|
Re: ( بالصور ) سعادة القنصل العام بدبى يؤازر الجالية السودانية بالعين حتى ساعات الصباح تتقدم (Re: abookyassarra)
|
فاصل إعلانى...
ًWe be back with you after this
لو ما قاموا بواجبهـم دا أخصمـوا منهـم حق يومين.. مسـاكين ناس الخليـج! الواحـد فيهـم لو ما طبل للسفيـر والكفيل ما بيعيش.
فى بلـد (الكفـار) دى، أنت الأجنبى بعد ما يخدموك أفضل خدمـة، مرات كثيرة يتصلوا بيك تانى يوم، ويسألوك إن كنت راضيـا عن معاملتهـم لك بالأمس.. فإذا قلت نعم كنت سعيـدا بمعاملـة الموظف لك، جعلوا هـذه فى (ميزان حسنـاتـه) الوظيفيـة، وإن قلت لا، قدمـوا لك الأعذار، والتى تصل إلى حـد تعويضك عن تكشيــرة واللا نهـرة عنصـريـة.
الأخ أبوكى ياســارة، أرجـو أن نضـع أيدينـا على بعض لتحقيق المثل السـودانى القديـم "اكلو اخوان واتحاسبوا تجار" حتى لا يرى المسـؤول أن التقريظ والمدح الذى ورثناه من زمن المتنبى وسيف الدولـة، هو حق له بالإضـافـة إلى مرتبـه. وأن تنقلب الأيـة، فيكون المسـؤول هـو الذى يشيـد بتعاون المواطن مع مؤسسـات الدولـة ويعتذر عن بطء الإجراءات، ثم نعطيـه الحق لعمل دعايـة سياسيـة لنفسـه بأنه أنجز المعاملات المتأخـرة بالعمل سـاعـات إضافيـة.
| |
|
|
|
|
|
|
Re: ( بالصور ) سعادة القنصل العام بدبى يؤازر الجالية السودانية بالعين حتى ساعات الصباح (Re: abookyassarra)
|
الأخ/ أبو الريش أولاً شكراً على المداخلة ثانياً : القنصلية بدبى هى مسئولة فقط عن الإمارات الشمالية ( دبى - الشارقة -عجمان - الفجيرة - أم القيوين -رأس الخيمة ) يعنى نحن خارج نطاقها تماماً وليس عليها بالقيام بأى عمل خاج نطاق ماهى مسئولة عنه ، ولو تابعت ماكتبت أنا قلت إنو بعد ما يخلصوا عملهم الثالثو والنصف يتوجهو للعين فى مسافة أكثر من 120 كيلو متر ليواصلوا العمل فور وصولهم حتى ساعات الصباح الأولى ومن ثم يعودوا لدبى لمواصلة هذا المنوال.. ثم الأخ القنصل كان ممكن أن يتفضل بتوجيه أفراد القنصلية لعمل اللازم وينتهى دوره لكنه آثر أن يشارك الناس العمل لحظة بلحظة وقد حدثونا أنهم اليوم الأول وصولوا الرابعة صباحا دبى ذهبوا الى منازلهم فى حين توجه القنصل للمطار لإستقبال وفد سودانى فى مهمة رسمية ومن ثم فى السابعة والنصف صباحاً كان الجميع يزاولون مهام عملهم فى القنصلية ( ألا ترى معى أنه من الحق والواجب أن نقول من أحسن العمل .. أحسنت ) .
الصاوى أقول ليك ( أختارها لى منو ولا بتزعل ) راجع ليك بس شد حزامك يا أسد ميريلاند
al sunda
طالما عندك هذه الجرأة لماذا لا تتوجه بسؤالك لأهل البلد مباشرة .
للبقية وللجميع البوست ليس مطروحاً للمزايدات السياسية .
| |
|
|
|
|
|
|
Re: ( بالصور ) سعادة القنصل العام بدبى يؤازر الجالية السودانية بالعين حتى ساعات الصباح تتقدم (Re: abookyassarra)
|
Quote: للبقية وللجميع البوست ليس مطروحاً للمزايدات السياسية |
ابوكى يا السارة المنبر ده اسمو العام بمعنى مافيه شىء خاص وهو منبر
للحوار الهادف والهادى..اما اذا كان البوست الهدف منه التطبيل ومسح
الجوخ بامكانك ان تفعل كل ذلك بينك وبينهم وبى راحتك وكان فى زول واحد
سألك يبقى غلطان..واى مزايدات سياسية تتحدث عنها؟؟ هل تعريفنا بابسط
حقوق الناس مزايدة؟؟وبعدين من دخلت المنبر ده الحكومة والا السفارة
ما غلطوا؟؟يوم واحد ما جيت وريتنا مسالبهم وهم ديل دبلماسييين ام
انبياء..فالواحد يكون موضوعى نعم يوم يحسنوا نقول ليهم احسنتم ويوم
يخطأوا برضو نقول ليهم ده خطا..وهل تعلم ان كثرة الوفاق نفاق؟؟
الله يهديك.
| |
|
|
|
|
|
|
Re: ( بالصور ) سعادة القنصل العام بدبى يؤازر الجالية السودانية بالعين حتى ساعات الصباح تتقدم (Re: abookyassarra)
|
الأخ / صديق شكراً أولا على تواصلك ثانياً أنا ما قلت ما بغلطوا ولآ أنا ولا إنت ولا أى مخلوق معصوم من الخطأ لكن لكل موضوع مقتضياته وأهدافه و أنا لو تلاحظ أطرح مواضيع تعنى الجالية السودانية بالعين التى كلفت بأمانتها العامة وبالتالى فمن واجبى أن أطرح مواضيعها ومايتبع ذلك .. لكن المشين فى الأمر يا أخ صديق إنو فى بعض الناس عاوزين أى طرف للحديث عشان يتخذوه مبرراً للسب والشتم للحكومة والسفارات وووو .. حقيقة أنا ما يعنينى لا يعنى هؤلاء المتداخلين ولا يعرفون مدى معاناة ( إنو تسافر أسرة بكامل أطفالها مثلاً لدبى أو أبوظبى لإستكمال إجراءات فصل جوازات وما يتعلق بذلك من مصاريف وتعب وبهدلة للأسرة ) العين بها أكثر من ستة آلاف أسرة ولأكثر من ثلاثين عاماً أو يزيد هى عمر الجالية والنادى السودانى بالعين لم يفكر أحد باستقدام مسئولى الجوازات أو أى مسئول آخر لإنجاز معاملة للناس فى مكانهم - مع إحترامنا لكل السابقين ممن قدموا للجالية - لكن تبقى الحقيقة أنه كانت لنا المبادرة فى إدارة الجالية بالعين أن نخاطب السفارة والقنصلية للخروج للناس فى هذا الظرف بالذات فالناس على أبواب إجازات والأعداد كبيرة والأسرة تعيش ظروفاً مختلفة ولله الحمد وفقنا فى ذلك كما وفقنا فى مخاطبة الجهات المختصة بالسودان والتى بدورها أرسلت مجموعة لدعم العدد الموجود هنا وتم تعيم التجربة على مستوى الإمارات .. لو فكر أى منا أخ صديق هل مجهود مثل هذا ينجز بالساهل أم بالكثير من الجهد والتعب والمال ؟ وحتى نكون أمينين مع أنفسنا .. أليس طابع الخدمة المدنية فى السودان بمنتهى السوء - كل الموظفين أو معظمهم فى منتهى اللامبالاة وأى واحد منا بيكره روحو لما يذهب للوطن ويلاقى مثل هذه التفاهات فى كل المصالح ..وكمان من السطحية بمكان إن حاولنا توظيف هذا الأنهيار فى فكر وأخلاق الموظفين لغرض سياسى فهذا طبع سودانى خالص تتميز به خدمتنا على مر عهودها أما الشىء المؤلم صراحة .. أن يتداخل معك شخص دون أن يكون على علم بظروف ما يتحدث عنه لينفث سمومه لأنك تختلف معه.. أخ صديق لا نريد أن نزكى أنفسنا لكنا نريد أن تحكم أعمالنا علينا ونحن على ثقة مما نقدم ونريد للذين لهم الرغبة فى التواصل بما يفيد الوطن والمواطن أى يكونوا منطقيين فى أطروحاتهم لايتحدثون بالتفاهات .. يعنى شنو أتفه من ( التهكم عن - منو اللى إختار ليك الجلابية دى مثلاً ؟ ) ألا تعتقد أخ صديق أننا نملك أن نتحدث بمثل هذا الأسلوب الوضيع الذى لا يخرج عن شخص ود ناس ومتربى .. كل ذلك لأننى أفضح الفكر البالى الذى يتبعه هو ولذلك يظل يركض خلفى فى أى بوست ويتلفظ بتفاهات لا تشبه شخص غيره .. حقيقة أنا أملك أن أقول له أسوأ من ذلك لكن شتان ؟ وبالمناسبة ذلك البعبع الذى يخافه سأتواصل معه فيه ..ليش الواحد بيخاف لما يواجه بالحقائق المخجلة لفكره وخلفياته لماذا لا يقارع الحجة بالحجة أو يتوب عما يخجل منه أو ينزوى .. أخيراً أتمنى أن يرتقى البعض لمستوى المسئولية ليكونوا أهلا للحوار والتحاور.. مع خالص تقديرى أبوذر
| |
|
|
|
|
|
|
Re: ( بالصور ) سعادة القنصل العام بدبى يؤازر الجالية السودانية بالعين حتى ساعات الصباح تتقدم (Re: abookyassarra)
|
كتب الكوز أبو السارة
Quote: يعنى شنو أتفه من ( التهكم عن - منو اللى إختار ليك الجلابية دى مثلاً ؟ ) |
الأتفة من ذلك السرقة يا لص المقالات. قلت لي
Quote: هذا الأسلوب الوضيع الذى لا يخرج عن شخص ود ناس ومتربى. |
طيب ما علاقة السرقة باولاد الناس المتربيين؟ واضح جدا انك ود ناس ومتربي كويس يالص.
Quote: كل ذلك لأننى أفضح الفكر البالى الذى يتبعه هو ولذلك يظل يركض خلفى فى أى بوست ويتلفظ بتفاهات لا تشبه شخص غيره |
كون إنك لص يا أبو السارة دي عرفناها و عرفها كل من مر من هنا و سيعرفها الكثيرون مستقبلا، لكنك كذاب ايضا. أنا اركض خلفك لاوضح لك ولمن يقرأ بانك لص واحدد مواقع سرقاتك و لا أركض خلفك ايها اللص الكذاب لانك تفضح فكري البالي كما ذكرت. إرجع الي الأماكن التي ركضت فيها خلفك وأعد القراءة لعلك تفهم ، ولا اظنك بفاهم. و شنو موضوع التفاهات البقيت توزع فيها اليومين دي يمين وشمال؟Quote: يكونوا منطقيين فى أطروحاتهم لايتحدثون بالتفاهات |
Quote: يركض خلفى فى أى بوست ويتلفظ بتفاهات |
Quote: أنا البوست دا ما فاتحو للتافهين اللى زيك |
Quote: حتى من تفاهتك ما قدرت تختار ليك أسم زى البنى آدميين |
Quote: شوف ليك تفاهات ألعب بيها بعيد |
خلاص خليت توزيع الورود بقيت توزع تفاهات لكل من يكتشف كذبك و لصوصيتك و سؤ ذوقك؟ بالله هل هناك تفاهة ووضاعة و سؤ أخلاق و عفن أكثر من السرقة أيها الكوز الرسالي.
Quote: لماذا لا يقارع الحجة بالحجة أو يتوب عما يخجل منه أو ينزوى |
هل قارعتنا الحجة بالحجة عندما ضبطناك سارقا و دعوناك بالتي هي أحسن لارجاع ما سرقت أم تمسكت بالمسروق و استكبرت؟ انت الذي يجب عليه أن يخجل و ينذوي أيها اللص الكذاب ، أعمالك هي التي تتحدث عنك وتكشف ما علمك له تنظيمك ما رباك عليه اهلك. إخجل علي نفسك وإستغفر ربك و تب إليه.
خارج الموضوع الصحيح Social و ليس Cocial
لص كذاب و كمان بليد؟
مازلنا في بداية الطريق يا ابو السارة .. وسيظل الفضح مستمرا حتي يعود المسروق لاصحابة.
| |
|
|
|
|
|
|
Re: ( بالصور ) سعادة القنصل العام بدبى يؤازر الجالية السودانية بالعين حتى ساعات الصباح تتقدم (Re: abookyassarra)
|
Quote: لم يفكر أحد باستقدام مسئولى الجوازات أو أى مسئول آخر لإنجاز معاملة للناس فى مكانهم - مع إحترامنا لكل السابقين ممن قدموا للجالية - لكن تبقى الحقيقة أنه كانت لنا المبادرة فى إدارة الجالية بالعين أن نخاطب السفارة والقنصلية للخروج للناس فى هذا الظرف بالذات فالناس على أبواب إجازات والأعداد كبيرة والأسرة تعيش ظروفاً مختلفة ولله الحمد وفقنا فى ذلك كما وفقنا فى مخاطبة الجهات المختصة بالسودان والتى بدورها أرسلت مجموعة لدعم العدد الموجود هنا وتم تعيم التجربة على مستوى الإمارات .. لو فكر أى منا أخ صديق هل مجهود مثل هذا ينجز بالساهل أم بالكثير من الجهد والتعب والمال |
انت عارف يا اباذر قدمت لهم فرصة فى طبق من ذهب لاننا فى السعودية ومن قبل
اكثر من خمسة وعشرون عاما وقبل ان تتحول السفارة للرياض كان ياتى
وفد من القنصلية لتجديد الجوازات والقيام بكل اعمال القنصلية وهم بذلك جد فرحون لانهم
ياخذون مقابل ذلك بدل سفرية (خمة فلوس) والى الان يذهب وفد الى حفر الباطن 690 كيلو
من الرياض والى القصيم 400 كيلو والى المنطقة الشرقيه 400 كيلو ايضا وكل 4اشهر
وهم يفرحون لذلك لان بدل السفرية بالساعة..ولا تفتكر ان هذا انجازا هولاء جباة
ومستعدين للسفر الاف الكيلوات لتحصيل تلك الجزية.كان ممكن ان يكون ذلك انجازا لو انك
استطعت ان تلغى الضريبة لتخفف معاناةاخوانك المغتربين الذى انت اعلم بحالهماكثر من اى
شخص..وضريبة يدفعونها ولا يلقون مقابلها حتى معاملة كريمة..فاولاد المغتربون يدفعوا
للتعليم بالدولار ويدفعوا ضرائبهم بالعملة الصعبة وكل شىء من طرف هذه البقرة الحلوب لابد
ان يكون بالعملة الصعبة..فهل استقدامك لهولاء المتحصلين يعتبر خبر مهم تسود له
الصفحات وتريد منا ان نفرح معك بوصول طلائع الفتح..
ليس هنالك مزايدات دعهم يقرأوا ما نكتب وذلك رأينا كمواطنين ولا اظن ان رأينا لايهمهم
طالما نحن سودانيين فنحن نعانى من الضرائب التى اثقلت كاهلنا وهى كثيرة
ضف عليها دمغة جريح وزاد مجاهد وحفر ترع واخرى ودمغة شهيد..يعنى اصبح الشهيد
من يخرج من بيته وهو متكول على المغتربين نزوده مجاهدا وندعم مجهوده الحربى
وعندما ينجرح نعالجو وكان مات اسرته مصاريفها على مغترب السجم والذى اصبح
افقر من فأر المسجد.لنا ولك الله
اباذر برد نفسك ولك الحق ان تعتنق ما تشاء من مذهب كما هو لنا ولايضيق صدرك
بنقدنا لهم فهم ادرى بانهم محل نقد..منذ تغولهم على ديمقراطيتنا .
والسلام،،،،
| |
|
|
|
|
|
|
Re: ( بالصور ) سعادة القنصل العام بدبى يؤازر الجالية السودانية بالعين حتى ساعات الصباح تتقدم (Re: abookyassarra)
|
سند والله انت خبيث...تصدق انا قلت الجماعة ديل ما شغالين بالزول
ده ..يكون جاء براحة ركه جنبهم هذا الهلالابى الواعى(مش لابس جلابية
كحلية بيضاء مكوية وطاقية بيضاء) خلاص يبقى هلالابى واعى..المهم الرجل
جاء ركه جنبهم واتصور وسعادتهم مشغولين بالقروش اللموها قدر شنو وبتستحق الجية
وكده ..صراحة انا زعلان منهم القناصل ده..الموضوع بسيط كانو يعملوا على
الشمال دور لمدة 30 ثانية ومعاها ضحكة صغيرونة صـفيرة زى حقت شيخ حسن
والسلام ..كان رضوا علينا وعلى اخونا اباذر..وكان اخونا الهميم بروز ليهم
الصورة وختاها كبيرة فى الصالون.وكان رسل واحدة لى ناس امه وابوه وواحدة
لى اهل زوجته وكده وكل زول علقها فى صالونه وكان نسابته فرحو بى نسيبهم الوصل
وبقى يتصور مع السفراء..وكان اهله برضو فرحو بهذا الانجاذ وكدى..الله يغيظ
ناس الانقاذ ديل اصلوا ما عندهم حاجة بتتم للاخر..كل حاجاتهم مبتورة.
معليش اباذر غسل الجلابية وكلها كم شهر والاجازة الجاية الجماعة بجو وتتصور
صورة سمحة تشرف..والا اقول ليك والله هم بعد ما ضاقو دمكم ومع بدل السفرية
الكثير ده يجوكم لو قلتو ليهم فى زول واحد داير يجدد جوازو..انت ما عليك خلى
جلابيتك جاهزة وكان لبست معاها عباية وملفحة ومركوب نمر ..خسمتك بالله كان انا
ذاتى مارسلت لى واحدة اعلقها فى صالونى واقول ليهم ده بوردابى صاحبى متصور مع
ناس السفارة..مش المرأة قالوا ليها اهل العروس ولدك شغال شنو؟؟ قالت ليهم
خالو مغترب.. والله جاتنى فكرة اوديها لبتاع الاستديو يقنقنى فى نصكم وانا مبتسم
مع الجماعة ديل واجى اختها فى البروفايل كية لى ناس جنى والصاوى الحاقدين ديل
تانى اكرر شجبى واستنكارى يا سعادة القنصل وسعادة مدير الجوازات على التهميش
الذى همشتموا به صديقى اباذر والراجل تعبان وعلى حسابه كل يومين جايب ليكم خبر
قام السفير ،صرح الوزير المفوض،حرم القنصل تشترى ثوبا،فى بادرة غير مسبوقة
نائب القنصل يبتسم للمغتربين اولاد الهرمة.كاسرا حاجز التكشيرة فى سفارات السودان
الخ..... من الاخبار التى تثلج اطرافنا.وصدوركم..فمزيدا من العناية به فى الجباية
القادمة ودمتم،،،
| |
|
|
|
|
|
|
Re: ( بالصور ) سعادة القنصل العام بدبى يؤازر الجالية السودانية بالعين حتى ساعات الصباح تتقدم (Re: abookyassarra)
|
يظهر يا عمي ديل فاتحين overtime من النوع التقيل وكلوا بحقوا لماذا التركيز والاهتمام بالسفارات في الخليج لأنها البقرة الحلوب التي تدر لهم المال اين السفارة السودانية في عمان وقصة المهجرين علي حدود العراق والامارات حسب ما أسمع بلد صغير ممكن مشوار ( طرحة ) صغير يوصلك حتي الديوان الاميري خليك من مشوار لمقر السفارة السودانية ولكن يظهر القنصل عاوز يعملها شغلانة والبوست دا أنا أعتبرته نوع من التملق واحتمال أن كاتبه أعفي من الضريبة أو أنه يعمل في السفارة ويبحث عن علاوة في الراتب أو أنه يعمل في قسم العلاقات العامة أو يعمل سكرتير للقنصل وفي هذه الحالة كان يمكنك طباعة كتيب عن دور القنصل البطولي في فصل الاعمار التي تزيد عن 16 عاما من الجواز ، فهناك ميزانية مرصودة لهذه الاشياء فلماذا تغرق البوست بهذه الاشياء بعدين ليه الجالية تشكر القنصل علي عمله ، ومن الاحري أن يشكر القنصل افراد الجاليه علي سرعتهم في سداد الضرائب والرسوم مش العكس يا استاذ
| |
|
|
|
|
|
|
|