|
Re: المرتبة الثانية للسودان .. يادي الهنا (Re: عواطف ادريس اسماعيل)
|
الحبيب ابو بكر -مساءك فل وياسمين وسوسن والبنيات الحلوات وامهم .
اشد ما يؤلم بذوغ كل عام جديد الرقم الذى يحققه الامييون السودانيون بالملايين وهم فى ازدياد لا الى انحسار .الرقم قد لايخيفنا مقدار ما يضع واقعنا امام محك شائك..كيف نستقبل قرن ما بعد الحداثة ونحن فى مثل هذه الحالة الثقافية المزرية ..قد لايخيف عدد السودانيين الاميين مقدار ما يثير من مرارة وياس ..فهو يخفى وراءه حقيقة اليمة نسعى دائما لتجاهلها والتغاضى عنها هذا عن الامية فى معناها الواضح والصريح او المباشر..ولكن ماذا عن الامية الاخرى .الامية المتخفية وراء قناع المعاصرة والمعرفة والعلم.عن اى حداثة نتحدث ..ويكفى ان نلقى نظرة على حداثتنا السودانية لندرك كم انها عانت وتعانى من اضطهاد وقمع وسوء فهم .حداثة تحاصرها الظلامية من جهة والفقر المدقع والتخلف من جهة وكذلك البؤس الاجتماعى والفقر والظلم والاحادية والارهاب .هل ممكن ان نتحدث عن ثورة علمية سودانية او ثورة علمية او معلوماتية فيما لا يزال الوطن يتخبط فى وحول التسلط والشمولية متطلعا باسى الى سماء الديمقراطية والليبرالية .كيف بالله عليك اخى ابوبكر نواجه نحن معشر السودانيين تحديات القرن الواحد وعشرون ونحن مقموعون سياسيا وفكريا او محاصرون بما لايحصى من المازق .مازق السياسة .مازق الاحادية الفكرية.مازق العلم والتكنلوجيا .مازق الاقتصاد..الخ.
الحبيب ابوبكر ماهى قصة خزان كجبار -هل هو مفيد للرطانة ام ضار لهم ..لان الاراء متضاربة وانا لاحظت ان الصديق طاهر ساتى من اكثر المتحمسين له وسيد احمد خليفة واقع فيكن نبذ شديد وهجوم عنيف ..ايه حكاية كجبار ..
| |
|
|
|
|
|
|
Re: المرتبة الثانية للسودان .. يادي الهنا (Re: abubakr)
|
Quote: يعني عايزنا نقول ملعون أبوكي بلد ولا شنو ؟؟ وبرضو بنحبك يا سودان !!! |
البلد مالا ؟ لا ملعون ابوها ولا حاجة ؟ الملاعيين اولادا البحكموها الخربوها ؟؟ انا بحب السودان وبكره فلتكان الخربان الخرب السودان
| |
|
|
|
|
|
|
Re: المرتبة الثانية للسودان .. يادي الهنا (Re: abubakr)
|
الاخ الـحـبيـب الـحـبوب، ابـوبكـر،
تـحـياتي ومـودتـي.
وهـاك مـوضـوع اخـر مـحـبط عـن حـال التعـليـم في السـودان.
08-11-2006, 09:15 م
بكرى ابوبكر احتضار جامعة الخرطوم!!.
مهندس : هشام حمد الشايب. -----------------------
أحزنني جداً أن جامعة الخرطوم ذات التاريخ الأكاديمي العريق وأحد أهم منارات التعليم في أفريقيا والوطن العربي تأتي في المرتبة رقم 49 على مستوى القارة الأفريقية في آخر تصنيف لأفضل 100 جامعة أفريقية ، مع العلم بأنها الجامعة السودانية الوحيدة التي دخلت ضمن التصنيف للأسف الشديد . هذا الخبر بقدر ما هو مؤلم لكنه يلامس حقيقة واقع التعليم العالي الهزيل في السودان ، فقد بدأ انهيار التعليم المتدهور أصلاً في السودان مع بداية ما عرف بثورة التعليم العالي التي اهتمت بالكم دون أدنى مراعاة للجودة وذلك بفتح عدد كبير جدا من الجامعات التي لا تصلح أن تكون مجرد كتاتيب في العصور الوسطى ، هذا الانهيار في العملية التعليمية في السودان انعكس بشكل مريع على الخريج الجامعي السوداني والذي يكاد يكون الأسوأ على المستويين العربي والأفريقي في السنوات الأخيرة من حيث الكفاءة الأكاديمية والمهنية . إن نظام التعريب الذي طبق في الجامعات السودانية دون تخطيط مسبق وهجرة معظم الأستاذة ذوو الكفاءة الأكاديمية العالية وسياسة حكومة الإنقاذ السلبية تجاه عناصر العملية التعليمية كل هذه الأسباب مجتمعة بالإضافة إلى الأوضاع الاقتصادية والاجتماعية والسياسية المزرية الأخرى أدت إلى سقوط التعليم السوداني والذي كان مفخرة نعتز بها داخل وخارج السودان . إن حال التعليم في السودان لا يبشر بالمستقبل المشرق الذي نتمناه لأجيالنا القادمة ، لذا على الحادبين على مصلحة التعليم في السودان أن يوقفوا هذا الانهيار المأساوي بأسرع وقت ممكن وبالوسائل المناسبة حتى لا يحكم أبنائنا سياسيون جهلاء.. ونضطر إلى استيراد الطب والهندسة والعلوم . إلا التعليم .. إلا التعليم .. إلا التعليم .. يا حكومة الإنقاذ للمراجعة : http://www.webometrics.info/top
| |
|
|
|
|
|
|
Re: المرتبة الثانية للسودان .. يادي الهنا (Re: abubakr)
|
Quote: يوقفوا هذا الانهيار المأساوي |
عزيزي بكري ... تعرف الانهيار حصل والنتيجة باينة في سوق العمل خارج البلاد حيث يتقلص العنصر السوداني في مجالات كثيرة كان له فيها تواجد مقدر بين الاجناس الاخري : هندسة طب مثالا ...
| |
|
|
|
|
|
|
Re: المرتبة الثانية للسودان .. يادي الهنا (Re: abubakr)
|
Quote: الحمدلله الذي لا يحمد علي مكروه سواه مازال السودان في زمن الانقاذ يتخذ مواقعا متقدمة في بلاوي كتيرة واليوم قرات انه تبوء المرتبة الثانية بعد "الشقيقة مصر " في عدد الامييين في العالم العربي (باعتباره عضوا في الجامعة العربية) |
ولانو حسب احصائيات المنظمات العالمية كان الطيش في الشفافية فحري به ان يكون هكذا في اى قائمة . الشفافية والمحاسبة صارتا حجر الرحي في تقييم اى نشاط تمارسه اى بلد من بلدان العالم .
| |
|
|
|
|
|
|
Re: المرتبة الثانية للسودان .. يادي الهنا (Re: abubakr)
|
يا ابوبكر فتحت لى جرحا مغور (التعليم فى خبر كان زمان لمن كنا فى المدرسة كان فى مدرسة حقت الحكومة والحكومة هى البتسوى المنهج والمنهج بطلع من بخت الرضا وبخت الرضا كان فيها مدارس حقت التدريب والتدريب كان الزامى زى العمل فى الخدمة الالزامية والمدرس البجى ما اى زول ، يكو ن متدرب وبعرف كيف يتعامل مع التلاميذ والتلاميذ كانوا انحنا والقبالنا ، يعنى العملية التربوية كانت مترابطة زى البنيان الجيد مش زى مبانى العصر الحالى وما فيها اساس متين ، يبدو ان القصة محكومة بروابط ما متوفرة هسى ، على اى حال التعليم الان محتاج لثورة حقيقية لانو لو سكتنا على البلاوى الفيهو ما حيكون عندنا اولاد وبنات ممكن يقودوا هذا البلد بطريقة صاح ، ونحنا ماشين وهن الحيقعدوا دخرى، طيب الحل كيف ؟ اولك يا بادى نغير المنهج لسبب رئيسى انو اولادنا بقوا جهلة بوطن بيعيشوا فيه ، وجغرافية الوطن بقت بالنسبة للواحد زى الالغا ز،امسك عندك تقول للواحد ركّب جملة تقول قلت ليهو ركب عداد بالجمرة الخبيثة ، يتلعثم ودا بالعربى لو قلت ليهو بالانجليزى اظنو يعمل بيت بكا عديل . طيب لو قلت ليكم فى العالم فى ناس بيدرسوا ما درسوه فى بخت الرضا وما معانا هنا فى البلد ، اول حاجة المنهج الكندى وتانى حاجة المنهج فى اليمن وتالت حاجة فى الامارات ، والمكضبنا اليسال العنبة الرامية فى بيتنا ،الناس القلناهن ديل رسلوا المناديب عامن ا ول عشان يتدربوا وديل شالوا معاهن المنهج من بخت الرضا ويابلد جاك زول ، لغاية الان من داك الوكت يعنى كان اصلو شيتا ما نافع ما اظن كانو ياخدوا بيهو، المهم نرجع لموضوعنا ، يعنى نحنا مطلوب مننا مؤتمر لتاصيل التعليم وارجاع بل انقاذ ما يمكن انقاذو والانقاذ بتم عبر التاكيد على قيمة المنهج والمعلم والوسيلة الايضاحية والكتاب ، ودا ما بجيى الا عبر منهج متكامل يشارك فيهو اصحاب الخبرة مش اى زول، لاننا بنربى فى اجيال واجيال منتخبة لقيادة الوطن بالمعرفة مش بالانتساب لجهة معينة ، او لحزب معين ، لاننا مهتمين بالانسان ولازم يكون احد اهم اولوياتنا زمان كنا فى المدرسة بصرفوا لينا الكتاب والكراس والقلم والمدرس كان عندو مرشد والمدرس فى موجه بجيهوا والمدرسة منضبطة ما فى زول بجى بعد الجرس الاول ، ولو جا بتعاقب ، والعقاب ما كان حاجة بتشاوروا فيها لانها من صميم العملية التربوية رغم القسوة فى بعض الاحيان لكين كنا المدرس والمدرسة بنعمل حسابن ما بتقدر تعاين لمدرس مرتين ، ولو قابلتو فى الشارع بتخلي ليهو مش لانو هو سئ لكين الاحترام وما مجانا الاحترام ناتج من هيبة المدرس والمدرسة الواحد بحترم التلميذ وبعلمو معنى الاحترام واى زول من الجيل بتاعنا بعرف الكلام دا تماما ، لكين للاسف الان المدرس بقى ملطشة بالبلدى كده ، يعنى من الشارع مضطهد ومن المدرسة مضطهد ، زمان، معليش اقو ل زمان المدرس كان سيد الغنا : يا الماشى لى باريس جيب لى معاك عريس شرطا يكون لبيس من هيئة التدريس والان بات من الامراض البتبّرا منها: المدرسين المفلسين برى منهم والانهيار لمن يحصل بحصل كامل ما بقيف على جهة دحين يعنى النحدسنكن البلد دى مستقبلا ومستقبل عيالا فى التعليم ، واتوصوا خير بالتعليم واقعدوا عافية الخرطوم 2006
| |
|
|
|
|
|
|
Re: المرتبة الثانية للسودان .. يادي الهنا (Re: bayan)
|
الأخ الكريم أبوبكر
حقيقة هذه الأرقام محبطة و بالرغم من كثير من الأميين فى شمال السودان إلا أن هذه النسبة تعكس الماناة التى تقع على عاتق المناطق المهمشة فمعظم الأميين من أبناء الجنوب و الغرب و الشرق . .
لك الله يا وطن
ودى غادة
| |
|
|
|
|
|
|
Re: المرتبة الثانية للسودان .. يادي الهنا (Re: abubakr)
|
سلمي
انها سياسة متعمدة والدليل ما يحدث لابناء المغتربيين الذين ينالون تعليميا متقدما كثيرا عما هو في السودان الان فتخصم درجات كثيرة منهم وتفرض عليهم رسوم اكثر مما يمكن ان يدفعونها في خارج بلادهم .. الاكثار من انصاف متعلميين لا يجدون عملا لا في الداخل ولا الخارج وجعلهم مقهوريين حانقيين محبطيين ... هذه سياسة متعمدة في برنامج التمكيين الذي تنتهجه الانقاذ انها من اكبر جرائم الانقاذ وجرائمها الكبيرة كثيرة لا تحصي .. بقاء طويل لهذه المنظومة التي تقتل الاخضر واليابس يعني ان ينشغل اهل السودان في مستقبلهم ربما قرن كامل لاصلاح ما افسده هؤلاء..افسدو العاصمة بزيادات عشوائية مما يجعل تحديث بنيتها التحتية امرا مستحيلا وبالتالي يجب بناء مدينة اخري كعاصمة ..تعليم عالي عشوائي وخصوصا في المجالات المهنية الحساسة كالطب والصيدلة ..اما الهندسة فواقع مرير وللعجب ان تحول وحدة معمار الي كلية للمعمار ومئات المعماريين الذين تخرجو في سنوات الانقاذ يفتقدون العلم والمهارة واللغة فتتجاوزهم اسواق العمل( وانا معماري مسئول عما اقول ).اليس الانسب هو زيادة امكانات الوحدة وتقليل عدد الطلاب بحيث يتخرج معماريون جيدون بدل مئات فاقدة العلم والمهارة .. حرام الذي يحدث لابنائنا .. من ابشع جرائم الانقاذ هو حرمان ابناء السودان من علم اما من خلال نظام تعليم سئ او احتراب.. اما الطب فمصيبة المصايب وما كان تحذير المرحوم العالم الجليل الضو مختار لا حد طلبته عندما كان عميدا للطب بان ينتبهو الي كليات الطب الخاصة كما ذكر في رثاء هذا العالم الذي فقدناه الاسبوع الماضي الا تحذيرا مما حصل ...؟؟ اخطاء اطباء يتخرجون من مثل تلك جامعات وحتي من الكلية العتيقة التي فقدت اهتمام الدولة ففقدت كثير من مقوماتها كثيرة وقراءت ان المجلس الطبي كان في ايام سابقة يحاول ان يجد لها حلا ..كيف واخطاء الاطباء قاتلة تذهب تحت الارض كما اشار الينا البرفيسور دفع الله الترابي عندما كان عميدا للهندسة في الستينات في حفل استقبال الطلبة الجدد " انكم اخترتم طوعا ان تتجهو الي الهندسة متجاوزيين الطب وتذكرو ان اخطاؤكم تبقي فوق الارض يراها الجميع اما اخطاء الطب فتذهب تحت الارض "....والان اخطاء الهندسة تذهب بالناس الي تحت الارض وما حادثة جامعة الرباط الا مثالا ...وهكذا الامة السودانية موعودة تحت نظام الانقاذ بان يذهبو تحت الارض قتلا علي ايدي الزبانية او الجنجويد او طائرات القتل الاستطلاعية او قنابل حارقة من فوق او ذخيرة تنفجر في وسط العاصمة او مهندس لا يعرف الهندسة فيبني بناء من غير عمد او بمواد تالفة فتقع ام خريج لكلية طب عشوائية نظرية فالطرق في زمن الانقاذ اتجاهها واحد الي المقابر فمن لم تقتله الملاريا والتايفوئيد يقتله العلاج الخطا او الجوع اوعدم مقدرته علي ثمن الدواء . اللهم اذهب عن بلدنا هذا البلاء ولاحول ولا قوة الا بالله العلي العظيم
| |
|
|
|
|
|
|
|