|
Re: أقبض.. الزميلة فدوى الشريف تسرق في وضح النهار!!! (Re: DKEEN)
|
للجميع إحترامي ومودتي أفضل كثيراً الرد على كل مداخلة بطريقة منفصلة وسأحاول الرد على بعض المداخلات لماذا؟؟ لأنني سوف أجمل حديثي في هذه المداخلة عدا الردود الإستثنائية بغرض التوضيح.. أولاً: كل شخص يرى الحق وفقاً لعدسته الخاصة فمنهم من يرى سرقة عمارة أو بنك شئ عادي ومنهم من يرى الألفاظ النابية شئ عادئ، هكذا عباد الله، وما أعرفه أن الحق واضح لا يحتاج لدرس عصر.. كمثال.. حالة الأخت فدوى.. وهي سرقة واضحة.. لماذا.. هناك إحتمالان الأول: أنها أعادت طباعة المادة من الصحيفة من جديد.. والشاهد أن إسم وصورة الأخت رشا على الصحيفة. الثاني: أنها قامت بعملية نسخ ولصق من موقع صحيفة السوداني.. وهنا أيضاً أن إسم الأخت رشا كان مكتوب عند نهاية المقال.. وهذا الإحتمال الراجح السؤال: ما الذي جعل الأمر سهلاً للأخت فدوى بنسخها مقال كامل وغلبها نسخ إسم الكاتبة علماً بأنه موجود وكان بإمكانها أن تطول المؤشر إلى تحت قليلاً بدلاً عن تطويل اليد!!! . . اقول.. أنا أقبل إعتذار الأخت فدوى.. ولعلم بعض الفلاسفة ومنهم صديقي جعفر بشير بأن الهدف من البوست ليس التشهير وأنا لست من يشهر بالناس اللهم إلا إذا كانوا حرامية وأعتقد أن الحق معي في هذه النقطة.. . . سأعود لبعض المداخلات.،
تخريمة: الأخت فدوى .. طلبك تلفون رشا محل تقديري وسأرسله لك.. . . للجميع مودتي.،
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: إسماعيل وراق)
|
الأخوة الأحباء !!!
صباحكم عنبر ,,, صباح أحلى من السكر ,,,
جل من لا يسهو وجل من لا يخطيء ,,,
شكر فدوى على الشجاعة والإعتذار ,,
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: إسماعيل وراق)
|
Quote: يا جماعة روقوا شوية اولا الموضوع يستحق المجي بة هنا والاخت فدوي مشكورة ثانيا نفترض حسن النية مع اهميه الموضوع ثالثا فدوي يبدوا انها ما مقوقلة الموضوع لان الموضوع نشر في الخرطوم في اشهر الصحف رابعا الموضوع وصلنا واستفدنا منة ولا بنعرف رشا ولا فدوي اها الحقوق محفوظة لرشا |
الاخ بدر الدين كاجوري يسعدني اسمع منك الكلام دا واشكرك خالص لابداءك حسن النيه وفعلا انا قصدت الاستافده من الموضوع ليس الا لكن ...............قدر الله ماشاء فعل
الاخ دينق اسمح لي ان احييك لشخصك معزتي بلاحدود وانا سعيده التمس فيك ان الاختلاف لايفسد للود قضيه
الاستاذ محمد عبد الجليل اشكرك لمبادرتك الطيبه في قبول الاعتزار
الاخ عبد الكريم الامين اشكرك علي التنويه
وسام......... عبد العاطي .........
مني خوجلي اشكرك
غفار بشير لاكلمات تليق بك ابو الحسين تلسم كتيييييييييييييييير يارفيق
محمد فرح فرحت بك
دكتوره بيان كومك براه
التحيه ليك حاتم هاشم
اسعد ابراهيم خير الخطائون التوابون
ياسر طيفور سلامي
segtaweelتحياتي
bent-elassied معزتي ونصيحتك ع العين والراس
غاده عبد العزيز خايفه اقول ليك مداخلتك ريحتني علي العموم شكري بلاحدود
Quote: مش امكن البنيه تستعدل |
الاستاذه سلمي الشيخ سلامه الحمد لله انا اصلا مستعدله بس ربنا لما يقول لي حاجه كوني فتكون رماني باسواء ظرف لاستعجل الخروج ويحدث ماحدث لاارفض الاقدار ولكن اسال الله اللطف فيها وربنا يعينك وحقك بيرجع ليك لاحقا ام اجلا فقط اطلبيه من الله معزتي
بكري الصايغ - هشام امين - خالد العبيد - ابوساندراشكري وتقديري
اندرو و ولي الدين الفكي يسعدني سماع هذا منكم
دكين سلامي
تماضر شكرا
دكتور المشرف شكرا
Kabar طلبك ع العين والراس وعاجزه عن الشكر
تمبس كلامك مفيد جد وانا عارفه ومستحيل اشيل حاجه مش حقتي لو ماتعبت فيها وانسبها لي نفسي مستحيل ..اذكر قبل كم يوم جا ابوي وقال ليا عندنا قريبنا بالعربيه حايوصلك في طريقو لي شغلك قلت لي ابوي لا انا لازم اتعب في المواصلات عشان بكره اجيب عربيه بي حقي واحس بي طعم الراحه وانا تعبت جدا لحدي ماجبتها معقوله اجي اسرق مقال انا مندهشه حقيقي ومامصدقه البحصل دا علي العموم خير واكيد درس مفيد شكري ليك
Quote: لماذا هذا التشهير يا إسماعيل وراق يا إسماعيل وراق والأخت لنا بالله إنتو النقول عليكم عقلاء حزب الأمة؟؟!!! هذا البوست مهما كانت نواياكم لا يحمل إلا معني التشهير...لماذا تفعلون هذا؟؟!! أما كان الأولي الإشارة قبل ذلك في نفس البوست؟ صدقوني ما أتيتموه أكبر من الخطأ نفسه!! وهل تظنون أنكم بلا خطيئة؟؟!!!
كلكم للأسف مثل شفع عقلية صبيان!!! أعقلكم كلكم الأستاذ جعفر أبو آمنة |
ادروب ابوبكر انا متاسفه جدا للتسرع من طرف اسماعيل وراق بس معليش وعلي العموم سماح واشكركعلي قبول اعتزاري واتمني ان تلحقني بالتلفون او تبلغها اعتزاري نيابة عني وقل لها زنبي اعجابي بكتاباتك فاق حد الدهشه
عطوفه الولوفه الطيبه ماعندي غير شكري لكي
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: فدوى الشريف)
|
الأخت فدوى تحياتي يا أستاذة أنت شابكاني تسرع إسماعيل وراق .. تسرع إسماعيل وراق.. تسرع شنو يا أختي الكريمة.. أنا لم أتسرع.. أنت كتبتي هذا الموضوع منذ يوم 28 وأنا فتحت البوست في اليوم الثاني ولم تكلفي نفسك بتوضيح الحقيقة.. وبرضو متسرع.. كلام غريب شوية مش كده.. كويس أنك عرفتي غلطك ونصيحتي ليك بلاش مكابرة وما تضعي في ذهنك اني مستهدفك لأني لا أحمل حقد تجاهك أو هناك سوابق أو رواسب كما يقال.. . . بالنسبة للتلفون.. أرسلي لي رقمك على المسنجر وسوف أرسل لها الرقم
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: إسماعيل وراق)
|
الاخ اسماعيل تحياتى سيدى
اسمح لى ان اقول لك بانك زودت الموضوع واعطيتة اكثر من حقة لقد قمت يا سيدى بتنبية الاخت فدوى الشريف لما قامت بة فى هذا البوست واسميتة سرقة ودار السجال بيننا والاعضاء هنا ودخلت الاخت فدوى الشريف وبينت واعترفت بخطئها وزاد اعتزارها عن ال 10 مرات وبالرغم من ذالك سيدى ما زلت تهاجمها وتناوشها
يا ترى لماذا ؟ وهل ترى ان اعترافها واعتزارها عما بدر منها غير كاف لك ولكاتبة المقال الاصلى ولماذا الاصرار اصلا فى متابعتة و ما هو عائدة بالنسبة لك ؟
سيدى لم اقصد ان اقسى عليك ولكنى اراك قاسيا على الاخت فدوى فهلا تركنا هذا الموضوع هنا
هشام امين
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: Hisham Amin)
|
الأخ هشام أمين تحياتي يا أخي لم أهاوش أو أناوش الأخت فدوى.. أرجع لمداخلة سابقة لي تجدني واضحاً في القول وذكرت بالحرف أنني أقبل إعتذار الأخت فدوى رغم السرقة الواضحة.. ودي ما فيها نقاش على الأقل بالنسبة لي وعدد من الأخوة.. لكن أسأل نفسك لماذا أعقب على بعض الردود وهذا ما بينته في مداخلتي المذكورة آنفاً.. دعني في التعقيب على فدوى دون الآخرين.. فدوى يا هشام تقول بالحرف الواحد أنني أتهمتها وأنني أقذف في حقها.. لاحظ أنها تبرر الخطأ وأنا شخصياً لا أحب شخصنة الأمور ولكني ضد المكابرة.. فدوى أخطأت وأعتذرت قبلت ذلك.. وأعتقد المسألة واضحة.. اختم قولي إنني لا عداء شخصي بيني وبينها ولا أعرفها وأتشرف بمعرفتها إذا أتيحت لي الفرصة وأتشرف بمعرفة أي سوداني بغض النظر عن لونه السياسي وخطه الفكري.. لكن المكابرة لا.. التبرير غير الصحيح بالنسبة لي غير مقنع.. أياً كان مصدره.. رجل أم إمراة. فتك بعافية
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: Hisham Amin)
|
الاحباب سلام الزولة اعتزرت والناس قبلوا عزرها لكن انا فى الناس الجايين وشايلين اسقاطاتهم وشانين هجوم على الحبيب اسماعيل , شوفوا يا ناس الحق ما بزعل الزولة غلطت واعتزرت( وعلى حسب اعتقادى العزر الاقبح من ذنبوا) لكن بعد ده نحن كبرنا دماغنا وتم قبول الاعتزار, لكن البوست ده كان ضرورى عشان اى واحد اخر تسول له نفسه بالاتيان بهذا الفعل يتزكر ما حدث لفدوى يعنى عبر لمن يعتبر ... والناس الدايرين يكتسبوا صفة الوقار والعقل والمعقولية بالوقوف فى صف الاخت فدوى على حساب الحق شوفوا ليكم شغلة تانية فالمسالة ما فيها هامش لتحرك فى هذا النطاق والناس الجايين باسقاطات لما حدث فى جامعة الخرطوم الموضوع مختلف توتالى وما بحتمل اى زج لما حدث هناك فى اطار ما يدور هنا
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: عمر الفاروق)
|
عمر الفاروق سلام.،
Quote: الأسهل إنك ترسل ليها هي عبر المسنجر الرقم وهي تتصل عليها لو أمكن .. لكن نسوي شنو في الخفّة الكتلت أم تفة .. غايتو يا ود وراق ظهرتها عااااااااااااملة .. |
علشان القصة توضح ليك... فدوى طلبت رقم رشا.. وأنا أستجبت لندائها وفكرت في إرسال الرقم على المسنجر وليس من العقل كتابة رقم شخص آخر في منبر عام دون أذنه.. بعد تفكير وصلت للمنطق القائل من الحكمة أن تعطيني رقمها وأنا بدوري أرسله لرشا.. شفت كيف.. علشان ما تمشي بعيد..
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: إسماعيل وراق)
|
فاتني أن أنبه الأخ وراق أنه وطالما يجيد التعامل عبر الخاص فكان من الأجدى والأحرى (الأحرى دي عاجباني) أن يرسل (للزميلة) فدوى عبر الخاص مستفسراً عن هذه (السرقة) قبل أن يفتح بوستاً كاملاً طالما كان غرضه الأستفسار لا أكثر وحينها كان سيجد الرد من (الزميلة) فدوى ..
تخريمة : بالمناسبة إستخدام كلمة (الزميلة) مع (تسرق) يوضح مدى تدهور الصحافة عندنا.. ياخ دي زي لمن تقول إنتي (طالق) يا (حبيبتي)..
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: محمد عادل)
|
شفت با لنا الناس ديل مش بدعوك للعجب وبس شفت كثيرين وقفوا فى صف فدوى لتصفية حسابات ومش فى صف فدوى لانو قدوى اعتذرت وما حاولت تغالط لكن ديل شافوا ليهم صف من ر اسهم ووقفوا فيهو , لانو فدوى حاولت ان تظهر وكانها وديعة برئية جدا وكانها مهيضة الجناح على عكس ظهورها فى البوست التانى بتاع معز والذى امتشق حسامة واعلن براءتها وحذر وانذر وكاد ان يتوعد لو لا ستر الله وهذا ان دل انما يدل على اشياء فى نفس يعقوب
واسمع يا حبيب اسماعيل ما ترسل تلفون بتنا رشا وخلى فدوى تديك تلفونها عشان تامين الكادر وكده والكلام ليك يا المنطط عينيك
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: عبدالمنعم خيرالله)
|
أعتقد الموضوع لحدي هنا فلو أستوب اللهم إلا إذا كان الغرض التشهير أو شيء في نفس يعقوب أستاذ إسماعيل الجميع قبل إعتذار الأخت فدوى ولاأعتقد أنها قد تنسى ذكر المصدر مرةً أخرى
Quote: ياخ دي زي لمن تقول إنتي (طالق) يا (حبيبتي).. |
دي موباااالغه ياأبوعمير
لكم جميعاً مؤونة عام من الود
فل أستوب please
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: إسماعيل وراق)
|
Quote: ...اللهم اجعله خير .. والله يا ابو آمنه يا اما انا ماشي على درب الإستنارة حسب الخطوات المعروفة .. يا إما إنت في الطريق لي الظلامية الدامسة .. كما حال العبد الفقير أنا القدامك ده .. بعد أن تم تتويجي من هيئة المحلفين هنـا وكبار الكهنة وأصحاب الحظوة تتخيل يا جعفــر بتفق معاك .. وقاعد افتش في راسي .. |
تمبس
والله لو عارف القاعد جمبك منو كان قلت ليهو عليك الله اهبش لي تمبس ده شوف حرارتو كم ... معقولة بس تمبس بقي ماشي علي درب الاستنارة ... اللهم بارك وزيد وارزق المستنيرين باحد المحمدين (ما تقول لي ديل منو) ...
طبعا منتظرني اسحب كلامي (نكاية بك) لكن يا حبيب الكلام السمتنير ... ما مشترنو حانخليهو هنا عشان احتمال يهدي لينا ظلامي تاني
ومرحبا بك في درب الاستنارة بسابعد من اساسي عشان ما يهد فيك
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: bayan)
|
أوضحنا وأوضحتي وقلنا شكرا علي الحوار الثر هل هناك كساد في المواضيع ولا ايه؟ من ناحيتي هذه آخر مداخلة في هذا الموضوع وليس لدى الرغبة في انهاك القارئ في موضوع استنفد أغراضه وأتخذ القارئ رأيه فيه مع أو ضد. كمان ما عايز أعمل وجع وش للسادة القراء فتك بعافية مع أمنياتي لك وأسرتك بالصحة والعافية.
| |
|
|
|
|
|
|
Re: أقبض.. الزميلة فدوى الشريف تسرق في وضح النهار!!! (Re: Atif Makkawi)
|
Quote: أوضحنا وأوضحتي وقلنا شكرا علي الحوار الثر هل هناك كساد في المواضيع ولا ايه؟ من ناحيتي هذه آخر مداخلة في هذا الموضوع وليس لدى الرغبة في انهاك القارئ في موضوع استنفد أغراضه وأتخذ القارئ رأيه فيه مع أو ضد. كمان ما عايز أعمل وجع وش للسادة القراء فتك بعافية مع أمنياتي لك وأسرتك بالصحة والعافية |
.
وين يا سيد مافي زول بيعمل حاجة ذي دي هنا وينسحب اسع ام اربعة واربعين بدأت الاصطياد في الماء العكر.. تتحمل مسؤولية ما قلته كلما يجي زول مضهب ينتهز فرصة كلامك دا...
انت ما عندك الامكانات البتعمل بيها وجع وش هنا... زول ما بعرف الشيخ امام و احمد فؤاد نجم ما بقدر يعم لوجع وش لكن ممكن يعمل اصطياد في الماء العكر وما يقدر يكتب رايه في الحاجات المهمة لكن لا يمانع في اثارة الغبار..
| |
|
|
|
|
|
|
|