انتو قصة ( جُمعه مباركه ) دي شنو ؟

Quote: هل هي بدعة ( إنقاذية ) ...؟

Quote: ههههه والله يا يحيي إنت زول واضح ودغري وصريح أنا عاوز أسال بس ملاوز Quote: هل هي بدعة ( إنقاذية ) ...؟ ما أظن مرقت من السودان 2009 ما كانت موجودة تحياتي

Quote: هل هي بدعة ( إنقاذية ) ...؟

Quote: كما يقال :السيد الوزير الفلاني ربنا يجعل عمله في ميزان حسناته!

Quote: بل هي بدعة إسفيرية علي ما أعتقد. الحكاية دي منتشرة في عالم الأسافير بصورة واضحة وليست قاصرة علي السودانيين. سلآمات يا يحيى...

Quote: بل هي بدعة إسفيرية علي ما أعتقد. الحكاية دي منتشرة في عالم الأسافير بصورة واضحة وليست قاصرة علي السودانيين. سلآمات يا يحيى...

Quote: قال " طارق حجى " معلقاً على تأثير تيار الإسلام السياسى على المجتمع , أن المصريون المسلمون كانوا يقولون بعد الصلاة "حرما" ففرض عليهم المتأسلمون (بثقل ظلهم) قول "تقبل الله" ! وكنا عند تقديم العزاء نقول "البقية فى حياتك" ، ففرض علينا السخام الوهابي تعبيرهم االسخيف "البقاء لله". وكنا نحي الناس ونقول : "مساء الخير" او "سعيدة" ففرض علينا المتأسلمون صيغة سخيفة للتحية. وكان منظر المصريين فى الحفلات (حفل أم كلثوم كمثال) يسر الخاطر ، فأصبح "القبح" من معالمنا !!

Quote: بل هي بدعة إسفيرية علي ما أعتقد. الحكاية دي منتشرة في عالم الأسافير بصورة واضحة وليست قاصرة علي السودانيين. سلآمات يا يحيى...

Quote: سؤالي هو ... عشت في السودان 29 عاما قبل تركه للبحث عن الرزق ... كنا نصلي الجمعه ... و نتخير ( احسن ) الجلاليب لدينا ... و نتسامر بعد الصلاة ... ولكني لم اسمع في حايتي ان كنا نبارك الجمعة لبعضنا البعض كما يحدث الان .؟

Quote: Quote: قال " طارق حجى " معلقاً على تأثير تيار الإسلام السياسى على المجتمع , أن المصريون المسلمون كانوا يقولون بعد الصلاة "حرما" ففرض عليهم المتأسلمون (بثقل ظلهم) قول "تقبل الله" ! وكنا عند تقديم العزاء نقول "البقية فى حياتك" ، ففرض علينا السخام الوهابي تعبيرهم االسخيف "البقاء لله". وكنا نحي الناس ونقول : "مساء الخير" او "سعيدة" ففرض علينا المتأسلمون صيغة سخيفة للتحية. وكان منظر المصريين فى الحفلات (حفل أم كلثوم كمثال) يسر الخاطر ، فأصبح "القبح" من معالمنا !!

Quote: القصه دى انا زاتى محيرانى ، واعتقدته انها ليها علاقه بالتدين المظهرى السائد الآن

Quote: تعبيرهم االسخيف "البقاء لله"

Quote: الاخ يحى قباني ضيف ليها كمان كلمة احتسب .. انت عارف الحاجات دى فعلا ما كترت وقدو بيها الناس الا في زمن الانقاذ دى .. ياخى كمان انا اكتر حاجة غايظانى بالجد انت ما عارفها شنوو واعتقد الحركة دى عشان يقرزوا بيها ناسهم ... اللى هى مدت الاصبع السبابة في جميع مناسباتهم اى كانت مظاهرات ولا اناشيد .. والواحد تلاقاهو يشب فوووق معاها زى العاوز يقول ليهم اها شوفوني يا ناس .. الناس دى شكلها كترت في البايسون شديد يا قباني . بس انت عارف انا بأيد كلام المدير ده العالم الاسقيري روج للحاجة دى شديد .

Quote: Re: انتو قصة ( جُمعه مباركه ) دي شنو ؟

Quote: Rehab Mohammed · الأكثر تعليقا · اكاديمية السودان للعلوم المصرفية والمالية السلام عليكم يا قبّاني وربنا يتقبّل الوالدة قبولاً حسناً طابت جمعاتك السابقة وبارك الله لك في جمعاتك القادمة :) في رأي ممكن نرجع للحديث الصحيح بأن خير يوم طلعت فيه الشمس يوم الجمعة وبما خصصها الله من دون ايام الاسبوع وجعلها يوم عيد اسبوعي ولذلك اعتقد جأت التهنيئة بمباركتها والحسنة تعود لمن ابتدعها. إجتهاد منّي وتحيّاتي

Quote: الان فى عصر الواتس اب والفيسبوكات والانتستقرام و و و و اعرف كثيرين ولاابرئ نفسى ان يتم تذكيرهم بهذا اليوم فى نفس اليوم (ياهناى الليلة ماجمعة قوم الصلاة فاتتك)فاعتقد الاخوة المبتدعون لتلكم البدعة الحسنة رؤ انها من الادوات اللى تعين الناس على رجوعهم الى اصولهم الطيبة بالجد وانشغال الناس بالملهيات عن روح الدين وعبق التدين الحقيقى وليس كما نرى فى احوال بعضهم مظاهر ودعايات وهنالك مجتمعات فيها درجة مخيفة من البعد نسئل الله السلامة فاذا كانت هذه الرسائل والتهانى تصب فى خانت تذكير الناس بخير الايام فحبابه عشرة والا فلامر كماقال الاخ طه جعفر فورة وتغيير نمط مجتمعى

Quote: زمان كنا نصلي الجمعه ونخرج نتونس امام الجامع في امورنا العامه وكل يذهب الي بيته او الي بيت احدانا نتغدي ونعلب الكتشينه ثم نذهب لي ميدان الكورة حيث الترفيه وكنا نعيش بقلوب صافيه تحفها المحبه الوئام ولا كنا محتاجيين ان نسمع هؤلاء الوعاظ الشاذيين في منطقهم وتفكيره العقيم .. تسلم حبيبنا

Quote: تخيّل !! البقاء لله يراه تعبيرا سخيفا!! Quote: صيغة سخيفة للتحية ويعني السلام عليكم, تحيّة الإسلام سبحان الله زي الكلام دا - بعد مسؤولية قائليه عنه طبعا - جزء من المسؤولية يعود للنماذج السيئة التي ضربتها الإنقاذ و الإسلام السياسي عموما, لمّا واحد حرامي عديل وعارف الناس عارفنه حرامي يربّي دقن ويشبكك جزاك الله خير, لمّا بتاع الأمن بعد يضربك و يسبك وأهلك بأفحش الألفاظ ويمكن يسب ليك الدين حتى ثم بعد دا كلّو تلقاه مستعجل عايز يلحق صلاة الجماعة!! لكن هذا ليس عذرا للإنسان العاقل ليكره الإسلام بسبب تصرفات بعض المسلمين حتى لو ارتكبوها بإسمه

Quote: أحدك مبارك يا يحي !.. في البداية أتفق تماماً مـع أخونا معاوية إنو دي ثقافة سفيرية أو قل فيسبوكية أو chاتية (من chat) والسودانيين مقلدين وليسوا (اصلاء) أو كما قال أمين حسن عمر؛ رغـم إتفاقي مع ود البشرى إنو الإسلامويين كرّهوا الناس في كل المظاهر الدينية، يعني الحصل العكس: لم يتبع الشعب مظاهر تدينهم الفارغة بل نفـر منها وبقى يتجنبها درءاً للشبهات مثل قولهم: جزاك الله خير؛ رغـم أن الحديث قال ما معناه إنها: أبلغ الثناء. وفي تعبير شايع بقول: الله أكبر القديمة، ممكن الناس بعد شوية الواحد في الصلاة يقول: الله أكبر القديمة، لا إله إلا الله القديمة الخ الخ! بالمناسبة موضوع التحية الذي أشار له الأخ العزيز محمد البشرى ذكرني إنو والدنا عليه رحمة الله، كرجل ذو ثقافة إسلامية وليست إخوانية، علمنا قبل سنوات طويلة من مجئ الإنقاذ ألا نقـول له: صباح الخير؛ بل السلام عليكم، وحتى لامـن نقولها ما كان بعنفنا لفظياً لكـن برد: وعليكم السـلام . والحمد لله أخواني قبلي قد علموها لأبنائهم. أنا راي إنو بالعكس ما نخلي ليها ثقافتنا ولا دينا زي ما رفضنا نخلي عاداتنا وتراثنا و(قيمنا) وما محاكمة أميرة عثمان اليوم إلا نموذج بسيط لرفض الشعب والشباب الذي نشأوا في زمانهم لخزعبلاتهم ودجلهم؛ وبنفس القدر نعلي من شأن تربيتنا الإسلامية لأنها حقتنا مش حقتهم وما نحردها ليهم لتزداد تشويهاً وتغريباً..

Quote: عمنا يحيى قباني بقى سلفي ^___^ جمعة مباركة دي بدعة يا عم يحيى ما قالها النبي عليه الصلاة والسلام ولا الصحابة ولم تكن التهنئة بيوم الجمعة أو يوم الاثنين مثلا (مولد النبي) أو الخميس (ترفع فيه الأعمال) لم يكن معروفا عندهم التهنئة بها وزي ما قالوا ليك الإخوان هي بدعة إسفيرية أو شاتية ظهرت في عصر انتشار وسائل التواصل الاجتماعي وهي بتجيك من السودان كتير لأنك سوداني ومعظم معارفك من / في السودان بس بالله يا عم يحيى بنفس رفضك للبدعة دي تقتنع بي رفض باقي البدع وتبقى سلفى معانا ^________^

Quote: Quote: Re: انتو قصة ( جُمعه مباركه ) دي شنو ؟ والله ياقباني نفس الاحساس ...تعرف انا بقيت مابرد علي زول يقول لي جمعه مباركه لانها ابت تركب لي في راسي نهائي وماعرفتها جايه من وين علي اظن من الشوام ... ايام الله كلها مباركه والبيقول لي جمعه مباركه بقول ليه عليكم السلام .. طبعا الجواب بتاع جمعه مباركه بيقولو جمعه مباركه علينا وعليك :)

Quote: برضو من العبارات اللي انتشرت في عهد الانقاذ وقاعدة ترفع لي الضغط لأعلى معدل عبارة (الشاهد في الأمر انو) تحياتي يا أخ يحيى وضيوفه

Quote: Bakry Mohammed Musa · يعمل لدى ‏المنظمة السودانية العالمية للمياه‏ انتو حكومة السجم دي الا تدخلوها في اي شئ ؟؟ جمعة مباركة دي بدعة اسفيرية وخاصة بالفيس بوك ومن الحاجات البتغيظني في الفيس شديد لانه بتلقاها يوم الجمعة مليون واحد عامل بيها بوست ومن الخميس بالليل مرات..وما حصل علقت ولا لايكت لبوست زي ده.. واظن بدأوا بيها العرب ونحن متابعنهم كالعادة .. ومعظم اعضاء الفيس ما عندهم مواضيع يعملوا بيها بوستات فبعملوا بوست الجمعة ده اساسي يعني نحن قاعدين وكده

Quote: السؤال يا يحيى: هل حقيقة تحسنت اخلاق الناس أم ساءت؟ شكرا على هذا البوست اللماح

Quote: سلام باشمهندس يحيى يبدو أنها من أثار الحوامة الإسفرية وشبكات التواصل الإجتماعى وليست سودانية أو إنقاذية الأصل ملاحظتى من قابلتهم فى صلوات الجمعة بالسودان لم اسمعها منهم وهم ما ناس إنترنت

Quote: سلامات يا قباني من واقع خبرة طويلة بالشئون السعودية استطيع أن أؤكد لك أن هذه البدعة صناعة سعودية مائة بالمائة و ابتدأت بتشجيع من شركات الاتصالات في شكل رسائل SMS ثم وجدت طريقها للانتشار، و نحن طبعا جاهزين لتبني كل ما يعبر البحر الأحمر و العمل به بكل حماس.

Quote: جمعة مباركة يا يحيي

(عدل بواسطة يحي قباني on 09-06-2013, 03:47 AM)

Quote: اري ان هذا تنطع منكم لاغير هل عيبها انها مستحدثه؟

Quote: Abu Mohd Foad Mohd · بحري الحكومية ** ود قبانى .. ** سلام .. ## ويمكن إضافة هذه العباره لزمن البحث الإنقاذى :- جـــــاخ .. وهى إختصار لــــ (جــ زاك ا لله خــ ـيـــر) رد · · ‏1 سبتمبر‏، الساعة ‏12:41 مساءً‏