Post: #2
Title: Re: مساخة البورداب
Author: عبدالحفيظ ابوسن
Date: 10-29-2017, 04:45 AM
Parent: #1
ومعاها قطامة
|
Post: #3
Title: Re: مساخة البورداب
Author: عبدالحفيظ ابوسن
Date: 10-29-2017, 04:50 AM
Parent: #2
الواحد يفتش لي اقطم حاجة يضيفها للرد
|
Post: #4
Title: Re: مساخة البورداب
Author: عبدالحفيظ ابوسن
Date: 10-29-2017, 04:59 AM
Parent: #3
تناقصت مساحة التسامح
تناقصت كثيرا
الضرب بقا في الركب
|
Post: #5
Title: Re: مساخة البورداب
Author: يحي قباني
Date: 10-29-2017, 05:39 AM
Parent: #4
يا ريت امثلة يا حبيبنا ...
عشان البوست يكون مثمر ...
|
Post: #6
Title: Re: مساخة البورداب
Author: عبدالحفيظ ابوسن
Date: 10-29-2017, 05:44 AM
Parent: #5
يا قباني امسك اي بوست من طرف
تلاتة بوستات بتلقاهم يا التلاتة يا واحد منهم فيهو مساخة
واشارات وعلامات
ولا كمان مرات طزززز كدة
|
Post: #7
Title: Re: مساخة البورداب
Author: يحي قباني
Date: 10-29-2017, 05:47 AM
Parent: #6
طيب سهلها شوية ...
ان شاء الله اول حرفين من الاسم ...
|
Post: #8
Title: Re: مساخة البورداب
Author: علي دفع الله
Date: 10-29-2017, 05:49 AM
Parent: #7
توفيق بتاع الضهاري
الشهير بتوفيق دقارات
|
Post: #9
Title: Re: مساخة البورداب
Author: عبدالحفيظ ابوسن
Date: 10-29-2017, 05:53 AM
Parent: #8
والله يا علي توفيق دة اقرع ما مبالي من قوبة
تراهو من عنوانو برش الجماعة
ولا برفع منهم
تعرف يا علي
الناس ما بتحسبو تراهو معروف
لكن بتحسب الناس البتفاجئك
والله عقرب بس
جربت ضربت عضم الشيطان؟
لا تعرف تبكي ولا تضحك
|
Post: #10
Title: Re: مساخة البورداب
Author: محمد عبد الله الحسين
Date: 10-29-2017, 05:53 AM
Parent: #8
الأخ ابوسن كلامك صحيح للحد البعيد...
أعتقد في ناس بيفتكروا الرد البايخ مُفحِم و نوع من القوة و بيعطي الشخص مكانة مُتْوَهَّمة و بيرضي نفسه المخدوعة..
فعلا قبل كم يوم لقيت كمية من الاتهامات و (القنص) و السك و المتابعات و الرصد ...كأنه نحن في غابة ...و الله شعرت بنوع من السأم و القرف..
و براي قلت الناس ديل مالم كده الواحد يشوف الرد الجميل المهذب ضعف...و المسامحة ضعف....
و دايما السؤال البيجي لي ذهني هل هي الشخصية السودانية هي مفتاح الفهم العام لكل سلوكنا؟
|
Post: #11
Title: Re: مساخة البورداب
Author: عبدالحفيظ ابوسن
Date: 10-29-2017, 06:02 AM
Parent: #10
في قطامة من وراء حجاب
يخش ليك في بيتك ولا يسلم عليك وينزل شايت في قونك
ولا يتجاهلك عنية في الرد
يرد بالترتيب الفوقك والتحتك ويجي ماري فيك بي نمرة خمسة
ولا يرد علي كلامك دون ان يشير ليك برده علي غيرك
|
Post: #12
Title: Re: مساخة البورداب
Author: عبدالحفيظ ابوسن
Date: 10-29-2017, 06:05 AM
Parent: #11
صحي يا محمد
يخلوك تتدرق
تكتب مشاركتك وتعمل ساتر
|
Post: #13
Title: Re: مساخة البورداب
Author: يحي قباني
Date: 10-29-2017, 06:11 AM
Parent: #12
يا صاحب ...
البوست ده حيموت بالطريقة دي لو ما جبت لينا امثلة ...
و المثلة مهمة عشان كمان الناس الما متابعين يعملوا حسابهم ...
|
Post: #15
Title: Re: مساخة البورداب
Author: جلالدونا
Date: 10-29-2017, 06:17 AM
Parent: #13
انت يا عم قبانى بتحكحك فيها كده مالك
يعنى الا بقول محمد البشرى الخضر يعنى
غايتو كان جانى بى متّارية عندى الدليل
|
Post: #16
Title: Re: مساخة البورداب
Author: Osman Awoda
Date: 10-29-2017, 06:18 AM
Parent: #13
خليك من اب سن،،،انت لو عندك امثلة
جيب لينا والحساب ولد😉😉
|
Post: #14
Title: Re: مساخة البورداب
Author: قصي محمد عبدالله
Date: 10-29-2017, 06:15 AM
Parent: #11
النفسيات.
الكِبر.
الجهل.
الحمية.
البغضاء.
الثأر لترسبات قديمة.
الإحساس بالدونية.
الإنشغال بأمور أخرى.
إنتهاء كوتة المداخلات المسموع له بها.
السطحية.
التنصّل من الموضوع.
--------
ريح بالك ولا تذهب نفسك عليهم حسرات
|
Post: #17
Title: Re: مساخة البورداب
Author: يحي قباني
Date: 10-29-2017, 06:22 AM
Parent: #14
Quote: خليك من اب سن،،،انت لو عندك امثلة
جيب لينا والحساب ولد😉😉 |
الا بي كرتونة منقة ...
|
Post: #18
Title: Re: مساخة البورداب
Author: محمد البشرى الخضر
Date: 10-29-2017, 06:23 AM
Parent: #14
ما عندكم زوق بتعريفة, و الحالة كتبها ليكم عديل كدا | Quote: يخش ليك في بيتك ولا يسلم عليك وينزل شايت في قونك |
سلام عليكم ود اب س :)
|
Post: #19
Title: Re: مساخة البورداب
Author: يحي قباني
Date: 10-29-2017, 06:26 AM
Parent: #18
باقي ليكم ود المدير و البوست يبقى بوست مونساتية ...
ما خاتي عليكم عمكم ادم ...
|
Post: #21
Title: Re: مساخة البورداب
Author: Osman Awoda
Date: 10-29-2017, 06:29 AM
Parent: #19
منقة عصير (بفتح العین) ولا مص؟؟
|
Post: #20
Title: Re: مساخة البورداب
Author: ABUHUSSEIN
Date: 10-29-2017, 06:29 AM
Parent: #18
أبو سن السلام عليكم ياخ ...
| Quote: الا بي كرتونة منقة ... |
إنت برضو وعدك بي كرتونة منقا ...؟؟؟؟؟؟
|
Post: #22
Title: Re: مساخة البورداب
Author: عبدالحفيظ ابوسن
Date: 10-29-2017, 06:46 AM
Parent: #20
اوووو عووضة
قباني داير يمسكني الفاضي . يشيل المنقة ويخلي لي العضم . العضم دة فرار ما يكسرو
يقنطرني ويقعد بعيد يعاين لي يشوف الناس يتعلمو فيني النيشان
اكون دقوس
|
Post: #23
Title: Re: مساخة البورداب
Author: عبدالحفيظ ابوسن
Date: 10-29-2017, 06:59 AM
Parent: #22
نحن يا جلال عندنا حكاية طالعني الخلا
وكان راجل
تنتصر يعني تنتصر
اها تتماسخ علي اقوم ازيد جرعة مساختي واردها ليك
ولا ألبد ليك في بوست تاني اختها ليك حاااامضة
واحد من عيوب المساخة والقضامة انها تخرج اسوأ ما في داخلنا من لؤم وقطامة
ولازم افوز عليك
قال ليهو شتت تيراب قصب السكر الصباح قطعتو تاني يوم نجيض
قال ليهو
انا بزرع فيهو وانط
|
Post: #24
Title: Re: مساخة البورداب
Author: حيدر حسن ميرغني
Date: 10-29-2017, 07:01 AM
Parent: #20
انت ياحفيظو شغال بالحاجات دي ليييه ))
المنبر ده لازم يكون كده وإلا ما يبقى فعلا منبر
الناس هنا ما متساوية بالطبع في طريقة تفكيرها ولا في خلفياتهم المعرفية
بالضرورة تجد المسيخ والمتعالي وعكسهم تماما
يبقى الخيار خيارك انت .. مع من تتداخل .. ولمن تقرأ من غير ما تتداخل
حكاية الواحد يقعد يحلل المنبر وناسو بقت في حد ذاتها مساخة ( لا اقصدك بالطبع)
المنبر ده عندي زي كشك بيع الجرايد .. اختار الجريدة البتعجبني واتخارج
تحياتي لك
|
Post: #25
Title: Re: مساخة البورداب
Author: عبدالحفيظ ابوسن
Date: 10-29-2017, 07:03 AM
Parent: #24
صدقت يا قصي
|
Post: #26
Title: Re: مساخة البورداب
Author: عبدالحفيظ ابوسن
Date: 10-29-2017, 07:04 AM
Parent: #25
هههه بالغت يا ودو
قالوا
التغابي تلاتة ارباع الفطنة
|
Post: #27
Title: Re: مساخة البورداب
Author: عبدالحفيظ ابوسن
Date: 10-29-2017, 07:06 AM
Parent: #26
حبابك ابوحسين
عندو جنينة ولا شنو هو ؟
بتكون مسيخة زاتا
|
Post: #28
Title: Re: مساخة البورداب
Author: عبدالحفيظ ابوسن
Date: 10-29-2017, 07:10 AM
Parent: #27
اهو بنتونس يا حيدر
لكن المساخة بتمنعك مرات من التداخل في بوستات
آي صحي التعليق الذكي الطريف المضحك محبب
مش المساخة البتخش العضم
في مساخة تخلي الزول يتمني وجود الزول التاني قدامو عشان يفرمو
بكون ضغطو حصل السقف فوق
المساخة التي تقلل من الاخر او تسخر منه
ولا تجعلو اضحوكة
ولا تلبسو اسم دايم سخيف
|
Post: #29
Title: Re: مساخة البورداب
Author: محمد حيدر المشرف
Date: 10-29-2017, 07:24 AM
Parent: #1
هههههه ..
|
Post: #30
Title: Re: مساخة البورداب
Author: درديري كباشي
Date: 10-29-2017, 07:35 AM
Parent: #29
حفيظو أنا غايتو من البعام بتاعين منتصر
أباريه من بوست لبوست
أول مرة أشوف مساخة طاعمة
ههههههههههههههههههه
|
Post: #31
Title: Re: مساخة البورداب
Author: عمر دهب
Date: 10-29-2017, 08:09 AM
Parent: #30
المساخة البتخش العضم...... عشان شنو .. غايتو تذكرنى زمن اللعبات( الاعراس) فى واحدين اخوانا مابيجوا الحفله الا شايلين عصايتهم مكفكفين ومحدرين الطاقيه
|
Post: #32
Title: Re: مساخة البورداب
Author: محمد المسلمي
Date: 10-29-2017, 08:26 AM
Parent: #1
Quote: منقة عصير (بفتح العین) ولا مص؟؟
|
شتلا 🦅🦅🦅🦅ود ابوسن وضيوفه سلامات
|
Post: #33
Title: Re: مساخة البورداب
Author: طلحة عبدالله
Date: 10-29-2017, 08:49 AM
Parent: #32
نزل تحت مداخلة المستجير عشان أنا قبليهو
|
Post: #34
Title: Re: مساخة البورداب
Author: أبوبكر عباس
Date: 10-29-2017, 08:50 AM
Parent: #32
المساخة والإستفزاز الذكي الذي نصنعه أنا وأخوي حاتم إبراهيم يلعب دور كبير في إثراء الحوار الحقيقي
وهو العامل الأساسي في جاذبية المنتدى.
لو خلينا الحوار لطريقة قباني وأصاحبة لتحول المنتدى لمجوعة واتساب سمجة تبدأ يومها ب:
جمعة مباركة
وكيف قيلتو
كتاباتك رائعة يا رائع
|
Post: #35
Title: Re: مساخة البورداب
Author: طلحة عبدالله
Date: 10-29-2017, 08:51 AM
Parent: #34
|
Post: #36
Title: Re: مساخة البورداب
Author: طلحة عبدالله
Date: 10-29-2017, 08:54 AM
Parent: #35
اتا يا عبد الحفيظ حكايتك شنو ياخ ؟
لا عايز الناس (تتسق) ولا عايزا تتقاطم كمان ؟ خخخخخخخ
المهم حلاوة البورد في الاتساق والقطامة وحركات المستجير
بتاعت أنا ماشي منكم تعالوا حنسوني عشان أقعد ..
وبالعدم عندما يفتح أبو حسين وود البشرى بوست يتجاذبا فيهو أطراف الونسة الخبيثة ..
|
Post: #37
Title: Re: مساخة البورداب
Author: نعمات عماد
Date: 10-29-2017, 08:54 AM
Parent: #32
سلام عليكم جميعا
بسيطة ، ممكن كل واحد/ة يجيب او تجيب معاها
سكر، ملح، بهارات، منكهات. و حبوب مضادة للحساسية
و يا بوست ما دخلك شر. 🍐🍇🍏
لو سمحتو شرح بالأمثلة، يمكن أفهم 🤔
|
Post: #38
Title: Re: مساخة البورداب
Author: محمد البشرى الخضر
Date: 10-29-2017, 09:03 AM
Parent: #37
هوي يا مستنير أخير تبعد من البوست دا لأنو ابلغ و احدث مثال حركتك الجبـــانة في بوست حبيب نورة
|
Post: #40
Title: Re: مساخة البورداب
Author: أبوبكر عباس
Date: 10-29-2017, 09:10 AM
Parent: #38
نفترض مداخلتي كانت سمجة،
الكاتب الكبير يستطيع أن يصنع من نوعية هذا التداخل فكرة جديدة، ويكون عارف كيف بخرج من مطبات الإحراج بتاعت القراء
في ذلك البوست
مداخلتي كانت متزامنة مع حديث تلفوني مع زول جوة المعرض وطلبت يشتري لي نسخة من كتب البورداب
يعني بالإضافة لمداخلة نعمات كنت متيقن من وجود الكتاب بالمعرض
لو قلتها ليهو بأي طريقة ما بقبلها
للآن مصر انو ما حدثت مصادرة للكتاب
|
Post: #43
Title: Re: مساخة البورداب
Author: محمد البشرى الخضر
Date: 10-29-2017, 09:21 AM
Parent: #40
ما مشكلة قول ما حدثت مصادرة واساسا هو قال "ما يثار" يعني لم يجزم
انت ليه افترضت سوء النية و ان المسالة ترويج, قراية النوايا و افتراضات حاجات الآخرين و البناء عليها و اصدار الأحكام دي واحدة من مآسي الحوار هنا
|
Post: #39
Title: Re: مساخة البورداب
Author: جلالدونا
Date: 10-29-2017, 09:07 AM
Parent: #37
غايتو يا سنّو بالغت عديل كده
فيها شنو لو اضفت للعنوان ناس اللزوجة و البوامة و الطروقية
|
Post: #42
Title: Re: مساخة البورداب
Author: أبوبكر عباس
Date: 10-29-2017, 09:18 AM
Parent: #39
بعدين داير أقول ليكم حاجة وأنا جادي فيها:
المنتدى دا خلال التلاتة سنين الفاتن
أحييتوا أنا وكان بنتهي زي فورأول لو مشيت منو
هسع نتراهن
بمشي أسبوع؛ شوفوهو ببقى ممل كيف؟
بمتعكم مجاني وبعد دا يجيك واحد من وين يقول ليك حمار
وواحد يقول ليك كلجة
الغل الجواكم تجاهي هو الفيد باك بتاع متعتكم بكتاباتي
|
Post: #47
Title: Re: مساخة البورداب
Author: حمد عبد الغفار عمر
Date: 10-29-2017, 09:36 AM
Parent: #39
انا غايتو منتظر الرد يا ابسن
بس بسأل هل ممكن نفس المساخة دي تكون حاضرة في الواقع لو كان نفس مستوى النقاش حاضرا
|
Post: #41
Title: Re: مساخة البورداب
Author: أبوذر بابكر
Date: 10-29-2017, 09:15 AM
Parent: #1
افرز يا ديجانقو
افرز افرز
اصلو ما تلاوز
وراك رجاله يملو العين
العين والشارقه ودبى ذات نفسها
هههههه
|
Post: #44
Title: Re: مساخة البورداب
Author: أبوبكر عباس
Date: 10-29-2017, 09:26 AM
Parent: #41
دا نوع من النقاش يا بشرى بتمشي فيهو بالحاجة للآخر
بمعنى أقول ليهو:
الكتاب ما اتصادر
بوستك دا ممكن يقرأ كنوع من الترويج
ودا زي ما قال أبو العزائم الشيء البخطر على بال القاريء للبوست
يعني عشرين نفر خطرت على بالم
أنا قلتها
كيف رأوي في بوست عن الرواية لا يستطيع أنا يتعامل مع الإتهام دا؟
وأنا بمشي
وأنا حردان
دي كانت فرصة ليهو ينداح
الزول الشفت في الكتابة وهو بكتب بشيل معاهو ردود الأفعال الممكنة من أي جملة كتبها ويكون واصه ليها إجابة
|
Post: #46
Title: Re: مساخة البورداب
Author: صلاح حمد
Date: 10-29-2017, 09:32 AM
Parent: #41
الأستاذ ود أبو سن وضيوفك الكرام
تحية طيبة وبعد
صدقت هنالك مساخة من بعض البورداب
وفي تقديري المساخة سببها بأن البعض يرى دائما أن رأيه هو الأصح والصواب،
دائما إحترام الرأي الآخر والتحلي بأدب الحوار لا تنتج عنه مساخه،
عجبني رد الأستاذ / حيدر حسن ميرغني الموضح أدناه :
كتب اأعلاه لأستاذ حيدر حسن ميرغني:
(( انت ياحفيظو شغال بالحاجات دي ليييه)
المنبر ده لازم يكون كده وإلا ما يبقى فعلا منبر
الناس هنا ما متساوية بالطبع في طريقة تفكيرها ولا في خلفياتهم المعرفية
بالضرورة تجد المسيخ والمتعالي وعكسهم تماما
يبقى الخيار خيارك انت .. مع من تتداخل .. ولمن تقرأ من غير ما تتداخل
حكاية الواحد يقعد يحلل المنبر وناسو بقت في حد ذاتها مساخة ( لا اقصدك بالطبع)
المنبر ده عندي زي كشك بيع الجرايد .. اختار الجريدة البتعجبني واتخارج
تحياتي لك ))
وتقبلوا تحياتي واحترامي
|
Post: #45
Title: Re: مساخة البورداب
Author: محمد حيدر المشرف
Date: 10-29-2017, 09:31 AM
Parent: #1
| Quote: إفترض مداخلتي سمجه |
لا لا ياخ
نهائي ما تفترض حاجة زي دي يا بكور ياخ ..
|
Post: #48
Title: Re: مساخة البورداب
Author: أبوبكر عباس
Date: 10-29-2017, 09:36 AM
Parent: #45
مثلا زول نرجسي وي المشرف دا
كتب بوست شين رد فعل تجاه اللاجيين السوريين
جيت أنا كزول سمج مسيخ لايوق حيوان كلجة
كتبت مداخلة أقل من سطر
ضرورة تفعيل قانون النظام العام
تعال شوف رد الفعل
أنت أحقر من الحقارة
وواي وووب
وسيوف ومعاوية الزبير يحنس
وأنا ضربت تلفون لتميم يتدخل
لكن لو عاينت للمداخلة العزيمة دي بتلقاها مداخلة مفروض تدرس في الجامعات
|
Post: #49
Title: Re: مساخة البورداب
Author: جلالدونا
Date: 10-29-2017, 09:39 AM
Parent: #45
لالا يا صلاح حمد
المساخة و الطروقية و البوامة lاب تلقاها مفتوح ليها بوست براها عشان تتجاوزا
بتتحشر وسط بوستات مقروءة
شوف بوست ود البشرى عن تراجى
فيهو مساخة و طروقية فى حق زملا ما عادية
عشان كده مسألة تتجاوزا صعب
ود اللبشرى اتماسخ ثى صورة فاتت حد المألوف
|
Post: #50
Title: Re: مساخة البورداب
Author: Haytham Ghaly
Date: 10-29-2017, 09:54 AM
Parent: #49
يعني اسع انتو لا عايزين زول يتماسخ
ولا زول يتجاوز الخطوط الحمراء
ولا يتبايخ
ولا يهظر
ولا يشاكس
ولا يشاكل زاتو
ياخي دا ملل شنو دا؟؟؟
يا جماعة الاختلافات والتباينات دي هي ملح الحياة كلها ناهيك بورد اب صلعة دا
يعني الواحد لو جا فتح موضوع والناس ما اختلفت معاهو واتماسخو معاهو وشاكلوهو وشاكلهم زاتو الفايدة شنو والطعامة وين ؟؟
عشان تعرفو انو المواضيع الجادة مملة وبايخة لاحظو لبوستات الاكشن وقارنو عدد المشاركات وعدد النقرات بينها وبين بقية البوستات
بعدين يا حفيظ ياخي ( اللي موش أد آكشن .. ما يأكشنهاش)
|
Post: #51
Title: Re: مساخة البورداب
Author: محمد البشرى الخضر
Date: 10-29-2017, 10:00 AM
Parent: #49
يا مستنير ما تخلط الاوراق, البتقول عليهن ديل شتايم و افتراءات راسهن عديل لا مساخة ولا تجمع الناس
الشتمك ما زي الانتقد دخلتك الشتراء
خت كل حاجة في محلّها.
يا جلّي, ما تسوط وتعجن ساي, اي مداخل شايف فيها مساخة فاتت الحد اشّر لي عليها وأنا بورّيك سببها شنو وردا على ياتو مداخلة امسخ أو أسخف منّها
|
Post: #52
Title: Re: مساخة البورداب
Author: طلحة عبدالله
Date: 10-29-2017, 10:11 AM
Parent: #51
أحسن ما فى البوست دا انو ما فيهو أية فرقة
لمط وجر المداخلات لكن والله ما نستبعدا من المأجز
دائما دا .. يا رب تلطف بنا وتجعل في كيبوردو اغلالا .. خخخخخخخ
يا مستجير والله حاشاك أن تكون حمارا أو الحاجة التانية دي
لكن من ناحية شليق ومقابضاتي وشايل بطاريتك في القمرا وأحيانا
نوصصصصت نهار فدي أحلف عليها مصحف .
كتب الحبيب القريب Quote:
النفسيات.
الكِبر.
الجهل.
الحمية.
البغضاء.
الثأر لترسبات قديمة.
الإحساس بالدونية.
الإنشغال بأمور أخرى.
إنتهاء كوتة المداخلات المسموع له بها.
السطحية.
التنصّل من الموضوع.
--------
ريح بالك ولا تذهب نفسك عليهم حسرات
|
يا قصى عليك الله قوم لف ياخ .. زي البوستات دي ما كارك
أمشى على الناس المتشككين في وجود الله بهناك وسوق معاك
جرجير دا ما يملانا فقر على الفقر العينا .. خخخخخ
|
Post: #53
Title: Re: مساخة البورداب
Author: جلالدونا
Date: 10-29-2017, 10:16 AM
Parent: #52
ههههها
اها يا طلحة مداخلتك دى امسخ مداخلة
و قيل فيها طروقية كمان
خخخخخخخخ
|
Post: #54
Title: Re: مساخة البورداب
Author: محمد البشرى الخضر
Date: 10-29-2017, 10:17 AM
Parent: #52
العلينا
|
Post: #55
Title: Re: مساخة البورداب
Author: جلالدونا
Date: 10-29-2017, 10:23 AM
Parent: #54
اها خم و صر
شال ليك قلم التصحيح
|
Post: #56
Title: Re: مساخة البورداب
Author: طلحة عبدالله
Date: 10-29-2017, 10:27 AM
Parent: #55
|
Post: #57
Title: Re: مساخة البورداب
Author: علي دفع الله
Date: 10-29-2017, 10:42 AM
Parent: #56
يعني شنو طروقية يا جلال
|
Post: #58
Title: Re: مساخة البورداب
Author: عبدالحفيظ ابوسن
Date: 10-29-2017, 10:52 AM
Parent: #57
آخد لي لفة واجيكم
ما شاء الله كل النجوم بي صمتم
|
Post: #59
Title: Re: مساخة البورداب
Author: حمد عبد الغفار عمر
Date: 10-29-2017, 11:16 AM
Parent: #58
بعدين في ناس بطردوك عديل
في بداية وجودي في المنبر زي شهر كدا
حسين ملاسي فتح بوست اسمو الديم الوهم شكلو كان قاصد بيهو ابو ساندرا وعماد
انا من اول مداخلة دخلت اتراشق خلى لي البوست وفتح بوست تاني بنفس الاسم هل تصدق خليتو خفت يرفدوني من المنبر هههههههههههههه
لو عملا هسه الا يمشي يكتب بوستيهو دا عند حسن موسى
الانسان ابن بيئته
|
Post: #60
Title: Re: مساخة البورداب
Author: محمد حيدر المشرف
Date: 10-29-2017, 11:18 AM
Parent: #1
ابوبكر انت زعلت ولا شنو؟!
..
طواقي البوست انتهت ولا في طاقيه لسه حايمه يا اخوانا ؟
|
Post: #61
Title: Re: مساخة البورداب
Author: محمد المسلمي
Date: 10-29-2017, 11:29 AM
Parent: #1
| Quote: بعدين داير أقول ليكم حاجة وأنا جادي فيها: المنتدى دا خلال التلاتة سنين الفاتن أحييتوا أنا وكان بنتهي زي فورأول لو مشيت منو هسع نتراهن بمشي أسبوع؛ شوفوهو ببقى ممل كيف؟ بمتعكم مجاني وبعد دا يجيك واحد من وين يقول ليك حمار وواحد يقول ليك كلجة الغل الجواكم تجاهي هو الفيد باك بتاع متعتكم بكتاباتي |
غايتوا يا المستنير في ناس تكون عملت ليهم قرحة عديل
---
فكيت التشفير حق البوست ده 😡😡😡😡
الله هونيني
|
Post: #62
Title: Re: مساخة البورداب
Author: عبدالمنعم الطيب حسن
Date: 10-29-2017, 11:46 AM
Parent: #61
| Quote: أنا وأخوي حاتم إبراهيم |
اههههها
ايش جاب لجاب
انتا كمان داير تخت راسك براس حاتم ابراهيم
والله هانت الزلابية في سودانيزونلاين؛
انت مسيخ وبايخ
وبعدين ما عندك اي رصيد لفكرة مركزية تدافع عنها؛
وقطعا ليس لديك اي فكرة مركزية!!!
غاية الشو بتاعك انك في امريكا
اههها وبعدين؛
ياخ انت مغشوش في نفسك شديد والله....
وبعدين حاتم مداخلات موزونة بموية الدهب؛
المداخلة تقعد تتامل فيها وتستمتع؛وتسرح وتستريح!!
وتحلق؛
وتشكر سودانيزونلاين وبكري ابوبكر والاسافير؛
قال حاتم ابراهيم قال ؛؛
يا راجل!!!!!
|
Post: #63
Title: Re: مساخة البورداب
Author: أبوبكر عباس
Date: 10-29-2017, 12:14 PM
Parent: #62
القال ليك منو يا عبد المنعم، الطيب
انو أنا ما حاتم؟
شنو الفكرة المركزية بتاعت حاتم؟
خائف تكون عاجباك الكلمة ساكت
أنا حاتم ابراهيم
|
Post: #64
Title: Re: مساخة البورداب
Author: قسم الفضيل مضوي محمد
Date: 10-29-2017, 12:15 PM
Parent: #62
.
..
...
يا منعموف ليه القساوة الشديدة دي ياخ ؟؟؟
ما عهدناك هكذا ...
المستنير لا يقل روعة عن حاتم وانت لا تقل روعة عنهم الاتنين ...
والله المستنير وحاتم ديل الواحد قاعد يفتش لمداخلاتهم بالفتاشة ...
واكتر ناس جدد تركوا بصمة واضحة في المنبر (في اعتقادي طبعا) ...
.
.
.
يا مستنير عليك الله رجاءا ...
ما تنفعل وخليك "ريلاكس" وحاول انحنى للعواصف الكابة فيك من جميع الجهات دي ...
...
..
.
|
Post: #65
Title: Re: مساخة البورداب
Author: معاوية المدير
Date: 10-29-2017, 12:16 PM
Parent: #62
Quote: باقي ليكم ود المدير و البوست يبقى بوست مونساتية ...
ما خاتي عليكم عمكم ادم ... |
آدم مِنو كمان ؟...
|
Post: #66
Title: Re: مساخة البورداب
Author: أبوبكر عباس
Date: 10-29-2017, 12:16 PM
Parent: #62
القال ليك منو يا عبد المنعم، الطيب
انو أنا ما حاتم؟
شنو الفكرة المركزية بتاعت حاتم؟
خائف تكون عاجباك الكلمة ساكت
أنا حاتم ابراهيم
|
Post: #67
Title: Re: مساخة البورداب
Author: أبوبكر عباس
Date: 10-29-2017, 12:18 PM
Parent: #66
وكمان دينا خالد
|
Post: #69
Title: Re: مساخة البورداب
Author: أبوبكر عباس
Date: 10-29-2017, 12:24 PM
Parent: #67
يا حليلك يا نعوم
بتحبني وتكرهني في نفس الوكت
يعني أنا
حلو مر
!!!
|
Post: #68
Title: Re: مساخة البورداب
Author: معاوية المدير
Date: 10-29-2017, 12:20 PM
Parent: #66
يا دكتورة نعمات المقعدك وسط
الرجال المُسخاء ديّل شنو ؟!...
|
Post: #70
Title: Re: مساخة البورداب
Author: عبدالحفيظ ابوسن
Date: 10-29-2017, 12:27 PM
Parent: #62
المشرف ضحكتك وديتها شرق غرب غلبتني اديها مذكرة تفسيرية
آي درديري في مساخة مليحة وفي قطامة
صحي يا دهب في ناس يا فيها ولا اطفيها
حبابك مسلمي
يا بكري انا راي فيك كويس لكن مرات ياخ انت عقرب بس
والله يا طلحة في مساخة محببة ذلك الالم اللذيذ لكن في ناس بطقو في الراس يجيبو الزول ناشف
يا نعومة جيبي ليمونتك مافي نماذج
وين يا حمد هههه لومك علي واحد الحوداث وواحد الحراسة
يا اباذر لو فرزت إلا يفرزونا بالصلع انا مخنفس
يا صلاح في ناس طبع كدة ولا تكون اتقنطرت وتحلا ليهو الشوتة
يا غالي مالو ياخ اخرج من النص لكن كمان ما تعفص
يا منعم تعجبني في بكري ردوده التي لا تتجاوز نص سطر
من ما يكتر بجوطها
حاتم ساخر سخرية مفرطة بس هو بكون قاصد زولو
|
Post: #71
Title: Re: مساخة البورداب
Author: عبدالحفيظ ابوسن
Date: 10-29-2017, 12:58 PM
Parent: #70
زي ما قال هيثم وبلغة اخري بكري
بوستات المشاحنات بتجيب المشاهدين
كلامو صاح
في الدنيا دي الشكل بلم المتفرجين !!
|
Post: #72
Title: Re: مساخة البورداب
Author: Mahjob Abdalla
Date: 10-29-2017, 01:28 PM
Parent: #71
ولا كمان مرات طزززز كدة
_______________________
غايتو انا اخر زول استخدم الكلمة دي في المنبر بعد ما تراجي كسحت
|
Post: #73
Title: Re: مساخة البورداب
Author: عبدالمنعم الطيب حسن
Date: 10-29-2017, 01:55 PM
Parent: #72
يا قسم ياخ بعتذر ليك بصدق لو أزعجتك كلماتي
هاهو يحلم
في خريف عمره يحلم
دعه يحلم
هو الحلم بفلوس
قال انا حاتم
انت محض موهوم وصغير هذا كل ما هناك....
|
Post: #74
Title: Re: مساخة البورداب
Author: عبدالحفيظ ابوسن
Date: 10-29-2017, 02:10 PM
Parent: #73
طززززز دي موسيقي تصويرية
طزززز يعني جوة العين
ما نقوم نلحق تراجي كمان
|
Post: #75
Title: Re: مساخة البورداب
Author: Basamat Alsheikh
Date: 10-29-2017, 02:24 PM
Parent: #74
ود ابو سن
بوست في الصميم،،،
وشكرا...
يحى قباني
...ما حرفين بس ، انا بكتب ليك الاسم بالكامل،،، امسخ واحد في البورد، ولكن في الخاص ، وبشرط السرية
..وكفاية العلينا،،،
ودمتم بخير وعافية
|
Post: #76
Title: Re: مساخة البورداب
Author: Asim Fageary
Date: 10-29-2017, 02:36 PM
Parent: #74
سلام مربع
يا ود أبو سن .. أنا ما كنت قابل العنوان مباشر .. قلت يمكن البوست فيهو فكرة تعجبني لأني حريص على قراية بوستاتك
لكن بصراحة خذلتني
خليك من المساخة .. المنبر دا بتلاقيك فيهو حاجات أوســـخ من المساخة ذاتها
بس المهم كيف ترد عليها بطريقة مناسبة
لكن ما بتستحق كل البحيت دا
هي المساخة بقروش .. البتماسخ معاك أديهو جرعتين !
_________________________________
يا أبوبكر عباس .. الصورة وصلناها لخالد كودي .. بعدين يا ابو بكر بطل حركات .. شنو المنبر دا لو ما أنا كان قفل ! إنت قفة ولا أضان قفة .. بلاش مساخة معاك
مع تحياتي،،،
عاصم فقيري
|
Post: #77
Title: Re: مساخة البورداب
Author: Mahjob Abdalla
Date: 10-29-2017, 02:58 PM
Parent: #76
غايتو يا عاصم لو عاوز تتماسخ لازم تشيل الكرفته بره
|
Post: #78
Title: Re: مساخة البورداب
Author: يحي قباني
Date: 10-29-2017, 03:00 PM
Parent: #76
Quote: المساخة والإستفزاز الذكي الذي نصنعه أنا وأخوي حاتم إبراهيم يلعب دور كبير في إثراء الحوار الحقيقي
وهو العامل الأساسي في جاذبية المنتدى.
لو خلينا الحوار لطريقة قباني وأصاحبة لتحول المنتدى لمجوعة واتساب سمجة تبدأ يومها ب:
جمعة مباركة
وكيف قيلتو
كتاباتك رائعة يا رائع |
يا بُلبُل ... يحيى قباني لما كتب يسأل ( جمعة مباركة ) دي شنو كمان ...
انت لسة حايم مع اللبل ما جيت هنا ...
كدي اقرا امكن تتعلم حاجة ...
انتو قصة ( جُمعه مباركه ) دي شنو ؟ انتو قصة ( جُمعه مباركه ) دي شنو ؟
________________________________________________
حفيظ يا صاحب ...
شايف البوست شركو قبض ...
يا ريت لو تفتح لينا بوست عن البلادة و عن ثقلاء المنبر ...
|
Post: #79
Title: Re: مساخة البورداب
Author: عبدالحفيظ ابوسن
Date: 10-29-2017, 03:35 PM
Parent: #78
غايتو يا بسمات لو فتحتي خشمك تتردمي ردم
قطمي بس
واعملي رايحة
في مساخة تضحك القراء فقط وليس المتماسخ عليه
وهو تكتيك يهدف إلي انهاك المحاور نفسيا
محتاج لمحاور ذكي يعكس المساخة
زي الزول الغلب واحد في الكوشتينة وبقا يتماسخ عليهو ويكاوي
المهزوم قال ليهو
ما تضحك علي
اضحك علي ابوي الما خلاني اباري الانادي والقهاوي وابقا حريف زيك
ختاها ليهو في التمانية
ولا
بيضها ليهو عديل كدة
|
Post: #80
Title: Re: مساخة البورداب
Author: عبدالحفيظ ابوسن
Date: 10-29-2017, 03:40 PM
Parent: #79
تشكر عاصم
قلنا نتونس في روحنا دي
just for fun
|
Post: #81
Title: Re: مساخة البورداب
Author: عبدالحفيظ ابوسن
Date: 10-29-2017, 03:48 PM
Parent: #80
يا قباني عندي فكرة بوست قديمة
ملاوز منها
اللياقة
بفتح كل الحروف
لايوق
يقول ليك دة زول لايوق
كان عندنا واحد في حلتنا لو شاكلتو الا ترحل
ميتان وكحيان
تشاكلو الله قال بي قولك
تكسرو تدق بيهو الواطة ما بخليك
يجيك مفلق جوة بيتكم يفنك بي حجر ويعمتك
الناس بتختاهو
|
Post: #82
Title: Re: مساخة البورداب
Author: محمد أبوالعزائم أبوالريش
Date: 10-29-2017, 05:47 PM
Parent: #81
Quote:
ودا زي ما قال أبو العزائم الشيء البخطر على بال القاريء للبوست
يعني عشرين نفر خطرت على بالم |
لا حول ولا قوة إلاّ بالله.
يعني لو ما جيت داخل هنا كان الكلام ده إتثبت عليّ
أنا قلت (ممكن) يخطر على بال واحد ... لكن ما قلت ده البيخطر على بال القارئ.
بعدين الكلام ده لو هو القاصده أبوسن يكون غلطان، لأنو دي ما مساخة ..... دي أذية.
حتى المساخة .... البيمارسها مفروض يتخيّر البتماسخ معاهو ... مش تكون دي أساس مشاركاتو
سلام عبدالحفيظ
|
Post: #83
Title: Re: مساخة البورداب
Author: Basamat Alsheikh
Date: 10-29-2017, 06:07 PM
Parent: #82
محمد عبد الله الحسين
قلت فاوفيت وكفيت ، ولا نزيد، ، لا فض فوك،،
وفعلا زي ما قلت في ناس بيفتكروا الرد البايخ والمسيخ والثقيل نوع من القوة وان مثل هذا
الرد بيديه قوة،،،
وهو لا يعرف ماذا يفعل مثل ذلك الرد البايخ والمسيخ والثقيل في نفسيات الموجه اليه الرد،،،
وفي ناس بيصطادوا دائما في المياه العكرة ومابيرتاح الا لمن يثير الفتن ويغضب الاخرين،،،،
ولا يستطيع العيش في جو صاف يسوده المحبة والاخوه واحترام الراي الاخر ، مهما كان الاختلاف
في الراي كبيرا،،،
ودمت بالف خير وصحة وعافية،،،،
|
Post: #84
Title: Re: مساخة البورداب
Author: معاوية الزبير
Date: 10-29-2017, 06:18 PM
Parent: #83
إلا أن هناك مداخلات تستحق رد رباطابي مسيخ
عاين مثلا صاحب المنبر، قالت ليهو بت عمسيب
خالد المنسي ما قادر يخش المنبر، قال ليها: (خليه يرسل لى ايميل)
|
Post: #85
Title: Re: مساخة البورداب
Author: Rami Abdelkareem
Date: 10-29-2017, 07:29 PM
Parent: #78
بمناسبة جمعه مباركه مره واحد قالها لي ماعرفت ارد عليه
قلت ليه وات من اهلو
|
Post: #86
Title: Re: مساخة البورداب
Author: عبدالحفيظ ابوسن
Date: 10-29-2017, 09:59 PM
Parent: #85
يا ابوالريش
نبقا لي جنس دة عاد
يعني تفتش المنبر كلو عسي ان تجد اسمك ملصق ليهو في كارثة
|
Post: #87
Title: Re: مساخة البورداب
Author: Muhib
Date: 10-29-2017, 11:19 PM
Parent: #86
بكور المستنير وشلته من امثال عليش ومنتصر
|
Post: #88
Title: Re: مساخة البورداب
Author: Salah Zubeir
Date: 10-29-2017, 11:48 PM
Parent: #86
| Quote: يرد بالترتيب الفوقك والتحتك ويجي ماري فيك بي نمرة خمسةولا يرد علي كلامك دون ان يشير ليك برده علي غيرك |
سلام حفيظ .... وصفك دا حصل لي في واحد
من البوستات ...كان واضح جدا" لأول تداخل
معه ... سحبت المداخله وكتبت معتذرا"
للإزعاج بتداخلي :-
sorry for inconvenience ويا دار ما
دخلك شر ... دا نوع مريح يسهل التعامل معه.
في حالتين يصعب تقيمهم لانو ممكن يكونو
مقصودات او اكون انا متوهم .. المشكله إذا
كانو مقصودات بدون علمك لعدم وضوح
صاحب البوست .. هنا المساخه بتكون محمده
(يا زول شيل خبوبك دا وفحط من بوستي)
وبكون مريح للطرفين.
بوست تهنئة بالعيد كانت الردود للفوق مني
بس وبعد ذلك صاحبو طفش ... عزيت الحاصل
لي كراهيه نتيجة مواقف معكوسه بيني وبينو
في بوستات مختلفه.
البوست التاني فيهو زي 5 مداخلات فيهم
مداخلتي .. جا صاحبو اعتذر عن عدم رغبته
في مواصلة الموضوع عاينتا لي مداخلتي لقيتا
حامضا اي نعم لكنها ليست منفره ... المهم تم
الرد علي المداخلات بعد مداخلة الاعتذار فقط ....
|
Post: #89
Title: Re: مساخة البورداب
Author: أبوبكر عباس
Date: 10-30-2017, 01:20 AM
Parent: #88
آسف لعزائم لعدم الدقة
لكن ما دام ممكن يخطر على بال واحد ممكن يخطر على بال عشرين
بعدين وين المشكلة لو خطر على بالي أنا بس وقلتو؟
(السؤال دا ليس موجه لك بشكل شخصي)
هل قلتو من غير سياق؟
هو نفسو حبيب نورا وجه اتهام ضمني من غير دليل للدولة بمصادرة حرية النشر،
لماذا لا يتحمل اتهام معاكس؟
كان رسلت رسالة لدار رفيقي مستفسرًا عن المصادرة، لكنهم سفهوني
|
Post: #90
Title: Re: مساخة البورداب
Author: أبوبكر عباس
Date: 10-30-2017, 01:31 AM
Parent: #89
اتوا بسمات دي بتدور تدور دايرا تقول شنو؟
تكوني لسّ زعلانة لأنو زمان اتشبكت معاك لمان اتي وأميرة كنتن زول واحد
أنسي يا أخ
الكلام داك طوّل
|
Post: #91
Title: Re: مساخة البورداب
Author: Asim Fageary
Date: 10-30-2017, 02:32 AM
Parent: #90
سلام مربع
يا محجوب عبدالله .. الكرفتة ذاتا جزء من المساخة في المنبر دا .. أو هكذا يعتبرها البعض
________________________________
طبعاً أبوبكر المستنير جلاني مخصوص وخلى تعليقي ومشى رد ل بت الشيخ .. شفت الزول دا يا ود أبوسن بعمل حاجات أسوأ من المساخة ذاتها
مع تحياتي،،،
عاصم فقيري
|
Post: #92
Title: Re: مساخة البورداب
Author: أبوبكر عباس
Date: 10-30-2017, 02:41 AM
Parent: #91
طبعاً يا عاصم،
مرات عدم الدخول البوستات ذاتو مساخة،
قلت لي شنو قصة المنبر حقك؟
عليك الله شوف دائما الصفحة الأولى فيها بوست معنون بالمستنير
يا المستنير قال
يا المستنير مرّ من هنا
يا المستنير أمل الأمة
شكرا لايصال صورة طه ومدرس الفنون بالسني لخالد كودي صاحب طه
|
Post: #93
Title: Re: مساخة البورداب
Author: Asim Fageary
Date: 10-30-2017, 02:50 AM
Parent: #92
هلا بالمستنير
عندي سؤال ... إنت في بوست كان حايم أنا أمبارح أول مره اشوفه كاتبه محمد E سليمان .. موجه لكمال عباس عن موضوع إنه الكتاب محرف بتاع أهل الكتاب وحاجة زي كدا
البوست مشربك شربكة بطالة قلت أدخل افكك فيهو .. جيت الآن لقيتو غطس نهائي .. أو تم حذفه تماماً!
عندك فكرة هل تم حذف البوست ؟
مع تحياتي،،
عاصم فقيري
|
Post: #94
Title: Re: مساخة البورداب
Author: أبوبكر عباس
Date: 10-30-2017, 02:57 AM
Parent: #93
غريبة فعلا يا عاصم،
البوست غير موجود!!
|
Post: #95
Title: Re: مساخة البورداب
Author: أبوبكر عباس
Date: 10-30-2017, 03:02 AM
Parent: #94
المداخلة بتاعتي في بوست حبيب نورا ممكن تكون أذية لو كان هو فعلاً متأكد من مصادرة الرواية، وأنا جيت طرحت إمكانية المؤامرة للدعاية.
الكلام بتاعي مربوط بموضوع الحوار ويتناول احتمالية ممكنة
أوجدتها المشاركات
لماذا لا يعتبر اتهامه الضمني أذية لسمعة المعرض؟
|
Post: #96
Title: Re: مساخة البورداب
Author: محمد حيدر المشرف
Date: 10-30-2017, 04:03 AM
Parent: #95
الفرفرة دي أآآآ كويسه يا بكور ياخي ..
ومنظرك بايخ قدام جمهورك.
وضعية تذكرك بامتياز انو السترة والفضيحة الخ الخ ...
انا عارف انك اتعرضت لى هزائم كتيرة في الآونة الأخيرة ..
الا أن ما يزيد الامر سوء هو جنس البطبطه البتسوي فوقها دي.
أكلها في حنانك ياخ .. و اعتبرها كفارة ساي للعملتو ماقبل الارشفة .
عاوزك تطلع معمد بي تجربة هزيمة وترجع "فاكهة" منبر كما كنت قبل أن تجتاحك جائجة المساخة واللؤم.
قبل ذلك, ومن بعده, عاوز أعلن ليك عن احترامي الكبير لشخصك المتواتر خارج اطار هذا المنبر. ومن ثم احترامي لك داخل حدود المنبر.. هي شهوة المودة الظاهرة اذن يا دكتور. ولو شئتها معلنة من خلال بوست مفرد لذلك وجميل.. فذلك حق أصيل دونما شك.
كن بخير
|
Post: #98
Title: Re: مساخة البورداب
Author: أبوبكر عباس
Date: 10-30-2017, 04:25 AM
Parent: #96
طبعا يا مشرف، انتو المزعلكم انو انا قريت البوست خارج تاريخ النظام من مصادرة للحريات.
كلكم انخدعتوا
كدي خليني أعلمكم كيف تقروا البوستات
شوف في البوست المعني
نعمات قالت ليهو اشتريتها من المعرض
جاء حبيب قال ليها: ما دام اشترايتها بقروشك استماعي بيها
بعدها قال
لا أقول تمت مصادرتها لكن دي افادة الناشر وحتى افادة أخرى
الإفادة الأخرى مرّ عليها قبل دقيقة
!!!
كلكم ناس تعبانة
تقرأ من غير وعي
|
Post: #97
Title: Re: مساخة البورداب
Author: Basamat Alsheikh
Date: 10-30-2017, 04:22 AM
Parent: #95
ابو بكر عباس
والله با ابو بكر المستنير انا بلف وبدور لكن ابدا ما قاصداك انت لانك واحد من اظرف الناس في البورد وانت ابدا
ما وش المساخة ، وصاحب البوست ود ابو سن بيعرف منو المسيخ، وعمنا يحى قباني بيعرف منو امسخ زول
وهم شاهدين انت مافي بالي وانا بلف وبدور ،،،
واتا ما متذكرة ابدا انك اتشبكت معاي قبال كدى،،وحتى ولو حصل، بعتبر انك. بتهظر او ادخال بسمة في وجوه
اعضاء المنبر دون نية اذية ،،،
ووالله انا بعتبرك من رموز المنبر العام ومن الارقام الصعبة التي لا يمكن تجاوزها،،،،
والمساخة خليها للناس التانين وهم معروفين وتاكد انت ما منهم،،،
ودمت بخير وصحة وعافية
|
Post: #99
Title: Re: مساخة البورداب
Author: أبوبكر عباس
Date: 10-30-2017, 04:27 AM
Parent: #97
ما عندي حل يا بسمات غير انتحر
يا شماتة
الشمات فيّ
|
Post: #100
Title: Re: مساخة البورداب
Author: حيدر حسن ميرغني
Date: 10-30-2017, 04:41 AM
Parent: #99
يا المستنير أمل الأمة
الله أكبر
|
Post: #101
Title: Re: مساخة البورداب
Author: عبدالحفيظ ابوسن
Date: 10-30-2017, 05:15 AM
Parent: #100
بتحصل صلاح مرات بدون قصد
هسة انا بعزل في الناس الظهرو اول مرة
البوست انشر لي
والموضوع ونسة وقرقرابة
بكري افتكر نفسو مسيخ بسمات اتماسخت ! عليهو طلعت فايز غيرو
|
Post: #102
Title: Re: مساخة البورداب
Author: محمد أبوالعزائم أبوالريش
Date: 10-30-2017, 05:30 AM
Parent: #100
في النهاية، ثبت بشهادة عدد من رواد المعرض إنو الحصول على (قندول بنقو) أسهل من الحصول على نسخة من الكتاب ... يعني بوست حبيب نورة ما ترويجي ومجرد إتهامه خلاهو يفكر في مغادرة المنبر.
يخيل لي الواحد ممكن يتظارف بدون ما يأذي.
|
Post: #103
Title: Re: مساخة البورداب
Author: أبوبكر عباس
Date: 10-30-2017, 05:54 AM
Parent: #102
يعني ناس الأمن صادروا الرواية وباعوها في السوق الأسود؟!
وجودي هنا ضياع وكت
|
Post: #139
Title: Re: مساخة البورداب
Author: احمد التجانى احمد
Date: 10-31-2017, 09:05 AM
Parent: #100
سلام ود ابوسن و ضيوفه
يا المستنير ابكر لعبك بقى ما عاجبنى ياخ كدى طلع الكدارة والعب حفيان عشان تورى الناس ديل حاجة
تتذكر زمان المرحوم الهادى الجرارى فى الدافورى لما كنا بنترجاه يلبس جزمته و ما يلعب لينا حفيان
بقيت مبرراتى و عندك ميول تمثل انك ضحية و الحاجات دى ما عهدناها فيك , ناس المنبر ديل اوعك ترخى ليهم
طوالى بينطوا فى ضهرك وبعداك بتبقى زول عادى ساى
ود ابوسن اظنك ما حضرت زمن ناس اساسى و ملاسى كانوا كتاب راتبين فى المنبر
|
Post: #104
Title: Re: مساخة البورداب
Author: محمد حيدر المشرف
Date: 10-30-2017, 05:55 AM
Parent: #1
يا ابوبكر يا عزيزي مافي حاجة مزعلانا كلو كلو غير (المساخه) .. لاسيما لو اتت بمظنة (اثراء) للنقاش. او تلك الفكرة الخاطئة على اية حال.
...
تعرف لو مسكت اي ثقيل من الثقلاء في هذه الدنيا. سيكون يقينه بحيوية واهمية هذا السلوك الثقيل في المجالات المختلفة. يعني لو اخدت ثقيل اي قرية سودانية سيكون يقينه حول ثقالته انو بيحافظ على المجتمع بتاعو وبدافع عنو ولولاه سينهار مجتمعو وسيضيع اولئك المتهاونين اصحاب الابتسامات ومحاولات اللطف الانساني (اللزج) و (النرجسي) كل مكتسبات الاسرة/القرية/المكان
|
Post: #105
Title: Re: مساخة البورداب
Author: عبدالحفيظ ابوسن
Date: 10-30-2017, 06:08 AM
Parent: #104
تعرف يا بكري قول الحقيقة دي ليس مطلوبا دوما
إلا حقيقة تجلب مصلحة ولا تدفع ضررا ليس بالضرورة ماديا بل ليس ابدا
والحقيقة زيها وزي اي حاجة محتاج تعرف ضرر قولها من عدم قوله
مع تثبيت ان للحقيقة نفسها عدة اوجه . فما تراه بجانب يغيب عنك آخر . كأن تري صفحة وجه فتاة جميلة جانبها الآخر مشوه
ف شنو
ليس مطلوبا دائما ان تغالطني انها كانت منتصف النهار وليس قبل نصف ساعة منه مالم يكن التحديد يؤكد او ينف جريمة
|
Post: #106
Title: Re: مساخة البورداب
Author: عبدالحفيظ ابوسن
Date: 10-30-2017, 06:16 AM
Parent: #105
تعرف يا ابوالريش
نجي نقيس رد فعل حبيب نورا
حبيب نورا الذي يحصد اعجاب الجميع هنا حتي بكري عباس
هل كان رد فعله حادا جدا
هل الامر يستحق ذلك العقاب الجماعي
ان يكون بكري مساويا للجميع بل ويزيد عليهم
ان يكون رد بكري فقط يتفوق علي جميع ردود من كتبو
اعتقد حبيب نورا كان ظالما لنا
فرحنا بحضوره كأحد الكائنات المضيئة التي تنثر الضياء في هذا المكان
ضياء المتعة الفنية والطرفة الذكية
|
Post: #107
Title: Re: مساخة البورداب
Author: عبدالحفيظ ابوسن
Date: 10-30-2017, 06:22 AM
Parent: #106
اضر وقت لقبول المساخة التي تهرس العضم
ان تكون اون لاين وترد عليها مباشرة
ستكون تحت تأثير سمها
ويكون امتصاصك للسم سريعا وقاتلا
آي في ناس عندهم حصانة
وفي ناس بكون مزاجهم وقتها لا يسمح
ف شنو
ادي نفسك فرصة المقاومة
عمنا جاد الله رحمه الله من الحافظين للقرآن ويدرسه ويحب الكونكان . وهو يشرد ذهنه احيانا
زميلو طوالي مطقطقين ويكاو فيهم
زميله قال بلعب مع عم جاد الله ليتعلم الصبر علي المكاره
ف شنو ياخ نحن صابرين علي الكيزان ما بنصبر علي مساخة بكري دة
|
Post: #108
Title: Re: مساخة البورداب
Author: محمد البشرى الخضر
Date: 10-30-2017, 06:31 AM
Parent: #107
| Quote: ما بنصبر علي مساخة بكري دة |
بكري ياتو؟ المستنير ولاّ سيد الكورة؟
|
Post: #110
Title: Re: مساخة البورداب
Author: عبدالحفيظ ابوسن
Date: 10-30-2017, 06:32 AM
Parent: #107
تعرف يا مشرف
قريت كلام بكري في مظانه
حبيب نورا يأخذ معلوماته من آخرين
وكذلك بكري
مصادر معلوماتهم زمنها ما واحد
وكذلك الاحداث بالسودان
البني ادم الواحد دة الليلة مجرم في الاعلام الرسمي وبكرة يستقبلو استقبال الابطال في المطار
الليلة شهيد وبكرة حي يفتش لي مرتو من صاحبو العرسها
زمن يشبه الميثلوجيا العبثية
ف شنو
ممكن القصتين صاح
حبيب نورا و بكري
|
Post: #109
Title: Re: مساخة البورداب
Author: محمد أبوالعزائم أبوالريش
Date: 10-30-2017, 06:32 AM
Parent: #106
كلامك صحيح يا عبدالحفيظ، ردي ليهو حمل بعض معاني مداخلتك دي.
عشان كدة قلت تأثر الناس بالأذى يتفاوت ... واحد بياكلها في حنانو وواحد بيزعل شوية .... وواحد بتهزو وما يتحمل.
غني عن القول إنو الفنان أكثر حساسية.
تخيل لو واحد بكل صفاء بدأ يحكي ليك موقف حصل ليهو .. يعني هو من عايش الموقف مش ناقل من زول تاني ..... فجأة تقول ليهو (الكلام ده كلو كذب وما ممكن يحصل) ...... الزول ده تعال في اللحظة دي قيس ضغطو، تخيل ممكن يكون حاصل ليهو شنو.
ده مجرد مثال، عشان مافي واحد يجي يقول لي حبيب نورة نقلو ليهو وهو ما عايش الموقف.
ياخ الزول جايينا بكل أريحية يكلمنا عن الحاصل في المعرض، قما حاكمناهو على نيته.
|
Post: #111
Title: Re: مساخة البورداب
Author: عبدالحفيظ ابوسن
Date: 10-30-2017, 06:38 AM
Parent: #109
يا ودو
بكري سيد الكورة امسخ من موية الترمس لي الليلة ما اداني مكتبة
بكري عباس مسيخ ولامن يجي يعقلن مساختو بطمبجها
امسخ زول ولدي عماد بخوفني في الونسة
مرة قال لي يا ابوي تعال شوف دة
وانا راقد ومسترخي
قلت ليهو جيبها نشوفها
رد لي بسرعة
يعني اجيب ليك الاوضة في سريرك
ف شنو
هو بالذات بعمل حسابي منو طوالي مسنفكني
|
Post: #112
Title: Re: مساخة البورداب
Author: عزالدين عباس الفحل
Date: 10-30-2017, 11:41 AM
Parent: #111
امسخ زول ولدي عماد بخوفني في الونسة
مرة قال لي يا ابوي تعال شوف دة
وانا راقد ومسترخي
قلت ليهو جيبها نشوفها
رد لي بسرعة
يعني اجيب ليك الاوضة في سريرك
ف شنو.
عبدالحفيظ ابوسن .
^^^-------^^^-----^^^---^^^
سلام اخوي ابو سن.
دا جيل الايباد.
الله يديهم العافية .
عزالدين عباس الفحل
ابوظبي
|
Post: #113
Title: Re: مساخة البورداب
Author: محمد حيدر المشرف
Date: 10-30-2017, 12:04 PM
Parent: #1
يا حفيظ المشكلة مافي انو الرواية صودرت أم لم تصادر .. انت بذلك تٌفوِت مسألة المساخة تماما
المساخة في الحته بتاعت استغلال معلومات كاذبة في الترويج ل "ابن اليهودية" من قبل المؤلف.
شفت كيف يا عزيزي..
يعني انت يا (مؤلف) تدعي مسالة المصادرة او تستغل المعلومات المغلوطة حول المصادرة في الترويج لي روايتك .. شفت الحته دي مسيخه كيف؟!!!
|
Post: #114
Title: Re: مساخة البورداب
Author: عبدالحفيظ ابوسن
Date: 10-30-2017, 12:23 PM
Parent: #113
اي يا عزالدين
ربنا يدينا خيرهم
|
Post: #115
Title: Re: مساخة البورداب
Author: عبدالحفيظ ابوسن
Date: 10-30-2017, 12:29 PM
Parent: #114
تعرف يا مشرف انا اخدت الموضوع هظار ومشاغلة
وشفت حبيب نورا في الفيس يتقبل مزاح اتقل من دة
اعيب علي بكري اصرارة في تثبيت قوله . حتي لو انا شايف الترويج والدعاية يمثل ميزانية ضخمة من أي عمل فني ولا ادبي
ف شنو
غض النظر عن صحة قوله او صحته مادام آذي الشخص تعتذر عنه دون ان تمس عضم معلومتك او تنفيها
ودة ذكاء اجتماعي
فالكاتب هو صاحب الكتاب وليس شخص آخر
وبكري طبزها ثم طبزها حتي قدد عيونها
|
Post: #116
Title: Re: مساخة البورداب
Author: نعمات عماد
Date: 10-30-2017, 12:34 PM
Parent: #113
ود المدير يا ذوق ازيك و احوالك ؟
أمس دخلت البوست عشان اشوف أنواع المساخة ،
رجعت الليلة لقيت الناس كلها بقت حلوة . الظاهر
زاويا الشوف أتغيرت، على قول ود البشرى. 🌹👁
Quote: يا دكتورة نعمات المقعدك وسط
الرجال المُسخاء ديّل شنو ؟! |
|
Post: #117
Title: Re: مساخة البورداب
Author: عبدالحفيظ ابوسن
Date: 10-30-2017, 12:46 PM
Parent: #116
تتذكري يا نعومة
محمد عبدالله الريح عندو قصة الثقيل ديك
اها في ناس ساكين المساخة كطرفة ومرات الميزان بفلت
واحد في حلتنا مسمينو فلان الثقيل والاسم عاجبو . حتي كتب جوة مينا الساعة الثقيل
موضة زمان دي الكتابة جوة مينا الساعة
|
Post: #118
Title: Re: مساخة البورداب
Author: محمد أبوالعزائم أبوالريش
Date: 10-30-2017, 01:15 PM
Parent: #117
الكلام البيقول إنو الرواية موجودة في المعرض إستند على شهادة العضو نعمات عماد.
آخر مداخلة للأستاذة نعمات في البوست المعني بتقول:
Quote: سلام استاذ ياسين و الضيوف
كلامك صاح، الرواية إتصادرت!
أناأشتريتها قبل 10 أيام . كانت معروضة ليومين تقريبا
فكتب أحدهم تعليقا مسئيا عن دار عرض " رفيقي" و
عن الرواية . الشابة المهذبة المسؤولة عن جناح دار رفيقي
أخبرتني قبل ساعة ان موظف الرقابة يمر عليهم يوميا
ليتأكد من إلتزامهم بقرار المصادرة .
أحي أخوتنا الجنوب سودانيين على المشاركة رغم المصاعب.
ما زلت أبحث عن ( نون النزوةو الحب من طرف ثالث). |
|
Post: #119
Title: Re: مساخة البورداب
Author: نعمات عماد
Date: 10-30-2017, 01:57 PM
Parent: #118
سلام ابو الريش
المداخلة كتبتها بعد ما مشيت المعرض و قابلت الشباب المتواجدين في جناح
دار رفيقي. سألت المسؤولة :--
-- صحي رواية أبن اليهودية إتصادرت؟
ردت بخوف : --
-- أيوة إتصادرت، و موظف الرقابة حايم و ممكن يجينا في أي لحظة .
لا أكذب عليك أنا فهمت ان عندها نسخ مخفية لأني لما أشتريت نسخة في
يوم 18 أكتوبر نفس الشابة ناولتني نسخة من تحت الطاولة، ربما دي الطريقة الوحيدة لأن تباع الرواية في السودان .
اتساءل لماذا منعوا او صادروا الرواية ؟
ما عرفت مغزى السؤال يا ابو الريش لكن صدقني المسؤولة كانت خائفة
و المصادرة ممكن تتحول لمنع اذا وجدت شخص يتعاطف أو إذا دفعت.
المهم من هنا أقول اصدق الأستاذ ياسين تماما خاصة و ان الشابة قالت
انها لم تتواصل معه، وهو قال ان المعلومات وصلته اولا من زوار المعرض ثم لاحقا من صاحب دار النشر المتواجد في جوبا.
|
Post: #120
Title: Re: مساخة البورداب
Author: محمد أبوالعزائم أبوالريش
Date: 10-30-2017, 02:02 PM
Parent: #119
Quote: سألت المسؤولة :--
-- صحي رواية أبن اليهودية إتصادرت؟
ردت بخوف : --
-- أيوة إتصادرت، و موظف الرقابة حايم و ممكن يجينا في أي لحظة . |
شكراً نعمات،
مافي أوضح من كده.
|
Post: #121
Title: Re: مساخة البورداب
Author: عبدالحفيظ ابوسن
Date: 10-30-2017, 04:22 PM
Parent: #120
تشكري نعمات وابوالريش
الامر بسيط
تشكر مشرف
الجو محتقن لا سبيل للدعابة
الامور حادة
التصنيفات حاضرة
ولكن الامر حقيقي
الاحساس حقيقي لأنه يمس اشخاص حقيقين ومعروفين
فلا خلاف ان بكري كان موضوعيا ولكن دون اعتبار للطرف الآخر
تعامل معه وفق معطيات باردة
حبيب نورا قال محظورة نقلا عن مصادر ثقة . وبالضرورة سيكون متابعا ومهتما جدا بتسويق كتابه ليصل لأكبر عدد وليقيس تقبل الناس له
بكري تعامل مع حديث حبيب نورا من معلومته هو ومن مصدر ثقة
فقط لم يضع في اعتباره اي احتمال لمصادرة قبل او بعد معلومة مصدره
ولكنه كان مطالبا بأن يأخذ في اعتباره انه يخاطب المؤلف نفسه
الامر للمؤلف حقيقي وليس حوارا يعتمد علي تناقض او ذكاء المتداخل
ان يقدر ان المؤلف نفسه يبحث عن حقيقة ما يحدث
مصادرة كتاب خسارة علي المستوي النفسي والمادي للمؤلف
|
Post: #122
Title: Re: مساخة البورداب
Author: عبدالعزيز الفاضلابى
Date: 10-30-2017, 05:49 PM
Parent: #121
ماكل مساخة مذمومة ,, ديجانغو افرُز
|
Post: #123
Title: Re: مساخة البورداب
Author: عبدالحفيظ ابوسن
Date: 10-30-2017, 06:01 PM
Parent: #122
شوف يا فاضلابي في تقديري
اي مساخة تحس فيها ذكاء وتبعد عن الاساءة الشخصية وفيها طرافة مقبولة
زي مساخة الزول القال
غايتو سيدنا يوسف دة لو كان لابس جلابية انصارية كان موضوعو لي الليلة ما اتحسم
وهو ينتقد الانصار
|
Post: #124
Title: Re: مساخة البورداب
Author: عبدالعزيز الفاضلابى
Date: 10-30-2017, 06:20 PM
Parent: #123
لا عليك الله تعال اصفُقنى فوق خشمى :)
|
Post: #125
Title: Re: مساخة البورداب
Author: عبدالحفيظ ابوسن
Date: 10-30-2017, 07:03 PM
Parent: #124
ذكرتني نكتة النسيبة الجات لي مرة ولدها وسفهتها لا اكرمتها ولا اتونست
بقت ماشة مرة ولدها قالت ليها
هي يا خالتي لا سخن لا بارد مارقة بي صمة خشمك
قالت ليها تعالي كسري لي
|
Post: #126
Title: Re: مساخة البورداب
Author: جمال ود القوز
Date: 10-30-2017, 07:16 PM
Parent: #125
أب سن ازيك ..
غايتو المساخة المدورة في المنبر وليها زمن ما شوية ..
أكثرها بي سبب غباين وقليلها البلا سبب حسد ساي ..
البعض بيجمع الاتنين ..
|
Post: #127
Title: Re: مساخة البورداب
Author: عبدالحفيظ ابوسن
Date: 10-30-2017, 07:27 PM
Parent: #126
دحين يا ود القوز ما ضيقت الاسباب ؟
مرات في ناس طبعهم القطامة
تتذكر ولدي عمدة الكنت بحكي ليك عنو زمان
عمرو حداشر سنة هسة
مشروع قطامة ومساخة
لامن يحرجك
مرة جننا تلاتة شابات في البيت وعمرو تلاتة سنة
شالنو وهاك يا بوس وسألوهو
السمحة فينا منو
قال ليهن
كلكن شينات
قلت ليهو هي يا عمدة في الشناة دي الاقل شناة هي الاسمح في خيار بين تلاتة
|
Post: #128
Title: Re: مساخة البورداب
Author: جمال ود القوز
Date: 10-30-2017, 08:10 PM
Parent: #127
Quote:
قال ليهن
كلكن شينات
|
ههههه ... بالغ العمدة والله اتلوم فيهن ..
كان يرفع روحن المعنوبة حتى ..
أها دي مساخة وقطامة طبع وممكن تضحكك ..
لكن المساخة الهنا دي ..
عندها سبب تمرق من أحدهم تحسها ..
مصطنعة ولزجة ..
لانك بترجع تكوس ليها سبب وبتلقاهو ..
فلا أرى فيها طرفة ولا ذكاء ..
وحقت الحسد ديك واااضحة ..
يغطي قبحها على أي شيء تاني فيها ..
هسه لو كانن البنيات سمحات ..
وقام العمدة قالهن كلكن شينات ..
وواقعا هن فعلا شينات ..
يسوي ليهن شنو يعني ..
اداها ليهن في صمة خشمهن وبالمفتشر .. هههه ..
لا هو حاسدن شان سمحات ..
ولا عنده معاهن غبينة ..
ده الفرق يا قريبي ..
مع أكيد المحبة لعمدة .. طبعا متذكره ..
|
Post: #129
Title: Re: مساخة البورداب
Author: Basamat Alsheikh
Date: 10-30-2017, 08:50 PM
Parent: #128
والله شفقتونا عشان نقرا رواية ابن اليهودية....ودائما الكتاب البيصادروهو بكون كتاب مرغوب
ودائما الممنوع مرغوب،،،وسلطات الامن ما صادرت الكتاب الا لسبب ، وعاوزين نعرف السبب
المهم كلفت بنت خالتي تفتش لي الكتاب ده في الخرطوم حتى ولو في السوق الاسود، ووعدتني
خيرا ، ولمن نتحصل على الكتاب ونعرف السبب ، حيبطل العجب،،
ناس الحكومة ديل ذاتم بقوا مسيخين، وانا متاكدة انو مافي اي سبب للمصادرة ، وحتى
عنوان الكتاب ابن اليهودية ما فيه اي حساسية بعد ان اصبحت العلاقات السودانية الاسرائيلية
مثل العلاقات الاسرائيلية الامريكية،،
ودمتم بخير وعافية
|
Post: #130
Title: Re: مساخة البورداب
Author: عبدالعزيز الفاضلابى
Date: 10-30-2017, 09:09 PM
Parent: #129
ماتنسى مساخة النوع البقولَّك ياقريبك :)
وناس كتب فلان
|
Post: #131
Title: Re: مساخة البورداب
Author: عبدالحفيظ ابوسن
Date: 10-30-2017, 09:11 PM
Parent: #130
يا جماعة امسكو الفاضلابي دة
ما يحرق البوست كما قال قباني
|
Post: #132
Title: Re: مساخة البورداب
Author: جمال ود القوز
Date: 10-30-2017, 09:34 PM
Parent: #131
Quote:
يا جماعة امسكو الفاضلابي دة
|
عايز يقنطرهم ليهم جوز ما خسار ..
|
Post: #133
Title: Re: مساخة البورداب
Author: معاوية المدير
Date: 10-30-2017, 09:51 PM
Parent: #132
قُلتُ، من هو أمسخ وأسخف زول في البورد ؟.
قال، المستنير .
قُلتُ، ثم من ؟.
قال، المستنير .
قُلتُ، ثم من ؟.
قال، المستنير، المستنير، بكوّر، ابو بكر عباس،
المستنير، المستنير ...إلخ، ثم ظلّ يُرددها حتي
قُلتُ، ليته سكت ...
|
Post: #134
Title: Re: مساخة البورداب
Author: جلالدونا
Date: 10-30-2017, 10:00 PM
Parent: #133
مع تحياتى لمعاوية الزبير
|
Post: #135
Title: Re: مساخة البورداب
Author: عبدالعزيز الفاضلابى
Date: 10-30-2017, 10:50 PM
Parent: #134
المشكلة فى ناس الواحد طالما ما اختلفت معاه فى رايه انت دئما:
الكلس ,, {والفحل} والحبيب الخ ,,
اول ماتختلف معاه:
الكوز ,, الغواصة ,, {الرمادى} بعقوبة الخ
|
Post: #136
Title: Re: مساخة البورداب
Author: عبدالحفيظ ابوسن
Date: 10-31-2017, 04:42 AM
Parent: #135
يا ودالقوز قريبك دة بشلت ساي
جوز شنو ياخ
|
Post: #137
Title: Re: مساخة البورداب
Author: عبدالحفيظ ابوسن
Date: 10-31-2017, 04:58 AM
Parent: #136
يا ود المدير ما تقول لي
كان راقدا فجلس
فقال المستنير
ثم وقف
فقال المستنير
ما باقيلك الا تقول ثم هرول وهو يصرخ
المستنير المستنير
|
Post: #138
Title: Re: مساخة البورداب
Author: عبدالحفيظ ابوسن
Date: 10-31-2017, 06:01 AM
Parent: #137
هاهنا تكمن القضية فاضلابي
قد تتلامس مواقفنا في بعض الامور وتتباعد في غيرها
مش لازم أكون معاك في أي موقف
هي نفسك زاتها ما بتطاوعك كل ما داير
اختلفت معاك ما معناتو ضدك
رغم بداهة هذا القول لينا كلنا لكن للاسف بننساهو
تختلف معاهو يخربها معاك برة وجوة
|
Post: #140
Title: Re: مساخة البورداب
Author: عبدالحفيظ ابوسن
Date: 10-31-2017, 10:14 AM
Parent: #138
حبابك احمد
لا والله ما حضرت زمنهم
لم أكن متابعا لسودانيز
كان بتخوفني من المناظر ساي
|
Post: #141
Title: Re: مساخة البورداب
Author: محمد البشرى الخضر
Date: 10-31-2017, 10:22 AM
Parent: #140
يا "قريبك" هههه - لازم تفرّز وتضبط المصطلحات شوية
قولة مساخة لاتكفي لتشمل كثير من اللأمثلة المطروحة هنا
عندك مساخة عادية وعند مساخة مسمّة, وعندك أذية, وعندك ارهاب وعندك كسر عين وعندك نبذ وشتيمة راسه عديل و عندك سخرية و استهزاء وغيرها
فا شنو.. يا تستحدث تعبير اشمل وأعّم من مساخة يا تستخدم أكثر من تعبير حسب الكيس
|
Post: #142
Title: Re: مساخة البورداب
Author: عبدالعزيز الفاضلابى
Date: 10-31-2017, 07:35 PM
Parent: #141
شفت المساخة يا ود ابسن؟
تسلم يالهميم تسلم :)
|
Post: #143
Title: Re: مساخة البورداب
Author: عبدالحفيظ ابوسن
Date: 11-01-2017, 04:50 AM
Parent: #142
ودو يا فاضلابي بتعلم في المساخة تعليم .
هسة قال بي هناك
حسب كتالوج الردود
ولا معاوية الزبير
القال حول تعليق بكري لي بت عمسيب دة داير مساخة
أرسسسسكم
|
Post: #144
Title: Re: مساخة البورداب
Author: درديري كباشي
Date: 11-01-2017, 07:34 AM
Parent: #143
أكثر مساخة مسبكة في المنبر
هي بعد تدخل بوست وتنداح وتسكب عرق وحبر
يجي صاحب البوست ماشي فيك يرد على التالين ويفطك
دي عاملة زي تمشي تشيل الفاتحة في بكا
سيد البكا يخلي يديك مشنوقات في الهواء ويمشي على الناس الوقفوا بالبرادو في باب الخيمة .
|
Post: #145
Title: Re: مساخة البورداب
Author: عبدالحفيظ ابوسن
Date: 11-01-2017, 08:08 AM
Parent: #144
آي والله حارة يا درديري
بالذات لامن يرد فوقك وتحتك
ويعمل رايح
انا غايتو ما بنكر مسهي ومطوفش ممكن تمشي فيني . والمتابعة بالموبايل مرهقة . لكن لو انتبهت ليها بحذف مداخلتي وتاني مابخش عليهو .. لكن برضو بعد فترة بنسي انو جلاني ههههه
عمنا من رفاعة . وتوفي واحد من ناس رفاعي ذوي مال وجاه .. وعمنا دة جزار بحكي لي براهو
قال لي
سمعت بالبكاء قلت الزول قريبنا .. خليت لحمي في التربيزة ومرقت عليهم بي عراقي
عاملين صيوان كبير .. وقفت وقلت الفاااااتحااا
قالت لي زول اشتغل بي مافي
تاني رفعت صوتي بالفاتحة
يتونسو
تميت فاتحتي براي وقفلت يديني
وقبلت عليهم لا خليتهم لا خليت ابهاتهم لا امهاتهم لا نسوانهم
نابذتهم بالفيهم والمافيهم وقلت ليهم
انا غلتان اجي لي ناس عديمين اصل زيكم
ودورت منفوخ رجعت الجزر
قلت ليهو
وقالوا ليك شنو
قال لي
في ونستهم زول قال لي انعل ابوك مافي
|
Post: #146
Title: Re: مساخة البورداب
Author: درديري كباشي
Date: 11-01-2017, 02:37 PM
Parent: #145
وقبلت عليهم لا خليتهم لا خليت ابهاتهم لا امهاتهم لا نسوانهم
نابذتهم بالفيهم والمافيهم وقلت ليهم
انا غلتان اجي لي ناس عديمين اصل زيكم
ودورت منفوخ رجعت الجزر
قلت ليهو
وقالوا ليك شنو
قال لي
في ونستهم زول قال لي انعل ابوك مافي
--------------------------------------
غايتو كان بالفهم دا أنا ما شفت أمسخ من ود البشرى لو اختلفت معه
قدر ما تزعل وتنفخ وتجيب من الآخر يرد لك بكل برود ويخليك تكفت نفسك ..
يذكرني زميلنا زمان في الداخلية دفعة قدامنا بكثير كان في تنس الطاولة لا يغلب أبدا .
هو نحيل وقصير القامة .. لكن أي شوط تلعبه له بكل قوتك فهو قادر أنه يرده ويحوله لهجمة عكسية ..
و لأنه قصير القامة ما كان يعطي الكرة فرصة تضرب الطاولة وتصعد لأعلى منه لكن كان يكتمها في مكانها ويجيبها لك بنفس قوتها .
|
|