استاذ يوسف الموصلي نصحناك ابعد وارفق بنفسك من الغلاط والجدل مع حاتم دا ما بنتهي علي شي ، حاتم دا غير الغلاط ما عند ليكم حاجه ، ولا بقنعو بروفسير بطران ولا بروفسير كاثرين ، والتحيه للاخ صاحب البوست زكريا وكل المعجبين ، ويظل الاستاذ الموسيقار ومعلم الاجيال صاحب بصمه في تاريخ الغناء السوداني .
04-21-2016, 05:52 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
أنا كمان رثيت لحاله من البشتنة دي، بكرة الناس يلوموني، بس كمان أنا ما برضى بالتدليس مع العجرفة وعدم الاكتفاء الذاتي دا، نقاطي واضحة وكلامي مباشر، واحد اتنين تلاتة، لا استعجال ولا فتل ولا شافع بسنينات.
طلع يستاهل الألقاب والمدح، نديهو ونرفعو فوق راسنا بقدر انجازه. ما بيستاهل، أصلو ما بنجاملو والما حقتو بنقلعها منو وهو حي قدامنا يعاين. +++ بعدين نجوم شنو وطرشان شنو يا يوسف يا أخوي، انت عايز تاكل حقك وحق الناس نهار وليل؟ الكلام واضح قدامك تحفظ ماء وجهك ولا تقعد تتزاوغ بالأسئلة وحاتم غلطان وبلياردابي وقوقلابي ورقع ملونة، ياخي أقلاها كنت تلاحظ إنو ولا واحد من زملاء مهنتك جاء ساندك في انتحالك للألقاب وهوسك بالمدح دا، أقولها ليك مباشرة وليك حق الرد الواضح بدون مراوغة:
1- انت ما أدخلت البوليفوني للسودان يا يوسف، والأمانة العلمية والنزاهة يفرضوا عليك النفي، مش كدة؟ 2- انت أعمالك ما إنسترومينتال يا يوسف، ولا قريبة منها، والأمانة العلمية والنزاهة يفرضوا عليك النفي والتوضيح، مش كدة؟ 3- مافي حاجة اسمها (صوت صحراوي) أو (صوت جبلي)، برضو احترامك لمعجبيك يفرض عليك اعتذارك عن الخطأ المضحك دا والتوضيح، مش كدة؟
يا يوسف، خليك نيتك صافية وصادق مع نفسك والآخرين، غلطت تعترف وتعتذر، كنت حاعتبرك من النجوم لو بكل صدق أجبت وينتهى الموضوع في يومين، أنا حأغيب أسبوع، أظن كفاك في الشهر دا، بس القصعة الفوق تاني بتجيك لو ما اتعاملت معاها بالطريقة الصحيحة.
انتا أصلك من تجيب الرقع الملونة بتاعتك دي معناها قنعت وبديت ترمي الدراب، بس شايفك رجعت تاني بمناسبة شهر "ابريل" الحالي. ____ أربع سنين معاها وما عارف اسمها
04-21-2016, 06:14 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20754
الاستاذ الموسيقار المؤلف الموسيقي الباحث الموزع يوسف الموصلي كل الالقاب بستحقها ، واستحقاها بي جهد وحفر علي الصخر وصقل الموهبه بالدراسه العلميه ، درس الموسيقي علما وتطبيق ، مش من قوقل زي ما بتعمل يا حاتم تنسخ لينا من قوقل وتجي تعمل لي بست هنا في البوست . والاستاذ الموسيقار يوسف الموصلي ما محتاج لي اي مجامله منك ولا من الاخرين ، مع الاحترام لكل المعجبين و خصوصا صاحب البوست الاخ زكريا ، يا حاتم لا تعتبر اعتبارا الاستاذ من النجوم بل حقيقا الاستاذ من النجوم وخلد في تاريخ الغناء السوداني باعماله مع كبار مبدعين السودان ، كابلي ، محمد وردي ، مصطفي سيد احمد ، محمد الامين ، ابوعركي البخيت ،حمد الريح و كتير من الفنانين ، بس يا حاتم انت مكابر وبتتشابي للنجوم . ونترجي الاستاذ يوسف الموصلي بالابتعاد عن الغلاط والجدل .
(عدل بواسطة سعد الشبلي on 04-21-2016, 06:24 PM) (عدل بواسطة سعد الشبلي on 04-21-2016, 06:28 PM)
04-23-2016, 07:13 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20754
الاستاذ الشفيف الشاعر اسامه الخواض اسهاماتك وكتاباتك معروفه والموسيقار يوسف الموصلي وضع بصمه في تاريخ الغناء السوداني والنقاش مع حاتم محصلته صفر لانو غلاط في غلاط والبراميل الفارغه اكتر ضجيجا
04-23-2016, 07:10 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20754
الموصلي والحوت: في المقتبسين أدناه يتحدث كاتب مقال في الحوار المتمدن هو "مزمل الباقر" في حلقات بعنوان "الحوت أو عشت لأغني" عن الموصلي ودور شركة حصاد في بدايات "الحوت" الفنية:
ثم يتحدث كاتب المقال عن مساهمة الموصلي في الألبوم الثالث للحوت:
سأعود لإيراد شهادة للكاتب الصحفي : صلاح شعيب.
04-28-2016, 02:26 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20754
في هذا الجزء من شهادته، يقدم الأستاذ صلاح شعيب جرداً لإسهامات شركة "حصاد للإنتاج الفني" التي كان "الموصلي" واحداً من أعمدتها ، والمحرك للظاهرة الموسيقية الجديدة المثيرة للجدل أي: التوزيع الموسيقي
من خلال إتاحة الفرصة لأجيال من "موزَّعي الموسيقى" من خرجي معهد الموسيقى والمسرح.
كما يتطرَّق إلى مساهمة "حصاد" في تقديم تجربة فنية جديدة لنادر السوداني، ومغنيين مثل "خالد الصحافة" و"عمر إحساس" ، وكذلك كتابة "السيرة الذاتية" للمغنيين والموسيقيين، وتأسيس أوّل نقابة\اتحاد لأصحاب الإنتاج الفني:
ونواصــــــــــــــــــــــل.....
05-01-2016, 06:10 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20754
في ختام شهادته حول شركة "حصاد للإنتاج الفني"، يثمِّن صلاح شعيب عالياً ما سمّاه "الدور المقدّر" للموصلي في نجاح "حصاد " من خلال ثقافته وتجربته الموسيقية الثرّة.
يقول "صلاح شعيب":
ونواصـــــــــل....
05-02-2016, 09:33 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20754
في مقال للأستاذ صلاح شعيب نُشر في موقع الدكتور الفاتح حسين بعنوان:
فرقة السمندل: من وحي ندوة واشنطن
يتحدّث صلاح شعيب عن "الردة الفنية" الحاصلة في الوسط الفني ،مقارنة بتجارب التوزيع الموسيقي ومن ضمنها "حصاد" التي لعب فيها الأستاذ الموصلي ، كما أشار سابقاً، دورا هاما في تجارب التوزيع الموسيقي قائلاً:
ونواصــــــــــــــــل...
05-03-2016, 11:38 PM
Elmosley Elmosley
تاريخ التسجيل: 03-14-2002
مجموع المشاركات: 34683
في حوار اجراه الاستاذ عزمي احمد خليل مع الاستاذ مصطفي سيد احمد في الدوحه وتحدث فيه عن رفيق دربه وزميله واخيه الاستاذ الموسيقار يوسف الموصلي وايضا تحدث عن الاستاذ بوعركي البخيت والرحمه والمغفره للاستاذ مصطفي سيد احمد
05-04-2016, 04:25 PM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
هل تعلم إنو المنبر دا في صفحتو الأولى في أكتر من 150 موضوع وفي أكتر من 40 صفحة بنفس الحجم؟ يعني 6000 (ستا تالاف) موضوع ممكن تداخل فيها وتشكر الموسيقار الموصلي والأستاذ المحترم زكريا هناك برضو واحتمال تلاقي ود القاضي، صدفة. الغرض: أمرق بره طلق كرعينك شوية، بتحمض كان صنقرت أكتر من كدة، من ما سجلوك وانت بايت في الفصل دا. ___ هم ما دايرين يرفعوهوا تقوم تتغمده برحمتك؟ .
05-10-2016, 11:27 PM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
ياحاتم زكريا الرجل المحترم صاحب البوست وموضوع البوست الاستاذ الموسيقار يوسف الموصلي . ياحاتم البوست دا اجرتو مفروش غير مفروش امشي اطلق كرعيني ما مهم انت ما وصي علي ، ياحاتم انت عايز تضع لي معاير اتداخل بيها في المنبر !!!!!! ولا تكون زعلان عشان كشفت هدفك للتشابي للنجوم و فشلت ليك خططك .
حبيبنا حاتم .. لك التحية والمحبة .. الموصلي ده من ناس سمحين في البلد ناس ( بلال ) وهم في جزيرة مجاورة لجزيرتنا وبلدهم إسمها ( مراوارتي ) وهي جزيرة وسط النيل في غاية الجمال والروعة ومقابلة لمدينة أرقو من الجهة الشرقية حيث قصر الشاعر الجميل ( حمزة الملك طمبل) قبل أيام كنا نأصل للشعراء والفنانين واللاعبين من المنطقة فكان محور حديثنا عن هذا الرائع .. في قاعة في مدينة جدة وأحد شبابنا يردد أغنيه ( بلادنا نعلي شانها يا ناس ) ومن هذا البوست عرفنا الكثير عنه وعن نشاطه وإبداعاته .. ونقلت منه الكثير إلى منتديات قرانا فهذا البوست مفيد بالنسبة لنا .. ( السيرة الذاتية ممكن بالخاص ) التحية لأصحاب البوست .. والمزيد من المعلومات لأننا نوثق لمبدعينا من الشمال ونحن بصدد إنشاء موقع إسمه (أونجورتي) بالدنقلاوية وبالعربية معناها ( المعرفة ) ،
مودتي أخي حاتم .. ودع هؤلاء الاحباب يعبرون كما يريدون ..
05-11-2016, 11:21 AM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
يا حاتم عايز تتشابي للنجوم وشكلك وقعت ومتالم من مناطحتك للاستاذ يوسف الموصلي ، وانا ما منعتك من تتشابي للنجوم لكن كشفت هدفك واحلامك ضاعت سدا ، بخصوص تداخلي في باقي المنبر ما بتحددها لي انت ياحاتم ، بوست اللوتري تداخلت فيهو من قبال نتيجه اللوتري ، واتداخل فيما يعجبني ، لكن ما بفيد دا ما موضوع البوست ، صاحب البوست الاستاذ المحترم زكريا والاستاذ الموسيقار يوسف الموصلي محور النقاش ، وحديث الاستاذ مصطفي سيد احمد عن الاستاذ الموصلي ما عجبك . برضو يا حاتم ممكن تنبل هنا ما ضروري في باقي المنبر .
05-11-2016, 01:26 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
محور النقاش الاستاذ الموسيقار يوسف الموصلي وصاحب البوست الاستاذ المحترم زكريا ولا عايز تقلب البوست لي مفروش وكده ولا احتمال عايز نجيب بوستات المنبر كلها هنا ونتناقش فيها ، لو عايز تصل السحاب او النجوم او مقام قريب من الاستاذ يوسف الموصلي امشي ادرس واجتهد وبالعلم مش تمشي قوقل وتنسخ لينا في البوست حتي تنال احترام الناس ويشكروك ويعملو ليك بوستات ، الاستاذ مصطفي سيد احمد تحدث عن يوسف الموصلي بانه امكانات ضخمه وعصامي ومقتدر في مساله التوزيع الاوركسترالي والتاليف الموسيقي وصوت مميز ومن الذين صمدو وتحدي كل العواصف والعقبات الي ان امسك امسك بزمام الموسيقي علما وتطبيقا ، وياحاتم عشان تصل القمم دي دا السلم بتاعها والطريق ما ساهل اعمل حسابك ما تقع .
حزنت لأن نقد حاتم للموصلي كان ممكن يشكل مادة ممتعة جدا و يفتح نوافذ قيمة في النقد الموسيقي و نستفيد كلنا بما فينا قامتنا الموسيقية موصلي نفسه بما أن حاتم كما اتضح لي هنا راجل ذواقة و مهتم جيد و ملم بشئون الموسيقى، لكن للأسف، و لأسباب لا علم لي بها، و لم أتابع بوست الدليب فللأسف ضاعت فرصة لحوار مفيد بسبب طابع الشخصنة و المشاداة المحزنة مما بدا لي هنا و لا أدري السبب و الداعي لهذا كما بينت، الأمر الذي يحدث كثيرا بيننا السودانيين خاصة هنا في سودانيز و تضيع بسسب هذه العادة الذميمة أقيم البوستات و المناقشات!
تعليق من جانبي حول نقطة أثارها حاتم فيما يتعلق بموسيقى موصلي و بالتالي "موهبته" التي لا أتفق مع حاتم نحوها بمثل ما قال به من حكم جزافي مطلق كما لم يتفق غيري معه. حاتم كتب:
"توظيف الآلات أيضاً قاصر في معظم أعماله على الوتريات (الكمان تحديداً) و ليس كل الآلات، لا أظنه يعرفها كلها حتى، البقية مؤثرات صوتية بدون رؤية.".. إنتهى الاقتباس. +++ الموصلي يعشق الكمان string باللفعل يا حاتم، لكن أظنك نسيت، على سبيل المثال، عمل مثلل (شوق الهوى) ليوسف، عمل راقي و ضخم و فيه توظيف آلاتي جميل شهدته أنا live في حفل أقامه الموصلي خصيصا بمناسبة صدور ألبوم شوقا الهوى في أبريل عام 89 بمصاحبة [السمندل]! و كانت هناك (الكلام القالوه عنك) بموسيقاها (الموهبية) الراقية..دي كانت واحدة من السهرات "المختلفة" النادرة مما استمتع به الحضور الكبير في تلك الليلة بالفندق الكبير و يومها أحسست العلاقة الموسيقية الباذخة التي تتشابه فيها أعمال الموصلي مع أفكار و موسيقى و نكهة و أفراد السمندل، و هي من الخسائر الفادحة التي جنيناها نتيجة وقوع إنقلاب الشوم إياه. نعود كان الله مد في الآجال.
05-11-2016, 11:46 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20754
Quote: عمل مثل (شوق الهوى) ليوسف، عمل راقي و ضخم و فيه توظيف آلاتي جميل شهدته أنا live في حفل أقامه الموصلي خصيصا بمناسبة صدور ألبوم شوقا الهوى في أبريل عام 89 بمصاحبة [السمندل]!
أبسط الآن مقطعاً من مقالة لعثمان تراث بعنوان: عقــــد الجلاد و السمنـــدل مكتسبات جديدة للأغنية والموسيقى في السودان
يتحدث فيه عن شريط "شوق الهوى" للموصلي ،
و عدد من محاولاته الأخرى في التوزيع الموسيقي وفق أُسس علمية حديثة:
05-12-2016, 08:34 AM
المعز ادريس المعز ادريس
تاريخ التسجيل: 05-18-2009
مجموع المشاركات: 1569
غايب لي فترة من المنبر و الليلة دخلت بالصدفة و لمحت أسم الصديق دكتور أبو الزيك الرجل العالم .. أكبرنا مقاماً و علماً و تواضعاً و راجل كتاب بشكل ما طبيعي و كمان مريخابى و لقيتو منداح و البوست جميل و ممتع و عن يوسف الموصلى و حكاية ما تخلص .. بالله الصفحة الأولى ما وصلت النص جات الكتاحة ؟ ليه كدا يا حاتم ياخى ؟ جبلى ولا صحراوى أنت مشكلتك شنو بالضبط و قاعد تغالط ليه أساساً ؟ غايتو بس حرمتنا من متعة ما بعدها متعة .. لولا تهذيب دكتور زكريا الجم العارفو أنا كان حرشتو يقع بيك واطة لأنك خربت البوست .. كان ممكن تفتح بوست تخت فهو نقاطك التلاتة ديل و تنداح فيهو بدل تتغول و تبوظ بوست الراجل بالطريقة دى .. يبدو أنو ما عندك كاريزما إسفيرية و بوستاتك ما قاعدة تجيب دخل عشان كدا بتدخل تنشر بضاعتك فى البوستات المقروءة .. بالمناسبة .. مصطلح كاريزما إسفيرية دا قطعتو هسى من راسى رجاء ما تدخلنى مدرسة و فصل و سبورة ..
دكتور زكريا .. يعلم الله مشتاقين و التحية و التقدير و الإحترام للأستاذ يوسف الموصلى بقدر ما قدم لهذا الشعب و المقامات محفوظة
05-13-2016, 03:18 PM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
بروف معز عمر بخيت يكتب عن الأستاذ الموسيقار يوسف الموصلي الجزء الاول http://www.alnilin.com/32862.htmhttp://www.alnilin.com/32862.htmالموصليhttp://www.alnilin.com/32862.htmhttp://www.alnilin.com/32862.htmالموصليhttp://www.alnilin.com/32862.htmhttp://www.alnilin.com/32862.htmالموصليhttp://www.alnilin.com/32862.htmhttp://www.alnilin.com/32862.htmالموصلي وطن من الشهداستضافته مرافئ الإبداع على شواطئ الفرح، ومنتديات العالم الزاخر بسحاب الهطول الإبداعي، وعبير الألفة؛ فكان حضوره وهجاً تستضيء به الشمس، ويأتلق به القمر، كلما أطلَّ كنجمة ساطعة في سماء الوطن الذي حمله معه لكل الكون. إنه الفنان الأستاذ، والنجم العالمي يوسف الموصلي، الذي يبقى عَلَماً استثنائياً يرفرف خفاقاً في كل فضاءاتنا الإنسانية.الموصلي حملته أعماله الفنية الخالدة على أكف الغيم، وأمطرت سحاباته نبيذاً زلالياً في حقول مبدعيه؛ فأنبتت سنابلَ من رضا، وعذوبة، وتفرُّد بيَّنته أعماله الموسيقية العظيمة، التي جددت الدماء في وريد الإبداع، وأصبحت نقطة تحول بارزة في مسيرة الغناء السوداني وموسيقاه المتميزة.دائماً ما كنت أقول إن طائر النورس لا بد أن يعود لوطنه، ليفرد ريشه البديع على شواطئ الأنهار في بلاد عشقُها يتمدد مليون ميل مربع في حنايا النفس، وخلايا الجسد جميعها. وها هو النورس المهاجر من الوطن للوطن، يعود ليحمل مع الرائعين مثله همَّ الفرح القادم.في المقال القادم، أستعرض معكم سيرته الذاتية القوية والمؤصلة، كشجرة تمتطي نبض الثرى، لتحلق في فضاء لا يطال. لكننا نبدأ ونقول في مطلع حديثنا عنه اليوم، إن يوسف استهل مسيرته الفنية عبر التلاقح مع الفن الشعبي، الذي غنى به، وقدمه للآخرين، في نموذج إبداعي جميل، ومن ثم استشعر عِظَمَ موهبته التي يمكنها أن تحوِّل بالعلم هذا النموذج الشعبي لنهر موسيقى، تحمله المعرفة لمرافئ ناضرة في عالم العطاء؛ فكان التحاقه بمعهد الموسيقى والمسرح بدايةً حقيقة لهذا الصعود، فتفوق في التوزيع الموسيقي، والتلحين، والأداء، إلى أن أصبح مُعيداً ومعلماً به، ومن ثم انطلقت خطاه في دروب الموسيقى، ليصبح علماً في مجالها، بأبحاثه ورؤاه المتقدمة التي جعلته أحد مراجعها المهمة للنشء ولكبار المغنين والموسيقيين. ثم واصل الموصلي دراساته العليا، فحصل على شهادة الماجستير مرتين؛ الأولى في معهد الكونسرفتوار بالقاهرة، والثانية في جامعة أيوا بالولايات المتحدة الأمريكية.الموصلي له فضل كبير على المبدعين والسائرين في طريق الفن، وهو يقدمه بلا منّ ولا أذى، ويؤثر نفسه في كل خطوة يمضيها، وبتواضع ومحبة في التواصل تثير الإعجاب والتأمل، فاستفاد الكثيرون من علمه ومعرفته وخبرته. وعبر هذا العطاء نجح الموصلي في نقل الأغنية السودانية بمذاقها وذوقها الخاص إلى العالم الأكثر رحابة، لا سيما في أمريكا الشمالية، حيث تنطلق العالمية في أغلب الأحيان عبر المهرجانات الموسيقية والندوات والمحاضرات العلمية والثقافية والتدريس في علم الموسيقى.من أشهر أغاني الأستاذ الموصلي: «وينك انتي الطال غيابك»، و«وانتي ليا»، «الموجة تحلم بالضفاف.. والغيمة تحلم بالهطول»، «فرحانة بيك كل النجوم»، «الحب يا ام سماح»، «الأماني السندسية»، «الكلام القالوا عنك»، «بكتب ليك رسالة طويلة يا أمي»، «شوق الهوى»، والكثير الذي سنعود إليه بالتفصيل لاحقاً. عطاء الموصلي في أمريكا وأوروبا ومصر والخليج، ومعرفتي التي تمددت في أعماق النفس بلا هوادة؛ تلزمني هنا أن أقيم جسور التواصل بينه وبين الجيل الجديد في السودان، الذي لم يلتق الموصلي وجهاً لوجه. لذا أقدمه اليوم بتلك الكلمات أعلاه، ولعلها تكون المدخل إليه وإلى إبداعه، وسأستعرض لكم عطاءه الكبير، الذي سيصيبكم بالدهشة، في مقال الأسبوع القادم بإذن الله.سألني يوسف، أول ما سألني، وقبل أن نلتقي؛ عن الانتماء السياسي للمبدع، وذلك في رسالة عبر الإنترنت، فقلت مجيباً له: أولاً أيها الحبيب إن الكلمات وهي تتهاوى من صدر الامتنان لشخصك العظيم، تتناثر حرفاً حرفاً وهي تتشرب عافية الإبداع الساكن فيك. ولكم يشرفني كل ما يجيء منك وأنت قامة من قامات الوطن والكبرياء، وموجة في شواطئ الإبداع تصنع بحر الجمال والنقاء والعذوبة. وكما يقول شاعرنا الكبير محمد المكي إبراهيم (من غيرنا يعطي لهذا الشعب معنى أن يعيش وينتصر). فمن غيرنا يا موصلي أنت وأنا وكل من وهبه الله مسؤولية الإبداع وسلطة الفنون؟! والله إنها لمسؤولية وأمانة كبرى نُسأل منها وعنها في كل حين. فمن منا يعيش بلا انتماء ومن منا لا يقدس تراب وطنه، مولد أجداده، ومرتع صبا أفكاره ومآبه العظيم.المبدع صوت أمته، ويجب ألا يختنق بالنفس الضيق، بل عليه أن يسافر في محبة الوطن والآخرين، أن يسمو فوق جبين الشمس، ويتجاوز قصر النظر، ويجعل من ساحات الظلم واحة للصمود والتحدي. ويجب ألا يكون باحثاً عن سلطة قاصرة تحكم بين الناس بالهوى، وهو صاحب الوحي ومالك سلطة التغيير بإبداعاته التي تحدد اتجاه الحدث ومسيرة الكفاح متى ما امتزجت بنبض الأرض وما تنبته من يقين. وهو من ينهض بالجسارة ورؤى الطريق عندما تنحدر بها سياسة الظلم وعشق التجبر.قلبي وطني يا موصلي، ولغتي وطني، وبيتي مفتوح للناس، وإن كنت غريباً فيه فلا تسكنه إلا أحزاني.. ولك أنت يا هامة الوطن المقدس والجلال، لك أيها الموصلي عصب الموانئ والدعاء المستجاب، لك بالسعادة والهناء وعافية كل الأشياء يا صاحبي وحبيبي في كل الأفلاك.ونواصل.. < مدخل للخروج: حيثُ التَفَتُّ، أرى ملامحَ موطني.. وأشُمُّ في هذا التراب ترابي.. لم أغتربْ أبداً فكلُّ سحابةٍ زرقاءَ فيها كبرياءُ سَحَابي.. إنَّ النجومَ الساكناتِ هضابَكمْ.. ذاتُ النجومِ الساكناتِ هضابي..معز البحرين عكس الريحhttp://www.alnilin.com/32862.htmhttp://www.alnilin.com/32862.htmhttp://www.alnilin.com/32862.htmhttp://www.alnilin.com/32862.htmhttp://www.alnilin.com/32862.htmhttp://www.alnilin.com/32862.htmhttp://www.alnilin.com/32862.htmhttp://www.alnilin.com/32862.htm
(عدل بواسطة سعد الشبلي on 05-13-2016, 03:22 PM) (عدل بواسطة سعد الشبلي on 05-13-2016, 03:25 PM)
05-14-2016, 01:20 AM
osama elkhawad osama elkhawad
تاريخ التسجيل: 12-31-2002
مجموع المشاركات: 20754
الأعزاء المعز ووليد عكاشه وعلي عبد الوهاب وزميلي الموسيقي المعز وصديقي صاحب البوست الجميل الذواق زكريا فضل جئت لاحييكم على نقاشكم المثمر ليس لمساندتي ولكن لمساندة الفنان السوداني الذي يعاني كثيرا وكل زاده هي هذه المحبة وعيب على نفسي الا تحييكم =======================
05-15-2016, 08:42 AM
Zakaria Fadel Zakaria Fadel
تاريخ التسجيل: 01-24-2013
مجموع المشاركات: 2003
اخونا وليد السلام عليكم و رحمة الله وينك يا راجل ..ياخي منتدى المريخ زاتو انت خليتو... والله مشتاقين جدا.....
التحايا للجميع...الخواض..المعز و المعز ...والاستاذ الموصلي اما بالنسبة لحاتم... فهو في رأي قد (اثرى) البوست..ولكن في مسار مختلف تماما.... لم يكن قصدي عندما كتبت هذه الاسطر في استهلالية البوست..ان يكون الموضوع (تقييم) للاستاذ الموصلي بقدر ما كانت محاولة لايضاح وجهة نظر حول (لماذا كان الموصلي مختلفا ) عن رصفائه ..وكيف انه ارتقى بالحس الموسيقي لمجموعة (معتبرة) من ابناء جيلي -كما ازعم - وحاولت تعضيد هذا الرأى بعدة ملاحظات عن اداء و انتاج يوسف الموصلي منذ بداياته و الى ما قبل ثورة الانترنت و ال (يوتيوب)..وال (قوقل).
05-17-2016, 11:44 AM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
نواصل اليوم الرؤى المتقدمة لمبدعنا الكبير يوسف الموصلي والذي كما أشرت في مقالي السابق بأنه قامة من قامات الوطن والكبرياء، وموجة في شواطئ الإبداع تصنع بحر الجمال والنقاء والعذوبة والدليل هو سياحة آخذكم معي فيها عبر بعض انجازاته في سيرته الذاتية المختصرة والتي انتزعتها منه انتزاعاً لنعلقها في صدر الشمس هكذا أمام بهاء أعينكم المضيئة.
إسمه يوسف عثمان محمد بلال وهو من مواليد الخرطوم غرب وتعلم بمدرسة الخرطوم غرب واحد الابتدائيه ثم مدرسة الخرطوم الاهليه الوسطي والانجيلية المصريه ومدرسة جمال عبد الناصر الثانوية العليا. تعليمه العالي كان بالمعهد العالي للموسيقي والمسرح (تاليف وتوزيع) ثم نال شهادة الماجستير من كونسرفتوار القاهره (تأليف ونظريات) وماجستير من جامعة ايوا بأميركا (التاليف والموسيقي الاليكترونية).
عمل بالتدريس في مدرسة الخرطوم الثانوية العليا (السودان)، المعهد العالي للموسيقي والمسرح بالسودان، مركز الموصلي لفنون والموسيقي (الولايات المتحدة الامريكية). وكانت له مهام إدارية حيث كان المدير الفني لشركة جواهر للانتاج الفني، المدير الفني لشركة سودان فستفال، الشريك المؤسس والمدير الفني لشركة حصاد للانتاج الفني، الشريك المؤسس لشركة اصاله للانتاج الفني.
في مجال الانتاج الغنائي و الموسيقي له مئات الاغنيات لحنا وتوزيعا واشرافا منها البومات امطرت لؤلؤا للكابلي والمجموعه، ليل الشجن للبلابل، ارحل لوردي، سوف يأتي لمحمد الامين، الحزن النبيل والبت الحديقه لمصطفي سيد أحمد، وألم الفراق لابراهيم عوض، مانسيناك احمد الجابري، واحشني لابو عركي البخيت، حنين ياليل لزيدان ابراهيم، كل النجوم هاديه طلسم، المشاوير علي السقيد، كلمه لصلاح ابن البادية.
من أهم الشعراء الذين تعاونوا معه عبد القادر الكتيابي بروف معز عمر بخيت د. عز الدين هلالي مختار دفع الله، عبد العال السيد هاشم صديق يحى فضل الله عبد الوهاب هلاوي حسن الزبير عزمي احمد خليل بشرى سليمان محمد سوركتي وغيرهم.
له في الموسيقي الكلاسيكية الحديثه عدة اعمال لالات منفرده، مقطوعة مروي للاوركسترا السيمفوني وله عدة مؤلفات للموسيقي الاليكترونيه قام بعملية فنية مشتركة مع أحد المؤلفين الموسيقيين من فرقة (الرولينغ ستونس) باحد الاستوديوهات هناك عمل يستهدف السلام والخير والعدل لصالح منظمة حقوق الانسان العالميةسيبث العمل فور الانتهاء من عملية المكساج الفني ويشارك فيه فنانين من شتى انحاء العالم.
شارك في العديد من المهرجانات المحلية والإقليمية والعالمية منها على سبيل المثال مهرجان الاخوه السوداني المصري 1976، المهرجان الغنائي الاول 1978-1979، مهرجان الاغنيه العربيه طرابلس ليبيا 1979، المهرجان الثقافي الاول السودان 1980، مهرجان التاليف لالات النفخ 1987 روما، مهرجان الربيع 1989 كوريا الشماليه (بيونغ يانغ)، احتفال جمعية المؤلفين الروس 1989 موسكو، مهرجان الغناء السوداني اديس ابابا اثيوبيا 1995، مهرجان السوق الافريقية لوس انجلس اميركا 1998، مهرجان التاليف الموسيقي 2002 انديانا اميركا، مهرجان الموصلي ايواسيتي 2002، مهرجان التاليف الموسيقي 2003 اوبرلين اوهايو، مهرجان التاليف الموسيقي 2004 ايوا سيتي، مهرجانات للموسيقي الكلاسيكية الحديثة تمت المشاركة فيها بدون الحضور بكل من ايطاليا ، فرنسا ، انجلترا ، والمانيا .. وقاد الاوركسترا السودانية الامريكية بمهرجان الموسيقي السودانية (بسنترال بارك نيويورك) أخيرا قاد الموسيقار يوسف الموصلي الاوركسترا السودانية الامريكية المشتركة في اكبر مهرجانين سودانيين في تاريخ الموسيقى السودانية بنجاح ملحوظ وغنى فيهما أيضا في مدينتى شيكاغو وديترويت بمسرحي سنترال بارك والمسرح السيمفوني بمدينة ديترويت قام بالتوزيع الموسيقي لاغنيتين عالميتين غناهما مجموعة من مشاهير المغنيين في العالم وذلك في الحفل الكبير بلاس فيجاس باميركا وهما(تخل) أو Imagine لفنان الخنافس جون لينون وأغنية نسم علينا الهوى للرحبانية وفيروز وكان ذلك بفندق MGM Grand .
قاد يوسف الموصلي اوركسترا المعهد العالي للموسيقي والمسرح في مهرجانات الثقافة بالسودان للاغنيات الاتيه: مسدار غناء عبدو الصغير، رساله الي امي سميه حسن، وينك انتي يوسف الموصلي. مما يملآ النفس بالفخر أن مبدعنا يوسف الموصلي هو الموسيقار السوداني الذي قاد اوركسترا الفرقه الماسيه (احمد فؤاد حسن) بمصر في تسجيلات الراحل احمد الجابري باستوديوهات الاذاعة المصريه (ماسبيرو) وقيادة اوركسترا الفرقه الذهبيه (صلاح عرام) بمصر في تسجيلات الفنان عثمان مصطفي باستديوهات الاذاعة المصرية (ماسبيرو). كما له اغنيات مشتركه مع عبد اللطيف التلباني، زينب يونس، ايمان الطوخي مصر، أحمد ابراهيم وجميعهم من مصر، وأيضاً طفل العالم الثالث مع محمد وردي، مصطفي سيد احمد ونيفين ثم لصوص العصر مع هادية وعلي السقيد.
له عدة مؤلفات في النقد التحليلي منها سلسلة التحليلات بمجلة الاذاعة والتلفزيون السودانية 1976-1979، صفحة واحة فنون بجريدة الخرطوم 1995 وعلي العديد من مواقع الانترنت بالإضافة لسلسلة كتيبات اهل المغني والتي حوت الفنان محمد وردي، والراحل المقيم مصطفي سيد احمد عليه الرحمة وهو الكتاب الثالث في تلك السلسلة والفنان يوسف الموصلي.
أحبتي هذا بعض من ابداع أهل بلدي الذين شتتهم هم التداعي بين أقبية اللهيب وبين حقل البرتقال. فلنصلي إذن من أجل وطن يحلم بعودة شرايينه التاجية لغرف القلب وأنسجة المحبة..
مدخل للخروج: من كان يدرك أن لليوم الجديد نوافذ تدنو مع القمر المضىء.. من كان يحلم بالمرافئ والمواقيت المطلة أن تجىء.. من كان يغسل لوعة الانسان يرحل صوب ميلاد جرىء.. معز – البحرين
05-17-2016, 02:51 PM
Yousuf Taha Yousuf Taha
تاريخ التسجيل: 05-03-2013
مجموع المشاركات: 1034
الأخ حاتم ارجوك حقو حقو تحفظ للناس مقامها (اقلاها خت اعتبار لفارق السن بينك وبين الاستاذ الموصلي ما اظنك تختلف معاي في حتة انك تخاطبه باسمه حافي كدة( حاجة ما لزيزة والله) وهو اكبر منك سنا وكذلك الاستاذ اسامة الخواض كلامي دا على مبني على افتراض انك من جيلي وعندي احساس انك اصغر سنا من استاذ اسامة الخواض والاستاذ الموصلي صوبني اذا اخطأت. انا كزول عادي(ordinaire) و مستمع بسيط ارى ان اسهام الاستاذ يوسف الموصلي لاتخطئه أذن في خارطة الموسيقيى السودانية لا اعتقد اننا نختلف في الحتة دي انت مختلف معاهو في حتة الريادة في حتة معينة حسب فهمي البسيط
بقية الشغل الاكاديمي الانت بتجيبوكان ممكن الناس تستفيد منه -قراء- وغيرهم لو سلكت مسلكا افضل في توضيح فكرتك بعيدا عن مفهوم العداء والدوشمان الاسفيري والكيتة في عالم السايبر لاتنقصك المعرفة والذكاء كما نوه بعض الاخوة هنا بس ( يخ عليك النبي اسلوبك اسلوبك اسلوبك شوية داير ليو حبة تصلح )بالذات في النقد تابعتك في بوست الترجمة مع الاستاذ اسامة الخواض البوست كان ماشي كويس فجأة لقيتو قلب هسي تاني هنا بديت كويس واستمتعت جدا بمداخلاتك الدقيقة ...................................... بس في حتة الاسلوب دي صراحة ما كنت موفق ارجو المعذرة ان كان في قولي غلظة واعتذاري لصاحب البوست الاستاذ ذكريا وبقية الاساتذة والاخوة
تحياتي
05-17-2016, 06:35 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20754
Quote: الأستاذ الموصلي لا يهضم الآخرين حقوقهم. وأدناه إجابته على تعليق الأستاذ متوكل توم:
ياخوي هضمها ثم تجشأ فتلفت يبحث عن المزيد ههنا
1- صنف نفسه الناقد الأول في السودان 2- زعم أن الناس لم تعرف عن مصطفى سيد أحمد إلا من خلال ما يكتبه Re: حتى أنت يا موصلي تدخل دوامة الإجترار!!!Re: حتى أنت يا موصلي تدخل دوامة الإجترار!!! 3- انتحل صفة أول من أدخل البوليفوني في جمهورية السودان 4- ادعى أن أعماله انسترومينتال ولا يملك من هذه الصفة إلا زعمها 5- أخونا يوسف لا يفتأ يزعم بأن كل ما يلحنه هو الأفضل على الإطلاق، زندية ساكت كدة
دا الأنا متذكرو. ____ لكن برضو أخير كتابتك عن الموسيقى العسكرية بدل تملانا كلام عن الروايات في بوست عن الموسيقى. يلا أقنع صاحبك يتنازل عن لقب أول بوليفونيابي
05-21-2016, 04:18 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: حزنت لأن نقد حاتم للموصلي كان ممكن يشكل مادة ممتعة جدا و يفتح نوافذ قيمة في النقد الموسيقي و نستفيد كلنا +++ فللأسف ضاعت فرصة لحوار مفيد بسبب طابع الشخصنة و المشاداة المحزنة مما بدا لي هنا و لا أدري السبب و الداعي لهذا كما بينت، +++ تعليق من جانبي حول نقطة أثارها حاتم فيما يتعلق بموسيقى موصلي و بالتالي "موهبته" التي لا أتفق مع حاتم نحوها بمثل ما قال به من حكم جزافي مطلق كما لم يتفق غيري معه. حاتم كتب:
"توظيف الآلات أيضاً قاصر في معظم أعماله على الوتريات (الكمان تحديداً) و ليس كل الآلات، لا أظنه يعرفها كلها حتى، البقية مؤثرات صوتية بدون رؤية."..
لكن موصلي لا يقبل النقد أصلا
ولو أني لم آتي ناقداً بل مصححاً فالبوست أصلاً صنع صناعة وصاحبه وجد نفسه مدفوع دفعاً ولكزاً للإطراء، إن تابعت الصفحة الأولى ستجد في ظهر كل مداخلة لأخونا زكريا مداخلة جزلة من أخونا يوسف ولسان حاله يقول (أها وتاني؟). +++ طابع الشخصنة مألوف عند أخونا يوسف من تاريخ أول بوستاته، الرجل نرسيسي بامتياز ولا يسمح بمقعد ثاني جواره. +++ نعم وأصر عليها، أخونا يوسف لا يتطور أبداً، الوتريات والكمان تحديداً هي ما تعلم التجربة عليه أيام الماجستير وهي ما يجيد التعامل معه بالبرامج الإلكترونية (نسبياً) وهي أيضاً (اي الكمان) الآلة الأميز في الموسيقى الكلاسيكية التي يحاول مؤاخاتها مع موسيقانا المحلية بلا تروي وغض النظر عن مزاج المستمع. سأدفع بالتفصيل هنا لاحقا مع التمثيل لكل حالة. ____ أخيراً، أخونا يوسف يرفع نفسه لمستوى يصنف معه الآخرين "لبلاب متسلق" وإن اجتازوا امتحاناته التحريرية السهلة جداً
05-21-2016, 04:41 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: و راجل كتاب بشكل ما طبيعي و كمان مريخابى و لقيتو منداح و البوست جميل و ممتع و عن يوسف الموصلى و حكاية ما تخلص .. بالله الصفحة الأولى ما وصلت النص جات الكتاحة ؟ ليه كدا يا حاتم ياخى ؟ جبلى ولا صحراوى أنت مشكلتك شنو بالضبط و قاعد تغالط ليه أساساً ؟ +++ لولا تهذيب دكتور زكريا الجم العارفو أنا كان حرشتو يقع بيك واطة لأنك خربت البوست +++ يبدو أنو ما عندك كاريزما إسفيرية و بوستاتك ما قاعدة تجيب دخل عشان كدا بتدخل تنشر بضاعتك فى البوستات المقروءة +++ مصطلح كاريزما إسفيرية دا قطعتو هسى من راسى رجاء ما تدخلنى مدرسة و فصل و سبورة
وليد عكاشة إزيك!
معليش أنا كنت غايب في الركايب
ترى شغلتنا أموالنا وأهلونا.
أولاً: البوست دا طلب خاس من أخونا يوسف وزكريا كان مجبور يواصل فيهو، الراجل لطيف لكن المستفيد الأول لفيف وخفيف.
ثانياً: قاعد أغالط عشان أنقذكم من المنظراتية والمهللاتية، مشكلتي مش مع المصطلح، لا، مع الصنع المصطلح وأنكره بدون توضيح وبدون تعريف وبدون اعتذار.
رابعاً: وصفك للبوست بأنه كان مقروء جانبه الصواب، اسأل سيد البوست عشان يأكد ليك.
خامساً: بالعكس، أنا بشجع أي شخص يصنع مصطلحات لسبب بسيط، المصطلحات في دنيانا أغلبها مصنوع والقليل منها موضوع اتفاقاً، أضرب ليك مثل بمصطلح (صوت صحراوي) دا كان ممكن أخونا يوسف يستجمع خبرته في الجانب دا (إن وجدت) ويضع ليهو تعريف مختصر ونموذج مثالي، أها يقوم واحد يلتقط المصطلح ويكتب عنه في بوست تاني وتالت وبعدين ينتقل المصطلح لمقال في جريدة أو مجلة ومنها لبرنامج تلفزيوني ومنها لمقال بحثي في نشرة دورية متخصصة وفي آخر المطاف لقاموس متواضع وفي النهاية لمعجم موسيقي متخصص، انت قايل المصطلحات ديل بيستوردوهن؟ أياها طريقة ولادتهن القيصرية دي بس أخونا يوسف ما داير يتحمل أبوة مصطلح مشرشح عشان كدة عصرنا عليهو يعترف بأبوته للتيمان ديل (صوت صحراوي، صوت جبلي) فأبى واستكبر.
____ الشلبي وأسامة المغمور جداً ديل غاوون ساكت، هسع بدل حاتم إبراهيم يكونو سموني "هادم اللزات" عديمي الكريزما ديل
05-21-2016, 05:50 PM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
حاتم انت مفتكر نفسك عالم وناقد وموسيقار وموسيقي وعايز ناس تهتم بيك وتشكرك زي الموسيقار يوسف الموصلي ، لكن الاستاذ الموصلي نال احترام كل الناس بالعلم والمعرفه والتواضع واعماله تتحدث عنه .
05-22-2016, 06:18 PM
osama elkhawad osama elkhawad
تاريخ التسجيل: 12-31-2002
مجموع المشاركات: 20754
Quote: الكلام المقتبس الفوق دا ما صاح حاول يا أسامة تفهم انت بتنقل في شنو، طالما الله فك ساجورك من لفقة الرواية و"باختين" بالبوست دا.
التدوين الموسيقي إطلاقاً ما كان دقيق في وصف الموسيقى، بل تقريبي.
أهلاً ياحاتم،
دا كلام الدكتور الفاتح حسين.
يمكنك فتح بوست منفصل،
لمناقشة بحثه التاريخي الأكاديمي. __________________________________________________________________ سنعود لاقتباساتنا من بحث الدكتور الفاتح حسين عن "الموصلي".
05-24-2016, 05:45 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
استاذ اسامه لو حاتم فتح ليهو بوست منفصل الا يتداخل فيه مع نفسه لانو مافي زول بجيه زي بوسته بتاع الترجمه . حاتم هدف الثاني بعد ما فشل مخططه الاول في التشابي للنجوم عايز يخرب البوست وزي مال قال المحترم زكريا حاتم اثري البوست لكن في الاتجاه المعاكس . استاذ اسامه حاتم لابقنعو كلام الاستاذ الفاتح حسين ولا كلام الاستاذ مصطفي سيد احمد ولا الناقد الاستاذ صلاح شعيب ولا كتابات بروف معز عمر بخيت ، يعني معقول كل الاساتذه المحترمين ديل بيجاملو في استاذ الموصلي ، حاتم ماعندو موضوع غير الجدل والغلاط و والنقاش معاهو محصلته صفر وياريت الاستاذ يوسف الموصلي يسمع نصيحه ويناي بنفسه عن البوست وعدم التواضع لامثال حاتم . والتحيه لصاحب البوست المحترم زكريا .
يا حاتم تهدي لي اغنيه يا ضلنا ما قصرت تب ، بس لازم تعرف انو الاستاذ يوسف الموصلي عشان ينجز العمل دا سافر من القاهره للدوحه عشان يسجل صوت الاستاذ مصطفي سيد احمد لانو مصطفي كان في قمه مرضه وبعد ما سجل صوت الاستاذ مصطفي سيد احمد رجع الموصلي للقاهره وقام بتوزيع كل اعمال شريط البت الحديقه ويا ضلنا واحده من اغنيات الشريط ، شوف المجهود والتضحيات والزماله ، مرت ما يقارب العشرين عام علي العمل ولم ينسي اتمني ان تكون انت اسمتعت باللوحه الفنيه مابين ابداعات الاستاذ مصطفي سيد احمد وتوزيع الموسيقار يوسف الموصلي .
06-02-2016, 05:50 AM
المعز ادريس المعز ادريس
تاريخ التسجيل: 05-18-2009
مجموع المشاركات: 1569
بسامح المعتدي حاتم في هذا الشهر الكريم بلفظه ( للاخ الشبلي طيب الله ثراهو ) وطالما يا حاتم بتعرف الله نزكرك بقول الرسول صلي الله عليه وسلم ( ليس المؤمن بالطعان ولا اللعان ولا بالفاحش ولا بالبزيء) .
06-06-2016, 11:56 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
لم توفق في اختيار الفيديو يا أسامة، أحياناً بتديني شعور إنك بتحاول الإيقاع بالرجل
الفيديو الأول موصلي ظهر بطريقه لا تشبه الفنانين وربما فيها دلالات لتصرفاتنا كلنا أمام الكاميرا: - منحني للأمام ويدينو بين ركبتينو - ينظر للأرض وأحياناً للسقف وليس لمحاورتيه أبداً، الدقيقة من 4:00 إلى 4:20 - المذيعتين الاتنين مافي مستوى الضيف ولا عندهن الخلفية لمقابلة من النوع دا - صوت الأغنية في الخلفية غير موفق ويضيف للجو الحزايني الكئيب للمقابلة
في الفيدو التاني بعدين المذيعتين ديل متحامرات، فاللابسة أصفر دقشت التانية في الدقيقة 1:23 وقالت ليها (خلينا من الحسابات بتاعتك الضيقة جداً) وديك امتصت الهجمة، ثم تربصت حتى الدقيقة 4:26 ثم عكست صاحبة التوب البرتقالي الهجمة وقالت (بعد مقاطعة تلافيح والنظرة الضيقة وكدة)، وأنا سمعت تلافيح في الدقيقة 4:32 عملت ليها قندتين (ضحكتين أنفيات) قصار كدة نظام (بِسْ!) والصوت واضح والمعنى واضح.
مخرج بيحترم ضيفو الفنان ما بيختار اتنين مترايدات قدر دا، شفنا في قنوات تانية الدق والرش بالموية والفلق بالكبايات ومعط الشعر بيحصلن عديل.
بعدين ياخي لا يمكن في برنامج حواري تعلق المذيع في كرسي حلاقين وتخليهو ينظر للضيف من ارتفاع 60 سنتمتر وهو قاعد محاصر في كرسي زي الحلة و(على دنقيرتو) دي بتدي انطباعات ما كويسة للضيف والمشاهد، ما شاف أوبرا المخرج دا؟
وبرضو أغنية الختام غير مناسبة، بصراحة اللقاء غير موفق. ____ وموصلي أوجه بدون بدلات، رأيي الشخصي
06-07-2016, 10:59 AM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
Quote: بالنسبة لاخونا حاتم فلن تقنعه بشئ لان موضوع ذكر اسمه باستمرار يستند على خالف تذكر بالصاح والغلط كان الله في عونكم
بخصوص الصاح والغلط حالو اقنع أي زول غيري، اتفقنا؟
الصاح شنو والغلط شنو في التحت دا: 1- أعمالك الغنائية لا تصنف (Instrumental) ولا تشبهها. 2- لا يوجد أي تصنيف علمي أو عشوائي تحت مصطلح (صوت جبلي) أو (صوت صحراوي) والأصوات الغنائية لا يتم تعريفها جغرافياً. 3- لست أنت أول من أدخل مبدأ التراكب الموسيقي (polyphony) في السودان.
بس عشان المصداقية والمهنية. _____ موضوع الدليب اليوناني انتهينا منو باقي الموضوع المزعمط دا
06-24-2016, 10:52 PM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
ياحاتم مش قلت الروب !!!!! المنبر دا كلو شغال تسب في الكبار والصغار مما جاتك ما اتحملت ياخ انت مريض امشي اتعالج . ياحاتم وين اعمالك يا موسيقار هههههههه الموضوع ما مظعمط ولا شي الا تكون انت منظعط من الاستاذ الموصلي واعماله تكفي .
07-09-2016, 05:42 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أحححححححححححححححححححححححححح أعود لبوستي بعد التشتيت
Quote: اها يا حاتم ان في انتظارك تجيب تسجيل واحد لاي من المغنيين الذين ذكرتهم يمسح فيها المغني الاوكتافات الخمسة غناءا وما حأزعجك وسوف انتظر طويلا
Quote: حاتم .. انا كنت عارف ان الاستاذ الموصلي حيوصلك للحتة دي ومن مداخلتك المعنية فوق.. وانت ختيت نفسك في حتة ضيقة وانا شخصيا ما كنت عايزك توصل للنتيجة الانت جبتها لانك اتسرعت جدا وانا عارف استاذنا الموصلي ملم بى علم الفونتكس الماما تاما وبى شقيه الاتنين The acoustic phonetics and The articulatory phonetics وهو بكل بساطة قدر يحاصرك يا حبيبنا حاتم
أحححححح، ههههه، للأسف يا أخ أحمد ياسين انتو الاتنين فهمكم غلط
آسف جداً للتعبير الصريح، لكن أنا كنت مقدر ليك اعترافك الضمني بخطأ ترفيعك وتقديمك للقبين بالمجان لأخونا يوسف: 1- أول زول يدخل تقنية تراكب الألحان في الموسيقى السودانية (polyphony) 2- تصنيف موسيقى أعمال يوسف على أنها (instrumental)
فلا انت اعترفت بالخطأ ولا هو اعتذر عن اللقبين، لكن يحمد ليك إنك بهدوء أعدت الأمور لنصابها بذكرك لتاريخ الموسيقى العسكرية، وللسبب دا حفظت ليك حق التراجع بدون ما أضغط عليك.
دلوقتي بتقول إني اتسرعت "وحتة ضيقة" مع أن الأمر في غاية الوضوح المتسرع في الحقيقة هو الشخص البيجي يفتح بوست وهو ناوي المسح قبال ما أنا أشوف البوست ذاتو، والحتة الضيقة هي البتخليهو يمسح في أول فرصة والهروب من الحصار هو البخلي الزول يقول (أحححح) ولا شنو؟
Quote: اها يا حاتم ان في انتظارك تجيب تسجيل واحد لاي من المغنيين الذين ذكرتهم يمسح فيها المغني الاوكتافات الخمسة غناءا وما حأزعجك وسوف انتظر طويلا
الكلام الفوق دا بصراحة فهم مغلوط وراسخ لذلك بكل بساطة بيقول (سوف انتظر طويلاً) لأن غرضو في النهاية يلقى سبب يمسح بيهو المداخلات وبعدها يقول (أحححححححححححححححححححححححححح) هههه يعني ارتاح من كل الأسئلة الممكن تعري معارفو قدام الناس، مش كدة يا يوسف؟
طيب، خلينا نشوف خطأكم الاتنين شنو بالضبط:
لما تعرف المدى الصوتي لمغني، لاحظ "لمغني" فانت بتحدد مداه الصوتي إجمالاً أدنى وأعلى نوتة ممكن يؤديها مش بالضرورة في عمل واحد وإلا تكون مضحكة لأننا حنلقى عدة مديات صوتية متعددة حسب الأعمال.
الفهم المغلوط ليك وليوسف إنكم معتبرين المدى الصوتي يحسب بالقطعة، يعني لو ماريا كاري غنت في أغنية صاخبة وكان اللحن البتؤديه غناءاً يحتاج تلاتة أوكتيف فأنتو طوالي حتقولوا ماريا كاري مداها الصوتي تلاتة أوكتيف، طيب ياخي فلو غنت في أغنية هادئة مختلفة بلحن آخر يتطلب أوكتيفين، هل حتقولوا مداها الصوتي أوكتيفين وهي نفس الشخص؟
ودا ببساطة فهم النوتة (نرجع ونجي للفهم البصري للموسيقى) يعني انت ويوسف فهمكم بكل بساطة إنو المدى الصوتي للفنان هو (الممكن يغني بيهو أغنية واحدة، مسح شوط واحد)، فلما يجو ناس الموسيقى (الحقيقيين) ويقولوا ماريا كاري مداها الصوتي سبعة أوكتيف هل دا في فهمكم انتو الاتنين إنو في أغنية (وااااحدة) لازم تغنيها ماريا كاري و(تمسح) هههههه زي ما قال أخونا يوسف كل الأوكتيفات الخمسة ولا السبعة عشان تتأكدوا؟ دي موسيقة وين؟ ودي حنجرة وين دي؟
ويا يوسف، ياخي لما صححنا كلامك عن (retrograde inversion) وقلنا ليك انت غالباً بتقصد (Accompaniment) رجعت واتاكدت "بقوقلة" ودي تحسب ليك وجيت قلت
Quote: ولكن للحق ايض المصطلح Accompaniment يستخدم كثيرا خصوصا عندما تصاحبالة البيانو
وشوف برضو التحجر في حتة (بيانو) يعني ما ممكن يغني بمصاحبة آلة تانية غير البيانو؟
ينولك ثواب، أرجع اتأكد من أساتذتك عن التعريف الصحيح للمدى الصوتي، وتعال قول حاتم غلط بدليل كذا وكذا ومسح المداخلات ملحوق. ____ أحمد ياسين، المجاملة الكتيرة ما كويسة.
Quote: الموصلي .. بحر العلوم ببساطة شديدة وقبل ان ندخل في تفاصيل موسيقى يوسف ومجاهداته الملحوظة في حركة توظيف كل الالات بلا استثناء لتخدم اللحن .. او ما يعرف بـ (الإنوسترومنتالية ) +++ يوسف ممكن نقول ارتقى بموسيقانا الى افاق ارحب ويمكن عالج نقطة مهمة وهي ان موسيقانا احادية او وحيدة الصوت (Monophonic ) وعمل يوسفا جاهدا ونجح في ان يجعلها ذات اصوات عديدة او متعددة (poly phonic)
دلوقت خلينا نتأكد من صدقيتك بالواضح يا أحمد ياسين
وبدون أي مجاملة، هل تعتقد إنو كلامك الفوق دا حقيقي وواقعي؟ يعني الجملتين التحت ديل المعلومة الأنت قدمتها فيهن صحيحة ولا خاطئة وبدون مواربة 1- يوسف أول زول يدخل تقنية تراكب الألحان في الموسيقى السودانية (polyphony) 2- موسيقى أعمال يوسف تصنف على أنها (instrumental)
أنت ممكن تضع اعتبار لخاطره، بس في الحسابات المهنية المجاملة تعتبر مداهنة. ____ ودائماً في لحظة حقيقة بتبين فيها النوايا.
07-09-2016, 05:51 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: Re: الصاعد حسين الصادق تجري في عروقه جينات ال�Re: الصاعد حسين الصادق تجري في عروقه جينات ال� لكن الاطلاع لايعني الفهم العميق لتخصص ساهم في نظرياته الهارمونية على سبيل المثال لا الحصر "فيثاغورث" صاحب النظرية الهندسية الشهيرة مربعات الوتر في المثلث القائم الزاوية تساوي مربعات الضلعين الاخرين الهارموني ده حتى النوع البسيط منه عندنا موسيقيين ذاخو في الامتحان بتاعو لمن جابو ريحة وريحوهم وفاقو
إذن فمن الواضح أن الأمور كانت صعبة بالفعل عليك
أظن فيثاغوراس قال (مربع) واحد ما مربعات، لكن قسموها ليكم يا يوسف مربعات صغار صغار عشان التوضيح وعشان تقدروا (تعدوها بالحبة) ما أكتر، وبعد دا صعبة؟
تعرف يا يوسف، أنا دائماً كلامي في محلو هههه، يعني هسع انت بتقول داخو، ياخي ناس جايين من بيوتهم بدون خلفيات رياضية ولا حتى عندهم استعداد للحساب ناهيك عن المعادلات الجبرية البسيطة، فلما يجيبو ليهم معادلات تفاضلية ما يدوخوا ليه؟ ههههه
يلا دلوقتي انت بكل بساطة يا موسيقار بتربط النموذج الرياضي النظري للتوافقيات بالحقيقة الواقعية المسموعة للهارموني، الأولى نموذج رياضي يا يوسف (معادلات تفاضلية) ما أي زول مستعد يفهمها من أول مرة، لكنها غاية في البساطة لو طرحت ليهو بمظهرها المسموع أو المرئي، زي لما ترمي حجرين وراء بعض في موية مثلاً. والتانية ياها المسموعة للناس، بالله عليك يا يوسف ما تدي الناس انطباع بأنو الموسيقى (rocket science).
جملة (جابو ريحة) دي أنا في البداية فهمتها حاجة تانية هههههههههه ____ تعال لي في بوست الموسيقى وحتعرف إنهم داخو من بلادة ساكت
07-10-2016, 00:04 AM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: أخي حاتم وانا اطالع هذا البوست الآن من اول مداخلة وعندما وجدت ما اقتبسته (هنا في مداخلتي) اندهشت حقآ!! وعندما تابعت القراءة وجدت أن أستاذي الموصلي قد أوفى الشرح بالرسم البياني الذي يحدد مدى الأصوات البشرية.. مهما بلغ اتساع مدى الصوت البشري فلن يبلغ ما تفضلت به من معلومة.. والصوت المستلف الغير طبيعي يستخدم بتكنيك معين ولنوتات لا تبعد كثيرآ عن المدى الصوتي الطبيعي..( هذا تخصصي صوت وبيانو الذي تخرجت به من كلية الموسيقى).. +++ أستاذ الموصلي أستاذي ومعلمي وله عندي كل التبجيل والإحترام والحب .. فرجائي التلطف في مخاطبته بلغة تتجاوز الاختلاف الغير مستحب ، واجتهادك في سبر غور المعلومة يجعلنا تلاميذ في حضرته وهو يحاورك ويجيب على تداخلك بعلمه ومعرفته الأكاديمية وارثه الفني العظيم.
يا أخ عزيز، مشكلتنا عدم التفريق بين الاحتراف والمجاملات والعام والخاص
أستاذك لا أوفى لا حاجة، فتح (قوقل) وجاب الرسم المنشور والمعروفه تفاصيله لكل الناس من قبل القرن التمنطاشر، انت شايف دا انجاز؟
أنا تكلمت بما فيه الكفاية، لكن يبدو لي الحاصل في الكلية شيء والعالم برة شيء تاني، شوف الفيديو دا وأرجع لي، أنا قلت في جمود في منهج الكلية ودي أول بادرة تظهر تؤكد كلامي، البوست اتحذف مرتين للأسف. ياريت أنت قبل ما ترد: 1- تورينا تعريفكم شنو في الكلية للمدى الصوتي؟ 2- وفهمك انت الخاص للمدى الصوتي، بكل وضوح وما تعاين ولا تضع اعتبار لأي أستاذ درسك أو شخص عزيز عليك، اتفقنا. 3- وبعد داك تعال ورينا كيف بتحددوا المدى الصوتي للفنان عندكم في الكلية، تمام؟
عشان نعرف سوء الفهم وين، يمكن عندكم تعريفات سودانية خالصة، وارد جداً.
نقول ماريا كاري ممكن تبدأ من (F2) وتصل بصوتها لغاية (G7) خمسة أوكتيف كمثال، تمام! دا بيعني إنها ممكن تصل للنوتات الدنيا والقصوى (القرار والجواب) دي عرضاً في فترات قصيرة، حسب للأداء لكن مش شرط إنو الغناء بتاعها كلو يكون بكامل المدى أو يألفوا ليها أغنية مخصوص تؤدي فيها كل النوتات من أدناها لأقصاها، دي تبقى طبخة ما أغنية.
وبحسب كلام يوسف يبدو لي إنو ما بيفرق بين البشر والآلة في الجزئية دي، يعني اشترط (مسح) النوتات بقرارها وجوابها في عمل واحد (جاب كلامو دا من وين ما عارف)، آآآي ممكن تقعد على البيانو ياماها بتاع الكلية وتجرب المدى الصوتي للبيانو في دقيقة واحدة، وممكن تختبر الكمنجة في خمسة دقائق لأنها آلة ما بتتعب، لكن ياخي حنجرة البني آدم مختلفة، بتصل لحدود قدراتها عرضاً لكن ما (مسحة واحدة) في أغنية واحدة، ، جايز تتلقي أغنية فيها كل المدى وجايز لا، مافي ملحن بيتعمد يعمل كدة بمعزل عن مقصد الكلمات، فالناس بتألف الأغاني للمعاني مش لاختبارات الصوت. يوسف نفسه بعد ما وضع الرسم الجابو (بقوقل)، ودي تحسب ليهو، جاء قال:
Quote: ابو داؤود ده الله يرحمو واحد من آعظم خمسه مغنيين في تادريخنا لو لكن صوتو ييبدا الباص ويعديدمنو للباريتون ويهبش حبة صغمبوته فس التنينور التاني
مافي معلومة جديدة هنا ولا يعتبر أبو داؤد حالة خارقة للمألوف، لكن نحن عاملين تعظيم في مسائل أكتر من عادية بسبب الانغلاق وخاطر فلان وزعل علان.
في تعليقات عن ظاهرة ماريا كاري دي في صحيفة التلغراف (الما أي زول عمل دكتوراة بيكتب فيها) وتكلموا عن (vocal range) نحترم رأي محترفين غربيين أسياد النظرية وحساباتها من القرن السادس عشر ولا كلام شخصين من السودان واحد بيدرس اللغة العربية (رغم احتراف الموسيقى) والتاني كان طالب عنده؟ الناس ديل يا عزيز يا أخوي ما ببقوا فنانين من أستوديو أغاني وأغاني، ولا بالشغل بتاع الوساطات والمجاملات والسمسرة.
دي أمريكا ياعزيز ياخوي، لو ما نافست بقدراتك الحقيقية ما بتبقى فنان ولا ناقد ولا بعام ذاتو، شهادتك ماجستير ولا دكتوراة تعلقها في البيت أو ترجع بيها بلدك تعمل بيها (توصيات) لبت فلان وود علان، عندنا هنا الميدان يا حميدان، غض النظر عن أي اعتبارات تانية، نحترمه لسنه وبنحترم اجتهاداته، وعاجبانا أغنياته، بس الكلمة أمانة.
+++ يعني أخاطبو (الأستاذ الموسيقار)؟ لو عايز كدة يجاوب على الأسئلة البتزاوغ منها دي، هي الأستاذية دي زندية ساكت. يا عزيز يوسف أستاذك ما قاعد يجيب على أي سؤال وشغال مسح، ولما الناس يسألوه مسحت ليه يقول ليهم حاتم عامل بوست تكاتيك وحاقد علي، في بوست زكريا دا بس في تلاتة أسئلة ليهو شهور بتغافل عنها لأنها محرجة بالنسبه ليهو، وفي بوست الدعاية العملت فيهو مداخلتك دي في سؤالين ليهم تلاتة أيام كأنه ما شايفهم، حصل سألت أستاذك المشكلة شنو في الإجابة عليهم؟ انت داير تكرم أستاذك بالتغاضي عن أخطاؤه وعجزه عن أسئلتنا البسيطة دا شأنكم، لكن دا منتدى عام ولا يصح إلا الصحيح. ____ آسف للنفس الحار وأتمنى مواصلة الحوار.
07-10-2016, 01:04 PM
عزيز عزيز
تاريخ التسجيل: 04-12-2002
مجموع المشاركات: 3290
Quote: ياريت أنت قبل ما ترد: 1- تورينا تعريفكم شنو في الكلية للمدى الصوتي؟ 2- وفهمك انت الخاص للمدى الصوتي، بكل وضوح وما تعاين ولا تضع اعتبار لأي أستاذ درسك أو شخص عزيز عليك، اتفقنا. 3- وبعد داك تعال ورينا كيف بتحددوا المدى الصوتي للفنان عندكم في الكلية، تمام؟
عشان نعرف سوء الفهم وين، يمكن عندكم تعريفات سودانية خالصة، وارد جداً.
اخي حاتم أسعد الله يومك باليمن والبركات
اولا اسمح لي عندنا في الكلية؟؟ انا خريج 95 واعيش منذ ذلك التاريخ خارج الكلية والسودان عامان في ماليزيا و 19 عام في هولندا لم يقف عندي البحث والاطلاع والآن اكتب لك وابني الأصغر يتمرن أمامي بيانو ..البيت عبارة عن كونسرت دائم لأنه حين لا يكون هناك من يجلس على البيانو أو يتابع ما له علاقة بالموسيقى تجد صوت ال FM كلاسيك ميوزيك ننام ونصحى بها..إذن لم تقف المعرفة في الكلية وهو ديدن كل كلية تمنحك الأساس وتفتح لك آفاق البحث العلمي والمعرفة.. اكيد مقررات ومناهج التعليم في الكلية تتطور بتطور المحاضر وكثافة اطلاعه ومعرفته ولا أعتقد بعد كم وعشرين عاما ما زال ذات المنهج والمعرفة .. لذلك اعتقد مخاطبتي بعندكم في الكلية تقليل من شأنها واساتذتها وخريجيها وطلابها! ولكن دعني اجيبك على اسئلتك.. وهي في الحقيقة سؤال واحد لأن الإجابة تشملها جميعآ..
هناك ثوابت في اي علم ..وفي علم الصوت الثوابت الفيزيائية والبيولوجية وهي منحة الخالق لعبده وممكن تطورها وزيادة المدى الصوتي بالمران السليم ولكن الزيادة تكون محدودة جدآ. المدى الصوتي البشري يحدد باغلظ تون في صوت الإنسان إلى أحد تون في صوته (الصوت الطبيعي بدون استلاف) ومهما كان الصوت واسع المجال وذلك من أغلظ صوت وهو القرار إلى أحد صوت يمكن أن يصله مدى صوت الإنسان لن يصل إلى ما تفضلت انت به إلا أن يكون انسان خارق وشاذ عن طبيعة الإنسان..لا امريكا ولا دكاترتها وعباقرتها ومنتجو وصناع النجوم يستطيعوا أن يتفوقوا على قدرة الله عز وجل..ولم يمنح الله هذه القدرة لبشر. واتمنى صادقا الذهاب لأقرب كونسفتوار في امريكا وقابل شعبة الصوت واطرح عليهم ما تفضلت به بأن مجال بعض المغنيين يصل خمسة أكتاف (الأكتاف هو الصوت الثامن اي دو ري مي فا صول لا سي دو. سلم دو الكبير) خمسة أكتاف يعني ثمانية ضرب خمسة وإذا فرضنا بأن هناك ستة أبعاد موسيقية في الاكتاف .لأن بعد الثالثة والسابعة انصاف تون (بعد نغمي) في السلم الموسيقي ذلك يعني أن خمسة أكتاف 30 (ثلاثون) بعدا نغميا !! وهذا مستحيل وغير معقول .. تقبل اخي العزيز مودتي وتقديري.. عبدالعزيز خطاب
07-10-2016, 01:47 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: المدى الصوتي البشري يحدد باغلظ تون في صوت الإنسان إلى أحد تون في صوته (الصوت الطبيعي بدون استلاف) +++ خمسة أكتاف يعني ثمانية ضرب خمسة وإذا فرضنا بأن هناك ستة أبعاد موسيقية في الاكتاف .لأن بعد الثالثة والسابعة انصاف تون (بعد نغمي) في السلم الموسيقي ذلك يعني أن خمسة أكتاف 30 (ثلاثون) بعدا نغميا !! وهذا مستحيل وغير معقول ..
مشكور الأخ عزيز، أوجزت
أعتقد كلامك بيوضح الكثير من النقاط التي تحتاج إلى اتفاق بخصوصها وتفنيدها من مختلف الأوجه، وكنت أتمنى أن أجد من يناقش بهذا الوضوح والمباشرة.
وأسفي الشديد إن مستك كلماتي بشيء، فلم أدرك من خلفيتك سوى أنك درست على يد الأخ يوسف وتوقعت أنك لا تزال حديث التخرج.
سأعود إليك خلال ساعات بمداخلة موسعة للرد على الاقتباس أعلاه على وعد اقناعك بما أقول دون الحاجة للكونسرفتوار. ____ مع خالص الشكر والتقدير
07-11-2016, 02:18 AM
سعد الشبلي سعد الشبلي
تاريخ التسجيل: 04-12-2016
مجموع المشاركات: 86
هذا الفيديو المرفق والذي هو معنون بتون ماريا كيري ( وكما كنا ننسبها لنا أيام الشباب بمريم خيري) الفيديو أصلا إستعراض لمقدرتها في الإستلاف والوصول لنوتات عليا ولكن ليس بالصوت الطبيعي وهذا تكنيك يحتاج لتدريب عالي ومهارة فائقة وأيضا هبة ربانية.. فالصوت المستلف هو تكنيك لأداء نوتات عالية ليست في إستطاعة المغني أدائها بصوته الطبيعي وهذا في حالة الغناء خارج المجال الصوتي الطبيعي..
وكان أستاذنا وردي يستخدم هذا التكنيك (الإستلاف) في المناطق العليا..
هذا هو الفيديو الذي أنت دللت به على المدى الصوتي.. وهو فيديو لتوضيح تكنيك ماريا كيري في استخدامها للصوت المستلف
ولك أخي الإحترام والود
07-11-2016, 03:26 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
Quote: ولم يمنح الله هذه القدرة لبشر +++ وهذا تكنيك يحتاج لتدريب عالي ومهارة فائقة وأيضا هبة ربانية +++ فالصوت المستلف هو تكنيك لأداء نوتات عالية ليست في إستطاعة المغني أدائها بصوته الطبيعي وهذا في حالة الغناء خارج المجال الصوتي الطبيعي.
إذن ياريت كل الغناء يكون بصوت غير طبيعي يا عزيز، وهي ماريا كاري بقت فنانة بغير قدرتها دي!
ياريت تصبر فأنا جاييك وخلاف الفيديوهات بمصادر إضافية، تذكر إنو كلامنا عن vocal range. فيبدو لي إنو الجمود في التعريف والتمسك حرفياً بمقارنة الحنجرة بالآلة والحساب الخطي للنوتات. ____ بكل بساطة.
07-11-2016, 03:32 PM
حاتم إبراهيم حاتم إبراهيم
تاريخ التسجيل: 08-11-2014
مجموع المشاركات: 3382
تم توجيه السؤال التالي له حول رأيه في "النقد الموسيقي" في السودان:
Quote: لماذا نادراً ما يوجد نقّاد موسيقيين، او أنهم لا يوجدون أبداً، ليحللوا الموسيقى ويستنبطوا منها فكراً أو يعالجونها بالفكر.. هل الأمر راجع للمستوى التجريدي للموسيقى؟
فأجاب قائلاً:
Quote: أعلى مستويات التجريد في الفنون يوجد في الموسيقى وهذه حقيقة ، خارج هذه البلاد وفي أماكن متقدمة يوجد نقاد موسيقيين ومفكرين يحللون ويقرأون إتجاهات الموسيقى ويربطونها بالحراك الإجتماعي بل يعتبرونها مؤشراً للتقدم أو التأخر . هنا لا يوجد نقاد موسيقيين كما يجب أن نصطلح عليهم ، فهؤلاء من يدعون ذلك عن أنفسهم عبر الصفحات الفنية هم مهنيين في الصحافة إختاروا الصحافة الفنية والتي تعني عندنا متابعة أخبار الغناء والموسيقى والمسرح والدراما وممارسة كتابة إنطباعية لا تخلو كثيراً مما هو ذاتي
ثم واصل إجابته، وهذا الجزء هو ما يهمنا هنا في ما يتعلق بالموصلي وعلاقته بالنقد الموسيقي:
Quote: مارس عدد من الموسيقيين مثل الأساتذة يوسف الموصلي والماحي سليمان و د . مكي سيد أحمد رحمة الله عليه والبروفيسور الفاتح الطاهر وأسماء قليله أخرى كتابة موسيقية تحليلية ولكنهم راعوا للثقافة الضحلة بل الجهل بالموسيقى في بلد لا يوجد في عقول من يضعون مناهجها التربوية أفقاً لتعليم أبجديات الموسيقى لا في ما يُسمى الآن بمرحلة الأساس ولا في التعليم الثانوي ولا حتى الجامعي .. فكانوا يحاولون أن يقولوا حول ما تناولوه من غناء وموسيقى في كتاباتهم ما يمكن أن يوضح للمتلقي أن ما سمعه جيّد أو غير ذلك وفق رؤية أحياناً لا تخلوا من إنطباعية
أعتقد أن الأستاذ علاء ينظر "بغضب" أكثر من اللازم ، إلى ما ورائه.
الذين أشار إليهم ليسوا مسؤولين عن "الثقافة الضحلة" ولا "الجهل الموسيقي"، بل حاولوا باعتراف علاء سنهوري، أن يجدوا "منطقة وسطى"، يمكن من خلالها أن يُحدثوا ولو قليلاً من التقدم.
يمكننا دائما أن ننظر إلى "النصف الخالي"، لكن علينا أن نعطي "النص المملوء" من الكتاب،
ولو نظرة عجلى.
07-13-2016, 07:59 PM
Elmosley Elmosley
تاريخ التسجيل: 03-14-2002
مجموع المشاركات: 34683
لعمرى قلّ ان يوجد فنان شامل ( غناء - تلحين - نقدفنى وموسيقى ) فى بلادنا وبقية دول العالم
شكرا للاستاذ الفنان الشامل / يوسف الموصلى وشكرا له وهو يرتفى بالذوق وبالفن وله بوست بعنوان : ( تحليلي لمقولة السر قدور "نقلتينا من ثقافة الغناء الى الغناء الثقافي" ) بوست تثقيفى وانا احد المتابعين للبوست المذكور .
بوست توثيقى رائع .. لك التحية اخى زكريا على البوح وعلى هذا الفيض ..
الاستاذ الشاعر المرهف اسامه الخواض كلامك نقلتو عن الاستاذ الشاعر والمؤلف الموسيقي الموسيقار علاء سنهوري غير صحيح وهذا ما اورده معي في محادثه هاتفيه كلامي ابسروه من سياقه ، الانطباعي القاصدو مش القدموهو الموسيقين بالتاكيد ، الانطباعي القدموهو صحفيو الصفحات الفنيه البسمو انفسهم نقاد فنين .انا موسيقي (علاء سنهوري ) والموسيقي تهذب الانسان دعك من تهزيب جئت به من منزلي ولايمكن ولايحق لي التطاول علي اساتذتنا الذين كل واحد منهم وبدرجات متفاوته اضافه للفكر الموسيقي انتاجا او نقدا لكن مصدر من اتي بحديثي ابتسرو اجابتي بحزف جزء منها لا يفوت علي فطنه اي متلقي عادي وان ما طال عني بدون قصد اساتذتي الاجلاء الاعتزار عنه بالرغم من براءتي من الفحوي كما ورد ، ونسخه الحوار الاصليه موجوده معي .ثم من انا ( علاء سنهوري ) امام استاذي الموسيقار يوسف الموصلي والاستاذ الماحي سليمان والدكتور مكي سيد احمد والبروفسير الطاهر والاستاذ انس العاقب ممن اسهمو في حقل النقد وهو امر غير مطالبين به ، اقول من انا ( علاء سنهوري ) حتي ارميهم بما قد يفهم من سياق تم ابتساره عندما نشر وعندما استخدم بسودانيز اونلاين .اما ما اشرت اليه بانه انطباعات لا اكثر هذا شان الصحافه الفنيه ، واذا ارتموني الحديث عن الاسهامات النقديه الضافيه التي قدمها هؤلاء الاساتذه والذين نالهم من الظلم خلال السنوات ما نالهم اذا ارتم حديثي حول هذا الامر فانا مستعد ( علاء سنهوري)اضف الي ذلك محاولتي قيد اعداد الدراسه عنوانها التفكير الموسيقي / مراجعات فس الزهنيه السودانيه ،هذه الدراسه اساسها مبنيه علي اسهامات هؤلاء الاستاذه .هذا ما اورده الاستاذ الموسيقار والمؤلف الموسيقي الفنان المغني علاء سنهوري نتمني من الاستاذ الشاعر اسامه الخواض التاكد من المصادر والاعتزار للاساتذه
Quote: · لماذا نادراً ما يوجد نقّاد موسيقيين، او أنهم لا يوجدون أبداً، ليحللوا الموسيقى ويستنبطوا منها فكراً أو يعالجونها بالفكر.. هل الأمر راجع للمستوى التجريدي للموسيقى؟ ---------------------------------
أعلى مستويات التجريد في الفنون يوجد في الموسيقى وهذه حقيقة ، خارج هذه البلاد وفي أماكن متقدمة يوجد نقاد موسيقيين ومفكرين يحللون ويقرأون إتجاهات الموسيقى ويربطونها بالحراك الإجتماعي بل يعتبرونها مؤشراً للتقدم أو التأخر . هنا لا يوجد نقاد موسيقيين كما يجب أن نصطلح عليهم ، فهؤلاء من يدعون ذلك عن أنفسهم عبر الصفحات الفنية هم مهنيين في الصحافة إختاروا الصحافة الفنية والتي تعني عندنا متابعة أخبار الغناء والموسيقى والمسرح والدراما وممارسة كتابة إنطباعية لا تخلو كثيراً مما هو ذاتي ، مارس عدد من الموسيقيين مثل الأساتذة يوسف الموصلي والماحي سليمان و د . مكي سيد أحمد رحمة الله عليه والبروفيسور الفاتح الطاهر وأسماء قليله أخرى كتابة موسيقية تحليلية ولكنهم راعوا للثقافة الضحلة بل الجهل بالموسيقى في بلد لا يوجد في عقول من يضعون مناهجها التربوية أفقاً لتعليم أبجديات الموسيقى لا في ما يُسمى الآن بمرحلة الأساس ولا في التعليم الثانوي ولا حتى الجامعي .. فكانوا يحاولون أن يقولوا حول ما تناولوه من غناء وموسيقى في كتاباتهم ما يمكن أن يوضح للمتلقي أن ما سمعه جيّد أو غير ذلك وفق رؤية أحياناً لا تخلوا من إنطباعية ، وما تم كتابته لم يؤثر في الفكر الموسيقي وحراكه إلا بشكل ضئيل جداً .. هذا إن كان قد أثر أصلاً .
اسامه وسعد ها انا قد اتيت لكم بالسؤال والجواب كاملين وفهمي من الاجابة أن علاء يقصد باننا بسطنا نقدنا التحليلي مراعاة لمستوى الفهم الموسيقي في بلد تعاني من قصور في واضعي مناهجها وطبعا " أحمد شوبير " ما بكون عارف منو مكي سيد أحمد ويشوف كلامي ده يجري علي ويكبيديا عشان يثبت انو عارفو هههه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
سعد الشبلي
حاتم إبراهيم
osama elkhawad
Elmosley
Munir
Zakaria Fadel
علي عبدالوهاب عثمان
المعز ادريس
Yousuf Taha
عزيز
علاء سيداحمد
فيس بوك
تويتر
انستقرام
يوتيوب
بنتيريست