|
|
|
 Re: مساخة البورداب (Re: يحي قباني)
|
يا قباني امسك اي بوست من طرف
تلاتة بوستات بتلقاهم يا التلاتة يا واحد منهم فيهو مساخة
واشارات وعلامات
ولا كمان مرات طزززز كدة
| |
 
|
|
|
|
|
|
|
|
Re: مساخة البورداب (Re: علي دفع الله)
|
والله يا علي توفيق دة اقرع ما مبالي من قوبة
تراهو من عنوانو برش الجماعة
ولا برفع منهم
تعرف يا علي
الناس ما بتحسبو تراهو معروف
لكن بتحسب الناس البتفاجئك
والله عقرب بس
جربت ضربت عضم الشيطان؟
لا تعرف تبكي ولا تضحك
| |
|
|
|
|
|
|
|
|
|
Re: مساخة البورداب (Re: علي دفع الله)
|
الأخ ابوسن كلامك صحيح للحد البعيد...
أعتقد في ناس بيفتكروا الرد البايخ مُفحِم و نوع من القوة و بيعطي الشخص مكانة مُتْوَهَّمة و بيرضي نفسه المخدوعة..
فعلا قبل كم يوم لقيت كمية من الاتهامات و (القنص) و السك و المتابعات و الرصد ...كأنه نحن في غابة ...و الله شعرت بنوع من السأم و القرف..
و براي قلت الناس ديل مالم كده الواحد يشوف الرد الجميل المهذب ضعف...و المسامحة ضعف....
و دايما السؤال البيجي لي ذهني هل هي الشخصية السودانية هي مفتاح الفهم العام لكل سلوكنا؟
| |
|
|
|
|
|
|
|
|
|
Re: مساخة البورداب (Re: محمد عبد الله الحسين)
|
في قطامة من وراء حجاب
يخش ليك في بيتك ولا يسلم عليك وينزل شايت في قونك
ولا يتجاهلك عنية في الرد
يرد بالترتيب الفوقك والتحتك ويجي ماري فيك بي نمرة خمسة
ولا يرد علي كلامك دون ان يشير ليك برده علي غيرك
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
النفسيات.
الكِبر.
الجهل.
الحمية.
البغضاء.
الثأر لترسبات قديمة.
الإحساس بالدونية.
الإنشغال بأمور أخرى.
إنتهاء كوتة المداخلات المسموع له بها.
السطحية.
التنصّل من الموضوع.
--------
ريح بالك ولا تذهب نفسك عليهم حسرات
| |
|
|
|
|
|
|
|
|
Re: مساخة البورداب (Re: ABUHUSSEIN)
|
اوووو عووضة
قباني داير يمسكني الفاضي . يشيل المنقة ويخلي لي العضم . العضم دة فرار ما يكسرو
يقنطرني ويقعد بعيد يعاين لي يشوف الناس يتعلمو فيني النيشان
اكون دقوس
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
نحن يا جلال عندنا حكاية طالعني الخلا
وكان راجل
تنتصر يعني تنتصر
اها تتماسخ علي اقوم ازيد جرعة مساختي واردها ليك
ولا ألبد ليك في بوست تاني اختها ليك حاااامضة
واحد من عيوب المساخة والقضامة انها تخرج اسوأ ما في داخلنا من لؤم وقطامة
ولازم افوز عليك
قال ليهو شتت تيراب قصب السكر الصباح قطعتو تاني يوم نجيض
قال ليهو
انا بزرع فيهو وانط
| |
|
|
|
|
|
|
|
|
|
Re: مساخة البورداب (Re: ABUHUSSEIN)
|
انت ياحفيظو شغال بالحاجات دي ليييه ))
المنبر ده لازم يكون كده وإلا ما يبقى فعلا منبر
الناس هنا ما متساوية بالطبع في طريقة تفكيرها ولا في خلفياتهم المعرفية
بالضرورة تجد المسيخ والمتعالي وعكسهم تماما
يبقى الخيار خيارك انت .. مع من تتداخل .. ولمن تقرأ من غير ما تتداخل
حكاية الواحد يقعد يحلل المنبر وناسو بقت في حد ذاتها مساخة ( لا اقصدك بالطبع)
المنبر ده عندي زي كشك بيع الجرايد .. اختار الجريدة البتعجبني واتخارج
تحياتي لك
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
اهو بنتونس يا حيدر
لكن المساخة بتمنعك مرات من التداخل في بوستات
آي صحي التعليق الذكي الطريف المضحك محبب
مش المساخة البتخش العضم
في مساخة تخلي الزول يتمني وجود الزول التاني قدامو عشان يفرمو
بكون ضغطو حصل السقف فوق
المساخة التي تقلل من الاخر او تسخر منه
ولا تجعلو اضحوكة
ولا تلبسو اسم دايم سخيف
| |
|
|
|
|
|
|
|
|
|
Re: مساخة البورداب (Re: درديري كباشي)
|
المساخة البتخش العضم...... عشان شنو .. غايتو تذكرنى زمن اللعبات( الاعراس) فى واحدين اخوانا مابيجوا الحفله الا شايلين عصايتهم مكفكفين ومحدرين الطاقيه
| |
|
|
|
|
|
|
|
|
|
Re: مساخة البورداب (Re: محمد المسلمي)
|
المساخة والإستفزاز الذكي الذي نصنعه أنا وأخوي حاتم إبراهيم يلعب دور كبير في إثراء الحوار الحقيقي
وهو العامل الأساسي في جاذبية المنتدى.
لو خلينا الحوار لطريقة قباني وأصاحبة لتحول المنتدى لمجوعة واتساب سمجة تبدأ يومها ب:
جمعة مباركة
وكيف قيلتو
كتاباتك رائعة يا رائع
| |
|
|
|
|
|
|
|
|
|
Re: مساخة البورداب (Re: محمد المسلمي)
|
سلام عليكم جميعا
بسيطة ، ممكن كل واحد/ة يجيب او تجيب معاها
سكر، ملح، بهارات، منكهات. و حبوب مضادة للحساسية
و يا بوست ما دخلك شر. 🍐🍇🍏
لو سمحتو شرح بالأمثلة، يمكن أفهم 🤔
| |
|
|
|
|
|
|
|
|
|
Re: مساخة البورداب (Re: محمد البشرى الخضر)
|
نفترض مداخلتي كانت سمجة،
الكاتب الكبير يستطيع أن يصنع من نوعية هذا التداخل فكرة جديدة، ويكون عارف كيف بخرج من مطبات الإحراج بتاعت القراء
في ذلك البوست
مداخلتي كانت متزامنة مع حديث تلفوني مع زول جوة المعرض وطلبت يشتري لي نسخة من كتب البورداب
يعني بالإضافة لمداخلة نعمات كنت متيقن من وجود الكتاب بالمعرض
لو قلتها ليهو بأي طريقة ما بقبلها
للآن مصر انو ما حدثت مصادرة للكتاب
| |
|
|
|
|
|
|
|
|
|
Re: مساخة البورداب (Re: أبوبكر عباس)
|
ما مشكلة قول ما حدثت مصادرة واساسا هو قال "ما يثار" يعني لم يجزم
انت ليه افترضت سوء النية و ان المسالة ترويج, قراية النوايا و افتراضات حاجات الآخرين و البناء عليها و اصدار الأحكام دي واحدة من مآسي الحوار هنا
| |
|
|
|
|
|
|
|
|
|
Re: مساخة البورداب (Re: جلالدونا)
|
بعدين داير أقول ليكم حاجة وأنا جادي فيها:
المنتدى دا خلال التلاتة سنين الفاتن
أحييتوا أنا وكان بنتهي زي فورأول لو مشيت منو
هسع نتراهن
بمشي أسبوع؛ شوفوهو ببقى ممل كيف؟
بمتعكم مجاني وبعد دا يجيك واحد من وين يقول ليك حمار
وواحد يقول ليك كلجة
الغل الجواكم تجاهي هو الفيد باك بتاع متعتكم بكتاباتي
| |
|
|
|
|
|
|
|
|
|
Re: مساخة البورداب (Re: أبوذر بابكر)
|
الأستاذ ود أبو سن وضيوفك الكرام
تحية طيبة وبعد
صدقت هنالك مساخة من بعض البورداب
وفي تقديري المساخة سببها بأن البعض يرى دائما أن رأيه هو الأصح والصواب،
دائما إحترام الرأي الآخر والتحلي بأدب الحوار لا تنتج عنه مساخه،
عجبني رد الأستاذ / حيدر حسن ميرغني الموضح أدناه :
كتب اأعلاه لأستاذ حيدر حسن ميرغني:
(( انت ياحفيظو شغال بالحاجات دي ليييه)
المنبر ده لازم يكون كده وإلا ما يبقى فعلا منبر
الناس هنا ما متساوية بالطبع في طريقة تفكيرها ولا في خلفياتهم المعرفية
بالضرورة تجد المسيخ والمتعالي وعكسهم تماما
يبقى الخيار خيارك انت .. مع من تتداخل .. ولمن تقرأ من غير ما تتداخل
حكاية الواحد يقعد يحلل المنبر وناسو بقت في حد ذاتها مساخة ( لا اقصدك بالطبع)
المنبر ده عندي زي كشك بيع الجرايد .. اختار الجريدة البتعجبني واتخارج
تحياتي لك ))
وتقبلوا تحياتي واحترامي
| |
|
|
|
|
|
|
|
|
|
Re: مساخة البورداب (Re: محمد حيدر المشرف)
|
مثلا زول نرجسي وي المشرف دا
كتب بوست شين رد فعل تجاه اللاجيين السوريين
جيت أنا كزول سمج مسيخ لايوق حيوان كلجة
كتبت مداخلة أقل من سطر
ضرورة تفعيل قانون النظام العام
تعال شوف رد الفعل
أنت أحقر من الحقارة
وواي وووب
وسيوف ومعاوية الزبير يحنس
وأنا ضربت تلفون لتميم يتدخل
لكن لو عاينت للمداخلة العزيمة دي بتلقاها مداخلة مفروض تدرس في الجامعات
| |
|
|
|
|
|
|
|
|
|
Re: مساخة البورداب (Re: جلالدونا)
|
يعني اسع انتو لا عايزين زول يتماسخ
ولا زول يتجاوز الخطوط الحمراء
ولا يتبايخ
ولا يهظر
ولا يشاكس
ولا يشاكل زاتو
ياخي دا ملل شنو دا؟؟؟
يا جماعة الاختلافات والتباينات دي هي ملح الحياة كلها ناهيك بورد اب صلعة دا
يعني الواحد لو جا فتح موضوع والناس ما اختلفت معاهو واتماسخو معاهو وشاكلوهو وشاكلهم زاتو الفايدة شنو والطعامة وين ؟؟
عشان تعرفو انو المواضيع الجادة مملة وبايخة لاحظو لبوستات الاكشن وقارنو عدد المشاركات وعدد النقرات بينها وبين بقية البوستات
بعدين يا حفيظ ياخي ( اللي موش أد آكشن .. ما يأكشنهاش)
| |
|
|
|
|
|
|
|
|
|
Re: مساخة البورداب (Re: جلالدونا)
|
يا مستنير ما تخلط الاوراق, البتقول عليهن ديل شتايم و افتراءات راسهن عديل لا مساخة ولا تجمع الناس
الشتمك ما زي الانتقد دخلتك الشتراء
خت كل حاجة في محلّها.
يا جلّي, ما تسوط وتعجن ساي, اي مداخل شايف فيها مساخة فاتت الحد اشّر لي عليها وأنا بورّيك سببها شنو وردا على ياتو مداخلة امسخ أو أسخف منّها
| |
|
|
|
|
|
|
|
|
|
Re: مساخة البورداب (Re: محمد البشرى الخضر)
|
أحسن ما فى البوست دا انو ما فيهو أية فرقة
لمط وجر المداخلات لكن والله ما نستبعدا من المأجز
دائما دا .. يا رب تلطف بنا وتجعل في كيبوردو اغلالا .. خخخخخخخ
يا مستجير والله حاشاك أن تكون حمارا أو الحاجة التانية دي
لكن من ناحية شليق ومقابضاتي وشايل بطاريتك في القمرا وأحيانا
نوصصصصت نهار فدي أحلف عليها مصحف .
كتب الحبيب القريب Quote:
النفسيات.
الكِبر.
الجهل.
الحمية.
البغضاء.
الثأر لترسبات قديمة.
الإحساس بالدونية.
الإنشغال بأمور أخرى.
إنتهاء كوتة المداخلات المسموع له بها.
السطحية.
التنصّل من الموضوع.
--------
ريح بالك ولا تذهب نفسك عليهم حسرات
|
يا قصى عليك الله قوم لف ياخ .. زي البوستات دي ما كارك
أمشى على الناس المتشككين في وجود الله بهناك وسوق معاك
جرجير دا ما يملانا فقر على الفقر العينا .. خخخخخ
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
بعدين في ناس بطردوك عديل
في بداية وجودي في المنبر زي شهر كدا
حسين ملاسي فتح بوست اسمو الديم الوهم شكلو كان قاصد بيهو ابو ساندرا وعماد
انا من اول مداخلة دخلت اتراشق خلى لي البوست وفتح بوست تاني بنفس الاسم هل تصدق خليتو خفت يرفدوني من المنبر هههههههههههههه
لو عملا هسه الا يمشي يكتب بوستيهو دا عند حسن موسى
الانسان ابن بيئته
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
| Quote: بعدين داير أقول ليكم حاجة وأنا جادي فيها: المنتدى دا خلال التلاتة سنين الفاتن أحييتوا أنا وكان بنتهي زي فورأول لو مشيت منو هسع نتراهن بمشي أسبوع؛ شوفوهو ببقى ممل كيف؟ بمتعكم مجاني وبعد دا يجيك واحد من وين يقول ليك حمار وواحد يقول ليك كلجة الغل الجواكم تجاهي هو الفيد باك بتاع متعتكم بكتاباتي |
غايتوا يا المستنير في ناس تكون عملت ليهم قرحة عديل
---
فكيت التشفير حق البوست ده 😡😡😡😡
الله هونيني
| |
|
|
|
|
|
|
|
|
|
Re: مساخة البورداب (Re: محمد المسلمي)
|
| Quote: أنا وأخوي حاتم إبراهيم |
اههههها
ايش جاب لجاب
انتا كمان داير تخت راسك براس حاتم ابراهيم
والله هانت الزلابية في سودانيزونلاين؛
انت مسيخ وبايخ
وبعدين ما عندك اي رصيد لفكرة مركزية تدافع عنها؛
وقطعا ليس لديك اي فكرة مركزية!!!
غاية الشو بتاعك انك في امريكا
اههها وبعدين؛
ياخ انت مغشوش في نفسك شديد والله....
وبعدين حاتم مداخلات موزونة بموية الدهب؛
المداخلة تقعد تتامل فيها وتستمتع؛وتسرح وتستريح!!
وتحلق؛
وتشكر سودانيزونلاين وبكري ابوبكر والاسافير؛
قال حاتم ابراهيم قال ؛؛
يا راجل!!!!!
| |
|
|
|
|
|
|
|
|
|
Re: مساخة البورداب (Re: عبدالمنعم الطيب حسن)
|
.
..
...
يا منعموف ليه القساوة الشديدة دي ياخ ؟؟؟
ما عهدناك هكذا ...
المستنير لا يقل روعة عن حاتم وانت لا تقل روعة عنهم الاتنين ...
والله المستنير وحاتم ديل الواحد قاعد يفتش لمداخلاتهم بالفتاشة ...
واكتر ناس جدد تركوا بصمة واضحة في المنبر (في اعتقادي طبعا) ...
.
.
.
يا مستنير عليك الله رجاءا ...
ما تنفعل وخليك "ريلاكس" وحاول انحنى للعواصف الكابة فيك من جميع الجهات دي ...
...
..
.
| |
|
|
|
|
|
|
|
|
|
Re: مساخة البورداب (Re: عبدالمنعم الطيب حسن)
|
المشرف ضحكتك وديتها شرق غرب غلبتني اديها مذكرة تفسيرية
آي درديري في مساخة مليحة وفي قطامة
صحي يا دهب في ناس يا فيها ولا اطفيها
حبابك مسلمي
يا بكري انا راي فيك كويس لكن مرات ياخ انت عقرب بس
والله يا طلحة في مساخة محببة ذلك الالم اللذيذ لكن في ناس بطقو في الراس يجيبو الزول ناشف
يا نعومة جيبي ليمونتك مافي نماذج
وين يا حمد هههه لومك علي واحد الحوداث وواحد الحراسة
يا اباذر لو فرزت إلا يفرزونا بالصلع انا مخنفس
يا صلاح في ناس طبع كدة ولا تكون اتقنطرت وتحلا ليهو الشوتة
يا غالي مالو ياخ اخرج من النص لكن كمان ما تعفص
يا منعم تعجبني في بكري ردوده التي لا تتجاوز نص سطر
من ما يكتر بجوطها
حاتم ساخر سخرية مفرطة بس هو بكون قاصد زولو
| |
|
|
|
|
|
|
|
|
|
Re: مساخة البورداب (Re: Mahjob Abdalla)
|
يا قسم ياخ بعتذر ليك بصدق لو أزعجتك كلماتي
هاهو يحلم
في خريف عمره يحلم
دعه يحلم
هو الحلم بفلوس
قال انا حاتم
انت محض موهوم وصغير هذا كل ما هناك....
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
ود ابو سن
بوست في الصميم،،،
وشكرا...
يحى قباني
...ما حرفين بس ، انا بكتب ليك الاسم بالكامل،،، امسخ واحد في البورد، ولكن في الخاص ، وبشرط السرية
..وكفاية العلينا،،،
ودمتم بخير وعافية
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
سلام مربع
يا ود أبو سن .. أنا ما كنت قابل العنوان مباشر .. قلت يمكن البوست فيهو فكرة تعجبني لأني حريص على قراية بوستاتك
لكن بصراحة خذلتني
خليك من المساخة .. المنبر دا بتلاقيك فيهو حاجات أوســـخ من المساخة ذاتها
بس المهم كيف ترد عليها بطريقة مناسبة
لكن ما بتستحق كل البحيت دا
هي المساخة بقروش .. البتماسخ معاك أديهو جرعتين !
_________________________________
يا أبوبكر عباس .. الصورة وصلناها لخالد كودي .. بعدين يا ابو بكر بطل حركات .. شنو المنبر دا لو ما أنا كان قفل ! إنت قفة ولا أضان قفة .. بلاش مساخة معاك
مع تحياتي،،،
عاصم فقيري
| |
|
|
|
|
|
|
|
|
|
Re: مساخة البورداب (Re: Asim Fageary)
|
Quote: المساخة والإستفزاز الذكي الذي نصنعه أنا وأخوي حاتم إبراهيم يلعب دور كبير في إثراء الحوار الحقيقي
وهو العامل الأساسي في جاذبية المنتدى.
لو خلينا الحوار لطريقة قباني وأصاحبة لتحول المنتدى لمجوعة واتساب سمجة تبدأ يومها ب:
جمعة مباركة
وكيف قيلتو
كتاباتك رائعة يا رائع |
يا بُلبُل ... يحيى قباني لما كتب يسأل ( جمعة مباركة ) دي شنو كمان ...
انت لسة حايم مع اللبل ما جيت هنا ...
كدي اقرا امكن تتعلم حاجة ...
انتو قصة ( جُمعه مباركه ) دي شنو ؟ انتو قصة ( جُمعه مباركه ) دي شنو ؟
________________________________________________
حفيظ يا صاحب ...
شايف البوست شركو قبض ...
يا ريت لو تفتح لينا بوست عن البلادة و عن ثقلاء المنبر ...
| |
|
|
|
|
|
|
|
|
|
Re: مساخة البورداب (Re: يحي قباني)
|
غايتو يا بسمات لو فتحتي خشمك تتردمي ردم
قطمي بس
واعملي رايحة
في مساخة تضحك القراء فقط وليس المتماسخ عليه
وهو تكتيك يهدف إلي انهاك المحاور نفسيا
محتاج لمحاور ذكي يعكس المساخة
زي الزول الغلب واحد في الكوشتينة وبقا يتماسخ عليهو ويكاوي
المهزوم قال ليهو
ما تضحك علي
اضحك علي ابوي الما خلاني اباري الانادي والقهاوي وابقا حريف زيك
ختاها ليهو في التمانية
ولا
بيضها ليهو عديل كدة
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
يا قباني عندي فكرة بوست قديمة
ملاوز منها
اللياقة
بفتح كل الحروف
لايوق
يقول ليك دة زول لايوق
كان عندنا واحد في حلتنا لو شاكلتو الا ترحل
ميتان وكحيان
تشاكلو الله قال بي قولك
تكسرو تدق بيهو الواطة ما بخليك
يجيك مفلق جوة بيتكم يفنك بي حجر ويعمتك
الناس بتختاهو
| |
|
|
|
|
|
|
|
|
|
Re: مساخة البورداب (Re: عبدالحفيظ ابوسن)
|
Quote:
ودا زي ما قال أبو العزائم الشيء البخطر على بال القاريء للبوست
يعني عشرين نفر خطرت على بالم |
لا حول ولا قوة إلاّ بالله.
يعني لو ما جيت داخل هنا كان الكلام ده إتثبت عليّ
أنا قلت (ممكن) يخطر على بال واحد ... لكن ما قلت ده البيخطر على بال القارئ.
بعدين الكلام ده لو هو القاصده أبوسن يكون غلطان، لأنو دي ما مساخة ..... دي أذية.
حتى المساخة .... البيمارسها مفروض يتخيّر البتماسخ معاهو ... مش تكون دي أساس مشاركاتو
سلام عبدالحفيظ
| |
|
|
|
|
|
|
|
|
|
Re: مساخة البورداب (Re: محمد أبوالعزائم أبوالريش)
|
محمد عبد الله الحسين
قلت فاوفيت وكفيت ، ولا نزيد، ، لا فض فوك،،
وفعلا زي ما قلت في ناس بيفتكروا الرد البايخ والمسيخ والثقيل نوع من القوة وان مثل هذا
الرد بيديه قوة،،،
وهو لا يعرف ماذا يفعل مثل ذلك الرد البايخ والمسيخ والثقيل في نفسيات الموجه اليه الرد،،،
وفي ناس بيصطادوا دائما في المياه العكرة ومابيرتاح الا لمن يثير الفتن ويغضب الاخرين،،،،
ولا يستطيع العيش في جو صاف يسوده المحبة والاخوه واحترام الراي الاخر ، مهما كان الاختلاف
في الراي كبيرا،،،
ودمت بالف خير وصحة وعافية،،،،
| |
|
|
|
|
|
|
|
|
|
Re: مساخة البورداب (Re: Salah Zubeir)
|
آسف لعزائم لعدم الدقة
لكن ما دام ممكن يخطر على بال واحد ممكن يخطر على بال عشرين
بعدين وين المشكلة لو خطر على بالي أنا بس وقلتو؟
(السؤال دا ليس موجه لك بشكل شخصي)
هل قلتو من غير سياق؟
هو نفسو حبيب نورا وجه اتهام ضمني من غير دليل للدولة بمصادرة حرية النشر،
لماذا لا يتحمل اتهام معاكس؟
كان رسلت رسالة لدار رفيقي مستفسرًا عن المصادرة، لكنهم سفهوني
| |
|
|
|
|
|
|
|
|
|
Re: مساخة البورداب (Re: أبوبكر عباس)
|
اتوا بسمات دي بتدور تدور دايرا تقول شنو؟
تكوني لسّ زعلانة لأنو زمان اتشبكت معاك لمان اتي وأميرة كنتن زول واحد
أنسي يا أخ
الكلام داك طوّل
| |
|
|
|
|
|
|
|
|
|
Re: مساخة البورداب (Re: أبوبكر عباس)
|
سلام مربع
يا محجوب عبدالله .. الكرفتة ذاتا جزء من المساخة في المنبر دا .. أو هكذا يعتبرها البعض
________________________________
طبعاً أبوبكر المستنير جلاني مخصوص وخلى تعليقي ومشى رد ل بت الشيخ .. شفت الزول دا يا ود أبوسن بعمل حاجات أسوأ من المساخة ذاتها
مع تحياتي،،،
عاصم فقيري
| |
|
|
|
|
|
|
|
|
|
Re: مساخة البورداب (Re: Asim Fageary)
|
طبعاً يا عاصم،
مرات عدم الدخول البوستات ذاتو مساخة،
قلت لي شنو قصة المنبر حقك؟
عليك الله شوف دائما الصفحة الأولى فيها بوست معنون بالمستنير
يا المستنير قال
يا المستنير مرّ من هنا
يا المستنير أمل الأمة
شكرا لايصال صورة طه ومدرس الفنون بالسني لخالد كودي صاحب طه
| |
|
|
|
|
|
|
|
|
|
Re: مساخة البورداب (Re: أبوبكر عباس)
|
هلا بالمستنير
عندي سؤال ... إنت في بوست كان حايم أنا أمبارح أول مره اشوفه كاتبه محمد E سليمان .. موجه لكمال عباس عن موضوع إنه الكتاب محرف بتاع أهل الكتاب وحاجة زي كدا
البوست مشربك شربكة بطالة قلت أدخل افكك فيهو .. جيت الآن لقيتو غطس نهائي .. أو تم حذفه تماماً!
عندك فكرة هل تم حذف البوست ؟
مع تحياتي،،
عاصم فقيري
| |
|
|
|
|
|
|
|
|
|
Re: مساخة البورداب (Re: أبوبكر عباس)
|
المداخلة بتاعتي في بوست حبيب نورا ممكن تكون أذية لو كان هو فعلاً متأكد من مصادرة الرواية، وأنا جيت طرحت إمكانية المؤامرة للدعاية.
الكلام بتاعي مربوط بموضوع الحوار ويتناول احتمالية ممكنة
أوجدتها المشاركات
لماذا لا يعتبر اتهامه الضمني أذية لسمعة المعرض؟
| |
|
|
|
|
|
|
|
|
|
Re: مساخة البورداب (Re: أبوبكر عباس)
|
الفرفرة دي أآآآ كويسه يا بكور ياخي ..
ومنظرك بايخ قدام جمهورك.
وضعية تذكرك بامتياز انو السترة والفضيحة الخ الخ ...
انا عارف انك اتعرضت لى هزائم كتيرة في الآونة الأخيرة ..
الا أن ما يزيد الامر سوء هو جنس البطبطه البتسوي فوقها دي.
أكلها في حنانك ياخ .. و اعتبرها كفارة ساي للعملتو ماقبل الارشفة .
عاوزك تطلع معمد بي تجربة هزيمة وترجع "فاكهة" منبر كما كنت قبل أن تجتاحك جائجة المساخة واللؤم.
قبل ذلك, ومن بعده, عاوز أعلن ليك عن احترامي الكبير لشخصك المتواتر خارج اطار هذا المنبر. ومن ثم احترامي لك داخل حدود المنبر.. هي شهوة المودة الظاهرة اذن يا دكتور. ولو شئتها معلنة من خلال بوست مفرد لذلك وجميل.. فذلك حق أصيل دونما شك.
كن بخير
| |
|
|
|
|
|
|
|
|
|
Re: مساخة البورداب (Re: محمد حيدر المشرف)
|
طبعا يا مشرف، انتو المزعلكم انو انا قريت البوست خارج تاريخ النظام من مصادرة للحريات.
كلكم انخدعتوا
كدي خليني أعلمكم كيف تقروا البوستات
شوف في البوست المعني
نعمات قالت ليهو اشتريتها من المعرض
جاء حبيب قال ليها: ما دام اشترايتها بقروشك استماعي بيها
بعدها قال
لا أقول تمت مصادرتها لكن دي افادة الناشر وحتى افادة أخرى
الإفادة الأخرى مرّ عليها قبل دقيقة
!!!
كلكم ناس تعبانة
تقرأ من غير وعي
| |
|
|
|
|
|
|
|
|
|
Re: مساخة البورداب (Re: أبوبكر عباس)
|
ابو بكر عباس
والله با ابو بكر المستنير انا بلف وبدور لكن ابدا ما قاصداك انت لانك واحد من اظرف الناس في البورد وانت ابدا
ما وش المساخة ، وصاحب البوست ود ابو سن بيعرف منو المسيخ، وعمنا يحى قباني بيعرف منو امسخ زول
وهم شاهدين انت مافي بالي وانا بلف وبدور ،،،
واتا ما متذكرة ابدا انك اتشبكت معاي قبال كدى،،وحتى ولو حصل، بعتبر انك. بتهظر او ادخال بسمة في وجوه
اعضاء المنبر دون نية اذية ،،،
ووالله انا بعتبرك من رموز المنبر العام ومن الارقام الصعبة التي لا يمكن تجاوزها،،،،
والمساخة خليها للناس التانين وهم معروفين وتاكد انت ما منهم،،،
ودمت بخير وصحة وعافية
| |
|
|
|
|
|
|
| |
عبدالحفيظ ابوسن
يحي قباني
علي دفع الله
محمد عبد الله الحسين
جلالدونا
Osman Awoda
محمد البشرى الخضر
ABUHUSSEIN
حيدر حسن ميرغني
محمد حيدر المشرف
عمر دهب
محمد المسلمي
طلحة عبدالله
نعمات عماد
حمد عبد الغفار عمر
أبوذر بابكر
صلاح حمد
عبدالمنعم الطيب حسن
قسم الفضيل مضوي محمد
معاوية المدير
Mahjob Abdalla
Asim Fageary
محمد أبوالعزائم أبوالريش
معاوية الزبير
Muhib
Salah Zubeir
فيس بوك
تويتر
انستقرام
يوتيوب
بنتيريست