|
|
|
 Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
حباب اخوى الزيين - شييال الهم وكسايا العرايا - صباح الخير - يوم شكرك ما يجى يا يابا !
باقى انا عارفى الجعليين يريدو الشيكير بالحيل - وكلمى كعبى واحدى تمرق البنادق من جحورها !
وكلمتن طيبى تخللى الواحد فيهون يطوللو شيبرين لا فوق !
اساعيتى كلامى مشى وجاء ! يا كا بتريد الخوبورات !
انت ما تبقى تقيل ميتل اخييك ابو الحسن دا - انا ما قوتلك خشمو تقييل بالحيل ! ما
تفكورلو وتسووى ميتلو !أسع اكنو جابك القوتلك بحديسك بيهو ? عارفاك ماب تجى ساكت -
عيللى يكروك !
( انا قاعدى اضححك معاكا ساكت لا تشيلك الهاشمييى وتقوم تحرد من بوكانا دا !)
أها الكلام الانت حارسو : انت مو قوت كوت فى شندى فوق ?
أها عندى اهلا ليى كانوا حبايبكون وجيرانكون !
ناس الصول اليأس ود حومد صالح !
ان بيقيت عيرفتهون بقولك البيجمعنى بيهون اشينو !
---
ودحين جاييى اشكيلك البططن ديل : من اصبحت لامن غابت واحدا كيريعو فترت فى بوكان ابو
الحسن ولا لقدابتى مافى !
دحين دا بيرضييك ???
انت زاتك بس ما ورييتنا عيوينتك من اول البارح !
انا بس شاكالك فيشينو ! وحتى ابو الحسن سيد البوكان ! بس قال يا ميندايم عليى البيكنات
الآخرات - وحلف وقسم ما يجى بيى هينى ! ان بيقيت بس اخت البعشوم وختيت التصويرى اللتى
تقوموا تاكيلونى فى خاترى كدى ! أكنها التصويرى جايى تسويلا سينون وتاكلكون ?
بس عادل ود عمى عيتمان جابلى مدينييى سمحى خلاس - ادانى ياها - وقالى ماشى ازيين راسى
وبجيك صاد !
العز والعناق الات منى بت الخليفة خوجلى جن كارنن تيميراتى الشاراهن - ودحشة ملكة سبأ جات فرطقتلى
الكبد والجر ولشقت ليى المى الصاقت فى الواطا وانزقنفت غارت !
الليلى بس راسى دا مووجعنى - قايمى اطررشلى ديهينى فوقو كان يطير يسكوت من النباه وانا
شايلا وقاعدى عليى حيلى !
اها ودعتك الله .
ست البنات .
| |
 
|
|
|
|
|
|
|
 Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: ست البنات)
|
بسم الله الرحمن الرحيم
سلام ياهلنا..
حبل الوصال
...............
حاتم حسن الدابي
...................
........................................................
تاريهو ريدك كان
كلو جور ونفاق
كذابه ضاحكه على
يا ناكره للميثاق
وين جدول التحنان
الكان بيروينا
الضحكة ليك عنوان
يا حليل عناوينا
بدلتى كل الكان
ماتت أمانينا
كانت هى فى الأحضان
اليوم على الأعناق
ضاعت عهود الريده
ليه تبقى كذابه
حلم العديل والزين
اصبح حكم غابة
يا زهرة الياسمين
ما عدتى خلابه
دهبن لقيتو لجين
الحق على الصياغ
كان الضمير مرتاح
من جور بنات حواء
قلب الهوى النباح
لا حول لا قوة
سمكرتو و المفتاح
ضيعتو فى هوة
لا قلتا لزول ضاع لا
يوم فتحتا بلاغ
تاريهو جرح
مابيبرى بى دكتور
كل التسوى الليد
يتحملوا المجبور
جرحاً صبح تأبيد
جوه القليب مهجور
تلت علي القيد زعز
عنى فى الأعماق
التوبه يا قاسين لى
تاني ما فى رجوع
واشكى العلى لى مين
والبوح حرام ممنوع
اخفيهو تانى يبين
عبرة وسروح ودموع
قالوا القلب والعين
بحر الهوي اللداغ
اسف زمانى الضاع
درب الرجوع قاسى
وانا تانى ما بنصاع
لى لوعة احساسى
سر الدواخل زاع
وانا زولى لى ناسى
قلب المحنة خداع
إنشره فى الآفاق .
................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
حاتم اخوى - مرحببك -
دحين الليلى قطعت قلبى بى حديسك الصعب دا -
واا شيريرى عليك يا يابا دا كلو حاصلبك وانت ساكت الزمن دا كلو !!!
الله ينعل الزول الكعب البيغشغش الناس يقولهون بريدكون وهو كضضاب فيحال يربوطونبيهو ساكت
ويوقف سوقون وحالون .
أمانى الليلى ان وريتنى البينيى القططعت قلبك دا كدى عيللى اشددقا ليكا وأوريها ايا !
نان قلوب الناس ليعب ? والله ياهو !
أقولك كلام : أخيرلك أرمى طوبتا ضوممة ! ولا تسعل فيها بتاتا شوف ان ما جرت وراك
وبيقالا حار - أمانى كيف يوجعا ان سفهتها !
ولا تورييها انك غدبان فيحا خللتك شى !
ملحوضى : انت اا حاتم أنا ما قوتلك لا تشور التصويرى اللت ويليد سيدى فيحال لا يشوفو
الناس من جم ???
يبقى دا السوواها فيك وخلا البينييى تكضبلك وتضحك عليك !
بس زح التصويرى دى من هينى وشوف ان ما انعدلت عليك !
وفى أمان الله .
ست البنات .
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: ست البنات)
|
أها عندى اهلا ليى كانوا حبايبكون وجيرانكون !
ناس الصول اليأس ود حومد صالح !
ان بيقيت عيرفتهون بقولك البيجمعنى بيهون اشينو !
ست البنات الزيني والحنينة كيف حالك وكيف قيلتي وأمسيتي علك طيبي
تعرفي كان ما بخاف الكضب والهجمي الياس محمد صالح دا الأسم ما ني قادر اتظكرو ميه في المية لكن ابو عندو صاحبو من زمن الديش وشايقي وصول اشتغل معاهو في القيادي الشرقية زمان وجا بقى صول في المدارس الثانوية راجل أخيدر ووسيم وعندو نضارات وقوامة فارع طويل ماشاء الله دا الوصف الذي اتذكره لصاحب والد أمكن اكون هو
ولا كضبن كاضب
لك المودي الشديدي والشوق كتير كتير بالحيل
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
يا ساري الليل
...................
حاتم حسن الدابي
.................
...........................................
من يوم البحر الجانا وتسب وقام
يوم دخل الحلة وهدم بيوتنا ترا وهدام
صبحنا ضيوف ما خلاّ وراهو صلة أرحام
يوم داكا عوض خلاها مرق سفره طويل مع الأيام
ثم يسترسل في أوصاف عوض
درويشاً صغير عشرة أعوام
الزول زول الله من الصلاح الرفعت عنهم الأقلام
من غرث الرسل الدارو الآخرة أم خيرن دام
التركو نعيم الدنيا الزايل للعبدوها وللحكام
ثم يبدا في وصف ملابس عوض وما كان زاده يوم خروجه
متجلبب بي تيبان الرحمة غتا وهندام
متنعلت بي أرض الله الواسعة خطى الأقدام
متزود شايل خير الزاد تقى وإلهام
يا ساري الليل ما شفت جناح جبريل
غتاهو بقالو مظلة جلوس وقيام
يا ساري الليل أين ذهب عوض هل غرق
في جوف الليل أم رحل في رحلة تصوف
يبقالي نجع متوجه قاصد أرض الشام
ما شفتو هناك مع الحجاج لابس الإحرام
بين يثرب ومكة وفي بيت الله المكسي رخام
يبقالي هناك يكون مندسي مع الخدام
يا ساري أبل جهدك نحنا فتشنا في كل محل ما خلينا بكان
فتشنا سما أرض ما شفنا منام
في التمر الشايل تكا سبيطو مدلول خام
في الجرف الأخضر في لوبيهو وفي النجام
في جدول جاري تسرسر مويتو نعيماً دام
ومع ذلك لم نجده وقد طال الغياب ولن نيأس
فالحلة في الانتظار فاينما وجدته بلغه السلام
يا ساري الليل أنا داير أوصيك وأديك كلام
الروح إين صعدت لي باريها وفي جنات الخلد مقام
لو لاقيتو في إي مكان في إي زحام
روح كلمو قولو الحلة بكت من شوقا إليك تغريك سلام.
..............................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: حاتم هاشم)
|
بسم الله الرحمن الرحيم
حذارك من تجـــيبلي اعزار حـذاراك
......................................
للشاعر محمد سفله
......................
..................................................
حذارك من تجـــيبلي اعـزار حـذاراك
قليبــك ما بــــراه اختار
بس باسف علي الايام وماضي
العشـــــــره ياغــدار
منو الصدق غرامنا اتلاشي
قبال يشوفــــــــلو نهار
منو الصدق قصور امالنا
تصبح في الحقيقه دمـــار
تصدقي لسه ما صدقــــــتا
تايه والقـــــــليب محـتار
لاني معاك قايل نفســــي
في مامـــــــن من الاقـــدار
لانك ياحقيقـــــــتي المره
كنتـــي حجــاي مع السمار
لانك في غناي مقطـــــوعه
خالده تــــــرددا الاوتـــار
لاني انا ان بقيت في الجني
غيــــرك ما بدورلي ثمار
لاني انا من عرفــــتك
تبـــــتا يشهــد كاتــــب الاوزار
قبل ما اعـــــــــرف
المقســوم فرشتلك الطريق ازهار
رسمـتك بي مداد احـاسي
لوحه جميلـــــه في الاشعار
امـــــــن بغرامك وحـــــدي
حاســـب نفسي في الابرار
وتب لاخنـــــتا لا ارتديــــتا
كيف يصـــــبح جزاي النار
انا الما بيني بــــين الدنيـــا
من ما قمــــتا مكتــوب تار
متعود تقيـــــلتي اشـــــيلا
قبلك كم عصـــفني عصــــار
قلبي الكان زمان موهــوم
وضايع بين سجون واسوار
خلاص حلحل قيودو معاك
وحضر تابين غرامو وطــار
زي ما كـــــت بعز عينيـــــك
برضي كمـــان كتوم اسرار
الاهــواك مهما يبقـــــي
تاني انا ما بكون لي مـــــــــدار
قادر احــــــيا راهــب
ريده امســت في الخــــيال تزكــار
والا بقــــولك يا مغــــرور
وراك عجــــــل الذمـــن دوار.
.........................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: ها ناس مسعولين من الخير بسعل من دكتور ياسين سنجك ميه واربعطاشر والجنى حاتم
كل يوم نتقاود أنا ست البنات ونجي لحوش ابوالحسين مراتن نلقاهو قاعد في الحوش براهو مطرم من غيابكم ومرات يسوي حرد حتى في الحوش ما يرجانا دحين اظهر الزول والله مشتاق ليكم بالحيل
|
الحِبان خالد وست البنات...
إنتو اليووووووووم داك أنا كلمتكم بي د. يس اليومين دي بي يكون الشاغلو شنو؟؟؟ تاني لزومو شنو الكلام دا؟؟؟!!!
أما أنا حكيتلَكم حكايتي... عندي الخميس والجمعة ديل... تَبْ بفارق الكمبيوتر فراق الطريفي لي جملو... راحة العوينات من مصاقرة الجهاز... لكن يوم السبت أجيكم مشتااااااااااق...
لكم كميات مودتي... ويا ها المحرية فيكم... وبجيكم صاد... كدي الأجهِّز أشغال المكتب وابقالكُن فاااااااااضي ورايق حلالي...
أبو الحســـــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: أخوى عبداللطيف ود عمى بكرى - حبابك -
ومن زمان بشوفك تتاوق وتصد بس مابعرفك ليه مابتدخل فى لقدابة ابو الحسن - أكنو نضمنا ماك
فاهمو ???
اها ابو الحسن ينبارك ترا عد يشرحلك - انشاء الله فيهم شى !
عيللى جاييى اقولك : انا مانى ساووى اديشنال شى !
دا لينقويستكس شايقى !
وأمانى كييف قاسى ! وحات ربى الكلمى تطلع ميتل اتتكنها مارقى من الميخيخ ! لامن عيونك
يدميعن - ميتل القاريشلو تلات بصلات غولات وحارات وما سووا فوقن لوقمة القراصى
لححقنياها لاساعيتى !
وفى امان الله - ولا تفوت بيكيينا دا -
ومالك ماب تغشا لقدابتى - ? مو بعيدى - هينوكا .
ست البنات . |
ستهن ،، كيفنك ، وشكرا على أصالة نصري وروعة مؤازرتي بين ظهرانيكم ههنا،،
نضمك دا يا بت الناس ذكرني أول محاضرة لغة فرنسية في الجامعة ،
أستاذتنا فرنسية طبعاً ونحن في بداياتنا لإختيار التخصص ،،
بكل تأكيد كانت بتتكلم براها ، تسأل وتتجاوب وتزعل وتضحك ونحن مبلمين وقاعدين
المهم لما تضحك تلقى الجماعة كلهم (ورررررررر) ، ولما تهرشنا كل واحد يعاين للتاني،،
أنتهت اول محاضرة وطلعنا برة : يا أخوانا نتخصص فرنساوي ولا نمشي إنجليزي ولا عربي؟؟
حضرنا محاضرات اللغة العربية من د. سوار الدهب : مفاعيلن فعولن وألفية إبن مالك ومقول القول
وإلتقاء الساكنين وأخوك فوك وذو مال !!!!!!! لا حول ولا قوة إلا بالله ، يا أخوانا هوي : أخير الإفرنج ومن يومي داك لساني معووج وبقيت في السعودية لاني لامي في الفرنجة ولاني لامي في (سوار الدهب)،،
طلعتي إنتي : بفتح جديد ولغة موغلة التعقيد ،، أمي وابوي ماليهم في الشوايقة غير الشلوخ، بقوا وحاتك غرابة أكتر من مني أركو مناوي ، البركة في جيرانا ناس قوتة من نوري يالا منهم عرفنا
الدونكا والكارديق وقيل البزديق،،
أنتو على كل حال أحلى ناس ، والله مازلت أذكر زياراتي لأهلي ومدى الحفاوة التي أقابل بها
الطيبة مكملنها ،،
الله يسعدكم كمان وكمان ،، وأنا كت بتاوق لكن جايكم بباب أبو الحسين عدييييييييل،،
وتحياتي الحارة لكل مرتادي هذه الأناقة،،
سلام ،،
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتب أُستاذ/ عبد اللطيف...
Quote: الحمد لله اللحقتنا بالترجمة ، والله كت فاكره حفلة (بوش) فول وموية جبنة
قلت واشريري أهلنا بلغ بهم التهميش شأواً بعيدا لدرجة حفلاتن بقت بوش ،،
|
أُستاذي الغالي عبد اللطيف...
تسلم يا اخوي على حضورك الجميل وأحب أزيدك من الشعر بيتين...
موضوع البُوش دا يا اخوي... فعلاً هو العيزومة عند أهلنا زمان... وأحب أُؤكد حقيقة قبل كدة ناقشتها مع الأُستاذ محجوب كرار رحمه الله... نقلت له قصة حاجة إسمها العِشَّة!!! وطلعنا بالتحليل الآتي...
الكُوكتيل... أول من إستخدمها أهلنا الشايقية... وهو (العِشَّة) نفسها... طبعاً العشة دي تتكون من طرقتين بتاعت فطير أبيض رهاااااااااف... وفيهو كمية من اللَّحم المحمَّر (حلالي)!! ملفوف في الفطاير دي... يوزعوهو للحضور بالإضافة إلى كورية بتاعت شَرَاب (مريسة ـ بقنية ـ شربوت أو عسلية)...
بعد الأكل والشراب يبدأ بعض النساء الشاعرات بترديد بعض الأشعار وهاااااااك يا طرب...
وواحدين يغنو...
ماني سكارة طربانين برانا...
ونحن ماني سكارة فرحانين برانا...
ودي قصة الكوكتيل أها يا عبد اللطيف يا اخوي باقيلك ما شَفُّوهو مننا ناس البندر؟؟؟
صحن الكُوكتيل = العِشَّة!!!
قزازة البيبسي = كورية الشَرَاب!!
كميات مودتي... أبقى قريِّب وبجيكم صاد...
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: عيللى جاييى اقولك : انا مانى ساووى اديشنال شى !
دا لينقويستكس شايقى !
وأمانى كييف قاسى ! وحات ربى الكلمى تطلع ميتل اتتكنها مارقى من الميخيخ ! لامن عيونك
يدميعن - ميتل القاريشلو تلات بصلات غولات وحارات وما سووا فوقن لوقمة القراصى
لححقنياها لاساعيتى ! |
لووووووووووووووووووول!!!
الله يجازي محنك يا ست البنات...
والله وصفك دا لكن بليغ خلاااااااااس... يعني قرض البصلات وانشَدَهْ لُو بي قصةً كدي ما لحقِن برَّدِن بي لُقْمة من القُراصة!!!
قواسيب مودتي... والحوش بيك زايد جمال وحَلاَة!!!
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
| Quote: احنا ترانا كل ماتشتاق قلوبناوعقولونا للجمال ماعندنا تانى فيجه غيركم |
بتنا ماجدة خوجلي...
الله يسمح أيامك يا بتنا...
بمناسبة الجمال أهديكي القصيدة دي من الشاعر الطيب طنبل ود المنابير...
ليالي الغربة...
يا ليالى الغــــــربة .. أيامــك تمـــر زى السنين
مشحــونة بالأسى والألم ..والحيرة والحـــــزن الدفين
كلما نقـول .. قربنا نرجع .. ونطرد الـحظ اللعـــين
نلقى الظـروف حكمت علينا .. وتانى نرجـع ونستكين
أصبحنا بين نار الظروف .. والرجعة للصدر الحـنين
وأحلامنا زاتا اتحطمت .. لا طلنا مال لا اتحـلَّ ديـــن
وكل يوم يمُرْ يصبح أمَّرْ..والكان هو داين صار مدين
رحماك يا رب العــباد .. أرحمـنا فك قيدنا المتيـن
يا ربى راضيــــن بالمقَـدَّرْ .. وإنْكتبْ فــوق الجبيـن
خلِّــى القواسى تهـون علينا .. وعينَّا يا نِعْمَ المُعـين
نرجع نعـــود وطــن الجدود .. بلد الحنان والطيبيـن
بالعــزة والهنـا والفخـار .. نعيش ومالينا اليقيــن
التوبة ما برجع وأعـود تانى وأكون مرهــون سجيـن
التوبة .. من فكرة سفر .. حتى إنْ أكلت تراب وطيـن
التوبة .. يا بلدى العزيز .. أبقالى إنت (كفيل) وأمـين
خلينى فى حضنك أعيش .. كريـــم ومرفوع الجبيــــن
كميات مودتي...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتب أُستاذ/ عبد اللطيف...
Quote: Quote: الحمد لله اللحقتنا بالترجمة ، والله كت فاكره حفلة (بوش) فول وموية جبنة
قلت واشريري أهلنا بلغ بهم التهميش شأواً بعيدا لدرجة حفلاتن بقت بوش ،،
|
كتب جمال أبريــــــدة...
Quote: أُستاذي الغالي عبد اللطيف...
تسلم يا اخوي على حضورك الجميل وأحب أزيدك من الشعر بيتين...
موضوع البُوش دا يا اخوي... فعلاً هو العيزومة عند أهلنا زمان... وأحب أُؤكد حقيقة قبل كدة ناقشتها مع الأُستاذ محجوب كرار رحمه الله... نقلت له قصة حاجة إسمها العِشَّة!!! وطلعنا بالتحليل الآتي...
الكُوكتيل... أول من إستخدمها أهلنا الشايقية... وهو (العِشَّة) نفسها... طبعاً العشة دي تتكون من طرقتين بتاعت فطير أبيض رهاااااااااف... وفيهو كمية من اللَّحم المحمَّر (حلالي)!! ملفوف في الفطاير دي... يوزعوهو للحضور بالإضافة إلى كورية بتاعت شَرَاب (مريسة ـ بقنية ـ شربوت أو عسلية)...
بعد الأكل والشراب يبدأ بعض النساء الشاعرات بترديد بعض الأشعار وهاااااااك يا طرب...
وواحدين يغنو...
ماني سكارة طربانين برانا...
ونحن ماني سكارة فرحانين برانا...
ودي قصة الكوكتيل أها يا عبد اللطيف يا اخوي باقيلك ما شَفُّوهو مننا ناس البندر؟؟؟
صحن الكُوكتيل = العِشَّة!!!
قزازة البيبسي = كورية الشَرَاب!!
كميات مودتي... أبقى قريِّب وبجيكم صاد...
أبو الحســــــــين...
|
وتاني كتب جمال أبريـــــدة...
الحِبان الزينين...
صبحكم الله بالخير والرضا... مالكُم قاطعين لا حس ولا خَبَر؟؟؟ عساكم جميعاً بخير... د. يس وخالد محجوب والخليفة ود هاشم وست البنات من أمس ما شفتكم تاوَقْتُو!!!
أتمنى إنكم كلللللللكم وجميع رواد الحوش يكونوا بخير وعافية...
قواسيب مودتي...
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
الحبيب الحنين ابوالحسين
سلام الله عليك وعلى كل احبابك زوار البوست الجميل
والله يا ابوالحسين لي يومين بس جري ماني عارف ست البنات دي مشت وين مشيّلها في حوشا ما لقيتى قيلتا فوق برندتها أنا وليدي أحمد وصليت المغرب في برندتها برضو ما رجعت مشيت بيت اخيتها قالت لي ليها يومين ماشافتها قبل آذان العشا شلتّه ناس ود عكود وسأل وليدهم حسن باقي هو ممرض في البيطري وست البنات باقي عندها عبورها دي متحسسة شوي لكن الجنى قال لي أنو تب ماشافها ... ما خلتي لي بكان ما سعل فيهو منهاحت مستشفى كريمي وصلتو ولقيت الجنى حُمد أحمد التمرجي وقال لي ست البنات من قبل شهر ما جات هنا وآخر مرة طيرتها شكلي مع الدكتور وقالت ليهو والله تاني كان مت عديل كده مابجي اسبتالتك دي والله فكري بالحيل مشغول عليها ما الداهي سوتّلها جبهة متمردة وبدور تكاتل الحيكومة النعم أنها بنيتن ناجحي لكن الناس ديل نزعت من قلوبهم الرحمي بعيقوها ساكت
هسع رسل احمد يقص دربها باقي الجنى نجيض في قص الاتر ..جيرانها لحدهم قالوا ماشافوها من قبل يومين
والله الامر دا شاغلني بالحيل
لك تحياتي ومودتي
خالد مححجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
| Quote: ما خلتي لي بكان ما سعل فيهو منهاحت مستشفى كريمي وصلتو ولقيت الجنى حُمد أحمد التمرجي وقال لي ست البنات من قبل شهر ما جات هنا وآخر مرة طيرتها شكلي مع الدكتور وقالت ليهو والله تاني كان مت عديل كده مابجي اسبتالتك دي |
تسأل منك العافي يا خالد أخوي...
ضحكتني ووقفتني شديد حكاية حمد إحمد التمرجي في مستشفى كريمة... إنت عارف يا خالد حول وااااااحد بس إلا نشلخك شايقي بي لحمتك حقت حبوبتك المن الحجير!!!
كميات مودتي... وعليك الله لا تنسى أنشد من د. ياسين والخليفة ود هاشم ليهم كم يوم كدي مسجلين غياب عساهم بخير...
أبو الحســــــــين..
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
| Quote: وعليك الله لا تنسى أنشد من د. ياسين والخليفة ود هاشم ليهم كم يوم كدي مسجلين غياب عساهم بخير... |
ها ناس تعالو لي اللحدثكم أنا ماني فاقد الجنى الدكتور هيل امريكا دا البقولو ياسين ود الأراك... عليك امان الله قطع تذكرتي ومشيت ليهو في بلاد الخوجات نازل من سلم الداهي الطيارة قرب اقع اكسر كراعي ما اتملص من المركوب وابحت عشان اجيبو دفرتني بنية لابسالا برنيطة وجمطة في بنطلون زي الرجال شكيتها على الله ودا كلو فيدرب كان انشد لي خبر من الجنى ياسين شي.
لقيت لي وليد ازيرق ظنيتو من بطانا السودانيين وقت لو آ جنى بتعرف الجنى ياسين شبكني وس وس وس عليك امان الله ما فهمته منو شي لكن ولدا عديل بالحيل قادني من يدي ووداني لمكتب بي هوناك شغال فوقو وليد من وليدتنا قال لي اهلو في بقعة المهدي أمدرمان ولدا عديل بالحيل جاب لي فطورن زين وقعد ضاحكتو شويّ قت لو ماعندكم بصل باقي نحن ما بناكل السمك من غير شطي وبصل بالليمون ..قام في سراعو جابن لي وبعدما شرب كباية الشاي وطبقّتها بالقهوي الميها خمج سعلتو من الجنى ياسين كان بعرفو شي قال لي والله ما بعرفو لكن نسأل منو المهم جاي جاي فضل معاهو في بيتو خمسة ايام كل يوم يمرق ويصد واقول لي والله ما لقى لو خبر بس وكت قطع العشم لميت هديماتي في الشنطي والجنى وداني لعند خشم باب الطيارة وبعدها رجع وتراني الليلة طبيت معاكم هنا ألا ما لقيت خبر من الدكتور وعلى اول من وصل فتح البوست كان ألقالو خبر سي هو ولا الولية ست البنات
دحين يا اخواني البنشد خبر أقول لي والله رويحتي دي دايري تمرق بوراهم مقلية قلي من الشوق ليهم
تحياتي وتقديري
خالد محجوب
| |
|
|
|
|
|
|
|
|
|
سلام لأهلنا الطيبين (Re: ماجدة عوض خوجلى)
|
سلام لكل أهلنا الطيبين وعموم أهل السودان
غناء عبدالرحيم البركل
كلمات قسم السيد عبدالرسول
انا الماساتي ما بتتقال بقيت احسب عميري الفات
عذب لا حفلة لا شبال لقيت الفات كتير وكتير
مرق لا زوجة لا اطفال
تراني فى مهب الريح مريكب لا فحها الشلال
بقيت مسحور عيونك ديل اتحجر بقيت تمثال
وافتش فى مكانك وين لقيتك فى قليبى هنا
انا الجرب مآسي الغي تعال شوف كيف حفن كرعي
وانا اتبشتنتا يا خلاي فوق درب الفريع الني
بقت لى مع العيون قصة مخلفة فوق جروحى الكي
خيالن مادوام نافر يحلق فى خلاهو الصي
ولا قادر افيق وارجع ولا قادر ادارى البي
واشوف غيمك انا العطشان واقول هسع يجيني الري
وفكر فى امور الحب وادور في ساقية غير معني
يا حليلى انا حليل ايام سعادتي معاك وكت
كان الزمن بسام يشاور لى دوام ضحاك
يضمنا كان هدوء الليل هو لا حس همسة لا كوراك
لقيت يا قلب زولك بعد وجعك لقيتو دواك
اتاريهو الزمن دولاب قسي ورجعني الف سنه
طريتا انا طريت السمحة بين اهلها
وكت تنزل وكت تطلع مع الحوب يجتمع شمِلها
تمد ايديها للمنقة تداعب للجريد قبلها
وماهماها زولا فات يقاسي الغربة من اجلها
ماخلاني ابتليت بي ريدها افتل فى حبال رمله
كمان خايف الجنون يحصل تفوت عقليتي بى قبلها
بوريكم مآسي غرامي عشتها وعمرى كان تمنه.
وتاني كمان رمية رائعة للبركل
أنا أخترت من دون العيون ياغالية عينيك أعشقه
وأخترت شوفتك كل يوم لو حتى شوفتك أسرقه
لكني مالاقي الفرح لا في البعاد ولا في اللقاء
وما من هواك أنا أصلي عاد خلقوني من طين الشقاء
أنا مديت كتير حبل الصبر لمن فقدت أنا أولوا
ومن غير صبر بقدر أساي ياغالية شانك بحملوا
لو سمحت مرة بس داير قليبك أسالوا
حافظ معزته زي زمان وله الحصل كان بدلوا
والله يا نور العيون أصعب سفر سفر الأمل
تلقاك تعاين في الهدف وما داري أنت متين تصل
كل الدروب جربتها وسافرت فيها عشان أصل
وفي كل مره الف وأعود من تاني لنفس المحل
سيبي العواطف ديك وأنسي ريدك وقولي لي
أيه الفرق لو زول زرع أمالوا في أخصب ودي
والثاني روح للبعيد وأختارلوا يا محبوبة صي
حايحصد الأول أكيد والثاني زي حالتي العلي
لو جيتي تسألي عن هواي بالله أسالي عن هواك
تلقي الجواب نفس الجواب ماقلبي يادنياي معاك
أرجوك أوعي تفكري أنو قلبي يصبح لسواك
لكن لو فقد العشم يمكن أقولوا خلاص كفاك
أنا عارف المواجع لي براي أنا طول سنيني أبكي وأنوح
فقدت أحساس الألم ياروحي من كتر الجروح
ومابلقي عارف فرحتي غير فيك ياأم وجهاً صبوح
كفاية كل القلته ده، أنا تاني مابقدر ابوح
| |
|
|
|
|
|
|
|
|
|
Re: سلام لأهلنا الطيبين (Re: عبد المجيد محمود)
|
المواجع
خالد شقورى
عبدالرحيم البركل
لما نبكى من المواجع قلنا نرتاح فى بكانا
قولى كيف نرتاح ونحن نبكى من شدة هوانا
الليلة رحلة الأشواق بعيدة والشواطئ بعيد مكانه
حتى فى بر الأمانى السنين هدت قوانا
كنا نحلم بمداين فيها نرتاح من شقانا
قولى كيف نرتاح ونحن نبكي من شدة هوانا
القدر طاوع قلوبنا وخلى بحر الريد حدانا
ونحن ماصدقنا قمنا نشرب فوق روانا
دى المشاعر فينا فاضت غرقت فرحة صبانا
ما النعم مرات بتشقى والله بالريد إبتلانا
مرة طلت دارنا غيمة ونحن ياما الريد غشانا
شايلة فى الخاطر محنة جات تعيش الريد معانا
جات تصب فى الريدة ريدة لو قليل يبرد جوانا
كيف يا غيمة نرتاح ونحن غلبنا فى هوانا
ما غريبة على البريدو يلقوا فى الريده المهانة
ياما كتير أحبه غرقوا فى بحور الذل عشانا
فى الحقيقة الريدة مره ضقنا مرها فى غنانا
ماهو قيس بكى من هواهو مانحن برضوا الريد أذانا
يا زمن لو تصفى نصفى فى البوادى يعم صفانا
والعيون تصبح مرافئ فيها نرتاح من عنانا
رحلة الهم بينا طالت ملت التسيار خطانا
نعمل آيه ما نحن غلبنا فى هوانا
خالد شقوري
يا بانه
يابانه مابتصلى السـحاب بالله لاتتطاولى
ايه الجنيتى بلا الخراب ليك كم سنين بتحاولى
قبال يرضرضك الزمن مش كان أخيرلك تسألى
وتعرفى سر قلبو الصبح من الندم صليان صلى
يابانه غشاهو الأمان خدعو المقام المخملى
ورغم الزمن وراكى وين لكنو قاسى تحصلى
ماأصلو قبلك كان بريد نجمايه فى قلب السـما
يرجاها من عصرا بعيد فى تقنت الشوق النما
يشقى ويشق صدرو الاسف تبقى دنيا مغيمه
وكان الفرح يملاهو يوم يلقى القمر غاب وأحتمه
ماقصدو بس داير يشوف النجمه واضحه معالمه
يابانه كان بالجد قنوع تكفيهو شوفت الملهمه
من الظهور حتى الإفول عينيهو ما بينومه
كان من بعيد بيسالمه فرحان سعيد بيكالمه
لكن محال ينتم حـال جه الشوق ملك قلبو وعمه
وبدا الودار يومو القال النجمه لازم يوصله
يابانه لاتستغربى بالله بس شوفى الحصل
حضر كليمات الحنان زادو الغنى وشوقو الرحل
وأول محاوله للوصول داير مع النسمات يصـل
لكنو يركب فى البساط يلقى البساط مـنو اتمصل
فكر وقال عند المساء يرجاها فوق راس الجبل
وفى حلكة الليل الطويل يابانه لم الليل دخل
شاف النجيمه معلقه وشاف روحو فى توب الجهل
براحه لملم أنتو فى ليلو واندرج نزل
الشى العجيب رغــم الفشـل
لامله يوم لاحتى مات فيهو الأمل
وآخر محاولة للوصول كانت رحيلو مع الشعاع
إستنى فى الليل القمر ساب الأرض مقدار ضراع
وإستنى قارب الهم رسى فى مشرع الشوق المطاع
مسك الشعاع وبدا الطلوع بين الغيوم كان خبرو شاع
جات غيمه من بلد الندم سايقاها عاصفه من الوداع
قطعت خيوطو الماسكه واتهاوا فى لجج الضـياع
وعشان بريد من قلبو جد لقالو فوق اللجه طوف
عيدانو من شجر الوفاء وحبالو من غالى الحروف
وداهو لى ساحل الندم وراهو فى العشاق صـنوف
قاليهو فكر ياقلب قاليهو عيد الماضى وظروف
إتواره غاب طوف النجا خلاهو فى إيد الظروف
فتح عيونو مع المساء شاف النجم دانى القطوف
بكى وابتسم وعرف صحيح انو البعيش لابد يشوف
لو كان صبر يابانه يوم وإتمده فى ضـل اليقان
لو كان رجى الأقدار تجى وخلى القياده على الزمان
لو كان عرف انو البسير فوق الدرب يوصـل ضمان
مكان شقى القلب الودود و يابانه ماكان اللكان
وصيتى ليك لمن يقوم غصنك جديد إتهى
أوعك تكررى محنتك أوعك كمان تستعجى
لاتروحى وتعى الغيث يجكى من العلى
وولوانتى مديت الصبر حتى النجم تتناولى
| |
|
|
|
|
|
|
|
|
|
Re: سلام لأهلنا الطيبين (Re: عبد المجيد محمود)
|
عفوا
الفاتح ابراهيم بشير
انا قلبى عشان ينساك دايرلو تانى زمن
عفوا حبيب قلبى ما انت لى وطن
=====
انا قلبى ذنبه شنو عودته انت عليك
علمته يبكى ينوح يوم ما يشوف عينيك
وكتين ملكته خلاص فريتها لجنحيك
خاطبته باستبداد قلت ليه اختار ليك
=====
هو الصبار المسكين راجى اليالى تروق
لا كل لا مل لا عاتب المعشوق
كل القدر قاله ياناس كتلنى الشوق
والضقته فى دنياى ما ضاقه قط مخلوق
=====
انا يا خلائق اه ضقت العذاب اصناف
شلت الليالى سقد تشهد تبارك وقاف
جربت صبر ايوب كانت نهايته جفاف
والصابنى يالمريود بالعين محال ينشاف
=====
لو دار تعرف البى ارجوك مرة تعال
اقعد وعاين بس ما تسال اى سؤال
انا يا حليلى انا اصبح يمنى شمال
جوايا عشرة اشياء خلت حياتى محال
حظى التعيس الشوم الغيرة والعزال
ليل الضياع والخوف والحيرة والاهمال
انك تملى معاى و بيناتنا كم اميال
احساسى انى بسيط واحلامى واقفه جبال
صبر اً صبرتو عليك ذكرنى سيدنا بلال
حتى ان سكت انا تتكلم الاطلال
وآخر المطاف بالليل سافرت باستعجال
لا طلت بلح الشام ولا ضقت راحة البال
======
برضك تقول لى اصبر اتحمل المكتوب
واتعوض الله خلاص انسانى يالمحبوب
خلتنى ذى عصفور هبت عليه هبوب
فنتله عشه شمال شالت صغاره جنوب
عاشق عاشقه
جعفر السقيد
عاشق عاشقة عاشقه سوايا والعاشقاهو عاشق غيرها
كلنا فى الهوى اتلاقينا سايقه خطانا حمى الديره
نفس اوجاعى حاصله عليها النوح والشكك والغيره
فى والصباح يلاقى عنينا تلاقى فد صنقيره
تبكى تكب دموعه دماها دمعها مابيطفى سعيره
يا ربى فى مصابى تزيدنى لكن فى مصابها تجيرها
لوحة من الجمال والروعة ماشافت عيونى نظيرها
الليل شال ظلامو انشرا فوق صفحة كتيفها ضفيره
العين إن حكت بى نظره ابلغ ما يكون تعبيرها
ام وشيا قمرا تلالى شامخة وبى شموخه جديره
حبها لو تجيبو القوة الليد بى دروبها بصيره
أو دايرى النجم يتلمه يبقى عقد فريد فى صديره
كنتا المستحيل اهديتها لو كان حتى لبن الطيره
وماكان غيرى سهد عينه أو فد زول شغل تفكيره
لكن المشاعر قسمه فى الدنيا الغنيه فقيره
ومن ملكوتوا مهما يبقى النفس ابتفوتو مصيره
قسمتى اعيش وتابانى لكن برضو ابقى اسيره
قسمتها اتمكن بسواها زولا فى خيالو اميره
حبيتا وغرق فى هواها من يا دوب لسه صغيره
فوق من كل المشاعر الطيبه ليها على حق الجيره
مادام غيرى مالى حياتها مالى خيالا مالى ضميره
ببعد فى الخيال بلقاها واتنسم برايا عبيره
راضى أنا بإرادة المولى روحى الهايمه الله دبيره
ما بينسى الرضى ونجاه مكتوب فى الكتاب والسيره
ببعد من حياتها اخله إلا مشاعرى فى خديرا
لو يمكن تموت فى قلبى زمزم امكن يوم تجف بس بيره
يا خي ما معقول
جعفر السقيد
انا العليت هواك براي لمن طال وطال معناي
وقادر تاني برضو براي اهد اركانو غادي وجاى
يا خي ما معقول تحبي سواي وتنسي وفاي وتغدري بي
تهدى بناى تقرري تانى ترجعى لى يا خي ما معقول
اكون لليلى مستنيك وراجى الرى
حليلو زمن بسوقنى الشوق على لقياك رضى ورضى
هسى بقيت يجينى نداك اطانش واقول مالى
خريفك كان شلع براقو برفع لى كريم ايدي
اقول حولينا ماها علينا تنزل في الهويد والصى
رفضتا هواك من طرفك عشان ربطك مرخرخ ونى
طويت ذكراك والاحلام ونجضتا الجرح بالكى
ودقيت صدرى للأيام مسارب للأمل والضى
بعد ماكنتى كل حياتى هسع ما بتمثلى شئ
فرصه سعيده كانت بيك عليك بتعرف احزانى
واعرف وين مقاس صبرى قوة عزمى وايمانى
وحات الله ما محزون على الراويهو شريانى
زمان اديتك المعدوم ووسدتك قليب حانى
ومنك مالقيت غير طعنه سكنت فى صميم اعضاى
وضرت ريدى ليك للريح وشدت للاماني قواى
وشقيت بين حروحى دروب ومن غدر الحبيب نجاى
وكت اظلم علي الكون وودع في النجم ضواى
رغم البي من احزان وكنتا علي الفرح هداى
والجرح البينتح جوه يطلع من صميمو غناى
ما القمريه رغم النبله وصوت الطلقه والحاحاى
مالى غناها عصرياتنا يوم ما خلت القوقاى
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: ها ناس تعالو لي اللحدثكم أنا ماني فاقد الجنى الدكتور هيل امريكا دا البقولو ياسين ود الأراك... عليك امان الله قطع تذكرتي ومشيت ليهو في بلاد الخوجات نازل من سلم الداهي الطيارة قرب اقع اكسر كراعي ما اتملص من المركوب وابحت عشان اجيبو دفرتني بنية لابسالا برنيطة وجمطة في بنطلون زي الرجال شكيتها على الله ودا كلو فيدرب كان انشد لي خبر من الجنى ياسين شي.
لقيت لي وليد ازيرق ظنيتو من بطانا السودانيين وقت لو آ جنى بتعرف الجنى ياسين شبكني وس وس وس عليك امان الله ما فهمته منو شي لكن ولدا عديل بالحيل قادني من يدي ووداني لمكتب بي هوناك شغال فوقو وليد من وليدتنا قال لي اهلو في بقعة المهدي أمدرمان ولدا عديل بالحيل جاب لي فطورن زين وقعد ضاحكتو شويّ قت لو ماعندكم بصل باقي نحن ما بناكل السمك من غير شطي وبصل بالليمون ..قام في سراعو جابن لي وبعدما شرب كباية الشاي وطبقّتها بالقهوي الميها خمج سعلتو من الجنى ياسين كان بعرفو شي قال لي والله ما بعرفو لكن نسأل منو المهم جاي جاي فضل معاهو في بيتو خمسة ايام كل يوم يمرق ويصد واقول لي والله ما لقى لو خبر بس وكت قطع العشم لميت هديماتي في الشنطي والجنى وداني لعند خشم باب الطيارة وبعدها رجع وتراني الليلة طبيت معاكم هنا ألا ما لقيت خبر من الدكتور وعلى اول من وصل فتح البوست كان ألقالو خبر سي هو ولا الولية ست البنات
دحين يا اخواني البنشد خبر أقول لي والله رويحتي دي دايري تمرق بوراهم مقلية قلي من الشوق ليهم
تحياتي وتقديري
خالد محجوب |
إنت يا خالد أخوي... جعلي مرخص في الشايقية نحن ماني عارفين ولة شنو؟؟؟
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
جعفر السقيد
البت تقول أصبر الأم تقول أصبر وابوها قال نصبر
جاها الغريب وعقد ما قالوا ليهو اصبر
علمتها وربيت إن شاءالله حسنه وأجر
ده زرعك الراويهو قوم لى حصادوا وصُر
ده ضلك الحارى يصبح رهين ويشُر
ورغم إنك آ المسكين ما خلو ليك صبر
وأنا ذاتى شن لى غير ليك أقول أصبر
انفرهدت يا داب تعجب نضاره يسُر
دابها هلاّ هلال قبل إكتمالها بدر
الكسوة والمصروف واجب عليك نزُر
وتلقى ما تلقى إن شاء الله تمشى تجر
الرجعة آخر الليل والقومة بدري فجُر
والريد مروة جان والعاشق آ بيفتُر
ما خافوا فيك الله وما قدروا أى عذُر
وكل البقولوا مُجاب ست الحسان تأمر
خيلك تجقلب حد وما تلقى أى شكر
استاذ خصوصى صباح وواحد يقري عصر
وتعبك على جيدها يلصف سلاسل ودر
يجي من دبي مختوم أصلى ومجمر وحُر
نكران جميل وجحود لو كنتا بتذكر
تمرنا لما يشيل وتكون صبايتو خُدر
يمسك يكنكش زين لا يقسى لا ينكر
ويقع براهو يحت أول ما يبقى تمر
من العليك والبيك رب العباد يستر
قدرك تقاسى الويل بيك الحبيب يغدر
وتعد نجوم الليل والدنيا لسه عصر
وتضيع أمانى رحاب حصاد سنين وعمر
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: يابانه مابتصلى السـحاب بالله لاتتطاولى
ايه الجنيتى بلا الخراب ليك كم سنين بتحاولى
قبال يرضرضك الزمن مش كان أخيرلك تسألى
وتعرفى سر قلبو الصبح من الندم صليان صلى
يابانه غشاهو الأمان خدعو المقام المخملى
ورغم الزمن وراكى وين لكنو قاسى تحصلى
|
عبد المجيد أخوي...
الشايقي من الزمن الجميل...
يا هلا بيك في حوش أهلك وأحبابك... شرفت ونورت... وجيتنا بالجمال والروعة...
عليك الله يا عبد المجيد شوف::
قبال يرضرضك الزمن مش كان أخيرلك تسألى
وتعرفى سر قلبو الصبح من الندم صليان صلى
شُفْت ليانْةَ القافية دي وحلاوتها زي السكر كيف؟؟!!!
أحييك أخوي وأحيي عبرك الشاعر المبدع خالد شقوري... حفظكما الله وخَدَّر ضرعاتْكم...
كميات مودتي...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: طارق جبريل)
|
بسم الله الرحمن الرحيم
سلام ياهلنا..
ابو الحسين يسال منك الخير يا ابن عمي..
خالد ود المحجوب تسال منك الصحه والعافيه..
عزيزتي ست البنات طولت مننا..انشاء الله المانع خير..
دكتورنا الغالي.. وبقية المدخليين والماريين..سلامات..
حســـــــــابي معــــــــــاك
................................
مـــــحـــــمــــد ســـفــلـــه
...................................
......................................
لاحسابي معـاك جد داير اصفي
وماني شمتان فيك لا قـــاصد التشفي
ماني قاصـــد حاجه غير دايرك تعرفي
ما بعود من تاني لو يبقي لهاك حرفي
ما بصدق قولك تاني اكان تحــلفي
ولو هواك حيـــاتي منها يدا طـرفي
ما مهـم ياغــادره تخلــفي ولا توفي
او تكوسي وصـــالي ولا تصدي تجـفي
الذمان القــاسي شــال من جوا ضعـفي
وقسي قلبي عليك خلا يقيف في صــفي
في الصحاري وراك كت ياغادره منفي
لما قرب بالعـذاب تحــلوبي تكـفي
الوداع شان انتي صنفك ماهو صنــفي
وماني عشمان تاني بحرك يذقي جرفي
لا تهبي رمـادو وجمــرك جوا مطفي
وتاني مروادك حرام فوقي اب تخــلفي
في الصحاري كــت وراك ياغادره منفي
السحـاب للفـرحه ســـاند فوقا كتفي
عنــدي هسه السمحه توزن زيــك الفي
ولو وهبـتلا روحي شايفا ما بتكـفي.
.................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
| Quote: خالد ود المحجوب تسال منك الصحه والعافيه.. |
Quote: وتراني الليلة طبيت معاكم هنا ألا ما لقيت خبر
من الدكتور وعلى اول من وصل فتح البوست كان ألقالو
خبر سي هو ولا الولية ست البنات
دحين يا اخواني البنشد خبر أقول لي والله رويحتي دي
دايري تمرق بوراهم مقلية قلي من الشوق ليهم |
Quote: الأحباب دكتور ياسين والاستاذ حاتم هاشم
سلام كتير يا أخوانا يغطيكم ويحفظكم في غربتكم
لكن آناس لا تطوّلو علينا الغيبة نحنّ برانا قلوبنا
الغربة عاملاها وزة ومي قاعدة فوق بكانة كنّا ساعلين وناشدين خبركم |
يا سلام عليك يا أخي وأستاذي خالد ينشد منك الخير اينما
حللت التحية لك ولاسرتك
مدووووووش شوية الأيام دي لكن متابع ابداعاتكم
دعوني احي أخانا عبد المجيد على متن هذه اللقدابة
التحية لأخوتي ابو الحسين وابوهاشم وشكراً على السؤال
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: طير المحنة
الفنان عبد الرحيم البركل
والشاعر الفاتح ابراهيم بشير
أهداء للمنسي وابوهاشم وابوالحسين وست الناس في غربتهم
|
ياسين أخوي...
صباحك هناء وسرور...
سألنا عليك كتير في غيبتك الفاتت... ورسلنا فوقك القَفَر خالد المنسي... تراهو جاب خبرك... لكن أنا قلت ليهم إنت الأيام دي مشغول بي شنو... بس مااااااسمعو كلامي قالو إلا يقفروك...
أها تراكا يا الحِبيِّب جيت وجرابك ملااااااااان... بي طير المحنة... حقيقة الأُغنية جميلة... وزايداها حلاوة... حلاوة الفاتح إبراهيم بشير في المقدمة دي...
كميات مودتي... وأبقى أظهر لا تغيب شئ... مع خالص تحياتي ومودتي... للأُسرة الكريمة...
أبو الحســــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
إخوتي الكرام...
عناية: خالد محجوب ود المنسي...
مساكم الله بالخير والرضا...
أهديكم مرثية الشاعر ود بادي العكودابي للراحل المقيم الإنسان الوطن إسماعين حسن (كامِلة)...
ارمي الدمعة فوق الدمعتين ياعين
بعد الليلة حابسها الدموع لي مين
نزيف الدنيا من حد البلد غربي
ونزيف الدنيا لاحد البلد شرقي
وجوم عامة الليالي العامره
كل الدنيا خاتة الخمسة فوق اتنين
رحيلك وجعة يا سماعين
رحيلك نجعة من دار الفرح والزين
رحيلك طعنة في لهات الحبى دريفين
رحيلك وقفة فوق درب العليك باكين
فيها نهاية المشوار وحد الفرحة والامال
وحد الفال وحد الزين
ارمي الدمعة فوق الدمعتين ياعين
ويعد الليلة حابسها الدموع لي مين
بعد نزلت سكاكين القدر
مسنونة ديل فوق ديل
وشربت من بكرينا المعتق
حالتو ياالداسنو من السيل
وياالمحزون وحرابنا متكلات قدامو
فوق مشنكسات الخيل
وياالداخرنو من زمن الحساب
شفعنا رابطين الحجر بالتيل
وفجاءة يجينا من طرف السماء مريسيل
ينعب فوق كلنكاكول غراب هابيل
ويبقي رحيل
رحيل كل الغيوم الهامعة متواسرات
رحيل كل الشهور العامرة بالخيرات
رحيل الطينة من طرف الجزر يومات
رحيل الخضرة قدام منجل الهدام جفاف وممات
رحيل البادية فوق برقا وراء نجيمات
رحيلك مو رحيل أفراد
رحيل اجيال
رحيل بلدا تمام وكمال
يا العرشت فوق نخل السواقي الشال
واتمددت فوق النيل من الشلال وللشلال
وياالهاجرت فوق ريش الرهو رحال
تظل مرسوم علي باب الليالي سؤال
بعد عشعشت في خاطر الغبش موال
واتبللت من الموية بين السعفة والبلال
بعد عرقك برق في ترابنا حد ما شال
واتمددت غادي وجاي يمين وشمال
بعد الحال
منو البقدر يجيب غربال يغربل روحك المدسوسة في الاجيال
وفي نفس الدغش مبثوثة في الشتلة ونداها السال
بعد الحال
منو البقدر يطاول حرفك المعقود
علي برقا حرير وهلال
مسطر فوق رقاب البرد
فوق الصخرة والتمثال
بعد الحال
رحيلك ياالمشرشر في مداخل الدنيا كالاوصال
رحيلك هزه في العقدة
ومجامع الروح كما الزلزال
ارمي الدمعة فوق الدمعتين ياعين
بعد اليلة حابساها الدموع لي مين
كتير من شاف ديارو العامرة
هاجت فوق درب وداي
كتير من عدا فوق درباً
بلا يوادع بلا يناشد كبار القوم وياخد راي
كتير ياعين
كتير الغابوا ماحضروا
وكتير الراحوا ما عادوا
وكتير البمشوا منو جاي
الا الناعي
عمرو الناعي ما طاف البلاد من جم
وتبكي طويرة الاحزان سنين وسنين
مصيرة تساسق المسكينة بين الباسا والباساي
ترفرف من سخاي لسخاي
وتسال عن صدور مغسولة بالدوباي
و تنزل فوق حلقات مجالس الشاي
تقول الشيخ وفي الشاشاي
تبل الريق من الدمع البيوشل من ارامل الحي
وتشرق بالرحيح في الردحه و الووب احي
وتمرق من محاري الناس تولول فيها جرس الصي
وتصرخ فايقة ياجلابة اقيفوا لي
وتسعل ضايقة ما شفتوه زولا لي
تضيع فرخاتا في المجهول
ويرحل من دريبا الضي
آه آه ياطويرة الاحزان
آه لو كان تعرفي البي
جرحك انتي صاب الريش
وجرحا لي مسافر في النسيج الحي
دريبي بعيد وحزني فريد
ومما رحل البلبل الغريد
بسرح في عيون الناس
بسـأل ولوسؤالي يفيد
كيف الدنيا تصبح دنيا
والصيد يبقي ياهوالصيد؟
مين يقدر ينضم عقود منقوشة
ترقد في حزوز الجيد
ومين يضفر كلام الريد
كلو جميل مصيرو يجي ومصيرو يفوت بلاتخليد
كتاب الكون يظل مقفول
بلا خاتمة بلا تمهيد
وحتي النيل مصيرو يكون مجرد موية شاقة البيد
منو البيقدر يجيب ليكم خباراتو
رقصة موجو في الشاطئ
رواويسو , حكاياتو
رقاد القمرة جنب النجمة فوق رملا مراياتو
ولما تغيب ينوم النيل موشح بعباياتو
وزي ما النيل يضيع في الدلتا يتلاشي ويموت مشلول
انحنا كمان تفيض امالنا
تضيع تنشره في ساحل المجهول
وا اسفاي
وا اســــــــــفاي
وا اسفاي علي حرفاً شمخ في الطول
وكيف الليلة في بطن التراب مسبول
حرام تبلينا يا ايام
حرام تملينا شوق وهيام
اتارينا بنشيل من حرفك الجواني يا سماعين
ونقعد في حواشي الحضرة وانت تكب علينا غمام
وماعارفين حروفك نازفة من شريان
من دم القليب الاصلو مابريان
لما شربنا لما طربنا واتلفتنا ما لقيناك يا انسان
وشفنا روحيتك الشفافة ركبت هودج الاحزان
محمل فوق جناج ملكين
ودربو علي مشارف الواحد الديان
قوايمو شقايق النخل الوقع حزنان
مضفور بي سعف يابس
مفرش بي كباد اماتنا والحبان
مزمل بي حبال صبرا فقدناهو زمان
مضلل بالدموع شرقان ........
عجيب ياهودج الاحزان
مواسم الهجرة ما حانت ولا زمن الرحيل قد حان
نسافر ليك وزادنا الشربه من بحر الحزن والاهه والحرمان
وداك اليوم كان وداع الهودج المتهادي
كان جامع رجلات الحضر والريف
طيور السافل المحزونة جات بي ليله
تاركةجناها للريج والمطر والزيف
وروح ترهاقه والعباسي وروح أبواتنا
وريحة الماضي كلها جات
ملوك شايق .. وقف شاويش
منكس بي حرابو واقف بي قفاهو تابعو شايل سيف
وبعد الليلة كل بنية تلبس فوق صديره اكليل
يكون مزروع فيهو قلب الشهيد
وانت شهيدنا يا سماعين
يا الله .. يا الله .. يا الله
بعد ما شلت اسماعين
وفات
معاهو باقي كلام وباقي حنين
يالله بعد الفجعة نظل شاكرين
نظل واقفين علي بابك معاي طلبين
يكون عبود مع ود توم كذا شاهدين
قدام قبر الولي سماعين
نظل واقفين
يوم الليلة والباكر
الي ماشئت يالله
الي يوم الفصل والدين
وداك اليوم يكون يومنا
ونقالد شيخنا سماعين
وداك اليوم يكون يومنا
ونقالد شيخنا إسماعين
وداك اليوم يكون يومنا
ونقالد شيخنا إسماعين...
رحم الله شيخنا إسماعين وأسكنه الفردوس الأعلى مع النبين والشهداء والصالحين... وحفظك الله يا العكودابي وصح لسانك وخضَّر الله ضُراعك يا الحَبيب...
قواسيب مودتي...
أبو الحســـــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
Quote: باقيلَك قلباً حنيِّن وطيب زي ستهِن دي يكون عندها أفكار زي دي!!!
لوووووووووووووووول!!! إن بقت عملتها...
ست البنات يا غالية...
غيابك طال كفاية تعالي...
عليك يا غالية بَحَّ سؤالي...
لك يا ود المنسي وللجميع مودتي... |
الحنين الزين السنجك أبوالحسين
مسّاك ربي بالخير ويعدل خطوّتك شقيش ما تقبل آ المبروك
اي بالحيل الحنينة ست البنيات ما بتسوي كدي لكن آ حوي مانّي لقيلا خبرن تب
يا الله الكريم في الدنيا كلّ مناي
تسمع ست البنيات كلامك السمح دا
فيها وتطل علينا تسعد ايامنا
عبر الأثير بكلامها الحلو المزاق
قول آمين
ست البنات سامعانا ......
والله مشتاقين كتيييييير
لك اخي ابوالحسين المودة والاحترام
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: الحبان
خالد ابوالحسين ابوهاشم ست الناس والزوار
سلام
لقد ارسل لي اخونا قيسان
Gessan
ايميل يقول انه مظهور بود كرم الله وطلب مني ارسال طرد من الأغاني
لذلك اسمحوا أن أضعها له هنا حتى يتمكن من سماعها وحفظها
|
والله لكن قيسان دا طماع خلااااااااس... يعني ماها واحدي ولة إتنين... طرد عديييييييل كدي... يستاهل قيسان وكل معجبي الفن الشايقي الأصيل...
أها يا د. ياسين أنا أصلي ما طلبت منك طلب... لكن من أمس في أُغنية معشعِشة في راسي دا...
تراني حلفت بي الله وتااااااااني بقول وحات الله...
وِكت السمحة في هيباتها تتجلى...
تشيل خطواتها في إيقاع حلات إيدينا في التلة...
تودي صديرة قدامها... تخلي سبيبها يتدلى...
وتخلي الدارة فوق نيرانها تتقلى...
للفنان عثمان اليمني...
إنت عارف الأُغنية دي أنا عندي في شريط كاسيت... وقاااعد أسمعها... لكن داير أكبر قدر من رواد الحوش دا يسمعوها... فيها كلمات (دَارَة) من النوع الجميل... وإيقاع راقص بي طريقة ما تتخيلها...
فعليك الله يا اخوي لو دي في جرابك نزلها لينا...
ولك مودتي... وتشكرات على طرد ود كرم الله وََصَل وقُمنا باللازم...
أبو الحســــــــــــين....
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
سلام عليكم ..
الف شكر اخونا yasiko على "الطرِد" ..
فطمبور ود كرم الله دا بيبسط الزول بالحيل ..
بالإضافة لي صوتو الجميل ..
وترتو سمحة ..ومخنوقة..
بعدين الاصابعين في العزف راااايقة ..
و"النفّاية"-مش إنتو برضو بتسموها كدي؟؟- النفاية كمان خاتية الشَـترة ..
والايقاع راسي ورزين ..متمهل زي الزمن الكان بغني فيهو داك ..ماهو جاري ..
دا طبعا كلو مع الكلمة البتوديك لي هنااااااك ..
الف تحية لود كرم الله ..
والف تحية برضو للجميع ..
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: أرمي الدمّعة فوق الدمّعتين يا عين
بعد الليله حابساها الدمّوع لي مين
على ما يبدو أن الشاعر أصيب في فقد عزيزين وقد يكونا والديه لذّا قال مخاطب العين التي رمت دمعتين من قبل ، أن تطّلق العنان للدموع تزرف اليوم على فراق سماعين ولسان حال الشاعر يقول مافضلي عزيز بعدو في شان ابكي علي وقد كان الساس والراس والسند والعقاب والدخري
نزيف الدنيا من حد البلد غربي
نزيف الدنيا لحد البلد شرقي
|
الله ينصر دينك يا إبن عمي...
إنت عارف يا أُستاذي... أنا لمن نزلت القصيدة دي... أكتر ما مشتهيهو تعليقك وتحليلاتك ليها... وهسع أنا في قمة الإستمتاع وأنت تماذج إبداعات ود بادي بي إضافاتك الجميلة لروح قصائده...
د. يس... تشكرات تشكرات على الهدية... وإن كان ما تقول لي طماع... تاني زانالي أُغنية في راسي... من النعام آدم... لكن أخليها طلب تاني...
الله يديكم العافي في عضيماتكم وإنشاء الله لمةً دايمي... وتقبل تحيات الحسـين العباس وأولاده... وعازمكم يوم السبت بي غادي في حوش التهنئة عندنا قراية مولد وبرَّاق...
إخوتي الكرام...
معليش أنا أكتب في هذه الرسالة وماني عارفها حا تمشي ولة عندها راي... الليلي من الصباح الإنترنِت عندنا حارن... فيااااااااااارب سترك معاي... ونتقابل يوم السبت لو ربنا حبس العوارض...
كميات مودتي... وأبقوا عشرة علي العقاب لامِن أجيكم...
أبو الحســــــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بدون تعليييييييييييييييييييييييييق
دعوة للاستماع الجيد والبكي
ربنا يغفركم وايانا
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: الأخ أبو الحسين
تحياتي
إرتدت هذا البوست أكثر من مرة في بداياته وبعدها وقفت على أعتابه أكثر منك ومن جميع المتداخلين وفي كل مرة كنت أرتد على عقبي دون أن أدخل أو أشارك وذلك لسببين أولهما خوفي من أن تقع عيناي على ما يسئ إلينا إذ أن بعض الإخوة سامحهم الله إمتهنوا الهجوم علينا والإساءة إلينا فما أن يأتي ذكر الحكومة أو الحرب حتي ينبري أحدهم ويكيل لنا الإساءة والإتهامات والتعميم الجائر... |
باشمهندس الزاكي... ود شيخنا ود الزاكي... (اللهم أرضى عن آل الزاكي)...
يا اخوي شرفت والله ونورت حوش الشايقية من جَمْ...
كدي الأرد ليك لي أولاً دي وأجيك بعدين لي ثانياً...
نحن يا اخوي في حوشنا دا... لا عندنا قضية بي حيكومات ولا سياسة... السياسة والخنِق والفطِّيس محلها بررررررررررة... نحن هنا بس دعوة للتوثيق لتراثنا السوداني الأصيل... كغيرنا ممن يوثقون لتراث إصولهم... ودعوتنا للجمال والحُب والمودة والصفاء والنقاء...
الدايرنا يا اخوي كدي... اليجينا... لكن الدايِر يصوط ويلخبِت مااااااااعندو مكان بيناتنا هني...
قصيدة شعر... رنة طنبور... قصة جميلة... توثيق لمجد تليد نسأل الله يغفر لمن أسسوه ويدي الصحة والعافي لمن سار على نهجهم...
والحوش حوش الجميع يا اخوي... مننننننننننن حلفا ليييييييييي نمولي... ومنننننننننن بورسودان (دي عشان الزاكياب الهناك) ليييييييي الجنينة...
ولك قواسيب مودتي... وأبقى قريب.. جاييك لي ثانياً...
أبو الحســــــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: موسى الحسين سيد أحمد)
|
أرمي الدمّعة فوق الدمعتين يا عين
بعد الليله حابساها الدموع لي مين
بعد ما نزلت سكاكين القدر
مسنونة ديل فوق ديل
وشربت من بكّرينا المعتق
وحالتو يا الداسنّو من السيل
ويا المخزّون
وجرباتّنا متكّلات قدّامو
فوقو مشنكّات الخيل
ويا الداخرنو من زمن التساب
وشفعنّا رابطين الحبل بالتيل
وفجأة يجينا من طرف السماء مرسيل
ينعي فوق كلنكاكول غراب هابيل
ويبقى رحيل
رحيل كل الغيوم الهامعّه متواترات
رحيل كل الشهور العامرة بالخيرات
رحيل الطينة من طرف الجزر يومات
رحيل الخدّرة قدّام منجل الهدّام جفاف وممات
رحيل البادية فوق برقن ورا نجيمات
رحيلك مو رحيل أفراد
رحيل أجيال
رحيل بلدّن تمام وكمال
يا العرشتّه فوق نخل السواقي الشال
واتمدتّه من الشلال وللشلال
ويا الهاجرتّه فوق ريش الرهو رحال
تظل مرسوم علي باب الليالي سؤال
بعد عشعشتّه في خاطر الغبش موال
اتبلبلته من المويه بين السعفة والبلال
بعد عرقّك برق في ترابنا حد ما شال
واتمددت غادي وجاي يمين وشمال
ويسترسل الفحل ود بادي في رثاء شيخه سماعين ود حسن وتحس كل كلمة في مرثيته مارقة من قليب موجوع حزين علي فراق استاذه وشيخة وابيه واخيه الأكبر نعم قد كان سماعين لودبادي كساري المولد في علوه ومقامه لذا ما ستغربنا أن يطلع هذا الرثاء الجميل الذي يحمل كل حرف فيه آنة ووجعة ودمعة.
الأبيات الثالثة الأولى في هذا المقطع ترجعنا ونيقن أن ودبادي أصيب قبل مصابه في سماعين في عزيزين وقلنا احتمال أن يكونا والديه ويثبّت ذلك أنه قال ( بعد نزلت سكاكين القدر مسنونة ديل فوق ديل ) اتعاقبت عليه المحن قبل موت شيخه سماعين.
البكري المعتق :: نقف أولاً في كلمة بكري ... والبكر من كل شئ هو أوله بكري الجبنّه وبكري النبيذ ... وكمان معتّق اي محفوظ من زمنن بعيد قد يطل لمئات السنين ( بالمناسبة أنا اسكن في هنقاريا في منطقة مشهور بتعتيق النبيذ مشهورة على كل مستوى اوروبا ويكمن ان اشرح كيف يعتّق بعد عصر العنب بنوعيه الأخضر والأحمر وكل واحد يعصّر لوحده ويعبأ وبعدها يكتب عليه تاريخ التعبئة ويحفظ ومكان الحفظ يكون في نقف في الجبل قد يتفاوت طوله حسب أمكانيات صاحبه اي قد يصل النفق لاكثر من كيلومتر وتوضع البراميل الخشبية أو الزجاج في رفوف .. وقد تجد بعض أنواع النبيذ عمرها اكثر من مئة سنة وكلما كان النبيذ قديم صار غالي )
مو اعتراض علي القدر ونعلم أنا شيخنا ود بادي راجل موحد ومتديّن ودا تب ماعندنا فيهو شك لكن المصاب كان اكبر .. بقول القدر جانا في الشي الداخرنو ومعتّق قديم وغالي علينا ومع اننا كنا عاملين حسابنا عليهو شديد وداسينو ونضارف عليهو وخاتنو في حدقات العيون لكن قدر الله أن وقع وما بتحجب مقدور.
من زمن التساب : سنة التساب هي السنة التي علا فيها منسوب نهر النيل وحتى الان يقارن بها في كل فيضان وكانت سنتن فاض فيها البحر في عام 1946 وحتى يومنا هذا يؤرخ بها ... ها زول الجنى دا مولود من سنة التساب. وسميت بهذا الأسم والله أعلم لانها قمحّت الناس الزارع الراعي وهدّمت بويتات الطين الني وما خلّت شي ومرقو الناس منها بيض.
في داك اليوم نفد عمير سماعين ونعاهو لنا غراب هابيل من قمة كلنكاكول وكان رحيله من دنيانا زي رحيل الغيموم المحملة وكل زول مأمل فيها ما تفوت بليدو لكن سحابها يمشي والعين تابعا.. الرحيل قد يكون بالخاطر لكن رحيل سماعين وتلك السحب ما كان بالخاطر فهي مسيّرة بأمر الجليل الرحمان .. بالله شوف كيف جمع ود بادي بي رحيل سماعين ورحيل تلك السحب وكذلك في الابيات التالية نجد انه شبه رحيله كرحيل الشهور العامرة وهي شهر رمضان وذو الحجة وهي اشهر يتضاعف فيها الأجر والثواب.. ورحيل الطينة من الجزر والبحر ينخر فيها يوماتي ويموص طينها لا من وتدوب في البحر ..كذلك كرحيل الخدرة أمام الجفاف .. رحيل البدو لامن اشوفو لن برق ضارب بعيد ويعرفو وين نازل ويشدو الرحيل شايلين مكان الروى لهم ولبهائمهم.
رحيلو كان رحيل كل الاجيال التي وثق لها تلك الفترة من اندادو شعراً وغناء وادب .. ذاك هو سماعين ود حسن القامة الشامخة شموخ القمر فينا والقريب مجرى الدم فينا سماعين البحر سماعين البادية سماعين القرية سماعين الرحيل سماعين الهجرة سماعين المحبة سمعاعين الصحرا سماعين الرملة.. الجرف الساقي.. النخلة .. السدرة .. الجبل .. الحوش .. البيت الكبير... الديوان .. الصفرة.. سماعين النمة الدوبيت الكلمة ... سماعين خلوة التلاوة وسجادة الصلاة سبحة الموحد هذا هو ما اراد قوله لنا ودبادي .
ولنا عودة
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: الرثاء ... يحلو لي أن اسميه باللهجّة السودانية البحتّه ( المناحّة ) أجد فيها المعنى يصبح أعمق عمق الفاجعة والكرب الذي يلم الناس بفقد عزيز كان أمس بينهم .
المناحة هي قصيدة يذكر فيها محاسن الميت وكان يحظو بها أعلام البلد أو المنطقة وقديماً كثر هذا الضرب من الشعر وكان في الغالب الأعم ينظم أبياتها النساء.
تنظم المناحة عادةً بعد الوفاة ولا تنشد ألا في أول مأتم يعقب موت الذي نظمت فيه، وجرت العادة قديماً بعد دفن الميت أن تقام ( النقارّه ).
وهي عادة فيها الكثير من الأعتراض على أمر الله وقضائه وقدره... فيها وفي شمشن تصر العين يتحزّمن النسوان كل واحدة كاربة توبها في وسطها مكشوفة منهاالجزء الأعلى كاشفة الرأس حافيات الأقدام والدموع نازلة شلال متحدّر بين في مجرى الشلوخ.. تعلق النقارّة في شعب والتي تضرب عليها تكون من المتخصّات في ضربها... في رمضاء تقلي الحبّه تجدن واقفات وتبدأ النقارة ومعها ترتفع النقمات في صورة منتظمة ( حي ووب حي ووب ... ووب حي ووب حي ) حتى تنخار الأجساد وتبح الأصوات عندها تنبري واحدة من أهل الميت الذي نظمت فيه المناحّة ويتم اختيارها على أن تكون جهورة الصوت .. وتبدأ في أنشاد المناحّة وفيها تعدد محاسن وأمجاد ميتها التي نظمت فيه من قبل.. بعدها تعاود النقارة من أول وجديد ( حي ووب حي ووب ... ووب حي ووب حي ) ثم تعاد المناحة مرة اخرى وهكذا إلى مغيب شمش ذاك اليوم.
هناك الكثير من المناحات المشهورة في تلك النطقة.
مناحّة بنونة بت المك نمر وهي ترثي آخاها عمارة وكان في موته قصة يقال أن عمارة كان في فارس في عصره وخاض ما خاض من معارك مع الجعليين وفي نهاية امره مات بمرض الجرب ومعروف قديماً كيف يعالج الجرب ... كانو يدلكو الجسم بالرماد في القروح الناجة من الجرب والحكّة.
قالت:
ماهو الفافنوس ماهو الغليد البوص
ود المك عريس خيلّن بجن عركوس
أحيّا علي سيفو البحد الروس
أن وردّن بجيك في أول الواردات
مرنن هو نشيط هن قبلّن شاردات
اسد بيش المرمش قمزّاتو مطبقات
وبرضع في ضرايع العنز الفاردات
ما دايره لك الميته أم رمادّن شح
دايراك يوم لَقى بدميّك تتوشح
الميت مسولب والعجاج إكتّح
أحيّا علي سيفو البسوي التح
القصيدة طويلة كدي نرجع لناحّة ود بادي في سماعين ود حسن
رحيلّك وجعّه يا سماعين
رحيلّك نجعّة من دار الفرح والزين
رحيلّك طعنّة في لهات الحبّى دريفين
رحيلّك وقفة فوق درب العلييك باكين
فيها نهاية المشوار وحد الفرحة والآمال
وحد الفال وحد الزين
وجعّة ... نجعّة ... طعنّة ... وقفّه ... نهاية مشوار ... حد للفال ...... لو تأملنا كل مفردة من السابقات أعلاه نجد كل واحدة تحمل في طياتّها الكثير من ألألآم
الوجعّة وماها وجيعت البطن لكن دي وجعي من نوع تاني فجعة القلب وحزن كل عصبة أحساس تولد تلك الوجعّة والتي يصحبها الكثير من العبرات وبالعامية السودانية ( أبكي بكى حرقّة لامن أتنخج ) وتلك الوجعي كانت يوم رحيل سماعين.
النجعّة وهي مفارقة الدار وعادة تكون دون رجعّة ولا تطوّل العودة للبلد ... يقال نجع اي فاق ومو معروف يعود ولا لا . والناجع اكيد نجع مجبور وخلا ورا دار أهلو دار الفرح والزين قاصد بلدن يلقى فيها ما دعاهو للنجوع ... ويظل فيها يتاورو الشوق والحنين للأهل والبلد وما بتهدالو وريحة.
طعنّة .. الطعنّة لما نسمعها نحس بالوخذة وشبه ود بادي رحيل سماعين كنو زي الطعنّة التي تلقاها الوليد اليا دوب درفين وشبّ في حب بنية لكن لم يوفق وجا أخو البنيات من السعودية وختفّها وراح
وقفّة .. والوقفّة هي تأمل وتمحيص لما يجري حولنا مع انشداها اي واقفين منشدهين ومن هم .. هم الباكين عليهو وحزنانين عليهو .
كذلك يوم رحيله كانت نهاية المشوار الطويل الذي مشاه سماعين من كان وليدن شافع وهو يتغنى ويطرب وينشد غناهو سارت به الركبان ... غناهو يواسي للحبان ... غناهو ياأنس الناجعين من بلاد الطيبة والأخوان وأجمل ماقال في هذا المقطع أن رحيله كان حد للفال وحد الزين وهنا نجد التورية الجميلة التي استخدمها ود بادي وهو معنى قريب وهو متبادر للزهن هو نهاية للزين والفرح والفال ومعنى بعيد وأن رحيله سوف يكون نهاية ولا تأتي بعدها دواوين شعر اخرى بعد دواوينه السابقة ومنها حد الزين يا سلام يا ود بادي يسلم فوك ونحب فيك ذاك الغوص في عمق الكلمات
ولنا عودة
خالد محجوب
|
قمة الإستمتاع ما يصل ليها حد يا أُستاذي خالد...
وفي انتظار لنا عودة دي...
كميات مودتي...
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
كتب طارق جبريل... Quote: الحبان كيفنكم
بالله يا جماعة لو في واحد فيكم عندو اغنية:
آه يا خلايا فجولي ألشوفا
بتاعة محمد كرم الله ينزلها لينا هنا
اكيد د. يس ما بيعدم |
الحِبيِّب طارق...
والله عرفت تطلب وعرفت البي يجيبلك الأُغنية...
د. يس... التحايا النواضر لك من إخوتك جمعية الأراك بالدمام...
أمس كنا مجتمعين في منزل عامر الأقرع... بإسكان الدمام عاملين برنامج للعريس محمد حسن أحمد (البشراب) جايي عريس من السودان... إتزوج بت جمال الدين إبراهيم وحفلتو كانت بطارق العوض وعبد الحكم الأراك... وقائد الكُورس الأُستاذ/ عبود علي عبد الرحيم وأحمد الماحي... وكان يوم جميل ورااااااااائع يفتقدكم يا الحِبان... وكل الإخوة هناك بيسلمو عليك كتير السلام هاشم حسن أحمد (البشراب)، أحمد حسن أحمد (الحوشاب)، أنور الشبلي (السالماب)، عادل بابكر (الزغولة)، عاطف بابكر (الزغولة)، بكري عبد اللطيف (الضيقة)، أحمد أبو شوك (الضيقة) أُستاذ/ النور أبو زيد (الضيقة) عامر الأقرع (الحجير) راشد عبد الماجد (الكرفاب) عبد الحفيظ جيني (البار)، مجدي أحمد عثمان (الضيقة)، محمد حسن أحمد (العريس)، عبد الحق السر (أُوسلي)وباشمهندس الزاكي الذي شرفتنا زيارته أمس مع شخصي من الأراك ـ المقل...
الأسماء والمناطق دي لزوم أكاويك...
وكلللللللهم يغروك التحايا ويباركوليك المولود ود شيخنا... مع دعواتهم ليك بالصحة والعافية...
كميات مودتي...
أبو الحســــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: أبو الحسين
يسعد صباحك آآيابا
حاجز لي طوبةً كبيري هنا
وبجيك صاد برواااااااقة
عمران ود حسن ود صالح الحوشابي |
الحِبيِّب عِمران...
يا اخوي طوبة شنو؟؟؟ إنقايي شويي عليك...
أمسك الفَدان التالا كَرْو ساقية ود منصوري داك... لزوم قدومك الطيب لي حوشنا المفرهِد بي وجودك معانا...
أها يا عِمران... من حوشاب مروي ولة أب دوووووووووم... ولة من حوشاب الأرااااااااااااك؟؟؟
مودتي... والتحية عبرك لكل أهلنا الحوشاب على إمتداد الدنيا منننننننننن الأراك مروراً بي مروي وأب دوم لييييييييييي حجر العسل وود حامد...
أبو الحســـــــين...
| |
|
|
|
|
|
|
|
|
 Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
أرمي الدمّعة فوق الدمعتين يا عين
بعد الليله حابساها الدموع لي مين
بعد ما نزلت سكاكين القدر
مسنونة ديل فوق ديل
وشربت من بكّرينا المعتق
وحالتو يا الداسنّو من السيل
ويا المخزّون
وجرباتّنا متكّلات قدّامو
فوقو مشنكّات الخيل
ويا الداخرنو من زمن التساب
وشفعنّا رابطين الحبل بالتيل
وفجأة يجينا من طرف السماء مرسيل
ينعي فوق كلنكاكول غراب هابيل
ويبقى رحيل
رحيل كل الغيوم الهامعّه متواترات
رحيل كل الشهور العامرة بالخيرات
رحيل الطينة من طرف الجزر يومات
رحيل الخدّرة قدّام منجل الهدّام جفاف وممات
رحيل البادية فوق برقن ورا نجيمات
رحيلك مو رحيل أفراد
رحيل أجيال
رحيل بلدّن تمام وكمال
يا العرشتّه فوق نخل السواقي الشال
واتمدتّه من الشلال وللشلال
ويا الهاجرتّه فوق ريش الرهو رحال
تظل مرسوم علي باب الليالي سؤال
بعد عشعشتّه في خاطر الغبش موال
اتبلبلته من المويه بين السعفة والبلال
بعد عرقّك برق في ترابنا حد ما شال
واتمددت غادي وجاي يمين وشمال
ويسترسل الفحل ود بادي في رثاء شيخه سماعين ود حسن في كل كلمة في مرثيته مارقة وطالعة من قليب موجوع حزين مفجوع علي فراق استاذه وشيخة وابيه واخيه الأكبر، نعم قد كان سماعين لودبادي كساري المولد في علوه ومقامه لذا ما استغربنا أن يطلع هذا الرثاء الجميل الذي يحمل كل حرف فيه آنة ووجعة ودمعة.
الأبيات الثالثة الأولى في هذا المقطع ترجّعنا لما قلنا ونيقن أن ودبادي أصيب قبل مصابه في سماعين في عزيزين وقلنا احتمال أن يكونا والديه ويثبّت ذلك أنه قال ( بعد نزلت سكاكين القدر مسنونة ديل فوق ديل ) اتعاقبت عليه المحن قبل موت شيخه سماعين.
البكري المعتق :: نقف أولاً في كلمة بكري ... والبكر من كل شئ هو أوله بكري الجبنّه وبكري النبيذ ... وكمان معتّق اي محفوظ من زمنن بعيد قد يطل لمئات السنين ( بالمناسبة أنا اسكن في هنقاريا في منطقة مشهور بتعتيق النبيذ مشهورة على كل مستوى اوروبا ويكمن ان اشرح كيف يعتّق بعد عصر العنب بنوعيه الأخضر والأحمر وكل واحد يعصّر لوحده ويعبأ وبعدها يكتب عليه تاريخ التعبئة ويحفظ ومكان الحفظ يكون في نقف في الجبل قد يتفاوت طوله حسب أمكانيات صاحبه اي قد يصل النفق لاكثر من كيلومتر وتوضع البراميل الخشبية أو الزجاج في رفوف .. وقد تجد بعض أنواع النبيذ عمرها اكثر من مئة سنة وكلما كان النبيذ قديم صار غالي )
مو اعتراض علي القدر ونعلم أنا شيخنا ود بادي راجل موحد ومتديّن ودا تب ماعندنا فيهو شك لكن المصاب كان اكبر .. بقول القدر جانا في الشي الداخرنو ومعتّق قديم وغالي علينا ومع اننا كنا عاملين حسابنا عليهو شديد وداسينو ونضارف عليهو وخاتنو في حدقات العيون لكن قدر الله أن وقع وما بتحجب مقدور وهكذا سنة الحياة.
من زمن التساب : سنة التساب هي السنة التي علا فيها منسوب نهر النيل وحتى الان يقارن بها في كل فيضان وكانت سنتن فاض فيها البحر في عام 1946 وحتى يومنا هذا يؤرخ بها ... ها زول الجنى دا مولود من سنة التساب. وسميت بهذا الأسم والله أعلم لانها قمحّت الناس الزارع الراعي وهدّمت بويتات الطين الني وما خلّت شي ومرقو الناس منها بيض.
في داك اليوم نفد عمير سماعين ونعاهو لنا غراب هابيل من قمة كلنكاكول وكان رحيله من دنيانا زي رحيل الغيموم المحملة وكل زول مأمل فيها ما تفوت بليدو لكن سحابها يمشي والعين تابعا.. الرحيل قد يكون بالخاطر لكن رحيل سماعين وتلك السحب ما كان بالخاطر فهي مسيّرة بأمر الجليل الرحمان .. بالله شوف كيف جمع ود بادي بي رحيل سماعين ورحيل تلك السحب وكذلك في الابيات التالية نجد انه شبه رحيله كرحيل الشهور العامرة وهي شهر رمضان وذو الحجة وهي اشهر يتضاعف فيها الأجر والثواب.. ورحيل الطينة من الجزر والبحر ينخر فيها يوماتي ويموص طينتها لا من وتدوب في البحر ..كذلك كرحيل الخدرة أمام الجفاف .. رحيل البدو لامن اشوفو لن برق ضارب بعيد ويعرفو وين نازل ويشدو الرحيل شايلين مكان الروى لهم ولبهائمهم.
رحيلو كان رحيل كل الاجيال التي وثق لها وتغنى لها في تلك الفترة من اندادو شعراً وغناء وادب .. ذاك هو سماعين ود حسن القامة الشامخة شموخ القمر فينا والقريب مجرى الدم فينا سماعين البحر سماعين البادية سماعين القرية سماعين الرحيل سماعين الهجرة سماعين المحبة سمعاعين الصحرا سماعين الرملة.. الجرف الساقي.. النخلة .. السدرة .. الجبل .. الحوش .. البيت الكبير... الديوان .. الصفرة.. سماعين النمة الدوبيت الكلمة ... سماعين خلوة التلاوة وسجادة الصلاة سبحة الموحد هذا هو ما اراد قوله لنا ودبادي .
ولنا عودة
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: خالد علي محجوب المنسي)
|
الحبان ذوي الفضل سلام عليكم وكيف حالكم
أولاً أأسف أن الموضوع نزل مرتين كان هناك عطل في الصفحة لذا كنت أحاول
وهذا العطل حصل للمرة الثانية على ما أذكر في الصفحة الرابعة أيضاً
بعدين والله يا ابوالحسين ودكتور ياسين موضوع غياب ست البنات دا مو عادي دحين أعقبو البنية دي شوفها أنا والله فتر من السفر .. داكي الليلة لما مشيت ناشد خبر الدكتور الفتري الدخلّت فوقي لليلة مامرقت عليكم أمان الله أم أحمد كل يوم تمشق لي ضهري بزيت سمسم وقرض والحال في حالو ... ات يا ابوالحسين خفيف اتحرك وفتش البنية دي .. الدكتور ما بخلي مشاهد الوليدات واسافر.
لكم خاص مودتي وتقديري
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: بعدين والله يا ابوالحسين ودكتور ياسين موضوع غياب ست البنات دا مو عادي دحين أعقبو البنية دي شوفها أنا والله فتر من السفر .. داكي الليلة لما مشيت ناشد خبر الدكتور الفتري الدخلّت فوقي لليلة مامرقت عليكم أمان الله أم أحمد كل يوم تمشق لي ضهري بزيت سمسم وقرض والحال في حالو ... ات يا ابوالحسين خفيف اتحرك وفتش البنية دي .. الدكتور ما بخلي مشاهد الوليدات واسافر.
لكم خاص مودتي وتقديري
خالد محجوب |
الحِبيِّب خالد...
تسأل منك العافي يا اخوي...
إنت عارف أها بس من دربي دا... مسرج حماري وخافس علي تنقاسي... ست البنات هيني ولة ليني هي؟؟؟ لكن البت دي يبقى لي بي عليكم كدي من لا بحري... عشان كدي يا اخواننا قلنا ليكم نشطو نظام التعارف في البوست دا... هسع كان عندها تليفون ولة شئ كان ضربنا أترناها وين؟؟؟
عساها بخير وعافية... وإنشاء الله بكرة تعود وتنور اللقدابة...
كميات مودتي... ومستمتع حد الإستمتاع ما يصل ليهو حد من تحليلك لي قصيدة أرمي الدمعة فوق الدمعتين يا عين... واصل الله يخدر ضراعك...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
بسم الله الرحمن الرحيم
سلام ياهلنا..
خليتك لى ضميرك
..................
غناء المبدع...جعفر السقيد
...........................
..................................................................
مانى نادم كان هجرتا هواك نسيتو
اصلى من فارق دريبك المنام يادوب لقيتو
مالى مال أرهن قليبى تجرحى وتحلف تبيتو
ويبقى بين إيديك مسافر لا وصل لا لمّ بيتو
الوداع يا قاسى فى عينيك قريتو
خلنى اتوكل الله عمرى انا الضايع عفيتو
خليتك لى ضميرك شكيتك للأقوى منى
قلبك ماعرف غيرى حرام يا الخيبتى ظنى
نذرتا عشانك شبابى صبابه ولوعه وتمنى
وقدر ما مديت صبرى وقدر مازاد التجنى
اشوفك افرش قليبى تغيبى امنح واغنى
اغنى الوجع البولقد جحيمو يبق ما يونى
كتيره على إنى احلم بقيت من البى كأنى
سليل الهم والشقاوة وجنا الاحزان بالتبنى
معلقه شوقى فى باكر متين ياباكر تصلنى
زمانى معاك وعلى كفاى على ماتحنى
جحودا يا فجرى غبتى وكمان اتخليتى عنى
حقنتا الريد فى وريدى وبقيت فوق نارى مستنى
زمان يلهمنى افرح يخضر بالبهجة فنى
ويعيد أيامى الخوالى قبل ما يضربنى جنى
حليلى بقيت لما اشوفك اقالد روحى واهنى
أدوب اتفجر غناوى اخاف الفرحة تكتلنى
احاول يا روحى قربك على بى قربك تضنى
دموع الدم منى تنزل تخضب ايدينى حنى
قليبى حلف لايبدل هواك لا بعدك يتنى
كفاى من الريده إنك هويتك وقلبك خذلنى
رضيت بالقسمه فى ريدك قسمتى الله يمتحنى
احبك ومنك اتيقن يقان ابليس من الجنى .
.....................................................
حاتم هاشم.
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
| Quote: عشان كدي يا اخواننا قلنا ليكم نشطو نظام التعارف في البوست دا... هسع كان عندها تليفون ولة شئ كان ضربنا أترناها وين؟؟؟ |
السنجك ابوالحسن مسّاك الله بالخير أها آزول أنا ببدأ ليك
خالد علي محجوب محمد ابراهيم محمد خير ابراهيم علي
شندي .... شندي فوق .. مربع 8
أعمل في كوسوفا في العاصمة بريشتينا
مدير لمكتب اللجنة الكويتية المشتركة للإغاثة
تلفوني 0037744185504
الأقامة الدائمة في المجر
khalid Mahgoub
mandulas u.11
sarospatak 3950
Hungary
Tel: 003647311782
لك تحياتي ومودتي
خالد محجوب
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
| Quote: خالد علي محجوب محمد ابراهيم محمد خير ابراهيم علي |
يا خالد أخوي نحن دايرين نطلع ليك جنسيي؟؟؟!!!
كان شويي تواصل لا قِدام تجيب لينا جدك إبراهيم جعل ......... لاعِن تصل حبر الأُمة عبد الله بن العباس بن عبد المطلب بن هاشم!!!
سعدنا بي عنوانك... بس الله لا غيبك... أمااااااااني ماب نقدر نجيبك...
يلة يا شباب الدعوة مفتوحة للتعارف... عشان لو لا قدر الله الغيبة حصلت نطمئن عليكم...
كميات مودتي...
أبو الحســـــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
| Quote: Enjoy this video again in other format |
د. يس... الله يرضى عليك... والله اليوم الأُغنية دي عملت عمايل أسكت ساكت...
كان شفتني قاشر بيها وأهدي فيها لكل العزابة محل ما كانو... وناسي نفسي شُفت الغبا دا...!!!
عليك الله شُفت البارِك في ا للدليب دا... ولة بتاع الطبلة... ولة الكورس... ولة بلاص ذااااااتو منهمك في الأُغنية دي بكل حواسو... ولة الناس البي يجو ياخدو الشبال...
غايتو كرنفال فرح... الله يفرح أيامك يا أبا سامي...
وإنشاء الله بكرة كل الإخوة مدعوين عندي هنا... قراية المولد لإبننا سامي ولد الحِبيِّب د. يس محمد ياسين...
كميات مودتي...
أبو الحســـــــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
Quote: ودا حال الدنيا مما خلقنّا وشفنا خلقنا.. كتير فارق وطشة من دارو وساب أولادو والوالدين والجيران وناس الحي ... ما الزمان أنقصدّنا وفي البلاد شتت عددنا.... كتير من هاجر مع القمري والسمبر نص الليل بلا يوادع وبلا يشاور وياخد الراي .. وناس فاتت ومارجعّت وناس تفوت وتعود ولكن عمرنا ما شفنا الناعي حامل الخبر يطوف في كل البلد ناعي لأحد كما نعى سماعين يوم رحيلو
ولنا عودة |
أها فَدْ حكِّيرة بي كِوِّيعتها... وفي الإنتظار...
وليك علي... أول ما تخلص تحليل القصيدة دي... قبُل تشيل نفسك تلقى أُختها وراها!!
كميات مودتي... والله يخدِّر ضُراعك يا اخوي...
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
الحِبان الكرام...
أهديكم الجزء الثاني من قصة حُمَّد أحمد التمرجي... للكاتب الرائع عبد العظيم الطاهر...
الجزء الثاني
مشى باع العّز في السوق وجاب القريشات لى أبوهو وجاء ... فضَّل للسفر كم يوم كدي ... أبوهو ساقو قطع لو جلابيي اللت دبلان , وعراقيين اللات دَمُوريي بى سراويلن , وأدوهن للترزي , وأخد لو جزمة باتا بيضاء , وطاقيي حمراء ... وحمد احمد مكوزم ماد تلاليشو , مااااااهو راضي بالسفر ده شي ... عمرو ما عدا من كريمي لا غادي ... زمااان قبّال يعرف كريمي والمشي ليها .. كان حِرِد مع أبوهو مرة , مسك التحتانيي بالبحر بى كرعيهو ومرقها في الحامداب , مشى قعد لو مع ناس هناك ... , وبقوا يكوسوا فيهو بى هِنِي ما خلولن بكان , وأمو وأخواتو بى بكياتن , بس قلبنَّها مناحة عديل , وخيلانو وأعمامو بالنَبِيشِي أكلوا لحم أبوهو .. ما خلوا لو صَفِحْةً يرقد عليها , واقع في الشِنّيف والهَرَجِي كل يوم ...نامن قرب يطفش حتى هو ... خسوساً واحداً في خيلانو , مسمنو المَكَاجِر ... إضنيهو مفندرات بتل الطانجة اللت اللحم , نضَّام نَضَمِيّاً , تقول مَحَنِّكِنُّو في الاذاعة اللت أم درمان زي ما قاعد يقول لو هو ... يجي يكوس الوَنَسِي مع الناس و الناس ويشردوا منو ... ماب يخلي لو زولاً ينضم معاهو ضمّه ... إن بقيت نعست وقعدت تنشهق لو آب يفكك ... وإن بقيت نمت عديييل فوق كتفو يهزك يصحيك وينضم معاك ... منجض ناس الحِلِّي نجاض ... ود حُمدين مرة قال لو : ناس الحيكومة ديل مالن آب يشغلوك معاهن ..؟
على التَعَتِّر يوم من الليام ... عوض الله ود أب كرُّوقة ...شدّا حمارو على الحامداب ... ماشي يتَمِّنْ لو شوالات اللات حَرْجَلْ وشَمَار , يجي يبيعن للتجار هني في البلد , يتمكسب فيهن , حايم في السواقي اللت الحامداب ... بلا لقى لك حُمّد إحمد بارك لو في حيضان يحش في القش ... لكدو بالعصا فوق قفاهو براااحه ... حمد أحمد اتلفت قال لو هَي هَي :- حتى أنت جيت في بكان السفر ..؟ قايل نفسو سافر مرقها في بلداً طيرا عجمي وهي المسافة كلها ساعتين بالحمار , بس مافي زولاً قايلو يقبّل على الجيهي ديك ... كراهو من قفا وركبو في الحمار جابو صاد لى أهلو ... اليوم داك أمو ضبحت لها عَنَاق وقسمتها للحيران في الخلوة ...
وإلى أن ألقاكم في الجزء الثالث أترككم في رعاية الله وحفظه...
كميات مودتي...
أبو الحســــــــين...
| |
|
|
|
|
|
|
|
|
|
Re: الشـــــــــــــايقية... ماضيهم المُشرق... حاضِرهم الأخضر... ومستقبلهم الواعد... (Re: أبو الحسين)
|
وتبكي طويرة الأحزان سنين وسنين
مصيرة تساسق المسكّينة
بين الباسا والباساي
ترفّرف من سخاي لسخاي
وتسأل عن صدور مغسولّه بالدوباي
وتنزل فوق حلقات مجالس الشاي
وفوق حلقات أبوي الشيخ
وفي الشاشاي
تبل الريق من الدمع البيوشل
من أرامل الحي
وتمرق من محاري الناس
تولول فيها جرس الصي
وتصرخ فايقه يا جلابة أقيفوا لي
وتسعل ضايقه ما شفتوهو زولن لي
تضيع صرخاتها في المجهول
ويرحل من دريبا الضي
آه آه يا طويرة الأحزان
جرحك أنت صاب الريش
وجرحن لي مسافر في النسيج الحي
دريبي بعيد وحزني فريد
ومما رحل البلبل الغريد
بسرح في عيون الناس
وبسأل لو سؤالي يفيد
كيف الدنيا تصبح دنيا
والصيد يبقى ياهو الصيد
ومين يقدّر ينضم عقود منقوشّه
ترقد فوق حزوز الجيد
ومين يضفر كلام الريد
كلو جميل مصيرو يجي
ومصيرو يفوت بلا تخليد
كتاب الكون يظل مقفول
بلا خاتمة وبلا تمهيد
وحتى النيل مصيرو
يكون مجرد موية شاقّه البيد
رحل يا شما أبوك وقفا خلا الدور
وأنحلا النظام الكان زمان معمور
بوجود ناس أبوك قبل العبوس ما تدور
أنهدا الجبل وتكشّف المستور
يواصل شاعرنا الفحل في بكاء ورثاء سماعين ود حسن أطلق لخياله العنان ومن شدة حزنو بقى يشوف كل الكون حولو حزين الحجر الجبل المطر الشدر الطير.
طويرة الأحزان انفطر قليبها وبقت مشدوها ومي عارفة شن بتسو تساسق جاي وجاي وتنزل في مجالس الشاي وفي حلقات الذكر وهي بتحاول تواسي نفيسها بين الارامل المفجوعات في فقد عزيزن ليهن
أعجبني كتير هذا المقطع ( الدمع البيوشل ) اي النازل باستمرار
وتتساءل الطويرة المسكينة علها تجد جوب يشفي الروح ... هي حاسة بالفقد لكن ماقادرة تستوعب القدر الوقع بموت سماعين ومازالت بتسعل ما شفتوها يا جلابة هي ما شفتو زولي الكان يغرد يحكاي لي سكت صوتو وما سامعا وينو زولي حي وينو .. ويضيع صراخها وما تلقى جواب يفش حزنا
يرد بادي يقولها وقليبو موجوع بآها وحُرقة محزونة يا طويرة الأحزان مو غابني حزنك علي سماعين لكن شن جاب حزنك لي أحزانا وكان حزنك بقالك جرح وصاب الريش نحن حزنا صاب شيتن مهوّل في النسيج الحي .
ثم عرج يصف حزنه بعد فراق سماعين وكيف أصبح حالو بعدو .. اصبح هايم مسافر من سخاي لسخاي ويعاين في عيون الخلق كان يلقى جواب وهو عارف الرد أن الدنيا صبحت ما دنياهو البعرفها والصيد اي البنيات الغنى فيهن سماعين ما صبحن هن ودحين بعد سماعين ما فات وخلانا منو البقدر يقول لينا شعرا زي شعرو شعر كما العقيد منضوم وراقد في رقيبة السمحة في البنوت ..
المقطع الأخير كان بمثابة حكم أفردها لنا وليد بادي
أنو كل جميل فايت وكانو أهلنا لما يموت الجنى القارح أقول لك أصلو من يومو جنى فراق سماعين نقش بدمه شعراً في صفحات الكون وما زال الكتاب فاتح لمن يعقب ويسجل لم يختم
النيل يعني الكثير فهو الحياة كلها ... مرتع العشاق .... جالب الخير .... ومعشعش في نفوس الناس وحب أن يقول لنا ود بادي عله يخفف مما عليه من حزن على فراق سماعين.. حتى النيل مصيرو يوم أموت وموت النيل ختاهو لينا أن يجهل من حوله معاناهو الذي عرفوه أجدادنا وآبانا ويصبح مجرد مويه شاقة البيد.
ولنا عودة
خالد محجوب
| |
|
|
|
|
|
|
| |
خالد علي محجوب المنسي
عماد شمت
ست البنات
حاتم هاشم
أبو الحسين
ماجدة عوض خوجلى
yasiko
طارق جبريل
gessan
nile1
عمران حسن صالح
فيس بوك
تويتر
انستقرام
يوتيوب
بنتيريست