|
Re: ما ممكن يا ناس جريدة الصحافة (Re: Hussein Mallasi)
|
Quote: عايزين ملاحظااااان ذكية |
الاخ العزيز امير عبد الماجد تحياتى مع كثير احتراماتى
اولا:الاقتباس السابق من ردك على الاخت هميمة وهو بالضرورة رد على كل قراء جريدة الصحافة ثانيا: هل لك أن تخبرنى عن نوعية الملاحظات الذكية وما هو المعيار الضابط فى التقيم؟
ثالثا: كيف لى أن اتيك بملاحظة ذكيةإن رأيت خطأ فى غاية الغباء ؟
مع خاص ودي
شمس الدين السنوسى
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ما الذي يحمل الكاتب على الانتقال من صحيفة لصحيفة اخرى؛ هل هو:
المقابل المادي؛ الجو العام؛ اصحابو بهناك اكتر؛ لقى مشاكل بيجاي؛ الجريدة الانتقل ليها قراؤها اكثر ..... الخ
ليس الامر حكراً على الانتقال من الصحافة للرأي العام؛ فعبد اللطيف البوني انتقل من الرأي العام للصحافة؛ و لا اعرف كم خسر من جراء ذلك!!
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
تحياتي حسين ملاسي
لدي إستفسار موجه هنا للأخ الصديق أمير عبد الماجد وهو :
هل ما تكتبه هنا أخي أمير هو رأي جريدة الصحافة على ما ورد بشأنها من قراءها أم هو رأيك الشخصي المحض ؟؟!!
أنا متابع هذا البوست منذ بدايته وأرى أن مداخلاتك الأولى فيه كانت موضوعية جدا ولكنك بعد ذلك بدأت تفقد المنطقية ونحيت تجاه زوايا شخصية ، فهل هذا التغير أتى من بعض المسئولين في الصحيفة وطلبوا منك تغيير لغة خطابك لشئ في نفسهم (ربما هو ضيقهم بملاحظات حسين ملاسي) أم غيرت لغة خطابك بنفسك لشي بخصك وحدك !!
صنفرة :
أرى أنك تعديت قليلا على الأخت هميمة بعدة عبارات ربما ما وراءها عكس ما كتبت بها يا أمير لذا فقط أطلب منك وبحق ما بيننا من علاقة طيبة أن تكف عن ذلك وتركز في موضوع البوست الرئيس مع الأخ ملاسي ..
تحياتي
| |
|
|
|
|
|
|
Re: ما ممكن يا ناس جريدة الصحافة (Re: فيصل نوبي)
|
سلامات يا وسلي؛ طبعاً البورد كان في غيابك حاجة كدا ما ليها طعم .... حمد الله على السلامة يا رجل و رمضان كريم.
Quote: تصدق من امبارح احاول ان اسلم عليك ولكن كل ما ادخل بوست من بوستاتكاخرج على اطراف اصابعى |
الغريبة انا برضو حصلت لي نفس الحكاية لمن شفتا اسمك مكتوب؛ فبحثت عنك فوجدت عجاجتك رابطة مع محمد سليمان في موضوع عبد المنعم سليمان!
دا ابو سنينة و هو بيضحك على ابو سنينتين!!
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
الواحد شايل هم من هسة للصيانة التي ستجري لكبري بري/كوبر و ربما لكبري النيل الازرق عقب افتتاح كوبري الجريف/المنشية.
و شايل هم اكتر لما سيرد في الصحف نقلاً عن ادارات المرور و المطافي و الطيران المدني عند اجراء تحقيقات صحفية عن تطور عمليات صيانة الكباري و توقيت انتهائها.
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
هل يتبع القراء الكاتب من جريدة لاخرى! هذا السؤال كان – و ما زال - يؤرق الكتاب الصحفيين.
كان للكاتب السعودي عبدالله الجفري عمود يومي في الصفحة الاخيرة بصحيفة الحياة؛ و نسبة لاستحداث تصميم جديد للجريدة يقضي بأن تنشر صورة لفتاة جميلة كل يوم في وسط الصفحة الاخيرة كان لابد ان ينتقل اما عمود الجفري او عمود الخازن لمكان ما باحدى الصفحات الداخلية؛ و طبعاً - و لاسباب موضوعية – كان على الجفري ان ينتقل للداخل.
ثار الجفري؛ و لم يرضه ان يخلي مكانه لصور الفتيات؛ و ترك الحياة؛ و لا اذكر هل التحق بالبلاد مباشرة ام مر على عكاظ قبل ان يلتحق بالبلاد.
و لكن يبقى السؤال الذي ظل يؤرقه و يؤرق البقية؛ هل انتقل بعض قراء الحياة وراء الجفري للبلاد!!
سمعت – لاحقاً - ان الجفري كان ممن يطلق عليهم الكتاب البياعون؛ فكتاباته كانت تزيد من توزيع الصحف التي يلتحق بها؛ فقد كان يكتب ما يستهوي المراهقون/ات الشاعريون/ات في الخليج. الا انني لم استطع التأكد من هذه المقولة .. اذ لم يكن من سبيل لذلك.
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ملاسى صباح الخير .... الصغير امير
فى واحده من مداخلاته قال امو والده لوح تلج
وبفتكر نفسو انو الوحيد الذى يشتم ... وينبذ وما يكون
متوتر واعصابو بايظه ... اول ما ترد عليه ... وحسب
سذاجتو ... بفتكر انو نجح فى انو يوترك .... ويصدق ويفرح
فى المين شيت فى صحافة اليوم .... قالو ::: التجمع يرتب
للعودة فى رمضان .... فرحت قلت الصغير بكون لفت نظرهم
اول ما نزلت لعنوان الخبر تحت ::: مكتوب :: تقرر عودتها خلال
رمضان !!!!!!!!!
| |
|
|
|
|
|
|
Re: ما ممكن يا ناس جريدة الصحافة (Re: هميمة)
|
ترى ما الذي يدعو كتاب الاعمدة للهجرة المعاكسة!! فقد ورد في صحيفة الرأي العام الصادرة صباح اليوم هذه البشرى:
Quote: عودة البوني الى الرأي العام
عاد و العود احمد الى مرافئه بكل ما يحمل من الق و علم و معرفة و مقدرة نادرة على اصابة الهدفو اجادة الاحتطاب بالليل و النهار .. عاد الى صفحته الاخيرة بالرأي العام البروفيسور عبد اللطيف البوني باسلوبه الشيق و عبر عاموده الشهير (حاطب الليل) .. و هي هدية رمضانية تقدمها إدارة الصحيفة لقرائها الكرام .. اللذين هم على موعد مع البوني في الايام القليلة القادمة. |
محمد محمد خير؛ ثم البوني ... ترى من التالي! ..... و لماذا !!
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
و يطل السؤال مرة اخرى؛ ما الذي دعا البوني للعودة للرأي العام بعد ان كان قد تركها و انتقل للصحافة .. استبعد ان يصرح البوني بالاسباب الحقيقية لتلك "المعاكسة" الا ان المجالس - بدون شك - ستتحدث و تسهب في الحديث عن تلك الاسباب!!
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
و على ذكر محمد محمد خير ؛ فانني ارى ان اهم ما يميزه عن معظم الصحفيين هو انه مقرّم .. مقرَم صحي صحي و ليس مدعي تقِرِّم ! و هي ميزة تضيف للصحفي مثلما ينتقص منه ادعاء التقِرِّم!!
و هنالك اسئلة - مشروعة - طالما خطرت بذهني ولم اجد افضل من محمد محمد خير للاجابة عليها و هي :
من اي جزء في العجالي يستخرج الفلتو؛ و هل هي قطعة واحدة في كل بهيمة ام اكتر من قطعة؛ و ما افضل مايصنع منها؛ و هل هي - فعلاً - اجود قطعة يمكن للعامة شراءها؛ اذا استثنينا السنكيت و الذي علمت انه المفضل لدي الخاصة و خاصتهم.
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ملاسي ازيك اسف انا لا اتوقف عادة الا للشديد القوي لم اقرا البوست ليوم لكنني اطلعت عليه وادهشني ماعلاقتي انا ورحيل البوني عن الصحافة الرجل جاء من الراي العام وعاد اليها وموقع اقامته معروف وهو يستقبل القراء بودشديد يمكنك ان تساله الخاله هميمة كالعادة عندها مشكلة اسمها امير عبد الماجد ومع اني ما بحب ونسة النسوان الكبار بوصفي صحفي صغير لكن والله العظيم دي اول مرة كبيرة وطاعنة تكون عندي رغبة اتكلم معاها واناقشة واقنعة نعمل شنو ...رمضان دي فرصة مابتلقيها يخالتو فهيمة بعد رمضان ما عندي ليك طريقة مرة تانية شكرا ياناذر وانا قلت للعم ملاس -بالمناسبة ياملس صورتك المعلقه دي قديمة خالص وانت فاااهمني طبعا قلت لملس عايز ملاحظات حقيقية وذكية هسه اتراجعت يلا حتي الغبية قوله
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
Quote: انا من جمهورية السودان الديمقراطية |
ملاسي أحد الأرانيك بجهاز المغتربين..وأظنو أورنيك التأشيرة أبو 18 ألف .. مكتوب عليه فوق ..جمهورية السودان الديمقراطية مع إنو ديمقراطية دي ألغيت من الاسم من الانتفاضة..أي سنة 85
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
بديت تقدم مقترح للصفحة الاخيرة بجريدة الصحافة اهلا بالقاريء العم ملاسي عندي سؤال هنا يعني الصفحة الاخيرة لازم يكون فيها عمودين وشنو القاعدة الصحفية الاستندت عليها للحكم بحتمية وجود عمود اخر بالصفحة مكان البوني يعني يا ملاسي ياخبير وجود عمود واحد خطا مهني ملحوظة لا زلت في انتظار اجابتك ليه خاتي صورتك زمان في البروفايل اعي تقول لي ماعندك صورة جديدة يعني السنين دي كلها ما اخدت صووورة
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
بالمناسبة ياملاسي عشان ماتقوول الزول ده رمضانو ما مليان في زول حاقد جاب لي صورتك الخايف عليها وبصراحة ماعندها علاقة مع الصورة دي المعلقة بابتسامة علي باب البوست رجاء عشان ما الزول يسيء الظن ساااكت هميمة وين يالخالة انا منتظرك حااديك فرصة للحوار وعارف امير عبد الماجد تاعبك استحملينا ياخاااالة
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
سلام يا ملاسي ..
قد أفاجئك بالقول أنني ونسبة لظروف عملي وعدم وجود وقت فراغ كاف بالنسبة لي صباحا حيث أفضل قراءة الصحف كنت أكتف بشراء صحيفتين فقط أبدأ بهما يومي وهما صحيفتا الوطن والصحافة وكنت لا احب صحيفة الرأي العام التي تمتلئ بالإعلانات والمواد التسجيلية المملة ولكن ..
إنتقال البروف البوني ومحمد محمد خير للرأي العام جعلا جريدة الصحافة طاردة بالنسبة لي حيث كنت أبدأ قراءتها دائما من الصفحة الأخيرة حيث عمود هذين الكاتبين الذين أعتبرهما عماد جريدة الصحافة .. ولكن
إضطررت اليوم لشراء جريدة الرأي العام كي أقرأ للبوني ومحمد محمد خير وحزنت فعلا إذ وجدت عموده تحول للصفحة قبل الأخيرة .. المهم أنني قرأت عمود البوني وتصفحت الرأي العام بأسرع من الرمش وتركتها جانبا !!
صنفرة :
ترى هل أجرت صحيفة الصحافة إستبيانا أو إستعلمت عن توزيعها اليومي بعد أن فقدت البوني ومحمد محمد خير ؟؟!! (السؤال لك أخي أمير) ..
| |
|
|
|
|
|
|
Re: ما ممكن يا ناس جريدة الصحافة (Re: ناذر محمد الخليفة)
|
سلامات يا ناذر
Quote: إضطررت اليوم لشراء جريدة الرأي العام كي أقرأ للبوني ومحمد محمد خير وحزنت فعلا إذ وجدت عموده تحول للصفحة قبل الأخيرة |
لم يتحول العمود للصفحة قبل الاخيرة؛ بل تحولت الصفحة الاخيرة للداخل نسبة لضرورة اعلانية و ستعود - قطعاً - لمكانها.
و بالمناسبة اصعب حاجة انك تكسب قراء للصحيفة؛ و اسهل حاجة انك تخسرهم!
و بالمناسبة الوطن برضو شكلها كدا حتفقد بعض قراءها في القريب العاجل؛ ان لم تكن قد بدأت في فقدانهم بالفعل؛ و خليهم يسألوا شركة التوزيع!!
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ناذر هل تعتقد ان صحيفة ما ستنهار لمجرد ان صحافي او كاتب رحل عنه فالبوني نفسه انتقل للصحافة من الراي العام ولم نسمع مثلا ان توزيع الراي العام انخفض ياعزيزي ناذر الله يديك العافية الصحافة حاتعمل استبيان كلما غادرها كاتب انت اكيد بتهرج لو انت مثلا بطلت قراية الصحافة بسبب عدم وجود كاتب رائع كالبوني فالمؤكد ان ناذراخر سينضم الي القراء بانضمام ابو الجعافر ( جعفر عباس ) الذي انضم للصحيفة الامور ليست كما تعتقد ستذهب الي الراي العام اليوم وتعود للصحافة غدا ستشتري الصحف ايا كانت بسبب ادائها الصحفي المميز وبحثها عن الحقيقة -لا النكتة اخي ناذر ملس تحياتي
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ياملاسي اين الخطا في وضع عمود واحد هل هناك خطا مهني ام انها الذائقة السودانية وحكم المعتاد عموما قد يكون حديثك صحيحا وقد تضع الصحافة عمود ابو الجعافر بالاخيرة مع امال عباس غدا لا يهم فانا عموما لست من انصار الكتابات الصحافية واحبذ العمل الصحافي كالحوارات والتحقيقات وغيرها
لكنك ام تجب علي سؤالي اين الخطا!!!! وبعدين ما علقت لي علي قصة صورتك بالجد في زول جاب لي صورة (زول) فيهو ملامح من الصورة المعلقة دي لكن يمكن ده الزول ده زمااان عايزك تعلق عليها الصورة دي صورتك هسه معليش انا مهتم بالصور جدا
| |
|
|
|
|
|
|
Re: ما ممكن يا ناس جريدة الصحافة (Re: امير عبد الماجد)
|
Quote: ياملاسي اين الخطا في وضع عمود واحد هل هناك خطا مهني ام انها الذائقةالسودانية وحكم المعتاد عموما قد يكون حديثك صحيحا وقد تضع الصحافة عمود ابو الجعافر بالاخيرة مع امال عباس غدا . |
اول حاجة يا امير حديثي سيكون صحيحاً شئت ام ابيت؛ و ان لم يكن جعفر عباس فسيكون غيره؛ و تاني ما تغالط من اجل الغلاط.
تاني حاجة جعفر عباس ما حيكتب في الصحافة ابتداءاً من الغد؛ و انما ابتداءاً من يوم السبت القادم كما ورد في الاعلان المنشور في الصفحة الاولى!
و حقو تقرا جريدتك قبال ما تكتب اي كلام؛ و ما تقول لي غداً بتعني المقبل من الايام!!
و اخيراً القانون الصحفي الذي فرض ان تكون الصفحة الرياضية في الصحف السودانية هي الصفحة قبل الاخيرة؛ هو نفس القانون الذي فرض ان يكون بالصفحة الاخيرة عمودين راتبين على الاقل.
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
Quote: لا يهم فانا عموما لست من انصار الكتابات الصحافية واحبذ العمل الصحافي كالحوارات والتحقيقات وغيرها |
اول حاجة البتقصدها دي ما اسمها الكتابات الصحفية؛ او الصحافية كما كتبتها؛ اسأل اي زول جنبك و هو حيوريك اسمها شنو!!
تاني حاجة؛ فعلاً لا يهم لانو شغلك تحقيقات؛ و لكن لو ربنا فتح عليك بعد 50 سنة و بقى عندك عمود ... حينها ... سيهُم ..... و سنهِم !!
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ياملاسي يا خبير شايفك بقيت تنصح وتناصح ياحبيب وتحلف انو كلامك صاح ياملاسي منو القال ليك انو في قانون بقول الرياضة هي الصفحة قبل الاخيرة ياملاسي يازول انت ما عاقل ماتضحك الناس عليك مافي قانون صحفي زي ده وعشان ماتتفاصح اتحداك تكتبوا هنا للناس انت الظاهر ياملس ماعارف حتي العمل الصحفي هو شنو وشنو المهم فيهو والمامهم جاييك تاني
| |
|
|
|
|
|
|
Re: ما ممكن يا ناس جريدة الصحافة (Re: امير عبد الماجد)
|
كنت اظنك لا تحسن الكتابة؛ فاذا بك لا تحسن القراءة ايضاً!!
Quote: مافي قانون صحفي زي ده وعشان ماتتفاصح اتحداك تكتبوا هنا للناس |
قانون شنو البتتحداني اكتبوا هنا للناس يا امير؛ انتا جادي ... يا خوي خلي مسكنتك دي عليك الله!!
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ياخفيف مش انت القلت -حاانقله ليك بالنص رغم ركاكتك(واخيرا القانون الصحافي الذي فرض ان تكون الصفحة الرياضيةفي الصحف السودانيةهي الصفحة قبل الاخيرة هو نفس القانون الذي فرض ان يكون بالصفحة الاخيرة عمودين راتبين علي الاقل ) ده كلام حبوبتك يا خفيف ماكاتبه انت وبراك قلتها يعني مافي قانون حاجه بحكم العادة ومزاج بعض القراء السذج او الاذكياءمن امثالك يعني ياملس المسالة دي ما خطا صحفي لو عملت الصفحة الاخيرة كلها منوعات بدون عمود مافي خطا يعني عشان تفهم وماتفقع مرارتنا بي فهمك التقيل ده الحكاية زي زول خاتي صورتوا الحالية بكل ما للسنين من اثار وزول معلق صورتو ايام الشباب زيك كده مزااااج والا شنو ياعموو
| |
|
|
|
|
|
|
Re: ما ممكن يا ناس جريدة الصحافة (Re: امير عبد الماجد)
|
والله يا جماعه انا متابع البوست دي وماقادر اصدق تخيل يا امير قدر ما حاولتا القى كلام يعبر في حقك ما لقيت اللقيتيو كلو بيجرح الصيام غايو اذا دافعلا المستوى منو العوض وعليهو العوض فقعتا مرارتنا ياخي والله عديل والله انت مفروض في جريده حائطيه ما تكتب لو دا متسوى فهمك وتعبيرك
| |
|
|
|
|
|
|
Re: ما ممكن يا ناس جريدة الصحافة (Re: عبدالرازق نقد)
|
Quote: ده كلام حبوبتك يا خفيف |
اييييييه فينك وفين زمانك يا رفاعه الطهطاوي
طيب الناس في الجَّزُرْ يقولوا شنو وكت دا
كلام الصحافيين بتاعين الصحف ,,
يا استاذ أمير من حق أي زبون انو يعبر عن رايو
في البضاعة البشتريها ما دام بدفع فيها من جيبو
وانت بتاكل عيش من وراهو ,, وما عليك الا انك تقابل
نقدو بابتسامه عريضه ,, ولو ما عملت كدا جريدتك بتقفل
وحا تروح الشارع يا أمير آآآ والله حاتروح الشارع ,
أمال ايه
| |
|
|
|
|
|
|
Re: ما ممكن يا ناس جريدة الصحافة (Re: عبدالرازق نقد)
|
لما كان الحديث عن الصحافه والصحفيين والصحف ,فدعني أحكي لكم هذه القصه
أعمل في مؤسسه تعمل وسط ( ذوي الاحتياجات الخاصه )
من ضمن الاشخاص الذين أعمل معهم شخص إسمه(كلينتون) ,, هذا الشخص بطبيعة وضعه لا
يمكنه القراءه ,, ولكن صباح كل يوم تصله جريدة ( الديلي تايمز ) ,,
وأنا نهاية كل يوم عمل عليّ أن أكتب تقرير من ضمنه أن كلينتون قد قرأ جريدة الديلي
تايمز ,, مع أنه بطبيعة الحال لا يقرأها .
وبعد كل فتره يتصل أناس مهذبون من إدارة الجريده ويسألوني :
- كيف يجد السيد روبرت خدماتنا ؟( لاحظ انهم ينادونه باسم العائله إمعانا في الاحترام)
وأرد أنا عليهم :
إنها ممتازه للغايه شكرا لكم .
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
هاهم القراء الثقلاء قد اجتمعوا في مكان واحد وهذا امر جيد ولاني ماقاعد احفظ الاسماء ارجو ان يعذرني الاخوان طبعا ماكل الاسماء لانو الزول المفيد بيفضل مفيد ايا كان بالعقل الشغالين بيهو ده ياملاسي كان قايلني بقيف منك شوف غيره شكرا علي الصورة لكن برضو قديمة وملاسي حاليا اكبر يامان بعدين بي الله والرسول مايخت صورتو هسه خجلان من شنو هو الاكبر منو ماخجلوا والاالحكاية عندها علاقة بالسوووق ياملاسي حسب العرفتو من بعض الاصدقاء الجابو سيتك الا تركب السوق بالقلبة حلوة دي مش كده تحياتي للاخوة الذين دخلوا لملاسي وابرقوا مهنئين ارجو ان يستمر الحوار واهو بنتناقش
| |
|
|
|
|
|
|
Re: ما ممكن يا ناس جريدة الصحافة (Re: امير عبد الماجد)
|
الاخ أمير قبل شوية قلت لي ملاسي (خفيف) والأن قلت القراء (الثقلاء) اجتمعوا يعني نصدق ياتو!؟ احتمال يكون ملاسي ما من القراء لهذا البوست! ثم يا أخي من أهم قواعد الكتابة الصحفية أن لا تهاجم قراءك. معقولة تصف من يقرأ لك بأنه ثقيل!! لكن لعلك لا تقصد القراء (وأخطأت في التعبير) وتقصد بالثقلاء الذين (تداخلوا) معك في هذا البوست، ما أتعس حظهم، ألم يكونوا في غنى عن ذلك!
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
الثقلاء ليسوا القراء علي اطلاق الكلمة يكنك القول انهم الملاسيون الذي مارسوا النط وكسر رقبة الحقيقة وهم ذاك النوع الذي ينقاد للتيار -اي تيار - حتي التيارات الملاسية التي لا تتقن غير الغباء والثرثرة والقطيعة ينقاد لها هؤلاء كالقطيع يطلع ليك واحد ناقص مكنة يقول ليك كان كده انا مع ملاسي قووول رايك ياذكي ... يعني شنو مع ملاسي اذا كان ملاسي ذاتو ما عارف نفسو مع منو اعتذر يا نزار ليك ولغير الملاسيين هؤلاء بالتاكيد ليسوا ثقلاء ولا اغبياء عذرا اخي نزار
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
بعدين يانزار ماقلت لي انو ملس صاحبك غير صورته في البوست ليه معليش نحن معشر الصحافيين ما بنقتنع بالساهل الصورة الفوق دي قديمة عديل كدة لانو شكل صاحبك الشفتو امس ده -وحاانزل ليك الصورة في البوست ده انشاء الله مااابتشبه الصورةدي قديمة ياحبيب
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ارجع بيك للثقلاء يانزار يعني تفتكر الناس البدافعوا عن صاحبك ملاسي والنوع الفقري البقووول انا مع ملاسي ده زول جادي كده ونصيح ملاسي ذاتو اباطه والنجم ياكافي البلاء لا فكرة جديدة ولاهوقاريء ذكي لااتعلم لاعايز يتعلم شحاد وبيتشرط وده نوع موجود في بلاد الفقراء والتمري هندي يعني اكتر نا بيدعوا الرجاله ......منو واكتر ناس بيدعوا الفهم منو والكذاب منو الخاتي صورته القديمة قبل عشرة سنوات وبتفاصح ويتكلم عن الاخلاق والقيم والصدق الصحفي والخبر ده صاح وده ماصاح اسمو شنو ماتقول لي ده ملاسي انا عارفه لكن ده شنو ما حا تعرفك هنا وتخلعه وتحبطه لما تشوفك اخير تحبطه من الاول عشان تقرر يامعاك يامعي الخيانة
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
و الله ليها حق جريدة الصحافة تدق الدلجة .. يا سيد انت بتمثل جريدة فى البوست دة غصبا عنك طالما نطيت تدافع عنها و انت بتكتب فيها .. تعامل باحتراف .. اعتذر عن اخطاء الصحيفة .. و اقطع وشك . خلى البتسوى فيهو دة .
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
سلامات يا برهان؛ مشتاقين و رمضان كريم؛
Quote: و الله ليها حق جريدة الصحافة تدق الدلجة .. |
ان بحثت عن الشراكة الذكية التي انتعشت على اثرها الصحافة فلن تجد من بقاياها الا عمودين لوراق و سعد الدين ابراهيم !!
| |
|
|
|
|
|
|
ما ممكن برضو لى ناس الصحافه (Re: Hussein Mallasi)
|
ممكن نقول كلامك ده صاح عن الحاج وراق و سعدالدين ابراهيم
لكن الناس ما لاحظت انو البونى ده ماااافى عديل كده
انا ما عارف ليه خلا الصحافه ما اظن علشان خاطر 8 مليون
فى سر ...............
وانا بعتبر جريده الصحافه حاليا مقرومه ................
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
برهان وايهاب متضايقين علي شنو شيلوا الصبر اقتراح جيد اعتذر عن اخطاء الصحيفة واقطع وجهي ده العايزنوا ومابحصل لغاية ماالناس الاغبياء الزيكم يبين ليهمم ذكاء او حتي شبه ذكاء شوف ياهوبي -مش اسمك ايهاب برضو -عشان تنتقد حاجة لازم علي الاقل تكون بتمللك بعض ادواته ولما زولكم ملس ده اتكلم في الموضوع قلنا مافي صحيفة بلا اخطاء واي قاريء عنو فكرة او ملاحظة الصحيفة بتستفيد منها قدر ما حاولت مع ملس لقيتو اباطو والنجم وكذاب كمان خاتي صورة في البورد اخدوها ليهو الجماعة قبل عشر سنوات بعد شوية نطوا الثقلاء الجهلاء الزيك ها ياتاييد ومحنة قايل بحلك ياملس اخير تجاوب
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ياملس مافي سبب تخت ليك صورة لانو زي ماقلت ليك مابتستفيد منا يعني في النهاية الزول بلاقيك في حتة انا قاصد الحتت الكويسة ماتزعل بلاقيك واكيد ماحايعرفك نظام تخفي يا حبيب والا خجل تخفي من شنو ياملس اوعي تكون عامل عملة ؟؟؟؟ خجل ..والله لو خجل معاك حق والامة والامة والشعبي
| |
|
|
|
|
|
|
Re: ما ممكن يا ناس جريدة الصحافة (Re: امير عبد الماجد)
|
Quote: انت بتتكلم عن جريدة الصحافة وعن اخطاء فيها ماتنطط ساكت |
Quote: بتنطط من قصة صورتك ليه ياملس |
Quote: منتظرك ياعارف واوعي تنطط |
Quote: عااااادي بس ماتنطط |
Quote: انت يالاخو يالصادق بتنطط مااالك |
Quote: يعني المسالة فيها كذب واضح خلينا نمشي خطوة خطوة وماتنطط ونثبت الحاجات |
Quote: هسي ياالحبيب البنطط انا والاانت سالتك للعلم |
Quote: ولماذا تبرات من اصولك الجنوبية جاوب وماتنطط |
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
شوف ياسندة انت واخوانك لو عايزين تدعموا عمو ملس ادوهو فكرة يناقش علي اساسه ماتبقوا اغبياء في زفة غبي العندو فكرة يديها ليهو او العندوا ملاحظة ذكية يديها ليهوا والا سيبوهو ياكل ناره المسكين ما كان عارف قايل سياسة القطيع دي فيها فايدة
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
Quote: ان بحثت عن الشراكة الذكية التي انتعشت على اثرها الصحافة فلن تجد من بقاياها الا عمودين لوراق و سعد الدين ابراهيم !! |
و حتى عمود وراق لم يعد هو نفس العمود بعد دعابته تلك؛ التي ربط فيها بين الموساد و بين ما حدث لقرنق.
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ملاسى الود دا ما محتمل
اقـــــــــــــرع ونــــــــــــــــزهى .......
لكن انا الليله ح اعمل برنت اود لهذا البوست
بكل الشتائم ابتداءا من غبى ....
بصورة لزهير السراج
وحتى رايه فى انو كبار السن مفروض يخجلوا
وصورة لامال عباس !!! ونور الدين مدنى
وصورة ساسلمها بنفسى للمحترم جدا جدا
حيدر كباشى
وصوره لصغار الكتاب بالجريدة
فهم مطالبون بتقديم اعتذار رسمى ومكتوب
عبر سودانيز اون لاين عن كل الاخطاء اللغوية والاملائية
والمهنية ... والاخلاقيه .... التى صدرت من منسوبهم
فى حق كل المتداخلين فى هذا البوست ولكل قراء الصحيفة
ومطالبين بالتوضيح .... دا وصل الجريدة كيف ؟؟؟؟؟؟؟؟؟
اخيرا اخى ملاسى
ذى ما قلت ليك فى بداية كلامى هو دون المستوى
وقالوا اهلنا ال ببارى الجداد بوديهو الكوشه !!!
وال بلعب مع الجريوات بخربشنو !!!!!!!!
شكرا لك كثيرا لتعرية هذا الولد للكافه !!!!!
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ملاسى الود دا ما محتمل
اقـــــــــــــرع ونــــــــــــــــزهى .......
لكن انا الليله ح اعمل برنت اود لهذا البوست
بكل الشتائم ابتداءا من غبى ....
بصورة لزهير السراج
وحتى رايه فى انو كبار السن مفروض يخجلوا
( بصورة لامال عباس !!! ونور الدين مدنى )!!!!!
وصورة ساسلمها بنفسى للمحترم جدا جدا
حيدر كباشى
وصوره لصغار الكتاب بالجريدة
فهم مطالبون بتقديم اعتذار رسمى ومكتوب
عبر سودانيز اون لاين عن كل الاخطاء اللغوية والاملائية
والمهنية ... والاخلاقيه .... التى صدرت من منسوبهم
فى حق كل المتداخلين فى هذا البوست ولكل قراء الصحيفة
ومطالبين بالتوضيح .... دا وصل الجريدة دى كيف ؟؟؟؟؟؟؟؟؟
اخيرا اخى ملاسى
ذى ما قلت ليك فى بداية كلامى هو دون المستوى
وقالوا اهلنا ال ببارى الجداد بوديهو الكوشه !!!
وال بلعب مع الجريوات بخربشنو !!!!!!!!
شكرا لك كثيرا لتعرية هذا الولد للكافه !!!!!
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
الا يمكن - و لو 1% - ان يكون سبب توقف شركات الاتصالات عن الإعلان في جريدة الصحافة بسبب فقدانها لبعض القها السابق!
حتى و لو لم يكن ذلك السبب الحقيقي؛ الا ان من اوقف الاعلانات يمكنه ان يحاجج و يقنع به كل من يسائله!!
_________ اقول فقدت بعض الالق السابق و لا اقول دقت الدلجة كما قال برهان!!!
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
و بعدين معقول يا استاذ الباز؛ انك تتخصص في فتح نار عليهم؛ و يجوا بعد داك يعلنوا - او يستمروا في الاعلان - في جريدتك!
ساكون مستغرباً ان لم تكن تتوقع هذه الخطوة !! و سأكون اكثر استغراباً إن لم يقدموا عليها.
| |
|
|
|
|
|
|
Re: ما ممكن يا ناس جريدة الصحافة (Re: Hussein Mallasi)
|
ان كان الاستاذ الباز يظن ان مقالاته التي هاجم فيها سوداتل هي التي دعت الشركة لايقاف اعلاناتها؛ فقد كان الاحرى بموباتل ان تزيد من اعلاناتها!
و ان كان قد فعل ما يدعو موباتل لان توقف اعلاناتها؛ فان ذلك ربما يحفز اريبا على زيادة اعلاناتها!!
و لكن ان توقف الثلاث شركات المتنافسة اعلاناتها من الصحيفة؛ فان ذلك لا يمكن ان يكون الا بسبب المرجخيص .... كما قال الاستاذ!!
| |
|
|
|
|
|
|
|