|
|
|
 Re: عمر التاج (Re: Deng)
|
سلام عليكم
لكل مقام مقال والمقام الان بين ان يكون وطن اسمه السودان او لايكون
والتحدى ان يكون المقال والموقف بقدر وبحجم التحدى و بصدق وتجرد ؟
عمر التاج اختلفت او تفقت معه كليا او جزئيا فانت نخرج منها باضافه واضاءه على مساحات ربما لاتقربها بوستات اركان النقاش والهتاف.
بوستاتو تفتح الدمل لنظافتو وعلاجو مهما تعرض له .
| |
 
|
|
|
|
|
|
|
 Re: عمر التاج (Re: Gafar Bashir)
|
سباق دوما الى الحركات، كعادتك..
ولكن يمكن تعديل الجملة الي ( لاول مرة بعد الميلاد) ،
واقصد ميلاد تسجيلي في المنبر؛ خاصة وأن حركتك قديمة جدا (ق م)
ولا تستوفي شروط الحالة الثلاثة..
المهم، شكرا لك يا ود البشرى على كل حال.. والتحية لك دوما، فقد التقينا هنا بحب و تناقشنا بفكر..
والتحية لقريبي ود ادريس، رغم اننا لم نلتق على أرض الواقع، إلا أنني ابادله شعور الاخوة المحترمين..
والتحية والشكر لشقيقي عاصم؛ التقينا بفهم وتداخلنا بشغف واجتمعنا على حب الوطن..
والشكر لكم جميعا اخوتي..
وفي ظل الظروف الخاصة التي تمر بها بلادنا..
وبعد أن كتبنا جهرا في هذا المنبر وغيره، ما اعتقدنا أنه واجبنا
نتمنى أن ننتقل للعمل الحقيقي وان نلتقيكم هناك..
| |
|
|
|
|
|
|
|
|
|
Re: عمر التاج (Re: عمر التاج)
|
حبيبنا عمر التاج .. تحياتي يا جميل
أرجو أن تبقى معنا هنا .. على الأقل الى نهاية كورونا
الفكر والكتابة ليس فيها اعتزال
ده ابداع
وسودانيز رغم شوية الجمود هذه الايام
من أفضل المنافذ للرأي
بوستاتك جاذبة
تحياتي الحبيب عمر التاج
| |
|
|
|
|
|
|
|
|
|
Re: عمر التاج (Re: دينق عبد الله)
|
انت داير تمش جد جد و لا ده نظام استفتاء ؟
يعني منو اليحنس و منو اليقول ليك زي دينق قشة ما تعتر ليك !!!
عموما يا عمر .. حتى لو ما قعدت ...
السويتها قعدت ...
و الفيك اتعرفت ...
تاني في شنو 🙂
| |
|
|
|
|
|
|
|
|
Re: عمر التاج (Re: يحي قباني)
|
شن جده علي المخدة
قروب واتساب جديد ولا
فيس بوك نشيط .
انت قايل سودانيزونلاين غير تنچلد
فيها
شنو ، لا قرش لا ريال لا استرليني ، جلد بس
اقعد يا زول واركز كلنا زيك
| |
|
|
|
|
|
|
|
|
|
Re: عمر التاج (Re: اخلاص عبدالرحمن المشرف)
|
كلنا نمر باوقات عصيبة ، وقهر وطفش ، من النت والمنتديات عموما . ف شنو . خليك قاعد يازول ، ولا تصرح بالاعتزال ، السحاب دائما يكون عابر ولايتوقف ويحجب الضوء كثيرا .
تحياتي ،،
| |
|
|
|
|
|
|
|
|
|
Re: عمر التاج (Re: Hasheem Karouri)
|
عمر التاج
لا انصحك بالوداع ،،،فلن تجد افضل من سودانيز اون لاين منبرا للحوار والجدال وفي الدروس الوطنية
وفي تعلم التراث والثفافة والتاربخ والعلوم وكذلك غي القفشات الجميلة والونسة التي تفرج الهموم ،،
صحيح بتلقى حاجات تفقع المرارة ..لكن ما تنسى ان الحاجات البتفقع المرارة زي الملح في .....
وحتى في الزواج بيقولوا ..مشاكل الزواج زي الملح في الطعام ...لا بد منه منعا للروتين ،،،،لكن بصراحة
المقولة دي ما بتنفع معاي ولا بريدها،،،،،
انا ذاتي من فقع المرارة ودعت المنبر العام لكن رجعت اكثر شوقا للمنبر لاني لم اجد افضل من سودانيز اون لاين
...والله يديك الصحة والعافية
| |
|
|
|
|
|
|
|
|
|
Re: عمر التاج (Re: امتثال عبدالله)
|
ود التاج ازيك..
ماشي وين يا زول وعشان تعمل شنو.. خليك ماش في الشارع
دا بدقداقه وحفره ومطباته..
ما كان لي شرف معرفتك الا من خلال كلمات بوستاتك هنا ولم
اجد عندك الا كل التهذيب والاحترام في اي مرة اتقابلنا فيها
واتناقشنا في بوستاتي او حقتك..
اقعد يازول وبطل جرسة..
| |
|
|
|
|
|
|
|
|
|
Re: عمر التاج (Re: طلحة عبدالله)
|
الأخ عمر التاج
لك الود والتحايا الطيبات
ربما تكون هذه أول مداخلة لي معك ولا أخفي عليك أن عدم تداخلي
معك سببه كتابتك في مجال السياسة والتي فيها الحق لكل منا في هذا
المنبر أن يعتقد كيفما يحلو له أن يعتقد وفي هذا الإعتقاد يكثر التضارب
والتنافر بين المعتقدات ويقل التوافق ولعل هذا التنافر هو الذي سبب لك
الضيق الذي بسببه كتبت ماكتبت في هذا البوست .. ولا أخفي عليك أيضاً
أنني دخلت في بوست الأخ حيدر الزين وقرأت مداخلتك التي تفضلت فيها
باستعراض مساهماتك في المنبر وأشرت إلى أنك قد كتبت العديد من
المواضيع في غير مجال السياسة فأدهشني استعراضك لتلك المواضيع ولم
يسبق لي أن رأيت واحداً منها ففتحت أحد البوستات من عام 1917م ووجدته
بوست رصين جداً ومفيد للغاية فتداخل الإخوة معك في انسجام تام ومعرفة
علمية أضفت على البوست تخمة علمية ومن أساس البوست أنه دسم للغاية ..
هذا البوست يتعلق بوجود الحلمتين في صدر الرجل .. فيا أخي مادمت تتمتع
بهذا القدر من المعرفة والرصانة والموضوعية وطريقة العرض الشيقة والجذابة
فما الذي ينحو بك للكتابة في مجال السياسة والتي تحمل فيها أعتقاداً متعارضاً
مع اعتقاد الجميع هنا .. كتبت هذه المداخلة لأنك بهذا المفهوم وبعيداً عن مجال
السياسة فأنت تشكل إضا فة حقيقية لهذا المنبر أعتقد أنها ستساهم بقدر فعال لإعادة
المنبر إلى عصره الذهبي .... أرجو أن أكون قد وفقت في إيصال وجهة نظري....
| |
|
|
|
|
|
|
|
|
|
Re: عمر التاج (Re: امتثال عبدالله)
|
عمر التاج
السلام عليكم
ربما تكون أول مداخلة لي معك وأتابع ما تكتبه
انت رجل ذو فكر مستنير يحسن تبسيط المعلومة وإضافة للمنبر
تحياتي
| |
|
|
|
|
|
|
|
|
|
Re: عمر التاج (Re: عمر التاج)
|
Quote: شكرا عمر التاج
وان لك أن تخرج لميدان آخر
فقد بلغت هنا رسالة الوطن وأديت أمانة الكلمة
الا هل بلغت ..
اللهم فاشهد |
ههههههههههههههههه
البوست دا من السنة الفاتت
ان اصلك طالع من سم الخياط وللا شنو ؟؟
بعدين هل انت اول زول يطلع ؟؟ من سم الخياط؟؟ هههه
يعني دايرنا نغني ليك بعدك البورد اصبح خلا مثلاً وللا شنو يا السمحة القالو مرحلة
الميدان التاني دا بس ما يكون التعليمات صدرت بالقتال ؟؟
زول يودع الناس بي بوست من سنة كااااملة يجي يعلق هو زاتي في نفس البوست بعد سنة
والحكمة التعليق برضو .. تعليق مودع ههههههههههههه
غايتو جنس منتشة
| |
|
|
|
|
|
|
|
|
|
Re: عمر التاج (Re: عمر التاج)
|
( مابدرى يا هليفة ) سايبنا وماشى وين !؟
اكعب شئ فى الانسان يا عمر الهروب من المواجهة !!
يازول اركز وواجه ودافع عن افكارك .
| |
|
|
|
|
|
|
|
|
|
Re: عمر التاج (Re: علاء سيداحمد)
|
ماهروب والله يا علاء ،
ولا زعل ولا حردان ..
هي مجرد مشغوليات وبداية فصل عمل مكثف
كما ان رسالتي الواضحة ستجد من يتبناها بعدي من أصلاب قريش انفسهم،
وبارك الله في بكري ومنبره
الذي وجدنا فيه من الديمقراطية وحرية التعبير
مالم نجده عند الكيزان ولا القحاتة
سأكون متابع من بعد واحاول أتداخل ما تطلب الأمر.
| |
|
|
|
|
|
|
| |
عمر التاج
محمد البشرى الخضر
Abdullah Idrees
Deng
Asim Ali
Yousuf Taha
علي عبدالوهاب عثمان
دينق عبد الله
يحي قباني
Hasheem Karouri
Mutasim Idris
HAIDER ALZAIN
بابكر قدور
بدر الدين الأمير
محمد نجيب عبدا لرحيم
ابو عثمان
علاء سيداحمد
MOHAMMED ELSHEIKH
فيس بوك
تويتر
انستقرام
يوتيوب
بنتيريست