في مقتل محمد عبداللطيف الجيقي بطل كمال الاجسام السوداني في قطر لانه عبد

Quote: ياريت بريمة يجي يقرأ هذا المقال بقلب مفتوح وعقل جامع ..

Quote: السودان البلد الذي فصمه العرب والدين يختلف عن بلدان العرب بان وجود العنصر الزنجي والذي يوصف بالعبيد يمثل اكثر من 95% وبرغم ذلك نجد التقرب الي العرب يجعل اللون الأسود هو الدون وما بينه حتى الأبيض يعتبر نفسه "حر" ويسمى نفسه او يسمية المجتمع ود بلد. لكن مهما كان لونك وما دمت تحمل الجنسية السودانية فانت عبد بالنسبة لشعوب العالم العربي حتى الجارة مصر التي تضم ما لايقل عن 30% من النوبة ذوى البشرة السوداء. حكم الإنقاذين ومشروعهم الإسلامي الفاشل، ساهم بشكل مؤسس في تهميش السوداني واحتقاره في العالم العربي أساسا لان رأس الدولة هو العبد الأكبر المتسول في قصور الشيوخ والرؤساء لاستجداء المال والمساعدات لبلد كان في يوم ماء قبلة الحكام العرب ومصدر تعلمهم وأكلهم وإدارتهم. وما دام السودان تحت حكم هؤلاء التبع علينا ان نتقبل افتراء وتكبر وإهانة العرب لنا.

Quote: منقول: قصة بلسان سودانية زارت الدوحة مع (الكانوا صديقاتها) جارتنا سودانية امدرمانية بت قلبا عديل كده، لكن قلبا مكسور، حكت القصة التالية: راجلي في امريكا شغال في سفارة عربية اصحابه العرب وزوجاتهم بزورونا في البيت، الحريم مصاحباتني صحبة شديدة، لو ماشين المول ما بطلعن بدوني، نحوم "دي سي" بكراع كلب، ناكل سوا ونشيش سوا، محبة كده ما بتحصل الا بين الاخوات.. ياخ انا بقيت اسمع محمد عبده عادي، وهن يقلبن في انصاف مدني اها اجازة الصيف الماضي ونحنا قايمين علي امدرمان، حلفن قالن الا اغشي معاهن في السكة الدوحة، يا جماعة اعفوني، حلفن وقسمن وجزمن، تمشي معانا لاهلنا نكرمك، زوجي قالي انتي متاكده؟ طيب بالسلامة الاقيك في حي العرب. ركبت الطيارة الدرجة الهايلوكس، شي ضحك وقزقزة وقرقراب، ابو النفط زاتو، نحنا الحبيبة الجاتنا نهبوها الصحابة ديل٠ وصلنا الدوحة الدولي، وساقونا علي الليموزينات طمنطاشر عجل، اركبن اركبن.. ركبت وانا منتشية، السواق طوالي طلع، عاينت لقيت روحي راكبة مع وجوه غريبة، من جنسيات متعددة، قلت بطيبة قلبي للسواق، يا معلم وين ناس رنا وسنا وموزة صاحباتي؟ قالي وهو بعاين قدام... سمو اميرات في ليموزين تاني .. هذا خدم وهشم ليموزين.... يا فليبو هوي هشم شنو انت مافاهم الرصة؟.. ناس موزة ديل مع بت قلبا اخوات عديل.. وطوالي بالموبايل، ادق وادق، مافي رد، تيكستات... يا بنات انا ركبت في العربية الغلط لوووووول تصدقوا.. ولا حياة لمن تتكس.... العربية كاسحة وانا بديت احس باليأس واقول الله يكضب الشينة، ساعة ووصلنا قصور فخيمة، وهناك من بعيد شفت ليموزين صاحباتي، قلت اول ما نوقف انط من العربية الشوم دي والتحق بركب الشيخات صاحباتي من واشنطن، فجاة الركب انقسم، عربيتنا مشت علي بوابة علي الجهة اليمين، وعربية الشيخات انحرفت يسار، والخدم والهشم المعاي مستغربين بعاينن لي نظام الحشمية دي مالا بتتنطط؟ اخيرا الليمو ربطت.. وانا الفيني مرقت، متملكني شعور اني مختطفة، فجأة تلفوني رن... الو معاك موزة يا جانكوفة.. اصابني الانشراح والفرح والانفلاق الحقوني لوووول ياموزة لوووول ركبت في عربية الحشم بالغلط.. الناس ديل ماعارفين...... قاطعتني لا لا لا مافي غلط.. خليك معاهم .. بعدين احنا بنجي لعندك ناخدك للفسحة.. ما نقدر ندخلك معانا من الباب الكبير، عندنا اهلنا شيوخ كبار في السن ما يقبلون افارقة يجون من باب القصر الرئيسي... تدرين العقلية ال.... انا في اللحظة دي اتكشح فيني قلاب رملة مسخنة... فقعتها بكية وكواريك وسكلي... وعازمني من الاول ليه يا جاهليين يا جرب، انا بت قلبا .... والموزات يضربن في التلفونات وانا حلفت ما ارد وحلفت ما ادخل جناح الخدم والحشم، وقفت في الصقيعة.. وبباقي شحنة الموبايل رسلت زي مية رسالة واتساب، لعموم اهل السودان في الدوحة... ربع ساعة كان في زي مية سيارة فارهة وعمم وتياب، حملة انقاذ زي بتاعة فريق الكورة التايلندي، الهشم زاتم قربن يركبن معانا.. في الطريق لبيت بت عمتي، قلت للولد السواق الحليو ، بالله غير محمد عبده ده ادينا ام در يا حنينة وبطول حسي اب كدووووك وود نوباوي والمهدي الامام ..... وبعثت تيكست مستعجل للاميرات؛ تاني في واشنطن تعالن قولي نمشي مول ولا زفت طين... انا زاتي عندي شيوخ كبار ما بحبوا الانطلاقة دي، و ح نغير اسم حي العرب ده زاتو.

Quote: أذكر في مرة كان أحد الشيوخ الليبين في مجلسه يتكلم عن المدرسين السودانيين وقالها الحرف بأنه كان على صلة بمدرس سوداني ووصفه بأنه شاب طيب وعبد نضيف