كتب الكاتب الفاتح جبرا المتوفرة بمعرض الدوحة
|
Re: وداعا صديقي جيفارا معاكم التكاسي هباني شخصيا!! (Re: هشام هباني)
|
Quote: انت يا زول تووووووووووووش داخل في القروش ما تستهدي بالله يا زول وقول سلام! لا اله الا الله الانقاذ دي ما طلعت دينكم عديل! |
الناظر ود الناظر ود بلدي سلامات
يا اخي كتلتني و الله بالضحك خليت المكتب كل بتفرج فيني .
دول طلعو روحنا يا اخ عدددددددددددددديل كده . بعدين الفلوس دي دا الجنن عبد القادر
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: هشام هباني)
|
الزعيم هبانى اول مرة احب التكسى.. نحن ناس "باظات" .. وبحرى "نفر" والسجانة "عميد".. وبت التكاسة.. حلوة ورقاصة.. والله اوجه من سايق البوباى.. خلى جيفارا ينزل يرتاح شوية .. عشان الجماعة خايفين شديد من جيفارا ومن لاهاى.. والاتحاد الافريقى باى باى.. لك الحب والمجد..
نورالدين منان
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: Mannan)
|
السفير الثائر ود منان
سلامات
واهلا بيك في تاكسي هباني ظاااااطو وقلناعمنا جيفارا ارتاح شوية من دقداق تكساس ده... و يا حليل بصاتكم العجيبةبتاعة السجانة لمن تتجهجه في كبري الحرية تدافر وتعافر ونفسها اقرب انقطع من شدة الطلعة فوق الكبري تقنت وااااي وااااي بس الحمد لله بصات راكزة ما رابطين ليها كيزان !!
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: الطاهر ساتي)
|
الطاهر
سلامات
تاكسي هباني في خدماتكم ذهابا وايابا.. وحالف تاكسي ده علا اجيبوا السودان معاي ونمشي بيهو انا والطاهر ساتي لبيت الطيب مصطفي ( ملك الشمال) ونشيلو معانا نوديهو الدفاع الشعبي ظاااطو ونقول ليهو: اها اولادك واولاد الناس روحتوهم فطيس علي قول شيخكم والبركة فيكم وانت قاعد تقابض في الشمال واولادكم روحتوهم ملوص باسم الجهاد في الجنوب..لايه عشان شنو اللفة الطويلة دي ويموتوا الاف الشباب معقولة عشان انجزوا السلام..يا سلام! و طيب مالو ود اختك الريس الزول العميكة ما بدور الحور العين خبارو قاعد في الخرتوم ساكي الدنيا الزايلة لي هسع ومن سدر لسدر حتى القبر؟!!
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: هشام هباني)
|
إنت عارف يا هشام طالما أبيت تجينا في هيوستن أنا حأجيك مخصوص في دالاس وأجيب ليك معاي قريبك د. الصائم ونفسي أركب التكاسي بتاعك دا ظاااطو منها ونسة معاك وبعدها مشوار طلب فسحة تحوم بينا دالاس. لكن على شرط الحساب (ولد).. وبرضو لو ما شغلت العداد ومعاهو أغنية سودانية شديدة حأحلف (حرم) وأقول ليك كراعي ما بختها في التاكسي.
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: هشام هباني)
|
الناظر هباني.
ياخ أنا نفسي أضرب لي عبار عبارين في تكسيك ده. لكن قوانين أمريكا دي بتمنع العباير المفتوحة في السيارات العامة والخاصة, حكمتك يا رب. ممكن تشتري العبار ولكن غير مسموح لك الشراب منه في المراكب العامة وحتى الخاصة, دي قوانين غؤيبة خلاص. رغم أنو العبار عباري ومشتريهوا بقروشي.
دينق.
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: Deng)
|
السلطان دينق
سلامات
Quote: ياخ أنا نفسي أضرب لي عبار عبارين في تكسيك ده. لكن قوانين أمريكا دي بتمنع العباير المفتوحة في السيارات العامة والخاصة, حكمتك يا رب. ممكن تشتري العبار ولكن غير مسموح لك الشراب منه في المراكب العامة وحتى الخاصة, دي قوانين غؤيبة خلاص. رغم أنو العبار عباري ومشتريهوا بقروشي.
|
انت ما عارف الامريكان ديل مرات ( اصوليين) عديل...يعني حتات ابيعوا فيها البيرة وفي ذات الوقت احرموا فيها بيع الويسكي.... ولو عمرك اقل من تمنتاشر سنة مستحيل في كل امريكا ابيعوا ليك سجاير ولا شراب الا تطلع الهوية وتثبت انك عمرك فوق التمنتاشر ولو بتاع الدكان باع شراب ولا دخان لولد تحت التمنتاشر الله قال بقولو!!
اما بخصوص عبارك وما ادراك ما عبارك..التكسي تكسي امريكا والقانون قانون امريكا! فاحسن تشيل عبارك وتمشي بلدك في نص الخرطوم في حديقة القصر الجمهوري وتضرب عبارك وتمسح شنبك! وما في زول احسن من زول!
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: Faisal Taha)
|
ترهاقا الجميل فيصل طه
سلامات
عارف يا فيصل اولاد الخالة (حاسدين) ظاااطو في الوسامة دي! عشان كده اول ما اركبوا بخرخروا طوالي.. وانا عارفو شغل حسادة ساكت! وفي الليلة ديك تركبني كل عفاريت العنصرية السودانية ولمن ارجع البيت واعاين في المراية...القي ظاااااطو ما عب اياكل نجممم!
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: عبدالرحمن عزّاز)
|
التكاسي الدفعة ود عزاز
سلامات
نشوفكم قريبا يا رشاشات ....التاكسي الكاسترد الامريكي...ده ولا سودان ايرويز! وعليه اقترح اكراما لاهلنا ابائنا واخواننا سائقي التاكسي بالسودان ان يتضامن كل تكاسة المنبر السودانيين في جميع انحاء العالم ان نتضامن مع هذه الشريحة الجميلة في بلادنا هذا ( الويك اند) وعلي كل تكاسي سوداني ان يضع صورة تاكسيهو في البروفايل بتاعو كيوم للتضامن مع هؤلاء الجنود المجهولين! عاوزين رايكم يا زملاء في الموضوع..وانا عارف تلاتة ارباع البورد ده من تكاسة امريكا وكندا لكن قاطعنها في بطونن ولا بدين بيها....امكن لي قدام نرشح فينا تكاسي اياخد البلد الهاملة البحكموها ناس البشير ونميري ديل.. واكون اول انقلاب تكاسة في التاريخ!
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: هشام هباني)
|
هشام هباني جيفارا
لك التحايا
والله يا أخي تكاسة السودان يستحقوا التضامن.. تصدق نحن من زمن التاكسي كان فيهو "طراحة" والطراحة من حي العباسية في شارع الأربعين لحدي سوق أمدرمان بقرشين ونص..
هل سمعت بقصة التكاسي مع بتاع الرقشة.. قالوا بتاع التكسي قاعد ياكل صحن فول بسيط في المطعم في أمدرمان وبتاع الرقشة جنبه طالب أكل مدنكل.. فنظر التكاسي إلى بتاع الرقشة فقال له الأخير: تعاين مالك؟؟ والله نحن يفتحوا لينا الكوبري دا تاني فولك دا ذاتو ما تلم فيهو؟؟ [ناس الرقشة غير مسموح لهم بعبور الكباري بين المدن الثلاث].. وتسلم
ياسر
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: هشام هباني)
|
تعرف يا هباني بصراحة صورة جيفارا كانت برضها منسجمة مع شخصيتك الثورية والواحد ما كان شاعر أنو في أي تعارض بيناتكم .. موش زي بعض الناس البفقعوا المرارة ويسيئوا للصور الخاتنها في بروفايلاتم نسبة لتفكيرهم المتخلف وإساءاتهم المتكررة للناس لدرجة تقرب تخلي الواحد يكره أصحاب تلك الصور مع أنهم شخصيات محترمة ومحبوبة ولها تاريخ ناصع .. بعدين ماقلت لي الكاب (أقصد الفوق الرأس) لزوم القشرة والا مغطي بلاوي (وجه مبتسم) عمر
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: Omer Abdalla)
|
حبيبنا عمر
سلامات
يا زول قلنا ندي عمنا جيفارا حبة راحة.... ونرجع لهباني التكاسي الجد جد واي جردل بعد ده اعمل حسابو......واما بخصوص الكاب وما ادراك ما الكاب الشعر تمام التمام بس خايفين من العين من ناس بابا عادل سمير واخرين من كبار المستشارين الجلاكين لمن نحن دخلنا الجامعة سنة 98 هم اتخرجوا منها في 78!!
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: هشام هباني)
|
العزيز هشام
تحياتي
ياخي ما تقول لي دا انت ولا جيفارا ظاااتو ؟ جنس شبه لمن قلت ياربي جيفارا
دة قام بعاتي ولا القتلوه داكان الشبيه بتاعه بعدين التاكسي فنان يعني في امريكا وبرضو عايزين تاكسي
اصفر ؟ غايتو انا عايزة مشوار للحنانة الليلة عندنا بكا حار وعايز ليه قشرة شنو ريايك في
التقليعات دي ؟
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: عواطف ادريس اسماعيل)
|
اختنا العزيزة عواطف
سلامات
اللهم تقبل البطل جيفارا شهيدا مع الصديقين والشهداء وحسن اولئك رفيقا! امابخصوص كلامك ادناه:
Quote: غايتو انا عايزة مشوار للحنانة الليلة عندنا بكا حار وعايز ليه قشرة شنو ريايك في
التقليعات دي ؟ |
طبعا التكاسي في تكساس تكاسي رجالية...عشان في تكساس الضرب رصاص! لكن امكن الجماعة الرساليين في الخرطوم في هذا الزمن الملغوم اكون استوردوا تكاسي قشرات وحنانات!
المودة والاحترام
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: عواطف ادريس اسماعيل)
|
Quote: وداعا صديقي جيفارا معاكم التكاسي هباني شخصيا!! |
انت الأربعة وعشرين ساعة فى البورد وحياة البشير أنا قايلك سايق لاب توب ! وما شاء الله طول فى عرض تقول هاشم بدر الدين! الظاهر الايراد كلو شية وكبدة نية! من الملافظ انا قلت ود هبانى دا وشو يكون زى بنك اللحام وراسو زى ميدان البلى! لكن ماشاء الله وجاهة الجنيات لى حدهم! وقدلة يا مولاى حافى حالق فى أم در ولا مشوار فى بروود واى! جنى
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: هشام هباني)
|
take two
wad habani
as if you are shy to show us your face please we need a full face picture so we stop admiring the taxi and look at your Texas cap lol
as my friend abu nasir said هشام أيها الصمصامة اليماني
الذي إذا ضرب قطّع والصارم
الهندي الذي إذا أستل روّّع ...
صورتك أكثر مهابة من جيفارا ,,,,
والمرء بأصغريه قلبه ولسانه .....
ألا حفظك الله وأهلك أينما تكون.....
وكيفما تكون ....
what is important is that we continue the fight with nazzar gabbani, Ahmad matter, wad habbani or the ..................
deep love and respect mustafa (عدل بواسطة Mustafa Mahmoud on 01-02-2007, 03:39 م
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: Mustafa Mahmoud)
|
ابو نضال صورتك بالكاب تذكرنى سيف الجامعة... لكن وجاهة والله
زمان لما الجماعة غيرو اسم كوبر.ل عمر المختار.. الكبسنجية بقو يكوركو..اركب عمر...اركب عمر اركب عمر.. لمو فيهم ناس الحركة..خلاص خليكم فى اسمكم القديم.. والا بنقطع ليكم مخالافات
اسى انتو فى تكساس البسنجية بكوركو اركب شنو؟؟؟
ها ها ها هاها... تكاسى فى تكساس ولا عميد جامعة فى مدراس..
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: جمال هباني)
|
يا جمال
Quote: لانو حسب العارفو انا مامفوض تكون جالس في الامامي ( ماشاء الله ) وبعدين طلع الطاقية وبطل تنكر |
انت ما عارف انو عمك بخاف من العين حتى الامريكان هنا عينن حارة! عشان كده انا ماسك في وصية حبوتك بت عسمة قالت لي :الله اغتيك من عيون الامريكيات يا وليدي يا جنا حشاااي اعمل حسابك..اها انا من الزمن داك عامل حسابي!!
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: الطاهر ساتي)
|
الناظر ... الليله بالضبط رحيتنى !!! لانو صورة ( جيفارا !! ) دى كانت مسببه لى حرج فى فتح ( بوستاتك !!! ) مع اخوانا الكوبيين هنا فى مدينة ميامى .. فهم الذين عانوا من ويل دكتاتورية كاسترو و حاليا اخيه ! راوول !!! فحكم الرفاق دائما ما يفضى الى توريث !!! حافظ الاسد ... كيميل سونغ ... و البقية تاتى !!!!!!!!! فلقد كفروا ( اهلنا الكوبيين و معهم نحن !!! ) بايدلوجية جيفارا ... الاحادية !!! فللدكتاتورية وجه واحد !!! و للجبهة الاسلامية التى تحكم سوداننا حاليا !!! وجهان !!!! فمرحبا !!!!!! بناظر ... دالاس ... و عموم امريكيا !!! و تكساس !!!! هشام ... الكلس ... عبدالماجد
| |
|
|
|
|
|
|
Re: وداعا صديقي جيفارا معاكم التكاسي هباني شخصيا!! (Re: جمال هباني)
|
الابن جمال
سلامات [B]البيت و صفق الشجر زي الموجود في بيت جدك شيخ ابراهيم يعني ماشايفين فرق 2- ونمره التاكسي هي نفسها مفتاح الخط الدولى للسودان .
طيب الامريكن ديل ادوك شنو ؟ ولا ..... يمكن تكون انت الطالب الحاجات دي ــــــــــــــــــــــــــــ وعشان كلامك الفوق ده اهو نحن بنداوس 17 سنة عشان نرجع للبلد..ولو كان الحال تمام التمام ما كان شفت عمك في الانترنت ده ابدا وقصة وجع الراس ورفع ضغط الدم اليومي ده! سلامي لجميع
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|