الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
امريكا تفرض عقوبات على شركة "عكس الريح" بسبب الفنانة شروق
|
شكيتك علي الله يا امريكا... يا الماكي ساعلة في زول...يا الحاسدة... متين شركة عكس الريح اتسوت عشان تفرضي عليها عقوبات؟؟؟ وبعدين انتي مغيوظة عشان شروق سمحة.....وغناية وعشان الفنانات الفيكي شينات وما عندهن طعم والتغني فيهن تقول خانقنها بمصران خروف الضحية..اريت مصارينك بالنار.... قالت البوستر والصورة العلي البوم شروق" عافية المطر"...صورة ارهابية....وعيون شروق بترهب الشعب السوداني المسكين.... جاكي زول اشتكى؟....واللا بس تغا وقلة ادب منك؟....واللا مادايره زول سمح الا يبقى فيكي؟..... يا اخوانا امريكا دي ما اتلقى زول يقولها النضم دا اعوج منك.... كل يوم قايمة علي زول وتدق فيهو.....والناس ساكته....عها موتي عاد... عيون شروق سمحات وطبيعيه وخالية من الاسمدة....وعيون فناناتك رموشها مظعوطة...زي عيون كريت....قالت شنو؟ قالت غنية عافيةالمطر تدعو للحرب على العولمة....قالت قال انتصب القدر؟؟.... ما ينتصب.... مالو؟؟.... انت تراكي ناصبة صواريخك في كل بكان في زول سعلك؟؟؟......والله انتى متحلمة سااااااكت....اها وانا ظاطي ح اكتب قصيدة يلحنها الموصلي وتغنيها شروق افسلك فيها وما اخلي لك صفحة ترقدي عليها اها خمي وصري..... امريكا يا مضنبة يا حمارة
وقت شروق غنت بي قدارة
شعرة جلدي كلّبت
وانهار قلبي زي برج التجارة
....اها اخير لك كدي عاد؟؟؟؟؟....اصبري ساكت...اخير لك تفكي الحظر دا....ح اعد لحدي عشرة لوما فكيتيهو...احرش شروق تجيكي هناك وتعدمكم نفاخ النار....
|
|
|
|
|
|
|
|
Re: امريكا تفرض عقوبات على شركة "عكس الريح" بسبب الفنانة شروق (Re: مرتضى الصادق)
|
Quote: كلامك دة صح مريكا خلت شغلتة كلها وقبلت على شروق |
مرتضى انت لما كنا بنمشى سينما الويك اند بنلقى كريسما كابور او جوهى جولا بغنن دحين ياخوى دا كان صوتهن او مغنى من خلف الكواليس... رايكم شنو ياسرة سجيمان تشوفو لينا صوت جميل ( كوز) ونركبو لمكنة البرادو دى.. السماحة ما بتبقى صوت والاعلام نارو بتموت والوساطة ما بتكون يوت فالحقيقة هى الياقوت....
عموما معكم ضد القندول من اجل شروق
| |
|
|
|
|
|
|
Re: امريكا تفرض عقوبات على شركة "عكس الريح" بسبب الفنانة شروق (Re: bashir adam abdalla)
|
إحدي أساليب الدعاية رخيصة.. صدقني يا سجيمان لو كانت هكذا تؤكل الكتف ما كانت هناك فن ولا شروق ولا غروب ..لماذا هذه البهدلة وكسير التلج يا سعادتك ومعاك البروف ...عرفنا كلمات البروف وتوزيع الموصلي مافيهو كلام ..لكن البتسو فيهو ده بضحك ..عملتوها ظاهرة...يا ناس الشهرة ما بيشتروها بالقروش ولا بيفرضوها فرض على الناس..شخصيا لا أرى شروق تمتلك ملكة غنائية ..والادهي والأبيخ أنها جاءت نتيجة دعاية رخيصة..وستزول غصبا عنكم شئتم ام أبيتم..
| |
|
|
|
|
|
|
Re: امريكا تفرض عقوبات على شركة "عكس الريح" بسبب الفنانة شروق (Re: humida)
|
ود اخوي حميدة
ماك طيب
Quote: ما بقيت ( مطبلاتي ) |
في ظمتك دي ... حسي الطبيل للمعز هنا وينو؟؟؟؟؟
Quote: تدخل في ( المستنقع ) دا |
ياتو مستنقع يا حميدة يا ود اخوي؟؟؟.... كونو اكون من المعجبين بالفنانة شروق وبكلمات الكتيابي "معز خليناهو" وبالحان الموصلي دا مستنقع؟
في ناس معجبين بحمادة بت
والله يا حميدة وبمعرفتي اللصيقة واللصيقة جدا بدكتور معز لم اعرف رجل انضف منو وقد عرفت وتعرفت على كم من الرجال وعجمت كنانة كل من عرفتهم فلم ارى اصلب عودا ولا اقوى شكيمة ولا اصدق صداقة من بروفسير معز... كتاااار يدعون النضافة لكن داخلهم أسن..ترى الرجل فتعجبك هئيته وحلاوة لسانة وطلاوة مقاله فتسبر اغواره فتجده يرقد فوق (مستنقع) من الكذب والدجل والرياء... ممكن تعتبر دا تطبيل لو عاوز!
حميدة يا ود اخوي خت الكورة واطة و اصبر واتبصّّر شوية
| |
|
|
|
|
|
|
|