|
|
|
 Re: أوسكار المنبر (Re: عمر التاج)
|
خسارة السنة دي ما حا اشيل افضل اعلامي ليس في المنبر فحسب ولكن في بلدي كثيرون اصبحوا افضل مني وهي محمدة حامضة هههه
لو شلت جائزة افضل اي حاجة متبرع بيها لاهلي العارفين نفسهم تكون لي معاهم عربون ثقة بعد صالحتهم
| |
 
|
|
|
|
|
|
|
|
Re: أوسكار المنبر (Re: توفيق عيسى مكي)
|
| Quote: خسارة السنة دي ما حا اشيل افضل اعلامي |
نرحب بأول اوسكار، ونعلن عن بعض مرشحي افضل اعلامي المنبر..
١- بقال
٢- ملاسي
٣- توفيق مكي..
٤- .....
٥- ...
مع ملاحظة أن العضو لا يحق له غير الترشح لجائزة واحدة فقط لاغير..
كما لا يفوتنا أن نذكر بأن موسم الأوسكار فرصة طيبة لتفقد الغائبين من المنبر العام..
ومن الغائبين عنا خلال الفترة السابقة عمالقة صحفيون سيرد ذكرهم بإذن الله..
.
.
طيب وبقال استحق الترشيح في قمة الجائزة ليه؟
لانه أكثر صحفي متبري إثارة للجدل أثناء وبعد الثورة..
| |
|
|
|
|
|
|
|
|
 Re: أوسكار المنبر (Re: عمر التاج)
|
في فترة ماقبل الثورة وحتى قبل اسبوعين،
كنت من المتابعين عن قرب للمنبر ولم ابتعد مته الا فترة
زيارتي للسودان في نهاية رمضان ..
ولذا اعتبر نفسي مقيم جيد الكتابات والكتاب..
لذا سارشح بحياد وموضوعية،
واعطي من ارشحه مائة صوت إضافي
وفق ماتقتضيه الديمقراطية
كما أني بارع جدا في اكتشاف المواهب العاطلة والفارغة
ولذلك سيكون لهم في البوست حظ رهيب
وسأبدأ بالحبايب.
| |
|
|
|
|
|
|
|
|
|
Re: أوسكار المنبر (Re: عمر التاج)
|
نبدأ بالمنبري الروائي،
ورغم ان المنبر يعج بكتاب القصة والرواية
الا ان الانتاج على صفحات المنبر كان ضعيفا..
وحتى على صعيد الكتابة الدعائية والنقاش الفكري لم يكن المنبر محفزا..
أما على مستوى الانتاج العام فلقد كان لزملاء المنبر إنتاج لاقى حظا جيدا من النقد والاستحسان
أذكر منهم:
- حمور زيادة.
- محمد النور كبر.
-هاني عربي.
-
ورغم ذلك أجد ان الأوسكار لهذا الموسم ينحصر بين كاتبين هنا:
- مصطفى بشار
- عبد الحميد البرنس
وذلك عن روايتين (حيتين) اضافتا للمنبر بعضا من ألقه الجميل..
.
.
في مجال الشعر انخفض أداء المنبر كثيرا،
وغابت عنه قصائد الزميل بله والشاعر ادريس وآخرين،
وان كانت هناك إشراقة وحيدة فهي الزميل :
- تماضر الطاهر..
وتستحق الجائزة عن جدارة..
..
..
في مجال الكتابة النثرية والابداعية
برزت الي السطح العديد من الأقلام،
وكانت كتابات :
- الخواض
- دفع الاصيل ود الاصيل
هي الابرز والأكثر ترشحا الجائزة.
الكتابات الفكرية والدينية أيضا كان لها نصيب جيد في المنبر
لذا نفتح لها المجال في الترشيح والتسمية.
| |
|
|
|
|
|
|
|
|
|
Re: أوسكار المنبر (Re: عمر التاج)
|
Quote: في مجال الكتابة النثرية والابداعية
برزت الي السطح العديد من الأقلام،
وكانت كتابات :
- الخواض
- دفع الاصيل ود الاصيل
هي الابرز والأكثر ترشحا الجائزة.
|
وضع الإثنين في فئة واحدة فيه ظلمٌ لـ .. أحدهما.
| |
|
|
|
|
|
|
|
 Re: أوسكار المنبر (Re: Basamat Alsheikh)
|
Quote: وهناك جائزة محجوزة لمن جعل هذا المنبر في طليعة المواقع المواكبة للثورة ...
بكري أبوبكر ، وكفى. |
بالله اعمل لينا جائزة اكبر كسار تلج .... 😂😂😂😂😂
ود التاج إزيك ياخ
| |
|
|
|
|
|
|
|
|
|
Re: أوسكار المنبر (Re: Abdullah Idrees)
|
| Quote: وضع الإثنين في فئة واحدة فيه ظلمٌ لـ .. أحدهما. |
ميسي ورونالدو لا بد ان يكونا على رأس القائمة يا اخ بيلي
ويدخل معهما في القائمة لهذا العام مبدعنا معاوية المدير
وبالطبع فإن استبعاد اي منهم ظلم له، ولكنها عدالة الأوسكار..
| |
|
|
|
|
|
|
|
|
|
Re: أوسكار المنبر (Re: عمر التاج)
|
Quote: أظرف كاتب
معاوية ود المدير |
بسمات الشيخ يا مراحب،
معاوية رغم وضعه في قائمة الكتابة الابداعية
الا أنه من الممكن أن ينافس على قائمة ظرفاء المنبر بشدة
ونسبة لقلة الكادر في هذا الاتجاه يمكن إضافة اسم صلاح الزبير..
وبالمناسبة دي نفتقد اخونا معاوية الزبير بشدة..
كما لايفوتنا ان نرشح لبنتنا بسمات جائزة ( أغيب) كاتبة خلال الفترة الفائتة
لكثرة الغياب طبعا وهي التي عودتنا بمواضيع حية وقوية عند تسجيلها في المنبر..
ولا يفوتنا ان نذكر بزميلتها المبدعة أميرة، رد الله غيبتها الى المنبر.
| |
|
|
|
|
|
|
|
|
|
Re: أوسكار المنبر (Re: عمر التاج)
|
Quote:
أظرف كاتبمعاوية ود المدير |
----------------- أولن في التبادي ، و لأنو ليديز فيرست، خلونا نتحمدل السلامة للكان دي و كنداكة / بت الشيخ و الطلة علينا عيدية بعد طول ترقبٍ و اتنظارٍ، و سؤال للتير التاير عن الأحوال. لكن شاهد الله براه ياهو دا الغرض بس، و لا هو كسير تلج . وعشمنا في صوت ترشيح عشم إ بليس في الجنة. # تانياً في التبادي ، شكرن جزيلن ليك ود التاج يا راقي، رغم مشغولياتك التي أعي جيدن، مفضي روحك تفتح كرتلة أوساكارات .عمومن ، أوافق ود البيلي في إنو ختتنا في كفة مع طودٍ عظيم بحجم الخواض دي فيها ظلم الحسن و الحسين بالنسبة ليهو طبعن . و بالنسبة لشخصي الفقير إلى الله فكأنما ارتقيت َ بي مرتقىً صعباً و صعدتَ بي عقبةً كؤوداً و أنا لا أعدو كوني رويعاً (للقوط) الغنم ، على قراريط لأهل ضيعتي النائية ، مجدوعة خلف جبل اللببايتور ، ضهاري تمبول . تهريشة ( Bullying): # غايتو كاتبنا المخضرم النحرير ود الخواض دا ، علا نستعين عليه بعد الله سبحانه و تعالى بي صاحبو أبو بكر عباس ( المستنير) ، قالو أالبعشوم بيعرف جوعار رفيقو؛ أبو القدح بعرف يعضي أخوه من وين) .ودمتم سالمين غانمين.. (عدل بواسطة دفع الله ود الأصيل on 10-07-2019, 06:02 AM)
| |
|
|
|
|
|
|
|
|
|
Re: أوسكار المنبر (Re: Abdullah Idrees)
|
Quote:
سوري يا عمر على الجوطة الحصلت دي
(عدل بواسطة Abdullah Idrees on 10-06-2019, 11:05 PM)
(عدل بواسطة Abdullah Idrees on 10-06-2019, 11:06 PM)
(عدل بواسطة Abdullah Idrees on 10-06-2019, 11:16 PM) |
حبابك ود ادريس،
حقيقة كان يفترض تكون في لستة (الوعي السياسي والاجتماعي)
لما تضخه من تيارات وعي ممتازة في مداخلاتك الرصينة،
لكن مباراتك لابوحسين وتعديلك لمداخلة (تحسين الجوطة) رشحتك لجائزة :
-اجوط مداخلة في بوست الأوسكار حتى الان..
مع الاحتفاظ بالترشيح الأول طبعا..
..
..
يتم الترشيح لجائزة افضل كاتب اجتماعي كل من :
-عبد الله محمد الحسن
-عثمان موسى بالانجليزي.
وفي هذا المجال مازلنا نفتقد للكاتبين الضخمين : تمبس واساسي.
..
..
يتم ترشيح الآتية أسماؤهم لجائزة افضل كتاب التراث:
-الشليق: بريمة
- الحبيب: على عبد الوهاب.
وفي هذا المجال نفتقد كتابات الباحث في تراث الجعليين عبد الله شمت (على ما اذكر).
..
..
كما لا يفوتنا ان نخصص جائزة لانشط العناصر النسائية في الفترة الفائتة
وافضلهن أداءا و كتابة للمنبر وتترشح لها كل من:
-امتثال عبد الله.
- نعمات محمود.
..
..
تبقت لنا جوائز للكتابات:
- العلمية
- الاقتصادية
- الدينية
- التاريخ
- أخرى..
تبحث عن أصحابها..
| |
|
|
|
|
|
|
|
|
|
Re: أوسكار المنبر (Re: نعمات عماد)
|
Quote:
وين أوسكارات هولاء الأساتذة؟
1- حسين أحمد حسين
2- محمد جمال الدين
3- شرنوبي
4- |
وحات سيدي الحسن يا دكتورة في توارد خواطر ما عادي..
انا لما جبت اسمك مع امتثال ابدا ما شفت مداخلتك فوق
وبقيت أعصر الذاكرة عصرا وعشاءا لتكملة الاسم -كما فعلت مع أغلب الزملاء -
وماعارف محمود دي جات من وين؟ لعلها محمدة أخرى في البوست،
الطريف انه كيبوردي كتب في البداية ( بنتنا امتثال وأمنا نعمات)
و لكن الباك اسبيس بتاع الموبايل لاوز، وخت احتمالية عدم توفر الروح الرياضية..
أما بالنسبة لكشفك المرفق. فقد اعتمدنا ما اعتمدته بنت عماد،
وان كانت الأسماء اصلا فاخرة ولا تحتاج لتزكية..
فمحمد جمال كاتب ضخم معتق، وله بصمة كتابية خاصة، وقيمة وادبية عظيمة
ورغم انه مقل في الكتابة والداخل مع الزملاء.. الا ان كمية الوعي في بوستات كافية لانارة المنبر والمنابر المجاورة..
حسين أحمد أن كان ذلك الكاتب الاقتصادي، فبكل تأكيد سيأتي في مقدمة المرشحين لا سكار الكاتب الاقتصادي، مع د. هباني وآخرون..
شرنوبي لم اتعرف علي كتاباته عن قرب، ولعلها فرصة لمزيد من الاطلاع على ما يكتب ويفكر..
ولا ننسى كذلك الكاتب المفكر المنصوري، الذي حينما يقرأ له في المنبر تشعر، تقرأ له في خشوع..
| |
|
|
|
|
|
|
|
|
|
Re: أوسكار المنبر (Re: نعمات عماد)
|
و طالما الشغلانة شكلها ظِلقتْ ،دايرين برضو أوساكارياة على جنبة
كدا لأكبر ديك رومي سمين و مبغبغ و جدادة الكترونية حتى لو تلقوهام
معتزلين ( راكدين) بعيد تودوها ليهم في منفاهم. أيوة ، موش قلتو حرية
سلام و عضالة ثورية و هذا ما تقتضيةه دلدوماسية التغيير الثوري!!
(عدل بواسطة دفع الله ود الأصيل on 10-07-2019, 08:01 AM)
| |
|
|
|
|
|
|
|
|
|
Re: أوسكار المنبر (Re: Deng)
|
ايواااا
ده اهم اوسكار في المنعطف التاريخي الخطير ده
دفع الله ذاتو مفروض ياخد عليهو اوسكار كونو ذكرنا باهم جائزة
ارشح حمد الكوز كــ"جدادة" للموسم والمواسم اللاحقة
| |
|
|
|
|
|
|
|
|
|
Re: أوسكار المنبر (Re: نعمات عماد)
|
Quote: يترشح لجائزة أفضل كاتب سياسي لهذا العام كل من:
- عادل أمين
- عاصم علي
- كمال عباس
لجهودهم في رصد ومتابعة الاحداث
وتحليلاتهم القوية للمشهد السياسي
وتقديم الوعي السياسي المناسب،
..
..
يتم ترشيح كل من:
-على الكنزي
- اسماعيل عبد الله
لجائزة أكثر كاتب مثير للجدل في المنبر.
..
..
يتم ترشيح كل من:
- محمد البشرى
- أبو حسين بالانجليزي
لجائزة أكبر رمادي متحيز لجهة ( الثورة)..
..
..
يتم ترشيح الكاتب:
-احمد حمودي
لجائزة افضل وانشط متابع لأحداث الثورة في المنبر |
طبعا اسجل اعتراضي على كل الترشيحات اعلاه
عادل أمين لايمكن تصنفه كاتب سياسي بل كاتب اساسا, قول ماعط مثلا ممكن
حمودي لا يمكن تعتبره انشط متابع لحداث الثورة وتغفل د. ياسر الشريف صاحب التوثيق اليومي للثورة من اول يوم منذ ديسمبر, لو بتقصد لفحات الواتساب ممكن حمودي يشيل الاوسكار
اما الطامة الكبرى فوضعي مع الفقر ابوحسين (الكوز المندس) في فئة تصنيف واحدة! و الادهى ان هذه الفئة تصفها بالانحياز للثورة!! يا راجل دا لغاية اول امبارح القريبة دي كوز شايل سيفه وبعلن الجهاد على المناضلين! ما تشوف الحركات دي
اما بالنسبة لفئة مثيري الجدل اضف على المرشحين صاحبك حاتم ابراهيم ما تنساه
| |
|
|
|
|
|
|
|
|
|
Re: أوسكار المنبر (Re: محمد عبد الله الحسين)
|
Quote: ايواااا
ده اهم اوسكار في المنعطف التاريخي الخطير دهدفع الله
ذاتو مفروض ياخد عليهو اوسكار كونو ذكرنا باهم جائزة
ارشح حمد الكوز كــ"جدادة" للموسم والمواسم اللاحقة
--------------------------------------------------
# بس نعللو حمد عبد الغفار لا ياخي لو ياهو الزول دا
المقصود، زميل حنتوبابي و اصلي ما برضى ليو.
عمومن ، حيا الله أخوي الحبيب عبد الله إدريس ،
أولن لكونك كنت أول المرحبين بقدومي برلوماً إلي هنا.
بس عندي حاجة من زمان كايس أقولا ليك في بوست كان
عملتو بعنوان "هل نشبه حروفنا؟! ". ففعلن أنا مشبهك لأسلوبك
الجامع ما بين الجدية و الرزانة و المتعة . و عشان استأنس
بيك أكتر مشبه صورتك ذهنياً على واحد قريبن لينا من جيهة
أبو قوتة ؛ لدرجة لامن أقرأ ليك مداخلة بتكون بي صوتو هو.
فيا سبحان الله في توارد الخواطر. فمتمنى نتلاقى يوم كولنا.
# برضو عشان ما أكتر وجع الوش على أخونا ود التاج دايرك تقول
ليه يشيل عمو عاد اللمين دا من مُشاكس سياسي و يختو لينا كاتب روائي
نحيرير ، إذ يمتلك خيالاً عالي الخصوبة و عبقرية فذة في نسج الأحاجي
والحبك الدرامي والتقدير في سرد الأحداث. و لديه أعمال مطبوعة ومنشورة. شخصياً
شاركته أو بالأحرى أنني تتلمذتُ على يديه من خلال استنساخ سيناريو
لواحدة من قصصه القصيرة كانت بعنوان " يا أم أحم..د جانا كلب.
(عدل بواسطة دفع الله ود الأصيل on 10-07-2019, 09:06 AM)
| |
|
|
|
|
|
|
|
|
|
Re: أوسكار المنبر (Re: محمد عبد الله الحسين)
|
هناك تعديل بسيط في لستة ظرفاء المنبر ..
نحذف منها اسم المدير ونثبته في قائمة الكتابة الإبداعية ..
ونكتب في الوثيقة المعدلة .. أقصد اللستة المعدلة للظرفاء كل من :
- عمنا عووضة
- قسم الفضيل - اب كراعين الاثنين لفت داك - (أيا كان اسمه)
ولا ننسي هنا اظرف ظرفاء المنبر الغائب الحاضر محمد ود الصائم رد الله غيبته من المنبر
وكذلك ملك الفكاهة والظرافة المستنير وهبة أعاده الله الى المنبر سالما غانما (منقبا)
| Quote: كمان بقيت توزع في الاوسكارس؟ |
كويس ذكرتني أشوف اسكار لنفسي ..
واتخيل لي أنسب اسكار لي هي جائزة ( أشرف كاتب في المنبر)
لأني بحمد الله من الكتاب النادرين الأحرار في المنبر ده، اكتب على كيفي بدون أي قيود حزبية أو جهوية أو تنظيمية
ما قاعد اتلقى أي اعانات أو منح وما قاعد ارتزق بقلمي أو سلاحي وماحصل بعت كوتة سكر
وبالمناسبة دي اسمك كان يفترض يرد في لستة فوق ولكن أجلناها لأسفل السافلين فترقبها ..
برضو كان يفترض نرشحك مع صديقي حاتم لجائزة عكليت المنبر ، ولكن وجدنا لك جائزة أفضل ..
.
.
نترحم كذلك في هذه المساحة على زمينا (صلاح جادات) والذي كان شعلة من النشاط الثوري في المنبر ..
ونفتقد كذلك لسيدة نشطاء المنبر .. زميلتنا الكاربة منى عمسيب أعادها الله لوطنها الام سودانيز عاجلا غير آجل ..
| |
|
|
|
|
|
|
|
|
|
Re: أوسكار المنبر (Re: Deng)
|
Quote: ده اهم اوسكار في المنعطف التاريخي الخطير ده
دفع الله ذاتو مفروض ياخد عليهو اوسكار كونو ذكرنا باهم جائزة
ارشح حمد الكوز كــ"جدادة" للموسم والمواسم اللاحقة |
نعتمد ترشيح اخونا عبد الله ..
ونضيف للقائمة صديقنا المختفي :
- الشفيع وراق
كأجد جداد المنبر الالكتروني والمانوال ..
| |
|
|
|
|
|
|
|
|
|
Re: أوسكار المنبر (Re: عمر التاج)
|
| Quote: دلدوماسية التغيير الثوري!! |
غايتو العبارة دي لو مقصودة أو غير مقصودة،
فهي تستحق اوسكار لوحدها..
والدلدوم لمن لا يعرفه، انا برضى لا اعرفه
ولكن سمعت بامه وابيه
| |
|
|
|
|
|
|
|
|
|
Re: أوسكار المنبر (Re: عمر التاج)
|
Quote: عادل أمين لايمكن تصنفه كاتب سياسي بل كاتب اساسا, قول ماعط مثلا ممكن
حمودي لا يمكن تعتبره انشط متابع لحداث الثورة وتغفل د. ياسر الشريف صاحب التوثيق اليومي للثورة من اول يوم منذ ديسمبر, لو بتقصد لفحات الواتساب ممكن حمودي يشيل الاوسكار
اما الطامة الكبرى فوضعي مع الفقر ابوحسين (الكوز المندس) في فئة تصنيف واحدة! و الادهى ان هذه الفئة تصفها بالانحياز للثورة!! يا راجل دا لغاية اول امبارح القريبة دي كوز شايل سيفه وبعلن الجهاد على المناضلين! ما تشوف الحركات دي |
عادل امين ده يا ود البشرى كاتب موسوعة،
هو بالضبط كاتب الرؤي السياسية الصاح في الزمن الغلت (اوع ده يكون قدح)
هو فعلا يكتب احيانا ما لايدركه العامة، بل ما يفهمه المدركون بالماضي والمستقبل
وحتى ان لم يفز بجائزة الكاتب السياسي الأول، فلن تجد لجائزة الصوت السياسي مرشحا سواه،
ذلك أن تسجيلاته الصوتية مليانة بالحلم والعلم والحكمة والمعرفة..
..
..
نجي لابو الحسين،، الراجل ده انا بعتبره ابو سفيان الثورة السودانية
صحيح هو آمن بها يوم الفتح، الا انه قدم الغالي والنفيس من أجلها
واخلص في الدعوة لها حتى (بزغ) نجمه مع الثوار..
فشنو.. حقو تنافسه بشرف.
اخيرا حاتم ابراهيم، ذلك الكاتب النحرير رد الله غربته وأعاده للمنبر.
هو موسوعة لا يشق له غبار، بس مشكلته (العكلتة) الزائدة،
ولذا يستحق بجدارة لقب عكليت المنبر.
| |
|
|
|
|
|
|
|
|
|
Re: أوسكار المنبر (Re: عمر التاج)
|
المواضيع الفنية (غناء، مسرح، موسيقى )
كانت ضعيفة في الفترة السابقة من تاريخ المنبر،
غير أن بعض شذرات البوستات هنا وعناك ناقشت جوانب مهمة في الفن، لذا نرشح لجائزة الكاتب الفني كل من:
- قباني
- احمد يس
- كبر
..
..
أما الجوانب القانونية فقد كانت حاضرة في المنبر، وقد أفتى فيها بعلم ومعرفة:
-مولانا : الملك.
ولا نغفل دور القانونيين امثال:
-حافظ
- خالد ادريس
لنشركهم في الترشح..
| |
|
|
|
|
|
|
|
|
|
Re: أوسكار المنبر (Re: عمر التاج)
|
Quote:
Quote: دلدوماسية التغيير الثوري!!
غايتو العبارة دي لو مقصودة أو غير مقصودة،
فهي تستحق اوسكار لوحدها..
والدلدوم لمن لا يعرفه، انا برضى لا اعرفه
ولكن سمعت بامه وابيه
|
والله يا ود التاج بس خايفين من الطلة البتمسخ خلق الله و مبدأ: (أخوك قالو كان بقالك عسل ما تبقالو مَتَّاخ)علا الكلام كوتيي، لأنك بالجد فتحت لينا (كِرْتِلَّة) بحد زاتا تستحق أوسكار 5 أنجم بإثارة الجدل. أما (دلدوم ماسية) فمفصودة بذانها و صفاتها ( للمزج ما بين ضدين هما العصبجية و المسايسة ، كما بين العصا و الجزرة) و هي من نوع تراثياتنا المنكوتة من قعر شنطة الصفيح . و لولا خشية مظنة التناحة كنا طالبنا بيأوسكار خاص في مدكم بتراثايات و كنوز من سحارة حبوبتي. وأخونا النذير حجازي كان طالب لينا بمشروع لفتح كتبة للجمع التراثيات من نوع الدايناصوريات شبه منقرضة السلالة. و لكن صاحب الحوش جلى الفكرة من أساسا ، ربما لعلة في نفس يعقوب يعلم مداها. # يلا آخر التماس : عندي زولين ناسي تب ؛ فلازم إن شاء اللهتتارَرُولم تجازفولم معاكم حتتين أوسكار بأي طريقة.أولهم بالمناسمة ود حجازي ، احتفاءً بعودته للبورد , وتانيهم فردتي زهير عثمان حمد ؛ و دا أظن ما ليهو منازع في رفد المنبر بكل ما هو مستجَدٍّ من أخبار الثورة . صحي شايف في ناس كوتار قاعد يهاجموه بانو حاطب ليل و أخبارو مضروبة ؛ و لكن حجتنا معاه أنو: ناقل الحكفر ليبس بكافرٍ . و عمومن شخصياً لي معاه ثنائية المتعوس على خيب الرجاء. من خلال بوستين واحد مشى الخور كان عبارة عن مساجلات في شأن تباريح ( الهوى الغلاب) ؛ والتاني لسة مدوِّر حيث شخَّصْتُ له حالته، و التي هي نسخةٌ كربونية ٌمن حالتي بحال المصابيبن بداء الكلب (البريد خانقو). فيا ريت برضو تنزلو الراجل منزلته بمايستحق من تصنيف ، و الرجال مواغف.
| |
|
|
|
|
|
|
|
|
|
Re: أوسكار المنبر (Re: ABUHUSSEIN)
|
.Quote: ده سؤال ده يا ابوحسين😂😂😂😂😂
Quote: وهناك جائزة محجوزة لمن جعل هذا المنبر في طليعة المواقع المواكبة للثورة ...بكري أبوبكر ، وكفى.
ود التاج ده شكلو ود فقرا ، لاكين انا برضو ود فقرا وراسي قوي كمان .. المداخلة دي بنزلا بنزلا
(عدل بواسطة Abdullah Idrees on 10-06-2019, 11:05 PM)
(عدل بواسطة Abdullah Idrees on 10-06-2019, 11:06 PM)
(عدل بواسطة Abdullah Idrees on 10-06-2019, 11:16 PM)
|
انا ود جزارين .... سيرتي ساكت خلتك ترجف الرجفة دي كلها ... 😂😂😂😂
اخونا عبدالله إزيك .....
| |
|
|
|
|
|
|
|
|
|
Re: أوسكار المنبر (Re: امتثال عبدالله)
|
Quote: اسف جات غلط.
ماسك لي كم درب عشان بالاضافة للشلاقة ..عفوا يا دسيس |
حبابك وحبابها يا اوسكار
ننتظرها تجي المرة الجاية صاح ..
..
..
| Quote: السلام عليكم بالنسبة للأسمين ديل كدى جيب نماذج لى منتوجم الأعلامى |
مرحبا عباس ..
ملاسي ده يا عباس صحفي مخضرم (الخضرمة نوع من الويكة السودانية شديدة اللزوجة)
مشكلته الوحيدة هي ظهوره السابق على موائد السلاطين والوزراء وأصحاب العمم والشالات
عنده (طاسة) اسبوعية في صحيفة يومية، والطاسات هي المواعين الصغيرة التي تشكل العمود
المهم ملاسي حريص على نقل سطرين من الجريدة للمنبر كل فترة ، ويكب بعدها الزوغة ..
وحتي ونسته في القنوات شبه الفضائية تنقل هنا من باب شوفوا ابن الايه بيقول ايه
ومن ذلك ما نقله شاعرنا صديق مهدي قبل أيام وفتح فيه بوستا كاملا
أما البقال فالحق يقال.. أنه كاتب عبيط
لديه بعض المقالات الريئة في صفحة المقالات وفي صفحات المنبر
ولكن المشكلة انه مافي صحفيين نشطين غيرهم ..
عندك مثلا الكتاب الصحفيين زملاء المنبر:
- الفاتح جبره
- علي ميرغني
- حيدر
.. الخ
هؤلاء كتاب محترمين، بس ما بشاركوا في المنبر الا نادرا ..
ونحن هنا نريد ان نكون اكثر عدلا ، ونعطي كل ذي حق حقه
وكل مجزوم بالجزمه ..
..
..
حبابك ألف يا ود الاصيل، الدار دارك والاوسكار اوسكارك ، اخد راحتك تماما..
بخصوص النذير حجازي فقد كان بالنسبة لي كاتبا ممشوقا ، وكنت أترصد كتاباته وأنا برلوم لأتعلم منه
حاليا يبدو أن بعض المشاغل تبعده كثيرا، ولكنه يعود بين الفينة والأخرى ببوستات جميلة ومعبرة ..
يستحق منا كل تكريم ، وأضعف الايمان أن نمنحه جائزة قدامى المحاربين المجددين .
أما صاحبك زهير، فهو كاتب عجيب ومن طراز فريد .. لذا رشحناه في أول جائزة في البوست
وهو بالإضافة لما يكتبه صحفيا، فهو كاتب رومانسي حساس ، تكاد تذوب مع حروفه وأن تقرأ له بعيدا عن السياسة..
فله التحية والاوسكار ..
..
..
Quote: شكرا لحسن الظن ..
وعندي ترشيحات لبعض الأعضاء الذين أثروا المنبر العام ... |
امتثال عبد الله كيفنك ،
وشكرا لحسن ظنك في حسن ظننا بك
ونتقبل على الفور كل ترشيحاتك وآراءك بخصوص الزملاء والزميلات
| |
|
|
|
|
|
|
|
|
|
Re: أوسكار المنبر (Re: امتثال عبدالله)
|
Quote: أما الجوانب القانونية فقد كانت حاضرة في المنبر، وقد أفتى فيها بعلم ومعرفة:
-مولانا : الملك.
ولا نغفل دور القانونيين امثال:
-حافظ
- خالد ادريس
لنشركهم في الترشح.. |
كدا عصرت علي شديد يا ود التاج
أنا كنت منتظرك ترشحني لأثقل كاتب وأبيخ كاتب وما حولهم😂
تقوم تختني مع مولانا الملك في قائمة واحدة؟!!😲😲😲
توضيح بسيط
لقب مولانا أنا تحصلت عليه سلبطة💪 مني بسبب الفتاوى الدينية التي أطلقها أحياناً.
مولنتي التي أزعمها هي مولنة مساجد وخلاوي وليست مولنة محاكم.
صديقي صلاح زبير يسميها مولنة سبيلين😂
أنا بدأت دراسة القانون في زمن مضى ولم أكمل دراستي بسبب ظروف العمل.
ولم يخطر ببالي حين أدعيت أنني مولاكم أن تصل المزحة لحد أن يتم ضمي لقائمة القانونيين بالمنبر.
مهنتي التي أمارسها وأسترزق منها هي الطب والتعليم الطبي.
آرائي التي أكتبها عن بعض الجوانب القانونية هي آراء قارئ عادي وليست فتاوى من مهني متخصص.
أي مقاربة او مقارنة بيني وبين الملك حتى ولو ونسة ساي هي وزر لا أحتمله،
لذا وجب علي هذا التوضيح
| |
|
|
|
|
|
|
|
|
|
Re: أوسكار المنبر (Re: Hafiz Bashir)
|
طـبّاز البــورض!طـبّاز البــورض!
أشياءٌ ليست للنسيان............
...
..
..
و تلك الأيام نداولها بين الناس....
في ذكرى محمد عبدالماجد الصائم و كل رعيل سودانيز الذين جعلوا هذا المكان واحة خضراء في أزمنة الغربة و الجفاف.....
لعناية ود البشرى و من يهمه الأمر....
مودتي
ود حطب الله
| |
|
|
|
|
|
|
|
|
 Re: أوسكار المنبر (Re: adil amin)
|
| Quote: ما لقيتي إلا الشين الأصلع دا |
هي نان قالت دايره تفليه ؟
المهم يا أبو حسين ..
جهز سكاكينك ساكت ، الضبح جاي
..
..
مولانا سلامات ..
| Quote: أنا كنت منتظرك ترشحني لأثقل كاتب وأبيخ كاتب وما حولهم |
نحن برضه أولاد أصول وروحنا رياضية جدا ..
فشنو .. ده براهو وداك براه
| Quote: مولنتي التي أزعمها هي مولنة مساجد وخلاوي وليست مولنة محاكم |
يعني أنت مش معاهم ؟
وأنا أقول الضعف اللغوي البائن في التنظير القانوني ده جاي من وين؟
ورغم كده وجودك مع الملك مهم بسبب قلة المرشحين القانونيين ، على الأقل تضيف للسي في بتاعك عبارة (مرشح اوسكار منبري سابق)
..
..
| Quote: في ذكرى محمد عبدالماجد الصائم و كل رعيل سودانيز الذين جعلوا هذا المكان واحة خضراء في أزمنة الغربة و الجفاف |
شكرا ود حطب الله على هذه الذكرى الخالدة ..
محمد الصايم ، ومعاوية الصايم وأساسي وفيصل نوبي وود البوش ... وزكي جمعة
| |
|
|
|
|
|
|
|
|
|
Re: أوسكار المنبر (Re: دفع الله ود الأصيل)
|
عمر التاج وشركاه
Quote: المواضيع الفنية (غناء، مسرح، موسيقى )
كانت ضعيفة في الفترة السابقة من تاريخ المنبر،
غير أن بعض شذرات البوستات هنا وعناك ناقشت جوانب مهمة في الفن، لذا نرشح لجائزة الكاتب الفني كل من:
- قباني
- احمد يس
- كبر |
انا قايل نفسي زول عادي جدا في المنبر دا وزي نقد لغسان شربل كلام خليل فرح
نحنا ناس عاديين جدا بنتونس و نسمر و نسهر لمن ديكنا يصيح و فوق رؤسنا يتحكر
لكن كتر خيرك .. بس عمليتك دي كتيرة وتوسطني بين مصيبتين من مصائب الجمال والفن موش في المنبر بل في الدنيا دي ياخي هسي في الجنة الواحد لو قعد مع عثمان حسين ويحي قباني وكبر .. حيكون الوضع شنو ماعارف لانه الاتنين هم مزامير وترانيم في جوقة غنانا وتراثنا الجميل ود القرشي قال " مزمارنا يا داؤد صار بيك و اصبح .. عهد الرشيد عُدناهو وصرنا أنجح "
مرات حاجات كدة جميلة زي خطوتك دي ياعمر بتكون هي الباعث الُموحي بالاشياء الجميلة
على قول ودالقرشي والشفيع
طبعا المواضيع كانت قليلة لانه الحصص كلها كانت وطن غالي وصعدت فيها ارواح الى بارئها وهو ارحم بها من خلقه
لكن عشان اختصر ليك زي ما قال التجاني سعيد
(صحيت ) في نفسي الوجود و( رجعت ) لعيوني النهار
| |
|
|
|
|
|
|
|
|
|
Re:أمراض المنبر (Re: Ahmed Yassin)
|
قالوا في المثل
شكارتا دلاكتا
كترت مواضيع تقييم الناس وجودة عطاهم في هذا المنبر
وفي يقيني لا يقوم بذلك إلا من به بعض جهالة
ودعك عن الجهالة
أأن في إبراز أفضلية البعض في المنبر يعني
ظلم آخرين بذلوا النفس والنفيس من وقتهم وما برعوا فيه لإثراء هذا الوطن الإفتراضي
منبر عضويته من الألاف
كيف تختزله في عشرات الأسماء
| |
|
|
|
|
|
|
|
|
|
Re: أوسكار المنبر (Re: Ahmed Yassin)
|
ابو حسين
كلمة أنه ود عطبرة براها تكفي أنه يكون أظرف زول وألطف زول واحن زول وأكتر زول كتاب ( بتشديد التاء)..
ولا انت ما موافقني في الرأي....وحتى اسأل استاذنا ابو جهينة...وكل ناس ام المدائن..
| |
|
|
|
|
|
|
|
|
|
Re: أوسكار المنبر (Re: Basamat Alsheikh)
|
سلام عمر التاج
Quote: أنا بدأت دراسة القانون في زمن مضى ولم أكمل دراستي بسبب ظروف العمل.
ولم يخطر ببالي حين أدعيت أنني مولاكم أن تصل المزحة لحد أن يتم ضمي لقائمة القانونيين بالمنبر.
مهنتي التي أمارسها وأسترزق منها هي الطب والتعليم الطبي. |
و الله يا مولانا حافظ انا كنت فاكرك في القضاء الواقف
او الجالس القرفصاء
طلعتا من القضاء النائم
الذي يقضي بتنويم المريض ههههههه
في كل الاحوال انت انسان جميل خطك
| |
|
|
|
|
|
|
|
|
|
Re: أوسكار المنبر (Re: محمد البشرى الخضر)
|
Quote: بوست ظريف وحراك ديمقراطي جيد
واهديك الايقون |
تحيات عطرات للعادل الأمين ، ومنك نتعلم يا كبيرنا
حقيقة مرات بجيني إحساس انك رسول الرسالة السياسية الثانية
وأن الناس سيكتشفون بعد فوات الأوان صدق نبوءاتك وأقوالك ..
والفوات المقصود هنا فواتهم وليس فواتك
بس مافي زول يسألني عن رسول الرسالة السياسية الأول لأني ما بعرفه وماحصل سمعت به .
..
..
والأغرب منه حمدنا الله ده وحطب الله دااك
مايكون بكري فتح باب الاستعارة .
..
..
| Quote: (صحيت ) في نفسي الوجود و( رجعت ) لعيوني النهار |
أنت الوجود يا فنان ، ولأجل الفن عاد الوجود ورجع النهار
بالمناسبة كل عضو في المنبر ده عنده سر خاص وقراء خفيين
وأي كاتب لما يبدأ يشتغل بأدواته ويمتع نفسه .. حا يلقى الحروف تخرج من أعماق نفسه لتروي ظمأ آخرين
تماما مثل ما كانت نفس خضر بشير تغني ليرقص جسده ، ومثلما وردي يغني لترقص الأجساد من حوله ..
وعليه أنت فنان ياعزيزي، والفن قيمة في الوجود خالدة .
..
..
Quote: قالوا في المثل
شكارتا دلاكتا
كترت مواضيع تقييم الناس وجودة عطاهم في هذا المنبر
وفي يقيني لا يقوم بذلك إلا من به بعض جهالة
ودعك عن الجهالة
أأن في إبراز أفضلية البعض في المنبر يعني
ظلم آخرين بذلوا النفس والنفيس من وقتهم وما برعوا فيه لإثراء هذا الوطن الإفتراضي
منبر عضويته من الألاف
كيف تختزله في عشرات الأسماء |
المكاجر عبد الصمد .. تفاءل خيرا تجد تصنيفك اتحسن في البوست ده ..
ما نسيناك ، وما حاننساك .. يا اخ انت بتتنسي ؟
خليك قريب وجاينك بجائزة قدر كلامك (الكتر) ده ..
ثم اننا لا ندعي تغطية شاملة
بل هي مجرد نماذج وعينات تمثل المنبر في وقت ما
ولو كنا نسترجع التاريخ ، فان كاتب مهندم الحروف
مثل محمد المشرف لا يصح إلا وضعه على رأس كل قائمة
..
..
Quote: طلعتا من القضاء النائم
الذي يقضي بتنويم المريض |
أنت قادر تتخيل يا أخ خضر كيف يعالج مولانا مرضاه
أخشى أن تكون بالصدمة ، او بالمحاية كأضعف الايمان
غايتو نعيش ونكنشف مواهب الزملاء المدفونة
وما مستبعد ود الأصيل ده يطلع لينا - تحت تحت- وزير .
| |
|
|
|
|
|
|
|
|
|
Re: أوسكار المنبر (Re: عمر التاج)
|
Quote:
أنت قادر تتخيل يا أخ خضر كيف يعالج مولانا مرضاه
أخشى أن تكون بالصدمة ، او بالمحاية كأضعف الايمان
غايتو نعيش ونكنشف مواهب الزملاء المدفونة
وما مستبعد ود الأصيل ده يطلع لينا - تحت تحت- وزير .
|
يا عمر مولانا حافظ دا ما بعالج بس دا طلع مدرب طبي
يعني بدرب البنومو الناس
و لو درس في الغرب دا نوع كعب خلاس
اصلو ما بطمنك انت كمريض
عادي يقول ليك يازول انت على حسب التحاليل حتتلحس بعد ساعة
اكتب وصيتك و اتشهد و ابقى مارق على ربك
الاطباء الدرسو في الدول العربية حنيينين و بطمنوك في آخر لحظات حياتك
بقولوا ليك عساك طيب و ان شاء الله امورك طيبة و ما فيك الا العافية
وهو بقول في الكلام دا عارف و متأكد و شايفك قدامو بتحتضر
الشهادة ما بلقنك ليها و ببقى مارق بعدو بدخل عزرائيل هههههه
اما حبيبنا ود الحيشان التلاتة دا وضع تاني
مبدع و بنداح و زول مدرسة من اكبر المدارس في السودان
مع احترامي لكل الخريجين بتاعين الثانويات في السودان
لكن بخت الرضاء و حنتوب و خورطقت و خور عمر ديل وضع تاني
انت مش شايف هسي انا بحب عادل المعاط دا بتاع الدوائر الرجعية
عشان درس في بخت الرضاء و عشان والدو كان استاذ اساتذتنا في بخت الرضاء
| |
|
|
|
|
|
|
|
|
|
Re: أوسكار المنبر (Re: عمر التاج)
|
معقولة يا عمر التاج
تطلع من كلامي دا كله بإنه وراه زعلة لأنه إتخطاني التصنيف؟
راجع كل البوستات من هذه الشاكلة لو ما لقيتني كاتب فيها مداخلة بهذا المعنى
أكون فعلاً زعلان إني ما أخدت وسام الإبداع في مهرجانك دا
عندك مثلاً في حتة الغناء
كيف ممكن تتجاوز ما قام بيه اليندي والفاتح ميرغني وعبير خيري وسفيان نابري وعمر الفاروق وغيرهم
طوال السنوات السابقة من تثقيفنا فنياً وطبعاً معاهم من ذكرتي
لكن تخيل إحساس أي واحد منهم بقرأ في بوستك
دا وانت بتغفل أسماهم في تقييم أبدع من أبدعوا و أسهموا في رفد المنبر بالثقافة الفنية
| |
|
|
|
|
|
|
|
|
|
Re: أوسكار المنبر (Re: Emad Ahmed)
|
مرحب حبابك عمر التاج ...
ياخي شكرن علي تفاعلك الجاد في المنبر
وشكرن علي قعادك معانا في واطات الله
دي وانت تنشر بيننا المعرفة والعلم بتواضع
العلماء وانتا بلا شك أحدهم .. شاء من شاء
وأبى من أبى ...
غايتوح لو في اوسكارين يستحقو لعضوية
المنبر فأنت أهلن لأحدهما بفضل حياتك العلمية
المليانه كراتين ونشاطك وإنتاجك النوعي
من البوستات يشهد بذلك ... أما الأخر
فيستحقه من أتاح لنا الالتقاء بك وبي
ثلة من أبناء بلادي تعارفنا وتحابينا
وتكارهنا ونهلنا من معين بعضنا البعض
فله جزيل الشكر طبعا مع الأوسكار ...
فيحق لنا أن نحتفي ويحتفي المنبر بكما ..
بعدين حكاية أنا ظريف دي حا تبوظ لي
الدنيا ... وحا تخليني ادي جضمي الشمال
لكل من ضربني كف في جضمي اليمين ....
غايتو انا برشح ليك علاء سيد احمد الرجل
الدايمن محترم وظريف مهما حصل من حوله ....
| |
|
|
|
|
|
|
|
|
|
Re: أوسكار المنبر (Re: Salah Zubeir)
|
صباح الخير عمر التاج
فعلا البوست ده له تأثير في انه بيخلي الواحد يراجع نفسه..
و زي ما قال صلاح الزبير فكرة البوست نفسها
تستحق أوسكار..
يا صلاح صباح الخير
انت برضه تعليقك مليان..
| |
|
|
|
|
|
|
|
|
|
Re: أوسكار المنبر (Re: Emad Ahmed)
|
Quote: وما مستبعد ود الأصيل ده يطلع لينا - تحت تحت- وزير .
|
---------------------------------------------------- [} وزير شبحتن واحدة يا ود التاج عاد عليك جنس بولييغ. علا والله صحي ممكن وزير بدون حقيبة، و لا أقول ليك حاجة، نحنا فعلن طابنا بحقيبتنا و وانتزعناها خلاس باسم (الجو الرطب) تاني كاطععين عشم .كان للحكومة ( الأنقاض)ياخي موش قايلين ليك طافشين قبلها ب(أربعة سنين عاشم الحب).؛ ماسكنا داء الكلب طاشين بالخلا و الرفيق الفسل؛ نباري بشدر اللعوتالما بيلمو إلا الموت! [} يلا بس هناك نعيش مع الطبيعة. و لا عنتر نط و لا لاب طوب و لا هم يحزنون.فمسلن الواحد ممكن عادي يتغدى نيم و يحلي قُضيم؛ بعدين نتعشى بي ودگ من (دفرنش) نملة، لأنو حرمانة علينا الرشوشة. و خلطة التغشف دي تگون مكشنة بي فرطافة بصلة گلاب؛ يلا و عليها كوب شاي مدنگل، ساااخن و مقنن بي لبن عشر ومعو كيكة لالوب.و كان ما شبعنا بعد اللهمقة دي گولها نمش نتمها بي تلاتة(گيزان)موية غولاد ليهن فقرة السيف ما يدليها، نظام (تعويم) مغنطيسيگامل ، و گدي. # وأما مع ناس بُلهان و حميري و حمدوك جوووك جوووك ديل فبصراحة خايف من حكاية (كل عامٍ تُرذلون) .أوعلى أحين الفروض نفضل مكانك سرً تمامن كالمنبت ل أرضاً قطعَ و لا ظهراً أراح. لحد ما الخوف ينط لينا فوق تاني ديك عدة جديد. و د ا ل ح ي ش ا ن ال ت ل ا ت ة مؤن تعبان ساي في جزيرة مــالطة
| |
|
|
|
|
|
|
|
|
|
Re: أوسكار المنبر (Re: دفع الله ود الأصيل)
|
لا يا دفع الله ياخ ، فرق السما للواطة ، حمدعبدالغفار "الغايب في الركايب" الله يجيبو ساي
من اجمل والطف ناس حوش بكري ، وهو بنطبق عليهو تماما كلامك في كون الزول كتابتو بتكشف
شخصيتو.
اما صاحبنا عادل امين فهو اديب بلا شك ، لاكين على قول ودالبشرى بدل كاتب سياسي يستحق
اوسكار افضل معاط سياسي ، هو وكبر لو اتفرغو للكتابة الابداعية حيمتعونا جدا ، اقول هذا بكل
انانية كونهم ادرى بما يحرك اقلامهم وما يريدونه من هذا الفضاء او السايفر.
وشكرا على التقريظ
| |
|
|
|
|
|
|
|
|
|
Re: أوسكار المنبر (Re: Abdullah Idrees)
|
| Quote: كيف ممكن تتجاوز ما قام بيه اليندي والفاتح ميرغني وعبير خيري وسفيان نابري وعمر الفاروق وغيرهم |
فعلا دي أرقام لا يمكن تجاوزها ياباسط
ومهما اجتهدنا ستسقط منا أرقام واسماء عظام،
ولكن فكرة الاوسكار ان تتجدد جوائزها سنويا لتشجيع اخر انتاج
وفكرة البوست تدعم بالإضافة لتشجيع الحاضرين، تفقد الغائبين وذكرهم..
وهذه مسؤولية اطرحها على الجميع،
إلا انني اذكر على سبيل المثال لا الحصر كل من العمالقة الغائبين:
في مجال الرواية والادب:
-بشري الفاضل
-عبد الله جماع
- محسن خالد
- الموصلي
- الفاتح جبره
- طارق جبريل
،
وفي مجال العلوم الرياضة والاجتماعيات والفن :
- عمر الفاروق
- طلحة خخخ
- اساسي
- فيصل نوبي
- د. فردوس
- د. هاشم
-د. منير
-طارق ابو عبيدة
- ياسر العيلفون
- ناذر الخليفة
.. الخ
ولا ننسى الحضور الجميل لكل من :
-محمد ابو جودة، صحافة وأدب وابداع
-الفاضلابي، ثقافة، ظرافة، حداثة، تراث جميل
وآخرون..
| |
|
|
|
|
|
|
|
|
|
Re: أوسكار المنبر (Re: عمر التاج)
|
Quote: مولانا حافظ دا ما بعالج بس دا طلع مدرب طبي
يعني بدرب البنومو الناس |
كادر طبي ومابعالج دي زي ( رقاصة وبترؤص ) بتاعة عادل امام
وذكرتني بدورة تدريبة اسمها تدريب المدربين على .....
المدرب الجابوه لينا عشان يدربنا طلع أي كلام ..
قمت سألته هو كان بدرب شنو قبل ما يدربنا نحن كمتدربين
فقال والله ما حصل اشتغلت مدرب أصلن
ودي حالة بتشبه تماما حالة مدرب الكورة البكون مالعب كورة خالص
المهم .. مولانا ده اشتغل مدرب وربما بعد يكتسب خبرة يشتغل تنويم مباشرة ، ومايحتاج حد يدربه للمهنة الجديدة ..
..
..
| Quote: تطلع من كلامي دا كله بإنه وراه زعلة لأنه إتخطاني التصنيف؟ |
الله لا جاب الزعل يا عبد الصمد ، فقد كنت بمزح معاك وفكرة البوست أصلا بعيدة تماما عن الزعل ..
بالعكس ، هي فرصة للفرح والمرح وتصفية الحسابات .. الدنيا دي مامضمونة تعيش فيها يوم تاني عشان تزعل او تزعل الناس ..
وبمناسبة المزاح ، اتذكرت الحبيب د. امير بوب ، بتاع الموسيقى والشعر والطب والفكاهة وكل شئ، بس ما حانرشحه لجائزة لحدي ما يجي يورينا تخصصه في المنبر شنو بالضبط؟
وبمناسبة الزعل والروح الرياضية اسمح لي بكل صدق أرحب بترشيح الأخ عماد أحمد لواحد من خصومي التنظيريين في المنبر .. وهو
..
..
| Quote: عبد العظيم عثمان ممتاز في التحليل السياسي وتنبؤاته بتتحق دائما نسيته الزول الجميل ده |
عبد العظيم راجل جميل و باله طويل ومتمكن من أدوات التحليل والنقاش ، يستحق الترشح لجائزة تحليلية
بس مشكلته من التوابع (وجه باسم)
| |
|
|
|
|
|
|
|
|
|
|
Re: أوسكار المنبر (Re: دفع الله ود الأصيل)
|
تحياتي الحبيب صلاح الزبير
وشكرا على ترشيحي لاحد الجوائز ، يكفيني في هذا البوست
أن أزرع البسمة والأمل في الجميع ، وأن نحرك معا بعض الدوائر الساكنة في المنبر ..
Quote: بعدين حكاية أنا ظريف دي حا تبوظ لي
الدنيا ... وحا تخليني ادي جضمي الشمال
لكل من ضربني كف في جضمي اليمين ....
غايتو انا برشح ليك علاء سيد احمد الرجل
الدايمن محترم وظريف مهما حصل من حوله ... |
طبعا كونك ظريف دي مافيها اتنين تلاتة .. وزيد عليها مثقف ومؤهل تقنيا ووجيه وحريف
والأخيرة دي خت تحتها ثلاثة خطوط ..
وطبعا الظرافة لا تعني الاستسلام ، فيا ما في المدينة من ظرفاء شفاتة
وبصفة الشفاتة والحرفنة تكون اكتملت مع أبو حسين وود البشرى ثائرا كاملا ..
الشئ التاني ، أنا في ناس خاتيلهم جوائز الخواص ..
اختصصتهم لنفسي ، حبا وتمني
برتاح جدا لمداخلاتهم ، وبنتعش لما أجدهم في بوستاتي أو بوستات الغير ..
هؤلاء هم الأحبة قبل أن يكونوا كتابا .. و أذكر منهم :
-عثمان عووضة
-علي عبد الوهاب
-درديري كباشي
-عاصم علي
-ناصر أمين
-علاء سيد احمد
-جلالدونا
-الفاضلابي
ومن الزميلات شابة أن ذكرتها سيقول السفهاء من الناس ( وقعت و اتكسرت )
لذا فلتسمح لي بأن أكننها في نفسي ..
| |
|
|
|
|
|
|
|
|
|
Re: أوسكار المنبر (Re: دفع الله ود الأصيل)
|
Quote:
لا يا دفع الله ياخ ، فرق السما للواطة ، حمد عبدالغفار "الغايب في الركايب" الله يجيبو ساي
من اجمل والطف ناس حوش بكري ، وهو بنطبق عليهو تماما كلامك في كون الزول كتابتو
بتكشف شخصيتو.
|
أها كان كدي يا ود دريس علا تكون قاصد حمد لببد ههههه أما الوريف حمد عبدا لغفار عمر فود حفرتي من حنتوب الجميلة. تلاقينا هنا بعد طول نجعة دمت لأكتر من ثُلث قرن . يوم كنت كانت عمل بوست بعنوان غربة و وطن و آخر بعنوان هل نشبه حرفنا فجاء تداخل معاي بكيمات معدودتاتٍ فيهنَّ ما قل و دل َّ قال لي: سلام دفع الله ، الحروف المرحة التلقائية تشبهني في غالب الاحيان الجدية والصرامة ترهقني ولكنها احيانا اخرى تصبح حتمية ولازمةانا اكره سجن القوالب. فطالي عرفت ليك زولي و قبضتو قلتلو تعل هنا ، وينك يا حمد و أنا لي زمان بفتش ليكا فى التاريخ وأسأل عنك الأجداد ... وأسأل عنك المستقبل اللّسع سنينو بعاد بفتش لكا فى اللوحات ... محل الخاطر الما عادو فى شهقة لون و تكية خط و فى أحزان عيون الناسوفى الضل الوقف ما زاد.. # فمرق و جاني بالراحة في الخاص فكان اللقاء أسفيراُ بالحاضان: كيفك يا دفع الله طبعا فترة حنتوب دي قاربت للأربعين سنة لكن ملامحك طبعا قريبة بس الواحد ما قادر أركز لطول الفترة وعلى ما يبدون انك من مناطقنا ديك كنت في ياتو داخلية ودفعة كم انتا. # تسلم أخوي حمد يا أغلى من غالي، و حصل لي شرف عظبم أخوگ شيبة ما تغرگ التفة دي. بس الءاگرة لسةحديد.دفعة( 78_80).داخلية جماع ، مننا و الدروة. بس إتا لو ياگا تقريبا .گنت في عنجة. و لو من شادلي او مريود تلقاني حولگ يمين و شمال و لكن زول خلا ساي باقي عقابي بالشرق نواحي حنتوب و لا عن مشارف ضهاري تمبول .و إنتا زاتك يا ود دريس كشكل ماك بعيد من رِدتنا و سألناك لكن الحكاية دي شايفك معطها ساي عمومن نحن ضد ا لجهوية و بالمناسبة دي فاتحين بوست بهناك لنبذ العنصرية المقنعة فيا ريت تدجي تتاوق.
| |
|
|
|
|
|
|
|
|
|
Re: أوسكار المنبر (Re: دفع الله ود الأصيل)
|
يا سلام يا ود الحيشان التلاتة
اندياح و تنسم عبق التاريخ و الذكريات الجميلة في حنتوب الجميلة
و مثلها و في آخر زيارة لي لبخت الرضاء رائتها كالنخلة العجفاء
تغيرت و تبدلت خرطتها و دروبها التي مشينا في جنباتها سنوات طوال
كانت حافلة بالجد و الجهد المبزول و المثابرة
لا بارك الله في الكيزان دمروا كل شئ
| |
|
|
|
|
|
|
|
|
|
Re: أوسكار المنبر (Re: خضر الطيب)
|
© أي والله يا خِدِر، تلك شجون أثارها لدي ضيف عزيز كان على
(ظلال الأصيل) ذات أصيلٍ رايق على شاشة الشروق، هو إبراهيم البُزَعي.
كان لقاءً و لاااااااااا أمتع؛ عاد بنا القهقرَى لأيام ظرفاء حنتوب: ناس باديرا،
ود أب ظن - أحمد منقة - محمد عبدالله حنقة . و للأمانة ، فكل هؤلاء سبقوني
لانيما جوكلين لها الدرجة ؛ و لكن ظلت تجمعنا بهم سنوياً ليالي الخريجين
الملاحمنهم من قضى نحبه فلم يعُد له أثرٌ عدَ عينٍ ، و من لا يزال ينتظر
منهم . فرجاء إذا كانو باقين على قيد الحياة أن يذكرنا و لو خالياً، بخير.
عمومن ، رفقاً بأوسكار ود التاج ما دايرين نقلبو ليه فراش بكا.
و لكن ح أدعوك يوم يبوست ثنائي عنتلكما الجميلتين و( الوحوش)
خور طقت و حنتوب نوري الما عرافين كيف كانت الحياة هناك.
#بس معاي واحدة لود أب ظن بحكيها ليك حتى لو ودا لتاج يكرشنا من أوسكارو
يلا ، سحن سحن .. غرامة غرامة . فكان من ظرفاء قاع المدينة في حنتوب الجميله .
فمرة كنا على خشبة مسرحبنا نقدم مسرحية ( The Importance of Being Earnest)
لOscar Wilde ؛ و قام ود أب طن طارت منو جملة من النص؛ فقرر يخرج يطش نهائي
من السيناريو برمته.و يلا قعد يتلفت جاي و جاي؛عاين في نص الجمهور بس ربك رب الخير
عينو وقعت ليك أخونا أحمد منقة نقشو من هنوك ؛ كان راجل مسالم و هادي جدن و بتاع
رياضبات أدشنل ( الزيو گنا نسميهم الترزية من طول انجعاصتم للگسر و القرايو |أم دق )،
لاكينو متلش و شكلو بصراحة فعلن شرامي و شين لامن يكطع الخميرة من بت النممل زاتو.
∆ قام ود أب ظن يگورك ليه: ي ود منقة هووي تعال هنا ياخ جيب سفة بالله!!
- أخونا اتنفخ زعلوقف تِنِق: يا زول منو القالك أنا قاعد أسف، تسف جردقة الرماد إن
شاء الله الييكيل حمَّاد. هسي مالك علينا ياخ مجهجه باكاتنا في صمت خشَمنا قدام الناس!؟
- ود أب ظن مصر على اللداحة: و الله ي منقة من شكلك دا ساي ، موش بتسف، يمكن بتلفها
زاتو و لا بتاع گرستال عديل؛ و لأنو المعطيات كولهن عندك بس إنتا الماك قادر تبرهن!!
(عدل بواسطة دفع الله ود الأصيل on 10-08-2019, 12:45 PM)
(عدل بواسطة دفع الله ود الأصيل on 10-08-2019, 12:54 PM)
| |
|
|
|
|
|
|
|
|
 Re: أوسكار المنبر (Re: دفع الله ود الأصيل)
|
بمناسبة طلحة خخخ.. وين اخونا ده؟
تصدق يوم من ذات الايام كان صاحبي.
و الله في ناس كتاباتهم دمها خفيف.. ود المدير عادل المغاط... هوي ما سميتك انا اسال.... و كمان طلحة خخخخ..و المستنير.. و اخرين لا استطيع اتذكرهم
| |
|
|
|
|
|
|
|
|
|
Re: أوسكار المنبر (Re: محمد عبد الله الحسين)
|
| Quote: كلمة أنه ود عطبرة براها تكفي أنه يكون أظرف زول وألطف زول واحن زول وأكتر زول كتاب |
وأنا أقول أنا وأخوي صلاح الزبير ده جبنا اللطافة من وين ؟
أتاري أنا منتمي لعطبرة انتماءاً حثيثا وكان من المفترض تكون جزءا مني لولا الأقدار ، المهم ما بعدنا إلا ود الزبير شكله أقرب لبربر ..
..
..
| Quote: أما الوريف حمد عبدا لغفار عمر فود حفرتي من حنتوب الجميلة |
يا سلام يااخ .. الراجل ده كتاب للطيش ومن أظرف ظرفاء البورد ، غيابه فقد كبير وحقو الناس تفقده
والراجل كمان طلع عنده مقدرات تمثيلية ممتازة ، وأعتقد له فيديوهات جيدة في اليوتيوب
والشئ بالشي يذكر ، نتذكر اخونا الظريف والوريف ، حيدر ميرغني، غيبتك طالت يا حيدر
والكاتب السياسي المخضرم الساخر حيدر جني ، الراجل يطل علينا نادرا من بين مشغولياته
وكذلك الكاتب الدسيس ، الراجل البارع في القصة والحكي ، وسفيان باشري صاحب الطلة البهية والحرف الانيق
ولا ننسي كاتبنا الجميل : الصديق فيصل خليل ، وبوستاته المميزة والهادفة والساخرة في نفس الوقت
وصديقنا فرح أبو روضة ، والذي يبدو أن السياسة أو المشغوليات حالت دونه عنا ..
وأبا جهينة وود البوش وذا اليد وحبيبنا خالد المنسي ، أهل الدراية بالتراث والشعر ..
ود هاشم الحسن وصبري الشريف وسناري وطراوة وأولاد المسلمي وتبلدينا وقصي ومحمد جلال والهادي الشغيل والطوخي .. أهل الظرافة والعلم
وحميدة وحيدر الزين وسوداني العجوز وسيف الدين بابكر و محمد حمزة وبشاشا وقريمان وأبو الريش
هذا ما خطر ببالنا الان -من الرجال- والبقية تأتي تباعا حتى يعودوا لحضن سودانيز
أما جانب النساء فسنخصص له مداخلة دسمة ، وعلى الستات اسعاف ذاكرتنا هنا أو هناك ..
..
..
| Quote: طلحة خخخخ..و المستنير.. و اخرين لا استطيع اتذكرهم |
طلحة راجل فنان والمستنير راجل موسوعي ، بس الاتنين أتوقع ما بشبهو المكان ده لأنهم مغرورين
| |
|
|
|
|
|
|
|
|
|
Re: أوسكار المنبر (Re: عمر التاج)
|
تمام يا ود الحيشان
محمد او احمد عبد الله حنقة دا كان زميلنا و الدفعة القبلنا
المدة طالت ما متذكر ياتو فيهم
لكن عشان يستمر بوست اخونا و دا التاج
نشوف لينا بوست و وكت للذكريات دي
متى ما توفر الوقت
| |
|
|
|
|
|
|
|
|
 Re: أوسكار المنبر (Re: خضر الطيب)
|
تحياتي يا صديقي..
شكراً من قلبي على التذكر والإشادة
والله لولا الحبيبة نعمات عماد..ما كنت كتبت فد بيت هنا
دي ساحات للكبار في (كل شي)
تماضر لا تنافسهم ولا تستطيع مجاراتهم
دخلت المنبر لأكتب وأشارك بما يخفف علي من شدة تركيز هموم وأحزان الحياة
وحدس ما حدس
في شعراء حقيقيين هنا
كلهم.... لهم كل الود والتقدير
وسلام للجميع أعلاه
| |
|
|
|
|
|
|
|
|
|
Re: أوسكار المنبر (Re: عمر التاج)
|
نعود لأيام الثورة ، والتي اعتبرناها معيارا أساسيا لمنح جوائز هذا الأوسكار ..
نعود لتلك الأيام ونذكر أكثر الناس نشاطا في تلك الفترة ، عسى أن نذكرهم و نعطيهم بعض الحق ..
ونبدأ بالمناضل :
علي دفع الله (العضو الوحيد الذي عرف عن أنه استشهد أو اعتقل من بين البورداب في هذه الثورة)
- عاصم علي ، حضور وحشد ومتابعة ، وطاقة جبارة في الرصد والتحليل
- عارف ناشد ، متابعة لصيقة وبوستات ناقدة ومداخلات بناءة وراكزة
- خضر الطيب، متابعة قريبة وأخبار وأنباء مستدامة ومشاركات ممتازة ..
- باشمهندس منير ، حضور طاغي وآرء نيرة
- محمد البشرى الخضر، مراقب المنبر وفحيص مواده والذي لاتخطئ نتائجه ..
- منتصر عبد الباسط : نشاط ثاقب ومتابعة ممتازة وتحليلات وآراء نيرة
- آمنة مختار، المرأة الحديدية التي لا تلين ، قوة في الطرح وثبات على المبدأ
- امتثال عبد الله ، شعلة النور وبريق العابرين على المنبر
د. اخلاص ، الأنيقة الشفافة ، صاحبة القدح المعلى في التنوير والطرح
نور تاور، النور النسائي الذي كان يشرق كل صباح على المنبر
- هاشم الحسن : بذل العلم والمعرفة بابداع أدب ..
- أسامة الخواض : شعلة النور التي كانت تهدي المنبر ألق الثورة
- جمال ود القوز ، الرجل الراكز علما وفهما وحادثة ، الراقي أصله ومداده
- محجوب عبد الله ، الفتى المثقف الواعي ، البارع الفارع علما ومنطقا
- عبد الله ادريس، العالم المثقف صاحب المداخلات الذكية والحضور الذهني البديع
- محمد المشرف : الرجل الهامة القامة ، الذي شغله عنا الفيس وما ان يحضر حتى تحضر معه ملائكة الكتابة والأدب .
- عبد اللطيف حسن ، كاتب بقامة كاتب ، مثقف مبدع أصيل.
- الزبير بشير ، صاحب الفهم الراقي والابتسامة الشفافة تكاد تلمسها من حروفه
- كمال عباس، الرجل الموسوعي الذي قل ما تخطئ حروفه صوابها ..
- محمد الشيخ ، الباشمهندس العالم المثقف والسياسي الواعي المخضرم
- علاء سيد أحمد ، الرجل الواعي الأمين المتين ذو القوة في الطرح والفن في الادلاء
- النصري الأمين ، الكاتب الواعي الموضوعي الملم بأوضاع بلده والمدرك لكل أحداثه
- بشير حسـن بشـير ، الكاتب الذي أينما حط قلمه نفع ، نافذ الحرف صحيح الرؤية سليم النظر .
- عمر أبوعاقلة ، الحبيب الأديب الأريب، صاحب الحرف الممشوق والأسلوب الزاهي الباهي
- صديق مهدي، الشاعر المطبوع والاسم المرفوع والحرف المسموع .
- كوستاوي : الفنان العملاق مخزن اسرار البورد والثورة ..
- حامد الصاوي، الكاتب المخضرم ذو الحرف الجبار والفكر المقدار
- ثم آخرين .. لم نذكرهم و الله يذكرهم ، وبذكر الله تطمئن قلوبهم
| |
|
|
|
|
|
|
|
|
|
Re: أوسكار المنبر (Re: عبدالغني محمد الحاج)
|
اخونا عبد الغني الحاج سلامات،
الممثل العالمي الشهير ( أنطوني توماس فلاك)
لما أعلنوا حفل الأوسكار قبل كم سنة كد
جاء خامي شنطة حقت افلام، وقال الليلة عندي عشرة افلام على الأقل فايزين
لما انتهى الحفل وما في زول جاب سيرتو طلع المنصة وبهل شنطتو قدامهم وقال ليهم، عيبوا لي ديل..
الجماعة قالوا ليهو، دي افلام السنة الفاتت وماقبلها
نحن اسه في أفلام الشباب بتاعة السنة دي..
القصة طبعا من تأليفي ومافي ممثل زاتو اسمو أنطوني شنو داك..
بس العبرة انه في ناس عمالقة مثل هشام آدم وعبد الغني الحاج انزووا شوية
ونحن عايزين نسخنهم بالتسجيلات الجديدة لجيل الثورة..
وهي الثورة زاتها شن طعمها، واحد جديد خش في الأوسكار السنة دي مافي..
المهم، انا متذكرك تماما بعمتك المهذبة ديك، ونتذكر عادل الباهي و احمد آدم وطه جعفر وعثمان صالح..
الا قلنا نخلي الناس يشاركوا باصحابهم احسن..
| |
|
|
|
|
|
|
|
|
|
Re: أوسكار المنبر (Re: عمر التاج)
|
منتص
والله كنت عايز اخصص ليك المداخلة دي لوحدك
الا الاسم القصير ده ذكرنا بكاتبنا الضخم عبد الحفيظ ابو سن
لذا فليعفو صاحب السطر القصير المعبر، وصاحب الحكمة الشاملة
لنا تقصيرنا وجفائنا.. وكذا كل البقية.
| |
|
|
|
|
|
|
|
|
|
Re: أوسكار المنبر (Re: عمر التاج)
|
شايف في ناس زعلانين عشان ما شملهم شرف لستة الأوسكار وكده
يا شباب زي ما قال صاحب البوست عمر التاج الموضوع ونسة مرح
وفرح وعثمان ههههه هو بوست مجاملات وكسير بطيخ بارد وأنا وأعوذ
من كلمة أنا شايفو بوست تلميع وتكسيب وتربيح لصاحبه أكتر من توزيع
ألقاب بتاع قوي الشكيمة وذو الرأي السديد ونافذ البصر والبصيرة وأديب
نحرير ومبدع ما عارف شنو كده ... ناس الكتابة الإبداعية وظرفاء المدينة
وشنو ما عارف ممكن نجيب ليك لغتهم السوقية وألفاظهم البذيئة التي أزكمت
النخرين ونخرين الجيران في المنابر المجاورة والدليل صباح اليوم صاحب
المنبر شات ليك بوست من المداخلة التالتة إلي سلة القازورات والنفايات
غايتو إحتمال تقنع دينق, أنا لسه ههههههه
| |
|
|
|
|
|
|
|
|
|
Re: أوسكار المنبر (Re: محمد محمد قاضي)
|
| Quote: يمينبلاي عمر التاج جاب ناس المنبر جت عليهم،،، |
جت شنو يا عمك؟
المنبر ده فيهو 2019 عضو ، وأنا ما جبت إلا 019
البوست ده لو مشى الصفحة الثالثة باذن الله ولحق بوست القضروف داك
أكيد حا نذكر فيه ال 2020 عضو الباقين ..
وبالمناسبة دي غضروفك هو سبب ترشيحك للجائزة الفوق ديك
وصدق المثل عندما قال (رب غضروف خير من ألف بلف )
المهم ، في المداخلات القادمة حانيجيب بقية الأعضاء بعون الله تعالي
وحانجيب الأعضاء الفائزين في الموسم الفائت
والأعضاء الحا يفوزوا في الموسم الجاي وحتى انتخابات 2030
..
..
Quote: شايف في ناس زعلانين عشان ما شملهم شرف لستة الأوسكار وكده
يا شباب زي ما قال صاحب البوست عمر التاج الموضوع ونسة مرح
وفرح وعثمان ههههه هو بوست مجاملات وكسير بطيخ بارد وأنا وأعوذ
من كلمة أنا شايفو بوست تلميع وتكسيب وتربيح لصاحبه أكتر من توزيع
ألقاب بتاع قوي الشكيمة وذو الرأي السديد ونافذ البصر والبصيرة وأديب
نحرير ومبدع ما عارف شنو كده ... ناس الكتابة الإبداعية وظرفاء المدينة
وشنو ما عارف ممكن نجيب ليك لغتهم السوقية وألفاظهم البذيئة التي أزكمت
النخرين ونخرين الجيران في المنابر المجاورة والدليل صباح اليوم صاحب
المنبر شات ليك بوست من المداخلة التالتة إلي سلة القازورات والنفايات
غايتو إحتمال تقنع دينق, أنا لسه ههههههه |
أخونا ود القاضي نحن جايين نهدي النفوس ياخ ..
وبعدين اقسم بالله ماناسيك ، وكويس اسمك جاب لينا قائمة ظرفاء قدام جدد ..
فايز ود القاضي ، وتبارك أخو تماضر ، وود القاضي الثالث الكان محبوس في مصر .. شفت اسمك مبرووك كيف؟
المهم في البوست ده ، ورغم أنه حايجيب زعل ناس كتار ، لكن هو بوست مودع عايز يرضي أكبر قدر من الناس
ومافي حل غير نكسر تلج وجليد من طرف ، الناس دي حقيقة أغلبهم بستاهلوا يكسروا ليهم أو يعوضوهم عن حرمان 30 سنة كتابة ..
وبعدين ناس الكتابة التحتانية ديك من حقهم ياخ .. في الفترة الانتقالية الحرية لهم ولسواهم ، بس بالقانون وخارج اطار بوست التسامح ده ..
وطبعا البوست ده زي ما ملاحظ لسه ماشي بجناح واحد في صفحته الأولى ..
الصفحة التانية حا نخصصها للجناح الثاني ..
ما تخاف ، قاصدين جناح الجنس اللطيف ، لسه ما التفتنا ليهم
ولمن يجي دورهن أكيد الشتاء حايحل ، والبرد حايجي ، والمنبر حايتحول فريزر
العايز يكسر تلج يكسر، والعايز يتكسر في صمة خشمة يتكسر
والعايز ينبرش يفرش برش ويصبها ..
وفي النهاية المهم تقتنع انت ، أما الأجانب ديك .. فحا نخصص لهم بوست منفصل
| |
|
|
|
|
|
|
|
|
|
Re: أوسكار المنبر (Re: عمر التاج)
|
صحح معلوماتك يا عمر التاج
المنبر فيه ١٠ الف عضو ومش بس ٢٠١٩ عضو ...ولا انت قاصد ٢٠ الف و١٩ عضو ...
واحتمال البيشاركوا مشاركة فعالة ٢٠١٩ عضو وحوالي ٨ الف بيقرا وا دون المشاركة
..ولا اما ببالغ حبتين ....
| |
|
|
|
|
|
|
|
|
|
Re: أوسكار المنبر (Re: محمد محمد قاضي)
|
Quote: شايف في ناس زعلانين عشان ما شملهم شرف لستة الأوسكار وكده
يا شباب زي ما قال صاحب البوست عمر التاج الموضوع ونسة مرح
وفرح وعثمان ههههه هو بوست مجاملات وكسير بطيخ بارد وأنا وأعوذ
من كلمة أنا شايفو بوست تلميع وتكسيب وتربيح لصاحبه أكتر من توزيع
ألقاب بتاع قوي الشكيمة وذو الرأي السديد ونافذ البصر والبصيرة وأديب
نحرير ومبدع ما عارف شنو كده ... ناس الكتابة الإبداعية وظرفاء المدينة
وشنو ما عارف ممكن نجيب ليك لغتهم السوقية وألفاظهم البذيئة التي أزكمت
النخرين ونخرين الجيران في المنابر المجاورة والدليل صباح اليوم صاحب
المنبر شات ليك بوست من المداخلة التالتة إلي سلة القازورات والنفايات
غايتو إحتمال تقنع دينق, أنا لسه ههههههه |
عاش ابو هاشم
سمكرة
يا تجتوج
في ناس شردو من تكية شيخ العيير جوك بي هنا عايزين نقرعهم منك...
شوف لحدي هسة
انت ما اعلنت اوسكار احسن لاركيس في البورد واحسن صورة بروفايل
وكده ....
امشي دربك اخضر
قومت عليهم العقد ساكت ....السودان تحول الي مصحة بعد الاستفلال لاسباب كثيرة ...الا من رحم ربي
والبورد ده انعكاس للحالة السودانية
| |
|
|
|
|
|
|
|
|
|
Re: أوسكار المنبر (Re: adil amin)
|
Quote: المنبر فيه ١٠ الف عضو ومش بس ٢٠١٩ عضو ...ولا انت قاصد ٢٠ الف و١٩ عضو ...
واحتمال البيشاركوا مشاركة فعالة ٢٠١٩ عضو وحوالي ٨ الف بيقرا وا دون المشاركة
..ولا اما ببالغ حبتين .... |
عشرة تالاف مرة واحدة يا امتثال،
أول مرة اعرف المعلومة دي، ترانا ماساهلين
بس المشكلة وين قاعد الجيش ده؟
حقو تتكون لجنة وتتفقد الناس دي قاعدة وين
ومشكلتها شنو مابتحضر في المنبر العام..
واتخيل لي بوست زي ده ممكن يشجع ناس ويذكرهم انهم أرقام لاتنسى
وممكن يستفذ اخرين للظهور ولو على سبيل الحضور والمجاملة
ومن الان شايف في أسماء كبيرة بدت تظهر من جديد ، امثال:
الكيك، خال فاطمة، بابكر قدور..
وفي كتاب مهرة عادوا قبل فترة وهم أكثر القا مثل:
ابو الريش الخواجة، ومحمد سليمان، ترهاقا، حامد بدوي وآخرون..
نتمنى عودة الكبار الي الملعب من جديد حتى ولو من باب التدريب..
ويابكري البتعزز ادفع ليه واخصم علينا
| |
|
|
|
|
|
|
|
|
|
Re: أوسكار المنبر (Re: عمر التاج)
|
Quote:
▪ ناس حيدر قطامة ، للي ما شافوه لا سمع بيه ،
الكتاب باين من لقبو. و ود الفِتِلِّي دا أشهر شمَّام
بنزين عندنا هناك . لكن برضو يا عمك نسيت حاجات
و ناس من أظرف ظرفاء قاع المدينة ؛ زي أعمامنا ناس
البطل عوض حلاوة (الغايب الحاضر ) ، الصادق ابو العافية |
انت يا ود الحيشان الأربعة (الرابع ده هدية مني مع الأوسكار) ،
الاسماء دي قاعد تجيبها من وين؟
قاع المدينة ده موجود في اي بكان الا المنبر ده
يا كافي البلا وحايد المحن مافيهو قاع مالو؟
ولا حتى سطوح لأولاد ميكي مافي..
يا اخ حقو نطالب بكرى يخصص لينا بنابر جانبية بقاع المنبر (غير الخور طبعا)
عشان الناس تاخد راحتها..
وبالمناسبة دي اتذكرت العلماني الرائع والكاتب الجميل عاصم فقيري ،
لما فتح نفاج لنكات الكبار واخذوا فيه راحتهم..
وبمناسبة الحقيبة ديك يا ود الاصيل،
انت الدبلوماسية علاقتها شنو بالحقيبة؟
يعني ليه ما بقولوا حقيبة ثقافية أو شعرية أو سياسية أو داخلية
يعني بس بقت على الفن والخارجية؟
انا داير اعرف شنطهم الدبلوماسية دي فيها شنو؟
وبعدين حقو الناس تتطور، الحقايب دي في السفر الناس خلوها..
| |
|
|
|
|
|
|
|
|
|
Re: أوسكار المنبر (Re: عمر التاج)
|
Quote: في ناس شردو من تكية شيخ العيير جوك بي هنا عايزين نقرعهم منك...
شوف لحدي هسة
انت ما اعلنت اوسكار احسن لاركيس في البورد واحسن صورة بروفايل |
ناس التكايا ديل يا كبيرنا الا يعملوا ليهم ابراهيم الكاشف
نحن ناس بريئين سياسيا وكنا فاكرين الناس فلوتر زينا كده
لكن ما دام جابت لها ناس تكايا نتحدث بعمق تاني، ولا نشتغل رصد ساااكت.
أما إذا دار محور سؤالك عن الأمور الشكليه، فده حايكون موضوع ملحق في البوست بإذن الله
بس ان شاء الله الناس تساعدنا بالصور..
وبالمناسبة دي، صور البروفايل دي موضوع اوسكار لوحده،
وفن جميل بيمارسه بعض المبدعين..
في ناس لديهم صور بروفايل مميزة وثابته منذ معرفتنا لهم في المنبر
وفي بروفايلات بتشدك وبتجذبك من غير موضوع، وخاصة لما يكون فيها انيميشن
خذ عندك بروفايل بيلي الفوق داك، تحفة فنيه راسخة في الاذهان لفترة طويلة
أيضا بروفايل زميلنا الغائب اساسي، برق خلاب به غموض جاذب
وكذلك بروفايل اخونا محمد سليمان، قصة ورواية في صورة واحدة..
أما أكثر بروفايل عجيب وغريب في اعتقادي هو بروفايل زميلنا الغائب تبارك شيخ الدين.
وجود الصورة الحقيقية برضو مهم في البروفايل،
فبعض الأعضاء تظل صورهم راسخة في الاذهان حتى وإن نسي الناس الاسماء
وفي هذا المقام اتمنى يضع الناس صورهم الحقيقية حتى ولو كانت قديمة زي حقتي دي..
حتى يتعرف الناس عليهم أكثر..
ده طبعا بالنسبة للستين، اما بالنسبة للستات، فبنقول يلا اظهرن، زمن الغتغتة والدسديس خلاص انتهى
| |
|
|
|
|
|
|
|
|
|
Re: أوسكار المنبر (Re: عمر التاج)
|
Quote: يا عمر ما قلنا ما دايرين سيرة القشرون
دا تاني،، |
انا زاتي كنت داير أقول كده
لكن عصابة ابوحسين دي ما عايزة تلم الموضوع
طيب الحل في شنو؟ الحل في البتاع
يعني نحن نقوم نسمي الغضروف بتاع،
وتاني مانجيب سيرته في البوست ده ابدا
وإذا استدعى الأمر نجيب سيرته طوالي نقول البتاع
يقوموا الناس يفهموا ان البتاع هو ايه؟
هو الغضروف طبعا عشان الناس ماتنسي..
وبي كده نكون نسينا هذه الذكرى للأبد..
خلاص اتفقنا؟
الحمد لله..
بس قبل ما نسمع رايك، طمنا على البتاع انشالله خف؟
| |
|
|
|
|
|
|
|
|
|
Re: أوسكار المنبر (Re: عمر التاج)
|
اهلا ود التاج
وأهلا بود البيلي الذي قال محقّاً:
| Quote: وضع الإثنين في فئة واحدة فيه ظلمٌ لـ .. أحدهما. |
ودالأصيل هو المظلوم ...
| |
|
|
|
|
|
|
|
|
|
Re: أوسكار المنبر (Re: osama elkhawad)
|
Quote: ودالأصيل هو المظلوم ...
|
ربما جاء كلامي السابق ملتبساً أو حمّال أوجه .. لكنْ ما باليد حيلة.
وددت لو أنني كنتُ أكثر جرأة.. رغم أنني لا أخشى (في الأدب) لومة لائم.
وبما أن في فمي ماءً.
فإنني أكتفي بالقول: ما أبلغك يا خوّاض.
| |
|
|
|
|
|
|
|
|
|
Re: أوسكار المنبر (Re: osama elkhawad)
|
تحياتي حبيبنا الخواض ، بصعودك على منصة التتويج أشرقت أنوار الاوسكار
| Quote: لولا اختلاف الاذواق لبارت السلع |
ولولا اختلاف المعروض لاختفت حيرة الناس في التذوق والاختيار
احتفالاتنا هنا ليست لمجرد جائزة تمنح لميسي أو رونالدو
بل هي احتفاء بطعم الكتابة والابداع من مختلف مدارس الفكر والكتابة
مدرسة الخواض المتجددة مدرسة عظيمة لها رواد كثر في المنبر والمنابر المجاورة
والإنتاج الذي تقدمه يمكن وصفه بالجودة والاتقان والرؤية البعيدة العميقة ، وإن تباعدت فصوله في المنبر
وهي عندما تمتزج بمدارس العطاء المميز المتصل - كعطاء الأصيل - انما تكمل مشهد الابداع في المنبر وتعمق متعة المتلقي
لذا فنحن في البوست نحتفي بهذا الاختلاف الرشيد، ونحتفل بالتنوع في اطار الصنف الواحد والاطار الموحد للكتابة
قبل أن نعطي أصحاب الحقوق بعض حقوقها في الشكر والامتنان
| |
|
|
|
|
|
|
|
|
|
Re: أوسكار المنبر (Re: عمر التاج)
|
السلام عليكم ورحمة الله تعالى وبركاته،،
وفي وُدٍّ وسيع، أقول: التحايا للجميع، وعلى "رأس أوسكارهم" قريبي ذي النعمة الباذخة في "مَلَكان الوقت" .. وهو ذاته الوقت الذي قيل فيه: إن لم تقطعه كــ عُمَر..! قطَعَك ولو كانت "قُماشتك" كَمَر
أشكرك عزيزي ودالتّاج، أن عملتَ لناUpdating بهذه الطلعة البوستية الذكية، وكدا..
وأمَنِّي النفس بالطبع - أو اللّبْع!- أن أقرأ تعليقك بعد حينٍ من الدهر، عن بوستك هذا " أوسكار المنبر" وهل سيظلّ شيئاً مذكورا ..؟!
زادك المولى عِــزّاً وملأ أثوابك بِــرّاً بآل-بوردَك ..
ودمتم في أمنٍ وسلام ..
على الدّوام، رامين قِــدّام
| |
|
|
|
|
|
|
|
|
|
Re: أوسكار المنبر (Re: محمد أبوجودة)
|
Quote:
انت يا ود الحيشان الأربعة (الرابع ده هدية مني مع
الأوسكار) ،الاسماء دي قاعد تجيبها من وين؟
قاع المدينة ده موجود في اي بكان الا المنبر ده
يا كافي البلا وحايد المحن مافيهو قاع مالو؟
|
تعرف يا ود التاج بوستك دا لو ما فيه أي محمدة يكفيه أبداعاً أنو طَلَّع لينا من جواك كاتب نحرير تجيد سخرية اللعب بالأفاظ و حشر شوارد بنت عدنان في قمقم كوميديا سوداء ش.ديدة الطعامة مع شوية لذوعة في الحداقة . # ناس قطامة و عوض حلاوة و أبو العافية ديل الله لا و راك ياهم ياخ مالك إتا و مال الحاجات الغميسة دي . لو دايرا خوش على عمك غوعل في الخاس. # كان لي قيعان المدينة دي خشوم بيوت و كل قاع ليه ظرفاؤه. فزي ما في عطبرة عندك حي الداخلة و الرديف في كل من كوستي و بارا والأبيض أطن ، وأحياء الصقور (بمعناها الحميد ، طبعن) ما تعرف وين كدا. المهم في مدني عندنا برضك حاجاتنا الخاسة جدن زي كونو مسلن الحلة الجديدة دي غايتو لامن نسمع زول في ما يطلبه المستمعون بيهدي أغنية لواحد أو واحدة في الحلة الحديدة الخرطوم عادي مافيها حاجة غلت ، بس نحنا بنخُت يدينا فوق روسينا ونقوم جاريين. لأنو التسمية هناك ليها مغزى تاني خالس بعيد كل البعد. # ياخي سرقنا الكلام قالو اللسان جباد البلا والكراع جبادت شنو كدا ماعارف. ياخ أنا ماني عارف ظاتو تاني الجابني بهناه شنو . رغم إني قررت من أمس أنزوي بعيد قلنا نفسح المجال يمكن يجوكم ضيوف من الكبار ناس أبو ظلوف و ما تعرف مين كدا. ياخي الواحد تخصو بالمودة عديل كدا، يقوم يطنشك . معليش ما علينا و من الليلة دي أخوك اسمي تبار سبيل يعني للغاشي والماشي يشرب و يخت (الكوز) و يمش. # بس بمناسبة يجوكم ضيوف دي عندي ليك نكتة على جنب . عمك دا مستنح دخل المطعم طلب لو جقاجق أدوه ياها شالا ومرق صنقر بها برة جاهو الجرسون يا حاج قوم فوق على الطرابيز جوة فاضية. قاللو لا لا يا ولدي يبقى يجوكم ضيوف. يعنيشفتك ليك جنس محن؟!! أنا ماني ضيف شغل بلبصة عملك عاوز يضرب الجقاجق ملح ويشتت.
| |
|
|
|
|
|
|
|
|
|
Re: أوسكار المنبر (Re: دفع الله ود الأصيل)
|
أعجبتني يا ودالتاج دبلوماسيتك المهذبة اللطيفة..
الأوّل مين؟
عادل أمين؟
العبدلله مريخابي متقاعد، لا اعرف الآن من اسماء لاعبيه إلا مهندس الوسط عادل امين والراحل المقيم سامي عزالدين وحامد بريمة و غيرهم من الكوكبة الفريدة..
| |
|
|
|
|
|
|
|
|
|
Re: أوسكار المنبر (Re: osama elkhawad)
|
حبابك صديقي الصحفي الجميل صاحب الحرف الاصيل والظل الظليل والادب الجليل؛ محمد ابو جودة
Quote: وأمَنِّي النفس بالطبع - أو اللّبْع!- أن أقرأ تعليقك بعد حينٍ من الدهر، عن بوستك هذا " أوسكار المنبر" وهل سيظلّ شيئاً مذكورا ..؟!
|
أولا التحايا لك مثنى وثلاث والي الابد..
ثانيا الله يقدرنا على شكرك وحسن مطالعتك
ويقدرك على الطلة علينا وكفايتنا مما أتاك الله
ستظل فوق كل اوسكار وعلى كل صدر بوست ان بقى المنبر
وأن رحلنا فالوصية بالمهلة للشباب.. لاتنسوا ذلك الجيل الذي افني وافتى
ولاتنسوا هذا الحفل كل حين.
| |
|
|
|
|
|
|
|
|
|
Re: أوسكار المنبر (Re: osama elkhawad)
|
Quote:
ولولا اختلاف المعروض لاختفت حيرة الناس في التذوق والاختيار
احتفالاتنا هنا ليست لمجرد جائزة تمنح لميسي أو رونالدو
بل هي احتفاء بطعم الكتابة والابداع من مختلف مدارس الفكر والكتابة
|
[} تسمح لي يا ود التاج المرة دي أجيك بوش تاني ( كاضم تب لامن ينعل قفاه ظاطو). تعرف بوستك دا شكلو ح يجيب لينا كتاحة الهوى الغلاب. بقى شكلو سلاح ذا حدَّيْنِ داميين. و المضحكني بالجد إنو ناس بالهامات السمهرية دي بدت تصدق إ نو في أوسكار صحي ياخوانا الشاي الشاي بي جاي و مي موية صحة و معاوكيكا. ف كدي قولو بسم الله دي و نسة ساي لعبة كُوضُّم كوضًّم زي صفرجتْ و حرينا و سجارةم مين جازاك. [} بعدنك هو ود التج دا ما حيلتوش اللاضا، زيو و زي حلاتي نا حال كلينا كحال معاوية ابن أبي سُفيان رضي الله عنه و أبي الجهم ، إذ تقدم كلاهما لخطبة فَاطِمةَ بنْتِ قَيْسٍ رَضِيَ اللَّه عَنْها قَالَتْ: أَتيْتُ النبيَّ ﷺ، فقُلْتُ: إنَّ أَبَا الجَهْمِ ومُعاوِيةَ خَطباني؟ فَقَالَ رسُولُ اللَّهِ ﷺ: أمَّا مُعَاوِيةُ، فَصُعْلُوكٌلاَ مالَ لَهُ، وأمَّا أَبُو الجَهْمِ فَلاَ يضَعُ العَصا عنْ عاتِقِهِ والمعنى إمَّا أنه كثير الأسفار و إمَّا أنه يضرب النساء. [} ما علينا المهم الناس اللي انطلت عليه اللعبة دي حالا يحنن وقاااالت كدي عاد هاجت اللمة و ماجت و علا فحيح الحناجر ،أزيز المنابر و نشيج المحابر ، و تفرح المحاور و نقيق الضفادعليحتدم النقاش حيث قامت تنتفخ أوداج تتناتش بنات أفكار و تتناطح أبقار و تتشابك حنابل أمطارو تتلاطم أ مواح محيطات و تسوناميهات بحار لتكشف عن أهواء نفوس حتى صار الود حبيساً بين الماء و بين النار [} تعرف أمتع مافي بوستك دا قصتك الكطعتها لينا من راسك نجرأخدر ديك إنو مخرج سينمائي اسمو ود الفِتِلِّي كان جاي حفل توزيع الأوسكارات و على ضمان فايز شايل على كتفو بقجة مليانة أفلام بالية أبيض و أسود من أيام ريا وسكينة و لامن فطَّوه وزول ما جب لو خبر قام على المنصبة كبليهم محتويات القفة و قاللهم كدي عيبو لي واحد من ديل . فجاءه الرد مفحِماً إنو ليس الفتىما قال كان يا ما كان أنا و إنما الفتى من يقول الآن ها أنا ذا. بصراحة كانت قوبة منك يا عمر. [} أما نحن ناس قريعتي راحت والله يا ريت لو في طريقة نعمل جراحة قلب مفتوح عشان نوري الناس دي عياناً بياناً إننا أننا فعلن تيرا سبيل ، نسع الكل بدواخلنا بدون فرز أو تمييز. و لو بلغ تعدادهم زبد البحر و ملح الأرض لاحتوينا هم و لوجدني ياصديقي كفكفتُ عبراتي و فرشتُ دربك بمنديلي المبلل بدمع العاشقين. حتي لم نعد نميز أيُّ قلبينا ذاك الذي يدق نابضاً بين صدرينا بإكسير الحياة ! نظراتك تفتت قسمات وجهي إلي دوائرمن بخار ٍ.أنفاسك ترقى إلي على من مراقي خيالي. إنها هفافةٌ بحيث تهش منابت شاربي حين تمر عليه من حين إلى حين. ألا أيها الليلُ البهيم الطويلُ، ي امانح الدنيا همساً يمر مراً كبساط ريحٍ و يجعل البوح نشوى و السهر حُمَّى و الهجود عبادةً و النجوم نيامٌ تتعثر على آثارها قدمايَ بقارعة الطريقِ.. فيندلقُ إبريق الرحيقُ!! [} هذا مع زهدنا في أن يكون أيُّ أحدٍ على طهارة كافية ليقرأ لنا حرفاً مما نكت كشأن الكلب إن تحمل عليهنا يكتب أو تتركنا نكتب لدرجة بتنا على قناعة إنو البيقرو لينا ديل ما هم سراي الليل بالأوراد شادين الحيل . حسبنا كلما أحسسنا نسائم الصباح الرباح تُانق أهداب شعر لحانا ليقشع النعاس على شوية عفاريت من الجن و بنات إبليس ، عشان كدا لامن نفتح الصباح بقينا نتجنب (البسملة) كلما نحس أنسام الصباح الرباح تلاطفنا عليلةً كلما نحس ليقشع النعاس رموشه المسدلة على أجفاننا ليذهب جفاء فنتفض گشأنگل المتثائبين، مودعين أديم الخلود و التثاقل إلى أفرشة النومإلى براحات الكدح وراء سبل الكسب الشريف للقمة العيش النظيفةوسط صرير العجلات يصدر عن رگشات لها خوار، تشق دروبها هي الأخرى: كررررررررر ، تارة فوق بقايا أسفلت كان هنا ، ثم غدا حطام أثر بعد عين ؛ و تارة أخرى فوق الترابالبواح بطرق ملتوية و مختصرة نحو وجهات الهدف. [} ملصقات الصورة الحزينة للراحل/( الحوت) معلقة أمام السائقين..بعضهامصمم لغلاف ألبوم ذائع الصيت و واسع الانتشار ، منقوش عليها : (... ساب البلد ). و بعضٌ منها آخر ملصقة حتى على مؤخرات(حمير اللبن). الشاهد طبعن إنو ذاگ يأتي گدليلٍ دامغٍ على أن هذه { الأمة بتحب النبي، مافي اتنينتلاتة و محمود أگيد بحب الرسول}. * دا حالو دي باختصار شديد يا دكتور عمر التاج حارطة نفسية لأخوك من جوة!! ود الأيل (تيار سبيل )
| |
|
|
|
|
|
|
|
|
|
Re: أوسكار المنبر (Re: دفع الله ود الأصيل)
|
Quote: ناس قطامة و عوض حلاوة و أبو العافية ديل الله لا و راك ياهم ياخ مالك
إتا و مال الحاجات الغميسة دي . لو دايرا خوش على عمك غوعل في الخاس. |
ود الاصيل الله يجازيك يا اخي وما ينشف ليك سن قلم، ولا يبيض ليك مداد، يا اخي انت ما تجي معانا تكتب؟
-اكتب وين؟
-بس انت اكتب وحاتعرف تكتب وين.. أو كما قال عادل امام..
انت ما شاء الله راجل ملم بنواصي الكلم، وعارف دريبات ناس مدني وجخينات ناس عطبرة وما بعيد تكون (اتشفت) مع شفاتة برى ولا اتقرضمت مع الديامة، لا وكمان متخصص في الخاص، حتى خاص عمك قوقل عارفه، الله يخليك لينا يا اخي وتعمل لينا خاص بكرى برضه..
ناس الخواض ديل يا أصيل بلعبوا في الدوري الأوربي، يعني محترفين كتابة، بكرى جابهم عشان يسخنوا الدوري بتاعه الا هم بيلعبوا معانا بي قزقزة كده ما (مان تو مان) زي ماقالت مدربة منتخبنا النسائي لكرة القدم، طبعا ليهم حق يكونوا خايفين من ناس برشم الهنا يعوقوهم، عشان كده بيجيبوا لينا خلاصات مهاراتهم الخارجية الفازوا بيها في بلاد بره، وبيظهروا م
عندنا زي محمد صلاح لما يلعب مع الفريق المصري ويخم الجوائز ويرجع بلاد بره، ولكن ليك على لو ما كتبهم السبقتهم للمنبر ده كانوا حايبقوا زي ناس قريحتي التاج ده، الواحد يكتب بي جي والسيل يشيل بي هناك، والسيل والخور والطبلة تعرفني.. الخ، وبعد كده لما اجي السودان بفتش لي كتب الخواض ودفع الله الاصيل عشان اتسلى بيها في الغربة، بلقى للخواض بعض شوارد مطبوعة، ولود الاصيل بقرأ كميات وافرة من الكتب الصفراء، ولما القاهو مع كاتب مخضرم زي زهير وهم يمارسون هواية الكتابة الدقاقة بقول يا ربي كتابة ود الاصيل دي يشيلها السيل زينا كده.. لا ابدا مايصح الكلام ده، بكرى حقنا الواحد ده يفترض يتصلح معانا شوية بعد التغيير الحصل في البلد دي، ويقوم يعمل كتاب أو دورية نصف سنوية أو حتى مع الأرشفة وقبل الأوسكار، وينقل فيها الكتابات الابداعية وينشرها للناس باسم سودانيز، يقوم ود الاصيل يحتج ويقول له الخواض قبلك كان اشطر، نشر بي هناك وقبض ماقبض وادانا الخلاصات، وعايزني انا اديك متن الكتابة مجانا، يقوم يقول ليك، ما مشكلة انا بخصص ليك نسبة من المبيعات، تقول ليهو برضو ما انصفتني، يقول ليك طيب يا عمك عايز شنو؟ تقول ليه : تكرم ناس الأوسكار تكريم خاص، يعني يكون اوسكار بجوائز واحتفالات بدل نضمي عمر ده.. والا بنقوم انا وصاحبي عمر ده (نمشي الخاص)..
والخاص بتاعك داك اذا كان خاص قوقل ولا خاص المنبر فأكيد بكون بنكهة خاص ناس الضواحي و أدباء المدينة، ويبقى خاص بطعم القرنفل والطماطم بس ما بيعرف صلاحه من فلاحه من طلاحه الا من تذوقه ، وتبقى عليو حكاية حصلت لزميل لي امس حكيتها ليهو انا، والحكاية اني كنت أمس بقزقز ب (جنا) طماطم حمراء، زي خمسة حبات صغار ولزاز لقيتهم باقي سلة، قمت اكلت الحباية الأولى لقيتها ليك عجيبة وانا اصلي بموت في الطماطم الطاعمة، اكلت التانية زاد ولهي لها ولكن متعتي لم تكتمل، عاينت الثالثة كده ما عجبني شكلها، قمت شقيتها النص وفعلا وجدتها سوداء زي التقول مسوسة، جدعتها واتناولت الرابعة، شكلها مابطال لكن قلت احسن افتحها، فتحتها ولقيتها زي الرابعة، فضلت الخامسة.. خفت افتحها والقاها مسوسة ولا مدودة لاسمح الله، فكرت شوية في متعتي الناقصة وقلت يازول الخشم بيبين السمح من الكعب، وطوالي جدعتها في خشمي وقرشتها، صوتها كان عادي بس مكتوم شوية، بعض الزخات انطلقت من بين الشلاليف ورشت قدامي، شكلها مابطال، واصلت فيها دواس، ومع اول خلطة وقلبه جاني طعمها الحلو اللذيذ كطعم أنبل طماطماية ذقتها في حياتي، طعم باذخ يذكرك بطماطم الجنة، فكرت ان هذا الطعم قد يكون هو طعم ال..، إلا أن عقلي الباطن استبعد الفكرة واوحي الي الحلقوم ان يبدأ عملية البلع، بدأت ازدردها ذرة ذره حتى تكتمل متعتي، وأنهيتها والشك يكاد يقتلني هل هي حمراء الدواخل أم سوداء..
ونواصل..
| |
|
|
|
|
|
|
|
|
|
Re: أوسكار المنبر (Re: عمر التاج)
|
▪ سلاااام عليك أخوي الحبيب ود التاج.
▪ تعرف ، عاجبني فيك بترد علي بعمق مذهل كقارئة فنجان لظنوني، لدرجة من ردك حتى يا دوب أفهم مغازي كلامي و أبعاده الخماسية؛ كواحدة من لافتات أحمد مطر حين أعاد بيها قراءة مقدمة ابن خلدون ؛ و لا كمان متل واحد هندي الواحد دا رويسو يلعب متل السورو، و قام أتسلط على نظرية النسبية قال فشنك ، بندق في بحر ؛ لا و إليه بلع نيوتن تفاحة أبونا آدم .
▪ شكلنا حنعمل دويتو، كفردتَي خُفَي حُنين. أها عارف راحن
منو كيف؟ أيوة كمن يدافع الاخبثين و لا يمكن زي البالعلو موس حلاقة على حدين .
▪ بالطريقة دي ح ترجعني لقروب "نخبة السودان". كلهم
رباطاب و بني جعل و عيال أبو الشوش أغنياء عن الوصف.
أها واحدة منهم يوم صقعتني ليك عين قالت لي قلمك دا
زي المعانا ديل و لا كاسر ( ماسورة ) بتدفِّق حبر؟! أها
من ديك أخوك ما كسبت عافية ترا جيتكم وقعت في شر افعالي.
▪ دحين قت لي أبطال شباك تذاكر و لعيبة في ناس
الريال و البرسا و ليفربول و السيدة العجوز و كدي؟!
لا ياخوي نحن كفانا بجاي روابط ناسأمبدة كرور و أب
نيران و كلاكلة صنقعت و الصقعي بالحاج يوسف.
▪ و أنا اصلن دايناصور منقرض السلالة. فناوي أعتزلكم و أنتبذ منكم مكانا قصِيًّاً؛ راجع أعيش في شتائي السادس من عصوري الجليدية بعيداً عن دخاخبن حرئاق الأمازون . هناك ، حأعيش طرزان مولاي كما خلقتني ؛ متل ماوكلي فتى الأدغال مع الطبيعة أفطر على ورقة توت يابسة ، و أتغدي زونية نيم و أحلي لالوب . أما عضة عشائي الأخير فلا بد في المية حاكون عشمان في طبق تيك أوي مصلح بودكة من ( دفرنش) نملة سُكر ، مكشَّنة بي فرطاقة بصل كلاب . و بعد شفط الرشوشة ؛ كان ما شبعنا نتمها بتلاتة (كيزان) موية غُولاد { نظام تعويم مغناطيسي}. و التحلية حتكون شاي ( باجقلي) مقنن و مدنكل بلبن عًشر؛ شاي نا عادي .. و بي موية صحة ..و معاو و كيكة.
▪ عقيدتي متصلبة كجلمود صخر على أيقونة الجيوكندا ، تلك التي لا تقبل أن يعفرها غبار الدهر من بين يديها و لا من خلفها ؛ و اللى لو بُعِث دافنشي من مرقده لأماط لنا اللثام عن شرود نظرتها تلك لعلنة تصبح أقل غموضاً.
▪ ياخي مسلن لسة مطربي المفضل جماهيرياً طبعن هو زنقار (تلقاك ما سمعتبو يا حنكوش) و كان غيرنا منو تب بس عندك خالتو عشوشة الفلاتية و اخوها الكاشف.
▪ و أحرف زول بيشوت كورة بنظري ناس جكسا ، جقدول و أمين زكي و صديق منزول القالو : مرة قدا بيها بطن حارسىمرمى حبشى هفتان( تلقاه عندو فتاق براو ).
و أحسن واحد بيمسك قون طبعن سبت دودو بلا منازع
(رغم إنو عمك كان كتير ببيِّضا عادي و يقبض الريح) . و على ذلك فقس و يجي يقول لك شنو؛ حليل الزمن الجميل و رحيق اللمكنة و كدي.
▪كلمة أخيرة خارج نص الأوسكار: مفترع لي بوست بهناك"من هو قائلها"خسمتك بالله لوما جيت رفدتنا فيه بحاجة.
(عدل بواسطة دفع الله ود الأصيل on 01-12-2020, 03:01 PM)
| |
|
|
|
|
|
|
|
|
|
Re: أوسكار المنبر (Re: دفع الله ود الأصيل)
|
بالمناسبة يا ود الاصيل، كون القلم يكون زي الماسورة المكسورة دي موهبة لايملكها الا القليل، البعض عندما يمسك القلم يتجمد الحبر فيه، وعند البعض يتحول اللون ابيضا، ولما الحبر يبقى ابيض والورق ابيض يبقى حاتجمع ورقتك فاضية، عشان كده انا دعيت لك انه ربنا مايبيض ليك حبر ابدا، اما الشيخة الدعت لك أو وصفت قلمك بالماسورة المكسورة دي حقو تلحقها وتضمها للحاشية - أن بقت لسه مي مضمومة- دي بتموت في كتابتك عديل وما ممكن تسحرك، لأنها لو سحرتك كان بقت عليك حكايتي مع امي، يوم طالعين السوق المركزي نجيب خضار الأسبوع، وقفنا في نص السوق بتاع الخضار وقلت للوالدة اها نجيب شنو؟ قالت لي جيب اي حاجة على ذوقك المرة دي، بس ما يغشوك وانا بنتظرك في العربية دي واشوفك بتجيب شنو؟.. تتخيل لفيت زي ساعة كده وجيتها ايديني خلا.. انصدمت قالت لي وينو الخضار؟ قلت ليها؛ مالقيت خضار والله.. كيفن ياولدي مالقيت خضار ونحن في نص سوق الخضار المركزي بتاع الخرطوم؟ قلت ليها والله قدر ما اشوف حاجة اقول دي ما نافعة لحدي مالفيت السوق كله وجيتك راجع فاضي.
أها في الحالة دي ينطبق على قصة الحبر الأبيض زاااتا..
نجي لموضوع الطماطم الحمراء لكن بعد فاصل اوسكاري.. وقبل ذلك ذكرتني دعوتك الكريمة التحت ديك اخونا الظريف الشاعر خالد المنسي، يوم كده فتح بوست شاعري رومانسي في المنبر الجاف ده، وكان منتظر تعليق الجنس اللطيف، أها البوست اتملا رجاله والبنات زاغن منه، قام مشي لواحدة في بوستيها وقال ليها : (عازمنك غملة بغادي)، ههههه دحين انت جهز عدة الجبنة بغادي.
نرجع لموضوع أوسكارنا ونذكر الناس ببعض ملامح اوسكار المرة الفاتت، قبل كم سنة كده والرابط فوق بعنوان (جوائز البورد) :
Quote: نفتح هذه النافذة لمنح جوائز البورد
والجوائز تمشي على المحسنين والمواسير في البورد وحقها محفوظ..
(1) أفضل من يجود شغله في البورد هو الزميل فرانكلي ..
الراجل ده لو مسك أي حاجة بنجضها ، وبحكها لامن تجيب الزيت
نتفق أو نختلف معه ، إلا أن مهمته في البورد دائما ما تكلل بالنجاح
.
.
(2) أسوأ من يؤدي مهامه وواجباته في البورد هو الزميل غريبة
الراجل ده شغله كله نئ ،
والغريبة انه وحبوبته عارفين انه شغلهم نئ وبرضهم مواصلين فيه |
| |
|
|
|
|
|
|
|
|
|
Re: أوسكار المنبر (Re: عمر التاج)
|
نواصل عرض قائمة الأوسكار للموسم الماضي لمقارنتها بهذا الموسم والموسم القادم:
Quote:
قائمة الترشيحات الاولية:
أولاً:
اكتب واحد في البوررد : كبر
أحكي واحد في المنبر : درديري
اكبر واحد في الاسافير: فيصل
أثقف واحد: نصر ( ثقافة سياسية)
اشنا واحد : زهير ( الصورة الاخيرة)
ابرك واحد : صديق ( الوجه الجديد له)
الز واحد : وضاحة ( النسخة الاخيرة)
أشفق واحد : مني ( قبل الثورة)
اكلك واحد : بشاشا ( بتاع زمان)
اعجب واحد : ود القاضي ( بتاع القناطر)
انشط واحد : ود البشري ( بالياء المقصورة)
اشكل واحد: دينق ( بتاع بوستات المشاكل)
أغرب واحد : تراجي
اغنا واحد : الموصلي
ادجل واحد : فدوي
اهبل واحد : حسن
اكسل واحد : اساسي
انبل واحد : الملك
اشجع واحد : ود دفع الله
اهرجل واحد : ود الباوقة
اصغر واحد : السيدح
أطغي واحد : ملاسي
اجبر واحد بكري
ثانيا: حرف الباء:
قبل أن ندخل في المجموعة الثانية من 30 مجموعة ،
ننبه لأن القائمة أعلاه قابلة للتغيير كل 5 دقائق
وصاحب البوست غير مسئول عن أي تشابه
بين الاسماء في اللستة والاسماء الحقيقية |
منقول بتصرف..
| |
|
|
|
|
|
|
|
|
|
Re: أوسكار المنبر (Re: عمر التاج)
|
الجوائز الذهبية للموسم الفائت:
Quote: ناسك ديل ياحيدر مخصص لهم جوائز مخصصة فاخره
وما حا نلخبطم مع الناس الكشا مشا:
ونرشح كل من:
جائزة اشعر عضو : بلة محمد الفاضل
جائزة اصحف عضو: محمد ابوجودة
جائزة احور عضو : الفاتح ميرغني
جائزة اقصص عضو : عليش الريدة
وهناك جوائز للافاضل في المنبر:
جائزة افضل من يكتب في المجال الاجتماعي : محمد الحسن
جائزة افضل من يكتب في المجال السياسي : عادل امين
جائزة افضل من يكتب في المجال الفني : قباني
جائزة افضل من يكتب في المجال العام : ابوسن
جائزة افضل من يكتب في المجال الثقافي : محسن قديم ( النسخة القديمة)
جائزة افضل من يكتب في مجال الفكر الديني الجديد : محسن خالد ( الوجه الجديد)
وهلم جرا |
| |
|
|
|
|
|
|
|
|
|
Re: أوسكار المنبر (Re: عمر التاج)
|
كذلك تم ترشيح كل من:
Quote: وجائزة احسن من يكتب القصة التي تشدك شدا حتى تكمل القصة الكاملة حتى النهاية هو الأديب الأريب شاهين شاهين
من أشعر الشعراء ليس في البورد فحسب ولكن على نطاق السودان الكبير:
عبد الإله زمراوي، وفضيلي جماع ، ود. المعز بخيت، محجوب شريف و اسحق الحلنقي. |
يا ترى أين هؤلاء العمالقة من منابر اليوم؟
| |
|
|
|
|
|
|
|
|
|
Re: أوسكار المنبر (Re: عمر التاج)
|
أثناء بحثي عن الفائزين في الموسم الفائت اكتشفت نسخة من جوائز البورد أحدث من تلك التي اقتبسنا منها هنا، وبالتالي تكون هذه النسخة المسماه بالاوسكار هي الثالثة؛ ولقد كانت هناك بعض الاختلافات في النسخة الأخيرة لذا تستوجب الأمر الاعتذار والتصويب..
تجدون أدناه ترشيح الأخ جلادونا في اخر موسم..
Quote:
افضل كاتب ثقافي، سياسي ، .. الخ .... تقافى سنارى عبداللطيف كبر دردثرى
سياسى الشامى
-أسوأ كاتب في المجالات نفسها... غريبة
- أنشط كاتب ..... ابوسن
-أنبل كاتب .... م الزبير ... الملك
-أشجع كاتب ... نور تاور .. بشاشة رغم شنارتو
- أجمل كاتب . دى دايرة توضيح شوية
- أغرب كاتب .. عرفات
- أدجل كاتب ... ود الباوقة و دولاراتو ... حاتم ...
- أشنا كاتب .... انا و المستنير اخوى
-أشتر كاتب .. قسم الفضيل
- أكسل كاتب . السنوسى
- أصغر كاتب سناً .. على ما اعتقد تلبو .. امتثال و بسمات
- اكتر واحد غياظ ...ود البشرى
- أكبر مطبلاتي ... عبدالعظيم ,, بوب
- اكبر عنصري .... اسماعيل
- اكتر كانب ما عارف كوعو من بوعو ... طلحة
- اهدأ كاتب .. فردوس
- اشبح كاتب .. معروف ابو الحسن .. اقصد حاتم
- أونس كاتب .. ود المدير
- اظرف كاتب ... ود البوش |
| |
|
|
|
|
|
|
|
|
|
Re: أوسكار المنبر (Re: عمر التاج)
|
أدناه ترشيح الدكتور سيف النصر،
Quote: اجزم ان النيران المولعة في البورد في الفترة الأخيرة واحد من اهم مشعليها
هو صديقي المستنير.
لذا فانا ارشحه لجائزة كاتب المديدة الحارة لهذا العام. |
وهذه القائمة الأخيرة، تم رصها مجتمعة في هذا الاقتباس..
Quote: - عبدالحفيظ ابو سن ينطبق عليه الحكيم لتناوله الرزين و الهادي
- بسمات الشيخ: تدخل كالنسيم ..ظريفة خفيفة دم ذكية مهذبة
- ود الباوقة : مهذب ،ودود و رغم اختلافك السياسي معه تحترمه لأنه لا يميل للشتم و الشجار و قتل الشخصية.
- منى عمسيب: لحماستها وروحها القتالية و نقاءها و طهرها الثوري و لخفة دمها
- زهير: لمثابرته و التزامه بخط معين و مواظبته و اهذيبه.
- الأخ محمد مجيدو: خفيف الدم و تكفي عبارته الشهيرة(عالم بطالة.
-علي عبدالوهاب: الحكمة التهذيب و روح التوثيق و التجويد فيها. |
اخر مجال نذكره هنا مازال يحافظ عليه الفنان الكبير..
- عمر دفع الله
وهو الذي تربع على القائمة السابقة مع اخرين..
Quote: ارسم عضو هو .. عمر دفع الله .. رسام كاركاتير احترافي ريشته لاتخضع لمعيار غير الفن.
الفنان مصدق محمد الحسن لا يعلى على ريشته في مجال الجرافيك والقصص المصورة خاصة.. وينطبق نفس الوصف على الرئع ود ابو. |
وهذا ترشيح اخر لقائمة قدامي الظرفاء من طرف اخونا ود القوز..
Quote: عندي جايزة خاصة ..
طبعي جاد جدا في حياتي العامة ..
ان لم اكن متزمّتا رغم مسحة المرح والضحك ..
لذلك أجدني اكثر انجذابا لمن يضحكني ..
بتعليقاته المرحة والرشيقة ...
التي تركب في الموقف عاشق معشوق ..
وتاتي هكذا بسرعة..
طلحة عبد الله ...
أمير بوب ..
عبد الله ود البوش ..
أحمد محمد عمر ..
عليش الريدة ..
عمر دفع الله ..
لمن يجي يعلّق ..
بس لازم يكون مكربن على الىخر ..
لانها بتقلب معاهو بي مرح غيّاظ ومضحك ..
زي النوع المايلقى فرضة يدق الشافع ..
فيقوم يجضّمو .. او يغفّل النا ..
ويديهو قرصة في وركه .. هههههه ..
الجماعة ديل تعليقاتهم والله تضحكني . |
وهذه قائمة اخيرة نكتفي بها من البوست السابق، ونرجو لمن يرجو المزيد البحث عن البوست في قوقل باسم (جوائز البورد) والله الموفق
Quote: موأنا لا أنسى ما ظل يمتعنا به نجوم الثقافة الفنية:
الليندي وعمر الفاروق وعبير خيري وطارق وعزيز وقباني واحمد يس والموصلي وسفيان نابري
والمقلون في الكتابة منهم مثل طراوة وأحمد القرشي
ثم وأضافات عثمان موسى وعبدالمنعم سيد أحمد
أما في عالم الفكر فكثيرون وعلى درجات متفاوتة منهم:
سناري والخواض وهشام آدم وميسون النجومي ودكتورة فردوس وآمنة مختار ود.ناهد وإشراقة
وطلعت الطيب وعبداللطيف وخالد كودي وبشاشا وأحمد عثمان عمر ودكتور محمد عباس قرشي ومصطفى مدثر
وأبو بكر عباس والمشرف وعيدروس وحافظ خير ومحمد حسبو وكبر وعبدالله إدريس وحاتم إبراهيم وعادل أمين
ومحمد سليمان السعودية والنور حمد ومحمد عثمان كندا وياسر المليح
ودكتور حيدر وبريمة وعاصم علي وعوض عمر ودكتورة نعمات
وفي السياسة:
كمال عباس ونصر ودكتور أبوشوك وصلاح شعيب وعادل عبدالعاطي ومنى عمسيب ونور تاور
وعبدالله عثمان ود. محمد حسن ودرديري الكباشي وحسن فرح والشامي الحبر
وفي الأدب:
بلة الفاضل حبيب نورا طه محمد سيد احمد عثمان محمد صالح وراني ومحمد عبد الجليل وصفا فقيري وابوذر
وفي الثقافة الدينية:
قصي ومنتصر ودالشغيل وابكرونا وود محجوب ومحب وارنست |
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
عمر التاج
توفيق عيسى مكي
محجوب البيلي
ABUHUSSEIN
Abdullah Idrees
دفع الله ود الأصيل
نعمات عماد
Deng
محمد البشرى الخضر
محمد عبد الله الحسين
عباس محمود
Hafiz Bashir
محمد عبدالله حمدنا الله
adil amin
Ahmed Yassin
خضر الطيب
Emad Ahmed
Salah Zubeir
تماضر الطاهر
Osman Awoda
محمد محمد قاضي
osama elkhawad
محمد أبوجودة
فيس بوك
تويتر
انستقرام
يوتيوب
بنتيريست