|
أنا جيت...
|
ياأهل الدار..
...
نساؤه..
ورجاله..
شرفاؤه..
وأرآذله..
الوطنيات المخلصات..
والوطنيات من كرتون..
..
أنا جيت..
ويا بورداب وبوردآبيات لندن..
نحن هنا...
الى حين اشعار آخر...
|
|
|
|
|
|
|
|
Re: أنا جيت... (Re: ماجدة عوض خوجلى)
|
يا حليلك يا ماجدة..
شفتى كيفن انحنا لسه بنزحف فى الكرة الارضية؟!
تتذكرى القاهرة ومؤتمر كمبالا؟
كنا صغار..
عشان كدا كان الحلم اكبر من اللازم..
..
يمين الله مشتاقة للاسرة بدون فرز..
خصوصا حاجة جارة..
حا أتصل أنشاء الله..
على فكرة قريت البوست بتاعك..
وقاعدة على نار لغاية ما أقول اليقدرنى عليه رب العالمين..
| |
|
|
|
|
|
|
Re: مرحبا نور (Re: waleed500)
|
يا حليلك وليد500
الصورة البى البرتقالى دى خوفتنى..
بعيد عنك اللون دا ما عنده صليح..
رجعنا يا وليد..
لجميع الاوجاع الوبائية والمستوطنة والوراثية..
والتسويه كريت..
تلقاه فى المنبر العام!
| |
|
|
|
|
|
|
Re: مرحبا نور (Re: Emad Abdulla)
|
مودتي .
مامعاها كميات (الحقوق محفوظة لاأبوالحسين )
قول من عندى واحد
معليش نور حبيبتى انا لقيت لى فرصه فى حتيت تار قلت مااضيعا اصلى انا من الانتهازين الجدد على وزن التتار الجدد المهم بس تكون فى كلمه جدد علشان انا بحبها مش التتار انا بقصد جدد
| |
|
|
|
|
|
|
Re: مرحبا نور (Re: Emad Abdulla)
|
عماد ازيك؟
متابعاكم من بعيد لى بعيد..
ومرآت أضحك فى الانترنت كافيه الفى الشارع لمن الجنبى يتخلع..
..
انت عارف الادمان بتاع المنبر بعيد عنك..
ما عنده دوا..
زى حب السودان..
والله يستر...
| |
|
|
|
|
|
|
Re: أنا جيت... (Re: ناذر محمد الخليفة)
|
غايتو يا ناذر خليفة..
انت حتدخل الجنة بى سببى..
محل ماألقاك..
أفرفر من الضحك..
وبعدين ياآخ انت بتاع مشاكل..
أنا جاية من سكات!
بالباب الورانى!
تقوم تقول كيه للمابينا؟!
| |
|
|
|
|
|
|
Re: أنا جيت... (Re: nour tawir)
|
نور تاور تجي ياعماد عبدالله وانا اخر من يعلم.. مرحب وحبابك يازولة يااصيلة والبورد نور بنور تاور.. وتاني عليك الله لمن تجي تمشي حتة تخلي تلفونك الصاح..مش رقم ترد ليك فيهو خواجية لمن تتكلم معاها حنكك يتلوي ... مرحب يا نور والف سلامة..
| |
|
|
|
|
|
|
Re: أنا جيت... (Re: عبدالكريم الامين احمد)
|
عبدالكريم!
يمين بالله اتصلت بيك عدة مرات ..
التلفون أبا يجى..
لو ترسل لى تلفونك تانى يكون كويس..
وبعدين الخواجية اتلومت معاك..
بس الموضوع وما فيه أنا كنت لافه زى المترار فى بعض المحطات الاوربية..
وفى نهاية الامر ياعبدالكريم..
تلقى الحال فى حاله..
كتر خيرو ترباس البيغنى لينا(تعبت)!
| |
|
|
|
|
|
|
Re: أنا جيت... (Re: nour tawir)
|
نور تاور ..
Quote: وبعدين ياآخ انت بتاع مشاكل..
أنا جاية من سكات!
بالباب الورانى!
تقوم تقول كيه للمابينا؟! |
والله يا نور أنا لا بتاع مشاكل لا بطيخ !! الناس براها بتجي تقابض لا عندي ولمن أقوم عليهم وأرد بعد داك بيبقى ليهم حار !!
صنفرة :
نظام مداخلاتم معاي بقى (دا حار ودا ما بنكوي بيو) !!
| |
|
|
|
|
|
|
Re: أنا جيت... (Re: ناذر محمد الخليفة)
|
الأخت/ نور تاور تحية طيبة سعيد ان التقيك من جديد وزى ما قالو الحى مصيرو يلاقى. ارجو أن تقبلى اعتذارى رغم انى لم أكن مشارك وقتها وهذا واجب كل شريف ونزيه.
| |
|
|
|
|
|
|
Re: أنا جيت... (Re: تاج السر حسن)
|
الاخ العزيز تاج السر..
أول حاجة أنا متلومة معآك لوم تقيل خلاص..
لانى قريت ليك كلمة فى حقى..
ما بتطلع الا من راجل عنده قلب أسد..
قلت سبحان الله..
كان جاب كتالك..
بجيب حجازك..
وبينى بينك المنبر فيه اخوان زيك..
هم البيخلوا الواحد يستحمل..
ويلف ويرجع..
...
قلت افتح بوست اشكرك فيه على الاقل..
لكين يا تاج السر ياأخوى..
لوتعرف اللف الحاصل لى فى الكرة الارضية..
حتطالب بانتزاع اللقب من ابن بطوطة..
وتدينى ليه..
وبعد دا كله..
قضيتنا نحنا السودانيين..
محلك سر!
يعنى نحس ضكر..
...
وبعدين أنا الاسعد انو الاقيك فى منبر وآحد..
بدل ما اقرا ليك فى المنابر التانية..
واتاوق وارجع..
هسه اصبح التواصل ممكن..
بكرى ابوبكر الله ما جاب يوم شكره..
نلتقى ان شاء الله..
وسط العجاجة المالية البورد..
| |
|
|
|
|
|
|
Re: أنا جيت... (Re: نصار)
|
الاخ العزيز والشاب الوقور جدا نصار..
أفتقدت قلمك الجاد..
والمواضيع الاكثر جدية..
التى تطرحها هنا..
نلتقى ان شاء الله..
| |
|
|
|
|
|
|
Re: أنا جيت... (Re: Mustafa Mahmoud)
|
الدكتور العزيز مصطفى محمود..
تابعت كتاباتك كثيرا..
ولم أجد فرصة للتداخل معك من قبل..
خاصة وأننى أتفق معك تماما فى وجهة نظرك ..
فى أحدى القضايا المطروحة للرأى العام السودانى الان..
وسوف أزورك باذن الله..
تشرفنا بهذا الدخول الهادىء الجميل..
| |
|
|
|
|
|
|
Re: أنا جيت... (Re: تاج السر حسن)
|
الاخ المحترم تاج السر...
Quote: اضافة الى ذلك فهم (السودان) يجب أن يعلو على جميع اهتماماتنا دون احقاد أو كراهيات.
|
لهذا السبب فقط لا غير..
تحملت المنبر العام ومازلت..
وسأظل..
وقبل الدخول فى مداخلتك المهيبة..
أرجو أن أصحح لك معلومة بسيطة وللاخوة والاخوات أعضاء البورد..
وهى أننى أنتمى الى قبيلة كادقلى فى مدينة كادقلى فى جبال النوبة..
ويشرفنى أنتسابى الى الجنوبيين..
ولكن الحقيقة هى أننى نوباوبية..
ولست جنوبية..
ولو لم أكن كذلك..
لتمنيت ذلك..
..
أتفق معك فى أن السودان شعب خلاصة..
رغم أن أصل السودان زنجى كما ورد فى التاريخ..
وفى الانجيل المقدس..
الا أن وجود السودان بين القارة الافريقية والعالم الخارجى..
قد أكسب هذا الشعب حضارة غنية وثرية..
لو تمسكنا بها..
ولو فضلنا أن نكون سودانيين فقط..
وليس مجموعة قبليات لا يربط بينها غير التفاخر والتناحر..
لاصبحنا من أقوى دول العالم..
الصفتين(التفاخر والتناحر) اللتين أدتا بالسودان الى الهاوية..
وما زال البلد يتدحرج الى الحضيض..
ولا ندرى ماذا نجد فى القاع..
...
وكونى خليط من أب زنجى وأم عربية..
أكسبانى القدرة على الملاحظة والمقارنة..
حتى أصبحت الملاحظة والمقارنة جزءا من تركيبتى الشخصية..
...
ما خلصت اليه هو أن لا حل لقضايا السودان..
الا بالاعتراف وأحترام التعددية المطلقة لكل شعب السودان..
أما فيما عدا ذلك..
سوف (يلعلع) الرصاص فى السودان الى يوم يبعثون..
..
لاحظت فى السودانيين أزمة طاحنة..
ومعول أكثر هدما وقتلا من الرصاص..
وهو أنصاف المتعلمين/ت..
أو المتعلمين/ت الجهلة الذين يعمقون من المشكل السودانى..
فقط بغرض المصالح الشخصية..
أو تفريغ لامراض نفسية مستعصية أودت بالسودان الى الهاوية..
..
بين هؤلاء..
والمشكل الحقيقى السودانى..
يتساقط السودانيون كاوراق الخريف..
أو يفرون الى أركان الدنيا الاربعة..
حتى أصبح بين كل أربعة لاجئين فى العالم..
وآحد سودانى..
..
أوافقك تماما فى تعقد المشكلة السودانية..
وأضيف أنها تحتاج الى مئآت السنين..
حتى نصل الى بداية الطريق..
على الاقل..
..
على فكرة عرجت على احد المنابر الان..
وقرأت ما كتبته عنى السيدة المريضة..
وعرفت أن ذاك البوست هو سبب دفاعك أنت وآخرين أفاضل عنى..
ولكن..
دعنى اقول لك يا تاج السر..
أن من تلفظ كل تلك القمامة الى الرأى العام..
أو مجرد التفكير فيها..
لا نملك الا أن ندعو لها الله سبحانه وتعالى بالشفاء..
مودتى..
| |
|
|
|
|
|
|
Re: أنا جيت... (Re: nour tawir)
|
بعودة القامات يغمرنى الفرح
قصرت فى حق نفسى لأنى صومعت بوست المسكوت ليوم جفاف(وقرأت لك دونه) لعلمى إنوا غالبية مداخلاتك حاتكون فيه سأقرأه وأجتره لأنو الزمن علمنا (القرش الأبيض لليوم الأسود) عفوا إن إستغليت تكتيك البوست المهم ومحصور دسو لى يوم القصور
ربما فعلت ذلك إحتجاجا أو إضرابا على حصر المبدع غالبية مداخلاته فى حى واحد.يسفلته ويأرصفه وينيره دون سائر الأحياء.ويبقى هو ومن جاوره درجة أولى وغيره درجه ثالثة فهلا إتبعتى سيدتى الوزيرة* سياسة تعبيد كل الشوارع وكل اللفات سياسة الإنتشار فرحى خلق الله وإنتشرى
(أشعر بالفخر دائما لنشاط نساء أبدعن من بلادى)
.................................................................................... وزيرة* فى حكومة الإبداع فى المنبر
| |
|
|
|
|
|
|
Re: أنا جيت... (Re: Eng. Mohammed al sayed)
|
باشمهندس محمد السيد..
Quote: فهلا إتبعتى سيدتى الوزيرة* سياسة تعبيد كل الشوارع وكل اللفات سياسة الإنتشار فرحى خلق الله وإنتشرى
|
يمين الله المدآخلة دى نستنى تعب اليوم كله..
وبعدين جددت فينى الامل..
وخلتنى أعيد النظر فى أوجاع الدنيا..
ومشاويرها واللف والدوران البيحصل لينا فيها...
عشان كدا أنت تطمئن خالص..
شوآرع الكرة الارضية سفلتناها بى كترة الطلوع والنزول..
تلقانى فى أى ركن بأذن الله..
| |
|
|
|
|
|
|
Re: أنا جيت... (Re: nour tawir)
|
يا نور إنتي موجودة أبدا بيننا منا وفينا ونجدد العهد ونقول مراحب بالاستاذة نور ومنتظرين البوستات الكاربة ديك ، قلمك وفهمك فخر لرجال ونساء بلادي دمتي بخير وعافية الشفيع
| |
|
|
|
|
|
|
Re: أنا جيت... (Re: nour tawir)
|
عرفتك من خلال من كتبوا ويخيل إليا أنني سأعرفك أكثر لنقل جميعا نشيد العلم علمي أنت رجائي......
أهلا بك قدوما جميلا مودتي نورالهادي
| |
|
|
|
|
|
|
Re: أنا جيت... (Re: nourelhadi awad)
|
نور الهدى عوض..
Quote: ويخيل إليا أنني سأعرفك أكثر لنقل جميعا نشيد العلم علمي أنت رجائي......
|
ما هو دا زآآآآآآآآآآآآآآآآآتو..
جنس الكلام البيخلينا نمشى ونجى..
...
نواصل فى النشيد لغاية ما نوصل للاتى..
يا بنى السودان..
هذا رمزكم..
يحمل العبء..
ويحمى أرضكم..
..
ذكرتنى كادقلى الابتدائية بنات لمن دموعى رغرغت..
| |
|
|
|
|
|
|
Re: أنا جيت... (Re: عبد المنعم سليمان)
|
عبدالمنعم ازيك..
أنا كنت فى مشاوير صغيرة فى اركان الكرة الارضية..
يعنى ماحاجة تبسط زى ما الواحد يكون رجع السودان مثلا..
وبعدين أنا لسه برا كندا..
ماهو كله عند العرب صابون..
ولا شنو؟
مادام لسه بنزازى بى برة..
تابعتك من بعيد لبعيد..
وقلت الله يكون فى عونه.
خاصة مرآت كانت العجاجة بتاعة البوست..
تغطى على موضوعك الاصلى..
عموما..
الله يكون فى العون..
رجعت وقلبى مقبوض من الدواس ..
وما أدراك ما الدواس..
| |
|
|
|
|
|
|
Re: أنا جيت... (Re: Ahmed Abdallah)
|
والله أول مره أرى هذا البوست وحسبناك فى السودان وتلفوناتك ما بترد الف حمدا على السلامه وعودا حميدا وإن شاء الله تكونى بخير لك السلام
منصور
| |
|
|
|
|
|
|
Re: أنا جيت... (Re: munswor almophtah)
|
منصور ازيك..
أول حاجة متلومة شديد..
لانه كان مفروض أتصل..
وبما أنه الكلام معاك والاسرة شيق وطويل..
كل مرة اقول بكرة..
..
أمشى السودان بى وين يامنصور وكيف؟
ما انت عارف....
وعلى العموم بعد ما الواحد أخد نفسه شوية..
حا أتصل أن شاء الله..
تحياتى للاسرة..
| |
|
|
|
|
|
|
Re: أنا جيت... (Re: nour tawir)
|
Quote: ....بأنك أكثر الناس أو (النساء) استحقاقا لقيادة نضال المرأة أو الأنسان المنتمى للهامش بحق ودون ضجيج. فانت انسانه متوازنه فى فكرك وطرحك ولم اصادف لك اخطاء مشينه فى الكتابه، وكلنا نخطئ لكن لا يعقل أن يخطئ مفكر فى الأبجديات. |
صحيح 100%
| |
|
|
|
|
|
|
Re: أنا جيت... (Re: Mohamed Adam)
|
الاخت نور تاور حمد الله على السلامة
احنا طبعا ناس غلابة اغتنمنا فرصة غيابك فتسللنا الى المنبر -وبما انك احد اقمار المنبر ونحن نجوم خافتة وعودا حميدا يا قمر القمر الضويت وللنجوم جليت -اخت نور من كثر الغياب حتما بياتى بالغنائم ويبدو نحن موعودين بمشاركات دسمة مما يخطه يراعك الرائع وافتح يا سمسم عفوا اقصد يا نور -وكل سنة وانت بالف خير
| |
|
|
|
|
|
|
Re: أنا جيت... (Re: احمد حماد ادريس)
|
الصنديدة نور .. حمدا لله على السلامة .. مكانك محفوظ وبجيتك عاد الفرح والامل .. ... الاخ معاوية حدثنا كثيرا عن مجهوداتك ..الاستاذ حبيب بسلم عليك ..ارسلنا سلامنا مع الاخ معاوية لك ولك الاحباب بلندن ..كل الود والتقدير
| |
|
|
|
|
|
|
Re: أنا جيت... (Re: على اسماعيل)
|
العزيز على اسماعيل..
كلام فى البورد مايكفى..
ناوية أتصل بيك يوم الاثنين..
معاوية شاب مجتهد وحماسى زى ما شفته..
يرجى منه الكثير..
| |
|
|
|
|
|
|
Re: أنا جيت... (Re: Mohamed Adam)
|
محمد آدم ازيك...
أول حاجة رغم كل ظروف السفر الكنت فيها..
أتصلت بيك 3 مرات..
وبسبب فارق الوقت..
كل مرة بلقى الانسر مشين..
سبب الاتصال غير التحية والمجاملة هى أنى قابلت جنجويد(أصلى)..
أبا يقابلنى شخصيا..
لكن بالتلفون غسلت قلبى منو..
أحد الاخوة الافاضل من دارفور..
لما حكيت ليه الحكاية وقبل ما أديه الاسم قال لى انا عارفه..
واكتشفت انه أتاريه الجنجويد عندهم اسلحة تانية..
أكثر فتكا من الرصاص..
لافين حول الكرة الارضية وبغيروا فى الكلام..
وشغالين فى الظاهر تجار!
عموما حا أتصل أن شاء الله..
| |
|
|
|
|
|
|
Re: أنا جيت... (Re: nour tawir)
|
الأستاذة نور تاور
مرحباً بعودتك أيتها العاقلة الهادئة الرزينة.
إنت سودانية جد جد. زي ماقال الحبيب ناذر (نحن جينا كيه للمابينا)
أبوفتحية
| |
|
|
|
|
|
|
Re: أنا جيت... (Re: nour tawir)
|
سلام مربع يا الملكة جيتي من الباب الخلفي.. آآآآآآآي لكن برضك طلعتي بالباب ذاااااااااتو الماسنجر فاقدك تلفوناتك..... و شخصك حاضر في خيالنا بس... نعذرك مجبورين وننتظرك يا عزما من صخر وقلبا من... أستاذتنا.. حبابك واليوم السعيد الليلة جابك المـُخرج: آكشن.. يبدأ بث الأغنية ولكن لا تصيبك الدهشة إن كانت الأغنية للوطن... عارفة السبب فرحـــــــــــــــــــــان بيك و أم عمر فاقداك وبتسأل عليك وواحد صاحبي اسمو حامد عبيد، قال المنبر فضل فيه منو وكت نور فاتت؟.. ...
| |
|
|
|
|
|
|
Re: أنا جيت... (Re: صلاح الدين عبدالله محمد)
|
صلاح الدين يا حليلك..
انت عارف..
البورد كلما وصل السيل الزبى..
والواحد يتذكرك انت وكل النوعية الجات هنا عشان السودان..
ولا شىء غير السودان..
صادقين/ت فى كل كلمة..
حتى لو اختلفت معاهم 180 درجة..
الواحد يتسغفر ويستمر..
| |
|
|
|
|
|
|
Re: أنا جيت... (Re: أحمد الشايقي)
|
احمد الشايقى ازيك..
أنت عارف..
الخوآجات لمن يكونوا مبسوطين من زول الى آخر درجة..
يقولوا..a hell of a guy
جيت فى بالى لمن فى واحد قالها فى فيلم شفته فى لندن الاسبوع الفات..
| |
|
|
|
|
|
|
أنا جيت... (Re: nour tawir)
|
الأخت / نور سلام واحترام ،،، الحمد لله على السلامة وانك بخير وعافية من المتابعين كتاباتك الجادة والمميزة نتمنى ان لا تنقطعي عن الكتابة . تقبلي تحياتي واتمنى ان نلتقي في وطننا الحبيب وان يكون السودان واهله دائماً بخير أبو كريم
| |
|
|
|
|
|
|
Re: أنا جيت... (Re: الفاتح خليل الفكي)
|
الاخ المحترم الفاتح..
يمنعنى من الكتابة..
كثرة المشاغل الملحة..
لاننى من سودانييى الشتات..
بعيد عنك..
منتشرة فى الكرة الارضية..
أنتشارا سريعا ووآسعا..
ولا أدرى متى أحط الترحال..
ولا أدرى اذا كنت سوف أحظى برؤية سماء السودان..
وأرضه..
قبل الرحيل الكبير..
...
كثيرا ما نسمع..
وبلا سابق انذار..
فلان مات..
أمبارح دى كان متعشى معانا..
هذا هو هاجسى اليوم..
والله غالب...
| |
|
|
|
|
|
|
Re: أنا جيت... (Re: nour tawir)
|
نور الحبيبة عجبتنا الطلة يا بت الفريق والحلة جيدا جيتى والف حمد الله على السلامة نورتى البورد تسلمى وتسلم ايامك يمة
اسماء الجنيد/ مسقط
| |
|
|
|
|
|
|
Re: أنا جيت... (Re: soma)
|
أقول شنو؟ الفريق نوّر ... و لا الدار عمرت؟ ألف مرحب بيك ... حبابك ومشتاقين يا نور(حاف كده)
أمنياتى لك برحلة موفقة..
و راجعى الماسنجر..
كونى كما أنت دوماً.. مع أمنياتى الجميلة
...
| |
|
|
|
|
|
|
Re: أنا جيت... (Re: عبدالرحمن عزّاز)
|
شوف يا عبدالرحمن..
أنا ورمآنة منك..
وزعلانة منك زعل شديد خلاص..
ما خليت زول ما سألته منك..
لغاية ما وصلت السيدة حرمكم المصون..
وكتبت ليك ألفمية مسنجر..
آخر حاجة قررت..
أكلم الانتربول..
يشوفوا محلك وين..
عموما رآجع الايميل..
| |
|
|
|
|
|
|
Re: أنا جيت... (Re: soma)
|
سوما أزيك..
وكيف حالك..
أنتى عآرفة..
لو أدونى فرصة..
أعمل لى بكرى تمثال..
زى تمثال الحرية حق الامريكان..
تعرفى ليه؟
مش عشان المنبر..
والشكل..
والعجاجة حقة الاعضاء الطايرة السما..
دى مسئولية الاعضاء والعضوات..
عشان العفش فى المنبر دا..
على مسئولية الرآكب!
لكين عشان بدينا فرصة..
نتكلم مع الناس السمحين..
البيغسلوا القلب..
وما بيوجعوه..
..
تسلمى ياالحبيبة..
| |
|
|
|
|
|
|
Re: أنا جيت... (Re: walid taha)
|
وليد طه ازيك..
وكتر خيرك..
كنت دآيرة اكتب ليك..
زآرتك العافية..
لكين أكتشفت انه المثل دا غلط!
عشان لو أتمنيت للزول زيآرة العافية..
معناتوا الزول عيان....
بعد الشر..
ولا شنو؟
| |
|
|
|
|
|
|
Re: أنا جيت... (Re: ود محجوب)
|
ود محجوب سلام..
وتشكر على الزيارة الميمونة..
لكن بينى وبينك كدا..
البورد دا محول كهربا ماينوره..
خليها على الله ساكت..
| |
|
|
|
|
|
|
Re: أنا جيت... (Re: nour tawir)
|
حبابك الف حباب حفيدة مندي
تعرفي يا نور الليلة كنت بفكر فيها( اعني بت السلطان عجبنا ) واتمنيت اقرأ عنها كتابة موثقة هنا في البورد قبل مارس القادم يا لتاريخنا الذاخر ببطولات النساء ويا لإجحاف الرواة وكتاب التاريخ الذكور
هل تتحفينا بها يا اخية ، كرامة العودة وكدا
وتاني الف مرحب بيك يا نور
| |
|
|
|
|
|
|
Re: أنا جيت... (Re: الجندرية)
|
الجندرية الفنجرية...
Quote: هل تتحفينا بها يا اخية ، كرامة العودة وكدا
|
غآلية والطلب (مارخيص)!
انتى عارفه الكلام دا معناتو شنو؟
معناتو حجزتينى شهر أتنين كله..
لكين الفكرة ممتآزة..
تستحق التعب..
وأوعدك..
| |
|
|
|
|
|
|
|