|
|
|
 Re: تعالى بكرة أو بعد بكرة ... حاول تعالى بكــــــــــــرة. (Re: nazar hussien)
|
ملخص للبوست..
بدأت طبعا من هنا :Quote: من بكره ... تاني مافي كهرباء بتقطع في الخرطوم إن شاءالله
والتأكيد هنا:Quote: بس بإذن الله من بكره حتستمتع وكل سكان الولايه بإمداد كهربائي مستمر بعون الله
وشوية خفة دم هنا:Quote: من بكره حتشتهوا قطعة الكهرباء بالليل ولمة الحوش بالبطاطير والشاي البالقرقوش
ده ماعارفو كان لي شنو:Quote: شايف الاغلبيه مامصدقه إنو الحلم خلاص إتحقق
وإنو تاني قطوعات مافي
زمن إنقطاع الكهرباء خلاص ببح ، إنتهى
ده وعد قطعتو الإنقاذ وهاهو الآن تحقق وأصبح واقعاً
التحدي هنا:Quote: أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيها
وتحدي لو تاني الكهرباء قطعت
زيادة في الغي هنا:Quote: ولمن يريدون تبخيس هذا الإنجاز عليهم أن يقارنوا واقعنا الحالي بواقعنا السابق عندما كانت الكهرباء تقطع بالتلاته والاربعه يوم .
ياأخوانا الطفره الحصلت في الكهرباء دي أصلها ماعاديه وخصوصاً بعد دخول كهرباء السد للشبكه
وبدأت التبريرات :
Quote: طبعاً الكهرباء يادووووب وصلت الليله
Quote: حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه .
وبدأ الكذب:Quote: فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي
والاتهامات:
Quote: آثرت عدم الرد على ردود بعض المغرضين ممن يريدون تبخيس جهود المخلصين من أبناء هذا الوطن الذين يعملون ليل نهار غير آبهين بأصوات اليائسين العاجزين المحبطين
وعايزين ملخص تاني لما قاله السادة المسؤولين..
المسآلة الأولى والتانية ..
| |
 
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: HAIDER ALZAIN)
|
Quote:
بعد دا كلو
الجماعة كان قالوا عام 2011 حا يدخلوا الطاقة النووية
الطاقة النوووووية
ياخي تخ |
وزد على ذلك حكاية الطيارة بدون طيار التي أطلقها وزير الدفاع
الذي لم يعرف من الذي قصف قوافل الأسلحة حتى أعلنت إسرائيل الأمر بنفسها!
يتحدثون عن الإسلام ويكذبون ويكذبون ويكذبون ولا يدرون أن حبله قصير، وعلى
هذا الأمر قس!
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: عبدالأله زمراوي)
|
قصة حقيقية حدثت ابان غرق مدينة عطبرة الشهير في الظلام لمدة 8 سنوات او يزيد ( غادرت ولا ادري هل رجعت الناشز ام لا )
ففي ايام الهوس الديني الغريب الممثل في شرطة النظام العام والمحاكم الناجزة للجلد وحلق الرؤوس
ومتابعة السكاري ، كانت محطة كهرباء عطبرة تتحرك بمولدات نرويجية ومتعاقدة مع مهندسين من النرويج للصيانة
والتشغيل وقطع الغيار ..
يقوم احدهم يداهم مقر سكن المهندسين الاجانب وهم متعاطين لمشروبات كحولية وهاااااك يا جهاد ولازم ان يجلد هؤلاء النصاري القذرين وفعلاً تمت جرجرتهم ليجلدوا على مشهد ومرأي من الناس وسط سوق الخضار بعطبرة ورغم الوساطات وراي الدين في جلد المسيحي الا انهم اصروا علي ذلك فلم يُشفع فيهم ..
فلم يكن امام السلطات النرويجية الا سحب بعثتها وايقاف توريد قطع الغيار للوابورات لتمسك الوابورات في عطبرة مثلها ومثل الالاف القطارات المعطلة من ورشة المرمة وحتي مدخل كبري الدامر لذات الاسباب وتغرق عطبرة في ظلام دامس دفع العديدن لهجرانها ..
صديقنا رمضان والدفعة بالجامعة تقابلنا في احد فحكي ان ابن اخته الطفل مولود عام 1992م ومن يوم انولد ولا كهرباء بحي الامتداد الشرقي .. قال
الولد كبر وعمره بقي خمسة سنوات ومن ربنا خلقو ما شاف ليهو لمبة ( ابرة ) ساكت مولعة
فيوم بالخطأ اتحول خط امداد قيادة الجيش ( من المؤسسات التي خصص لها وابور ) للشرقي واللمبة ولعت في البيت
وعينك ما تشوف الا النور في الولد
هيستيريا وصراخ وبكي وخوفة شديدة ما سكت الا طفوا اللمبات وغرقوا البيت في الظلام مرة اخري ..
ووقت عمهم المغترب جاب مولد لستر بالبيت لانارة الولد ما استحمل شغل الكهرباء الا بعد خضع لمعالجات نفسية وتعليمية انه الكهرباء دي شئ طبيعي وينبغي له التعامل معها كاحد منجزات الحضارة ...
هسع بالله الناس التراعي لاطفالها لانه جلسات العلاج مكلفة بعض الشئ كما قال رمضان .. :)
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: صلاح ليون)
|
ومن أقوال الصحف..| Quote: وقال سليمان حامد عضو الكتلة في تصريحات أمس إن رد وزير الطاقة للبرلمان حول الكهرباء غير مقنع، واشار لاجراءات تقوم بها الكتلة لاستدعاء وزير الري، وقال ان المذكرة تتضمن سؤالاً حول مبلغ (29) ملياراً، ذكر تقرير المراجع العام انها اخذت من القرض الصيني للسد ولم تُصرف. واشار محمد وداعة عضو التجمع لـ (الرأى العام) امس عن اعتزام الكتلة التقدم بمسألة مستعجلة مرة أخرى لوزير الطاقة حول الكهرباء. وقال إنّ تبريراته للقطوعات غير مقبولة، وإنّ العجز في الكهرباء يفوق الـ (40%) وليس (23%) كما ذكر الوزير. |
| Quote: قال وزير الطاقة الزبير أحمد الحسن في رده على مسألة مستعجلة بالبرلمان أمس حول قطوعات الكهرباء إنّ خروج "وحدتي" سد مروي في الثاني عشر من أبريل الجاري سبّب عجزاً في الكهرباء وصل إلى (300) ميغاواط، وأكد أنّ الحاجة الفعلية للكهرباء بالسودان تصل إلى (1100) ميغاواط بينما تنتج كل الوحدات التوليدية العاملة بسعتها القصوى (800) ميغاواط، لافتا إلى أنّ الكهرباء المنتجة من سد الروصيرص انخفضت من (260) ميغاواط إلى (180) ميغاواط، وطالب الشعب السوداني بالصبر على "القطوعات" إلى حين انصلاح الحال في الأعوام المقبلة. |
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: محمد مكى محمد)
|
انتو يا ناس السـودان ما بتحمدوا الله على النعـم الأولاكم إياهــا .............
ياخي بقى عندكم هيئات علماء وتأصيـل وأصبح الأئمة عندهم غـرر في جباههـم وأموركم ماشية تمام التمــام, بإذن الله , إن شاء الله ....
كهرباء شــنو المجننين بيها أخونا في الله محـمـد فـرح دا ؟؟؟
ياخي الكهرباء دي فـرض ولا سـنـة ولا حتى فـرض كفايـة ؟؟؟؟
انتو ما شايفين نعمـة الشـمـس الفاقعـة في الصــيــف دي , ولا شــنــو ؟؟؟؟
ياخي أخوانا في الجامعات الجديدة دي اخترعــوا ليكم كوانين تطبخ ليكـم الاكــل بحرايــة الشمـس , احمدوا الله على ذلك
كهرباء مروي دي نحنا رايح نخصصها للصناعات الاستراتيجيـة في الطيران والحديد والصلب والتكنولوجيا,
المواطنين طاقـة شمسيـة ببســاطــة تعبدوا الله باستغلال النعمـة دي (الطــأقــة الشمسيــة .....)
وحنربط ليكم عداد في أي لوح خلية شمسيـة عشان تطهروا طاقتكم بالزكاة والجبايات اللازمـة لدعـم الدين والوطــن
تاني في مشكلـة ؟؟؟؟؟
أحمد الشايقي
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: أسامة عبد الجليل)
|
| Quote: شايف كهربتكم ( نخت ) |
الشهادة لله انا من يوم الاتنين ما صادفت قطع كهرباء
ولقيت ليك روحي بقيت ما عندي موضوع طالما الحمد لله اهو الكهرباء إستقرت (الله ماضراكم)
اها قمت قلت يازول نجيب ملعقة كبييرة و المديدة جاك زول
و انا ماسك الملعقة و ماشي بيها على المديدة, سمعت ليك صوت بيقول:
(أولاد اللذين خافو ناس الخرطوم يعملو جوطة, قام عصروا ضنبهم وبقو ما بيقطعوها)
بقيت افكر (تخيلو)
السد وقالو ما بيرجع إلا شهر سبعة (والحكومة كلمتها سيف )
قري وقالوا ما بتخش إلا نص مايو (والحكومة كلمتها لسه سيف)
وقالو في عجز 300 ميقاواط
وقالو نحن وزيادة طلبنا هو سبب القطع
اها طيب شن جد؟
أنا عن نفسي لسة طلبي على الكهرباء ما غيرتو
اها الساعة ديك أنا جدعت ليك الملعقة و انا أقول كخن كخن
!
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: Salahaldeen Nadir)
|
Quote: ولقيت ليك روحي بقيت ما عندي موضوع طالما الحمد لله اهو الكهرباء إستقرت (الله ماضراكم)
اها قمت قلت يازول نجيب ملعقة كبييرة و المديدة جاك زول
|
غلطان يا صلاح...
كان تأكل البلطي أولا عشان تخفف من وطأة البلطي علي السد
لتضمن استمرارية الامداد الكهربائي اولا....
حتين بعدين تفكر في مديدة تاجر البلطي دا..
فالمديدة ليس لها ديدن حتي الأن بينما للآلات ديدن
وللبلطي ديدن...فخلينا نركز علي الاشياء ذات الديدن
عشان ما (ننخ)!!!!!
| |
|
|
|
|
|
|
|
|
|
مشكورين (Re: Salahaldeen Nadir)
|
السادة القاعدين يرفعوا البوست في غيابنا
شاكرين ليهم المشاركة والمساهمة في كشف
الكضب والكضابين .. واللعب على الدقون..
| |
|
|
|
|
|
|
|
|
|
Re: مشكورين (Re: صلاح ليون)
|
Quote: اخونا مكاوي
يا اخوي جماعتك ( الكمدة بالرمدة )
|
ود الباوقة
الجماعة ديل وسدهم وكهربتم كلو حقنا
المشكلة جابت ليها هريطيق بى غادى
كدى خلى يجى مادى صنيقيرو تانى
عشان نورى ام دقرسى
| |
|
|
|
|
|
|
|
|
|
Re: مشكورين (Re: Hassan Makkawi)
|
المشكلة جابت ليها هريطيق بى غادى
كدى خلى يجى مادى صنيقيرو تانى
عشان نورى ام دقرسى
مكاوي ..
الفريطيق دا بخاف من الكهرباء هس شفتو ( هوب ) هنا ...
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: ود الباوقة)
|
Quote:
تاني بتجو ............. |
لا لا كفانا نجضتونا تب..
ملخص للبوست..
بدأت طبعا من هنا :Quote: من بكره ... تاني مافي كهرباء بتقطع في الخرطوم إن شاءالله
والتأكيد هنا:Quote: بس بإذن الله من بكره حتستمتع وكل سكان الولايه بإمداد كهربائي مستمر بعون الله
وشوية خفة دم هنا:Quote: من بكره حتشتهوا قطعة الكهرباء بالليل ولمة الحوش بالبطاطير والشاي البالقرقوش
ده ماعارفو كان لي شنو:Quote: شايف الاغلبيه مامصدقه إنو الحلم خلاص إتحقق
وإنو تاني قطوعات مافي
زمن إنقطاع الكهرباء خلاص ببح ، إنتهى
ده وعد قطعتو الإنقاذ وهاهو الآن تحقق وأصبح واقعاً
التحدي هنا:Quote: أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيها
وتحدي لو تاني الكهرباء قطعت
زيادة في الغي هنا:Quote: ولمن يريدون تبخيس هذا الإنجاز عليهم أن يقارنوا واقعنا الحالي بواقعنا السابق عندما كانت الكهرباء تقطع بالتلاته والاربعه يوم .
ياأخوانا الطفره الحصلت في الكهرباء دي أصلها ماعاديه وخصوصاً بعد دخول كهرباء السد للشبكه
وبدأت التبريرات :
Quote: طبعاً الكهرباء يادووووب وصلت الليله
Quote: حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه .
وبدأ الكذب:Quote: فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي
والاتهامات:
Quote: آثرت عدم الرد على ردود بعض المغرضين ممن يريدون تبخيس جهود المخلصين من أبناء هذا الوطن الذين يعملون ليل نهار غير آبهين بأصوات اليائسين العاجزين المحبطين
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: حسين نوباتيا)
|
يا عالم إنتو في شنو ... والناس في شنو؟
الخبر الصحيح هو:
جرى إتصال قبل (كذا) شهر من مكتب (إستشراف الكوارث) التابع لوزارة الصحة، بمسئولي كهرباء السد طالبين توجيه القوى العاملة بالسد نحو أمر عاجل وهام. فقد وصل المكتب المذكور إلى أنه، وبنهاية شهر أبريل ستجتاح العالم كارثة صحية جديدة متمثلة في (إنفلونزا الخنازير)، وطلبت منهم التوقف عن (الأمور الفارغة البيسووا فيها) ورصد أي خنزير (يعطس)، ومراقبة أسماك بحيرة السد حتى لا يتسرّب إليها الوباء فينتج عنه (إنفلونزا الأسماك) والذي تكمن خطورته في أننا لم نتوصل حتى الآن إلى كيف يعطس السمك، ولا كيف تسيل مناخيره.
إنتهى الخبر.
أقعدوا إنتو في فارغة (قطعت .... جات) لامن سمكنا وخنازيرنا كلهم يروحوا شمار في بلطي.
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: HAIDER ALZAIN)
|
Quote: صلاح الدين
أولاً الخط الإنت إستخدمتو في التعديل مانفس الخط الفي الوثيقه
إتعلم لتزوير كويس بعدين تعال
الوثيقه صحيحه مليون في الميه
رجاءً أرجو عدم الشوشره على مثل هذه البوستات الهامه
مؤونة عام من الود |
محمد فرح طالبا من صلاح الدين نادر بعدم الشوشرة عل
مثل ذلك البوست الهام...حاثا له بمواصلة رمي سنارته
هنا لاصطياد البلطي بعد ان رقد هبطرش وفقد اهميته
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: nazar hussien)
|
Quote: ياجماعة بحيرة السد دي ممكن يربوا فيها روبيان
وبالعدم استاكوزا وكدة ...
عاوزين ننوع في الثروة السمكية ما يكون كلو بلطي بلطي
والا ديدن الشعب السوداني اكل البلطي |
حتي نعرف ديدن الربيان والاستاكوزا شنو؟؟ فاحسن خلينا في بلطينا
فالديدن من بعضه...بنعرف نقبضو...ونشويه...او نحمرو...بدون الحاجة
الي الآلات ذات الديدن المتعطل
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: ALazhary2)
|
للمشككين في عدم وجود سمك بالسد ..
أمبارح في شارع الكلاكلة لقيت عربية نقل واقفة وقداما ناس شايلين سمك وبيعرضوا فيهو ويكوركو السعر .. صراحة السمكة ما شاء الله قدر الورل .. الزول الشايلا لمن إيدينو إتملخن !! المهم سألت عن سعر السمكة وفوجئت لمن قال السمكة بي عشرة خمسطاشر جنيه !! مع العلم واحدة زيها في سوق السمك في المركزي ما أقل من أربعين خمسين جنيه !!
طوالي إشتريت منو واحدة .. صاااقطة ومرططططططبة وجلدها أملس ! وزنها قريب الخمسة كيلو ! وأنا ماشي قلت ليهو السمك دل بتجيبوهو من وين ؟!! قال لي دا سمك السد يا ولدنا !!
المهم في البيت السمكة دي قسمناها لي كم جزء .. جزء حمرناهو وجزء سلقناهو وجزء حشيناهو وجزء خصصناهو نعمل بيهو دمعة ، وجزء ملحناهو للفسيخ وجزء للشوربة.. ودا كلو والسمكة ما داير تكمل لدرجة إنو لمن ما لقينا حتات تانية نخصص ليها سمك قمنا فشخرة وعن(.........)ة كدة خلينا الجزء الفضل عشان نشرب بيهو شاي الصباح !!
غايتو دي كانت أجمل وألذ سمكة الزول أكلا في الفترة الأخيرة ..
صنفرة :
بلا كهربا بلا بطيخ معاكم ..!!
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: ناذر محمد الخليفة)
|
| Quote: المهم في البيت السمكة دي قسمناها لي كم جزء .. جزء حمرناهو وجزء سلقناهو وجزء حشيناهو وجزء خصصناهو نعمل بيهو دمعة ، وجزء ملحناهو للفسيخ وجزء للشوربة.. ودا كلو والسمكة ما داير تكمل لدرجة إنو لمن ما لقينا حتات تانية نخصص ليها سمك قمنا فشخرة وعن(.........)ة كدة خلينا الجزء الفضل عشان نشرب بيهو شاي الصباح !! |
اها .. الحتشرب بيهو شاي الصباح ده
حتلقا ليهو تلاجة شغالة وين عشان تحفظو..
انت صحي هسه اغلى كيلو السمك أم كيلو الكهرباء
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: صلاح ليون)
|
الكهربا ما حا ترجع يا صلاح لانو السمك قافل التوربينات وما مخليها تدور ..
والحل بسيط ..أي زول داير كهرباء يبدأ من هسي في أكل سمك السد عشان التوربينات تدور ..
عشان كدة حا نعمل نفير ونرفع شعار(سمكة لي كل مواطن) عشان نحقق الهدف دا ..
وأنا جبيل قريت إعلان لي شركة جديدة إسمها (تسمكون) هي العندها الحق الحصري في تكويش السمك من البحيرة وتوزيعه على المواطنين ..
صنفرة :
أحجز سمكتك منذ الأن .. تضمن 3 كيلو واط من الكهرباء مستقبلاً ..!!
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: ناذر محمد الخليفة)
|
Quote: وأنا قبيل قريت إعلان لي شركة جديدة إسمها (تسمكون) هي العندها
الحق الحصري في تكويش السمك من البحيرة وتوزيعه على المواطنين ..
|
اه...بتحايلوا علي الشركة دي بي شركات
تانية...يدوها اعفاء من رسوم استيراد الشبك والسنارات
ويسموها (شركة بلطي شهيد السد) علي عينك يا الحق الحصري...
وبعدين حا تتفرع من الشركة دي شركات تانية...لنظافة قشر السمك
وواحدة لشحن وتفريغ السمك...وتانية لتحمير السمك وتالتة لشوي
البلطي...وواحدة لناس العمارات ومن لف لفهم...
يسموها استاكوزا مروي...
(وفيك يااااا مروي شفت كل جديد) الكابلي دا كان كاهن والله شنو يا ناذر؟؟؟؟
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: nazar hussien)
|
نزار حسين ..
Quote:
السمكة الواحدة بتأكل عشرة كيلو واط وبتشرب من التوربينات
وبعد دا عايزو ما يكون كبار...يا ناذر!!!!!! |
أها دي ميزة برضو ..
يعني لمن تشتري سمكة سدودية (أو سدية) بيكون في حشاها عشرة كيلو واط مجانا ,, (مع انها ما سمكة بردة) !!
وإنت بتاكل فيها يمين تصقعك كهربا تنور بينك وتنور خشمك وبطنك لا من تقول كفى !!
يعني يا قول المصريين فيد وإستفيد ..
أكل سمك وساهم في حل مشكلة التوربينات ..
صنفرة :
جبيل قريت إعلان عن الخطوط البحرينية .. فكرت أبيع لي سمكة سمكتين كدي وبي قروشم أجيكم ناطي لي إسبوعين إجازة !!
بس ما عارف أسعار فندق حسن مكاوي ..!!
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: nazar hussien)
|
Quote: المهم في البيت السمكة دي قسمناها لي كم جزء .. جزء حمرناهو وجزء سلقناهو وجزء حشيناهو وجزء خصصناهو نعمل بيهو دمعة ، وجزء ملحناهو للفسيخ وجزء للشوربة.. ودا كلو والسمكة ما داير تكمل لدرجة إنو لمن ما لقينا حتات تانية نخصص ليها سمك قمنا فشخرة وعن(.........)ة كدة خلينا الجزء الفضل عشان نشرب بيهو شاي الصباح !!
|
إنة لمن النعم أن تحظى هذة البحيرة المباركة
بالسلالة الوحيدة ا لمتبقية لسمكة يونس
بارك الله فيك ايها المختار ناذر
لا تجعلها تتوقف عندك!!!
وزع لى ناس الحلة
وأخبرهم بالقصة
ولن تندم
| |
|
|
|
|
|
|
|
|
|
Re: تعالى بكرة أو بعد بكرة ... حاول تعالى بكــــــــــــرة. (Re: Hassan Makkawi)
|
Quote: جبيل قريت إعلان عن الخطوط البحرينية .. فكرت أبيع لي سمكة سمكتين كدي وبي قروشم أجيكم ناطي لي إسبوعين إجازة !!
بس ما عارف أسعار فندق حسن مكاوي ..!! |
أخى الكريم
عليك بسمكة يونس
فهى كفيلة بأن تغوص بكم اماناً
وتلفظكم كالعنبر فى شواطىْ البحرين
__________________________________
رسل صور الجواز سريع وبطل الكلام الفارغ...وكدة
| |
|
|
|
|
|
|
|
|
|
Re: قوية الكهربة ولا الذ السمك (Re: ود الباوقة)
|
حسن ..
Quote:
أخى الكريم
عليك بسمكة يونس
|
يا مان داك حوت يونس .. مش سمكة سد ..!!
حووووووووووووووووت !!!
وأنا ما عندي قدرة أشتري لي ديب فريزر لي قدر دا !!!!!
صنفرة :
يالمناسبة :
هل تعلم ان مجمع البحرين الذي قابل فيه سيدنا يونس نبينا الخضر تشير التكهنات أنه في الخرطوم ، مقرن النيلين ؟!!
يعني أمكن كدة جمب الهيلتون او جنب بنك السودان الحالي ؟؟!!
| |
|
|
|
|
|
|
|
|
|
Re: قوية الكهربة ولا الذ السمك (Re: ناذر محمد الخليفة)
|
Quote: هل تعلم ان مجمع البحرين الذي قابل فيه سيدنا يونس نبينا الخضر تشير
التكهنات أنه في الخرطوم ، مقرن النيلين ؟!!
يعني أمكن كدة جمب الهيلتون او جنب بنك السودان الحالي ؟؟!! |
والزمن داك كان في كهرباء؟؟؟؟؟
| |
|
|
|
|
|
|
|
|
|
Re: قوية الكهربة ولا الذ السمك (Re: nazar hussien)
|
حولا .. البوست ماشي فوروويل..
يعني يمكن حنصل العاشرة بكرة..
من هذا البوست ومن قلب المأساة نبارك ل..
الأبناء والبنات .. الناجحين والناجحات..
ونقول ليهم عقبال الكهرباء تتصلح وما تقطع..
وكمان التحية والتجلة للسادة المرشحين و..(مرشحات ماف)
لمنصب رئاسة جمهورية السودان عديمة الكهرباء .. ونقول
ليهم الله يعينكم على الشعب المسكين ده.. و..
سمك السد ولا باريس..
كهرباء لا يا الرئيس..
| |
|
|
|
|
|
|
|
|
|
Re: قوية الكهربة ولا الذ السمك (Re: صلاح ليون)
|
Quote: وكمان التحية والتجلة للسادة المرشحين و..(مرشحات ماف)
لمنصب رئاسة جمهورية السودان عديمة الكهرباء .. ونقول
ليهم الله يعينكم على الشعب المسكين ده.. و..
سمك السد ولا باريس..
|
يا صلاح اخوي...
الدكتور المرشح هنا دا سألناه...حا تعمل شنو في الكهرباء؟؟؟
سيبك من ديموقراطية وليبرالية...وبلطيلارية...
طوالي عمل رايح...وابي يرد كلو كلو مع انو كان برد اوتوماتيك
علي ناس الديموقراطية....وشابكنا الشعب...والعلاج...
| |
|
|
|
|
|
|
|
|
|
Re: قوية الكهربة ولا الذ السمك (Re: HAIDER ALZAIN)
|
قالو عن الكهرباء..
محمد عبد القادر (الراي العام):
Quote: فى خطابه أمام المجلس الوطني عزا الزبير أحمد الحسن وزير الطاقة والتعدين ارتفاع نسبة العجز فى الكهرباء الى «23%» لما اعتبره تمدداً في الشبكة القومية. وقال انها وصلت شرقاً حتى القلابات، وبلغت غرباً حتى الابيض، وتوسعت شمالا حتى دنقلا وامتدت جنوباً للرنك. وحسب الوزير فإن السودان يحتاج فى هذا الصيف القائظ إلى ما جملته «1100» ميقاواط بينما تنتج الهيئة القومية بطاقتها القصوي «800» ميقاواط لانحسار المياه بفعل الصيف مما خفّض إنتاج خزان الروصيرص الى «180» ميقاواط بدلاً عن «260» ميقاواط.
ومن الواضح حسب الإفادات المتقدمة أن التمدد فى الشبكة لم يخضع لاية دراسات تراعي المتوافر من الطاقة فكانت الأزمة الحالية، مع أن الوضع الطبيعي يحتم على هيئة الكهرباء أن (تمد رجل شبكتها على قدر لحاف إنتاجها)، فالقليل الدائم خير من الكثير المنقطع، والحديث عن مد الأسلاك الخاوية لا يُعبِّر عن سبق تنموي بقدر ما يشير إلى خللٍ هندسي بائنٍ جعل من الكهرباء سلعةً للمجاملات والاستقطاب غير المدروس.
فالهيئة التى تتحدّث ليل نهار عن تمدد الشبكة القومية وضح أنها (تعزم على المافيش)، ما يُشير إلى أننا نمارس أخطاءً كبيرة حينما نخضع التنمية الى حسابات السياسة لا أرقام الواقع.
ولابد من التذكير - يا وزارة الطاقة - بأن الكهرباء تقتضي حسابات حرفية تعصم مصداقيتها عن الانقطاع ولو للحظة، والتأكيد على أن الإحباط الذى ينتظم الشارع السوداني جراء انقطاع الكهرباء يعود الى عدم دقة الخطاب الإعلامي الذى هيأ الجميع إلى وطنٍ بلا قطوعات على خلفية تدشين سد مروي الذى قال وزير الطاقة إنه ما زال تحت التجريب.
إذاً فإن تسييس الإمداد الكهربائي وفقاً لحسابات خاطئة كان وراء حالة الاستياء الراهنة من القطوعات المبرمجة وغير المبرمجة.
لسان وزارة الطاقة ينبغي أن يكون تنموياً مبيناً، لأن السياسة هي التى مدّدت الشبكة القومية، وحقنت الرأي العام بقناعة ترفض تصديق الواقع الراهن فكان الانتقاد لعجز فى المصداقية أكثر من كونه نقصاً فى الإمداد.
وزير الطاقة وافق الصديق ضياء الدين بلال فى حواره الكهربائي (المولع) في «الرأى العام» امس على أن الجرعة الإعلامية الزائدة لمشروعات الحكومة وما يعترض المشاريع من عثرات في واقع التنفيذ قد يفقد الحكومة مصداقية الوعود. وقال الوزير بالحرف الواحد: (ان سد مروي يستحق أن يحتفلوا به احتفالات كبيرة، لكن أنا أعتقد أننا بكّرنا في الاحتفالات، ولو تُرك لي الأمر كنت أقول إننا يجب أن نحتفل بعد أن تنتهي الفترة التجريبية الأولى للمحطتين). |
| |
|
|
|
|
|
|
|
|
 Re: قوية الكهربة ولا الذ السمك (Re: ود الباوقة)
|
| Quote: دي اغنية عربية نهديها لمحبي البلطي قي هذا البوست ... |
ود الباوقه سلامات
كلها كم سنه ويعملوا سد الشريك,والباوقه تبقى بحيره,والبلطى حيسكن فى ديوانكم ويعشش فوق نخلاتكم وناسكم يسكنوا الصحراء وياكلوا سمك (لايوجد نيم).
تفتكر نهدى ليهم أغنيتك دى?
| |
|
|
|
|
|
|
|
|
|
Re: قوية الكهربة ولا الذ السمك (Re: MOHAMMED ELSHEIKH)
|
نزار والهجمات السمكية المرتدة
ياخي ما تخلونا نركز شوية على
موضوع الكهرباء .. والبطن ملحوقة..
| Quote: ولابد من التذكير - يا وزارة الطاقة - بأن الكهرباء تقتضي حسابات حرفية تعصم مصداقيتها عن الانقطاع ولو للحظة، والتأكيد على أن الإحباط الذى ينتظم الشارع السوداني جراء انقطاع الكهرباء يعود الى عدم دقة الخطاب الإعلامي الذى هيأ الجميع إلى وطنٍ بلا قطوعات على خلفية تدشين سد مروي الذى قال وزير الطاقة إنه ما زال تحت التجريب. |
| |
|
|
|
|
|
|
|
|
|
Re: قوية الكهربة ولا الذ السمك (Re: صلاح ليون)
|
روى لي من لا أستطيع تكذيبه ولا رغبة لي في تصديقه
أن أنخفاض وتيرة وفترات قطوعات الكهرباء مردها (إعادة) إحدى وحدات سد مروي للشبكة
(بقرار سياسي طبعا) بعد تذمر المواطنين من قطوعات الكهرباء
!
| |
|
|
|
|
|
|
|
|
|
Re: قوية الكهربة ولا الذ السمك (Re: Salahaldeen Nadir)
|
اول مرة اعرف انو الكهرباء بتشتغل بالسياسة !!!
ما ادونا ليها فى المدرسة دى !!! غايتو كل شئ جايز فى السودان !!!
ديل شالو العناقريب من ناس قندهار ، اشتروها منهم و عايزين يرجعو ياجروها ليهم تانى !!
ما بيغلبهم يبجبو الكهرباء بالسياسة !!!
| |
|
|
|
|
|
|
|
|
|
Re: قوية الكهربة ولا الذ السمك (Re: محمد الامين احمد)
|
| Quote: ديل شالو العناقريب من ناس قندهار ، اشتروها منهم و عايزين يرجعو ياجروها ليهم تانى !! |
العناقريب الساااهلة دي يا محمد الامين
ياخي ديل شالو الارض في مروي وبنو السد..
وشالو الموية من خزان الرصيرص ..
وشالو من الناس القروش بتاعة الكهرباء..
اها وبعد دا مافي كهرباء جات..
| |
|
|
|
|
|
|
|
|
|
Re: قوية الكهربة ولا الذ السمك (Re: صلاح ليون)
|
صدقه يا صلاح صدقه ..
Quote: أن أنخفاض وتيرة وفترات قطوعات الكهرباء مردها (إعادة) إحدى وحدات سد مروي للشبكة
(بقرار سياسي طبعا) بعد تذمر المواطنين من قطوعات الكهرباء
|
وهذا القرار السياسي صدر من أعلى جهة في الدولة والحزب الحاكم (يعني عمك زاتو) ,,
صنفرة :
نحن ضحايا خلاف غير معلن ما بين إدارة السدود وهيئة الكهرباء ..!!
| |
|
|
|
|
|
|
|
|
|
Re: قوية الكهربة ولا الذ السمك (Re: ناذر محمد الخليفة)
|
Quote: أن أنخفاض وتيرة وفترات قطوعات الكهرباء مردها (إعادة) إحدى وحدات سد مروي للشبكة
(بقرار سياسي طبعا) بعد تذمر المواطنين من قطوعات الكهرباء |
طبعا لو الكلام ده صح..
تبقى مش صدقة.. دي اسمها دهشة..
يعني تذمر الشعب من القطوعات..
أدت إلى إنو الريس يحس بيهم..
ويطلع أمر ..
ويقول لي الناس القاعدين تحت طل سد مروي
وقاعدين يشربو ستيم وياكلو سمك .. وقام اداهم نهره
قومو شغلو التوربين الاول ده..
الجماعة قامو سريع سريع ودورو المنفلة ..
وشغلو الشي ده .. بامتعاض .. وقالو لي ناس الخرطوم .. إنشاء الله ما تنفعكم..
ياخي سيناريو مبالغة..
صدقني التوربينات دي ماااا ياها..
| |
|
|
|
|
|
|
|
|
|
Re: قوية الكهربة ولا الذ السمك (Re: ناذر محمد الخليفة)
|
Quote: نزار والهجمات السمكية المرتدة
ياخي ما تخلونا نركز شوية على
موضوع الكهرباء .. والبطن ملحوقة |
من الصفحة التالتة او الرابعة قلت ليكم
يا صلاح وصلاح...نتقسم الشغلانة...انتو عليكم الكهرباء
وأنا علي البلطي....وهسع اكتسبت خبرة ما بطالة في صيد
البلطي...وما تنسي كلام ناذر...الوارد هنا بشأن ان استهلاك
البلطي سيكون عاملا مساعدا لشغل التوربينات...والتي هي الآن
من ذوات الديدن...
| |
|
|
|
|
|
|
|
|
|
Re: قوية الكهربة ولا الذ السمك (Re: nazar hussien)
|
| Quote: نحن ضحايا خلاف غير معلن ما بين إدارة السدود وهيئة الكهرباء ..!! |
ياخي والله دي بجد قصص
يعني ؟ يشركوا بينا لي خليل قلنا طيب, أها كمان يقصوا بينا لي بعض زينا زي أي (باليه شيريا) ينجلد بالشايب؟
كتروها مش؟
!
| |
|
|
|
|
|
|
|
|
|
Re: قوية الكهربة ولا الذ السمك (Re: nazar hussien)
|
ملخص للبوست..
1/ محمد فرح ينقل بشرى مهببة:
- من بكره ... تاني مافي كهرباء بتقطع في الخرطوم إن شاءالله
- بس بإذن الله من بكره حتستمتع وكل سكان الولايه بإمداد كهربائي مستمر بعون الله
- من بكره حتشتهوا قطعة الكهرباء بالليل ولمة الحوش بالبطاطير والشاي البالقرقوش
- شايف الاغلبيه مامصدقه إنو الحلم خلاص إتحقق وإنو تاني قطوعات مافي زمن إنقطاع الكهرباء خلاص ببح ، إنتهى
ده وعد قطعتو الإنقاذ وهاهو الآن تحقق وأصبح واقعاً
2/ محمد فرح يتحدى الجميع ويندد بالمبخسين للكهرباء اللغاية هسه ما جات..
- أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيهاوتحدي لو تاني الكهرباء قطعت
- ولمن يريدون تبخيس هذا الإنجاز عليهم أن يقارنوا واقعنا الحالي بواقعنا السابق عندما كانت الكهرباء تقطع بالتلاته والاربعه يوم .
4/ الموضوع طلع من يدو وبدأت التبريرات :
- طبعاً الكهرباء يادووووب وصلت الليله
- حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه .
5/ بدا يكضب ويشرع ويفتي ويقطع من راسو ويداري على ناسو :
- فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي
6/ أرعد وتوعد وهدد وجاءت الاتهامات:
- آثرت عدم الرد على ردود بعض المغرضين ممن يريدون تبخيس جهود المخلصين من أبناء هذا الوطن الذين يعملون ليل نهار غير آبهين بأصوات اليائسين العاجزين المحبطين
7/ زولنا زاغ وجات الطامة الكبرى تبريرات المسؤولين:
- زاد الطلب على الكهرباء 23% بي قدرة قادر
- مافي دولة تقدر تغطي الاستهلاك الحالي (ماعرفناهو ده قانون عام ولا الزول بيتكلم عن السودان)
- كهربة مروي دخلت وخرجت وتاني دخلت وكمان خرجت .. لغاية منتصف مايو كده ممكن تنتظم بت الكلب دي
- مافي اي مشاكل بين وحدة السدود والهيئة بتاعة الكهرباء
- في مشاكل بين وحدة السدود والهيئة بتاعة الكهرباء
...........................
ده الملخص الحينتقل معانا للصفحة 10
لو في اي اقتراحات او تعديلات أو حاجة انا نسيتها
الرجاء تنبيهي..
| |
|
|
|
|
|
|
|
|
|
Re: قوية الكهربة ولا الذ السمك (Re: صلاح ليون)
|
Quote:
أن أنخفاض وتيرة وفترات قطوعات الكهرباء مردها (إعادة) إحدى وحدات سد مروي للشبكة
(بقرار سياسي طبعا) بعد تذمر المواطنين من قطوعات الكهرباء
|
طبعا من حق الناس انه تنظر و تنسج من خيالها في ظل غياب التوضيح الرسمي و في خضم الاخبار المتضاربة..
لكن اذا صدقت هذه الرواية فالموضوع محلول.. شوية تذمر فتحوا عين واحدة ..تذمر شديد حيفتحوا العين الاخرى..
عالم ما بتجي الا بالتذمر!!
| |
|
|
|
|
|
|
|
|
|
Re: قوية الكهربة ولا الذ السمك (Re: حسين نوباتيا)
|
Quote: لكن اذا صدقت هذه الرواية فالموضوع محلول.. شوية تذمر فتحوا عين واحدة ..تذمر شديد حيفتحوا العين الاخرى..
عالم ما بتجي الا بالتذمر!! |
كلام صحيح لسيناريو ما نصيح..
يعني لو معاها حبة مظاهرات كده إلا كان يشغلوهو بطاقتو القصوى
لكن الشعب الظاهر الفيهو كٍمل .. بقى ماعندو إلا التذمر وبس..
| |
|
|
|
|
|
|
| |
nazar hussien
HAIDER ALZAIN
محمد مكى محمد
أحمد الشايقي
أسامة عبد الجليل
Salahaldeen Nadir
Hassan Makkawi
filan
omer osman
حسين نوباتيا
محمد أبوالعزائم أبوالريش
عاصم ابوبكر حامد
naeem ali
ALazhary2
ناذر محمد الخليفة
محمد عبد الماجد الصايم
محمد الامين احمد
MOHAMMED ELSHEIKH
فيس بوك
تويتر
انستقرام
يوتيوب
بنتيريست