|
|
 دومة وانا ذات حنين
|
ذات مساء طاعم وجميل رن تلفون البيت
الو
اهلا
خالتك دومة
اهلا معاك حبوبتك اشراقه
وضحكنا
دومة، انسانة مليانه محنه
تضحك حتى تقطعت مصارينى ومصارين اسلاك التلفون
تجيد الحكى
صوت رنان ذات عشرين ربيعا وزهرة
ساعتين من اجمل ساعات غربتى
ضحكنا
وحكينا
وشكرنا البورد
وينك يادومة يا انسانه
مشتاقيين طلتك البهية يابهية
|
|
 
|
|
|
|
|
|
|
|
Re: دومة وانا ذات حنين (Re: الجندرية)
|
بنات العباسي المفخره البنات البشدوا الحيل وبعدلوا الميل وهلوله السمح قولا تسنيم وندي امين يوم شكركن ما يجي انتن بنات حشاي وحبيبات قساي .
الجندريه الصفيه طاعم كلامها ونغيمها سكر قربت ستو الاجازه تخلص وينفض الجمع ونقفل مطعم الصفا لوووووووووول
الابنوسه البت النخله عالي مقامك غالي كلامك دايما بشابي ليك ليتني استطع وصلا بجيك والله بجيك .
دكتوره بيان لووووووووووووووووول يا حبيبه المهم سيك سيك معلق فيك ماعندك طريقه تتفكي مني ابدا يا حامله المسك ولانك زوله كريمه وانا طماعه فاني اتعشم انا انال من فيضك يومها ايض
الحبيبه ندي مصطقي
بالطبع لم نتعارف بعد وحقيقه العالم قريه صغيره بقيف عندك كثير وبغلبني الكلام ...اواه من احزاني ...... شكرا ليك كثير والعشم فيكن كبير يا بنات السودان وحاملات لواء المراه بكن تزهر الاحلام
| |
|
|
|
|
|
|
|
|
|
Re: دومة وانا ذات حنين (Re: Ishraga Mustafa)
|
العزيزة اشراقة
لك تحيات الورد
شروق انسانة عظيمة
يندر ان يجود بمثلها الزمان
وانا قلت ليها طينتك يا شروق انعدمت
انا بدوري اسأل وين شروق مع طلة السنة الجديدة
وشكرا ليك ام واصل
وسنة حلوة
وتحياتي لي ايوب
خالد
| |
|
|
|
|
|
|
|
|
|
Re: دومة وانا ذات حنين (Re: Ishraga Mustafa)
|
في أول رسالة مني لها كتبت أقول: الأخت/دومة ...
ردت لي جزلة كعادتها في استشراف التواصل ودرء هموم الآخرين .. خالتك دوما .. خالتك .. رجعت أكرر أختي/ دومة وأنا موقن بأنها ليست بتلك السنين التي تعتقدها .. لا تفعل النساء عادة هذا ولكنها ليست ككل النساء .. ليس فيها منهن سوى نوعها وليس فيها من الجنس البشري قاطبةً، ولا أبالغ في القول، سوى نوعها كذلك ..
سمعت كثيراً عن الذي يعطي ويجزل العطاء ذاك الذي لا يري يسراه ما تعطي يمناه ولكني لم أر ذلك سوى مرة واحدة وبمحض الصدفة .. دعوني أزد من الشعر بيت .. بل يمكن أن يبلغ الاستياء منها مبلغاً يؤرق مضجعها إن عرفت بأن زيداً من الناس كحالتي عرف بعطاءها .. يمكن أن تزرف الدموع مدراراً حزناً وأسفاً .. وخوفاً من علم الشخص المعني بتسرب الذي غطته بودها وشهامتها وكرمها ونبلها ..
دومة .. لمن لا يعرفها .. لا تفتعل من (المشاكل) شيء أو تسعى نحوها بل تباعد بذاتها دونها ولكن إحقاقها للحق كان منهجاً خطته لذاتها بوعي منها ودون عمد في أن تثير الغبار في رؤى آخرين منهم من يسعى للفهم الخطأ ومنهم من يعتقد جازماً بأن اختلاف الرأي يفسد كل قضايا الود ..
من منّا لم تسع له دومة بالمراسلة أو بالاتصال؟؟ من منا لم تدثره بحنان زائد وحب أخوي يمشي جزلاً بالنصر وسط فرحاتنا وسعاداتنا بها أختاً أبدية وصديقة صدوقة
لله درك أختنا دومة ولك أختنا إشراقة من الشكر أجزله على فتح هذه النافذة لكي نضيء مساحة (فقط) في رؤانا ورؤى الآخرين تجاه أخت أجمل وأروع في عيون حتى الذين يقدرونها
| |
|
|
|
|
|
|
|
|
|
Re: دومة وانا ذات حنين (Re: Ishraga Mustafa)
|
الاخت اشراقة
كل سنة وانت طيبة وحمليك الودعين (مرافى وواصل) بالف خير
و الخالة دوما واسرتها الكريمة (نزار و سوزان و ايمن) و جميعهم فى اسمى الاماكن والحاج دوم
كمان
واضم صوتى الى صوتك
نحتاج الى تليقاتك القصيرة التى تعادل مقالا بحاله.
هلا عدت
بكري الجاك
| |
|
|
|
|
|
|
|
|
|
Re: دومة وانا ذات حنين (Re: SalahDirar)
|
الاخت اشراقة
كل عام وانت اكثر اشراقا
الاخت دومة
شخصية محبوبة في هذا البورد وهي شجاعة في ارائها
دومة نحن نفتقدك وفي انتظارك يا عزيزتي وكل عام وانت واسرتك بالف خير
مع تحياتي وتقديري
| |
|
|
|
|
|
|
|
|
|
Re: دومة وانا ذات حنين (Re: Ishraga Mustafa)
|
اشراقة
كل سنة وانت طيبة ..
عرفنا حاجة دومة من البورد الاخر .. عرفناها
من خلا مساجلاتها ومناقرتها لاخونا ابو ريشـة ..
تزكرني دائما بزمن جميل رائع .. زمن المحنة
وحقيقـة نفتقدك يا مامـا دومـــة
كلمة صغيرة لاشراقة
سمعنا انو اليومين ديل ظهر توب موضة في السودان
سموه ( تـوب اشـراقة ) واى شنطة شيلة لازم يكون
فيها توب توبين من تياب اشراقة ..
غايتو يا اشراقة انت ماتجيبى لينا الا المشاكل
| |
|
|
|
|
|
|
|
|
|
Re: دومة وانا ذات حنين (Re: Ishraga Mustafa)
|
صلاح ضرار
والله انت غردت جميلا حوه السرب
وددكين، تصدق يا اخوى فى انسانة وانسانة جميلة جدا اسمها دومة، ماتفوت فرصه اضافة زولة زيها لرصيدك الانسانى
وكانا فى انتظارك يادومة
| |
|
|
|
|
|
|
|
|
|
Re: دومة وانا ذات حنين (Re: Ishraga Mustafa)
|
سلامين للجميع ..
حبوبة دومة او حبوبة شروق ..
مع ان الاسم باللنقليزي لاكين طوالي بوديهو لي شِدرة الدوم
الدوم شدرة صامدة ..وصبورة ..عالية ودُغرية لا تعرف الميلان ..وياها المنها بنعرِش بيتنا ..
(المِرق) والرصاص (الشقيق)..ومنها (سعفنا)..والسعف استعمالاتو كتيرة بالحيل ..
منها برش صلاتنا ..وضرانا من الشمس في رواكيبنا وبيوتنا ونحنا راحلين ..ومنو حبلنا ورباطنا ..ونسيج عناقريبنا ..
اقلاها السعف المنو (الهبابة وطبق الكسرة والقفة ..وعييييييك .. )..
حتى (جبنتنا) نامن نجي نصفيها ..بنسوي ليها (ليفة)ايضاً من شدرة الدومة ..وحتى جمل الشيل بكون (سرجو) مبطن بي ليف شدرة الدوم
الدومة شجرة يكمن ان تُشاهد في اماكن كتيرة في السودان ..
والدومة تذكرني بـ(أتبرة أم دوم )وتلك الوجوه الجميلة..
تلك الديار ..ديار يظللها الدوم فيسكنها الحنين ..
كل عام وانتم بخير
وتقعدوا عافية
قيسان
| |
|
|
|
|
|
|
|
|
 Re: دومة وانا ذات حنين (Re: Ishraga Mustafa)
|
| Quote: دومة، انسانة مليانه محنه |
يشهد الله أن هذا دوماً ما اردده
كل من تعرف علي "ماما" دومه يشده ذلك الحنين الذي يتلمسه الانسان مع اول كلمه لها..
ماما دومه .. ولا استطيع الا أن اقول ماما دومه لاني فعلاً اضعها في مراتب الامهات.
لها التحيه والاحترام كله
ولك اختى اشراقه كل الامنيات الطيبه
وكل عام والجميع بألف موده ومحنه
| |
|
|
|
|
|
|
|
|
|
Re: دومة وانا ذات حنين (Re: gessan)
|
لووووووووول يا قيسان دا كله فوق شدرالدوم اها انا مارقه علي الليد عندي غنيمات دايره اقدمن كان يلقطن لهن برم من السيال داك دحين اوعك تغفل منهن يهبرن علي خدار الناس داك نبقي في غرامه وبغشي فاطنه بت مدينه بكوجنن لهن في حلو مر اخد لي معاهن خشم خشمين بجي فسراع اسويلك الفطورفوق الكوره الخديره وديهو التحتانيه اخيك قام من دغش قارعلو مويه وانت تلعب في سكج بكج
| |
|
|
|
|
|
|
|
|
|
Re: دومة وانا ذات حنين (Re: Rawia)
|
طبعا شهادتى مجروحة
تسلم لينا
ام نزار وسوزان وسامى
احبها
تعلمت منها الكثير الكثير
ورغم الاختلاف الفكرى
الا انها دائما فى القلب
معطاء وكريمة وطيبة
( بس ما تدوس ليها على طرف)
ناعمة كالحرير
فى حالة الصفاء
وحادة كحد الشفرة
اذا اشتمت ريحة الحقارة
امرأة مدرسة(SCHOOL)
وكل الكلام القالوا الاديب صلاح
لانى ما بعرف اكتب كلام سمح
ويا دكين
افو؟؟
مرة كتب عنها بناديها كلاما جميلا
وسخر من العجز المدعى
وكانت اجمل ما كتب عنها
اتمنى لو بناديها اعاده مرة اخرى
ام واصل
ربنا يديك العافية الونسة ساعتين دى ما تنفعكن
حسادة كدا
| |
|
|
|
|
|
|
|
|
|
Re: دومة وانا ذات حنين (Re: Ishraga Mustafa)
|
ماذا ساكتب عنها
بعد كل ما كتبتم وكتبتن؟
خالتى دوما كل سنة وانتى طيبة
اشراقة امنياتى لك بعام قادم اجمل
الجميع
اسال الله ان يحقق كل امنياتكم/ن وانتم تستقبلون/ن عاما جديدا"
وربنا يديم بيننا المحنة فى رحاب هذا الوطن السايبرى
| |
|
|
|
|
|
|
|
|
|
Re: دومة وانا ذات حنين (Re: Ishraga Mustafa)
|
..
.
شوفى الزمن يا يمه
ساقنى بعيد خلاص
دردرنى
واتغربت
واتبهدلت
ورينى الخلاص
ساقنى القدر منك بعيد
لآذايا كأس وجرعنى كأس
***
يا يمه
يا فيض الحنان الما كمل
يا يمه
يا بدرى البشع دايماً يهل
يا يمه
يا نور الصباح وكتين يطل
واشرى يا (زينوبه) ولدك
فى دروب الشوق كتل
محروم من الحب والمحنه
وراك همل
***
يا يمه
يا بحر المودة وكت يفيض
يا يمه
يا شعلة أمل زادت وميض
يا يمه
يا عنقود كلام منظوم قريض
يا يمه
يا نغماً حس بالشوق يرن
وافكارى فيهو .. بيرتعن
دمعاتى شانو .. بينزلن
***
واتذكرك يا يمه
فى الدغش النسايمو يهبهبن
قايمى الصباح متكفلتى
شايلى الحليلى على المراح
والساعة ديك يادبو ديكنا بدا الصياح
والطير ضغارو يغردن .جبتى اللبن بانشراح
***
واتذكرك يا يمه
ساعة الهجير صالاكى نار الدواكى
عُستيلنا الفطير
رشيتى قلتى اكلوهو ...خير
واتذكرك يا يمه
يا بسمة الطفل الغرير
وكت الخلوق ترقد تنوم
واسهر براى أرعى النجوم
والشوق يرف جنحيهو
بى فوق لى ..يحوم
,اهتف باسمك فى الخيال
طيفك كمان بي فوقى جال
واتمنى لو لحظات يدوم
لكنى فجأة القاهوو.. زال
***
واتذكرك يا يمه
ساعة الناس يجونا من البلد
ناعم ترابا على جسيماتن رقد
ريحة التمر فوق الهدوم
لون الخدار خانس لّبد
والشوق أولرو بيشتعل
كان ظنى فيهو يكون خمد
***
واتذكرك يا يمه
والناس قالو قايمين البلد
رصو الهديمات ..عدلوا
ركبوا اللوارى .. وقبلوا
خلونى وحدى بلا أنيس
كيف انفرادى ..اتحملوا
شالوا السلام من عندى ليك
وان شاء الله عندك يوصلوا
***
يا يمه
ساعة يوصلوا
ويقولوا ليك ..شفناه فى بلد الامان
مبسوط ورايق فى امان
أنبسطى يا نبع الحنان
وانا حالى يشهدبو الزمان
يا يمه رسلى لى عفوك
ينجينى من جور الزمان
يا يمه
رسلى لى عفوك
ينجينى من جور الزمان
----------
ماما / دومه
مش قلنا الاسم دى عايزين نغيرو لتفاحه ان شاء الله كمثرى
والله ان لم اخرج من رحم فاطمه لتمنيت ان اكون تؤاماً لنزار رغم
فارق السنوات وليكن ..
والله مهما كتبت لن ولم اوفيك حقك ولكن دوما بينا الامنيات والمعزات
عارفه الاتصال بدول الشينغن دى معقد اكتر من ناس جنوب شرق اسيا خاصة حلتكم الجديدة .. ما عارف السبب شنو ؟؟
يكون يا ربي ؟؟
تسلمى ويديك لى طول العمر فى الدنيا يوم ما يألمك
اختى / اشراقة مصطفى
ما حاقول خالتو الا ماما تنفى اللقب
شكرا ليك وبالله ما تقطعى تلفوناتك منها
ومعليش جيت متأخر لانى ما شفت البوست دا
دمتم لهم، لنا جميعا
| |
|
|
|
|
|
|
|
|
|
Re: دومة وانا ذات حنين (Re: bayan)
|
شكرا ياملاسى، ساحاول الاتصال بها، عندى مشكلة فى التلفونات، بتاع البيت فيهو مشكلة والموبايل الله يدى مرافىء بيتى العافية قرمت رقم منه
بيان
شكرا انك لفتى نظرى لهذه المرأة الرائعة، فعلا عنك حق مااروعها ومااقوانا بيها
| |
|
|
|
|
|
|
|
|
|
Re: دومة وانا ذات حنين (Re: Hussein Mallasi)
|
| Quote: سودانيه الفين النبي البت المحجبه الخاتاها في بروفايلك دي تبقي ليك شنو؟؟؟ |
| Quote: اجمل ما كتب عن التجربه الاسلاميه الانفخشاريه |
ها قد عادت دومه بالسلامة ..... و العود احمد !!!!!
ملاسى
| |
|
|
|
|
|
|
|
|
|
Re: دومة وانا ذات حنين (Re: Hussein Mallasi)
|
يا حسين ولدي مالك ما تشيل حالي وتنقح طاري انا زائغه وحات النبي من الناس الحلوين ديل متل زوغتك من ناس الرحمابي لوووووووووووول تصدق انا اشاعه و الله ما قدرالكلام الكتبوه الحبان ديل دخلتوني في ضفاريني
| |
|
|
|
|
|
|
|
|
|
Re: دومة وانا ذات حنين (Re: ASAAD IBRAHIM)
|
لووووووووووول اسعد ولدي ما تستغرب اصلوا دكين دابالع حراساتو وعنده سياسه خالف تذكر. بعدين بيكون زعلان مني لاني حظرتوا ليه اربعه شهور خلاص يا دكين عملناليك افراج مؤقت
| |
|
|
|
|
|
|
|
|
|
Re: دومة وانا ذات حنين (Re: unixo)
|
احبتي ادهشتموني حقيقه فانزويت خجلا وراح علي الكلام انازوله برايا اها الليله ديك اتصلت علي البت السمحه اشراقه وهاك يا قصص وحكاوي ومع اني ما تربيه حبوبات وكنت اغير وانا طفله من الاطفال العندهم حبوبات فصنعت لي حبوبه في خيالي وتقمصت دورها فقدت ابي وامي في الصبا الباكر فصرت اباواما.
صلاح ضرار الرجل النقي اول مره اقرا حروفك حسيت اني بعاين لي زول مصنوع من زجاج قدرت اشوف جواك وبهرني صفاك بعزك شديد ياصلاح الله يحفظك من كل شر .
| |
|
|
|
|
|
|
|
|
|
Re: دومة وانا ذات حنين (Re: doma)
|
دومة هنا
دومة جات يابنات
يالله نغنى كلنا
ملاسى
وصلاح ضرار وهدهد
وكل الاخوان الكرماء
شفتى كيف يادومة نحنا بنعزك وبنريدك لوجه الله كده
اصبرى على لمن اكتبك
اشراقه
| |
|
|
|
|
|
|
|
|
|
Re: دومة وانا ذات حنين (Re: doma)
|
لوووووووووووووول دكين طبعا الايام دي اناحاظراك والله منقتنا قالت الا تجيب قوله خير .ما بندفق مويتناعلي الرهاب اهاتعال نديك نمره الحساب وما بنقبل الا بالاوير و الايام دي !!!
| |
|
|
|
|
|
|
|
|
|
Re: دومة وانا ذات حنين (Re: doma)
|
التحايا يا اشراقة لك ولصحبك الجميل هنا وكل سنة وكلهم وكلهن بخير . ويادومة أنا بعد الصورة الحلوةالشفتها ليك في المنبر ديك تاني خايفة نقول ليك الابنة دومة ، وحشتينا كتير والله .
| |
|
|
|
|
|
|
|
|
|
Re: دومة وانا ذات حنين (Re: رقية وراق)
|
رقيه حبيبه الليل الطويل اهلابيك وينك يا حنينه لوووووووول الصوره انتي ما عرفتي قصتها ؟؟؟ ماحقتي والله كانت مجرد خطه عشان نشوف الناس البكبو الجرسه الصوره اظن لملكه جمال اثيوبيه حسب كلام ابا والود تمبس
| |
|
|
|
|
|
|
|
|
|
Re: دومة وانا ذات حنين (Re: doma)
|
اولاد حشاي حباني وتوب غطاي تختوا الراس وتصدوا بالناس
التبلدي ,بكري الجاك , جمال , مارد , ياسر , حسين, منعمشوف , محمد الشيخ, الشريف , عمرعلي , اسعدابراهيم
فرحانه بيكم كثير بحبكم كلكم والله تحتلون مسارب الروح صدقوني اني اسعد ام في الدنيا انه يكون اولادي كل الناس الرائعيين ديل وفي ناس كتارتانيين برضي اتبنيتهم رغم انفهم ناس ايهاب الخنفشاري وجزلوت المتخنفشر وسنتمنتل والعطبراوي واسماعيل وراق وتمبس وابا وياسيكو وخضرحسين والقايمه تطول
(عدل بواسطة doma on 01-09-2004, 01:18 PM)
(عدل بواسطة doma on 01-09-2004, 01:30 PM)
| |
|
|
|
|
|
|
|
|
|
Re: دومة وانا ذات حنين (Re: doma)
|
دومه الحبيبة
كم اشتهي ونسة معاك في ضل ضحى
وشراب فنجان بكري جنزبيلوا يولول
يحرق في جوف
يمرق الضحكة التنادي الفرح
من اخر الشارع
ولا شوربة كوارع ملاينة بهارات
تخليني اضحك جنب البحهم قر
وما انكسف من نفسي وانا شالع
| |
|
|
|
|
|
|
|
|
|
Re: دومة وانا ذات حنين (Re: doma)
|
Unixo
الشوق بحر يازين والله لولقينا فكي اب ريشه هناتكون تمت الخياطه بالحرير علي قول محمد كبر فاقداه شيخي والبخرات كملن ليهن شهرين مازلت اذكر الترجمه للبياض بالفرنساوي لووووووووووووووول بالله لو لاقيتو قل ليه الحاجه قالت ليك ماتتوصي حاج دومه الايام دي قامن ليهو رويشات
| |
|
|
|
|
|
|
|
|
|
Re: دومة وانا ذات حنين (Re: doma)
|
اهاالدور علي اخواني الصغار وح نعملها حسب العمر اولا حاج سجيمان لانه ولاده حبل وشهادته تسنين الخازوق تكون لابد بي بت الاسود لوووووووووووووووول كل سنه وانت طيب يا حاج والجايه علي مني حضر ورقك واطعن من اسع .
نعني نعني شنو يا خالد وهدهد انا ح ازعل... شنو؟؟ لا شوفه ترد الروح ولا خبرا يطمن انا البي كله هين اريتو اياس يبقي طيب .هدهد بتذكرني الاغنيه بتاعت بلال تزورني مره يا حنان تزورني مره
| |
|
|
|
|
|
|
|
|
|
Re: دومة وانا ذات حنين (Re: doma)
|
دايما القى روحى متاخره:
دوما ايام عاصم الحزين..اتحزمت واتلزمت..ووقفت وقفة المايخجلن..
واستشفيت حنانها واصالتها وقدرتها على العطاء..من التجربه دى..ولو انها ما كانت خافيه على قبلها...
وشوشت لى عصفوره..قواله..للخير..انها "صغيره وجاهلة" وانها متعجزه من كتر الوقار..
ياربى يا سيدى يا مولاى.. تفتح على بتلفون..من خالتى دومه..ونقرقر فيه كدىىىىىىىى لمن "ابليسنا يخجل" ونشكر فيه حمد البورد
أمين يا رب العالمين..وهنيالك يا شروق...انتى اصلك بخيته
| |
|
|
|
|
|
|
|
|
|
Re: دومة وانا ذات حنين (Re: Tumadir)
|
البت الحديقه حاشاك ما بتتاخري وكان جيتي وكان ما جيتي انت حاضره معاناوجوا الجوا هي اقدلي هي اقدلي وسكتي الخشامه واملئ المنابر ضئ .
| |
|
|
|
|
|
|
| |
Ishraga Mustafa
Raja
منعمشوف
الجندرية
doma
خالد العبيد
elsharief
SalahDirar
Hussein Mallasi
Bakry Eljack
nada ali
omar ali
ASAAD IBRAHIM
gessan
HOPEFUL
Rawia
bayan
سجيمان
أبنوسة
Outcast
mohamed elshiekh
Tumadir
bunbun
فيس بوك
تويتر
انستقرام
يوتيوب
بنتيريست