دومة وانا ذات حنين

ذات مساء طاعم وجميل رن تلفون البيت
الو
اهلا
خالتك دومة
اهلا معاك حبوبتك اشراقه
وضحكنا


دومة، انسانة مليانه محنه
تضحك حتى تقطعت مصارينى ومصارين اسلاك التلفون
تجيد الحكى
صوت رنان ذات عشرين ربيعا وزهرة
ساعتين من اجمل ساعات غربتى
ضحكنا
وحكينا
وشكرنا البورد


وينك يادومة يا انسانه
مشتاقيين طلتك البهية يابهية

دومة انتظارناك سنه
واهى عام آخر يسرق منا حزننا عسى ولعل
فى انتظارك

الحبيبتان اشراقة ودوما،،
كل عام وأنتم بخير..
لكليكما في نفسي تقدير واحترام خاصين،،
رجاء،،

كل سنة يا إشراقة إنت وأيوب والوليدات
والعزيزة دوما بـألف خير

شفتي يا شروق جمالها وصفاها
اشتقنا ليهاجد
وفيك الخير ياام واصل ومرافي

بنات العباسي المفخره البنات البشدوا الحيل وبعدلوا الميل وهلوله السمح قولا تسنيم وندي امين يوم شكركن ما يجي انتن بنات حشاي وحبيبات قساي .
الجندريه الصفيه طاعم كلامها ونغيمها سكر قربت ستو الاجازه تخلص وينفض الجمع ونقفل مطعم الصفا لوووووووووول
الابنوسه البت النخله عالي مقامك غالي كلامك دايما بشابي ليك ليتني استطع وصلا بجيك والله بجيك .
دكتوره بيان لووووووووووووووووول يا حبيبه المهم سيك سيك معلق فيك ماعندك طريقه تتفكي مني ابدا يا حامله المسك ولانك زوله كريمه وانا طماعه فاني اتعشم انا انال من فيضك يومها ايض

الحبيبه ندي مصطقي
بالطبع لم نتعارف بعد وحقيقه العالم قريه صغيره بقيف عندك كثير وبغلبني الكلام ...اواه من احزاني ...... شكرا ليك كثير والعشم فيكن كبير يا بنات السودان وحاملات لواء المراه بكن تزهر الاحلام

العزيزة اشراقة
لك تحيات الورد
شروق انسانة عظيمة
يندر ان يجود بمثلها الزمان
وانا قلت ليها طينتك يا شروق انعدمت
انا بدوري اسأل وين شروق مع طلة السنة الجديدة
وشكرا ليك ام واصل
وسنة حلوة
وتحياتي لي ايوب
خالد

ام واصل ومرافئ
كل سنة وانت والاسرة وحبوبة شروق بألف خير
وننتظر معك عودة دومة للمنبر

في أول رسالة مني لها كتبت أقول: الأخت/دومة ...
ردت لي جزلة كعادتها في استشراف التواصل ودرء هموم الآخرين .. خالتك دوما .. خالتك .. رجعت أكرر أختي/ دومة وأنا موقن بأنها ليست بتلك السنين التي تعتقدها .. لا تفعل النساء عادة هذا ولكنها ليست ككل النساء .. ليس فيها منهن سوى نوعها وليس فيها من الجنس البشري قاطبةً، ولا أبالغ في القول، سوى نوعها كذلك ..
سمعت كثيراً عن الذي يعطي ويجزل العطاء ذاك الذي لا يري يسراه ما تعطي يمناه ولكني لم أر ذلك سوى مرة واحدة وبمحض الصدفة .. دعوني أزد من الشعر بيت .. بل يمكن أن يبلغ الاستياء منها مبلغاً يؤرق مضجعها إن عرفت بأن زيداً من الناس كحالتي عرف بعطاءها .. يمكن أن تزرف الدموع مدراراً حزناً وأسفاً .. وخوفاً من علم الشخص المعني بتسرب الذي غطته بودها وشهامتها وكرمها ونبلها ..
دومة .. لمن لا يعرفها .. لا تفتعل من (المشاكل) شيء أو تسعى نحوها بل تباعد بذاتها دونها ولكن إحقاقها للحق كان منهجاً خطته لذاتها بوعي منها ودون عمد في أن تثير الغبار في رؤى آخرين منهم من يسعى للفهم الخطأ ومنهم من يعتقد جازماً بأن اختلاف الرأي يفسد كل قضايا الود ..
من منّا لم تسع له دومة بالمراسلة أو بالاتصال؟؟ من منا لم تدثره بحنان زائد وحب أخوي يمشي جزلاً بالنصر وسط فرحاتنا وسعاداتنا بها أختاً أبدية وصديقة صدوقة
لله درك أختنا دومة ولك أختنا إشراقة من الشكر أجزله على فتح هذه النافذة لكي نضيء مساحة (فقط) في رؤانا ورؤى الآخرين تجاه أخت أجمل وأروع في عيون حتى الذين يقدرونها

doma
we need you
come back pleace

Quote: صوت رنان ذات عشرين ربيعا وزهرة

هل المقصود خالتنا دومة ام بنت و لدها !!!


ملاسى

الاخت اشراقة

كل سنة وانت طيبة وحمليك الودعين (مرافى وواصل) بالف خير

و الخالة دوما واسرتها الكريمة (نزار و سوزان و ايمن) و جميعهم فى اسمى الاماكن والحاج دوم
كمان

واضم صوتى الى صوتك
نحتاج الى تليقاتك القصيرة التى تعادل مقالا بحاله.
هلا عدت

بكري الجاك

كل سنه وانت طيب ومعاولك اكثر مراسا

ليتها تعود، فلها نكهة خاصة
نكهة الثنائى بت قضيم وشيرى حبيبة البنا

Quote: نزار و سوزان و ايمن

جاك .... كل سنة و انت طيب و السنة الجاية ربنا يحقق الاماني يا اخوي

ملاسى

ملاسى كل سنه وانت طيب

تصدق المقصودة دومة ولا غيرها
بالمناسبة عمرا هى فى عز ضجيج الشباب
وعقلا يوزن المعمرين فى الارض

وتسلم

العزيزة اشراقة
فعلا دومة عقلها يوزن بلد ونتطلع لعودتهاسريعا. كل عام وانت وهىوالاسرة بخير.
ندي

العزيزة اشراقة ةالاعزاء المتداخلين

كل سنة وانتم بالف خير وعافية وربنا يحقق كل الاماني

أحب أراء دوما جدا لأنها حقانيييية شديد خلاص
كل سنة و انتي طيبة يا غاليتنا دوما، و منتظرين عودتك القريبة

الأستاذة/ إشراقة.. الإخوة الأعزاء والأخوات العزيزات .. عذراً إن غردت خارج السرب!!!

الاخت اشراقة
كل عام وانت اكثر اشراقا

الاخت دومة
شخصية محبوبة في هذا البورد وهي شجاعة في ارائها

دومة نحن نفتقدك وفي انتظارك يا عزيزتي وكل عام وانت واسرتك بالف خير


مع تحياتي وتقديري

اشراقة
كل سنة وانت طيبة ..
عرفنا حاجة دومة من البورد الاخر .. عرفناها
من خلا مساجلاتها ومناقرتها لاخونا ابو ريشـة ..
تزكرني دائما بزمن جميل رائع .. زمن المحنة
وحقيقـة نفتقدك يا مامـا دومـــة

كلمة صغيرة لاشراقة
سمعنا انو اليومين ديل ظهر توب موضة في السودان
سموه ( تـوب اشـراقة ) واى شنطة شيلة لازم يكون
فيها توب توبين من تياب اشراقة ..
غايتو يا اشراقة انت ماتجيبى لينا الا المشاكل

دومة ؟
دومة منو؟؟


في واحدة هنا اسمها دومة؟؟؟

ودومة شجاعة..لا تخشى في الرأي لومة لائم...في بوست تماضر عن الفتاة اليمنية قالت لا فوض فوها: عقوبة وحشية ولو ثبت شرعا..
يا اخونا في شجاعةاكتر منك

صلاح ضرار
والله انت غردت جميلا حوه السرب

وددكين، تصدق يا اخوى فى انسانة وانسانة جميلة جدا اسمها دومة، ماتفوت فرصه اضافة زولة زيها لرصيدك الانسانى

وكانا فى انتظارك يادومة

unixo
شكرا ليك لو بديت لى السنه الجديدة دى بضحكة من جوة
هو لسة فى بنات بطلبوا شيلة
عاد شيلو شيلتكم

وكل سنه وانت طيب

tasneem
والاخ عمر على
عندكم حق، دومه انسانه فوق للعادة
ليتها تعود

وكل سنه وانتو طيبين

الحبان اهلي وعزتي كلكم من غير فرز الوصولوا واللسه في الطريق جايين امنياتي ليكم بعام موفق كله خير وسلام للانسان في كل ارجاء العالم وبالخصوص في السودان للغبش الغلابه الصابرين وصبرهم طال. والله مشتاقه ليكم ودايره ونستكم الا بلد ناس اشراقه دي شدهتا كتيره ومسيخه الا بجيكم صاده كان الكريم مد في الايام. قريتكم كلكم وبكيت . ليكم حبي واجمل الاماني
مامه دومه

يوم الهنا السمعنا صوتك يازينة النساء

و الله يا اشراقة لا يعرف قدر العظام الا عظيم ....

كل سنة وانت و دومة و كل الاخوات الكريمات بالف خير

ملاسى

ملاسى
تسلم يا اخو الاخوات

الاخت اشراقة
والحاجة دوما فاكهة البورد
وكل الحبابيب بالبورد
كل سنة وانتو طيبين ويا اشراقة يسأل منك الخير
ملاسي من يكتب لا يسأل عن العظماء الا عظيم هو ذاتو عظيم ولي قدام.
اخوكم اسعد

سلامين للجميع ..
حبوبة دومة او حبوبة شروق ..
مع ان الاسم باللنقليزي لاكين طوالي بوديهو لي شِدرة الدوم
الدوم شدرة صامدة ..وصبورة ..عالية ودُغرية لا تعرف الميلان ..وياها المنها بنعرِش بيتنا ..
(المِرق) والرصاص (الشقيق)..ومنها (سعفنا)..والسعف استعمالاتو كتيرة بالحيل ..
منها برش صلاتنا ..وضرانا من الشمس في رواكيبنا وبيوتنا ونحنا راحلين ..ومنو حبلنا ورباطنا ..ونسيج عناقريبنا ..
اقلاها السعف المنو (الهبابة وطبق الكسرة والقفة ..وعييييييك .. )..
حتى (جبنتنا) نامن نجي نصفيها ..بنسوي ليها (ليفة)ايضاً من شدرة الدومة ..وحتى جمل الشيل بكون (سرجو) مبطن بي ليف شدرة الدوم
الدومة شجرة يكمن ان تُشاهد في اماكن كتيرة في السودان ..
والدومة تذكرني بـ(أتبرة أم دوم )وتلك الوجوه الجميلة..
تلك الديار ..ديار يظللها الدوم فيسكنها الحنين ..

كل عام وانتم بخير

وتقعدوا عافية

قيسان

قيسان
شكرا للسرد الجميل
عجبتنى جدا مداخلتك والربط الجميل بين دومة وشجرة الدوم

وتسلم

Quote: دومة، انسانة مليانه محنه

يشهد الله أن هذا دوماً ما اردده

كل من تعرف علي "ماما" دومه يشده ذلك الحنين الذي يتلمسه الانسان مع اول كلمه لها..
ماما دومه .. ولا استطيع الا أن اقول ماما دومه لاني فعلاً اضعها في مراتب الامهات.

لها التحيه والاحترام كله

ولك اختى اشراقه كل الامنيات الطيبه

وكل عام والجميع بألف موده ومحنه

لووووووووول يا قيسان دا كله فوق شدرالدوم اها انا مارقه علي الليد عندي غنيمات دايره اقدمن كان يلقطن لهن برم من السيال داك دحين اوعك تغفل منهن يهبرن علي خدار الناس داك نبقي في غرامه وبغشي فاطنه بت مدينه بكوجنن لهن في حلو مر اخد لي معاهن خشم خشمين بجي فسراع اسويلك الفطورفوق الكوره الخديره وديهو التحتانيه اخيك قام من دغش قارعلو مويه وانت تلعب في سكج بكج

اجلت قراءة هذا البوست حتى اتفرغ له
اشراقة وماما دوما فلتسلما لبعضكم البعض
ويحفظكما الله لنا

فيك الخير يا اسعد وكل سنه وانت بالف خير

العزيزه اشراقه
دومه دي حبيبه القسى وشريكه البلا ما لى انا بس لى كل الناس
شخصيه نادره وعمله صعبه في زمن غريب
ما عارفه علاقتي بيها ابتدت متين ولا كيف لكن من دخولى البورد لقيتها جوه جوه في الحشا
بتلحقني في الحاره وتنصحني في اموري ولما تكون صافيه ورايقه بتونسني ونسه دقاق وناعمه وحلوه
مظاهره الحب الحلوه من حبانها دي دوما بتستحقها وتستاهلها واكتر
تحيه وحب وود لي كل المتداخلين هناو يا ربي تخلي ليها نزار وتشوف جديده وتفرح بيه
وتهنيها وتسعدها مع سوزان العسل وايمن والحاج دوم

طبعا شهادتى مجروحة
تسلم لينا
ام نزار وسوزان وسامى
احبها
تعلمت منها الكثير الكثير
ورغم الاختلاف الفكرى
الا انها دائما فى القلب
معطاء وكريمة وطيبة
( بس ما تدوس ليها على طرف)
ناعمة كالحرير
فى حالة الصفاء
وحادة كحد الشفرة
اذا اشتمت ريحة الحقارة
امرأة مدرسة(SCHOOL)
وكل الكلام القالوا الاديب صلاح
لانى ما بعرف اكتب كلام سمح
ويا دكين
افو؟؟‌‌
مرة كتب عنها بناديها كلاما جميلا
وسخر من العجز المدعى
وكانت اجمل ما كتب عنها
اتمنى لو بناديها اعاده مرة اخرى
ام واصل
ربنا يديك العافية الونسة ساعتين دى ما تنفعكن
حسادة كدا

حاجة اشراقة


وحاجة دومة


كل سنة وانتن طيبات ووليداتكن طيبين



حاج سجيمان

الخالة دوما

وماذا سأقول عنها، فقد عرفتها ذات بوست في حواري المنتدى الآخر، وهي تحتفي بحروف خاصة بثثتها هناك، فرددت إليها أيتها الجميلة التي تتدثر بتوب خالتنا، قلاصة ، وتفصح بلسان أمي بيانا وسحرا، ثم تواصل شريان التواصل، وهاك تلفوني وهاتي تلفونك، ووبعد أيام أسمع صوت جميل ريان، يزيدني وحديث جميل رائعا به محنة أمهاتنا وعندها تيقنت بأنها من ذلك الجميل، وحين إنتقل الحديث إلى الفكر والأدب والسياسة أحسست أنني سبق أن إستمعت إليها في جلسة على مدارج الجامعة أو قد نكون قد تبادلنا أنخاب الشاي على ترابيز إتحاد الفرع، أو لعلها إحدى بنات منتدى الفرع الأدبي الكتابات، أو أو أو كثير من الأفكار، وبدلا من أن تبين هذه المكالمة الصورة فقد زادتها غموضا أضاف لها سحرا وإنبهارا بهذه النخلة الشامخة.
فتبادلنا الصور لها ولأسرتها، وللحاج دوما، ورغم التناقض في الصور التي رسمتها لها إلا أنني لم أذهب عنها بعيدا،
فدوما خالة بكل حنان الخالة ومحبة الحبوبة ورائحة الأم
ودوما بعنفوان الأخت ووضوح الصديقة
وصرامة المناضلة
فعليكي السلام أيتها النخلة أينما كنتي
والتحايا للعيال وخاصة زهرتكي الجميلة

حقيقة عرفتها حين تعرفت على دوما
"أن الوعي ليس حكرا على جيل"

وإلى الخالة دوما :

سلامات يا أحنَّ الناس ،،
سلام ما سلموا العبّاد أواخر الليل قليبن حاس .
سلام والفيها شن بوفيها وإنت حجابي والوسواس ..
سلام ما خشَّ خيط النور على إبر النهار
ومقاس مشاعر قلبي عند زرزور يلاوي الريح بلا أنفاس .
يلم الصور يسوِّي قصور وما من خرطة ما من ساس ،،
يسايسوا الريح ،
يساومو صريح ،
مع إنو جريح وما ينساس .
سلامات يا أحنّ الناس ..
ما قهى القمر مبهور مع الوز النزل رقاص ..
وبين الصفقة والطنبور جزيرة غزيرة بالإحساس .
[Bold/]

وإلى أم واصل كل المحبة والمعزة
وهي تتوشح الثوب رمزا وإعتزازا
لتصعد به على منصة دولية
"ولولا سوء الصيت الذي لحق بدبلوماسيينا لناديتك سفيرة"

Domaالعزيزه...
كـل سـنه وانت طيبه..اسـجل اعجـابى مع الحاضـرين...

ماذا ساكتب عنها
بعد كل ما كتبتم وكتبتن؟
خالتى دوما كل سنة وانتى طيبة

اشراقة امنياتى لك بعام قادم اجمل

الجميع
اسال الله ان يحقق كل امنياتكم/ن وانتم تستقبلون/ن عاما جديدا"
وربنا يديم بيننا المحنة فى رحاب هذا الوطن السايبرى

فوق ....

لحين عودة دومه ......

ملاسى

تسلم ياملاسى
ولحين عودة دومة

..
.
شوفى الزمن يا يمه
ساقنى بعيد خلاص
دردرنى
واتغربت
واتبهدلت
ورينى الخلاص
ساقنى القدر منك بعيد
لآذايا كأس وجرعنى كأس
***
يا يمه
يا فيض الحنان الما كمل
يا يمه
يا بدرى البشع دايماً يهل
يا يمه
يا نور الصباح وكتين يطل
واشرى يا (زينوبه) ولدك
فى دروب الشوق كتل
محروم من الحب والمحنه
وراك همل
***
يا يمه
يا بحر المودة وكت يفيض
يا يمه
يا شعلة أمل زادت وميض
يا يمه
يا عنقود كلام منظوم قريض
يا يمه
يا نغماً حس بالشوق يرن
وافكارى فيهو .. بيرتعن
دمعاتى شانو .. بينزلن
***
واتذكرك يا يمه
فى الدغش النسايمو يهبهبن
قايمى الصباح متكفلتى
شايلى الحليلى على المراح
والساعة ديك يادبو ديكنا بدا الصياح
والطير ضغارو يغردن .جبتى اللبن بانشراح
***
واتذكرك يا يمه
ساعة الهجير صالاكى نار الدواكى
عُستيلنا الفطير
رشيتى قلتى اكلوهو ...خير
واتذكرك يا يمه
يا بسمة الطفل الغرير
وكت الخلوق ترقد تنوم
واسهر براى أرعى النجوم
والشوق يرف جنحيهو
بى فوق لى ..يحوم
,اهتف باسمك فى الخيال
طيفك كمان بي فوقى جال
واتمنى لو لحظات يدوم
لكنى فجأة القاهوو.. زال
***
واتذكرك يا يمه
ساعة الناس يجونا من البلد
ناعم ترابا على جسيماتن رقد
ريحة التمر فوق الهدوم
لون الخدار خانس لّبد
والشوق أولرو بيشتعل
كان ظنى فيهو يكون خمد
***
واتذكرك يا يمه
والناس قالو قايمين البلد
رصو الهديمات ..عدلوا
ركبوا اللوارى .. وقبلوا
خلونى وحدى بلا أنيس
كيف انفرادى ..اتحملوا
شالوا السلام من عندى ليك
وان شاء الله عندك يوصلوا
***
يا يمه
ساعة يوصلوا
ويقولوا ليك ..شفناه فى بلد الامان
مبسوط ورايق فى امان
أنبسطى يا نبع الحنان
وانا حالى يشهدبو الزمان
يا يمه رسلى لى عفوك
ينجينى من جور الزمان
يا يمه
رسلى لى عفوك
ينجينى من جور الزمان

----------
ماما / دومه
مش قلنا الاسم دى عايزين نغيرو لتفاحه ان شاء الله كمثرى
والله ان لم اخرج من رحم فاطمه لتمنيت ان اكون تؤاماً لنزار رغم
فارق السنوات وليكن ..
والله مهما كتبت لن ولم اوفيك حقك ولكن دوما بينا الامنيات والمعزات
عارفه الاتصال بدول الشينغن دى معقد اكتر من ناس جنوب شرق اسيا خاصة حلتكم الجديدة .. ما عارف السبب شنو ؟؟
يكون يا ربي ؟؟
تسلمى ويديك لى طول العمر فى الدنيا يوم ما يألمك

اختى / اشراقة مصطفى
ما حاقول خالتو الا ماما تنفى اللقب
شكرا ليك وبالله ما تقطعى تلفوناتك منها
ومعليش جيت متأخر لانى ما شفت البوست دا

دمتم لهم، لنا جميعا

إنسانة شفيفة وودودة وإنسانية ورائعة ..إنها أبهى من كل هذه الصفات مجتمعة ولا أزيد

شكرا ليكم كلكم/ن

انا عارفاها حنينة وبتجى راجعة
ولازم البوست ده يكون فوق لحدى ماتجىء وبعد ماتجى

فعلا يا استاذة اشراقة ...

بس لو ساعدينا بتلفون تاني لخالتنا دومه تستعجليها تكوني ما قصرتي

ملاسى

فوق فوق...ست الناس ..فوق

شكرا ياملاسى، ساحاول الاتصال بها، عندى مشكلة فى التلفونات، بتاع البيت فيهو مشكلة والموبايل الله يدى مرافىء بيتى العافية قرمت رقم منه


بيان
شكرا انك لفتى نظرى لهذه المرأة الرائعة، فعلا عنك حق مااروعها ومااقوانا بيها

دوما
نحن فى انتظار حرفك الحميم

شكرا اشراقه
وكل عام والجميع بخير

شفتى يادومة
كلنا منتظرين
مظاهرة حاشدة بالاغنيات عشانك

شكرا محمد الشيخ

Quote: عندى مشكلة فى التلفونات، بتاع البيت فيهو مشكلة

يا استاذة اشراقة

هو انتو وين بالضبط .... في المانيا و لا في المنيا .......

ملاسى

Quote: سودانيه الفين النبي البت المحجبه الخاتاها في بروفايلك دي تبقي ليك شنو؟؟؟

Quote: اجمل ما كتب عن التجربه الاسلاميه الانفخشاريه

ها قد عادت دومه بالسلامة ..... و العود احمد !!!!!

ملاسى

يا حسين ولدي مالك ما تشيل حالي وتنقح طاري انا زائغه وحات النبي من الناس الحلوين ديل متل زوغتك من ناس الرحمابي لوووووووووووول تصدق انا اشاعه و الله ما قدرالكلام الكتبوه الحبان ديل دخلتوني في ضفاريني

يا خوانا دومة الالفتوها لينا والفتو فيها قصايد دي عبارة عن شنو؟؟


ما حصل لينا الشرف لحدي هسع..
وما عرفناكم قاصدين منو ...



دومة الجندل؟؟

دكين

لووووووووووول اسعد ولدي ما تستغرب اصلوا دكين دابالع حراساتو وعنده سياسه خالف تذكر. بعدين بيكون زعلان مني لاني حظرتوا ليه اربعه شهور خلاص يا دكين عملناليك افراج مؤقت

ماذاا ساكتب بعد مظاهرات الحب هذى؟
بس معاكم
ويا خالتى دوما فى رجاك

دكين سلام والرحمة

بعد كل شلالات الحب دى اظنك قادر تعرف قيمة دومه، الانسانه

وكلنا فى انتظارك يادومة

تعرفي
كل الناس البعروفها
ما قادرين يوصفها
اقوليك بشكل آخر
دومة
بيني وبينها ضحكة لم تكتمل
لعنة
وانت يا اشراقة بتعرفي لعنتي
يآآآآآه

no difference between me and the rest
of the gangs.I will be waiting for your arrival

احبتي ادهشتموني حقيقه فانزويت خجلا وراح علي الكلام انازوله برايا اها الليله ديك اتصلت علي البت السمحه اشراقه وهاك يا قصص وحكاوي ومع اني ما تربيه حبوبات وكنت اغير وانا طفله من الاطفال العندهم حبوبات فصنعت لي حبوبه في خيالي وتقمصت دورها فقدت ابي وامي في الصبا الباكر فصرت اباواما.
صلاح ضرار الرجل النقي اول مره اقرا حروفك حسيت اني بعاين لي زول مصنوع من زجاج قدرت اشوف جواك وبهرني صفاك بعزك شديد ياصلاح الله يحفظك من كل شر .

دومة هنا
دومة جات يابنات
يالله نغنى كلنا
ملاسى
وصلاح ضرار وهدهد
وكل الاخوان الكرماء


شفتى كيف يادومة نحنا بنعزك وبنريدك لوجه الله كده
اصبرى على لمن اكتبك


اشراقه

لوووووووووووووول دكين طبعا الايام دي اناحاظراك والله منقتنا قالت الا تجيب قوله خير .ما بندفق مويتناعلي الرهاب اهاتعال نديك نمره الحساب وما بنقبل الا بالاوير و الايام دي !!!

بنات العباسي المفخره البنات البشدوا الحيل وبعدلوا الميل وهلوله السمح قولا تسنيم وندي امين يوم شكركن ما يجي انتن بنات حشاي وحبيبات قساي .
الجندريه الصفيه طاعم كلامها ونغيمها سكر قربت ستو الاجازه تخلص وينفض الجمع ونقفل مطعم الصفا لوووووووووول
الابنوسه البت النخله عالي مقامك غالي كلامك دايما بشابي ليك ليتني استطع وصلا بجيك والله بجيك .
دكتوره بيان لووووووووووووووووول يا حبيبه المهم سيك سيك معلق فيك ماعندك طريقه تتفكي مني ابدا يا حامله المسك ولانك زوله كريمه وانا طماعه فاني اتعشم انا انال من فيضك يومها ايض

الحبيبه ندي مصطقي
بالطبع لم نتعارف بعد وحقيقه العالم قريه صغيره بقيف عندك كثير وبغلبني الكلام ...اواه من احزاني ...... شكرا ليك كثير والعشم فيكن كبير يا بنات السودان وحاملات لواء المراه بكن تزهر الاحلام .


اوت كاست اهلا بيك يا مشرقه نورتي الساحه . مايا شكراعلي الطله وكل عام وانتي والجميع بخير .

التحايا يا اشراقة لك ولصحبك الجميل هنا وكل سنة وكلهم وكلهن بخير . ويادومة أنا بعد الصورة الحلوةالشفتها ليك في المنبر ديك تاني خايفة نقول ليك الابنة دومة ، وحشتينا كتير والله .

رقيه حبيبه الليل الطويل اهلابيك وينك يا حنينه لوووووووول الصوره انتي ما عرفتي قصتها ؟؟؟ ماحقتي والله كانت مجرد خطه عشان نشوف الناس البكبو الجرسه الصوره اظن لملكه جمال اثيوبيه حسب كلام ابا والود تمبس

اولاد حشاي حباني وتوب غطاي تختوا الراس وتصدوا بالناس

التبلدي ,بكري الجاك , جمال , مارد , ياسر , حسين, منعمشوف , محمد الشيخ, الشريف , عمرعلي , اسعدابراهيم
فرحانه بيكم كثير بحبكم كلكم والله تحتلون مسارب الروح صدقوني اني اسعد ام في الدنيا انه يكون اولادي كل الناس الرائعيين ديل وفي ناس كتارتانيين برضي اتبنيتهم رغم انفهم ناس ايهاب الخنفشاري وجزلوت المتخنفشر وسنتمنتل والعطبراوي واسماعيل وراق وتمبس وابا وياسيكو وخضرحسين والقايمه تطول

دومه الحبيبة
كم اشتهي ونسة معاك في ضل ضحى
وشراب فنجان بكري جنزبيلوا يولول
يحرق في جوف
يمرق الضحكة التنادي الفرح
من اخر الشارع
ولا شوربة كوارع ملاينة بهارات
تخليني اضحك جنب البحهم قر
وما انكسف من نفسي وانا شالع

Unixo
الشوق بحر يازين والله لولقينا فكي اب ريشه هناتكون تمت الخياطه بالحرير علي قول محمد كبر فاقداه شيخي والبخرات كملن ليهن شهرين مازلت اذكر الترجمه للبياض بالفرنساوي لووووووووووووووول بالله لو لاقيتو قل ليه الحاجه قالت ليك ماتتوصي حاج دومه الايام دي قامن ليهو رويشات

اهاالدور علي اخواني الصغار وح نعملها حسب العمر اولا حاج سجيمان لانه ولاده حبل وشهادته تسنين الخازوق تكون لابد بي بت الاسود لوووووووووووووووول كل سنه وانت طيب يا حاج والجايه علي مني حضر ورقك واطعن من اسع .
نعني نعني شنو يا خالد وهدهد انا ح ازعل... شنو؟؟ لا شوفه ترد الروح ولا خبرا يطمن انا البي كله هين اريتو اياس يبقي طيب .هدهد بتذكرني الاغنيه بتاعت بلال تزورني مره يا حنان تزورني مره

دايما القى روحى متاخره:

دوما ايام عاصم الحزين..اتحزمت واتلزمت..ووقفت وقفة المايخجلن..

واستشفيت حنانها واصالتها وقدرتها على العطاء..من التجربه دى..ولو انها ما كانت خافيه على قبلها...

وشوشت لى عصفوره..قواله..للخير..انها "صغيره وجاهلة" وانها متعجزه من كتر الوقار..

ياربى يا سيدى يا مولاى.. تفتح على بتلفون..من خالتى دومه..ونقرقر فيه كدىىىىىىىى لمن "ابليسنا يخجل" ونشكر فيه حمد البورد

أمين يا رب العالمين..وهنيالك يا شروق...انتى اصلك بخيته

البت الحديقه حاشاك ما بتتاخري وكان جيتي وكان ما جيتي انت حاضره معاناوجوا الجوا هي اقدلي هي اقدلي وسكتي الخشامه واملئ المنابر ضئ .

يا ست الستات يوم شكرك ما يجى
لكن عارفة كرمى بيقيف وين
اليوم داك جرى نضيف
فى التخارج رويحتى

لوووووول يا حبيبه الكريم نفسو ما في ايدو بنرجاك لماتتخارجي فهو يغفرالذنوب جميعها لمن يشاء الا ان يشرك به

الخالة العزيزة دوما
كل سنة وانتي طيبة ..

شكرًا إشراقة لهذا البوست الاسري الحميم


لكم الفال

شرفت خالتك يا بن بن ياسمح يا زين وكل عام وانت بخير لك احلي الاماني

الخالة العزيزة ، والدة الجميع وأخت الجميع شروق ، والأخت النبيلة اشراقة
كل سنة وانتوا طيبين ، وربنا يزيد المحبة

الابن الحبيب عويس تسعدنا طلتك دوما لك احلي الامنيات واطيب التحيات