أحد اعمدة الغناء السوداني وصاحب المدرسة المتفردة الراحل الفنان عبد العظيم عبد الله الشهير «بحركة» ولد عبد العظيم حركة عام 1946م بمدينة كسلا وبدأ نشاطه الفني لاعباً لكرة القدم بنادي الميرغني كسلا ولقبه الاذاعي الراحل الوزير محمد خوجلي صالحين «بحركة» لحبه «للمحاورة» عندما شاهده يلعب لفريق التحرير البحراوي «أستاك» سابقاً.
بدايته الغنائية كانت في المدرسة المصرية الثانوية بالخرطوم وحيث تخرج فيها وعمل موظفاً بوزارة الصحة ثم الامدادات الطبية والمناطق الحارة ثم مستشفى التجاني الماحي حيث قدم الفواصل الموسيقية للمرضى وعاون الاطباء في فقرة العلاج بالموسيقى وتدرج في الوظائف حتى وصل الي مراقب اول بالمستشفى.
ثم التحق الفقيد بسلاح النقل بالقوات المسلحة في وظيفة رئيس الفرقة الموسيقية للسلاح وذهب لاداء العمرة ووافاه الاجل المحتوم بالسعودية في 2/4/1993م خلال مسيرته الفتية غنى للشعراء، احمد حميد، عبد الوهاب هلاوي، عبد الله معاطي، حسن الزبير، اسحق الحلنقي، مختار دفع الله، وآخرين.
ولحن له احمد حميد، بشير عباس، عبد الرحمن عمر وأغلب اغنياته لحنها هو.
من الاغنيات على سبيل المثال: ارض الحبايب، يا قلبي توب، قلبي ما بيعرف يعادي، القليب الراسمو حنة، زهرة الياسمين، عشان خاطرنا ترجع، أنا غنيت ليك أغاني انتو يا ناس كسلا، مالو الزمن منقول وارض الحبايب يا قلب المحنة .
من قبييييييييييل جدع الابريق ونفض التبروقة واتلهم اديس ولسان حالو يلهج بالقول دنياي أنت وجنتي،،ومنى الفؤاد إذا تمنى
والله أنا ذاتي قاعدة لأنو حرسوني الشفع!
يا رب تدوم عليك نعمة تنسم ريحة احفادك يا منى - وما احلاها يا مني - مالك ما سمعت قول العبيد ود الطيب عن ابو زيد الهلالي وبريقع عندما حاول الاول اختبار معلومات الثاني عندما قال له ( شن حلو الشم ؟ ) فرد قائلا ريحة جناك او احفادك يا خالي ابو زيد . فصفق ابو زيد فرحا بتلك الاجابة
أسه أجيب ليك صور أديس يا ود شيقوق؟؟
حد يشعر بالسعادة ويمشي يختار البعاد؟
الخال ظانيك سارح ولا شنو؟
Post: #25 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 12-31-2012, 06:43 PM Parent: #22
Post: #59 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-01-2013, 07:17 PM Parent: #57
Quote: وبيشجع اللعبة الحلوة لكين ماقدر جهجة الباكات و الجرسة دى:
يا بروف الجابك يوم سعيد وعام جديد .. انت اجمل بشايره
ناس الطيب ديل يغطسو كده ويجوك مارقين شايلين بلاوي .. زي الطوطحانية الركبوني فيها دي بقيت لا عارف اقيف لا عارف اقعد .. وكان قلت اخ يقولوا ليك اركز ..
البارح انا طلّعت ثلاثه سنين في اسمرا .. وعملت ليها فرش متاع كامل .. حسبت الدقائق والثواني الضاعن من الثلاثه سنين وقلت اعوض بالجابوه ناس الطيب .. لقيت القصه ما بتتلاحق .. وكان ما مسكوني كنت راجع اكملهم اربعة سنين ..
بيني وبينك وزارة الخارجيه ظالمة .. لو اذّنت مايخلوك تقعد اكثر من ثلاثه سنين .. اها انا بمشي براي خليهم يرجعوني ..
ياخي ريحتك في البوست دعاش ومطر خريف يروي الناشفه والعطشانه يسقي البحر والقيف بالله يابروف عبد الرحمن لاتغيب عننا ولا تقيف انا في حواك ماتفكّ لي شيقوق يملاني خوف ويرُج مفاصلي حَتيت ويسطل مخي كيف اخوك لا قدرو لاقدر الذنوب وباكر يبقي كيف؟
معذرة فقد كنت في رحلة خارج العاصمة مسقط مع موظفي بورصة مسقط وقد كلفت طبيبة النساء والتوليد وضاحة محمد زين لتتولي ادارة شؤون البوست في غيابي وما قصرت طاب
جاييكم غدا ان شاء الله
Post: #62 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 01-01-2013, 10:18 PM Parent: #61
Quote: وقد كلفت طبيبة النساء والتوليد وضاحة محمد زين لتتولي ادارة شؤون البوست في غيابي وما قصرت طاب
الخيل تجقلب والشكر لي حماد وبرضو نحن البنكسر تلج هيييييييع أنا الككو الفجخ الطين
Quote: معذرة فقد كنت في رحلة خارج العاصمة مسقط مع موظفي بورصة مسقط وقد كلفت طبيبة النساء والتوليد وضاحة محمد زين لتتولي ادارة شؤون البوست في غيابي وما قصرت طاب
جاييكم غدا ان شاء الله
محمد زين دا منو!!!!!!
وحات الله انت خرفت تب هههههههههههههههه
يزينوك بموس ميتة بركة جدى اب عصا ههههههههههههههههههه
أى نعم هو راجل جميل وذواق لروائع الشعر والمغنى والموسيقى والطرب
وبيشجع اللعبة الحلوة لكين ماقدر جهجة الباكات و الجرسة دى:
في بوست عن أغنية مرية للشاعر صلاح احمد ابراهيم اذكر صاحبك ود المرتضى خت يدو في ناضرو ودنقر يبكي ، يبدو السايبة أنكأت بعض الجراحات القديمة . تداخل في ذلك البوست احد الاعضاء معلقا عن الحالة التي تلبست الاخ مرتضى ، وقد قالها بالحرف الواحد ( الرجل الدموعو قريبة اقطع الشك انه من اكرم وافرس الرجال وان البكاء هو تفريغ لشحنات النخوة التي يتميز بها هولاء الصناديد .
الخال ابو امير بكااااااااااااااااااى - وهسه بجيك بقول ليك ( هذه تهمة لا انكرها وشرف لا ادعيه )
هيييييييييييع كسار قلم مكميك
Quote: أنت فى اللواء عمر واللا الدكتورة وضاحة
والله أول مرة أشوفها كدى لامن ظنيت إنه حسابها مهكر
مش كدا وبس؛ لكين بالأمارة، قلت الهاكر دا أكيد يكون
صاحبنا المستشار ود المرتضى ولا الراجل الفنان سفيان نابرى
ههههههها وضاحة دي يا خالي البروف برمائية في البحر عوامة وفي الارض كان ترترت ما بتتلحق
وضاحة - يا بروف - زي الحوار البدلي ( بضم الباء وفتح الدال وكسر اللام ) وقت حلبة البوست تسخن بتجيها هوشة نامن سنونها تسكسك وما بتعاين الا فووق للنجم بس ، وتاني لا عندها في بروف ولا خالي عمر .
Quote: غايتو يامولانا جنس غايتو!
طلعت لينا المخفى كله والداسنه كمان!
حتى أخوى قبانى جاك قابض مالى يدو.
بس قبانى حالتة بسيطة عشان هو دايما جاهـز
فى مسألة الفـن والموالعواطف دى.
يا خال القباناب ديل الشغلانية عندهم جينات وراثية ، اكان كشكشت للواحد كبريتة ساي بقوم بحتو في الصقيعة .
Quote: مافضل إلا تجيب لينا صاحبى ود السـنى!
ما تفتكر ود السنى بعيد مننا - دا هسه بيكون فاتح البوست وبسكسك مع بت وهبي دكاكينية ساااااااااااى
Quote: امانه يا ود عوض السيد خالكم ما حافظ السكك .. وراصد ليكم اسمرا الكترونيا ..واللسان مليان تيقري وطلياني كمان .. شغل .. يابا .. شغل ..
والله غايتو جنس هيجة !!
خالك بحاحي في القوم منك وانت متلهمهم سداري ساى ؟
Post: #75 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-02-2013, 12:06 PM Parent: #74
ســعادة اللواء عمر سـلام
ونور الله أيامك وأسـعد أوقاتك ووهبك السعادة وراحة البال
Quote: يا بروف الجابك يوم سعيد وعام جديد .. انت اجمل بشايره
ناس الطيب ديل يغطسو كده ويجوك مارقين شايلين بلاوي .. زي الطوطحانية الركبوني فيها دي بقيت لا عارف اقيف لا عارف اقعد .. وكان قلت اخ يقولوا ليك اركز ..
البارح انا طلّعت ثلاثه سنين في اسمرا .. وعملت ليها فرش متاع كامل .. حسبت الدقائق والثواني الضاعن من الثلاثه سنين وقلت اعوض بالجابوه ناس الطيب .. لقيت القصه ما بتتلاحق .. وكان ما مسكوني كنت راجع اكملهم اربعة سنين ..
بيني وبينك وزارة الخارجيه ظالمة .. لو اذّنت مايخلوك تقعد اكثر من ثلاثه سنين .. اها انا بمشي براي خليهم يرجعوني ..
ياخي ريحتك في البوست دعاش ومطر خريف يروي الناشفه والعطشانه يسقي البحر والقيف بالله يابروف عبد الرحمن لاتغيب عننا ولا تقيف انا في حواك ماتفكّ لي شيقوق يملاني خوف ويرُج مفاصلي حَتيت ويسطل مخي كيف اخوك لا قدرو لاقدر الذنوب وباكر يبقي كيف؟
كن بالف خير
الخـير منك وفيك ياخوى:
أخوى سعادة اللوا ناضم الحروف فنان حريف راكز القلب صنديد، وصافى النفس مافيه زيف لكنه وكتين سحر النغم يرقص، حساس رهيف ووكت المشاعر لهلبت وانبهل الطرب والكيف لمانا خوه ومدالنا من فيض الكرم ضلا وريف وشوفوا الليله من فرح الوداد بقى حالنا كيف
Post: #76 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-02-2013, 12:43 PM Parent: #75
Quote: ووكت المشاعر لهلبت وانبهل الطرب والكيف لمانا خوه ومدالنا من فيض الكرم ضلا وريف وشوفوا الليله من فرح الوداد بقى حالنا كيف
البروف عاملتني كما عامل الملك فيصل الشاعر الذي جاءه مادحا .. يريد (حق القهوة) .. فقال له عد غدا ان شاء الله .. وفي الغد اخرج الملك قرطاسا ملفوفا .. وفرَدَه .. وقرا رده للشاعر بقصيده اطول واجمل من قصيدته .. ولم يصرفه خائبا ..
انا لااريدك ان تطرب معهم وترقص معي .. فالرقص من حيث هو لايناسب ركبنا ومخاريقنا البالية .. لكن والله الجماعه (هبدوني) فيديوهات .. جعلت كمبيوتري يتمايل طربا .. وانا احاول تثبيته .. فاميل معه .. غير عابئ بما يوصف به هذا التمايل (البرئ) .. ولابد ان ذلك صحبته (بعض) الصرخات الهستيرية التي لا بد بعدها ان تأخذ الواحد عزة بالاثم فيفكر في اكمال (انتدابه) بديار الحبشان .. وكلها تذكرة وكم دولار ..
يا سيدي .. وعندما رأيتك ثاب رشدي وطار شيطاني .. فالفرح بك اغلي وابقي من الطرب بمن كسرن ضلع المرتضي .. وكسرن فيّ 96 ضلعا نصفها ليس ملكي ..
فاذا بقيت لي طاقة وعمر فساقضيها هنا معك .. فاتراقص معهم .. واعود اليك طربا .. باكيا وتائبا ..
وقد قال ربي نبئ عبادي اني انا الغفور الرحيم .. ولا انكر الباقي ابدا.
بقت علينا حكاية الخير مصوبر فى محل والخيل تجقلب فى محل ود شيقوق شايفكم متجدعين انت وسعادة اللواء عمر ياخى انتو ما عارفين نحن فينا اللولية؟ كان ناديتونا اتبخرنا ساكت الله كان بحاسبكم؟ هسه الواحد ما يستنفر ليكم طارق جبريل وحبيب نورة عشان يخورو ليكم البوست ده!! يعنى الزول لامن يلحقكم بالقريحه ساكت فى الصفحة خمسة بالغتو،،،
Quote: بقت علينا حكاية الخير مصوبر فى محل والخيل تجقلب فى محل ود شيقوق شايفكم متجدعين انت وسعادة اللواء عمر ياخى انتو ما عارفين نحن فينا اللولية؟ كان ناديتونا اتبخرنا ساكت الله كان بحاسبكم؟ هسه الواحد ما يستنفر ليكم طارق جبريل وحبيب نورة عشان يخورو ليكم البوست ده!! يعنى الزول لامن يلحقكم بالقريحه ساكت فى الصفحة خمسة بالغتو،،،
لا بس جانا خبير قالوا الايام دي ود الموج بقى حوار لود المحرب وكدا ، وقالوا تابعو شايل ابريقو محل ماش - وقالوا تلقط في البياض ساااااي وتكب في مخاليك .
Post: #92 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-03-2013, 08:16 AM Parent: #89
أهـا يا سـعادة اللوا
أنا الرقيص دا مالى فيه نصيب. أخوك أشـتر بس ... وبخاف أضحك على الناس:
Quote: انا لااريدك ان تطرب معهم وترقص معي .. فالرقص من حيث هو لايناسب ركبنا ومخاريقنا البالية .. لكن والله الجماعه (هبدوني) فيديوهات .. جعلت كمبيوتري يتمايل طربا .. وانا احاول تثبيته .. فاميل معه .. غير عابئ بما يوصف به هذا التمايل (البرئ) .. ولابد ان ذلك صحبته (بعض) الصرخات الهستيرية التي لا بد بعدها ان تأخذ الواحد عزة بالاثم فيفكر في اكمال (انتدابه) بديار الحبشان .. وكلها تذكرة وكم دولار ..
يا سيدي .. وعندما رأيتك ثاب رشدي وطار شيطاني .. فالفرح بك اغلي وابقي من الطرب بمن كسرن ضلع المرتضي .. وكسرن فيّ 96 ضلعا نصفها ليس ملكي ..
فاذا بقيت لي طاقة وعمر فساقضيها هنا معك .. فاتراقص معهم .. واعود اليك طربا .. باكيا وتائبا ..
وقد قال ربي نبئ عبادي اني انا الغفور الرحيم .. ولا انكر الباقي ابدا
أما فيما يتعلق بـقولك
Quote: انا وانت والبروف والزول اللابد تحت السرير داك .. يمرقوا سيدي القاعد في تسني ..
عمر علي حسن
أهـا أنا عندى صور لى أسمرا وتسنى ومصوع وأكسوم وعدوة أيام الشباب والرياضة
لامن تجى مناسبتها بمرقها. بس حسع بجيب ليك مكان ماكنا ساكنين لامن مشـينا فى
فريق جامعة الخرطوم لكرة السلة. فدا فندق كابرى جوار محطة البصات وحى قزاماندا
طليان وكان جديد يادوبه فاتحنه.
وهـنا أمام قصر الحاكم فى إنتظار مقابلته وصاحبك سيد شريف كان القنصل
أنا لامن الله يهون بجى أعمـل ليك تكتيكات إنصرافية زى دى، رأفـة بالعواطف
الجياشـة والقلوب الخفاقة؛ ولكنها تحمل المألوف من مهيجات الذكريات. والله
الناس ديل زى ماقال سعادة المستشار بحبونا جد!
تصور فى كل المباريات كاانت الجماهير بتشـجعنا، إلا فى مباراة الكلية البحرية
كلهم كانوا ضدنا. بس ربك يوريك العجب لامن لعبنا ضد الإميريكان فى قاعـدة
الكانيو ستيشـن. البشر ديك كلهم كانوا بيشجعونا. ولامن لعبنا ضد أمبيقليانو
كولج، الطلبة كانوا غالبيتهم بيشجعوا ضدنا، أما الجماهير فكانت مية فى المية
معانا. ودا بيذكرنى لامن فى فريقنا بتاع كرة القدم لعبنا ضد حماسين.
والله ياسعادتك ديك كانت أيام مابتتنسى. أنا مالقيت معاملة زى معاملتهم لينا
إلا فى الصومال. ديك برضوا بيحبونا ياخ.
دمت ودام الود أبدا
Post: #94 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-03-2013, 10:43 AM Parent: #92
Quote: أهـا أنا عندى صور لى أسمرا وتسنى ومصوع وأكسوم وعدوة أيام الشباب والرياضة
لامن تجى مناسبتها بمرقها.
يا بروف .. (الان جئت بالحق) .. وفتحت الحنفية التي ظلت عازفة عن (التنقيط) رغم محاولات الزول القاعد تحت السرير داك .. حتي كاد ان (يحلجها) .. فاذا كانت قلوب قوم موسي قد قست من بعد ذلك فإن قلبي سيرق ليس فقط لما امر به الرسول من مخالفتهم .. ولكن لان الصور ونسيم الصبا ورائحة الاماكن قد ضربت انفي فكادت تخلع قلبي من مكانه
وانت ابسم لي وانا ابسم ليك .. فكلما جئت بصوره فتحنا لك الحنفيه .. وتوقد نار وتصبح رماد
فندق ومطعم كابري يا بروف انشأه طلياني يعمل في بيع الاثاثات .. واشتراه منه يمانية اصحابي يملكون فندقا آخر بجوار القنصلية (القديمه) وصاحبه سالم باعقيل واسرته اصدقائي واصدقاء اسرتي .. لا ننقطع عنهم ولا ينقطعوا عنا ونتجمع كل ليلة في مطعم كابري الذي كان يعتبر افخر مطاعم اسمرا .. وتتوسطه طاولتان .. تجمع احداهما كبار الجالية الايطاليه .. والثانيه لسنيور كونسول والعدنيين وبعض السودانيين .. ويتوزع علي باقي الطاولات وجهاء المدينه والسواح ومن لهم مناسبات
شهدت هذه الصالة ادارة احداث لها اثر علي المنطقه لعل اهمها الثورة علي النظام الاشتراكي في عدن والنظام القومي العربي في صنعاء وحركة التحرير في جيبوتي .. ولكنها في ذات الوقت كانت تشهد ازهي عروض الجمال بالمدينه وكانت مديرة الصالة صوفيا (صفيه علي) العدنية وهي ملكة جمال المدينة وسليلة احي اسرها العريقة تجتذب بكفاءتها الاسر وتخلق بين نسائها وبناتها تنافسا في اللبس والزينة والعطور والمصاغ بعلاقاتها التسويقيه الوثيقة مع المحلات الراقية . وكانت تقرّب بين الفينة والاخري احدي تلك الاسر الي احدي الطاولتين الرئيسيتين حسب المناسبة .. وكان الحساب كل يوم علي واحد بالدور ..
كانت تلك الجلسات تضج بالصخب في الاعياد والمناسبت واعياد الزواج والميلاد .. وتخفت فيها الاصوات الي درجة الهمس كلما كان في الساحه احد او جماعة من ثوار عدن او صنعاء او جيبوتي .. وعندها تعرف من من رجال المخابرات الاثيوبية او المصرية او الامريكيه يتحلق بالمكان .. مهما كان حرصه وتخفيه ..
اما الراحل سيد شريف فقد سبقنا للعمل بالقنصلية باسمراوكان احد اعلامها بما له من قبول وشخصية محبوبة .. وكان كل السودانيين باريتريا يتفقون علي حسن معاملته وصدق وده وهمته العاليه في حل مشاكلهم فاورثنا علاقة سلسه بالسودانيين وجعل القنصلية بيتا لهم .. وكذلك اورثنا علاقة رفيعة المستوي مع القصر والخارجية الاثيوبية باسمرا ومع الجيش والشرطة والقضاء والهيئة الشرعية الاسلامية فكانت حوائجنا لديهم تقضي مباشرة وباقل جهد
اما حب (الناس ديل) للسودانيين فبس انت جيب وانا بتم ليك ... قالت لي مره احدي الحسان Mr. Consul, I like (it) your car فقلت لها ..? Don't you like (it) me also
Quote: اما حب (الناس ديل) للسودانيين فبس انت جيب وانا بتم ليك ... قالت لي مره احدي الحسان Mr. Consul, I like (it) your car فقلت لها ..? Don't you like (it) me also
قطع شك تكون سمعت كم وكم شهقة يا الخال
غايتو خالك اكان لّم ليهو في شهيقة بسويها نغمة للجلكسي الجديد دا
Quote: حتي انجليزيتهم كانت ظريفه وخفيفة علي القلب ...
الحكي اكيد كان هجين من الانجليزية والامهرا والعربية احيانا
المشـتهـيها من سنة 1980. ماضقتها تانى إلا لامن رجعت السودان لمدة قصيرة سنة 1986 .
أها يامولانا الصورة الأولى دى من يمينك:
شـناوى خريج إقتصاد ومن سكان حلة الميرى (الوابورات بحرى) وكان بلعب فى فريق البحرية
فايز فارس من الخرطوم إثنين خريج علوم وكان بلعب فى الكاثوليكى
فردتى آيزك لامولى وصار دبلوماسى بوزارة الخارجية. أنا وهو كنا بنشكل ثنائى فى الملعب وفى الحوامة فى كل شوارع أسمرا ومعالما شارع شارع. لكين كنا أول ناس بنصحى وآخر إثنين بنغادر الملعب بعد التمارين. راجل لذيذ وحساس وأخو أخوان
بعدين موسى إسماعيل من أولاد حلة حمد بحرى وكلية الآداب وعمل بجهاز الأمن القومى بعد التخرج
موسى أحمد عمر من أولاد الجريف وخريج كلية الهندسة وأقام باليابان حيث كان فى الجامعة رئيس جمعية الصداقة السودانية اليابانية. وبعد إنقلاب البشير تم تعيينه سفير للسودان باليابان
بعدين شخصى الضعيف وكنت فعلا ضعيف ورشيق (حليل أيام زمان) وكنت بلعب فى الكوكب قبل مانكون فريق التحرير لكرة السلة ونصعد بيه فى نفس السنة للدرجة الثانية
بعدى طوالى برهانى السواق ومرافقنا على الدوام راجل طيب للغاية
كان عندنا تمرينين الأول بعد نصحى وكت صلاة الصبح حوالى أربعة ونمشى أو نجرى لغاية الملعب الكان بيبعد حوالى إثين ميل ونبدأ التمرين الساعة خمسة لغاية تمانية نحصل الفطور تسعة. بعدين تانى نرجع التمرين من ستة لى تسعه. ومرات قبل المباريات بيومين بيكون عندنا ثلاثة تمارين من خمسة لى تسعة صباحا؛ بعدين من ثلاثة لى خمسة ومن سبعه لى تسعه. أها اللياقة كانت تمام. فلامن الجماعة كانوا بينوموا بالضهر وبعد نرجع بالليل يستحموا وينوموا. أما أنا وأخوى آيزك فبنطلع بعد الفطور نرجع وقت الغدا. بعدين بعد التمرين الناس تستحمى وتنوم. نحن يادوب مابدينا جولاتنا فى القهاوى والسينما والمسارح والأندية الموسيقية. ياخى فى واحد زميلنا فى الجامعة من أولاد أسمرا وبعيش فى السعودية، لمانا فى ود عمو. راجل رهيب. ياخى دا ودانا لى يمكن ثلاثة أندية موسيقية بيعزفوا فيها موسيقى البلوز والجاز وطبعا أخوانا الأميركان السود الكانو فى قاعدة كانيو سـتيشن كانوا ماليين الأندية دى. وبعدين ودانا لى أندية بيغنوا فيها سودانى رهيب بالذات بينجضوا الساكسفونات ومرات يكون فى أكثر من ساكسفونين. تصور كانوا الشباب الأرتريين البيلاقونا فى الأندية ديك بيعرفونا عشان صورنا كانت فى الجرايد يقوموا يصروا يعزمونا على هوتيل ولا قهوة وللا مطعم. ياخى والله مارايح أنسى كرمهم أبدا خاصة لامن أهلهم يصروا يعملوا لينا الجبنة وفشار المايو. وبعضهم كانوا عندهم أهلهم فى السودان فيدونا ليهم وصايا.
أفتكر كفاية كدا لغاية بكرة إن شاء الله.
Post: #105 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 01-06-2013, 08:45 AM Parent: #104
أبوي الطيب وسماحة اللَّواء وسماحة بروفسير عبد الرحمن والجميلين المتاوقين الله يديكم العافية وراحة البال اها شوفو الرقيص المو خمج عندما دخلت العناق حلبة رقص الجراري في البادية ؤرخت القدم في فتور ووزنت مدَّة الحنجور مع ايقاع الكرير والدِّيس جر فوق حجلا رطن معصور اها هني الشاعر محمد ود حامد الكباشي قعد يتّاوق ويمد رقبتو ويتمايل معاها والجميع بقا يتمايل معاها كيف عرب ابوي الطيب الجننُّو الفكي اها شوفو كيف رسمها رسم "- رقصت والخلوق منلَمِّي ؤمن عين الحسود ينجيها شافع اللَّمِّي حنجور البِقَدِّس ما غطس في ألمِي وفندوك البرِدِّس ؤسيدو ما بشيل عِمِّي محبتي
يا بروف قال لي صديق ونحن نتحدث عن اسمرا .. هذه مدينه تعطيك الاحساس بانك تملكها وحدك دون منازع .. وتعطي نفس الاحساس لغيرك .. ولا تحدث اي تقاطع بينكما .. ولكنها تجردك من هذا الاحساس للحظات عندما يأتيها زائر عظيم .. فترقد بكلياتها في حضنه حتي يغادر .. وعندها تعود لملكك وكأن شيئا لم يكن ..
كنا في تلك اللحظة نستقبل الامبراطور هيلاسلاسي وهو قادم لقضاء عيد الميلاد والصلاة بكنيسة اسمرا .. وكانت المدينه كلها في مطار الملكة منن .. كلها حرفيا .. الناس والشوارع والشجر والسماء والارض .. لم يتخلف احد .. وكان المطار حفيا بالكل فلم يترك لاحد منهم خيارا لان يخرج منه دون عناء بعد ان خرج موكب الامبراطور الي القصر .. واستغرق طريق عودتنا الي المدينة ساعتين او اكثر .. ويحدثك الطريق وما فيه عن تفرغهم للمالك الجديد لتجد نفسك غريبا لاتعرف اين تذهب .. وفي المكتب لم يكن هناك ما تفعل سوي تقليب بطاقات الدعوة وفق البرنامج المعد لذلك المالك الذي استولي علي كل شيء ..
ضربت لصيقي وسألته .. يا عوض ماذا نفعل .. قال ضع نفسك داخل الاجنده واتركها تنطلق بك فستجد كل من تريد اينما ذهبت .. ولم يخب حدسه .. كل الناس كانوا بالقصر وكل الناس كانوا بالشارع وكل الناس قضوا ليلتهم خارج الكنيسه والامبراطور يصلي وبناجي ربه داخلها .. وكلهم كانوا معا في حفل البلدية وفي جاليري لوحات اعادة التوحيد وكلهم كانو وقوفا لوداعه في مطار الملكة منن الذي كان حفيا بهم جميعا واطلقهم بعد اقلاع الطائرة في يسر .. وعاد كل شيء مملوكا لواحد لا ينازعه مالك اخر لهذا الكل
وقالت لي شاغلة في هذا المنبر انها لا تفضل السفر لاسمرا لانها مدينة يمكن ان تراها كلها في يوم واحد ... هي تحب المدن المترهله الي تحتويك .. ولا تحب المدن الرشيقه التي تحتويها انت ..
جولتكم في القهاوي بعد التمرين حدث يمكن ان يدوم دهرا .. وليس فسحة من زمن بين التمارين .. انت تاتي المكان فيقال لك اين غبت .. فلم نرك منذ الامس .. كل هذا الشوق الدافق تجده اني ذهبت فلا تحس الا بسطوة ملكك لهذه المدينه ..
Quote: أفتكر كفاية كدا لغاية بكرة إن شاء الله.
وانت ابسم لي وانا ابسم ليك .... وفي غدك نلقاك بالشوق الدافئ الدافق .. واين غبت منذ الامس
المشـتهـيها من سنة 1980. ماضقتها تانى إلا لامن رجعت السودان لمدة قصيرة سنة 1986 .
خالي البروف
كتر خيرك على العودة وعليك وعلينا بانجاز المهام الرسمية اولا ما تشتغل بينا كتير يكفينا ربع ساعة من زمنك - إن توفرت .
تجي تجاور منو ؟ يا حليك يا خال البتحلم بالجيرة الفيزيكال . دى خلوها زماااااااااااان وصار الجوار اسفيري بس في عالم اليوم . انت بس خليك لينا في راكوبة بكري نسمع منك - والخال ابو امير واحيانا ام عروض - كلام البندر ، وتسمعوا منى والعبيد كلام الضهاري .
يا خالي البروف انت هسه مش ملاحظ حتى جوة بيتكم ما بتتلاقوا فيزيكالي الا وقت يجيبوا صينية الغداء ؟
يا خال اى حاجة فيزيكال الناس نسوها إلا تمرمغ احفاد خالي ابو امير في صدرو وقتين يجيهم صاد من الخلاء . وديل ذاتم خالي مرات بزهجهوهو لما يكون منتكي بيقرأ في جريدة ويجوا يخمشوا الطاقية من راسو ويترسوا متلهمين حبوبا اسما لزوم الحماية الامنية .
تسلم خالي البروف على الصورة والتوضيح وذكرياتكم التي احسب انها ما زالت خالدة في وجدانكم.
اكيد ما عاد التواصل ممكن مع هولاء الا اسفيريا يا بروف .
Post: #109 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-06-2013, 11:41 AM Parent: #106
Quote: يا العبيد اخوى انت نسيت الفديو ولا شنو ؟
ايييييييييييييييييييوه نسي ياخال .. واكلنا في شوفة حنجور البِقَدِّس ما غطس في ألمِي وفندوك البرِدِّس ؤسيدو ما بشيل عِمِّي
نان ما خليتنا ضهبانين كده يالعبيد .. جيب الفيديو كان عندك وتم الصورة .. نحن قفلنا تب ما بتحلنا متاوقة ود الكباشي .. دايرين نشوف زيو .. وكان مافي فيدو (اعصر) الطيب البولّع في النيران ده يمرق ليك واحد من تحت المخدة
Post: #113 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-07-2013, 01:20 PM Parent: #111
Quote: على باليمين انزل ليهو المعلق في المرق فوق مع تيراب العنكوليب السقداوي والتبش
ايوااااااااا .. القصه بقي فيها تيراب عنكوليب وتبش واحنا يدردقوا لينا الشرايط .. طلّع طلّع ياخال وبطل الصرصير والدسديس ده خالك سنون للعنكوليب عندو لكن رًكب للحت يخربو
عمر علي حسن
Post: #114 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-07-2013, 06:56 PM Parent: #113
Quote: وانت ابسم لي وانا ابسم ليك .... وفي غدك نلقاك بالشوق الدافئ الدافق .. واين غبت منذ الامس
]يا خال .. مني دي عرفنا ليك خبرا .. طيب البروف والعبيد ديل مايكونوا غاتسين ليهم في ديوان شعر .. ديل ناس ذكر ساكت و(الحق لا اله الا الله) .. حدهم الفجر ..
اها ما تمشي انت ذاتك تذكر معاهم .. خالك كان بقي براهو البوست ده الا يفكو من بكري الجليل الرحيم ..
عمر علي حسن
Post: #115 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 01-07-2013, 07:12 PM Parent: #114
هاك يا مقطوع الطاري العبادي وسايق الفيت وابداع اللحو عارفها بتكلكلك من جوة وبتخليك معلق بين السماء والأرض تجتر الذكرات لو يفيد
وذكرى سماح .. وسلمى صبحي .. وبيضة النعامتزين أعلى قطية هند وتلك الشجرة الظليلة من اللبخ التي أوقفت فيها اللاندروفر ( الهكرة ) لتبرد ماكينته أظنك كبيت ليك صفيحة موية يومها .. بحلقت بعويناتك الدقاق ديل دار هند من خلال الصريف علك تلمح بنتها .. والنار ما بتلد رماد ودا أكيد .. احكي لي عن تلك الذكريات متشوق لها ملم الأحزان التي غطت وتزيد متوهجة
Quote: العبادي وسايق الفيت وابداع اللحو عارفها بتكلكلك من جوة وبتخليك معلق بين السماء والأرض تجتر الذكرات لو يفيد
وذكرى سماح .. وسلمى صبحي .. وبيضة النعامتزين أعلى قطية هند وتلك الشجرة الظليلة من اللبخ التي أوقفت فيها اللاندروفر ( الهكرة ) لتبرد ماكينته أظنك كبيت ليك صفيحة موية يومها .. بحلقت بعويناتك الدقاق ديل دار هند من خلال الصريف علك تلمح بنتها .. والنار ما بتلد رماد ودا أكيد .. احكي لي عن تلك الذكريات متشوق لها ملم الأحزان التي غطت وتزيد متوهجة
والله يا المنسي الله مسلطتك على الله يصرفك منى
هسه مالك مولع نيراني ؟
بالجد يا خالد اخوى الاغنية دي لما اسمعها ببقى اعمى واطرش لانها بذكرني الايام الجميلة وسمحة
عنكوليبة زرّاعيها بي الشّوك حبَّك ومن عين الحسود يا الرَّاسي ينجيك ربَّك من ما جيتي يا النيمة أم دباسا حبَّك شدر البير فتق نوَّارو شال وإتشبَّك محبتي لكم جميعا
غايتو اكان صفيتي نيتك بتخلي الرجال والعوين .... كوووووولها طربانة
بس ضمانك شنو؟
نتى مالها يا المسنوح
انت اكتر زول بتعرف وضاحة قلبها ابيض وبحب كل الناس
Post: #147 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-14-2013, 10:40 PM Parent: #146
أستاذنا / الطيب شيقوق
تحية وتقدير ,,,
حضور الاستاذة الكرام وسردهم أدي البوست رونق خاص لك ولهم اجمل التحية
إثيوبية ثرية بغنائها وإيقاعاتها ..... لولا حاجز اللغة البقيف قدام كتار عندها غني غاية في الروعة وملان مضامين ... ده غير قربوا لينا لاننا والجيران بنغني السلم الخماسي ... كل شعوب الهضبة تقريبا 80% من غناها وطني ... ( هقًري / عًدي / سدراى ) .....
على اى حال شعوب شرق افريقيا متذوقة الغني السوداني وحتى في برمج المواهب زي إثيوبيان أيدل الاثيوبي وشنجرواه الارتري بتلقي غنانا موجود في خياراتهم قبل كم يوم تابعته في تلفزيون ارتريا حفلة في موسم الاعياد كانت مع السراويت / العساكر غنوا تجراى وتجرى ولكل قوميات ارتريا وفي الاخر كلهم هججوا مع الناس القيافة لمحمد وردي
أخترتة الغنية للتجراى ( الحبش ) ... وبالخاطر زمان لما نص السودان زعلان من قناة زول الكلها غني حبشي !!! والحبش محتارين في راسهم وينوا غناهم الفي قناة زول ده
للجميع اجمل تحية
تحياتي
Post: #148 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-15-2013, 11:49 AM Parent: #147
Quote: قبل كم يوم تابعته في تلفزيون ارتريا حفلة في موسم الاعياد كانت مع السراويت / العساكر غنوا تجراى وتجرى ولكل قوميات ارتريا وفي الاخر كلهم هججوا مع الناس القيافة لمحمد وردي
ياخطيب اشهد بانك جئت بما لم يات به كل ما قدم من فيديوهات رائعه في هذا البوست .. فهذا غناء يمس القلب .. وحت يقصم الوسط .. وقد شهدت حفلات العرس وبهجتها في اسمرا واماكن اخري من اريتريا ووقفت عند اكل اللحم النيء بالدليخ .. ثم الرقص الساخن كالنار ..
احسنت برفدك البوست بهذا التسجيل البديع .. واعلم انك تفهم .. ثم هل انت منهم (آل خطيب) حقين عطبرة ؟
الأغنية الاخترتها من التجراى _ أهل شمال إثيوبيا _ وفعلا كل طقوسهم دي افراح او اتراح بتلقاها عند أهل مرتفعات ارتريا ناس أسمرا وما جاوره أنا هنا جايب غناء اهل مغلى وشيرا واكسوم وعدوه بالتجرنجة غني الحبش تحديدا ...
باعتباره ثقافة بتقسم معاى حياتي فبالتالي بتواصل مع كتير من طقوسه ومن إعجاب واحترام حقيقي لإثيوبيا كبلد وإنسان ........ وده الشي العادي لاى زول عرف البلد ديك وعندو المعرفة المناسبة ليها كتاريخ وحضارة .........
الجزء المستمتع بيهوا في كلامك عن جارة البحر ارتريا الأقرب مننا لإثيوبيا وأقرب لينا من إثيوبية ما بعرفة زي معرفتي لإثيوبية وماتشرفته ازوره لكين معرفة القراءة والصداقات وقبل ديل عديلي و صديقي الراجل الخلوق أبو عبد الوهاب البنتمي لإرتريا كأصل ووطن بس حياة واصحاب هو ود بورسودان
اكيد بتكون عارف ما بين شمال اثيوبيا وأرتريا امتداد بشري وثقافي واحد وأنو شمال إثيوبيا لسنوات طوال كانت حاضرتوا البقصده الناس لقضاء حوايجهم أسمرا اكتر من أديس وحتى بعد التحرير وبعد ما بقي بين حكوماتهم ما صنع الحداد تظل الناس بنفس تواصله القديم
وماظن القي ليك إهداء من جارة البحر اكتر من غنية المرحوم إبراهام أفورقي سًدراى ( وطني )
*أل الخطيب الذين انتمي لهم في الشمالية _ الخندق والقولد وجزيرة ام كرابيج _ يعني كجزور من الشمالية
وحياتك كم وكم مرة افتح البوست للتعليق على الفديو الجميل الذى تفضلت به وعندما أتلهم الكي بورد يقوم يجيني ليك ضيف يفتقر ثقافة التواصل الاسفيري ويروح يحكي لي عن فلان قال وداك قال . واخوك راخي اضانو يسمع في كلامو الفارغ ولسان حاله يقول ليتنا أنشأنا مدارس لمحو امية هولاء عن طبيعة التواصل الاسفيري .
ياخ انا لما افتح البوست ، وألقى خالي باهل ليهو صفحة كاملة ، اصر اقراهو كلو حتى لو الامام اقام الصلاة .
إتخيل الواحد قفل ابوابو وجدع ليك البنطلون والبدلة بعيد ودرع العراقي السمح والسروال السمح والطاقية السمحة وإتلهم كلام خالو وفجأة ينقر الجرس واحد مضقل سفتو نامن محنبكة ويحكل كراع في كراع .
انت يا خال بجيك الاحساس دا ولا ما بتتقبل اي ضيف بدون يحدد معاك مواعيد مسبقة ؟
بعدين يا خال خالك زمان لما يجي الضيف بتلهم الباب عشان يفتحو براهو وبستقبل الضيف هاشا باشا واتفضل اتفضل اتفضل يا زعيم وكدا .
لكن هسه خالك بيستقبل الضيف نااااااااااااااااايص .
دي العولمة يا خال؟
احكي ما تدس الكلام السمح خلى الناس تتعلم من خبراتك المهجنة بكيفية إستقبال الضيف التقليدي الموروث والاستقبال في عصر الاي فون والاي باد والجلسكي تاب والفايبر والتانجو وكمان ( ارخي لي اضانك ما يسمعوني) الفديو كونفرنسينغ عبر الاسكايبي .
Post: #152 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-16-2013, 02:59 PM Parent: #151
Quote: فسمتنا ياخال كده .. ولدونا وسط الحمير والبقر والغنم وعرب رفاعه والبردانه الما عندهم ساعات ..
يا خال .. اخونا الخطيب (جمام) ثقافه ولن تجد مثل الفيديو الذي انزله في مداخلته لدي الاخرين لانه كما وجدته (يعرف) .. ولو كنت مكانك لربطت الضيف من يديه ورجليه ليسمع هذا الفيديو .. فاذا اطلقته بعد ذلك فسيتولي الرد والتعليق هو .. بنفسه .
يا سلام يا عبد الناصر الخطيب .. حياتي بين هولاء الناس غيرت نظرتي وفهمي للحياة .. وقد زرتهم في مناطق اثيوبيا الشماليه المتداخله مع اريتريا والمتلاقحه مع انسانها في تلقائية فطريه .. وسالت نفسي كثيرا هل رأي الرسول صلي الله عليه وسلم فيهم امة تستحق ان نقترب منها عندما ارسل الي النجاشي (وارضه) اول مهاجرين مسلمين ..
ياخي زدنا لنتثقف ونفهم ان الموسيقي اداة قربي بين الشعوب
حباب ودشيخ العرب ،،،، يا اخي اولا هبشني الماضراني قول امين ،،،، دي ثاني مشاركة لي بالمنبر ده ،،، وقلتا حرم كان اعز ود شيقوق واصله في البوست بتاعو الطاعم ده ،،، يا سيدي معكم تسجيلات 2013 ،،، حامد الزبيدي بالبورد اخيرا
Post: #156 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 01-16-2013, 06:22 PM Parent: #155
Quote: حباب ودشيخ العرب ،،،، يا اخي اولا هبشني الماضراني قول امين ،،،، دي ثاني مشاركة لي بالمنبر ده ،،، وقلتا حرم كان اعز ود شيقوق واصله في البوست بتاعو الطاعم ده ،،، يا سيدي معكم تسجيلات 2013 ،،، حامد الزبيدي بالبورد اخيرا
أنا ما كلمتك ...؟؟؟ أوعى من الدقداق ... ونقط نقط .. وود الصايم دا الدقداق كان ما بتعرف سواقة اللوري في الرملة بتفارق المجرى وتغتس لي الباطوس
يا أخوي الزبيدي ارعى بقيدك وعاين من بعيد لحدي ما تعرف من وين تأكل اللحوم الطرية الما بتكسر السن
تحياتي ومودتي
..................... اظهار الكلمة التي تحتها خط
نقط نقط : تعني محمد ........ بوريك لي في الوقت المناسب
Quote: حباب ودشيخ العرب ،،،، يا اخي اولا هبشني الماضراني قول امين ،،،، دي ثاني مشاركة لي بالمنبر ده ،،، وقلتا حرم كان اعز ود شيقوق واصله في البوست بتاعو الطاعم ده ،،، يا سيدي معكم تسجيلات 2013 ،،، حامد الزبيدي بالبورد اخيرا
سلام مانا جادين لكن قلنا احسن نمر قبل متقول علينا حاسدين الفايق بيعمل شنو ياشيقا
Post: #163 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-17-2013, 10:51 AM Parent: #161
أستاذنا / الطيب شيقوق ..... صباحك زين
Quote: يا اخي اللوم بجي بالغفلات
مافي أي لوم ... ومقدر ليك ترحيبك في البوست
Quote: ابزاي سرح تخييل؟ ابزي سودان ؟
,
ياهو السّراح / الشغل الجابهم ودانا في كل الدنيا نفتش رزقنا, نقّر/كلام التجرنجة الزّرب / التزارّب صعوبتوا في قربوا الشديد من كلامنا البنتكلموا ... ده غير التشابه الماعادي في أساليب التعبير بالكلام نفسه... حد المرات تلخبط في التجراى وانت ضيف بتدق باب الحوش بجيك الصوت من جوه متسأل منيّخا!! زي منو !! أو من بالخارج .... ولما يكون في تأكيد للكلام سمّعي الهي تتصرف عندنا/ أسمعي كلامي ده كويس ...القصد القرب في اللغة وتعابيره هو البخليها أصعب لغة ممكن تتكلمه وعوز وقت طويل عشان تتقنه لكين عمرك ما تتكلمه زي أهله ...
ارتريا ناس المرتفعات التجرنجة عندهم لايت خفيفة لانو لو حتى ما بتتكلمه لو ركزته في الكلام حتعرف جزء كبير منو ... بحكم أنفتاحهم على ثقافات كتيرة يعني لما الواحد يقول ليك مع السلامة بقوله بالطلياني ( جاو )... عن الحبش وغناهم وحاجاتهم في بوست قديم في الخاطر :
والقدم ده ما متصل باللغة وبس متصل بنواحي كتيرة في الحياة أكل ولبس وطقوس .... يعني نسق أتواصل وكل جيل حرص يطمئن أنو الجيل البعدو عرفه وأتقنه ... تواصل الحاجات دي هو البخلى الناس ديل بملامح ثقافية واضحة وراسخة تكون بطاقة تعارفهم البقدموها لكل الدنيا ... ومهما مشوا في الدنيا الواسعة دي ... بيظلوا متمسكين بحاجاتهم زينه شينة أتقبله غيرهم أو رفضة ...بتظل اشياؤهم
نرجع للغني والإيقاعات الإثيوبية الثرية والمتنوعة بتنوع إثيوبيا وشعوبة بالمناسبة عندنا إثيوبيا الفي مخيله كتار مننا أمهره وتجراى والناس ديل من ال80مليون إثيوبي حتلقي الامهره حوالي 16 مليون والتجراى حوالى 7 مليون ... وده لانهم البدو إثيوبيا ملامح الثقافية ولانهم اهل الحكم والثقافة فيها من الوف السنين ...لكين البلد ديك في الاخر فسيفساء مشكله من معظم الاعراق الافريقية ... نصها من شعب الارومو البصل لنصف عدد الناس فيها او يزيد وجزء منها من شعوب أفريقية صرفة من أى أعراق تتخيله بما فيهم اهل غرب أفريقيا هوسه وفولان برضوا موجودين ...في الذاكرة بوست قديم غطي اكبر قدر من تنوع الايقاعات دي :
Quote: وسالت نفسي كثيرا هل رأي الرسول صلي الله عليه وسلم فيهم امة تستحق ان نقترب منها عندما ارسل الي النجاشي (وارضه) اول مهاجرين مسلمين ..
بالمناسبة الحبشة وفضلها في إسلام السودان مثبوت وتاريخيا لما كانت الهضبة والساحل 7 ممالك مسلمة في شوا واخواته...و قوي أسلامها ويسطر على الحبشة حد ان نحت المسيحيون كنائسهم تحت الارض وفي اودية الجبال كان ملاذ مسيحيها الامن أنهم هبطوا السودان الكان ممالك مسيحية بامتياز ...اتحول التاريخ ده فيما بعد بسقوط هرر وجبرته وباقي ممالك إثيوبيا الإسلامية وصعود المسيحية في الهضبة بالتبادل مع سقوط الممالك المسيحية عندنا وصعود الاسلام ... أكيد نحنه ما بعلمونا زيهم التاريخ بالتفاصيل دي لانو حيدخلنا في حته ضيقة ونحنه تاريخنا كلوا مبني أنو الاسس الممالك الاسلامية عندنا في سنار وفي دارفور كانو عرب مهاجرين .......
الأثر ده بتشوفوا حاضر وين لما تلاحظ لطقوس المسيحين الارتزكوس _ غالب مسيحين الهضبة والساحل _ لو عينته كويس في نوبتهم وطريقة الذكر عندهم حتلاقاها عندنا بكامل طقوسه الهم إننا مسلمين وهم مسيحيين ... ودي التقاطعات الفي حاجات كتيرة لما يعرفوك بيها او يدوك فكره عندها ما حتلقي نفسك محتاج تفسير كتير لانك حتلقاها بتشبه ليك حاجة عندنا ولو أختلفت في رتوش صغيره ....
في هجرت المسلمين الاوئل للحبشة الفضل مقسوم بين أرتريا الموجود فيها اول مسجد في راس مدره وإثيوبيا الفيها قبر النقوس/ الملك الاستقبل المسلمين وفي التجراى ضريحوا موجود ... طبعا عندنا علماء أجلاء غالطوا التاريخ ده كلوا وقالوا هجرة الصحابة دي كانت للسودان وليس للحبشة ...
Quote: ويخلص الكاتب فى كل ما تقدم إلى أن المهجر الاول والثانى للمسلمين كان بأرض السودان الحاليه لا بأرض الحبشة وأن الأقرب للقبول أن يكون المهاجرون قد إستقروا فى سوبا عاصمة مملكة علوة المسيحية المعروفة فى بعض الوثائق بأسم مملكة الحبش خاصة وأنها من أكثر المناطق الجنوبية ملائمة للملاحة.
الكلام ده عن كتاب السودان دار الهجرتين للدكتور حسن الشيخ الفاتح الشيخ غريب الله ... الماظن قدر يسوق نظريتوا لكين ورطنا في حته تانية أنو مملكة سوبا المسيحية ممكن تكون حبشية زي ما بزعم الاحباش في تاريخهم البقولوا أتواصل في السهل من سقوط مملكة مروي على يد ملك أكسوم عيزانا الهبط *لارض الذهب والافاعي _ دي أشارة الشمال النيلي في تاريخهم_ لحدي سقوط أخر ممالكهم المسيحية في السهل مملكة سوبا ... وبين الحدثين قرون طوال بتفسر لينا لي في مننا البهتم يعرف عن حضارت الناس ديل وتاريخهم البتفك لى بالمقابل جزء كبير من شفرات حضارتنا وتاريخنا_ حتى لو كانت سيرة مبلوعة _
يعني خوفي يكون الناس البنتكلم عنهم كأخر عوزين نقرب منو ونعرفوا يطلعوا من أساسيات تكوينا
ومعليش لو البوست الخفيف تقلنا إيقاعوا شوية بس استاذنا شيقوق ذنبو على جنبو القال البوست للجادين والجادين كلامهم شوية مسيخ وما طاعم ...
Quote: يعني لما الواحد يقول ليك مع السلامة بقوله بالطلياني ( جاو )...
نعم (جاو) الايطالية أو (دحان كونو) التقرنجية
Quote: ارتريا ناس المرتفعات التجرنجة عندهم لايت خفيفة لانو لو حتى ما بتتكلمه لو ركزته في الكلام حتعرف جزء كبير منو ... بحكم أنفتاحهم على ثقافات كتيرة
صحيح فقد قرأت عن لغاتهم ما يلي :
Quote: الشعب الإريتري يتحدث تسع لغات تتوزع على تسع قوميات ينتشرون في طول البلاد وعرضها، من هذه القوميات: التجراي والتيجرينية التي ينتمي إليها الرئيس أسياس أفورقي والعفر والساهو والنارا والحدارب والرشايدة العربية الأصل والبلين والكوناما، إلا أن اللغتين الأكثر انتشاراً هما التيغرينية والعربية وتتشابه التيجرية إلى حد بعيد في جذورها مع العربية؛ حيث انحدرت من أصول سامية من شبه الجزيرة العربية.
ويتحدث سكان إرتريا لغات متعددة متقاربة الأصول، تتمثل على نحو أساسي باللغتين «التغرينية» و«التغرية» وتشير المصادر التاريخية إلى أن هاتين اللغتين اشتقتا من اللغة الجعزية السبئية، وتتشابهان إلى حد بعيد مع لهجة سكان ظفار ولجهة سكان المحافظة السادسة من جمهورية اليمن. واللغة التغرينية أقرب إلى اللغة الجعزية السبئية من أختها التغرية وتكتب بحروفها، وهي أكثر اللغات انتشاراً من حيث عدد المتحدثين بها، وجلهم من النصارى وبعض المسلمين من سكان الهضبة الإرترية. أما اللغة التغرية فتنتشر في شرقي إرترية وشماليها وغربيها، وغالبية المتحدثين بها من المسلمين، ويتكلم بعض قبائل «بني عامر» اللغة «البجاوية» التي تسمى «البداوي» في حين تتحدث قبائل البازا والباريا لغة نيلية إفريقية، وتمثل اللغة العربية القاسم المشترك بين مجموع هذا التعدد اللغوي الواسع، وغالباً ما يجري التفاهم بالعربية بين الجماعات التي لا يعرف بعضها لغة بعضها الآخر، إضافة إلى الجماعات التي تتحدث العربية وحدها مثل الرشايدة. وقد اتخذ البرلمان الإريتري، قبل أن يحله الإثيوبيون، من اللغة العربية لغة رسمية لإرترية إلى جانب اللغة التغرينية بحسب المادة 38 من الدستور الإريتري، وكانت اللغتان العربية والتغرينية تدرسان في المدارس قبل أن تمنع ذلك إثيوبية، ومما ساعد على اقتصار التعليم بهاتين اللغتين فحسب كونهما الوحيدتين اللتين تمكن الكتابة بهما.
إلا أن الغالبية العظمى من السكان تفضل استخدام اللغة العربية؛ لارتباطها بالدين والتراث الإسلامي؛ حيث أن أغلب سكان إرتريا مسلمون، كما أنها لا تزال اللغة الرسمية في دواوين الدولة والإذاعة والتلفزيون والصحيفة الرسمية الناطقة باسم الدولة، وهي صحيفة إرتريا الحديثة.
قد قامت الحكومة بإغلاق العديد من مدارس اللغة العربية في إقليم عشبا غرب العاصمة الإرترية، وإجبار مدارس أخرى على تدريس العلوم باللغة الإنجليزية بدلاً من العربية.
وفي منطقة عفر ذكر بعض الأهالي أن الحكومة تعمل على وضع قواعد جديدة، واختراع حروف أخرى للغة العفر بدلاً من تلك المستعملة في جيبوتي وإثيوبيا منذ مائتي عام، وقال هؤلاء الأهالي إن الهدف من ذلك هو عزل القومية العفرية عن امتدادها في جيبوتي والصومال وإثيوبيا.
وكانت إثيوبيا التي احتلت إرتريا حتى عام 1993 قد حاولت في الماضي فرض اللغة الأمهرية التي تتحدث بها على الشعب الإريتري لكنها فشلت في ذلك وجوبهت بمقاومة عنيفة، وكانت من جملة أسباب اندلاع الحرب بينهما في أعوام 1997و1998 و 2000.
يبدو انك قريب منهم يا ود الخطيب او لديك بحوث ودراسات عن هولاء القوم
Quote: يعني لما الواحد يقول ليك مع السلامة بقوله بالطلياني ( جاو )...
نعم (جاو) الايطالية أو (دحان كونو) التقرنجية
Quote: ارتريا ناس المرتفعات التجرنجة عندهم لايت خفيفة لانو لو حتى ما بتتكلمه لو ركزته في الكلام حتعرف جزء كبير منو ... بحكم أنفتاحهم على ثقافات كتيرة
صحيح فقد قرأت عن لغاتهم ما يلي :
Quote: الشعب الإريتري يتحدث تسع لغات تتوزع على تسع قوميات ينتشرون في طول البلاد وعرضها، من هذه القوميات: التجراي والتيجرينية التي ينتمي إليها الرئيس أسياس أفورقي والعفر والساهو والنارا والحدارب والرشايدة العربية الأصل والبلين والكوناما، إلا أن اللغتين الأكثر انتشاراً هما التيغرينية والعربية وتتشابه التيجرية إلى حد بعيد في جذورها مع العربية؛ حيث انحدرت من أصول سامية من شبه الجزيرة العربية.
ويتحدث سكان إرتريا لغات متعددة متقاربة الأصول، تتمثل على نحو أساسي باللغتين «التغرينية» و«التغرية» وتشير المصادر التاريخية إلى أن هاتين اللغتين اشتقتا من اللغة الجعزية السبئية، وتتشابهان إلى حد بعيد مع لهجة سكان ظفار ولجهة سكان المحافظة السادسة من جمهورية اليمن. واللغة التغرينية أقرب إلى اللغة الجعزية السبئية من أختها التغرية وتكتب بحروفها، وهي أكثر اللغات انتشاراً من حيث عدد المتحدثين بها، وجلهم من النصارى وبعض المسلمين من سكان الهضبة الإرترية. أما اللغة التغرية فتنتشر في شرقي إرترية وشماليها وغربيها، وغالبية المتحدثين بها من المسلمين، ويتكلم بعض قبائل «بني عامر» اللغة «البجاوية» التي تسمى «البداوي» في حين تتحدث قبائل البازا والباريا لغة نيلية إفريقية، وتمثل اللغة العربية القاسم المشترك بين مجموع هذا التعدد اللغوي الواسع، وغالباً ما يجري التفاهم بالعربية بين الجماعات التي لا يعرف بعضها لغة بعضها الآخر، إضافة إلى الجماعات التي تتحدث العربية وحدها مثل الرشايدة. وقد اتخذ البرلمان الإريتري، قبل أن يحله الإثيوبيون، من اللغة العربية لغة رسمية لإرترية إلى جانب اللغة التغرينية بحسب المادة 38 من الدستور الإريتري، وكانت اللغتان العربية والتغرينية تدرسان في المدارس قبل أن تمنع ذلك إثيوبية، ومما ساعد على اقتصار التعليم بهاتين اللغتين فحسب كونهما الوحيدتين اللتين تمكن الكتابة بهما.
إلا أن الغالبية العظمى من السكان تفضل استخدام اللغة العربية؛ لارتباطها بالدين والتراث الإسلامي؛ حيث أن أغلب سكان إرتريا مسلمون، كما أنها لا تزال اللغة الرسمية في دواوين الدولة والإذاعة والتلفزيون والصحيفة الرسمية الناطقة باسم الدولة، وهي صحيفة إرتريا الحديثة.
قد قامت الحكومة بإغلاق العديد من مدارس اللغة العربية في إقليم عشبا غرب العاصمة الإرترية، وإجبار مدارس أخرى على تدريس العلوم باللغة الإنجليزية بدلاً من العربية.
وفي منطقة عفر ذكر بعض الأهالي أن الحكومة تعمل على وضع قواعد جديدة، واختراع حروف أخرى للغة العفر بدلاً من تلك المستعملة في جيبوتي وإثيوبيا منذ مائتي عام، وقال هؤلاء الأهالي إن الهدف من ذلك هو عزل القومية العفرية عن امتدادها في جيبوتي والصومال وإثيوبيا.
وكانت إثيوبيا التي احتلت إرتريا حتى عام 1993 قد حاولت في الماضي فرض اللغة الأمهرية التي تتحدث بها على الشعب الإريتري لكنها فشلت في ذلك وجوبهت بمقاومة عنيفة، وكانت من جملة أسباب اندلاع الحرب بينهما في أعوام 1997و1998 و 2000.
يبدو انك قريب منهم يا ود الخطيب او لديك بحوث ودراسات عن هولاء القوم
والله ياخال انا في الاول كنت فاهم انه المزيكا والحت ده حق الناس الفاهمين .. لكن في الحبشه اكتشفت انه الما بحت هو الجاهل .. مره شفت ليك واحد عمره 90 سنه بحت
هههههههههههههههههههههههههههههها الله يجازيك ويغطس حجرك اكان غطست حجر خالك
Post: #173 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-19-2013, 03:16 PM Parent: #172
Quote: هههههههههههههههههههههههههههههها الله يجازيك ويغطس حجرك اكان غطست حجر خالك
عارف ياخال .. نحن ناس عرضه ساااااااااااكت .. الحت والتويست والكشف وكفكف والحاجات دي ماشفناها الا بعد ما كبرنا ..
كانت الحفلات الغنائية تقام بالسينمات لانها تتسع لاعداد اكبر من الحضور .. والسينما عادة بها دكه عاليه تصلح مسرحا ومن خلفها الشاشه يسلط عليها ضوء ساطع يمكن المشاهدين من رؤية الفنان والفرقة الموسيقيه ومقدم الحفل .. ولأن الدكه مرتفعه فان احدا لايستطيع ان يبشر او يهز في الفنان .. فيظل النظام سلئدا .. سمع وطرب وتصفيق .. وبس ..
وكانت الحفلات تقام في اواخر كل شهر (بعد الماهيه) .. ويحضرها الشباب والاسر .. ويحييها كبار الفنانين .. فيلبسوا احسن البدل .. وكذلك يلبس الجمهور .. وترتفع قيمة التذكرة حتي تصل الي خمسين قرشا للشعب وخمسة جنيهات للوج ابو اربعه كراسي ..
وقد ابتكر منظموا الحفلات فقرات المنلوجات والفكاهة وظهر احمد سليم ضربه وجعفر عزالدين وتور الجر وبعض كوميديانات الاذاعه .. ثم (تجرأ) احد المنظمين وقدم حسن بطري وسيلاس ليؤدوا فاصلا من الرقص خلال الحفله .. ولم يرق هذا الشئ للنقاد (فهبشهم) عبدالله رجب في جريدته الصراحه وهبشهم محمد توفيق في عموده جمرات الواسع القبول ..
رقيص وحبشيات .. شيء لايشبه السودان ولا يشبه رزانة الحفلات الي تؤمها الاسر ..
Quote: الحت والتويست والكشف وكفكف والحاجات دي ماشفناها الا بعد ما كبرنا ..
نصف حياتك ضائع يا خال . خالك فات الحاجات اللّجيت منها انت دي وإتلهم الاسلو دانسنغ يا خال . انت فاكر التطور دا جلكسيات وآيفونات وكدا . خالك صار Multicultural .
Quote: والله يا شيقوق ما كنت قايل عندكم زار بى هنا ياخ بى سروركم وبى دستوركم يا ود الزمزمى
والله يا ود المفتاح بوستينا جلب طالما خمشك انت ذاتك
Post: #179 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 01-20-2013, 06:22 AM Parent: #177
الكترااااااااااااااااابل اها دي مو الشي الخلا فلان لي يوم الليلة يهز ويلعب بي حنجورو والله امس لقيتهن منلمين لكن قدر ما عاينت لي حُم سماحة اللِّواء وقلت اشوف لي حنجورا بقدِّس ما لقيتو وضاحة والله رابطك نور صباحنا وحلانه من سواد العباية المضلمة ما تعرف شيدها منو بس تشوف ليك دهام ماشي.............!
Quote: الكترااااااااااااااااابل اها دي مو الشي الخلا فلان لي يوم الليلة يهز ويلعب بي حنجورو والله امس لقيتهن منلمين لكن قدر ما عاينت لي حُم سماحة اللِّواء وقلت اشوف لي حنجورا بقدِّس ما لقيتو وضاحة والله رابطك نور صباحنا وحلانه من سواد العباية المضلمة ما تعرف شيدها منو بس تشوف ليك دهام ماشي.............!
دا شنو الفديو النزلتيهو دا؟ ما بفتح في الدوام الرسمي
اوع بس تكوني فكيتي ليك درابة تخرب على بوستي السمح دا ؟
Post: #184 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-20-2013, 07:43 AM Parent: #181
السماح لله أنا الأيام الفاتت دى الصحة ماساعدت فلم أفى بوعدى.
أها جيت أكمل ليك ياسعادة المستشار
الصورة دى من اليمين إلى الشمال ظهر مدير البروتوكول بقصر حاكم إريتريا، القنصل السودانى سيد شريف، آيزك لامو لى، عبدالرحمن إبراهيم، موسى أحمد عمر، موسى إسماعيل والممسك بيديه هو شمس الدين زين العابدين المشرف الرياضى لجامعة الخرطوم والذى تولى المنصب بعد وفاة المرحوم الحسن أحمد الحسن والذى غرق فى شواطى كاليفورنيا حيث كان فى بعثة لنيل أول دكتوراه فى التربية الرياضية. وغرق وهو يحاول إنقاذ زميل أمسكت به الأعشاب البحرية، عليه رحمة الله.
الف حمد الله على السلامة يا بروف عبد الرحمن ولا بأس بك
دا بيكون النهضي الكتير دير بالك على نفسك يا اخي
Quote: الصورة دى من اليمين إلى الشمال ظهر مدير البروتوكول بقصر حاكم إريتريا، القنصل السودانى سيد شريف، آيزك لامو لى، عبدالرحمن إبراهيم، موسى أحمد عمر، موسى إسماعيل والممسك بيديه هو شمس الدين زين العابدين المشرف الرياضى لجامعة الخرطوم والذى تولى المنصب بعد وفاة المرحوم الحسن أحمد الحسن والذى غرق فى شواطى كاليفورنيا حيث كان فى بعثة لنيل أول دكتوراه فى التربية الرياضية. وغرق وهو يحاول إنقاذ زميل أمسكت به الأعشاب البحرية، عليه رحمة الله.
والله يا بروف انت والخال عمر حيرتونا عديل ، لكن دعنا نقول على قدر اهل العزم تأتي العزائم
او كمال (ص) ( لو تعلق قلب أحدكم بالثريا لنالها) - فقلباكما تعلقتا بالثريا وها انتما الان قاب قوسين او ادنى منها
حفظكما الله وسدد خطاكم واطال في عمريكما
Post: #185 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-20-2013, 07:53 AM Parent: #181
Quote: اوع بس تكوني فكيتي ليك درابة تخرب على بوستي السمح دا ؟
أستاذنا الطيب ........... صباحك زين بالعكس إختيار د. وضـــاحة كان جميل شديد جابت ليك غنية لمنالوش ديبو ( الله يرحمه ) الزولة دي بتغني الغني الامهرنجة الشعبي وإثيوبيا كانت كلها بتسمعه .... فجعوا فيها قبل سنتين تقريبا ... بوفاته بعد معاناه مع المرض ......... أنتهت في جنوب أفريقيا مشت تتعالج وماتت هناك
Quote: بالعكس إختيار د. وضـــاحة كان جميل شديد جابت ليك غنية لمنالوش ديبو ( الله يرحمه ) الزولة دي بتغني الغني الامهرنجة الشعبي وإثيوبيا كانت كلها بتسمعه .... فجعوا فيها قبل سنتين تقريبا ... بوفاته بعد معاناه مع المرض ......... أنتهت في جنوب أفريقيا مشت تتعالج وماتت هناك
كتر خيرك طمأنتني - كنت فاكر البنيّة وضاحة دي كشحت ليها حاجة وشتت .
رحم الله المبدعة الاثيوبية لمنالوش ديبو
Post: #188 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 01-20-2013, 09:31 AM Parent: #187
سماحة البروف الف حمد لله علي السلامة واستاذ الخطيب يا مراحب ابوي الطيب اني غناهن ما بعرفو لكن والله شايلين مني ملخة كبيرة خلاااااااس عليك الله شوف حلاوة البسمة دي صحكة بشويشي توقف روبات القليب وسيدها اوعاك ما بصر جبينو مبسوط لي ربو ونعمة الله اللداها ياهو ها ناس امانا الزين كان حرس قبر الفكي مو خاطي اني من شفت الجبهة بقت وجاتني طالعة كيف ندوة السِّحاب وبعد داك ارعدت وشالت ام روييييييق اها عرفت المعرووووووووش دي بلحقني الزينين
Post: #189 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-20-2013, 10:18 AM Parent: #188
.
أستاذنا / الطيب تحية واحترام,,,
معليش الام زائدة لاسم (( منالوش )) ........ أكيد راجع ليك ... وشوية كلام عن (( الحت )) وفيديو جديد من الحت الحبشي الناس الفاتو الكبار والقدرهم .....
بالمناسبة الحبش قبل 1991 م كان غناهم مختلف شديد والفيهم كان مكفيهم وماظن موضوع البوست يسمح بأننا نتعرض ليهوا لأنو الحبشة في الوقت داك كانت بتسمع إيسو برهي .... الغناهوا كلوا ما طلع من سيرتهم مع الدرك الفاششتاوي/ الفاشي وبعد كده كل الغني العندهم غني نسائي بقابلوا غني البنات العندنا وبتناول موضوعين لا ثالث لهم الاشيندا ( كملمح ثقافي خاص بيهم ) والغني النسائي البمجد بلدهم وتاريخهم ورموزهم من اباطره وفرسان على مدي تاريخهم الفن والطرب التقيل كان أمهري بامتياز , يعني الحبش في شمال إثيوبيا وارتريا كلهم بسمعوا منليك , وعلى باريه , و محمود أحمد , وتلهون , وكل أسماء إثيوبيا الكبيرة , هسه لا .............. أتطوروا شديد و حاخت ليك فيديو لـ (( سلماويت )) لما يغني التجراى التجرنجة في شكل أمهرنجة وإثيوبيا كلها تغني معاهم .
وبرضوا حاكلمك شوية عن اعجـابي بالثقافة دي ليه و بتعّمق في معرفتي بواحد من أقدم الشعوب الفي العالم الحضارتوا وملامحوا الثقافية ما مشت المتحف لكين ظلت لآلاف السنين متواصلة في لغة الناس وحرفها وحّرفهم وموروثاتهم وملابسهم وعاداتهم و واكلهم ولعبهم ( رقيصهم ) *طبعا اللعب هو الترجمة الحرفية لمعني الرقيص عند الحبش والكلمة نفسها لعب موجودة بمعني الرقيص في كلام بعض شعوب السودان .... وتقالديهم سلم وحرب *وفي حربهم الناس ديل بمشوا ليها رجال ونسوان المسلح والما مسلح أى زول صغير أو كبير امرأة أو رجل ماشي على رجلين بيطلع للحرب لو ما بقاتل فيها بساعد الناس بالبقدر عليهوا ... في الاخر البعرف الناس ديل عن قرب أكيد لو ما عجــــبوا على الاقل حيحترمهم .........
وليك ولسعادة اللواء وللبروف والمكرم / عبيد الطيب خالص التقدير ............................. لحدي ما ارجع بمهله
Post: #190 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-20-2013, 11:37 AM Parent: #189
Quote: وليك ولسعادة اللواء وللبروف والمكرم / عبيد الطيب خالص التقدير ............................. لحدي ما ارجع بمهله
يا خطيب .. مافي مهله .. الكلام ما ببقي الا حار حار .. رجاء ترجع طوالي .. وليتك تحدثنا عن زمن الفاشيين الدرك .. لنقارن فالفن في السودان وجد عناية وازدهر في زمن عبود ونميري ... بس حسع شوية (غنتس) ..
عمرعلي حسن
Post: #191 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 01-20-2013, 11:52 AM Parent: #190
Quote: وبرضوا حاكلمك شوية عن اعجـابي بالثقافة دي ليه و بتعّمق في معرفتي بواحد من أقدم الشعوب الفي العالم الحضارتوا وملامحوا الثقافية ما مشت المتحف لكين ظلت لآلاف السنين متواصلة في لغة الناس وحرفها وحّرفهم وموروثاتهم وملابسهم وعاداتهم و واكلهم ولعبهم ( رقيصهم ) *طبعا اللعب هو الترجمة الحرفية لمعني الرقيص عند الحبش والكلمة نفسها لعب موجودة بمعني الرقيص في كلام بعض شعوب السودان .... وتقالديهم سلم وحرب *وفي حربهم الناس ديل بمشوا ليها رجال ونسوان المسلح والما مسلح أى زول صغير أو كبير امرأة أو رجل ماشي على رجلين بيطلع للحرب لو ما بقاتل فيها بساعد الناس بالبقدر عليهوا ... في الاخر البعرف الناس ديل عن قرب أكيد لو ما عجــــبوا على الاقل حيحترمهم ..
يا الخطيب والله تستاهل يخطبوك ناس ابوي الطيب وسماحة اللواء وحضرة البروف كراعهم خضرة عشان جابوك لينا وكمان عمنا قوقل انشاء الله ما يضوق حفا اها اني ما بعرف عن ثقافتهم كتير اتعرفت علي واحد وهوصديق ابن خالي جانا بالحمراء مدير بنك ومن ناس كسلا (عثمان ودالشيخ) الله يطراهو بالخير زول جميل اها حببني فيهم وفي قيمهم ونفرني في عربي وكمان في الغربة اتعرفت علي البعض منهم لقيتهم ناس رائعين واصحاب قيم لكن اني معا كلام اللواء القالو:- (ا خطيب .. مافي مهله .. الكلام ما ببقي الا حار حار .. رجاء ترجع طوالي .. وليتك تحدثنا عن زمن الفاشيين الدرك .. لنقارن فالفن في السودان وجد عناية وازدهر في زمن عبود ونميري ... بس حسع شوية (غنتس) ..)
دا شنو الفديو النزلتيهو دا؟ ما بفتح في الدوام الرسمي
اوع بس تكوني فكيتي ليك درابة تخرب على بوستي السمح دا ؟
غايتوا اهل العوض ديل عزبونا
قدر ما نحاول نطورن ما بنفع
Post: #196 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-20-2013, 03:56 PM Parent: #195
Quote: الخال
ما تفك الخطيب دا
يا خطيب انا خالي الزمني بيك .. شوف البفكك .. لكن ممكن نخفف عليك الحراسه لو عندك ضامن زي تلهون او الامايو .. تجيب لينا اي حاجه منهم .. وخلي الراجل يقول بغم ..
يا سلالالالالالالالالالالالالالالالالالالالالالالالالالالالالالالالالالالام يا وضاحة والله والله رقص مبااااااااااااااااااااالغة
الله يمتعك في الدارين
Post: #200 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-20-2013, 07:11 PM Parent: #199
ســعادة المستشار تحياتى وكتر خيرك على طيب الأمنيات
تقول لى:
Quote: والله يا بروف انت والخال عمر حيرتونا عديل ، لكن دعنا نقول على قدر اهل العزم تأتي العزائم
طيب أهـا يامـولانا شوف الذكريات دى ياخى
إسـتمتاع بـشاى العصر بعـد وصولنا إلى ميناء مصوع. اللذيذ إنو السواق ضرب البيرة الساقطة وشمس الدين المشرف الرياضى كان أخو مسلم فأحتار فى الدفع
تـمرين فى الماء لإكتساب المرونة والطاقة فى قرقوسم بيتش قرب مصوع
فى صورة جماعية مع طلاب الكلية البحرية وكان هناك ثلاث طلاب من السودان أسماؤهم على ما أذكر 1 نعمان و2 حمدنا الله و3 خلف الله
والله يا الطيب الناس ديل بعضهم كانو بيشـجعونا ضد فريق كليتهم لانو تيمنا كان قوى ودقيناهم دق العيش بهزيمة بفارق كبير فى النقاط. ورغما عن ذلك ولسماحة نفوسهم أكرمونا كرم لايوصف طوال الثلاثة أيام التى قضيناها فى ضيافتهم
بس عليك الله شوف البسمات المشعة من وجوهم فى الصورة دى فرحا بينا.
Post: #201 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-20-2013, 08:05 PM Parent: #200
Quote: السواق ضرب البيرة الساقطة
يا بروف سواقكم ده ما اظنه ضرب بيره واحده .. والركوب معه ما بكون مضمون !
عرفت النعمان وحمدنا الله .. وكان قد سبقهم من دفعتنا بالكية الحربية خالد احمد علي الذي اصبح فريق اول واصبح قائدا عاما للقوات المسلحه علي خلاف العادة بان يكون القائد العام من المشاة واول دفعته .. وقد اصبح قائدا لقوات المعارضه قبل الفريق عبد العزيز خالد وتوفي بمصر ودفن بامدرمان قبل الموعد المعلن لجنازته .. وكذلك كان من بينهم صديقي ودفعتي عمر حسين علي كرار وكان امامهم الراحل مبارك عبد الرحمن ام بلي .. لاعب بري الشهير .. وقد درب عدد كبير من ضباطنا بالكليه البجريه الاثيوبية .
وقد زرتها اكثر من مره اثناء عملي باسمرا وكان الكومادوري اسكندر دستا ابن بنت الامبراطور هيلا سلاسي قائدا للبحريه (الامبراطوريه) .. وقد ربطتني به وباخته عايده دستا علاقة طيبه قبل ان يغلق عليهما منجستو هايلاماريام السجن ويقتلهما ..
هل شاهدتم ان كل ما بالكلية البحرية مسمي باسم الامبراطور .. حتي لوحة الاعلانات اسمها Hailesellasi 1st Imperial Notice Board
عمر علي حسن
Post: #202 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-20-2013, 08:52 PM Parent: #201
ولدنا الإسم على مسمى الطيب سيد الكلام الطيب كتر الله ألف خيرك. أنا كان عندى كلام كتير على مداخلاتك لكن إن شاء الله لى قدام
Quote: سماحة البروف الف حمد لله علي السلامة واستاذ الخطيب يا مراحب
أخونا عبد الناصر الخطيب
Quote: وليك ولسعادة اللواء وللبروف والمكرم / عبيد الطيب خالص التقدير ............................. لحدي ما ارجع بمهله
كتر خيرك وزادنا الله بعلمك
Quote: باعتباره ثقافة بتقسم معاى حياتي فبالتالي بتواصل مع كتير من طقوسه ومن إعجاب واحترام حقيقي لإثيوبيا كبلد وإنسان ........ وده الشي العادي لاى زول عرف البلد ديك وعندو المعرفة المناسبة ليها كتاريخ وحضارة .........
تعرف نحنا فى زيارتنا ديك مشينا عن طريق تسنى حيث قضينا يومين لصعوبة الطريق وزرنا أغوردات وكرن حيث قضينا يوما فى إنتظار البص. وفيها طافت فى ذهنى صور معارك الحرب ضد الطليان وبسالة المقاتلين الأثيوبيين والسودانيين الذين نسيناهم فيمن قد نسينا من كثير ممن ضحوا بأرواحهم. وعادت إلى ذهنى حروب أكسوم مع مروى والمهدية وحروب الزاكى طمل وحمدان أبوعنجة التى أنهكت البلدين فى مواجهة الهجمة الإستعمارية الأوربية.
نحن برضه زرنا أكسوم وعدوة. فتذكرت بسالة المقاتلين الأثيوبين فى موقعة عدوه فى أول شهر مارس عام 1896 ضد الإيطاليين وهزيمتهم الساحقة التى مازالت تشكل مصدر عزة إلى هذا اليوم لدى كثير من الكاربيين والأفارقة الأميريكيين من الراستفاريين. فقد ضمنت تلك المعركة إستمرار إستقلال أثيوبيا كالدولة الوحيد فى إفريقيا التى لم يسيطر عليها الأستعمار الأوربى. وكانت مصدر إلهام لكل من آمن بأن الأوربيين مجرد بشر يمكن هزيمتهم، إذ تصادف ذلك بعد سنين قلائل من سقوط الخرطوم فى أيدى جيوش المهدية وهزيمة الجيوش البريطانية والتركية والمصرية. والمرة الوحيدة فى التاريخ التى كسرت فيها قوات عثمان دقنة الباسلة مربع الجيش البريطانى الذى لم يكسر إطلاقا فى أى بقعة من بقاع الدنيا لا فى إفريقيا ولا آسيا ولا أمريكا ولا أستراليا ولا الشرق الأوسط. وأبيد جيش هكس باشا تماما فى شيكان كعلامة فارقة فى إسترايجيات وتكتيكات حرب العصابات التى تدرس إلى الآن فى أكاديميات الأستراتيجيات. وكل ذلك، ونحن لاندرى، يشكل مصدر عزة وفخر لكثير من إخواننا الأفارقة والأميريكيين من أصول إفريقية والكاريبيين.
وماشى أرجع ليك بمفارقة تاريخية عن أكسوم المدينة
ولكما ولسعادة اللواء كل الإعزاز والمودة
Post: #203 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-20-2013, 09:27 PM Parent: #202
سعادة اللواء , البروف و أستاذنا الطيب وكل الاكارم هنا
مساء الورد ,,,
في زمن هيلاسلاسي أرتبط الفن بالبلاط ... والرجل كان زي ماهتم بقن اهلوا الامهره برضوا كان بحب فن جيرانوا ولو قوقلته حاجيب ليك صورتوا الشهيرة وهو بكرم العميد ( أحمد المصطفي ) زمن الدرك * اللجنة العسكرية الاطاحة بهيلاسلاسي في 1974م واعلان إثيوبيا جمهورية بستيلاء الجيش على السلطة بقيادة الجرال امان عيندوم ماظن اتيحت فرصة لاهتمام بالفن الا لما اتولى الكولونيل مانجستو السلطة خلفا للجنرال تفارى في 1977 م كان محتاج بطاقة ملونه ومزخرفة يقدم بيها نظاموا فجتهد يكون عندو فرقة للفنون الشعبية حسناته انها قدمت فنون معظم شعوب الهضبة ... ونحنه صغار بنتذكر لما يزور مانجستو جاروا الجنرال جعفر نميري بيجيب الفرقة دي معاهوا ..............
بوصول الدرك للحكم وبدايه هروب الشركات الأجنبية الكبيرة ورؤس المال بدات بلدهم تفقد إزدهاره وبدأ خروجهم الكبير خصوصا بعد 1977 م وعندك زي استير اوكي من الزمن داك اقامته بين بريطانية وأمريكا ورغم تواجده في إثيوبيا بتكون زائرة .. في زمن الدرك كبار إثيوبيا كانوا موجودين ...
في شمال إثيوبيا كان شكل الأمور مختلف لأنهم اضطروا الدرك يدخلهم اجندتوا وفي 1977م أعلنت جبهة تحرير إقليم تجراى أنها حتحارب النظام منسقة مع الجبهة الشعبية لتحرير ارتريا فضطروا مانجستو يعيد حساباتوا بسرعة ولحظته كان مشغول بحرب جديدة مع الصومال في الجنوب ومركز يحسم الارتريين فبدات ملحمتهم الطويلة في حربهم مع نظام الدرك ... عشان كده لزمن طويل كل غناهم وفنهم ما طلع أنو بحكي سيرتهم مع الدرك ... وبتصور الناس ديل أجتهدوا بصورة ما عادية يرفعوا الظلم عنهم ولحظة بدؤ حربهم ضد الدرك كتير من ناسهم في اروبا وامريكا رجعوا يحاربوا مع اهلهم ... وبعضهم اهلهم ما شافوهم لانوا طوالي مشوا الميدان والبعض رجع ومات وما شاف اهلوا وده السبب الخلاني اكتب ليك في المداخلة الأولي انو كل الناس ديل الزمن داك كانوا بسمعوا إيسو برهي او شباب تانيين كل غناهم بدور حول سيرتهم مع الدرك ...
ويمكن دي السيرة البحب اسمعه واعرف عنها من ناس عاشوها او ناس كانوا اصغر سنا لكين في ذكرياتهم دبابات الـ T55 وهي بتعبر بلداتهم وأو الطائرات وهي بتقذف محطات الوقود وكل ما تعتقد أنه اهداف مهمه ....... وشفع صغار قعدوا تحت الشجر لما اهلهم اتلموا وكلهم قرروا ما يستنوا الموت ويزحفوا على اديس ......
أكيد راجع في سيرة الجيران
تحياتي
Post: #204 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-20-2013, 10:49 PM Parent: #203
البروف / عبد الرحمن إبراهيم
مساء الخير ,,,
Quote: نحن برضه زرنا أكسوم وعدوة. فتذكرت بسالة المقاتلين الأثيوبين فى موقعة عدوه فى أول شهر مارس عام 1896
سهول عدوه الظاهر مقبرة للغزاة في تاريخ إثيوبيا لانها برضوا مرتبطة بالحملة التركية المصرية على الحبشة السحقوها في معركة ( جندت ) في سهول عدوه في اللحظة ما قادر استحضر التاريخ بالضبط بس بعني الحملة بقيادة المازنجر الانطلقت من طوكر وفيها نسيب ال محمد على ممتاز باشا وكان من القلة النجت من المعركة احمد عرابي باشا وكان ضابط برتبه صغيره ...
الناس ديل برضوا كان عندهم جولة مع الاسطول العثماني وصدو عن بلدهم و عندهم مواجهة مع الطليان في زمن موسليني 1935 م ويومه اتدفقت قواتهم من الساحل الارتري واتوغلت في الهضبة وخرج الامبراطور خارج إثيوبيا لمده 7 سنوات ما هداءت المقاومة يوم واحد لحدي ماخرج الطليان مدحورين وعاد الامبراطور لعرشوا ........ فعليا اثيوبيا مصدر فخر لكل الافارقة في بسالته واحتفاظه بحريته على مر تاريخه
الجيران في 1935 تجمعهم لتحية الامبراطور والتوجه للميدان لصد الطليان الحقيقة تايخهم حتى الما بعيد شديد فيهو الكتير البخليهوا مصدر الهام وفخر للناس ديل
Post: #206 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-21-2013, 07:11 AM Parent: #204
عـزيزنا عبدالناصر
لك الإعزاز
Quote:
في شمال إثيوبيا كان شكل الأمور مختلف لأنهم اضطروا الدرك يدخلهم اجندتوا وفي 1977م أعلنت جبهة تحرير إقليم تجراى أنها حتحارب النظام منسقة مع الجبهة الشعبية لتحرير ارتريا فضطروا مانجستو يعيد حساباتوا بسرعة ولحظته كان مشغول بحرب جديدة مع الصومال في الجنوب ومركز يحسم الارتريين فبدات ملحمتهم الطويلة في حربهم مع نظام الدرك
تعرف ياصديق أنا كنت شاهدا على كامل تلك التفاصيل لهذه الفترة الهامة فكل من الجبهة الشعبية لتحرير إريتريا وجبهة تحرير التجراى بالسودان كان كثير من أعضائهما أصدقاء جميلين لى ملييئن بالإنسانية والمودة والإخـاء. والأهم حب متناهى لمواطنيهم وأرضهم. قمة فى البذل والعطاء والتفانى. ولربما أذيع سرا لأول مرة يجهله حتى أقرب الأقربون لى. فقد كنت أقوم كثيرا بنسخ بيانات وتوجيهات كلا الجبهتين فى ماكينة تصوير متطورة تنتج صفائح تطبع على ماكينة الرونيو بمكتبى بدار النشر بجامعة الخرطوم. وكانت تدور بيننا فى وجبات الغداء أو القهوة فى مقارهم وديار سكناهم حوارات فكرية ثرة تنعش الروح وتوقد الـعقل وتفرح الفؤاد. ولا أنسى تقديمى لهم أفكار المناضل الإفريقى وفيلسوف ثورة غينيا بيساو والرأس الأخضر، أميلكار كابرال. وكان إفتتنانهم بفكره مرحلة فارقة فى الطرح الفكرى لقضايا التعبئة والتوجيه والإستراتيجية.
ثم فى عام 1977 كنت فى مقديشو حينما أحتدمت الحرب فى أوقادين ومحاولات أفوينى (الفك الكبير) سياد برى فى تحقيق حلم الصوماليين بحمروين (الصومال الكبرى) التى تضم أطراف نجمة الصومال الخمسة كما يرمز علمهم (الصومال الإيطالى والصومال الفرنسى (جيبوتى) والصومال البريطانى فى الشمال ومقاطعة التخوم الشمالية تحت السيطرة الكينية وأوقادين تحت السيطرة الأثيوبية) وكنت الاقى كثيرا من العائدين من الجبهة وقد فقدوا بعض أطرافهم أو بصرهم أو سمعهم... كانت مأساة بشرية إفريقية! ساهم كل العالم مع أحد الطرفيين فى إشعالها وتأجيجها وإستمرارها حتى قضت على مئات الآلاف من شباب إفريقيا.
ونحن فى إفريقيا نظل نقتل المستقبل بإعدام شبابنا فى ساحات الحروب العبثية.
آسف على الإنفعالات ولكنها تغلبنى؛ فقد عايشتها ورأيت بأم عينيى ويلاتها. ورغم قساوة المفارقة كانت هناك ساعات الغناء والطرب وإن تمحور بعضها حول تلك الحروب والنضالات. وأذكر عبثية تلك الأيام ومغنى الصومال الشاب جيرى البيحانى وهو يطلق الرصاص الموسيقى من جيتاره ويهدر بـ "داون ...داون ... منقستو داون" وقاعة مسرح فندق جوبا تهدر من خلفه بمئات الأصوات تردد كلماته وهم يرقصون منتشين على تلك النغمات وذلك الغناء. فيالها من مفارقات مذهلة محزنة.
ان لله في خلقه شؤون - انا ذاتي ما قايل روحي ببقى مهم كدا
Post: #208 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 01-21-2013, 09:13 AM Parent: #207
Quote: مأساة بشرية إفريقية! ساهم كل العالم مع أحد الطرفيين فى إشعالها وتأجيجها وإستمرارها حتى قضت على مئات الآلاف من شباب إفريقيا. آسف على الإنفعالات ولكنها تغلبنى؛ فقد عايشتها ورأيت بأم عينيى ويلاتها. ورغم قساوة المفارقة كانت هناك ساعات الغناء والطرب وإن تمحور بعضها حول تلك الحروب والنضالات. وأذكر عبثية تلك الأيام ومغنى الصومال الشاب جيرى البيحانى وهو يطلق الرصاص الموسيقى من جيتاره ويهدر بـ "داون ...داون ... منقستو داون" وقاعة مسرح فندق جوبا تهدر من خلفه بمئات الأصوات تردد كلماته وهم يرقصون منتشين على تلك النغمات وذلك الغناء. فيالها من مفارقات مذهلة محزنة
ونحن فى إفريقيا نظل نقتل المستقبل بإعدام شبابنا فى ساحات الحروب العبثية.
.
كلها بفعل ساسة يسوس ونفسها كانت بدارفور الحبيبة وامتدت حتي كردفان ولقد سمعت بأذني بعض ما يسمون ولاة الأمر يتكلمون بما يزيد الفتن كنا نسافر من كردفان الي اقصي الغرب والشمال الغربي والجنوب والجنوب الغربي من دارفور الي ام دافوق الي جبل مرة الي (كويع باو) عند الحدود التشادية الي قريضة والأمن والأمان يتعدي الأنسان حتي يشمل الحيوان مساكين ...........الذين لا يعرفون عن جبل مرة الا عبر (إن زرت مرة جبل مرة)
Quote: ونحن فى إفريقيا نظل نقتل المستقبل بإعدام شبابنا فى ساحات الحروب العبثية.
نعم في احدي السنين الكوالح دارت احدي هذه الحروب العبثية بالقرب من مدرستي وكانت مدرسة بذلت منظمة اليونسيف فيها جهدا مقدرا مع ادراة التعليم في اعدادها واستنفرتنا للتدريس بها وصارعنا الشدائد لتعليم اهلنا وصنعنا من المتاح من معدات اليونسيف ومن بيئتنا (جلود صوف) وسائل تعليمية في غاية الروعة والي الآن معلقة علي جدران المدارس ومكاتب التعليم وتركنا حتي الطريقة الكلية للمنهج التربوي التعيس ومزجنا بين الطريقتين (الكلية والجزئية ) وخلقنا طريقة توليفية استطعنا ان نخلق منها شبابا نافسنا بهم بقوة وصدقوني الان منهم الأطباء والمهندسين والمعليمن والمحامين........ألخ هل تدرون ماذا حل بهذه المدرسة انتهت واصبحت اطلال لأنها دارت بالقرب منها معركة شرسة راح ضحيتها اكثر من عشرين رجلا كلهم في ريعان الشباب.....! والله يا سمحة البروف الي الآن حين اتذكر تلك الأهوال اقف مشدودا متهولا.........................
قدر ما قلت اتوب ابليس يلملم ناسو يقول لي ما تتوب التابو قبلك خاسو والعيش العزيز ما تنقطع من كاسو ما ظني الرسول بالنار يحرق ناسو
Post: #210 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-21-2013, 01:18 PM Parent: #208
Quote: ونحن فى إفريقيا نظل نقتل المستقبل بإعدام شبابنا فى ساحات الحروب العبثية.
لم اتراجع يوما عن احترام الطريقة التي نلنا استقلالنا بها .. وكنت اقول اننا مهرناه بالدم قبل ان نحتاجه .. وصنعنا لوطننا مهابة لدي المستعمر فاختار للسودان افضل ماعنده من الحكام والاداريين والقضاة والاطباء والمعلمين والجند .. ولم يدخل السودان من رجال المستعمر وادواته الا من توسموا فيهم القدرة علي ان لا يتسببوا في تجديد ثورات السودان التي واجهت المستعمر قبل الفتح واثناءه .. ولم يكن الحاكم البريطاني يريد ثورة جديدة يعلم انها ستتطيح به ولو اباد كل السودانيين
سمعنا صوت ابائنا وسمعنا بكلمات مثل الكفاح المسلح .. وما كنا نعلم اثرها وصداها عند المستعمر الا بعد خروجه (السلمي) من محطة الخرطوم .. لا لواذا ولا تسللا .. وقد حظي بوداع متحضر يستحقه .. وحظينا باسقلال متحضر نستحقه .. فالشعوب الاخري التي لم يجد الاستعمار مشقة في دخولها لم تجد منه الا المعاملة الجافة القاسيه وركوب الناس كالدواب وتشغليلهم بالسخرة واستغلال ارضهم كمورد واقتلاع ما فيها اقتلاعا وافراغها حسب القدره الي درجة المحاق ..
وعندما خرجنا الي العالم الحر .. لم ترد بلادنا الا ان تكون لاعبا اساسيا في افريقيا .. فدعمنا حركات التحرر علنا وسرا .. واطفأنا كثيرا من نيران الخلاف التي تشتعل بين الثوار بسبب القصور او فساد الانظمه او التطلع غير المشروع .. ولكن احدا لم يرد الدين لنا .. بل مال اكثرهم لدعم الفتنه وتاجيج اوارها فأصابونا لا بتقطيع اوصال شبابنا ولكن بتقطيع اوصال بلادنا بعد ان سقطوا في يد الاستعمار الحديث المتطلع الي مالم يتطلع له الاستعمار القديم من تواصل ونقل حضارة وتبادل منافع ..
وقد عشتم اخي البروف بعد جيل منا وكانت فورة الحياة وتطلعاته المتصاعده قد جاءت باجيال تؤمن بالكفاح المسلح وتتبعه بالقبضة الحديديه مع بقاء الشروخ النازفة التي لا تصنع وحدة ولا استقرارا ولا حتي تصالحا .. .. ولولا ان ثورة التجراي المبصرة قد قسمت اثيوبا الي دولتين بعد هيلا سلاسي لتمزقت اليوم الي عشر دول ولغدت اسوأ من الصومال
جذبني الامبراطور هيلاسلاسي وهو (كعادته) يعطي لكل قنصل دقائق من وقت حفل الاستقبال المقام علي شرف زيارته لاسمرا بقصر الحاكم وقال للمترجم ان يقول لي انه لو كانت هناك وحدة قادرة علي البقاء في افريقيا فانها لابد ان تكون بين السودان والحبشه فالشعب واحد والارض واحده والنيل واحد والموقف ضد الغزاة عبر التاريخ كان واحدا .. وفي اليوم التالي ابلغت السفير عبدالله الحسن الخضر فوجهني ان ارسل تقريرا بذلك للخارجيه .. وبلغ التقرير وزيرها ابراهيم المفتي .. فبلغ به الرئيس الازهري الذي امر باستدعائي مع السفير لمقابلته بالقصر .. فجئنا يحدونا امل بان يطلب منا تطوير الفكرة .. ولكنه نصحنا بعدم الاستماع لمثل هذه الافكار وقال ان الوحدة الممكنة لابد ان تقوم علي وادي النيل بين السودان ومصر ...
لاقامت هذه ولا تلك .. ولا بقي السودان واحدا ... وساعود يوما لامان عندوم (محمد نجيب) الحبشه الذي حاصره الجنرال تفري بنتي وغريمه الفاشستي منجستو هايلاماريام .
عمر علي حسن
Post: #211 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-21-2013, 02:57 PM Parent: #210
.
سعادة اللواء / عمر علي حسن
تحية طيبة ,,, ***
Quote: وساعود يوما لامان عندوم (محمد نجيب) الحبشه الذي حاصره الجنرال تفري بنتي وغريمه الفاشستي منجستو هايلاماريام .
أحينا أتسأل لو بقي عيندوم الارتري الاصول يحكم هل كان كفي الهضبة والساحل .... كل تلك الحرب الطويلة و الانفصال ووووووووو أم أن الشعوب لها أقدار أخري ....... فالارتريون لم يتقبلوا حكم الإثيوبيين في زمن الامبراطور والدرك .................... والاثيوبيين لم يؤمنوا يوما ان أرتريا بلد أخر غير بلادهم ........... والتجراى الاكثر قربي ودم لارتريا على الاطلاق خاصموا رفقاء سلاحهم القداما ووصل خصامهم لحرب 1998 المعروفة بحرب الحدود على بادمي او حرب النقفة حينما أصرت أرتريا ان تحل عملتها الجديدة النقفة محل البر ..... وبعض من أعرف من أهل ارتريا يقول لم يروا خير بعد ذهاب البر .................وإن سميت عملتهم نقفة تيمنا بنقفة التي خرجت من سلطة إثيوبيا في 1976 م وتوالت الحملات عليها ولكن لم تعد لسلطان الحكومة قط حتى تحررت كل إرتريا ولكن .... سلامهم مع جيرانهم كان يعني تبادل منافع وعلاقات متواصلة منذ الأزل ........ والإثيوبيين أنفسهم لم يصدقوا إن جيرانهم الذين حاربوا معهم الدرك وتواجدت قياداتهم معا سنوات في شرارو الحصينة العصية على نظام الدرك سنوات طوال يحاربون معا ....... أصبحوا هم العدو وزحف الناس نحو حدودهم لحرب تقاتلوا فيها بشراسة زائدة فكان القتلي ألوف مؤلفة ...... وفي القصة الكثير لكن للحق ما بين المنقستات / الحكومات يبقي مابين الحكومات فالناس تتواصل برغم من كل شي ... وحتى من يلتزمون العداوه الضيقة هنا او هناك... دائما تجد من يرد عليه ويذكره بأنهم أهل قربي ودم وإن طال العداء لا بد يوم أن يعود الاخوه إخوان
***
-----------------------------------------------
* في بوست أخر تناولت جزء من سيرة زمن الدرك
Quote: عمر صديق
تحية طيبة ,,,
مانجستو هيلى ماريام وجه إثيوبيا زمن الدرك 1974 - وحتى 1991 م
الكولونيل / مانجستو هيلى ماريام عرف كاحد ضباط الدرك البارزين _ الدرك اللجنة العسكرية التي أطاحت بالإمبراطور هيلاسلاسي في 12 سبتمبر 1974 على خلفية الاضطرابات التي سادت البلاد بعد مجاعة حصدت أرواح كثيرون في أقليم ( ولو ) .... يومها تولي السلطة في إثيوبيا الجنرال أمان مكائيل عندوم إرتري الأصل من قرية تسازكا في محافظة حماسين في إرتريا. ( يعني ممكن يطلع قريب أسياس أفورقي ) ... لم يحكم أمان إثيوبيا طويلا فقد اغتيل في 17 نوفمبر 1974 م ..... على يد ضباط موالين للجنرال تفارى
الجنرال أمان مكائيل عندوم
بعدها حكم إثيوبيا جنرال أخر اللواء تفاري بنتي Tafari Bentiوهو إثيوبي الأصول أمهره من ضواحي أديس أبابا , وتولى الحكم حتى 3 فبراير 1977 م حيث انتهت علاقته المضطربة بمانجستو وبعض الضباط المحسوبين على تيار أمان عندوم _ مانجستو كان الحارس الشخصي للجنرال أمان عندوم حينما التحق بالجيش _ حدثت المواجهة في اجتماع ضم ضباط الدرك فاطلق مانجستو ورفاقه النار واغتالوا الجنرال تفاري ورجاله ........
ويومها صعد نجم أقل ضباط الدرك حظوظ في تولي السلطة وأصبح الكولونيل مانجستو رئيس لإثيوبيا .... مانجستو هيلي ماريام الضابط الشاب القادم من الشعوب الجنوبية ( كاديبو / كواسه / جومي ) لتبدأ تحولات درامتيكية في تاريخ إثيوبيا الحديث بتحولها للشيوعية الكاملة في عهد مانجستو ثم الحرب على الصومال في تلك السنوات التي أنتهت بضم أقليم الاوغادين , الحرب في ارتريا ثم دخول جبهه تحرير تجراي بقوه على الخط وبدأ المواجهات الطويلة في شمال إثيوبيا المجاعة في 1983 ............................ ثم توسع الحرب في ارتريا وشمال إثيوبيا حتى اطاح تحالف الحركة الشعبية لتحرير ارتريا وحركة تحرير تجراي بمناجستو في 1991 م ويومها فر لزمبابوي كلاجي سياسي ....
*إن أطلت البقاء في البوست سوف أنزل يوتوبي لزيارة العقيد القذافي لاثيوبيا أيام مانجستو .................................. ليس له بواكي كثر في إثيوبيا الامهره يحنون لايام امبراطورهم هيلاسلاسي ويرونه شارك في الاطاحة به والتجراى يكرهونه كراهه التحريم باعتبار حربهم الطويله معه .................... قلة فقط من يحفظون له أنه أتاح المساواة والغي الطبقية وجعل التعليم متاح لابناء الفقراء ...........
صورة لقيادة الدرك من اليسار لليمين الكلونيل مانجستو و الجنرال تفاري والجنرال أمان عندوم عقب الاطاحة بالأمبراطور هيلاسلاسي
-----------------------------------------------
أو هو طريقهم الوعر الذي شاء الله لهم ان يمشوه سنين فتدمع عيونهم ويبالغون في انفعالهم كلما سمعوا .......
Quote: فوجهني ان ارسل تقريرا بذلك للخارجيه .. وبلغ التقرير وزيرها ابراهيم المفتي .. فبلغ به الرئيس الازهري الذي امر باستدعائي مع السفير لمقابلته بالقصر .. فجئنا يحدونا امل بان يطلب منا تطوير الفكرة .. ولكنه نصحنا بعدم الاستماع لمثل هذه الافكار وقال ان الوحدة الممكنة لابد ان تقوم علي وادي النيل بين السودان ومصر ...
لاقامت هذه ولا تلك .. ولا بقي السودان واحدا ... وساعود يوما لامان عندوم (محمد نجيب) الحبشه الذي حاصره الجنرال تفري بنتي وغريمه الفاشستي منجستو هايلاماريام .
عمر علي حسن
Quote:
ويومها صعد نجم أقل ضباط الدرك حظوظ في تولي السلطة وأصبح الكولونيل مانجستو رئيس لإثيوبيا .... مانجستو هيلي ماريام الضابط الشاب القادم من الشعوب الجنوبية ( كاديبو / كواسه / جومي ) لتبدأ تحولات درامتيكية في تاريخ إثيوبيا الحديث بتحولها للشيوعية
*إن أطلت البقاء في البوست سوف أنزل يوتوبي لزيارة العقيد القذافي لاثيوبيا أيام مانجستو .................................. ليس له بواكي كثر في إثيوبيا الامهره يحنون لايام امبراطورهم هيلاسلاسي ويرونه شارك في الاطاحة به والتجراى يكرهونه كراهه التحريم باعتبار حربهم الطويله معه .................... قلة فقط من يحفظون له أنه أتاح المساواة والغي الطبقية وجعل التعليم متاح لابناء الفقراء ...........
Quote: جذبني الامبراطور هيلاسلاسي وهو (كعادته) يعطي لكل قنصل دقائق من وقت حفل الاستقبال المقام علي شرف زيارته لاسمرا بقصر الحاكم وقال للمترجم ان يقول لي انه لو كانت هناك وحدة قادرة علي البقاء في افريقيا فانها لابد ان تكون بين السودان والحبشه فالشعب واحد والارض واحده والنيل واحد والموقف ضد الغزاة عبر التاريخ كان واحدا
اكرمت يا خال
كان هيلاسلاسى من حكماء القارة كان متواضعا يحب مخالطة العامة والبسطاء وكان كثيرا ما يزور الدندر فى رحلاته للصيد ..وفى احدى زياراته للدندر كان مسار موكبه - بالشارع الوحيد بالمدينة - فى طريقه للمجلس الريفى ومن ثم لمنزل الناظر يوسف العجب ويمر الموكب بالمسجد الذى كان مشيدا من القش (النال) فاصدر ضابط المجلس توجيهاته بازالة المسجد واعادة بنائه بعد انتهاء الزيارة ، واظن ان الضابط هو الريح الامين، فغضب عبد الماجد فرج احد وجهاء الدندر فإستل سيفه مدافعا عن حرمة المسجد وتمت تسوية الموضوع وذلك بان يقوم المجلس بتغطية كل المسجد بقماش الدمورية وزن عشرة وقد اعطت المسجد شكل قبة رائعة الجمال ومنذ تلك اللحظة بدا التنفيذ فى بناء المسجد بالمواد الثابتة . لقد تمت الدعوة لجميع قبائل رفاعة لتناول الغداء مع جلالة الامبراطور فى قرية البردانة . وقد تبرعت قبائل رفاعة بعدد مائة بعير لجلالته . طلب جلالة الامبراطور من الناظر يوسف العجب ان يوافيه باحتياجات المنطقة العاجلة فكان رد الناظر باننا فى حاجة الى مدرسة ومستشفى وتبرع هيلاسلاسى بالمئة ناقة لبناء ذينك المؤسستين واكمل عليها ما تبقى من اموال وكانتا بحق اعظم هدية للمنطقة لم نجدها حتى من حكامنا الوطنيين . والزائر لمدينة الدندر اليوم وفى شمال المدينة وشمال السكة حديد مباشرة يشاهد مبنى المدرسة الوسطى ومبنى المستشفى وكانهما ديدبانات واقفة لحراسة ذلك السهل الخالى من التخوم والمعالم..
Quote: وماشى أرجع ليك بمفارقة تاريخية عن أكسوم المدينة
الله يخليك ويحفظك ، يا بروف عبد الرحمن ، والحمد لله شاءت الصدف ان تجمعك انت والخال والخطيب في حديث صادف هوى في الانفس واصبحت مواضيع البوست متناغمة مع مسماه الحقيقي ( للجادين فقط)
Quote: وكان امامهم الراحل مبارك عبد الرحمن ام بلي ..
سبحان الله يا خال
هل تعلم ان سكان البردانة البالغ عددهم اكثر من عشرة الف نسمة هم من عائلتين ابناء عمومة جميعهم . عائلة ام بلي وعائلة شيقوق
دكتور امبلي عبد الله العجب ( العجب هنا لا علاقة له بأسرة آل العجب ابو جن والد يوسف العجب ومنصور العجب وانما تجمعهم قبيلـــــــة ر فاعة الشرق ) كان والي ولاية سنار وبروفيسر طه امبلي استشاري النساء والتوليد بالخرطوم هما ابناء عمومتي من البردانة . لدينا اكثر من 300 شاب مسمون (امبلي او ام بلي )
ما زلنا نبحث عن سر العلاقة بين امبلي البردانة وامبلي رفاعة _ ولا بد ان يكون ثمة شيئ من هذا القبيل .
Quote: ...........الذين لا يعرفون عن جبل مرة الا عبر (إن زرت مرة جبل مرة)
ياخ جبل مرة دا وبهذه العظمة اصلا ما سمعت ناسكم غنوا فيهو
الحاصل شنو؟
Post: #219 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-21-2013, 08:20 PM Parent: #218
سعادة اللوا عمر
لك التحايا والود
Quote: وقد عشتم اخي البروف بعد جيل منا وكانت فورة الحياة وتطلعاته المتصاعده قد جاءت باجيال تؤمن بالكفاح المسلح وتتبعه بالقبضة الحديديه مع بقاء الشروخ النازفة التي لا تصنع وحدة ولا استقرارا ولا حتي تصالحا .. ..
كان اللجوء إلى الكفاح المسلح بداية لمنازلة القوى الإستعمارية المتسلطة. كان هناك إصرار من الإستعمار على أن لاتضيع بقية مستعمراته فكان الناتج أن قتلت فرنسا مايزيد عن المليون ونصف جزائرى، وفى موريشس وملاجاسى (مدغشقر) والسيشيل، وجزر القمر قتل وصفى الألوف. وقتل البرتغاليون مايزيد عن ثلاثة ملايين نسمة فى أنجولا وموزامبيق وغينيا بيساو والرأس الأخضر، وأبادت جنوب إفريقيا العنصرية مايزيد عن المليون فى جنوب إفريقيا وناميبيا ومع نظام إيان سميث العنصرى فى روديسيا (زمبابوى). ولكن المد التحررى الذى قاده عبدالناصر وسوكارنو وتيتو ونهرو ونايريرى وكوامى نكروما وسيكوتورى وسوداننا بكل أطيافه السياسة والذى تبلور فى مؤتمر باندونج لدول عدم الإنحياز كان جارفا ولم تكن هناك رجعة عنه.
وأذكر حينما إستضفنا فى إتحاد طلاب جامعة الخرطوم أعوام 1965 و1966 و1967 و1969 مؤتمرات دعم حركات التحرر الإفريقية كان هناك إجماع عبر عنه قادة تلك الحركات. ولا أنسى قائد ثورة أنجولا أوقيستينو نيتو فى داخليات البركس وكندى ألفا من غينيا والأب سيتولى من روديسيا وكثر غيرهم، يؤكدون بأن السودان سيكون المثال والقدوة لإفريقيا ولتوحيد شعوبها وتحقيق تطلعاتها لما للسودان من دور رائد فى دعم حركات التحرر والمنافحة عنها فى المحافل الدولية ولتاريخه المضئ فى مقاومة ودحر المستعمرين ولأنه يمثل القلب الجغرافى لإفريقيا وتعددها الثقافى-الإثنى ولغنائه بالموارد الطبيعية وتفوقه على بقية إفريقيا بثروة إنسانية تملك العـلم والخبرة. تصور ياصديقى أنه فى عام 1973 تم إنتخابى بالإجماع مقررا لحركات التحرر الإفريقية ونائبا للرئيس وممثلا لإفريقيا فى المنظمة الشبابية العالمية للأمم المتحدة بجنيف، فقط "لأننى ســودانى"
وكلما أذكر ذلك يتملكنى الحزن والأسى وأرانا قد صرنا نموذجا للتخلف والفرقة والشتات وكراهة الذات، حتى صرنا نقتل أنفسنا كل يوم بقتل إخواننا وأخواتنا لأنهم يجسدوننا فى كينونتهم ونرى أنفسنا فيهم. فما أقسى إحتقار الذات! إذ لم يبق مجال لإختلاف الرأى ولو كان للصالح وللمنفعة. وهذا إرث، كما تفضلت ناجم عن التسلط والهيمنة التى رسبها بعض الجهلاء من السياسيين والعسكريين. وهى ظاهرة عمت أغلب الدول النامية، ماعدا حفنة منها.
فمع الأسف تحول كثير من الساسة إلى مستعمرين جدد بعد خروج المستعمر الأوربى. وتأزم الوضع أثناء صراع الإستقطاب إبان الحرب الباردة بين الشرق والغرب. ودخل العسكر دروب ومسالك السياسة فأبدعوا في كل ما أتقنوه فى دراستهم وتأهيلهم ومهنتهم التى تنبنى على "تدمير مقدرات العدو وقتل أفراده". ولكن للأسف إختاروا شعوبهم وبلادهم ليكونوا عدوهم. فبطشوا وشردوا وقتلوا وسجنوا، وحطموا ودمروا مقدرات البلاد ومؤسساتها. فأنهارت الدولة. لافرق فى ذلك بين منقستو فى إثيوبيا أو تيلور فى لايبريا أو قذافى فى ليبيا أو سياد برى فى الصومال أو البشير فى السودان أو بول بوت فى كمبوديا أو سوهارتو فى إندونيسيا أو بينو شى فى شيلى. فما للعسكر والسياسة؟ وكيف يبنى وينمى من درب وهئ للقتل والتدمير؟
وكان من نتاج ذلك أن تولدت ثقافة-حضارية جديدة تعتمد على الإرغام وقوة السلاح. وساد فى إفريقيا أسلوب القتل كحل للخلافات. ولكل فعل رد فعل مساو. وجر علينا سياسيونا ويلات الحروب وتدخل الجيران لأخطاء جسيمة إرتكبها سياسونا بلا روية ولا حكمة، بعد أن تفككت مفاصل الدولة وأنقطعت الحكمة بعد فصل ذوى الخبرة بدعوى التطهير فى كل نظام أتى. فأنهارت الخدمة المدنية بضياع تلك الخبرات المتراكمة التى بنيت على العلم الذى أنفق فيه البلد الملايين والخبرة العملية المتوارثة والمكتسبة.
أخى آسف أنا فقد نكأت جراحى النازفة من الأسى لضياع حلم جميل لسودان جميل كان من الممكن أن يكون أجمل بلاد الله
ولك الله ياوطنى!!!
لك ودى وتقديرى وإعزازى
Post: #220 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-21-2013, 09:23 PM Parent: #219
Quote: يؤكدون بأن السودان سيكون المثال والقدوة لإفريقيا ولتوحيد شعوبها وتحقيق تطلعاتها لما للسودان من دور رائد فى دعم حركات التحرر والمنافحة عنها فى المحافل الدولية ولتاريخه المضئ فى مقاومة ودحر المستعمرين ولأنه يمثل القلب الجغرافى لإفريقيا وتعددها الثقافى-الإثنى ولغنائه بالموارد الطبيعية وتفوقه على بقية إفريقيا بثروة إنسانية تملك العـلم والخبرة.
يابروف والدمع يملأ ناظري ونظارتي .. اقول لك ان جرحك مطابق لجرح قلبي .. عشنا بالامل وتعلمنا بالامل وسابقنا الحياة بالامل ان نجعل سوداننا واهله حداة لافريقيا بل وان نضعه علي خارطة من ينتفع العالم بعلمهم وتقدمهم ..
لعل ما يوجعني الان ان الكفاح المسلح لم يبدأ يوم 17 نوفمبر 1958 تري هل ضاع كل شيء ؟؟ ام أن هناك امل لن نراه ؟
عمر علي حسن
Post: #221 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-21-2013, 10:07 PM Parent: #220
.
سعادة اللواء مساء الخير ,,,
Quote: لعل ما يوجعني الان ان الكفاح المسلح لم يبدأ يوم 17 نوفمبر 1958
انا من جيل لم يعش 17 نوفمبر لكن بلغنا عنها خبر :
Quote: نقلاً عن كتاب العقيد أ.ح. محجوب برير محمد نور، نورد الآتي نصه بالحرف: (...عرض السيد مبارك زروق بوصفه وزيراً للمالية – بعد ثورة أكتوبر - على الرئيس عبود تخصيص مبلغ من المال؛ يكفي لبناء منزل يليق بمكانته كرأس دولة؛ بقي على رأس قيادة سلطة الحكم لست سنوات طوال عراض (and Rich) وتنازل عنه طوعاً واختياراً، وهو لا يملك منزلاً صغيراً كغيره من عامة المواطنين، وهمهم الحضور بموافقة جماعية، بل وتصايح البعض منهم فرحاً بالاقتراح الحكيم. لكن الرئيس عبود أذهل الجميع!! حيث رفض العرض في إباء وفي شمم وقال: (حقاً أنا رجل فقير؛ لا أملك سوى راتبي الشهري المحدود؛ غير أنني لا أرضى لنفسي كما كنت لا أرضى لغيري.. أن يُستباح المال العام لأغراض شخصية. وكل ما أرجوه هو أن أتقاضى راتبي التقاعدي المنصوص عليه قانوناً، وأرجو هذا أيضاً لإخوتي في المجلس الأعلى والضباط الذين أُحيلوا للتقاعد، وكذا أفراد الخدمة المدنية. وأعلم يقيناً أنهم في غالبيتهم لا يملكون قوت شهرهم بدونه). فاستجاب الوزراء لرجائه، وقد بلغ بهم التأثر والإنفعال مداه، ثم سألوه إن كان يود الإقامة في مسكن حكومي مناسب طوال حياته، وسيكون هذا حق من بعده وسُنّة متبعة لمن يشغل منصب رأس الدولة. فاعتذر الرئيس عبود عن قبول هذا العرض أيضاً!! وأخبرهم أنه سيقيم مع الأستاذ الفاتح عبود المحامي، أحد أقربائه حتى يتسنى له في قابل الأيام تشييد دار خاصة به مع أفراد أسرته، إذا أمد الله في عمره أو يتولَّى ذلك أبناؤه من بعده، إذا سبق الأجل!! ولم يجد الوزراء أيضاً إلاّ النزول على رغبته وإصراره، وودعوه بمشاعر الإجلال والإكبار، بعد أن تأكّد لهم بصورة قاطعة تجرده الوطني وأصالته وعفته ونقاء سريرته. عندها قال المحامي مبارك زروق في انفعال ظاهر قولته الشهيرةنحن نفاخر ونتباهى بزعماء العالم السياسيين من أمثال غاندي ولنكولن وديغول وشيرشل وسعد زغلول وغيرهم؛ لطهرهم وفعاليتهم؛ ونتخذهم قدوة وننسى أنفسنا ثم أردف بالإنجليزية: I cut my hand those whom I mentioned are not far beyond this man) الترجمة: (أقطع ذراعي لو أنّ هؤلاء الزعماء أفضل من عبود). انتهى الإقتباس من كتاب العقيد أ.ح. محجوب برير محمد نور
لكن أومن تماما كل العساكر الذين حكموا السودان وجاؤ من رحم القوات المسلحة إبراهيم عبود , جعفر نميري ....... كانو جنرالات عظماء خدموا بلادهم بشرف ......
لايشبهون المقاولين الذين جاؤ من الجيش ليس لخدمة بلادهم ولكن نيابة عن احزاب بعينها فلم يخافوا الله ولم يتقوه في البلد واهلها وفي يقيني تصور اخر ربما كان خطاء او صواب هولاء الجنرالات كانو كسر لحالة السودان المؤغل في طائفيته ولحظة رفع العالم كان ثمت كرسيين وضعا بمكان مميز بهما سيدان لهم اكيد الاحترام والتقدير فهما يمثلان حزبين تقليديين لهما محبيهم ومريديهم وطوائف ذات ثقل ولكن ....... أثبتت التجارب فيما بعد أن كل خطوات السودان التى مشاها للامام كانت في غياب نجومهم
لم يحتاج الامر كفاح مسلح لكن إن لم يكن ضد الجنرال الاول كان ضد الجنرال الثاني وذاكرة سبعينات القرن الماضي تقول كان هناك جبهة وطنية تحالفت فيها القوي التقليدية والاسلاميين ضد نظام جعفر نميري ونازلته في يونيو 1976م .... وحين اخفقت معظمهم ضاق نفسه وصالح بالمصالحة الوطنية في 1977 م ........... كان الامر اكثر تصميم وحزم من اجل اعادة عرش ملوك الطوائف المسلوب ... والثابت أن الجنرال نميري طوال تاريخه لم يقاتل إلا دفاع عن نظامه لكن لم نسمع او نقراء قط انه ارسل الجنود ليقتل المدنيون في دارفور أو جبال النوبة .... لم يصلوا الحكم على رؤس رماحهم لكن تتويج على كفاح الشعب السوداني في انتفاضة 1985م ولم يبقوا به زمن طويل حتى جاءهم من لايخاف الله ولا يرحمهم في يونيو1989م
الان الصورة مختلفة الامر اكثر تراخي حينما يتطلب الكفاح المسلح فالجنرال الموجود في السلطة ظلوم غشوم يقتل السودانيين دون رحمه ويقذفهم بطائراته ومع ذلك يجلس أبناء ملوك الطوائف واحد عن يمينة والاخر على يساره مساعدين !!!! في جزء من محبتي وتعلقي بسيرة التجراى ان هولاء الناس حينما أختاروا السلاح .... في احلك لحظات انكسارهم لم يفكروا قط بالتخلي عن طريقهم أو حدث ان جلسوا قط ليفاوضوا جلادهم
تقديري
Post: #222 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-21-2013, 10:51 PM Parent: #221
سعادة البروف عبد الرحمن إبراهيم
مساء الجمال ,,,
Quote: تعرف ياصديق أنا كنت شاهدا على كامل تلك التفاصيل لهذه الفترة الهامة فكل من الجبهة الشعبية لتحرير إريتريا وجبهة تحرير التجراى بالسودان كان كثير من أعضائهما أصدقاء جميلين لى ملييئن بالإنسانية والمودة والإخـاء. والأهم حب متناهى لمواطنيهم وأرضهم. قمة فى البذل والعطاء والتفانى.
وأتصور ان القوم بتلك الروح اجتهدوا في ثورتهم حتي تحققت , فقد كان القادة جادون يحسون ألم اهلهم بحق ... وفي نفس الوقت متفانون لاجل اهدافهم المرحوم مليس زيناوي لم يهتم ان يتخرج من كلية الطب ترك مقعد الدراسة ومضي في طريق الثورة ........
لم يكن الحالة المتفردة في حكاويهم رجل اخر كان في عيش رغيد في امريكا ترك كل ذلك وعاد ليموت على تخوم اديس ابابا ..... ولم يري اهله في التجراى ولم يروه .... وفي قصصهم كثير من الماثر والتضحيات , كل ما مررت بنصب تذكاري وسالت حكوا لك قصة ......... وفي بلادهم اليوم تنتصب تلك التماثيل ... وكأني بحّيلوم مديد القامه يحثهم صباح مساء أن يمضوا في نفس الطريق .........
النصب االتذكارى للقائد حيّلوم في شيرى أحد حواضر أقليم تجراى شمال اثيوبيا _ من صفحة زوجتى في الفيسبوك _
استاذنا / الطيب شيقوق
Quote: كان هيلاسلاسى من حكماء القارة كان متواضعا يحب مخالطة العامة والبسطاء وكان كثيرا ما يزور الدندر فى رحلاته للصيد ..وفى احدى زياراته للدندر كان مسار موكبه - بالشارع الوحيد بالمدينة - فى طريقه للمجلس الريفى ومن ثم لمنزل الناظر يوسف العجب ويمر الموكب بالمسجد الذى كان مشيدا من القش (النال) فاصدر ضابط المجلس توجيهاته بازالة المسجد واعادة بنائه بعد انتهاء الزيارة ، واظن ان الضابط هو الريح الامين، فغضب عبد الماجد فرج احد وجهاء الدندر فإستل سيفه مدافعا عن حرمة المسجد وتمت تسوية الموضوع وذلك بان يقوم المجلس بتغطية كل المسجد بقماش الدمورية وزن عشرة وقد اعطت المسجد شكل قبة رائعة الجمال ومنذ تلك اللحظة بدا التنفيذ فى بناء المسجد بالمواد الثابتة . لقد تمت الدعوة لجميع قبائل رفاعة لتناول الغداء مع جلالة الامبراطور فى قرية البردانة . وقد تبرعت قبائل رفاعة بعدد مائة بعير لجلالته . طلب جلالة الامبراطور من الناظر يوسف العجب ان يوافيه باحتياجات المنطقة العاجلة فكان رد الناظر باننا فى حاجة الى مدرسة ومستشفى وتبرع هيلاسلاسى بالمئة ناقة لبناء ذينك المؤسستين واكمل عليها ما تبقى من اموال وكانتا بحق اعظم هدية للمنطقة لم نجدها حتى من حكامنا الوطنيين . والزائر لمدينة الدندر اليوم وفى شمال المدينة وشمال السكة حديد مباشرة يشاهد مبنى المدرسة الوسطى ومبنى المستشفى وكانهما ديدبانات واقفة لحراسة ذلك السهل الخالى من التخوم والمعالم..
عشان كده بتلقاني ماسك النقيضين في القصة الإمبراطور في بروفيلي وفي نفس اللحظة بكتب عن التجراى بكل فخر .... يمكن لانوا قريت كتير عن تاريخ الرجل الكان من أباء افريقيا المؤسسين ويمكن لانوا في سيرتوا محبة واعزاز ما عادي للسودان أكدت بكتابتك جزء منو ....
تلفوني في البروفيل
ومشينا في الجدية اكتر مما يجب ليك اهداء خاص Selamawit Gebru سلمويت جبريو ..... حت حبشي بضمير
Quote: أخى آسف أنا فقد نكأت جراحى النازفة من الأسى لضياع حلم جميل لسودان جميل كان من الممكن أن يكون أجمل بلاد الله
فعلا يابروف لكين الامل ده موجود والحلم حيظل ما بقي الانسان بموروثاتوا وصفاتوا وأمالوا ..... وببدأ يتلاشي لو فعلا الانسان اتغير وفقد كل مميزاتوا
لحظته بنقول على كل احلامنا العظيمه لبلدنا ..... السلام
Quote: وكلما أذكر ذلك يتملكنى الحزن والأسى وأرانا قد صرنا نموذجا للتخلف والفرقة والشتات وكراهة الذات، حتى صرنا نقتل أنفسنا كل يوم بقتل إخواننا وأخواتنا لأنهم يجسدوننا فى كينونتهم ونرى أنفسنا فيهم.
ويتعمق الحزن في نفسي عندما اتجول في العاصمة مسقط واجد السواعد تبني وتشيد وتعمر في كل شبر من اراضيها ونحن منشغلون بقتلنا منهم كذا واستشهد منا كذا . القاتل سوداني والمقتول سوداني والمال الذى يصرف من الجهتين لهذا الخراب هو مال المواطن السوداني الذى وصل لتوصيف ما يشتريه من اللحمة بالمسكول ( المسكول مصطلح جديد صار يطلقه السودانيون على من يذهب للملحمة ويشتري ، بكل إستحياء ، نصف ربع كيلو من اللحمة يصرّه بين انامله ويدفس يده في جيبه حتى لا يراه الاخرون . ومع ذلك نسمع وسائطنا الاعلامية تشدو وتغني :
يا بلادا حوت مآثرنا كالفراديس فيضها منن فجر النيل في اباطحها يكفل العيش وهي تحتضن رقصت تلكم الرياض له وتثنت غصونها اللدن وتغنى هزارها فرحا كعشوق حدا به الشجن حفل الشيب والشباب معا وبتقديسه القمين عنوا نحن بالروح للسودان فدا فلتدم أنت أيها الوطن
Quote: فقد نكأت جراحى النازفة من الأسى لضياع حلم جميل لسودان جميل كان من الممكن أن يكون أجمل بلاد الله
والله صرتم تغطسونا في الاحزان وترحلوا بنا لمباهج الفرح والحت
Post: #226 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-22-2013, 08:13 AM Parent: #225
عزيزنا المستشار ودشـيقوق
لك المودة وها أنا أفى بوعدى تعقيبا على ما أورده عزيزنا عبدالناصر
Quote: في هجرات المسلمين الاوئل للحبشة الفضل مقسوم بين أرتريا الموجود فيها اول مسجد في راس مدره وإثيوبيا الفيها قبر النقوس/ الملك الاستقبل المسلمين وفي التجراى ضريحوا موجود
من حكمة الرسول الكريم وسعة إدراكه وإستقراءه الإستراتيجى للواقع الجيوبوليتيكى لم ير خيرا من بلاد الحبشة (سواء كانت السودان أو إثيوبيا) لانهما كانتا تدينان بالمذهب اليعقوبى وفى بلاد النوبة كانت الغالبية تدين إما باليعقوبية أو بالمونوفيستية وكلاهما موحدين. لذا كان صلى الله عليه وسلم مطمئنا ليرسل إبنته وزوجها عثمان وزينة الشباب الذرب اللسان واضح البيان إبن عمه الشاب جعفر بن أبى طالب
وكنت قد أشرت فى مداخلتى إلى زيارتنا لأكسوم وأطلال كنيسـتها والتى سـميت بكنيسة التوحيد الأرثوذكسية الإثيوبية والتى ترجع أصولها إلى عقيدة اليعاقبة الموحديين فقد كان إرتباط إثيوبيا وبلاد النوبة يما كان يعرف بالكنيسة الشرقية بخلاف الكنيسة الغربية أو الكاثوليكية فى روما، وتتبع لمفاهيم اليعقوبية والمنوفستية الموحدة عدة كنائس موحدة كالمتكارية فى الهند وهناك الكنائس الأرثودوكسية الأخرى كالأرمينية والسريانية، إلخ.
وحينما وقـفنا أما جلال ماتبقى من أطلال تلك الكنيسة المهيبة، تـذكرت مفارقة تاريخية قد لا يعلم عنها أغلب المسلمين كثيرا. وهى أن إمبراطور الرومان الشرقيين أهدى إلى نجاشى الحبشة سفينة كاملة محملة بألواح أخشاب الأرز الطاردة للحشرات والأرضة ليرمم بها الكنيسة فى أكسوم. فضربت السفينة رياح عاتية فى البحر الأحمر مما أدى إلى تحطمها وغرقها. وطفحت الأخشاب وتجمعت على شواطى جدة وماجاورها. فجاء بنو عبد مناف أسرة الرسول الكريم صلى الله عليه وسلم، وكانوا سدنة الكعبة فى مكة وسقاة الحجيج إليها، فجمعوا تلك الأخشاب وأعادوا بها بناء الكعبة المشرفة.
هذه صورة لـداخل كنيسة أكسوم المرممة
ولكم جميعا مودتى التى تعرفون
Post: #227 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-22-2013, 08:37 AM Parent: #226
.
سعادة اللواء
صباحك زين ,,,
Quote: جذبني الامبراطور هيلاسلاسي وهو (كعادته) يعطي لكل قنصل دقائق من وقت حفل الاستقبال المقام علي شرف زيارته لاسمرا بقصر الحاكم وقال للمترجم ان يقول لي انه لو كانت هناك وحدة قادرة علي البقاء في افريقيا فانها لابد ان تكون بين السودان والحبشه فالشعب واحد والارض واحده والنيل واحد والموقف ضد الغزاة عبر التاريخ كان واحدا .. وفي اليوم التالي ابلغت السفير عبدالله الحسن الخضر فوجهني ان ارسل تقريرا بذلك للخارجيه .. وبلغ التقرير وزيرها ابراهيم المفتي .. فبلغ به الرئيس الازهري الذي امر باستدعائي مع السفير لمقابلته بالقصر .. فجئنا يحدونا امل بان يطلب منا تطوير الفكرة .. ولكنه نصحنا بعدم الاستماع لمثل هذه الافكار وقال ان الوحدة الممكنة لابد ان تقوم علي وادي النيل بين السودان ومصر ...
التحية لرمزنا الوطني الكبير رافع علم الاستقلال الزعيم إسماعيل الازهرى ........ وكأني به يمثل رأي غالبيه معتبرة رهانهم الكبير على جيراننا في الشمال ....... ومع ذلك كانت العلاقة بهم في موضوع الوحدة كانت حسبما تكون رؤاهم في اللحظة التي يصّر ساستنا في طلبها.... لكن الثابت أن رجال مصر في السودان كانوا جادين فيها الحد ...الذي جعل فترة الاستقلال تيارين كبيرين ما بين الاستقلال أو الوحدة تحت التاج المصري ... وما أعرفه أن مصر لم تهتم بمصير الزعيم أزهري عندما أطاح به انقلاب 25/ مايو 1969م ولم ينظر جمال عبد الناصر للرجل وحزبه اكثر من انهم قوي رجعية ... فأدار ظهره لهم وأصبح يتبني نظام مايو في تلك الأيام ... وللحقيقة مايو لم تكن اقل إخلاص وولاء لمصر .... ومصر هي التي اوحت لنميري فيما بعد أن لا يذهب لاديس أبابا للتوقيع على اتفاقية السلام بين الشمال والجنوب التي رعاها الإمبراطور هيلاسلاسي ... أرسل من ينوب عنه ووقع الاتفاق الذي أنجز سلام صمد لعشرة أعوام اويزيد ... أحترم موقف الرجل ولكن ......... مثلما يؤمن كثيرون بوادي النيل .... بات الكثيرون يؤمنون بافريقيا التي لو تعّمقت معرفتنا بها وأمتدت جسور علاقاتنا لها لأختلف من أمرنا الكثير .............
Quote: ......... مثلما يؤمن كثيرون بوادي النيل .... بات الكثيرون يؤمنون بافريقيا التي لو تعّمقت معرفتنا بها وأمتدت جسور علاقاتنا لها لأختلف من أمرنا الكثير .............
أحسنت
Quote: كل أجزائه لنا وطن .............. كلوا حزّوه هقّيري
إن سارت الامور على ما هي عليه الان فستكون كل أجزائه (إلّن) يا الخطيب
Post: #230 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-22-2013, 11:01 AM Parent: #227
Quote: . بات الكثيرون يؤمنون بافريقيا التي لو تعّمقت معرفتنا بها وأمتدت جسور علاقاتنا لها لأختلف من أمرنا الكثير .............
في الصورة جومو كينياتا ايضا يقف بين الازهري وهيلا سلاسي .. وفرانسوا تمبلباي في اقصي الصف الاول لليمين .. واوباسانجو في اقصي يمين الصف الثاني واخر لم اتذكره ..
اغرب مافي هذه الصورة غياب كل عرب افريقيا ما عدا السودان ........
Quote: لك المودة وها أنا أفى بوعدى تعقيبا على ما أورده عزيزنا عبدالناصر
بوركت يازعيم فقد أوفيت وفاض عطاؤك
أطيب أمنياتي
Post: #231 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-22-2013, 11:10 AM Parent: #228
.
غير اني .. والسنا .. في أرض أفريقيا الجديدة والدجي .. يشربُ من ضوء النجيمات البعيدة قد رايتُ الناس في قلب الملايو مثلما شاهدتُ .. جومو ولقد شاهدتُ جومو .. مثلما إمتد كضوء الفجر يومُ
جومو كينياتا والامبراطور هيلاسلاسي _ من الصور بصفحتى في الفيسبوك _
*** سعادة اللواء
تحية طيبة ,,,
معليش العجلة في كتابة المداخلة وبرضوا في الصورة أحمد سالم رئيس منظمة الوحدة الافريقية _ وقتها _
ولك التحية واكيد التقدير ,,,
Post: #232 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-22-2013, 12:20 PM Parent: #231
Quote: . لكن أومن تماما كل العساكر الذين حكموا السودان وجاؤ من رحم القوات المسلحة إبراهيم عبود , جعفر نميري ....... كانو جنرالات عظماء خدموا بلادهم بشرف ......
عبد الناصر حبيبنا نعم صدقت .. انا رايتهم كذلك كاشخاص .. ولكن السلاح كان ضروريا لحمل الجميع علي تقديس الدم الذي يهرق لبلوغ طموح الوطن .. عبود ونميري ان لم يكونا احسن رؤساء السودان فلم يكن هناك من هو احسن منهما رغم ورغم ورغم .. ثم رغم انهما لم يبلغانا حد الطموح .. فقد كان السودان في عهد الاول صديقا للكل ولكن بلا شخصيه تمكنه من قياده القارة .. وكان السودان متارجحا في علاقاته بين الشرق والغرب في عهد الثاني فلم يطور ذاته الا فيما يرضي المسيطر منهما عليه ولم يتمدد بالنفع لافريقيا ليكسبها وانما تذلل بالقرب لمصر فلم ترفعه ..
لو جاء عبود والنميري من خلال الصندوق لكان لهما شأن اخر ولما ضاع منهما وقت في الامساك بالكرسي من عبث العابثين ..
ميزة الصندوق انك تعرف انك خارج فان اتي من يعطي اكثر منك فانك لاتعود .. فرق بين التداول بالارادة الحرة والتداول بالدبابه .. قلت يوما لنميري في اطار حوار عن احاطة العاصمة بالعشوائيات وانتشار الجريمة فيها وقد استصدرت قرارا من مجلس المديريه بازالة اكبرها بعد ان قتل سكانه معلن المحكمة لانه ارسل لاعلان متهم بينهم بالحضور .. قلت للريس .. لماذا لانرد الكل الي مواطنهم وقراهم .. ونحن ذاتنا ماذا نفعل هنا .. ارسلونا بتعليمنا وخبراتنا الي قرانا فنعمل ونعلم ونعمر فيكون عندك سودان كله نهضه وليس عاصمة تسرق كل النهضه
قال لي انت بتفكر كيف .. اجيب ليكم امكانيات من وين ؟ .. لا ادري ان كان محقا .. فانا وابناء رفاعه امثالي ومن هم دوننا كنا سنخلق من مدينتنا ما يحقق طموحنا ونعطي الفائض للوطن .. ماذا ينقص اي قرية او مدينة لتقوم نفسها اذا عاد اليها كل قادر وعمل وعاش فيها ؟
غاندي فعل هذا .. وقد رايت قرية هنديه لا يخرج ابناؤها بعد التعليم الي المدن الاخري فزرعت وباعت واشترت المصانع وانتجت وباعت وبنت المستشفيات والمدارس والطرق الداخليه .. ووجدت ان اكثر شبابها ورجالها لم يروا دلهي ابدا ..
عمر علي حسن
Post: #233 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-22-2013, 02:46 PM Parent: #232
.
سعادة اللواء عمر علي حسن
تحية وتقدير ,,,
Quote: نعم صدقت .. انا رايتهم كذلك كاشخاص .. ولكن السلاح كان ضروريا لحمل الجميع علي تقديس الدم الذي يهرق لبلوغ طموح الوطن .. عبود ونميري ان لم يكونا احسن رؤساء السودان فلم يكن هناك من هو احسن منهما رغم ورغم ورغم .. ثم رغم انهما لم يبلغانا حد الطموح .. فقد كان السودان في عهد الاول صديقا للكل ولكن بلا شخصيه تمكنه من قياده القارة .. وكان السودان متارجحا في علاقاته بين الشرق والغرب في عهد الثاني فلم يطور ذاته الا فيما يرضي المسيطر منهما عليه ولم يتمدد بالنفع لافريقيا ليكسبها وانما تذلل بالقرب لمصر فلم ترفعه ..
بتأمين على أنو الجنرال إبراهيم عبود كان أكتر انفتاح على العالم فعليا عبارتك الأخيرة بتلخص الكتير ... نميري كان بعتبر نظاموا امتداد لثورات القوميين العرب على النمط الناصري وده الغير علمنا المميز وشعار الخرتيت لجمهورية السودان البقت جمهورية السودان الديمقراطية أيام النصر لنا : بالايمان والاخلاص والعمل ... انحيازنا الكامل لمصر ... ثقافة سائدة لكين بتصور جعفر نميري ذاتو الله يرحموا في محكات بدي يعرف أنها تبعية اكتر مما تكون علاقات مميزة تقتضي التشاور في كل شي وبحضرني خلافوا مع السادات عقب كامبيفد والسودان وقتها هو البلد الوحيد الماعارض الاتفاق واحتفظ بعلاقاتوا مع مصر ... بس عتب نميري للسادات أنو ما شاوروا في الخطوة ... فحدث الخلاف الشهير بتصريح نميري انه لن يزور مصر ورد السادات الساخر أرض مصر طاهرة ....
علاقاتنا مع أفريقيا اكتر اللحظات فيها أسفاَ , انعقاد قمه أفريقية في الخرطوم وما تختار السودان حسب العرف يكون رئيس لمنظمة الوحدة الافريقية _ حسب الاعراف _
Quote: غاندي فعل هذا .. وقد رايت قرية هنديه لا يخرج ابناؤها بعد التعليم الي المدن الاخري فزرعت وباعت واشترت المصانع وانتجت وباعت وبنت المستشفيات والمدارس والطرق الداخليه .. ووجدت ان اكثر شبابها ورجالها لم يروا دلهي ابدا ..
يا ربي متين اشوف الخرطوم
قالوا لى في الخرطوم جنينة البلدية وقالوا لي في الخرطوم الفُسحة بالعربية
يا ربي متين اشوف الخرطوم يمكن كان أوبريت القروية الشفناهوا ونحنه صغار في جنة الأطفال لسان حال كتيرين , ويمكن لما تتركز التنمية في مكان واحد , ويهمل باقي الوطن لازم تنشأ الهجرة الداخلية ... الفعلا من زمن نميري كانت مشكلة فشل الناس في علاجة وممكن واجهوها بطريقة غلط والكل بتزكر زمن الكشة واجبار الناس على مغادرة الخرطوم متناسين الاسباب الجابتهم وعدم وجود تمنية متوازنة تخلى الناس تستقر في حواضرهم وقراهم ....... حاليا السودان كلو في الخرطوم ... وماظن في ناس نفسهم زي زمان : يا ربي متين اشوف الخرطوم
والسيرة دي شجنه عجيب
تقبل تقديري
Post: #234 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-22-2013, 04:18 PM Parent: #233
Quote: .والمرة الوحيدة فى التاريخ التى كسرت فيها قوات عثمان دقنة الباسلة مربع الجيش البريطانى الذى لم يكسر إطلاقا فى أى بقعة من بقاع الدنيا لا فى إفريقيا ولا آسيا ولا أمريكا ولا أستراليا ولا الشرق الأوسط. وأبيد جيش هكس باشا تماما فى شيكان كعلامة فارقة فى إسترايجيات وتكتيكات حرب العصابات التى تدرس إلى الآن فى أكاديميات الأستراتيجيات. وكل ذلك، ونحن لاندرى، يشكل مصدر عزة وفخر لكثير من إخواننا الأفارقة والأميريكيين من أصول إفريقية والكاريبيين.
ما هذا يابروف كانك تاتينا بحقبة واحدة من التاريخ كأن القادة فيها من طينة واحده .. نصاراهم ومسلميهم لايقف امامهم فرق سلاح يشد ظهر الغاصب ويعطيه تفوقا في المعارك .. قادة اعتمدوا علي ارادة النصر والايمان بالارض والعقيدة فوضعوا الالواح وحملوا السلاح الابيض بما فيه سيوف العشر .. واستهدفوا سلاح العدو اولا وجردوا الغزاة من بنادقهم واعملوها فيهم .. قيل ان جيش محمود ود احمد كان كامل التسليح في المعارك الاخيرة باعالي نهر عطبرة من ما استلب من سلاح الغزاة ..
وقفت كثيرا عند هذه الفقرة وفي عقلي سؤال واحد .. لو اكتمل النصر لدقنه وود احمد وحمدان ابوعنجه والمهدي وحكموا السودان .. هل كنا سنكون كما نحن الان ؟؟؟
بعيدا عن هذا .. هل مازال للراستفاريين وجود في امريكا اللاتينيه بعد ذهاب الامبراطور هيلا سلاسي ؟
عمر علي حسن
Post: #235 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-22-2013, 04:41 PM Parent: #234
Quote: حاليا السودان كلو في الخرطوم ...
يا خطيب الخرطوم اضحت مدينة بدينه مترهلة تعجز عن الوقوف.. تتنفس بصعوبه .. وتتغوط بصعوبة .. ولا تستحم ابدا .. ويملأ العطن والعفن ارجاءها .. لابد ان تموت كما ماتت روالبندي ولاغوس .. وتنشأ عاصمة جديده لا تستقبل الا من له ما يوجب دخوله اليها .. ثم يضطر العشوائيون الي ترك العاصمة القديمة في هجرة عكسية بطيئه وموجهة الي حيث يجب ان يكونوا ..
وربما يكون هذا بداية الحل لكل مانعاني منه من تعثر وتخلف .. ولا تصدق اننا نحتاج لعاصمة بهذه الضخامه ..
عمر علي حسن
Post: #236 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-22-2013, 07:28 PM Parent: #235
سـعادة اللواء عمر
لك التحايا ياصديق.
سـألت:
Quote: بعيدا عن هذا .. هل مازال للراستفاريين وجود في امريكا اللاتينيه بعد ذهاب الامبراطور هيلا سلاسي ؟
الغالبية العظمى من الراستفاريين هم من أهالى خليج المكسيك خاصة جزر الكاريبى والسواحل الشمالية لأمريكا اللاتينية والسواحل الشرقية لإمريكا الوسطى. ولهم كذلك وجود مكثف فى جنوب الولايات المتحدة خاصة فلوريدا ولويزيانا والباما والميسسبى لقربهم من جزر الكاريبى. ولكن لهم أيضا وجود فى بنسلفانيا وجورجيا والكارولاينتين ونيوجيرسى ونيويورك وميريلاند وديلاوير يعنى فى الولايات الشرقية. أما فى كونيكتيكت ورود أيلاند فوجودهم أقل من ولايتنا ماساساشوستس حيث يعقد فيها واحد من أضخم المهرجانات الكاريبية سنويا يضاهى ذلك الذى يقام فى نيويورك ونيواورلينيز. ومازالت الحركة حية ولكنها فنية أكثر من أنها فكرية كما كان فى السابق. وإن كانت لهم نشاطات سـياسـية، خاصة فى المجالات الإجتماعية وحقوق الإنسان.
وتـشـكل موسيقى الريقيى محورية هامة لحياة الحركة خاصة بعد أن تبنى أبناء بوب مارلى خط أبيهم. وكثير من الراستفاريين فى الولايات المتحدة ترجع أصولهم إلى جزر الكاريبى. وفى مهرجانتهم التى تشبه كرنفالات البرازيل ترى بوضوح إمتزاج الطقوس الوثنية لغرب إفريقيا مع أثر سكان أمريكا الأصليين فى الأزياء والالوان. بس زار جماعى مجنون. ولولا إباحية المشاهد لكنت أحضرت بعض الفيديوهات. وهذه المهرجانات تعقد سنويا فى كل مدن الولايات المتحدة خاصة الشرقية.
وكانت قوة الحركة الفكرية فى الخمسينات والستينات وأوائل السبعينات، حيث إنخرط عدد من العلماء الأفروأميريكيين فى بحوث وتيارات فكرية قوية ومؤثرة فى مسار حركة التحرر والإنعتاق فى كل من إفريقيا والولايات المتحدة وأمريكا الوسطى وجزر الكاريبى حيث غلبت عليها التقدمية اليسارية، مما أزعج الولايات المتحدة خاصة بعد وصول قياديين إلى السلطة عبر صناديق الإقتراع. كما فى جميكا وترينيداد وتبيقوا وأنتيقوا وقرب وصول المفكر والمورخ الإقتصادى البروفيسور والتر رودنى كاتب أهم مرجع فى الستينات والسبعينات "كيف خلفت أوربا إفريقياHow Europe underdeveloped Africa " والذى نسف بعد تأكد إمكانية فوزه فى إنتخابات رئاسة غيانا. وكنت قد عرفته أيام دار السلام حيث كان أستاذا بجامعتها ومحركا فكريا لمنتدياتها الثقافية,
والتر رودنى فى شبابه
ووالتر رودنى قبل أشهر من مصرعه
وممن إهتم بأمر السودان فى إطار حركة الوحدة الإفريقية أحد أهم مفكريها الغيانى الأسود جورج توماس قريفيث والذى غير إسمه إلى "راس موكنن" تيمنا بحاكم هرر الجنرال مكونن ولد ميكائيل قوديسا ووالد تفارى ميكونن أو الإمبراطور هيلاسيلاسى. ثم هاجر إلى غانا مع صديقه جورج بادرمور لدعم صديقهم كوامى نكروما فكريا. وبعد الإنقلاب على نكروما سجن حتى أنقذه صديقه جومو كنياتا ومنحة الجنيسة الكينية حيث توفى عام 1983 فى نيروبى.
وهذا مجال ضخم ياصديقى لك الشكر على طرقه
Post: #237 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-22-2013, 08:22 PM Parent: #236
Quote: وهذا مجال ضخم ياصديقى لك الشكر على طرقه
استاذنا البروف لا ادري .. لدي ميل خاص لهم منذ ان قابلني احدهم في بروكسل .. ويبدو انه شبهني علي احد منهم فلما تبين له ٍسالني ان كنت منهم .. فنفيت بادب ورغم ذلك قدم لي مساعدات طيبه واخذ عنواني وارسل لي معايدة في الايستر ولكنه انقطع عني .. وقد تابعتهم لفترة .. وتابعت هيلاسلاسي حتي مات .. وكنت اعرف ان الاحباش لا ينظرون الي عينيه ابدا ....
شوف آلطيب ..جدنا كمتور ظل يحارب في الحبش ديل وعمرو فوق التمانين ..اهلك ديل متين اتصالحوا مع الحبش والفولاني ؟ الحبش فعلوا في الارتريين الأفاعيل ..كان يشغل ذهني ومازال تنازل الانجليز للحبش لجزء كبير من الوطن اهلو مشلخين مدقاق ..( تي) نظير خروج الحبش من الرنك ! توغل العرب في تلك النواحي سواء من ناحية ملكال أو ناحية الجنوب الشرقي للسودان فتلك أمة من الناس لا زالت ملامح الانسان السوداني فيها ...البوست شحمان داير ليه فاقة وانطلاقة ..بقينا نحاحي من بكان لبكان واراء الفاذة والشاذة ..ههههه ربنا يصلح عوج النفوس الميدان موجود والجمهور ثابت فوق ارضو ههه
عفوا يا عولي فقد تعذر دخولي النت ليلة امس لاسباب فنية
دعوني اتصفح ما تفضلتم به من مداخلات
Post: #240 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-23-2013, 10:52 AM Parent: #239
سعادة اللواء عمر , البروف عبد الرحمن إبراهيم مولانا الطيب شيقوق العزيز / العبيد الطيب وكل الاكارم هنا .................
لكم جميعا أطيب تحية ,,,
أخوي العبيد الطيب .........كلنا في حضره الكبار بنستفيد من كلامهم وخبراتهم العميقة و المميزة وكلنا بقناعة أنو السودانيين الاكبر مننا سنا واتيحت ليهم فرصة للتعليم والثقافة هم من الاجيال الما بتتعوض لانوا تميزهم فطري وراسخ لهم التجّلة والاحترام
بس بتمني برضوا تشارك .... وكلام أستاذنا الطيب ليك على العين والرأس ...........
***
عن الرستفاري البروف كفي ووفي .......................
وبقولوا لما غني بوب مارلي war ( الحرب) نص الغنية كان وأحد من خطابات هيلا سلاسي
( حتى الفلسفة التي تعتقد في السابق أن واحد متفوق والأخر أدني منزلة كشي مسلم به فقدت مصداقيتها )
Until the philosophy which hold one race superior and another Inferior Is finally and permanently Discredited And abandoned - Everywhere is war - Me say war.
That until there no longer First class and second class citizens of any nation Until the colour of a man's skin Is of no more significance than the colour of his eyes - Me say war.
وفعليا تلك المعتقدات التى تربط أفارقة أمريكا والكاريبي بجذورهم الإفريقية أتخذت من هيلاسلاسي رمز لها وهو في عرفهم الـ high man وملك الملوك والجرماوي و جاه و الشاشماني وفعليا رستفاري هو أسم هيلاسلاسي حينما كان الامير تفارى رأس بالامهرية = أمير قبل أن يغير أسمه ويصبح هيلا سلاسي = قوة الثالوث .... في قراءاتي عنهم أنهم قدموا أفريقيا لمحيطهم في المهجر كارض للحضارات والمحاربين العظماء ... وأفارقة أمريكا حينما تعرضت الحبشة للغزو الايطالي 1935 عدد كبير منهم تدفق لنيويورك للسفر بحرا للحبشة للتطوع في الحرب ضد الطليان .... .... في نهاية الستينات كانت أكبر هجرات الرستفاريان لأثيوبيا التي كانت في عرفهم أرض الميعاد .... إستجابة لدعوة الإمبراطور يومها لاى أفريقي في العالم الجديد يرغب في العودة لإفريقيا الـ mother land فأن بلاده مفتوحه لهم ....... لم تزل اكبر تجمعاتهم موجودة في ضواحي أديس ... .
Quote: وكنت اعرف ان الاحباش لا ينظرون الي عينيه ابدا ....
الثابت انهم كانوا يجّلون الرجل ويتأدبون في حضرته حد السجود ...... ولا يسكنون بالقرب منه تقديرا , في بحر دار قصر للأمبراطور بناه للاستمتاع بالطبيعة وليكون مع أهله الامهره القجامي المساحات حوله شاسعة لاعتقادهم ان لا احد يجاور الاسد ...............
في مداخلت الحلاوي :
Quote: جدنا كمتور ظل يحارب في الحبش ديل وعمرو فوق التمانين ..اهلك ديل متين اتصالحوا مع الحبش والفولاني ؟
حضور لتحية الجميع هنا ..............وبمناسبة جد أستاذنا الطيب الحارب الاحباش حنشوف سيرة حرب الحبشة زمن الخليفة عبد الله التعايشي الحرب القتلوا فيها يوهانس وكمان نتعرض للعلاقة المتوترة زمن الخليفة مع المنليك البلع في حملتوا أجزاء كبيرة من السودان متزامن مع الحملة الانجليزية المصرية
الفولاني أهل غرب أفريقيا وكل أفريقيا الماظن ما موجودين في مكون أي بلد ما بين شرق أفريقيا وغربها لهم تحية خاصة وهم شعب بنتمي ليهوا في السودان كتار من ابناء السودان المميزين ده غير أنو داخلين في مكون كتير من شعوب السودان . حاجيب في مداخلتي الجايه كليب حت إثيوبي من شعب الفولاني الموجود وحاضر في الهضبة الاثيوبية بكثافة .........
ولحين عودة ,,,
Post: #241 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-23-2013, 03:28 PM Parent: #240
Quote: . Quote: وكنت اعرف ان الاحباش لا ينظرون الي عينيه ابدا ....
الثابت انهم كانوا يجّلون الرجل ويتأدبون في حضرته حد السجود ...... ولا يسكنون بالقرب منه تقديرا , في بحر دار قصر للأمبراطور بناه للاستمتاع بالطبيعة وليكون مع أهله الامهره القجامي المساحات حوله شاسعة لاعتقادهم ان لا احد يجاور الاسد ...............
وكانوا يحلفون بحياته .. فاذا قال لك احدهم (يموت) فان كل شي قد حسم .. ووجدتهم يحلفون به في اريتريا ايضا
تصور ياخطيب .. انني قابلت الاسد المصور مع الامبراطور .. .. نفسه .. ذاتو .. شخصيا .. المرة الاولي في مدخل القاعة الرئيسيه (الديوان) بقصر الجوبيلي عندما جاء وفد الصداقة السوداني لدول شرق افريقيا بقيادة رئيس الوزراء محمد احمد محجوب والوزراء احمد عبد الرحمن المهدي ومحمد احمد المرضي وبوث ديو وابراهيم المفتي والموظفون بقيادة السفير الاوجه كمال البكري وبيتنهم السكرتيرون مهدي مصطفي الهادي وشخصي والصحفي الضخم عبد الرحمن مختار ..
وقد تتابعنا علي عتبات المدخل بترتيب اقدميتنا الوظيفيه وكنت اخر الموظفين وامامي مهدي مصطفي .. وكان الاسد جالسا باعلي العتبات يتفرج علينا وكانه صنم .. لاتحس فيه من الحياة الا بريق عينيه .. فمد له مهدي يده قريبا من انفه .. فزمجر .. ولم يتوقف مهدي .. ولما كنت التالي له فقد اصبحت في مرمي الاسد .. وسلمت بموتة امبراطورية كتبت لي في هذا الصباح وقررت استقبالها بما يجب من الثبات فهي لن تكون اكثر من موته ... ولطف بي اللطيف الخبير فنظر لي الاسد (من فوق لتحت) .. ولم يقل شيئا .. فدخلت القاعة (خائفا اترقب) فاذا بي امام اسد آخر هو الامبراطور هيلاسلاسي .. ويده ممدوده .. فهبطت عليها بحرارة كأني الوذ به .. ولاحظ الجميع انه مسح علي راسي .. وظنوا ان ذلك من حرارة تحيتي لجلالته .. واستحسن المحجوب (تعمدي) اظهار هذا القدر من الاحترام وانا اصغر اعضاء الوفد ..
وجاءت المرة الثانية وقد فرغنا من الاجتماعات مع مجلس الوزراء الاثيوبي بمقر رئاسة مجلس الوزراء ووقفنا خارج القاعه لالتقاط صور للوفدين .. وقف المحجوب ورئيس الوزراء الاثيوبي اكليلو هبتي ولد في المنتصف وعلي يمينهما بوث ديو .. وتوزع بقية الوزراء علي الصف الاول معهم الوزراء الاثيوبيون .. واصطف الموظفون بالخلف ووقفت انا خلف بوث ديو مباشرة وبجانبي مهدي مصطفي الهادي وعلي يميننا ويسارنا بقيه الموظفين..
وكان الامبراطور يتجول علي قدميه ممسكا بالاسد بيده ويرتدي نفس الزي الرسمي الذي يظهر به في الصورة بمداخلتك ,, وعندما ظهر الامبراطور ورفيقه الرئبال وجدت يدا تشدني فاصبحت بالصف الاول والوزير بوث ديو يحتل مكاني في الصف الخلفي والمحجوب (فطسان) من الضحك .. وامسك بيدي واشار للمصور بالتوقف .. فتوقف حتي عبر الامبراطورورفيقه .. فعاد بوث ديو لمكانه وقال لمحجوب بلكنته الجنوبيه .. يابوس .. انت اسد دا ما بيعرفو .. نحن بس بنعرفو هناك في أقبه (الغابه) ..
وبعد لحظات جاءنا من يطلب الانتظار لان جلالته ابدي رغبة في اخذ صورة مع الجميع .. فاعلن بوث ديو رغبته في الاستقالة فورا .. ولما جاء الامبراطور بدون اسد .. سحبها ..
هذا الامبراطور وجيه جدا .. ومهيب جدا .. وكذلك الاسد .. وقد قلدني بيده وسام نجمة اثيوبيا في قصر الجوبيلي .. ثم قلدني وسام الامبراطوريه في مرة لاحقه بالقصر الجمهوري بالخرطوم ..
عمر علي حسن
Post: #242 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-23-2013, 06:14 PM Parent: #241
سعادة اللواء عمر
مساء الخير ,,,
عرف الأحباش بترويض الضواري منذ ألوف السنين ولا تنسي هم أصحاب الفيل .... كان الأمر عند الأباطرة نوع من إظهار قوتهم وباسهم اهتم هيلاسلاسي بالأسود وهو شعار البلاط الإثيوبي ( أسد جوده ) والبعض يسميه اسد يهوذا ذلك الاسد الممسك بالرمح ... وأسود إثيوبيا معظمها متدرجة من الشعار الكوشي القديم للأسد ( بادماك اله الحرب )
أجيال إثيوبيا الشابة من شعب الامهر على وجه الخصوص لايزال كثير منهم يهتم بسيرة الرجل ويحتفظ في بيته بصورته وعلم اثيوبيا القديم ذو الاسد
أكثر المغنين الشباب غني للرجل تيدي أفرو Teddy afro على الاقل تلك سيرته التي اشتهر بها لسنوات ... قبل مده سمعت أغنيته الجديدة يرثي فيها مليس زيناوي _ الرجل الذي في عهده سجن تيدي _ فنقسم محبيه ما بين من راءها نبل منه ومن راءها تغير عميق في شخصية الرجل الذي تزوج من إثيوبية من شعب التجراى ( اهل مليس ) اليوم يتسال محبيه بعد أن غني أسمرا قولا ( بت اسمرا ) وغني في رثاء مليس ... وزوجته تجراى ((حبشية)) هل يعود الرجل يغني كما كان للامبراطور والاميرة تجي !!!!
Teddy Afro - haile selassie
خارج السياق :
بيتنهم السكرتيرون مهدي مصطفي الهادي وشخصي والصحفي الضخم عبد الرحمن مختار ..
في بداية التسعينات كنت طالب في مصر , وتشرفت بزيارة العم مهدي مصطفي الهادي في مقر عمله بجامعة الدول العربية ووقتها كان يعمل أمين عام مساعد بالجامعة .. والرجل كان صديق لوالدي رحمه الله ومن الدفعة التي بعده في وادي سيدنا الثانوية ..... كان محافظ الخرطوم بزمن الجنرال جعفر نميري ...
Post: #243 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-23-2013, 06:58 PM Parent: #242
Quote: والرجل كان صديق لوالدي رحمه الله ومن الدفعة التي بعده في وادي سيدنا الثانوية ..... كان محافظ الخرطوم بزمن الجنرال جعفر نميري ...
وعملت معه ايضا في مديرية الخرطوم .. كنت اهم مساعديه .. واحفظ له ودا واحتراما وقد بني مجده علي عفة اليد وقوة الاراده ونصرة الحق .. اطال الله عمره
Quote: غير اني .. والسنا .. في أرض أفريقيا الجديدة والدجي .. يشربُ من ضوء النجيمات البعيدة قد رايتُ الناس في قلب الملايو مثلما شاهدتُ .. جومو ولقد شاهدتُ جومو .. مثلما إمتد كضوء الفجر يومُ
اها شعر ناس كجراي وتاج السر والجيلي........الخ طق الدلجة اصلنا ما شفنا لي ناسهن القالوهن ديل بلودهن اتقدمت الهم الا كان الهند....... وبعدين سؤال ما دام اثيوبيا دي بلد حضارة قديمة ومرقوا منها ناس الكاريبي وكل لاتين امريكا الجنوبية اها ناس المكسيك والارجنتين والبرازيل...... كلهم فاتو حرب العصابات وما شاء الله ماشين ومتقدمين بخطا ثابته نحو التقدم والازدهار واثيوبيا واقفة وقفة خراب السدود البسيطة يادوبهن فكروا ليها والله يا جماعة اي بلد دخلوا او احتلوها او صالحوها الأمريكان ديل اتقدمت واتطورت لكن الناس الاستعمروهن الطليان والبرتقال والفرنسيين ديل راحو في حق الله وحتي اللاتين ما شافو التطور الي بعد ماتركوا الاسبان واتجهوا نحو الامريكان انحنا امريكا دي الطريقة الترايمنا فيها كيفن والله بجد السودان بي ارضوا الخصبة وشعب المتنوع دي داير لو شوبة في امريكا.........
Post: #246 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-23-2013, 09:01 PM Parent: #245
Quote: وحتي اللاتين ما شافو التطور الي بعد ماتركوا الاسبان واتجهوا نحو الامريكان
عبيد .. امريكا ما عندها شي لله .. ما تسمع .. يومها التقلب عليك تمرقك من الدنيا وسقطها .. ثم نحن واطاتنا ما صبحت زمان يابا .. آل خصبه آل ..
عمر علي حسن
Post: #247 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-23-2013, 11:11 PM Parent: #246
أستاذنا / الطيب شيقوق مساء الجمال ,,,
Quote: يا الله عليكم الله قولوا لي حمد الله على السلامة
عودا حميدا لبوست الجيران الحتاتين …………. اسعدتني مكالمتك للغاية و سعيد بالبوست السمعني صوتك ده وعليك الله أعفي لي ما قدرته اخد راحتي في المكالمة لانو كان في ضيوف في بابي .....
وحارحب بيك في بوستك بغنية أبابا دسلنجةAbeba Desalegne
المكرم / العبيد الطيب , كتير التحايا والسلام
Quote: وبعدين سؤال ما دام اثيوبيا دي بلد حضارة قديمة ومرقوا منها ناس الكاريبي وكل لاتين امريكا الجنوبية اها ناس المكسيك والارجنتين والبرازيل...... كلهم فاتو حرب العصابات وما شاء الله ماشين ومتقدمين بخطا ثابته نحو التقدم والازدهار واثيوبيا واقفة وقفة خراب السدود البسيطة يادوبهن فكروا ليها
من حيث هم بلد قديم وحضارة قديمة ده الحاصل تاريخهم يبدأ من العهد القديم ( التواره ) يعني الناس ديل عاصروا الدينات الثلاثة ( اليهودية والمسيحية والاسلام ) ... والناس التاريخهم بمشي بسلاسلة وتسلسل من غير قفزات أعرفهم ناس قدام......
لو التقدم مربوط بالاستعمار الناس ديل في الكم ألف سنة من عمر بلدهم الاستعمار كان سبعة سنين ما ادو المستعمر الطلياني أي فرقة يفكر يقدمهم ولا بلادهم تزدهر استفادوا منو عمل ليهم خط سكة حديد غير كده ما ريحوا يوم واحد السبعة سنين دي كانت حرب مستمرة..... شنات طبع نقول شنو
يمكن ده سبب انهم ما متقدمين ....
بعدين ناس الكاربيان ديل الكلام عنهم كأفارقة ما لازم يكونوا مرقوا من إثيوبيا أغلب الافرو اميركان من اصول غرب افريقية أو الاماكن النشط فيها تجار الرقيق وأظن جزء من السيرة دي كانت في رواية ألكس هيلي المعروفة ( الجزور ).
ده غير اني اندهشته من حته أمريكا لانوا امريكا استراتيجيته مختلفة وما عندها مستعمرات امريكا دي ما دخلت نفسه في مشاكل العالم إلا في الاربعينات لما هتلر كان زانق الناس في اوربا برضوا قالت حتسلح بس ما حتحارب , إلا شلاقت اليابان الخلته تضرب بريل هاربر بسببه ظهر في المعادلة أمريكا ..... استعمارة ما جيوش إستعماره ثقافة ... يتخلى الناس كلهم يعيشوا على نمطه ونسقه ... لو راجعته الحكاية بعد انهيار الاتحاد السوفيتي وقصة نهاية التاريخ حتلقي الناس ديل افتراضهم اصلوا ما إستعماري لكين عصر امريكي لو أنت بعيد الاف الاميال براك بتخش نسقهم ده وتطبق مفاهيمهم واسلوبهم واقتصادهم ومبادئهم من غير يرسلوا ليك جندي واحد
Quote: والله بجد السودان بي ارضوا الخصبة وشعب المتنوع دي داير لو شوبة في امريكا.........
والله بالغت في شوبة دي يا العبيد اخوي كلمة سمحة وحنينة - يا اخوانا الكلمة دي خالي والبروف سمعوا بيها ولا نكلم العبيد يشرحها ليهم؟ كليمة بالحيل ممعنة في البداوة.
شوف يا العبيد انا عندي احساس قوي جدا وهو ان يتطور القانون الدولي العام ويسمح للامم المتحدة التدخل في البلدان التي تملك موارد وثروات هائلة ، مثل السودان ، واهلها عاجزون ، بسبب الصراعات الداخلية ، من استغلال تلك الموارد لصالحهم ولصالح البشرية عامة .
اتوقع تعديل في ميثاق الامم المتحدة ليسمح للدول الاعضاء التدخل عنوة في تلك البلدان لتدير شؤون مواطنيها ومواردها بأي آليه او تدابير تستحدثها تلك المنظمة .
انا ابارك تطبيق هذا النظام طالما صارت شعوب العالم كووووووووولها تضحك علينا وتقول صار السودانيون كالعيس في البيداء يقتلها الظمأ .. والماء فوق ظهورها محمولُ .
نستورد البيض من الهند والطماطم من الاردن ويش فينا ياخ؟
Post: #250 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-24-2013, 10:05 AM Parent: #248
أستاذنا الطيب شيقوق ,,
كتير التحية والسلام ,,,
Quote: والله يا الخطيب اخوي انا حسيت بيك مخنوق وما مرتاح لكن ليك على حنتعوضها في الوقت المناسب
بعتذر ليك في عز الكلام .....سامع زوجتي بتفتح في الباب وبترحب بي أهله ... عندها قريبته جات من الرياض ومرت عليها تسلم وتعزي في حبوبته حاجة فاطمة ... فكان لازم أكون في أستقبالهم لاقادر أقوليك جوني ضيوف ولا قادر أخليهم ينتظروني أكتر من اللازم عشان كده شوية بالى معاك وشوية بالى معاهم ..........
Quote: ما بلقى عروسة عينة ام ديس دي ؟
لو لقيت ... قول لاخوك عوك أنا ذاتي بفتش ...
على أي حال صادفت انو دي الغنية الفي سماعاتي وانا بكتب ليك في المداخلة أببا بتـعجبني لما أسمع غني امهرنجة ........... حاليا معـجب بيها كممثلة أكتر من مغنية شفته ليها مسكرامو بوسته( بريد مسكرام ) وفلم تاني ما متذكر أسموا ............... ياخي كانت كممثلة قمة في الروعة وانت بتشوفة بتنسي أببا المغنية وتركز مع الشخصية البتعمله ... .
في بالى أرفع غني للكبار تلهون ومنليك ومحمود احمد ... ولو البوست طول أكيد حنمر عليهم ...
تحياتي
.
Post: #251 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-24-2013, 10:38 AM Parent: #248
Quote: اتوقع تعديل في ميثاق الامم المتحدة ليسمح للدول الاعضاء التدخل عنوة في تلك البلدان لتدير شؤون مواطنيها ومواردها بأي آليه او تدابير تستحدثها تلك المنظمة .
الطيب اولا ان ميثاق الامم المتحده ومنذ ان انفض اجتماع مؤسسي العصابة في دومبارتن اوكس وحتي اصبحت هناك امم متحده ولها مبني في نيويورك وقوات دوليه ثم اصبح هناك بنك دولي ومنظمة صحة عالميه ومنظمة زراعة واغذيه ومنظمة عمل دولية ومنظمة شرطه جنائية دوليه ومحكمة عدل دوليه .. وغير ذلك ممن تنتهي لافتاتهم بكلمة دوليه او تبدأ بحرفي (يو ان) .. هذا الميثاق لم يسبغ حماية علي دوله ضعيفة واحده ولم يمنع قويا من العدوان والتغول علي الاخرين بل ساعد الاقوياء علي قهر الضعفاء .. واسس لحماية سطوة القويّ تحت مظلة الميثاق ..
ثم قل لي هل زاد العالم فقرا الا بعد قيام البنك الدولي واغلاقه مصادر العون والتمويل عن كل من لا يسمع الكلام فاصبح مطية لسدنة الميثاق من اصحاب الفيتو والعضوية الدائمه
وقل لي هل انتشرت الحروب والمجازر وتحقق الاستعمار والاحتلال الا تحت مظلة قوات الامم المتحده ومجلس امنها
وهل استشرت الاوبئه والامراض في العالم الا بعد قيام منظمة الصحه العالمية
ام هل انتشرت المجاعة الا بوجود منظمة الاغذية والزراعه
وهل اجترأت العصابات وجعلت للجريمة اكاديميات ومدارس الا تحت بصر منظمة الشرطة الجنائية الدوليه ..
واذكر لي اخي قضية واحدة قامت فيها محكمة الجنايت العدلية الدوليه بالنظر في حالات جرائم الحرب التي ارتكبها رؤساء وعسكر الدول القابضة علي رقبة العالم بسطوتها وجبروتها او حتي تلك التي تستظل بحمايتها .. وقل لي في اي اتجاه يميل ميزان العدل الدولي ...
وقل لي اين صارت الحركة العمالية المطلبية في وجود منظمة العمل الدولية التي اصبحت مؤتمراتها تعتمد البروفسيرات والاثرياء الذين يلبسون افخر الملابس والاحذيه بدلا عن اصحاب الاوفرولات والاحذية المتسخة ليمثلو العمال والطبقات الفقيرة ويخترعوا لهم من الاسس ما يجعلهم اكثر فقرا وخضوعا لرأس المال ..
وتريد ياخالي ان تسلطهم علي اراضينا التي لم يتمكن الغزاة من السيطرة عليها الا بالسلاح وتخولهم حق ادارتها واستثمار مواردها بالتصويت؟ .. لا وربك .. فلن يكون هذا الا بنهاية العالم وقيام الساعه .. ولو اردت الحق فادعوهم ان يحضروا لنا البذور والاليات الزراعية ومحافر الابار والري ويذهبوا بعيدا عنا فسنملأ الدنيا خضرة وقوتا .. وان يوفروا لنا معدات الحفر والتعدين وسنسقيهم بترولا ونلبسهم حلي من ذهب وفضه ونضيء الدنيا من اليورانيوم المخصب الذي يمنعونه عنا ويتركونه لامريكا دون ان تتدخل هيئة الطاقة الذرية فيما تنتج ..
ليتهم فقط يتركونا نعيش باقي عمرنا في حدود طموحنا وامكاناتنا وقدراتنا ونصعد ببطء وتؤده وثقه كما تفعل الحبشة والفلبين والملايو وسنغافورة وكوريا وبعض بلاد امريكا اللاتينيه .. وادع الامم المتحدة الا تساعد علي تمزقنا وتشتتنا ليفترس كل جزء منا عضو من اعضائها الدائمين في زمان التوحد الذي انهد فيه حائط برلين وعادت المانيا دولة واحده تتطور بمعدل متوازن يرفع الفقر عن الشرقيه ويحفظ للغربية رفاهة لم تكتب الامم المتحدة سطرا واحدا من سفرها ..
ثم اني كافر بالعصابة الدوليه التي حضرتُ جمعيتها العامة يوما وبصقت علي الاعلام المصطفة امامها .. وهي ترفرف في زهو وخيلاء كاذبة ومصطنعه ..
Quote: وتريد ياخالي ان تسلطهم علي اراضينا التي لم يتمكن الغزاة من السيطرة عليها الا بالسلاح وتخولهم حق ادارتها واستثمار مواردها بالتصويت؟ .. لا وربك .. فلن يكون هذا الا بنهاية العالم وقيام الساعه .. ولو اردت الحق فادعوهم ان يحضروا لنا البذور والاليات الزراعية ومحافر الابار والري ويذهبوا بعيدا عنا فسنملأ الدنيا خضرة وقوتا .. وان يوفروا لنا معدات الحفر والتعدين وسنسقيهم بترولا ونلبسهم حلي من ذهب وفضه ونضيء الدنيا من اليورانيوم المخصب الذي يمنعونه عنا ويتركونه لامريكا دون ان تتدخل هيئة الطاقة الذرية فيما تنتج ..
والله يا خال انت لسه في اتوبيتنا القديمة من امثال - يا اخوانا الجمال موجود في كل مكان لكن الجمال الاصلي في السودان ؟؟؟؟؟؟؟
عاشميق حبل الوجج انا اخويا مقلام الحج ؟؟؟؟؟؟؟؟؟؟
أنا امدرمان تأمل في ربوعي أنا السودان تمثل في نجوعي أنا ابن الشمال سكنته قلبي على ابن الجنوب ضميت ضلوعي ؟؟؟؟؟؟؟
ونحن كمان سلة غذاء العالم .
عليك ربك يا خال عاين في الفضائيات السودانية ثم تحرك بالرموت لغيرها من القنوات عشان تشوف الجمال الاصلي وين؟
اى ضلوع في عهدنا هذا هدأت لتسكن ابن الجنوب ؟ ألم ينحر المحسوبون على الحكومة وهم يهللون فرحا لانفصال الجنوب ؟
والله انت بتحكي عن عاشميق زمان . يا حليل عاشميق زمان الذى صار لا يساوي شيئا ان قارنته بمروءة وشهامة حنين الزعبي وهي تتصدى للهجوم الاسرائيلي على السفينة التركية.
الحد الادني للجور الذى تم اقراره اخيرا 450 الف جنيه اى 22 ريا ل عماني او 220 درهم امارتي
الناس يا خال تبني وتعمر ونحن مشغلون بتصريحات الصادق والميرغني وضربناهم وضربونا في النيل الازرق وجنوب كردفان ودار فور .
انت بس خليك على كلامك دا عشان بعد تفتح تلقى السودان ، بسبب سياساتنا الرعناء ، ممزق لعشرة دويلات .
والله يا خال لو خيرت ما بين جكم الكيزان والوصاية علينا من قبل الاخرين لفضلت الوصاية .
Post: #253 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-24-2013, 04:13 PM Parent: #252
Quote: والله يا خال لو خيرت ما بين جكم الكيزان والوصاية علينا من قبل الاخرين لفضلت الوصاية .
لا والله .. انا ياخال لم اتحدث عن السودان وحده .. ولم اقل اننا خارقون .. ولم اتحدث عن عزتنا ولا جمال بلادنا .. وانما توقفت عند ما تمنيتم من تعديل ميثاق الامم المتحده ليبيح استخدام القوة لتمكين دول من اجبار اخري علي الانتاج .. هذا اذا لم افهم الموضوع خطأ .. اليس هذا ما تقول
Quote: اتوقع تعديل في ميثاق الامم المتحدة ليسمح للدول الاعضاء التدخل عنوة في تلك البلدان لتدير شؤون مواطنيها ومواردها بأي آليه او تدابير تستحدثها تلك المنظمة .
فأنا فقط اردت ان ابين لكم شكل العالم بعد ما يقارب الثمانين عاما من وجود الامم المتحده .. وتقول لي الوصاية ولا الكيزان ؟ .. لا ياخال .. يسرقونا الكيزان ويحرقونا الكيزان .. وياتي الكيزان بما طلبه الجنوبيون في مظاهرة جوبا الشهيرة ان يفعله (رَجُلُ سُمائين) ولا يبقي بالبلد انجليزي ولا مصري ..
اما ما حاق بنا فلا يسلبنا حقنا في ان نجتر ماضينا ومحاسننا ومناقب ابائنا ونفخر بها .... مهما بلغ بنا الحال ونكسنا في الخلق ..
عمر علي حسن
Post: #254 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-24-2013, 07:26 PM Parent: #253
أخوى سعادة اللوا عمر والمستشار الطيب شيقوق
لكما التحايا.
مواصلة فى رد أخونا عبدالناصر الخطيب واللوا عمر على إبنا عبيد الطيب
Quote: اها شعر ناس كجراي وتاج السر والجيلي........الخ طق الدلجة اصلنا ما شفنا لي ناسهن القالوهن ديل بلودهن اتقدمت الهم الا كان الهند....... وبعدين سؤال ما دام اثيوبيا دي بلد حضارة قديمة ومرقوا منها ناس الكاريبي وكل لاتين امريكا الجنوبية اها ناس المكسيك والارجنتين والبرازيل...... كلهم فاتو حرب العصابات وما شاء الله ماشين ومتقدمين بخطا ثابته نحو التقدم والازدهار واثيوبيا واقفة وقفة خراب السدود البسيطة يادوبهن فكروا ليها والله يا جماعة اي بلد دخلوا او احتلوها او صالحوها الأمريكان ديل اتقدمت واتطورت لكن الناس الاستعمروهن الطليان والبرتقال والفرنسيين ديل راحو في حق الله وحتي اللاتين ما شافو التطور الي بعد ماتركوا الاسبان واتجهوا نحو الامريكان انحنا امريكا دي الطريقة الترايمنا فيها كيفن والله بجد السودان بي ارضوا الخصبة وشعب المتنوع دي داير لو شوبة في امريكا
أقول له بداءة لاتيأس يابنى فالأمل معقود على جيلكم لإخراجنا من هذه المتاهة التى دخلنا فيها بسبب فشل جيلنا فى تحمل مسئولياته بأمانة ووعى وتجرد. فأستمر فى إسهاماتك كما قال الخطيب. فالوالله لو كتفونى ماكنت لآتى بما أتيت به من إضافات ثقافية رائعة. أما أمر البلاد يا إبنى فقد صارت الدولة فيها شركة مقاولات كبيرة لضعاف النفوس ومصدر غنى لحفنة من الإنتهازيين. وسارت بذلك أمثال كثيرة حتى التمرغ فى تراب الميرى! أود أن أجمل ردى فى ثلاث نقاط:
أولا: لايمكن لأى دولة أن تطور دولة أخرى. وحتى تجارب أميركا اللاتينية مرت بعقود من مقاومة الهيمنة الأميريكية ومات الملايين فيها فى حروب فرضتها الإحتكارية الرأسمالية والشركات متعددة الجنسيات فى السلفادور وكوبا والأرجنيتن وشيلى ونيكاراجوا وفنزويلا والبيرو وقواتيمالا وبوليفيا وهندوراس والمكسيك، ألخ..ألخ. ولم يتم التطور الإجتماعى والنماء الإقتصادى المتوازن نوعا ما ومساعدة القطاعات الفقيرة إلا بعد أن إعتمدت الشعوب على نفسها وتحررت من الهيمنة الإقتصادية. فالتنمية خشوم بيوت فيها التنمية الطفيلية (بنايات وخدمات للدخل) دون تنمية البنية التحتية والبشرية - - يعنى مظهرية محضة. فكل دول الكاريبى تعيش هذه الهامشية الخدمية للسياحة مع إنحطاط الفرد والمجتمع. والتنمية الطفيلية أنواع لا أريد أن أسهب فيها ولكن من أخطرها على التنمية مايسميه الفرنسيون بالكمبورادورية وهى إرتباط رأس المال الوطنى برأس المال الغربى لتكديس المال لكيليهما بإستغلال مقدرات الوطن وإستنزافها بدون أى مردود للوطن وإغلبية المواطنين، وذلك بإستغلال المواد الأولية من معدنية إلى زراعية أو حيوانية أو خدمية. وتسخرالدولة فى ذلك برهن مقدرات البلاد لقوى إقتصادية خارجية كما حدث عندنا فى السودان من إنهيار مشروع الجزيرة والخطوط الجوية والبحرية والسكك الحديدية والمصانع...إلخ ...إلخ ومايجرى له التخطيط الآن بمنح مصر ودول الخليج أجزاء من الوطن لإقامة مشاريع زراعية وسياحية لا يستفيد منها المواطنون شيئا.
ثانيا: رأس مال أى تنمية وتقدم هو العنصر البشرى، كما سبق وقال المعلم جوليوس نايريرى الذى تحطمت تجربته الفريدة فى الإعتماد على الذات فى تنزانيا بعد أن فرضت عليه المنظمات المالية الدولية التى تحدث عنها سعادة اللوا عمر سياسات أودت بإقتصاد واعد وإستغلته فى حروب ضد الجارة يوغندا فأنهارت بذلك إقتصاديات ثلاث دول تنزانيا وكينيا ويوغندا (إتحاد مجموعة شرق إفريقيا). وأهم جهد فى هذه المعادلة رفع نسبة التعليم الإستراتيجى لكافة قطاعات الشعب ونشر الوعى المعرفى. وهنا يجب أن ننظر إلى إسهامات المفكر البرازيلى باولو فريرى الذى دفع بفكرة التعليم من أجل الحرية الحقيقية، وصار وزيرا للتربية وكان من نتائج إسهاماته إنطلاق البرازيل كأحدى الدول الستة لمنظومة الـ "بركس" (البرازيل وروسيا والهند والصين وجنوب إفريقيا)، كاسرع وأكبر معدل نمو فى العالم. فتعليم الجماهير يمكنها من الإسهام الواعى فى عملية التنمية. وخير مثال لذلك ولاية كيرالا فى الهند التى بها أعلى نسبة تعليم فى آسيا وتتبعها ماليزيا وكوريا الجنوبية وسنغافورة. وهذه الدول تسير فى نفس خطا اليابان بعد فترة "الميجى" التى تعنى الإستنارة التى أدت إلى إنطلاق اليابان كقوة إقتصادية فاعلة.
ثالثا: لا يمكن إحداث أى تنمية إلا بنهاية الإستقطاب المدمر الذى يؤدى إلى تصفية الخصوم وتحطيم الدولة كخدمة مدنية وتشطير الوطن. فعدم الإعتراف بالآخر وإلغاء دوره يؤدى إلى إفراغ الخدمة المدنية من الكفاءآت التى أنفق على تعليمها وتأهيلها وتدريبها مئات الملايين مرة بدعوى الصالح العام ومرة بالتطهير ومرة بعدم الولاء للنظام فيحدث الفراغ فى الكفاءآت ويستبدل بالمقربيين غير المؤهلين الذين لايستطيعون إدارة أو تسيير الموقع أو حتى كسب ثقة العاملين. وهكذا تدمر كل المواقع وتنتهى الإستمرارية فى عملية حمقاء لا تؤدى إلا إلى التقهقهر والإنحطاط والتخبط. وفى كل الدول التى تقدمت لم يحال موظف كفء لمثل هذه العصبيات الأيدولوجية أو العنصرية الضيقة. وبسبب ذلك يكون الإهمال المتعمد أو غير المقصود للأقاليم وتهميشها مما يؤدى إلى إنهيار وحدة البلاد وسيادة ترابها. ويتراكم كل ذلك ليؤدى إلى تحطم العلائق الإجتماعية وتطور العداوات والإحن ومحاربة كل شئ حتى المفيد الذى يأتى به الآخر. ولك أن تنظر إلى المداخلات فى هذا الموقع لترى درجة التردى فى النظرة إلى الآخر!!!
آسف للإطالة ولكنى رأيت إيضاح هذا الأمر الذى ظللت أدرسه وأدرسه خلال الأربعين سنة الماضية. وقد كان تعيينى فى جامعة بوسطن لتخصصى متعدد المساقات فى التطور والتنمية المقارنة. وكنت الوحيد الذى يدرسه لخمسة كليات ومراكز بالجامعة الى اليوم الذى تركت فيه الجامعة. وسأبدأ بإذن الله فى تحويل أطروحتى التى قدمت فيها نظريتى فى أسباب التخلف والتطور والنماء إلى كتاب حيث أن إختبارها كان على السودان كنموذج للدول النامية. ثم تم إختبارالنظرية بواسطة طلابى فى دراسات الماجستير والدكتوراة فى دول آسيا وإفريقيا وأميركا اللاتينية. وكان هذا هو إسهامى العلمى المتواضع للدول التى تعيش شعوبها على الأمل (أنا أعترض فكريا على مفهوم العالم الثالث، فقد كنا تاريخيا العالم الأول – مع الأسف) .
وللجميع الود والأمنيات لسودان مشرق لأجيال السودان اللاحقة.
Post: #255 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-24-2013, 08:52 PM Parent: #254
أستاذنا المستشار/ الطيب شيقوق سعادة اللواء عمر البروف عبد الرحمن إبراهيم محّزاي/ صاحبي العبيد الطيب وكل الاكارم هنا
مساء الورد ,,,
أستاذنا الطيب اسمح لى اختلف معاك واتفق مع سعادة اللواء عمر بشّدة ... الناس تعوس عواسته بس يكون خيارهم الحر من غير وصاية أو إملاء من غيرهم .... ما متشائم كتير من الحاصل أي امه زي ما في تاريخه فترات إنكسار ... برضوا في فترات إزدهار لازم تجي ...
الناس بتستفيد فيها من الدروس المّرة ... وبتقوي ثقته في نفسه وفي بلده المهم يظل كيانة قائم دون استعمار من دوله اخري أو دعوه لتذويب كيانهم في كيان جار بدعوى الوحدة ....وماظل الكيان موجود والناس مؤمنه ببلاده أكيد حتجي أجيال تكون اسهاماته لوطنه أفضل من كل الصور العشناها
الحرية غالية وحارجع بيك لتيدي أفرو Teddy Afro من اغنياتوا الجديدة تكًرسو Tikur Sew الماظن فهمته فيها حرف واحد لانوا غناها بالارومنجة ... الغنية دي سمعوها أفارقة كتار وعلقوا عليها تلاقي وأحد من الكميرون برضوا ما فاهم النص لكين بسمعة بنفس الحماس وبفهم رسالته أنا مع الحماس برضوا في الفيديو بحاول أشوف حاجات بنتقاطع فيها مع الناس ديل واظنك ملاحظ للنحاس الجيبنوا الناس ديل معاهم ميدان المعركة ...
ومع اني مافاهم الكلام بس اقرب سياق تاريخي دارت فيهوا معركة زي دي ممكن تكون حملة الطليان الاولي الهزمه إمبراطورهم يوهانس في سهول عدوه ... التاريخ بقول انو الإمبراطور نفسوا المات متأثر باصابتو برصاص قناص في معاركهم مع جيوش الخليفة عبد الله في مناوشاتهم مع الدولة المهدية .
بعد كده التصوير والإخراج والمجاميع ... كلها اسهمت في العمل الرائع ده
Tikur Sew
وللجميع اكيد تقديري
Post: #256 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-24-2013, 09:27 PM Parent: #255
سعادة البروف / عبد الرحمن إبراهيم
تحية وتقدير ,,,
اولا نرفع الفيديو الفي رابط تعميم للفائدة ...... أنو الناس برضوا بتقدم إسهاماته وإجتهاداته وانو الرؤية موجودة بس الله ييسر الظروف والعزائم البتخلى الناس تتبني مشاريع نهضته زمان سمعته في السبعينات كانت كوريا الجنوبية كواحد من بلاد العالم التالت في مرتبه شبه مساوية لسودان ذاك الزمان ...... حاليا وين كوريا الجنوبية ووين السودان !!!!
في نماذج أمريكا الجنوبية البتناقض طرح الأخ العبيد الطيب نموذج فنزويلا وشفنا قدر شنو الناس ديل متمسكين بهوجوا شافيز الوفر لمواطنيه كل متطلبات الحياة الكريمة ووجه موارد البلد البترولية للتنمية ومحاربة الفقر ..... ودي ماظن كان حتعمله الشركات المتعدده الجنسيات ولا امريكا ذات نفسه لو وضعت يدها على موارد فنزويلا ..
المداخلة جدا ثرة ومفيدة وأكيد حأقراها بتمّعن وارجع أكتب عنها وشنو الطلعته بي منها ........ وبالجد رغم الحاصل برضوا الواحد متفأل بمستقبل السودان الثروتوا الحقيقية في إنسانوا .....
في تجارب نهوض كبيرة مثل اليابان لم يكن هناك ثروة وموارد بقدر ماكان هناك إنسان مبدع ومبتكر
وتقبل أكيد التقدير يا بروف
Post: #257 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-25-2013, 04:44 AM Parent: #256
شــكرا ياعبدالناصر على رفع الفيديو
تعرف الشـغل بتاع تـكـر ســو دا شغل مجيه ومتكامل فنيا من سناريو لى إخراج لى أداء لى تصوير
فيه إيقاع يرن صداه عبر القارة وفية تجسيد لعزة النفس مبالغ فيه. عمل فى غاية الحرفية الفنية
بوصل رسالة قـوية تخليك تستجر الماضى وتلاقيه بالحاضر فى عملية فكرية متكاملة.
شــكرا ليك.
أنا بعجبنى الشغل الحديث للفنانين والفنانات الشباب اللى بيجمع بين المعاصرة والأصالة بدون
أى تكلف مع مزج جيد للإيقاعات الحديثة مع الميلودى الأصيل. كدى بالله أسمعوا وأدونا ريكم
مـع أكيـد مـودتى
Post: #258 Title: Re: للجادين فقط / غناء سوداني ، اداء خليجي ورقص إثيوبي Author: Alshafea Ibrahim Date: 01-25-2013, 05:24 AM Parent: #257
شيخ العرب ود شيقوق الطيب جمعة مباركة ويسعد ايامك مرور وسلام وتقدير لكم وضيوف أثيوبيا الحبيبة الشفيع
Quote: لا يمكن إحداث أى تنمية إلا بنهاية الإستقطاب المدمر الذى يؤدى إلى تصفية الخصوم وتحطيم الدولة كخدمة مدنية وتشطير الوطن. فعدم الإعتراف بالآخر وإلغاء دوره يؤدى إلى إفراغ الخدمة المدنية من الكفاءآت التى أنفق على تعليمها وتأهيلها وتدريبها مئات الملايين مرة بدعوى الصالح العام ومرة بالتطهير ومرة بعدم الولاء للنظام فيحدث الفراغ فى الكفاءآت ويستبدل بالمقربيين غير المؤهلين الذين لايستطيعون إدارة أو تسيير الموقع أو حتى كسب ثقة العاملين.
Quote: وانما توقفت عند ما تمنيتم من تعديل ميثاق الامم المتحده ليبيح استخدام القوة لتمكين دول من اجبار اخري علي الانتاج .. هذا اذا لم افهم الموضوع خطأ .. اليس هذا ما تقول ؟
عفوا يا خال انا لم اتمنى وانما هي مجرد رؤى مستقبلية مستوحاه من واقع التطور الذى نشهده آنئذ في القانون الدولي للحد للذى وصل بهذه المنظمة الدولية الى اقرار انتهاك حرمة سيادة الدول ومحاسبة الرؤساء على الافعال التي تشكل انتهاكا لحقوق الانسان . والمسألة هنا - يا خال - لم يكن القصد منها اجبار دول على الانتاج وانما استعمال القوة دفعا للقهر والارهاب واذلال الشعوب وسرقة ثرواتها.
لقد تتبعت الفديو الذى تفضل به مشكورا الاخ عبد الناصر الخطيب والذى تحدث فيه البروف عبد الرحمن حديثا شيقا تمنيت الا اصل الى نهاياته وقد ابان مدير الحلقة النقاشية تلك ان الظلم الذى وصلنا اليه الان ومن ذوي القربى لم يمر على السودانيين حتى في الحقب الاستعمارية .
Quote: وياتي الكيزان بما طلبه الجنوبيون في مظاهرة جوبا الشهيرة ان يفعله (رَجُلُ سُمائين) ولا يبقي بالبلد انجليزي ولا مصري ..
السبب - يا خال - في ارتفاع صوت الانفصال للجنوبيين بهذا المستوى يعود اولا واخيرا احساسهم بالاحباط والقهر من دعاة المشروع الحضاري . انتظر يا خال فستجد نفسك ، ان استمرت الحال فيما نحن عليه الان ، تحمل جواز دويلة اسمها دولة وسط السودان القديم.
Quote: اما ما حاق بنا فلا يسلبنا حقنا في ان نجتر ماضينا ومحاسننا ومناقب ابائنا ونفخر بها
ما الذى قدمناه للبشرية حتى نفاخر به الامم . يا خال تأمل فيما قدمته االامم الاخرى للبشرية من انترنيت وما اسهمت به شركات مايكروسفت وقوقل والفيس بوك والاسكايب وغيرها من برامج التي يسرت التواصل بيننا بالحال التي نحن عليها الان .
تقول لي مشروع حضاري وحرقنا الدفتردار وقطعنا راس غردون وكسار قلم مكميك والخليفة قال للملكة فكتوريا نعرس ليك ود الدكيم.
Post: #262 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-25-2013, 11:20 AM Parent: #259
Quote: السبب - يا خال - في ارتفاع صوت الانفصال للجنوبيين بهذا المستوى يعود اولا واخيرا احساسهم بالاحباط والقهر من دعاة المشروع الحضاري
يبدو انني لم استطع ان اوضح ما اريد فاخذه الخال اني اريد بقاء الكيزان .. لا والله .. ان مظاهرة جوبا التي اتحدث عنها كانت عام 1948 .. ولم يكن هنك ثمة تفكير في شي سوي استقلال السودان .. و(رجل سمائين) المذكور في الهتاف هو اسماعيل الازهري .. وكان الجنوبيون يهتفون بان يفعل الازهري بالسودان اي شيء يريده فذلك خير من ان يفعله المصريون والانجليز لذلك اقول لك مرة اخري ان اي شيء يفعله سوداني بالسودان احب عندي من ان يعمله اجنبي بنا ...
اما ما يرمي اليه الفيديو من دفع القهر عن الشعوب .. فلسنا الشعب الوحيد المقهور .. لماذا لم يطبقوا هذا علي فلسطين .. وهل طبقوه علي العراق الا بعد ان اقتضت مصالحهم ذلك .. وهل تدخلوا عندما القينا بعبود والنميري خارج السلطة .. وهل نحتاج اليهم اليوم ليخرجوا لنا عمر البشير ويحتلوا باقي بلادنا كما احتلوا العراق وافغانستان ..
انا لا اري ان نتحرر من ربقة اي قهر او ذل بايدي غيرنا .. ونظرية البروفسير عبد الرحمن تقول بالوضوح كله ذلك فلا توجد دوله تبني اخري (حبا في الحرية) .. فاذا اردنا ان نتحرر من عمر البشير فذلك شاننا وحدنا ولا يجب ان تساعدنا عليه الامم المتحده او دولها الدائمة العضوية ..
Quote: ما الذى قدمناه للبشرية حتى نفاخر به الامم
قدر العندنا .. حرقنا الدفتردار وقطعنا راس غردون وكسار قلم مكميك والخليفة قال للملكة فكتوريا نعرس ليك ود الدكيم. وهذا علي ضآلته لم تصل اليه دول غيرنا .. ويحق لهم ان يفخروا بانهم قهرونا واستعمرونا واثروا بلادهم بخيرات بلادنا وتفرغوا لاختراع مايكروسوفت وفيس بوك وغيرها مما لم يسهم باشباع الجوعي وعلاج المرضي في دول العالم الفقير .. وهذه هي الحضلرة والانسانية الحقه ..
الطيب .. لم اكن اود الرد علي مداخلتك التي تهاجمني فيها بشراسه لانني لا اجد في ميثاق الامم المتحد وتطوره الي ميثاق استعماري يبيح للدول القويه ان تكرة الضعيفة او المتقاعسه بقوة الميثاق وقوة اصوات دائمي العضوية علي الانتاج وترميني فيها بالدفاع عن المشروع الحضاري .. فهذ النوع من الحوار لا يناسب كلينا .. ولكنني فقط اردت ان اؤكد لك ان ملا نفعله بانفسنا لن يقدر غيرنا ان يصنعه لنا ..
Quote: لم اكن اود الرد علي مداخلتك التي تهاجمني فيها بشراسه لانني لا اجد في ميثاق الامم المتحد وتطوره الي ميثاق استعماري يبيح للدول القويه ان تكرة الضعيفة او المتقاعسه بقوة الميثاق وقوة اصوات دائمي العضوية علي الانتاج وترميني فيها بالدفاع عن المشروع الحضاري .. فهذ النوع من الحوار لا يناسب كلينا .. ولكنني فقط اردت ان اؤكد لك ان ملا نفعله بانفسنا لن يقدر غيرنا ان يصنعه لنا ..
افو افو اهاجمك ؟ حاشاك الهجوم والله
ابدا يا خال انا مدرك تماما ان حديثك عن المشروع الحضاري ، في سياق الحوار حول التدخل الاجنبي ، ليس دفاعا او انحيازا منك لذلك المشروع وانما لمجرد انه اعلى سقف يمكن التضحية به في سبيل دفع التغول على سيادتنا واستقلالنا .
يبدو لي ان ثمة سؤء فهم منى لما تفضلت به وربما العكس
انت - يا خال - تتمسك باستقلال وحرية الشعوب وهذا هو اصل لا يمكن ان تتباين رؤانا حوله الا في حالات استثنائية عارضة وهي الحالة التي راى فيها خالك احتمال تطور القانون الدولي ليسمح بتدخل خارجي على حساب السيادة وليس على حساب حرية الشعوب ان جاز لي الفصل بين الاثنين .
العفو يا خال الله لا جاب يوم زعلك
ياخ سيبك من السياسة انا ماشي على الحت بهناك
Post: #264 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-25-2013, 01:29 PM Parent: #263
الأفاضل هنا المستشار الطيب واللواء عمر والبروف عبد الرحمن إبراهيم وكل الاكارم في البوست
تحية وتقدير ,,,
ومن خلال طرح البروف عبد الرحمن إبراهيم :
الشعوب هي من تصنع اقدارها وتقود تقدمها بالوعي والانجاز دي الحقيقة البسيطة في مداخلة البروفسير عبد الرحمن إبراهيم وعلى مدي التاريخ السياسي الحديث البنعرفوا فعليا كل التجارب الحاولت فيها الحكومات تفرض أيدلوجيات ورؤي خاصة بيها وتطبقه على شعوبه فشلت وما ظن في أوضح من تجربه الاتحاد السوفيتي وقصة صعوده وانهياره دور الحكومة ما تغير شعوبه الحكومات لازم تحترم شعوبه وتنوعه وثقافاته وهويته وتاريخه .. وبالتالي حتوفر زمن كانت حتستخدموا في فرض الرؤية الخاصة بيها . في السودان شفنا ما أنتهت عليه تجربة الادلجة ( المشروع الحضاري ) كتجربة لاخلت المجتمع بشكلوا وموروثاتوا القديمة ولا وصلت بيها للشكل المطلوب في مخيلة منظريها الاهملت تنوع السودان الإثني والديني والثقافي ... فأصبح على القلة المؤمنه بمشروعها هناك الغالبية التي تؤيد ليس عن قناعة بعبقرية الطرح ولكن حفاظ على مصالح وإيثار للسلامة ...والمحصلة مزيد من التشظي
أي ثورة او إنتفاضة لا تتحد فيها رؤي الناس ومن يقودهم لا تحدث غير تغير في شخوص من يحكمون ولكن لن تغير في شكل الواقع بشكل جزري يمكن كلام البروف بطابق عندي تجربة الثورة على نظام مانجستو الوياني ( جبهة تحرير اقليم تجراى ) طوال سنين حربها على الدرك كانت المعركة بالبندقية ومكينة الرونيو وتواصله مع الناس ما وقف على المناشير والمطبوعات لانها كانت بتلم الناس في البلدات والقري يقعدوا دائرة كبيرة تحت الشجر والكل قادة وشعب يتكلموا ويقرروا مسار ثورتهم ... بهتم بتجربتهم دي من باب المعينة للناس الانجزو تغيراتهم الكبيرة ... ومع البروف أنو مافي تجربة ممكن الناس تستعيره كحالة لحالة بلد اخر ويمكن الدرس المستفاد لو في ناس عوزين ينجزوا التغير لازم دور الافراد ما يقل عن دور قيادته رغم فيما بعد أثبتت التجارب الحديثة جدا في تونس و مصر وليبيا واليمن انو التغير ممكن يعملوا الشعب الضاق بيهوا الحال تغير يصنعه شباب عادي مثقف وغير مثغف ضاق بهم الحال من صعوبة حاضرهم وانعدام الرؤية لمستقبلهم .
أكيد الكلام في طرح البروف ماكمل ولسه جاى بنقاط تانية
أستاذنا الطيب
Quote: لأي سودان اخي الخطيب ؟ فسودان اليوم ، بهذه السياسة ، مصيره التشظي والتفكك فإلي أي سودان يعود ذلك الازدهار
ما بالضرورة الرؤية تكون لاجيالنا وما ظن وضع السودان حيكون اصعب من المانيا بعد الحرب العالمية الثانية , دائما الامم البتمر بتجارب صعبة بتمر عليها لحظات وهي في عز الخراب انها تنتفض وتنهض عشان كده الامل موجود ولولا الأمل والتفاؤل بالغد الافضل لمات الناس حسرة ( لابد يوم باكر يبقي خير )
حت حبشي , غني الوياني زمن الحرب الاغنيات البموت مغنيها وتبقي في الخواطر ... الزول ده بغني في عز الشدائد متفائل ببكره بغني للخير والعداله وللديمقراطية ..... المغني الاصلي ما شاف النصر بتحقق والمغني الشاب بذكر الناس ديل بالآمال القديمة ........
Quote: ما بالضرورة الرؤية تكون لاجيالنا وما ظن وضع السودان حيكون اصعب من المانيا بعد الحرب العالمية الثانية
للاسف - اخي الخطيب - انا غير متفائل ابدا فقد افسدت نفوسنا ولا يغير الله ما بنا حتى نغير ما بانفسنا - اما المانيا فمعطياتها تختلف تماما عن معطياتنا بلد 75 % من سكانها يجمعهم المذهب البروتستانتي و25 % تقريبا من اليهود . لا فيهم رفاعة ولا جعليين ولا شوايقة ولا محس ولا بني عامر او هدندوة ولا مساليت ولا زقاوة ولا نوبة يعني لا اثنية ولا عرقية ولا جهوية بل انصرفت ارادتهم جميعا لاصلاح ما حل ببلدهم من خراب خلال العرب الكونية الثانية.
Post: #266 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-25-2013, 04:54 PM Parent: #265
Quote: العفو يا خال الله لا جاب يوم زعلك
انا والله لا ازعل لشيء الا ان انسب للمشروع الحضاري .. لو وددت ان انسب نفسي لحكم غير ديموقراطي لانتسبت الي جعفر نميري الذي عرفته واحببته كانسان .
لا عليك .. فرأسي اصلب من ان تدخله فكرة لاتقوم علي قدرة الشعوب وحدها علي التغيير ..
عاد اسوي ليك شنو علا ارسل ليك لالوب من ضهاري البردانة تمصيهو
ضهاري يعني الحواشات او البلدات البعااااااااااد من البردانة يا بتاعة الشهادة العربية
Post: #273 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-25-2013, 10:47 PM Parent: #272
أستاذنا الطيب شيقوق وكل الافاضل هنا
مساء الورد ,,,
Quote: للاسف - اخي الخطيب - انا غير متفائل ابدا فقد افسدت نفوسنا ولا يغير الله ما بنا حتى نغير ما بانفسنا - اما المانيا فمعطياتها تختلف تماما عن معطياتنا بلد 75 % من سكانها يجمعهم المذهب البروتستانتي و25 % تقريبا من اليهود . لا فيهم رفاعة ولا جعليين ولا شوايقة ولا محس ولا بني عامر او هدندوة ولا مساليت ولا زقاوة ولا نوبة يعني لا اثنية ولا عرقية ولا جهوية بل انصرفت ارادتهم جميعا لاصلاح ما حل ببلدهم من خراب خلال العرب الكونية الثانية.
برضوا نتفأل يجي يوم يجمع الشعوب دي كلها بمختلف إثنياته وثقافاته في مشروع وطني واحد يكون قبل القبلية والجهوية الضيقة ... التنوع في حد ذاتو ممكن يكون مصدر ثراء للبلد البكون فيها تنوع عرقي وثقافي وديني ...... ببقي التحدي في إدارة التنوع ده وما ظن السودان فشل في الحته دي زمان ما كان في التحيز الواضح للجهوية والقبلية ... وأحد من الاعمام الله يدي العافية قبل كده كنا في عيزومه وكلمنا عن زمنهم كيف كانت المدرسة الوسطي ولا الثانوية بتلمك بزول الجنوب والغرب والشرق والشمال ... وفي كل ديل يتشوف فيهوا اخوك وود دفعتك ويحصل التواصل وأنصهار الثقافات .... ماكان في أهمية ده من وين وده من وين ....وبرضوا لحدي جيلنا كانت الحكاية ماشة على النسق ده والجهوية والقبلية في انحسار
يعني السودان قدر يتجاوز الحته ومن بدري دي وماظن رجع ليها برغبه من الناس انو يحيوا النعرات دي بقدر ما شاف فيها النظام طريقة جيدة يشغل الناس في نفسهم وجهوياتهم وبكده يحول بين اجتماعهم في برنامج وطني واحد ...
يبقي النوع ده من الاستقطاب القبلي والجهوي حالة عارضة حتزول بزول مسبباته والناس ماظن درجة الوعي عندهم قّلت لكين صوتهم مغيب
*كدي اسمع بادي محمد الطيب ( فى الفؤاد ترعاه العناية بين ضلوعي الوطن العزيز ) ياستاذنا الناس ما بترتده عن وعيها مالم يكون في مؤثرات بتشوش على الوعي ده بس في الاخر ما بصح إلا الصحيح .....
Quote: وأحد من الاعمام الله يدي العافية قبل كده كنا في عيزومه وكلمنا عن زمنهم كيف كانت المدرسة الوسطي ولا الثانوية بتلمك بزول الجنوب والغرب والشرق والشمال ... وفي كل ديل يتشوف فيهوا اخوك وود دفعتك ويحصل التواصل وأنصهار الثقافات .... ماكان في أهمية ده من وين وده من وين ....وبرضوا لحدي جيلنا كانت الحكاية ماشة على النسق ده والجهوية والقبلية في انحسار
آآآآآآآآه ، اخي الخطيب ، هذا هو فردوسنا الذى اضاعته السياسات الهمجية
يا حليل ايام عمنا هذا اطال الله في عمره
Post: #275 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-26-2013, 10:56 AM Parent: #274
Quote: آآآآآآآآه ، اخي الخطيب ، هذا هو فردوسنا الذى اضاعته السياسات الهمجية
الوجعل .. ده ما ياهو ذاتو الجنن بوبي .. تفتكر ياخال انا اقدر اقيف في الصف في مطار جوبا (الدولي) وامد جوازي في الكاونتر عشان يختمو لي فيه دخول ؟ .. حرّم ما بسويها .. وزي ما الحكومة زمان كانت بتختم في صلاحية الجواز ماعدا اسرائيل .. انا جوازي حسع ماعدا دولة سلفاكير .. انشا الله اخم واصر
عمر علي حسن
Post: #276 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 01-26-2013, 11:41 AM Parent: #275
Quote: أقول له بداءة لاتيأس يابنى فالأمل معقود على جيلكم لإخراجنا من هذه المتاهة التى دخلنا فيها بسبب فشل جيلنا فى تحمل مسئولياته بأمانة ووعى وتجرد
سماحة البروف لك إحترامي ومعزتي
ياريتنا بي جيلكم وجيلكم جيل السرور شوف اساعا كيف تواضع العلماء الجسدو شخصكم الكريم والله صدق من قال في امثالكم من علماء بلادي(العلم شايلنو في صدورنا لا سوينالو كروش ولا إتفاسلنا بيهو) الحين كل من كتبلوا يافطة في جامعاتنا ادتو دكتوراه اي والله وكل يوم كان ركبت الطائرة بتلقي بجوارك خمسة ستة من مطاوعة الخليج وتجارهم ماشين السودان عندهم مناقشة رسالة ماجستير والله دكتوراه
والجيل البانين عليهو امالنا لحقو امَّات طه شئ منظم ودوا اولادهم لي الشرق والغرب ودرسوهم ودفعوا ليهم من عرقنا ونحن اولادنا جففوا ليهم الداخليات عشان مايقروا ويتعلموا والبتعلم في السودان بمرق فرقة ساكت.... مرة حضرت ندوة للتعليم بالولاية سألت احد مقدمي الاوراق هذا السؤال قلت ليهو دكتور محي الدين صابر رجل عالم وعندما عين وزيرا بدأ بخطوات مدروسة في تغير المنهج وجلب الخبراء والمختصين ولقد شاهدنا الان ابناء منهجة صاروا علماء بالرغم انه وجد منهج قبله ولكنه لم يلغيه وانما استصحب 70% من المنهج القديم ألإنقاذ لغت المنهج تماما والاسوأ استبدلت حتي الطريقة الجزئية واتت بطريقة لم يعمل بها احدا من العالمين وانت بحكمك من مؤلفي منهج دكتور صابر واشتركت في تأليف اجمل كتابين في منهج مايو والان تتحدث عن منهج جديد لماذ لم تقل هذا سابقا؟ ام ان الانتماء الحزبي فوق المنهجية والصدق؟ وهل تدرون مقدم الورقة الأخري ضابط إداري فقط لا علاقة له بالمناهج التربوية او العملية التعليمية فبعد ما قدم ورقته ترفعت حتي عن سؤاله ولكنني عندما اتي دور جراب الحاوي وتم سؤاله ولم يجب واتي دوري للحكم قلت له وسط الجميع :- قلِّد او حاكي صوت الحمار اي ورب الكعبة قلت له ذلك زمجر وارعد وصاح دي سؤال ما مسؤول ونحن في مناقشة المنهج تربوي لماذ تسألني مثل هذا السؤال ودي سؤال ما عندو علاقة بالتربية
بكل برود قلت ليهو اها دي كيف علاقة الضابط الاداري بالمناهج التربوية ها ناس الله إجازي محنك يافلاااااااااااانة ولم اقل الإنقاذ لكن البعض فهمها لكم محبتي
Post: #277 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-26-2013, 02:50 PM Parent: #276
العبيد الطيب أخوي
تحية وتقدير ,,,
Quote: والجيل البانين عليهو امالنا لحقو امَّات طه شئ منظم ودوا اولادهم لي الشرق والغرب ودرسوهم ودفعوا ليهم من عرقنا ونحن اولادنا جففوا ليهم الداخليات عشان مايقروا ويتعلموا والبتعلم في السودان بمرق فرقة ساكت.... مرة حضرت ندوة للتعليم بالولاية سألت احد مقدمي الاوراق هذا السؤال قلت ليهو دكتور محي الدين صابر رجل عالم وعندما عين وزيرا بدأ بخطوات مدروسة في تغير المنهج وجلب الخبراء والمختصين ولقد شاهدنا الان ابناء منهجة صاروا علماء بالرغم انه وجد منهج قبله ولكنه لم يلغيه وانما استصحب 70% من المنهج القديم ألإنقاذ لغت المنهج تماما والاسوأ استبدلت حتي الطريقة الجزئية واتت بطريقة لم يعمل بها احدا من العالمين وانت بحكمك من مؤلفي منهج دكتور صابر واشتركت في تأليف اجمل كتابين في منهج مايو والان تتحدث عن منهج جديد لماذ لم تقل هذا سابقا؟ ام ان الانتماء الحزبي فوق المنهجية والصدق
د. محي الدين صابر برضوا من الشخصيات السودانية الكبيرة .......................الاسعدني الزمن أشوفه وصادفته الرجل في عشاء بمصر الجديدة بقصر الصفاء بالقرب من القيادة المشتركة ويومه كان الرجل ضيف على المرحوم جعفر نميري وأخوه مصطفي نميري , وكنت حاضر في هذا العشاء ومستمع جيد لونسة الاخوين نميري والدكتور محي الدين صابر واللواء أحمد الطيب المحينة ودار كلام كتير عن ذكريات العم مصطفي نميري في الجنيد وطابة وعن الفنان أحمد الطيب والد الفنان عماد أحمد الطيب وكتير من الكلام والذكريات
كان فيها الدكتور محي الدين صابر بتهذيبوا الملحوظ ولباقتوا في الكلام ..........حاضر فيها بقوه ...... . وبالجد الزمن داك بداية التسعينات كنت مطبق نصيحة أستاذنا الطيب شيقوق في حضرت الكبار نقعد ونسمع ونتعلم .....
الدكتور الزمن داك كان في باريس في واحدة من منظمات الامم المتحدة ممكن اليونسكو والرجل كوزير للتربية والتعليم في بدايات مايو أرتبط بتعديل السلم التعليمي أضاف العامين للأولية البقت الابتدائي وغير المناهج الحرمت أجيالنا من الريدرات السته ( منهج اللغة الأنجليزية المميز ) ومن سبل كسب العيش في السودان ( كتاب جغرافية معروف ) ........................
*كل الريدرات درستهم على يد أستاذي *وتاما السابا كلايسوا الله يطرا بالخير في كمبوني بالعصر من أساتذة اللغة الانجليزية العمر ما انساهم ........ ماكان محترف تدريس لانوا كان مستشار في الشئون الاجتماعية فبدرس كهواية وتدريسوا ميال للدعابة والنكته .... والرجل من أهلنا الزاندي البقوا هسه جيرانا والبتذكروا دراسة المنهج ده غيرت 100% من أستيعابي لمادة اللغة الانجليزية الاعطبه دراسة النايل كورس وحكايات دكتور تروته ........... وسبل كسب العيش في السودان أطلعته عليهوا بحكم وجودوا في البيت لانو الوالدة الله يديها العافية كانت مدرسة ..... ومحتفظه بكتب المنهج القديم
وفي تقديري ومع عدم إطلاعي على الوضع الحالي للمناهج لكين في الأخر تأثيره حاسم عى مجمل العملية التعليمية
------------------------------------------------
Quote: فتكر ياخال انا اقدر اقيف في الصف في مطار جوبا (الدولي) وامد جوازي في الكاونتر عشان يختمو لي فيه دخول ؟ .. حرّم ما بسويها .. وزي ما الحكومة زمان كانت بتختم في صلاحية الجواز ماعدا اسرائيل .. انا جوازي حسع ماعدا دولة سلفاكير .. انشا الله اخم واصر
سعادة اللواء تحية وتقدير ......... برغم من مرارة الحالة لبلد كنت بتزوره كبلدك ولو زرتها تاني حتزورة كبلد جار ببقي عزاءنا إننا حتحترم خيار أخونا الجنوبيين وبنتفهم الأسباب الادت للانفصال وحنتمني أنو القصة تقيف هنا ما تحصل مع أخون تانيين في الوطن يجي زمن وبرضوا يبقوا الجيران ...
Post: #281 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-26-2013, 08:20 PM Parent: #279
Quote: يا خال اتماسك
يعني اتماسك كيف .. الا تسمع وحاله يحكي حالي وهو يتضرع هلا رحمت متيما .. واسال ياخال .. ماذا عليك اذا نظرنا ؟
شوف .. الجمال وحلاوة الصوت والاداء .. مش تقول لي ويناظر الساعة والجريف واللوبيا .. ياخي تسلم
عمر علي حسن
Post: #282 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 01-26-2013, 09:05 PM Parent: #281
لحين ميسرة برجع ليك يا الشوووووم
Post: #283 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-27-2013, 00:40 AM Parent: #282
أستاذنا الطيب مساء الجمال ,,,
Quote: خودك يا الخطيب
هدية مقبولة ........ وأتقبل مني صور جمهور الامبّسة في نهائي الامم الافريقية طبعا ده اسم المنتخب الإثيوبي ... شائف في البطولة دي جماهيروا أطلقوا عليهوا (( الاسود السوداء )) .... ما القصد متابعة الكورة الهي بالنسبة لى زي الشهر الماعندي فيهو نفقه بس لانوا ; كان في صور متفأله شديد ...... الجيران كانوا هناك أتحمسوا وشجعوا
بتصور اللمحة الكانت حلوه شديد تواجد جيرانهم الارتريين ..... وشعارهم East Africa one love
حظ اوفر للامبسة في البطولة ... بس اللمحة كانت بالجد حلوه وتدعوا للتفأل
العريس تيدي أفرو كان هناك شجع وغني وقدر مافتشته غنيتوا الجديدة للمنتخب رغم انها لاقتني قبيل في الفيسبوك ما لقيته يمكن أشهر اغانيوا الشجع بيها منتخب ألعاب القوه ( Anbessa )ما حاختاره لكين حاختار غنية تيدي لجيرانوا Fyorina أو بت أسمرا gual Asmera القدمه ليهم تحية ومحبة يمكن هم ما قصروا وبرضوا كانوا هناك بشجعوا جيرانهم تحية ومحبه
Quote: هدية مقبولة ........ وأتقبل مني صور جمهور الامبّسة في نهائي الامم الافريقية طبعا ده اسم المنتخب الإثيوبي ... شائف في البطولة دي جماهيروا أطلقوا عليهوا (( الاسود السوداء )) .... ما القصد متابعة الكورة الهي بالنسبة لى زي الشهر الماعندي فيهو نفقه بس لانوا ; كان في صور متفأله شديد ...... الجيران كانوا هناك أتحمسوا وشجعوا
تسلم يا الخطيب لقد صارت المنافسات الكروية ثيرمومتر يقاس به الانتماء الحقيقي للوطن
لقد لاحظت البروف عبد الرحمن محبطا عندما تحدث في ما يقدح في وطنية المريخاب الذين يشجعون الفريق الاثيوبي لدى مباراته مع الهلال او العكس احيانا .
فعلا امرا محبطا وقبيحا للغاية ان نصل لهذه الدرجة من الانحدار .
Quote: والمجنن ولدك العبيد كمان من الجمال تغار منا ماذا علينا اذا نظرنا دي ماها عندهم تب
مسارقت العِيون بي القفلة ما بِشوفوها ناساتاً عقولهن قفلة يا برروبة البي الصي بياخدن جفلة كنتي اميرة الناس كلهن في الحفلة
كنتي اميرة الناس كلهن في الحفلة
تسلم يا جناي
خلينا ننجم شوية في مدرسيب الاثيوبيات ونقبل على مناهج محي الدين صابر
اصلو الخطيب ما بريحنا كل مرة فاكي ليهو قنبلة
Post: #292 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-27-2013, 09:22 AM Parent: #291
Quote: ما قلت ليك الناس ديل احلى مننا والحب الجواهم صادق تجاهنا لكن جنك تغالطني
الا دي .. ابدا ما بغاطك فيها .. انا ذاتي راجع للبحث عن ان الحبشه هي السودان الممتد الي القرن الافريقي .. وكنت مصدق كلام الامبراطور لكن ابو الزهور اداني فرد نهره جهجهني ليك تب ..
بالله شوف الولد تيدي افرو ده .. غناه ينقط في القلب ..
Post: #294 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-27-2013, 10:22 AM Parent: #293
سعادة اللواء عمر تحية وتقدير
Quote: بالله شوف الولد تيدي افرو ده .. غناه ينقط في القلب ..
تيدي ده قدر ما كنت بسمعوا وماخدنا في عالم الإمبراطور والأمجاد الغابرة بس عمري ماكنت متخيل أسمعوا في غناهوا ( فيورينا ) و ( كيملّخي ) و ( أسمرا ) ........
خلع جيرانهم ولما أقراء تعليقاتهم كانو بين مصدقين ومكذبين بس الشي البعرفوا (( للقلب أحكام ))
Post: #295 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-27-2013, 12:39 PM Parent: #294
Quote: غاده السمان يا ناصر كانت تعني ما تقول ، الحب الفادح يلغي كل قوانين الجاذبية ومحدثات الأنا الكذوب والنفس الأمارة بالإيقو، فمع الحب ترتقي التفاحة إلى الشجرة ، وبالحركة البطيئة لو عايز، الحب يا سيدي يُنضِج العقول والقمح في الحقول وعندما يكتسح أراضي ناس تيدي أفرو فلا تسل عن جينات الأمهرا وأنسجة التيجري وما سال من دم بين صاحب الأسد الإمبراطور والعسكري عندوم أو هالياماريام، فقط أنصت لتلك الحسناء وهي تردد مع عثمان حسين أقوال المحتضر: أصلو حبك فوق إرادتي.
محمد المرتضي حامد
يا خطيب سرقت هذه من العاصفة .. .. وربك لا يؤاخذنا الا بسواد النية .. وهو الاعلم بان نيتي كانت بيضاء صافية وانا اسرق .. لم ارد ان انادي المرتضي ليرد معنا هذا المورد العذب .. ولكنني اردت ان اعزي نفسي بانه لو اتي فسيجدنا نتمسك بان الحب فوق الارادة ...
وانا اعلم بانه ليس عليّ حرج .. فالذي يسرق باليمين ليعطي بالشمال لص ظريف لا ينبغي اقامة الحد عليه
هل تسمعنا ايها الغائب الحاضر .. وهل يهزك هذا الولد كما هزتك العاصفه ..
ولتساعدونا لنعرف من نكون .. فهذا الحب الفطري السلس لا يكون عشوائيا
Quote: غاده السمان يا ناصر كانت تعني ما تقول ، الحب الفادح يلغي كل قوانين الجاذبية ومحدثات الأنا الكذوب والنفس الأمارة بالإيقو، فمع الحب ترتقي التفاحة إلى الشجرة ، وبالحركة البطيئة لو عايز، الحب يا سيدي يُنضِج العقول والقمح في الحقول وعندما يكتسح أراضي ناس تيدي أفرو فلا تسل عن جينات الأمهرا وأنسجة التيجري وما سال من دم بين صاحب الأسد الإمبراطور والعسكري عندوم أو هالياماريام، فقط أنصت لتلك الحسناء وهي تردد مع عثمان حسين أقوال المحتضر: أصلو حبك فوق إرادتي.
Post: #297 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-27-2013, 08:37 PM Parent: #296
Quote: ادعو لينا خلي زولك يجي متلب فينا]
والله كان جاكم متلب الا تقوموا جارين كلكم .. الزول ده ياخال جنب تب .. وانا موصيني .. لكن بدعي ربنا يجيبو لانه الدعا ماممنوع .. وبقوم جاري قدامكم كان جاء ..
Post: #303 Title: Re: للجادين فقط / غناء سوداني ، اداء خليجي ورقص إثيوبي Author: عبدالرحمن إبراهيم محمد Date: 01-28-2013, 10:29 AM Parent: #301
سعادة المستشار ود شيقوق
والله ياخوى حيرتنى!!!
Quote: ما الذى قدمناه للبشرية حتى نفاخر به الامم .
. لإحباطك فى السجم الحاكمين الليله وعصر الإنحطاط البنمر بيه الأيام دى تلغى كل إسـهاماتنا فى الحضارة البشرية والفكرية وتطوير كثير من دول إفريقيا وكل الجزيرة العربية؟؟؟؟
عشان أوريك غسيل المخ اللى بنتعرض ليه. مثلا يقول ليك أبوقراط أبو الطب البشرى. وهو قد عاش بين 460 الى 370 قبل الميلاد. طيب لامن نشوف كاتب أول مرجع موسوعة فى الطب والأمراض وتشخيصها وعلاجها والتشريح ووظائف الأعضاء وعمل عمليات جراحية للأورام السرطانية ودمامل الثدى، والقفص الصدرى و كسور السلسلة الفقرية والرأس والترقوة والرقبة والسواعد والإكتاف، وكان يستخلص الدواء من النباتات والأعشاب. ودا جدنا أمحــتب العاش فى القرن السابع والعشرين قبل الميلاد.
بعدين يقول ليك الأعمدة الرومانية كروائع المعمار ويتناسوا عن عمد أنو جدنا أمحــتب دا زاتو أول من أدخل فن الأعمدة فى المبانى فقد كان مهندسا معماريا أيضا وعالما فى الرياضيات وأوجه الهندسة المختلفة بما فيها عمل الموانى البحرية وتعزى له أيضا فكرة وتصميم وبناء الإهرام المدرجة كأول إهرام بأنفاقها المعقدة وتصميماتها الجميلة وكان نجارا حاذقا حتى لقب بعظيم النجاريين. فالرجل كان نحاتا وفخارا ورساما وكاتب أول موسوعة معمارية إستقى منها المصريون والرومان واليونانيون فن العمارة. ويعزى له أيضا تأسيس الكتابة (مش إختراعها) ودور الكاتب فى حفظ الوثائق ونظام الدين كرئيس للكهنة وكان شاعرا فيلسوفا.
أها تصور بدل ماالزول دا يعظموه لإنجازاته تطلع لينا هوليود بفـيلم "الموميا" عشان يحطموا صورة الرجل كشيطان مجسد فى شكل إنسان. وهو نفس الرجل الذى عبده المصريون لآلاف السنين واليونانيون الذين أسموه إسكلابيوس على أساس أنه إلهة إغريقى. ويرى بعض المؤرخين أنه قد يكون شخصية سيدنا يوسف لانه يذكر كالرجل الذى قضى على مجاعة السنوات السبع وكان يلقب بحامل الأختام ورئيس الوزراء. بعدين يجوا المصريين فى تزويرهم عبرالتاريخ يقول ليك إنه هو مصرى رغما عن أن أحد ألقابه حاكم مصر العليا (أى جنوب مصر أرض النوبيين).
بعدين يا سعادة المستشار تصور إنه الآن تأكد بما لايدع مجال للشك إنو إكتشاف االتتراسايكلين مش كان سنة 1945 ولكن تم عندنا قبل مايقارب ألفين سنة. وقبلها علمنا العالم القديم صناعة الطوب ومبانيه و الفخار المتخصص ونقوشاته وصهر الحديد وعمل التروس كما فى الساقية والتى كانت أساس كل الثورة الميكانيكية فى العالم، وأيضا إستنبط أجدادنا نظام الدورات الزراعية. ودا أنا القصدته فى ملحمتى الشعرية: علمهم معنى الحب النوبى:
بعدين ياسعادتك إنجازاتنا المعاصرة هينة؟ فمثلا دكتور محمد حمد ساتى عليه رحمة الله يعتبر أبو الباثولوجى أو علم الأمراض فى إفريقيا والتجانى الماحى أبو طب الأعصاب ودكتور مصطفى السيد أول أفريقى أجرى جراحة مخ ومحمد شريف داؤود أول أفريقى تخصص فى جراحة العيون المعقدة وتبعه دكتور حسن هارون كأول من يعمل عملية نقل قرنية فى إفريقيا والشرق الأوسط. ياخى لى الليله أطباءنا من أميز الأطباء فى أوربا وأمريكا وكندا وأستراليا ولاتنسى الخليج حيث كان لهم الفضل فى تأسيس المرافق الطبية هناك. ودكتور نصر الدين مثلا أسس كلية الطب الأثيوبية. أها علماؤنا بروفيسور النذير دفع الله عنده خلايا وغدد مسماه بإسمه فى الطب الحيوانى. وإسهامات بروفيسور محمد عبدالله نور وعلى التوم ودكتور أحمد التيجانى فى منظمة الزراعة والأغذية العالمية للأمم المتحدة ودكتور الطيب الذى خطط ونفذ زراعة القمح فى السعودية حتى صارت تصدره الآن. ومهندسينا البنو الخليج وساهموا فى ثورة تقنية الحاسوب والطباعة ثلاثية الأبعاد الهى هسع أساس كل شئ مستقبلى وفى وكالة ناسا للفضاء والإستشعار عن البعد والهندسة الطبية والتوربينات.
ياخى أغلب النظام التعليمى فى الجزيرة العربية كانت أعمدته سودانية وكذلك بناء المدن والبلديات والحكومات المحلية والجيوش والبوليس والإذعات والثقافة. ونفس الشئ فى الحكومات المحلية فى إفريقيا والمهن الطبية وخطوط السكك الحديدية كخط سكك حديد زامبيا وشرق إفريقيا والكبارى. حسى أنتا ناسى نفسكم فى عمان ودول الخليج كقانونين وإسهاماتكم دى شوية؟
ياخى أول مفكر سياسى إجتماعى ومنظم إقتصادى وموحد لحركات التحرر فى إفريقيا وآسيا وأستاذ قادتها محمد على دوسه مش مننا راجع بوستى عن
وشوف كلام جورج بادمور عن دور عبدالله خليل ومحمد أحمد محجوب ويعقوب عثمان فى حركة الوحدة الإفريقية، ثم من بعدهم جمال محمد أحمد. بعدين أقرا عن دور أحمد حسن مطر فى الحركة الشيوعية العالمية وحركات التحرر الوطنى فى إفريقيا والشرق الأوسط وآسيا وعلى الأخص فى أمريكا اللاتينية. بعدين دور السودان فى دعم حركات التحرر الإفريقية. ياخى تصور إنو أوغستينو نيتو زعيم حركة تحرير أنقولا قال أنو علم وعمل البيطريين السودانيين فى إستئصال الحبال الصوتية للبغال والحمير كان ليه دور هام فى نجاح ثورتهم لأنهم كانوا ينقلوا إحتياجاتهم بدون صوت لهذه الدواب فما بتم إكتشافهم.
حتى فى الدين ياخى شوف دور العطاء بن رباح فى العصر الأموى وفى العصر الحديث دور شيخ الإسلام فى أمريكا شيخ ساتى ودور شيخ حسون فى توجيه أهم قائد أفريكان أميركان فى تاريخ أمريكا الحديث مالكلوم إكس ودور شيخ سوركتى فى نشر الإسلام فى إندونيسيا.
ياخوى القائمة بتطول.... لكن أكان داير والله الزيادة فى.
ياخى وين أنحنا ما بنينا وطورنا للناس لكين لسعه عاشين فى ضل الناس!
فأنطبقت علينا أبيات حافظ إبراهيم فى قصيدته "لا تلم كفى إذا السيف نبا "
لا تلم كفى إذا السيف نبا صح منى العزم و الدهر أبى رب ساع مبصر فى سعيه أخطأ التوفيق فيما طلبا مرحبا بالخطب يبلونى إذا كانت العلياء فيه السببا عقنى الدهر و لولا أننى أوثر الحسنى عققت الأدبا إيه يا دنيا اعبسى أو فابسمى ما أرى برقك إلا خلبا أنا لولا أن لى من أمتى خاذلاً ما بت أشكو النوبا أمة قد فت فى ساعدها بغضها الأهل و حب الغربا تعشق الألقاب فى غير العلا و تُفدى بالنفوس الرتبا و هى و الأحداث تستهدفها تعشق اللهو و تهوى الطربا لا تبالى لعب القوم بها أم بها صرف الليالى لعبا ليتها تسمع منى قصةً ذات شجو و حديثا عجبا
أمة قد فت فى ساعدها بغضها الأهل وحب الغربا
دا أنا البقول إنو سببو كراهة الذات حتى فقدنا الثقة فى أنفسنا وغاب عن عقولنا حتى أسهامتنا ودورنا المتفرد عبر التاريخ.
ولك الله ياوطــنى!!!
ولى عودة.
Post: #304 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-28-2013, 05:52 PM Parent: #303
سعادة البروف / عبد الرحمن إبراهيم مساء الخير ,,,
في مداخلات لما تقراها بتذكر هتاف المشجعين المصريين ( دي مش كورة دي مزيكا ) أي أمه في الدنيا بتمر بفترات انكسار وازدهار التاريخ بقول كده ... والوقع لكتير من تجارب الشعوب ... عمر الأوطان بكون ألاف السنين ....
لما تمر على أمه سنوات عجاف ... وأحواله تتدهور كتير من الأمم حولها بتنسي تاريخه وإسهاماته وبتبدأ تزدري وتسترخص إنسانه .... دي حاله ما وقفت حصريا علينا حصلت لناس قراب وبعاد .. بس المهم سنوات الانكسار دي تبقي للناس عزيمة وإصرار أنو يستمروا ويصمدوا ويرجعوا أيامهم الزاهية وسيرتهم الأولي ..... وما تأثر على نظرتهم لنفسهم وده الشي المهم
كلام قريتوا قبل كده لسمير عطا الله في الشرق الاوسط وعجبني شديد في عز زمن تدهور الخلافة الإسلامية ...... وتراخي قبضة تركيا وتدهور الحال الاصابه وعدم قدرته على دفع رواتب جنوده المنتشرين في الوطن العربي الكان تحت سيطرة الباب العالي ... وصل الحال بالجنود الاتراك يشحدوا .... يدقوا الابواب ويقولوا : أدينا حسنة لله وأنا سيدك !!!!
تركيا بعد الخلافة خرجت من التاريخ والان تركيا مع انتعاش اقتصاده وعبوره للفترات الصعبة سياسيا وإقتصاديا تعود شي فشي .... بتصور دائما الأمم زي الانسان بمر بظروف كتيرة في حياتوا ... فيها الزين وفيها الشين بس ببقي المحك في كل الظروف دي نظرتوا لنفسوا ما تتغير قيد أنمله ....... وفي احلك وضع يكون وأثق انوا حيتجاوزوا لوضع أفضل .........
السودان تاريخ عظمة ومعرفة امتد ألاف السنين ... مهما حصل ليهوا إنسانوا قادر يعملوا أفضل بلد في العالم ..... حتى لو الله ماكتب لينا نشوف ليها سنين عظمه أجيال حتجي بعدنا ولو بعد ألف سنة وحيرجعوا بلدهم تاني للتاريخ والحضارة .......
Quote: ما الذى قدمناه للبشرية حتى نفاخر به الامم .
. لإحباطك فى السجم الحاكمين الليله وعصر الإنحطاط البنمر بيه الأيام دى تلغى كل إسـهاماتنا فى الحضارة البشرية والفكرية وتطوير كثير من دول إفريقيا وكل الجزيرة العربية؟؟؟؟
عشان أوريك غسيل المخ اللى بنتعرض ليه. مثلا يقول ليك أبوقراط أبو الطب البشرى. وهو قد عاش بين 460 الى 370 قبل الميلاد. طيب لامن نشوف كاتب أول مرجع موسوعة فى الطب والأمراض وتشخيصها وعلاجها والتشريح ووظائف الأعضاء وعمل عمليات جراحية للأورام السرطانية ودمامل الثدى، والقفص الصدرى و كسور السلسلة الفقرية والرأس والترقوة والرقبة والسواعد والإكتاف، وكان يستخلص الدواء من النباتات والأعشاب. ودا جدنا أمحــتب العاش فى القرن السابع والعشرين قبل الميلاد.
بعدين يقول ليك الأعمدة الرومانية كروائع المعمار ويتناسوا عن عمد أنو جدنا أمحــتب دا زاتو أول من أدخل فن الأعمدة فى المبانى فقد كان مهندسا معماريا أيضا وعالما فى الرياضيات وأوجه الهندسة المختلفة بما فيها عمل الموانى البحرية وتعزى له أيضا فكرة وتصميم وبناء الإهرام المدرجة كأول إهرام بأنفاقها المعقدة وتصميماتها الجميلة وكان نجارا حاذقا حتى لقب بعظيم النجاريين. فالرجل كان نحاتا وفخارا ورساما وكاتب أول موسوعة معمارية إستقى منها المصريون والرومان واليونانيون فن العمارة. ويعزى له أيضا تأسيس الكتابة (مش إختراعها) ودور الكاتب فى حفظ الوثائق ونظام الدين كرئيس للكهنة وكان شاعرا فيلسوفا.
أها تصور بدل ماالزول دا يعظموه لإنجازاته تطلع لينا هوليود بفـيلم "الموميا" عشان يحطموا صورة الرجل كشيطان مجسد فى شكل إنسان. وهو نفس الرجل الذى عبده المصريون لآلاف السنين واليونانيون الذين أسموه إسكلابيوس على أساس أنه إلهة إغريقى. ويرى بعض المؤرخين أنه قد يكون شخصية سيدنا يوسف لانه يذكر كالرجل الذى قضى على مجاعة السنوات السبع وكان يلقب بحامل الأختام ورئيس الوزراء. بعدين يجوا المصريين فى تزويرهم عبرالتاريخ يقول ليك إنه هو مصرى رغما عن أن أحد ألقابه حاكم مصر العليا (أى جنوب مصر أرض النوبيين).
بعدين يا سعادة المستشار تصور إنه الآن تأكد بما لايدع مجال للشك إنو إكتشاف االتتراسايكلين مش كان سنة 1945 ولكن تم عندنا قبل مايقارب ألفين سنة. وقبلها علمنا العالم القديم صناعة الطوب ومبانيه و الفخار المتخصص ونقوشاته وصهر الحديد وعمل التروس كما فى الساقية والتى كانت أساس كل الثورة الميكانيكية فى العالم، وأيضا إستنبط أجدادنا نظام الدورات الزراعية. ودا أنا القصدته فى ملحمتى الشعرية: علمهم معنى الحب النوبى:
بعدين ياسعادتك إنجازاتنا المعاصرة هينة؟ فمثلا دكتور محمد حمد ساتى عليه رحمة الله يعتبر أبو الباثولوجى أو علم الأمراض فى إفريقيا والتجانى الماحى أبو طب الأعصاب ودكتور مصطفى السيد أول أفريقى أجرى جراحة مخ ومحمد شريف داؤود أول أفريقى تخصص فى جراحة العيون المعقدة وتبعه دكتور حسن هارون كأول من يعمل عملية نقل قرنية فى إفريقيا والشرق الأوسط. ياخى لى الليله أطباءنا من أميز الأطباء فى أوربا وأمريكا وكندا وأستراليا ولاتنسى الخليج حيث كان لهم الفضل فى تأسيس المرافق الطبية هناك. ودكتور نصر الدين مثلا أسس كلية الطب الأثيوبية. أها علماؤنا بروفيسور النذير دفع الله عنده خلايا وغدد مسماه بإسمه فى الطب الحيوانى. وإسهامات بروفيسور محمد عبدالله نور وعلى التوم ودكتور أحمد التيجانى فى منظمة الزراعة والأغذية العالمية للأمم المتحدة ودكتور الطيب الذى خطط ونفذ زراعة القمح فى السعودية حتى صارت تصدره الآن. ومهندسينا البنو الخليج وساهموا فى ثورة تقنية الحاسوب والطباعة ثلاثية الأبعاد الهى هسع أساس كل شئ مستقبلى وفى وكالة ناسا للفضاء والإستشعار عن البعد والهندسة الطبية والتوربينات.
ياخى أغلب النظام التعليمى فى الجزيرة العربية كانت أعمدته سودانية وكذلك بناء المدن والبلديات والحكومات المحلية والجيوش والبوليس والإذعات والثقافة. ونفس الشئ فى الحكومات المحلية فى إفريقيا والمهن الطبية وخطوط السكك الحديدية كخط سكك حديد زامبيا وشرق إفريقيا والكبارى. حسى أنتا ناسى نفسكم فى عمان ودول الخليج كقانونين وإسهاماتكم دى شوية؟
ياخى أول مفكر سياسى إجتماعى ومنظم إقتصادى وموحد لحركات التحرر فى إفريقيا وآسيا وأستاذ قادتها محمد على دوسه مش مننا راجع بوستى عن
عـملاق سـودانى عـبقرى ساهم فى تـغـيير تاريخ العال...لمؤرخـون،،، فجـهلناه
وشوف كلام جورج بادمور عن دور عبدالله خليل ومحمد أحمد محجوب ويعقوب عثمان فى حركة الوحدة الإفريقية، ثم من بعدهم جمال محمد أحمد. بعدين أقرا عن دور أحمد حسن مطر فى الحركة الشيوعية العالمية وحركات التحرر الوطنى فى إفريقيا والشرق الأوسط وآسيا وعلى الأخص فى أمريكا اللاتينية. بعدين دور السودان فى دعم حركات التحرر الإفريقية. ياخى تصور إنو أوغستينو نيتو زعيم حركة تحرير أنقولا قال أنو علم وعمل البيطريين السودانيين فى إستئصال الحبال الصوتية للبغال والحمير كان ليه دور هام فى نجاح ثورتهم لأنهم كانوا ينقلوا إحتياجاتهم بدون صوت لهذه الدواب فما بتم إكتشافهم.
حتى فى الدين ياخى شوف دور العطاء بن رباح فى العصر الأموى وفى العصر الحديث دور شيخ الإسلام فى أمريكا شيخ ساتى ودور شيخ حسون فى توجيه أهم قائد أفريكان أميركان فى تاريخ أمريكا الحديث مالكلوم إكس ودور شيخ سوركتى فى نشر الإسلام فى إندونيسيا.
ياخوى القائمة بتطول.... لكن أكان داير والله الزيادة فى.
ياخى وين أنحنا ما بنينا وطورنا للناس لكين لسعه عاشين فى ضل الناس!
فأنطبقت علينا أبيات حافظ إبراهيم فى قصيدته "لا تلم كفى إذا السيف نبا "
لا تلم كفى إذا السيف نبا صح منى العزم و الدهر أبى رب ساع مبصر فى سعيه أخطأ التوفيق فيما طلبا مرحبا بالخطب يبلونى إذا كانت العلياء فيه السببا عقنى الدهر و لولا أننى أوثر الحسنى عققت الأدبا إيه يا دنيا اعبسى أو فابسمى ما أرى برقك إلا خلبا أنا لولا أن لى من أمتى خاذلاً ما بت أشكو النوبا أمة قد فت فى ساعدها بغضها الأهل و حب الغربا تعشق الألقاب فى غير العلا و تُفدى بالنفوس الرتبا و هى و الأحداث تستهدفها تعشق اللهو و تهوى الطربا لا تبالى لعب القوم بها أم بها صرف الليالى لعبا ليتها تسمع منى قصةً ذات شجو و حديثا عجبا
أمة قد فت فى ساعدها بغضها الأهل وحب الغربا
دا أنا البقول إنو سببو كراهة الذات حتى فقدنا الثقة فى أنفسنا وغاب عن عقولنا حتى أسهامتنا ودورنا المتفرد عبر التاريخ.
ولك الله ياوطــنى!!!
ولى عودة.
يطول عمرك يا بروف وانت تعدد اسهامات سودنيينا للبشرية
يا بروف تخيل كيف حصل هولاء على شهاداتهم العلمية ايام زمان وكيف يمكن الحصول على اى درجة علمية في عصرنا هذا ؟
نعم هولاء رجال نفاخر بهم الامم في زمانهم ولكن اين رجالنا نحن في عهد شعاره الولاء قبل الاداء ؟
عطفا - ما تقول لي شغال في اميركا او الخليخ واكتشف هذا او ذاك - نحن لا نقدح في عبقرية هولاء العلماء ولكنا في حاجة لجديد يقدم للبشرية من الداخل .
Post: #306 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-28-2013, 07:01 PM Parent: #305
سعادة اللواء / عمر
مساء الورد ,,,
Quote: لا دي .. ابدا ما بغاطك فيها .. انا ذاتي راجع للبحث عن ان الحبشه هي السودان الممتد الي القرن الافريقي .. وكنت مصدق كلام الإمبراطور
صورة لاقتني قبيل في الفيسبوك لمشجعي الأمّبسه ( الأسد ) منتخب إثيوبيا في نهائيات أمم إفريقيا 2013... و كان الإمبراطور حاضر فيها
حنين لزمن ازدهار أو تفاؤل بالرجل الذي سلمهم كاس أمم أفريقيا في المرة اليتيمة الفازوا فيها بالبطولة في 1962
هذه أو تلك الحقيقة تبقي ان الرجل في وجدان بعض شعوب الهضبة تتوارث محبته أجيال من أجيال ...... ويظل رمز لا يغيب
تيدي أفرو Ethiopian history
أستاذنا الطيب شيقوق راجع ليك وصدقني الوطنية فيها جزء كبير محبه وحماس أكتر من الحاجات الملموسة وجرد الحساب ......
ولحين عودة للجميع هنا اجمل التحايا ,,,
Post: #307 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 01-28-2013, 07:13 PM Parent: #306
حباب شيقوق وعلها تحفف ما بك من حزن
بس قولي سلااام يا جميلة للحبيبة التي جفت ( هذا كل معنى الاغنية )
Quote: السودان تاريخ عظمة ومعرفة امتد ألاف السنين ... مهما حصل ليهوا إنسانوا قادر يعملوا أفضل بلد في العالم ..... حتى لو الله ماكتب لينا نشوف ليها سنين عظمه أجيال حتجي بعدنا ولو بعد ألف سنة وحيرجعوا بلدهم تاني للتاريخ والحضارة .......
ان شاء الله يا رب - بس اخشى ان تتقطع اوصال بلدنا ونصبح زى دويلات البلقان يا الخطيب اخوي .
Quote: بس قولي سلااام يا جميلة للحبيبة التي جفت ( هذا كل معنى الاغنية )
تسلم يا اب احمد والله حاجة روعة
Post: #311 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 01-29-2013, 10:50 AM Parent: #310
أستاذنا / الطيب تحية وتقدير ,,,
Quote: اصبر لي بس قول خالي هسه بدور عربيتي وبتلهمو ليكم انا عارفو مشغول شديييد لكن مع ذلك هين ولين هسه بخمشوا ليكم وبجيبوا ليكم قادل
لو حتلاقي مولانا عليك الله بلغوا كتير السلام والتحية والتقدير .............
Quote: عليك الله يا الخطيب اخوي امشي للبوست بتاعي عن صديقي الزاكي وهو مودعنا للسودان
والله كل كلامو يتوافق مع التفاؤل الذي تحملة بين اضلاعك
حافتشوا وحامش عليهوا إعجاب بتفاؤل الذاكي ويمكن ربنا يدينا نفس شجاعتوا ونمش نستقر في السودان ....... وفي البال كلمات سيف الدين الدسوقي الغناها إبراهيم عوض
السودان إشراقة جديدة…… في إفريقيا وبسمة سعيدة
فيه عروبة وجوها جديدة…… من آداب وفنون وبيان
أحب مكان وطني السودان
لينا الغد الزاهي المظهر…… لي إفريقيا ونورها الأخضر
للسودان وشبابو الأسمر…… للأحرار في كل مكان
أحب مكان وطني السودان
لأن حسانو أعف حسان
طيورو صوادح وروضو جنان
Quote: ان شاء الله يا رب - بس اخشى ان تتقطع اوصال بلدنا ونصبح زى دويلات البلقان يا الخطيب اخوي .
ولوحصلت وممكن جدا في ظل نظام محدود الأفق زي الموجود ده برضها ما نهاية القصة ....... باعتبار حتكون دورة من الانحطاط في تاريخ بلد عظيم حتنطوي وحتجي صفحات أفضل ....... صحي نحنه أتمقلبنا العشنا حياتنا في زمن زي ده بس دي أقدارنا ........ وبرضوا ما بنفقد الأمل أو تقل محبتنا لبلدنا
واوعه من الأحباط .... لانوا ياستاذنا الدنيا دي ضغوطه تحبط الفيل بس لو سلمت ليها وخليته تحبطك ولا تنال من أملك وتفاؤلك تاني يحلك الحله بله
Quote: لو حتلاقي مولانا عليك الله بلغوا كتير السلام والتحية والتقدير .............
اكيد يا عشانا اب لبن
Quote: حافتشوا وحامش عليهوا إعجاب بتفاؤل الزاكي ويمكن ربنا يدينا نفس شجاعتوا ونمش نستقر في السودان ....... وفي البال كلمات سيف الدين الدسوقي الغناها إبراهيم عوض
السودان إشراقة جديدة…… في إفريقيا وبسمة سعيدة
فيه عروبة وجوها جديدة…… من آداب وفنون وبيان
أحب مكان وطني السودان
لينا الغد الزاهي المظهر…… لي إفريقيا ونورها الأخضر
للسودان وشبابو الأسمر…… للأحرار في كل مكان
أحب مكان وطني السودان
لأن حسانو أعف حسان
طيورو صوادح وروضو جنان
لينا الغد الزاهي المظهر…… لي إفريقيا ونورها الأخضر
للسودان وشبابو الأسمر…… للأحرار في كل مكان
امين يا الخطيب
Quote: ولوحصلت وممكن جدا في ظل نظام محدود الأفق زي الموجود ده برضها ما نهاية القصة ....... باعتبار حتكون دورة من الانحطاط في تاريخ بلد عظيم حتنطوي وحتجي صفحات أفضل ....... صحي نحنه أتمقلبنا العشنا حياتنا في زمن زي ده بس دي أقدارنا ........ وبرضوا ما بنفقد الأمل أو تقل محبتنا لبلدنا
برجع ليك للتعقيب على الكلام دا يا ناصر
Post: #313 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-29-2013, 02:10 PM Parent: #312
هذا منقول من بوستات لحظه من فضلك والساعه 12 (بحثا عن الشجار وافتعالا للمشاكل)
الحقونا .... سمعت قبل لحظات في الاذاعة وردي يغني اوعك يا حبيبي اوعك تاني تزعل .. بردت اطرافي وتوقفت انفاسي وكدت اسقط من طولي .. هذا شيء فوق احتمال البشر .. صوت الراحل الاتي من بوابات الجنه وعلي جانبيه شهادة بانه اجمل اصوات البشر منذ ادم .. لحن يتقطر عذوبة وتناسقا مع كلمات الاغنية المليئة بالامل .. عود يترقرق وقع دقاته كماء النقاع رقيقا وعذبا .. وكلمات بمذاق المشاعر الجياشة تزحم الحس بامل انساني يغشي كل نفس ..
وردي .......... يظل عندي فوق كل الفن السوداني وعلي قمة الغناء الافريقي .. الان هو وام كلثوم .. شراكة .. فوق كل الغناء العربي ..
قبل ان تتشاجروا معي .. امسكت عن تنصيبه علي قمة العالم ......
انا باحث عن المشاكل .. وعلي من يريد المشاكل ان يتصدي لي هنا او في بوستي الساعة 12 أوفي بوست مني خوجلي لحظه من فضلك ..
ولا يقول لي احدكم لا علاقة لهذا بالبوست .. لا .. له .. فقد اعادني وردي الي نفسي يوم سمعت هذه الاغنية وانا عريس وهو فنان ناشيء ... وصدقوني فقد وجدت اني نفس الانا .... تماما تماما .. كما تفعل بي اغاني اهل الهضبة ..
Quote: هذا شيء فوق احتمال البشر .. صوت الراحل الاتي من بوابات الجنه وعلي جانبيه شهادة بانه اجمل اصوات البشر منذ ادم .. لحن يتقطر عذوبة وتناسقا مع كلمات الاغنية المليئة بالامل .. عود يترقرق وقع دقاته كماء النقاع رقيقا وعذبا .. وكلمات بمذاق المشاعر الجياشة تزحم الحس بامل انساني يغشي كل نفس ..
وردي .......... يظل عندي فوق كل الفن السوداني وعلي قمة الغناء الافريقي .. الان هو وام كلثوم .. شراكة .. فوق كل الغناء العربي ..
قبل ان تتشاجروا معي .. امسكت عن تنصيبه علي قمة العالم ......
انا باحث عن المشاكل .. وعلي من يريد المشاكل ان يتصدي لي هنا او في بوستي الساعة 12 أوفي بوست مني خوجلي لحظه من فضلك ..
انت يا خال فاكر لحظة من فضلك دا بدأ هسه ؟
ياخ انت ذاتك برلوم لحظي اكان كدا
لحظة من فضلك دا من زمن الجزولي دفع الله كان رئيس الوزراء
انت فاكرو بوست ساي ؟
Post: #315 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-30-2013, 01:36 PM Parent: #314
Quote: انت يا خال فاكر لحظة من فضلك دا بدأ هسه ؟
لا .. انا لم اقل هذا
Quote: انت فاكرو بوست ساي ؟
لا والله .. لذلك اشرت اليه لان الرد كان علي مداخلة به .. وايضا لقيمة البوست وصاحبته عندي.
في شنو ياخال ؟ .. قلقتني !
عمر علي حسن
Post: #316 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 01-30-2013, 07:31 PM Parent: #315
من أجمل البوستات في سيرة استير اوكي بالمنبر العام وتحية لصديقي الغائب عن المنبر محمود ابوبكر... بتصور البوست ده كان من أميز البوستات عن النجمة الإثيوبية استير الاتكتبت هنا
لقد كتب زميل المنبر - الاستاذ احمد طه - عن عصفورة الهضبة الاثيوبية استير قائلا :
Quote: وراق أثيوبية (7) استير .. عصفورة الهضبة الصداحة اتت الطفلة استير إلى الزهرة الجديدة وهي تحمل في دواخلها حباً عميقاً لمهد طفولتها الباكرة وبقى هذا الشعور مستيقظاً في عقلها الباطن وهي في الدنيا الجديدة، وبين الزهرة والدنيا (الجديدتين) احتفظ وجدانها بكنوز مستودعها في الهضبة وتلألأ بريقها في كل العالم بعد أن صارت تلك الطفلة نجمة عالمية يشار إليها بالبنان. أدركت استير منذ وقت مبكر أن قدرها أن تصير مغنية عالمية فسعت إلى هذا القدر الذي اختبأت خلفه العديد من المفاجآت للوطن.. ولأستير. وكان الطريق إلى النجومية شائكاً وشاقاً ولا سيما أنها شابة عليها أن تسير فيه بعزم واصرار حتى تصل إلى بر السلامة. عام 1970 برزت استير ضمن مطربات مسرح ومجموعة Hager fikir وبدأت في تقديم وصلاتها الغنائية في الاندية الليلية التي انطلق منها معظم المغنين والمغنيات الذين سبقوها، ليل اديس متخم بالغناء والندامى، واصوات الكبرو التي لا تخطئها الاذن أينما حللت، في بياسا أو شارع بولي أو في وسط المدينة، والفنادق الكبرى.. وهو الذي اتاح لهذه الجمهرة من المطربين أن يسمعوا ابداعهم للناس بكل طبقاتهم، لا يفرق ليل أديس بين الموسرين والمعوزين.. أو بين الاسر المحترمة.. وصعاليك المدينة.. المجتمع هناك متصالح مع نفسه، ويرى في الترويح عن النفس ضرورة للتوازن النفسي وبعض ثقافة أهل الهضبة التي توارثوها عبر آلاف السنين، جعلت من أهم ملامحها أن يكون الغناء مثل الماء والهواء. يتعبدون ويصلون به.. ويتحاورون به ويطلقون لانفسهم العنان حين ينطلق.. فيرقصون ويرقصون ويرقصون حتى تأخذك الشفقة عليهم من الرهق. عندما برزت استير كمغنية وهي في العشرين من عمرها لم تلتزم بالغناء بالأمهرية وتخطت آفاق الغناء المحلي إلى آرثا فرانكلين ودونا سمر.. وبعض المغنيات اللائي كانت تسد شهرتهن الآفاق، وانتقلت بين المسارح المختلفة في الفنادق المعروفة في اديس اببا مثل ويبي شبيللي، راس هوتيل، ورافقت عروضها فرق موسيقية مجيدة مثل فرقة كونتيننتال _ شيبا _ آيبكس باند (قبل أن تعرف لاحقاً بـ(روحا باند) Roha Band. في هذه الفترة قدمت استير اكثر من 45 اغنية و9 البومات واطلقت شريط (مناي) Monaye كآخر ابداعاتها عام 1981 وبعدها انطلقت في رحلتها إلى الولايات المتحدة (ما زال هذا الكاسيت يأخذ مكانه بين متذوقي غناء استير ومعجبيها). بعد وصولها الولايات المتحدة استوطنت استير كارولينا الشمالية، حزن عميق كان يخيم عليها واحساس بالغربة صار يغالبها لأن الشعور بأنها قد تركت شخصيتها الموسيقية خلفها صار هاجساً ترك في اعماقها هذا الشعور الرمادي. وصارت الذكرى مفردة وشعوراً غالباً في معظم اغنياتها ولم يغب عن وجدانها أيام طفولتها في ربوع بلادها الندية المترعة بالشعر والغناء. في البومها الأخير الذي وجد انتشاراً واسعاً تغني استير لأيام طفولتها في قندير وتتذكر (عواسة) الانجيرا التي تعدها أمها يومياً وتستعيد أيامها الريفية وهي تجلب الماء من النهر وفي اغنية أخرى في الالبوم نفسه تبدو طفولتها مرة أخرى وتتنسم رائحة عسل النحل في عقلها الباطن ويناغم اذنيها صوت خرير الماء وهي تتساقط عليها وفوق ذلك كله لا يغيب الوطن الكبير أثيوبيا ومسقط الرأس في قندر عن غناء استير الذي يحتاج إلى باحث ليقربنا أكثر من عبقرية المفردة والجملة الموسيقية، والأداء عند عصفورة الهضبة الصداحة، استير. عندما وطئت قدماها الدنيا الجديدة، احست بأنها قد فاتها قطار التعليم وعليها أن تلحق به وقررت مواصلة تعليمها الأكاديمي وكانت متجاذبة بين التعليم والغناء وعاشت في دوامة تدور بها بينهما فاختارت الغناء قائلة: (أجد نفسي وسعادتي في الغناء). وفي ذلك اشهد بأنها صادقة لأني احس بهذه السعادة عندما اشاهدها وهي تتقافز على الخشبة وهي تصفق وترمي الجمهور بالورود والقبلات، وعاطر الغناء والابتسام والبهجة. بعد اختيارها قانعة طريق الغناء ارتحلت استير إلى العاصمة الأمريكية واشنطن التي توجد بها أكبر جالية اثيوبية في الولايات المتحدة، قبل أكثر من ربع قرن كانت بعض احياء واشنطن بالنسبة لي قطعة من أديس اببا في الدنيا الجديدة وخلال هذه الأعوام وبسبب الظروف السياسية والطبيعية التي ضربت وطن استير، ترهلت العاصمة الأمريكية بالوافدين الجدد من الاثيوبيين فصاروا الجالية الأكبر. بدأت استير بتقديم وصلاتها الغنائية في المطاعم الاثيوبية المنتشرة في واشنطن وكانت شهرتها قد سبقتها إلى هناك وكانت البوماتها تشنف الآذان وظلت هي القاسم المشترك في مجالس الجالية الاثيوبية وجيرانهم من سودان وصومال وانتقلت إلى قلوب الوافدين من أمريكا الجنوبية والقارة السوداء، وكان عام 1985 فأل خير لاستير وفيه انطلقت في جولة فنية في المدن الأمريكية قدمت خلالها عروضاً ناجحة جداً استطاعت فيها أن تخلق تواصلاً مع جمهورها العريض وبدأ نجمها يتلألأ في سماء الدنيا الجديدة ومنها انطلقت إلى العالم. خلال جولتها الأوروبية اطلقت استير اثنين من البوماتها الناجحة (استير) و(كابو) اللذين فتحا لها آفاق النجومية في أمريكا وأوروبا وبدأت في الظهور في القنوات الفضائية المختلفة منها شبكة قنوات NBC التي استضافتها كضيف متميز وامتد ظهورها في CNN- BBC- PBC- CBS وفي برنامج المقهى الدولي بالقناة الرابعة في التلفزيون البريطاني، وصارت صورها في المجلات الكبيرة مثل التايم والنيوزويك والواشنطن بوست والنيويورك تايمز ولوس انجلوس تايمز كما انتشرت في أجهزة الإعلام الأوربية منها الشبكة الألمانية للميديا من خلال برنامج (اكتشف ايقاع افريقيا) وميوزيك هولاند وافريكا بولي قرام، النرويج و(تحت سماء أفريقيا)، وهيئة الاذاعة البريطانية واذاعة فاكهة الحرية، ميونيخ والعديد من منافذ الميديا في العالم. اشرقت شمس استير في سماوات العالم الغربي بغنائها الافريقي المتميز، وصارت البوماتها في مقدمة التصنيف العالمي للالبومات الأوسع انتشاراً لمدة خمس سنوات متواصلة، وقفز البومها كابو إلى المرتبة الأولى لأربعة اسابيع في موسيقى العالم الجديد. استير لا تغني فقط، ولكنها تكتب الأغاني وتؤلف الموسيقى باسلوب متفرد وصارت اغنياتها متكأًً للمهاجرين تأخذهم للوطن وتستدعي الحس القومي، مما جعل البوماتها منافسة لأكبر المغنين في العالم وقد اصدرت حتى الآن أكثر من 20 البوماً وما يقارب العشر اسطوانات مدمجة انتجتها شركات مختلفة. استير ثروة قومية لأنها وجدت قبولاً عالمياً لم يسبقها إليه فنان أو مغنٍ افريقي. ولم يأت صوت نسائي استوقف السامعين في أفريقيا بعد الست وماكيبا ولكنها تفوقت عليهما عالمياً فالست ام كلثوم هي سيدة الغناء الكلاسيكي عند العرب وكذا مريم ماكبا بحنجرتها وبحتها وأدائها اللذين جعلاها تخرج من موزمبيق إلى العالم، ولكن استير تفوقت على الجميع بهذا الانتشار الكبير والقبول الذي وجدته عالمياً. تقنية الموسيقى والغناء عند استير تحتاج إلى باحثين يقدمون لنا تجربتها الثرة كمغنية افريقية عالمية، وعلى الرغم من تفوقها لم تبتعد عن وطنها وغنائه وآلاته الموسيقية وفي داخلها (ازمري) عالمي وتوربادو، متجول في العالم، يغني بالأمهرية ويستخدم الكارار والماسنكو والواشنت مع أحدث الآلات الموسيقية
Post: #330 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-02-2013, 08:44 PM Parent: #329
Quote: جيت تاوقته كم مره لقيت الجو متوتر ورجعته .....
ليتك شهدت معنا الجو المتوتر في دبي هذا اليوم .. قطرات المطر تتناثر علي استحياء .. كانها ترقص مع الفرقة الاثيوبية التي كما قال المنسي (تنقز) كلها كأنها (كديسة في شوال) في حديقة الصديق الكريم المحتفي بفنانين وشعراء سودانيين وشخصيات هامة اخري حضرت للاحتفال مع الجالية السودانية بعيد الاستقلال بالنادي السوداني ليلة امس بدبي ..
الحفل علي جماله ووقاره زاده المطر بهاء .. ونقزت فيه الفرقة الاثيوبيه فاتسع الشوال للحضور كله ..
شئ لايصدق .. لم تبق اي كديسه خارج الشوال .. غنوا كما ارادوا وباي لغة اختاروا ومن اغاني السودان والتقري والامهرا والحبش وباصوات الرجال والنساء .. وطلع اغلبه وطني .. وتجاوب الكل .. من حتّ حتّ .. ومن لم يحت غلبو الثبات .. ده شنو ده ..
يا عبد الناصر ياخطيب .. المسألة دي فيها انّ .. ولا بد ان ينهاني احد عن الجزم باننا شعب واحد .. لازم تقنعوني .. او تردعوني .. وأعدكم بألا اسمع الكلام ..
Quote: فاتسع الشوال للحضور كله .. شئ لايصدق .. لم تبق اي كديسه خارج الشوال ..
انداح يا خال ومحل رهيفة تنقد
ات فاكر خالك رامي سنارتو لشنو ؟ ما للعنكوليب دا
بوشك علا يوروك ؟
Post: #332 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-03-2013, 10:22 AM Parent: #331
سعادة اللواء / عمر حسن التحية وكتير السلام ,,,
Quote: شئ لايصدق .. لم تبق اي كديسه خارج الشوال .. غنوا كما ارادوا وباي لغة اختاروا ومن اغاني السودان والتقري والامهرا والحبش وباصوات الرجال والنساء .. وطلع اغلبه وطني .. وتجاوب الكل .. من حتّ حتّ .. ومن لم يحت غلبو الثبات .. ده شنو ده ..
يا عبد الناصر ياخطيب .. المسألة دي فيها انّ .. ولا بد ان ينهاني احد عن الجزم باننا شعب واحد .. لازم تقنعوني .. او تردعوني .. وأعدكم بألا اسمع الكلام ..
وساعود لتحتوا معي علي رائحة شواء القلوب المحبه
أمس في قناة الجيران الأولي E.TV1 كانت هناك حلقة مميزة عن المهرجان الديني الذي يقام في حاضرة الامهره ( قندر ) حشود مهولة من البشر في أزياهم ذات البياض الغالب يمتد مد البصر جموع إثيوبيين لا تخلوا من خواجات من مختلف أصقاع العالم حتى من استراليا البعيدة حضروا ليقتربوا من الفلكلور الإثيوبي ليشاهدوا إفريقيا ... كان المذيع يمر بين الحشود البعض يرقص والبعض يستعرض الأزياء كان المذيع يوقف الفتيات فيتحدثن عن ملابسهن الفلكلورية وكل واحده تضيف لزوريتها البيضاء أو الزرقاء الكثير من الاكسسورات والمشغولات اليدوية الشعبية تلك الملابس المغزولة يدويا نفس ( المترار ) الذي عزلت به جداتنا الفرد ( البيضاء ) وتوب الزراق ( الأزرق) ... ربما تلك الأشياء لم تعد موجودة لدينا ... لكن لدي الجيران موجودة وكل جيل ينقل فلكلوره وتراثه للجيل الذي يليه وكل جيل بنفس الفخر والمهاره المتوارثة عبر تاريخ طويل ...
لما نقرب من التراث ده اكيد بنلقي الحاجات البنتقاطع فيها معاهم حته تكون بعض شعوبنا وشعوبهم قريبة لبعض دي حتات في التاريخ البعيد .. الناس ديل حته الإنتماء والهوية عندهم محسوم شديد ... عندنا في كلام كتير في الحته دي , في السودان إثنيات من شرق أفريقيا زي ما في من غرب أفريقيا ... وبنمارس ثقافات أفريقية في كتير من موروثاتنا وعاداتنا ... عندنا لغاتنا المحلية وعندنا العربية كلغة للثقافة الغالبة ... الجيران عندهم الأمهرنجة هي اللغة الغالبة مع أنو الامهر 16 مليون او أقل في البلد الناسة قربوا لـ90 مليون ... حتى التجراى ناسهم البعيشوا في أديس أو خارج نطاق الشمال بتكلموا الامهرنجة ... ومع كتير من أختلافاتهم الإثنية والثقافية ... متبلورة عندهم وحدة وطنية لا تخطئيها عين ... زي ما بقول الحبش ( كلو إثيوبياوي ) ... وكل الشعوب دي فخرها في الانتماء لإثيوبيا ... في كتير من مظاهر الحياة عندهم هم الاقرب لينا , يعني عندهم الحاجات الحتى لو ما إنتمينا ليهم بنتمني تكون في منها في بلدنا ...............
Quote: المسألة دي فيها انّ .. ولا بد ان ينهاني احد عن الجزم باننا شعب واحد ..
الإنه محتاجة دراسة وبحث والجزم فيها صعب انا غايتو ما ناهي نفسي من الجزم ... وعندي للناس ديل وبلدهم وثقافتهم تقدير ما عادي كجيران وكعنصر داخل في تكوين عديد من شعوب السودان
الجميلين ابوي الطيب وسماحة اللواء وحضرة البروف واستاذي عبدالناصر وكل المتداخلين والله ناس أبَّان عقال كتلوني بي الشرف ليكم شالتني في عقلتها
محبتي وانشاء الله أنتو طيبين إتلهمت عربان أم جبهتاً نايرة
Post: #334 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-03-2013, 02:12 PM Parent: #332
Quote: الإنه محتاجة دراسة وبحث والجزم فيها صعب انا غايتو ما ناهي نفسي من الجزم ... وعندي للناس ديل وبلدهم وثقافتهم تقدير ما عادي كجيران وكعنصر داخل في تكوين عديد من شعوب السودان
يا خطيب الهي يريح بالك .. ويشرح صدرك اكثر ..
كنت اظن خلال عملي باسمرا ان العلاقة الرائعة بين اسرتي واهل البلد ناتجة عن حسن المعاملة التي تجدها زوجتي من النسوة والفتيات من سنها .. فقد اولعت بهن وحرصت علي توثيق علاقاتها بهن .. ووجدت ابني الاكبر قريبا من اطفالهم في كل شيء وكان في البداية يتفاهم معهم بلغته ويردون عليه بلغتهم .. ثم بدأ تبادل طفولي للكلمات والعبارات واصبح الجميع يتفاهمون بيسر باللغتين ... وتحدث ابني الاصغر التكرنجا اولا .. ولما نطق بالعربية كنا نجدها (ملفوته) ... ما سهل كل هذا هو تشابه الثقافه والتقارب في العادات والطبع والدم واللون ..
وجاءت معنا للسودان مربية منهم عاشت معنا حتي زوجناها وانجبت بنين سمتهم بنفس اسماء ابنائي ولما تقدمت للحصول علي الجنسية السودانية اصرت ان تسجل باسمي وليس باسم والدها ولكن السلطات اقنعتها في النهاية باستخدام اسم والدها واسرتها .. وما تزال واحدة من اسرتنا .. واثناء الحرب لجأ الكثيرون الي السودان وكان بيتي وجهة للاصدقاء والمعارف منهم ولم نجد صعوبة في دمجهم في مجتمع العاصمة حتي عاد بعضهم الي اسمرا عندما هدأت الاحوال وبقي بعض آخر
وماتت المرأة العجوز التي شبهتني علي شقيقها بعد ان عاد شقيقها وحدثته عني واعطته عنواني فجاء الي السودان وهو رجل اعمال ناجح يحمل جوازا كنديا فارشده شقيقي لمقري الجديد هنا والتقينا وهو في طريقه للشرق الاقصي قبل ثمانية اعوام .. ولا بد انه سيصلني اذا عاد الي الامارات ..
ليس حفظ الود وحده وانما حب الوطن هو ما يشدني في خصال هؤلاء الناس .. ليتنا نحب السودان مثلهم
الحريم بقولن - يا العبيد اخوي - الرجال يحضروا بلاي ما يحضروا عشاي
اها دحين انا فازع ام عروض بهناك في القضايا الالكترونية الحساسة
انتو قايلين ساي ؟
لكن بيني وبينكم بنات ابوي الخليفة ديل ان شاء بناتكم بعد الحال - والله اتلهمن واحد اسمو محمد ناصر ، قام غلط عليهن ، إيمين لحّسنو كوعو .
سمحى القرايييي وسمح العلم
Post: #337 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-03-2013, 08:51 PM Parent: #336
مسنوح وما بتستاهل اعتبره صدقة
Post: #338 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-03-2013, 09:02 PM Parent: #337
المغنية الأثيوبية ( Manalemosh ) عندما كانت تحتضر وهي في فراش الموت تطلب من كل الشعب الأثيوبي أن يدعوا لها بالشفاء .... من المرض العُضال الذي أصابها ( السرطان ) .... وهي نفس المغنية في الفيديو الفوق يا شيقوق عارفك ما حــا تجيب خبر يا المهوّد ومغبي
Post: #341 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-05-2013, 01:18 AM Parent: #340
سعادة اللواء / عمر
تحية وتقدير
Quote: ليس حفظ الود وحده وانما حب الوطن هو ما يشدني في خصال هؤلاء الناس ..
لو الله مده في الأيام حأكتب في السيرة ... جزء غير خافي في اعجـابي بالناس ديل صبرهم وقدرتهم يغيروا وجه حياتهم ... الناس الطلعوا من التاريخ لسنين وباصرارهم وصبرهم رجعوا تاني ... وفي خصالهم معـجب بالحّدة أي شي بدو حقوا لو حزن بحزنوا بجد ولو فرح بفرحوا بالجد وحاجات كتيره تانية عند الشعب القريب منو وعن شعوب الهضبة التانية تستحق نقيف عندها
ما هو سر انتعال كل هولاء الاهل احذية بلاستيكية بسيطة ومتواضعة؟
Post: #343 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-05-2013, 07:19 AM Parent: #342
أستاذنا / الطيب شيقوق ,,, صباحك زين ,,
مع غرابة الملاحظة نحاول نجاوب تسألك :
Quote: ما هو سر انتعال كل هولاء الأهل احذية بلاستيكية بسيطة ومتواضعة؟ ..
معظم شعوب الهضبة لبست وبعضها لازال أحذية بسيطة مصنوعة محليا أشهر حذاء ملبوس عندهم ووصلنا ولبسناهوا كان ( التموت تخلي) وهو حذاء بسيط مصنوع من عجلات العربات التلفانة ( اللساتك ) وبستخدموا اللستك الخارجي والجواني وما عارف مع إنتشار التيوبلس ده أهلنا في الهضبة حيعملوا حذائهم المبتكر ده كيف .............
وعند الجارة أرتريا كان شبط البلاستيك ( الشّدة ) الكانت زمان معروفة عندنا كحذاء لطلاب وطالبات المدارس ... وهو حذاء بلاستيك بسيط عرفناهوا بالوانوا البيضاء ثم السوداء والأن بالوان وأشكال ما عارف إن كان مستعمل في السودان لكين عند الارتريين مرات بشوف إعلانوا في التلفزيون ...
ماظن في سر دي الاحذية الأتوفرت ... وسمح دخلهم يرتدوها برضوا بلاحظ حاليا ورغم وعورة المنطقة في الشمال برضوا الحذاء التقليدي المفضل مع الملابس التقليدية بكون أحذية خفيفة بيضاء اللون ...........
في غير ملابسهم التقليدية ... بلبسوا حسب خياراتهم من المصنوعات المحلية والمستوردة وغالبهم بهتموا الحاجة تكون مناسبة ومتوافقة مع زوقوا أكتر من كونها حاجة غالية ....
الحبش صور مختلفة ملابس تقليدية
تحياتي
Post: #344 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-05-2013, 09:15 AM Parent: #343
Quote: برضوا الحذاء التقليدي المفضل مع الملابس التقليدية بكون أحذية خفيفة بيضاء اللون ...........
الحق ياعبيد الجماعة نعلاتن بيض .. وانا عارفهم غلبو المجاغنة
Quote: وما عارف مع إنتشار التيوبلس ده أهلنا في الهضبة حيعملوا حذائهم المبتكر ده كيف .............
تموت تخلي او (حاجة كافرة) كما نسميها ما اظن بتصنع من التيوبس اعتقد من واحدة من طبقات اللستك نفسه
ما تخاف عليهم ديل اكان غلبت ام غلاب بسووها من جلود البقر .
Post: #346 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-05-2013, 10:50 AM Parent: #345
أستاذنا / الطيب شيقوق ,,, تحية وتقدير ,,,
Quote: تموت تخلي او (حاجة كافرة) كما نسميها ما اظن بتصنع من التيوبس اعتقد من واحدة من طبقات اللستك نفسه
ما تخاف عليهم ديل اكان غلبت ام غلاب بسووها من جلود البقر . ..
كان القصد أنهم بصنعواها من اللستك الخارجي واللستك الداخلي بعملوهوا لسيور الشبط هسه الحكاية بقت لستك خارجي بدون لستك داخلي فبالتالي الواحد أتسال هل الحكاية دي حتأثر على مستقبل الشبط الاكثر شهره !!!!
Post: #348 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 02-06-2013, 09:53 AM Parent: #347
أبوي الطيب هاكم دي من شبيه زولك الجاك أوكت كنت محامي في السوكي كنت داير اكتبها ليك في مكان اخر لكن قلت اخير هني في فرقانا ومضرايتنا ومراحنا وعجبني براريب عبد الناصر الأخيرات ودايركم تشوفو فصاحة هؤلاء البدو
ببقالك تيلة دهب في وريدك وببقالك ختم بوبار عشان بنريدك ببقالك قسيم لي الريد دعوتي تصيدك وببقالك عريس يا أم طوق وانوم بي صعيدك ---------------------------------------------- داير لي جلكوز من فصيلة دمِّك عشان انفش عروقي من همومك ودمِّك شرياني ناشف وملتهب من سمِّك الله يكافي محنك يا المبهدلة عمِّك --------------------------------- يوم ولدوكي طلقو لِك بخورِك ؤشبِّك وخالتك شالتك فوق الحِكر تلعبِّك أني إتحيَّرت في ها الرشرش المِشبّك عيني مِسمَّا يا أُم نادِر يحفظك ربّك
Quote: ببقالك تيلة دهب في وريدك وببقالك ختم بوبار عشان بنريدك ببقالك قسيم لي الريد دعوتي تصيدك وببقالك عريس يا أم طوق وانوم بي صعيدك
تسلم يا العبيد امانة ما نضميا حلو بالحيل
Post: #351 Title: Re: للجادين فقط / غناء سوداني ، اداء خليجي ورقص إثيوبي Author: محمد فضل الله المكى Date: 02-06-2013, 10:28 AM Parent: #349
Quote: [وماتت المرأة العجوز التي شبهتني علي شقيقها
سعادتو عمر حسن
لك تحياتي وتقديري, وللحبيب صاحب البيت, وللحبيب عبيد ذكرتني هذه القصة أيضاً بقصة ضابط الشرطة كريم الدين(ود هيلاسلاسي). حيث أن الإمبراطور كاد أن يسقط من المفاجأة عندما وجد إبنه الذي مات في حادث أمامه!!! وكان الذي أمامه كريم الدين الذي يقوم بتأمين زيارة الإمبراطور. وأنت أدرى من غيرك بهذه القصة. التقيت كريم الدين في القاهرة, فقد كان هو في (كورس) وكنت أنا ضمن القوات السودانية المرابطة في جبهة السويس. كنا نلتقي كثيراً فيتحفنا بما كان وما لم يكُن.
أنا جيت داخل بالعرض وما عارف إن كنتم قد تعرضتم لهذه القصة أم لا.
لكم المحبة .
Post: #350 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-06-2013, 10:07 AM Parent: #348
Quote: داير لي جلكوز من فصيلة دمِّك عشان انفش عروقي من همومك ودمِّك شرياني ناشف وملتهب من سمِّك الله يكافي محنك يا المبهدلة عمِّك
اوسكار وكذلك اني شرياني ناشف وملتهب من سمّك وما ببله الا جلكوز من نفس الفصيله
زولك دي يا عبيد فكر فيها كيف ؟ تعظيم سلام ليه وليك
عمر علي حسن
Post: #352 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 02-06-2013, 10:33 AM Parent: #350
Quote: اوسكار وكذلك اني شرياني ناشف وملتهب من سمّك وما ببله الا جلكوز من نفس الفصيله
زولك دي يا عبيد فكر فيها كيف ؟ تعظيم سلام ليه وليك
سماحة اللواء الناس ديل فصيحين وعندهم سرعة بديهة كفيل الفي الهجار ما طلقت عيون الفيها ماخطُّو الوسم من خلقت روحاً ليَّا في حزَّاز وريدك علقت راجي شفاها لاكين في مهاويك زلقت
يا ست الزهور الزكية ويا روحي العليكي ألفت مشتكية في مرقة عصير لقيتها مقريدة ومنتكية صواميل راسي حلجت وانعبرت لي البكية
حباب سعادة اللواء محمد المكي الف سلامة الجيتنا راجع وحياتك قربنا نفتح ليك بوست فزعة
الخال
Quote: روحاً ليَّا في حزَّاز وريدك علقت راجي شفاها لاكين في مهاويك زلقت
انا ما بتكلم طاااب العبيد دا قبل عليكم بكلام بسبب الرجفة
الخطيب باقي لي فات يفصّل ليهو نعال تموت تخلى ويجيكم قادل
Post: #354 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-06-2013, 11:23 AM Parent: #353
Quote: صواميل راسي حلجت وانعبرت لي البكية
ياعبيد .. ده تجيبه لي اسجنه ليك مؤبد القاعد ليها شنو الغلبان ده كان روحه في حزَّاز وريدها علقت وصواميل راسو حلجت .. وبعد ده كله يتعبر للبكية ؟ الكرسابل
Post: #355 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-06-2013, 12:09 PM Parent: #354
أستاذنا الطيب / سعادة اللواء عمر / أستاذنا العبيد الطيب وكل الاكارم هنا
طيب الله أوقاتكم بكل خير ,,,
Quote: الخطيب باقي لي فات يفصّل ليهو نعال تموت تخلى ويجيكم قادل
أبدا قريب ومستمتع بالمسادير الجابه العبيد الطيب مشغول شوية بشغل قدامي ... بس مرات مرات بتاوق
Quote: يوم ولدوكي طلقو لِك بخورِك ؤشبِّك وخالتك شالتك فوق الحِكر تلعبِّك أني إتحيَّرت في ها الرشرش المِشبّك عيني مِسمَّا يا أُم نادِر يحفظك ربّك
ومستني السيرة تودينا تاني لاهلنا في الهضبة
النّم الزي ده موجود عند شعوب كتيره في الهضبة بس بلغتهم تلقي الواحد يقول الرمية قبل ما يبدأ يغني ... المثل الاقرب شديد الرايا وديل فرع من التجراى وهم ناس سعّية ( رعاه ) ... النّم أو الدوبيت او المسادير بتاعتهم بتطابق حاجاتنا لحدي ختت اليد جم الاضان ... وحاجيب نموذج لنّمهم وغناهم نّم شعب الاروموا الحماسي شبهوا برضوا كبير مع هّزة العصايا او البندقية ده غير ( أبّشر بلو ) البقولوها وهم بهزو في الزول البغني ... بعد كده منو الأثر في منو ومنو الجاب حاجاتو من منو دي حاجات الدارسين المتخصصين لانو التقاطعات الزي دي كلها بتقول أنو الشعوب دي وشعوب كتيرة مننا متشابهه في كمية من الحاجات ... بتخلي الزول البلاحظة يندهش ...........
وبالمناسبة في شبه الرايا بحاجات عندنا حفرة الدخان والشمله والودك لشعر الراس لنسوانهم .... يمكن الحاجات دي أستخدموها امتانا وجداتنا بس موجوده عندهم .......... ولا زالت
معظم شعوب الهضبة ومنهم شعب التجراى ( الحبش ) ......... ناس حنه ساى بدون دخان ( ممتنعين عن التدخين )
والله انحن تعبانين ساي كل كلامك وكلام الخال والعبيد اختصرتو البنية وضاحة في فديو واحد بس
خمصتك بالله تشوف الفديو النزلتو دا وكاتبة فوق ليهو
Quote: شيقااااااااااااااااااااااااااااااااااااااا
انت يا خال البنية دي إنس ولا جنس؟
Post: #357 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-06-2013, 01:54 PM Parent: #354
Quote: ذكرتني هذه القصة أيضاً بقصة ضابط الشرطة كريم الدين(ود هيلاسلاسي).
المكي ارجو ان تكون معلوماتي عن رحيل الزميل كريم الدين غير صحيحه ..
كان ذلك في اواخر حكم الرئيس ازهري .. إن لم تخني الذاكرة .. .. حيث كان الامبراطور ضيف شرف الاحتفال الذي اقيم بنيالا في ذلك العام .. وكان الامبراطور والرئيس يفتشان حرس الشرف .. وكان (الملازم) كريم الدين يحفظ النظام خلف الطابور ولمحه الامبراطور فاضطرب وتوقف واشار له بيده ولم يتحرك من مكانه .. وانهار البروتوكول .. وقدسية طابور الشرف واصبح كل شيء متوقفا .. فقفز القائمقام حسن فحل (قائد حامية نيالا) من جانب الرئيس والامبراطور وقام باحضار الملازم كريم الدين ..
لم يفعل الامبراطور شيئا سوي الامساك بيد الملازم بيده اليسري والسير به بجانب الرئيس الي المنصه .. وفيها اجلسة الي جانبه علي الكرسي الذي كان يجلس عليه احد الوزراء .. وقيل لنا بعد ذلك ان الامبراطور ظل ممسكا بيد كريم الين وان دموعه لم تتوقف .. وشاعت بين الحضور روايات متعدده عما حدث .. ولكن الحقيقه كما صدرت رسميا عن الوفد الاثيوبي ان الضابط السوداني شديد الشبه بابن الامبراطور (دوق هرر) قد شد انتباه الامبراطور لحظة ان وقعت عيناه عليه .. ثم غلبه التاثر اكثر عنما لمس تطابقا بين الصور والصوت والحركة بين الضابط وابنه الراحل الذي توفي في حادث وامام عيني الامبراطور .. وطلب الامبراطور ان يرافقه هذا الضابط خلال الزيارة فتمت الاستجابة لطلبه وظل كريم الدين بجانب الامبراطور .. وقد البسه ساعته وبعض تعاويذه .. ثم دعاه للحضور الي اديس ابابا والبقاء بها اذا اراد ..
وبالفعل ذهب الضابط الي اديس ولقي حفاوة واغراءات ليبقي هناك ولكنه اكد انه جاء لارضاء الامبراطور وتلبية دعوته الكريمة .. وانه سيعود للزيارة كلما اتيحت له الفرصة .. واظنه قد عاد علي فترات متباعده ..
لقد نزلنا في احدي زياراتنا الرسمية لاثيوبيا بقصر الدوق وبه صورة بالحجم الطبيعي لولي العهد الراحل .. هو نفسه كريم الدين .. الخالق الناطق !
عمر علي حسن
Post: #358 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-06-2013, 02:44 PM Parent: #357
Quote: شيقااااااااااااااااااااااااااااااااااااااا
ده يكون من حلة نقزو الجنب بربر اول مره اشوف القناه السودانية تجيب ليها حاجه مفيدة
Quote: كان ذلك في اواخر حكم الرئيس ازهري .. إن لم تخني الذاكرة .. .. حيث كان الامبراطور ضيف شرف الاحتفال الذي اقيم بنيالا في ذلك العام .. وكان الامبراطور والرئيس يفتشان حرس الشرف .. وكان (الملازم) كريم الدين يحفظ النظام خلف الطابور ولمحه الامبراطور فاضطرب وتوقف واشار له بيده ولم يتحرك من مكانه .. وانهار البروتوكول .. وقدسية طابور الشرف واصبح كل شيء متوقفا .. فقفز القائمقام حسن فحل (قائد حامية نيالا) من جانب الرئيس والامبراطور وقام باحضار الملازم كريم الدين ..
لم يفعل الامبراطور شيئا سوي الامساك بيد الملازم بيده اليسري والسير به بجانب الرئيس الي المنصه .. وفيها اجلسة الي جانبه علي الكرسي الذي كان يجلس عليه احد الوزراء .. وقيل لنا بعد ذلك ان الامبراطور ظل ممسكا بيد كريم الين وان دموعه لم تتوقف .. وشاعت بين الحضور روايات متعدده عما حدث .. ولكن الحقيقه كما صدرت رسميا عن الوفد الاثيوبي ان الضابط السوداني شديد الشبه بابن الامبراطور (دوق هرر) قد شد انتباه الامبراطور لحظة ان وقعت عيناه عليه .. ثم غلبه التاثر اكثر عنما لمس تطابقا بين الصور والصوت والحركة بين الضابط وابنه الراحل الذي توفي في حادث وامام عيني الامبراطور .. وطلب الامبراطور ان يرافقه هذا الضابط خلال الزيارة فتمت الاستجابة لطلبه وظل كريم الدين بجانب الامبراطور .. وقد البسه ساعته وبعض تعاويذه .. ثم دعاه للحضور الي اديس ابابا والبقاء بها اذا اراد ..
وبالفعل ذهب الضابط الي اديس ولقي حفاوة واغراءات ليبقي هناك ولكنه اكد انه جاء لارضاء الامبراطور وتلبية دعوته الكريمة .. وانه سيعود للزيارة كلما اتيحت له الفرصة .. واظنه قد عاد علي فترات متباعده ..
سبحان الله كلام عجيب حقيقة يبدو الكمندان - ود المكي - عندو كلام عايز يقولو بعد سماع رواية الخال عمر
عليك النبي يا جنابو ود المكي هات العندك ان كانت روايتك تختلف حيثياتها عن رواية الخال
واكيد الكل سماعي
Post: #361 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-06-2013, 08:26 PM Parent: #360
Quote: لك تحياتي وتقديري, وللحبيب صاحب البيت, وللحبيب عبيد ذكرتني هذه القصة أيضاً بقصة ضابط الشرطة كريم الدين(ود هيلاسلاسي). حيث أن الإمبراطور كاد أن يسقط من المفاجأة عندما وجد إبنه الذي مات في حادث أمامه!!! وكان الذي أمامه كريم الدين الذي يقوم بتأمين زيارة الإمبراطور. وأنت أدرى من غيرك بهذه القصة. التقيت كريم الدين في القاهرة, فقد كان هو في (كورس) وكنت أنا ضمن القوات السودانية المرابطة في جبهة السويس. كنا نلتقي كثيراً فيتحفنا بما كان وما لم يكُن.
Quote: عليك النبي يا جنابو ود المكي هات العندك ان كانت روايتك تختلف حيثياتها عن رواية الخال
اللكوم ده حده وين ياخال ؟ خالك يابوي شاهد عيان .. علي الحدث في نيالا والخرطوم واديس ابابا ..
ما تفتش الجحّار .. بعدين تَقْرَص (قال ان سألتك عن شيء بعدها فلا تصاحبني ، قد بلغت من لدني عذرا) صدق الله العظيم
Quote: (قال ان سألتك عن شيء بعدها فلا تصاحبني ، قد بلغت من لدني عذرا)
صااااح - فربما سألها قوم من قبلي ثم أصبحوا بسؤالهم نادمين
اقدل يا خال - لو أعلم ما تعلم لضحكت قليلا ولبكيت كثيرا
خالك كان فاكر ساي
Post: #363 Title: Re: للجادين فقط / غناء سوداني ، اداء خليجي ورقص إثيوبي Author: محمد فضل الله المكى Date: 02-07-2013, 06:30 AM Parent: #362
. . نعم.... فقد أورد سعادتو عمر قصَّة إلتقاء الإمبراطور بكريم الدين بدقة متناهية كما كان يرويها لنا كريم الدين.
وما زاد لا يعدوا الطريقة التي كان يُعامل بها داخل القصر الإمبراطوري ليس كفرد ينتمي للأسرة الحاكمة, بل كإبن حقيقي للإمبراطور. كذلك معاملة الشعب الأثيوبي له, بطريقة تدعوا للدهشة.
(يعني فرصة زي دي علي الحرام كان لِقاها ود شيقوق, كان لي يوم الليله ياكُل في اللكوم ده.... إلا كان اللعين منقستو قطع راسو).
وكريم الدين من أسرة دينية, وجده (أبْ بِريش) له كرامات. وكان كثير الإتصال بالمشايخ, وكان يحكي كثيراً عن فكي حسن المشهور بالفاشر وله مواقف وحكايات معه. وقد عاصر ظهور منظمة(سوني) إبّان عمله بدارفور.
اللهم ارحم كريم الدين حياً أو ميتاً, فقد كان قلبه مفتوحاً للإخوان والأصدقاء.
Quote: (يعني فرصة زي دي علي الحرام كان لِقاها ود شيقوق, كان لي يوم الليله ياكُل في اللكوم ده.... إلا كان اللعين منقستو قطع راسو).
هههههها كمان اوزع ليك صكوك الحنان محل ما اقبل يا كمندان
Post: #364 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-07-2013, 06:31 AM Parent: #362
أستاذنا / الطيب شيقوق صباحك زين
Quote: النّم الزي ده موجود عند شعوب كتيره في الهضبة بس بلغتهم تلقي الواحد يقول الرمية قبل ما يبدأ يغني ... المثل الاقرب شديد الرايا وديل فرع من التجراى وهم ناس سعّية ( رعاه ) ... النّم أو الدوبيت او المسادير بتاعتهم بتطابق حاجاتنا لحدي ختت اليد جم الاضان ... وحاجيب نموذج لنّمهم وغناهم
ده النموذج اللقيتوا :
Raya Song
لحدي ما نرجع
Post: #365 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-07-2013, 08:38 AM Parent: #364
الاكارم هنا تحية وتقدير ,,,
التحية لسيرة الإمبراطور هيلاسلاسي أحد أباء أفريقيا المؤسسين
Quote: ذكرتني هذه القصة أيضاً بقصة ضابط الشرطة كريم الدين(ود هيلاسلاسي). حيث أن الإمبراطور كاد أن يسقط من المفاجأة عندما وجد إبنه الذي مات في حادث أمامه!!! وكان الذي أمامه كريم الدين الذي يقوم بتأمين زيارة الإمبراطور
من له اهتمام بسيرة الرجل الراحل يقف عند علاقاته المميزة بالسودان وبجهوده المقدرة في اتفاقية أديس أبابا 1972 م والتي أعطت البلاد فترة استقرار لعشر سنوات
حاولت رفع صورة الإمبراطور ومولانا أبيلالير أيام المفاوضات التى توصلت للاتفاقية ولم أوفق
Post: #368 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-07-2013, 10:01 AM Parent: #367
أستاذنا / الطيب شيقوق
كتير التحايا والسلام
Quote: بس للاسف انا في المكتب واليوتيوب عندنا محظور
مافي مشكلة الكليب للرايا _ التجراى الرعاه _ كنموذج لغناهم وإشارتي السابقة أنو الناس ديل عندهم مع بعض شعوبنا تقاطعات ملحوظة شديد على أى حال حانتظر تعليقك بعد تشوف الفيديو
Quote: كنموذج لغناهم وإشارتي السابقة أنو الناس ديل عندهم مع بعض شعوبنا تقاطعات ملحوظة شديد
لاحظ ناسنا القاطنون في الحدود الموازية لاثيوبيا من جنوب النيل الازرق ونحن في الدندر او ولاية سنار عامة وخليك ماشي طوالي الى ريف ولاية القضارف وولاية كسلا تجد تقارب شديد جدا - وتجد تشابه الى الحد الذي يفقدك القدرة في التمييز بين الشعبين في ولاية كسلا .
بس غلبتنا الشهيقة دي يا الخطيب ما عارف ليش
Post: #370 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-07-2013, 11:09 AM Parent: #369
أستاذنا الطيب
شفته الفيديو الجابتو د. وضـــــــاحة
Quote: والله انحن تعبانين ساي كل كلامك وكلام الخال والعبيد اختصرتو البنية وضاحة في فديو واحد بس
خمصتك بالله تشوف الفديو النزلتو دا وكاتبة فوق ليهو
Quote: لاحظ ناسنا القاطنون في الحدود الموازية لاثيوبيا من جنوب النيل الازرق ونحن في الدندر او ولاية سنار عامة وخليك ماشي طوالي ا لى ريف ولاية القضارف وولاية كسلا تجد تقارب شديد جدا - وتجد تشابه الى الحد الذي يفقدك القدرة في التمييز بين الشعبين في ولاية كسلا .
بس غلبتنا الشهيقة دي يا الخطيب ما عارف ليش
(( الشهيقة )) دي في كلام النسوان والبنات شعب الامهره طريقة كلام بتكثر فيهوا العبارات الاستفهامية على أى حال هم أكتر الناس تأدب وتهذيب في كلامهم واختيار عباراتهم ....
الحبش لو ما بتفهم كلامهم حتى في ونستهم العادية تحلف تقول بتشاكلوا من شدة ما كلامهم ناشف وعباراتوا حّادة ........
تحياتي
Post: #371 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-07-2013, 11:09 AM Parent: #368
Quote: نعم.... فقد أورد سعادتو عمر قصَّة إلتقاء الإمبراطور بكريم الدين بدقة متناهية كما كان يرويها لنا كريم الدين.
لك الشكر اخي الكريم محمد فضل الله المكي وانت تعيد لي ثقة استحقها امام القارئ الذي اكتب له بامانة من ينقل تاريخا .. وليس بريشة من يزين صورة لنفسه او غيره ..
يوم جئت للكتابة هنا جئت وفي صدري وعلي كاهلي ذخيرة من المعرفة وكنوز من المعلومات وارث من التجارب لا يتوفر لدي اكثر الاعضاء .. وآليت علي نفسي ان اعمل تحت ظلال سن وعقل وادب ينبغي لمن هم مثلي .. فاعطيت بالصدق وباعلي معايير الشفافية ما تيسر لي ان انقله لاجيال اعلم انها لم ترد ما وردت من موارد .. فلم ازيف تاريخا ولم ازين واقعة رويتها احتراما لعقل المتلقي ولحقه المطلق في الحصول علي الحقيقة .. ورويت من موقع الحضور والمشاهده والمعايشة كل ما رويت من الاثر في هذا المنبر .. ونأيت بنفسي عن الخوض في اعراض الناس وسيرتهم الذاتية بما يشين حتي ولو كان بيدي ما يمكنني من فعل ذلك ..
هذا ما استلهمت يوم نلت عضوية هذا المنبر .. ولم يكن هذا غريبا علي حياتي كلها وسلوكي الشخصي وتربيتي وثقافتي وتعليمي ومسارات حياتي العملية وكلها مليئة بالجدية وشفافية التعامل وجسامة تحمل المسئولية .. فقررت ان انقل ما عندي بالصدق كله فلا اموت وفي صدري شيء مما اعرف واحرم بذلك غيري من ارث انساني ساقه الله ووفره لي .. ولا اوشي مكانتي وقدري بما لا استحق وقد امتلأت حياتي حتي اترعت وفاضت بالرفعة والمجد والمناصب والمكانة وحب الناس ..
فاذا رويت حادثة شهدتها فانني ارويها كشاهد بالحق كل الحق ولا شيء غير الحق .. واذا رويت عن تجربة لي فانني لا ازينها بما يمجدني دون ان اسوق ايضا ما يدينني من قصور او جهل .. واذا رويت ما سمعت تحفظت عما لا استطيع اثباته او تأكيده ولم امتنع عن انصاف من لا اتفق معهم في الفكر او الهدف او الباس من احبهم ثوبا وصفة لا يستحقونها ..
لذلك كتبت هذه القصة كما شهدتها في اماكن روايتي عنها .. وانا اعلم ان كريم الدين قد روي لكم اطرافا اعرف بعضها مثل ما حدث داخل القصور الملكية .. ولكنني لا املك حق التحدث بها .. فهي ملك خالص لصاحبها لا يحق لغيره التحدث بها ولو كان علي علم بتفاصيلها .. كذلك كنت اعلم سبب عدم قبول كريم الدين للانتماء للاسرة الامبراطورية والاندماج فيها لدرجة توصله الي مواقع الحكم ولكنني امسكت عن ذكر ذلك .. وكنت اعلم نشأته الدينية وصلة تلك البيئة والنشأة بقراره ولكنني لم اروج لذلك وصاحب الحق موجود يحق له القول بذلك او ميت اثر ان يموت معه خبره فلا يحق لي ان انشره
لقد تأذيت اخي من شك ساور بعض احبابي في روايتي فاستنجدوا بك لاظهار ما يكذبها او يخالفها .. وكنت اعلم انك لا تملك لها زيادة او انقاصا الا بقدر ما علمتم من فم صاحب القصة عما حدث داخل القصور الملكية .. اما ما حدث امام العموم في اماكن الاحتفالات وفي مجامع الناس التي شهدت مفردات هذه القصه فقد شهدته تفصيلا بعيني لانني كنت ضمن بعثة الشرف المرافقه للامبراطور ولم ازد في روايته او انقص .. فلم اخش ان تات بما يخالفني .. وهذا مصدر جرحي .. وقد قررت لذلك ان اكف نفسي عن الناس فلا اعرضها ولا اعرضهم لما يثير شكا ..
علي ان كلماتك الكريمة رفعت عني هذا الاذي وان لم ترفع القرار .. وقد ابحثه في هدأه اذا وجدت ضرورة او استيقنت من انني محل ثقة
لك التقدير اخي .. وللجميع اعتذاري .
عمر علي حسن
Post: #372 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 02-07-2013, 11:41 AM Parent: #371
Quote: فقررت ان انقل ما عندي بالصدق كله فلا اموت وفي صدري شيء مما اعرف واحرم بذلك غيري من ارث انساني ساقه الله ووفره لي .. ولا اوشي مكانتي وقدري بما لا استحق وقد امتلأت حياتي حتي اترعت وفاضت بالرفعة والمجد والمناصب والمكانة وحب الناس ..
فاذا رويت حادثة شهدتها فانني ارويها كشاهد بالحق كل الحق ولا شيء غير الحق .. واذا رويت عن تجربة لي فانني لا ازينها بما يمجدني دون ان اسوق ايضا ما يدينني من قصور او جهل .. واذا رويت ما سمعت تحفظت عما لا استطيع اثباته او تأكيده ولم امتنع عن انصاف من لا اتفق معهم في الفكر او الهدف او الباس من احبهم ثوبا وصفة لا يستحقونها
شكرا سماحة اللواء ودعني اقف اجلالا ومحبة وشكرا لله رب العالمين الذي جعل الصدق والشفافية والحق موجود في اعلام بلادي في زمن انعدم فيهو الصدق حتي في التحية ورد السلام
قديما قال جلي ابوفاطنة:- تلد المرأة سفاحا من بطنها وفرجها ويلد الرجل سفاحا من لسانه
محبتي الصادقة
Post: #373 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 02-07-2013, 11:56 AM Parent: #372
Quote: (( الشهيقة )) دي في كلام النسوان والبنات شعب الامهره طريقة كلام بتكثر فيهوا العبارات الاستفهامية على أى حال هم أكتر الناس تأدب وتهذيب في كلامهم واختيار عباراتهم ....
لغة الحسان وعذاري الفرقان يا ما احلاها فتن واعجب بها شيخ الشعراء شيخنا محمد سعيد العباسي حين وجدها في الكبابيش ترجمها من بنات الضاد الشوارد وقال
يقول لي وهو يحكي البدر مبتسما يا انت ياذا وعمدا لا يسميني
اي والله وناس العباسي ديلا اسمهم اولاد طريف فخذ من الكبابيش وهم اجمل الكبابيش قاطبة والي الان حسانهم لا ينادين ازواجهن با سماءهن فالمرأة حين تنادي زوجها تقول (هنايا او عشايا او خيري) العبيد ولدكم زاتو شايلين منو ملخة كبيرة ولقد صور الحالة ايضا صديقي حسن ودياب حين قال:- نشّف ريقي هم البدري ليّا ببادرن بردن في الغدير متخفيات ؤ بِسادْرَن بخاطرن بي رويحاتن بجني يخابرن بلولحن لي رقيباتِن بعد ما يغادرن
محبتي واقعدو عوافي
Post: #374 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-07-2013, 09:58 PM Parent: #373
سعادة اللواء / عمر التحية وصادق التقدير ,,,
Quote: قد تأذيت اخي من شك ساور بعض احبابي في روايتي فاستنجدوا بك لاظهار ما يكذبها او يخالفها .. وكنت اعلم انك لا تملك لها زيادة او انقاصا الا بقدر ما علمتم من فم صاحب القصة عما حدث داخل القصور الملكية .. اما ما حدث امام العموم في اماكن الاحتفالات وفي مجامع الناس التي شهدت مفردات هذه القصه فقد شهدته تفصيلا بعيني لانني كنت ضمن بعثة الشرف المرافقه للامبراطور ولم ازد في روايته او انقص .. فلم اخش ان تات بما يخالفني .. وهذا مصدر جرحي .. وقد قررت لذلك ان اكف نفسي عن الناس فلا اعرضها ولا اعرضهم لما يثير شكا .. .
في راى المتواضع أستاذنا شيقوق ماظن بقصد ... أغلب الظن أنو عوز بأي طريقة يفتح حوار مع أستاذنا / محمد فضل الله المكي ... ويطول من إقامتوا بالبوست ...
كلنا هنا كتبنا باريحية وتقدير كبير لوجودكم تجعل كل كلمه تكتبونها هنا ... ليست بمحل شك مطلقا
أتمني من استاذنا / الطيب أن يضع الأمور في نصابها ....
**** المكرم / Mohamed S Mus بعد التحية وأكيد التقدير
وقفته في تعليقك أدناه :
Quote: الامهرا والتيقرينية اصولهم من قبائل التيقري لكن مختلطين مع القبائل الإفريقية نفس نسبة اختلاط قبائل شمال السودان مع العنصر الافريقي ... .
البعرف شعبي التجراى والامهرة رغم الإختلافات اللغوية والثقافية أكيد حيعرف أنو في حاجة بتلم الناس ديل و البعرفوا في مؤرخين كتبوا انو التجراى شعب مهاجر من اليمن القديمة واقاموا الشواهد على كده في الاثر اليمني في ثقافتهم وأسماء الناس والاماكن عبر مسارهم من الساحل لشمال الهضبة ... حاليا في اراء بتنفي المسألة دي وبتقول الاثر والتأثر ده جاء من هجره الناس ديل عبر المالح لليمن وحكمهم ليها على عدت فترات تاريخية أشهره فترة السته قرون الانتهت بخروجهم على يد سيف بن زيزن الاستعان بالفرس ..
نفس الكلام كان عن شعب الأمهره الاثبتت الوقائع ضعف الاراء البتقول انو شعب مهاجر وبعض المؤرخين قالوا أنو الشعب الاتكون عبر قرون نتيجة لتمازج التجراى والشعوب الافريقية الصرفة في الهضبة زي شعب الاروموا وبستدلوا بأنو كتير من ثقافة الامهره متصلة بالتجراى وكنيستهم كل مخطوطاته القديمة مكتوبة بالتجرنجة ( الحبشية القديمة ) ... والتواصل ده حتلقي واضح في بعض فروع الامهره زي الولو في الملابس والعادات ومشاط الشعر يعني الناس ديل مظهرا اقرب للتجراى من الامهره
التجرى أو التكرى شعب في الساحل ( أرتريا ) وفي شرق السودان ليهم ثقافة ولغة وتاريخ بقول انهم شعب قديم من أصول حامية ... وماكانت البينو وبين شعب التجراى ( أكسوم ) عامرة وأنو الشعب الغزا اكسوم وازاله من الوجود بمرحلة تاريخية ما ...
يبقي حته يكون التجراى والامهره أصولهم تجرى ما لاقتني أو يمكن تكون نظرية لمؤرخين عندهم دلائله حته أنو الشعوب دي في الهضبة أو شعوب الشمال النيلي من السودان خالطه العنصر الإفريقي ....... صدقني(( كلو إفريقاوي)) ....
Quote: في راى المتواضع أستاذنا شيقوق ماظن بقصد ... أغلب الظن أنو عوز بأي طريقة يفتح حوار مع أستاذنا / محمد فضل الله المكي ... ويطول من إقامتوا بالبوست ...
تسلم اخي الخطيب - انها اضافة حقيقية لما اوردته اعلاه في الرد على مداخلة الخال الذى نعتز جميعنا ونتشرف بان يكون بيننا كتاج وقار يتلألأ على جبين هذا المنتدى .
Quote: يبدو الكمندان - ود المكي - عندو كلام عايز يقولو بعد سماع رواية الخال عمر
عليك النبي يا جنابو ود المكي هات العندك ان كانت روايتك تختلف حيثياتها عن رواية الخال
عفوا -يا خال - ان تسببت تلك الكلمات في ازعاجك . فوالله لم اقلها قدحا في مصداقيتك وانما لمجرد البحث عن اليقين
اصدقك القول تماما في ما رويت وأأمن حقا بما دون في افتتحاية كتاب ( تاريخ حياتي) للشيخ بابكر بدرى - رحمه الله - بان اصدق التاريخ ما كتب في زمانه وصدق فيه كاتبه وصدقه معاصروه فيما روى . فيكفكينا ان ياتي جنابو ود المكي ليعزز تلك الشهادة .
الاختلاف في التقدير حصل - يا خال - حتى ما بين سيدنا عمر وسيدنا ابوبكر - رضى الله عنهما - في امر حذيفة ابن اليمان - فان كان الامر هكذا فمن باب اولى ان يحدث بين غيرهم من الامم .
اول مرة احس بيك زعلت
تعال - يا خال - اسلم ليك في راسك اكان حقا مستك كلماتي تلك بسؤ
Post: #378 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-08-2013, 10:47 AM Parent: #375
Quote: اول مرة احس بيك زعلت
إنتَّ الليلة في سلطنة عُمان عندكم يوم خميس ؟
وين متداخل وقت الجمعة بقيت زي فيسل درزي
Post: #379 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-08-2013, 11:59 AM Parent: #375
Quote: الاختلاف في التقدير حصل - يا خال - حتى ما بين سيدنا عمر وسيدنا ابوبكر - رضى الله عنهما - في امر حذيفة ابن اليمان - فان كان الامر هكذا فمن باب اولى ان يحدث بين غيرهم من الامم .
لست وحدك ياخال من يعرف مقام شيقوق عندي .. فكل الناس اصبحوا يعرفون تلك المكانة السامية .. ليس بما صرحت واعلنت وانما باسلوب التبادل الفكري بيننا ونحن نقدم للناس حدا من الود في الكتابة يجمع ولا يفرق .. وعبرنا في احاديثنا معا بالتلفون عن ضجر مما يسود المنبر من حدة لفظ وتشكيك واستصغار يتعامل به كثير من الاعضاء دون مبالاة ..
فلم يكن لأي منا ان يخرج عن هذا الاطار المَثَل .. ولم اكن لاتعجل ردا من احد علي مداخلة او معلومة اريد التثبت منها .. فالرد سياتي دون دفع او مراودة .. وقد كتبت ماكتبت وانا علي يقين من ان محمد فضل الله المكي سيعقب عليه وربما يضيف شيئا امسكته لخروجه عن حقي في ذكره او لعدم المامي بتفصيلاته .. وما كان ذلك ليضيرني لأنه لن يكذب شيئا مما رويت وقد رويته من موضع الحضور المباشر ..
لذلك وجدت استعجالك له جارحا لروايتي .. وانت العليم بحرصي علي ان انقل للناس ما اعلم من موقع العلم المباشر او المعايشه التي يصح الحكم بها .. لذلك فانه لو طلبت الاستزادة عن اخبار تلك الواقعة التاريخية لما مسني غبن .. ولكن الاختلاف علي ما رويت وطلب مخالفته .. هزني هزا .. انت عندي فوق التشكك فيما اقول .. وان كان ذلك متاحا لمن لا يعلمون ..
ومازلت املك ما وصفه ابو الطيب بالشرّد السائرات اللاتي لا يختصصن من الارض دارا .. ولا يحتجن الي اثبات او نفي .. لذلك فاني اعيذك من التعجل الذي كدت تظهر به تكذيبا لايقبله من كان مثلي علي ثقة بما يروي ..
ولو راودتني نفسي علي التوقف واعادة الباسويرد لصاحبها فان ذلك كان من اجل الا اجرح مكانتك العالية عندي ولا اسقط مابيننا من ود عظيم .. واني لاحفظ لود المكي وعبد الناصر والعبيد حسن ظنهم بكلينا ..
Post: #382 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-08-2013, 03:08 PM Parent: #381
الأفاضل أستاذنا الطيب وسعادة اللواء عمر واستاذنا العبيد الطيب وكل الاكارم هنا
جمعة مباركة
د. وضــــــاحة
Quote: وقفنا وين .
قربنا نصل الارومو سكان الهضبة الاكتر قدما والاكثر تعداد Oromo أو الجالا ... وديل اهل الوسط في إثيوبيا اديس وما جاورها ونزاريت الساحرة قبل أن يتغير أسمها والحضور في كتير من شعوب الهضبة واثنياتها المختلفة ... والاكثيرية في عدد سكان الهضبة عشان كده بتختي الرئيس منهم ولو منصب شرفي ( ود الجرجيس ) ...
في الأروموا ديل بتلاقي ناس تطابقهم مع السودانيين في السحنة 100% يعني لو أي إثيوبي للناس البعرفوهم يقدر من سحنتو مباشرتا يعرفوا من أى ناس ديل الناس اللازم تقيف وتدقق فيهم كتير
تسلم استاذي خالد عبد الوهاب للمرور وهذا الكلام الطيب
Post: #396 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-08-2013, 07:03 PM Parent: #395
د. وضــــــاحة مساء الخير ,,,
Quote: ناس دى بتشب السودانين خالص فى الملامح
أحلى حاجة عا########ى فيهم البسة بتاعت البنات دى ياخى
نفسي اشترى واحدة .
اللبسه العـــاجبك دي لبستهم الفلكلورية الشعبية البتميزهم زي الزوريا بالنسبة للامهرة وللتجراى عندهم الفستان المزخرف بالودع ... وتقدري تشتري منو وأحد لو الظروف ودتك البلد ديك عندهم محلات بتعرض الحاجات الفلكلورية ....
في وضعهم العادي فعليا لما تشوف الناس ديل فيهم من السودانيين ملامح ما عادية
القرب في الحاجات الأكتر في نسوانهم الكبار المشلخات ... شلوخهم بطابق شلوخ شعوب موجودة في السودان ودي صورتين ليهم على الطريقتين الاشهر للشلوخ الموجوده في بعض شعوب السودان أو للدقة الكانت موجوده باعتبار العادة دي خليناها في السودان .
تاريخيا الارومو منهم كان الشعب المسلم النزح للسهل ( السودان الحالى ) حين سقوط هرر والكلام ده كان في فترة قيام السلطنة الزرقاء في السودان وبكده الناس ديل داخلين في تكوين كتير من شعوب السودان الحالي ... طبعا الكلام ده برضوا اتجاوزناهوا زي الشلوخ لانوا حاليا كل شعوب السودان أصوله بقت عربية صرفة كيف !!!! ... كده رجالة وحمرة عين
---------------
أستانا / الطيب شيقوق
مساء الجمال ,,,,
Quote: اما زال الارومو يطالبون بالتحرير ؟ .
الكلام ده حاصل عندهم جبهة تحرير الارومو ... وأحتمال شعبهم عندو مظلمه تاريخية باعتباروا الشعب الاكبر عدد وأكثر قدم في الهضبة الإثيوبية ومع كده على مر التاريخ كان الحكم مره عند الامهرة ومره عند التجراى وبنفس القدر إثيوبيا كان كل ملامحه الثقافية المعروفة بيها مقسومه بين الامهر والتجراى يعني مما تقول إثيوبيا طوالى الناس بتخيلوها أمهره وحبش وبنسوا شعوب كتيرة موجوده في الهضبة منها الارومو والعفر ... وشعوب أفريقية صرفة ليها قربي ودم بالجيران جنوب السودان , وشعوب من غرب أفريقيا زي الهوسه والفولاني وبرضوا ليها وجوده في الهضبة
بس التحرير ده حيكون كيف الناس ديل تقريبا وسط وغرب إثيوبيا كلو وغالب سكانه
تحياتي
Post: #397 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-08-2013, 08:45 PM Parent: #396
Quote: تاريخيا الارومو منهم كان الشعب المسلم النزح للسهل ( السودان الحالى ) حين سقوط هرر والكلام ده كان في فترة قيام السلطنة الزرقاء في السودان وبكده الناس ديل داخلين في تكوين كتير من شعوب السودان الحالي
كلمناكم يا خطيب .. وقلنا ليكم المساله دي فيها انّ
تحياتي واعجابي بوفرة المعلومات والصور عمر علي حسن
Post: #398 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-08-2013, 11:12 PM Parent: #397
سعادة اللواء / عمر على حسن مساء الخير ,,,
Quote: كلمناكم يا خطيب .. وقلنا ليكم المساله دي فيها انّ
الإنه حاصلة ... وموجودة في كتير من كتابات الجيران ومراجعهم التاريخية أتكلموا بتوسع في السيرة دي البتختلف كتير عن السيرة (( البنلوكه )) ... وبتدخل في باب المسكوت عنوا أو السيرة (( البنبلعه )) ... طبعا ده للناس العرفوها او جاءهم منها طرف ...
شلوخ الاجيال القديمة
شلوخ الأجيال الجديدة
الشلوخ مثال ولو حنمشي نشوف مزيد من التقاطعات حنلقاها ما وقفت علي الشلوخ وبس وبالمناسبة ما موجودة إلا عند الشعوب القديمة زي الاروموا في الهضبة وبعد مجموعات التجرى الارتريين في الساحل الأمهرة والاحباش ما عندهم شلوخ لكين عندهم الوشم ... نحنه ما عندنا الوشم الموجود عن الجيران في الهضبة وكان حاضر بقوه عند اقباط مصر مع إختلاف الرموز ........ حضوروا عندنا في زمن حبوباتنا ما فات ( دق الشلوفه )
ما حنمشي في التقاطعات دي بتفاصيل ... ولو الله مده في الايام حارجع وحاتناول شعب تاني من شعوب الهضبة
وتقبل اكيد التقدير ,,,
Post: #399 Title: Re: للجادين فقط / غناء سوداني ، اداء خليجي ورقص إثيوبي Author: عباس محمود Date: 02-09-2013, 08:18 AM Parent: #398
الحبيب شيقا التحية والسلام الواحد من امبارح الصباح ساكن في البوست الرهيب ده د. النور حمد كتب 21 حلقة في موقع اخر بعنوان :- لماذا يصحو مارد الهضبة ويغفو مارد السهل ؟
والله هذا البوست فيه جزء من الاجابة ...طبعا ما داير اسطح الطرح بتاعه لكن كيف ما يصحو مادام عندهم قدرة ( يفنجطو ) بالعذوبة دي
لك اجمل الاماني لك ولكل رهط المسنوحين
Post: #400 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-09-2013, 12:25 PM Parent: #399
سعادة اللواء / عمر تحية وتقدير ,,,
وقبل ما نغادر شعب الارومو ... تقاطعات مهمه في تراثهم بتتفق مع تراث بعض شعوب السودان ما لقيت صور للككر السناري ( مقعد الخشب الشهير في مملكة سنار ) دي صور لمقاعد الخشب الخاصة بشعب الأرومو :
برضوا في حته الطبول ( النحاس ) بعض شعوب السودان :
نحاس ( طبول ) الاروموا :
والكثير مما يستدعي بحث معّمق في تلك التقاطعات التي تشي تقارباتها بالكثير في تاريخ التداخل بين تلك الشعوب والتي هي حتي يومنا هذا مع حاجز اللغة والدين في بعض الاحيان , لديها قبول ملحوظة لبعضها البعض وتأثير وتأثر وأضح قل نظيره مع شعوب أخري مهما أدعي البعض بقربها
----------------------- تحياتي
Post: #401 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-09-2013, 04:08 PM Parent: #400
Quote: ولديها قبول ملحوظة لبعضها البعض وتأثير وتأثر وأضح قل نظيره مع شعوب أخري مهما أدعي البعض بقربها
هذه الالات موجوده في بيوتنا وتقرع في الافراح وبكيات الكبار .. بشكلها وحجمها وربما بنفس وقعها
الكلام ده حاصل عندهم جبهة تحرير الارومو ... وأحتمال شعبهم عندو مظلمه تاريخية باعتباروا الشعب الاكبر عدد وأكثر قدم في الهضبة الإثيوبية ومع كده على مر التاريخ كان الحكم مره عند الامهرة ومره عند التجراى وبنفس القدر إثيوبيا كان كل ملامحه الثقافية المعروفة بيها مقسومه بين الامهر والتجراى يعني مما تقول إثيوبيا طوالى الناس بتخيلوها أمهره وحبش وبنسوا شعوب كتيرة موجوده في الهضبة منها الارومو والعفر ... وشعوب أفريقية صرفة ليها قربي ودم بالجيران جنوب السودان , وشعوب من غرب أفريقيا زي الهوسه والفولاني وبرضوا ليها وجوده في الهضبة
تسلم اخي الخطيب فقد جعلت البوست مرجعا لكل من اراد البحث عن الخارطة السياسية والانثربولوجية للشعب الاثيوبي
قال لنا احد الاخوة بان للفونج 12 عمودية داخل اثيوبيا حتى الان فهل لك ان تؤكد لنا هذه المعلومة او نفيها ؟
الواحد من امبارح الصباح ساكن في البوست الرهيب ده د. النور حمد كتب 21 حلقة في موقع اخر بعنوان :- لماذا يصحو مارد الهضبة ويغفو مارد السهل ؟
والله هذا البوست فيه جزء من الاجابة ...طبعا ما داير اسطح الطرح بتاعه لكن كيف ما يصحو مادام عندهم قدرة ( يفنجطو ) بالعذوبة دي
خليك متابع وستجد من حديث الاخ الخطيب والخال ابو امير ما يدهشك ويجيب على اي إستفسار سواء منكم او من دكتور النور حمد و نحييه عبر هذه النافذة .
لك منى اطيب الاماني
Post: #404 Title: Re: للجادين فقط / غناء سوداني ، اداء خليجي ورقص إثيوبي Author: فيصل محمد خليل Date: 02-09-2013, 05:48 PM Parent: #403
في تسني يا البابور جاز انكسر مسمار يا البابور جاز
· صلحوا العمال يا البابور جاز
· وحققوا الآمال يا البابور جاز
· ورب ارب ارب ارب
· وطج اطج اطج
· وطق اطق اطق
____ يا شيقا لمن اقع
اجي يا كدا
Post: #406 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-09-2013, 06:40 PM Parent: #404
Quote: انتا يا المسنوح
عامليك حفلة
وماتعزمنا فيها ============================
الشبلي المسنوح المولد فاتك
انت اقعد صور لي في النبق
ههههههههههه والله إتخيلتو خاتي الكاميرة في عين وغامت التانية نبق وإندفق
============================================== متابعين هذا الفيض من طمي المعلومة يُخب عقولنا جزاك الله عنّا كل خير ود الخطيب واصل المعلومة مع الصورة دا شئ جميل ومنه نستفيد ولك منّا كل التقدير على هذا المجهود التوثيقي الضخم معلومة كانت غائبة عنا لجار ( شعب الأرومو وكل شعوب اثيوبيا الاخر ) ولا ننسى صاحب البوست ودي أول مرة أشكرو الطيب ودشيقوق النعمنو ما يتستاهل الشكر مني
عييييييك يا الخال والخطيب ارحلوا خلوا البوست طالما جاكم ديك العدة دا
Post: #410 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-09-2013, 07:20 PM Parent: #408
Quote: في تسني يا البابور جاز انكسر مسمار
ياشيخنا فيصل علي ايام البابور جاز اللي حضرناه نحن المسمار ما كا بينكسر في تسني .. كان بينكسر في سنار .. اما في تسني .. فاللوري حلق بي ..
لواريكم حسع ما بيعرفوا يحلقوا .. مع انه اهلكم جاوروا ..
تحياتي .. عمر علي حسن
Post: #411 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-09-2013, 07:35 PM Parent: #410
Quote: ياشيخنا فيصل علي ايام البابور جاز اللي حضرناه نحن المسمار ما كا بينكسر في تسني .. كان بينكسر في سنار .. اما في تسني .. فاللوري حلق بي ..
لواريكم حسع ما بيعرفوا يحلقوا .. مع انه اهلكم جاوروا ..
تحياتي .. عمر علي حسن
تحية طيبة واحترام وتقدير فيسلوف هذا عهده بالبلد سنة 1985 اخر مرة لذا فهو معذور بهضرب مرات من مخزون قديم اللوري حلق بي .. تحياتي ومودتي
Post: #412 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-09-2013, 08:07 PM Parent: #411
Quote: فيسلوف هذا عهده بالبلد سنة 1985 اخر مرة لذا فهو معذور
عذرناه .. ولدنا فيصل .. فهو فنان برضو يا منسي ..
واللوري حلق بي من كسلا لي تسني .. اغنية شعبيه عذبه كان يغنيها زيدان وهي من اغاني القعدات .. مثلها ومثل اغنية البابور جاز التي كان الراحل زيدان يغنيها ايضا ..
شوف فرق السن بيعمل ايه ..
عمر علي حسن
Post: #414 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-09-2013, 08:25 PM Parent: #412
Quote: عذرناه .. ولدنا فيصل .. فهو فنان برضو يا منسي ..
واللوري حلق بي من كسلا لي تسني .. اغنية شعبيه عذبه كان يغنيها زيدان وهي من اغاني القعدات .. مثلها ومثل اغنية البابور جاز التي كان الراحل زيدان يغنيها ايضا ..
شوف فرق السن بيعمل ايه ..
عمر علي حسن
المحترم عمر علي حسن لابد من حفظ المقام لكل شخص وهذا ما تربينا عليه لاحظت هناك من يخاطبك يا عم وهناك من يخاطبك الخال واما عن شيقوق أعرفه جيد أنو فاكر نفسو مازال يرضع صباعه الابهام
يا سلااام عندما كان الفنانين لكل مقام أغانيه احتراماً للفن نعم مثل هذه الأغنية كانت تطرب البنات في السباتة ويتغنى بها أصحاب في جلساتهم الخاصة لكن في زماننا هذا إختلط الأمر واصبح مثل الفن طرب في الحفلات ومرات على مستوى حفلات عامة للأسف للفن الجميل والزمن الجميل نعم تغنى كبار المطربين بمثل هذه الاغاني لكن في خاص جلساتهم هم وصحبهم اطرب بها الكابلي وزيدان وهاشم ميرغني وابوداؤود نعم تسربت في كاسيت من أناس غير مسؤولين كانوا معهم في جلاستهم تلك لكن لهم العُذر لانهم لم لديهم علم بالذي حصل وإلا تمنعوا من ترديد مثل هذه الأغاني
وولّى الزمن الجميل يا المحترم عمر كما ولت أشياء كُثر
لك مني المودة والتقدير
Post: #413 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-09-2013, 08:16 PM Parent: #411
سعادة اللواء / عمر على حسن مساء الخير ,,,
Quote: هذه الالات موجوده في بيوتنا وتقرع في الافراح وبكيات الكبار .. بشكلها وحجمها وربما بنفس وقعها وتتزايد الانّ ..
.
النحاس في تراث كتير من شعوب السودان معروف ... ويقرع في الحرب والمناسبات وكان نحاس العشيرة زي عملهم وشرفهم بقاتلوا لحمايتوا لانو العيب بلحقهم لو أخدوا منهم ناس تانيين .... نفس الثقافة دي عند الجيران
شعب الارومو المرتبط بالجياد
---------------
أستانا / الطيب شيقوق
Quote: قال لنا احد الاخوة بان للفونج 12 عمودية داخل اثيوبيا حتى الان فهل لك ان تؤكد لنا هذه المعلومة او نفيها ؟ .
كلامك ده بذكرني في جدة عم عبد الله الله يدي العافية بعمتوا وجلابيتو ولغتوا السودانية الصميمة لادق دقائق الحياة السودانية ومحبتوا المبالغ فيها للسودان وسيرتوا ......... انا ببصم لى بالعشرة أنو سوداني بس فرقوا مننا أنو بجواز سفر إثيوبي ... لا حاكد ولا حانفي لو عينته لوقائع التاريخ في أوخر عهد الخليفة عبد الله التعايشي وبعد مناوشات القلابات وحروب الحبشة القتل فيها الامبراطور يوهانس ومحاولات المنليك المستميته لاستماله الخليفة وعرضوا الحلف والصداقة ورفض الخليفة وطلبوا من المنليك الاسلام ... التاريخ بقول المنليك ده دخل بجيش كبير للسودان متزامن مع دخول الحملة البريطانية المصرية فجتاح بلاد كتيرة من السودان في النيل الازرق ووصل الرنك ( حاليا دولة جنوب السودان ) لما أستقر الحكم الثنائي الانجليز فاوضوا المنليك فخرج من جزء من الأراضي دي لكين بمقابل يتخلوا ليهوا عن أراضي اخري ... زي بني شنقول ( أقليم البيشاول غرب إثيوبيا ) صدقني الناس ديل سودانيين 100% في أدق تفاصيل حياتهم وملابسهم وثقافتهم وحتى ماكولاتهم ومشروباتهم وتياب نسوانهم .... ونوبتهم وقبب مشائخهم .... ما عندي معرفة أكيده بالفونج ... البقراء تاريخهم كنوع من الوطنية حسب الرواية بتاعتنا أنو دولة الفونج او سنار أو السلطنة الزرقاء أسسه عرب مهاجرين وبغض الطرف تماما عن الرواية البتقول انهم شعوب هبطوا من أعلى النيل الأزرق حتى لو جبته صور ما يشبه الككر السناري والنحاس من شعوب اعالى النيل الازرق في مداخلة سابقة برضوا حاقول شبه ساى والله بخلق من الشبه أربعين ......
******
المكرم / خالد على محجوب المنسي
لك التحية ,,,
Quote: واصل المعلومة مع الصورة دا شئ جميل ومنه نستفيد ولك منّا كل التقدير على هذا المجهود التوثيقي الضخم معلومة كانت غائبة عنا لجار ( شعب الأرومو وكل شعوب اثيوبيا الاخر)ولا ننسى صاحب البوست ودي أول مرة أشكرو الطيب ودشيقوق النعمنو ما يتستاهل الشكر مني .
أي بوست اتناول السودان كتبوا الإثيوبيين في منابرهم الأسفيرية أتناولوا الموضوع بجدية وإهتمام بالغ يمكن اكتر أى جيران يخطروا ببالك ... بعكس تناول سيرتهم في أسافيرنا فيهوا جهل كبير بالناس ديل فلازم العلى معرفة بيهم يكتب عنهم بجدية وتوثيق يأكد للمهتمين منهم بسيرتنا إننا ما أقل في معرفتنا بيهم من معرفتهم بينا .. وصدقني بعرف أنو منبرنا ده بالذات كمية من الجيران بتابعوا ...
فأكيد الواحد حيكون مهتم جدا يكتب عنهم بالاهتمام والتقدير البستحقوا كناس لقينا منهم كل إهتمام وتقدير .......
أها نحّت شوية مع أهلنا الأرمو مدام لسه السيرة عنهم فيها بقايا ..............
علم الارومو في جمهورية إثيوبيا الفدراليا
*** يا فيصل بابور في لغة اهل الهضبة ( الحبش ) القطر ..... والعربية عندهم مكيّنة ... فحدد الانكسر في تسني ده شنو !!!! بابور ولا مكّينة
تحية خاصة يافيصل في أخر بوست لشيقوق أتلاقينا فيهوا في 2008 في سيرة الناس ديل بتذكر كنا الشحمة والنار ........... متذكر الهّز ( هّز ياوز ) .... وجودك حيزيد البوست ألق
New oromo music
لكم جميعا أكيد التقدير ,,
Post: #415 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-09-2013, 09:10 PM Parent: #413
Quote: اطرب بها الكابلي وزيدان وهاشم ميرغني وابوداؤود
نعم والله اطربوا بها .. ولم يرددوها في اي مكان عام .. رعم انها لم تكن خارجة في الفاظها ..
لك التقدير والاحترام عمر علي حسن
Post: #416 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-09-2013, 09:43 PM Parent: #415
Quote: أي بوست اتناول السودان كتبوا الإثيوبيين في منابرهم الأسفيرية أتناولوا الموضوع بجدية وإهتمام بالغ يمكن اكتر أى جيران يخطروا ببالك ... بعكس تناول سيرتهم في أسافيرنا فيهوا جهل كبير بالناس ديل فلازم العلى معرفة بيهم يكتب عنهم بجدية وتوثيق يأكد للمهتمين منهم بسيرتنا إننا ما أقل في معرفتنا بيهم من معرفتهم بينا .. وصدقني بعرف أنو منبرنا ده بالذات كمية من الجيران بتابعوا ...
فأكيد الواحد حيكون مهتم جدا يكتب عنهم بالاهتمام والتقدير البستحقوا كناس لقينا منهم كل إهتمام وتقدير .......
أها نحّت شوية مع أهلنا الأرمو مدام لسه السيرة عنهم فيها بقايا ..............
أخي ود الخطيب أبحر ونحن لك متابعين ولك كل الشكر على هذا الحديث الطيب اضم صوتي لصوتك لكن نحن نجهل نسهو عن من يقدرنا ويحبنا بشبهنا ونجري خلف من يتنصلوا منّا ويرون أنّا اقل منهم درجة ونحن في المقام أعلى ( وهذه حقيقة السوداني اين ما حلَّ برنجي ) برنجي سوف تعجب اللواء عمر متعه الله بالصحة والعافية وهي تعني الأول (first ) باللغة التركية الرقم 1 تلفظ بير ومنها الاول : برنجي والرقم 2 تلفظ إكّي ومنها الثاني إكنجّي وهكذا ورعفت واستخدمت هذه الكلمة برنجي في السودان كان البكون الاول في الفصل يقال : طلع البرنجي اي الأول وكان السجائر الذي قصد مروجيه انه الاحسن اسمه البرنجي اي الاول ولك كل المحبة ود الخطيب وتحياتي
Post: #417 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-10-2013, 10:10 AM Parent: #416
Quote: ونحن في المقام أعلى ( وهذه حقيقة السوداني اين ما حلَّ برنجي )
ياخالد هذا والله حق .. وانا لا اري السوداني مهما (اتدهول) الا برنجي .. وفي حلقي غصة قديمة وثابته (لاتفوت لا تتبلع) عندما كنت في دورة تدريبيه وتم تقسيمنا الي مجموعات ثنائية وجاءت قسمتي مع زميل مصري .. وسمعته يتكلم مع اخر ويقول له : اعمل ايه ؟ هو دا اللي ادوهولي ! .. يعني استصغرني رغم اني سبق ان اخرجته من ميتة محققه كادت (تاخده) لجبنه وجهلة لولا تدخلي في الوقت المناسب ..
من وقتها لا يقنعني شي بان البلدين والشعبين (حته واحده) .. ديل ستين حته زي ما قال الحلفاوي ...
عمر علي حسن
تزيين شنّف اذاني ياخطيب وثبت قلبي علي الانّ .. والله انها تتضخم مع كل مداخله .. اما اذا جئتنا بشذرات من بحث الحبشيين الذي اشرت له .. فانني سارقد قفا ..... الله يريحك زي ما بتريحنا كل مرة
Quote: ما عندي معرفة أكيده بالفونج ... البقراء تاريخهم كنوع من الوطنية حسب الرواية بتاعتنا أنو دولة الفونج او سنار أو السلطنة الزرقاء أسسه عرب مهاجرين وبغض الطرف تماما عن الرواية البتقول انهم شعوب هبطوا من أعلى النيل الأزرق حتى لو جبته صور ما يشبه الككر السناري والنحاس من شعوب اعالى النيل الازرق في مداخلة سابقة برضوا حاقول شبه ساى والله بخلق من الشبه أربعين ......
شكرا اخي الخطيب على التوضيح الدقيق وساعود لاحكي لك تلك القصة في الوقت المناسب
Post: #419 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-10-2013, 02:38 PM Parent: #418
سعادة اللواء / عمر على حسن
تحية وتقدير ,,,
Quote: شنّف اذاني ياخطيب وثبت قلبي علي الانّ .. والله انها تتضخم مع كل مداخله .. اما اذا جئتنا بشذرات من بحث الحبشيين الذي اشرت له .. فانني سارقد قفا ..... الله يريحك زي ما بتريحنا كل مرة .
بشكرك سعادتك للاهتمام وكلامك ده محل تقدير وإعزاز عندي وبخلى الواحد يحس بمسؤلية ما عادية في الشي البكتبوا ... و كلامي اعتمد على مراجع أتكلمت عن فترة سقوط مملكة هرر وهجرات أهل هرر المسلمين للسودان الحالي نفس الموضوع ده جاء في سقوط مملكة جبرته وهجرات أهله للشمال النيلي في السودان وانتسابهم لأهل المناطق دي والذوبان فيهم ..
وبإذن الله حاحاول ألقي أجزاء من الكتابات دي في النت وأخت ليك روابطه .
---------- أستاذنا / الطيب شيقوق
Quote: شكرا اخي الخطيب على التوضيح الدقيق وساعود لاحكي لك تلك القصة في الوقت المناسب .
أكيد في انتظار قصتك ... والمتأكد منو كان ولا زال بينا وبين الناس ديل في درجة من القبول عملت تواصل إجتماعي كبير وليهوا جذور تاريخية بعيدة
ولكم أكيد التقدير
Post: #420 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-10-2013, 06:05 PM Parent: #419
Quote: وساعود لاحكي لك تلك القصة في الوقت المناسب
يا خال .. ماتيبس عصيباتنا بالوقفه .. الموضوع لم يعد يتحمل الصبر .. وال إنّ بتاعتي دي لازم تلحقوها لي حدها .. عشان انا عايز ابقي لي علي راي بعد ده ..
ههههههههههههههههههههههههها يجازي محنك كتلتني بضحكة نامن خالك قرب يتفنقل من الكرسي
ارح يا خال نتابع نايجيريا وبوركينا فاسو ونواصل
Post: #425 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-10-2013, 07:19 PM Parent: #423
Quote: ياخالد هذا والله حق .. وانا لا اري السوداني مهما (اتدهول) الا برنجي .. وفي حلقي غصة قديمة وثابته (لاتفوت لا تتبلع) عندما كنت في دورة تدريبيه وتم تقسيمنا الي مجموعات ثنائية وجاءت قسمتي مع زميل مصري .. وسمعته يتكلم مع اخر ويقول له : اعمل ايه ؟ هو دا اللي ادوهولي ! .. يعني استصغرني رغم اني سبق ان اخرجته من ميتة محققه كادت (تاخده) لجبنه وجهلة لولا تدخلي في الوقت المناسب ..
من وقتها لا يقنعني شي بان البلدين والشعبين (حته واحده) .. ديل ستين حته زي ما قال الحلفاوي ...
عمر علي حسن
نعم يا سعادة اللواء القلب محبوب وهبحب قلب تاني وهذا حالنا تحبنا كل شعوب القرن الأفريقي ونحن جارين لي قِدام (ودا الغتس حجرنا ) لكن الحمد لله الشعوب فطرت والحب هو الشئ الوحيد الذي لا نجبل قلوبنا به بل هو شئ فطري من الله تعالى الشعوب تحب بعضها
حكى لي رئيس المشيخة الإسلامية في كوسوفا ( المشيخة الإسلامية في بلاد أوروبا الشرقية هي وزارة الشئون الإسلامية ) قال : أيام دراسته في مصر كان زميله في السكن سوداني في داخليات الأزهر الشريف .. وانه ساكنه طيلة ايام الدراسة هناك وما تزال العلاقة بينهما طيبة إلى يومنا هذا استاذ معاش كان يعمل في مدارس بورتسودان .. قال كان ايام دراستهم ( وحدة وادي النيل ) والبلد كلها طلعت في موكب تؤيد الوحد ( ايام نميري ) عليه رحمة الله قال المصرين شايلين طالب سوداني وهو يهتف ( مصر السودان .. مصر والسودان حتا واحدة .. نشلوا قروشو من جيب البنطال ) زولك لما نزلوا فقد القريشات لقا الجيب خلا .. سباهم وقال ليهم مصر السودان ألف حتا ما حتا واحد يا ولاد بمبا
الحكاوي عن معادن أهل السودان وإن جار عليهم الزمان كثيرة ودائماً السوداني برنجي
Post: #427 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-10-2013, 11:21 PM Parent: #425
أستانا / الطيب شيقوق
مساء الخير ,,,
Quote: وعموديات الفونج اللي اتنازلو منها الانجليز مقابل الرنك .. .
كلام اللواء ده ما تدي الــواطه , حملة المنليك الكانت متزامنه مع الجملة الانجليزية المصرية في نهاية للدولة المهدية ... التاريخ بقول لينا جاءت الحملة دي من الحبشة وأحتلت فازوغلي والروصيرص وجزء كبير من إقليم بني شنقول، واجزاء من اعالي النيل ودي المناطق القعدت إنجلترا والحبشة فيما ما بعد تتفاوض عليها على أساس أملاك الدولة الخديوية السابقة لقيام المهدية دي المفاوضات البدت في 1898 م وانسحب المنليك من الأراضي دي واحتفظ باجزاء أخري منها بني شنقول الغنية بالدهب مع وعد للانجليز يديهم حقوق التنقيب ترسيم الحدود النهائي كان في 1907م ... طبعا بعد جهد جهيد من وزارة الخارجية البريطانية مع المنليك الكان بقول حدودوا الخرطوم !!!!! وبريطانيا الفاوضت بحرص وصبرعلى استعادة أملاك الدولة الخديوية و في نفس الوقت حرصت على علاقاته كويسة مع الحبشة عشان ما تلقي المنليك بقي حليف للطليان المتواجدين في الساحل الارتري وعوزين أي فرصة للتوغل ... والاحباش وقفوا سد منيع ليها فما كان الانجليز في حساباتهم أى حفاظ على حقوق تاريخية لشعب الفونج في مناطقوا و الظرف التاريخي التم فيهوا التفاوض وتقسيم الحدود ما راعي تواجد الفونج وعمودياتهم , ... شكلك زمان ماكنت بتسمع قعدات دكتور عمر مع ناس ود الضهبان في ((( دكان ود البصير ))) ......
بالمناسبة الفترة التاريخية الحارب فيها الخليفة عبد الله الحبشه وناوشهم في القلابات ومعركهم القتل فيها يوهانس برضها في بلد الجيران كانت فترة تحول مهم لانوا بقضاء الخليفة على يوهانس الاصيب في واحدة من المعارك دي ومات متاثر باصابتوا شغلت الجيران في نفسهم وفتحت دورة من الصراع التاريخي بين الامهرة والتجراى بموت أمبراطور التجراى يوهانس ومشه منهم الحكم بوصول امبراطور امهري للسلطة ( المنليك ) وده السبب الخلى الزول ده يجي يحكم وفي بالوا علاقة كويسة مع دولة الخليفة الكان ليها الفضل تقضي على عدو تاريخي بالنسبة ليهوا وتوصلوا للسلطة في البلد الظلت السلطة فيها لقرون بتساسق بين ( قندر ) الامهرة و ( أكسوم ) التجراى ..... البعد يوهانس ما ظن تاني شافوا سلطة إلا بدخولهم أديس في 1991م بانتصار الوياني على نظام مانجستو الاشتراكي .
***
الحكاوي عن معادن أهل السودان وإن جار عليهم الزمان كثيرة ودائماً السوداني برنجي .
والله يا خالد جزء من مشكلتنا ما قادرين نقتنع بالحقيقة دي !!! وجزء مهم من جور زمنا علينا انو ثقتنا في نفسنا وحاجاتنا ضعفت شديد ... ما عوز اعلق على قصة سعادة اللواء ... كنت في بلد جيرانا الفي شمال الوادي وما بلومهم ... لانهم ما بعرفونا حتى القلة العلى معرفة بينا بتلقاهم في معرفتهم دي بلخبطوا في كتير من حاجاتنا ... وبالجد الما بعرفك ما تتوقع منوا يعرف قدرك ... ولا يديك مقامك البتستحقوا
نّحت شوية مع التجراى Mahlet Gebregiorgis - Emhalelu مهّليت
Quote: قال المصرين شايلين طالب سوداني وهو يهتف ( مصر السودان .. مصر والسودان حتا واحدة .. نشلوا قروشو من جيب البنطال ) زولك لما نزلوا فقد القريشات لقا الجيب خلا .. سباهم وقال ليهم مصر السودان ألف حتا ما حتا واحد يا ولاد بمبا
Quote: Better late than never بوست قمة في الرقي والثراء المعلوماتي. شكرا شيقا وضيوفه.
شكرا يا توحي
شنو ياخ إلا تشممنا ريحة دعاشك بس ؟ مطرك دي صابة كلها مع الكبارات ؟
نظرة يا ابو هاشم
Post: #431 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-11-2013, 09:57 AM Parent: #430
أستاذنا / الطيب شيقوق طيب الله أوقاتك بكل خير
Quote: نتابع هذا السرد التأريخي الجميل وأعلم انك تكتب في معلومات ستكون مرجع للباحثين عن سبب الود بين هذين الشعبين البرنجيين .
أستاذنا الطيب عشان الكلام الزي ده ختيت الإشارة دي
Quote: قعدات دكتور عمر مع ناس ود الضهبان في ((( دكان ود البصير))) ......
هنا كلام وونسة مع ناس عزاز و بنتبادل معرفنا في موضوع لقي مننا اهتمام ماكتبه بحثية أو ممكن تكون مرجعية لأنها خواطر لحظية من الذاكرة والمشاهدات .... يعني المحتوي قابل للتدقيق والمراجعة ... وبي كلامك ده بتخت على مسئولية تستدعي الواحد يدقق ويفتش والكلام ده ماحاصل الكتابات من الذاكرة وصور وغني مخموشة من النت .....
الإمبراطور مـِنـِليك الثاني (17 أغسطس 1844- 12 ديسمبر 1913م).
Quote: وبي كلامك ده بتخت على مسئولية تستدعي الواحد يدقق ويفتش والكلام ده ماحاصل الكتابات من الذاكرة وصور وغني مخموشة من النت .....
ربنا يخليك انا متأكد كلام ما صاح ما ممكن تنزلو اصلا - معلوماتك دقيقة ومفيدة للغاية لم يكن هذا هو راي انا الشخصي وانما هنالك الكثيرون ممن التقيتهم اثنوا على قيمة البوست والمجهود الذى بذلك فيه .
تعال يا اخوي - زولك الامبراطور منليك دا ملبسنو خيمة كاملة في ضهرو ما كتلوهو بالحر الناس ديل
Post: #433 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 02-11-2013, 11:46 AM Parent: #432
Quote: الإمبراطور مـِنـِليك الثاني (17 أغسطس 1844- 12 ديسمبر 1913م).
إمبراطور السرووووووووور قعدت حميداني وتفرشيحت طاؤؤس وعاين ليهو رزين ومحدِّق بنظرة وعين كيف عين صقر الجديان اها استاذ الخطيب ما إتزيدنا شوية من تاريخو المعلومات السابقة كثيرة وقيمة لكن الزيادة ما بضر
محبتي
Post: #434 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-11-2013, 01:12 PM Parent: #433
Quote: قعدت حميداني وتفرشيحت طاؤؤس وعاين ليهو رزين ومحدِّق بنظرة وعين كيف عين صقر الجديان
يا عبيد الناس ديل انا شفتهم من قريب .. شفت منهم امراء واميرات (راس ولي فوق) .. وباشوات (دجّاج ولي فوق) .. وبيكوات (قنازماش ولي فوق) الراجل والست منهم يملا العين ويفضل .. التقول بيعلموهم القومة والقعدة والمشي والوقفه والكلام والنظر ... شي مرتب وما فيه غلط .. وكلامهم زي الشعر (مفنط ومقسم ومجيه) .. فاذا ابتسمت لك السيده منهم فلابد ان تشعرها بالامتنان واحيانا بالرد المباشر (قنزبكم) وتقال بالهمس كانها خارجة من الصدر لابداء السعادة والتقدير .. وهم في دائرة خدمهم وحشمهم ارق الناس .. ولهم بروتوكولات ونظم لا يكسرها الامبراطور نفسه تحكم كل شئ في حياة الفرد والجماعة وتحكم من يتداخل معهم في اي شان ولو كان عابرا .. ولا يسمون مواليدهم باسماء العوام .. ويروضون الكواسر والجوارح (ويسعونها) في قصورهم .. فاذا خرجوا للناس اصطحبوها فزادتهم هيبة وقدسية .. ولا يبدون سطوة ولا جبروتا ولا سلطة ولا يتكلفون تعاليا فكل ذلك ينبع من ذات من يراهم او يتعامل معهم ..
ورأيت الامبراطور هيلاسلاسي عددا من المرات وصافحته باليد وتحدث معي مرة .. ليس كمن قابلت غيره (حميداني بس) ..
قال لمنجستو هيلامريام وهو يدفعه لركوب السيارة الفولكسواجن التي اقله بها الي القلعة التي سجن بها .. قال جلالته متكدرا ( من قال اننا نركب في آخر الزمان سيارة كهذه) ...........
الحميداني ال
عمر علي حسن
Post: #435 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-11-2013, 01:22 PM Parent: #433
أستاذنا / العبيد الطيب بعد التحية وكتير السلام ,,,
Quote: إمبراطور السرووووووووور قعدت حميداني وتفرشيحت طاؤؤس وعاين ليهو رزين ومحدِّق بنظرة وعين كيف عين صقر الجديان اها استاذ الخطيب ما إتزيدنا شوية من تاريخو المعلومات السابقة كثيرة وقيمة لكن الزيادة ما بضر
منليك التاني ده نكوس ( ملك ) شوا زمن الامبراطور يوهانس أخر أباطرة التجراى ... شوا أكيد بتذكرنا انها واحدة من المملك الإسلامية السبع العظام في شرق أفريقيا في زمن قديم , أيام صعود الاسلام .
أتمتع ببعد سياسي أكتر من يوهانس اكان كل ما أختلف مع ناس في حاجة لمه جيشوا وحاربهم , وسيرة حروبوا مع الطليان والخليفة معروفة في التاريخ .... موت يوهانس كان فرصة أنو المنليك ياخد الحكم من رؤس التجراى المختلفين في عام 1889م والكلام ده بعد موت ملكم متأثر باصابة في واحدة من معاركوا مع جيوش اللخليفة عبد الله فغادر الحكم ( أكسوم ) ومشه للجيران في ( قندر) ... وعشان أكسوم وقندر ديل قراب في مسافتهم والغلاغل كتيرة
بمجرد وصولوا للحكم وقع معاهدة مع إيطالية وفيما بعد نقضته ودخلت أرضوا فحاربهم في عدوه , وفي نفس الوقت سعي يصالح ويعاهد الخليفة عبد الله التعايشي ويعرض عليهوا الحلف للوقوف في وجه القوي الاستعمارية في هجمته على أفريقيا , وماظن التعايشي قبل الكلام ده من المنليك الكافر فربط الصداقة والحلف بدخولوا الاسلام !!!! .... فما عارف يمكن لو الخليفة بشوية فكر في الحكاية دي كنا شفنا جيش المنليك ده بحارب حليف مع جيوش المهدية في كررى لكن الله ما اراد وجاء كعدوا وبلع أراضي سودانية زي ما اتكلمنا عنها في المداخله الفاتت .
الزول ده عمل عاصمة في وسط الهضبة طلع من أراضي الحبشة التاريخية ومشي عند الارومو في أعالي الهضبة وعمل أديس أبابا ..... عشان يبعد من التجراى منافسنوا التاريخيين والتقليديين ... مؤسس الدولة الحديثة في الحبشة وشهدت معظم توسعاته في زمنو .............
يوهانس الرابع أخر أباطرة التجراى قتل في المتمة في معركة مع جيش الخليفة عبد الله بذكرو مسيحيين التجراى بكل خير بينما المسلمين بتذكروا بطشوا وتنكيلوا بيهم
ولو المدخل كان المنليك شكلنا كده لما نرجع نتكلم عن شعب الامهره أحد الشعوب العريقة في الهضبة الإثيوبية
Post: #436 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-11-2013, 02:33 PM Parent: #435
سعادة اللواء عمر بعد التحية والتقدير
Quote: قال لمنجستو هيلامريام وهو يدفعه لركوب السيارة الفولكسواجن التي اقله بها الي القلعة التي سجن بها .. قال جلالته متكدرا ( من قال اننا نركب في آخر الزمان سيارة كهذه) ...........
الصورة دي خشت التاريخ وفيها خروج الإمبراطور الأخير ....
الناس البحبوا زمن الامبراطور بفتكروا الفلكسواجن دي شالت كل تاريخ الامبراطورية وعظمته وماضيها العريق ........
لك الود وصادق التقدير
Post: #437 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-11-2013, 02:37 PM Parent: #436
أستاذنا / الطيب تحية وتقدير
Quote: تعال يا اخوي - زولك الامبراطور منليك دا ملبسنو خيمة كاملة في ضهرو ما كتلوهو بالحر الناس ديل
زولي ده لما اخد الصورة دي إحتمال كان شتاء .............. وبرد البلد ديك عوز لبس زي ده لك الود وصادق التقدير
Post: #438 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-11-2013, 03:34 PM Parent: #437
Quote: الناس البحبوا زمن الامبراطور بفتكروا الفلكسواجن دي شالت كل تاريخ الامبراطورية وعظمته وماضيها العريق ........
بالله عليك يا ناصر دي عربية يشيلو فيها امبراطور .. فعلا منجستو ده ما عنده مخ .. بالرغم من انه تربي في ملحقات القصر الامبراطوري .. وبعناية خاصه من الامبراطور بامه التي خدمت الراس تفري عندما كان صغيرا ..
يالها من عبارة رائعة تثبت كبرياء وعظمة واعتداد الامبراطور بنفسه وبتاريخة وببلده ... من قال اننا نركب في آخر الزمان سيارة كهذه ...
Quote: زولي ده لما اخد الصورة دي إحتمال كان شتاء .............. وبرد البلد ديك عوز لبس زي ده
والله اكان جهزوا ليهو تقابة نار ساي احسن من الاثقال دي
Post: #440 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-12-2013, 02:14 PM Parent: #439
أستاذنا / الطيب شيقوق وسعادة اللواء / عمر الاكارم خالد والعبيد الطيب وكل الافاضل هنا ........... تحية وتقدير ,,,
الأمهره شعب أرتبطت به ملامح ثقافية وتاريخية مهمة بالهضبة الإثيوبية أهل شمال غرب إثيوبيا لهم لغتهم وهي اللغة الغالبة التي يتفاهم بها الناس في إثيوبيا حتى إن لم ينحدرو من شعب الامهره أهل قندر وما جاورها لهم حرف مكتوب ولغتهم من أقدم لغات العالم ... وكذلك حرفهم اغلبهم مسيحيون ارتذوكس وبهم مسلمين في أغلب الكتابات يصنفون قادة إثيوبيا لكن العبارة ليست بالدقة الكافية فقد نافسهم جيرانهم في الشمال ( التجراى ) أهل اكسوم وما جاورها ... وكان الحكم بينهم تداول كل ما قوي شعب أخذه من جاره وهكذا .........
موقعهم في الشمال الغربي بجوار التجراى في شمال إثيوبيا ( منطقة الحبشة التاريخية ) شرقهم العفر وغربهم السودان وجنوبهم الارومو
Quote: يا سعادة اللواء انا عارف اول شئ حـــــا يلفت إنتباه شيقوق شنو
كدي انت قدر شيقوق حــا يشوف اول شئ شنو في الصورة دي ؟
الجمامة مش؟
مسنووووووووح
Post: #452 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-13-2013, 08:30 AM Parent: #451
سعادة اللواء عمر صباحك زين ,,,
Quote: كيل يا ميكيل .. بالربع الكبير .. وميكيل من الاسماء المتداوله عند الاحباش
عبارة ذكرتني الطفولة لما كنت بكون جم حبوبتي أم الحسين ( التومه ) الله يرحمه والمطره صابه بتطلب من مكائيل يكيل بالربع الكبير ولما تسمع الرعد بتردد الآية ( سبح الرعد بحمده والملائكة من خيفته ) ... وربنا يكيل عليك بركاتو ....
أشهر مكائيل بتصور الجنرال أمان مكائيل عندوم مع أنو غاب والتاريخ ما أداهوا حقوا كالعسكري الانقلب على الإمبراطور الأيام دي تلفزيونهم زي المجروس بحتفلوا بعيد الجيش والسرويت ملين كل القنوات بس ما في إشارة لقادتهم القدام ... أو ما تابعته كويس ....... مكائيل و وديّ مكائيل ( ود مكائيل ) أسم بتسمعوا عند الحبش وجيرانهم الارتريين كتير ........
أكيد المداخلة السابقة كانت مجرد مقدمة عن شعب الامهره الحنتكلم عنو ... راجع وظرفي اليومين دي ما سامح لي اكون في النت بالليل ... عشان أواصل في سيرة الامهره ( لامّره)
دي ثقة بعتز بيها ... أكيد جاى أكتب بمزاج عالى ... مع أني كنت مفكر ارفع السنفور وأهدن شوية بوستك ده من الكم إيميل الوصلوني عنوا إيميلات الجيران كالعادة ما فيها كلام ليهم الشكر على المتابعة والاهتمام .... لفت نظري على قلة إيميلات ناسنا , بس واحد كتب بحليفة طلاقه أني ما (( سوداني )) ولكن (( حبشي )) أو لى وراء حبشي !!! وكل الفكرة مستنكر صور الشلوخ المنزلهم في كم مداخلة عن الارومو وشائفهم إساءة لاهلوا الاصلا ما جبته سيرتهم في البوست ده ...
أكيد ليهو ولكل زول أفتكر حاجة زي دي خالص إعتذاري ... عمرى ما أفكر أسي للناس وحته أني حبشي فكرته جاد أرسل لى صورة جوازي الماخدة بالاسكنر وخاتيها في جهازي .... بس خفته يقول الجواز ده ذاتو ادوني ليها ساى ... تكرم ولا غمته لى عسكري ... بعدين لو كنته ماظن أدس حته بتشرف أى واحد بنتمي ليها ...
فكان الايميل الوحيد البعين فيهو واضحك وأمشي واجيهوا راجع ... وما قادر ارد لسيدوا .... ولو بتابع بتمني اعتذاري يكون وصلوا ..... وفي كل الأحوال مواصل وبحماس ومزاج ماعادي
Quote: فكان الايميل الوحيد البعين فيهو واضحك وأمشي واجيهوا راجع ... وما قادر ارد لسيدوا .... ولو بتابع بتمني اعتذاري يكون وصلوا ..... وفي كل الأحوال مواصل وبحماس ومزاج ماعادي
الله يخليك يا الخطيب على هذه الروح الطيبة
ياخ واصل وانسى ظلم الناس عليك
وياريت تنزل لينا اى رسالة وصلتك هنا
ومشكور على بلابل الدوح - لقد نقلتنا للتفكر في مخلوقاته سبحانه وتعالى
Post: #454 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-13-2013, 10:13 AM Parent: #453
أستاذنا / الطيب شيقوق تحية وتقدير ,,,
Quote: لله يخليك يا الخطيب على هذه الروح الطيبة
ياخ واصل وانسى ظلم الناس عليك
وياريت تنزل لينا اى رسالة وصلتك هنا
ومشكور على بلابل الدوح - لقد نقلتنا للتفكر في مخلوقاته سبحانه وتعالى لله يخليك يا الخطيب على هذه الروح الطيبة
ياخ واصل وانسى ظلم الناس عليك
وياريت تنزل لينا اى رسالة وصلتك هنا
ومشكور على بلابل الدوح - لقد نقلتنا للتفكر في مخلوقاته سبحانه وتعالى
ظلموني الناس وجارو علىّ ياعمنا ظلم شنو !!! في ناس بتقراء بتوتر زائد وفهم قاطعنوا من رأسهم ما أكتر من كده ... ما في زول عاقل ممكن يفتكر انو لو واحد كتب بعرف بي ناس يبقي قاصد الإساءة لناس معقولة بس ... ما في أى حاجة ممكن تخليني أفكر بالطريقة دي ... حتى لو حبشي ممكن يراجع كتير من كتابات الإثيوبيين عننا إسفيريا ياخي 99% منها إيجابي
رسائل عادية ومعظمه رسائل بتشيد بالبوست وأغلبه جيران بتكلموا عن إنطباعاتهم عن البوست وذكرياتهم مع السودان زي حفّتي / أختي جليلة أتكلمت عن أصدقائها ومعارفة السودانيين حيث هم في الغربة ( كندا ) وعلاقاتهم ومشاركتهم لبعض في كل مناسباتهم وعن البوست وتناولوا لاثيوبيا وشعوبه .
وكلامه العجــبني انها بتتصور أننا أمه واحدة ,واننا متشابهين _ ياريت صاحبي بتاع على الطلاق أنت حبشي ما يسمعه _ وزيارته للسودان مرة واحدة ,وبتتمني تكرره بينما بتزور إثيوبيا بانتظام وكلام عن زيارته لإثيوبيا في 2007 م للاحتفال بالألفية الإثيوبية .
لا شكر على وأجب مدام السيرة عن أهلنا ( الامهره ) حيكون في .........كمية من البلابل ... ما للتأمل في مخلوقات الله ... فقط كمان لتوضيح الناس البنتكلم عنهم ديل منو في شعوب الهضبة الإثيوبية بالمناسبة البلابل دي بلبلتهم ( أستير اوكي ) .....
*مع الاعتذار مقدما للاخت لنشر فكرة رسالته لانو ما عندي أي إذن من أصحاب الرسائل أني انشره هنا أو أشير ليها الإشارة جات في تعرضي للرسالة الماعندي ليها رد .... والحيرتني في راسي وخلت كدايسو كل واحدة تجري على إتجاه
Quote: ياريت صاحبي بتاع على الطلاق أنت حبشي ما يسمعه
انت يا اخي الخطيب اكان بس تريحو وتقول ليهو ( هذه تهمة لا أنكرها وشرف لا ادعيه)
Post: #456 Title: Re: للجادين فقط / غناء سوداني ، اداء خليجي ورقص إثيوبي Author: جعفر محي الدين Date: 02-13-2013, 11:28 AM Parent: #455
العزيز ود شيقوق السلام عليكم ورحمة الله وبركاته وتحية خاصة لك ولضيوفك الكرام وتحية خاصة لسعادة اللواء عمر علي حسن وعبد الناصر الخطيب ومحمد فضل الله والمسانيح التانيين وعلى رأسهم ود المنسي ووضاحة
زعيلتك لخالك عمر جابت درر وأتمنى أن نعتبر ما خطه يراع سعادة اللواء عمر والذي سأروده مقتبسا أسفله بمثابة (ميثاق شرف للمنبر والمنابر المجاورة)
Quote: يوم جئت للكتابة هنا جئت وفي صدري وعلي كاهلي ذخيرة من المعرفة وكنوز من المعلومات وارث من التجارب لا يتوفر لدي اكثر الاعضاء .. وآليت علي نفسي ان اعمل تحت ظلال سن وعقل وادب ينبغي لمن هم مثلي .. فاعطيت بالصدق وباعلي معايير الشفافية ما تيسر لي ان انقله لاجيال اعلم انها لم ترد ما وردت من موارد .. فلم ازيف تاريخا ولم ازين واقعة رويتها احتراما لعقل المتلقي ولحقه المطلق في الحصول علي الحقيقة .. ورويت من موقع الحضور والمشاهده والمعايشة كل ما رويت من الاثر في هذا المنبر .. ونأيت بنفسي عن الخوض في اعراض الناس وسيرتهم الذاتية بما يشين حتي ولو كان بيدي ما يمكنني من فعل ذلك ..
هذا ما استلهمت يوم نلت عضوية هذا المنبر .. ولم يكن هذا غريبا علي حياتي كلها وسلوكي الشخصي وتربيتي وثقافتي وتعليمي ومسارات حياتي العملية وكلها مليئة بالجدية وشفافية التعامل وجسامة تحمل المسئولية .. فقررت ان انقل ما عندي بالصدق كله فلا اموت وفي صدري شيء مما اعرف واحرم بذلك غيري من ارث انساني ساقه الله ووفره لي .. ولا اوشي مكانتي وقدري بما لا استحق وقد امتلأت حياتي حتي اترعت وفاضت بالرفعة والمجد والمناصب والمكانة وحب الناس ..
فاذا رويت حادثة شهدتها فانني ارويها كشاهد بالحق كل الحق ولا شيء غير الحق .. واذا رويت عن تجربة لي فانني لا ازينها بما يمجدني دون ان اسوق ايضا ما يدينني من قصور او جهل .. واذا رويت ما سمعت تحفظت عما لا استطيع اثباته او تأكيده ولم امتنع عن انصاف من لا اتفق معهم في الفكر او الهدف او الباس من احبهم ثوبا وصفة لا يستحقونها ..
لذلك كتبت هذه القصة كما شهدتها في اماكن روايتي عنها .. وانا اعلم ان كريم الدين قد روي لكم اطرافا اعرف بعضها مثل ما حدث داخل القصور الملكية .. ولكنني لا املك حق التحدث بها .. فهي ملك خالص لصاحبها لا يحق لغيره التحدث بها ولو كان علي علم بتفاصيلها .. كذلك كنت اعلم سبب عدم قبول كريم الدين للانتماء للاسرة الامبراطورية والاندماج فيها لدرجة توصله الي مواقع الحكم ولكنني امسكت عن ذكر ذلك .. وكنت اعلم نشأته الدينية وصلة تلك البيئة والنشأة بقراره ولكنني لم اروج لذلك وصاحب الحق موجود يحق له القول بذلك او ميت اثر ان يموت معه خبره فلا يحق لي ان انشره
لقد تأذيت اخي من شك ساور بعض احبابي في روايتي فاستنجدوا بك لاظهار ما يكذبها او يخالفها .. وكنت اعلم انك لا تملك لها زيادة او انقاصا الا بقدر ما علمتم من فم صاحب القصة عما حدث داخل القصور الملكية .. اما ما حدث امام العموم في اماكن الاحتفالات وفي مجامع الناس التي شهدت مفردات هذه القصه فقد شهدته تفصيلا بعيني لانني كنت ضمن بعثة الشرف المرافقه للامبراطور ولم ازد في روايته او انقص .. فلم اخش ان تات بما يخالفني .. وهذا مصدر جرحي .. وقد قررت لذلك ان اكف نفسي عن الناس فلا اعرضها ولا اعرضهم لما يثير شكا ..
علي ان كلماتك الكريمة رفعت عني هذا الاذي وان لم ترفع القرار .. وقد ابحثه في هدأه اذا وجدت ضرورة او استيقنت من انني محل ثقة
فالتحية مرة أخرى للواء عمر علي حسن
وتحية أيضا للاستاذ / عبد الناصر الخطيب فما كتبه وما زال عن جيراننا في أثيوبيا الشقيقة أفادنا كثيرا وجعلنا نلم ببعض ثقافة هذا الشعب الجميل
Post: #457 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-13-2013, 12:07 PM Parent: #456
أستاذنا / الطيب شيقوق
نهارك سعيد ,,,
Quote: انت يا اخي الخطيب اكان بس تريحو وتقول ليهو ( هذه تهمة لا أنكرها وشرف لا ادعيه)
كلو أفريكاوي .... وماظن الحته دي تكون مزعجة لى لانوا أي زول بعتقد أنو إفريقي أكيد حيكون بعتبر كل شعوب أفريقيا أهلوا ....... يعني لا التهمه منكورة ولا الشرف إدعاء ...
كل العوز أأكدوا الكتابة عن شعوب الهضبة ما فيها أي إساءة أو أى شي من الاتبادر لذهن صاحب الرسالة الاكيد بشكرو لاهتماموا وأنو أخد من وقتوا وكتب لى ملاحظاتوا ... وأكيد كنت بتمني أنو التقاطعات الشافة دي تخليهوا يهتم أكتر وبعرف أكتر عن الجيران ... الزعل وقلة الادب ملحوقات وأصلوا ما غالبين ليهم زول ...
طبعا حنتجاوز الهجمات الجابت الكلام ده ونخلي جهدنا ووقتنا في المفيد نمش نشوف جيرانا شعب الأمهرة ونشوف بلادهم وعاداتهم وبرضوا تقاطعاتهم مع بعض شعوب السودان والمره دي نحاسب وما نكتر في التقاطعات شديد حنركز في الحّت والبلابل و الجوّاته / المرح والهزار وكلمتهم الامهرية دي أقرب كلمة ليها عندنا ( الجوطة ) بس المعني عندنا بمشي للضجة والازعاج ... مع الامهره بالذات بسمع كلمات قريبة في نطقه مختلفة في معانيها من العندنا وبعضها بطابق وفعلا بتكون كلمة سودانية 100% بس اصلها بكون غائب عننا جايبنها من وين !!!!!
ولو ما جيت المساء عارف خالد ما حيقصر وحيخت كم نموذج ....حّت أمهري
---------------------
أستاذنا / جعفر محي الدين تحية طيبة ,,,
Quote: وتحية أيضا للاستاذ / عبد الناصر الخطيب فما كتبه وما زال عن جيراننا في أثيوبيا الشقيقة أفادنا كثيرا وجعلنا نلم ببعض ثقافة هذا الشعب الجميل
ويمكن ده القاصدو من كل مشاركاتي مع الأساتذة الكرم في البوست ده أنو نحاول نعرف الجيران ديل البقراهوا وبسمعوا من ناسنا عنهم بيشي بعدم معرفة أو إنطباعات ما كلها صحيحة عنهم ده القصد .... والحمد لله الغالبية بتقراهوا حسب المقصود والهدف منو ...
ولكم أطيب تحية
Post: #458 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-13-2013, 12:15 PM Parent: #456
Quote: وأتمنى أن نعتبر ما خطه يراع سعادة اللواء عمر والذي سأروده مقتبسا أسفله بمثابة (ميثاق شرف للمنبر والمنابر المجاورة)
اخي الكريم جعفر محي الدين .. لك الشكر والتقدير علي كلماتك الطيبه .. وكم وددت أن يعيش الناس في سلام ويتعاونوا بالمعرفة والرأي .. ويتجادلوا بالحسني .. ليتهم يسمعون
سعادة اللواء و الطيب شيقوق و عبدالناصر الخطيب و الضيوف و المشاركين الكرام ..
أنا عاوز أقول ليكم إنه الكلام الإنتوا بتقولوا فيهو ده عندو قيمة لربما تكون أبعد من تصوراتكم .. صدقوني كتابتكم دي بتسهم بطريقة ما عادية في التعريف باشقائنا الأثيوبيين .. أقرب الشعوب لينا في تقديري بدون شك .
و لربما تختزل عشرات المراجع - في سلاسة و يسر , و مهضومة علي قول الشوام و "محلاة" بالغناء الجميل .
أنا غايتو عملت لي ملف معتبر من مجموع مداخلاتكم دي و ح يكون مرجع لي .. و عملت لي كمان مذكرة علي المكتب وبكتب أنا وصلت وين في البوست مع رقم الصفحة في و بقي جزء من قراءاتي اليومية .
أخوي عبدالناصر , ياخي ليه ما تفكر في تطوير الحاجات العندك دي لبحث كبير (ماجستير و لا دكتوراة) حاجة تقعد في مكتبات بلدانا و جامعاتنا و مراكز أبحاثنا تذكر الناس بعمق الوشائج و تنبهم لإنه إهتمامهم يفترض يوجه وين.
شكرا ليكم كثير .. و ممتنين ليكم كلم (اللواء/شيقوق/ عبدالناصر).
Quote: أخوي عبدالناصر , ياخي ليه ما تفكر في تطوير الحاجات العندك دي لبحث كبير (ماجستير و لا دكتوراة) حاجة تقعد في مكتبات بلدانا و جامعاتنا و مراكز أبحاثنا تذكر الناس بعمق الوشائج و تنبهم لإنه إهتمامهم يفترض يوجه وين.
والله يا طارق اخوى دى فاتت علينا كلنا = اخي الخطيب بيكتب في معلومات مذهلة جدا . وكما تفضلت ليش ما يفكر على الاقل يعمل منها كتاب .
كلامك - يا عمر - ما حيقع واطه وانا حاتشاور مع الخال في سبيل تشجيع الخطيب لتجميع كل هذه المعلومات وتأليف كتاب بعنوان يمكن التشاور حوله بيننا.
ياخي رغم قصر الفترة القضيتها معانا لكن يشهد الله انك انسان شفيف وعفيف
الواحد متحسر انو ماقعد معاك فترة اطول كي يسمع منك هذه الدرر
متابع لي مداخلاتك القيمة ونتمنى ان نراك قريبا
تحياتي
زاتوووو
Post: #463 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-13-2013, 06:09 PM Parent: #461
Quote: دي ثقة بعتز بيها ... أكيد جاى أكتب بمزاج عالى ... مع أني كنت مفكر ارفع السنفور وأهدن شوية
وفي الرصيف مستنّي ولي الثواني بحاسب فجاءة يظهر نورو الليهو كنتَّ براغب الأشرجي تراهو للإشارة أداهّو نزلوا سمفورو لي مرورو براهو
تهدن وين يا عبدالناصر ؟ لو هدنت المساري منوين معاشو ونحن الراكب كيف الوصول حبيبنا هناك راجينا متين نحضن عِويناتو لي متين تسرع تودينا
وكيف بكون حال سعاتو ما تفتكر هذه الدرر الغوالي التي جاد بها طلعها لسان ودشيقوق المتبري منو لكن الدافع كان حركة القطار مسافرين في نواحي حفتي أهلنا بالمناسبة كل كاتب يحتاج إلى آلية تخرج وتضخ المخزون والثروة في دواخله وأنت كنت هذهالآلية بنفيس الددر التوثيقي لعب نحبه ويحبنا والقلوب شواهد
عليك الله ما تهدن بتأخر في الوصول للحبيب تحياتي ومودتي يا رائع
Post: #464 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-13-2013, 06:32 PM Parent: #463
الحبيب عبدالناصر ود الخطيب لك أجمل اشواقنا لشخصك الجميل
وزي ما بقول ود العبيد نحن ( رايمنك لله كدي .. نحبك ) ويحب الإنسان لشخصه وكتابة الشخص تعكس كم كبير من مجمل دواخله ( النفس والروح ) تعرف عندما قدمت لدولة المجر للدراسة كان نظام الجامعة في مدينتنا ان تسكن في السنة الأولى كاملة مع أسرة وتراغب حتى لا ترحل سكنت مع اسرة ( مرأة مطلقة ) شقتها 3 غرف وصالون كان يشاطرني في نفس السكن زميل أمهري من أثيوبيا وحبيبته كنا اخوة والله بحق وحقيقة نقتسم الموجود وتعرف حياة الطلبة عندما تتأخر التحويلات .. انا لي رفاق وتعرف السودانين في هذا الشئ مافي زول بموت من الجوع وتلك البلاد لو وقعت من فلس ما مفر ولا سبيل إلا أخوة رجال ( والسودانين كانوا رجال نقتسم النبقة ) وما جوعنا نحمد الله بل يتعدى الأمر تجد من يدفع لك الإيجار لو قست الأمور نرجع للموضوع سمعت صوت استر في كاسيت عندهما ملك الصوت فؤادي وما حوّى حرك أشياء كُثر في داخلي .. صوت دافئ مريح للمشاعر يجعلك تسترخي وتبحر في شتات متفرق مختلف ألوانه من الذكريات الحلوة ومرة صوت يحلق بك حيث لا أمنيات ولا كائنات تمر .. أعطوني كاسيت للأستر هدية وما زلت محتفظ به ليومنا هذا ذكرى حلوة من عمر وهِروت ( عمر كان مسلم وحبيبته مسيحية ) ومازلت في تواصل معهما رمو عصا سفرهم الذي طال من ايام الدراسة في بلاد العم سام ( امريكيا ) تزوجا وأنجبا بنتين وولد ومن يومها وأنا أحب أستر ومازلت وهي التي ولدت في دوخلي الحسية السمع لمغنين من الجارة الحبيبة أثيوبيا وكل ما اسمع طرب حبشي تطفو ذكراهما الحلوة والايام التي عِشناها سويا في بلاد المجر وإمتدت لفترة ليست بالقصير سنين تعرفا على كل ابناء السودان في تلك المدينة وكنا 34 طالب سوداني في تلك المدينة
=============== تخريمة موش قلت ليك الأطراف في البوست هي التي تدفعك لكي تخرج مخزون سنين
اســـــتر كونجو
Post: #465 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-14-2013, 09:27 AM Parent: #464
العزيز / طارق مكاوي تحية وكتير السلام
Quote: أخوي عبدالناصر , ياخي ليه ما تفكر في تطوير الحاجات العندك دي لبحث كبير (ماجستير و لا دكتوراة) حاجة تقعد في مكتبات بلدانا و جامعاتنا و مراكز أبحاثنا تذكر الناس بعمق الوشائج و تنبهم لإنه إهتمامهم يفترض يوجه وين.
والله يا طارق معرفتي بإثيوبيا تعتبر أقله من المتوسطة !!! وبالجد كل ما عرفته جانب غابت جوانب من الموضوع ... إثيوبيا بلد شعوب متعددة فيها 80 قومية و80 لغة مختلفة في تضاريسه ومناخاته ومجتمعاته مختلفة في حاجاته وثقافاته ... اخدته عنواينة الكبيرة وعرفته عدد بسيط من شعوبه عرفته الارومو والامهره والتجراى والقوراقي والهررجي والعفر ......... وكمعارف وشخوص جمعتني بهم صلات الود والمعرفة يمكن كان الامهره والتجراى والارومو ومن أهل هرر الماشفتها ... ناس البن والتياب القريبة من تيابنا ... عرفته الامهره أهل قندر وقلاعة وأحفاد الاباطرة والمحبة للسودان وحاجاتو وثقافتوا ..... عرفته الارومو يوم أصريت أنو صاحبنا تاج الدين ده سودان على نحو ما اصلوا ما أوحي لى أنو إثيوبي ..... وعلى قلة أصحابي التجراى ... الأقدار هي القوت المعرفة بالحبش ,وخلتني أقرب ما أكون ليهم من شعوب الهضبة لانو شريكة حياتي منهم ... فعرفته كتير من ثقافتهم وأشياؤهم وسيرتهم
بالجد معرفة الناس دييل وبلدهم معناها تعرف ناس وشائجهم معانا فعلا عميقة , وتعرف ناس كل ما عمقته من معرفتك بيهم وعاملتهم بتقدير حتكون متأكد أنك ما حتلقي منهم إلا تقدير ومحبة ... ولو حسوا أنك بقيت منهم بجد صدقني عمرك ما تحس انك غريب عنهم
إثيوبيا أفريقيا المصغرة بكل شعوبه واعراقة ....... تتاح المعرفة ببعضها وتصعب جدا لكلها
تقديري *** أستاذنا / الطيب شيقوق
Quote: وانا حاتشاور مع الخال في سبيل تشجيع الخطيب لتجميع كل هذه المعلومات وتأليف كتاب بعنوان يمكن التشاور حوله بيننا. .
الفكرة موجودة بس نلقي الوقت ونجمع المادة البتستحق أنها تنشر في كتاب *****
العزيز بكري ( الزول ذاتو )
Quote: ياخي رغم قصر الفترة القضيتها معانا لكن يشهد الله انك انسان شفيف وعفيف
الواحد متحسر انو ماقعد معاك فترة اطول كي يسمع منك هذه الدرر
متابع لي مداخلاتك القيمة ونتمنى ان نراك قريبا ياخي رغم قصر الفترة القضيتها معانا لكن يشهد الله انك انسان شفيف وعفيف
الواحد متحسر انو ماقعد معاك فترة اطول كي يسمع منك هذه الدرر
متابع لي مداخلاتك القيمة ونتمنى ان نراك قريبا
والله يا بكري الشرقية وكل الافاضل الأسعدني الزمن وشرفني بمعرفتكم هناك في البال والخاطر ... وبالجد رغم قصر المدة وانشغال الناس وقلة لمته .... حتظل في الخاطر كصورة للسوداني ود البلد المابتأخر على الناس في أى حاجة
وبإذن الله لو الشغل ودانا الشرقية نتلاقي تاني
تحياتي
****
العزيز / خالد على محجوب المنسي
بشكرك لاستير اوكي ..... صوت الهضبة البجّمع علهوا الكل هناك ............... وشاكر ثقتك وحسن ظنك وبالجد انا هنا بتكلم ما بكتب يعني كتابتي ولغتي زي الكلامي للأصحاب والناس العزاز بالسوداني الفصيح بتخيل لي الكلام هو اللغة الابلغ البتوصل العوزوا أفضل من الكتابة وقيوده ..........................
Quote: موش قلت ليك الأطراف في البوست هي التي تدفعك لكي تخرج مخزون سنين .
فعاليا جيرانا ديل إلا تعرفهم وتقرب منهم حتى تقدر تفهمهم , وبتصور أى وأحد بعرفهم بجد ما حيلقي منهم إلا محبة وتقدير ... البوست ده زي ما قلته كل الفيهو بكتبو بكل أريحية معرفتهم وإنطباعاتهم وذكرياتهم الكونوها عبر سنين عشان كده بتخيلو بوست مميز للغاية خلانا نستفيد من معارفهم وخبراتهم .......
إثيوبيا بالذات ما ينفع تعاين ليها من فوق لو ما خشيت في ناسه وعرفتهم زي الما عرفتها .......
عن عنك عنكو عنكول عنكولي عنكولييييب سااااااااااااااااي
يامسنوح كدا نضع الركوز ونمشي نسحب ونجي!!!
Post: #467 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-14-2013, 05:44 PM Parent: #466
Quote: العزيز ود شيقوق السلام عليكم ورحمة الله وبركاته وتحية خاصة لك ولضيوفك الكرام وتحية خاصة لسعادة اللواء عمر علي حسن وعبد الناصر الخطيب ومحمد فضل الله والمسانيح التانيين وعلى رأسهم ود المنسي ووضاحة
اخي حعفر محي الدين لك التحية سلاااام مبسوط منك والإنبساطة زايدي علي القوانين وبيها طولت لي شبرين تعرف ليه لأنك لم تضع أسمي مع العدو ود شيقوق
Quote: جاييكم يا المنسي وعزو والخطيب والزول ذاتو بس مشغووووووووووول
للجميع هنا التحية وبرضوا المشغوليات حالت نواصل في البوست لم نزل بحضرة الامهره ...
ولحين عودة والمواصلة في سيرتهم نخت نماذج من غناهم وحّتهم
*******
تحياتي لكم جميعا
Post: #470 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-16-2013, 11:09 AM Parent: #469
الأفاضل أستاذنا الطيب شيقوق وسعادة اللواء عمر والاكارم ود العبيد وخالد والجميع هنا تحية وتقدير ,,,
نواصل وفي حضرة الأمهره أحفاد الأباطرة ...............
الأمهره أصحاب اللغة الاكتر انتشار في الهضبة وتعدادهم 20 مليون من مجموع السكان الذي أقترب من الـ 90 مليون أشهرهم ( الامهره القوجامي أهل بحر دار وما جاورها ومنهم الأسرة الملكية في زمن الإمبراطورية أهل منليك وحفيده هيلاسلاسي ) ... عن أصولهم يبدوا أنهم وجيرانهم الاحباش ( التجراى ) الوحيدون الذين تناولتهم موسوعة النسابون العرب كشعوب هاجرت للهضبة ... ذات أصول يمنية قديمة ؟؟؟؟ لكن إن صّح الامر بعضه لجيرانهم التجراى ... ولم تزل في ثقافة الاحباش تعلق غير خافي باليمن ودلالاتها الثقافية لكن الامر يكاد ينعدم أو غير ملحوظ في ثقافة الامهر ... في التجراى أسم (( يماني )) منتشر جدا هم وجيرانهم الارتريون ومنهم الفنان الشهير الراحل باريا يماني ... غير صلات ملحوظة ولم تزال بين الاحباش وأهل اليمن وعلاقتهم المميزة ثقافية وإجتماعيا ....
لكن يظل الراجح إن الامهره هم خليط تكون عبر قرون باختلاط الحبش وسكان الهضبة الأفارقة حيث أخذوا من هولاء واولائك وأنتجوا ثقافة ولغة وحرف مختلف ... ليس تمام الاختلاف فالتقاطعات بين الامهرنجة والتجرنجة كبيرة وكثير من كلمات الامهرنجة تجدها بتحوير بسيط من التجرنجة كلمة طريق على سبيل المثال في ( الامهرنجة منّقد / في التجرنجة منقّدي ) وعلى ذلك كثير من الكلمات
*مع أختلاف جوهري في الكتابة لغة التجراى ترميز لحروف تجد كل حرف له مقابل في حروف اللغات الاخري ( عربي / أنجليزي ) بينما حرف الامهر ترميز لاصوات فهم يكتبون نطق الكلمة وحركت الصوت فيها ...
*مع ملاحظة أن الامهرنجة ظلت اللغة الغالبة ثقافيا في الهضبة حتى أهل الشمال حينما يهاجرون ويستقرون في اديس تصبح الامهرنجة لغتهم بديلا عن التجرنجة وفي اجيالهم الثانية او الثالثة تجدهم تحدثوا وكتبوا الامهرية ... ولا يعرفون من لغتهم الاصل غير التحية والسلام ........
هم أهل وشم لاتوجد لديهم الشلوخ التي تعرضنا لها عند شعب الارومو والوشم عندهم ترميز ديني وتعريف بالانسان وإنتمائه ....
قد نواصل في سيرتهم او نقصد شعب أخر من شعوب الهضبة الإثيوبية
Post: #476 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-16-2013, 06:49 PM Parent: #475
Quote: جاييكم بس مشغوووووووووووووووووول شدييييييد
اما انا .. فقاعد محير لي يومين .. جهجهتوني جهجهة ما عندها حد يامنسي ويا عبد العزيز وياخطيب .. انا والله خايف عليكم من الله يسالكم عني .. يقول ليكم الزول ده انتو عارفينو ما بستحمل ..
يديكم العافية والسعادة .. وانشاء الله اجيكم بالنجيضه قريب ده
عمر علي حسن
Post: #477 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-16-2013, 09:12 PM Parent: #476
أستاذنا الطيب وسعادة اللواء عمر والافاضل جميعا في بوست إثيوبيا
مساء الورد ,,,
Quote: اما انا .. فقاعد محير لي يومين .. جهجهتوني جهجهة ما عندها حد يامنسي ويا عبد العزيز وياخطيب .. انا والله خايف عليكم من الله يسالكم عني .. يقول ليكم الزول ده انتو عارفينو ما بستحمل ..
يديكم العافية والسعادة .. وانشاء الله اجيكم بالنجيضه قريب ده
أكيد في إنتظار سعادتك ومداخلاتك المتميزة البتدي البوست حيويتوا وبتمني مشغولية أستاذنا الطيب برضوا ما تطول ............ وجودكم هو البدينا الحماس للكتابة هنا
***
عزيز عيسي ياخي نماذجك لغني الامهره كلها غاية في الروعة مع أني بفهم حاجات وبتفوت على حاجات
في سماعاتي غنية أبابا وبت خالته تاجست وتعليقك تحته
Quote: بحس كتير الناس ديل مننا وفينا الارتباط الوجداني بيننا اقوي من كل الشعوب الأخرى
خلاني بدل أخت المداخلة الخاشي اختها ... عن أهلنا الامهره أطول القعاد في سماع غناك الجبتو وأكتفي بالقدر الكتبتو عنهم ومدام المسالة فيها وجدانيات جريت أفتش تاجست تانية على الاقل بكون فاهم كلامه البتقول فيهوا ........
بالمناسبة أبابا دسلنجة وتاجست من اقوي اصوات الشباب الامهرة
صحي ما نفس البكاء في غنية ابابا وتاجست , بس الموقف فيهم قريب لبعض وتاجست التانية عالجتو على طريقة هيلين مليس جارته الارترية في غنيته المعروفة ( رسّعني )
فخليني أهديك مقابل نماذجك للغني الامهري الغاية في الروعة من غني التجري ( الحبش ) والشعب الحتناولوا في مداخلاتي القادمه لو الله مدة في أيامناوللحقيقة وجدانياتهم نادره بس البركة في اجيالهم الشابة إبراهام قبري مدهن ومهّليت وإدن جبرسلاسي يدخلوهم في جو غني الوجدانيات
Quote: اما انا .. فقاعد محير لي يومين .. جهجهتوني جهجهة ما عندها حد يامنسي ويا عبد العزيز وياخطيب .. انا والله خايف عليكم من الله يسالكم عني .. يقول ليكم الزول ده انتو عارفينو ما بستحمل ..
واصل يا الخطيب الخال شفقنا عليهو بالحيل قلنا نجى نديهو طلة مع زحمة الشغل دي
Post: #479 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-17-2013, 01:17 PM Parent: #478
أستاذنا / الطيب شيقوق
التحية كتير السلام
Quote: واصل يا الخطيب الخال شفقنا عليهو بالحيل
مواصل وصلنا الشمال ........ شعب التجراي والوقفة ما حتطول لانو كتبته عنهم في كتير من مداخلاتي السابقة في البوست ....... هم أهل اكسوم وما جاورها مغلى وشيرى وعدوه و................ تلك البلاد شمال إثيوبيا ( الحبشة ) في عرف أهلها .... وأهل إثيوبيا
نّحقي / حبوبة
**********
موقع أقليم تجراى شمال إثيوبيا
علم التجراى في جمهورية إثيوبيا الفدرالية _ مختلف قليلا من علم الامهره _ والاتنين أعلامهم تنفع لمشجعين المريخ النجمة والالوان
من أكثر أقاليم الجيران حيوية و نمو مستمر :
شيرى أقليم تجراى _ شمال إثيوبيا _ في اواخر 2008
شيرى أقليم تجراى _ شمال إثيوبيا _ 2012
نصب الجنرال حيّلوم هو هو وفي مكانه لم يتغير لكن من مشاهدة الصورة الاخيرة لاحظت أن كل المعالم حوله تغيرت وفي سنوات قلائل بالامس نقل تلفزيون إثيوبيا في برنامج التجراى حفل غنائي في مغلي لبناء استاد بمواصفات حديثة ملعب كره قدم ومضمار ألعاب قوة وصورة الإستاد الذي سيتم تنفيذة خلفية للمسرح الذي غني عليه الفنانين ...... . متأكد لن يمضي وقت طويل وسيصبح الإستاد من معالم مغلي وقد يكون حماس هولاء القوم ... وتصميمهم على ما ينون فعله من أهم مفاتيح شخصيتهم ...
تتعدد المداخل للتعريف بشعب التجراى ... فهو بلغة وثقافة وحرف مختلف وفي داخله ثقافات واديان تعايشت في إنسجام غاية في الروعة لبلاد كانت فيما مضي رمز للحروب الدينية فكل دين وفد لارض الحبشة وأصبح دين للبلاط حدثت حروب كبيرة لتحويل الناس للدين الجديد تحول الحبشة من اليهودية للمسيحية ... ثم من المسيحية للإسلام ... ثم من الاسلام للمسيحية ... ثم لتعايش ما بين الاسلام والمسيحية ........ وهو التطور المهم في تفكير الاحباش ... الذي تبني المواطنة وقدمها على الدين باعتبار الدين صلة بين العبد وربه والمواطنة صلة تجمع بين كل أبناء الشعب الواحد غض النظر عن دينهم ويمكن دي جزئية سمعتها مره في خطاب لزعيمهم الراحل مليس زيناوي القال : منقستات كرستيانو يّلم ... منقستات أسلام يّلم ... يعني (( علمناية الدولة )) كمنوذج أفضل يجنبهم الصراعات الدينية العرفوا بيها على مدي تاريخهم يمكن في تاريخهم الحديث الناس ديل اتجاوزوا الحته دي فعليا في سنوات قتالهم ضد الدرك ( نظام مانجستو الاشتراكي ) الناس ديل حاربوا كتجراى مسلمين ومسيحيين معا ........ مهتم بالموضوع ده لانوا في رأي لو كان مفهوم المواطنة عندنا اتغلب ... كان السودان في غني عن صراعات كتيرة ويمكن ما كان الدين هو السبب فقط لانوا المسألة عندنا اكتر تعقيدا ... دخلت فيها الجهوية والإثنية ووو وكتير من الاشياء .... مع أنو ما بتصور شعوب السودان عندها مشكلة في التعايش مع بعضها البعض .........
نقطة برضوا تستحق الوقوف بعد سنوات الحرب عند الناس ديل إهتمام ما عادي بالتعليم وبشوفوا مخرج من كل مشاكلهم بشوفوا الانسان البتعلم هو الانسان القادر يعمل تنمية ويعمل تغير في حياتو وحياة بلادوا ... واجتهادهم في الحته دي على المدي القريب نتائجوا أكيد حتنعكس على بلادهم
مزيد التجراى وثقافتهم وعاداتهم وبعض أشياؤهم في البوست ده
يا ناصر .. عرفت ذلك مباشرة في الحياة العامة الرسمية قبل منجستو وزيناوي .. ووجدت انعاكاساته علي حياة الفرد الشخصية .. فالحبشي متمسك بدينه وينعكس ذلك علي كل تصرفاته الظاهره فيدل لبس المسيحي علي انه مسيحي ولبس المسلم علي انه مسلم .. ولمست شيئا من (التغريب) لليهود في الهضبه .. وفي حوار لي مع بعض علماء الاثار والتاريخ الذين التقيتهم او ذهبت معهم لاكسوم ومقلي وعدوة ... وصلت الي ان دين الدولة لا يلزم الفرد بشيء ولكن الصراع علي السلطة ظل يستند علي العصبية الدينية .. وانه عند تحول الحكم من دين لاخر لا يعتدي علي معابد المهزوم وصوامعه ..
ولذلك وجدت اديس ابابا خالية من مظاهر العسف الديني او التفوق المسيحي رغم ان الامبراطور كان شديد التدين .. بل وانني في زمن وجودي بالحبشة لمست تصاعدا لوجود المسلمين في وظائف الدوله القياديه رغم زعمهم بالتفوق المسيحي في نسبة السكان .. وللاسف فقد كان هذا احد اسباب الثورة بجانب النزعات الاستقلالية الاقليمية .. لعلي لا اكون اخطأت الظن بان ثوراتهم ضد الامبراطور ومنجستو لم تقف عند الدين والعرق كحواجز وفواصل كما يحدث في كثير من الثورات الافريقية الاخري ..
الحبشي انسان قوي الارادة وعظيم التصميم بغض النظر عن مستواه التعليمي او تأهيله الاجتماعي .. وقلبه موجه لما يقنعه .. لذلك ظلت الحبشه تتقدم ولو ببطء وتتحسن فيها حياة الفرد يوما عن يوم .. وقد وجدتهم شعبا متطلعا الي الحياة الافضل ولا يستكبرون علي العمل فالغانية عندهم افضل من المتسول .. والقاعدة عندهم ان الذي يعطي لا يموت ولا يندثر ..
وبعض هذه هي نقاط الاختلاف بيننا وبينهم رغم التقارب العرقي الذي اظن اننا يجب ان نبحث التبشير به كمعامل اساسي لنوع من الوحدة الاقليمية بيننا وبينهم ..
ولاكون واضحا في دعوتي فانها لا تشمل الصومال ..................
عمر علي حسن
Post: #481 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-18-2013, 12:54 PM Parent: #480
سعادة اللواء / عمر على حسن تحية وأحترم ,,,,
Quote: عرفت ذلك مباشرة في الحياة العامة الرسمية قبل منجستو وزيناوي .. ووجدت انعاكاساته علي حياة الفرد الشخصية .. فالحبشي متمسك بدينه وينعكس ذلك علي كل تصرفاته الظاهره فيدل لبس المسيحي علي انه مسيحي ولبس المسلم علي انه مسلم .. ولمست شيئا من (التغريب) لليهود في الهضبه .. وفي حوار لي مع بعض علماء الاثار والتاريخ الذين التقيتهم او ذهبت معهم لاكسوم ومقلي وعدوة ... وصلت الي ان دين الدولة لا يلزم الفرد بشيء ولكن الصراع علي السلطة ظل يستند علي العصبية الدينية .. وانه عند تحول الحكم من دين لاخر لا يعتدي علي معابد المهزوم وصوامعه .. ولذلك وجدت اديس ابابا خالية من مظاهر العسف الديني او التفوق المسيحي رغم ان الامبراطور كان شديد التدين .. بل وانني في زمن وجودي بالحبشة لمست تصاعدا لوجود المسلمين في وظائف الدوله القياديه رغم زعمهم بالتفوق المسيحي في نسبة السكان .. وللاسف فقد كان هذا احد اسباب الثورة بجانب النزعات الاستقلالية الاقليمية .. لعلي لا اكون اخطأت الظن بان ثوراتهم ضد الامبراطور ومنجستو لم تقف عند الدين والعرق كحواجز وفواصل كما يحدث في كثير من الثورات الافريقية الاخري ..
الحبشي انسان قوي الارادة وعظيم التصميم بغض النظر عن مستواه التعليمي او تأهيله الاجتماعي .. وقلبه موجه لما يقنعه .. لذلك ظلت الحبشه تتقدم ولو ببطء وتتحسن فيها حياة الفرد يوما عن يوم .. وقد وجدتهم شعبا متطلعا الي الحياة الافضل ولا يستكبرون علي العمل فالغانية عندهم افضل من المتسول .. والقاعدة عندهم ان الذي يعطي لا يموت ولا يندثر ..
وبعض هذه هي نقاط الاختلاف بيننا وبينهم رغم التقارب العرقي الذي اظن اننا يجب ان نبحث التبشير به كمعامل اساسي لنوع من الوحدة الاقليمية بيننا وبينهم ..
ولاكون واضحا في دعوتي فانها لا تشمل الصومال ..................
لاحظت نفس ملاحظاتك هولاء الناس الدين من أبرز عنوانيهم وفعليا من الملابس تستطيع أن تعرف الدين الذي ينتمي له في التجراى ( الحبش ) بالذات تكاد ملابس رجال الدين تتشابه فقط تستطيع النظر لما يحمل في يديه الكتاب أو الصليب الخشبي الصغير أما في المجتمعات العادية فملابس المسلمين لها ما يميزها والمسيحيون كذلك أما في الحياة العادية هولاء وأولائك لا توجد بينهم فواصل فتجد الجميع في الحي الواحد كجيران متداخلون معايشون وبينهم علاقات طيبة ... كما تفضلت قد تكون تلك السمات منذ عهد الإمبراطور .. فحفظت بلادهم من مظاهر الخلافات الدينية فقط قبل مده بدأت بعض الاحتجاجات من مسلمين إثيوبيا في قضية تتصل بالحكومة والمجلس الاعلى للمسلمين حيث أستقبلت الحكومة بعض الافراد للتبشير بمبادي طائفة الاحباش ( عبد الله الهررى ) تلك الطائفة التي تنتشر في لبنان واوربا فرفض المسلمين ذلك باعتبارهم مسلمين سنيين لا يريدون تدخل من أحد في امور دينهم .
طريقة لبس الزوريا لدي المسلمات التجراى ...
*أتفق معك ثورتهم على الإمبراطور ومانجستو لم تركز على الدين والعرق لكن ركزت على حقهم في الحياة ورفع الظلم والاضطهاد عنهم كشعب عاني من التهميش لسنوات طويلة و كل محاولاتهم كانت الدولة ترد عليها بالقمع وارسال الحملات العسكرية لإقليمهم
* وأختلف معك قليلا في نقطة التقارب العرقي أو كثير من شعوبنا وشعوب الجيران قد تكون من أصل وأحد أو متقارب في أصولها مما يجعل الوحدة الإقليمية سهله ...الأمر ليس بتلك السهولة أدبيات السودانيين وفهمهم لاصولهم مختلفة في كل قواعدها عن الحبش بصورة تكاد أن تكون جذرية ... فالكثير من شعوب السودان إعتقادات في أعراقهم وهويتهم لا تتصل بواقعهم بقدر ما تتصل بما يرغبون أن تكون عليه تلك الاصول مع كثير من الإختلافات ... بتذكر مرة في الونسة مع صاحب عزيز حسين ابراهيم في اصول التجراى وهجراتهم من اليمن القديم للهضبة حسب رؤية المؤرخين في أصول مملكة أكسوم ومن إين جاء مؤسسيها ... الزول ده زعل زعل ما عادي ... والعرفتوا عن القوم برفضوا رفض بات حتى لو حقائق تاريخية الإشارة لأى أصول مهاجرة أو من خارج الهضبة ........ بقابلة قصة لزميل عمل سابق سوداني الله يطرى بالخير كل فخروا في سودانيتوا أنو من أصول مغربية !!!!
عشان كده لزول بعرف ديل وبعرف ديل حيشوف طوالى أنو التباينات دي وأختلافته ما بتخدم أي محاولة لبحث أو حقائق تقرب بينا وبين جيرانا في الهضبة في البوست ده كم مداخلة عن شلوخ الاروموا جابت لى اللوم , فما بالك تتوسع وتكتب في حاجات كسوداني بتبقي عارف أنها ما مقبولة من غالبية مقدرة ....
يمكن لقدام تجي اجيال بتكون أكتر جدية وفخر بهويته وانتماءاته وانفتاح أنها تعرف عن حقائق أصولة فالحته دي بتكون اكتر سهولة في التناول فقط الأن يصعب ذلك ......... لذلك أقترح أن تبحث المسألة من جانب الجيرة والقرب الجغرافي والمصالح المتحققة بالتعاون ما بيننا وبينهم ليس إلا
ما عارف أسبابك في أستبعاد الصومال وهم الاقرب لينا في حته الأعتقاد بانه عرب خلص !!!! يعني عوزنا نخلي الوحدة مع ولاد عمنا ونسعي ليها مع الحبش
تحياتي
Post: #482 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-18-2013, 02:49 PM Parent: #481
سعادة اللواء / عمر على حسن
مواصلة في حته علمانية الدولة ,وتأكيد على كلامك ده
Quote: بل وانني في زمن وجودي بالحبشة لمست تصاعدا لوجود المسلمين في وظائف الدوله القياديه رغم زعمهم بالتفوق المسيحي في نسبة السكان
أرفع رتبه عسكرية في اللحظة دي في إثيوبيا ( القائد العام ) الجنرال سامورا محمد
Quote: ولمست شيئا من (التغريب) لليهود في الهضبه .
فعليا في تميز ضد طائفة اليهو الإثيوبيين ( الفلاشا ) بقولوا أسم فلاشا بيعني الغرباء المنبوذين مره صديق عزيز قال لى تغريب الناس ديل ما جاء نتيجة إضطهاد ديني نحوهم بس لانوا الإثيوبيين بطبيعتهم ما بحبوا الناس البكونوا من الهضبة وفي نفس الوقت بكون انتماءهم وولائهم لبره الهضبة وفعلا كان كل امنيات الناس ديل يمشوا أسرائيل ويستقروا هناك .
والمعروف أنو كل حكومات إثيوبيا ما أتعاونت في حته سفرهم لاسرائيل دي ...
والثابت أنو اليهودية كدين كانت من أقدم الدينات السماوية العرفته الهضبة وتم التحول للمسيحية ويقال انو أفراد الطائفة دي ظلوا على دينهم وأختفوا في المرتفعات الاثيوبية لسنوات طوال . حتى اكتشف أمرهم رحال برتغالي وكانت إسرائيل بتطلب باستمرار من الامبراطور ترحيلهم فصمت عن الطلب واتواصل الكلام ده في عهد مانجستو الاتجاهل الموضوع ... في العهد الاخير لم يكن هناك رفض لكن كان في توتر مستمر بسبب المعاملة السيئة ليهم في دولة الكيان الصهيوني ...............
رغم التقارب الديني وكثير من المظاهر الثقافية والاساطير بين إثيوبيا وإسرائيل الثابت أنو تقاربهم السياسي أقل من الديني بكثير ......... لاحظته مصادر مصرية في قصة مياه النيل بالذات كانت بتستخدم فزاعة العلاقات دي رغم ضعفها .
Post: #484 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-18-2013, 03:59 PM Parent: #483
Quote: محبتي
العبيد ساعود لك لتامل الدرة التي وشيت بجمالها حلاوة الصبيتين اللتين انزلهما عبد الناصر علي قلوبنا بردا وسلاما .. ولمداخلته الضافية التي تستحق الاحترام وترفع (ضغط) المنطق والجدل عندي بعد ان اسهب هو نفسه في تعميق الانّ التي كبست علي مشاعري لاكثر من نصف عمري ..
ساكمل عملا لايزيد عن ساعتين وأعود لكما
اما محبتك فسننتظرها ايضا عند بوابة فالنتاين القريبة من هنا ..
خلونا يا اخونا نقضى ليك غرض للحكومة شنو العنكوليب المشتتنو دا ؟
والله خالكم حالتو تحنن .
Post: #486 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-18-2013, 07:43 PM Parent: #485
أخوي العبيد الطيب مساء الورد,,,
Quote: العناّفيتين المزيونتين ديل جبتهن من وين يا ود اعمي عبدالناصر فدع وشوح ومتبورات وعند الأكتاف مملوخات ديل كان صابحوك مع طلعت الصبوحة قطع الشّك
كان الكلام عن طريقة اللبس فتذكرته الصورة دي ... الموجودة على صفحت زوجتي بت أبوبكر بس بتتكلم فيها عن موضوع مختلف عن الاتناولنا هنا .........فجبتها كنموذج
و هنا كان الكلام عن الملابس وده بالضبط طريقة اللبس البتلاقيني في مناسبات الناس ديل فبخت الصور و بشوف دي الطريقة الوحيدة البتقرب الكلام البتقولوا ....
بعدين الملامح دي ممكن تلقاها عندنا لانوا التجراى من الشعوب العندها سحنه قريبة مننا لحد مرات بتشوف فيهم البتذكرك ملامح قريبة أو زميلة ... المهم ملامح مرت عليك ما غريبة عنك شديد
ونحّت مع التجراى شوية قبل ما أرد على مداخلة سعادة اللواء
تحياتي
Post: #487 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-18-2013, 08:17 PM Parent: #486
الجمال يتدفق ويسيل وديان تبل ريق المتعطش للمعرفة من ألسنتكم أخواني .... سعادتو عبدالناصر عبيد ودالطيب مادة غنية وشد ما يروقني جمال اسلوبكم ( المنمقو ) ويزين تلك الدرر التي نثرتها أخي بعد الناصر التعليقات الجميلة ومفيدة من الأخوين سعادتو وعبيد ومتابعين أخي الجميل عبدالناصر ود الخطيب والخطابة فنون وأنتَّ مبدع والله
وكما عهدنا اين ما تكون يكون الأبداع والتجلي أدباً وشعرا وحتى النضمي بسر العين ويجبر الخاتر
أستر كونجو
Post: #488 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-18-2013, 08:33 PM Parent: #486
سعادة اللواء عمر مساء الجمال ,,,
Quote: ولمداخلته الضافية التي تستحق الاحترام وترفع (ضغط) المنطق والجدل عندي بعد ان اسهب هو نفسه في تعميق الانّ التي كبست علي مشاعري لاكثر من نصف عمري ..
أكيد في أنتظار تعليقك , رفع الضغط ده بعرفوا تمام لاني من الناس القاعدين في التماس بين ديل وديل وبالتالي عارف ديل وديل ومعايش ديل وديل وعارف بتفقوا في شنو وما بتفقوا في شنو ...... وفاهم كويس ديل كيف بعاينوا لنفسهم وحاجاتهم وديلاك بنفس القدر كيف بعائنوا لنفسهم وحاجاتهم ...ما بين ناس حاجاتهم بفرضوها على الكل بغض النظر زينة شينة حاجاتهم أصلهم ما هاميهم زول ... وبين البدو نظرة الاخر في حاجاتهم مرات الحكم الفيصل وتصل ممكن ينقدوا نفسهم لو شافوا الاخر ما إستساغهم ...
ولازم البين ديل وديل يفهم الحتات دي كويس عشان يكون قاعد في حتتو دي ((( برتياح ))) عارف كيف يتعامل مع ديل وديلاك ....عشان كده في كلامي عن الامال العراض ديل شوية صراحة مخلوطة بسخرية لشي ما بحبذ بحثوا بنظرة مثالية ... لازم تتراعي فيها الفروقات بين الهويتهم وحاجاتهم مترسخة ألوف السنين وبين ناس لسه محتاجين سنين عشان يرسخوا حاجاتهم ...ويعاينو في عين أتخن تخين ويشوفوا مهما طال ماحيصلهم انهم أحفاد الحضارات الاسست الدنيا دي كلها
عشان ما يجيك معّـاط يكتب ليك انك حبشي وهو فاكر انو بقلل منك ...............................او بسي ليك وبرضوا كاحترام لديل وديل وبعاد من الحتات الضيقة
ولحدي ما أرجع برضوا لسه نحنه في حضرة التجراى ( الحبش ) قبل نشد الرحال لشعب تاني في الهضبة
ولحدي ما ألقي مداخلتك وارد عليها وبنفس الاريحية والصراحة
سلامات سعادة المستشار ........ وكل الضيوف ..... ياسلام على الاصالة والحضور الافريقي والتاريخ الجميل .. نعشقهم بكل مايحملون من فن وتراث وثقافة واحترام وتعليم ..
شكراً أرض الحبشة على الدين .. الطبيعة .. الإنسانية .. المحبة .. وريد الحياة النيل الازرق ...
Post: #490 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-19-2013, 01:23 PM Parent: #489
خالد على محجوب المنسي التحية وكتير السلام
مواصلين الكلام في سيرة الجيران وبمداخلاتكم الثرية وحواركم الجميل بتواصل البوست البتمني يغطي أغلب شعوب الجيران نقيف عندهم ونجيب شي من ملامحهم وثقافتهم
****
سعادة اللواء / عمر تحية وتقدير
كنت مغادر التجراى ماشي للعفر اتذكرته الجملة دي في مداخلتك فغيرته اتجاه الرحلة للجنوب الشرقي من إثيوبيا
Quote: ولاكون واضحا في دعوتي فانها لا تشمل الصومال ..................
عارف بي كلامك ده أستثني وأحد من شعوب الهضبة المهمة (( أقليم الصومال)) الصومال كأقليم غير الصومال الجمهورية السابقة والاكتر من جمهورية الان ( أرض الصومال / الصومال ... الخ ) والاقليم سكانو من الصوماليين بلغتهم وثقافتهم الصومالية المعروفة .... وهم مسلمين ما حاقدر أقول 100% قبل سنين قليلة كان الوصف ده بيطلق على شعب العفر الاتعرض لحملات تبشيرية منظمة فاصبح هناك نسبة قليلة منهم غير مسلمين .....
إقليم الصومال جنوب إثيوبيا المن أكبر ولايات إثيوبيا الفدرالية مساحة
علم الصومال في جمهورية إثيوبيا الفدرالية ( وشعارهم الجمل) نفس شعار ارتريا مع شوية اختلاف
والبعرفوا عن الناس ديل كان عندهم حركة تحرير الاوغادين شادة حيلة شديد وكان أقليمهم ده محل لاضطرابات مستمرة ... ما بدأ يستقر إلا في النصف الاول من التسعينات عقب سقوط الدرك وسقوط نظام محمد سياد بري في الصومال الام ما عارف حركتهم دي لسه نشطة ولا الحصل في الصومال الام خلى زخمة يخف !!!!
جنوب إثيوبيا صومالي الهوي والهوية لكن وأحد من ولايات إثيوبيا الفدرالية نفس الوضع ده لو مشينا غرب إثيوبيا أقليم بيشاول ( بني شنقول ) حنلقي نفسنا في أقليم سوداني الهوي والهوية
Post: #492 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-19-2013, 07:57 PM Parent: #491
الافاضل جميعا
مساء الخير ,,,
مواصلة في الحديث عن جنوب شرق إثيوبيا ( الصومالي )
العنوان الابرز الممكن عن الاقليم ده هو الصراع الصومالى الاثيوبي الاتوج بحرب 1977 - 1978 بين البلدين نظام الدرك ونظام الجنرال محمد سياد بري الطالت مطالبتو بحقوق الصومال التاريخية على الاقليم ثم شن حرب في سبيل أستعادة الاقليم للسيادة الصومالية ياجتياح صومالى افقد الاثيوبيين أجزاء كبيرة من الاقليم وخاضوا قتال شرس أتفوق فيهوا الجيش الصومالى خلال الاسبوع الاول للقتال تقهقر فيه الجيش الاثيوبي نحو سيداموا في حين سيطر الصومالين على 90% وحاصرو دردوه ........
حينها هبة السوفيت لاعانة حليفهم الجديد فدخلوا القتال بخبرائهم وجيوش حليفة من كوبا واليمن الجنوبي ( السابق ) وخاضوا قتال شرس لدحر الصومالين الذين تراجع حليفهم أميركا في عهد الرئيس جيمي كارتر عن دعم الحليف الصومالي خشية توتر العلاقات مع الرؤس أكثر
الجنرال محمد سياد بري _ رئيس الصومال _ الذي حارب لاستعادة الاوغادين
فنتهت الحرب باعادة سيطرة إثيوبيا على اقليم اوغادين وبدأ الدرك بعد هذا الدرس القاسي تصعيد في التسلح الرؤسي واجبار الحليف ان يوفر لهم ترسانه فاعلة حتى لا يتعرضوا لمحنه مشابهه
لم يتكرر ذلك واصبح للدرك قوة تقليدية قاهره حتى بداية المعرك الحاسمة مع الوياني والجبهة الشعبية لتحرير ارتريا وتلك الحرب المعروفة 1990 - 1991 في وقت قاتل للدرك كان الاتحاد السوفيتي يتفكك ... وشاهد العالم هزيمته النكراء في إثيوبيا وارتريا
نماذج من أغاني جنوب شرق إثيوبيا ( الصومال )
تحياتي
Post: #493 Title: Re: للجادين فقط / غناء سوداني ، اداء خليجي ورقص إثيوبي Author: خالد علي محجوب المنسي Date: 02-19-2013, 08:22 PM Parent: #492
Quote: صورة من حاضرتهم هرقيسا جنوب إثيوبيا
يا سلاام عليك يا عبدالناصر مرات الواحد يجد في هذا المنبر الجميل أناس يعطوه المعلومة التي قد تأخذ كل وقته لو جلس يبحث عنها وكثيراً ما نتقاعس لو كان الطريق وعر للحصول على تلك المعلومة عملت في الفترة ما بين 1999 إلى نهاية 2009 في دولة كوسوفا بعد الحرب مديراً لمكتب اللجنة الكويتية المشتركة للإغاثة وكان لنا متلقى سنوي لحضور الجمعية العمومية للمجلس الستيني للهيئة الإسلاميةالخيرية وهي اكبر منظمة داخل اللجنة الكويتية التي تضم اكثر 17 منظمة خيرية كويتية كانت الدعوة لحضور هذا الملتقى تقدم لكل أعضاء المجلس الستيني وهم من كل دول العالم الأسلامي .. حُظينا في تلك الفترة بلقاء كبار الشخصيات في العالم الأسلامي كافة أذكر من السودان كانفي المجلس دكتور عصام أحمد البشير .. الفريق سوار الدهب وكان في كل سنة حضرت فيها ذاك الملتقى ( وحضرته 7 مرات ) كلمة افتتاح اللقاء يلقيها مرتجلة دكتور عصام أحمد البشير ( وفيها البلاغة والموضوعية وحسن الخطابة ) الشاهد في الأمر كان للجنة الكويتية مكتب في هرقيسا ومن اعماله اكبر مستشفى في هرقيسا مدير المكتب كنت ألتقيه في الملتقى رجل جميل خلق ومعنى ( عمر برخت ) جمعت منه بعض المعلومات عن تلك المنطقة لكن عامل اللغة كان حاجز للوضول ضالتي التي وجدتها في حديثك الطيب هذا واصل يا جميل ونحن اعين واذن نرى ونقرأ ما تنثر من عقد حبيباته من الماس فلك كل الشكر والتقدير يا رائع
Post: #494 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-19-2013, 08:42 PM Parent: #493
خالد علي محجوب المنسي مساء الخير ,,,
Quote: وكان في كل سنة حضرت فيها ذاك الملتقى ( وحضرته 7 مرات ) كلمة افتتاح اللقاء يلقيها مرتجلة دكتور عصام أحمد البشير ( وفيها البلاغة والموضوعية وحسن الخطابة ) الشاهد في الأمر كان للجنة الكويتية مكتب في هرقيسا ومن اعماله اكبر مستشفى في هرقيسا مدير المكتب كنت ألتقيه في الملتقى رجل جميل خلق ومعنى ( عمر برخت ) جمعت منه بعض المعلومات عن تلك المنطقة لكن عامل اللغة كان حاجز للوضول ضالتي التي وجدتها في حديثك الطيب هذا
مشينا الاقليم ده لانو لفت نظري عبارة في مداخلة سعادة اللواء ... عن الصومال قتذكرته انو الصومال الموجود كاقليم في إثيوبيا الفدرالية أكبر من الصومال مساحة
Quote: عملت في الفترة ما بين 1999 إلى نهاية 2009 في دولة كوسوفا بعد الحرب مديراً لمكتب اللجنة الكويتية المشتركة للإغاثة وكان لنا متلقى سنوي لحضور الجمعية العمومية للمجلس الستيني للهيئة الإسلاميةالخيرية وهي اكبر منظمة داخل اللجنة الكويتية التي تضم اكثر 17 منظمة خيرية كويتية
عافي منك اتاريك كنت متروس كنجالات
Post: #497 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-20-2013, 09:06 AM Parent: #495
أستاذنا / الطيب شيقوق تحية وتقدير ,,,
Quote: ارجو - لو امكن - رفد البوست بمزيد من المعلومات حول الكلام اعلاه
دي خريطة الصومال _ نقص منها جمهورية صومال لاند وجمهورية بونت لاند _ والباقي الصومال الوريث لجمهورية الصومال السابقة ناس مقديشيو وكسمايو , الغنو في الخرطوم زمأأأأأأأأان :
أهلا سوداننا الشقيق سلام من فتي عريق من الصومال الشقيق ليالينا لياليكم صومالنا .....سوداننا
* راجع الخرائط قارن المساحة بمساحة أقليم الصومال في إثيوبيا ................
Quote: دي خريطة الصومال _ نقص منها جمهورية صومال لاند وجمهورية بونت لاند _ والباقي الصومال الوريث لجمهورية الصومال السابقة ناس مقديشيو وكسمايو , الغنو في الخرطوم زمأأأأأأأأان :
هل الصوماليون في الجناح الاثيوبي لهم نفس الديانة والثقافة لدى صومال مقدشيو؟
Post: #499 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-20-2013, 11:28 AM Parent: #498
أستاذنا / الطيب شيقوق تحية وتقدير ,,,
Quote: هل الصوماليون في الجناح الإثيوبي لهم نفس الديانة والثقافة لدى صومال مقدشيو؟
طيب لو رجعنا لسبب الحاصل حتلقي أنو المنطقة دي كانت تاريخيا جزء من أراضي الصومال كشعب وممالك صومالية في شرق افريقيا وقعت فريسة للاستعمار البريطاني والطلياني والفرنسي يعني منطقة تنافس بين الدول الاستعمارية صفت على الصومال الفرنسي في الصومال وجيبوتي وجيرانوا الطليان على الساحل الاريتري والانجليز في الصومال الغربي بعد الحرب العالمية الثانية أنسحب الاستعمار البريطاني وسلم الصومال الغربي للتاج الإثيوبي ....
دي عناوين القصة أنو الصومال بعد أستقلالوا كان في جزء منو بقي داخل إثيوبيا أهل جنوب شرق إثيوبيا الهم صوماليين زي أى صومالى في مقديشيو أو أى مكان في الصومال المعروف في شرق أفريقيا . يعني ما تقدر تقول وجودهم تحت إدارة إثيوبية غير من لغتهم أو دينهم أو جنسهم .
Quote: دي عناوين القصة أنو الصومال بعد أستقلالوا كان في جزء منو بقي داخل إثيوبيا أهل جنوب شرق إثيوبيا الهم صوماليين زي أى صومالى في مقديشيو أو أى مكان في الصومال المعروف في شرق أفريقيا . يعني ما تقدر تقول وجودهم تحت إدارة إثيوبية غير من لغتهم أو دينهم أو جنسهم .
الله يحفظك يا الخطيب
انت خالنا مشى وين؟
Post: #501 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-21-2013, 10:45 AM Parent: #500
أستاذنا الطيب شيقوق تحية وتقدير ,,,
Quote: انت خالنا مشى وين؟
في إنتظار تداخلوا دوما ..................لك وله اجمل تحية
**********
شعب العفر متواجد في ( إثيوبيا / ارتريا / جيبوتي / الصومال ) تاريخيا كانت أهم إماراتهم إمارة أوسا الإسلامية قراة في احد المواقع عن أصولهم :
Quote: العفر هم المعافرة وهي بطن من زيد بن كهلان من القحطانية من همدان باليمن (راجع تاريخ ابن خلدون ونهاية الإرب للنووي). يسمون في اليمن بالدناكل نسبة إلى ملك كان يحكم المثلث العفري اسمه دنكلي بن ملكان، حتى أنه كان للعفر بئر خاص باليمن يعرف ببئر الدناكل. نزح العفر من اليمن إلى القرن الإفريقي منذ أكثر من 4 آلاف سنة واستقروا في تلك المنطقة. كانوا يدينون بالوثنية قبل الإسلام، ثم أصبحوا جميعاً من المسلمين بعد مجيء الإسلام
تواجد العفر الجغرافي في شرق إثيوبيا وجارتها أرتريا ...
علم العفر في جمهورية إثيوبيا الفدرالية
ولحين عودة للتعريف ببعض الملامح الثقافية والاجتماعية لشعب العفر
Quote: ولحين عودة للتعريف ببعض الملامح الثقافية والاجتماعية لشعب العفر
الله يكرمك يا الخطيب والله قبيلة العفر وغيرها من القبائل لم نسمع عنها الا من خلال هذا البوست
Post: #503 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-21-2013, 11:39 AM Parent: #502
Quote: الله يكرمك يا الخطيب والله قبيلة العفر وغيرها من القبائل لم نسمع عنها الا من خلال هذا البوست
كيف الكلام ده يا أستاذنا الطيب !!!!!!!!!! لو غيرهم من شعوب الهضبة الممكن يكون للبعض ما عندوا أى إهتمام بيها لكين العفر شعب مسلم من شعوب شرق أفريقيا ما في إثيوبيا فقط الناس ديل في إثيوبيا وأرتريا وجيبوتي والصومال .....
تحياتي
Post: #504 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-23-2013, 07:55 PM Parent: #503
شعب غامبيلا
Quote: منطقة غامبيلا الاستوائية الغنية بالحيوانات البرية وهو الإقليم المجاور للسودان الجنوبي ولا يوجد فيها لغات سامية ولا كوشية لان هذه هي أرض الأنواك والنوير الذين يتحدثون اللغات النيلية والذين يقطن أقاربهم في المناطق الحدودية بجنوب السودان غامبيلا هي عاصمة الإقليم والمدينة الرئيسية فيه وهي تقع على نهر صغير يصب في النيل الأبيض يسمى "نهر بارو " الذي ينبع من المرتفعات الموجودة في هذا الجزء من غرب أثيوبيا والذي يتحول إسمه الى نهر السوباط عندما يدخل الحدود السودانية وكانت غامبيلا ونهر بارو يمثلان في الماضي المنفذ الرئيسي لأثيوبيا على العالم الإفريقي وبينما السودان كان لا يزال تحت الاحتلال البريطاني كانت أثيوبيا قد دخلت في إتفاق مع بريطانيا لتأجير منها مساحة على الشاطئ النهر في غامبيلا لتسهيل الحركة بين البلدين . تشتهر غامبيلا بزراعة البن الذي يصدر الى أوربا وبالرغم من أنها مرتبطة بالعاصمة أديس أبابا بخط طيران منتظم إلا أن محمية غامبيلا الوطنية يؤمها عدد قليل من الزوار بالرغم من أنها تضم عددا من الحيوانات والأنواع البرية النادرة التي لا توجد في أي مكان أخر إلا في أثيوبيا.
أقليم قمبيلا جنوب غرب إثيوبيا
علم قمبيلا في جمهورية إثيوبيا الفدرالية
تحياتي
Post: #505 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-23-2013, 08:03 PM Parent: #504
في مداخلة سابقة
Quote: الفولاني أهل غرب أفريقيا وكل أفريقيا الماظن ما موجودين في مكون أي بلد ما بين شرق أفريقيا وغربها لهم تحية خاصة وهم شعب بنتمي ليهوا في السودان كتار من ابناء السودان المميزين ده غير أنو داخلين في مكون كتير من شعوب السودان . حاجيب في مداخلتي الجايه كليب حت إثيوبي من شعب الفولاني الموجود وحاضر في الهضبة الاثيوبية بكثافة .........
مع ملاحظة أن الغنية بالامهرنجة تحية لغرب أفريقيا حينما تعانق شرقها ...
Post: #506 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 02-24-2013, 05:24 AM Parent: #505
Quote: الفولاني أهل غرب أفريقيا وكل أفريقيا الماظن ما موجودين في مكون أي بلد ما بين شرق أفريقيا وغربها لهم تحية خاصة وهم شعب بنتمي ليهوا في السودان كتار من ابناء السودان المميزين ده غير أنو داخلين في مكون كتير من شعوب السودان . حاجيب في مداخلتي الجايه كليب حت إثيوبي من شعب الفولاني الموجود وحاضر في الهضبة الاثيوبية بكثافة ...
صباح الخيرات السمحين
يا استاذ عبد الناصر الفولاني ديل شعب اني بريدهن الرّيد اللَّصم وهم غير جمالهم وطيبتهم وعلمهم ايضا شعب مميّز جدا عليك الله عرفنا بيهم اكثر وأكثر
ارتب هذه الايام للعودة للسودان لقضاء بعضا من إجازتي السنوية
ارجو المواصلة في هذا الفيض من الابداع اخي الخطيب إرضاء لقرائكم الذين تتزايد اعدادهم لمعرفة كنه ذلك الحب الذى سكن قلوب شعبينا السوداني والاثيوبي
Post: #508 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-24-2013, 09:50 AM Parent: #507
أستاذنا / العبيد الطيب صباحك زين ,,,
Quote: الفولاني ديل شعب اني بريدهن الرّيد اللَّصم وهم غير جمالهم وطيبتهم وعلمهم ايضا شعب مميّز جدا عليك الله عرفنا بيهم اكثر وأكثر
شعب ذو أصول حامية ثقل التواجد في غرب أفريقيا ( نيجريا/النيجر/مالى/ موريتانيا ) .... ومتمددين في شمال ووسط وشرق أفريقيا يطلق عليهم اسماء مختلفة لاتساع مناطق إنتشارهم بول،فولبي،فولاني،فلاتا ،هيلاني ،تكرور،..... الخ.
بعض ما قراءة عنهم :
Quote: (بعد ان وصل الفولاني الي فوتا تورمن الشمال الشرقي)جابوا فيها (المنطقة الساحلية) من الغرب الي الشرق حتي وصلوا ادماوا. ويظهر مؤكدا ان الفولاني اتوا من الشمال الشرقي كاكثرية شعوب الساحل.واذا كانت لهم سمات اقل زنجية من سود السافنا او سود الغابة ،فان ذلك ليس بمستغرب اذا تذكرنا التكلور(وهم مزيج من الفولاني والسرير) والكثير من الولوف والسونغهاي والتوبر والبيجا والجالا والصوماليين والدناقل والماساي... ألخ اي شعوب الهلال الخارجي الشمالي لافريقيا ،اذ ان هذه الشعوب كان يجب ان يكون لها ملامحها المولدة بعد اختلاطهم الطويل والمتين مع بقايا شعوب غير زنجية كالبربر والساميين. واكتسابهم لمهنة الرعي كان تلاؤما مع شروط البراري الصحراوية.
ويظهر ان مرتفعات اثيوبيا والقرن الافريقي او وادي النيل كانت مواطنهم الاصلية المحددة،ولكنهم كبقية السود ذوو رؤوس طويلة بشكل واضح كبول ادماوا لهم سمات زنجية بينة الوضوح،ويشكل انتماؤهم (الفولاني) صفة ثقافية كما هو الانتماء القبلي بالنسبة لبقية الشعوب الزنجية الإفريقية
والكلام في معرض تقديم شعوب الهضبة الإثيوبية بثرائها وتنوعها والتدليل على وجود شعوب أفريقية كثيرة متواجدة في الهضبة ... وليس كما يعتقد البعض إن إثيوبيا حصريا على الحبش والامهره فيكون كلامنا عن 30% فقط من أهل الهضبة دون النسبة الاكبر من باقي أعراقها
والبعرفوا عنهم شعب أنتمي لكل البلاد التي أمتد فيها وعرف لغاتها وثقافاتها وظل محافظ على سماته وثقافاته التي تميزه
Quote: ارتب هذه الأيام للعودة للسودان لقضاء بعضا من إجازتي السنوية
أستاذنا/ الطيب شيقوق كل الامنيات بإجازة سعيدة بين الاهل والأصدقاء في السودان السمح بي أهلوا
تحياتي
Post: #509 Title: Re: للجادين فقط / غناء سوداني ، اداء خليجي ورقص إثيوبي Author: عمر علي حسن Date: 02-24-2013, 04:37 PM Parent: #508
Quote: أكيد في أنتظار تعليقك
عبد الناصر ياخطيب احييك وانت تنشر هذا العلم الغزير والمعرقة العميقة بشعوب الهضبة .. وتنسج الجمال والفن بما تختاره من فنونهم وقسماتهم التي لا يخفي حسنها فقر ولا بؤس .. وجمال اهل الهضبة الطبيعي جمال لا يتوفر لا للروم ولا للفرس ولا لغيرهم ..
احييك وانت فوق العلم والبحث تروي عطشا للقاريء لهذه المعارف وتجذبه اليها بقدرة عالية علي توصيل المعلومة دون ان يجفل عنها المتلقي بملل او سهو .. فلله درك
وقد توقفت .. ولم ابتعد ..
توقفت لان ماعندي لا يؤهلني للمشاركة رغم عيشي لثلاث سنوات بالحبشة ورغم معايشتي لهذه الشعوب اكثر عمري .. ولكنني لا املك ما ملكت من ثراء المعلومة وودقة الخبر .. ولن تعدو مشاركتي حدود المشاهدات والمحبة التي قد لا تزيد ثقافة القارئ ..
ولم ابتعد .. لانك تشدني وتاسرني بما تعرض .. فاستزيد .. واذن لا املك بعدا .. وكذلك لانني اظن انني قد القيت حجرا علي ال (إنّ) التي تجعلني اعتقد بوحدة اصول شعوبنا .. وازداد تمسكا بهذا الاعتقاد كلما جاء منك جديد عن شعوب الهضبة ..
يبقي عدم شمولي للشعوب الصومالية في زعمي بوحدة شعوب الهضبة وشعوب السودان بما فيه الجنوب وجمبيلا .. وقد استثني العفر او الدناكل من اهل ديرداوه والمناطق الشرقية المتداخلة مع دولتي اثيوبيا واريتريا .. اما شعوب الصومال الاقرب لسواحل البحر الاحمر والمحيط فانني لا احس ولا اعرف لهم شبها بنا ........... لربما اكون جاهلا بخلفياتهم التاريخية .. ولاني لم اجدهم في كل ما عرفت عنهم يرتبطون بنا الا بشكل سطحي
ليتنا نتدبر امر ماتكتب .. ونخرج منه مرجعا يغير النظرة الضحله لاهل الهضبة والتي صنفتهم منذ بدايات القرن الماضي بيننا كسائقي قندرانات وبائعات هوي .. وان نهبهم القيمة الحقيقيه لمن نشترك معهم في الاصول والطبائع والاعراف والتقاليد ومصادر المياه ووحدة الارض والهدف في هذا الزمان الذي يستقوي فيه الضعفاء والاقوياء باشكال من الوحدة المجدية
Quote: ليتنا نتدبر امر ماتكتب .. ونخرج منه مرجعا يغير النظرة الضحله لاهل الهضبة والتي صنفتهم منذ بدايات القرن الماضي بيننا كسائقي قندرانات وبائعات هوي .. وان نهبهم القيمة الحقيقيه لمن نشترك معهم في الاصول والطبائع والاعراف والتقاليد ومصادر المياه ووحدة الارض والهدف في هذا الزمان الذي يستقوي فيه الضعفاء والاقوياء باشكال من الوحدة المجدية
واصل اخي وستجدني متابعا وازداد اعجابا ..
عمر علي حسن
كلّنا سماحة اللّواء نسأل عن سماحة البروف عبد الرحمن وإنشاء الله يكون بخير وصحة كاملة وسلامنا ومحبتنا ليهو كثير
Post: #511 Title: Re: للجادين فقط / غناء سوداني ، اداء خليجي ورقص إثيوبي Author: طارق عمر مكاوي Date: 02-25-2013, 00:16 AM Parent: #510
الأعزاء شيقوق/ الخطيب / سعادة اللواء
ما بنقدر نوفيكم حقكم.. بتطوافكم وإضافاتكم الثرية هذه.
وقفت كثير عند عبارة الخطيب حول الهوية,
فالكثير من شعوب السودان إعتقادات في أعراقهم وهويتهم لا تتصل بواقعهم بقدر ما تتصل بما يرغبون أن تكون عليه تلك الاصول مع كثير من الإختلافات ..
صديقي الخطيب / في السنوات الفاتت كان فيني حرص شديد علي التقارب مع إخوتنا الأثيوبيين و الإرتريين بزيارتهم في بلدانهم .. و كنت أختار في إجازاتي الذهاب لإثيوبيا و لإرتريا , تكررت زياراتي لإثيوبيا أربعة مرات خلال السنتين الفاتوا, و إرتريا مرة واحدة. كنت و ما زلت مؤمن إننا كسودانيين نحرص علي معرفة البعيد و نجهل معرفة القريب لينا( قرابة السحنة و الثقافة و الأصل).
المهم يا أخوي .. أنا الصيف الجاي ح أكون في أثيوبيا(ناس شيقوق ما يحسدوني) و ح أستصحب معاي البوست ده كدليل مهم .. و اذا عندك لي أي شكل عون تاني ياريتك تمدني بيه .. اذا مقترحات او حتي ناس ممكن التقيهم و أشوف من خلالهم إثيوبيا .
Post: #512 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-25-2013, 08:45 AM Parent: #511
سعادة اللواء / عمر علي حسن صباحك زين ,,,
Quote: وقد توقفت .. ولم ابتعد ..
توقفت لان ماعندي لا يؤهلني للمشاركة رغم عيشي لثلاث سنوات بالحبشة ورغم معايشتي لهذه الشعوب اكثر عمري .. ولكنني لا املك ما ملكت من ثراء المعلومة وودقة الخبر .. ولن تعدو مشاركتي حدود المشاهدات والمحبة التي قد لا تزيد ثقافة القارئ ..
ولم ابتعد .. لانك تشدني وتاسرني بما تعرض .. فاستزيد .. واذن لا املك بعدا .. وكذلك لانني اظن انني قد القيت حجرا علي ال (إنّ) التي تجعلني اعتقد بوحدة اصول شعوبنا .. وازداد تمسكا بهذا الاعتقاد كلما جاء منك جديد عن شعوب الهضبة ..
يبقي عدم شمولي للشعوب الصومالية في زعمي بوحدة شعوب الهضبة وشعوب السودان بما فيه الجنوب وجمبيلا .. وقد استثني العفر او الدناكل من اهل ديرداوه والمناطق الشرقية المتداخلة مع دولتي اثيوبيا واريتريا .. اما شعوب الصومال الاقرب لسواحل البحر الاحمر والمحيط فانني لا احس ولا اعرف لهم شبها بنا ........... لربما اكون جاهلا بخلفياتهم التاريخية .. ولاني لم اجدهم في كل ما عرفت عنهم يرتبطون بنا الا بشكل سطحي
ليتنا نتدبر امر ماتكتب .. ونخرج منه مرجعا يغير النظرة الضحله لاهل الهضبة والتي صنفتهم منذ بدايات القرن الماضي بيننا كسائقي قندرانات وبائعات هوي .. وان نهبهم القيمة الحقيقيه لمن نشترك معهم في الاصول والطبائع والاعراف والتقاليد ومصادر المياه ووحدة الارض والهدف في هذا الزمان الذي يستقوي فيه الضعفاء والاقوياء باشكال من الوحدة المجدية
واصل اخي وستجدني متابعا وازداد اعجابا ..
لو الكلام مشي لجيرانه في الهضبة بكون مهتم جدا ... عشان كده بكتب في البوست ..... تقديم إضاءة ولو بسيطة عن الجيران الاصلا ما بتدعي أني على معرفة عميقه بيهم ... كلها مجرد مشاهدات وملاحظات ... تقوي عن البعض وتكون أقل من عادية عن آخرين ... وجزء من ثقافة الجيران هي الثقافة التي تقسم معي حياتي فاعيش كل تفاصيلها ... ولدي اهلها فخر بسيرتهم .... يرون طرف منها كل ماحان لها ذكري وفي تصوري اننا جميعا هنا نتشارك الملاحظات والمعارف ... وأجد في مداخلاتك القيمة هنا المعرفة والخبرة المبنية على تجربة ثرة وفي ظرف تاريخي مهم من حياة تلك الشعوب أفادتني وأفادة القراء كثيرا ....... إثيوبيا زمان الأمبراطور بلد مختلف قد تسمع عنه في ذكريات الكبار فقط ...... لذلك كنت والبروف بما لديكم من معرفة وعلم وخبره بهولاء الناس إضافة حقيقية تجعل البوست من أهم البوستات التي تناولت الجيران هنا
لا أعرف الكثير عن شعوب الصومال في ساحل شرق أفريقيا مجرد المتابعة العادية لكن أبدا لم أعرف تقاطعاتهم معنا ... لذلك أجهل عنهم ما يجعلني اقطع بوجود روابط من عدمها ... ويسري الامر على كثير من شعوب الهضبة ... وعن أخرين تكون الـ(( إن )) التي لديك أشد ما تكون وضوح وحضور ... تراها في كثير من تفاصيل الحياة ويوميات الناس العادية وتفاصيلهم ... لكن أوضحت لك في مداخلة سابقة لما لا أتعرض لها بكامل الوضوح ...
المعرفة بالأخر هي فقط السبيل لتبديد النظرة الضحلة التي تناولتها في مداخلتك ... النظرة للأخر سطحيتها في النظر لظرف الأخر الأني دون معرفته وتاريخه وكيفية تكوينه ... وحتى نحن لم نسلم تماما من تلك النظرة من أخرون لان الثابت كلما أزرت الأيام بقدر أمم نظرت لهم أمم أخري بازدراء ...
نظرت بعضنا للجيران للمتأمل في خلفياتها يجدها في كثير من تفاصيلها قد لا تمثل الجيران بقدر ما تشي بدواخل أصحاب تلك النظرة ومحدودية رؤاهم تجاه غيرهم ( قد تمثل كل اهتماماتهم ) فلا تستطع لومهم فتلك حدودهم وأقصي ما تصل إجتهاداتهم في الحياة .... المهم كيف ينظر الناس لانفسهم لا كيف ينظر لهم الاخرون , وميزة في جيراننا أنهم لا يعطون نظرة الأخر لهم اهتمام أكثر مما يجب ... ومتى ما كنت بينهم لا تمثل أمتداد لاخرون بقدر ما تمثل نفسك وبمثل ما كنت من تعامل واحترم لنفسك لن تجد منهم غير حسن تعامل واحترام ... وتعاملهم مع الاخر على ما هو عليه لا على ما يجب ان يكون ......
ولعل كل ما ذكرت من روابط موجود فعلا ... وأقراء كتابات عنهم أشد عمقا ومعرفة وتفاصيل يمكن فعلا أن تقوي من معرفت الناس بهم ... بالطبع من لديهم إهتمام بتلك المعرفة .... لكن الامور في واقعها البسيط انك تعرف بلد وناس ... يطابقونك في كثير من أشياؤك وتجد كثر من أصول أشياؤك عندهم ... ممارسة في حياتهم
تقبل خالص التحية والتقدير ,,
Post: #513 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 02-25-2013, 11:00 AM Parent: #512
أخي العزيز / طارق عمر مكاوي تحية وتقدير ,,,
Quote: وقفت كثير عند عبارة الخطيب حول الهوية,
فالكثير من شعوب السودان إعتقادات في أعراقهم وهويتهم لا تتصل بواقعهم بقدر ما تتصل بما يرغبون أن تكون عليه تلك الاصول مع كثير من الإختلافات ..
صديقي الخطيب / في السنوات الفاتت كان فيني حرص شديد علي التقارب مع إخوتنا الأثيوبيين و الإرتريين بزيارتهم في بلدانهم .. و كنت أختار في إجازاتي الذهاب لإثيوبيا و لإرتريا , تكررت زياراتي لإثيوبيا أربعة مرات خلال السنتين الفاتوا, و إرتريا مرة واحدة. كنت و ما زلت مؤمن إننا كسودانيين نحرص علي معرفة البعيد و نجهل معرفة القريب لينا( قرابة السحنة و الثقافة و الأصل).
جدل الهوية بدا فعليا ياخد حيز باعتبار أجيال جديدة بقت تعائن لكتير من الأمور بمنطقية أكتر وبالتالي مع الزمن كتير من الأشياء حتتوضع في إطاره الصحيح .... كل ما تقدم وعي الناس زاد اهتمامهم بالحقائق المادية لا بالترهات ... ده وأقع الحياة المافي مناص من استيعابو اليوم أو لاحقاً
ده مع كامل تأكيدي على احترامي (( للاعتقادات )) دي حتى لو ما توافقة مع المنطق بس ما بتدي الشخوص من أصحابة أى تقدير زائد أو احترام ... لانو ده رهين بالشخص نفسوا وتعاملوا الشخصي هو البدي احترام الأخر أو يسلبوا منو غض النظر عن أصلوا شنو أو بعتقد شنوا عن الأصل ده ...
يعني بتمني يكون الناس بسعيهم أو إضافتهم في الحياة ... لا بمن هم وأصولهم شنو وينوموا على كدة يبقي يقيني في هوية كتير من شعوب السودان انها بتمثل ((هواهم )) ..... غض النظر عن (( واقعهم )) _ رأى شخصي _
***
Quote: المهم يا أخوي .. أنا الصيف الجاي ح أكون في أثيوبيا(ناس شيقوق ما يحسدوني) و ح أستصحب معاي البوست ده كدليل مهم .. و اذا عندك لي أي شكل عون تاني ياريتك تمدني بيه .. اذا مقترحات او حتي ناس ممكن التقيهم و أشوف من خلالهم إثيوبيا .
يأخي الواحد سعيد للغاية يكون في شباب عندهم اهتمام حقيقي يعرفوا محيطنا وجيرانا ...................... ويسعدني أتصل باخوان أعزاء تجد في معرفتهم كل ما يسهل لك معرفة بلادهم ولهم بالسودان واهله معرفة جيدة وحاراعي الحتتكلم معاهم ويتكلموا معاك بلسان سوداني فصيح ...
للتفاصيل الممكن تفيدك ده بريدي رسال لى فيهو رسالة وحاكتب ليك بالتفصيل بإذن الله [email protected]
ويمكن في الصيف لو الله هون الخطوه ......... نصادفك هناك ...
تحياتي
Post: #514 Title: Re: للجادين فقط / غناء سوداني ، اداء خليجي ورقص إثيوبي Author: طارق عمر مكاوي Date: 03-01-2013, 09:58 AM Parent: #513
أستاذي عبدالناصر / أشكرك كثير علي الروح الجميلة .. و تسلم علي تزويدك لي بالإيميل الخاص بيك.
ويمكن في الصيف لو الله هون الخطوه ......... نصادفك هناك ...
و إذا تحققت لي شوفتكـ هناك ده ببقي شرف كبير لي و إصطفاء .. إن شاء الله يارب يحصل ..
* ما تغيبوا لينا من البوست ده كثير :-)
Post: #515 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 03-10-2013, 11:21 AM Parent: #514
طارق عمر مكاوي , أستاذنا الطيب , سعادة اللواء , خالد المنسي كل الاكارم في البوست
تحية وسلام ,,, وأمنياتي أن تكونوا جميعا بخير وأتم صحة وعافية ...
Quote: ما تغيبوا لينا من البوست ده كثير
أخي طارق ...لن يطول الغياب .......... فقط أمل توفر الوقت لنعود ونكتب هنا عن بلاد الجيران ......... ونواصل في زيارة شعوب أخري في الهضبة الإثيوبية
ما بنقدر نوفيكم حقكم.. بتطوافكم وإضافاتكم الثرية هذه.
وقفت كثير عند عبارة الخطيب حول الهوية,
فالكثير من شعوب السودان إعتقادات في أعراقهم وهويتهم لا تتصل بواقعهم بقدر ما تتصل بما يرغبون أن تكون عليه تلك الاصول مع كثير من الإختلافات ..
صديقي الخطيب / في السنوات الفاتت كان فيني حرص شديد علي التقارب مع إخوتنا الأثيوبيين و الإرتريين بزيارتهم في بلدانهم .. و كنت أختار في إجازاتي الذهاب لإثيوبيا و لإرتريا , تكررت زياراتي لإثيوبيا أربعة مرات خلال السنتين الفاتوا, و إرتريا مرة واحدة. كنت و ما زلت مؤمن إننا كسودانيين نحرص علي معرفة البعيد و نجهل معرفة القريب لينا( قرابة السحنة و الثقافة و الأصل).
المهم يا أخوي .. أنا الصيف الجاي ح أكون في أثيوبيا(ناس شيقوق ما يحسدوني) و ح أستصحب معاي البوست ده كدليل مهم .. و اذا عندك لي أي شكل عون تاني ياريتك تمدني بيه .. اذا مقترحات او حتي ناس ممكن التقيهم و أشوف من خلالهم إثيوبيا .
متأسف جدا جدا جدا اخي طارق فلم ألحظ هذه المداخلة الطيبة إلا الآن وبالصدفة بس عندما كنت سائح في مداخلات الاخ الخطيب التي لم يتسن لي تصفحها بسبب المشغوليات .
Post: #518 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 04-08-2013, 01:28 PM Parent: #517
أستاذنا / الطيب شيقوق تحية وكتير السلام
Quote: وينك يا الخطيب
ان شاء الله عافية بس؟
شكرا للسؤال ... الحمد لله بخير واتم عافية وبإذن الله قريبا حاواصل الكتابة _ هنا _ للإحتفاء بثقافة بشاركنا الاهتمام بيها كتار في أنحاء العالم بيعجبو وبحتفوا بثقافة شرق أفريقيا
والكتابة عن ملامح ثقافة أهل الهضبة الإثيوبية وتقاطعه مع ثقافتنا السودانية وملامحه في نواحي كتيرة وملامح بعضها متطابق والاخر قريب . يمكن لظروف ومشغوليات ما قاعد اكتب الايام دي الكتابة المحتاجة لتركيز وتفتيش لكين أكيد راجع اواصل في الكتابة هنا
لك التحية ولكل الأفاضل هنا سعادة اللواء والبروف والعبيد الطيب وخالد المنسي وطارق عمر وكل من أثرو هذا البوست
ولحين عودة لك اكيد التقدير
Post: #519 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 04-21-2013, 06:18 PM Parent: #518
أستاذنا / الطيب شيقوق مساء الورد ,,,
أصدق تهنئة بنجاح أبنك وعجل الله شفائه ... مع امنياتي له بالتوفيق والنجاح دوما .... موصولة التهاني لسعادة اللواء / عمر علي حسن بزواج أبنته , ربنا يبارك ليهم زواجهم والامنيات ببيت مال وعيال وبحبوحة ورضا ... حبيت التهنئة تكون في بوست ميز
***
مغلى _ عاصمة أقليم تجراى شمال إثيوبيا _ النصب التذكاري لانتصار التجراى على نظام الدرك
بيوت الحجر , بدأت تعود حينما منعت حكومة أقليم تجراى منذ سنوات قليلة البناء بالطين في المدن الكبيرة فبدأ بعظهم يبني بيوت الحجر التقليدية التي كانت من معالم الاحباش التاريخية .... عادت بجانب العمارة الحديثة التي لم تخرج في تصميماتها كثيرا عن نمط البناء التقليدي للتجراى ... وبنفس ألوانهم المميزة في طلاء منازلهم بالالوان الذاهية والفاقعة نوع ما في بلاد لاتحب الالوان المحائدة
غناء تقليدي ........
ولحين عودة **** تحية وتهنئة وعودة للبوست في سيرة الجيران
الف مرحب بك وانت تعود لتحريك البوست من غرفة انعاشه
Quote: أصدق تهنئة بنجاح أبنك وعجل الله شفائه ... مع امنياتي له بالتوفيق والنجاح دوما .... موصولة التهاني لسعادة اللواء / عمر علي حسن بزواج أبنته , ربنا يبارك ليهم زواجهم والامنيات ببيت مال وعيال وبحبوحة ورضا ... حبيت التهنئة تكون في بوست ميز
الله يخليك ويحفظك وافراد اسرتك الميامين من كل شر
ربنا يبارك للخال ولجميع افراد الاسرة في زواج الابنة منى - ويجعله عرسا مباركا يا رب
Post: #521 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 04-21-2013, 08:45 PM Parent: #520
أستاذنا / الطيب شيقوق مساء الجمال ,,,
Quote: الف مرحب بك وانت تعود لتحريك البوست من غرفة انعاشه
ده بسبب المشغوليات لكين كل ما الواحد يلقي فرصة عشان يكتب عن ثقافة عندو محبة وتقدير خاص ليها أكيد حيرجع ويضيف حاجة ... بكرر التهنئة ليك ولسعادة اللواء وربنا يجعل كل ايامكم أفراح رجعته أفصل شوية في بعض الملامح الثقافية لشعب التجراى ... طبعا ما حاقدر أغطي كل ملامح الثقافة دي وكان وعد لصديق عزيز أفصل شوية في الحته دي لانوا بقول التجراى شعب واحد بس حاجات ناس اكسوم تختلف عن شيرا وعن مغًلي وعن عدوة .... الخ وملاحظتو جديرة بالاحترام فحاحاول أفصل في الملامح العامة بس دون الخوض في تفاصيل أدق....
*** ده السبب أنو شلنا البوست للربع ده وربنا يدينا الوقت البخلينا نواصل نكتب في سيرة الجيران
***
صورة لمّغّلي عاصمة أقليم تجراى شمال إثيوبيا ...
صورة لرقص مغّلي التقليدي والمختلف عن رقص التجراى التقليدي في إثيوبيا وجارتها أرتريا
غناء ورقص أهل مغًلي التقليدي .....واللفت نظري للكليب ده أنو الشباب ديل مزجوا بين أقدم رقص حبشي والرقص الحديث مع أنو الغنية الفي الكليب معروفة وتعتبر تراثية ....
وتقبل أكيد الود والتقدير ,,,
Post: #522 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 04-23-2013, 05:44 PM Parent: #521
تصحيح لابد منو :
Quote: غناء ورقص أهل مغًلي التقليدي .....واللفت نظري للكليب ده أنو الشباب ديل مزجوا بين أقدم رقص حبشي والرقص الحديث مع أنو الغنية الفي الكليب معروفة وتعتبر تراثية ....
رسالة من صديق عزيز سعيد بتناول البوست لجانب من تراثهم وعندو تصحيح للمداخلة الاخيرة :
أنو ده الرقص التقليدي القديم والبميز التجراى من أى رقيص تاني لشعوب الهضبة الاثيوبية , لكين الغنية الختيته كمنوذج لشباب مغّلي ما هي تراثية في حد ذاته قالبه فقط اللحن والمدخل لانوا كل الاحباش بشيلوا القالب ده وبصيغوا عليهوا غناهم بحتفظوا بالقالب العام للأغنية وبعد كده بصيغوا عليهوا اغنياتهم ... وبرقصوا نفس الرقصة ولفت نظري انوا طبلة التجراى الشهيرة البتتربط في الكتف في النمط ده من الغني التقليدي بتجي حوبته ....
وأرفق لى رأبط من اليوتيوب لغني التجراى في الارياف النائية لما يتلاقوا في مناسباتهم بغنوا وبرقصوا بنفس الطريقة البتبدو مختلفة من الرقص التقليدي البنشوفوا في المناسبات أنو الناس ترقص في دائرة مع تصاعد الايقاع تنقسم لعدد من الدوائر :
بواصل وبقول في إثيوبيا لما يكون في مهرجان بعرف بالرقص التقليدي لشعوب الهضبة ده الغناء والرقص التقليدي البقدموا التجراى وبره إثيوبيا لما يكون في مهرجان للتجراى ده الرقص البقدموا أهل مغّلي كبطاقة تعرفهم بين نماذج رقص تانية لمختلف مناطق التجراى ...
Quote: بكرر التهنئة ليك ولسعادة اللواء وربنا يجعل كل ايامكم أفراح
تسلم يا ناصر اخوي والناس دي كلها متابعة كتاباتك واصل واصل الله يخليك
Post: #524 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 04-24-2013, 01:33 PM Parent: #523
أستاذنا / الطيب شيقوق والاكارم هنا كتير السلام والتحايا ,,,
Quote: واصل واصل الله يخليك
أكيد مواصل في الكتابة وحاحاول أغطي كتير من شعوب الهضبة , باعتبار الكتابة في الجزئيات ما بتهم غير أهله لكين أكيد بالتداخل معك ومع كل الاكارم البكتبوا هنا , ده البفتح محاور الكلام ويخلي يتشعب ..........ويجيب شجونه
*الاكارم المابكتبو هنا وبتابعوا غايتو انطباعي أنو غالبيتهم من الجيران البنتناول في سيرتهم ... وفيهم المنتظر إفادة وانطباع منو _ لانوا رسلته رابط البوست ده لاخوه واخوات كرام منهم وبتمني المتابعة والتداخل المفيد _
*في بريدي بعض رسائلهم الأكيد حاضيف منها في البوست لو النقاش فيهوا أتواصل ومشه للمحاور الاتناولته الرسائل دي
مع أكيد شكري وتقديري ....لاهتمامك ومتابعتك .........
-----------
*التجراى _ ملابس تقليدية _ Habesha cultural clothing
---------------- *ولو الله مده في الأيام يانا المواصلين .......في حضرة الجيران
تحياتي
Post: #525 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 04-25-2013, 10:19 AM Parent: #524
أديس أبابا
في سيرة بلاد :
(( بلاد لا تعطيك إحساس انك هابط اليها ... من أعلى لكن تصادفها حيث هي ... معلقة بين السماء والارض !!! وكأنها نزلت من السماء.... أوإنها إشرئبت صاعدة تريد الوصول إليه ... و توقفت حيث هي فلم تكمل الصعود أو تعد حيث كانت ...))
*معالم تاريخية
*عمران المدينة الحديث ----------
تاريخها كمدينة يقول و هى مدينه حديثه أسسها سنة 1887 الإمبراطور مينيليك التانى(1889–1913) بناء على اقتراح من زوجته الاميره تايتو حيث اختارت مكانها و في أعالى الهضبة ( مناطق الارومو التاريخيه ) وأختارت أسمها اديس ابابا.( الزهرة الجديدة ) تعرف الاميرة تايتو في تاريخ إثيوبيا أنها زوجت منليك الثاني التي كانت تكبره سنا باربع أعوام وساهمت في عهد زوجها بمشاركات خلدتها في تاريخ إثيوبيا حيث شاركت بقيادة الجيوش في *معركة عدوه ............
_ *من رسالة من أخ كريم تعقيب على الفيديو ( تكرسو ) وتعريف بالمرأة التي كانت تقود الجيش الذي سحق الطليان في سهول عدوه _
من كتبات سابقة عن أديس :
Quote:
( ب )
في ظهيرة صيفية مر ببالى ماكان قد قاله لى صاحبي المثقف مرة وهو يروي طرف من سيرة اللاتيني المميز ( لوركا ) بأن للمدن طابع خاص ومميز يظل فيها مهما فعلت السنين والحداثة وذلكم كان بعض ماكتب بعد سفره لنيويورك ووقتها كنت أتأمل من حيث أنا بانوراما رائعة لوسط العاصمة الشوارع والميادين والتماثيل والنصب التذكارية ومواصلاتها العامة مصادفة بالوان الهلال والمريخ المفضلة حيث الحافلات الصغيرة الزرقاء وباصات النقل العام بلونيها الاحمر والاصفر وإن كان صفار يميل للبرتقالي اكثر منه للصفر الفاقع ...
من خلف زجاج مكتب صاحبي بالبناية التي يعمل بها لاديس طابع المدن العصرية ولها حياة لا تتوقف ... ومع ذلك لها شخصية وطابع مميز تكاد تحسه في كل أشياؤها .. اللوحة الطولية بالمكتب لرماح وطبول وأقنعة افريقية وقد تكون هنا مستلهمة من تراث الكاديبو أو الكواسه لكنها تتعدي الهضبة فالأشكال فيها تطابق فلكلور جنوب السودان في فنونهم اليدوية حيث ينحتون من الأخشاب أفيال وتماسيح لها بنية شكلية مقاربة ... وروح واحدة تلك اللوحة والمنحوتات كانت ببالى في مشاهدات عديدة أن شكل الحياة ومزاجها وموسيقاها وملابسها أخذت أنماط و وأمزجة متعددة وإن ظلت برغم ذلك تتقمصها روح ( إثيوبية ) لو دققت الملاحظة ستراها تتقمص كل شي
لم يطل بقاؤنا في تلك المدينة التي أحب فقد كان حضورنا لنسافر شملا لتلك البلاد التي لا تحب الالوان المحائدة ولها مزاج أكثر حّدة من مزاج أديس المعتدل
تحياتي لك ولكل من راسلك عبر الايميل الشخصي من غير اعضاء المنبر
Quote: *في بريدي بعض رسائلهم الأكيد حاضيف منها في البوست لو النقاش فيهوا أتواصل ومشه للمحاور الاتناولته الرسائل دي
مع أكيد شكري وتقديري ....لاهتمامك ومتابعتك .........
النقاش حيتواصل اخي ناصر فارجو انزال اى رسالة وردت اليكم عبر الايميل الخاص ان لم تكن لصاحبها اى تحفظات من النشر
Post: #527 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 04-26-2013, 08:38 PM Parent: #526
أستاذنا / الطيب شيقوق مساء الجمال ,,
الرسائل في بريدي الخاص من معارف واصدقاء أعزاء من الجيران حابتدي أصحح بيها بعض المعلومات الموجودة فعليا في البوست زي المداخلة الاخيرة لما نزلته تكر سو _ تيدي أفرو _ قلته أنو بصور معركة عدوه ونسبته المعركة دي لعهد يوهانس فنبهني أخ كريم _ صح النوم _ المعركة دي عهد منليك واداني روبط للمعركة وللعهد ...وانوا قادته معاهوا زوجتو لاميره تايتو ... ده مثال حارجع أصحح المعلومه , أو تحفظات من أخت عزيزة أني بركز أكتب عن (( التجراى )) وإثيوبيا كلها أكيد ما تجراى ... أي زول أكيد حيتأثر بالناس الصلتوا ومعرفتوا بيهم قوية لكين أكيد حاحاول أغطي في كتابتي كل شعوب الهضبة الإثيوبية وده التوازن الحاحاول أنتبه ليهوا لو البوست أستمره بينا أكتر , لسه أكيد منتظر أراء من أخوه واخوات كرام أرسلت ليهم الرابط في بريدهم .... مقدر مشغولياتهم وبرضوا منتظر منهم ردود لانوا في النهاية بتناول في موضوع بخص الناس ديل وبلدهم أكتر ما يكون بخصني .... فبالتالي بهتم أنو المعلومات المذكورة هنا كلها تكون صحيحة ولو في منهم أى تصحيح أكيد حانزلوا فوراًلانو انا بكتب من الذاكرة والمشاهدات فقط ....
أكيد حاشوف معاهم العندو رغبة أنزل رسالتوا كاملة هنا وحانزله أ و أعرض فكرته العامة كل الناس ديل بكتبوا إنجليزي عدا رسالة واحدة مكتوبة عربي _ الانجليزي الراقي اليحسرك إننا عربنا تعليمنا _
أو من متابعين ما بعرفهم بصورة شخصية بتكلموا عن الجيران وبلدهم وانطباعاتهم عنهم ( - / + ) وأكيد كل الاراء دي محل تقدير حتى الحّاد منها وبعض الرسائل بتخش في أمور شخصيةبتخص شخص الكاتب أكتر من موضوعوا البكتب فيهوا فبالتالي ما عندها رد مني .. لكين شاكر للمتابعة والاهتمام
مواصل بإذن الله , بس بوجودكم البوست ده أصلوا ما بنفع عزف منفرد وجودكم فيهوا هو البديهوا ألقوا ورونقوا وهو البفتح مغاليق الكلام .... من ناحيتي انا متواجد ... وبحاول الايام دي أعمل في انطلاقة جديدة للسيرة لانوا الايام دي براسل في كمية من ولاد وبنات الجيران عوز ملاحظاتهم وتصحيحهم للمعلومات الواردة هنا وانطباعاتهم .............
وفي ذهني أواصل أكتب عن شعوب تانية في الهضبة الإثيوبية .... ومحطتنا الأولي العاصمة (( أديس )) ونواحيها وناسه وثقافته وملامحه ....
وتطوراته السياسية
تمثال لينين وسقوطه في أديس بنهاية زمن الدرك 1991 م
بإذن الله مواصلين في السيرة الجيران وبلدهم
وتقبل أكيد الود والتقدير
Post: #530 Title: Re: للجادين فقط / غناء سوداني ، اداء خليجي ورقص إثيوبي Author: عبيد الطيب Date: 04-29-2013, 11:49 AM Parent: #529
Quote: (( بلاد لا تعطيك إحساس انك هابط اليها ... من أعلى لكن تصادفها حيث هي ... معلقة بين السماء والارض !!! وكأنها نزلت من السماء.... أوإنها إشرئبت صاعدة تريد الوصول إليه ... و توقفت حيث هي فلم تكمل الصعود أو تعد حيث كانت ...))
بلاد تمنيت أن ازورها في زمن سمح استاذنا الخطيب سلاااااااام كتير ليك ولأبوي الطيب وسماحة اللواء والمنسي أخوي وللجميع واصل واكتب عن كل شعوب الهضبة البوست محضور.....! من الحضرة الروحية..........! محبتي
Post: #531 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 04-29-2013, 07:09 PM Parent: #530
أستاذنا / العبيد الطيب مساء الورد ,,,
Quote: واصل واكتب عن كل شعوب الهضبة البوست محضور.....! من الحضرة الروحية..........!
أهل الحضّرة بقولوا ذكرهم بوصلهم للحظة صفاء !!! وهنا في (( السيرة )) معظمنا كتب بصفاء روح في حضّرة الجيران الأعزاء ...... لك التحية على الحضور المميز دوما...
في حضّرة اللأمره (( الامهرة )) وفي أغنيتهم أستدعوا الوطن بكل مكوناته ..........
Quote: فنبهني أخ كريم _ صح النوم _ المعركة دي عهد منليك واداني روبط للمعركة وللعهد ...وانوا قادته معاهوا زوجتو لاميره تايتو ...
اولا احيي هذا الاخ الكريم على تفضله بالمتابعة والتصحيح
يمكنكم - اخي ناصر - كتابة اسم هذا الاخ الكريم ان لم تكن اى تحفظات على ايراد اسمه في البوست
واصل وزي ما قال ليك الخال البتكتب فيهو دا تجاوز سقف معرفتنا ولكن لا مناص من المشاركة بحاجات فيها حت وكدا
حاشية:
متابع خبر زيارة رئيس الاركان المصري للسودان يوم امس وتعليقات الناس حول تلك الزيارة - منهم من قال ان الزيارة بغرض التنسيق للهجوم على اثيوبيابسبب شروعها في تشييد سد الالفية .
ثمة تعليقات ، على الفيس بوك ، اعجبتني جدا ، تقول والله لو النار ولعت بين مصر واثيوبيا نحن طوالي مع اهلنا الاثيوبيين .
Post: #534 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 04-29-2013, 09:24 PM Parent: #532
سعادة المستشار / الطيب شيقوق كمّي وعّلكة ,,,
Quote: اولا احيي هذا الاخ الكريم على تفضله بالمتابعة والتصحيح
يمكنكم - اخي ناصر - كتابة اسم هذا الاخ الكريم ان لم تكن اى تحفظات على ايراد اسمه في البوست
واصل وزي ما قال ليك الخال البتكتب فيهو دا تجاوز سقف معرفتنا ولكن لا مناص من المشاركة بحاجات فيها حت وكدا
حاشية:
متابع خبر زيارة رئيس الاركان المصري للسودان يوم امس وتعليقات الناس حول تلك الزيارة - منهم من قال ان الزيارة بغرض التنسيق للهجوم على اثيوبيابسبب شروعها في تشييد سد الالفية .
ثمة تعليقات مفي الفيس بوك تقول والله لو النار ولعت بين مصر واثيوبيا نحن طوالي مع اهلنا الاثيوبيين .
طيب تحية خاصة للصديق العزيز ود أكسوم عبد الواسع شيخ محمد وتصحيحوا بخصوص غني أهل مغّلي موصولة للصديق العزيز أدم محمد أمين وتعليقوا وتصحيحوا للمعلومه, الكتبتها في مداخلتي عن فيديو ( تكّر سو ) عن معركة عدوه 1896 الحقق فيها الامبراطور منليك نصر حاسم على الطليان ... عدوة دخلت التاريخ كنصر لجيش أفريقي تقليدي علي جيش أوروبي
• ما عندي تحفظ على ذكر الأسامي فقط لانو الملاحظات دي جاءت في مراسلات الاصحاب الخاصة
رغبتك أنت وسعادة اللواء بتخفيف مشاركتكم بحترمه , لكين كتابتي هنا ما فيها أى نوع من المعرفة الزائدة زي شائف فيها تصحيحات كتيرة , من الاصدقاء شاكر ومقدر ليكم متابعتكم وإشادتكم مع الوعد بالمواصلة كلما أخدت المداخلات الكلام يتناول جانب في سيرة الجيران
---------
الجزء التاني من تعليقك حاقوليك من الاوسمه العسكرية الأرفع في إثيوبيا وسام ( جوندت ) ودي برضوا معركة في سهول عدوه قضي فيها الاحباش على حملة المازنجر الاتحركت من طوكر واتوغلت في الاراضي الحبشية وفيها صهر محمد على ممتاز باشا , قضي الاحباش على الحملة المصرية الاتوغلت في بلادهم بقيادة الراس / الامير شلاقة والقتل معظم الجيش ده وأسر باقيهوا وأطلق سراح البعض ليخبروا من أرسلهم عن الاهوال التي لاقوها على يد الاحباش * راجع حملة الحبشة
Quote: لحملة المصرية على الحبشة أو الحرب المصرية الإثيوبية، هو صراع بين الخديوي إسماعيل والإمبراطور يوحنس الرابع إمبراطور الحبشة (إثيوبيا حاليا)، في الفترة بين 1868 إلى 1876. وتضمنت الحملة معركتين؛ جوندت في 16 نوفمبر 1875 وجورا في 7-9 مارس 1876. وانتهى الصراع بانتصار إثيوبيا.
أكيد ما من الحكمة أنو مصر تتعرض عسكريا لإثيوبيا وما من الحكمة لو قلت حكمة المصريين أنو السودان ينحاز ليهم في موقف زي ده حيعرض الإقليم كلوا لحريق كبير .....
لو حصلت من الحكومة متاكد كتار من السودانيين ما حينحازوا إطلاقا لمصر ... ما محبة في إثيوبيا لكين اكيد بتكون متابع أنو الناس بقي عندها حساسية مزمنه من جيرانا الفي الشمال وتصرفاتهم تجاه السودان كإنسان وبلد وده بعرض رأي الاغلبية أنو يتحفظ في الانحياز للمصريين
بعدين قول حكومتنا الرشيدة عملته ونسقت مع مصر , حترحل مع المصريين ديل مصر ولا حتقعد جاره للأحباش
تحياتي
Post: #535 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 05-02-2013, 11:15 PM Parent: #534
أستاذنا / الطيب شيقوق مساء الورد ,,
إلحاق لللمداخلة الأخير :
ده تاريخ أخر مواجهه بين الاحباش والمصريين الكانت في عهد الخديو اسماعيل ويوهانس الرابع 14 / 11/ 1875 وتاريخيا دي ما أول مواجهه بين الاحباش وحاكم تركي لانو سبق ليهم ألحاق هزيمة بالاسطول العثماني خلت تركيا فعليا تستبعد الحبشة من التفكير في أي غزو .......
Quote: معركة جوندت في 7 نوفمبر 1875 وصلت أنباء للإثيوبيين عن تقدم 2000 من المصريين بقيادة منزينجـر من كسلا عبر أجوردات وميريب بإقليم الدنـاقـل (بإريتريا المعاصـرة). تلك القوة سقطت في كمين بالقرب من "عدوة" أعده رجال القبائل الدنقـلاويون الذين أبادوا القوة المصرية عن بكرة أبيها بما فيها مـنزينجـر. في 14 نوفمبر 1875 تقدم الجيش المصري بقيادة آرندوب مؤلفا من 3000 من المشاة المسلحين ببنادق رمنجتون و 12 مدفع جبلي وتحت قيادة العديد من الضباط الأوروبيين والأمريكان (الكونفدراليين) إلى جوندت في طريقه إلى عدوة حيث هاجمه الجيش الإثيوبي بقيادة الامبراطور يوحنس الرابع من المقدمة. قامت فرقة إثيوبية أخرى بقيادة الراس شلاقة علولة بالانفضال لمواجهة الكتيبة المصرية المتقدمة من قلعة أدي ثم التفت تحت جنح الليل من فوق الجبل حول مؤخرة الجيش المصري الرئيسي المتمركز بالوادي السحيق مما أدي إلى سقوط الجيش المصري بين طرفي كماشة - الأمر الذي أدى في صباح 15 نوفمبر إلى مذبحة للقوات المصرية لم ينج منها سوى نحو 300 جندي انسحبوا إلى مصوع تحت قيادة العميد الأمريكي دورنـهولتز ورؤوف بك. قتلى الجيش المصري كان بينهم آرندوب وأراكل نوبار (ابن أخي رئيس الوزراء المصري نوبار باشا) والكونت زيشي ورستم بك. قتلى الإثيوبيين بلغوا 500 في ذلك اليوم. غنم الإثيوبيون 2200 بندقية و 16 مدفع - اثنان من تلك المدافع ما زالا يزينان الساحة الكبرى لمدينة أكـسوم العاصـمة التـاريخية للحـبشـة وعرق الأمـهـرة. اثيوبيا المعاصـرة أطـلقت اسـم جوندت على أسـمى وسـام عسـكري لديها.
جوندت وفيها رشه الاحباش *الجبّسي وفي وجود خبرائهم الاجانب
ولانوا فكرة السدود ما جديدة في إثيوبيا حصلت مشدات كلامية بين السادات ومانجستو ولانوا مانجستو ماكان جادي في بناء السد , ما تراجع بسبب تهديد السادات لكين بسبب أنو ماكان عندو التمويل اللازم وأصدقائوه الرؤس ما كانوا بدوا حاجة غير السلاح .. أتطرحت الفكرة بشكل أقوي عقب الجفاف في القرن الافريقي منتصف الثمانينات والمجاعة الحصدت أرواح ألاف الإثيوبيين .... وبرضوا نظام الدرك ما كان في أولوياتوا بناء سد وكان أهتماموا الاول الحرب في أرتريا والتجراى
في عهد مليس زيناوي طرح الموضوع بصورة جادة لاول مرة وبدأ أنشاء سدود إثيوبيا والناس ديل فعليا بنفذو في سدودهم دي بدعم صيني وشراكة مع الاتحاد الاوربي واكتر الاوربيين دعم هم الطليان البتربطهم بالناس ديل علاقات تاريخية وديل الدول الظهروا في معظم احتفالات إثيوبيا بسدوده , مع أنو الاعلام المصري مليْ الدنيا أتهام أنو إسرائيل وراء سدود الحبش !!! أبّاي حاليا أكتر كلمة متداولة بين كل شعوب الهضبة ورغم الضغوط المسببه البناء والضرائب وارتفاع الاسعار وووووو... الناس متحمسه أنو في الاخر حيحصل عندهم إنفراج إقتصادي وحتجنبوا الفجوات الغذائية البتحصل ليهم من وقت لاخر _ أخره عام 2008_ ومحاولاتهم الجادة لتنفيذ إستراتيجيتهم يبقوا بلد من اصحاب الدخل المتوسط ........
Quote: بدأت إثيوبيا اعمال سدها الإنشائية وبحماس وتصميم لا يقل عن حماس جيرانهم المصريين وهم يبنون سدهم العالي
سبحان الله توارد خواطر غريب كنت ببحث عن البوست دا لرفعه والرجاء منكم الكتابة لنا عن سد النهضة المزمع انشاؤه في اثيوبيا
اول سؤال هو هل السد للاغراض الزراعية والتوليد الكهربائي ام تتوليد فقط .
واذا سلمنا جدلا انه لاغراض زراعية ايضا فهل هنالك مساحات مسطحة في اثيوبيا يمكن زراعتها؟
Post: #538 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 05-30-2013, 07:34 PM Parent: #537
التقرير صادر عن شركة الكهرباء الإثيوبية ويرصد تطورات المشروع حتى أغسطس 2012، حيث يبدأ بوصف عام له باعتباره «مشروعا للطاقة الكهرومائية يتم بناؤه على النيل الأزرق بغرض توليد 6 آلاف ميجاوات من الكهرباء عن طريق استغلال تدفق مياه النهر، والذي يقدر في المتوسط بنحو 1547 متر مكعب في الثانية». ويتكون المشروع بالأساس من سد رئيسي من الخرسانة المضغوطة RCC «أحد طرق بناء السدود وتم استخدامها في سد التنور بالأردن»، وسد فرعي Saddle Dam على المناطق المنخفضة المجاورة للخزان لمنع غمرها بالمياه، ومحطتين لتوليد الطاقة الكهربية، ومنطقة تحويل بطاقة 500 كيلو فولت بالإضافة إلى المفيض «قناة تصريف فائض المياه». وتم تصميم المشروع بسعة تخزين 74 مليار متر مكعب عند مستوى الإمداد الكامل، ويغطي مساحة 1680 كيلو مترا مربعا سيتم استخدامها بشكل أساسي في توليد الطاقة الكهربية. كما تم البدء في تشييد خط تحويلي بطاقة 400 كيلو فولت لإمداد المشروع بالكهرباء اللازمة من مشروع نهر بيليس الكهرومائي «نهر غرب إثيوبيا ويعد أحد رواد النيل الأزرق» خلال فترة التشييد، على أن يتم استخدامه لربط الكهرباء من سد النهضة عند بدء توليدها بالشبكة القومية، هذا بالإضافة إلى خطوط تحويل بطاقة 500 كيلو فولت للربط سيتم تشييدها كمشروع منفصل. ويقول التقرير إن تقييم التأثيرات البيئية وخطط إعادة التوطين أصبحت في مراحل إعدادها الأخيرة، كما تم توزيعها على المؤسسات ذات الصلة للمراجعة وإبداء الرأي، فيما لا تزال الأعمال التحضيرية لبدء برنامج إعادة التوطين محل الإعداد. وبخصوص تطورات المشروع، فيوضح التقرير أنه تم الانتهاء تمامًا بنسبة 100% من آبار الحفر، وخنادق المعاينة، ورسم الخرائط الجيولوجية، والمعاينة الجيوفيزيائية «فيزياء الأرض»، فيما تم الانتهاء من الاختبارات المعملية بنسبة 91% منها. ويبلغ عدد العاملين بالمشروع 4225 شخصًا منهم 131 من الأجانب و2905 عمال محليين و1189مقاولين من الباطن. وبخصوص الآلات والمعدات المستخدمة فتبلغ 991 وحدة، منها 893 تابعة لمقاولين و81 تابعة لمقاولين من الباطن بالإضافة إلى 17 وحدة مؤجرة. ويدير مشروع سد النهضة المهندس الإثيوبي سيميجنيو بيكيلي، الذي باشر بناء 3 سدود أخرى في بلاده، إلا أن هذا المشروع هو السد الأول الذي يباشر بناءه على النيل الأزرق، ويعرض التقرير الثاني الصادر عن إدارة المشروع والمنشور على موقعه الإلكتروني في يوليو 2012، تطورات أعمال المرحلة الثانية لمعاينة موقع بناء السد. ويقول التقرير إن آبار المعاينة المتعلقة بالسد الرئيسي والسد الفرعي والمفيض تم الانتهاء منها، موضحًا أن عدد آبار الحفر بلغ أكثر من 104، كما تم الانتهاء من 7 أنفاق للمعاينة، منها 3 على الضفة اليمنى و4 على الضفة اليسرى. وبخصوص السد الفرعي فتم الانتهاء من تثبيت منصة الحفر الخامسة مع تشييد طريق بين المفيض والسد الفرعي. ويوضح التقرير الطرق التي يتم تشييدها لتسهيل عمليات الانتقال الخاصة بالمشروع، وهي الطرق التي تم إنشاؤها بإجمالي 122.7 كيلو متر، منها أربعة طرق للضفة اليمنى تشتمل على: • الطريق الأول: بطول 7.5 كيلو متر ويعد بمثابة الممر التحويلي حول منطقة السد الأيمن. • الطريق الثاني: ويبلغ طوله 1.9 كيلو متر. • الطريق الثالث: سيحل محل الطريق القائم بين جوبا وبامبودي. • الطريق الرابع: يربط بين الطريق الأول ومعسكر العاملين المؤقت والدائم بطول 6.5 كيلو متر. وتتضمن الضفة اليسرى طريقا من منطقة السد الرئيسي إلى المفيض بطول 1.5 كيلو متر، وطريقا للنهر الأزرق من منطقة السد الرئيسي، وطريقا من خزان المياه ومحطة الإذاعة للسد الرئيسي بطول 1 كيلو متر، وطريقا لمنطقة سد الضفة اليسرى حيث يوجد كوبري بطول 34 كيلو متر، فيما تم تمهيد الطريق من السد الفرعي إلى السد الرئيسي بطول 9.5 كيلو متر. كما يتم في إطار المشروع بناء كوبري على النيل الأزرق، والذي يقول التقرير إنه تم الانتهاء من كل أعماله باستثناء بعض الأعمال على السطح، والذي تم فيه استخدام 1411 متر مكعب خرسانة في القاعدة، و1188 متر مكعب في الارتفاع، و136 متر مكعب للسطح. ويشرح التقرير تطورات بناء معسكرات عاملي ومهندسي المشروع، حيث تم إنجاز 45% من معسكر صغار العمال، والذي يتسع إلى 7500 شخصًا، و21% من المعسكر الدائم، و15% المعسكر المؤقت، وهذا بخلاف تسهيلات أعمال المقاولات حيث تم الانتهاء من بناء ورشة ومخزن ومعمل بالإضافة إلى أعمال النجارة والمكاتب وغيرها. وحول ما يتعلق بأعمال تحويل مجرى النهر، فيقول التقرير إن هذا التحويل تمت إعادة تصميمه مؤخرًا ووضع خطوات جديدة لتنفيذه، فيما لازالت أعمال الاستكشاف والحفر والتفجير بالإضافة لإزالة المخلفات مستمرة بمنطقة التحويل. وتم بناء مجموعتين من صمامات الحماية من طبقات الصخور، واحدة مع اتجاه مجرى النهر وأخرى عكسه، لحماية تشييد قناة التحويل، كما تم بناء جدار على طول نهر النيل لنفس الغرض، وبلغت عمليات الردم لتلك الصمامات بالمواد العازلة والصخور 282.2 ألف متر مكعب. وعلى صعيد بناء السد الرئيسي، فتمت إزالة الأشجار والنباتات من منطقة بناء السد ومحطات توليد الطاقة الكهربائية، كما تجري أعمال الحفر في التربة والصخور على ضفتي النهر، وبلغ إجمالي مساحات أعمال الحفر في التربة الناعمة والصخور بالسد الرئيسي 2.7 مليون متر مكعب، منهم 69.9 ألف متر مكعب في شهر يوليو فقط، فيما بلغت 144.3 ألف متر مكعب في محطة توليد الكهرباء على الضفة اليمنى. كما تم تشييد طريق لقمة السد على الضفة اليمنى بالإضافة إلى الاستمرار في تثبيت الدعامات الصخرية بالفناء الأيمن العلوي والسد المركزي. وحول ما يتعلق بالسد الفرعي فتم الانتهاء من تطهير نحو 4 كيلومترات من قاعدة السد، وتم الانتهاء من عمليات استكشاف طبقات الأرض الخاصة به، وبلغ إجمالي عمليات الحفر في يوليو 2012 نحو 575 ألف متر مكعب. ويأتي تقرير مارس 2012 المنشور أيضًا على موقع المشروع ليتضمن المزيد من الصور والتفاصيل بشأن الاختبارات المعملية، التي تم إجراؤها للتأكد من سلامة وصلاحية موقع بناء المشروع، وهي الاختبارات التي تضمنت حفر الآبار باستخدام اختبارات المياه وسحب العينات الجوفية، الانكسار السيزمي «أحد أنواع اختبار طبقات الأرض وأنواع الصخور» باستخدام اختبار جاك المسطح «أحد اختبارات المطاطية والمرونة» على الأنفاق، اختبارات بروبكس Probex على آبار الحفر، المعاينة البصرية والسمعية على ثقوب الحفر بواسطة فريق متخصص، اختبارات جودمان جاك «أحد اختبارات قابلية الكتل الصخر للتشكل أو تغير الشكل» على الأنفاق وآبار الحفر، اختبارات الانكسار السيزمي على السد الفرعي، اختبارات النفاذية على خنادق السد الفرعي «لمنع التسرب»، الاختبارات الباثيمترية «قياس الأعماق» ومسح خاص لفيزياء الأرض تم تنفيذها على نهر النيل لنحو 4 كيلومترات من محور السد، بخلاف اختبارات الانكسار السيزمي على الصخور بطول تحويل النهر على الضفة اليمنى. وكل ذلك بالإضافة إلى الاختبارات السيزمية للضغط والحرارة الجوفية على السد الرئيسي، والاختبارات الكهربية للضغط والحرارة الجوفية في بئر الحفر لخط الحفر التقاطعي السيزمي، ومسوح الحفر التقاطعي الكهربية على الوادي، ومسوح الحفر التقاطعي السيزمية على الوادي، والمسح السيزمي لمعاينة التجاويف في قاعدة السد. ------------------------------------------------------------
أستاذنا / الطيب شيقوق مساء الانوار ,,,,
أعلاه حكاية سد النهضة ومن مصدر مصري معتمد على تقرير إثيوبي أكيد ما خبير في الموضوع المتابعوا زي أى متابع لكين البهمني فيهوا يكون للسودان مصلحة وأستقرار في إمداد المياه وجيرانه يمشو في إستراتيجياتهم الترجع لبلدهم إزدهاره وإستقراره الاقتصادي ...... ياخي جيرانا ديل من سنوات طويلة أتضغطوا شديد والكل أستوطي حيطتهم _ عليك الله خش أى موقع مصري بناقش الموضوع ده _ شوف كمية الجهل والتعالى البكتبو بيها الناس ديل في حق جيران يجهلوا كل شي عنهم وبدأ يصيبنا نحنه ذاتنا رشاش في صمت خشمنا بعد إعلان الخارجية السودانية بعدم تأثير تحويل مجرى النهر المؤقت على حصة السودان
ياخي ولوله ما عادية
Quote: واذا سلمنا جدلا انه لاغراض زراعية ايضا فهل هنالك مساحات مسطحة في اثيوبيا يمكن زراعتها؟ .
بالحيل جيرانا بلد زراعي في المقام الاول عندهم مساحات كبيرة ما مزروعة لعدم توفر المياة وليس لعدم توفر الرغبة في ذلك حتى لدي الشعوب التي لا تتمتع بمساحات منبسطة زي الحبش ( التجراى ) في أجزء كبيرة من بلدهم بمارسوا الزراعة على المدرجات الجبلية في صورة مطابقة لطريقة أهل اليمن في زراعة أرضهم الجبلية
*على أى حال جاء الزمن اليجتهد الجيران يرجعوا لزمنهم الكانو فيهوا بلد إزدهار وماشين كويس ربنا يوفقهم
Quote: _ عليك الله خش أى موقع مصري بناقش الموضوع ده _ شوف كمية الجهل والتعالى البكتبو بيها الناس ديل في حق جيران يجهلوا كل شي عنهم وبدأ يصيبنا نحنه ذاتنا رشاش في صمت خشمنا بعد إعلان الخارجية السودانية بعدم تأثير تحويل مجرى النهر المؤقت على حصة السودان
تعال شوف الجعجعة هنا
Quote: قال خبير جيولوجي إن هناك معوقات جيولوجية أمام إقامة سد "الألفية العظيم" الذي تعتزم إثيوبيا تنفيذه على روافد نهر النيل، وإن إثيوبيا ستكون أكبر الخاسرين من بناء هذا السد الذي تنبأ بانهياره في غضون 25 عاما، محذرا من "تسونامي" إفريقي يغرق الأراضي الإثيوبية والمناطق التي تلي السد، ويصل مداه إلى العاصمة السودانية الخرطوم.
وبحسب الدكتور عباس شراقي، أستاذ الجيولوجيا الاقتصادية بمعهد البحوث والدراسات الأفريقية بجامعة القاهرة، فإنه توجد "معوقات جيولوجية أمام إقامة سد " الألفية"، موضحا أن "هناك and#1639; خسائر كبري ستتكبدها أثيوبيا في حال ما إذا أقدمت على تنفيذه".
وأضاف شراقي أن "السد لن يستطيع أن يتحمل كمية الطمي الكبيرة والمياه المنتظر أن يتم تخزينها وراء السد"، متوقعا انهياره في غضون 25 عاما، وهو ما قد ينتج عنه "تسونامي إفريقي" شبيه بذلك الذي حدث في اليابان وسواحل شرق آسيا، يغرق المناطق التي تلي السد بما فيها العاصمة السودانية الخرطوم، وقد يكون له أثر على السد العالي بمصر، بحسب ما نقلته عنه صحيفة "المصري اليوم".
وعن الخسائر التي سوف تتكبدها إثيوبيا في حال بناء "سد الألفية" ، قال الخبير الجيولوجي، خلال الندوة التي نظمها معهد البحوث والدراسات الأفريقية بجامعة القاهرة، بعنوان "تأثير سد الألفية على مستقبل المياه لمصر والسودان"، "إن أول هذه الخسائر هي خسارتها نصف مليون فدان من أفضل الأراضي التي تصلح للزراعة والتي تعتبر قليلة في إثيوبيا؛ لأن المساحة خلف السد ستتحول إلي بحيرة وتغرق هذه المنطقة" .
"الخسارة الثانية عدم الاستفادة من المياه؛ لأن إثيوبيا لا تملك أراضٍ زراعية أو تصلح للزراعة فى المنطقة المقرر إقامة المشروع فيها، وبالتالى مهما بلغت كمية المياه التى سيحتقظ بها السد لن يتم الاستفادة منها على صعيد الزراعة؛ لأن إثيوبيا لن تستطيع نقل المياه إلى المناطق الزراعية بسبب الطبيعة الجيولوجية والجغرافية والطبيعية الوعرة للهضبة الإثيوبية".
أما الخسارة الثالثة فتتمثل في "فقدان إثيوبيا لمناجم الذهب التي يكثر وجودها في منطقة المشروع الغنية بالصخور المتحولة؛ لأن مياه السد ستغمرها".
والخسارة الرابعة "اضطرار إثيوبيا إلي تهجير عدد غير قليل من السكان الذين يقطنون المنطقة في ظل التوقعات بتعرض منازل المنطقة للغرق".
وأكد شراقي أن "إثيوبيا غير قادرة علي تنفيذ ما أعلنته حول سعة تخزين السد التي قالت إنها and#1638;and#1639; مليار متر مكعب؛ لأن أفضل التقديرات الجيولوجية المحايدة وأبرزها تقرير أمريكي أكدت أن السعة لن تزيد علي and#1633;and#1639; مليار متر مكعب".
واستمرارا لتوضيح تلك الخسائر التي توقعها شراقي لإثيوبيا في ظل إقامة سد الألفية، قال الخبير الجيولوجي "إن الخسارة الخامسة مائية؛ لأن منطقة السد غنية بمياه الأمطار، ووفقا للتقديرات تسجل بين and#1639;and#1632;and#1632; وand#1640;and#1632;and#1632; مليون مللي مطر - مقارنة بحوالي and#1633;and#1638;and#1632; مليون مللي في الساحل الشمالي أكثر المناطق مطرا في مصر- وهذا يعني أنه في موسم المطر فإن المنطقة لن تحتاج أصلا إلي مياه نهر النيل، أما في موسم الجفاف فإن إثيوبيا لن تحتاج أكثر من and#1633;.and#1637; مليار متر مكعب من المياه من إجمالي and#1635; مليارات متر مكعب تصلها من روافد النيل في هذه المنطقة إن وجدت بها أراض زراعية أصلا" .
"انهيار" في 25 عاما
وتوقع الخبير الجيولوجي أخطر تلك الخسائر، من وجهة نظره، وهي "تزايد احتمالات انهيار سد الألفية خلال 25 عاما بسبب التشققات الكبيرة للمنطقة الصخرية التي سيقام عليها، وهي الخسارة السابعة".
وأضاف شراقي "تزداد مخاطر انهيار سد الألفية؛ لأن النيل الأزرق - أحد الروافد الرئيسية لنهر النيل - يمر فيه and#1637;and#1632; مليار متر مكعب من المياه كل and#1635; شهور أي حوالي نصف مليار متر مكعب يوميا، وتصل إلي مليار متر مع الأمطار في المنطقة التي تصل إلي and#1640;and#1632;and#1632; مليون مللي وكل هذه الكمية الكبيرة من المياه بجانب تزايد راوسب الطمي سيؤديان إلي انهياره، ووقوع " تسونامي أفريقي" يشبه ذلك الذي حدث في اليابان وسواحل شرق أسيا، ويؤدي إلى غرق المنطقة بما فيها العاصمة السودانية الخرطوم وسيؤثر علي السد العالي بسبب اندفاع كل هذه الكميات من المياه في لحظة واحدة، بينما في الطبيعي تصل خلال and#1635; أشهر".
وأوضح شراقي أن السد يمكن "أن يكون له ميزة جيولوجية لمصر فيما يتعلق بالطمي؛ لأنه سيمنع and#1636;and#1634;and#1632; مليون متر مكعب من الطمي من الوصول للسد العالي؛ وبالتالي يرفع من العمر الافتراضي له المقدر في البداية بـand#1637;and#1632;and#1632; سنة، ووصل مؤخرا إلي and#1638;and#1632;and#1632; سنة بفضل السدود التي أقامتها العديد من دول حوض النيل والتي حجزت كميات كبيرة من الطمي"، موضحا أنه "ليس كل سد يقام هناك يؤثر علي مصر".
وفي المقابل ، أوضح الخبير الجيولوجي أن معنى أن سد الألفية في هذه المنطقة سيحجز نحو and#1636;and#1634;and#1632; مليون متر مكعب من الطمي هو صغر العمر الافتراضي للسد الذي يتوقع أن يمتلئ تماماً بالطمي في غضون and#1634;and#1637; عاما".
ووجه شراقي كلامه إلى الجانب الإثيوبي ، مطالبا إياه "بتبادل المعلومات الدقيقة والحقيقية حول بناء السد، خاصة مواصفاته الفنية، والعمل بحسن النوايا في هذا الشأن"، مشيرا إلى أن "أقصي ما تتمناه أثيوبيا هو أن تبيع المياه إلي مصر التي لا تستطيع هي أصلاً أن تحتجزها".
وأعلن رئيس الوزراء الإثيوبي، ميليس زيناوي، خلال استقباله وفدا شعبيا مصريا قبل أيام عن استعداده تشكيل لجنة من خبراء مصريين وإثيوبيين وسودانيين وأجانب لفحص مشروع سد الألفية، وبحث تأثيراته الإيجابية والسلبية على جميع الأطراف ذات الصلة به.
الحلقة السابقة تلتها عدة حلقات ارجوك شوفها في اليو تيوب ونزلها لينا
دا كلام بالجد خطير من عالم سوداني صادق جدا اخشى اغتياله في الايام المقبلة من قبل المخابرات المصرية
Post: #546 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 05-30-2013, 09:16 PM Parent: #545
أستاذنا / الطيب شيقوق
Quote: دا كلام بالجد خطير من عالم سوداني صادق جدا اخشى اغتياله في الايام المقبلة من قبل المخابرات المصرية
.
لا أعتقد ذلك ....... لم يزل أداء مصر وردت فعلها تتسم بكثير من التخبط
Quote: ووسط الاتهامات الموجهة إلى مؤسسة الرئاسة، اتهم مؤسس حزب «الراية» حازم صلاح أبوإسماعيل «دولا خليجية بتمويل بناء السد بـ 30 مليار دولار لتعطيش مصر». وقال أبو إسماعيل في برنامجه ملفات أبو إسماعيل على قناة «أمجاد»، الثلاثاء، إن «الدول العربية هي التي تمول سد النهضة الأثيوبي»، مضيفاً ان «سد النهضة الأثيوبي خطر على مصر، هينقص المياه، ومش هنعرف نشرب، ومصر هيبقى فيها جدب». وأضاف أن «الدول العربية مثل قطر والسعودية والإمارات دفعوا فلوس لإثيوبيا، لاستصلاح مساحات كبيرة للزراعة، ومش مهم مصر بقى، والمفروض دول الخليج متديش فلوس للي عايز يعطشني». وتابع: «الشباب الثوري مينفعش يبقى (مغُفل)، لازم أرى خريطة المصالح، الأغنياء مش هينفعوا البلد، ولا أميركا وأصحاب المصالح والبلاد العربية الضاغطة في شدة، ولا السياسيين».
والاتهامات تطال الجميع ...... لذلك يحتاجون وقت طويل ليبدو رده فعل منظمة تشمل حرب كل من يعتقدون أنهم خصوم لهم حفظ الله الدكتور .....
Post: #552 Title: Re: للجادين فقط / غناء سوداني ، اداء خليجي ورقص إثيوبي Author: عبدالعزيز عثمان Date: 06-01-2013, 01:40 AM Parent: #551
اما اثيوبيا فستمضي قدما في صناعة مجدها،غير هيابة ولا وجلة،فهذا درب مقدس،وحلم جليل عظيم،سيبعث الامة من رقادها،ينيرافاقها المظلمة،ويحرك الحياة الساكنة،المحاطة باحزمة الفاقة والمثغبات،وتمضي اثيوبيا مسنودة بحقها في الحياة، حولها ومعها حلفاء عنتبي،وعالم هو لها من المحبين. الامر اليقين ،ان هذا الملف جد شائك،وانه سيغير الواقع،سلبا او ايجابا،بقدر الوعي المصاحب،فالاتفاقيات القديمة،شابها قصور وفهلوة وغموض،والواقع معقد،مصر تحتاج للمياه احتياج حياة،واثيوبيا تحتاج السد لتبعث من قبرها،ونحن جعلنا تكتيك السياسة نغفل عن مصالحنا الاستراتجية،لنا ومصرالحق في الخوف والارتياب،هل سيغرغنا السد اذا حدث مكروهإهل ياتي يوم يجف النهر ونقول لقد سبق له ان جري هاهنا،هل تجوع مصر،هل يقيم ضيق الافق والعقل القيامة ويشعل الحريق،،، ليس هناك الا درب واحد،ليس غيره الا الندم،ان تجلس هذه الاطراف،بعقل مفتوح،وحسن نوايا،وصدق وعزم،ليصنعوا المعادلة الجديدة،معادلة خيرها للجميع،وتدق شرورها حتي تكاد تتلاشي. لو يحسن السودان اهتبال الفرص،لاستعاد مجده،وعاد ذلك العظيم.
Post: #554 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-01-2013, 09:15 AM Parent: #553
أستاذنا / الطيب شيقوق ومتداخليه الاكارم
صباحكم زين ,,,
Quote: 6/1/2013 7:44:00 AM القاهرة - أ ش أ: تنوعت اهتمامات الصحف المصرية الصادرة، صباح السبت، ما بين متابعة الشأن المحلي والخارجي.
فمن جانبها، قالت صحيفة ''الأهرام'' إنه فيما يمكن اعتباره تحولًا تدريجيًا في المواقف تجاه أزمة سد النهضة الإثيوبي، تجاوزت أمس تصريحات عدد من المسئولين المصريين عواقب السد، لتحذر من مخاطر الاستثمارات الزراعية العربية فى شمال السودان. ففي الوقت الذي أكد فيه الدكتور محمد بهاء الدين، وزير الموارد المائية والري، أن سد النهضة الإثيوبي سيزيد العمر الافتراضي للسد العالي - على حد قوله -. حذر أيضًا الدكتور أحمد الجيزاوي، وزير الزراعة واستصلاح الأراضي، من أن الاستثمارات العربية والأجنبية في القطاع الزراعي بشمال السودان تمثل خطرًا كبيرًا على حصة مصر المائية.
ونقلت الصحيفة عن الجيزاوى قوله، إن مجلس الوزراء برئاسة الدكتور هشام قنديل، يدرس مقترحًا بمد الحكومة الإثيوبية بالخبرات المصرية في مجال إنشاء السدود المائية وتوليد الكهرباء طوال مراحل الإنشاء، وكذلك المشاركة في إدارة سد النهضة مقابل الاتفاق على برامج لتشغيل السد، بما لا يسبب إضرارًا بالحصة المائية لمصر، وهو الأمر الذي يوفر لإثيوبيا أموالًا طائلة إذا استندت إدارة السد لشركات عالمية.
دي أخر ردود الافعال شائف في كلام عن خطر الإستثمارات الزراعية في شمال السودان على حصة مصر المائية وشائف كلام عن أنو مصر تمد إثيوبيا بخبرات في بناء وإدارة السد ؟؟؟ وتشاركم في الادارة بما يضمن حصتهم المائية ما عارف الناس ديل ليه مصريين أنو إفريقيا دي بلا خبراء ....وكأنوا المخضرم المهندس / سيميجنيو بيكيلي ما سمعوا بيهوا !!!!
Quote: فوق لتنزيل بقية الحلقات
** أكيد راجع أنزل ليك بقية الحلقات
ونتابع التداعيات من هنا وهناك .........
تحياتي
Post: #555 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-01-2013, 05:59 PM Parent: #554
Quote: هججوا تصحو
إستجابة لنصيحة الصادق إسماعيل وترحيب بيهوا في البوست نهجج شوية .......ونواصل في الموضوع المشه ليهوا البوست
**ويمكن برضو فرصة نقول لاخت عزيزة تصله التهاني في الهضبة حفتّي رحّوس مّرعي قبّريلكي / زواج مبارك بيت مال وعيال وبحبوحة ورضا....
Quote: ليس هناك الا درب واحد،ليس غيره الا الندم،ان تجلس هذه الاطراف،بعقل مفتوح،وحسن نوايا،وصدق وعزم،ليصنعوا المعادلة الجديدة،معادلة خيرها للجميع،وتدق شرورها حتي تكاد تتلاشي.
شيقا دا ما لقى ليه حمامة من امهرة تنعشوا وترج ليه شبابوا يا شيقا قالوا في واحد سوداني سافر اثيوبيا لى مؤتمر طبي المهم كانوا منزلنهم فى فندق رائع جدا والجكس الفيه اروع المهم اخر يوم فى المؤتمر جاء يسلم ناس الرسيبشن المفتاح لقى ليه واحدة من امهرة بت عسل وهو بسلم ليها فى المفاتيح قامت ابتسمت ليه وشقعت طبعا هم عندهم شهقة كده قريب
اها قالوا ليك الزول دا لى اليوم اهلوا ما لموا فيه وما سمعوا بيه رجع
فاحزر من شقت الحبشيات
Post: #560 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-01-2013, 08:19 PM Parent: #557
أستاذنا / الطيب ومتداخليه الاكارم مساء الخير ,,,
أكيد راجع أعلق على الكلام القريناهوا الصباح عن تحذير مصري من إستثمار عربي زراعي في شمال السودان !!!!! وهو كلام ما متوزان مع واقع الزراعة في السودان والنكسات المرت بيها في السنوات الأخيرة .... باعتبار أنو المصريين متخوفين على تأثير الزراعة عندنا تاثر على حصتهم في المياه ..... الكلام ده ما جديد لانوا تاريخيا مصر عارضت قيام أكبر مشروع مروي في السودان ((( مشروع الجزيرة ))) ولنفس السبب انو حصته من المياة تتأثر مع انو الواقع بقول السودان ما قاعد يستنفذ حصتوا 18مليار وقاعد جزء عظيم منها يروح لمصر ..... ويمكن بعد انهيار مشاريع السودان المروية كمية المياه المن حصة السودان البتمشي لمصر اتضاعف فهل قيام مشاريع أى كان حجمها في الشمال هو فعلا مؤثر في حصة مصر البتأخذ نصيب الأسد من حصت السودان الفعليا غير مستفيد منها !!!!!!!!!!!!
ويمكن الكلام عن شمال السودان في موضوع الموية قبل مدة بسيطة كان بتكلم عن الحوض النوبي وده حوض ضخم من المياه الجوفية اتكلموا عنو المصريين في حال أنهم عملوا مشاريع زراعية في شمال السودان مع أنو نهر النيل موجود والمسألة ممكن تتم من النيل بكل بساطة وما محتاجة سحب من المياه الجوفية الممكن تكون إحطياطي مياه مناسب للأجيال القادمة ..........
يمكن ماعارف الجدة في الموضوع شنو لكين شكل التصريحات المصرية ممكن تكون رد لاعلان الخارجية السودانية أنو السودان ما متأثر بتحويل المجري الاعلنت عنوا إثيوبيا , والهو عمل فني ما مؤثر على المياه ولا تغير لمسارة الطبيعي والتصريح مضر ليهم اكتر مما هو حينفعهم باعتبار السودان حليفهم الوحيد وكل كلامهم وتصريحاتهم مسبوقة بعبارة حقوق مصر و.....................السودان يعني ده ما الوقت المناسب يخسروا الحليف ده باى حال من الاحوال .......
---------------------------------------------- *** يادكتورة وصلنا السد ......غايتو ضحكته ....... ياتوا (((حبشيات ))) ........... ديل البشهقن !!!! بعدين زولك ده مخلوع ساى لو أى وأحد في البلد ديك بتشهق لى وأحدة بقعد ماكان في زول رجع منها
تحياتي
Post: #561 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-01-2013, 09:09 PM Parent: #560
برضوا ترحيب بعودة الدكتورة للبوست
نهدي ليهاالإغنية دي من أغاني شعب الله الشاهق الامهره ( اللامّرة )
Quote: فاحزر من شهقت الحبشيات
واكيد حاتضامن معاها في التحذير ده لاستاذنا الطيب وحاقترح لو أخوانا في الهضبة يختوا كتحذير من ما الواحد ينزل المطار يلقي مكتوب بكل اللغات المقرؤه
ما فاضين كل ما مشي وأحد موتمر ولا زيارة هناك يحّتل
Quote: انا لو سبتك انت بتقدر تسيبنى مسنووووح غير سناحتك دى الكاتلنى ثنو
لو داير تسيبنا جرب وانت سيبنا لو داير تحب حب وانساهو ريدنا ****** يوم ترجع تصافي نسامحك ياحبيبنا ياعايش في دنيا من اوهام خيالك ****** ياتاعب ضميرك ومارتيان لحالك ماتودر شبابك روق وهدي بالك رفقا بي قلوبنا ورفقا بي شبابك
Quote: واكيد حاتضامن معاها في التحذير ده لاستاذنا الطيب وحاقترح لو أخوانا في الهضبة يختوا كتحذير من ما الواحد ينزل المطار يلقي مكتوب بكل اللغات المقرؤه
ما فاضين كل ما مشي وأحد موتمر ولا زيارة هناك يحّتل
كده البلد ديك سمعته حتبقي زي مثلث برمودا
شكراً نصور على الحت دا
ياخى الايامات دى الامهريات ديل سوقن حار وخاصة فى الدوحة
كل السودانيين حولوا الثيوبيا السر ثنو
Post: #566 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-02-2013, 01:13 PM Parent: #563
د. وضـــــــــاحة نهارك سعيد ,,,
غايتو الواحد كان عوز يعمل رائح ...... بس لانوا راجع للبوست حاحاول أرد
Quote: ياخى الايامات دى الامهريات ديل سوقن حار وخاصة فى الدوحة
يازولة ربنا يوفقهم , مع أنو من الافضل للناس يتزوجوا من بلادهم والمسالة كلها في الأخر ((( قسمة ونصيب ))) ......
---------------------------------------- *مافي اخبار من زولكم الشهقوا ليهوا ...............حتل في البلد ديك
تحياتي ,,,
Post: #567 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-04-2013, 10:22 AM Parent: #566
حنشوف التداعيات عند جيرانا الفي الشمال جيرنا الفي الشرق أحتفلوا وأعلنوا بدا أعمالهم الانشائية و مسكوا لسانهم عليهم
Quote: وأضاف نور، فى تصريحات خاصة لـ"اليوم السابع"، أنه مندهش جدا من هذا القرار الغريب، الذى اتخذته مؤسسة الرئاسة، لأن هذا الحوار من المفترض أنه شأن وأمر حساس، والاجتماع يشمل اقتراحات لأزمة تتعلق بالأمن القومى، مشددا على أنه كان يتحدث على أساس أن الاجتماع ليس مذاع على الهواء، إلا أنه تفاجأ عقب انتهاء الحوار بأنه كان مذاعا.
.
أيمن نور الساعي للتدخل في شئون اثيوبيا والضغط عليها وزرع افراد من المخابرات فيها واستغلال دول الجوار في الضغط عليها وعن طريق نشر "اشاعات" حول أمكانيه القوات المسلحة علي ضرب سد إثيوبيا * استغلال دول الجوار دي شكله بقت صعبة مع أنو الناس ديل لو عندهم صبر يبل الأبري موقف السودان الحالى كلو كان عن جزئية معينة حسب تصريح الخارجية أنو (((((( تحويل المجري للنيل الازرق )))))) السودان ما متضرر منو ..... يعني ما وصلنا الموقف الممكن يوصف حسب تعبير السيد نور بالمقرف .......... بيقي تصريح المشاريع الزراعية شمال السودان + تصريح نور الاخير عن موقف السودان ............ أخطاء فادحة من جيرانا الفي الشمال في لحظة هم أشد الحوجة ما يكونوا فيها لموقف متضامن من جار هو الاميل في كل مواقفوا في الازمة من مؤتمر إسكندرية لحدي عنتبي الاطارية يعني الحليف الوحيد ........... وده يستحق منهم تقدير وابتعاد قدر المكان عن المواقف المتهورة تجاه الحليف البدي يتشكل عندو راى عام أحتمال ما في صالحهم بس أكيد عندنا الراى العام حاجة والموقف حاجة تانية لانوا أصلا ما معتمد على الراى العام وحيكون موقف الحكومة
ده غير انو في مواقف إيجابية مفروض يبنوا عليها
Quote: خطوة خطيرة
الخبير السوداني في مجال المياه يونس الشريف اعتبر القرار الإثيوبي بتحويل مجرى النيل الأزرق خطوة خطيرة تحتاج إلى معالجة سريعة، ودعا إلى عقد مؤتمر عاجل تشارك فيه دول حوض النيل وكل المنظمات الإقليمية والدولية" لتبيين أضراره على المنطقة بأثرها".
وأكد في حديث للجزيرة نت ضرورة الإسراع بتوضيح خطورة تحويل مجرى النهر لأديس أبابا، متوقعا وجود جهات -لم يسمها- تسعى لخلق أزمة جديدة بين دول حوض النيل وإثيوبيا والسودان من جهة وإثيوبيا ومصر من جهة ثانية.
أحمد المفتي: القرار الإثيوبي انتهاك صريح للقانون الدولي (الجزيرة نت)
انتهاك صريح
من جهته وصف الممثل القانوني للسودان في لجنة مياه النيل أحمد المفتي القرار الإثيوبي بتحويل مجرى النهر بأنه "انتهاك صريح للقانون الدولي والاتفاقية الموقعة بين السودان وإثيوبيا في العام 1902 بجانب اتفاقيات دول حوض النيل للرؤى المشتركة".
ودعا المفتي السودان ومصر إلى إرسال مذكرة عاجلة لإثيوبيا "تطالبها بوقف الإجراء فورا فضلا عن أي إجراء يتعلق بسد الألفية لحين الاتفاق حول سلبياته وإيجابياته"، وطالب السودان باستغلال عدم توقيعه أو مصادقته على اتفاقية عنتبي الموقعة في مايو/أيار 2011 لوقف الأمر.
ورأى في تعليقه للجزيرة نت ضرورة إطلاع الأمم المتحدة والصناديق المانحة على خطورة إجراء اثيوبيا، مشددا على ضرورة إسراع الخطى في هذا الاتجاه "لأن التباطؤ والمماطلة سيضيعان الحقوق".
ورغم تأكيده بعدم وجود حلول بغير تفاوض الدول المتأثرة، ينادي المفتي بضرورة الملكية المشتركة للسد "مع تحديد نسب من الكهرباء المنتجة لدولتي المصب مصر والسودان".
.
يعني عندهم من جيرانهم البغردو في سرب مصر في إنسجام وحماس ما عادي والتغريد ده ممكن يبقي نشاذ لو أستمرو في تصريحاتهم السلبية عن السودان وموقفوا حليفهم الوحيد
----------------------------------------------------- *من الحاجات الما عارفة أيمن باشا كل تناقضات شعوب الهضبة وإختلافاته (( السد )) من الحاجات البسيطة الموحداهم وعامله ليهم قضية بتهم الجميع عن خططوا العسكرية وجيرانا في الشرق لما يكون العدو من بره الهضبة الموضوع ما ببقي جيش ومدي استعدادوا وقدراتوا لانو ثقافتهم في الموضوع ده البلد كلها العسكري والمدني الرجال والنسوان الكل بطلع يواجه العدو ده حقوا *يراجع سابقة حرب الطليان و*يراجع أخر حرب ليهم مع أرتريا 1998 حيفهم أنوا الناس ديل حروبهم مع بعض ممكن الما مهتم يتفرج بس لما الحرب تكون (( إثيوبيا )) واى بلد الكل مهتم وطالع وما من الهضبة وبس أي إثيوبي إن شاء الله في القطب الشمالي بقطع تذكرتوا وبيجي .... يبقي مصر مفروض تستبعد تكون معتدية على ناس زي ديل باى حال من الاحوال مهما بلغت قوته أو استاهنت بخصمها .
Post: #569 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-04-2013, 12:44 PM Parent: #567
يمكن المختصر المفيد في حكاية (( المويه )) لازم تحصل شراكه عادلة بين الجميع (دول حوض النيل ) ولازم السودان كبلد ليهوا إستقلاليتوا ومصالحوا يكون لى وجودوا ونظرتوا لمستقبل اجيالوا ومصالحوا بعيد عن أي إنحياز لطرفي الأزمة .....
** وأظن للتابعوا القصة من بدايته ما حينسوا لمصر فصل مهم في تداعيات قصة الموية حصل في نهاية 2009 م بزيارة الدكتورة فايزة أبو النجا وزيارة أحمد نظيف لاثيوبيا وشهر العسل القصير الحصل أيامه في العلاقات الإثيوبية المصرية
يومه مصر ما جابت سيرة الحليف إطلاقا حد إن صديق إثيوبي علق على الحاصل أيامه (( أنو القصة اوحت ليهوا انوا الاباى ده بطلع من عندهم لمصر مباشره ))
*** بالمختصر المفيد ننجض شغلنا في الموضوع ده برانا مصر كحليف كتير من تداعيات حكاية الموية أثبتت إنها ما الحليف المثالي يعني ممكن تبيع حليفه في أي لحظة ((( لو أتحققت مصالحه بدونوا )))
و ياريت نستفيد من الدروس المجانية دي الكل مره بدونا ليها جيرانا الفي الشمال
********في الذاكرة كتابات زميل المنبر الاستاذ محمد عثمان إبراهيم عن الإيام ديك ((( التقارب المصري الإثيوبي: أين مصالح السودان؟ ))) :
Quote: إن المطلوب الآن من الحكومة في الخرطوم إعادة قراءة الشراكة المصرية -الإثيوبية من جديد والسعي مع الطرفين لتحويلها الى شراكة من ثلاثة مقاعد وإلا فإن أمام السودان في هذه المرحلة المبكرة العديد من الخيارات التي يمكن أن يحفظ بها مصالح مواطنيه ويحقق لهم المزيد من الكسب والفائدة، وبغير ذلك فإن هذه الشراكة ستصبح قوة سياسية وعسكرية هائلة ستطوق السودان لا محالة من جهة أكثر حدوده أماناًً وستجعله قطعاً وفي المستقبل القريب " زي إبل الرحيل شايلة السقا وعطشانة".
Quote: يمكن لانوا السودانيات حولوا باكســـــــــتان
شكلهم قنعوا من السودانيين
احسن بدل يقعد يغنوا حلينا نحن القطرنا فات
Quote: يازولة ربنا يوفقهم , مع أنو من الافضل للناس يتزوجوا من بلادهم
عينك في عينى كده
Quote: *مافي اخبار من زولكم الشهقوا ليهوا ...............حتل في البلد ديك
وحات لليلي ما جمع
نصور الايام دى عندى ود خالتى لمت ليك فيه حبشية نستوا اهلوا وقال عاوز يتزوجها
وحاتك اهلوا واقفن ليه الف حمر قالوا ليه بنقاااااااااااااااااطعك
Post: #570 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-04-2013, 01:07 PM Parent: #568
نهارك سعيد يا دكتورة
Quote: شكلهم قنعوا من السودانيين
احسن بدل يقعد يغنوا حلينا نحن القطرنا فات
والله مفروض يكون الوضع (( بنحب من بلدنا ما بره البلد سودانية تهوي عاشق ود بلد )) بس مرات نصيبك بصيبك
Quote: عينك في عينى كده
فهمته المقصود بس لكل قاعدة شواذ ده ما بمنع أنو في ناس ما بكونوا محظوظين يتزوجوا من بلدهم بس برضوا الرضا بالمقسوم عبادة
Quote: وحات لليلي ما جمع
كمال تضامنا معاهو
Quote: الايام دى عندى ود خالتى لمت ليك فيه حبشية نستوا اهلوا وقال عاوز يتزوجها
وحاتك اهلوا واقفن ليه الف حمر قالوا ليه بنقاااااااااااااااااطعك
في الحالة دي رضــا الأهل ليهوا الأولوية
*** لو حبشية يا دكتورة ما حتنسيك أهلك حتخش فيهم للحد البعدين يقولوا ليك فيهوا دي أحسن حاجة عملتها في حياتك زولة حتحترمهم شديد وما حتخش في الما بعنيها وحتكون شايلة ولدهم على كفوف الراحة ..........
------------------------- * أأأأأأأأأأأأأأأ وهمت إننا جنس أعلى مرتبة من الحبش , تصدقي هم ذاتهم عندهم نفس الوهمه دي
Quote: لو حبشية يا دكتورة ما حتنسيك أهلك حتخش فيهم للحد البعدين يقولوا ليك فيهوا دي أحسن حاجة عملتها في حياتك زولة حتحترمهم شديد وما حتخش في الما بعنيها وحتكون شايلة ولدهم على كفوف الراحة ..........
عندنا قريبنا اتزوج حبشية ولما اولادنا شافوها بمنتهى الادب والاحترام والحشمة ذهب اثنان من اولادنا للزواج بقريباتها وبالفعل كان زواج موفق جدا ما فيهو اى احساس بانهن غريبات عن الاسرة .
Quote: *** لو حبشية يا دكتورة ما حتنسيك أهلك حتخش فيهم للحد البعدين يقولوا ليك فيهوا دي أحسن حاجة عملتها في حياتك زولة حتحترمهم شديد وما حتخش في الما بعنيها وحتكون شايلة ولدهم على كفوف الراحة ..........
Post: #576 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-05-2013, 11:06 AM Parent: #574
د. وضــــــــــــــاحة تحية وتقدير ,,,
Quote: دا كلام ساى يا نصور
احترام شنو البتحرمموا لى اهلك
اها اللغة كيف حا تتفاهم مع اهلك كيف بشهقات
لا .............باللغة الإشارة
------------------------------ * لو حنتكلم بواقعية , لازم تكون في علاقة ود واحترام بين الزوجة ونسائبه , حتحترم الناس ديل لانها بقت فرد من الاسرة دي و الحبش ( التجراى ) بالذات ثقافتهم بتشدد على الحته دي ويوم الزواج قبل الزوج والزوجة يمشوا أى حته بعد الزفاف لازم يزوروا بيت أهل الزوج عشان يستقبلوا الزوجة كفرد جديد ينضم للأسرة وفي نفس الوقت هي تبدي ليهم التقدير والاحترام
((الحبشيات )) بالذات بيكونوا غالبا بتكلموا كم لغة ( عربي ) لانوا دي لغة الدين ووالبتصلي بيها والبتحفظ بيها القران ( انجليزي ) لانوا دي لغة تعليمه من الابتدائي لحدي ما تتخرج من الجامعة ( أمهرنجة ) لانوا دي لغة ناس أديس ولو كانت من جيل قديم شوية أكيد بعد الثانوية حتسافر البلد ديك للدراسة في الجامعة فحتكتسب لغة أديس وناسه ( الامهرنجة ) بس ياخسارة خالى شهقان
وقبل ديل كلهم حيكون عندها لغته الأم ( التجرنجة )
غايتو شلته هم لبت الجيران العوزه قريبكم .......... اللو كل قرائبوا فكرتهم عن الناس ديل زيك كده
***ملاحظتي الاخيرة ما كل الناس عندنا جاهلين بجيرانهم اكيد في ناس منفتحين وبعرفوا عنهم وعن تاريخهم الكتير وما بتكلموا عن غيرهم بانطباعات بليدة لكين بعرفوا غيرهم ويتعاملوا معاهوا حسب الواقع ده غير انهم بحترموا خيارات ولادهم جدا وده بكون نابع من ثقتهم فيهم وفي تربيتهم ليهم البتخلي خياراتهم تكون محل تقدير عند اهلهم ... والمفترض في البناسبوا جيرانهم ديل تتبني الحته دي على معرفة حقيقية بالناس ديل وبلدهم وثقافتهم بصورة مناسبة ..... لانو لما الواحد بتزوج لو مننا ولو من جيرانوا الحته ما مجرد زولة سمحة وعجبتك خلاص حتتزوجه ....... أكيد الاختيار ده خاضع لمعايير صارمه تختار بيها الزولة الحتشاركك حياتك
*** وما أي راجل في قراراتوا المصيرية حيبقي عرضه للتنظير من اهلوا اتزوج دي وما تتزوج دي وحنقاطعك وما عافيين عنك لانوا بالتأكيد بكونوا عارفين قوة شخصيتوا وصرامتوا في حاجاتوا الما حتدي أي مجال لتدخلات أصلا زي دي وفي نفس الوقت خياروا الاتزوجه دي ما حتديهم فرصة يكون عندهم عليها أى نوع من الملاحظات بالجد وأقع الناس بختلف وأي زول بتكلم حسب وأقعوا وتجربتوا
Quote: عندنا قريبنا اتزوج حبشية ولما اولادنا شافوها بمنتهى الادب والاحترام والحشمة ذهب اثنان من اولادنا للزواج بقريباتها وبالفعل كان زواج موفق جدا ما فيهو اى احساس بانهن غريبات عن الاسرة .
*شكرا استاذنا الطيب لشهادتك الواقعية .... الناس ديل من حاجاتهم الحلوه شديد عندهم أستعداد فطري يحترموا غيرهم ويتعاملوا معه حسب وأقعوا ما حسب ( إنطباعهم وفكرتهم ) عنو وده شي متوافر في اى ناس عندهم تقاليد راسخة وأرث حضاري بخليهم يتعاملوا مع الاخر برقي وتقدير ........
------------------------------------------------------------- *ياريت لو حنواصل هنا نتجاوز الحته دي ............... ونمشي بالبوست لحتات بتهم الجميع وفيها اضاءة وإضافه
تصب الانهار في البحر،ولكنه لا يمتلئ. -الماء لا يعرف الحدود. -الماء والزمن يغيران كل شئ. - التعاون المائي ضرورة وليس اختيارا. حسنا،لا بد ان الخبراء المصريين،يقتلون هذه الامثال بحثا،وهي التي تزين دوارة موقعه الاسفيري المذهل،فما كتبه البروفسير سلمان احمد سلمان،العالم الفذ،والقانوني الضليع،والعارف باحوال النهر،خباياه،صيادي الاتفاقيات،والمزورون للارقام،كما لا يعرف احد في فضائنا اليوم،ولا اظن ان هناك من امرئ يخشاه اهل مصر،وسياسييها،المنتفخين،كخشيتهم لهذا الرجل،العارف بالحق،الصادح به لا هياب ولا وجل. وجهد سلمان ليس بالقائم علي كره ولا بغضاء،لا ابتغاء مصلحة ولا اذية احد،انما هي بصيرة العالم النفاذة،التي تتحري الحق من مظانه،عبقرية تتجاوز المالوف،وتراكم العلم ومعارفه الخبرة وتقارب،وتقايس،حتي يظهر لها الحق الابلج،ليس فيه غبش ولا رين،فيمسك بلوحه المقدس،مهما ظن به الزبديون،ليقرا سيرة النهر الذي لا يعرف احدا ما يريده غدا من الغرابين. يقول العالم سلمان في شان اتفاقيات المياه ماحدث فعلا،ويسرد الاحداث،كانه عاشها،ويخبر عن الشخوص كانه كان بينهم،وما كتبت كلمةولا عقدت جلسة،ولا دون محضر الا كان الرجل عالما به لفظا ومعني. هل ظلم الرجل احدا حين قال ماحوته الاتفاقيات القديمة من جور،هل يريد منه احد يخذل قانونه الاخلاقي،ويهزم الصدق في دواخله،اتحدي كاينا من كان ان يقول بغير مفارقة الاتفاقية للعدل،لقد حرم منطق القوة،والفهلوة اصحاب الحق من حقهم،ووضعهم يتامي اغرار ليس لهم الحق في ما لهم،وجعل فرعون عليهم وصيا. وتراكم الغبن،وكبر اليتامي،وارادوا حقهم غير منقوص،وقعت الدول اتقاقية عنتبي،زاورت عنها مصر،وظل السودان بين بين،وهنا قال العالم العارف بالاسرار والخبايا،ان الاتفاقية تعبر عن مصلحة كل الاطراف وهي السبيل الاوحد, ثم ان اثيوبيا قررت ان تصنع مجدها،تفكك احزمة فقرها،توقد نيران المعارف وتدير دولاب حياتها الراكد،انها تريد حقها في الحياة. وسينجم المنجمون،ويمتلئ الفضاء بالاساطير القديمة،تتحدث عن جفاف النهر،وحريق الوادي،وطوفان سيغرق كل الافاق،وسيتامر المتامرون،ويمتلي الافق بالصراخ والنحيب. لكن كل ذلك لن يغير شيئا،وحدها لغة المصلحة والحوار الشفيف هي الضامن ان يعم الخير وتكسد تجارة الشر،ويعمر كل الوادي،تكسي ارضه الخضره ،ويغمره النور البهي،فالماء لاتعرف الحدود,
Quote: تصب الانهار في البحر،ولكنه لا يمتلئ. -الماء لا يعرف الحدود. -الماء والزمن يغيران كل شئ. - التعاون المائي ضرورة وليس اختيارا. حسنا،لا بد ان الخبراء المصريين،يقتلون هذه الامثال بحثا،وهي التي تزين دوارة موقعه الاسفيري المذهل،فما كتبه البروفسير سلمان احمد سلمان،العالم الفذ،والقانوني الضليع،والعارف باحوال النهر،خباياه،صيادي الاتفاقيات،والمزورون للارقام،كما لا يعرف احد في فضائنا اليوم،ولا اظن ان هناك من امرئ يخشاه اهل مصر،وسياسييها،المنتفخين،كخشيتهم لهذا الرجل،العارف بالحق،الصادح به لا هياب ولا وجل. وجهد سلمان ليس بالقائم علي كره ولا بغضاء،لا ابتغاء مصلحة ولا اذية احد،انما هي بصيرة العالم النفاذة،التي تتحري الحق من مظانه،عبقرية تتجاوز المالوف،وتراكم العلم ومعارفه الخبرة وتقارب،وتقايس،حتي يظهر لها الحق الابلج،ليس فيه غبش ولا رين،فيمسك بلوحه المقدس،مهما ظن به الزبديون،ليقرا سيرة النهر الذي لا يعرف احدا ما يريده غدا من الغرابين. يقول العالم سلمان في شان اتفاقيات المياه ماحدث فعلا،ويسرد الاحداث،كانه عاشها،ويخبر عن الشخوص كانه كان بينهم،وما كتبت كلمةولا عقدت جلسة،ولا دون محضر الا كان الرجل عالما به لفظا ومعني. هل ظلم الرجل احدا حين قال ماحوته الاتفاقيات القديمة من جور،هل يريد منه احد يخذل قانونه الاخلاقي،ويهزم الصدق في دواخله،اتحدي كاينا من كان ان يقول بغير مفارقة الاتفاقية للعدل،لقد حرم منطق القوة،والفهلوة اصحاب الحق من حقهم،ووضعهم يتامي اغرار ليس لهم الحق في ما لهم،وجعل فرعون عليهم وصيا. وتراكم الغبن،وكبر اليتامي،وارادوا حقهم غير منقوص،وقعت الدول اتقاقية عنتبي،زاورت عنها مصر،وظل السودان بين بين،وهنا قال العالم العارف بالاسرار والخبايا،ان الاتفاقية تعبر عن مصلحة كل الاطراف وهي السبيل الاوحد, ثم ان اثيوبيا قررت ان تصنع مجدها،تفكك احزمة فقرها،توقد نيران المعارف وتدير دولاب حياتها الراكد،انها تريد حقها في الحياة. وسينجم المنجمون،ويمتلئ الفضاء بالاساطير القديمة،تتحدث عن جفاف النهر،وحريق الوادي،وطوفان سيغرق كل الافاق،وسيتامر المتامرون،ويمتلي الافق بالصراخ والنحيب. لكن كل ذلك لن يغير شيئا،وحدها لغة المصلحة والحوار الشفيف هي الضامن ان يعم الخير وتكسد تجارة الشر،ويعمر كل الوادي،تكسي ارضه الخضره ،ويغمره النور البهي،فالماء لاتعرف الحدود,
الله يخليك - الدكتور سلمان رجل يحكي عن اتفاقية سحب مياه النيل بمنهج العالم المتبصر -
هذا الحس النابع من وجدان صادق يذكرني بمقولة الاستاذ الراحل محمد احمد المحجوب عندما كان زعيما للمعارضة وعندما كانت اتفاقية سحب مياه النيل في بساط البحث داخل اضابير البرلمان السودانى .
لقد قال وقتذاك ( دعونا - اخوتي - نضع اختلافاتنا الحزبية جانبا ليتسنى لنا الحصول على اى قطرة ماء من هذه الاتفاقية )
Let’s forget our parties` differences so as to obtain any possible drop for our country
يا الله
Post: #582 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-06-2013, 06:01 PM Parent: #581
أستاذنا الطيب شيقوق مساء الورد ,,,
الفيديو تحية لذكري إسقاط نظام مانجستو في مايو 1991 لما تشوف الحبشية الشايلة الحجار في ظهره دي بتعرف لي مرات بقولوا أنو الناس الما عاشوا ظروفهم ومعاناتهم مستحيل يفهموها ولا يقربوا للصورة الكانت عليها حياتهم .في ذكري أسقاطهم للنظام البدد وقت بلادهم في الحروب وأوهام الثورية والاشتراكية من غير ما يقدم للبلد حاجة ولا تنمية تهتم بإنسانه... يمكن إثيوبيا لحدي اواخر عهد الامبراطور كانت مستقره إقتصاديا لحد ما و في عهد الدرك إتزعزع إستقراره وهربت رؤس الاموال وبدءت زمن الفقر والمعاناه
ده فيديو أتكلموا فيهوا عن الايام ديك كويس انو الكلام بالانجليزي والبتكلموا تجرنجة برضوا مترجم
وأكيد التهنئة ليهم وهم احتفلوا بالذكري في الايام الفاتت
------- يمكن إلحاق لموضوع الموية في نقطة برضوا الليلة تستاهل التعليق :
رفض إثيوبيا للمقترحات المصرية بوقف العمل في السد ومشاركته الإدارة والتشغيل لو الكلام الاول خيالي التاني خيالى اكتر منو ........سمعته تعليق عن البناء ده عجبني شديد (( إننا ما بنبني في سد , نحنه بنبني في حلم )) يعني حتى السد ده ما في يوم وليله حينعكس على وضع الناس هناك لكين بالتاكيد حيكون خطوه في طريق يمشوهوا وترجع لبلادهم إستقراره وإزدهاره .... المقترح التاني تكريس لوصايا فات زمنه لكين الظاهر أنها لسه في خيال المصريين موجوده بالتأكيد الناس ديل ما حيشركوهم في إدارة وتشغيل مشروع بعاينوا ليهوا كمشروع وطني بخصهم وماظن مصر أشركتهم في إدارة وتشغيل السد العالي ....
من حق مصر تقلق على مستقبله المائي لكين مفروض تحاول برضوا مقترحاته تكون أكتر وأقعية وتدعم أنو للأخرين ليهم نفس الحق في إستفادتهم من المياه
Quote: *ياريت لو حنواصل هنا نتجاوز الحته دي ............... ونمشي بالبوست لحتات بتهم الجميع وفيها اضاءة وإضافه
انت زعلت يا ناصر
طيب يا سيدى وادى Sign out out
من البوست بتاعك
فتك بعافية
Post: #583 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-06-2013, 06:03 PM Parent: #581
يادكتورة
مساء الخير ,,,
البوست ده بوست الطيب شيقوق وما أظن انا البقبل فيهوا الناس ولا أرفض وجودهم وبالتالي خروجك أو وجودك فيهوا إطلاقا ما حته بحدده زعل وأحد او رضاهوا
*** فبتمني تواصلي
عسي ولعل يبقي تفكيرك عن جيرانك أكثر وأقعية يعني تشوفيهم كما هم بدون أى انطباع أو فكره مسبقه عنهم ويمكن ده غرض إننا قعدنا كم شهر نشارك في أستاذنا الطيب البوست ده
من جانبي ما حازعل ولا حاهتم كتير لانوا زي ما قلت ليك وأقع الناس بختلف أو أنو ما قاعد تلاقيني الصورة البتتكلمي بيها في الحبش البعرفهم ومعاشرهم سنين فالبزعل انو مرات بتلقي انطباعات ومفاهيم عن ناس ممكن تكون بعيدة كل البعد عن وأقعهم
فبعتذر يمكن معاشرت الناس ديل بتعلم حّدة الطباع والردود الجافة شوية أو أنا ذاتي دي أخر مداخلة لى بالجد ما ناوي اواصل
Post: #589 Title: Re: للجادين فقط / غناء سوداني ، اداء خليجي ورقص إثيوبي Author: عبد الناصر الخطيب Date: 06-15-2013, 08:54 PM Parent: #588
أستاذنا / الطيب شيقوق مساء الخير ,,,
Quote: وين الخال والخطيب والمنسي مقطوع الطارئ ؟
يمكن جلسة البن شارفت على الانتهاء , ما لم يكن لك رأى أخر بنقلها لربع جديد لكن لا بد ان أختم بشكر جزيل لك لهذه الاستضافة وسعة الصدر والرغبة الحقيقية في الاطلاع على بعض ملامح ثقافة للجيران وبعض من سيرتهم ...
لك وللجميع هنا في البوست ( المميز ) ... التحية وأكيد التقدير
Quote: يمكن جلسة البن شارفت على الانتهاء , ما لم يكن لك رأى أخر بنقلها لربع جديد لكن لا بد ان أختم بشكر جزيل لك لهذه الاستضافة وسعة الصدر والرغبة الحقيقية في الاطلاع على بعض ملامح ثقافة للجيران وبعض من سيرتهم ...
البوست يا ناصر معدل دورانو متزايد الكثيرون من قرائه يطالبون بنقله للربع الجديد
