|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
ملخص سريع لكل مداخلات محمد فرح في الصفحات الستةالأولى وعشان البيجو متأخرين زي ناس ابكدوك ويشوفوا نحن صبرنا قدر كيف .. وكمان مرفق في الأسفل مقتطفات من مسائلة البرلمان لي وزير الطاقة.. بدأت طبعا من هنا :Quote: من بكره ... تاني مافي كهرباء بتقطع في الخرطوم إن شاءالله |
والتأكيد هنا:Quote: بس بإذن الله من بكره حتستمتع وكل سكان الولايه بإمداد كهربائي مستمر بعون الله |
وشوية خفة دم هنا:Quote: من بكره حتشتهوا قطعة الكهرباء بالليل ولمة الحوش بالبطاطير والشاي البالقرقوش |
ده ماعارفو كان لي شنو:Quote: شايف الاغلبيه مامصدقه إنو الحلم خلاص إتحقق وإنو تاني قطوعات مافي زمن إنقطاع الكهرباء خلاص ببح ، إنتهى ده وعد قطعتو الإنقاذ وهاهو الآن تحقق وأصبح واقعاً |
التحدي هنا:Quote: أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيها وتحدي لو تاني الكهرباء قطعت |
زيادة في الغي هنا:Quote: ولمن يريدون تبخيس هذا الإنجاز عليهم أن يقارنوا واقعنا الحالي بواقعنا السابق عندما كانت الكهرباء تقطع بالتلاته والاربعه يوم . ياأخوانا الطفره الحصلت في الكهرباء دي أصلها ماعاديه وخصوصاً بعد دخول كهرباء السد للشبكه |
وبدأت التبريرات :Quote: طبعاً الكهرباء يادووووب وصلت الليله |
Quote: حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه . |
وبدأ الكذب:Quote: فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي |
والاتهامات:
Quote: آثرت عدم الرد على ردود بعض المغرضين ممن يريدون تبخيس جهود المخلصين من أبناء هذا الوطن الذين يعملون ليل نهار غير آبهين بأصوات اليائسين العاجزين المحبطين |
كل هذا مع استبعاد المؤثرات الجانبية الصوتية من سمك ودنقلا وقري.. وختاماً ماخرجنا به بعد المسائلة هو الآتي..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Nader Abu Kadouk)
|
Quote: Re: من بكره ... تاني مافي كهرباء بتقطع في الخرطوم إن شاءالله |
الحبان هنا ،، غايتو عليكم غتاتة مبالغ فيها :
الحبيب محمد فرح كان واضح في كلامو ،، قال ليكم (((إن شاء الله)) كجزئية مهمة جداً في العنوان،،
الله لم ييسر أمر الكهرباء ،،
كرهتو الراجل العيشة ،،
= خلو البوست دا ينزل لغاية ما الكهرباء تجي ،،
أعوذ بالله من الشيطان الرجيم،، ((إنما أمره إذا أراد شيئاً أن يقول له كن فسيكون ،، فسبحان الذي بيده ملكوت كل شيء وإليه ترجعون)) صدق الله العظيم،،
الله يسر أمرنا يالله ،،
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: سوسن عبد الله)
|
الحبيب الهناك عبد اللطيفQuote: الحبان هنا ،، غايتو عليكم غتاتة مبالغ فيها :
الحبيب محمد فرح كان واضح في كلامو ،، قال ليكم (((إن شاء الله)) كجزئية مهمة جداً في العنوان،، |
كان تكمل الملخص وتشوفو قال الاسباب شنو.. نهائي ما قال انشاء الله الالات ديدنها التوقف.. وما قال الله شاء والكهرباء جات اكتر من اللازم.. مافي اي وضوح سواءً في كلام ود فرح ..الوزير..البرلمان.. وكمان حتى النواب السألو.. حسبنا الله ونعم الوكيل..
الاخت سوسن إنشاء الله لغاية منتصف يوليو الحال يتصلح مع انهم ماقالو الحقيقة واكلونا ساكت بالديدن.. وحتى الوعد ما قاطع لانو مافي اي دولة تسطيع ان تغطي ربع استهلاك السودان الحالي..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: ادريس خليفة علم الهدي)
|
Quote: الله لم ييسر أمر الكهرباء ،،
كرهتو الراجل العيشة ،، |
ونعم بالله...لكن الله يسر الموية,,,والسد...والتوربينات... والسلوك...والمكنات...والابراج...ومهندس البشريات... والجاز...والبلطي...ومدرسة الدايات...
عايزين تيسير فهمي بعد كدا...
ديدني وديدن التوربينات الملانة حوت وديدني وديدن قطعان الكهرباء والناس تموت وديدني وديدن البتشتكيلو يديك شلوت وديدني وديدن الكضاب ومسخوت
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
ودابكدوك يا عزيزي .. للمرة الثانية:Quote: الزول ده بقصد شنو الواحد بقى بليد شويه |
الشرح يا نادر ابكدوك بس اقلب العبارات .. زيادة في الطلب = عجز كهربائي (معطى) 1/4 الاستهلاك الشافطنو انتو حالياً = الدولة لما تشغل امدادها الكهربائي كلو أضرب الطرفين × 4 .. .'. الاستهلاك الحالي = 4 دول عشان يغطوهو (ولهذا السبب ذكر سيادته "دولة" منكرة ولم يتكلم عن الدولة "معرفة")
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
ربــع اســتـهــلاك دولـــة ؟؟؟؟
يا جماعة ســؤال .... ممكن ؟
الزول دا قاصـد ياتــو دولـــة ؟؟؟؟
الدولة حقتو دي رسالية ولا غير رساليـة ؟
فيها محطات نوويـة لتوليـد الكهرباء ولا ما فيهـــا ؟؟؟؟
بتصنع محطات التوليـد ولا بستوردهــا من الصين ؟؟؟؟
فيها مسئولين عباقرة ولا ما فيهــا ؟؟؟؟
فيها مستشاريـن فلتات ولا مافيهـــا ؟؟؟؟
فيهــا هيئـة علماء ولا ما فيهــا ؟؟؟؟؟
أحمد الشايقي
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: أحمد الشايقي)
|
Quote: الشرح يا نادر ابكدوك بس اقلب العبارات .. زيادة في الطلب = عجز كهربائي (معطى) 1/4 الاستهلاك الشافطنو انتو حالياً = الدولة لما تشغل امدادها الكهربائي كلو أضرب الطرفين × 4 .. .'. الاستهلاك الحالي = 4 دول عشان يغطوهو (ولهذا السبب ذكر سيادته "دولة" منكرة ولم يتكلم عن الدولة "معرفة") |
في الصميم :
** وكمان قلنا نطلع ننوم بعد كدة فلزم نطفي الانوار ونامن العداد بكرة دغش باذن الله بنفتح الامية دي تاني
سلام وعام كهربائي سعيد إن شاء الله :)
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: وصلاح الدين الحيجيب أسعار الجنريترات.. ما تنسو بعد ما تقرو Made in وين كده.. و Model ممكن تكون سوزوكي أو غيرو.. في حاجة كده اسمها CAUTION .. عاينو ليها كويس يمكن يكون قلبوها DIDAN .. وشوفو ديدن الجنريتر ده شنو.. حاكم الآلات اليومين ديل في السودان ماشة على حل شعرها.. |
هاهاهاهاها
شكلك بقيت بتاع برسيم يا ليون..
_________________________
صلاح نادر اداءه ما عاجبني اليومين دي شكلوا ناس الادارة سكتوه بLive power line
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: GamarBoBa)
|
قمر بوبا اننقاتود مسكاقمي
ياخي ما مستهدفنوا ولا جاحة ..لاكنوا بقاتل بشراسة لاثبات ان الانقاذ هي افضل حكومة في الارض رغم انو الارض بتشهد بغير ذلك..
تعرف كل الانقاذيين والكيزان ساكتين بالذات في موضوع الكهرباء دا لانهم عارفين انو ما في مكنة حتقسم مع اي طفل في السودان..
لكن اخوانا محمد فرح وودالباوقة بحاولوا انتزاع انجاز من صميم الفشل الزريع ..قايتو ود الباوقة سكت ..لكن ود فرح كهربتو عالية
انا متاكد انو حايستملم خطاب من رائسة الجمهورية ..فحواه ..
عزيزي محمد فرح
Shut up...You are making it worse
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Amna Mohamed Arh)
|
حسن نوباتيا كيفنك ياخ وعسي البلاد الباردة دي متكيفين فيها وبتتبادلوا فيها ابتسامات جميلة مع الخواجيات زي ما كانت في صوركم الجابها احمد عالم في تكريمك الذكرتني زول اسمه صلاح نصر من ناسنا كان سواق لوري حريف وبعد داك اغترب ايام الطفرة وغني قروش،لما قال في الجمعية ونحن بنحضر الجزيرة وايمان عياد (بنّورة) سابقا بتقرا في الاخبار لو الزولة بس قالت ليك كيفك يا صلاح كنت طلقت مرتي.. انت هسة معاشر البياض داك كيف؟؟؟؟
نرجع لموضوع البوست
Quote: عزيزي محمد فرح Shut up...You are making it worse |
I do confirm he is not going recieve that comment from any where
_ انتو سفريات نوباتيا الزمان حقتكم يا حسن؟ وابقي طيب وو كوقر
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: ود الباوقة)
|
بدانا الموضوع تهكما حين أرسل صاحب البوست فينا بشرياته سفنا تايتانيكية ما لبثت ان حطمت متنها الهش على جبال الحقيقة التي لا يرى منها على سطح بحر الأكاذيب إلا قمتها, وما كنا ممن أختصهم الله بعلم بعض من الغيب ولكنها قوة الذاكرة التي لاتنسى ترعتي كنانة والرهد و اناشيد ح نشيد نحن بلادنا و ناكل مما نزرع ونلبس مما نصنع. وكان ان ابدينا شكوكا فصيحة في صحة الخبر إستنادا لما نعلم عن ديدنهم في نقل الاخبار, حتى شاء الله أن يكذب قولهم بيانا بالعمل, فقيل لنا حينها أن إلتزموا الصبر و ان سلو انفسكم بأكل سمك البلطي لما فيه من فوائد. ثم ساق لنا الكاتب من واهيات الأسباب سربا تفوق في تساقط حججه على طائرات ناقلنا الوطني, فمرة يلوم إنتاجا غزيرا عجزت عن إستيعاب مقداره شبكة التوزيع ومرة أخرى يتعلل بتعطل آلات لم تكمل بعد عامها الأول ولا تعارفت بعد على بنات عمها السناريات, دعاوى لم تزيدنا إلا هم على همنا و غبن على حزننا على وطن يشتري البردعة وينسى الحمار ثم لايجد في نفسه حرجا ان يتعجب قائلا مال هذه البردعة لا تسير؟ ام تراني أكثرت من ضربها ف (حرنت)؟
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
وكنا قد سقنا الأعذار زرافات ووحدانا لأخانا كاتب البشريات ولمن ردفه, فربما غرر به (إخوان) له وإستغلو حماسته للشعب الذي خرج طوعا وكرها يهتف بان لن نسلم حتى نموت عن اخرنا, ولكننا لانجد ما نعتذر به لمن في يدهم حل مصائرنا وعقدها, ولانكاد نستطيع إدراك المراد من لعبة تنس الطاولة التي يمسك بمضربيها هيئة الكهرباء من جهة و ووحدة السدود من الجهة الاخرى, وتباريهما المحموم في تحميل تبعة عجز الأمداد كل على الأخر, وكعادة صراع الأفيال, الخاسر الأول هو العشب, ويصبح المواطن هو السبب الأول والأخير في عجز الكهرباء, لا السد ولا الهيئة ! بل هو ذلك المواطن الذي سولت له نفسه التعيسة ان يحمل الشبكة فوق طاقتها بزيادة طلبة على الكهرباء 23% , نفس الكهرباء التي قال مدير هيئتها أنها موفورة لكم في عداداتكم, مساهمة مني في تقليل منصرفاتكم! نفس الكهرباء التي ندفع ثمنها مقدما, ثم لا نجدها وهي ملكنا, حلالنا
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
ليس بغريب على من إستخدم مواطني عاصمة بلاده طعما لقوات معارضيه أن يكذبهم القول فذلك ديدنهم مذ عرفناهم, ولكن الغريب ان ينبري لحمل مباخرهم نفر كان الأكرم لهم ولنا لو ناصحوهم بالتي هي أصدق, لو قالو لهم إتقوا الله فيمن خرجوا يسبون من طالب برأس دولتكم
بل الأغرب أن يسلم نواب البرلمان بفطير القول الذي جاء به الوزير والذي لا يزيد طين موقفة إلا بلة وخمجا لا ندري كيف إستحسنه هؤلاء؟ أم ان إنفعالهم لم يكن سوى ذرا للرماد في العيون؟ أو رغبة منهم في التموضع كقطعة ديكور داخل إطار صورة الوطن اليتيم.
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
Quote: ثم ساق لنا الكاتب من واهيات الأسباب سربا تفوق في تساقط حججه على طائرات ناقلنا الوطني, فمرة يلوم إنتاجا غزيرا عجزت عن إستيعاب مقداره شبكة التوزيع ومرة أخرى يتعلل بتعطل آلات لم تكمل بعد عامها الأول ولا تعارفت بعد على بنات عمها السناريات, دعاوى لم تزيدنا إلا هم على همنا و غبن على حزننا على وطن يشتري البردعة وينسى الحمار ثم لايجد في نفسه حرجا ان يتعجب قائلا مال هذه البردعة لا تسير؟ ام تراني أكثرت من ضربها ف (حرنت)؟ |
Quote: ولانكاد نستطيع إدراك المراد من لعبة تنس الطاولة التي يمسك بمضربيها هيئة الكهرباء من جهة و ووحدة السدود من الجهة الاخرى, وتباريهما المحموم في تحميل تبعة عجز الأمداد كل على الأخر, وكعادة صراع الأفيال, الخاسر الأول هو االشعب, ويصبح المواطن هو السبب الأول والأخير في عجز الكهرباء, لا السد ولا الهيئة ! بل هو ذلك المواطن الذي سولت له نفسه التعيسة ان يحمل الشبكة فوق طاقتها بزيادة طلبة على الكهرباء 23% , نفس الكهرباء التي قال مدير هيئتها أنها موفورة لكم في عداداتكم, مساهمة مني في تقليل منصرفاتكم! نفس الكهرباء التي ندفع ثمنها مقدما, ثم لا نجدها وهي ملكنا, حلالنا |
Quote: بل الأغرب أن يسلم نواب البرلمان بفطير القول الذي جاء به الوزير والذي لا يزيد طين موقفة إلا بلة وخمجا لا ندري كيف إستحسنه هؤلاء؟ أم ان إنفعالهم لم يكن سوى ذرا للرماد في العيون؟ أو رغبة منهم في التموضع كقطعة ديكور داخل إطار صورة الوطن اليتيم. |
مالي أراك لبست ثوب الوداع أخي صلاح الدين.. والله ما كان منك إلا النصح لصاحب البوست في المقام الأول.. ولمن يقرأ وفي رأسه عقل وفي قلبه ضمير.. وكأني بهم في غيهم يعمهون.. ولا حياة لمن تنادي.. وآخرين أخذتهم العزة بالإثم..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
الله يدي العافية يازول..
لعناية الاخوة المتداخلون.. ظهرت عدة بوستات تدعم هذه النظرية:Quote: قالوا حكومتنا الرشيدة كانت عايزة تفتتح السد تزامنا مع قرارات المحكمة الدولية وطبعا ماكان فى تشغيل تجريبى للخزان اها قيادتنا الرشيدة قالوا لزوم الاحتفال والعرض والنقزى وبما انو مافى موية فى السد والخريف لسه ماجا قاموا فتحوا مخزون المياه فى خزانى سنار والروصيرص عشان الموية تمشى داافرة لى مروى ويكون الافتتاح عظيم |
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: وكنا قد سقنا الأعذار زرافات ووحدانا لأخانا كاتب البشريات ولمن ردفه, فربما غرر به (إخوان) له وإستغلو حماسته للشعب الذي خرج طوعا وكرها يهتف بان لن نسلم حتى نموت عن اخرنا, ولكننا لانجد ما نعتذر به لمن في يدهم حل مصائرنا وعقدها, ولانكاد نستطيع إدراك المراد من لعبة تنس الطاولة التي يمسك بمضربيها هيئة الكهرباء من جهة و ووحدة السدود من الجهة الاخرى, وتباريهما المحموم في تحميل تبعة عجز الأمداد كل على الأخر, وكعادة صراع الأفيال, الخاسر الأول هو العشب, ويصبح المواطن هو السبب الأول والأخير في عجز الكهرباء, لا السد ولا الهيئة ! بل هو ذلك المواطن الذي سولت له نفسه التعيسة ان يحمل الشبكة فوق طاقتها بزيادة طلبة على الكهرباء 23% , نفس الكهرباء التي قال مدير هيئتها أنها موفورة لكم في عداداتكم, مساهمة مني في تقليل منصرفاتكم! نفس الكهرباء التي ندفع ثمنها مقدما, ثم لا نجدها وهي ملكنا, حلالنا
|
صلاح ... انجح الله (برسيمك) يا صديق...
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: ود الباوقة)
|
نزار ومن لف لفة
إنى أراكم قد قمتم بتجسيد كل معانى الإحتلال فقد قمتم بإختطاف هذا البوست من صاحبة( طيارى ) مستغلين فى ذلك ظلمة الليل التى خلفها إنقطاع الكهرباء المتواصل. وقد عقدتم العزم و بيتم النية على الآ تحطوا بهذا البوست أرضاً حتى تعود الكهرباء الموعودة بكامل جهدها
____________________
أرجو ان تعود الكهرباء قريباً ويعود معها الفرح للجميع ويعود فرح لبوستة!!!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: ود الباوقة)
|
كدي النسجل البلاغ ده مالكم طولتو من البلاغات مش قالوا ليكم في بداية البوست اي زول عنده كهربا قاطعة في حتة يبلغ انتو بقيتو تنسوا يا جماعة
المكان الخرطوم 2 الزمان الأحد 26 -4-09 اي بعد 14 يوم من البشريات سخانة تلحم،الصلعة مندية جنريترات شغالة زي حفلة الطمبور في كل حتة
ود الباوقة اي نفسنا قام لكن ما قلت لينا دنقلا الحاصل فيها شنو انت يا ود الباوقة اوع تكون حاسبنا مناضلين بس والله ما عندنا شغلة بزول...الا المغايس بتخلينا نكتب
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: عبدالله احيمر)
|
Quote: نزار ومن لف لفة
إنى أراكم قد قمتم بتجسيد كل معانى الإحتلال فقد قمتم بإختطاف هذا البوست من صاحبة( طيارى ) مستغلين فى ذلك ظلمة الليل التى خلفها إنقطاع الكهرباء المتواصل. وقد عقدتم العزم و بيتم النية على الآ تحطوا بهذا البوست أرضاً حتى تعود الكهرباء الموعودة بكامل جهدها
____________________
أرجو ان تعود الكهرباء قريباً ويعود معها الفرح للجميع ويعود فرح لبوستة!!! |
الكهرباء كان جات المغسة البايتة في المعلاق دي البتعشي بيها منو يا حسن...؟؟؟
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Hassan Makkawi)
|
. .
يامحمد فرح إتصلت على الأهل لقيت الكهرباء قاطعة والموية قاطعة والسخانة كمياااااات واليوم سماية مولودنا :(
معقول بس لكن ياناس السد ؟
كل ذلك يضاف الى ميزان سيئات الرئيس المؤتمن، صاحب الابتسامة، الذي سرق اتباعه الحجاز واليمامة وأضاع القيم والشهامة وشرد الشعب الى أميركا وتهامة.
إلى الله المشتكى .
محمد فرح مافي أي تطبيع للعلاقات معاك لو ماشفت لي جنريتر بالتقسيط كل شهر نص مليون ..
.
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
Quote: إنشاء الله لغاية منتصف يوليو الحال يتصلح |
يازول ... شايفك صدقت كمان انو منتصف يوليو الحال ح يتصلح ..!!!!
كدى النسألك بالتبادى .. موش ياهم زاااااااااااتهم القالوا تانى ماح تقطع ( ان شاء الله)؟؟؟؟
وتيب ؟؟؟..
....
....
قصة سد مروى وقطوعات الكهرباء زكرتنى ليك قصةحقيقية حصلت ايام انتاج البترول السودانى في 98-99 على ما اظن ...
كان مذياع الحافلة التى تقل الركاب من بحرى للكدرو ينقل على الهواء مباشرة احتفالات البلاد بانتاج البترول ...
ومسيرة في الشوارع ... وصيحات تتعالى .. الله اكبر .. الله اكبر ...
التفت امرأة طاعنة في السن الى شاب يجلس جوارها ودار بينهم الحديث التالى :-
- في شنو ياولدى الليلة الدنيا دى قايمة وقاعدة ؟؟... - البترول السودانى ياحاجة قالوا طلع .. * سرحت الحاجة نحو مزارع الحلفايا .. ............. ......... .......... ثم اردفت :- - انت عارف ياولدى زماااااان عامن اول لمن عملوا صوامع غلال بورتسودان (تقصد عبدة ربه على ما اظن) قالوا لينا تانى الدقيق يرقد هبطرش .. ونتمسح بيهو ... ماعدت فترة طويلة .. الا بقينا نشحد دقيق ريقان وجاتنا المجاعة والاغاثة .... * والشاب يستمع بفضول... تواصل الحاجة ... تااااااااااانى لمن عملوا مصنع سكر كنانة .. قالوا لينا السكر دة تانى ببقى زى الشى الكعب .. زى التراب تمشوا فيهو برجلينكم ... عملنا ليكم اكبر مصنع في افريقيا ... ماعدت فترة طويلة ... الا بقينا نشرب الشاى بالبلح .. دحين ياولدى بترولهم ده اكان ماسقط حجرنا .... ......
وقد كان ، وتحققت نبوة هذه الحكيمة .. وبقينا في قسمة (الثروة) .. والذى منه ..
دى قصة حقيقية وواقعية ....
ــــــــــــــــــ
اخدو منها الحكمة .. وكل مايقولوا افتتحو الشنو داك ... اعرف انو الموضوع ( استحمى)
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: GamarBoBa)
|
قمر بوبا
Quote: يا نعيم حباب البلطي لكن في سمك اسمهاالبردي ولا البردة ما بعرف دي ملاقاتها مشكلة دي بطقك كهربا بتجيب اجلك |
حمانا الله واياك..
Quote: اقترح انو يلموها كلها في بحيرة السد ويوصلوا فيها ايون سالب وايون موجب ممكن يطلعوا منها بعشرة ميقاتشغل تشيل جزء من العجز الحالي |
أثني علي اقتراحك
___________________ يرفع الامر لصيادي (بحيرة السد).. مع وافر الاحترام.
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: ALMURADABI)
|
بلاغات بأثر رجعي
بري قاطعة من 10:00 صباحا و حتى 3:00 عصرا بحري (ماعارف المنطقة إسمها شنو لكن هي جمب ميدان عقرب) قاطعة من 12:00 و ماجات إلا 5:00
الحر من رب العالمين وأكيد لحكمة
لكن قطع الكهرباء, حسابو عند رب العالمين
انتو ماف بشريات جديدة؟
الجماعة ما جاهم تقرير إنو الخريف الجاي المطر فيهو ح يكون مترين و تاني الزراعة المطرية فدانها يجيب 200 شوال؟
!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: ود الباوقة)
|
سلام يا شباب.. سافرنا وجينا نلقى ود الباوقة جاري بالكورة بالجناح..
ود الباوقة عشان قلنا سكتا جيتنا بنظرية
" يا مطيرة صبي لينا في عينينا"
خليك جاد شوية وورينا اخر الاخبار شنو ..و اوعدك اننا حنغمض عيونا..
قالوا الكهرباء ليها تلاتة يوم ما قطعت ..عليك الله ده حسي ما انجاز.. حقو الريس
يمشي يقص ليهو شريط احمر في صحراء بيوضة و يديها نفزة نقزتين لهذا الانجاز العظيم
وانت جيب لينا الصور و اسد الانقاذ جو جو .. وريس نقاز جو جو..جاب الانجاز جو جو ..
وسيبك من الناس النفسا قايم دي..يلا يا ولدنا وريهم بيان بالعمل هؤلاء المغرضين !
_______
نعم ياليون انا من بدين وهي نفس لغة المحس ويتحدثها معظم السكان الذين يقطنون شمال دنقلا حتى حلفا ولكن هناك اختلاف بسيط في اللكنات..لكن اللغة واحدة.
________
وو بوبا وو مسود
ياخي معقولة حاسدنا على البياض وانتوا عندكم البلطي رقد هبطرش.. نحن حقنا دا بنشوفوا و نتمسح فيهوا وانتوا بلطيكم دا بخش في بطونكم فاعدلوا ياخي انه اقرب للتقوى .. اولاد خالتي كان عندهم سفريات في السجانة على ما اظن انو اسمها نوباتيا..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: حسين نوباتيا)
|
Quote: يمشي يقص ليهو شريط احمر في صحراء بيوضة و يديها نفزة نقزتين لهذا الانجاز العظيم
وانت جيب لينا الصور و اسد الانقاذ جو جو .. وريس نقاز جو جو..جاب الانجاز جو جو .. |
والله صاح .. كمان مامفروض نبخس للناس أشياءها.. لكن في التلاتة يوم .. كانت بتاخد ليها قطعة ساعة ساعتين وتجي.. وده في مناطق معينة كانت بتقطع 12 ساعة .. ماعارف عن باقي المناطق كيف حالهم..
يصبح عايزين تقارير عن الكهرباء الجات من هنا ولي قداام...
........................ نوباتيا: أبسقان - شبه - تعرفهم..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: nazar hussien)
|
بس خلاص كده.. قالو جاب بشارة من بكرة ما بتقطع والسد يغطي القد.. قطعت بكرة وبعد بكرة ولي يوم اليوم والغد.. وبتقطع اكتر مما السد الزاد القد.. .... يادووب جات .. وكضاب وستين كضاب .. اصلو ماجات قالو جات اكتر من اللازم .. وزادت القد قد.. .... الآلات وقفت وخرجت ولم تعد .. التوربيين .. ديدنو الوقوف .. وبعدين.. جات ناس وسالت مسؤول.. قال المسؤول .. مافي دولة تستطيع وقال المسؤول.. الطلب زاد على الكهرباء 23% وقال .. بعد افتتاح محطة قري الحرارية في منتصف يوليو .. ستنتظم وما جاب سيرة السدالقد.. خلاص كده!! ولّه في سؤال للناس السألت المسؤول الأسئلة الأســــــــــــئلة ؟؟؟؟؟؟؟؟؟؟؟؟؟
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
من سؤال المسؤول رجعنا إنو نسأل السأل المسؤول.. طيب ما كلهم مسؤولين.. كمان خطوة للخلف نسأل الشعب.. هل للشعب أن يعتذر ؟ لمن ؟ وعلى ماذا؟ هل للشعب أن يسقيل؟ من ..؟ لأنه لا يوجد وزير بيستقيل .. وما بين الاعتذار والاستقالة نصل حد السغالة والقذارة..
ومن اوجد ثقافة الاستقالة ؟؟ والاعتذار؟؟ لأنها لا تليق بمسؤولي بلدي ..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
Quote: لأنه لا يوجد وزير بيستقيل .. وما بين الاعتذار والاستقالة نصل حد السغالة والقذارة..
|
شوف دا كاتب عن استقالة المسئولين شنو يا صلاح ...
تبدو كلمة «استقالة» وكأنها سيئة السمعة في عالمنا العربي، لاسيما أن المسؤولين يتشبثون بمواقعهم بأسنانهم قبل أيديهم إذا جاز التعبير، سواء كانوا رسميين أو غير رسميين بمن فيهم بعض قيادات مؤسسات المجتمع المدني أو المنظمات غير الحكومية. ورغم أن الجميع يقرّ أن المسؤولية تكليف وليست تشريفا، فإننا نرى مدى «الاستبسال» في الحفاظ عليها والتمسك بها وأحياناً التخلي عن المبادئ والقيم في سبيلها، بل الدخول في نزاعات ومعارك من أجلها!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: HAIDER ALZAIN)
|
كتب أحد الإعلاميين عن استقالة رئيس منظمة حقوقية أو عدم رغبته في تجديد رئاسته رغم إصرار المؤتمر عليه ومناشدته إياه، بأن ذلك درس خارج النظام الرسمي العربي، لاسيما أن الرئيس المنسحب أراد إعطاء المثل الحسن والقدوة للإيمان بالتداولية وعدم احتكار المسؤولية أكثر من دورتين، حتى وإن كان قد حقق نجاحات تحسب له، لكن استمراره في المسؤولية سيجعلها روتينية وقد تفقد حيويتها وتنحسر ديناميكيتها خصوصاً وهي مثل كل كائن حي تحتاج إلى دم جديد وإلى تجديد في الرؤى والتصوّرات. حتى وإن أخطأت القيادات الجديدة أو قصّرت فإنها بحكم تحملها المسؤوليات ستتعلم الدروس والعبر وتستفيد من التجارب، بما فيها من أخطاء الرئيس المنسحب نفسه وأخطاء القيادات السابقة!
قد يفسر بعض المتشبثين بالمسؤولية أن الاستقالة تستهدف البحث عن دور البطولة أو المجد لتظهر المستقيل وكأنه باحث عن الشهرة أو للظهور بمظهر المجدد، مع أن الاستقالة إجراء طبيعي تكفله الأنظمة الدستورية في السلطة والمجتمع. والبعض قد يحسب المستقيل باعتباره منشقاً ومتمرداً وخارجاً على النظام وربما هو خائن أو مرتد وهو ما كانت الأحزاب والأنظمة الشمولية تستخدمه ضد الرأي الآخر، الذي ينبغي نبذه وعزله بما في ذلك اجتماعياً أيضاً وحتى استئصاله ناهيكم عن تشويه سمعته. ما زالت ثقافتنا السياسية والحقوقية للأسف الشديد يعتريها الكثير من النقص والالتباس إزاء مبدأ الاستقالة. وإذا طالبت شخصاً ما، حتى وإن كان صديقك، بتقديم الاستقالة من مؤسسة مجتمع مدني لأنه «تعتق» فيها أو من وزارة لأنه فشل فيها أو لأنها أساساً وزارة فاشلة ومتهمة بانتهاكات ورشى وفساد، فإنك تراه يتخذ موقفاً منك وقد يعاقبك إن كان لديه سلطة، أياً كانت هذه السلطة، حتى وإن كانت المسألة نصيحة لوجه الله، كما يقال. وقد أخبرني ثلاثة أصدقاء يوم أبدوا ملاحظة لصديق لهم بتقديم استقالته أو عدم ترشيح نفسه لمنصب ظل يتمسك به لأكثر من عقدين من الزمان، فغضب وانقلبت ملامح السماحة لديه، ولولا إصلاح الأمر لبردت علاقته بهم.
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: HAIDER ALZAIN)
|
بعض المنظمات غير الحكومية ظلت تعاني هي الأخرى من المواقع المزمنة، لعشرات السنين وبعد أن كانت منظمات واعدة ومؤثرة، لكنها بسبب استمرار الأداء القيادي بدون تناوبية أو تداولية، ضعفت الهمة وانحسرت المبادرة وتلاشى النشاط والحيوية التي كانت تتمتع بها، ولنتذكر عدداً من المنظمات والنقابات والاتحادات على هذا الصعيد عربياً وإقليمياً ودولياً، لنتوصل إلى نتائج مذهلة في هذا المضمار الذي بات من الضروري نقده علناً من أجل التجديد ومن أجل الدمقرطة والشفافية والحيوية ولإعادة الروح إلى منظمات ونقابات واتحادات كانت فاعلة ومؤثرة يوماً ما. ورغم وجود ظرف موضوعي لهذا التراجع فإن السبب الذاتي من الأسباب المؤثرة لعدم إعادة النظر وتجاوز المعوّقات ومواجهة التحديات وقراءة المستجدات بعقل منفتح يستجيب بروح التطور التي لا غنى عنها. لم يدرك الكثير من الأحزاب والاتحادات والنقابات بعد، حقيقة المناخ الدولي الجديد ولم تأخذ بالتجديد وظلّت بعض قياداتها إما أنها تتشبث بالماضي بحجة عدم الانخداع بالديمقراطية الغربية أو كما تدعي تلبس ثوب الغفلة، في حين سارت الأمور باتجاه آخر ولم تنفع ساعة ندم.
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: HAIDER ALZAIN)
|
لم يجرؤ الكثير من قيادات الأحزاب والنقابات على تقديم الاستقالة رغم ما لها من معانٍ ومدلولات، للاحتجاج ولإعلان البراءة عن نهج خاطئ أو مسار لم يعد إصلاحه ممكناً، لأن المستقيل حسب بعض القراءات الثقافية السياسية السائدة، والإغراضية والمسبقة ستصوّر المستقيل وكأنه أقرب إلى الولد الضال الذي شق عصا الطاعة، ولعل الماسك بالسلطة يعتبر المستقيل المحتج إبليساً وبالتالي يمكن اتهامه بالعمالة أو الجاسوسية أو خدمة الأجنبي أو خدمة النظام المستبد أو القبض من جهة خارجية أو غير ذلك، إنه ينبغي أن يُعزل وأن يعاقب وأن يتهم ليدافع عن نفسه، لأنه من زمرة المارقين المخربين، فيصبح النزيه متورطاً والشجاع جباناً والمبدئي محتالاً والمثقف جاهلا وهكذا تلصق به جميع الصفات الذميمة رغم أن مزاياه كانت حتى وقت قريب مثار إعجاب من هم يحرقون البخور للسلطان المستقيل في نظر البعض، الزنديق أو الكافر أو الملعون لأنه نبّه للأخطاء أو احتج علناً أو جابه المتجبرين بشجاعة، ولذلك عليه أن يدفع الثمن وأن يكون عبرة لغيره من جوقة الخانعين، البائسين، المسبحين بفضل الأمين العام أو الرئيس أو المسؤول أو القائد، أو الشيخ أو «السيد»!!. لا بدّ من إعادة النظر بفعل الاستقالة كحق طبيعي قد يفرضه عدم الانسجام ذاتياً أو موضوعياً، إضافة إلى كونه أحد الحقوق الدستورية، بعيداً عن الاتهامات أو ادعاءات البطولة، ولا بدّ من إعادة النظر بمبدأ الطاعة الذي يتم ابتذاله بحجة طاعة ولي الأمر على نحو مسيء، بحيث يتم تصوير الاستقالة وكأنها انشقاق وخروج على المألوف وانفصال عن الجماعة. ولا بد من تخليص ثقافتنا من «أدران» الاستقالة، فمثلما يحق للمرء أن يعمل في حزب أو جمعية أو مؤسسة مجتمع مدني أو وزارة أو حكومة أو جامع أو كنيسة فمن حقه أن يستقيل، بل إن من واجبه إذا شعر أن مهمته غير ممكنة أن يقول الحقيقة!!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: HAIDER ALZAIN)
|
اخي حيدر.. تبدأ الاستقالة بالاعتذار.. وتعني الأستقالة الاعتذار.. ويمكن أن نقول عنها نصاً "أنا لم استطع ان اوفي بوعدي في كذا وكذا.." المسؤولين أو محمد فرح يعتذرون عن ماذا؟؟؟ دقيقة اجيب الكود!!Quote: ده وعد قطعتو الإنقاذ وهاهو الآن تحقق وأصبح واقعاً في هذه اللحظات يتم الإحتفال بوصول كهرباء مروي للخرطوم |
هل هذا يكفي لكي يعتذر مسؤول ؟؟ عزيزي.. وقبل الاستقالة.. والاعتذار.. تأتي .. الشفافية..المصداقية..تمليك الحقائق فلو لم يلتزم احدهم بهذه الثلاثية.. فلماذا يعتذر.. ولماذا يستقيل؟؟
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
وبالرجوع لمداخلاتك عن ثقافة الاستقالة..
Quote: قدّم وزير الداخلية الهندي شيبرج فاتيل استقالته، صباح اليوم الأحد، في أعقاب هجمات بومباي، والتي قتل خلالها 174 شخصًا، بينهم عددّ من الأجانب |
Quote: لأول مرة: إستقالة وزير عربي بسبب حادث في وزارته في سابقة تحدث لأول مرة في الوطن العربي.. إستقالت وزيرة الصحة الكويتية "معصومة المبارك" بعد أن شب حريق في مستشفى في بلدة الجهراء الواقعة على بعد 30 كيلومترا غربي العاصمة الكويتية يوم الخميس وأدى لوفاة مريضان في المشفى. |
Quote: استقالة وزير الدفاع الياباني اليوم بعد إثارته موجة غضب واستنكار باليابان لتبريره قصف هيروشيما ونغازاكي بالقنبلة الذرية |
Quote: اعترف الرئيس الاميركي باراك اوباما الثلاثاء بانه اخطأ ويتحمل المسؤولية الكاملة عن الاستقالة المفاجئة لوزير الصحة المعين بسبب مشاكل ضريبية. |
أكل هؤلاء جهلة أم يبحثون عن شهرة أم عماذا تراهم يبحثون.. - هجمات وقتل 174 شخص ماذا تعني فما تبقى من الدولة ينعم بالسلام.. - شب حريق في بلدة ومات اثنان .. لماذا تستقيل الوزيرة.. - وزير الدفاع يستقيل على كلمة!!كلمة!!رأي!! وأثار موجة !!! - يعترف بالخطأ ويعتذر لأنه اخطا في الاختيار!!
وعندنا نحن لا يوجد سبب للاستقالة.. فعلى الشعب أن يختار.. ما بين الاعتذار.. والاستقالة من أن يكون إنسان ينعم في بلده..
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: Salahaldeen Nadir)
|
المسؤولية.. تُعرف على إنها أداء الواجب على أكمل وجه.. والمسؤول عندنا في السودان لا عليه.. فهي مِنة على الشعب أن يحمد الله عليها.. فقد تولى وزيرنا مهام منصبه .. وميزاتها فلماذا ننتظر منه قيامه بالواجب..
وعلى حدود الفرد.. انت مسؤول عن الكلمة ..صدقها..دقتها وحتى زمان قولها.. ولكننا لسنا كذلك.. يمكننا أن نقول ونقول الحكومة وعدت ونفذت وعدها..(صدق) والكهرباء حتجي وما حتقطع .(دقة) وحتى حينما يختلط السمك بالكهرباء(زمان) فنحن على انغام مسؤولينا نغني فلماذا ننتظر اعتذار.. أو استقالة.. شعب!!
| |
|
|
|
|
|
|
Re: من بكره ... تاني مافي كهرباء بتقطع في الخرطوم إن شاءالله (Re: صلاح ليون)
|
والله يا صلاح انتو شعب ما عندكم تقدير خالص ..
مسئولية شنو واعتذار شنو ؟
مش الحمد لله لقيتو زول رضي يحكمكم كمان بعد الفوضي العملتها الديمقراطية دي
كدي اتخيل لو الديمقراطية دي موجودة في السودان لغاية الان كان حصل شنو ؟
كان الدولار وصل لغاية اتناشرررر جنية
كان الأسر تفكك والاخلاق السودانية انعدمت
كان الشعب جاع وما لقي البياكلها ..
كان تمرد دخل لغاية كوستي وما لقي البيدحروا
كان حلايب وعيونات والفشقة احتلوها ..
كان الدول انتهكت سيادتنا الوطنية بدون اي رادع
بس الحمد لله اهو جاء الوقت البقي السمك فيهو ينطط في بحيرات دارفور معزز مكرم ..
| |
|
|
|
|
|
|
|