بلاي الواحد ليهو تقريبا كدا عشرة سنة ما اكل سندوتشات في الكورنيش .. اكتشفت انو الليلة عيد بالنسبة لي .. تمشي تاكل ساندوتشات من محلات الطازج ، وعلى الكورنيش والهمبريب ضارب ويكون معاك ( ثابت ) ، ( حمد ) إذا أنت من وجهاء هذه المدينة
لكن .......
03-09-2006, 01:19 PM
tmbis
tmbis
تاريخ التسجيل: 10-19-2002
مجموع المشاركات: 24862
لكن .. تجي داخل وتفتح البورد وتلقى ( دكين ) في كامل التهذيب ويشكر أحد ما ومن ثم يثني عليه إذا في خلل في حتة معينة .. .. لذلك وجب الذهاب إلى الخور .. إذا الخور أجمل مكان ممكن تمشي وتلقى فيهو همبريب الخور بتاع البورد ده فيهو همبريب كويس ، ..
03-09-2006, 01:38 PM
tmbis
tmbis
تاريخ التسجيل: 10-19-2002
مجموع المشاركات: 24862
تعرفي يا ( غالية ) .. انا كان عندي وهم .. ظهر مع ظهور خور البورد .. كنت مفتكر انو لو في بوست كتبو تمبس ومشى الخور ، إذا لابد من مغادرة هذا البورد لانو كنت قايل الخور دا .. زي تحت الكبري بتاع ابوعنجة .. زمان ناظرنا في الابتدائي كان بقول لينا اوعه من الخور اوعكم تمشو الخور .. اها من تلك اللحظة السابقة الشرح في اعلاه .. وانا بعمل حسابي من أي خور ..
بلاي عليك الله ده همبريب تجي تطلعيهو من راسنا حسع دي في عصرية زي دي ؟؟
.. الواحد يجي من الكورنيش يمشي الخور ...؟؟
.. والله انا من ما حبيبتي ( خلتني ) .. البورد دا بقيت اشوفو تلاتة تلاتة ..
تجي تبقيهو لي اربعة ؟؟
.. أنت والخور وحبيبتي ؟؟
03-09-2006, 01:54 PM
tmbis
tmbis
تاريخ التسجيل: 10-19-2002
مجموع المشاركات: 24862
أما فيما يتعلق بالبند رقم ( واحد ) والخاص بمدحي ووجه المقارنة بيني و( المدعو ) دكين جاء ما يلي والعتبة على الخور :
Quote: 1- يجمع بينهم العنصرية ( بالرغم من انتماءهم الى بلد زنجى ) ( والمعلومة دى طبعا ما جديدة)
..
Quote: والمعلومة دى طبعا ما جديدة)
يعني انت في المباحث والا شنو ؟؟.. أنت ( طاره ) يا امنه وانا ما عارف ؟؟ أول مرة أشوف لي ( طاره ) وعامله مستنيرة .. .. أو في رؤاية أخرى .. أنت متكيفة من بوست ( علي عبد الرحمن الزين والا شنو ؟؟ ) أوعه بس يكون ( هد ) فيك بي ( الوانو ) .. شايفك ما جبتي حاجة جديدة .. كان جبتي حاجة من عندك جديدة .. والله العظيم كنت ( صفقت ليك ) ..
03-09-2006, 02:00 PM
لؤى
لؤى
تاريخ التسجيل: 06-01-2003
مجموع المشاركات: 14343
يا ابو اللول .. كيف أخبارك ؟؟ .. وحمد الله على السلامة شفناك هنا .. اما الخور دا يا لؤي محل كدا عامل زي الخور الجمب نادي الفنانين بتاعنا داك .. اها دا قاعدين يودو فيهو الحاجات ( الكاكا ) .. انصحك انك ما تمشي بي هناك .. علشان تقدر على الاقل تكون قاعد هنا في البورد دا .. البورد ( الله يخليهو ) ياأبو اللول .. ظهروا فيهو شفوت جداد ، بقوو يقولوا للاعور أنت أعور في عينك .. ( وينبزوك ) لمن تقفل ( نخرتك ) وفيهو كمان اطباء وطبيبات علم نفس ( يقولوا ليك أفتح ( خشمك ) وقول ( ااااع ) تقوم تقول ( ووواااع ) يكتبوا ليك روشته ما تصرفه إلا من قيادة قوات الدفاع الشعبي ويكتبوا ليك ( راحة ) اسبوعين .. .. ما تمشي بي هناك يا ابو اللول .. خليك قاعد هنا قبلك وكان ربنا هون القواسي بتقدر تفهمه وهي طايره
03-09-2006, 02:55 PM
tmbis
tmbis
تاريخ التسجيل: 10-19-2002
مجموع المشاركات: 24862
Quote: 3- الفتونة الفارغة واللسان البذئ ( وقلة الأدب )
الفتونة الفارغة .. يا غالية ممكن ، معاك حق مرات الواحد كدا بحس بي نفسو عندو تضخم في الغده ( الفتوانية ) وعلشان كدا بيقوم بيدخل بالطول على اي زول هنا من طرف وزولة ويقوم بتفتون عليهو ويتفرعن .. ويعمل شت داون للجهاز ويشد البطانية وبذلك ( الغدة الفتوانية ) تكون ارتاحت شوية .. أما اللسان .. فمشكلتو معانا مشكلة كبيرة .. منجضنو في عمرو دا .. نضوق بيهو ( الشطة ) الخضرة ، وملاح الباميا .. بالمناسبة الواحد اكل فسيخ في الدنيا دي لمن الله غفر ليهو ويوم واحد ما شكى من ( لسانو ) تجي انت يا ( دغرية ) تطلعي لينا لسانا اي كلام ؟؟ وبعدين
Quote: ( وقلة الأدب )
الكلمة دي وحات خوتك .. امي الولدتني الله يديها العافية وطلوت العمر .. ما متذكر قالته لي .. .. اهــا جيتي يا ( طاره ) طلعتي لي ( قلت الادب ) من بين لساني .. اها بالنسبة لي قلة الادب دي يا ( أمنة ) خليها طرف بنجي نتفق فيها بعدين ما تشتغلي بيها كتير حسع دي والا أقول ليك .. خليني اخش لي في حاجة ( كويسة ) وأجيك .. علشان نتكلم فيها بي صراحة .. اقصد بي صراحة هنا ( قلة الادب ) الفتونة الفارغة واللسان الشنو كدا ما عارف خليهم طرف .. ( ما شايلهم ) كويس يا آمنة ؟؟ علشان نتفق من حسع دي .. ما تقومي بعدين تنططي لينا وتقولي ما قاصده أنت زولة دغرية عديل كدا .. وبتقولي الكلام تووش
مش كدا ؟؟
03-09-2006, 03:18 PM
tmbis
tmbis
تاريخ التسجيل: 10-19-2002
مجموع المشاركات: 24862
اسمحي لي اعتذر ليك عن البوست بتاعك الفي الخور .. اعتذر ليك لاني بالجد خجلان .. خجلان شديد جدا كلما امشي اجيب لي اقتباس من البوست بتاعك داك احس بي نفسي ( قليل أدب خالص ) علشان كدا انا بعتذر ليك بالنيابة عنك .. لي كل الناس القاعدين يقروا ليك وقالو انت مناضلة ومثال لشنو كدا ما عارف .. ياخي فتح الله عليكي تقولي لي الزول في النت أنت قليل أدب ؟؟ زول عاقل بالغ .. وعندو باص وورد ونك نيم تقولي ليهو أنت قليل ادب ؟؟ .. والله حارقاني يا غالية الحتة دي .. حسع كان حبيبتي ( القديمة ) قامت لقت كلامك دا تقول علي شنو ؟؟ تقول لي بقيت ( بعدي ) قليل أدب ولسانك طويل ؟؟ الله يسامحك بس ..
حقو الواحد يقوم يبكي ليك هنا حسع دي
03-09-2006, 04:08 PM
Osman M Salih
Osman M Salih
تاريخ التسجيل: 02-18-2004
مجموع المشاركات: 13081
أخانا الفاضل تمبس سلام، أبحرت إلى الخور فور فراغي من قراءة هذا البوست وطالعت فيه العجب العجاب. سبحانك رب العرش العظيم جمعك الله يا عزيزنا تمبس في عركة بمن سُطـّر إسمها ب capital letters وهذا التسطير إن دل على شيء فإنما يدل على تضخم الذات وإنتفاخ الأوداج و لكن بلا رصيد معرفي ! لاعليك يا تمبس فأختنا آمنة مختار صاحبة الكابتل ليترز وهنا مكمن المفارقة تسعى منذ قدومها بين البوستات بمعجم فقير لا يتعدى محيط مفرداته أصابع يدين وهتافات ، محض هتافات !
03-09-2006, 05:25 PM
Osman M Salih
Osman M Salih
تاريخ التسجيل: 02-18-2004
مجموع المشاركات: 13081
Quote: جمعك الله يا عزيزنا تمبس في عركة بمن سُطـّر إسمها ب capital letters وهذا التسطير إن دل على شيء فإنما يدل على تضخم الذات وإنتفاخ الأوداج و لكن بلا رصيد معرفي ! لاعليك يا تمبس فأختنا آمنة مختار صاحبة الكابتل ليترز وهنا مكمن المفارقة تسعى منذ قدومها بين البوستات بمعجم فقير لا يتعدى محيط مفرداته أصابع يدين وهتافات ، محض هتافات !
العزيز عثمان محمد صالح .. لعلها .. حرب ضروس أخرى كتبت علي أن أخوضها .. من غير معترك .. .. فالتسعى آمنة مطمئنة .. فلساننا لم بعد على لغة ( الشتم ) الاسفيرية .. شكرا لكلماتك .. ودمت أخ وصديق
03-09-2006, 05:45 PM
معتصم الطاهر
معتصم الطاهر
تاريخ التسجيل: 11-26-2004
مجموع المشاركات: 3995
والله يا باشمهندس ما بقيت تشاكل ولا حاجة .. المسالة كلها انا قبيل العصرية كنت متغدي في الكورنيش .. كويس معاك ؟؟ جيت داخل البورد .. لقيت دكين ( ما ) دكين البعرفو .. طوالي مشيت الخور قمت جبت الاحداثيات بتاعت انو دكين كونو ( مفرمط ) اها الخور دا يا باشمهندس .. عامل زي ( النقطة ) بتاعت البوليس ، قاموا الجماعة اتشاكلو في الحلة .. واحد يقول ليك : ودوهم ( النقطة ) البوست في النقطة .. بعدين يا باشمهندس تاني كل يوم ح تلقاني في النقطة بالشايفو دا .. دا الرابط
Quote: ظـننـت ان ما تحــت القــبة فكــي فـايقنت حين مطـالعتي لما كتـبت، ان لا فكــي ولا قـبة حتــى.
.. يا الخير .. أعمل حسابك .. واضبط كلامك هنا .. البوستات الزي دي .. لما تجي تقول كلام زي دا لي سيد البوست طوالي بتاخد استمارة .. .. وبالتالي بتطلع زول مصنف بي استمارة .. علشان كدا يا كل الخير .. مسالة القبة دي موت بيها بس خليها سر بيني وبينك لحدي ما نتلاقى
بس ما تقوم تحكها معاي وتقول لي نتلاقى وين
03-09-2006, 08:09 PM
tmbis
tmbis
تاريخ التسجيل: 10-19-2002
مجموع المشاركات: 24862
كيفك يا حلاوي ؟؟ الله يسلمك .. وأنتو عاملين كيف ؟؟ .. ما مشيت المشوار داك .. لكن غاطس في مكانات فيها ( بحر ) واخوك جنو يغطس في البحر .. يومين تلاتة وبكون معاكم .. ( البرد خلص والا لسه ؟؟ )
03-09-2006, 06:07 PM
DKEEN
DKEEN
تاريخ التسجيل: 11-30-2002
مجموع المشاركات: 6772
Quote: اكتشفت انو الليلة عيد بالنسبة لي .. تمشي تاكل ساندوتشات من محلات الطازج ، وعلى الكورنيش والهمبريب ضارب ويكون معاك ( ثابت ) ، ( حمد ) إذا أنت من وجهاء هذه المدينة
جوز العولاق المعاك ديل انا قاعد شهرين في الشرقية زول وداني الكورنيش ماف.. اقصى مساحة جمال اتجدعنا فيها بيت الثعلب تنقو .. نستمع الى طارق ابو عبيدة ونتفرج في شرابات تنقو ذات البهارج .. تمبس اخوي ..المرفعين ما بهرول عبس..وطالما الشغلة جابت ليها كورنيش والطازج ابقى زول رجعة او فاربط حزامك.. اعمل حسابك مايودوك الماسورة..
03-09-2006, 06:36 PM
tmbis
tmbis
تاريخ التسجيل: 10-19-2002
مجموع المشاركات: 24862
الأخت الغالية القلب النابض .. والله من ناحية رايق دي رايق .. روقة صاح .. وضربني همبريب قل ما يتواجد في اماكن أخرى .. في الحتات بتاعتنا دي .. ولذلك الواحد يستغل الفرصة دي ويقول ليك شكرا لدخولك مناطق ( الشدة ) دي واشكر عبرك دكتورة بيان .. للكلمتين الواضحات في البوست سبب الخلاف .. وطبعا قلت ليك ( مناطق الشدة ) لانو ما بيدخل فيها زول أو زولة إلا قلبو يكون محدثو .. ومن هنا ولي قدام الظاهر لي كل البوستات حتكون زي كدا .. يعني تكون عامله زي ( الدق ) زمان في الابتدائي .. الاستاذ يجي يدقك .. يقول ليك امشي اقطع صوط من الشجرة ...تقطع الصوط ويجو يدقوك بيهو يبقى عليك قطع صوت وخراب ديار ..
03-09-2006, 08:40 PM
tmbis
tmbis
تاريخ التسجيل: 10-19-2002
مجموع المشاركات: 24862
Quote: 2- احتقار النساء خصوصا المتميزات ( ربما هى غيرة )
اما فيما يتعلق بالبند اعلاه من مذكرتكم الضافية والتي جاء فيما جاء فيها من محاولة فاشلة قاطعاها من راسك من اني قاعد احتقر النساء المتميزات .. وبغير ( منهن ) .. فيا غالية الحركة دي ما كويسه منك .. http://www.sudaneseonline.com/cgi-bin/sdb/2bb.cgi?board=121 شوفي الرابط دا الله بيسألك ( وأنت زولة بتقولي الكلام الدغري ) ادخلي فيهو وشوفي عليك الله ياتو يوم احتقرت لي أخت متميزة كان ما بتعرفي تفتشي في البورد عليك الله ما تقطعي الكلام من راسك ساي .. تعرفي ؟؟ كان البورد دا زي زمانك ؟؟ كلامك دا كان بلعوهو ليك بوستات بس .. يتفتحو ليك مية بوست والله لمن تتطرطشي ما تعرفي تردي علي ياتو وتخلي ياتو .. إنت قايله قعادنا في البورد دا ساي كدا .. قاعدين علشان نحتقر النساء وخصوصا المتميزات ؟؟ ياخي وحات الخوة في بوردابيات هنا دا .. ( كانن ) ولحدي الآن ( بيدخلن ) في الواحد فكرة انو يكتب يا ينزل ليهو مزيكا يظبط بيها مزاجو ومزاج المزيكا اها أنت ( فاكراهن ) ( بيرجعن ) ؟؟ طفشششششن يا غالية .. عشان القطعان المن الراس دا والنجر الاخدر دا ..
أنت برضو ملهمه يا آمنة اللهمتيني مرتين .. مرة في ردك داك ومرة في الخور ..
روحي يا شيخة إلهي ربنا يلهمك دنيا وآخرة
03-09-2006, 09:46 PM
tmbis
tmbis
تاريخ التسجيل: 10-19-2002
مجموع المشاركات: 24862
يعني حسع انت ( لابده ) لي من اليوم داك ؟؟ في المداخلتين ديل + القصيدة بتاعتك ( ما محسوبة طبعا ) لانو عجبتني وكسرت تلج وقلت ليك انا كان بقيت كاظم الساهر ( بي شناتي دي ) بقوم اغنيها .. تلاتة مداخلات ( ناقص ) واحده ( بالتلج ) تقومي تطلعيني اي كلام يا آمنة ؟؟ طيب كان عملت اربعه مداخلات .. كان وديتيني ( طه بعشر ) ؟؟
يعني دافناها لي يا آمنة ؟؟ خاتاها لي البوست الاسود ؟؟ بنفع في اليوم الابيض ؟؟
03-09-2006, 09:37 PM
الزوول
الزوول
تاريخ التسجيل: 05-14-2003
مجموع المشاركات: 2463
السلام عليكم تمبس مبروك ...شايفك اليومين ديل بقيت قاسم مشترك في البوستات عمك ود الزين اب باسوورداً رايح ( والعهدة على بقال) وعمتك بت محتار بتاعة الكابيتال ليتر لا تبتئس صديقي فهذا دليل وضريبة الشهرة ذكرتني.... عندنا قريبنا كده مهووس بالمشهورين من الناس ومتخصص في مناكفتهم بلا سبب وربنا ( عقاباً للبشرية) اداهو شغلانه كده بوليس حركة ما يلاقي زول مشهور الا يوقفو ويفتشلو مخالفة من السما عشان يعطلو بيها ويوقفو بالساعات عينة ( سايق بالشبشب ليه) ( النور الأمامي ده مشروم ليه) ويجينا في البيت كل يوم ويحكي طبعاً اول شىء يستبعد الألقاب عشان يورينا انه والمتكلم عنه في سرج واحد والله الليلة جننت ليك هيثم مصطفى جن لامن عرف الله واحد والله الليلة زيدان ابراهيم قعد يحنس فوقي ساعة كاملة ما هببتو ليهو والله اكان ما الأجاويد ما كنت خليت الضوء مختار ده كلو كلو ونحن نفتح خشومنا ونتخيلو زول خطير .......................................... اها يتخيل لي المرض ده منتشر في البورد
تمبس.. وكورنيش وساندوتشات انت يا شاب مضروب شاكوش واصحابك ديل جو يرفهو عنك لانه الحركة دي على ايامنا بتحصل من لجان رفع المعنويات للمشوكشين... وينسوهم الشاكوش وكدا عينتك دي النوع البعد الحفريات ورفع المعنويات تاني بتجيب سيرة البحر...
لو بعرف انقل اغاني كنت نقلت ليك اغنية لو بيقا مابو نمبر 5
كنت ممكن اشاكل ليك واكون تحت امرتك لكن لسع دور كيبوردك ما جا لما يجي حتكون انت بقيت ملك الخور بالطريقة دي.. وما محتاج للحيزبون الهاكرة
فتك بعافية.. يا اصيل...
03-09-2006, 10:24 PM
tmbis
tmbis
تاريخ التسجيل: 10-19-2002
مجموع المشاركات: 24862
Quote: لكن لسع دور كيبوردك ما جا لما يجي حتكون انت بقيت ملك الخور بالطريقة دي..
.. يا دكتورة .. احبطتيني طبعا. حسع انا قايل الرد الفي الخور بي ( الكيبورد الصغيروني ) الرمادي لا كان الكيبوردات بي اكياسهم .. الواحد تاني يفتح بوست ويعمل نداء الجهاد ويقدم خلو طرف .. ..
Quote: لانه الحركة دي على ايامنا بتحصل من لجان رفع المعنويات للمشوكشين...
غايتو انا لجنة زي دي كان عملوها لي .. إلا يفتحو ليها حساب في بنك ( باركليز ) مكلفة خالص .. الشباب والله في اللجنة ما مقصرين معاي ودوني البحر وجابوني عطشان والشاكوش ما طابت جراحو .. شواكيشنا زاته من النوع المشاتر يادكتورة يدوك الشاكوش في ايدك ويقولوا ليك : اتصرف علي مهلتك.
Quote: لو بعرف انقل اغاني كنت نقلت ليك اغنية لو بيقا مابو نمبر 5
دي بتاعت ناس منو ؟؟
تعرفي يادكتورة .. وبما أنك من ( الرعيل الأول ) في هذا البورد .. وعندك ( لياقه ) بتعرفيها براك في قناعاتك وخطك الواضح .. وبما اني عاصرت كل الحقب والغزوات المتكررة في البورد دا مع العديد من الأخوات والأخوان ... ما زلت على رهان محدد مع نفسي لو بس جو اتنين ( محايدات ) من البوردابيات وقالو لي يا تمبس والله انت بتعمل شنو ما عارف للنسوان ، والخرمجة الكتيرة القالته آمنة كابتل ليتر دي .. ورب البيت المكان ده تاني ( كلك ) ما ادقو فيهو ..
تعرف يا الزول .. زمان .. كانت كل البوستات البتتفتح بي اسم تمبس ، يا... زول صاحبك طولت منو عايز يسلم عليك ، ياكمان واحد مغروض ليهو في خدمة ( نتية ) في متناول اليد الواحد يدخل ويجيهه بسرعة بالاضافة لي البوستات الجمباوية الخفيفة البتلم الناس في وقت يكونوا محتاجين لي لمة حميمة .. اها من ديك أخوك فكت منو .. يوم جمعة كدا صحيت من النوم وفتحت الكمبيوتر لقيت ليك تمبس وش .. ومعاهو ناذر الليلة جيت من الكورنيش قبيل اللقي ليك ( تمبس مع دكين ) انا قلت ارجع الكورنيش تاني بعد شوية ( علشان يجيبوني في من سيربح المليون ) .. يتخيل لي المرض القلتو دا ، القصد منو يقومو الوطنيين المخلصين والشرفاء يعملو زلزال لي الناس الما شرفاء .. علشان الناس الما شرفاء والناس العاديين ساكت يقوموا يمشوا يخلوا المكان ده وبالتالي يبقى مكان من غير ناس ما شرفاء .. .. غايتو قريبك بتاع المشاهير دا .. لمني فيهو علشان الواحد بعد كدا يلعب بي خطة خير وسيلة للدفاع الهجوم .. والله اعمل ليك عمايل كل صباح تلقى ليك بوست معلق .. فلان الفرتكاني... عفصتني مالك عشرقانة الفلانية .. بتحمري لي مالك ؟؟ وقس على ذلك
03-09-2006, 10:34 PM
tmbis
tmbis
تاريخ التسجيل: 10-19-2002
مجموع المشاركات: 24862
العزيز تروتسكي حمد الله على السلامة يا باشا .. انا فاهمك .. لكن المشكلة يا تروتسكي ، ما قادر افهم الحاصل شنو أخوك بقى مشهور جدا الايامات دي .. كل يوم عندو بوست والغريبه البوست يقعد شوية امشي اجيبو من الخور
الواحد بقى بتاع خيران يا تروتسكي
فاهمني؟؟
03-10-2006, 09:38 PM
معتز تروتسكى
معتز تروتسكى
تاريخ التسجيل: 01-14-2004
مجموع المشاركات: 9839
العزيز الرائع علاء تحياتي مررنا نركب أسير بوستك نحمله التقدير و الشكر الجزيل للباشمهندس بكري عبرك ولشخصك النبيل على التزكية فاسمك دائماً يستوقفنا فمكتبتك و ما حوت من مواضيع مشوقة تميزت بروح النبل الأصيل و الفكر القويم و ما صاحبها من ألحان عذبة فلك التحية و التقدير و ماذلنا نقرأ و كأن ما سعيناًمن أجله ما تحقق رغم كثرة المواضيع و المداخل و لكن انتظرنا
03-10-2006, 06:32 PM
tmbis
tmbis
تاريخ التسجيل: 10-19-2002
مجموع المشاركات: 24862
استاذ هضيبي شخصيا؟؟ .. شكرا لتواضعك الجميل كما عودتنا .. وعودت جيل يتربى على ايقاع حرفك النبيل .. القومه ليك يا استاذ هضيبي وعذرا إذ زرتنا في مكان لا يليق بعظمة الاحتفاليه بك يقيني انك اضافة واعية تحمل هموم جيل مغيب في زحمة المنافي .. لك الشكر لوجودك هنا في سودانيز .. والشكر عبرك ايضا لبكري ابوبكر واتمنى ان اقراك كما عودتنا
تلميذك الاصغر منك بي دفعتين
03-10-2006, 08:18 PM
Ahmed Abdallah
Ahmed Abdallah
تاريخ التسجيل: 08-12-2005
مجموع المشاركات: 5193
Quote: ختاما أصبت بالقرف الشديد من هذا المنبر الملئ بالذباب
Quote: وقبل أن أقول وداعا
.. يعني تاني ما جاية والا شنو ؟؟ احسن زاتو تتخيلي ؟؟ لانو ( الذباب ) بيعمل ليك ( انفلونزا الطيور )
غايتو بعد ليك لحدي عشرة .. كان ما جيتي ( بوستينك ) بتاع التحنيس علي ( أخوك ) بين قوسين ( انا دا ) وكمان بضبح ليك .. لانو بتبقى بايخه شديد كان نزل ليك بوست من أي جهة تانية ( نانو ) طالبه ليك كم مكان كدا بوستات زي دي .. اهــا أقوم انزل ليك بوست وارشو بي ( بف باف ) ويجو يتلمو فيهو الما ( ذباب ) ويقولوا ويعددوا ( محاسنك بمن ) وشي عن ثوريتك .. ويجو واحدين ( يتباطنو ) في البوست ودلاليك وناس تجي شايلة بنادق وتضرب ..و شنو ما عارف .. وبعد عودتك الميمونة أقوم ما اخليك وتاني اجيب سيرة الكورنيش وأقول الزولة دي قالت لي :
الأخت العزيزة نادية عثمان .. كيفك ؟ انا وصلت الرياض قبل كم ساعة كدا وكان في مطرة صابه والجو ربيعي .. .. البوستات السمحة بي ناسه يا نادية ، والنفوس الطيبة في البورد ده بقت تتعد بي صوابع اليد الواحده .. بقي الواحد يا يدخل يدافع عن نفسو ، يا يدافع عن نفسو مافي فرقه لي اي بوستات ولا في ( مود) ليها..للاسف الشديد بعد ما الناس الحافظنها ديل ينتهو من تنميطنا بننتظر بعداك يدونا اشارة نكتب شنو والا نقول شنو .. معليش للكلام الخارم بارم دا .. لكمن بي صراحة ده الشي الماشي اليومين ديل يفكوك من دا .. تشبك في دي .. بالنسبة للحلقة انا سجلت مقاطع صغيرة وبالرغم من صغر المساحة ما اظنها تمشي ليك بالبريد تنقو.. عامل مجموعة كويسه بنسق معاهو يا اما رفعناها ليك في مكان كويس وتشيليها كرابط وتنزليها الجهاز .. يا اما كمان اتصرفنا ولقينا طريقة نوصله ليك القاهرة ودا كلام صباح ما بيمحاهو النهار .. واعتبريها معاك في اقرب فرصة
عليك الله ترجع من دنيا الزهج ياتمبس والله مفتقدة كتاباتك الرائعة الزمان ديك ..
Quote: بالنسبة للحلقة انا سجلت مقاطع صغيرة وبالرغم من صغر المساحة ما اظنها تمشي ليك بالبريد تنقو.. عامل مجموعة كويسه بنسق معاهو يا اما رفعناها ليك في مكان كويس وتشيليها كرابط وتنزليها الجهاز .. يا اما كمان اتصرفنا ولقينا طريقة نوصله ليك القاهرة ودا كلام صباح ما بيمحاهو النهار .. واعتبريها معاك في اقرب فرصة
خلاص نسق مع تنقو وافتحو لى بوست بعنوان (نادية زولة عادية فى قناة النيل الازرق )!! (وجه متوتر من عمر الفاروق عشان الحق الادبى للاسم وكده )!!
ونزلوا لى فيهو حاجاتى ..الليلة الصباح ده ..سمح ؟!!
واعتبر ده محاولة اولى للرجوع للبوستات الخالية من اى نوع من انواع الزعل ..صحتك بالدنيا ياتمبس ياخ !!
03-10-2006, 09:40 PM
tmbis
tmbis
تاريخ التسجيل: 10-19-2002
مجموع المشاركات: 24862
وعادية جدا كمان .. بس عندنا مشكلة صغيرة في مواقع رفع ملفات الفيديو .. واعتبري نفسك عادية جدا من الآن .. وإن شاء الله يا نادية مافي مشكلة بالناسبة لي حرقان الاعصاب وكدا الامور بتستعدل شوية شوية .. وشكرا بالجد يا نادية لي روحك الطيبة ..
.. يا محمد عبد الله يعني عمل ليهو دريبات تانية من ورانا والا شنو ؟؟
غادر ليهو اسبوع كيف ؟؟ السودان ده في الاندلس والا شنو ؟؟
03-11-2006, 00:27 AM
tmbis
tmbis
تاريخ التسجيل: 10-19-2002
مجموع المشاركات: 24862
Quote: نارك زايده آلامنا جننتينا يا فاطمة حرام تنسينا يا خديجة
حمزاوي أبو النسب .. والله بعد كدا انا ذاتي ( سجمي ).. بس على خفيف كدا لانو الطازج كان عامل عرض مفتوح ، ونحن نطلع من عرض مفتوح ندخل في عرض مفتوح ، والعاقبة عندكم في ( السجمات ) ..
03-11-2006, 06:31 AM
محمود بكر
محمود بكر
تاريخ التسجيل: 10-25-2005
مجموع المشاركات: 763
عمنـا الكريم استاذنا محمود بكر .. متعك الله بالصحة والعافية .. وكل نعيم الدنيا.. اولا اشكرك شكر العابد الناسك لنعم المولى ، ولي عظيم المفخرة ان غيابي من هذه المساحة يلفت انظار من هم في مقامك ، وثلة من الاصدقاء ما زالت تحفظ حق العشرة الجميلة التي منحنا لها هذا المكان .. ووجب الشكر علينا ما بقينا هنا أو تركنا هذه المساحة .. .. اما ما يخص الزعل فأرجو أن اطمئنك .. إن هذه المساحة تعج بالكثير من اسباب الفوضى ، في الفترة الاخيرة .. كل من كتب حرف هنا يعتقد أنه يمتلك ناصية المعرفة والحكمة ، والنضال ومزاحمة الاعداء .. المساحة مفتوحة للجميع لكن ليس كل ما يكتب يستحق القراءة أو يستحق حتى نقرة ماوس لمطالعته ، لكن هناك نقاط لا بد من الوقوف فيها .. عندما يتجاوز البعض النقاط المتاحة لهم فيجب هنا الوقوف بعنف من أجل المحافظة على الحقوق غيابي الاخير لا يعني ما احمل من الزعل ، لا .. وكما اشرت سابقا إن وجودنا في هذه المساحة محكوم بقوانين ولوائح يجب أن تعمل على الجميع ، أما ان نطلق العنان لكل لسان متقيح أن يأتي ويستقصدنا دون اي اسباب موضوعية ، فهذا من المستحيلات لذلك نحتاج احيانا لفتر ان نبتعد عن هذه المساحة وفق قناعات محددة .. ومن ثم الرجوع لتصفية الحسابات .. مع احتفاظنا بكامل المودة لكل من اشرت لهم في ردك اعلاهـ ، ودعني احييك وكل من سال عني في فترة غيابي الاختيارية التي حتمتها بعض الظروف العملية .. القاهرة .. دمت لنا مرشدا في زمن اختلط فيه الخبيث بالطيب .. ولك من القلب كل الامنيات ..
03-11-2006, 07:06 AM
Tabaldina
Tabaldina
تاريخ التسجيل: 02-12-2002
مجموع المشاركات: 11844
.. . تسجيل حضور لالقاء تحية لصديق .. . وصديقة.. ليست صديقة الصديق..
والله دوماً نقع بين المطرقة والسندان
بمناسبة الخور : هل تعلم أنهم بصدد انشاء طريق مسفلت (شارع زلط) فى الخور ( خور ابوعنجة) قرب دارك يربط بين الأربعين والموردة .. شوف فهم جيلوجي الإنقاذ وافكار مهندسي طرق وكباري المتعافى
اكيد الزلط دا عما قريب حيشيلو الخور .. بس دا خور تاني ..
دمت مع مودتى؛ لك ولها..
03-14-2006, 04:53 PM
tmbis
tmbis
تاريخ التسجيل: 10-19-2002
مجموع المشاركات: 24862
تنقــا .. سلاموز يا صاحب .. وياصديق .. هذا ما يتعلق فقط بي سلام صديق لي صديقو
امــا ما تعلق بالخور .. بتاع هناك فأرجو أن أخبركم بأننا اصبحنا من سكان هذه المدينة التي تعاني من ( التحفير ) يوميا ومن دون أي اسباب .. لا خور حميم ، ولا اصدقاء تنتابهم حمى التفتيش ليلا في مسامات الروح .. احزنني جدا يا تنقا أنهم اصبحوا سادة هذا المليون ميل المربع .. غيروا ملامح ذكريات طفولتنا وامتدت ايادي ( المتعافي ) الملطخة .. حتى لخور ابوعنجة الوديع واستباحوهو كما استباحو قبله الريفيرا والجندول ينهبوا عينك يا تاجر ويسبحوا بحمد الله ..
03-11-2006, 07:33 AM
عبد الله عقيد
عبد الله عقيد
تاريخ التسجيل: 09-20-2005
مجموع المشاركات: 3728
العزيز جــاد الله يسلمك .. حقو تتعمل ( دورة ) في الخور بي هناك للبوستات ويعملوا فيها كاس عديل كدا .. لانو زي ما قلت في بوستات ادمن اصحابه الكتابة بي نفس اللغة وبي نفس ( العبط ) .. طيب طالما انو البوستات دي مافي داعي لي نشرها على الجميع وحسب ما جاء في تعريف المساحة بتاعت المواضيع الغير صالحة ( أنها مساحة مخصصة للمواضيع الغير صالحة أو المخالفة لقوانين المنبر ) ..مفترض يكون في فعل تكميلي لي مسالة تحويل البوستات دي يعني يعملوا خور لي الخور والناس الاتعودت على انها تكتب بي نفس اللغة دي يدوهم مساحة خاصة بيهم يعملوا الدايرنو بي هناك من غير ما تختلط بوستاتهم بالبوستات العامة في الصفحة الرئيسية .. ولا صفحة الخور .. لانو في بوستات في الخور حرام انها تكون مع البوستات المفترض تمشي خور الخور .. .. لكن الشهرة برضو متاعب ، واللقو شهرة في سودانيز دي والله الظاهر لي كان لعبو في برشلونة ما كان لقوها .. ..
لقاء البورداب القادم لسه ما اتحدد لكن في كل الاحوال خليك جاهز ..
03-11-2006, 08:31 AM
ملكة سبأ
ملكة سبأ
تاريخ التسجيل: 06-18-2003
مجموع المشاركات: 3855
حاتم الياس .. كل التحايا .. يا شفت ومقطعه.. وبتطلع فيها ماشه .. اسحن ليك لما تمشي الخور وتجي تاني مرة .. تدخل في شخصية ( الحاوي ) متذكر الحاوي بتاع الابتدائي ؟؟ شخصية الحاوي دي شخصية عظيمة ، خلي فاروق جويدة لي ناساتو .. اوعك تعمل لي فيها بتاع سياسة ونضال وطماطم .. كدا بخسرك
03-15-2006, 08:54 PM
tmbis
tmbis
تاريخ التسجيل: 10-19-2002
مجموع المشاركات: 24862
بلقيس .. .. الإعلان دا اوعه تقولي لي لقيتيهو في الخور برضو ؟؟ بلاي الخور اتطور للدرجة دي ؟؟ اما بالنسبة لي مشيان الخور فدي قوة قلب منك .. شايفك بقيتي قلبك قوي الايامات دي
Quote: انا قايلاك مافي ، حردت (بعد حبيبتك خلتك)
والجملة الاعترافية دي مدخلاها بين ( قوسين ) مالك يعني ـ قاصده شنو ؟؟
مشتــــاقين.. والبركة في الشوفه اون لاين ـ والحمد لله بوستات الخور بقت تجيبك الواحد كان عارف كدا ـ كان كل يوم عبر عن شعورو ومشى الخور دغري وكتب ليهو بوست بلاي سلمي لي على ( عمك منصور ) شديد وعك تمشي تقولي ليهو ولدك بقى يدق جرس في سودانيز اون لاين لحدي ما يودوهو الخور ـ وفي عيد المرأة كمان ( بكتلك ) .. وخليهو بالمرة يوصل النت ويتوقعني في عيد العمال
عايني طارق العوض .....
03-11-2006, 06:25 PM
عاصم ابوبكر حامد
عاصم ابوبكر حامد
تاريخ التسجيل: 03-03-2006
مجموع المشاركات: 3017
أخونا عاصم ابوبكر .. سلامات .. ومليون مرحب وبزيارتك بوستنا نور .. ياخي اولا .. عظيم الشرف والله انك بتتابع بعض الاعمال البنحاول بين كل مرة وتانية انو نقدمه للناس البتشاركنا اللونية دي من الاهتمامات .. وتجدني عند حسن ظنك إن شاء الله .. اما التمرد ودخول الغابة يا عاصم فهي مرحلة وقتية احيانا بنجبر اننا ندخله غصبا عننا .. فادينا فرصة نمارس المسالة دي وبوعدك انو ( طلقة ) في الماسورة .. والغناء شغال ما بيقيف .. وشكرا مليون مرة لزيارتك .. مودتي
03-12-2006, 05:26 AM
هضيبي علي سعيد
هضيبي علي سعيد
تاريخ التسجيل: 03-02-2006
مجموع المشاركات: 791
عزيزي الرائع الأصيل ود الأصول علاء ما هو بتواضع ولكنه تسامي لمقام نبلك و جمال روحك...رعاك الله...God bless you أين و متى حللت يزدان المكان و الزمان ببهائك when ever where ever ...بل أنت أستاذي و اشكر إطرائك و حسن ظنك بي .. The Artist Master of skills on internet and computer Field and other ... و في زحمة المنافي .. نعيش بكم و معكم الوطن و نحمله للمنافي فبين ظهرانيكم الوطن بملتقى نيليه و حدائقه و غاباته و صحاريه و دعاشه و شموسه وضاحة الإشراق..وانتم أبنائه الألفة و الإنس المودة و النجدة والفزعة والمروءة ..أيها النضر البهي هي ثلاث دفعات فأنت جيل هـيثم ومعزتك من معزته و هذا يعطيني الحق .. to be adviser for rational one who is not in need but just to remind………………………….. و أ قول أنسى ما يعكر صفوك و أنظر... لأحبابك فواضح أنهم كثر... فلما تكترث للقلة.. Priority must be for majority not minority dear عد لهم بالحرف النبيل و الوعد الأصيل و اللحن العذب .. But any how even though what you wrote hear with that up normal mode you still playing our favorite melody عد بذاك التألق و الإشراق وخذنا لتلك الرحاب ..التي نشتاق إليها حيث .. فرنكش ود الحلة هناك عند ذلك اللستك المزروع في ناصية الشارع فهو يناديك
وين يا .... لزززيززززز يا عسوله ... وا حلاتي يا ناسي .. شنو فاتح لينا كده؟؟؟
لا أدري هل ذلك اللستك ما زال مزروعاً أم أزالته حركة الحداثة المعمارية و عصفت بأطلال أيام خوالي .. في رحاب أمدر.. ؟ .. في ذاك الأرشيف العتيق و في آننا و منفانا الإختياري عشنا معك الوطن و استرخت قسماتنا و تمددت ابتسامات و ابتهجت و انتشت و طربت و استبشرت بك ومعك .... تمبس ان شاء الله لاتفوت ولاتموت يارب ويديك الف عافية وبيت فى الصافية ... و كل أمانيك و أنت كذلك أستاذة نادية يعطيك مرادك ... و عزيز عزيزنا عزيزنا.
03-19-2006, 08:33 PM
tmbis
tmbis
تاريخ التسجيل: 10-19-2002
مجموع المشاركات: 24862
أخي واستاذي .. هضيبي اسعد الله لحظاتك .. تتقازم كلماتي كالعادة عند حضورك .. نحمل عشقنا ونطوف به في منفانا هذا .. يتحول بفعلك وبعض النبلاء إلى مساحة يمكن ان نتفاعل معها وقتيا .. ونستمد منها طاقتنا.. التي تهبنا قدرا يسير من وجودنا هناك الحلة ، فرنكش ، العمود البيت الكبير .. ارجو ان لا تطول غيبتنا .. لك الود ياهضيبي .. اعبر مساحتي كما يحلو لك ـ زيارتك نعمة ـ
03-12-2006, 11:59 AM
ASHRAF ABUELHASSAN
ASHRAF ABUELHASSAN
تاريخ التسجيل: 12-12-2004
مجموع المشاركات: 291
صديقي الاسطاذ ( بتيخة ) .. انهم انا وانت وراس القرقور .. او ( نعم نعم مورداب احبكم ) .. وعلى النقيض ( قالوا الدود قرقر).. ( قرقر = جنجال ) قلت لى اين ستنشر الغسيل .. !! على السطوح .. ( يعني داير توريني أنه بيتكم عمارة ) .. ستجدني في الخور الكبير نصف مجدوع تحت الشجرة الرامية فوق بيتنا .. فاتحا باب الرغبة لتخميس كعب سجارة .. أو سفة ( دقار ) تيمس ..!! قال لي .. زات ( سطلة ) طارت ليهو في رأسو .. يستعبدني هم موحش على ظهره اتكى بعض الظلام .. ومساء طويل مازال يرهق كاهلى .. رمق الفراغ يغتال كل جميل ( الفراغ هنا يشير الي عمنا أب شرا ) .. افتراض زمنى مغلوط .. ورزالة صباح .. بايخ ( تصحي من النوم تلقاهو في وشك ) استباح حرمة الليل .. وشروووووق .. تمخطر وفرض على الشمس ارتشاف ماتبقى من نبيذ الليل .. ( نبيذ الليل = حليب المراعي ) عشان الرقابة وكدا ..!! وضع احتمال الظلال تحت بيتين من الشعر .. تنصلت القصائد حال الرحيل .. تأوهت قوافى الصمت واحتضنت عودها.. ثم طارت حمامة تبحث عن بعض الاغنيات .. وقد بحت بهذه الاسرار لاننى منذ ان فلق ( طارق ترا ترا ) .. ( عبد الله عوج ) .. وشد باربعة من عتاولة سنة ( ساتة) .. واقيم عليه حد السكر علنا .. اكره الفليق والتفلق .. خصووصا لمن يكون الزول ( أشتر ) او فلنقل لتعجبنى بعجبك .. وتعبى لى الوجع اكياسا ( نايلونية ) من كيسك العمارى الجيد ( ولو مافاطر ما تخاطر) .. بشرط واجب هو ان يكون الامضاء للـ( دقيني ) أو ( سورج ) .. واشياء من هذا القبيل اتناولها قرصا يزيل عنى مايدور فى راسى من ( أصدعة ) ..
صدقنى يا صديقي وانا أقرئك الان اشعر بانك احد ابطال الرواية الماركيزية المجنونة ( سرد احداث موت معلن ) ..
قبل ان اذهب .. لا تنسى الطلاء الابيض مع الصنفرة والشاكوش و ( جردل الطلس ) لاننى اريد اجراء الصيانة الدورية لبعض ( القلوب السوداء ) ..!!
03-13-2006, 04:03 AM
humida
humida
تاريخ التسجيل: 11-06-2003
مجموع المشاركات: 9806
اقتراح ( قابل للمناقشة ) .. اقترح علي ( صاحب العفش ) السيد بكري أبوبكر .. فرض تذاكر علي هذا البوست .. ( ممكن يدعم بيها اي قضية علي شرط يجيب الإيصالات ) .. بواقع 35 دولار ( لوج ) .. و 30 دولار ( درجة أولي ) .. و 25 دولار ( درجة تانية ) وناس الـ( التيرسو ) .. ممكن يدخلوا بما يعادل ( نص أردب قمح ) ..
يعني في زمتكم .. البوست دا ما أحلي من ( مازر إنديا ) ..
03-19-2006, 09:46 PM
tmbis
tmbis
تاريخ التسجيل: 10-19-2002
مجموع المشاركات: 24862
حميده الأنبوبي .. ياخي ضرايب شنو ، حسع الجاب سيرة الجردل هنــا منو ؟؟ اختلاف اسعار الاقمشة ـ دليل واضح على رفع كاهل المعاناة عن الجماهير .. لا تكترث في مقبل الايام ـ ربما الفرص متاحة .. عام حافل بالانجازات .. والباسطة ردكم المطول اذا جاريناهـ لفقدنا سوائل ..
تشتري ساعة سيكو فايف بي شوكات؟؟
03-19-2006, 09:32 PM
tmbis
tmbis
تاريخ التسجيل: 10-19-2002
مجموع المشاركات: 24862
صديقي .. ودفعة الابتدائية الجميلة مليون سلالام يا ابو الشوش .. خور ابوعنجة على الاقل بيجي فيهو البحر ، وغنم حاجة سكينة.. لكن خور بكري دا .. عدمان التكتح .. الصورة .. حداثية ياابو الشوش وياحليل ايام زمان .. صورة اولى ابتدائي عملت لي فيها شنو ؟؟
نصيحتك على العين والراس يا اشرف .. بس كان نسيت فاكر بينسوني ؟؟ ما شايف بقيت عامل زي كارولس .. وكل يوم في بوست ؟؟ تحياتي للصغار وامهم
03-14-2006, 03:07 AM
Tabaldina
Tabaldina
تاريخ التسجيل: 02-12-2002
مجموع المشاركات: 11844
مجمع سكني فيلل فى الخور ..تصدق مشروع بتاع تطوير امدرمان سوق الموردة ..بشكل جديد سوق الدهب ..فى ميدان البوستة وفيلل فى خوركم .. خو ابوعنجة بس حيتحاشوا الفيضان كيف دا السؤال ..
سلام
03-19-2006, 10:01 PM
tmbis
tmbis
تاريخ التسجيل: 10-19-2002
مجموع المشاركات: 24862
Quote: مجمع سكني فيلل فى الخور ..تصدق مشروع بتاع تطوير امدرمان سوق الموردة ..بشكل جديد سوق الدهب ..فى ميدان البوستة وفيلل فى خوركم .. خو ابوعنجة بس حيتحاشوا الفيضان كيف دا السؤال ..
.. فلل في الخور ؟؟ ياراجل ... تعرف ياتنقــا زمان لما كنا صغار ولما البحر يملى الخور .. كنا بنطلع عرايا من البيت ونجلبق في الخور .. ولما البحر يرجع كنا ( بنشرك ) لي ابو الهدهد .. والقمري بي القلوبيات وسبيب الحصان .. ولما العر يجو من فوق سارحين .. بنحلب ليك اي ( تيس ) ولما كبرنا ياما ( حبينا ) فيهو من الكبري للكبري يجو حسع يعملو لينا فلل ؟؟ وتطوير وشنو ؟؟ يعني كان الواحد نزل إجازة بدوهو فيلا .. اعادة توطين والا بخمو خمانهم ويقشو خشومم؟؟ احجز يا تنقا لي اخوك فيلا .. وحاسبهم لحدي ما اجي على الاقل نضوق قروش الخواجات دي
03-14-2006, 04:05 AM
Ahmed Mohammed Osman
Ahmed Mohammed Osman
تاريخ التسجيل: 10-10-2005
مجموع المشاركات: 1381
أحمد محمد عثمان .. ده تكسير تلجك كدا يعني ؟؟ .. اللعب الايامات دي على المكشوف .. الخور دا بقى موضة قديمة .. انا خايف بعد كدا يجيبو الخور هنا ويقوموا يعملوا لينا تهجير بي هناك
03-14-2006, 09:40 AM
عاصم ابوبكر حامد
عاصم ابوبكر حامد
تاريخ التسجيل: 03-03-2006
مجموع المشاركات: 3017
ابوقوتــه ياهندسة .. العرض بتاع الخميس الفات اعتبرو مشى الخــور .. جماعة الشرقية ديل جاهزين موية ونور ـ وشباب زي الورد ـ تمشي الكورنيش تشم هواء وتجي راجع الرياض ( مفرمط ) .. وماهيت يوم 15 دي حقو تديني استثمرة ليك وبعداك بحجز ليك وأعمل لي تنسيق خطير جــدا ، واحتمال احجز ليك طيارة خاصة .. البوست دا يا ابوقوتــه ما شبه خيران طالما جاب تروتسكي .. والا انت شايف ليك فوقو شوفه كان شايف قولي .. بقوم بوديهو ليك الخور انا بي طريقتي
03-14-2006, 04:02 PM
محمد عبدالرحمن
محمد عبدالرحمن
تاريخ التسجيل: 03-15-2004
مجموع المشاركات: 9059
محمد عبد الرحمــن كيفك يازول ؟؟ ايوة البوست زي ما شايف من الخـور بقى فندق خمسة نجوم والشباب ما قصرو بس لكن طوالي انت زانقني في حتات ضيقة ياخ .. رحلتو بعيد نسيتو .. الريد والحنان والإلفة الجميلة .. والسعد اللي كان .. والله اغنية خطيرة فعلا .. لكن المشكلة ح تبقى ليك زي بتاعت التاج مكي بتاعت المرة الفاتت لانها بتحتاج برضو لي تفتيش .. ( حنك بيش برضو ) كان قلت ليك انتظر .. بترضى مش كدا؟؟
03-27-2006, 11:05 PM
tmbis
tmbis
تاريخ التسجيل: 10-19-2002
مجموع المشاركات: 24862
يا ود الجعلي نمرة اربعة كيفك ؟؟ وبركة في الشوفة .. وفي الشمارات الماليه المكان من بوست الشمارات بتاعك عرفتك بقيت فنان جدا في الخيران من ( حفر وهلمجرا ) انا خايف اغيب لي يومين اجي اللقاك عملت ليك راكوبة هناك
Quote: لكن والله صورتك تشبه على عبداللطيف فى كتاب المطالعه
الغريبة في واحد صاحبي قبل يومين قال لي بتشبه لي طه القرشي ـ
03-27-2006, 10:41 PM
tmbis
tmbis
تاريخ التسجيل: 10-19-2002
مجموع المشاركات: 24862
دي ضربة حرة مباشرة يا عبد الله ما سؤال مباشر .. بعدين هو ما شريط واحد شريطين .. وبالمناسبة دي تقريبا ما عملت ليك اي حاجة والله ـ والاشرطة قاعده زي ما هي ـ بس خلي النفسيات دي تتصلح شوية وبعدين بنشوف الموضوع دا .. طبعا أنت من النوع البقدر ظروف الواحد ـ بالذات في ظروف زي دي مش كدا؟؟
03-14-2006, 08:39 PM
فارس موسى
فارس موسى
تاريخ التسجيل: 12-01-2004
مجموع المشاركات: 1357
نشــــأت العزيز .. كيفك يا ابوالصحب .. اللعب فوق هنــا بي خطة اربعة تلاتة تلاتة .. والبتعصر شديد.. بلعب بي نظام ( القشاش ) باكات فرفارات يموتو بالبوست ويودوهو الخور .. علشان كــدا الايامات دي الدوري مسخن شديد من الحكم ما يصفر .. بوست الخور بيكون واضح
انا مقصر معاك يا نشات .. الشغل راقد لكن الراس جايط جوطة السنين..
03-27-2006, 11:51 PM
tmbis
tmbis
تاريخ التسجيل: 10-19-2002
مجموع المشاركات: 24862
فارس موسى .. ياربي انا شايفك وين ؟؟.. شايفك وين؟ طالما ود اشلاق . وود قرف كمان .. ومن الهامش معناته بعرف حنانك زاتو ، وكان بقى اشلاق الجنوبي .. بقوم اقول ليك دفعة الكورة صاحبي المرحوم سعيد ( السيرباك ) اعز اصحابي ربنا يرحمو ويغفر ليهو .. اما إذا جبت سيرة الغلب .. والهلب والقراقير شكلك كدا تتملطشت مننا زمان لمن عرفت حاجة واي كاس صفيح قلعناهو منكم وقطعنا بيهو شارع الظلط دا كوم ـ والكوم التاني الفاتح الكوتش ، 3×1 وكــدا إذا بقيت في السودان ختك والله .. حاول اضرب لي معاك من التركيبة العجيبة دي ـ وإذا كنت زينا برهـ ..( خم وصر ) وكان ضقت الخلطه دي قريبات دي انا اكون بالغته .. .. اما الخور يا شفت فقصتو تانية.. انا مفكر أأجر لي فيهو كم ( ميقا بايت ) كداوأفتح لي كشك بتاع باسطة ولبن سوقو محرحر الايامات دي.. وبكري بشجع رؤوس الاموال الصغيرة ارقد عافية يازول .. وكان حيين ( بنلالاقا)
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة