والله ياعزيزي من ناحية الكبر حصل فدي انا معاك فيها.
تصدق ياخليل ونحن صغار بالله الواحد ماينوم كان مانزل ريش المكيف كلها على إتجاه السرير حقه، هسع ياخليل المكيف يكون شغال في الأوضة التانية والواحد يصحى الصباح معسم ويعطس وجسمه كله يطقطق ويقعد ساعة في طرف السرير لحدي مايقدر يقوم:)
لاحظ وده كله حصل ولسه ماعرسنا:)
عشان كدة بقول للوالدة أي واحد دخل عمره في التلاتين ولسة ماعرس ، أحسن ليه يعتزل و مايعرس ويتعبر إنو القطر فاتو .
بعدين في أعراض زهايمر مبكر حاصلة يعني تقوم من طربيزة الكمبيوتر داير تجيب حاجة لمن تطلع برة الأوضة تنسى إنت كنت عاوز تجيب شنو . ياخي محل ما انا شغال في مواقف للعربات في كل الإتجاهات تقريباً كل يوم بنسى أنا وقفت العربية في ياتو جهة :)
تاني كمان صباح الخير ياخليل الجميل.
تعرف ياخليل أخوك الأزهري في مزاج مش ولابد من أمبارح . كتبت بوست جميل فيه روحانية وراحة نفسية قام دخل واحد الله يهديه قشط لينا في البوست موضوع نسخ لصق ماعنده أي علاقة بالبوست حقي فزهجني زهج لايمكن تتخيله .
كمان محمد عادل (ماد ماي داي) عنده واحد صحبه مات ربنا يرحمه ويصبر أهله جاء الحبيب محمد عادل نزل صور للمتوفي الصورة الأولى كتب إنو المتوفي أخر واحد في شمال الصورة ، وفي الصورة البعدها قال إنو المتوفي تاني واحد في يمين الصورة مع إنه الزول الموصوف في الصورة الفوق موجود في مكان غير الوصفه محمد عادل في الصورة التحت (غايتو في لخبطة حاصلة زي ماهي عادة ولدنا محمد عادل)
شوف هسع أنا صاحي من النوم ماغسلت وشي طوالي وأنا مغمض قعدت في الكرسي قدام الكمبيوتر وفتحت سوادينز اونلاين شوف جنس الخرمجة الخرمجتها دي شي عرس وشي مكيف وشي زول خرب البوست حقي وشي زهايمر وشي باركنج حق عربات وشئ محمد عادل !!!
المهم زي مابقول تبارك
تاني صباح الخير
. .
10-23-2009, 06:47 AM
khaleel khaleel
تاريخ التسجيل: 02-16-2002
مجموع المشاركات: 30134
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
khaleel
Rihab Khalifa
SHIBKA
ALazhary2
حافظ عبد النبى
مريم عبد الله
جمال السنوسي
فيس بوك
تويتر
انستقرام
يوتيوب
بنتيريست