|
|
 Re: مني ..وبوح الموج (Re: صديق الموج)
|
| Quote: بس انت ذااتك عندك خطأ مطبعي |
سمية الالف في ذااتك (الف التوكيد .. مش؟!)
صديق، ما تتكلم في يعقوب ده! إنتا عرفته
الفي نفسو كيف؟ إلا يكون كلمك يا مفتري!!
يا تخشو في الموضوع يا بخش
هسع وين بوح الموج .. أنت مهد أم ضريح
لست أدرى!!!
| |
 
|
|
|
|
|
|
|
|
Re: مني ..وبوح الموج (Re: صديق الموج)
|
قلت مكتوب ليك دعوة مفتوحة
ندفع لك الروح كاش مقدم
وباقي العمر شيك
وكمان في قريتي نا س طيبين وبسيطين
ومدفون أبوي وجدودي في قبة جدنا
الشيخ عبد الباقي أبشام البطحاني
حبوباتي الله يرحمهن لكن حتلقي أمي
سيدة عظيمة الله يطول لينا عمرها
بي حيرانا وبي جيرانا وكتار حبانا
أم الخليفة بيتا بي عجينو وحمر سكاكينو
هسع يامنى نحنا قلنا نضحك
مالك مقلبة علينا المواجع
ومخليانا نبوح أكتر من بوح الموج
محمد عبد الجليل
ختيت ليك الصحة
كان كدي إتا صالح عديل
غِرتني وخليتني أغلط
صديق الموج
شكرا للتكليف بتصحيح التراث الذي هو تشريف
لكن بيني وبينك أنا مكجنة الناس البلعبوا دور الألفة
ومابدر مني ماهو إلا أسلوب من أساليب الهمبتة للدخول معك في الحوار
وكلي يقين إنك تفهم في التراث أكثر مني
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: منى والموج..
لكما من الود الكثير..
--------------------------------------------------------------------------------
بـكـرة أحـلـى.. |
رجاء العباسى..لك من الشوق الكثير ومن المنى ما لنفسى
تحياتنا لراويه كان عترت ليك فى ماسنجر والا هاتف...
سلمتن،،،،
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
العزيزه مني خوجلي تحياتي
كنت بعاين من الشباك واتلفت
وبعد قولت بسم الله وتوكلت علي الله خشيت معاكم
وياسلاااااااااام
انتي وزوارك قمة الروعه والتجانس
وياسلاااااااام تاني
علي الالفه والناس العسل وظراف
وندمت بعد ذلك....
اكيد ندمت
علي تاخري في الدخول وترددي
وما ترددي الا خوف من الا افهم كيف تتحدث الملائكه
ولكني مستمتع بوجودي معكم
ومعاكم علي الدرب الطويل
| |
|
|
|
|
|
|
|
|
|
Re: مني ..وبوح الموج (Re: العوض المسلمي)
|
حافيآ هكذا
باطن قدمي يحتويك
أوتحتويه
لأن رهق الأحساس ينبع منك
حصاة تنغرز في لحم روحي
ويتدفق منها وجدي
موجات00 موجات
تتلقفني موجة الحياة
وترديني موجة غيابك القصري
عن تفاصيل الحضور
أقتربي مني
شيئآ من عبير
وألقآ من ضيائك يجتاحني
صمت الحديث في حضرتك
هبة للكره
كي يسقيه الحب وردة وردة
فيستحيل حديقة من حب وهيام
خارج النص
بالنسبة للقرود يامني
أصلو الضد يظهر حسنه الضد
شكرآ لأنك أخبرتنا كم هي القرود دميمة
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
جاء صباح جديد
مظلم لغياب طلتك البهية
الشاطئ
خاصمه الموج
لانه لايحن الا الي أثر قدميك الطازج
علي الرمال
آآآه يا خلاسية
من أين لك هذا
فك شفرات الوجد عندي
شفرة 00 شفرة
سهلآ جدآ أبدو أمامك
عاريأ من كل محاولاتي البائسة
للتماسك أمام حضورك الطاغي
يائسآعندك وأنت تتدمنين الغياب
خارج النص
تعالي سريع سريع
| |
|
|
|
|
|
|
|
|
|
Re: مني ..وبوح الموج (Re: محمد الطيب يوسف)
|
Quote:
جاء صباح جديد
مظلم لغياب طلتك البهية
الشاطئ
خاصمه الموج
لانه لايحن الا الي أثر قدميك الطازج
علي الرمال
آآآه يا خلاسية
من أين لك هذا
فك شفرات الوجد عندي
شفرة 00 شفرة
سهلآ جدآ أبدو أمامك
عاريأ من كل محاولاتي البائسة
للتماسك أمام حضورك الطاغي
يائسآعندك وأنت تتدمنين الغياب |
Quote: ذهل الكلام..
.........
.........
قال مره ان حياته بدوني مستحيله..
وانهوانه يمتلك الكون وانا معه..
أقبليني زوجا وساكون كما يجب ان يكون الأزواج
محبين مخلصين..
سالتزم بكل الأخلاق والمسئوليات..
ساحبك كما لم يحدث من قبل..
اساكون صادقا دائما كصدق حبنا..
ستكونين مني النفس وأفراح العمر..
أقبليني ولن تندمين!
صدقته ولكني رفضت الزواج منه..
.........
........
ياربي اكون ندمانه؟؟ |
Quote: خارج النص
تعالي سريع سريع |
انا جيت..انت مشيت وين؟؟
في انتظارك وفي القلب توسل ان لا تبعد..
الرمال تحب أن تكون الأقدام اربعه..
تصنع بخطواتها الخفيفه انغام..
الرمال ايضا عاشقه..
تفرش نفسها حبا للعاشقين..
للرمال عشيق يسمي البحر..
يرسل اشواقه مع الموج فيفرحهها..
وبدورها تسعد هي الاقدام العاريه..
تعال نمشي علي الرمال رمله رمله..
نعد حبيباتها ونبني قصور..
ولا نترك الشاطيء الا وتحففت الأحلام..
لكن..
هل تعيش احلام بنيت في قصور من رمال؟؟
.............
............
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
العزيزة الغالية مني خوجلي ( بت البركل )
مسكاقمي
معقول
بوح
وصديق موج
ذكرتني واحد يكون ماكل بصل وتركين ويسلم عليك بالحضن
لا حولا
قسمتك دي ياها البيسموها قسمة ضيزى
او ذي الواحد صايم ويفطر بي بصل
يعني في الهلما دي والقيافات المليان بيها البورد من امثالنا وصلاح غريبة وعبدالرازق الطالب ما لقيت الا ود حي ابوروف دا
انا بستغرب ان صديق الموج يقول ليك انا مولود في ام درمان وفي حي ابوروف
والولادة تمت في الدايات
صدقني اختي انعام احسن ليها تبدلك بي عدة ( طشط وقصرية بس وبرضوا سيد العدة خسران )
بعدين بجي صادي
| |
|
|
|
|
|
|
|
|
|
Re: مني ..وبوح الموج (Re: حمزاوي)
|
Quote: العزيزة الغالية مني خوجلي ( بت البركل )
مسكاقمي
معقول
بوح
وصديق موج
ذكرتني واحد يكون ماكل بصل وتركين ويسلم عليك بالحضن
لا حولا
قسمتك دي ياها البيسموها قسمة ضيزى
او ذي الواحد صايم ويفطر بي بصل
يعني في الهلما دي والقيافات المليان بيها البورد من امثالنا وصلاح غريبة وعبدالرازق الطالب ما لقيت الا ود حي ابوروف دا
انا بستغرب ان صديق الموج يقول ليك انا مولود في ام درمان وفي حي ابوروف
والولادة تمت في الدايات
صدقني اختي انعام احسن ليها تبدلك بي عدة ( طشط وقصرية بس وبرضوا سيد العدة خسران )
بعدين بجي صادي |
شوف يا حمزه أخوي..
أنا من زمااااااان عرفت أنه قسمتي متنيله بستين نيله فيما يخص أمر الأرتباطات الزوجيه..
وهي قسمة سوده بدون عنصريه..والدليل علي أن ايماني بالنيله المكتوبه علي حقيقي..
رايك انت والبدائل التي اتيت انت بها...
لا حول ولا قوة الا بالله..كده انت هاتخليني واستغفر الله..أكفر!
معقوله أنا نيله للدرجادي؟؟
ونفسي اشرح ثم استطرد واقول ما قلته مره اخري وبزياده..الا اني اخاف عاقبة ذلك..
فهي وخيمه كما قيل في كتب العرب..
وخوفا من توقيعات في حياتنا تشيه ايام آخر الشهر عند أسره تعيش علي عائل واحد..موظف كحيان في السودان..لقلنا الكثير في الرد علي اقتراحك العجيب هذا..
كيف هان عليك أن تزيد النار علي أختك مني يا حمزاوي؟؟
أعمل ايه انا دلوقتي؟؟
ساسافر الي البركل وأتسلقه..وعندما اصل لقمته بعد مشقه..سارمي نفسي بدون رحمه من هناك..
والسبب ليس صديق.. السبب انت وماجئت به من امر مريع...
لا حول ولا قوة الا بالله العلي العظيم!
ألهذه الدرجه تكون نيلتي وهبابي؟
الارتباط بصديق ميزته الوحيده بعد تخليص انعام منه..انك تضحك..فهل تستخسر في باقي ايام أختك الضحك؟؟
من بعض ما كتب غريبه اري امكانية ضحك من نوع آخر..بس بيضحك فعلا وباين عليه راجل طيب..ويا سلام عليه في بوستات التشويق..حاجه ما حصلت..اقول ليك كلام؟ افلام اجاثا كريستي ما تشوققك زيه!
احسن زول يكتب بوستات فيها ساسينس خرافي!
شوفت البوست بتاعه عن الشخصيه الأنضمت للمؤتمر الوطني من السعوديه؟؟
عارف كان صابح ويك اند..واخد بالك من التوقيت؟؟
وقعدت انا بقي اتخيل وبكل ما احمله لكم جميعا من أحساس بأهميتكم السياسيه..
ياربي ده محمد عبد الجليل؟؟
ولا امكن عباس اسماعيل؟
يكون ابو جهينه؟؟
ولا ياربي حمزاوي؟؟
يكون ود الباوقه مرق وصلاح غلط قال زول دخل؟
ولا يكون ده منو ياربي؟
تتصور زي طريقة واحدة بتحب في ايام المراهقه وشايله ورده كبيييييره..ترمي منها ورقه ورا
التانيه وهي بتقول..
بيحبني ما بيحبينيش!
اما اللسته وباقيها فأقتراحاتها ستجعل ايامي ممتلئه بتوقيعات ليس لها معني غير ذلك المعشعش في
راس صاحبها..لا يتعب من ترديدها دون ملل أو كلل..
الغرض مرض!
وتبحث عن الغرض فلا تجده..فكيف يأتي المرض بدون ان يسبقهسبب؟؟
ولله في خلقه شئون!!
حقيقي له شئون!
وصحيح ان بالمنبر شخصيات عديده تبحث عن مؤلف..فان حضر المؤلف سيجد ماده خصبه للسخريه وكتابتها اللطيفه..الا أنه سيحتاج في النهايه لمن يكتب عنه..فهو قطعا سائر في طريقهم..
...............
...............
كده ياحمزاوي بدل ما تشيل الهم مني..تزيده؟؟
ربنا يسامحك!
وعلي كل حال الموضوع لا يبعد كثيرا عن تركين ولا هو بصل..
كل الموضوع اني كنت عايزه اعمل..
من الفسيخ شربات
ومنتظراك تجي راجع ..لأني احتمال افكر في "أمثالكم" بمسئوليه!
سأخرج لبعض العمل وارجع بعد ثلاث ساعات لأواصل معكم ومع من لم اتواصل معه..
يومكم سعيد
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: الاخت سمية .. قدر ما دودرنا صديق
لم يبوح وشمشنا ادودهت، فيا يبوح
يا نكلم منصور ونقلب الحكايـــة
مسادير |
يامحمد يا خوي منصور دا رحل كحل
مابزح إن زح جبل الداير
عشمنا في جيتو عشم الكلب في موية الإبريق
دحين أخير لنا نرجع على مساديرنا
( من خلى دارو قل مقدارو)
منى ما تزعلي مننا إنتي ... كده
أما موجك ... فعلاً موج
مش ترباس بغني ( طبيعة الدنيا زي الموج)
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
أها يا صديق أنتا تزوع كده لامن يجي
الخال حمزاوي ويطربق الشغلانية كلها
ويخلي منى تقرر تقع من البركل يعني
حتى صبر سيزيفك ما عندها، بعديـــن
ياخي لو تعطلت فيك لغة الكلام والبوح
إنتا عندك رصيد خرافي من غنـــا
السودان زمان، يعني لازم في الخطوبـة
غنا جديد والله بلاش؟! .. ياخي أكتب ساكت
مش لازم (الكلام الما انكتب) واللـــه
تلقى عبدالمنعم عمر ميت بالضحــــك
وهسع موقفك يكون شنو قدام الوزيــر
معتصم؟! ياخي قول أي حاجة .. أي حاجة
إن شاء الله الروووب، قبل ما يجي حمزاوي
تاني، ومنى قالت بتجي بعد ثلاثة ساعات
يعني يكفيك تستعرض جسمي المنحول
أو يا قائد الاسطول أو دكين .. المهم
خش.
| |
|
|
|
|
|
|
|
|
|
Re: مني ..وبوح الموج (Re: Mohamed Abdelgaleel)
|
سلام يا العاشقان
عندما يدخل الزواج بين قلبين يتفرقان طوعا، وتصبح العلاقة طاردة !
لا خير في الزواج بمن تحب وتعشق!
كن على عشقك- وتزوج من من لم تعشق الا قبل الزواج بقليل !
باعد بين ديار من تحب ومن تزوجت !
ارتداء دبلة الخطوبة أمر يتهافت عليه الناس- وبعد فترة يخلعها المتزوجون لماذا ؟
ومن تجدها في أصبعه تكون قد رفضت الخروج من بين اللحم والعظم !
ألم أقل لكم لا تقترن بمن تحب!!
هذا بوحي فأشهدوا وتشهدوا!!
هشام
| |
|
|
|
|
|
|
|
|
|
Re: مني ..وبوح الموج (Re: Hisham Ibrahim)
|
Quote:
سلام يا العاشقان
عندما يدخل الزواج بين قلبين يتفرقان طوعا، وتصبح العلاقة طاردة !
لا خير في الزواج بمن تحب وتعشق!
كن على عشقك- وتزوج من من لم تعشق الا قبل الزواج بقليل !
باعد بين ديار من تحب ومن تزوجت !
ارتداء دبلة الخطوبة أمر يتهافت عليه الناس- وبعد فترة يخلعها المتزوجون لماذا ؟
ومن تجدها في أصبعه تكون قد رفضت الخروج من بين اللحم والعظم !
ألم أقل لكم لا تقترن بمن تحب!!
هذا بوحي فأشهدوا وتشهدوا!!
هشام |
ويل لنا..هل تورطنا وتحدثنا عن زواج؟؟
تحدثنا عن الأرتباط والخطوبه..
الخطبه هي نص الطريق للزواج..لكن في زمننا هذا ليست حتي ربعه!
تري كم خطوبه تم فسخها قبل الزواج؟؟
الأسباب عديده واحيانا غريبه..
قال احد الشباب أنه قرر ان لا يتزوجها..لأنهاأخبرته انهالن تتوقف من الذهاب الي الكوافير!
ماهي المشكله في الذهاب الي مصفف الشعر بعد أن حوله النظام العام لمصففة الشعر؟؟
لم تكن له اجابه مقنعه..
ولكننا تمكنا بمجهودنا الخاص معرفة السبب..
قانون الأحوال الشخصيه لعام 1991 يقول بوجوب ارجاع الشبكه "والهدايا"التي وهبها الخطيب لخطيبته أثناء فترة الخطوبه!
وعندما قرر الخطيب الأنسحاب من مشروع الزواج والأستفاده مما دفعه سابقا في شكل نثريات وهدايا لخطيبته..اخترع موضوع الكوافير!
حقيقي..اخييييي عليه!
.........
.........
حكمة اليوم..
التهافت علي ارتداء الدبله يشبه تهافت الأطفال علي ارتداء ملابس العيد أول يوه فيه
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
شكرا شكرا يا حمزاوي فقد جئتنا ببداية
البوح من قرونه بما أثاره دخولك من رعب
في نفس صديق .. شوفو قال شنو!
Quote: بل اننى ابتليت بجوع فى المفردات وخوف من البوح
ونقص فى نفس الادوات وثمرات الوقت وبشر الصابرين.. |
يعني الباقي ليهو يقول إنا لله ..
صديق الموج .. حقيقة أعجبني قولك:
Quote: اعد تكسر امواج البحر تحت اقدامى
واتابعها كيف تنداح دوائر حتى تتلاشى مثلما روحى الان |
وبالله كتر لينا من البوح من النوع ده عشان حمزاوي يبعد
ومسعول من الخير:
تقول تعالي لمنو ياخوي؟ الخطيبة
والله الموجات والله البوح والله حمزاوي
طبعا ناس حمزاوي ما عندهم مذكر ومؤنث ..
مساواة حتى في المناداة للمذكر والمؤنث
وما عندهم عنصرية، وعندهم حضارة 7 ألف سنه
وعندهم حلفا دغيم ولا لبنان التي أكلها موج
الرأي الواحد، فسارع لنا ببوح يناهض مشاكسا
يرقد على 7 ألف سنة ويفي بالتزام خطوبة كان
مهرها الفا من النوع الحُمر خلف صحراء خبت:
وبشر يقول
أمنى لو شهدت ببطن خبت وقد لاقى الهزبر اخاك موجا
| |
|
|
|
|
|
|
|
|
|
Re: مني ..وبوح الموج (Re: عواطف ادريس اسماعيل)
|
وجاء البدر
ليرسم وجهه على الموج
ويقرا الامنيات
فلا البدر توهج
والموج تحرك
ولا تحققت الامنيات
فالبدر تعمق في الصحراء
وتاه البريق
والموج تصادم بالشلال
وتناثرت امواجه كالدقيق
والامنية تباعدت
وتباعدت وتباعدت
رغم اشتعال الحريق
فيا بدر عاود الطلوع
وانت يامنى اقتربي
وانثري خصلات شعرك
تبعث العطر
وتمنح الدفء
وتاتي بصديق
وتحياااااااااتي
| |
|
|
|
|
|
|
|
|
|
Re: مني ..وبوح الموج (Re: badr alkalika)
|
Quote: وجاء البدر
ليرسم وجهه على الموج
ويقرا الامنيات
فلا البدر توهج
والموج تحرك
ولا تحققت الامنيات |
سمعها البدر تهمس له فيتحذير حبيب..
اوعاك من اليأس سم الروح وقاتلها
فالبدر رسم وجهه بقوه فانحسر الموج!
.........
........
من اخبرك انه لم يتوهج؟
لمع بعد ظهور ثم برق
ورعد بريقه حتي توهج في الدواخل كالأمل بعد غياب..
مرحبا ياشوق!
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
يا امنيات
شعرك المتناثر كشعر مريا
من قال لك ان البدر توهج
وانكسر الموج
فالموج غادر رغم صلابة الشلال
والبدر اختفى خلف السحيبات
رغم نظره القريب الى الامنيات
والامنية تتباعد وتقترب في الوريقات
وقليل من الاحلام
وفي جنح الليل عند انطلاق الرحلات
اهلا يا امنيات
| |
|
|
|
|
|
|
|
|
|
Re: مني ..وبوح الموج (Re: badr alkalika)
|
Quote: فالموج غادر رغم صلابة الشلال
والبدر اختفى خلف السحيبات
رغم نظره القريب الى الامنيات
والامنية تتباعد وتقترب في الوريقات
وقليل من الاحلام
وفي جنح الليل عند انطلاق الرحلات
اهلا يا امنيات |
لا احب لبدري ان يغيب..
اعشقه متمسك بالأمنيات..
وساعيا لتحقيق الأحلام..
أحبه معجون بكثير من نبل نبينا محمد..
يتابع رسالة الحب دون كلل او تردد..
تسكن الشمس عينيه ولا يسكن العقرب جيبه..
احبه ليلا ونهارا..سرا وجهرا..
أن تتنفس خلاياي به ولا امله او يملني..
اطيعه واتسابق مع نفسي علي اطاعته..
يفهمني ويعرف ان طاعتي ليست خوفا..بل حبا..
يفهم انني اساويه انسانيه واعشق اظهارها له..
أحب لبدري أن يفهمني دون شرح ممل..
احبه قويا في منطقه وفي قراءاته..
وفي اظهار حنانه..
.......
.......
ولا احب لبدري الأنسحاب..
هي أمنيات حب تنتشي بفتح الأذرع لها..
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
يامنيات
ملامح بدرك تطرد كثب السحاب
تخترق المسافات الطوال والصعاب
ترسم لوحة على وجه النيل والرحاب
يلعب الاطفال تحت ضوئه ويتبارى الصحاب
وموجك يتلاطم
ما بين الرياض والارض اليباب
فيا موج اخضرت الصحراء
ام افنيت عمرك سراب
تتمسك امنيات بك رغم قوة
امواجك على الضفاف
وهي كالاميرة تتدلى
في انتظار
ملامح وجهك
وبتعاين ليك
في عيون الناس
وتسال
عنك
اين موجي ياحباب ؟
| |
|
|
|
|
|
|
|
|
|
Re: مني ..وبوح الموج (Re: عواطف ادريس اسماعيل)
|
Quote: موني !!!
ألفين سلام ,,,
مما عايزة أقول سوى ...
أنا ماعندي تجربة في الحب ولا عندي زورق !!!! |
كيف كانت حياتك طوفي اذن في الماضي وكيف هي في الحاضر؟؟
من اين لكي الذكريات الجميله مع حبيب حقيقي..تجترينها في زمن الجفاف؟؟
الأنسان حيوان ناطق ومجتر..
نجتر اليوم ماكان حادثا قبل دقائق دعك عما حدث قبل سنين...
.......
.......
تجربة الحب حياه داخل حياه..
يعيش المحبين حياتهم علي المستويين الخاص والعام..
ولقد ضاع منك حبيبتي الخاص وعشتي حياة واحده..
انا لو منك..اعيش تجربه بزورق..
ولكن هلي يمكننا دعوة الحب ليطرق قلوبنا؟؟
.............
.............
مرحب بالأجترار!
| |
|
|
|
|
|
|
|
|
|
Re: مني ..وبوح الموج (Re: Mohamed Abdelgaleel)
|
اخوي محمد عبدالجليل قولك حقيقة
صديق ابن الموج هذا هو من الاموات بس مضايقنا في الدنيا
انا بدري قلت لاختي انعام صديق دا بدليه بي عدة ( طشط وقصرية ويكون سيد العدة خسران )
أمنى لو شهدت ببطن سوق الشجرة بام درمان وقد لاقى الهزبر اخاك موجا
وطلعنا من هنالك لبوابة عبدالقيوم تبهنس اذ تقاعس عني موجا
ثم رددت للمهدية وقلت اهل العرضة رفضوا هذا الموجا
ناس بانت والهجرة قالوا دعونا نرى موجا للموردة مصدودا
بت امي مني
صديق موج هذا مشلخ مطارق
مشلخاهو الداية ستونا
الكانت ساكنة في حي البوستة جنب المزالق
زمن ناس ام درمان بيركبوا الترماج
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: اخوي محمد عبدالجليل قولك حقيقة
صديق ابن الموج هذا هو من الاموات بس مضايقنا في الدنيا
انا بدري قلت لاختي انعام صديق دا بدليه بي عدة ( طشط وقصرية ويكون سيد العدة خسران )
أمنى لو شهدت ببطن سوق الشجرة بام درمان وقد لاقى الهزبر اخاك موجا
وطلعنا من هنالك لبوابة عبدالقيوم تبهنس اذ تقاعس عني موجا
ثم رددت للمهدية وقلت اهل العرضة رفضوا هذا الموجا
ناس بانت والهجرة قالوا دعونا نرى موجا للموردة مصدودا
بت امي مني
صديق موج هذا مشلخ مطارق
مشلخاهو الداية ستونا
الكانت ساكنة في حي البوستة جنب المزالق
زمن ناس ام درمان بيركبوا الترماج |
حمزاوى .......
قالوا بوح ما هضربة....لاحولا ولاقوة الا بالله
محمد عبد الجليل الزول المخرف ده ما تجدعوا من هنا
هو يادوب اتعلم العربى ..كمان دايرو يكتبوا،،،
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: وانت يامنى اقتربي
وانثري خصلات شعرك
تبعث العطر
وتمنح الدفء
وتاتي بصديق
وتحياااااااااتي |
بدر اعذرنى ما شفت مداخلتك
اصلوا من يوم الشوف جهرنى بقيت ما امنه كلو كلو
اقصد من يوم امنه جهرتنى ..
تسلم يا شفيف على البوح وراجع ليك،،،
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
Quote: بدر اعذرنى ما شفت مداخلتك
اصلوا من يوم الشوف جهرنى بقيت ما امنه كلو كلو
اقصد من يوم امنه جهرتنى ..[/QUOTE
أها يا حمزاوي .. بعد كده تقول لي
تبهنس، والله ظلمت البهنسة ظلم شديد
ياخي ده رقد سلطه، شوف بقيت ما آمنه
كلو كلو دي!! نديهو باقي اليوم ده
باح باح ما باح بوح إنتا إن شاء
بالهيروغلوفية بتاعتكم دي.. نحنا
(زعجانين) خلاس وعايزين بوح من الآخر
مش سطرين
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: يا امنيات
شعرك المتناثر كشعر مريا
من قال لك ان البدر توهج
وانكسر الموج
فالموج غادر رغم صلابة الشلال
بدر الخليفة
هسه ده بوح..طيب الخرت كيف لا حولا
تسلم ياخى.... منى دى انعل ابو شيطان البكرهها،،
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
ود الموج والله أرهبتنا عديل ,, يعتى الواحد فى المنبر ده أصلو مايشرك ,,
بت عبد الكريم وخليناها ليك . أجى بهنا القاك برضو بتقابض .
كل شى الا منى دى . منى دى نحنا داخرنها لملمات صعبه جايه , عايز تغشها ياعمده ,
وبرضو عايز تاكل خريفك وخريف غيرك ,, بالله اطلع منها ,,
منى خوجلى : كيفك وكيف ايه ويسن , معليش امسحى لى هضربة صديق ده فى وشى , أصلو بينى
وبينك خرف , تصدقى الزول ده (ماشاء الله) درسنا فى محمد حسين الثانويه سنة
1972 بس لكن خرفوا لذيذ كل مايشوف ليهو بت سمحه هو عائز يعرسها, وهسه هو
جاء فى زياره لولدو الكبير فى الرياض .
| |
|
|
|
|
|
|
|
|
|
Re: مني ..وبوح الموج (Re: معتصم دفع الله)
|
عصومي..
صباح الحب وبوح الذكريات..
Quote: والله يا محمد عبدالجليل أنا زاتي احترت في الموج دا ..
بقى زي ودالموية يمسكو بي جاي تلقاهو بي هناك
دا بقى ما بوح ..
دا بقى طوفان عديل كده .. |
أنا خايفه ود المويه يقول ليك حرام عليك ظلمتني!
صديق الموج يغلب ويتعب بلد!
شكرا عصومي..
ماضي الذكريات من أروع أغنيات الأستاذ عثمان مصطفي..ان لم تكن الأروع علي الأطلاق..
أرجع لها ولتعليق صديق علي اسمها....
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
معتصم يا ولدى الله يخليك...ريحتنى وسوف اعود لهذه الاغنية لكن ما ملاحظ الاسم
ماضى الذكريات ما جانبه التوفيق ،وكان الذكريات لم تكن ماضى فى يوم
كان ممكن يكون اسمها بوح الذكريات مثلا..
استاذه منى رايك يهمنا عشان نقبل على البوح وننداح،،،
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
Quote: معتصم يا ولدى الله يخليك...ريحتنى وسوف اعود لهذه الاغنية لكن ما ملاحظ الاسم
ماضى الذكريات ما جانبه التوفيق ،وكان الذكريات لم تكن ماضى فى يوم
كان ممكن يكون اسمها بوح الذكريات مثلا..
استاذه منى رايك يهمنا عشان نقبل على البوح وننداح،،، |
اري يا صديق أن "ماضي الذكريات" تعبير بليغ جدا ..
لأنه يعكس حالة الحب المتمكنه من الشاعر..وفي نفس الوقت رغبته المتناقضه في ان يرسل حتي الذكريات التي أساسا ماضي الي ماضي بعيد..لا يتعبه بتذكره..والتذكر ليس ناتج من عواطفه فقط..بل ناتج من الطرف الآخر الذي فارق ولا يسكت عن ترديد ما كان بينهما..
التضارب يظهر في لومه..
رحت في حالك نسيتني!
تري كم منا يعذبه مثل هذا اللوم؟؟
الحب في حياتنا الماضيه والذي لم يكتب له الأستمرار..فيه مراره..فكيف يكون لوم من كنا نحب لنا؟؟
هو لوم لا يشبه اللوم في التقصير في المجاملات..هو لوم الروح لعشيق الروح..ومن هنا كان الألم الكبير..
ثم تجده يشرح..
كنت دايما بعذرك..
وهذا ما يفعله المحبين..يعذرون ويختارون الأعذار لمن يحبون بعد ان هجروهم..لكن مع العذر نجده يشتكي معاناته في ذلك الحب..فيقول شارحا
راضي بحرمان شبابي..
كنت راضي تدللك..
يبدو ان المعشوق كان أقل في حبه كثيرا له..
ثم يظهر التضارب أكبر في محاولة استرجاع العلاقه والاحتفاظ بالحب ..
فيقول في امل..
تعال وبادلني الوداد
ولا قاسمني السهاد
هذه الحاله من التمني والغضب والحب الشديد..يتمني لها الشاعر أن تذهب الي ابعد من الذكريات..
الي ماضي الذكريات عندما يتأكد نهاية من صد الحبيب..
وتتارجح البيات بين مشاعرها المختلفه من لوم وهجر وحب وغضب..
وفي كل تارجحاتها تنبض بحب حقيقي..
وبيني وبينك حب زي ده..لازم الزول يتخلص منه..لأنه بيبقي تعلق قاتل..
يخلي الزول في حالة "محلك سر"
وماتصدق كل لوم..فوراء قد تمكث رغبه مواصله..
__________________
اها فيها بوح واندياح ولا مافيها؟؟
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
الرقيقة/ منى
Quote: شوف يا حمزه أخوي..
أنا من زمااااااان عرفت أنه قسمتي متنيله بستين نيله فيما يخص أمر الأرتباطات الزوجيه..
وهي قسمة سوده بدون عنصريه..والدليل علي أن ايماني بالنيله المكتوبه علي حقيقي |
انتي لسه ما نسيتي
عارفة البحر فيهو خاصية عجيبة وغريبة
1/ الناظر اليه لا يشبع ولايكل ولا يمل
2/ الناظر اليه يرى الماضي ممتدا امامه وعندما تتكسر الموجه على الشاطيء
تعطيه ما تكسر من حياته
لذلك ابعدي من البحر حتى تري رحلة الحياة القادمة
ودمت ودامت لك ايه
| |
|
|
|
|
|
|
|
|
|
Re: مني ..وبوح الموج (Re: محمود بكر)
|
Quote: لذلك ابعدي من البحر حتى تري
رحلة الحياة القادمة |
أفو يامحمود، بعد الموج ما أتكسر على
الشاطيء ونحنا قاعدين نعاين مستنين البوح
ومعتصم مشى يجيب اللبن، تبعد
after what?
حاول جرجر معانا الموج ده ليكون في
مستوى المسئولية البوحية التاريخية
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
محمد عبد الجليل ... منى ...تحياتى
كلنا مدينين للمرأة ..
وانا على وجه الخصوص ابوح امامك وبكل اهليتى المعتبرة شرعا
وبكامل قواى العقلية اننى مدين للمرأ منذ كنت يافعا وحتى الساعة
فالمرأة تفتح النوافذ فى بصرى والابواب على بصيرتى.
ولو لا المرأ الام والشقيقة والصديقة والزوجه والابنة لما كنت....
وينازعنى هذه الايام شوق الى المقر الذى تركت قلبى فيه
واستودعته شقاوتى ونزقى(اصدقك:احن هذه الايام بشبق الى بعض رزايا ايام الشباب)
هناك على شؤاطى النيل الجميلة تتطلع عيناى على جنان نخيله ..
وعلى امراة باسقه كنخيله..
لاتسالنى عن كنها يا محمد،المهم هى امرأة...
صدقنى مارايت زهرة ناضرة ولا تنسمت عطرا ذكيا ولا سمعت تغريد قمرية
ولا مر بى نسيم بليل او عليل منذ توارت اخر اشعة رمقتها عيناى
مع اخر مشهد على الضفاف الخضر..وفى كل مرة يا محمد اضرب كبد
طائرة ،ما ان استقر فى جوفها الا وتاخذ عندى شكل المنفى..
وانظر من نوافذها على اخر بيت من بيوت بلدى ،اى بيت اجده يتخذ شكل الرحم..
فى كل مرة يا محمد لا يفارقنى هذا الاحساس الموجع ،ومهما حسبت
كم من المفاوز التى غنمت او تخيلت كم هى تلك الت سوف اجنيها.
انت مثلى ،فليس بالمحير ان تريشنا جبارة من جبابرة هذا الزمان
بسهم واحد فتصيب منى جناحا وتدمى منك اخر..وليس
بعجيب ان تهفو ارواحنا كل ثانية الى هناك..وليس ثمة شىء غير هناك....
اذن:
سر معى اخى محمد فقد طال وقوفنا فى ظلال الحيرة..
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
Quote: وينازعنى هذه الايام شوق الى المقر الذى تركت قلبى فيه
واستودعته شقاوتى ونزقى(اصدقك:احن هذه الايام بشبق الى بعض رزايا ايام الشباب)
|
الله يكافي شرك يا الملهلبه نارك
نقولك بوح
تقوم تفت
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
وليم بليك قال:
((حين تطبق الكهوف على الفكر فان الحب سيبعث جذوره حتى فى اعمق اعماق الظلمه))
من يدرى؟؟؟
البوح مهمة عسيرة على معظم الناس هكذا لاحظت اخيرا حول نفسى..
ويبدو ان هنالك سوء افتراض عام ،مفاده ان ما يكتب يجب يكون ان حارا وعظيما
او ماشابه ذلك هو المشكله وعين الخطأ..
اننى اكتب الان وليس فى ذهنى اى شىء تقريبا ما عدا غير انه من غير
المعقول ان اظل صامت اكثر من هذا..
وبامل ان تاتى او ياتى من يكمل نقص هذا البوح مما يعرفونه عنى او يمما يظنونه
فى انفسهم..
الان تذكرت محمد عوض الكريم القرشى ذات بوح:
طولت لكنك انا يا حبيب الروح اعفينى من ظنك!!
ليتهم يبوحون..او يعفونى من ظنهم وفى الحالتين انا رابح،،،
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: الان تذكرت محمد عوض الكريم القرشى ذات بوح:
طولت لكنك انا يا حبيب الروح اعفينى من ظنك!!
ليتهم يبوحون..او يعفونى من ظنهم وفى الحالتين انا رابح،،، |
الموج - كفشتك، نراك في ليالي الرياض وفي جلسات
السمر وانت تنهمر بكلام الحب إنهمار من لا يخشى المساءلة
ونبتهج ونفرك أيدينا إنبساطا فطعن الكهولة يزيد طعم
الاحساس بالأشياء خاصة لو كلام والمكضبني اليشوف مصطفى
عثمان أو أي واحد من الشيوخ العشاق، وفي حالك فقــد
تم إعلان خطوبة إسفيرية في الهواء نريد أن نستعيد بها
الذكريات ونستظل بطلاوتها من كآبة الغربة وطبعا من حقي
كوكيل أن أكون ناطقاً رسمياً، مش أي حاجة في السودان عندها
ناطقين واحد رسمي واحد دكاكيني، يلا خلينا إن شاء بوحك
تدينا ليهو من ود القرشى وباقي الجماعة .. ما تطول علينا
| |
|
|
|
|
|
|
|
|
|
Re: مني ..وبوح الموج (Re: محمد عثمان)
|
Quote: يا سلاااام على البوح و النغم الجميل
ممكن اشترك..؟؟؟ |
محمد عثمان..
انت سؤالك ده بي صحه؟؟
انت الناس دي قاعده نحنسها علشان تبوح..
حتي الخطبه الأسفيريه عملناها..
وبرضه الجماعه قاعدين مكتفين!
انت اسد يا محمد عثمان لا يخاف..
عليك بالبوح والقامه وليس الأشتراك فقط..
السد يا محمد لا يخاف 
منتظرين البوح ومعه ان أمكن الغناء الذي يقطع نياط القلوب أو يحيها فرحا..
وما يهمك النتيجه!
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: يا سلاااام على البوح و النغم الجميل
ممكن اشترك..؟؟؟ |
محمد عثمان العزيز......تحياتى
ما ممكن طبعا تشترك.. لكن ممكن تبوح ..
ان شاء الله(تبوح) فى هدومك...
وقد عيناك بواحا اعظما بدرجة فارس..
نحن يهمنا!!!!!!
ساعود باذن واحد احد الى البوح،،،
| |
|
|
|
|
|
|
|
|
|
Re: مني ..وبوح الموج (Re: Muna Khugali)
|
Quote: الموج - كفشتك، نراك في ليالي الرياض وفي جلسات
السمر وانت تنهمر بكلام الحب إنهمار من لا يخشى المساءلة
ونبتهج ونفرك أيدينا إنبساطا فطعن الكهولة يزيد طعم
الاحساس بالأشياء |
محمد عبد الجليل الزول الكبير الفات الكبار والقدرو...كيف حالك
محمد كلما اتجهل ممنيا نفسى بان يعود الشباب يوما ترجعنى مربع واحد..
وكان ما عارف فى ناس ما بستحملوا فوقك دعى ،كان داعيتك..
وقبل ابوح النحكى ليك قصة الزول القعد فى الغربه خمسة سنوات.
وبرجع السودان سنوى ،لما رجع بعد خمسة سنه نهائى لقى عنده سته شفع
سال المرة عن الشفع وكيف اصبحوا سته وهو لم يغيب اكثر من خمسة سنوات!!
فاشار الى حدهم فقالت له ده ما صالح السميته
على ابوك،وطيب ده؟ ده ما احمد ..وطيب دى؟ ده ما فاطمه..وطيب دى؟ ياراجل
انت جنيت دى ما شامة ..
اخيرا اشار الى صغير كانت تحمله وكان برضع ..وده ؟؟
فردت المرة بسم الله ده كمان بعدو!!!!!
هسه يا محمد كمان سنين القشورية ديل بعدوهن؟؟
محمد راجع ليك ببوح اطول من حبل صبركم على بس روقو،،،
| |
|
|
|
|
|
|
|
|
|
Re: مني ..وبوح الموج (Re: صديق الموج)
|
وبرجع السودان سنوى ،لما رجع بعد خمسة سنه نهائى لقى عنده سته شفع
سال المرة عن الشفع وكيف اصبحوا سته وهو لم يغيب اكثر من خمسة سنوات!!
فاشار الى حدهم فقالت له ده ما صالح السميته
على ابوك،وطيب ده؟ ده ما احمد ..وطيب دى؟ ده ما فاطمه..وطيب دى؟ ياراجل
انت جنيت دى ما شامة ..
اخيرا اشار الى صغير كانت تحمله وكان برضع ..وده ؟؟
فردت المرة بسم الله ده كمان بعدو!!!!!
| |
|
|
|
|
|
|
|
| |
Mohamed Abdelgaleel
معتصم دفع الله
صديق الموج
العوض المسلمي
Muna Khugali
Hisham Ibrahim
عواطف ادريس اسماعيل
كمال سالم
عمر التاج
فيس بوك
تويتر
انستقرام
يوتيوب
بنتيريست