|
|
 المسترجلات والسير في الاتجاه العاكس !!!!
|
تحية شوق ومحبة نابعة من القلب يا أمة الأمجاد والماضي العريق و كلو جمعة وانتو طيبين وسالمين !
يا جماعة الخير في موضوع محيرني شديد بحليل وقدر ما قلت أمسك خشمي عندي وأسكت ما قدرت طبعا إنتو
عارفين شمشرة الصحفيين وبالذات لما يشوفوا الحال المايل ما بسكتو مع إنو شمشرتم دي مرات قاعد
توديهم في ستين داهية يعني كلو يوم والتاني مرفوعة عليهم قضية لمن بقوا مرتادين شرط ومحاكم أكتر
من المجرمبن المحترفين وبعدين كمان الله لا يوريكم لمن تعمل ليك تحقيق مع واحد ويكون الموضوع حساس
ويقوم يبلع كلامو ويرفع عليك دعوى بتاعة تعويض أنا غايتو حصلت علي مرة واحدة في حياتي والغريب في
الأمر من واحدة سودانية كان الموضوع لو خيرتك زوجتك وقالت ليك ياأناياأمك حتختار منو؟ في سوداني نط
طوالي قال لي أمي طبعا ولمن طلعت المجلة صاحبات مرتو الشمشارات ضربن ليها تلفون وقالن ليها راجلك
بيفضل أمو عليك وتعال شوف البكا والجرسة وستيف العفش واتصلت بمدير تحريرنا قالت ليه عندك محررة
سودانية كضابة وستين كضابة أنا راجلي بحبني وما ممكن يقول كلام زي دة ولازم تنفوه في العدد الجاي
المهم قصة طويلة وعريضة لكن دة ما موضوعي طبعا قبلي كدة أن نبهتكم وقلت ليكم إني إنسانة إنصرافية
مرات أكون عايزة أمشي المستشفى ألقى روحي في نص السوق ولا عايزة أمشي بيت عزا أدخل لي بيت صبحية
حتى لو ما بعرف ناس العرس أعمل ليهم حنان لبط بس ما علينا,, الموضوع يا جماعة إنو ربنا سبحانه
وتعالى لماخلق الأنثى وضع فيها أجمل أسراره الرقة ,, الجمال ,, الحكمة ,, المودة ,, الصبر ,,
الحياء ,, العفة ,, ومنحها أروعة غريزة وهي الأمومة وأكبر قدر عندما قال الجنة تحت أقدام الأمهات
ورغم كل هذه المزايا الجميلة هناك نساء يرفضن هذه المكانة المميزة ويتشبهن بالرجال شكلا وموضوعا لا
مكياج , لا كحل , لا كريم , لا حنة, لا هذا ولا ذاك ,, طبعا حتنط لي واحدةبعد شوية وتقول لي دي قرارت
شخصية ومش لازم أعمل كدة عشان أثبت أنوثني ,, معاكي حق و إنت حرة يا أختي لكن أقنعيني لماواحدة
تحاكي الرجال في طريقة لبسهم ومشيتهم وكلامهم المعاه حليفة طلاق كمان والبتستخدم ألفاظ نابية لأنها
بتعتقد إنهابتساوي ستين راجل والراجل طبعا يحق له ما لايحق لغيره دي مالهايا ربي ؟ هل هي إنسانة
طبيعية مية في المية ولا مهبوشة شوية ؟ وليه الواحدة بترفض الانتماء لجنسها وتحتمي بالجنس الآخر؟
وبعدين كمان الرجال البتزوجو نسوان زي النعمة بت وراق ديل هل هم أيضا رجال طبيعيين وما عندهم أي
مشكلة مع روحهم ولا شنو؟ والله الأسئلة دي محيراني من زمان وكل ما اتذكر خالتو خديجة بت علي اللي
اتقمصت شخصية الرجل وبقت تجلس مع الرجال في مجالسهم , تشرب السجاير وتسف الصعوت وتدق مركوبها
بالعصاية وفي الآخر بقت تضبح خروفها حق الضحية براها والبسألها عاد ألله قال بي قولو تسمعو كلام
يخليكم تدخلوا في أضافركم وما تمرقو منها ليوم القيامة أها يا جماعة قبال ما أفوتكم عايزة
مداخلات علمية ونفسية واجتماعية ونماذج مشابهة لهذه الظاهرة العجيبة وفتكم بي عافية !
|
|
 
|
|
|
|
|
|
|
 Re: المسترجلات والسير في الاتجاه المعاكس !!!! (Re: عواطف ادريس اسماعيل)
|
الاستاذة/ عواطف بنت ادريس
الموضوع ملهلب وساااااخن لكن يااااااخ مع زحمة الطلبة الغلبة دييل مافي طريقة نقول فيهو بغم
لكن اول ما يخلص اليوم عندنا ليكم غشوه وبالمناسبة عندنا هنا عاصمة المسترجلات والمتأنثيين كده خلوها مستورة هسي لتفادي الشطح والاسترساااال .
ولنا عودة
مودتي
محمد
| |
|
|
|
|
|
|
|
|
 Re: المسترجلات والسير في الاتجاه المعاكس !!!! (Re: mohmed khalail)
|
حمودي !!!
تئبر ألبي ما شفت المداخلة الظريفة دي إلا هسة معليش حقك على ,, بتصدق في الهند في عدة أماكن خاصة
بالرجال المستأنسين ولو شفت الواحد آخر ماكياج وساري هندي والفانون يكفل له حق التشبه بالنساء
عشان كدة العاصمة بتاعتك بتكون صورة طبق الأصل من الجماعة ديل ,, الطبق مستور ,, دونت وري ,, ويا
حليل الحكامة القالت ماهو الفافنوس ماهو الغليظ البوص ود المك عريس خيلن بجن عركوس أحي على سيفو
البحد الروس ,, عجبي
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
إزيك يا عواطف
وجمعتك إن شاء الله أنس وفرح وعافية
و"جو ما فيهو سخانة"
والله يا عواطف بمناسبة السخانة
أنا بس نفسى ألاقى الناس الإختارو يقعدوا فى مكان زى ده
وحأقول ليهم كلمة واحدة بس
يا عورا
معليش يا عواطف سرحت فى الكلام عشان زعلان من المناخ العوير العندنا
قلتن أسلم عليك وأطايبك
وأقول ليك شكرا على المواضيع كاملة الدسم
وشكرا على الإمتاع والمؤانسة
| |
|
|
|
|
|
|
|
|
 Re: المسترجلات والسير في الاتجاه العاكس !!!! (Re: doma)
|
دوما فتيل المايقوما !!!
محبتي ,,,
والله إنت ست البنات لي حدهن أدب وأخلاق وحشمة وفي الوقت نفسو إنت أخت الرجال ,, شكرا على المرور
الرجولي ,, نورتي البوست كالعادة زي ما نورتي بكين وبعدين شكلك كدة الضبيحة ذاتها حتسويها بعد
شوية ,, بس ما تنسينا من المرارة ,, تحياتي ,,
| |
|
|
|
|
|
|
|
|
 Re: المسترجلات والسير في الاتجاه العاكس !!!! (Re: doma)
|
دوماياست الكل !!!
إنشاء الله دايما ضاحكة وفرحانة وبجيك انشاء الله كان في الصين ولا السودان على فكرة أنا كنت سنة 94
في الصين ,, وبعدين الزول القال ليك ما بتشبهي النسوان دة شكرك لأنه أكيد النسوان البعرفن غير
شكل ,, شكرا ياسيدة النساء ,, مرورك الرقي يؤكد ذلك ,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
عطوفة كيفنك واريت حالك زين
غايتو انا لي اسبوع غائب من المنبر
الليلة عشان عارفك بتنزلي موضوع
قلت ليهم جيبو لي الكمبيوتر ده جنبي
زي مافي نسوان مسترجلات كمان
في رجال متنسونيين (طاعمين)
نسأل الله السلامة وده شذوذ طبعا
يمكن والله اعلم مشكلة في هرمونات
الذكورة والانوثة تتسبب للمراءة
او الرجل بالاحساس المغاير لطبيعته
وتقمص الدور الآخر البعض منهم يحاول
اخفاءها في بعض الاحيان ولكن البعض
الاخر لايكترث(حدثني احد الاشخاص هنا
بانه حضر حفل خاص بالدمام للجماعة
الطاعمين وكان الكل يلبس فساتين
وباروكات ومكياج وحاجات تانية)
وديل من النوع المارق للربا والتلاف
غايتو الموضوع ده عايز اختصاصيين لتحليل
هذه النوعية من الناس لمعرفة السبب وراء
رغيتهم في السير في الاتجاه المعاكس.
كل الود - ودالعشا
| |
|
|
|
|
|
|
|
|
 Re: المسترجلات والسير في الاتجاه العاكس !!!! (Re: حافظ العشا)
|
ود العشا بلبن !!!
تسلم يا أخو البنات ,,,
وشكرا على كلماتك الصادقة لكن بيني وبينك لا النسونة سمحة ولا الاسترجال يعني كلو واحد يرضى بي قسمتو
ويعرف إنو لو ربنا كان عايز يخلو غير كدي كان خلقو وكمان لو بقت الحكاية مرض نفسي الشافي الله ,,
مرورك اللطيف يسعدني ,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
موضوع في السلك يا عواطف..
| Quote: لانه الوصفتيهم ديلالرقة ,, الجمال ,, الحكمة ,, المودة ,, الصبر ,, |
دي صفات بس بتروج ليها المجلات النسائية صقيلة الاوراق
بتاعت منزلك جنتك... ورق النعناع
لعيونك الجميلة... يركزون فقط على الشكل. ويركزون على الصفات الجمالية الجسدية
بعداك.. يحنطون المرأة في قالب الرقة والجمال..
يروجون لها بشدة بوعي او بدون وعي هناك بعض النساء الكاتبات
ينجرفن في تحجيم المرأة ولفها بالسولفان..
لكن الان قد تغير هذا الامر حين لم يعد البيت هو جنة المرأة ولم
تعد المرأة تحتاج ان تضع ورق النعناع
عشان يديها نظرة ساحرة...
خرجت المرأة الى العمل.. حيث يجب ان تثبت نفسها
ومقدراتها العقلية والا تقدم نفسها كانثى بل انسان كامل..
ولكن للاسف هناك نساء لم يستطعن ان يخرجن من ربقة
توسكا لمسة حنان..وصرن دائما يردن اولا ان ينظر اليهن كاناث
بعد ذلك الى عقولهن التى في الغالب تكون محدودة..
وهناك نوع آخر من النساء يردن ان يثبتن قدراتهن
العقلية وينافسن من خلال هذه القدرات التي تشحذ بالعلم
والثقافة...ويرفضن التحجيم والتنعيم..
,,
نجي لاكذوبة الكبرى وهي ما يسمى بالحياء والعفة وانهن من خصائص
النساء.. العفة هي فضيلة اخلاقية عالية
قد تكون معنوية وقد تكون حسية.. وهي فضيلة يجب ان يتحلى بها اي انسان
ذكرا او انثى..
والحياء ايضا فضيلة اخلاقية عالية مطالب بها الرجل والمرأة
ويجب ان يتحلى بها اي انسان..
وهما قد يكن ضعفا اذا لم يعرف اين يجب ان تكون عفيفا او حييا
ولقد استقل بعض الذكور والنساء الاتي يساندن
الذكور هاتين الفضيلتين ليثبتوا المرأة من اخذ حقها حين يغتثب..
بتذكيرها دائما وابدا يجب ان تكون المرأة عفيفة ويجب ان تكون ذات حياء
فيتحرش رجل بامرأة مثلا بدون حياء يطالب المجتمع الذكوري
والنساء اللاتي يساندن العقليات الذكورية ان تصمت المرأة
لانها كوم حنان ومودة ورقة وعفاف وحياء..فيضيع حق المرأة
Quote: وبعدين كمان الرجال البتزوجو نسوان زي النعمة بت وراق ديل هل هم أيضا رجال طبيعيين وما عندهم أي
مشكلة مع روحهم ولا شنو؟ |
المرأة الشخصيتها قوية( وما المسترجلة) يرفضها دائما الرجال الضعفاء
لانهم دائما يريدون ان يكونوا اقوياء ولا يرغبون في علاقات ندية..
ولذلك يجب ان تعدلي سؤالك هل الرجل الجبار الذي يهين النساء
ويخدش حيائهن هو رجل طبيعي؟
اما الرجل الذي يتعامل مع المرأة بندية واحترام ويحفظ لها حقها في التعبير
والعمل هو الرجل السوي المتسق الافكار مع السلوك,,
والنساء المسترجلات بالمفهوم السوداني هن النساء المستقلات الشخصية
القويات..الاتي لا تكسر عينهن بامبولات الشرف والعفة و الرقة المودة
والحنان و الحياء..لانهن يكونن كل هذا مع من يحترمهن..
وشكرا ليك على الموضوع الجندري السمح دا
اها لقيتني كيف؟
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: bayan)
|
النصيحه لي الله يا دكتوره بيان انا لقيتك تستاهلي الكاس البقولوه
اها الرجال ما يفرحوا مبكرا لقينا زول قال استرجالنا دا استقلال شخصيه .اضف لهذا يمكن الدور الذي لعبته المراه في حياتها فمنا من وجد نفسه هو الاب والاخ وكبير البيت وخاصه في مجتمعنا الذكوري لو ما اثبتي نفسك تروحي شربه مويه .
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: doma)
|
شوفتي يا دومة انا زيك تماما جني وجن
عايزة تفتحي وشك تلخبطي شنو مع شنو
صاحبتي اشتغلت في بنك نسائي
بعد فترة قرفت عديل
قالت لي ترخي اضانك تسمعي تضربي 3 بيضات..
تقبلي كدا تلقى واحدة بتفرج في غويشاتها الجداد
اليوم كلو دا ياهو الشغل...
اها جات قالت عايزة تحضر وتبقى طالبة الى يوم يبعثون..
طبعا ديل ياهن النساء الرقيقات المنعمات السمحات
العايزن الرجل.
في مسرحية ابسن حقت بيت الدمية قبل اكثر من 100
سنة خرجت نورا وصفقت الباب الصفقة الياها
تاني مافي مرة قعدت في بيتها في اوربا وبقن مستقلات..
نحنا تعملها واحدة يقولو مسترجلة..
الفرق كبير بين مستقلة ومسترجلة..
عجبتني حركة الشخيط بالعكاز في الو..طة وكيت وكيت..
| |
|
|
|
|
|
|
|
|
 Re: المسترجلات والسير في الاتجاه العاكس !!!! (Re: bayan)
|
د. بيان ّّّ!!!
معزة ,,
والله لقيتك زي العجب طبعا دة لو بدينا بنهاية المداخلة لكن يا حبيبة القسا أنا ما بقصد بالرقة
والحنان والعفة إنها تكون ضعيفة شخصية أبدا أنا بتكلم عن من تنزع عن نفسها رداء الانوثة وتتقمص
شخصية الرجل وما المانع أن تكوني أنثى وتاخدي حقك بالكامل ؟ وزي ما قالو يا بت أمي ويكفينا شر
قالو
وما التأنيث لأسم الشمس عيب
ولا التذكير فخر للهلال
شكرا بيان على هذا الرد الدسم طبعا إنت دايما بتضربي في المليان بالذخيرة الحية ,,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: bayan)
|
حمممم...
أحححمممممم...
ول أقول لك يا زول أخير ليك تتخارج من هنا بسرعة .. ما تغرك الورود
الشايفة دي ..علي الأيمان..شوكن طوال ..ومكنجر ...لو ختيت الدرب
تلقي دمك يشرشر... طيب ..يعني ..ما دام دخلت لغاية هنا ...على الأقل
كلمة ..صغيرونة .. لي ست الحوش ...
موضوع ..حيوي ..ومثير ..و " أبتوديت" ..بعدين أنا أول ما قريت العنوان
قلت يا ربي الـ ( Mr. Gilat) ده مالو ..ماشي في الإتجاه المعاكس ؟؟
لامن دخلت لا جوة ..لقيت نفسي أنا الماشي في الإتجاه المعاكس...
طيب ..آخر كلام...أنا ضد استرجال النساء ..ونسونة الرجال ...وكبرنة
الأطفال ..وطفلنة الكبار..وحيونة الإنسان...وأنسنة الحيوان.. بمختصر
العبارة ..ضد كل خلع للرداء الطبيعي..طبيعي بحكم قوانين الفيزياء والبيولوجيا..الإجتماع..والكيمياء ..والرياضيات..وغيرها من علوم
وتغييره برداء ...يخالف كل قوانين الطبيعةالألهية..المحكمة...
ولكنني في نفس الوقت والحين ..ألقاني ..ضد قوانين النفاق الإجتماعي ..
والعادات والتقاليد ...والنمنطة..ول الأنمطة...ما عارف شنو ...يعني..
طالما كانت قوانين غير موضوعية..ولدت في ظروف ما بعد العصر الحجري
وتراكمت..في لا وعينا ...وفي غنانا..الكلو بكا داك ...وفي امثالنا الشعبية
وفي طريقة تفكيرنا...المهم...آخر شوتة ..قبل ما أفرتق صوووف ...أنو
قناعتي الراسخة ..بتقول ..أنو " شفتوااللجلجة دي كيف "أي محاولات للخروج
على هذه القوانين ..ستكون نتيجتها الخراب والدمار ...
وليس بثقب الأوزون عنا..ببعيد..ول مش كدة ..
أها صيفكم كيف ؟؟؟
مزيج بمزاج...
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: ibrahim fadlalla)
|
أحممممممممم !!
وعايز تتخارج ليه كلامك سمح شديد ربنا يديك الصحة والعافية فعلا استرجال النسوان النابع من رفضهم
لجنسهم بسبب الشعور بالدونية ما حلو ولكن رجالة النسوان وفراستهن التي تتطلبها المواقف دي عاد
ما فيها كلام أما نسونة الرجال دي عاد شينة تب وما في ليها أي مبرر ,, شكرا هيمو على المرور
الجميل ,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: ibrahim fadlalla)
|
عواطف سلامات..
دايماً تمحنينا وتجيبي كلام مهم جد..
الكلام ده لي ..إبراهيم فضل الله لو تسمحي..
طيب ..آخر كلام...أنا ضد استرجال النساء ..ونسونة الرجال ...وكبرنة
الأطفال ..وطفلنة الكبار..وحيونة الإنسان...وأنسنة الحيوان.. بمختصر
العبارة ..ضد كل خلع للرداء الطبيعي..طبيعي بحكم قوانين الفيزياء والبيولوجيا..الإجتماع..والكيمياء ..والرياضيات..وغيرها من علوم
وتغييره برداء ...يخالف كل قوانين الطبيعةالألهية..المحكمة...
...طيب أنا...
خلق الانسان ..بطبيعتة السليمة والمشوهة(تفتكر بي يدو؟)
هذة الطبيعة الالهية كما كنت تقول ..يخلق الله مايشاء ..ويعاني البشر..
وتدخل هنا الجينات والكروموسومات التشوهات الخلقية وإن كانت مورثة او بدأ ظهروها فيما بعد .. بعدها إفراز الهرمونات الذكورية والانثوية وهي متعددة.. وكلها خارجة عن مقدرات الانسان وإن قرر معالجتها حتى ينتمي لمجموع من القطيع سليم..ولذا عندنا إنسان من الدرجة الثالتة..لابد منة.. إعتماداً على نوع النواة فيه وتطور تفاعلات معقدة تحدث داخل الانسان فقط الله القادر..
هذا مرض..ليس إلا إن كانت الشعوب تغتغت فيه وتتعامل معه بحياء..لانه يتعلق بنوع الجنس..(كما في حالة زيادة إفراز الكورتزون والبرجسترون والتستسترون)والقروس هرمون ..والانسولين والمضاد الحيوي..وهكذا
ثانياً..
إن كانت الشخصية متاثرة بنوع بيئة ذكورية محددة ..عاشت وترعرت عليها .. هنا أيضاً تظهر الاشارات وايضاً الذكور .. وهي الاكثر إشاعة..
ماضد او مع .....!
في هذا الوقت إستفحلت المسألة وبقت كتيرة وطافحة مابتتكتم..ولاذم الناس تعترف بيها للعلاج ليس الا..لانه مرض.. بعد أن عجزوا عن عمليات التحويل الشائعه او يتركوهم ..كما السرطان..
الاجتماعي غير .. ماحااتكلم فيهو.
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
يا اهل الخير
التي تستعيين بمعالم وتصرفات جنس الرجل كالذي يستعين بتلك التي للمراة ..ويبدو خلل ما في الاثنين يجرهما الي ذلك فلا هي صارت رجلا ولا هو صار امراة ولكن بعض البنات او النساء كتعبير لرفض لاسقاطات مجتمعات ذكورية تستعين ببعض من المعالم الشكلية للرجل وهي في داخلها امراة كاملة لتنال بعض من حقوق استولي عليها الرجل او منعها عنها دون وجه حق ....الدنيا لا يستعدل ميزانها الا بان تكون المراة مراة والرجل رجل وفق صنع الخالق والمجتعات الذكورية تساهم في خلل في الميزان العام باسم حماية وخوف وووو علي المراة وما ذلك الا من اجل هيمنة ... احب واحترم المراة التي تبقي امراة شكلا ومضمونا دون ابتذال او مبالغة وهي تناضل لاقتلاع حق لها مسلوب .. لا احب ان اري زميلتي مثلا في العمل تتنازل عن متطلبات انوثتها باسم العمل ...المراة الكاملة هي المحافظة المفتخرة بانوثتها وبانها امراة وتنافس الرجل في الحياة كشريك قادر .. لا احب ات تختلط الاشياء لرؤي خاطئة عن دور كل من المراة والرجل فالخالق اراد ان تكون هنالك امراة بمواصفات معينة خاصة بها وكذلك رجل بمواصفات خاص به ...
اختيار الرجل والمراة لما يناسب دورهما الذي خلقا لاجله من ملبس وشكل عام وخطاب (من فعل وقول) مهم جدا في الحفاظ علي خصوصية كل واحد منهما ...اللفظ الذي يرفضه العام لا يليق باي واحد منهما ..قوة المراة في اصرارها علي خصوصيتها والمحافظة عليها وتقويتها لا التنازل عنها بان تستعيير من الرجل بعض من اشياؤه فتشوه خصوصيتها...
ويا دوما اعتزاز المراة بحقها في ابداء رائها بقوة لا يقلل من انوثتها بل يزيد من احترام الغير لها ..
الابتذال مرفوض سواء للرجل او المراة ...
___________
اما حكاية الطبيخ يا دوما ويا ملاسي فامر مهم ومحاولة الرجل في ان ينظر الي ذلك بانه امر نسائي مغلوط فهاكما تريان الشيفان اسامة ورمزي والمراة تتعلم منهما... انا احب الطبيخ والمطبخ واستمع الي راشييل في هذا الخصوص وليس الي اسامة ورمزي ...ولولا اختيار سئ في انني صرت مهندسا اعاني ويلات الحر والبرد وضجيج الالات وغبار المواقع لكنت طباخا (شيفا) مميزا اليوم والله يرحم اعمامي واخوالي وكثير من اهلي من طباخيين يتفوقون علي اسامة ورمزي لكن اتو في زمان خطا.. حظوظ ...؟؟
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
الحبيبة عواطف ...
الجمعة بتكون احلى في سودانيز اون لاين لانك بتطعميها بمواضيعك ( الانصرافية ) البتناقش حاجات جادة جدا ...
مفهوم البت المسترجلة ممكن يكون نسبي وبيختلف من انسان للتاني ...
في ناس بتشوف قوة الشخصية استرجال ...
في ناس بتشوف البت البتتحمل المسئولية مهما كان نوعها .. استرجال ...
في ناس بتشوف الجدية .. استرجال ...
تخيلي في ناس ممكن تقول على الانسانة المخاصمة ادوات التجميل من احمر واخضر واصفر.. مسترجلة ...
غايتو انا شخصيا في عرف ناس كتار ممكن اكون مسترجلة ... لاني كنت شوبارة وباحب اعمل اي حاجة في البيت ...
باقيف مع العمال لو في صيانة ... بامشي اجيب الاسمنت والبوهية وبافاصل في الاسعار ..
بامشي للحداد في محلته وللنجار في محلته ...ممكن اشاكل واكورك ...
بمعنى آخر ودعت الرقة والنعومة ولبست الخشونة بجدارة ...
في ناس بيكونوا عاوزين يشكروني يقوموا يقولوا والله سناء دي بعشرة رجال ...
عاد يا عواطف كنت بازعل شديد ... لانه العبارة بتلغي انتمائي لدنيا النساء وانوثتي ...
هسة الخشونة بقت طبع ... والغربة اجبرتني اخلع رداء الانوثة لاجل غير مسمى ...
طبيعة الشغل بقت تستدعي الاسترجال ... ويا حليل زمن الليونة والدلال ...
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: sanaa gaffer)
|
عطووووفة صباح الخير وصباح الإتجاه المعاكس حقيقة ما عندي اي اضافة واكتفيت بالقراءة للمتداخلين طبعاً الكلام ده بعد قراءة موضوعك .
لكن اثارني جداً مداخلة سناء جعفر البنت الرقيقة صاحبة الكتابات الجميلة وهي تقول الآتي نصه :-Quote: في ناس بيكونوا عاوزين يشكروني يقوموا يقولوا والله سناء دي بعشرة رجال ...
عاد يا عواطف كنت بازعل شديد ... لانه العبارة بتلغي انتمائي لدنيا النساء وانوثتي ...
هسة الخشونة بقت طبع ... والغربة اجبرتني اخلع رداء الانوثة لاجل غير مسمى ...
طبيعة الشغل بقت تستدعي الاسترجال ... ويا حليل زمن الليونة والدلال ... |
ايه المانع الواحدة تكون بعشرة رجال ولينة ومحافظة علي انوثتها , ارجو إعادة النظر في هذا الأمر وحسب قراءتي لملفك الشخصي ( غير متزوجة ) اذا صحا هذا المسمي فيجب الإنتباه ؟ مع خالص تحياتي من صديق صديق .
| |
|
|
|
|
|
|
|
|
 Re: المسترجلات والسير في الاتجاه العاكس !!!! (Re: sanaa gaffer)
|
الجميلة سناء !!!
مهما استرجلت فأنت في نظري مثل طائر السنونو فما تكتبينه يفصح عن مشاعرك الرقيقة و مهما لبست
أقنعة الرجال لأن الموقف يتطلب ذلك لا تستطعين أن تقنعي الآخرين بأنك مسترجلة وهذا الكلام ينطبق أيضا
على المسترجلتين دوما وبيان لأن المرأة هي المرأة وبرضو أنا معاك في مواقف تتطلب الاسترجال والغربة
أيضا تلعب دور في خلع رداء الأنوثة لأنها غابة فان لم تكن ذئبا ستأكلك الذئاب إذا للضرورة أحكام
عموما أنا لا أقصد أسترجال المواقف أو الضرورة بل أتحدث عن المرأة التي تحاكي الرجال لأنها تعتقد
أنهم أفضل من بنات جنسها أو مميزين عنها يعني بتشعر بالدونية ,,, تسلمي يا سنوية ,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: هاشم أحمد خلف الله)
|
بت جدي الأستاذة عواطف بت إدريس
تحية بقامة نساء بلادي العزيزات الكريمات الحافظات حدودهن.
موضوعك شديد الأهمية بمكانة المرأة الزوجة والأم وصانعة الأجيال
أستوقفني هذا(| Quote: وفي الآخر بقت تضبح خروفها حق الضحية براها |
)
دي ذي إمامة المرآة المصلين!!
تسلمي ياعطووووفه وموضوع يجب أن يقف عنده الرجل قبل المرأة وبجيك راجع.
،،،،أبوقصي،،،،
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: مجدي عبدالرحيم فضل)
|
الأخت عواطف
تحياتي
الأنثى المسترجلة تندفع نحو التمسك بتصرفات و هيئة الرجل بدوافع نفسية تكون في الغالب بسبب التربية و نوعية تركيبة الأسرة.
فمنهن من عاشت بين صبيان و عاشت تلعب بين أتراب من الصبيان.
و منهن من كانت أسرتها تفتقد الصبيان في البيت فيدلقون عليها صفات الصبي و يلبسونها ملابس الصبي فتشب و هذه الأشياء تقود خطواتها.
نادرا ما نجد تغييرا يحدث لهذا النوع بل نجده يواصل مسيرة الإسترجال التي تأصلتْ بالدواخل.
الشيء المحير أن معظم المسترجلات ينتقين أزواجهن بطريقة واحدة أو بمواصفات واحدة .. فيختارن الرجل ذو الشخصية الباهتة و الضعيفة فيمارسن فيهم بقية صفات الإسترجال من تحكم تام و تطغى شخصياتهن على هؤلاء الرجال.
و المذهل أن بعض الرجال يعيشون في كنف هؤلاء المسترجلات برضاء تام دون تذمر.
في دراسة أجريتْ هنا بالسعودية .. قرأت أن المسترجلة تحب أن تكون زوجة لرجل متسلط تماما و عنيف في معاملته .. و إن فشلتْ في الزواج بهذه النوع .. فإنها تهرع إلى النوع المستكين تصب عليه جام إسترجالها و جام عدم زواجها من رجل يعلو فوق ( رجولتها ) ...
و الله المستعان
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: ابو جهينة)
|
صاحب القلم الأنيق والشفيف أبو جهينة !!
ودي وشكري الجزيل لهذا التخليل العلمي والاجتماعي والنفسي والدقيق فكما عهدتك تسبر أغوار القضايا
المطروحة بأطروحات لا تشبه غيرها لأنها متميزة فتكون الإجابة المريحة والشافية للأسئلة الحائرة بلا
دليل ,, شكرا فعندك الخبر اليقين ,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: sanaa gaffer)
|
سنوية !!!
معزتي يا أخت الرجال ,,,
إنت ما عارفة هاشم زول طيب وبهظر معاك فما تاخدي الموضوع بحساسية وفعلا معاك حق إذا أظهرت البنت أي
نوع من الليونة في الغربة قد تفهم غلط ومع ذلك فأنت ست البنات لي حدهن سواء كنت لينة أو خشنة فلك
منا كل الود والاحترام ,,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
وددت مع عبر المرور إلقاء تحية ووقفة للإشادة بالفكرة ... تعرفي شايف البوست زي ولد أختي في البيت كل شوية يقول لي حالو...حالو ...حااااااالو(دي عندما أطنشو)حااالوا توف أن بكلب حوبة .......... فالبوست ده قلبنا هوبة روبك يستر انتي ماشه وين ... تحية أهلاوية للزولة دوما بت العم ...................حجر
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: د.محمد حسن)
|
الأخت العزيزة عواطف
سلام على روحك الطيبة
حيرتونا والله يا عواطف ، طالبتوا بالمساواة ودعمناكم وكان إسترجلت واحدة وبقت ( محمد ولد )طلعتوا تنتقدوا تقولوا لينا : الأمومة ، الرقة .. الحنان .. ألخ.. إلخ .. شوفي يا عواطف يا مساواة في كل حاجة واللآ لا مساواة وكل واحد يريح نفسو؟!!!
ما سمعتي بالحاجة الشايقية المشت الحج هي وراجلا وفي وقفة عرفات قالت ليهو: التهامي، الله في الحج لبسنا لسروال الرجال ولبسكم قرباب النسوان!!.. طبعاً عارفه يا عواطف في بقية للكلام أنقري شنو كان؟.. أنا الراجل مستحي أقول كلام الحاجة اللآبسة السرول وعليك الله ما تجبريني أفتو!!
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: ابوبكر يوسف إبراهيم)
|
د. أبوبكر !!!
يا هلا بها الطلة الجميلة ,, والله ضحكتني يعني عايزني أقول مساواة كاملة عشان بكرة تقولو يلا أدفعوا
المهر وافرشو الشقة قبل ما تخطبونا من أهلنا مش كدة ؟ ريحوا نفسكم مافي مساوة كاملة حتى لو المنبر
دة كلو بقى محمد ولد برضو حيكون في جواهن نساء حالمات و ورقيقات لكن قويات الشكيمة و صعبات المراس
اما حكاية الشايقية الحاجة ديك باقي كلامها بيكون بوظ ليها حجتها اكيد ,, مودتي
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
| Quote: الشيء المحير أن معظم المسترجلات ينتقين أزواجهن بطريقة واحدة أو بمواصفات واحدة .. فيختارن الرجل ذو الشخصية الباهتة و الضعيفة فيمارسن فيهم بقية صفات الإسترجال من تحكم تام و تطغى شخصياتهن على هؤلاء الرجال. |
سلامات يا ابو جهينة
عجبتني كلمة ينتقين دي...يعني مسترجلات لمان بمشن يخطبن الرجال
وينتقوا راجل اضينة ومسكين؟
لانه العارفاه انو دائما المرأة بتاخد موقف سلبي في الانتقاء دا
حيث ينتقيها الرجل ولا يحدث العكس..
او تكون مرة سوقها حار يجوها رجال كتار هي تنتقي واحد اضينة..
يبقى اذن سوق المسترجلات دا جد حار...
مودتي
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: bayan)
|
عزيزتي بيان
تحياتي
Quote: او تكون مرة سوقها حار يجوها رجال كتار هي تنتقي واحد اضينة..
يبقى اذن سوق المسترجلات دا جد حار... |
المسترجلات لا سوق لهن في الغالب الأعم نظرا لتخوف الرجال منهن ( لأسباب كثيرة )
و لكن .. حسب تجربتي التي عايشتها مع أزواج مسترجلات .. فإنهن بشكل أو آخر يقمن بإختيار الزوج الإضينة و تبدأ عملية الإحتواء منذ اللحظة الأولى قبل الزواج .. و نظرا لأن الزوج الإضينة يعاني من مركب نقص معين فإنه يستجيب تلقائيا لعرض زواج المسترجلة ، سواء أن كان العرض صريحا أو مبطنا ..
إذن المسترجلات يخلق سوقهن بأنفسهن ..
دمت
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
| Quote: أقنعيني لماواحدة تحاكي الرجال في طريقة لبسهم ومشيتهم وكلامهم المعاه حليفة طلاق كمان والبتستخدم ألفاظ نابية لأنها بتعتقد إنهابتساوي ستين راجل والراجل طبعا يحق له ما لايحق لغيره دي مالهايا ربي ؟ هل هي إنسانة طبيعية مية في المية ولا مهبوشة شوية ؟ وليه الواحدة بترفض الانتماء لجنسها وتحتمي بالجنس الآخر؟ |
الأستاذة عواطف
تحياتي
أنا جبت الكود بتاع كلامك فوق عشان لأنو كلام ضروري ومهم
المشالك بتاعت النسوان الآن صارت تكون على عينك يا تاجر في المنبر دا مثلاُ
تجي واحدي تسب واحدي ثم تأتي الأخرى وتسبها بكلام أبشع مما قالته الأولى - فاين الكلام
بتاع الرقة والأنوثة هنا في هذا المثال.
النساء حالياً يا عواطف استاذتي صارن نساء دون أنوثة ودون حياء والواحدة بتعمل
الشينة عينك ياتاجر وتأكدي أن فتنة النساء قادمة وستكون أخطر فتنة على مر التاريخ.
أبوفتحية
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: الصادق صديق سلمان)
|
عطوفة الظريفة
موضوعك جميل ولطيف
هو زى ما ذكر الأخوان الموضوع يشمل الجنسين
ولكن بما هو الموضوع يخص النساء يبقى أطعم
طبعآ موضوع (المسترجلة) ليس له أى دخل بالقوية والواثقة .
وده يعود للتربية ومساحة الثقة بالنفس الذى لا يمس أنوثتها
وأيضآ هناك فرق بين (المسترجلة) و(القاهر) الأخيرة سقط عنها الحياء
وهو شيئ مكتسب لا يحتاج الخوض فى الشرح .
أما المسترجلة بعد سحبها من كل الصفات المكتسبة لإنصافها
تظل حالة مظلومة لأن الأمر ليس بيدها ولكنه تكوين هرمونى
وهو درجات تصل الى نمو الشنب واللحية
توجد درجات متفاوتة
تخشوشن قليلآ ولا تخرج من جنس النساء ورغبة الذكور
تخشوشن أكثر وتصير جنس وسط وعقلاقتها الذكرية لا تخلو من جفاء
والنوع الأخير والأسوأ (تكجن) جنس الرجال وتتحول رغباتها الى النساء بأحاسيس ذكورية
هذا النوع أجده مظلوم بتكوين طبيعى ليس لهمن فيه خيار
أما يا عواطف يا أختى هناك جنس آخر برفع لى الضغط
وهى المرأة (المتأنثة) ودى عكس (مسترجلة)
السايحة والمايعة والبتعتر ليها صفقة شجر وغرف الموية من الزير بيملخ كتفا
وكان نطت قداما كديسة تقع من طولا وكان شافت ليها جدادة مضبوحة ينقلوها الحوادث .
أها دى أخير لى منها المسترجلة بى شنبها
يومك هنا
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: رأفت ميلاد)
|
ود ميلاد !!!
معزتي ,,,
كالعادة تحليل ظريف ,, موضوعي ,, خفيف على القلب يحمل بين طياته الكثير من المنطق وخفة الدم
بيني وبينك المايصة الدلوعة أخير منها المسترجلة ,, بتصدق يا رأفت في واحدة مايصة شافت فار
بجري في الغرفة أغمى عليها وودوها الحوادث فعلا فأيه رايك ؟ واو مش كدة ,, شكرا على طلتك الجميلة .
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
عواطف الجميلة هسى كلامك دا كان جينا للجد بلمسنى نعمنى من الله ورانى الدنيا ما بعرف حاجات البنات لا المكياج ولا غيرو لكن بعرف اعمل ( ملاح الرجلة والكوارع وما باكلا والكمونية ماحصل اكلتها وام فتفت كذلك ) لكن ما بعرف كلام النسوان وبعرفو فى نفس الوكت ـ تربية حبوبات ـ لكن ما بسوى حاجة من حاجات البنات لبسى براهو فارز عيشتو علاقاتى مع بنات نوعية محددة يعنى ناس اقعدو واشترينا فستان من وين وفرشنا شنو ما بعرفا وبسوى البقدر عليهو مرة عندى زول زميل مسمينى اخونا ودا ما مجانا لانه فتح شطنتى عشان يلاقى مرايه ما لقى لقى ليهو كتب وورق فقال : انى بشيل شنطة بنات فيها حاجات اولاد دحين يعنى هسى اقيف وين ؟ مع انه حاجات الاولاد مرات تلاقيها ما حاجات اولاد والمعنى واضح
ومرة زمان استاذنا فى المدرسة فى الابيض المرحلة الثانوية كان لمن الشتا يجى بشترى لى الكريم عشان اتمسح من البرد فى الابيض لانه جاف
احترت مع كلامك دا امشى مع المسترجلات ولا المتانسات ؟
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: سلمى الشيخ سلامة)
|
| Quote: احترت مع كلامك دا امشى مع المسترجلات ولا المتانسات ؟ |
غياتو النصيحة يا سلمى تمشى معاي ودومة..
اها يا عواطف زول من الناس حاميني ابقى انثى ورقيقة ونظرتي ساحرة فتاكة
اها سلمى الشيخ دي.. لاقتني مستحمية ولا بسة خاتم
قالت عشتا وشوفتك يا بيان ..ومتنوعمة ومترققة لدرجة لابسة خاتم
بس طوالي انحرجت وقلعتو..
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: bayan)
|
| Quote: إلا إذا كانت رجولة النسوان مواقف !! |
أها شن رايك في المرة الضكرانة الحلفت على الضيف وقالت ليهو: (عليّ بحلفو كما نزلت)( أي على الطلاق ) وقد جاء الضيف ممتطياً ظهر دابته، قاصداً بيتاً يبيت فيه وقد أرخى الليل سدوله، وسيد البيت الـ "مرتو حلفت بحلفو" "إدّسى" من الضيف مجرد ما شافه جايي عليه، والشيء البزعل أنه كان زولاً مبسوط "وزريبته قدام بيته" مليانة بالحلال. عليك الله زي ده ما حقو إجلدوه وزي المرة دي كان عندها أخت الزول ما طوالي يمش ويتقدم ليها، ديل النسوان ولا بلاش.
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: إسحاق بله الأمين)
|
الفتيات المسترجلات
من الطبيعي أن يحب شاب بنتا أو أن يتحرش الشباب بالبنات ويغازلوهم .... لاكن ؟
أن تتحرش فتاة بفتاة اخرى !!!
هذا ماهوا غريب في المسألة
اصبح بعض الفتيات يشاركون الشباب في التحرش بالبنات ويضايقونهم,
وتجد ان كل بنت مسترجله لها صديقة ((قيرل فرند)) مثل ما يقولون, وهذه
البنت المسترجلة مسيطرة على هذه البنت العادية وتفرض رأيها عليها
وأوامرها, مثلا تقول لا تخرجي مع فلانة لأي مكان أو لا تذهبي للسوق
لوحدك أو ....الخ.
لا والامر اشد من ما تتصورون حتى أن البنت المسترجلة تصرف على
صديقتها وترفض ان يوصلها احد الى الجامعة او غيرها من الاماكن وكأنهما
رجل وزوجتة.
لماذا يفعل هؤلاء البنات المسترجلات ذالك :
هل هذه حاجة سيكولوجية ثانوية في حياة الفتاة المستر جلة
أولية: مثل الطعام والشراب والهواء
ثانوية: مثل النوم والزواج ...الخ
احتاروا علماء الأحياء في تصنيف هذه المسألة ومنهم من قال أن هذا هو
جنس ثالث ليس برجل ولا بنت
ومنهم من قال انهم يفعلون ذالك للشهرة بين أصدقاء المدرسة او الجامعة
ومنهم من قال انهم يفعلون ذالك كنوع من الاحتجاج انها خلقت بنتا وهي
تريد ان تكون ولد ((والعياذ بالله))
ومنهم من قال ان البنت فقط تحسد الاولاد على حريتهم المطلقة في الخروج
من البيت وممارسة جميع الرياضات والاشياء الاخرى بدون ان يستغرب الناس منهم ذلك
عزيزي القارئ هل سبب تلك الظاهرة هوا احدى هذا النقاط التي ذكرت
او أن هناك نقطة تعتقد انها صحيحة ولم تذكر,أذا كان لديك نقطة تعتقد انها صحيحة
او اقرب للصواب أخبرنا بتلك النقطة
>>>>>>>
وأرجو أن أرى ردودكم ... وأرائكم..
تحياتي لكم جميعا
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: إسحاق بله الأمين)
|
Quote: عموما أنا لا أقصد أسترجال المواقف أو الضرورة بل أتحدث عن المرأة التي تحاكي الرجال لأنها تعتقد
أنهم أفضل من بنات جنسها أو مميزين عنها يعني بتشعر بالدونية |
اها في كلامك دا بتتحدثي عن المرأة البتحاكي الرجال..
كيف مرة بتحاكي الرجال وهي حاسة بالدونية.. بعدين منو المرأة المابتعتقد
انه الرجال وضعهم احسن من بنات جنسها؟
لالالا يا عواطف انت تحتاجي لورشة جندرة سريعة جدا..محتاجة تشوفي
الدنيا انه الراجل من تنافسيه وتظهري ذكية وعارفة بحس طوالي
بعقدة النقص ويحاول يحرجك.. لانك بتهزي عشو...وتدودهيهو
ويحس انه مملكته اتهزت..الراجل عايز مرة ضعيفة
عشان يتفوق عليها لانه بدون ما يكون متفوق ما بعيش طبعا الا من رحم ربي
عندي صاحبتي بتها عبقرية وبتدرس في هارفارد.. عمرها 24 سنة
امها شفقانة جدا عليها لانه ما عندها اي شغلة بالرقة والنعومة
والاولاد.. اها طوالي بتسألها ما عملتي ليك حبيب مافي زول عايز يخطبك
قالت ليها يا ماما ان بفتش في زول اذكى مني
او ذي عشان ما يتعقد مني.. ويفرمل تقدمي العلمي..
عشان كدا يا عواطف... ربما الانتي بتفتكري انهم بحسو بالدونية ديل من الرجل
بس اذكى منه لما يكونن ذكيات الناس بتفتكر انه مسترجلات وبحاكو الرجال
لانه الطبيعي عندهم المرأة تكون غبية واهتماماتها
منصبة في حاجاتها البسيطة.. اللبس والكريمات
والمكياج..طالما المراة كدة خلاص الراجل مبسوط وهي مبسوطة بجهالتها السعيدة
من تطلع من جهالتها الى الوعي القاسي تطلع مسترجلة..
والغريبة يا عواطف انك بتتكلمي عن المراة الوصفتيها بالاسترجال
كأنه حاجة كعب ولازم تكون توسكا لمسة حنان
الزمن العلينا دا كان المرة ما شالت عكازها تتأكل اونطة ساكت.
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: bayan)
|
عيييييييييييك من امبارح لليلة الموضوع سخن وانا ولا انا هنا. المهم داير اقول ليكم ان عندنا بي جاي قريب من البيت رمية حجر عاصمة الجماعة اياهم من الجنسين مدينة سان فرانسيسكو الساحرة واظن ان صديقي سيف جبريل صاحب يوميات سائق تاكسي الانيقة افضل من يجيد التغزل في هذالمدينة. نرجع لي موضوعنا المسترجلات هنا اظنهن بختلفن تماما عن المسترجلات المعنيات من معظم المتداخلات والمتداخليين اولا الواحدة مشيتها زي حضرة الصول ونظرتها للرجال التقول الواحد كاتل ابوها واهم شي العضلات الواحدة بدل الكوافير تمشي الجيم ويا ويلو من يرفع ديلو ولازم الواحدة تكون مجكسه واحدة قمة في الرقة والانوثة ولا بأس من الزواج لان زواج المثليين حلاااااال بشرع كالفورنيااها جنس ده لاقاكم؟؟؟؟؟؟؟؟؟.
اما الاتجاه المعاكس ناس تالتين الفي كل شي مشاركين ديل هنا بسدو عين الشمس ولو داير تشوف العجايب ما يفوتك مهرجانهم السنوي في المدينة حيث كل المتاح مباح واعفوني من وصف اي حاجة عنهم مراعاة للذوق العام لكن بس اخر مطالبهم السماح للمتزوجين منهم بتبني الاطفال؟؟؟؟؟ المحيرني بس الطفل المسكين ده لما يتعلم الكلام بعدين اخاطب الابوين الكريمين كيف ؟؟؟ بابا وباباماما ولاشنوووووووو.
وقال ليك ناس السير التون جون ومارتينا نفرتايلوفا اخر استمتاع بالحياة .....دنيا.
محمد
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: bayan)
|
الحبيبة د. بيان !!!
معزتي ,,,
مع جزيل الشكر على مداخلتك الرائعة بحق وحقيقي وفعلا بعض الرجال لا يقبلون أن تكون المرأة أذكى أو
أقوى لذا يفضلون الضعيفة اللي ما عندها say وأنا عايشت هذا الموضوع بصفة شخصية لكن برضو في نسوان
بعتقدن أنو المجتمع الذكوري أفضل وعندهم مميزات وهؤلاء في أغلب الاحوال جاهلات وطبعا الجهل مصيبة
كبيرة بس يا بيان الحنان والرقة لا يتعارضان مع قوة الشخصية فسيدنا عمر ابن الخطاب كان قويا صعب
المراس لكنه في الوقت نفسه كان أرق من النسيم كغيره من الصحابة ,, لا أختلف معك فيما ذكرت ولكن أنا
أقصد نساء بعينهن يعتقدن أن عالم الرجال أفضل من عالمهن لأنهم مميزين ,, بتصدقي يا بيان عندي
صديقة عزيزة كانت في ماليزيا معاكم هناك فبل اسبوع سألتها منك قالت ما لاقتك المهم الصديقة دي
كلما يتقدم ليها زول تقول ليهم إذا أرجل مني خلي يتقدم طوالي يقولو ليها لا والله مافي أرجل منك ,,
بعدين يا اختي ما عندي مانع ادخل دورة في ورشة الجندر بس تكوني إنت وسلمى الشيخ سلامة من ضمن
المحاضرات
مودتي ,,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: إسحاق بله الأمين)
|
ود بلة !!!
مرورك يفيض بالكرم الحاتمي ,,,
وفعلا والله آدي النسوان ولا بلاش ,, عارف أسوأ حاجة في الدنيا أن يكون الرجل بخيل أو جبان ,, عشان
كدا قال الشاعر متهكما :
المال عند بخيله والسيف عند جبانه ,, شكرا على المرور ,,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: bayan)
|
بيان !!!
صدقيني مهما حاولت أنت أن لا تكوني أنثى أو ساحرة وفتانة سأجد العديد من هذه الصفات أما في كتاباتك
أو في أمومتك وتعاطفك مع الحالات الإنسانية يعني مش لازم تلبسي خاتم أو تخلطي كريمات عشان تكوني
أنثى رقيقة ,, هسي في داعي تخلي البت تقلع خاتمها ؟
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: سلمى الشيخ سلامة)
|
الجميلة دوما سلمى !!
ودي ,,,
أستأنس بكتاباتك الرائعة التي تؤكد أنك شخص متفرد لا مسترجل ولا مستأنث يعني حالة خاصة جدا غير
خاضعة لقوانين الطبيعة ورغم ذلك تفيضين رقة وهي في اتعقادي رقة الكاتب العبقري الذي زهد الحياة
وما فيها ليخلق لنفسه عالمه الخاص ( بدون كريمات ومرايات) ورغم كل ذلك أرجو أن لا تحتاري بل كوني
مع الجندريات يعني أمشي مع المستأنسات كي تزيد وسامتهن فبدون وجودك لن يكن جميلات ,, شكرا سلمى
مرورك يسعدني ,,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: Ashraf El Bagir)
|
أشرف !!!
سلامات يا الحبيب ,,,
مالك يا ولدي عايز تخوفني من نسوان أبوظبي ومن المشي في الشوارع إنت في دة ولا البنات في السودان
بقن ينطن في العربية لو لقوها مفتوحة ويقولو ليك يا توصلنا محل عايزين يا تقرا الفاتحة على روحك
عندنا زميلنا عكليت لمن رفض يوصل ليه واحدة قامت خمت الأشرطة الفي الطابلون وكل الورق والوثائق
ونزلت شالت ليها حجر كبير قالت ليه كان راجل أمشي وراي ضرب لناس الشرطة عليك أمان الله خوفتهم ليك
ولو الأدبار ومن اليوم داك صاحبنا ما مشى السودان شفت النسوان كيف ؟؟
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
الأستاذة عطووووفه
صباحاتك أنثي جميلة مفرهده زهرة ياسمين مغرده
ثانيا: تخريمه شوقك الزايد لقصي ده أمس رجعت لقيتوا عامل حادث تصادم
وقضينا اليوم كلوا بالمستشفي والحمدلله جات سليمه وهو شقاوه شديد ماعارف
جابه من وين ؟
عزيزتي : الموضوع له أبعاده البيولوجية والأبعاد النفسية وعامل المحيط
الأجتماعي له الدور الأول في التنشئة وسلبياتها التربوية وعدم أنجاب الولد
للكثيرين يؤدي الي غرس الشعور الذكوري عند الإناث ويتغمسوا دور الرجول وتعويض
الأسرة الأبن المنشود ودائما مانري هذا في كثيرين ولكن هناك الذي نبغضه بشده وهي
الخروج عن المألوف وهي (الصعلقه الباينه) وشرب السجارة والسكر ومايتبعه من رزائل
هذا هو المرض بعينه ولازم العلاج ومن المعالجات النفسية هي تحتاج لضبط السلوك الأجتماعي
وأن يلَم الأبوين بمباديء التنشئة الأجتماعية النفسية والسلوكية حتي لو بواسطة الأخصائين
الأجتماعين لتفادي مثل هكذا أمور تستفحل مستقبلآ ويكون العلاج مستعصي جدا ولكل مرض ،
أجتماعي إفرازاته السلبية ويتأثر بها الأسرة قبل المجتمع ولذا فهم هذة الأمور من ،
الضروريات بمكانة الأسرة وتفاعلها مع المجتمع المحيط به ومحيطه العائلي الصغير الذي
تصيبه العقد النفسية السالبه وعزلة الصحيحين من المجتمع الخارجي بسبب هولاء ولابد من
الأهتمام بالعلوم الأجتماعية في التنشئة من قبل الدخول في عالم الأسرة لضمان الأستقرار
الأجتماعي النفسي وأسهام الأفراد فيها إيجابيأ .
،،،،أبوقصي،،،،
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: salma subhi)
|
الرقيقة سلوم يا الخاتي اللوم !!!
لا فض فوك دخلت ,, فنورت أسهبت ,, فأبدعت ,, حللت ,, فأقنعت ,, شكرا سلمى على هذا الإبداع وهو ليس
بغريب عليك طبعا الجينات الوراثية تلعب دور حتى في الرقة بس بالله استرجلي شوية لزوم الشغل في
المتحف لمدة 10 ساعات وكدة ولزوم التعامل المباشر مع الجمهور إن كان يحدث ذلك فللضرورة أحكام ..
| |
|
|
|
|
|
|
|
|
 Re: المسترجلات والسير في الاتجاه العاكس !!!! (Re: الصادق صديق سلمان)
|
أخي العزيز أبو فتحية !!!
والله كلامك صاح فعلا البنات أصبحن أكثر جرأة بفعل تعدد الثقافات والحضارات وفعلا هناك فرق كبير بين
الجرأة المافي محلها وقوة الشخصية أيضا هناك خيط رفيع بين الصراحة والوقاحة ومن خلال عملي في
الصحافة صادفت بنات جريئات بشكل غير طبيعي في طريقة اللبس والكلام يعني مرات يخجلو الأولاد بجرأتن
الفايتة حدها وطبعا دة دليل على عدم التربية أو التربية الحديثة التي أصبحت خطرا يهدد الأبناء أما
الأنوثة والرقة وليس ضعف الشخصية فاعتقد أنها في طريقها للإنقراض قالن بقت ما بتأكل عيش حسب كلامن
عموما حمانا الله وإياكم من زي ديل ,, شكرا الصادق الصديق ,, أبق معنارأيك يهمنا ,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: الصادق صديق سلمان)
|
| Quote: أن بعد النساء في البورد أصبحن يكتبن بطريقة مشينة وبذيئة كما يكتب الرجال وتجد ألفاظ وجرأة لم أكن أتخيل أنها موجودة في أنثى وخصوصاً أنثى سودانية |
سلام يا ابو فتحية
كيفك؟
كلامك دا غريب ..
هل من صفات الرجولة كتابة الكلام المشين البذئ؟
ولما النساء يكتبن ذلك يكونن مسترجلات..
عاد النديك الخبر النسوان مرقن يشيلن حقهن..
هن رقيقات ناعمات مع من يحسن معاملتهن
لئيمات خشنات مع من يتخاشن معهن
زمن الفوارس غار يا ابو فتحية.. كر عليكم..
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
الأستاذة بت ادريس
| Quote: عموما حمانا الله وإياكم من زي ديل ,, شكرا الصادق الصديق |
آمين يحمينا ويحمي بناتنا وبناتكم واخواتنا واخواتكم وبنات وأخوات أمة محمد صلى الله عليه وسلم المسلمة جمعاء.
والشكر لك في الحقيقة لما تطرحينه من مواضيع دسمة نابعة من لب مجتمعنا السوداني.
ولكن لي رأي يا بت ادريس: هو أن الأنثى التي تظهر جرأتها وبذائتها وتنفي حيائها تكون أنثى غير مرغوب فيها من قبل آدم!!! ولا رايك شنو؟؟؟
أبوفتحية
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
دكتورة بيان
تحية طيبة
Quote: كلامك دا غريب ..
هل من صفات الرجولة كتابة الكلام المشين البذئ؟
ولما النساء يكتبن ذلك يكونن مسترجلات..
عاد النديك الخبر النسوان مرقن يشيلن حقهن..
هن رقيقات ناعمات مع من يحسن معاملتهن
لئيمات خشنات مع من يتخاشن معهن
زمن الفوارس غار يا ابو فتحية.. كر عليكم.. |
لن اتفق معك أبداً فيما ذهبت إليه يا أختي لأن الأنثى دورها معروف وهو دور هدية لها من رب العزة والجلالة (قال ثم من قال أمك.. إلى أخر الحديث) وإذا تنصلت عن هذا الدور يبقى على الدنيا السلام .. وبعدين يا دكتورة لماذا تقحف الأنثى نفسها في مناطق ومواضيع قد تسيء لها أو تجبرها على الخروج من هيكلها الوردي النرجسي الذهبي إلى دور البذاءة والألفاظ النابية ولأن الرجال (بتاعين شوارع) أعني أن حياة الرجل تتمركز في الشارع وإحضار الرزق والمكابدة من أجل ذلك فهذاالدور يجعل منه أو يتطلب منه أن يكون شرساً في بعض الأحيان وعندما يعود إلى أنثاه يتمنى أن يجد شيء آخر غير الذي يجده في الشارع (كمان مامكن شراسة في الشارع وشراسة في البيت  )
أبوفتحية
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: الصادق صديق سلمان)
|
اها كمان يا ابو فتحية ما تبالغ
اسع النسوان بقن ماسكات البيوت
يمرقن للرزق ذي الرجال واحد..
بعدين انت تقول في المنبر دا
يعني النسوان بس يقعدن يتراققن
ويتنعمن ويخلن الرجال يشتموهن؟
افو افو افو..
مينو قاليك شرسات في البيوت
والله ناعمات حرير بس
ماسكات عيالهن محترمات رجالن
مكرمات ضيوفن بارات باهلن
لكن برة الذي الغابة دي
باقيات شرسات
اسه النبي في المنبر دا
في رجال كدا يمكن تكون معاهم ناعم؟
والله عاد عشكم اتهز شديد ودودوهتو تب..
كر علي تاني ( شايف الحنية دي)
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: الصادق صديق سلمان)
|
| Quote: أولاً تأكدي أنك محل تقدير واحترام شديدين لدينا |
انا عارفة والله
لو كان الرجال ذيك رغم قصة شغل النسوان
كنا بقينا اسعد نسوان في الدنيا,,
انت راجل ضكران دائما بتقول الحق
عشان كدا انا بحترمك جدا
واسع انا بس بهظر معاك ساكت..
قلت النشاغل اخوي المن زمن السحابة دا..
وعارفاك راجل كريم..
اها صاحبة لي كانت بتقول للشغالين المعاها
الفرق بيني وبينكم بص صعوتكم دا...
كان سفيت بفوتكم جت عليكم..
اها شوفت كيف؟
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
عواطف سلامات
دايما بتخجلينا بالمواضيع الانيقة
واصلى واضربى فى الصميم
انت عارفه اتفاقى معاها حيكون كده
شوفى يا بت الناس لو دايرانى اشيلك فى راسى شيلى لى امى فى راسك
اتفقنا ولا عندك كلام
لو قالت عندها كلام ان برضو عندى كلام
كل ما تحترم الحاجة بتاعتى طبعا حيزيد احترامى ليها
والقلم ما بزيل بلم
ملحوظة
كلامى القلتو ليك داير اسمع اجابه واضحه
اها حتكتبى فى الجرايد السودانية ولا نكتبك بالرجاله؟؟؟؟؟
ولن اخسر الرهان
تحياتنا
محمد
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: محمد المختار الزيادى)
|
حمودي !!!
يا هلا بها الطلة البهية والعبور الممهور بألوان الطيف ,,,
والله يا حمادة الأم زيها مافي بس لو شالت ليك أمك الله يسعدها فوق راسها وإنت شلتها هي فقو راسك بتكون
شايل نفرين فوق راسك وأخاف تقع تتكسر عشان كدة قول ليها شيلي أمي فوق راسك دة بشيلك فوق عربيتي
دي بوديك محل ما عايزة ولا شنو رايك ؟ شكرا أيها الرائع على الكلمات اللي في الصميم ,, طلبك ينظر
في أمره ويكون دوما محل اعتبار ,,
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: عواطف ادريس اسماعيل)
|
Quote: حمودي !!!
قصصك بالجد بضحكني وعايزة أسألك بي صحك كدي ساكن جنب الناس ديل ؟؟ أخير ليك أرحل قبل ما يقوم واحد
فيهم يتبناك وتبقى في حيص بيص ,,, |
الرقيقة الانيقة الكتااااابة عطوفة الادريسية
و بالجد انا ساكن جمب الناس ديل لكن هم في حكاية التبني دي شوية منعزليين والحمد لله لكن لو ركبو جنهم وضيقوا علينا الخنااق واتلايقو( وفالو لينا يا تكونو فيها يا نطفيها)الا تشوفو لينا شغل معاكم بي هناك ان شاء الله رئيس تحرير زهرة الخليج ما مشكلة.
حمادة
سمعت حكاية الواحد قاعد مركلس جوهو الجماعة جارييين قالو ليهو الحق يا زووول ثعبان ضخم دخل على نسيبتك جوه الاوضه قال ليهم ببرود( اشيل شيلتو القال ليهو ادخل هناك منو).
اها ده بعدين بكون شعور اي واحدة من نسيبتها يعني لو واحدة قات ليك بشيل امك فوق راسي الحاجة حتقول ليك ليه راسها بس وين ايدينها محننات؟؟؟
مودتي محمد
| |
|
|
|
|
|
|
|
|
|
Re: المسترجلات والسير في الاتجاه العاكس !!!! (Re: mohmed khalail)
|
حمادة !!!
صباح سعيد وعمر مديد !!!
أهلا بيك في زهرة الخليج عشان الجماعة ديل ما بتقدرو عليهم القانون معاهم وقبل ما يهجموا عليكم
افرنقعوا طوالي ,,,
في كاراكتير مصري ظريف ناس طالعين في مظاهرة تعبير عن الفرح وشايلين ليهم واحد في الإعناق كاتبين
عليه البطل الل قتل حماتو طبعا الحماة المصرية حاجة مرعبة بالنسبة لزوج بتها كان الله في عونهم
شكرا على عبورك الحميل ,, محبتي ,,
| |
|
|
|
|
|
|
| |
عواطف ادريس اسماعيل
mohmed khalail
حيدر حسن ميرغني
أبوذر بابكر
doma
bayan
Hussein Mallasi
ibrahim fadlalla
abubakr
هاشم أحمد خلف الله
مجدي عبدالرحيم فضل
ابو جهينة
الرفاعي عبدالعاطي حجر
د.محمد حسن
الصادق صديق سلمان
رأفت ميلاد
سلمى الشيخ سلامة
إسحاق بله الأمين
محمد صباحى
Ashraf El Bagir
salma subhi
محمد المختار الزيادى
حبيب نورة
فيس بوك
تويتر
انستقرام
يوتيوب
بنتيريست