ويغني ليك...... الموصلي ( أو عندما يرتقي الفنان بجمهوره )

Quote: لو كان "جرابك" يخلو من "النقد"، فما تفعله فيه إهدار لما قد يكون كامناً في ذاتك من فائدة معرفية يجني القرّاء ثمارها في المستقبل.

Quote: طبعا انا مجرِّب "مطاردتك" وندّمتك عليها هههههههههههههههههههه +++ ارجو أن تفي بوعدك في بوست "الدليب": "أربع مداخلات كبيـــــــــــــــــــــــــــــــــــــــــــــــــــــرة" +++ وبعدين تمْ بوست "الموسيقى". +++ ودا أفيد للقارئات من البتسوِّي فيهو دا. +++ بتبقى القصة عندها بعد آخر ، لا علاقة له ألبتة بالمعرفة والتنوير والتثقيف.

Quote: طلع الحقْدُ علينا من مسامات الغبينةْ وجبَ النقْدُ علينا وسرتْ فينا السكينةْ أيُّها المملوءُ غبْناً من "دليباتٍ" حنينةْ جئتَ محْشوَّاً بأحْقادٍ وأضْغانٍ دفينةْ بعد أن "جدْولْت" هذا الشهر فتْكاً، بابن خوَّاض بحورٍ كالسفينةْ فتكأكأت على البوستاتِ نهْشاً مثلْما السكران طينةْ

Quote: النشيد الوطني للحملة الدفتردارية الاسفيرية،

نأسف سيد البوست، لم أتوقع أن يأتي موظف البروتوكول خلفي

أنا حأقيف مؤقتاً لحد ما "الراجل" دا يوعى

Quote: ياخي انت بتضيِّع في زمني وزمن القراء. لكن انا مستحملك رغم مشغولياتي الكثيرة +++ أنا معاك زي ما بقولوا "لي الصباح". +++ الموصلي مريض وانت عارف المعلومة دي.

مين انت؟ طيب ما ترد على استفساراتي ياخي أو علق عليها بدل السكر والمريسة والكلام الفارغ! طالما تفرغت للمطاردة!

دي نقاط ردي على ثلاثة معلومات خطأ، أخونا يوسف شافها ورد على العايز يرد عليهو بس وتجاهلها كما توقعت أنا، انت عندك رغبة تواصل للصباح (fine!) أدينا رأيك باحترام بدون إقحام جدودك أو المسكرات هنا، عيب ياخي عليك، أنا بتغافل عن كلماتك القبيحة احتراماً لصاحب البوست. 1- معظم أعمال أخونا يوسف استخدم فيها برامج الكمبيوتر وليس آلات حقيقية، ومع ما تتيحه هذه البرامج الإلكترونية من سعة في الاختيار فميله أكثر للكمان، بحكم أنها الآلة الأكثر انتشاراً بعد البيانو في الموسيقى الغربية الكلاسيكية. انت شايف شنو؟ 2- الأعمال التي تقوم على العزف الموسيقي فقط وإبراز خصائص الآلات تسمى (Instrumental) يعني ببساطة موسيقى بدون غناء ولكل الجنرات -اعتذر عن خطأ سابق -، وهذا لم يصادفني في أي من أعمال أخينا يوسف. عندك أي اعتراض هنا؟ 3- مبدأ التراكب الموسيقي (polyphony) هو ببساطة تعدد الآلات الموسيقية باختلاف أنواعها لأداء عمل واحد، هذا موجود في السودان منذ قدوم الإنجليز بفرقهم الموسيقية العسكرية. لو شايف إنو في شخص معين أدخل التقنية دي أدينا اسمو؟ 4- لا يوجد أي تصنيف علمي أو عشوائي تحت مصطلح (صوت جبلي) أو (صوت صحراوي) والأصوات الغنائية لا يتم تعريفها جغرافياً. دي المرة الخامسة نسألك عن الكبسولة الدسمة، نورنا؟ ____ النقطة الرابعة الفوق دي حقتك

Quote: أنا معاك زي ما بقولوا "لي الصباح". بعدين يا حاتم ، قليل من الانسانية لا يضر الروح ولا المعدة . الموصلي مريض وانت عارف المعلومة دي. قليل من "أخلاق الفرسان"....

Quote: الموصلي مريض وانت عارف المعلومة دي.

آآي عرفنا، انت شلاقتك دي وظيفتها شنو هنا؟ آنسر ماشين

يعني حتقعد تكرر في كلامك دا للصباح؟ فونوغراف؟ أنا حأقيف هنا، واضح عجزك عن أي محاولة لفهم موضوع البوست. ____ حاجة ما علقوها ليك ما تدليها، حاعتبرك ناقل كلام ساي

(عدل بواسطة Elmosley on 04-11-2016, 01:40 AM)

Quote: انت يا اديبنا وناقدنا البديعاسامه الخواضحاتم ده شغال معاكم بياتو خطة من خططه التخريبيةالقالها في بوسته الذي يشرح فيه الخطط التخريبية نعلهاالبلياردو ههههههههه

مرحبا أخونا يوسف، حمد لله على السلامة، كنت عارفك متابع مع إنو أسامة أوحى لينا إنك بتنازع

عندك أي تعليق على التلاتة نقاط الجات في ردي على (الحبيب أحمد) والخاصة باستخدامك للموسيقى الرقمية، ونوعية "جنرة" أعمالك وافتراض أنها (Instrumental) وكونك أو من أدخل التراكب الموسيقي (polyphony)؟ لأني توقعت سكوتك عليها، وهو ما حدث فعلاً، وانتحال الميزات ليس من شيم (العلماء هههه) أو هذا ما فهمته من توصيفك، آمل في كريم إجابتك بالتصحيح فقد وعدت الأخ أحمد بأنك ستقف مع الحق. ________ ملحوظة: هذا نقاش وليس تكتيك، خلونا نرتقي بالفن فالإشارة للخطأ لا تتطلب الخطط

Quote: (Instrumental) وكونك أو من أدخل التراكب الموسيقي (polyphony)؟

Quote: ياحتم انا اسامه ما صاحبي وما عندي معاه مصلحة

Quote: أهلا استاذنا الموصلي بعد دا حانشتغل معاهو بتكتيك "البيف باف" ثلاثي الإبادة.

هههه، دا تفاؤل منك تاني؟

عزة النفس! ♪ نفسك أبية وروحك خفيفة وليك جاذبية ♬ الراجل نفضك من توبه قدامنا، تقعد ليهو حثرب؟ (حنشتغل)! ____ نجرب تكتيكك عند شومسكي!

Quote: شكرا حاتم الحمد لله انا بخيروما عاد عندي لا وقت لا طاقة للولوة "البيلياردية"اها مادام جيت هناما هو الفرق بين Instrumentation andOrchestration وديل جوابهم ساهل ما تمشي تقوقل شهرين زي ما عملت مع الحرة العكسية التقهقرية

أوه هلت بشائرنا، امتحانات الفترة الثانية

خير، مش حقو أول تعلق على كلامي الواضح؟ بدل المراوغة والامتحانات دي؟ 1- أنت دا يوسف محمد عثمان أدخلت البوليفوني (polyphony) للسودان أول زول؟ 2- أنت دا أعمالك تصنف ضمن الجنرة إنسترومينتال (instrumental)؟ 3- شنو يعني (صوت جبلي) و (صوت صحراوي)؟ ____ داير تفرح أوانطة ساكت

Quote: Orchestration تهيئة الأعمال الموسيقية لتؤديها أوركسترا يعني إعادة كتابة العمل الموسيقى أو القطعة لعزفها بأوركسترا، يعني مجموعة كبيرة ومتنوعة من الآلات بشرط وجود مجموعة الوتريات ضمنها (عائلة الكمان تحديداً).Instrumentation مجموعة الآلات التي تؤدي عمل موسيقي مع التركيز على خصائص كل آلة على حدة لإبرازها في العمل.الفرق بين الاتنين:1- الأولى تختص بإعادة كتابة عمل موجود أصلاً إلى لتؤديه الأوركسترا حسب تعريفها أعلاه، بينما الثانية تختص بكتابة العمل لآلات بعينها ضمن أي مجموعة آلات موسيقية.2- التانية ليس بالضرورة تشمل الأوركسترا، أي مجموعة آلات (ensemble) أو (band) موسيقية تتم كتابة العمل لآلات فيها.ذكرتني، بخصوص (Instrumentation) يعني يا يوسف، لما عرضت عمل طفل العالم الثالث الفيديو بتاع أحمد بركات، ووصفته من نفسك (براك) بأنه (عظيم)، وجيت أنا نبهتك لأنو الفيديو فيهو صورة لآلة الأوكارينا مع إنو العمل ما فيهو صوت آلة الأوكارينا، وقعدت تفتش للأوكارينا لحد ما قلنا ليك في الدقيقة الفلانية، بقى دا هنا أهمية (Instrumentation) للمؤلف الموسيقي، إنو يكون عارف خصائص الآلات وصوتها بدل ما يعرض آلة أول مرة يسمع بيها، أو يجمعها كيفما اتفق (نموذج إنتي ليا) وتطلع أقرب للمارش العسكري.أوعك تكون ناوي تحجز مقعد أول زول أدخل الأوركسترا للسودان؟شيء تاني، (Instrumental) كجنرة موسيقية غير (Instrumentation) كمهمة موسيقية أو كتابة لآلات محددة، مافي طريقة دغمسة هنا يا يوسف، إنسترومينتال كجنرة دا تصنيف لنوعية الأعمال، وأعمالك ليست ضمن هذه الجنرة، انت عايز تقول إنك عملت (instrumentation) للآلة الفلانية في العمل الفلاني معناها أنا شغلي (instrumental) ما ياهو قصدك؟____حاول تعيش خارج إطار منهج الكلية

Quote: هو علم معرفة الالات الموسيقية بمختلف انواعها ومعرفة المدى الصوتي لها ومعرفة علاقاتها ببعضها البعض كمجموعات خاصة مثل مجموعة الوتريات ومجموعة الات النفخ الخشبية ومجموعة الات النفخ النحاسية ومجموعة الات النقر الايقاعية ومجموعة الالات ذات المفاتيح كل هذا هو دراسة لمعرفة علم +++ وهو العلم التطبيقي للتوزيع الاوركسترالي لكل تلك الالات وخلطها كفرادى أو مجموعات لتخرج لنا العمل الموسيقي كاملا

كان طارت عنزة

انت بقيت بتاع إنشاء وهدفك كله (حاتم ما بيعرف موسيقى) بالزندية، أهو جنس الطنقعة دي البتخلينا نقعد ليكم هنا، ولعلمك الكلام بتاعك معمم وغير علمي بالمرة. ما أضفت لتعريفي التفصيلي غير كلمة (علم) مع التعميم، وجيت فصلت كلامي عن خصائص الآلة الموسيقية عشان تقول (مداها الصوتي)، مع أني وضعت ليك نموذج الأوكارينا كحالة خاصة "لموسيقار" ما سمع بيها وبيسأل عن الإنسترومينتيشن، عشان نتخارج من امتحاناتك دي أديناك تعريف مفصل مع الأمثلة والتذكير. - معرفة خصائص الآلات يكون شنو غير علم متخصص؟ زيو وزي تصليح الساعات. - كتبت ليك انت دا تحديداً (يكون عارف خصائص الآلات وصوتها بدل ما يعرض آلة أول مرة يسمع بيها) تجي تلحنها - وتهيئة العمل الموسيقى لتؤديه أوركسترا يكون شنو غير تطبيق في رأيك؟ يعني بس كلام الشفع البتعلموا الموسيقي تجي تعيدو (آلات نفخ نحاسية وخشبية ووتريات وذات مفاتيح)، معلومة جديدة. بالله عليك الله هسع دا كلام (علماء هههه) ولا دي طريقة مناسبة تتهرب بيها؟ وبعد دا أريتك تعترف بخطأك، بتتزاوغ من أسئلتي التلاتة الفوق كأنك ما شفتها. ____ قرايتك دي خارم بارم، ويكيبيديا أحسن منها

Quote: 1- أنت دا يوسف محمد عثمان أدخلت البوليفوني (polyphony) للسودان أول زول؟ 2- أنت دا أعمالك تصنف ضمن الجنرة إنسترومينتال (instrumental)؟ 3- شنو يعني (صوت جبلي) و (صوت صحراوي)؟ ____ جنس مراوغة

Quote: حاتم ياخوي صراحة انت زول ممتع وذكي جدا .. ونفسك طويل لكن ما تنسى انت قاعد تحاور منو؟ يوسف بحر العلوم اسمو كدة وبالمناسبة دي وعبر كل التفانين الحاصلة دي انا بوجه كلمة لى يوسف ودي فرصة وبقول ليهو (يشغل قلبي حبك على مر الزمان) وياحاتم زي ما كان لشعر الحقيبة دور انتقالي للحداثة بواسطة عتيق و عبدالرحمن الريح او ما يسمى بمفردات المدرسة الاوركسترالية الثانية من جميل القول والمعاني .. التي فاقت بحور الخليل بن احمد الفراهيدي ومثلما كانت رميات (ودالفكي) هي طريق العبور لتطور غناء امدرمان مع ان الرميات جاءت من كبوشية وزي ما سرور خاض معركة هزيمة (الطنبارة ) وصرع فيها اشهر عتاتها منهم حامد ابوكدر وبلال بوكدر وحسين بيومي و .. ودراس البيت .. وود الرومي وغيرهم كثيرون .. تراجعت جموعهم امام سرور انطلق بى ايقاع (النقرزان) يعني بى كبايتين من القزاز ومثلث نحاس وعصايتين ومنذ بدأت (الكمنجة) على يد الرواد (احمد مرجان) و(حسن التوم) الى (السر عبدالله ) و(بدر التهامي ) و (حسن الخواض) و (د. محمد آدم) الى ادخال بقية الالات .. وروادها من الفنانين معروفون كل دا تطور وحركة دائبة منذ القرن الماضي وايضا للاستاذ يوسف الموصلي دور بارز جدا في تطور موسيقانا ولا يذكر تاريخ الغناء في السودان الا وذُكر يوسف الموصلي

Quote: قال ما معترف بكلية موسيقى السودان ولا كونسرفتوار القاهرة ولا كلية الموسيقى بجامعة ايوا يا له من عبقري +++ يا ولدي ده شعر انت ما عندك ليهو رقبة ولا تكن كشجر اللبلاب

ما أظني قلت الكلام دا، بتقولني أوانطة ساي

نحترمهم والله، بس هم ما أدعوا إنهم بيخرجوا (علماء هههه) لكن قول أنا ما معترف بيك انت، بس من الهترشة البتجمع الدين بالإيقاع والكلام الخارم بارم بتاعك الغلبك أنت سيدو تشرحو لينا دا: 3- شنو يعني (صوت جبلي) و (صوت صحراوي)؟ دا تقولو لناس أسامة كبسولات +++ تعرف، كلامك بتاع (شعراً ما عندك ليهو رقبة) و (لبلاب متسلق) دا أنت بتردده من سنة 2002 لأي زول حاول يناقشك، لكن بدون فائدة، ولا جنس معلومة مفيدة طلعت منك، أهي المراوغة والكوار دا، شِكِر في بتظهر، شِكِر مافي بتعملوا براك، أول ما يحاصروك تنقلب شجرة؟ طيب، قووووول أنا ما عندي رقبة ذاتو ولبلاب متسلق، أها حتوصلني وين؟ والله متمني أسمع إجاباتك عن التلاتة أسئلة الفوق دي وباقي الأسئلة في بوست الدليب، أنا كمتسلق دا هدفي منك، الباقي بجيبو من ويكيبيدتي براي بدون تسلق ذاتو ____ غير كدة العفو والعافية، أنا وصلت وجهة نظري بوضوح.

Quote: لكن ما تنسى انت قاعد تحاور منو؟ يوسف بحر العلوم اسمو كدة

هي نان بحر العلوم دا فرمالتو واحدة من سنة 2002؟

وأول ما يتحاصر ينقلب شجرة ويقول للناس انتو لبلاب وما عندكم شعر في عناقركم يعني بس شوف الرد الطفولي بتاعو، بيوحي بأنو كلامو عالي وما بتفهم للناس. هسع علاقة اسئلتي البسيطة ومباشرة باللبلاب شنو؟ وهل رده دا بيدخل ضمن الأسرار العليا ولا معادلات بيزنطاين؟ 1- الراجل فرحان لوصفك ليهو بأنو أول زول أدخل البوليفوني، كنكشة ساي كدة مصر يدي نفسو شرف ما يستحقو، وجاااادي! 2- الراجل مصر يصنف نفسو مع ناس ياني بجنرة الانسترومينتال، وجاااادي 3- الراجل بيقطع من راسو مصطلحات هو لروحو ما مقتنع بيها، اليقول لينا أي حاجة. عليك الله اقنعو لينا يرد بطريقة فيها احترام للمتابعين بدل شغل اللولوة دا، الموضوع ما تحدي بس كمان الكضب وانتحال الألقاب ما بيرفع الذكر لو ما خسف بيهو. أنا دا انتهيت من امتحانات الفترة والأولى والتانية فما عارف هو بيتزاوغ من الحقائق والرد المنطقي ليه؟ ____ هي ذاتا حكاية اللبلاب دي بقت مسيخة .

Quote: انطلق بى ايقاع (النقرزان) يعني بى كبايتين من القزاز ومثلث نحاس وعصايتين ومنذ بدأت (الكمنجة) على يد الرواد (احمد مرجان) و(حسن التوم) الى (السر عبدالله ) و(بدر التهامي ) و (حسن الخواض) و (د. محمد آدم) الى ادخال بقية الالات

دا الغناء الشعبي، الخط البدأ بيهو أخونا يوسف

لكن شوف ديل: الفوق دي الفرق الموسيقية العسكرية للمشاة أيام الإنجليز، مايسترو وبالنوتة، نحاسيات وألات نفخ وإيقاعات، دا هو البوليفوني يا أخ أحمد. منها بعد داك انطلقت الفرق الموسيقية السودانية في مدن السودان المختلفة الأبيض، مدني، كوستي، الخرطوم ودي الأسست للموسيقى الحديثة والوجدان الراقي استماع وأداء فترة الخمسينات والستينات، فرق جاز وبلوز تؤدي كل اللونيات في وقتها عالمياً، وللأن أفراد منها عايشين، دي يكلموك عنها ناس قباني، الموسيقى كانت متطورة، معاصرة وليست كلاسيكية من عصر الباروك، الما حقنا ولا بيشبهنا. آلات الموسيقى الحديثة موجودة في السودان منذ دخول الإنجليز وبفرق موسيقية منظمة، وبالتأكيد كانت بتعزف مقطوعات مستخدمة فيها النحاسيات والإيقاعات أثناء المارشات والوتريات للتشريفات، دا يا أخ أحمد إرث جانا جاهز ودا البوليفوني (polyphony) الأنت بتسلمو بالخطأ هدية لأخونا يوسف الما كان مولود في القرن التاسع عشر، وبعد دا يسكت عليهو. بتفق معاك إنو أول سوداني يتحول من الغناء الشعبي للأوركسترالي المدروس، ومن حقك تعتز بيهو ومن حقو ياخد وضعو كواحد من الفنانين السودانيين بس ما من حقو يتعالى على الناس أو ينتحل أدوار هي حق لرواد أوائل أو يستغفل الناس بمعلومات خاطئة. ____ الأورغان بتاع كنيسة القصر وبيانو ونجت باشا لسة موجودين في متحف القصر، تقول لي موصلي .

Quote: عشان تعرف النزعة الشريرة عندو في محاولة تحطيم الاخرين ومشكلته هنا أنه لم يع بعد أنه مثل "عتود" يناطح صخرا حديديا ولو وظف هذا الذكاء الشرير فيما ينفع الناس لاستفدنا منه كثير

أصلو ما بحلك، امتحاناتك جلست ليها مرتين

أنا طبعا انقطعت عشان الكوتة خلصت. يعني نخليك تطلع بالناس العالي، هم يكيلو المدح وانت تخم وتملأ مخلايتك بحقك وحق الناس لبلاب، عتود، ما عندي رقبة دا ما الموضوع، ترد على الأسئلة التلاتة بكل صراحة وتواضع العلماء. ____ دا حدنا معاك، صعبة دي؟ .

Quote: حاول تعيش خارج إطار منهج الكلية

Quote: قال ما معترف بكلية موسيقى السودان ولا كونسرفتوار القاهرة ولا كلية الموسيقى بجامعة ايوا يا له من عبقري +++ العب بعيد الموصلي خرباااااااااش

كلامك الفوق بتاع عدم الاعتراف دا أنا ما قلتو، لكن قول عايز حلفاء

والله نحن ما عايزين موسيقار خرباش. - عايزين فنان عالمي - عايزين مقطوعات مشهورة ومسموعة في الآفاق - عايزين نشوف بموسيقار سوداني في المسارح العالمية - عايزين لغة خطاب وسط الفنانين أرفع من مماحكات الدييز والبيمول - عايزين مناهج الموسيقى تبدأ من مرحلة الأساس، عشان الطالب يلحق ينجز قبال كتابة الوصية - عايزين الفنانين يتركوا منشورات ومؤلفات تعين الناس على التعلم والمقارنة بدل الخندقة والمباهاة - عايزين الفنان ذاتو يكون متعدد المواهب مش حافظ لشوية مصطلحات والباقي سرديات لخصوصيات - عايزين كتير نحنا عشان نلحق الفاتونا ____ الأسئلة التلاتة لسة محظورات؟

Quote: - عايزين مقطوعات مشهورة ومسموعة في الآفاق- عايزين نشوف بموسيقار سوداني في المسارح العالمية- عايزين لغة خطاب وسط الفنانين أرفع من مماحكات الدييز والبيمول- عايزين مناهج الموسيقى تبدأ من مرحلة الأساس، عشان الطالب يلحق ينجز قبال كتابة الوصية- عايزين الفنانين يتركوا منشورات ومؤلفات تعين الناس على التعلم والمقارنة بدل الخندقة والمباهاة- عايزين الفنان ذاتو يكون متعدد المواهب مش حافظ لشوية مصطلحات والباقي سرديات لخصوصيات- عايزين كتير نحنا عشان نلحق الفاتونا

(عدل بواسطة Elmosley on 04-12-2016, 12:53 PM)

Quote: عايزين فنان عالمي - عايزين مقطوعات مشهورة ومسموعة في الآفاق - عايزين نشوف بموسيقار سوداني في المسارح العالمية - عايزين لغة خطاب وسط الفنانين أرفع من مماحكات الدييز والبيمول - عايزين مناهج الموسيقى تبدأ من مرحلة الأساس، عشان الطالب يلحق ينجز قبال كتابة الوصية - عايزين الفنانين يتركوا منشورات ومؤلفات تعين الناس على التعلم والمقارنة بدل الخندقة والمباهاة - عايزين الفنان ذاتو يكون متعدد المواهب مش حافظ لشوية مصطلحات والباقي سرديات لخصوصيات

Quote: قال ما معترف بكلية موسيقى السودان ولا كونسرفتوار القاهرة ولا كلية الموسيقى بجامعة ايوا يا له من عبقري +++ قلت لي قولتك كلام ما قلتو؟؟؟؟ اها شوفو الكضب

لا قال ولا حاجة، تقولوني الما قلتو

يعني حاتم لو قال (حاول تعيش خارج إطار منهج الكلية) دا معناها قاصد يقول (ما معترف بداك وداك) دي مجرد نصيحة فمقاعد الدراسة لا تقدم موهبة بل تأطر لصنعة، أظني ذكرت في بوست آخر أن الموسيقار ياني لم يدرس الموسيقى في أي كلية، ولم يتلقى أي دروس نظامية في الموسيقى في أي مرحلة من حياته، العبرة في الموهبة الطبيعية.

Quote: انا منهجي من الكليات الاتية Music college Sudan Cairo Conservatory Egypt Music college The University of Iowa USA

آمين

من حسن حظنا أن ليك منهج أكاديمي واضح، هل ممكن تشير على وجه التقريب في أي من المؤسسات المحترمة أعلاه يتم تصنيف الصوت حسب الجغرافيا؟ 3- شنو يعني (صوت جبلي) و (صوت صحراوي)؟ دايرين ننتهي عشان عندي هيعة مع "صديقي" أسامة ____ ثم إن الله لا يحب الفرحين

Quote: ده كلو ممكن ما دام معانا عبقري زمانو

أوووه بحر العلوم، شايف ثقتك اهتزت

شكلك قمت بدري! يعني هسع مافي طريقة تغرف لينا من بحر علمك وترد بالدرب العديل على سؤالاتي دي: 1- أنت دا يوسف محمد عثمان أدخلت البوليفوني (polyphony) للسودان أول زول؟ 2- أنت دا أعمالك تصنف ضمن الجنرة إنسترومينتال (instrumental)؟ 3- شنو يعني (صوت جبلي) و (صوت صحراوي)؟ حرقت روحنا ياخ ما تخليك evasive كدة في مواقف لو ما واجهتها بصدق حتستمر معاك باقي عمرك كلو، أنا لو مكانك حأبادر بالاعتذار والتصحيح قبال ما يطلب مني ذلك، للأمانة علمية ورد حقوق لأهلها. ____ انت ما داير تعترف بخطأك ليه؟

Quote: اما بخصوص كلام حاتم ماعندو اي علاقه بالنقد

شلبي كيفك

شفت مداخلتك قبل ساعات، لكن والله قايلك عضو قديم قبال ما أعاين لعدد مداخلاتك. بالله سجلوك الليلة ودي أول مداخلة ليك! مبروك مقدماً وإن شاء الله يطيب ليك المقام. ____ كلامك دا أنا أكدته مرتين في الصفحة الأولى

Quote: من ناحية اخرى هو يبدو و كأنه يريد محاسبة كل شخص يكيل المدح ...وكأني به يريد من الجميع ان يتطرقوا فقط للسلبيات في عطاء الافراد

Looks like beat around the bush

الأخ زكريا فاضل، عميق احترامي، المدح إذا قدم على نحو معقول وبدون طلب الممدوح كلنا نشارك فيه، أما (الكيل) ففيه نظر، أشرت للأخطاء فقط ونبهت المتداخلين أن لا يتمادوا في الكيل بالمستحق وغير المستحق. طيب المتداخلين، احترامي العميق - أنا ما دخلت هنا لنقد عمل، وكررت الكلام دا مرتين أو تلاتة - ولا دخلت هنا عشان أنفي صفة موسيقي أو فنان من أخونا يوسف، بل أكدت على ذلك وسردت جملة أعمال تخصه. سبب دخولي: ببساطة لأنو في هوجة بتاعة مجاملات وصناعة صنم على أساس خاطيء قائم على الفرضيات وحسن الظن، دا المحرك بتاعها هو أخونا يوسف ذاتو، البوست دا اتنقل من السنة الفاتت للسنة دي بطلب مباشر ومستعجل منو، وكان الواضح إنو أي لقب وأي مأثرة وأي قول مفرح حقيقي أو مختلق لا يجد أي فحص أو تريث من قبل الإخوة المندفعين لتدبيج الأوسمة وهم معذورون. غرضي: تصحيح المعلومات الخاطئة الواردة في مداخلات الإخوة وهي من الوضوح بحيث أنها لا تحتاج لكل هذه اللخمة واللجاج واللف والدوران، سردتها مرقمة واحد اتنين تلاتة، نبهت أخونا يوسف عمل فيها عيان، وجاء واحد إكزوتك قعد يكلمني عن السكرانين والمريسة والبف باف وعن جده البيخوض كالسفينة. رد الفعل: جاء أخونا يوسف ولفترة يومين يراوغ ويناوش في أي حتة إلا النقاط المحددة الأنا سردتها مرقومة، لسبب بسيط أنا اتوقعته من البداية، عاجباهو كدة، صاح ولا خطأ، حقو ولا حق ناس ما مهم، بوضع اليد، الكلام القالوهو عنو يمشي. الناس الجات تعدد في الأعمال أو تلطف من حدة الحصار دا هم على حق من ناحية إنو دا فنانهم، وفناني أنا ذاتي بالمناسبة لبعض الأعمال، وأوصيت بإشراكه في فيلم عالمي وقلت نصاً (مهدوا للموصلي عشان يشارك بأي مجهود في الموسيقى التصويرية أو على الأقل لتقديم المشورة في التوزيع الملائم للفيلم فهو الأدرى بذلك من بين الكل) في البوست دا http://sudaneseonline.com/msg/board/480/msg/1448301158/rn/4.html بس هم على باطل من ناحية الحقائق المعروفة تاريخياً والمصطلحات الموسيقية الأكاديمية، فلا هم طرقوا الموضوع مباشرة بذكر علة الأسئلة أو إجاباتها ولا هم أضافوا شيئاً عن الفنان يوسف لا نعرفه. الحل: زولكم دا يحفظ ماء وجهه ويتواضع، الصاح بدربو والغلط بدربو، مصر يكابر ويتعامل مع الواقع بفرضية (علماء هههه) وطيران العنز ومهارات الخربشة، القصعة دي حيلقاها قدامو محل ما يقبل، بكل أدب (يا يوسف دا غلط) يرضاها ولا يزعل هذا شأن آخر، لكن دا منبر فما ما أي معلومة مغلوطة الناس تدهنها بالشوكولاتة وتبلعها، دي تبقى مهزلة. اكتبوا ليهو في الخاص، ولو رد عليكم نورونا قال شنو، يمكن خجلان: 1- أنت دا يوسف محمد عثمان أدخلت البوليفوني (polyphony) للسودان أول زول؟ 2- أنت دا أعمالك تصنف ضمن الجنرة إنسترومينتال (instrumental)؟ 3- شنو يعني (صوت جبلي) و (صوت صحراوي)؟ ولو ما رد عليكم (ودا الحيحصل) ابحثوا بنفسكم، المسألة ما دايرة ذكاء، وأي زول يراجع كلامو الكتبو ويصلحو ويعمل حسابو لقدام، المبالغات دي نفعها يعود لفرد لكن ضررها يعم الجميع، العندو رغبة يناقش يفتح بوست وياخد راحتو وحأجي أشارك بعيد عن البوست دا. +++ إنتا يا يوسف لو زول صحح خطأك دا بتسميهو "تخريب"؟ ولو منحوك ميزات ومواقع لا تستحقها هل دا في رأيك تكريم؟ شكراً على الصورة بتاعتك الفوق السميتها (Alaweer.jpg) ، جميلة لكن حأقيف هنا قبال تضيف صور زيادة بتوصيفات تانية، ما صاح تظهر قدامنا مهزوز كدا. والله يا أحمد ياسين دخلتنا في ورطة، هسع الراجل دا اتشبك في الكلمتين القلتهن وتاني ما حيفكهن إلا مع الوصية التانية. زمان يا "موصلي" انت أشرت لواحد زميلك قلت أنا وهو أحسن ناس بيطلعوا منك المعلومات، رديت عليك بأني أفضل منو لأني كمان بطلع الدهون والأملاح. ____ معلومات ما شفناها، لكن الزيت طلع

Quote: له اسهامات مقدره في تاريخ الاغنيه السودانيه . محمد الامين سوف ياتي ، مجزوب اونسه ، الكابلي والمجموعه ، مصطفي سيد احمد الحزن النبيل والبت الحديقه . الخالدي ، حنان النيل ،محمد وردي ارحل . ابوعركي واحشني محمود عبد العزيز خلي بالك

Quote: الموسيقار الموصلي فنان بمعني الكلمه واعماله تتحدث عن ذلك ما محتاج لاي مجاملات +++ الموصلي وضع بصمه في تاريخ الاغنيه السودانيه........ مافي زول بينكرها الا انت ياحاتم

شلبي، انت أظنك ما قاعد تقرأ

فعلاً أخونا يوسف ما محتاج للمجاملات، لكن بيطالب بيها، البوست الانت بتداخل فيهو دا اتعمل بطلب مستعجل مباشر منه هنا http://sudaneseonline.com/board/490/msg/1449737534.html +++ أيوة وضع بصمة، النكرها منو؟ ما هو اختلافنا في البصمة دي ذاتا 1- حول الموسيقى المألوفة إلى موسيقى إلكترونية 2- حاول يطبق نظريات الموسيقى الغربية الكلاسيكية على الغناء السوداني التقليدي 3- أعاد تصنيف الصوت إلى جبلي وصحراوي، بدون تعريف أو مرجع 4- قيل أنه أول من أدخل التراكب الموسيقي (polyphony) في جمهورية السودان 5- قيل أن التصنيف الموسيقي لأعماله ضمن الجنرة (instrumental) وهذا تعريف جديد لهذه الجنرة لمن ذكرنا كلاسيك وباروك انت كنت ما فاهم المكتوب ولا شنو؟ ____ تابع الموضوع بجدية

Quote: الاخ اسامه اغنيه مسافتك من الاعمال التي قدمها الاستاذ الموسيقار يوسف الموصلي لمحمود عبد العزيز في بدايته الاولي شريط خلي بالك مما يؤكد تعاون الموصلي مع المواهب والشباب في زمن كبار الفنانين تعالو علي صغار المبدعين . ايضا تعاون الموصلي مع الفنان خالد الصحافه . وكتير من المبدعين الجدد .

Quote: انا شلبي +++ حاتم كلامك كلو خارم بارم لا بودي ولا بجيب لا هو بالنقد ولا هو بالعلمي المتخصص

تشرفنا يا شلبي وأنا حاتم

انت ياخي أمس القريبة دي مش انتهينا من موضوع النقد دا؟ ياخي كلامك كلو أنا سبق وقلتو، دلوقتي انت بتكرر في عباراتك وبتقول (بأكد ليك)، دا ما المطلوب. المطلوب الإجابة على التلاتة أسئلة الفوق دي. ____ أدينا الإجابة بدل تتمرن فيني، أنا عندي حد بعدو بنبِّل فيك

Quote: من ضربة مارش (ودالشريف) قبل كم ؟ يمكن 176 سنة؟ ومارش (مندي) المارش حق (ودالشريف) دا هو صولفيج السودان الاول ... افتتاحية لكل الهيلمانة الموسيقية البديعة ود الشريف رايو كمل ... نفس اللحن شالو (اسماعين) عبدالمعين ولحن بيهو (صه ياكنار).

أحمد ياسين كيفك

أها هسع المساكين الفوق ديل عشان ما كتبوا لينا (كاونتربوينت هارموني رخمانينوف) نقوم ناكل حقهم ضحى؟ ____ غايتو بقت عليك مشكلة الزول الحول قروش بالغلط، احتسب

Quote: أحمد ياسين كيفك أها هسع المساكين الفوق ديل عشان ما كتبوا لينا (كاونتربوينت هارموني رخمانينوف) نقوم ناكل حقهم ضحى؟ ____ غايتو بقت عليك مشكلة الزول الحول قروش بالغلط، احتسب