أنا جيت...

ياأهل الدار..

...

نساؤه..

ورجاله..

شرفاؤه..

وأرآذله..

الوطنيات المخلصات..

والوطنيات من كرتون..

..

أنا جيت..

ويا بورداب وبوردآبيات لندن..

نحن هنا...

الى حين اشعار آخر...

حبيبتى


انا معدودة ولا برضو معدودة ؟؟

وشمشرة منى بس انتى (كنتى وين )

نور كيفك حبيبه

مرحبا
نور تاور

أصيل يا عصام..



وأن كان المنبر بجيب الارتكاريا وأوجاع القلب..

وقلة النوم..

لكن نسوى شنو؟

يا هو مشوار وآحد..

one way ticket

يا حليلك يا ماجدة..



شفتى كيفن انحنا لسه بنزحف فى الكرة الارضية؟!

تتذكرى القاهرة ومؤتمر كمبالا؟

كنا صغار..

عشان كدا كان الحلم اكبر من اللازم..

..

يمين الله مشتاقة للاسرة بدون فرز..

خصوصا حاجة جارة..

حا أتصل أنشاء الله..

على فكرة قريت البوست بتاعك..

وقاعدة على نار لغاية ما أقول اليقدرنى عليه رب العالمين..

جيدا جيتي يا نور ..
حبابك ألف ..
إفتقدك المكان .



مودتي .

الف اهلا وسهلا استاذة نور
انتى رجعتى ورجع للبورد رونقه

انا جيت شفتها متاخر بعد ما رديت عليك هناك

كل سنة وانتى طيبة

يا حليلك وليد500




الصورة البى البرتقالى دى خوفتنى..

بعيد عنك اللون دا ما عنده صليح..

رجعنا يا وليد..

لجميع الاوجاع الوبائية والمستوطنة والوراثية..

والتسويه كريت..

تلقاه فى المنبر العام!

مودتي .

مامعاها كميات (الحقوق محفوظة لاأبوالحسين )

قول من عندى واحد

معليش نور حبيبتى انا لقيت لى فرصه فى حتيت تار قلت مااضيعا اصلى انا من الانتهازين الجدد على

وزن التتار الجدد المهم بس تكون فى كلمه جدد علشان انا بحبها مش التتار انا بقصد جدد

عماد ازيك؟



متابعاكم من بعيد لى بعيد..

ومرآت أضحك فى الانترنت كافيه الفى الشارع لمن الجنبى يتخلع..

..

انت عارف الادمان بتاع المنبر بعيد عنك..

ما عنده دوا..

زى حب السودان..

والله يستر...

مرحبا
نور تاور

شنكل :

الليلة جينا كية للمابينا !!

غايتو يا ناذر خليفة..



انت حتدخل الجنة بى سببى..

محل ماألقاك..

أفرفر من الضحك..

وبعدين ياآخ انت بتاع مشاكل..

أنا جاية من سكات!

بالباب الورانى!

تقوم تقول كيه للمابينا؟!

Quote: أنا جيت...

جيتن جيتي

بشير

كتر خيرك يابشير..

ود قبايل...

نور تاور تجي ياعماد عبدالله وانا اخر من يعلم..
مرحب وحبابك يازولة يااصيلة والبورد نور بنور تاور..
وتاني عليك الله لمن تجي تمشي حتة تخلي تلفونك الصاح..مش رقم ترد ليك فيهو خواجية
لمن تتكلم معاها حنكك يتلوي ...
مرحب يا نور والف سلامة..

عبدالكريم!



يمين بالله اتصلت بيك عدة مرات ..

التلفون أبا يجى..

لو ترسل لى تلفونك تانى يكون كويس..

وبعدين الخواجية اتلومت معاك..

بس الموضوع وما فيه أنا كنت لافه زى المترار فى بعض المحطات الاوربية..

وفى نهاية الامر ياعبدالكريم..

تلقى الحال فى حاله..

كتر خيرو ترباس البيغنى لينا(تعبت)!

نور تاور ..

Quote: وبعدين ياآخ انت بتاع مشاكل.. أنا جاية من سكات! بالباب الورانى! تقوم تقول كيه للمابينا؟!

والله يا نور أنا لا بتاع مشاكل لا بطيخ !! الناس براها بتجي تقابض لا عندي ولمن أقوم عليهم وأرد بعد داك بيبقى ليهم حار !!

صنفرة :

نظام مداخلاتم معاي بقى (دا حار ودا ما بنكوي بيو) !!

الأخت/ نور تاور
تحية طيبة
سعيد ان التقيك من جديد وزى ما قالو الحى مصيرو يلاقى.
ارجو أن تقبلى اعتذارى رغم انى لم أكن مشارك وقتها
وهذا واجب كل شريف ونزيه.

الاخ العزيز تاج السر..




أول حاجة أنا متلومة معآك لوم تقيل خلاص..

لانى قريت ليك كلمة فى حقى..

ما بتطلع الا من راجل عنده قلب أسد..

قلت سبحان الله..

كان جاب كتالك..

بجيب حجازك..

وبينى بينك المنبر فيه اخوان زيك..

هم البيخلوا الواحد يستحمل..

ويلف ويرجع..

...

قلت افتح بوست اشكرك فيه على الاقل..

لكين يا تاج السر ياأخوى..

لوتعرف اللف الحاصل لى فى الكرة الارضية..

حتطالب بانتزاع اللقب من ابن بطوطة..

وتدينى ليه..

وبعد دا كله..

قضيتنا نحنا السودانيين..

محلك سر!

يعنى نحس ضكر..

...

وبعدين أنا الاسعد انو الاقيك فى منبر وآحد..

بدل ما اقرا ليك فى المنابر التانية..

واتاوق وارجع..

هسه اصبح التواصل ممكن..

بكرى ابوبكر الله ما جاب يوم شكره..

نلتقى ان شاء الله..

وسط العجاجة المالية البورد..

يا ناذر..

Quote: نظام مداخلاتم معاي بقى (دا حار ودا ما بنكوي بيو) !!

ماهو لو عندهم مبدأ ولا حتى موضوع..

الجقلبة مابتحصل..

الله يخدر ضرآعك!

العزيزة نور

حمد الله سلامة
و الف مرحبابك

الاخ العزيز والشاب الوقور جدا نصار..




أفتقدت قلمك الجاد..

والمواضيع الاكثر جدية..

التى تطرحها هنا..

نلتقى ان شاء الله..

الأخت/ نور تاور
أحترامى لك يتجدد
لا اظنك تدركين كانت وجهة نظرى منذ زمن طويل اتفقنا أو اختلفنا بأنك أكثر الناس أو (النساء) استحقاقا لقيادة نضال المرأة أو الأنسان المنتمى للهامش بحق ودون ضجيج.
فانت انسانه متوازنه فى فكرك وطرحك ولم اصادف لك اخطاء مشينه فى الكتابه، وكلنا نخطئ لكن لا يعقل أن يخطئ مفكر فى الأبجديات.

اضافة الى ذلك فهم (السودان) يجب أن يعلو على جميع اهتماماتنا دون احقاد أو كراهيات.
فهذا السودان كاذب من يدعى بأنه لا انتماء اصيل له (للزنوجه) أو (الأفريقيه) وكاذب من يدعى بانه لا يوجد فيه مواطنين عرب (خلص) يحبونه أكثر من اى سودانى آخر وهم (الرشائده) و(الزبيديه) الذين رفضوا التجنس بأى جنسية بينما يتهافت مدعى النضال لأى جنسية أخرى.

وكاذب من يدعى بان السودان لا يوجد فيه مواطنين جاءوا من ذلك الهجين (الزنجى/ العربى) أو (الأفريقى/ العربى).

نقول هذا الكلام ونحن ننتمى الى السودان كمواطنين بالأصاله، فنحن نوبة الشمال وانتم وأخواننا الجنوبيين، نمثل المكون الأصلى لهذا الوطن المسمى بالسودان، وباقى القبائل تسودنت أو هاجرت للسودان من عدة جهات وتصاهرت وأمتزجت بالدم السودانى، وهذا لا يجعلنا نطعن فى وطنية اى فرد منهم، لكن على هؤلاء وهؤلاء الا يضيعوا سوداننا الذى نعتز ونفتخر به وبتنوعه هذا.

اختى العزيزه عليك مسوؤليه ضخمه فى ان تقودى هذا النضال وانت اهل له بدون صراخ أو ضجيج.
وما جمعنا بك هو الحق وسوف نتمسك به حتى قيام الساعه.

dear nour

very welcomed indeed

مرحبا
نور تاور

dr mustafa mahmoud

الدكتور العزيز مصطفى محمود..



تابعت كتاباتك كثيرا..

ولم أجد فرصة للتداخل معك من قبل..

خاصة وأننى أتفق معك تماما فى وجهة نظرك ..

فى أحدى القضايا المطروحة للرأى العام السودانى الان..

وسوف أزورك باذن الله..

تشرفنا بهذا الدخول الهادىء الجميل..

الاخ المحترم تاج السر...

Quote: اضافة الى ذلك فهم (السودان) يجب أن يعلو على جميع اهتماماتنا دون احقاد أو كراهيات.

لهذا السبب فقط لا غير..

تحملت المنبر العام ومازلت..

وسأظل..

وقبل الدخول فى مداخلتك المهيبة..

أرجو أن أصحح لك معلومة بسيطة وللاخوة والاخوات أعضاء البورد..

وهى أننى أنتمى الى قبيلة كادقلى فى مدينة كادقلى فى جبال النوبة..

ويشرفنى أنتسابى الى الجنوبيين..

ولكن الحقيقة هى أننى نوباوبية..

ولست جنوبية..

ولو لم أكن كذلك..

لتمنيت ذلك..

..

أتفق معك فى أن السودان شعب خلاصة..

رغم أن أصل السودان زنجى كما ورد فى التاريخ..

وفى الانجيل المقدس..

الا أن وجود السودان بين القارة الافريقية والعالم الخارجى..

قد أكسب هذا الشعب حضارة غنية وثرية..

لو تمسكنا بها..

ولو فضلنا أن نكون سودانيين فقط..

وليس مجموعة قبليات لا يربط بينها غير التفاخر والتناحر..

لاصبحنا من أقوى دول العالم..

الصفتين(التفاخر والتناحر) اللتين أدتا بالسودان الى الهاوية..

وما زال البلد يتدحرج الى الحضيض..

ولا ندرى ماذا نجد فى القاع..

...

وكونى خليط من أب زنجى وأم عربية..

أكسبانى القدرة على الملاحظة والمقارنة..

حتى أصبحت الملاحظة والمقارنة جزءا من تركيبتى الشخصية..

...

ما خلصت اليه هو أن لا حل لقضايا السودان..

الا بالاعتراف وأحترام التعددية المطلقة لكل شعب السودان..

أما فيما عدا ذلك..

سوف (يلعلع) الرصاص فى السودان الى يوم يبعثون..

..

لاحظت فى السودانيين أزمة طاحنة..

ومعول أكثر هدما وقتلا من الرصاص..

وهو أنصاف المتعلمين/ت..

أو المتعلمين/ت الجهلة الذين يعمقون من المشكل السودانى..

فقط بغرض المصالح الشخصية..

أو تفريغ لامراض نفسية مستعصية أودت بالسودان الى الهاوية..

..

بين هؤلاء..

والمشكل الحقيقى السودانى..

يتساقط السودانيون كاوراق الخريف..

أو يفرون الى أركان الدنيا الاربعة..

حتى أصبح بين كل أربعة لاجئين فى العالم..

وآحد سودانى..

..

أوافقك تماما فى تعقد المشكلة السودانية..

وأضيف أنها تحتاج الى مئآت السنين..

حتى نصل الى بداية الطريق..

على الاقل..

..

على فكرة عرجت على احد المنابر الان..

وقرأت ما كتبته عنى السيدة المريضة..

وعرفت أن ذاك البوست هو سبب دفاعك أنت وآخرين أفاضل عنى..

ولكن..

دعنى اقول لك يا تاج السر..

أن من تلفظ كل تلك القمامة الى الرأى العام..

أو مجرد التفكير فيها..

لا نملك الا أن ندعو لها الله سبحانه وتعالى بالشفاء..



مودتى..

الف مراحب يانور ومليون مبروك.... ومتابع بوستك التاني ... منتظرين الكتير

مرمب نور ...

شفتى يا منى؟



كلام هناماينفع..

الا بالدرب..

الحاجة يا ربى فاكرة فنجان قهوتى؟

الاخ المحترم بهاء بكرى..




تشرفت كثيرا بمتابعتك..

أرجو أن أكون عند حسن الظن..

مودتى..

بعودة القامات
يغمرنى الفرح

قصرت فى حق نفسى
لأنى صومعت بوست المسكوت ليوم جفاف(وقرأت لك دونه)
لعلمى إنوا غالبية مداخلاتك حاتكون فيه
سأقرأه وأجتره لأنو الزمن علمنا
(القرش الأبيض لليوم الأسود)
عفوا إن إستغليت تكتيك البوست المهم ومحصور دسو لى يوم القصور

ربما فعلت ذلك إحتجاجا أو إضرابا على حصر المبدع غالبية مداخلاته
فى حى واحد.يسفلته ويأرصفه وينيره دون سائر الأحياء.ويبقى هو ومن جاوره درجة أولى
وغيره درجه ثالثة
فهلا إتبعتى سيدتى الوزيرة* سياسة تعبيد كل الشوارع وكل اللفات
سياسة الإنتشار
فرحى خلق الله وإنتشرى

(أشعر بالفخر دائما لنشاط نساء أبدعن من بلادى)

....................................................................................
وزيرة* فى حكومة الإبداع فى المنبر

باشمهندس محمد السيد..

Quote: فهلا إتبعتى سيدتى الوزيرة* سياسة تعبيد كل الشوارع وكل اللفات سياسة الإنتشار فرحى خلق الله وإنتشرى

يمين الله المدآخلة دى نستنى تعب اليوم كله..

وبعدين جددت فينى الامل..

وخلتنى أعيد النظر فى أوجاع الدنيا..

ومشاويرها واللف والدوران البيحصل لينا فيها...

عشان كدا أنت تطمئن خالص..

شوآرع الكرة الارضية سفلتناها بى كترة الطلوع والنزول..

تلقانى فى أى ركن بأذن الله..

يا نور إنتي موجودة أبدا بيننا منا وفينا
ونجدد العهد ونقول مراحب بالاستاذة نور ومنتظرين البوستات الكاربة ديك ، قلمك وفهمك فخر لرجال ونساء بلادي
دمتي بخير وعافية
الشفيع

الشفيع ازيك..

ويا حليلك..

والدنيا ودتك وين؟

وجابتك من وين؟

أنا غآيتو عندها تآر معاى..

عديل كدى..

عرفتك من خلال من كتبوا
ويخيل إليا أنني سأعرفك أكثر
لنقل جميعا نشيد العلم
علمي أنت رجائي......

أهلا بك قدوما جميلا
مودتي
نورالهادي

well come back nour

well come back

القلب النابض..



الحكاية شنو قايمين عليكى كدى؟

فى شنو؟

أنا قلت سوت ليها أنقلاب فى السودان..

ياحول الله يا رب..

جيدن جيتى نور تاور العزيزة

وعقبال ماتجى د. بيان وكل الطيور المهاجرة يااااارب

ادخلى لى جوة مشتاقين ليك كتير والله .. وتسلمى يارب

يا نادية..



أنا غايتو ما عارفة أقول شنو..

تلفونك محل ختيتو ما لقيته..

يا ريت ترسليه لى..

وقوآم بالله..

العزيزة نور
حمد الله سلامة

تسلم من كل شر يا عمر الماحى يا اخوى..

نور الهدى عوض..

Quote: ويخيل إليا أنني سأعرفك أكثر لنقل جميعا نشيد العلم علمي أنت رجائي......

ما هو دا زآآآآآآآآآآآآآآآآآتو..

جنس الكلام البيخلينا نمشى ونجى..

...

نواصل فى النشيد لغاية ما نوصل للاتى..

يا بنى السودان..

هذا رمزكم..

يحمل العبء..

ويحمى أرضكم..

..

ذكرتنى كادقلى الابتدائية بنات لمن دموعى رغرغت..

نور تاور
اهلا بيك ونورتى
الدار
وطاب مقامك

عبدالغفار ازيك..



والله أخجلتوا توآضعى كلكم..

أنا كنت فآكرة الناس نستنى خلاص..

نور تاور

مين القال انك ماكنتى موجودة




تنهدات: هل نسيتى أن اسمك نور

الاخ العزيز بدرالدين الامير...



تسلم يا أمير..

اولا كنتي وين وجيتييي من وين ذاتوووو


مشتاقين يا نور



حمد الله ع السلامة


منعم

عبدالمنعم ازيك..



أنا كنت فى مشاوير صغيرة فى اركان الكرة الارضية..

يعنى ماحاجة تبسط زى ما الواحد يكون رجع السودان مثلا..

وبعدين أنا لسه برا كندا..

ماهو كله عند العرب صابون..

ولا شنو؟

مادام لسه بنزازى بى برة..

تابعتك من بعيد لبعيد..

وقلت الله يكون فى عونه.

خاصة مرآت كانت العجاجة بتاعة البوست..

تغطى على موضوعك الاصلى..

عموما..

الله يكون فى العون..

رجعت وقلبى مقبوض من الدواس ..

وما أدراك ما الدواس..

حمدلله على السلامة
وعودا حميدا ميمونا

والله أول مره أرى هذا البوست وحسبناك فى السودان وتلفوناتك ما بترد الف حمدا على السلامه وعودا حميدا وإن شاء الله تكونى بخير لك السلام




منصور

منصور ازيك..



أول حاجة متلومة شديد..

لانه كان مفروض أتصل..

وبما أنه الكلام معاك والاسرة شيق وطويل..

كل مرة اقول بكرة..

..

أمشى السودان بى وين يامنصور وكيف؟

ما انت عارف....

وعلى العموم بعد ما الواحد أخد نفسه شوية..

حا أتصل أن شاء الله..

تحياتى للاسرة..

الاخ المحترم احمد عبدالله


ألف شكر..

Quote: ....بأنك أكثر الناس أو (النساء) استحقاقا لقيادة نضال المرأة أو الأنسان المنتمى للهامش بحق ودون ضجيج. فانت انسانه متوازنه فى فكرك وطرحك ولم اصادف لك اخطاء مشينه فى الكتابه، وكلنا نخطئ لكن لا يعقل أن يخطئ مفكر فى الأبجديات.

صحيح 100%

الاخت نور تاور حمد الله على السلامة

احنا طبعا ناس غلابة اغتنمنا فرصة غيابك فتسللنا الى المنبر -وبما انك احد اقمار المنبر ونحن نجوم خافتة وعودا حميدا يا قمر القمر الضويت وللنجوم جليت -اخت نور من كثر الغياب حتما بياتى بالغنائم ويبدو نحن موعودين بمشاركات دسمة مما يخطه يراعك الرائع وافتح يا سمسم عفوا اقصد يا نور -وكل سنة وانت بالف خير

العزيزة نور

إفتقدتك كثيرا مرحبا بعودتك الميمونة

نور بيتنا ... شار بيتنا يوم ما جيتنا.

العزيزة عواطف ادريس..



كتر خيرك..

حلاتها الصورة..

سميييييييييييييحة..

الصنديدة نور ..
حمدا لله على السلامة ..
مكانك محفوظ وبجيتك عاد الفرح والامل ..
...
الاخ معاوية حدثنا كثيرا عن مجهوداتك ..الاستاذ حبيب بسلم عليك ..ارسلنا سلامنا مع الاخ معاوية لك ولك الاحباب بلندن ..كل الود والتقدير

العزيز على اسماعيل..



كلام فى البورد مايكفى..

ناوية أتصل بيك يوم الاثنين..

معاوية شاب مجتهد وحماسى زى ما شفته..

يرجى منه الكثير..

الاخ العزيز احمد حماد..

Quote: وافتح يا سمسم عفوا اقصد يا نور -وكل سنة وانت بالف خير

والله يستر..

أكيد حنتقابل...

محمد آدم ازيك...



أول حاجة رغم كل ظروف السفر الكنت فيها..

أتصلت بيك 3 مرات..

وبسبب فارق الوقت..

كل مرة بلقى الانسر مشين..

سبب الاتصال غير التحية والمجاملة هى أنى قابلت جنجويد(أصلى)..

أبا يقابلنى شخصيا..

لكن بالتلفون غسلت قلبى منو..

أحد الاخوة الافاضل من دارفور..

لما حكيت ليه الحكاية وقبل ما أديه الاسم قال لى انا عارفه..

واكتشفت انه أتاريه الجنجويد عندهم اسلحة تانية..

أكثر فتكا من الرصاص..

لافين حول الكرة الارضية وبغيروا فى الكلام..

وشغالين فى الظاهر تجار!

عموما حا أتصل أن شاء الله..

الأستاذة نور تاور

مرحباً بعودتك أيتها العاقلة الهادئة الرزينة.

إنت سودانية جد جد.
زي ماقال الحبيب ناذر (نحن جينا كيه للمابينا)

أبوفتحية

مرحب بنور تاور
عوداً حميداً

الأستاذة نور تاور
عوداً حميداً
وكل سنة وانت طيبة

العزيز ياسر طيفور..


تسلم من كل شر..

خصوصا شرور المنبر دا!

العزيز اسماعيل وراق..



كتر خيرك كتير..

شايفاك ثابت (تماما)..

ما شاء الله..

العزيز الصادق اسماعيل..



والله جيت زى خروف العيد..

ما بريد المشاكل كله كله..

لكن كمان ما بقدر أموت بى مقصتى..

شفت المعادلة صعبة كيف؟!

سلام مربع يا الملكة
جيتي من الباب الخلفي.. آآآآآآآي
لكن برضك طلعتي بالباب ذاااااااااتو
الماسنجر فاقدك
تلفوناتك.....
و شخصك حاضر في خيالنا بس...
نعذرك مجبورين وننتظرك
يا عزما من صخر
وقلبا من...
أستاذتنا.. حبابك
واليوم السعيد الليلة جابك
المـُخرج:
آكشن..
يبدأ بث الأغنية ولكن لا تصيبك الدهشة إن كانت الأغنية للوطن... عارفة السبب
فرحـــــــــــــــــــــان بيك
و أم عمر فاقداك وبتسأل عليك وواحد صاحبي اسمو حامد عبيد، قال المنبر فضل فيه منو وكت نور فاتت؟..
...

انا كنت عامل اعلان لسه فى المطبعة



(خرج قلم رصين وفكر سديد اوصافة ...)

خلاص حا اقوم اسحبه
واقول
مليون مرحب
وافتقدناك كثيرا

صلاح الدين يا حليلك..



انت عارف..

البورد كلما وصل السيل الزبى..

والواحد يتذكرك انت وكل النوعية الجات هنا عشان السودان..

ولا شىء غير السودان..

صادقين/ت فى كل كلمة..

حتى لو اختلفت معاهم 180 درجة..

الواحد يتسغفر ويستمر..

أبى ازيك..






يمين الله فى البال..

خاصة قبل اسبوعين..

اتذكرت زوجتك..

لما كنت بفتش على أستاذة فى علوم صحة المجتمع..

عشان تدرس فى أكاديمية جنوب ويستمنستر فى لندن..

والاكاديمية دى أتعينت فيها المدير العام قبل شهر..

وفيها فرصة نادرة للسودانيين للدراسة فى لندن..

وبنعمل ليهم الفيزا و الاقامة لمدة سنة..

الموضوع حااكتبه للرأى العام بالتفصيل الاسبوع الجاى لما يكتمل جدول الدراسة....

شفت كيف انت والاسرة فى البال؟!

حبابك

أستاذة نـور

جيدا جيتي

تحياتي


أحمـد الشايقي

احمد الشايقى ازيك..



أنت عارف..

الخوآجات لمن يكونوا مبسوطين من زول الى آخر درجة..

يقولوا..a hell of a guy

جيت فى بالى لمن فى واحد قالها فى فيلم شفته فى لندن الاسبوع الفات..

الأخت / نور
سلام واحترام ،،،
الحمد لله على السلامة وانك بخير وعافية
من المتابعين كتاباتك الجادة والمميزة
نتمنى ان لا تنقطعي عن الكتابة .
تقبلي تحياتي واتمنى ان نلتقي في وطننا الحبيب وان يكون السودان واهله دائماً بخير
أبو كريم

الاخ المحترم الفاتح..




يمنعنى من الكتابة..

كثرة المشاغل الملحة..

لاننى من سودانييى الشتات..

بعيد عنك..

منتشرة فى الكرة الارضية..

أنتشارا سريعا ووآسعا..

ولا أدرى متى أحط الترحال..

ولا أدرى اذا كنت سوف أحظى برؤية سماء السودان..

وأرضه..

قبل الرحيل الكبير..

...

كثيرا ما نسمع..

وبلا سابق انذار..

فلان مات..

أمبارح دى كان متعشى معانا..

هذا هو هاجسى اليوم..

والله غالب...

الأخت الغزيزة نور
















منورة

الاخ العزيزALGARDABI



فى هذه الصفحة البيضاء رسالة قيمة جدا..

تسلمتها..

وتشرفت بها..

و تسلم..

العزيزة نور بت تاور

حبابك الف

وعودا حميدا مستطاب


عوض حمزة

الاخ العزيز عوض حمزة..


ألف شكر..

نقول اللهم اجعله خير!

الاخ العزيز خليل..



الله يجازى محنك..

أنت ما شايف الدورة الدموية بتاعة المنبر حآلتها كيف؟

مرحبا بالست نور تاور

بعودتك تتنظم الدورة الدموية للمنبر

ويعود الالق والبريق

الأستاذة نور

حمدلله على السلامة

المحترمة نور تاور
مرحب حبابك .. عودا حميدا

الاخ المحترم أبوعسل..



ألف شكر..

والله يجبر بخآطرك..

الاخت المحترمة سلمى التيجانى..



ألف شكر..

أنا عند وعدى!

الاخت العزيزة نور تاور

حمد الله سلامةالعودة
و الف مرحبابك .
كل سنة وانت طيبة.

الاخ العزيز معاذ حسن..



كتر خيرك كتير..

وكلام فى سرك..

هذه عودة مع سبق الاصرار والترصد..

نور الحبيبة
عجبتنا الطلة يا بت الفريق والحلة
جيدا جيتى
والف حمد الله على السلامة
نورتى البورد
تسلمى وتسلم ايامك يمة

اسماء الجنيد/ مسقط

أقول شنو؟
الفريق نوّر ... و لا الدار عمرت؟
ألف مرحب بيك ... حبابك
ومشتاقين يا نور(حاف كده)

أمنياتى لك برحلة موفقة..

و راجعى الماسنجر..

كونى كما أنت دوماً.. مع أمنياتى الجميلة




...

شوف يا عبدالرحمن..



أنا ورمآنة منك..

وزعلانة منك زعل شديد خلاص..

ما خليت زول ما سألته منك..

لغاية ما وصلت السيدة حرمكم المصون..

وكتبت ليك ألفمية مسنجر..

آخر حاجة قررت..

أكلم الانتربول..

يشوفوا محلك وين..

عموما رآجع الايميل..

سوما أزيك..

وكيف حالك..



أنتى عآرفة..

لو أدونى فرصة..

أعمل لى بكرى تمثال..

زى تمثال الحرية حق الامريكان..

تعرفى ليه؟

مش عشان المنبر..

والشكل..

والعجاجة حقة الاعضاء الطايرة السما..

دى مسئولية الاعضاء والعضوات..

عشان العفش فى المنبر دا..

على مسئولية الرآكب!

لكين عشان بدينا فرصة..

نتكلم مع الناس السمحين..

البيغسلوا القلب..

وما بيوجعوه..

..

تسلمى ياالحبيبة..

مرحبتين نور

وليد طه ازيك..

وكتر خيرك..



كنت دآيرة اكتب ليك..

زآرتك العافية..

لكين أكتشفت انه المثل دا غلط!

عشان لو أتمنيت للزول زيآرة العافية..

معناتوا الزول عيان....

بعد الشر..

ولا شنو؟

اهلين نور تاور

عساك طيبة

وما تطولي الغيبة تاني

انعام عبدالحفيظ..

يا حليلك..

الغيآب مرآت..

عشان الشديد القوى..

أنتى ناسية ياأختى..

انو أنا من الكادحين الى ربك كدحا فملاقيه؟

ياهلا

ملكة سبأ..



أهلين بالملكة..

نور بت شيخنا


بركة الجيتى


وليك وحشه


نورتى البورد

ود محجوب سلام..



وتشكر على الزيارة الميمونة..

لكن بينى وبينك كدا..

البورد دا محول كهربا ماينوره..

خليها على الله ساكت..

حبابك الف
حباب حفيدة مندي

تعرفي يا نور
الليلة كنت بفكر فيها( اعني بت السلطان عجبنا )
واتمنيت اقرأ عنها كتابة موثقة هنا في البورد قبل مارس القادم
يا لتاريخنا الذاخر ببطولات النساء
ويا لإجحاف الرواة وكتاب التاريخ الذكور

هل تتحفينا بها يا اخية ، كرامة العودة وكدا

وتاني الف مرحب بيك يا نور

الجندرية الفنجرية...

Quote: هل تتحفينا بها يا اخية ، كرامة العودة وكدا

غآلية والطلب (مارخيص)!

انتى عارفه الكلام دا معناتو شنو؟

معناتو حجزتينى شهر أتنين كله..

لكين الفكرة ممتآزة..

تستحق التعب..

وأوعدك..

مرحب يانور

عودا حميدا...

اتمنى ان نتواصل


مودتى

الاخت الفآضلة عيشة حميدة..



بالتأكيد..

ويحصل ليناالشرف كمان..

نور كيفنك

الشوق بـحر وانشاءالله تكونى استمتعتى بالجولات الماكوكيه

والسفر طبعا ليهو فوائد كتيره

افتقدناك وقربتا اتصل بالانتربول عشان يجيب لينا اثرك

تحياتى

صباح ازيك..



لو قلت ليك فى بآلى طوالى ما حتصدقى..

سفر السودانيين ولا فيه فوآئد ولا يحزنون..

كله شقاوة وتعب..

طالما محل ما تقبلى..

تلاقى خرآب السودان قدآمك..

مشتآقين كتير..

واكون شاكرة لو رسلتى لى التلفون بالمسنجر الداخلى..

للاهمية!..

حبابك
كل زمان ومكان

عمر على..



ياحليلك..

أنا جيت من زمااااااااان..

وبآخد نصيبى من المعآرك..

شآاااامل..

مآنع..

وزيآدة كمان..

بس انت الكنت مسجل غيآب..

...

مودتى...

الطيبه الحنونه
إنت يا نور تاور:
مثال حيّ للمرأه السودانيه

يا بت الهامش الصنديده
فخرنا بكِ لا يحده سماء







<a href="http://www.sudaneseonline.com/cgi-bin/sdb/2bb.cgi?seq=post&board=3&msg=1169216352&rn=1" target=_self>أنا جيت...
ألف ألف مرحب بيكي
كندا تشتهيكي
يا أغلي إنسانه.

الاخ المحترم محمد آدم..

Quote: يا بت الهامش الصنديده

تجدنى الهامش نفسه!

شفت الاملة دى؟!