|
Re: من بكره ... تاني مافي كهرباء بتقطع في الخرطوم إن شاءالله (Re: أحمد الشايقي)
|
Quote: يابكري البوست ده استنفذ اغراضه (من بكره ... تاني مافي ك...الخرطوم إن شاءالله )
من جرسة الكيزان بسبب امتداد البوست لصفحات جديدة
ألحقناااااااااااا يا بكري أبو بكر, |
ايوة يا الشايقي
جنابو عاوز يحفظ القضية ويقيدها ضد مجهول ..
لكن وين مع الادلة البينزل فيها ليون دي
اقلاها محمد فرح يخلي طرفه مع اعتذار ..
تحياتي
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: HAIDER ALZAIN)
|
أخونا حمور زيادة راجل زول نصيحـة,
Quote: تحسن ملحوظ في التيار الكهربائي .. اليوم الكهربا ما قطعت الساعة تمنية صباحا كالعادة .. قطعت تمنية و تلاته و عشرين دقيقة. ربنا يوفق ناس الهيئة القومية للكهرباء في عملم الجليل |
عشان الكيزان يعرفوا إنه نحنا أولاد أصول وما بندس السمحـة,
ثلاثة وعشرين دقيقة النور مولع بعد الثامنـة, وشكرا يا هيئة قومية,
الناس ديل لو عملتوا ليهم كهرباء زي حقت الخليج دي والله يبنوا ليكم قبب,
أحمد الشايقي
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
واحـد زميلنا قال:
Quote: يا بكري البوست دا استنفذ أغراضـه ............... عمر عثمان |
وعملاً بحرية التعبير قلنا له:
Quote: يا جنابو , إنت قايل بكري عنده (أغــراض) ؟؟؟ أي أغراض في كتابة الناس القاعدة تكتب دي هنا,
يا حبيب بكري ما عنده أي غرض أكتر من إتاحة المساحة والحرية للناس عشان تكتب كل ما يدور في خواطرها,
يعني مادام الناس مبسوطة وشغالة بترغي مافي مشكلة , أكيـد بكري بيكون مبسوط البوست يمشي لصفحة (99) وبعد الارشفـة نبدأ ســي جديـد, وهكذا دواليك,
بعدين ياخ الناس قاعدة تكتب وبس مافي صور مسئولين ولا صــور شــحــاتين يعني مافي مشكلة (حمولات) (ضغط عالي) أو الذي منـه,
يعني كدا دا بالنسبة لبكري العيد ذاتـو
بعدين ياخ ديمقراطيـة كـدا, خلينا نصـوت .... تصويت الله والرســول الجماعتك حارمننا ليهو من (20) سـنـة دا ......
أكتر العايزين يكتبوا ويواصلوا العيد والخريف الناشف دا ولا أكتر العايزين البوست دا يقطع وشـه مع خجلاتو كلها .... صــوتوا يا شباب,
............................................ >>>>>>>>>>>>>>>>>> ---- لجنة الفــرز, اضرب عدد المداخلات في عــدد الصفحات .... يعني بالحساب كــدا (في حضــور اللجنة ومناديب المرشحين .... ورقابة دولية (حقيقية يا عمك) .... فائــز صـــلاح ليــون
وبالتالي البوســت يقعـد في (قـلـب العــدو .... ) والماعاجبو ياكل ســــــمــــــك .....
أحمد الشايقي |
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
Quote: لا دي ديدنة بعيدة شوية... يقولوا ليك ديدن الآلات تدخلنا في ديدن السمك!!!!! |
ماهو دا ديدن ناس الانقاذ ذااتهم
الحاجات بتكون مديدنة في حتة يقوموا يديدنوا ليك حتة تانية
ويذلوك بيها كمان
كل يوم يقول ليك انتو مش ديدنكم كان كدة وديدنكم دا مدة ديدنتوا انتهت
ونحن جينا جبينا ليكم ديدنة وارسينا طوبة ديدنات أخري
فلولا ديدنتنا دي شوفوا نفسكم كان حا تكونوا متديدنيين وين ؟
ويبقي مافي سبيل قدام يا نذار الا تديدن وتنوم
مش المثل قال
الكترت عليهو الديون اليديدن وينوم ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: أحمد الشايقي)
|
Quote: يا جنابو , إنت قايل بكري عنده (أغــراض) ؟؟؟ أي أغراض في كتابة الناس القاعدة تكتب دي هنا,
يا حبيب بكري ما عنده أي غرض أكتر من إتاحة المساحة والحرية للناس عشان تكتب كل ما يدور في خواطرها,
يعني مادام الناس مبسوطة وشغالة بترغي مافي مشكلة , أكيـد بكري بيكون مبسوط البوست يمشي لصفحة (99) وبعد الارشفـة نبدأ ســي جديـد, وهكذا دواليك,
بعدين ياخ الناس قاعدة تكتب وبس مافي صور مسئولين ولا صــور شــحــاتين يعني مافي مشكلة (حمولات) (ضغط عالي) أو الذي منـه,
يعني كدا دا بالنسبة لبكري العيد ذاتـو
بعدين ياخ ديمقراطيـة كـدا, خلينا نصـوت .... تصويت الله والرســول الجماعتك حارمننا ليهو من (20) سـنـة دا ......
أكتر العايزين يكتبوا ويواصلوا العيد والخريف الناشف دا ولا أكتر العايزين البوست دا يقطع وشـه مع خجلاتو كلها .... صــوتوا يا شباب,
............................................ >>>>>>>>>>>>>>>>>> ---- لجنة الفــرز, اضرب عدد المداخلات في عــدد الصفحات .... يعني بالحساب كــدا (في حضــور اللجنة ومناديب المرشحين .... ورقابة دولية (حقيقية يا عمك) .... فائــز صـــلاح ليــون
وبالتالي البوســت يقعـد في (قـلـب العــدو .... ) والماعاجبو ياكل ســــــمــــــك .....
أحمد الشايقي |
احسن رد قانوني لبتاع القانون اياه ،،،
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: elfadl abdellatif)
|
ملخص قبل عند الدخول للثامنة وبعدها نشوف نمشي للبوست التاني بتاع استنفذ ولا لا..
بدأت طبعا من هنا :Quote: من بكره ... تاني مافي كهرباء بتقطع في الخرطوم إن شاءالله |
والتأكيد هنا:Quote: بس بإذن الله من بكره حتستمتع وكل سكان الولايه بإمداد كهربائي مستمر بعون الله |
وشوية خفة دم هنا:Quote: من بكره حتشتهوا قطعة الكهرباء بالليل ولمة الحوش بالبطاطير والشاي البالقرقوش |
ده ماعارفو كان لي شنو:Quote: شايف الاغلبيه مامصدقه إنو الحلم خلاص إتحقق وإنو تاني قطوعات مافي زمن إنقطاع الكهرباء خلاص ببح ، إنتهى ده وعد قطعتو الإنقاذ وهاهو الآن تحقق وأصبح واقعاً |
التحدي هنا:Quote: أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيها وتحدي لو تاني الكهرباء قطعت |
زيادة في الغي هنا:Quote: ولمن يريدون تبخيس هذا الإنجاز عليهم أن يقارنوا واقعنا الحالي بواقعنا السابق عندما كانت الكهرباء تقطع بالتلاته والاربعه يوم . ياأخوانا الطفره الحصلت في الكهرباء دي أصلها ماعاديه وخصوصاً بعد دخول كهرباء السد للشبكه |
وبدأت التبريرات :Quote: طبعاً الكهرباء يادووووب وصلت الليله |
Quote: حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه . |
وبدأ الكذب:Quote: فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي |
والاتهامات:
Quote: آثرت عدم الرد على ردود بعض المغرضين ممن يريدون تبخيس جهود المخلصين من أبناء هذا الوطن الذين يعملون ليل نهار غير آبهين بأصوات اليائسين العاجزين المحبطين |
كل هذا مع استبعاد المؤثرات الجانبية الصوتية من سمك ودنقلا وخلافو..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: شوفنا البوست التاني بتاع .. انو البوست ده استنفذ اغراضو.. لقيناهو ما عندو غرض هو ذاتو.. فقررنا المواصلة في هذا البوست.. وجبنا الملخص فووق.. |
يعني ما في داعي نتابع القانون اياه ..
اذا نواصل هنا ونولع النت ونطفيهو من هنا حتي تنتظم الكهرباء او تحصل الارشفة
وفي ظني انه تحصل ارشفتين تلاتة قبال انتظام الكهرباء ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
في الصفحة السابقة ضربنا أمثلة بعدد من الاستقالات والاعتذارات - هجمات وقتل 174 شخص ماذا تعني فما تبقى من الدولة ينعم بالسلام.. (وزير هندي يستقيل) - شب حريق في بلدة ومات اثنان .. لماذا تستقيل الوزيرة.. (وزيرة كويتية تستقيل) - وزير الدفاع يستقيل على كلمة!!كلمة!!رأي!! وأثار موجة !!! (وزير ياباني يستقيل) - يعترف بالخطأ ويعتذر لأنه اخطا في الاختيار!! (وزير أمريكي يعتذر)
السؤال ماذا استفادت شعوب تلك الدول من هذه الاستقالات والاعتذارات
يعني اكتسبو ثقة الشعب واعطوه مصداقية في إنو الوزير الحيجي من بعد لما يقول كلمة تكون هي الكلمة الصح..
عندنا بيخلو الشعب يكتسب شنو انو لو حتى كلام الوزير الجديد ( بعد انتهاء الاول لاسباب لاتستطيع تحديدها) لو جا وقال كلام صح بيكون ما عندو اي مصداقية.. ونتذكر قصة الكذاب والنمر.. ونحنا في انتظار ظهور النمر الحقيقي.. والسد السد.. الوسع القــد..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: أحمد الشايقي)
|
قبل فوائد القطوعات على المواطن ولأنها قاطعة قاطعة فالفائدة عائدة عليه شاء أم أبى.. خلينا نشوف فوائد الكذب وعدم الشفافية ودسدسة الحقائق عن المواطن العادي!!
السد .. السد وجاب .. القـد
طلعت الإشاعات.. الموية اكتر من اللازم .. لا التوربين اتعطل .. ما كان في تجربة بيبلع الكهرباء .. إدارة السد والكهرباء والتوزيع والتوليد متشاكلين وتدور الساقية ونلد نحنا..
وجا البرلمان والسادة السائلين (؟؟؟؟) قعد ورده عليهم ونفى كل الشائعات وقال :
وزادهم من الشعر بيت..
وزاد كمان وكمان وقال..
هذه هي الحقائق يا من تطلقون الاشاعات.. ولملم السائلين ورقهم ورتبوها وخرجو من القاعة وفهمو السبب .. او بلعو السبب .. نحنا لسنا مافهمنا..لكن برضو بلعنا..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
يا جماعة الخير البوست ده لاقاكم يابكري البوست ده استنفذ اغراضه (من بكره ... تاني مافي ك...الخرطوم إن شاءالله )
انا من الصباح ما جيت بجاي لكن لاقاني البوست الفوق ده ويبدو انو حيكون سبب استمرار بوست محمد فرح ده تاني لزمن طويل يا حبيبنا صاحب البوست الفوق ده طيب ياخي ما كان تجي تقول لينا كدة هناوتقنعنا بكلامك ده ثم انا شخصيا يوميا اعاني من مشكلة الكهرباء من حقي اكتب كل يوم في الموضوع ده وثانيا منو الاداك الحق انك تحكم بانه البوست ده نفذ غرضه وترفع بوستك باسمك انو نفد غرضه انت شخص واحد وعدد المتداخلين بدون تكرار هنا والبعبر عنهم الموضوع ده اكثر من 100 شخص ما ظريفة منك تحبس نفس 100 شخص براك كده
ما حنجيك هناك ويا شباب الموضوع عندنا لسة عديل كدة وقترح ما تمشوا لزول في بوست بخص البوست ده ويحاول يشتتكم قال غرضه نفد قال...طيب ود الباوقة كان هنا بسوي شنو امس... نفد غرضه كيف والمصانع بتعاني ومرضي المستشفيات وسخانة الواطة خليها ساي انا راجي نشره عشرة الليلة استدعاء وزير الطاقة كان في البرلمان حسب صحف الخرطوم
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: عـــــــــــــــــــــــــــــــدم موضــــــــــــــــــــــــــــــــــــــوع. |
بفباف اصلي بلادو..
ليه كدة يا سيد عمر عثمان ..حرام عليك تجي داخل علينا براسك الوطنية المرفوعة دي
في راكوبتنا "راكوبة محمد فرح سابقا" و تدينا الرشة الحارة دي.. ياخي جرحت احاسيسنا ..
بعدين سؤال صغيروني كدا لو سمح معاليكم ..
انت راجعت كل البوستات المفتوحة في البودر دا و قررت "طال عمرك" انو دا البوست الوحيد
الفيهو عدم موضوع و لا نقيت البوست دا بطريقة "يا ايدي شيليني و ختيني في بيت الله العاجبني "
و عدم الموضوعية دا اوع يكون مشمول بيهو حبيبنا ود الباوقة لانو كدة حاتشق الصف
ودا زمن سدوا الفرقة..
ياخي دايرين لينا بوست موضوعي من نوعية " ارفع راسك انت مؤتمر وطني"
tom boohot jaker admeehey
_______________________
Quote: أبسقان - شبه - تعرفهم.. |
كيف ناس.. عم عبدالفتاح محمد كدود - والزعيم عكاشة ادريس صالح
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: nazar hussien)
|
أقسم بالله العظيم وكتابه الكريم أن هذه أول مداخلة لي في هذا البوست وأني من رعايا حكومة السودان بالشتات وأن الكهرباء قاعدة تقطع في بيتنا الكائن بأمبدة كل يوم
الكهرباء جات
الكهرباء قطعت
إذا الكهرباء كائن حي (لكنه لا يعرف الخجل)
وإلا لكانت استجابت لغنانا القديم تعالى بكرة أو بعدة بكرة حـــــــاول تعالى بكـرة
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: أحمد الشايقي)
|
Quote: في الجريدة المصـورة دي (الحريـة) مانشيت غريب جداً, نسعى لمعرفة العلاقة بين الهيئة وإدارة السـد, يعني هم لسـه ماعارفين العلاقة شنو ؟؟؟ إن شاء الله بس تبقى علاقة طيبـة .....................
أحمـد |
الاغرب انو في الرأي العام نفس التصريح بقول انو هنالك تنسيق تام بين ادارة السد والهيئة القومية للكهرباء
يبقي انو حتي الصحف تصطاد الاخبار التي تهمها فقط والتي تمثل توجهها العام والمواطن بقي ماعرف منو الصح من الغط وفي وسائل الاعلام المسموعة والمرئية مافي نقل مباشر لجلسات البرلمان يبقي اي زول يحلل علي هواه والمواطن ليه الله وعيشة السوق
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: GamarBoBa)
|
الزول دا في الجريدة دعا الشعب للصبر ..!!
ومرات يجي المسئول يقول يا ناس شيلوا الصبر
وكمان يجيك واحد تاني يقول ( لوكو ) الصبر
وناس ود الباوقة يقولوا ليك ( خلوا ) عندكم صبر ..
عاوز اعرف الصبر دا هو ذاااتو شنو ؟
مرة يعزموا عليهو ومرة يشيلهو ومرة يختو ومرة ياكلوهو !!!
حيرنا زي كاهل المعانة بتاع المواطنيين داك
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: GamarBoBa)
|
كدى شوفوا (الصب شيت) بتاع الزبير ..
وتفسير عثمان ميرغنى في حديث المدينة قبل يومين ...
ربما... ربما نفهم ........
حديث المدينة أصل الحكاية ...!!
عثمان ميرغني كُتب في: 2009-04-26 [email protected]
الكهرباء.. صارت على كل لسان.. وبدت في الأفق لمحة من أرشيف التسعينيات.. عندما كانت شوارع الخرطوم تهدر ليل نهار بأصوات المولدات الخاصة التي لا يخلو منها بيت ولا مكتب.. وكان الناس يسمعون من هيئة الكهرباء تفسيرين ثابتين.. الأول .. إذا انخفض منسوب الأنهار.. والثاني إذا زاد المنسوب في زمن الفيضان.. كلاهما سبب (رسمي) لقطع الكهرباء.. ولكن الناس – هذه الأيام – نثروا أسئلة صعبة كلها تبحث عن العلاقة بين تدشين كهرباء سد مروي.. في ذات الوقت الذي انتشرت فيه القطوعات.. ثم قدم وزير الطاقة السيد الزبير أحمد الحسن تفسيرا للمشكلة .. أن إنتاج الكهرباء من سد مروي هو في مرحلة (التجريب).. ولن يستقر إلا في منتصف شهر يوليو القادم بإذن الله.. و- هندسياً – لا يبدو تبرير الوزير مقبولاً.. سأشرح لكم الأمر.. إنتاج الكهرباء محكوم بثلاث مراحل.. هي (التوليد) بمختلف أنواعه .. ثم (النقل) عبر الأبراج والمحطات .. ثم (التوزيع) الذي يحمل الطاقة الكهربائية الى عدادات المشتركين في البيوت أو غيرها من المقار.. هذه المراحل متكاملة وترتبط في المواصفات والمقاييس التي تسمح لها بأن تشكل دائرة واحدة متعددة المراحل.. لكن المشكلة تنشأ إذا لم تنسجم المراحل وبدا اختلافاً في المواصفات التي تسمح بتكاملها..هنا قد يكون التوليد سليماً وكافياً لكنه غير قادر على التعامل مع وسائط النقل.. أو قد تكون المرحلتين سليمتين لكن الثالثة .. وهي التوزيع غير قادرة على تلقي الإمداد المنقول إليها من مرحلة التوليد.. ربما لاحظ الكثيرون أن انقطاع الكهرباء بدأ مع إعلان تدشين مرحلة الربط بين التوليد والنقل والتوزيع.. ووزير الطاقة عزا أسباب انقطاع الكهرباء لقفزة في الاستهلاك تجاوزت الـ(23%) .. لكن هل تحدث مثل هذه القفزة في الاستهلاك بين ليلة وضحاها.. حتى تصلح لتفسير سبب الانقطاع المفاجيء.. طبعا لا .. ثم أن هيئة الكهرباء لديها دراسات دقيقة للغاية عن حجم النمو في الاستهلاك وموجبات المواءمة مع إنتاج الطاقة.. حتى لا يحدث عجز مربك ومخل .. فلا يمكن افتراض أن الهيئة غفلت ثم انتبهت فجأة لتجد طفرة (23%) اضافية في الاستهلاك نتج عنها عجز جعلت البلاد تلبس السواد.. سواد الظلام.. الواضح الأقرب للتفسير .. أن هناك ما يجب تصحيحه في علاقة مرحلة التوليد.. بالتحديد في سد مروي.. ومرحلتي النقل والتوزيع.. وربما يكون سبب ذلك ليس فجوة في الإنتاج.. بل فجوة في منهج عمل ومواصفات الجهتين المسئولتين عن العمل .. في السد من ناحية.. وفي التوزيع من ناحية أخرى .. أي هيئة الكهرباء.. وربما لهذا لم يجد الناس تفسيراً رسمياً يشرح المشكلة.. لأن كلتا الجهتين لا ترغبان في الإشارة للمشكلة الحقيقية .. فاضطر السيد وزير الطاقة لحل المشكلة .. ليس مشكلة الكهرباء وإنما مشكلة تفسير سبب انقطاع الكهرباء.. بالحديث عن (حكاية!) القفزة الكبيرة في الاستهلاك.. والله أعلم ..
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: كتو)
|
Quote: الـ(23%) .. لكن هل تحدث مثل هذه القفزة في الاستهلاك بين ليلة وضحاها.. حتى تصلح لتفسير سبب الانقطاع المفاجيء.. طبعا لا .. ثم أن هيئة الكهرباء لديها دراسات دقيقة للغاية عن حجم النمو في الاستهلاك وموجبات المواءمة مع إنتاج الطاقة.. حتى لا يحدث عجز مربك ومخل .. فلا يمكن افتراض أن الهيئة غفلت ثم انتبهت فجأة لتجد طفرة (23%) اضافية في الاستهلاك نتج عنها عجز جعلت البلاد تلبس السواد.. سواد الظلام.. الواضح الأقرب للتفسير .. أن هناك ما يجب تصحيحه في علاقة مرحلة التوليد.. بالتحديد في سد مروي.. ومرحلتي النقل والتوزيع.. وربما يكون سبب ذلك ليس فجوة في الإنتاج.. بل فجوة في منهج عمل ومواصفات الجهتين المسئولتين عن العمل .. في السد من ناحية.. وفي التوزيع من ناحية أخرى .. أي هيئة الكهرباء.. وربما لهذا لم يجد الناس تفسيراً رسمياً يشرح المشكلة.. لأن كلتا الجهتين لا ترغبان في الإشارة للمشكلة الحقيقية .. فاضطر السيد وزير الطاقة لحل المشكلة .. ليس مشكلة الكهرباء وإنما مشكلة تفسير سبب انقطاع الكهرباء.. بالحديث عن (حكاية!) القفزة الكبيرة في الاستهلاك.. |
لم تستحو فاصنعوا ماشئتم..
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: جعفر محي الدين)
|
أصبحنا وأصبح الملك لله
الحمدلله رب العالمين الذي برحمته لطف من حرارة الجو والحمدلله رب العالمين مرة تانية كهربتنا لغاية لحظة كتابة مداخلتي دي مستقرة
اما بعد فليس بغريب أن يعتصم ولاة امرنا بقصورهم, ومكاتبهم وتشريفاتهم, حينما يطلبهم الشعب, وقد كانو بالأمس القريب يستجدون نصرتهم. ولكن الغريب ضيق البعض من تذمرنا نحن البعض الأخر وضيقنا باوضاع تمس حيواتنا في تفاصيلها اليومية, العجيب أن يختصمك الرجل منهم ويجادلك في ثيابك: لونها كذا يا أخي!
ويحي أن كنت أعلم بلون ثوبي مني.
والله ماسألنا السلطان قسمة في ثروة غصبها بليل يطوقها يوم القيامة, ولا طلبنا نصيبا في سلطة تخسف من اساءها على ظهره سبعين خريفا في جهنم, أقصى طموحنا هو ان يخرج لنا احد شماشرجية الباب العالي بقول يحترم فينا إذعاننا لإبتلاء المولى بحكمهم ولا نقول يحترم فينا تجنسنا بجنس البشر. فعجبا منكم والله إن كانت شكوتم تشوش إيقاع طبول تسبيحكم بحمد كل ما هو إنقاذي بصراخ شكوانا, وترحا لكم أن كان مبلغ ضيقكم ان تزاحم رائحة جلودنا المحترقة بحر السموم, عبق مباخركم في أروقة سلطانكم, بل تبا لكم ان كنتم تحسبون نشاز تغريدنا بالحقيقة قد يعلو يوما على معازف مسح جوخ أسيادكم.
نحن نكتب عن معاناة متجذرة بعمق أساسات سد مروي ,السد الذي ماعاب (البعض) عليه سوى وقفته العالية على ركام منازل البسطاء, و لا نعيب عليه إلا إنصرافه لتربية البلطي عوضا عن مدنا بالكهرباء,
أويزرع أهل الباوقة القمح لسنابله ام لحرق سيقانه حطبا؟
ألا يستحي الرجل ان يقف بين يدي الله عند صلاة المغيب وقد أفنى نهاره يتحرى الأكاذيب ويزين الباطل ويلبسه أثواب الحق؟
ألا يخشى ان يصيبه كسب من وراء كذبته تلك فيدخل جوفه حراما فتصبح النار أولى بجسده؟
ألا يخجل أن يكون أمعة وقد نهى عن ذلك الرسول الكريم؟
!
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: كتو)
|
Quote: وربما لهذا لم يجد الناس تفسيراً رسمياً يشرح المشكلة.. لأن كلتا الجهتين لا ترغبان في الإشارة للمشكلة الحقيقية .. فاضطر السيد وزير الطاقة لحل المشكلة .. ليس مشكلة الكهرباء وإنما مشكلة تفسير سبب انقطاع الكهرباء.. بالحديث عن (حكاية!) القفزة الكبيرة في الاستهلاك.. والله أعلم .. |
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: nazar hussien)
|
دا من موقع النيلين ما عارف لكن اظن عندو علاقة بالموضوع دا
عزا وزير الطاقة والتعدين، الزبير احمد الحسن، القطوعات المتكررة في التيار الكهربائي الي عجز في التوليد بلغ 300 ميغاوات، نجم عن تمدد الشبكة وزيادة الطلب بنسبة 23%، وانخفاض التوليد بخزان الروصيرص الي 180 ميغاوات من جملة 260 ميغاوات، اضافة الي تذبذب الكمية المضافة من سد مروي. ودعا جماهير الشعب الي الصبر والتحمل لحين موافاة الطلب، لكن الكتلة النيابية للتجمع الوطني اعتبر مبررات الوزير غير مقنعة، وهددت برفع مذكرة الي رئيس الجمهورية، بينما اتفقت لجنة الطاقة مع الوزير علي تنفيذ زيارات ميدانية الي حقول النفط للتعرف علي الأوضاع فيها وعلاقة الشركات العاملة مع المواطنين. ونفي الوزير الذي كان يرد علي مسألة مستعجلة حول موقف الامداد الكهربائي، تقدم بها أعضاء في كتلة التجمع الوطني، وجود مشكلات فنية في سد مروري ووحداته أو خلافات بين الهيئة القومية للكهرباء ووحدة تنفيذ السدود، كما نفي ما أثير بانسحاب احدي الشركات المنفذة واحلالها بأخري قليلة الكفاءة، أو ان يكون هناك اي تدخل سياسي في برنامج تشغيل كهرباء سد مروي،واكد ان كافة السعات التوليدية بالبلاد تعمل بطاقتها القصوي، لكنه أشار الي عجز يبلغ 300 ميغاوات، مبينا أن حجم التوليد المطلوب يبلغ 1100 ميغاوات المتاح منها 800 ميغاوات، بجانب انخفاض توليد خزان الروصيرص الي 180 ميغاواط من جملة 260 ميغاواط، بينما ارتفع الطلب علي الكهرباء الي 23% عما كان عليه في ابريل من العام الماضي. وقال الحسن ان التوربينتين اللتين دخلتا التوليد بـ 250 ميغاواط من سد مروي، خرجتا بعد 20 يوما قبل أن تعودا متذبذبتين، معزيا ذلك الي أنهما لا زالتا في فترة التجريب، لكنه توقع انتظامهما في 15 مايو القادم، وقال ان بقية التوربينات ستدخل التشغيل تباعا بمعدل اثنتين كل ثلاثة أشهر ليكتمل تشغيلها في ابريل 2010م، كما توقع اضافة 310 ميغاواط الي الشبكة بحلول نوفمبر القادم من محطتي قري 4 ومحمود شريف الحراريتين. واعتبر القياديان في كتلة التجمع الوطني، محمد وداعة وسليمان حامد، اجابة الوزير غير مقنعة وهددا بتصيد الأمر عبر مذكرة الي رئيس الجمهورية. الي ذلك، اتفقت لجنة الطاقة بالبرلمان مع وزير الطاقة، الزبير احمد الحسن، علي تنفيذ زيارات ميدانية الي حقول البترول ومحطات الكهرباء ومواقع تعدينية، للوقوف علي طبيعة الخدمات التي يتلقاها المواطنون والآثار البيئية. وأوضح الوزير عقب اجتماع ضمه الي اللجنة أمس، ان الاجتماع نسق لزيارات الي مواقع الحقول النفطية والتعدين بهدف الوقوف علي الأوضاع فيها، وأكد رئيس اللجنة، قلواك رون، ان الزيارات تهدف لتفقد الأوضاع في الحقول الانتاجية والعلاقة بين الشركات العاملة والمواطنين، وطبيعة الخدمات التي تقدم اليهم، اضافة الي الآثار علي البيئة، مؤكدا تلقيهم شكاوي من المواطنين حول الاثارالبيئية، وطلبت اللجنة بحسب رون، اجتماعا مع الشركات العاملة في مجال النفط.
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: ود الباوقة)
|
يا ليون الما واضح فوق شيله من هنا http://www.rayaam.info/News_view.aspx?pid=502&id=37291
Quote: أكّد الزبير أحمد الحسن وزير الطاقة والتعدين ان كل السعات التوليدية للشبكة القومية للكهرباء تعمل بطاقتها القصوى، ونفى وجود أي تدخل سياسي في شأن تشغيل كهرباء سد مروي، ووجود أية مشاكل بالسد، أو خلاف بين هيئة الكهرباء وإدارة السد، ودعا المواطنين للصبر والتحمل مشيراً الى ان السد مازال تحت التجريب. وكشف الزبير في رده على المسألة المستعجلة بالبرلمان حول الكهرباء، التي تقدم بها فاروق أبو عيسى ومحمد وداعة عن كتلة التجمع عن لجنة لإعادة هيكلة الكهرباء لتحويلها الى شركات، وأشار الزبير عن انخفاض في التوليد من خزان الروصيرص الى (180) ميقاواط. وقال إن الطلب على الكهرباء زاد بنسبة (23%) والعجز وصل (300) ميقاواط، وأضاف أن التوليد المطلوب (1100) ميقاواط والمتاح (800) ميقاواط، وأشار لتنسيق بين وحدة السدود لتغطية العجز. وقال إن دخول كهرباء السد في 19مارس الماضي للشبكة وخروجها في 12 أبريل كان أمراً مُتوقّعاً، لخضوع المشروع للتجربة، وأضاف ان المشروع ما زال فى يد المقاول. وقال إن الشركة الفرنسية المسؤولة عن العمل لم تستبدل بأية شركة أخرى، وتوقع دخول الوحدتين الثالثة والرابعة من سد مروى فى منتصف يونيو، قائلاً بأنها ستضيف (250) ميقاواط، وأضاف أنّها تحتاج الى شهرٍ لتستقر. وقال إن الانتاج الكلي من السد سيصبح (500) ميقاواط، وتوقع استقرار الوحدتين منتصف الشهر المقبل، ولفت لانتاج الفحم المنتج للتوليد الحراري من مصفاة الخرطوم، وتوقع دخول المرحلة الأولى من قري في (4) مايو المقبل، وقال إنها ستضيف (55) ميقاواط. واكد استمرار العمل فى محطة الشهيد محمود شريف التي تولد (200) ميقاواط وتوقع دخول الوحدة الاولى مطلع سبتمبر المقبل، وتابع: نتوقّع ان تلحق الهيئة القومية للكهرباء (310) ميقاواط من التوليد الحراري، بجانب توليد سد مروي، واشار الى انه امر سيقود للاستقرار فى الامداد الكهربائي خلال النصف الثاني من العام الحالى، واكد الزبير سلامة سد مروى ونوه الى انه يخزن (14) مليار متر مكعب من المياه ولايحتاج لتفريغ خزان الروصيرص ونفى وجود أى خلاف بين الهيئة والسد، وقال إن وحدة السدود هي المالكة، وأردف أّن الوضع النهائي للكهرباء في البلاد قيد الدراسة. إلى ذلك تعتزم كتلة نواب التجمع الوطني بالبرلمان تقديم مذكرة لرئاسة الجمهورية حول قضية الكهرباء. وقال سليمان حامد عضو الكتلة في تصريحات أمس إن رد وزير الطاقة للبرلمان حول الكهرباء غير مقنع، واشار لاجراءات تقوم بها الكتلة لاستدعاء وزير الري، وقال ان المذكرة تتضمن سؤالاً حول مبلغ (29) ملياراً، ذكر تقرير المراجع العام انها اخذت من القرض الصيني للسد ولم تُصرف. واشار محمد وداعة عضو التجمع لـ (الرأى العام) امس عن اعتزام الكتلة التقدم بمسألة مستعجلة مرة أخرى لوزير الطاقة حول الكهرباء. وقال إنّ تبريراته للقطوعات غير مقبولة، وإنّ العجز في الكهرباء يفوق الـ (40%) وليس (23%) كما ذكر الوزير.
|
ولما اجراس الحرية تعمل ابديت لموقعها بنجيب برضو وشكرا للتقنية التي تجعل الاشياء متاحا
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: GamarBoBa)
|
ودي من اجراس الحرية
عشان تشوفوا حجم التناقض http://ajrasalhurriya.net/ar/news_view_3315.html
Quote: الطاقة تدرس خصخصة هيئة الكهرباء الزبير: نسعى لمعرفة العلاقة بين الهيئة وإدارة سد مروي البرلمان: أجراس الحرية طالبت وزارة الطاقة المواطنين بالصبر على قطوعات الكهرباء المتزايدة بالبلاد، وقالت إن الأعوام القادمة ستشهد تحسناً في الإمداد الكهرباء دون تحديد سنة بعينها، وقال قال وزير الطاقة الزبير أحمد الحسن في رده على مسألة مستعجلة بالبرلمان أمس حول قطوعات الكهرباء إنّ خروج "وحدتي" سد مروي في الثاني عشر من أبريل الجاري سبّب عجزاً في الكهرباء وصل إلى (300) ميغاواط، وأكد أنّ الحاجة الفعلية للكهرباء بالسودان تصل إلى (1100) ميغاواط بينما تنتج كل الوحدات التوليدية العاملة بسعتها القصوى (800) ميغاواط، لافتا إلى أنّ الكهرباء المنتجة من سد الروصيرص انخفضت من (260) ميغاواط إلى (180) ميغاواط، وطالب الشعب السوداني بالصبر على "القطوعات" إلى حين انصلاح الحال في الأعوام المقبلة.
وقال الحسن إن وحدتي سد مروي دخلتا الشبكة في التاسع عشر من مارس الماضي وخرجتا في الثاني عشر من أبريل الجاري واعتبرها مسألة متوقعة لا سيما وأن التوربينتين في طور "التجريب" وتحتاجان إلى الزمن الكافي، مبيناً أنّ الوحدة الأولى دخلت الشبكة القومية أمس الأول في الساعة الواحدة صباحا وخرجت في التاسعة مساء ولكنها عادت فجر أمس وتمثل (250) ميغاواط، مؤكدا أنّ الوحدة عادت بشكل نهائي وأنّ الثانية في طريقها إلى العودة ودخولها الشبكة القومية. وقال الحسن إنّ وزارته تدرس الآن إمكانية تحويل الهيئة القومية للكهرباء إلى شركة خاصة، ومعرفة العلاقة بين إدارة السد والهيئة فيما يتعلّق بالناتج، وقرار رئيس الجمهورية المتعلق بتخفيض تعرفة الكهرباء. لكنّ النائب عن التجمع الوطني الديمقراطي محمد وداعة "مقدم المسألة" قال إنّ إجابة الوزير غير مقنعة باعتبار أنّ تجريب كهرباء السد بدأ منذ يناير الماضي وأنّ الوحدات غاية في الدقة وتعمل بالكومبيوتر. وأكّد النائب عن التجمع سليمان حامد بأنّ وزير الطاقة لم يرد على السؤال بصورة "مقنعة" لا سيما وأنّ الشعب السوداني "يعاني" بسبب انقطاع الكهرباء والمياه. موضحاً أنّ كتلته سترفع مذكرة في شكل سؤال لاستدعاء وزير الري، وفي حال تفاقم المسألة سترفع مذكرة إلى رئيس الجمهورية المشير عمر البشير، وأكّد بأنّه سيقول بأنّ الرد غير مقنع في اجتماعات الهيئة البرلمانية للتجمع الوطني الديمقراطي في الأيام المقبلة. |
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: GamarBoBa)
|
لووووووووووووووووووووووووووووووووووووووووووووووووووووووول
يا جماعة والله ما معاي كمرة كنت صورت الصفحة
بالله العندو الخبر اليدخل علي قوقل يعمل سيرش
قطوعات كهرباء
اشهر كهرباء بالتاريخ
الكهرباء قطعت
ماعندنا كهرباء
لوووووووووووووووووووووول
واليشوف النتيجة البتجيهو في اول صفحة
الله يفضحكم يا كيزان السد ...
صحيفة الرأي العام - قطوعات الكهرباء بالدويم - [ Translate this page ]التاريخ: الثلاثاء 19 أغسطس 2008م، 17 شعبان 1429هـ 3927 ... إدارة الكهرباء بالدويم تارة تعزو القطوعات لبرنامج الترشيد الذي بدأ منذ أشهر وتارة أخرى ُتحِّمل رئاسة الكهرباء بكوستي المسؤولية كاملة باعتبار أنها تتحكم في توزيع الكهرباء على مدن ... www.rayaam.info/News_view.aspx?pid=479&id=18130 - 30k - Cached - Similar pages صحيفة الرأي العام - حضرة المسؤول - [ Translate this page ]التاريخ: الثلاثاء 19 أغسطس 2008م، 17 شعبان 1429هـ 3927 ... قطوعات الكهرباء بالدويم. :مُعاناة كبيرة يعيشها مواطنو مدينة الدويم هذه الأيام بسبب ... إدارة الكهرباء بالدويم تارة تعزو القطوعات لبرنامج الترشيد الذي بدأ منذ أشهر وتارة أخرى ... www.rayaam.info/spsection.aspx?pid=262&sec=35 - 90k - Cached - Similar pages More results from www.rayaam.info » وزير الطاقة :كهرباء السد خرجت من الشبكة بعد«20» يوماً فقط ... - [ Translate this page ]28 نيسان (إبريل) 2009 ... البرلمان يستجوب وزير الطاقة حول قطوعات الكهرباء ... ان بقية التوربينات ستدخل التشغيل تباعا بمعدل اثنتين كل ثلاثة أشهر ليكتمل تشغيلها في ابريل 2010م، كما .... يستعيذ بالله من الشيطان ومن شر ما رأى ثلاث مرات. تحويل التاريخ ... www.sudaneseonline.com/news.php?action=show&id=10625 - 3 hours ago - Similar pages والي نهر النيل يعلن البدء في سد الشريك خلال أشهر - الأخـبـار ... - [ Translate this page ]الهيئة: خروج وحدتي سد مروي وراء قطوعات الكهرباء .... ماذا يفعل من رأى الرؤيا أو الحلم يستعيذ بالله من الشيطان ومن شر ما رأى ثلاث مرات. تحويل التاريخ ... www.sudaneseonline.com/news.php?action=show&id=9731 - 61k - Cached - Similar pages More results from www.sudaneseonline.com » المنبر العام لسودانيز أون لاين دوت كوم - [ Translate this page ]تاريخ التسجيل: 16-06-2002 مجموع المشاركات: 2127 ... وأبدى عدد من طلاب جامعة النيلين استياءهم من قطوعات الكهرباء مفضلين الجلوس على ..... ( قال زياد بن أبيه، أحد أشهر القادة الخطباء في العصر ألأموي: "إن كذبة الأمير بلقاء مشهورة. ... هل تعلمت الامم المتحدة من قضية دارفور وتعاملت هذة المرة...مة مع حكومة سيرلانكا - 76k - Cached - Similar pages صحيفة اخبار اليوم السودانية - الاقتصاد - [ Translate this page ]التاريخ: 24-4-1430 هـ الموضوع: الملف الاقتصادي/اشراف عبد الرازق الحارث ... بحظر تصدير الاسمنت لمدة اربعة اشهر بما ادي الي التاثير السلبي علي انسياب الاسمنت في .... يبدو ان الحديث عن قطوعات الكهرباء فى الصيف لا يريد ان يبارح مخيلة وواقع ... www.akhbaralyoumsd.net/modules.php?name=News&file=print&sid=1864 - 15k - Cached - Similar pages صحيفة الوطن :: صحيفة سودانية يومية سياسية مستقلة - [ Translate this page ]... طريق الكلاكلة شرق الذي بدأ العمل فيه قبل أكثر من 4 أشهر أي منذ تاريخ أحداث أم درمان ... نقابة عمال الكهرباء التي اقامت الدنيا ويبدو أنها لن تقعدها بسبب المقال الذي نشره الأستاذ عادل سيد أحمد عن قطوعات الكهرباء ومكاوي لا أدري لها أي ... www.alwatansudan.com/index.php?type=6&issue_id=749&col_id=1 - 32k - Cached - Similar pages 3 أزمات في الخرطوم: ارتفاع «جنوني» في درجات الحرارة.. وشح في ... - [ Translate this page ]وأمام القطوعات المتكررة لخدمات الكهرباء اضطُرّت الهيئة القومية للكهرباء، وهي هيئة ... وإن الإشكالية في عدم الإيفاء بتسليم الطلبات للزبائن في التاريخ المتفق عليه». ... السعودية: عقار جديد خلال 6 أشهر لمرضى الفشل الكلوي المصابين بفقر الدم ... aawsat.com/details.asp?section=4&issueno=11109&article=516959&feature= - 13 hours ago - Similar pages هل فشل سد مروى - منتــديــات عــبري / تــبــج _ نحن منكم وبكم - [ Translate this page ]الندوه الاخيره كانت عن تاريخ الاديان فى وادى النيل اختم بالشكر مرة اخرى ... إلا انها ورغم عن تأخر دخول كهرباء السد الى الشبكة القومية لثلاثه اشهر كاملة الا انها ... انو قطوعات الكهرباء فى الخرطوم هذه الايام ( الشبكة القومية ) نسبة لانو ... www.abritabag.net/vb/showthread.php?p=87755 - 122k - Cached - Similar pages الفضائيه السودانيه - [ Translate this page ]الطاقة: زيادة الطلب بنسبة (23%) وراء أزمة الكهرباء. التاريخ :24-04-2009 الساعة 17:37:10 ... تغطية ربع الاستهلاك الحالي، بجانب دخول مناطق عديدة الشبكة القومية، ونفى أن تكون القطوعات بسبب خلل في السد. ... الزراعي والصناعي سيستمر ولكن بمعدل أقل، بجانب توقعات بانخفاض معدل التضخم الى أقل من (10%) خلال الاشهر المقبلة. ... www.sudantv.net/newsadd.php?zz=27335 - 23k - Cached - Similar pages
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: صلاح ليون)
|
Quote: مبيناً أنّ الوحدة الأولى دخلت الشبكة القومية أمس الأول في الساعة الواحدة صباحا وخرجت في التاسعة مساء ولكنها عادت فجر أمس وتمثل (250) ميغاواط، مؤكدا أنّ الوحدة عادت بشكل نهائي وأنّ الثانية في طريقها إلى العودة ودخولها الشبكة القومية |
يا صلاح ليون
سلام
باعتبارك بتاع كهرباء ومهندس وكدة
ياخي اخوك العبد لله ادبي حسابات ساااكت فما فاهم الكهرباء البتدخل وتمرق بدون اذن دي وكمان نص الليالي ومرات تجئ الفجر ماعندها ولي ولا في زول بيحكمها والا الحاصل شنو ؟
اساسا بتمرق على حل شعرها والا كيف
ثم السؤال المهم هل لكهرباء كما درستم إرادة حرة واعية تخول لها الخروج والدخول كما تشاء ...
تحياتي
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: HAIDER ALZAIN)
|
استنادا لمداخلة اخونا حيدر الزين اقدم مناشدة لاخونا محمد فرح أن يعود لبوسته خاصة ان هنالك بشريات وان التيار صار عدد قطوعاته بسيطة ونبشره بأننا سنقول الحق كل الحق عندما يثبت التيار الكهربائي وكما نناشدك ايضا بتحري هلال الحقيقة في الاخبار والوثائق المنقولة لان الوثيقة الالكترونية ايضا وضعها خاص فلا تشمت عدوك فيك ، كما اننا والله لا يهمنا أن تنقل اخبار حزبك فهذا حقك ودفاعك عنه بكل صدق يكسبك الاحترام ،أما محاولة (خم) الجماهير فهذا ما لم يكن مقبولا منك.
الهم ثبت التيار الكهربائي الهم ابدلنا الآلات التي ديندها التعطل بآلات اخري ليس ديدنها التعطل الهم ان ماءنا يجري في نيلنا فأسقنا من نيلنا بحلالنا ومدنا منه بالميقاواط كهربة وبلطي الهم يا رب دمر صور البروفايلات التي تنطط فيها الاعمدة الكبيرة لكي تخاف الاعمدة الحلة الصغيرة الهم ثبت أرجلنا في البوستات وابعد عنا المختصين في الشغلة
اقول قولي يا محمد فرح والعفو والعافية والــــــــــــــــــــي لقاء كما يقول مذيع عالم الرياضة والسلام عليكم
__ كورة شيلسي وبرشلونة لو الكهربا قطعت يا محمد فرح انا برجع البوست ده تاني
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: GamarBoBa)
|
Quote: الهم ثبت التيار الكهربائي الهم ابدلنا الآلات التي ديندها التعطل بآلات اخري ليس ديدنها التعطل الهم ان ماءنا يجري في نيلنا فأسقنا من نيلنا بحلالنا ومدنا منه بالميقاواط كهربة وبلطي الهم يا رب دمر صور البروفايلات التي تنطط فيها الاعمدة الكبيرة لكي تخاف الاعمدة الحلة الصغيرة الهم ثبت أرجلنا في البوستات وابعد عنا المختصين في الشغلة |
آمييين..
Quote: كورة شيلسي وبرشلونة لو الكهربا قطعت يا محمد فرح انا برجع البوست ده تاني |
اها الكورة كانت بايخة واخير منها قطعت الكهرباء حتسوي شنو !!
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: برير اسماعيل يوسف)
|
سلام يا شباب ..
في البداية قلنا لازم نجي نصلي ركعتين تحية المسجد في جامع اخونا محمد فرح..
شايفكم يا شباب ما صدقتوا موضوع 23% زيادة في الاستهلاك و دي يا اخوانا ما اخلاق مؤمنين..
لكن ايه رائكم دي حقيقة وانا اشهد بها ..واقولها للحقيقة والتاريخ..
في واحد في حلتنا قبل 25 يوم بالضبط فتح محل لحام سراير كبير ..فما ترموا الناس بالباطل..
_________
صلاح نادر .. الناس دي كان بتفهم كلامك الكبار دا كان لقوا حل لموضوع الكهرباء..
فبالله ارجع ليهم للغة ششش ششش باااااس علشان يكونوا معانا في الصورة..
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: حسين نوباتيا)
|
Quote: س: إلى أي مدى تأثر السودان بالأزمة الاقتصادية العالمية؟ " ج: تأثرنا ليس كبيرا، فهو مقصور على عوائد النفط الذي انخفضت أسعاره ويشكل 40% من موارد الميزانية. ولكن ذلك لم يعطل شيئا في مشروعاتنا للتنمية، فقد ساعدتنا ظروف كثيرة على إنجاز الكثير من مشروعات البنية الأساسية، خاصة سد مروي وشبكة الطرق والجسور التي ربطت بين ضفتي النيل، وأصبح لدينا وفرة في الطاقة مكنتنا من توصيل الكهرباء إلى أنحاء السودان، وكانت النتيجة أن السودان أصبح ترتيبه السادس بين الدول العشر الأسرع نموا في العالم
|
بس فلاحتكم في محمد فرح يا شريرين ؟ و الله حركتكم دي ولا ظريفه
عاوزين تعرفوا صاحب الكلام باروا الرابط ده :
http://www.aljazeera.net/NR/exeres/BAC475E6-6EA4-4D70-97BE-8F82DD1DA5DB.htm
كدي تاني واحد فيكم يفتح خشمو
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: nazar hussien)
|
Quote: الساده الكرام رواد البوست آسف جداً لعدم التمكن من الرد على جميع المداخلات كل على حده شايف الاغلبيه مامصدقه إنو الحلم خلاص إتحقق وإنو تاني قطوعات مافي زمن إنقطاع الكهرباء خلاص ببح ، إنتهى ده وعد قطعتو الإنقاذ وهاهو الآن تحقق وأصبح واقعاً في هذه اللحظات يتم الإحتفال بوصول كهرباء مروي للخرطوم الحمد لله الذي جعلني أشهد هذا اليوم أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيها وتحدي لو تاني الكهرباء قطعت
......... وصيتي المهمه ياأخوانا ماتنسوا الترشيييييييد
للجميع مؤونة عشرة أعوام من الود |
اول مرة امسك البوست دا من الصفحة الاولي
لقيت الكرام دا
| |
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: صلاح ليون)
|
ايوة يا صلاح قريت جزء منه في الملخص
بس وقت تقراهو كدة مع الانفعال االحظي وتتخيل شكل الزول وهو مؤمن وواثق والنفخة الكدابة
بتشعر خلاص ما يبقي ليك الا تحذر الاهل الشفع ما يلعبوا جنب الكهرباء ..
هسع عليك الله شوف الجزم واليقين والثقة البيتكلم بيها
وكمان بيحمد الله انه عاش وشاف اليوم دا لووووووول
طيب اليوم دا ما عايش فيهو ليك 20 سنة وما اتغير يومياً كهرباء قاطعة
حكم والله
| |
|
|
|
|
|
|
|