|
|
|
 Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: نادية عثمان)
|
مشهد أول
الساعة تلاتة ظهرا
النور قاطع في السودان
سخانة الف !!
جرس التلفون يرن
رقم سميرة يظهر في الموبايل النوكيا ان تلاتة وسبعين
الو
اهلا سميرة كيفك ؟
كويسة والله عليك الله انا برة النت وقالوا في بوست نزل عن خطوبة حسن ونعيمة صحي الكلام ده ؟
يازولة ؟
حسن ونعيمة معقولة ؟
بعرفو بعض من وين ؟
سميرة ترد بضحكة خبيثة
ماياهو من منبر بكري ده يعني حايكون من وين ؟
والله كويس ياخ موش قلت ليك ياسميرة منبر بكري ده مفيد مرات ؟
يازولة كدي خلينا من فايدة منبر بكري هسة في الحر ده
أمشي سجلي دخول ووريني الشمار ده شنو إتفقنا ؟
بنتظرك
تن تن تن .. تش .. إنقطع الاتصال !
| |
 
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: نادية عثمان)
|
مشهد تاني
الدنيا فللت شديد
والبرد نزل
المكان كافي نت في شمبات جنوب
وسيلة التواصل .. ماسنجر هوت ميل
عارفة ياسمر ؟
عارفة شنو ياطه ؟
أنا من شفت صورتك السمحة ديك في سودانيز أون لاين وقلبي قال لي إنك زولتي !
سمر :
وأنا بالجد كنت معجبة شديد بكتاباتك ( الرايعة) جدا
وأصلو ماحصل فوتا ليك بوست ولا مداخلة !
طه :
ياسمر أنا نازل السودان شهر خمسة الجاي ده ولازم نتلاقى وبحصل كل خير أوكي ؟
سمر :
طه خليني أعترف ليك أنا جد إتعلقت بيك لكن أقول لأهلي عرفتك من وين ؟
طه :
فعلا دي مشكلة !
يازولة قولي ليهم في النت ومالو ؟!
سمر :
ياطه ماتبالغ نت شنو أنت عايزهم يكتلوني ؟
نحنا أسرة محافظة ياخ !
طه :
ياسمر أنا عايز أتزوجك ماقاصد شئ كعب والله
وبعدين ياخ قولي ليهم عديل عرفتو من الحوش وماتخافي ياخ !
سمر :
سجمي ياطه حوش منو ؟
طه :
حوش بكرررررررري مابتعرفيهو ؟!
تن تن تن تششششششش.. الهوت ميل وقع والماسنجر طش مؤقتا !!
| |
|
|
|
|
|
|
|
|
 Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: د.يوسف محمد طاهر)
|
الأخت العزيزة الأستاذة نادية
لك مني عاطر التحايا والود مفعمه
وكل عام وأنت بخير
يبدو أننا أمام كاتبة من طراز فريد ، لقد استمتعت بمشاهدك، لديك موهبة ممتازة في صناعة الحوار، عليك بصقلها بمزيد من الكتابة والإطلاع، مع محاولة كتابة قصة كاملة قصيرة من مشهد واحد، ثم عددي مشاهدك واحسني رباطها وحبكتها وصلاتها وسنرى بإذن الله قاصة عظيمة من خريجات "حوش بكري الرحب". استمرارك مهم فموهبتك عظيمة واختيارك لشخصياتك موفق. وفقك الله، وبلداً إنتن بناته ما بتجيها عوجة.
مع خالص تحياتي
د. صلاح البشير
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: Dr. Salah Albashier)
|
مشهد تالت :
المكان راكوبة حصير وعنقريب هبابي حبالو مقطعة !
الزمان : الخامس من تموز !!
موسيقى تصويرية جنائزية عدددديل كدا !!
سلمى بكل الأسى والحزن قالت لنفيسة صحبتها البوردابية
ياريت يانفيسة لو عندنا في المنبر تلاتة أيقونات كدا متمنية وجودهم !
نفيسة :
أيقونات شنو ديل ياسلمى ؟
سلمى :
أيقونات الصدق مع الأصحاب والتعامل بنقاء حقيقي وأيقونة كاشف النوايا !!
نفيسة :
أجي يابحري !!
مالك ياسلمى الحاصل شنو ؟
سلمى :
مصدومة في زولة بحبها شديد وربنا عالم بحبي ليها يانفيسة !
الوحيدة في منبر بكري ده القريبة لقلبي شديد وكنت بشوفها أطيب بشر الله خلقو !
بينا ذكريات حلوة وصلات طيبة وصلت بيتنا وبيتهم يانفيسة !
بناكل ( كوارع) سوة وبنشرب بزيانوس ونمشي أوزون ونتفسح ونغني في الشارع وجوة العربية زي المجانيين !
نفيسة :
وعملت ليك شنو الزولة دي ياحبيبة ؟
سلمى تبكي بهستيريا وتسقط على الأرض مغشيا عليها وهي تصرخ متوجعة خسارة حبي فيك ياصديقة مزيفة وكضاااااااابة يا........
تن تن تن تششششششششش
اسدل الستار مؤقتا
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: نادية عثمان)
|
مشهد رابع :
المكان : حلة كوكو جنب محطة الباص
الزمان : تزعة بالصباح كدا
طلعت : والله زميلنا في المنبر طلع أمنجي شوف عيني دي !
رامز : زميلنا منو يازول العضوية ستة الآف عديل ؟
طلعت : زميلنا رأفت الهجان ياخ !
رامز : يازول قول كلام غير ده .. ده زول مسكين الغنماية تاكل عشاهو تقول لي أمنجي ؟!
طلعت : ياخ على الطلاق وضابط برتبة لواء عدددددديل !
رامز : أممممممممممممك !
وعرفت كيف ياطلعت وشفتو وين إنت ؟
طلعت : اليوم داك كنت مودي الولية لي أمها وأنت عارف بيت نسابتي قريب من مبنى الجهاز
أها ياعمك وفي أثناء ما أنا لافي ليك كدا بعربيتي الاتوس الجديدة كان المحو ليك طالع من الجهاز
ودبابيرو تلمع في كتفو ياهو رأفت الهجان ذااااتو المعانا في المنبر !
و
دل دل دل .. تششششششششش .. لستك الاتوس نفّس والبوري باظ وبنواصل !!
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: Dr. Salah Albashier)
|
د. صلاح البشير
حبابك ملايين وعيدك سعيد يارب
Quote: يبدو أننا أمام كاتبة من طراز فريد ، لقد استمتعت بمشاهدك، لديك موهبة ممتازة في صناعة الحوار، عليك بصقلها بمزيد من الكتابة والإطلاع، مع محاولة كتابة قصة كاملة قصيرة من مشهد واحد، ثم عددي مشاهدك واحسني رباطها وحبكتها وصلاتها وسنرى بإذن الله قاصة عظيمة من خريجات "حوش بكري الرحب". استمرارك مهم فموهبتك عظيمة واختيارك لشخصياتك موفق. وفقك الله، وبلداً إنتن بناته ما بتجيها عوجة.
مع خالص تحياتي |
حديثك العظيم عن شخصي المتواضع إنما هو قلادة قد زينت جيدي في العيد السعيد فشكراً جميلاً لحضورك الباهي وتشجعيك الطيب وكن دوماً بألف خير وعافية ,,
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: نادية عثمان)
|
هيفاء : ياراغب بالجد البت بتبالغ وماخدة راحتها على الآآآآخر في المنبر مافي أي إحترام ياخ ؟
راغب : يعني هي عشان زولة رومانسية وهائمة و( رايعة) أي كلمة تكتبها تنطوا ليها في حلقها ؟
هيفاء : ياراغب صدقني نانسي دي كتابتها شترة وبتستهبل عديل وحقو تحترم البنات الصغار المعانا هنا ديل !!
راغب ضاحكاً .. ههههههههههه
صغار بتاعين قلبك والله كباااااااار وحلاة الدنيا عليهن !
هيفاء : ممكن تخليك جادي شوية يعني ؟
راغب : يازولة هووي أنا ماشي أضرب لي حجر شيشة وأجي أفتح المنبر وأقرأ بوستات نانسي بمزااااااج أوكي ؟
هيفاء : طير ياخ غلطانة أنا البتكلم معاك ذاتو !
راغب فارداً يديه في شكل طيرة كبيرة وفرررر على باب الشارع !
و
تقوم هيفاء على الكمبيوتر وترفعو فووووووق ودشششششششش تكسرو حتة حتة حتة !!
أها خلي راغب يخم ويصر !!
و
تن تن تن تشششششششششش ونواصل !
| |
|
|
|
|
|
|
|
|
 Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: نادية عثمان)
|
الأخت العزيزة الأستاذة نادية عثمان
لك التحية وكل الود
وعيدك سعيد وبخيت
أنت تستحقين أكثر، ولا زلت عند رأي أكملي مشهداً كاملاً (من صفحتين إلى سبع) ، وما دمت اخترت "حوش بكري" ادرسي بعض الشخصيات من خلال ما كتبته، لا تتحيزي لأي شخصية، وحاولي كتابة قصة كاملة، صفي أماكنك بدقةن وبما أنك في القاهرة يمكن أن يكون هذا الموقع هو موقعك الجغرافي، وبما أنك اخترت "الشمارات وحاجات تانية حامياك" اقترح تسميتها " أنا مكتول في حوش بكري" أو أنا مكتولة في حوش بكري" أو ما ترغبين
مع خالص تحياتي
د. صلاح البشير
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: نادية عثمان)
|
أستاذة نادية....
كل عام و انت بخير.....
أجمل شئ انو الانسان يكتب بدون رتوش...يعني كتابة (قطع أخدر)...
يمتع نفسو قبل الناس......ما مهم معايير المفاضلة الأدبية... المهم هو عبر عن
نفسو ... و السلام.....
تعجبني الفكرة.... و لي فيها (اغتباق.. و اصطباح .. و مقيل).. و قد حاولت فعل ذلك
مع أقوام آخرين .. في أزمنة غابرة....
مودتي....
ودحطب الله
---------------------------------------------------------------------------------
بالجنبة كدا:
"أولاد منبرنا" علي وزن "أولاد حارتنا" .. برضو فكرة.....!!!
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: محمد عبدالله حمدنا الله)
|
الكريم محمد عبد الله حمدنا الله
تحية طيبة والعيد عليك مبارك
Quote: أجمل شئ انو الانسان يكتب بدون رتوش...يعني كتابة (قطع أخدر)...
يمتع نفسو قبل الناس......ما مهم معايير المفاضلة الأدبية... المهم هو عبر عن
نفسو ... و السلام |
الكتابة عندي ترويح عن الذات وفضفضة عن مكنوناتها
ومكبوتاتها وتنفيس عن بعض جنونها وتعقلها وصدقها وأوهامها !
الكتابة ياسيدي محمد إنما هي رحمة من الله على عبد ليس له متنفس سواها فالحمد لله أن سخرها لنا لتقينا شر الأمراض النفسية نتيجة الكبت والوسوسة والقهر والخوف والندم والصراع الداخلي والخ الخ !!
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: Hadeer Alzain)
|
هدير الزين ياعسللي
العيد عليك مباااارك وكل لحظة وإنت بألف خير وسعادة يااارب
Quote: ندوية
كل الجمال وهبوه ليك
و جعلو السحر في مقلتيك
خلقوك آيه من الجمال
خفة و رشاقة و طيب خصال |
ياخ كل ده أنا ( وش محمر خجلاً شديدددداً ) !
شكراً جميلاً على العيدية الحلوة وماعدمتك ياااارب
Quote: كل سنة وإنتي طيبة وربنا يحقق كل أمانيك يا غالية
وإنشاالله الوالد تعافى وبلغ كامل الصحة والعافية |
تسلمي ويسلموا أحبابك يااااارب والوالد بألف خير سألت عليك العافية يا الله
Quote: متابعين معاك
وخيالك الخصب ما ينسى يعرج على البرايين |
بس كدا تأمري أمر .. هههههه
خلي بالك عليك شديد
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: نادر السوداني)
|
العزيز نادر السوداني
تسلم أخوي وكل سنة وأنت بألف خير ياااااارب
Quote: اميرة الشرق كل سنة وانتي طيبة ....نقط كبيرة ......بوست في القون .....خلاني اضحك براي ذي المجنون ....ها ها ها
واصلي يا بت مختار في هذة الخيط الرائع ...... اللة يديك العافية |
أضحك الله سنك يارب
وياها دي الحياة نضحك من نفسنا وعليها ومن حكاوينا وحكاوي غيرنا ونبكي ونموت ونبعث بعدها !
القصة آخرها كوم تراب وماحدش وآخد منها حاقة !! هههههههه
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: نادية عثمان)
|
مشهد جديد
المكان : الثورة الحارة مائة
الزمان : منتصف ليلة شتوية بايخة
الأجواء المحيطة : ريحة فول مصلح وكورية مديدة في الطربيزة
نسرين : يا سمير أنا كلمتك ومابكلمك تاني البت الزفتة دي ماتدخل بوستاتك وأضح ؟
سمير : ياخ أنا المنبر ده حوش أبوي ولا حوش بكري أنا أمنعها كيف ياخ ؟
ثم يعني مداخلتها دي مازيها زي أي مداخلة والسلام ولا شنو ؟
نسرين : لا بالله ؟
البت تخت ليك في الورود والقلوب الطائرة والمناديل المطرزة
وتقول لي شنو ؟ شايفني بقنبور انت ولا شنو ؟
سمير : يابت الناس الله يهديك شيليها من رأسك وماتخربي بيتك عشان كلام فارغ !
نسرين : ورب الكعبة ياسمير كان ماوقفت البت دي في حدها بخلي ليك البيت واطلب الطلاق فاهم ؟
سمير : ياخ الله يخرب بيت منبر بكري الجاب لينا الفقر والمصائب ياخ
موش المنبر ده أها ده طرفي منو كويس معاك ؟
نسرين : كويس لكن والله مابخليها المعفنة خطافة الرجالة !!
سمير : برضو يانسرين برضو ؟
أقول ليك حاجة يابت الناس ؟
أمشي بيت أبوك إنتي طالق بالتلاتة خلاص ؟
نسرين تكوووورك :
الليلة ووووووووب علي الليلة سجمممي بكري خرب بيتي كر كر كر الرماد على رأسي !!
و
تن تن تن تششششششششششش المنبر إتهكر !!
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: علاء الدين صالح)
|
الأستاذ الإنسان الجميل علاء الدين صالح
ماتتخيل وجودك في بيوتاتي الإسفيرية دي بفرحني كيف والله !!
كل سنة وإنت بألف خير وأحبابك بخير يارب العالمين
Quote: أنا لو كُنتَ عارفِك كتّابة شدييييد للدرجة دي
كُنتَ سحبتَ مُداخلتي من بوست هارموني
وكتبتَ مكانا:
هي زاااااتا نادية هسّا صوتا بِقى شين |
ههههههههه
ومالو طاقية مناااااسبة وفعلاً صوتي شين شديددددد هههههه(الوشوش الخدرا البتدردق دي بعملوها كيف ) ؟!
Quote: تن تن تن تششششششششششش
عشان لو رجعتي لى هارموني
حوش بكري بجيهو الخريف
والشمارات دي بتقيف
قاااااادر الله |
والله فعلاً هارموني بتلخمني وبتاخدني من الكتابة لكن بحاول ما أغيب عن الأعزاء هنا باذن الله ,,
وجودك ومتابعتك وتعليقاتك حافز لي للإستمرارية في أي بوست بكتبو سمح؟
قااااااادر الله صحي ياود أمي ,,
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: Dr. Salah Albashier)
|
د. صلاح البشير
حبابك ملايين أخوي العزيز
Quote: الله يخفف عنك يا بكري من خيال ابنة العم عثمان"، بارك الله فيك يا زهرتنا النادية، لا زلت عند رأي أعلاه، أنت مشروع كاتبة من طراز فريد ، تستطيع أن تشخص حالاتها بعناية، ويجري يراعك عليها كما يجري الماء الذرب في موضع الألم، حاولي ماقترحناه عليك، وفقك الله.
مع خالص تحياتي |
عارف ؟
والله منبر بكري ده فعلاً دنيا بي حالها وقصص من الحياة
ممكن تتعمل مسلسلات تحي دراماتنا في السودان عن جد !
موش أصلاً الحياة هي مسرح كبييير ونحنا على خشبته شخوص تجسّد الأدوار كومدية كانت أم تراجيدية ؟
وتيييييييييب ؟!!( ههههههه)
عارف تاني ؟
في كاتب درامي قال بشيل القصص الهنا دي ويظبط السناريو بتاعها ويعملها مسلسل لرمضان الجاي!
دل دل دل تششششششششششش !
لقيتني كيف استاذي العزيز ؟ ( وش بسوم خلقة الله)
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: نادية عثمان)
|
أستاذة نادية...........
العطر و المكان و الموسيقى ...لهم ذاكرة خاصة.............
كل هذه الأشياء لها طعم محسوس للجميع.... بعد ذلك يتفاضل المبدعون في التعبير عنهم....
المكان هنا افتراضي...
و العطر الواحد له عدة روائح ...وتشمه كل أنف حسب موقعها من اتجاه الرياح....
أما الموسيقى...فهي سيمفونية الزمن و الغربة ...تعزفها حروف في كيبورد ...
ليتك قصصت لنا تلك الذكريات.....
أحاول الآن الكتابة عن ذاكرة العطر و المكان والموسيقى في طبقات ود حطب الله......
و ليتني أستطيع...
مودتي...
ود حطب الله
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: د.نجاة محمود)
|
نجاة الغالية أم الزهرات
حبابك ياغالية وعيدك مبارك عليك وعلى أبو عيالك وعيالك ياااارب
Quote: حسن اسع الزولة دي انتو كم زول غالباكم؟
احمدا: اها نعمل ليها شنويعني نرسلبها قنبلة؟
حسن: ياخي واحد فيكم بس يلمح ليهابحاجات كدا
احمد: كيف يعني نلمح بحاجات كدا
حسن: ياخي اي كلام اهو كلام والسلام هي حتخاف وتنسحب..
احمد: خلاص عندنا اسم كدا بديك ليه تكتب ليها بيه..
خلاس يا مان لباكر تشوفو براكم تاني كان قدرت تجي حووش يكري
احلق شنبي |
حسن : يامان ياخ شنو الزولة دي شايفها لسة قاعدة تكتب ولا خلت المنبر ولا حاجة !
أحمد : والله ياخي مافي حاجة ماقلناها ليها ، عملنا ليها تاريخ وزيفناه وهددناها لمن نحنا ذاتنا
صدقنا انو كذبنا ده كلام جد جد وبرضو ماخافت ياخ !
حسن : ياخ دي مرا فقرية نحرش ليها راجلها تفتكر يجيب نتيجة ؟
أحمد : هههههه ياخ راجلها أول وأحد معجب بيها ووالله كان لحق شاف وأحد مننا على الطبيعة
كل زول فينا ياخد ليهو طلقة في رأسو عديل !
حسن : طيب والحل يامان ؟
أحمد : يازول بس أرفع يدك وأشكيها لي الله عاد غلبتنا مانكضب ساي كمان !
و
تن تن تن تشششششششششش المطرة صبت !
عارفة ؟
فرحانة أنا بوجودك هنا لأنك من أسياد الشئ ذاااتا وزولة خريجة المعهد وأستاذة نقد وووووو
وجودك شرف لي والله يادكتورة بيان وتسلمي وخليك قريبة سمح؟
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: Safa Fagiri)
|
صفاء
يانقية الروح والدواخل والقلب
حضورك لبيوتاتي يوم عيد وحجة مقبولة !
Quote: مافي شي
مافي شي
يا نادية ياخ..
-جوطة-مفتعلة-
أقري سااااكت...
وحافظي على حبابيك
وأصدقائك ومحبيك وعافية
قلمك الناصع من التأرجح. |
عارفة ؟
الجوطة المفتعلة دي من فوائدها إنها تعلمنا نداري على شمعاتنا !
شمعاتنا هم مجموعة الاصدقاء والحبايب والمحبين الصادقات منهم والصادقين !
والقلم ياصفوية نصوعه مابغبشو ضباب وثباته مابيهزمه تأرجح ولا رياح !
صفاء؟
كلمتك قبل كدا بمنتهى محبتي وإحترامي ليك لله في لله ؟!
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: نادية عثمان)
|
مشهد جديد
المكان : الكلاكلة اللفة
الزمان : السابع من شباط زي ( تزعة) في الليل كدا
الاجواء المحيطة : ريحة شية جمر وجردل شربوت مخمر من قبل العيد بشهر !
تامر : عايني ياصافيناز ماتزعلي مني لكن بالجد صحبك ده عوير ياخ !
صافيناز : ياتامر سوري يعني مابسمح ليك تقول على عمو عزمي كدا
تامر : يابت هووي عمك من وين ؟
صافيناز : عمو من المنبر ياخ !!
تامر : عمى كباسة بلا عمك بلا خالك ده كلام فارغ ساي لانو عمك ياهو هاشم شقيق أبوك بس
صافيناز : ياخ إنت ليه أفقك ضيق كدا ومدارك ودهاليز قلبك معتمة كدا ؟
تامر : شنو ؟
صافيناز : مابعيد الكلام مرتين مابتفهم إنت ؟
تامر : ده ياهو الاتعلمتيه من مباراة ناس عمو في منبر بكري ؟
صافيناز : لو سمحت أنا مشاعري أرق من ورق السيلوفان وقلبي قارورة عطر أرجواني
مابحتمل خشونة مسارب الشر الطالعة منك دي !!
تامر : شنو ؟
صافيناز : أووووووووووف من غباءك ياخ مابتفهمني كلو كلو ليه ؟
تامر : عايني يابت الناس أديني دبلتي وباقي شبكتي الجبتها ليك وخليك وراء ناس عمو المثقفاتي
بتاع منبر بكري ده إحتمال يعرسك هو لانو أنا صرفت نظر كويس معاك ؟
صافيناز : أووووووووه ماي قود !
تامر : هووووي ياعمتك خلاص ماداير معاك أنا ماشي أعرس عشة بت عمتي بلاش ( إنهزامية ) معاك !!
تن تن تن تشششششششششششش وتاني تشششششششششششششش
صافيناز أصابها رزاز عاطفي والتهاب حلزوني في قلبها الرقيق !!
| |
|
|
|
|
|
|
|
|
|
Re: شنو الحاصل في حوش بكري ؟ توجد ( شمارات، طواقي، خيال ، حقائق وحاجات كتار)!! (Re: نادية عثمان)
|
مشهد جديد
المكان : قاعة الصداقة
الزمان : بعد الغداء كدا
الأجواء المحيطة : فيلم هندي وقزقزة فول حجات
صفوت : ياخ البرلوم الجديد داك كرهنا البلي في المنبر ياااااخ
إسلام : ياتو برلوم فيهم ماهو المنبر ماشاء الله كل يوم برالمة جداد ؟
صفوت : البرلوم العامل فيها شفت ومقددا داك ياخ وداخل تووووشك عامل فيها صاحب ماهيتاب !
إسلام : ايوووووووووة ياخ داك كمان برلوم كيشة وببالغ بالله داير يعمل فيها صاحب النجمة طوالي كدا ههههههههه
صفوت : والله غايظاني مداخلاتو وعصافيرو وجنينة ورودو الشيلها وحايم بيها وراء ماهيتاب دي غيظ شديد !
إسلام : شايف ماهيتاب هرشتو في بوست الحلة الجديدة !
صفوت : أيوة هرشتو في العام لكن شال قفف الورد وقفص العصافير ومشى ليها بالماسنجر الخاص كاااااااااااك
هههههههههههههههههاي
و
تن تن تن تششششششششششششششششششش
القمرية طارت !
| |
|
|
|
|
|
|
| |
قاسم المهداوى
د.يوسف محمد طاهر
Abdelrahim Elamin
يازولyazoalيازول
محمد عبدالله حمدنا الله
Hadeer Alzain
هند محمد
نادر السوداني
انعام حيمورة
Adil Osman
علاء الدين صالح
صديق مهدى على
حافظ عبد النبى
Safa Fagiri
عفاف الصادق بابكر
عمر صديق
khaleel
فيس بوك
تويتر
انستقرام
يوتيوب
بنتيريست