يا العشا ابو لبن كل البضائع، و المنتجات السودانية عبر شريان الشمال المغلق بأمر الشعب يتم شراءها بعملات سودانية مضروبة.
يعني مافي جنيه واحد بيدخل في دورة الإقتصاد السوداني من هذه التجارة.
صحيح الإختشو ماتو ..ليس بعد العمالة، و الإرتزاق من حرج.
خبر ترك شنو .. حمد لله علي سلامتو رجع لينا بالسلامة" ترك ثروة قومية" او كما قال احد الجنجويد ضابط مخابرات.
* الجنجويدي القاتل حميدتي:
الدعم السريع دا ما سرية، ولا كتيبة عشان تضمو..
تاخدني لحم و ترميني عضم..
بالطريقة دي البلد دي بتتفرتك..
ايها المرتزق القاتل لو ورثت ترسانة الإتحاد السوفيتي الذي ذاب بين ليلة وضحاها ستذهب ريحك النتنة، و ستبقى ذكرى عفنة في تاريخنا مدى الاجيال.
يا راجل انت اساساً اتى بك نظام المخلوع لص سجمان قاطع طريق خيبان، ايّ عظم تقصد، و ايّ لحم تعني.
اهون لنا ان تتفرتق البلد الانت علي رأسها دي مية حتة لا بالعلم ولا المعرفة، ولا القيم، ولا الاخلاق، بل بقوة السلاح، و التاتشرات، و العصبية القبلية العمياء.
لو كانت قوتك ٥٠ فرقة .. نذكرك يا العشا ابو رايب الشعب السوداني ٤٠ مليون!
كسرة..
برهان السجمان .. شكلك في غيبوبة.. ح تحكم كم سنة ؟
١٠ ولا ٢٠ ولا ٣٠ برضو ح يكون مصيرك اوسخ من مصير سيدك الماجن اللص المخلوع.
كسرة و نص..
في ناس كتااار مستغربين من هبوط طائرات مجهولة في الشمالية..بطلوا وهم بعد حكم الجنجويد للسودان برعاية السجمان البرهان لا تستغرب.. يعني وفر دهشتك، و إستغرابك ربما تحتاجهم غداً، او بعد غداً.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
خليل محمد سليمان
محمد أبوجودة
فيس بوك
تويتر
انستقرام
يوتيوب
بنتيريست