|
|
 أخي حميدة (Re: humida)
|
Quote: وين المناحي الشخصية يا لنا ..
يا عزيزتي كونك لا تفهمي ما اكتب ..
دي مشكلتك .. |
ومشكلتك أنك تكتب ما لم يمكنني فهمه،بدليل إنني (عادة) ما أفهم كتابات المداخلين و أصحاب البوستات..إذن واجبك تفهمني..مش كدة؟
Quote: عارفة يا لنا ..
انتو مشكلتكم عندكم رموز كدا .. لو كانت علي صواب ولا علي خطا لازم الناس تصفق ليها .. |
الغريبة يا حميدة يا أخي حشرتني في زمرة لست منهم بدليل رأيي في هذا البوست قبل مداخلتي ل(عمي)يوسف الموصلي..يبدو أنك لم تقرأه و افترضت ما افترضت بناءاً على قالب ثابت لديك
Quote: لمن الناس تناقش ليها موضوع عام .. وتجي يا لنا تغيري عنوان الرد الي عمي يوسف ..
بجي واقول ليك يا لنا مهدي .. ما تنحي بينا مناحي شخصية ..
عمك يوسف دي في مكان تاني .. في الحلة في البيت في القطر .. |
طيب هنا يتخاطب الأعضاء بأخي الحبيب و أختي الحبيبة..وإبني الحبيب و إبنتي الحبيبة..لم لم تحتج؟لم لم تعتبر أنهم ينبغي أن يتخاطبوا كذلك فقط في البيت و الحلة وفي القطر؟؟
Quote: هنا كما ارتضى الموصلي لنفسه .. شخصية عامة ..
تتقبل اي حاجة ..
حتي لو حدفناهو بالطوب علي قولة المصريين .. |
فهمك للتعاطي مع الشخصية العامة يا حميدة أخي مغلوط شويتين
في فرق شاسع بين تناول الأداء و تناول صاحب الأداء
| Quote: ذي الكلام بتاعك دا هو البدخلنا في الامور الشخصية ..!! |
أبداً و الله..لكن يبدو إنك ليس لديك استعداد لسماع من يقول لك رأياً مخالفاً لرأيك،
وحتى لا يصبح الموضوع سجالاً لك العتبى لو اعتبرت أنا أن من حقي توجيه كلام لك و هو ليس من حقي
لنا
| |
 
|
|
|
|
|
|
|
|
Re: أخي حميدة (Re: lana mahdi)
|
لنا مهدي ..
شكرا علي وكتك والله ..
بالمناسبة انا بتأثر عاطفيا ووجدانيا مع كل زول يهتم بالرد علي ..
والدليل أهو كل ما اقول اقوم امشي اتغدا يجيني الموصلي يرد علي ..
اقوم اُستفز وجدانيا و ارد عليهو ..
بس هسع انا ما داير ارد عليك ..
وحأعتبر انه كلامك صاح ..
عشان أمارس فضيلة الرجوع عن الخطأ ...
بس انتي انشاء الله تكوني مقتنعة بالقلتيهو ..
ودي القيمة المهمة ..
شكرا .. فكرتك وصلت ..
| |
|
|
|
|
|
|
|
|
|
شكراً أخي حميدة (Re: humida)
|
شكري وامتناني لك أخي الحبيب حميدة على ردك الضافي والمقدر عندي و نعم أنا مقتنعة بالذي قلت وكلنا يجب أن نراجع أنفسنا فلا كامل إلا الله.
يللا اتفضل غداء الهنا
محبتي و تقديري
لنا
| |
|
|
|
|
|
|
|
|
|
Re: شكراً أخي حميدة (Re: lana mahdi)
|
والله يا لنا .. بالغتي ..
هسع ردك السمح دا عشان تطلعينا نحن عواليق مش كدا ..
الناس منفعلة .. ومتشعلقين في رقبة الموصلي ..
وطوب وصوت عجلات .. ودبابات صلاح الدين ..
وتجي تقول لي يا أخى الحبيب ..
نحن ما قلنا الكلام دا في القطر ما هنا ..!!
الله يديني طولة بالك دي
ومشيها لينا المرة دي .. !!
| |
|
|
|
|
|
|
|
|
|
Re: عمي يوسف (Re: humida)
|
هكذا تدار الامور ياسودان في بلادي ومن ابناء بلادي المصالح المشتركه وكل من هو مقرب الليك حتي في المنابر قد تجد شخصيات معينه في البوست ده يدق وده يخلف ليه لذلك مساله شروق لايستطيع ان يفتي فيه احد لانها لم تبلغ النضج الفني الا مجرد اراء مستمعين ولان المستمعين مختلفين في الراي فكل له زوقه ومساله التبني مساله مشروعه وكل زول وامكانياته وعلاقه مع المجتمع والتحيه والشكر الدكتور للجراه والقوه للتبني الواضح انك استخدمت فيه كل علاقاتك في كل المجالات للوصول السريع .....ولي عوده
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
| Quote: وانا عافي منك لله والرسول |
ايوه دي أهم حاجة في الموضوع ..
انا زاتي عافي منك لله و الرسول ..
الحتة البتكلم فيها يا موصلي ..
واحتمال ما قدرت اوصلها ليك بصورة صحيحة ..
او انت مع جو التشنج العام دا ما قدرت تفهمها صاح ..
انه ..
| Quote: حرصي على السفر دافعه حرصي على اعمالى الموسيقية |
دي الحتة البتكلم فيها بالتحديد ..
انه في شخصيات بتستغل حوجة المبدع السوداني لارضاء شهوة الظهور عندها ..
وبدون لف ولا دوران انا قاصد معز عمر بخيت ..
والزاد الطين بلة يا موصلي .. قراءتي لمداخلاتك في بوست نشأت الامام ..
من كلامك علمت ان المشروع كله من الاساس كان فكرتك انت ..
لمن يجيني زول ذي الموصلي يقول لي اصبر علي الصوت دا .. بحترم العلم ..
وبقول امكن الاستاذ عنده رؤية آخرى ..
انت بنفسك جيت انتقدت البروف معز في هذا البوست ..
ما عارفك جريت واطي مالك ..
وقلت انه الاعلام الزائد من البروف اضر بمسيرة شروق ..
بس ما قدرت استوعب التناقض في كلامك ..
اذا اخدت موقف ثابت من الاول .. صدقني ما كان اديتنا فرصة نقول الكلام دا كلو ..
واساس البوست دا .. كيف تتجاوز شروق الاستاذ الموصلي ..
وذي ما اديت شروق فرصة .. اديتنا نحن برضو فرصة ..
واقول ليها نصيحة يا موصلي ..
ما تحشر اسرتك في احاديث جانبية ..
هنا نحن بنتكلم مع الموصلي بتاع الموسيقى ...
الموصلي الوالد والموصلي المكافح وبقية التصنيفات ممكن نتكلم عنها لمن اجيكم في آيوا وتعزمني غدا ..
لو عندك ولد بقرا في جامعة الخرطوم فرع المريخ .. وبقرا فيها علم الطوبغراف ..
وفتحنا الموضوع دا تاني ..
برضو بجي اقول ليك نفس الكلام ..!!
وما تضايق من حتة القروش دي .. دا حقك ..
ذي ما اي فنان في السودان بستفيد .. وبركبو عربات آخر موديل ..
برضو من حق الملحنين والشعراء انهم يستفيدوا ..
| Quote: وتنفس ياعزيزي كما يحلو لك التنفس |
يا زول انت صدقت ولا شنو .. !!
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
كلامك صحيح يا موصلي ..
ودايما لمن اجي اكتب اسمه بقول البروف معز ..
زول مجتهد ودكتور واخترع الدواء بتاع ضبانة النوم دا ..
وممكن لمن نجي نعدد الناس المشهورة في البلد ..
نقول فلان وفلان وفلان .. والبروف معز ..
لكن بعد دا كلو .. هذا البروف بحب الأعلام حد الثمالة ..
دي حاجة ما بتقدر تغالط فيها يا موصلي ..
وبعملها ظاهرة ..
وناس كتيرة متضايقة من اسلوب البروف .. والاعلام الملونة المصاحبة ليهو في حله وترحاله ..
وانت جيت قلت بالحرف الواحد انه اضر بشروق ..
كل حاجة اديها حقها يا موصلي ..
دكتور .. دكتور ..
بروف .. بروف ..
عاملها ظاهرة .. عاملها ظاهرة لمن غلط ..
ورغم كل دا .. برضو نحن بنشكر البروف معز لاتاحته الفرصة للموصلي بالسفر والاشراف علي اعلامه ..
وبنعتبرها حركة حلوة منه والله ..
اما من ناحية قصائده يا موصلي .. فانشاء الله شروق تشتهر ويقولوا الناس البكتب ليها البروف معز
ودي عنده بكنوز الدنيا كلها ..
فأطمئن من الناحية دي ..
وكان سجلوا شريط وما رسلوا ليك قروشك يا موصلي ..
كلمني ..
اقوم ليك اجدع محامي .. وانشاء الله القضية مضمونة ..
لانه كما قلنا ليك مية مرة .. دا حقك ..
ما تبقى متواضع شديد كدا انت ..
سمح ..!!
بالمناسبة ..
نناشد نحن جماهير الشعب السوداني .. مطربة الجماهير والعصور شنو كدا ما عارف ..
انها في حلقتها القادمة علي قناة النيل الازرق ..
تقول .. ونشكر الاخ الموصلي علي اللحن الجميل ..
ووقفته معاي في بداية طريقي ..
بس .. !!
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
انت كدا يا موصلي احسن زول ..
نتناقش ونتشاكل .. ونقوم ونقع ..
في النهاية الزول يمشي مقتنع ..
وعشان نحن بنشبه بعضنا البعض ..
بتلقانا فاهمين الحاجات الصغيرة الما برضاها الناس ..
الحكاية ما قصة فن ولا أبداع ..
الامر وما فيهو منو البقدر يشتري قلوب الناس الطيبة دي ..
كان في الغنا ولا الكورة ولا المسرح ..
اسلوب التعامل قبل المقدرات والامكانيات ..
وقبل ما نسمع لأبراهيم عوض وزيدان وصلاح بن البادية وكثير من القامات ..
شفناهم .. وشفنا كيف تعاملهم مع الناس ..
الغنا بعلبة الكبريت .. والكورة بالشراب .. والمسرح مسرح العرايس ..
وتمشي حفيان عشان تتفرج علي ناس الفنون الشعبية .. وتندهش ..
اسلوب فرض الشئ .. لا يجدي مع الشخصية السودانية ..
طول عمرنا بنسمع عن المعلبات .. بس لمن جربناها ما عجبتنا ..!!
تسلم يا زول
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
..
.
بلاشكـ نحن لسنا بنقاد ولا موسيقيين ولكن ندلو كذواقه ونقول هذا
حوار نقدي منطقي مترابط .. لذا
| Quote: تعرف ياعمر بالرغم من انك غيرت الموضوع من شروق للموصلي |
الموصلي حلقة اساسية من حلقات اشراق شروق
لا ينفصل ولا يتجزاء من تلكـ السلسلة.
Quote: شروق صوت لم يحدث في تاريخ السودان
وهنا تكمن المشكلة |
هذا ما اورده د. المعز فى بوست نشأت الامين
أين المشكلة فى نظره !؟
ولكن اعتقد ان المشكلة تكمن فى تأريخ التاريخ
وعدم اعطاء الاخرين حقهم..
| Quote: وهي شمسنا الوحيدة التي ستشرق في سماء العالم |
شمسكم هذه لا غضاضة عليها
ولكن سماء العالم فهى صيغة مبالغة المبالغة
لا ادرى لم احس كان ردودك تقول ( كن عجبكم عجبكم او اشربوا من البحر )
Quote: وهي التي ستغير خارطة الغناء النسائي في السودان
إن كانت له خارطة أصلاً.. |
أندهشت لهذا التعبير للبروف بكل صراحة
ولم يعط الغناء النسائي حقه
حليلكـم يا الفلاتية .. وحنان النيل وآمال النور
Quote: لكن أنا معز عمر بخيت ده ح أشتري حق شرووووووووووووق
مش على كيفي.. |
بلاشك يا دوكـ .. وفعلاً على كيفيك كما قال شاعرنا الكتيابي
وهذا تذكرت وانا اتكئ على بوابة عبدالكريم ميرغنى
واقول الدوكـ ليهو حق فهى كما قال قد تكون ..
جميلة الصوت.. وجميلة الشكل ..وجميلة الدواخل
وكمان بتشبه لى احلام الخليجية بالاكسسوارات وجدعة الشعر..
وكل هذا تقييم نسبي ..
ولكن سرحت وانا افكر فى بقية الحلقة
المكونه من تعابير شاعرنا مدنى النخلي القوية
وحديث استاذنا وشاعرنا ايضاً عبدالقادر الكتيابي
لم اعرف ترابط هذه السلسلة فهل هم على حق ونحن لسنا ذواقه ..
وندع الجميع منهم وعليهم يواصلوا فمنهم نستفيد
وقد تصدق النبوءة ( نبوءة البروف )
وتظل المقولة ثابته
كذب المنجمون ولو صدقوا .. وفى هذه الحالة
تكون شروق اشرقت فى السودان
باثبات نفسها وقوة صوتها ونجاحها لا بالهيلمانة التى
صنعت لها ..
نتشوق دوماً ؛؛
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
حميده الحيوان
والله قلة ادب لكن ماخد راحتكـ و مستغل طولة بال موصلي عليكـ و بقيت تسأل
و يجاوبو ليكـ كمان !! بالله شوف الدنيا دي تافهة كيف
يا حميده يا حيوان انت مفروض تسأل بي أدب عن جودة العمل الموسيقي (توزيع / صوت / .. الخ )
ماعندكـ شغله بي سفر و لا تزاكر ولا بنقو شوف بالله البورد البقي همله .. انت يا حيوان
كنت بتحلم انكـ تتكلم حتي مع موصلي لو ما الدنيا دي بت كلب .. قال بنصح كمان
وانت ذاتكـ منو و شنو !! تفتكر كلمة (انا متلقي) دي كفايه عشان تخوض في خصوصيات ما حقتكـ !!
حدكـ جودة العمل الموسيقي من عدمو .. ده اذا كنت اصلا بتفهم حاجة في المزيكه واذا كنت
متلقي عادي اسمع الشغل عجبكـ عجبكـ ماعجبكـ اقفل دينكـ ده وما تسمعو
بعدين ياجاهل قروش التزاكر الانت بتتكلم عنها دي اصلا تقع اعبائها كجزء من العقد علي
المنتج الي هو في الحالة دي (معز عمر بخيت ) ولا تخصم من الاجر الصافي .. فهمت يا حيوان
غير مسموح ليكـ علي الاطلاق انكـ تتكلم مع موصلي في امور شخصيه او تنصحو
عمر الفاروق ده بنضم في البوست ده ليهو يومين .. شفتو قال كلمة خارجه عن الادب !!
عرفت ليه نحن بنحترم عمر و مابنحترمكـ انت يا حيوان .. انا قلت ليكـ فوق الكلام ده
لكن انت شكلكـ ماعاوز تفهم
طبعا انت اسه تلقاكـ رسلت البوست لي مليون ايميل عشان توريهم انكـ ناطحت الموصلي
وغالبا بكونو اولاد حلتكم اخدو خبر انو حميده الخطير ناصح الموصلي
حميده
انا اتجاهلتكـ كتير لانكـ دون مستوي الونسه ناهيكـ عن الرد لكن طالما ده بقي ده المعيار
هنا انا من الليله كل ما ادخل البورد بعمل سيرش لي حميده و اقعد قصادكـ
ما تفتكر انا مجامل الموصلي بي كلامي ده (عقلكـ المريض بصور ليكـ حاجات زي دي كتير )
انا بقول في كلمة حق
انت نكرة و كمان لسانكـ طويل عشان كده ما من حقكـ انكـ تخاطب الموصلي بي اسلوب زي ده
فهمت ؟؟
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: خدر)
|
..
.
خدر يا ( ابو لقاء )
اعصابكـ يا زول .. ما قدر دا
بجيك ضغط لو اخدت الامور بالصورة دى
بصراحة اول مره ..
الواحد يقرأ ليك كلام بالاسلوب دا
ما بتستاهل صدقنى .. حربناها ولقيناها ما بتصلح
يمين انا بقرا كلامك حسيت انو الشاشة بتهتز ..
مسالة السفر قد يكون حميده تناولها من زاوية ميزانية المنتج ( البروف )
وقد تكون غير صحيحة وقد تكون للصداقة..
والاستاذ الموصلي مشكور تناول الرد باسلوب وادب جم
حتى وان كان حميده يقصد ما اوضحته ..
واعتقد لا يوجد (رد) اجمل ما استخدمة الموصلي من اسلوب
عشان كدا بنرجع انو الموضوع حوار .. نقدي لا شخصي
وليس المعنى هو الموصلي ..
نقطة
فقرة جديدة
شكراً يا موصلي على رد الطيب
وتحملكـ للحوار باسلوب طيب
ودمتم جميعاً
| |
|
|
|
|
|
|
|
|
 Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: خدر)
|
الزول الفنان خدر..
ياخي أعاصبك زي ما قال ليك تبلدينا ..
المسألة ما مستاهلة والله ..
والكلام الفوق دا ما بيشبهك ..
يا ريت تحذفه من باب العشم ..
نرجع ونقول بأن النقد الفني عندنا في السودان مفقود ..
والنقد دراسة تحليلية للعمل من واقع الدراسة والخبرة في هذا المجال ..
وقليلون هم من يمارسون هذا العمل ..
ونجد أنفسنا هنا ننقد العمل من باب المتذوقة وحبنا للفن ..
ولا نشك مطلقاً في أذن المستمع السوداني وهي خير ضامن لنجاح كثير من الأعمال الفنية ..
وزي ما قلت في مداخلة سابقة بأن المسألة لم تعد هواية فقط يمارسها الشخص ..
إنما صناعة تحتاج لمن يدعمها ويقف معها ..
وكثير من المواهب إختفت بسبب الإهمال والدعم أو الظروف المحيطة بتلك المواهب ..
لا زلت عند رأيي بأن نفسح المجال للفنانة شروق وغيرها لكي يظهروا مواهبهم وإبداعاتهم ..
وسيواصل المشوار من يستطيع أن يقنع الناس بفنه وموهبته ..
والشكر والتحية لأستاذنا الموصلي على سعة صدره ..
وتقبله للنقد بكل هذه الأريحية وهذه السماحة ..
والشكر أيضاً للحبيب عمر الفاروق لفتحه باب هذا الحوار ..
ونتمنى أن نخرج بما يفيد الجميع ..
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
تعرف يا موصلي:
| Quote: مع انو بوستك هذا جاء بعد الحلقة الثانية تحديدا واشرت لهذه الحلقة تحديدا وحتي بالاماره تحدثت عنها بالتفاصيل وبتجيك الا أنك زوغنجي وتنفع جناح شمال زي جاد الله بتاع المريخ زمان أكبر مرواغ ولك حنكة مقدرة في منطقة المناورات عايز تفاصيل بجيبها ليك من بوستك ده ذاتو لكن لو آمنت مافي مشكله يعني كلامك في التسجيل الاول انتهى في بوستك الاول. |
الظاهر إنو ما حا تقدر تصدقني إلا عن طريق الحلف بي الإيمان المغلظ ..
اقسم بالله العظيم وكتابه الكريم انا عمر الفاروق بأنني كنت قاصد تسجيل الحلقة الأولى والله على ما اقول شهيد ..
| Quote: عموما خلي بالك حسب التوزيع البيعي هو الاكثر مبيعا لعلمك أمشي تأكد وتعال |
نعم وعندك حق ..
لكن ما تنسى يا استاذ إنو هي الأعلى مبيعاً لأنها ظهرت في وقت كانت الناس بتعتمد على تسجيل الحفلات يعني انت وبتسمع في الشريط فجأة يجيك صوت زغرودة أيوووووووووي يوووووووي يوووووي..
وكمان تسمع صوت واحدة بتتكلم مع صحبتها يا علوية عليك الله جيبي ليك قزازة البيبسي ديك ..
وممكن عااااادي جداً تسمع ليك شكلة في العشا بين اهل العريس والعروس..
حصاد عندما انتجت شريط خالد محجوب كانت طفرة في التسجيل وحتى اسلوب التسجيل كان جميل وهنا نشيد بحصاد لأنها وضعة اللبنة الأولى للتنافس بين الشركات ..
ورغماً عن ذلك يا موصلي وبما انك تقيس بالمبيعات والاموال فهل تعلم كم يبلغ سعر الشريط في منصفون ؟؟؟؟؟؟
كل الاشرطة في السودان كان سعرها 5 الف جنيه ولكن اي شريط لمنصفون سعره 15 الف او 12 الف بالرغم من إنو التسجيل قديم !!!!
Quote: والمعلومه التانيه هي من توزيع الماهر ماهر تاج السر وهي ليست اليكترونيه وسجلوها كمنجات
محمديه وميرغني الزين واحمد باص ومجدي العاقب وميكائيل ماقلت أهبش اضانك وفتشها وتاكد من معلوماتك؟؟؟ |
ما هو يا انت عايز تفقع مرارتي والسلام يا امك عارفني قاصد شنو وبتعمل رايح يا اما كمان انا بيخوني التعبير في الوصفة وبالتالي بتفهمها غلط ..
يا موصلي والله العظيم انا اول حاجة بقراها الناس السجلوا الشريط قبل ما اسمعو عشان اعرف منو الورا العمل ده ..
الكنت بقصدو في عملية التسجيل الاكتروني هو صوت الإيقاعات يعني تسجيل ما بيشبه صوت البنقز العادي داك وناس كررررررررررررك دبق دبق كنج كررررربك ..
انا صراحة ما عارف الإستايل ده إسمو شنو لكن بيديني إحساس إيقاع الأورغن فده القاصدو ليك ..
يا موصلي اسمع ليك كل الشرايط السجلها محمود كان وراها منو ؟؟؟
اوريك محمود كان بيتصور وين للالبومات ؟؟؟
احكي ليك كم مرة دخلت وحضرت بروفات تسجيل لي شرايط محمود ؟؟؟
والله يا موصلي شفت محمود ده بقا الما بتغالط فيهو وصدقني مش لو انت موسيقار ومقددا لكن نحن الشماشة الساااااي ديل بنحفظ ليك عازفين محمود وتسجيلاتو زي جوع بطنا ده ..
عشان كده انا عارف منو القام بتسجيل شريط خلي بالك ولو عايز كمان نكتب ليك اسامي الروس السجلوا شريط سكت الرباب !!!!
صدقني يا موصلي عمري ما بتزاوغ والما بعرفو بقول عديييييييل ..
Quote: عليك الله ياعمر امشي اشتري شريط تاني وأقرا المعلومات في الغلاف شوف منو الوزع الاغاني دي
أما ياخاين فهي توزيع المرهف ميرغني الزين
أما المصير فهي توزيع الجميل ميكائيل
كدي أمشي فتش تاني يمكن تلقي حاجه بتاعتي
بعدين ياخي ابن ابراهيم عوض مبسوط جدا وقال للراحل هذه الاغنيات وضعت في اجمل القوالب !!!! |
حقيقي يا موصلي انا زمان زرت شركة حصاد في الخرطوم وقريت في مرة زمااااان لقاء صحفي لي واحد من المسؤولين فيها لا استحضر إسمو وحقيقة انا قريت إنو هم بيتعاملوا مع موسيقيين كبار اولهم الموصلي الذي يقف وراء هذه الاعمال الموسيقية ومن يومها وانت مرتبط لي بحصاد وانا لا اعاتب الموصلي على توزيع هذه او تلك ولكن اعاتب الموصلي الذي استحدث طريقة تتوزيع الاغاني بتلك الطريقة التي تخفي الايقاع السوداني (بنقز وطبلة) مع علمي بأن هذه الالات حتى هي غير سودانية صرفة ولكنها دخلت الينا من بلاد اخرى الا انها ارتبطت بوجداننا..
تسجيل الحزن النبيل فيه هذا النموذج من التسجيل وكذلك طفل العالم الثالث وهنا مقصدي ..
يا موصلي حقو عشان تفهمني تنزلوا عمل من الحزن النبيل وانا بنزل ليكم عمل من اغانينا العادية البي التوزيع الموسيقي البسيط حق الدربكة والبنقز زي ما بيقولوا 
Quote: تعرف ياعمر بالرغم من انك غيرت الموضوع من شروق للموصلي وبالرغم من اسلوبك الرشيق في المراوغة
ألا انه يعجبني فيك أنك مهذب وابن ناس وانا احب التحاور معك |
صدقني يا موصلي انا ما غيرت الموضوع وبالجد في سؤال قائم انت زمان إتجاهلتو لي وقلت انا بتزاوغ وانا عشان ارجع ليك الامور لي نصابها حا اكررو تاني وانا جادي فيهو :
ما هو الذي يميز شروق صوتياً مما يجعلها ظاهرة ستحدث التغيير في الغناء السوداني؟؟؟
لماذا يرى الموسيقار الموصلي في شروق الفنانة التي ستنال الشهرة وتحقق النجاحات ؟؟
حقيقة يا موصلي انا حا استعين بي متخصص في علم الاصوات وحا اخليهو يسمع شروق وحا اجي انزل ليكم كلامو العلمي هنا وما تسألوني ده معناهو شنو لأنو حا يكون كلام علم ساي بعد ما ابيتو كلام الشارع ..
بالمناسبة شهادتك الجميلة دي حا تخرب علي السوق ولو بديت ارخي معاك في الحوار حا يقولوا لي الموصلي دقسك يا فراة وكتل قلبك بي الكلام الحنين ده ؟؟
اها عشاااااااااااان كده حقو الواحد يخرمج معاك
تخريمة :
تأكد يا استاذ بأنني اتحاور معك من اجل الوصول لنتيجة فيا غلبتك ونجحت انا في تثبيت ان شروق فنانة عادية مثلها من هذه الظواهر التي تزول بزوال المؤثر أو اقنعتني فتجدني الصق صور شروق في دولابي وعامل اغنياتها نغمات في الموبايل
وانوه بأنني قد اغيب ليوم غدا وبعد غد لظروف الإجازة وبجيك السبت بي رواق إن شاء الله ..
اها شفت الزوغة الجد جد
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
Quote: انه في شخصيات بتستغل حوجة المبدع السوداني لارضاء شهوة الظهور عندها ..
وبدون لف ولا دوران انا قاصد معز عمر بخيت .. |
| Quote: ما عارفك جريت واطي مالك .. |
Quote: واقول ليها نصيحة يا موصلي ..
ما تحشر اسرتك في احاديث جانبية ..
هنا نحن بنتكلم مع الموصلي بتاع الموسيقى ...
الموصلي الوالد والموصلي المكافح وبقية التصنيفات ممكن نتكلم عنها لمن اجيكم في آيوا وتعزمني غدا ..
لو عندك ولد بقرا في جامعة الخرطوم فرع المريخ .. وبقرا فيها علم الطوبغراف ..
وفتحنا الموضوع دا تاني ..
برضو بجي اقول ليك نفس الكلام ..!! |
Quote: وما تضايق من حتة القروش دي .. دا حقك ..
ذي ما اي فنان في السودان بستفيد .. وبركبو عربات آخر موديل ..
برضو من حق الملحنين والشعراء انهم يستفيدوا .. |
Quote: Quote: وتنفس ياعزيزي كما يحلو لك التنفس
يا زول انت صدقت ولا شنو .. !! |
Quote: ورغم كل دا .. برضو نحن بنشكر البروف معز لاتاحته الفرصة للموصلي بالسفر والاشراف علي اعلامه ..
وبنعتبرها حركة حلوة منه والله .. |
Quote: وكان سجلوا شريط وما رسلوا ليك قروشك يا موصلي ..
كلمني ..
اقوم ليك اجدع محامي .. وانشاء الله القضية مضمونة ..
لانه كما قلنا ليك مية مرة .. دا حقك ..
ما تبقى متواضع شديد كدا انت ..
سمح ..!! |
Quote: نناشد نحن جماهير الشعب السوداني .. مطربة الجماهير والعصور شنو كدا ما عارف ..
انها في حلقتها القادمة علي قناة النيل الازرق ..
تقول .. ونشكر الاخ الموصلي علي اللحن الجميل ..
ووقفته معاي في بداية طريقي ..
بس .. !! |
ده نقاشكـ و لغتكـ حول الشريط
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
استاذ يوسف سلامات
حميده طاردني انا كثيرا بتعليقات جارحه تتبع مساهماتي في البورد
و تجاهلت الرد عليه لانو عارف جنس المشاكل الزي دي بتتبعها اعتذارات
واعفي مني و عافي منكـ و ما اليه من اخوي و اخوكـ في الثقافه السودانيه
حينما تداخلت معكـ و معه اعلاه كنت ارد علي بعض ترهاته لكن بشكل به بعض الفكاهه
لكنه دخل و اساء الي (ساذج) و لم ارد عليه و عرفت ان هذا الحميده شخص لايمكن
فتح باب دعابه معه و ذهبت الي حال سبيلي
عدت بعد اكتر من 4 ساعات فوجدت الاسفاف في كل مكان
ومافتح الله علي زول واحد في البورد ده كلو بأنو يقول ليهو عيب يا حميده .
مابفهم انا بعد ده زول يجي يقول لي الحوار و موصلي شخصيه عامه و كلام ني من النوع ده
حتي لو انت ذاتكـ قلت لي يجب ان نتحمل تبعات خروجنا للعمل العام
حا اقول ليكم و ليهم
من يخرج للعمل العام ليس بالضروره ان يتعرض للشتم او النصب و الاحتيال .. ده لو حصل
معناها انو نحن شعب عواليق ساي و لم نحصل حتي علي مستوي معقول من التعليم او التربيه
(لاحظ انا اعني استخدام لفظتي التعليم و التربيه لانهما مترادفات فأحدهما تجب الاخري )
اذن في ظل وضع كهذا نحن شعب لايستحق ان يخرج مبدعيه للعمل العام (حوارات عامه) خوفا
عليهم من شتم قد يصيبهم تحت دعاوي قبول (الاخر) و سجم الرماد
آخر شنو هو البقبلوهو .. الجايي (يبلغ) فكريا فوق رقابنا ؟؟
من يكتب هنا يجب ان تُصان كرامته اي كان فهو في الاخير كائن حي .. بلا (آخر) بلا بنقو معاكم
اعذر لغتي لكن تأمل ما حدث مع كل الاسماء التي رحلت مكسورة الخاطر بسبب نوع حميده ده
؟؟
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
الموصلي الغالي..
أنت رجل عظيم وإنسان تفوق البدر حسناً وضياءً ووسامة
نحبك ونحترمك
لأخلاقك النبيلة وعلمك الوافر وموهبتك العظمى
وانسانيتك السامية
ونحمل لك من التقدير ما تفيض به البحار وتمتليء به السماء نجوى
..
الإعلام هو صناعة العصر وهو مفتاح الوصول لمحطات الطموح كلها فنياً واقتصادياً وعلمياً
لكن أكثر الناس في وطني لا يعلمون
ولهذا يفوقنا الآخرون من هو دوننا موهبة..
ما بدأناه في طريق الإعلام فهو خطوة من مشوار ألف ميل
فالناس في وطني يصنعون الحب
ونحن سنجمع لهم هواء الشرق العابر ليلاً في طرقات الهم لنصنع جسراً مد البصر
يحمل في آخر المدى قمراً صناعياً جديداً ليطلوا به عبر بوابة السماء الأخرى لحلم جديد..
وليهذي المهذيون
فالقافلة انطلقت في فضاء صعب عليهم أن يرتادوه.
وختاماً..
وعبر هذا البوست
أرجو أن أنقل التحية لمطربة الزمن الجميل والعصور الساطعة
شروق أبو الناس
والتي ستصنع مجداً جديداً للغناء النسائي في السودان
بإذن الله
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: الخير محمد عوض)
|
هاجر كباشي مالها عيبوها لي ..!؟
هسع هاجر دي لو لقت عشر الاهتمام الفني والاعلامي اللقتو شروق ما كان بقت لينا زي مريم ماكبا
ولا عشان شعرها قصير ..!!
يا جماعة ما تدخلونا في الشربكة حقت ناس لبنان دي
نص الغنا حقهم بقى شوف ما سمع
شروق سمعناها
صوتها كويس
لكن ما شاذ
كتااااااااااااااااااااااااااار الاشذ منها في البلد دي
لو اهتموا بي واحده منهم بتعمل ضجه
بالمناسبة
انا قلت هاجر كباشي ما ندى القلعة ( واللبيب يفهم )
برضو نفس الكلام عن زهرمان
وفي بت زمااااااااااااااااااان
اسمها
ملاك الامين
وين دي هسع
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
شفتا صورة شروق في في المنبر
شكلها جميل اكتر مما يجب..
سمعتاصوتها هنا في الغنية المرفقة
صوتها جميل كمايجب..
تبني دكتور معز ليها في المنبر اظنو كان الغايظني
لانو بصراحة د. معز د الجكس كلو بحبو ..
وانا لا..
في اي محل د.معزده خامي الجو والحنان..
وانا لا..
بساط الريح كلو جكس وكلام زي النسايم وناس حالمة ..
وده شي بخليني اغير بصراحة منو ..
انا لاعندي شهادات عليا ولاعندي موقع ولا عندي وجاهات عليا ولا عندي معجبين علويين ولاسفليين..
لذلك لقيت نفسي تلقائيا عندي مكنزمات رفض لهذه الشروق
لكن والحق يقال لو البت دي كانت جات خارج اطار معز كنتا ردتها من صورتها بدون مااسمع صوتها ذاتو..
بعد سمعتا صوتها في المنبر ده عجبتني بصراحة..صوتها حلو عدييل ..
تقييم الموصلي ليها يعتبر تقييم موسيقار ويؤخذ به عند الموسيقيين..
تقييم د. معز ليها يعتبر تقييم زول ذواقة ويؤخذ به عند السادة الذواقة ..
تقييم عمر الفاروق يعتبر تقييم اولاد حلة .. ويؤخذ به عند اولاد الحلة..
تقييم حميدة.. يعتبر تقييم حميدة يؤخذ به عند عمر الفاروق..
تقييمي انا هو الاستاندر الحقيقي ويؤخذ به عند الجميع اولاد حلة وذواقة وموسيقيين وناس ساي ..
البوست ده رصيد كويس لي البت الغناية دي..
سلم لي عليها يادكتور ..
قول ليها واحد اسمو دكين حالف تغني في عرسو ..
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
الاستاذ/ يوســف
متابع البوست ده مدور ليهو فتره وداير كنتا اعقب عليهو بس ربنا ماطلق الا هسى ...
المطربه شروق حقيقه انا ماسمعته بيها الا هنا فى المنبر ده وشايف الناس شروق شروق
فمشيت بحثته لقيت لى كم غنيه ليها لا اعرف سـرها ...باعتمدى الاول على الله وعلى عضانى
الزويقه شديد المهم وجدتها فنانه بتطربك لمن تسمع ليها ...واكتر معا الموسيقى معا ملاحظه شروق صوته نبرته ليست فى مستوى الخط البطلع وبنزل ذى السلم الموسيقى ...غايتو اجتهد ..معا تعبيراتى دى ...الحاجه البعرفه انو الفنان صوته بكون ذو قوة او حده وليس اقل من ايقاع الموسيقه ...يعنى صوته اوطى من الموسيقه ..فغطت الموسيقى على اتاحة الفرصة بالنسبة للمستمع للتدقيق فى جاذبية الصوت لكل انسان ....وانتا كموسيقى يا ستاذ يوسف ادرى بذلك ذى ما بقولوا مدرب الفريق ادرى بمقدرات اللعيبه.
نمـرة اتنينى حتت الشهرة ..ذى ما معروف كمثل يوسف الموصلى ده زول فنان ومسيقار مشهور بجى فى التلفزيون وبجيبوا فى الجرايد وكدا ...بغض النظر على فنانه كويسه او ما دون ذلك طالما ياتى من ورائها شخصك مثلك اكيد الناس البتحبك وجماهيرك حتحبها لانها بتحبك وفى لغتنا السودانية مجامله...والناس البقولوا هى ما فنانه الناس البحبوك او الحبوا دكتور معز حيقولوا ديل حاقدين ساكت ( هى راعيها الموسيقار يوسف ..ودكتور معز الشاعر والمرطب داك يعنى الناس دى بتفهم اكتر منهم)
اما بخصوص الواصيه بتاعت دكتور معز على المطربه شروق نمره واحد دكتور معز ...حمله اجتهادته..لكى تستطع شروق على الاضواء جايه من كونوا انو دكتور معز ولديه محبين ومريدين..ودى حاتخدمه فى مشروع المطربه شروق ..تانيا علاقات دكتور معز بالوسط الفن السودانى ليها دور فى ذلك برضو ...وبوست عمر الفروق ده زاتو نوع من الشهرة ببالنسبه ليها لو اكلوا فى حنانو كان زاتواحسن ليهو من اقول هى مافنانه ودى خدمه كبيره منو عمر الفروق تشكرك عليها شروق .
يااستاذ يوسف افتينى فى حتة الصوت بتاعه؟؟
تخريــمـة
ـــــــــــــــــــــــــــــــــــــــــ
انا عايز لم فيك يوم اتصور معاك عشان اشتهر وببقى بوب داك صاحب الموسيقار يوسف
وبلم فيك بس انتا اصبر
تحياتى ياجميل
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
الصديق/ يوســف
حقيقه كما زكرته ...وفى مقوله بتقول الايام بتورى ...
Quote: كلامك صاح الموسيقي غطت على صوتها في بعض الاماكن وأحيانا هذا يحدث لكل الفنانين
وهذا ليس عيب المغني ولكنه حصيلة مايسمي بالمكساج(اي حصيلة اصوات الالات + صوت المغني)
وهذه مهمة المهندسين بالتعاون مع الموسيقيين المشرفين على الموضوع
|
الكلام ده بين لى حاجت كتيره ...يعنى المشكله ما صوت الفنان بانو صوت ضعيف وكدا المشكلة مشكلة توزيع موسيقى ..وده برجع على قدرت وماهرة الموزع او مهندس الصوت بمعنى اخر ...اخدته الحته دى بالذات من استماعى الكثير للموسيقى يعنى بقت حاجه فطرية للاذن
يعنى مجرد ما تسمع صوت فنان او اداء فنان جديد ممكن تعرف الخلل وين ودى فطره استماعيه .
Quote: زمان ياصديقي بوب كان الواحد فينا كمغني أو أي عازف اخطا في نهاية أغنية ما
فان التسجيل يعاد للأغنية برمتها من البداية وقد يصاب الجميع في النهاية بالارهاق من كثرة الاعادات الى يوم آخر
اما الان فيمكن تعديل مكان الخطأ في مكانه بالضبط
فان لم نستفد من هذه التكنلوجيا فمتى نستفد
|
وعارف يا صديقى يوسف عشان كــدا الغنامقعـد ...وبزكرنى بى الطالب العندو كهرباء فى البيت والطالب البدرس تحت نور العمود ..البقعد تحت العمود بجى الاول طــوالى ..
وفعلا الاستديوهات الرقميه هى نعمة الى الفن من جوده واضافة مواثرات تكنلوجيه جديده
وستهيل للفنان نفسه فى ادائه ...
طالم اكدت على انو شروق ليها مستقبل لو ما اتراجعت عن المواصلة ...ساخذ برايك فى ذلك ..واترقب معك ذلك ..
عارف يا صديقى برتاح ليك لله والرسول لانك زول خلوق ومتواضع..وده البخلى الواحد بتناقش معاك بدون حواجز ...
تحياتى
تحياتى
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
عزيزي كاجوري
لك الحب كله
شكرا لعل هذا الراي أيضا يوضح للبعض أن هنالك اشخاص آخرين غير سودانيين
ولابعرفوا الموصلي ولابعرفوا معز عمر بخيت ولكن بعرفوا اضنينهم بس ويمكن بعرفوا ان هنالك فكرة متداولة في العالم اسمها صناعة نجم لذا فالدعاية القوية ليست غريبة عليهم
وما بتخليهم يقولو اشمعنى عملوا دعايه لفلانه وعلانه ماعملوا ليها دعايه
هل تصدق ياكاجوري انا الفنان الوحيد الحصاد ماعملت ليهو بوستر لشرايطو مع اني كنت شريك فيها وكنت المدير الفني بتاعها (إشمعني بقى)
الشكر كل الشكر لك
والشكر لله من قبل ومن بعد
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
سلامات والتحايا اليك عمر الفاروق وعبرك اقصد عبر البوست للفنان العملاق الموصلي
والشاعر المرهف د. معز
بصراحة انا بكتب ومعي صديقان مصري وفلسطيني استمعنا لصوت شروق ويشكر علية الاخ عصام في عش معاي الحب
كان راي ماجد وهو المصري انه لاول مرة يعرف ان الفن السوداني بهزة الروعة والفلسطيني
تمايل طربا لكلمات والحان الاغنية وقال الاداء في قمة الروعه
والتعليق الاكثر طرافة انهم لاول مرة يرون فنانة سودانية اجمل من جواهر
البنت حلوة
وعيونها كبار
وصوتها حلو
وتجزب بطريقة ادائها
وتخليك تتمايل معاها
يعني بتطربك
ياخوانه بتغني الناس عشان الزول الجميل اقصد الشعراء والتعبير الغالب الرقص علي اللحن والايقاعات يعني كلوا مكمل بعضة
حقيقتا سمعت وشفت اغنية زنوبا عند المطربة
الاثيوبية فيديو كليب كانت رائعة
الحركة مهمة واغلب فنانينا وفناناتنا جامدين
انا مستمع عادي ويطربني الفن الاصيل المتطور
وزي ما حصل ان احدهم سال الاخر انت سكرتا واللة شنو
اجابة نعم انحنا بنشرب في عصير تانج واللة شنو
يعني غناء لنطرب مش عشان ننوح
ولكم التحية
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: بدرالدين كاجوري)
|
الأخ
عمر سيد البوست
أستاذى الجليل يوسف الموصلى
عالمنا وشاعرنا بروفسور المعز
الأخ حميد, الأخت لنا,الزميل طارق وجميع الإخوة المتداخلين بدون فرز
السلام عليكم ورحمة الله تعالى وبركاته
تابعت السجال فى هذا البوست حرفا بحرف وكنت لا أنوى المشاركة, غير أن الموضوع حيوى ويمكن إثرائه بما أفيد به وأستفيد من الرد عليه عسى ولعل أن نفتح نافذة نقدية, مع إحترامى الزائد لكل المشاركين.
ما فهمته من خلال بوستات الأخ عمر الفاروق وهذا البوست أنه كمثلى وآخرون من متذوقين الموسيقى لا تشدهم الأطروحة العادية ونفوسهم دائما تواقة إلى بواعث الدهشة والفعل الإبداعى.
من ضمن الاسئلة المطروحة فى ورشة عمل موسيقية فى هذا المنبر
)هل كل مغنى مطرب وهل كل مطرب فنان وهل كل فنان مبدع(؟؟؟؟
سابدا بالابداع لانه حقيقة ارقى مراحل الفكر الانسانى فى التعبير
عن الذات البصمة دون الحوجة الى استلاف (تقليد,اقتباس,تقمص,سرقة)
الاخر لاكمال نقص فى التعبير. خلق فكرة جديدة من نتاج تفاعل الذات
مع اى موضوع بطرح يتجاوز المالوف فى خطوات مموسقة بحيث يكون الناتج
فعلا او قولا جماليا نصيبه الادنى من ردالفعل هو الدهشة ذلك الشعور الذى
يخلخل كل الثوابت المعرفية التى ورثناها من خبراتنا الطويلة ويهزم كل توقعاتنا مطالبا كل جزيئة فى
اذهاننا بالحضور .
الفعل الابداعى لقاح فكر الباحث ليكتشف قانونا مخبوءا او اختراعا جديدا
فما احوجنا للخروج من هذه النمطية فى الحياة اليومية فى سوداننا الذى
اثر المحاكاة والتقليد فرجعنا دون ان ندرى الى المرحلة القردية فى
عملياتنا الذهنية والشكر لبعض السودانيين الذين سطروا اسماءهم فى تاريخ
الفكر الانسانىBAKHIET E.g. . Prof.و أستاذ الموصلى.
ان مسيرة المبدع كالطريق الصوفى اذ لا بد من شروط ادناها معاهدة النفس
الالتزام بمبادىء اخلاقية مرورا بالعزم حتى لا بنثنى امام عواصف الطريق
الى الصدق الذى هو معول الحفر فى الذات لفتح نفاج بين العقل الظاهر
والباطن انتهاء بالصبر اللازم لاكتمال نصاب زمن نضج الفكرة.
الابداع فى الغناء غالبا ما يبدا تحت مظلة التجريب ,تعترى المبدع حينها
احوالا كثيرة مصدرها القلق الناتج عن حركة داخلية متناقضة بين السائد
والمفارق, بين ما يريده المبدع وما هو كائن ,بين واقع اللحظة ومستقبلها
حتى اذا ما اكتملت الثورة لديه وهبت رياح التغيير وقف مستشرفا ليدلى
بشهادة من يرى او يسمع ما لا يراه الاخرون,فيكفر به المحافظون الباكون
على الاطلال ويؤمن به المجددون المدركون لقانون التغير, والمبدع العاقل
من يعتبر هذا الصراع فيدلى بشهادته برفق (وما اقسي ذلك على المبدع الذى يكون
اقرب للمجنون من العاقل بشطحه ومفارقته(
اما عن تعريف الفن وبالتالي الفنان فهاكم هذا التعريف:
Human effort to imitate, supplement, alter, or counteract the work of nature.
The conscious production or arrangement of sounds, colors, forms, movements,
or other elements in a manner that affects the sense of beauty, specifically the
production of beauty in a graphic or plastic medium. The study of these
activities.
The product of these activities; human works of beauty considered as a group.
High quality of conception or execution, as found in works of beauty; aesthetic
value.
A field or category of art, such as music, ballet, or literature.
A nonscientific branch of learning; one of the liberal arts.
A system of principles and methods employed in the performance of a set of
activities: the art of building.
A trade or craft that applies such a system of principles and methods: the art of
the lexicographer.
Skill that is attained by study, practice, or observation: the art of the baker; the
blacksmith's art.
Skill arising from the exercise of intuitive faculties: “Self-criticism is an art not
many are qualified to practice” (Joyce Carol Oates).
arts Artful devices, stratagems, and tricks.
Artful contrivance; cunning.
Printing. Illustrative material.
كما ورد فى التعريف المقتبس من قاموس امريكى:
فى الفقرة الاولى
Quote: Human effort to imitate, supplement, alter, or counteract the work of nature
جاءت مفردة التقليد-رغم انها غير مطلقة- لتشير
الى جوازه فى الفن دون الابداع الذى يخرج من الشباك اذا دخل التقليد
من الباب.
هذا الكوت يؤيد بصراحة انتفاء شرط التجديد والخلق فى العملية الفنية
وهذا اول الاختلافات بين الابداع والفن وبالتالى بين الفنان والمبدع
Quote: "art does not need to be innovative to be good"; "I was never any good at art"
The conscious production or arrangement of sounds, colors, forms, movements, or other elements in a manner that affects the sense of beauty, specifically the production of the beautiful in a graphic or plastic medium.
فى النقطة الثانية ابرز قيمة الوعى بالطرح كشرط من شروط الفنان,وبما
ان الوعى يستدعى حضورا ومواكبة ففى ذلك مفارقة بين الفنان والمبدع اذ
ينحاز الاول للزمن الحاضر والثانى يستشرف المستقبل,هذا اضافة الى ان
المبدع قد لا يحتاج الى هذا الوعى الذى يمكن ان يستعيض عنه بمجرد
الاستعداد الفطرى او حتى يمكن ان يبدع وهو فى حالة غياب ذهنى كبعض
المجانين على سبيل المثال.
وللتاكيد على المعرفة يمشى التعريف لاكثر من ذلك حين يضيف للوعى الدراسة
التى تشمل حتى المعرفة الاكاديمية
Quote: The study of these activities.
المعرفة لدى الفنان براقماتية اى فعلية تنمو بالخبرة والممارسة
يمكن ان تاخذ شكل بنيوى او تفكيكى لكنها لدى المبدع حدسية وفى
ذلك مفارقة بين موضوعية الاول وذاتية الاخر الاكثر تجريدا.
المهارة التى قد تاتى بالاكتساب فى شكل التكنيكات العالية من شروط
الفنان غير ان المبدع قد يبدع بغير تقنية عالية
Quote:
Skill that is attained by study, practice, or observation:.
Skill arising from the exercise of intuitive faculties: (Joyce Carol Oates
الجمال فى نسبيته ومعياريته(مفهوم الجمال) قاسم مشترك بين الفنان
والمبدع.
Quote: The product of these activities; human works of beauty considered as a group.
High quality of conception or execution, as found in works of beauty; aesthetic value
من القواسم الاخرى التى تمثل المناخ الصالح للفن والابداع ,عنصر الحرية
)حرية ان تريد ما تريد,تعرف ما تريد,تقول ما تريد وتفعل ما تريد مع
مراعاة الخط الفاصل بين الحرية والفوضى ودون المساس بحرية الاخرين(.
اذا كان الجمال حجر الزاوية فى الخطاب الابداعى والفنى فالاخلاق جماليات
السلوك الانسانى وبالتالى فوجودها ضمن العناصر المشكلة لبيئة الفنان او
المبدع لن يكون حشرا.بل حتى العمل الفنى المفارق للاخلاق تتولد الصفة
الجمالية فيه بدلالة النقيض.
واختم بالذوق فى العوامل المشتركة وهو بلاغة الاختيار للفعل او القول
الجمالى.
اماالحديث عن الطرب فيقودنا للحديث عن معنى الطرب فى اللغة اولا
ثم نتحدث عن سيكولولوجيات الطريب وفنياته
اليكم التعريف:
ويده بحيث يبعث على الطرب , وهي خفة او هزة تعتري النفس لشدة سرور او تفاقم غم ,
والاكثر استعماله في الافراح وهذه الحالة النفسية تسمى عندهم بالوجد او الشوق البالغ
كما عن ابن سيدة .
قـال الـجوهري : الطرب خفة تصـيب الانسـان لشـدة حزن او سـرور والتطريب في الصوت : مده
وتحسينه وهكذا قال ابن فارس : وطرب في صوته : اذا مده .
وقال ابن منظور: والتطريب في الصوت , مده وتحسينه وطرب في قراته : مدورجع .
وقد عد الجوهري الغنا من السماع واستجوده الشيخ , قال ـتعقيبا على كلامه :ولقد اجاد في
الصحاح حيث فسر الغنا بالسماع , وهو المعروف عند اهل العرف .
والـسـمـاع اصطلاح خاص لكل ما تلتذ به الاذن من صوت حسن ومن ثم فسروه بالغنا ايضا
تفسيرا متقابلا قال ابن منظور: المسمعة المغنية
والحزين ومن هاجه الطرب والحب والشوق لا يملك من نفسه دفع التحزين والتطريب في القراءة
ولكن النفوس تقبله وتستحليه لموافقته الطبع وعدم التكلف والتصنع فيه فهو مطبوع لا
متطبع وكلف لا متكلف فهذا هو الذي كان السلف يفعلونه ويستمعونه وهو التغني الممدوح
المحمود وهو الذي يتأثر به التالي والسامع وعلى هذا الوجه تحمل أدلة أرباب هذا القول
كلها .
قـال الـجوهري : الطرب خفة تصـيب الانسـان لشـدة حزن او سـرور والتطريب في الصوت : مده
وتحسينه وهكذا قال ابن فارس : وطرب في صوته : اذا مده .
لعل هذا الكوت هو بغيتنا فى التعريف .
ما اود الاشارة اليه هنا هو الاثر العاطفى لحالة الطرب
بحيث تدور مجمل النتائج النفسية للمطرب والمستمع حول
النوستالجيا واجترار الذكريات فتهيج كوامن الحزن والحنين
عند استدعاء صور وانفعالات من الذاكرة وفى ذلك نقلة لمعايشة
احداث من الماضى .
بل حتى حالةالسرور التى تجتاح البعض تاتي ضمن اطار نوستالجى
من خلال ايحاءات المكان وشخوصه.
الغناء كلام مموسق منه ماهو اجوف ومنه ما يحمل الفكرة بدلالاتها العاطفية
(ان من البيان لسحرا)حين يوازى اللفظ تصورا وليد اللحظة او ذكرى مستدعاة
فتؤلف فى خيال المستمع صورا او احاسيسا مكافئة ويتم ذلك بتلقائية
تامة ,اذ يفسد التكلف العملية لما تحتاجه من تقمص كامل للدور
اذا صار مشهدا دراميا وذلك ما يعجز عنه امهر الدراميون.
اذا فحوار المطرب والمستمع ياتى من القلب للقلب بالعامية السودانية
اذا اعتبرنا حوار المبدع من الروح للروح والفنان من الذهن للذهن بمنطق
وعيه ,حينها يكون المغنى الذي لا يملك ملكة التطريب او الفن او الابداع
كلامه من الجسد للجسد,اى من مضغة لسانه للارجل والارداف المهتزة
بالرقص.
ترى اين توجد الموسيقى السودانية فى هذه الخرطة?.
ليس هناك جملا بعينها يمكن ان تشكل قاعدة للتطريب بيد انها فى مجملها
حليات نغمية تتم فى اطار زمن النغمة الواحدة او الجملة اللحنية ولكل
ثقافة باختلاف التاريخ والجغرافيا طريقة تطريب مختلفة تمشى بين
التعقيد والبساطة حسب انواع السلالم والمقامات وتكنيكات الصوت.
لكم جزيل شكرى وفائق إحترامى.
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
الأستاذ الموصلي:
ده كلامي الكتبتو ليك عن البقز والطبلة :
(| Quote: بنقز وطبلة) مع علمي بأن هذه الالات حتى هي غير سودانية صرفة ولكنها دخلت الينا من بلاد اخرى الا انها ارتبطت بوجداننا.. |
وده كلامك الجا بعد كلامي:
Quote: بس عايزك تعرف الحقيقه دي
1- البنقز ماحقكم
2- الطبله ماحقتكم
3- الرق ماحقكم
4-العود ماحقكم
5-الكمنجات والوتريات ماحقتكم
6- الدرمز ماحقكم
7-الات النفخ النحاسيه ماحقتكم
8-البيانو والاكورديون والأورغ ماحقينكم |
يا موصلي نحن لو بارينا ده حقنا وده ما حقنا وده حق ناس فلان وده حق ناس علان معناها كل دولة فرقتها الموسيقية حا تكون تكوينها التين تلاتة الات كده ..
الالات الموسيقية على حد علمي يفرضها الذوق والسمع وهذه وجهة نظر خاصة وربما استدل هنا بالة القانون التي كانت في زمن ما من الالات ربما نوعا ما الأساسية في فرقنا الموسيقية وهاهي الان تنقرض واذكر انني شاهد تسجيل لوردي وعثمان حسين فيه الة القانون ..
ورغماً عن ذلك نجد هذه الالة الان خراجة عن حساباتنا ..
الدرمز تتأرجح بين الحضور والغياب وبالرغم من ان الذوق السوداني يحب هذه الالة جداً ولكننا نجدها تحضر في خجل واضح وحتى العازف تجده هادئ البال وهي الالة التي ارتبطت لنا بالصخب والهجيج واذكر اننا ما ان نجد هذه الالة في عرس حتى نقول " والله الليلة الحفلة دي حا تكون راااااااااااابة "
يبقى يا موصلي انا ما بقول إنو نحن نقفل روحنا في التنا لكن ندخل الالات البتتماشى وذوقنا الفني وحسنا ..
الاحظ ان الشعب السوداني شعب إيقاعي بحت يتراقص ويتمايل مع الإيقاع اكثر من اي شئ اخر وهاك الدليل ..
فها هو الراحل محمد احمد عوض يقيم الدنيا ولا يقعدها بي بنقز وطبلة ورق ورمبة ..
الراحل الكحلاوي نفس الشئ ويتمها بي صوتو الريتا ريتا ريتا ...
كمال ترباس ما ان تخلى عن الطبلة والبنقز فقد حسه الفني وجمهوره الذواق..
اولاد مليجي عندهم فرقة كللللللها إيقاعات دوماً ما يتجاوب معها الجمهور..
وتجدنا عكس ذلك عندنا مشكلة مع الوتريات فها هو البيز الغائب الحاضر في فرقتنا الموسيقية حضوره خجول جداً رغماً عن انه من اهم الالات وجوداً وإمكن لو وقف البيز الفرقة تجوط ولكن نجده بعيداً عن فرقتنا يهيم في وادً غير ذي زرع ..
الجيتار إلا في الصولة والطلعة ولمن تجي تعزف (عالم السنما) حتى تحس بي وجودو ..
الكمنجات في الحفلة تلقى الفنان جايب ليهو واحد ولا إتنين وشغال بيهم ويسميها فرقة موسيقية ..
لكن هل نستغني عن الإيقاع ؟؟؟؟
عشان كده بقول ليك بالرغم من إنو الإيقاع حسب قولك إنو دخيل علينا إلا إنو هو الأكثر خلوداً في وجداننا وعشان كده ما بنستحمل زول يلعب لينا فيهو أو يحاول يدخل علينا شي جديد فيهو !!!!
التجديد مطلوب يا موصلي ولكن في حدود المقبول وليس في حدود المجازفة ...
وبما ان التجربة فشلت إلا ان حصاد واصلت في الإنتاج بنفس السيناريو ونفس الطريقة !!!!
وحتى انت يا ياستاذ واصلت بنفس الوتيرة وها هو شريط شروق تبدو فيه الإيقاعات ليست كالمتعود عليها من ال المليجي فائز مليجي واخوته ..
بجيكم تاني إن شاء الله ..
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
| Quote: يا موصلي نحن لو بارينا ده حقنا وده ما حقنا وده حق ناس فلان وده حق ناس علان معناها كل دولة فرقتها الموسيقية حا تكون تكوينها التين تلاتة الات كده .. |
نحن قبيل شن قلنا ماقلنا الكلام عن وجداننا وحقنا واصالتنا بدخلنا في نفق ضيق
شوف ياحبيبي عمر
الرمز دخل بالباب الكبير وتاني يمرقو الله
وأديك معلومه صغيره عارفك بتكون عارفها ولكن متجاهلها عن عمد (انو البنقز والطبله تصنيفهما في التكوين الاوركسترالي Percussion يعني الات كماليه لتعمل زخارف لمايسمي
Strong bass beats لالات مثل الدرمز العادي والكهربائي والتيمباني وتعادله في السودان الات مثل النوبه والدلوكه وكده
عموما انا مبسوط لجراة كرومه الدخل البيانو والاكورديون
والكاشف واقرانو الدخلو الكمنجات
وابراهيم عوض الدخل الايقاعات الحديثة
وشرحبيل وعثمان المو الدخلو الجيتارات
والموصلي الثبت الدرمز في الاوركسترا السودانية التقليدية
لان ناس شرحبيل استخدموها مبكرا
Quote: التجديد مطلوب يا موصلي ولكن في حدود المقبول وليس في حدود المجازفة ...
وبما ان التجربة فشلت إلا ان حصاد واصلت في الإنتاج بنفس السيناريو ونفس الطريقة !!!!
وحتى انت يا ياستاذ واصلت بنفس الوتيرة وها هو شريط شروق تبدو فيه الإيقاعات ليست كالمتعود عليها من ال المليجي فائز مليجي واخوته .. |
بطل حرفنه ياعمر وانت عارف أن التجربة نجحت ومعظم فناني السودان بيلحسوا في عسلها الان
اها اولاد مليجي ديل هسع بستعملو الدرمز واظنك شفت كيف اسامه استعملوا مع عقد الجلاد
وبنجاح منقطع النظير وهسع بستعملو في هولندا
وبعدين تعال انت دايما تفسر احساسك الخاص بتاع
درررررر كبكرب تتتتتتت بتاع البنقنز والطبلة وماتلاه بان هذا هو وجدانكم؟؟؟
انتو منو؟؟؟
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
الأستاذ الموصلي:
| Quote: نحن قبيل شن قلنا ماقلنا الكلام عن وجداننا وحقنا واصالتنا بدخلنا في نفق ضيق |
كضباً كاضب...
الوجدان ده حا يفتح لينا افاق كبيرة جداً للنقاش ..
وفي تصوري الشخصي في فرق كبير بين الوجدان وبين الحقنا وما حقنا ..
وجداننا خلانا نحب ام كلثوم كلنا وفي زيارتها في الستينيات كان المسرح القومي شاهداً على اشخاص حرموا اطفالهم من قوت يومهم عشان يوفروا حق التزكرة ..
وجداننا خلانا ما نرفض فرقة الجاز وما نطرد ناس الرق والكشكوش وما نفلق بتاعين الكمنجات بي البيض ..
وجداننا يجعلنا نكون مبسوطين 24 قيراط ونحن بنحضر حفل بي طمبور ونقعد ننطط مع الشوايقة ..
نفس الوجدان ونفس الناس تمشي تدخل حفل حق حلفاويين وتقعد تنقز مع الطار وتتلولح مع العباءة السوداء..
الوجدان والذوق علاقة طردية ...
وجداننا هذا هو الذي يجعلنا نرفض ان نقول ان شروق هي الكوكب القادم من الشرق وانها الفنانة التي اتتنا بالتجربة الجديدة والفريدة وانها الصاروخ ...
الزول مننا بتلقاهو بيحب المديح وفي نفس الوقت بيحب الغنا ..
الزول مننا بتلقاهو يتلو القران ويتسمد الحانه من طريقة تلاوته للمصحف..
الفنان تلقاهو مشى الأزهر لتلقي علوم اللغة فيمزجها في أشعاره ..
اها شفت ناس زي ديل يا موصلي من عاشر المستحيلات يتم إقحام شروق عليهم عنوة لإقناعهم بأنها التجربة الفريدة والجديدة ..
Quote: وأديك معلومه صغيره عارفك بتكون عارفها ولكن متجاهلها عن عمد (انو البنقز والطبله تصنيفهما في التكوين الاوركسترالي Percussion يعني الات كماليه لتعمل زخارف لمايسمي
Strong bass beats لالات مثل الدرمز العادي والكهربائي والتيمباني وتعادله في السودان الات مثل النوبه والدلوكه وكده |
شكراً للإضافة والتنوير يا موسيقار لكن خلينا نقول البنقز والطبلة هم الحوار الغلب شيخو ...
تعودنا ان تصاحب الفرقة الموسيقية البنقز أو الطبلة أو الإتنين معاً ولم نتعود غيابهما إلا في وجود الأورغن فقط ..
ولكنا تعودنا ان تغيب الدرمز بصورة طبيعية وحتى وجودها صار الشئ النادر ومعظم الأطفال تجدهم مستغربون من هذه الالة !!!!!!!!!!!!
مش مرات الكماليات بتبقى ضروريات ؟؟؟؟
يعني تتزكر يا موصلي زماااااان بيقولوا ليك المكييف ده شي كمالي؟؟؟
أها والله العظيم اسة في السودان من اهم الضروريات ..
اها مش زمااااان بيقولوا ليك العربية كماليات ؟؟؟
أها الليلة العربية دي اهم الضروريات في الحياة ( بالمناسبة يا استاذ انت مش زمان كان عندك جييب ابيض بتجي بيهو سوق الخضار في الصحافة ؟ ) ..
يا موصلي انا زماااااااااان عارفك زول متواضع خلاص تمشي في الاسواق وتشتري خضارك براااااااااااااااك ولا ما ياكا ده الموصلي ؟
اها نرجع للبنقز البقا من ضروريات الفرقة حالياً ..
نعم تجد ود اللمين يستغني عن الطبل والإيقاع موجود ..
لكن من النادر وجود فرقة موسيقية من غير إيقاع ...
ما عارف لكن الإيقاع بيديني إحساس الألفة بتاع الفصل في الفرقة ...
| Quote: بطل حرفنه ياعمر وانت عارف أن التجربة نجحت ومعظم فناني السودان بيلحسوا في عسلها الان |
أبدددددددددددددددددددددددددددددددددددددددددددددددداً يا استاذ ...
الجديد شديد ...
ده شعار حصاد يا استاذ ..
النجاح البنعرفو لمن يبدوا المنافسين ليك في الظهور وتستطيع ان تصمد بل وتطور نفسك لتقدم الجديد ...
تعال يا موصلي نتحاسب والحساب ولد ..
بعد ما طلعت الشركات المنافسة ما هو انتاج شركة حصاد من الكاسيت الذي كسر الدنيا ؟؟؟
ما هي اجمل كاسيت قدمتها حصاد للشارع السوداني بعد ذلك ؟؟؟
المرسال حطم كل الأرقام وفي كل إجازة لي في السودان استمع إليه في اماكن مختلفة فأين شريط من جديد واين شريط الحزن النبيل ؟؟؟؟؟
شركة البدوي حتى هذه اللحظة ينتظر انتاجها الكثيرون وتجد محلات الكاسيت تتهافت عليهم لتسألهم عن الجديد فأين شركة حصاد إلا من القلة !!!!!!
حصاد كانت ظاهرة والظواهر تزول يا موصلي ..
ان يلعق الفنانون من خيراتها حتى الان فهل حصاد ادخلت فنان جديد في هذا اللعق الان ؟؟؟
ربما يلعق من دخلها سابقاً لكن من يدخلها الان لن يلعق إلا اصابع الندم ..
اتمنى ان تنتج شركة حصاد كاسيت لشروق عشان تبقا ميتة وخراب ديار وعايرة وأدوها صوت
Quote: وبعدين تعال انت دايما تفسر احساسك الخاص بتاع
درررررر كبكرب تتتتتتت بتاع البنقنز والطبلة وماتلاه بان هذا هو وجدانكم؟؟؟
انتو منو؟؟؟ |
انا زماااااااااااان كلمتك يا موصلي وجا كررها ليك دكين ..
انا من النوع البتلقاهو زمان فاتح التلاتة زراير الفوق ولابس طاقية ونضارة شمسية بالليل ومعاي مجموعة شباب عاملين لينا دايرة كده وبنقعد نرقص ..
اها شفت الجماعة ديل والله لا تقول لي الماحي سليمان لا تقول لي انس العاقب لو قالوا ليك بتاع الساكس ده عفن يا مان معناها عفن ..
لو قالوا ليك الفنان البيغني ده زول بيض معناها زول بيض..
لو قالوا ليك البنقز ده بيهجج بينا وبيحرك وجداننا معناها هو كده ..
والله يا موصلي لو تحضر معاي حفلة في الثورة وكان الفنان فيها الراحل محمد احمد عوض والله لعرفت من اقصد بي نحن دي !!!!
ووالله حتى الان لو حضرت (ود امبلينة) وهو من يقلد الراحل محمد احمد عوض لعرفت من هم (وجداننا) ..
احببت ترباس كما لم احب فناناً اخر وتركت ترباس كما لم اترك فنان اخر بعد تحوله للموسيقى وانا الذي احتفظ بي (رق) منقوش فيه إهداء من عبد الكريم الكابلي إلى كمال ترباس في العام 1977...
اكتب وفي مخيلتي الراحل محمد احمد عوض بي الطاقية الحمرا وخلفه (شلاضيمو) وباقي الفرقة وهو يحضن الرق حضنته المعروفة ويردد:
صحيح من قمنا ضم قلوبنا .. احلى غرام واجمل ريدة ..
كنا ينحكي عن الجنااااااااااااااااااااااااااااااا...
الى ان يقول :
وأقووووووووووووووووووووووول من قلبي ليك مبروك ..
ثم تسمع البنقز والطبلة والرق في إشارة للإستعداد للقفلة :
ترررررك ترررررررك تررررررررررك ..
تنقش قش قشش ..
تررررررررررررررك ك ك ك ..
تنقش قش قش ..
كككككك رب ...
تخريمة :
في حضرة المرهف عاصم الطيب يطيب الجلوس مهذب امامك ...
إزيك يا زول يا جميل وشكراً للمداخلة بس لسة يا عاصم ما عرفناك شايت علي وين ..
إنت معانا ولا مع الخيانة ؟
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
تعرف ذكرتني بالجماعه العاملين غلبه كبيره سنين طويله
سلمنا الخماسي (خماسينا) تراثنا //// وجداننا شعورنا ///قوميتنا بنقزنا طلبلتنا
وبعدين اخوك قام عشان يسكت الجماعه البكوركو ديل مشي رحله ميدانيه لي شرق وغرب السودان
لمدة سته شهور في الخلا عديل وشايل زمزيتي وبديتها من القطر
جمعت ليهم مقامات موسيقيه موجوده عند شعبنا البسيط وعند الغلابه ماعندها علاقه تب مع (خماسينا)
المفتري عليه هذا كذباواتضح ان مايستخدمه المجددين الان هي الاصالة نفسهاوليست
خروج كما يدعيه المدعين لمسالة الاصالة والوجدان المفترى عليه هذا
أنا زييك بحب محمد احمد عوض وعلى فكره محمد احمد عوض ألحانه غايه في الحداثة
في نظري وهو قطعا كان ينبغي أن يكون نبراسا للاجترارين الذين تشجعونهم بدعوى الوجدان
شوف ياسيد عايز تسافر بالحمار سافر بيهو وماتهاتي بالطياره
أها الطياره بتاعة الالات الايقاعيه هي الدرمز ده
والبنقز آله ايقاعيه وليس ايقاع لان الايقاع (هو ضرب)
يعني التمتم ايقاع والعرضه ايقاع وهكذا ولازلت عند رايي أننا نستخدم البنقز استخدام خاطئ عشان كده موسيقتنا سجمانه في العالم من المنظور الايقاعي
Quote: بعد ما طلعت الشركات المنافسة ما هو انتاج شركة حصاد من الكاسيت الذي كسر الدنيا ؟؟؟
ما هي اجمل كاسيت قدمتها حصاد للشارع السوداني بعد ذلك ؟؟؟
المرسال حطم كل الأرقام وفي كل إجازة لي في السودان استمع إليه في اماكن مختلفة فأين شريط من جديد واين شريط الحزن النبيل ؟؟؟؟؟ |
من وين جبت الاحصائيه
وعلى فكره فان اكثر الاشرطة توزيعا هم
الحزن النبيل
وشوق الهوي
وأمطرت لؤلؤأ
وأرحل
وبعدين حصاد ما انتجت تاني مسالة لها اسباب
فلو سالت متي توقف الانتاج تجده متزامن مع رحيلي الى اميركا
والغريبه لي هسع شرائط حصاد شغاله ولي هسع بلاقوني الكثيرين من الموسيقيين
بيعترفوا بالفضل كتر خيرهم
سؤال انت ليه ماقريت كلام عمر احساس ده في رد الصديق علي اسماعيل ليك
ولا ماعجبك وما ماشي مع رأييك
| Quote: اتذكر قبل اربعة اشهر كان اخونا عمر احساس فى زيارة الى الامارات فتحدثنا عن الفن والموسيقى وما ان ذكرت سيرة الموصلى ..الا وهذا الفنان تحدث عن الموصلى حديثا لم اسمعه من مطرب لموسيقار كان فيهو نوع من الاحترام والتقدير والمهنية وقال اغلب مطربى السودان لو تحدثوا لى باكر ما هيدوا الموصلى حقه فهذا موسوعة حرام ان يكون بعيدا عن الوطن ..فما كان منى الا انحنيت تقديرا واحتراما لموسيقارنا الموصلى ومطربنا عمر احساس لهذا النموزج الواعى ..خالص الود اخى |
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
عمر الفاروق,حميده,الموصلي,خدر و دكين
جميعكم أصدقاء سايبيريين لي بالمنبر
بث...
حبيت أقول إنو البوست ده لذيييذ شديد
و أجمل تعاليق و لعلمي من أنها مدخلات سايبيريه ليس الا أي الجميع يحب الجميع في الواقع:
Quote: تقييم عمر الفاروق يعتبر تقييم اولاد حلة .. ويؤخذ به عند اولاد الحلة..
تقييم حميدة.. يعتبر تقييم حميدة يؤخذ به عند عمر الفاروق..
|
Quote: وبعد رأيي فيك هذا تقبل وافر إحترامي وخذ بعشمي ماخذا اخويا وأعتبرني فنان سوداني درجة صفر بس (سوداني على الاقل)
|
Quote: ويلا المايك معاك ..
تعال نبذني بسرعة عليك الله .. عشان اجي انا أرد ليك ..
الفورة مليون .. يا ككو .. !! |
Quote: طبعا انت اسه تلقاكـ رسلت البوست لي مليون ايميل عشان توريهم انكـ ناطحت الموصلي
وغالبا بكونو اولاد حلتكم اخدو خبر انو حميده الخطير ناصح الموصلي |
هوي معاكم سلامه الللللله معاكم
و من أسع الرووووووووووووووووب
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
الحبيب الموصلي
يعجبني أنك ترد على ما يستحق الرد
وتترك الغثاء
وأنا مثلك لا ألفت لأصحابه ولا أعيرهم انتباهاً
لذلك تزداد محبتي واحترامي لك
دعنا ننظر للأمام ونبتسم ونصاحب طلوع الشمس
فهناك من المفاجئات ما يفوق خيالهم وحدسهم وتوقعاتهم..
فلتجرعوا ما شئتموا
من جذوة الغليان نبع شقائكم
و جعاً دفين ..
و لترشفوا ماء الصبابة
لوعة الضجر الحزين
و لتستظلوا بالحريق
و تستفيقوا بالأنين
الجمر بين صدوركم
عصب العيون عن الحقيقة
فاستدار الحلم عنكم
و اشتراكم مارد الكذب اللعين
فبقيتموا في لجة اللهب السعير
مواقداً للنار ظلت تصطليكم
كلما ضاءت بروقي في السماء
و كلما لمعت نجومي في الجبين
إني بنار جحيمكم و بغلكم
كالماس أبقى ساطعاً
متوهجاً في كل حين
إني أحس بقدرة الإيمان تسكن عزّتي
و تدغدغ الأنفاس عندي بالحنين
إني أحس بقوة تسري عميقاً في دمائي
كلما أزف العناق
و كلما وجفت قلوب الحاسدين
الطالعين من الجراح
إلى الجراح
ذوي الوجوه الكثر
و الضعف المهين
ما حاجتي
لمثيل من سقط الفراغ بجوفه
ما حاجتي لحقول صلصال و طين
و هواجسِ لا ترتقي صرح اليقين
إني تقمصت الهوى و الصدق
و اخترت السماح طريقتي
فدواخلي بالحب صارت لا تلين
و لقد تبينت الطريق فويلكم
بالحقد تسقيكم لظى زقومها
ألماً سخين
أبقى أنا جيل العطاء
السمح و الوعد الأمين
قمر الزمان المستمد نقاءه
من غفوة الإيماء ترجع بالسناء
تشد أعصاب السنين
أحيا على مر العصور و قامتي
فوق السماء نطل بالصحو المبين
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
التحية للأخوة المتداخلين
يا ريت لو نسمع أكبر عدد من الأغاني بصوت شروق عشان نعرف امكاناتها الصوتية بصورة أكثر وضوحا..فقد تؤدي أغنية ما بصورة عادية و قد تؤدي أغنية أخرى بصورة جميلة جدا و هذا ما يحدث عادة مع المطربين الجدد..ربما يكون ذلك بسبب قلة التدريب (أستاذنا الموصلي ممكن توضح الحتة دي أكثر)..
شخصيا لا أستطيع أن أحكم على صوت شروق في الوقت الحالي..نحتاج لبعض الوقت..
بس في النهاية الحكاية أذواق..تصوروا ان هنالك أشخاص لا يطربون لصوت وردي!!
و هنالك من يكره أبو الأمين!!
و هنالك من لا يطيق عثمان حسين!!
لكم الود..
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
الموسيقار الموصلي:
Quote: شوف ياسيد عايز تسافر بالحمار سافر بيهو وماتهاتي بالطياره
أها الطياره بتاعة الالات الايقاعيه هي الدرمز ده |
مرات الحمار بيكون السفر بيهو اكثر أماناً وطمأنينة من الطيارة التي في زمناا الحالي لا يمر يوم إلا ونسمع بها قد إحترقت في الجو أو تم إختطافها والأعمار بيد الله ..
شفت الحمار ده حلجة كويسة كيف؟
Quote: والبنقز آله ايقاعيه وليس ايقاع لان الايقاع (هو ضرب)
يعني التمتم ايقاع والعرضه ايقاع وهكذا ولازلت عند رايي أننا نستخدم البنقز استخدام خاطئ عشان كده موسيقتنا سجمانه في العالم من المنظور الايقاعي |
على قول عادل إمام ( خليتوا الشقة كلللللللها وساكنين في أوضة واحدة ؟؟)
يعني أسة خليت اسباب سجم وترميد موسيقانا الكتيييييييييرة ديك وكنكشت في البنقز ؟؟؟
طيب ورينا إيقاعاتك الإلكترونية دي ودت غنانا السجمان ده وين ؟؟
هل اخرجته من عالم السجم والرماد وادخلته عالم الطرب والتطريب؟؟؟
قطع شك لا يا استاذ الموصلي ..
انتو يا الفنانين والموسيقيين حيرتونا معاكم !!!
تقولوا عم إحساس جا اوروبا وعمل ليهو شغل سمح نال إعجاب الخواجات ..
تقولوا عبد القادر سالم قدم اروع الحفلات وتراقص على إيقاعاته والحانه الكثير من الهولنديين و و و و و..
طيب ما هم ديل زااااتهم اشتغلوا بي البنقز والطبلة وشفنا لينا ايقاع الكتروني ولا يحزنون !!!
طيب ما اهو دي ام كلثوم كان عندها الإيقاع في فرقتها الماسية المشكلة وين ؟؟؟
يا استاذ والله العظيم صدقني تجربتكم مع الإيقاعات في حصاد كانت فاشلة بكل المقاييس وانا حا اديك امثلة صغييرة على الرغم من بساطتها بس هي جديرة بالاهتمام ..
جاني واحد زميل لي في المكتب وهو زول سمييييييع واذانو نضيفة خالص..
جا يفتش على أغنية (يا خاين) للراحل إبراهيم عوض ولمن ما لقيناها عندي حاولنا ننزلها من الإنترنت وفعلاً بعد الداون لوود تم وصحبي ده عايز يشغل الأغنية عشان يستم ليها وضع السماعات في اضنينو وهو بيقول يا الله لأ يا الله لأ وفجأة كده ضرب الطاولة بي عنف وقال لي ياخ ده الانا كنت خايف منو ورمى السماعات بعيد ..
قلت ليهو يا ايمن مالك يا زول خير؟
قال لي والله انا كنت خايف من إنو التسجيل يكون حق حصاد (العاضّي داك ) وللأسف طلع ياهو ..
وقال لي بي الدارجي كده ومعليش يا موصلي للفظ لكن ده القالوا لي:
(عوووووووووووووووووووع من تسجيلات حصاد )...
Quote: من وين جبت الاحصائيه
وعلى فكره فان اكثر الاشرطة توزيعا هم
الحزن النبيل
وشوق الهوي
وأمطرت لؤلؤأ
وأرحل |
البيحيرني أكتر إنت بتجيب الإحصائيات دي من وين طيب؟؟؟؟
يعني اقلاهو انا عاصرت فترة حصاد الأولى في السودان وانت لأ ..
انا حضرت الشركات الأخرى وتابعت إكتساح شركة البدوي للإنتاج لسوق الكاسيت ..
يا موصلي سمعت بي شريط إسمو (سيب عنادك) لي الفنان محمود عبد العزيز ؟؟؟
عارف الشريط طبعوهو كم مرة ؟؟؟؟
عارف شريط المرسال حقق مبيعات كم ؟؟؟
انت بتتكلم وانت واقف في حتتك يا استاذ وما حاسي بي إنو الناس جات من ورى وإكتسحت حصاد !!!!!!
والله يا استاذ بالجد زكرتني بي الأدروبات القايلين إنو لسة نميري قاعد يحكم السودان وما عارفين إنو بعدو جو تلاااااااااتة حكومات !!!!!
انت لسة عايش على انغام حصاد وتوزيعها القديم وما جايب خبر السوق بقا عامل كيف يا استاذ..
Quote: سؤال انت ليه ماقريت كلام عمر احساس ده في رد الصديق علي اسماعيل ليك
ولا ماعجبك وما ماشي مع رأييك |
الله يسامحك يا موصلي والله ..
والغريبة انا حا اعتبر دي اغرب مداخلة ليك معاي وما فهمت معزاها شنو بالضبط وما عارف ايه اللي دخل رأي عمر إحساس في الموضوع ده ..
عمر إحساس قال رأي شخصي طيب ما أهو حميدة كمان جا قال رأيو هنا وانا ما إشتغلت بيهو ..
طيب ليه يا موصلي ما جبت لي كلام حميدة عنك وقلت لي يا عمر كلام حميدة ده ما عجبك !!!!
عمر إحساس كلامو ما منزل يا موصلي وبالرغم من كده انا رأيي في الموصلي احسن بي كتير من القالوا عمر إحساس اقلاهو على المستوي الشخصي طيلة معرفتي بيهو هنا وليس على المستوى الموسيقي فانا لم اجلس مع الموصلي ..
تخريمة :
طيب انت ما قريت رأيي فيك هنا لمن كتبت :
Quote: بالمناسبة يا استاذ انت مش زمان كان عندك جييب ابيض بتجي بيهو سوق الخضار في الصحافة ؟ ) ..
يا موصلي انا زماااااااااان عارفك زول متواضع خلاص تمشي في الاسواق وتشتري خضارك براااااااااااااااك ولا ما ياكا ده الموصلي ؟ |
وفعلاً ده كان رأيي فيك وإنك زول متواضع لكن ما عارفك فسرتها كيف انت ..
جاييك إن شاء الله تاني..
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
الكرام
لا أخفي مدي إستمتاعي بهذه المداخلات وعلى رغم إختلاف وجهاته وددت أن أوضح وأرجع لمضمون البوست :
1- إننا كشعب سوداني تعودنا على قالب معين صوتياً وموسيقياً ويصعب علينا تقبل فكرة جديدة بسهوله ولذلك تجد أن كل سوداني له ذوق عالي في حدود هذا القالب الذي ألفناه .. وعلى الرغم من المستجدات العلمية في عالم الصوت والموسيقى فإن الحس السوداني لا زالت بصمته موجوده ورأيه الفني متناغم مع هذه التداعيات الحديثة . وهو الحكم على صوت وأداء الفنانة شروق .
2- الفنانة (شروق) لها الحق الفني في أن تطرح تجربتهاالفنية . ويمكن إيجاد العذر لها (أن لم تعط كل زي حق حقه) لحداثة ظهورها الإعلامي وصغر تجربتها الإحترافية . فهذه الزلات طبيعية لدى الخداج الفني . (قرصة ودن) زي ما قال المصريون أفضل من (القطع) . أكيد ستستفيد كثيراً من هذه التقويمات .
3- لا أري أن البروف قد أغلظ في إبراز الفنانة (شروق) إعلامياً وإظهار دوره كأديب وشاعر .. علي أنه له الحق إن فعل من ناحية إحترافية . فآلة الإعلام أصبحت لها اليد الطولى في ذلك . ولكم أن الإعلام العربي أقحمنا في مستنقع قذر بإبرازه لفن متعفن ولسواقط من الفنانات والفنانين وفرضهم قسراً على فضائياته . فلماذا لا نبرز فننا الجميل وعطاءنا المحترم . وللبروف وللجميع أن يبرزا لنا كل جميل وكل جديد وساحتنا الفنية وذوقنا الراقي يسع لكل بديع . وعلى إحترامي لوجهة نظره أري أن الفن السوداني قدم الكثير من القامات الفنية التي تفوق شروق بشهادة الكل . وأشدد على خطوتك لظهور فننا لأبعد من حدود الوطن .
4- الراقي د. الموصلي (إن شاء الله يوم شكرك ما يجي) .. (معقول لاميها كلها) عينا باردة .. أدبك جميل .. ومازلت قريحتك حبلي بالجميل . أعجبتني تلك المداخلات أقصد تلك المحاضرات .. وعلى الرغم من أنني لم أعجب بصوت شروق في تلك الحلقة إلا أنه ممكن يكون إنطباع مبدئي .
الجميل عمر الفاروق دائماً ما تأتي بالجميل أدارتك للحوار قمة عدييل كده . تشكر ولي قدام
مجرد رأي شخصي وتحياتي للجميع
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: إيهاب محمد مصطفى)
|
Quote: لا أخفي مدي إستمتاعي بهذه المداخلات وعلى رغم إختلاف وجهاته وددت أن أوضح وأرجع لمضمون البوست :
1- إننا كشعب سوداني تعودنا على قالب معين صوتياً وموسيقياً ويصعب علينا تقبل فكرة جديدة بسهوله ولذلك تجد أن كل سوداني له ذوق عالي في حدود هذا القالب الذي ألفناه .. وعلى الرغم من المستجدات العلمية في عالم الصوت والموسيقى فإن الحس السوداني لا زالت بصمته موجوده ورأيه الفني متناغم مع هذه التداعيات الحديثة . وهو الحكم على صوت وأداء الفنانة شروق . |
ياسلام عليك والله العظيم السودان بخير
| Quote: 2- الفنانة (شروق) لها الحق الفني في أن تطرح تجربتهاالفنية . ويمكن إيجاد العذر لها (أن لم تعط كل زي حق حقه) لحداثة ظهورها الإعلامي وصغر تجربتها الإحترافية . فهذه الزلات طبيعية لدى الخداج الفني . (قرصة ودن) زي ما قال المصريون أفضل من (القطع) . أكيد ستستفيد كثيراً من هذه التقويمات . |
ومن منا لم يخطئ هل فينا معصوم ولكن علاقتي بشروق المهذبة الراقية الفنانة
تجعلني اغفر لها كل الاخطاء السابقة واللاحقة لانني اعرفها اكثر من جوع بطني
| Quote: ياسلام عليم ماقلت ليك السودان بخير |
| Quote: 3- لا أري أن البروف قد أغلظ في إبراز الفنانة (شروق) إعلامياً وإظهار دوره كأديب وشاعر .. علي أنه له الحق إن فعل من ناحية إحترافية . فآلة الإعلام أصبحت لها اليد الطولى في ذلك . ولكم أن الإعلام العربي أقحمنا في مستنقع قذر بإبرازه لفن متعفن ولسواقط من الفنانات والفنانين وفرضهم قسراً على فضائياته . فلماذا لا نبرز فننا الجميل وعطاءنا المحترم . وللبروف وللجميع أن يبرزا لنا كل جميل وكل جديد وساحتنا الفنية وذوقنا الراقي يسع لكل بديع . وعلى إحترامي لوجهة نظره أري أن الفن السوداني قدم الكثير من القامات الفنية التي تفوق شروق بشهادة الكل . وأشدد على خطوتك لظهور فننا لأبعد من حدود الوطن . |
لافض فوك ياعزيزي
ان كانت هنالك الاف الشموع تحتاج الى اضاءة ولم يقم احد باضاءتها وقام واحد منا بتلك العملية لاحدى تلك الشموع وياتي اللائمون يلومونه على اضاءة تلك الشمعة قائلين
لماذا تلك الشمعة بالذات (أيعقل هذا) إذهبوا انتم الطلقاء وأضيئوا شموعا اخري بدلا عن ذلك الصراخ في وادي السراب
ألم اقل لك ان السودان بخير
Quote: 4- الراقي د. الموصلي (إن شاء الله يوم شكرك ما يجي) .. (معقول لاميها كلها) عينا باردة .. أدبك جميل .. ومازلت قريحتك حبلي بالجميل . أعجبتني تلك المداخلات أقصد تلك المحاضرات .. وعلى الرغم من أنني لم أعجب بصوت شروق في تلك الحلقة إلا أنه ممكن يكون إنطباع مبدئي .
الجميل عمر الفاروق دائماً ما تأتي بالجميل أدارتك للحوار قمة عدييل كده . تشكر ولي قدام
مجرد رأي شخصي وتحياتي للجميع |
شكرا لك فانا والابن عمر نتحاور ونشاكس بعض ولكن في حب
الم اقل لك أن السودان بخير
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
الأستاذ الموصلي :
في كثير من المداخلات وصفتني بالمراوغ الماهر والزول الزواغ اللبيجوهو بي اليمين يجي بي الشمال ..
أها الظاهر علي إني عاديتك يا استاذ ..
فها انت ذا تصل مداخلاتك لأكثر من عشرة مداخلات وحتى الان لم نعرف رأيك الواضح والعلمي حول شروق...
فكل الذي سمعناه منك هو رأي الموصلي المستمع العادي وكل ما كتبته حول شروق هو رأي الزول العادي يعني زيو وزي رأيي انا ..
ولكن نراك تتكلم عن الجوانب الأخرى بعلمية ودراية اكبر فها انت ذا تحدثني عن تاريخ الموسيقى وسلمنا الخماسي والبنقز والطبلة و و و و و و..
وها انا ذا اعيد الطلب مرة أخرى :
هل يمكن ان يحدثنا من الزاويا العلمية عن ما يميز شروق عن غيرها حتى تصير هي الفنانة التي تكسر الدنيا ؟؟؟
هل يمكن ان يوضح لنا الموصلي لماذا شروق بالذات وما هو ما يميز صوت شروق (الناحية العلمية ) ..؟
واتمني يا موسيقار ان نتجاوز حكاية إنو والله يا عمر شروق تغني النص الجيد واللحن الجيد لأنو يا استاذ ده ام عندو علاقة فلا اللحن الجيد لحنته شروق ولا الكلمة كتبتها شروق وحتى الأغاني المختارة من الواضح ان الشعراء هم من يقدمون القصيدة لشروق وليست شروق من تأخذ الديوان لتحدد هي الأغنية التي تريد ..
جاييكم لسة إن ربنا مد في العمر ..
الكلام كتيييير ..
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
Quote: الإنترنت وفعلاً بعد الداون لوود تم وصحبي ده عايز يشغل الأغنية عشان يستم ليها وضع السماعات في اضنينو وهو بيقول يا الله لأ يا الله لأ وفجأة كده ضرب الطاولة بي عنف وقال لي ياخ ده الانا كنت خايف منو ورمى السماعات بعيد ..
قلت ليهو يا ايمن مالك يا زول خير؟
قال لي والله انا كنت خايف من إنو التسجيل يكون حق حصاد (العاضّي داك ) وللأسف طلع ياهو ..
وقال لي بي الدارجي كده ومعليش يا موصلي للفظ لكن ده القالوا لي:
(عوووووووووووووووووووع من تسجيلات حصاد )... |
حلوة دي جدا وأنا ممكن اعمل ليها موسيقى تصويريه ويكون للايقاعات الاليكترونية فيها دورا كبيرا على الطريقة الحصادية
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
استاذنا موصلى .. الاخ عمر الفاروق تحياتى لكما و لجميع المتداخلين,
كمستمع له المزاجيه و الاذن الموسيقيه و كهاوى موسيقى لا اجد ما يميز صوت شروق ابو الناس عن كثير ممن غنن قبلها من بناتنا السودانيات هذا عن الرأى الشخصى و يمكنك يا عمر ان تضيفه لإحصائياتك ..
أستاذنا و الموسيقى الحصيف يوسف الموصلى .. لم اجد فى جميع مداخلاتك اى رأى علمى فى صوت شروق حتى ينبهنا الى الجوانب الغائبة عننا كمستمعين غير زوى تخصص فى المسيقى ولا علم الصوت و الاداء.. ننتظر مثل هكذا رأى حتى ننتبه لهذا الصوت والفلته الغنائيه كما يحلو لبروف المعز ان يسميها..
ولكم منى كل الود
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: mulhim)
|
Quote: طيب ياسيدي عمر مادام ماعرفت رأيي هاك اليه
1- شروق فنانة صوتها يتراوح بين الالتو والسوبرانو أي في منطقة وسطي بينهما فالالطو هو غليظ النساء والسبرانو هو حادها
2- تتميز ايضا باداء مايسمى (بالعُرَبْ) ًبضم العين وفتح الراء وتسكين الباء وهي مايعادل ذبذبات الصوت الغربية Vibration وتجيد الغناء السوداني وتستخدم تلك العرب احيانا في التعبير الفني للاغنية السودانية
ووردي قد احب هذا الاسلوب في الكورس الذي ادي معه
1-قالو بتحبو 2-واأسفاي 3-سافر بالسلامة
3- ينتظرها مستقبل كبير وسأكون عونٌ لها وارجو منها ان تجتهد وقد استلمت مني أحدث سي دي لتمارين الصوت وسيعاونها الفنان الكبير حمزه سليمان على التمارين
الله يعينك ياشروق ولك مني الحب كله |
حظك كعب الظاهر عليك ماقريت ده لانو نزل قبلك بوستك بشويه
بس عارف هذا راي مكرر في بوست تاني عشان كده ماكنت عايز الوك الكلام
رايك محترم وعلى العين والراس
وتسلم لتهذيبك واحييك
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عمر الفاروق)
|
الأستاذ يوسف الموصلي:
| Quote: أها انا ماجبت السيره دي براك(سويتا في نفسك) ياعمر هل تذكر ماغناهو زكي عبد الكريم من كلمات ابو قطاطي وألحان الراحل احمد زاهر |
وفاكر الكلمة القلتها لي ..
وانا صدقت كلام الريد ...
ولا شنو يا موصلي ؟؟؟
يا موصلي وجب تنبيهك لنقطة مهمة شديد ربما انت تغفل عنها أو ربما تتعمدها الا وهي مسألة تقسيمك للمتداخلين لصنفين لا ثالث لهما :
يا إما مؤيدين لي رأيك وديل يجوبهم الثناء والشكر والترحاب والإعجاب بل وتذهب لأبعد من ذلك لتؤكد ان الأذن السودانية بخير وكل المتداخلين في صفك من المؤيدين لصوت شروق صاروا لك الان هم الواجهة السودانية الأصيلة في السمع ...
الصنف الثاني وهم المخالفون لرأيك لا أقول انك تحجبهم حقهم ولكني اشعر وكأن ارائهم لا تعجبك وتكتفي فقط بنظرية الصاح رأي ولكنك لا تقبل ان يكون الأعوج رأي ..
Quote: قطعا هسع اخوك بي موسيقتو الاليكترونيه دي شارك في عدة مهرجانات (حديثه عالميه)
ومرات تعزف بدون حضوري وده حصل في المانيا وفرنسا وايطاليا وكندا وفي مسارح كثيرة
لما يسمي ب (Contemporary music) ويكفي ان سودانية أكاديميه وفاهمه وتشكيلية
وأستاذه للفن التشكيلي بجامعة انديانا ان اقامت حفل مشرف وضبحت تكريما للمؤلفين الاميركان في حضرة اخوك المتواضع في مهرجان الموسيقى الاليكترونية الذي أقيم بمدينة
(بلومنجتون بولاية انديانا) وهنالك تكريم مشابه في ولاية اوهايو كونسرفتوار (أوبرلين)
هؤلاء هم السودانيين الذين نفخر بهم ويعرفون قيمة الفن ويشعلون فيك روح الابداع!!! |
يلا يا موصلي هاك الكلام الما خمج ويا ريت تتقبل الكلام ده ..
أول حاجة يا موصلي مفروض الفنان يعملا إنو يثبت نفسو داخلياً ويخاطب وجدان المواطن البسيط والمتلقي العادي وصدقني لمن يعمل الحاجة ده بعد كده ممكن ينطلق لي المانيا ويوغسلافيا وبلاد ما وراء النهرين وما وراء الكواكب ..
حا تقول لي يا عمر طيب انا ما عملت كده وثبت روحي ..
حا اقول ليك كضباً كاضب فأنت بينك وبين جمهورك فجوة عمرها 16 عام تكفي لأن يتزوج الشخص وينجب اولاد يكونون الان في الجامعات بل ويستمعون لي نانسي عجرم وهيفا وهبي...
انت قايل يا موصلي إنو سبب إنحراف الذوق السوداني هو الفضائيات ؟؟؟
أبددددددددددددداً يا استاذ السبب إنتو ديل والله ..
اقعد في بلدك وقدم شغلك واصبر عليهو مش الفن رسالة ..
ياخ طيب ما تقعد البلد كعبة والحكومة بنت كلب لكن برضو ما تقطع رسالتك الفنية وإتواصل مع جمهورك ..
مش طيلة الفترة دي انت ما مكتف إيدينك وقاعد تعمل في شغل .؟؟؟
طيب وينو الشغل ده ؟؟؟؟؟
يا موصلي حاول إتخيل معاي إنو انت مشيت إجازة السودان وقمت انا كوكيل اعمال ليك حاولت اعمل ليك حفل في نادي الضباط وديك يا الملصقات والدعايات فما المحصلة ؟؟؟؟
معليش يا موصلي التاريخ في الحتة دي ما بيشفع وصدقني حا تجي تلقى الحضور زمرة من اعضاء سودانيز أون لاين الذين لا يزالوا يعرفون الموصلي العضو اكثر من العضو الفنان إضافة لي كم واحد من الكبار بيتزكر الموصلي بتاع الأماني السندسية يعني بي العربي كده يا موصلي جمهور الحفل لن يتعدى المئة !!!!!!!
في اللحظة ديك بس يا موصلي حا تحس بي المرارة والفشل الزريع وحا تحس بي ضياع مجهود بنيتو عشارت السنين وجيت هديتو في طاشر سنة !!!!!
وفي اللحظة ديك يا موصلي حا تكتشف لا ناس المانيا بينفعوك لا الناس الذواقة للفن من المغتربين في اوربا بينفعوك ولا الإيقاع الإلكتروني بينفعك وفقط فقط ناس قريعتي راحت ديل من شماشة ومستمعين عاديين هم الأحق بيك وانت الأحق بيهم ..
وردي في أول حفل له بعد عودته اقيم في الإستاد وبعدها في نادي الضباط والحضور كان اكبر من التصور وهنا صدقني لم يتعاطف الجمهور مع وردي لأنه وردي المريض ولا لأنه وردي صاحب الزكريات الجميلة والماضي الناصع فمعظم الحضور كانوا من الجيل الذي لم يعاصر وردي ..
لكن يا موصلي كان السبب واحد بس إنو الجمهور ده بيعرف وردي وسمع وردي قبل كده وغربة وردي ما قطعتو من جمهور السودان فوردي ارسل لهم اجمل هدية واختار التوقيت المناسب وهو يرسل لهم شريط (المرسال) في وقت كان الناس بين شرائط فرفور ونادر خضر وهاجر كباشي فلفت انتباه الناس للذوق الغام واعادهم للزمن الجميل..
واردفه بي أمير الحسن لو تسمح ظروفك ثم ثم ثم ثم ..
وهنا لا اقول فقط على الفنان ان يقوم بإرسال الشرائط للسودان وهو بالخارج لالالالالا ولكن يجب ان يكون ما ارسله جيد وممتاز فربما يرسل الموصلي عشرين كاسيت طيلة غيابه ولكن هذا الجمهور الذواق يمكن ان لا يعيره اي اهتمام لأن مادته لا تتماشى والذوق والوجدان العام ..
لسة كلامي كتييييييييير بس فاصل ونواصل إن ربنا مد في الاجال..
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Elmosley)
|
عمر
حلجتها و قعدت !!
وفي روايه اخري طبزتها !!
انا اكتر زول مستمع بي حواركم لانو عمر بمثل جيل عندو رأي في الحاصل
وانا كإنتهازي عاوز اعرف رأي الجيل ده (لو تذكر ياموصلي نقاشنا الزمان
عن الفورمولا المثاليه لي خلق التوازن بين الجبجبه و الغناء)
استاذنا يوسف .. اتمني انكـ ما تندهش من كلام عمر الاخير و ماتوقف الحوار
فعمر محتفي بي جيلو و موقفو
اخونا عمر .. ماتطبزها و ماتخلي قرايتكـ لي المشهد القدامكـ جامده .. االسودانيين
ديل مامضمونين ومابتقدر تقراهم بي سهوله
الجيل ده نفسو شفتو بيحتفي بي محمد الامين كيف !!
بقعدو في نادي الضباط في الواطـــه و برددو معاهو حتي قبل مايقول الكوبليه
وما ادراكـ ما محمد الامين والحان و اغاني محمد الامين
حاجه تانيه
Quote: اها شفت الجماعة ديل والله لا تقول لي الماحي سليمان لا تقول لي انس العاقب لو قالوا ليك بتاع الساكس ده عفن يا مان معناها عفن ..
لو قالوا ليك الفنان البيغني ده زول بيض معناها زول بيض..
لو قالوا ليك البنقز ده بيهجج بينا وبيحرك وجداننا معناها هو كده .. |
كلامكـ ده معناتو نلغي العلم من قاموس الموسيقي السودانيه و نعتمد علي المجموعة
اعلاه و ده مابلغي اهميه المجموعه اعلاه لكنها تظل مجرد شريحه مُستمعين يا عمر
وليست استاندر
استاذنا الموصلي و اخونا عمر (طبزها )
لاتنسوا ان هنالكـ الكثيرين المتابعين لهذا البوست .. فئه تتعلم من الموصلي الموسيقي
بي رواقه و ونسه جميله و فئه اخري تحاول فهم الذوق الموسيقي للاجيال الجديده .
و
شكرا شروق ان جعلتي هذا الحوار الجميل ممكنا
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: Dr. Moiz Bakhiet)
|
| Quote: أول حاجة يا موصلي مفروض الفنان يعملا إنو يثبت نفسو داخلياً ويخاطب وجدان المواطن البسيط والمتلقي العادي وصدقني لمن يعمل الحاجة ده بعد كده ممكن ينطلق لي المانيا ويوغسلافيا وبلاد ما وراء النهرين وما وراء الكواكب .. |
(1)
| Quote: يلا يا عمر الفاروق هاك الكلام الما خمج ويا ريت تتقبل الكلام ده .. .. |
كلامكـ ده غير سليم .. هناكـ العديد من النماذج لي فنانيين عرفتهم بلادهم و هم يغنون
من خارجها يعني مابالضروره ( إنو يثبت نفسو داخلياً ) زي ماقلت و يخاطب الوجدان
الفنان ده زاتو وجدانو ده ما سوداني و الجمهور ده ماسوداني يبقي طالما المكون واحد
بين المغني و المتلقي قطعا النتيجه غير مشروطه بالتواجد الجغرافي للفنان داخل
السودان .. دي حاجه .. حاجه تانيه الموصلي عندو موقف سياسي .. يعني ماطلع من السودان
لانو راغب في انو يكون بعيد عن جمهورو وللعلم يكفي الموصلي حتي الان شريط شوق الهوي
والذي حصل علي موافقة الجمهور بشقيه الانت اتكلمت عنهم قبيل .. متلقي مثقف و مجموعه
ابوجا بتاعت | Quote: اها شفت الجماعة ديل والله لا تقول لي الماحي سليمان لا تقول لي انس العاقب لو قالوا ليك بتاع الساكس ده عفن يا مان معناها عفن |
ديكـ و كالعاده يا عمر دقست و نسيت انكـ في اخر مداخلتكـ قلت
| Quote: وهنا لا اقول فقط على الفنان ان يقوم بإرسال الشرائط للسودان وهو بالخارج لالالالالا ولكن يجب ان يكون ما ارسله جيد وممتاز فربما يرسل الموصلي عشرين كاسيت طيلة غيابه ولكن هذا الجمهور الذواق يمكن ان لا يعيره اي اهتمام لأن مادته لا تتماشى والذوق والوجدان العام |
عاد كيفن عاد
(2)
Quote: حا اقول ليك كضباً كاضب فأنت بينك وبين جمهورك فجوة عمرها 16 عام تكفي لأن يتزوج الشخص وينجب اولاد يكونون الان في الجامعات بل ويستمعون لي نانسي عجرم وهيفا وهبي...
انت قايل يا موصلي إنو سبب إنحراف الذوق السوداني هو الفضائيات ؟؟؟
أبددددددددددددداً يا استاذ السبب إنتو ديل والله ..
اقعد في بلدك وقدم شغلك واصبر عليهو مش الفن رسالة ..
ياخ طيب ما تقعد البلد كعبة والحكومة بنت كلب لكن برضو ما تقطع رسالتك الفنية وإتواصل مع جمهورك .. |
يا عمر يا اخوي الله يهدينا و يهديكـ .. وكت انت معترف انو في انحراف ذوق في البلد ليه
مفترض انو جمهور الموصلي لمن يرجع حايكون 100 نفر بس .. الناس دي ماحاتكون عطشانه لي
فن راق .. ولا شنو !!
حاجه تانيه .. الفن رسالة يعني الموصلي يقعد في السودان و عينو تطلع عشان خاطركم انتو
و انتو تخلو البلد و تمشو السعوديه و تحسنو اوضاعكم و الموصلي ده مايمرق لانو الفن رسالة ؟
.. خاف الله
(3)
Quote: وردي في أول حفل له بعد عودته اقيم في الإستاد وبعدها في نادي الضباط والحضور كان اكبر من التصور وهنا صدقني لم يتعاطف الجمهور مع وردي لأنه وردي المريض ولا لأنه وردي صاحب الزكريات الجميلة والماضي الناصع فمعظم الحضور كانوا من الجيل الذي لم يعاصر وردي ..
لكن يا موصلي كان السبب واحد بس إنو الجمهور ده بيعرف وردي وسمع وردي قبل كده وغربة وردي ما قطعتو من جمهور السودان فوردي ارسل لهم اجمل هدية واختار التوقيت المناسب وهو يرسل لهم شريط (المرسال) في وقت كان الناس بين شرائط فرفور ونادر خضر وهاجر كباشي فلفت انتباه الناس للذوق الغام واعادهم للزمن الجميل..
واردفه بي أمير الحسن لو تسمح ظروفك ثم ثم ثم ثم .. |
يا عمر امسكـ راس الخيت كويس .. الاستاندر في كلامكـ منعدم تماما .. انت بتتكلم و بتحلل حسب
مزاجكـ انت و حوارات زي دي يجب الاتفاق فيها علي الاستاندر القائم
وردي فنان ليهو تاريخ
موصلي فنان ليهو تاريخ
هنالكـ هبوط في الذوق العام في البلد و اسبابو معروفة
عوده الفنانين ديل ستضخ الدماء في شرايين الاغنيه .. بنفس القدر
وحسب تقييمكـ انت اذا الجمهور لم يذهب لحفل الموصلي لان اسم الموصلي مكتوب بحروف بارزه
في اغلب تسجيلات المغنيين السودانيين .. قطعا سيذهب عشان كلامكـ ده .. عشان يشوف موصلي
عمل شنو في الـ 16 سنه دي .
دي كانت ردود سريعه علي مداخلتكـ الاخيره و حا ارجع تاني لي موضوع الاستاندر
كن بخير
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عصام أحمد)
|
أنا بعد أن قلت رأي بوضوح لم أتداخل هنا مرة أخري
لكن حقا أوقفتني عبارات صديقك الذي قال:
Quote: بس أوعة تكون مشغول في محاورات
مثل التي كتبت عن الفنانة شروق. |
| Quote: يخيل لي ما في حد بيقرًأ واذا قرأوا لا يفهموا، |
وكيف قرأها هو؟ بل وكيف فهمها هو أيضا؟!!
Quote: أبعد نفسك
عن التعامل مع أشخاص لا يقدرون ولا يعرفون مقامك.
|
بل نعرف مقام الموصلي جيدا ونحترمه كقامة من قامات الوطن
ــــــــــــــــــــــــــــــــــــــــــ
حقيقي ..غلطت أستاذ الموصلي في إدراج راي البروف
| |
|
|
|
|
|
|
|
|
|
Re: ( شروق) ابو (الناس) إلتف حولها جمع من (الناس) فكانت (غروباً) على(الناس)..!! (Re: عصام أحمد)
|
لقد اخذ البوست منحآ اخر بعيد عن النقاش موضوع البوست وهو في حقيقه الامر دعايه اعلاميه وتواجد بعض الاخوه بصوره غريبه لافتعال المشاكل والمهاترات والتراشق بالكلمات النابئه لماذا لايترك الاخوه وفي مقدمتهم الاخ خدر الاستاذ يوسف الموصلي يتعامل مع الجمهور كيفما يري ويريد فاعتقد انه قادر علي معالجه الامور بصوره عقلانيه تبعده وتكفيه شر الدخول في مهاترات قد تصرفه عن اداء رسالته وهو احوج مايكون لهذاء الجهد في الاعمال الموسيقيه وعلي ذكر الناشئه شروق فالساحه مليانه لماذا هي فقط من نالت كل هذا الاهتمام وجر الشكل الدعائي .....ولي عوده
| |
|
|
|
|
|
|
| |
lana mahdi
humida
برير اسماعيل يوسف
Elmosley
محمود ريحان
خدر
معتصم دفع الله
عمر الفاروق
Dr. Moiz Bakhiet
الخير محمد عوض
Bakhaf
ملكة سبأ
bob
هشام هباني
لكن عندس سعال واحد يا فاروق ياكوز..دحين البنية الفتنة الخترية الشديدة شروق دي ما محجبة وما مختمرة لايه.. عندها حق الفيتو ولا شنو ؟؟ونحن في بلد رسالية تحترم دينها وعقيدتها والتاصيل....عالم مكسرة جنس كسير....هسع لو كانت اسمها خادم الله جاد الرب علي بالحرام زول اقرب البوست ده.. مافي.. مع تحياتي لصديقي المناضل ياسر عرمــــــان!!)
Hussein Mallasi
Ahmed Mohammed Osman
ناصر البطل
Alsa7afa_30
mulhim
فيس بوك
تويتر
انستقرام
يوتيوب
بنتيريست