07-2007, 06:15 AM Parent: #1293
Quote: الحبيب الأستاذ أبو الحسين تشكر على السؤال ، لكن اليومين ديل معايا نسيبتي ، "بالي راسي ومدوري حلاقي فيهو" !!!!! بعد نحلق صلعة بجيكم صاد لكم الود
ألف حمداً لسلامة الفَقِيرِية بت الفقراء لأرض أمريكا...
وأقول ليها يا عملات كلامي قبل كدة لمن زارت الحاجة/ نفيسة بت عثمان ود سورج أمريكا... وعندي علاقة بيها قوييييييييية وأريدها ريد شديد وكل السورجاب عموم...
والزمن داك أمريكا كانت متورطة لا إضنيها في أفغانستان...
أها قلت ليها في مطلع قصيدة مدح وفخر لي حاجة نفيسة وعموم السورجاب...
أماااااااااني آمريكا ألله اداكي من ها العِلَّة حلَلِك بان...
بت العُمدة ناوية زيارة بُشْرَة خير من السودان...
والقصيدة طويلة حا أنزلها لمن نصل لحظة التوثيق للسادة السورجاب...
لك يا د. ياسين وللفقيرية ولأُم سامي وسامي وجمانة والمعاكم كلللللهم كميات مودتي... وألف حمداً على السلامة... وبركة غيبتك البقت مع نسيبتك آ اخوي ... والجابك يجيب لينا باقي الأحباب الغياب...
بسم الله الرحمن الرحيم سلام ياهلنا... كبرياء ............ الرائع... محمد سفلة ........................
لو خايفالي من آهاتي وأحزاني البعيشها وراكي أعرفي إنو عزة نفسي أكبر من مدار إدراكي وتاني لا بتهزني ريده ولابرجع بجيك متشاكي قادر حتي افارق ضلي بس رمشي أنا ما يدمع باكي من جور الظروف إعتدت في كل خطوة اشوفو هلاكي أيه يعني إن قسيتي وجرتي وإتنكرتي ليهو هواكي لا الدنيا بتقيف كان فتي لا روحي بتفوت بي وراكي لا قلبي العليه إن دهدهتي قادر لحظة يستناكي الدنيا العبوس بي خيرا إياك من تظني إياكٍِ ياك قمر الزمان في سمانا يالسمحة إتخلقتي براكي عذرا لو عليك قسيت أو مات في دواخلي غناكي عفواً ما بقت تسكرني النسمة اليجيبا شذاكي وشكرا منك إتعلمت أرفع راسي فوق لسماكي وأهلا بالضياع والوحدة لو رفقت خطاي خطاكي وما ندمان علي ما ضينا وايامنا اللي راحو فداكي وما عشمان اعود من تاني وارجع من جديد القاكي ولو قايلة بتزلني ريده واتحمل غصب يا ملاكي خاب ظنك وحاة البينا هاكي قليبي واتحداكي . ...................... تحياتي... حاتم هاشم.
يا باري القوس بريا إن لست تحكمه لا تظلِم القوس واعطي القوس باريها
أهلنا الشايقية فاقوا في حكم الكلمة البسيطة الهينة المتداولة بين الناس فخرجت ببهجة للنفوس تحدو بها الركاب ... يترنم بها العاشق الولهان ... زاد في الغربة للسافر وابتعد ... نغم القجوها بكري من تمير الجاو ... مسحة بي إيدين الحنينة في صدير الجاهل المرضان ( النوم النوم بكريك بي الدوم .. النوم تعال سكت الجهال ) نغيمة فال في خشيم مرسال قابض عراقي بين اسنانو للكنتين بيع لو رطيل شاي وسكر تعينو من رمض الحراية وسمومها... فرحة عيد للعايد يلاقي حبيب وأحباب ...
شدتني بساطة كلماتها وعمق معناها ويا سلام لو تكرم عشا البيتات قوا... البلحق الملهوف وأضناهو ألم الغربة... بي نغم وتراً حنين ينتح جوه الجوف يقلل نومو ويفرق للرمش إصبح مِفارق للغمده... يا دكتور ياسين ألحقنا بيها بصوت الرائع عليه رحمة من الله النعام آدم
فاوضني بلا زعل ياخي طمنّي أنا عندي ظن أنا كُت فوق البحر بي خيال حبيبي فكّر يا سلام لو تمَّ الأمل أنا جرحي يبرا وشوقي ينْبل فاوضني بلا زعل ياخي عارفني أنا في خطر السنون بروق المطر والعيون كشافة قطر يا سلام يا الشيك اب جمل يا البلاك ماتمَّ الأمل لامتين المحبوب يصل قابل قبل وينقطع شايل الخبر ياخي فاوضني بلا زعل
الشيك اب جمل دا طبعاً بس بعرفو ناس دكتور ياسين وابوشوك ايام بنك بركليز
شدتني بساطة كلماتها وعمق معناها ويا سلام لو تكرم عشا البيتات قوا... البلحق الملهوف وأضناهو ألم الغربة... بي نغم وتراً حنين ينتح جوه الجوف يقلل نومو ويفرق للرمش إصبح مِفارق للغمده... يا دكتور ياسين ألحقنا بيها بصوت الرائع عليه رحمة من الله النعام آدم
فاوضني بلا زعل ياخي طمنّي أنا عندي ظن أنا كُت فوق البحر بي خيال حبيبي فكّر يا سلام لو تمَّ الأمل أنا جرحي يبرا وشوقي ينْبل فاوضني بلا زعل ياخي عارفني أنا في خطر السنون بروق المطر والعيون كشافة قطر يا سلام يا الشيك اب جمل يا البلاك ماتمَّ الأمل لامتين المحبوب يصل قابل قبل وينقطع شايل الخبر ياخي فاوضني بلا زعل
الشيك اب جمل دا طبعاً بس بعرفو ناس دكتور ياسين وابوشوك ايام بنك بركليز
العزيز أستاذ خالد
لك الود لم أجدها بصوت الراحل النعام " عليه الرحمة" ولكن بصوت صلاح بن البادية
Quote: شدتني بساطة كلماتها وعمق معناها ويا سلام لو تكرم عشا البيتات قوا... البلحق الملهوف وأضناهو ألم الغربة... بي نغم وتراً حنين ينتح جوه الجوف يقلل نومو ويفرق للرمش إصبح مِفارق للغمده... يا دكتور ياسين ألحقنا بيها بصوت الرائع عليه رحمة من الله النعام آدم
فاوضني بلا زعل ياخي طمنّي أنا عندي ظن أنا كُت فوق البحر بي خيال حبيبي فكّر يا سلام لو تمَّ الأمل أنا جرحي يبرا وشوقي ينْبل فاوضني بلا زعل ياخي عارفني أنا في خطر السنون بروق المطر والعيون كشافة قطر يا سلام يا الشيك اب جمل يا البلاك ماتمَّ الأمل لامتين المحبوب يصل قابل قبل وينقطع شايل الخبر ياخي فاوضني بلا زعل
الشيك اب جمل دا طبعاً بس بعرفو ناس دكتور ياسين وابوشوك ايام بنك بركليز
Dear Ustaz Khalid and all visitors Salam Try the following link to watch "Fawdny Bala Zaal" video Really wonderful performance by Salah Ibn Elbadya and pay full attention to the dance at the end of the video Enjoy it Thanks
Post: #1303 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-08-2007, 04:40 PM Parent: #1
Quote: أنا كُت قاعد فوق البحر بي خيال محبووووووبي فكّر يا سلام لو تمَّ الأمل أنا جرحي يبرا وشوقي ينْبل
يا سلام عليك يا أُستاذي خالد... دايماً تجيب الكلام البي يكلكِل من جووووووة... ويا ريت يا اخوي لو أطلقت العنان لي خيالك وحروفك وريتنا ليش لمن هو قاعد فوق البحر في خيال محبوبتو فكر؟؟؟
لك كميات مودتي... وللدكتور ياسين الكمل الناقصي...
أبو الحســــــــين...
Post: #1304 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 05-08-2007, 04:53 PM Parent: #1303
Quote: لقد طلب الأستاذ موسى الحسين والأستاذ خالد المنسي توثيق تراث وكلمات الشوايقية ، التي قد لا يعرفها الجيل الجديد رغم محاولة بعض الشعراء تضمينها في القصائد وعلى رأسهم الأستاذ محمد الحسن حسن (حميد ، وقد ساعد الأستاذ المرحوم مصطفى سيداحمد في نشرها رغم عدم إدراك المتغنين أو المرددين للأغنية بها للدلالة الحقيقة للمفردات لغياب الصورة الحقيقية من خياله. أسمحوا لي أن أورد لكم شيئاً قيلاً من ذلك القاموس من مداخلة للأستاذ ود العوض وآخر ، سقط اسمه سهواً ، له المعذرة ، من منتدى أمدر ، وجدتها ذات يوم لهم الشكر
السبلوقة الكرّاب النقاع الكبيق الاشميق
الشرقرق
البوغة
الكشّق اللقدابة البندِق
الرقراق الآرنيق
النوريق
الصايح
القرقريبة
البسديق
الكُشر الشرو
الدُقُل
التُكُل
الأخ د/يس والاحبة تحياتي أضيف لقاموس تراث الشايقية ما يلي:- 1- التدي (التودي) وراء الباب 2-المشق (وتدور حوله مشقبية الباب من تحت) 3- الأرتيق والأرنيق 4- الكسكسيقة (ماهي الكسكسيقة) 5- الحنقوق (من سبيط التمر) وقد قال شاعر قح : شعرك الحنقوق الضكر وعينك النخامة في الجر وايدك الموية طلعت البوقة بي فوق.
الأخ/ خالد منسي ود/يس
نحتاج لبحث في أصل كلمة كافتيرياوهل هي مشتقة من كفتيرة؟ مع تحياتي
Quote: نحتاج لبحث في أصل كلمة كافتيريا وهل هي مشتقة من كفتيرة؟ مع تحياتي
أستاذي موسى الحسين أشكرك على الإضافة الثرة
أعتقد "الكسكسيقة" هي طاقية مصنوعة من سعف النخل ، وغالباً ما تكون ملونة "مصبوغة بالتفتي/التفتا"، وتستخدم للوقاية من الهجير وهي تشبه "برنيطة الإنجليز" ، وأحياناً تجد أولاد وبنات الصعيد يلبسوها لزوم "الزقلته" "لزوم القشرة" أما بخصوص علاقة الكافتيريا بالكفتيرة ، فأي محاولة لإيجاد علاقة ستؤدي إلى تدخل أمريكي وقرار من الأمم المتحدة ، فهذا يعد إرهاب لغوي أو على الأقل نزعة لغوية سلفية ومن ثم إرسال أبو الحسين وشيعته لمحكمة لآهاي أو قص رقبتو متل صدام. لك ودي
Post: #1310 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-09-2007, 06:33 AM Parent: #1305
Quote: أستاذي موسى الحسين أشكرك على الإضافة الثرة
أعتقد "الكسكسيقة" هي طاقية مصنوعة من سعف النخل ، وغالباً ما تكون ملونة "مصبوغة بالتفتي/التفتا"، وتستخدم للوقاية من الهجير وهي تشبه "برنيطة الإنجليز" ، وأحياناً تجد أولاد وبنات الصعيد يلبسوها لزوم "الزقلته" "لزوم القشرة" أما بخصوص علاقة الكافتيريا بالكفتيرة ، فأي محاولة لإيجاد علاقة ستؤدي إلى تدخل أمريكي وقرار من الأمم المتحدة ، فهذا يعد إرهاب لغوي أو على الأقل نزعة لغوية سلفية ومن ثم إرسال أبو الحسين وشيعته لمحكمة لآهاي أو قص رقبتو متل صدام.لك ودي
يا اخوي برَّة وبعيد يا اب عُكَّاز حديد... من تدخُّل الغرب في حوشنا دا...
مااااااااالنا ومال القرايي اُم دَقْ... بلسان مكجِّن (بالجيم أُم تلات نقاط) معتقل غوانتنامو أبو الحسين يقول ليك يا أُستاذ/ موسى لا علاقة البتة بين الكافتيريا وكفتيرة حبوبتك ست البنات!
Quote: نحتاج لبحث في أصل كلمة كافتيريا وهل هي مشتقة من كفتيرة؟ مع تحياتي
الغالي العزيز/ موسى الحسين ودسيدأحمد لك التحية وعلك عافية غايتو دكتور ياسين قال الروووب من كلمة كافتريا دي
قد تكون صائب انها جاءت من كفتيرة لكن كفتيرة هي ذاته جات من ويـــــــــــــن؟ ... الكلمة كما يبدو من خلقتها مركبة من كلمتين.... سواء في كفتريا أو كفتيرة الكلمة الأولى كوفي ( coffee ) والثانية هي الغريبة شوية علي أي حال هي كلمة زيها زي الكثير من الكلمات التي نستخدمها نحن السودانيين في الدارجة السودانية
في اللغة المجرية تعني كلمة تير ( ter ) ساحة أو مكان ... لكن والله اعلم هي مكان الكافا وثم صارت مكان القهوة والشاي والسندوشات الخفيفة والله أعلم حقيقة هناك الكثير من الكلمات التي يحتاج للبحث في معناها وأصولها
Post: #1313 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-09-2007, 02:35 PM Parent: #1
Quote: قد تكون صائب انها جاءت من كفتيرة لكن كفتيرة هي ذاته جات من ... الكلمة كما يبدو من خلقتها مركبة من كلمتين سواء في كفتريا أو كفتيرة الكلمة الأولى كوفي ( coffee ) والثانية هي الغريبة شوية في اللغة المجرية تعني كلمة تير ( ter ) ساحة أو مكان ... لكن والله اعلم هي مكان الكافا وثم صارت مكان القهوة والشاي والسندوشات الخفيفة والله أعلم حقيقة هناك الكثير من الكلمات التي يحتاج للبحث في معناها وأصولها
أها شوف الجات منك يا أُستاذي موسى... الكفتيرة وأُستاذ/ خالد طلعها لينا مجرية... الله يستر لي القاطوع وضرا الدَنَّاع!! لا تطلع نرويجية ولة دنماركية...
لك صديقي خالد ولأُستاذ/ موسى الحسين والجميع كميات مودتي...
Post: #1318 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فدوى الشريف Date: 05-10-2007, 10:29 AM Parent: #1
ازيكم والله مشتاقين وليكم وحشه بقدر الجمال الانتو فيهو دا سلامي نفر نفر قلديبه
Post: #1321 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-12-2007, 07:28 AM Parent: #1318
Quote: ازيكم والله مشتاقين وليكم وحشه بقدر الجمال الانتو فيهو دا سلامي نفر نفر قلديبه
بتنا فدوى الشريف...
مرحباً بعودتك وطلتك من جديد...
قواسيب مودتي وأبقي لا جُوة... يا ربي الكلمة الأخيرة دي قاصدة بيها كلمة (قَلِيبَة) سلام؟؟؟ لو قاصدة كدة تكوني معاصري ومَقَابْلي حبوباتك من قدامِن ما قاعدة تزحي!!
أبو الحســـــــين...
Post: #1322 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: فدوى الشريف Date: 05-12-2007, 08:58 AM Parent: #1321
Quote: بتنا فدوى الشريف...
مرحباً بعودتك وطلتك من جديد...
قواسيب مودتي وأبقي لا جُوة... يا ربي الكلمة الأخيرة دي قاصدة بيها كلمة (قَلِيبَة) سلام؟؟؟ لو قاصدة كدة تكوني معاصري ومَقَابْلي حبوباتك من قدامِن ما قاعدة تزحي!!
أبو الحســـــــين
ابو الحسين الغالي كيفك وكيف اخبارك وانت يااهل الدار كللللللكم ساءله منكن قلديبة سلام ومابحب الا لقدابة الحبوبات
عزيزي الأستاذ ابوالحسين الزول فتر من قعر عينو وعشمان في فك الليل اللاماهو طرحا فوق راسا تمعن في هذا البيت جيداً ، تشبيه بليغ ، وحات سيدي ، من شاعر عرف بمحدودية العلم ولا أقول المعرفة والخيال لله دره
رسالة من الآخرة .................. علاء الدين عبد الرحيم ابسير ...............................
ســارة من الآخـرة بكتـب ليك تحية من حبيب مات يوم فراقك الا نارك لســة حية من جهنَّـم ليك بكتب رغـم آلامى العلى أقلب الأحزان مباهج كان يخــف ألمك شوية عارف إنى أنا فى قليبك وعـــارفو قلبك لسة لىَّ وعارفو باب سكـة فرحنا سدتو الإيد القوية أهلك القايلين سعادتك تبقى فى العيشـة الثرية شالو فرح الدنيا خلوك تبكى بالدمعـة السخية رغم أفكارم بريدك ريدة ظـاهرة ومو خفية واختلاف الفكر عمرو ما فسـد للود قضية حالتى من غيرك تمحن عيشـة فى نار سرمدية مافى زول أحكيلو حالى وإنتى مــاك عارفة العلى سارة مابقدر ألومك إنتى ما اتلومتى فياَّ والبزح فى ا قاعد ما بتطـول قدمو الثريا سارة أمسحى سيل دموعك وعيشى لحظـاتك هنية والفرح فد مرة قالوا عنـدو فى أعمارنا جية أوعى تحزنى يوم زفافك إنتى ما شبه الأسية الاَّ أقدارك معــاندة وإنتى ليها دوام ضحية افتقدتك فى إحتضارى يوم أحاطــت بى المنية وقالوا فى الليل المضَّلم يفتقد قمـر العشية سارة طاريك ما نسيتك وكيفن أنسـاك يا بنية كل يوم سهران وحاتك بين قوامك والمحيا لو مرادى أقوم وأجيكى شان أوصيك كــم وصية الا خايف تتفتق تنزف جروحا ً لسـة نية سلمى لى على قليبك ومنى أقريهو التحية وخلى يطرا البينا دايماً منِّو كان فضـلت بقية ســارة خاب فيك التمنى فى حياتنا الدنيوية وبرضو يبقى أقدارنا تسمح ونبقى فى الفردوس سويا. ........................... تحياتي... حاتم هاشم.
Post: #1324 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 05-12-2007, 09:54 AM Parent: #1323
Quote:
Quote: قد تكون صائب انها جاءت من كفتيرة لكن كفتيرة هي ذاته جات من ... الكلمة كما يبدو من خلقتها مركبة من كلمتين سواء في كفتريا أو كفتيرة الكلمة الأولى كوفي ( coffee ) والثانية هي الغريبة شوية في اللغة المجرية تعني كلمة تير ( ter ) ساحة أو مكان ... لكن والله اعلم هي مكان الكافا وثم صارت مكان القهوة والشاي والسندوشات الخفيفة والله أعلم حقيقة هناك الكثير من الكلمات التي يحتاج للبحث في معناها وأصولها
أها شوف الجات منك يا أُستاذي موسى... الكفتيرة وأُستاذ/ خالد طلعها لينا مجرية... الله يستر لي القاطوع وضرا الدَنَّاع!! لا تطلع نرويجية ولة دنماركية...
لك صديقي خالد ولأُستاذ/ موسى الحسين والجميع كميات مودتي...
أبو الحســــــــين...
الأخوة أبو الحسين والأستاذ/خالد ود/يس لكم التحايا القلبية الخالصة،
كالعهد به الأستاذ/ خالد مجتهد، واللغات بلا شك متداخلة والأمثلة كثيرة . ولكن يا شيخ خالد من أين جات كلمة (كوفي) وما هو أصلها ياشافي يا كافي،
الأخوة أبو الحسين وديس عواجير رغم صغر سنهما، سنين طويلة لم اسمع بـ (التفتي) من وين نكتها وكذلك الدناع .
Post: #1331 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-14-2007, 06:56 AM Parent: #1324
Quote: الأخوة أبو الحسين وديس عواجير رغم صغر سنهما، سنين طويلة لم اسمع بـ (التفتي) من وين نكتها وكذلك الدناع .
Post: #1326 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-12-2007, 04:57 PM Parent: #1319
Quote: عزيزي الأستاذ ابوالحسين الزول فتر من قعر عينو وعشمان في فك الليل اللاماهو طرحا فوق راسا تمعن في هذا البيت جيداً ، تشبيه بليغ ، وحات سيدي ، من شاعر عرف بمحدودية العلم ولا أقول المعرفة والخيال لله دره
والللللللله يا د. ياسين صدقت...
وحقيقي وقفت مشدوه أمام البيت دا... يعني المتاوقة بي قعر العين زي ما قلت ما جابت حقها كدي!!
مرام ماجات ............... للمبدع ...حاتم حسن الدابي ............................
مرام مرقت على الجيران ومرن ديل كم ساعات غابت نجمة الضيفان واكتست الارض ظلمات مرام ما جات…!! حكاية كان وياما كان حكاية تشيب الولدان حيرت الانس والجان وبرهنت انو ما في امان رجع وأد الطفولة زمان زمن عبدة(هبل)و(اللات) بعد لبست جديد في جديد مرام مرقت تبارك العيد وقفت سمعتنا نشيد حلاوة موبايلا الفي الايد مع التسريحة والباندات اتاريهو الغدر منصوب مسطر ومافي منو هروب برغم رضانا بالمكتوب ده غدر ما وراهو سكات بدون إنزار..بدون اسباب مرام غدروها جمب الباب مرام هجمت عليها ذئاب طباعم من شريعة الغاب ملاكاً حولوهو رفات قلوب لا رحمة لاإحسان مدبجة بي صفات شيطان وظهرت قدرة الرحمن محل اسنانها هو الاثبات دريبها على الارض منقوش سريرها من العصر مفروش معالمو باقية وسط الحوش ملابس الروضة واللبسات بعد شمس العصاري تغيب مرام كانت تودي تجيب عندها بسكويت وحليب في تلاجتن راقدات وحيدة اخوانا والوالدين عليها يخافو متمنين تتعلم تتم الدين وليها يوزعوا الشربات يا صاحباتها وينها مرام سماح يادوبو فرهد قام عمير ما تم خمسة اعوام ملازماها البراءة سمات عيال الروضة ياسمحين لمن جيتو متماسكين ما شفتوها راحت وين مرام سرقت منام العين مرام حرقت حشا الامات وليه بتقول مرام ما جات مرام كلما وجيها يلوح تبق جوانا احساسات مرام بقت القلب والروح سحابة تخدر البلدات مرام غصة حلق مجروح تقوقيها القميريات مرام صفحة كتاب مفتوح يقروه الطلبة والطالبات مرام عصفور يئن مجروح ما شفعها الدمعات مرام جزء من (محمد) و(نوح) و(تبارك) و(عم) و(النازعات) مرام شربت محاية ولوح وفي ساعة المغيب بخرات مرام دعاء للجميع مسموح بعد ما تكمل الصلوات مرام حاتظل سؤال مطروح جوه بيوتنا والطرقات مرام حاتظل سؤال مطروح وسط اولادنا في الجامعات مرام حاتظل سؤال مطروح موجه للشباب بالذات وليه بدت السماحة تروح إرث اجدادنا والعادات اخيرا داير اجيز القول منو المسؤول؟؟ تقول دي ثقافة البتر ولا سيف العولمة المجهول الدجتل مع المحمول افلام فاضحة والمسكول عموماً. بيوتنا في فك غول مخيف اسموا الفضائيات ومرام ما جات .؟؟ تحياتي... حاتم هاشم.
لا أدري ما أقول لك أستاذي أبوهاشم هذه البريئة قريبتي ، أمها بنت بنت خال الوالد ، أنا اعد خالها لا حول لي ولا قوة الشكر للأستاذ حاتم الدابي الذي حاول علاج بعض الأسى
Quote: مرام ماجات ............... للمبدع ...حاتم حسن الدابي ............................
مرام مرقت على الجيران ومرن ديل كم ساعات غابت نجمة الضيفان واكتست الارض ظلمات مرام ما جات…!! حكاية كان وياما كان حكاية تشيب الولدان حيرت الانس والجان وبرهنت انو ما في امان رجع وأد الطفولة زمان زمن عبدة(هبلو(اللات بعد لبست جديد في جديد مرام مرقت تبارك العيد وقفت سمعتنا نشيد حلاوة موبايلا الفي الايد مع التسريحة والباندات اتاريهو الغدر منصوب مسطر ومافي منو هروب برغم رضانا بالمكتوب ده غدر ما وراهو سكات بدون إنزار..بدون اسباب مرام غدروها جمب الباب مرام هجمت عليها ذئاب طباعم من شريعة الغاب ملاكاً حولوهو رفات قلوب لا رحمة لاإحسان مدبجة بي صفات شيطان وظهرت قدرة الرحمن محل اسنانها هو الاثبات دريبها على الارض منقوش سريرها من العصر مفروش معالمو باقية وسط الحوش ملابس الروضة واللبسات بعد شمس العصاري تغيب مرام كانت تودي تجيب عندها بسكويت وحليب في تلاجتن راقدات وحيدة اخوانا والوالدين عليها يخافو متمنين تتعلم تتم الدين وليها يوزعوا الشربات يا صاحباتها وينها مرام سماح يادوبو فرهد قام عمير ما تم خمسة اعوام ملازماها البراءة سمات عيال الروضة ياسمحين لمن جيتو متماسكين ما شفتوها راحت وين مرام سرقت منام العين مرام حرقت حشا الامات وليه بتقول مرام ما جات مرام كلما وجيها يلوح تبق جوانا احساسات مرام بقت القلب والروح سحابة تخدر البلدات مرام غصة حلق مجروح تقوقيها القميريات مرام صفحة كتاب مفتوح يقروه الطلبة والطالبات مرام عصفور يئن مجروح ما شفعها الدمعات مرام جزء من (محمد و(نوح و(تبارك و(عم و(النازعات مرام شربت محاية ولوح وفي ساعة المغيب بخرات مرام دعاء للجميع مسموح بعد ما تكمل الصلوات مرام حاتظل سؤال مطروح جوه بيوتنا والطرقات مرام حاتظل سؤال مطروح وسط اولادنا في الجامعات مرام حاتظل سؤال مطروح موجه للشباب بالذات وليه بدت السماحة تروح إرث اجدادنا والعادات اخيرا داير اجيز القول منو المسؤول؟؟ تقول دي ثقافة البتر ولا سيف العولمة المجهول الدجتل مع المحمول افلام فاضحة والمسكول عموماً. بيوتنا في فك غول مخيف اسموا الفضائيات ومرام ما جات .؟؟ تحياتي... حاتم هاشم.
Post: #1329 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-13-2007, 01:52 PM Parent: #1328
Quote: لا أدري ما أقول لك أستاذي أبوهاشم هذه البريئة قريبتي ، أمها بنت بنت خال الوالد ، أنا اعد خالها لا حول لي ولا قوة
ليس لدي ما أقوله لك صديقي د. ياسين إلا أن أدعو الله أن يصبركم أخي على هذه الفاجعة الحزينة... وأن يجعلها يوم القيامة مصدر سُقيا لأهليها وشفيعةً لهم بإذن الله تعالى...
وعبرك تشكراتي للخليفة أبو هاشم وعبره للأُستاذ/ حاتم حسن الدابي الذي صاغها بما تستحق...
الحبيب / ود الحسين كيفنكقرات المقال التالى في جريدة الراي العام للكاتب الدكتور عبدالله على ابراهيم قبل ايام قليلة وبصراحة عجبنى شيد خاصة يتحدث عن قريتى الجميلة ( البرصة ) واعتقد كمان حايعجبكم [/ عنوان المقال: الشاطراب: جزيرة خلعت قميص الماء ================================== I]
Quote: في نهاية عامي الأول بها في أبريل 1961 وكنا الجيل الثاني من الماركسيين قد صح عزمنا أن لا نطالع مأثورنا الإسلامي العربي فحسب بل أن نصطحبه في مغامرتنا بهذا العلم السياسي المبتكر (أو المستورد) للنهوض بشعبنا. ولم اتوافر على قراءة أيٍ من الكتابين كما خططت. أزعجني صيف نقابي ساخن لاحقني فيه الأمن بعطبرة واستهوتني بالبلد أمور صرفتني عن الكتابين فمكثا في غرفة بحوش أمي أمهاني الشاطراب: جزيرة خلعت قميص الماء جئت بلدنا، القلعة بعمودية جلاس من أعمال مركز مروي، بكتابين هما ديوان شعر جاهلي وكتاب تهافت التهافت لابن رشد. كنت استلفتهما من مكتبة جامعة الخرطوم بدار أولاد إبراهيم صامتين سوى من رشح ذرات روث بهائم عمي عطا المنان التي احتلت مطبخ البيت. أخذتني البلد أخذاً من برنامجي الثقافي. وكان بالإجازة بها من أولاد داخلة عطبرة جماعة أذكر منهم السيد الفكي طه. فاتفقنا على زيارة المرحوم محي الدين وداعة الله بمورة. وكان محي الدين جارنا بحلة التمرجية حسن الصوت كثير التغريد. وما تزال عبرة فقده تسد حلق أصدقائه لأنه رجل فيه فائدة ومروءة محسن للصداقة. فاستدبرنا البرصة والقلعة والبار وجلاس، قصبة عموديتنا. وذلك طريق وتلك قرى زرتها من قبل في طفولتي وأنا مشدود إلى شباب الختمية تابع له ومتسقط بعض متاعه من الشاي والفتة. ثم مررنا بالأركي التي لنا بها معارف وأحباب وجيران من عهدنا بمدينة أبي حمد هم أسرة محمد صالح الفكي ملاحظ ورشة السكة حديد. ثم بلغنا موره-النافعاب بلد السيد سيد أحمد الحسين وسرالختم الحاج موسى التي ذاع صيتها بفضل ''ود المبارك شيخ الظهر'' كما صدح بالأغنية الكابلي. وحرصت في مورة على زيارة والد زميلنا القاص بشير الطيب الذي كان من قادة رابطة اصدقاء نهر عطبرة وله قلم سيال قل أن يشطب كلمة من قصة أو مقال بعد كتابته لها. وكانت جريدة ''الميدان'' تعنو له ولقلمه قبل انقلاب عبود في 1958 . وله سلسلة بعنوان ''أدب الطبقة العاملة''. وتقع بعد موره بلدة ''التكر''. ولم نبلغها. ولكن اشتهر رجل منها يبدو أنه من اهل الله ينادونه هذراً ب'' عميدة التكر''. أما القرية التي ضربت خيمتي فيها فهي البرصة آخر عمودية جلاس. فهي بلد الوالدة ورهطها الإزيرقاب. وكانت دارهم قد صوحت بعد تقدم جدي أحمد ود حمد ود إزيرق وحبوبتي بت أم باركة في العمر ورحيلهما إلى الخرطوم. وكنت أزور الحبوبة في حلة المقرن كل جمعة أحمل إليها حلاوة لكوم فتؤثرني بالمديح الذي كانت تحفظه عن ظهر قلب فأكتبه عنها. وكنت أذهب من القلعة للبرصة راجلاً فأمر بمترتنا ثم مترة الشيخ العجيمي ثم شجرة ود جراد وما بينهما. وشجرة ود جراد هي دار حبوبتنا الروضة وهي من الشلختية ويضرب أهلنا بفقدها الفاجع المثل في ذهاب الأثر فيقولون :''لحق أو لحقت الروضة''. ولم اكتشف أن المضارب التي كنت اقطعها نحو البرصة مضار ب جن معلومة إلا بعد أن حدثني عنها ابن خالي فتح العليم. فقد ذهب إلى خالي عبد الرحيم يطلب منه أن يبارك له الزواج من فتاة من تلك النواحي. فقال له خالي وكان لا يتلفت للنضم :'' يعني الدنيا دي بشروقها وغروبها ما لقيت إلا تخطب من العقبة وفي العقبة ما لقيت تخطب إلا في عاصمة الجن وناره الكبيرة''. البرصة عبارة عن بلدة لاجئة بحواف جبل. وقد صورت هذا في أغنية تناوبت مع ابن عمتي نورالدائم أحمد صالح في تأليفها بمنزلهم بالديوم الشرقية بالخرطوم عام .1954 وأذكر أنني من جئت بمطلعها القائل ''يا حليلة طالعه الجبال''. وقد زرته رحمه الله في سفرتي موضوع الحديث بقرير ود قرافي التي صار مدرساً بها في الستينات. وبلغ من عسر طلوع الجبال على البرصة أنك تستغرب لتكلف أهلها بناء الحيشان لبيوتهم. فكل راح وغاد بوسعه ان يرى ما يدور بتلك البيوت بحيشانها المتهافتة. وقد أرهبني صمت بيت جدي سوى من حوش خالي عبد الرحيم المنقطع عن الدار المركزية. كان طراز بيت جدي فريداً به دانقة فسيحة تفضى إلى غرف ثم إلى مخزن خلفي توهطت فيه جرار فخارية عظيمة (قسيبات) لخزن الحبوب. وكان عند باب أحد الغرف بنهاية الدانقة صورة معلقة لخالي محمود الذي مات بالصعيد ولم تكتحل عيني برؤياه. وكان شرطياً. وكانت الوالدة تذكره بشيء من الصفاء العجيب تتأسى على موته في ربيع عمره وفي ديار الغربة. وكانت هذه الدانقة هي موضع اجتماع الإزيرقاب حول مأكل ومشرب يتناوبون كل بطريقته لأداء إبداع لفظي غاية في الطرافة يسمونه ''الزقلته'' أي السخرية ويشمل المساخة والدعاء ''اليسويبك واليسويبك'' بشكل رئيسي. ولا أعرف من يتقن الدعاء منهم مثل خالي عبد الرحيم. فقد سأل يوماً ابنه في الخرطوم ليتصل نيابة عنه برجل بلديات لأمر ما. وكان الرجل يعمل حاجباً بمحكمة الخرطوم. ولم يكن الابن راغباً في ذلك المرسال اصلاً وقرر ان يتلايق. فسأل الخال: ''هو شغال شنو في المحكمة؟'' فقال الخال بحزم :'' حاجب القاضي. حاجبك ينزلط''. وبدا لي دائماً أن فن ''الزقلته'' هو بعض أمتياز الإزيرقاب الذين ناب عنهم رقيقهم في خدمة الأرض فملأوا الفراغ بهذا التظرف. وكانوا يضجون صخباً يكافئون متزلقتهم الأعظم في يومهم. تصادف وجودي بالبلد انشغال بعض أهلها الشاطراب بقضية جزيرتهم التي ''قلعت'' بعد غرقها في النيل بتاريخ قد يعود إلى بدايات القرن الماضي أو ربما أبعد. فلا أحد من جيل أبي منهم ترعرع في جنباتها. وقد جلست إلى عمنا عبود الشاطرابي بالبرصة خلال تلك العطلة وهو قد سمع عنها ولم يرها. بل سمع أن بيتهم كان بيت الملوك في القبيلة. ولعبود أخ بعطبرة أسمه ''الملك'' والد حبيبنا جداً علي الملك. وهذه من أسماء الملوك بالطبع. وقيل إنها كانت جزيرة غناء ربوا فيها الخيول وتورطوا في النعم فشربوا الحرام واقترفوا ما أنساهم الله فنسيهم فحلت عليهم لعنته فأغرق جزيرتهم. كانت الشاطراب هي جزيرة أخرى لبست قميص الماء في قول محمد عبد الحي فتهاوت في النيل. فقد تطرقنا في حديثنا الماضى لجزيرة أم درق جزيرتنا التي غرقت في الثلاثينات الأولي فارتحل أهلنا وبنوا على الضفة الشرقية للنيل فلاحقهم قميص الماء فتدافعوا إلى القلعة ثم لم تفتر للقميص المشمر همة فجاءنا في 1988 فلجأنا أو لجأ أكثرنا إلى الجبل. وقد بلغت محنة أم درق أسماع السودانيين بفضل إغنية ''حليلك يا أم درق'' التي غناها اليمني. وكنت نسيت اسم شاعرها في كلمتي السابقة فبعث لي الشفيع ابن رقيقنا الجزولي سعيد رسالة قال فيها إن الشاعر هو جارهم في الجريف شرق المرحوم عبد القيوم إبراهيم مالك. ووصفه بأنه رجل جميل من حفاظ المسادير ويتقن هجاء الجيران والصحاب هاذراً كثير الرواية للنكات التي من الطراز الأول. وكانت له حصيلة مما يروى عن شعب الدناقلة الذين آل الجزولي منهم. فخصهم بها حبة عند اللزوم. متى هدأت ثائرة قميص الماء تبوأت الجزر موضعها القديم من النيل. ونفق سوق اللجاج والنزاع حول إعادة توزيع الأرض التي بَتَقَت من النيل. وقد قضيت طفولتي وصباي وشبابي وبعض كهولتي استمع إلى قضية لأهلنا الشقتاب ضد العمدة الطاهر وقيع الله الذي اتهمناه بالميل إلى بعض من أرادوا أكل حقنا من أرض أم درق المستعادة. وكان أول محام انتدبناه لمهمة رد الحقوق هو السيد إبراهيم المفتي، الزعيم الوطني الاتحادي المرموق، في آخر الأربعينات. وظلت القضية دائرة في المحاكم من مروي إلى الدامر وما بينهما عهداً طويلاً حتى تولاها اخيراً السيد يسن عطا المحامي الذي هو من دوري. وأصاب العمدة خلال مراحل التقاضي مرض عضال نسبه الناس إلى ''عمل'' رتبه واحد منا ضرب الصعيد واتقن فنون سحره. وكان هذا اعتقاد الوالدة التي لا تفوتها سانحة مهما ضؤلت للتبشيع بالشقتاب. ووجدت جغرافيا الجزر التي خلعت قميص الماء لتلبس قميص التجاحد صداها في مسرحيتي ''الجرح والغرنوق''. ونعود لهذا الحديث في السبت إن شاء الله.
Post: #1337 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-16-2007, 06:54 AM Parent: #1336
Quote: الحبيب / ود الحسين كيفنكقرات المقال التالى في جريدة الراي العام للكاتب الدكتور عبدالله على ابراهيم قبل ايام قليلة وبصراحة عجبنى شيد خاصة يتحدث عن قريتى الجميلة ( البرصة ) واعتقد كمان حايعجبكم [/
جزء من المقال: وكانت هذه الدانقة هي موضع اجتماع الإزيرقاب حول مأكل ومشرب يتناوبون كل بطريقته لأداء إبداع لفظي غاية في الطرافة يسمونه ''الزقلته'' أي السخرية ويشمل المساخة والدعاء ''اليسويبك واليسويبك'' بشكل رئيسي. ولا أعرف من يتقن الدعاء منهم مثل خالي عبد الرحيم. فقد سأل يوماً ابنه في الخرطوم ليتصل نيابة عنه برجل بلديات لأمر ما. وكان الرجل يعمل حاجباً بمحكمة الخرطوم. ولم يكن الابن راغباً في ذلك المرسال اصلاً وقرر ان يتلايق. فسأل الخال: ''هو شغال شنو في المحكمة؟'' فقال الخال بحزم :'' حاجب القاضي. حاجبك ينزلط''. وبدا لي دائماً أن فن ''الزقلته'' هو بعض أمتياز الإزيرقاب الذين ناب عنهم رقيقهم في خدمة الأرض فملأوا الفراغ بهذا التظرف. وكانوا يضجون صخباً يكافئون متزلقتهم الأعظم في يومهم.
صديقي الجميل عمر عبد السلام...
يا اخوي حمداً على سلامتك باقي إنت طولت الغيبة... والغالي طارق جبريل... عساكم وبلاد المغرب العربي بخير وعافية...
وعبرك أحيي الدكتور/ عبد الله علي إبراهيم كاتب هذا المقال وعبره أحيي كل أهلنا في برصة الخير والسادة العجيمية (اللهم أرضى عنهم) وكل أهلنا الطيبين هناك...
ولك وللمعاك قواسيب مودتي...
أبو الحســـــــــين...
Post: #1339 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-17-2007, 06:25 AM Parent: #1
إخوتي الكرام...
صبحكم الله بالخير والرضا...
أهديكم بكل الحُب والمودة النعام آدم ـ حسن الدابي... (شتيلة قريرا)...
Post: #1340 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-17-2007, 10:26 AM Parent: #1
إهداء للحبان...
مع قواسيب مودتي...
أبو الحســـــــــين...
Post: #1341 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: موسى الحسين سيد أحمد Date: 05-17-2007, 01:56 PM Parent: #1340
الإخوة الأماجد محبي هذا الحوش
حبيبكم مامان
لا تسعه الفرحة منذ سماعه خبر تفوق إبنيه التؤام في مرحلة الأساس . منتصر أحرز (278) درجة. وضحى أحرزت (275) درجة.
ونحن بدورنا في هذا الحوش نفرح لفرحه ونهنئه وأبنيه بهذا التفوق الموروث ونتمنى لهما مزيداً من النجاحات.
والتهنئة موصولة لخالهم صديقنا طارق عبدالله الحسن بفرنسا. وللأخ عبدالرحيم عثمان بابكر الذي نقل لي الخبر ولأهلنا بالقرير عامة .
Post: #1345 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-19-2007, 01:58 PM Parent: #1
ألف مبروك لمامان نجاح التيمان...
وإنشاء الله عقبال النتيجة الكبيرة يااااااااارب...
ونسأل الله يحفظهم ليك ومن نجاح إلى أفراح...
قواسيب مودتي... وتشكرات صديقي ود الحسين...
أبو الحســــــــين...
Post: #1346 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-20-2007, 06:17 AM Parent: #1
صباح الخير على الحبان...
وسؤال وعوافي الإخوة الغياب الأُستاذ/ خالد المنسي والخليفة أبو هاشم... عساكم بخير يا شباب طال غيابكم ويومين بدون طلتكم ماب نقدر عليها... وقبلكم الأخ ود القرير وعروستنا ست البنات لا حدهن...
بسم الله الرحمن الرحيم سلام ياهلنا... الغالي ابوالحسين
Quote: صباح الخير على الحبان...
وسؤال وعوافي الإخوة الغياب الأُستاذ/ خالد المنسي والخليفة أبو هاشم... عساكم بخير يا شباب طال غيابكم ويومين بدون طلتكم ماب نقدر عليها... وقبلكم الأخ ود القرير وعروستنا ست البنات لا حدهن...
بسم الله الرحمن الرحيم سلام ياهلنا... سلام يازولة .............. كلمات ... محمد خير درو .............................
سلام يازولة في جواي تحوم بين القلـب والـروح تسد باب الفرح تالاى وتفتح كل مشاعـري جـروح كمل صبر الليالي معاى خريف أحزاني برقو يلـوح غمر مطر الهيام جواي جراحا ت الولـه والنـوح أنا الودر معاكى صباي امل مابيـن ايديـك مذبـوح تسوقك غربة من دنياي تسوقني عليك غربـة روح ولا بي أيدي احبسوا هواى دا حال العاشق المجروح مشتاق ليكى وأنتي معاى زمن ساكناني في الأعماق بعد ساقك قدر لسواي وقف بينـا النصيـب فـراق تصوري حالي بعدك كيف مسكون الهيـام مشتـاق حزني الابت تعقبو أفراح ليلى رفض يبينلو إشـراق احوق صبري في الأيام وصبر أيوب على ما حـاق بكاك قلبي الصبح مكلـوم يتيـم الريـدة والأحـلام بكا الزول الرجاك عمر موهدب لا صحـا ولا نـام كشحتى أماني عز الريح رميتي على رمادا حطـام قدري هواك سقيتو دماي وازهر بين ضلوعي وقـام نطردو الآهة من جواي ويدخل بي مسامـي سهـام أرسلك رسا يل الشوق وروايع الحب على الإطلاق ترسلي في خيالك ليل يهب نـار وجـدك الحـراق لا مليت عذابك لي ولا الشـوق اتعبـوا الساسـاق غناي عليك لو عار فاهو ينزف مـن جـرح دفـاق أريتو غنايا بـي ذكـراك يخفـف لوعـة العشـاق ماك محتاجة أحكي ليك أنتي فؤادي ليـك ومعـاك توسدي في ضفايرك ليل تنومي وحالو مـا همـاك تكتبي على وريدو اسمك تنحتي صورة لي لذكـراك قدري معاك بحبك موت ومكتوب إنـي مـا ألقـاك كثير لاموني في حبك شلت دموع ملامـى بـراى كثير صدوني من دربك لقوها أشواقي سابقة خطاي بوحي بسر عذابي معاك عليك صدق الهوى الجواك قوليلن صبح مجذوب ولا على كيفو ينسـى هـواى مبارى دريبى ذي مجنون مشـدوه لا قلـب لا رأى . ............................ تحياتي... حاتم هاشم
Post: #1349 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-21-2007, 07:04 AM Parent: #1348
Quote: بكاك قلبي الصبح مكلـوم يتيـم الريـدة والأحـلام بكا الزول الرجاك عمر موهدب لا صحـا ولا نـام كشحتى أماني عز الريح رميتي على رمادا حطـام
إخوتي الكرام...
عليكم الله شوفو كلمات محمد خير دي... مُوش تشهِّي الواحد الحُزُن من النوع دا؟؟؟
وتخيلوا عمق الكلمات دي... كشحتي أماني عز الريح... رميتي علي رمادا حطام...
أسأل الله يسعد كل الحِبان وماااااااااا يحصل الفراق اليوصف لي زي دا...
مودتي... وتسلم الخليفة أبو هاشم وأنت تجلب لينا الدُرر الزي دي زي دي...
أبو الحســــــــين...
Post: #1350 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-21-2007, 04:44 PM Parent: #1
إخوتي الكرام...
مساكم الله بالخير والرضا...
مواصلةً لما كتبناه عن الطنبور...
أجزاء الطمبور:
ـ القدح : صندوق الصوت . ـ جلاد رأس البقر : لجلاد القدح. ـ فتحات : للصوت. ـ الداقن: لتثبيت الكوبري (الكج) ـ الكج: كوبري تشد عليه الأوتار. ـ المرق : قاعدة مثلث الطمبور. ـ الجرتق : زينة الطمبور (ليست أساسية) ـ السلك: (تشد منه الأوتار) ـ فيكاي : ملابس قديمة . ـ الوحيد : الوتر الأول. ـ الوتر الثاني: (أغلظ وتر في الطمبور) ـ الوسط : الوتر الأوسط. ـ الحنين : الوتر الرابع من تحت لفوق ، والثاني من فوق إلى تحت . ـ المجاوب : الوتر الخامس. ـ السندالة : أو سنادة لتثبيت اليد لتمكين العازف من العزف بأصابعه, ـ الضراب : أو ضرابة وهي الريشة التي يضرب بها الطمبور.
من تاريخ الغناء والموسيقى في السودان من اقدم العصور حتى 1940 م المؤلف/ معاوية حسن يس الطبعة الأولى 2005م الخرطوم عاصمة للثقافة العربية
ــــــــــــــــــــــــــــــــــــــــــــ
قواسيب مودتي للإخوة صلاح هاشم السعيد... والأخ معاوية حسن ياسين...
الحنين الهميم أبوالحسين سلام يا اخوي وعلك طيبة وعافية درت ما بننشغل منكم بس الأيام دي برجع البيت يادوب اجر كراع .. هي بتنجر يا اخوي عليك أمان الله برجع بيهن خدرنات من الوقفي ربنا يرجعنا لي أهلنا قبُل ما ننكفي وما نلقى البرفعنا والله أخوك بقى كان قعد علا يقلوني قل زي العتود المبطل
لك مودتي واسعل منك الخير وسعدك يا يابا
لك تحياتي
خالد
Post: #1353 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: عبد المنعم ابراهيم الحاج Date: 05-22-2007, 05:42 AM Parent: #1352
"الضراب ـ: أو ضرابة وهي الريشة التي يضرب بها الطمبور."
الضرابة -: النفايه وهي الريشة التي يضرب بها الطمبور.
Post: #1359 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-23-2007, 01:55 PM Parent: #1353
Quote: الضراب ـ: أو ضرابة وهي الريشة التي يضرب بها الطمبور."
الضرابة -: النفايه وهي الريشة التي يضرب بها الطمبور.
ويُقال لها أيضاً (الدَقَّاقَة)... أو دقاقة الطنبور...
تسلم يا أخي ود الحاج... ومالك يا غالي تغييييييييب وتظهر... خليك حضور مع قواسيب مودتي...
أبو الحســــــــين...
Post: #1357 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-23-2007, 06:16 AM Parent: #1352
Quote: الحنين الهميم أبوالحسين سلام يا اخوي وعلك طيبة وعافية درت ما بننشغل منكم بس الأيام دي برجع البيت يادوب اجر كراع .. هي بتنجر يا اخوي عليك أمان الله برجع بيهن خدرنات من الوقفي ربنا يرجعنا لي أهلنا قبُل ما ننكفي وما نلقى البرفعنا والله أخوك بقى كان قعد علا يقلوني قل زي العتود المبطل لك مودتي واسعل منك الخير وسعدك يا يابا
لك تحياتي
خالد
إبن عمي الجميل فاكهة الحوش دا...
العتود المبطل من شنو؟؟؟ الراميهو الوكَسْ ولة شيتاً تاني!!
يجازي محنك خليتني متل الماني نصيح في المكتب أقرقِر...
يا اخوي ربنا يعدلها عليك ويسهل ليك إمورك ويرجعك بالسلامة لي أهلك وحبانك... وتحايا نواضر للإبن أحمد والأهل...
قواسيب مودتي...
أبو الحســــــــين...
Post: #1354 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-22-2007, 10:37 AM Parent: #1351
Quote: الاخ أبو الحسين وباقي اللخوان (الأخوان)
تحياتي
احببت ان انال شرف تحيتكم والانضمام إليكم في هذا المكان
شايقي من الكرو
الغالي الطاهر ود عثمان...
حوش الشايقية بالأُون لاين له عظيم الشرف بإنضمامك إليه... ويا هلا بيك شرفت الديار والجابك يجيب لينا زينة شباب الكُرو الأخ الشاعر أحمد العوض (عيدابي)...
لك قواسيب مودتي... ويا هلا بيك تاني وتالت...
تخريمة: خارج النص...
هل الطاهر عثمان (الكرو) هو نفسو الطاهر عثمان زميلنا في منتديات البركل دوت كوم بتاع أبها البهية؟؟
أبو الحســــــــين...
Post: #1355 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: الطاهر عثمان Date: 05-22-2007, 11:01 AM Parent: #1
الاخ أبو الحسين
شكرا علي التحية الرائعة (وادخل لا جوه) وممكن كان تجيبلها ضبيحة كمان ياهو زاتو الطاهر عثمان زولكم -منتديات البركل-
أما سؤالك عن الأُغنية دي بالذات فهي كمية حزن متدفق يا صديقي صاغها الأخ حاتم الدابي وترجم بها حال أُسرة مرام المكلومة في فقد زهرة نضيرة في عمر الأطفال على يد هؤلاء المغتصبين الغادرين...
نسأل الله لهذه الأُسرة الصابرة أن يثبتهم الله على صبرهم ويعوضهم ذلك مقابلة إبنتهم مرام في جنات الفردوس يااااااااااارب...
مودتي...
أبو الحســـــــــين...
Post: #1361 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-24-2007, 06:32 AM Parent: #1355
Quote: الاخ أبو الحسين
شكرا علي التحية الرائعة (وادخل لا جوه) وممكن كان تجيبلها ضبيحة كمان ياهو زاتو الطاهر عثمان زولكم -منتديات البركل-
تسلم يا صديقي الطاهر "الكرو"...
يا هلا بيك شرفت ونورت يعلم الله... أما المتولي المراسم التشريفية والترحيبية والضبايح دي هو د. ياسين وليهو يوميييييييييين ماطَلَّ وما شفتو تاوَق... عساهو بخير والحبان الطال غيابهم...
لك قواسيب مودتي... والمرة الجايي تجينا بي جُرابك ملان... ويا حبذا لو تطرقت لينا تاريخ الكرو ـ الحضارة والتاريخ...
أبو الحســــــــين...
Post: #1360 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-23-2007, 03:40 PM Parent: #1
إخوتي الكرام...
إمتداداً للتعريف بمناطق الشايقية..
كتب الأُستاذ/ عصام سر الختم...
قرية البركل
البركل تاريخ وماضى وحاضر ومستقبل ... وياريت نتعاون كلنا لتوثيق كل ذلك فى بعض الاسطر عن البركل الصغير فى مساحته .. الكبير فى تاريخه مثله ومثل باقى قرى ومدن المنطقة التى يعتبر تاريخها من تاريخ السودان العظيم ...
قرية البركل من أكبر القرى بمحافظة مروى . بها 71 ساقية تبدأ بالساقية رقم ( 1 ) المعروفة بساقية ودجحا والى الساقية رقم ( 71 ) ساقية ود الجاز ...كانت المنازل والاراضى فيه تمتد كلها بمحازاة نهر النيل حتى عام الفيضان 1946م حيث انتقل سكان سواقى البركل فوق المتاثرين بالفيضان الى جوار المناطق الجبلية ( فوق من النيل قليلا )وهى سواقى البركل وشبا حاليا .. وظل سكان البركل تحت فى منازلهم الحالية ..
به مشروع زراعى تعاونى كبير أسس عام 1947 تقريبا وكان قبله هناك مشروع تعاونى اصغر فى السواقى الاولى (مشروع ود المقبول) فى عهد النميرى طبق نظام المجالس المحلية ( الشعبية )بديلا للإدارة الأهلية وقسم على أساسها البركل الى ثلاث مجالس هى : 1/ البركل جنوب( تحت )
2/ البركل وسط ( افوق )
3/ البركل شمال ( شبا ) مما قسم حينها البركل الموحد.... وللأسف أدى التقسيم حينها الى بعض التحيز كلا لمجلسه .. ! وحاليا إتفق الكل واصبح تطوير البركل الموحد هدف وهم الجميع ..
بالبركل حاليا اربعة مدارس مرحلة الأساس ( 2) بنين و( 2) بنات .. وكان به مدرستين لمرحلة المتوسط قبل تطبيق نظام السلم التعليمى ..به حاليا مركز صحى وحيد فى البركل شمال ( شبا ).. وأظن به خمسة مساجد لصلاة الجمعة.. وبه ثلاث اندية رياضية .. الجبل .. البركل ... شبا ...
ايام نظام الإداره الاهلية كانت هناك عمودية البركل كانت تمتد من( الجرف) شمال كريمة الى نهاية طريف مروى شرق أو الى نهاية ( الدتى ) ..والعمد كانو أولاد ود أبراهيم واخرهم كان المرحوم محمد أحمد سيدأحمد إبراهيم وشيخ البركل كان المرحوم أحمد محمد الدوش وأما شيخ مروى شرق فكان المرحوم محمد عثمان الحسن .. وشيخ كريمة كان الشيخ المرحوم أحمد محمد الفكى ...
ــــــــــــــــــــــــــــــ
التحية والتقدير لك أخي عصام سر الختم وأنت تكتب عن البركل الحضارة والتاريخ...
ولك قواسيب مودتي... ولكل من ساهم في تطوير بوست مناطق الشايقية بمنتديات البركل دوت كوم...
أبو الحســـــــــين...
Post: #1363 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-26-2007, 07:55 AM Parent: #1
إخوتي الكرام...
صبحكم الله بالخير والرضا...
أطمئنكم إخوتي على صحة الأخ عيسى بروي... كما ورد على لسان الدكتور/ عمر عثمان في مداخلة له بمنتديات البركل دوت كوم... وهذا هو نص المداخلة...
الرائع ابو الحسين لك تحياتي
بوركت وانت تتتبع اخبار فنانا الرائع الرجل البسيط عيسى بروي .. هذا الانسان الذي ينضح فنا وظرفا وطرفة .. صاحب الايقاع المميز والكلمة الشايقية الاصيلة .. لقد حزنت كثيرا لهذا الحادث المقرف والغريب علي بلادنا والتي طالما احترمت الفن والفنانين .. ولكن لعن الله السياسة التي بدأت تنحشر في كل شيء ويصيب ضررها ابسط الناس .. لقد رأيت هذا البوست اليوم وفورا اتصلت بالاخ الفنان الراقي الشاعر المبدع والفنان التشكيلي والخطاط المدهش وفني الاشعة محمد بروي (أخو عيسى) بجدة وعرفت منه آخر الاخبار .. الحمد لله عيسى بخير وقد خرج اليوم من المستشفى بعد ان اجريت له عملية في الراس لكسر اصابه من ذلك (العكاز المنصوري المضبب) وبعدها اتصلت فورا بعيسى بروي ولقيتو يا دوب وصل البيت .. الصحة العامة ما بطالة لكنه يشكو من (تــُقل) باللسان واليد اليسرى وبالكاد تفهم شيء من كلامو ولكن الدكتور طمنن وقال ليهم يومين تلاتة حيرجع طبيعي .. فلا تشفقو عليه فهو في طريقه الى الشفاء ان شاء الله.. وقد حملني الاخ محمد بروي امانة ان اشكر منتدى البركل على هذه اللفتة الانسانية ووعد بالانضمام اليه ..
تسلم يا ابو الحسين وربنا يديك العافية
ملحوظة : تلفون الاخ عيسى بالسودان 0122730050 (بواسطة مقبول اخوعيسى)
ـــــــــــــــــــــــــــــــــــــــــــ
تسلم صديقي عمر عثمان وأنت تتابع وتأتينا بهذه الأخبار السارة... ونسأل الله أن يسبغ نعمة الصحة والعافية على فناننا الرائع عيسى بروي... وإبن عمه المنوم بمستشفى كريمة...
Post: #1365 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-26-2007, 02:04 PM Parent: #1
Quote: بكرة الربيع يرجع
وتتفتح الزهرة
الفاس مع الواسوق
نغرس مليون شجرة
وتبقى الحقول حمراء
وترجع لنا المطرة
عمال وفلاحين
رددوا وقولوا معاي
بكرة الربيع يرجع
وترجع لنا المطرة
سلامات يا ابن عمي...
وندعو معاك الله سبحانه وتعالى يُرجع لنا الربيع وتنزل لينا المطرة... ونغني أغاني الزمن الجميل الكان دااااااااااك...
يا مطيرة صبي الليلة... عِنْ ناس خيرة...
وربنا يصلح الحال ويعدل المايل يا اخوي بس علينا نشيل الصبر ونلح في الدُعاء...
قواسيب مودتي...
أبو الحســــــــين...
Post: #1366 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-26-2007, 04:55 PM Parent: #1
إخوتي الكرام...
مساكم الله بالخير والرضا...
كتب أُستاذ/ صلاح هاشم السعيد عن العتالة قائلاً...
هل للعتالة في السودان تاريخ موثق مكتوب... !!
لا أعرف تواريخ محددة لنشأة العتالة وتطورها. ولا أدري إن كانت الرسومات والنقوش الفرعونية المروية قد اشارت اليها, ولا أدري إن كانت بدايتها بالحمالين لمتاع الملوك الفراعنة والحاشية في رحلاتهم الطويلة أم بحمل الملوك الفراعنة أنفسهم وهم يجلسون فوق محافتهم الملكية الجميلة, أو إن كان ذلك قد بدأ بنقل الأحجار والصخور الضخمة عند بناء المعابد وتشييد الإهرامات. وقد يكون دخولها إلى السودان بحمل متاع الرحالة المستكشفين الأوائل خصوصاً في مناطق السافنا والجبال الوعرة والغابات الكثيفة. وقد يكون أول ظهور لها مع الحملات العسكرية بحمل متاع الجنود والفرسان. أما في منطقتي البركل وكريمة فغالباً ما تكون قد أخذت شكلها النهائي المتعارف عليه الآن ذو "العائد المادي" بعد ازدهار النشاط التجاري وظهور البواخر النيلية والمراكب التجارية،وبعد وصول القطار وباخرة كريمة دنقلا.
العتالة في كريمة والبركل:
العتالة عندنا تنقسم إلى أثنين "العربجية" و"البرداسة" (العربجية يعملون على عربات الكارو وأما البرداسة فهم عمال الشحن والتفريغ) أيضاً الكثير منا يذكر أن السكة حديد بكريمة كانت تختار لقطارات الركاب عدد من العتالة المعروفين المؤتمنين من خارج الهيئة، للمساعدة في ترحيل أمتعة المسافرين من المحطة إلى مرسى النقل النهري. ويمكن للمسافر التعرف عليهم بعلامة السكة حديد "S.R" التي تميزهم في أعلى الذراع. أيضاً كان للعتالة في السكة حديد مجموعات تسمى "كلات" لشحن وتفريغ عربات البضائع، وكانت لهم أغانيهم و"جلالاتهم" الخاصة التي تساعدهم على العمل.
كذلك من المعتاد أن يكون لكل "تاجر جُملة" بسوق كريمة عدد من العتالة يستلمون مفاتيح المخازن ويقومون بالشحن والتفريغ، لذلك نجد العتّالة على معرفة تامة بأخبار السوق واسراره وقد تحول بعضهم إلى العمل التجاري. أيضاً عربات كارو الحصان في مناطق الشمالية، خصوصاً الزراعية منها، تجهز بعجلين فقط ـ على خلاف كارو المدينة المجهز بأربعة عجلات ـ وذلك لضيق الطرق ووعورتها واعتراض الكثير منها بالجداول.
لقد انخفض عدد كارو الحصان بشكل ملحوظ في كريمة والبركل وظهرت كارو الحمير في بداية الثمانينيات، نسبة لتدهور التجارة، وظهور "اللواري" كبديل ومنافس قوي للسكة حديد، ذلك لأن اللواري تستطيع الوصول إلى أبواب المخازن المعنية دون وسيط، فهي بذلك لا تحتاج لغير "البرداسة" هذا بالإضافة إلى التكلفة العالية لتغذية ورعاية الحصان.
وكارو الحمار غالباً ما تعمل في ترحيل الركاب ونقل البضائع الصغيرة والمحمولات الخفيفة والأعمال الخدمية الأخرى داخل المنطقة. وهناك ما يسمى بـ"كارو ملاكي" يعمل لمصلحة صاحبه فقط.
ــــــــــــــــــــــــــــــــــــــــــ
قواسيب مودتي لك صديقي الجميل صلاح وأنت تغوص في مهنة كانت وما تزال مصدر رزق للكثيرين من أبناء بلادي... يستحصلون بها على أرزاقهم حلالاً بلالاً... حفظهم الله أينما كانوا...
الأخ العزيز أبو الحسين بعيداً على تراث الشايقية الخلاق، وتاريخ العتالة المجهول، أرجو شاكراً أن تبحث لنا عن الحلقات المفقودة في سيرة العلم السوداني عبد الله حمدوه السناري، الذي تقيم أسرته حالياً في مكة المكرمة. وتمهيداً لهذا البحث أرجو التكرم بالوقوف على الإطلالة الواردة في التوصيلة أدناه، ثم الإفادة، مع قواسيب مودتي، كما يحلو لك، وسلامي من برلين لبقية الأحبه في حوش الشايقية.
Post: #1370 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-28-2007, 06:34 AM Parent: #1
الأحباب يحيى أبنعوف وعصام عبد الحفيظ...
سلامات وصباحاتكم هناء... وشرفتو الحوش بي وجودكم الجميل...
إستوقفني هذا المنظر... يا عصام يا اخوي من جزاير نوري...
وأتساءل لماذا لا نطور مثل هذه الأماكن لإستخدامها مناطق سياحية جذابة... وهي أجمل بكثيييييييير من كثير من المناظر السياحية التي تُعرض علينا هنا وهناك... أرجو من الإخوة في نوري التحرك لإنقاذ هذه المناطق حتى لا تكون مرتع للصفيراء والوراري... ما يَنْفَعِن إنشاء الله إن بِقَن قاعدات يجن يندَفْسِن في المكان الجميل دا بين الخُضرة والموية دي!!
ودالحسين عنك طيب والعقاب كلهم بخير الله ياودالحسين على بلدنا جمال مابعده جمال كان فى مناطق الشايقية اوفى اهلا ومالمناسبه بتاعت الجمال ده كدى اقرا الكلام ده
كل زول اليقول فى أصلو يبقى يردد وكل زول لى خصالو وأهلو برضو يعدد عل ألشايقى ما بعيد ألكلام ويمجد لأنو ألمجد طبعوا وربعو من ألمولد ♥ يالشاتمنا بالقول وألكلام ألشين نحن أولاد رجال ملكوا ألبلاد حاكمين ما عابهم أحد إلا أللئيم وضنين ويا ألواصف يمين خشمك بنملاهو طين ♥ أولاد شايق ألفراس عقب فى ألحارة أولاد شايق ألأمة ألعظيمة ألدارة أصحاب ألمروؤة وقت تقع بك ضارة وشيالين تقيل وقت ألفرح وألسارة ♥ شيخهم شيخ عديل لا برخى لا متنطع وزولهم كان حكم لا سرقة لا بيبلع لا بيعرف يجامل لا عقب بيدلع ما ألزول من أصل نيرانوا يوت بتولع ♥ ده ألشايقى ألهميم منوا ألهمم تتعلم ده ألشايقى ألأسد منوا ألأسود تتلملم ده ألفارس ألركين بى فضلوا سمع ألأبكم ويالشاينا بالقول إنت بس ما بتفهم ♥ شن بتقول يمين نحن ألكلام خاتنوا وألزول كان ظلم حالفين نطير جنوا نحن شوايقة درب ألموت يمين خابرنوا ما هامينا قول خيبان يمين دايسنوا ♥ قولك إنت فى ألفرسان كلام معيوب وألبيتهم قزاز أحسن يفارق ألطوب وكان بتدور دواس يبقى ألكلام يادوب جاب ليك ألأجل وبرضوا ألأجل مكتوب
شن بتقول على نجما سطع بيلالئ شن بتقول على ألأسد ألزأر طوالى شن بتقول على ألخيلهم بتهدر عالى شن بتقول يمين قولك كضب وخيالى
رسلا لى صديق امريكى باحث من المهتمين بالقبائل السودانيه وتاريخا عن طريق الميل قال لقاها منشوره فى موقع وطالماهى بتخص الشايقيه اذا بالتاكيد بيهمنى اشوفا و هى من كلمات عمر قرافى بالمناسبه هى طويله شديد بس انا خفت انزلا كلها يقوم بكرى يفقل البورد لمدة اربعه وعشرين ساعة احتجاجا على مااهدر غير كده كمان وده هو السبب الاهم علشان ماتجينا العين تحياتى ليك ولكل اهلى الحنينين و سمحين الحمدلله غايتو انى طلعت منهم عندى عندك طلب عليك الله الاغنيه الحزينه دى خلاص بكتنا طلعت عينا والله الواحد يخاف عديل من الدخول علشان مايسمعا حاول خليها تكون اختياريه فى الاستماع برانا قلبنا مقطوع مافى داعى لايه زيادات تانى تسلم يارب ويسلمو معاك ناس قواسيب محبتك الفى السودان
Post: #1375 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-29-2007, 04:33 PM Parent: #1374
Quote: شن بتقول على نجما سطع بيلالئ شن بتقول على ألأسد ألزأر طوالى شن بتقول على ألخيلهم بتهدر عالى شن بتقول يمين قولك كضب وخيالى
Quote: رسلا لى صديق امريكى باحث من المهتمين بالقبائل السودانيه وتاريخا عن طريق الميل قال لقاها منشوره فى موقع وطالماهى بتخص الشايقيه اذا بالتاكيد بيهمنى اشوفا
يسلم الأمريكي الإتذوق الكلام الراقي دا...
Quote: عندى عندك طلب عليك الله الاغنيه الحزينه دى خلاص بكتنا طلعت عينا والله الواحد يخاف عديل من الدخول علشان مايسمعا حاول خليها تكون اختياريه فى الاستماع برانا قلبنا مقطوع مافى داعى لايه زيادات تانى
وأنا أضُم صوتي ليك وأُطالب د. ياسين الطال غيابو من الحوش بتغييرها وتشغيل غيرها...
Quote: تسلم يارب ويسلمو معاك ناس قواسيب محبتك الفى السودان
وتسلمي إنتي يا بت عوض خوجلي ويسلموا آل خوجلي من الزومة ليييييييي لندن...
ابوالحسين الكلس سلام وعلك طيبة أخا أنا جيت وهسي بجيب ليك الدكتور ياسين مكربت بي جوادو وحاقب سيفو
قال العكودابي
يا خلق ياعقلي صبّه تلحسو الرز بي المربّه وتلدو كُبه وراها كُبّه شان تقيف ما تاخدّو حبّه
انتِ يا جاموسة دوري هو اللكتّح وانتِ ضرّي الليلة يقطعوا حبل سري بكرة يظهر حبل سري والعداد مساكاهّو سرّي لا تحدثّي لا تقرّي ألا تنشري وتدرّي ويله يا دايتنا جري
انه قول المعري خفف الوطئ قليلِ هاهنا قبر سليلِ جمي جمي وبكرة تمي يوله با نخليا رمّي ألدي اردب فول وسمسم وخلي ملك الموت ألملم
حبة يا أهل المحبة حبة في جوف الولية حبة واحدة مع العشيّه والمطايب هي هي لا بطونن كالخيامّه لا سماية ولا كرامة قد تقولون حراما لستو مفتي ولماذا لستو أفتي لستو افتي
Quote: يا خلق ياعقلي صبّه تلحسو الرز بي المربّه وتلدو كُبه وراها كُبّه شان تقيف ما تاخدّو حبّه
وزي ماقال ودبادي قصيدة ود الشايقي كان مضمونها مما لا يصح مقاله في المجالس العامة ورغم ذلك كانت قصيدة ودبادي لم تخلو من الإشارات وزي ماقال ... ( لا أقول خبيثة لكنها إشارات غميصة وانحن دايرين نغوص في غماصة ودبادي حفظه الله )
في الأبيات أعلاها يخاطب معشر الرجال
وصف عقولهم انها ناشفة وزي صبة الخرسانة الواحد وكت إدقر في الشي ما بعاين لي قدام.. بس يقضي وطره وتبقى الورطة ومابهم ... حق السماية حق الكرامة.. حق وحق .. ثم الدواء واللبس .. وشي حُفاضات وشي وشي .. وسنو وسنو... قاعدين يلخّو في الرز بي المربة.. وشي طحنية بي عسل .. وش مديدة حلبي .. وشي فطير بي لبينة ضان سكرها تقيــــــــــــــــــــــــــــــل اسوي الحِريقان ... وتغيب الشميشة .. يصلي العشا .. وباقي مافي كهرباء يعني مافي برنامج غير الشي داك ... والفحل مو عواف إن كان بقت يوما داك إتجيهت ... ولا بي خبوبة عريك المعاريك وكنس البيت ومدايرة البقر وحليبن وربيط المعوز ونست يوما داك ترد قدر الموية الفي يادوب الجرارة للشراب .. يعني مافي طريقة للبرود .. وقزازة الزيت نشفانة ان قالت تلخ لا عجينة نية تنمشق بها وتدلك بها تعقبا بي حبيبة عطر من الخُمرة هدية عرس بت ودعقيد هلت الشهر الفات يعني جنس حكاية بس تحمد ربها سيدها الفحل مو عواف .. ها الناس قاعدين بس لجنس دا والواحد فيهم ضربتو ما بتجلي ومرات ترمي تيمان.في شان كدا يخاطبهم ودبادي كدي اخدو ليكم حبة .. وانتو عارفين هي حبة شنو يا ابوالحسين ماتقول لي حبة اسبرين بعرفك البدورو بتفهمو وما بتدورو بسوي خبط ضربو رما ولقيط التمر بالليل تلمو بي تبسّو ...
اجيب الدكتور وبرجع ليكم
ولكم تحياتي
خالد محجوب
Post: #1381 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-30-2007, 04:10 PM Parent: #1377
كمية جمال...
إهداء خاااااااااص بمناسبة عودة الجميل أُستاذي/ خالد المنسي...
Quote: عندى عندك طلب عليك الله الاغنيه الحزينه دى خلاص بكتنا طلعت عينا والله الواحد يخاف عديل من الدخول علشان مايسمعا حاول خليها تكون اختياريه فى الاستماع برانا قلبنا مقطوع مافى داعى لايه زيادات تانى تسلم يارب ويسلمو معاك ناس قواسيب محبتك الفى السودان
Quote: اجيب الدكتور وبرجع ليكم
Quote: Quote: عندى عندك طلب عليك الله الاغنيه الحزينه دى خلاص بكتنا طلعت عينا والله الواحد يخاف عديل من الدخول علشان مايسمعا حاول خليها تكون اختياريه فى الاستماع برانا قلبنا مقطوع مافى داعى لايه زيادات تانى
وأنا أضُم صوتي ليك وأُطالب د. ياسين الطال غيابو من الحوش بتغييرها وتشغيل غيرها...
سلام للكل تكرم يا ابا الحسن وخالد للسؤال كلام العكودابي عجيب تكرموا يا شباب انا ذاتي كان حامياني الدخول
Post: #1380 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-30-2007, 10:47 AM Parent: #1
إخوتي الكرام...
نهاركم سعيد...
بمناسبة عودة الحِبان... أهديكم قصيدة لشاعرنا المبدع عبد العظيم الطاهر... وقد نشرت له الكثير من الأعمال النثرية والشعرية وأهدي هذا العمل الجميل لود أختي قائد فرقة الهيلاهوب "طارق الأمين" فقد للعلم أما للإنتاج فدي عاوزة مشاورة وبجيك راجع...
هي... وهو... دراما بالحس الشايقي الشفيف...
(1) هي ........
قمت بدري صحيت في عجل وعست كسري مليت التقل ورحت أكابس أكوس في الحِلل وجيت صنقر أحش في البصل وريحتي ريحـة طير الرخم وقمت جاري وأخم في الفحم عيني سـايلي ونفسي إنكتم كلـو للـدوبال آ السجـم راجـي جيتك وربع اللحم جيتني فاضي قفيفتك عـدم مزرزرني انا في شنو ..؟ تشنفني أنا في شنو ..؟
فـوقي تهرج ليه يـا غشيم مـاني طيرة وبومـة حـريم وماني عايشي هناك في الخراتيم ياهـو أكلنـا زمان من قديم بى ربيـع الكيـلو أب عضيم بيهـو نفـرك وسـاد الخشيم يا تجيبـو و يـا تاكلـو نيم مـزرزرني انـا فـي شنو مـشنفني انـا فـي شنو
(4) هو ....
إن نضمتي حديسك مسيخ وديمي حسك عالي صريخ وإن سكتي تسوي نفيخ طوبة وأمشير كاتلاني بالفيخ وإن نضمت انا يبقى لبيخ وتبقى حجي هلال ومريخ دار أخييتو خشمي يا شيخ دار أسدو أسمنتي بالسيخ ماب تعرفي تسوي التبيخ كلو صلصة ومتل الفسيخ وإن فركتي تفركي فجيخ التقـولي فـركتي بتيـخ أشكي وأبكي انا عاد لى منو
ـــــــــــــــــــــــــــــــ
وإلى أن ألقاكم في الجزء الثاني...
لكم قواسيب مودتي... وللحبيب صديقي الجميل عبد العظيم الطاهر مثلها...
Post: #1383 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 05-31-2007, 09:59 AM Parent: #1
إخوتي الكرام...
نهاركم سعيد...
كتب الباشهمندس عادل عسوم في منتديات البركل عن شاعرنا المبدع عبد الله محمد خير "نسأل الله أن يسبغ عليه نعمة الصحة والعافية يااااااارب...
الحقيقة لله أبدع الرجل في التعمق في حنايا قصائد شاعرنا وأخرج لنا مكامن الدرر فيها...
أهديكم هذا المقال...
بـــين يـــدي الشاعرعــــبدالله محمـــد خــــير
أستجابة لطلب العديد من الأخوة في هذا المنتدى بدءا من الأخ صلاح هاشم فأني أبدأ بعون الله أولى خطواتي للكتابة عن شاعر شفيف لم يوفه الناس مايستحق من أضاءة... أسموه شيخ العاشقين....وقد صدقوا...
رأى النور في أواخر الأربعينات في قرية الككر الحسيناب ...وهي قرية وادعة تستلقي على شط النيل الغربي بجوار الجابرية...لم يزد تعليمه عن الأولية...ولكن متى كان العلم والثقافة قاصرين على مؤسسات التعليم النظامية وجدران الفصول الدراسية؟...عاش شاعرنا طفولة مترعة بدفق النيل ...ومشبعة بخضرة (اللوبي) والبراسيم...فكم ناجى (القمري) و( الدباس) وهو يشدو و(يقوقي) على هامات الطوال من أشجار البركاوي والقنديل...وكم هش وبش في وجه الزرازير وطير الجنة وهي تسبقه ألى (أم راس) في أشجار (المشرق)و(ودلقاي)...
أكمل الأولية ولم يواصل لظروف الأسرة...ولما أشتد ساعده ...خفق قلبه بحب أحدى قريباته فكان الزواج....أحبها بملئ قلب الشاعر الذي يستشف الجمال في كل شئ...وبروح الفنان الذي يرق لكل المشاعر الأنسانية...وأنجب منها (زينوبة) وأخوانها...
كانت وماتزال أسرته الصغيرة هي كل شئ في حياته...ركب البحر مهاجرا(على مضض) ألى أرض المملكة واستقر به الحال في الرياض لسبعة عشر من السنوات آملا في توفير سبيل عيش أفضل لهم...وظل هنا بجسده ...وكانت أسرته الصغيرة هي الملهمة له بجل أشعاره.....أنظر اليه وهو ينتفض كالطائر الذبيح وقد جاءته رسالة من أبنته ( زينوبة) تعاتبه على أنقطاع رسائله وتسأله بشوق الأبنة لأبيها هل نسيتنا ياأبي؟...فتغرورق العينان بالدموع ...ويترك عمران مدينة الرياض خلف ظهره ويقف حاسر الرأس ينظر ألى القمر(متقمصا روح أبنته زينوبة) ويناجيه ...ويناجيها...
ياقمرة...صبي السنسني الحمرة شوفي أبوي أنا الراجاهو كل صباح يازينوبة أبوكي هو أصلو حالو بره لو قاري العلم ولاهو سيد خبرة ومو زول غربة لكن الظروف جابرة مالو ان كان صبركل الخلوق صابرة والصابرات روابح لو يجن قماح
وتخنقه العبرات وهو يعيد قراءة الرسالة ....ويحس بقلبه يتقطع ألما لعتاب أبنته(البرئ) بأنه قد نسيهم...ويقول..
هو أصلو متين نساكم يمة شان يطرة بيتنفس هوا ذكراكم العطرة رهيف أحساس حنين قلبو بالفطرة نديمو بقت دموعو الديمة منقطرة وأصلو ان ما قعد بينكم ولابيرتاح
وتمر الايام ...ويقدم العيد ...بلا جديد...فهو كما هو قابع مابين السكن والعمل جسدا بلاروح..همه أن يجمع من حطام الغربة مايعينه على شظف العيش في زمن أضحي كل شئ فيه بال(قروش) حتى الكلام...فيعود ألى رسالة (زينوبة)...ويخاطبها...
جاهو العيد كمان زاد القليب حسرة سادي العبرة حلقو ونفسو منكسرة هو لالم القروش لاحصل المسرة بلد مافيها زول مات من عدم كسرة فراقكم ليها ياأحباب ولا كان صاح
وبرغم العيد وأفراحه... ينزوى ألى غرفته ليجتر هموم الغربة وقسوتها... وهو بعيد بعيد عن أسرته الصغيرة وقريته الحبيبة ...فلا يجد ألا نفسه ليخاطبها ويلومها على قرار الأغتراب فيقول...
ياأمارتي الما طاعت الأمرة ندماني وبقت محتارة في أمرة بعد قسن الدرادر قصرن عمره الشوق فاض وعماها الحنين غمرة الشوق للبلد لي بهجتة وسمرة الشوق لي مقيلا ضم ضم تمرة الشوق لي حديثا ضم ضو قمرة الشوق للبلد جابريتا وككرة كان الشوق يخفف والله يبري جراح
ويستبد به ألم الفراق.... وينكأ جرح الشوق.... فترتسم أمام ناظريه ديار (زينوبة) وأمها والأحباب وصور الطفولة الجميلة...فينظر الى البعيد ...وقد أنفصم تماما عن واقعه ...وهو يقول ...
ماأجملها من كلمات ...وماأصدقها من أشواق ومعاني...أنظر ألى السجع في متوالية الشوق....أما الأبداع فانظر أليه في أجماله لوصف لوحة الجزيرة...على كبر مساحتها ...وامتداد وحي جمالها ...فقد أجمل ذلك في كلمتين صغيرتين في حجمهما ولكنهما كبيرتان في معناهما...أنهما (تشقا وهكرة).....
ولكن برغم عبقرية المكان ...وكم الجمال المنداح فيه ...يظل وجه (زينوبة ) وأمها كالنجوم الزواهر...مرسومة بدفق النور داخل فؤاده ...مركوزة بثبات في خياله...كلما أمتطى جناح الشوق ...ألى هناك ...ألى أرض الشمال... ولكن يغلبه النوم ...فينام متوسدا رسالة (زينوبة) دونما طعام ولاشراب....
ـــــــــــ إنتهى الجزء الأول على أمل أن يلقاكم مع الجزء الثاني ـــــــــــــ
تعظيم سلام أخي عادل عسوم... وحفظك الله وعقلك الراجح... فقد هندستَ المقال كما تفعل بالجزيئات والإليكترونات والنيترونات في الكيمياء...
لك قواسيب مودتي... وللثنائي عبد الله محمد خير وصديق أحمد دعواتنا ليهم بالصحة والعافية وتمامها يااااااااارب...
لا تقولي لي خايفه عليك ...........................
لاتقولي لي خايفه عليك لو اصلك تخافي علي ارجع تاني جيبي النار حمي وطبقي لي الكي غلفي نجضيه تمام عشان ما يبقي جرحك ني اصلي اني باقي قلت زمان ما فضل لي ضفرا حي جسمي وحات معزتي ليك انشو فوق لهيبك شي قلبي مزينابو ايديكي طاوه وسط ضفايرك طي جمالك مافي زي شبيه وزيك زيو ما اتلقي زي وحاتك دخت بالتنبيه وفتشت البلد حي حي صفارك زهرة العباد مفرقة فوق ترعت الري صوتك قلبي يسمعو ويوعاه قبال يسمعنو اضني الليل: اصنقر غادي اصي براي وافكر في الخلوق حوالي احاول اشيل هموم الناس همومي منو البشيلين لي اعالج في جروح الغير نسيت ألم الجروح البي مرة اضحك واغني براي ومرات ابكي مني ولي مرة امسك لي في فد كلمة ارددها متل ابو التي تي مرة اكبر وأجئ اصغر تاني واصغر لمن ابقي جني مرة اشوف رقبتي عريس يهزوا معاي الف صبي اشوف كريسكي فوق الكوشة وانتي ترقصي بين ايدي كلو يروح والالقي رقبتي فوق كوشة رماد وحصي . ..................................
تحياتي... حاتم هاشم.
Post: #1386 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-02-2007, 03:06 PM Parent: #1
إخوتي الكرام.. أعضاء وزوار حوش الشايقية العامر بيكم دوماً...
أهديكم بكل الحُب والتقدير...
قصيدة الواقـــع المـــر
لشاعرنا المبدع إبن الزومة... عمر عثمان.. المشهور بـ"قوس قزح"
وكل الحبان البيحبوا قعدة الضحوييى فى ديوان أخوى ابو الحسين -
سلام ومراحب -
ودابى جيت صادى من مصور ( مصر ) وعندى ليكون بشارة خير !
باقى لقيتلكون حجاب اسماعين حسن المودرو فى درب البنوت داك اوالى !!!
وتانى صادالكون ان الله مد فى العمر ...
وكيف مشتاقالكون يا اخوانى .
ست البنات .
Post: #1388 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-03-2007, 07:54 AM Parent: #1387
Quote: أخيانى ابو الحسين -
خالد ود عمى محجوب -
وكل الحبان البيحبوا قعدة الضحوييى فى ديوان أخوى ابو الحسين -
سلام ومراحب -
ست البنات لا حدهن شرفت؟ الضبيحة يا جماعة...
يعلم الله ويشهد شرفتي الديار يا ستهن... ودحيشة أحمد وليد خالد كريعاتها حِفَن من الساساق العلي تنقاسي نسأل من سلامة وصولك...
ألف حمداً لله على السلامة ونورتي الحوش يا آل كمبال...
Quote: وكيف مشتاقالكون يا اخوانى .
ست البنات .
ونحن بالأكتر ولك قواسيب مودتي...
أبو الحســـــــين...
Post: #1389 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 06-03-2007, 10:59 AM Parent: #1388
انتِ يا جاموسة دوري هو اللكتّح وانتِ ضرّي الليلة يقطعوا حبل سري بكرة يظهر حبل سري والعداد مساكاهّو سرّي لا تحدثّي لا تقرّي ألا تنشري وتدرّي ويله يا دايتنا جري
وهو حال نساء ود الشايقي السنة كلها كان اتنين ولا تلاته دارات ومانفع مع شيخنا ان بقى ربطو حبل سُري ولا عرق ( الراجل تقول مسحور ) ( وما بخليلّو مرتن بوررر ) ( وزرعتو مابتقع واطه ) بتجيب في اسوى الظنون فردة كان بقى مو جوز نسوانه من الخبرة وصلن مابتعرف الواحده فيهن حامل ولا لا .. ترد وتحلب وتخدم في البيت وفوق دا ماخده حقها كامل في ليلة المبيت يوم ابقى عليها ومابتخلي عين شيخنا تغمد ... والعداد فوق سرها لامن تدخل في التاسع وتنشر .. وبنرجع ونقول الفحل مو عواف يرتع وبرطع من حوش لي حوش
ولينا رجعة
خالد
Post: #1390 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-04-2007, 06:37 AM Parent: #1389
Quote: نسوانه من الخبرة وصلن مابتعرف الواحده فيهن حامل ولا لا
لووووووووووووووووول!!!
يجازي محنك يا خالد قربت أموت من الضحك!!
واصل سرد وتحليل الله يرضى عليك... فما أحلى الكلام لمَّن تفَتْفِتُو...
قواسيب مودتي وعبرك للعكودابي وآل الشايقي...
أبو الحســـــين...
Post: #1391 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-04-2007, 03:57 PM Parent: #1
إخوتي الكرام...
مساكم الله بالخير والرضا...
أهديكم رائعة من روائع شاعرنا علي محمد سند...
خليني أروح ...... مصلوب غُناي على إنتظارِك من زمنْ ...
بيناتنا ما عاد الحنين مشدود على خاطر السنين ..
لا كلَّ لا زارو الوهَنْ ....
والبينا ما كان أمنيات تِتِقال على كيف الظروفْ ،،
لا كان كلام تحكي الصُدَف يوما التطيع ترضى الحروفْ ،،
البيننا كان عشق الحياة ،،، رويان موهَّط في القلوب
لا صابو في عِرقو الجفاف لا هدَّ حيلو قَََسا المِحــــــــــــــــــــنْ .... وأنا ما استحيت من صمتي فيك
ساعة عليك كان البُكا ويوم كان عليك كُتر النواحْ ....
راهنت كل القام بكاك .. صنقَّرت دون الناس رِجيت رجعة شروقِك في الصباحْ
من شبا وعسوم سلام من دكان ود تميم سلام من الكراسنة سلام من السواعير سلام من القرونة سلام
Post: #1393 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-05-2007, 06:55 AM Parent: #1392
Quote: من شبا وعسوم سلام من دكان ود تميم سلام من الكراسنة سلام من السواعير سلام من القرونة سلام
صديقي الجميل طارق...
ومن حوش الشايقية لك يا صديقي طارق ولكل آل جبريل منننننن شبا ليييييي الإمتداد ليييييييي المغرب تعظيم سلام وعبرك التحية والتجلة لكل أهلنا الطيبين آل تميم وآل الكرسني والسواعير والدوداب والحمتياب والعبدلاب وآل الشيخ الوقور رجل البر والإحسان محجوب جعفر عليه شآبيب الرحمة والغفران ياااااااارب...
نقاصد ديااار أهلنا سلالالالالالالالالالالام مليون سلالالالالالالالالام
ود عمي العريس أبوالحسين شهر تمانية ما قرب أخوي أنكرَب
،،،أبوقصي،،،
والتحايا لود المنسي
ود.طارق وكل رموز آل
بيت الشايقيــــــــة.
Post: #1395 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: Ahmed Yousif Abu Harira Date: 06-05-2007, 10:12 AM Parent: #1394
أبو الحسين وعموم أهلنا الشايقية
سلام وتحية
يا أبو الحسين ياخ بوستيك ده داير له فهرسة بعد كدي... خاصة وقد تعدى العشرين صفحة فيما يبدو.
انا كت بفتش على غنوة "الطيف" للفنان محمد كرم الله وما عارف هل احتواها هذا السفر الكبير ام لا.. وإن كانت موجودة فهلا دليتني على مكانها في اي صفحة؟
وإن لم تكن موجودة تكونوا اتلومتوا وقصرتوا فينا وفي محمد كرم الله... ياخ عليكم الله الزول الفنان ده مشى وين؟ وهل له انتاج آخر غير هذه الاهزوجة الرائعة؟..
انا شخصيا لا اعرف له غيرها...
اكتبوا عنو ياخ وورنا محلو وين من الاعراب حاليا...
انا عرفت انو خلى الغنا ويمكن تصوف او اتبع له جماعة دينية بعينها و"دي تبقى الخسارة الكبيرة بالجد"
Post: #1398 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-06-2007, 10:42 AM Parent: #1395
Quote: أبو الحسين وعموم أهلنا الشايقية
سلام وتحية
يا أبو الحسين ياخ بوستيك ده داير له فهرسة بعد كدي... خاصة وقد تعدى العشرين صفحة فيما يبدو.
انا كت بفتش على غنوة "الطيف" للفنان محمد كرم الله وما عارف هل احتواها هذا السفر الكبير ام لا.. وإن كانت موجودة فهلا دليتني على مكانها في اي صفحة؟
معالي الوزير أبو حريرة يُشرف حوش الشايقية...
ألحقنا بالضبيحة يا د. ياسين وجُر النم يا خالد المنسي وجهز شباب الختمية يا الخليفة أبو هاشم...
طلتك أفرحتنا يا غالي... أما بخصوص أين تُوجد أُغنية الطيف للرائع دوماً محمد كرم الله فأكيد يا أخي بعد الفرزعة الحصلت في البوست دا اليومين دي ما حا أعرفها ليك وين... لكن أهديها ليك من جديييييييييد هدية من أبي الحسين إلى إبن العم أبو حريرة...
Post: #1397 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-06-2007, 08:12 AM Parent: #1394
للشاعر... عبد الجليل فتح الرحمن ..................................... اداء المبدع... محمد النصرى ...............................
كيف عاد العيون مابتبكي ما دام في الحزن غرقانى وكيف أقدر أوقف سيلة ولومك يامناي أعياني الحزن الحزنته عليك ما ظنيت تعيدو أغاني وحبك قدر ما أسعدني يا أحلام صباي بكاني أياما قضيته معاكي ما ظنيت يعيدة زماني ما ظنيته ربوع البادية تبسم والبلاد محلاني انت يامولد هواي العذري وينك أنت من أحزاني والله خلاص بعد فرقتنا كل واحد يلوم التاني أوعك من تصدقي أنو بعدك أصلو ما هماني والله طيفك يا بهية الطلعة لا خليتو لا خلاني الناس قالوا لي الغالية في شكواك دوام لا يماني وماك عارفه العذاب العايش و لخبت يا مناي كياني بعدك ما قدرته اطيقو ا يا نور عيني حتي ثواني من فتيني يا محبوبة ضايق بي سوداني غايتوا عزاي في دنياي طيفك ما نسي ونساني زادي انا لي عميري الباقي انك يامناي طاراني . ................................. تحياتي... حاتم هاشم.
الاحباب و الاخوان و الاهل و كل شئ مليون الف سلام و كلام و نغيم فنان وحاتكم إنتو مشتاقين شوقا قدر قواسيب المحبة في هذا البوست و الله يوم ما أفتح البوست أوتب و تجيني الحمي و الله يلعنم يا الغربة الخليتينا ذي الطاحونة تدور من صباح الرحمن للعشا أهديكم الورود دي أملي أن تعفوا لي عدم الطلة
Post: #1402 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-09-2007, 09:20 AM Parent: #1
بإسم أبناء حوش الشايقية بالأُون لاين ومنتديات البركل دوت كوم...
نهنئكم أحبابنا عثمان + سكينة "ست البنات لا حدهن" ونتمنى لكم حياة سعيدة وإنشاء الله بيت سعادة وهناء يااااااااااارب...
و مني أنا للعروسين الف مبروك و ربنا يهدي سركم و يديكم الهناء و السعادة ياااااااااااارب
Post: #1404 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-10-2007, 02:37 PM Parent: #1
إخوتي الكرام...
مساكم الله بالخير والرضا...
أُقدم لكم اليوم شاعراً أديباً رصين الكلمة والعبارة مُجيد فقط أُقدمه لكم ولأول مرة في حوش الشايقية مع ترنيمات الفُراق الحزينة ألا وهو الشاعر الشاب "محمد الأمين فضل المولى" ـ الأراك ـ...
ـــــــــــــــــــــــــــــــــــــــــــــــــ
حينما يشتد بنا صقيع الإغتراب نلجأ إلى دفء الحروف ولكن ....... حضن بلادى لا يعوَض
ِ طعم الفراق
منقوش على كف القدر ... مكتوب مسطر من زمان أمشى قبال الأوان وأسوق خطاى على عجل تانى وين ألقى الحنان ... وألقى العيون الكان بتدينى الأمان
يا حلوة ما أقسى السفر تلقينى واقف فى الرصيف .... طعم الفراق فى حلقى مُرْ يا غربة كيف ؟؟؟؟ يتحملك قلبى الرهيف واليوم يمُرْ .... يبقالى زى كمين شهر لكنى يا زولى الولوف ... جاييكَ لو فاضل عُمُرْ
نتغطى بالأشواق وشاح حتى القَمَرْ بالشوق سِكِرْ....
طالب من الليل السماح عند الفجر ....
يا داخلة فى البال إجتياح من قيد هواكِ ولا مَفَرْ...
أهواكِ فى زمنى اللِراح .... وأهواكِ لى اخر العُمُرْ
وأهواكِ لى اخر العُمُرْ
دبى - 2007م...
ومن أبي الحُسين تعظيم سلام وتحايا للأخ محمد الأمين ومزيد من الإبداع وربنا يديم هواكم ومحبتكم يا اخوي ويرجعك بالسلامة وتلقى الأهل والأحباب طيبين وتامين وترجع ليهم سالم وغانم ياااااااااارب...
Post: #1406 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-11-2007, 07:30 AM Parent: #1
إخوتي الكرام...
صبحكم الله بالخير والرضا...
أهديكم الجزء الثاني من قصة الكاتب الرائع عبد العظيم الطاهر "نوري" (مكجِّن السفر بالعربيِّي)...
..مشيت على العربيِّي دار أدورها وأنا إترنح من شدَّة النعاس .. متل الطرفايِّي الفي وسط البحر ..دخلتنا في العربيِّي شفع العرب جوا مبنقرين مارقين من وين آ بعرفن ..( يَهَا أليك الله تدينا شَرِيت ) .. بالله تدينا شريت حق قرآن ... شريط الليل قرآن ..برضي إتمحنت في الحكايِّي دي ..إشمعنا شريط قرآن ...؟ ياربي البطان ديل طالعين مولانات من أسع ..؟مالن ماهن دايرين شريط الغُنِي ..؟ طلعوا زي الرويجل العجيِّيز السعلني من المعجون داك ... حتى هُن يمشوا يبيعوهو ... دورنا ومرقنا من درديب وركبنا الزّلَط .. وأريتو الزَّلَط هو زلط الحاجي .. من درديب ولا كسلا مافي زلط شي ... الاسم زلط ... كلللووو إتزلَّط عِدِم الحبايِّي .. الحُفَر الفيهو يمُرقِن البترول عديل كدي ..العربيِّي تَغَتِس وتقلع .. بس الكرّوقه المطفحي فوق وشي الموية ...مرات أخلي الزلط أنزل بالواطا ضمّه .. ومرات تلقى الشاحنات ديل مرصرصات قدامك متل الجعارين , إن قلت تِتعدَّاهِن يقابلنَّك واحدات جايات من غادي ..قطر كريمي راسو عديل .. تقيف تحَرِسِن نامن يفوتن , النّاس يصلوا الضهر والعصُر وإنت واقف ... وصلنا كسلا دي , أنا عيوني محوصات ضمّه , الناس أشوف وِشياتن إتنين إتنين ..قُت للمرأة أنا جِسمِي روطَل .. خلاس .. بلابيطي وَقَّعَن .. كان ما أخدت لِي جَمَّه .. كُرَاعِي ماني قالعها من هِنِي .. وقفنا جنب مطعم كدي الطراوه فيهو صاااقطِي .. قَعَدّت المرأة والبطان وفطرنا فطوراً معلوم بالصِّحْ .. أها قُم مشيت كُست لي مُستراح آ زول إنجمّيت فيهو زييين وجيت مارق .. فرشت لي فرشه في البرندة اللّت المطعم وأخدت لي نويمه خلتني أشيل حيلي شويه .. واصلنا رحلتنا ... والطريق من كسلا ولا قِدام سمح بالحيل .. والواطا دي ما شاء الله تقول فارشين لهن فوقها قطيفة ... مخدِّرِي وخدارها ده يتراقص , الزول يقول أسع أمشي إندردق فيها متل الافلام الهنديه .. يا أنزل أدُق لِي خيمه هني وأقعد قبَلِي .. وماشين ... جينا بى فوق القضارف لقينا أباريق السماء دي كابِّي ... المطر يجيك نازل لُكَد .. لُكَد .. بالجمله .. شَوووووو ... والرَّعَدِي دي تفرطق تصُم الإضنين ... ولادي كَرَسوا فَد كَرسَه .. ومطيرين عِويناتن .. أول مرة يشوفوا لن مطره ورعدِي زي دي .. في جدة ما عندنا مطر شي ... فَنِّي في الدَهَر تجينا بتل الزول البيمصمص في خشمو وتاني ما نشوفها علا السَّنِي الجايه .. البطان كانوا جاي يِنزَوزَوا من الرَّعَدِي .. علاّ بقيت أقرالُن في ياسن .. بيني بينكن انا زاتي كُت ملاوذ .. بى نضاراتي ومَشَغِّل المَنَشّات وبرضي ماني شايف الدرب سمح .. تقول في زول قاع يغرف بى صفيحة اللّت جوز ويلشغ في قزاز العربيِّي بى قِدَام .. المنشات شغالات في الفاضي ساكت .. الله يكفينا شر التعب البلا عَوَض ... مشينا لا قدام لقيت لي عربيتين منطقشات .. شاحنتين .. والسّواقين الإتنين واقفين تحت في المطر ديك مبلبلين يقُطرُوا .. ويهرجوا مع بعضن ... مِتفَدغين .. واحد مَنَفِّخ شلاضيمو ورافع أصبعو في وَشِي التاني ...والتاني يعضعِض في سنونو ويلز في داك من قبلو ... وأنا قافل القزاز ماني سامِعُن قاع يقولوا في شنو ..؟ الشمار كاتلنا عِلا مافي طريقة نقيف لهن .. تجي عربيِّي تَكفُتنا حتى نحنا إن بقينا وقفنا .. مشيت لا قِدام لقيت شارع الزلط ده بقى خور عديل كدي .. المرأة قالت لِي درب السلامِي للحول قريب .. وَقِّف العربيِّي نامن المطر تقيف .. قُت لها السماء دا بتل القُطُن المنفوش مااا أظنها تقيف أسع ...أخير نتاتي شويِّي شويِّي نقرب المسافة ..أنا إن بقيت قعدتي طالت في السواقه دي بعدين علا تنزلوني من العربيِّي طَب العَصَب .. ربك رب الخير نحنا في زَحِيحنَا داك .. المطر كَرَسَت شويِّي , عامنو السماء متقايطِي ما إتفشت شي .. نزلنا في الفاو .. قلنا نَطَلِّق كرعينا , لقينا لنا واحد في قهوه .. مَفَوِّر لو لبن في حلةً قدر اللَّيلِي وباكِر .. الجَّمُوده اللَّتُو سادِّي بى فوق بييييضاء بس قماش اللّيل بوبلين تبارك الله , قُت للبطان تعالوا .. تعالوا شوفوا النَّعِيم ده .. تشربوا لِي في اللبن البتل السَّفُوفه داك لا فيهو فايدي ولا شي .. ولدي السَّغيِّير قال لي رِيحتُو مالها كدي ...؟ مصرصِر وشيهو .. قُت لو الرِّيحه دي نحنا نخرم لها آ ولدي .. وَزَقنا منو بُطُونَّا نامن إندشّينا وحمدنا الله وواصلنا رحلتنا... ونواصل...
أي كلمات قديمة عاوزة ترجمة حديثة أنا جااااهز ... وللقراء الكرام البريد الإليكتروني... [email protected] ــــــــــــــــــــــــــــــــــــــــــــــــ
ابو الحسين ، وكل اهلى الشوايقه ، وديار الشمال كلهم ، اسف للتأخير، لى ذكريات ومواقف مشرقه مع اهلى الشايقيه ، ود الحسين يخدر ضراعك ، ويكتر احبابك ..... ولى عودة .
Post: #1410 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-12-2007, 01:46 PM Parent: #1407
Quote: ابو الحسين ، وكل اهلى الشوايقه ، وديار الشمال كلهم ، اسف للتأخير، لى ذكريات ومواقف مشرقه مع اهلى الشايقيه ، ود الحسين يخدر ضراعك ، ويكتر احبابك ..... ولى عودة .
الغالي جداً هجو...
تسلم يا اخوي وزيارتك شرفتنا حد الشرف ما يصل ليهو حد... وبي غادي في حوش الشايقية "البركل دوت كوم" صورتك منوري الدارة... فلك يا عزيزي كميات مودتي... وتحيات خاااااااصة للإبن محمد الأقرع ونسأل الله أن يدوم المحبة والخوة بيننا ياااااااااارب...
لك قواسيب مودتي... وأبقى أظهر... وبجيك بي صور بي غادي...
أبو الحســـــــين...
Post: #1408 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: ست البنات Date: 06-11-2007, 10:26 AM Parent: #1
أبو الحسين أخوى سلام ليك وللداخلين الدار السمحين -
وسلام خاس لخالد ود عمى محجوب ووليدو يحمد -
والله يقلع السفر والطيارات القطعن قلبى وهجمنى !
فى سفرتى الأخيرى لمصور ( مصر ) أمانى عاد ما ندم عليى ركوب الطيارة - وكت قامت - من الخوف قول فى سرى ( يا ربى انا ان كان مانى شقييى - حمارة جدى كمبال كانت مالا ? دحين مو كوت سافربها وسلم !?)
انا في منامي اذكرتهم يا حليل حليل الفارتهم المعز ومعاذ وامهم خالد وابوي وابوي انا كيفنهم انا أي طير جا اسالهم منهم انا قالي لي قاعدين في ضلهم قاعدين يلعبو جنب عمهم انا عارفوا ما بقصر منهم قول لي يا عمي وضوهم هي قمت لي منو عاد خالهم بالله يا ادم طلهم وانت اقرب زول منهم ود السيد عمي التلب المعز اوعا من الضرب في العقاب خليك مستند والعقاب اوعك يتخرب الجيلي خل بالك للصغير عمر الجا بيك مستجير لا تغيبوا من البيت كتير يبقوا زي صابر والزبير قسم السيد شوف البضربو للوليدات خليك ابو اوعك الاولاد يتعبوا والبيعد ليهم قربوا عايز اقوم انا اكتب جواب عنوانو عثمان عبد الوهاب انا عارفو ياهو البجري العقاب يبقى في بدل الابو الغاب عمي عبد الله تراك قريب والجواب مكتوب لي حبيب يا هارون اصلا لا يغيب خالد من بالكم لا يغيب قولي لي دفع السيد اناعارفوا عارف فرق الجنا بالله اغشى ام زين طمنا اوعك الاولاد من عنا ود ارباب يا عبد الرحمن اطرى لي خوتنا الزمان انت لا تغيب من المكان شوف اليبكي وشوف الجعان يا مدثر وفتحي وابزيد انا قولي لي جيران البريد انت يا قيوم ماك بعيد وخلوا بالكم لابن الوليد يا المبحر يا المقبل ياسائق العربية اتمهل انت من السرعة قلل اوع قدام الحوش طفل يا شباب حلتنا اجمعين ياالكبار ابقو لي سامعين اه انا اه انا اه انا الكاتلني الحنين للشمال الوطن البلد واهلي الطيبين . ............................ تحياتي... حاتم هاشم.
Post: #1412 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-13-2007, 04:12 PM Parent: #1409
Quote: اه انا اه انا اه انا الكاتلني الحنين للشمال الوطن البلد واهلي الطيبين . ............................ تحياتي... حاتم هاشم.
تسلم الخليفة أبو هاشم... والحن للوطن وأهلنا الطيبين فات الحد يعلم الله... نسأل الله يرد غربتنا وإياكم سالمين غانمين ياااااااااارب...
قواسيب مودتي... وعبرك أخي حاتم أتساءل عن أعمدة الحوش وساساته الدكتور/ ياسين محمد ياسين والأُستاذ/ خالد محجوب...
أبو الحســـــــين...
Post: #1411 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-13-2007, 09:22 AM Parent: #1408
Quote: واللا المضيفات الميسيكنات ! بس ضوعويفات جايات ينقسمن النص - هديماتن سوغويرات ميتل هديمات بنوت اللعاب يسعلنى الله !
الله يجازي محنك يا ست البنات...
إنتي البي يوديك تعايْنِيلِن شنو؟؟؟
الشي دي ما سُولِيلْ شي دي لزوم الرشاقة يا ستهن...
قواسيب مودتي... لكن بيني وبينك... هي حلاة البنيات فوقِن
Quote: انا في منامي اذكرتهم يا حليل حليل الفارتهم المعز ومعاذ وامهم خالد وابوي وابوي انا كيفنهم
Quote: تسلم الخليفة أبو هاشم... والحن للوطن وأهلنا الطيبين فات الحد يعلم الله... نسأل الله يرد غربتنا وإياكم سالمين غانمين ياااااااااارب...
قواسيب مودتي... وعبرك أخي حاتم أتساءل عن أعمدة الحوش وساساته الدكتور/ ياسين محمد ياسين والأُستاذ/ خالد محجوب...
الأستاذ أبو الحسين سلام ويسأل منك الخير وانا بدوري بسأل عن الأستاذ خالد وبقية العقد الفريد البوست دا بقينا نكارنو نجيبو من الصفحة التالتي الأستاذ ابوهاشم سلام شكراً على القصيدة ولكن هناك بعض الأخطاء لذلك أرجو الاستماع إليها من هنا مبرووووووووووووووووووووووووووووك لست الناس ست البنات لا حدهن
حليل الفارقتهم ................... انا في منامي اذكرتهم يا حليل حليل الفارقتهم
المعز ومعاذ وامهم خالد وابوي وابوي انا كيفنهم انا أي طير جا اسالهم منهم انا قالي لي قاعدين في ضلهم
قالي يلعبو جنب عمهم انا عارفوا ما بقصر منهم قول لي يا عمي وضوهم أي قمت لي منو عاد خالهم بالله يا ادم طلهم وانت اقرب زول منهم
ود السيد عمي التلب المعز اوع من الدرب في العقاب خليك متكرب والعقاب اوعك يتخرب
الجيلي خل بالك للصغير عمر الجار بيك مستجير لا تغيبوا من البيت كتير يبقوا زي صابر والزبير
قسم السيد شوف البضربو للوليدات خليك ابو اوعك الاولاد يتعبوا والبعيد ليهم قربوا
عايز اقوم انا اكتب جواب عنوانو عثمان عبد الوهاب انا عارفو ياهو البدري العقاب يبقى في بدل الابو الغاب
عمي عبد الله تراك قريب والجواب مكتوب لي حبيب يا هارون الظن لا يخيب خالد من بالكم لا يغيب
قولي لي دفع السيد انا عارفوا عارف فرق الجنا بالله اغشى ام زين طمنا اوعك الاولاد من عنا
ود ارباب يا عبد الرحمن اطرى لي خوتنا الزمان انت لا تغيب من المكان شوف اليبكي وشوف الجعان
يا مدثر وفتحو ابزيد انا قولي لي جيران المسيد انت يا قيوم ماك بعيد وخلوا بالكم لابن الوليد
يا المبحر يا المقبل ياسائق العربية اتمهل انت من السرعة قلل اوع قدام الحوش طفل
يا شباب حلتنا اجمعين ياالكبار ابقو لي سامعين اه انا اه انا اه انا الكاتلني الحنين للشمال الوطن البلد واهلي الطيبين .
Post: #1416 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-14-2007, 10:23 AM Parent: #1413
Quote: الأستاذ أبو الحسين سلام ويسأل منك الخير وانا بدوري بسأل عن الأستاذ خالد وبقية العقد الفريد البوست دا بقينا نكارنو نجيبو من الصفحة التالتي
تسلم د. ياسين على اللحن الجميل وحمداً لله على سلامة عودتك الجميلة...
أما موضوع الحوش فالظاهر الحوش الكبير ضايرُو صفحاتو ويا عملات طارق الأمين بقى زي الجلابيي القصيري!!
لك قواسيب مودتي وللوليدات والأهل المعاك...
أبو الحســــــين...
Post: #1433 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-20-2007, 06:38 AM Parent: #1413
Quote: ياسائق العربية اتمهل انت من السرعة قلل اوع قدام الحوش طفل
يا سلااااااام يا دكتور ياسين كيف إستوقفني المربع دا... شوف صاحبنا تقمص شخصية رجل المرور ووزع نصايحو لتشمل سايق العربية كمان...
يا الله تحفظ أطفالنا زهرات الحياة من السواقة الطايشة وكم راح ضحيتها هؤلاء الجايين للحياة بإبتسامة حلوة...
أخوي يس أخبارك و الصغار و الله أنا كنت فاكر براي المجرس من الغربة و لكن لقيت الزيي كتار و اولهم أخونا أبو الحسين أولادو ما معاه ولا نزلوا إجازة القرير شوف معاي جنس الجرسة في القصيدة دي
Quote: حينما يشتد بنا صقيع الإغتراب نلجأ إلى دفء الحروف ولكن ....... حضن بلادى لا يعوَض
ِ طعم الفراق
منقوش على كف القدر ... مكتوب مسطر من زمان أمشى قبال الأوان وأسوق خطاى على عجل تانى وين ألقى الحنان ... وألقى العيون الكان بتدينى الأمان
يا حلوة ما أقسى السفر تلقينى واقف فى الرصيف .... طعم الفراق فى حلقى مُرْ يا غربة كيف ؟؟؟؟ يتحملك قلبى الرهيف واليوم يمُرْ .... يبقالى زى كمين شهر لكنى يا زولى الولوف ... جاييكَ لو فاضل عُمُرْ
سلام بالمناسبة شاعر القصيدة يعتبر ابن أختي وهو صغير السن ومهندس ما شاء الله عليه اسمه محمد الأمين فضل المولى الولد قلبو رهيف وبقى يحب قدام أخوالو لك الود والقومة لأبي الحسين الذي ينبش المكنونات
بسم الله الرحمن الرحيم سلام ياهلنا... حبل الوصال ................
تاريهو ريدك كان كلو جور ونفاق كذابه ضاحكه على يا ناكره للميثاق وين جدول التحنان الكان بيروينا الضحكة ليك عنوان يا حليل عناوينا بدلتى كل الكان ماتت أمانينا كانت هى فى الأحضان اليوم على الأعناق ضاعت عهود الريده ليه تبقى كذابه حلم العديل والزين اصبح حكم غابة يا زهرة الياسمين ما عدتى خلابه دهبن لقيتو لجين الحق على الصياغ كان الضمير مرتاح من جور بنات حواء قلب الهوى النباح لا حول لا قوة سمكرتو و المفتاح ضيعتو فى هوة لا قلتا لزول ضاع لا يوم فتحتا بلاغ تاريهو جرح مابيبرى بى دكتور كل التسوى الليد يتحملوا المجبور جرحاً صبح تأبيد جوه القليب مهجور تلت علي القيد زعزعنى فى الأعماق التوبه يا قاسين لى تاني ما فى رجوع واشكى العلى لى مين والبوح حرام ممنوع اخفيهو تانى يبين عبرة وسروح ودموع قالوا القلب والعين بحر الهوي اللداغ اسف زمانى الضاع درب الرجوع قاسى وانا تانى ما بنصاع لى لوعة احساسى سر الدواخل زاع وانا زولى لى ناسى قلب المحنة خداع إنشره فى الآفاق . ....................................... تحياتي... حاتم هاشم.
Quote: الأستاذ أبو الحسين سلام ويسأل منك الخير وانا بدوري بسأل عن الأستاذ خالد وبقية العقد الفريد البوست دا بقينا نكارنو نجيبو من الصفحة التالتي
أهل الحوش سلام يا الزينين والله الشوق ليكم بحر ماليهو ساحل وأظنّو البحر الودر فوقو وليد بت ودخير حجابو وهو إجرجر في التراب
سنجك مية واربعطاشر الدكتور ياسين كيفنك وعلك طيبة ناشدين خبرك وكت غايب انتَ أظنك لي فترة مو بسيطة هديك البويتات الجميلات ديل
ديل نحن ناسّن الفوق خِشْومنا نقولوا بي قلبن سمح والضيف وكت لِزم الفراش بالحيل نباشرّو وشينا باش ومن المراح هاك ياضبح والكسري مهما تبقى في إنعاس فطيرّن اللِيل قمح
ولكم التحية ناس الحوش
خالد محجوب
Post: #1422 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-16-2007, 02:20 PM Parent: #1420
Quote: ديل نحن ناسّن الفوق خِشْومنا نقولوا بي قلبن سمح والضيف وكت لِزم الفراش بالحيل نباشرّو وشينا باش ومن المراح هاك ياضبح والكسري مهما تبقى في إنعاس فطيرّن اللِيل قمح
ولكم التحية ناس الحوش
خالد محجوب
الجميل ود محجوب المنسي...
بالله عليك الله شوف القيم الفي قصيدة كدكي دي...
يا سلااااااااام علي طيبة أهلنا وسماحَتُن...
دي أجمل هدية يا غالي وأبقى قريِّب لا تنقطع شي...
قواسيب مودتي...
أبو الحســـــــين...
Post: #1423 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-17-2007, 09:30 AM Parent: #1419
حمّد زين ... يوم الثلاثاء الصباح بدري ... فكّا العجِل الليلو من المراح ومرق ... يسوي في البوووووع .... بوووووع .... وقيع الله كان قاعد قدام أهلن ... حمد زين جاء مار بى فوقو ... * - أيييه .... ؟ وين ماشي آ حمد زين ....؟ * - ماشي سوق بلالة ... يبقى ألقى لي فيهو رزق حمد زين راح السوق وجاء صاد بعد الضهر ... سايق لو تلاتة غنمايات و أربعة حملان كاشَّهِن قدامو وماشي ... وكت جاء جنب أهل ناس وقيع الله .... وقيع الله سمع حِس الغنم والحملان يكوركن ... جاء مارق يتاوق من عند أهلو ... دار يشوف دا منو دا .... زولاً خبَّار بالحيل ... عاين لقى حمد زين كاش الشي ديل قدامو ... قال لو :- *- أيييه .... فكيت الورقة ...؟ * - حمد زين بى عكازو ... برطع ... برطع جرى على وقيع الله يسوي لو ... الله يفك رقبتك ... الله يفك رقبتك ... وقيع الله قفل الباب ودخل أهلن ...
مع قواسيب مودتي... وأبقي قريبة يا المبروكة...
أبو الحســـــــين...
Post: #1421 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-16-2007, 08:38 AM Parent: #1415
Quote: الأستاذ حسن الطيب
سلام بالمناسبة شاعر القصيدة يعتبر ابن أختي وهو صغير السن ومهندس ما شاء الله عليه اسمه محمد الأمين فضل المولى الولد قلبو رهيف وبقى يحب قدام أخوالو لك الود والقومة لأبي الحسين الذي ينبش المكنونات
يجازي محنك يا د. ياسين قلتلي قليبو رهيِّف... ديل بنات حواء آ اخوي يااااااارب تديم حنانِنْ وودَّهِن وتبعِد تكشيرتِنْ!!
لكن حقيقي يا أخي حسن الطيب صديقي الجميل محمد الأمين عندو قصائد جميلة جداً وهو من مواهِب منتديات البركل وإضافة حقيقية هناك وبإذن الله سيتواصل مشواره معنا هنا في حوش الشايقية برفقة خاله ورفقتكم جميعاً...
لما نبكى من المواجع قلنا نرتاح فى بكانا قولى كيف نرتاح ونحن نبكى من شدة هوانا الليلة رحلة الأشواق بعيدة والشواطئ بعيد مكانه حتى فى بر الأمانى السنين هدت قوانا كنا نحلم بمداين فيها نرتاح من شقانا قولى كيف نرتاح ونحن نبكي من شدة هوانا القدر طاوع قلوبنا وخلى بحر الريد حدانا ونحن ماصدقنا قمنا نشرب فوق روانا دى المشاعر فينا فاضت غرقت فرحة صبانا ما النعم مرات بتشقى والله بالريد إبتلانا مرة طلت دارنا غيمة ونحن ياما الريد غشانا شايلة فى الخاطر محنة جات تعيش الريد معانا جات تصب فى الريدة ريدة لو قليل يبرد جوانا كيف يا غيمة نرتاح ونحن غلبنا فى هوانا ما غريبة على البريدو يلقوا فى الريده المهانة ياما كتير أحبه غرقوا فى بحور الذل عشانا فى الحقيقة الريدة مره ضقنا مرها فى غنانا ماهو قيس بكى من هواهو مانحن برضوا الريد أذانا يا زمن لو تصفى نصفى فى البوادى يعم صفانا والعيون تصبح مرافئ فيها نرتاح من عنانا رحلة الهم بينا طالت ملت التسيار خطانا نعمل آيه ما نحن غلبنا فى هوانا . ............................... تحياتي... حاتم هاشم.
Post: #1429 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-18-2007, 06:22 AM Parent: #1424
Quote: يا زمن لو تصفى نصفى فى البوادى يعم صفانا
صديقي الجميل أبو هاشم...
تعرف يا اخوي البيت دا يحمل مدلولات عظيمة خلااااااس لو تمعنا فيها... يعني روقة الحال من روقة النفس... وأمااااني يا اخوي في كترة شواهد على الموضوع دا... في ناس تلقاهم حالتهم المادية ما قدر كدي لكن عندهم حلاوة روقة وترتيب في حياتهم... وفي ناس يا كافي البلاء عندهم خير الدنيا لكن طاقاهم بعزَقة وشلهَتة... نسأل الله العافية... فأكيد صفاء النفس يتبعه صفاء الحياة والمعيشة مهما كانت الحالة المادية...
لك قواسيب مودتي ونسأل الله يصفي نفوسنا ويغرقنا في اليقين ياااااااارب...
ابو الحسين الله يرحب بيك ياودالكرام قصة زولك الفك الورقة دى ذكرتني قصة واحد من عروبنا ديل كان بشتكى من ضيق ذات اليد الوالد الله يرحمه كان بقول ليهو : أصبر ضاقت لفرج .. لمن أتضايق خلاس جاء قال للوالد : شوف آ الشيخ أنا بصبر لى يوم التلاتاء كان الله فرجا فرجا وكان مافرجا بمشي أبيع حمارتى دى فى سوق تمبول وأفرجا علي رقبتى براااي . لكم كل الود
أخواناالطيبين د.يس والوارف الظل ابو الحسين إنساء الله المودة تدوم و ربنا يجمعنا و نشوفكم لحم و دم و ربنا يخدر ضراعكم و يديكم الفي المراد و لكم القسيبة بما فيها
Post: #1434 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-21-2007, 06:51 AM Parent: #1428
Quote: أخواناالطيبين د.يس والوارف الظل ابو الحسين إنساء الله المودة تدوم و ربنا يجمعنا و نشوفكم لحم و دم و ربنا يخدر ضراعكم و يديكم الفي المراد و لكم القسيبة بما فيها
صديقي الجميل ود ياسين في البلد البعيدي...
ما تتخيل الشعور دا متغلغل في نفوسنا قدر شنو؟؟؟
نسأل الله يديم المحبة بيننا جميعاً ويجمعنا في ساعات خير ياااااااارب...
قواسيب مودتي...
أبو الحســـــــين...
Post: #1430 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-18-2007, 03:03 PM Parent: #1
إخوتي الكرام...
دعوة للمرح الأُسري الجميل يواصل الأُستاذ/ عبد العظيم الطاهر بين "هو & هي" وأترككم مع الجزء الثاني بين "هو وهي"...
(5) هي ......
لا تـفر ضرعـاتـك عليَّ ولا تسوي حـديس كلو نيّ ما لقيتني انا ماسكي إيـديّ وماني راقدي ونافضي كرعيّ بطني طـامي كفاي العليّ ولا تلحـقني انا ناس أفيّ مزرزرني انا في شنو .... ؟ و تشنفني انا لى منو ... ؟
(6) هو ....
أشكي وأبكي انا عاد لى منو في العواسة تخمجي العجين متل أكنك عاجناهو طين وماب تقومي تحمي العوين باقي وسط الحَي مرفعين وا شقاوتي انا طاقني عين قت كفاي انا هوي يا معين هابشاني انا في شنو ......؟ لايماني انا لى منو .........؟ .................................
الحـريم هـندام ومـكياج وإنتي حايمي وسايقي العجاج بس تقول مدعوكي في الصاج يا أم خـشيماً ديمي لجلاج ماب تروقي تعدلي المزاج قبل أشيب قالـوا لي يا حاج من وكرتي انا كيف الخراج داير أسـافر كايس العلاج سـائل الله كـريم وفـراج نابشاني انا لى شنو ......؟ وهابشاني انا في شنو ...؟
ــــــــــــــــــــــــــــــــ قواسيب مودتي لك أخي الحبيب "عبدو" مع بعض التحفظات على ما تحته خط ...
عليكم الله شوفو بساطة الكلمات دي وعمقها ومدلولها الجميل...
أنا غايتو في نظري ما تحته خط من أهم سلوكيات المرأة ست الذوق البتعرف الوهاط المُشَرِّفة...
أسأل الله يحفظ بنياتنا ويغتيهن من كل بلاء ياااااااااارب...
قواسيب مودتي... وأبقي قريبة شرفينا بمتاوقتك...
أبو الحســـــــين...
Post: #1435 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-23-2007, 03:16 PM Parent: #1
إخوتي الكرام...
أهديكم هذا الخبر السعيد الذي أفرحني جداً وهو خمسة من أوائل الشهادة السودانية من منطقة القرير... وهم أبناء كل من:
1. حسن عبدالله محمد خير قمبور (إبنه محمد) 2. عبد الرحيم عثمان البرعي (بنته منى) 3. صلاح خضر عبد المجيد (بنته) 4. دكتور محمد صديق (إبنه) 5. صلاح عبد الرحمن اليمني (بنته سمر)...
تعظيم سلام أهلنا في القرير والتحية والتجلة لك أخي العمدة أباذر الكامل آل عكود... ونسأل الله أن يديم النجاح والأفراح يااااااااارب... ونتمنى لهم حياة علمية كلها توفيق...
الغالي/ود الحسين تحيــة بنكهة نسمات فجرالشمال وبطعم رطب المــدين وبعمــق هذا البوست المميز 0 وأهنئ عبرك الابناء المتوفقين من القرير
1
Quote: . حسن عبدالله محمد خير قمبور (إبنه محمد) 2. عبد الرحيم عثمان البرعي (بنته منى) 3. صلاح خضر عبد المجيد (بنته) 4. دكتور محمد صديق (إبنه) 5. صلاح عبد الرحمن اليمني (بنته سمر)...
نحييك علي جهودك والاخوة في هذا البوست الذي يوثق لثقافة وتراث ضارب في جزور التاريخ 0 كما أشكرك علي رسالتك الخاصة 0 (راجع بريدك الخاص ) 0
قواسيب مودتي أو كما تقول 0
Post: #1439 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 06-24-2007, 06:39 AM Parent: #1436
Quote: نحييك علي جهودك والاخوة في هذا البوست الذي يوثق لثقافة وتراث ضارب في جزور التاريخ 0
إبن عمي الجميل محمد الحسن...
تسلم يا اخوي على مرورك الطيب الذي زاد الحوش بهجة وفرحة بإنضمامك إليه بعد طول مدة منتظرين حضورك...
فبإسمي وإسم الإخوة الكرام المداومين في الكتابة في الحوش والقراء المتاوقين أرحب بيك حد الترحيب ما يصل ليهو حد قلم جميل يُستفاد منه الكثير...
Quote: كما أشكرك علي رسالتك الخاصة 0 (راجع بريدك الخاص ) 0
قواسيب مودتي أو كما تقول 0
تسلم أخي محمد الحسن على شعورك الطيب... بس بريدي من ناحية رسالتك فاااااااضي كَرَوْ!! لا يبقى الجَلاَء "البوستة" معطلة كدي علي مقاشي الجواب ما وصلني!!
لك قواسيب مودتي أخي الكريم وأبقى أظهر ولا تنقطع...
Quote: أهديكم هذا الخبر السعيد الذي أفرحني جداً وهو خمسة من أوائل الشهادة السودانية من منطقة القرير... وهم أبناء كل من:
1. حسن عبدالله محمد خير قمبور (إبنه محمد) 2. عبد الرحيم عثمان البرعي (بنته منى) 3. صلاح خضر عبد المجيد (بنته) 4. دكتور محمد صديق (إبنه) 5. صلاح عبد الرحمن اليمني (بنته سمر)...[/QUOTE]
Quote: أهديكم هذا الخبر السعيد الذي أفرحني جداً وهو خمسة من أوائل الشهادة السودانية من منطقة القرير... وهم أبناء كل من:
1. حسن عبدالله محمد خير قمبور (إبنه محمد) 2. عبد الرحيم عثمان البرعي (بنته منى) 3. صلاح خضر عبد المجيد (بنته) 4. دكتور محمد صديق (إبنه) 5. صلاح عبد الرحمن اليمني (بنته سمر)...
Post: #1442 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد علي محجوب المنسي Date: 10-21-2009, 10:52 AM Parent: #1441
أبوالحسين يا طيب وعلك طيب ضُمّة والله مشتاقين وفعلاً دا نكتّوة من وين؟
جيناك وقل يا رب
تحياتي ومودتي
Post: #1443 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 10-21-2009, 04:10 PM Parent: #1442
Quote: ياخي البوست ده طولنا منو ومن صحبوا أين هو ؟
مجرد شوق وود
،،،،أبوقصي،،،،
صديقي الجميل يا أبا قصي... سلامات وتحايا نواضر...
توقعتك أنت والحبيب خالد المنسي أول الحضور بعد رفع البوست...
فحقيقي يا عزيزي بطلبات من الإخوة القُراء الكرام جزى الله خيراً الأخ بكري أبو بكر بإستجابته لهذه النداءات ورفع البوست وعندو قصة مع كلمة done حقت بكري المسيخة بجي أحكيها ليكم...
فقط الآن أهنئ نفسي وإياكم والقراء الكرام برفع البوست التوثيقي دا...
وإلى أن ألقاكم قريباً قول يوم السبت الجايي أترككم في رعاية الله وحفظه...
جايين نحضر ونعمل تمام نحنا شوايقة أم درمان لكن اصلنا من البركل- شبا-الفقرا وبنقول للبوست الجميل ده Up
Post: #1446 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: أبو الحسين Date: 10-25-2009, 10:15 AM Parent: #1445
Quote: أبوالحسين يا طيب وعلك طيب ضُمّة والله مشتاقين وفعلاً دا نكتّوة من وين؟
جيناك وقل يا رب
تحياتي ومودتي
خالد المنسي يا أبو أحمد يا صديقي...
يا اخوي ليك وحشة قدُر من هني ليييييييي المَجَر...
وابقى قريب يا الحبيب اللشيل نفسي وأجيك راجع...
والجابك يجيب لينا أَرنِيقْ اللقدابة صاحبك د. ياسين...
لك وللمرور الجميل هنا قواسيب مودتي...
أبو الحُسين...
Post: #1447 Title: Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... Author: خالد احمد محمد Date: 10-25-2009, 10:30 AM Parent: #1446
اخونا جمال ابو الحسين وكل الاخوة المتداخلين الذين اثروا البوست ده بكل الروائع والجماليات الجواهو دى .... ليكم كل الود والتحايا .... واتقبلونى مشارك معاكم من يوم الليلى ولا قدام ... خالد احمد ... الزومة
.jpg)
.jpg)
