الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: الـبــلابــل سـمفونيـة الـزمـن الجـمـيل (Re: magdi elmahi)
|
عبد الدائم يا جميل شكرا لك وانت تحلق بنا في فضاءات الجمال البلابل إمتداد للزمن الجميل زمن عائشة الفلاتية ومهلة العبادية وإمبلينا السنوسي وأخريات يفوقهن الإحصاء والعدد.وثقوا لهن فإنهن قد لعبن دورا كبيرا في ترسيخ الوجدان السوداني الشفيف.
شكرا لك
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
الوجيه الرائع عبد الدائم والله رجعت بنالايام جميلة وخالدة إي نعم عند ظهور
البلابل كنا صغار في السن لكن الطرب الجميل يتغلغل في الأعماق جوه والبلابل
ظاهرة غنائية فريدة ومتميزة في تلك الحقبة من الزمن ولكن بكل شجاعة واصلوا
إبداعهم ولم يرضخوا للمعاكسات , فعلاً أيام لها إيقاع وما أجملك يا عريس
وكتر الف الف خيرك .
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: هاشم أحمد خلف الله)
|
Quote: . الوجيه الرائع عبد الدائم والله رجعت بنالايام جميلة وخالدة |
نحن يا هاشم اسى فى الايام دى ... ومسكونيين بالطرب الجميل دا..
ادين للبلابل بتشكيل جزء كبير من وجدانى..
وعشقى لهن كامل الدسم.. لاياتيه الباطل من اى مكان..
شكرا عبدالدائم وتحياتى هاشم خلف الله لك..
مع محبتى...
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
ياإبن سيد أحمد . .. أنت جميل ( والبتجيبو كلو جميل ) فعلا إختيار موفق ... فالذى يتخير مواطن الإبداع الحقيقى فهو ذو ذوق مرهف رصين .. كنت من قبل قد كتبت ( بوست ) تحت عنوان (البلابل صوت لن يتكرر ) ولا زلت أقول أخى عبد الدائم ، .. قل ما يجود الدهر بمثلهن وقد أحسنت التعبير حينماقلت .. الزمن الجميل .. فماأحلاه من زمن وماأميـزها من حقبة حتى الأذن المستمعة فى ذلك الزمن كانت أذن متفردة لا تقبل إلا الكلمة واللحن الشجى المتميز لذلك كنا ولا زلنا نعايش تلك الأيـام ... لك التحية والتقدير ..
محمد مختـار جعفر
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
أخي الحبيب عبدالدايم !!!
ودي ,,,
في الحقيقة البلابل كن زميلاتي في المدرسة وهن لم يكن حدثا غنائياأو فنيا فريدة فقط بل ظاهرة
نسائية ثقافية نادرة الحدوث ,, إستطعن بلونهن الغنائي المتفرد وأدائهن المتميز وصوتهن العذب
أن يجذبن الإنتباه ويلفتن الأنظار بصورة لم يسبق لها مثيل ,, فتحية لهادية وأمال وحياة فقد كن
ظاهرة وتظاهرة قل أن تتكرر ,,,
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عواطف ادريس اسماعيل)
|
التحية لك أستاذ عبدالدائم
البلابل...فن فريد، لن يتكرروا أبداً
ردي علينا يا عينينة سفرك طال متين الجية مهرة دنقلا اللصافة سادل ديسا لاكتافها ما ممكن أجيب أوصافها تبكي تبكي كل الشافا حداد أناعندي يوم سافرت فيه بكيت وما أستغفرت بكل الغواني كفرت صفر قطرك أنا أنتحرت ما ممكن هواك أداري بحالي العلي ما داري يا ساكن قريب لداري راقي وسامي لونه سماري في شمبات حليل مجلسنا الحيا والعفاف حارسنا أستاذ الغرام درسنا لشجر المحنة غرسنا أيامنا المضت يا حليله كنت معانا في كل ليلة كنت حياتنا كنت دليله كيف أمسيت أنت الليلة
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
سلام
عبد الدائم... شكرا على اللحظات التي متعتنا فيهابهذا الطرب الرفيع.
بس كمان طلب صغير، لو ممكن تفتح لينا بوست مشابه لعمار السنوسي وتركز لينا على آدائه لرائعة سيد خليفة يوم في يوم غريب
تخريمة: والله يا جماعة لو سمعتو عبد الدائم بغني... ح تنتشوا طرب وبهجة فهو صوت متميز... وإحساسه عالي جدا.
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
الفنان الشامل محمد مختار جعفر لك الف تحية وانت تضع بصماتك بدخولك الجميل ، واكيد لك ذكريات كتيرة بحكم عملك فى تلفزيون السودان فى تلك الحقبة الجميلة .
ارى اخوات البلابل قد دلو بدلوهن :
الاستاذة / عواطف ادريس والله وقعتى لي فى جرح لانك من هنا عليكى الكتابة عن مرحلة الدراسة لانها فترة تكاد تكون مجهولة بالنسبة لكثيرين من محبى البلابل بس اوعة تكونى انت اكبر منهم احسن تسيب سكتنا .. سكه مدرستنا وشوف غير طريقنا طريق وشوف حارة غير حارتنا الف تحية للرائع الحلنقى .
الاخت سلمى صبحى مرورك محل تقدير يا اميرة ، وتعاونك معانا على انجاح هذا البوست التوثيقى لكى جزيل الشكر .
الاستاذة / شادية الطيب البلابل فن لا يتكرر فقد غطوا على جميع مساحات الابداع وتركن هامش بسيط تتبارى فيه فنانات الجيل الحالى .
لكم جميعا" مودتى .
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
عارف يا عبدالدايم البلابل كانن بيسكنن في بيت قريب من الإذاعة ومن مدرسة أمدرمان الثانوية وفي فترة
الإمتحانات كانت أمال بتذاكر معانا في الداخلية يقوم عمك الحاج طلسم رحمه الله يجي بالنفاج بتاع سور
المدرسة يجيب لينا الغدا الماخمج شي ملوخية وشي بامية ومحاشي كان إنسان كريم وأب حنون ومتواضع
لأبعد الحدود يعني واحد في مكانته كان ممكن يرسل الغدا مع الخدام لكن هو بيجي بنفسو عشان يطمن
علينا وعلى سير المذاكرة فياله من أب ويا لهن منمطربات ,, أمولة وحشتيني جدا ,, هادية كانت طلتك
البهية في أبوظبي مثل طلة البدر في ليلة التمام فلماذا لم نعد نشاهدك ,, زورينا كلو سنة مرة حرام
تنسينا بالمرة ,,, حياة أيتها الهادئة الرزينة لكي حبي ,,
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
العزيز عبدالدائم..
سلام وتحية جمال البلابل وأغنياتهم..
الأخوات (هادية وآمال وحياة) طلسم ساهمن وبقوة في ترسيخ كثير من المفاهيم الجميلة وتشكيل كيان قطاع كبير من الشباب وبعدهم الأطفال في الوقت اللائي كنً ينثرن ألحانهن.. وكذلك إرتبط كثير من الشيب بأغنياتهن التي أعادتهم إلى الزمن الجميل..
البلابل ومعهم بلا شك الموسيقار بشير عباس، مثلوا (ظاهرة) نادرا ما تتكرر.
أي أغنية أحلى من التانية.. يعني أنا دخلت وفي راسي أغنيات معينة. لما سمعت الغنية الجديدة سلًمت وآمنت..
التحية لهن أينما تواجدن. وللفنان بشير عباس وأيضا فناننا الموصلي..
والشكر لك يا عبدالدائم وإنت تقوم عننا بالواجب في تكريمهن
ودي
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: Raja)
|
الأخ العريس الفنان / عبد الدائم لك التحية والتقدير على هذا الجمال وأجمل خبر عرفته منك أن إنتاج البلابل مستمر قمة الرقى والزوق الرفيع تتمتع به البلابل ومحبي البلابل
أهديكم وزواركم الكرام هذه الكلمات ياريت تغنيها وتسمعنا ليها بصوتك
أنا قـلت لمن شُــفـتـكــم ..... كيف فـات علي أنا من زمـان ماعـرفـتـكـم ويـن كـنـتــّو خابـئـيـن محـيـكم وكيف السنيـن قـدرت تحـول بيني وبين ســنـا بـدركم مرّيــت علي كل الدروب كـنـت بســأل عـنّـكم بـفـتـش علي دررن لقـيـتـا في كـلامـكم وحـنـّـكــم شـربت كاس الحب حـلال من دنـّـكم بقت حياتي موجة يـدفعـا مـدّكم زي وردة بتـفتـّح صباح عـشان تعانـق طلكم وتغمِّض أجفانا المساء على حسّـكم تـتـدفـّا بى وهج الحروف الشاربة سُـمرَة ريّــكم تكتب إسـم مضمُونـُو داخـل طيّـكم وتكون سُــطور منـظومة في نضيــد عـقـدكم مكنونة في داخـل كنـانـة كـنّـكـم ترموبا قـلبا ً مابشوف غـير دربكم أنا مابشـوف زول زيّـكم لوكان قراب لوكان بُعـاد أو في الوطن في حـيّـكم أنا ملككم .. وحبِّي ليـكم .. كـلكـم .
مع أطيب المنى سمية الحسن محمد طلحة
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
البلابل (هادية ، حياة ، امال محمد عبد المجيد طلسم ) تخرجن فى امدرمان الثانوية بنات فى اعوام مختلفة ، بدان الحياة الفنية حين كن راقصات فى فرقة الفنون الشعبية ، كانت اغنية ( ننساك ) للفنان صلاح ابن البادية هى السبب الرئيسى فى اكتشاف البلابل ، حيث من المفترض والعهدة على الراوى ان كورس الاذاعة كان من المفترض ان يكون خلف الفنان صلاح ابن البادية لكنهن لم ياتين وكان لبنات عم طلسم بروفة فى الفنون الشعبية فكان ان تم استدعاؤهن لتلك البروفة لاغنية ابن البادية وبدان يغنين كانت ضمن الراقصات من شقيقاتهن ( نعمات ونجاة ) لكن حياة وامال وهادية بدان مع بشير عباس اولى الخطوات بعد ذلك بدان بمشينا كلمات جعفر فضل المولى ثم توالت اغنياتهن لعدد من الشعراء ( على سلطان ، الحلنقى ، سبدرات ) وكثير من الشعراء ، لكن كان للفنان بشير عباس اليد الطولى فى الالحان ، ثم كان ايضا لانس العاقب بعض الالحان ، المهم انهن تخرجن فى المعهد العالى للموسيقى والمسرح (هادية امال ـ قسم الموسيقى ، حياة ـ تمثيل واخراج ) بل انهن شاركن فى عدد من الاعمال التلفزيونية والمسرحية والاذاعية ( نبته حبيبتى ، احلام الزمان ) وغيرها لكن طالتهن يد التشتت فهاجرت هادية الى الولايات المتحدة وكذا امال وبقيت حياة فى السودان لكن ، تظل البلابل احد الظواهر الفنية التى لا تنتهى ، فهن من كان لهن وجود فى القارة الافريقية لا نظير له واستطعن ان يجدن لهن مقعدا فى قلوبنا لن يتزحزح بتقادم الزمن
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: سلمى الشيخ سلامة)
|
أخي الودود عبدالدايم !!!
صباح البلابل ,,,
كلهن كانن معاي في مدرسة أمدرمان الثانوية وكانت عمتهم الأستاذة سارة طلسم مدرسة لغة إنجليزية في
نفس المدرسة والآن هي مدرسة في أبوظبي ولديها ثلاث بنات عسل ووالدهم العم طلسم كان مدير مدرسة بنات
كسلا الثانوية وعندهم بيت كبير جدا أشبه بالفلل الحديثةبالقرب من مدرسة أمدرمان الثانوية وأمال
جاءت إلى أبوظبي وكانت مدرسة موسيقى في العين وأبوظبي وقد حجت عدة مرات وتركت هذا المجال بعد أن
تصوفت وقد هاجرت كما أعتقد وهادية عايشة في أمريكا كانت بتجي لما أمال هنا وهي متزوجة من مستشار
قانوني من كسلا تعيش معه في أمريكا ولديها ولدان أما حياة فكانت فتزوجت أعتقد بشاعر نسيت إسمه
وكانت تعيش في السودان والملحن الكبير بشير عباس أيضا هاجر هو الاخر إلى أمريكا هذه بعض المعلومات
التي أعرفها عنهن وهن في الحقيقة بنات طيبات ومتواضعات جدا .
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
استاذتنا سمية الحسن طلحة يا سلام على الكلمات الرقيقة وشعورك نحونا وكلماتك حقيقة تستاهل يغنوها البلابل ، مش انا وازيدك من الشعر بيتين البلابل عائدات بقوة وحتسمعى الجديد عما قريب كما جاء فى حديث الشاعر يحى فضل الله فى برنامج مساء جديد بقناة النيل الازرق : اغنية الطريق كلمات الشاعر يحي فضل الله -- الحان الفنان يوسف الموصلى اغنية نار هواي كلمات الشاعر ابوقطاطى -- الحان الفنان يوسف الموصلى اغنية كبرياء كلمات الشاعر السر قدور -- الحان الفنان يوسف الموصلى
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
بسم الله الرحمن الرحيم
الأخ / عبدالدائم سيد أحمد
تجنبت هذا البوست كثيراَ ...
أفتش في جدار الحرف عن لغةٍ أموضع في حناياها كلماتي والتي لا تساوي شيئاَ أمام ذلك الأبداع .. وتنتاب الأصابع رعشة وتتواضع جميع الحروف قسرا" عن التعبير والوصف.
البلابل ظاهرة غنائية متفردة .. وتجربة صعبة بمقاييس ذلك الزمن ...!! وهم دنيا من الفرح الذي لا ينتهي ..!!! وإبداع متصل ومتأصل .. يلونون الحرف بلون الإبداع الموسيقي فتخرج لوحة متناغمة منسجمة تطوف بك على كل موائد الإبداع من صوت وموسيقى وتناغم صوتي متفرد ...
كيفن تسافر تسيبنا في نارنا .... كيف هان عليك تترك جوارنا
تعجز كل كلماتي ومفرداتي التداخل في هذا البوست بعد أن قرأت وسمعت حتى تشبعت نغماَ وشجناَ وذكرى .. جرت الحروف تجمعت وتماسكت ترنو لنظم الشعر في أبيات أو لنقل في التعبير ففشلت كل المحاولات !!
مودتي لكم وصال عالم
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: وصال عالم)
|
Quote: وازيدك من الشعر بيتين البلابل عائدات بقوة وحتسمعى الجديد عما قريب
|
الأخ / عبد الدائم صاحب الدار الشجية الرحيبة التى لاتضيق بتردادنا عليها لك الشكر أجزله... انت كده أديتنا الشعر كله لاأمس من عمر الغناء ولاغده سيجمع الغناء ويكون يوم عودة البلابل.. لك التحية .
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
يا سلام يا أخوي الحبيب عبدالدائم بوست الوفاء دة للمبدعات حقاً البلابل الكانوا بيدو للتلفزيون طعم لمن تتذاع أغنياتهم صراحة لمحات زي دي بتخلي الزول يتنفس في زمن تسيّد بعض العاطلين عن المواهب للساحة الفنية و الغنائية التسجيلات القديمة دي لازم يحافظو عليها لأنها تاريخ و تراث و أرشيف خالد ما بتعوض لو اتفقد خالص تقديري و محبتي لنا
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: lana mahdi)
|
أخى عبد الدائم
تحاياي و مودتي
شكراً لك على تنبيهى هذا البوست الجميل
أنا أحب البلابل لدرجة العشق،، و أكثر ما "كرهنى" في حكومة السودان الحالية هو "حجبهم" لأغاني أثرت وجدان الشعب السودانى،، و ما زالت تثير أشجاننا رغم المنع و التعتيم..
فى بداية العام الفات ،، و تحت فعاليات الخرطوم عاصمة الثقافة 2005،، تمتعنا و لو لسويعات بحضور البلابل إلى البحرين ،، و كانت حفلة "فوق الوصف و الخيال"،، ما زلن يحتفظن بذلك الألق و الإحساس الذي يفوق الوصف....
ندمت أشد الندم إنى لم أحضر كاميرا الفيديو لتوثيق هذه اللحظة...
أتمنى و من كل قلبي أن يعدن لتنتشي مشاعرنا بهن...
لك الشكر و الود
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: نوسة)
|
Quote: والله يا جماعة لو سمعتو عبد الدائم بغني... ح تنتشوا طرب وبهجة فهو صوت متميز... وإحساسه عالي جدا. |
من يكون حاضراً ومتحضرا بهذا الفن فلابد من أن يكون فناناً ... الأخ والصديق عبد الدائم موهبة البلابل وإثرائهن للساحة الغنائية السودانية لا يختلف عليه اثنان فقد بدأن في عصر كان فيه من الصعوبة بمكان لصوت نسائي أن يشق طريقه وسط إهرامات سامقة إلا أن المواهب العديدة وليس الموهبة الواحدة هي التي رسخت أقدامهن بل استطعن أن يضعن بصمة لا تنمحي في صفحات ذاك العصر ولن ينسى التاريخ أبدا البلابل .. وما أصعب من أن يكون للإنسان بصمة في صفحات التاريخ .. البلابل إضافة للصوت المتناسق والتطريب العالي يتمتعن بحضور مذهل يجبر السامع والمتلقي أن يستوعب باقة من الجمال في لحظات .. الصوت والأداء والتعبير والكلمات واللحن والشخصية كل ذلك عليك استيعابه وتذوقه من خلال أغنية .. وكما قالت الأخت نوسة أنه من دواعي الأستياء أن يتم حجب وطمس مرحلة هامة في تاريخ الفن بمسببات أقل ما توصف به أنها ساذجة وغير منطقية وأتمنى ألا تكون تسجيلات البلابل للتلفزيون قد اتلفت أو أهملت .. لك كل الشكر أخي عبد الدائم على هذا البوست الرائع وتحية للحاضرين المبدعين كلهم..
عادل جبارة
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عادل جبارة)
|
كلمازرنا المنبر يشدنا صوت البلابل من خلال هذا البوست فلابد لنا من الزيارة للتمتع بروعة هذا الفن. ودي مشاركة كمان
البنريدو تايه
البنريدو تايه يا حليل البريدنا ...
احكام الليالى متين كانت بايدنا ....
********
الناس بسألونا مالكم ذى حيارا ...
حالكم ما براهو شمعاتكم سهارا ...
ونقول للحبايب ريحان النضارة ...
من فاتنا الحنين شالت الروح ودارا ....
********
ولا عشان زمانا ما بشبه زمانو ...
ولا عشان حنانا اكتر من حنانو ...
ما عارف مكانا عارفين وين مكانو ...
راجع لينا بكرة ونحن صباح امانو ...
********
زمان كان بسأل علينا كان طولنا منو ...
ايه جده فى عيونو بشوفا غريبة عنو ...
يمكن دى الليالى شالت حسن ظنو ...
ما السمحين بسامحو والحلوين بحنو ...
******* البنريدو تايه يا حليل البريدنا ...
احكام الليالى متين كانت بايدنا ....
مودتي
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
البلابل حقا سـمفونيـة الـزمـن الجـمـيل البلابل مدرسة فنية متفردة . اسهموا فى تاسست فكرة الغناء الجماعى و و الاداء الطروب للبنت السودانية من حيث اغنية البنات المثقفة المموسقة بالالحان و الكلمات المدروسة برعاية الاستاذ بشير عباس الذى قام برعايتهم رعاية الاب لبناته و كانت من هذه الرعياية فال و بشارة لاهل السودان حقا عندما اسمع البلابل بتحسر على الاختفاء بتحسرة على هذا الذمن الجميل الراقى سماحة الكلمة و بساطة اللجن وقوة العمل الفنى . اغنيات بطعم الحلوى بنشوة العيد و فرحت الاطفال . هل سيعود الذمن الجميل ؟ هل ما يقدم الان فى الساحة الفنية من اغنيات لبنوت السودان كفيل بان يعيد لنا فرحة الذمن الجميل ؟ التحية لهادية و امال و حيات التحية لبشير عباس التحية لكل شعراء البلابل التحية لدفعتهم فى المدارس و المعهد العالى للموسيقى و المسرح التحية لجيرانهم لاهلهم و اصدقاهم التحية لكل من عرف و سمع لحن و موسيقى للبلابل التحية لكل هؤلا لانهم حقا اسهموا فى تشجيع و تشكيل بئية صالحة للابداع .
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
الشاعرة / سمية الحسن حتكون العودة بايدك بس جهزى اشعارك وانتقى المناسب منها والباقى علينا نحن .
الاستاذة/ لنــا مهدى بداية البوست ذى ما لاحظتى كان بلاغانى القديمة المحجوبة عننا ولم نستطيع ان نشاهدها فى التلفزيون ، وده كان من الدوافع المهمة لانزال البوست لكى الف شكر وخليكى قريبة .
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
الاخ عبدالدائم
لك التحاي النواضر
ولا يأتي بالروائع الا الرائعين
البلابل ديل هم الحاجة الواحد بقول
يا ريتني أقدر أول فيهن الكلام الما انكتب
صدقني بحاول اجمع قواي وادخل البوست لكن ما بقدر أمام
عظمة من تتحدث عنهم ..
حقيقة لا استطيع اتحدث عنهم ولا أجد الاحرف الاقدر انظمها
عبارات فيهم ..
كل شيء جميل هم قدروا على تحدي للمرأة .. تحدي جبار
بكل المعاني واجهو المجتمع بكل قوة وقدموا رسالة خالدة
عبر صوتهم الجميل للجميع ومازلنا نحيا على عبقها ..
برجع ...
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: Raja)
|
رجـعـنـالـك : كلمات عبدالباسط سبدرات
رجـعـنـالـك وجـينـا غـفـرنا انـك بالوشـاية فـصـدت كبـد الـفـرحة فـينـا
رجـعـنـالـك وعـينـينا الـبكـت فـجعـت رموشـه دمـوع سـخـينـة وبـفـرح عـودتـنا رفـت زغـردت كلـمات حـنـيـنـة
رجـعـنـالـك عشـان تـاه الـفـرح مـن دارنــا
رجـعـنـالـك وانـت ديــــــــار فـرحنــــا
رجـعـنـالـك عـشـان نـاحــت سـواقــيـنا
رجـعـنـالـك وبـكـت شـتـلات قـمـحـنــا
رجـعـنـالـك عـشـان يـسـكـت جـرحــنـا الانـت جـارح قـلبـو بجـراحاتـنا آحـنا
رجـعـنـالـك وكـيـف نـرفـض رجـوع الـقـمـرة لـوطـن الـقـمارى
يـا الـتقـوقـى على نخـيـلاتـنا الـقمـارى ... وانـت واحـش نـيـل وطـنـا عـلـيـنا شـمـتـه الصحارى
رجـعـنـالـك عـشـان انـت الـجـرف الـفـيـهو شــتلات حـنـة لـفرح الـقـبـيـلـة
رجـعـنـالـك عـشــان جــرتــقــنـا وسـيـرتـنــا وجـديــلـة ..
رجـعـنـالـك نـغـنـى فـرحـنـا فـيـك ونـقـول عـديـلــة
يـفـرح الـلـيـل بـفـرح صـنـدل يـفوح يـكـســـى الـقـبـيـلــة
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: Moawia Mohammed)
|
أخوي عبد الدائم
تسلم ... وكل السعد
بالله إنتو مدورين بي جاي وأنا ما جايب خبر ... والله حكاية ... لكن أنا الخاسر , بس شغال علوق شدة , شيتا سمع وشيتا قراية ... وكلو رائع , كما روعتك ومؤآنسيك فى البوست الجميل ... من مبتدئه { أقصد العنوان } إلى محتواه من الغناء والإبداع , إلى بعث سيرة طيبة رضية إسمها البلابل ... ما تتخيل يا عبد الدائم مستوي الظفر والفرح والخدمة الإبداعية والإجتماعية التي قدمهاالبلابل حينهم للسودان ... وفى ظل مجتمع محافظ تعلمه , وفي ظل ضمور العطاء النسائي نسبة للقيود الإجتماعية والقيمية الغليظة التي حطت على مجمل نساء السودان , فكن إفتراع مائز مجلجل , وكن راية جديدة فى سموات الفن والإبداع ... وكن حافزا جبارا لمن أتين من بعد ... وكان الكلام الجميل والنغم الفارع ... والإستاذ بشير . توليفة صدوحة سامقة وإلفة فنية وإنسانية تقوم اليوم مقام الركن الأصيل فى كل مستهل ذو صلة , فما أطعمك ... وأنت تشبع رغائنا الدفينة , وما أروعك وأنت تتحفنا بشجي المسمع وما أفرعك وأنت تعيد ... تلك السيرة الوضيئة ... البلابل .
كن بخير ... وأهنأ ومحواريك بطعم الحياة كما رفدته الضروع السودانية الرءوم ... وكما توسدته أحلامنا المرهقة ... وتصبح على خير ... وأمل.
مع مودتي .
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
البيسأل مابتوه دارنا نحنا قريبه ليك انت مامجبور علينا نحنا مجبورين عليك
حقيقه البلابل سـمفونيـة الـزمـن الجـمـيل وبوست في قمة الروعه انا من زمان كنت وين ؟ حقيقي لم نعيش في بداية البلابل لكن بعد ان استمعنا كان قمة في الروعه وتعجبني مسرة التومات ايضا وسيكونن سمفونية الزمن الاتي ولن تسقط سمفونية البلال ابدا تحياتي لك الرائع عبد الدائم سيد احمد بقدر هذا الجمال والتحية للرائعات هادية وامال وحياة والتحيه للتومات
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
الاستاذ/ ماجدة عوض خوجلى والاستاذة / خالدة البدوى تحية عبقة شذية وصباحاتكم مغردة بروعة بلابل الدوح العام الماضى وفى احدى المناسبات بالخرطوم قابلت الاخت الكبرى للبلابل نادية طلسم ، انسانة بديعة خفيفة الظل كانت تحدثنى عن بدايات البلابل ( انتقاء الكلمات ومراحل البروفات - والصعوبات وكيف قدرو على تحدى المرأة تحدى جبار بكل قوة وقدموا اجمل الالحان وسط كبار الفنانين الذين ظهروا فى تلك الفترة ، خوجلى عثمان - عركى - ود الامين والكثيرين ثم اخذتنى الى الصف الامامى وقدمت لى والدتهم الخالة بطــة الانسانة العظيمة ، أمرأة عذبة نقية عذوبة الحان البلابل ، قلت ليها ان بحب البلابل شديد قالت لي يا ولدى انا بحب احمد المصطفى موووووت التحية للخالة بطة وامد الله فى عمرها ومتعها بالصحة والعافية . والتحية للاخوات نادية ونجاة طلسم .
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
الموسيقار الفنان المبدع / يوسف الموصلى وينك انت الطال غيابك العيون تسألنى منك والقليب بيقول حبابك كنت منتظر تشريفك ودخولك باحر من الجمر باعتبار انك صاحب تجربة فنية ثرة وقيمة مع البلابل من خلال البوم ليل الشجن ، احد انجح الالبومات الغنائية على الاطلاق والبوم كل النجوم مع هادية طلسم وكذلك البوم وامطرت لؤلؤا" الذى ما زال يملي مسامعنا الى اليوم . السؤال الذى اريد ان ابدأ به الملاحظ فى اغانى البلابل من خلال توظيف الاصوات من الموسيقار بشير عباس انها تتطابق حد الشبه ولكن فى بعض المقاطع التى نجهلها نحن الناس العاديين نجد التنويع فى الجملة الموسيقية كمثال فى بداية كل كوبليه من اغنية البيسأل ما بتوه نلاحظ الاصوات ما بين الحاد والغليظ والوسط ثم تتطابق الاصوات وهكذا وكذلك الحال فى اغنية حلوين حلاوة ( مقطع موجة عبير ) وكذلك فى اغنية موجة ( مقطع بكرة لما الليل يروح والفجر يفرد جناحو )
تحليل فنى باذهاب من الناحية الفنية . وقوفكم معنا مهم جدا" لانجاح هذا البوست .
خالص مودتى .
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
التحية لهادية و امال و حيات التحية لبشير عباس التحية لكل شعراء البلابل التحية لدفعتهم فى المدارس و المعهد العالى للموسيقى و المسرح التحية لجيرانهم لاهلهم و اصدقاهم التحية لكل من عرف و سمع لحن و موسيقى للبلابل التحية لكل هؤلا لانهم حقا اسهموا فى تشجيع و تشكيل بئية صالحة للابداع . التحية اولا واخيرا للغالى عبد الدائم
التحية للشجرة الظليلة السكنت فيها ما يزيد عن ساعة وامشى وارجع ليها واتنفس بارتياح واستنشق الهواء النقى بعيدا عن كل ما يعكر الانسان . البوست ده بدون تعليق . تسلم ايدك الغرست الشجرة دى . بتشبهك وبتشبها يا راقى مودات كتيرات وتعظيم سلام والقومة ليك ام وضاح
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
الاخت الرائعة فدوى الشريف نحن يادوب فى البداية ما فاتك كتير واكثر من 45 آغنية حنفرد لها مساحة مستقلة وحتى الاغانى الغير موجودة فى السوق او التى لم يتم تسجيلها فى الاذاعة اكيد اكيد حتلاقيها مادام متابعة معانا والتحية ايضا" للتومات وهم فعلا" مشروع فرح قادم وتمنياتى ليهم بالتوفيق
وعندك اهو الاغنية كتابة كاملة:
اللبسأل ما بتوه دارنا نحن قريبة ليك ... انت ما مجبور علينا نحن مجبورين عليك ... * * * * * * كان سألت علينا كنت عرفت احنا الليلة وين ... كنت اول لما آحنا نغيب ثوانى تقول سنين ... غيروك يا وحيدنا ؟ ولا صابت ريدنا عين ... اشتهينا تكون معانا .. ما لقينا حنان عينيك ... انت ما مجبور علينا نحن مجبورين عليك ... ********** مرة شفناك يا الحنين طالى فى حارتنا صدفة ... جابنا ليك الريد وجينا الحصل جابتا الفه ... ولا لالا آلجابنا ليك .. لو بتطرا دربنا عرفه ... ان سرحت شويه فينا وما رجيتنا عشان نجيك ... انت ما مجبور علينا نحن مجبورين عليك ... ********* لسه مستنين تجينا ناسى طالبنك زيارة ... يا جمال فرحتنا شاتل الصباحة بالنضارة ... كان عمرنا زمان وروح .. فى رجاك ما راح خسارة ... انت ما تفكر تجينا .. نحن بالافراح نجيك ... انت ما مجبور علينا نحن مجبورين عليك ...
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
العزيز الشفيع طبعا" مبسوط لانك كنت بتفتش عن الاغانى القديمة فيديو ايام سهرات متوكل كمال مع البلابل ، واهو كلو اكتمل ســـمـع وشـــــــوف .
عمر عبدالسلام ( اب نضارات ) عاوز اختبرك اذا كان بتشوف وبتلاحظ كويس فى اغنية نسيتنى انا وبالتحديد فى كوبليه ياما طال مشاورى حياة طلسم نست بداية الكوبليه فأشرت بكتفها الى هادية التى تجلس بجوارها بمعنى الكوبليه الجاى شنو ردت عليها هادية بتحريك اطراف اصابعها ( يمين ويسار وبعدين طوالى ) بمعنى ياما طال مشوارى من غير المشاهد ما يحس باى حركة والابتسامة تكسو وجوههم ، فهل لاحظت الحركة دى ولا اي واحد فيكم لاحظ الحركة دى ؟
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
الاخوات الفاضلات هنادى يوسف وزينب الشفيع
ظللت اتابع ألفضائية السودانية ولمدة طويلة ولكن لم أري علي الاطلاق أية أغنية تخص البلابل وحتي عندما تبث لهن أغنية فتأتي صوت بدون صورة ولذلك كان الدافع بوضع تلك المساحة الخضراء والف مرحب بيكم فى صالون البلابل
كل النجوم : مدنى النخلى فرحانه بيك كل النجوم لا نام بريقا ولا انطفى ما الريده يا ام قلبــاً ندى ذاد القلوب المرهفه وانشاء الله طول ما حبي ليك لا يطل حزن لا يكون جفا شفتيني كيف...؟ شفتيني كيف انا ببقى بيك سيد الفرح والريد براى تشرق شموس زمن الهنا ويرحل جفاف عمرى وصباى وانشاء الله طول ما عمري ليك ما تنجرح عزة هواى بحلم معاك... بحلم معاك انو الحزن غيمه وخلاص رحلت بعيد وانو اللي باقي من الزمن ومن عمرى كلو بعيشو عيد انشاء الله طول ما حبي ليك ما نعيش زمن قاسى وعنيد جيتي ومعاك.. جيتي ومعاك جاني الصباح عْم الشروق حزن الحروف يا طيبه زي دفقة طمي بالخير غشت جدب الجروف انشاء الله طول ما عمري ليك ما نلاقي يوم قسوة ظروف
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
نــكـتـــة البلابل كان عندهم عربية سيهان بيــرد جديدة كرت ، وابوداؤد عربيتو هــنتـر قديمة . جاء ابو داؤد يدخل مبانى التلفزيون الـقـفير منعو من الدخول جاءت البلابل القفير فتح ليهم الباب ودخلوا بالعربية . ابو داؤد عاين للقـفير كده ، قال ليهو ليه هــو عربيتى دى بــتـبـعـر .
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
الأخ الكريم عبدالدائم ورجعنالك تاني ...
قطار الشوق
قطار الشوق متين ترحل تودينا نشوف بلدا حنان اهلا ترسى هناك ترسينا
نسائم عطبرة الحلوة تهدينا و ترسينا نقابل فيها ناس طيبين فراقم كان مبكينا يا قطار الشوق متين توصل هناك حبيبنا راجينا متين نحضن عويناتو متين يسرع يحيينا
يا قطار الشوق دا ليل الغربة فيهو ودار متين تسرع متين بتكمل المشوار عشان ما نلقى سيد الناس و نطفى البينا من النار نشوفو عيونو نعسانة و لونو الزاهى كلو نضار
يا قطار الشوق حبيبنا هناك يحسب فى مسافاتك و لو تعرف غلاوة الريد كنت نسيت محطاتك وكان بدرت فى الميعاد و كان قللتة ساعاتك و كان حنيت على مرة و كان حركت عجلاتك
كل التقدير
| |
|
|
|
|
|
|
Re: الـبــلابــل سـمفونيـة الـزمـن الجـمـيل (Re: عبد الدائم سيد أحمد)
|
الزول يعتذر عن الحضور المتأخر ، لكن حقيقة البلابل سمفونية الزمن الجميل ، و مش ظاهرة بس ديل اسطورة الغناء السوداني وانا تقريباً يوميا استمع لغناء البلابل من خلال التسجيلات القديمة ، ندواة في الأصوات وجمال في الألحان وكلام جميل ومعبر ويتخيلي الكلام المفروض يتغنا زي البغنوه البلابل ديل ، والله يا عبد الدائم أي فنان مهما كان عظيم لازم تلقي ليك اغنية اغنيتين من غناهو دمها تقيل أو ما بتقدر تسمعها إلا البلابل ديل غناهم كله يدخل جوه الزول مباشرة ويسكن الروح وتحس بسعادة وطرب حقيقي ، شكراً ليك عبد الدائم شكراً للبلابل الذين أثروا وجدان كل الشعب السوداني بغناءهم الجميل ودي فرصة يا عبد الدائم الواحد يهدي لنفسه اغنية قطار الشوق .
| |
|
|
|
|
|
|
|