فنجان جبنة ولمة ناس حلوين

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-09-2018, 11:59 AM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
24-10-2015, 02:30 PM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالله ود البوش)

    يا الفاضلابي عارف روحي مقصر في البوست دا
    وكلما أقول اجي بمهمل ورواقة اصلي ما لقيت ايدي
    ان شا ء الله المحنة ما تبقى شحدة يا الحبيب
    المك ود المنسي والله دائما طاريك وفي الخاطر لكن العيشة بقت مجابدة
                   |Articles |News |مقالات |بيانات

24-10-2015, 02:33 PM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالله ود البوش)

    Quote: جبنتي الجابها لي النشمي ود البوش من سوق الرياض يلقي مرادو محل ما يقبل أكان
    بجيب لي السمح وداير لي السمح ههههه .

    تستاهلي السمح يا السمحة ست البنات
    بت نفيسة النفيسة التحيات والاشواق مرفق طيه
                   |Articles |News |مقالات |بيانات

24-10-2015, 02:35 PM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالله ود البوش)

    سيد البيت
    والضيوف والضيفات وان كان هو بيت الكل وسيده ضيف ساكت معانا
    السلام والاشواق والاحترام ليكم جت عليكم يا السمحين وزينين وجركم ملان عجين
                   |Articles |News |مقالات |بيانات

24-10-2015, 09:05 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالله ود البوش)

    Quote: ناصر الجعلي · شندى الثانويه بنين
    ماني من النمراب لكنهم أهلي برضو .... أنا بحجاري من أبو حجار كوع الجنه والزونيا وعبق الذكريات اندفن في صرة الكوبري الجديد الباعد بين اللبانه وعمال الورش والخدرجيه وبقت ملماتهم في المناسبات والا خطبة شيخ علي يوم العيد .... كلنا شغلتنا غربة النفس والجسد وباعدت بينا وبين الجميل الفات كزمن وبقي زكرى ياها عزانا وسندنا

    هلا بولدنا ناصر ,, وصلت طااااب ود منو فى الاهل؟
    ابوك كان فى البوليس ولا انا رايح لى الدرب؟
    آْبْرَنُو ,, ابوحجار ,, الجميلاب ,, اليمناب ,, قنيدة ,, الفقرا ,, بريَّة ,, البدواب ,, قودان ,, ام تَمُرْ ,, كلها ياها الفاضلاب ,,
                   |Articles |News |مقالات |بيانات

25-10-2015, 05:50 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19495

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    اها اقيفو النحدثكم وما طالبني حليفة
    البوست من يتقدم في العمر او فيديوهاتو تكتر ما بفتح معاي ابدا
    و
    كيفنكم وازيكم
                   |Articles |News |مقالات |بيانات

25-10-2015, 08:06 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالحفيظ ابوسن)

    Quote:
    اها اقيفو النحدثكم وما طالبني حليفة
    البوست من يتقدم في العمر او فيديوهاتو تكتر ما بفتح معاي ابدا
    و
    كيفنكم وازيكم
    ان كل ظلام العالم عاجز عن اطفاء نور شمعة




    كوستي في مظلة التشويش
    ناس الإنقاذ بكونوا عاملين تشويش لشبكة النت في الجنوب
    ما سمعت زولاً شكى زي شكواك يا ابوسن
    لكن برضو نقول ليك هل حاولت تدخل من قوقل للمنبر العام ؟؟؟
    ولو برضو ما فتحت معاك خلاص نرم نزول فيديو تاني وجودك بيننا أهم الله أريتا الفيديوهات تطير يا الزين
    ولحين ميسرة
                   |Articles |News |مقالات |بيانات

25-10-2015, 09:46 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    زمان يا ود ابو سن كلمناك قلنا ليك غير الكمبيوتر بواحد احدث...
    لكن برضه في يوتوب ما بيفتح لاسباب كتيرة غير سبب الخلل في
    الجهاز..
    ..طبعا يا جماعة الخير قريتو بوست ست البنات ..بت كمبال عاوزة ترحل
    وتخلي المنبر العام...
    وبصراحة نحن طلبنا منها تكتب لينا الاسباب الرئيسية لذلك...وبعدين نقرر
    اذا كان في امل نستمر في الكتابة هنا في المنبر العام وحتى القراءة..
    ولكن حتى اذا فارقناكم عبر النت فلن ننسى اننا وجدنا نعم الاخوة والصداقة
    والزمالة عبر هذا الاسفير الرائع..واذا انقطعنا عنكم وعن المنبر العام فسوف لن
    ننقطع عنكم عبر البريد الالكتروني والهاتف....واذا تركنا هذا المنبر العام فسنظل
    نواصل فقط قراءة هذا البوست وبوست اخر يكتبه الاستاذ كبر...
    ولكن حتى ذلك الحين في انتظار سكينة بت كمبال...
    ولا نخفي عنكم سرا ان من دوافع صبرنا للغربة القساية والوحشة
    في هذا البلد البعيد هي حكاويكم السمحة وكلماتكم الانيقة الحنينة
    والتي اشعرتنا باننا وجدنا اهلنا هنا...فرب اخ لم تلده امك ورب اخت لم تلدها
    امك..
    والله يديكم الصحة والعافية..وراجعة ليكم بمهلة ورواقة...(ود المنسي ما تزعل
    من الجملة الاخيرة دي...)صحي راجعة ليكم بكره بمهلة ورواقة..ولحين ميسرة
                   |Articles |News |مقالات |بيانات

26-10-2015, 06:08 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19495

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: اميرة السيد)

    تشكر منسي
    يا مسنوحة بخش بي موبايل .. لسة ما اتطورت لي مرحلة الكمبيوتر
                   |Articles |News |مقالات |بيانات

26-10-2015, 08:48 AM

حيدر حسن ميرغني

تاريخ التسجيل: 19-04-2005
مجموع المشاركات: 20142

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالحفيظ ابوسن)

    سنوات الدراسة بمصر كنت اعمل في الاجازات في مناطق عمرانية جديدة خارج القاهرة منها رفح بشمال سيناء
    يوم ... اثناء عودتنا من العمل للمنزل شاهدت جمهرة من البشر في سوق صغير ساقني الفضول عشان اعرف الحاصل شنو
    لقيت بدوية سيناوية ممدة فوق كارو بملابسها التقليدية ... والناس ترش فيها بالموية .. وهي تهزئ بكلام خارم بارم بكام
    سألت موسى صاحب الجرار الذي اعمل معه .. الحاصل شنو يامان
    قال الي الولية دي الظاهر مشت الكوشة بتاعة ناس الامم المتحدة (قوات حفظ سلام ) ولقت قارورة طشمة وكشحتها في الهجيرة دي وسكرت للطيش
    ولما كان الحمار بتاعها متعود على مشوار واحد من البيت للسوق وبس،،، ماكضب دوَر على السوق توووش ووقف في نصَو وكأنه بيعرض فيلم في سينما متجولة

    (عدل بواسطة حيدر حسن ميرغني on 26-10-2015, 08:51 AM)

                   |Articles |News |مقالات |بيانات

26-10-2015, 02:05 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: حيدر حسن ميرغني)

    Quote: والله يديكم الصحة والعافية..وراجعة ليكم بمهلة ورواقة...(ود المنسي ما تزعل
    من الجملة الاخيرة دي...)صحي راجعة ليكم بكره بمهلة ورواقة..ولحين ميسرة


    الأميرة أميرة
    هههههههههههه
    لا تعليق لحين الميسرة ونشوف الرواقة ( زيدي الدوزا قهوة أمريكية كاربة بي كباية XL )
    بعدين بت كمبال مالا قطع شك ما براها بعرفها كويس بنية تبرئ الجرح الغائر وبالها طويل و ما بتزعل
    لكن بشوفها سوف اتصل بها إن شاء الله
    فلو كان طعنت من فرد فأحبابها كُثر
    لك النحية والمودة ولي المعاك ناس أمثال قولي ليها خالد قال ليك ( البت ديك غناية بس عشان أنت بتحبيها )
                   |Articles |News |مقالات |بيانات

26-10-2015, 02:10 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: سنوات الدراسة بمصر كنت اعمل في الاجازات في مناطق عمرانية جديدة خارج القاهرة منها رفح بشمال سيناء
    يوم ... اثناء عودتنا من العمل للمنزل شاهدت جمهرة من البشر في سوق صغير ساقني الفضول عشان اعرف الحاصل شنو
    لقيت بدوية سيناوية ممدة فوق كارو بملابسها التقليدية ... والناس ترش فيها بالموية .. وهي تهزئ بكلام خارم بارم بكام
    سألت موسى صاحب الجرار الذي اعمل معه .. الحاصل شنو يامان
    قال الي الولية دي الظاهر مشت الكوشة بتاعة ناس الامم المتحدة (قوات حفظ سلام ) ولقت قارورة طشمة وكشحتها في الهجيرة دي وسكرت للطيش
    ولما كان الحمار بتاعها متعود على مشوار واحد من البيت للسوق وبس،،، ماكضب دوَر على السوق توووش ووقف في نصَو وكأنه بيعرض فيلم في سينما متجولة



    هههههههههه
    يا ود ميرغني
    الزولة كشحت المريسي في بطنها وإتندلت
    ههههههههه
    العبيد ابو محسية زول الله أصحابو ساقوا الكمبو وقالو المريسي زي الموية وبتنضف البطن والكُلي
    اها زولك شرب معاهم بقصد العلاج ... رجع بيتو وكان يومها حر يفسخ الأدمة رفع عنقريبو في راس البيت ورقد
    بالليل قام بدور الحمام ... ومشى في الحمام ( تحت )
    وقع في الشارع .. والباب مقفول وهو ساكن لوحد وراقد كان زي ما الله خلقو أها بقى علي الحالة لما رجع الناس من صلاة الفجر فوجوده
    فساعدوه في الدخول للبيت
                   |Articles |News |مقالات |بيانات

26-10-2015, 07:15 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    معقولة يا عبد الحفيظ بتكتب الكلام السمح ده كله والبوستات الهادفة دي بالموبايل..
    غايتو موبايلك ده الا يكون موبايل حديث صنعوها ناس شركة ابل مخصوص عشانك
    لاني لمن أحاول اكتب بالموبايل عاوزة لي ساعة كاملة عشان اكتب لي سطرين.. لان الموبايل
    ما بكتب عربي ,, وما فيهو حروف عربية بمشي للنقرات بتاعة حروف الباشمندس وكوبي اند بيست
    ودي طبعا شغلانية...
    ودمت بالف خير وصحة وعافية..

    خالد ود المنسي ..
    والله نقول ليك شكرا كتير ولولا وجودك هنا معانا ما كنا حنلقى البوست الانيق ده بسهولة.. لانك
    دائما بتساعدنا بحضورك البهي وطلتك الانيقة وتعليقاتك الرائعة to make our day
    وتخلي لينا البوست في الصفحة الأولى او على الأقل في الصفحة الثانية .. لانننا ما عندنا الصبر
    البخلينا نفتش اكثر من الصفحة الثالثة...
    وامتثال بتقول ان اسمها ما أمثال.. اسمها امتثال.. المهم راضيناها بانه غلطة مطبعية ,, واسم أمثال أروع
    من امتثال... لان الامتثال هو الخضوع والطاعة والامثال ان تكون مثلا يحتذى به... وأخيرا ضحكت..
    وست البنات بت كمبال ما ردت حتى الآن .. واذا ردت ادينا خبر..
    ودمت بالف خير وصحة وعافية
                   |Articles |News |مقالات |بيانات

26-10-2015, 09:03 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote: وامتثال بتقول ان اسمها ما أمثال.. اسمها امتثال.. المهم راضيناها بانه غلطة مطبعية ,, واسم أمثال أروع
    من امتثال... لان الامتثال هو الخضوع والطاعة والامثال ان تكون مثلا يحتذى به... وأخيرا ضحكت..
    وست البنات بت كمبال ما ردت حتى الآن .. واذا ردت ادينا خبر..
    ودمت بالف خير وصحة وعافية


    في البدء لك التحية معطرة بروح أكتوبر الذبيح
    ذبحوه العسكر مرتين
    بروح جهاد أهل عطبرة معقل الجهاد والسكة الحديد
    وهات يا قلبي روح وأدرع حديد
    وهني أمير حياتي بي العام الجديد
    ويا حيلتي ويا معنى القصيد
    الفي شندي ساكن في السكة الحديد
    سلاااام بسمات

    لكن الليلة أمانة ما إتلومت ( لوم اليابا فضيل )
    الله أريت الكي بورد تطير عيشتو كان أبا يجيب تاء ( امتثال ) الله اريتو كي بودري يتاتي حفيان وتقرصو عقرب ما تقلى الطبيب البداوي
    ومعقولة اقصد وانا بت خالتي أسمها امتثال دا ما معقول ... لكن أمسحيها لينا في وشنا يا امتثال واللوم بجي بي الغفلات ووالوقت ( الوكت ) إتمحق بقينا ما بنراجع ما كتبنا وكتير بكون في أخطاء مطبعية
    تعرفي يا بسمات حبوباتنا غايتو بجوطن الأسماء دي جنس سواطة ( انتثال حبوبتنا كان بتنادي انتسال ولما يغلبها بتقول ليها العجمية لانها في صجيرانا أسمها رها كانت فيها لَجنّه )
    وفي بت جيرانا ( اهلنا برضو ) اسمها عسجد حبوبتها بتناديها عز هههههههه
    لك العتبة حتى ترضي يا امتثال

    مع أني وعدت ود ابوسن أن نوقف تنزيل الأغاني لكن غلب الحال الوعد
    ولك يا امتثال ..... ست البيت وإنشاء الله يكتب لك الله لك شريك الحياة الذي يعزك مثلها ويستتك




    (عدل بواسطة خالد علي محجوب المنسي on 26-10-2015, 09:14 PM)

                   |Articles |News |مقالات |بيانات

27-10-2015, 08:20 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    لحين ميسرة
                   |Articles |News |مقالات |بيانات

27-10-2015, 09:08 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    دايما يا خالد ود المنسي بتجيب لينا الألحان الرائعة
    ولحن اغنية ست البيت لحن جميل جدا.. وبشهادة امتثال
    الموسيقية المتمكنة.. ومن شدة جمال اللحن.. ختت السكسفون بعيد
    ومسكت صحن فاضي وجودت اللحن ببراعة ونحن نشيل بوراها...
    وزي ما الفنان القامة عبد العزيز محمد داؤد كان بيجود اللحن بعلبة كبريتة
    امتثال اجادت هذا اللحن الشجي بصحن فاضي
    ونحن نشيل بوراها: يا حلاوة الكلام من فاها
    وست البيت تزيل الغمة وبلاها البيت ضلمة
    ست البيت..
    ودمت بخير
                   |Articles |News |مقالات |بيانات

27-10-2015, 09:25 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    https://youtu.be/o3BiF2l0NFghttps://youtu.be/o3BiF2l0NFghttps://youtu.be/o3BiF2l0NFghttps://youtu.be/o3BiF2l0NFg


    كنت عاوزة انزل ليك فيديو لحن لعبد العزيز محمد داؤود .. لكن
    اظن عبد الحفيظ أبو سن محوط البوست عشان الفيديوهات ما تنزل
    ..ودمت

    (عدل بواسطة Basamat Alsheikh on 27-10-2015, 09:28 PM)

                   |Articles |News |مقالات |بيانات

27-10-2015, 09:41 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote: امتثال اجادت هذا اللحن الشجي بصحن فاضي
    ونحن نشيل بوراها: يا حلاوة الكلام من فاها
    وست البيت تزيل الغمة وبلاها البيت ضلمة

    والله ماشاء الله عليكن يابسمات وامتثال ,, بى صُحانتكن
    انا كنت قايلكن ,, معدياتنَّها سندوتشات وبيتزا ,, عفيت منكن
    رفعت راسنا مع الخواجات ,, اكان كدى العريس بجى ومطمئن ماحاياكل دليفرى ,,

    بمناسبة الساكسفون ده ,, اسعلى ابتسام بتحب جيمس لاست؟
    الزول ده اتوسد الباردة السنة دى لكن عندو موسيقى وفرقة
    لا اصفها الا بالفخامة ,, ان جاز لى ذلك.. فهل توافقنى بنتنا امتثال؟
    ولها من عمها التحية ,, والامنيات الطيبة وكل من حواه جمعكنَّ العامر.
                   |Articles |News |مقالات |بيانات

28-10-2015, 03:42 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    نحن يا ود الفاضلاب بنطبخ يوميا .. وانا متخصصة في ملاح البطاطس
    بجميع انواعه .. وهناك متخصصة في ام رقيقة... وعندنا اكثر من 15 صحن
    ومطبخ مجهز ,, لكن بس بناكل الديلفري في العطلة الأسبوعية. يومي السبت والأحد
    أيام الفسحة الأسبوعية..
    وعشان كده طمن العريس وقول ليه ما حتاكل ديلفيري .. لكن هنريهو بالبطاطس وام رقيقة..

    و أيام العطلة الأسبوعية .. أيام الفسحة بنسمع فيها أغاني النوستالجيا .. وكثير بنسمع ترباس في اغنية
    " يا يمة الله يسلمك" وخصوصوا لمن يغنيها وهو بيبكي ونحن نبكي بوراهو..
    ودمت بالف خير وصحة وعافية..

    (عدل بواسطة Basamat Alsheikh on 28-10-2015, 03:49 PM)
    (عدل بواسطة Basamat Alsheikh on 28-10-2015, 03:53 PM)

                   |Articles |News |مقالات |بيانات

28-10-2015, 05:03 PM

Yousif A Abusinina
<aYousif A Abusinina
تاريخ التسجيل: 12-11-2008
مجموع المشاركات: 1907

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    غايتو الفاضلابى اشتكتيت للشيخ البردانة

    عليك الله كما المك قال لى الحق الجبنة بهناك مدورة ما الرماد كال حماد

    هووووووووى يا رجاله وحرررررروم قولوا الكع عشان نركب معاك الترماى هول عطبرة ونلحق معاك السمح والزين

    من كملتوا القهوة كلها تنيتوا وتلتوووووا ونحن فى بلد طيروا عجمى

    على العموووووم النسطح فى حوشكم دا لمان نلقى لينا طريق نطفر الحيطة

    ومحل رهيفة التنقد اريتا ما تنت

    يالله التحية والشوق لاهلى الحلوين جت من دون فرز رجال وحريم وبنوت

    وان شاء يوم شكركم ما يجى والفات بتلحق كان شديت حيلى معاك كل يوم بظراكر شويه لما الحقكم

    ان شاء الله يا ود الفاضلابى قهوتن عامررررررررررررر وحوش مليان بالكرم
                   |Articles |News |مقالات |بيانات

28-10-2015, 06:23 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Yousif A Abusinina)

    Quote: ناسبة الساكسفون ده ,, اسعلى ابتسام بتحب جيمس لاست؟
    الزول ده اتوسد الباردة السنة دى لكن عندو موسيقى وفرقة
    لا اصفها الا بالفخامة ,, ان جاز لى ذلك.. فهل توافقنى بنتنا امتثال؟
    ولها من عمها التحية ,, والامنيات الطيبة وكل من حواه جمعكنَّ العامر.


    ابتسام ؟
    الليلة أمانة ما ورط راجل
    أنا بي غلطة كي بورد كتبت امثال ( امتثال ) حُكمت في لاهي
    انت الأمم المتحدة ومجلس الأمن ما بحلك يا الفاضلابي
                   |Articles |News |مقالات |بيانات

28-10-2015, 06:37 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: نحن يا ود الفاضلاب بنطبخ يوميا .. وانا متخصصة في ملاح البطاطس
    بجميع انواعه .. وهناك متخصصة في ام رقيقة... وعندنا اكثر من 15 صحن
    ومطبخ مجهز ,, لكن بس بناكل الديلفري في العطلة الأسبوعية. يومي السبت والأحد
    أيام الفسحة الأسبوعية..
    وعشان كده طمن العريس وقول ليه ما حتاكل ديلفيري .. لكن هنريهو بالبطاطس وام رقيقة..

    و أيام العطلة الأسبوعية .. أيام الفسحة بنسمع فيها أغاني النوستالجيا .. وكثير بنسمع ترباس في اغنية
    " يا يمة الله يسلمك" وخصوصوا لمن يغنيها وهو بيبكي ونحن نبكي بوراهو..
    ودمت بالف خير وصحة وعافية..


    الراقية ست الذوق بسمات
    سمعت الفيديو بتاع أبو دؤودويسلم ذوقك

    هههههههه قلتي متخصصة في جميع أنواع البطاطس
    أنقر ليك ام رقيقة تخصص منو ؟ قطع شك تخصص امتثال
    وبت مصطفى الأمير ترمي ليكن القراصي 5 لينية عاد هي ما محسية والمحس يجيدوا هذا الفن ( القراصة ... الكابيدة )

    الشايقي مشى مطعم في الخرتوم
    نادى الجرسون قال لي : عندكم شنو ؟
    الجرسون قال لي : عندنا كبدة .. كباب .. شية طوة .. شية جمر .. كمونية .. أصابع الملكة ..شريفة
    الشايقي الفي الأول كلهن عرفن إلا الأتنين الأخيرات
    قال لي : جيب واحد اصابع الملكة وواحد شريفية
    الجرسون جاب لي الطلبين
    فتحن لقاهم ملاح بامية وملاح خضرة مفرومة
    هههههه
    الشايقي نادى الجرسون
    وقال لي : دحين دي ما الخدرّي ؟ ... الجرسون ايوة
    دحين دي ما الباميِّ ؟
    الجرسون قال لي :ايوة
    قال لي : طيب منفخلي جضومك في شنو شريفية واصابع ملكة الله أريتو أصبعك اشوفو في خشم كلـ ـب

    (عدل بواسطة خالد علي محجوب المنسي on 28-10-2015, 06:39 PM)

                   |Articles |News |مقالات |بيانات

28-10-2015, 07:10 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    عزيزي الفاضل ود الفاضلاب

    امتثال( وليس ابتسام) بتقول ليك انت عندك ثقافة موسيقية رفيعة المستوى.. وقالت انها بتعرف معظم الموسيقيين العالميين وانها اختارت ليك من جيمس لاست
    هذه المعزوفة واسمها " عندما يتساقط الجليد فوق الزهور: When the snow on the roses ,,
    ودمت بالف خير وصحة وعافية

    ويا خالد ود المنسي
    انت غلطتك في الاسم قلنا غلطة مطبعية.. لكن هسع تغيير الاسم لابتسام من امتثال ممكن تكون غلطة مطبعية .. ؟ لكن ممكن نقول غلطة تصحيحية ، يعني تصحيح
    الاسم من امتثال الى ابتسام... مع انه اللحن الموسيقي للاسمين هو نفس اللحن..
    ودمت بالف خير وصحة وعافية



    غايتو عبد الحفيظ ود أبو سن يكون زعلان مننا زعل شديد واتلومنا معاه لوم اليابا فضيل.. وملينا ليه البوست فيديوهات..
                   |Articles |News |مقالات |بيانات

28-10-2015, 10:59 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote: من كملتوا القهوة كلها تنيتوا وتلتوووووا ونحن فى بلد طيروا عجمى

    اوووو شيخ العرب ابوسنينة ,, هلا وغلا بالحبيب
    ولا يهمك ياشيخ العرب ,, نوقد لك النار من جديد ونسوى لك بِكرى
    Quote: غايتو الفاضلابى اشتكتيت للشيخ البردانة

    ياخ جنا البردانة ده ,, لاسيِيه لاقضية مقاطعنا ,, نامن طفَّش مننا
    ود البلة ,, هو وودالبلة عاملين دُويتُّو جميل ,, فودالبلة قال وكت
    الشَّيَّال بتاعه اعتزل هو الـ مَغَنِّى ليها شنى؟
                   |Articles |News |مقالات |بيانات

28-10-2015, 11:03 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: امتثال( وليس ابتسام)

    اووو بت الشيخ ,, ده موش لوم اليابا فضيل ده لوم اليابا ابنعوف:
    مرتو تجاوزت السبعين جابت ليهو شاى الصباح ,, ختَّتُو فوق التربيزة ,, قام انقلب على الناحية الاخرى من العنقريب ,,
    وقال ليها انا راقِد بى هنا تختى لى الشاى بى هناك ؟,, حولت الصينة للناحية الاخرى ,,
    فقال لها: يامَرة ,, إنتى طلقانة ,, قالت ليهو اجى ياراجل ! انا شِن سويتلَك؟ بعد عمرى ده تطلقنى؟
    قال لها ,, خُلْقِى ضاقت منِّك ,,, اها اتلوم هو ولا اليابا فضيل؟
    تعرفى يا امتثال عقلية المحامين تاورتنى وكنت داير ارمى غلتَتِى فوق الـ (On Screen Keyboard)
    لإنو بعد مرات زى الآيفون بنجر كلام من راسو ,, لكن عشان ما اقع فى شر اعمالى قمت كتبت (إمتثال)
    فلقيتو ماغيَّرها ,, قلت ياوزول هسع تقوم إمتثال تجرِّب تكتب اسمها ,, فشنو حايكون موقفى فى جامعة كولمبيا.
    وكان مامرقك الصُح الكِضب بي غتِّس حجرك ,, فشنو يا امتثال امسحيها لى فى جلابية ود المنسى بتاعة المرقَة.
    شكراً على الهدية ,, جميس لاست ده حبيتو من ايامى الـ فى الجامعة ايام التلفزيون كان تلفزيون.

    (عدل بواسطة عبدالعزيز الفاضلابى on 28-10-2015, 11:06 PM)

                   |Articles |News |مقالات |بيانات

28-10-2015, 11:15 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: وقالت انها بتعرف معظم الموسيقيين العالميين

    من ديل يا إمتثال ,, ايضاً ,, فرانك سناترا
    ده كمان
    جميل من مجاميعو ,, موسيقى وصوت وكلمات
                   |Articles |News |مقالات |بيانات

29-10-2015, 05:19 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: الشايقي مشى مطعم في الخرتوم
    نادى الجرسون قال لي : عندكم شنو ؟
    الجرسون قال لي : عندنا كبدة .. كباب .. شية طوة .. شية جمر .. كمونية .. أصابع الملكة ..شريفة
    الشايقي الفي الأول كلهن عرفن إلا الأتنين الأخيرات
    قال لي : جيب واحد اصابع الملكة وواحد شريفية
    الجرسون جاب لي الطلبين
    فتحن لقاهم ملاح بامية وملاح خضرة مفرومة
    هههههه
    الشايقي نادى الجرسون
    وقال لي : دحين دي ما الخدرّي ؟ ... الجرسون ايوة
    دحين دي ما الباميِّ ؟
    الجرسون قال لي :ايوة
    قال لي : طيب منفخلي جضومك في شنو شريفية واصابع ملكة الله أريتو أصبعك اشوفو في خشم كلـ ـب


    ههههههه ياودالمنسي ياخ ضحت نامن أتركشت..........
    عندنا واحد زمان سنة الجفاف جي المدينة إشتغل ليهو في مطعم
    أها بعد رجع قالوا ليه: كنت شغال شنو...
    قال ليهم : كنت سارح في مطعم.....
    كوووولو سروح.أبو سنينة حبابك

    (عدل بواسطة عبيد الطيب on 29-10-2015, 05:25 AM)

                   |Articles |News |مقالات |بيانات

29-10-2015, 05:24 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبيد الطيب)

    Quote: اووو بت الشيخ ,, ده موش لوم اليابا فضيل ده لوم اليابا ابنعوف:
    مرتو تجاوزت السبعين جابت ليهو شاى الصباح ,, ختَّتُو فوق التربيزة ,, قام انقلب على الناحية الاخرى من العنقريب ,,
    وقال ليها انا راقِد بى هنا تختى لى الشاى بى هناك ؟,, حولت الصينة للناحية الاخرى ,,
    فقال لها: يامَرة ,, إنتى طلقانة ,, قالت ليهو اجى ياراجل ! انا شِن سويتلَك؟ بعد عمرى ده تطلقنى؟
    قال لها ,, خُلْقِى ضاقت منِّك ,,, اها اتلوم هو ولا اليابا فضيل؟


    ود الفاضلابي..أني افصح منكم إنت وصاحبك أخوي ود شيقوق ماشفتو تب...
    عندنا واحدة معرس مرتين وباني ل كل واحدة بيت شقاق كبير، وزارب بيتو
    وبين البيتين باني ليهو راكوبة..
    أها بجي من المُشرع جيعان وتعبان ، بنزل ولدو بتلهم الجمل بنزلو وبقيدو.
    أها بجر عنيقريبو وبردلو بنبطح علي قفاهو وبخلف كراعو وبتنحنح وبقول ب صوت جهور
    "أني قلت داير كِسري وسكت....!
    وحاتك كل واحدة خامة صحنها وبجيهو تتّعتع.....
                   |Articles |News |مقالات |بيانات

29-10-2015, 06:00 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبيد الطيب)

    سيار بن دينار
    هو سيار ابوالحكم العنزي ـ ثقة ـ مات سنة ٢٢ هـ
    ابوجعفرالآدمي قال: قال سيار:
    الفرح بالدنيا والحزن بالآخرة لايجتمعان في قلب عبد، إذا سكن احدهما القلب خرج الآخر.


    حسين بن زياد قال: بعث بعض القضاة الي سيار بواسط فأتاه فقال له:
    لِم لاتجئ إلينا؟
    فقال له: إنْ أنت أدنيتني فتنتني ، وإن باعدتني غممتني ، وليس عندك ما أرجوه
    ولاعندي ما اخافك عليه ثم قام
    .
                   |Articles |News |مقالات |بيانات

29-10-2015, 08:21 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: اووو بت الشيخ ,, ده موش لوم اليابا فضيل ده لوم اليابا ابنعوف:
    مرتو تجاوزت السبعين جابت ليهو شاى الصباح ,, ختَّتُو فوق التربيزة ,, قام انقلب على الناحية الاخرى من العنقريب ,,
    وقال ليها انا راقِد بى هنا تختى لى الشاى بى هناك ؟,, حولت الصينة للناحية الاخرى ,,
    فقال لها: يامَرة ,, إنتى طلقانة ,, قالت ليهو اجى ياراجل ! انا شِن سويتلَك؟ بعد عمرى ده تطلقنى؟
    قال لها ,, خُلْقِى ضاقت منِّك ,,, اها اتلوم هو ولا اليابا فضيل؟


    ل هههههههههه
    ابنعوف إتلوم هو
    لكن فضيل ما إتلوم
    إتلوم اليابا فضيل ..... فضيل عند بخّوت ( بخيتة ) حاجة سمحة بالحيل وهو أخيهن بنات بلو
                   |Articles |News |مقالات |بيانات

29-10-2015, 08:26 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: ههههههه ياودالمنسي ياخ ضحت نامن أتركشت..........
    عندنا واحد زمان سنة الجفاف جي المدينة إشتغل ليهو في مطعم
    أها بعد رجع قالوا ليه: كنت شغال شنو...
    قال ليهم : كنت سارح في مطعم.....
    كوووولو سروح.أبو سنينة حبابك



    ههههههههههههههههههه
    زولك مو داير الفضِيحي
    جرسون !!! والناس تتعجب
    في مراة زمان مشت تخطب لي ولدها ( ولدها كان مغترب في الأمارات شغال في الدفاع )
    أها أهل العروس سألوها ولد شغال وين ؟ قالت ليهم في الأمارات
    قالوا ليها شغال شنو في الامارات ؟
    قالت ليهم عسكري علا مستفيد
                   |Articles |News |مقالات |بيانات

29-10-2015, 09:44 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    الإيثار
    الشهامة
    الرجولة
    الإخلاص
    التواد
    التراحم
    الأمانة
    الإحترام
    التضحية
    البذل
    العطاء

    كانت تلك فئات العملة التى كان يتعامل بها السودانيون ,, ولكى
    تعرف عُملة اليوم ,, إئتِ بنقيض فئات العملة اعلاه ,,
    هذه المداخلة من بوست لى قديم عثرت عليه اثناء دعبستى
    فى دفاترى القديمة ,,

    (عدل بواسطة عبدالعزيز الفاضلابى on 29-10-2015, 09:46 PM)

                   |Articles |News |مقالات |بيانات

29-10-2015, 11:37 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    مسروق بن الاجدع بن مالك الهمداني
    هو مسروق بن الاجدع بن مالك الهمداني الوادعي ، ابو عائشة الكوفي
    ثقة فقيه ، عابد ، مخضرم ، مات سنة ٦٢ ويقال ٦٣ هـ
    عن مسروق قال: بحسب المؤمن من الجهل أن يُعجب بعمله وبحسب المؤمن من العلم ان يخشي الله
    .
                   |Articles |News |مقالات |بيانات

29-10-2015, 11:42 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    عن مسروق قال: إذا بلغ احدكم اربعين سنة فليأخذ حذره من الله عز وجل

    هذا القول يذكرني بقول الله عز وجل:

    {وَوَصَّيْنَا الْإِنسَانَ بِوَالِدَيْهِ إِحْسَانًا حَمَلَتْهُ أُمُّهُ كُرْهًا وَوَضَعَتْهُ كُرْهًا وَحَمْلُهُ وَفِصَالُهُ ثَلَاثُونَ شَهْرًا حَتَّى إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ}

    فتكون النتيجة كما قال الله سبحانه وتعالي في الآية التي بعدها:

    { اولئك الذين نتقبل عنهم أحسن ما عملوا ونتجاوز عن سيئاتهم في أصحاب الجنة وعد الصدق الذي كانوا يوعدون} (الأحقاف الآيات: ١٥ـ ١٦ )
                   |Articles |News |مقالات |بيانات

30-10-2015, 08:08 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    لحين ميسرة الشيخ الفاضلابي
                   |Articles |News |مقالات |بيانات

30-10-2015, 08:36 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: لحين ميسرة الشيخ الفاضلابي

    هلا بالمك ,, والمكوك قليل
    يسَّر الله لك شأنك كله

    شميط بن عجلان
    ابو عبدالله ، ويقال ابوهمام
    عن سيار قال;: أنبأ عبدالله بن شميط قال: سمعت ابي يقول: بادروا بالصحة السقم وبالفراغ الشغل، وبادروا بالحياة الموت.
    وسمعته يقول: بئس العبد عبدٌ خُلِقَ للعاقبة فصدته العاجلة عن العاقبة فزالت عنه العاجلة وشَقيَ في العاقبة.
    وسمعته يقول: أُعطيت مايكفيك وانت تطلب مايطغيك؟ لابقليل تقنع ولابكثير تشبع، كيف يعمل للآخرة من لاتنقضي من الدنيا شهوته؟ العجب العجب كل العجب لِمُصَدِّقٍ بدار الحق وهو يسعي لدار الغرور.
    وسمعته يقول: إن الله عز وجل جعل قوة المؤمن في قلبه ولم يجعلها في اعضائه ، الاترون ان الشيخ يكون ضعيفا يصوم الهواجر ويقوم الليل والشاب يعجز عن ذلك
    .
                   |Articles |News |مقالات |بيانات

30-10-2015, 10:27 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    عبيدالله بن شميط قال: سمعت ابي يقول: من رضي بالفسق فهو من اهله، ومن رضي ان يعصي الله عز وجل لم يرفع له عمل.
    حعفر بن سليمان قال: سمعت شميطاً يقول: من جعل الموت نصب عينيه لم يبال بضيق الدنيا وسعتها
                   |Articles |News |مقالات |بيانات

30-10-2015, 11:53 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    خطاب غرام

    (المصدر ,, صاحبى عبدالقادر يوسف بالوتساب)
    الشمالية مركز مروى ,, قرية وداللدر
    خالى الحاج الخدر ودالفضل ومنه الى ابنته ميمونة ,, يجدهم بخير.
    (شكراً لساعى البريد
    )

    إلى ميمونة بت الخِدِر ورَق السِّدِر ,, عاشْقِك طَشَّ ووِدِر. ضرب البنادِر عشان يجيب المال وعارفِك راجياهو على أحرَّ من الجَّمُرْ ,,
    سلام ليكى وللناس البِرِيدوكى ,, والبِكَجِّنوكى يطيروا فى بلد الله ,, يصلِك جوابى ده ويلقاكى فى خير ,,
    أما انا إن سعلتى منى ,, لاينقصنى شيئ سِوى رُؤياكى ,, من يومى الرِّكِبتَ القطر وقبَّلتَ غادى ,,
    سافرت انا بالجِّتَة وقليبى خليتو مشعلق فى المشلعيب المَعَلَّق فى مِرِقْ دانقَتْكُنْ ,, ع
    شان كل ماتجى تخُتِّيلِك قُبْرَة لِبينِى تزحيهو بِشيشى لى غادى وتَطْرِينى ,, تَلولِح
    فيهو هبايب الغى ,, وسيدو يِطَّمَّش بالبنادر شاويَاهو نار الغى.
    أما بعد ,,
    افيدكم أنى وصلت الخرتوم ,, وركبت تكسى قُلْتَ لُو ودِّينى السجانة على ناس خالى البشير ,,
    وِصِلْتَ البيت لقيت السُّترة مَرَتْ خالى ,,, أسكتى مابْتَقولى السترة الـ مِحيلانة دِيكْ ,,
    سِمْنَت وبِقَت قدر الليلة وباكر ,, نان القراريص ,, القراريص,,, اوَّل مادخلت جابو لى صحن قُرَّاصِى بى دمعة فوقا لِحيمات ,,
    وناس البندر ياميمونة كل يوم بيضبَحوا ,, مُو مِتِل بلدنا يضبَحُوا من السوق للسوق ,, والضبيحة يا (عَزْ) كبيرة يا (عَنَاق) لدْغَانة ,,
    وشُفْتِى ياميمونة اللَّمبة اللَّت الكهربا ماعِندَها شَبَه عِلَّا انتى ,, اصبرى لَى بس انا إِمَّا عرَّستِك وجبتِك الخرتوم
    وسويتلِك البيت كُلُّو لِمَبْ تولِّعى وتطفى ساااكت ,, أعَرِّفِك انو المنديل اللَّخَدر اللَّديتينى ليهو خاتِّيهو فى قعر الشنطة ,, كلُّ مرة امُرْقو واعايِنلو واطراكى ,,
    مشيت مع خالى البشير للظابطية وقالوا خلاس بِشَغِّلونى فى البوليص وبعدين ياميمونة بعد شهرين كَدِى رَسِّلى لى مقاسِك ,,
    رِسِّلِيهن مع اقرب زول جاى من طرفكُن ,, رِسِّلِي جلابية من جلاليبك عشان اقطع لِك تلاتة زيَّها للعرس
    ورَسِّلي لى فردة نِعَال من نِعلاتِك عشان اشتَرِيلِكْ جوزين نِعْلات ,, وفى الختام سلِّمى على الناس من جم.
    ود عمِّتِك وختيبِك
    سرالختم ود ابشورة
                   |Articles |News |مقالات |بيانات

31-10-2015, 00:09 AM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    طلب شاب يد فتاة من ابيها للزواج
    فقال له الأب: أجب على سؤال واحد وتكون إبنتى لك.
    متى يُؤَذَّن لصلاة الفجر ,, فلم يعرف الشاب جواباً
    فقال الأب سِلعتى غالية ومهرها ليس عندك.

    يقول أحد الصالحين: عَلِّم ولدك القرآن والقرآن سيعلِّمه كل شيئ
    إذا لم تكن لك صدقة جارية بعد الموت فاحرِص على ان لايكون لك ذنب
    جاري بعد موتك
    .
    منقول ,,
                   |Articles |News |مقالات |بيانات

31-10-2015, 00:25 AM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: أها بعد رجع قالوا ليه: كنت شغال شنو...
    قال ليهم : كنت سارح في مطعم.....

    هههههههه ,, ياود العبيد زولك أدِكتِد سرحان
    يُحَدِّثنى صديقى ود دكين ,, ان أهل قريتهم (الجامع ابْـ عَجُّورة)
    إجتمعوا ليختاروا اسماً لقريتهم غير (الجامع ابْـ عَجُّورة) لانهم
    استثقلوه ,, فانعقدت كلمتهم على تسميتها بـ (مِجِيغة ـ الجامع ابْـ عَجُّورة سابقاً)
                   |Articles |News |مقالات |بيانات

31-10-2015, 06:43 AM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    قرينا تعليقاتك الانيقة والبهية يا ود الفاضلابي واتفاهمنا بالتلفون
    مع بسمات وامتثال وسلافة معانا في التلفون من كوستي حول
    رسالة ميمونة بت خدر وحول المهر الطلبه والد الفتاة من الشاب
    الجاي يخطب بته...
    وتعلقاتنا كانت كلها رائعة ..لكن حنتلما كلنا يوم الاحد ،ان شاء الله،
    ونكتب التعليقات ..وحنكتب التعليق الظريف لسلافة بعد اذنها..
    الحقيقة حكاويك روعة وفيها عظات وعبر ....
    وافتقدنا كمان حكاوي الجزيرة واهلها الطيبين من اسحق ود بلة
    والله يديكم الصحة والعافية
                   |Articles |News |مقالات |بيانات

31-10-2015, 08:15 AM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19495

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: اميرة السيد)

    بدعو ليها
    اللهم ارزقها زوجا تقيا و
    قاطعتو
    ما تحدد يا مولانا
                   |Articles |News |مقالات |بيانات

31-10-2015, 11:38 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالحفيظ ابوسن)

    Quote: إلى ميمونة بت الخِدِر ورَق السِّدِر ,, عاشْقِك طَشَّ ووِدِر. ضرب البنادِر عشان يجيب المال وعارفِك راجياهو على أحرَّ من الجَّمُرْ ,,
    سلام ليكى وللناس البِرِيدوكى ,, والبِكَجِّنوكى يطيروا فى بلد الله ,, يصلِك جوابى ده ويلقاكى فى خير ,,
    أما انا إن سعلتى منى ,, لاينقصنى شيئ سِوى رُؤياكى ,, من يومى الرِّكِبتَ القطر وقبَّلتَ غادى ,,
    سافرت انا بالجِّتَة وقليبى خليتو مشعلق فى المشلعيب المَعَلَّق فى مِرِقْ دانقَتْكُنْ ,, ع
    شان كل ماتجى تخُتِّيلِك قُبْرَة لِبينِى تزحيهو بِشيشى لى غادى وتَطْرِينى ,, تَلولِح
    فيهو هبايب الغى ,, وسيدو يِطَّمَّش بالبنادر شاويَاهو نار الغى.
    أما بعد ,,
    افيدكم أنى وصلت الخرتوم ,, وركبت تكسى قُلْتَ لُو ودِّينى السجانة على ناس خالى البشير ,,
    وِصِلْتَ البيت لقيت السُّترة مَرَتْ خالى ,,, أسكتى مابْتَقولى السترة الـ مِحيلانة دِيكْ ,,
    سِمْنَت وبِقَت قدر الليلة وباكر ,, نان القراريص ,, القراريص,,, اوَّل مادخلت جابو لى صحن قُرَّاصِى بى دمعة فوقا لِحيمات ,,
    وناس البندر ياميمونة كل يوم بيضبَحوا ,, مُو مِتِل بلدنا يضبَحُوا من السوق للسوق ,, والضبيحة يا (عَزْ) كبيرة يا (عَنَاق) لدْغَانة ,,
    وشُفْتِى ياميمونة اللَّمبة اللَّت الكهربا ماعِندَها شَبَه عِلَّا انتى ,, اصبرى لَى بس انا إِمَّا عرَّستِك وجبتِك الخرتوم
    وسويتلِك البيت كُلُّو لِمَبْ تولِّعى وتطفى ساااكت ,, أعَرِّفِك انو المنديل اللَّخَدر اللَّديتينى ليهو خاتِّيهو فى قعر الشنطة
    ,, كلُّ مرة امُرْقو واعايِنلو واطرا


    يا الفاضلابي ومعاك محمد المرتضي حامد بجنّنو المفردة جِن
    قال: ورق السِّدر....!عجيب الزول دي
    المِحيلانة ديك...بقت قدر الليلة وباكر
    عتاق لدغانة..واللمبة اللّت الكهرباء ماعندها شبه عِلاَّ إنتي.......!
    زول دي فصيح خلاااااس، بس كمان من المدينة عجبتو باااالغ قال: بقضو بضبحوا كل ييوم
    أها صديقي"الشنفرا" خرط بت أعمو خرط عديل....!أصلوا ما إنتظر دعوات ولا جودية...!
    أهديك هذه القصة بطلها صديقي "الشنفرا"
    صديقي ورفيقي "الشنفرا" ،رحل لا أدري هل رجع الي منطقة "الوخايم"، أم توغَّل حتي تشاد، أم ابتلعته الوهاد والسهول وعتامير الصحراء..... !
    واصبح شَنْفَرا ثاني...!
    أو عروة بن الورد ...!
    وسبب البين والفراق، كما يقولون ،لقد عشق ابنة عمه ،واحبها لدرجة الجنون ،وتعلَّق ووله بها، وكان ريدهم من الرّيد (اللَّصَم) ،
    وكانت هي... ممشوقة القوام كالخيزران...
    واديمها كرمال الصحاري ورغامها ..
    اما عنقها كجيد الغزال..
    وفي انفها شموخ وكبرياء، وعيونها قادر الله....!
    من سوادها (كملاقي ) القطران..
    وحواجبها كحباكة الخياط ..
    او قل مُدهشة عين ترنو...!
    فيها معزَّة ...!
    وسنونها كغُرر الغمام...
    اما شعرها او قل ديسها، كسُدفة الليل المُجِنِّ..
    وقرونها تجعل القلوب تميل، إذا داعبها الدِّعاش..
    أما خصرها فهو كحجاب المتصوفة...
    وحين تقدل تتبعها العيون وتجاريها القلوب ...
    وتشرئبُّ الأعناق ..
    فخطوها كخطو طائر القمري لا الحمام....
    فخطو القمري فيه عزَّة نفسٍ ..
    أما خطو الحمام ، ففيه كبرياء زائفٍ وإملاقٍ....!
    وحين تتحدُّث بالنضمي الدِّقاق..
    والذي هو اقرب الي الهمس..
    كرزاز المطر، بل اري الندي يتساقط علي الخدين..
    ولكن عمه (المسنوح)اراد أن يزوجها غير ، فخطفها صاحبي بليلٍٍ
    ولم يُردفها علي بعيره، ولكنه أجلسها بجانبه علي سَرْج بعيره، وطوقها بيده اليُمني ،تاركا ليده اليُسري مِقود البعير،
    وكأنِّي أراها حين تنفدع ،علي ظهرها ،بقوامها اللّادن ،سادلة جديلتيها علي زند صاحبي،
    وهي ترنو اليه بحميمية،وتنظر إليََّ، بِطَرف عينها الحَور، وكأنها تستشفَّني وتُردِّد بلسان البادية:
    ود أعمِّي وصباح خيري وضَرَايا ..
    سيد روحي وجَمَل شيلي ومُقْنَع غِطايا.....
    ثم يبادلها صاحبي النظر ، ويضُمها من خصرها الي جواره،
    وكأنه اراد قول نزار قباني:
    فيا رياح صَفِّقِي...
    ويا نجوم حََدِّقي...
    ومادام مشدُودا الي صدري فماذا أتَّقي..!
    وعرَّجا عليّ للسلام والوداع الاخير...! ومنذ ذلك الزمان ،والي ان غادرت البلاد مهاجرا ،والي يومنا هذا ،لم اسمع له خبرا،
    ولكن كلما اعود الي الدِّيار ،واعرّج الي ربوع أُنسنا ،وكلمااُحدّق نحو المغيب والشفق، تُحدثني نفسي بأننا سنلتقي..!
    لأنني احببته وعشقته بل (غويتو غي) بلغة اهل البادية، لأنه من الذين (ترايمهم) الرّوح ، كما يقول الحنفي ،والي الان
    اري جبينه حين تومض البروق...
    وأسْمَعُ صوته حين توشوش الاشجار....
    وأشتمُّ ريحه حين يضوع دِعاش المطر..
    ولقد دونت منه الكثير من الدوبيت، فقد كان شاعرا مُجيدا ،ويحفظ كثيرا من أدب البادية، وموروثها ولكنه كحمَّاد الراوية،
    لا يهتم لمن الشِّعر واحيانا يقرضه هووينسبه للآخرين
    هذه الجزئية أودتها في بوست آخر ، قبل سنوات
    تحياتي لجميع السمحين الفناجرة وأُمَّات عروض المنفلات
                   |Articles |News |مقالات |بيانات

31-10-2015, 03:34 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15453

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبيد الطيب)

    سلام يا ناس القهوة .. الله يعلم مشتهياكم .

    دي دخلتي من الحواشة . جيت لقيت النساوين منتظراتني بالودع هههههههههههههه
    قلنا نشوف حظنا . اها ود البوش جاء داخل من برا علا اخيط ليهو جلابيتو الشرطا ليهو
    البوكسي شوفتوا كيف مصيبتي نا مع النشمي هههههههه قومي يا الاميرة ناوليني الابرة يا بتي
    والله حسدني في رقدتي دي وكريعاتي ينتحن من وقفة المزرعة .

    306217_392720774104392_1690624478_n1.jpg Hosting at Sudaneseonline.com
                   |Articles |News |مقالات |بيانات

01-11-2015, 04:42 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: مني عمسيب)

    عزيزي الفاضل ود الفاضلاب
    سنرجع ليكم بالتعليقات برواقة زي ما بتقول بت مصطفى المشت من الساعة خمسة صباحا
    لستيتن ايلاند عشان تجري الماراثون...ونحن في السنترال بارك منتظرين وصولها ...ياربي
    حتقدر تكمل ولا حتدينا مشوار لغاية خط البداية عشان نرجعها..
    ودمتم بالف خير وصحة وعافية
                   |Articles |News |مقالات |بيانات

01-11-2015, 08:02 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote: عزيزي الفاضل ود الفاضلاب
    سنرجع ليكم بالتعليقات برواقة زي ما بتقول بت مصطفى المشت من الساعة خمسة صباحا
    لستيتن ايلاند عشان تجري الماراثون...ونحن في السنترال بارك منتظرين وصولها ...ياربي
    حتقدر تكمل ولا حتدينا مشوار لغاية خط البداية عشان نرجعها..
    ودمتم بالف خير وصحة وعافية



    هههههههه
    مارثون مرة واحدة والله عفارم عليها الأميرة
    في الماضي كان هناك مارثون في يوغسلافيا .. اتحكر وقعد في استاد بلغراد الرئيس الأسبق تيتو المشهور
    وكان من بين المشاركين طابلة سودانية ( كانت بتدرس هناك )
    المهم يا ستي وصل الأول والثاني والثالث بل وصل كل من واصل السبق وإنسحب من إنسحب ولم يصل وسلمت الجوائز
    وهمَّ تيتو بالخروج وبدأ عزف السلام الجمهوري لمغادرته الأستاد
    فجاءة وصلت الأخت السودانية
    وقف تيتو السلام الجمهوري ونزل من مقصورته وذهب إليها وحياها وحيا فيها العزيمة أن تصل لنهاية المارثون وما كان في بالها الأولى ولا الطيش
    وقرر لها جائزة لم يحصل عليها ألاول في ذاك المارثون
    إن شاء الله الأمية وصلت نهاية المارثون وما إنسحبت من بداية المشوار
                   |Articles |News |مقالات |بيانات

02-11-2015, 08:43 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29043

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    إتجدعوا ساااااااااي طالما الكتابة في الصقيعة الاسفيرية دي ملح

    انا الككو الفجغ الطين هههههههههههههههه
                   |Articles |News |مقالات |بيانات

02-11-2015, 02:36 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: الطيب شيقوق)

    وهمَّ تيتو بالخروج وبدأ عزف السلام الجمهوري لمغادرته الأستاد
    فجاءة وصلت الأخت السودانية
    وقف تيتو السلام الجمهوري ونزل من مقصورته وذهب إليها وحياها وحيا فيها العزيمة أن تصل لنهاية المارثون وما كان في بالها الأولى ولا الطيش
    وقرر لها جائزة لم يحصل عليها ألاول في ذاك المارثون
    إن شاء الله الأميرة وصلت نهاية المارثون وما إنسحبت من بداية المشوار (Quote)
    >>
    <<
    >>
    عزيزي الفاضل خالد ود المنسي
    تصرف الرئيس تيتو اوسكار.. اوسكار
    والحكاية ذاتها اوسكار ..اوسكار...
    لكن للأسف الأميرة بت مصطفى لم تكمل المشزار .. لكنها استطاعت وبقدرة قادر ان تعبر لبروكلين ووصلت حتى كوينز
    بعد أربعة ساعات .. ووصلت خط النهاية وشايلنها مع مجموعة أخرى داخت في السكة على ظهر سيارة.. ولكن اظن انها
    أنجزت انجاز باهر.. بس كمان ما ننسى ان الكينية ماري كيتاني وصلت خط النهاية وقطعت 26 ميل في ساعتين و14 دقيقة..
    والمهم انها متوعكة حبتين .. وحتنوم يومين كاملين من التعب..( نصحناها قلنا ليها الجري في الماراثون ما دايرة ناس بياكلو
    ام رقيقة .. ولكنها ركبت راسها..)..
    وبالنيابة عنها حنعلق على اوسكارات ود الفاضلابي,,,
                   |Articles |News |مقالات |بيانات

02-11-2015, 05:19 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    وصية ام لـ بِنْتِها وهى تزفها الى زوجها
    ملك كِنده (مش كندا) سمع عن جمال واحدة اسمها أم إياس بنت عوف بن مُحَلِّم الشيبانى ,, أراد ان يتزوجها فدعا إمرأة من كِنْدَه يُقال لها عصام ذات أدب وبيان وعقل ولسان وقال لها إذهبى حتى تعلمى لى عِلم إبنَة عوف ,,
    ذهبت عصام الى والدة ام إياس فاعلمتها ماجاءت به , فأرسلت أمامة بنت الحارث لِبِنتِها أم إياس فاستدعَتْها من خيمتِها وقالت لها:
    هذه خالَتُكِ جاءت لتنظر إلى بعض شأنِك فلاتَسْتُرى عنها شيئاً أرادت النظر اليه من وَجْدٍ وَخَلْق , وناطِقِيها فيما اسْتَنطَقَتكِ به.
    فلما ذهبت عصام واختَلَت بالبنت فعلت مِثلَ ما أمَرَتْها أُمَّها ,, فلما كَشَفَت لها عن كل ماتُريد من محاسِن قالت كلِمتها المشهورة (تَرَكَ الخِداع من كَشَفَ القِنَاع) فذهبت مثلاً.
    فلما عادت الى الملك الذى ارسلها قال لها: ماورائك ياعصام؟ فقالت: أَبْدَى المَخْضُ عنِ الزِّبد , فقال لها أخبرينى , فقالت: أُخْبِرُكَ حَقاً وصِدقاً , فوصفتها له من شعرها إلى قَدَمِها وصفاً أغرى الملك فارسل الى ابيها وخطَبها وزُفَّت اليه
    .

    وصية الأم وهى تزفها الى الملك:
    قالت لها امها: أى بُنَيَّة ! إنَّ النصيحة لو تُرِكَت لِفَضلِ أدبٍ لَتُرِكَتْ لِذلك منك (يعنى انتى مؤدَّبة) ولكِنَّها - أى النصيحة - معونة للغافل وتذكِرة للعاقل.
    إنك غداً ستذهبين إلى بيت لم تعرفيه ,, وقرينٍ لم تألَفيه فكونى له أَمةً يَكُنْ لكِ عبداً ,, وأحفظى عنى عشر خِصال تكُنْ لك ذُخراً:
    * أما الأولى والثانية فالمعاشرة له بالسمع والطاعة والرِّضا بالقناعة.
    * وأما الثالثة والرابعة فالتَّعَهُّد لموضع عَيْنِه وموضِعِ أنفِه ,, فلاتقع عَيْنه مِنْكِ على قبيح , ولا يَشَم مِنك إلا أطيب ريح .
    * والخامسة والسادسة التَّفَقُّدُ لِوقت طعامِه والهدؤ عند منامه , فإن تَنْقِيص النوم مَغضَبة وحرارة الجوع مَلْهَبَة .
    * أما السابعة والثامنة فالتدبير لِمَالِه والإرعاء على حشَمِه وعياله .
    * وأما التاسعة والعاشرة فأنْ لاتَفشى له سِرَّاً ولا تَعصى له أمرا ,, فإنَّكِ إن أفشَيتِ سِرَّه لم تأمَنى غدْرَه , وإن عصَيْتِ أمره أوغَرتِ صَدرَه.
    وإيَّاكِ بعد ذلك الفَرَح إن كان تَرِحا والحُزن إن كان فَرِحا
    فذهبت أم إياس بهذه النصائح الى زوجها وانجبت له البنين والبنات
    .


    ** سمعت هذه القصة من الشيخ محمد متولى الشعراوى رحمه الله فى معرض سرد خواطره الايمانية حول سورة النساء)

    أها بناتنا بنات القهوة عاوزين رايكن اتفاقاً او إختلافاً مع تلك النصائح
    وماتنسن تكلمن امتثال وسلافة ,, ديناخالد رايها عارفو المسنوحة
    .


    غايتو فى الـ بعرفو فى زمنا ده النصائح اغلبها من شاكِلة اربطيهو بالعيال
    وماتخليهو يوفِّر عشان مايعرِّس عليك ,, الخ الخ
    .

    (عدل بواسطة عبدالعزيز الفاضلابى on 02-11-2015, 11:25 PM)

                   |Articles |News |مقالات |بيانات

02-11-2015, 07:55 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: بدعو ليها
    اللهم ارزقها زوجا تقيا و
    قاطعتو
    ما تحدد يا مولانا

    هههههه ,, ياشيخ العرب دى ذكَّرتنى واحدة راكبة فى البص
    الولد مِنجَعِص فى الكرسي ابى يقوم ليها ,, قالت لو ياولد
    ماتقوم!! مٌش قالوا الرجال قوامون للنساء؟
                   |Articles |News |مقالات |بيانات

02-11-2015, 10:23 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    ياخوانا وين ودسيد احمد؟ وباقى الناس السمحين ووين بت وراق
    اوع تكون اميرة هَدَّت فوقها بى حكاية بجيكن بى رواقة دى ؟
                   |Articles |News |مقالات |بيانات

02-11-2015, 10:43 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: إتجدعوا ساااااااااي طالما الكتابة في الصقيعة الاسفيرية دي ملح

    انا الككو الفجغ الطين هههههههههههههههه

    يجدعوك فى فورتين
    عاين ياود المنسى ,, يجى داخل زى عُصار نعيل يكتِّح ويفوت
    سوا لو دريبات ,, لكن العرجا لى مراحا يامسنوح ,, قمرى الواتساب قال ,, اريتك بالقمرية الـ تعضيك فوق رويسك ده.
                   |Articles |News |مقالات |بيانات

02-11-2015, 10:43 PM

عبدالحفيظ ابوسن
<aعبدالحفيظ ابوسن
تاريخ التسجيل: 24-06-2013
مجموع المشاركات: 19495

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    تعرف يا الفاضلابي
    الليلة كدوسي منكسرة فيها قشة . صحيت قبل الاذان .. صليت ومرقت الدكان فتحتو وقعدت . جا واحد من العتالة مع الصبح داك شايل ليهو رادي وبشتغل بي كرت ذاكرة . قلت ليهو سلفني ليهو . كرت فيهو منو . قال محمود عبدالعزيز
    شغلتو وفاتح الله ووحدي براي في السوق ههههه
    اول غنية
    صرف النظر عني مع اني مالمتو اظنو لايمني
    استمتعت بيها حد الثمالة وغميض العيون
    كتبتها في الفيس
    خشت ليك الاميرة ..
    قالت انا بتجرس وبتمخط وببكي
    وحات الله اتكيفت بس
    والنزيدك ما قاعد براي اديتها رقصة كمان
                   |Articles |News |مقالات |بيانات

02-11-2015, 11:00 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالحفيظ ابوسن)

    Quote: الليلة كدوسي منكسرة فيها قشة

    هههههه ,, شيخ العرب ,, كفارة الجاتك فى كدوسك سامحتك
    ياخ هسى نعزّيك فى الكدوس ولا فى ابو المرة؟
                   |Articles |News |مقالات |بيانات

02-11-2015, 11:38 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: زي ما بتقول بت مصطفى المشت من الساعة خمسة صباحا
    لستيتن ايلاند عشان تجري الماراثون

    هييييع قلتى لى ولاها ساعلة فى ابوبكر كاكى؟
    انا كنت بتكلم مع عبدالرحيم منصور قال لى المارثون ده جاى بى جنبهم فى البيردج
    كنت داير اختف كراعى لى عندو عشان اشوف اميرة واشيل معاى موز وموية
    عشان اجدعا ليها لكن بعيد عنكن كان عندى مواعيد مع الطبيب ,,
                   |Articles |News |مقالات |بيانات

03-11-2015, 00:25 AM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    وكان شميط يقول:
    اللهم اجعل القليل من الدنيا يكفينا كما يكفي الكثير اهله ، اللهم ارفع رغبتنا اليك واقطع رجاءنا ممن سواك ،
    اللهم اجعل طاعتك الذ عندنا من الطعام عند الحوع ، ومن الشراب عند الظمأ ، اللهم اجعل غفلة الناس لنا ذكرا
    ومرح الناس لنا شكراً ، اللهم إذا تنعم المتنعمون بالدنيا فاجعلنا نتنعم بذكرك
                   |Articles |News |مقالات |بيانات

03-11-2015, 06:04 PM

إسحاق بله الأمين
<aإسحاق بله الأمين
تاريخ التسجيل: 29-06-2006
مجموع المشاركات: 1485

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: وافتقدنا كمان حكاوي الجزيرة واهلها الطيبين من اسحق ود بلة
    والله يديكم الصحة والعافية
    الأخت بت السيد الأميرة
    شكراً على افتقادكم وسؤالكم عنَّا وعن قصصنا المتواضعة.
    سبب غيابنا وعدم مشاركتنا في هذه الواحة الجميلة وأهلها الظرفاء وحكاويهم وسواليفهم الرائعة هو عدم وجود متسع من الزمن نظراً لزحمة العمل.
    تحياتي لكم جميعا وسأعود قريباً للمشاركة
                   |Articles |News |مقالات |بيانات

03-11-2015, 06:20 PM

إسحاق بله الأمين
<aإسحاق بله الأمين
تاريخ التسجيل: 29-06-2006
مجموع المشاركات: 1485

للتواصل معنا

FaceBook
تويتر Twitter
YouTube


Re: فنجان جبنة ولمة (Re: عبدالعزيز الفاضلابى)

    الإخوة والأخوات
    سلام وشوق وإحترام
    رجعنا بعد طول غياب . بين أيديكم (كتاب عصي الفهم) آمل أن تقرأوه بتمهل وتريث

    تعاهدا على ألا يرتبطا بإمرأة قط نظراً لما في الزواج من قيود والتزامات لا يستطيعان الإيفاء بها . كانت القراءة والإطلاع تأخذ جل وقتهما. لم يمض وقت طويل فإذا بأحدهما يعود من إجازته التي أمضاها في ربوع الوطن بين الأهل والأحباب ! . لفت نظر صاحبه تلك الدبلة الفضية الناصعة البياض التي عكس لونها جمال أصبعه الأسمر. لم يصدق صاحبه ما رأى فاستفسره قائلاً ما هذا الذي يجمل أصبعك؟! فرد قائلاً هذا الذي تعاهدنا على ألا نفعله، ولكن لامفر مما لابد منه، هكذا كان رأي أمي التي عرضت على عدم الرضا إن لم أحقق أمنيتها في أن تراني زوجاً وأباً لكثير من الأولاد والبنات أو ليس المال والبنون زينة الحياة الدنيا؟. فما كان مني إلا أن أستجبت لطلبها وبقناعة تامة وافقت على الزواج من خطيبتي التي إختارتها لي أمي .. وهل لنا في هذه الدنيا من أمنية أعز من رضا الوالدين عنا ؟ ، أو لم تعلم أن الجنة تحت أقدام الأمهات، وها قد فعلت وبفعلي هذا نلت أعز ما أرجو.. وفي اليوم التالي بعث إليه صديقه هذه الرسالة مهنئاً ومباركاً :





    "صديقي العزيز .. عهدناك قارئاً نهماً ومطلعاً جاداً (فهايف) الكتب لا يشبع لك جوعاً ولا يروي لك ظمأ . بين يديك اليوم كتاب ما قرأته من قبل ، فاجتهد في قراءته جيداً، واستخدم الفكر من غير شرود حتى تسبر أغواره وتستوعب مضامينه.





    صديقي .. لقد قرأ هذا الكتاب قبلك كثير كثير ... فمنهم من قرأه على عجل ... ومنهم من قرأه وهو مستلق على ظهره أو راقداً على جنبه ... وليس من بينهم من قرأه وهو منتصب القامة على كرسيه ... فجاءت أحكامهم على هذا الكتاب ناقصة غير كاملة ... لأنهم لم يعطوه حقه في القراءة كاملاً ... وغاية هؤلاء المتعة فقط ، فما أدركوها في هذا الكتاب .. لا لأنه خال من المتعة والإمتاع ... بل لأنهم تحروا المتعة فيه بوسائل وأساليب هينة خالية من التعب وبذل الجهد ...





    مثل هذا الكتاب يا صديقي يتطلب وقتاً كافياً ... ومزاجاً رائقاً ... وكوب ماء مثلج ... وكأس شاي (منعنع) ... وقصاصة ورق ... كما يتطلب أيضاً التركيز والتمهل والتريث... والشرح والتعليق بين السطور ... والرجوع إلى الحواشي ... فبعد كل ذلك يعينك الله على إدراك النذر اليسير من مضامينه ومعانيه .





    فاعلم ياصديقي أن غاية الإمتاع في إمعان النظر، فامعن النظر جيداً ... وأنت تغوص بين طيات وصفحات هذا الكتاب الذي هو كالمحيط تماماً ... وأنا في إنتظارك لتحدثني عما تستوعبته وتدركه لعلنا نعقد العزم في غير تردد على قراءة هذا الكتاب الشامل النافع الذي يغني عن قراءة مكتبة بحالها ... ودمت ودام الحب والتواصل."


                   |Articles |News |مقالات |بيانات

04-11-2015, 10:23 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة (Re: إسحاق بله الأمين)

    الأخ الأستاذ إسحق ود اللَّمين
    حبابك عشرة وب الجديد آلاف زي ماقل الشاعر ودإدريس
    وإن شاء الله غياب وجياب
    الأخ عبد العزيز الفاضلابي
    حسب بوست منفصل للأخ عبد الله ودالبوش
    أن الفاضلابي إبنه خالد طريح المستشفي وإجريت له عملية جراحية ناجحة
    الف حمد لله علي سلامة إبنك يا الفاضلابي وربنا يتم عليه نعمة الشفاء ويلبسه رداء الصحة والفال السمح
    بارك الله فيك الأخ ودالبوش
                   |Articles |News |مقالات |بيانات

04-11-2015, 11:56 AM

إسحاق بله الأمين
<aإسحاق بله الأمين
تاريخ التسجيل: 29-06-2006
مجموع المشاركات: 1485

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    أستاذي الأخ عبيد
    سلام وشوق واحترام
    يالك من اديب اريب
    منك نتعلم ونسنفيد وموسوعة لادب التراث والموروث الشعبي خاصة ادب ونراث اهلنا صافي السريرة والذهن في البطانة
                   |Articles |News |مقالات |بيانات

04-11-2015, 12:58 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: إسحاق بله الأمين)

    الحاجة المستغربين ليها كيفن عبد الله ود البوش سمع ان ولد
    عبد العزيز ود الفاضلاب عيان وعمل عملية جراحية مع انه
    ساكن على بعد الاف الاميال ...ونحن في نفس المدينة اخر من نسمع
    ..ونسال اشمعنا ود الفاضلاب اتصل بعبد الله ود البوش اولا ووراه
    خبر العملية..وليه ما جا هنا وشرب فنجان جبنة وقال انه حيغيب شويه
    عشان ولده عنده عمليه؟ وعبد الله ود البوش وجزاه الله خيرا فتح بوست
    مخصوص للدعاء له بالشفاء..
    وردت لي بت مصطفى وقالت ان ود البوش رجل الشهامة والمروءة يستاهل
    اول من يسمع الخبر...وهسع نحن كان سمعنا في الاول كنا حنفتح بوست منفصل؟؟
    وطبعا كلامها صحي ..
    ومرة اخرى نرجو الشفاء العاجل لابن ود الفاضلابي وان شاء الله ما يشوف شر
    ويا بت نفيسة تعالي زوري الولد ومعاك باقة ورد ،نيابة عنا، من الحواشة بتاعتك
    وتكون زهور بنفسجية ..
    ودمتم بالف خير
    تخريمة لقصة اسحق ود بلة:
    الكثيرين يعتقدون ان المراة كتاب مبهم وصعب الفهم ويعتبرونها
    لغزا معقدا..ولذلك تجدهم يمتنعون عن الزواج خوفا من الفشل وذلك
    لانهم يرون بعض التجارب الفاشلة امامهم ويرون كثرة الطلاق وكثرة
    العراك والتشاحن بين الازواج..وهؤلاء لا يدرون ان مفتاح فهم هذا الكتاب
    الصعب يكمن في كلمة واحدة فقط ..وهذه الكلمة تفتح الباب واسعا لفهم
    الكتاب والتعايش معه في صفاء وتكون صفحات الكتاب سهلة لينة مرنة
    وهذه الكلمة هي الكلمة الطيبة ..الكلمة الطيبة كل صباح...
    وزي ما قال قبل كده ود ابو سن..هي الدنيا دي شن فيها عشان
    الواحد يزعل..وقال الكلام ده لمن رد على واحد شتمه ورد ليه بكلمة
    طيبة...ونعم هذه الدنيا القصيرة الاجل يضيعها الكثيرين في مشاحنات
    بدون اسباب موضوعية..وحتى اذا كانت هناك اسباب موضوعية فالافضل
    تجاوزها ..
    ودمت بالف خير
                   |Articles |News |مقالات |بيانات

04-11-2015, 11:23 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote: ، هكذا كان رأي أمي التي عرضت على عدم الرضا إن لم أحقق أمنيتها في أن تراني زوجاً وأباً لكثير من الأولاد والبنات أو ليس المال

    واحد ياود البلة كل مايرتبط ببنت ويجى يخطبها ,, امه تعصلج وتقيف راسا والف سيف دى مايعرِّسا ,, بوظت لبهو اكتر من خطوبة نامن الولد اتعقد ,,
    ذات ليلة قاعد مع صديقه الحميم يتعاطيان كريستال بلح وشئ من البنقو ,, فاخذ صاحبنا يبث احزانه الى صديقه ,, فتفتَّقت عبقرية الصديق عن فكرة راقت صاحبنا الحزين ,,
    قال الصديق:
    أسمع افتكر امك دى بتحبك شديد وما متخيِّلة تشوفك مع مرة غيرها ,, ودى مسألة نفسية ,, والحل هو ان تجد فتاة تشبه أمك فى كل شئ وتخطبها انا متأكد امك لما تشوفها حاتوافق
    إقتنع صاحبنا بالفكرة او هكذا سوّل لهما كريستال البلح والبنقو ,, إنطلقا فى رحلة البحث عن تلك الفتاة حتى عثر على التى تشبه أمه ,, جاء الى صديقه وبشَّره بأنه عثر على الفتاة التى تشبه امه ,,
    تمنى له صديقه التوفيق وطلب منه ان يبشِّره بتمام الخطوبة عندما يلتقيان مساء الغد فى وكر المزاج وتركه وذهب ليسامر تلك الزجاجة منفرداً تلك الليلة ,,
    لم يمض من الليل الا قليلاً فإذا بصديقه يدخل عليه متجهِّم الوجه وكأنه مدين تلاحقه الديَّانة. مابك ياصديقى مالذى حدث لم توافق أمك؟
    أجابه صاحبنا ,, ابداً أمى وافقت ,, فما المشكلة اذاَ لماذا تبدو حزيناً ,, سحب صاحبنا نفساً من سيجارة البنقو ووجهه متجهاً الى اعلى وزفر دخاناً كثيفاً جعله يتصاعد الى السماء وقال لصديقه ,,
    المرة دى الرافض ابوى.
                   |Articles |News |مقالات |بيانات

04-11-2015, 11:57 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: لا يدرون ان مفتاح فهم هذا الكتاب
    الصعب يكمن في كلمة واحدة فقط

    رد دون مساس بالحقوق ,,
    بسمات يابتى ,, انتى كمان ماتبقى مِنْحازة قدر ده
    النسوان زى الناس اللاعبين كونكان اربعتاشر ,, تعرِّس واحدة تقول
    فهمتها ,, تقفِل ليك قَفلة تجرّك خمسين من اول بايظ ,, ولو حصل
    طلَّقتها ومشيت اتزوجت تانى تكون فرحان تقول خلاس كشفت ورق
    النسوان ,, تلقى الجديدة غيَّرت ليك القفلة ,, الغريبة جوكرن دايماً مخاوة.
    الواحدة تلقاها نايمة مغَمِّده عين ومفتِّحة عين ,,

    الله يصرف دينا خالد واسمارت من المداخلة دى ,, بسمات واميرة
    ديل حنينات ,, مابقولَن شى
    .
                   |Articles |News |مقالات |بيانات

05-11-2015, 00:02 AM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: الف حمد لله علي سلامة إبنك يا الفاضلابي وربنا يتم عليه نعمة الشفاء ويلبسه رداء الصحة والفال السمح
    بارك الله فيك الأخ ودالبوش

    جزاكم الله خير ايها المباركون ,, ونسأل الله ان يلبسكم ثوب العافية ماحييتم آمين آمين يارب العالمين.
                   |Articles |News |مقالات |بيانات

05-11-2015, 00:19 AM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: الحاجة المستغربين ليها كيفن عبد الله ود البوش سمع ان ولد
    عبد العزيز ود الفاضلاب عيان وعمل عملية جراحية مع انه
    ساكن على بعد الاف الاميال ...ونحن في نفس المدينة اخر من نسمع
    ..ونسال اشمعنا ود الفاضلاب اتصل بعبد الله ود البوش اولا ووراه
    خبر العملية

    حقك على يابت الشيخ ,, ودالبوش والمك ودالمنسى بيناتنا مباجحات (زى مابقول ودابسن) بالوتساب والـ لاين ,, انا كنت فى المستشفى وخالد دخَّلوه العملية
    أها فكرت فيكم كلكم وودالبوش تلفونو عندى هو والمك فاتصلت عليهم ,, وعارفك يابت الشيخ انتى مابتقصرى ,, ولا اختك الاميرة كفيتن ووفيتن
    ودعاؤكن وصل ,, وهذه مناسبة لنقول للاميرة جزاك الله خيراً والبسك توب العافية ففى رسالتى فى بوست ودالبوش لم اكتب اسمها
    لاننى عملت كوبى اند بيست لاسماء من تداخلوا وارسلت المداخلة دون اضافة الاميرة ,, فلها منى خالص الدعاء.
                   |Articles |News |مقالات |بيانات

05-11-2015, 00:53 AM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    بمناسبة الوصف ياود الطيب
    ينسب إلى ابى نواس ابيات من الشعر يقال انه كان مع ندمائه بينهم دِنان خمر من العنب المعتَّقة لون الخمر داخل الدنان احمر قانٍ
    اسهروا ليلهم ذلك يُصبُّون الكاس تلو الاخرى حتى فَرِغَت دن ابى نواس فطرحها ارضاً وانثنى عائداً الى بيته ,,
    فنظر الى الدَّن منطرحا على الأرض فأنشأ قائلاً
    :


    مَــازِلْتُ أسْتَــــلُّ روح الــــدَّنَّ فى لُـطْفٍ ... وأسْتَقى الــدَّمَ مِن جَوْفِ مجـــرُوح
    حتـى انثَـنَيْــتُ ولى رُوحـانِ فى جـسدى ... والدَّنُ مُنْـــــطَرِحاً جَسَداً بِلا روح
                   |Articles |News |مقالات |بيانات

05-11-2015, 05:15 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: عزيزي الفاضل خالد ود المنسي
    تصرف الرئيس تيتو اوسكار.. اوسكار
    والحكاية ذاتها اوسكار ..اوسكار...
    لكن للأسف الأميرة بت مصطفى لم تكمل المشزار .. لكنها استطاعت وبقدرة قادر ان تعبر لبروكلين ووصلت حتى كوينز
    بعد أربعة ساعات .. ووصلت خط النهاية وشايلنها مع مجموعة أخرى داخت في السكة على ظهر سيارة.. ولكن اظن انها
    أنجزت انجاز باهر.. بس كمان ما ننسى ان الكينية ماري كيتاني وصلت خط النهاية وقطعت 26 ميل في ساعتين و14 دقيقة..
    والمهم انها متوعكة حبتين .. وحتنوم يومين كاملين من التعب..( نصحناها قلنا ليها الجري في الماراثون ما دايرة ناس بياكلو
    ام رقيقة .. ولكنها ركبت راسها..)..
    وبالنيابة عنها حنعلق على اوسكارات ود الفاضلابي,,,




    والله يا بسمات أنا برضو عجبتي هذه اللفتة البارعة تيتو الرئيس وهو تيتو أكبر مؤيدي دور دول عدم الإنحياز التي كان السودان ايام كان سودان عضو فيها
    وتغنى لها الشاعر الجميل عليه رحمة الله تاج السر الحسن شيق الشاعر الحَسيِن الحسن ( فهو أكثر شهرة )
    تغنى يومها بقصيدته الشهيرة ( اسيا وأفريقيا ....التي وضع لها الفنان الكابلي أجمل لحنا ) عليك الله اسمعيها اسيا وافريقيا بصوت الكابلي

    ههههههههههههههه يا حليلة بت عبد الرحيم لكن برضو نحي فيها العزيمة
    يا زولة ها أنتما عارفة المحس دل بمشوا ما شاء الله عليهم بس الأميرة الراحات في بلاد الفرنج خربتا

    (عدل بواسطة خالد علي محجوب المنسي on 05-11-2015, 05:19 PM)

                   |Articles |News |مقالات |بيانات

05-11-2015, 05:29 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: يجدعوك فى فورتين
    عاين ياود المنسى ,, يجى داخل زى عُصار نعيل يكتِّح ويفوت
    سوا لو دريبات ,, لكن العرجا لى مراحا يامسنوح ,, قمرى الواتساب قال ,, اريتك بالقمرية الـ تعضيك فوق رويسك ده



    هو جا متين حجر الصاقعة المخوّي
    الأيام دي انتخابات النادي السوداني في مسقط بكون متزعم الناس وقادل اب رويس
                   |Articles |News |مقالات |بيانات

05-11-2015, 05:34 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: صرف النظر عني مع اني مالمتو اظنو لايمني
    استمتعت بيها حد الثمالة وغميض العيون
    كتبتها في الفيس
    خشت ليك الاميرة ..
    قالت انا بتجرس وبتمخط وببكي
    وحات الله اتكيفت بس
    والنزيدك ما قاعد براي اديتها رقصة كمان


    ومحرم علينا الفيديوهات
    هههههههههههههه
    وواقع نزيل في القفا بوك
                   |Articles |News |مقالات |بيانات

05-11-2015, 05:38 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: الأخ الأستاذ إسحق ود اللَّمين
    حبابك عشرة وب الجديد آلاف زي ماقل الشاعر ودإدريس
    وإن شاء الله غياب وجياب
    الأخ عبد العزيز الفاضلابي
    حسب بوست منفصل للأخ عبد الله ودالبوش
    أن الفاضلابي إبنه خالد طريح المستشفي وإجريت له عملية جراحية ناجحة
    الف حمد لله علي سلامة إبنك يا الفاضلابي وربنا يتم عليه نعمة الشفاء ويلبسه رداء الصحة والفال السمح
    بارك الله فيك الأخ ودالبوش


    سلامة وكفارة لسيد الاسم السمح ( خالد بن الوليد ) وإن شاء الله ما يشوف شر تاني
    كفارة يا الأرباب علي خالد أجر وعافية إن شاء الله
                   |Articles |News |مقالات |بيانات

06-11-2015, 08:13 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    جمعة مباركة للكل
    أها ناس خلاس بقيت علي السفر واليومين ديل قلبي معلق في شندي
    وطريت شندي وطريت أهلا ... وحنان اهلا
    اها يوم الأحد بإذن الله متكامل الأهل كان في كتاحة ياهم أهلي كان في كهربتن قاطعة ياهم أهلي ( كفاني طعم أهلي )

    غايتو الليلة كان اب سن يدخل ولا ما يدخل ياني المنزل الفيديو دا
    عيال اب جويل

    ناس الفرنج ( الأميرة وبسمات ) لو غلبتكن كلمة اسألن ود المقدم العبيد
    أنا بشوفكم لو الله مدَّ في العمر بعدما أقش حنيني لي للأهل ونسة فوق ضل العصير والخاطر يطيب




    (عدل بواسطة خالد علي محجوب المنسي on 06-11-2015, 08:32 PM)

                   |Articles |News |مقالات |بيانات

06-11-2015, 08:51 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: أها ناس خلاس بقيت علي السفر واليومين ديل قلبي معلق في شندي
    وطريت شندي وطريت أهلا ... وحنان اهلا

    الحبيب المك ود المنسى ,, ودعناك الله نسأل الله ان ييسر لك سفرك ويطوى لك بُعده
    وتلقى الاهل تامين لامين ومافىيهن زولاً ابى عَشَاهو وسلِّم لى على ربوع شندى ,, واهلى ناس نمر
    واللَّيام دى موسم الطماطم والبصل والفجل نسأل الله ان يفتح شهيتك وتجينا راجع ليك كِضيمات
    وماتنسى تقول لى عماتك وخالاتك يرْمَن لك الطعمية
    واللقيمات (الزلابية) وانت قاعد جنبهن تعاين للطعمية
    تقع فى الزيت بس زى شعار قناة الجزيرة وكت النشرة
    واكان الصبحية سون ليك السكسكانية والقراصة المعجونة
    بمديدة البلح والبيض والعسل ,, ياها الكضيمات الـ قامت.
    وكان الـ نِمِتِّى ازعجك إدِّلا البحر اقطع لك جريدة نخل وشِقَها وسوَ لَكْ منها إكليل وختو فوق راسك ,, تبقى
    زى تمثال الحرية الـ فى نيويورك. ودعتك الله حانفقدك كتير
                   |Articles |News |مقالات |بيانات

06-11-2015, 09:11 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    لو غلبتكن كلمة اسألن ود المقدم العبيد (Quote)
    >>
    <<
    >>
    اها يا الطيب ود العبيد جيناك تشرح لينا:
    أولا أبو جويلي دي وين؟
    طبعا الفنان القامة ود الأمين بيقول : في دار كردفان اتغربو وسترو..
    يعني أبو جويلي في كردفان ولا بالعكس بره كردفان وعيالهم هاجرو لكردفان
    ثانيا الفنان بيقول:
    غني وشكري يا خدرة الورتاب:: الخدرة عرفناها .. الورتاب شنو؟
    وبيقول :
    غني وشكري يا ام قرقدن سايح..
    كان عرفت لينا ام قرقدن سايح... تراكا تكون انت الألفت القصيدة دي..( وش ضاحك)..
    ودمت بالف خير وعافية..

    ويا خالد ود المنسي..
    بالسلامة في حلك وترحالك..
    يعني هسع قبل شهر شهرين ما كنت في شندي...نحن مرات سنتين ثلاثة ما بنسافر لعطبرة,,
    ويا بختك.. بس ما تنسى وصايا ود الفاضلاب... والله وصف الطعمية لمن يدخلوها في الزيت
    المغلي وشبهها بشعار قناة الجزيرة لمن يغطس في البحر ويجي طالع ما سبقه عليه زول قبال كدا
    وصف رائع وانيق...
    ودمتم بالف خير وصحة وعافية
                   |Articles |News |مقالات |بيانات

07-11-2015, 01:08 AM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    يابت الشيخ دى محاولة بسيطة لغاية مايجى العبيد ودالطيب
    Quote: أولا أبو جويلي دي وين؟

    فى ظنى ان ابـ جويلى اسم لشخص وهذا لايمنع ان تكون قرية او فريق سمى باسمه .
    Quote: في دار كردفان اتغربو وسترو..

    الكلمة (سَدَروا) ويراد بها انهم اتجهوا غرباً (ضربوا الخلا) فى الشمال نقول للشخص اذا ترك الحلة خلف ظهره واتجه ناحية الغرب ,,
    (فلان سَدر) هذا بالنسبة لمن يسكنون غرب النيل مثل حالتى اما بالنسبة لبت الشيخ ولانها تسكن شرق النيل يقال :
    بسمات سدَرَتْ اذا اتجهت شرقاً تجاه خلا اتبرا ,, ويقال نزلت او إدَّلَت اذا قفلت عائدة .

    Quote: غني وشكري يا خدرة الورتاب

    الوَرَتَاب هو مادَقَّ ولَطُفَ من ورق الخدرة (الملوخية) وبراعم البامية وماشابههما من الخضار ,, ولون الورتاب يكون اخضر كثيف الخضرة
    لامتلائه بالماء وصغر مساحته لانه فى طور التحول وهنا نلحظ تعبيراً خفياً وكأن الشاعر يريد ان يقول ان محبوبته ماتزال يافعة كما الورتاب.
    كما يوحى بمعنى الخدرة ملتمساَ التعبير الشائع (ثلاثة يُذهِبْن الحَزَن) فكأنه يريد أن يقول أن محبوبته تزيل الحزن بجامع صفتين: الوجه الحسن والخدرة ,, وفوق ذلك فهى يافعة (ورتابة ) ومن خصائص الورتاب ايضاً انه لَيِّن , ناعم وطَرِى
    .
    Quote: غني وشكري يا ام قرقدن سايح..

    القُرقُد هو شعر المرأة استعمله الشعراء السودانيون كثيرا لوصف جمال المرأة وسايح بمعنى انه كثيف يتدلى على ظهرها بصورة فوضوية ومن شِدة نعومة شعرها وهو يتدلى تحسبه سائلاً يسيح على ظهرها
    ومن ذلك قول الهمباتى:
    كيــــف الشــورة ياام قُــرقُــداً فــــوق الفَــنَايِدْ مَــــدَّ
    مــايْهِمِّــــك كِــتَال عــــــرباً نــاســاً فَــــــزَعُــن هَــــــدَّ
    تِمِّى الرقصة نُورِيكْ عوسْنا وكتين الضُّراع يِمَّدَّ

    **
    والفنايد يعنى بها الأرداف
    ارجو ان اكون قد ابنت

    (عدل بواسطة عبدالعزيز الفاضلابى on 07-11-2015, 01:13 AM)
    (عدل بواسطة عبدالعزيز الفاضلابى on 07-11-2015, 01:17 AM)

                   |Articles |News |مقالات |بيانات

07-11-2015, 06:01 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: اها يا الطيب ود العبيد جيناك تشرح لينا:
    أولا أبو جويلي دي وين؟
    طبعا الفنان القامة ود الأمين بيقول : في دار كردفان اتغربو وسترو..
    يعني أبو جويلي في كردفان ولا بالعكس بره كردفان وعيالهم هاجرو لكردفان
    ثانيا الفنان بيقول:
    غني وشكري يا خدرة الورتاب:: الخدرة عرفناها .. الورتاب شنو؟
    وبيقول :
    غني وشكري يا ام قرقدن سايح..
    كان عرفت لينا ام قرقدن سايح... تراكا تكون انت الألفت القصيدة دي..( وش ضاحك)..
    ودمت بالف خير وعافية..


    الغالية بسمات
    سلاااام ومعزة ، نأسف كنت خارج سلوك الهواء"النِّت"
    أولا شرح القاصع ودالفاضلابي ما بنزاد ، لذا سوف أضف حتي يتضح المعني
    اولا الشاعر أو الفنان ود الأمين قال :إتغربوا وستروا
    ولم يقُل /يقول "غربوا وسدروا"
    لذا الشاعر او الفنان ود الأمين
    يقصد الغربة اي ذهبوا بعيدا من ديارهم، إلي دار أخري
    "إتغربوا"
    وستروا أي ستروا حالهم ، لم يأتوا بفعل شين سمعتهم
    وفي المثل يقولون: يتغرب خيارنا ويستر حالنا
    ويقولون "فلان إنستر في الغربة" أو فلان مستور
    ومادام كانوا في غربة وقال "إتغربوا"
    إذن كردفان غير دارهم وأتوها وقدموا إليها من منطقة أخري
    إذا كان عيال "أبوجويلي" من كردفان ، فهم متغربين في ديار أخري، وماموجودين في كردفان وإن كانوا في كردفان ، فهم غرباء مامن كردفان ، أتوها من ديار أخري
    "غني وشكري ياخُدرة الورتاب"
    أضف إلي ماقاله الفاضلابي أيضا
    الورتاب هنا يقصد به (طَرَق /صَفَق) العُشب الذي يكون ملتف وملتصق ب قصبة الذُرة، وكثيرا الشعراء يوصفون به لون المحبوبة ، لشدة خضرته قال أحدهم
    "قصبة وزرقة ليل ما حتَّت الورتاب"، أحيانا عندما يكون الإخضرار شديدا ، يقولون "أزرق ليل"
    أمَّا "أم قُرقدن سايح"
    فشرح الأخ الفاضلابي لايحتاج لإضافة
    ولكن أهديك مقطع من غنا توية، وتوية فن من فنون البادية ، وهي فن صوتي لحنه شجي
    بكيرة الساق نجع في الصَّيف
    أم راسن قرقد العليف
    مهيرة الجرتقوﻵ نسيف
    وعِرْ دربك طريقتك كيف؟
    شفت الشطرة او الربع الثاني
    " أم راسن قُرقُد العلّيف" والعِليف هو ثمر شجر السيال
    عيال أبوجويلي إسم لشخص وأسرة
    *الفنايد هي الجوانب ماتحت الضلوع القصار، وليس الأرداف
    العزيز الغالي خالد ودعلي
    تصحبك السلامة في حلّك وترحالك، ولك من المعزة مايفوق هَطْل المزن و"الرّكمي" و"التِّعول الماطرة"
    العزيز الفاضلابي شكرا لجلب نفل أبا نواس المشوطن
    مَــازِلْتُ أسْتَــــلُّ روح الــــدَّنَّ فى لُـطْفٍ ... وأسْتَقى الــدَّمَ مِن جَوْفِ مجـــرُوح
    حتـى انثَـنَيْــتُ ولى رُوحـانِ فى جـسدى ... والدَّنُ مُنْـــــطَرِحاً جَسَداً بِلا روح
    ولكم معزتي

    (عدل بواسطة عبيد الطيب on 07-11-2015, 06:06 AM)

                   |Articles |News |مقالات |بيانات

07-11-2015, 05:06 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبيد الطيب)

    إمتياز ياودالطيب بت الشيخ ليها حق تنتخبك لهذه المهة
    الفنايد دى اول مرة اعرف انها كما عرَّفها ودالطيب فكنا وونحن صغار
    نذهب الى التمرجى فيقول لك حـا نديك الحقنة فى الفنيدة
    فالآن عرفت انو انا التمرجى وودالطيب الدكتور . التمرجى يابسمات اتاريهو كان بِنْجُُر من راسو ,,
    تسلم ودالطيب على الشرح والتصحيح ,,

    (عدل بواسطة عبدالعزيز الفاضلابى on 07-11-2015, 06:35 PM)

                   |Articles |News |مقالات |بيانات

07-11-2015, 06:06 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبيد الطيب)

    Quote: اها يا الطيب ود العبيد جيناك تشرح لينا:
    أولا أبو جويلي دي وين؟
    طبعا الفنان القامة ود الأمين بيقول : في دار كردفان اتغربو وسترو..
    يعني أبو جويلي في كردفان ولا بالعكس بره كردفان وعيالهم هاجرو لكردفان
    ثانيا الفنان بيقول:
    غني وشكري يا خدرة الورتاب:: الخدرة عرفناها .. الورتاب شنو؟
    وبيقول :
    غني وشكري يا ام قرقدن سايح..
    كان عرفت لينا ام قرقدن سايح... تراكا تكون انت الألفت القصيدة دي..( وش ضاحك)..
    ودمت بالف خير وعافية..







    يا سلاااام يا بسمات
    والله كنت متأكد أنك بعد ما تسمعي الأغنية وترشفي من فنجان قهوتك الما خمج حا تحركي قريحة الفاطحلة ود الفاضلابي
    و ود المقدم العبيد ( أصلهم ما قوموا إلا لزة بقو ) بارك الله فيك قدرتي تمرقي المعلومة من صدورهم

    طبعاً أنا قصدت
    لان القصدتين من بادية كردفان أو في بادية كردفان
    عيال اب جويلي
    وحليل موسى
    أغاني التراث مليئة بالحكم والمفردة العميقة كنت قصدت أن
    تفنيت مفرداتها
    عيال اب جويلي ( زي ما قال الفاضلابي اب جولي هم أسرة أو عيلة كبيرة وافتكر منها أسرة ناس جويلي في الأبيض ) والله أعلم
    كمبلو وعرضو : العرضة والكمبلة هما ضربان من حركة الرجال تعبير عن الطرب
    في دار كردفان أتغربوا وسدروا ( زي ما قال الفاضلابي هي أتغربوا وسدروا في القصيدة ) لكن يا العبيد نحن نحن في الشمال لفظتي ( إدّلي ... وسدر )
    إدّلي عندما يتجه ناحية البحر
    وسدر عندما يتجه الإنسان عكس أتجاه البحر
    بالنسبة للغرب في بادية كردفان ماذا تعني سدروا أو سدر ؟؟؟؟؟
    يا ود الفاضلابي والعبيد ماذا يعني التعبير ( ضربوا الجوز عديل ) حاشا ما ضلو طبعاً واضحة أنهم يضلوا طريقهم للمكان المقصود
    يا سلااام وا سلااام على جمال العبارة (لي بنات البلد سمح الخبر جابوأ ) سواء كان عن سيرتهم في مكان غربتهم أو خبر المراتع التي أخضرت أو أي خبر أخر يسر
    القصيدة مدح في عيال أب جويلي
    ومن مجرى أبيات القصيد ما يوحي أن الشاعرة مرأة ( قديما كان الشعر أغلبه من نظم المرأة سواء كان في الشمال أو الغرب ) هي الداعم الذي يلهب قلوب الفرسان
    غني وشكري : في صيغة طلب من الفتاة ذات شعر مجعد يتماوج ( حسو أو حزوا )
    أنا أرجخ حسوا اي تمت مساويته بي مشاط ما خمج ... المشاط يزيد الشعر جملا
    فالشاعرة تطلب من تلك الفتاة ان تغني وتشكر هولاء العيال الجابوا الخبر السمح
    وترجع وتقول قولها هي ( الليلة بجيب القول علي البسوو ) والقول والنم معناها الكلام المنظوم شعرا ... البسوُّ هم عيال اب جويلي اي يستاهلوا قولي مدحاً لهم
    عيال اب جويلي شيلّوا وتعلوا
    شيل أي حمل الدابة بالحمل ... لكن يا ود المقدم تعلوا ماذا تعني ؟؟؟؟
    ديل درب أب درق شقوا
    اب درق هو نوع خطير من الثعابين وهنا كناية بلاغية أنهم شقوا مناطق خطرة وصعبة

    وأم قرقدن سايح ( قد أوفى ود الفاضلابي في شرحها ) وأجاد وعقب ود المقدم وابدع
    في الفاشر الكبير طلعوا الصايح
    الفاشر الكبير لا أعلم هل تعني بالفاشر تلك المدينة الفاشر بمعنى المفردة التي نعنيها في الشمال
    في الشمال اي فسحة كبيرة جداً بين البيو ( وسطها ) ميدان نسمي فاشر

    الصايح هو رجل يحمل نوبة او نحاس ابو بوغ ينبه به الناس على خبر يمر في الحي ويردد الخبر حتى يسمع كل الناس على سبيل المثالر موت شخص يطلع
    الصايح ويخبر الناس أن فلان توفى لرحمة ؤبه
    لكن افتكر هنا تقصد بي الفاشر الكبير مدينة الفاشر وما حولها من قرى
    لانها تذكر في قولها ( من دار كردفان جانا خبر عيال اب جويلي )
    دقوا الجوز عديل أصلو العمر رايح ( وكل من عليها فان ويبقى وجه ربك ... ألخ )

    وأما خدرة الورتاب ( ابدعوا فيها الحببين )
    فوق ود الفحل الليلة جبت جواب
    و ود الفحل هو المقصود بالمدح وشملت معه بقية العيال الذين طلعوا معه وسدروا وجابوا الخبر السمح لي بنات البلد
    وماذا تفتكري يا بسمات الخبر السمح
    أكيد هومال كتير في الغالب ... والمال يعني عرس وينبسطن البنيات هههههههههه ( عليك الله ما خبراً بسرهن )

    ود الفحل على ما يبدو هو لقب الفحل معروف
    تقول له حقيت الاسم اي استحقيت الاسم ( يا سلم وعلى ما يبدو أنه اسمه سالم وهو فراس تلك المجموعة والمقصود بتلك القصيدة

    (عدل بواسطة خالد علي محجوب المنسي on 07-11-2015, 06:12 PM)

                   |Articles |News |مقالات |بيانات

07-11-2015, 06:27 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    Quote: ويا خالد ود المنسي..
    بالسلامة في حلك وترحالك..
    يعني هسع قبل شهر شهرين ما كنت في شندي...نحن مرات سنتين ثلاثة ما بنسافر لعطبرة,,
    ويا بختك.. بس ما تنسى وصايا ود الفاضلاب... والله وصف الطعمية لمن يدخلوها في الزيت
    المغلي وشبهها بشعار قناة الجزيرة لمن يغطس في البحر ويجي طالع ما سبقه عليه زول قبال كدا
    وصف رائع وانيق..


    بسمات الله يسلمك وتسلمي إن شاء الله
    بعدين يا بسمات أنا مشيت السودان شهر اكتوبر سنة 2014 يعني سنة وشهر الان هههههههه
    دا حساب اتبراوي ؟؟؟؟ سويتها شهرين هههههههههههههههههه الفاضلابي ما مسلط

    ود العبيد تسلم يا رائع وان شاء الله بعد اسبوع بلة الشوق في الأهل ندخل النت ونرجع ليكم يا الأخوان
    عليك الله ارجع لكلامي وافيدني ما طلبت من معلومة لة عندك في بعض المعاني
                   |Articles |News |مقالات |بيانات

07-11-2015, 06:34 PM

خالد علي محجوب المنسي
<aخالد علي محجوب المنسي
تاريخ التسجيل: 10-04-2006
مجموع المشاركات: 15953

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    واما القصيد الثانية يا بسمات
    فهي مناحــــــة ( رثاء ) لفارس بني جرار ... موسى ود جلي ونظمتها أخته
    وفن المناحة موجود في الثقافة السودانية بكثر وهناك الكثير من المراثي الشهيرة في الفن السوداني منها ما تغنى به
    بعض الفنانين ومنها ما ظل في نطاق محدود
    نترك المجال للأخوان الفاضلابي و ود المقدم للأبداع لحين ميسرة نرجع لكم


    واها جبت ليك ( حليل موسى ) بصوت ود عطبرة



    وهنا بصوت الأمين البنا لانو كل واحد يغنيها بطريقة تختلف عن الأخرى

                   |Articles |News |مقالات |بيانات

07-11-2015, 06:43 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: خالد علي محجوب المنسي)

    الاعزاء الافاضل
    ود الفاضلاب
    ود عبيد
    ود المنسي
    شكرا للشرح الوافي والكافي للقصيدة
    ويا ود الفاضلاب طبعا ود المنسي هو الرشح ود عبيد لشرح
    معاني القصيدة البدوية لانه اظنه بيعرف مقدراته البدوية
    وكان طبعا محقا في ذلك..
    ودمتم بالف خير وصحة وعافية..
    ..
    وصلتني قصة في الواتساب عن وفاء البنات وفايدتن وعدم فائدة الاولاد بالنسبة
    لبر الوالدين..لكن ساحكي القصة باسلوبي الخاص..
    عثمان وعلي اصدقاء واصبحا كهلين عجايز..ويوم من الايام اتلاقو الصديقين وعثمان
    عاين لعلي ولقى هدومه وسخانه وحالته مبشتنة وبقى ضعيف وكانه شهر ما اكل..وساله:-
    مالك يا علي الحلصل ليك شنو؟مالك هدومك وسخانة وضعفت كده وكانك عيان وليك شهور ما
    اكلت ليك حاجة طيبة..
    رد علي:ما انت عارف يا عثمان اولاجي الاربعة اتزوجوا وكل واحد فيهم رحل مع زوجته
    وما بنشوفهم الا كل سنة مرة لمن يجونا زيارة..وامهم بقت مرة كبيرة ما بتقدر تطبخ
    وكان ما اهل الخير بيساعدونا كنا زمان متنا من الجوع..لكن يا عثمان خليني نسالك
    انا شايفك حالتك طيبة وهدومك نظيفة ومكوية وصحتك عال العال ..مع اني بعرفك
    ان وضعك زي وضعي وبناتك الثلاثة اتزوجن ورحلن من البيت..شنو الحكاية؟
    وهنا عثمان رد ليه:-
    يا علي الحمد لله الجبت البنات..البت الكبيرة بتجينا الصباح بدري بعدما توصل اولادها
    للمدرسة وتعمل لينا الفطور انا والحاجة وتغسل لينا ملابسنا وتنظف لينا البيت..والبت
    الثانية بتجينا وقت الظهر وبتعمل لينا الغداء وتنظف البيت وتتونس معانا لغاية ما البت
    الصغيرة تجي في المسا وتعمل لينا العشا وتمشي تشتري لينا احتياجاتنا من الدكان
    واما يوم الجمعة فجه يوم عيدنا لان البنات الثلاثة ومع ازواجهن واولادهن بيجونا
    من الصباح وبيقيلوا معانا ..وحتى كمان اصحاب ازواجهن بجوا يوم الجمعة بيزوروهم
    هنا في بيتنا ..واحفادنا بيلعبوا في الحوش وبيملو البيت فرحة وسرور..اها يا علي هسع
    انت عرفت الفرق بين الاولاد والبنات في مسالة البر بالوالدين؟؟
    وعلي اطرق براسه نحو الارض وهو يقول:والله كلامك كله صحي..والدليل الواضح ..شوف
    حالتي انا ابو الاولاد الاربعة ..وحالتك انت ابو البنات الثلاثة..

    ومتم بالف خير وصحة وعافية..
                   |Articles |News |مقالات |بيانات

08-11-2015, 12:38 PM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote: ود العبيد تسلم يا رائع وان شاء الله بعد اسبوع بلة الشوق في الأهل ندخل النت ونرجع ليكم يا الأخوان
    عليك الله ارجع لكلامي وافيدني ما طلبت من معلومة لة عندك في بعض المعاني

    عيال أبوجويلي هم أبناء الفحل بن إدريس وقيل له علاقة ب بنت برة والدة محمد والد المك نِمر، واشهر الروايات تقول سُرقت لهم ناقة
    ، وقرروا الفزع بها وقص أثرها مهما كلف الأمر، ولقد كان تتبعوا اثرها حتي وجدوها علي تخوم مدينة الفاشر في الفلاة
    قولها : عرضوا وكمبلوا
    العرضة هي تراث الجعلية الشهير والكمبلة هي تراث كردفاني بحت "رقصة الكمبلة"
    ولكن حسب رأي الشخصي
    هنا الشاعرة تقصد ب كمبلوا أي بشروا وهزوا
    أهل الريف يقولون فلان دخل عرض وكمبل في البنات
    وقولها:
    حقيت الإسم يا سالم الأرباب
    قيدومة العيال ركازة للمرهاب
    تقصد يا الأرباب سالم من اللوم وخاتي كل العيوب
    قولها: ديل درب أب درق شقُّو
    في رأي الشخصي أنها تقصد ديار الكبابيش، وهي بشمال وشمال غرب كردفان، وقد مروا بها عيال أبوجويلي
    وهم يتتبعون أثر ناقتهم وأبودرق هو مُحمَّد ودأبودرق فارس الكبابيش الشهير
    أما عن أسالتك أخي خالد أخوي

    Quote: ماذا تعني سدروا في بادية كردفان؟

    ماذا تعني سدروا في بادية كردفان؟
    تعني سدر من المورد وذهب إلي الفلاة وأهل البادية عندهم"السدور" وهو ذهاب البهائم من المورد إلي الفلاة
    أو ذهاب الرواية من المُشرع إلي الفرقان والدكة
    يقولون الري سدر
    Quote: عيال اب جويلي شيلّوا وتعلوا
    شيل أي حمل الدابة بالحمل ... لكن يا ود المقدم تعلوا ماذا تعني ؟؟؟؟

    هي شيلوا وإتعلُّوا اي كناية عن فرشهم من التويلي والفراء
    أما مناحة حليل موسي..حليل موسي
    اللي الرجال خوسة
    نجد الرواة خلطوا بين مناحتين الأولي للشاعرة
    المنفلة بت الفارس جلي أبوفاطنة فارس بني جرار الشهير
    وهذه المناحة قالتها في تبكي شقيقها الذي قتله الكبابيش
    في عقالاتهم الشهيرة مع بني جرار، في القرن السابع عشر
    والمناحة الثانية قالتها شقيقة الفارس موسي أبوحجل، وهو فارس الرباطاب الشهير في التركية وبداية المهدية
    *موسي ود جلي من جدودي من جهة أمِّي فحبوبتي والدة أُمِّي أمنة بت حمد ، موسي ود جلي جدها طوالي
    المنفلة بت جلي شاعرة رائعة جدا،غير مناحة
    "حليل موسي.."
    أيضا منحة علي شقيقها، أنظر لها ، في هذه المرثية البكائية الرائعة جدا،والتي أوردها البروفسير النابه عبدالله علي إبراهيم في كتابه "فرسان كنجرت"
    وهي تبكي والدها الفارس جلي أبوفاطنة، قالت:
    أمسكت المنفلة بت الفارس جلي، بنت خالتها بنت الفارس أبومصيبع النورابي الكباشي وقالت المنفلة بت جلي راجزة:
    إخيَّا..ماشفتي أبويا....!؟
    أبوي راكِب علي كوفات بَراهِن
    وماعتَّم الخلفات كايس لِقاهِن
    ماكمش الخلفات خلَّل جناهِن
    وماحلَب مواخيرهِن طرَّد حِشاهِن
    وماتبَن الجارات كايس زِناهِن
    بِطْرُد دمير الخيل جايب نَباهِن
    بقطع سبعة محلات وبخبِر عَشاهِن
    وفي القوز أبوعيشوب واقِف حُواهِن
    يومً لقوح الرَّيل بصبح معاهِن
    *كوفات الجمل النشط
    عتَّم الخلفات أي حلب النوق اللُّقح
    مواخيرهِن أي الشطور الورانية للناقة،
    دمير الخيل ، الخيول الكثيرة، ونباهن اي فال النصر
    بقطع سبعة محلات، كناية علي أنه دليل خريت ماهر، وفي الخلا والقفار تجده حارس إبله
    ويوما لقوح الريل بصبح معاهن ، أي ترعي إبله مع مراعي أبقار الوحش والمها
    معزتي للجميع
                   |Articles |News |مقالات |بيانات

08-11-2015, 12:59 PM

إسحاق بله الأمين
<aإسحاق بله الأمين
تاريخ التسجيل: 29-06-2006
مجموع المشاركات: 1485

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    يا سلام على الروعة يا ود العبيد و الفاضلابي وود المنسي وهذا التناول الشيق والممتع والمفيد وسبر غور أغاني التراث والأدب الشعبي ذو المعاني والمضامين الرائعة .
    إليكم هذه المشاركة المنقولة وكتبها الأخ المرحوم ازهري محمد بخيت من أبناء أبجويلي


    من طرف بله محمد عبدالله
    آخر مشاركة للمرحوم، بإذن الله، أزهري محمد بخيت

    اقتباس:
    المشاركة الأصلية كتبت بواسطة أزهري محمد بخيت
    لك التحية أخي محمد معتصم ومن أب جويلي سلام

    حين كنا صغاراً وقبل أن نعرف كوع الميم من بوع الجيم، كان هناك بائعٌ متجول يمر على قرى ريفي الحصاحيصا؛ ينادي بصوته الشجي: "علينا جاي .. لالوب فداسي أب كلاماً قاسي .. الرخا عمار البلد "، فنتسابق عليه "بالتعاريف" "والقروش"، ونمص "اللالوب" بشهية، ونشكر فداسي ولا نعرف أين تقع.
    وفي أول مشوار لمدني كنت أطالع لافتات القرى بحب استطلاع، فطالعتها "كبيرة" "بهية" تكاد تحتجب عنها الشمس لكثرة أشجارها.
    وحين يممت وجهي شطر حنتوب الثانوية- صارتْ أندلساً أخرى وأحزاناً – التقيت بلفيف من أبناء فداسي: الصادق عبد الله، رئيس داخلية ضيف الله ثيرباك المدرسة الذي كان يمارس صراع الثيران مع حموري الكبير ومحجوب الله جابو حين نباري أندية النيل والإتحاد، سقى الله تلك الأيام! ومن قريب عرفت يوسف عبد الباقي، رفيق الداخلية والعنبر والسفرة، ولعمري تلك وشيجة قربى تفوق النسب. والقلب في ذلك الزمن النضير يختار الأصدقاء بشفافية، فكان يوسف وعبره تعرفت على بقية شلة الأنس: التاج يوسف ، بابكر البدري، مولانا عبد الرحمن ، الرشيد حسن ، محمد حسن خضر لاعب السلة والطائرة الشهير، وبقية الكوكبة من أبناء فداسي.. شباب في غاية الروعة والظرف كالدائرة المضيئة لا يعرف أين طرفاها.
    والآن أجد الأخ محمد حسن خضر، وهو أحد إشراقات فداسي الكثيرة بالرياض، والأديب الذي أفسدته الزراعة، وسرقه الاقتصاد، أجده يكيل لي المدح وجله مما لا أستحق، ولكن عين الرضا عن كل عيب كليلة، وأنا أحبه وعندما يحب المرءُ المرءَ فلا سدرة لمنتهاه، أو كما قال.
    أما عن أبو جويلي .. وعيالها الذين كمبلو وعرضو وخصوصاً سالم الأرباب وحسن ود الفحل .. وبقية الكوكبة أصحاب الملحمة فقد شهدنا أبناءهم: الجيلي ود سالم ، وعلي و عبد الكريم والفحل أولاد حسن الفحل، خصوصاَ هذا الفحل، وهو اسمٌ على مسمى، رصفاؤه يقولون عنه: "ود الغول البشاكل لي الله" ؛ فكثيراً ما دخل في معارك لا تخصه، ومما روي عنه أنه حين اشتبك الأمين ود أب زرد مع المفتش الإنجليزي أثناء مروره عليه في الحواشة صرف الأمين السوط الثاني بيده، وأكل السوط الأول وجذب المفتش من على ظهر الحصان وطرحه أرضاً، فأخذ المفتش العلقة الساخنة التي أفلت من باقيها بأعجوبة فزغردت له النسوة في القرية فهاش ود الفحل وقال: "على بالطلاق يكرة المفتش كان جانا "بالتقنت" أدقه وكان جاء بي "أب عشرين" أدقه، فتلافي شيخ الحلة الأمر، وأبلغ المفتش الإنجليزي أن ود الفحل جنّ وهرب من القيد، ورجاه أن لا يمر الحواشات لمدة يومين .. وفاتت على الفحل الذي ظل مرابطاً في الحواشة طوال النهار.
    أعود لعيال أب جويلي الذين كانوا يمارسون التجارة في ربوع غربنا الحبيب، ويُسيِّرون القوافل والدواب .. ولأن الرحلة تستمر لفترة طويلة فكانوا يصطحبون زوجاتهم. وفي إحدى رحلاتهم تلك كمُن لهم "الشفته" بعدد كبير غرب جبل – لا نعرف اسمه ولا نحققه- وقربه قرية اسمها "مهير" ، ولا ندري موقعها بالضبط، ولأن المعركة لم تكن متكافئة من حيث العدد إلا أن البسالة حسمتها لصالح العيال، الذين كانوا يدافعون عن العرض والمال، فأبلوا أحسن البلاء؛ خاصة الأرباب سالم، وحسن وحسين أولاد الفحل، والأخير أصيب بإصابات بالغة في المعركة، وحين شارفت القافلة الأبيض وافته المنية ودفن بالأبيض.
    ومع بدء الاشتباك قالت إحدى حبوبتنا:


    شيل لي سلام يا طير .. يا رب يا كريم تكتب علينا الخير

    الليلة العيال في مهير بتتمزا
    من عصراً كبير حس النحاس رزّا
    بي غرب الجبل أدو الخُلوق هزا
    وكان حصل النقاص بدي القرين جزه
    الليلة العيال هَتَفْنْ لي جيّاتُنْ
    بي غرب الجبل وقعن حراباتن
    يا رب يا كريم تكتب سلاماتن
    شايل لي نضر أمرق كراماتن


    فلما وصلت القافلةُ إلى أرض الجزيرة أكملت الجزيرة


    عيال أب جويلي الكمبلو وعرضو

    في دار كردفان اتغربو وسترو
    ضربو الجوز عديل حاشا ما ضلو
    لي بنات البلد سمح الخبر جابو
    ****************
    غني وشكري يا خدرة الورتاب
    فوق ود الفحل الليلة جبت جواب
    حقيت الاسم يا سالم الأرباب
    قدام العيال ركازه للمرهاب
    ****************
    غني وشكري يا أم قرقدن سايح
    من دار كردفان جانا الشناح فايح
    من الفاشر الكبير طلعوا الصائح
    دقو الجوز عديل وأصله العمر رائح
    ******************
    الليلة بجيب القول على البسووا
    عيال أب جويلي الشيّلو وفعلو
    ديل درب أب درق شقو.


    وأخيراً أحبتي... فداسي أونلاين .. وفي البال والخاطر، وعلى العين والراس، لتقرَّ عين الحبيبين القمرين النيريين ثم الملحاحين: البشير ود بله وأمحمد ود حسن ، ولأهلي بفداسي كل الحب والتقدير.
    وتحياتي لكل من تربطه بها آصرة.
    أزهري محمد بخيت
    3/3/2008م
    الرياض
                   |Articles |News |مقالات |بيانات

08-11-2015, 01:00 PM

إسحاق بله الأمين
<aإسحاق بله الأمين
تاريخ التسجيل: 29-06-2006
مجموع المشاركات: 1485

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    يا سلام على الروعة يا ود العبيد و الفاضلابي وود المنسي وهذا التناول الشيق والممتع والمفيد وسبر غور أغاني التراث والأدب الشعبي ذو المعاني والمضامين الرائعة .
    إليكم هذه المشاركة المنقولة وكتبها الأخ المرحوم ازهري محمد بخيت من أبناء أبجويلي


    من طرف بله محمد عبدالله
    آخر مشاركة للمرحوم، بإذن الله، أزهري محمد بخيت

    اقتباس:
    المشاركة الأصلية كتبت بواسطة أزهري محمد بخيت
    لك التحية أخي محمد معتصم ومن أب جويلي سلام

    حين كنا صغاراً وقبل أن نعرف كوع الميم من بوع الجيم، كان هناك بائعٌ متجول يمر على قرى ريفي الحصاحيصا؛ ينادي بصوته الشجي: "علينا جاي .. لالوب فداسي أب كلاماً قاسي .. الرخا عمار البلد "، فنتسابق عليه "بالتعاريف" "والقروش"، ونمص "اللالوب" بشهية، ونشكر فداسي ولا نعرف أين تقع.
    وفي أول مشوار لمدني كنت أطالع لافتات القرى بحب استطلاع، فطالعتها "كبيرة" "بهية" تكاد تحتجب عنها الشمس لكثرة أشجارها.
    وحين يممت وجهي شطر حنتوب الثانوية- صارتْ أندلساً أخرى وأحزاناً – التقيت بلفيف من أبناء فداسي: الصادق عبد الله، رئيس داخلية ضيف الله ثيرباك المدرسة الذي كان يمارس صراع الثيران مع حموري الكبير ومحجوب الله جابو حين نباري أندية النيل والإتحاد، سقى الله تلك الأيام! ومن قريب عرفت يوسف عبد الباقي، رفيق الداخلية والعنبر والسفرة، ولعمري تلك وشيجة قربى تفوق النسب. والقلب في ذلك الزمن النضير يختار الأصدقاء بشفافية، فكان يوسف وعبره تعرفت على بقية شلة الأنس: التاج يوسف ، بابكر البدري، مولانا عبد الرحمن ، الرشيد حسن ، محمد حسن خضر لاعب السلة والطائرة الشهير، وبقية الكوكبة من أبناء فداسي.. شباب في غاية الروعة والظرف كالدائرة المضيئة لا يعرف أين طرفاها.
    والآن أجد الأخ محمد حسن خضر، وهو أحد إشراقات فداسي الكثيرة بالرياض، والأديب الذي أفسدته الزراعة، وسرقه الاقتصاد، أجده يكيل لي المدح وجله مما لا أستحق، ولكن عين الرضا عن كل عيب كليلة، وأنا أحبه وعندما يحب المرءُ المرءَ فلا سدرة لمنتهاه، أو كما قال.
    أما عن أبو جويلي .. وعيالها الذين كمبلو وعرضو وخصوصاً سالم الأرباب وحسن ود الفحل .. وبقية الكوكبة أصحاب الملحمة فقد شهدنا أبناءهم: الجيلي ود سالم ، وعلي و عبد الكريم والفحل أولاد حسن الفحل، خصوصاَ هذا الفحل، وهو اسمٌ على مسمى، رصفاؤه يقولون عنه: "ود الغول البشاكل لي الله" ؛ فكثيراً ما دخل في معارك لا تخصه، ومما روي عنه أنه حين اشتبك الأمين ود أب زرد مع المفتش الإنجليزي أثناء مروره عليه في الحواشة صرف الأمين السوط الثاني بيده، وأكل السوط الأول وجذب المفتش من على ظهر الحصان وطرحه أرضاً، فأخذ المفتش العلقة الساخنة التي أفلت من باقيها بأعجوبة فزغردت له النسوة في القرية فهاش ود الفحل وقال: "على بالطلاق يكرة المفتش كان جانا "بالتقنت" أدقه وكان جاء بي "أب عشرين" أدقه، فتلافي شيخ الحلة الأمر، وأبلغ المفتش الإنجليزي أن ود الفحل جنّ وهرب من القيد، ورجاه أن لا يمر الحواشات لمدة يومين .. وفاتت على الفحل الذي ظل مرابطاً في الحواشة طوال النهار.
    أعود لعيال أب جويلي الذين كانوا يمارسون التجارة في ربوع غربنا الحبيب، ويُسيِّرون القوافل والدواب .. ولأن الرحلة تستمر لفترة طويلة فكانوا يصطحبون زوجاتهم. وفي إحدى رحلاتهم تلك كمُن لهم "الشفته" بعدد كبير غرب جبل – لا نعرف اسمه ولا نحققه- وقربه قرية اسمها "مهير" ، ولا ندري موقعها بالضبط، ولأن المعركة لم تكن متكافئة من حيث العدد إلا أن البسالة حسمتها لصالح العيال، الذين كانوا يدافعون عن العرض والمال، فأبلوا أحسن البلاء؛ خاصة الأرباب سالم، وحسن وحسين أولاد الفحل، والأخير أصيب بإصابات بالغة في المعركة، وحين شارفت القافلة الأبيض وافته المنية ودفن بالأبيض.
    ومع بدء الاشتباك قالت إحدى حبوبتنا:


    شيل لي سلام يا طير .. يا رب يا كريم تكتب علينا الخير

    الليلة العيال في مهير بتتمزا
    من عصراً كبير حس النحاس رزّا
    بي غرب الجبل أدو الخُلوق هزا
    وكان حصل النقاص بدي القرين جزه
    الليلة العيال هَتَفْنْ لي جيّاتُنْ
    بي غرب الجبل وقعن حراباتن
    يا رب يا كريم تكتب سلاماتن
    شايل لي نضر أمرق كراماتن


    فلما وصلت القافلةُ إلى أرض الجزيرة أكملت الجزيرة


    عيال أب جويلي الكمبلو وعرضو

    في دار كردفان اتغربو وسترو
    ضربو الجوز عديل حاشا ما ضلو
    لي بنات البلد سمح الخبر جابو
    ****************
    غني وشكري يا خدرة الورتاب
    فوق ود الفحل الليلة جبت جواب
    حقيت الاسم يا سالم الأرباب
    قدام العيال ركازه للمرهاب
    ****************
    غني وشكري يا أم قرقدن سايح
    من دار كردفان جانا الشناح فايح
    من الفاشر الكبير طلعوا الصائح
    دقو الجوز عديل وأصله العمر رائح
    ******************
    الليلة بجيب القول على البسووا
    عيال أب جويلي الشيّلو وفعلو
    ديل درب أب درق شقو.


    وأخيراً أحبتي... فداسي أونلاين .. وفي البال والخاطر، وعلى العين والراس، لتقرَّ عين الحبيبين القمرين النيريين ثم الملحاحين: البشير ود بله وأمحمد ود حسن ، ولأهلي بفداسي كل الحب والتقدير.
    وتحياتي لكل من تربطه بها آصرة.
    أزهري محمد بخيت
    3/3/2008م
    الرياض
                   |Articles |News |مقالات |بيانات

09-11-2015, 07:48 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: إسحاق بله الأمين)

    استاذنا الاديب اسحق ود بلة
    شكرا على هذه التفاصيل عن أولاد ابجويلي.. وانا متأكدة ان اكثر من سمعوا هذه الاغنية الحماسية من الفنان القامة محمد الأمين
    لا يعرفون هذه المعلومات الثرة عن أولاد ابجويلي( عيال ابوجويلي..

    وانا هسع اتخيلت ان الشباب البيعرضو ويكمبلوا هنا هم عيال ابوجويلي ذات نفسهم..( وان شاء الله الفيديو ينزل..)..
    ودمت بالف خيرر وصحة وعافية

                   |Articles |News |مقالات |بيانات

09-11-2015, 08:25 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote: وفن المناحة موجود في الثقافة السودانية بكثر وهناك الكثير من المراثي الشهيرة في الفن السوداني منها ما تغنى به
    بعض الفنانين ومنها ما ظل في نطاق محدود

    عطفاً على ذكر المك ودالمنسى لشعر المراثى ,, فقد نبهنا الى مجال ابدعت فيه نساء السودان ايما ابداع ولا ابالغ ان قلت
    انهن قد تفوقن احيانا على بعض شعراء الجاهلية نساءاً ورجالاً وانتهز هذه المناسبة لنذكر بعض المراثى والمدح
    وابدأ بهذه القصيدة التى للاسف لا أعلم قائلها ولا من قيلت فيه وهل كانت رثاءاً للممدوح ام مدحاً له حال حياته
    وأملى فى الفطاحلة رباعة الجبنة ان لايتركوا مزيداً لمستزيد
    .

    جبار الكسور
    ده في الظـــــلام كباس
    ده البفزع قبل يبكوا و يضيقوا الناس
    جبار الكسور
    ميـــــزان الذهب يا اب كفةً راحـــــجة
    ابواب مسكنك ليـــــل و النهار فاتـــــحة
    جبار الكسور
    يا اســـــد الظلام يا اب ولدةً ناحـــــجة
    صقر الخلا عينـــــيك سلاح جـــــارحة
    البموت في ايديك ما بيقروا لي الفاتحة
    جبار الكسور
    الدود النتر صحي الـــــمرافعين خـــــوف
    ده محـــــشم قـــــبيلتو البستر المـــــكشوف
    ان شافك عـــــدوك يرجف يغلبوا الشوف
    النار في الجـــــسم و الطعنة جوة الجوف
    عشـــــاي الجماعة يا مشبـــــع الملهوف
    جبار الكسور
    مـــــيزان الـــــدهب يا الغالي وزنو تـــــقيل
    يا اب صـــــدراً ركيزة تب ما بغلبوا الشيل
    ده الـــــدابي البســم العــــاتي زي السيـــــل
    ستـــــار العـــــيـــــوب حـــــاشاهو مـــــا قويل
    وقـــــت الناس تضيق يلفاها هجعة لـــــيل

    (عدل بواسطة عبدالعزيز الفاضلابى on 09-11-2015, 08:31 PM)

                   |Articles |News |مقالات |بيانات

09-11-2015, 08:51 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    سمعت من محدثى ان إمرأة من ديار الشايقية توفى اخيها الوحيد الذى كان
    يسعى عليها واخواتها الستة ,, كان ركيزة البيت ,, فقالت
    :

    آ الأرْنيــق ,, هَدَمْتَ الضُّــل
    عاد تانى وين نَدْخُـــــــــــــــــــــل

    إنهما بيتان من الشعر لكنهما لم يتركا للمدوح وصفاً يمكن ان يوصف به بعده ,,
                   |Articles |News |مقالات |بيانات

10-11-2015, 00:40 AM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    مما يُعجبنى من المراثى فى الادب العربى القديم مرثية
    لابى تمام يرثى فيها محمد بن حميد الطوسى يقول فيها:
    كـــذا فليـــجل الخطب وليـــفدح الأمر ,, فلـــيس لعـــين لم يفض ماؤها عـــذر
    فمـــا كـــان الا مـــال من قل مـــالـه ,, وذخـــرا لـــمن أمسى وليس له ذخـر
    فتى كـــلما فاضـــت عيـــون قـــبيلة ,, دماً ضـــحكت عنه الأحاديث والذكر
    فتى مـــات بين الضـــرب والطعـــن ,, ميتة تقوم مقام النصر ان فاته النــصر
    وما مـــات حـــتى مات مضرب سيفه ,, من الضرب واعتلت عليه القنا السمر
    وقـــد كان فوت المـــوت سهلا فرده ,, اليــه الحطــام المــر والخــلق الوعــر
    ونـــفس تعـــاف العار حتى كأنما هو ,, الكــفر يــوم الــروع أو دونــه الــكفر
    فأثـــبت في مستـــنقع المـــوت رجله ,, وقــال لها من تحت أخمــصك الحــشر
    غـــدى غدوة والحـــمد نســـج رداءه ,, فــلم ينــصرف الا وأكــفانه الأجــــــــر
    تـــردى ثيـــاب الموت حمرا فما بدا ,, لهــا اللــيل الا وهي من ســندس خضر
    كـــأن بــني نبـــهان يـــوم وفــــــاته ,, نجــوم سمــاء خــر مــن بيــنها الــبــدر
    مضى طاهر الأثواب لم تبق روضة ,, غــداة ثــــوى إلا شــتهت انهــا قـــــبــر
    علـــــــيه ســـــــلام الله وقـف فانني ,, رأيــت الكــريم الحــر ليــس لــه عمــــر
                   |Articles |News |مقالات |بيانات

10-11-2015, 06:43 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    ...( وهسع انا بعدما قريت
    كلامكم ده فرحت فرحة شديدة لاني من قبل رفضت ثلاثة شبان تقدموا لوالدي يطلبونني للزواج
    ولكن كنت قد رفضت فكرة الزواج من أساسه بسبب رغبتي في اكمال الدراسة الجامعية أولا..
    لكني هسع زدت أسباب ثانية اذا جو عرسان تانين.. لكن بالجد عاوزة ناس عندهم خبرة وتجارب
    إيجابية او سلبية في مسيرة الزواج يكتبوا لينا عن هذه التجارب .. وهل هناك زيجات ناجحة
    وبدون مشاكل... بس عليكم الله مافي واحد يجي يقول المشاكل لا بد منها لانها بهارات الحياة وبدونها
    الحياة بتبقى روتين...(QUOTE
    <<
    >>
    >>
    اعزائي الافاضل:
    انا كتبت الأسئلة دي في بوست الطيب ود شيقوق ..وعنوانه:" ومضات من الواقيعة السحرية..."

    وعاوزة منكم تمشوا للبوست داك وتجاوبوا لي عن الأسئلة دي وطبعا يفضل اصحب الخبرة من المتزوجين
    عشان نعرف الواقعية من الحاجات الخيالية الما بتتحقق..
    ودمتم بالف خير وصحة وعافية
    بسمات
                   |Articles |News |مقالات |بيانات

10-11-2015, 07:34 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote: اعزائي الافاضل:
    انا كتبت الأسئلة دي في بوست الطيب ود شيقوق ..وعنوانه:" ومضات من الواقيعة السحرية..."

    بت الشيخ ,, كيفك ؟؟؟
    انتى عندى زى بنتَى تبيان وايثار ,, عشان كده إن شاء الله بديك عصارة
    رأيى وأظنه حسن ,, وبرجع ليك بى رواقة مش زى رواقة بت السيد الـ طوَّلت
    بت السيد دى كان بِقت عكرانة زى اللتبراوى كان راقت.
    نرجع لموضوعك ,, ومبدئياً كده كدى ارجعى لمداخلتى بتاعة ملك كِنده وورينى
    رايك فى كلام ام البنت الـ وصت بنتها دى وبمشى معاك واحدة واحدة ,, وابشرى بالخير ,, وتفائلى بالخير تجديه ,,
                   |Articles |News |مقالات |بيانات

11-11-2015, 00:20 AM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: للمتزوجين والمتزوجات يجونا هنا ويورونا هل فعلا كلامك وكلام الأستاذ يحيى قباني صحيح
    وهل فعلا الزواح ذات نفسه هادم اللذات.. ومافي أي فرح بعد الزواج

    Quote: بس عليكم الله مافي واحد يجي يقول المشاكل لا بد منها لانها بهارات الحياة وبدونها الحياة بتبقى روتين


    اولاً يابسمات نجاح واستمرار الزواج من عدمه لا أحد يقطع به ,, لكن هناك امور بعضها سابق والآخرى لاحقة للزواج
    إذا روعيت تكون حصناً يمنع بيت الزوجية من الانهيار ,, فمن ماهو سابق :
    حُسن اختيار الزوج ,, فكما اوصى الرسول صلى الله عليه وسلَّم الرجال بالظفر بذات الدين مفهوم المخالفة يجعل هذه الوصية تنسحب على النساء ايضاً ,, كما اوصانا صلى الله عليه وسلَّم باختيار ذا الخُلُق.
    الأمر الآخر هو أن تكون هناك كيمياء متبادلة بين البنت والولد فاغلب الزيجات التى تكون عُرضة للتشاكُس هى التى لم يسبقها تبادل مشاعر
    او تمت بعد فترة وجيزة من تعارفهما او تلك التى يرتبها الاهل وهى ماتُسمى بـ Arranged marriage اوتلك التى تتم بتوصية من الاصدقاء ,,
    فلابد من اخذ الوقت للتعرف على الآخر ولذلك شُرِعت الخطوبة.
    يُتبع على قول صاحبى طلحة ......

    (عدل بواسطة عبدالعزيز الفاضلابى on 11-11-2015, 00:35 AM)

                   |Articles |News |مقالات |بيانات

11-11-2015, 05:53 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    Quote: وقـــد كان فوت المـــوت سهلا فرده ,, اليــه الحطــام المــر والخــلق الوعــر
    ونـــفس تعـــاف العار حتى كأنما هو ,, الكــفر يــوم الــروع أو دونــه الــكفر
    فأثـــبت في مستـــنقع المـــوت رجله ,, وقــال لها من تحت أخمــصك الحــشر
    غـــدى غدوة والحـــمد نســـج رداءه ,, فــلم ينــصرف الا وأكــفانه الأجــــــــر
    تـــردى ثيـــاب الموت حمرا فما بدا ,, لهــا اللــيل الا وهي من ســندس خضر
    كـــأن بــني نبـــهان يـــوم وفــــــاته ,, نجــوم سمــاء خــر مــن بيــنها الــبــدر
    مضى طاهر الأثواب لم تبق روضة ,, غــداة ثــــوى إلا شــتهت انهــا قـــــبــر
    علـــــــيه ســـــــلام الله وقـف فانني ,, رأيــت الكــريم الحــر ليــس لــه عمــــر



    شوف الزول دي وفصاحتو"فأثبت في مستنقع الموت رجله" دفن رجل وغزَّاها.....! بعدين قال مشتنقع الموت لم يدخل مفردها أخري
    ثم قال: الخلق الوعر... دي الشعر يا أخوي
    أهل البادية يقولوا ليك " الحديث بقا وااااااعر" وإتوعَّر خلااااس
    شوف رداءه منسوج من الحمد وكفنه من الأجر والعمل الطيب
    وثياب الموت حمراااااااااااا ولكن عندما تبدي لها الليل...كانت خضراء من سندس
    وقمَّة المدح أن يكون ممدوحه قمرا وسط نجوووووم
    وختامه مسك إن الكريم وإن مات ورحل من الدنيا ، يبقي حيا بطيب نفله أبدا
    أخي الفاضلابي أكرمك ربي بذائقة راقية جدا ، جمعت بين الأدب العربي وشعر الموروث السوداني
    ودي نعمة وهبة عظيمة

    قالت بدوية ومن هسيس الجراري تصف الحديث بعد ما سخَّن
    أوكت الحديث شوك شوك
    بستعزو بي السهوك
    عككَّز بزرنا الجوك
    قران بقر مجوك
    *يستعزي مثلا يقول أنا أخو فاطنة....والسهوك كنية لكل فتام "أم عروض " جميلة والسهوك هي الجآذر الشابة "صبية"
    بزرنا اي شبابنا وجوك اي وصلوا عندك أو حولك وقران اي قرون من قرن ..ومجوك بقر أهلنا من الجنوب
    معزتي
                   |Articles |News |مقالات |بيانات

11-11-2015, 10:44 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبيد الطيب)

    كثير من البنات يستعجلن الزواج مما يجعلهن عرضة لزواج غير موفق
    فإذا علمنا ان الزواج رحمة من الله ,, فيجب ان نتيقَن ان هذه الرحمة لاممسك لها إن ارسلها لك الله وإن امسكها عنك فلا أحد يستطيع أن يرسلها من بعده
    ويتجلَّى ذلك فى قوله تعالى فى سورة فاطر:
    { ما يفتح الله للناس من رحمة فلا ممسك لها وما يمسك فلا مرسل له من بعده وهو العزيز الحكيم} (٢)
    وأُثِرَ عن السلف قولهم : من استعجل شيئاً قبل اوانه عوقِبَ بحرمانه.
    والحرمان قد لايكون بالمنع من الحصول على المطلوب ذاته فمن الممكن أن يكون بالحرمان من بعض فوائده ,,
    وبلغة اهلنا {الزواج قسمة ونصيب}
    ايضاً من الأمور القَبْلِية التى يجب مراعاتها فى الزواج هو الكفاءة ,, والكفاءة لانقصد بها التكافؤ المتطابق ,, اذ يكفى القدر من التكافؤ الذى يجعل الزواج يستمِر بينهما.
    **حاشية:
    بالعودة لما تخوفت منه بنتنا بسمات ,, من أن الزواج هادم اللذات ,, فهذا كما اخبرتها إمتثال مجرد مزاح من الاخوة ,,
    ومع ذلك نقول ان الزواج من الممكن أن يكون هادم للذات بالنسبة لزوج غير مسؤل اطلق
    لنفسه قبل الزواج عنان النفس فانغمست فى ملذات الحياة حلالها وحرامها ,, واتبع النفس هواها من دون قيد ,,
    فمثل هذا الزوج لن يجد فى الزواج متعة نسبة لما أحاط الله الزواج بسنن يصعب على من كان معربداً احترامها والتقيد بها.
    يُتبع .....
    .

    (عدل بواسطة عبدالعزيز الفاضلابى on 11-11-2015, 10:47 PM)

                   |Articles |News |مقالات |بيانات

11-11-2015, 11:40 PM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    تابع وواصل يا ود الفاضلاب ونحن مستمعين بدون تعليق
    الا ان نصل للنتيجة النهائية..لكن لازم تعرف ان الجماعة القالوا
    ان الزواج هادم اللذات اكدوا انهم ما بيمزحوا ..واذا رجعت للبوست
    الكاتبه ود شيقوق حتشوف تاكيداتهم وهم ياسر العيلفون ويحى قباني
    ..ويا ريت كمان اذا جاناهنا عبد الحفيظ ود ابوسن ليحكي لينا تجربته ويؤكد
    لينا الحقيقة دي او ينفيها لاننا بنتخيل وكانه سعيد في زواجه لان باله طويل
    وما بيزعل بسهولة..واذا زول زعله فما عنده غير الكلام الطيب..وطيب اذا كان
    ده من الزول الغريب..فكيف الحال مع شريكة الحياة التي تقاسمه الضراء والسراء
    ودمتم بالف خير وصحة وعافية
                   |Articles |News |مقالات |بيانات

12-11-2015, 08:43 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    امور يجب مراعاتها بعد الزواج وأهمها ,,
    [B]** حُسن الاستماع للطرف الآخر وتركه يكمل مايقول ,, والرد عليه قصداً لمصلحة الأسرة وليس إنتصاراً للذات.
    ** تجنُّب الرد على الطرف الغاضب أثتاء غضبه ,, حتى ولو كان مايقوله مستَفِزاً للطرف الآخر ,, ولايحكم على ماصدر منه بأكثر من
    انه كلام صادر فى لَحظة إغلاق ,, فالإغلاق يؤثر على العقل .
    وكما يقولون : (السكران فى ذِمة الواعى) أقول (الغاضِب فى ذمة الهادئ)

    ** يُتبع ,,,,
    ********
    إنتو ناس القهوة دى مشوا وين؟ نأجِّرا ولا فهمكن شنو؟
                   |Articles |News |مقالات |بيانات

14-11-2015, 10:56 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    شنو ياناس البن بقا مغشوش ولا الحاصل شنو؟
    نعرِش على كده؟ على العموم القهوة دى سبيل ,,
    بس املوا الازيار وماتنسوا تخُتو بستلات تِحِتِنْ عشان موية النقاع للجبنة
                   |Articles |News |مقالات |بيانات

15-11-2015, 02:49 AM

Basamat Alsheikh

تاريخ التسجيل: 15-08-2015
مجموع المشاركات: 2583

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    يمكن يا ود الفاضلاب الناس جارية ورا الرزق..مع انه المثل السوداني بيقول
    تجري جري الوحوش غير رزقك الكتبه ليك الرزاق ما تحوش...عشان كده بنقول
    ليهم اخدوا بريك..واشربو فنجان جبنة عشان النفس تروق...وتجونا بالمفيد...وحتى
    عبد الحفيظ ابو سن الوجهنا ليه دعوة صريحة ليساهم معانا في تاكيد مقولة هادم
    الملذات او نفيها ما جانا..حتى قللنا من الفيديوهات عشان خاطره ويظهر...
    اما نحن قلنا ننتظر للنهاية وخلاصة الكلام ونجي للتعليق فقرة..فقرة...لكن مواصلين
    الاستماع...فواصل...ودمت بالف خير وصحة وعافية
                   |Articles |News |مقالات |بيانات

16-11-2015, 10:14 AM

درديري كباشي

تاريخ التسجيل: 08-01-2013
مجموع المشاركات: 3184

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    سلام يا أحلي ناس

    بقيتو لينا زي الميس كا ما سكانا الزمن ببلاوية نجري ونلبت هنا

    بعض النكات لا تعرف قيمتها الا بعد أن تعيشها واقعا فتضحكك بأثر رجعي .
    في رحلة بالطائرة من جدة للرياض مرينا بمطبات هوائية فكانت الطائرة تهبط فجأة ثم تصعد من جديد . والركاب يهللون ..خوفا ورجاءا
    ذكرتني نكتة الصعيدي الراكب مع الشيعة مروا بنفس الموقف ..
    وكان كل ما هبطت الطائرة يصيحوا بصوت واحد : يا علي يا علي...
    تكرر الموقف وتكررت الصيحات ..
    أخيرا وقف هو محتجا وقال : يا علي ما تسوق كويس ياخ هو أنت شايل بضاعة ؟..
    تذكرت النكتة و لم أكتم الضحك ..
    مع أستغراب الركاب المهلوعين أكيد قالوا الزول دا جن ولا شنو
    ههههههههههه
                   |Articles |News |مقالات |بيانات

17-11-2015, 00:45 AM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: درديري كباشي)

    سلامات يادرديرى وبسمات ,, كتر خيركُن فشيتونى بعد ناس القهوة
    ما قاطعونى ,, واليكم هذه القطعة بغرض المقارنة بين الرثاء الذى تعرضنا له
    فى سابق مداخلاتنا وبين الكلام الـ أردب ويكة مايلايقو ده.

    زاوية منفرجة ,, فقدنا القدرة حتى على البكاء
    الكاتب جعفر عباس
    صدر للصديق الدكتور فتح العليم عبدالله كتاب يحمل إسم (عجائب الخرطوم السبع) يتناول فيه ظاهرة اسئجار نائحات للقيام بمهمة العويل والبكاء مع ذكر محاسن الميت الحقيقية والمفبركة ,
    ويقول فتح العليم على لسان إحدى قريباته: لفت نظرى خلال تقديم العزاء فى صديقة والدتى بمنزل فخم ان امرأتين تدوران داخل فناء البيت وهنا تبكيان وترددان كلاماً عن المتوفى
    فلما دققت النظر فى وجهيهما لاحظت ان المسألة فيها (إنَّ) لأن شيئاً ما فى طريقة بكائهما جعلنى احس بأنهما ليس من اقارب المرحوم. وأثناء الشمار مع قريبة من أقارب المتوفى تأكد لى
    صدق حدسى إذ قالت: هؤلاء (بَكَّايات) بمقدور المستطيع مالياً استئجارهن طوال أيام المأتم بينما العاجز يستأجرهن لليوم الأول من المأتم فقط عندما يكون البكاء الحار مطلوباً.
    تحضر التائحة إلى بيت العزاء فتطلب الـ سي فى السيرة الذاتية للمرحوم.
    مثلاً: العمر ٧٠ سنة ,, المهنة ,, ضابط متقاعد , يملك وكالة للسفر ,, المؤهلات التعليمية ,, دبلوم من الكلية الحربية ودورات كمبيوتر
    وعياله فيصل واحلام ورابحة وعواطف وتسأل النايحة ما إذا كان للمرحوم إنجاز مميز فيقولون لها انه شارك فى محاولة انقلابية فاشلة فى عهد جعفر نميرى فتنطلق :
    الليلة يا ابْ دِقناً دايرة وخدوداً نايرة (كان فى السبعين) وقِدرة فايرة يا ابْ شيكاتاً طايرة ,, كِتِلْنا فيك يا أبو احلام يالـشالوك للصالح العام ,, وحكموا عليك بالإعدام.
    الحى الله والدائم الله ,, يالسايق تويوتا كراون يا ابْ مدفعاً هاون ,, فيرتفع العويل والصراخ من بقية المعزيات فتتمخَّط النايحة وتمد يدها فوق كتف احلام لتقُش به الدموع والمخاط ,,
    وتميل عليها وكأنها تطبطب على كتفها وتسألها : أها شنو ليكى؟ فتهمس احلام : ده الشغل ,, تدخل بعض النسوة لاداء واجب العزاء وما إن تلمحهن النائحة فتنطلق :
    الليلة يالساكن ديم لطفى يا ابْ كلْمَتن تشفى ,, يالـ ما متزوج عُرفى ,, إهْ إه إه
    زايلة وخربانة الـ بجيك بتجيرو يالراكب الباجيرو ,, (قبيل كانت تايوتا) تبكيك السكرتيرة والتربيزة المستديرة والمرسيدس الخنزيرة خليتنا لى منو؟
    فى المساء تدس رابحة مبلغاً فى يد النايحة وتهمس فى أذنها : بكرة ناس السعودية جاييين عاوزنك ترفعى راسنا قدَّامُن.
    يقول الكاتب:
    مظاهر الفشخرة التى أراها فى السودان تجعلنى أجهز للباكيات بالعداد ماينبغى قوله بعد وفاتى :
    ياحليلك يا ابوالجعافر يا الـ مع كل الحكومات مشاتر وقضيت عمرك للريالات تعافر ,,
    وبعد ركوب الحمار بقيت بالطيارات تسافر ,, ياحليلك وحليل بدين من بعدك مِسخ طعم التركين ,,
                   |Articles |News |مقالات |بيانات

17-11-2015, 12:38 PM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1610

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالعزيز الفاضلابى)

    الفاضلابي ودرديري وبسمات، أهديكم شعر جميل عن القهوة، للشاعرة الخنساء بت المك
    الكيف عندي ل البُن السَّمِح خصَّصتو
    ومجلسو عندي حالي وغالي مارخَّصتُو
    كلامي القلتو ليكم ب إختصار لخَّصتُو
    فصيلة دمّي بُن وأسألوني فحصتُو
    *****************************
    مزاجي وكيفي جبنة وغيرها مافي كيوف
    وغير الشاذلي البُن كلّو كيف معيوف
    قِريفتو بتشُق الراس تكبرو سيوف
    لا بقدر بفكِّر ولا العيون بتشوف
    **************************
    الكيف عِندي قعدة بُن وحلوة ونستُو
    في الراس ياهو كيفي الفي دماي غرستُو
    مزاجي البشربو ودون الكيوف مارستو
    محضرة فيهو ماجستير وفنُّو درستو
    *************************
    البُن في الدماغ ياهو البجيب المافي
    وكم شاعر جدع نمُّو وبقالو قوافي
    زمن السفرة مسدار فوق ضهر عنَّافي
    ودشوراني ب الشرَّاد قطعلو فيافي
    ************************
    شهودي علي الكلام القلتو ناس أدروب
    وأهلي في البطانة بوانْسُو ب المحبوب
    الشعراء الفحول في شعرهم مكتوب
    عشانو متورين مسدار وشالو دروب
    الشاعرة الرائعة الخنساء بت المك
    وفي باقي مرابيع تانية ، سوف أوردها لاحقا
                   |Articles |News |مقالات |بيانات

17-11-2015, 03:10 PM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: Basamat Alsheikh)

    Quote: مقولة هادم
    الملذات او نفيها ما جانا

    أي زول اقوليك الزواج هادم الملذات ما تسمعي كلامو كلو كلو يا بسمات بتي وأيضا كذلك اميرة وامتثال وكل بناتنا واولادنا الشباب
    عايني جاي
    الزواج دا اياهو ملذات الدنيا كلها وحرم براهو الدنيا دي تبور مرة واحدة
    تبور يعني تكسد ومافي زول ادنقر عليها أقول بي كم
    واي تأخير فيهو مع الاستطاعة يعتبر اثم يوجب العقوبة وأيضا حرمان من النفس من اطيب طيب الدنيا وهو الزواج
    الطائرات تقلع وتهبط
    القطارات تسير وتتوقف
    الباخرات تبحر وترسى
    اللواري تقوم سايرين
    والبكاسي تفحط
    وديل كلهن عشان لقاء حبيب او مصلحة تتلعق بهذا الحبيب
    والله يا بسمات بتي انا اتزوجت بعد تخرجي من الجامعة بستة شهور بس واهلي بحاولوا اعرسوا لي وانا في الثانوي العالي
    ولمن رفضت سموني الباير وتحملت هذا الاسم الشين حتى تخرجت وما صدقوا اتخرجت من الجامعة طوالي عرس
    وندمت جدا باني لم اتزوج مبكرا فعادة أهلنا هي التزويج من عمر 18 سنة وعشان كدي سموني الباير لاني تخطيت الفترة المقررة للزواج
    ولكن بالجد ندمت باني ضيعت سنين من عمري من غير زواج رغم اني مقارنة بناس المدن لمن اتزوجت كانوا يسخروا مني
    وقريبا استقبل اول حفيد كاول جد من دفعتنا الجامعية ولله الحمد تلاتة من اولادي اتخرجوا من الجامعات واحدهم يعمل معي مهندس في نفس الشركة
    شفتي فائدة الباكرية سمحة كيف ؟
                   |Articles |News |مقالات |بيانات

17-11-2015, 11:46 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8133

للتواصل معنا

FaceBook
تويتر Twitter
YouTube


Re: فنجان جبنة ولمة ناس حلوين (Re: عبدالله ود البوش)

    Quote: الكيف عِندي قعدة بُن وحلوة ونستُو

    بااااااس ياود الطيب كدى بت المك دى لخَّصت
    البوست ده عملناهو عشان نلم الناس الونستُن
    ترد الروح المشلهته فى مدن التعب ,, وتطَعِّم سٌكَّر الغربة المُر
    .
                   |Articles |News |مقالات |بيانات


[رد على الموضوع] صفحة 6 „‰ 7:   <<  1 2 3 4 5 6 7  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de