ناس الزقازيق ... أجدع ناس ..

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 18-10-2018, 10:30 PM الصفحة الرئيسية

منبر ناس الزقازيق
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
10-06-2009, 02:31 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    الغلاف الأخير




    الصفحة رقم 2




    الصفحة 3



    * جاييك يا قدورة .. الليلة بنصل الميل 40
                   |Articles |News |مقالات |بيانات

10-06-2009, 01:37 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    Quote: الرشيد بابكر
    كيف حالك يا اخوي ، شايف الريس ميسرة فصل ليك الإستمارة وكمان فصل ليك العقوبة وعارفك رجل رياضي وبتحب الكورة فداير يحرمك من كاس القارات فنصيحتي لك ابعد جلا من الموضوع فدا ولد (عكليتة) لو اتلحك اكيد ما حتستمتع بكاس القارات فأنسب حل عبئ الإستمارة والتزم بكل الشروط وتفادى الكتاحة

    يا تجتوج حسة عليك الله العكليتة جلا ولا ميسرة ومنصور...عينك للفيل تطعن في ضله...عموما عملا بنصيحتك
    و عملا بالمثل البقول بابا بجيك منو الريح سدو واستريح...أحسن لي من حسة أسد الباب ده ولا بعدين
    أضحي بكاس العالم للقارات...
    Quote: مشيت وجيت والحوش فاضى .....

    ......{ الرشيد ..حكاية زى دى لو حكيتا

    لى اولادك بتقبضك الجو زى اسبوعين كدا }


    انت يا محمد صديق مشت وين..بعدك دخلو عشرين واحد...انت خط تمنتاشر ما وصلتو وجيت راجع تقول لي
    الحوش فاضي...
    بعدين أنا ما قلت ليك انت كنت زول لعاب والله...أنا بتذكر و من غير كركم مبارياتنا معاكم وبتذكر الله
    يطراهو بالخير أخونا محمد عثمان...كانت أيام جميلة والله...
    طبعا بعد التخرج أنا لعبت فريق أركويت ولي ذكريات مشابهة وشعبية بنفس القدر أيضا في أركويت وفي
    الليق...لكن بيني وبينك الأولاد ديل ما بيشتغلوا بينا في بري زي ده...

    أبو عمر...الترجمة هو اللي آلو محمد صديق ده بس...بالله عليك انا ما خطير...
                   |Articles |News |مقالات |بيانات

10-06-2009, 01:58 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    يا جلا قلت أغش أبحث عن معنى الأمثال دي في القوقل...عملت كوبي وبيست ثم بحث...فتحت لي صفحة
    فيها عمك قوقل ممحن...وقال لي دخلتني مدرسة ياخي لم و لن يفلح البحث...
                   |Articles |News |مقالات |بيانات

10-06-2009, 03:01 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    متاوقة سريعة :-

    يا جلا بالله الكلام ده عربي متأكد ؟ عامل زي
    الأردو أو الفارس حروف عربيه ومش فاهمين حاجة
    ممكن تغششني يا حبيب ؟ بس ما تقولش لحد.
                   |Articles |News |مقالات |بيانات

10-06-2009, 05:01 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    سلامات يا ريس

    الواحد نفسو قام من الترجمة الترجما ليك فى الميل 32


    شكرآ ساى ما فى


    الله يعوض ولا اقول ليك الاتعاب 5كيلو كركم
                   |Articles |News |مقالات |بيانات

10-06-2009, 05:04 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    سلامات يا ريس

    الواحد نفسو قام من الترجمة الترجما ليك فى الميل 32


    شكرآ ساى ما فى


    الله يعوض ولا اقول ليك الاتعاب 5كيلو كركم
                   |Articles |News |مقالات |بيانات

10-06-2009, 05:06 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)


    ونواصل مع السندس الجميلة










    ودى تحلية عشان نتذكر الطيب تكو ، وكمان انسجاما مع

    الموضوع الشاغل البوست الأيام دى

    (عدل بواسطة محمد عيد on 10-06-2009, 05:15 PM)

                   |Articles |News |مقالات |بيانات

10-06-2009, 09:12 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    مساكم الله بالخير
    متاوقة غير سريعة...النهار حقكم والليل ده حقنا برانا...رغم ان العمل اقتسم ثلثي الليل
    لننهي تراكمات الأسبوع عشان بكره الواحد ما يتأخر ويتعرض للعقوبات الما بنقدر عليها دي..
    أسأل الله أن تكون نجاة حوفي دفعت فواتير الانترنت في البيت عشان الواحد يطل عليكم يوم الجمعة
    يمكن ينوبنا من عصيدة محمد صديق جانب...

    محمد عيد أنا ندمان وسافي التراب...أديتك خيارين ترسل بيهم مجلة السندس...حزفت خيار بدون ما
    تشاور زميلك...شاور بت الشيخ و ما تخالفة عشان أنا متأكد انو رأيها زي رأي...صورك بتاعت الاسكتش
    جميلة..بس Not updated يهمنا جدا التحديث...ولا حأخلي بت الشيخ ترسل لي آخر اصداره من الاسكيتشات
    بتاعتك دي...

    جلال عثمان انت يا زول بتشتري ليك في شيلة ولا شنو...الشوبينق العادي ده استعدادا للخبراء الاجانب
    ما بمسك ليهو زول كده...أوع تكون فلت كده ولا كده الأمر الذي دعا بت الشيخ الى فرض الحظر عليك...كان
    عايزنا نتدخل ترانا حاضرين يا أخوي..بس انت أشر...

    محمد صديق قبيل سألتني عن رأي حبوبتي كان بكون شنو في المذيعة التي تحاور الرجال...انت عارف حبوبتي
    حاجة أمونة مرة طيبة لا هي بلعانة ولا طعانة...لكن عندي حبوبتا تاني خالة الوالدة...دي كان
    قالت ليك عليك الله شوف جنس البت القاهرة دي...بس عليها أم تفة المعولقة المخوذقة...الترابه في
    خشم أمها...شوف عليك الله الدلقون اللابساهو ده...ده حسة ساتر ليها شنو...بس عليها المسيخة اللتيخة..
    بس عليها الزي عجوز النصارى دي...

    طارق جبريل...وينك يا زول..انت الا يشلخو ليك البوست ده حتى تظهر...أها هاك دي...
    سوقني معاك يالحمام
    ... ...
    سوقني محل ما الحبيبة
    قريبة تراعي الغرام
    غريبة الأشواق حبيبة
    يجيبا منام في منام
    ... ...
    سوقني محل ما المحنة
    أيادي تقطر سلام
    سماحة الحياة فوق أهلنا
    وبلادي تقرقر وئام
    ... ...
    غلابه وأمان مو الطيابة
    ضكارى بصارى وكرام
    حبابه الحبان في بابه
    وتدخلوا عليّ الحرام

    فقارى ولكن غنايا
    غنايا بهذا الغمام
    بهذا النيل كم تغايا
    وتيرابا النرميهو قام

    زهير الزناتي...يا أخوي عجلتك ماله...أوعى تكون عايزه ليها لستك جواني...طولت الغيبة المرة دي
                   |Articles |News |مقالات |بيانات

10-06-2009, 09:50 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    كثيرا ما تتجمع الأسر السودانية هنا في أبوظبي للتسامر...وبتكون اللمة كاربة...الرجال في الصالون
    يقهقون ويحتسون القهوة والشاي منتظرين العشاء...النسوان نصهن في المطبخ والباقي بالداخل في
    احدى غرف المنزل يتبادلن الأحاديث النسوية...أما الأطفال ففي احدى الغرف أو في ركن الصالون
    يتآنسون بطفولة...
    تجمع الأطفال و بأعمار متفاوتة في طرف الصالون الواسع...أخذو يختبرون بعضهم البعض فيما يعرفونه
    من مصطلحات سودانية صعبة...فيقول أحدهم بتعرفو الزير..ينط واحد يقول طبعا ده ما بتاع الموية
    طيب بتعرفو الشلوخ...طبعا ده الجريح الفي وش الحبوبات داك...المهم واحدة سألت بتعرفو العنقريب
    قامت واحده قليصة كده من البنات قالت ليها كيف يعني ما بنعرف العنقريب...العنقريب ده أكله شعبية..

    أقعدوا عافية...أنا ماشي أنوم..بس ما عارف أقدر أنوم كيف مع العنقريب المتعشي بيهو ده....
                   |Articles |News |مقالات |بيانات

10-06-2009, 10:25 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    غلبني النوم مع الأكل الدسم ده..قلت أقوم أشرب لي بمبر يمكن يهضم لي...

    تصبحوا على خير
                   |Articles |News |مقالات |بيانات

11-06-2009, 05:43 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    صبحكم الله بالخير والسعادة

    سبحان الله و بحمده عدد خلقه ، و رضا نفسه ، و زنه عرشه ، و مداد كلماته

    (عدل بواسطة الرشيد بابكر on 11-06-2009, 07:06 AM)

                   |Articles |News |مقالات |بيانات

11-06-2009, 06:20 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    صباح الخير يا ناس
    و بدون تعليق على مداخلة تاج الدين البايتة
    Quote: جيتك ولما ما لقيتك كتبت ليك بفحمة
    (حضرنا ولم نجدكم)
    وينك يا جلا مسجل غياب من الحوش
    عموما انا دقيت الباب ولما ما لقيت حد دخلت من النفاج
    جنابو محمد صديق
    اشكرك يا جنابو محمد صديق على الكلام الجميل في حقي
    وانا اذا عايز اتكلم عن حرفنتك وموهبتك بكون داير خمسة صفحات من هذا الحوش
    ويا جلا بعد كلام محمد صديق دا جهز كمراتك وانا جاهز للقاء التلفزيوني
    ومساهمة مني في قصيدتك الحلمنتيشية عن محمد عيد
    ورغم اني لا اقرض الشعر
    لكن دعمك واجب علينا مش انت برضو الكابتن بتاعنا بس عندي بيت واحد
    ناس الريس للكركم منتظرة
    عشان خايف يكون زول نساي
    ----------------------------------------------------------------
    اما موضوع العلاقات الزوجية
    فعلا المداخلات فيه جميلة ومفيدة والموضوع ماشي تمام
    وطبعا عند تناول اي موضوع
    فإنالمقدمة دايما بتكون القاء نظرة على الأحداث
    او الحقائق السابقة او الماضي
    واظنه نحن بدينا صاح وتناولنا العلاقة الزوجية بتاعت حبوباتنا
    وقد لخصلها لنا جانو محمد صديق في نقاط تعكس كيف التعامل كان
    وهي :-
    لا تأكل معه
    لا تسير معه جنبا الى جنب
    لا ترفع صوتها عليه
    لا تناديه بإسمه
    تاني حاجة بعد تناول الماضي او تاريخ الموضوع
    بتدخل في تفاصيل الحاضر وصلب الموضوع
    وأظن اخونا منصور (الكتاب) كتر خيرو اختزلوا لينا في السؤال التالي
    كيفية اعادة المعادلة بتاعت الإرسال والإستقبال الى طبيعتها؟
    وهذه هي النقطة التي يجب ان نعطيها حقها في النقاش
    ويا حبذا لو شاركن بنات الشيخ في المداخلات
    والمرحلة الأخيرة في طرح اي موضوع للنقاش
    هي الحلول او التوصيات او الخاتمة ..... الخ ودي اوردها لنا
    صاحب الفكرة الرائع الرشيد بابكر في ذكرة وتوضيحة
    كيف يعامل رسولنا الحبيب (ص) زوجاته
    وما اورده اخونا رشيد يمكن لنا ان نعتبره دستور العلاقات الزوجية
    أو الإطار العام للعلاقات الزوجية
    وما اظننا كسودانيين ببعيدين عن ذلك
    وفي رأي ان العلاقة الزوجية لا تخضع لمبدأ الخطأ والصواب
    لانها تتأثر بالمفاهيم والقناعات والثقافاتوالعادات والتقاليد
    والتي قد تخنلف من شخص لأخر فيجب ان لا تخرج عن الإطار العام
    والدستور الذي اورده لناالرشيد بابكر
    وماضينا وقديمنا بتاع حبوبتنا ( حاجة فاطمة بت طالب) حبوبة محمد صديق
    واذا كانت الناس بتختلف في طريقة البوح بالمشاعر
    (والدليل حكاية السيسبانة الخدرة ورويانا
    بتاعت ديدو ....
    وحكاية هاجة دا بجيني بتاعت جلا واللي نكرها ورماها فيني)..
    اكيد بتختلف في التعامل بعد الزواج
    يعني الناس تبرطع زي ما عايزة بس لا تنسى حاجة بت طالب ولا تتجاوز الدستور وما بين
    هذا وذاك لاتنسوا معادلة الإستقبال والإرسال بتاعت منصور
    تاج الدين الخليل

    (عدل بواسطة محمد آدم النور on 11-06-2009, 08:29 AM)

                   |Articles |News |مقالات |بيانات

11-06-2009, 06:26 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    ترجمة الشريط يالريس ميسرة
    شكراً حبيبي أحمد (أبو عمر)
    بعد دا أحسن نتضارا
    Quote: الكمندان محمد صديق إجابتك مئة بالمئة
    وأيضا قبل كدة سألنا المندان الآخر أسامة أبتر عن الدودو أبدع في الإجابة
    شنو ياكمندانات الحكاية دي بتأخذوها في الكلية ولا من حل إشكالات
    المواطنين
    اما يامحمد آدم
    رأس قلقالاي لي وليد مسكين بملى بيت أمو شرموط
    القلقال هو السحلية
    طبعا المسكين ماعنده شيء فإذا وجد ليه اي شيء بفرح فيه وصيغة
    مبالغة حتى لو رأس قلقال فالإنسان لو عايز يساعد مسكين يقدم ليه مايستطيع ومايتحرج
    حتى لوقليل
    ـــــــــــــــــ
    الجقلو الأرض الغير مستوية عندنا في الخريف مناطق طينية ومنخفضة ومليئة
    بمياه الأمطار (بوطة) عندما تمر عليها قطعان البهائم وتجف على كدة تصير هذه
    المنطقة جقلو لايستطيع الأعرج المشي فيه ــ كالمثل/ ألمي حار ولا لعب قعونج
    ـــــــــــــ
    الدنبقا تبنا من الطوب الطيني على شكل اسطواني ليخزن فيها جوالات من العيش دخن أو ذرة
    ودائما ماتكون في موقع ثابت فمن اراد ان يحركها محتاج درجة عالية من البصارة ووسائل
    أخرى (دردقي بشيش)كما الدنيا علشان تكسبها عايزة بصارة اكثر بكثير وهو في الآخر
    تشبيه لصعوبة تحريك الدبنقا وصعوبة كسب الدنيا

    (عدل بواسطة محمد آدم النور on 11-06-2009, 08:33 AM)

                   |Articles |News |مقالات |بيانات

11-06-2009, 06:49 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    الف مرحب بالميل 33

    محمد ادم (جلا) الحق بسرعة عدل مداخلاتك ...
    عشان الورقة "اتفتلت"
    اعد تصغير ايميلات التاج واحمد اسماعيل عشان فتلت الصفحة

    تشكرو يا حبان على ترجمة الامثال ...

    الرشيد بابكر لكن مالضحك شرطنا ...

    "أقعدوا عافية...أنا ماشي أنوم..بس ما عارف أقدر أنوم كيف مع العنقريب المتعشي بيهو ده...."

    وكمان دي ....

    "غلبني النوم مع الأكل الدسم ده..قلت أقوم أشرب لي بمبر يمكن يهضم لي..."
                   |Articles |News |مقالات |بيانات

11-06-2009, 08:38 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ياسر نجيلة)

    شكراً ياسر نجيلة
    كدا أكون إستعدلت ليك الصفحة
    آه يلا شيل الصورة
    وصلحت ليك كرفتة تاج الدين
    وخليت أحمد إسماعيل يشك القميص بتاعو
    تشكرات
    حبيبي
                   |Articles |News |مقالات |بيانات

11-06-2009, 08:48 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    لقيت ليكم جنس حاجة
    زي كلام الرشيد الذي أخذه في معاملة السيدة خديجة مع رسولنا الكريم
    لكن مع إختلاف بينا و بينهم
    و تعالو شوفو
    الفرق بين المذكر و المؤنث في أيامنا هذه
    ما قلت ليكم ثورة بنات الشيخ آتية
    المؤنث
    لاحظوا بأن الجنة مؤنث، ،، والجحيم مذكر
    وأن الابتسامة والسعادة مؤنث ،،، والحزن مذكر
    الصحة مؤنث ،،، والمرض مذكر
    والحياة مؤنث ،،، والموت مذكر
    والمودة والرحمة مؤنث ،،، والحقد والحسد والغضب مذكر
    وأن الاجازة والراحة والمتعة مؤنث،،، وأن الدوام والعمل والقرف والتعب مذكر
    فأعلم أن ((الأنــــــــــاث)) سر جمال هذا الكون
    فهمتو يا نكد
    و حتى النكد مذكر
                   |Articles |News |مقالات |بيانات

11-06-2009, 09:04 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    تشكر حبيبنا محمد جلا ... على "استعدال" الصفحة ...
    شغلك "نضيف" ...

    Quote: لاحظوا بأن الجنة مؤنث، ،، والجحيم مذكر
    وأن الابتسامة والسعادة مؤنث ،،، والحزن مذكر
    الصحة مؤنث ،،، والمرض مذكر
    والحياة مؤنث ،،، والموت مذكر
    والمودة والرحمة مؤنث ،،، والحقد والحسد والغضب مذكر
    وأن الاجازة والراحة والمتعة مؤنث،،، وأن الدوام والعمل والقرف والتعب مذكر
    فأعلم أن ((الأنــــــــــاث)) سر جمال هذا الكون
    فهمتو يا نكد
    و حتى النكد مذكر


    ... الكلام ده جيبتو من وين يا جلا ...
    ده كلام مدسوس ...
    مدسوس جاية من سوسه "مؤنث"
    في كمان حاجات كتييييييييييييرة "عوارة" مؤنث ...
    بس مش عاوز اخرب كلامك .... وازعل بنات الشيخ "الليلة الخميس"

    فتناكم بعافية ...
    هابي ويك اند
    الحق يالرشيد استحمي وامشي قبل مابتك تقول ليك الوقت مورنيغ و "ماشة لى صاحبتها ...
                   |Articles |News |مقالات |بيانات

11-06-2009, 09:40 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ياسر نجيلة)

    سلامات يا ناس

    متاوقة سريعة

    يا الرشيد مطنك يخرب { بلهجة ناس الشرق }

    يعنى نستعد لى مجاعة وعطش ولا شنو ...وين يا خوى نلقى لينا

    عناقريب ناكلا وبنابر نشربا؟؟؟؟


    يا جلا حقو نستثمر فى الموضوع ده لانو الحرب الجاية حرب

    العناقريب والبنابر....والكركم الداقرونا فيهو ده ...

    ده طرفنا منو...
                   |Articles |News |مقالات |بيانات

11-06-2009, 10:13 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    يا برالمة هوووووى
    الواحد لما يجى داخل ( المنبر ) اول حاجة يعاين اعلى الصفحة
    يمكن يلقى ليهو لفت نظر ولا ماسنجر يخصو
    ما طوالى يجى جارى ( وينبرش ) ويعمل فاولات جوة الحوش

    ميسرة ، جلا ، منصور ، محمد صديق راجعوا مكتب شئؤن الطلبة
                   |Articles |News |مقالات |بيانات

11-06-2009, 11:00 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    رشيد يا حبيب

    انت المصرى زميلك البتوصلو معاك ده هــدّ فيك ولا شنو ؟؟

    عموما يا قدورة .. بس عشان تعرف زولك وتسمع كلامى

    بقية المجلة حأرسلها ليك بالميل وحنشتغل فى تظبيطها سواء فى الخفاء

    عشان بعدين الرشيد وهو طاشى فى تركيا يفتش لى مرافىء مهند ( بتاع نور مش ولدك )

    يفاجأ بنسخة الكترونية للسندس وبأحدث اخراج

    وكيتا فيهو حأنزل بعض الصفحات لتؤرشف فى هذا الموقع

    وسأبدأ بمقال للراحلة العزيزة .. خالدة يوسف احمد عبدالله



    ( رحم الله اختنا العزيزة خالدة يوسف وجعل الجنة مثواها )

    (عدل بواسطة محمد عيد on 11-06-2009, 11:06 AM)

                   |Articles |News |مقالات |بيانات

11-06-2009, 11:04 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    والللييييلا يا ديدو
    مكتب شئون الطلاب !!!ليه وعشان شنو ؟؟؟
    عايزين تفصلونا ولا عندنا جواب (مسوجر ) عند عم فتحى
    هو الليلة اول الشهر ولا شنو
    انت تبس لينا قميص احمر فى البروفايل
    وتدس وراك ياسر نجيلة
    وتجى تكتب لينا بالأحمر
    وكمان تكلم لينا ناس شئون الطلاب !!!
    ده كله الليلة عشان الريس اتأخر شوية فى النوم ولسه ماقال لينا (صباح الخير يا وجوه الخير )
    وعشان عارف الرشيد بيسافر يوم الخميس عشان يوصل والدنيا لسه مورننغ
    وعشان عارف انه محمد صديق الليلة (نبطشى )
    ومحمد آدم جلا خاتى ايده فى العين السحرية من امبارح , خلى ليك تجتوج ماعارف يتاوق
    وطارق جبريل اخلو مشويرا لغاية (كريمى ) وصادى
    وتبلدينا من كثرة غيابه , لمن بقى (قنقليز ) عديل
    وزهير الزناتى مشغول بيبيع فى عمة محجوب شريف
    وعصام دهب حايم البوستات كلها وخالى حوشه براهو
    وابوعمر قال لينا (قلقاى يعنى سحلية ) , والطيب والسحلية
    موسى عيسى روح باسويرده وحرد
    وحلال حايم بيستقبل فى الخبراء الأجانب
    وجلا لمن هرشناه , قال اى حاجة كعبة مذكر , والحاجات السمحة كلها مؤنثة
    جمال السنوسى مشغول بى قودوين
    كمال الشادى (ضنين الوعد اهديتك حبى )
    وسامى عبد الوهاب بيطلب الرزق ولو فى (الصين )
    وناس صفية مساعد وسناء الصباغ , خجلانين يخشوا بيت العزابة بتاعكم ده
    ومحمد عيدجاب سندس كلها الا الصقحة الأنا كتبت فيها
    نسيت زول يا ربى , هسى ده كويس منك يا ديدو
    تقوم نفسى بالشكل ده
    حرام يا ديدو تعمل كده
                   |Articles |News |مقالات |بيانات

11-06-2009, 11:37 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    يا منصور
    ما إنت وزعت الإيميل الخاص بالحاجات الكعبة للمذكر
    Quote: وجلا لمن هرشناه , قال اى حاجة كعبة مذكر , والحاجات السمحة كلها مؤنثة

    حتى فوجئت بالرد الخاص من الحاجات الكعبة للأنثى
    وهاك يا جدال
    النار مؤنث ....والنعيم مذكر
    المصيبة مؤنث .. الخلاص مذكر
    العلةمؤنت .. الشفاء مذكر
    الحماقة مؤنث .. والذكاء مذكر
    الفضيحة مؤنث .. الخلق مذكر
    النميمة مؤنث .. الحفظ مذكر
    الفرح مذكر ..... والتعاسة مؤنث...

    قال لها ألا تلاحظين أن الكـون ذكـراً ؟؟
    فقالت له بلى لاحظت أن الكينونة أنثى !!
    قال لها ألم تدركي بأن النـور ذكـرا ً ؟؟
    فقالت له بل أدركت أن الشمس أنثـى !!
    قـال لهـا أوليـس الكـرم ذكــرا ً ؟؟
    فقالت له نعم ولكـن الكرامـة أنثـى !!
    قال لها ألا يعجبـك أن الشِعـر ذكـرا ً؟؟
    فقالت له وأعجبني أكثر أن المشاعر أنثى!!
    قال لها هل تعلميـن أن العلـم ذكـرا ً؟؟
    فقالت له إنني أعرف أن المعرفة أنثـى!
    وبـعـد ذلـــك.

    قال لها سمعت أحدهم يقول أن الخيانة أنثى ..
    فقالت له ورأيت أحدهم يكتب أن الغدر ذكرا ..
    قال لها ولكنهم يقولون أن الخديعـة أنثـى..
    فقالت له بل هن يقلـن أن الكـذب ذكـرا ً..
    قال لها هناك من أكّد لـي أن الحماقـة أنثى
    فقالت له وهنا من أثبت لي أن الغباء ذكـرا ً
    قـال لهـا أنـا أظـن أن الجريمـة أنـثـى
    فقالـت لـه وأنـا أجـزم أن الإثـم ذكـرا ً
    قـال لهـا أنـا تعلمـت أن البشاعـة أنثـى
    فقالـت لـه وأنـا أدركـت أن القبـح ذكـر

    قال لها يبدو أنك محقة فالطبيعة أنثـى
    فقالت له وأنت قد أصبت فالجمال ذكـراً
    قـال لهـا لا بـل السـعـادة أنـثـى
    فقالت له ربمـا ولـكن الحـب ذكـرا ً
    قال لها وأنا أعترف بأن التضحية أنثـى
    فقالت له وأنا أقر بأن الصفـح ذكـرا ً
    قال لها ولكنني على ثقة بأن الدنيا أنثى
    فقالت له وأنا على يقين بأن القلب ذكرا

    >> ولا زال الجـدل قائمـا ً
    >> وسيبقى الحوار مستمرا


                   |Articles |News |مقالات |بيانات

11-06-2009, 11:54 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    تاج الدين الخليل بلال
    مقدم إحتجاج
    في ثورة بنات الشيخ
    علماً بأنه ملأ الإستمارة مقدماً يا ريس
    Quote: ناس الحوش سلام
    شفتوا كلام جلا دا عن المؤنث والمذكر
    مش قلت ليكم الود جلا دا بجيب لينا الكتاحة...
    وكمان بهدد بان ثورة بنات الشيخ قادمة
    يلا يا كمندان محمد صديق جهز قواتك لردع الثورة
    تاج الدين
                   |Articles |News |مقالات |بيانات

11-06-2009, 11:52 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    بلاغ إلى النائب العام
    المستشار عصام دهب حفظه الله


    موضوع الدعوة : القبض على بعض الزملاء وإدانتهم بالجرم المشهود

    صاحب الدعوة : ميسرة سيدأحمد وأصدقائه

    المدعو عليهم :-

    1- جمال السنوسي ، لوجوده المستمر داخل هذا الفضاء الأسفيري ولفتحه مجموعة بوستات
    ولكنه يتحاشي الدخول في بيتنا ، يعني الإدانه لابساهو بدون أي حجة
    2- صالح تبلدينا ، منتشر بقوة ولكنه لا يشاهدنا ونحن نزرع ونتقن ونجود هذا البوست
    الزقازيقي وبرضو زي جمال السنوسي له عده بوستات ، يا أحباب قديمك نديمك .
    3- د. سيف النصر متواجد في المحيط الأسفيري ولكنه يبتعد عنا شويه شويه وله بوست خاص
    فتحه قبل فترة عود لينا يا ليل الفرح ،داوي القليب الإنجرح.
    4- حيدر حنين ، ماشاء الله أجد تعليقاته وكتاباته في بوستات كثيره جداً ، بس ليه تسيبنا
    يا حبيبنا ، وإنت موجود في قلوبنا.

    يا سعادة المستشار عصام لو ذهبت إلى كوكب المريخ أجدهم لو ذهبت المشترى أجدهم ، لو في زحل
    أو قمر السماء أجدهم بس لأنهم طشوا شديد عن كوكب الزقازيق ، قد أجد العذر للبقية التي
    لا تدخل في كوكبنا أو كوكب غيرنا لظروفهم ، بس ديل ما عندهم ظروف.

    أنا ومن معي لا نقبل بشئ سوى تطبيق العدالة الناجعة وإعادة أولادنا إلى بيتهم ولو إستلزم
    الأمر الإستعانة بأخونا عوض المفتاح , أو اسامة أبتر وسعادة الكمندان محمد صديق .


    اللهم هل بلغت فأشهد.
                   |Articles |News |مقالات |بيانات

11-06-2009, 12:04 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    يا سيدي بأي نفاج دخلتم إهتديم
    وليس هناك أي إزعاج
    فأدخل دونما اسئذان
    فأنت أحب الحبان
    محبتي
    Quote: بعد التحبة والتقدير لأجدع ناس
    حبيبنا جلا معليش تحملنا كل مرة ناطين بدون إستئذان مزعجنك
    هذه إن شاء الله آخر متاوقة لأن قمرنا /جلال أكيد يكون أحضر الخبراء
    الأجانب وفاتنا اللقاء الصحفي
    بقول لأخونا محمد عيد الحواجز بين السوداني وبت شيخو مامصتنعة وإنما
    مقصودة من أجل الحب العذري وغلاوة الحبيبة وحرارة اللقيا
    زمان مرهف الإحساس يكفيه أن يرى ثوب أو وشاح او خصلة من حبيبتو
    يجيب العجب العجاب من الكلام الحلو، اما حرارة اللقيا تتجسد في عصرية
    ياسر نجيلة وانا بضم صوتي لجلا وبقول عصرية مختصرة لكن طال ماياسر
    شاعر اكيد عند بعض الأبيات الشعرية في هذه العصرية . التحية والتقدير لياسر
    وكما حكى الأخوان ان بنات الشيخ يقدمن اروع أنواع الإحترام والتنازل ماننسى
    برضو أولاد الشيخ يقدرون ذلك غاية التقدير ويحفظونه لهن ويقدموه بعد الزواج
    أليس غالبية الشعب السوداني زمان بضحي بالكثير من أجل الآخر فإذا كان
    الآخرحبيبو طبعا حيشوف كل الأنوار، ود الشيخ يرد الإحترام باعظم منه ذلك
    باحترام أمها وهذا مثل للمقارنة كما فعل رشيد القوم سابقا
    أخ مصري قال لي استغرب في الأخوة السودانيين كثير أعرفهم يعملون زيارات
    لحماواتهم بالله عليك كيف تعيش مع حماتك،هنا أحب أن أوضح بأن الإحترام
    عندنا أهم شيء ، لأن العريس عندما يقدم لإكمال مراسم الزواج هناك حقوق
    لام الزوجة تفرض عليه المهم ام الزوجة لايمكن أن تواجه العريس وتطلب منه
    بل تتصدى لذلك اخرى وغالبا ماتكون من خارج الأسرة علشان يظل إحترام
    العريس لحماته قائم ، اما في مصر أم العروس تواجه العريس لذلك يتبدل
    الإحترام لكراهية
    أيضا مافي ودشيخ شرد من بيته ولاطرد من بيته كما كنا نرى بمقاهي الزقازيق
    إلى ان يقفل المقهى حتى يرجع الزوج
    وهذامن ماقيل في بت الشيخ
    لايقل أحمق ان النساء بلاء هن والله رحمة وعزاء
    من فؤاد لكل أنثى نصيب فهو عرش عزت فيه النساء
    فطيوب الحياة في شفتيها مالقلب عن حبها إستغناء
    فهي أم تحنو وهي أخت وهي زوج من نسلها الأنبياء
                   |Articles |News |مقالات |بيانات

11-06-2009, 12:20 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    الريس ميسرة
    يقول
    Quote: أنا ومن معي لا نقبل بشئ سوى تطبيق العدالة الناجعة
    وإعادة أولادنا إلى بيتهم ولو إستلزم
    الأمر الإستعانة بأخونا عوض المفتاح , أو اسامة أبتر وسعادة الكمندان محمد صديق .

    ومن هنا نقف وقفة واحدة مع الريس ميسرة فيما ذهب إليه
    واستدعاء أبناء الوطن الجميل (الزقازيق)
    عليه ندين ونستنكر ذاك التصرف المذكور في مداخلة الريس ميسرة
    و أخير ليهم يعودوا سالمين غانمين
    التوقيع:
    نقابة بنات الشيخ
    عنهم
    محمد آدم النور
                   |Articles |News |مقالات |بيانات

11-06-2009, 07:28 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    تاج الدين
    باين الجماعة كلهم في اليك إند
    بس محمد صديق
    أرجا ملاح الشرموط الأبيض ومعاهو العصيدة
    Quote: صدقت يا محمد عيد لما قلت عن جلا الناطق الرسمي باسم منظمة بنات الشيخ
    ايوه يا جلا اظهر وبان
    اتاريك انت مسجل معاهن في النقابة
    يلا يا كمندان محمد صديق الآن اصبح عندك دليل مادي
    الريس ميسرة
    بالله اعمل لينا ملحق للدعوى المرفوعة ضد بعض الزملاء لإختفاءهم عن البوست
    و أيضاً ضد محمد ادم النور حسن سرور الشهير بجلا وسميها انتحال شخصية
    تاج الدين الخليل بلال

    نومو عافية
    لغاية ما يجيكم أحمد إسماعيل ناطي بكرة
    يا جماعة يوم الجمعة نحن شغالين في البوست
    نفير و كدا
                   |Articles |News |مقالات |بيانات

11-06-2009, 07:58 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    مساكم الله بالخير أهلي الزقازيقيين

    جيت لقيت ليك البوست سنه ويحتل...فقلت أقوم بعملية انقاذ سريعة والبركة في نجاة حوفي التي
    قامت بالواجب على أكمل وجه ورجعت لينا النت رغم سوء ظن جلا بيها...أها خذلتك ودفعت القروش
    ما صبنته...

    Quote: ياسر نجيلة
    الحق يالرشيد استحمي وامشي قبل مابتك تقول ليك الوقت مورنيغ و "ماشة لى صاحبتها ...

    و الله يا ياسر من الخوف جيت من غير حمام...قلت الحمام ملحوق لكن جنس العقوبات دي ما بنقدر عليها
    و تجتوج يقول ليك جلا العكليتة حسه عليك الله بيني وبينك العكليته منو...

    Quote: يا الرشيد مطنك يخرب { بلهجة ناس الشرق }

    يعنى نستعد لى مجاعة وعطش ولا شنو ...وين يا خوى نلقى لينا

    عناقريب ناكلا وبنابر نشربا؟؟؟؟

    عليك الله يا محمد صديق أولادنا ديل ما أخير منهم الغزو الثقافي...حسة ولدي تسمعو بيتكلم تقول الولد
    ده بيتكلم سواحيلي ولا شنو شي عربي وشي انجليزي...شي مصري وشي سوداني...غايتو الله يعدل المعوجة...
    لكن خلييو منهم العيال ديل انت بكره عصيده جهز وبلهجة الشرق برضو...على فكرة أنا جاي في يوليو..يعني العصيدة محمداك...

    Quote: رشيد يا حبيب

    انت المصرى زميلك البتوصلو معاك ده هــدّ فيك ولا شنو ؟؟

    عيد يا حبيب... ليه هو في ايه

    جلا حاجاتك البتقول فيها ما بقدر أفتح خشمي بكلمة الليلة...وعشان أكد كلام محمد عيد بتاع تأثري
    بصديقي المصري فأنا معاك في الجزء الأول بس بتاع الجنة مؤنث والنار مذكر...لكن الجزء الثاني
    ده لا شفتك ولا أعرفك...بعدين انت منصور يدردقك تقوم تغلط جنس الغلط ده...منصور ذاتو حيمشي ينكر
    الكلام ده كلو...
                   |Articles |News |مقالات |بيانات

11-06-2009, 08:15 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: أنا ومن معي لا نقبل بشئ سوى تطبيق العدالة الناجعة وإعادة أولادنا إلى بيتهم ولو إستلزم
    الأمر الإستعانة بأخونا عوض المفتاح , أو اسامة أبتر وسعادة الكمندان محمد صديق .


    اللهم هل بلغت فأشهد.


    و الله يا ريس بلغت تب...سبق وأن ناشدنا الجميع بالعودة الى الحوش ولو من حين الى آخر
    و ان كنتم تجدوننا كمان بايخين نزلوا ليكم بوست سموهو بياخة ناس الزقازيق...
    ولو ثقيلين...سموهو ثقالة ناس الزقازيق..
    ولو سمجين...سموهو سماجة ناس الزقازيق...
    ولو خميرين...فده سموهو بطريقتكم...بس ما تسموهو خمارة ناس الزقازيق يقومو يفهموكم غلط...

    عودتكم تهمناومشاركتكم تسعدنا وتثلج صدورنا... ولعلكم تلاحظون ان البوست قد أصبح أكثر من مجرد
    ملتقى لاجترار الذكريات...فلقد تنوع وتوسعت مواضيعه وتعرفنا الى بعضنا أكثر وما زالت الذكريات
    تجملة وتحلية...
                   |Articles |News |مقالات |بيانات

11-06-2009, 09:51 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    سلامات يا ناس

    مساكم نور

    نضم صوتنا للاصوات البتنادى بعودة الناس البحومو فى الجوار وما بغشونا


    يا جماعة نحن عملنا شنو النضيف ده موقفنا قدام باب شؤون الطلبة؟؟؟؟؟

    انا عن نفسى ما جاوبت ليو سؤالو الخاص بمنتخب تربية...وعمومآ انا بعتذر

    ونعود لتيم تربية ..اذكر اول ما لعبنا كان الحارس حسن طبلة...واذكر كما

    لوان ذلك كان امس القريب...طبلة يدو كانت فى الجيص ...يدو الشمال.....

    الدفاع كان فيهو بشبر ابو دقن...وعبد المجيد عيسى ..تانى كان فى كشاح

    وياسر ود الجزيرة وحامد الحبر ..عبد الدائم الوسخان...الفترة دى مشوشة

    عندى ما عارف لبه...فى فترة تانية كان فيها الحارس عبد العظيم والدفاع

    فيهو الصادق صلاح الدين وسيف اليزل وعزام البشرى وفائز بتاع جغرافيا

    النحيف الحريف داك...الوسط ..جلال وطارق الحريف ..السنى ود بورتسودان

    وكان فى الحضيرى وعمر الصادق

    شكلى جليت ناس كتار ...صاح يا ديدو انت بتكون عارفم كويس
                   |Articles |News |مقالات |بيانات

11-06-2009, 10:12 PM

Dr.Elsadig Abdalla
<aDr.Elsadig Abdalla
تاريخ التسجيل: 10-12-2005
مجموع المشاركات: 2198

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    سلامات لكل الزقازيقيين
    بعد غيبه طويله نرجع للبوست الام ...متابعين معاكم جميع المداخلات طويلها وقصيرها ...زكرياتكم وأشعاركم..خلافاتكم وفكاهاتكم...
    نتجول ونلف وندور بين المواقع والبوستات لكن في النهايه العرجاء لي مراحه..
    تحياتي للجميع وخاصة ناس الداخل وموعدنا معاكم في يوليو اتمنى أن نقابل أكبر عدد منكم ..
    ولنا عوده
                   |Articles |News |مقالات |بيانات

12-06-2009, 09:10 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: Dr.Elsadig Abdalla)

    سلامات يا ناس

    قال لقمان الحكيم:

    يا بنى كن أخرسآ عاقلا ولا تكن نطوقآ جهولآ

    فلكل عمل دليل ودليل التفكر ..الصمت

    ولكل شىء مطية ومطية العقل ..التواضع

    وكفى بك جهلآ ان تنهى عما ترتكب

    وكفى بك عقلآ ان يسلم الناس من شرك.

    جمعة مباركة

    اتفضلوا معانا ...العصيدة جاهزة ..

    رفعنا منها بى فوق الحيطة للرشيد والتاج

    وموسى عيسى عشان الاخير غلبان رايح منو باسويرد
                   |Articles |News |مقالات |بيانات

12-06-2009, 11:21 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    قال رسول الله صلى الله علية وسلم
    :(لا تدخلوا الجنة حتى تؤمنوا ولا تؤمنوا حتى تحابوا، أولا أدلكم على شي لو فعلتموه تحاببتم:
    أفشوا السلام بين الناس)

    رواه مسلم

    جمعة مباركة

    ومرحبا بعودة النجم الصادق عبدالله...

    محمد صديق تشكرات على العصيدة الرهيبة...
                   |Articles |News |مقالات |بيانات

12-06-2009, 12:43 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    بي بركة الجمعة الجامعة و الكلمة السامعة
    اللهم نعوذ بك من الهم و الحزن
    و العجز و البخل
    وغلبة الدين وقهر الرجال
    اللهم أجعلنا من عبادك الصالحين القانتين
    اللهم أدخلنا برحمتك جنانك
    و أجعنا في ذرية حبيبك المصطفى
    اللهم آمين
    اللهم آمين
    اللهم آمين
    اللهم آمين
                   |Articles |News |مقالات |بيانات

12-06-2009, 12:49 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    سلام أيها الحبان
    رجعت الميل 32 ووجدت فيها حاجات سمحة مرت سريعة
    مثلاً محمد صديق قال ليكم
    كملو لي القيدة الحلمنتيشية دي
    و الخاصة بمحمد عيد
    Quote: حرضنى على كتابة قصيدة حلمنتيشبة ...تعالو نتشارك فيها كلنا انا حأبدأ

    المطلع.....

    يا مرسوم فى حتة ورقة..

    وطالع من كباية شاى

    زعلت عليك ابله نظيرة..

    ومنصور حردان الشاى

    و أنا أزيد و أقول
    يا مرسوم فى حتة ورقة..

    وطالع من كباية شاى

    زعلت عليك ابله نظيرة..

    ومنصور حردان الشاى

    طبعاً حتخش في حاجة تانية

    وياريت ما يكون مربع كاي

    لكن أنا عندي فكرة

    شوف ليك كفتيرة شاي


    يا منصور علينا جاي عليك الله
                   |Articles |News |مقالات |بيانات

12-06-2009, 01:00 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    يا محمد صديق إنتو فطرتو بالعصيدة بتاعتكم حقة الجمعة الفاتت زاتها
    العصيدة بتاعتكم الليلة بي ياتو ملاح من ديل
    الكول
    الكجيك
    أم بقبق
    الضرّابة
    العقوص
    الأخيرة دا ما ملاح يا جماعة
    الإجابة عند أحمد إسماعيل
    قال ملاح شرموط أبيض قال؟؟؟
    بمناسبة العنقريب الذي أصبح بقدرة قادر أكلة شعبية عند أولادكم يا الرشيد
    بي كدا يكون
    معنى الحاجات المذكورة عالية
    كنبة (أنتريه)
    سرير دبل
    سرير حديد (يعني سرير حوش)
    سرير ماليزي
    أما العفوص ما عارف الرشيد حا يمشي تاني يفتش قوقل
    و لا محسوب مع أولادو و يقول ليك دا ما هناي..... ياخ إستنا نسيت إسمو
    و الله الأسم يمشي ويجيني
    مسؤولين من الخير يا ناس
    إنتو الناس الجنها شليخ
    ملاح السلج قاعدين تاكلوهو ولا قاعد يتور ليكم المصران
    الرشيد عليك الله كان ما سألت أولادك عن ملاح السلج
    قال العنقريب أكلا شعبية
    طيب المشلعيب يكون شنو يا ربي

    بحبكم يا قوم
                   |Articles |News |مقالات |بيانات

12-06-2009, 01:08 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    لكن انا عندى فكرة
    شوف ليك كفتيرة شاى
    او سوق اولادك وامشى
    لغاية قصر فرساى
    حلى بكيكة وباسطة
    ولو تشرب موية ساى
    نقول عليك بخيل وقيحة
    ساكى قروش جاى جاى
    ماك عارفها ما بتتلما
    يا ود عيد الفلة نهاى
    ارجع لى عقلك واهدأ
    ما يطقك لينا سحاى
    الدور على منو ؟؟!!
                   |Articles |News |مقالات |بيانات

12-06-2009, 03:33 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)


    يا ناس
    هى ما كباية شـــاى ..
    وما تلفو على بى جاى وجاى
    كانت حاجة اسمها
    موكاتشينو ..
    وهى غير الكابوتشينو
    والتشينو عند الطليان
    هو القهوة
    وفرق الموكا من الكابو
    زى فرق القهوة من الجبنة
    صدقونى انا ما براى
    ووقت الحارة
    ممكن اقول ..
    يا شيخى تنجدنــى ..
    من الزول البراااااى ..
    ولو باقى ليكم
    باقى قطيعة
    تعالوا ســاى
    بس ما دايرين نسمع
    كلمة واااى ... ( طبعا دى للأهلة منص والرشيد وجلال وقودوين اقصد جمال السنوسى )
    *********

    وبرضو راجع ليكم
                   |Articles |News |مقالات |بيانات

12-06-2009, 03:49 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    تاج الدين بيسلم عليك يا محمد عيد
    Quote: جمعة مباركة لك ولكل اهل الزقازيق
    داخل وخارج الحوش

    ياخي انا اول من عبرت الكمندان محمد صديق في قصيدته الحلمنتيشية
    وشاركت ببيت واحد قدر مروتنا باقي لي نحن بتاعين كورة ساي
    فارجو ان تحفظ لي حقي في هذه القصيدة
    وارجع لمداخلتي الكاتب عليها بدون تعليق
    حتجد الفرمالة بتاعتاي وارجو اضافته حتى لو تختها بين
    قوسين او في الحاشية
    تجتوج
                   |Articles |News |مقالات |بيانات

12-06-2009, 03:56 PM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    يا محمد عيد ما مابين ردك
    و منتظرين ناس ياسر نجيلة يجونا بي جاي
    ومعذرة حبيبي تجتوج
    لقيت بيتين الشعر بتاعنك بعد تعب و فتيش
    عشان كدا يا منصور
    المسألة عشان تكون واضحة
    هناك مقطع قبلي بتاع الولد تجتوج
    فمعذرة إنت تالت واحد
    عشان كدا حا ألمها ليكم
    محمد صديق
    يا مرسوم فى حتة ورقة..
    وطالع من كباية شاى
    زعلت عليك ابله نظيرة..
    ومنصور حردان الشاى
    تاج الدين
    ناس الريس للكركم منتظرة
    عشان خايف يكون زول نساي
    محمد آدم
    طبعاً حتخش في حاجة تانية
    وياريت ما يكون مربع كاي
    لكن أنا عندي فكرة
    شوف ليك كفتيرة شاي
    منصور
    او سوق اولادك وامشى
    لغاية قصر فرساى
    حلى بكيكة وباسطة
    ولو تشرب موية ساى
    نقول عليك بخيل وقيحة
    ساكى قروش جاى جاى
    ماك عارفها ما بتتلما
    يا ود عيد الفلة نهاى
    ارجع لى عقلك واهدأ
    ما يطقك لينا سحاى


    الدور على منو ؟؟!!
                   |Articles |News |مقالات |بيانات

12-06-2009, 03:56 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    سلامات ياناس

    دكتور الصادق الحريف ازيك وكيف اخبارك كنت العب زول فى فريق طبية صيدلية

    يا منصور حمدآ لله على طلتك ما كنت قايلك حتظهر الليلة عشان الخميس ده بى

    هناك بكون صفقة ورقيص !!!!!

    جلا ..الكجيك هو السمك المجفف

    ام بقبق ..نوع من البامية كبيرة العيون { اولاد ناس الرشيد ممكن يقولو عليها

    بت جميلة ..

    الضرابة ...ملاح ويكة بى بصل بس ما فيهو حتة لحمة

    العقوص ده ممكن يكون دولاب!!!!!!!

    العليو الدور فى قصيدة عيد ع الباب...

    يا ديدو...راجعت شؤون الطلاب وجددو لى بطاقتى ...ورجعوا لى الدرجات المخصومة منى
                   |Articles |News |مقالات |بيانات

12-06-2009, 08:42 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    مساكم الله بالخير يا شباب...
    جيت أتاوق لقيتكم ما شاء الله متجمعين...متجمعين عند النبي...

    القصيدة الحلمنتيشية بتاعت محمد صديق دي ذكرتني بأغنية محمد حسنين...
    يا سايق البوباي..يا سايق البوباي
    الاشارة جاي ولا جاي
    ورينا سوق جاي و جاي

    يا جلا أنا غايتو أولادي بيعرفو السلج و بيحبوهو كمان لكن بيسموهو الملاح الGreen...لكن الكجيك
    وأم بق بق وهناي داك كان قالوا ليك ده أردو ولا شنو...أردو قصدي بها لغة الأردو التي يتحدثها
    معظم الآسيويون...
                   |Articles |News |مقالات |بيانات

12-06-2009, 11:03 PM

طارق جبريل
<aطارق جبريل
تاريخ التسجيل: 11-10-2005
مجموع المشاركات: 22542

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: طارق جبريل...وينك يا زول..انت الا يشلخو ليك البوست ده حتى تظهر...أها هاك دي...
    سوقني معاك يالحمام

    يا سلام يا الرشيد ياخي
    صوت ود النصري دة يجيب الطاشي في الخلا


    اعتذر يا شباب للغياب
    لازمت السرير الابيض منذ اسبوع ولا زلت
    دعواتكم




    تحية خاصة للعزيز تاج الدين
    كانت لنا صولات معه في الميدان
                   |Articles |News |مقالات |بيانات

12-06-2009, 11:19 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    سلامات يا ناس

    جيت آخر الليل والناس نيام

    نخلى ليكم حاجة تلقوها الصباح مع اللقيمات يا الرشيد

    وحين هاجت الرؤى ...

    تسللت خطاى خلسة ..تروم

    فى خبايا الليل حانة النخيل

    كى أبادل الصحاب رفقة برفقة

    وكأسة بكأسة..

    أدور فى فواصل الهديل

    أستبين فى طلاوة الحديث..

    روعة السهر

    أحدث الصحاب عن صبابتى

    وعشفى القديم والمقيم

    عن دمى الذى استبيح ألف مرة

    ولم يزل

    وعن قساوة التى ...

    تخبىء الشموس خلف ليلها

    ولا تسل

    وعن ..وعن...وعن

    فهل ترى هناك ثم رفقة وكأسة

    وهل ترى ..

    هناك من بقاسم الحديث والسهر؟؟؟؟؟؟؟؟



    ____________________________________________

    صباحكم خير
                   |Articles |News |مقالات |بيانات

13-06-2009, 07:01 AM

محمد آدم النور
<aمحمد آدم النور
تاريخ التسجيل: 03-05-2009
مجموع المشاركات: 1993

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    الأخوة في الحوش
    سلام من الله ورحمته وبركاته
    ومعذرة على الإطلالة الحزاينية
    توفى صباح اليوم عمي بله النور حسن
    عميد الأسرة
    وأحد شجعان القبيلة العسكرية
    عن عمر يناهز 100 عام
    انا لله وانا اليه راجعون
    آللهم أرحمه وأسكنه فسيح جناتك
    آللهم باعد بينه وبين خطاياه كما باعدت بين المشرق والمغرب
    اللهم نقه من الخطايا والذنوب كما ينقى الثوب الأبيض من الدنس
    اللهم اغسله بالثلج والماء والبرد
    اللهم أبدله داراً خيراً من داره وأهلاً خيراً من أهله
    اللهم اجمعنا وإياه في مستقر رحمتك
    اللهم انا نسالك بأسمك الاعظم ان توسع مدخله
    اللهم آنس في القبر وحشته
    اللهم ثبته عند السؤال
    اللهم لقنه حجته
    اللهم باعد القبر عن جنباته
    اللهم اكفه فتنة القبر
    اللهم اكفه ضمة القبر
    اللهم اجعل قبره روضة من رياض الجنة ولا تجعله حفرة من حفر النار
    اللهم إن كان محسنًا فزد في إحسانه، وإن كان مسيئًا فتجاوز عن سيئاته
    اللهم ألحقه بالشهداء
    اللهم آتيه كتابه بيمينه
    اللهم افتح عليه نافذة من الجنة واجعل قبره روضة من رياضها
    اللهم أحسن عزاءنا
    ونسأله أن يلهمنا الصبر و السلوان وحسن العذاء
                   |Articles |News |مقالات |بيانات

13-06-2009, 07:18 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد آدم النور)

    اولا" ننزل ليكم قصيدة عمر نملوز وبعدين اقرأ
    مداخلاتكم الكتيرة دى اصلى احيانا" بقرأ البوست
    من ( تحــت ) واطلع الى اعلى



    تكملة قصيدة الكمندان محمد صديق

    يا مرسوم فى حتة ورقة.. وطالع من كباية شاى
    زعلت عليك ابله نظيرة.. ومنصور حردان الشاى

    شيخ العشري مره اتنهد وقال حاجات كمان مولاي

    العباسي عامل غلبه وناس طبالنا يدندنوا ساي

    قبل الفكره نقرش زيكو وناس بكوره في الهباباي

    بعد الليل ارخى سدوله احمد كاشف صدح دوباي

    ود البرعي هاني اتبسم ود ابقرجة قال ياقساي

    خالد بنها انامله حريره وبحت صوته تقول قمراي

    ناس الكوره حكمهم صفر ود الحوري قال هاي هاي

    لتنس الطاوله اتلموا عمالقه ودالحبر وود جبراي

    ود يس اتحدا نجيله وابراهيم عزف الناي

    مجدي ابسن مهاره عجيبه وزهير الطب حريف داوي

    محي الدين وامونه الحلوه صارت مطلب كل جكساي

    للحلوين طل حنينا سالم طايب كل بكاي

    عبد الدائم مره اتكسر قال خدوري مسبب اساي

    ود الجعلي عادل علق اضحك كل من مره وجاي

    عبد الماجد راجل صالح ماتقول جبهه وساي

    بدرالدين اشعاره بديعه تفرح تسعد كل غناي

    عبدالهادي وقصه قصيره يحبك فيها زي بناي

    الادروب وهباني اجتمعوا بديروا يملكوا الراي

    جلالنا الصالح شمر وقال ياجموعنا علينا بجاي

    ناس المسكن والقوميه جمعوا صفوفهم وعقدوا الراي

    لي لكوز بيدورا يداهموا يعصروا عليهم يزازوهم زاي

    مايفارقوهم الا يقرضوا كل مايؤكل حتى الشاي

    ناس لكوز عايزين الستره وناس المسكن اتمهلوا ساي

    اجمعنا في لحظه صفوه واتفارقنا بمعزوفة نآي

    اطايبنا واطابلنا واتسامرنا بلحن الراي

    نهاية الامر اجمعنا حبايب بشرق الدلتا معانا اجاي

    ----------------------------

    سالت عليك يامهمومه واتعمدت اكون نساي

    يامختومه بطرقه كسره يا حيرانه معدومه راي

    يامنحوته جوه الذاكره ويامحميه بورد اباي

    ياناكرانا وطاريه جمايلك ارهفي حسك معانا بجاي

    اتيقنت وقلت ابيعك بس لاقيتك ساكنه حشاي

    كم حاولت افوتك واهرب ياممهوله اتركي خطاي

    ياتاعباني وساكنه فروضي ريحي بالي وكوني غطاي

    جوه الفكره اتلاشى وجودك وجوه وجودك وجدت مناي

    الا قليلا بديت ترتيلي جردت ورودي بلالوباي

    بعد النصف اطمئن قليبي وصرت احساس من رباي

    من ترتيلي اعدت وجودي اصل العوده في جواي

    يامشوار خطاواتك كترت رفقا وقف عود لحناي

    بس الرجعه صعيبه علينا اصله الغربه سم هراي

    سم الافعى علاجه بتفله الا الغربه ورم فشاي

    مهما تحاول تبتر تقطع تلقى دروبوا كل خلاي

    حسمت الغربه حكيها وقالت: عرفتوا جناي ؟عرفتوا دواي؟!

    لدروابي حقوا تفارقوا وجوه الدار اهجسوا جناي

    الا دروبك مااظن تكمل الا عيالك يعقدوا راي

    11 يونيو 2009
                   |Articles |News |مقالات |بيانات

13-06-2009, 07:57 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    صباح الخير يا وجوه الخير،،،
    ماشاء الله فارقت البوست ده يوم الخميس
    اليوم صباح السبت والبوست مردوم ردم الجن
    الله يديكم العافيه يخدر ضراعكم .

    د. الصادق طلتك علينا تفرحنا فلا تحرمنا من وجودك
    كفارة وسلامات يا طارق جبريل وناس المغرب كلهم كرامتك
    ومعليش ترجع لينا بالسلامة متعافي من المرض ، أخونا تجتوج
    واصل إبداعاتك .
                   |Articles |News |مقالات |بيانات

13-06-2009, 08:07 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    خالص العزاء لأخونا محمد آدم النور
    في وفاة عمه ،،، تغميد الفقيد بواسع
    رحمته والهم أهله وذويه الصبر والسلوان

    إنا لله وإنا إليه راجعون
                   |Articles |News |مقالات |بيانات

13-06-2009, 07:41 AM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    سلامات يا ناس

    طارق جبريل كفارة وسلامتك باين عليك اتعشيت بى عنقريبين ونسيت

    تشرب بنبر...

    يا جماعة حنعمل قصيدة عكسية لى عيدحأبدأ انا....

    يا داخل فى قلوبنا الجوة

    وغايب من حوشنا طويل

    راجين يا سيدنا الطلة

    وما شوقنا بحاكى السيل



    ____________________________________

    الرشيد...القصيدة الفى المداخلة الفاتت با ريت ما تمر ساى

    سمعونا رايكم.....


    اتذكرت طرفة .....فى واحدة من المدن الاشتغلت فيها كان فى واحد

    تاجر حمير ...مع عدم المؤاخذة يعنى ...يصحى بدرى يجهز الحمير

    للسوق..يصحى بت الشيخ حقتو...يوقفها قدام الحمير ....ويقول ليها

    اها سمعينا كلامك فى كل حمار...بت الشيخ تقول ليو ده بندفع فيو 100

    وده 120 ...وتستمر هكذا مع كل الحمير...اها زولك لما يمشى السوق

    ويجى مشترى يعرض عليه سعر...يبرم شنباتو ويحلف بالطلاق صادقآ.....

    على الطلاق قبل شوية سمعنا فيو 120..

    على الطلاق انا قصيدتى الفاتت دى قريتها لى بت الشيخ ادتنى فيها مليون!!!!!


    تعالو اشربوا الشاى
                   |Articles |News |مقالات |بيانات

13-06-2009, 07:55 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    انا لله وانا اليه راجعون

    نشارك الاخ العزيز / محمد آدم والاسره جمعاء الاحزان فى

    وفاة عميد الاسره الحاج / بله النور حسن

    ونسأل الله ان يتغمد الفقيد بواسع رحمته
    وان يغسله من ذنوبه بالماء والثلج والبرد
    وان يباعد بينه وبين خطاياه كما باعد بين المشرق والمغرب
    ونسالك اللهم ان تجعل قبره روضة من رياض الجنة
    وان تنجه من عذاب القبر
    وان تنزل على قبره شآبيب رحمتك
    وتجعله فى عليين مع الصديقين والصالحين
                   |Articles |News |مقالات |بيانات

13-06-2009, 08:50 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    البركة فيكم يا جلا
    ربنا يتغمده بواسع رحمته
    وانا لله وانا اليه راجعون
                   |Articles |News |مقالات |بيانات

13-06-2009, 11:13 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    صادق العزاء للأخ محمد آدم النور في وفاة عمه
    نسأل الله له الرحمة والمغفرة وأن ينزله منازل الصديقين و الأبرار وأن يلهم
    آله وذويه الصبر و السلوان

    اللهم أجعلها آخر الأحزان
                   |Articles |News |مقالات |بيانات

13-06-2009, 11:52 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    رسالة من بكرى ابوبكر
    Thanks for all of you ,there are errors in the server and upload application and I am working on it.... to fix the errors ...please if you missing any pictures re-upload it again

    يعنى يا قــدورة ما اتهنيت محمد عيد تعبو راح شمار فى مرقة حلة بسلة كاربة

    دى عوجة والله
    يلا شدو حيلكم اى واحد نزل ليهو صورة فى الصفحات الفاتت يرجع يحملها تانى

    بختك يا جلا يا مرتاح ...
                   |Articles |News |مقالات |بيانات

13-06-2009, 12:13 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: اعتذر يا شباب للغياب
    لازمت السرير الابيض منذ اسبوع ولا زلت
    دعواتكم


    يا طارق جبريل...أجر وعافية ان شاء الله

    اللهم رب الناس...اذهب البأس...اشفي أنت الشافي...لا شفاء الا شفاؤك...شفاءا لا يغادر سغما
                   |Articles |News |مقالات |بيانات

13-06-2009, 12:16 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: الرشيد...القصيدة الفى المداخلة الفاتت با ريت ما تمر ساى

    سمعونا رايكم.....


    محمد صديق...ان شاء الله نجيها ليك برواقة مساء اليوم...أنا يا دوب واصل المكتب بعد سواقة
    طويلة...و أول ما تدخل المكتب عينك ما تشوف الا النور...
                   |Articles |News |مقالات |بيانات

13-06-2009, 12:35 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    رسالة من أخونا العزيز تجتوج
    يعزي الحبيب محمد آدم النور
    ======================


    مداخلة لتعزية حبيبنا جلا‏

    الريس ميسرة

    صبحك الله بالخير والعافية ،
    استأذنك يا حبيب بأن أطل عبركم
    على حوشنا الذي اصبح زادنا ومنتفسنا الوحيد في هذه الغربة
    ولأنك كبيرنا لذا نلجأ لك وقت الشدة والحوجة واود من خلالكم ان أعزي توأمي
    وأخي وحبيبي وحبيب الحوش الغزيز محمد ادم النور حسن سرور - جلا- في وفاة عمه وعميد أسرتهم
    وبشر الصابرين الذين إذا أصابتهم مصيبة قالوا إنا لله وإنا اليه راجعون) . صدق الله العظيم)
    نسأل الله ان يسكن الفيد فسيح جناته مع
    الشهداء والصديقين
    وأن يتقبله قبولا حسنا
    وإن كان مسيئا فيتجاوز عن سيئاته
    وان كان محسنا فليزده إحسانا
    وان يلهمهم وزويه الصبر وحسن العزاء
    --------------------------------------------
    وكذلك التعازي للاخ العزير صلاح بله
    ونسأل الله ان يصبرك على هذا الفقد
    إني والله احس بحزنك يا جلا
    لأني اعرفك جيدا تحمل قلب صافي كما الأطفال
    ودواخل مملؤه بالحنين والمودة

    تاج الدين الخليل

    (عدل بواسطة ميسرة سيد أحمد on 13-06-2009, 03:41 PM)

                   |Articles |News |مقالات |بيانات

13-06-2009, 03:53 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)





    لو كان هناك عصفور جميل يقف فوق شجرة ويغرد بصوت جميل ومر على هذا العصفور أشخاص من هذه الجنسيات, فماذا سيفعل كل منهم؟



    الفرنسي: يغني مع العصفور ويقلد صوته


    الاسباني: يرقص على أنغام صوت العصفور


    الايطالي: يرسم هذا العصفور على لوحة كبيرة


    الهندي: يقوم بعبادة هذا العصفور وتقديسه


    الصيني: يأكل هذا العصفور


    الياباني: يصنع عصفور الكتروني يماثل هذا العصفور بالشكل والحجم ويصنع جهاز لترديد نغمة هذا العصفور


    الإسرائيلي: يبدأ بالبكاء ثم يقوم بالمطالبة بملكية هذا العصفور باعتباره من نسل هدهد سليمان عليه السلام ويطالب جميع الأشخاص الذين مروا على هذا العصفور بدفع ثمن مشاهدة هذا العصفور


    الامريكي: يصنع فيلم عن حياة هذا العصفور وعن علاقة المسلمين بالإرهاب


    المصري: يبيع كل شئ ويقلد الفيلم الأمريكي والإسرائيلي ويقوم أحمد السقا بتمثيل دور جميع الأشخاص الذين مروا على هذا العصفور


    السوري: ينتج مسلسلا عن العصفور وقصة أجداده (العصفور القديم) حتى الآن ويقوم بوضع إسقاطات تاريخية وسياسية على حياة هذا العصفور العربي وتاريخه ونضاله القومي العربي . . .

    السعودي: يرمي العصفور بالنعلة بينما صديقه يوثق اللقطة بتصويرها بكاميرا الجوال لينشر المقطع بالبلوتوث والمنتديات الالكترونية .



    السوداني :0000000000؟
    السوداني :____________________؟

    نطمع في تعليقات جميع المتداخلين والمتاوقين عبر النفاجات ولا نقبل الزوغان
    في الإنتظار يا الأحباب .
                   |Articles |News |مقالات |بيانات

13-06-2009, 04:17 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    أسرع هدف في المباراة تم تسجيله بواسطة
    أخونا تجتوج ،،،، وهذه هي المداخلة الخاصة به

    ===================================

    مساء الخير يا ريس ويا احباب

    تحية الود والمحبة والأخوة للعزيز طارق وجبريل

    والف سلامة ليك وشرك مقسم في الدقشم
    ----------------------------------------------


    الريس ميسرة

    العصفور والسوداني

    اتوقع السوداني ما حيلاحظ وجود العصفور اصلا

    من زحمة الحياه والجري وراء المعايش والسخانة بتاعت الجو والجيب
                   |Articles |News |مقالات |بيانات

13-06-2009, 04:37 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    يا ريس

    الســـودانى حيضيع الزمن فى تصنيف العصفور

    هل هو هلالابى ولا مريخابى ..

    وهل هو اتحادى ولا حزب امة ولا جبهة اسلامية ..

    ولا من حزب البهجة بتاع ناس منصور والرشيد ومحمد عيد ..؟!
                   |Articles |News |مقالات |بيانات

13-06-2009, 05:36 PM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    عزاءنا موصول للاخ محمد نور - جلا
    وكذلك للاسرة الكريمة
    لوفاة عميد الاسرة عمه
    انا لله وانا اليه راجعون ...


    حبيبنا طارق جبريل ...
    الف لا بأس عليك
    سلامتك ... نتمني لك الشفاء العاجل
                   |Articles |News |مقالات |بيانات

13-06-2009, 05:03 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    عزيزي ميسرة..
    أول حاجة خليني أرجع ليك للمسلسل السوري...كان سموهو عصفور الحارة...

    تانيا...ياخي غنانا السوداني كلو طيور و عصافير وعلى سبيل المثال هاك ديل...

    ابني عشك يا قماري .. طيري يا قمرية ركي في الزنكية..لاح الصباح والبلبل الصداح يا حبيب ... ثم الحمام .. يا حمامة مع السلامة .. يلوحن لي حماماتن .. حمامة الغصون.. وهنالك الوزين .. يتاتو مثل جنى الوزين .. وهناك طير الرهو... والطير الخداري... عصفور الجنة .. هجرة عصافير الخريف... والله نحن مع الطيور الما بتعرف ليها خرطة...

    والله يا ريس الطيور ذاتة تلقاها حسه محتارة في السودانيين ديل...و أظنهم تسائلوا كثيرا في مؤتمراتهم سواء كانت في الهجرة ولا مواطنهم...يا ربي السودانيين ديل بيغنوا لينا حب ولا اشتهاء
    آخذين في الاعتبار الوضع الاقتصادي عندما صدرت هذه الأغنيات...السوداني عمره ما كان عندو مشكلة
    مع الجداد...جداد بلدي كان أو جداد خلا...حصل سمعت ليك أغنية سودانية فيها جداد...زي مثلا يقول
    ليك حبيتي تقدل قدل الجداده...يعني زي في المثال الذي ضربته سابقا بتاع لاح الصباح و البلبل الصداح
    يا حبيب...كان ممكن يكون والديك الصداح يا حبيب...
    كل الطيور صوتت لي أن السودانيين يتغنون بهم محبة وليس اشتهاء ما عدا أغلبية الجداد صوتوا ضد
    القرار...أما بعض الجداد فلقد صوت مع القرار باعتبار أن الراحل مصطفى سيدأحمد قد شملهم بغنائه
    لكل الطيور... و قرر ديك ما بغباء التصويت مع القرار رغم علمه ان الجداد لا يهاجر...

    باقى الدجاج انسحب من المؤتمر...و قالوا و الله السودانيين معاهم حق يقولوا ديك العده...الزول
    الغبي الصوت مع القرار ده أكيد ديك العده..
                   |Articles |News |مقالات |بيانات

13-06-2009, 05:34 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    Quote: وحين هاجت الرؤى ...

    تسللت خطاى خلسة ..تروم

    فى خبايا الليل حانة النخيل

    كى أبادل الصحاب رفقة برفقة

    وكأسة بكأسة..

    أدور فى فواصل الهديل

    أستبين فى طلاوة الحديث..

    روعة السهر

    أحدث الصحاب عن صبابتى

    وعشفى القديم والمقيم

    عن دمى الذى استبيح ألف مرة

    ولم يزل

    وعن قساوة التى ...

    تخبىء الشموس خلف ليلها

    ولا تسل

    وعن ..وعن...وعن

    فهل ترى هناك ثم رفقة وكأسة

    وهل ترى ..

    هناك من بقاسم الحديث والسهر؟؟؟؟؟؟؟؟


    محمد صديق...سأحاول أن أقدم نقدا يتناسب و امكانياتي...فأدواتي النقدية ليست كأدوات الرائع عروة
    و الذي أرجو عودته ولو من خلال رؤية نقدية لهذه القصيدة الجميلة...
    أولا: ربطتني علاقات طيبة مع عدد من الشعراء الكبار...فوجدتهم كلهم يراجعون القصيدة عدة مرات
    قبل نشرها...فيقومون بمراجعتها مرة واثنتان وثلاث ثم ينشرون...

    ثانيا:أعتقد ان استخدام كلمة كأسة لوزن القصيدة غير صحيح...فالكلمة كأس...أما كاسة فتستخدم
    في الدارجة الشامية...يا سقاة الكأس من عهد الرشيد...
    وقال عمرو بن كلثوم في معلقتة
    صببت الكأس عنا أم عمرو....... وكان الكأس مجراها اليمينا

    ثالثا: هنالك تقديم وتأخير لبعض الكلمات...مثلا..فهل ترى هناك ثم رفقة وكأس...أعتقد الأفضل لو
    كانت...وهناك هل ترى ثم رفقة وكأس...

    غير ذلك أجد القصيده جميلة وهي وليدة خواطر تزاحمت بوجدانك لحظتها فوجدت اصابعك تغازل الكيبورد
    ثم الينا...نشكرك عليها وعلى أن شاركتنا لحظة الميلاد...فالقصيدة فريش...واصل ابداعك و تألقك...

    (عدل بواسطة الرشيد بابكر on 13-06-2009, 05:37 PM)

                   |Articles |News |مقالات |بيانات

13-06-2009, 05:54 PM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    طبعا بخصوص تكملة قصيدة اخونا محمد صديق التي كتبها في اخونا محمد عيد
    وبعد مداخلة اخونا عمر نملوز الرهيبة
    التي اجاد فها كثيرا
    وتنم مقدراته عن كوامن صادقة تجاه ذكريات الزقازيق
    وياشباب اخدو وقفة مع ابيات اخونا عمر نملة
    فقد جال بأغلب شخصيات الزقازيق وذكر اسماءهم وما يشتهرون به
    قصيدة للتوثيق ....

    واخونا محمد صديق فتح نافذة ثانية للقصيدة
    بس نحنا بنختم القصيدة الاولي بـ ....


    فكو دربو ود عيد التحفة
    ده درويشنا لافي في درب الفن ساي
    لودخل في كباية او فنجان او رقة صحيفة
    ده درتنا وحبيبنا ده لارواحنا جلاي
    من غيرو البوست صقيعة
    لاتشردوه خلوه اليمرح معانا بي جاي


    ونواصل في القصيدة الجديدة
    وعصفورة اخونا الريس
    التي اعتقد ان السودانيون بكونو حتي الآن في تحديد
    هل هي عصفورة ولا حمامة وغراب ...
    عشان بعدها اقرروا يعملوا شنو ...
    وولدنا الحبيب الرشيد بابكر ماقصر مع الشعراء
    الكتبو عن جمال الطيور ... بس دي فئة جمالية
    تعبيرها فني راقي ... مرهف
    ومازالت واقعية سؤال الريس قائمة ...

    [email protected]
                   |Articles |News |مقالات |بيانات

13-06-2009, 07:05 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ياسر نجيلة)

    اتصلت مساء البارحة بسناء الصباغ للاطمئنان عليها بعد طول غياب ووصلت ليها سؤال كل الناس
    بالبوست عنها...سناء قالت انها متابعة وباهتمام في الوقت القليل الذي تجده...وهي تجد البوست
    ممتعا جدا ولكن ظروفها القاهرة تمنعها من المشاركة...فسناء ابتدت ليها قراية كبر كده تشغلها
    كثيرا...كما وان وعكة صحية المت بابنتها الصغرى شغلت اسرتها لفترة طويلة...المهم هي و الأسرة
    بخير الآن وستحاول أن تجد لنفسها بعض الوقت لتهل علينا....
                   |Articles |News |مقالات |بيانات

13-06-2009, 09:10 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    سلامات يا ناس

    صادق التعازى للاخ محمد ادم والعزاء موصول للاسرة الكريمة بكسلا

    الرشيد شكرآ للاهتمام وسأقوم بمراجعة ما ذكرت

    ياريس بيقولو فى المثل { العيش مصيرو الطاحونة } ونحن بنقول :

    العصفور مصيرو النبلة او النبالة بلهجة ناس كسلا

    قصيدة عمر رائعة وهى توثيق بديع لشخصيات من الزقازيق لايمكن ان

    تنسى...

    منصور قالوا رابيها بى هناك
                   |Articles |News |مقالات |بيانات

13-06-2009, 09:42 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    التحية لكم جميعاً وأنتم تواصلون هذا الإبداع الممتد وهذه الإلفة والمحبة
    والتحية لكم وأنتم تمدون جسور التواصل اسفيرياً وهاتفياً وبكل السبل
    وتعجز الكلمات تماماً ان توفيكم حقكم ولكن ثقوا بأن مكانكم في القلب يحتل الطبقات العلى

    نبدأ بسم الله بتقديم واجب العزاء للأخ (جلا) في فقدهم الاليم
    ونسأل الله أن يتغمد الفقيد بالرحمة والمغفرة وان يتقبله القبول الحسن مع الصديقين والشهداء
    والعزاء موصول للاسرة الكريمة

    ومن ثم نتقدم للأخوة في جدة ومكة برقيق كلمات الاعتزار لعدم تمكننا من الاتصال عليهم اثناء رحلتنا لإستقبال الخبراء الأجانب
    بمطار الملك عبدالعزيز بجدة - لظروف برلمة آخر الزمن وضياع الموبايل وبه كل ارقام الاتصالات ورغم انني استخرجت شريحة جديدة
    وبنفس الرقم في المطار الا ان ارقام الريس وديدو ومحمد عيد وسيد الحوش طارت هباءا منثورا ولم يحالفنا الحظ في لقياء عابرة نبلل بها شوق كل هذه السنين.
    ولكم العتبى حتى ترضوا - بس جاينكم قرييييب بس يخلص هم المدارس ...........
    المهم طار الخبراء الاجانب من جدة بعد أداء العمرة للمدينة المنورة ومنها للقصيم والرياض التى وصلناها أمس مساء
    ودخلنا المعسكر المقفول استعداداً لدوري المجموعات.

    شكرا أحمد اسماعيل وشكرا موسى عيسى والمؤتمر الصحفي سوف يعقد قريبا لتوضيح ملابسات البرلمة وغيرها شكرا ...

    شكرا الرشيد وسعدت كثيرا بسماع صوتك مساء اليوم وكم فرحت بهذه المكالمة ولك منى كل المنى
    شكرا زهير ... وسعدت كذلك بمكالمتك رغم أنها ما شحمانة زي حقت ناس الامارات لكن برضو بلت الشوق شوية

    وطبعا يا اخوان ادونا فرصة نذاكر من اول الميل 32 وبنجيكم جرى عشان نلحقكم.
                   |Articles |News |مقالات |بيانات

13-06-2009, 10:19 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    محمد آدم النور العزيز والحبيب
    احسن الله عزاكم فى العم عميد الأسرة
    اللهم تقبله قبولا حسنا
    اللهم اغسله بماء وبرد وثلجد
    نفه اللهم من الزنوب والخطايا كما ينقى الثوب الأبيض من الدنس
    اعزرنى يا جلا الحبيب فى تأخر هزه التعزية الواجبة
    ولكن اليوم عندى فى الرياض
    كان يوما عمليا مختلفا
    حاولت انجاز بعض الأعمال فى الداون تاون قبل الزهاب للمكتب
    فندمت على هزه الفكرة اشد الندم
    درجة الحرارة فى الرياض اليوم قرأتها فى ترموتر العربية
    الساعة حداشر ونص قبل الظهر و درجة الحرارة كانت مابين التسعة واربعين والخمسين
    وزحمة السير حكاية ما تتوصف
    صحيح انى عملت بعض الأنجازات
    لكن عند الوصول للمكتب
    كنت محتاجا لى جردل موية عشان اقدر اشوف قدامى
    قلتوا لى رمضان متين ؟؟!!
    جلال عثمان حمد الله على السلامة للخبراء الأجانب
    اما العصفور يا ريس ميسرة
    فبعد ما الجماعة ديل رسموهو وصوروهو وعملوا ليهو زمبلك
    نحن نقعدوا ليك فى واطة الله دى
    ونسالوا انت اهلك من وين يا جنا
    محل ما يقبل ويقول
    تلقى زول سالو (بتعرف فلان الفلانى )
    فى النهاية يطلع نسيب الجماعة كلهم
    وجارهم كلهم
    وقرا معاهم كلهم (احتمال فى الزقازيق)
    وفى النهاية نخلى تجتوج يحاوروا ليك لمن يآمن
    ومجمد صديق يقطع ليهو الكورة فى راسو
    وبعد ده كله
    ننتهى ليك من الراجل
    ونخلى محمد عيد (يدخله جوة القفص ) كان ما بى نبلة
    فبالفوتوشوب
    وننتف ليك ريشه يوم الخميس
    ونختلف على انو , نشويهو , ولا نحمره بالزيت
    ونأكله
    آى ناكله , بتعاينوا لى مالكم
                   |Articles |News |مقالات |بيانات

14-06-2009, 06:17 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: منصور عبد الرازق)

    أصبحنا وأصبح الملك لله وحده لاشريك له, له الملك وله الحمد وهو على كل شيئ قدير. اللهم أني أسألك خير هذا اليوم فتحه ونصره ونوره وبركته وهداه وأعوذ بك من شره و شرمابعده. اللهم لاتدع لنا ذنبا الا غفرته ولا عيبا الا سترته ولا هما الا فرجته, ولا دينا الا قضيته ولاحاجه من حوائج الدنيا والأخره هي لك رضا ولنا صلاحا الا قضيتها ياأرحم الراحمين وصلي اللهم على محمد وعلى اله وصحبه اجمعين
    اللهم ارزقنا الجنة وحسن الخاتمه وأعذنا من النار والعذاب.
    ياحي يا قيوم برحمتك نستغيث
                   |Articles |News |مقالات |بيانات

14-06-2009, 07:13 AM

عبد الدائم سيد أحمد
<aعبد الدائم سيد أحمد
تاريخ التسجيل: 28-10-2006
مجموع المشاركات: 4220

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    طارق جبريل سلامتك
    انت ما ملاحظ فى الفترة الاخيرة دى شــكيتك بقت كتيرة

    ـــــــــ
    الف سلامة يا سناء الصباغ للبنيـه السكرية وربنا يديها الصحة والعافية

    اللفى البروفايل ديل بنات حاتم جبارة ، طالبين بـ GBP
                   |Articles |News |مقالات |بيانات

14-06-2009, 07:46 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: عبد الدائم سيد أحمد)

    جلال هنيئا لك بالخبراء الأجانب...بعد كده نتوقع انه يظهر تغيير في طريقة لعبك والتزامك
    الخططي...
    عندنا فيما يعرف بالمشاريع الانشائية أو مشاريع التشغيل والصيانة بنعمل تقارير يومية واسبوعية وشهرية وربع سنوية...الخ... وهذه التقارير عادة ما تكون مصحوبة بالصور...صور تكون قبل وبعد
    لتبين التطور في العمل...
    مطلوب منك انزال صورة حديثة الآن...واضحة وكاملة المعالم...وأخرى بعد أسبوع من الآن...وكل أسبوع
    صورة حتى سفر الحاجة الى السودان...
    قف...وفد من زقازيقي الرياض بقيادة منصور سيقومون بزيارتكم للاطمئنان على التمارين...وامكن يجرو
    دمهم شوية معاكم بجكة جكتين كدة...أما أنا فلو جكه منصور زي الجكتين أنا...
                   |Articles |News |مقالات |بيانات

14-06-2009, 08:00 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    صباح الخير يا وجوه الخير،،،
    سعدنا اليوم بأخبار أختنا سناء الصباغ
    ونتمنى عودتها ولأبناؤها الصحه والعافيه

    جلال عثمان ،،، غير مقبول ،،، أبداً،،،،،
    نتظر هذه الفرصة بفارق الصبر ،،، ولكن
    حمد الله على سلامة الأهل ونتمنى أن يكون المعسكر
    الصيفي مكرب مع إرتفاع درجة حرارة مدينة الرياض

    مازال العصفور طليق بعد أن أكله أخونا منصور
    في إنتظارك يا ديدو علشان تغني لينا يا عصفورة يا رقاصة
                   |Articles |News |مقالات |بيانات

14-06-2009, 08:23 AM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    وصفات صباحية من أحمد اسماعيل

    Quote: سلام الله ورحمته لأهل الحوشوالمتاوقين
    الأخ محمد آدم أحسن الله عزاكم وألزمكم الصبر
    على فقيد الأسرة ربنا يتغمده بواسع رحمته ومغفرته
    وإنا لله وإنا إليه راحعون

    البقبق مفروكة بامية الخريف عيونها كبار كما قال الكمندان محمد صديق
    اما العفوص ليس بدولاب ، لكن التبلدي أساسي فيه لذلك السؤال هذا يحول
    للأخ /صالح تبلدينا

    اما الكول اساسه نبات له ساق معتدل طويل ويتفرع منه صفق شبيه بصفق
    نبات الفول السوداني ينمو بكثرة في مسيل مياه الأمطار ولاتأكله اي بهيمة

    كيفية تحضير المادة التي تؤكل
    يجمع ورق نبات الكول بكميات كبيرة ويخمر في أزيار مدفونه في الأرض
    لمدة أسبوع أو اكثر يتحول الكول إلي عجينة سميكة تقطع وتجفف على
    حرارة الشمس ثم يدق اويسحن ويكون جاهز للإستخدام،لونه اسود ورائحته
    مزعجة للذي لايعرفه.؛

    فوائد الكول
    مليء بالبروتينات والفتمينات ويفتح الشهية
    يظبُط تقريبا كل ملاحات العصيدة بالأخص عند إضافة السمن البلدي
    ياجلا تقطع أصابعك وراه
    وخذ هذه ياود النورمن الأكلات الشعبية لدينا
    عصيدة الجير، عصيدة الدامرقة،عصيدة المكنفتة، القُوقُراوالكُوكُر
    ملاح الفرندو، ملاح المندجي ،ملاح الكاشيت، ملاح العيير ، التمليقة

                   |Articles |News |مقالات |بيانات

14-06-2009, 09:18 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    وصفت بأنها أبشع جريمة قتل حصلت في الكويت عن 1429هـ


    الأب كل يوم يوصل ابنته وهي بنت16 سنة إلى المدرسة ،ذات يوم يرن
    هاتف المنزل .

    ويرد الوالد وإذا بي مديرة المدرسة تقول له :
    أنت والد فلانة : قال نعم :قالت ليش بنتك صارها اسبوع غائبة عن
    المدرسة .

    بدت علامة التعجب واضحة على الأب : الأب أنذهل وأجاب كيف هذا الكلام وانا
    اوصلها كل يوم الصبح بالسيارة
    >>>.
    >>>
    وجلس الأب فى حيره من أمره،ولم ينم طول الليل .
    >>>
    وفى ثاني يوم .
    >>>
    >>> ‏الاب يوصل ابنته ويراها تدخل المدرسة فالاب يختبىء قرب المدرسة واذا
    المفاجأة ....؟
    >>>
    انه يرى ابنته ،تخرج وتذهب مع شاب في سيارته ،يمشي الأب وراء ابنته
    ويراها تنزل مع الشاب وهي فرحة ثم يدخلون عمارة وتدخل
    معه شقة ما كان على الأب المسكين
    الا ان طار عقله وتماسك نفسه
    >>>

    وبعد قليل دق جرس الباب فتح الشاب وإذا بوالد الفتاة ويرى ابنته


    تصرخ الفتاة أبوي وتبدأ المعركة بين الشاب وأب الفتاة ، ولكن تسرع
    الفتاة إلى المطبخ وتحضر سكين


    وتزرعها في قلب الأب فيقع على الأرض مغمى عليه ، فتقوم الفتاة والشاب
    بتقطيع الأب الى أشلاء .

    >>>

    ومن ثم يضعونه في الغسالة ،مع مسحوق تايد لازالة رائحة الدم، ويتم فرمه ووضعه في اكياس
    ومن ثم ينزلون وياخذون الجثة ويرموها بعيد
    وتعود الفتاة الى البيت وكأنه لم يحصل أي شيء .
    وهي تقول وين ابوي .


    ليش ما ذهب الى المدرسة ليأخذني وصار لي ساعة انتظر وما ايجى
    وجيت مع صديقتي
    >>>
    !
    !
    !
    !
    !
    !
    !
    !

    >>> ‏وبعد ساعات من الانتظار: واذا جرس الباب يدق.
    >>>
    فتحت الفتاة الباب وكانت المفاجأة، اذ ان اللي على الباب .....



    !
    !
    !
    !
    !
    !
    !
    !


    >>> ‏كان ابوها
    >>>
    >>> ‏فتصرخ الفتاة وتقول ابوي كيف هذا ..
    >>>
    >>> ‏اجابها:
    >>>
    >>> ‏يا بنتي (( مع تايد للغسيل ما فيش مستحيل ))




    معليش يا حلوين كنا نختبر قوة تحملكم للصدمة
                   |Articles |News |مقالات |بيانات

14-06-2009, 10:30 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    أخونا أحمد إسماعيل بدأت تلفت
    إنتباهناعلى بعض التراث الشعبي
    ولا بأس بأن نفهم المصطلحات التي
    تدور في بعض المناطق الجغرافيه وبما
    أن السودان قارة ومتنوع الثقافة والتوجه
    ولو أمكن أن يحذوا الآخرين حذوه ولنعرف بعض
    أكثر حتى بعد فترة الزقازيق .
    =============================

    من أقوال أحمد إسماعيل:

    عصيدة الجير

    عصيدة الدامرقة

    عصيدة المكنفتة

    القُوقُراوالكُوكُر

    ملاح الفرندو

    ملاح المندجي

    ملاح الكاشيت

    ملاح العيير

    التمليقة


    أكمل يا الحبيب ....؟
                   |Articles |News |مقالات |بيانات

14-06-2009, 10:58 AM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    درجة الحرارة تجاوزت الـ 45 درجة ، ونسبة الرطوبة 83%

    تعالو نيتسم قليلا

    * جعلى ركب الطيارة حلف على بناته بالطلاق .. يساعدن المضيفات .

    * جعلى الدكتور جاهو طالع من غرفة الولادة قال ليهو أبشر بالخير

    مرتك جابت تومتين .. الجعلى قال للدكتور على الطلاق تشيل واحدة .

    * مسطول جا جنب يافطة طلمبة أجب ... طلع بالسلم وكتب بعدها بلا او نعم

    * مسطول قامت ليهو حبه فوق حاجبه .. وقف قدام المرايا وعاين ليها وقال

    هسه دى يقولوا عليها عــين ولا غــين .

    * مسطول مرتو ماتت قالو ليهو نديك اختها .. قال دى نســـابة ولا شركة تأمين .

    * دنقلاوية فتحت جواز سفر زوجها لقت مكتوب رجل أعمال مسحت اعمال وكتبت عوضية .

    * مسطول قالو ليهو البنقو يؤدى للموت البطىء قال انا ذاتى ما مستعجل !!

    * مســطول مشوكش سألوه عن اجمل بيت شعر شنو ؟؟ قال كلما نربى كتكوت يكبر يفوت !!

    الله يروق ايامكم

    (عدل بواسطة محمد عيد on 14-06-2009, 01:52 PM)

                   |Articles |News |مقالات |بيانات

14-06-2009, 01:52 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    يا ريس ويا محمد عيد يخرب مطنكم...أشعتم جو من البهجة في هذا اليوم الحار..

    يا ريس...تنفع مخرج...تجهجهنا وفي الآخر تقول لي مع تايد الغسيل مافيش مستحيل.

    تعرف يا ريس الفكرة دي ممكن ناس تايد يشتروها منك بي ملايين...بس حيكتبوا الدعايات التالية
    تمنع لمن هم دون ال16 عاما أو المصابون بأمراض القلب لأنها تحتوي على مشاهد رعب...

    محمد عيد عارف النكات دي ذكرتني بمحمد المرتضى...كنت بقول ليهو يا مرتضى أحكي لي مائة نكتة
    لو ضحكت في واحده فيهم أنا عازمك في أي مكان تختاره ولو ما ضحكت العزومة عليك...فيبدأ يحكي
    في نكات كل واحدة أظرف من التانية و أنا زي الحجر...بعدين تكون العزومة عليهو لكن أنا البدفع..
                   |Articles |News |مقالات |بيانات

14-06-2009, 02:21 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    بمناسبة درجة الحرارة العالية يا محمد عيد أذكر أن خالتي كانت في زيارة للسعودية مع بنتها
    زي الخبراء الأجانب بتاعين جلال...وقضت معهم 6 شهور كاملة ما طلعت فيها من باب البيت...كلها
    تحت المكيف...وبعد ان اقضت الفترة رجعت الى السودان...و فور نزولها من سلم الطيارة في مطار
    الخرطوم وكانت درجة الحرارة قد تجاوزت ال45 سقطت على الأرض مغشيا عليهامن شدة الحرارة...
    و قالوا السترة والفضيحة متباريات...أنا ماشي الخرطوم في يوليو وبيني وبينكم خايف يحصل لي زي الحصل لي خالتي ده...بعد فترة غياب تزيد عن السنتين كلها تحت التكييف مش ستة شهور...عشان
    كده أرسل رجاء الى زهير الزناتي بأن ينتظرني بعربية مكيفة تحت الطيارة مباشرة...
                   |Articles |News |مقالات |بيانات

14-06-2009, 02:26 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    إمتداداً لمسألة تلطيف الاجواء
    موسى عيسى بسلم عليكم وقال ليكم الحسنة معطت شنب الاسد
    والصبر على بنات الشيخ بمعط الاسد زاتو

    Quote: حكى أن بعض الصالحين كان له أخ في الله ،وكان من الصالحين، يزوره في كل سنه مرة ، فجاء لزيارته ،فطرق الباب فقالت امرأته : من ؟ فقال : أخو زوجك في الله جئت لزيارته، فقالت : راح يحتطب ، لا رده الله ولا سلمه، وفعل به وفعل – يعني دعت عليه – وجعلت تذمذم عليه – أي تذمه – فبينما هو واقف على الباب وإذا بأخيه قد أقبل من نحو الجبل ،وقد حمل حزمه من الحطب على ظهر أسد وهو يسوقه بين يديه ،فجاء فسلم على أخيه ورحب به، ودخل المنزل وأدخل الحطب، وقال للأسد : اذهب بارك الله فيك، ثم أدخل أخاه، والمرأة على حالها تذمذم وتأخذ بلسانها ، وزوجها لا يرد عليها ، فأكل مع أخيه شيئاً ، ثم ودعه وانصرف ، وهو متعجب من صبر أخيه على تلك المرأة . قال : فلما كان العام الثاني جاء أخوه لزيارته على عادته فطرق الباب فقالت امرأته : من بالباب؟ قال :أخو زوجك فلان في الله ، فقالت : مرحباً بك وأهلاً وسهلاً اجلس ، فإنه سيأتي إن شاء الله بخير وعافية . قال :فتعجب من لطف كلامها وأدبها ، إذ جاء أخوه وهو يحمل الحطب على ظهره فتعجب أيضاً لذلك ، فجاء فسلم عليه ودخل الدار وأدخله وأحضرت المرأة طعاماً لهما وجعلت تدعوا لهما بكلام لطيف ، فلما أراد أن يفارقه قال : يا أخي أخبرني عما أريد أن أسألك عنه . قال : وما هو يا أخي ؟ قال : عام أول أتيتك ، فسمعت كلام امرأة بذيئة اللسان قليلة الأدب ، تذم كثيراً ورأيتك قد أتيت من نحو الجبل والحطب على ظهر الأسد ، وهو مسخر بين يديك ، ورأيت العام كلام المرأة لطيفاً لا تذمذم ، ورأيتك قد أتيت بالحطب على ظهرك فما السبب ؟ قال : يا أخي : توفيت تلك المرأة الشرسة وكنت صابراً على خُلقت وما يبدو منها . كنت معها في تعب وأنا أحتملها ، فكان الله قد سخر لي الأسد الذي رأيت ، يحمل عني الحطب بصبري عليها واحتمالي لها ، فلما توفيت تزوجت هذه المرأة الصالحة ، وأنا في راحة معها فانقطع عني الأسد ، فاحتجت أن أحمل الحطب على ظهري لأجل راحتي مع هذه المرأة المباركة الطائعة
                   |Articles |News |مقالات |بيانات

14-06-2009, 02:48 PM

جلال عثمان
<aجلال عثمان
تاريخ التسجيل: 13-09-2008
مجموع المشاركات: 1734

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: جلال عثمان)

    يالرشيد بمناسبة الحرارة الشوتنا اليومين ديل
    بعد اداء شعائر العمرة ونحنا متكلين كدة ناحية المروة لاخذ قسط من الراحة
    التفت على الوالد لقيتو ليك متضايق من الحرارة قلت ليهو شنو ياحاج الظاهر عجزت
    قال لي بنهرة كدة ماشايف الجو ده حار كيف، اها اخوك عاوز يرطب الجو قلت ليه
    ياحاج كفاية انك في بيت الله الحرام - أها الحاج كثافتو جات قام قال لي وطيب
    اذا بيت الله الحرام كدة امال انتو بيتكم كيف ...
    اها باقيلك ده زول بقعد ستة شهور ....
                   |Articles |News |مقالات |بيانات

14-06-2009, 02:47 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد عيد)

    أحد الزملاء الزقازيقين أرسل لي هذا
    بس علشان خاطر طارق جبريل يسل سيفه عليهم
    ======================================



    من غير زعل الشوايقة‏ والرباطابية




    ________________________________________
    ..
    امام شايقي في الركعه الاخيرة سمع واحد جاي يحصل الركعة سلم واقف.



    ..
    تلاته شوايقه مشو البحر واحد قالهم نغطس البيطلع قبل رفاقتو يغدينا كلهم
    التلاته ماتو.



    ..
    بتاع فرن شايقي ! جاهو شحاد
    قال ليهو والله لي تلاتة يوم ما ضقت طعم العيش
    الشايقي قال ليهو ياهو ذاااااااااااااااااتو ما اتغير.


    ..
    شايقي راكب حمار شاف بت رباطابية حلوة شديد قال ليها: أول مرة اشوف رباطابية حلوه كده.. قالت ليهو: اول مرة اشوف حمار طابقين.



    ..
    شايقي مشى يسجل ولده في المدرسة قالوا ليهو: المدرسة بي خمسمائة ألف والبص بي تلاتين ألف!!
    قال ليهم: خلاص سجلوه لي في البص.




    !!
    رباطابي فاتح بقالة جاهو واحد قال ليهو: اديني جبنة بي مية جنيه!! قال ليهو بي مية دي إلا كان اوزنها ليك بي ام شبتو!!.




    شايقي كتب في وصيتو ادفنونى جنب الجعلي لمن سالوه لي قلت كدي ليه قال عشان يوم القيامه الجعلي بقول حرم الحساب علي.




    قالو جعلي وشايقي جيران الشايقي عندو خروف مسميهو الجعلي
    شابكو ليك الجعلي اكل البرسيم الجعلي ربطتو الجعلي مرق جيبو وكدا
    يوم الخروف طلع من البيت مسكو الجعلي شلخو ليك شايقي ورماهو ليهو بالحيطة.





    مرة واحدة رباطابية بتقول لزوجهاا مش انت بتصور الستات
    متصورني زيهم قالها اعمل ايه بالصورة وانا معايا العفريتة.





    في شايقي وجعلي وربطابي ظهر ليهم الجن في الخلاء قال ليهم كل واحد يطلب امنية وحنفذها ليهو الجعلي قال ليهو بدور امشي السعودية نفذ ليهو امنيتو الرباطابي ما حنين قال ليهو بدور اشوف امي نفذ ليهو امنيتو جا دور الشايقي قال ليهو تجيب لى الاتنين ديل هسي هنا .



    رباطابي قروشو وقعت منو بالبلكونه وقت نزل لقاها ما موجودة عارفين ليه لانو وصل قبلها.




    رباطابية فتحت جواز راجلها لقت مكتوب مهنتو رجل اعمال قامت مسحت اعمال وكتبت عوضيه.
                   |Articles |News |مقالات |بيانات

14-06-2009, 03:51 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ميسرة سيد أحمد)

    سلامات يا ناس

    نكتة...


    تلاتة حاجات بلدياتنا جايوهم الخرطوم بى عربية مكندشة

    فى ايام صيف خترى ..دخلوهم بيت مكندش..الاوضة سااااااااقطة

    بعد فطرو وشربو القهوة فى السقط ده واحدة قالت ليهم يا بنات

    امى بالبرودية دى ما نختف كراعنا للكلاكلة
                   |Articles |News |مقالات |بيانات

14-06-2009, 05:07 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: محمد صديق)

    Quote: اذا بيت الله الحرام كدة امال انتو بيتكم كيف ...
    اها باقيلك ده زول بقعد ستة شهور ....


    و الله يا جلال الحاج ده شكلو كدة طريقة لعبه ايطالية...دفاع منطقة كامل وبيعتمد على الهجمات
    المرتده...فانت يا أخوي قبل ما ارتد للسودان بليل أحسن أعمل ليك خطة ذكية...أبدأ مع الحاجة
    أول حاجة بتعليم المهارات الأساسية لبت الشيخ...ما تقول ليك كدي يا ولدي نبدأ بالضقيل...قول
    ليها لا...خلينا نمشي طوالي للباكورد و الشوت على الطاير...
    أسمع نصيحتي يا جلال وأبدأ بأكتر أكلات مشتهيهم وكان جبت ليك كمان ديب فريزر اضافي دكنت فيهم
    حاجات يكون أحسن...
    الحاج ده قرب يقول ليك بيت الله ما بناباهو لكن الفيك اتعرفت...

    Quote: يا بنات

    امى بالبرودية دى ما نختف كراعنا للكلاكلة


    أها يا محمد صديق دي ما البرودية القاصدة أنا ذاتي....عليك الله ما تنسى تكلم زهير معاك شكلو كده
    ما قاعد يدخل البوست ده كتير يقوم يمقلبنا ساكت...
                   |Articles |News |مقالات |بيانات

14-06-2009, 07:58 PM

omer abdelsalam
<aomer abdelsalam
تاريخ التسجيل: 07-04-2006
مجموع المشاركات: 3450

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    الف حمدالله عى السلامة ابوريم
    كفارة
    نسال الله لك العافية والعودة سالما ناشطا في مراتع المنبر كماعودتنا دوما
                   |Articles |News |مقالات |بيانات

15-06-2009, 05:36 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: omer abdelsalam)

    اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد ولك الشكر
                   |Articles |News |مقالات |بيانات

15-06-2009, 06:30 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    من منا لم يعجب برائعة الكابلي "ياضنين الوعد"
    التي انتشرت واشتهرت بالزقازيق بل وداخل جمهورية مصر العربية
    وتفرد بغنائها افذاذ كلية التجارة العملاق كمال الشادي والخلوق عاطف محمد على
    والتي احبننا سماع هذه الاغنية منهم وادمناها ... اكثر من سماعها من فنانها الأصلي
    وكان لها وقع وذكريات خاصة في نفوسنا ...

    واذكر في جمعية محراب الآداب والفنون في دورته الثالثة ...
    كنا نجهز لحفلتنا الرئيسية "اليوم المفتوم"
    وكنا نقيم البروفة والتدريبات على المسرحيات والاسكتشات في شقتنا بالمساكن
    وكان هناك نفر كبير حضورا لهذه البروفات
    واذكر منهم – دون الاستعانة بالكركم – بهاء الدين (العباسية) والسوأل العربي، وعادل عبدالرحمن، حسن بري، عابدين وخالد (كانو برالمة جداد) وكذلك المرحومة نوال محمد على وحاتم جبارة والاخت نورا (حاتم جبارة زاغ من الاشتراك ومواصلة البروفات)
    ولا بد من ذكر الكثير من الشباب الرائعة التي دعمت هذه الجمعية وعلى رأسهم محمد عيد وزاهر الصادق وعادل الزاكي والسموأل العربي ودكتور نور الدين وناجي ابو الفنون تجارة وجمال فارح ومحمد العصامي ومؤسسها حافظ ابوعاقلة .... والله العظيم هم كثر وصعب ذكرهم بالافراد ... اعذروني ...

    والاهم في الموضوع كانت - اول مرة صدفة - نتظر تجمع الشباب لبدء البروفات وكنت مشغل حينها اغنية "ياضنين الوعد" بصوت عبدالكريم الكابلي وكان تسجيل نضيف جدا "بالصدي" فاندمج الجميع بالغناء ... وتم اعادتها مرات ومرات في تلك الجلسة ... وباصرار عنيف من الحضور واذكر منهم اختنا الخلوقة نوال والحب الشديد الذي تكنه لهذه الاغنية ... والتي كانت تصر دائما على تشغيلها في جميع التجمعات للجمعية ... حتي صارت عادة لنا جميعا لابد من سماع هذه الاغنية اكثر من مرة في كل الجلسات و البروفات ... وحتي نحن نجهز لليوم المفتوح بالنادي ... وكانت أيام ...



    ضنين الوعد

    يا ضنين الوعد أهديتك حبى

    من فؤاد يبعث الحب نديّا

    إن يكن حسنك مجهول المدى

    فخيال الشعر يرتاد الثريّا

    كلما اخفيته فى القلب تنبىء

    عنه عيناك ولا يخفى عليّا

    أنا إن شئت فمن أعماق قلبى

    أرسل الألحان شلالا رويّا

    وأبث الليل أسرار الهوى

    وأصوغ الصبح ذوبا بابليّا

    لا تقل إنى بعيد فى الثرى

    فخيال الشعر يرتاد الثريّا

    كان بالأمس لقانا عابرا

    كان وهما.. كان رمزا عبقريا

    كان لولا أننى أبصرته

    وتبينت إرتعاشا فى يديّا

    بعض أحلامى التى أنسجها

    فى خيالى وأناجيها مليّا

    ومضة عشت على إشراقها

    فانقضت عجلى وما أصغت إليّ

    كلمة خبأتها فى خافقى

    وترفقت بها برا حفيا

    من دمى غذيتها حتى غدت

    ذات جرس يأسر الأذن شجيا

    وافترقنا وبعينىّ المنى

    قالها الدمع فما أبصرت شيئا

    إن تكن أنت جميلا فأنا

    شاعرً يستنطق الصخر العصيا

    أو تكن انت بعيدا عن يدى

    فخيالى يدرك النائ القصيا



    الشاعر السودانى / صديق مدثر
                   |Articles |News |مقالات |بيانات

15-06-2009, 08:01 AM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ياسر نجيلة)

    صبحكم الله بالخير يا وجوه الخير

    الأخ/ عمر عبدالسلام ، نشكركم على مروركم
    والسؤال عن صاحبكم والذي لم يعاود نشاطه بعد

    Quote: اعتذر يا شباب للغياب
    لازمت السرير الابيض منذ اسبوع ولا زلت
    دعواتكم

    تعود بالسلامة يا طارق ،،،،،،،،،،

    أتمنى أن يعود الشاب النشط - جلا -
    إلى البوست لأداء مهامة وربنا يغمد
    عميد الأسرة بالمغفرة والرحمة ،،،،
    وبعدين ما تنسونا في التركة .
                   |Articles |News |مقالات |بيانات

15-06-2009, 08:07 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: ياسر نجيلة)

    يديك العافية يا ياسر نجيلة...
    عليك الله شوف جنس الكلام ده...مفردات عجيبة وخيال مدهش...
    البغيظني انه أخوانا المصريين لما يجاملونا بيقولو لينا انتو عندوكو شاعر ممتاز
    اسمو ايه..اللي بتغنيلوا أم كلثوم غدا ألقاك...آدم مين...وهكذا...
    وذلك لأنهم لم ينفتحوا علينا كما انفتحنا عليهم...ولم يطلعوا على هذه الدرر...والله
    لو اطلعت عليها أم كلثوم لما غنت لغير الشعراء السودانين...

    لكن بقول ليهم...المشتهي الحنيطير...يطير
                   |Articles |News |مقالات |بيانات

15-06-2009, 10:56 AM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: ناس الزقازيق ... اجدع ناس .. (Re: الرشيد بابكر)

    ياسر نجيلة
    ضنين الوعد , ادهاش وابداع عز له نظير وقل له مثيل
    مع ان الكابلى اتقطع فى هزه الأغنية
    الا ان لكمال الشادى دور عظيم وكبير فى تثبيتها فى خيالاتنا
    وكمان فى (تكثيف ) معانيها
    اظن ميسرة بيتزكر
    كيف ان بدايات ترديدها بدأت فى شقة البرلمة فى الزقازيق
    بدءا من عمارة جودة عمار زات الطوابق التسع
    مرورا بشقة المدام الفى المساكن الخلفية
    على فكرة قد لا تعرفون ان الصديق العزيز
    والزراعى السمنير (اسامة صديق مدثر )
    هو من خريجى زراعة الزقازيق
    ولكنه اكمل سنتيه الأخيرتين فى الأسكندرية
    وهو صديق عزيز وزميل عمل هنا فى الرياض
    فرصة ندعوه لزيارة البوست
    والتمتع بكتابات البرالمة من بعده
                   |Articles |News |مقالات |بيانات

15-06-2009, 12:35 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re:خواطر زول زهجان آخر الدوام (Re: منصور عبد الرازق)

    انتو عارفين انه دايما في آخر الدوام وقبل أن يتفرق الناس كل يذهب الى عيالة ماعدا
    أنا و آخرون فنذهب لنحبس أنفسنا بين أربع حوائط ونقلب في التلفزيون بين المحطات الغث
    منها والثر...هذه الفكرة في حد زاتها بتزهج...قصة الأربعة حيطان دي...ده غير ضغط العمل
    والذي أوصفه أنا بأن العمل هنا بيبدأ بنمرة خمسة وبينتهي بنمرة خمسة...ما النمر بتاعت قطر
    حلفا يا ناس مصر...نمر محول السرعة(التعشيقة)...هذا الضغط يولد الكثير من الزهج أيضا..
    ولا تصدق ان اليوم انتهى...ولا تقبل بفكرة الحبسة...و تستبعد نهائيا فكرة السواقة لساعتين ونصف الساعة..وهو الوقت الذي تستغرقة الرحلة الى أبوظبي...المهم تقوم تفش زهجك في أقرب زول
    وتمشي للأربعة حيطان...
    جلس أمامي أحد زملائي في العمل وقعدنا نرمس (نتونس)...زي ما بيقولو أهلنا الاماراتيين..
    قام قال لي أسمع في واحد جزار هنا عندو خرفان سودانية حقو تشيل معاك آخر الأسبوع للعيال
    كبرت دماغي وقلت ليهو...أسمع لي ماله الخرفان الأسترالية...عيبه لي..وليه السودانية أحسن
    من الأسترالية...أنا متأكد ان السودانية أحسن..لكن قلت أتفشى فيهو...
    أستراليا نظمت أعظم أولمبياد في تاريخ الأولمبياد...نحن نظمنا شنو...ياها سيكافا دي وفي
    مدينة رياضية لم تكتمل...
    أستراليا فيها نظام ديمقراطي منذ نشأتها...نحن مجمل ديمقراطياتنا لا تساوي عمر مهند ولدي
    أستراليا شاركت في كأس العالم وعندها هاري كيويل ومارك فيدوكا...نحن لا شاركنا ولا حنشارك
    وما عندنا زول تقدر تقول عليهو عندنا فلان ولا علان...
    لم أسمع أبدا بأنه تم ايقاف استيراد الخراف الأسترالية بينما توقفت عندنا عدة مرات...
    نظام الحجر الصحي و البيطري في استراليا غاية في التقدم...نحن عندنا شنو...
    وبرضو تقول لي الخروف السوداني أحسن من الأسترالي...

    نظر الي صديقي مليا وسكت برهة ثم قال لي....أسمع بس ان شاء الله تكون اتفشيت...
    قلت ليهو خلاص اتفشيت يالله أمشي بيتكم وأنا ماشي اتجهز لي كورة البرازيل ومصر..

    فتكم بعافية

    (عدل بواسطة الرشيد بابكر on 15-06-2009, 12:38 PM)

                   |Articles |News |مقالات |بيانات

15-06-2009, 01:21 PM

منصور عبد الرازق
<aمنصور عبد الرازق
تاريخ التسجيل: 03-05-2009
مجموع المشاركات: 2360

للتواصل معنا

FaceBook
تويتر Twitter
YouTube


Re: Re:خواطر زول زهجان آخر الدوام (Re: الرشيد بابكر)

    وقالو شنو ؟؟ التاجر لمن يفلس بيعمل شنو ؟؟
    بيفتش فى دفاتره القديمة
    وجدت هذا المقال الذى نشر لى فى جريدة الخرطوم قيل 13 سنة
    الكترابة

    شتلوك وين يا عنب ؟؟


    من طبيعة الأشياء انه لا يوجد من بنى البشر من يعرف كل شىء عن كل شىء . فحتى الأنبياء والرسل الذين اجتباهم الله واصطفاهم لتبليغ رسالاته -بمراحلها المختلفة - من ابى الأنبياء ابراهيم الخليل الى خاتمهم محمد صلى الله عليه وسلم ,كانوا يفرقون بين منزل الأحاديث التى لا يأتيها الباطل لا من خلفها ولا من امامها , وبين اجتهاداتهم التى قد تخطىء وقد تصيب ,رغم ما حباهم الله من صفات ميزتهم عن باقى البشر فاستحقوا -على اثرها - الأصطفاء من لدن العزيز المقتدر لتبليغ رسالاته الى العالمين وموسوعية المعرفة صفة تكاد تكون اما منقرضة او هى فى الطريق , اذ يتصف بها القليل النادر من بنى البشر والناس ممن يشار اليهم بالبنان , خاصة بحكم التقدم الهائل فى شتى ضروب المعرفة والعلوم والتى اخذت فى الأهتمام بتفاصيل التفاصيل فنشأت فروع علمية ومعرفية جديدة يقتضى الأطلاع عليها والألمام بمتونها وبمستجداتها افناء عمر بأكمله بين اضابير الكتب والمختبرات فى عالم اصبح التجريب فيه والملاحظة المستمرة من مرتكزات تطوره ومن اركان تقدمه الركينة فعالم اليوم اصبح للتخصص فيه الكلمة واليد العليا , واصبحت مقولات مثل (ادى العيش لخبازه ولو يأكل نصفه )و (لا يفتى ومالك بالمدينة )و (اهل مكة ادرى بشعابها ) , اصبحت كلها تكرس لهذا المعنى وتعضده فلكل مجال (مالكه ) الذى يفتيك فيه ويأتيك عنه بما لا تعلم من الأخبار والمعلومات .

    نحن فى السودان (بجانب اننا نهوى اوطاننا وان رحلنا بعيد نطرا خلانا ) ,فاننا كذلك جبلنا وعرفنا بقدرتنا اللانهائية على خلط الحابل بالنابل ,فيكثر فى كل مجالسنا (ابو العريف ) الذى يفتيك فى الدورى الأنجليزى وبطولة ويمبلدون وعن الوصفة المناسبة لمرض القرحة المعدية وفرقها الظاهر عن فرحة الأثنى عشر , ولا ينسى ان يتحدث ناقدا لآخر روايات الطيب صالح وغارسيا ماركيز والبرتو مورافيا , وينتهى بك الى مآلات الحرب الباردة وتداعيات النظام العالمى الجديد , مؤكدا ان المريخ قادر على هزيمة حتى (جورباتشوف ) لو زار السودان وابو العريف هذا له قدرة هائلة على التشكل والتحول والتحور , فيلبس لكل مقام مقابل لباسه ويتزين به , فيقنعك بعدم الفائدة من الذهاب لمعمل التحاليل الطبية لتشخيص ما تشعر به من مرض لأن (الملاريا ظاهرة وما دايرة ليها تحليل ) , وحتى على المستوى السياسى فانك تجد عسكريا صرفا وزيرا للصحة او حتى التربية والتعليم , بينما الطبيب غارق حتى اذنيه فى لعبة السياسة وزيرا للخارجية , فلا المشرط افلح فى تسيير دفة السياسة الخارجية ولا البندقية والبارود والخطط العسكرية استطاعت توفير الدواء والقضاء على الملاريا المستوطنة وحمى الوادى المتصدع .

    ومن بين فنانينا ومطربينا (عريفين ) ايضا , يتنازعوننا يمنة ويسرة , فمرة بالبدلة والكرافتة لزوم (ادينى رضاك قدامى سفر ) مساءا , ثم بالجلابية والقفطان اذا ما كان المقام والمقال (المصطفى منى ليك سلام) فى الصباح الباكر.

    ولا ننسى آفتنا الكبرى فى ذوى البدل الرسمية المرصعة بالنجوم والصقور والتيجان , فهم بحكم سطوتهم واستيلائهم على السلطة ومقاليد الأمور ,تجدهم اول من يستلم (كأس سيكافا ) من كابتن المنتخب الأولمبى , ويدلون بدلوهم فى مؤتمر الطب الوقائى , ويبعثون بمندوبهم ممثلا للسودان فى مؤتمر الحوار بين الأديان , وبمندوب آخر الى ملتقى تقنيات الزراعة الحديثة , وبثالث الى معرض تقنية المعلومات , لذلك لم يتملكنى اى استغراب وانا استمع الى مذيع الربط فى اذاعة امدرمان -هذا الصباح- وهو يطلب منا الأستماع والأستمتاع بفرقة قوات الشعب المسلحة فى مقطوعتها الموسيقية الرائعة(شتلوك وين يالعنب )


    نشرت فى جريدة الخرطوم السودانية
    بتاريخ العاشر من ابريل 1996




                   |Articles |News |مقالات |بيانات

15-06-2009, 02:20 PM

محمد صديق
<aمحمد صديق
تاريخ التسجيل: 03-05-2009
مجموع المشاركات: 3983

للتواصل معنا

FaceBook
تويتر Twitter
YouTube


Re: Re:خواطر زول زهجان آخر الدوام (Re: منصور عبد الرازق)

    سلامات يا ناس

    ياسلام يانجيلة ويا سلامين على كمال الشادى وضنين الوعد....

    الرشيد لا تلاوز...كان زهير ما فاضى نحن جاهزين ...واقول حاجة

    على الطلاق زهير ذاتو يطلع من الموضوع ده....مش السقط بس جاهزين

    لايتها حاجة....انت بس تعال حتى ولو معك آخرون...

    تجيبو سيرة الغنا منصور طوالى يطلع من غتستو...حتى مقالو الجميل

    ختمو بى شتلوك وين يا العنب!!!!!!!

    لو ألفت كلام مسجوع...

    البست عليو الحان..

    وولعت بقربو شموع...

    تكون حرضت المنص

    يفارق غتسة اسبوع

    ___________________

    يلا كملو الابيات...
                   |Articles |News |مقالات |بيانات

15-06-2009, 02:22 PM

عصام دهب
<aعصام دهب
تاريخ التسجيل: 18-06-2004
مجموع المشاركات: 10350

للتواصل معنا

FaceBook
تويتر Twitter
YouTube


Re: Re:خواطر زول زهجان آخر الدوام (Re: منصور عبد الرازق)

    تحية للناس الجدعان ..
    و صادق التعازى للاخ محمد ادم ( جلا ) و للأسرة في وفاة فقيدهم و عميد الأسرة و اٍسأل الله تعالى أن يغفر له و يرحمه و يتقبله في الخالدين و ينزله منزلة الشهداء و الصديقين و يلهم أسرته و ذويه الصبر الجميل ..

    ـ
    و ألف حمد لله على السلامة للزول الجميل د. طارق جبريل ، و كفارة و أجر و البيك يزول ، ربنا يمتعك و كل من تحب بالصحة و العافية إن شاء الله ، و ما تنقطع مننا خصمتك بي الله سيدنا ..

    ـ
    Quote: وعصام دهب حايم البوستات كلها وخالى حوشه براهو


    الحوش حوشكم .. وحقيقة الأمر إني ( ساكن ) هنا و كل ما ألقى لي فرصة بدخل أتاوق و اٌقرأ بمزززااااج و أستمتع ..
    سنايرنا الله يديهم العافية و يحفظهم بهذه المشاركات المتنوعة و الرائعة في شتى المواضيع جعلوا من هذا الحوش بستانا و واحة تزهى بكل ما هو جميل ، فالحوش محروس و مزدان بي أهله ..
    تحياتي للجميع و لكل الزقازيقاب المتاوقين ننتظر تواصلكم على ..
    [email protected]
                   |Articles |News |مقالات |بيانات

15-06-2009, 02:29 PM

ميسرة سيد أحمد
<aميسرة سيد أحمد
تاريخ التسجيل: 13-09-2008
مجموع المشاركات: 3175

للتواصل معنا

FaceBook
تويتر Twitter
YouTube


Re: Re:خواطر زول زهجان آخر الدوام (Re: منصور عبد الرازق)

    Quote: اظن ميسرة بيتزكر
    كيف ان بدايات ترديدها بدأت فى شقة البرلمة فى الزقازيق
    بدءا من عمارة جودة عمار زات الطوابق التسع
    مرورا بشقة المدام الفى المساكن الخلفية


    طبعاً يا منصور أتذكر هذه الأشياء الجميلة
    وضنين الوعد بالذات كان أغنيه تردد في كل
    محفل أو تجمع والغريبه حتى اليوم ندندن بها
    في الحمام أو السفريات الطويلة والفضل يرجع
    لعشق أخونا فنان الزقازيق كمال الشادي ، فتركت
    في نفسنا إنطباع أقوى من صاحبها الكابلي , وأيضاَ
    قوة كلماتها كان لها دور ممتاز في لصق الأغنية في
    مسامعنا وجرت مموسقة في أحاسيسنا، بالله تحسسوا معي
    هذه المناجاة الجميلة والتخاطب الوجداني هذا:

    إن تكن أنت جميلاً فأنا

    شاعرَ يستنطق الصخر العصيا

    أو تكن أنت بعيداً عن يدي

    فخيالي يدرك النائ القصيا


    الشاعر ده قلب هوبه خياله خصب

    Quote: عندوكو شاعر ممتاز
    اسمو ايه..اللي بتغنيلوا أم كلثوم غدا ألقاك...آدم مين...وهكذا...


    رشيد القوم كمل جميلك ونزل لينا كلمات الأغنية دي!
                   |Articles |News |مقالات |بيانات

15-06-2009, 06:26 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: Re:خواطر زول زهجان آخر الدوام (Re: ميسرة سيد أحمد)

    يا ريس لعيونك

    أغدا ألقاك يا خوف فؤادي من غدى
    يالشوقى واحتراقي في انتظار الموعد
    آه كم أخشى غدي هذا وارجوه اقترابا
    كنت استدنيه لكن هبته لما أهابا
    واهلت فرحة القرب به حين استجابا
    هكذا احتمل العمر نعيما وعذابا
    مهجة حاره وقلبا مسه الشوق فذابا



    أنت يا جنة حبي واشتياقي وجنوني
    أنت يا قبلة روحي وانطلاقي وشجوني
    أغدا تشرق أضواؤك في ليل عيوني
    آه من فرحة أحلامي ومن خوف ظنوني
    كم أناديك وفي لحني حنين ودعاء
    يا رجائي أنا كم عذبني طول الرجاء
    أنا لولا أنت أنت لن احفل بمن راح وجاء
    أنا أحيا بغدى الان و بأحلام اللقاء
    فأت أو لا تأت أو فافعل بقلبي ما تشاء



    هذه الدنيا كتاب أنت فيه الفكر
    هذه الدنيا ليالى انت فيه العمر
    هذه الدنيا عيون أنت فيها البصر
    هذه الدنيا سماء انت فيها القمر
    فأرحم القلب الذي يصبو اليك
    فغدا تملكه بين يديك
    وغدا تأتلق الجنة أنهارا وظلا
    وغدا نسمو فلا نعرف للغيب محلا
    وغدا ننسى فلا نأسى على ماض تولى
    وغدا للحاضر الزاهر نحيا ليس الا
    قد يكون الغيب حلوا
    انما الحاضر ..... أحلى

    (عدل بواسطة الرشيد بابكر on 16-06-2009, 05:56 AM)

                   |Articles |News |مقالات |بيانات

15-06-2009, 08:28 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


الحب يا أم سماح (Re: الرشيد بابكر)

    في أمسية من أمسيات أبوظبي الجميلة كنا في زيارة الدكتور عزالدين هلالي...وعند وصولنا وجدته يهم بالخروج فقال لي انه ذاهب لزيارة الشاعر الراحل حسن الزبير..وكان وقتها في زيارة ابنة في أبوظبي
    طلب مني دكتور عزالدين مرافقتة...فقلت يا سلام حسن الزبير مرة واحدة هذه فرصة لا تأتي مرتين أن ألتقي بشاعر ما بنختلف..صياد النجوم..من حسه بقيت تنسى.. لابتواصلي لا بتفاصلي لا بتلومي و العديد من الأغنيات التي رددها عدد مقدر من الفنانين السودانين ورددها الشعب السوداني...
    دخلنا الي بيت ابن الراحل وقابلت حسن الزبير فوجدتة أصغر حجما مما كان يبدو علية في التلفزيون وصوته أضعف أيضا ولكنه يسمع الجميع يتكلم ويشعر ويحكي قصصا عن قصائدة متى نظمها وكيف ولماذا...ان الجلوس اليه متعة لا تضاهيها متعة..تتمنى أن يتوقف الوقت و أن لا ينفض المجلس...لقد ورث عرش عتيق لا شك في ذلك ثم لم ينصب خليفة بعده عند رحيله..
    يحكى أنه تم تقديم الشاعر حسن الزبير للشاعر الكبير ود الرضي ليجيزه كشاعر فقال له اسمعنا شعرك فقرا حسن الزبير بعض قصائده...
    فقال له ود الرضي: كويس ما بطال لكن انتوا اولاد الزمن دة بتختاروا القافية الساهلة، تقدر تكتب في قافية صعبة زي الضاد....
    فغاب حسن الزبير أياما وعاد بقصيدة الحب يا أم سماح ليسمعها لود الرضي لذي طرب لها والبسه طاقيته كناية عن الرضا...
    قابلته بعد ذلك عدة مرات في منزل دكتور عزالدين وسافر الى السودان دون أن أتمكن من وداعه ولكنه ترك لي مع دكتور عزالدين ديوانه ممهور باهداءه ...ألا رحم الله الراحل المقيم الشاعر الكبير حسن الزبير..

    الحب يا ام سماح
    مو غي غني وعرضه
    مكتوب فوق رقاب اليابا واليرضي

    يامعني العمر في عمري والومضه
    ارحمي حال اسير سلم سلاحو مضي
    لازمني السهاد في صحوي والغمده
    والطيف العنيد عامل علي عمده

    هل صارف النظر عني كمن غض
    عن مأسور وبي وحي الحيا غض
    يا ام شوقا غلب لمضاجعي قض
    طرفك ان طفر يرمي وان غض

    فاهك ان نطق يا عزه لا فض
    فاطرك يفتري المكنون والفضه
    اماتك يقولن يا الله تحفضه
    وكل جامعا يلم لي عيرها ينفض

    يامعين من عينيك يا
    ايه يافرضه
    ليه للناس عطوفه ولينا معترضه
    يالوصلك محال مابتنقطف ورده
    ومابصدي الاصيل لو الدهب صدي
                   |Articles |News |مقالات |بيانات

15-06-2009, 09:47 PM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


شين ودشن (Re: الرشيد بابكر)

    الليله مليتكم شعر...الظاهر علي لحدي ما يرجع جلا ويسافروا خبراء جلال..حأقدل براي بالليل
    و أحمل البوست على عاتقي حتى لا يتردى الى صفحات دنيا...
    و دي القصيدة التالتة والأخيرة للراحل صلاح أحمد أبراهيم

    شين ودشن
    حر سيافى شين
    شين ودشن
    كلمة مافى شين
    وهظاروا خشن
    بسموم وسوافى
    تسال شن الحبة الفيهو
    الحب في زاتو مبرر كافي
    ماشين ودشن
    حار سيافى شين
    عشان بقعة خراب
    مافيها شجر
    راويها سراب واطاطا حجر
    حصحاصا يولع في الرمضاء
    الحب سلطان مسلط نافى
    لغيروا مرض لكن شافي
    الشعب الحر الفعلو بسر
    آب لحما مر
    في الزنقة أم لوم قدام ميلين
    البسمع فيهم يا أبو مروة
    بي فرارة ينط من جوة
    يبادر ليك من غير تأخير
    دا اخو الواقفة يتعشى الضيف
    الحافظ ديمة حقوق الغير
    سيد الماعون السالي السيف
    الهدمو مترب وقلبو نظيف
    لا تسالنى عن حب وطني الفقران وغنى
                   |Articles |News |مقالات |بيانات

15-06-2009, 10:36 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: حسن الزبير (Re: الرشيد بابكر)

    يا الله عليك يا رشيد ..
    فقد مسست وترا يثير اشجانا عميقة
    وينداح نازفا بقيثارة الجمال ..
    حزنــا يستثير الكوامن الجرحى ..
    حسن الزبير .. قيثارة الفرح
    ومعزوفة الشجن .. ولحن الجمال الذى
    ذاع صداه فى احاسيس اجيال عديدة
    كانت تستطعم الامل وتتذوق الفرح
    وتشدو بالجمال والفرح ..

    حبيبى ابو مهند .. قد لا تعلم اننى تربطنى بالراحل حسن الزبير
    رابطة تثير كثيرا من الم الذكرى ..
    حسن الزبير كان صديقا عزيزا لوالدى – رحمه الله - وكان زميلا له
    حيث كانا يعملان معا فى مجلس الوزراء ..
    واذكر وانا ما زلت يافعا اننى كثيرا ما كنت فى اجازات المدارس
    أصطحب والدى الراحل
    الى مقر عمله.. وكنت طوال تواجدى معه
    اقضى يومى فى مكتب حسن الزبير .. الذى كان يفرح كثيرا بوجودى معه
    وعلى الدوام كان يردد على مسامعى كلماته الشهيرة ..
    وكانت .. لا بتواصلى ولا بتفاصلى مثل السؤال الاجبارى
    وكثيرا ما كنت الح عليه لالقاءها بصوته الرخيم ..
    وما ان يبدأ فى القاءها الا ويتجمع زملاؤه فى المكاتب المجاورة
    وكانوا يقولون لى ان حضورك يجعل ود الزبير يحيل المكتب الى جمال
    كما اننى ادين للراحل بأنه اول من علمنى الطباعة على الآلة الكاتبة tipe writer
    واخيرا كان هناك حدثا لا أظنك تذكره رغم انك كنت حضورا فيه ..
    ففى ايام زواجى .. وفى ليلة الحنة التى كنت انت والعزيزة نجاة ولفيف من زملاءنا
    حضورا لها بمنزلنا بشمبات ..
    كان الراحل حسن الزبير قد القى فى فاصل الحفلة بعضا من أشعاره
    كما انه اذاع فى الميكرفون انه سيلقى بقصيدة لا يتواصلى
    هدية منه للعريس محمد عيد الذى يعتبره من اكثر احباب هذه القصيدة ..
    ..
    وسبحان الله .. عندما توفى والدى - رحمه الله - فجأة فى يناير 2004
    وعند ذهابى للسودان لتلقى العزاء ..
    زارنى الراحل معزيا .. وما ان رآنى الا واحتضننى بشدة
    ودخل فى نوبة بكاء ونحيب ما زالت اصداءه تتردد فى دواخلى حتى اللحظة
    واذكر كلماته لى .. بأن هذا عام الاحزان .. وعام تساقط الاشجار المورقة
    ورحل حسن الزبير بعدها بشهور وقبل انقضاء ذلك العام الكئيب ..
    ..
    رحم الله استاذنا الرائع .. حسن الزبير
    ورحم الله والدى الذى كان على الدوام يعتبره أخاه الذى لم تلده امه
                   |Articles |News |مقالات |بيانات

15-06-2009, 10:39 PM

محمد عيد
<aمحمد عيد
تاريخ التسجيل: 03-05-2009
مجموع المشاركات: 2005

للتواصل معنا

FaceBook
تويتر Twitter
YouTube


Re: حسن الزبير (Re: الرشيد بابكر)



    معذرة للتكرار

    (عدل بواسطة محمد عيد on 15-06-2009, 10:56 PM)

                   |Articles |News |مقالات |بيانات

16-06-2009, 05:25 AM

ياسر نجيلة
<aياسر نجيلة
تاريخ التسجيل: 30-08-2006
مجموع المشاركات: 1798

للتواصل معنا

FaceBook
تويتر Twitter
YouTube


Re: حسن الزبير (Re: محمد عيد)

    Quote: فلا المشرط افلح فى تسيير دفة السياسة الخارجية ولا البندقية والبارود والخطط العسكرية استطاعت توفير الدواء والقضاء على الملاريا المستوطنة وحمى الوادى المتصدع


    والله يامنصور الجملة دي بالذات في مقالك سرحت فيها ...
    حتي تداخلت عليا سنون الدنيا كلها ...
    وتذكرت معانات بلدنا الابديه ...
    وكيف كثرت مصائب هذا الشعب ... حتي اعتقد ان الحياة عبارة عن سلسلة مآسي ومعاناه ...
    الى متي ... ربنا يكون في العون ...

    حبيبنا الرشيد بابكر ...
    اضحت مداخلاتك المتنوعة في الفن والشعر
    الواحة التي نركن اليها كل يوم ...
    لنستكين فيها ...
    واصل خياراتك البهية وكلنا جلوس نصغي ...

    شوف ود عيد جاك طائر بدموعو كيف عندما عزفت على اشعار استاذنا الكبير / حسن الزبير
    ولا طلب ريسنا ميسرة لكلمات غدا الغاك ...
                   |Articles |News |مقالات |بيانات

16-06-2009, 05:47 AM

الرشيد بابكر
<aالرشيد بابكر
تاريخ التسجيل: 24-01-2009
مجموع المشاركات: 5002

للتواصل معنا

FaceBook
تويتر Twitter
YouTube


Re: حسن الزبير (Re: ياسر نجيلة)

    أصبحنا و أصبح الملك لله..لا شريك له..لا إله إلا هو و إليه النشور-
                   |Articles |News |مقالات |بيانات


1 صفحة 33 „‰ 101:   <<  1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de