|
Re: حافظ ابراهيم عبد النبى (Re: بكرى ابوبكر)
|
الأخ بكري، سلام ..
تأريخ تسجيل العضو حافظ إبراهيم جار النبي .. في المنبر كان عام 2009م .. وكان متواجد بالقاهرة ..
Quote: من القاهرة سلام للاستاذ بكرى ابوبكر
الاخ العزيز بكرى لك التحية مجددا ونشكرك جدا لتعاملك السخى معنا
لك شكرى وتقديرى حافظ |
أضف أن حافظ من أبناء الرزيقات .. من مناطق شمال دارفور .. بدليل كتابة مع الأخ ذو اليد عن مدينة كتم ..
أهله يرجعوا لفترة تواجده في القاهرة .. أو الناس تبحث عن الذين يعرفونه حينما كان بالقاهرة .. ثم يبدأ البحث من هناك ..
يا جامع يا رقيب تجمع به لأهله وأصدقائه ..
بريمة
| |
|
|
|
|
|
|
Re: حافظ ابراهيم عبد النبى (Re: Deng)
|
هههههاي!
والله حسيت كأني أمام الشاب بتاع برنامج "زول سغيل"! قال البطاطس بسلقوها بياتو زيت .. وحد قال زيت السمك؟! الزول ما عارف كلمة "يسلق" السودانية تعنى شنو ..
غايتو حافظ والعبار دينق دقلوا بي كورة شراب ..
أتيس أوكي .. جل من لا يخطئ ..
بريمة
| |
|
|
|
|
|
|
Re: حافظ ابراهيم عبد النبى (Re: بكرى ابوبكر)
|
ول آبا بريمة لو ركزت شوية كان عرفت المطلوب العثور عليه حاتم ولد جمال لكن بالجد الظاهر عليك شبعان وطاشي شبكة ووقعت بوشك قدام دينق ومولانا 😂
Quote: الشخص المطلوب العثور عليه في كاليفورنيا جمال إبراهيم . |
| |
|
|
|
|
|
|
Re: حافظ ابراهيم عبد النبى (Re: Hafiz Bashir)
|
اللوم على بكري مفروض يوضح انه حافظ ولا عبدالنبي دا عمل او مطلوب كدة كدة او ضايع بدل جايب روابط بوستات.... انا قايله مات انا لو في محل بريمة كنت حافهم بنفس الطريقة.. لكن بامانة( جامع يا رقيب) دي بالغ فيها
| |
|
|
|
|
|
|
Re: حافظ ابراهيم عبد النبى (Re: Ahmed Yassin)
|
ول ابا محمد قاضي، سلام ..
بيني وبينك الأثنين حاصلات .. أنت مش عارف زهير ود الخواجية لما يعبي رز بطش شبكة عادي ..!
باقي لي محتاج نقلل التخمير في عبار الروب بتاعي ..
بريمة
| |
|
|
|
|
|
|
Re: حافظ ابراهيم عبد النبى (Re: Biraima M Adam)
|
يا ول أبا أحمد يسن
Quote: لكن بامانة( جامع يا رقيب) دي بالغ فيها |
الزول أنا أفتكرته طاشي من أهله .. غير الدعاء له أن يجمع تاني بيدنا شنو؟
أنت عارف يا أحمد أنا وصلت لشيئ غريب .. حينما عرفت أنه كان بالقاهرة وأختفي .. خطر ببالي .. أما أن يكون سافر بالسنبك وغرق في عرض البحر أو هاجر إلي إسرائيل ولا يريد كشف مكانه!
بريمة
| |
|
|
|
|
|
|
Re: حافظ ابراهيم عبد النبى في موتمر الحرية وا� (Re: haider osman)
|
ول أبا حيدر أنا أفتكر لا تضارب بين المؤتمرين .. الأول حافظ يتحرك في الأطار الأقليمى كأحد أبناء دارفور .. وفي مؤتمر قحت هو يتحرك في المجال القومى .. حتى هذه اللحظة هو وزير الثروة الحيوانية وموجود مع د. جبريل إبراهيم في بورتسودان .. ولم يترك منصبه ويذهب مع الدعم السريع!
بريمة
| |
|
|
|
|
|
|
Re: حافظ ابراهيم عبد النبى في موتمر الحرية وا� (Re: Mahjob Abdalla)
|
Quote: حافظ ابراهيم عبد النبى و موتمر توغو
|
بالغت يا بكري بالصورة النقتف! الناس ديل قالوا من بني معيط ولا علاقة لهم بالعبيد! المصيبة أن أغلب حجبات الجنجويد التي تم جلبها كانت من توغو بعد أن قرأ الكجوري جماعيا لهم سورة يس لنصر حميدتي وهو الذي يطلب لعمليته المقدسة إهراق دماء الأطفال ونجاسة أرحام النساء للمجاوزة للعمل هذا ! إن الثعلب الجنجويدي بريمة ممكن يبيض ويلد في آن واحد هذه الشخصية كرة أبو الدرداق في الكذب والختل لكنه مقهور!
| |
|
|
|
|
|
|
Re: حافظ ابراهيم عبد النبى في موتمر الحرية وا� (Re: آدم صيام)
|
سلام عليكم باش م بكري و الضيوف
في تويتر كتبوا عن حافظ ابراهيم :
عبد الغني نور @abdo_Elgni · 30m تخادعنا الحرية والتغيير بجلساتها في اديس لبحث سبل ايقاف الحرب مع اكبر داعمي الدعم السريع بل يقاتلون ويحملون البندقية مثل وزير الثروة الحيوانية فاخوانه واحد منهم مسؤول المشتريات والثاني جندي يقاتل في صفوفها وهو ايضا جندي جاء به خاله حميتي كاحد الحركات الموقعة للسلام بعد ان منحه خمسة عربات قتالية وبالتالي ضمن له حصة في الوزارات بمسمي اخر
| |
|
|
|
|
|
|
Re: حافظ ابراهيم عبد النبى في موتمر الحرية وا� (Re: Mahjob Abdalla)
|
⛔️ صعلقة أديس أبابا بقلم د. يوسف العركي
بدأت اليوم إجتماعات الرفاق في قحت لبحث ومناقشة سبل وقف الحرب والمعاناة في الوطن الحبيب....
الأموره الفي البداية قالوا اسمها مريم أحمد ما حصل إتشرفت بيها في حياتي... لقيت كم شخص كاتب إنها دعامية راسها عدييييييل.... ادوني رابط صفحتها دخلت لقيتها عامله حفله... ما فضل ليها إلى تكتب حبيبي حميدتي هل تتزوجني... وحالياً هي موجودة في هذا الإجتماع بياتو صفه العلم عند الله.
البعد الأموره دي اسمو خالد جاويش كوز معروف... كان امين أمانة الطلاب ولاية كسلا في الموتمر الوطني خريج جامعة السودان وامنجي.... تم التصديق ليهو من النتن محافظ بنك السودان وقتها بدرالدين محمود بمبلغ 16 مليون دولار لثلاث منظمات بيديرها هو اتعملت ايام انتخابات ٢٠١٠ لدعم البشير... وهو واحد من مجموعة شباب حول الرئيس وشغال في مكتب نافع بيستلم دولار وبيتباع ليهو بسعر البنك لاحظوا مع فرق السعر بين البنك والسوق الأسود...
لما نافع وعلي عثمان اختلفوا الأمن الاقتصادي نكت الملف وتمت مساءلة مدراء 5 بنوك ومدراء ادارة النقد الأجنبي فيها.... ليه البنوك تقوم بالدفع لتصاديق ماموضح فيها الغرض مع انه التصديق بالدفع بيجي من بنك السودان؟؟؟؟
لكن التساؤلات والاستدعاءات للبنوك تمت بعد ماقام الأمن بتهريب خالد جاويش ومعاهو موظف بنك من اولاد الشرق وتمت فيها إدانة مدير النقد الأجنبي في بنك السودان حامد جعفر وتلبيسه المسئوليه واللي تمت تبرئته لحدي محكمة الاستئناف وللأسف لحدي مامات كان رافع قضايا ولم يصل اي شي حتي وفاته فشنو خالد جاويش ولد دحلان.... هرب مشى الامارات وقاعد وشغال وجاء واشتري مسار الشرق.... والكلام ده قالوا مناوي في رده في مقابله انه اتفاقية جوبا لم تشمل ملف الشرق قال انه كانت مضمنه جاء شاب ودفع واستثمار ٦ مليون دولار وطلع الناس وقعد هو والشاب ده هو خالد جاويش وللأسف ده شغل الامارات والكيزان والخادم المطيع حميدتي....
القبل الأخير دا حافظ ابراهيم يقال أن اخوه الأكبر هو أحد المسئولين من بعض أموال وإستثمارات آل دقلو...
ديل العاوزين يوقفوا الحرب ويجيبوا السلام... عايره و أدوها سوط... شعب مسكين الله يحلنا. يوسف العركي
#كلنا_ضد_الكيزان_والجنجويد #الجنجويد_مليشيا_ارهابية
| |
|
|
|
|
|
|
Re: مصطفي ابراهيم عبد النبى (Re: هدى ميرغنى)
|
Quote: الحلقة تكشف عن فساد وزير الثروة الحيوانية بالسودان، حافظ عبدالنبي، وارتباطه بميلشيات الدعم السريع. تتناول الحلقة جزء من تاريخ حياته وتحوله للعمل في الوزارة، وتشير الحلقة إلى اتهامات الفساد والتلاعب في الأوراق الرسمية وتورطه في تصدير الماشية واللحوم بشكل يضر بالاقتصاد والأمن القومي، ونحاول في الحلقة إيضاح شبكة العلاقات التي تجمعه بالدعم السريع. حلقة جديدة من البعشوم
البعشوم
|
| |
|
|
|
|
|
|
|