المشـتهـيها من سنة 1980. ماضقتها تانى إلا لامن رجعت السودان لمدة قصيرة سنة 1986 .
أها يامولانا الصورة الأولى دى من يمينك:
شـناوى خريج إقتصاد ومن سكان حلة الميرى (الوابورات بحرى) وكان بلعب فى فريق البحرية
فايز فارس من الخرطوم إثنين خريج علوم وكان بلعب فى الكاثوليكى
فردتى آيزك لامولى وصار دبلوماسى بوزارة الخارجية. أنا وهو كنا بنشكل ثنائى فى الملعب وفى الحوامة فى كل شوارع أسمرا ومعالما شارع شارع. لكين كنا أول ناس بنصحى وآخر إثنين بنغادر الملعب بعد التمارين. راجل لذيذ وحساس وأخو أخوان
بعدين موسى إسماعيل من أولاد حلة حمد بحرى وكلية الآداب وعمل بجهاز الأمن القومى بعد التخرج
موسى أحمد عمر من أولاد الجريف وخريج كلية الهندسة وأقام باليابان حيث كان فى الجامعة رئيس جمعية الصداقة السودانية اليابانية. وبعد إنقلاب البشير تم تعيينه سفير للسودان باليابان
بعدين شخصى الضعيف وكنت فعلا ضعيف ورشيق (حليل أيام زمان) وكنت بلعب فى الكوكب قبل مانكون فريق التحرير لكرة السلة ونصعد بيه فى نفس السنة للدرجة الثانية
بعدى طوالى برهانى السواق ومرافقنا على الدوام راجل طيب للغاية
كان عندنا تمرينين الأول بعد نصحى وكت صلاة الصبح حوالى أربعة ونمشى أو نجرى لغاية الملعب الكان بيبعد حوالى إثين ميل ونبدأ التمرين الساعة خمسة لغاية تمانية نحصل الفطور تسعة. بعدين تانى نرجع التمرين من ستة لى تسعه. ومرات قبل المباريات بيومين بيكون عندنا ثلاثة تمارين من خمسة لى تسعة صباحا؛ بعدين من ثلاثة لى خمسة ومن سبعه لى تسعه. أها اللياقة كانت تمام. فلامن الجماعة كانوا بينوموا بالضهر وبعد نرجع بالليل يستحموا وينوموا. أما أنا وأخوى آيزك فبنطلع بعد الفطور نرجع وقت الغدا. بعدين بعد التمرين الناس تستحمى وتنوم. نحن يادوب مابدينا جولاتنا فى القهاوى والسينما والمسارح والأندية الموسيقية. ياخى فى واحد زميلنا فى الجامعة من أولاد أسمرا وبعيش فى السعودية، لمانا فى ود عمو. راجل رهيب. ياخى دا ودانا لى يمكن ثلاثة أندية موسيقية بيعزفوا فيها موسيقى البلوز والجاز وطبعا أخوانا الأميركان السود الكانو فى قاعدة كانيو سـتيشن كانوا ماليين الأندية دى. وبعدين ودانا لى أندية بيغنوا فيها سودانى رهيب بالذات بينجضوا الساكسفونات ومرات يكون فى أكثر من ساكسفونين. تصور كانوا الشباب الأرتريين البيلاقونا فى الأندية ديك بيعرفونا عشان صورنا كانت فى الجرايد يقوموا يصروا يعزمونا على هوتيل ولا قهوة وللا مطعم. ياخى والله مارايح أنسى كرمهم أبدا خاصة لامن أهلهم يصروا يعملوا لينا الجبنة وفشار المايو. وبعضهم كانوا عندهم أهلهم فى السودان فيدونا ليهم وصايا.
أفتكر كفاية كدا لغاية بكرة إن شاء الله.
01-06-2013, 08:45 AM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1801
أبوي الطيب وسماحة اللَّواء وسماحة بروفسير عبد الرحمن والجميلين المتاوقين الله يديكم العافية وراحة البال اها شوفو الرقيص المو خمج عندما دخلت العناق حلبة رقص الجراري في البادية ؤرخت القدم في فتور ووزنت مدَّة الحنجور مع ايقاع الكرير والدِّيس جر فوق حجلا رطن معصور اها هني الشاعر محمد ود حامد الكباشي قعد يتّاوق ويمد رقبتو ويتمايل معاها والجميع بقا يتمايل معاها كيف عرب ابوي الطيب الجننُّو الفكي اها شوفو كيف رسمها رسم "- رقصت والخلوق منلَمِّي ؤمن عين الحسود ينجيها شافع اللَّمِّي حنجور البِقَدِّس ما غطس في ألمِي وفندوك البرِدِّس ؤسيدو ما بشيل عِمِّي محبتي
01-06-2013, 10:25 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
يا بروف قال لي صديق ونحن نتحدث عن اسمرا .. هذه مدينه تعطيك الاحساس بانك تملكها وحدك دون منازع .. وتعطي نفس الاحساس لغيرك .. ولا تحدث اي تقاطع بينكما .. ولكنها تجردك من هذا الاحساس للحظات عندما يأتيها زائر عظيم .. فترقد بكلياتها في حضنه حتي يغادر .. وعندها تعود لملكك وكأن شيئا لم يكن ..
كنا في تلك اللحظة نستقبل الامبراطور هيلاسلاسي وهو قادم لقضاء عيد الميلاد والصلاة بكنيسة اسمرا .. وكانت المدينه كلها في مطار الملكة منن .. كلها حرفيا .. الناس والشوارع والشجر والسماء والارض .. لم يتخلف احد .. وكان المطار حفيا بالكل فلم يترك لاحد منهم خيارا لان يخرج منه دون عناء بعد ان خرج موكب الامبراطور الي القصر .. واستغرق طريق عودتنا الي المدينة ساعتين او اكثر .. ويحدثك الطريق وما فيه عن تفرغهم للمالك الجديد لتجد نفسك غريبا لاتعرف اين تذهب .. وفي المكتب لم يكن هناك ما تفعل سوي تقليب بطاقات الدعوة وفق البرنامج المعد لذلك المالك الذي استولي علي كل شيء ..
ضربت لصيقي وسألته .. يا عوض ماذا نفعل .. قال ضع نفسك داخل الاجنده واتركها تنطلق بك فستجد كل من تريد اينما ذهبت .. ولم يخب حدسه .. كل الناس كانوا بالقصر وكل الناس كانوا بالشارع وكل الناس قضوا ليلتهم خارج الكنيسه والامبراطور يصلي وبناجي ربه داخلها .. وكلهم كانوا معا في حفل البلدية وفي جاليري لوحات اعادة التوحيد وكلهم كانو وقوفا لوداعه في مطار الملكة منن الذي كان حفيا بهم جميعا واطلقهم بعد اقلاع الطائرة في يسر .. وعاد كل شيء مملوكا لواحد لا ينازعه مالك اخر لهذا الكل
وقالت لي شاغلة في هذا المنبر انها لا تفضل السفر لاسمرا لانها مدينة يمكن ان تراها كلها في يوم واحد ... هي تحب المدن المترهله الي تحتويك .. ولا تحب المدن الرشيقه التي تحتويها انت ..
جولتكم في القهاوي بعد التمرين حدث يمكن ان يدوم دهرا .. وليس فسحة من زمن بين التمارين .. انت تاتي المكان فيقال لك اين غبت .. فلم نرك منذ الامس .. كل هذا الشوق الدافق تجده اني ذهبت فلا تحس الا بسطوة ملكك لهذه المدينه ..
Quote: أفتكر كفاية كدا لغاية بكرة إن شاء الله.
وانت ابسم لي وانا ابسم ليك .... وفي غدك نلقاك بالشوق الدافئ الدافق .. واين غبت منذ الامس
عمر علي حسن
01-06-2013, 10:18 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
المشـتهـيها من سنة 1980. ماضقتها تانى إلا لامن رجعت السودان لمدة قصيرة سنة 1986 .
خالي البروف
كتر خيرك على العودة وعليك وعلينا بانجاز المهام الرسمية اولا ما تشتغل بينا كتير يكفينا ربع ساعة من زمنك - إن توفرت .
تجي تجاور منو ؟ يا حليك يا خال البتحلم بالجيرة الفيزيكال . دى خلوها زماااااااااااان وصار الجوار اسفيري بس في عالم اليوم . انت بس خليك لينا في راكوبة بكري نسمع منك - والخال ابو امير واحيانا ام عروض - كلام البندر ، وتسمعوا منى والعبيد كلام الضهاري .
يا خالي البروف انت هسه مش ملاحظ حتى جوة بيتكم ما بتتلاقوا فيزيكالي الا وقت يجيبوا صينية الغداء ؟
يا خال اى حاجة فيزيكال الناس نسوها إلا تمرمغ احفاد خالي ابو امير في صدرو وقتين يجيهم صاد من الخلاء . وديل ذاتم خالي مرات بزهجهوهو لما يكون منتكي بيقرأ في جريدة ويجوا يخمشوا الطاقية من راسو ويترسوا متلهمين حبوبا اسما لزوم الحماية الامنية .
تسلم خالي البروف على الصورة والتوضيح وذكرياتكم التي احسب انها ما زالت خالدة في وجدانكم.
اكيد ما عاد التواصل ممكن مع هولاء الا اسفيريا يا بروف .
ايييييييييييييييييييوه نسي ياخال .. واكلنا في شوفة حنجور البِقَدِّس ما غطس في ألمِي وفندوك البرِدِّس ؤسيدو ما بشيل عِمِّي
نان ما خليتنا ضهبانين كده يالعبيد .. جيب الفيديو كان عندك وتم الصورة .. نحن قفلنا تب ما بتحلنا متاوقة ود الكباشي .. دايرين نشوف زيو .. وكان مافي فيدو (اعصر) الطيب البولّع في النيران ده يمرق ليك واحد من تحت المخدة
تحياتنا عمر علي حسن
01-06-2013, 11:45 AM
وضاحة وضاحة
تاريخ التسجيل: 01-16-2005
مجموع المشاركات: 9116
Quote: وانت ابسم لي وانا ابسم ليك .... وفي غدك نلقاك بالشوق الدافئ الدافق .. واين غبت منذ الامس
]يا خال .. مني دي عرفنا ليك خبرا .. طيب البروف والعبيد ديل مايكونوا غاتسين ليهم في ديوان شعر .. ديل ناس ذكر ساكت و(الحق لا اله الا الله) .. حدهم الفجر ..
اها ما تمشي انت ذاتك تذكر معاهم .. خالك كان بقي براهو البوست ده الا يفكو من بكري الجليل الرحيم ..
عمر علي حسن
01-07-2013, 07:12 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
هاك يا مقطوع الطاري العبادي وسايق الفيت وابداع اللحو عارفها بتكلكلك من جوة وبتخليك معلق بين السماء والأرض تجتر الذكرات لو يفيد
وذكرى سماح .. وسلمى صبحي .. وبيضة النعامتزين أعلى قطية هند وتلك الشجرة الظليلة من اللبخ التي أوقفت فيها اللاندروفر ( الهكرة ) لتبرد ماكينته أظنك كبيت ليك صفيحة موية يومها .. بحلقت بعويناتك الدقاق ديل دار هند من خلال الصريف علك تلمح بنتها .. والنار ما بتلد رماد ودا أكيد .. احكي لي عن تلك الذكريات متشوق لها ملم الأحزان التي غطت وتزيد متوهجة
تحياتي ومودتي يا المابدورك ولا بحمل بلاك
01-08-2013, 06:12 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: العبادي وسايق الفيت وابداع اللحو عارفها بتكلكلك من جوة وبتخليك معلق بين السماء والأرض تجتر الذكرات لو يفيد
وذكرى سماح .. وسلمى صبحي .. وبيضة النعامتزين أعلى قطية هند وتلك الشجرة الظليلة من اللبخ التي أوقفت فيها اللاندروفر ( الهكرة ) لتبرد ماكينته أظنك كبيت ليك صفيحة موية يومها .. بحلقت بعويناتك الدقاق ديل دار هند من خلال الصريف علك تلمح بنتها .. والنار ما بتلد رماد ودا أكيد .. احكي لي عن تلك الذكريات متشوق لها ملم الأحزان التي غطت وتزيد متوهجة
والله يا المنسي الله مسلطتك على الله يصرفك منى
هسه مالك مولع نيراني ؟
بالجد يا خالد اخوى الاغنية دي لما اسمعها ببقى اعمى واطرش لانها بذكرني الايام الجميلة وسمحة
01-08-2013, 06:08 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
عنكوليبة زرّاعيها بي الشّوك حبَّك ومن عين الحسود يا الرَّاسي ينجيك ربَّك من ما جيتي يا النيمة أم دباسا حبَّك شدر البير فتق نوَّارو شال وإتشبَّك محبتي لكم جميعا
01-08-2013, 08:19 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: عنكوليبة زرّاعيها بي الشّوك حبَّك ومن عين الحسود يا الرَّاسي ينجيك ربَّك من ما جيتي يا النيمة أم دباسا حبَّك شدر البير فتق نوَّارو شال وإتشبَّك
عليك النبي تشرح البيتين الاخيرين ديل يا ود ابوى الطيب
شبه الشاعر محبوبته بشجرة النِّيم لأن شجر النيم طول العام لا يتغير لونه والكل يستظل به من الهجير حتي طير القمري والدّباس -حبَّك اي اجتمع وطاب له المقيل ثم غرّد مجتمعا وحين طلَّت هذه الحسناء والوقت صيف اشجار البئر اخضرَّت وتفتَّق نورارها وبرمها حتي تشابكت بذروها
كثيرا نجد شعراء الدوبيت خاصة وشعراء مفردة الموروث يشبهون المرأة بكل ما هو اخضر (القصبة) مثلا القصبة الفوقها عينة النترة كابي ؤسايقي ؤضمير القروحة جات لي المشارع تايقي (العنكوليبة )كما في المقطع الاول وهي متداولة كثيرا في بوادي الغرب العشب الاخضر عامة كما في اغنية اسماعين ود حسن شن تشبه بلا قش العتامير الديمة رعدو يكركر ومطرو عكّير حتي نجد بعض النساء في بوادي الغرب حين يدلِّعن بناتهن الصغار يسمينهن (أُم دِق) وهوالعشب الاخضر الطري الذي نبت جديدا
والله اذا ما حلفتني بسيِّدي وسيد ابي وأمي المصطفي (ص)لما تطاولت في حضرة البروف وسماحة اللِّواء محبتي
Quote: والله اذا ما حلفتني بسيِّدي وسيد ابي وأمي المصطفي (ص)لما تطاولت في حضرة البروف وسماحة اللِّواء
تطاول ياخي زي ماتريد .. فإني ، والبروف علي ضمانتي ، نتمايل طربا كلما افتر ثغر عن مفردة رشيقة او عبارة حسناء .. ونعرض كمان .. والله ان من البيان لسحرا .. وقد جفت الحلوق اخي فلا تسمعها هذه الايام تًخرج الا فحيحا منفرا .. ورغاء كرغاء الابل .. وغثاء يصمّ الاذان .. ويسد النفس .
لو عدت عدنا والمعاد قريب .. ومن عين الحسود يالعبيد ينجيك ربك
عمر علي حسن
01-08-2013, 07:43 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: شبه الشاعر محبوبته بشجرة النِّيم لأن شجر النيم طول العام لا يتغير لونه والكل يستظل به من الهجير حتي طير القمري والدّباس -حبَّك اي اجتمع وطاب له المقيل ثم غرّد مجتمعا وحين طلَّت هذه الحسناء والوقت صيف اشجار البئر اخضرَّت وتفتَّق نورارها وبرمها حتي تشابكت بذروها
كثيرا نجد شعراء الدوبيت خاصة وشعراء مفردة الموروث يشبهون المرأة بكل ما هو اخضر (القصبة) مثلا القصبة الفوقها عينة النترة كابي ؤسايقي ؤضمير القروحة جات لي المشارع تايقي (العنكوليبة )كما في المقطع الاول وهي متداولة كثيرا في بوادي الغرب العشب الاخضر عامة كما في اغنية اسماعين ود حسن شن تشبه بلا قش العتامير الديمة رعدو يكركر ومطرو عكّير حتي نجد بعض النساء في بوادي الغرب حين يدلِّعن بناتهن الصغار يسمينهن (أُم دِق) وهوالعشب الاخضر الطري الذي نبت جديدا
اكرمت اخي العبيد فقد كفيت واوفيت
01-08-2013, 07:39 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
بس نحن دايرين ننفرز من ناس الضهارى زى حبيبنا ود شـيقوق، لا تفضيلا ولكن إختلافا. وفى دا أنا بقول:.
عبيد أخوى: العنكوليب فيه مابنشـربك أكل الجمال الجافـله ومره مـره بتبرك نحن ناس قنديلة وإن جاملنا ناكل حنبك وكرم الضهارى نعزه وبالطـيبة نتبرك
زى ماقال ليك عمك سعادة اللوا الكلام السمح ما دايرلو إذن نحن لاقينوا وين؟ نحن لاننكر كرم أهل البوادى، وناس ليهم معزة لكن نحن ناس الثقافة-الحضارية النيلية الموروثة من قديم الزمان إنزرعت فى وجداننا صور البيئة فأثرت على أمزجتنا. عشان كدا البنات بيشبهوهن بالرطب والدفيق (الرطب اليادوبو صغيرونى) وفريع البان وعراجين النخيل وإستقامة ساق النخلة وعطاءها. عشان كدا الأسر الولودة بيشيروا ليهم بأشجار النخييل البتطرح وتشيل كل سنة. وعشان كدا بناتهم خطابهم كتار.
لو ألله أدانا العمر والزمن نجيب ليكم بعض النماذج أن شاء الله
والقنديلة نوع من التمر كثير اللحم وحلو جدا وهو من أطيب أنواع التمر. وظنيتك بتعرف الحنبك الذى ينمو عند جمامات المياه أومجارى الأمطار مع شجر الأراك. ويا سبحان الله ديل يكونوا من الأشجار المتواجدة فى أغلب أجزاء السودان زى النبق واللالوب والدوم والدليب يا أخوانا والله ديل فيهم فوائد لا تعد ولا تحصى. وإن شاء الله بجيب ليكم رابط لفوائد الحنبك والتمر واللالوب وصاحبى الصدوق اللذيذ -- الــنبـق
Quote: وظنيتك بتعرف الحنبك الذى ينمو عند جمامات المياه أومجارى الأمطار مع شجر الأراك. ويا سبحان الله ديل يكونوا من الأشجار المتواجدة فى أغلب أجزاء السودان زى النبق واللالوب والدوم والدليب يا أخوانا والله ديل فيهم فوائد لا تعد ولا تحصى. وإن شاء الله بجيب ليكم رابط لفوائد الحنبك والتمر واللالوب وصاحبى الصدوق اللذيذ -- الــنبـق
اول بالتبادي القنديلا دى نحن بنعرفها زى ما بنعرف البركاوي ووقت تلقاها مقنطرة صبة في السوق الشعبي بام درمان ريقك يقرطع وحاتك كان جيبك فيهو فلوس او ما فيهو بتتلهم الصبة دي وبتخمش منها خمشتك ما مهم يودوك القسم الشرقي او الغربي .
اما الحنبك ( يطول عمرك يا بروف البتعرفو) فهي ثمار شجر السروب او التنضب - ثمار حمراء كنا - زمن الطفولة - بنمشي في طرف الحلة لاقرب شدرة تنضب ونلقط الحنبك - يا بروف الله يغطس الكان السبب في خراب البيئة فقد انعدمت كل هذه الاشجار التي كان تهب انساننا الحنبك والظل وحاجات تانية غيرك والخال عمر ما بيعرفها لانها اشياء لا يعلمها الا حملة الاباريق في الارياف والبوادي .
زمان انا ضابط شاب و (متقرضم) وساكن حي المطار .. يجي عمي محمد والد زوجتي من رفاعه شايل ربطة قصب السكر بي صفحه وربطة العنكوليب بي صفحه .. اقوم اكورك .. ياولد نادي البهايم ديل قول ليهم جدكم جاب ليكم العليقه
فيضحك الرجل ويقول ليهم الله عالم عنكوليبتو جاريها بالواطه ويقرّم فيها من السوق لي فريق العايداب .. وكان داير تخسروا قول ليه اديني معاك ... الاطرف انه بعد ما يقشر ليه كم قصبه يلقاني قاعد جنبو واكوضم .. مره عنكوليب ومره قصب سكر .. امال انت قايل السكري جاني من هين ..
ما تقول يابروف اهلك بعد ما بقوا ناس قصب سكر بقوا زي اهل العبيد يغنوا للبلح الغالي تمر السوق ×× وكان قسموه ما بحوق
اما نحن في رفاعة فعندنا سوق تمر مافي زيه في الشماليه كلها والعنكوليب بجينا fresh من البلدات والماعنده يشتري يشيل بلوشي .. ولما جانا مشروع الجنيد جانا كمان قصب السكر لحد عندنا ..
وخالي شايل الجلاكسي وعايز يقلب البردانه جنيف ..
عمر علي حسن
01-08-2013, 09:25 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: زى ماقال ليك عمك سعادة اللوا الكلام السمح ما دايرلو إذن نحن لاقينوا وين؟ نحن لاننكر كرم أهل البوادى، وناس ليهم معزة لكن نحن ناس الثقافة-الحضارية النيلية الموروثة من قديم الزمان إنزرعت فى وجداننا صور البيئة فأثرت على أمزجتنا. عشان كدا البنات بيشبهوهن بالرطب والدفيق (الرطب اليادوبو صغيرونى) وفريع البان وعراجين النخيل وإستقامة ساق النخلة وعطاءها. عشان كدا الأسر الولودة بيشيروا ليهم بأشجار النخييل البتطرح وتشيل كل سنة. وعشان كدا بناتهم خطابهم كتار.
شكرا حضرة البروف الله يديك الصحة وراحة البال وكثر الله من امثالكم نعم انتم اهل حضارة قديمة وضاربة بجذروها في القدم واكاد اجزم كل اهل البوادي والأرياف تفرعوا ونهلوا من موروثكم واجزم ايضا ان الكثيرمن شعر الريف والبوادي عن النخلة والقنيدلة والبركاوي والرطب ما إتلوَّمْتَ يا قلبي البقيت تتهبَّل وما إتشربكت في الخزنة الزِقاقها مَطبَّل يا خُنتيلة النخلة اُم ظبيطا عبَّل بقسِّم ليك نوم عيني العليكي مسبَّل عندما قلنا هذه الغنوة للشاعر الرَّاحل محمد شريف العباسي علَّق قائلا:- (صاحب هذه الخريدة اظنه من اصحاب النفس اللوّامة وأظن محبوبته بت ملوك(الخزنة الزقاقها مطبَّل)) لكنه اهدها اعز ما يملك نومه المعدوم اصلا) لكن يابروف شوف النخلة ام ظبيطا عبَّل ودون مبالغة لم اجد احدا في شعراء العامية وصف زبيط النخل بهذه الروعة
شفتينك رطب نخلاً بقوم في عبري ؤعنادك لي يا الماكني قلّل صبري الضارباني بي سلاح حسين ود هبري كان ما وافقت اهلي الإجهذوا قبري
(عشان دستوري واقع عجوة السُّكيت أبقن يا البقيتن لي الحزاين بيت)
اها انحنا يا بخات الحال ناس ضهاري لا ناس تمر ولا ناس عنكوليب نحنا ناس حليب وقديد وسمن ودُخن وعندما شبه الشاعر بخية الحال بالعنكوليب ما عشان المذاق وإنما عشان اللَّون وهذا متداول كثيرا وحتي شيخ شعراء منحني النيل اسماعين ود حسن شبه الحبيبة بالعشب لجمال لونه في الخريف (قش العتامير) والنخلة هي عمتنا كمال قال الحبيب (ص) حتي امرنا ان نحسن التعامل مع النواة لكن تري ناسنا بنظروا لي النخلة بمنظور الجمال شكلها قبيح ومشخنفة خلاس وقنديليها وبركاويها يا حلاتو لكن برضو عندنا بعلفو بيهو الخيل والحمير يا سماحة البروف مرة جاني واحد دايرلو ترطال تمر واني في دكان خالنا قلت ليهو داير بيهو شنو عندك عُمرة زواج لأن بعض اهلنا بودو منو ريكة في الشيلة قال لي لا داير اديهو حصاني قلت ليهو والله ما ابيعو ليك التمر فتحوا بيها الامصار الاسلامية تديهو حصانك انت ذاتك ..! والله اشتكاني في الشرطة وقالوا لي ما من حقك ترفض البيع والله غير خلطوا مع الحلبة والجقيمة البناولوك ياها بي اللَّيل عشان بطيّب الهجعة وبتبسط الجماعة تاني ما عندو عندنا فايدة والله تميراتو الفي رمضان واحيانا ناسنا المشاترين بدوهو ناس الدنكوج بسووا منو (النقي الصَّافي)و حتي ما بدوهو الجمال و هي مفضلةعندنا علي كل النِّعم بنديها العنكوليب اي والله الجمال بنعلفها بيهو كما تفضل شخصكم الكريم في اعلاه الضأن والبقر في الضيقة أكلن بعضهن بزرة ؤعلوق ما ريقه أُمات ولدا برك وإتجوجا لي الكاريقة سيدهن لا خسر عيش لا جدع كُلّيقة (وهي العنكوليبة) اها نحن ناس دُخن وحليب إتو ما سمعتو بي تمر الفكي الشايلو ؤمشتهي خلوني اضحكم شوية (واحد قالو عرس مرة تالتة بعد ما بلغ الستين وحاكم المجالس بتونس معا جماعتو مشط دقنو وإتنحنح وقال :- يا حاج بلّه يا زول المرة الصغيرة جيهتني بلحيل بقيت با خدلي تلاتة..! يا زول خبارك بيأكلوك شنو وفلاتك دي وين قال ليهو المرة الجديدة مبروكة خلاس بحلبوا البقرات وبتسخن اللّبن وبتملأ السطل تمر قنديلي نضيف وبتسكب فيهو الحليب وبتقفلو اها بعد اللّيل إتّلِت بتناولني السطل بكتح الحليب وباكل التمر. اها اياها دي بس يا زول :- (حلف كان زرعو ليك نخلة في .... وربطو ليك فيها بقرة تاني ما تديها تلاتة) وترا الحنبك او الحنبق سيدو عيل ينوم براهو مامعاهو زول محبتي لكم جميعا
Quote: ناس ضهاري لا ناس تمر ولا ناس عنكوليب نحنا ناس حليب وقديد وسمن ودُخن
بروفسيرنا واخوه العبيد مرقتونا انا وخالي دواب ساااااااااااااكت تقسموا ليها في العنكوليب والتمر .. ونحن نكوضم من ده علي ده قايلين الماعنده تب ماضاق له طعما زين .. ياخي الحكاية شنو .. القنديله بالحلبه يعلفوا بيها الخيل والحمير؟ .. انا ذاتي راحل من اهلي ديل .. الحلبه تضوقها دوا والتمر منضوم عقود يلبسونا ليه زينه
ويوم انا اتقرضمت وقلت للولد نادي البهايم جدهم جاب العليقة ما كعوبيةً في القصب لكن عشان مايرمو التفل في الحوش .. وانا الما بهايم .. بعد ما ينقوه آكل لامن جاني السكري .. .. اتاريه (مكبوب) للبهائم ... كرم والله فايت الحد ..
اما الحليب والسمن والدخن والقديد ايام خورطقت ما خلينا منهن شي .. ومن ديك وعيك .. لكن جدي الحسن كان يجي من السوق يجيب قرعة اللبن فوق نصها ويقعد يعزل التمر واحده واحده ويغسلو وينقعو في اللبن ويغطيهو ويختو تحت التيبار وبعد مايصلي العشاء يتعشي بيهو .. عاش تسعين سنه .. ونحن كنا قايلين ده التمر واللبن .. اتاري القصه فيها إنّ ..
تقول لي يزرعوا ليه نخله ويربطو ليه بقرة ..
عمرعلي حسن
01-09-2013, 01:19 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
Quote: والله ما ابيعو ليك التمر فتحوا بيها الامصار الاسلامية تديهو حصانك انت ذاتك ..! والله اشتكاني في الشرطة وقالوا لي ما من حقك ترفض البيع والله غير خلطوا مع الحلبة والجقيمة البناولوك ياها بي اللَّيل عشان بطيّب الهجعة وبتبسط الجماعة تاني ما عندو عندنا فايدة والله تميراتو الفي رمضان واحيانا ناسنا المشاترين بدوهو ناس الدنكوج بسووا منو (النقي الصَّافي)و حتي ما بدوهو الجمال و هي مفضلةعندنا علي كل النِّعم بنديها العنكوليب اي والله الجمال بنعلفها بيهو كما تفضل شخصكم الكريم في اعلاه
ههههههههها يا بروف عليك النبي ما تهبش عرب البادية ديل - ديل اهلي وعندما كنت محامي في السوكي الواحد لو عندو قضية بجيني مش لقضيتو لا ابدا بجيني متغمصا شخصية خصمو عشان يعرف المني بس وبعد داك اما اتلهم قضيتو سالط او سعى للتسوية .
شكيتك على الله يا العبيد مالك بتستحي ؟ ياخ كب لينا الفي راسك كلووووووو وحياتك الشيطان ما يهبشك
Quote: شفتينك رطب نخلاً بقوم في عبري ؤعنادك لي يا الماكني قلّل صبري الضارباني بي سلاح حسين ود هبري كان ما وافقت اهلي الإجهذوا قبري
شوف يا خالي البروف العرب ديل ديل بشركوا وبحاحو هسه في الابيات الفوق دي شكر ليك رطب الخلاء وشوف جاء تاني قال شنو :
Quote: والله غير خلطوا مع الحلبة والجقيمة البناولوك ياها بي اللَّيل عشان بطيّب الهجعة وبتبسط الجماعة تاني ما عندو عندنا فايدة والله تميراتو الفي رمضان واحيانا ناسنا المشاترين بدوهو ناس الدنكوج بسووا منو (النقي الصَّافي)و حتي ما بدوهو الجمال و هي مفضلةعندنا علي كل النِّعم بنديها العنكوليب اي والله الجمال بنعلفها بيهو كما تفضل شخصكم الكريم في اعلاه
Quote: (واحد قالو عرس مرة تالتة بعد ما بلغ الستين وحاكم المجالس بتونس معا جماعتو مشط دقنو وإتنحنح وقال :- يا حاج بلّه يا زول المرة الصغيرة جيهتني بلحيل بقيت با خدلي تلاتة..! يا زول خبارك بيأكلوك شنو وفلاتك دي وين قال ليهو المرة الجديدة مبروكة خلاس بحلبوا البقرات وبتسخن اللّبن وبتملأ السطل تمر قنديلي نضيف وبتسكب فيهو الحليب وبتقفلو اها بعد اللّيل إتّلِت بتناولني السطل بكتح الحليب وباكل التمر. اها اياها دي بس يا زول :- (حلف كان زرعو ليك نخلة في .... وربطو ليك فيها بقرة تاني ما تديها تلاتة)
والله زى الطبيعة زمان مافى. يا أخى نحن كان النبق الأصفر دا لامن نمشى نلقطه من غابة بحر أبيض فى الشـجرة والله ألذ لـينا من التفاح. أها نقوم ندقش الخلا الحسه بقى الكلاكلة (إمتداد الشجرة واللا الكلاكلة) نقوم نلم ليك فى الحنبك دا ناكل ونملا جيوبنا لامن هدومنا تنسبغ أحـمر. وليك بى حبوب السنمامكة!!! وبعدين نقول البطن إنكسرت ليه؟؟
والله لامن شاركنا فى المركز الثقافى بتاع أيد الحد غرب النيل الأبيض عند جبل أوليا كنا نقوم الصباح مع الآذان ونضرب السهلة الحنبك دا كان يكون مندى وريحة الأراك قاجة. يازول. و الله نفس الحكاية لامن مشينا خور أربعات. نحن كنا أولاد خرتوم لاكين مقرمين. ناسك الحناكيش كانوا يقولوا لينا أنتو بتاكلوا من طرف يمكن الحاجات دى تقتلكم! وإحنا نشيل ونكوضم. لامن شافونا مامتنا بقوا يقالعوا فينا.
أها موضوع العنكوليب دا عندة قصة فكاهة. كان عندنا إثنين جيران من ناس الحكومات المحلية المأمور البدوى عمر خال السيد على والمفتش الحاج سليمان عليهما رحمة الله. واحد فوقهم حكى للوالد، ماعارفوا ياتو فيهم الله يرحمهم جميعا.. بس المهم قال إنهم مشو تفتيش فى واحدة من قرى الجزيرة دى. ما بتذكر ياتا. صحوا الصباح لقوا الناس دغش مشو لزراعتهم. أها طبعا هم ناس مدن وحكومة محلية ومتجدعين يصحوا وكت مايصحوا متأخرين. أها قال جابوا ليهم قال شيتن زى الطرور لكينو رفيع بس ماقصب سكر ناشف، ومعاه صحن عسل وصحن سمسم محمص. قال يازول إحتاروا دا فكة ريق شنو دى كمان. وماعرفوا يتعاملوا معاها. بعدين واحد فيهم مجرم كورك لواحد من الشفع تعال أكل معانا. قال ليهم لا لا ماببقى. عيب. وهم يشيلوا ويصروا عليه، طبعا دايرين يعرفوا يأكلوا الحاجات دى كيف. أها أخيرا قال أقنعوا الولد بإحنا أعمامك وكلام من ذاك القبيل. قال ليك الشافع ماكضب مسك ليك العنكوليب الناشف داك وغمسو فى العسل وقال كدا برمو فى السمسم المحمص وراح ماكلوا وقبل مايكمل لواكته كان دردق ليه إننين وقعد يكوضم زى الساكنوا. قام عمك العزمو خاف يكمل عليهم الأكل. قام قال ليه: "ياولد إنت ماعندك أدب تاكل مع الأكبر منك؟ إنت ماربوك؟ قوم أنكشح. قال الولد قبل مايجرى خمش ليه كمية وبسرعة غمسم فى العسل ولفاهم فى السمسم المحمص وقام جارى وهو قاعد يقول يا عمى إنت مالقلتا لى تعال أكل. وتقول لى نزاهة الخدمة المدنية!!!
أما يا الطيب ولدى فالدخن دا عندنا فية ذكريات طويلة. الوالد عليه رحمة الله كان قبال مانمشى المدرسة بعد ما يصحينا لصلاة الفجر، يقوم يعمل ليك عصيدة الدخن ويكب ليك عليها اللبن السخن والسمن البلدى الكان تشمو فى راس الشارع وعليه عسل نحل جبلى كان بوصى عليه أصحابه من جبال النوبة. والله ماطالبنى حليفة كنا نمشى ونلعب الجمباز اليومى. وفى حصة الفطور نلعب دافورى. وبعد الحصص نلعب كورة فى الحراية ديك لامن الله يغفر لينا. بعد داك نرجع البيوت عشان نلعب كورة تانى العصر لى آذان العشا. ياخى ديك كانت طاقة ... الله يرجعها ياسعادة اللوا.
ياريت.... قول آمين
01-09-2013, 08:10 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: ياخى ديك كانت طاقة ... الله يرجعها ياسعادة اللوا.
والله يا بروف بقرأ في كلامك دا ومستلهم عبقرية الخليل المن إنديكم
يا البروف السودان دا كان جميل جميل جميل الله يغطس حجر الذين افسدوا هذا الجمال
يا بروف كان يأتي الخليل من إنديكم ويتغنى بمفرداتنا في اجمل اغانيه - الضواحي وطرف المدائن
تامل في هذا الرجل الجميل طيب الله ثراه وهو يقول :
يا الطبيعة الواديك ساكن مافي متلك قط في الاماكن يا جمال النال في ثراكن يا حلات البرعن أراكن في قفاهن تور قرنو ماكن لا غشن لا شافن مساكن في الخزام والشيح والبراح
يا بروف الخزام والشيح والبراح دي انواع من النباتات لا تنمو الا في صقيع البطانة
الله يطول عمر ابو جهينة وعزام فرح البربريان الذان فلتا من انديكم عشان يتصاهروا مع اهلهم في الجزيرة
Quote: ههههههههههههههههههههها خاف الله فينا يا زول
اسمع ياخال .. جدي الحسن ود الطيب كان متزوج تلاته .. بالتتابع .. كلما واحده تموت يعرس تاني .. لما عمره بقي 75 سنه آخر واحده ماتت .. قعد حبه كده وجاء لاولاده الكبار قال ليهم داير اعرس .. ابوا .. زعل زعل زعل .. وبعدين سكت .. اتاريه اللبن والتمر كان عامل عمايله ..
Quote: ياخى ديك كانت طاقة ... الله يرجعها ياسعادة اللوا.
ياريت.... قول آمين
يا بروف .. عليك بفطور المفتش .. ونسجلك في الهلال
Quote: يا بروف كان يأتي الخليل من إنديكم ويتغنى بمفرداتنا في اجمل اغانيه - الضواحي وطرف المدائن
يا خال .. خليل فرح شنو الاتربي في امدرمان .. تعرف ؟.. جمال محمد احمد واخوه محجوب جو راكبين القطر من حلفا مابيعرفوا كلمة عربي واثري المكتبه العربية .. وكانوا في الخارجيه بيوزعوا لينا مذكراته وتعليقاته عشان نتعلم نكتب .. قال له علي المك في حوار بالاذاعة انك عبقري وفكرك عبقري وعباراتك عبقريه .. فرد عليه هذا ثناء استحقه فانا اكتب اخيلة الرطانة بالعربية ...
شفت الناس ديل
01-09-2013, 09:59 PM
ماجدة عوض خوجلى ماجدة عوض خوجلى
تاريخ التسجيل: 12-25-2006
مجموع المشاركات: 7279
حضور الاستاذة الكرام وسردهم أدي البوست رونق خاص لك ولهم اجمل التحية
إثيوبية ثرية بغنائها وإيقاعاتها ..... لولا حاجز اللغة البقيف قدام كتار عندها غني غاية في الروعة وملان مضامين ... ده غير قربوا لينا لاننا والجيران بنغني السلم الخماسي ... كل شعوب الهضبة تقريبا 80% من غناها وطني ... ( هقًري / عًدي / سدراى ) .....
على اى حال شعوب شرق افريقيا متذوقة الغني السوداني وحتى في برمج المواهب زي إثيوبيان أيدل الاثيوبي وشنجرواه الارتري بتلقي غنانا موجود في خياراتهم قبل كم يوم تابعته في تلفزيون ارتريا حفلة في موسم الاعياد كانت مع السراويت / العساكر غنوا تجراى وتجرى ولكل قوميات ارتريا وفي الاخر كلهم هججوا مع الناس القيافة لمحمد وردي
أخترتة الغنية للتجراى ( الحبش ) ... وبالخاطر زمان لما نص السودان زعلان من قناة زول الكلها غني حبشي !!! والحبش محتارين في راسهم وينوا غناهم الفي قناة زول ده
Quote: قبل كم يوم تابعته في تلفزيون ارتريا حفلة في موسم الاعياد كانت مع السراويت / العساكر غنوا تجراى وتجرى ولكل قوميات ارتريا وفي الاخر كلهم هججوا مع الناس القيافة لمحمد وردي
ياخطيب اشهد بانك جئت بما لم يات به كل ما قدم من فيديوهات رائعه في هذا البوست .. فهذا غناء يمس القلب .. وحت يقصم الوسط .. وقد شهدت حفلات العرس وبهجتها في اسمرا واماكن اخري من اريتريا ووقفت عند اكل اللحم النيء بالدليخ .. ثم الرقص الساخن كالنار ..
احسنت برفدك البوست بهذا التسجيل البديع .. واعلم انك تفهم .. ثم هل انت منهم (آل خطيب) حقين عطبرة ؟
تحياتي عمر علي حسن
01-15-2013, 12:42 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
الأغنية الاخترتها من التجراى _ أهل شمال إثيوبيا _ وفعلا كل طقوسهم دي افراح او اتراح بتلقاها عند أهل مرتفعات ارتريا ناس أسمرا وما جاوره أنا هنا جايب غناء اهل مغلى وشيرا واكسوم وعدوه بالتجرنجة غني الحبش تحديدا ...
باعتباره ثقافة بتقسم معاى حياتي فبالتالي بتواصل مع كتير من طقوسه ومن إعجاب واحترام حقيقي لإثيوبيا كبلد وإنسان ........ وده الشي العادي لاى زول عرف البلد ديك وعندو المعرفة المناسبة ليها كتاريخ وحضارة .........
الجزء المستمتع بيهوا في كلامك عن جارة البحر ارتريا الأقرب مننا لإثيوبيا وأقرب لينا من إثيوبية ما بعرفة زي معرفتي لإثيوبية وماتشرفته ازوره لكين معرفة القراءة والصداقات وقبل ديل عديلي و صديقي الراجل الخلوق أبو عبد الوهاب البنتمي لإرتريا كأصل ووطن بس حياة واصحاب هو ود بورسودان
اكيد بتكون عارف ما بين شمال اثيوبيا وأرتريا امتداد بشري وثقافي واحد وأنو شمال إثيوبيا لسنوات طوال كانت حاضرتوا البقصده الناس لقضاء حوايجهم أسمرا اكتر من أديس وحتى بعد التحرير وبعد ما بقي بين حكوماتهم ما صنع الحداد تظل الناس بنفس تواصله القديم
وماظن القي ليك إهداء من جارة البحر اكتر من غنية المرحوم إبراهام أفورقي سًدراى ( وطني )
*أل الخطيب الذين انتمي لهم في الشمالية _ الخندق والقولد وجزيرة ام كرابيج _ يعني كجزور من الشمالية
وتقبل صادق تحياتي
01-16-2013, 06:52 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
وحياتك كم وكم مرة افتح البوست للتعليق على الفديو الجميل الذى تفضلت به وعندما أتلهم الكي بورد يقوم يجيني ليك ضيف يفتقر ثقافة التواصل الاسفيري ويروح يحكي لي عن فلان قال وداك قال . واخوك راخي اضانو يسمع في كلامو الفارغ ولسان حاله يقول ليتنا أنشأنا مدارس لمحو امية هولاء عن طبيعة التواصل الاسفيري .
ياخ انا لما افتح البوست ، وألقى خالي باهل ليهو صفحة كاملة ، اصر اقراهو كلو حتى لو الامام اقام الصلاة .
إتخيل الواحد قفل ابوابو وجدع ليك البنطلون والبدلة بعيد ودرع العراقي السمح والسروال السمح والطاقية السمحة وإتلهم كلام خالو وفجأة ينقر الجرس واحد مضقل سفتو نامن محنبكة ويحكل كراع في كراع .
انت يا خال بجيك الاحساس دا ولا ما بتتقبل اي ضيف بدون يحدد معاك مواعيد مسبقة ؟
بعدين يا خال خالك زمان لما يجي الضيف بتلهم الباب عشان يفتحو براهو وبستقبل الضيف هاشا باشا واتفضل اتفضل اتفضل يا زعيم وكدا .
لكن هسه خالك بيستقبل الضيف نااااااااااااااااايص .
دي العولمة يا خال؟
احكي ما تدس الكلام السمح خلى الناس تتعلم من خبراتك المهجنة بكيفية إستقبال الضيف التقليدي الموروث والاستقبال في عصر الاي فون والاي باد والجلسكي تاب والفايبر والتانجو وكمان ( ارخي لي اضانك ما يسمعوني) الفديو كونفرنسينغ عبر الاسكايبي .
Quote: فسمتنا ياخال كده .. ولدونا وسط الحمير والبقر والغنم وعرب رفاعه والبردانه الما عندهم ساعات ..
يا خال .. اخونا الخطيب (جمام) ثقافه ولن تجد مثل الفيديو الذي انزله في مداخلته لدي الاخرين لانه كما وجدته (يعرف) .. ولو كنت مكانك لربطت الضيف من يديه ورجليه ليسمع هذا الفيديو .. فاذا اطلقته بعد ذلك فسيتولي الرد والتعليق هو .. بنفسه .
يا سلام يا عبد الناصر الخطيب .. حياتي بين هولاء الناس غيرت نظرتي وفهمي للحياة .. وقد زرتهم في مناطق اثيوبيا الشماليه المتداخله مع اريتريا والمتلاقحه مع انسانها في تلقائية فطريه .. وسالت نفسي كثيرا هل رأي الرسول صلي الله عليه وسلم فيهم امة تستحق ان نقترب منها عندما ارسل الي النجاشي (وارضه) اول مهاجرين مسلمين ..
ياخي زدنا لنتثقف ونفهم ان الموسيقي اداة قربي بين الشعوب
وعشت عمر علي حسن
01-16-2013, 03:38 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
حباب ودشيخ العرب ،،،، يا اخي اولا هبشني الماضراني قول امين ،،،، دي ثاني مشاركة لي بالمنبر ده ،،، وقلتا حرم كان اعز ود شيقوق واصله في البوست بتاعو الطاعم ده ،،، يا سيدي معكم تسجيلات 2013 ،،، حامد الزبيدي بالبورد اخيرا
01-16-2013, 06:22 PM
خالد علي محجوب المنسي خالد علي محجوب المنسي
تاريخ التسجيل: 04-10-2006
مجموع المشاركات: 15968
Quote: حباب ودشيخ العرب ،،،، يا اخي اولا هبشني الماضراني قول امين ،،،، دي ثاني مشاركة لي بالمنبر ده ،،، وقلتا حرم كان اعز ود شيقوق واصله في البوست بتاعو الطاعم ده ،،، يا سيدي معكم تسجيلات 2013 ،،، حامد الزبيدي بالبورد اخيرا
أنا ما كلمتك ...؟؟؟ أوعى من الدقداق ... ونقط نقط .. وود الصايم دا الدقداق كان ما بتعرف سواقة اللوري في الرملة بتفارق المجرى وتغتس لي الباطوس
يا أخوي الزبيدي ارعى بقيدك وعاين من بعيد لحدي ما تعرف من وين تأكل اللحوم الطرية الما بتكسر السن
تحياتي ومودتي
..................... اظهار الكلمة التي تحتها خط
نقط نقط : تعني محمد ........ بوريك لي في الوقت المناسب
01-16-2013, 08:55 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: حباب ودشيخ العرب ،،،، يا اخي اولا هبشني الماضراني قول امين ،،،، دي ثاني مشاركة لي بالمنبر ده ،،، وقلتا حرم كان اعز ود شيقوق واصله في البوست بتاعو الطاعم ده ،،، يا سيدي معكم تسجيلات 2013 ،،، حامد الزبيدي بالبورد اخيرا
حباب الضاربة اصولو ارض الشام
كتر خيرك وبارك الله في كلامك الطيب دا
01-16-2013, 08:51 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
ياهو السّراح / الشغل الجابهم ودانا في كل الدنيا نفتش رزقنا, نقّر/كلام التجرنجة الزّرب / التزارّب صعوبتوا في قربوا الشديد من كلامنا البنتكلموا ... ده غير التشابه الماعادي في أساليب التعبير بالكلام نفسه... حد المرات تلخبط في التجراى وانت ضيف بتدق باب الحوش بجيك الصوت من جوه متسأل منيّخا!! زي منو !! أو من بالخارج .... ولما يكون في تأكيد للكلام سمّعي الهي تتصرف عندنا/ أسمعي كلامي ده كويس ...القصد القرب في اللغة وتعابيره هو البخليها أصعب لغة ممكن تتكلمه وعوز وقت طويل عشان تتقنه لكين عمرك ما تتكلمه زي أهله ...
ارتريا ناس المرتفعات التجرنجة عندهم لايت خفيفة لانو لو حتى ما بتتكلمه لو ركزته في الكلام حتعرف جزء كبير منو ... بحكم أنفتاحهم على ثقافات كتيرة يعني لما الواحد يقول ليك مع السلامة بقوله بالطلياني ( جاو )... عن الحبش وغناهم وحاجاتهم في بوست قديم في الخاطر :
والقدم ده ما متصل باللغة وبس متصل بنواحي كتيرة في الحياة أكل ولبس وطقوس .... يعني نسق أتواصل وكل جيل حرص يطمئن أنو الجيل البعدو عرفه وأتقنه ... تواصل الحاجات دي هو البخلى الناس ديل بملامح ثقافية واضحة وراسخة تكون بطاقة تعارفهم البقدموها لكل الدنيا ... ومهما مشوا في الدنيا الواسعة دي ... بيظلوا متمسكين بحاجاتهم زينه شينة أتقبله غيرهم أو رفضة ...بتظل اشياؤهم
نرجع للغني والإيقاعات الإثيوبية الثرية والمتنوعة بتنوع إثيوبيا وشعوبة بالمناسبة عندنا إثيوبيا الفي مخيله كتار مننا أمهره وتجراى والناس ديل من ال80مليون إثيوبي حتلقي الامهره حوالي 16 مليون والتجراى حوالى 7 مليون ... وده لانهم البدو إثيوبيا ملامح الثقافية ولانهم اهل الحكم والثقافة فيها من الوف السنين ...لكين البلد ديك في الاخر فسيفساء مشكله من معظم الاعراق الافريقية ... نصها من شعب الارومو البصل لنصف عدد الناس فيها او يزيد وجزء منها من شعوب أفريقية صرفة من أى أعراق تتخيله بما فيهم اهل غرب أفريقيا هوسه وفولان برضوا موجودين ...في الذاكرة بوست قديم غطي اكبر قدر من تنوع الايقاعات دي :
Quote: وسالت نفسي كثيرا هل رأي الرسول صلي الله عليه وسلم فيهم امة تستحق ان نقترب منها عندما ارسل الي النجاشي (وارضه) اول مهاجرين مسلمين ..
بالمناسبة الحبشة وفضلها في إسلام السودان مثبوت وتاريخيا لما كانت الهضبة والساحل 7 ممالك مسلمة في شوا واخواته...و قوي أسلامها ويسطر على الحبشة حد ان نحت المسيحيون كنائسهم تحت الارض وفي اودية الجبال كان ملاذ مسيحيها الامن أنهم هبطوا السودان الكان ممالك مسيحية بامتياز ...اتحول التاريخ ده فيما بعد بسقوط هرر وجبرته وباقي ممالك إثيوبيا الإسلامية وصعود المسيحية في الهضبة بالتبادل مع سقوط الممالك المسيحية عندنا وصعود الاسلام ... أكيد نحنه ما بعلمونا زيهم التاريخ بالتفاصيل دي لانو حيدخلنا في حته ضيقة ونحنه تاريخنا كلوا مبني أنو الاسس الممالك الاسلامية عندنا في سنار وفي دارفور كانو عرب مهاجرين .......
الأثر ده بتشوفوا حاضر وين لما تلاحظ لطقوس المسيحين الارتزكوس _ غالب مسيحين الهضبة والساحل _ لو عينته كويس في نوبتهم وطريقة الذكر عندهم حتلاقاها عندنا بكامل طقوسه الهم إننا مسلمين وهم مسيحيين ... ودي التقاطعات الفي حاجات كتيرة لما يعرفوك بيها او يدوك فكره عندها ما حتلقي نفسك محتاج تفسير كتير لانك حتلقاها بتشبه ليك حاجة عندنا ولو أختلفت في رتوش صغيره ....
في هجرت المسلمين الاوئل للحبشة الفضل مقسوم بين أرتريا الموجود فيها اول مسجد في راس مدره وإثيوبيا الفيها قبر النقوس/ الملك الاستقبل المسلمين وفي التجراى ضريحوا موجود ... طبعا عندنا علماء أجلاء غالطوا التاريخ ده كلوا وقالوا هجرة الصحابة دي كانت للسودان وليس للحبشة ...
Quote: ويخلص الكاتب فى كل ما تقدم إلى أن المهجر الاول والثانى للمسلمين كان بأرض السودان الحاليه لا بأرض الحبشة وأن الأقرب للقبول أن يكون المهاجرون قد إستقروا فى سوبا عاصمة مملكة علوة المسيحية المعروفة فى بعض الوثائق بأسم مملكة الحبش خاصة وأنها من أكثر المناطق الجنوبية ملائمة للملاحة.
الكلام ده عن كتاب السودان دار الهجرتين للدكتور حسن الشيخ الفاتح الشيخ غريب الله ... الماظن قدر يسوق نظريتوا لكين ورطنا في حته تانية أنو مملكة سوبا المسيحية ممكن تكون حبشية زي ما بزعم الاحباش في تاريخهم البقولوا أتواصل في السهل من سقوط مملكة مروي على يد ملك أكسوم عيزانا الهبط *لارض الذهب والافاعي _ دي أشارة الشمال النيلي في تاريخهم_ لحدي سقوط أخر ممالكهم المسيحية في السهل مملكة سوبا ... وبين الحدثين قرون طوال بتفسر لينا لي في مننا البهتم يعرف عن حضارت الناس ديل وتاريخهم البتفك لى بالمقابل جزء كبير من شفرات حضارتنا وتاريخنا_ حتى لو كانت سيرة مبلوعة _
يعني خوفي يكون الناس البنتكلم عنهم كأخر عوزين نقرب منو ونعرفوا يطلعوا من أساسيات تكوينا
ومعليش لو البوست الخفيف تقلنا إيقاعوا شوية بس استاذنا شيقوق ذنبو على جنبو القال البوست للجادين والجادين كلامهم شوية مسيخ وما طاعم ...
Quote: يعني لما الواحد يقول ليك مع السلامة بقوله بالطلياني ( جاو )...
نعم (جاو) الايطالية أو (دحان كونو) التقرنجية
Quote: ارتريا ناس المرتفعات التجرنجة عندهم لايت خفيفة لانو لو حتى ما بتتكلمه لو ركزته في الكلام حتعرف جزء كبير منو ... بحكم أنفتاحهم على ثقافات كتيرة
صحيح فقد قرأت عن لغاتهم ما يلي :
Quote: الشعب الإريتري يتحدث تسع لغات تتوزع على تسع قوميات ينتشرون في طول البلاد وعرضها، من هذه القوميات: التجراي والتيجرينية التي ينتمي إليها الرئيس أسياس أفورقي والعفر والساهو والنارا والحدارب والرشايدة العربية الأصل والبلين والكوناما، إلا أن اللغتين الأكثر انتشاراً هما التيغرينية والعربية وتتشابه التيجرية إلى حد بعيد في جذورها مع العربية؛ حيث انحدرت من أصول سامية من شبه الجزيرة العربية.
ويتحدث سكان إرتريا لغات متعددة متقاربة الأصول، تتمثل على نحو أساسي باللغتين «التغرينية» و«التغرية» وتشير المصادر التاريخية إلى أن هاتين اللغتين اشتقتا من اللغة الجعزية السبئية، وتتشابهان إلى حد بعيد مع لهجة سكان ظفار ولجهة سكان المحافظة السادسة من جمهورية اليمن. واللغة التغرينية أقرب إلى اللغة الجعزية السبئية من أختها التغرية وتكتب بحروفها، وهي أكثر اللغات انتشاراً من حيث عدد المتحدثين بها، وجلهم من النصارى وبعض المسلمين من سكان الهضبة الإرترية. أما اللغة التغرية فتنتشر في شرقي إرترية وشماليها وغربيها، وغالبية المتحدثين بها من المسلمين، ويتكلم بعض قبائل «بني عامر» اللغة «البجاوية» التي تسمى «البداوي» في حين تتحدث قبائل البازا والباريا لغة نيلية إفريقية، وتمثل اللغة العربية القاسم المشترك بين مجموع هذا التعدد اللغوي الواسع، وغالباً ما يجري التفاهم بالعربية بين الجماعات التي لا يعرف بعضها لغة بعضها الآخر، إضافة إلى الجماعات التي تتحدث العربية وحدها مثل الرشايدة. وقد اتخذ البرلمان الإريتري، قبل أن يحله الإثيوبيون، من اللغة العربية لغة رسمية لإرترية إلى جانب اللغة التغرينية بحسب المادة 38 من الدستور الإريتري، وكانت اللغتان العربية والتغرينية تدرسان في المدارس قبل أن تمنع ذلك إثيوبية، ومما ساعد على اقتصار التعليم بهاتين اللغتين فحسب كونهما الوحيدتين اللتين تمكن الكتابة بهما.
إلا أن الغالبية العظمى من السكان تفضل استخدام اللغة العربية؛ لارتباطها بالدين والتراث الإسلامي؛ حيث أن أغلب سكان إرتريا مسلمون، كما أنها لا تزال اللغة الرسمية في دواوين الدولة والإذاعة والتلفزيون والصحيفة الرسمية الناطقة باسم الدولة، وهي صحيفة إرتريا الحديثة.
قد قامت الحكومة بإغلاق العديد من مدارس اللغة العربية في إقليم عشبا غرب العاصمة الإرترية، وإجبار مدارس أخرى على تدريس العلوم باللغة الإنجليزية بدلاً من العربية.
وفي منطقة عفر ذكر بعض الأهالي أن الحكومة تعمل على وضع قواعد جديدة، واختراع حروف أخرى للغة العفر بدلاً من تلك المستعملة في جيبوتي وإثيوبيا منذ مائتي عام، وقال هؤلاء الأهالي إن الهدف من ذلك هو عزل القومية العفرية عن امتدادها في جيبوتي والصومال وإثيوبيا.
وكانت إثيوبيا التي احتلت إرتريا حتى عام 1993 قد حاولت في الماضي فرض اللغة الأمهرية التي تتحدث بها على الشعب الإريتري لكنها فشلت في ذلك وجوبهت بمقاومة عنيفة، وكانت من جملة أسباب اندلاع الحرب بينهما في أعوام 1997و1998 و 2000.
يبدو انك قريب منهم يا ود الخطيب او لديك بحوث ودراسات عن هولاء القوم
01-17-2013, 11:22 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: يعني لما الواحد يقول ليك مع السلامة بقوله بالطلياني ( جاو )...
نعم (جاو) الايطالية أو (دحان كونو) التقرنجية
Quote: ارتريا ناس المرتفعات التجرنجة عندهم لايت خفيفة لانو لو حتى ما بتتكلمه لو ركزته في الكلام حتعرف جزء كبير منو ... بحكم أنفتاحهم على ثقافات كتيرة
صحيح فقد قرأت عن لغاتهم ما يلي :
Quote: الشعب الإريتري يتحدث تسع لغات تتوزع على تسع قوميات ينتشرون في طول البلاد وعرضها، من هذه القوميات: التجراي والتيجرينية التي ينتمي إليها الرئيس أسياس أفورقي والعفر والساهو والنارا والحدارب والرشايدة العربية الأصل والبلين والكوناما، إلا أن اللغتين الأكثر انتشاراً هما التيغرينية والعربية وتتشابه التيجرية إلى حد بعيد في جذورها مع العربية؛ حيث انحدرت من أصول سامية من شبه الجزيرة العربية.
ويتحدث سكان إرتريا لغات متعددة متقاربة الأصول، تتمثل على نحو أساسي باللغتين «التغرينية» و«التغرية» وتشير المصادر التاريخية إلى أن هاتين اللغتين اشتقتا من اللغة الجعزية السبئية، وتتشابهان إلى حد بعيد مع لهجة سكان ظفار ولجهة سكان المحافظة السادسة من جمهورية اليمن. واللغة التغرينية أقرب إلى اللغة الجعزية السبئية من أختها التغرية وتكتب بحروفها، وهي أكثر اللغات انتشاراً من حيث عدد المتحدثين بها، وجلهم من النصارى وبعض المسلمين من سكان الهضبة الإرترية. أما اللغة التغرية فتنتشر في شرقي إرترية وشماليها وغربيها، وغالبية المتحدثين بها من المسلمين، ويتكلم بعض قبائل «بني عامر» اللغة «البجاوية» التي تسمى «البداوي» في حين تتحدث قبائل البازا والباريا لغة نيلية إفريقية، وتمثل اللغة العربية القاسم المشترك بين مجموع هذا التعدد اللغوي الواسع، وغالباً ما يجري التفاهم بالعربية بين الجماعات التي لا يعرف بعضها لغة بعضها الآخر، إضافة إلى الجماعات التي تتحدث العربية وحدها مثل الرشايدة. وقد اتخذ البرلمان الإريتري، قبل أن يحله الإثيوبيون، من اللغة العربية لغة رسمية لإرترية إلى جانب اللغة التغرينية بحسب المادة 38 من الدستور الإريتري، وكانت اللغتان العربية والتغرينية تدرسان في المدارس قبل أن تمنع ذلك إثيوبية، ومما ساعد على اقتصار التعليم بهاتين اللغتين فحسب كونهما الوحيدتين اللتين تمكن الكتابة بهما.
إلا أن الغالبية العظمى من السكان تفضل استخدام اللغة العربية؛ لارتباطها بالدين والتراث الإسلامي؛ حيث أن أغلب سكان إرتريا مسلمون، كما أنها لا تزال اللغة الرسمية في دواوين الدولة والإذاعة والتلفزيون والصحيفة الرسمية الناطقة باسم الدولة، وهي صحيفة إرتريا الحديثة.
قد قامت الحكومة بإغلاق العديد من مدارس اللغة العربية في إقليم عشبا غرب العاصمة الإرترية، وإجبار مدارس أخرى على تدريس العلوم باللغة الإنجليزية بدلاً من العربية.
وفي منطقة عفر ذكر بعض الأهالي أن الحكومة تعمل على وضع قواعد جديدة، واختراع حروف أخرى للغة العفر بدلاً من تلك المستعملة في جيبوتي وإثيوبيا منذ مائتي عام، وقال هؤلاء الأهالي إن الهدف من ذلك هو عزل القومية العفرية عن امتدادها في جيبوتي والصومال وإثيوبيا.
وكانت إثيوبيا التي احتلت إرتريا حتى عام 1993 قد حاولت في الماضي فرض اللغة الأمهرية التي تتحدث بها على الشعب الإريتري لكنها فشلت في ذلك وجوبهت بمقاومة عنيفة، وكانت من جملة أسباب اندلاع الحرب بينهما في أعوام 1997و1998 و 2000.
يبدو انك قريب منهم يا ود الخطيب او لديك بحوث ودراسات عن هولاء القوم
01-17-2013, 10:56 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
والله ياخال انا في الاول كنت فاهم انه المزيكا والحت ده حق الناس الفاهمين .. لكن في الحبشه اكتشفت انه الما بحت هو الجاهل .. مره شفت ليك واحد عمره 90 سنه بحت
عمر علي حسن
01-18-2013, 07:48 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: هههههههههههههههههههههههههههههها الله يجازيك ويغطس حجرك اكان غطست حجر خالك
عارف ياخال .. نحن ناس عرضه ساااااااااااكت .. الحت والتويست والكشف وكفكف والحاجات دي ماشفناها الا بعد ما كبرنا ..
كانت الحفلات الغنائية تقام بالسينمات لانها تتسع لاعداد اكبر من الحضور .. والسينما عادة بها دكه عاليه تصلح مسرحا ومن خلفها الشاشه يسلط عليها ضوء ساطع يمكن المشاهدين من رؤية الفنان والفرقة الموسيقيه ومقدم الحفل .. ولأن الدكه مرتفعه فان احدا لايستطيع ان يبشر او يهز في الفنان .. فيظل النظام سلئدا .. سمع وطرب وتصفيق .. وبس ..
وكانت الحفلات تقام في اواخر كل شهر (بعد الماهيه) .. ويحضرها الشباب والاسر .. ويحييها كبار الفنانين .. فيلبسوا احسن البدل .. وكذلك يلبس الجمهور .. وترتفع قيمة التذكرة حتي تصل الي خمسين قرشا للشعب وخمسة جنيهات للوج ابو اربعه كراسي ..
وقد ابتكر منظموا الحفلات فقرات المنلوجات والفكاهة وظهر احمد سليم ضربه وجعفر عزالدين وتور الجر وبعض كوميديانات الاذاعه .. ثم (تجرأ) احد المنظمين وقدم حسن بطري وسيلاس ليؤدوا فاصلا من الرقص خلال الحفله .. ولم يرق هذا الشئ للنقاد (فهبشهم) عبدالله رجب في جريدته الصراحه وهبشهم محمد توفيق في عموده جمرات الواسع القبول ..
رقيص وحبشيات .. شيء لايشبه السودان ولا يشبه رزانة الحفلات الي تؤمها الاسر ..
Quote: الحت والتويست والكشف وكفكف والحاجات دي ماشفناها الا بعد ما كبرنا ..
نصف حياتك ضائع يا خال . خالك فات الحاجات اللّجيت منها انت دي وإتلهم الاسلو دانسنغ يا خال . انت فاكر التطور دا جلكسيات وآيفونات وكدا . خالك صار Multicultural .
ات فاكر ساي ؟
01-19-2013, 03:21 PM
وضاحة وضاحة
تاريخ التسجيل: 01-16-2005
مجموع المشاركات: 9116
الكترااااااااااااااااابل اها دي مو الشي الخلا فلان لي يوم الليلة يهز ويلعب بي حنجورو والله امس لقيتهن منلمين لكن قدر ما عاينت لي حُم سماحة اللِّواء وقلت اشوف لي حنجورا بقدِّس ما لقيتو وضاحة والله رابطك نور صباحنا وحلانه من سواد العباية المضلمة ما تعرف شيدها منو بس تشوف ليك دهام ماشي.............!
01-20-2013, 06:57 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: الكترااااااااااااااااابل اها دي مو الشي الخلا فلان لي يوم الليلة يهز ويلعب بي حنجورو والله امس لقيتهن منلمين لكن قدر ما عاينت لي حُم سماحة اللِّواء وقلت اشوف لي حنجورا بقدِّس ما لقيتو وضاحة والله رابطك نور صباحنا وحلانه من سواد العباية المضلمة ما تعرف شيدها منو بس تشوف ليك دهام ماشي.............!
الحقني يا العبيد فديو وضاحة ما فتح عندي
راخي ليك اضاني وريني شن جابت المسنوحة دي ؟
بالحيل خايف منها تلهم البوست الخور
01-20-2013, 06:53 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
السماح لله أنا الأيام الفاتت دى الصحة ماساعدت فلم أفى بوعدى.
أها جيت أكمل ليك ياسعادة المستشار
الصورة دى من اليمين إلى الشمال ظهر مدير البروتوكول بقصر حاكم إريتريا، القنصل السودانى سيد شريف، آيزك لامو لى، عبدالرحمن إبراهيم، موسى أحمد عمر، موسى إسماعيل والممسك بيديه هو شمس الدين زين العابدين المشرف الرياضى لجامعة الخرطوم والذى تولى المنصب بعد وفاة المرحوم الحسن أحمد الحسن والذى غرق فى شواطى كاليفورنيا حيث كان فى بعثة لنيل أول دكتوراه فى التربية الرياضية. وغرق وهو يحاول إنقاذ زميل أمسكت به الأعشاب البحرية، عليه رحمة الله.
01-20-2013, 08:24 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
الف حمد الله على السلامة يا بروف عبد الرحمن ولا بأس بك
دا بيكون النهضي الكتير دير بالك على نفسك يا اخي
Quote: الصورة دى من اليمين إلى الشمال ظهر مدير البروتوكول بقصر حاكم إريتريا، القنصل السودانى سيد شريف، آيزك لامو لى، عبدالرحمن إبراهيم، موسى أحمد عمر، موسى إسماعيل والممسك بيديه هو شمس الدين زين العابدين المشرف الرياضى لجامعة الخرطوم والذى تولى المنصب بعد وفاة المرحوم الحسن أحمد الحسن والذى غرق فى شواطى كاليفورنيا حيث كان فى بعثة لنيل أول دكتوراه فى التربية الرياضية. وغرق وهو يحاول إنقاذ زميل أمسكت به الأعشاب البحرية، عليه رحمة الله.
والله يا بروف انت والخال عمر حيرتونا عديل ، لكن دعنا نقول على قدر اهل العزم تأتي العزائم
او كمال (ص) ( لو تعلق قلب أحدكم بالثريا لنالها) - فقلباكما تعلقتا بالثريا وها انتما الان قاب قوسين او ادنى منها
حفظكما الله وسدد خطاكم واطال في عمريكما
01-20-2013, 07:53 AM
عبد الناصر الخطيب عبد الناصر الخطيب
تاريخ التسجيل: 10-25-2005
مجموع المشاركات: 5180
Quote: اوع بس تكوني فكيتي ليك درابة تخرب على بوستي السمح دا ؟
أستاذنا الطيب ........... صباحك زين بالعكس إختيار د. وضـــاحة كان جميل شديد جابت ليك غنية لمنالوش ديبو ( الله يرحمه ) الزولة دي بتغني الغني الامهرنجة الشعبي وإثيوبيا كانت كلها بتسمعه .... فجعوا فيها قبل سنتين تقريبا ... بوفاته بعد معاناه مع المرض ......... أنتهت في جنوب أفريقيا مشت تتعالج وماتت هناك
تحياتي
01-20-2013, 08:27 AM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
Quote: بالعكس إختيار د. وضـــاحة كان جميل شديد جابت ليك غنية لمنالوش ديبو ( الله يرحمه ) الزولة دي بتغني الغني الامهرنجة الشعبي وإثيوبيا كانت كلها بتسمعه .... فجعوا فيها قبل سنتين تقريبا ... بوفاته بعد معاناه مع المرض ......... أنتهت في جنوب أفريقيا مشت تتعالج وماتت هناك
كتر خيرك طمأنتني - كنت فاكر البنيّة وضاحة دي كشحت ليها حاجة وشتت .
رحم الله المبدعة الاثيوبية لمنالوش ديبو
01-20-2013, 09:31 AM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1801
سماحة البروف الف حمد لله علي السلامة واستاذ الخطيب يا مراحب ابوي الطيب اني غناهن ما بعرفو لكن والله شايلين مني ملخة كبيرة خلاااااااس عليك الله شوف حلاوة البسمة دي صحكة بشويشي توقف روبات القليب وسيدها اوعاك ما بصر جبينو مبسوط لي ربو ونعمة الله اللداها ياهو ها ناس امانا الزين كان حرس قبر الفكي مو خاطي اني من شفت الجبهة بقت وجاتني طالعة كيف ندوة السِّحاب وبعد داك ارعدت وشالت ام روييييييق اها عرفت المعرووووووووش دي بلحقني الزينين
معليش الام زائدة لاسم (( منالوش )) ........ أكيد راجع ليك ... وشوية كلام عن (( الحت )) وفيديو جديد من الحت الحبشي الناس الفاتو الكبار والقدرهم .....
بالمناسبة الحبش قبل 1991 م كان غناهم مختلف شديد والفيهم كان مكفيهم وماظن موضوع البوست يسمح بأننا نتعرض ليهوا لأنو الحبشة في الوقت داك كانت بتسمع إيسو برهي .... الغناهوا كلوا ما طلع من سيرتهم مع الدرك الفاششتاوي/ الفاشي وبعد كده كل الغني العندهم غني نسائي بقابلوا غني البنات العندنا وبتناول موضوعين لا ثالث لهم الاشيندا ( كملمح ثقافي خاص بيهم ) والغني النسائي البمجد بلدهم وتاريخهم ورموزهم من اباطره وفرسان على مدي تاريخهم الفن والطرب التقيل كان أمهري بامتياز , يعني الحبش في شمال إثيوبيا وارتريا كلهم بسمعوا منليك , وعلى باريه , و محمود أحمد , وتلهون , وكل أسماء إثيوبيا الكبيرة , هسه لا .............. أتطوروا شديد و حاخت ليك فيديو لـ (( سلماويت )) لما يغني التجراى التجرنجة في شكل أمهرنجة وإثيوبيا كلها تغني معاهم .
وبرضوا حاكلمك شوية عن اعجـابي بالثقافة دي ليه و بتعّمق في معرفتي بواحد من أقدم الشعوب الفي العالم الحضارتوا وملامحوا الثقافية ما مشت المتحف لكين ظلت لآلاف السنين متواصلة في لغة الناس وحرفها وحّرفهم وموروثاتهم وملابسهم وعاداتهم و واكلهم ولعبهم ( رقيصهم ) *طبعا اللعب هو الترجمة الحرفية لمعني الرقيص عند الحبش والكلمة نفسها لعب موجودة بمعني الرقيص في كلام بعض شعوب السودان .... وتقالديهم سلم وحرب *وفي حربهم الناس ديل بمشوا ليها رجال ونسوان المسلح والما مسلح أى زول صغير أو كبير امرأة أو رجل ماشي على رجلين بيطلع للحرب لو ما بقاتل فيها بساعد الناس بالبقدر عليهوا ... في الاخر البعرف الناس ديل عن قرب أكيد لو ما عجــــبوا على الاقل حيحترمهم .........
وليك ولسعادة اللواء وللبروف والمكرم / عبيد الطيب خالص التقدير ............................. لحدي ما ارجع بمهله
Quote: وليك ولسعادة اللواء وللبروف والمكرم / عبيد الطيب خالص التقدير ............................. لحدي ما ارجع بمهله
يا خطيب .. مافي مهله .. الكلام ما ببقي الا حار حار .. رجاء ترجع طوالي .. وليتك تحدثنا عن زمن الفاشيين الدرك .. لنقارن فالفن في السودان وجد عناية وازدهر في زمن عبود ونميري ... بس حسع شوية (غنتس) ..
عمرعلي حسن
01-20-2013, 11:52 AM
عبيد الطيب عبيد الطيب
تاريخ التسجيل: 08-31-2012
مجموع المشاركات: 1801
Quote: وبرضوا حاكلمك شوية عن اعجـابي بالثقافة دي ليه و بتعّمق في معرفتي بواحد من أقدم الشعوب الفي العالم الحضارتوا وملامحوا الثقافية ما مشت المتحف لكين ظلت لآلاف السنين متواصلة في لغة الناس وحرفها وحّرفهم وموروثاتهم وملابسهم وعاداتهم و واكلهم ولعبهم ( رقيصهم ) *طبعا اللعب هو الترجمة الحرفية لمعني الرقيص عند الحبش والكلمة نفسها لعب موجودة بمعني الرقيص في كلام بعض شعوب السودان .... وتقالديهم سلم وحرب *وفي حربهم الناس ديل بمشوا ليها رجال ونسوان المسلح والما مسلح أى زول صغير أو كبير امرأة أو رجل ماشي على رجلين بيطلع للحرب لو ما بقاتل فيها بساعد الناس بالبقدر عليهوا ... في الاخر البعرف الناس ديل عن قرب أكيد لو ما عجــــبوا على الاقل حيحترمهم ..
يا الخطيب والله تستاهل يخطبوك ناس ابوي الطيب وسماحة اللواء وحضرة البروف كراعهم خضرة عشان جابوك لينا وكمان عمنا قوقل انشاء الله ما يضوق حفا اها اني ما بعرف عن ثقافتهم كتير اتعرفت علي واحد وهوصديق ابن خالي جانا بالحمراء مدير بنك ومن ناس كسلا (عثمان ودالشيخ) الله يطراهو بالخير زول جميل اها حببني فيهم وفي قيمهم ونفرني في عربي وكمان في الغربة اتعرفت علي البعض منهم لقيتهم ناس رائعين واصحاب قيم لكن اني معا كلام اللواء القالو:- (ا خطيب .. مافي مهله .. الكلام ما ببقي الا حار حار .. رجاء ترجع طوالي .. وليتك تحدثنا عن زمن الفاشيين الدرك .. لنقارن فالفن في السودان وجد عناية وازدهر في زمن عبود ونميري ... بس حسع شوية (غنتس) ..)
01-20-2013, 12:55 PM
الطيب شيقوق الطيب شيقوق
تاريخ التسجيل: 01-31-2005
مجموع المشاركات: 28804
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الطيب شيقوق
عبدالرحمن إبراهيم محمد
عبيد الطيب
وضاحة
خالد علي محجوب المنسي
هاشم أحمد خلف الله
صديق الموج
ماجدة عوض خوجلى
حامد الزبيدي
mona altom
munswor almophtah
فيس بوك
تويتر
انستقرام
يوتيوب
بنتيريست