فنجان جبنة ولمة ناس حلوين

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 19-09-2018, 11:16 AM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-10-2015, 10:07 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: حيدر حسن ميرغني)

    Quote: اها يا ود المنسي بت مصطفى رجعت بعد خنسة
    ساعات وقرت صفحتين لكنها رجعت معنوياتها عالية
    ولمن سالناها السبب قالت انها قرت انو ود الباوقة
    الجبهجي اكد انو حيحفروا ٢٥٠بير بترول في الشمالية
    وانا مخططة ترجع سريع عشان تحجز ليها بير من
    بدري..والله امتثال وقعت من كترة الضحك وقالت ليها
    انتي تصدقي ود الباوقة انو في بترول في الشمالية
    لكنها حاولت تقنعنا بقولها ليه يكون في بترول في
    السعودية وفي مصر وفي ليبيا وكلها دول محيطة
    بالسودان...يعني اشمعنى السودان..ردت ليها امتثال
    ان الله غضبان على السودان لان الناس الحاكمينها
    بتاجروا بالدين....
    ما عاوزة اواصل الحدوتة عشان قلبناها سياسة والسياسة
    دائما بتجيب وجع الراس والتوتر والمشاكل...
    وتصبحوا على خير وتحلموا بابيار البترول
    ودمتم بخير وصحة وعافية


    بسمات كيف حالك
    فعلاً لو زحمت نفسك بسياسة أهل البلد الطرشا بتلقي نفسك وما تلقي نفسك مرات
    أنا كل زملائي مهندسي بترول يعملون في السودان و الكثير منهم ترك البلد و طلع بحثاً عن لقمة عيش شريفة
    هولاء الناس كذابين يطلقون الفرية بعد الفرية ... البترول في جنوب السودان الفي باطن الأرض أكثر من الأستخرج
    قولي لي بت مصطفى ختي الرحمن في قلبك وإتوهطي في بكانك دا وقدر ما الله يديك تسلحي بالعلم والعلم القوي ... الشمالية لو فيها بترول جردلين ونصف
    موتر ما تدورو ههههههه ... البترول هناك بعض الحقول المرجوة في مناطق النزاع وهي سبب النزاع ... في دارفور كردفان والنيل الأزرق ناحية الكرمك والدمازين
    فرضاً في بترول نطلعوا عشان يبنو قصور ناس البشير وأخوانه وعبدالرحيم خلي في باطن الأرض الأحسن يطلع لما يجو أولادك وأولاد الأميرة إن شاء الله
    قولي ليها أشربي قهوتك الزويل دا أذاعة النظام لأطلاق الاشاعات عبر هذا المنبر ...
    ما نزالة أجازة البلد ( اتبرأ ) انا قاصد شندي انشاء الله الله يوم 8 نوفمبر
    وطبعا الخرطوم يوم أجي ويوم أكون مسافر
    في زراعتنا تحت أشجار المنقة أسعد أيامي وفي الحلة محنة مع الأهل والجيران وبنات الجيران ههههههههه الخواجة أحمد حا يلحقني في ديسمبر بموت في الجناين والبحر حب شديد
    بمشي الصباح برجع متمسي ههههههه كان شفتي يكون مكندك بي تراب الزارعة تضحكي لما تقعي ههههههه
                   |Articles |News |مقالات |بيانات

11-10-2015, 11:03 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15431

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    مسدار .. المنام .

    امبارح في المنام شفت الكلوس بحدايـا
    فــــي قهــوة عزيزنـــا الباقيـــة لينــا تكايـــــا
    النشمي البشوش اب ضحكتآ ضوايــــــــا
    ود منسي الرزين ذكراهــــو بينـــــا حكايــــا
    وشيقوقنا الطفش ومو عرفنا ليهو نهايــا
    واب ســن الخلوق الديمــة نايــــلو رضايــا
    ود بلة الاصيل حــــالي الكـــــلام برعايــــــا
    وابو سنينـة الكريم الباقي لينــــا عطايـــــا
    وشاحداهو الكريم حقق لي ذاااات الغايا

    قلنا الندلع جدنا عمسيب شوية هههههه . اهداء للحبيبات والكلوس .

    اسمك في الرجال عمسيب .

    (عدل بواسطة مني عمسيب on 11-10-2015, 11:04 AM)
    (عدل بواسطة مني عمسيب on 11-10-2015, 11:05 AM)
    (عدل بواسطة مني عمسيب on 11-10-2015, 11:07 AM)
    (عدل بواسطة مني عمسيب on 11-10-2015, 11:27 AM)
    (عدل بواسطة مني عمسيب on 13-10-2015, 04:01 PM)

                   |Articles |News |مقالات |بيانات

11-10-2015, 11:33 AM

عفاف أبو حريرة
<aعفاف أبو حريرة
تاريخ التسجيل: 28-12-2006
مجموع المشاركات: 1770

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: مني عمسيب)

    Quote: مسدار .. المنام .

    امبارح في المنام شفت الكلوس بحدايـا
    فــــي قهــوة كلسنـــــا الباقيـــة لينــا تكايـــــا
    النشمي البشوش اب ضحكتآ ضوايــــــــا
    ود منسي الرزين ذكراهــــو بينـــــا حكايــــا
    وشيقوقنا الطفش ومو عرفنا ليهو نهايــا
    واب ســن الخلوق الديمــة نايــــلو رضايــا
    ود بلة الاصيل حــــالي الكـــــلام برعايــــــا
    وابو سنينـة الكريم الباقي لينــــا عطايـــــا
    وشاحداهو الكريم حقق لي ذاااات الغايا

    قلنا الندلع جدنا عمسيب شوية هههههه . اهداء للحبيبات والكلوس .

    اسمك في الرجال عمسيب .



    بت عمسيب ابشري بالخير
                   |Articles |News |مقالات |بيانات

11-10-2015, 12:23 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19418

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عفاف أبو حريرة)

    جيناكم يا حبابيبنا بعد البوست عاكس شوق نغالب فيهو ويغالبنا
    البوست كان تقيل وتاني بي دين راس ابوهو ما يفتح
    اها من قلبتو الصفحة فتح زي الورد
    رسلت سلام واعتذار مع المسنوح ودالمنسي ما يكون عمل نايم
                   |Articles |News |مقالات |بيانات

11-10-2015, 01:22 PM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عفاف أبو حريرة)

    Quote: بت عمسيب ابشري بالخير

    واتي ذاتك ابشري معاها بالخير
    السيرة لدبي باللوري كانت كيف ؟
    عاد مو لوري ود الديش لا بتعطل ولا بقيف
    وسواقو ود اب زهانا معلم نجيض و حريف
    دخل حلة دبي وضرب البوري اب تلاتة ضرب نضيف
    ودور بيكم السيرة جات وعريسنا ساير سار سار سار وشال السيف
    خلى ليكم حلة دبي عجاجتا واقفة عصار صيف
    .
    .
    وتاااااااااااني وتالت ورابع وألف مبروك لي احمد يا ام احمد
    بالعديل والزين وبالسعادة والبنين والبنات
                   |Articles |News |مقالات |بيانات

11-10-2015, 04:25 PM

عفاف أبو حريرة
<aعفاف أبو حريرة
تاريخ التسجيل: 28-12-2006
مجموع المشاركات: 1770

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالله ود البوش)

    Quote: واتي ذاتك ابشري معاها بالخير
    السيرة لدبي باللوري كانت كيف ؟
    عاد مو لوري ود الديش لا بتعطل ولا بقيف
    وسواقو ود اب زهانا معلم نجيض و حريف
    دخل حلة دبي وضرب البوري اب تلاتة ضرب نضيف
    ودور بيكم السيرة جات وعريسنا ساير سار سار سار وشال السيف
    خلى ليكم حلة دبي عجاجتا واقفة عصار صيف
    .
    .
    وتاااااااااااني وتالت ورابع وألف مبروك لي احمد يا ام احمد
    بالعديل والزين وبالسعادة والبنين والبنات


    ياربي تتبارك حياتك ياعبدالله
    والله سيرتنا لخمت دبي لخمه بس كانت ناقصكم
    وزغردت دبي
    من بكرة زغردي يا دبي
    و ضوي الشموع في كل حي
    جاييك محربنا الحبيب
    دقي الطبول و قولي سي
    جاييك زول , و هو أحلى زول
    ود ناس عزاز و ولد أصول
    زول شيخ عرب و مطراً هطول
    زول كل يوم زايد جمال
    فيه إنت تقيف ذهول
    سمح الحديث في كل شي
    واثق خطاهو و في المشي
    و كل ما تكون جنبو وقريب
    تطلع سعيد و منتشي
    بالله زغردي يا دبي
    و قولي الحبيب الليلة زار
    و مدّي الفرح لكل زول
    لي كل ضاحية و كل جار
    و قولي الحبيب جاني و نزل
    ترحابنا بيه الليلة حار
    بالله زغردي يا دبي
    و ضمي الحبيب بي كل شوق
    زولاً رفيع في المقام
    و زولاً رقيقاً كلو زوق
    و ما تحرمي العشمان معاك
    من حلوهو عشان يضوق
    بالله زغردي يا دبي
    جاييك أبو أحمد حبّنا
    جاييك زول سكن القلوب
    و الله يشهد ربّنا
    بس يا دبي ما تسرقي!!
    و خايف عليك انا جد كتير
    في سر غرامو بتغرقي
    خليك في الترحاب و بس
    و بالنظر ممكن تحدّقي

    القصيدة دي من بوح أخونا الشاعر محمد الرفيع بمناسبة سفرنا لدبي لإحياء مناسبة الزواج
    عنوانها زغردي يا دبي
    و بالناس الجميلين بتكتمل الفرحة لو تعذر الحضور مشاعرهم سبقت كل التوقعات
                   |Articles |News |مقالات |بيانات

12-10-2015, 09:33 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عفاف أبو حريرة)

    الغنا السوداني
    ملاحظات خاصة على غنانا المشتهنه
    ما شك أنه نحن شعب طروب لكن الحق يقال يهزنا الايقاع والموسيقى دون الكلمات .. بل حتى أغاني الاستماع عندنا قليلة وعند فنانين معينين .. لكن رغم عن ذلك نحب غنانا وندافع عنه في كل المحافل المحلية والدولية .
    بعد ذلك عندي أنا ملاحظات خاصة بي وحدي يمكن تزعل بعض لكن هي كدا بس
    في أغاني قوامها الجرسة وفرش الورق غير المبرر والذي لا يشبه طبع الرجل السوداني تحديدا .
    منها أغنية عثمان حسين والسر دوليب مسامحك يا حبيبي:
    مـسـامحـك يا حـبـيـبـى مهـمـا قـسـيـت عَـلـيـَّا
    قـلـبــك عـارفــو أبـيـض وكُـلـك حُـسْــن نِـيـَّـه
    ******
    ما خـطــرت لـقـلـبـى سـلـوى تـحِـيــدو عـنـَّـك
    وما مـمـكـن أعـاتـبـك وياخـُـد خاطـرى مـنـَّـك
    ******
    أنا عـارف خـصـامـك وغـضـبــك فى كــلامـك
    ما من جـوَّه قـلـبـك ..... كُـلـُّـو عـلى لـسـانـك
    ومثلها أغنية ثنائي العاصمة ما قالوا عليك حنين
    ما قالوا عليك حنين بس نان وينه الحنيه
    لا بتسأل يوم عن حالى لاتشوف الباقى علىّ
    الببقى على أنا هين لو انتا بتقبلو لىّ
    سلمتك قلبى مأمل ترعاهو تبادلو الريده
    وعشمتا فى قربك وكنتا بحلم بجنه سعيده
    انهارها ودادك وحبك ورضاك ريعها وعيده
    ما قالوا عليك حنين وينو التحنان والريده
    يا سلام لو ترضى علينا تدينا قليل من حنك
    أو تسأل مره عيونا كيف بالاشواق حاضننك
    لو تسأل يوم تلقانا كل ثانيه بنسأل عنك .....
    وكل لحظه هواك معانا يا غالى كتير راجنك
    ما قالوا عليك حنين ورقيق بشكل خيالى
    نشوان فى دنيا جمالك سابح فى سماك العالى
    والشوق فى هواك يضنينا ويسهر فينا ليالى
    لكنك يا الحابنك ناسينا كدة طوالى ..
    لاحظ الجرسة في الآغنيتين السابقتين تحس لدرجة ترخيص النفس للمحبوب .
    أول من أدخل التوبيخ العنيف للمحبوب في ألأغاني العاطفية هو الراحل أسماعيل حسن ومثال أغنية غلطة ..
    كلمات اغنية غلطة
    قاسي قلبك علي ليه
    قسى قلبك علي ليه
    لو بحب يبقى ذنبي ايه
    قلبي توب ..
    توب من عواطفك
    ايه نهاية حبه ايه
    غلطة كانت غرامي ليك
    وا خسارة دموعي فيك
    غلطة قلبي سلمتو ليك
    ما كان مكانو وما كان يجيك
    يوم لقيتك علي ما كان يوم يا مبدل شجوني هوى
    عني ايه قالو عني ايه
    كنت تايه وكنت غريب
    وانا افتكرتك اعز حبيب
    ياما قلبي يخطا ويصيب
    والعذاب لي كان نصيب
    من عرفتك جفاني حتى النوم يا مبدل شجوني هوى
    انت حبك جنيت عليه
    كن طلعت القمرة وجيت
    ولو حلفت برب البيت
    ما بريدك ..
    ما بريدك مهما بقيت غلطة كانت وكان ابيت
    يا الفراقك علي كان مكتوب يا مبدل شقاي انا
    انت حبك جنيت عليه

    أذكر زمان زمن التلفزيون واحد في برنامج أيام لها ايقاع بين حسين خوجلي والشاعر الراحل رحمه الله محمد بشير عتيق .. قال له أسماعيل حسن قلب عليكم الطاولة وأدخل التعنيف للمحبوب كظاهرة جديدة وقرأ عليه أغنية غلطة . وعتيق كان ينظر بأندهاش وهو يقرأ عليه القصيدة وقال له حسين تقدر تقول للمحبوب غلطة كانت غرامي ليك واخسارة دموعي فيك ..
    عتيق رد قال : أعوذ بالله . .هههههههههههه ( يا ليت قناة أم درمان تعيد هذه الحلقة يوم ما .)

    وفي المقابل كذلك توجد أغاني فيها طابع التهديد والهرشة للمحبوب :

    مثال أغنية ابراهيم عوض لو عايز تسيبنا

    جرب وانت سيبنا لو داير تسيبنا
    لوداير تحب حب وانساه ريدنا
    لو ترجع تصافي نسامحك ياحبيبنا
    ياعايش في دنيا من اوهام خيالك
    يا تاعب ضميرك وما رتيان لحالك
    ماتودر شبابك روق وهدي بالك
    رفقا بي قلوبنا ورفقا بي شبابك
    لو حنيت لي قربي او جافيتنا زاتك
    لو فارقت دربي هواك في دماي جاري
    يكبر ويبقي قصة ارويها لصغاري
    نعيش ونموت عليها
    انت غرامي عارفو غرام محراب وراهب
    غرامي اخترته مزهب من اسما المزاهب
    ينور لى طريقى ويفتح لى مواهب
    اشوف املى بجزيرة وحبك لى قارب
    لو حنيت لقربى اوجافيت مزارى هواك فى
    دمايا جارى بقبر وببقى قصة ارويها لصقار
    نعيش ونموت عليها يقولو غرام مثالى ..

    يعني نبرة الهرشة ظاهره لو عندك بديل تاني روح في ستين داهية ويمكن فيها شتيمة كمان

    ياعايش في دنيا من اوهام خيالك
    يا تاعب ضميرك وما رتيان لحالك
    ماتودر شبابك روق وهدي بالك

    حد يقول لمحبوبته أمشي يا موهومة ويكون لسع راجي منها حاجة ؟

    ونواصل
                   |Articles |News |مقالات |بيانات

12-10-2015, 02:36 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: درديري كباشي)

    مرحبا نادر من الفيس
    رويدك يا رجل وغفر الله لك (َQUOTE)
    ..............<<<<<<<<<<>>>>>>>>>>>>

    لنتوقف لحظة يا صحاب ونتأمل في هذا الرد للأستاذ عبد الحفيظ ابو سن
    وهو يرد على شخص علق على كلامه في بوست آخر وشتمه وسبه باسلوب
    قمئ وردئ...
    فلنرفع القبعات للأستاذ عبد الحفيظ ابو سن وهو يتملك الغضب ويرد بهذا الرد الملائكي
    والذي يدل على طيب معدنه وتربيته الحسنة وكل يوم بيأكد لينا انه من الناس السمحين بالجد
    .. بالأمس ونحن في جلسة صفاء وتتصدرنا المسنوحة بت الشيخ عبد الرحيم والموسيقار امتثال
    في فنجان جبنة في استاربكس وفتحنا المنبر العام نعلق شفويا على بعض المقالات ووجدنا بوست
    ود ابو سن ( 6 مليار) فاعتقدنا من العننوان انه كسب 6 مليار جنيه في يانصيب) .. وقرأنا ووجدنا
    من يسبه ويشتمه وقرأنا رده.. وقالت احدى الحاضرات : معقولة في الزمن ده في زول ده بيتملك غضبه
    ويرد الاساءة بالحسنة ويقول ليه غفر الله لك" .. وردت بت الشيخ : عشان انتو ما بتعرفو ليه بت مصطفى كانت
    فاتحة حوش كامل ولفترة طويلة بتشكر رفي ناس سمحين طبائعهم نادرة في هذا الزمن ومنهم الاستاذ ود ابو سن..
    وردت الموسيقار امتثال : ان شاء الله يا يسمات يجيكي عريس عنده اخلاق عالية زي ود ابو سن " وقلت ليها
    اذا انتي منتظرة زيه وزي اخلالقه العالية فسوف نتنظرين طويلا وحتكوني عانسة... لان الناس البيردو الاساءة بالحسنة
    قليلين في الزمن ده...
    والتحية لك استاذنا عبد الحفيظ ابوسن... والتحية لاسرتك الكريمة المحظوظة التي وجدت بعلا وابا مثلك...
    والتحية لكم جميعا فانتم الذين تجعلون لحياتنا معنى وتعطونا الأمل دائما ان الدنيا لا زال بخير .. ومرات بنقرأ قصصكم
    الانيقة ونغالب الدموع وهي تسيل من عيوننا..
    والله يديكم الصحة والعافية
                   |Articles |News |مقالات |بيانات

12-10-2015, 02:40 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: درديري كباشي)

    Quote: القصيدة دي من بوح أخونا الشاعر محمد الرفيع بمناسبة سفرنا لدبي لإحياء مناسبة الزواج
    عنوانها زغردي يا دبي
    و بالناس الجميلين بتكتمل الفرحة لو تعذر الحضور مشاعرهم سبقت كل التوقعات


    أمان ما إتلومتو كان إنتِ وكان ود المحرب
    والله إتلومتو لو اليابا فضيل
    مالكم ما بتعزموني ... والله كان جيت وساعة البطانكت نزلت وصوقرت وأخد الفيها النصيب من صوت البطان
    ماعندك عُذر يا بت أبوحريرة
    ماتقولي لي تلفونك ما عندي
    كان سألتي السنوح ود البوش عندو الرقم وكان يألتي ود المحرب عندو التلفون

    لا تغفر لك يا بت أبوحريرة لو اليابا فضيل بقى عليك
                   |Articles |News |مقالات |بيانات

12-10-2015, 02:46 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: رسلت سلام واعتذار مع المسنوح ودالمنسي ما يكون عمل نايم


    ههههههههههههه
    والله نزلت أشواقك للكل
    وكان ما مصدقني يا الحبيب خلي بت مصطفى تقرأ ليك الصفحة الفاتت بتلقى كلامي معبر عن شوقك لاهلك الحبايب أولاد وصبايا
    يحردن يا ابوسن كان بسوي كدي ههههههههه وانا الرضعان في الخلال ههههههه
                   |Articles |News |مقالات |بيانات

12-10-2015, 02:58 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: امبارح في المنام شفت الكلوس بحدايـا
    فــــي قهــوة كلسنـــــا الباقيـــة لينــا تكايـــــا
    النشمي البشوش اب ضحكتآ ضوايــــــــا
    ود منسي الرزين ذكراهــــو بينـــــا حكايــــا
    وشيقوقنا الطفش ومو عرفنا ليهو نهايــا
    واب ســن الخلوق الديمــة نايــــلو رضايــا
    ود بلة الاصيل حــــالي الكـــــلام برعايــــــا
    وابو سنينـة الكريم الباقي لينــــا عطايـــــا
    وشاحداهو الكريم حقق لي ذاااات الغايا


    هيييييييييييع و محل رهيفة تنقد
    حرّم كان حية إلا الصوت يابا ضهورنا
    وضرب الصوت والركوا بفرز الناس
    عشان زينوبة ما بتحوق
                   |Articles |News |مقالات |بيانات

12-10-2015, 05:00 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    ملاحظات عابرة في قراءة اولية لبعض التعليقات:
    قصة جلالدونا مع سيد الكلب والكلب الحس بيهو وكأنه عاوز يعزمو يخمس معاه.. قصة لطيفة وظريفة لغاية...

    - واستمتعت بالجدعة الشعرية بين عفاف ابو حريرة وود الفاضلاب.. .. ملكة شعرية مافي شك..

    - وعزومة الفاتح ميرغني لليابان قبلناها بترحاب ونتمنى نشوف اكبر دولة صناعية في العالم .. وبنعرف بروفيسور
    امريكي دائما بيقول: اذا عاوز تشتري اي حاجة في الدنيا ولقيت مكتوب فيها صنع في اليابان او صنع في الولايات المتحدة
    الامريكية فلا تتردد واشترى وانت مغمض عينيك..

    - وزي ما قالت بت الشيخ كنت مزنوقة زنقة الترزي يوم الوقفة.. وسألتها وقلت ليها انت عرفت التعبير الشعبي ده من وين؟
    وانت يوم واحد ما فصلتي فستان عند توزي وكل عيد تشتري الملابس الملابس الجاهزة من احدث الموضات.. واعترفت وقالت
    شفتها من ود حلتها ود الفاضلاب.. .. والظاهر وهي بقت تفهم الكلام البدوي الصعب بتاع ناس العبيد ود الطيب حتكون بدوية وريفية
    ميه في المية .. وخايفة امها ما تفهمها لمن تمشي الاجازة.. وهسه كمان هي عازمة صديقة امريكية للسودان حتقوم تعلمها العربي
    الريفي البدوي .. وياريت ... نحن نتمنى..
    ونواصل لحين ميسرة ومسرة
    والله يديكم الصحة والعافية
                   |Articles |News |مقالات |بيانات

12-10-2015, 06:00 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: اميرة السيد)

    Quote: عديلـة عليـك مـشاويـرك عديـلـه
    عديلـة أن كان قـصيـرة ان كان طويلة
    عديلـة علـيـك محـل ماتمشي تمشي
    يـا عديلـه أبقيلـو زي الغيمـه رشـي

    اوووو الحقى يابسمات ,, وانا اتجوَّل فى حوارى المنبر العتيقة
    إكتشفت زول عطبراوى حلو ,, حكاياتو ماتخلص من الجمال
    ده ولدنا حيدر حسن ميرغنى ,, مسكتو وحلفت عليهو وخسَّمتو
    وقلتلو على الجزيم كان ماتجينا فى لمة الجبنة تانى لاك ولدنا
    لابنعرفك ,, وكتر خيرو جاء وكمان بى قَنْزَبُو ,, فالحقوه بى فنجان
    بِكرى ,, الـ يعدِل راسو عشان يحكى بى مزاج ,, مرحب حيدروف
    بين اهلك وناسك.

    Quote: لنتوقف لحظة يا صحاب ونتأمل في هذا الرد للأستاذ عبد الحفيظ ابو سن
    وهو يرد على شخص علق على كلامه في بوست آخر وشتمه وسبه باسلوب
    قمئ وردئ...

    فعلاً يا اميرة ملاحظتك فى محلها ,, انا شفت رد عبدالحفيظ امس الأحد وكنت عاوز أرد عليهو لكن الارباب وعبدالرحمن طيَّروا لى الكتابة فى راسى ,
    وحسناً فعل ودابسن فقد كان حليماً ولم يرد الاساءة بمثلها واتبع قول الحق تبارك وتعالى:

    {وَلَا تَسْتَوِي الْحَسَنَةُ وَلَا السَّيِّئَةُ ۚ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ }(B] (34)

    ويقول أبو الأسود الدؤلي:

    وإذا جريتَ مع السفيه كما جرى ,, فكــلاكما في جــريه مذمــومُ
    وإذا عتبتَ عــلى السفيــه ولُمْــتَهُ ,, في مثل ما يأتي فأنتَ ظلومُ


    ولذلك انا عندما فتحت هذا البوست اردته ان يكون راكوبة يستظل بها كل الناس السمحين ونهرب من اهل اللؤم
    ففى قعدة الجبنة هذه مافى مجال لى زول عشان يسئ لنا اللهم الا يجى واحد يقول جبنتكن مسيخة
    وبرضو بِنْهَيِّن ليهو سكر فى فنجانه زى ما فعل عبدالحفيظ.

    (عدل بواسطة عبدالعزيز الفاضلابى on 12-10-2015, 06:04 PM)

                   |Articles |News |مقالات |بيانات

12-10-2015, 06:49 PM

احمد الشيخ
<aاحمد الشيخ
تاريخ التسجيل: 23-12-2014
مجموع المشاركات: 781

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    والله لمتكم سمحة بالحيل
    وريحة البن براها تكيف
                   |Articles |News |مقالات |بيانات

12-10-2015, 07:11 PM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: احمد الشيخ)

    هذا البوست وليد لحظة من المايسترو الفاضلابي يطابق تماما لحن الكابلي وليد اللحظة
    .
    .
    يا اميرة شوفي راي الموسيقية امتثال في هذه المقطوعة الموسيقية الرائعة وقد كانت وليدة لحظة بدون نوتة

                   |Articles |News |مقالات |بيانات

12-10-2015, 08:30 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالله ود البوش)

    عزيزي عبد الله ود البوش( الراجل الشهم)..

    انا سمعت القطعة الموسيقية الرائعة.. وطبعا انا ما بفهم كتير في وضع الألحان .. لكن لمن نرجع البيت
    حاسمع امتثال القطعة.. ونديك رأيها بعدبن .. ,اظنها حتطير بالفرحة والناس يشاوروها في قطعة
    موسيقية للفنان القامة الكابلي( وبالمناسبة هي تعزف جميع الحان الفنانين الكبار بالسكسفون وهي متمكنة
    كتمكن محمدية في الجيتار)..
    وبالمناسبة جبنا سيرتك وبدون لذنك في بوست كاتبه ادم يوسف وعنوانه:" صورة استفزتني كثيرا عن وضع الحجاج السودانيين"
    والله يديك الصحة والعافية
                   |Articles |News |مقالات |بيانات

12-10-2015, 08:59 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: اميرة السيد)

    والله يا ود اب سن بقيت زي ..... في جامع مافي زول بعبرني غير بسمات أنت بي لوم
    وأنا ما بتلوم ...... ويتلوّم البايبا فضيل
    حت ود البوش والفاضلابي بقوا جارين ابنص طويل وفو يفوتو فيني حوفا هههههههه ... حتى قولت سلااام مافي ... الله كريم
    لكن ما بنقول شى ولا بنحرد بنجي ونكب كلامنا
    ... كان ما ليهم ليك أنت وبسمات وأنت اقعد لوم
    و الما دارك ما لامك ههههههه
    ولحين ميسرة

    (عدل بواسطة خالد علي محجوب المنسي on 12-10-2015, 09:04 PM)

                   |Articles |News |مقالات |بيانات

12-10-2015, 09:08 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19418

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    سلام جت عليكم
    شكرا ود المنسي ياخ بقيت المباجحة ما بتعرفها .. ما عاش من يفوتك حوفا
    ودالبوش دة خلو فوق عدلو
    اللميرة والفاضلابي كتر خيركم دواس الاسافير اب نفسا حار دة دواس عوين ساي دون جندرية
    اسمو منبر الحوار الحر
    ما
    منبر النبذ الحر
                   |Articles |News |مقالات |بيانات

12-10-2015, 09:19 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالحفيظ ابوسن)

    عزيزنا خلد ود المنسي..
    اها شن قولك جاياك برواقة,,
    وطبعا بتشكر في المسنوحة بت الشيخ عشان بت حلتكم
    وشاربين من الأتبراوي ,, بس ما تقول لي الاتبراوي ما بمر بشندي..وطبعا انا ضعيفة في الجغرافيا..

    ونجيكم برواقة باكر .. ومسافرة بعد شويه ساعتين بالقطر وراجعة تانية الليلة
    للمسنوحات ورجوع تاني كمان ساعتين,.,,

    والله يديك الصحة والعافية
                   |Articles |News |مقالات |بيانات

12-10-2015, 11:49 PM

Basamat Alsheikh

تاريخ التسجيل: 15-08-2015
مجموع المشاركات: 2582

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: اميرة السيد)

    عزيزي الفاضل عبد الحفيظ ابوسن
    كنت بالامس مثار حديثنا وونستنا..وشابات الجامعة معجبات بيك(وجه ضاحك)
    لكن والله اخلاقك العالية وتصرفك النبيل اذهل الكل...انت لازم تكون شربت من موية
    الاتبراوي وانت ما عارف....الاتبراوي اعطيتنا درسا جميلا ورائعا في حسن التصرف
    وكتم الغضب...يعني بت مصطفى سمتكم ناس سمحين لشنو ..طبعا لاسباب..
    شكرا مرة اخرى..you make our day
    ونحن في انتظار بت مصطفى عشان حنسمع مقطوعة موسيقية على حسب كلامها

    ودمت بالف خير وصحة وعافية
                   |Articles |News |مقالات |بيانات

13-10-2015, 00:09 AM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote: والله لمتكم سمحة بالحيل
    وريحة البن براها تكيف

    مرحب حباب احمد الشيخ
    اللمة تحلو بوجودكم وبمشاركاتكم
    التى تزيل عنا رَهَق الغربة
    ويلامس جمالها الانسجة التى كادت
    ان تنسى الفرح فتتجدد فينا لنحيا
                   |Articles |News |مقالات |بيانات

13-10-2015, 05:46 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19418

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    بت الشيخ حبابك يا خية
    كتر خيرك والله ودة من ذوقك .. الا محبة البنات سمحة
    الحياة اقصر من ان تنكد علي نفسك او غيرك .. هي براها ما مقصرة
                   |Articles |News |مقالات |بيانات

13-10-2015, 02:51 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالحفيظ ابوسن)

    Quote: سلام جت عليكم
    شكرا ود المنسي ياخ بقيت المباجحة ما بتعرفها .. ما عاش من يفوتك حوفا
    ودالبوش دة خلو فوق عدلو
    اللميرة والفاضلابي كتر خيركم دواس الاسافير اب نفسا حار دة دواس عوين ساي دون جندرية
    اسمو منبر الحوار الحر



    عليك أمان الله يا ود ابوسن من الغبينة شربت القهوة مسيخة ( حنضل القيزان ) نزلت في حلقي
    أنبح واهاتي و ناسكي جو بارمين العمة وتاكين الرقبة علي شباك اللوري وأبنص لي الصاجة ههههه
    و فوق دا يكتحوني بي عجاجهم ههههههه و ود البوش بعد عجاج العجلات يكتح قضة تراب من يدو فينا
    هههههههه اها حنس السنحة دي يولوا فيها شنو ؟؟؟

    (عدل بواسطة خالد علي محجوب المنسي on 13-10-2015, 02:53 PM)

                   |Articles |News |مقالات |بيانات

13-10-2015, 04:56 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    كرا ود المنسي ياخ بقيت المباجحة ما بتعرفها .. ما عاش من يفوتك حوفا
    ودالبوش دة خلو فوق عدلو
    اللميرة والفاضلابي كتر خيركم دواس الاسافير اب نفسا حار دة دواس عوين ساي دون جندرية
    اسمو منبر الحوار الحر
    ما
    منبر النبذ الحر( QUOTE)
    >>>>>>>>>>>><<<<<<<<<<
    >>>>>>>>>>>>>>>>>>>>>
    عزيزنا خالد ود المنسي
    هسع انت قريت كلام ود ابوسن ده كويس ...
    والمرة دي ما بقول ليك جاياك برواقة.. عشان انت باقي لي ما بتدور التسويف
    وبنكرر دائما انتو خليتوا دنيتنا وردي وكأننا عايشين وسط اهلنا.. وكتر خيركم
    .. وليه هسع انت ما رديت الأتبراوي ده بتشوفو وانتو في شندي !!!
    غايتو قلنا لبت الشيخ المرة الجاية لمن تمشي الاجازة تجيب لينا موية الاتبراوي في قزازة
    عشان نقول شربنا من موية الاتبراوي .. لانها بتفتكر بس الناس الشاربين من موية الاتبراوي
    هم العندهم المحنة والود والوئام... حتى هي اتهمت ود ابوسن بانه شارب من الاتبرواوي وكانها موية زمزم
    ( طبعا لامن هي تقرأ اتهمت دي حتزعل وحتنبق جنس جنبقة( بس قول لي ما بتعرف تحنبق دي يعني شنو!!
    وممكن تستعين بود العبيد للشرح..
    والله يديك الصحة والعافية
                   |Articles |News |مقالات |بيانات

13-10-2015, 05:18 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: اميرة السيد)

    عزيزي عبد الله ود البوش
    سمعنا معا بالأمس هذه القطعة الموسيقية الرائعة للفنان القامة الكابلي.. واستمعت معنا الموسيقية
    الرائعة الماهرة امتثال.. وطبعا هي انفرجت اساريرها لمن قلنا ليها ورينا رأيك في اللحن وليد اللحظة
    من الاستاذ الفنان الكابلي وعزف امهر العازفين السودانيين.. ولكنها اتواضعت وقالت معقولة اقول رأي
    في عزف محمدية وعربي ومحمد الحسن وفطاتحلة العزف في السودان.. لكن لمن اصرينا قالت مافي شك
    ان اللحن اكثر من روعة ولكن ما غريبة على الفنان الكابلي.. وشوف كمان درجة التمكن في العزف للعازف
    محمدية وكيف يبتسم وهو يسيطر على آلة الكمان ويطوعها كما يريد(فليرحمه الله ويدخله جنات الفردوس بقدر
    ما ادخل السرور في نفوسنا)..وامتثال تشكرك شكر شديد لحسن الظن... وكهدية لينا قامت عزفت لينا نفس اللحن
    وكانت رائعة...
    والله يديك الصحة والعافية
                   |Articles |News |مقالات |بيانات

13-10-2015, 05:19 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15431

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: اميرة السيد)

    حبيبة قلبي ,, العفاف بت الرجال ,

    مرسل ليك سلام معطر من بلد الزهور ومعاهو باقة ورد من حواشتي .
    Quote: وزغردت دبي
    من بكرة زغردي يا دبي
    و ضوي الشموع في كل حي
    جاييك محربنا الحبيب
    دقي الطبول و قولي سي
    جاييك زول , و هو أحلى زول
    ود ناس عزاز و ولد أصول
    زول شيخ عرب و مطراً هطول

    اريدكم واريد سيرتكم العامرة بيكم اريتني لو كنت حداكم كنت رقصت رقبة واديت
    الشبال يشهد الله خرمانة لي حفلة وادي فيها داك يا الشبال المدنكل ههههههههه.
    تسلمي يا حبيبة .

    ورح نتمشي بين الورود المبتسمة دي .

    sudansudansudansudansudansudansudansudansudansudansudansudansudansudansudansudansudansudansudansudansudan2.jpg Hosting at Sudaneseonline.com
                   |Articles |News |مقالات |بيانات

13-10-2015, 05:25 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15431

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: مني عمسيب)

    حبيبات قلبي وزهرات الصديقات ..

    الاميرة ونسمات ,, وينكن يا الحبيبات مالكن قاطعتن خالتكن بت نفيسة ؟
    يشهد الله مشتاقة ليكن يا السمحات . وفقدتكن في بوست الامسية الادبية قلت
    اقول ليكن حضرن نفسكن للربيع تجننا باهنا حتي لو بس اسبوعيين تحضرن معانا
    فعالية امسية وحيدة . المهم مشتاقة ليكم يا بنوت يا سكر يا البتنضحن سكر .

    الغنيوة دي بتشبهكن , سكر سكر سكر وحاة عيني سكر واكتر .

    (عدل بواسطة مني عمسيب on 13-10-2015, 05:28 PM)

                   |Articles |News |مقالات |بيانات

13-10-2015, 07:01 PM

Basamat Alsheikh

تاريخ التسجيل: 15-08-2015
مجموع المشاركات: 2582

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: مني عمسيب)

    العزيزة الغالية منى بت نفيسة
    انتي والله كل يوم في بالنا ,, وكيف ننساكي وننسى زهورك وورودك البتفتح النفس وتملانا طوحات بحب الحياة
    والأمسية الأدبية النظمتيها في هولندا مع ادباء السودان كلمتني عنها بت مصطفى لانها بتتابع الفعاليات الثقافية
    وتتمنى الامسيات الادبية تكون موجودة في كل مدينة في بلاد الاغتراب والمهاجر لانها ترويح للنفس والروح
    وزيادة في الثقافة.. واظن جالية هولندا نشيطة وعندها انشطة ثقافية انيقة ,,,
    ودمتي بالف خير وصحة وعافية
    نسمات( بسمات)
                   |Articles |News |مقالات |بيانات

13-10-2015, 07:36 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19418

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    امي فاطنة بت حليمة لها الرحمة وغفر الله لها
    كانت بتقول
    الزول الحنين فيهو رحم
    كأنها تقول ان الحنية صفة انثوية لما لها من لطافة و رقة ..
                   |Articles |News |مقالات |بيانات

13-10-2015, 09:31 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالحفيظ ابوسن)

    Quote:
    عزيزنا خلد ود المنسي..
    اها شن قولك جاياك برواقة,,
    وطبعا بتشكر في المسنوحة بت الشيخ عشان بت حلتكم
    وشاربين من الأتبراوي ,, بس ما تقول لي الاتبراوي ما بمر بشندي..وطبعا انا ضعيفة في الجغرافيا..

    ونجيكم برواقة باكر .. ومسافرة بعد شويه ساعتين بالقطر وراجعة تانية الليلة
    للمسنوحات ورجوع تاني كمان ساعتين,.,,

    والله يديك الصحة والعافية
    التوقيع:
    لو ما جيت من زي ديل..

    كان ،أسفاي..وآمأساتي..وآذلي..

    تصور كيف يكون الحال

    لو ما كنت سودانية وأهل الحارة ما أهلي

    تصور كيف؟



    الأميرة أميرة وتاجك وصولاجنك دهب شيبون
    كيفنك وعلك طيبة يا الطيبة
    والله كتبت ليك رد بعد المغرب 25 رطل لكن فت زاغ ..... الله أريتو يزوغ زوغة المرقوا ما عادوا ... زعلني زعل
    منتظرين الرواقة كنا وكنا منتظرنها روقة بعد كباية قهوة مدنكلة مقاس XL زي ما قالت عبدالرحيم عشان الراس يكون مزبوط لكن روقتك جات بعد جوطة راس في القطر
    دق دق والدغفلي قلبي إنقطع الدغفلي ... الدغفلي قلبي إنقطع
    أها إنشاء الله شلتي معاك الزوادة كابيدة بي عجوة ... عجو المحوس
    القال فيه الشاعر ود الدابي
    العجو الجاي من المحوس
    وكان عوّضل ما بينقرو السوس
    المفلس شن داير يكوس
    بس يعاين ويشبع مغوص
    عليك الله شوفي فصاحةالشاعر دا وكيف وصف عجوة المحس
    كان عوّل : اي كان بقى قديم ما بسوس
    وهذا وصف كان للمحبوبة التي لم تبان فيها علامات الكبر رغم أنها تقدمت في السن ( وهي كانت باش داية ) نقلت من ارض الشايقية لكسلا ويوم مسافرة
    عمل الشاعر ود الدابي قصديته هذه فيها ( اسيا بابورك في الأراك )
    وذاك مقطع منها
    أها أجيك لي المحنة مع بت الأتبراوي ما داب موية وبس محنة مرتبطة بحني التربة لي الصرة
    قال الشاعر حمدان لناظر عموم الجعلين الشيخ إإبراهيم فرح
    من البسري لي السبلوقة
    حدد دار ابوك
    يا اب رسوة كدق فوقا

    والبسري هو نهر الاتبراوي والسبلوقة هو الشلال السادس عند منطقة حجر العسل جنوب شندي
    وهذه هي حدود أراضي الجعليين
    وحكمة الله التربة واحدة هههههههه رائحة وطعم ولون وحريمنا تربة ورى وقدام ما بتفك الوحم فيهن ههههههههه
    إلا تربة من البسري لي السبلوقة
    الاتبراوي وما أدراك الأتبراوي هو ذاك النهر المميز الذي استند عليه العلامة البروف عبد الله الطيب في أثبات أن الإسلامدخل السودان قبل دخوله المدينة المنورة
    واليمن والشام وغيرها من المناطق
    كانت الهجرة الأول للحبشة ذكر فيها أن الصحابة عندما عبروا البحر الأحمر ساروا على الأقدام وخاضوا نهرا قال البروف هذا يعني أن الصحابة
    لم يعبروا البحر الأحمر ودخولا لاريتريا والدليل خاضوا وفي اريتريا ليس هناك نهراً يخاض ( الخوض هو السير بي الأقدام في ماء ضحل )
    وأثبت انه الأتبراوي ( وبت عبدالرحيم بتكون خاضت في الأتبراوي ) ودا سبب محنتنا لبت عبدالرحيم الله يحفظها لكن حقيقة المحنة ليكن كلكن والله أخواتنا وسند ضرعاتنا وبلاكن ما بنخوض النار

    والله يا بت مصطفى ما كان القصد مقصود لكن الكلام بولد كلام وبه تحلو الجلسة فوق تكية ود الفاضلابي
    لهم ولكنَّ التحية ( وشوفتي لكنَّ دي ههههههههه ود ابوسن ما يقدر يجيب زيها )
    جدو قال بعجبني الزول البجيه خدمتو

    (عدل بواسطة خالد علي محجوب المنسي on 14-10-2015, 02:29 PM)

                   |Articles |News |مقالات |بيانات

13-10-2015, 09:42 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: امي فاطنة بت حليمة لها الرحمة وغفر الله لها
    كانت بتقول
    الزول الحنين فيهو رحم
    كأنها تقول ان الحنية صفة انثوية لما لها من لطافة و رقة ..


    صدقت الله يرحمها ويغفر لها ويسكنها فسيح جناته
    والخال شريك الوالد
    ما قالوا العم
    ههههههههههه المحنة يا ود ابوسن لما تكون في الله لله سمحة بالحيل
    وكان أجمل لو هذا البوست أسمو عُش العصفور وعُش العصفور كلو محنة
    لكن الطيور بقت مهاجرة وأسباب الهجرة معروفة والعامل معروف
    الله يدي العافية
    كيف كيفي قوم الطير يهاجر
    أنسى عُشو بسيب جناهو

    مودتي ود ابوسن
                   |Articles |News |مقالات |بيانات

13-10-2015, 10:43 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: عليك الله شوفي فصاحةالشاعر دا وكيف وصف عجوة المحس

    سلام يامك ,, ذكرتنى الوصف
    كان هناك رجل كفيف يسكن الضفة الغربية لنهر النيل
    وكان يعمل فى السكة الحديد وكان رجلاً مرحاً ومحبوباً
    يعرف الناس بأصواتهم ,, فكان فى الصباح وهو خارج
    من داره متجهاً الى البنطون يصيخ السمع للمارَّة حتى اذا سمع
    صوتاً يعرف صاحبه طلب منه ان يأخذ بيده ليوصله الى البنطون
    وفى الطريق يمر هو ومن يقوده على بعض الناس او يمر بهم من
    يركبون حميراً او عَجَلات فيظل يشاغل هذا ويسخر من ذاك
    الى ان يصل الى البنطون وتتغير الاصوات فى البنطون فيستمر
    فى ممارسة هوايته فى مشاغلة الناس فى البنطون الى ان يرسو
    فى الضفة الاخرى جنوب كبرى عطبرة فينتهز فرصة الحديث
    الى اقرب شخص يليه فيشبط فى ذراعه ليعبر به كبرى عطبرة
    الدامر مشياً وعندما يصل الى مفترق شارع الورشة والسوق
    يتأبط ذراع اول صاحب صوت يعرف انه متجه الى وِرَش السكة
    الحديد إن كان سائقه الاول متجهاً الى السوق وهكذا حتى يصل
    الى الورشة التى يعمل بها ,,, وعندما يخرج العمال الساعة التاسعة
    صباحاً لتناول الإفطار فى السوق الكبير يكون هو قد تأبط ذراع
    زميل له الى ان يصل الى المطعم الذى يتناول فيه افطاره عادةً
    وعلى طول الطريق يظل يترصد اصحاب الاصوات الذين يعرفهم
    فيُنَكِّت عليهم ويُقَرِّق ,, وفى يوم كان ضحيته احد العمال قافلة معاهو
    فأخذ صاحبنا الكفيف يشاغل فى ذلك العامل فقال له العامل:
    ياخ إنت كمان ماتَخَتانا ,, قَايْدِنَّك زى العجلة الناَّزلة
    .
                   |Articles |News |مقالات |بيانات

13-10-2015, 11:23 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    بعد فرتكوا جنينة الحيوانات عشان يبنوا برج الفاتح عملو اعادة توطين للحيوانات ,, أها فى اسد عندو
    واسطة قوية ادوهو لامير سعودى قَدَّمو هدية لجنينة الحيوانات فى السعودية ,, اللسد متكيف شديد قال ربنا
    حلَّانا من الاكل المَجغمس ده والحُرَّاس يسرقو نُصُّو. اها بعد وصل السعودية اليوم الاول جاء الحارس
    ختَّا قفة موز قدام اللسد وقفل الباب ومشى ,, الاسد قال يمكن الزول ده غلتان كدى النَّصبر لى باكر.
    فى اليوم التانى الحارس جاء خَتَّ قفت الموز ومشى. اليوم التالت برضو قفة موز ,, اللسد هنا كف قبقب ليك
    الحارس وقال ليهو : عاين لى هنا كويس انا شنو؟ الحارس قال ليهو إنت أسد ,, قال ليهو طيب وكت انا اسد
    الموز ده شنو؟ الحارس قال ليهو : معليش بس كفيلك جايبك بفيزة قرد ياتنقل كفالتك يا تاكل موزك ده وتسكت بس.


    مرسِل هذه النكتة ذَيَّلها بـ التحية لكل الاسود فى بلاد المهجر
    ** معليش ياخوانا انا تصرَّفت فى النكتة.
    نكتة تانية:
    واحدة ام زوجها كرَّهتا ,, عاوزة تتدخل فى كل شى.
    فواجهتها الزوجة قائلة:
    أسمعى ياخالتى بالله ارجوك تانى ماتدَّخلى فى تربيتى لولادى
    وماعندك بيهم شغلة وانتى مابتورينى كيف اربى عيالى
    وبعدين انا عايشة مع واحد من اولادك وتربيتك شايفاها
    مابتغبانى.


    ام الزوج قالت ليها : والله كلامك صاح انا كان ربيتو ماكان
    عرَّس واحدة زيِّك
    قالو ليك ابليس قعد فى الواطة وخت ايدو فوق راسه.


    ختامه رباطاب:
    رباطابى جا البيت متأخر بعد نص الليل
    دق الباب أخته قالت : ده منو.؟
    قال ليها : ده أنا
    قالت ليهو : وجاى من وين فى الساعة دى؟
    قال ليها جاى من السما.
    قالت ليهو : طيب مانزلت قُصاد سريرك ليه؟ جاى تدق فى الباب.
    قال ليك الرباطابى مشى صحى شيخ الحلة واتنازل لاخته من ورثه فى ابوه
    .
                   |Articles |News |مقالات |بيانات

14-10-2015, 09:59 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    لحين ميسرة
    حباب الفاضلابي
    كيف أنت والعيال
    اها الأرباب ما قرم
                   |Articles |News |مقالات |بيانات

14-10-2015, 11:04 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: مرحب حيدروف
    بين اهلك وناسك.

    ترحب بيك العافية التخصك في مصارينك يا ولدنا (في قول آخر العافية ام جضوم )
    عجبني بوستك والاسترسال الجميل من ناسو الحلوين
    اوعدك اتحكر فيه وقت افضى من بلاوي الشغل
    سلام ليكم كلكم
                   |Articles |News |مقالات |بيانات

14-10-2015, 02:36 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: حيدر حسن ميرغني)

    لحين ميسرة
                   |Articles |News |مقالات |بيانات

14-10-2015, 03:32 PM

إسحاق بله الأمين
<aإسحاق بله الأمين
تاريخ التسجيل: 29-06-2006
مجموع المشاركات: 1485

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    الإخوة والأخوات
    جيناكم مشتاقين

    بس نحنا فايتنكم بالصبر
    رجع كعادته إلى المنزل في وقت متأخر من الليل، و ظلت زوجته كعادتها ساهرة تنتظر قدومه ، إلا أنها هذه المرة قررت أن تجعل حداً لهذا الاستخفاف واللا مبالاة وعدم المسؤولية وأنها تقوم بواجبه وواجب أولادهما خير قيام بلا كلل ولا ملل. نفد صبرها بعد أن يئست من معالجته وقد أعياها السهر وأضناها التعب.

    لم تخف غضبها وابتدرته بقولها أما آن لك أن تتوب إلى الله وتعود إلى رشدك، وقد تجاوزت الخمسين عاماً، وكبر أولادك، ألا تراعي مشاعرهم ؟ ألا تود أن تكون لهم قدوة صالحة؟ فما كان منه إلا أن انهال عليها ضرباً ولكماً وشتماً، ولم يكتف بهذا فقذف بها خارج الدار صائحا فيها أنت طالق أنت طالق أنت طالق.

    هدأ قليلاً وأدرك أن الفأس وقعت في الرأس ، احتار ماذا يفعل في هذا الوقت المتأخر من الليل ؟ وقد غادرت زوجته المنزل وتركته وصغاره الذين أفزعهم صراخه . هداه تفكيره إلى الذهاب إلى جده الطاعن في السن، ذهب إليه وطرق باب منزله، فجاءه صوته هادئاً من الطارق؟ فرد عليه فلان، فقال له: " إن شاء الله خير ياولدي"، فصمت ولم يجب ، فانزعج جده وسأله الحاصل شنو؟" فقال له: جئت إلى البيت متأخراً وتشاجرت مع أم العيال فضربتها وطلقتها. فقال الجد " وكت عملت دا كلو جاييني ليه؟ فقال له: "أنا ما جيتك عشان تعمل ليّ حاجة بس عندي سؤال واحد دايرك تجاوبني عليه"، فقال له: تفضل يا ولدي فقال أنا بس داير أعرف ياجدي إنتو بشر ولاّ ملائكة ؟ كيف صبرتم على النسوان ديل طول عمركم دا؟" فضحك جده وقال: " شوف يا ولدي كان قلت ليك في راجل مرتاح مع زوجته 100% أكون كضبت عليك، وما في بيت ما فيهو مشكلة، لكن يا ولدي بس نحنا فايتنكم بالصبروما بنخلي مشاكلنا تكبر وتطلع وبنكتمها وبنحلها بحكمة .

    فهم الزوج الدرس ولكن بعد فوات الأوان ورجع إلى بيته وهو يردد في نفسه "ما في راجل مرتاح مع زوجته ولكن نحنا فايتنكم بالصبر"، فقال المشكلة كلها ماياها الصبر ربنا يقسمو لينا .
                   |Articles |News |مقالات |بيانات

14-10-2015, 03:46 PM

Basamat Alsheikh

تاريخ التسجيل: 15-08-2015
مجموع المشاركات: 2582

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: إسحاق بله الأمين)

    شوف يا ولدي كان قلت ليك في راجل مرتاح مع زوجته 100% أكون كضبت عليك(QUOTE)
    <<<
    <<<
    >>>
    يعني الراجل الحكيم ده خوفنا عديل من العرس... ونحن البنأمل في العش السعيد والتأملات
    الايجابية عن العرس وحياة ما بعد الزوجية.. وتراها الأمور كلها مشاكل في مشاكل وضرب وطلاق!!
    .. والمعرسين ليها شنو مادام مافي رضا كامل من الزوج عن زوجته..
    والسؤال المهم : هل في زوجة راضية 100% عن زوجها؟؟؟؟
    والسؤال الثاني: هل لازم تكون في مشاكل بين الرجل وزوجته عشان الحياة تمشي والناس تقول المشاكل دي لابد منها
    عشان هي بتعتبر بهارات الحياة وان الحياة من دونها بتكون مملة ومسيخة؟؟؟؟
    وهل الملل والمساخة دي ما ممكن نكسرها بحاجة تانية من غير المشاكل؟ يعني بحلشات رومانسية خارج البيت والخروج مع الزوجة
    والاولاد في رحلات ترفيهية من وقت لآخر للترويح عن النفس.. يعني لازم المشاكل دي!!!!
    وهل هناك فعلا في هذه الدنيا زوج وزوجة ما حصلت بينهم اي مشكلة طيلة حياتهم؟؟
    اذا كانت الاجابة بنعم للسؤال الأخير .. فهناك امل كبير بان المستقبل حيكون زاهر...
    ودمت بالف خير وصحة وعافية
                   |Articles |News |مقالات |بيانات

14-10-2015, 04:55 PM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    أسمح السمحين في القبيلة
    المِن بتارين باريس فنيلا
    والله داير جنبك مقيلا
    وقهوتك موزون زنجبيلا
    نزبط الونسات التقيلا
    إلا بس ناقصاني الوسيلة
    الشاعر الرائع حنفي حاج الطيب، ياناس
    "فنجان جبنة ولمَّة ناس حلوين"
    يسلِّم عليكم وقال ليكم ..كان مِتقريف شديد إلا ونستكم المتنتنة دي ولمتكم السمحة ودَّرت منو القرياف
    معزتي
                   |Articles |News |مقالات |بيانات

14-10-2015, 05:22 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19418

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبيد الطيب)

    قالو الشيخ فرح ود تكتوك يوم جاتو بتو زعلانة من راجلها .. داير الطلاق
    قال ليها مافي عوجة هسة امشي عليهو نطلقك منو .. لكن خليني اقطع الجمار ..
    وكان الناس ماعندهم مراحيض بطلعوا الخلا .. شال ركوتو والركوة ابريق فخار
    وجاها راجع يبكي .. سألتو
    قال ليها الركوة اتكسرت
    قالت ليهو وتبكي عشان ركوة ماياهون راقدات في السوق وبي تراب القروش
    قال ليها
    لكن ركوتي دي لي معاها زمن وشافت عورتي واتعودت عليها . اجيب واحدة غيرها داير زمن اتعود عليها
    فعرفت بنته قصده ورجعت بيتها
    بت الشيخ الزواج يحتاج لاكثرمن الحب ليستمر
                   |Articles |News |مقالات |بيانات

14-10-2015, 05:59 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالحفيظ ابوسن)

    Quote: أسمح السمحين في القبيلة
    المِن بتارين باريس فنيلا
    والله داير جنبك مقيلا
    وقهوتك موزون زنجبيلا
    نزبط الونسات التقيلا
    إلا بس ناقصاني الوسيلة
    الشاعر الرائع حنفي حاج الطيب، ياناس

    حــنفى والحنــيفـــية ديـــــــنَّا,, بيـــــهـــــو نبـــغى الــوســيـــلـــة
    حــاج والحــج فــــــريضة ,, بــــــيهو تِنْــــمحى ذنوبنا التقيلة
    فـى الطَــــيِّب ليك نصيب ,, إسمك يشفى النفس العــــليــــلـة
    حبابــك فصــيح العــبــارة ,, مجــايب عبيــد صافى الســريرة
                   |Articles |News |مقالات |بيانات

14-10-2015, 07:05 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: فقال أنا بس داير أعرف ياجدي إنتو بشر ولاّ ملائكة ؟

    Quote: يعني الراجل الحكيم ده خوفنا عديل من العرس...

    أخدوها منى نصيحة العلاج لديمومة الزواج وسعادة البيت ساهل وبسيط ده طبعا بعد الإيفاء بمتطلبات قواعد الإختيار قبل الزواج.
    بعد الزواج يكمن حل الاستمرار فى هذه القاعدة:
    حسن الاستماع للاخر دون مكابرة
    ومقتضى هذه القاعدة ,, إذا كان الزوج يتحدّث الى زوجته
    فى أمر ما يأخذه عليها ,, فإن كانت حصيفة تستمع اليه
    حتى يفرغ من بيان ماهو معترض عليه ,, ثم تبيِّن هى وجهة
    نظرها وعليه الإستماع اليها دون مقاطعة إلى ان تكمل حديثها
    ولهم ان يستمروا تبادلياً الى ما شاء الله ,, والزوج ايضاً يفعل
    نفس الشئ اذا كانت الزوجة هى المعترضة على شئ بدر منه.
    اما نقاش الامور بطريقة ضيوف فيصل القاسم فى الاتجاه المعاكس
    فذلك حتماً نتيجته موت الزواج وان لم يكن موتاً نهائياً سيكون موتاً
    سريرياً يتغذى بدربات الاهل والاجاويد وفى النهاية سيقررون مايسمونه القتل الرحيم تجاوزاً
    .

    شكرا ودبلة على إثارة هذا الجانب فى الونسة وشكراً بسمات على الاسئلة المنتجة .
    ولى عودة بمزيد ان شاء الله ,, المداخلة دى كلفتها ساكت.
                   |Articles |News |مقالات |بيانات

14-10-2015, 08:07 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: يعني الراجل الحكيم ده خوفنا عديل من العرس... ونحن البنأمل في العش السعيد والتأملات
    الايجابية عن العرس وحياة ما بعد الزوجية.. وتراها الأمور كلها مشاكل في مشاكل وضرب وطلاق!!
    .. والمعرسين ليها شنو مادام مافي رضا كامل من الزوج عن زوجته..
    والسؤال المهم : هل في زوجة راضية 100% عن زوجها؟؟؟؟
    والسؤال الثاني: هل لازم تكون في مشاكل بين الرجل وزوجته عشان الحياة تمشي والناس تقول المشاكل دي لابد منها
    عشان هي بتعتبر بهارات الحياة وان الحياة من دونها بتكون مملة ومسيخة؟؟؟؟
    وهل الملل والمساخة دي ما ممكن نكسرها بحاجة تانية من غير المشاكل؟ يعني بحلشات رومانسية خارج البيت والخروج مع الزوجة
    والاولاد في رحلات ترفيهية من وقت لآخر للترويح عن النفس.. يعني لازم المشاكل دي!!!!
    وهل هناك فعلا في هذه الدنيا زوج وزوجة ما حصلت بينهم اي مشكلة طيلة حياتهم؟؟
    اذا كانت الاجابة بنعم للسؤال الأخير .. فهناك امل كبير بان المستقبل حيكون زاهر...
    ودمت بالف خير وصحة وعافية



    بت عبدالرحيم سلام يا الرضعانة من الأتبراوي
    زي ما قال ود أبو سن الزواج يحتاج لاكثر من الحب
    الحُب وحده لا يكفي ولا الرومانسية وتأكدي عمرهما قصير جدأ
    بيت القصيد أن نعي كيف نجلب السعادة ونبني عُشة صغيرة بي الحب والتفاهم والمودة والتجرد
    وأهم شى التنازل لكي نتلاقى في نقطة
    التفاهم واليقين والعقلية وفوق دا فهم ماذا تعني أسرة زوجة وأولاد أو زوج وأولاد
    عدو الأسرة المستقرة كلمة أنا ( الأنانية )
    المعضلة الكبيرة في هذا الزمان هي العوامل الخارجية أو قولي المحيطة ( التي هوت بالكثير من البيوت كانت قد بُنت بالحب والرومانسية )
    حساب كل هذه الجوانب وغيرها ومن التي تجلب السعادة لابد أن تحسب بوعي وفهم من الجانبين قبل الأقدام خطوة نحو الزواج
    تعرفي يا بت عبدالرحيم أهم شى أن نعي أن السعادة يقين
    أول مرة زارت معي أم أحمد السودان كان سنة 2000 وحكمة الله ما كانت ترتاح للبندر ( دا كان همي أنها حا تقيدني نقعد في الخرتوم ) لقت شندي والجناين
    والجو النقي قالت لي الخرتوم دي تاني ما بمشي ليها إلا لما نسافر نمشي المطار ... وكنا كل ما نجي السودان من المطار لي شندي نعدي عطلتنا ما بنجي البندر إلا لغرض يوم أو يومين
    وفي الغلب كنت أتركهم هي وأبنها في شندي واستعجل العودة لهما
    المهم يا ستي في سنة 2000 كانت الحالة في البلد لا توصف موش مسالة قروش لكن لو عندك مافي شى ... وكانت لها جلسات مع الاسرة والاهل وأجمل شى طلعت منها بفائدة ...قالت لي مرة
    تعرف أنا عرفت الآن ان السعادة نحن نبنيها ... خلي بالك من كلمة ( نحن ) تعني الأسرة الكبيرة بكل فروعها سعادة الجماعة في تكفالهم وتجردهم تسعد الجميع
    ملاحظتها قالت لي أنها كانت بتستغرب رغم الحال والحاصل البتحصل في السودان الناس بتتونس وتضحك وسعيدة ولو زيف ودا نحن ما بنعرفوا تضحك لما تكون مرتاح في حياتك
    ودا اليقين يا بت عبد الرحيم الذي يجلب السعادة ... لو ما ختينا الرجمن في قلوبنا نظل نركض ولا نلم في الجنة ولا سقطها ...
    الرزق بنزل مقسّم
    لي البجاهد والمعسّم

    ( اقصد من هذا قد تكوني سعيدة مع زوجك لكن قد ينكد عليكم طرف من اسرتك أو اسرته ويهدم السعادة الأنتم فيها ) ....
    وفي نهاية حديثي بقول ليك الاختيار يكون مبني على أشياء كثيرة من ضمنها الأسرة الكبيرة ... وصدقوا أهلنا ومان لما قالوا ( ما تعرس بت عرس عيلة )
    وكل الأمر يا بسمات توفيق من الله للطرفين

    (عدل بواسطة خالد علي محجوب المنسي on 14-10-2015, 08:12 PM)

                   |Articles |News |مقالات |بيانات

14-10-2015, 08:19 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)


    بس في كل مودة بكل ما تحمل من معاني

                   |Articles |News |مقالات |بيانات

14-10-2015, 08:19 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    قاعدة اخرى يابسمات ودى نجرتها قبل كم يوم من راسى وهى:
    الـ بِطالِب بحقو يلزم حَدُّو
    ومقتضى ذلك لكى تنال حقك كاملاً فلاتتجاوز حدودك
    لان التجاوز اما ان يفقدك حقك او يُنقصه ,, ومقتضى
    تلزم حدك ايضاً ان تقوم بواجبك تجاه الطرف الاخر
    ويترتب على تجاوز الحد انك تطلب ماليس لك.
                   |Articles |News |مقالات |بيانات

14-10-2015, 08:48 PM

طلحة عبدالله

تاريخ التسجيل: 14-09-2007
مجموع المشاركات: 15448

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    والله يا فاضلابي البوست كشكول حاوي كل بديع
    عشان كدا صعب الزينا يدخل يعوم ولو اتبلل .. من وين
    لينا اللطافة والطرافة .. والشعر والنثر .. والحكي والحجي
    أحسن حاجة تتوهط الإستمتاع وتتفرج في الابداع ..
    قال الراوي :
    كان عم بشير رجلا مهزارا حاضر النكتة والطرفة .. لاذع
    في تعليقاته وتعقيباته.. سريع البديهة لا تكاد الأحداث تمر
    بجانبه حتي يرقعها بكابشن وليد اللحظة والتو حتي عرف
    بين القوم ب ( الخياط ) ..
    وكان جالسا ذات عصرية قدام دكان ود الحسين الفاتح
    على فسحة الخور المحتشدة بمخاليق الله أصناف وأنواع
    من نساوين ورجاجيل وبقيرات وبهيمات وحمار مربوط في
    شبعة الراكوبة.. الخ الخ الخ .. بينما تحلق حوله مجموعة غير
    قليلة من طالبي النكتة والمرح، وكعادته لم يبخل عليهم بالفيها
    النضيب ..
    قال : وليدا لى حاج العبيد جابوهوا في الرادي شكر
    أبوه وأمو قال شجعوه يمثل في التمثليات.. ثم كان
    مكوعا فقمز وقال : شوف عيني البياكلا الدود أبوه
    مما بقي يلبس البنطلون شال ليهو العكاز وسكاهو
    لغاية وصلو الترعة التالتة .. أهلو طاردينو من زمنو
    الصبي ويقولك شجعوني.. عايلنو الكضيضيب أب رأسا مدوقس ..
    واستطرد بلهجة فليسوف عتيق : والله كضب ناس
    المسلسلات دا ان باريناهو برمي فوكنا مرق البيت، قالوا كيف ؟
    قال: البنية الما عندها ولي دي يجبيوها ليك مجلبطة
    باللحمر واللصفر وشيشا التقول مشخبطو شافع روضة، ويقولولك
    دي غمرانة ليها يوم وضحوة .. عاد شفتا جنس دا آ عباس أخوي..؟؟
    وفي الأثناء يمر مسرعا معروف ود الفيل وهو صبي
    لديح ومسيخ، فينظر له الخياط بى طرف مستنكر
    وما أن يتواري في أقرب زقاق حتي يقول : الجنا أب
    سنينات دا قايملو فوق كضب، قلتلو تعال النبيعلك
    ويكة قال لي ما بناكلا .. أيمان حج وعتق قائمة في
    أكتافو الناصلات ديل خلي ما بناكلا .
    قال : الزمن دا غايتو ان عندك قريشات أبقي عليهن
    عشرة .. عشان ان مرضت في جسمك دا ومشيت
    لى مستشفي الليل حكومة ما فيهو دفع عليك أمان الله البنية القاعدة
    في الإستقبال التقول اتا طليقا وما دافع نفقتا شدة ما
    بتتلادح معاك .. وان بقيت عندك القريشات ومشيت
    للخصوصي وحاة الزاد دا البنية الهناك التقول اتا خاطبا
    ومعنكشا دهب من ظرافتا ولطافتا .
                   |Articles |News |مقالات |بيانات

14-10-2015, 09:20 PM

عبد المنعم سيد احمد
<aعبد المنعم سيد احمد
تاريخ التسجيل: 13-10-2003
مجموع المشاركات: 11813

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: طلحة عبدالله)




    اهداء للجميل ود المنسى..
    اسيا بابورك فى الاراك
    للشاعر الرائع ود الزومة
    اما الشاعر الرائع ود الدابى..داك كلامو كتر
    يعتبر شيخ شعراء الشايقية
    يقول
    حاجبه اللناس تكوسلو..كتر وقوفه
    وهو يشبه حاجبها..بهلال العيد
    الكل يتشرفلو..ولايبين الا كالخيط
    امنا بالله
    ويقول ايضا
    الضمير..ليهو الليد تحوق
    الا بس..فى مشيهو..ممحوق
    ياالله من نيرانو محروق.
                   |Articles |News |مقالات |بيانات

15-10-2015, 04:40 PM

Basamat Alsheikh

تاريخ التسجيل: 15-08-2015
مجموع المشاركات: 2582

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبد المنعم سيد احمد)

    عزيزي الفاضل عبد الحفيظ
    قصة الشيخ فرح ود تكتوك قصة معبرة وفيها عظة وعبرة..
    وقولك ان الزواج يحتاج اكثر من الحب بخوف برضه .. لاننا كنا بنعتبر ان الحب اساس كل شئ ، ولكن اذا انت
    قاصد الوفاء والاخلاص فعندك طبعا حق .. لان هذا من بديهيات عناصر نجاح اي زواج ..ويا ريتك تفصل..

    عزيزي الفاضل ود الفاضلاب
    لكن المصيبة الشايفنها قدام عيونا ان المشاكل لمن تقوم بين الزوج والزوجة انما بتقوم على طريقة ضيوف فيصل القاسم
    والحجازين بيكونوا زي فيصل القاسم وربما اسوأ وبيصبوا الزيت على النار لأمر في نفوسهم...

    عزيزي الفاضل خالد محجوب ود المنسي
    كلامك صاح عن الانانية لأن الانانية اذا دخلت بين زوجين فهي بلا شك اول عنصر للتدمير واكبر عقبة امام النجاح
    وانا كمان عاوزة ازيد من عندي القناعة .. والقناعة كنز لا يفنى....
    ودمتم بالف خير وصحة وعافية
                   |Articles |News |مقالات |بيانات

15-10-2015, 06:08 PM

Basamat Alsheikh

تاريخ التسجيل: 15-08-2015
مجموع المشاركات: 2582

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    عزيزي الفاضل عبد المنعم ود سيد احمد

    شاعر مافي شك.. وشاعر مجيد كمان ..
    وكمان بالغ في قوله: الحب قتل قابيل وهابيل,,
    اما وصفه لمعشوقته فهو وصف رائع وانيق وابدع فيها ابداع
    .. وطبعا معروفين شعراء الشايقية مافي زول بقدر يغلبهم
    ودائما انت بتجينا بالروائع..
    ودمت بالف خير وصحة وعافية
                   |Articles |News |مقالات |بيانات

15-10-2015, 08:55 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote: والله يا فاضلابي البوست كشكول حاوي كل بديع

    الحمد لله ياطلحة ,, وجدت مايعجبك ,, دايماً احب مواضيعى تكون كشكول ,, او قفة حلبية ,, دكان تِشاشة ,, دكان ودالبصير
    لان ذلك حسب رأيى المطرطش يناسب طبيعة الخلا الاسفيرى تسمع فيه صباحاً شقشة العصافير ووقت الضحا تسمع اصوات الرعاء
    يهشون اغنامهم لترد الماء ,, وهديل ورقاء صاحت على فنن ,, او سجع قمرية . وعندما تَرمِل الفصائل تسمع رغاء النوق
    وعندما يصير ظِل كل شيئ مثله ,, تسكن الخلائق وتخلد فى قيلولة ليس كمثلها قيلولة ودالباوقة ,, وعند المغيب لاتسمع سوى ثغاء شاة ترد على بهمات لها ,,
    ثم يسدل الليل استاره فلا تسمع سوى نباح كلب او نقيق ضفدع ,, او نهيق حمار ,, او مواء قط ,, او صهيل فرس او عجل
    له خوار وإن كانت ليلتك خريفية لايقطع سكونها الا برقا يشيل حرقاص وصوت صاعقة تعقبه يحتمى منها الاطفال فى حجور الامهات ,,
    ولايعكر صفو نومك الا طنين انثى الانوفوليس ويأتيك من ناحية الجبال البعيدة التى تحيط بالقرية عواء ذئب او زمجرة ضبع
    .

    (عدل بواسطة عبدالعزيز الفاضلابى on 15-10-2015, 08:57 PM)

                   |Articles |News |مقالات |بيانات

15-10-2015, 09:32 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: لكن المصيبة الشايفنها قدام عيونا ان المشاكل لمن تقوم بين الزوج والزوجة انما بتقوم على طريقة ضيوف فيصل القاسم
    والحجازين بيكونوا زي فيصل القاسم وربما اسوأ وبيصبوا الزيت على النار لأمر في نفوسهم...

    بت الشيخ ,, بت المدن الواعية الدارسة الكتاب ,,نعلك طيبة ,,
    يابنتى ماتشيلى هم ,, الفيصل فى هذه المسالة هو الاختيار وفقاً لمنهج الدين الحنيف ,, فالزوج الصالح حسنة والحسنة
    تصيبك من الله والزوج الطالح سيئة والسيئة تصيب الانسان من فعل نفسه.
    يقول الحق تبارك وتعالى فى سورة التساء: ( ما أصابك من حسنة فمن الله وما أصابك من سيئة فمن نفسك )
    قال أبو جعفر : يعني جل ثناؤه ء بقوله : ما أصابك من حسنة فمن الله وما أصابك من سيئة فمن نفسك,
    ما يصيبك يا محمد من رخاء ونعمة وعافية وسلامة فمن فضل الله عليك ، يتفضل به عليك إحسانا منه إليك ،
    وأما قوله : وما أصابك من سيئة فمن نفسك يعني :
    وما أصابك من شدة ومشقة وأذى ومكروه " فمن نفسك " يعني : بذنب استوجبتها به ، اكتسبته نفسك .
    ثم اتباع الرسول صلى الله عليه وسلم حيث يقول: إذا جاءكم من ترضون خلقه ودينه فزوِّجوه.
    ونساء هذا الزمن محصنات بالعلم فلا يُتَصَوَّر ان يعالجن خلافاتهن مع ازواجهن على طريقة ضيوف فيصل القاسم
    الا إذا كات هناك كراهية مسبقة
    والكلام فى الموضوع ده كتير بس وين نلقى الروقة عشان نقعِّد الكلام؟

    (عدل بواسطة عبدالعزيز الفاضلابى on 15-10-2015, 09:45 PM)

                   |Articles |News |مقالات |بيانات

15-10-2015, 09:39 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    الحبيب ود سيد أحمد منعم
    لك التحية مودة ولك الشكر على هذا الجمال ورود من حوشات بت عمسيب
    فعلاً الشاعر ود الدابي شيخ الشعراء في أرض الشايقية ( من الأراك )، الشايقية هم أشعر أهل السودان ... رغم اني من شندي هههههههه

    أنظر لجمال الكلم ومعانيه العميقة في الوصف
    أسيا كما أسلفت هي باش داية نقلت نقل حكومي من اراضي الشايقية للعمل في كسلا في قول .. وفي قول اخر رحلوا أهلها للإستقرار في مدين كسلا
    المهم القول فيها وماذا قال ود الدابي في اسيا

    قال
    اسيا بابورك ف الاراك

    الشاعر : ابراهيم ود الزومه

    آسيا بابورك في الأراك
    يا آسيا بابورك في الأراك

    يا خديري النامي في الساب
    وسيدو عجمي سعايتو الكلاب
    أسمحوا لي أمسك الحِجاب
    ولي جنى الوزين أب رُقاب
    إنتِ ليَّ الخاطر إن طاب
    أسيا مرقّت والقمر غاب

    الكتاب أنا حافظو صم
    والشعر بدا ابونا آدم
    إنتِ فيكِ إنقطع العشم
    وصدرك المصحق لي القسم

    العجو الجايّ من المحوس
    وأن عول ما بينقرو السوس
    المفلس شن داير يكوس
    بس يعاين ويشبع مغوص
    في آسيا بابورك في الأراك

    آسيا فيها طبعاً يا اخي مفهوم
    وفي الفريق أن دارت تحوم
    أول حاجة تقيف السموم
    وينزل الغيث والقش يقوم
    لآسيا بابورك في الأراك

    آسيا واقفه دغري بلا تدابير
    وعودا صندل وعرقو أكسير
    شاهد الله أن وقفت عديل
    تشوف وشيك في ساقه فليل
    آسيا بابورك في الأرك

    أنا لو ماكت من بخاف الله الحساب
    وأخشى انتو تقولوا كضاب
    أنا كت بحلف فوق الكتاب
    آسيا من نور ماك من تراب

    يوم رحيله أنا كت داير أموت
    وصفر البابور داير يفوت
    البحر صفا ليها مبسوط
    وشوف عيني أتشرف الحوت
    لآسيا بابورك في الأراك

    لي زيارة كسلا راحن
    التاكسي اتبرعن
    والضرايح ذاته رزن
    وكان داير يقوم سيدي الحسن
    لآسيا بابورك في الأراك

    أنظر لهذا المقطع ......


    آسيا واقفه دغري بلا تدابير
    وعودا صندل وعرقو أكسير
    شاهد الله أن وقفت عديل
    تشوف وشيك في ساقه فليل
    آسيا بابورك في الأرك

    Quote: داء للجميل ود المنسى..
    اسيا بابورك فى الاراك
    للشاعر الرائع ود الزومة
    اما الشاعر الرائع ود الدابى..داك كلامو كتر
    يعتبر شيخ شعراء الشايقية
    يقول
    حاجبه اللناس تكوسلو..كتر وقوفه
    وهو يشبه حاجبها..بهلال العيد
    الكل يتشرفلو..ولايبين الا كالخيط
    امنا بالله
    ويقول ايضا
    الضمير..ليهو الليد تحوق
    الا بس..فى مشيهو..ممحوق
    ياالله من نيرانو محرو


                   |Articles |News |مقالات |بيانات

15-10-2015, 09:53 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: آسيا فيها طبعاً يا اخي مفهوم
    وفي الفريق أن دارت تحوم
    أول حاجة تقيف السموم
    وينزل الغيث والقش يقوم
    لآسيا بابورك في الأراك

    هسع عليك الله يابسمات كان الواحد لقا ليهو واحدة زى اسيا
    دى كان قالت ليهو ورِّق الخدرة مابورِّقا ؟
    وكمان قال الضرايح زاتا رَزَّن وكان دَارْ يقوم سيدى الحسن
    ياخ ده كمان ببالغ يعنى ,, الشاعر ده كان شاف هيفاء وهبى
    كان قوَّم لينا الخمينى ولا شنو؟
                   |Articles |News |مقالات |بيانات

15-10-2015, 10:05 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: هسع عليك الله يابسمات كان الواحد لقا ليهو واحدة زى اسيا
    دى كان قالت ليهو ورِّق الخدرة مابورِّقا ؟
    وكمان قال الضرايح زاتا رَزَّن وكان دَارْ يقوم سيدى الحسن
    ياخ ده كمان ببالغ يعنى ,, الشاعر ده كان شاف هيفاء وهبى
    كان قوَّم لينا الخمينى ولا شنو؟



    ههههههههههههههههه
    سأل سائل الشاعر الجميل محمد بشير عتيق
    قال لي يا عم عتيق الشلوخ ديل أصلاً ما علامة جمال بل بخلو المرأة شينة لكن أنتو غنيتو ليهم ووصفتو الشلوخ بأجمل الكلمات
    قال يا ولد بعد موقعة كرري مات الكثير من الرجال ... نحن كان قلنا كدا خالاتك وعماتك ديل البعرسن منو ؟

    بمناسبة موقعة كرري
    كان هناك رجل طويل من سكان ود نوباوي لا أذكر اسمه لكن يوم الموقعة كان الرجل دا بمشي يقيف في جهات خور الثورة الحارة الثمانة حالياً ( كانت ايامها مافي ثورات ولا حارة
    ويرجع النسوان يسألو : أها فلان كيف ؟ يقول استشهد ..... وفلان كيف ؟ يوفل ليهن استشهد .. واها فلان كيف ؟ استشهد .. لما كترت في واحد قالت : يا النبي نوح
    قال ذاتو استشهد
                   |Articles |News |مقالات |بيانات

16-10-2015, 04:00 PM

عبد المنعم سيد احمد
<aعبد المنعم سيد احمد
تاريخ التسجيل: 13-10-2003
مجموع المشاركات: 11813

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: عزيزي الفاضل عبد المنعم ود سيد احمد

    شاعر مافي شك.. وشاعر مجيد كمان ..
    وكمان بالغ في قوله: الحب قتل قابيل وهابيل,,
    اما وصفه لمعشوقته فهو وصف رائع وانيق وابدع فيها ابداع
    .. وطبعا معروفين شعراء الشايقية مافي زول بقدر يغلبهم
    ودائما انت بتجينا بالروائع..
    ودمت بالف خير وصحة وعافية




    لك الشكر والتقدير..
    للاستاذة بسمات الشيخ
    الشاعر الفذ حسن الدابى..
    هو قيثارة الشعر الغنائى..لمنطقة الشايقية
    شكل مع الفنان النعام ادم..ثنائى
    وضعوا بصمة واضحة فى خارطة غناء
    السودان عموما
    واهديك مشاركة للشاعر الرائع
    ود الزومة


                   |Articles |News |مقالات |بيانات

16-10-2015, 09:12 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبد المنعم سيد احمد)

    Quote: لك الشكر والتقدير..
    للاستاذة بسمات الشيخ
    الشاعر الفذ حسن الدابى..
    هو قيثارة الشعر الغنائى..لمنطقة الشايقية
    شكل مع الفنان النعام ادم..ثنائى
    وضعوا بصمة واضحة فى خارطة غناء
    السودان عموما
    واهديك مشاركة للشاعر الرائع
    ود الزومة


    تشكر يا منعم وتسلم كتير على هذه المساحة الحلوة مع ود الزومة
                   |Articles |News |مقالات |بيانات

16-10-2015, 10:00 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19418

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    اها دة رد بنفع هنا
    كتبته ردا لمن شاغلني في حبي لكوستي
    احكي ليك دي
    قالوا سيدنا سليمان قال للحيوانات داير اعرف اجمل منطقة في الارض دي
    الحيوانات قالوا ليهو مافي غير الصقر يوريك اصلو جنو لف وعيونو نجيضة
    اها ركب مع الصقر وطار بيهو
    وفارقوا المدينة ووقعو الخلا
    في نص الصحراء نزل بيهو في ارض صي ساكت .. مافيها غير شدرة شوك منغزة في نصها
    قال ليهو دي اجمل منطقة في الارض
    سيدنا سليمان قال ليهو
    معقولا لكن
    الصقر قال ليهو
    دة المكان الاتولدت فيهو واتعلمت فيهو الطيران وعشت فيهو طفولتي . واكتر مكان برتاح ليهو وما شايف اجمل منو
    اها اعذرنا ياخ بس
                   |Articles |News |مقالات |بيانات

17-10-2015, 10:04 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالحفيظ ابوسن)

    Quote: الحمد لله ياطلحة ,, وجدت مايعجبك ,, دايماً احب مواضيعى تكون كشكول ,, او قفة حلبية ,, دكان تِشاشة ,, دكان ودالبصير
    لان ذلك حسب رأيى المطرطش يناسب طبيعة الخلا الاسفيرى تسمع فيه صباحاً شقشة العصافير ووقت الضحا تسمع اصوات الرعاء
    يهشون اغنامهم لترد الماء ,,

    يا سلاااام يا الفاضلابي.... ياخ إنت زول سمح، وذو فطنة، تعرف كيف تستدرج صديقك ودالمقدم، وتخرجه من مِحرابه البدويِّ...!
    أها بمناسبة أصوات الرعاء وأغنامهم، قالت الفنجرية أم نفل ، راجزة ومن هسيس الجراري، وهي تسمع صوت بهم الغنم:
    اللَّيلة البِتْلهَّمهم..
    ضمنتو بضوق لحمهم
    بذري الفُلْ فهمهم
    بسمَع ضجَّة بهَمهم
    ومن صوت البهم الذي حضنه إبن الملوَّح في ذاكرته، حين كان يمرح مع ليلي، وعندما فرّق بينهما المسانيح ومقطوعين الطاري،
    وكانت ليلي، من نصيب ورد، قال المجنون:
    تعلَّقتُ ليلي وهو غِرٌّ صغيرة....ولم يبدُ للأتراب من ثديها حجمُ
    صغيرين نرعي البَهْمُ ياليت أنّنا....إلي اليوم لم نكبرولم تكبر البهْمُ
    ولقد زُرت مخارف ونجوع قيس وليلي وطلعت في جبل التوباد
    Quote: وعندما ترمل الفصائل تسمع رغاء النوق

    وبمناسبة رغاء النوق أنظر لهذه البدوية وفصاحتها، قالت ناظمة من هسيس الجراري:
    لبنِك عافية ودوا
    وسيدِك ماببيت قوا
    حنين أم زور في النَّوي
    كيف صاروخ الهوا
    ثم قالت أُخري، عندما سمعت حنين الفصيل وطنَّته، التي شبهتها، بصوت المُخبر او البلاَّس،
    لأنها تدُل الهنباتة والحرامية علي مراح النوق..
    قالت ومن هسيس الجرَّاري:
    حِسب بلاَّس وحِس طنَّه
    والحاروك دي أهنَّا
    فواقِك من الشنَّه
    الفوق النَّحل ونَّا
    وبمناسبة قولك يا فاضلابي:" وعندما ترمل الفصائل تسمع رغاء النوق"
    أنظر إلي الشاعر المجيد عبدالوهاب الربيقي الكباشي، وهو يخاطب قلبه، الذي شبه حنينه برزمي الفصيل"الحوار"
    الذي تم عزله إفراده من أُمَّه لتوه، اي صار مفرودا، فقال من الدوبيت الراقي:
    ياقلب الرَّماد مالك بقيت ممحوق
    في جبر الخواطِر كان قسموك ماتحوق
    حَدْماتشوف خشيماً بي اللِّبار مدقوق
    تترزَّملو كيف ود ألبِل المعقوق
    Quote: او سجع قمرية وهديل ورقاء صاحت على فنن

    الصديق والشاعر الرائع، إبراهيم الدلال، وهو مستظل تحت شُجيرة، من شُجيرات السمر، بمدرسة خور طقت،
    حطَّت قمرية، فوق "روب" الفروع،وصفقَّت جناحيها، ثم عزفت من اللَّود العجمي، فتذكر الدلال البادية فقال من الدوبيت الراقي:
    غنِّي ياقمرية فوق فرعا تلولي الريح
    وزي ما صحتي من ألم الفراق منصيح
    ذكرتيني لي مثلا بقولو صحيح
    من المستحيل مجروح يداوي جريح
    وأجمل ماسمعته في التبادل مع قوقاي القمري، ماقاله الشاعر المُجيد حقا، سيدي محمد سعيد العباسي
    وهو بقرية مليط بشمال دارفور:
    فأقتادت اللّبّ مني قود ذي رسن...ورقاء أهدت لنا لحنا بتردادِ
    هاتي الحديث رعاك الله مسعفةً..... وأسعدي فكلانا ذو هويً بادي
    فحركت لهوي الأوطان أفئدةً....وأحرقت نِضو أحشاء وأكباد
    من قصيدة"حيَّاك مليط"
    ولقد زُرت قرية "مليط"، كثيرا، قبل أن تعبث بها أيادي المخربين
    تم التعديل لحذف الراء التي وردت خطأ في "وأكبادِ"

    (عدل بواسطة عبيد الطيب on 17-10-2015, 10:20 AM)
    (عدل بواسطة عبيد الطيب on 17-10-2015, 12:29 PM)

                   |Articles |News |مقالات |بيانات

17-10-2015, 10:17 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبيد الطيب)

    Quote: وعندما يصير ظِل كل شيئ مثله ,, تسكن الخلائق وتخلد فى قيلولة ليس كمثلها قيلولة ودالباوقة ,,
    وعند المغيب لاتسمع سوى ثغاء شاة ترد على بهمات لها
    ثم يسدل الليل استاره فلا تسمع سوى نباح كلب او نقيق ضفدع ,, او نهيق حمار ,, او مواء قط ,, او صهيل فرس او عجل

    أمَّا نباح الكلب فله عندي في الفؤاد ذكري وذكري،أنظر يا صديق الزينة والربعة الجميلة ،
    إلي الشاعر الكباشي صالح ودالدّحيش من الغزايا، ماذا قال ، في كلاب حراسة أم قودة، حين تنبح الطُرَّاد:
    كلاب ام قوده يا الفاتح سَعرهن طايــِب
    يكتل إتنين يــِخَــلَّى الاصلو عادم النايب
    الليل كلّــو يــــَبْ يـــبْ مِهوِسات الشايب
    ودخلت بيتها كان ساكت معايا حبايب
    *************************
    كلاب ام قوده يا الفاتح ســّعرهــِن طايش
    يكْتلْ اتنين يـــخَلــَّى الغير نوايب عايش
    ماهمَّانى نبحان الضيولو عكايش
    ودلّتْ بيتها عيل ساكِت بشوفها نبايش
    ولي طرائف بالبادية مع كلاب طُرَّاد الليل، وكنت شقيَّا في شرخ الشباب، ومعية الصبا، وكذلك كنت مولعا بالقنص
    يوما ما سأكتب هذه الحياة، لأني قلبي معلقا بوديان الحياة الحقيقية ، كما يقول لي صديقي"بدر البوادي"

    Quote: له خوار وإن كانت ليلتك خريفية لايقطع سكونها الا برقا يشيل حرقاص
    وصوت صاعقة تعقبه يحتمى منها الاطفال فى حجور الامهات

    ياخي أهل البادية، أحيانا عندما تشتدُّ أشواقهم، يرازمون الرعود حنينا، الشاعر المجيد حقا، شيخ العرب أحمد عوض الكريم أب سن قال:
    البارح صبيباً رازمني رعودو
    ذكرني البنوح طول الزمن مفرودو
    الخلا النفس درب المعيشه تحودو
    أُنْس الليل وطرب المو مزاور عودو
    ياناس شيخ أحمد دي متفرد، لدرجة أن نقول
    طبيقو نادر.....!
    المربوعة دي نادرة جدا، بل أحلف وأنا صادق، أنها من الدوبيت، الصاحبكم العبيد، بجلدها وبلسبسها في ضراعو
    بعدين مافيها ربع طافِر، بل كوولها طافرة
    "رازمنِّي رعودو"
    "طول الزَّمن مفرودو"
    شفتو كيف شيخ العرب دي بارع جدا
    بإدخاله لمفردة "مفرود"، وأصلو الصبيب، والرعد والرزمي، كووووولها ، اصوات لها وقع خاص في نفس اي بدوي ،
    ولكن أشفها حنينا، وأعمقها وقعا في النفس، هو صوت الحوار ، "البلاَّس "، وأكثر الحورَّن حنينا هو المفرود، لأنه مفرود من أمِّه.......!
    بعدين شيخ أحمد دي يوم بشوطن ليهو زول
    زول برازم الرعود.......!
    وطرب المو مزاور عودو.....!

    (عدل بواسطة عبيد الطيب on 17-10-2015, 10:23 AM)

                   |Articles |News |مقالات |بيانات

17-10-2015, 10:26 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبيد الطيب)

    Quote: ولايعكر صفو نومك الا طنين انثى الانوفوليس
    ويأتيك من ناحية الجبال البعيدة التى تحيط بالقرية عواء ذئب او زمجرة ضبع


    توجد نوع من فصيلة الثعلب أو الباحصين، حيوان صغير يسمونه"البَّوة"، ينبح طول الليل في المسافرين ليلا المارين بقربه، حتي صار مضرب مثل للسهر ومساقدة الليل، مثله مثل طائر السَّقدة، يقول صاحبك العبيد،:
    رشارِش عيني طَفَرن من جفوني وفزِّنْ
    ومراقد الصفحة عافنُّو الجوانب وكزِّن
    أسامر البوَّة لي نجم البياح الغزِّن
    ونمِّي ينادي لي العشَّاق وقلبي يإذِّنْ
    الحُم يا الهِندي نفر البي قبيح ما أتمزِّن
    مطارق التِّيلي شبلن فوق وريدهِن وحزِّن
    دُخريهِن عريس دقَّن طبولي برزِّنْ
    عزَّنُّو العفاف فوق كتفو شبلِن وهزِّن
    *كزَّن أي عافن ونفرن من النوم، غزِّن أي بذغن ، الحُم تطلق للعذاري،
    "نفرالبي القبيح ما أتمزِّن" أي لم يطربن بذم النَّاس والقول الفاحش
    ومطارق التِّيلي ، نحو من حُلي، الذهب، تشبلها العذاري في أعناقهنَّ، وسوف أرجع لشرحها وربطها،
    مع قول لهند بنت عتبة، إكراما للأخوة والأخوات الذين يحبون أدب الريف، ولكنهم ابناء حضر
                   |Articles |News |مقالات |بيانات

17-10-2015, 02:27 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبيد الطيب)

    Quote: ياقلب الرَّماد مالك بقيت ممحوق
    في جبر الخواطِر كان قسموك ماتحوق
    حَدْماتشوف خشيماً بي اللِّبار مدقوق
    تترزَّملو كيف ود ألبِل المعقوق


    مالك علينا يا ود المقدم
    مالك كُل ما أقول أخد هجسة من ريد بنات حواء تاني تسوي لي النضمي البجيب هناي لي الطين

    كان دايرني أتوب وأتيقّن
    أمنعوا الطابات من البيوت ما يمرقّن

    كيف أخبارك أخو البنات ود المقدم مقنع الكاشفات
                   |Articles |News |مقالات |بيانات

17-10-2015, 02:39 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: كان ما لحقت زمن البنطون وعمك الطيب ود كُرب الله يرحمه وحارستو في أم جدق والا نفضت نعلاتك في الظلط ماااا بتكون شربت القهوة التحت النيمه السمحه يا قريبي


    الأخ ناصر الجعلي من الفيس بوك ظنيتك حديثك عانيني بيهو أنا
    أولاً أسف والله ما قعت عيني في التعليق إلا الله
    بالحيل بعرفو عم الطيب ... و بشير جميل .. واب سبعة البجمع القروش وإبراهيم ود الزلال تحت في الماكينة
    القهوة كنا بنشرب فيها الشاي زمن بقولوا لينا القهوة ما زينة لي البطان وما كنا عارفين السر ... اها كنا بنشرب الشاي بي النعناع ونملى عيونا
    في الصبايا (بس بعاين بي عيوني )
    لك الشكر أخي ناصر الجعلي
    ولك التحية مودة
                   |Articles |News |مقالات |بيانات

17-10-2015, 02:53 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: اها دة رد بنفع هنا
    كتبته ردا لمن شاغلني في حبي لكوستي
    احكي ليك دي
    قالوا سيدنا سليمان قال للحيوانات داير اعرف اجمل منطقة في الارض دي
    الحيوانات قالوا ليهو مافي غير الصقر يوريك اصلو جنو لف وعيونو نجيضة
    اها ركب مع الصقر وطار بيهو
    وفارقوا المدينة ووقعو الخلا
    في نص الصحراء نزل بيهو في ارض صي ساكت .. مافيها غير شدرة شوك منغزة في نصها
    قال ليهو دي اجمل منطقة في الارض
    سيدنا سليمان قال ليهو
    معقولا لكن
    الصقر قال ليهو
    دة المكان الاتولدت فيهو واتعلمت فيهو الطيران وعشت فيهو طفولتي . واكتر مكان برتاح ليهو وما شايف اجمل منو
    اها اعذرنا ياخ بس


    دا شيتن مافي شك يا شيخ العرب
    حُب الديار
    هسي عليك الله لما تكون مسافر من البندر ما بتقول
    خلاص ماشي بكرة أهلي
    تكفي هذه الكلمة
    أهلي
    والعز أهل
                   |Articles |News |مقالات |بيانات

17-10-2015, 07:01 PM

Basamat Alsheikh

تاريخ التسجيل: 15-08-2015
مجموع المشاركات: 2582

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    معقولة يا ود ابو سن في واحد بيلوموه في حبه لمدينته الاتولد فيها
    وطبعا عندك الف حق تحب مدينتك كوستي ...لانها المدينة الفيها ذكريات
    الطفولة واصحاب الطفولة...وكمان الناس كلهم ما بيتساوو في حبهم وعشقهم
    لمدينتهم...وبت عمتي في عطبرة كل يوم كانت بتكاويني وتقول لي انتي العاجباكي
    في عطبرة دي شنو؟؟ما فيها غير العجاج ....لكن لمن بدت تقرا مواضيع عطبرة وكلام
    ناس معاوية ود المدير وعبد العزيز بقت تغير رايها...
    وخليك مستمر في حبك لكوستي ..ولكن مهما كان حبك لكوستي لا يمكن تفوت
    حب سلافة بت خالة الاميرة لمدينتها المحببة كوستي وبتقول اذا قبلوها في جامعة
    اكسفورد البريطانية ما حتفارق كوستي وهي قدمت لجامعة الامام الهادي المهدي
    ودمت بالف خير
                   |Articles |News |مقالات |بيانات

18-10-2015, 09:46 AM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    لحين ميسرة
                   |Articles |News |مقالات |بيانات

19-10-2015, 06:29 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: امبارح في المنام شفت الكلوس بحدايـا
    فــــي قهــوة عزيزنـــا الباقيـــة لينــا تكايـــــا
    النشمي البشوش اب ضحكتآ ضوايــــــــا
    ود منسي الرزين ذكراهــــو بينـــــا حكايــــا
    وشيقوقنا الطفش ومو عرفنا ليهو نهايــا
    واب ســن الخلوق الديمــة نايــــلو رضايــا
    ود بلة الاصيل حــــالي الكـــــلام برعايــــــا
    وابو سنينـة الكريم الباقي لينــــا عطايـــــا
    وشاحداهو الكريم حقق لي ذاااات الغايا

    تشــــوفى الـــــزين والســــمح يا ام قــلـباً زى شُــخب الحـــليب
    يا نُوَّارة القهوة يالبـــشوشة الــ ديــمة جليسك خاترو يـطـــيب
    حــــوّاشتك بازمـــــاها للخِلَّان يملوا رئاهُن بالعطــــر والطِيب
    شايلاهُن فى القلب تفقدى غَايِبُن والحاضر يناله نصيب
                   |Articles |News |مقالات |بيانات

19-10-2015, 06:34 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: واتي ذاتك ابشري معاها بالخير
    السيرة لدبي باللوري كانت كيف ؟

    ود البوش سلام ,, جَرَّك فى البوست موعاجبنى
    ذكرتنى باللورى ده ,, عندنا مرأة فى الحلة ,, كان ماتت شُدَرة
    تقول لك الشُّدرة دى قريبتى وتتولى البِكا اكتر من اهل المَيِّت
    يوم ولولت والناس اتلموا ,, مالك يازولة المات منو (طبعاً الناس
    دايماُ يقولوا المات مِنو مابقولوا الماتت مِنىْ) اها قالت ليهم
    ماتت قريبةً لى فى سِيدُونْ ,, وسيدون دى شرق اتبرا ,, واجَّرت
    لورى واتملا رجال ونسوان من ناس الحلة ,, واتوجهوا ناحية سيدون
    بين سيدون واتبر توجد حلال كتيرة ,, واللورى يضرب بهم حتى ادركهم
    الليل قبل الوصول الى بيت البكا ,, وهم فى الطريق ظهرت ليهم حِلَّة
    ضرب فيها نور اللورى ,, زولتك قايلا نفسها وصلت بيت البكا ,, فقالت
    للنسوان وصلنا ,, يلا يانسوان زغرِتَن ,, وقالن كدى النسوان فقعنَّها ليك
    زغاريد يجيب الضهبان ,, ناس الحلة سمعوا صوت اللورى والزغاريد جو
    مارقين ,, الشايل لمبة والشايل بطارية وسيد الدكان شايل رتينة ,, وفى
    اللحظة دى اللورى وصل وبقوا نسوان الحلة يبْكنْ ويتكتحن بالتراب
    ونسوان الفاضلاب يبكن ويوصِّفن ,, واختلطت الجموع ,, اتاريهُن ناس
    الحلة دى عندهن بت راقدة فى مستشفى اتبرا وحالتها خطيرة متوقعنها
    تمواى لحظة ,, بعد شوية فى واحد من ناس الحلة لاحظ ان الوجوه
    دى غريبة فقال ليهم: أقيفوا ياناس انتو من وين؟ قالوا ليهو نحن
    من الفاضلاب ,, وماشين وين قالوا ليهو ماشين نعزى فى بكا
    ناس فلان ,, قال ليهم : فلان يغتس سبعة اراضى وانتو وراهو
    ناس فلان حِلَّتن هناك قِدَّام ,, ناسنا براحة خارجو النسوان وركبو
    لوريهن وواصلوا ,, واحد من ناس الفاضلاب قال للمرأة المِتْشوبرا
    دى : تانى يافلانة كان مات ابوى شوقارَن فيهو انت ما امشى فيهو.
                   |Articles |News |مقالات |بيانات

19-10-2015, 07:54 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: لاحظ الجرسة في الآغنيتين السابقتين تحس لدرجة ترخيص النفس للمحبوب .

    دى ماجِرسة يالدرديرى ,, ده الصارقيل الـ بِحَوِّتوا بيهو
                   |Articles |News |مقالات |بيانات

19-10-2015, 08:11 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: رجع كعادته إلى المنزل في وقت متأخر من الليل،

    ودالبلة سلام بالقواسيب
    ياخ صاحبك ودشيقوق ده طفش وين؟
    ذكَّرتنى قصتك الحزينة هذه مولانا ,, عبدالحى ,, كان قاضى استئناف
    جاهو واحد طَلَّق زوجته ببينونة كُبرى وندم على فعلته ,, فجاء يستفتى
    وقال لمولانا انه كان سكران ,, ولم يكن يعى مايقول فسأله مولانا:
    أكنت تُميَّز بين الارض والسماء؟
    قال لا
    قال أكنت تُميز بين القط والحمار؟
    قال لا
    طشمة زى دى اريتا فى راس ودالمنسى وودشيقوق
                   |Articles |News |مقالات |بيانات

19-10-2015, 09:17 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: اها الأرباب ما قرم

    تعرف يامك الارباب الظاهر عليهو طالع راس هَوَس من هسع
    الفيديو بتاع الكابلى (الجنزير فى النجوم) الـ نَزَّلَتو منى فتحتو
    فى الويكند عشان اشاهده ,, عليك امان الله الارباب نَقَّز فيهو
    جِنِس نَقَزِى ,, وشنو الايد رافعا فوق ويبرم فيها جاى وجاى
    بس ياخسارة ما صّوَّرتو ,, لكن ان شاء الله اشَغِّلو تانى
    واصَوِّرو ليكم.
                   |Articles |News |مقالات |بيانات

19-10-2015, 09:33 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: اها دة رد بنفع هنا
    كتبته ردا لمن شاغلني في حبي لكوستي
    احكي ليك دي
    قالوا سيدنا سليمان قال للحيوانات داير اعرف اجمل منطقة في الارض دي
    الحيوانات قالوا ليهو مافي غير الصقر يوريك اصلو جنو لف وعيونو نجيضة
    اها ركب مع الصقر وطار بيهو
    وفارقوا المدينة ووقعو الخلا

    شيخ العرب مشتاغون ياخ
    إنت ماسمعت بالزول الـ قال :
    وماحُب الديار شَغَفْنَ قلبى ,, ولكن حُب من سكن الديارَ
    وقال آخر
    وتُستَعذَبُ الأَرضُ التي لَا هَوَىَ بِهَا
    وَ لاَ مَاؤُهَا عَـذبٌ وَ لَكِنهَا وَطَــنُ

    و لابن الرومي:

    وَلِــي وَطَــنٌ آَلَـيــتُ أَلا أَبِــيعهُ

    وَ أَلا أَرَى غَيرِي لَهُ الدَهرُ مَالِكَا

    عَهِدتُ بِهِ شَرخُ الشَبَابِ وَ نِعمَةٌ

    كَنِعمَةِ قَومٍ أصبَحُوا فِي ظِـلالِكَا

    وَ حُــبِبِ أوطَانُ الرِجَالِ إليــهِمُ

    مَآربُ قَضَاهَا الشَبَابُ هُنَالِــكَا

    اِذا ذَكَرُوا أوطَاــنَهُم ذَكَــــروا

    عُهُوُدِ الصِبَا فِيهَا فَحَنوا لِذَلِكَا

    فَقَــد ألِفَتهُ النَــفسُ حَــتى كَأنَهُ

    لَهَا جَسَدٌ أن بَانَ غُوُدِرَ هَالِكَا
                   |Articles |News |مقالات |بيانات

19-10-2015, 10:09 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: ومن صوت البهم الذي حضنه إبن الملوَّح في ذاكرته، حين كان يمرح مع ليلي، وعندما فرّق بينهما المسانيح ومقطوعين الطاري،
    وكانت ليلي، من نصيب ورد، قال المجنون:
    تعلَّقتُ ليلي وهو غِرٌّ صغيرة....ولم يبدُ للأتراب من ثديها حجمُ
    صغيرين نرعي البَهْمُ ياليت أنّنا....إلي اليوم لم نكبرولم تكبر البهْمُ

    ههههههههه ,, ضحكتنى بالمسانيح ومقطوعين الطارى دى ياود المقدم
    ياخ بن الملوح ده ,, كان حضر وكتنا ده كان عملوا ليهو قضية آداب

    Quote: ولقد زُرت مخارف ونجوع قيس وليلي وطلعت في جبل التوباد


    جبــل التــوبــــاد حــيــاك الحـيا ,, وســقـى الله صبانـا ورعــــا
    فيك ناغينا الهوى في مهده ,, ورضعناه فكنت المرضعا
    وعــــلى سفــــحك عشــنا زمنا ,, ورعـــينا غــــنم الأهــل معـــاً
    هــــــذه الربــــوة كانــــت ملعبــــا ,, لــــشبــــابينا وكــــانــت مرتـــــعاً
    ما لأحجارك صما كلما هاج ,, بي الشوق أبت أن تسمعا
    كــــلما جئـــتك راجعـــت الصبا ,, فـــأبـــت أيامـــــه أن تــــرجعــــــــا
    قد يــــهون العــــمر إلا ســاعة ,, وتــــهون الأرض إلا موضعا
                   |Articles |News |مقالات |بيانات

19-10-2015, 11:34 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: كان ما لحقت زمن البنطون وعمك الطيب ود كُرب الله يرحمه وحارستو في أم جدق
    والا نفضت نعلاتك في الظلط ماااا بتكون شربت القهوة التحت النيمه السمحه يا قريبي

    هلا بودالعم ناصر الجعلى ,, أكان ما اخاف الكضب انت من النمراب
    الزول الـ بعرف أم جَدِّق دى لازم يكون من حدانا ,, عمى الطيب ودكُرُب
    رحمة الله عليه كان رجلاً سمحاً صبوراً ذو حلم ,, يتعامل مع المشاكل
    التى تحث فى البنطون بكل صبر ,, وحكمة.
    القهوة الـ تحت النيمة دى قريبة من بيت بسمات بت الشيخ ,, زرتها فى
    الفين وحداشر وكنت قاصد استعيد الذكريات عندما كنا طلاباً وكنت
    اود ان احصل على بعض الزونيا ,, ولكن للاسف لم أكن فى الموعد
    فطول الترحال والاغتراب انسانا مواسم الاشياء ,, دم بخير يا ابن عمى
    .
                   |Articles |News |مقالات |بيانات

20-10-2015, 00:53 AM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    وزي ما قال ليك ود الفاضلاب يا درديري ود كباشي دي ما بيقولوا عليها
    جرسة ولكن عشق ووله وحب خيالي حتى النخاع....زي حب روميو وجولييت
    وكثير وعزة ....وقيس وليلى...
    والله يديك الصحة والعافية
                   |Articles |News |مقالات |بيانات

20-10-2015, 10:00 AM

إسحاق بله الأمين
<aإسحاق بله الأمين
تاريخ التسجيل: 29-06-2006
مجموع المشاركات: 1485

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    سلام أهل الدار سلام
    الليلة جيتكم بقصة غريبة لكنها حقيقية، أكيد أخواني ود الفاضلابي وود البوش وود شيقوق وود أب سن وود المنسي وود الطيب أديبنا الفذ عبيد عندهم قصص مشابهة.

    عمنا علي ود عتمان الخوف الشيطان !
    العم علي مشهود له بالشجاعة، وهو فارس لا يعرف الخوف إطلاقا بل أخاف حتى الشيطان !

    كان العم علي أرقا ذات ليلة وجافى النوم عينيه، وجاءه من بعيد صوت المغني وإيقاع الدلوكة تحمله نسمات الليل الباردة. كان فرحا باذخا لابن العمدة في قرية مجاورة لقوز السيمت محل إقامة العم علي، لبس العم "توبه وعراقيه"، و"شرنق" طاقيته ،ولم ينس سكينه، وحمل "عكازه" وانطلق طربا وكانت الليلة مقمرة. في منتصف الطريق، ظهر له جمل، فرح العم علي وأمسك بالرسن وأناخ الجمل وركب على ظهره، سار الجمل بهدوء ،وبعد أن قطع نصف المسافة، بدأ ينتفخ شيئا فشيئا كالبالون حتى كادت بطنه أن تنفجر.

    استغرب العم علي إلا أنه لم يبد خوفا ، وأيقن أن هذا الجمل شيطان، فاستل سكينه وخاطب الجمل: "ود أم طلعة، أتاريك انت شيطان وأنا ما عارفك، علي الطلاق كان ختيت الدرب دا جاي ولا جاي، حرم سكيني دي إلا تاباك". من يصدق أن الشيطان يخاف؟ فبدأ الجمل " يتناقص" قليلا قليلا حتى عاد إلى حجمه الطبيعي، ولم يحد عن طريقه خطوة واحدة حتى أوصل العم علي إلى القرية التي يقصدها .

    أناخ العم علي الجمل ونزل بهدوء، ومديته لم تزل في يده وقال للجمل: يا الله غور يالعين، الله لا كسبك، فاختفى الجمل كلمح البصر، وانطلق العم علي إلى مكان الحفلة، وفي "نص الدارة" "تبّ تبة " شدّت إليه الأنظار ، وشرع في خلع "عراقيه"، ورمى بثوبه على الأرض و"بشّر" فوق العريس ، "وهزّ" في البنات ، وركز كالعمود المنتصب للبطان ، فضربه العريس بالسوط حتى سال الدم من ظهره إلا أنه لم يحرك ساكنا أو يرمش له جفن، وكان في غاية الاستمتاع ، ولم يغادر "الحفلة" إلا بعد صياح الديك.

    في طريق عودته ، رأى حمارا على ظهره سرج كأنه هارب من صاحبه، أمسك بالحمار "وشب" على ظهره وقال: بسم الله ، فلم يشعر إلا وهو ملقي على الأرض، واختفى الحمار كأن الأرض غاصت به ! ، تعوذ العم علي من الشيطان الرجيم ، وقام بتعليم مكان الحادث بوضع كوم من التراب حوله، و"سل" سكينه ثانية وقال غاضبا: "المرة دي غشيتني يا لعين ، لكن ليك يوم، بنتلاقى تاني وبعرف كيفن أأدبك".
                   |Articles |News |مقالات |بيانات

20-10-2015, 02:26 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: إسحاق بله الأمين)

    أنتو آناس المسنوحة وضاحة وين مهكورة
    الشافعة دي زي عُصار إبليس مرات تهج كدي تسوي اليوم كلو شراب قهوة فاقاب ومرات جب تنفتح الواطا وتبلعا
    زمان أنا قلت ليها إنتِ زي ود الموية ما بتتمسكي
    ود الفاضلابي

    حصل جربتَّ من الترعة شراب الهين
    وحصل شاققت عرق النيل مع الوزين

    ها ناس أنا طاري البلد يوم تماينة في الشهر البهل ميلادي هههههههههه
    أشتهيت نوم السهلة بعراقي ... اشتهيت قولة يايابا تعال أكلّك لقمة وأهجس في الحراية دي
                   |Articles |News |مقالات |بيانات

20-10-2015, 05:59 PM

Basamat Alsheikh

تاريخ التسجيل: 15-08-2015
مجموع المشاركات: 2582

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    عزيزي الفاضل اسحق ود بلة
    طبعا زي ما قلت قصة غريبة...
    ولكن لولا ان الشيطان مذكور في القرآن لما كنت اصدق بان هناك فعلا شياطين تظهر
    لبني البشر في اشكال متعددة...
    وقد سمعت مرة حديثا لشيخ داعية سعودي في التلفزيون وهو يحكي قصة امرأة عانت كثيرا من شيطان
    يسكن جسدها وكيف انه استطاع ان يخرج الشيطان من جسد المرأة بتلاوة آيات من القرآن .. وقد اقسم
    هذا الشيخ بان القصة حقيقية وانه بنفسه كان شاهدا على ذلك لانه هو الذي قام بإخراج الشيطان من جسدها...
    وطبعا قريت روايات كثيرة عن وجود الشيطان في هذا العالم... وقرأت أيضا عن الراحل الطيب محمد الطيب
    عن ظاهرة الز ا ر السوداني وكيف يستخدمون الز ا ر لاخراج الشيطان من أجساد البشر..
    والسؤال هو .. هل ظاهرة الز ا ر ما زالت موجودة في السودان ام هي ظاهرة انقرضت الآن ...
    ودمت بالف خير وصحة وعافية..
                   |Articles |News |مقالات |بيانات

20-10-2015, 08:01 PM

Basamat Alsheikh

تاريخ التسجيل: 15-08-2015
مجموع المشاركات: 2582

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    يا خالد ود المنسي دكتورة وضاحة مقيمة في اجمل مدينة في العالم زي ما بتقول اميرة بت مصطفى
    يعني ما معقولة كمان تقضي وقت اكبر في المنبر العام وتخلي المناظر الخلابة بتاعة دبي... نحن
    في نيويورك ، ومع ان الجرائد بتقول انها عاصمة السواح وعاصمة العالم لكن جوطتها كثيرة وغابات الاسمنت
    تحيط بها من كل جانب... واذا ما حديقة السنترال بارك الفي قلب المدينة كانت الناس حتموت بالاختناق...
    بس الشئ الوحيد الجميل فيها انها مدينة لا تنام.. مافيها ليل ونهار .. الوقت كله نهار.... الساعة واحدة صباحا
    زي الساعة ظهرا .. والناس ما بتنوم ابدا..... وعشان كده مرات النوستالجيا تهاجم بت مصطفى وتلقاها تتمنى
    وتقول يا ريت لو هي كانت عايشة في القرى الجميلة البوصوفوها ناس اسحق ود بلة وود البوش وود شيقوق
    وود المنسي وود الفاضلاب وود ابوسن وود عبيد... وتؤكد ان الحياة في المدن الكبيرة ما فيها اجتماعيات وما فيها حياة بل جمود
    كالصخر الجلمود... وان الحياة الحقيقية هي في القرى والبوادي جيث الأشجار والطبيعة والناس الطيبين السمحين
    والقلوبهم صافية كاللبن والعسل...
    ودمت بالف خير وصحة وعافية
                   |Articles |News |مقالات |بيانات

20-10-2015, 08:06 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote:
    سلام أهل الدار سلام
    الليلة جيتكم بقصة غريبة لكنها حقيقية، أكيد أخواني ود الفاضلابي وود البوش وود شيقوق وود أب سن وود المنسي وود الطيب أديبنا الفذ عبيد عندهم قصص مشابهة.


    هههههههههههههههههه
    تعرف يا ود البلة في التسعينات كنا في المجر ... كانت هناك معسكرات اللاجئين من أرض البوسنة في دولة المجر
    مشينا زيارة في رمضان لتلك المعسكرات .. اها فطرنا في معسكر مع البوسنيين ... اخونا شهاب قال لي يا خالد عليك الله ما تدخن قدام الناس ديل ( أساساً اسلامهم هش )
    يقولوا العربي بشرب سجاير السجاير ما حرام ( كنت أيامها بدخن )
    المهم فطرنا وطلعنا ( وانا منتظر متين نمرق عشان أشرب لي سيجارة راسي عاوز يطير من الخرمة )
    كان معنا زميل أردني متسلط أول شئ سرق الولاعة بتاعتي ... أها لما طلعنا من المعسكر عاوز أولع سيجارتي وأمخمخ ما لقيت الولاعة والاردني كان هو السايق قال لي أنا ما بنتظر المهم ركبت
    مشينا شوية في خلاء في منطقة جبيلة والجليد نازل ... وجدنا أشارة مزلقان قطار ( حمراء إشارة لقدوم قطار ) شفت قرب الإشارة غرفة صغيرة لعامل في تلك البقعة الموحشة ... فتحت باب السيارة ... أقول السيارة ولا العربية يا ود البلة ...... وجريت ( خرمان )
    دخلت في الغرفة ....وكان في الغرفة رجل مجري في عمر الأربعين ... تحدثت معه باللغة المجرية ( الوقت ليل ) مساء الخير لو سمحت ممكن أجد عندك ولاعة .. والرجل ينظر لي بعينين جاحظتين وهو جالس في كرسي .... ما تحرك من مكانو والعيون بقت زي فتحة البرميل
    وأمامه طاولة مكتب عليها سجائر وكبريتة باقي قزازة لزوم البرد .. هذا الرجل ظلت عيناه معلقة في وجهي إتناول الكبريتة وأعطاني اياها وعيونه في عيني لم ترمش ... ولعت ورجعت له الكبريتة وقلت له شكراً .. مع السلامة وخرجت
    هههههههههه أنا متأكد أن هذا الرجل بكون بحكي لاحفاده الآن أنه زمان ( سنة 1995 ) شاف شيطان مرة في مكان عمله هههههههه

    (عدل بواسطة خالد علي محجوب المنسي on 20-10-2015, 08:17 PM)

                   |Articles |News |مقالات |بيانات

20-10-2015, 08:28 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: يا خالد ود المنسي دكتورة وضاحة مقيمة في اجمل مدينة في العالم زي ما بتقول اميرة بت مصطفى
    يعني ما معقولة كمان تقضي وقت اكبر في المنبر العام وتخلي المناظر الخلابة بتاعة دبي.


    بت عبد الرحيم سلااام يا رائعة
    وضاحة شنو المقيمة في دبي ... وبت مصطفى جابت الكلام دا من وين ( تكون لخبطت بين وضاحة وعواطف أدريس هههههههه ) وضاحة من صحراء لي صحراء لي أبرد منطقة في كندا
    في السودان أهلها من جبل أم علي حجارتها سوووووود فيها 17 بيت وراكوبتين ... وعشرة كرانيك بصل وجامع مئذنته مترين وربع
    وفي الخليج في صحراء قطر ( في الدوحة ) وفي كند في ابرد منطقة في كندا أيام البرد ما بتقدر تتكلم بكون صوتها متجمد

    زي مابقولوا كل زول بعجبو الصاري وكل زول بدور اشوف الما شافوا نفسي اشوف نيويورك وأتغدا بي مفروكة مع الفاضلابي والأرباب ينقز بيناتنا ههههههههه ربنا يحققها قولي آميييين
    ههههههههههههه
    زوجتي مرة كانت معاي في السودان بالليل سمعت حمار يهنق صنقرت وقالت لي : دا شنو ؟ قلت ليها دا حمار ... قالت لي ومالو بضحك ههههههههههه وبت عبد الرحيم عاوزة حياة القرية
    والقرية بحسها في النغمية الجاية
                   |Articles |News |مقالات |بيانات

21-10-2015, 02:13 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    لحين
                   |Articles |News |مقالات |بيانات

21-10-2015, 03:41 PM

Basamat Alsheikh

تاريخ التسجيل: 15-08-2015
مجموع المشاركات: 2582

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    مشاغل القراية مرات بتنسينا.. وانا اتذكرت هي فعلا مقيمة في الدوحة( دولة قطر)..
    ويعني الدوحة بتقل عن جمال وروعة دبي... الدوحة ذاتها شايلة فعلا اسمها فهي
    فعلا دوحة غناء في قلب الصحراء.. واجتهدت الحكومة القطرية وجعلت منها
    مدنية من اجمل مدن العالم ، فهي باريس الشرق الأوسط... فباريس معروفة انها
    عاصمة النور والثقافة ، والدوحة أيضا بجامعاتها ومؤسساتها التعليمية العريقة
    تمثل النور والثقافة ، ومعظم جامعات العالم الشهيرة لها فروع في الدوحة.. وعشان
    كده الطفل العبقري السوداني الذي اخترع الساعة اختار الدوحة بدل أمريكا للدراسة..
    ودمت بالف خير
                   |Articles |News |مقالات |بيانات

21-10-2015, 04:01 PM

عفاف أبو حريرة
<aعفاف أبو حريرة
تاريخ التسجيل: 28-12-2006
مجموع المشاركات: 1770

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote:
    أمان ما إتلومتو كان إنتِ وكان ود المحرب
    والله إتلومتو لو اليابا فضيل
    مالكم ما بتعزموني ... والله كان جيت وساعة البطانكت نزلت وصوقرت وأخد الفيها النصيب من صوت البطان
    ماعندك عُذر يا بت أبوحريرة
    ماتقولي لي تلفونك ما عندي
    كان سألتي السنوح ود البوش عندو الرقم وكان يألتي ود المحرب عندو التلفون

    لا تغفر لك يا بت أبوحريرة لو اليابا فضيل بقى عليك

    والذي رفع السموات من غير عمد
    حضورك كان يكون شرف لي اخر جد عندنا
    واللوم راكبني من ساسي لي راسي
    لكن المتلي يغلط والمتلك يسامح
    يابو احمد مقامك محفوظ
                   |Articles |News |مقالات |بيانات

21-10-2015, 07:50 PM

إسحاق بله الأمين
<aإسحاق بله الأمين
تاريخ التسجيل: 29-06-2006
مجموع المشاركات: 1485

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    الإخوة والأخوات
    الليلة جيتكم بسكة غير اللاعب وكتاب عصي الفهم

    تعاهدا على ألا يرتبطا بإمرأة قط نظراً لما في الزواج من قيود والتزامات لا يستطيعان الإيفاء بها . كانت القراءة والإطلاع تأخذ جل وقتهما. لم يمض وقت طويل فإذا بأحدهما يعود من إجازته التي أمضاها في ربوع الوطن بين الأهل والأحباب ! . لفت نظر صاحبه تلك الدبلة الفضية الناصعة البياض التي عكس لونها جمال أصبعه الأسمر. لم يصدق صاحبه ما رأى فاستفسره قائلاً ما هذا الذي يجمل أصبعك؟! فرد قائلاً هذا الذي تعاهدنا على ألا نفعله، ولكن لامفر مما لابد منه، هكذا كان رأي أمي التي عرضت على عدم الرضا إن لم أحقق أمنيتها في أن تراني زوجاً وأباً لكثير من الأولاد والبنات أو ليس المال والبنون زينة الحياة الدنيا؟. فما كان مني إلا أن أستجبت لطلبها وبقناعة تامة وافقت على الزواج من خطيبتي التي إختارتها لي أمي .. وهل لنا في هذه الدنيا من أمنية أعز من رضا الوالدين عنا ؟ ، أو لم تعلم أن الجنة تحت أقدام الأمهات، وها قد فعلت وبفعلي هذا نلت أعز ما أرجو.. وفي اليوم التالي بعث إليه صديقه هذه الرسالة مهنئاً ومباركاً :





    "صديقي العزيز .. عهدناك قارئاً نهماً ومطلعاً جاداً (فهايف) الكتب لا يشبع لك جوعاً ولا يروي لك ظمأ . بين يديك اليوم كتاب ما قرأته من قبل ، فاجتهد في قراءته جيداً، واستخدم الفكر من غير شرود حتى تسبر أغواره وتستوعب مضامينه.





    صديقي .. لقد قرأ هذا الكتاب قبلك كثير كثير ... فمنهم من قرأه على عجل ... ومنهم من قرأه وهو مستلق على ظهره أو راقداً على جنبه ... وليس من بينهم من قرأه وهو منتصب القامة على كرسيه ... فجاءت أحكامهم على هذا الكتاب ناقصة غير كاملة ... لأنهم لم يعطوه حقه في القراءة كاملاً ... وغاية هؤلاء المتعة فقط ، فما أدركوها في هذا الكتاب .. لا لأنه خال من المتعة والإمتاع ... بل لأنهم تحروا المتعة فيه بوسائل وأساليب هينة خالية من التعب وبذل الجهد ...





    مثل هذا الكتاب يا صديقي يتطلب وقتاً كافياً ... ومزاجاً رائقاً ... وكوب ماء مثلج ... وكأس شاي (منعنع) ... وقصاصة ورق ... كما يتطلب أيضاً التركيز والتمهل والتريث... والشرح والتعليق بين السطور ... والرجوع إلى الحواشي ... فبعد كل ذلك يعينك الله على إدراك النذر اليسير من مضامينه ومعانيه .





    فاعلم ياصديقي أن غاية الإمتاع في إمعان النظر، فامعن النظر جيداً ... وأنت تغوص بين طيات وصفحات هذا الكتاب الذي هو كالمحيط تماماً ... وأنا في إنتظارك لتحدثني عما تستوعبته وتدركه لعلنا نعقد العزم في غير تردد على قراءة هذا الكتاب الشامل النافع الذي يغني عن قراءة مكتبة بحالها ... ودمت ودام الحب والتواصل."
                   |Articles |News |مقالات |بيانات

21-10-2015, 07:51 PM

إسحاق بله الأمين
<aإسحاق بله الأمين
تاريخ التسجيل: 29-06-2006
مجموع المشاركات: 1485

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    الإخوة والأخوات
    الليلة جيتكم بسكة غير اللاعب وكتاب عصي الفهم

    تعاهدا على ألا يرتبطا بإمرأة قط نظراً لما في الزواج من قيود والتزامات لا يستطيعان الإيفاء بها . كانت القراءة والإطلاع تأخذ جل وقتهما. لم يمض وقت طويل فإذا بأحدهما يعود من إجازته التي أمضاها في ربوع الوطن بين الأهل والأحباب ! . لفت نظر صاحبه تلك الدبلة الفضية الناصعة البياض التي عكس لونها جمال أصبعه الأسمر. لم يصدق صاحبه ما رأى فاستفسره قائلاً ما هذا الذي يجمل أصبعك؟! فرد قائلاً هذا الذي تعاهدنا على ألا نفعله، ولكن لامفر مما لابد منه، هكذا كان رأي أمي التي عرضت على عدم الرضا إن لم أحقق أمنيتها في أن تراني زوجاً وأباً لكثير من الأولاد والبنات أو ليس المال والبنون زينة الحياة الدنيا؟. فما كان مني إلا أن أستجبت لطلبها وبقناعة تامة وافقت على الزواج من خطيبتي التي إختارتها لي أمي .. وهل لنا في هذه الدنيا من أمنية أعز من رضا الوالدين عنا ؟ ، أو لم تعلم أن الجنة تحت أقدام الأمهات، وها قد فعلت وبفعلي هذا نلت أعز ما أرجو.. وفي اليوم التالي بعث إليه صديقه هذه الرسالة مهنئاً ومباركاً :





    "صديقي العزيز .. عهدناك قارئاً نهماً ومطلعاً جاداً (فهايف) الكتب لا يشبع لك جوعاً ولا يروي لك ظمأ . بين يديك اليوم كتاب ما قرأته من قبل ، فاجتهد في قراءته جيداً، واستخدم الفكر من غير شرود حتى تسبر أغواره وتستوعب مضامينه.





    صديقي .. لقد قرأ هذا الكتاب قبلك كثير كثير ... فمنهم من قرأه على عجل ... ومنهم من قرأه وهو مستلق على ظهره أو راقداً على جنبه ... وليس من بينهم من قرأه وهو منتصب القامة على كرسيه ... فجاءت أحكامهم على هذا الكتاب ناقصة غير كاملة ... لأنهم لم يعطوه حقه في القراءة كاملاً ... وغاية هؤلاء المتعة فقط ، فما أدركوها في هذا الكتاب .. لا لأنه خال من المتعة والإمتاع ... بل لأنهم تحروا المتعة فيه بوسائل وأساليب هينة خالية من التعب وبذل الجهد ...





    مثل هذا الكتاب يا صديقي يتطلب وقتاً كافياً ... ومزاجاً رائقاً ... وكوب ماء مثلج ... وكأس شاي (منعنع) ... وقصاصة ورق ... كما يتطلب أيضاً التركيز والتمهل والتريث... والشرح والتعليق بين السطور ... والرجوع إلى الحواشي ... فبعد كل ذلك يعينك الله على إدراك النذر اليسير من مضامينه ومعانيه .





    فاعلم ياصديقي أن غاية الإمتاع في إمعان النظر، فامعن النظر جيداً ... وأنت تغوص بين طيات وصفحات هذا الكتاب الذي هو كالمحيط تماماً ... وأنا في إنتظارك لتحدثني عما تستوعبته وتدركه لعلنا نعقد العزم في غير تردد على قراءة هذا الكتاب الشامل النافع الذي يغني عن قراءة مكتبة بحالها ... ودمت ودام الحب والتواصل."
                   |Articles |News |مقالات |بيانات

21-10-2015, 07:52 PM

إسحاق بله الأمين
<aإسحاق بله الأمين
تاريخ التسجيل: 29-06-2006
مجموع المشاركات: 1485

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    الإخوة والأخوات
    الليلة جيتكم بسكة غير اللاعب وكتاب عصي الفهم

    تعاهدا على ألا يرتبطا بإمرأة قط نظراً لما في الزواج من قيود والتزامات لا يستطيعان الإيفاء بها . كانت القراءة والإطلاع تأخذ جل وقتهما. لم يمض وقت طويل فإذا بأحدهما يعود من إجازته التي أمضاها في ربوع الوطن بين الأهل والأحباب ! . لفت نظر صاحبه تلك الدبلة الفضية الناصعة البياض التي عكس لونها جمال أصبعه الأسمر. لم يصدق صاحبه ما رأى فاستفسره قائلاً ما هذا الذي يجمل أصبعك؟! فرد قائلاً هذا الذي تعاهدنا على ألا نفعله، ولكن لامفر مما لابد منه، هكذا كان رأي أمي التي عرضت على عدم الرضا إن لم أحقق أمنيتها في أن تراني زوجاً وأباً لكثير من الأولاد والبنات أو ليس المال والبنون زينة الحياة الدنيا؟. فما كان مني إلا أن أستجبت لطلبها وبقناعة تامة وافقت على الزواج من خطيبتي التي إختارتها لي أمي .. وهل لنا في هذه الدنيا من أمنية أعز من رضا الوالدين عنا ؟ ، أو لم تعلم أن الجنة تحت أقدام الأمهات، وها قد فعلت وبفعلي هذا نلت أعز ما أرجو.. وفي اليوم التالي بعث إليه صديقه هذه الرسالة مهنئاً ومباركاً :





    "صديقي العزيز .. عهدناك قارئاً نهماً ومطلعاً جاداً (فهايف) الكتب لا يشبع لك جوعاً ولا يروي لك ظمأ . بين يديك اليوم كتاب ما قرأته من قبل ، فاجتهد في قراءته جيداً، واستخدم الفكر من غير شرود حتى تسبر أغواره وتستوعب مضامينه.





    صديقي .. لقد قرأ هذا الكتاب قبلك كثير كثير ... فمنهم من قرأه على عجل ... ومنهم من قرأه وهو مستلق على ظهره أو راقداً على جنبه ... وليس من بينهم من قرأه وهو منتصب القامة على كرسيه ... فجاءت أحكامهم على هذا الكتاب ناقصة غير كاملة ... لأنهم لم يعطوه حقه في القراءة كاملاً ... وغاية هؤلاء المتعة فقط ، فما أدركوها في هذا الكتاب .. لا لأنه خال من المتعة والإمتاع ... بل لأنهم تحروا المتعة فيه بوسائل وأساليب هينة خالية من التعب وبذل الجهد ...





    مثل هذا الكتاب يا صديقي يتطلب وقتاً كافياً ... ومزاجاً رائقاً ... وكوب ماء مثلج ... وكأس شاي (منعنع) ... وقصاصة ورق ... كما يتطلب أيضاً التركيز والتمهل والتريث... والشرح والتعليق بين السطور ... والرجوع إلى الحواشي ... فبعد كل ذلك يعينك الله على إدراك النذر اليسير من مضامينه ومعانيه .





    فاعلم ياصديقي أن غاية الإمتاع في إمعان النظر، فامعن النظر جيداً ... وأنت تغوص بين طيات وصفحات هذا الكتاب الذي هو كالمحيط تماماً ... وأنا في إنتظارك لتحدثني عما تستوعبته وتدركه لعلنا نعقد العزم في غير تردد على قراءة هذا الكتاب الشامل النافع الذي يغني عن قراءة مكتبة بحالها ... ودمت ودام الحب والتواصل."
                   |Articles |News |مقالات |بيانات

21-10-2015, 08:34 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: إسحاق بله الأمين)

    Quote: مشاغل القراية مرات بتنسينا.. وانا اتذكرت هي فعلا مقيمة في الدوحة( دولة قطر)..
    ويعني الدوحة بتقل عن جمال وروعة دبي... الدوحة ذاتها شايلة فعلا اسمها فهي
    فعلا دوحة غناء في قلب الصحراء.. واجتهدت الحكومة القطرية وجعلت منها
    مدنية من اجمل مدن العالم ، فهي باريس الشرق الأوسط... فباريس معروفة انها
    عاصمة النور والثقافة ، والدوحة أيضا بجامعاتها ومؤسساتها التعليمية العريقة
    تمثل النور والثقافة ، ومعظم جامعات العالم الشهيرة لها فروع في الدوحة.. وعشان
    كده الطفل العبقري السوداني الذي اخترع الساعة اختار الدوحة بدل أمريكا للدراسة..
    ودمت بالف خير


    الرائعة بسمات
    فعلاً الدوحة أصبحت عاصمة الثقافة والراياضة
    قولنا كان كيتن في الملكة وضاحة ليس أكثر
    لكن ميسرة و سانحة أن نولد أطراف الحديث منك يا بسمات ولكن في ذلك ملكة الله من كل بلاء
    تحياتي ومودتي
                   |Articles |News |مقالات |بيانات

21-10-2015, 08:42 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote:
    والذي رفع السموات من غير عمد
    حضورك كان يكون شرف لي اخر جد عندنا
    واللوم راكبني من ساسي لي راسي
    لكن المتلي يغلط والمتلك يسامح
    يابو احمد مقامك محفوظ



    دعاش البطانة بت ابوحريرة العافية
    كيفنك يا عفاف وعلك طيبة طال الزمان في البعاد حرفا اسفيري
    وكيف أخو البنات ود المحرب
    ما بتتلومي يا بت الرُجال أهل الدرق والسيف
    بت الما بهموا بي حساب الخريف الصيف
    بت البحِجوا المرقوب ويكرموا الضيف
    ياك بت اب حريرة ونفوتك كيف

    حاشاك اللوم يا دُعاش البطانة بس شوية لوم من باب الذكرى وأن لكم في قلوبنا مودة أهل أسرة كريمة
                   |Articles |News |مقالات |بيانات

21-10-2015, 08:45 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: إخوة والأخوات
    الليلة جيتكم بسكة غير اللاعب وكتاب عصي الفهم


    ود البلة أخوي في المداخلة بشوفك متحسس وسويتا
    مثنى وثلاث ورباع
    هههههههههههههه
    سمحة المقدرة وسمح السمح
                   |Articles |News |مقالات |بيانات

22-10-2015, 08:45 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    سلام فاضلابي وباقي الأفاضل والفضليات

    عاوز أعكس ليكم الجرة بموضوع مختلف شوية

    وهو أثر الصدمة العاطفية ( الشاكوش ) في الشعر الغنائي والفصيح والعربي والسوداني

    أكيد ود المنسي وود العبيد لهم زخائر تتعلق بالمواضيع

    أنا من دوري سأساهم بموضوع كنت طرحته في منبر الراكوبة قبل أربعة سنوات

    الصدمة العاطفية ( الشاكوش)
    درج الناس عندنا في السودان على تسمية الصدمة العاطفية بالذات خيبة الامل الناجمة عن الاندفاع في الحب بالشاكوش .. وهو كما نعلم جميعا الالة التي هي عبارة عن حديدة مثبته على عود من الخشب يستخدمها النجار في غرس المسامير على الاخشاب .. وكذلك الحداد في تطويع الحديد .. لذلك كان تشبيه صدمة الحب بالشاكوش كناية عن المها ومثل ما يحدث لراس المسمار وهو يرغم على الدخول في الخشب ..

    وكما انه هنالك حب من اول نظره كذلك هنالك شاكوش من اول نظره ... بمعنى انه الانسان يبدا يكون علاقه داخل قلبه تجاه فتاة معينة .. وقد تصدر منها هي ردود افعال تنم عن تجاوبها اي يفسرها المشوكش ( ان جازت التسمية ) لصالحه حسب هواه .. ولكن بمجرد ما يتخذ خطوات ايجابية يصدم بالرد السلبي .. اي الشاكوش .. والعباره المستخدمة عادة في هذا المضمار ( والله انا كنت شايفاك زي اخوي) .. ويبدا يهضرب ..( اخوك ؟؟ اخوك كيفن يابت الناس ؟؟ والايس كريم والعشا .. وشارع النيل .. والملاهي والمرجيحة ؟؟ ووووووو الخ ..) ويبدا يعدد في اشياء عادة لاتتم بين الاخوان .. وفي الغالب البنت اما تكون عينها زايغة .. بمعنى شخص آخر ذو امكانات اوسع لف عقلها .. او هي تكون فعلا كانت تتعامل معه ببراءه وطريقة اخوية كما قالت ..
    قرات في كتاب اسمه مشاكل في الحب للراحل الدكتور مصطفى محمود رحمه الله .. قال ان اقسى كلمة ممكن تقولها بنت لشاب يحبها ( انت مثل اخي )

    وكما ان هنالك ما يعرف بالحب الكتامي .. اي يظل العاشق والذي سيعرف بالمشكوش بعد ذلك يكتم حبه في قلبه دون افصاح مكتفيا او مدعيا او زاعما ان الحب سيعبر عن نفسه .. يعني كونه يستحمى من الساعة ثلاثة ظهر ويلبس قميص اخيه الاكبر الجديد خفية .. ويصب نصف زجاجة عطر فيه ... ويتطلع ويتلطع في الشارع قرب الدكان حيث ستمر المحروسة بعد ساعتين .. مكتفيا بالنظر اليها مع ابتسامة بلهاء .. كل هذا يعتقد انه لايحتاج ان يعبر عنه باللفظ .. بل ستقراه هي في نظرات عينيه .. وسينطبع عطره عبر انفها في قلبها .. وسيعزف قلبها اسمه ويظل طيلة اليوم يقول لها ( احمد احمد احمد) يكون له اصحاب مفتحين ويقولون له (يا احمد الكلام دا ما بيجي بتطير منك البت دي ) .. وعندما ياتي بالعصر ويسمع الزغاريد في بيتها يجن جنونه .. ونموذج لهذا النوع قصيدة د محمد الامين العبد الحمنتيشية الشهيرة ( يا عبدو)
    في الليلة ديك القصة ذاتها بقت عليك

    يا عبدو رقوك وأدوك الشريط

    يوم قولنا ليك أنضم معاها وكلّما

    أبيت تسمع كلامنا وبقيت لميض

    وقلته أحسن أكون تقيل أنا ما جميل

    بكهربه ليكم بى نظره كتيل

    وبقيت تقيل لامن سقوك موية الغسيل

    وجيت تنطط زي زمان وتباري بقعور الشجر

    كايس كراسي الخيزران ..

    وقعدته يا زينة الرجال.. كهربجي قال

    رفعوا الستار والبت تجي ومرات تقيف

    ومعاها يا زول ولدا حريف

    والوقفة كانت وقفة ولف

    صاحبنا بالاحساس عرف

    سألته والناس كلّموك

    ووقعته في شارع الزلط

    تبكي وتجعّر والعيون اتورّمت

    ويد القميص ضهر القميص كم القميص

    حتى الفنيلة اتشرّطت

    يا عبدو لا يا عبدو عيب


    قوم يلا صلي على الحبيب

    الواطه صبحت دايرين ننوم

    يا أخوانّا لأ أنا عايز أموت أقع البحر



    ياعبدو لا ياعبدو عيب

    الدنيا حر .. والموية بتسخّن عليك

    ثلاثة ساعات زولنا يسب ويكيل

    ودموعو سايلات بالكفوف

    وشرايطو تلمع في الكتوف

    بقى فيلسوف

    في علاقة بين يوم السبت وعين الحسود؟!

    ومقارنات بين الجهل والجمال!!

    وسوء الإختيار

    قال شينة قال ...!

    قال شينة قولنا كلام صحيح

    وخطيبها زاتو ولد قبيح

    بس ياخي قوم الواطة صبحت دايرين ننوم

    قام تاني جاب سيرة البحر

    وقام تاني جاب سيرة البحر

    د.محمد الامين العبد

    ********************
    كما يوجد نوع آخر من المصدومين عاطفيا هو من يتسبب بايذاء نفسه اي يدفع خطيبيته دفعا لرقعه بالشاكوش في ام راسه وذلك بالوسواس .. يعني ناخذ نموذج في شكل اسكيتش ..
    مثلا خالد وساره لهم خمسة سنوات مخطوبين .. هو موظف في الحكومة وهي مدرسة .. ومنذ الخطوبة لاتوجد خطوات تذكره تدل على ان الخطوبة هذه ستنتهي يوما ما نهاية سعيدة او حتى تعيسة .. وانما هي كلها وعود وجلوس في الحدائق المجانية حتى يقتصدوا في النفقات وتظل وفوراتهم في سباق مع الاسعار يثمنو دولاب بمليون يوفوروا المبلغ بعد ستة شهور يكون ثمن الدولاب اصبح بثلاثة ملايين .. وفجاه تحتفل الحلة بمقدم يا سر من امريكا بعد غربة دامت عشرة سنوات ... وغالبا في كل حي توجد امراه نسناسة تنقل الاخبار بعد تضخيمها وتزيينها وتوجيهها هي عبر اجندة خفية ( في حد جاب سيرة قناة الجزيرة؟).. تجي داخلة مثلا عند ناس ساره وتسمم جوهم باخبار من اختراعها ( كان شفتوا الدهب الجابوا ياسر لامه واخواته من امريكا .. كتل كتل وكبار كبار .. امه قالت ليه ترمم البيت قبل ما تفكر في خطوبة ولا عرس ... قاليها ترميم شنو يا امي هو دا بيت ؟؟ .. انا لازم اهدوا في الواطة دي وابنيه مسلح طابقين ... ومال الدولارات الجايي خاميها دي انا خاميها لمنو ؟؟ ... اها وتحت تحت كدا سمعت انه قال لاخواته فتشوا لي عروس ) وتخرج لتترك خلفها قطيع من الفيران تتوزع على صدور سارة وامها واخوتها وتبدا في اللعب على العب .

    ونفس هذا الخبر بطريقه مختلفه تنقله لآل خالد مع التركيز على حكاية فتشوا لي عروس .. التي تجعل خالد يخرج مستاءا بكرسيه ليجلس امام البيت يراقب حركة سارة مع حركة السيارة الهمر وارد امريكا والتي هي مستفه بعطالة الحي صعودا ونزولا مع المغترب .. ياتيه الوسواس ليريحه ( امريكة شنو الفيها قروش قدر كدا صاحبك ادا الا يكون شغال شغل ما ياهو )..

    بعد ذلك يكون اللقاء بين خالد وسارة ملئ بالنرفزة والاتهامات ......من نوع ( الصباح واقفة في باب بيتكم بالفستان لشنو ؟؟.... كنت بدفق موية الغسيل .... وين الخدامة ؟؟ ... الليلة ما جات .. طيب البسي توب ... ما كان في زول في الشارع غيرك ..)

    وشفتك الصباح رفعتي يدك لياسر لامن جا ماري ببيتكم ....حياني ورديت ليه التحيه .... ليه ترديها ؟؟؟ لييه ما اردها هو ما ورلد جيرانا وتربينا مع بعض ..

    ليه لابسه وقاشرة كدا ماشة وين ... الا انت نسيت ماقلت الليلة عازمني مسرحية في قاعة الصداقة ؟؟ لا زمان ماكنت بتقشري كدا وتعملي مكياج .. الجد شنو ؟؟؟.. يا خالد انت في شنو مالك اليومين ديل ؟؟ ... حيكون مالي يعني ؟؟..ما انا صابره ومنتظراك لي خمسة سنين ...

    خلاص حاتزليني بحكاية الخمسة سنين دي ...؟؟

    ياخي الزلاك منو يا ابن الحلال وانا اول مره اجيب سيرتها ..

    ايوا قولي كدا اظهري على حقيقتك ..

    اوففففف انا ما ماشه المسرحية ولا حا اتحمل اكثر من كدا ..

    قولي كدا من الاول انت عايزة سبب تفركشي بيه الخطوبة ..

    ياخي هسع الجاب سيرة الخطوبة منو انا قلت ما ماشة المسرحية .. وعموما ياهي دي دبلتك ارتحت .. وتاني نقفل الموضوع لو سمحت لاتلفون ولا مسكول ..

    صاحبنا يبتلع الشاكوش الذي سببه لنفسه وتتفاقم الحالة عنده عندما يكتشف انه ياسر خطب بنت خالته معه في امريكا ليست ساره وسيكمل الزواج هناك بعد ياخذ امه وابوه .
                   |Articles |News |مقالات |بيانات

22-10-2015, 10:35 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15431

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: درديري كباشي)

    سلام بالاحضان السودانية ياناس يا تنضح ( سكر )

    يعلم الله مشتهياكم ومشتاقة ليكم نأمن خرمانة ليكم وللجبنة . وهدو جبت ليكم عدة
    جبنتي الجابها لي النشمي ود البوش من سوق الرياض يلقي مرادو محل ما يقبل أكان
    بجيب لي السمح وداير لي السمح ههههه .

    شوفوا جنس العدة دي البتفتح النفس والشهية للجبنة , دا كلوووو من خير النشمي ود البوش .

    285076_543307935683123_760773004_n.jpg Hosting at Sudaneseonline.com

    (عدل بواسطة مني عمسيب on 22-10-2015, 10:37 AM)
    (عدل بواسطة مني عمسيب on 22-10-2015, 10:38 AM)
    (عدل بواسطة مني عمسيب on 22-10-2015, 10:41 AM)
    (عدل بواسطة مني عمسيب on 22-10-2015, 10:54 AM)

                   |Articles |News |مقالات |بيانات

22-10-2015, 10:52 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15431

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: مني عمسيب)

    آآآآالسمحين علا اسمحو لي اناول طلحة ود عمي عبد الله الورود
    دي جبتها ليهو من حواشتي .

    حبيبنا المريود طلحة حبابك وهدي الزهور في شانك .

    sudansudansudansudansudansudansudansudansudan7.jpg Hosting at Sudaneseonline.com
                   |Articles |News |مقالات |بيانات

22-10-2015, 03:39 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: مني عمسيب)

    Quote: سلام فاضلابي وباقي الأفاضل والفضليات

    عاوز أعكس ليكم الجرة بموضوع مختلف شوية

    وهو أثر الصدمة العاطفية ( الشاكوش ) في الشعر الغنائي والفصيح والعربي والسوداني

    أكيد ود المنسي وود العبيد لهم زخائر تتعلق بالمواضيع







    لك السلام والتحية الدرديري ود الكباشي
    الشاكوش وما أدراك ما الشاكوش ..... حقيقة بتكون القصة مؤلمة وسأل مجرب ولا تسأل طبيب
    وزي ما قال الدكتور مصطفى محمود ( انت زي أخوي دي أخير منها منشار عديل قسمك نصين )
    وكان الأبداع الفني شعراً عندما كان هناك أزمات في حب ضاع وضاع الأمل
    ولو مسكنا كل أغاني الفنان الشاعر عثمان خالد عليه رحمة الله وهو من أبناء بارة كانت لحب عاشه طويلاً وجميلاً لكنه ضاع
    ويقال أنه مرض من فشل حبه هذا .... وهو صاحب الأغنية الجميلة ( إلى مسافرة .... يا قلبي )
    يا قلبي يا مكتول كمد
    أعصر دموع ....
    وهات غنية لي سيد البلد
    يا حليلو يا حليلو

    وصاحب أغنية أحلى جارة التي تغنى بها الفنان عبدالعزيز المبارك وله من الشعر في حبه الضاع مجلدات
    الشاعر الفنان الطيب عبدالله ذلك الإنسان المرهف له من الأشعار ما تغنى به في حبه الضاع
    وهذه هي أغرب قصة ... رفضه أهل حبيبته عندما تقدم لها من قبل 45 سنة وكان عمره لا يتجاوز الخمسة وعشرون سنة
    عاد وتزوجها ( وهي ملهمة الفنان الطيب عبد الله ) وكان زواجه السنة الماضية
    تزوج بعد ذلك الحب الجارف الفنانة نعمات حماد وطلقها ... ثم تزوج قريبته أم أولاده ( عليها رحمة الله )
    والطيب عبدالله جُل فنه كان في تلك الملهمة لأنها لم تخنه يوما في حبه وإنما وقف الأهل دون الإرتباط .......
    والقصص في ذلك كثيرة أخوي الدرديري
    وقال أخر
    المتلي واحدين عرسو
    واحدين جناهم حام
    واحدين مثلوا الحنضل
    علي الشمام .......

    كلمات أحمد حسين العمرابي

    اندب حظي أم امالى دهري قصدني مالو ومالي
    شوف الخيره يارمالى أظن كاتبني عند عمالي
    عارض يعترض اعمالى أبنى وأملى ما تمالي
    لا تقول ضعت من اهمالى أنا عامل الحزم رأس مالي
    بس ايامى ما باسمالى همومي الزايدة متقاسمالى
    بين الناس حميدة افعالى أصلى من الجناب العالي
    حبك وحبي مانافعالى يوم ينعوني لا تنعالى
    قلبي المن الوساوس خالي اليوم انشغل ياخالى
    لو كان في اللحد ادخالى أحلى من العذاب ياخالى
    دوام آيات محاسنك تالي زيد في هجري لا ترتالى
    مقسم عن هواك ما سالى طرفك بالهلاك أفتى لي
    حبك كاتمه زاد انحالى من فرطه الدموع فاضحالى
    الشاقنى و مغير حالي حسنك واللهيج الحالي
    هاك شكواي لو تصغالى العدو حن لي رقا لى
    سهران والدموع راشقالى و حياة حبي ليك يا غالى

    حواشي :
    شوف الخيرة يا رمالي
    الرمالي : البضرب الرمل
    العمالي هو الفكي البعمل العمل
    العارض : معروف يقال فلان فيه عارض اي شى يقف له في التوفيق


                   |Articles |News |مقالات |بيانات

22-10-2015, 03:56 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: أكيد ود المنسي وود العبيد لهم زخائر تتعلق بالمواضيع

    ههههههه ,, حلوة وملعوبة يالدرديرى
    قلت لى الجماعة من كترة الشواكيش بقوا خبراء اجانب؟
    غايتو ودالمنسى جاء واعترف نرجا العبيد
                   |Articles |News |مقالات |بيانات

22-10-2015, 04:10 PM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    هههههههههههههههههههههههه

    لا يا شيخ أنا قاصد خبرة الاطلاع

    تعرف الناس البباروا الشعر ديل أما عشاق أو مشوكشين .

    أذا كان الشعراء نفسهم سبب أشعارهم هي الشواكيش

    يدءا من عنترة وقيس

    تخيل لو حياتهم كانت سهلة وسلسة ما كان سمعنا بقصتهم أهو زيهم وزي أي واحد أخد بت عمو وعدت معه الحياة عادي جدا

    لكن ما طلبته أنا من ود العبيد أولا شعر البادية عندنا

    بدءا من تاجوج والمحلق3

    ريا وطه وددكين في البطانة

    والأمثلة كثيرة في البادية

    وود المنسي تخصص أغاني عصرية

    في الليلة ديك زيدان ابراهيم

    يا فتاتي وقالوا لي أنساه الطيب عبد الله

    كمان لو منوا علينا بتجارب شخصية ما بطال ههههههههههههه
                   |Articles |News |مقالات |بيانات

22-10-2015, 04:47 PM

طلحة عبدالله

تاريخ التسجيل: 14-09-2007
مجموع المشاركات: 15448

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: درديري كباشي)

    سلام للطيبين
    وتحية خاصة مفعمة بود لا ينسي وشكر بلا حدود للصافية الشفيفة
    الوريفة مني عمسيب ولها أقول كما قال الشاعر :
    هدايـا النـاس بعضهم لبعض تولـد فـي قلوبهم الوصال
    وتزرع في الضمير هوى وودًا وتلبسهم إذا حضروا جمالًا

    وأسال الله كما سأل شاعر آخر :
    سألت الله أن يبقيك دهرا فما لك في البرية من نظير
    منك الجود والإفضال حقا وفيض يديك كالبحر الغزير

    (عدل بواسطة طلحة عبدالله on 22-10-2015, 04:49 PM)

                   |Articles |News |مقالات |بيانات

23-10-2015, 07:26 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: طلحة عبدالله)

    لحين ميسرة
                   |Articles |News |مقالات |بيانات

23-10-2015, 11:50 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    منقول من منتديات ستار تايمز (الكاتب : أوان الورد)
    الحاردلـــو


    حينما تتحدث عن الشعر الشعبى في السودان أول شعار يتراءى لنا الشاعر السوداني الشعبي محمد أحمد ابوسن
    الملقب بالحاردلو ولقب محمد أحمد ابوسن بالحاردلو في سن الأربعين
    نسبة لانه كان حاد المزاج يثور لانفه الامور فاشتهر بين قومه بالحار ولما تولي منصبا اداريا
    فقد ثار عليه الأهالي وطالبوا بانزاله من هذا المنصب الحار دلو أي الحار طباعه أنزلوه،
    ولد الحار دلو سنة 1820 م وتوفي في سنة 1917 وقد كان والده أول مدير لمديرية الخرطوم.

    والحاردلو من قبيلة الشكريه، وهي قبيلة عربية عريقة ، قدم الشكريه إلي السودان في أوائل القرن الخامس عشر
    وسكنوا حول جبل قيلي .
    وقد عاصر الحاردلو الخليفة عبد الله التعايش وقضي فترة من حياته في ام درمان وشاعرنا الحاردلو وصف في شعره جمال البادية،
    وتغني بالشجاعة والكرم، أما في الكرم فإنه مثله الأعلى ينصب في هذا الشخص الذى يقول فيه .
    ما أكل حلو بيتو والمعاه جيعان
    وما لبس الرفيع والمعاه عريان
    مامون السجايا اليستودع النسوان
    ضباح الخلايا عشا الضيفان

    وأما في الشجاعة فقصيدته الشبل المستضعف خير نموذج لقوة الوصف، يعلل الاستاذ حسن عباس صبحي أن الشبل المستضعف
    هو رمز إلي الشعب السوداني في تلك الفترة العصبية التي عاشها تحت ذل الاستبعاد، وهو بلا شك تعليل مقبول، فالحاردلو شاعر
    سوادني عريق، انفعل بالحوادث التي المت بقومه، فكان شعره مرآة تعكس البيئة السودانية.
    يقول الحاردلو واصفا الشبل المستضعف.
    جابوك للسوق ساكت درادر ضيعه
    وامك في الحريم ماها المره السميعة
    نترة ناس أبوك اللي رجال لويعة
    وإت كان كبر جنبا تقلب البيعة

    ***
    جابوك في السوق ساكت وللفراجة
    وأمك في الحريم مرة بتقضي الحاجة
    كفتت ناس بوك للعافية ما بتتعاجة
    وإت كان كبر ما بتنجلب لخواجة .

    أما في الوجدانيات فشاعرنا الحاردلو له جولات وصولات في التغزل في الحسان،
    وشعره يعتبر تخليدا للمقاييس السودانية في النواحي الجمالية للمرأة السودانية،
    ولكي لا نطيل علي القارئ الكريم نكتفي بهذه اللوحة الفنية التي يصور لنا فيها الشاعر
    جفلة معيز البطانة في وقت الأصيل، يصور لنا الشاعر احاسيسه ومشاعره
    والحسرة تملأ نفسه، والحرقة تلهب عواطفه المشبوبه عن مدى تشوقه إلي منظر المعيز،
    تلك الظباء التي تعود الشاعر أن يلتقي بها في وقت الأصيل يستأنس بجمالها الخلاب.

    الليلة المعيز ماظنى أنا ملاقيهن
    ناطحات البطين أدن قليلة قفيهن
    سمعن طنت الشادى وكتر صنفيهن
    وعند اللاصفرار جلفن بشوف لصفيهن
                   |Articles |News |مقالات |بيانات

24-10-2015, 02:00 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: ما في الوجدانيات فشاعرنا الحاردلو له جولات وصولات في التغزل في الحسان،
    وشعره يعتبر تخليدا للمقاييس السودانية في النواحي الجمالية للمرأة السودانية،
    ولكي لا نطيل علي القارئ الكريم نكتفي بهذه اللوحة الفنية التي يصور لنا فيها الشاعر
    جفلة معيز البطانة في وقت الأصيل، يصور لنا الشاعر احاسيسه ومشاعره
    والحسرة تملأ نفسه، والحرقة تلهب عواطفه المشبوبه عن مدى تشوقه إلي منظر المعيز،
    تلك الظباء التي تعود الشاعر أن يلتقي بها في وقت الأصيل يستأنس بجمالها الخلاب.


    تسلم يا فاضلابي
    أخمش كل مرة زي دا وجيبو وتعال
                   |Articles |News |مقالات |بيانات

24-10-2015, 02:24 PM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: عمنا ود البوش (ود البوش ما تزعل من عمنا أسأ ل عبد اللطيف أحمد بتعرف إنك عمنا )

    صحي اللوم بجي بالغفلات انا اخوك اتا يا مامون عبدالله نور ود اخوي حرم بالصدفة بس شفت مداخلتك دي
    قربت اتلوم معاك لوم اليابا جادالله
    وعبداللطيف ذاتو انا عمو اذن جدك اتا في عضمك يا البخيت بالله
    حبابك مامون حبابك جد
                   |Articles |News |مقالات |بيانات


[رد على الموضوع] صفحة 5 „‰ 7:   <<  1 2 3 4 5 6 7  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de