ما ممكن يا ناس جريدة الصحافة

ما ممكن يا ناس جريدة الصحافة


09-26-2005, 01:58 AM


  » http://sudaneseonline.com/cgi-bin/sdb/2bb.cgi?seq=msg&board=50&msg=1135703669&rn=0

Post: #1
Title: ما ممكن يا ناس جريدة الصحافة
Author: Hussein Mallasi
Date: 09-26-2005, 01:58 AM

في الصفحة ال 12 لجريدة الصحافة الصادرة اليوم الاثنين 26/9/2005
ورد اسم الصحفي طارق شريف مرتين؛ مرة في رأس عموده "في دائرة الضوء"
و مرة في اللقاء الذي اجراه مع الفنان نور الشريف.

كما ظهرت صورته في نفس الصفحة مرتين مرة صورة صغيرة تبع العمود
و مرة في صورة البورتريه الكبيرة بجوار نور الشريف في حواره معه.

و بالمناسبة اسم الصحفي ما مفروض يتكتب في صفحة واحدة اكتر من مرة؛
حتى لو كان كاتب المواضيع كلها؛ و كان تكتبوا الاسم في احد المواضيع
و في التاني يا تكتبوا المحرر يا (ط.ش) ... او يتأجل العمود لفرصة سعيدة اخرى.
Post: #2
Title: Re: ما ممكن يا ناس جريدة الصحافة
Author: Hussein Mallasi
Date: 09-26-2005, 02:26 AM
Parent: #1

شفتوا كيف .... و بكرا بعد بكرا حتلقوني كتبتا ليكم عن
الملكية الفكرية و الحاجات البي الشكل دا !!

و اهو كلو استقراع في استقراع.
Post: #3
Title: Re: ما ممكن يا ناس جريدة الصحافة
Author: Hussein Mallasi
Date: 09-26-2005, 02:33 AM
Parent: #2

في واحد اسمو
مقدم شرطة
محمد على عبد الجبار
الامتداد جبرة

رسل رسالة و قامت الاستاذة امال عباس بنشرها في عمودها "صدى" في نفس
العدد في الصفحة الثانية بعنوان "الله لا جاب يوم شكرك" و هي في
ذكر فضائل الفريق شرطة الوسيلةعلي الطاهر و الذي يبدو انه قد
احيل على المعاش اخيراً؛ جاء في الرسالة ذكر فيلم زوجة رجل مهم فكتب:

تبادل بطولته المبدع الراحل احمد زكي و الممثلة الرائعة نجلاء فتحي .... الخ
Post: #4
Title: Re: ما ممكن يا ناس جريدة الصحافة
Author: nashaat elemam
Date: 09-26-2005, 04:13 AM
Parent: #3

يا ملاسي.. بلغة الحبوبات (شكيت محنك).. وبلغة عادل امام (انتو بتقيبو الحاقات دي منين؟) هاها
Post: #5
Title: Re: ما ممكن يا ناس جريدة الصحافة
Author: haleem
Date: 09-26-2005, 06:25 AM
Parent: #1

ملاسي ...كيفك

شكلك بتذاكر لإمتحانات القيد الصحفي...
Post: #6
Title: Re: ما ممكن يا ناس جريدة الصحافة
Author: عبد الله عقيد
Date: 09-26-2005, 06:43 AM
Parent: #5

الأخ حسين ملاسي
تحية وتقدير

أولا كلما أكتب (مداخلة) أخشى أن يحدث فيها خطأ يتعقبه حسين ملاسي
فقد صرت بعبعا.. بس بعبع (جميل)..

تانيا..
Quote: و بالمناسبة اسم الصحفي ما مفروض يتكتب في صفحة واحدة اكتر من مرة؛
حتى لو كان كاتب المواضيع كلها.


كلامك صاح، لكين في استثناء واحد.. أن الاسم إذا ورد داخل إطار ثابت
(عمود) لا بأس أن يكتب مرة أخرى في احد موضوعات الصفحة إذا كانت الموضوعات كلها
مكتوبة من قبل نفس المحرر.. وعادة ما يكتب في الموضوع الرئيس.
كما أن الحوار له خصوصية.. وهي ضرورة كتابة اسم المحاوِر.

وكذلك الصورة.. إذا كان العمود مصحوب بصورة.. فوجود صورة المحرر داخل الصفحة
يجب أن يكون فقط برفقة الشخص الذي أجري معه الحوار.. وذلك لأن وجود صورة المحرر
مع الشخصية المستضافة يعتبر دليل لإثبات مصداقية الحوار.. وهو دليل هام جدا..
لإكمال عناصر الحوار الصحفي..

ولك التقدير


الحمد لله.. لقيت غلطة ولحقت صلحتها قبل ما تقوم بتوثيقها.
Post: #11
Title: Re: ما ممكن يا ناس جريدة الصحافة
Author: Hussein Mallasi
Date: 09-26-2005, 07:32 AM
Parent: #5

كيفك يا حليمو

Quote: شكلك بتذاكر لإمتحانات القيد الصحفي...

أخوك شغال كسر شديد؛ لامن زغلل!
Post: #7
Title: Re: ما ممكن يا ناس جريدة الصحافة
Author: هميمة
Date: 09-26-2005, 06:43 AM
Parent: #1

الناقد .... ملاسى .. ياخ قول بسم الله ........

وليه ما ممكن مش كل صحفى بقى يكتب ... ويقول الدايرو ؟؟؟؟


Quote: ).. وبلغة عادل امام (انتو بتقيبو الحاقات دي منين؟) هاها


من جريدة الصحافة !!!!!!!!!!!!!!!!!! يا نشات

وفى نفس العدد فى الصفحه الاولى جايبين خبر رئيس قطبى المهدى

بنفى الحديث الكتبته الصحافه عنه فى عدد امس ... وكان خبرها الرئيس

وكمان المين شيت بتاعها .........!!!!!!!!! الراجل قال دا اصلو ما

كلامى .... واجبرهم على ايراد نفيه فى الصفحه الاولى


انت دحين ... دى ما الحته الشغالين فيها اعضاء البورد


الصبوحه ........ وامور عبد الماجد ؟؟؟؟؟؟؟؟؟؟؟
Post: #8
Title: Re: ما ممكن يا ناس جريدة الصحافة
Author: Hussein Mallasi
Date: 09-26-2005, 06:58 AM
Parent: #7

و يوم داك - برضو في الصحافة - و في لقاء الجريدة الاخير مع ياسر عرمان؛
كتبتوا " اجراه القسم السياسي" و بعدين كتبتوا كلام عرمان و هو يخاطب
صباح أحمد بالاسم.

فيا كان تكتبوا أجرت الحوار صباح احمد يا كان مافي داعي تجيبوا سيرة
صباح احمد بالاسم في ثنايا الحوار.

و واضح انو الكتب " أجراه القسم السياسي" ما قرا الحوار و قام بنسخه
و لزقه على الجهاز ... خبط لزق ... او قص لزق!

قليل من الانتباه بيخلي المهنية تبدو عالية !!
Post: #9
Title: Re: ما ممكن يا ناس جريدة الصحافة
Author: Hussein Mallasi
Date: 09-26-2005, 07:19 AM
Parent: #8

سلامات يا نشأت؛ زي ما قالت ليك هميمة الجرايد مليانة اكتر من المنبر!
Post: #10
Title: Re: ما ممكن يا ناس جريدة الصحافة
Author: Hussein Mallasi
Date: 09-26-2005, 07:29 AM
Parent: #9

Quote: واجبرهم على ايراد نفيه فى الصفحه الاولى

بس المشكلة في الصفحةال 13 في كاريكاتير لفارس
بيظهر فيهو اتنين بيشوفوا في التلفزيون:

في الرسم الاول؛ الاول بيقول للتاني:

انتو ساكت ظالمين الحكومة دي ....
حسي يختاروني و شوف حأعمل ليكم شنو.

الرسم التاني اثناء اذاعة التشكيل الوزاري:

الداخلية فلان
الخارجية فلان
الثروة الحيوانية فلان
ال ...
ال ...
ال ...

في الرسم الاخير؛ الاول - نفسو بتاع قبيل - بيقول للتاني:

دي حكومة كوتات
دي حكومة ما قومية
دي ....
دي ....
Post: #12
Title: Re: ما ممكن يا ناس جريدة الصحافة
Author: عبد الله عقيد
Date: 09-26-2005, 07:34 AM
Parent: #10

معذرة
يبدو أنني دخلت غلطت..
فأنتم تريدون (تهزئة) الجريدة
وليس للأمر علاقة بماتسمح به قوانين
الصحافة.. أو لا تسمح.

عموما اعتبرو
المداخلة (السابقة) مسحوبة
Post: #13
Title: Re: ما ممكن يا ناس جريدة الصحافة
Author: Hussein Mallasi
Date: 09-26-2005, 07:38 AM
Parent: #12

النتائج التي توصلت اليها وحدك؛ تبقى مسؤليتك وحدك.
و عموما اعتبر الرد الكنتا حأكتبو ليك مسحوب برضو.
Post: #14
Title: Re: ما ممكن يا ناس جريدة الصحافة
Author: عبد الله عقيد
Date: 09-26-2005, 07:43 AM
Parent: #13

اشمعنى رديت علي دي يعني؟!

وبدين على الأقل المداخلة ديك كان فيها:

Quote: الأخ حسين ملاسي
تحية وتقدير


دي ما بتحتاج لي رد؟
Post: #15
Title: Re: ما ممكن يا ناس جريدة الصحافة
Author: Hussein Mallasi
Date: 09-26-2005, 07:53 AM
Parent: #14

الاخ عقيد
تحية و تقدير

بتحتاج لرد؛ و رد مطول كمان؛
و مثل هذه الردود بتحتاج وقت لصياغتها و كتابتها؛
لذا تتأخر قليلاً؛ و لكن الامور بخواتيمها؛ فما دمت قد
ندمت على المداخلة و سحبتها - معنوياً - فلا يمكنني حينها
الا ان اسحب ردي عليها كذلك؛ و كفى المؤمنين شر الردود.


و لولا مقتي الشديد للعبارة المستهلكة "لك العتبى حتى ترضى"
فلربما كنت قد كتبتها لك.

و تقبل تحياتي
Post: #16
Title: Re: ما ممكن يا ناس جريدة الصحافة
Author: Hussein Mallasi
Date: 09-26-2005, 07:54 AM
Parent: #15

كلو منك يا هميمة!
Post: #17
Title: Re: ما ممكن يا ناس جريدة الصحافة
Author: عبد الله عقيد
Date: 09-26-2005, 08:02 AM
Parent: #16

الأخ حسين
تأكد أن تقديرك عندي ثابت
ولم يكن سحب مداخلتي (معنويا) بسبب تأخر الرد
ولكن بسبب أنني فهمت من مداخلاتك التالية
ومداخلات الدكتورة هميمة أن جريدة الصحافة
بها الكثير من الأخطاء وليست فقط الأخطاء
التي ذكرتها في افتتاحية البوست..
وأحسست أن ردي كان خارج الموضوع
ولذلك كتبت ما كتبته توضيحا..
بدلا من أن أسحب المداخلة (أمسحها)
ولا ألومكم على (تهزيئكم) للجريدة
فهذا حقكم طبعا،
وبما أنني لا أقرأ الجريدة
فأعتبرت نفسي (مسطح) وكأن كتابتي
كانت خارج السياق.. !!

لا حولاااااااااااااااا.. دا كلو توضيح؟؟

ولولا أنك تكره عبارة (لك العتبى) لكتبتها
لك..

ولك تقديري (الثابت)
Post: #18
Title: Re: ما ممكن يا ناس جريدة الصحافة
Author: Hussein Mallasi
Date: 09-26-2005, 08:11 AM
Parent: #17

ليس استهزاءاً يا عقيد؛
بل هي دعوة للتجويد و عدم الاستسهال.
فللجريدتين - الصحافة و الرأي العام -
مكانة كبيرة عندي؛ لذا وددت لو ان خليتا
من الاخطاء المهنية البسيطة.

و احسن يلقوا ليهم زول ينبههم على بعض الحاجات؛
من ما يفتكروا ان ليس في الامكان ابدع مما كان.
Post: #19
Title: Re: ما ممكن يا ناس جريدة الصحافة
Author: nashaat elemam
Date: 09-26-2005, 10:27 AM
Parent: #18

شكرا يا ملاسي.. والمؤمن مرأة اخيه..
هميمة: بلغة اخوانا العرب (شنو من ديك وعييييييييييييك؟)
Post: #20
Title: Re: ما ممكن يا ناس جريدة الصحافة
Author: luai
Date: 09-26-2005, 02:31 PM
Parent: #1

تحياتي ملاسي
والله معزة خاصة لناس الصحافة صراحة اصبحت عندي رقم 2
بعد الراي العام ورقم ثلاثة بعد الانباء الاولى ورقم واحد
بعد توقف الانباء اليومين ديل ..
وصراحة ناسة كلهم ما ساهلين
واليومين ديل رقم واحد عندي بلا منازع
للعلم ترتيب الصحف عندي يتغير اسبوعيا
زي التوب تين ..
وشباك التذاكر الامريكية
وبما انك ذكرت بعض الهنات فانا اود ان اذكر
لهم ان موقعهم الالكتروني كتصميم اظنه الافضل في المواقع
الالكترونية للصحافة السودانية عموما
Post: #21
Title: Re: ما ممكن يا ناس جريدة الصحافة
Author: Yasir Elsharif
Date: 09-27-2005, 01:08 AM
Parent: #1

العزيز ملاسي، سلامي
[حروف إسمك نفس الحروف لـ سلامي]

طبعا إنت برضو زول مسلّط.. في مداخلتك "غير الرئيسية" جاء..

Quote: احيل على المعاش اخيراً؛ جاء في الرسالة ذكر فيلم زوجة رجل مهم فكتب:

تبادل بطولته المبدع الراحل احمد زكي و الممثلة الرائعة نجلاء فتحي .... الخ


الزول دا لازم يكونوا أحالوهو على المعاش لأنه لا يعرف أن الفيلم بطولة الفنانة ميرفت أمين وليست نجلاء فتحي [وأنا ذاتي المعلومة دي مبصصني ليها].. وطبعا الفيلم يحكي عن مراكز القوى وكدا..

طبعا إنت كل ما تكتب بيظهر إسمك برضو في المنبر.. وكذلك أنا.. وكذلك كل من يكتب.. إذن البورد ليس صحيفة..
لكن المحيرني إنت عرفت قانون الكتابة الصحفية دي من وين؟؟

طيب سؤال: مؤكد تكون بتعرف إجابته لو كنت متابع للمنبر.. لماذا سميت "الماسورة" حنفية؟؟
ولك شكري..
ياسر
Post: #22
Title: Re: ما ممكن يا ناس جريدة الصحافة
Author: Hussein Mallasi
Date: 09-27-2005, 08:10 AM
Parent: #21

سلامات يا ياسر؛
Quote: و الممثلة الرائعة نجلاء فتحي
اظرف حاجة في الموضوع الرائعة دي!

Quote: إذن البورد ليس صحيفة..
طبعاً ... و دا الكلام القاعد يقولوا اخونا الخواض ليهو مده.

Quote: لكن المحيرني إنت عرفت قانون الكتابة الصحفية دي من وين؟؟
اوعك تكون مصدق انت برضو اني بتاع ترمس و كدا!!


اما الماسورة و الحنفية فيلزمني بعض
التنقيب في اضابير البورد قبل الاجابة.
Post: #23
Title: Re: ما ممكن يا ناس جريدة الصحافة
Author: Yasir Elsharif
Date: 09-27-2005, 08:52 AM
Parent: #22

ملاسي

في الحقيقة أنا لا زلت أستغرب في مسألة أن الإسم لا يتكرر في الصفحة الواحدة دي..

أما مسألة الحنفية فيقأل الشيخ الأزهري في مصر الذي أفتى بأن استعمال الماسورة حلال إسمه "حنفي"، فسميت الماسورة بالحنفية.

أنا حسن الظن بك يا ملاسي بالرغم من أن الترمس حلال..

لك تقديري

ياسر
Post: #24
Title: Re: ما ممكن يا ناس جريدة الصحافة
Author: Hussein Mallasi
Date: 09-28-2005, 01:35 AM
Parent: #23

من الحاجات اللاحظتها في الجرايد انو بعض كتاب الاعمدة بيكتبوا
كلمات او جمل ثابتة في نهاية كل عمود؛ فمثلاً:

تكتب امال عباس = هذا مع شكري و تقديري
و تكتب رباح الصادق = و يبقى الود ( اكتب من الذاكرة )
و يكتب عبد العال السيد = و سامحوووووووني

و هكذا؛ و لا اعلم ماهي القيمة التي يمكن ان تضيفها مثل
هذه الجمل و الكلمات القصيرة التي تلصق في نهاية كل مقال او عمود!
Post: #25
Title: Re: ما ممكن يا ناس جريدة الصحافة
Author: Hussein Mallasi
Date: 09-28-2005, 01:43 AM
Parent: #24

طبعاً الحكاية دي منتشرة جداً في الصحافة السعودية؛
و يضاف اليها الاشعار و الخواطر التي تكتب في بداية العمود او اخره؛
مثل اخر الكلام؛ قبل الوداع؛ جرعة؛ شربة؛ زهرة ؛ إكليل؛ خازوق ..... الخ
Post: #26
Title: Re: ما ممكن يا ناس جريدة الصحافة
Author: هميمة
Date: 09-28-2005, 01:52 AM
Parent: #1

[QUOTE]ومداخلات الدكتورة هميمة



يا عقيد انت شغال برضو فى الصحافة ؟؟؟؟؟؟؟؟؟؟


نشات مبروك القيد الصحفى متابعة اخبارك !!


Post: #27
Title: Re: ما ممكن يا ناس جريدة الصحافة
Author: Hussein Mallasi
Date: 09-28-2005, 02:04 AM
Parent: #26

سلامات يا لؤي

فعلاً تصميم موقع جريدة الصحافة على الشبكة تصميم ممتاز.
و بمناسبة التصاميم؛ مرات بتلفت نظري عناوين صحيفة اخبار اليوم؛
فاشتريها؛ الا انني و بسبب تصميمها لا استطيع قراءتها .. و ان قرأتها
لا افهم ما قرأته!
Post: #30
Title: Re: ما ممكن يا ناس جريدة الصحافة
Author: tmbis
Date: 09-28-2005, 02:23 AM
Parent: #27

Quote: الا انني و بسبب تصميمها لا استطيع قراءتها .. و ان قرأتها
لا افهم ما قرأته!

والبوست ده بقى عامل زي الشارلستون ياعمووو

وعن ازنك عايز هميمه في كلمتين

هميمه ازيك
امسحي الاقتباس الحاولتي تعمليهو في آخر مداخلة
لانو البوست انبعج ولي قدام .. بيتشفر
ولما يتشفرالواحد ما بقدر يتابع إلا يجيب ليهو نضارة
وبوست لما يكون فيهو هميمه وملاسي .. ونشأت بيكون دمو خفيف


بالمناسبة
وقفتي الدعم اللوجستيكي بالنسبة لي مالك ؟؟
يعني خوة بورداب ؟؟
ممكن تعيدي ارسال الرقم
لانو ما بيجيني رد ياهميمه
Post: #28
Title: Re: ما ممكن يا ناس جريدة الصحافة
Author: محمد امين مبروك
Date: 09-28-2005, 02:21 AM
Parent: #26

بعض الاعمدة تعطي عكس المراد لو يعلم اصحابها:

افق قريب ....دي تبع التقليد والافق القريب هو النظر تحت الارجل فقط

بلا رتوش ..... ودا بي رتوشو... والحاله

الوسطاء يمتنعون.... عشان إتوسط هو براهو

ومن ذمان كنت بفكر لو(عبدالعال السيد) سحب (سامحووووووووووني) دي اكون افضل

والله انا ما بقدر اقرأ عمودوا الا الصق فوقها لصقة بتدي احساس س خ .....ين

او
ملاح بايت .
Post: #29
Title: Re: ما ممكن يا ناس جريدة الصحافة
Author: haleem
Date: 09-28-2005, 02:21 AM
Parent: #1

والله يا ملاسي تصميم موقع الصحافة على الشبكة ما ظنيتو ممتاز...

التبويب غريب جدا وما بتفهم على أي أساس..

مرات الخبر يكون في الصفحة الأولى...ولما تضغط عليه يمكنك قراءته كاملا..

تجي تلقى نفس الخبر مكرر في صفحة مع الأحداث مثلا...ومعاه مواد تانية ما واردة في الصفحة الاولى..

بعدين تضغط في القائمة الجانبية على الأخبار..يجيك خبر ثقافي واحد ..ودة الحاصل اليوم

وبالمناسبة الموقع لم يتم تحديثه من يوم 23/9

نفس الشئ صفحة الرياضة..عامود الرشيد علي عمر مرات بيكون في صفحة الأعمدة..ومفروض يكون في الرياضة ..ودة بيحصل مرات
Post: #31
Title: Re: ما ممكن يا ناس جريدة الصحافة
Author: Hussein Mallasi
Date: 09-28-2005, 02:59 AM
Parent: #29

تعرف يا مبروك؛ سامحووووووني بتاعت عبد العال
السيد دي بتذكرني سامحوني بتاعت عجوز سيدتي داك.

و بصراحة؛ اعتقد ان سامحووووووووني دي ما بتخدم اي
غرض و هي في وادي و ما يكتب في العمود في وادي آخر.

و على العموم لا يسعني الا ان اقول لعبد العال:

- مش فاهم نظرية سيادتك!
Post: #32
Title: Re: ما ممكن يا ناس جريدة الصحافة
Author: Hussein Mallasi
Date: 09-28-2005, 11:17 AM
Parent: #31

كيفك يا هميمة

وين ياخي!
Post: #33
Title: Re: ما ممكن يا ناس جريدة الصحافة
Author: saif massad ali
Date: 09-28-2005, 11:24 AM
Parent: #32

عم حسين ملاسي
تحياتي

ديل بسرقو جهد الناس , ما عندهم حاجة سمحة خليهم في حالهم
Post: #34
Title: Re: ما ممكن يا ناس جريدة الصحافة
Author: Hussein Mallasi
Date: 09-28-2005, 02:24 PM
Parent: #33

إبننا الحبيب سيف مساعد
سلامات و مشتاقين

ديل منو يا سيف البسرقوا جهد الناس ديل!
Post: #35
Title: Re: ما ممكن يا ناس جريدة الصحافة
Author: saif massad ali
Date: 09-28-2005, 02:32 PM
Parent: #34

مش ديل كان عندهم ملحق بجيب بوستات سجيمان بدون اذن الراجل ولا كيف

مش هم ولا انا رجمتهم بالغيب
Post: #36
Title: Re: ما ممكن يا ناس جريدة الصحافة
Author: Hussein Mallasi
Date: 09-29-2005, 01:39 AM
Parent: #35

اما اللازمة التي يختم بها كمال حسن بخيت أعمدته و هي :

"و الله الموفق و هو المستعان"

فذكرتني بتلك المحاضرات التي نظمتها جريدة المحرر عن فن كتابة المقال الصحفي؛
ففي نهاية المحاضرات فتح المحاضر - المصري - الباب للاسئلة؛ فسأل احد الحضور؛
و لعله من الصحفيين الشباب - او لعله مهتم بالصحافة - و قال:

- لماذا لا يحرص كتاب الاعمدة و المقالات على افتتاح مقالاتهم و اعمدتهم بالبسملة.

صمت المحاضر عدة ثوان؛ إذ يبدو ان السؤال قد باغته؛ ثم قال:

ان للكتابة الصحفية قوالب و اصول يجب الالتزام بها؛ و عليه يمكن لكاتب المقال
ان ينطق بالبسملة عند البدء في كتابته للمقال؛ و لعل ذلك يغنيه عن كتابة البسملة
في كل مقال و عمود.
Post: #37
Title: Re: ما ممكن يا ناس جريدة الصحافة
Author: nashaat elemam
Date: 09-29-2005, 02:25 AM
Parent: #36

يعني بالنية بس.. هاها
Post: #38
Title: Re: ما ممكن يا ناس جريدة الصحافة
Author: فتحي الصديق
Date: 09-29-2005, 06:18 AM
Parent: #37

العزيز ملاسي لك الود
شوف الاعلان دا كمان برضو جا في واحدة من صحف (الخرطوم)00والمصيبة انه كان من خلال عمود يومي000

(العقد الذي تم توقيعه بين مجلس ادارة نادي الهلال وشركة00000للاتصالات لرعاية فريق كرة القدم للاعلان عن طريق الهلال وان اندية القمة تدخل مجال الاستثمارات مع الشركات الكبيرة لكي ترعاها فيه الفائدة للطرفين بأن نادي الهلال من أكبر الأندية السودانية وصاحب تاريخ عريق تأسس في الثالث عشر من فبراير عام 1930 ومنذ ذلك التاريخ أصبح رائدا للحركة السودانية بضروبهاالمتنوعة0أصبح نادي الهلال قبلة للمناشط الرياضية والثقافية0كرة القدم والسباحة 0 كرة اليد بجانب كرة السلة والملاكمة والتنس 0 وعبر تاريخه العريق وبمرور الوقت أحبه أغلبية جماهير الشعب السوداني والتفوا حول هذا النادي الكبير رغم نشأته بامدرمان العاصمة الوطنية الا انه اصبحت جماهيره تزداد على مستوى الولايات الأخرى كما هو أول نادي يطلق عليه اسم الهلال في الوطن العربي وهذا يعني أنه رائد أندية الهلال في الوطن العربي0
وبهذا فان شركة00000للاتصالات التي ظهرت بأسنانها داعمة للاتصالات في أكبر مجال للاستثمار وخاصة في المناخ الجديد في السودان وان شركة 00000للاتصالات قد دخلت قلوب جماهير الهلال العريضة ويعتبر كسبا كبيرا لهذه الشركة لأنهاأحبت الهلال وشعاره وجماهيره0
وبالتالي فان جماهير الهلال سوف تتجه لشركة 00000للاتصالات للتعامل معها لانها وقفت مع نادي الهلال داعمة للهلال في مشاريعه الكبيرة وهذه الجماهير في تعصبها وتحيزها لنادي الهلال وحبها سوف تتعصب وتنحاز لهذه الشركة00000للاتصالات0 وتبقى واحدة من الشركات الكبيرة التي تقف بجانب الهلال وبهذا العقد الذي تم توقيعه بين نادي الهلال وشركة 00000للاتصالات أصبحت الفائدة مشتركة بين الجانبين في النهاية نقول مبروك لنادي الهلال بهذا العقد الفريد وايضا نقول مبروك لشركة 00000للاتصالات والتي هي اصبحت داعمة للهلال0)00
العزيز ملاسي
تتوقع كم اخد الزول دا؟؟؟؟؟؟؟؟؟؟؟
وشوف الركاكة كمان
Post: #39
Title: Re: ما ممكن يا ناس جريدة الصحافة
Author: Hussein Mallasi
Date: 09-29-2005, 07:35 AM
Parent: #35

الارجح يا ود عوج الدرب انك تكون ردمتهم بالغيب ... و الله اعلم.
Post: #40
Title: Re: ما ممكن يا ناس جريدة الصحافة
Author: Hussein Mallasi
Date: 09-29-2005, 03:06 PM
Parent: #39

سلامات يا حليم

فعلاً لو تم تعديل الموقع بما يتفق مع ملاحظاتك لكان اكثر امتيازاً.
من مميزات الموقع ايضاً انك تجده بالعدد الجديد ابكر من بقية الصحف؛
و لأكون أكثر دقة فانه يصدر ابكر من موقع الرأي العام.
Post: #41
Title: Re: ما ممكن يا ناس جريدة الصحافة
Author: امير عبد الماجد
Date: 10-01-2005, 02:47 AM
Parent: #1

شكرا نبيلا للاخوة الذين تداخلو وللعم ملاسي الذي اهدانا عيوبنا وهي عيوب نسعي بجدية لمعلجتها ونتناولها يوميا في اجتماع يومي يجمع المحررين العاملين بالصحيفة مع ادارة التحرير لمعالجة الاخطاء والعمل علي كبحها في اطار التجويد
اراء ملاسي جيدة والصحيفة اي صحيفة تحتج بالفعل لاراء القراء لانه في الواقع تموت ان اغلقت ابوابها امام القراء
شكرا للقراء الذين ما بخلوا علينا يوما بالنصح شكرا لقارئنا الكريم ملاسي وللخالة هميمة ولكل الاعزاء
Post: #42
Title: Re: ما ممكن يا ناس جريدة الصحافة
Author: Hussein Mallasi
Date: 10-01-2005, 03:53 AM
Parent: #41

سلامات يا أمير
ربما اكون العم ملاسي .. و اسعد بذلك.
الا ان هميمة اصغر - جدا -ً من ان تكون خالة ... لذا لزم التأكيد.
Post: #43
Title: Re: ما ممكن يا ناس جريدة الصحافة
Author: امير عبد الماجد
Date: 10-01-2005, 04:08 AM
Parent: #1

العم ملاسي
ملاحظاتك جاري العمل فيها بوصفك خبرة وزول علامة والخبرة دي طبعا تراكمية سنين يعني ابسط ياعم
بعدين الخالة هميمة مازعلانة من قصة كبر السن انت زعلان ماااالك والا مازعلان
Post: #44
Title: Re: ما ممكن يا ناس جريدة الصحافة
Author: Hussein Mallasi
Date: 10-01-2005, 04:40 AM
Parent: #43

ان كان ذلك كذلك .. فلا بأس.
Post: #45
Title: Re: ما ممكن يا ناس جريدة الصحافة
Author: امير عبد الماجد
Date: 10-01-2005, 06:30 AM
Parent: #1

الامر كذلك ياعزيزي والخالة هميمة مبسوطة من اللقب ده وعاجبه
انا منتظر تعليقاتك وملاحظاتك حوا اداء الصحيفة
لاننا بنحتفي بارا القراء جدا
خاصة كبار السن
ذي خالتو فهيمة
اسف
قاصد هميمة
منتظرك
Post: #46
Title: Re: ما ممكن يا ناس جريدة الصحافة
Author: امير عبد الماجد
Date: 10-02-2005, 03:27 AM
Parent: #1

لا زلت في انتظار الاخوة والاخوات ....اي ملاحظات حول اداء الصحيفة نحنا جاهزين خاصة تعليقات واراء الناس الخبرة
العم ملاسي
والخالة فهيمة
وين سيد البوست ده
يا حبيب ارائك بتهمنا جدا
منتظرك
Post: #47
Title: Re: ما ممكن يا ناس جريدة الصحافة
Author: Hussein Mallasi
Date: 10-02-2005, 06:09 AM
Parent: #46

كيفك يا أمير

يا زول الملاحظات بالكوم؛ بس افضى شوية من الفي يدي و بجي.

ياخي دي فرصة الواحد ما اظن يلقاها تاني بالساهل
Post: #48
Title: Re: ما ممكن يا ناس جريدة الصحافة
Author: امير عبد الماجد
Date: 10-02-2005, 07:15 AM
Parent: #1

عمنا ملاسي
ماعندك مشكلة ولو البوست ده وقع بعمل ليك واحد مخصوص
لانو اراء القراء بتهمنا جدا
وملاحظاتهم ضرورية لبقاء الصحيفة وتجويد الاداء
منتظرك ياحبيب

بس
ما
تطووووول
Post: #49
Title: Re: ما ممكن يا ناس جريدة الصحافة
Author: Hussein Mallasi
Date: 10-02-2005, 12:43 PM
Parent: #48

ورد في معظم صحف الخرطوم الخبر الذي يؤكد ان كوبري النيل الابيض سيعاد افتاحه ابتداءاً
من اليوم. و لان عنوان البوست عن جريدة الصحافة فسأورد عنوان الخبر كما جاء بالصحافة؛
فقد كتبت نهى الشيخ:

تكدس في الكباري و الشوارع وسط غياب السلطات
فتح كبري امدرمان امام حركة المرور طيلة الاسبوع

و جاء في الخبر :

و كانت الادارة العامة للمرور بولاية الخرطوم اعلنت عن فتح جسر النيل الابيض
الرابط بين مدينتي الخرطوم و امدرمان امام المركبات العامة طيلة ايام
الاسبوع ابتداءاً من اليوم.

و قبل الدخول في التفاصيل اقول ان ما يسمى بجسر النيل الابيض
لايمكن الا ان يكون رابط بين الخرطوم و امدرمان!

اما عن تفاصيل الخبر فاقول ان الناس زمان كانت بتقول كلام جرايد؛
اما الايام دي فبتقول كلام الادارة العامة للمرور.

ما ممكن تكون معظم الجرايد كتبت كلام جرايد ما لم يكن هنالك مسؤول قد صرح
في مؤتمر صحفي او في رسالة وزعت على الصحف ان الكبري سوف يعاود العمل اليوم.

و طبعاً غني عن القول ان الكبري لا انفتح و لا من يحزنون.

و لمن هم خارج السودان اقول ان الازدحام في مدخل الكبري الجديد من جهة امدرمان
في الصباح و من جهة الخرطوم اخر اليوم لا يمكن وصفها؛ اذ يحتاج اجتياز
مسافة 2-3 كيلومترات لاكتر من ساعتين .... 120 دقيقة يعني ..... 120 دقيقة
مش تسيح العربية ... دي تسيح ابو العربية و الجوا العربية!!
Post: #50
Title: Re: ما ممكن يا ناس جريدة الصحافة
Author: Hussein Mallasi
Date: 10-02-2005, 09:35 PM
Parent: #49

و لكن ... هل كانت ادارة المرور هي التي اغلقت الكبري
لتصرح بانه سوف يعاد افتتاحه ابتداءاً من يوم الاحد!!

و ان لم تكن هي التي اغلقته و لا تملك ان تعيد افتتاحه؛
فما الفرق – حينها - بين ان تصرح ادارة المرور و ان يصرح عبد الحي خوجلي!
Post: #51
Title: Re: ما ممكن يا ناس جريدة الصحافة
Author: صديق الموج
Date: 10-02-2005, 10:03 PM
Parent: #1

صديقى اللذيذ الرايق ملاسى تحياتى

وبعدين ما قلت لينا عن العمود او المقال ابو عنوانين وده على وزن البندقية الخرطوش

ابو ماسورتين .من نوع ( ترانيم فى الشان الكروى او هلال مريخ الاخيرة فى الميزان),

و(التكنوقراط وتعكير المزاج او مايحدث من قدماء الموظفين) قال المتفيقهون يقرا

مع الكراهة ولكن يهمنى راى ملاسى كثيرا ودمتم،،،،
Post: #52
Title: Re: ما ممكن يا ناس جريدة الصحافة
Author: Hussein Mallasi
Date: 10-02-2005, 10:16 PM
Parent: #51

كيف الاحوال يا موج
في الغالب المقالات ابّات ماسورتين دي يتم الاكتفاء بقراءة عناوينها؛
لذا لابد ان يكون العنوان كبيراً بما يكفي عشان الزول ما يطلع من الموضوع المكتوب ملوص.

لو العنوان مليئ بالحشو فما بالك بالمتن يا صديق!!
Post: #53
Title: Re: ما ممكن يا ناس جريدة الصحافة
Author: Hussein Mallasi
Date: 10-02-2005, 10:20 PM
Parent: #52

سلامات يا فتحي الصديق
و وين الغياب الطويل دا.

سأعود للموضوع الهام بتاع الاعلانات المباشرة و غير المباشرة؛
و تقبل تحياتي و تقديري حتى ذلك الحين.
Post: #54
Title: Re: ما ممكن يا ناس جريدة الصحافة
Author: Hussein Mallasi
Date: 10-02-2005, 10:38 PM
Parent: #53

الاستاذ كمال حسن بخيت اعتاد ان يصف في مقالاته الافتتاحية او اعمدته و بصورة مستمرة عندما يرغب في الكتابة عن من يكن لهم شعوراً طيباً من المسؤولين و ذوي الشأن او من تربطه بهم علاقة شخصيه؛ اعتاد ان يصفهم بكلمة اصدقائي فلان و فلان .. او صديقي فلان.

فهذا بالاضافة لكونه يقدح -مستقبلاً - في مصداقية افتتاحياته عندما يكتب مدافعاً او مشيداً باداء احد "الاصدقاء" فانه ايضاً يظهره في نظر القراء بمظهر لا اعرف كيف اعبر عنه؛و ربما لا يكون ذلك كذلك او لعله – فعلاً - غير ذلك ... الا ان هذا ما يتبادر لذهن القراء ... و يتردد على السنتهم عندما يقع نظرهم على كلمة "صديقي" هذه و مشتقاتها.
Post: #55
Title: Re: ما ممكن يا ناس جريدة الصحافة
Author: Hussein Mallasi
Date: 10-02-2005, 10:40 PM
Parent: #54

و ليته يقتصد في اطلاق صفة الاصدقاء على الاصدقاء.
Post: #56
Title: Re: ما ممكن يا ناس جريدة الصحافة
Author: Hussein Mallasi
Date: 10-02-2005, 10:42 PM
Parent: #55

و بالذات في عموده اليومي الذي اصبح يمثل
افتتاحية للرأي العام بعد ان اصبح رئيساً لتحريرها.
Post: #57
Title: Re: ما ممكن يا ناس جريدة الصحافة
Author: امير عبد الماجد
Date: 10-03-2005, 05:21 AM
Parent: #1

القاريء العزيز عمنا ملاسي
يااخوي انت ما عارف الفرق بين شرطة المرورو وشرطة الموانيء والا شنو
الكوبري قفلتوا حكومة الولاية للصيانة قروش الكوبري مدفوعة من وزارة المالية الولائية والاشراف الهندسي للطرق والجسور والفني لوزارة اللذين طنشوا
لو بقيت صحفي ليوم واحد وقالوا ليك في ازمة مرور بسبب اغلاق الكوبري يا ملاسي حاتتصل بي ناس المالية عشان تجيب الخبر
ولو ناس الشركة وقفوا العمل بسبب عدم تسلمهم للاستحقاقات المالية حاتتصل بي ناس المرور تجيب الخبر
الزول قال الافتتاح اليوم ما قال صباح اليوم والكوبري امس المساء شغااال
واليوم شغااال وانا كنت هناك الصباح وقابلت المسؤول
اعمال الصب في الطريق الرئيس انتهت وتبقت السفلتة ودي خطوة ساهلة الي حد ما لانو نوع الخرصانة المستعملة في اعمال الصب بتتاثر بالاهتزازات الناتجة عن مرور السيارات حسب افادة المهندس الجنوب افريقي
يعني خبر الصحافة ما كاذب يا حبيب
خلي ملاحظاتك دقيقة
كلامك عن كمال حسن بخيت ممكن تكتبه ليهو في رسالة قاريء متابع
ومااظنك محتاج اوصف ليك الراي العام بي وين
ماتقووول لي قافلنها ذي الكوبري
سمعت اغنية السوق العربي قفله معانا
لو ماسمعتها اضرب لي ناس المالية
قالوا عايز تمتحن قيد صحفي
غايتو القيد الله يكون في عونه
Post: #58
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 07:04 AM
Parent: #57

سلامات يا امير

Quote: الزول قال الافتتاح اليوم ما قال صباح اليوم والكوبري امس المساء شغااال

جاء في جريدة الرأي العام الصادرة اليوم بقلم حافظ الخير الاتي:

اسباب فنية تؤجل افتتاح جناحي كوبري النيل الابيض

قال العميد صلاح الدين بابكر مدير العمليات بشرطة المرور
ان اسباباً فنية طارئة قد حالت دون فتح جناحي كبري النيل الابيض القديم
امام حركة السير امس و اكد صلاح للرأي العام ان افتاح الكبري سيتم اليوم ... الخ

اها يا أمير نصدق منو!!

بخصوص الرسالة لكمال بخيت؛ افضل ان ابعثها له من خلال هذا المنبر؛
و ذلك افضل من ان اضرب مشوار للرأي العام و اترك رسالة في الاستقبال
قد تصل و قد لا تصل.

Quote: لو بقيت صحفي ليوم واحد وقالوا ليك في ازمة مرور بسبب اغلاق
الكوبري يا ملاسي حاتتصل بي ناس المالية عشان تجيب الخبر

حتى لو ما بقيت صحفي يا أمير؛ لو عايز اعرف الكوبري حيتفتح متين
حأسأل الزول القفل الكوبري؛ و طبعاً بتكون عارف انو ناس المرور
ما هم القفلوا الكوبري عشان كدا معلوماتهم عن فتح الكوبري ما بتكون دقيقة
و بيكون مصدرها برضو الزول القفل الكوبري.

و طبعاً بتكون عارف انو الاخبار بتكون اكثر دقة عندما تؤخد من مصادرها الاصلية.

تحياتي
Post: #59
Title: Re: ما ممكن يا ناس جريدة الصحافة
Author: امير عبد الماجد
Date: 10-03-2005, 07:18 AM
Parent: #1

العم ملاسي
انت بتتكلم عن جريدة الصحافة وعن اخطاء فيها ماتنطط ساكت
الكوبري مساء امس كان شغاال اعتبر روحك صحفي لساعة واتاكد من الموضوع وما تسالني عن خبر في جريدة تااانية عايز تتكلم عن جريدة الصحافة قول الاخطاء موضوعية تشكر عليها فارغة سااااكت بخليك تشيله براااك
مش انت الجبتها
خبر الصحافة امس صحيح ونشرت مادة عن الحاصل في الصفحة الثامنةوموجودة في البورد
للاطلاع
حاجات الراي العام اعمل ليها بوست براها
لانو البوست ده حسب العنوان خصصتوا للصحافة
مرة تانية برحب بيك كقاريء
ومنتظر ملاحظاتك
بس
مااااتطووول
Post: #60
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 07:33 AM
Parent: #59

اسمع يا امير البوست دا حقي اكتب فيهو العايزو؛
الكلام العن الصحافة شيلو كان داير تشيلو و الكلام
العن الرأي العام خليهو لناسو.

انت بتقول انو الكوبري اتفتح بالليل؛ و حافظ الخير
و اللواء بتاع المرور بيقولوا انو الكوبري ما اتفتح امس.

جريدتين كبار كل زول بيقول كلام براهو.

الناس الما مرت بالكوبري تصدق الكلام البيقولوهو ناس جريدة
الصحافة و للا تصدق ناس الرأي العام!!

و بعدين انت صحفي كبير؛ مفروض تكون عارف انو مافي حاجة اسمها
الكوبري اتفتح المسا؛ في حاجة اسمها الكوبري اتفتح الساعة كم!!

و بالمناسبة ترحيبك بي كقارئ بشكرك عليهو؛
بس لو رحبتا و للا ما رحبتا ما اظنو حيفرق كتير.
Post: #61
Title: Re: ما ممكن يا ناس جريدة الصحافة
Author: امير عبد الماجد
Date: 10-03-2005, 07:40 AM
Parent: #1

اعصابك يا عمو ماترفع ضغطك ساكت تموت علينا
منو القال ليك البوست حقك تكتب الدايرو
يعني دي بالغت فيها عديل كده
يجازي محنك
دي ما مني لقيتهم كاتبنها ليك
او
كاتبين ليك حاجة قريب منها
ترحيبي بيك كقاريء
معناهو بوضوح انك قاريء من القراء
ونحن بعتز باراء القراء
مهما كانت
موضوعية
وال زي الكلام بتاع طق الحنك اياهو
بوستك للعلم بالغتو ياناس جريدة الصحافة
ونحنا ناس جريدة الصحاف
خليك عااااقل و
شاااطر
وادينا ملاحظات عن الجريدة نستفيد منها
يلا يشاطر
منتظرك
Post: #62
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 07:58 AM
Parent: #61

اقول ليك انك بتكتب كلام و نسات؛
تقول لي ضغطك و بتموت!!

اسمع يا امير عشان تتعلم؛ بكررا ليك تاني؛
مافي صحفي بيعرف شغلو بيقول كلام بيعتبروا خبر
انو الكبري فتح المسا؛ دا كلام تقولوا في ونسات مع
اصحابك؛ بس في الصحافة المضبوطة مافي حاجة اسمها فتح المسا.

و بالمناسبة خبر انو الكبري فتح المسا ما مكتوب في الصحافة اليوم؛
عشان كدا الصحافة غير مسؤولة عن خبر زي دا؛ دا خبر تتحمل مسؤوليتو براك؛
لانك لو وديت خبر زي دا مدير التحرير بيرجعوا ليك و يقوليك مافي حاجة اسمها
كبري فتح المسا؛ و للا يصلحوا بالنيابة عنك!!
Post: #63
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 08:12 AM
Parent: #62

و برضو يا امير عشان تتعلم تشتغل صحافة صاح؛
لو قطعت الكهربا في البلد ما تمشي للناس البتبيع الجنريترات
و تسألهم الكهربا قطعت ليه!!
و برضو ما تمشي تسأل الكهربجية و بتاعين المغالق.
و ما حأقول ليك تمشي وين ... دي اسأل منها اي زول
في الحافلة البتركبا و هو حيوريك تسأل منو عن قطع الكهربا.
Post: #64
Title: Re: ما ممكن يا ناس جريدة الصحافة
Author: امير عبد الماجد
Date: 10-03-2005, 08:13 AM
Parent: #1

اهو ملاسي بقي يتكلم كخبير اجنبي
انت يامااان العرفك شنو انو الصحف ما بتقوول في الاخبار مساء امس وصباح اليوم
يعني ماقريت الكلام ده قبل كده والا سمعتو في فضائية ياااكافي البلاء
انا كنت فاكرك قاريء حصيف وحريف
وشاطر
ياملاسي ماتتشوبر ساكت
انضم علي قدرك
واتونس قدر قدرتك
حاول تدينا ملاحظات ذكية شوية
علي الاقل تكون شايفه ذكية
قدر قدرتك
ماتجهدنفسك
مقدرين
ومنتظرين
ياشاطر
Post: #65
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 08:18 AM
Parent: #64

بس حتكون مشكلة لو ما بتركب حافلات!
Post: #66
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 08:22 AM
Parent: #65

معليش يا امير؛ عارف انو الكلام حرقك؛
و طلعك شوية من طورك ... معليش؛
احاول تاني اكتب ليك كلام يبسطك عشان تنبسط!

بس ما عارف حاتصرف كيف مع عدم احترافيتك دي.
Post: #68
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 08:28 AM
Parent: #66

حاواصل اديك نصائح مجانية يا امير عسى ان تفيدك
في مشوارك الصحفي الذي اتمنى ان يكون مديداً.

حاول ما تكتب كتير في البورد؛ لانو في البورد مافي
زول بيعيد ليك صياغة كتاباتك .. و ستكون المقارنة بين ما تكتبه
في البورد و ما ينشر لك في الجريدة في غير صالحك!!
Post: #67
Title: Re: ما ممكن يا ناس جريدة الصحافة
Author: امير عبد الماجد
Date: 10-03-2005, 08:28 AM
Parent: #1

اطمئن بركب حافلات حسب التساهيل
مرات الحافلات الكبيرة
روقة نركب هايس
وبنلقي ناس زي ناس
الواحد ينضم نضم كبار كبار وفي الاخر تلقاهو ما عارف معني النضم تاشغال فيهو
نظام بوبار يعني
وده حال البلد
بتاع التلج عندو راي في مناهج الجامعة
وهو ماعارف نهج غير القراهو زمان
انا عندي راي في الرئيس ممكن مايكون مؤسس
اهو راي والسلام
انت عندك راي في الجرايد
ممكن مايكون مؤسس
وتفكها في روحك اكتر من اللازم
ده السودان ياعمنا
ماهو انت هسي بتفتي
كخبير
شاطر
وعارف
حد قال حاجة
Post: #69
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 08:30 AM
Parent: #67

اما ان اكتفيت - يا امير - بقص و لصق ما ينشر لك
في الصحافة فلا بأس؛ فحينها ستبدو صحفياً حقيقياً.
Post: #70
Title: Re: ما ممكن يا ناس جريدة الصحافة
Author: امير عبد الماجد
Date: 10-03-2005, 08:34 AM
Parent: #1

القاريء الكبير سنا
الصغير ملاسي
معليش ما حااقدر اخد بالنصيحة دي وحااكتب ليك
اولا عشان ماتفكها في روحك انت خليك للتوقيعات والحاجات دي
ماللك ومال الحاجات الاكبر منك دي
ثانيا يامان لما تتكلم عن حاجة علي الاقل يااخي تكون بتعرف عنها حاجة
ماتكون ميحة
قول ليك حاجة ذكية
قبل ما اقووول
ليك
شاطر
يلا انا منتظرك
Post: #71
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 08:41 AM
Parent: #70

مافي داعي للكلام المافي ليهو داعي يا امير؛
دي نصائح مجانية لم تدفع مقابلها لا قرش لا تعريفة؛
ان شئت اخذت بها - ليتك تفعل - و ان شئت تركتها.
Post: #72
Title: Re: ما ممكن يا ناس جريدة الصحافة
Author: امير عبد الماجد
Date: 10-03-2005, 08:45 AM
Parent: #1

انا بالمناسبة بهتم جدا باراء القراء
وبعتقد انهم اذكياء
ماااتخليني اغير موقفي
انا عايز اراء اكثر ذكاء
اتمني ما تكون الشخص الخطا
علي الاقل في الحد الادني
ياملاسي هو قالوا ليك
البلاش كلوا سمح
فيهو
وفيهو
خلي بلاشك
لو ما سمح
مفيد
Post: #73
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 08:47 AM
Parent: #72

وسع صدرك يا امير؛ اعرف انك اعتدت على ان يكون القلم في ايدك؛
و حرقك شوية انو القلم ما بقى في ايدك براك ... وطن نفسك على كدا.
ما زلت في بداية طريقك؛ ان اردت ان تصيب نجاحاً في مهنة الصحافة؛
عوِّد نفسك على برود الاعصاب و على ان لا تبادر بالكلام الفارغ.
و على ان تلتزم حدود الادب مهما كان الخلاف عميقاً.
Post: #74
Title: Re: ما ممكن يا ناس جريدة الصحافة
Author: امير عبد الماجد
Date: 10-03-2005, 08:54 AM
Parent: #1

ياعمنا انا بعيد جدا عن الانفعال
وبعيد كمان عن فكرة انو القلم في ايدي براي يعني ما ممكن اقول لي زول البوست ده بتاعي اكتب فيهو العايزو
تفتكر القال الكلام ده ملاسي والا امير عبد الماجد
بعدين ياحبيب لما تجي تكتب عن موضوع وتطلع فتاوي حاول علي الاقل يا اخي اتمكن ولو جزئيا من الموضوع
عشان ما تفقع مرارة الناس
يعني ماممكن الزول يكون
شحاد وبتشرط
اسف علي المثل
لكن حقيقة بيشبه البتعمل فيهو ده
عايزني اوسع بالي
وانت متضايق ن كلامي
والمتضايق ما بفهم
اخد نفس عميق
وخلينا نتفاهم
ايووووه كده
بعد ده
ممكن نبدا
Post: #75
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 09:05 AM
Parent: #74

انا ما عارف ليه يا امير انت اخدتا الموضوع شخصي و اتصدرتا ليهو؛
واضح انك اخدتا الموضوع شخصي؛ انا لمن كتبتا البوست دا لم تكن انت في
ذهني؛و عندما كتبت عن موضوع الكوبري ما كنتا متذكرك ذاتو و موضوعك بتاع
الصفحة التامنة ما قريتو؛ عشان كدا ما استشهدتا بيهو و اكتفيت بكلام
نهى الشيخ.

لا تظن يا امير ان الصحافة فوق النقد لانها هي التي تنتقد و تراقب؛
فكما ان الصحافة سلطة رابعة فان للقراء سلطة على الصحافة.

حاول تفهم الكلام دا يا امير؛ و انا احاول ان افيدك به و انت في بداية
مشوارك الصحفي.

و لو سألت ليك زول بيعرف اكتر منك شوية في الصحافة حيأكدو ليك.
لا تأخذ الامور بحساسية زائدة؛ و لا تعطي نفسك حجم اكبر من حجمها الحقيقي؛
فان فعلت فستكسب مرتين و ان لم تفعل فستنتهي كصحفي كان يمكن ان يكون جيداَ.
Post: #76
Title: Re: ما ممكن يا ناس جريدة الصحافة
Author: امير عبد الماجد
Date: 10-03-2005, 09:17 AM
Parent: #1

لو ان الموضوع كان شخصيا يهم امير عبد الماجد لما التفت اليه الا بمقدار الاستفادة من الملاحظات المفيدة
وشكرك لانك ذكرت الحقيقة وذكرت انك لم تطلع علي المادة المنشورة بالصفحة الثامنة من نفس العدد
لانك لو فعلت لعلمت ولما تسرعت
عموما انت جعلت جريدة الصحافة عنوان للبوست
قريت المادة بعضها صحيح شكرتك عليه
وبعضها خطا
نبهتك له
ونبهتك ان تحاول قدر الامكان ياملاسي
ابتعد عن الفتاوي التي لا تمللك مرجعا لها
وتحدث قدر قدرتك
لا تجهد نفسك
حتي لا تفضحها
وتظهر امامنا
ماعااارف
ولا شاطر
عايزنك شاطر
ياحبيب
Post: #77
Title: Re: ما ممكن يا ناس جريدة الصحافة
Author: banadieha
Date: 10-03-2005, 09:24 AM
Parent: #76


اليوم ياحسين ملاسي قدرت أتصفح الصحافة بعد فترة ضاق فيها الباندويث بما رحب..فالشكر لك ولهم والبركة في الرأي العام الوقفت الرجفة في الشاشة وكانت سادة الفرقة كلها.
Post: #78
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 12:32 PM
Parent: #77

قرأت الان الصفحة الثامنة التي ما فتئت تروج لها يا امير؛
و وجدت انك قد كتبت بها التالي:
Post: #79
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 12:42 PM
Parent: #78

Quote: جسر النيل الابيض سيفتح إعتباراً من السبت (أمس) حيث حيث تنتهي
البرمجة و يفترض ان الكوبري (شغال) الآن.



ياهو دا المكتوب في صفحة تمانية الفرحان بيها؛
و تجي اسه تقول انو الكبري فتح يوم الاحد المسا.
اها كلامك دا لو ما سموهو كلام جرايد يسموهوا شنو!!
اخير الكلام الكانت كاتباهو نهى الشيخ!

و بالمناسبة؛ بتكون عارف -طبعاً- انو المزدوجات الفي
الاقتباس وردت في الصحيفة و ليست من عندي.
Post: #80
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 12:45 PM
Parent: #79

و الغريبة انك بعد دا كلو بتتفلسف؛ دا بدل ما تعتذر عن ايراد
خبر خاطئ و مضلل في الصفحة التامنة الفرحان بيها دي.
Post: #81
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 12:54 PM
Parent: #77

سلامات يا بناديها و رمضان كريم و كل سنة و انت طيب.
و فعلاً الرأي العام بتسد الفرقة كلها و زيادة.
Post: #82
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 01:14 PM
Parent: #81

و بعدين يا امير لو الله هون ليك و قدرتا تستمر في مهنة الصحافة دي؛
بعد كم سنة ممكن الكلام القلتو ليك ... يقع ليك!
Post: #83
Title: Re: ما ممكن يا ناس جريدة الصحافة
Author: ياسر مكاوي
Date: 10-03-2005, 05:04 PM
Parent: #1



لو حقيقي ان ما يكتبه أمير عبدالماجد هنا يمثل جريدة الصحافة ؛ فأنا اكرر مع حسين ملاسي :




Quote: ما ممكن يا ناس جريدة الصحافة
Post: #84
Title: Re: ما ممكن يا ناس جريدة الصحافة
Author: عمر ادريس محمد
Date: 10-03-2005, 07:45 PM
Parent: #1

الاخ ملاسى


رمضان كريم



أول مره القى نفس الأماره بالسؤ .... موافق على تلاته جمل قلتهافى موضوع ناس الصحافه

(تصدق برضى شاكى فى صحتها) التلاته جمل اعنى


شوف لى مبرر قوام
Post: #85
Title: Re: ما ممكن يا ناس جريدة الصحافة
Author: Hussein Mallasi
Date: 10-03-2005, 11:41 PM
Parent: #84

المبرر - طبعاً - يا عمر إنو رمضان دخل!



رمضان كريم و كل سنة و انت طيب.
Post: #86
Title: Re: ما ممكن يا ناس جريدة الصحافة
Author: هميمة
Date: 10-04-2005, 00:33 AM
Parent: #1


يا ملاسى رمضان كريم .............


طبعا دا كلو سببو انو الجرايد الكبيره بتشغل الناس


الصغار .... وتتركهم يرعو فينا بلا ( قيد ) !!!!!!!


تخيل الامور دا الانا خالتو ... ما عارفه ليه بقول عمتو !!؟؟


تخيل انو بتركو ليه كتابة التحليل السياسى للجريدة ؟؟؟؟؟

ايضا .......... بلا قيد .....


عشان كده ما تستغرب لما جريدة الصحافة اول امس يكون المين


شيت بتاعها الوحيد ..... انو رمضان بالاربعاء ؟؟؟؟؟؟؟؟؟ اها الليلة


بمشوا وين ؟؟؟؟ معروف للصحافه انو تحديد بداية رمضان فى الدول العربية


بتدخل فيه .... عوامل غير فلكية ... اصرارهم على الاثارة فى جريدة


مفروض تتوخى الموضوعية والمهنية سببو الوحيد الجماعة البدون قيد


ديل ......... اها الليله ياامور تعال اشرح لماذا رمضان بالثلاثاء ؟؟؟؟


ما تكون عمتك هميمه هى حيطتك القصيرة !!!!!!!!!!
Post: #88
Title: Re: ما ممكن يا ناس جريدة الصحافة
Author: Hussein Mallasi
Date: 10-04-2005, 01:10 AM
Parent: #86

اتخيلي يا هميمة عنوان زي دا في الصفحة الاولى في
جريدة الصحافة الصادرة صباح اليوم 1 رمضان:

إغلاق كافة محلات بيع الاطعمة و المشروبات خلال رمضان

لاحظي خلال رمضان!!
Post: #87
Title: Re: ما ممكن يا ناس جريدة الصحافة
Author: امير عبد الماجد
Date: 10-04-2005, 01:09 AM
Parent: #1

خالتو هميمة ازيك
انشاء الله تصومي وتفطري علي خير
لو صايمة طبعا لانو السن برضو بي احكامه
كنت عايز اتكلم معاك وانا ماااصايم
لكن نعمل شنو ماعندنا حظ
يااااخالة تصريح من جورج بوووش انو الجيش الامريكي حا ينسحب من العراق غدا
منشور في الواشنطن بوست مثلا
قام عمك بوووش لسبب او اخر غير رايه
تبقي الجريدة ما مهنية
لانو في عالم توقع او سياسي قال ما حانشارك في حكومة الوحدة الوطنية
انا هنا لا اشك للحظة اننا نخطيء واننا بحاجة الي ملاحظات القراء واراءهم
حتي لو كان هؤلاء القراء في( ذكاء)خالتو فهيمة -اقصد هميمة
بالمناسبة يا خالة والله انا( مقيد)وبحب القيووودوالشعر الغزلي
مع اننا بنتشابه في حاجات كتيرة
ما فيها العمر طبعا
انا قدر ولدك تقريبا
لكن بنتشابه في شنووووو
ماااعارف
ياااااارمضان ياااااكريم
عايزين ملاحظااااان ذكية
Post: #89
Title: Re: ما ممكن يا ناس جريدة الصحافة
Author: امير عبد الماجد
Date: 10-04-2005, 01:13 AM
Parent: #1

ملاسي بقيت فتاح يا عليم تجري المكتبة
شاااطر ياولد
Post: #90
Title: Re: ما ممكن يا ناس جريدة الصحافة
Author: هميمة
Date: 10-04-2005, 02:39 AM
Parent: #1


Quote: تصريح من جورج بوووش انو الجيش الامريكي حا ينسحب من العراق غدا
منشور في الواشنطن بوست مثلا


والله كذاب كذب حالتك صايم ؟؟؟؟

يا ود العب بعيد انت قايل الواشنطن بوست دى فيها خمج ذى

بتاعك دا وتلفيق وكذب ؟؟؟؟؟؟؟؟ والله تقرب هناك كورعبنك ما

يمرقنك .....

قال ما انسحب قال ..........

انت ما عندك فكره انو الواشنطن بوست بتكون عارفة حركة الجيش

الامريكى احسن من عرفة بوش ....

وبما انك بى قيدك مفروض انك صاحب رسالة ....

يعنى المهاترات دى ما تبع مهنتك يا صغيرى

شفت انت كيشة كيف ؟؟؟ وبتغرق فى شبر مويه

لاحظ انو ملاسى دا ( مفكوك ) لسه ... ما اتقيد

اخد ساتر !!!!!!!!
Post: #91
Title: Re: ما ممكن يا ناس جريدة الصحافة
Author: Hussein Mallasi
Date: 10-04-2005, 03:55 AM
Parent: #90

ظننت ان امير كان يمازح هميمة - عن سابق معرفة - بكلمتي
خالتي و فهيمة .... واضح انو الحكاية اتجاوزت سوء الاداء
المهني لما هو افدح.
Post: #92
Title: Re: ما ممكن يا ناس جريدة الصحافة
Author: هميمة
Date: 10-04-2005, 03:59 AM
Parent: #1


Quote: و ستكون المقارنة بين ما تكتبه
في البورد و ما ينشر لك في الجريدة في غير صالحك!!


والله يا ملاسى لقيتك فقرى !!!!!!!!

فعلا الود دا ما عندو مستوى ......
Post: #93
Title: Re: ما ممكن يا ناس جريدة الصحافة
Author: هميمة
Date: 10-04-2005, 04:20 AM
Parent: #1



Quote: عايزين ملاحظااااان ذكية


الملاحظات ذكيه والله .........

لكن العلة فى الملاحظ .... غبى

ودى ما مسئوليتنا ....

انا بقترح عليك تعرض الامر على ناس الحافلة اليوم وانت راجع

بدون ما تدعى انها كانت امجاد !!!!!!!!!
Post: #94
Title: Re: ما ممكن يا ناس جريدة الصحافة
Author: haleem
Date: 10-04-2005, 04:59 AM
Parent: #1

رمضان كريم يا جماعة...

والله خليت البوست ماشي كويش جيت لقيت الكترابة..

بس أنا عندي ملاحظة على مستوى اللغة لدى بعض الصحفيين بالبورد

وإكثارهم من إستخدام كلمات مثل

Quote: يا ماااان


وبمناسبة كمال حسن بخيت يا ملاسي شوف الخبر دة
Quote: قررت لجنة قيد الصحافيين فى إجتماعها المنعقد صباح السبت قيد المذكورين أدناه ضمن الصحافيين الذين يحق لهم ممارسة العمل الصحفى إحترافاً فى جمهورية السودان الديمقراطية وهم:

جواهر سليمان البنا

كمال حسن بخيت

منير صالح عبد القادر

ابراهيم عبد القيوم

عبد الرحمن محمد احمد جلود

احمد سهل محمد علي

إمضاء: محمد الحسن الطيب

رئيس اللجنة

الأيام: بتاريخ الاثنين 2/4/1971م العدد 6210

Post: #95
Title: Re: ما ممكن يا ناس جريدة الصحافة
Author: امير عبد الماجد
Date: 10-04-2005, 06:27 AM
Parent: #1

الظاهر خالتوا هميمه فقدت اعصابة
ياخالة الرووووب
انا عشانك لا مقيد لا شيء
بمرق ليك ..زي مادايرة
بعدين غبي غبي يعني ماانتي غبية
مرقوك من البلد
ماقاعدة
انا مش قلت ليك بنتشابه في حاجه
ياربي الغباء
ياااازوله اعصابك
Post: #96
Title: Re: ما ممكن يا ناس جريدة الصحافة
Author: Hussein Mallasi
Date: 10-04-2005, 06:43 AM
Parent: #95

حسبنا الله و نعم الوكيل.

Quote: الظاهر خالتوا هميمه فقدت اعصابة

اقتصد في الكتابة يا امير عشان ما تعوق نفسك اكتر من كدا.
Post: #98
Title: Re: ما ممكن يا ناس جريدة الصحافة
Author: Hussein Mallasi
Date: 10-04-2005, 06:54 AM
Parent: #96

الان - فقط - وجدت تبريراً للعنوان الذي ورد في الصفحة
الاولى لعدد اليوم - من جريدةالصحافة - و الذي يقول:

إغلاق كافة محلات بيع الاطعمة و المشروبات خلال رمضان
Post: #97
Title: Re: ما ممكن يا ناس جريدة الصحافة
Author: امير عبد الماجد
Date: 10-04-2005, 06:54 AM
Parent: #1

جدا ياحبيب
ماعندي مااانع
بس ماتزعلوا
هميمة
اللهم اني صااايم
البينا عامرة ياخالة
والخاله(والده)
صحي الولاده ماكلها واحد
في لوح التلج الاملس
وفيها وفيها
ملاسي خليها ونستنا بعد الفطوووور
Post: #99
Title: Re: ما ممكن يا ناس جريدة الصحافة
Author: امير عبد الماجد
Date: 10-04-2005, 07:06 AM
Parent: #1

لانو الكلام حايجيب كلام
ويمكن
بقول يمكن زعل لانو واضح انو انت والخالة فهيمة بتتضايقوا من اراء الناس ومابتقبلوا النقد
عموما انا بوستك ده ما طالع منو خالص لامن نشوف اخرتا
Post: #100
Title: Re: ما ممكن يا ناس جريدة الصحافة
Author: Hussein Mallasi
Date: 10-04-2005, 07:25 AM
Parent: #99

Quote: لانو واضح انو انت والخالة فهيمة بتتضايقوا من اراء الناس ومابتقبلوا النقد

ROTFL
Post: #102
Title: Re: ما ممكن يا ناس جريدة الصحافة
Author: osly2
Date: 10-04-2005, 07:47 AM
Parent: #100

ملاسى

رمضان كريم
تصدق من امبارح احاول ان اسلم عليك ولكن كل ما ادخل بوست من بوستاتك
اخرج على اطراف اصابعى


علمونا ماذا تحدث رياح الخماسين

وتعلمنا هنا كيف تتجنب شبكة الملاسين
Post: #101
Title: Re: ما ممكن يا ناس جريدة الصحافة
Author: Shams eldin Alsanosi
Date: 10-04-2005, 07:38 AM
Parent: #1

Quote: عايزين ملاحظااااان ذكية


الاخ العزيز امير عبد الماجد
تحياتى مع كثير احتراماتى

اولا:الاقتباس السابق من ردك على الاخت هميمة وهو بالضرورة رد على كل قراء جريدة الصحافة
ثانيا: هل لك أن تخبرنى عن نوعية الملاحظات الذكية وما هو المعيار الضابط فى التقيم؟

ثالثا: كيف لى أن اتيك بملاحظة ذكيةإن رأيت خطأ فى غاية الغباء ؟

مع خاص ودي

شمس الدين السنوسى
Post: #103
Title: Re: ما ممكن يا ناس جريدة الصحافة
Author: Hussein Mallasi
Date: 10-05-2005, 03:23 AM
Parent: #101

لا اعرف كم كسبت الرأي العام و كم خسرت الصحافة بانتقال
محمد محمد خير و اقاصي الدنيا من الثانية للاولى.

و لو كان اخونا بكري الجاك بالجوار لربما عكس المعادلة!
Post: #104
Title: Re: ما ممكن يا ناس جريدة الصحافة
Author: Hussein Mallasi
Date: 10-05-2005, 03:34 AM
Parent: #103

ما الذي يحمل الكاتب على الانتقال من صحيفة لصحيفة اخرى؛
هل هو:

المقابل المادي؛
الجو العام؛
اصحابو بهناك اكتر؛
لقى مشاكل بيجاي؛
الجريدة الانتقل ليها قراؤها اكثر ..... الخ

ليس الامر حكراً على الانتقال من الصحافة للرأي العام؛
فعبد اللطيف البوني انتقل من الرأي العام للصحافة؛
و لا اعرف كم خسر من جراء ذلك!!
Post: #105
Title: Re: ما ممكن يا ناس جريدة الصحافة
Author: Hussein Mallasi
Date: 10-05-2005, 03:36 AM
Parent: #104

او كسب.
Post: #106
Title: Re: ما ممكن يا ناس جريدة الصحافة
Author: nasiradin
Date: 10-05-2005, 03:58 AM
Parent: #103

يا ملاسى رمضان كريم
فهمونا
الحاصل هنا شنو
الزول ده صحفى فعلا فعلا
و هل انو بيتحدث بى اسم جريدة الصحافه
ولا الحكايه مشاغلات

ناصر البطل
Post: #107
Title: Re: ما ممكن يا ناس جريدة الصحافة
Author: Hussein Mallasi
Date: 10-05-2005, 04:08 AM
Parent: #106

سلامات يا نصر الدين؛
و رمضان كريم.

في صحفي في جريدة الصحافة اسمو امير عبد الماجد؛
و الراجح انو نفس الزول !
Post: #108
Title: Re: ما ممكن يا ناس جريدة الصحافة
Author: nasiradin
Date: 10-05-2005, 04:34 AM
Parent: #107

عموما يا ملاسى
شايف فى جدل حول الكاتب الأوتمسفيرى و التقليدى
حقوا الناس ترجع ليهو
و المفروض انو التقليدى ده صفوه و كده
و ناس قريعتى راحت الزينا ديل
قالوا ما مسائلين
و بس خلاص

متابع

ناصر البطل
Post: #109
Title: Re: ما ممكن يا ناس جريدة الصحافة
Author: ناذر محمد الخليفة
Date: 10-05-2005, 05:48 AM
Parent: #1

تحياتي حسين ملاسي

لدي إستفسار موجه هنا للأخ الصديق أمير عبد الماجد وهو :

هل ما تكتبه هنا أخي أمير هو رأي جريدة الصحافة على ما ورد بشأنها من قراءها أم هو رأيك الشخصي المحض ؟؟!!

أنا متابع هذا البوست منذ بدايته وأرى أن مداخلاتك الأولى فيه كانت موضوعية جدا ولكنك بعد ذلك بدأت تفقد المنطقية ونحيت تجاه زوايا شخصية ، فهل هذا التغير أتى من بعض المسئولين في الصحيفة وطلبوا منك تغيير لغة خطابك لشئ في نفسهم (ربما هو ضيقهم بملاحظات حسين ملاسي) أم غيرت لغة خطابك بنفسك لشي بخصك وحدك !!


صنفرة :

أرى أنك تعديت قليلا على الأخت هميمة بعدة عبارات ربما ما وراءها عكس ما كتبت بها يا أمير لذا فقط أطلب منك وبحق ما بيننا من علاقة طيبة أن تكف عن ذلك وتركز في موضوع البوست الرئيس مع الأخ ملاسي ..

تحياتي
Post: #110
Title: Re: ما ممكن يا ناس جريدة الصحافة
Author: امير عبد الماجد
Date: 10-05-2005, 06:17 AM
Parent: #1

ناذر تحياتي
مااكتبه هنا يعبر عن رايي الشخصي
ودي ما اظنها محتاجة شرح
هميمة بدات الخشونة
والكلام جاب الكلام
مع ملاسي
الكلام جاب الكلام
ونحنا لسه ماااشين
طوووول بالك ياناذر
وماتتوتر
Post: #111
Title: Re: ما ممكن يا ناس جريدة الصحافة
Author: Hussein Mallasi
Date: 10-05-2005, 06:23 AM
Parent: #110

Quote: طوووول بالك ياناذر
وماتتوتر

ROTFL

هو انتا كمان بديت تتوتر يا ناذر!!
Post: #112
Title: Re: ما ممكن يا ناس جريدة الصحافة
Author: Hussein Mallasi
Date: 10-05-2005, 06:25 AM
Parent: #111

اللهم الا ان كان للتوتر معنى اخر غير الذي اعرف!
Post: #113
Title: Re: ما ممكن يا ناس جريدة الصحافة
Author: فيصل نوبي
Date: 10-05-2005, 06:34 AM
Parent: #1

Quote: هو انتا كمان بديت تتوتر يا ناذر!!


تعرف يا ملاسي انا قريت لي مقال هناك

قالو انت بقيت متخصص في المتوترين


تهريجه:

رمضان كريم يا حبيب
Post: #114
Title: Re: ما ممكن يا ناس جريدة الصحافة
Author: Hussein Mallasi
Date: 10-05-2005, 06:55 AM
Parent: #113

سلامات يا وسلي؛
طبعاً البورد كان في غيابك حاجة كدا
ما ليها طعم .... حمد الله على السلامة
يا رجل و رمضان كريم.

Quote: تصدق من امبارح احاول ان اسلم عليك ولكن كل ما
ادخل بوست من بوستاتكاخرج على اطراف اصابعى

الغريبة انا برضو حصلت لي نفس الحكاية لمن شفتا اسمك مكتوب؛
فبحثت عنك فوجدت عجاجتك رابطة مع محمد سليمان
في موضوع عبد المنعم سليمان!

Dumb دا ابو سنينة
و هو بيضحك على ابو سنينتين!!
Post: #115
Title: Re: ما ممكن يا ناس جريدة الصحافة
Author: Hussein Mallasi
Date: 10-05-2005, 12:33 PM
Parent: #114

الواحد شايل هم من هسة للصيانة التي ستجري لكبري بري/كوبر
و ربما لكبري النيل الازرق عقب افتتاح كوبري الجريف/المنشية.

و شايل هم اكتر لما سيرد في الصحف نقلاً عن ادارات المرور
و المطافي و الطيران المدني عند اجراء تحقيقات صحفية عن
تطور عمليات صيانة الكباري و توقيت انتهائها.
Post: #116
Title: Re: ما ممكن يا ناس جريدة الصحافة
Author: Hussein Mallasi
Date: 10-05-2005, 04:01 PM
Parent: #115

هل يتبع القراء الكاتب من جريدة لاخرى!
هذا السؤال كان – و ما زال - يؤرق الكتاب الصحفيين.

كان للكاتب السعودي عبدالله الجفري عمود يومي في الصفحة الاخيرة بصحيفة الحياة؛
و نسبة لاستحداث تصميم جديد للجريدة يقضي بأن تنشر صورة لفتاة جميلة كل يوم في
وسط الصفحة الاخيرة كان لابد ان ينتقل اما عمود الجفري او عمود الخازن لمكان ما
باحدى الصفحات الداخلية؛ و طبعاً - و لاسباب موضوعية – كان على الجفري ان ينتقل للداخل.

ثار الجفري؛ و لم يرضه ان يخلي مكانه لصور الفتيات؛ و ترك الحياة؛ و لا اذكر هل التحق
بالبلاد مباشرة ام مر على عكاظ قبل ان يلتحق بالبلاد.

و لكن يبقى السؤال الذي ظل يؤرقه و يؤرق البقية؛ هل انتقل بعض قراء الحياة وراء الجفري للبلاد!!

سمعت – لاحقاً - ان الجفري كان ممن يطلق عليهم الكتاب البياعون؛ فكتاباته كانت تزيد من توزيع
الصحف التي يلتحق بها؛ فقد كان يكتب ما يستهوي المراهقون/ات الشاعريون/ات في الخليج.
الا انني لم استطع التأكد من هذه المقولة .. اذ لم يكن من سبيل لذلك.
Post: #117
Title: Re: ما ممكن يا ناس جريدة الصحافة
Author: Hussein Mallasi
Date: 10-05-2005, 07:03 PM
Parent: #116

اعتاد سيد احمد خليفة ان يصف زوجته بانها الاختيار؛
فيكتب مثلاً :

- قالت لي الاختيار كذا و كذا.
او
-اتفقنا انا و الاختيار على ان نفعل كذا و كذا.

...... الخ.
Post: #118
Title: Re: ما ممكن يا ناس جريدة الصحافة
Author: Hussein Mallasi
Date: 10-06-2005, 01:24 AM
Parent: #117

في تطور لافت؛ تحولت سامحووووووووني متعددة الواوات التي يكتبها
عبد العال السيد كنهاية ثابتة لعموده صرخة؛ لسامحوني بواو واحدة!
و ذلك كما وردت بصحافة اليوم.
Post: #119
Title: Re: ما ممكن يا ناس جريدة الصحافة
Author: Hussein Mallasi
Date: 10-06-2005, 01:34 AM
Parent: #118

و تمنى ان تكون تلك خطوة اولى نحو الاستغناء عنها نهائياً.
Post: #120
Title: Re: ما ممكن يا ناس جريدة الصحافة
Author: هميمة
Date: 10-06-2005, 02:48 AM
Parent: #1

ملاسى صباح الخير .... الصغير امير

فى واحده من مداخلاته قال امو والده لوح تلج

وبفتكر نفسو انو الوحيد الذى يشتم ... وينبذ وما يكون

متوتر واعصابو بايظه ... اول ما ترد عليه ... وحسب

سذاجتو ... بفتكر انو نجح فى انو يوترك .... ويصدق ويفرح


فى المين شيت فى صحافة اليوم .... قالو ::: التجمع يرتب

للعودة فى رمضان .... فرحت قلت الصغير بكون لفت نظرهم

اول ما نزلت لعنوان الخبر تحت ::: مكتوب :: تقرر عودتها خلال

رمضان !!!!!!!!!
Post: #121
Title: Re: ما ممكن يا ناس جريدة الصحافة
Author: Hussein Mallasi
Date: 10-08-2005, 03:56 AM
Parent: #120

ترى ما الذي يدعو كتاب الاعمدة للهجرة المعاكسة!!
فقد ورد في صحيفة الرأي العام الصادرة صباح اليوم هذه البشرى:

Quote: عودة البوني الى الرأي العام

عاد و العود احمد الى مرافئه بكل ما يحمل من الق و علم و معرفة و مقدرة
نادرة على اصابة الهدفو اجادة الاحتطاب بالليل و النهار .. عاد الى صفحته
الاخيرة بالرأي العام البروفيسور عبد اللطيف البوني باسلوبه الشيق و عبر
عاموده الشهير (حاطب الليل) .. و هي هدية رمضانية تقدمها إدارة الصحيفة
لقرائها الكرام .. اللذين هم على موعد مع البوني في الايام القليلة القادمة.


محمد محمد خير؛
ثم البوني ...
ترى من التالي!
..... و لماذا !!
Post: #122
Title: Re: ما ممكن يا ناس جريدة الصحافة
Author: Hussein Mallasi
Date: 10-08-2005, 03:59 AM
Parent: #121

و يطل السؤال مرة اخرى؛ ما الذي دعا البوني للعودة للرأي العام بعد ان كان
قد تركها و انتقل للصحافة .. استبعد ان يصرح البوني بالاسباب الحقيقية
لتلك "المعاكسة" الا ان المجالس - بدون شك - ستتحدث و تسهب في الحديث عن تلك الاسباب!!
Post: #123
Title: Re: ما ممكن يا ناس جريدة الصحافة
Author: هميمة
Date: 10-08-2005, 05:57 AM
Parent: #1

اقوى سبب هو وجود الصغار امثال

امير عبد الماجد فى جريدة الصحافة !!!!!

يعنى ذى دا ما الا تخليها ليهو ..........
Post: #124
Title: Re: ما ممكن يا ناس جريدة الصحافة
Author: Hussein Mallasi
Date: 10-08-2005, 06:14 AM
Parent: #123

ها هي المجالس و قد بدأت تتحدث و تسهب في الحديث عن تلك الاسباب!!
Post: #125
Title: Re: ما ممكن يا ناس جريدة الصحافة
Author: Hussein Mallasi
Date: 10-08-2005, 06:30 AM
Parent: #124

و على ذكر محمد محمد خير ؛ فانني ارى ان اهم ما يميزه عن
معظم الصحفيين هو انه مقرّم .. مقرَم صحي صحي و ليس مدعي تقِرِّم !
و هي ميزة تضيف للصحفي مثلما ينتقص منه ادعاء التقِرِّم!!

و هنالك اسئلة - مشروعة - طالما خطرت بذهني ولم
اجد افضل من محمد محمد خير للاجابة عليها و هي :

من اي جزء في العجالي يستخرج الفلتو؛ و هل هي قطعة واحدة في كل بهيمة
ام اكتر من قطعة؛ و ما افضل مايصنع منها؛ و هل هي - فعلاً - اجود قطعة
يمكن للعامة شراءها؛ اذا استثنينا السنكيت و الذي علمت انه المفضل لدي
الخاصة و خاصتهم.
Post: #126
Title: Re: ما ممكن يا ناس جريدة الصحافة
Author: Hussein Mallasi
Date: 10-08-2005, 07:03 AM
Parent: #125

سلامات يا حليم و رمضان كريم

لم اكن اتصور ان الاستاذ كمال حسن بخيت دفعة ترخيص
مع كل من ابراهيم عبد القيوم و منير صالح عبد القادر.

و بالمناسبة انتا بتنكت الحاجات دي من وين!!
Post: #127
Title: Re: ما ممكن يا ناس جريدة الصحافة
Author: Hussein Mallasi
Date: 10-09-2005, 08:12 PM
Parent: #126

جاء العنوان الرئيسي للصفحة الرياضية بجريدة الصحافة
الصادرة يوم الاحد 9 اكتوبر 2005 كالتالي:

عبر بوابة صقور الجديان ساحل العاج يعبر الاحزان
ثلاثية عاجية تؤمن للكوت ديفوار المشاركة الافريقية
Post: #128
Title: Re: ما ممكن يا ناس جريدة الصحافة
Author: امير عبد الماجد
Date: 10-10-2005, 01:38 AM
Parent: #1

ملاسي ازيك
اسف انا لا اتوقف عادة الا للشديد القوي
لم اقرا البوست ليوم لكنني اطلعت عليه وادهشني
ماعلاقتي انا ورحيل البوني عن الصحافة الرجل جاء من الراي العام وعاد اليها وموقع اقامته معروف وهو يستقبل القراء بودشديد
يمكنك ان تساله
الخاله هميمة كالعادة عندها مشكلة اسمها امير عبد الماجد ومع اني ما بحب ونسة النسوان الكبار بوصفي صحفي صغير لكن والله العظيم دي اول مرة كبيرة وطاعنة تكون عندي رغبة اتكلم معاها واناقشة واقنعة
نعمل شنو ...رمضان
دي فرصة مابتلقيها يخالتو فهيمة
بعد رمضان ما عندي ليك طريقة
مرة تانية شكرا ياناذر وانا قلت للعم ملاس -بالمناسبة ياملس صورتك المعلقه دي قديمة خالص وانت فاااهمني طبعا
قلت لملس عايز ملاحظات حقيقية وذكية
هسه اتراجعت يلا حتي الغبية قوله
Post: #129
Title: Re: ما ممكن يا ناس جريدة الصحافة
Author: Hussein Mallasi
Date: 10-10-2005, 01:43 AM
Parent: #128

Quote: ماعلاقتي انا ورحيل البوني عن الصحافة

ROTFL

اوعك يا امير تكون قايل انو انت المعني بالبوست دا؛
و للا الكلام القاعد اكتبوا انا موجه ليك انت!
Post: #130
Title: Re: ما ممكن يا ناس جريدة الصحافة
Author: امير عبد الماجد
Date: 10-10-2005, 01:48 AM
Parent: #1

انت ياعمو لا بتعرف تقرا لا تكتب
ماااتقرا الكاتبه فووووق
والقالتووليك اختك هميمة
بعدين ماعلقت علي قصة انو صورتك دي ايام الشباب
ياابو الشباب
Post: #131
Title: Re: ما ممكن يا ناس جريدة الصحافة
Author: Hussein Mallasi
Date: 10-10-2005, 02:01 AM
Parent: #130

لا يمكن ان تقتصر الصفحة الاخيرة على عمود امال عباس فقط؛
و عليه؛ ياريت لو انتقل احد الاعمدة الداخلية للاخيرة؛
و حبذا لو كان ذلك عمود سعد الدين إبراهيم.
Post: #132
Title: Re: ما ممكن يا ناس جريدة الصحافة
Author: Hussein Mallasi
Date: 10-10-2005, 02:07 AM
Parent: #131

او على الصحافة ان تستكتب من يستطيع ملء الفراغ
الذي سيتركه رحيل البوني.

ليس فقط من حيث المقدرة على الكتابة الموضوعية و المتجددة؛
و انما من حيث القدرة على الكتابة اليومية بنفس الموضوعية و التجدد.
Post: #133
Title: Re: ما ممكن يا ناس جريدة الصحافة
Author: Hussein Mallasi
Date: 10-10-2005, 02:20 AM
Parent: #132

يذكرني اصرار بعض الصحف - الصحفيين - على كتابة
ساحل العاج باصرار بعض المتحدثين على قول:

جمهورية السودان الديمقراطية !
Post: #134
Title: Re: ما ممكن يا ناس جريدة الصحافة
Author: Hussein Mallasi
Date: 10-10-2005, 02:25 AM
Parent: #133

اول امس و في لقاء باحدى القنوات المصرية سألت المذيعة
الضيف السوداني الذي يقضي رمضان في القاهرة قائلة:

- حضرتك من فين!

فأجاب:

- انا من جمهورية السودان الديمقراطية!!
Post: #135
Title: Re: ما ممكن يا ناس جريدة الصحافة
Author: haleem
Date: 10-10-2005, 03:58 AM
Parent: #1

Quote: انا من جمهورية السودان الديمقراطية


ملاسي
أحد الأرانيك بجهاز المغتربين..وأظنو أورنيك التأشيرة أبو 18 ألف ..
مكتوب عليه فوق ..جمهورية السودان الديمقراطية
مع إنو ديمقراطية دي ألغيت من الاسم من الانتفاضة..أي سنة 85
Post: #136
Title: Re: ما ممكن يا ناس جريدة الصحافة
Author: امير عبد الماجد
Date: 10-10-2005, 04:02 AM
Parent: #1

بديت تقدم مقترح للصفحة الاخيرة بجريدة الصحافة اهلا بالقاريء العم ملاسي
عندي سؤال هنا يعني الصفحة الاخيرة لازم يكون فيها عمودين وشنو القاعدة الصحفية الاستندت عليها للحكم بحتمية وجود عمود اخر بالصفحة مكان البوني
يعني يا ملاسي ياخبير وجود عمود واحد خطا مهني
ملحوظة لا زلت في انتظار اجابتك ليه خاتي صورتك زمان في البروفايل اعي تقول لي ماعندك صورة جديدة
يعني السنين دي كلها ما اخدت صووورة
Post: #137
Title: Re: ما ممكن يا ناس جريدة الصحافة
Author: امير عبد الماجد
Date: 10-10-2005, 04:15 AM
Parent: #1

بالمناسبة ياملاسي عشان ماتقوول الزول ده رمضانو ما مليان في زول حاقد جاب لي صورتك الخايف عليها
وبصراحة ماعندها علاقة مع الصورة دي المعلقة بابتسامة علي باب البوست
رجاء عشان ما الزول يسيء الظن ساااكت
هميمة وين يالخالة
انا منتظرك
حااديك فرصة للحوار
وعارف امير عبد الماجد تاعبك
استحملينا ياخاااالة
Post: #138
Title: Re: ما ممكن يا ناس جريدة الصحافة
Author: Hussein Mallasi
Date: 10-10-2005, 06:16 AM
Parent: #137

بيننا الايام يا امير؛ و حتشوف براك لو ناس الصحافة
ما ختو عمود تاني - و ربما تالت - بجوار عمود امال عباس
في الصفحة الاخيرة.
Post: #139
Title: Re: ما ممكن يا ناس جريدة الصحافة
Author: ناذر محمد الخليفة
Date: 10-10-2005, 02:34 PM
Parent: #138

سلام يا ملاسي ..

قد أفاجئك بالقول أنني ونسبة لظروف عملي وعدم وجود وقت فراغ كاف بالنسبة لي صباحا حيث أفضل قراءة الصحف كنت أكتف بشراء صحيفتين فقط أبدأ بهما يومي وهما صحيفتا الوطن والصحافة وكنت لا احب صحيفة الرأي العام التي تمتلئ بالإعلانات والمواد التسجيلية المملة ولكن ..

إنتقال البروف البوني ومحمد محمد خير للرأي العام جعلا جريدة الصحافة طاردة بالنسبة لي حيث كنت أبدأ قراءتها دائما من الصفحة الأخيرة حيث عمود هذين الكاتبين الذين أعتبرهما عماد جريدة الصحافة .. ولكن

إضطررت اليوم لشراء جريدة الرأي العام كي أقرأ للبوني ومحمد محمد خير وحزنت فعلا إذ وجدت عموده تحول للصفحة قبل الأخيرة .. المهم أنني قرأت عمود البوني وتصفحت الرأي العام بأسرع من الرمش وتركتها جانبا !!

صنفرة :

ترى هل أجرت صحيفة الصحافة إستبيانا أو إستعلمت عن توزيعها اليومي بعد أن فقدت البوني ومحمد محمد خير ؟؟!! (السؤال لك أخي أمير) ..
Post: #140
Title: Re: ما ممكن يا ناس جريدة الصحافة
Author: Hussein Mallasi
Date: 10-10-2005, 03:01 PM
Parent: #139

سلامات يا ناذر

Quote: إضطررت اليوم لشراء جريدة الرأي العام كي أقرأ للبوني
ومحمد محمد خير وحزنت فعلا إذ وجدت عموده تحول للصفحة قبل الأخيرة

لم يتحول العمود للصفحة قبل الاخيرة؛ بل تحولت الصفحة الاخيرة
للداخل نسبة لضرورة اعلانية و ستعود - قطعاً - لمكانها.

و بالمناسبة اصعب حاجة انك تكسب قراء للصحيفة؛
و اسهل حاجة انك تخسرهم!

و بالمناسبة الوطن برضو شكلها كدا حتفقد بعض قراءها في القريب
العاجل؛ ان لم تكن قد بدأت في فقدانهم بالفعل؛ و خليهم يسألوا
شركة التوزيع!!
Post: #141
Title: Re: ما ممكن يا ناس جريدة الصحافة
Author: امير عبد الماجد
Date: 10-11-2005, 01:27 AM
Parent: #1

ناذر هل تعتقد ان صحيفة ما ستنهار لمجرد ان صحافي او كاتب رحل عنه فالبوني نفسه انتقل للصحافة من الراي العام ولم نسمع مثلا ان توزيع الراي العام انخفض
ياعزيزي ناذر الله يديك العافية الصحافة حاتعمل استبيان كلما غادرها كاتب انت اكيد بتهرج
لو انت مثلا بطلت قراية الصحافة بسبب عدم وجود كاتب رائع كالبوني فالمؤكد ان ناذراخر سينضم الي القراء بانضمام ابو الجعافر ( جعفر عباس ) الذي انضم للصحيفة الامور ليست كما تعتقد ستذهب الي الراي العام اليوم وتعود للصحافة غدا
ستشتري الصحف ايا كانت بسبب ادائها الصحفي المميز وبحثها عن الحقيقة -لا النكتة اخي ناذر
ملس
تحياتي
Post: #142
Title: Re: ما ممكن يا ناس جريدة الصحافة
Author: امير عبد الماجد
Date: 10-11-2005, 01:45 AM
Parent: #1

ياملاسي اين الخطا في وضع عمود واحد هل هناك خطا مهني ام انها الذائقة السودانية وحكم المعتاد
عموما قد يكون حديثك صحيحا وقد تضع الصحافة عمود ابو الجعافر بالاخيرة مع امال عباس غدا لا يهم فانا عموما لست من انصار الكتابات الصحافية واحبذ العمل الصحافي كالحوارات والتحقيقات وغيرها

لكنك ام تجب علي سؤالي اين الخطا!!!!
وبعدين ما علقت لي علي قصة صورتك
بالجد في زول جاب لي صورة (زول) فيهو ملامح من الصورة المعلقة دي
لكن يمكن ده الزول ده زمااان
عايزك تعلق عليها
الصورة دي صورتك هسه
معليش انا مهتم بالصور جدا
Post: #143
Title: Re: ما ممكن يا ناس جريدة الصحافة
Author: Hussein Mallasi
Date: 10-11-2005, 05:02 AM
Parent: #142

Quote: ياملاسي اين الخطا في وضع عمود واحد هل هناك خطا مهني ام
انها الذائقةالسودانية وحكم المعتاد عموما قد يكون حديثك صحيحا وقد تضع
الصحافة عمود ابو الجعافر بالاخيرة مع امال عباس غدا .

اول حاجة يا امير حديثي سيكون صحيحاً شئت ام ابيت؛ و ان لم يكن
جعفر عباس فسيكون غيره؛ و تاني ما تغالط من اجل الغلاط.

تاني حاجة جعفر عباس ما حيكتب في الصحافة ابتداءاً من الغد؛
و انما ابتداءاً من يوم السبت القادم كما ورد في الاعلان المنشور
في الصفحة الاولى!

و حقو تقرا جريدتك قبال ما تكتب اي كلام؛
و ما تقول لي غداً بتعني المقبل من الايام!!

و اخيراً القانون الصحفي الذي فرض ان تكون الصفحة الرياضية في
الصحف السودانية هي الصفحة قبل الاخيرة؛ هو نفس القانون الذي فرض
ان يكون بالصفحة الاخيرة عمودين راتبين على الاقل.
Post: #144
Title: Re: ما ممكن يا ناس جريدة الصحافة
Author: Hussein Mallasi
Date: 10-11-2005, 05:56 AM
Parent: #143

Quote: لا يهم فانا عموما لست من انصار الكتابات الصحافية
واحبذ العمل الصحافي كالحوارات والتحقيقات وغيرها

اول حاجة البتقصدها دي ما اسمها الكتابات الصحفية؛ او الصحافية كما كتبتها؛
اسأل اي زول جنبك و هو حيوريك اسمها شنو!!

تاني حاجة؛ فعلاً لا يهم لانو شغلك تحقيقات؛ و لكن لو ربنا فتح عليك
بعد 50 سنة و بقى عندك عمود ... حينها ... سيهُم ..... و سنهِم !!
Post: #145
Title: Re: ما ممكن يا ناس جريدة الصحافة
Author: امير عبد الماجد
Date: 10-12-2005, 01:41 AM
Parent: #1

ياملاسي يا خبير شايفك بقيت تنصح وتناصح ياحبيب وتحلف انو كلامك صاح
ياملاسي منو القال ليك انو في قانون بقول الرياضة هي الصفحة قبل الاخيرة ياملاسي يازول انت ما عاقل ماتضحك الناس عليك
مافي قانون صحفي زي ده وعشان ماتتفاصح اتحداك تكتبوا هنا للناس
انت الظاهر ياملس ماعارف حتي العمل الصحفي هو شنو
وشنو المهم فيهو
والمامهم
جاييك تاني
Post: #146
Title: Re: ما ممكن يا ناس جريدة الصحافة
Author: Hussein Mallasi
Date: 10-12-2005, 02:20 AM
Parent: #145

كنت اظنك لا تحسن الكتابة؛ فاذا بك لا تحسن القراءة ايضاً!!

Quote: مافي قانون صحفي زي ده وعشان ماتتفاصح اتحداك تكتبوا هنا للناس

قانون شنو البتتحداني اكتبوا هنا للناس يا امير؛
انتا جادي ... يا خوي خلي مسكنتك دي عليك الله!!
Post: #147
Title: Re: ما ممكن يا ناس جريدة الصحافة
Author: امير عبد الماجد
Date: 10-12-2005, 03:27 AM
Parent: #1

ياخفيف مش انت القلت -حاانقله ليك بالنص رغم ركاكتك(واخيرا القانون الصحافي الذي فرض ان تكون الصفحة الرياضيةفي الصحف السودانيةهي الصفحة قبل الاخيرة هو نفس القانون الذي فرض ان يكون بالصفحة الاخيرة عمودين راتبين علي الاقل )
ده كلام حبوبتك يا خفيف
ماكاتبه انت وبراك قلتها يعني مافي قانون حاجه بحكم العادة ومزاج بعض القراء السذج او الاذكياءمن امثالك
يعني ياملس المسالة دي ما خطا صحفي
لو عملت الصفحة الاخيرة كلها منوعات بدون عمود مافي خطا
يعني عشان تفهم وماتفقع مرارتنا بي فهمك التقيل ده
الحكاية زي زول خاتي صورتوا الحالية
بكل ما للسنين من اثار
وزول معلق صورتو ايام الشباب زيك كده
مزااااج
والا شنو ياعموو
Post: #149
Title: Re: ما ممكن يا ناس جريدة الصحافة
Author: ايهاب
Date: 10-12-2005, 04:17 AM
Parent: #147

والله يا جماعه انا متابع البوست دي وماقادر اصدق
تخيل يا امير قدر ما حاولتا القى كلام يعبر في حقك ما لقيت
اللقيتيو كلو بيجرح الصيام
غايو اذا دافعلا المستوى منو العوض وعليهو العوض
فقعتا مرارتنا ياخي والله عديل والله انت مفروض في جريده حائطيه ما تكتب لو دا متسوى فهمك وتعبيرك
Post: #148
Title: Re: ما ممكن يا ناس جريدة الصحافة
Author: عبدالرازق نقد
Date: 10-12-2005, 04:12 AM
Parent: #1

Quote: ده كلام حبوبتك يا خفيف



!!!!
Post: #150
Title: Re: ما ممكن يا ناس جريدة الصحافة
Author: Marouf Sanad
Date: 10-12-2005, 04:34 AM
Parent: #148

Quote: ده كلام حبوبتك يا خفيف


اييييييه فينك وفين زمانك يا رفاعه الطهطاوي

طيب الناس في الجَّزُرْ يقولوا شنو وكت دا

كلام الصحافيين بتاعين الصحف ,,

يا استاذ أمير من حق أي زبون انو يعبر عن رايو

في البضاعة البشتريها ما دام بدفع فيها من جيبو

وانت بتاكل عيش من وراهو ,, وما عليك الا انك تقابل

نقدو بابتسامه عريضه ,, ولو ما عملت كدا جريدتك بتقفل

وحا تروح الشارع يا أمير آآآ والله حاتروح الشارع ,

أمال ايه
Post: #151
Title: Re: ما ممكن يا ناس جريدة الصحافة
Author: Marouf Sanad
Date: 10-12-2005, 04:41 AM
Parent: #150

Quote: أمال ايه



المقصود بها (أمّال ) ايه

درءاً للشبهات
Post: #152
Title: Re: ما ممكن يا ناس جريدة الصحافة
Author: عبدالرازق نقد
Date: 10-12-2005, 04:59 AM
Parent: #1

Quote: وحا تروح الشارع يا أمير آآآ والله حاتروح الشارع



آآآآآآآآآآآآآه




ودرءاًًً للشبهات برضو آآآآآآآآه دي مقصود بيها حايروح الشارع
Post: #153
Title: Re: ما ممكن يا ناس جريدة الصحافة
Author: Marouf Sanad
Date: 10-12-2005, 05:39 AM
Parent: #152

لما كان الحديث عن الصحافه والصحفيين والصحف ,فدعني أحكي لكم هذه القصه

أعمل في مؤسسه تعمل وسط ( ذوي الاحتياجات الخاصه )

من ضمن الاشخاص الذين أعمل معهم شخص إسمه(كلينتون) ,, هذا الشخص بطبيعة وضعه لا

يمكنه القراءه ,, ولكن صباح كل يوم تصله جريدة ( الديلي تايمز ) ,,

وأنا نهاية كل يوم عمل عليّ أن أكتب تقرير من ضمنه أن كلينتون قد قرأ جريدة الديلي

تايمز ,, مع أنه بطبيعة الحال لا يقرأها .

وبعد كل فتره يتصل أناس مهذبون من إدارة الجريده ويسألوني :

- كيف يجد السيد روبرت خدماتنا ؟( لاحظ انهم ينادونه باسم العائله إمعانا في الاحترام)

وأرد أنا عليهم :

إنها ممتازه للغايه شكرا لكم .
Post: #154
Title: Re: ما ممكن يا ناس جريدة الصحافة
Author: Hussein Mallasi
Date: 10-12-2005, 05:58 AM
Parent: #153

يبدو انني لم ابالغ يا امير عندما قلت بانني كنت اظنك
لا تعرف الكتابة فاذا بك تجهل القراءة ... ايضاً !
Post: #155
Title: Re: ما ممكن يا ناس جريدة الصحافة
Author: Hussein Mallasi
Date: 10-12-2005, 06:02 AM
Parent: #154

و اشكرك؛ فقد ساهمت بمداخلاتك في إثبات و تأكيد
عنوان البوست الذي يقول:

ما ممكن يا ناس جريدة الصحافة !!
Post: #156
Title: Re: ما ممكن يا ناس جريدة الصحافة
Author: Hussein Mallasi
Date: 10-12-2005, 04:32 PM
Parent: #155

يبدو اننا قد اتفقنا – اخيراً – على أمرٍ ما يا معروف!
Post: #157
Title: Re: ما ممكن يا ناس جريدة الصحافة
Author: Marouf Sanad
Date: 10-12-2005, 10:04 PM
Parent: #156

Quote: يبدو اننا قد اتفقنا – اخيراً – على أمرٍ ما يا معروف!


يا ملاسي

ممكن تديني معاك عمود في البوست معاك بعنوان :

ما ممكن يا ناس جريدة الديلي تايمز ,,

لأنو مرات مرات ما قاعدين يختوا الجريده قدام الباب طوالي, مما يضطرني لقطع

عدة أمتار لالتقاط الجريده ,وهذا من حقي فأنا بالنسبة لهم ( customer )

ولست بقارئ ساكت , وليس من حقهم أن ينتهرونني وعليهم ان يعاملونني كعميل محترم .

امّال ايه
Post: #158
Title: Re: ما ممكن يا ناس جريدة الصحافة
Author: نزار محمد عثمان
Date: 10-13-2005, 00:54 AM
Parent: #157

الأخ أمير

أهديك هذه الصورة لحسين ملاسي (أيام الشباب) مع ابنتي يمان عندما كانت في الصف الرابع أساس.
لعلك ترى أن ملاسي تغيرت فيه أشياء كثيرة، لكن أظنك توافقني أن الابتسامة هي هي.
كذلك يمان تغيرت لكنها لازالت في الصف الرابع، فقط قد تنتقل من الفترة الأولى للثانية قريباً.
بالمناسبة هل أنت من مواليد 69 كما هو مكتوب في البروفايل!؟
Post: #159
Title: Re: ما ممكن يا ناس جريدة الصحافة
Author: امير عبد الماجد
Date: 10-13-2005, 01:37 AM
Parent: #1

هاهم القراء الثقلاء قد اجتمعوا في مكان واحد
وهذا امر جيد
ولاني ماقاعد احفظ الاسماء ارجو ان يعذرني الاخوان
طبعا ماكل الاسماء
لانو الزول المفيد بيفضل مفيد
ايا كان
بالعقل الشغالين بيهو ده ياملاسي كان قايلني بقيف منك شوف غيره
شكرا علي الصورة
لكن برضو قديمة وملاسي حاليا اكبر يامان
بعدين بي الله والرسول
مايخت صورتو هسه خجلان من شنو هو الاكبر منو ماخجلوا
والاالحكاية عندها علاقة بالسوووق
ياملاسي حسب العرفتو من بعض الاصدقاء الجابو سيتك
الا تركب السوق بالقلبة
حلوة دي مش كده
تحياتي للاخوة الذين دخلوا لملاسي
وابرقوا مهنئين
ارجو ان يستمر الحوار
واهو بنتناقش
Post: #160
Title: Re: ما ممكن يا ناس جريدة الصحافة
Author: Hussein Mallasi
Date: 10-13-2005, 01:49 AM
Parent: #159

Quote: هاهم القراء الثقلاء قد اجتمعوا في مكان واحد

ROTFL
Post: #161
Title: Re: ما ممكن يا ناس جريدة الصحافة
Author: نزار محمد عثمان
Date: 10-13-2005, 02:00 AM
Parent: #159

الاخ أمير
قبل شوية قلت لي ملاسي (خفيف)
والأن قلت القراء (الثقلاء) اجتمعوا
يعني نصدق ياتو!؟
احتمال يكون ملاسي ما من القراء لهذا البوست!
ثم يا أخي من أهم قواعد الكتابة الصحفية أن لا تهاجم قراءك. معقولة تصف من يقرأ لك بأنه ثقيل!!
لكن لعلك لا تقصد القراء (وأخطأت في التعبير) وتقصد بالثقلاء الذين (تداخلوا) معك في هذا البوست، ما أتعس حظهم، ألم يكونوا في غنى عن ذلك!
Post: #162
Title: Re: ما ممكن يا ناس جريدة الصحافة
Author: امير عبد الماجد
Date: 10-13-2005, 03:17 AM
Parent: #1

الثقلاء ليسوا القراء علي اطلاق الكلمة
يكنك القول انهم الملاسيون الذي مارسوا النط وكسر رقبة الحقيقة
وهم ذاك النوع الذي ينقاد للتيار -اي تيار - حتي التيارات الملاسية التي لا تتقن غير الغباء والثرثرة والقطيعة ينقاد لها هؤلاء كالقطيع
يطلع ليك واحد ناقص مكنة يقول ليك كان كده انا مع ملاسي
قووول رايك ياذكي ...
يعني شنو مع ملاسي اذا كان ملاسي ذاتو ما عارف نفسو مع منو
اعتذر يا نزار ليك ولغير الملاسيين
هؤلاء بالتاكيد ليسوا ثقلاء ولا اغبياء
عذرا اخي نزار
Post: #163
Title: Re: ما ممكن يا ناس جريدة الصحافة
Author: امير عبد الماجد
Date: 10-13-2005, 03:23 AM
Parent: #1

بعدين يانزار ماقلت لي انو ملس صاحبك غير صورته في البوست ليه
معليش نحن معشر الصحافيين ما بنقتنع بالساهل
الصورة الفوق دي قديمة عديل كدة
لانو شكل صاحبك الشفتو امس ده -وحاانزل ليك الصورة في البوست ده انشاء الله
مااابتشبه الصورةدي
قديمة ياحبيب
Post: #165
Title: Re: ما ممكن يا ناس جريدة الصحافة
Author: Hussein Mallasi
Date: 10-13-2005, 03:45 AM
Parent: #163

إرفق بنفسك يا أمير!
Post: #164
Title: Re: ما ممكن يا ناس جريدة الصحافة
Author: امير عبد الماجد
Date: 10-13-2005, 03:37 AM
Parent: #1

ارجع بيك للثقلاء يانزار
يعني تفتكر الناس البدافعوا عن صاحبك ملاسي
والنوع الفقري البقووول انا مع ملاسي ده زول جادي كده ونصيح
ملاسي ذاتو اباطه والنجم
ياكافي البلاء لا فكرة جديدة
ولاهوقاريء ذكي لااتعلم لاعايز يتعلم
شحاد وبيتشرط
وده نوع موجود في بلاد الفقراء والتمري هندي
يعني اكتر نا بيدعوا الرجاله ......منو
واكتر ناس بيدعوا الفهم منو
والكذاب منو
الخاتي صورته القديمة قبل عشرة سنوات وبتفاصح ويتكلم عن الاخلاق والقيم والصدق الصحفي
والخبر ده صاح وده ماصاح
اسمو شنو
ماتقول لي ده ملاسي
انا عارفه
لكن ده شنو
ما حا تعرفك هنا وتخلعه وتحبطه لما تشوفك
اخير تحبطه من الاول
عشان تقرر
يامعاك يامعي الخيانة

Post: #166
Title: Re: ما ممكن يا ناس جريدة الصحافة
Author: Hussein Mallasi
Date: 10-13-2005, 03:57 AM
Parent: #164

رجل لم يكتف بالانتحار و لكنه يصر على ان يمثل بنفسه!!
Post: #167
Title: Re: ما ممكن يا ناس جريدة الصحافة
Author: Hussein Mallasi
Date: 10-13-2005, 04:02 AM
Parent: #166

ظننت في البدء ان الحكاية مجرد عدم مهنية صحفية و ادقاع؛
الا انني فوجئت بان الامر افدح من ذلك بكثير!
Post: #168
Title: Re: ما ممكن يا ناس جريدة الصحافة
Author: امير عبد الماجد
Date: 10-13-2005, 04:24 AM
Parent: #1

بتنطط من قصة صورتك ليه ياملس
انتحار شنو يابطل
لسه الانتحار
بعدين ماقلت لي كتير قدر شنو؟؟؟؟
Post: #171
Title: Re: ما ممكن يا ناس جريدة الصحافة
Author: Hussein Mallasi
Date: 10-13-2005, 04:29 AM
Parent: #168

احياناً أجد العذر لأمير في فقدانه لأعصابه؛ فهو يمتهن الصحافة؛ و كان يظن
انه يجيد مهنته؛ و لما تبدت له - و للجميع - الحقيقة .... طاش صوابه!!
Post: #169
Title: Re: ما ممكن يا ناس جريدة الصحافة
Author: امير عبد الماجد
Date: 10-13-2005, 04:26 AM
Parent: #1

ماكنت عامل فيها فصييح وبتدق الصفيح
صحي بتدق الصفيح
خليك منهم
قوول لي ياالحبيب
وجاوووب ياشاطر
Post: #170
Title: Re: ما ممكن يا ناس جريدة الصحافة
Author: امير عبد الماجد
Date: 10-13-2005, 04:29 AM
Parent: #1

قلت لي قايله عدم مهنية
ضحكتني والله
اول مرة تقول حاجة فيها ذكاء
انشاء الله ماتنزل من المستوي الفكري المتقدم ده
Post: #172
Title: Re: ما ممكن يا ناس جريدة الصحافة
Author: امير عبد الماجد
Date: 10-13-2005, 04:31 AM
Parent: #1

اوعي يكون الطاش صوابه ده انا
والخلا الصواب يطيش ده انت
خليك عاقل ياملس
ما قادر تفهم حاجة مش كده
بتفهم لي قدام
Post: #173
Title: Re: ما ممكن يا ناس جريدة الصحافة
Author: امير عبد الماجد
Date: 10-13-2005, 04:36 AM
Parent: #1

طبعا ياملس حكاية صورتك الما صورتك دي زعلتك مني
والله انا بعد ما كتبتها ندمت عليها
قلت اهو ملس بحاول يتجمل
ودي ما كذبة
لكن ماكنت قايله بتحرقك كده
معليش يا ملس وسلامة الانكل
اوعي تكون عرفت؟؟؟؟
Post: #174
Title: Re: ما ممكن يا ناس جريدة الصحافة
Author: ايهاب
Date: 10-13-2005, 05:38 AM
Parent: #173

هسه عليك الله ما خجلان زول من جريدتك يقرا كلامك الهابط دا
عالم وهم
الله لا كسب الكيزان
Post: #175
Title: Re: ما ممكن يا ناس جريدة الصحافة
Author: Hussein Mallasi
Date: 10-13-2005, 06:22 AM
Parent: #174

ناس الجريدة ياهو زولهم و معروف لديهم؛
المشكلة يا ايهاب في القراء اللذين كانوا يحسبون ان تحت القبة شيخ!!
Post: #176
Title: Re: ما ممكن يا ناس جريدة الصحافة
Author: Hussein Mallasi
Date: 10-13-2005, 06:34 AM
Parent: #175

المقصود بالقراء .. القراء و ليس القراء !

لذا لزم التنبيه.
Post: #177
Title: Re: ما ممكن يا ناس جريدة الصحافة
Author: برهان تاج الدين
Date: 10-13-2005, 07:00 AM
Parent: #176

و الله ليها حق جريدة الصحافة تدق الدلجة ..
يا سيد انت بتمثل جريدة فى البوست دة غصبا عنك طالما نطيت تدافع عنها و انت بتكتب فيها ..
تعامل باحتراف .. اعتذر عن اخطاء الصحيفة .. و اقطع وشك . خلى البتسوى فيهو دة .
Post: #178
Title: Re: ما ممكن يا ناس جريدة الصحافة
Author: Hussein Mallasi
Date: 10-13-2005, 07:03 AM
Parent: #176

سلامات يا حليم؛
بالاضافة لتعديل الاسم بحذف الديمقراطية؛
فانني احمد الله كثيراً على تغيير الشعار من
الخرتيت لصقر الجديان و في ذلك رحمة لأعضاء
فرقنا الرياضية القومية!
Post: #179
Title: Re: ما ممكن يا ناس جريدة الصحافة
Author: Hussein Mallasi
Date: 10-13-2005, 07:10 AM
Parent: #178

و الا لكانت عناوين كل الصفحات الرياضية كالتالي:

وحيدي القرن ينهزمون بالتلاثة من ساحل العاج!



_________

حاولت كتابة الخراتيت فلم استطع!!
Post: #180
Title: Re: ما ممكن يا ناس جريدة الصحافة
Author: Hussein Mallasi
Date: 10-13-2005, 07:25 AM
Parent: #179

سلامات يا برهان؛ مشتاقين و رمضان كريم؛

Quote: و الله ليها حق جريدة الصحافة تدق الدلجة ..

ان بحثت عن الشراكة الذكية التي انتعشت على اثرها الصحافة
فلن تجد من بقاياها الا عمودين لوراق و سعد الدين ابراهيم !!
Post: #181
Title: ما ممكن برضو لى ناس الصحافه
Author: عماد الدين على عبدالله
Date: 10-13-2005, 07:39 AM
Parent: #1

ممكن نقول كلامك ده صاح عن الحاج وراق و سعدالدين ابراهيم

لكن الناس ما لاحظت انو البونى ده ماااافى عديل كده

انا ما عارف ليه خلا الصحافه ما اظن علشان خاطر 8 مليون

فى سر ...............

وانا بعتبر جريده الصحافه حاليا مقرومه ................
Post: #182
Title: Re: ما ممكن برضو لى ناس الصحافه
Author: Hussein Mallasi
Date: 10-13-2005, 07:44 AM
Parent: #181

تم اليوم ترحيل عمود امال عباس للصفحة الثالثة؛ و تخصيص الصفحة الاخيرة
من الجريدة لستة اعلانات بينهم اثنان خاصين بالجريدة الاول عن تدشين الفنان
محمد الامين لبرنامج الصحافة الثقافي؛ و الثاني اعلان ترويجي لعدد يوم الجمعة.
Post: #183
Title: Re: ما ممكن برضو لى ناس الصحافه
Author: Hussein Mallasi
Date: 10-13-2005, 07:52 AM
Parent: #182

سلامات يا نزار و رمضان كريم
و شكراً على نكتك لهذه الصورة الاثرية.
Post: #184
Title: Re: ما ممكن يا ناس جريدة الصحافة
Author: امير عبد الماجد
Date: 10-14-2005, 02:59 AM
Parent: #1

برهان وايهاب متضايقين علي شنو شيلوا الصبر
اقتراح جيد اعتذر عن اخطاء الصحيفة واقطع وجهي
ده العايزنوا
ومابحصل
لغاية ماالناس الاغبياء الزيكم يبين ليهمم ذكاء
او حتي شبه ذكاء
شوف ياهوبي -مش اسمك ايهاب برضو -عشان تنتقد حاجة لازم علي الاقل تكون بتمللك بعض ادواته
ولما زولكم ملس ده اتكلم في الموضوع قلنا مافي صحيفة بلا اخطاء
واي قاريء عنو فكرة او ملاحظة الصحيفة بتستفيد منها
قدر ما حاولت مع ملس لقيتو اباطو والنجم وكذاب كمان خاتي صورة في البورد اخدوها ليهو الجماعة قبل عشر سنوات
بعد شوية نطوا الثقلاء الجهلاء الزيك
ها ياتاييد ومحنة
قايل بحلك ياملس
اخير تجاوب
Post: #185
Title: Re: ما ممكن يا ناس جريدة الصحافة
Author: امير عبد الماجد
Date: 10-14-2005, 03:05 AM
Parent: #1

ياملس مافي سبب تخت ليك صورة لانو زي ماقلت ليك مابتستفيد منا يعني في النهاية الزول بلاقيك في حتة
انا قاصد الحتت الكويسة ماتزعل
بلاقيك واكيد ماحايعرفك
نظام تخفي يا حبيب والا خجل
تخفي من شنو ياملس اوعي تكون عامل عملة ؟؟؟؟
خجل ..والله لو خجل معاك حق والامة والامة والشعبي
Post: #186
Title: Re: ما ممكن يا ناس جريدة الصحافة
Author: امير عبد الماجد
Date: 10-14-2005, 03:10 AM
Parent: #1

في واحد ذكي سالني فوووق
بتتكلم بلسانك والا لسان الجريدة
لافقري
والله انت اخير منك ملاسي
مافي واحد اذكي منك سال فوق وجاوبناهو
لو البكتب ليك في الكيبورد مشغوووول
ما جنبك زول بعرف يقرا
Post: #187
Title: Re: ما ممكن يا ناس جريدة الصحافة
Author: Marouf Sanad
Date: 10-14-2005, 04:20 AM
Parent: #186




Quote: انت بتتكلم عن جريدة الصحافة وعن اخطاء فيها ماتنطط ساكت



Quote: بتنطط من قصة صورتك ليه ياملس


Quote: منتظرك ياعارف واوعي تنطط


Quote: عااااادي
بس ماتنطط



Quote: انت يالاخو يالصادق بتنطط مااالك


Quote: يعني المسالة فيها كذب واضح خلينا نمشي خطوة خطوة وماتنطط ونثبت الحاجات



Quote: هسي ياالحبيب البنطط انا والاانت سالتك للعلم



Quote: ولماذا تبرات من اصولك الجنوبية جاوب وماتنطط
Post: #188
Title: Re: ما ممكن يا ناس جريدة الصحافة
Author: امير عبد الماجد
Date: 10-14-2005, 04:29 AM
Parent: #1

وتاني ياسندة
قوول ماتنطط ياحبيب
عارف الناس بتنطط ليه
والا الكلمة عاجباك ساااكت
Post: #189
Title: Re: ما ممكن يا ناس جريدة الصحافة
Author: امير عبد الماجد
Date: 10-14-2005, 04:34 AM
Parent: #1

شوف ياسندة انت واخوانك لو عايزين تدعموا عمو ملس
ادوهو فكرة يناقش علي اساسه
ماتبقوا اغبياء في زفة غبي
العندو فكرة يديها ليهو
او العندوا ملاحظة ذكية يديها ليهوا
والا سيبوهو ياكل ناره
المسكين ما كان عارف
قايل سياسة القطيع دي فيها فايدة
Post: #190
Title: Re: ما ممكن يا ناس جريدة الصحافة
Author: Marouf Sanad
Date: 10-14-2005, 05:35 AM
Parent: #189

( عزرا لجريدة الصحافه )

بعدين انت مشكلتك شنو مع الناس الكبار يا امير لانك قبل كدا قلت نفس الكلام

دا بي ضبانتو لي احمد حنين

Quote: ازيك باحنين
مااتلاقينا بعد زيارتك البيبة
عموما قريت الكلام واستغربت
بالجد الصورة الفوق دي بتاعتك يعني ماصورة ولدك مثلا
ماتزعل مني لكن بالجد ما عرفتك
الظاهر من الكبر بقينا ما بنشوف
او يمكن يقيتو ما بتشوفو كويس
ياوالد العتب علي النظر
لكن بالجد فاجاتني بالصورة الشابة دي
والله ايام يا زماااان
عموما نحنا في قريتنا اقصي الصحراء بنحترم كبارنا وبنفتكر انو عندهم حكمة
زيارتك كانت للتعارف وليست للنشر


تنطيطه تاني
---------------

Quote: بعد شوية نطوا الثقلاء الجهلاء الزيك


Quote: يكنك القول انهم الملاسيون الذي مارسوا النط وكسر رقبة الحقيقة


Quote: هسي ياالحبيب البنطط انا والاانت سالتك للعلم
Post: #191
Title: Re: ما ممكن يا ناس جريدة الصحافة
Author: Hussein Mallasi
Date: 10-14-2005, 09:08 AM
Parent: #190

سمعت بالصحف و الصحافة الصفراء؛ الا انني لم اسمع - من قبل - بالصحفي الاصفر!!
Post: #192
Title: Re: ما ممكن يا ناس جريدة الصحافة
Author: Hussein Mallasi
Date: 10-14-2005, 04:47 PM
Parent: #191

Quote: ان بحثت عن الشراكة الذكية التي انتعشت على اثرها الصحافة
فلن تجد من بقاياها الا عمودين لوراق و سعد الدين ابراهيم !!

و حتى عمود وراق لم يعد هو نفس العمود بعد دعابته تلك؛
التي ربط فيها بين الموساد و بين ما حدث لقرنق.
Post: #193
Title: Re: ما ممكن يا ناس جريدة الصحافة
Author: برهان تاج الدين
Date: 10-14-2005, 06:30 PM
Parent: #192

Quote: لغاية ماالناس الاغبياء الزيكم يبين ليهمم ذكاء

الذكاء يجينا من وين .. انت خليت فيهو حاجة ..
واصل يا ولدنا .. رمضانك كريم ..


ملاسى ازيك .. و رمضان كريم ..
ياخوى الزول ده ما كفاهو ؟
Post: #194
Title: Re: ما ممكن يا ناس جريدة الصحافة
Author: هميمة
Date: 10-15-2005, 02:09 AM
Parent: #1

ملاسى الود دا ما محتمل

اقـــــــــــــرع ونــــــــــــــــزهى .......

لكن انا الليله ح اعمل برنت اود لهذا البوست

بكل الشتائم ابتداءا من غبى ....

بصورة لزهير السراج

وحتى رايه فى انو كبار السن مفروض يخجلوا

وصورة لامال عباس !!! ونور الدين مدنى

وصورة ساسلمها بنفسى للمحترم جدا جدا

حيدر كباشى

وصوره لصغار الكتاب بالجريدة

فهم مطالبون بتقديم اعتذار رسمى ومكتوب

عبر سودانيز اون لاين عن كل الاخطاء اللغوية والاملائية

والمهنية ... والاخلاقيه .... التى صدرت من منسوبهم

فى حق كل المتداخلين فى هذا البوست ولكل قراء الصحيفة

ومطالبين بالتوضيح .... دا وصل الجريدة كيف ؟؟؟؟؟؟؟؟؟

اخيرا اخى ملاسى

ذى ما قلت ليك فى بداية كلامى هو دون المستوى

وقالوا اهلنا ال ببارى الجداد بوديهو الكوشه !!!

وال بلعب مع الجريوات بخربشنو !!!!!!!!

شكرا لك كثيرا لتعرية هذا الولد للكافه !!!!!
Post: #195
Title: Re: ما ممكن يا ناس جريدة الصحافة
Author: هميمة
Date: 10-15-2005, 02:11 AM
Parent: #1

ملاسى الود دا ما محتمل

اقـــــــــــــرع ونــــــــــــــــزهى .......

لكن انا الليله ح اعمل برنت اود لهذا البوست

بكل الشتائم ابتداءا من غبى ....

بصورة لزهير السراج

وحتى رايه فى انو كبار السن مفروض يخجلوا

( بصورة لامال عباس !!! ونور الدين مدنى )!!!!!

وصورة ساسلمها بنفسى للمحترم جدا جدا

حيدر كباشى

وصوره لصغار الكتاب بالجريدة

فهم مطالبون بتقديم اعتذار رسمى ومكتوب

عبر سودانيز اون لاين عن كل الاخطاء اللغوية والاملائية

والمهنية ... والاخلاقيه .... التى صدرت من منسوبهم

فى حق كل المتداخلين فى هذا البوست ولكل قراء الصحيفة

ومطالبين بالتوضيح .... دا وصل الجريدة دى كيف ؟؟؟؟؟؟؟؟؟

اخيرا اخى ملاسى

ذى ما قلت ليك فى بداية كلامى هو دون المستوى

وقالوا اهلنا ال ببارى الجداد بوديهو الكوشه !!!

وال بلعب مع الجريوات بخربشنو !!!!!!!!

شكرا لك كثيرا لتعرية هذا الولد للكافه !!!!!
Post: #196
Title: Re: ما ممكن يا ناس جريدة الصحافة
Author: Hussein Mallasi
Date: 10-15-2005, 02:28 AM
Parent: #195

سلامات يا هميمة

سيكون من الانسب - و الافيد - لو ان امير قد اعتذر لامير!
Post: #197
Title: Re: ما ممكن يا ناس جريدة الصحافة
Author: Hussein Mallasi
Date: 10-15-2005, 03:37 AM
Parent: #196

الا يمكن - و لو 1% - ان يكون سبب توقف شركات الاتصالات
عن الإعلان في جريدة الصحافة بسبب فقدانها لبعض القها السابق!

حتى و لو لم يكن ذلك السبب الحقيقي؛ الا ان من اوقف الاعلانات
يمكنه ان يحاجج و يقنع به كل من يسائله!!

_________
اقول فقدت بعض الالق السابق و لا اقول دقت الدلجة كما قال برهان!!!
Post: #198
Title: Re: ما ممكن يا ناس جريدة الصحافة
Author: Hussein Mallasi
Date: 10-15-2005, 03:55 AM
Parent: #197

و بعدين معقول يا استاذ الباز؛ انك تتخصص في فتح نار عليهم؛
و يجوا بعد داك يعلنوا - او يستمروا في الاعلان - في جريدتك!

ساكون مستغرباً ان لم تكن تتوقع هذه الخطوة !!
و سأكون اكثر استغراباً إن لم يقدموا عليها.
Post: #199
Title: Re: ما ممكن يا ناس جريدة الصحافة
Author: Hussein Mallasi
Date: 10-15-2005, 04:06 AM
Parent: #198

لعله من لزوم ما لا يلزم ان اذكر بأن عمود جعفر عباس قد نشر
اليوم السبت 15 اكتوبر في الصفحة الأخيرة لجريدة الصحافة؛
بالاضافة لعمود امال عباس.
Post: #200
Title: Re: ما ممكن يا ناس جريدة الصحافة
Author: Hussein Mallasi
Date: 10-15-2005, 04:49 AM
Parent: #199

ان كان الاستاذ الباز يظن ان مقالاته التي هاجم فيها سوداتل
هي التي دعت الشركة لايقاف اعلاناتها؛ فقد كان الاحرى بموباتل
ان تزيد من اعلاناتها!

و ان كان قد فعل ما يدعو موباتل لان توقف اعلاناتها؛
فان ذلك ربما يحفز اريبا على زيادة اعلاناتها!!

و لكن ان توقف الثلاث شركات المتنافسة اعلاناتها من الصحيفة؛
فان ذلك لا يمكن ان يكون الا بسبب المرجخيص .... كما قال الاستاذ!!
Post: #201
Title: Re: ما ممكن يا ناس جريدة الصحافة
Author: Hussein Mallasi
Date: 10-15-2005, 04:57 AM
Parent: #200

ابحث عن المرجخيص يا استاذ؛ لان الشركات التي تتصارع صراع الافيال على
ملايين الدولارات لا يمكن ان تتفق على محاربة جريدة لا حول لها و لا قوة.

فان كانت كتاباتك تضعف واحدة و تعريها - كما تظن -
فانها بالقطع سوف تسهم في تقوية الاخرى.
Post: #202
Title: Re: ما ممكن يا ناس جريدة الصحافة
Author: Hussein Mallasi
Date: 10-15-2005, 07:38 AM
Parent: #201

و لكن يا هميمة؛ هل يجرؤ امير على الاعتذار لامير .... لا اظن.
Post: #203
Title: Re: ما ممكن يا ناس جريدة الصحافة
Author: Hussein Mallasi
Date: 10-15-2005, 07:41 AM
Parent: #202

فحتى اعتذار المرء لنفسه يستلزم قدراً كبيراً من الشجاعة.
Post: #204
Title: Re: ما ممكن يا ناس جريدة الصحافة
Author: Hussein Mallasi
Date: 10-16-2005, 02:28 AM
Parent: #203

اعجبتني - جداً - هذه الجملة التي وردت في عمود الاستاذ عادل الباز
رئيس تحرير الصحافة في العدد الصادر اليوم ؛ و هي كتبت على خلفية
ايقاف شركات الاتصالات لاعلاناتها في جريدة الصحافة؛ فقد كتب:

Quote: ..... كان بالامكان ان نأخذهم للمحكمة؛ و لكن لن نفعل؛
اكراماً لموظفي موبيتل الذين لا دخل لهم في العبث الجاري هنالك؛
ثم ان الموضوع كله لا يستحق .....
Post: #205
Title: Re: ما ممكن يا ناس جريدة الصحافة
Author: Hussein Mallasi
Date: 10-16-2005, 02:35 AM
Parent: #204

اقصد انها اعجبتني جداً جداً و ليس جداً فقط.
Post: #206
Title: Re: ما ممكن يا ناس جريدة الصحافة
Author: Osman M Salih
Date: 10-16-2005, 03:02 AM
Parent: #205
Post: #207
Title: Re: ما ممكن يا ناس جريدة الصحافة
Author: Osman M Salih
Date: 10-16-2005, 03:26 AM
Parent: #206
Post: #208
Title: Re: ما ممكن يا ناس جريدة الصحافة
Author: Osman M Salih
Date: 10-16-2005, 03:42 AM
Parent: #207
Post: #209
Title: Re: ما ممكن يا ناس جريدة الصحافة
Author: Osman M Salih
Date: 10-16-2005, 03:59 AM
Parent: #208
Post: #210
Title: Re: ما ممكن يا ناس جريدة الصحافة
Author: Osman M Salih
Date: 10-16-2005, 04:07 AM
Parent: #209
Post: #211
Title: Re: ما ممكن يا ناس جريدة الصحافة
Author: معتز تروتسكى
Date: 10-16-2005, 04:15 AM
Parent: #209

خالص التحايا
ملاسى والجميع..
اولا رمضان كريم وصحتك واخبارك والاسره نحن فى شوق اليكم ملاسى..
ولكنى اليوم بصدد الاختلاف معك عزيزى
اولا اعلن تضامنى مع الزميل والصديق والاخ امير..
ان مايكتبه امير هنا يمثله وهو له الحريه فى ان ينتقى ما يشاء..
ولكن لو صاغ ما يكتبه بشكل اخر سيكون اجمل ولكن فى الحالتين له الحريه مادام هذا رائيه الشخصى..
مايقوم به امير تجاه الدفاع عن الصحيفه شى طبيعى
كنت ساقوم به الذى اعتبر من قرائها ناهيك هو الذى يكتب فيها..
فان عمدتم الى اخراج امير عن طوره فهو حر فيما يقول مادام مايقوله يعبر عنه..

امير ازيك اخبارك وصحتك
كم اشتاق اليك شديد عزيزى ارجو ان تكون قد وصلتك رسالتى وتجدك بخير وفى انتظارك..
سلامى الى الجميع عارف –علا –كيمى- صباح- قرشى والبقية.وعلى راسهم استاذ الباز..

• اضافه
• كانت الصحافه تمثل لى شى جميل بدات خطواتى فى جريدة الايام لم يكن فى شكل كتابات لكن اعلانا بابدا كان لازما على ان اقوم بعملية امتحان القيد الصحفى ولكن حقيقه (حفت منه) وعندما فكرت بان اقوم به سافرت..
• فى رجعتى الاخيره كنت شبه معسكرا فى الصحافه ..يعجبنى هذا الجو وكذلك بعد الشراكه وجدت كمية من الاصدقاء هناك كان ايضا دافع لكى اتردد عليهم كثير ..
• الصحافه جريدة البيت المميزه لانستطيع ان ننكر الماده التى تُقدم فيها ان حصل خطا هنا اوهناك..
• اعلم ان ماينتظر العمل الصحفى فى السودان الكثير من مصداقيه (كامله) وحريات ووووو
• لكن هى الان تمثل قمم الصحافه فى بلدى ..
• ولكم تحياتى النواضر
Post: #212
Title: Re: ما ممكن يا ناس جريدة الصحافة
Author: Hussein Mallasi
Date: 10-16-2005, 05:59 AM
Parent: #211

سلامات يا تروتسكي
و ليك وحشة و رمضان كريم

Quote: مايقوم به امير تجاه الدفاع عن الصحيفه شى طبيعى

فعلاً شيء طبيعي؛ و لا يهم ان كان في معرض
دفاعه قد طبز عينه .... او عين الصحيفة.
Post: #213
Title: Re: ما ممكن يا ناس جريدة الصحافة
Author: Osman M Salih
Date: 10-16-2005, 06:27 AM
Parent: #212
Post: #214
Title: Re: ما ممكن يا ناس جريدة الصحافة
Author: ناذر محمد الخليفة
Date: 10-16-2005, 06:52 AM
Parent: #213

الاخ المحترم عثمان محمد صالح ..

أرجو ان تسمح لي بأن أطلب منك الخروج من هذا البوست ..

تحيتي وإحترامي
Post: #216
Title: Re: ما ممكن يا ناس جريدة الصحافة
Author: Osman M Salih
Date: 10-16-2005, 07:00 AM
Parent: #214
Post: #218
Title: Re: ما ممكن يا ناس جريدة الصحافة
Author: mohamed osman bakry
Date: 10-16-2005, 07:18 AM
Parent: #213

عثمان
ياخي عليك النبي طنون أطلع من البوست ده
ياخي مامكن كرهتنا
شوف ليك موضوع غير ملاسي ده
شيلو من راسك..
Post: #219
Title: Re: ما ممكن يا ناس جريدة الصحافة
Author: Osman M Salih
Date: 10-16-2005, 07:32 AM
Parent: #218
Post: #215
Title: Re: ما ممكن يا ناس جريدة الصحافة
Author: haleem
Date: 10-16-2005, 06:55 AM
Parent: #1

Quote: فان عمدتم الى اخراج امير عن طوره فهو حر فيما يقول مادام مايقوله يعبر عنه..

الأخ معتز
دي بالضبط هي مشكلة صاحبك ...فطالماأن ما يكتبه أعلاه يعبر عنه...كيف تسنى له أن يكون صحفياً...وفي جريدة الصحافة كمان؟؟
Post: #217
Title: Re: ما ممكن يا ناس جريدة الصحافة
Author: Hussein Mallasi
Date: 10-16-2005, 07:15 AM
Parent: #215

ان كان جعفر عباس يكتب يوماُ و يغيب آخر؛ فمن الافضل لناس الجريدة
استكتاب كاتب اخر - بالاضافة لجعفر - حتى لا تنشرم الصفحة الاخيرة
و تمتلئ بنحو تسعة اعلانات كما حدث اليوم.

يمكنهم ان يقوموا بذلك بعد فراغهم من مناطحة
الشركات التي اوقفت اعلانلاتها عن الصحيفة.

فلا صوت يعلو فوق صوت المعركة.
Post: #220
Title: Re: ما ممكن يا ناس جريدة الصحافة
Author: Hussein Mallasi
Date: 10-16-2005, 09:39 AM
Parent: #217

هاتفني قبل قليل احد منسوبي موبيتل و لسانه يلهج بالشكر و الثناء
على موقف ادارة جريدة الصحافة بعدم جرجرة موبيتل في المحاكم نتيجة
اخلالها بالعقد الاعلاني؛ ما كان سيتسبب في تشريدهم و تشريد جيرانهم!
Post: #221
Title: Re: ما ممكن يا ناس جريدة الصحافة
Author: Hussein Mallasi
Date: 10-17-2005, 01:30 AM
Parent: #220

جاء في جريدة الصحافة الصادرة اليوم على خلفية
تداعيات الصراع بينها و بين شركات الاتصالات:

في خطوة تصعيدية جديدة
سوداتل تقطع خدمة الاتصال عن الصحافة.


و جاء في نهاية الخبر:

و تود الصحافة ان تطمئن قراءها الكرام بان اجهزة الهاتف الجوال
بشبكتي موبيتل و اريبا لا تزال تعمل حتى اعداد الصحيفة للطبع.
Post: #222
Title: Re: ما ممكن يا ناس جريدة الصحافة
Author: Hussein Mallasi
Date: 10-17-2005, 03:12 AM
Parent: #221

لولا اكرام ادارة الصحافة للعاملين بموبيتل بعدم رفعها
لتلك القضية - المضمونة - لربما كانت اليوم جميع شرائح
الموبايلات الخاصة بالعاملين/ات بالصحافة مثل الشلتوتة.
Post: #223
Title: Re: ما ممكن يا ناس جريدة الصحافة
Author: Hussein Mallasi
Date: 10-17-2005, 03:31 AM
Parent: #222

من عناوين مواضيع الصفحة الاولى لجريدة الصحافة الصادرة اليوم وجدت التالي:

1- مفاوضات أبوحا تراوح مكانها
2- المؤتمر الوطني يتسلم جزءاً من ترشيحات الاتحادى
3- الفراغ من إنشاء مفوضيات العون الانسانى لجنوب كردفان و جنوب النيل الازرق
4- منبر دارفور ينجح في تقريب مواقف جناحى حركة تحرير السودان
5- دولة مجاورة تدعم فصيل مناوى ب 53 سيارة بأسلحتها

اكرر من عناوين الصفحة الاولى.
Post: #224
Title: Re: ما ممكن يا ناس جريدة الصحافة
Author: Hussein Mallasi
Date: 10-17-2005, 06:53 AM
Parent: #223

ما دام الحديث قد اتى بموبيتل؛ فانني ارى انه مما لا يليق
كبكبتها الزائدة بسبب دخول شركة اريبا للخدمة.

اما اعلاناتها الصحفية الزائدة عن الحد فلا تفيد سوى ان
تستهلك اموالهم و تثير التهكم من عدم رباطة جأشهم.

و بالمناسبة الاعلان الصحفي المتكرر تعتاده عين القارئ
و تتجاوزه لما بعده .... فكثرة تكرار الاعلانات الصحفية
لا تعني كثرة المطلعين على فحوى الاعلان.

اما مسابقتهم اليومية التي تذاع عقب الافطار على قناة ولاية الخرطوم التلفزيونية؛
فهي تثير النفور من الطريقة التي يمتهن بها مقدم البرنامج كرامة البسطاء؛
حين يوحي لهم بان اجابتهم صحيحة و ان المليون جنيه قد اصبحت في جيوبهم
ثم يفاجئهم بكل خفة الدم ان اجابتهم خاطئة.

و اكراماً للعاملين بموبيتل فسوف لن اذكر المزيد!!
Post: #225
Title: Re: ما ممكن يا ناس جريدة الصحافة
Author: Hussein Mallasi
Date: 10-18-2005, 01:48 AM
Parent: #224

نرجسة و للا بنفسجة!!
Post: #226
Title: Re: ما ممكن يا ناس جريدة الصحافة
Author: ناذر محمد الخليفة
Date: 10-18-2005, 06:50 AM
Parent: #225

ملاسي خلينا شوية من ناس الصحافة ديل ..

أمس ذهبت للمكتبة قرب المنزل كي أشتري صحيفة الوطن كالعادة ولما وجدتها غير نتوفرة أثرت أن أشتري صحيفة أخباراليوم .. فوجدت فيها تصريحا من أحد مسئولي دارفور يقول فيه بالحرف

( أن جماعات متمردة قامت بقذف مدينة كتم بصواريخ الهاوند ولكن لم تحدث خسائر في الأرواح إلا من خمسة جرحى بينهم إمرأة ، وقد كان هناك مسئولين من الإتحاد الأفريقي شهودا لما حدث وشاهدوا بأم عينهم القتلى الذين سقطوا ..)

صنفرة :

فتأمل عدم مهنية ما تحته خط !!!!
أو فلنقل (عدم صدقية)!!
Post: #227
Title: Re: ما ممكن يا ناس جريدة الصحافة
Author: Hussein Mallasi
Date: 10-18-2005, 11:18 AM
Parent: #226

اها يا ناس جريدة الصحافة؛
هل هي بنفسجة ام نرجسة!!
Post: #228
Title: Re: ما ممكن يا ناس جريدة الصحافة
Author: Hussein Mallasi
Date: 10-19-2005, 02:14 PM
Parent: #227

اتمنى ان يكون روع "الصحافة" قد هدأ بعد ان قامت
شركة كنار للاتصالات بالاعلان في كامل الصفحة الاخيرة
في العدد الصادر اليوم!
Post: #229
Title: Re: ما ممكن يا ناس جريدة الصحافة
Author: معتز تروتسكى
Date: 10-19-2005, 11:34 PM
Parent: #228

ملاسى العزيز
ازيك وخالص التحايا

Quote:
صفقة محيرة..!!

عادل الباز
رئيس تحرير صحيفة الصحافة


الصفقة هى بيع او تخزين جملة من اسهم الحكومة .المحير فى هذه الصفقة ان احدا لا يعرف لماذا فعلت وزارة المالية ما فعلت بتصرفها هذا . واكثر ما يضر اعمال الوزارات والشركات، هو عدم الشفافية والاجراءات التى تحيط بها اعمالها، وكأن المعلومات فى مستوى امن الدولة، ونوعية هذه التصرفات هى التى تجعلنا فى الصحافة اكثر تشككا فى ممارسات الشركات، فماذا جرى فى هذه الصفقة بالضبط ؟
باعت وزارة المالية جزءاً من الاسهم التى تستثمرها حكومة السودان فى شركة سوداتل.
جملة الاسهم التى تصرفت فيها وزارة المالية تبلغ2528663 اثنين مليون وخمسمائة ثمانية وعشرين ألف وستمائة وثلاثة وستين سهم بقيمة اجمالية قدرها 55.630.000 ( خمسة وخمسون مليون وستمائة وثلاثون الف دولار) . بيعت هذه الأسهم على دفعتين أو صفقتين، نفذت الصفقة الاولى( 2مليون سهم) فى 12/9/ 2005 بقيمة 44,000,000 (اربعة واربعين مليون دولار) . بيعت هذه الصفقة الاولى لبنك الاستثمار المالي.
ونفذت الصفقة الثانية (528663 ) سهما فى 15 / 10 / 2005 الاسهم الاولى بقيمة «11.630.000» دولار ، بيعت لشركة الرواد للخدمات المالية.
تكونت محفظة للاتصالات من الشركة القومية وشركة ترويج والرواد للخدمات المالية، وساهمت فيها سوداتل نفسها عبر جهات مساهمة في المحفظة وصندوق المعاشات وغيرها. « المحفظة هي آلية جماعية للاستثمار تضم مجموعة من الشركات»، اتفقت الحكومة مع المستثمرين فى هذه المحفظة على بيعهم اسهما تحفظ لدى المحفظة باسم الحكومة، بسعر 22دولارا، «سعر الاكتتاب»، ويحق للحكومة استرداد اسهمها هذه( اثنان مليون وخمسمائة وثمانية وعشرون وستمائةو ثلاثة وستون الف سهم) بعد عام بسعر السوق آنذاك، وهكذا تكون الحكومة قد نجحت فى توفير تمويل من دون ان تفقد نسبة من اسهمها نهائيا فى سوداتل، كما انها فى ذات الوقت حافظت على نسبتها المتفوقة بشكل يمكنها من السيطرة على سوداتل.
الحكومة السودانية التى كانت تمتلك 26% من اسهم شركة سوداتل، تدنت نسبة مساهمتها بعد ماجرى من طرح اخير لاسهم سوداتل، واستطاعت سوداتل عبره ان تحصل على مبلغ 440 مليون دولار، بدأت الحكومة تفكر فى استعادة وضعها الذى فقدته نتيجة للاكتتاب الاخير، رأت الحكومة ان تستفيد من الاسهم التى خصصت لها فى الاكتتاب الاخير، وهى نسبة 50% من الاسهم التى كانت تمتلكها (26 %)، ولشراء اسهم من هذه النسبة «50%»، تحتاج الحكومة لاكثر من خمسين مليون دولار بحساب سعر السهم 22دولارا، وذلك بحساب السعر الذى طرح فى الاكتتاب الاخير.إلى هنا ليس في هذه الصفقة شبهة فساد من الشركات التي ساهمت في هذه المحفظة . المشكلة فى القرار الذى اتخذته الحكومة فى بيع اسهمها بهذه الطريقة ولهذا الهدف . ألم تكن هنالك خيارات اخرى؟ ولماذا تخفى الحكومة المعلومات عن الاعلام اذا ماكانت الصفقة ليس فيها مايمس تفريط الحقوق، او حتى اذا ما كان لها اسباب موضوعية وهذا ما سنناقشه مع السادة وزير المالية والسيد وزير دولته.
الحكومة ماشاء الله تمتلك فى حساب التركيز وحده اكثر من اثنين مليار دولار، فى رأىي انها لن تعدم حيلة فى الاستفادة من هذا الاحتياطى او حتى اخذ مبالغ مستردة منه، او الانجع استثماره . مثلا اذا اخذت الحكومة مبلغ خمسين مليون من هذا المال الموجود فى خزنتها واستثمرته فى اسهم سوداتل، وخاصة ان سعر السهم مغرٍ ومربح فلماذا تخزن الاموال اذا كان يمكن استثمارها استثمارا مربحا ومضمونا؟.فإذا كان ذلك ممكنا ،ياترى لماذا تدفع الحكومة ثمنا غاليا فى بيع اسهمها؟ ومن المؤكد انها ستدفع ثمنا مضاعفا اذا ماحاولت بعد عام استرداد الصفقة . الا يستطيع السيد وزير المالية ووزير دولته هذه الحسبة البسيطة.لا يخالجنى ادنى شك ان وزارة المالية تعرف وتحسب جيدا، ولكن دائما هنالك اعتبارات تراعيها الوزارة قد لا نعلمها . مثلا لم تستطع الحكومة ان تسترد اموالها من سوداتل( ستة وثلاثون مليار جنيه حتى قبل ثلاثة اشهر ) لاسباب لا نعلمها، ليس من بينها ان السيد وزير الدولة، هو فى ذات الوقت رئيس مجلس ادارة سوداتل.فقد تكون لسوداتل ايادٍ بيضاء على الحكومة، ولهذا فهى تجاملها بغض الطرف عن اموال الحكومة طرفها . هذا مثال حى لمجاملة وزارة المالية لاسباب تعلمها هى . فى هذه الصفقة قد تكون الحكومة اتبعت ذات المنهج . فقد تكون الوزارة رأت فى الصفقة الثانية ان السيد خرباش وزير الدولة بدولة الامارات باستثماراته المتعددة فى البنوك والشركات، يستحق ان ينال نصيبا من كيكة سوداتل . المحفظة مغرية ولا يدخلها الا المحظوظون. بالمناسبة، لقد سبق ان قامت سوداتل بتخزين ملايين الدولارات فى مؤسسة الامارات الوطنية، بحيلة ماكرة لا زال جزء من هذا المبلغ حيث هو، و الله وحده يعلم متى يُسترجع ووزارة المالية تعلم وتصمت.
نواصل
هوامش :
* نود ان نسأل الامبراطورة عن ماجرى فى «يستبشرون» ؟ وما بينها وبين سودابل ؟
* على موبتيل توضيح ماجرى فى موضوع الـ ( I N) وشركة (هواوي) المحظوظة ؟ . مع خالص تحياتنا لجماعة المرجخيص على انتصاراتها المتوالية.
* بالأمس كشف احد «صحفيي الدفع المقدم» عضو جماعة المرجخيص عن وجهه، فصفق الكابتن!!
http://www.sudaneseonline.com/



ومع الصحافه قلبا وغالبا. .
Post: #230
Title: Re: ما ممكن يا ناس جريدة الصحافة
Author: Hussein Mallasi
Date: 10-20-2005, 01:12 AM
Parent: #229

اما اليوم - يا معتز - فقد احتل اعلان
شركة كنار للاتصالات نصف الصفحة الاولى.
Post: #231
Title: Re: ما ممكن يا ناس جريدة الصحافة
Author: Marouf Sanad
Date: 10-20-2005, 01:19 AM
Parent: #230

Quote: ومع الصحافه قلبا وغالبا. .


وأنا معها قلباً ومنهزماً
Post: #232
Title: Re: ما ممكن يا ناس جريدة الصحافة
Author: Hussein Mallasi
Date: 10-20-2005, 01:31 AM
Parent: #231

و ما دام نورد الدين مدني قد كتب في عموده اليوم أن أغنية محمد الأمين الجديدة
هي نرجسة ؛ فالراجح أن تكون نرجسة كما ذكرها نور الدين و الإعلانات اللاحقة؛
و ليس بنفسجة كما كتبت في الإعلانات السابقة التي نشرت في الجريدة!!
Post: #233
Title: Re: ما ممكن يا ناس جريدة الصحافة
Author: Hussein Mallasi
Date: 10-20-2005, 04:54 AM
Parent: #232

فات د. محمد عبدالله الريح ان يكتب في نهاية عموده
بالرأي العام اليوم اللازمة التي اعتاد على كتابتها؛ و هي :

دلل على وعيك البيئي ..... الخ

و لانني كنت اظن ان د. محمد عبدالله الريح يعرف كل شيء؛
فانني استغربت لعدم معرفته بتوم و جيري!!


Quote: توم ضرب جيري
سأل الطفل أباه:
من أين يأتي الهواء يا أبي؟
أجاب الأب:
ما هذا السؤال؟ من أين يأتي الهواء؟ هل هناك من يسأل مثل هذا السؤال؟
صمت الطفل برهة ثم قال:
إذن من أين تشرق الشمس؟
صاح الأب:
يا ولد لماذا تزعجني بمثل هذه الأسئلة؟ ترى ماذا كان سيكون الحال لو أزعجت
أنا أبي بمثل هذه الأسئلة العجيبة؟
أجاب الطفل:
كنت على الأقل عرفت الإجابة على أسئلتي هذه.
لم أكن أدرك أننا كآباء نعيش خارج زماننا إلا عندما جائني إبني الصغير
مندفعاً وهو يقول:
(توم) يا بابا ضرب (جيري) على رأسه بالشاكوش.
حدقت فيه وأنا بين مصدق ومكذب. ولكني لمحت الصدق في عينيه الصغيرتين.
قمت واقفاً وأنا أفكر كيف أتصرف.
(توم) هذا لابد وأن يكون ابن الجيران وكعادة أهل السودان عندما يولد لهم
توأم يسمون أحدهما (حسن) والآخر (حسين) ولكن ينادون كلاً منهما بلقب (التوم)
والبنت (التومة) فلابد إذن أن يكون (التوم) اعتدى على (جيري) ابن الكوريين
الذين يسكنون نهاية الشارع.
وأسرعت وأنا أهم بالخروج قلت لزوجتي:
أنا ذاهب لأحل مشكلة قد تؤدي الى أزمة دبلوماسية بين السودان وكوريا.
وسأذهب لأرى المشكلة على الطبيعة.
تساءلت زوجتي:
أية مشكلة؟
قلت : ألم يخبرك (مصطفى) أن توم قد ضرب جيري إبن الكوريين على رأسه
بالشاكوش وإن الكوريين لا يمكن أن يسكتوا على هذا الإعتداء وربما إستعملوا
مع جيراننا كل مايعرفونه من كراتيه وكونغ فو وغيرها من صنوف القتال.
ضحكت زوجتي بينما لم يبد عليها أنها تأخذ الموضوع بجدية وأفهمتني أنني
قد هرمت وشخت ولم أعد أفهم مجريات الأمور فليس هناك ابن جيران بهذا الاسم
وليس هناك ابن كوريين يدعى (جيري) وكل ما في الأمر أن ابني شاهد (توم وجيري)
في أفلام الرسوم المتحركة (الكارتون) في التليفزيون ونقل لي ما شاهده في إحدى الحلقات.
وهنا تأكدت فعلاً أنني قد هرمت وشخت وبلغة أهل العصر غير مواكب. فإبني
يتحدث عن اصدقائه داخل ذلك الصندوق العجيب المسمى بالتليفزيون.

http://rayaam.net/colum/colum31.html[/QUOTE]
Post: #234
Title: Re: ما ممكن يا ناس جريدة الصحافة
Author: محمد امين مبروك
Date: 10-20-2005, 05:18 AM
Parent: #225

حتي التيارات الملاسية التي لا تتقن غير
Quote: الغباء
و
Quote: الثرثرة
و
Quote: القطيعة


دا كلو يا علوني ... وما كنا عارفين ..

الاخ امير وبقية المتداخلين:

الا يساوركم (شك) في كون هذه المعركة التي يقودها الاستاذ الجنرال /الباز ... تعبر بشكل او اخر عن تقاطع مصالح مراكز قوى داخل الكارتيل نفسه (اعني كارتيل الاتصالات)...
هل يستطيع الباز ان يقنعنا بانه يقود المعركه لوحده وللسبب المعلن نفسه ام ان وراء الاكمة ما وراؤها؟؟!
Post: #235
Title: Re: ما ممكن يا ناس جريدة الصحافة
Author: Hussein Mallasi
Date: 10-20-2005, 06:24 AM
Parent: #234

ما لم تكن المعلومات التي يكتبها الباز تتنزل عليه؛
فان ما يكتبه لا يعدو ان يكون تقاطعاً للمصالح .... طبعاً.
Post: #236
Title: Re: ما ممكن يا ناس جريدة الصحافة
Author: Hussein Mallasi
Date: 10-20-2005, 12:47 PM
Parent: #235

اللهم الا ان كان يستيقظ؛ فيجد الوثائق و الاخبار تحت مخدته؛
و قد هبطت عليه من السماء!!
Post: #237
Title: Re: ما ممكن يا ناس جريدة الصحافة
Author: Hussein Mallasi
Date: 10-20-2005, 12:48 PM
Parent: #235

اللهم الا ان كان يستيقظ؛ فيجد الوثائق و الاخبار تحت مخدته؛
و قد هبطت عليه من السماء!!
Post: #238
Title: Re: ما ممكن يا ناس جريدة الصحافة
Author: Hussein Mallasi
Date: 10-20-2005, 01:16 PM
Parent: #237

اما ان كان ما يكتب يشبه الذي كتب عن الاسواق الحرة؛
و قام بتفنيده مدير الشركة الجديد؛ ما جعل المحرر لا ينبس ببنت شفة؛
ففي هذه الحالة للباز ان يكتب ما يشاء .... هو الكتابة بقروش!!
Post: #239
Title: Re: ما ممكن يا ناس جريدة الصحافة
Author: معتز تروتسكى
Date: 10-20-2005, 10:50 PM
Parent: #238

Quote:
صفقة محيرة (2)


عادل الباز
رئيس تحرير صحيفة الصحافة


قلت بالامس، اننى لم اجد تفسيرا مقنعا للدوافع التى حدت بالحكومة للتصرف فى اسهمها على النحو الذى فصلناه . ولذا بدأت التمس الاسباب التى قد تكون وراء ماجرى .استبعدت ان تكون وزارة المالية النفطية مفلسة لدرجة انها لاتستطيع تسديد مبلغ الخمسة والخمسين مليوندولار، الرقم الذى يمكن لبعض الشركات المتوسطة الحجم ذات الدخل المحدود ان تسدده . بدا لى ان طلب وزارة المالية من بنك الاستثمار المالى وشركة الرواد للخدمات المالية لتكوين محفظة استثمارية للاتصالات لشراء اسهمها غريبا . شركة الرواد وبنك الاستثمار هما اكبر شركتين مروجتين للاوراق المالية الحكومية . بدأت اسعى لايجاد معلومة تعين على التحليل . لم تصدر وزارة المالية مايفسر او يبررتصرفاتها. حاولت الاتصال بالسيد وزير المالية،الهاتف الجوال لايرد. سألت عن وزير الدولة، فعرفت انه فى عطبرة، ذهبت لسوق الاوراق المالية لم اجد تفسيرا لديهم . لماذا فعلت الحكومة مافعلت؟ سألت . قال لى احدهم اذا عرفت حدثنا . ذهبت لاستاذ عبد الرحيم حمدى مستفسرا عن السبب الذى دفع الحكومة لمثل هذا التصرف، قال لى بإمكانك ان تسأل الحكومة . سألت الخبراء الاقتصاديين وسألت رجال اعمال، لم يستطع احد منهم ان يفسر لماذا جرى ماجرى . اذا السيد وزير المالية ووزير دولته، هما اللذان بإمكانهما تفسير ماجرى. ولكنهما لايرغبان فى ذلك لاسباب تخصهما .
بدأت بالامس التمس اسبابا كان من ضمنها ان الحكومة جاملت فى هذه الصفقة جهات معينة لاسباب تعلمها . ولكن ذلك ليس تفسيرا مقنعا بالقدر الكافى.
اعتقدت ان الحكومة ترغب فى التخلص من اسهم سوداتل التى بدأت تسبب لها صداعا وتوثر بشكل كبير فى حيدة الدولة تجاه الشركات الاخرى بشكل سيفسد مناخ الاستثمار فى البلاد تماما . فاذا كانت الحكومة منحازة لبعض الشركات، فلن يكون هنالك لعب نظيف، وستظل الحكومة منحازة لمصالحها . خير للحكومة ان تبتعد عن الشركات وصراعاتها . وبهذه الفكرة يمكن ان تكون الحكومة قد فكرت فى بيع اسهمها لطرف اخر راغب . وحتى تستطيع ان تفعل ذلك، كان عليها ان تحسن نسبتها التى تدنت نتيجة للاكتتاب الاخير لسوداتل . 26 % نسبة معقولة يمكن ان تكون لمن يرغب فى التأثير فى مجلس ادارة سوداتل . اكثر الراغبين فى الشراء هم الاخوة الكويتيون، وخاصة شركة ام تى سى .اذا ما استطاعت شركة ام تى سى امتلاك نسبة الحكومة فى سوداتل (26 %)، فإنها بذلك تكون قد استطاعت ان تمتلك اغلبية فى موباتل . شركة ام تى سى تمتلك الآن 39 % من اسهم موباتل، فإذا ما اضيفت اليها نسبة اثني عشر فى المائة، تتأكد سيطرتها على موباتل وهذا ماتسعى اليه ام تى سى، وهذا ماسيتم اذا ما استطاعت اقناع الحكومة ببيع نسبتها فى سوداتل . سوداتل تملك نسبة 61% من اسهم موباتل .الاخوة فى الكويت ازعجتهم تصرفات شركائهم فى سوداتل، ولذا يستعدون لاجراء حوار فاصل مع الحكومة السودانية، ومن ضمن اجندته موضوع اسهم الحكومة فى سوداتل . بناء على هذه المعلومات، قدرت ان الحكومة قد تكون تسعى لاستعادة نسبتها فى سوداتل لتفاوض من ارض صلبة . للاسف هذه المعلومات اصطدمت بواقع لايمكن لوزارة المالية تجاوزه بسهولة . ذلك لان هنالك قانونا يلزم الحكومة بالاحتفاظ بنسبة مقدرة فى اىة شركة تتعرض للخصخصة . ويستدعى خروج الحكومة من سوداتل بشكل كامل تعديل هذا القانون، ولا اعتقد ان الحكومة ستقدم على ذلك فى المدى المنظور.
لا احد يجد تبريرا لماجرى . ليس ثمة منطق فى ان تطلب الحكومة من شركات الترويج بيع اسهمها . وهذا هو السبب الذى يذهب بالناس الى الشكوك والظنون. انا اثق ان الاخوة فى وزراة المالية لم يقصدوا فسادا ولكن القرار كان خاطئا ولامبرر له . اذا لا يمكن ان تبيع او تخزن الحكومة اسهمها لدى جهات لتأتى بعد عام لتستردها بقيمة سعر السوق آنذاك . صحيح ان الحكومة قد اخذت لنفسها امتيازا بأن تسترد هذه الاسهم بعد عام بنفس نسبة التخفيض التى تم بها الشراء اولا ،(35 %). ولكن مع تصاعد سعر اسهم سوداتل وخاصة بعد دخول خدمتها (سودانى ) او موبايلها الجديد ( قلع ايد)، الذي يطرح اليوم فمن شأن ذلك ان يتصاعد بقيمة اسهم سوداتل وخاصة انها لن تكون قابلة للمنافسة . فإذا افترضنا انه تصاعدت قيمة اسهم سوداتل بنهاية العام المتفق عليه الى 51 دولارا فاذا استعادت اسهمها بتخفض خسمة وثلاثين فى المائة،اى بسعر 34 دولارا للسهم وفى هذه الحالة تكون الحكومة قد خسرت 12 دولارا عن كل سهم ، اى ان الخسارة الاجمالية للصفقة (2528000سهم )ستبلغ ثلاثين مليون وثلاثمائة وستة وثلاثين الف دولار، ستربحها شركات المحفظة. يعنى ذلك مرة اخرى ان الحكومة استلمت خمسة وخمسين مليون دولار لتخسر فى نهاية العام ثلاثين مليون وثلاثمائة وستة وثلاثين الف دولار .
اذا كيف حسبت وزارة المالية هذه الصفقة ؟ انا شخصيا محتار وارجو من السيد وزير المالية ووزير دولته ان يوضحا لنا على اى اساس تم حساب هذه الصفقة، فإذا فعلا فخير وبركة، واذا لم يفعلا ، فإنا سنظل نطارد هذه الصفقة حتى (نشوف آخرتا )،على رأى سعد الدين ابراهيم .

http://www.sudaneseonline.com/



ملاسى
Quote: ففي هذه الحالة للباز ان يكتب ما يشاء .... هو الكتابة بقروش!!

هاهو يعمل بوصيتك
Quote: صفقة محيرة (2)
Post: #240
Title: Re: ما ممكن يا ناس جريدة الصحافة
Author: Hussein Mallasi
Date: 10-21-2005, 03:41 PM
Parent: #239

فيما لا علاقة له بموضوع اليوست – ما يكتب في الصحف –
فقد رأيت اليوم زهير السراج في مركز عبد الكريم ميرغني
في الحفل المصاحب لاعلان جائزة الطيب صالح للابداع الروائي؛
و قد فوجئت بكونه شاباً؛ لم يجد الشيب له سبيلاً؛ و ذلك عكس ما كنت اتصوره.
Post: #241
Title: Re: ما ممكن يا ناس جريدة الصحافة
Author: Hussein Mallasi
Date: 10-22-2005, 02:26 AM
Parent: #240

نصف الصفحة الاولى من جريدة الصحافة الصادرة اليوم
يحتلها اعلان من شركة اريبا للاتصالات؛ و في نصف الصفحة
الاخيرة اعلان لشركة كنار للاتصالات.






حمد الله على السلامة!
Post: #242
Title: Re: ما ممكن يا ناس جريدة الصحافة
Author: Hussein Mallasi
Date: 10-22-2005, 03:52 PM
Parent: #241

اهمس بكثير من الود في اذن جعفر عباس و اقول له
بان شارع كترينا ليس هو الامتداد الجنوبي لشارع القصر؛
و انما شارع بيويو كوان!
Post: #243
Title: Re: ما ممكن يا ناس جريدة الصحافة
Author: Hussein Mallasi
Date: 10-22-2005, 04:10 PM
Parent: #242

كما اهمس في اذن كمال حسن بخيت و اقول له
بأن من يغير موقفه للنقيض يقال انه تحول 180 درجة
و ليس 360 درجة !
Post: #244
Title: Re: ما ممكن يا ناس جريدة الصحافة
Author: Hussein Mallasi
Date: 10-22-2005, 04:11 PM
Parent: #243

فاتني ان اقول بكثير من الود!
Post: #246
Title: Re: ما ممكن يا ناس جريدة الصحافة
Author: Hussein Mallasi
Date: 10-23-2005, 03:15 AM
Parent: #244

يبدو ان جريدة الصحافة قد وجدت - اخيراً - حل لعدم انتظام
جعفر عباس في كتابة العمود اليومي؛ فقامت باعادة نشر عموده
ليوم امس في عدد اليوم!!
Post: #247
Title: Re: ما ممكن يا ناس جريدة الصحافة
Author: Hussein Mallasi
Date: 10-23-2005, 03:47 AM
Parent: #246

و حيث ان كل اهتمام الصحيفة موجه للمجهود الحربي ؛
فلا بأس بمثل هذه الاخطاء الصغيرة !!
Post: #245
Title: Re: ما ممكن يا ناس جريدة الصحافة
Author: هميمة
Date: 10-23-2005, 03:15 AM
Parent: #1

ملاسى اوع يكون التحكيم البتتكلمو عنه انت والمهندس

بتاع جايزة الطيب صالح ؟؟؟؟؟؟؟؟؟؟؟؟؟؟؟؟

التحكيم فاشـــــــــــــــــــــــــــــــــــل !!


كما فاتك ايضا ان تقول انه اصغر واقصر مما كنت

تتصور ؟؟؟؟؟؟؟؟؟؟؟؟؟؟؟
Post: #248
Title: Re: ما ممكن يا ناس جريدة الصحافة
Author: Mohammed Elhaj
Date: 10-23-2005, 04:10 AM
Parent: #1

تحياتي ملاسي

كمال حسن بخيت "رئيس تحرير الرأي العام" عمود صباح الخير أمس 22/10/05 و أمس الاول 21/10/05،
* كمال حسن بخيت كان رئيس تحرير الصحافة قبل انتقاله إلى الأضواء ثم إلى الرأي العام.
























"ثم كتم ضحكة كادت أن تجلجل في سكون البوست"
Post: #249
Title: Re: ما ممكن يا ناس جريدة الصحافة
Author: Mohammed Elhaj
Date: 10-23-2005, 04:17 AM
Parent: #248

كمال حسن بخيت رئيس تحرير الرأي العام
عمود صباح الخير 23/10/05

Quote: بالأمس سجل الفارس الهمام صدام حسين موقفاً بطولياً جديداً أمام المحكمة التي شكلتها الإدارة الأمريكية.. وأتت بقضاة عراقيين موالين لها بعد أن دربتهم في أمريكا شهوراً، كانوا خصماً وحكماً في آن واحد.. وهذا يتنافى مع أبسط قواعد العدالة. وقف القائد العبقري النبيل أمام قاضي المحكمة (الأمريكية) وأعلن بالصوت العالي للقاضي عدم اعترافه بالمحكمة التي أتت بها أمريكا بعد غزوها للعراق وإسقاطها لحكومته.. ورفض الإدلاء بأية معلومات عن هويته.. وقال له إنه باسم الشعب العراقي العظيم الذي انتخبه رئيساً لجمهورية العراق يرفض الإجابة على أسئلة المحكمة ويرفض الاعتراف بها. وقال إنه يحتفظ بحقه الدستوري كرئيس شرعي للعراق.

Post: #250
Title: Re: ما ممكن يا ناس جريدة الصحافة
Author: haleem
Date: 10-23-2005, 07:09 AM
Parent: #1

في نفس مقال كمال حسن بخيت..في الفقرة التي يتحدث فيها عن باقان أموم..أرجو ملاحظة التعبير..لأنو زمان في الانشاء كان استاذنا بيقول لما واحد يكتب كلام زي دة..تعبيرك غير سليم

Quote: يتحدث بغرور اشبه (بالعنجهية) ولا يرى ان أحداً أفضل منه.. ولا أكثر نضالية منه .. ولا اكثر حرصاً على القضية اكثر منه
Post: #251
Title: Re: ما ممكن يا ناس جريدة الصحافة
Author: Hussein Mallasi
Date: 10-26-2005, 04:58 AM
Parent: #250

إن كان لابد للأستاذ كمال حسن بخيت أن يستخدم
ال 360 درجة؛ فلن يجد انسب منها ليصف بها موقف
مبارك الفاضل عندما يعود لاحضان حزب الأمة*.
______
* طبعاً حزب الأمة المقصود به حزب الأمة القومي.
Post: #252
Title: Re: ما ممكن يا ناس جريدة الصحافة
Author: Hussein Mallasi
Date: 10-26-2005, 05:04 AM
Parent: #251

فكل من يقطع الشوط لآخره ثم يعود لنقطة ابتدائه؛
يمكن أن يطلق عليه انه قد تقلب - استدار - في مواقفه 360 درجة.
Post: #253
Title: Re: ما ممكن يا ناس جريدة الصحافة
Author: Hussein Mallasi
Date: 10-26-2005, 05:06 AM
Parent: #252

يعني بالدارجي كدا ال 360 درجة معناها:
العرجا .. لمراحا!!
Post: #254
Title: Re: ما ممكن يا ناس جريدة الصحافة
Author: Hussein Mallasi
Date: 10-26-2005, 05:12 AM
Parent: #253

مع كامل الاحترام لحزب الأمة القومي؛
حزب الأمة الإصلاح و التجديد؛
و قيادات و قواعد الحزبين .... و جميع أحزاب الأمة.
Post: #255
Title: Re: ما ممكن يا ناس جريدة الصحافة
Author: ناصر محمد خليل
Date: 10-26-2005, 05:33 AM
Parent: #1

تحياتي حسين ملاسي ...

أتساءل أين ذهب الصحافي أمير عبد الماجد ؟
ولماذا ترك البوست ؟

تحياتي
Post: #256
Title: Re: ما ممكن يا ناس جريدة الصحافة
Author: Hussein Mallasi
Date: 10-26-2005, 11:11 AM
Parent: #255

سلامات يا ناصر

احتمال امير يكون مشغول - شوية - في اعداد تحقيق
يبين فيه الاثار السلبية لابراج الهاتف السيار؛ و ربما
يبحث عن ضحية اخرى لهذه الابراج يكون قد اصيب
بسبب بسقوط مفك على بطنه اثناء تشييد هذه الابراج !
Post: #257
Title: Re: ما ممكن يا ناس جريدة الصحافة
Author: Hussein Mallasi
Date: 10-26-2005, 11:54 AM
Parent: #256

الموضة الايام دي في الجرايد مواضيع الاستطلاعات؛
تلاتة اربعة اسئلة يبعث بها المحرر لكل من:

حسن مكي
الساعوري
فاروق كدودة

و يملا بالاجابات نص صفحة!!
Post: #258
Title: Re: ما ممكن يا ناس جريدة الصحافة
Author: Hussein Mallasi
Date: 10-26-2005, 11:59 AM
Parent: #257

و ان اراد المحرر ان يجدد و يبتكر؛
فربما يبعث بالاسئلة لابراهيم ميرغني ايضاً.
Post: #259
Title: Re: ما ممكن يا ناس جريدة الصحافة
Author: Hussein Mallasi
Date: 10-26-2005, 05:59 PM
Parent: #258

مع حفظ الألقاب.
Post: #260
Title: Re: ما ممكن يا ناس جريدة الصحافة
Author: Hussein Mallasi
Date: 10-27-2005, 04:15 AM
Parent: #259

الشكر موصول لمحمد الحاج و حليم لإثرائهم البوست
Post: #261
Title: Re: ما ممكن يا ناس جريدة الصحافة
Author: Hussein Mallasi
Date: 10-28-2005, 03:55 AM
Parent: #260

فلاش
انتقال عثمان ميرغني من الرأي العام للصحافة.
Post: #262
Title: Re: ما ممكن يا ناس جريدة الصحافة
Author: Hussein Mallasi
Date: 10-28-2005, 10:40 AM
Parent: #261

ياخي ما كان تشيلوا الاستاذ كمال حسن بخيت و تخلوا لينا عثمان ميرغني!

_________
المقصود بالعبارة اعلاه المبالغة في التعبير عن الفقد!
و ليس كما بدت .... للوهلة الاولى!!
Post: #263
Title: Re: ما ممكن يا ناس جريدة الصحافة
Author: ناصر محمد خليل
Date: 10-29-2005, 02:22 AM
Parent: #262

فوق
Post: #264
Title: Re: ما ممكن يا ناس جريدة الصحافة
Author: Hussein Mallasi
Date: 10-29-2005, 03:48 AM
Parent: #263

لتأخر صدور - توزيع - جريدة الصحافة اليوم لم يجدها الموكلة إليه
مهمة إحضار الصحف؛ فتصرف و اتى لي بجريدة الحياة ... و ليته التزم
بما كنت قد طلبته منه؛ من أن يحضر لي الأيام في حالة تأخر توزيع الصحافة.

المهم لفت نظري عمود "الجرح و التعديل" لعبد الهادي عبد الباسط
و قد كان بعنوان حمال الحطب.

و فيه يشن هجوماً - او هجوماً مرتداً - عنيفاً على زهير السراج؛
و الطريف انه لم يكتب زهير السراج و انما اشار اليه ب :

السيد "ز.س" و مرات ب السيد "ز" !!

_________
ربما كان زهير هو البادئ بعدم الاشارة للاسم و الاكتفاء بالحرف او غير الحرف !!
اقول ربما .. و الله اعلم.
Post: #265
Title: Re: ما ممكن يا ناس جريدة الصحافة
Author: Hussein Mallasi
Date: 10-29-2005, 04:09 AM
Parent: #264

ذكرني الذي يدور بين زهير السراج و عبد الهادي عبد الباسط
بالحروب العابرة للبوردات؛ فيكتب احدهم - مثلاً - في سودانيز اوف لاين؛
و ياتيه الرد في سودانيز اون لاين .... او العكس.

و لا يمكن لاحد ان يفهم ما يدور؛ ما لم يكن مطلعاً على البوردين؛
بورد الصحافة و بورد الحياة!
Post: #266
Title: Re: ما ممكن يا ناس جريدة الصحافة
Author: Hussein Mallasi
Date: 10-29-2005, 05:35 AM
Parent: #265

الا انني لا اذكر ان السراج قد اشار في
كتاباته لعبد الهادي عبد الباسط ب:

السيد "ع.ع"
Post: #267
Title: Re: ما ممكن يا ناس جريدة الصحافة
Author: Hussein Mallasi
Date: 10-29-2005, 06:09 AM
Parent: #266

نرجع للبوني و عثمان ميرغني؛ و للفرق بينهما.
قد يكون تناول عثمان للمواضيع اعمق قليلاً* من تناول البوني لها؛
الا ان البوني يتميز على عثمان بمعرفته الجيدة - و استدلاله - بالغناء
و الكورة و ونسات الحافلات و الكلام الدقاق.... و الحاجات البي الشكل دا!!

_________
* اعمق قليلاً اعني بها قليلاً؛ فلو كان العمق الذي يصله البوني
30قدم؛ فربما يكون العمق الذي يصله عثمان 31 قدم!
Post: #268
Title: Re: ما ممكن يا ناس جريدة الصحافة
Author: Hussein Mallasi
Date: 10-30-2005, 01:52 AM
Parent: #267

بعد الذي كتبه عثمان ميرغني في اول عمود له بجريدة الصحافة اليوم
من ان رحيله من الرأي العام كان بسبب ان الرقيب يجرد كل مساء كلماته؛
انتابني شعور - قوي - بأن الرأي العام انما درجت على ان تبيعنا الترماي!!
Post: #269
Title: Re: ما ممكن يا ناس جريدة الصحافة
Author: Hussein Mallasi
Date: 10-30-2005, 02:01 AM
Parent: #268

و عليه؛ اتحرق شوقاً لقراءة عثمان ميرغني و هو بالصحافة
حتى ارى الفرق بين الكلمات التي يجردها الرقيب و تلك التي لا يجردها!!
Post: #270
Title: Re: ما ممكن يا ناس جريدة الصحافة
Author: Hussein Mallasi
Date: 10-30-2005, 02:15 AM
Parent: #269

فإن لم أر فرقاً؛ فسأكون - حينها - ذكياً بما يكفي لكي لا اشتري ترماياً آخر.
Post: #271
Title: Re: ما ممكن يا ناس جريدة الصحافة
Author: Mohammed Elhaj
Date: 10-30-2005, 02:51 AM
Parent: #1

فيهو فرقة !!؟؟


الترماي !!؟؟
Post: #272
Title: Re: ما ممكن يا ناس جريدة الصحافة
Author: Hussein Mallasi
Date: 10-30-2005, 06:13 AM
Parent: #271

اشكر الاخوان ناصر و محمد الحاج على مرورهم المشرق.
Post: #273
Title: Re: ما ممكن يا ناس جريدة الصحافة
Author: ناصر محمد خليل
Date: 10-30-2005, 06:14 AM
Parent: #1

تحياتي أخ ملاسي

تعجبت كثيرا لأول عمود يكتبه عثمان ميرغني اليوم حول الرقابة بجريدة الرأي العام !! فهل كان يعني أنه توجد رقابة من إدارة الصحيفة أم من الأجهزة الأمنية أم ماذا يقصد تحديدا !!!

فحسب علمي أن الرأي العام تتمتع بحرية صحفية مثلها مثل بقية الصحف مع مناغ الحيات السائد هذه الأيام أم تراه يتهم رئيس تحرير الصحيفة بأنه من كان يقص مقالاته التي كان يكتبها !!

حسب إعتقادي أعتقد أنه يتهم رئيس التحرير بأنه من كان يراقبه لأنه أشاد في ذات المقال بإستقبال رئيس تحرير صحيفة الصحافة له !!
Post: #274
Title: Re: ما ممكن يا ناس جريدة الصحافة
Author: Hussein Mallasi
Date: 10-30-2005, 09:33 PM
Parent: #273

سلامات يا ناصر

لا اظن ان سقف الحرية الذي سيجده عثمان ميرغني في الصحافة – او أي جريدة اخرى في السودان –
سيكون اعلى من ذلك الذي كان يكتب تحته في الرأي العام. ان اراد سقفاً اعلى عليه ان يحمل عموده على
كتفه و يتجه به صوب عرب تايمز؛ و ان اراد ان يكتب بلا سقوف؛ فليحمله و يتجه به لجهنم*!!

__________
* المقصود بجهنم جهنم و ليس جهنم!
Post: #275
Title: Re: ما ممكن يا ناس جريدة الصحافة
Author: Hussein Mallasi
Date: 10-30-2005, 09:55 PM
Parent: #274

او عليه ان ينتظر الديمقراطية الرابعة؛
و التي سوف تأتي بأسقفها هي الاخرى!
Post: #276
Title: Re: ما ممكن يا ناس جريدة الصحافة
Author: Hussein Mallasi
Date: 10-31-2005, 02:37 AM
Parent: #275

في معرض رد رئيس مجلس إدارة الرأي العام على كلمة عثمان ميرغني الاولى في
الصحافة التي ذكر فيها ان من بين اسباب مغادرته القيود التي تقوم بتجريد كلماته؛
و على خلفية ترحيب زهير السراج بعثمان في الصحافة و ذكره ان انتقال عثمان مثل
زفة العريس لعروسه؛ كتب على العتباني واصفاً السراج:

و الرأي العام ( .... ) لا تأبه كثيراً لصياح (الدجاج) و لا تلتفت لغناء الحكامات
من مثل اولئك اللذين اعتبروا انتقال عثمان (زفة عريس لعروس) كانت تنتظر هذا
الحدث طويلاً .. علماً بأنهم كانوا و ما زالوا يمنون انفسهم و يسعون ليل نهار للانضمام
للرأي العام (.....)
Post: #277
Title: Re: ما ممكن يا ناس جريدة الصحافة
Author: Hussein Mallasi
Date: 10-31-2005, 02:42 AM
Parent: #276

"صياح دجاج" و "غناء حكامات"!!
استغفرك ربي و اتوب اليك.

دا كلام دا يا علي .. فرقك شنو اسه من السيد أمير عبد الماجد!!
Post: #278
Title: Re: ما ممكن يا ناس جريدة الصحافة
Author: ناذر محمد الخليفة
Date: 10-31-2005, 06:51 AM
Parent: #277

Quote: دا كلام دا يا علي .. فرقك شنو اسه من السيد أمير عبد الماجد!!


Post: #279
Title: Re: ما ممكن يا ناس جريدة الصحافة
Author: Hussein Mallasi
Date: 10-31-2005, 07:51 AM
Parent: #278

بعد مطالعتي لعدد اليوم من صحيفة الرأي العام
لا يسعني الا ان اشيد بملف "حكايات" باشراف وجدي الكردي.

و شوف الشغل كيف .... يا امير!
Post: #280
Title: Re: ما ممكن يا ناس جريدة الصحافة
Author: Hussein Mallasi
Date: 11-01-2005, 02:02 AM
Parent: #279

فاتني ان اذكر بأن البوني ضليع - ايضاً - في المسلسلات
و برامج التلفزيون بصورة عامة.
Post: #281
Title: Re: ما ممكن يا ناس جريدة الصحافة
Author: Hussein Mallasi
Date: 11-01-2005, 06:28 AM
Parent: #280

لم يفوت زهير السراج الفرصة و رد الصاع لعلي العتباني؛
فكتب في "صحافة" اليوم ضمن ما كتب:


Quote: «هل مثل هذا الحديث الغث يصدر ممن تربى وتتلمذ على يد أبيه
الأستاذ الجليل اسماعيل العتباني.. أم أن في الأمر أمراً لا ندري عنه شيئاً؟!».

دا كلام دا يا سراج ياخي ... شنو أمراً و ما أمراً!


احرجتونا ياخ .... كان إنتا كان علي!!
كونوا قدوة للشاب في خلافاتكم .. عشان ما يفتكروا انو البتعملوا فيهو دا هو الصاح.
Post: #282
Title: Re: ما ممكن يا ناس جريدة الصحافة
Author: Hussein Mallasi
Date: 11-01-2005, 07:42 PM
Parent: #281

لاشتياقي لجريدة الحياة _ اللندنية كما تسمى مجازاً – طلبت من مصطفى
ان يحضر لي منها ثلاثة اعداد عن عودته للخرطوم قادما من الرياض.
عندما اتصل بي ظهر اليوم؛ كنت احسب الدقائق لحين حصولي على تلك الاعداد.
ما ان تصفحتها حتى اختلط علىّ الامر و تساءلت:

- هي هذه هي التي اتصفحها جريدة "الحياة"... أم جريدة "اليوم" السعودية!!
Post: #283
Title: Re: ما ممكن يا ناس جريدة الصحافة
Author: Hussein Mallasi
Date: 11-01-2005, 07:49 PM
Parent: #282

في اخر ايامي في السعودية؛ كانت جريدة الخرطوم قد قررت ان تطبع طبعة خاصة بالسعودية
و ربما دول الخليج؛ فكنت ان اراد بائع التسالي ان يلف لي بها قرطاساً .. ارفض!!
عليه؛ من اراد ان يقضي على القراء و الجريدة فليخصص لها طبعة خليجية.
Post: #284
Title: Re: ما ممكن يا ناس جريدة الصحافة
Author: Hussein Mallasi
Date: 11-02-2005, 03:01 PM
Parent: #283

في عمود "اخبار الناس" الاجتماعي الذي يحرره عمر محمد الحسن
بالصفحة الاخيرة بالرأي العام؛ كتب اليوم:

بعث الاستاذ علي محمد عثمان يس وزير العدل السابق بطاقات تهنئة
بالعيد الى مجموعة من كبار المسؤولين و الوزراء .. اللذين من بينهم
وزير الحكم الاتحادي الاستاذ عبد الباسط سبدرات!!!

_______
ثلاثة علامات التعجب اعلاه من عندي!
Post: #285
Title: Re: ما ممكن يا ناس جريدة الصحافة
Author: Hussein Mallasi
Date: 11-02-2005, 03:02 PM
Parent: #283

في عمود "اخبار الناس" الاجتماعي الذي يحرره عمر محمد الحسن
بالصفحة الاخيرة بالرأي العام؛ كتب اليوم:

بعث الاستاذ علي محمد عثمان يس وزير العدل السابق بطاقات تهنئة
بالعيد الى مجموعة من كبار المسؤولين و الوزراء .. اللذين من بينهم
وزير الحكم الاتحادي الاستاذ عبد الباسط سبدرات!!!

_______
ثلاثة علامات التعجب اعلاه من عندي!
Post: #286
Title: Re: ما ممكن يا ناس جريدة الصحافة
Author: Hussein Mallasi
Date: 11-02-2005, 03:03 PM
Parent: #283

في عمود "اخبار الناس" الاجتماعي الذي يحرره عمر محمد الحسن
بالصفحة الاخيرة بالرأي العام؛ كتب اليوم:

بعث الاستاذ علي محمد عثمان يس وزير العدل السابق بطاقات تهنئة
بالعيد الى مجموعة من كبار المسؤولين و الوزراء .. اللذين من بينهم
وزير الحكم الاتحادي الاستاذ عبد الباسط سبدرات!!!

_______
ثلاثة علامات التعجب اعلاه من عندي!
Post: #287
Title: Re: ما ممكن يا ناس جريدة الصحافة
Author: Hussein Mallasi
Date: 11-02-2005, 03:45 PM
Parent: #286

ثلاثة علامات التعجب ادت لان تتكرر المداخلة ثلاث مرات!
او قل هو التعجب الثلاثي!!
Post: #288
Title: Re: ما ممكن يا ناس جريدة الصحافة
Author: Hussein Mallasi
Date: 11-09-2005, 04:43 PM
Parent: #287

هنالك اناس يكتبون افضل مما يتحدثون؛
و هنالك اللذين يتحدثون افضل مما يكتبون؛
و لعل الاستاذ حسن ساتي افضل مثال للفئة الثانية!
Post: #289
Title: Re: ما ممكن يا ناس جريدة الصحافة
Author: Hussein Mallasi
Date: 11-10-2005, 01:09 AM
Parent: #288

تتميز كتابات حسن ساتي بقليل من التقعر و كثير من السنيرة!
Post: #290
Title: Re: ما ممكن يا ناس جريدة الصحافة
Author: Hussein Mallasi
Date: 11-11-2005, 08:28 AM
Parent: #289

كنت - منذ فترة - قد كتبت في غير هذا المكان؛
ان ضياء الدين بلال احسن صحفي في السودان الايام دي.
Re: الليلة الليلاء

و اليوم تأكدت من انه لا يزال كذلك.


_______
شكراً يا ضياء فقد كان اليوم عيداً آخر!
Post: #291
Title: Re: ما ممكن يا ناس جريدة الصحافة
Author: Hussein Mallasi
Date: 11-11-2005, 03:15 PM
Parent: #290

جاء في الثلث الاعلى من عدد اليوم الجمعة 11 نوفمبر لجريدة الصحافة؛
ما يمكن ان نطلق عليه اعلان داخلي؛ فقد جاء في اعلى "الاعلان":

"الصحافة" تغطيات حية لأحداث ساخنة

ثم اسفل ذلك صور لعدد 16 كاتب بالجريدة؛ فوق كل صورة منطقة التغطية؛
و اسفلها النشاط موضوع التغطية.

بالنسبة لزهير السراج ستكون منطقة التغطية لندن و سيكون النشاط موضوع التغطية:
المنتدى العلمي للاطباء السودانيين بالمملكة المتحدة و ايرلندا.

و السؤال هو:

إختر الاجابة الصحيحة:

1- هل ستبعث الصحفية السراج لتغطية المؤتمر.
2-هل سيسافر السراج لانجلترا لغرض خاص و ناس الجريدة قالوا
ليهو عليك الله غطي لينا معاك المنتدى دا.
3- هل سيسافر السراج لغرض خاص و هو الذي اقترح على الصحيفة ان يقوم بتغطية المنتدى.
Post: #292
Title: Re: ما ممكن يا ناس جريدة الصحافة
Author: Hussein Mallasi
Date: 11-25-2005, 10:08 AM
Parent: #291

شعور قوي - جداً - يتملك حسن ساتي و هو يكتب للرأي العام؛
مفاده؛ انه انما يتكرم على الرأي العام بالكتابة بها؛
و يتكرم على القراء بالكتابة لهم!!

و بالطريقة دي؛ و بعد شوية؛ ما حيتكرم قراء الرأي العام بالقراءة له!!
Post: #293
Title: Re: ما ممكن يا ناس جريدة الصحافة
Author: ناذر محمد الخليفة
Date: 11-25-2005, 04:26 PM
Parent: #1

!!!

Quote: شعور قوي - جداً - يتملك حسن ساتي و هو يكتب للرأي العام؛
مفاده؛ انه انما يتكرم على الرأي العام بالكتابة بها؛
و يتكرم على القراء بالكتابة لهم!!


والله يا ملاسي ما قلت إلا الحق .. ينصر دينك والله ...

صنفرة :

أها وأنا قررت (قبل كلامك دا) إنو ما حا إتكرم بقراية كلامو !!!
وما فيش حد أحسن من حد .. ونشوف الخاسر منو َ!!
Post: #294
Title: Re: ما ممكن يا ناس جريدة الصحافة
Author: Hussein Mallasi
Date: 11-28-2005, 05:48 AM
Parent: #293

يعني شنو - بالضبط - تمت معالجة الصورة فنياً؛
يا ناس جريدةالصحافة!!
Post: #295
Title: Re: ما ممكن يا ناس جريدة الصحافة
Author: فيصل نوبي
Date: 11-28-2005, 06:59 AM
Parent: #1

يمكن فيها ممنوعات
Post: #296
Title: Re: ما ممكن يا ناس جريدة الصحافة
Author: Hussein Mallasi
Date: 11-28-2005, 07:19 AM
Parent: #295

سلامات يا نوبي

هل هنالك صور تنشر في الصحف دون أن تعالج فنياً!!!
Post: #298
Title: Re: ما ممكن يا ناس جريدة الصحافة
Author: Hussein Mallasi
Date: 11-28-2005, 07:26 AM
Parent: #296

في العدد الصادر اليوم الاثنين 28/11/2005
و في كامل الصفحة الخامسة؛ نشرت جريدة الصحافة؛
قصيدة هاشم صديق:

ملهاة الليث الأبيض
هذا لا يكفي يا بشار

و في الركن الشمالي أعلى الصفحة؛ صورة
للرئيس بشار الأسد و هو يصافح هاشم صديق
و مكتوب تحتها:

تمت معالجة الصورة فنياً
________
اها .... فنياً كيف يعني!!
Post: #297
Title: Re: ما ممكن يا ناس جريدة الصحافة
Author: ناذر محمد الخليفة
Date: 11-28-2005, 07:24 AM
Parent: #1

كيفك يا ملاسي ..

Quote: يعني شنو - بالضبط - تمت معالجة الصورة فنياً؛
يا ناس جريدةالصحافة!!


ترى هل كان الأستاذ هاشم صديق راضيا بما فعلوه به !!

صنفرة :

كان من الأفضل أن يقولوا (الصورة مدبلجة) أو أي تعبير أخر !!
Post: #299
Title: Re: ما ممكن يا ناس جريدة الصحافة
Author: Hussein Mallasi
Date: 11-28-2005, 07:44 AM
Parent: #297

سلامات يا ناذر

فعلاً .. تعبير آخر كان يكون احسن.
و الاحسن منو؛ انو يخلو الصور زي ما كانت!!
Post: #300
Title: Re: ما ممكن يا ناس جريدة الصحافة
Author: Hussein Mallasi
Date: 11-28-2005, 10:46 AM
Parent: #299

يا أستاذ حسن ساتي؛ مش شيخك العجيمي – رحمه الله -
قال ليك ما تحلف بالطلاق ياخي!!
Post: #301
Title: Re: ما ممكن يا ناس جريدة الصحافة
Author: الفاتح وديدي
Date: 11-28-2005, 12:28 PM
Parent: #1

سلامات يا صاح
تسجيل حضور .. متابعة ..
ثم مساهمة في تنقية ما اعترض مسار البوست من (دقداق) ..
يقيني واعتقادي الجازم أن الدقداق (خشم بيوت) .. عليه فإنني أعني بالدقداق هنا (الحسي) منه..
بصورة أوضح: شكل الصفحة الثالثة كان (مش ولا بد)..
هذا إذا غضضنا الطرف عما اعترى البوست من دقداق (معنوي)، يقابله عندي عديد المشاحنات والمناكفات التي اعترضت مساره، فزادته بسطة في الطول وانتقصت من رصيد محتواه !!
فإذا صح تقديري نحن الآن على مرمى مداخلة واحدة من الصفحة الرابعة .. ننعم بعدها برؤية أوضح لكل تعقيب، الشئ غير المتاح الآن في ظل إصرار الغالي حسين على عدم تعديل ما اقترفه من (تكويت) عند مداخلته الخاصة بعمود الدكتور حساس محمد حساس (توم & جيري) .. وهو ما يعد حتى اللحظة – من منظور الشكل- إخلالاَ بالمظهر العام للبوست !!
عليه تجئ مداخلتي هذه عوضاً عن ممارسة الأمر المستهلك UP
وبعد أن نفتح (صفحة جديدة) قد لا نكون بحوجة ل (رافعة فكرية).. خصوصاً وأن الرؤية فيما يلي اتجاهات التناول تبدو بأوضح ما تكون عند ربَّان البوست..
Post: #302
Title: Re: ما ممكن يا ناس جريدة الصحافة
Author: الفاتح وديدي
Date: 11-28-2005, 12:39 PM
Parent: #1

يللا.. على خيرة الله نواصل ..
(الحارة الرابعة)..
هذا بعد إذن الرائع (نوبي) تثبيتاً لحقه الأدبي في المصطلح وحفظاً لحقوق الملكية (النجرية)
Post: #303
Title: Re: ما ممكن يا ناس جريدة الصحافة
Author: Hussein Mallasi
Date: 11-28-2005, 05:46 PM
Parent: #302

البدوي يوسف
سلامات

ايهما أحق بعدم النشر؛ موضوع هادية صباح الخير عن:

"معتوة يأكل وجه طفلة"

ام موضوع اخونا الكردي عن:

"صحفي يأكل وجه ابو عبيدة حسن!!"
Post: #306
Title: Re: ما ممكن يا ناس جريدة الصحافة
Author: فيصل نوبي
Date: 11-29-2005, 06:23 AM
Parent: #302

استاذنا ملاسي

تعرف تاني الواحد ما يقراء جرايد خالص

عشان ما تجيو نكسة فكرية

بعد اذنك كمان ارد لي وديدي
Quote: (الحارة الرابعة)..

اذنك معاك يا حبيب
بس ما تسمعك ايمان
Post: #304
Title: Re: ما ممكن يا ناس جريدة الصحافة
Author: ناذر محمد الخليفة
Date: 11-29-2005, 05:49 AM
Parent: #1

كيفك يا ملاسي ..

في ملاحظاتك على تصميم صفحة قصيدة هاشم صديق ..
أعتقد أنك نسيت أن تقلب الصفحة لتعلق على عمود طلال مدثر فيما ذكره بشأن شاعرتنا عضو هذا المنبر
Post: #305
Title: Re: ما ممكن يا ناس جريدة الصحافة
Author: ناذر محمد الخليفة
Date: 11-29-2005, 05:50 AM
Parent: #1

كيفك يا ملاسي ..

في ملاحظاتك على تصميم صفحة قصيدة هاشم صديق ..
أعتقد أنك نسيت أن تقلب الصفحة لتعلق على عمود طلال مدثر فيما ذكره بشأن شاعرتنا عضو هذا المنبر
Post: #307
Title: Re: ما ممكن يا ناس جريدة الصحافة
Author: امير عبد الماجد
Date: 11-29-2005, 08:47 AM
Parent: #1

شكرا للعم ملاسي الذي حافظ علي البوست
وللزملاء الاعزاء
وللاحباء
شايفك ياناذر متبرم ومتبري من التصميم
ماالو عيبوا لي
بعدين ما قلت رايك في القصيدة
ولا في عمود طلال
الله يكفينا شر الاعمدة
Post: #308
Title: Re: ما ممكن يا ناس جريدة الصحافة
Author: Hussein Mallasi
Date: 11-29-2005, 03:54 PM
Parent: #307

سلامات يا أمير
وين ياخي؛ ليك زمن ما ظاهر.
مشتاقين

________
بالمناسبة؛ شغلك بتاع اللاجئين
السودانيين في القاهرة كان ما بطال!
Post: #309
Title: Re: ما ممكن يا ناس جريدة الصحافة
Author: Hussein Mallasi
Date: 11-29-2005, 03:59 PM
Parent: #308

تذكرت ذلك الصحفي الذي انتدب لتغطية مؤتمر قمة عربي في بلد اخر؛
فتغطى و تدفأ .. و غطى المؤتمر من تحت غطائه!!
Post: #310
Title: Re: ما ممكن يا ناس جريدة الصحافة
Author: امير عبد الماجد
Date: 11-30-2005, 03:02 AM
Parent: #1

ملس ياظريف
ازيك ومشتاقين
شايفك غيرت الصورة
مبروك
رغم انك برضو ماكنت شفاف فيها
وغشيت
واتدسيت معاي تحت البطانية
يلا قديمة قديمة مقبولة يازول يارائع
بس تاني ماتعمل كده ياشاطر
خلي اعصابك بارده وماتتهور
Post: #311
Title: Re: ما ممكن يا ناس جريدة الصحافة
Author: Hussein Mallasi
Date: 11-30-2005, 04:35 AM
Parent: #310

سلامات يا ناذر

ما أن تجولت في صفحة طلال و قرأت ما بها إلا و تذكرت
أغنية الأطفال المصرية التي راجت حين من الدهر؛
و التي يقول مطلعها:

اكلك منين يا بطة .... اكلك منين!!
Post: #312
Title: Re: ما ممكن يا ناس جريدة الصحافة
Author: ناذر محمد الخليفة
Date: 11-30-2005, 07:34 AM
Parent: #1

الأخ أمير عبد الماجد

تحياتي لك وحمدا لله على سلامة العودة ..

أما عن رأيي في قصيدة الأستاذ الكبير هاشم صديق فقد ذكرته في بوست غير هذا ..
مع أنه من الخطل والتطاول أن يكون لي رأي مهما كان في قامة مثل هاشم صديق !!

صنفرة :

حسين ملاسي الرائع ..

ورغم كل ذلك أعتقد أن طلال مدثر يرجى منه الكثير إذا ما إبتعد عن شخصنة كتاباته عن زملاءه الصحفيين والمبدعين الأخرين ..
Post: #313
Title: Re: ما ممكن يا ناس جريدة الصحافة
Author: امير عبد الماجد
Date: 11-30-2005, 09:07 AM
Parent: #1

ازيك يا ناذر
بعض اشكالات الفانية قد تجبرنا احيانا علي الغياب
لكننا نعود علي اي حال
بعونه تبارك وتعالي
ماقصدته من سؤالي هل اضاف هاشم بعدا جديدا لنصه الشعري
ام ان النص والفكرة لم يبارحا الفضاء الاخيرلهاشم -ياتو ورقا اتمضي - علي مستوي صوره الشعرية-احس ان بعضها تسلل من نصوص قديمة لهاشم عمدا اوسهوااوحتي علي مستوي موسيقاه الداخلية - ماهي الرسالة التي اراد هاشم ايصالهابذكاء من خلال النص

--------------------------------
ملس
الصورة حلوة -علي قدمها -
لو عايز نصيحتي اوعي تطلع راسك من البطانية
الصورة بتحرق
و...... بتخلع الزبائن
Post: #314
Title: Re: ما ممكن يا ناس جريدة الصحافة
Author: ناذر محمد الخليفة
Date: 11-30-2005, 09:35 AM
Parent: #1

الأخ أمير ..

Quote: ماقصدته من سؤالي هل اضاف هاشم بعدا جديدا لنصه الشعري
ام ان النص والفكرة لم يبارحا الفضاء الاخيرلهاشم -ياتو ورقا اتمضي - علي مستوي صوره الشعرية-احس ان بعضها تسلل من نصوص قديمة لهاشم عمدا اوسهوااوحتي علي مستوي موسيقاه الداخلية - ماهي الرسالة التي اراد هاشم ايصالهابذكاء من خلال النص


سؤال مهم جدا لأرجو أن تسمح لي بنقله للبوست المعني حتى أناقشه مع المتداخلين هناك ..
كما أرجو أن تشرفني بحضورك في هذا البوست (لن يكتمل السلام ما لن يبصم عليه هاشم صديق)
Post: #315
Title: Re: ما ممكن يا ناس جريدة الصحافة
Author: Mohammed Elhaj
Date: 12-12-2005, 02:05 AM
Parent: #1

سلامات ملاسي

طبعاً دا موقع جريدة الصحافة السودانية updated لغاية 11/12/2005
و مفتوح ممكن الناس تدخل و تتصفحوا....

دا الموقع موقع جريدة الصحافة
Post: #316
Title: Re: ما ممكن يا ناس جريدة الصحافة
Author: Mohammed Elhaj
Date: 12-12-2005, 02:45 AM
Parent: #1

نشرت صحيفة الصحافة في الصفحة الأولى أن هنالك "إجرات متعسفة اتخذت من قبل بعثة الأمم المتحدة و هيئة الإتصالات ضد الصحافة" (احاول رفع صورة عن الخبر لكن منذ الامس و الانترنت في غاية الضعق فيما يتعلق بالموضوع هنا)،

الاشكال الذي حدث في الانترنت بالامس و أول امس جعل العديد من المواقع تظهر و كأنها حُجبت من قبل الهيئة القومية للاتصالات فمثلا كنت اتعامل مع موضوع من هذا الموقع http://www.ojp.usdoj.govالتابع للحكومة الامريكية و فوجئت بظهور شاشة الحجب فاشار احد الزملاء بنقس منطق صحيفة الصحافة بان الهيئة قد حجبته كونه موقع امريكي D:
هذه الشاشة ظهرت للعديد من المواقع
للأسف لم يترو ستاف الجريدة و مستشاريها و قسم ال IT بل قاموا بنشر "عبطهم" في الصفحة الأولى




حأحاول انزل الخبر من الجريدة و الصفحة الاولي للجريدة في الانترنت و المحدثة لغاية امس


يا حسين برضو خلي بالك من كمال حسن بخيت الزول دا بيجلط جليط مبلغ فيهو
Post: #317
Title: Re: ما ممكن يا ناس جريدة الصحافة
Author: Hussein Mallasi
Date: 02-11-2006, 04:20 AM
Parent: #316

بعودة السوداني للصدور فقدت جريدة الصحافة
و بضربة واحدة كل من:

- عثمان ميرغني
- زهير السراج
- نور الدين مدني
________
و ذلك لحين اشعار آخر!
Post: #318
Title: Re: ما ممكن يا ناس جريدة الصحافة
Author: Hussein Mallasi
Date: 02-15-2006, 02:40 AM
Parent: #317

متوالية ساتي
اعتاد الأستاذ حسن ساتي أن يكتب مقالاً؛
يتبعه بمقالين يؤكد فيهما صواب وجهة نظره
التي كتبها في المقال الأول!