Post: #1
Title: خور .. الخـــــــــور
Author: tmbis
Date: 03-09-2006, 12:55 PM
يعني بعداك البوستات .. البتتشال من هنا دا .. ويودوهــا الخور بي هناك
اهــا
بعد ما يودوهــا الخور .. البحصل شنو تاني ؟؟
|
Post: #2
Title: Re: خور .. الخـــــــــور
Author: tmbis
Date: 03-09-2006, 01:06 PM
Parent: #1
بلاي الواحد ليهو تقريبا كدا عشرة سنة ما اكل سندوتشات في
الكورنيش
..
اكتشفت انو الليلة عيد بالنسبة لي .. تمشي تاكل ساندوتشات من محلات الطازج ، وعلى الكورنيش
والهمبريب ضارب
ويكون معاك ( ثابت ) ، ( حمد )
إذا أنت من وجهاء هذه المدينة
لكن .......
|
Post: #3
Title: Re: خور .. الخـــــــــور
Author: tmbis
Date: 03-09-2006, 01:19 PM
Parent: #2
لكن ..
تجي داخل وتفتح البورد وتلقى ( دكين ) في كامل التهذيب ويشكر أحد ما ومن ثم يثني عليه
إذا في خلل في حتة معينة ..
..
لذلك وجب الذهاب إلى الخور ..
إذا الخور أجمل مكان ممكن تمشي وتلقى فيهو همبريب
الخور بتاع البورد ده فيهو همبريب كويس ،
..
|
Post: #4
Title: Re: خور .. الخـــــــــور
Author: tmbis
Date: 03-09-2006, 01:38 PM
Parent: #3
تعرفي يا ( غالية ) ..
انا كان عندي وهم .. ظهر مع ظهور خور البورد ..
كنت مفتكر انو لو في بوست كتبو تمبس ومشى الخور ، إذا لابد من مغادرة هذا البورد لانو كنت قايل الخور دا .. زي تحت الكبري بتاع ابوعنجة .. زمان ناظرنا في الابتدائي كان بقول لينا اوعه من الخور اوعكم تمشو الخور ..
اها
من تلك اللحظة السابقة الشرح في اعلاه .. وانا بعمل حسابي من أي خور ..
بلاي عليك الله ده همبريب تجي تطلعيهو من راسنا حسع دي في عصرية زي دي ؟؟
..
الواحد يجي من الكورنيش يمشي الخور ...؟؟
..
والله انا من ما حبيبتي ( خلتني ) .. البورد دا بقيت اشوفو تلاتة تلاتة ..
تجي تبقيهو لي اربعة ؟؟
..
أنت والخور وحبيبتي ؟؟
|
Post: #5
Title: Re: خور .. الخـــــــــور
Author: tmbis
Date: 03-09-2006, 01:54 PM
Parent: #4
أما فيما يتعلق بالبند رقم ( واحد ) والخاص بمدحي ووجه المقارنة بيني و( المدعو ) دكين
جاء ما يلي والعتبة على الخور :
Quote: 1- يجمع بينهم العنصرية ( بالرغم من انتماءهم الى بلد زنجى )
( والمعلومة دى طبعا ما جديدة)
|
..
| Quote: والمعلومة دى طبعا ما جديدة) |
يعني انت في المباحث والا شنو ؟؟..
أنت ( طاره ) يا امنه وانا ما عارف ؟؟
أول مرة أشوف لي ( طاره ) وعامله مستنيرة ..
..
أو في رؤاية أخرى ..
أنت متكيفة من بوست ( علي عبد الرحمن الزين والا شنو ؟؟ )
أوعه بس يكون ( هد ) فيك بي ( الوانو ) ..
شايفك ما جبتي حاجة جديدة ..
كان جبتي حاجة من عندك جديدة ..
والله العظيم كنت ( صفقت ليك ) ..
|
Post: #6
Title: Re: خور .. الخـــــــــور
Author: لؤى
Date: 03-09-2006, 02:00 PM
Parent: #1
تمبس العزيز
سلامات وأشواق
إتخيّل مع الغياب الكثير بقيت في بوستات ما قادر أفهم منّها أيّ حاجة !! 
خور شنو ؟؟ أخوك مسطّح معليش !
محبّتي
ـــــ
انا في البعيد مشتاق لهمسة من الوطن يانسمة
[email protected]
|
Post: #7
Title: Re: خور .. الخـــــــــور
Author: tmbis
Date: 03-09-2006, 02:10 PM
Parent: #6
يا ابو اللول ..
كيف أخبارك ؟؟
..
وحمد الله على السلامة شفناك هنا ..
اما الخور دا يا لؤي محل كدا عامل زي الخور الجمب نادي الفنانين بتاعنا داك .. اها دا قاعدين يودو فيهو الحاجات ( الكاكا ) ..
انصحك انك ما تمشي بي هناك .. علشان تقدر على الاقل تكون قاعد هنا في البورد دا
..
البورد ( الله يخليهو ) ياأبو اللول .. ظهروا فيهو شفوت جداد ، بقوو يقولوا للاعور أنت أعور في عينك .. ( وينبزوك ) لمن تقفل ( نخرتك )
وفيهو كمان اطباء وطبيبات علم نفس ( يقولوا ليك أفتح ( خشمك ) وقول ( ااااع )
تقوم تقول ( ووواااع ) يكتبوا ليك روشته ما تصرفه إلا من قيادة قوات الدفاع الشعبي
ويكتبوا ليك ( راحة ) اسبوعين ..
..
ما تمشي بي هناك يا ابو اللول .. خليك قاعد هنا قبلك وكان ربنا هون القواسي بتقدر تفهمه وهي طايره
|
Post: #8
Title: Re: خور .. الخـــــــــور
Author: tmbis
Date: 03-09-2006, 02:55 PM
Parent: #7
Quote: 3- الفتونة الفارغة واللسان البذئ ( وقلة الأدب )
|
الفتونة الفارغة .. يا غالية ممكن ، معاك حق مرات الواحد كدا بحس بي نفسو عندو تضخم في الغده ( الفتوانية ) وعلشان كدا بيقوم بيدخل بالطول على اي زول هنا من طرف وزولة ويقوم بتفتون عليهو ويتفرعن .. ويعمل شت داون للجهاز ويشد البطانية وبذلك ( الغدة الفتوانية ) تكون ارتاحت شوية ..
أما
اللسان .. فمشكلتو معانا مشكلة كبيرة .. منجضنو في عمرو دا .. نضوق بيهو ( الشطة ) الخضرة ، وملاح الباميا .. بالمناسبة الواحد اكل فسيخ في الدنيا دي لمن الله غفر ليهو ويوم واحد ما شكى من ( لسانو )
تجي انت يا ( دغرية ) تطلعي لينا لسانا اي كلام ؟؟
وبعدين
الكلمة دي وحات خوتك .. امي الولدتني الله يديها العافية وطلوت العمر .. ما متذكر قالته لي ..
..
اهــا جيتي يا ( طاره ) طلعتي لي ( قلت الادب ) من بين لساني ..
اها بالنسبة لي قلة الادب دي يا ( أمنة ) خليها طرف بنجي نتفق فيها بعدين
ما تشتغلي بيها كتير حسع دي
والا أقول ليك .. خليني اخش لي في حاجة ( كويسة ) وأجيك .. علشان نتكلم فيها بي صراحة ..
اقصد بي صراحة هنا ( قلة الادب )
الفتونة الفارغة واللسان الشنو كدا ما عارف خليهم طرف .. ( ما شايلهم )
كويس يا آمنة ؟؟
علشان نتفق من حسع دي .. ما تقومي بعدين تنططي لينا وتقولي ما قاصده
أنت زولة دغرية عديل كدا .. وبتقولي الكلام تووش
مش كدا ؟؟
|
Post: #9
Title: Re: خور .. الخـــــــــور
Author: tmbis
Date: 03-09-2006, 03:18 PM
Parent: #8
اسمحي لي اعتذر ليك عن البوست بتاعك الفي الخور ..
اعتذر ليك لاني بالجد خجلان .. خجلان شديد جدا
كلما امشي اجيب لي اقتباس من البوست بتاعك داك
احس بي نفسي ( قليل أدب خالص )
علشان كدا انا بعتذر ليك بالنيابة عنك .. لي كل الناس القاعدين يقروا ليك وقالو انت مناضلة ومثال لشنو كدا ما عارف ..
ياخي فتح الله عليكي تقولي لي الزول في النت أنت قليل أدب ؟؟
زول عاقل بالغ .. وعندو باص وورد ونك نيم
تقولي ليهو أنت قليل ادب ؟؟
..
والله حارقاني يا غالية الحتة دي ..
حسع كان حبيبتي ( القديمة ) قامت لقت كلامك دا تقول علي شنو ؟؟
تقول لي بقيت ( بعدي ) قليل أدب ولسانك طويل ؟؟
الله يسامحك بس ..
حقو الواحد يقوم يبكي ليك هنا حسع دي
|
Post: #10
Title: Re: خور .. الخـــــــــور
Author: Osman M Salih
Date: 03-09-2006, 04:08 PM
Parent: #9
أخانا الفاضل تمبس
سلام،
أبحرت إلى الخور فور فراغي من قراءة هذا البوست
وطالعت فيه العجب العجاب. سبحانك رب العرش
العظيم
جمعك الله يا عزيزنا تمبس في عركة بمن سُطـّر إسمها
ب capital letters وهذا التسطير إن دل على شيء
فإنما يدل على تضخم الذات وإنتفاخ الأوداج و لكن
بلا رصيد معرفي !
لاعليك يا تمبس فأختنا آمنة مختار صاحبة الكابتل
ليترز وهنا مكمن المفارقة تسعى منذ قدومها بين
البوستات بمعجم فقير لا يتعدى محيط مفرداته
أصابع يدين وهتافات ، محض هتافات !
|
Post: #11
Title: Re: خور .. الخـــــــــور
Author: Osman M Salih
Date: 03-09-2006, 05:25 PM
Parent: #10
Capital letters
|
Post: #17
Title: Re: خور .. الخـــــــــور
Author: tmbis
Date: 03-09-2006, 06:44 PM
Parent: #10
Quote: جمعك الله يا عزيزنا تمبس في عركة بمن سُطـّر إسمها
ب capital letters وهذا التسطير إن دل على شيء
فإنما يدل على تضخم الذات وإنتفاخ الأوداج و لكن
بلا رصيد معرفي !
لاعليك يا تمبس فأختنا آمنة مختار صاحبة الكابتل
ليترز وهنا مكمن المفارقة تسعى منذ قدومها بين
البوستات بمعجم فقير لا يتعدى محيط مفرداته
أصابع يدين وهتافات ، محض هتافات ! |
العزيز عثمان محمد صالح ..
لعلها ..
حرب ضروس أخرى كتبت علي أن أخوضها .. من غير معترك ..
..
فالتسعى آمنة مطمئنة ..
فلساننا لم بعد على لغة ( الشتم ) الاسفيرية
..
شكرا
لكلماتك .. ودمت أخ وصديق
|
Post: #12
Title: Re: خور .. الخـــــــــور
Author: معتصم الطاهر
Date: 03-09-2006, 05:45 PM
Parent: #1
تمبس
سلام .. دخلت لما وجدت اسميكما ( تمبس وعثمان)..
البقى عليك شنو ..
بقيت تشاكل ....!
أنا داخل هنا وعايز أعرف معلومة
الخور دا بمشوا ليهو بى وين ؟
السؤال دا لجهلى بالرابط أو الـ Icon
أو الشارع او الكوبرى البودى الخور ..
مش البوست البودى الخور !
|
Post: #18
Title: Re: خور .. الخـــــــــور
Author: tmbis
Date: 03-09-2006, 07:17 PM
Parent: #12
والله يا باشمهندس ما بقيت تشاكل ولا حاجة ..
المسالة كلها انا قبيل العصرية كنت متغدي في الكورنيش .. كويس معاك ؟؟
جيت داخل البورد .. لقيت دكين ( ما ) دكين البعرفو .. طوالي مشيت الخور قمت جبت الاحداثيات بتاعت انو دكين كونو ( مفرمط )
اها الخور دا يا باشمهندس .. عامل زي ( النقطة ) بتاعت البوليس ، قاموا الجماعة اتشاكلو في الحلة .. واحد يقول ليك : ودوهم ( النقطة )
البوست في النقطة ..
بعدين يا باشمهندس تاني كل يوم ح تلقاني في النقطة
بالشايفو دا ..
دا الرابط
<a href="http://www.sudaneseonline.com/cgi-bin/sdb/2bb.cgi?seq=board&board=54" target="_blank">http://www.sudaneseonline.com/cgi-bin/sdb/2bb.cgi?seq=board&board=54
|
Post: #13
Title: Re: خور .. الخـــــــــور
Author: ALHALAWI
Date: 03-09-2006, 05:56 PM
Parent: #1
ياتمبس الحبيب
حمداً لله على السلامة ... البورد كلو مشتاق وبيسأل عنك ...
إنت غطست وين .. يكون مشيت المشوار داك ولا شنو ...
عوداً حميداً يا عزيزي
|
Post: #15
Title: Re: خور .. الخـــــــــور
Author: الخير محمد عوض
Date: 03-09-2006, 06:15 PM
Parent: #13
تمبـس الحـبيـب
ظـننـت ان ما تحــت القــبة فكــي
فـايقنت حين مطـالعتي لما كتـبت، ان
لا فكــي ولا قـبة حتــى.
|
Post: #22
Title: Re: خور .. الخـــــــــور
Author: tmbis
Date: 03-09-2006, 08:33 PM
Parent: #15
Quote: ظـننـت ان ما تحــت القــبة فكــي
فـايقنت حين مطـالعتي لما كتـبت، ان
لا فكــي ولا قـبة حتــى. |
..
يا الخير ..
أعمل حسابك ..
واضبط كلامك هنا .. البوستات الزي دي .. لما تجي تقول كلام زي دا لي سيد البوست طوالي بتاخد استمارة ..
..
وبالتالي بتطلع زول مصنف بي استمارة ..
علشان كدا يا كل الخير .. مسالة القبة دي موت بيها بس خليها سر بيني وبينك
لحدي ما نتلاقى
بس ما تقوم تحكها معاي وتقول لي نتلاقى وين
|
Post: #20
Title: Re: خور .. الخـــــــــور
Author: tmbis
Date: 03-09-2006, 08:09 PM
Parent: #13
كيفك يا حلاوي ؟؟
الله يسلمك .. وأنتو عاملين كيف ؟؟
..
ما مشيت المشوار داك .. لكن غاطس في مكانات فيها ( بحر )
واخوك جنو يغطس في البحر ..
يومين تلاتة وبكون معاكم .. ( البرد خلص والا لسه ؟؟ ) 
|
Post: #14
Title: Re: خور .. الخـــــــــور
Author: DKEEN
Date: 03-09-2006, 06:07 PM
Parent: #1
Quote: اكتشفت انو الليلة عيد بالنسبة لي .. تمشي تاكل ساندوتشات من محلات الطازج ، وعلى الكورنيش
والهمبريب ضارب
ويكون معاك ( ثابت ) ، ( حمد )
إذا أنت من وجهاء هذه المدينة |
جوز العولاق المعاك ديل
انا قاعد شهرين في الشرقية زول وداني الكورنيش ماف..
اقصى مساحة جمال اتجدعنا فيها بيت الثعلب تنقو .. نستمع الى طارق ابو عبيدة ونتفرج في شرابات تنقو ذات البهارج ..
تمبس اخوي ..المرفعين ما بهرول عبس..وطالما الشغلة جابت ليها كورنيش والطازج ابقى زول رجعة او فاربط حزامك..
اعمل حسابك مايودوك الماسورة..
|
Post: #16
Title: Re: خور .. الخـــــــــور
Author: tmbis
Date: 03-09-2006, 06:36 PM
Parent: #14
| Quote: اعمل حسابك مايودوك الماسورة.. |
ماسورة في عينك
|
Post: #19
Title: Re: خور .. الخـــــــــور
Author: Yassir Tayfour
Date: 03-09-2006, 07:52 PM
Parent: #16
| Quote: اعمل حسابك مايودوك الماسورة.. |
لووول
|
Post: #21
Title: Re: خور .. الخـــــــــور
Author: القلب النابض
Date: 03-09-2006, 08:16 PM
Parent: #19
الأخ تمبس
جئت فقط لأقول حمداً لله على سلامة العودة
ويبدو أنك رايق
وجايي من الكورنيش
سلام من الله عليكم
|
Post: #24
Title: Re: خور .. الخـــــــــور
Author: tmbis
Date: 03-09-2006, 08:55 PM
Parent: #21
الأخت الغالية
القلب النابض ..
والله من ناحية رايق دي رايق .. روقة صاح ..
وضربني همبريب قل ما يتواجد في اماكن أخرى .. في الحتات بتاعتنا دي ..
ولذلك
الواحد يستغل الفرصة دي ويقول ليك شكرا لدخولك مناطق ( الشدة ) دي
واشكر عبرك دكتورة بيان .. للكلمتين الواضحات في البوست سبب الخلاف ..
وطبعا قلت ليك ( مناطق الشدة ) لانو ما بيدخل فيها زول أو زولة إلا قلبو يكون محدثو
..
ومن هنا ولي قدام الظاهر لي كل البوستات حتكون زي كدا .. يعني تكون عامله زي ( الدق ) زمان في الابتدائي ..
الاستاذ يجي يدقك .. يقول ليك امشي اقطع صوط من الشجرة ...تقطع الصوط ويجو يدقوك بيهو
يبقى عليك قطع صوت وخراب ديار ..
|
Post: #23
Title: Re: خور .. الخـــــــــور
Author: tmbis
Date: 03-09-2006, 08:40 PM
Parent: #19
ياسر ..
ما تسمع كلام الزول دا .. والله لا بمشي ليم ماسورة ولا حاجة
زول قاعد في ( كرسيهو ) يودوهو الماسورة
اصلو شنو ؟؟
|
Post: #25
Title: Re: خور .. الخـــــــــور
Author: tmbis
Date: 03-09-2006, 09:17 PM
Parent: #23
| Quote: 2- احتقار النساء خصوصا المتميزات ( ربما هى غيرة ) |
اما فيما يتعلق بالبند اعلاه من مذكرتكم الضافية
والتي جاء فيما جاء فيها من محاولة فاشلة قاطعاها من راسك من اني قاعد احتقر النساء المتميزات .. وبغير ( منهن ) ..
فيا غالية الحركة دي ما كويسه منك ..
http://www.sudaneseonline.com/cgi-bin/sdb/2bb.cgi?board=121
شوفي الرابط دا الله بيسألك ( وأنت زولة بتقولي الكلام الدغري )
ادخلي فيهو وشوفي عليك الله ياتو يوم احتقرت لي أخت متميزة
كان ما بتعرفي تفتشي في البورد عليك الله ما تقطعي الكلام من راسك ساي ..
تعرفي ؟؟
كان البورد دا زي زمانك ؟؟
كلامك دا كان بلعوهو ليك بوستات بس .. يتفتحو ليك مية بوست والله لمن تتطرطشي ما تعرفي تردي علي ياتو وتخلي ياتو ..
إنت قايله قعادنا في البورد دا ساي كدا .. قاعدين علشان نحتقر النساء وخصوصا المتميزات ؟؟
ياخي وحات الخوة في بوردابيات هنا دا .. ( كانن ) ولحدي الآن ( بيدخلن ) في الواحد فكرة انو يكتب يا ينزل ليهو مزيكا يظبط بيها مزاجو ومزاج المزيكا
اها أنت ( فاكراهن ) ( بيرجعن ) ؟؟ طفشششششن يا غالية .. عشان القطعان المن الراس دا
والنجر الاخدر دا ..
أنت برضو ملهمه يا آمنة
اللهمتيني مرتين .. مرة في ردك داك
ومرة في الخور ..
روحي يا شيخة
إلهي ربنا يلهمك دنيا وآخرة
|
Post: #26
Title: Re: خور .. الخـــــــــور
Author: الزوول
Date: 03-09-2006, 09:37 PM
Parent: #23
السلام عليكم
تمبس
مبروك ...شايفك اليومين ديل بقيت قاسم مشترك في البوستات
عمك ود الزين اب باسوورداً رايح ( والعهدة على بقال)
وعمتك بت محتار بتاعة الكابيتال ليتر
لا تبتئس صديقي
فهذا دليل وضريبة الشهرة
ذكرتني....
عندنا قريبنا كده مهووس بالمشهورين من الناس
ومتخصص في مناكفتهم بلا سبب
وربنا ( عقاباً للبشرية) اداهو شغلانه كده بوليس حركة
ما يلاقي زول مشهور الا يوقفو ويفتشلو مخالفة من السما عشان يعطلو بيها ويوقفو بالساعات عينة ( سايق بالشبشب ليه) ( النور الأمامي ده مشروم ليه)
ويجينا في البيت كل يوم ويحكي
طبعاً اول شىء يستبعد الألقاب عشان يورينا انه والمتكلم عنه في سرج واحد
والله الليلة جننت ليك هيثم مصطفى جن لامن عرف الله واحد
والله الليلة زيدان ابراهيم قعد يحنس فوقي ساعة كاملة ما هببتو ليهو
والله اكان ما الأجاويد ما كنت خليت الضوء مختار ده كلو كلو
ونحن نفتح خشومنا ونتخيلو زول خطير
..........................................
اها
يتخيل لي المرض ده منتشر في البورد
تحياتي
.............................................................................
وما من كاتب إلا سيبلى ويُبقى الدهر ما كتبت يداه
فلا تكتب بكفك غير شئ يسرك فى القيامة أن تراه
|
Post: #28
Title: Re: خور .. الخـــــــــور
Author: bayan
Date: 03-09-2006, 10:02 PM
Parent: #26
مننننننننننننننو
تمبس..
وكورنيش وساندوتشات
انت يا شاب مضروب شاكوش واصحابك ديل جو يرفهو عنك
لانه الحركة دي على ايامنا بتحصل
من لجان رفع المعنويات
للمشوكشين...
وينسوهم الشاكوش وكدا
عينتك دي
النوع البعد الحفريات ورفع المعنويات
تاني
بتجيب سيرة البحر...
لو بعرف انقل اغاني كنت نقلت ليك
اغنية لو بيقا مابو نمبر 5
كنت ممكن اشاكل ليك واكون تحت امرتك
لكن لسع دور كيبوردك ما جا
لما يجي حتكون انت بقيت ملك الخور
بالطريقة دي..
وما محتاج للحيزبون الهاكرة
فتك بعافية.. يا اصيل...
|
Post: #30
Title: Re: خور .. الخـــــــــور
Author: tmbis
Date: 03-09-2006, 10:24 PM
Parent: #28
Quote: لكن لسع دور كيبوردك ما جا
لما يجي حتكون انت بقيت ملك الخور
بالطريقة دي.. |
..
يا دكتورة .. احبطتيني طبعا. حسع انا قايل الرد الفي الخور بي ( الكيبورد الصغيروني ) الرمادي
لا كان الكيبوردات بي اكياسهم .. الواحد تاني يفتح بوست ويعمل نداء الجهاد
ويقدم خلو طرف ..
..
Quote: لانه الحركة دي على ايامنا بتحصل
من لجان رفع المعنويات
للمشوكشين... |
غايتو انا لجنة زي دي كان عملوها لي .. إلا يفتحو ليها حساب في بنك ( باركليز )
مكلفة خالص ..
الشباب والله في اللجنة ما مقصرين معاي ودوني البحر وجابوني عطشان
والشاكوش ما طابت جراحو ..
شواكيشنا زاته من النوع المشاتر يادكتورة
يدوك الشاكوش في ايدك ويقولوا ليك : اتصرف علي مهلتك.
Quote: لو بعرف انقل اغاني كنت نقلت ليك
اغنية لو بيقا مابو نمبر 5 |
دي بتاعت ناس منو ؟؟
تعرفي يادكتورة ..
وبما أنك من ( الرعيل الأول ) في هذا البورد .. وعندك ( لياقه ) بتعرفيها براك في قناعاتك وخطك الواضح .. وبما اني عاصرت كل الحقب والغزوات المتكررة في البورد دا مع العديد من الأخوات والأخوان ...
ما زلت على رهان محدد مع نفسي
لو بس جو اتنين ( محايدات ) من البوردابيات وقالو لي يا تمبس والله انت بتعمل شنو ما عارف للنسوان ، والخرمجة الكتيرة القالته آمنة كابتل ليتر دي ..
ورب البيت المكان ده تاني ( كلك ) ما ادقو فيهو ..
..
بس تقولي شنو .. بقو يصككونا بي صكوك الغفران ، ويطلعونا ناس .. ساي
تاني بقول ليك شكرا يا دكتورة لي كلامك الصاح في المكان الما صاح ..
|
Post: #29
Title: Re: خور .. الخـــــــــور
Author: tmbis
Date: 03-09-2006, 10:03 PM
Parent: #26
العزيز جدا الزوول ..
بركة الجيت ..
| Quote: وعمتك بت محتار بتاعة الكابيتال ليتر |
تعرف يا الزول ..
زمان .. كانت كل البوستات البتتفتح بي اسم تمبس ، يا... زول صاحبك طولت منو عايز يسلم عليك ، ياكمان واحد مغروض ليهو في خدمة ( نتية ) في متناول اليد الواحد يدخل ويجيهه بسرعة بالاضافة لي البوستات الجمباوية الخفيفة البتلم الناس في وقت يكونوا محتاجين لي لمة حميمة ..
اها من ديك أخوك فكت منو ..
يوم جمعة كدا صحيت من النوم وفتحت الكمبيوتر لقيت ليك تمبس وش .. ومعاهو ناذر
الليلة جيت من الكورنيش قبيل
اللقي ليك ( تمبس مع دكين )
انا قلت ارجع الكورنيش تاني بعد شوية ( علشان يجيبوني في من سيربح المليون )
..
يتخيل لي المرض القلتو دا ، القصد منو يقومو الوطنيين المخلصين والشرفاء يعملو زلزال لي الناس الما شرفاء ..
علشان الناس الما شرفاء والناس العاديين ساكت يقوموا يمشوا يخلوا المكان ده وبالتالي يبقى مكان من غير ناس ما شرفاء ..
..
غايتو قريبك بتاع المشاهير دا .. لمني فيهو علشان الواحد بعد كدا يلعب بي خطة
خير وسيلة للدفاع الهجوم ..
والله اعمل ليك عمايل كل صباح تلقى ليك بوست معلق .. فلان الفرتكاني... عفصتني مالك
عشرقانة الفلانية .. بتحمري لي مالك ؟؟
وقس على ذلك
|
Post: #31
Title: Re: خور .. الخـــــــــور
Author: tmbis
Date: 03-09-2006, 10:34 PM
Parent: #29
اهــا يلالا يا آمنة مختار ( كابتل ليتر )
ماشي اصلي وانوم
اديني الفاتحة ..
عارفك قاعده بي بره .. وعامله زغبير
قانصه لي عايزاني انبزك مش كدا ؟؟
والله دي تلقيها عند الغافل
إنت قايله اي زول / زولة بينبزوهو ؟؟
|
Post: #32
Title: Re: خور .. الخـــــــــور
Author: tmbis
Date: 03-09-2006, 10:50 PM
Parent: #31
نسيت أقول ليك قبلما امشي النوم
..
قصيدتك بتاعت المرة الفاتت ديك ...
( بايخـــه )
غيرت رائي .. مش على كيفي ؟؟
|
Post: #33
Title: Re: خور .. الخـــــــــور
Author: معتز تروتسكى
Date: 03-10-2006, 03:02 AM
Parent: #32
عزيزى تمبس الحاصل شنو؟؟!
انت فاهمنى؟؟!!
|
Post: #36
Title: Re: خور .. الخـــــــــور
Author: tmbis
Date: 03-10-2006, 05:04 PM
Parent: #33
العزيز تروتسكي
حمد الله على السلامة يا باشا
..
انا فاهمك .. لكن المشكلة يا تروتسكي ، ما قادر افهم الحاصل شنو
أخوك بقى مشهور جدا الايامات دي ..
كل يوم عندو بوست والغريبه البوست يقعد شوية امشي اجيبو من الخور
الواحد بقى بتاع خيران يا تروتسكي
فاهمني؟؟
|
Post: #42
Title: Re: خور .. الخـــــــــور
Author: معتز تروتسكى
Date: 03-10-2006, 09:38 PM
Parent: #36
تمبس يافرده. .
| Quote: أخوك بقى مشهور جدا الايامات دي .. |
الحاله دى مريت بيها قبلك وحاسي بى شعورك. .
رغم انك شلته النجوميه لكن عافيها ليك. .
لكن ياخوى انا من بقيت بتاع خيران صدقنى مابقدر افهمك نحن زمنا النجوميه ماكانت في الخيران كانت فى السهلة ساى . .
الشى التانى..
ياخ الله يهديك يوم عليناانت وشباب بحري ..
ومادايرن دكتور اسنان...
|
Post: #45
Title: Re: خور .. الخـــــــــور
Author: tmbis
Date: 03-10-2006, 10:47 PM
Parent: #42
يا معتز
| Quote: رغم انك شلته النجوميه لكن عافيها ليك |
والله تاني النجومية دي تاني مافي طريقة ليك فيها..
المسالة اقدميه .. اكتر واحد حضور في الخور .. يترفع ليهو التمام
شباب بحري لسه ناقصين يا فرده
وأخوك مقطوع الراس .. وحافي القدمين
عندك اي اقتراحات ؟؟
|
Post: #34
Title: Re: خور .. الخـــــــــور
Author: ناصر البطل
Date: 03-10-2006, 03:14 AM
Parent: #1
مررت فقط لالقاء التحيه يا صديق
|
Post: #37
Title: Re: خور .. الخـــــــــور
Author: tmbis
Date: 03-10-2006, 05:22 PM
Parent: #34
البطل ..
( وبنحمدل ) ليك السلامة كمان ..
الاقتراح الاسمو تلفون دا ما شايلو ؟؟
مشتاقين والله
|
Post: #35
Title: Re: خور .. الخـــــــــور
Author: هضيبي علي سعيد
Date: 03-10-2006, 02:33 PM
Parent: #1
العزيز الرائع علاء
تحياتي
مررنا نركب أسير بوستك نحمله التقدير و الشكر الجزيل
للباشمهندس بكري عبرك
ولشخصك النبيل على التزكية
فاسمك دائماً يستوقفنا فمكتبتك و ما حوت من مواضيع مشوقة
تميزت بروح النبل الأصيل و الفكر القويم و ما صاحبها من ألحان عذبة
فلك التحية و التقدير
و ماذلنا نقرأ و كأن ما سعيناًمن أجله ما تحقق
رغم كثرة المواضيع و المداخل و لكن انتظرنا
|
Post: #38
Title: Re: خور .. الخـــــــــور
Author: tmbis
Date: 03-10-2006, 06:32 PM
Parent: #35
استاذ هضيبي شخصيا؟؟
..
شكرا لتواضعك الجميل كما عودتنا .. وعودت جيل يتربى على ايقاع حرفك النبيل ..
القومه ليك يا استاذ هضيبي
وعذرا إذ زرتنا في مكان لا يليق بعظمة الاحتفاليه بك
يقيني انك اضافة واعية تحمل هموم جيل مغيب في زحمة المنافي ..
لك الشكر لوجودك هنا في سودانيز .. والشكر عبرك ايضا لبكري ابوبكر
واتمنى ان اقراك كما عودتنا
تلميذك الاصغر منك بي دفعتين
|
Post: #39
Title: Re: خور .. الخـــــــــور
Author: Ahmed Abdallah
Date: 03-10-2006, 08:18 PM
Parent: #1
يا تمبس ....
ياخي ما معقول نحن بسببك كل يوم جارين الخور نفتش وسط الكوش والقمامة لمن يوم يطلع لينا دبيب يلحقنا أمآت طه ....
عليك الله الناس ديل كلمهم قوليهم في ناس في البورد ده ما شبه خيران وكوش وبهدلة ...
.......... لكن الخور عفن عفنة ......
|
Post: #40
Title: Re: خور .. الخـــــــــور
Author: tmbis
Date: 03-10-2006, 08:43 PM
Parent: #39
Quote: ختاما أصبت بالقرف الشديد
من هذا المنبر الملئ بالذباب
| Quote: وقبل أن أقول وداعا |
|
..
يعني تاني ما جاية والا شنو ؟؟
احسن زاتو تتخيلي ؟؟ لانو ( الذباب ) بيعمل ليك ( انفلونزا الطيور )
غايتو بعد ليك لحدي عشرة .. كان ما جيتي ( بوستينك ) بتاع التحنيس علي ( أخوك ) بين قوسين ( انا دا ) وكمان بضبح ليك .. لانو بتبقى بايخه شديد كان نزل ليك بوست من أي جهة تانية ( نانو ) طالبه ليك كم مكان كدا بوستات زي دي ..
اهــا
أقوم انزل ليك بوست وارشو بي ( بف باف ) ويجو يتلمو فيهو الما ( ذباب ) ويقولوا ويعددوا ( محاسنك بمن ) وشي عن ثوريتك .. ويجو واحدين ( يتباطنو ) في البوست ودلاليك وناس تجي شايلة بنادق وتضرب ..و شنو ما عارف ..
وبعد عودتك الميمونة أقوم ما اخليك وتاني اجيب سيرة الكورنيش وأقول الزولة دي قالت لي :
اخلي الكلام داك كلو .. ( واعنقد ليك في ) دي
يا تعتذري لي .. يا تجمعوا لي تبرعات
|
Post: #41
Title: Re: خور .. الخـــــــــور
Author: نادية عثمان
Date: 03-10-2006, 09:23 PM
Parent: #40
تمبس اخوى العزيز
جيت اقول
سلام من الله يغشاك محل ماتكون
فى الكورنيش
عند حنان ست الشاى
او عبد الفتاح سيد البوش
او حتى عند ناس جدة وجدة غير والرياض حنينة وليكم مننا كل الاحترام
الصراحة .. جيت اقول ليك
مشتاقين لبوستاتك الزمااااااااااااان ديك كلها فكاهة وثقافة وطرب
وتانى جيت اقول ليك عايزاك ترسل لى فى الايميل الجزء الانت مسجلو لى من قناة النيل الازرق
سمح ؟!!
|
Post: #44
Title: Re: خور .. الخـــــــــور
Author: tmbis
Date: 03-10-2006, 09:55 PM
Parent: #41
الأخت العزيزة
نادية عثمان ..
كيفك ؟
انا وصلت الرياض قبل كم ساعة كدا وكان في مطرة صابه والجو ربيعي ..
..
البوستات السمحة بي ناسه يا نادية ، والنفوس الطيبة في البورد ده بقت تتعد بي صوابع اليد الواحده .. بقي الواحد يا يدخل يدافع عن نفسو ، يا يدافع عن نفسو
مافي فرقه لي اي بوستات ولا في ( مود) ليها..للاسف الشديد
بعد ما الناس الحافظنها ديل ينتهو من تنميطنا بننتظر بعداك يدونا اشارة نكتب شنو والا نقول شنو ..
معليش للكلام الخارم بارم دا .. لكمن بي صراحة ده الشي الماشي اليومين ديل
يفكوك من دا .. تشبك في دي
..
بالنسبة للحلقة انا سجلت مقاطع صغيرة وبالرغم من صغر المساحة ما اظنها تمشي ليك بالبريد
تنقو.. عامل مجموعة كويسه بنسق معاهو يا اما رفعناها ليك في مكان كويس وتشيليها كرابط وتنزليها الجهاز .. يا اما كمان اتصرفنا ولقينا طريقة نوصله ليك القاهرة
ودا كلام صباح ما بيمحاهو النهار ..
واعتبريها معاك في اقرب فرصة
|
Post: #46
Title: Re: خور .. الخـــــــــور
Author: نادية عثمان
Date: 03-10-2006, 10:53 PM
Parent: #44
تمبس العزيز
طيب ياخ ممكن تفك الدبرسة دى شوية ؟!!
عليك الله ترجع من دنيا الزهج ياتمبس والله مفتقدة كتاباتك الرائعة الزمان ديك ..
Quote: بالنسبة للحلقة انا سجلت مقاطع صغيرة وبالرغم من صغر المساحة ما اظنها تمشي ليك بالبريد
تنقو.. عامل مجموعة كويسه بنسق معاهو يا اما رفعناها ليك في مكان كويس وتشيليها كرابط وتنزليها الجهاز .. يا اما كمان اتصرفنا ولقينا طريقة نوصله ليك القاهرة
ودا كلام صباح ما بيمحاهو النهار ..
واعتبريها معاك في اقرب فرصة |
خلاص نسق مع تنقو وافتحو لى بوست بعنوان (نادية زولة عادية فى قناة النيل الازرق )!! (وجه متوتر من عمر الفاروق عشان الحق الادبى للاسم وكده )!!
ونزلوا لى فيهو حاجاتى ..الليلة الصباح ده ..سمح ؟!!
واعتبر ده محاولة اولى للرجوع للبوستات الخالية من اى نوع من انواع الزعل ..صحتك بالدنيا ياتمبس ياخ !!
|
Post: #43
Title: Re: خور .. الخـــــــــور
Author: tmbis
Date: 03-10-2006, 09:40 PM
Parent: #39
يا احمد عبد الله ..
انا شايفك بقيت تلفلف في الخور كتير .. وماخد راحتك على الآخر ..
الظاهر لي ( سمكنا ) ( برمنجانات البوتاسيوم ) فيهو عالية علشان كدا عامله اللياقة Fit ..
الولد دا لحدي الآن ما ظهر ..
البوست الجاي موجه ليك
خليك جاهز شان تستلم نسختك من الخور ..
|
Post: #47
Title: Re: خور .. الخـــــــــور
Author: Ahmed Abdallah
Date: 03-10-2006, 11:27 PM
Parent: #43
| Quote: لولد دا لحدي الآن ما ظهر |
أقول ولى ما أقول ??
الود ده غادر السودان ليه اسبوع !!!!!!!!!!!!! (شمار حاااااار)
|
Post: #48
Title: Re: خور .. الخـــــــــور
Author: tmbis
Date: 03-10-2006, 11:53 PM
Parent: #47
تمام يا نادية ..
وعادية جدا كمان ..
بس عندنا مشكلة صغيرة في مواقع رفع ملفات الفيديو .. واعتبري نفسك عادية جدا من الآن
..
وإن شاء الله يا نادية مافي مشكلة بالناسبة لي حرقان الاعصاب وكدا
الامور بتستعدل شوية شوية ..
وشكرا بالجد يا نادية لي روحك الطيبة ..
..
يا محمد عبد الله
يعني عمل ليهو دريبات تانية من ورانا والا شنو ؟؟
غادر ليهو اسبوع كيف ؟؟ السودان ده في الاندلس والا شنو ؟؟
|
Post: #49
Title: Re: خور .. الخـــــــــور
Author: tmbis
Date: 03-11-2006, 00:27 AM
Parent: #48
البوست لسه ما كمل .. وقابل لي مليون تعقيب
لكن يا آمنة ..
عفا الله عما سلف ده آخر كلامي ليك
|
Post: #50
Title: Re: خور .. الخـــــــــور
Author: الخير محمد عوض
Date: 03-11-2006, 00:37 AM
Parent: #49
| Quote: بس ما تقوم تحكها معاي وتقول لي نتلاقى وين |
خلاص ما حا اقـــول ليك
|
Post: #70
Title: Re: خور .. الخـــــــــور
Author: tmbis
Date: 03-14-2006, 03:13 PM
Parent: #50
الخير ..
أنت كان قاصد الخور .. الايامات دي انا ما قاعد امشي الخور
كرر المحاولة .. والببسي على 
|
Post: #94
Title: Re: خور .. الخـــــــــور
Author: Ahmed Abdallah
Date: 03-17-2006, 00:25 AM
Parent: #48
| Quote: غادر ليهو اسبوع كيف ؟؟ السودان ده في الاندلس والا شنو ؟؟ |
والله غادر .....
عرفت ولى أوريك .. ?
|
Post: #51
Title: Re: خور .. الخـــــــــور
Author: حمزاوي
Date: 03-11-2006, 00:47 AM
Parent: #1
| Quote: اعمل حسابك مايودوك الماسورة.. |
سـجـمي
| Quote: تمشي تاكل ساندوتشات من محلات الطازج |
الله يجازيك خير يا تمبس نسيبي
مشيت محلات الطازج لقيت السندوتش بـ 12 ريال
أتورطت جنس ورطه
نارك زايده آلامنا
جننتينا يا فاطمة
حرام تنسينا يا خديجة
|
Post: #72
Title: Re: خور .. الخـــــــــور
Author: tmbis
Date: 03-14-2006, 03:21 PM
Parent: #51
Quote: نارك زايده آلامنا
جننتينا يا فاطمة
حرام تنسينا يا خديجة |
حمزاوي أبو النسب ..
والله بعد كدا انا ذاتي ( سجمي ).. بس على خفيف كدا
لانو الطازج كان عامل عرض مفتوح ،
ونحن نطلع من عرض مفتوح ندخل في عرض مفتوح ،
والعاقبة عندكم في ( السجمات ) ..
|
Post: #52
Title: Re: خور .. الخـــــــــور
Author: محمود بكر
Date: 03-11-2006, 06:31 AM
Parent: #1
الفاضل الابن / تمبس
عودا حميدا
اراك لازلت غاضبا خلاص كا تنفست يلا ارجع زي زمان فرح وروعة ماشايف اصحابك ايهاب ونجود مالين البورد بهجة وفرحة كيف وانت قاعد تتذكر في الذي مضى
نصيحة لانزعل من اي زول فقط المهمين
واذا حصل فارجو ان تنظر حولك هناك الكثير من الروائع في هذا البورد ولا اسمي احد
واذا مغالطني راجع البوست ده من الاول
|
Post: #54
Title: Re: خور .. الخـــــــــور
Author: الملك
Date: 03-11-2006, 07:11 AM
Parent: #52
...
...
جيت اسلم وبس
عاجبانى صورتك دى
لوووووووووول
|
Post: #75
Title: Re: خور .. الخـــــــــور
Author: tmbis
Date: 03-14-2006, 03:59 PM
Parent: #54
ناجي ..
..
طبعا مستحيل اصدقك
نهائي
|
Post: #73
Title: Re: خور .. الخـــــــــور
Author: tmbis
Date: 03-14-2006, 03:43 PM
Parent: #52
عمنـا الكريم
استاذنا محمود بكر ..
متعك الله بالصحة والعافية .. وكل نعيم الدنيا..
اولا اشكرك شكر العابد الناسك لنعم المولى ، ولي عظيم المفخرة ان غيابي من هذه المساحة يلفت انظار من هم في مقامك ، وثلة من الاصدقاء ما زالت تحفظ حق العشرة الجميلة التي منحنا لها هذا المكان .. ووجب الشكر علينا ما بقينا هنا أو تركنا هذه المساحة ..
..
اما ما يخص الزعل فأرجو أن اطمئنك .. إن هذه المساحة تعج بالكثير من اسباب الفوضى ، في الفترة الاخيرة .. كل من كتب حرف هنا يعتقد أنه يمتلك ناصية المعرفة والحكمة ، والنضال ومزاحمة الاعداء .. المساحة مفتوحة للجميع لكن ليس كل ما يكتب يستحق القراءة أو يستحق حتى نقرة ماوس لمطالعته ، لكن هناك نقاط لا بد من الوقوف فيها .. عندما يتجاوز البعض النقاط المتاحة لهم فيجب هنا الوقوف بعنف من أجل المحافظة على الحقوق
غيابي الاخير لا يعني ما احمل من الزعل ، لا .. وكما اشرت سابقا إن وجودنا في هذه المساحة محكوم بقوانين ولوائح يجب أن تعمل على الجميع ، أما ان نطلق العنان لكل لسان متقيح أن يأتي ويستقصدنا دون اي اسباب موضوعية ، فهذا من المستحيلات
لذلك
نحتاج احيانا لفتر ان نبتعد عن هذه المساحة وفق قناعات محددة .. ومن ثم الرجوع لتصفية الحسابات ..
مع احتفاظنا بكامل المودة لكل من اشرت لهم في ردك اعلاهـ ، ودعني احييك وكل من سال عني في فترة غيابي الاختيارية التي حتمتها بعض الظروف العملية .. القاهرة
..
دمت لنا مرشدا في زمن اختلط فيه الخبيث بالطيب ..
ولك من القلب كل الامنيات ..
|
Post: #53
Title: Re: خور .. الخـــــــــور
Author: Tabaldina
Date: 03-11-2006, 07:06 AM
Parent: #1
..
.
تسجيل حضور لالقاء تحية لصديق
..
.
وصديقة.. ليست صديقة الصديق..
والله دوماً نقع بين المطرقة والسندان
بمناسبة الخور :
هل تعلم أنهم بصدد انشاء طريق مسفلت (شارع زلط)
فى الخور ( خور ابوعنجة) قرب دارك يربط
بين الأربعين والموردة ..
شوف فهم جيلوجي الإنقاذ وافكار مهندسي طرق وكباري المتعافى
اكيد الزلط دا عما قريب حيشيلو الخور ..
بس دا خور تاني ..
دمت مع مودتى؛
لك ولها..
|
Post: #77
Title: Re: خور .. الخـــــــــور
Author: tmbis
Date: 03-14-2006, 04:53 PM
Parent: #53
| Quote: والله دوماً نقع بين المطرقة والسندان |
تنقــا ..
سلاموز يا صاحب .. وياصديق .. هذا ما يتعلق فقط بي سلام صديق لي صديقو
امــا ما تعلق بالخور .. بتاع هناك
فأرجو أن أخبركم بأننا اصبحنا من سكان هذه المدينة التي تعاني من ( التحفير ) يوميا ومن دون أي اسباب .. لا خور حميم ، ولا اصدقاء تنتابهم حمى التفتيش ليلا في مسامات الروح ..
احزنني جدا يا تنقا أنهم اصبحوا سادة هذا المليون ميل المربع .. غيروا ملامح ذكريات طفولتنا وامتدت ايادي ( المتعافي ) الملطخة .. حتى لخور ابوعنجة الوديع واستباحوهو كما استباحو قبله الريفيرا والجندول
ينهبوا عينك يا تاجر ويسبحوا بحمد الله ..
|
Post: #55
Title: Re: خور .. الخـــــــــور
Author: عبد الله عقيد
Date: 03-11-2006, 07:33 AM
Parent: #1
Quote: نارك زايده آلامنا
جننتينا يا فاطمة
حرام تنسينا يا خديجة |
احبك يا حمزاوي ياخ..
تمبس
انت والولد دكين دا، قاعدين تعلمونا كل يوم
شكرا ليكم
|
Post: #78
Title: Re: خور .. الخـــــــــور
Author: tmbis
Date: 03-14-2006, 05:40 PM
Parent: #55
| Quote: انت والولد دكين دا، قاعدين تعلمونا كل يوم |
عقيد ..
كيفنك ..
الولد دكين طيب الله ثراهـ صاحب مدرسة خاصة جدا ..
يمتعني عندما يستدعي ( حنينه )..
بس يبطل جنو..
|
Post: #56
Title: Re: خور .. الخـــــــــور
Author: JAD
Date: 03-11-2006, 08:04 AM
Parent: #1
الأخ العزيز تمبس ..
سلام كتير يا أخي ..
وعوداً حميداً ..
بمناسبة الخور ..
تتميز كتابات أحد أعضاء هذا المنبر بأنها جميعاً Khour Style لذلك أصبح الناس يتحاشون التداخل في مواضيعه خشية تحويلهم إلى مكبات الخور - خورستان..
يتبعه ويتداخلون نفر أقل من أصابع اليد .. قد أدمنت أنوفهم الروائح الكريهة .. تراهم يتبعونه أينما حل عسى أن يسقط لهم من مواده النتنة ..
--
متى لقاء البورداب القادم ..
جاد
|
Post: #79
Title: Re: خور .. الخـــــــــور
Author: tmbis
Date: 03-14-2006, 06:43 PM
Parent: #56
العزيز جــاد
الله يسلمك ..
حقو تتعمل ( دورة ) في الخور بي هناك للبوستات ويعملوا فيها كاس عديل كدا .. لانو زي ما قلت في بوستات ادمن اصحابه الكتابة بي نفس اللغة وبي نفس ( العبط ) ..
طيب
طالما انو البوستات دي مافي داعي لي نشرها على الجميع وحسب ما جاء في تعريف المساحة بتاعت المواضيع الغير صالحة ( أنها مساحة مخصصة للمواضيع الغير صالحة أو المخالفة لقوانين المنبر ) ..مفترض يكون في فعل تكميلي لي مسالة تحويل البوستات دي
يعني يعملوا خور لي الخور والناس الاتعودت على انها تكتب بي نفس اللغة دي يدوهم مساحة خاصة بيهم يعملوا الدايرنو بي هناك من غير ما تختلط بوستاتهم بالبوستات العامة في الصفحة الرئيسية .. ولا صفحة الخور .. لانو في بوستات في الخور حرام انها تكون مع البوستات المفترض تمشي خور الخور ..
..
لكن الشهرة برضو متاعب ، واللقو شهرة في سودانيز دي والله الظاهر لي كان لعبو في برشلونة ما كان لقوها ..
..
لقاء البورداب القادم لسه ما اتحدد لكن في كل الاحوال خليك جاهز ..
|
Post: #57
Title: Re: خور .. الخـــــــــور
Author: ملكة سبأ
Date: 03-11-2006, 08:31 AM
Parent: #1
عاين ..
ازيك
المهم درب الخور دا دائما بروح لي
الطشة المرة دي كانت سمحة
لقيت الاعلان التحت دا
Quote: فرصة للمقيمات بالرياض..
مطلوب سكرتيرة للعمل بمستوصف طبي ..
إجادة الطباعة .. عربي إنجليزي والعمل على الكمبيوتر..
للاتصال ..
0500506332 تمبس |
اها .. العرض لسة مستمر
لانه عندنا فرصة اقامة في الرياض
نضيعا ولا بتضيعنا ؟؟
يعني شنو ؟؟
انا عارفة ؟؟
|
Post: #58
Title: Re: خور .. الخـــــــــور
Author: ملكة سبأ
Date: 03-11-2006, 08:37 AM
Parent: #1
طيب
بعد انا ماجيت الخور البحصل شنو تاني ؟؟
انا قايلاك مافي ، حردت (بعد حبيبتك خلتك)
امشي القاك ساكن في الخور ...
ياود اطلع لي فوق ... قايلو خور ابو عنجة انت؟؟
بكلم ليك عم منصور
|
Post: #59
Title: Re: خور .. الخـــــــــور
Author: نادية عثمان
Date: 03-11-2006, 09:00 AM
Parent: #58
تمبس
ان شاء الله لاتفوت ولاتموت يارب
ويديك الف عافية وبيت فى الصافية
|
Post: #60
Title: Re: خور .. الخـــــــــور
Author: حاتم الياس
Date: 03-11-2006, 03:28 PM
Parent: #59
تمبس.تحياتى
من مده طارح نفسى (شفت) و(مقطعه)
مشوار بسيط للخور ورجعت مخلوع خلعه شديده ومربرب ومهضرب زى زولك الأنقلب بيهو اللورى وقال عندى شنطونتبن وكنته (لكرتونتين وشنطه)
على العموم ياخلينا المكان ده
يادخلنا فى شخصية (فاروق جويده).....أفتكر أسلم
لاتمحنا ولاتبلينا....يارب
|
Post: #90
Title: Re: خور .. الخـــــــــور
Author: tmbis
Date: 03-16-2006, 01:10 PM
Parent: #60
حاتم الياس ..
كل التحايا .. يا شفت ومقطعه.. وبتطلع فيها ماشه ..
اسحن ليك لما تمشي الخور وتجي تاني مرة .. تدخل في شخصية ( الحاوي )
متذكر الحاوي بتاع الابتدائي ؟؟
شخصية الحاوي دي شخصية عظيمة ، خلي فاروق جويدة لي ناساتو ..
اوعك تعمل لي فيها بتاع سياسة ونضال وطماطم ..
كدا بخسرك
|
Post: #89
Title: Re: خور .. الخـــــــــور
Author: tmbis
Date: 03-15-2006, 08:54 PM
Parent: #59
 عثمان
لولاك ..
كان البوست مشيت جبتو من الخور
|
Post: #86
Title: Re: خور .. الخـــــــــور
Author: tmbis
Date: 03-15-2006, 07:59 PM
Parent: #58
بلقيس ..
.. الإعلان دا اوعه تقولي لي لقيتيهو في الخور برضو ؟؟
بلاي الخور اتطور للدرجة دي ؟؟
اما بالنسبة لي مشيان الخور فدي قوة قلب منك .. شايفك بقيتي قلبك قوي الايامات دي
| Quote: انا قايلاك مافي ، حردت (بعد حبيبتك خلتك) |
والجملة الاعترافية دي مدخلاها بين ( قوسين ) مالك يعني ـ قاصده شنو ؟؟
مشتــــاقين..
والبركة في الشوفه اون لاين ـ والحمد لله بوستات الخور بقت تجيبك
الواحد كان عارف كدا ـ كان كل يوم عبر عن شعورو ومشى الخور دغري وكتب ليهو بوست
بلاي سلمي لي على ( عمك منصور ) شديد وعك تمشي تقولي ليهو ولدك بقى يدق جرس في سودانيز اون لاين لحدي ما يودوهو الخور ـ وفي عيد المرأة كمان ( بكتلك ) .. وخليهو بالمرة
يوصل النت ويتوقعني في عيد العمال
عايني
طارق العوض .....
|
Post: #61
Title: Re: خور .. الخـــــــــور
Author: عاصم ابوبكر حامد
Date: 03-11-2006, 06:25 PM
Parent: #1
حبيبنا تمبس
لك التحية اخى
والله اخوك مشتاق شديد جدا لروائعك وابداعاتك الجميلة ..
انت عارف يا تمبس انا بطلع على الاون لاين قلت اهم شخص اختفى منها ليه السبب ..
على العموم حمدلله على السلامة وبنقول ليك يا اخى بطل حركات مسلحة وتمرد ودبرسة على شان الامور تمشئ ..
والزهج بتاعك خليه شوية على شان نشوف ابداعات ...
وانا الى الان ما عارف الخور بتاعكم ده بوين والزلط الى الان ما شفته ..
اسمعنى الزلط بتاعكم ده لونه ابيض ولا شنو
تسلم اخى
|
Post: #92
Title: Re: خور .. الخـــــــــور
Author: tmbis
Date: 03-16-2006, 01:46 PM
Parent: #61
أخونا عاصم ابوبكر ..
سلامات .. ومليون مرحب وبزيارتك بوستنا نور ..
ياخي اولا .. عظيم الشرف والله انك بتتابع بعض الاعمال البنحاول بين كل مرة وتانية انو نقدمه للناس البتشاركنا اللونية دي من الاهتمامات ..
وتجدني عند حسن ظنك إن شاء الله ..
اما التمرد ودخول الغابة يا عاصم فهي مرحلة وقتية احيانا بنجبر اننا ندخله غصبا عننا ..
فادينا فرصة نمارس المسالة دي
وبوعدك انو ( طلقة ) في الماسورة .. والغناء شغال ما بيقيف ..
وشكرا مليون مرة لزيارتك ..
مودتي
|
Post: #62
Title: Re: خور .. الخـــــــــور
Author: هضيبي علي سعيد
Date: 03-12-2006, 05:26 AM
Parent: #1
عزيزي الرائع الأصيل ود الأصول علاء
ما هو بتواضع ولكنه تسامي لمقام نبلك و جمال روحك...رعاك الله...God bless you
أين و متى حللت يزدان المكان و الزمان ببهائك when ever where ever
...بل أنت أستاذي و اشكر إطرائك و حسن ظنك بي ..
The Artist Master of skills on internet and computer Field and other
... و في زحمة المنافي .. نعيش بكم و معكم الوطن و نحمله للمنافي
فبين ظهرانيكم الوطن بملتقى نيليه و حدائقه و غاباته و صحاريه و دعاشه و شموسه وضاحة الإشراق..وانتم أبنائه الألفة و الإنس المودة و النجدة والفزعة والمروءة
..أيها النضر البهي هي ثلاث دفعات فأنت جيل هـيثم ومعزتك من معزته و هذا يعطيني الحق ..
to be adviser for rational one who is not in need but just to remind…………………………..
و أ قول أنسى ما يعكر صفوك و أنظر...
لأحبابك فواضح أنهم كثر... فلما تكترث للقلة..
Priority must be for majority not minority dear
عد لهم بالحرف النبيل و الوعد الأصيل و اللحن العذب ..
But any how even though what you wrote hear with that up normal mode you still playing our favorite melody
عد بذاك التألق و الإشراق وخذنا لتلك الرحاب ..التي نشتاق إليها حيث .. فرنكش ود الحلة هناك عند ذلك اللستك المزروع في ناصية الشارع فهو يناديك
وين يا .... لزززيززززز يا عسوله ... وا حلاتي يا ناسي .. شنو فاتح لينا كده؟؟؟
لا أدري هل ذلك اللستك ما زال مزروعاً أم أزالته حركة الحداثة المعمارية و عصفت بأطلال أيام خوالي .. في رحاب أمدر.. ؟
.. في ذاك الأرشيف العتيق و في آننا و منفانا الإختياري عشنا معك الوطن و استرخت قسماتنا و تمددت ابتسامات و ابتهجت و انتشت و طربت و استبشرت بك ومعك ....
تمبس
ان شاء الله لاتفوت ولاتموت يارب
ويديك الف عافية وبيت فى الصافية ... و كل أمانيك
و أنت كذلك أستاذة نادية يعطيك مرادك ... و عزيز عزيزنا عزيزنا.
|
Post: #99
Title: Re: خور .. الخـــــــــور
Author: tmbis
Date: 03-19-2006, 08:33 PM
Parent: #62
أخي واستاذي .. هضيبي
اسعد الله لحظاتك ..
تتقازم كلماتي كالعادة عند حضورك ..
نحمل عشقنا ونطوف به في منفانا هذا .. يتحول بفعلك وبعض النبلاء إلى مساحة يمكن ان نتفاعل معها وقتيا .. ونستمد منها طاقتنا.. التي تهبنا قدرا يسير من وجودنا هناك
الحلة ، فرنكش ، العمود البيت الكبير ..
ارجو ان لا تطول غيبتنا ..
لك الود ياهضيبي ..
اعبر مساحتي كما يحلو لك ـ زيارتك نعمة ـ
|
Post: #63
Title: Re: خور .. الخـــــــــور
Author: ASHRAF ABUELHASSAN
Date: 03-12-2006, 11:59 AM
Parent: #1
صاحبي تمبس ياااااارائع
سلامااااااااات
شنو الحكاية انت من خور أبو عنجة لي خور البورد
بالمناسبة صورتك رجعتني كتيررررررر لوراء
نصيحة اخوية
ااااااااااااااانسى
|
Post: #64
Title: Re: خور .. الخـــــــــور
Author: humida
Date: 03-13-2006, 03:43 AM
Parent: #63
صديقي الاسطاذ ( بتيخة ) ..
انهم انا وانت وراس القرقور ..
او ( نعم نعم مورداب احبكم ) ..
وعلى النقيض ( قالوا الدود قرقر).. ( قرقر = جنجال )
قلت لى اين ستنشر الغسيل .. !!
على السطوح .. ( يعني داير توريني أنه بيتكم عمارة ) ..
ستجدني في الخور الكبير نصف مجدوع تحت الشجرة الرامية فوق بيتنا ..
فاتحا باب الرغبة لتخميس كعب سجارة .. أو سفة ( دقار ) تيمس ..!!
قال لي .. زات ( سطلة ) طارت ليهو في رأسو ..
يستعبدني هم موحش على ظهره اتكى بعض الظلام ..
ومساء طويل مازال يرهق كاهلى ..
رمق الفراغ يغتال كل جميل ( الفراغ هنا يشير الي عمنا أب شرا ) ..
افتراض زمنى مغلوط ..
ورزالة صباح .. بايخ ( تصحي من النوم تلقاهو في وشك )
استباح حرمة الليل ..
وشروووووق ..
تمخطر وفرض على الشمس ارتشاف ماتبقى من نبيذ الليل .. ( نبيذ الليل = حليب المراعي ) عشان الرقابة وكدا ..!!
وضع احتمال الظلال تحت بيتين من الشعر ..
تنصلت القصائد حال الرحيل ..
تأوهت قوافى الصمت واحتضنت عودها..
ثم طارت حمامة تبحث عن بعض الاغنيات ..
وقد بحت بهذه الاسرار لاننى منذ ان فلق ( طارق ترا ترا ) .. ( عبد الله عوج ) ..
وشد باربعة من عتاولة سنة ( ساتة) .. واقيم عليه حد السكر علنا ..
اكره الفليق والتفلق .. خصووصا لمن يكون الزول ( أشتر )
او فلنقل لتعجبنى بعجبك ..
وتعبى لى الوجع اكياسا ( نايلونية ) من كيسك العمارى الجيد ( ولو مافاطر ما تخاطر) ..
بشرط واجب هو ان يكون الامضاء للـ( دقيني ) أو ( سورج ) ..
واشياء من هذا القبيل اتناولها قرصا يزيل عنى مايدور فى راسى من ( أصدعة ) ..
صدقنى يا صديقي وانا أقرئك الان اشعر بانك احد ابطال الرواية الماركيزية المجنونة ( سرد احداث موت معلن ) ..
قبل ان اذهب ..
لا تنسى الطلاء الابيض مع الصنفرة والشاكوش و ( جردل الطلس )
لاننى اريد اجراء الصيانة الدورية لبعض ( القلوب السوداء ) ..!!
|
Post: #65
Title: Re: خور .. الخـــــــــور
Author: humida
Date: 03-13-2006, 04:03 AM
Parent: #64
اقتراح ( قابل للمناقشة ) ..
اقترح علي ( صاحب العفش ) السيد بكري أبوبكر ..
فرض تذاكر علي هذا البوست .. ( ممكن يدعم بيها اي قضية علي شرط يجيب الإيصالات ) ..
بواقع 35 دولار ( لوج ) .. و 30 دولار ( درجة أولي ) .. و 25 دولار ( درجة تانية )
وناس الـ( التيرسو ) .. ممكن يدخلوا بما يعادل ( نص أردب قمح ) ..
يعني في زمتكم .. البوست دا ما أحلي من ( مازر إنديا ) ..
|
Post: #101
Title: Re: خور .. الخـــــــــور
Author: tmbis
Date: 03-19-2006, 09:46 PM
Parent: #65
حميده الأنبوبي
..
ياخي ضرايب شنو ، حسع الجاب سيرة الجردل هنــا منو ؟؟
اختلاف اسعار الاقمشة ـ دليل واضح على رفع كاهل المعاناة عن الجماهير ..
لا تكترث في مقبل الايام ـ ربما الفرص متاحة ..
عام حافل بالانجازات .. والباسطة
ردكم المطول اذا جاريناهـ لفقدنا سوائل ..
تشتري ساعة سيكو فايف بي شوكات؟؟
|
Post: #100
Title: Re: خور .. الخـــــــــور
Author: tmbis
Date: 03-19-2006, 09:32 PM
Parent: #63
صديقي .. ودفعة الابتدائية الجميلة
مليون سلالام يا ابو الشوش ..
خور ابوعنجة على الاقل بيجي فيهو البحر ، وغنم حاجة سكينة.. لكن خور بكري دا .. عدمان التكتح ..
الصورة .. حداثية ياابو الشوش وياحليل ايام زمان ..
صورة اولى ابتدائي عملت لي فيها شنو ؟؟
نصيحتك على العين والراس يا اشرف ..
بس كان نسيت فاكر بينسوني ؟؟
ما شايف بقيت عامل زي كارولس .. وكل يوم في بوست ؟؟
تحياتي للصغار وامهم
|
Post: #66
Title: Re: خور .. الخـــــــــور
Author: Tabaldina
Date: 03-14-2006, 03:07 AM
Parent: #1
..
.
وينك يا تامبا
تصدق الزلط الفي الخور طلع حول شنو!!؟؟
مجمع سكني
فيلل فى الخور ..تصدق
مشروع بتاع تطوير امدرمان
سوق الموردة ..بشكل جديد
سوق الدهب ..فى ميدان البوستة
وفيلل فى خوركم .. خو ابوعنجة
بس حيتحاشوا الفيضان كيف دا السؤال ..
سلام
|
Post: #102
Title: Re: خور .. الخـــــــــور
Author: tmbis
Date: 03-19-2006, 10:01 PM
Parent: #66
تنقــا..
Quote: مجمع سكني
فيلل فى الخور ..تصدق
مشروع بتاع تطوير امدرمان
سوق الموردة ..بشكل جديد
سوق الدهب ..فى ميدان البوستة
وفيلل فى خوركم .. خو ابوعنجة
بس حيتحاشوا الفيضان كيف دا السؤال .. |
..
فلل في الخور ؟؟ ياراجل ...
تعرف ياتنقــا زمان لما كنا صغار ولما البحر يملى الخور .. كنا بنطلع عرايا من البيت ونجلبق في الخور .. ولما البحر يرجع كنا ( بنشرك ) لي ابو الهدهد .. والقمري بي القلوبيات وسبيب الحصان .. ولما العر يجو من فوق سارحين .. بنحلب ليك اي ( تيس )
ولما كبرنا ياما ( حبينا ) فيهو من الكبري للكبري
يجو حسع يعملو لينا فلل ؟؟ وتطوير وشنو ؟؟
يعني كان الواحد نزل إجازة بدوهو فيلا .. اعادة توطين والا بخمو خمانهم ويقشو خشومم؟؟
احجز يا تنقا لي اخوك فيلا .. وحاسبهم لحدي ما اجي على الاقل نضوق قروش الخواجات دي
|
Post: #67
Title: Re: خور .. الخـــــــــور
Author: Ahmed Mohammed Osman
Date: 03-14-2006, 04:05 AM
Parent: #1
تمبس
الشفيف الرائع (ولد دا... شفت التلجة دي كيف)
الخور راكد الايام دي
مالو؟؟؟
|
Post: #104
Title: Re: خور .. الخـــــــــور
Author: tmbis
Date: 03-19-2006, 10:11 PM
Parent: #67
أحمد محمد عثمان ..
ده تكسير تلجك كدا يعني ؟؟
..
اللعب الايامات دي على المكشوف .. الخور دا بقى موضة قديمة ..
انا خايف بعد كدا يجيبو الخور هنا ويقوموا يعملوا لينا تهجير بي هناك
|
Post: #68
Title: Re: خور .. الخـــــــــور
Author: عاصم ابوبكر حامد
Date: 03-14-2006, 09:40 AM
Parent: #1
سلامات يا شباب
يا جماعة تمبس اخوانا دا راح فين ...
انا بسال انتو الخور دا بوين ....
تسلموا
|
Post: #105
Title: Re: خور .. الخـــــــــور
Author: tmbis
Date: 03-19-2006, 10:18 PM
Parent: #68
ياعاصم كيفك ؟؟
ياخ انا قاعد والله ومتوفر بكميات تجارية
بس الخور اتوزع خطة اسكانية خليك قبلك هنا احسن ليك
|
Post: #69
Title: Re: خور .. الخـــــــــور
Author: عبد الله عقيد
Date: 03-14-2006, 10:54 AM
Parent: #1
يا تمبس ياخي بالمناسبة دي
إنت شريطي بتاع الكاشف داك عملت لي فيهو شنو؟!
سؤال (مباشر)
مع إنو مشاتر
|
Post: #71
Title: Re: خور .. الخـــــــــور
Author: WAD ELGAALI#4
Date: 03-14-2006, 03:16 PM
Parent: #69
يا تمبس الخور دا شنو وبمشو ليه كيف وفيهو شنو
لكن والله صورتك تشبه على عبداللطيف فى كتاب المطالعه
أها قلتولى الخور دا دربو بوين ضرورى
|
Post: #74
Title: Re: خور .. الخـــــــــور
Author: abuguta
Date: 03-14-2006, 03:54 PM
Parent: #71
تمبا
اصحابك بتاعين الشرقية ديل موجودين فى ياتو حى
انا ناوى الشرقية الخميس دا..عشان يرجونى شوية
وقول ليهم الزول دا صارف ماهية يوم 15
لكن والله بوست المخور دا ...نكت تورتسكى دا كيف ما عارف
ولا اصلا بوستك منكوت من الخور...
خالص ودى
|
Post: #111
Title: Re: خور .. الخـــــــــور
Author: tmbis
Date: 03-27-2006, 11:21 PM
Parent: #74
ابوقوتــه ياهندسة ..
العرض بتاع الخميس الفات اعتبرو مشى الخــور ..
جماعة الشرقية ديل جاهزين موية ونور ـ وشباب زي الورد ـ تمشي الكورنيش تشم هواء وتجي راجع الرياض ( مفرمط ) ..
وماهيت يوم 15 دي حقو تديني استثمرة ليك وبعداك بحجز ليك وأعمل لي تنسيق خطير جــدا ، واحتمال احجز ليك طيارة خاصة ..
البوست دا يا ابوقوتــه ما شبه خيران طالما جاب تروتسكي .. والا انت شايف ليك فوقو شوفه
كان شايف قولي .. بقوم بوديهو ليك الخور انا بي طريقتي
|
Post: #76
Title: Re: خور .. الخـــــــــور
Author: محمد عبدالرحمن
Date: 03-14-2006, 04:02 PM
Parent: #71
ياتمبس
سلام واشواق ..
طالما القصة قلبت (ونسة ) ..نستغل القصة دى ونقضى مصالحنا كمان ...
ياخى مابلقى عندك اغنية ابراهيم حسين البقول فيها
(ساعة الغروب مشيت اسال عليهو ) ..(ينوبك ) ثواب فتشها وجيبها
واكون شاكر ليك ..وتاعبنك معانا (حنك مصريين ) ..
ودى
|
Post: #112
Title: Re: خور .. الخـــــــــور
Author: tmbis
Date: 03-27-2006, 11:32 PM
Parent: #76
محمد عبد الرحمــن
كيفك يازول ؟؟
ايوة البوست زي ما شايف من الخـور بقى فندق خمسة نجوم والشباب ما قصرو
بس لكن طوالي انت زانقني في حتات ضيقة ياخ ..
رحلتو بعيد نسيتو .. الريد والحنان
والإلفة الجميلة .. والسعد اللي كان ..
والله اغنية خطيرة فعلا .. لكن المشكلة ح تبقى ليك زي بتاعت التاج مكي بتاعت المرة الفاتت لانها بتحتاج برضو لي تفتيش .. ( حنك بيش برضو )
كان قلت ليك انتظر .. بترضى مش كدا؟؟
|
Post: #110
Title: Re: خور .. الخـــــــــور
Author: tmbis
Date: 03-27-2006, 11:05 PM
Parent: #71
يا ود الجعلي نمرة اربعة
كيفك ؟؟ وبركة في الشوفة .. وفي الشمارات الماليه المكان
من بوست الشمارات بتاعك عرفتك بقيت فنان جدا في الخيران من ( حفر وهلمجرا ) انا خايف اغيب لي يومين اجي اللقاك عملت ليك راكوبة هناك
| Quote: لكن والله صورتك تشبه على عبداللطيف فى كتاب المطالعه |
الغريبة في واحد صاحبي قبل يومين قال لي بتشبه لي طه القرشي ـ
|
Post: #109
Title: Re: خور .. الخـــــــــور
Author: tmbis
Date: 03-27-2006, 10:41 PM
Parent: #69
دي ضربة حرة مباشرة يا عبد الله ما سؤال مباشر ..
بعدين هو ما شريط واحد شريطين ..
وبالمناسبة دي تقريبا ما عملت ليك اي حاجة والله ـ والاشرطة قاعده زي ما هي ـ بس خلي النفسيات دي تتصلح شوية وبعدين بنشوف الموضوع دا ..
طبعا أنت من النوع البقدر ظروف الواحد ـ بالذات في ظروف زي دي مش كدا؟؟
|
Post: #80
Title: Re: خور .. الخـــــــــور
Author: فارس موسى
Date: 03-14-2006, 08:39 PM
Parent: #1
البكان سمح خلاس !!
تمبوسى !! اول مداخلة , ما تودينا الخور . بقراك وبسمع حاجاتك الطاعمه
طوالى ! سعوال ؟إنت قرقور طاعم ولا ود ارب نائم(ناعم) جاوب بدون لفيت
نهن ناس الهامش وكدا , بتاءين الإشلاقات وكدا , رشاشات وكدا بنغلب القراقير
ونكتل حفلا ت الحنه بعد عشاء الكوتش الكارب فى هى الضباط.
ونقدل فى الخور السكران يتكل الفرحان ومورده بتل... الكلام دا بدرى شويه!
يا ود إنت طاعم وفردك اطعم .خلوكم حلوين وفى الخور القديم على وزن (الحز)
وما تمشو للخور الإمبريالى.
امنه إعتذرى للشاب تمبس وبث
واهد جا شاقى الهور!!
ارقدوا مخرخرين
|
Post: #81
Title: Re: خور .. الخـــــــــور
Author: nashaat elemam
Date: 03-15-2006, 02:46 AM
Parent: #80
تمبس الجميل
ياخي حمداً لله على السلامه..
كاني بك تردد:
الخور خورنا
ونحنا اهلو
وبنتاهو..
على وزن الكاس كاسنا..
هنيئاً للخور ببوست منك.. او من جميل اخر
|
Post: #114
Title: Re: خور .. الخـــــــــور
Author: tmbis
Date: 03-28-2006, 00:07 AM
Parent: #81
نشــــأت العزيز ..
كيفك يا ابوالصحب ..
اللعب فوق هنــا بي خطة اربعة تلاتة تلاتة .. والبتعصر شديد.. بلعب بي نظام ( القشاش ) باكات فرفارات يموتو بالبوست ويودوهو الخور ..
علشان كــدا الايامات دي الدوري مسخن شديد من الحكم ما يصفر .. بوست الخور بيكون واضح
انا مقصر معاك يا نشات .. الشغل راقد لكن الراس جايط جوطة السنين..
|
Post: #113
Title: Re: خور .. الخـــــــــور
Author: tmbis
Date: 03-27-2006, 11:51 PM
Parent: #80
فارس موسى ..
ياربي انا شايفك وين ؟؟.. شايفك وين؟
طالما ود اشلاق . وود قرف كمان .. ومن الهامش معناته بعرف حنانك زاتو ، وكان بقى اشلاق الجنوبي .. بقوم اقول ليك دفعة الكورة صاحبي المرحوم سعيد ( السيرباك ) اعز اصحابي ربنا يرحمو ويغفر ليهو ..
اما إذا جبت سيرة الغلب .. والهلب والقراقير شكلك كدا تتملطشت مننا زمان لمن عرفت حاجة واي كاس صفيح قلعناهو منكم وقطعنا بيهو شارع الظلط
دا كوم ـ والكوم التاني الفاتح الكوتش ، 3×1 وكــدا إذا بقيت في السودان ختك والله .. حاول اضرب لي معاك من التركيبة العجيبة دي ـ وإذا كنت زينا برهـ ..( خم وصر ) وكان ضقت الخلطه دي قريبات دي انا اكون بالغته ..
..
اما الخور يا شفت فقصتو تانية.. انا مفكر أأجر لي فيهو كم ( ميقا بايت ) كداوأفتح لي كشك بتاع باسطة ولبن سوقو محرحر الايامات دي.. وبكري بشجع رؤوس الاموال الصغيرة
ارقد عافية يازول .. وكان حيين ( بنلالاقا)
|
Post: #82
Title: Re: خور .. الخـــــــــور
Author: Alshafea Ibrahim
Date: 03-15-2006, 06:23 AM
Parent: #1
الأخوة تمبس و حميده
مشكورين على خوركم الذي كاد أن ..................
وحنتلاقى في مخرج 13 بعيدا من الخور المفتوح ده
شكري موصول لود شيقوق الطيب
الشفيع
|
Post: #83
Title: Re: خور .. الخـــــــــور
Author: نادية عثمان
Date: 03-15-2006, 09:47 AM
Parent: #82
تمبس
رحت فين ياجدع ؟!!!
|
Post: #115
Title: Re: خور .. الخـــــــــور
Author: tmbis
Date: 03-28-2006, 00:18 AM
Parent: #82
يا الشفيع ..
صاحبك دا من ما مشيت .ز ما هببو لينا ـ ولاحتى مس كوول
غايتو كان جيت تاني بنعمل ليك برنامج اختطاف .. مخرج طلطاشر زاتو ما يحلك مننا
مشتاقين يامواطن
|
Post: #84
Title: Re: خور .. الخـــــــــور
Author: Emad Abdulla
Date: 03-15-2006, 09:56 AM
Parent: #1
تامبا ..
لسه فيك ريحة ( تركين ) ؟؟؟؟
معليش ..
الجاتك في نخرتك سامحتك .
كاسك
|
Post: #85
Title: Re: خور .. الخـــــــــور
Author: humida
Date: 03-15-2006, 04:56 PM
Parent: #84
شايفك يا تمبس ..
|
Post: #87
Title: Re: خور .. الخـــــــــور
Author: نادية عثمان
Date: 03-15-2006, 08:07 PM
Parent: #85
تمبوسى
الاغنية ياخ !!
ماسامعة شئ !!
|
Post: #88
Title: Re: خور .. الخـــــــــور
Author: tmbis
Date: 03-15-2006, 08:32 PM
Parent: #87
يانـــا دية ..
كان الاتصال عندك بطئ زي العندي دا .. اديها صنة لحدي ما تحمل بتشتغل معاك ..
يا
( خجيها )
|
Post: #91
Title: Re: خور .. الخـــــــــور
Author: نادية عثمان
Date: 03-16-2006, 01:40 PM
Parent: #88
تمبس
Quote: يانـــا دية ..
كان الاتصال عندك بطئ زي العندي دا .. اديها صنة لحدي ما تحمل بتشتغل معاك ..
يا
( خجيها ) |
خجيتها برضو ابت !!
|
Post: #93
Title: Re: خور .. الخـــــــــور
Author: tmbis
Date: 03-16-2006, 01:59 PM
Parent: #91
نادية ..
Save@Pc
اضربي في الرابط دا .. وخجيها تاني مرة
وكان ما اشتغلت تبقى
قصة ..
|
Post: #95
Title: Re: خور .. الخـــــــــور
Author: humida
Date: 03-19-2006, 07:54 AM
Parent: #93
تخجها ( يمين ) ولا ( مانشندايزر ) ..
|
Post: #96
Title: Re: خور .. الخـــــــــور
Author: حاتم الياس
Date: 03-19-2006, 10:46 AM
Parent: #95
اخونا تمبس..قصة النضال والسياسة دى واسعه شوية والغلط الوقعو فيهو الناس بكل مشاربهم المناضلين والمكجن المناضلين وكل الهيلمانه دى أفتكرو أنو الساعتين بتاعتنا دى فى منبر بكرى أبوبكر قادره تختصر تعاريف..(من يعرف) كثيره للواقع وماظنيت المسألة دى بالبساطه دى عشان كدا بتلقى الحكاية زى ماقال مجدى أسحق زى دافورى العباسيةحتى الشايت صاح مابكون عارف نفسو شايت صاح والغلط مابكون عارف أنو غلط(المهم ألكع ياجنى وبمناسبةألكع ياجنى دى كانت أول مبارة لى فى الدورى المحلى فى واحده من مدن دارفور قادتنى لها ظروف الخدمة الألزامية سمعت الجمهور يكورك فينى وأنا لمن أمسك الكورة(أزقله..أزقله)وأنا جارى بينى وبين نفسى أستغربت من سرعة هذا الجمهور الرياضى فى أطلاق الألقاب على اللاعبين وقلت يبدو أن موهبتى فرضت نفسها.. كما أنت الأن فى هذا المنبر تكتب بخفه لغة أمدرمانية طليقه وزاهيةتلمح خلفها دكان الحلة قيلولة الأزقةوالحيشان والأغنام هنالك تحرس مساحة ضئيلة من الظل والنعاس .تكون وقتها جهزت كدارتكلدافورى الحلة الصارم بمواعيد محدده فيهو (بيبسى) ولامافيهو المهم تجى بدرى والا تقعد تحنس صحبانك على فرصة تجرى فيها الدم دائماً لاتأتى الا قبيل أذان المغرب بدقائق فقط..اقول ليك عن حق وأنا المنبرى المستجد لقيتك دائما زول لذيذوجميل وكلامى ده (ماترقيده)و(لامسح شنب) لأنك قطعاً مفتح ومابتمر فوقك (الكيتات ساكت) لكن هى فقط كلمات لوجه الحقيقة
.. فيما يتعلق بعركتك مع أمنه مختار وأنصراف الأمور لدروب شائكة بالحيل الكلام ده ماعجبنى منك وأنت عارف أنك صاحب قدرات تعبيرية عالية ولغة منبسطه سهلة فى أختراق المعانى ودى بتبقى ماميزة فهم بس لكن لازم تبقى محروسة بقيم قيمنا السودانية التى نجابد فى أن نسير على منوالها مااستطعنا يعنى قدرتك على بسط التعبير وأن تصبح (حاوى ) خطير يقف على رأس المعنى وبنزل منو بكل شطاره مابتديك الحق ياتمبس فى هذا (الأستعراض)المؤذىفقط لوجود فارق فى القدرات التعبيريةهى ميزتك وبلاشك وأطمح لأن تدركها لابعين الرجل العاقل الحكيم الفيلسوف السياسىوأخر الترميزات الموهومةألخ.. لكن بعين الرجل السودانى الحقيقى..لاالمصنع وفق رغبات منبرية عابره وأن تنهى كل ذلك...
ذلك أمر يعيد الأعتبار لسياقات اشمل خارج هذه الكره البلوريةلو تدرى
وأظنك.......ذلك الرجل
|
Post: #97
Title: Re: خور .. الخـــــــــور
Author: salma altijani
Date: 03-19-2006, 01:20 PM
Parent: #96
الحي بيلاقي
انشاالله كان في خور (ما عارفة اعمل الوجه الضاحك )
العزيز تمبس نطئن عليك من البورد
وهذا البوست يوكد انك رايق ومرتاح
لك التحايا
|
Post: #119
Title: Re: خور .. الخـــــــــور
Author: tmbis
Date: 03-29-2006, 08:48 PM
Parent: #97
سلمى التجــاني ..
بلاي كلما اشوف اسم سلمى ماشي .. اتذكر ( سلمى ست الروضة جارتنــا ) الله يطراهـا بالخير
كيفك ؟؟
والله فعلا ياسلمى الحي بيلاقي .. والخور بقى طبعا احسن مكان .. وانا متوفر بي كثرة بي هناك
والحال بسط الحمد لله ، مرات بنتمها ( سخينة ومرات كسرة بموية ) ودا كلو في الخور طبعا
..
زمان كنا برضو بنطمن عليك هنا .. لكن يظهر عملتي ليك دريبات
اظهري وطمنينا عليك
كل التحايا..
سيد الروضة
|
Post: #118
Title: Re: خور .. الخـــــــــور
Author: tmbis
Date: 03-29-2006, 07:51 PM
Parent: #96
حاتم الياس .. ( الحميم )..
حميم يا حاتم بمعناها عندي ..كلام الواحد الممكن يخترق الواحد التاني الممكن يكون محتاج ليهو في وقت ما .. في مساحة ما في الدنيا دي .. يعيد ترتيب الفارق الزمني ما بين مساحة من الزمن ( وقفت ) فجأة وحاضر بيسرق في كل ثانية اللحظات الما ممكن يرجع بيها الزمن لي وراء ..
ممكن ياحاتم
وبيحصل عادي يطلع القطر من القضيب وينقلب ممكن ( بإبرة ) خياطة ودي معادلة صعبة جدا ..
وممكن تسمع خبر .. ياطرفة تضحك لما الله يغفر ليك ، وممكن (تحاور) الناس كلها والقون زاتو وتبقى أنت والتلاتة خشبات .. وبراحة جدا تشوته في الآوت .. وبرضو الجمهور يصفق ليك جــدا..
..
ملحوظة:
| Quote: الكلام ده ماعجبنى منك |
...
شكرا ياصاحب .. ولي كتيرين بشبهوك ـ لا نحتاج فقط لان ننظر في المرآة لنرى تفاصيلنا أو تجاعيد الزمن ، لكن الأخوان الله ما يحرمنا منهم...
..
بعدين دافوري الحلة أبو بيبسي دا ياحاتم .. اعزلني معاك .. وبالمرة انعشني بي أخبار زي دي لو لقيتك في أي مكان في البورد دا ..
ما كمان ما ممكن الواحد تبقى علهيو اتنين .. صحراوي ، وخارج التشكيلة ..
ح اكتشفك بهدوء .. وبي طريقتي الخاصة جدا ( بقص اترك ) ..
|
Post: #117
Title: Re: خور .. الخـــــــــور
Author: tmbis
Date: 03-28-2006, 00:46 AM
Parent: #95
لابس النضارتين مش كدا
|
Post: #116
Title: Re: خور .. الخـــــــــور
Author: tmbis
Date: 03-28-2006, 00:35 AM
Parent: #84
عمــــدهـ ..
تركين .. ود الناس دا ؟؟ أنت ظالم كدا مالك ؟؟
..
أرفع
|
Post: #98
Title: Re: خور .. الخـــــــــور
Author: bushra suleiman
Date: 03-19-2006, 08:16 PM
Parent: #1
تامبا كيفنك ياحلو..مشتاقين
انت بقيت خرخار خلاص..مما تتغلب تقعد تخرخر
|
Post: #103
Title: Re: خور .. الخـــــــــور
Author: AMNA MUKHTAR
Date: 03-19-2006, 10:07 PM
Parent: #1
لا باللهى...
خترين خلاص .
همتكم مع الزول ده باللهى ياشباب..
لى الصفحة العاشرة .
أصلوا موجوع خلاس .
|
Post: #106
Title: Re: خور .. الخـــــــــور
Author: قرشـــو
Date: 03-20-2006, 05:39 AM
Parent: #1
حبيبنا تمبس
ما همانا ما دام حبيبنا معانا
ياخى زمان انا من ما اشوف اسمك بجى طاير وعارف انى حاستمتع بكل جميل وكل الالحان الراقية ...
الله يقطع القفل المواقع اياها ياخى ....
هسع شوف ندو راسها مقطوع كيف ..
المهم يا سيدى حكاية الخور دى شوية حيرتنى
وانا ما بعرف غير خور ابوعنجة لانى زمان كنت بجكس فيه وحولينه
وبلقى ودالصول واقف بى مركبه بأجرها منه بشرط هو ما يكون معانا
اصلو اى اثنين الثالث بره
عشان كده اترددت فى دخول الخور ده
لكن جاء فى بالى حاجة الروضة السحبت رجلى للدنيا دى
وقلت يا زول لابد من الخور
وان طال الدواس
المهم يا سيدى
لم يخب ظنى ابدا فيك
فقد وجدتك كما عهدتك
حتى زعلك حلو
وتسلم لينا يا حلو
والله يديك العافية
لكن ورطت صاحبى حمزاوى فى الطازج ياخى
الراجل طلع دقوس
بعد ما كان سيد الاسم
والله ايام يا حمزاوى
يديك العافية كمان
غايتو يا سيدى
ما همانا مادام تمبس معانا
وخلينا نقلبها ربه يا صاحبى
وخليك مع الزمن
وما تخلى زول يخرب ليك زمنك ابدا
لانك انت ضابط الايقاع
وزى ما قالت
تعب هو البرق الذى لا يضىء اقبية الخفايا
تسلم يا حبة
|
Post: #107
Title: Re: خور .. الخـــــــــور
Author: Tragie Mustafa
Date: 03-25-2006, 00:42 AM
Parent: #106
.
|
|