أرسل لنا (ابو حميد) مدير توزيع النكات السودانية في أوربا وجنوب شرق آسيا نكتة سودانية فقمنا بتعديلها في ورشة ود الدابي فطلعت بالشكل الآتي: قال ليك شافع عجيب عجابة ، حاقر بي ناس البيت جنس حقارة ولما يطلع الشارع اولاد الحلة يحقرو بيهو حقارة شديدة خلاص وما يخلوه يلعب معاهم كلو كلو !!! اها قال ليك الشافع ده سمع انو الكيزان زمان باعو حديقة الحيوانات وباعو سوق امدردمان وباعو السوق الشعبي الخرطوم وباعو ميدان الامم المتحدة وباعو مشروع الجزيرة ، والليلة دايرين يبيعو جامعة الخرطوم ذاتا وطلبة جامعة الخرطوم عاملين مظاهرات شديدة عشان الجامعة ما تتباع والبلد كلها مقلوبة قلب!!!! الشافع قام قال لاختو البتقرأ في طب الخرطوم: اها خمي وصري يا ككوية بعد دا والله الا تشوفي ليك شغلة تانية قالو الكيزان باعو مباني كلية الطب جامعة الخرطوم، قال ليك اختو شالت الخرتوش وسكتو ، الشافع الشليق طار بره البيت ومرق الشارع .... بعد ساعة الشافع جا خاشي البيت مادى قدومو وداير يطق من الزعل عشان اولاد الحلة حموه يلعب كورة معاهم وقال لي امو: يمه انا داير ابقى مؤتمر وطني ؟!!! امو اتخلعت جنس خلعه وقالت ليهو: سجم خشمي يا ولدي؟!!! انتا ليه داير تبقى مؤتمر وطني؟!!! الشافع قال ليها: عشان ابيع ميدان الحلة البلعبو فيهو الاولاد ده !!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة